❤ تقديم ❤
الحياة عبارة عن عدة أختبارات لازم نمرو منها و نخرجو بيها بدرس لي كيفيدنا حياتنا كاملة وهادشي لي غادي وقع مع ابطالنا.
هاجر البطلة ديالنا كثلة من الانوثة و الاحاسيس و لكن دائما ناس لي كيسيروها فتاة حالمة بحال اي بنت فسن ديالها عاشت وسط قمع أبوي و لكن دائما كتقول غدا أيكون حسن واش هادشي لي غادي يطرى او العكس؟
جلال الرجل المستهتر عندو البنات بحال الدمى كل نهار مع وحدة شكون خلاه هكا؟ شخص عصبي و كيبغي كلمتو هي لي تكون عمرو تفرضت عليه شي حاجة ولكن ليوم مجبر انو يسمع وينفذ باش يوصل لمصلحتو.
فنظركم اش كيتسنا هاد الزوج لي غادي يجمعهم القدر برابط مقدس لي هو زواج ولكن تحت بنود و شروط ليسمى بزواج المصلحة.
أقامة فخمة فأحد شقق جالسة بطلتنا على سجادة ديالها كتصلي لابسة اسدالها وكذكر ماتيسر من الذكر الحكيم من بعد مكملت صلاتها خرجت عند أب ديالها عبد الرحمان رجل في أواخر الخمسينات النور على وجهو كيشوف بنتو لي ولدها مع مرتو أولى هولندية من خلال علاقة عابرة ملي عرفها حاملة تزوج بيها حيت كان مشى يكمل قرايتو تما من مور متوفات بالسرطان وكمل دراستو رجع لمغرب يقابل أعمال الأب ديالو مع خوه وتزوج لمرة ثانية عزيزة بنت خالو انسانة راقية و كتعرف بينها بين الله عندها 55 سنة طلقت من زوجها أول بسباب علاقاتو العابرة الكثار كانت والدة معاه ولد سميتو جلال ملي تزوجت قرر جلال يعيش مع الاب ديالو فالخاريج بضبط أمريكا كينزل لمغرب كل عام يجلس معاهم 3 شهور ديال العطلة و يرجع بحالو.
هاجر بنت اية من الجمال شعرها عسلي فايت المؤخرة بشرة بيضاء بملامح طفولية عيون عسلية طاي عندها من كل حاجة حقها عندها 20 سنة غير الدار لأب ديالها مانع عليها لخروج أو صحابات حتى انو فرض عليها الخمار لي كيكون مغطي كلشي حيت جمالها لايقاوم خاف عليها من الناس و من شباب اليوم ولكن لخوف الزايد كيربي شخصية ضعيفة وهشة حتى انو جلال عمرو شافها ملي كانت عندها خمس سنوات و هو 20 سنة مور واحد الحادث لي داز عليه دابا 15 سنة تعرفوه مع أحداث القصة.
هاجر:بابا ممشيتيش لشركة ليوم يكما عيان؟
عبد الرحمان: كيدوز يدو على شعرها لا بنتي عندي شي مشاكيل قررت رتاح ليوم.
هاجر: متخممش يكون خير.
عبد الرحمان: تنهد باذن الله اش بان ليك نخرجو ليوم مور الغدا.
هاجر: لي بان ليك شوف مع ماما.
عزيزة: مدخلة صينية فيها اتاي وشوية الفاكية حطتها وبدات تخوي ليهم لي بان ليكم وحتى هاجر شحال مخرجات منها تبدل الجو.
عبد الرحمان: نتغداو و نخرجو.
فعلا غير تغداو ركبو فسيارة من نوع رونج روفر و تحركو لواحد مقهى عائلي كل واحد خدا اش بغى حتى ناض اب هاجر كيسلم على اخ ديالو علي كبر منو بعام.
علي: هي مخرج مالين دار اش طرا وجرى.
عبد الرحمان: بغيت يبدلو الجو نتا اش كدير هنا؟
علي: اوا راني جيت داير مع شي كليان على ود صفقة جديدة اجي بعدا سمعت عندك شي مشاكيل فالشركة مع شريك ديالك أش ثم.
عبد الرحمان: غدا و نهضرو فهاد الموضوع فقهوتنا سير دابا كمل شغلك.
علي: توادع مع خوه و سلم على عائلتو و مشى.
من بعد مفوجو شوية خاصة هاجر رجعو لدار كل واحد دخل لبيتو يرتاح.
أصبحنا و أصبح الملك لله فاقت هاجر قبل عبد الرحمان صلاة لفجر وتوجهت لكوزينة جهزت لفطور مسمن و بغرير و حسوة و اتاي فطرو مجموعين و خرج عبد الرحمان يتلقى خوه فالمقهى كيف تافقو البارح عاد يمشي الشركة.
في المقهى☕
علي: اوا اش تم بنتي لي لبارح ماهواش مالك؟
عبد الرحمان: شريكي باغي يتناسب معايا باغي هاجر لولدو صغير ونتا عارفو كل نهار بنت وعاد كيشرب معندوش مستقبل معول على باه.
علي: ميليقش ليها وكن مكانو ولادي مزوجين كن زوجتها لواحد فيهم حتى نتا خانق البنت حتى قريتها مخليتيها تكملها كيف لبنات لي فسنها و تشوف دنيا.
عبد الرحمان: راه غير عوينة لي كنكساب انا خفت عليها من ولاد لحرام مزال متنسى لي اش طرا فصغرها كن مجلال الله يرضي عليه.
علي: اوا دابا اش غادي دير؟
عبد الرحمان: صراحة حرت حتى الى قلت ليه لا بلى سبب راك عارفو ينزل شركة لأفلاس راك ولد سوق وعارفو كيف داير.
علي: عرفتي اش غادي دير عطيني ودنك …. هادا هو الحل الوحيد.
عبد الرحمان: كظن انو يبغي راك عارف هو معيش معانا وعاد معرفش كيف داير و حتى البنت كيف تعيش معاه.
علي: بلعكس هنا فين خصك تشجع دري منكم و فيكم مغاديش يقدر يأديها وتقدر تبقى معاكم بلا متمشي معاه لخاريج.
عبد الرحمان: اوا راه بقى ليه نيت غير أسبوع و ينزل لمغرب و ندوي معاه و يكون خير.
كمل علي و عبد الرحمان قهوتهم وكل واحد مشى لشغلو توجه عبد الرحمان مباشرة لشركة دوى مع شريكو يخلي ليه اسبوع بينما فاتح هاجر ويرجع عليه الخبار.
فالمساء فدار عبد الرحمان🏠
مجموع مع مرتو و بنتو كيتعشاو من بعد مسلاو ناضت هاجر جمعت طابلة وغسلت الماعن ولو مسك عليهم الله ولكن ضد فكرة تكون عندهم خدامة فالدار كلشي كيديروه هي و عزيزة توجه عبد الرحمان هو مرتو لبيتهم
عبد الرحمان: عزيزة بغيت نفاتحك فواحد الموضوع ناخذ رأيك فيه
عزيزة: ايه شنو عندك اصلا هاد ايام بنتي لي ماشي على برجك
عبد الرحمان: شريكي بغى هاجر لولدو صغير صراحة هو ميليقش لبنت سكيري عاد كل نهار بنت معول على باه انا مبغيتش بنتي تكرفس لي حميتها من الدنيا و الوقت خفت الى رفضت بدون سبب يخلق لي مشكل فالخدمة
عزيزة: اوا اش غادي دير؟
عبد الرحمان: صباح تلقيت مع علي وقال لي واحد رأي بغيت نقولو ليك.
عزيزة:الصمت
عبد الرحمان: رجع يكمل هضرتو هو قالي علاش منطلبش من جلال يتزوجها هو منا و فينا ممكن يخلي البنت عندنا و يرجع لأمريكا الى بغى يديها معاه.
عزيزة: يعني زواج مصلحة و صافي بينما شريكك سد على الموضوع واخة نقولو جلال وافق مسولتيش راسك ديك لبنت لي ديما محكم فحياتها حتى من قرايتها مخليتيها تكملها بحال لبنات حبسها وسط ربعة الحيوط أش ظمن ليك جلال يصون الأمانة لي غادي تعطيه هو اه ولدي ولكن راه كابر مع باه يعني غادي يكون واخد من صيفاتو انا هاجر كبرتها على يدي منبغيش شي حاجة ضرها او تكرفس فحياتها.
عبد الرحمان: و المعمول؟
عزيزة: خلي يجي جلال و ندوي معاه شحال بقى ليه غير أسبوع و يدخل لمغرب و يكون خير انا راه منعطيها ليه حتى نكون مطمئنة عليها.
عبد الرحمان: ان شاء الله خير نعسو كل واحد فاش يخمم عبد الرحمان يخمم فبنتو مبغاهاش تزوج بولد شريكو و تكرفس و عزيزة كتفكر فولادها بزوج هاجر عزيزة عندها و حسباها بنتها و جلال ولد كرشها و لكن تربى مع اب زهواني و سكيري و قمار خافت ليكون واخذ من طبع الأب ديالو بينما هاجر باست واحد الصورة فتلفون عندها وقالت زعما شي نهار نتجمعو موحال حتى واش حاس بيا نزلت دمعة على خدها وكملت من نهار عتقتيني ونتا فارس احلامي موراها نعست معرفاش اش طاري من موراها.
في مكان بعيد على المغرب أمريكا في غرفة مظلمة ناعس على كرشو و مخشية فيه بنت شقراء شعرها قصير مغطيين غير بأزار ساترهم هدا هو جلال بطل قصتنا فعمرو 35 سنة راجل بملامح شرقية حروف كحلين و عيون سوداء لحية خفيفة فورمة رجالية لي شافتو كتحل فمها خاصة انو رجل أعمال معروف فأمريكا عاشق الفتيات كل نهار وحدة معندوش كلمة حب فالقاموس ديالو كبر مع الاب ديالو حقدو فالعيالات كل مرة يوسوس ليه فراسو حتى طلاق أب و الأم سبب ليه هزة نفسية خاصة كان فسن المراهقة كيحتاج لحنان الأم ولي يوجهو و ينصحو عاش مع الاب ديالو لقاه ممسوقش ليه كل مرة مع بنت فشكل كون راسو بوحدو دار شركة خاصة بيه في مجال الهندسة المعمارية حتى جاه اتصال ناض حال عين وساد عين جاوب
جلال: ألو
الشخص: راه قالي بعد أسبوع يجاوبني
جلال: اممم معرفتيش علاش أسبوع بضبط
الشخص: لا قالي بينما فاتح البنت فالموضوع.
جلال: اك الى كان شي جديد تصل بيا.
الشخص: واخة سيدي .
لتف على ظهرو كيشوف فالسقف ويفكر فانتقام ديالو لي زرعو باه فيه من صغر انو الام ديالو تزوجها عبد الرحمان حيت طامع فثروتها ولبلادات لي خلى ليها اب ديالهاحتى حس بقبلة على شفيفو😘
ماري: الحوار بالإنجليزية شكون تصل بيك؟
جلال: خدمتي معندكش فيها دخل.
ماري: اك بب
جلال: اجي نقوليك قربت ليه بدا كيبوس فيها رجعو لسفالتهم.
اصبحنا و اصبح الملك لله فاق جلال لقى لخدامة موجدة ليه الفطور فطر هو و ماري كل واحد مشى بحالو توجه جلال لفيلا عند الأب ديالو وخبرو بالجديد.
محمد: صباح نور ولدي
جلال:باس على يدو صباح نور وليد
محمد: وجد ليهم كاس وجلس حدا ولدو اوا شي جديد؟
جلال: راه تصل بيا شريكو لبارح و قالي بعد اسبوع يجاوبو جاتني غريبة خاصة انا بعد اسبوع نزل لمغرب.
محمد: هههه مفهمتيش واقيلة اتسهال عليك الطريق😏
جلال: وضح كثر وجغم من كاسو
محمد: عبد الرحمان غادي يطلب منك تزوج بنتو.
جلال: كيفاش لا مموافقش انا مباغي زواج اه نتاقم منو حيت بعد الأم ديالي عليا و خدا فلوسها ولكن باش نتزوج بنتو لا ونتا عرفني بحال لحوت الى خرجت من ماء نتخنق حياتي هكا مرتاح فيها مع غمزة😉
محمد: بلعكس غادي توافق حيت هادا ماشي اي زواج هدا زواج مصلحة دكشي لي مغاديش يقدر يديرو ولد شريكو غادي ديرو نتا ف 3 شهور وترجع بحالك ملي يكمل عام طلقها المهم نشوف عبد الرحمان مدلول قدامي ورجع ليه كية ثلاثين عام هادي ومتنساش شحال وحنا كنخطو يعني هادي الفرصة.
جلال: حتى انا نتاقم اني كبرت بلا أم كيفاش تخلات عليا وتزوجت واحد اخر وزيدها كاتبة ليه ثروتها وهاجر هي نقطة ضعفو غادي رجعها خدامة تحت رجلي اما باش نقرب ليها لا خاصة مور داك الحادث لي كان طرا وعلى وجهو ملامح الاشمئزاز.
بعد مرور أسبوع ⬅️
نازل من الطائرة القادمة من امريكا هاز شانطة فيدو بلباس كجوال خرج من المطار من بعد مكمل الاجراءات خدا طاكسي نيشان لدار عند الام ديالو وصل خلص سائق نزل حقيبتو طلع فسانسو وتوجه لشقة رن الجرس توجهت عزيزة تحل الباب و هي كتمسح يدها فسربيتا
عزيزة: حلت الباب و تصدمت جلال ولدي على سلامة عنقاتو حتى هو بدلها العناق علاش مقلتيش لي ليوم جاي كون مشى عمك عبد الرحمان يستقبلك دخلاتو لصالون.
جلال: جلس فصالون مكاين لاش الوليدة هانا وصلت بخير و زيدون راني راجل و قاد براسي كيدور راسو فالدار واش مكاين حد
عزيزة: هاد ساعة كاينة انا و هاجر راه فبيتها.
جلال: مزيان
عزيزة: نوجد لولدي اتاي انا نقولها لهاجر تخرج تونسك
جلال: بلاش خليها انا اصلا عيان باغي رتاح
عزيزة: راه بيتك كيف خليتيه هادي 9 شهور كيف باقي نوض دوش ورتاح بينما جى عمك ونتغداو مجموعين.
جلال: اك توجه لبيت حل ريدوات نفس البيت دخل دوش و خرج حل الشنطة هز منها شورط لبسو و تلاح فوق النموسية يرتاح من السفر.
