“تقديم”🥀
من وحـي الغرام آمَـنـتُ بك …فاطمَـىئـنَ قلْبي بداءِ عشقــك …♥️
بين العتْمة والـنُور والحـلال والحـرام وجدتـك …
أنـتَ سَـيدُ الغــرااام ♥️بسحــرِ الغـراام …
فَـولو بعـد حييـن أحـببتـك ..وسَيـظـلُ في قلـبي رَجــلٌ وعِشـقـه ..
جبَـرني وسَقـاني ..أغمـرنـي عشْـقاً فـقـال:
أَزهِــــري لي ورود اليــاسَمِــييـنٔ 💐
فأنـتٍ ذَااتْ الجـَـماال مِـثل عُـقووود اليـاقووت..
“””قبل سنة”””👈👈
فالمدينة الكبييرة مدينة لي بكبرها جامعة الدرويش لي مفحالوش والغني لي كيتمتع بلا حسااب بالضبط فالسالمية الجو مغيم والضباب مغطي شعى الشمس..فوحدة من الديور ناس طالعين نازلين منها بكثرة والقران كيستسمع فالزنقة كاااملة….
جالسة فالصالون تبكي ودموعها بحال الحجر كينزلو تقطعك فقلبك بحالتها تنوح وسط الصالون والدنيا عااامرة شكون من غير الحنينة تحزن من بعد موت كبدتها مرا كبيرة غليضة ومحجبة وجهها مسحوب منو لدم صفرة وكلها كترعد هزت عينيها وخواتاتها ومراا كبيييرة حداها ضعيفة وصحتها راااشية بالزمان وجهها كلو مكمش واشمة فذقنها وبين عينيها
شافتو واقف قدامها بداات كتفيبري وتجننت لاحت الوسادة لي كانت شادا قدامها وتسيفت عليه كتعطيه للصدرو وتبكي:الله يلݣيهاااا ليك اولد لحرام اش جاااي تشفاااا نتاااا سبااابها اولد الحراممم نتااا بغيييتك تشواا كيفما شويتيني بغيتك تصيبها ليوم قبل غدااا
بعدوها عليه العيالات ووطلع راجل كبير شايب غير شافو شدو شنق عليه:اش طالع ديير هااا؟مقدش لي درتيه …
…..:(كتبكي وتهز فسبابتها عليه)اش كااان يطرااا كون عتارفتي بيها وبولدك هاااهي مشات بزوج رواااح بغيت كيتي تخرج ليك فصحتك. ..
كان حادر راسو ودموعو دايزين حتا كيقطرو فوق قميصو ندمان والبكاا من ورا الميت خسااااارة تمنى لو ترجع ليام اللور وايني حتا حد فالدنيا ملقاها كيبغاها …كولشي تفرج ودا خبارو فميكتو لي كامشي من فم لوذن حتا كتشيع
الحراام لهلا يخلي شي انسان يطيح فيه كيفماااا كان نوعو كيرحع على مولاه فلخر يا بالمرض يا بالفقر يا بالمصايب…واخا كلنا كنعصيو ومقصرين ومذنبين غير نطلبو العفو لعلى وعسى ….فالدنيا تا حاجة مكتجي بالساهل ولا بالزهر كل فرحة ولا مصيبة كندفعو ثمنها والزنا والعلاقات الغير الشرعية من الحرام لي بزاف طايحين فيه بحال هاد الحالة فلخر كيولي بنادم هاز روح وطالع نازل فالمحاكم باغي غير الإعتراف بالمولد ولكن بنادم كيغيب عليه العقل فلول حتا كيوقع لي وقع عاد كيفطن براسو
كانت جالسة وسط البيت كتبكي وتهز ببكاها وشهقاتها المتتالية حتا النفس كتقطع فيها ومرة مرة كتكمش على قميص بين ايديها تشمو وتزيد فبكاها عويناتها حمرييين وشفارهم فازكيين فمها زراق وحناكها حمرين فوق منهم دميعات لاصقين فيهم خصلات شعرها الرطب…
كتبكي وبكاها مداواها ولا طفاها فكل مرة كتفكر ختها مغتبقاش تشوفها كتزيد تشحن دخلت بنت محجبة حتا هي باينة باكية شافتها طايحة هكاك فالأرض مشات عندها محسرة وعنقتها ودوات بصوت حنين:بااراك عليه غتحرقيها باراك عليك
….:(كارزة عليها وكتهضر بحرقة وصوت رقيق مرعوود)مشااات صغييرة انجلاء اهئ ختي مشااات مبقيتش غنشووفها مشااات الحنينة..قتلت رااسها وخلاتني كنتشواا
نجلاء بدات حتا هي تبكي بهضرتها قطعت ليها فقلبها :نوضي عافاك خالتي حليمة تاهيا كثر منك هي خاصها لي يوقف معاها راك بعقلك اياسمين نوضي اختي …
دااازت كنااازة حارة على قلوبهم تقبلو الوااقع المر ديال تفقد شخص عزيز والمجتمع هووو سباااب هضرة الناس لي فكل مصيبة كتشوف غير ناس شنو غيقولو فيك ولا ناس كيفاش غيشوفو فيهم كيعلقو على اي حاجة ويدخلو فاي حاجة يقدرو تخرج من فمهم غيير كلمة عادية بالنسبة ليهم ولكن نتا كتبقا تحفر وتغرس فيك بموووس حاااد …
داز الوقت وتدفنات خايدة معاها ذكرياتها معاهم صعييييبة تمشي من الدنيا ونتا كنتي كتحلم وتخطط لشحااال من حاجة صعيييب تمشي صغير وتخلي حبابك وراك محرووقين..داز العزا وعقولهم غاايبة غير الصحاب لي واقفين كاين لي جا ياخد الأجر من بعيد وقريب وكاين قلوبهم الرحمة مفيهمش والحسااادة كثااار فحياة كل واحد باغين غير يتشفاو
دازت ايااام روتينية ولكن الحزن باقي طاغي على نفسيتهم كانت جالسة ساهيا فكل مرة كضور واخا تجي عينها غيىر فالحيط كتزورها صورة ختها نفس الألم نفس الجرح نفس الحرقة والحزن فقلبها شافتها جامدة فوق الأرض منظر ضغط عليها بلا قياس تمنات ترجع تسمع نبرة صوتها ولا خصومتها ولكن هادشي مقدر ومكتوب …
دخل راجل شاااب وسيم وحروفو كحلين تنهد وتقدم عندها بخطوات ثابثة جلس حداها مشابك ايديه وقال بجدية:حتال ايمتا غتبقاي هاكا شوفي مي تا هي حالتها وكل نهار ترجع اللومة لبا هو لي شعل فيها وسمعها الهضرة وجرا عليها …
:(حولت نظرها ليه كتشوف فيه بعويناتها وقالت حابسة البكية)با محنش فيها انااصر (ضغطت عليها)محنششش فيها وجراا عليها فنصاصات الليل (هبطت من عينها دمعة)ايه غلطت وتشفا فيها لي يسوا ولي ميسواش ولكن حناا عائيلتها خاصها تلقا فينا الحناانة مي كتبكي وضارها الحال حيت ملقاتش ليها الجهد …
مسح على لحيتو بشتات كيتنهد:با حتا هو ندماان غير صفيو الخواطر وكان …
:(بهدوء)الخواطر صاافية هداك كيبقا با ومعنديش عليه فين والوقت كيداوي وينسي كتاب علينا الصبر غنصبرو …
ناض خرج فحالو عاد جمعت شتاتها وقفت قدام المرايا لابسة بيجامة نص كم طويلة فالليموني جمعت شعرها باهمال بايديها خرجت من البيت لقات مها شادا مانطة مرييضة وخوالاتها وجداها كيضورو فالدار يوجدو فالغدااا طلت عليها لقات راسها سخون حازماه بالزيف والحامض غطاتها ومشات للكوزينة بملامح ذابلة كتعاونهم وقلبها ربي لي عاالم بيه …
طلعات نجلاء حطت صاكها فوق الكونطوار ديال الصالون ولقات السلام شافتها واقفة معاهم عاد تنفست مكتبغيهاش تبقا سادة عليها …حيدت صباطها لمحتها باقا ناعسة باست راسها وقالت:كيبقيتي اخالتي حليمة …
حليمة:(بصوت خافت)الحال هو هو الحمد لله. .
بانت ليها جايا من الكوزينة داخلة لصالون هازا صينية ذهبية منقوشة فيها الكيسان والمعالق حطتهم وقالت بصوت انثوي باينة من نبرتها عيانة:جلسي حتا تغداي …
نجلاء:(حركت راسها وردت)كيف بقيتي شوية …
“إندثرت فصرت رمـاااداً احتـرقـت والنار لازالـت في قلبـي وستـظل كلـما جـاء ظلـك أمـامي “💔👌
نجلاء:(طبطبت على ظهرها)الله يبدل محبتها صبر يارببي ..
ياسمين:(حركت راسها بأسف)امييين جلسي تغداي غيتحط دابا …
وسط سوق شعبي كلها يلغي بلغاه وكلها فشغلو كيطلع منو طرف دالخبز باش يوكل راسو وولادو ….شي كيساوم على الخضرة شي على ديسير كاين لي غير يلوح فالميكات باش لكليان يعبر يتفك ويمشي فحالو…
وكاين لي درهم لحلال لي من صباح الله وهو واقف عليها مزارت جيبو وهذا حال بزااف العباد ..
فالخرجة ولا فباب ديك سويقة مجموع خير ربي بشار على واحد المضاربة وكاين لي كيدوز من حداها مولفين بهاد الصداعات بنادم خاصو غير علاش وفين يتشاد..وشي يدوز وينگر فخاطرو ويقول غير قلة التربية لي كديرها ..
وقف لابس تيشرت كحل ومع تراب والغبرة شهاب مبقا بان لونو عنقو حمر وفمو كيخرج غير الكلمات زوينين تبارك الله باين فيه طالعة ليه ديال بصح جاه دري قصر منو رقيق مباينش وجهو كيجر فيه من لور حتا ضار ليه عاقدهم عطاه بسنطيحتو خلاه دابخاخ مبقا عارف فين كيحط رجليه …
….:(بغضب وكيهز فايديه مخلي واحد حداه طايح ياله كيوقف ويشد فراسو باغي ينوض)اصل حباب مك جابد لينا هاد لخرااااا كااامل وجااي عندي..(دفل ونطق بصوت غليظ)ابلاتي على…(عظ لسانو وشاف فدري لي جالس)مزال نشوفك اولد لق****
وجهو كلو غبرة تقول كان فحرب بداو ناس ينوضو فهداك لي مليوح فالأرض اما هو دفع خوه وغادين ادراجهم وكيسب فيه عروق راسو تنفخو ليه وصلو لدربهم بانت ليه مو لابسة جلابيتها مقلوبة وزيف حياتي بيض باين تحت زيف قهوي غي لايحاه على راسها نفخ وزادت على دعوتو …
ابانو ليها جايين بحالا شافت الما وسط صحرا مشات كتجري مرا باقا صغيرة شوية مكبيراش بيضة وعينيها خضرين فنين كيحمقو وياخدو العقل:حنا منتغداو هانين كيناس واااالو ديما خباااركم واصلاني …
…:(خنزر طالعة ليه نقشة)هادشي ݣوليه لهاد راجل لي عندك
تخطاهم ومشا كينگرز دفع باب الدار طالع فالدروج حالتو حالة بالتراب دخل من اول باب ديال الخشب كانت دويرة زوينة ونقية فيها صالون كبير بطلامط سيجور فالذهبي خاميات فسراجم بنفس اللون وزربية كذالك وطابلات زوج بقلوعهم كولشي متيول وثلاثة البيوت ..