اما عزيزة توجهت لبيت هاجر لقاتها شادة مصحفها كتقرى فيه راه جلال جى ابنتي غير باش تاخدي احتياطاتك ملي تبغي تخرجي من البيت
هاجر: حست بالسخفة و الفرحة تخلطو عليها الاحاسيس واش جى بصح ووجها تزنك بالحشمة من طريقة باش قالتها.
عزيزة: ستغربت من ردة فعلها اه ابنتي راك عارفة كيدوز 3 شهور من كل عام عندنا.
هاجر: اه على سلامتو يكما تبغي نعاونك فشي حاجة.
عزيزة: دوزت على راسها بلاش أبنتي الله يرضي عليك خرجت من البيت و علمت عبد الرحمان لي فرح بقدوم جلال خاصة كيشوف فيه طوق نجاة لي غادي يعتق بنتو من ولد شريكو وصل وقت الغداء دخل عبد الرحمان من الباب جايب ديسير حطو فالكوزينة لقى جلال فالصالون هو و عزيزة سلم عليه و من بعد سؤال عن الحال و الاحوال تطرقو لعدة مواضيع حتى خرجت هاجر بخمارها مكيبان منها والو لقات سلام عليهم ورحبت بجلال من بعيد و جلست جنب عزيزة حطو الغداء توجهت هي لبيتها حيت ملي كيكون الزايد معاهم فالدار كتبقى غير فبيتها مكتخرجش منو وجلال كيبقى غريب عليها تغداو وجمعو طبلة جلال خرج يكري طوموبيل باش يلقى كيف يتحرك عبد الرحمان توجه لشركة.
في المساء🌆
من بعد متعشاو طلب عبد الرحمان من جلال يهضر معاه توجه معاه لبيت ديالو عبد الرحمان جلس فوق السرير و جلال واقف حداه.
عبد الرحمان: جلس أولدي
جلال: جر كرسي و جلس مقابل معاه يكما كاين باس؟
عبد الرحمان: هو فصراحة بغيتك فموضوع خاص سمحلي الى زربت عليك و نتا يالله جاي من سفر كن محسبتك بحال ولدي منا و فينا منجبدش معاك الموضوع
جلال: شوشتيني
عبد الرحمان: هو فالصراحة بغيتك تزوج هاجر
جلال: تصمكو ودنيه كيفاش( بينو بين نفسو اوه لوليد كلامك طلع صحيح هكا تسهال عليا مأمورية).
عبد الرحمان: صراحة شريكي عندو ولدو صغير بغاها ليه و هو ميليقش ليها و الى رفضت بدون سبب غادي ينزل شركة لأفلاس نتا راك رجل اعمال عارف هدشي انا مكنطلبش منك تزوجها زواج حقيقي غير زواج على الورق لمدة معينة بينما فات هاد القضية.
جلال: يعني زواج مصلحة
عبد الرحمان: اه
جلال: واخة انا قابل ولكن بغيتك قبل تنازل لي على اسهم ديالك فالشركة غير مؤقتا باش ميضغطش عليك كثر انا عارف أش ندير معاه ديك شركة بديتيها من الصفر و عطيتي مجهود فيها تبقى نتا هو المدير بنفس المهام ديالك ملي يسالي هادشي رجع ليك أسهم ديالك ونكون خديت من عندو أسهم ديالو و نولي شريك ليك.
عبد الرحمان: ولكن ..
جلال: قاطعو قبل ميكمل نتا قلتي كتعتبرني ولدك منكم و فيكم أمنتيني على بنتك يعني متخاف والو هدا مجرد أجراء باش ميلقى كيف يتصرف ولقاني انا فوجهو.
عبد الرحمان: انا حسبك ولدي لي معطاهش لي الله كن مكنتش نتيق فيك منطلبش منك تزوج ببنتي لي هي لي كنكساب فهاد الدنيا هي أغلى من أي ثروة.
جلال: طبطب على كتفو عارف لي كاين أعمي وهاد الهضرة تبقى بينا منبغيش الوليدة تسيق الخبار حتى هاجر متخبرها بوالو حتى لمن بعد.
عبد الرحمان: واخة ولدي يالله نخليك ترتاح.
جلال: من هنا يومين غادي كون عقد زواج حتى نقولها الوليدة و نشوف اش خاص.
عبد الرحمان: ماشي زربتي
جلال: انا معنديش مشكيل الى بغيتي تأجلو لحتى من بعد انا اسبوع جاي طالع لشمال عندي شي خدمة تما غادي نبقى شهر أو شهرين على حساب ملي رجع نعقدو.
عبد الرحمان: صافي انا نقولها لعزيزة و شوفو اش خاص تصبح على خير ولدي.
جلال: تلاقي الخير.
في مكان أخر أمريكا🏡
محمد: كيف وصلتي
جلال: الحمد لله الواليد
محمد: شي جديد؟
جلال: دكشي لي قلتي هو لي كاين انا غادي نتزوج البرهوشة واخة محملش هاد الزواج اه حاجة خرى راه قنعتو يوقع لي وراق بيع اسهم الشركة ديالو كيف جيتك فهادي.
محمد: يوم عن يوم كيزيد أعجابي بيك زيدون نتا كترجع غير حق مك وفلوسها لي خدا ليها هداك حقك الشرعي.
جلال: عارف الواليد غادي ندمو حيت كبرت بلا أم كيف لعب ليها بدماغها غادي ندمو غادي نشربو من نفس الكاس.
محمد: هدا هو المضمون فيك أولدي امتى عقد الزواج؟
جلال: كيطل من شرجم من هنا ليومين حيث قلت ليه عندي شي خدمة فالشمال ههه معرفش ان بنتو المصونة غدوز لعذاب فهاد 3 شهور.
محمد: المهم رد البال لراسك ملي تكمل رجع بحالك
جلال: واخة يالله نخليك وقطع تلفون رماه على سرير و تكى كيفكر فأنتقام ديالو لي تربى فيه من و هو صغير ملي تفارق محمد مع عزيزة كان جلال صغير محمد عمر ولدو انو مو سمحت فيهم على ود عبد الرحمان حيت عمر ليها راسها بغى يستولي على فلوسها ولكن معرفش ان الاب ديالو كان زير نساء و قمار و سكيري و كتوصل بيه يضرب عزيزة نهار قرب على حافة الافلاس طلب منها فلوس و ممتلكات لي عندها مبغاتش قالت ليه هدوك فلوس و ورث ولدها من بعد مضربها حرارت العيشة رفعت دعوى طلاق و فعلا طلقت منو.
صبح صباح جديد حامل معاه عدة مفاجئات فاق جلال صباح دوش و خرج لصالة لقى عزيزة كتوجد الفطور و عبد الرحمان فالصالة مع هاجر صبح عليهم و جلس جابت لالة عزيزة الصينية و جلست كتخوي اتاي حتى دوى عبد الرحمان هاجر بنتي بغيت نفاتحك فواحد الموضوع مدام مجموعين كاملين
هاجر: شافت فيه من تحت خمارها بعيون مستفسرة
عبد الرحمان: لبارح جلال طلب يدك مني و انا وافقت
هاجر: تصمكو ودنيها وقلبها بدا كيضرب فالالف
عبد الرحمان: شفتك سكتي ابنتي واش مموفقاش
هاجر: حشمت بزاف ونطقت بصوة هامس لي بان ليك ابابا و خرجت من صالون توجهت لبيتها غادي طير بالفرحة
عبد الرحمان: بشبه ابتسامة مبروك عليكم اولدي دابا عاد رتحيت من جيهتها ولو انو ماشي زواج حقيقي ولكن باش نحميها.
جلال: لوليدة مور الفطور بغيت ندوي معاك على حساب نوجدو العقد من هنا ليومين
عزيزة: كح كح وحلت ليها الله ولدي مالك مزروب
جلال: عندي شي خدمة فالشمال خصني نمشي منها ندي هاجر تبدل الجو راه تولي مرتي.
عزيزة: واخة ولدي كملو فطورهم جمعت طبلة دخلت لبيت عند هاجر لقاتها جالسة فوق نموسيتها و كضحك بوحدها بحال شي بنت صغيرة
هاجر: ماما
عزيزة: نسولك وجاوبيني واش كتبغيه؟
هاجر: حدرات راسها ودوات انا بغيتو ملي كانت عندي 5 سنين تقولي حمقة نقوليك اه حيت هو لي عتقني داك نهار طاحت دمعة من عينيها هو فارس لي كنت كنتسنا نكمل معاه حياتي انا معرفت حتى راجل من غيرو هو و بابا من حدي كنت كنكبر و شي حاجة لداخل ديالي كتكبر معايا من جيهتو عرفتي اماما فكل صلاة كنت كنطلب الله يكون راجلي و حلالي كنت خايفة يكون مرتبط او كيبغي شي وحدة و لكن ربي ستجاب لدعائي.
عزيزة: كنتمنى أبنتي يكون كيستحق هاد الحب ميخيبش ضنك فيه خرجت من بيتها نيشان لصالون فين كان جالس جلال من بعد مخرج عبد الرحمان يقضي شي غراض.
جالسة مع جلال فالصالون كتفحصو بعينيها معرفتش علاش قلبها ممرتاحش لهاد الزواج لذلك قررت تدوي معاه بالخاطر و تحاول تعرف أش تحت راسو
عزيزة: ولدي واش مقتانع بهاد الخطوة هدا راه زواج لبنت تبقى محسوبة عليك ولو انو زواج مصلحة ولكن حاول تعطي لراسك وليها فرصة ممكن تنجحو كشريكين.
جلال: الوليدة انا ماشي صغير راني كبرت هاجر متخافيش عليها راه تكون مرتي و حتى الى طلقنا راه تبقى فمثابة ختي لي ضرها ضرني كوني هانية
عزيزة: ولدي هاجر وضعها مختالف على بزاف لبنات انا لي عشت معاها فهاد الدار خاصة مور داك الحادث باها سد عليها بزاف مكتعرف حد من غيرنا حتى المناسبات العائلية مكتحضرش ليهم محرومة من بزاف لحويج لي بساط فمتناول أي بنت من سنها حتى الى كنتي غادي طلقها على أقل خليها تشوف دنيا فهاد المدة لي تكون معاك فيها عطف عليها بعد المرات حياة كتعطينا فرصة نصحو اغلاطنا و نبداو من جديد متقساش عليها.
جلال: تأثر بهضرت ام ديالو فعلا هاجر هي حلقة ضعيفة فهاد القضية ملي كانت صغيرة كيعقل عليها كتقرى فالدار مكتخرجش معندهاش صحابات ولكن جات فطريقو معندو كيف يدير ليها المهم حتى تجيبي لي وراقها باش نوجد كلشي العقد يكون حفل بسيط هنا فالدار و غير العائلة لي غادي تحضر.
عزيزة: واخة مشات لبيت عند هاجر جابت ليه لكارط ديالها خداها من عندها وخرج يوجد لعقد ملي سالة تلقى بعبد الرحمان لي جاب ليه تنازل على حقو فالشركة و خبرو انو قال لشريكو ان بنتو غادي تزوج دارو قهوة ورجعو لدار هكا دازت يومين هاجر خرجت مع عزيزة مرة وحدة خدات دهازها من بعد ماعطاها جلال صداق ديالها رجعو لدار ليوم عقد القران ديالها هي و جلال دارو حفل بسيط حضرو ليه غير عمها وخالها وولادهم و عيلاتهم خرجت لصالة عند اب ديالها و جلال لقات معاهم العدول و شهود لي هوما عمها علي وولدو لكبير كانت لابسة خمارها خزي بعد موافقة الطرفين و الشهود سيناو العقد وأصبحت زوجة جلال شرعا و قانونا باركو ليهم دوزو عشية بينهم عيالات مجموعين فبيت نباهرو من جمال هاجر حيت عمرهم شافوها مباشرة وعاد عرفو علاش عبد الرحمان داير ليها الحصار حيث جمالها جامع بين جمال المغربي و الهولندي اما فبيت رجال فجالسين على هضرة اعمال حتى ليل و تفرتك مجمع من بعد متلقاو الكادوات و التبريكات.
عزيزة: جلال هاجر قربو عندي قربو عندها هزات يد جلال حطاتها فيد هاجر هكا نبغيكم ديما تبقاو واحد يكمل لاخر غادي دوزو بزاف المشاكيل الى مكتب ليكم الله تكملو راكم غادي تكملو بزوج هاجر ملي قالت هكاك حست بالخنقة معرفتش علاش ضغطت على يد جلال لي ستغرب من تصرفها انا غادي نعطيكم الكادو ديالكم خدات زوج ديال أظرفة مسدودين عطات لكل واحد فيهم ظرف هادو ديالكم شكروها توجهت هاجر لبيتها وهي فرحانة حيت اخيرا حب طفولتها و مرهقتها أصبح زوج ديالها و حتى جلال دخل لبيتو لاح الظرف وسط لفاليز لي غادي يسافر بيها غدا و تكى يرتاح بعد يوم طويل و حتى هاجر بدلت وصلاة صلاتها و نعست.
صبح صباح جديد حامل معاه عدة أسرار غادي تكشف صبحات هاجر فبيتها كتصلي رافعة يديها لله عز وجل حمدا و شكرا حيت ستجاب ليها وتزوجت بحب طفولتها وحتى مراهقتها كملت جمعت قرأنها و صلايتها فلفاليز ديالها لي موجداها لسفر كيف خبرها جلال لبارح انو ليوم يسافرو و غادي غيبو لمدة معينة حيت عندو شي خدمة فالشمال اما عند بطلنا فاق ودوش ولبس دجين زرق و تيشورط مبين عضلاتو دار ساعتو فيدو ورش ريحتو ودوز تصال📱
جلال: الو غدا تكوني عندي فالمغرب
ماري: اه هادي ماري لبنت لي كانت معاه فأمريكا بنت عندها 28 سنة شعرها قصير و شهب فورمة عادية حتى جمالها عادي كتحماق على شي حاجة سميتها جلال واو بب اخيرا غادي نزور المغرب
جلال: المهم غدا نتلاقاو ف…
ماري: اك بب 😘
جلال قطع معاها ورجع تلفون لجيبو جر لفاليز وتوجه عندهم لصالون لقى الام ديالو و عبدالرحمان كيفطرو
جلال : صباح الخير
عزيزة/عبد الرحمان: صباح نور
جلال: فينها هاجر يكما بقى ناعسة 🤨
عزيزة: لا راه فيقة غير كتلبس فهاد الاثناء خارجة هاجر من بيتها جارا بليزتها ولابسة خمارها فلون الباج لقات عليهم صباح الخير جلسو فطرو مجموعين من بعد توادعو معاهم وتمناو ليهم رحلة سعيدة وضروري من توصيات عبد الرحمان لجلال باش يتهلا فهاجر غادرو الاقامة حط جلال الحقائب فالكوفر وتوجه لمقعد الامامي وحتى هاجر والوجهة طنجة و الصمت سيد الموقف بعد ساعات وصلو لعروس شمال بضبط لواحد الفيلا كان كيكريها جلال ملي كينزل لمغرب نزل ليفاليز ودخلو لفيلا هاجر بقات كدور عينيها عجباتها بزاااف خاصة ديكور ديالها و حتى فراشها لي عصري و زيادة على ذلك كطل على البحر.
جلال: هاجر هاكي فاليز ديالك و شير ليها على واحد البيت هاداك هو بيتك
هاجر: تحرجت بزاااف مبغاتش تحكر معاه قالت يمكن باقي مولف بيها واخة دخلت فاليز ديالها و حيدت خمارها عجبها لبيت بزاف كان ديكورو بسيط قادت حويجها فالمريو وجلست فوق سرير دايرة فولار ولابسة بيجامة بيتية طويلة واسعة حتى دق عليها جلال ناضت لبست خمارها وخرجت عندو سيدة نسات راه رجلها.
هاجر: بغيتي شي حاجة
جلال: غادي تجي واحد ضيفة خاصة عندي بغيتك تقادي ليها بيتها غادي دوز معانا هاد أيام.
هاجر: واخة
جلال: انا نمشي نجيبها اه حاجة خرى غير بقاي تلبسي خمارك فالدار ملي تكوني فبيتك نتي حرة.
هاجر: الصمت
جلال: شدها من يدها وزعزعها ملي ندوي معاك جوبيني حيت مكنبغيش نعود الهضرة مفهوم
هاجر: مفهوم و مشى و خلاها كتخبط فأفكارها حتى صونا ليها تلفون لقاتها عزيزة سولتها كيف وصلت خبرتها انهم بخير ووصلو مزيان ولكن مجبدتش ليها شي حاجة خاصة بينها بين جلال قطعت معاها ناضت وجدت لبيت لضيفة لي غادي تجي دازت تقريبا شي ساعتين حتى تم داخل جلال هو ماري قابطها من خصرها وهي لابسة سروال مزير وتريكو فوق سرة و دايرة مكياج خفيف سلمت على هاجر بقات كطلع و تهبط فيها جاها لبسها غريب خاصة مكيبان منها والو جلال خبرها انها مرتو ولكن لمدة قصيرة شي شهورة و طلقها بلا ميذكر السبب طلع ليها جلال لفاليز وراها بيتها ودخل لبيتو دوش باش يرتاح وخلى واحد الشخص لي تحطم من مور هدشي لي دار فأول يوم ليهم كزوج و زوجة لي هي هاجر.
حل الليل فاق جلال مصحصح شوية بدل عليه خرج لسوبير مارشي جاب تقدية لي خاصة لدار حطها فالكوزينة و عيط على هاجر لي نزلت عندو خبرها توجد العشاء ستفت الخضرة و الفواكه فالثلاجة وجدات طجين بلحم و سلطات و عجنت الخبز بعد موجد دكشي ستفاتو فالطبلة حتى كتبان ليها ماري نازلة كتمختر فواحد سوميج دونوي مقزب مغري بشكل كبير لونو أسود مع روب ديالو و بنطوفة باست جلال فحنكو بميوعة وجلست على الطبلة يالله جلست هاجر فالكرسي وغادي تزول لثام ديالها باش تاكل معاهم حتى حبسها
جلال: نتي كولي فالكوزينة راك عارفة عمي عبد الرحمان مكيبغي حد يشوفك.
هاجر: ولكن مكين حد غريب نتا راجلي و ماري راه امرأة بحالي بحالها
جلال: شفتك كدي وتجيبي معايا فالهضرة وقيلة نسيتي هضرت الصباح تهزي من قدامي وزيدون شكون قاليك انا جيبك زوجة نتي هنا خدامة لا اكثر فهمتي و لا نفهمك بطريقتي.
هاجر: الصمت و عينيها ضببو بالدموع مبغتوش يدوي معاها بديك طريقة قدام ماري.
جلال: يالله تحركي من قدامي.
هاجر: طلعت لبيتها حيدت الخمار بزعفة و جلست كتفكر فهضرتو لي جرحاتها كتخمم علاش تزوجها؟ واش كانت مفروضة عليه افكار كثيرة طاحت فبالها ملقات ليها حتى جواب.
اما لتحت عند جلال كملو مكلتهم و ناضت ماري جمعت طبلة و طلعت بغات دخل معاه لبيتو مي رفض قاليها بيتك هي عرفاه شخص عصبي ويدو سبقاه مقداش تجيبها فعظامها أو تخلق معاه مشكيل دخل كل واحد لبيتو اما عند هاجر ليل كامل مجهاش نعاس بقات كتقلب فالفراش كتفكر فهضرت جلال لي سممتها صعيب تكوني كتبني امال على شي شخص وهو محاسش بيك معرفكش حتى واش كاينة و ملي كتقربي ليه و كتقولي وصلت كتحرقي نتي اولى بنار ديالو هدشي لي طرا معاها هي بغات جلال فصمت وملي تزوجت بيه قالت واقيلة كيبغيني او كنعجبو او ممكن يبغيني مع الوقت ولكن خاب الظن ديالها ملي قال ليها نتي جايبك خدامة هنا يعني مكتعني ليه والو.
في المنزل عند عزيزة و عبد الرحمان فوق سريرهم تواحد مجاه نعاس
عزيزة: مالك؟
عبد الرحمان: معرفتش كنحس براسي مخنوق قلبي ممهنينيش من جيهت هاجر
عزيزة: حيت الدار خوات علينا دكشي علاش خلات بلاصتها
عبد الرحمان: كنتمنى جلال ميعملهاش خيب او يجرحها
عزيزة: سكتات من بعد جوبات بأمين كدعي فسرها ولدها ميكونش بحال باه.
رجعو عند هاجر اذن الفجر ناضت توضات وصلاة صلاتها ودعات مع جلال بالهداية جمعت صلايتها و جلست فوق سرير رجعت بيها ذاكرتها 15 سنة للوراء
*فلاش باك*
فالعروبية كانو الخيام مشدودين و الضحك و نشاط لعروسة هي و عريسها فالبرزة هدا عرس من جيهت عزيزة كانت هاجر لابسة قفطان صغير قدها ولو انو بنت خمس سنوات ولكن جمالها كان طاغي بزاااف لي شافها كتعجبو بداك شعر العسلي و العيون العسلية والبشرة البيضاء كانت بحال اي طفلة فالسن ديالها كتلعب و عندها صحابات ولكن فهاد نهار كان واحد الوحش أدمي مترقبها بعيون كالصقر سكر حتى سكر و دخلها لواحد البيت من بعد مسد ليها فمها بغى يغتصبها طمع فجسد طفلة بدا كيجردها من حويجها و هي كتبكي و تغوت حتى حس المعتدي بضربة على راسو خلات دمو يشرشر كان جلال لي ضربو بحجرة من بعد مكان واقف مع شي دراري داز من حدا داك البيت متوجه لكوزينة يجيب شي سخرا سمع صوت البكى دخل و تفاجئ براجل كيتعدى على هاجر ملقى غير يضربو بحجرة لراس خلات سيد مدوخ مليوح فالارض هو معارفش واش تعدى عليها او لا ستر هاجر بواحد التريكو كان ليحو على كتافو و عيط على عبد الرحمان و عزيزة لقضية تعرفت وسط ناس فلان بغى يتعدى على بنت فلان شي كيقول تعدى عليها داها عبد الرحمان و عزيزة لطبيب عرفو انو مغتصبهاش حمد الله فسرو وتبع ليها عند أختصاصية نفسية باش مضهورش حالتها خاصة ولات كتفيق بليل كتبقى تغوت حتى وصلت لدرجة من الخوف كدير كلشي تحتها هدشي حضر ليه جلال كان عطلة و كيفيق على صوة غواتها بليل ملي كيدخلو عندها كيلقاوها نتفى شعرها و ووجهها كلو جاراه بالقميش من مور هدشي عبد الرحمان خلاها تكمل قرايتها فالدار لبسها الخمار ولكن حتى هي لبستو على قتناع خاصة ملي بدات كتكبر و كتوعى و كيزيد جمالها و النور لي فوججها مع الصلاة مبقاش شفها جلال فوجهها من مور داك الحادث الى يومنا هدا طاحت دمعة من عينيها وهي كتسترجع احداث داك نهار.
*نهاية الفلاش باك*
اصبحنا و أصبح الملك لله مزال ففراشها كتسترجع أحداث الاغتصاب ديالها و دمعة على خدها مسحتها ناضت لبست خمارها خرجت هابطة للكوزينة حتى كتلقى جلال مقنت ماري حدا بيتها و كيتبادلو القبل بهمجية وقفت مصدومة من المنظر تأكدت أنو عمرو بغاها حدرت راسها بخيبت أمل و كملت طريقها لتحت اما عند جلال ملي فاق توجه عند ماري باش يخبرها توجد راسها يخرجو لقاها يالله خارجة من بيتها حتى تلاحت عليه تعنق و تبوس هو كيبقى راجل غريزتو كتحكم فيه تجاوب معاها دخلها لبيت و كملو على سفالتهم اما هاجر نزلت وجدت لفطور نزلاتو على الطبلة فطرت حتى كيصوني تلفونها
عبد الرحمان: ألو بنتي
هاجر: صوتها مخنوق بابا توحشتك نتا و ماما
عبد الرحمان:حتى حنا خوات علينا الدار مال صوتك معجبنيش
هاجر: يمكن من العيى ديال طريق كيف دايرا ماما ونتا؟
عبد الرحمان: الحمد لله بنتي و نتي كيف داير جلال كنتصل بيه دابا مكيجوبش
هاجر: عرفاتو يكون مع ماري يمكن غير كيدوش مسمعوش انا كنوجد الفطور
عبد الرحمان: اوا مزيان عزيزة كتسلم عليك حتى خدات عزيزة ليه تلفون من يدو
عزيزة: هاجر بنتي بخير واش مهلي فيك جلال؟
هاجر: متصوريش شحال مهلي فيا بضحكة باهتة
عزيزة: يدير شي حاجة قوليها ليا انا راه ماماك نتي قبل منكون ماماه فهمتي ابنتي
هاجر: واخة ماما يالله نخليك دابا قطعت حيت بان ليها جلال هابط هو ماري هي لابسة بيجامة شورط و دوني مهزوز على البوط و هو لابس سروال جينز زرق و قميجة من نفس لون و ساعتو فيدو كيبان عليهم يالله مدوشين ضحكت على راسها بخيبت امل جات معولة دوز شهر العسل و تخرج تفوج هاهي اليوم كتعتبر خدامة فدار راجلها ليه و لعشيقتو ناضت من الطبلة و توجهت لبيتها.
ماري: مال هادي؟
جلال: خليك منها فطري ويالله نخرجو شوية داير مع واحد شريك ديالي على ود صفقة.
ماري: اك حياتي
كملو فطورهم طلعت ماري لبسات سروال كلاس فالكحل مع طالون عالي صفر و قميجة صفرة مقزبة بلا كمام و مكياج خفيف نزلت عندو و توجهو لسيارة نيشان لقهوة فين داير مع شريك ديالو وصل و بلاصة طوموبيل ونزلو توجهو لطبلة ديالهم حتى كيوقف عليهم
…: سلام مزال ذوقك هو هو متبدلش كيشوف فماري لي مفاهمة والو حيت مكتعرفش لمغربية
جلال: حتى نتا مزال كتشوف فحاجت غيرك😉 عنقو عناق رجولي فين أصاحبي توحشتك
….: زعمة حولك كتسول حتى بغيتي دير فرع لشركة ديالك هنا عاد بنت ليك
ماري: اوه ماغاديش تعرفني على شريكك
جلال: سمحي لي هادا محسن صديق ديالي وشريك ديالي مستقبلا وهادي ماري صديقة ديالي
ماري: مدات يدها تسلم عليه متشرفين
محسن: رجل لا يقل وسامة على جلال فنفس سن ديالو صديق جلال انسان ضحوكي و كيموت على لبنات و غادي يكون شريكو مستقبلا شرف ليا ماري.
كملو تعارف ديالهم فجو من الضحك و النشاط محسن سراهم عروس شمال مزيان كملو دورانهم حتى ليل توادعو معاه من بعد معرض عليهم غدا باش يسهرو مجموعين فنايت كلوب يبدلو الجو.
اما عند هاجر فكملت نهارها بين ربعة لحيوط كتفكر انها خصها تدوي مع جلال و تفهم علاش تزوج بيها اذا كان كيبغي ماري بقات فكرة تديها فكرة تجيبها حتى لقاتهم داخلين مع باب الدار كيضحكو شافت فيهم و طلعت لبيتها.
ماري: طالعة فدروج مع جلال حبيبي نبات معاك ليوم بليز😍
جلال: دكشي لي كنا غادي نديروه بليل درناه صباح
ماري: ردخت رجليها مع الارض و توجهت لبيتها بدلت وتكات ترتاح.
جلال: اف توجه لبيتو دوش و تلاح فوق سرير كيفكر فهدشي لي كيدير من بعد ستسلم لنوم.
منتصف الليل🌆
فاقت ماري مع 02h00 صباح فيها العطش هبطت لكوزينة شربت و خدات معاها قرعة الماء و هي طالعة حتى كتسمع صوت انين جاي من بيت هاجر بقات كتسمع حتى دقات المرة لولى و الثانية ملقات حتى جواب حلات الباب و دخلت لقات الضوء مطفي شعلاتو لقات هاجر عطياها بالظهر في وضعية الجنين وشعرها العسلي مسرح على طولتو بقات كتشوف حتى دارت عندها لجهة لخرى 😲
ماري: واو ماي كود ماهدا الجمال
هاجر: كتنين و كتدوي بصوت ضعيف عفاك عونيني دوات بالعربية ملي عرفتها مفهمتهاش عاد دوات بالانجليزية
ماري: شنو بيك🤨
هاجر: فيا الوجع ديال الدورة كتجيني مجهدة راه فنيد عندي فالماريو جيبيه لي عفاك
ماري: ناضت قلبت على الفانيد عطاتها شرباتو و عوناتها حتى ناضت بدلت عليها ودارت الفوطة الصحية ورجعتها لبلاصتها تنعس تمات ماري خارجة
هاجر: شكرا ليك سمحي لي برزطتك
ماري: انا كنت دايزة بالصدفة عادي مع بتسامة سدت الباب على هاجر و توجهت لبيتها كتفكر فجمال هاجر و البساطة ديالها ملي هي زوينة هكاك علاش جلال ممعتبرهاش زوجة ليه جلال معروف عليه من عشاق الجمال واش شافها او لا علاش غادي طلقها بقات كتخمم حتى نعسات.