شعل شوفو باش يدوش وهي تخرج بنت من الكوزينة صغر منو تكون فديك 18 عام تقريبا …يديها عامرة بالكفتة كتكور فيها مبيضاش بزاف بحال مها ونقولو مكتشبهش ليها بزاف كولشي فيها عادي لابسة ݣندورة ديال الدار فيها غير شعر طويل وكحل شاداه بمقيبط ومخلياه مدلي اشافت سيفتو خاسرة ضارت فحالها…
مشا لبيت كان عادي فيه ناموسية وماريو هز بوكسر وفوطة ولي غيلبس ودخل تحمحم ليه مع راسو خرج ريحت شامبو والجيل تشمو على بعد اميال لبس لفوقية فوق من شورط وتلاح فوق ناموسية على ضهرو باغي يريح مخو وعضامو ….
بقا شحال كيشوف فسقف ومشاو عينيه الكوحل حاديين فديبلوماتو لي قرا عليهم تا حفا وجلس شومور عقد حجبانو لي كثاف مسح على وجهو وعلى لحيتو بايدووو ببطء
داتو عينو بكثرة تخمام حتا ناض على غوات مو باش ياكل هز تيليفونو لقا بزاف ليزابيل طفاه ولاحو خرج عندهم خوه مسرح رجليه مكانش صغير قريب ليه فالعمر فارق بينهم عام ولا جوج مع رقيق كيبان شكلو قل من عمرو
خنزرو فبعضياتهم وجلس حتا هو جات مو هازا طاجين مغطي حطاتو فوق طبلة لي عاامرة تبارك الله كل ماتشهيتي …حتا قالت:خليل كون ياوليدي مشيتي سديتي مع باك القهوة شتو تعطل والغدا غيبرد
شاف فيها هاز حاجب زعما منيتك وبصوت مبحوح جاوبها:شفتك باغيا تلاقي ليصانص مع العافية …؟!فين عمري مشيت لعندو …!؟
…:(خنزرت فيه)وفين عمرك ياوليدي حكك گلبك عليه …
مشات حتا سمع خوه كيضحك عليه عقدهمم وتلافت ليه:غنوض نهرس لديلمك سنانك وديك ساع غتلقا باش ضحك ..
ولى باغي غير ايمتا يتغدا ويضرݣ زلافتو سمع شي واحد كيعيط عليه ناض طل من سرجم:واااه العشير ..!؟ فالبليصة فليل تلاح
رجع جلس شوية سمع مول دعوتو كيحط فالموطور خوه ناض تقاد فالجلسة اما خليل بقا جالس كيف كان م
دخل راجل كبير شوية شيب باين فراسو ولحيتو طويل شوية كرشو سابقاه تقول شهرو لخر لابس بحال اي راجل فعمرو اشاف لعزارا جالسين ليه هكاك خنزر فيهم وزاد الكوزينة:سعاااد …
جاوبت مهم من الكوزينة:اسي حمد جيتي دخل جلس
حمد:(دخل جلس مرخي لوور حتا سمعو كيأذن وقال بصوت غليظ مرتفع)ايوا هاهاو ساير يأذن الضهر حنا مغنتجمعو
نجغدرو ولا …
حطو لي بقا وجات سعاد جلست وقالت لبنتها:فردوس نوضي زيدي لكيسان را مݣادينش
جابتو وجات جلست من ناحية الرجال مكاين غا الله يعطيك صحيحتك طحن وزيد ضربو الطاجين وعاد داخلين فشلايض وداكشي لاخر اما فردوس مخرجا عينيها فتلفازة
خليل:(مد كاس لمو باش تزيدو العصير فالبلاصة عمراتو ليه )
حمد:(رجع لور وتگرع)الحمد لله …
خليل:(وقف)الله يخلف …
شافيه باه بنص عين معاجبو حال ..
فالعشية ناض لبيتو لبس حوايجو حيت تحرك لبرد زاد لفوق تجاكيط تجين لبسو على قد حالتو المادية نقي ومستيلي بحال جيلو واخا هو را كيبريكولي بعد المرات ماشي بحال خوه مسالي ليه الجهد. ..
رش من ريحتو ودار كاسكيطتو خرج مخليهم كيكملو فطورهم نزل كيدردرك فالدروج حل الباب غيخرج رجع بخطوات لور لقا باه ناسي سوارت فالموطور تبسم جنب وخرجو غادي بيه بلا حس حتا فات دربهم بشحال عاد ديمارا وركب غادي دنيا خاوية باقي بنادم فدارو كيفطر …
وصل لقنتو دار لموطور ساروتو حيت لامشا ورقتو ديال الحالة المدينة غتقطع ..كانت قهوة غير من ضجة لي خارجة منها وضواو باينة مشبوهة خشا ايديه فجيوبو وتمشا بثقالة داخل وعينيه كيضورو شاف فتركيتو فواحد القنت مشا وتلاح حداهم مرخي فوق الكنابي …
خليل:(سارح بعينيه وكيعض فشنيفو لي زرقين)جواد شي جوان ….
كان راجل حداه حروفو كحلين ومعندوش اللحية:هي دابا مالك اصحبي عينا نعيطو اش طاري صباح فسوق …
خليل :(خدا من عندو جوان دارو بين صباعو سف منو نثرة حتا خرج دخان من نيفو غمض عينيه وترخا) جاي نريح كري ماشي تبقا تخرا علياااا
.أهلااااا…شوف شكون هنا ..
خواد:(ضحك تال وذنيه)هدى صاڤا …
خليل:(حل نص عين طلعها وهبطها تبسم بسخرية وهو على نفس وضعيتو)
فنهار جديييد راجع من المرسى فالعشية بعدما كان عيطليه واحد من معارفو ومضيعوش طلع للدار ريحة الحوت والبحر كتعطي منو وفايدو هاز ميكة فيها زوج نواااع
فاش طلع كانت فردوس حاطا اتاي وكتفرج لقا السلام ودخل عند سعاد فالكوزينة حط ليها الحوت فلاڤابو
خليل:(على حساب ݣانتو باس ليها راسها)رضي عليا اسعاد …
سعاد:(شافت فيه تنهدت)اش غنبغي ليك ياوليدي الله يسهل عليكم كاااملين ياربي وسير دوش ريحتك تݣلب …
ضحك ودخل للدوش تحمحم كيف عادتو مخلي مو غير كتخمم فيه باشر فعمر الثلاثينات ماهو فخدمة ثابثة ماهو فزواج حتال ايمتا …
لبس وتريح جا عند فردوس حالة فمها جر ليها قنوفتها التحتانية وعتها خلاها كتعير ضحك وخدا دكة تاع اتاي كملو على خاطرو لبس فرجلو وهبط فحالو …
تلاقا مع جواد شعل ليه ݣارو وبقا غادي معاه كيهضر معاه ومنسي الوقت
خليل:شي بلان …!؟
جواد:مالنا اش غنخسرو نمشيو نجلسو نشوفو…
فصباح اليوم التالي بعدما دخل حتال اشمن وقت وفاق صباح بكري فاطر بقهوة وعاصر على ݣارو هاز شي وراق فايديه خدا طاكسي حمر للمقاطعة لقاها غطرطق ساط وقاد كاسكيطتو داخل حيت اخرتها غيتشاد مع شي حد. ..
فينما يشوف راسو وحل ومع قليل رجالا خدامين فيها غير لبنات كيبقا يعسل عليهم فعينيه ومع عاطي لعين تاهوما خاصهم لي يبقا يشد فيهم ويكركر معاهم ويمدحهم البنات عامة كيبغيو لي يهتم بيهم …و خليل لسانو را كيطلق العسل والقطران على حساب الوقت..
خليل:(تبسم بثقالة ؤغمزها) ديما كتكوني زوينة هاكا؟؟
لبنت مرگت وحناكها حمارو مدت ليه وراقو وبنادم وراه يتسنا وهو مكينش فهاد العلام …
خداهم وبقا مطول فيها الشوفة كيحشم فيها هي كون لقات الارض تخشا فيها
خرج من تما شاف فدوك الوراق يدفعهم ثاني لكان شي سطاج عند شي محامي لوقف معاه زهرو لي ديما معكس ليه
فالعشية طابو رجليه وجلس فواحد الكرسي فجريدة كمل ݣاروه ولاح ديك لبينتة عفس عليها ونفخ بملل حيد كاسكيطتو حك راسو ورجعها …
شد طاكسي للدار ركب قاليه سالمية و عينيه لحمورة ضايررة بيهم
كان فسطح مقرد لابس بيل سماطي وشورط كيكمي ويشوف فالحولي قدو قداش مربوط قدامو جابو باه من الفيرمة باغي يبيعو فكككرة جهنمية كضوور ليه فداك العقل لي كيقوليه يبيعو وياخد فلوسو الزلطة وقلة الفلوس مادير سمع الصداع وقف كيطل لقا خوه زهير مشانق مع واحد لاح ݣاروه بنثرة وغوت تازعزعهم بزوج:
نطق هداك لي شانق على زهير:واااخليل قوليه يحط ليا رزقي …
خليل:(كيعرعر)وغنهبط غنتقب لديلمكم عينيكم بزجوووج وطااالقو …
…:والله لاااا طلقتو شمااتة أنا يديرها بيا …
هبط يجري وسعاد ملهية فالكوزينة حل باب الدار:واااااش أنااا مهضرتش ..
فكهم ولله الحمد بلا ميشركهم بزوج دفع خوه مغوبش جيهة باب دارهم
زهير:(حرك راسو)قالك رزقو منين جاه …
خليل:(ضار مخنزر وعطاه للݣفا)لهضرة بحال النعيوات كتعرف ليها وباش تفك ك*ك لاااا ؟!
رجع للسطح حال تيليفونو مغوبش ورابط حجبانو نفخ حطو على وذنو وقال:واش باغيك فبلان مقااا**ود هاني جاي …
هبط لبس حوايجو دار تجاكيطتو فوق تيشرت لي لابس حل الباب وطلات عليه سعاد حازمة راسها بزيف حياتي وزغبات كيطلو من الجنب فليموني:فين غادي راغنحط الغداا..
خليل:غير بصحة …
خبط الباب نازل فالدروج وخرج كيتمشى لفين داير مع جوااد شاااعل غير بوحدو فكرة معندوش الريال فجيبو كتخليه يتغدد ويلوح حوايجو لقاه واقف قدام القهوة ديال باه مسح على لحيتو ولاح ايدو سلم عليه وجرو محركين من تما
جواد:(خرج عينيه)بااااك اصحبي ممعاهش لعب يلوحني فالبنيقة انا وياك مالك معارفوش؟؟
خليل:(شاف فيه)وبنادم نتا غتعاوني ومغنجبدكش غنقسم انا وياك بالنص اش باغي مزاال؟؟
جواد:(كيضور فعينيه ويخمم)لا طرات شي حاجة متعرفني منعرفك …وابمتا؟
خليل:ليوم بليل وغتخليه عندك فالدار ياك مك مكيناش؟؟
جواد:(عقد حجبانو)واااه وااه بزاف اصحبي غتخرج علياااا
خليل:(واحد العقل كيقوليه غيجمعو بشمال ويبقا يعطيه وقف مخنزر) دابا غتعاوني فلافير اه لا ؟؟صباح غنهزوه لسوق مغيبقاش عندك بزااف!!
جواد:(مسح على راسو وزفر)صاافي غنكون حدا دار عيط ليا نكون عندك …
خليل:نعيط ليك بنت ليك خدام مع اتصالات نسيفط ليك ابيل موا حضر(ضربو لراسو ومشا فحالو)
دخل لدار لقاهم مجمعين على الغدا وباه جالس يخشي فوجهو قدو قداش
سعاد:اوليدي تعالا تغدااا
حمد:(خنزر فيه)ودير خير فراسك ولحق عليا صباح لقهوة نيت خاصني لي يخدم …
خليل:(كان فوق سلك ومفيه لي يبدا يتصادع ودغيا كيشعل وجوانو مبقاش لا كينسيه لا يطفيه)
حل باب بيتو دخل ليه حمد بغا يتفقص شاف فسعاد وقال بغضب:شفتي ترابيك وفشوشك (ضور وجهو)قليل الترابي يلݣيها ليه(شاف فزهير بنص عين) …ولات عندي زاوية وخيرية جالسين الماكلة والشراب وشي نفع ما ريناه
سعاد:(تنهدت ودارت ايد على ايد كتسنط لكاسيطتو كيف العادة هوما يديروها وهي تبقا واحلة معاه يسمعها فالهضرة كي سم)داك الحولي ريحتو خنزات ليا دار ايمتا غتديه
حمد:(هضر وفمو عاامر)ديااال مووولاه يجي يشوففو بعدا فين غنديه …؟
نصاصات ليل واقف فالسطح كيطل لقا جوااد كيشير ليه جالس فموطور تريبورطا ديال ثلاثة الروايد قاليه يطلع داكشي لي دار كان مخلي ليه الباب محلول شدها نيشان للسطح شاف الحولي عينيه حوالو:تباارك الله يدير مني 100 واش انا كميشة غنهز هادا؟
خليل(خايفو يبدا يمعمع ليه حك راسو كيشوف فيه حيد القنب وشدو من گرونو )شد اصاحبي خلينا نمشيو خلاص …
جواد(مشا شادو من رجليه والحولي كيترنح)سير لقدام ..
خليل:لخنز تفوو (مشاو نازلين حيط يخبطهم مع حيط جواد حماار وعروقو بانو كيتعصر )
وصلو عند الباب بزز داروه فالموطور جلس حداه جواد شادو ليهرب وخليل سد الباب بلا حس طلع وقال:وششدو مزيان نصدقو لا فحولي لا ففلوسو ..
حطوه فدار جوااد خلاوه غير فالدروج رابيطينو مشاو بزوج ردو الموطور لمولاه ورجعو على رجليهم كيكمي ودنيا خاااوية هوما لي كيتمشاو فداك الوقت كلها تفرق لجيه جواد مشا لدارهم وحتا خليل لي غير طلع جبدها بنعسة عضامو ضارينو…
زووج بيطاليين زوج زهرهم معكس واحد زهرو ممنوش ولاخر كيقول ليه مشفتيش زهري انا…كيتسناو الفرج واخا طريقهم كلها ذنوب وايلا متعذبتيش وعرگتي ونشفتي على الحاجة عمرك تلقاها غتبقا ديما تسنا على الخوا ونتا كتعاود نفس الغلط كل نهار …
كيقولو الحوانت متصافة والأرزاق مختالفة كلها لي مقسم ليه سيدي ربي المهم يكون عرݣنا حلاال تا حد معارف شنو جايه من هنا لقدام…بنادم وهو فكرش مو فجبهتو مرسوم مكتوبو يعني فلخر لي مكتابة ليك هي لي غتكون واخا طير وتنزل كان مكتاب ليك القرح فراك غدوزو بكلشي فيه وكيف ما كاين العسر أكيد كاين اليسر بعد صبر طويل ومعاناة كثيرة فقط الإنسان يتوكل ديما على الله♥️
فاااق صباااح بكررري باقيا دنيا مضلمة قاد مسائلو وخرج مخليهم ناعسين مشا لجوااد هزو الحولي وداوه للسوق راكبين فموطور لور غير هبطو عاونهم الولد حتا دخلوه للسوق لدااااخل فين كاينين الحوالا والبقر ولي شافو باغي ياخدو غير كيسولو على ثمن كيحركو راسهم ويزيدو مع طريق …
…:(كيقلب فيه)تباارك الله بشحاااال هاد الخير ؟؟
غير قاليه خليل ثمن وقف وقال:وتصااوب شوية هاد ثمن مغتخلي حد يشري من عندك …
خليل:(مكمش عينو من شمس)را الملييح اشرييف كنلعبو ولا بغيتي نتصاوب معاك مرحبا…
بقاو مني منك مني منك مشادين حتاا فرتكوها شد الفلووس فايدو ضمسة كيحسب ففيها حاادر راسو وهاز حاجبو
جوااد:تباارك الله تا الحولي مضخم …
خليل:تحرك نخويو لشي قنت عاد نتفاهمو …
خرجوو من تماا غادين فالطريق دازو لقهيوة خداو ليهم كيسان وجلسو فالقنت حط الفلوس حسبوها وقسمها بالنص عندو الكلمة هي الكلمة:متسالني منتسالك …
جوااد:(قلبو بدا يضرب)الله يحفظك …
خليل:(بجدية)وضرب الطم الفرشة …نسمع شي هضرة غنحي لأصل مك نعوقك من ݣاع جواايه ..نخلي فيك عاهة مستديمة …
رجع للدار لقاها مقلوبة سفاها على علاها شاف سعاد شادا راسها حنخن ونطق:اش كاين ؟؟؟
سعاد:(شافت فيه)الحولي تفكت ليه القنبة وهرب ..(خنزرت فيه وفزهير)مساخيط كنقوليكم باب الفصيلل سدووه باك غيتفقصصص جاب الراجل ملقاهش وفين كنتي نتاا؟؟هاا؟؟
خليل:كنت كندور على راسي بغيتي نبقا مريح حداك ولا؟؟
ناض زهير كيتأفف بملل وسعاد كتشوف فيه مكمشة عينيها:ممتكون غنتا مولاها اصكع ..
خليل:(هز كتافو)وهو مكيعقلش علينا حتا بدرهم اش غندير جيبي خااوي نبيع حوابجي؟؟
سعاد:(خرجت فيه عينيها وضرب ففخاضها)اويلي على المسخوووط
خليل:(هز حاجبو)نقولها ليه فوجهو معنديش مشكل …سوقي خااااوي
سعاد:سكت الشلاهبي لاساق خبارك نهارك ميطلعش فيه ضوو …(ناضت كتويل)اويييلي غدايدي اويلي ولخبااار توصلو توصلو قد ما ݣعدتي وديك ساع تشوف…
خلاها كتعير وتعاود مشا لبيتو خششا الفلوس بين حوايجو دخلت عليه فردوس شاف فيها وقال:مكينش الباب؟
فردوس:تا مالك اهاز شوكتك لسما (خرجت وخبطت الباب)
طبطب على البلاصة لي حط فيها الفلوس كيتنهد طرطق عنقو وتلاح فوق السرير مناعسش مزياان ….
مرووو شهريين روتينية مفيهم حتا تغير من غير عائلة ياسمين لي تضررات ولكن الوقت كينسي وكيداوي واخا الجرح كيبقا هو هو كانت قدام مدرسة ديال الوليدات الصغار لابسة سروال توب فالبيج وتريكو صوف كول فالبيض انيقة وبسيطة حتا فملامحها لي بدا كيبان فيها ضو على اخر شهرين الحياة مغتوقفش عليها وتسناها الدنيا غاديا طايرة بنهارها بليلها ايلا موقفتيش وعاونتي راسك براسك عمرك تزيد القدام …
شعرها مسرح على طولتو كحل يبري والريح كيهز فيه مرجعة خصلاتها القداميين ورا وذيناتها برقة موقفة الوليدات دايرين صف كتقاد فيهم وتبوس فهذا وهذا دخلاتهم واحد بواحد معاها استاذات اخرين …
عند فردوس لي كانت مسخرة لمها لابسة عباية ولايحة زيف على راسها قريبة للدار تم جاي فجنبها هبيل باين من حوايجو لي مقطعين باقي صغير وحالتو مسخ شافتو كيحنزز فيها تاهي فيها تخراج لعينين وصنطيحتها مكتقشرش بقات كتنخنزر فيه مجااتها من عندو دقة عطاها ليها للراس تاهي بلا عكز عليها ردتها ليه صرفقاتو ناس لي كانو تما بقاو اكيشوفو معرفو شكون الحمق ….
حطت الدقيق من ايديها هزت كمشة تاع الحجر جمعت جلايلها وتبعاتو هو يجري معندو شغل وهي تابعاه تعثر وتشير:اولد الحرااااام مبغيتي تبعد مني ….قشعها خليل كتجري بديك الحالة عقد حجبانو مفاهم والو لاح ݣاروه وتبعها تاهو يجري …
عيات ووقفت لاحت الحجر كاع بنادم تفرج فيها ساست ايديها وحطاتها على نصها كتنهج وعرقانة زيف مليوح فلرض ضارت راجعة لقات خليل وراها…
خليل:اش كاين؟
فردوس:(هزت زيفها بزز كتلتاقط انفاسها)واحد الهبيل الله يلگيها ليه عطاني للراس ساعة لقاني نيت مسالية …
خليل:(جرها)زيدي تاتوريه ليا كراوعو شيطين عليه نهرسوهم …
رجعو بزوج حلت عينيها على جهدهم وشافت فيه خلعاتو:وناااري الدقيق …
خليل:موصيبة كحلة هادي..اينا دقيق واش لديلمك عندك شي عقل تابعة واحد مسالي فمخو …
بقات تفتف وتقلب على دقيق فالبلاصة لي حطاتو فيها والو طارو بيه:ناااري قفرتها من عند سعاد ولاد الحرام تا دقيق طمعو فيه يعطيهم هتكة…عتقني اخليل الله يحفظك …
خليل:(مشا خدا ليها دقيق من الحانوت عطاه ليها)شدي رزيتيني ف عشرة دراهم على الصباح كمارة …
خداتو ليه وقالت:ومالك شكون كيحلك الباب فنصاصات ليل …
خليل:وسييري غتبداي تمني عليا ….
خرج من جيبو ورقة ديال الما لصقتها فيه موو يخلصها دار ݣاروه ففمو حادر راسو وعاقد حجبانو كيحسب فالفلوس خشاهم فجيبو وكمل طريقو …
كيف سالات لبسات مونطوها على البرد خرجت شعرها كتقاد فيه ودعتهم كانو باقين الولاد عاد كيجيو ليهم واليديهم ودعتهم وهزت صاكها خارجة جبدت تيليفونها لقات ناصر معيط ليها وقفات حتا شدت الخط ردت شعرها الداكن بصبعها لور بأنوثة وقالت:وي نااصر …(بعدت من حدا الشارع على الصداع عضت شفيفها كتسمع ليه)اه صافي غندوز نشوف باش ما كان نعيط ليك …(شافت طاكسي جاي شيرات ليه)وايه ياله خرجت …
ركبات قالت ليه السالمية خشات تيليفونها فصاكها عارفة الدنيا عندهم تما تغفل طاارت عينك مسافة طريق وهي كتأفف بالزحاام غير قربت مبغاتوش يزيد بيها لقدام وقليل طاكسيات لي ولاو كيبغيو يطلعوها لسالمية بسباب طريق لي خاسرة:غير هنا حدا الجامع الشريف …(وقف بيها خلصاتو ونزلت حادرة راسها كتقاد فحوايجها)
كرزت على صاكها فدراعها غاديا جنب الشارع حتا دخلت مع واحد الزنق بانت ليها اجونص ديال اتصالات المغرب حالا تمشات فاتجاهها وقفت فالباب كانت عاامرة بالناس زفرت بملل ونيفها حمر بالبرد بقات شحال واقفة حتاا بدات تخوا بشوية بشوية حطت رجلها داخلة شافت راجل كبير تما بتاسمت ليه ونطقت بصوت حنين:عمي محسن …
طلعهااا وهبطهاا بالمهل دازت من حداه خلات ريحتها قدامو كيشم فيها قرب شوية بخطوات صغار كيشوف فملامحها صافية كيف الحمامة عينيه كيضورو بشتات فحروفها لي مرسومين بدقة..هبط عينو مع شعرها رطب لي مرة مرة كيبرزطها وترجعو بصبيعاتها بكل انوثة وتريمش بعويناتها لعب بلسانو وسط فمو وتفاحة ادم طلعات ونزلت فحلقو…
ياسمين:(بصوت رقيق)حطو ناصر سيمانة لي فاتت …
محسن:(كان راجل كبير شايب)ايه ابنتي را داز عندي (جبد لابتوب قدامو)صارحة شفتو خدام هو هداك حتا ماركتو هي لي كتشرا (هز فيها عينيه بأسف)ولكن غير صبري معايا راه والله ايلا لي جا كنوريه ليه باقي مبغاه حد كولشي كيقول عجبني ولكن تا يسهل سيدي ربي ونرجع ناخدو
ياسمين:(بتاسمت)ماشي مشكل ياله نخليك ..