صبح صباح بحال هاد 3 أيام لي دازت فاقت هاجر لبست خمارها وهي معولة ليوم دوي مع جلال تعرف منو أش كاين هبطت وجدت الفطور حتى كتبان ليها ماري نازلة من الدروج جلست على الطبلة رمات عليها هاجر السلام وردات عليها ماري حتى كيبان ليهم جلال نازل عاقد غوباشتو شاف فماري و دار عند هاجر نتي ياك كنقوليك ملي نكون هنا منلمحش طيفك
هاجر: جلال خصنا نهضرو
جلال: فاش؟
هاجر: حتى نكونو بوحدنا
جلال: قبط فيد ماري بغيتي تدوي دوي هادي حبيبتي مكنخبي عليها والو
هاجر: علاش تزوجتيني
جلال: غير سمعها و نبرت صوتها لي زادت رفعتها عليه هو يرجع لكرسي لور حتى طاح و طلق من يد ماري
ماري: بان ليها طرح سخن و جلال تعصب عرفت نهار يدوز مكفس قررات تنساحب و تخليهم يحلو المشكيل بيناتهم احم سمحولي انا فبيتي الفوق و طلعت بحالها.
مزال واقفة كتشوف فيه من تحت اسدالها قرب ليها و قبط يدها حتى وجعها ولكن مبينتش بغات تبان قوية و مخيفاش منو والى كان الحب غادي خليها تعفط على كرامتها فلا و ألف لا
جلال: عمر شي وحدة او واحد غوت عليا حتى درتيها نتي فاش باغة دوي اه يالله دوي كنسمع
هاجر: نترت يدها منو سؤالي واضح علاش تزوجتيني؟
جلال: ملي يجي الوقت غادي تعرفي دابا معندي باش نفيدك
هاجر: طلقني
جلال: زوج كلمات غادي نقولهم ليك ملي يجي الوقت المناسب غادي تعرفي و الى بغيتي باك الحبيب يتأدى حاولي تفوتي داك الباب شير ليها جيهت لباب
هاجر: واقفة مصدومة كيفاش باك ياك طول عمرو كيقولو عمي ولا كان كيمثل ولا شنو أش هادشي جوباتو بصوت مغنغن نهار بابا خبرني بأنك باغيني زوجة ليك فرحت بزاف قلت و أخيرا غادي نتجمع معاك فدار وحدة واخة عارفة بزاف لعيوب فيك ولكن كل ليلة كنت كندعي معاك باش ربي يهديك ونهار تزوجنا كان اسعد نهار فحياتي حيت و أخيرا حب طفولتي و حتى مرهقتي صبح ديالي بغيتك من نهار عتقتيني من الاغتصاب كنت كنحسب ايام السنة باش ملي وصل الصيف تنزل عندنا مكنتش كنتلقاك بزاف فدار حيت ماشي من المحارم ديالي ولكن ملي كنتي كتخرج كندخل لبيتك كنبقى نشم حويجك كانت كتحصلني ماما كنقوليها غير كنرتب ليك بيتك قلت ملي تزوجتي بيا ممكن تبغيني مع الوقت ولكن تصدمت بمعاملتك من أول نهار زواج لينا جبتي حتى صحبتك لدار وخليتيني نحس براسي بحال خدامة عندكم كنت كنظن غادي تعاملني مزيان و تنسيني فالحرمان لي عايشة فيه نخرج و نشوف دنيا من خلالك ولكن كنت كنبني أحلام وردية ضحكت بسخرية وهانا فقت على الواقع المرير.
جلال: بقى كيشوف فيها حتى كملت فعلا هضرتها حركت فيه شي حاجة هيا معندها ذنب فهدشي ولكن معندو ميدير ليها جوبها مغدد سمعي انا ماشي ديال الحب و الغرام ماشي حتى ديال زواج حياتي كلها و انا عايش حر منبغيش لي قيد ليا الحرية ديالي و اهم حاجة انا مكنبغيكش عمري فكرت فيك فخوي راسك مني محدك تحت اسمي ديري دكشي لي بغيت انا مفهوم.
هاجر: حركات راسها و طلعات لبيتها حيدت خمارها وبقات كتبكي😢😢
اما لتحت عند جلال فبقى جالس كيخمم فهضرتها حتى نزلت عندو ماري صيبت ليه قهوة وطلعت لبيتها عوتاني باش توجد راسها بليل غادي يسهرو مع محسن دازت لعشية مشحونة كل واحد فبيتو حتى من الغداء متغداوش طاح ظلام وجدت ماري راسها لبست كسوة حمرة مزيرة عليها و دارت مكياج خفيف مع طالون اسود وبوشيط من نفس لون اما جلال لبس قميجة كحلة و كويرة فنفس لون سروال كحل و ساعتو غادرو الفيلا متوجهين لنايت كلوب دخلو على أصوات الموسيقى عالية لقاو محسن كيتسناهم فالطبلة تبادلو سلام وكل واحد اش خدا ماري جالسة كتمايل مع ايقاعات الموسيقى
محسن: دوى بالمغربية جلال نوض شطح مع البنت
جلال: خنزر فيه مرشقاش ليا
محسن: أذن نخطفها ليك
جلال: شاف فماري لي منساجمة مع الايقاع خود راحتك
محسن: مد يدو لماري تبغي ترقصي
ماري: يس ناضو لوسط الحلبة كيرقصو و كيتعرفو كثر على بعض بينما جلال جالس كيشرب مرفوع معرفش اخرت هادشي لي كيدير كيف غادي تكون.
جالسة فبيتها عيات بالبكى تصلت بعزيزة دوات معاها شوية سولت فيها و فباباها اما عند جلال من بعد مسهرو و نشطو راجع لدار مع 3h00 صباح هو و ماري سطاسيونا طونوبيل و طلعو لفوق ماري غادة لبيتها حتى جرها جلال من يدها غادي تباتي معايا ليوم دخلو لبيت تلاح عليها كيبوس و كيقيص فجسمها حتى لقاو راسهم فوق النموسية من بعد مشبعو رغبتهم
ماري: جلال
جلال: حاط دراعو على راسو كيمسد عليه نعام
ماري: علاش مكتعتبرهاش مرتك؟
جلال: نتي عارفة طبعي انا ماشي ديال زواج و الحب
ماري: واش عمرك شفتيها؟
جلال: حيد يدو على راسو ودور راسو جيهتها علاش هاد سؤال؟ على نتي شفتيها🙄
ماري: انا مجرد سؤال طاح فبالي و سولتو ليك
جلال: نعسي بعد غدا راه راجعين لأمريكا خصني نوجد عقود شراكة مع محسن
ماري: اه ظريف داك ولد
جلال: هي عجبك بنتي لي قبيلة منساجمة معاه فالسهرة
ماري: الصمت
جلال: انا نهار لول قلتها ليك علاقتنا عابرة فأي وقت ممكن تنسحبي
اما ماري بقات كتفكر فمحسن لقات انو بزاف نقط مشتركة بيناتهم بزوج زيادة على انو زوين و كيعطي لمرأة لي معاه قيمة ماشي بحال جلال عمرو دار شي حاجة على ودها حتى عمرو وعدها كيتلقاها ملي كيبغي هو يجمعهم الفراش فقط حاليا راه تزوج يعني علاقتها معاه غلط
❌فلاش باك❌
كانو كيرقصو منساجمين حتى جى لمحسن اتصال خرج يجاوب عليه وملي رجع لقى واحد كيتحرش بماري مشى ليه نيشان جمعها معاه وجر ماري حداه ولو مفهمتش اش كان كيقول ولكن لي قدرت تفسر من ملامحو انو معصب معجبوش لحال من تصرف دري.
❌نهاية الفلاش باك❌
صبح صباح فاقت ماري هي لولة يالله خارجة من بيت جلال كتقاد حويجها حتى كتلقى هاجر نازلة لتحت ماري حشمت منها وحدرات راسها صباح الخير
هاجر: الصمت غادي تنزل لتحت حتى قبطتها من يدها
ماري: انا بالنسبة ليه والو مي نتي هي مرتو كنواعدك اخر مرة تشوفيني معاه.
هاجر: حنا بزوج بغينا الشخص الخطأ انا موخداش عليك فكرة خيبة ولكن ممكن تلقاي لي يبغيك لشخصك ماشي لجسمك ماشي رجال كلهم بحال بحال.
ماري: غير قالت ليها هاجر ديك الهضرة طاح فبالها محسن وضهرت ابتسامة على وجهها.
هاجر: انا هبطت نوجد لفطور دوشي و تبعيني هادي هي هاجر مكتحقد على حد هي عارفة ماري مغلوب على امرها بحالها وجدت الفطور وحطاتو فالطبلة لحقت عليها ماري فطرو بزوج حتى كيبان ليهم جلال نازل قادت هاجر نقابها وتمت طالعة فدروج حتى قبطها جلال من يدها حس باحساس غريب بعد يدو غدا غادي رجع لأمريكا نتي اتبقاي هنا.
هاجر: رجع لدارنا حتى تجي
جلال: هضرة وحدة قلتها
هاجر: حنات راسها وطلعت لبيتها داز نهار عادي عند الكل بنهارو بليلو وصل لغد لي غادي يسافر فيه جلال و ماري فاقت ماري صباح توجهت لبيت هاجر ودعتها و عطاتها كساوي جداد جيباهم معاها من أمريكا و لكن ملحقتش تلبسهم
هاجر: اش غادي ندير بيهم خليهم ليك
ماري: حنا صحابات دابا هادي هدية مكترجعش لبسيهم فالدار راك شهر غادي تبقاي بوحدك بين هاد الحيوط
هاجر: شكرا ليك وطريق سلامة كوني أكيدة مزال غادي نتشاوفو
ماري: الى مجيتي عندي نتي لأمريكا
هاجر: معرفناش المستقبل اش مخبي لينا نزلت معاها لتحت تحت نظرات جلال وجه كلامو لهاجر راه خليت ليك مصروف ديال هاد الشهر وياك لقاك مشيتي لداركم.
هاجر: كون هاني طريق سلامة.
وصل ليل جالسة هاجر فالفيلا بين ربعة الحيوط تاصلت بالأب ديالها و عزيزة مخبرتهمش بسفر جلال لامريكا من بعد دخلت لكوزينة وجدت ليها متاكل توجهت لصالون جلست كتفرج عقلها سارح توحشت باها و مها اول مرة كتبقى بوحدها حست بالوحدة بينها بين نفسها كيعتقدو زوجوني بلي غادي حافظ عليا و صوني ساعة رجعني خدامة ليه و لعشيقتو و هاهو فأول فرصة خلاني و سافر بلا ميتلفت موراه اصلا انا مكنعني ليه والو بنيت احلامي على شخص الخطأ.
فأمريكا فدار جلال🏡
جالس مع الأب ديالو كيهضرو على اش طرا خلال هاد ايام لي غاب فيها
جلال: هادشي لي كاين خليتها فالفيلا و خليت ليها مصروفها المهم هو وراق شركة عندي.
محمد: فكرة ذكية منك المهم اوراق الشركة اوا هي كيف دايرة باقة زوينة كيف كانت صغيرة من صغرها و هي كتحمق كنظن مزال مأثر عليها حادث الاغتصاب بضحكة شريرة
جلال: ولكن نتا باش عرفتي بهاد الحادث و انا عمري جبدثو معاك؟
محمد: اه لا راه كنتي قلتيها ليا غير معقلتيش مع كنتي مزال صغير
جلال: بعدم تصديق ممكن انا مشفتهاش ملي كنكون فالفيلا هي كتكون فبيتها وحاجة خرى كانت معايا ماري
محمد: مزيان شحال تبقى هنا؟
جلال: انا جيت على ود نوجد وراق شراكة مع محسن باغي نفتح فرع فالمغرب يقابلو محسن غالبا غادي نجلس شهر ورجع نسني الشراكة ونكمل انتقامي ورجع بحالي
محمد: شاف فساعتو المهم هدا هو الوقت نخليك دابا ترتاح كمل فالخطة ديالك راه نقطة ضعف عبد الرحمان هي هاجر.
جلال: ضروري.
هكا داز شهر أيام مافيها حتى جديد جلال لقى عندو شي مشاكيل فالخدمة تشغل معاهم تصل شي زوج مرات بالام ديالو سول فيها من خلالها عرف انو هاجر مقالتش ليهم راه مسافر هاجر غير الدار و الى خرجت كتمشي لسوبر مارشي تقدا و تعود ترجع بحالها جلال محاولش يتاصل بيها او يعرف اخبارها ماري مرة مرة كتصل بيها تسول فيها ماري عطات تيساع لجلال وقالت ليه نبقاو اصدقاء حتى هو معارضش حيت علاقتهم من اول مبنية على الجنس بينما هي بدات كتبني علاقة مع محسن ديما ضحك و نشاط فالتلفون.
صباح جديد نبداو عند هاجر فاقت جمعات فراشها صلاة صلاتها تصلت بعزيزة بحال ديما كتونس معاها بالهضرة من موضوع لموضوع حتى سولتها
عزيزة: اوا كيف داير جلال
هاجر: معرفتش مزال متصل بيا
عزيزة: كيفاش يكما مشى لأمريكا؟
هاجر: نسات راسها أنو مجابداش قضية السفر
عزيزة: شفتك سكتي
هاجر: ماما راه
عزيزة: قاطعتها الهضرة ماشي معاك مع ولد كرشي قطعات عليها
هاجر: اف اف اهاجر اش درتي معنديش حتى رقمو نتاصل بيه اش ندير اه ماري هزات تلفون و تاصلت بماري كتلقى تلفون مشغول فهاد أثناء كانت عزيزة كدوي مع جلال فالتلفون📱
جلال: الو الوليدة
عزيزة: كيفاش سفرتي و خليتي البنت بوحدها و عروسة
جلال: تعطلات بزاف باش توصلها ليك و زيدون راه زواجنا مجرد مصلحة ماشي حقيقي باش ديري هاد الحالة
عزيزة: كنت كنعتاقد أنك راجل مختالف على باك نتا وعدتيني غادي ترد ليها لبال سفرتي و خليتيها بوحدها معرفتي اش يوقع ليها
جلال: ماشي بنت صغيرة راه كنت غادي نجلس شهر وزيادة ولكن كملت الخدمة لي عندي هنا و غدا غادي نزل لمغرب.
عزيزة: رد لبال لراسك ولهاجر وهاد الخطأ ميتعاودش الله يرضي عليك هاديك كتبقى امانة فرقبتك كيف خديتيها من دار باها رجعها ليها.