محسن:سلمي على ناصر وسي محمد …
حركت ليه راسها وخرجت… داز حديثهم على وذنو حك ليحتو وخرج كيطل لقاها مزال قدامو تحرك بالزربة وقال بصوت خشن:ختتي …
ياسمين:(تلافتت رمشت فيه)معايا؟
رد عليها بابتسامة:اه …(قرب عندها ريحتها دوخاتو)سمعتك شنو قلتي..(حنحن)ايلا بغيتي كاين صاحبي كيشري هادشي …
ياسمين:(بعدت لافخونش على عينيها)بصح؟
حك مؤخرة راسو حركة ديما كيديرها فاش كيكذب عض حنكو من لداخل وقال:اه ويدير معاك ثمن زويين يعجبك …(ميل راسو فيها)عطيني نيميرو ديالك فاش نهضر معاه نقوليك شنو كاين …
ياسمين:(بثوثر من نظراتو وتحت مراقبتو جبدات تيليفونها ايفون اخر مكاين شافو وهز حاجبو معجب حلاتو وفتات عليه نمرتها قيدها ونطق:سميتك؟
ردت:ياسمين …
خليل:(بتاسم جنب وعاود سميتها ببحة ونبرة ثقييلة)يـااسمين. ..(هز فيها عينو جات وسط عينيها)نهضر معاه ونجاوبك …
ياسمين:(شتات نظرها بتاسمت ليه بلطافة)سمحليا غنعذبك …
خليل:(ضحك ومسح على لحيتو)عذاابك راحة …
ياسمين:(مبتاسمة)الله يعاون …
خليل:(بخفوت)بسلامة عليك…
خشا اييديه فجيوبو كيتنهد مبتااااسم متبعها بعويناتو وراسو ميل حتا غبرت عليه ضارت فحالها عاد رجع لاجونص خلص الما وتحرك فحالو
كملات طريق على رجليها حتا وصلت للدار حلت بساروت ودخلت تنهدت وطلعات فالدروج مخسرة ملامحها بعياء دخلات لقات حليمة رادة الغدااا وجالسة شادا تيليفون داوية فيه قربت ياسمين باستها ومشات لبيتها بدلت بحوايج الدار جمعت شعرها بمقيبط مخليا خصلات نازلة على وجهها بعشوائية
حليمة:(قطعت وناضت هازا صلايتها تصلي الضهر)ياسمين عيطي على خوك قوليه يجيو يتغداو الله يرضي عليك …
ياسمين:(كتقاد ديسير فطبسيل )صافي غير سيري …
حليمة:وهي لولة راه غيبرد راني طفيت عليه ݣبيلة ..
خوات ايديها وسببقت خوها هو اللول عيطت عليه يعلم محمد ويجيو يتغدااو عاد رجعت كملت شغلها قادت طبلة وبينما سالات حليمة حتا هي عاونتها
نصاصات ليل وكلشي ناعس وواحد فردوس غاديا جايا فالصالون وتحك متعقل
خرجت سعاد من البيت كثاوب وعينيها مسدودين شافت فيها وقالت:اياك لاباس دردكي علينا كي العودة اش مفيقك …
فردوس:(حمرة وكتحك)تفو طرمتي حادݣة افلحناش اما باش تكبر فحال لالياتها والو …وعتقيني را دايرين ليا المهرجان فقزيبتي …
سعاد:اكتخشي فكمارتك كنقول لمك نقصي الحلاوة (دخلت جابت باكية ديال الدوا ولاحتو ليها)شدي شربيه لمرة جايا بغيتك يخرجو ليك اللفاع من ديك القزيبة ماشي غ الحناش باش تعلمي …
بعدما قضات روتينها دخلت لبيتها وبقات شادا تيلي حتال اشمن وقت بدات كتاوب وعينيها مغمضين وصلها مساج فواتساب حلاتو معرفاتش نمرة فيها”ياسمين”
عقدت حجبانها وكتبت:شكون معايا …
:أنا لي لي هضرت معاك قبيلة وخديت من عندك النيميرو …
ياسمين:(عاد فكات ححبانها)”اه مرحباا”
خليل:”هضرت مع الولد وغيشريه من عندك نقدرو نتلاقاو غدا؟”
ياسمين:(عضت شفيفها)”غدا ممسالياش تقدر تخليها حتال بعدو”
خليل:لي بغيتي “
قتلها نعاس خلات ليه في ولاحتو حداها عاد تكات مقلوبة على كرشها وعينيها مغمضين.
عند خليل لي جالسين هو جواد فاليل والريح بارد يجمد صباع داير رجل على رجل ايد فيها ݣارو ولاخرة شاد بيها تيلي ومبتااسم هز عينيه فجواد وقال:سمعتي شنو غدير؟؟
جواد:(كينفخ فايديه)غير مطلع والو من جيبي …
خليل:(خنزر فيها ودور عينيه)على بنادم …
شمس داخلة سخونة من سرجم فاق مغوبش بالصداع لي جاي من صالون ناض بشورط زرق وبيل بيض خرج كيضور فعينيه مو جالسة تنقي فالخضرة وحداها فردوس خاشية وجهها فتيليفون وزهير كيغوت مقابل مع سعاد…
سعاد:(شافت فخليل وقالت)العروسة صباح الخير …
فردوس:(حبست الضحكة وقربت تيلي عند وجهها )
سعاد:(تلافتت عند زهير لي كيتهز ويتحط)تا سير امسخوط الواليدين لعندك شي شغل قضيه (كتهضر وفايدها اموس)وقاااابلني انا رامعندي ميدار
خلاهم داوين ودخل الحمام وسد عليه …
زهير:(كيمشي ويجي قدامها حامية فيه الدودة)واش قلتي دابا اشنو …
سعاد:(تعصبت)تااافين غتسكنها واش لمك قاد على جوااااج تاسير را لبقا عندي شي عقل اطيرو ليا وكلت عليك الله سيرر فحالك …
زهير:(كيترطا)وهي لي غندي وبربي تانجيبها ندخلها عليكم …
سعاد:(عارفاه يديرها ولادها را عارفاهم معندهم عقل)يا اصل مك تانجري علك تا وياها وغبر عليا زلافتك دعيتك الله وهاد صباح فقصتييني ..ملقيتي ميدار جاي مقابل معايا ضورك عاد نضرتي راجل هزيتي تا گرسونك الكلب عاد باغي تجوج ….وااايني مغتكون اشي وحدة عندهااا خرية فبلاصت العقل لي باغاك أما انا نعيط ابلاش …
فردوس:(كتموت بالضحك)
خرج كيمسح فوجهو مخنزر زندو عليه راسو شاف فيه هاز حاجبو وقال بصوت باح:منيتك العميم شفتك ناوي والحزقة طالعاك تال كرك ..؟
سعاد:اداااك هاه سد عليا فمك هضرتك سواقية خليها فالبارات والخلا والحيوط لي مولف بيهم سمعتي …
بقاو حامين سوق تݣول معندهم شغل ولا مشغالة مسالين روسهم الغدا ساعتين وهي اتنقي فديك الخضرة تنجر فخيزو دقيقة وتزكا نص ساعة …
سعاد:(كتحلف)والله يامك تايجي ونݣولها ليه … وسير ضبر ليك على ريالات باش تبخ متجيش تصدعني ..
خليل:(خرج من البيت لابس حوايجو جر كلاكيطتو فرجلو جبد ݣارو دارو ففمو خارج وينكر )تفوو على قوم …
جواد:(شعل ݣاروه)فليل اصحايب مجموعين دراري …
خليل:(نثر منو حتا طلع ليه لعروق راسو ساط فسما وقال)مشات …
كانت جالسة كيتغداو معاهم نجلاء بنت زوينة وعاطية للعين ببيوضتهاوحجابها وفكل مرة حليمة ولا ياسمين يرحبو بيها وعيطوها الخبز ناض ناصر غسل ايدو وجا باس لحليمة على راسها وحتا ياسمين بقات نجلاء كتشوف فيهم بنظراات فشككل…
عمرك تبين شي حاجة عزيزة عليك ولا كتبغيها قدام بنادم واخا يكوون ختك حيت الحسد والغيرة خااايبين…نجلاء من ديما كتشوف فياسمين عندها شي حوايج محرومة منهم ونهار على نهار كتزيد غيرتها بلا متبين حنحنت ورجعت لور:الله يعطيكم الصحة …
ياسمين:(ششافت فيها)مكليتي والو اصحبتي …
نجلاء:(بتاسمت)الله يخللف …
الليل ونيس لبزاف ديال الناس
كان فالبار مع صحابو وجواد شاخضة عندهم القضية الشيشية وجوانات الموسيقى كتفرع طبولة ديال الوذنين ودنيا عامرة كلها وعالمو بوحدو …
جالسين والشراب ضاير بيهم اما هو شااد شيشية دايرة فيه مبغات عينيه تقلبو وحمارو…
جاو شي بنات ومعروف على دوك البنات المشرملات عمرك تلقا شي وحدة نقية تما …جلسو معاهم كان هو لي عاطي لعين بيناتهم مشات عينو لوحدة كتشوف فيه دار فيها واحد شوفة مفهمت والو واخا عجبها لابسة ميني بوط وشورط كحل ركابيها كحلين ووجهها بيض من عنقها اشكالهم معروفين …
قلب عينيه كيشوف فتصوريتها لي خداها من واتساب مصورة فجنب بحر شعرها طاير مع الريح وضاحكة باينين سنيناتها صغاار عض على شفيفو كيبلع فريقو عليها
سمع صوت بنت حداه تلافت ببطء لقاها جات حداه مد ليها شيشة نثرت منها كضحك وراها تصويرة وكيهضر بزز باش كيخرج الكلمات:شفتيها كضحححك الق*** ومخلياااني كنتشوااا
:(كتشوف فتصويرة ودايرة ليه خاطرو قربت كتبحلس قربت عند وذنو وهضرت بشوية)امم وشكون هادي ….؟
دار ليها نفس الحركة وضغط على هضرتو لي كتخرج ببحة:مراتي …
:علاش نتا مزوج؟
غمزها بلا ميهضر كانت ناوية تلصق فيه ساعة خدمها وواخا هكاك مستسلماتش …
:(كتحلون)ياله نطلعو لفوق …
كرز بايدو على فخضها تابغا يقطعو:معنديش مع الق** ديال ربعمية ..تهزي قو*** من حدايا ….
دفعها هي وقفت زامة فمها باغا تاكل جنابها:شنو يسحاب ليك راسك …
:(بصوت ثقيل)غنوض غنفرع زا** بوك …
جاو دراري كيسولوه مالو وهي كتجعوق واخا صوتهم را مكيتسمعش مع المزيكا…مشات فحالها جلست بعيد وبقات كتشوفيه …
جواد:(تاهو زاندها كثر منو حك نيفو وقال ببطء)مالها هاد خيتي …
خليل:(جالس مرخي ممسوقش وعقلو غايب) مكبوتة باغا تكويني بزز …(تلافت ليه وزفر الدخان على وجه جواد)مالو ساخي عليا نحطو فيها …(حول عينيه ليها كانت كدير فيه شوفات غير طبيعية)تففووو كيديرا العفن اونبيغسون
جواد طالعة ليه وزاد قال هاد الهضرة خلاه كيموت بالضحك .. :وناااري اصاحبي هاارب ليك هههههه
نصاصات ليل راجع هو وجواد كلها يلغي بلغاه خليل كيغني وسط زناقي وجواد بزز باش جار الموطور كيوقف يتساراح حتا كينساه ويزيد …
خليل:(شافو خلا الموطور وغادي خنزر ونطق لسانو تقيل)وولد الق** الموطور اش بااغيني نبات فزنقة …
رجع جواد للموطور كيجر فيه على سعدو ووعدو اما خليل وقف ورجليه مهازينوش بزز باش ركب ورا جواد لي صايݣ وخليل كيغننني مكينش هنا ..
جواد:(ضحك)هههه وهنينا اصحبي …
زاد شوية فسرعة محس غير بخليل طايح لور وقف بالزربة رجع ليه كيهز فيه ثقل عليه صدقو طايحين بزوج وكيموتو بالضحك
خليل:(ثقيل كيدفع فيه)وتݣعد الحلوف
ناض عليه جواد ونوضو بقاو غادين هاد المرا على رجليهم حتا كيهرب ليه خليل لشي جيه كيمشي يجيبو وكيتسطى عليه بضحك:
خليل:(جبد تيلي)شدشد عيط لفردوس تحل (دار صبعو على فمو)شووو
نزلات حلت الباب بشوية دخل جواد الموطور شاف فيها حنحن وقال:طلعيه طلعيه ..
فردوس:واخا بسلامة
مشا جواد سدت الباب وعاوناتو حتا طلع
خليل:(شاد فيها وكيهرها)
فردوس:(كضحك)وزكا النم زݣا اش باغي صداع اصحبي غيسمعونا
دخلاتو لبيت لاحتو فوق ناموسية وخرجت جابت ليه لما شربو مشات كتفوه باغا تنعس دازت شي عشرين دقيقة دخلت سعاد عندو:اداك هاه تا فين ع دايع …
عينيه كيتغمضو بالنعاس تقلب على جنبو هكاك بحوايجو قربت عندو سعاد كتدوز ايدها على راسها ونطق بصوت خافت بااح:معنديش زهر اسعاد …
سعاد:(كتلعب فشعرو تنهدت)الله يهديك على راسك اوليدي اش غنقوليك ..هادشي دايرو لراسك
صباح جديد…
كيف كل نهار بيطالي ونايض تال عز نهار مشا نيشان دوش من ريحة ديال الشيشة لي لصقت فيه لبس حوايجو وخرج لصالون شاد كاس د اتاي
سعاد:(جات من الكوزينة)تبارك الله عليك …معندي منگول …
عرفها غتبدا حط الكاس نايض
سعاد:جايني تال نصاصات ليل نتا وداك سكايري ديال جواد وبعدا بصح الخرية تقلب على ختها سبعين عام فالبحر …(هازا سبابتها عليه)را لمرا جايا منقبلهاش ….هادشيي مكااانش ديالك اوليدي قويتي وكثرتي سمعتي وجمع راسك …
خليل:(مخنزر)خليني عليك صباح هذا الله يرحم الواليدين …
سعاد:مثالك را دارو علاش يرجعو ….
خليل:(بعصبية)ومثااالي ماشي انا هاد الكاسيطة حفضتيها ليا
جراتو بزز جلساتو:وجلس جلس الله يهديك شحال قصاحيتي .
املي كدير ليه هكاك كيعرفها خاشية تحتها شي بلان دار تاهو مفراسو والو وجلس:شنو ..؟
سعاد:ايوا باك را قاليا لبغيتي نجوجو ليك بنت عمتك عايشة حنا نعاونوك …
بقا غير كيشوف منين جابو ليه هادشي …
خليل:وهاد راجلك بنت ليه فالبلان ولا كفاش ..؟(هز حاجبو)ودابا ابيني وبينك واش حالتي حالت الزواج ..؟وهاديك نعاونوك بلا متقوليها ليا تشريو زوج كيسان وتجي تݣولي ليا نعاونوك …والله يهديك اسعاد …
سعاد:(سكتت)والمهيم انا ع قلت وايلا بغيتي اوليدي منبززو عليك تا حاجة ….
وقف :راك عارفة جوابي نتي كتشوفي حالتي شوفي مع زهير را كيعجبو هادشي …
خرج وخلاها داوية:زهير قد تا براسو…
نزل فحالو باقي كيتاوب ويتجبد مشا نيشان لقهوة ديال باه خدا قهيوة وجر كرسي وطابلة لبرا حط بكية ديال الݣارو قدامو وبريكة مكمش عينيه من شعاااا
جواد:(جاي كيفرنس جر كرسي وجلس)فيين …
خليل:(شعل ݣاروه هاز حاجب تقول غيضارب)
جواد:(نغزو)سااط هههه شوف شوف …
خليل:(حرك راسو بمعنى شنو وشاف فين شار ليه لقا زهير دايز مع شي وحدة تبسم بسخرية)ومسااالي قبو هداك ..قالك باغي يتزوج … يشوفو باه غيوريه تزويجة بشحال كطلع
جواد:(مات بالضحك)ههههه واايلي وتا شوف باقا ابعلوكة …
بقاو مجمعين ومرة مرة يدخل لواتساب يشوف واش حالة فلخر سيفط ليها مساج”ايمتا نتلاقاو سيد كيسول”
طلعات ليه غير شرطة زفر وقلب تيلي على وجهو وخلاه حتا عيطت ليه فردوس يتغدا ناض هو وجواد غاديين كيتمشاو بشوية عليهم حتا قربو للدار جاو عند الباب ووقفو داويين خاشي ايديه فجيوبو كمش عينيه فاش لمح زهير جاي من بعيد حدا فمو زرݣ وحنكو حمر عقد حجبانو كان معاه دري اخر جاي شادو غير وصلو عندهم وقال خليل:شكون عطاك هاد سلخة ثاني؟
جواد:(كيحبس فالضحكة)
تسمع سقيل من غير جواد لي كيتهز بالضحك خنز فيه زهير وقلب وجهو يضحك على خاطرو
حتا هضر دري:وحصلو خو البنت لي كان معاها وتشاادو اصحبي …
زهير:(شاف فيه معصب)وسييير فحالك اصحبي سيير (كيدفعو)وسيير تفو على حضاية وحضاااايتونا …
خليل:(عاقدهم وهضر بصوت مرتفع)اتزݣا على دري ولا غنزيد مك سلخة فوق من ديك سلخة لي كليتي …
محسو تا وقف عليهم حمد بطولتو كرشو سابقاه جواد غشافو بحالا شاف جن ديك ساع جمع ضحكتو وسد على سنانو:ياله الله يعاون
خليل:(متسوقش لباه لي كيحقق فوجه زهير مخنزر)فين غادي اصحبي…طلع تغدا
هز ليه جواد ايدو من بعيد وكمل طريقو
حمد:(بصوت غليظ)تاشديك الكارثة فوجهك …(كيقرب عندو)
زهير:(كيرجع بلور)ووالو ووالو …
خليل:(خلاهم ودفع الباب طالع مسمع اشحطة عطاها حمد لزهير ومدخلو ضحك ودخل مع الباب)
حمد:(طالعين ويعطيه فالدق)حادݣ لبوك افلمضاربات معندك تا صحة ليهم …
سعاد:(خرجت من البيت كتشوف زهير شاد لبكية بزز وحمد مزال اكيزيدو)اويلي اسي حمد يهديك الله(جرات ولدها شافت وجهو خرجت عينيها) اش درتي امسخوط الواليدين …
حمد:شفتيييه (عطاه للراس ومع ايدو غليظة دقة كتسمع فين)
سعاد:(دفعاتو للكوزينة)سيير دير ثلج سير الله يلگيها ليك …
دخل حمد للصالون كينگر وسعاد حطت ايديها على راسها وتبعاتو للكوزينة لقاتو باقي واقف جبدت ربيع جامد فميكة وعطاتو ليه)شد ديرهم على النفخ دابا بزراݣ …واش متهناش اݣوليا واش كل نهار جاي بموصيبة بغيتها تصيبك …
زهير:وصافي …
سعاد:(مغددة)تصفا ليك مالك مݣليتيها ݣبيلة تخاف امن ما بغيتي وايني ابلاتي
دخلت فردوس مشات باست لباها ايدو ودخلت للكوزينة شافت زهير ضحكت وقالت:ويلي شكون زوق ليك وجهك هاد المرة …
سعاد:دي الكوكوط ..سيري ..
تغداو وناض حمد لقهوتو خارج ويتحلف فزهير لي عضامو ضارينو من القتلة لي خداا وزادو باه…
خليل:(ناض غسل ايدو هز ليه تفاحة من ثلاجة غسلها دخل لبيتو وصلو مساج من عند ياسمين كاتبة ليه فين يتلاقاو والوقت عض من التفاحة نظراتو حاادين ومضلمين سيفط ليها اوكي وتلاح فوق تاموسيتو)
فالعشية ناضت سعاد تعمر اتاي وعطات لفردوس تجيب لخبز من المخبازة لبست عبايتها كتنگر مباغاش تخرج لاحت عليها زيفها هزت ساشي باش متخلصهاش وتاخد ديك للدرهم الناس لي كيخططو مزيااان هبطت فللدروج غاديا وتلعب بالفلووس وضور فعينيها تبرݣݣ كانت المخبزة بعيدة شوية غير وصلات لقااتها عااامرة غتفرݣع وبنادم واقف برا…
فردوس:مووصييبة هاد اتاي غتعشاو بيه ….