جلال: صافي الوليدة كوني هانية قطع معاها هو مغدد على هاجر وكيتحلف عليها بينو بين نفسو.
ماري من بعد مقطعت مع محسن لقات مكالمة ديال هاجر تصلت بيها وطلبت منها رقم جلال عطاتو ليها وتصلت بيه مباشرة. كان فبيتو كيجمع شنطة ديالو حتى كيطلع ليه رقم من المغرب
جلال: اف هاد تلفون مسكتش ليوم جاوب معصب الو
هاجر: سلام عليكم جلال انا هاجر
جلال: منقصكش حتى نتي اش باغة فهاد الوقت
هاجر: معجبهاش طريقة باش دوى معاها انا تصلت غير نقوليك راه معرفتش كيفاش
جلال: قبل متكمل نجي لمغرب و غادي نتفاهمو على هدشي حتى سمع غوتة ديالها
هاجر: واااااع ظلام ظلام
جلال: مالك
هاجر: بصوت باكي تقطع ضوء فالفيلا
جلال: واش غير عندك ولا عند كولشي
هاجر: معرفتش انا كنخاف من ظلام دير شي حاجة الله يخليك
جلال: واخة انا نقطع معاك نتاصل بصديق ديالي يجي شوف المشكل سميتو محسن واخة.
هاجر: الصمت صوت أنفاسها لي كيتسمع و بكاها جلست فقنت صالون وبقات كتبكي من صغرها و هي عندها فوبيا من ظلام و اماكن مغلقة تاصل جلال بمحسن و خبرو يتوجه لفيلا عندو يشوف مشكيل الضو لي تقطع على هاجر ركب محسن فسيارتو و توجه لفيلا لقى الضو مطفي فالحي كامل
محسن: كيدق فالباب هاجر حلي الباب
هاجر: مخلوعة من مور الباب شكون
محسن: انا محسن صديق جلال حلي متخفيش
هاجر: حلات الباب ورجعت لور مع ظلام مبان ليها والو دار محسن بيل تلفون ديالو سد الباب شدها من يدها وجرها عندو بيناتهم بضع سنتيمترات
محسن: شش متخفيش انا معاك حتى يرجع الضو راه مقطوع على الحي كامل
هاجر: غير كتبكي
محسن: جرها و جلسها على فوطوي واش عندك مشكيل مع ظلام
هاجر: حركت راسها بأه
محسن: متخفيش انا معاك بعد ربع ساعة رجع الضو دار محسن هو يضربو الضو من الجمال لي حداه بقى حال فمو فيها
هاجر: وعات على راسها انو ملبساش خمارها وشعرها مطلوق ولابسة بيجامة سروال و دوني نص كم رجعت لور بدات كتستر فراسها دور دور راني كلبس الخيمار مخصش تشوفني
محسن: وعى على راسو وعطاها بالظهر الضو رجع انا غادي نمشي سدي الباب عليك.
هاجر: شكرا ليك.
غادر محسن الدار هو تالف فهاد الجمال لي شاف حتى كيصوني تلفونو جاوب
محسن: وي جلال
جلال: امضرى
محسن: راه رجع الضو البنت عندها فوبيا من ظلام اصاحبي
جلال: هي بخير؟
محسن: اه خليتها مزيان راه جرات عليا حيت ملبساش خمارها شكون ديك البنت؟
جلال: فاش كيهمك😏
محسن: ياخويا راه .. قبل ميكملها
جلال:قاطعو المهم انا غدا جاي
محسن: اك قطع تلفون اف عندك الزهر مع جنس لطيف ديمارا طوموبيل ورجع لدارو.
صباح اخر جديد حامل معاه الجديد بحال أي يوم فاتو فهاد شهر ليوم فاقت بطلتنا دارت روتينها بقات كدور فالفيلا طلعت لبيتها حلت لماريو بانو ليها لكساوي لي عطاتها ماري قالت تجربهم عزلت وحدة بالموف غامق مقزبة وبلا كمام فيها سنسلة فالجنب جاتها لاصقة على فورمتها لبستها مع صندالة بيتية ديال صبع خلت شعرها مطلوق مدارت والو لوجهها مشات حدا المرايا بقات كتشوف كيف جاتها لبسة عجبها راسها قالت بما انو بوحدها فالدار تبقى بيها أصلا هاد ايام كتلبس على خاطرها دوزت نهارها فالفيلا بالدوران من فيلم لفيلم.
حل الليل نزل من طيارة لابس قميجة زرقاء وسروال كلاص عاقد غوباشتو توجه على برا خدى طاكسي للفيلا نيشان 21h00 ليل حسات بالجوع هبطات لكوزينة وجدت سندويش اما عند جلال وصل خلص طاكسي ودخل لفيلا سمع صقيل فدار قال تكون ناعسة حتى سمع الحس فالكوزينة توجه ليها نيشان بانت ليه عاطية بظهر لابسة كسوة مقزبة جات مع لون بشرتها لبيض وشعرها الرطب العسلي واصل لمؤخرتها لي بارزة هو كيتأمل فيها حتى دارت وهي تصدم بيه واقف قدامها تمت راجعة بلور اما جلال تبلوكا من هاد الجمال لي قدامو قلبو بدا يضرب بالجهد.
هاجر: على سلامتك سمحلي مكنتش كنظن غادي تجي ليوم تمت غادة خارجة من الكوزينة.
جلال: قبط يدها ورجعها مقابلة مع وجهو حيد شوية شعر لصق على وجهها بدون وعي نطق ماشاء الله
هاجر: تزنكت وحدرت راسها حاولت تبدل الهضرة انا وجدت لعشاء ولكن درت غير سندويتشات تبغي تاكل.
جلال: الله يسلمك واخة انا فالصالة
وجدت طبلة حطت سندويتشات و موناضة زادت معاهم سلطة وتمت طالعة لفوق
جلال: فين بسلامة
هاجر: نمشي لبس عليا و نجي
جلال: علاش مالك دابا عريانة و كيطلع و هبط فيها
هاجر: رجعت جلست كلاو فصمت جمعت طابلة وطلعت لبيتها تنعس.
جلال تفكر شي حاجة جرى أتصال مع محسن قاليه يمشي عندو لدار خرج من الفيلا متوجه لعندو مع حل لباب عطاه لوجه👊
محسن: مالك اصاحبي كتسالها ليا وهو قابط على نيفو
جلال: هادي حيت شفتي فشي حاجة ديالي
محسن: ولكن ماري قالت لي تفارقتو
جلال: مكندويش على ماري
محسن: اه كدوي على ملاك لي عندك فالدار راه…
جلال: قبل ميكملها عود عطاه لوجه
محسن: صافي اصلا لبنت درويشة اجي بعدا اش كتجيك
جلال: مرتي
محسن: 😲 كضحك معايا ياك
جلال: لا بصح
محسن: صراحة متستهلهاش نتا صاحبي وعارفك ولبنت زوينة ودرويشة وخوافة متصلحش ليها
جلال: المهم انا مشيت اه مبروك عليك نتا و ماري😉
محسن: الله يبارك فيك نتشاوفو غدا.
دخل لدار متوجه لبيتو حتى بان ليه الضوء شاعل عندها دق زوج مرات مكيلقاش جواب حل الباب ودخل لقاها ناعسة فنموسيتها لابسة بيجامة صيفية عبارة عن شورط و دوني ديالو فأزرق بارد وشعرها مليوح على وجهها كانت بحال شي لوحة فنية قدامو بقى شحال كيتأمل فيها مد يدو و حيد شعر من على وجهها نزل بشوية باسها فراسها بوسة خربشات ليه المشاعر أول مرة يحس بهاد الاحساس و بهاد الانجذاب لشي بنت جمع الوقفة وتوجه لبيتو كينعل فراسو حيت كون زاد شوية يتهور.
اصبحنا و أصبح الملك لله فاقت هاجر على أشعة الشمس دخلات لدوش دارت روتينها صلاة صلاتها وهي كلها أمل فيوم جديد لبسات خمارها هاد المرة بلا متغطي وجهها هبطات لكوزينة وجدت لفطور حطاتو فوق الطبلة حتى كينزل جلال لابس سروال كيطمة فالاسود مع تيشورط فالابيض مبين عضلاتو و صندالة بيتية جلس فالكرسي
جلال: صباح الخير
هاجر: صباح نور و هي كتنزل ليه طاس القهوة على الطبلة تمت متوجهة لدروج
جلال: منوياش تفطري
هاجر: رجعت جلست معاه على الطبلة
جلال: علاش لبساه
هاجر: شنو؟
جلال: مد يديه و جر ليها لفوقاني ديال خمارها حتى طاح شعرها من موراها وعلى وجهها شدها من شعرها و جرها عندو أخر مرة تلبسيه فالدار و انا معاك حتى يكون البراني راني راجلك زعمة مفهوم.
هاجر: وعتها من الشدة لي داير ليها واخة طلق شعري راك و عتيني.
جلال: رخى منها و كمل فطورو ناض ملي تسالي وجدي راسك أنخرجو.
هاجر: بفرحة بصح و اخيرا من بعد شهر غادي نخرج نشوف المدينة.
جلال: على ملي سافرت مخرجتيش
هاجر: خرجت ولكن كنمشي لسوبر ماركت ورجع.
جلال: يالله سربي قبل ميتنادم معايا الحال.
فعلا كملت جميع الطابلة طلعت بدلت عليها و هبطت عندو لتحت ركبو فطوموبيل اول حاجة مشاو حدا قهوة بجنب البحر من بعد داها لمول شرات حويج ولي غاصها تحت أصرار ديالو مدخلو لفيلا حتى ليل توجه كل واحد لبيتو.
في جهة ثانية 📱
ماري: محسن علاش انا ماشي شي وحدة خرى
محسن: انا عجبتيني من اول نهار منبقاوش رجعو لنفس الموضوع
ماري: ولكن انا كنت مع صاحبك
محسن: مكيهمنيش لي كيهمني انك ديالي دابا من هنا لقدام
ماري: جلال وصل المغرب لبارح معرت اش دار مع هاجر والى ساق الخبار راك شفتيها
محسن: ههههه راه كليت كروشي على ودها حيت شفتها مكنتش كنتصور غادي يتزوج ولكن فعلا بنت درويشة وزيد عليها زوينة بزاااف
ماري: احم احم انا كنغير
محسن: ماري واش عارفة شي حاجة على هاد زواج
ماري: لي عارفو نتا عرفاه أنا مي لي متأكدة منو انو مستحيل جلال يضربك غير هكاك عمرو دارها.
محسن: كنتمنا اش بان ليك تنزلي لمغرب نتي وهاجر وليتو صحابات منها نسافرو مجموعين نحاولو نقربوهم
ماري: فكرة زوينة منها نكون حدا حبي غدا انا عندكم
محسن:هاي هاي على حبي نموت عليك انا يالله نخليك دابا داير مع جلال غادي نسهرو فنايت كلوب
ماري: متعطلوش
محسن: هههه واخة لمغيارة قطع معاها و توجه لبيتو بدل عليه وتوجه لنايت كلوب فين داير مع جلال دخل لقاه جالس بجنبو وحدة لابسة من غير هدوم مقربة ليه بزاف كتعوج عليه وكتبوس ليه فعنقو
محسن: فين العشير
جلال: شاف فساعتو تعطلتي لا
محسن: كنت كندوي مع ماري غدا غادي تجي توحشت هاجر😏
جلال: سمع سمية هاجر تقاد فالجلسة و بعد عليه هديك نوضي من هنا
البنت: يالله كنتي زوين
جلال: خنزر فيها قلت ليك نوضي ناضت كتعكل فجلايلها
محسن: المهم ملي تجي غادي نسافرو مجموعين مقنطتيش هنا
جلال: لي بان ليكم
كملو سهرة ديالهم فجو من الضحك و النشاط عاد كل واحد فيهم توجه لدارو وهادي كانت اول مرة يرجع جلال لدار بلا ميجيب معاه شي وحدة لدار.
اصبحنا و اصبح الملك لله ناضت هاجر من الفراش دخلت للدوش قضات حاجتها و طرفت حالتها صلاة صلاتها من بعد لبست كسوة صيفية ملي عطاتها ماري في الخضر ملكي مع سنديلة كحلة جمعت شعرها ديل حصان هبطت لتحت وجدت لفطور جلست كتفطر تسنات جلال يهبط ولكن منزلش توجهت لبيت ديالو دقات والو حلت لباب لقات فراشو مقاد و هو مكينش عرفاتو يكون خرج قبل متفيق او مباتش فالدار رجعت جمعت الطبلة ودارت شوية بالدار وقادت حتى بيت جلال.
نمشيو لجهة خرى🏢
فمكتب عند محسن جالس هو و جلال من بعد موقعو عقد الشراكة شاف فساعتو ماري قريب توصل خصني نتحرك باش نتلقى ليها فالمطار.
جلال: أك مبروك علينا مرة خرى
محسن: مع ابتسامة صافحو
جلال: هاك ساروت الدار عطيه لماري باش ملي توصل بلى متبقى قدام الباب
محسن: خدا من عندو ساروت هي شي غدا على حسابك نذوقو طياب المدام.
جلال: مرحبا تسنا حتى انا غادي بحالي
خرجو دراري بجوج محسن قصد المطار و جلال توجه لسوبير مارشي خدا شي تقدية ودار قهوة عاد توجه لدار سطاسيونا طونوبيل هز دكشي لي جاب دخلو للكوزينة خرج كيقلب بعينيه على هاجر لقاها جالسة منساجمة مع فيلم هز تلكوموند وقلب لأخبار
هاجر: دخلتي لا سلام لا كلام وقلبتي لي فيلم كنتفرج فيه كيف درتي ليها.
جلال: باغي نشوف الاخبار
هاجر: رجع ليا فيلم عفاك
جلال: خنزر فيها وقيلة دويت
هاجر: حنات راسها كتفرك فيديها شاداها البكية.
جلال: جرها من يدها حتى قربها منو مالك ثاني🤨
هاجر: نتا حكار معرفتش اشنو درت ليك كل مرة كتعاملني فشكل
جلال: بقى كيشوف فيها وسهى فعينيها وملامح وجهها طفولي محس براسو حتى حط فمو على فمها هي تصدمت مادارت حتى رد فعل بينما هو زاد قربها ليه كثر و يدو على خصرها كيبوس فيها حتى سمعو
…: احم احم
…: احم أحم
دفعات هاجر جلال وناضت كتشوف فالشخص لي قدامها راجل كبير يكون فنفس عمر اب ديالها لابس كوستيم فالاسود وحاط حداه لفليز ديالو بينما جلال كيشوف فيه مصدوم
…: سمح لي الى قطعتكم ولكن خديت ساروت من عند محسن.