بقات كتسنا ولي شافتو باغي يمشي قدامها تخنزر فيه بزز باش وصلت نوبتها محست غير بايد مرجعاها لور تلافتت مغوبشة لقات وحدة باغا تاكلها:ارجعي لوور راني قرن واقفة محشمتيش جيتي قدامي …
فردوس:(دمها بحال خوتها قالت ليها هاد الهضرة شعلاها)شناااوااا (شدتها من ايد لي تحطت عليها لوااتها ليها حتا غوتت)جمعييي مكااافشك سمعتي…(دفعتها)راك مكتعرفينيش …
دخل ناصر بين الناس كيشوف فهاد الروينة عاقد حجبانو شاف ففردوس ناوية غتلاح عليها قبطها من دراعها:الالة الالة حشوومة …
فردوس:حشووومة مرت شيطان تجمع عليا ايديها ولا نوريها هاد الوقفة بشحال غطلع
ناصر:(زفر)صافي ماشي مشكل خودي لي بغيتي …
فردوس:(شافت فيه)ايوا راغناخد لي بغيت(شافت فالبنت بققزيبة عينها لي رجعت لور مسكينة كون يسحاب ليها مهاوشة ݣاعما تهضر )ولي معجبو حااال الحيوط وراااه …
ناصر:(ضحكاتو خلاها خدات الخبز هازا خنافرها للسما وقالت للبنت)مال الخبز تقادا الجيعانة ابشوية عليك باش تعيشي كثر …
:(بخمس)معرفت شكون الجيعان …
ناصر:(بتاسم للبنت)سمحو لينا …
خرجت كتحرك فراسها قطعت شانطي وناصر دار ايديه فجيوبو متبعها وكيضحك جات فدقيقتها نوضتها…
رجعت للدار حطت الخبز حست براسها فوجت لاحت عبايتها لقات خليل لااابس ناوي يخرج ريحتو فايحة هزت حاجبها ودات لسعاد الخبز حطاتو ليها فوق البوطاجي …
خرج من دار كيتمشا حادر راسو كيبقشش فتيلي شدها جبدة لاجونص وقف تما كيتسنا فيها داير ايديه فجيوبو كيمشي ويجي زفر ومسح على لحيتو بملل هز راسو على غفلة بانت ليه جاايا لابسة كسيوة گري صووف بسانتير ديالها مع ݣات نواغ طالقة شعرها ولاوية ݣاشكول على عنقها بتاسمت ليه بعذوبة من بعيد حتا قربت وقالت:السلام وعليكم …
خليل:(ساهي فوجهها كانت دايرة لمسات خفيفة بزاف حرك راسو ومد ايدو)صافا عليك …!؟
ياسمين:(بصوت انثوي)الحمد الله (ضورت عينها ورجعت شافت فيه حنيكاتها حمرين)مجاش معاك السيد …
خليل:(حنخن)صارحة دوينا ولكن فكرت حتا انا محتاج واحد.داكشي علاش انا لي غنشريه من عندك …
ياسمين:(ضحكت)اه ايوا ايلا كان غينفعك بحال بحال..ندخلوو؟؟
خليل:(كيشووف فيها بهدوء بتاسم ورد عليها بصوت خافت)مرحبا …
دخلو عند محسن شدو خليل قلبو معندو ميدير بيه حيت غيخرج غيعاود فيه البيع تاواو على الثمن عطاها وهي عطات لمحسن حقوو واخا ماشي هو لي جاب ليها الشاري
خرجو من عندو كيتمشاو جنب بعضياتهم حتا نطق:ايلا مسالية نجلسو فشي بلاصة …!؟
ياسمين:(رجعت شعرها ورا وذنها وقالت بأسف)نخليوها مرة اخرى غنتسنا صاحبتي دايرة معاها هنا …
خليل:(عرف راسو من نهار حط عليها عينو غيتكرفص معاها زكارتها معاه مشافها فشي وحدة)ماشي مشكل نتسنا معاك …
ياسمين:(بتاسمت)ههه ماشي مشكل …
خليل:(ممحيدش عينو عليها حك لحيتو وهز حاجبو)ياكما مزوجة …
ياسمين:(استغربت من سؤالو ضحكت وقالت)هههه لا علاش؟؟
خليل:قلت ايشوفك راجلك ولا شي لعبة نصدقو فالمشاكل
ياسمين:ممخطوبة ممزوجة ههه
سمعت تيليفونها كيصوني جبداتو من صاكها وقالت بخفوت:وي نجلاء فينك كنتسنا …اه خلي جامع وسيري نيشان راغنبان ليك …
قطعات وقال ليها:ياكما صاحبتك ماشي بنت كازا؟
ياسمين:(كترجع تيليفونها فصاكها)لا هي كازوية ههه وساكنة هنا فسالمية غير معرفاتش لاحونص فين جات …(بانت ليها جاية وشيرت ليها)
نجلاء:(كتقرب وتشوف فخليل لي مخنزر فيها محملهاش من شوفتو ليها اللولة سلمت على ياسمين وهو خلاتو كتحقق فيه)ياله نمشيو …
ياسمين:(حشمات من شنو دارت)اه (شافت فخليل بابتسامة)شكرااا بزااف منساش ليك شنو درتي …
خليل:كنتسالك عراضة…
ياسمين:جاتك ان شاء الله هههه(دارت ليه باي باي)بسلامة علليييك …
خليل:(ضحك جاتو دمها خفيف هز ليها غير ايدو وتبعهم حتا شدو طاكسي)
ياسمين:(نغزتها)حشومة علاش مسلمتيش…
نجلاء:(عاقدة حجبانها)فين تلاقيتي مع هذاا؟؟واش مكتعرفيهش راه جارنا …
ياسمين:(عاودت ليها كفاش تلاقاو)ايوا بعتو ليه وخلاه عند عمي محسن حتا يرجع ليه …
نجلاء:هذا راه واحد الشلاهبي اياسمين واحد القطاطعي منو مكاين عاطيها غير للبيران والسكرة وديما منوضينها فدارهم عيشتهم ويل …
ياسمين:(زفرت)ولاش كتعاودي ليا مالي غنضرب معاه زواج يضبر راسو داكشي لي جمعنا رافكيناه …
نجلاء:ونتي كتقولي ليه عرااضة من نيتك يشدك عمي يوريك اما نااصر (نفخت)
ياسمين:راغير من صواب مالي بنت ليك مسالية لعراضات داكشي لي بقا ليا …(قلبت وجهها لسرجم)
نجلاء:انا غير مبغيتكش تصيدي مقصدتش نقلقك حيت راه ساكن حدانا وانا عارفاه كيف دااير حتا الخدمة بحال الناس معندو يعلم الله منين جاب الفلوس باش شراه من عندك …
مشاو لمول خداو لي خاصهم ودازو لصالون نجلاء قطعت شعرها وياسمين بقات غير جالسة مكانش عندها الخاطر تصاوب شي حاجة واخا عيااات فيها نجلاء خلاتها حتا كملت على خاطرها شدو طاكسي رجعهم حط ياسمين عند الباب طلعات عاد تحرك بنجلاء
طلعات لقات حليمة شادا تيليفون بايد وصبع كطلع بيه دايرة نضاضرها ديال الشوف هزت راسها وقالت:جيتي …
ياسمين:(حيدت صباطها ودخلت)جبت ليك شال لي كنتي قلتي ليا …
حليمة:(حيدت نظاظرها وشافت فيها)وريني نشووف …
جبداتو ليها كان كريب فالبيج عطاتو ليها وحليمة تبسمت كتقلب فيه:ايييه هو هذاا خفيف وبارد عجبني (دارتو على وجهها)هانتي …
ياسمين:اه تا لون بيضك …بصحتك
ناضت لبيتها بدلت حوايجها ومشات للكوزينة فيها جوع عمرات اتاي قادت ليها كرواصة وكيكة داتهم للطبلة قادت صينية ديال اتاي داتها حتا هي عاد جرت طابلة جيهة حليمة وجلسو ياكلو بزووج …
فالعشية دخل ناصر غسل وكلا بدل حوايجو عيطت ليه ياسمين دخل عندها للبيت مبتاسم تسرح فوق سرير …
ياسمين:(حطات ليه الفلوس)لابتوب راه تباع …
ناصر:(ناض جلس بشوية شاف فالفلوس وشاف فيها)وايلي دغيا …
ياسمين:(حيت فمها كلاها ومعندهاش مع دوران عاودت ليه كولشي سرسباتو)عجبو ثمن مقال والو
ناصر:(عقد حجبانو)مشيتي وتلاقيتي معااه؟قوليييها ليا انا بعدما مشيتي عندو راس فراس اياسمين ؟؟؟راك مرا ماشي عزري باش تلقاي معااا راجل …
ياسمين:مالي شنو درت جلست معاه وتفاهمنا…
ناصر:(وقف)واش انا مكينش باش تعلميني واش معندكش باااك؟(هز صبعو فوجهها)ردي البال شنو كديييري …هادشي ميتعاودش
بعد موت ختهم كولشي ولى حساس خااايف بزاااف لي طرا لختو يتعاود ومبااغيهش يتعاود خبط عليها الباب خلاها كتأفأف من حقووو يغضب عليها هي لي مخليا رجال فدار ماشي غير راجل وماشية عند واحد اي اخ مغيقبلهاش وغيحس بشمتة واخا تكون على خدمة كيف ماكانت …
لقاتو مسيفط ليها مساج تنهدت ولاحت تيلي من ايدها عندها ناصر عزيز ومكتبغيش تقلقو واخا هي غلطات وزوينة أنها عتارفت بيه مخباتوش وكذبااات كيفما كيديرو بزااااف تفاديا للصداع …ديما الإنسان لازم يواجه كيكون حسن من الكذوب لي اصلا هو غير وقت مؤجل عمرو كيمحي الحقيقة
هي مـن وُجـدت في العتـمة …🕊️
فكـان يلزَمُـها النور ..فبرغم مِنـه لم تفـرق بين الصَحـيح و الخطـأ ♥️
جلسات حتا عيات وجدات العشا خلاتو يطيب ودقت فباب بيتو حلاتو كطل لقاتو مخنزر معاجبو حااال وبسيييف ميتقلق قربت عندو نغزاتو:وصافي غتبقا قالب عليا وجهك؟؟؟
محاوبهاش تنهدت:صافي منعاودش غير كون هاني (عاودت نغزاتو)وصاافي ناااصر حشوومة عليك تقطع كلامي. !!
ناصر:(شاف فيها)اخر مرة هاد البلان بتعاود واش انا مبنتش ليك عيطي عليا كااع ونمشيو نتلاقاو بيه انا وياك …
ياسمين:صافي غير بقا على خاطرك انا مني الفالطة …
ناصر:(ناض عنقها ضحكت وسط حضنو وقال ليها)سيري سيري تنعسي …
ياسمين:(خارجة)هاني غاديا هههه تصبح على خير …
خرجات من تما دخل محمد حتا هو حطت ليه بوووحدو مياكل حيت كيدخل معطل للدار عيط على ناصر وجلس هو وياه فالطبلة داويين …
محمد:(كياكل وينكرز)نوضت لينا الهيالالة ياربي سلامة …
ناصر:(تفكرها وحبس ضحكتو)واقيلة حمقة اش غنديرو ليها …
محمد:بسيف متكون حمقة على انا مكنعرفش تريكتها بااها شحال تشاد معايا منسمح ليه….
ناصر:(كيثاوب)ايوا لاباس فكيناها (وقف)تصبح على خير …
محمد:تصبح على خير
مشا محمد غسل ايدو ودخل لبيتو وياسمين داخلة لبيتها وتيليفونها كيڤيبري فايدها قطعاااات وقطعااات ووالو فلخر فتحت الخط وجاوبت بصوت خافت:الو ..؟
خليل:(بصوت ثقيل)مقلتي ليا واالو على العراضة ايمتا …
ياسمين:(بغات تنذب حناكها هاد العراضة خرجت ليها فعودها)ان شاء لله شي نهاار …
خليل:(كيتسمع حداه صداع رد عليها ببحة)وايمتا غيجي هاد نهار؟؟
ياسمين:(باغا غير تفك لصقها)نهار نكون مسالية انا غنعيط ليك سمح ليا داابا غنقطع..
خليل:ونتييي ديما ممسالياش …
ياسمين:(عقدت حجبانها كفاش هضر معاها)شنو قلتييي؟؟؟
سمعت باها جاي عندها قطعت عليه ولبدت فبلاصتها طل عليها محمد سول فحالها عاد سد الباب قلبت تيليفونها لقاتو كاتب”باقا تقطعي عليا غتلقايني حدا داركم”
وايني موصيبة صابتها معااه عاد لحقت على كلام نجلاء هو شلاهبي ومعندووش علاشش يحشم وهي خاايفة من خوها وباها عرفات قضيتها مغتخرجش على خيرر ندمت على نهار لي شافتو فيه ولا هضر معاها سدت تيليفونها وتكات على جنبها عاقدة حجبانها مغوبشة وقالت:قاليك ديما ممسالياش…
فاقت صباح غسلت وطرفت حالتها لبست حوايجها وقادت راسها عاد خرجت تفطر كان كولشي فايق وحليمة واقفة على الفطور حازمة راسها وكتاوب مرة مرة…
حطت ليهم اتاي ريحتو فاييحة عاونتها حطت الفرماج وسخنت الخبز اي حاجة غيفطرو بيها حطاتها …
ناصر:(حك راسو)نوصلوك معانا؟؟
ياسمين:(كبت ليها اتاي وهزاتو)واخا
دخل محمد جلس تاهو يثاوب ويحك فعينيه فطرو عاد ناضو ياسمينن منشات للبيت هزات صاكها دارت فيه مسائلها مع سوارت وتيليفون ودعت حليمة ووهبطت تجري حيت ناصر كيكلاكصوني عليها لقاتهم واقفين كيتسناو فيها ركبات عاد تحركو ..