جلال: وقف توجه لعندو عنقو عناق رجولي الواليد اش جابك
محمد: بادلو العناق هادي هي على سلامتك.
جلال: دخل دار دارك ممحتاجش عراضة موجه هضرتو لهاجر هادا محمد أب ديالي.
هاجر: توجهت عندو باست ليه يدو على سلامتك عمي.
محمد: بملامح ممفهومينش الله يسلمك جلس على فوطوي بينما هاجر توجهت لكوزينة وجدت ليه عصير ورجعت عندهم لصالة لقاتهم كيهضرو حطات العصير فالطبلة وطلعت لبيتها دخلت وجلست على نموسية تفكرت القبلة مع جلال رجع قلبها كيضرب بجهد اما لتحت عند جلال جالس مع اب ديالو
محمد: تلقيت مع ماري قالت لي اتنزل عندكم و جيت معاها توحشت المغرب منها نبدل الجو ونطمن على ولدي واش مزال غادي على الخطة وزيدون شهر ونص لي باقي على لي شافت عيني جمال بحال هداك و المؤهلات واخة تكون حجرة تحرك.
جلال: لوليد متنساش هديك مرتي و انا منسيت والو فينها ماري دابا؟
محمد: مع محسن قاليك يقضيو شي غراض و يجيو سبقتهم انا.
جلال: اك المهم نوض نوريك بيتك ترتاح داه واحد لبيت فطبقة لي هوما فيها هاهو قريب لكوزينة و الصالون حتى فليل الى حتجيتي شي حاجة راه كاينة هاجر أو انا.
محمد: واخة دخل لبليز ديالو وجلس على سرير كيتفكر لقاء ديالو بماري
فلاش باك ⬅️
جالس فالقهوة حتى كتبان ليه جالسة كدوي فتلفون و كضحك تسناها حتى قطعات و توجه لعندها.
محمد: ماري لباس ؟
ماري: الحمد لله و نتا جلس
محمد: انا لباس غبرتي شحال مشفتك مع جلال واش مرجعتيش معاه لمغرب؟
ماري: لا انا وجلال تفارقنا راه دابا مزوج على مابان لي كيبغي مرتو😊
محمد: بصدمة كيفاش ملي وعى على راسو دوى بصوت عادي اه هاجر ضريفة و خلوقة.
ماري: وزوينة بزاااف كتحمق نهار شفتها متيقتش انو داك الجمال طبيعي توحشتها ولكن غدا غنزل لمغرب منها نشوفها وغادي نسافرو مجموعين.
محمد: شكون نتوما؟
ماري: هاجر و جلال و محسن شريكو و انا.
محمد: حتى انا غادي نزل غدا توحشت المغرب عندي شي شغل خصني نقديه
ماري: صافي نمشيو بزوج.
نهاية الفلاش باك⬅️
محمد باقي جالس فوق نموسية داير رجل على رجل كيكمي وبخ جيت فالوقت المناسب ناض توجه لشرجم كيطل بضحكة شريرة مرت ولدي ضحكي دابا و فوجي حيت ايامك معدودة فهاد الدار و فحياة جلال 😈
طلع لبيتو ساخط محيلتو لباه لي جا بلا ميعلمو وعارف ان مجيتو مكتبشرش بالخير محيلتو لتصرف لي دار مع هاجر حيد تريكو لي كان لابس وسروال بقى بالبوكسر هز فوطة لواها على نصو حتى تحل عليه الباب دخلت بلا مدق غير شافتو هكاك مسفح حدرت راسها
هاجر: سمح لي نسيت مدقيت
جلال: تم متوجه عندها ووجهو مغوبش
هاجر: تمت غادة خارجة حتى قبطها من يدها دخلها و سد الباب بقى مقرب ليا حتى لصقني مع الحيط حط يد على خصري ابقا كيشوف فعيني زاد قرب مني معقلتش على راسي حتى لقيت راسي كنتجاوب معاه في قبلة طويلة دورت يدي على عنقو حسيت بتبوريشة ورجلي خواو عليا كن مقبطنيش من خصري وزير عليا كن طحت ليه اول قبلة ليا مع راجلي راجل لي كنبغي واخة تعامل ديالو لي ممفهومش ولكن انا كنبغيه بعد شوية عليا ملي حس بيا تخنقت حط راسو على راسي.
جلال: لبسي خمارك بلا متغطي وجهك.
هاجر: مغمضة عينيها كترد النفس الصمت
جلال: باس راسها انا ندخل ندوش وجدي معاك لغدا الوليد كاين و حتى محسن و ماري غادي يجيو وديري لي قلت ليك.
هاجر: حلت عينها جاو فعينيه نيشان تزنكت وجوبت بصوت شبه مسموع واخة وخرجت من البيت.
جلال: واش انا ليدوزت بنات أشكال و أنواع نطيح فيها انا زواجي زواج مصلحة مصلحتي نتقم منها من باها لي خدا ليا الأم ديالي الحب عمرو كان من أولوياتي معنديش فالقاموس حيت كلهم بحال بحال توجه لدوش حيد الفوطة وتخشا تحت رشاشة لماء بارد هابط عليه و صورتها بين عينيه وهي مغمضة عينيها كتبادلو القبلة حتى ملي حلت عينيها و توردو خدودها كمل خرج لبس بوكسر و سروال كيطمة رمادي مع أكس بيض وهبط لتحت.
مجموعين فالصالة محسن و جلال و محمد من بعد ملتاحقو بيهم محسن و ماري كيتناقشو فالأعمال و فالمشروع جديد ديالهم بينما ماري مع هاجر فالكوزينة كيوجدو الغداء
ماري:جالسة على الكرسي توحشتك بزاااف واخة كندويو فالتلفون مي ماشي بحال جالسة معاك
هاجر: واقفة كتقطع فسلطة حتى انا حبيبتي اوا أش تم شفتك قبيلة ملي دخلتي مع محسن فرحانة و عينيك فيهم لمعة خاصة
ماري: صراحة انا و محسن على علاقة و هو كيعملني باحترام وحتى انو عارف الماضي ديالي
هاجر: من خلال كلامها عرفت انو قصدت بكلامها جلال المهم هو الاحترام والتقدير و الحب كيجي مع الوقت
ماري: اه عرفتي غدا غادي نمشيو افران
هاجر: سعداتكم أختي
ماري: وقفت من الكورسي دارت يدها على جنابها سعداتنا حيت حتى نتي و جلال غادين معانا😉
هاجر: كيفاش🤨 ماقالي والو جلال
ماري: ضربتها على راسها هاني قلتها ليك كن غير مجاتش الفرصة
هاجر: كتحيد طاجين من على البوطة حتى نشوفو هاد قضية السفر
ماري: هاجر بغيت نسولك سؤال شخصي
هاجر: سولي الفضولية
ماري: زعما نتي و جلال احم زعما مطرا بيناتكم والو🙄
هاجر: اش غادي يوقع مثلا كيف خليتينا كيف باقين كل واحد فبيت كنتجمعو وقت الماكلة
ماري: ونتي محولتيش تقربي منو هو صعيب تعاملي معاه شخصية عصبية جلال كنعرفو شحال هادي ملي دخل بابا شريك معاه فواحد صفقة لي بان لي كيخاف من الارتباط أغلب علاقاتو عابرة على مكنظن عندو شي عقدة منا حنا الجنس اللطيف ولكن لي عارفة مستحيل يضرب محسن على قبلك اذن كيحس بشي حاجة من جيهتك
هاجر: 😲 ضرب محسين
ماري: وي نهار طفى عليك ضو فالفيلا و شافك هادشي لي قالي محسن المهم حاولي تقربي منو حيت انا عارفاك كتبغيه بينة فعينيك و حتى تصرفاتك كن كانت شي وحدة خرى كن مشات و خلاتو على تعامل ديالو.
هاجر: كتستوعب هضرة ماري يكون خير يالله نحطو الماكلة قبل متبرد.
خرجو البنات حطو الماكلة على طبلة تغداو فجو عائلي كملو جمعو طبلة خرجو رجال و بقاو البنات فالدار مع هضور و الضحك ماري قنعت هاجر تقرب من جلال و تحاول تفهمو كثر باش يسهال عليها تقربهم هي و محسن ملي يسافرو.
في المساء🌃
جالسين مجمعين فالصالون محسن: اوا غدا معاش غادي نقبطو طريق
جلال:داير رجل على رجل شوف مع البنات
ماري: نمشيو صباح يكون الجو بارد
هاجر: موجهة هضرتها لجلال انا مقلتي لي والو على هاد السفر فين غادي نمشيو بعدا🤔
جلال: غادي نمشيو لأفران نبدلو الجو انا منزلش لمغرب باش نبقى فبلاصة وحدة كونجي مرة فالعام خصني نستمتع بيه أمدام
ماري: حاولت تلطف الجو هاجر حتى نتي حبيبة خصك تخرجي و تشوفي دنيا نفوجو شوية ياك
هاجر: لي بان ليكم غير كان خاص يعلمني
محمد: انا بعدا غادي نوض نعس نتوما شباب بيناتكم.
محسن: عمي يالله معانا تبدل الجو شوية.
محمد: لا خليكم على راحتكم ستمتعو بوقتكم شحال غادي تجلسو؟
جلال: أسبوع و غادي رجعو الوليد
محمد:أك تصبحو على خير توجه لبيتو يرتاح و خطط.
هاجر: حتى انا عيت خصني نطلع ماري يالله معايا لبيتي
جلال: ضرب محسن ونتا زيد قدامي ياك جبتي حويجك بعدا.
محسن: ابشوية صاحبي خباطات عندك اه قبيلة قبل منجي انا وماري دزنا لدار راه لفليز ديالي فكوفر طوموبيل.
هاجر: جرات ماري تصبحو على خير.
جلال: عولو تفيقو مع خمسة صباح يالله نتحركو.
طلعو لبنات ودراري كل واحد توجه لبيتو.
عند البنات👭
ماري: كتشوف فحويج هاجر عندك حويج زوينين هزات ليها شي بيجامات و شي سوميجات دونوي هادو يحمقو جلال ملي يشوفك لابساهم😍
هاجر: حيدتهم من يدها حيدي عليا هدشي مشات لوحدين طوال هادو لي غادي لبس لاحتهم هوما شي خمارات و فولارات فلافاليز هزات فوطتها ودخلات لدوش.
ماري: بضحكة شريرة😒 حيداتهم ودارت بيجامات و شي كساوي ملي عطاتها و سوميجات دونوي و سدات لفليز بدلت حويجها بزربة وتكات فنموسية كتسنى هاجر.
هاجر: خرجت من الدوش كتنزل كمام بيجامة صافي جاك نعاس
ماري: أه ولكن قلت نتسناك
هاجر: انا نصلي غير نعسي نتي.
ماري: اك
فبيت دراري👬
جلال: كيسد صاك ديالو هاني جمعت حويجي
محسن: غادي نجلسو فدار ديال عماد
جلال: نكريو فيلا يكون حسن
محسن: بلاش زيدون راه فيها زوج بيوت كل بيت و حمامو عاد صالونات زوج و الكوزينة.
جلال: لبنات فبيت انا ونتا فبيت😏
محسن: كيفاش كيفاش ممتفقش انا ومدامتي فبيت و نتا ومدامتك فبيت نتافقو من دابا ولا ممسفرش
جلال: ضربو بمخدة مكبوت لاخر
محسن: نضيع انا العشير طفي الضوء و دوز تنعس راك غدا نتا لي غادي تسوق
نعسو أبطالنا كينتظرو الغد بفارغ الصبر كاين لي فرحان حيت يسافر مع شريكو و كاين لي محاملش هاد تسفيرة كاين لي ممسوقش كاع.
الساعة الخامسة صباحا🕔
ركبت هاجر القدام حدا جلال بينما ماري و محسن لور طول الطريق هوما كيتمعشقو بينما هاجر ساهية فالمناظر و جلال مركز مع الطريق وقفو فطرو فمحطة الاستراحة من بعد كملو طريقهم.
بلسان البطلة وصلنا لأفران سويسرا المغرب الجو زوين و حتى المدينة كتحمق سطاسيونا جلال قدام واحد العمارة نزل هو و محسن لفاليز ديالنا طلعنا فدروج لواحد الدار فالطابق الثاني حل محسن الباب ودخلنا كانت دار زوينة وراقية لدرجة كبيرة
محسن: اوا على سلامتكم اسيادنا
جلال: حط لي فاليز لي كان هاز وجلس فواحد فوطاي فالمرح طرطق عنقو عيت اصاحبي بسوقان
ماري: دارت عند هاجر دار زوينة😍
هاجر: اه المهم نجلسو بزوج فبيت واحد
ماري: غوتت بدون وعي وقفت لا مموافقاش مشات عنقت محسن جلست على رجليه انا نبقى مع بب و نتي شيرت لجيهت جلال مع راجلك.
جلال: جر هاجر من يدها حنا طلعنا نرتاحو هز لفاليز باليد الثانية اول بيت دخلنا ليه كان كبييير عندو بالكون و حمام وسرير كبير بزاااف مفرش بالكحل و الرمادي.
جلال: واحد دقيقة انا راجع هبط جاب صاك ديالو وطلع لقاني مزال واقفة فبلاصتي كندور فعيني هاد أسبوع دوزيه معايا فهاد البيت
هاجر: كيفاش😲
جلال: نتي راك مرتي ضروري غادي نتشاركو نفس البيت و محسن جاي مع ماري باش يفوج كيما سمعتي هي باغة تبقى معاه معندي مندير ليك 🤔
هاجر: مفهوم عطيني نقاد لحويج غير حلت لفاليز ديالها تحل فمها معاه لقات كساوي و بيجامات و سوميجات دونوي اع فعايل ماري هادو😡
جلال: كيجبد حويجو باش يدخل يدوش سمعها ملي دوات مالكي؟
هاجر: والو غير ماري بدلت لي حويج لي كنت جايبة معايا
جلال: حيدي نشوف دفعها هز واحد بيجامة مقزبة وعاود حطها أنا دخلت ندوش
هاجر: الصمت حيدت خمارها كملت تستاف الحويج وجدت باش دوش حتى هي و تحيد عرق ديال السفر.
ماري & محسن
محسن: ههه كنتي ذكية فاش مبغيتيش تجلسي معاها فنفس البيت😏
ماري: اول خطة باش يتقربو من بعضهم هو يجلسو فبيت واحد.
محسن: منخافش على زين ديالي
ماري: عطيني نقاد حويجك راه ستفت ديالي
محسن: عارفك حادكة باسها فراسها
ماري: نسالي نزلو نوجدو الغداء
محسن: طلباتك أوامر كملو هاد زوج لحويج و نزلو لكوزينة لقاوها كتسفر
ماري: أش نديرو دابا
محسن: نخرجو لسوبير مارشي
ماري: اك
محسن: مع نزلو من باب العمارة خدا صورة ليه.
خارج من دوش لابس شورط فالأسود و تيشورط فالرمادي جاه مع فورمتو لاصق انا غادي نهبط نشوف لخرين لتحت بينما دوشتي حركات هاجر راسها بالموافقة دخلات دوشات خرجت لابسة بيجامة مقزبة فالاسود بسميطات كتبين بشرتها البيضة كتنشف شعرها بالفوطة حتى تحل عليها الباب شاف فيها بنظرات ممفهومينش
هاجر: شفتك طلعتي دغيا
جلال: وقف أونفاص ليها راه مشاو يتقداو كوزينة مافيها والو.
هاجر: واخة توجهت لنموسية تكات فيها
جلال: ملي تنزلي من البيت لبسي خمارك بلا متغطي وجهك منبغيكش تنزلي هاكة
هاجر: اك خليني نتكى شوية راه ضرني راسي مع طريق
جلال: الصمت جلس فكرسي مقابل معاها كيبقشش فتلفون مرة مرة كيسرق شوفة فيها حتى داها نعاس ناض غطاها ونزل لتحت حتى جاه اتصال📱
عزيزة: ولدي لباس عليكم؟
جلال: الحمد لله
عزيزة: كنتاصلو بهاجر مكتجوبش
جلال: راه غير عيانة مع طريق
عزيزة: على فينكم؟
جلال: جينا لأفران نبدلو الجو
عزيزة: الله يرضي عليك اولدي تهلا فيها راه عمك عبد الرحمان حدايا كيسلم عليكم.
جلال: الوليدة متشطنوش علينا راه حنا بخير
عزيزة: اوا نخليك بسلامة وتهلاو فبعضياتكم قطعت تلفون من بعد مطمنت على ولادها بزوج خبرت عبد الرحمان أنهم بخير وراهم مسافرين لأفران.
قطع مع الام ديالو بقى جالس كيخمم فهدشي لي كيدير فين غادي وصلو حتى دخلت ماري و محسن كيضحكو هازين تقدية حطوها فالكوزينة ورجعو عند جلال.
ماري: فينها هاجر؟
جلال: راه لفوق ناعسة.
ماري: صافي خليها ترتاح انا نوجد ليكم قهوة بينما قاديت لينا مناكلو دخلت لكوزينة قادت ليهم قهوة مع شوية المكسرات حطاتها ليهم فالمرح دخلت لكوزينة وجدت كرطان و سلطات و عصير وزادت معاهم حتى زوج بيتزات كملت بدات كتحط فالطبلة.
محسن: اح المدام حادكة
جلال: انا نطلع نفيق هاجر
ماري: لا غير خليك انا نمشي نشوفها نتوما حطو غير العصير و الكيسان هوما لي بقاو طلعت لبيت عند هاجر لقاتها يالله فاقت وجهها مغوبش
هاجر: شافت فماري عرفتي شادني لوجع و السخفة😥
ماري: يكما وقت بيريود ديالك🙄
هاجر: كنظن دوشت بالماء بارد ورجع عليا حتى طريق
ماري: يالله نهبطو ناكلو و طلعي ترتاحي
هاجر: واخة ولكن بلاتي لبس عليا تسناتها ماري حتى لبست ودارت فولارها نزلو لقاو دراري سابقينهم كياكلو تغداو لبنات جمعو طابلة وغسلو لماعن ودراري طلعو يرتاحو كل واحد فيهم دخل لبيت.
ماري: بانت ليها هاجر صفرة دوات معاها مخلوعة واش شوية دابا؟
هاجر: كتكابر على راسها مزيان بغيت غير نعس.
ماري: تسندي عليا نطلعك لبيت فعلا عونتها حتى وصلتها لبيت دخلت هاجر لبيت لقات جلال ناعس حيدت حويجها و بقات بالبيجامة مشات لطرف سرير تكات عالله يفوتها الحال.
اما ماري توجهت لبيت لقات محسن مدوش كيتسناها موجد ليها حويجها و الفوطة باش دوش
ماري: شكرا حبيبي فكرتي فيا
محسن: دوشي و اجي ترتاحي تكوني عيتي.
ماري: فعلا عيت بغيت غير نحط راسي نعس دخلت دوشت خرجات لابسة بيجامة سروال و دوني ديالها لقات محسن ناعس حال فمو بحال شي ولد صغير تخشات فيه و نعست.
فالبيت عند هاجر و جلال🚪
حسات بالوجع كيتجهد عليها وشي حاجة سخونة نزلت منها عرفت انها البيريود لي دايرة ليها هاكة لوجع تزاد عليها بزاف وحتى الماء بارد باش دوشت كمل عليها ماقدرتش تصبر و بدات كتبكي بصوت شبه مسموع😢
جلال : فاق مقلوب بالنعاس على صوت بكاها دورها عندو بالزربة حتى كيلقاها حمرة مالك أش كيضرك😮
هاجر: حشمات تقولها ليه عفاك كلم ليا ماري
جلال: وقيلة انا راجلك
هاجر: زادت فبكاها غير جاتني العادة الشهرية
جلال: واخة انا نعونك دخلي دوشي هزها حطها فالحمام مشى لبلاكار جبد ليها سروال كيطمة من عندو و قبية حيت حويجها ملقى حتى حاجة دافية عطاهم ليها مع الفوطة هبط الكوزينة جاب ليها الماء و طلع داز دق على بيت ماري و محسن ساعة مجوبوهش دخل لقاها دوشت و لبست حويجها نعتت ليه دواها فين كاين شرباتو وتكات فبلاصتها دخل معاها جلال فالفراش و ساخرها عندو هز عليها القبية لي لابسة
هاجر: كتحاول تنزل القبية اش كدير؟
جلال: رصاي غادي ندير ليك غير مساج يخفف عليك لوجع.
هاجر: الصمت
جلال: كيدير ليها مساج لكرشها واش ديما كيوقع ليك هكا؟
هاجر: اه
جلال: مشفتيش طبيب
هاجر: قالي ملي تزوجي يخفاف عليك الوجع عاد حسات باش قالت
جلال: باقي كيحرقك
هاجر: حسات براحة زادت تمخشات فيه ونعست.
جلال: ستحلى ديك لمسة طل عليها لقاها نعست خطف بوسة من فمها ضمها ليه كثر و نعسو معانقين بحال أي زوجين.
وصل ليل ماري و محسن هبطو لتحت
ماري: شفتهم مبانوش
محسن: كون كيديرو شي فشي باش يولدو شي وليد كيمشي
ماري: مع قالها بالعربية مفهماتهاش واط.
محسن: نساي نوضي نوجدو مناكلو شي حاجة خفيفة بينما نزلو.
ماري: غير خليك جالس دارت بان ليها جلال نازل غمزت محسن صاحبك نازل
محسن: شاف فجلال و تفرشخ بالضحك مولاي سلطان
جلال: مخنزر فيه راه غادي نمرمقها معاك راه نتا لي مولاي سلطان كندق قبيلة تواحد مكيجوب و لى كنتي ممسليش😒
محسن: لا غير العيا نعسنا يكما كاين باس؟
جلال: والو غير هاجر كانت باغة ماري
محسن: غمزو يكما فلعصتي البنت🙄
جلال: مال عقلك موسخ كانت بغاتها على شي حاجة ديال لبنات
محسن: فينها هاجر
جلال: راه مزال ناعسة عيانة بالطريق
ماري: ترارا سندويتشات واجدين
جلال: وجدي معاك شي زوج فطبسيل نطلعهم لهاجر
ماري: مغاداش تنزل
جلال: كياكل لا عيانة
ماري: قربت منو ودوات فودنيه واش لبيريود جاتها
جلال: امم
ماري: قدات ليه طبسيل يعني ليوم مغاديش نخرجو
جلال: ليوم لا
محسن: نديرو شي فيلم فالبيت عندنا نتفرجو
ماري: فكرة زوينة😍 غادي نوجد بوب كورن
جلال: كمل مكلتو بالصحة و الراحة و تصبحو على خير طلع لبيت لقى هاجر يالله فاقت جالسة مسندة على سرير كيف بقيتي؟
هاجر: شوية سمحلي عذبتك☺
جلال: هاكي كولي ورجعي رتاحي
هاجر: خدات من عندو طبسيل كلات حطاتو حدا الكوافوز ورجعت تخشات فبلاصتها.
جلال: جلس حداها كيلعب فالتلفون مغاديش تشربي دواك
هاجر: لا فاتني الحال حتى مساج ليدرتي ليا نفعني
جلال: شاف فيها ورجع كيشوف فالتلفون عم الصمت شي 10 دقايق
هاجر: جلال علاش تزوجتيني؟
جلال: رجعنا لنفس الموضوع
هاجر: خلينا ندويو غير بالعقل الله يخليك أكيد كاين شي سبب واش بابا لي جبرك تزوج بيا
جلال: شاف فيها و سكت
هاجر: واش نبقى ندوي بوحدي
جلال: قريب تعرفي كلشي صبري غير شهر و نص غادي تعرفي كلشي كوني أكيدة قبل منسافر غادي نعود ليك كلشي ولكن دابا لا يالله نعسي غدا تبعنا نهار طويل مبغاش تبدلي الجو.
هاجر: خلي معاك الضو شاعل
جلال: كتخافي و أنا معاك
هاجر: غير مكنبغيش نعس فظلام غير نعس و طفيه عطاتو بظهر و نعسات.
تسريع الاحدات بعد مرور 5 أيام هاد أيام دازت عادية خروج و دوران فوجو ضحكو و لعبو هاجر زادت تعرفت على جلال و طبعو حتى هو عرفها بريئة محسن و ماري علامهم بوحدهم واخة كتنعس معاه فبيت واحد عمرو قرب ليها ماعدا الى خطف شي بوسات محسن ولو أنو شاب طيش و عزيز عليه لبنات ولكن ملي قرب من ماري لقى فيها شريكة المناسبة ليه كتهمو هي كشخص ماشي كجسد هادشي لي وقع فهاد المدة.
صباح جديد جالسين مجموعين فالطبلة كيفطرو
محسن: أوا فين غادي نشدوها ليوم
جلال: فينما بغيتو
ماري: انا غادا نخطف ليكم ليوم حبي و شدت فيد محسن
محسن: فين مثلا
ماري: دوات فودنو نخليوهم بوحدهم
محسن: رجع دوا فودنها المهم اني نكون معاك.
جلال: هاجر اش بان ليك تبغي تخرجي!
هاجر: خلينا فالدار ليوم
جلال: لي بان ليك
محسن: طلق سوارت طوموبيل
جلال: راهم محطوطين حدا تلفازة
محسن: جر ماري من يدها أخوان احنا مشينا ملقانا ملي رجعو خرجو ثنائي و بقات هاجر كتجمع الطبلة وجدت قهوة لجلال حطاتها ليه فوق طبلة لقاتو كيتفرج فالتلفازة طلعت لبيتهم وجدت لحويج لي غادي تلبس و دخلت لدوش تغسل من بريود كملت وخرجت ملوية فوطة بدات كتنشف حالتها.
جلال كان جالس حتى تفكر تلفونو يمكن خليتو فالبيت طلع مع دروج لقى لباب محلول دفعو حتى كتبان ليه هاجر لابسة دوبياس بالحمر كانت كتسد حمالات الصدر شعرها جمعاه في فوطة جسمها المتناسق و البيض كتبان سكسي قرب ليها بشوية حط يدو على يدها وسدهم ليها هبط بيدو مع ضهرها بطريقة خلاتها تبورش تصدمت من تصرفو قبطها من يدها ودورها عندو لقاها حمرة حيد الفوطة على راسها حتى تطلق شعرها لي لصق على لحمها شاف فيها مدة و قرب ليها
هاجر: كدوي بصوت ضعيف جلال أش باغي دير!!!
جلال: شششش حط شفايفو على شفيفها بدا يبوس فيها بطريقة حنينة شي لي خلاها تجاوب معاه هزات يدها بدون شعور حطتها على شعرو غير حطتها و كأنو عطاتو الموافقة بدا كيضغط عليها و عض عضيضات خفاف على طول عنقها و أيديه كيتساراو على مفاتينها جرها جيهت سرير و هنا غادي يصبحو شخص واحد.
فاق مع 15h00 لقاها مزال ناعسة و مكمشة فيه هز يدو دوزها على شعرها باسها فراسها و فمها حتى بدات كتحرك حلات عينيها وسط عينيه
جلال: نعستي بزاااف
هاجر: وهي مزنكة و غالبة عليها الحشمة عيت
جلال: واش مزال مقصحة
هاجر: حدرات راسها غير شوية
جلال: انا نسبقك ندوش
هاجر: واخة
ناض من النموسية لبس بوكسر ديالو توجه لدوش بينما هاجر بقات متكية كتسترجع أش طرا كانت فرحانة أنو سلمت راسها لراجل لي بغات من صغرها ناضت لبست عليها وجلست فطرف نموسية كتسنى جلال يخرج باش دخل دوش.
واقف تحت رشاشة معصب كيتفكر هضرتو مع اب ديالو ليلة قبل ميسافر
فلاش باك⬅️
محمد: عنداك تكون بغيتيها🤨
جلال: واليد راك عارفني
محمد: زيدون هي مغتصبة ملي كانت صغيرة راك ماشي أول راجل فحياتها
جلال: كرز على يدو و غمض عينيه عارف هدشي
محمد: ضرب على كتفو عيش و شبع منها باش نهار تلوحها تبع لي سبقوها
جلال: نفكر واخة مكنتش داير هاد الاحتمال فبالي😏
محمد: راها مرتك حلال طيبا ولى عزيز عليك غير الحرام ههههه
نهاية الفلاش باك➡️
جلال: خبط يدو مع الحيط اع كيفاش قدرت نديرها هي كانت مزال بنت ضحك ضحكة خفيفة ملي تأكد انو اول واحد فحياتها كمل دوش ديالو وخرج لاوي عليه فوطة على خصرو شافها مزال جالسة على طرف سرير لابسة بيجامتها شعرها مطلوق مزنكة كتفرك فيدها.
جلال: بابتسامة دخلي دوشي انا نهبط نوجد لينا شي حاجة يكون فيك جوع.