وصلوها للمدراسة حطوها قداام الباب نزلات خلاوها حتا دخلت عاد تحركو ودنيا عامرة شوية بزااف العيالات جاايبن ولادهم كيدخلوو فيهم …
بقات فخدمتها حتال جوايه 12:30 عاد خرجات غاديا شادا تيليفونها فايدها حادرة راسها طار فرمشة عين مفهممت واالو هزت عينها بان ليها واحد غادي يجري وفايدو تيليفون تاهيا بلا عكز عليا بدوك الغدايد لي جامعة جرات وراه ايفون اخر مخرج تخليه يفلت ابدا تبعاتو تدردك وتغوت”شفاااار شدوووه”
دري تلافت لقاها قربت ليه عينيه حوالو عض على قنانفو كيجري بكاع جهدو
ياسمين:(كتجري وكولشي كيتفرج فيهم سخفات)الله يلݣيها ليك اولد لحرام نتااا لي بقيتي ليا …
كااان عاااس عليها باغي يهضر معااها حتا شاف شنو طرا قرن حجبانو
ومشا كيجري وراها عرفو دا ليها تيليفون زاد فسرعتو مشا ليه شدو هو لول من قرفادتو عاد وصلت عليه كتنهج وعرقانة هبطت شادا ركابيها حتا تنفست مهزت اصاكها عطاتها لدري لوجه دوخاتو معصبة:واااش نتااا لي خااااصني هاد ساعة(زواتو بيه تاغوت)
خليل:(خدا ليه تيليفون وطلقو ) غبر مزال نشوفك ونتفاهمو …
:(كيشوف فياسمين ندماتو لاش خدا ليها تيليفون تلافت لخليل وقال)ولاحت هشام الكروج فالجري
خليل:(خنزر فيه ودفعو)وسييير فحالك
مشا دري كينگر ومد ليها تيلي مبتاسم…نتراتو ليه من ايدو قلباتو رجعت شعرها لور حيت لصق عليها بالعرق …
خليل:(كيشوف فيها داير ضحكة جنب)هنا ماشي بلايص الفشوش لي مولفاهم باش تعياقي بتيليفونك …
هزت فيه عينيها ببطء معصصصصبة بلا قيااااس وحمرة:هضرتك خليها عندك سمعتي
خليل:(هز حاجبو)هادي هي شكرااا ؟؟
رجعت شعىرها لور كضور فعينيها خايفة شي واحد يشوفها ويمشي يوصلها سخوونة
جرها من دراعها داها لجنب الحيط ملامحو خسرو:مالك تقلبتي؟؟؟؟شافها
ياسمين:(كتشوف فيه)علاش واش كنعرفك باش نتقلب عليك …؟
خليل:غنجيك نيشان إنا عجبتيني …
ياسمين:(باستهزاء قاطعاتو)شنو يسحابليك غنفرح على هضرتك انا ماشي من دوك البنات لي كتعرف سمعتي..كنعرف غير المعقول را كاين الباب …
خليل:(عصباتو حك لحيتو كيحبس راسو وقال)عارفك ماشي من داك النوع نتي لي حسبتيها فشكل…انا بصح باغي المعقول ولكن الضرووف ممعاونانيش …
ياسمين:ايوا حتا تكون تعاوناك اخر مرة توقفني ف الطريق عافاك …
تخطاتو غاديا فحالها وكتشوف يمين وشمال وخطواتها كباار مزروبين
مسح على شعرو بشتات محملش كفاش خلاتو اتابعها وهو عمر شي بنت كانت ليها هو لي كيتعزل ويختار ويتصاحب على ذوقو جات هادي ضورت ليه السمطة…من نهار حط عليها عينو عرفها غتكرفصو حيت زكارتها مشافها فشب وحدة ولكن فاش كيتعلق الأمر ببنات الناس مكيكونش اللعب
رجع فحاالو طالع ليه الدم هضرتها دخلت ليه مع لعرووق سمماتو وهي فالأصل قالت غير الصح المعقول كيكون بدقان الباب ماشي دخول سرجم كيف موالف هو …
وصل للدار دفع الباب وطلع خوا ليه جيبو مشا لبيت هز داك لابتوب لي جاب وخرج لقا سعاد جالسة طوي فشي حوايج وفردوس واحلة فالكوزينة وهذا حال البنت لي ايلا مقراتش كيكون مصيرها تجلس فدار باها تشقا حتا تزوج وتمشي لدار راجلها…
شافتو سعاد غادي هابط مغوبش حركت راسها وقال:لا حول بالله على هاد دري ياربي
خرج غادي يجر فرجليه موقف حتال عند مول تيليفونات حيد كاسكيطتو وحطو ليه فوق الكونطواار:جمال شوف هاد لعيبة …
ناض دري كيقلب فيه وقال:وبياااسة هادي شحال باغي فيه؟؟
قال ليه الثمن كيزفر غير بوحدو طالع ليه دم وجمال جاه كثير حتا نقص ليه شوية عاد باعو …
جمال:صافي خليه غدا رجع عندي …
جبد تيليفونو لقا جواد كيعيط تحرك غادي جيهة القهوة وقال:فينك؟؟اممم حتا دوز عندي غنتسناك …
دخل لقهوة لقا باه تما كيهضر مع شي رجال معجباتو تاحاجة وخرج فحالو ضاررت بيه حتال ايمتا غيبقا بحال هاكا؟؟سؤال ملقاش ليه جواب …
أقـف في نقـطة واحدة بلا حرگـة …فحياتي سوداء بالـكامل …
غـلطة واحـدة ..كلـفتني الكـثير …
لا أسـتحمل اللوم …ولا النـدم …💔
******
حطات سعاد قصرية ديال البلبولة ريحتها كتحل شهية معيلكة ومنظرها يخلي ريوكگ يسيلو تجمعو عليها شي داير معلقة شي كياكل بايدو …
سعاد:(شافت فزهير)راغتهرس ليا القصرية متبقاش ضرب بالمعلقة …
زهير:(قلب عينيه كياكل فيها بزز خايف من باه حداه)
خليل:(كيجر بمعلقتو وكيبقا يشوووف فيها عاد كياكل)
الحاصووول غير الهبل لي مجموعين واحد يقول لاخر مكتعرف وااالو ترباو فواحد الجو خلاهم ديما مكهربين وخاصهم غير علاش متقدرش تجلس معاهم ساعة وهوما مجموعين خاصهم ضاروري يتشادو على شي حاجة بحال فردوس لي كفحات كاس ديال اللبن فوق الزربية كولشي سقل كيشوف فيها
سعاد:(لاحت ليها زيف)مسحي امسخوطة دابا ندير ليك نهارها تحكيها ابلاتي …
بقات كتمسح وتعاود وحمد كيلݣم ويسيفط للغار يجر الأخضر واليابس مكاين غير طحن
ناص خليل هو اللول طلع للسطح خلاهم كيكملو حتا بدات تغزز ليه شي حاجة ففمو جبدها لقاها حجرة دفلها مخسر ملامح وجهو:معرفناها بلبولة ولا رملة …
كما ݣاروه وهبط كيثاوب لقا حمد تجبد فالسداري غيدير الغيبوبة زهير شد تيليفونو وفردوس كتجمع فالطبلة دخل لبيت تلاح فوق سرير كيمسح فوجهو وهضرتها باقا فودنو…
اما عندها هي لي تغداو ودخلت لبيتها دايرة ابيل فيديو مع نجلاء كتمشط فشعرها وكتجمع فيه:شووو بشوية اصحبتي را ناصر ناعس…
نجلاء:ايوا اش قلتي ليه دري راسك فيه را مسالي راسو كولشي يتبرا حتال راس بنادم متيقيش..(ضحكت)ويلي هههه
ياسمين:(شدت تيلي عندها) اودي تانتي حتا حد فدنيا ملقاها كيبغاها كلها وضروفو (نفخت)ولكن غير يبعد مني غيجبد ليا غير الصداع …
نجلاء:ايواا حضي راسك ليحصلك باك …
ياسمين:مالي اش بنت ليك معاه فشي دار انجلاء كفاش حضي راسك؟؟
نجلاء:ومالك كتفهميها عوجة وناااري..صافي صافي قطعي حتا ندوز عندك ونخرجو شوية ..
ياسمين:اوكي غنتكاا شوية راسي كيزدح بحالا ضربني البرد …
نجلاء:علاه هداك لبس لي كتلبسي ياله باي باي زين …
قطعت معاها وناضت خدات دوليبران شرباتو ضلمات البيت وتكات عقلها خدام كتخممم…
من داك نهار مابقا شافها ولى باغي يشغل راسو باي خاجة غير باش ميبقاش يفكر فيها عيا يضور عند المحامين على قبل سطاج وكيف كل مرة كيرجع راسو هابط للأرض بخيبة امل …دفع الباب برجلو طالع ليه دم لقا مو جالسة كتفرج مهضرش مشا للبيت نيشان لاح الوراق من ايديه بنترة حتا تششتتو وسط البيت …حيد كاسكيطتو لقاها سخونة بشمس ساط بغضب وتلاح على ضهرو …
إني أحـارب نفـسي أتعلم؟
أحارب الماضي وذكريااتـه الأليـمة تضـعني على الحافـة بدون اخـتيار إما
القفـز أو الـموت فإن لهـم معنـى وااحـد …هكذاا تخدعـنا
دخل لتصاور لي واخدة ليه عقلو بتاسم غير بوحدو كيشوف فوحدة ويدور
للاخرة وفينما يشوفها كارزة على مراودها يخنزر ولكن حالف نهار تحط فايدو غيفدي فيها القديم والجديد غير دابا دايرة فيه مبغات…دار ليها
متابعة ورجع كيتصفح تصاورها كانت اخر تصويرة حطات مصورين فماكدو هي ونجلاء مجموعين ودايرة واحد الضحيكة باينة فيها ثقيبة
الزين خفيفة فحنكها زادتها جماال كتبان كيوت ..خداها عندو وبقا كيتفرج فتصاورها
حط تيليفونو وناضض لبلاصة بين حوايجو باغي يجبد لفلوس لقا غير ريح عقلو بغا يخرج حوايجو كاااملين ساسهم وشتتهم كاملين حتا ترون البيت قلبو كيزدح بعنف ايلا هادي ميقبلهاش
خرج عندهم عينيه غيبلزو وقال:سعاااد شكون دخل ليا لبيتت …
سعاد:(شافت فيه)مالك ساير تعرعر ياك لاباس مدخلتش ليه علاش؟؟
فردوس:(عقدت حجبانها)مالك كتشوف فيا؟؟را زهير لي كان داخل را ياله خرج
هبط يجري وسعاد كتغوت عليه وهو كارز على فمو سنانو لوبيا عليه باغي غير يشدو غيعوقو …مشا للقهوة قلب عليه والو ملقاهش ولى كيدور تما فالنواحي بحال الحمق عينيه خارجين شوية لمحو غادي ضاير جيهة الدار بالغدايد والعصاب ولى كلو عرق غوت عليه من بلاصتو
شافو غيهرب وشدها بجرية غير قرب عندو وهو يتلاح عليه:حط الفلوس اولد اللدييينة حطططط (شانق عليه)
زهير:(بكثرة مقاجو مقدش يهضر)
خليل:(كيقلب ليه فجيوبو لقا فلوسو عندو جبدها معاه وقال) وباااقي تقرب ليا لقنتي(زاد كرز عليه)غنق***دها معاااك (طلقو حتا تخبط مع الأرض)ينعل بوها خاااوة كاااع تفووو
ناض عليه عرقااان كيقطططر تقولي مدوش خشا فلوسو بحدر فجيبو مسح على وجهو مخنزر فيه وزهير طاايح فالأرض خلاه وزااد فحاالو للدار كينگر …
رجع للدار حتا حاجة مبقا حاملها حياااتو كرهها ..الفلوس متعمر جيبو حتااا يشحف وضروري يكون داخل فيها الحرام دخل لبيتو هز تيليفونو كيعيط ليها ويعاود مجوباتوش لاحو ومشا دوش من العرق لبس حوايجو وخرج حادر راسو على تيليفون …
خليل:(بصوت حنين)الو ياسمين …
ياسمين:السلام عليكم…
خليل:منقدروش نتلاقاو بغيت نهضروو ضاروري …
ياسمين:منقدرش ممسالياش ….
خليل:(وقف كيمسح على شعرو راخي ملامحو)غنهضروو دغيا منعطلكش …مغتخسري والو …
ياسمين:(تنهدت)….واخا لنسيفط ليك فين …
فقهوة جالس مرة مرة يمسح على لحيتو بقلة صبر حيت تعطلت عليه ورجلو كتهز وعينيه على الباب حتا بانت ليه داخلة شعرها كيهزو الريح تقاد فجلستو هي شافت فيه وجرت كرسي جلسات …
ياسمين:(كتنهج حطت صاكها وقالت)فاش بغيتيني ..!!