هاجر: ☺ لي بان ليك
جلال: نشف راسو و لبس شورط مع ديباردور هز تليفونو و هبط لتحت دوز أتصال طلب بيتزا بينما عند هاجر دوشت وخرجت لبست بيجامة بيتية ولبست فوقها حجابها نزلت لتحت لقاتو حاط بيتزا فوق الطبلة و مونادة جلسو كلاو فصمت حتى تم داخل محسن و ماري
ماري: هاي
محسن: كتاكلو بيتزا بلا بينا؟
جلال: و نتوما تكونو تغديتو على برا
محسن: اه صراحة هاد الخلقة عياتني
جلال: حمد الله مكتفهمكش كون ندماتك
محسن: هههه اوا كيف داز نهاركم نتوما
جلال: ملي تسالي نشربو قهوة على برا و نهضرو
محسن: لي بان ليك
كملو وخرجو الدراري لقهوة قريبة لدار كل واحد خدى أش بغى حتى دوى جلال صراحة انا درت ليوم غلط كبير
محسن: يكما كاين باس!
جلال: عود لمحسن على زواج مصلحة مع هاجر وعلى اش طرا بيناتهم وعلى اغتصاب ديال صغر مسكت حتى كمل كلشي عاد حس براسو شوية
محسن: ضحية هنا هي هاجر علاش قستيها ملي مكتبغيهاش وباغي غير تنتاقم منها وزواجك بيها غير مصلحة؟
جلال: معرفتش انا عمري بغيت شي وحدة باش نحدد مشاعري ليها ولكن لي عارف فيها شي حاجة مختالفة و مستحملاني بعصبيتي بكلشي عمرها تشكات
محسن: حاول مظلمش لبنت وزيدون ماماك و باباك تفارقو شحال هادي نتا سمعتي لوليد ديالك عمرك حولتي تجلس مع الام ديالك و تفهم علاش طلقو؟
جلال: لا عمري سولتها حرت شنو بان ليك؟
محسن: متفرطش فمرتك خاصة نتا أول واحد فحياتها وكتبغيك فوق هدشي الى مشيتي حتى هرستي هاد الحب صعيب ترجعو هي معندها ذنب حاول تقلب على الحقيقة و متكونش ظالم عطي لراسك فرصة متلقاش بحالها نخافك تندم الى فرطتي فيها.
فجهة لخرى عند البنات👭
ماري: بانت لي شي حاجة مبدلة فيك
هاجر: الصمت
ماري: كتخبي عليا 🙄
هاجر: دارت يدها على و جهها صراحة قاسني جلال
ماري: اوه اوا مبروك أخيرا وليتو كيان واحد
هاجر: ☺
ماري: اوا شفتي نصائح ديالي قداو فيك متفرطيش فيه
هاجر: ان شاء الله جلال هو حياتي
ماري: كنتمنى تبقاو مجموعين.
هاجر: اوا نتي شنو أخبارك مع محسن؟
ماري: محسن مكاينش بحالو ولو كنعسو في بيت واحد مكيقربش ليا قالي انا باغيك نتي كشخص ماشي على ود دكشي كنبغيه و ندمت حيت معرفتوش قبل😞.
هاجر: حطت يدها عليها حتى دابا باقي مفات الحال فرصة و تعطاتك شدي فيها بيدك و سنانك.
هكا كملو هضرتهم رجعو دراري لدار لقاو لبنات وجدو لعشاء تعشاو مجموعين و كل واحد توجه لبيتو.
أشرقت الشمس معلنة عن بداية يوم جديد يحمل في طياته أحداث جديدة البداية من عند ابطالنا جلال ليل كامل منعسش غير مقابل هاجر وكيفكر ليكون ظلمها و ظلم حتى الام ديالو و عبد الرحمان هضرت محسن لعبت على عقلو و خلاتو يفكر فبزاف الحويج ناض بشوية من حداها لبس حويجو و خرج يتمشى شوية عالله يبرد.
فاقت هاجر ملقاتوش حداها عرفاتو يكون فاق قبل منها هادي هي عادتو ناضت دخلت لدوش قدات حاجتها و توضات خرجت فرشت صلاية صلاة صلاتها ملي كملت قرات شوية القرأن لبسات خمارها و نزلت توجد الفطور بينما نزل محسن و ماري.
فبيت عند محسن و ماري🚪
ماري: كتكسل صباح النور
محسن: جوبها بصوت مبحوح صباح الخير
ماري: مالك من لبارح ملي رجعتي من القهوة و نتا ماشي حتى لهيه؟
محسن: والو
ماري: ياك حنا واحد ممكن نعاونك غير قولي
محسن: جلال كيستغل هاجر
ماري: جلست كيفاش مفهمتش 😲
محسن: كيف كتسمعي هاد زواج مجرد نتقام باغي يفديه فيها و اثفاق مع الاب ديالها
ماري: حطت يدها على فمها و شدتها الغمة وهاجر اش غادي دير الى عرفت هادشي
محسن: انا قلت ليه ميتهورش و ميفرطش فمرتو و قلب على الحقيقة كلشي من باه
ماري: هاجر كتبغيه بزاف ملي كتكون كدوي عليه كتكون فرحانة
محسن: أنا عارف هدشي نتمناو يكون خير فأيام جاية حيت هدشي مكيبشرش بالخير
كانت طالعة تفيقهم باش ينزلو يفطرو يالله وصلت حدا باب بيتهم هي تسمع الحوار لي دار بينهم حسات بالدنيا ضارت بيها و قلبها تقبط عليها ممصدقاش أش سمعت دخلت نيشان لبيتها حيدت لخيمار حلت باب لبالكون وقفت كتاخد اكبر قدر من الاكسجين عاد بدات كتسترجع احداث و تربطهم مع بعضياتهم عرفت سبب تعاملو معاها و عرفت علاش قاليها غادي تعرفي كلشي من هنا لقدام مطاحت حتى دمعة من عينها بقات واقفة جسد بلا روح ولكن شي حاجة لداخل فيها تهرست💔
جاي من بعد ما تمشى و برد حتى كتبان ليه واقفة فالبالكون بيجامة مقزبة فلون شيبي كتبين مفاتينها و زيداها بشعرها مطلوق محملش شي واحد يشوفها فداك المنظر دور وجهو مابان ليه حد توجه نيشان لباب الدار حلو وطلع فالدروج كيجري لبيت ديالهم حتى كتحس براسها مجرورة من يدها بعنف
جلال: معصب لأقصى درجة اش موقفك فالبالكون بهاد الحالة واش باغة زوامل يتمنظرو فيك
هاجر: الصمت
جلال: دوي مالك ساكتة ياك كنقوليك تواحد ميشوفك بهاد اللبس
هاجر: كدوي ودمعة فطرف عينها علاش كتعامل معايا هكا أش نكون انا بالنسبة ليك😢
جلال: معصب الصمت
هاجر: علاش كتعقبني انا بغيتك من قلبي
جلال: لبسي يالله نهبطو نفطرو
هاجر: كانت محتاجة فهاد الوقت تسمع منو كلمة كنبغيك او اي حاجة تصبر بيها راسها و انو فعلا مستغلهاش ولكن خاب ظن ديالها.
جلال: كلشي فوقتو تعرفيه.
سر سر 🤳
جلال: ألو
محمد: ولدي لباس نسيتيني
جلال: غدا راجعين
محمد: مزيان يالله نخليك
جلال: قطع تلفون و دارو فجيبو.
فنظركم جلال غادي يبحث على الحقيقة؟
واش هاجر غادي تصارحو بلي عرفت كلشي؟
كيسمعو دقان فالباب توجه جلال حل الباب وي محسن
محسن: يالله نفطرو باش نخرجو راه ليوم أخر نهار لينا هنا
جلال: سبقنا نتا و ماري بينما نزلنا
محسن: بشك واش كلشي مزيان
جلال: وي كلشي مزيان غير سبقنا سد الباب و دار عند هاجر ليوم خارجين وجدي راسك ويالله نزلو
هاجر: الصمت ناضت لبست خمارها فلون ثرابي لبس حتى جلال و توجهو لتحت لقاو ماري و محسن كيكلو فطرو حتى هوما و خرجو مجموعين ركبو فالسيارة هاد المرة شباب القدام و البنات لور دوزو نهار غير مسارية مشاو عين فيتال خداو تصاور بزاااف رجعو بليل معطلين جمعو حويجهم و قادو لبنات الدار لغد فاقو صباح شدو طريق راجعين لعروس الشمال وصلو محسن لدارو لي أصر على ماري تبقى معاه و توجه جلال و هاجر لدارهم مع حلو باب الفيلا لقاو محمد فايق كيشرب قهوتو ديال صباح.
جلال/هاجر: سلام عليكم
محمد: على سلامتكم كيف دازت سيمانة
هاجر: مشات باست ليه يدو عمي انا نطلع لبيتي رتاح
محمد: أكيد خودي راحتك
جلال: حتى انا نطلع ندوش ورتاح شوية عيت
محمد: جمع الوقفة المهم انا خارج نقضي شي غراض نتلقاو مع الغدا
جلال: واخة طلع لفاليز ديال هاجر و صاك ديالو دور راسو فالبيت ملقهاش سمع صوت الماء فالدوش حيد حويجو بقى بالبوكسر دخل عندها لقاها واقفة عاطية بالظهر لابسة سليب فالكحل و شعرها لاصق على ظهرها و الماء نازل عليها كانت مثيرة بزاف حس براسو تزير توجه عندها و حاوطها بيديه حتى قفزها
هاجر: دارت مخلوعة و كتحاول تخبي صدرها لي باين اش داخل دير خرج انا قربت نكمل
جلال: حيد يدها من على صدرها متنسايش راني راجلك و نقدر ندوش معاك😉
هاجر: تزنكت ولكن غير تفكرت الهضرة لي سمعت رجعت شافت فيه واحد الشوفة غير مفهومة.
جلال: حاول يقرى ديك شوفة ولكن كانت غريزتو غالبة عليه حيت كيبقى راجل هبط عندها حيت طويل عليها شوية هضر بهمس توحشتك أمراتي الغزالة وباسها فعنقها
هاجر: ملي سمعت منو مراتي نسات كلشي و سلماتو راسها لثاني مرة و بخاطرها مفاقت على راسها حتى كانت متكية على ظهرها كتنهج و جلال كثر منها و كأنهم كانو فسباق دارت شافت فيه و خطات راسها بليزار
جلال: حلوة بزاف مكنشبعش منك و باسها فراسها جرها عندو و عنقها هو دغية غمض عينيه بينما هي بقات كتفكر فهدشي لي دارت كيفاش ستسلمات ليه لي كان مصبرها انو حرام يكون بغيها وترفض حيت الملائكة كتبقى تلعنها بقات هكاك حتى نعست.
بعد 4 أيام ⬅️
هاد ايام دازت عادية هاجر و جلال من أخر مرة قرب ليها معودش فرض راسو عليها خاصة كتحجج يا عيانة او كيطلع كيلقاها نعسات مخليها على خاطرها المهم عندو يعنقها و ينعس بجنبها ماري رجعت لأمريكا و محسن رجع كيقابل مشروع ديالو مع جلال عزيزة و عبد الرحمان تاصلو مرة بهاجر خبرتهم أنها بخير محمد كيخطط كيفاش يفرتك هاد زواج خاصة كيشوف نظرات ولدو لهاجر و القرب لي أصبح بيناتهم.
صباح جديد فاقت بطلتنا لقات راسها في أحضان جلال حلات عينيها مزيان لقتو مزال ناعس كيبان مرتاح بقات كتأمل فيه و فتفاصيلو وجهو عينيه لحيتو شعرو المخربق تحنات باستو من فمو و خشات راسها فعنقو كتشم ريحتو وعندها أحساس داخلي بحالا كتودعو نفضات هاد افكار من بالها ستغفرات مولاها ودخلت لدوش غسلات و توضات لبست خمارها وتوجهت لقبلة صلاة صلاتها.
جلال: حل عينيه كتبان ليه كتجمع صلايتها ناض من بلاصتو صباح نور
هاجر: صباح الخير مزال مهداك الله تصلي
جلال: قريب ان شاء الله دعي معايا بالهداية
هاجر: الله يهدينا أجمعين انا غادي نهبط نوجد لفطور بينما نزلتي
جلال: اك دخل دوش ولبس عليه و نزل بانت ليه هاجر مشغولة كتوجد لفطور ستغل الفرصة و توجه لبيت عند الأب ديالو دق و دخل الباب.
محمد: صباح الخير
جلال: صباح نور
محمد: اوا بقى غير شهر ورجعو بحالنا اش قررتي غادي دير فحياتك
جلال: مفهمتش
محمد: كنقصد نتا و هاجر
جلال: خص غير شوية الوقت
محمد: منفكركش أنو هدشي غير خطة باش ترجع حقك لي خداه باها و هي كانت طريق
جلال: منسيتش منسيتش الوليد
محمد: امتى معول تفرتك هدشي حقك فشركة لي خديتي لعبد الرحمان بعتيه لشريكو ولا مزال هاديك هي ضربة لي غادي تهرس ليه ظهرو.
جلال: حاط يدو على راسو مزال معطاني ثمن لي بغيت
محمد: كنظن منقسينكش فلوس باش طلب مبلغ كبير راك بخيرك
جلال: وي ولكن ديك شركة راه كتسوى لملاين منقدرش نبيعها بقل من ثمنها.
محمد: ضحك 😏 اوا مرتك اش ناوي دير معاها كنظن خديتي أش بغيتي يعني غادي تلوحها بحال لي سبقوها وزيدون هي راه غير مغتصبة
جلال: يالله غادي جاوبو وقوليه انا أول واحد فحياتها حتى حس بشي حاجة تخبطت على الأرض تمنى فديك اللحظة ميكونش دكشي لي فبالو و متكونش هاجر سمعاتهم دار و تصدم لقى هاجر سخفانة فالأرض و مليوح حداها كيسان القهوة مشى كيجري عندها هزها وحطها على فراش.
فلاش باك⬅️
ملي نزلت هاجر توجد لفطور تصادفت مع محمد جالس فالصالون باست على يديه و طلب منها قهوة تجيبها ليه بعد ربع ساعة لبيتو عرف انو غير غادي فيق جلال يهبط عندو و هو ملي لمحها مورا الباب ستغل الوضع لصالحو و فتح موضوع الزواج معاه و حتى نصف شركة لي خدا لباها.
نهاية الفلاش باك➡️
فعلا كانت هاجر سمعت هضرتهم كلها ولو سمعتها اول مرة بالصدفة من ماري و محسن ولكن مكانتش واضحة بحال دابا ملي سمعت الكلام من فم جلال تجرحات مستحملتش هادشي حتى سخفت.
محمد: بينو و بين نفسو وصلت لدكشي لي بغيت ولدي غادي يرجع معايا لأمريكا و فوقهم فلوس شركة.
#يتبع
شاركنا رأيك في هذا الفصل 🌹