خليل:(مشابك ايديه)لباس عليييك؟؟
ياسمين:(كتشوف فيه)الحمد لله ونتا ؟
خليل:(حرك راسو)نقولو بيخير …(هز فيها عينيه)ياسمين أنا نهار لول منكذبش عليك عجبتيني (بتاسم ليها وكمل هضرتو)باينة فيك بنت الناس انا كنهضر معاك وناويك المعقول …
ياسمين:(حدرت عينيها)
خليل:معنديش خدمة ثابثة وحيااتي كااملة جيبي خاااوي مبغيتش نكذب عليك جيتك نيشان هاز غير راسي خاصني بالشفرة وكثرة التخلويض …
ياسمين:(عقدت حجبانها)كفاش …
خليل:(ضحك)باغيك للحلااال ايلا بغيتي وقبلتيني تصبري معايا (بجدية)انا غنبدل راسي…
عجبها كفاش جاها نييشااان وقاليها لي كااين بصح هو جلاخة وممنوش ولكن كاع لي دوز على راس تنفع صافي وصل لواحد المرحلة عااارف راسو مبقا ليه فين ضاروري خاصو يحبس ويبدا شي حاجة ديال الصح لي غتبقا معاه حياتو كااملة …
خليل:(زفر)غتبقاي ساكتة …
ياسمين:علاه خليتي ليا منقول …نتا قلتي الصراحة احسن حاجة درتيها حتا واحد فالدنيا ممعصوم من الغلط (بتاسمت)خاصنا غير نصححوه (بخجل)والوقت لي تكون موجود مرحبا بيك …
هضرتها عطاتو على الأقل شوية الأمل خرج معاها من تما شد ليها طاكسي وبقا معاها حتا مشات عاد كمل طريقو على رجليه خاشي ايديه فجيوبو راااشقة ليه …
عيـنااك ستبـقى دائما و إلى الابد مصـدر شفائي …
كنت أتمنى لـو أنـك وضعـت خطواتـك معي سأشـعر بطـعم الحيـاة مخـتلف ومـميز …💔
فالليل كان جالس فالسطح حاط مسائلو كيقاد فخيمة باغا تقادها سعاد وتفرشها كيضرب المسمار فالحيط فغفلة جات ليه فصبعو جعر وخبط المطرقة مع لرض حتا تفرتكت زليجة ديال بصح ومبقا فيها ميتجمع …سمع شي حد كيعيط طل عليه ياله غيبدا يسب سبق ليه الهضرة :وجررري اصحبي باك را طيح فاقهوة بدمو …
رجليه خواو بيه وجوفو نشف جاتو بحال الصدمة ودري كيعاود”باك كيموت, باك كيموت “
هبط كيجري كينقز بالثلاثة درجات وصل لتحت وشدها بجرية للقهوة وسعاد وفردوس تابعينو كيجريو على جهدهم …
وصل شاف واحد المنظر متبغيهش لعدوك ولي شافو يقدر تشدو شي ازمات وعقد نفسية عمرو فحياتو يخرج منهم سرط ريقو بصعوبة عرقان وحمممر بنادم مجموع سوق ربي العالمين باه طايح وضاية ديال الدم تحت منو ولي يضرك فهادشي مامل منظر خاااايب راسو مفصول على ذاتو ومزال هداك لي ضربو شاد جنوية قدها قداش وكيخشيها فيه سكراااان مكينش فهاد العالم
رمش بزاف المرات را ممتيقش بلي هدشي كيطرا وقداامو جاتو محس تا غوت ومشا كيجري ليه لاح ليه الجنوية وبقا عليه بونية ورا ختها روسية ولا ختها جعر وتخلطت عليه البكية تلف بيه الحال دراري باغين يفرقوه عليه غوت وقال:داااااباااا عاد كتفكوووو اولاد لق** فكووووه فاش كان كيفصل فيه ….
لي سكران طاح فالأرض وجهو تخمج هز خليل ديك الجنوية عروق جبهتو غيطرطقو فردوس شافت داك المنظر سخفت طاحت فالأرض بزز باش كتنفس صدرها كيطلع وينزل …سعاد طاحت على ركابيها وسخفت حدا بنتها
بداكشي لي تخلط عليه ملقا راسو اخاشي فيه ديك جنوية جبدها ياله غيزيد يخشيها فيه شدها ليه جواد من ايدو :وطلللللق منيييي (دار شاف فباه وجلس حداه فديك الدمايات مصدوم وعينيه خارجين ثواني تكونو فيهم دمووع. ودار ايديه على وجهو..أما واحد زهير جالس فوق واحد الدرجةقدام القهوة شاد ركابيه كيشوف)
منظر كيضر فالعينين وفنفس كاين لي تألم وكاين لي بكا واخا مفيدو والو وهادشي كولو على الحشيش وعلى الإدمان باش نرضيو شهوتنا نعرضو حياة لاخرين للخطر …
جاو البوليس ولابيلونس عيا معاهم يخليوه يمشي معاه بالبكا والدموع والو مكينش دارو ليه المينوط بغاو يطلعوه شاف فجواد بعينين حمرين وقال بصوت مبحوووووح:جوووواااد
كيمسح دموعو ويحرك ليه فراسو …
كاااارثة وقعات فليلة درامية عائلة تشتتات سعاد علامن غتحزن وعلامن غتهز دقة واش على راجلها لي مات مفصل ولا على ولدها لي غيم
فالصباح من بعد ديك اليلة لي دازت طويييلة الداار عااامرة بالعزايا طالعين نازلين
رجال الدري الكبير لي غيعزيوه مشا زهير جالس فوق كرسي بحوايج لبارح كيشوف بعيد وغير ساهي غير جواد لي واقف وزوج من خوت حمد لي عزاهم كيدخلوه للخزانة
اما الفوق البكا والنواح كيتسمع من بعيد اللأم ديال المرحوم مرا كبيرة تبكي وتضرب فجنابها وحداها بناتها وخواتاتو تاهوما دموعهم على خدودهم العيالات كيدخلو يعزيوهم وسعاد غير جالسة كيجيو يسلمو عليها وهي صفرة دم مكينش فوجهها هزت دقتين …
اما فالبيت فردوس لي فالبيت ناعسة وسخانة شاداها وغير كتهلوس بفمها جالسة حداها خالتها كتشبه لمها شربتها الدوا وبدلت ليها الفوطة لي على راسها:الله ياربي اش هاد المصيبة ..مبغات تهبط ليها سخانة …
كولشي خرج من جيب خوت حمد تكلفووو بكلشي ووقفو على العزا وقفة الرجال اكيد معاهم جواد لي مرة عندهم مرة عند صاحبو وݣاع لي كيعرف المرحوم واخا يكون بعيد جا يعزيه كاع حبابو وصحابو حضرو لدفن جثثو المفصلة موتة متبغيهاش لعدوك لي متحملو ولكن مكتاب الله منقدروش نعارضوه اي واحد فينا مكتابة ليه شي حاجة واخا يطير وينزل غتصيبو ويأديها سوا خايبة سوا زوينة …
داز الوقت وتقدم خليل للمحكمة بالمحامي وبعدما عطاو اهداك لفلوس باش يتنازل حيت داوه لوبيطال وعتقوه واخا ضربة كانت غتقتلو الحظ وقف معاه ومماتش ولكن واخا تنازل غير تنقص عليه وعطاوه عام …
“أول زيارة”💔
كانت جالسة شادة حق الله لابسة كولشي بيض وجنبها جواد تحل الباب غير شافتو جاي من وجهو باين عليه العيا لابس تيشرت كحل وسروال كذلك تحت عينيه زرݣ بقلة النعاس هبطو دموعها بحال الحجر واخا تكون مكتحسش تبقا فيك بطريقة باش نزلتهم بحالا كان عليها غير ايمتا تشوفو عنقاتو وتاهو كرز عليها كيبوس فراسها ويعاود …
جلسها وجلس معنقها سلم على جواد حتا هو
خليل:(بصوت باح)كيف بقات فردوس وزهير …
سعاد:(دموعها كيهبطو)ختك حالتها حاالة مسكينة وزهير (تسمع صوت بكيتها هاد المرة كانت على من لول)
قلبو حاس بيه مخنوق وبحالا شي واحد كارز عليه تنهد ضارو الحال كثر منهم غير صابر
زيارة كاملة وهي معنقاه بااغا غير تشبع منو شوية بقا فيها ولدها بلا قياس عارفاه بقا فيه الحال حيت محضرش لجنازة ديالو من ديما عارفة بلي خليل كشخصية عمرو يقولك لي ضاراه بالعكس كيخليها عندو وكتمرضو كثثررر
علمهم الحارس لي تما بلي زيارة سالات ناضت مباغياش تبعد منو خرجوها بزز بالبكى تسالم مع جواد عنقو بحرارة:تهلى فراسك …
خليل:(حرك راسو)رد معاك البال
كيفما كاين القرح كاين الفرح ..فينما كتموت روح كتزاد روح اخرى …وبعيد على هاد الجو بابتاسمة على ملامحها كتسمع فخبر زوااج نجلاء كضحك فرحاانة ليه كثر من راسها
الهضرة كضوووور وتنتاشر..استغربت كفاش مبقاتش شافتو ولا عيط وديما واتساب ديالو كيكون مسدود جاتو هضرتو كانت صادقة يعني موحالش يكون كذب عليها وحتا ايلا كذب فراه مدارت حتا خطوة باش غتخسر شي حاجة…
سمعات الهضرة لي ضارت وعرفاتو دخل للحبس كانت واقفة لابسة عبايتها مع نجلاء لي كتوريها الدار …
نجلاء:لي لابسة البيض هي موو ولاخرة ختوو شوفي حالتها كي ضعافت مكانتش هاكا لي طرا شتتهم …
ياسمين:(ضرها قلبها)اوووف الله يارببي بقاو فياا
دخلات سعاد بنتها مع الباب وسدووه عاد جرات نجلاء ياسمين غادينن فحالهم:قلتها ليك نهار لول راه شممكااار اياسمين وشلاااهبي …
ياسمين:(شافت فيها)حشوومة انجلاء والله ايلا عيب واش لخاطرو نتي تشوفي باك طايح بدمو شنو غديري نتي بنت غتبكي وتكمديها ولكن هو راااجل ميقبلش يتشمت …
خلاتها ومشات فحالها نهار جاها نييشااان لمسات فيه انه بصح باغي يبدا شي صفحة جديدة بلا تخلويض هي عمرها امنت بااالحب كتٱمن بالاهتمام هو لي كيولد الحب وداكشي ارزاااق والمعقول والحلال حتا حد مكيقد يرفضو …
رجعاات لدار كااعية وحليمة غير كتسول على حالها دخلات لبيتها بدلت وتكات شوية حتا برد الحال عمرت اتاي لبست هزت تيليفونها:غنمشي عند نجلاء ونرجع …
حليمة:متعطليش يجي خوك يسول عليك …
حركت راسها غاديا حتا بان ليها جوااد ديجا وراتو ليها نجلاء شافت فجنابها ومشات ليه وقفاتو حشمااتة:سمحليا اخوياا ..
جواد:(رمش فيها)ماشي موشكيل بغيتي شي حاجة اختي؟
ياسمين:نتا صااحب خليل ياك؟
جواد:(عقد حجبانو)اه ياك مكاين باس ؟؟
ياسمين:صارحة سمعت بداكشي لي وقع انا كنعرفوو وبغيت نمشي نشوفو ومعرفتش فين ..!
جواد:(بتاسم جنب)غدا عندو زيارة ايلا بغيتي تمشي معايا …
قاليها معاش شكراتو ورجعاات فحالها….
فاقت صبااح كانو باقين ناعسسييين دخلت للحمام غسلات وطرفت حالتها لبسات حوايجها سرحت شعرها مع ميكاب خفيييف لبست مونطوها هزت صاكها ومسائلها عاد خرجات كتمشى بشوية …
غير فاتت الباب ديال الفصيل وبعد ما سداتو تحركت كتمشا بالزربة فين دايرة مع جواد لقاتو داير قبيتو خاشي ايديه فجيوبو وواقف كيتسناها بتاسمت ليه وتحركو بزووج حتا نطق:تاكلي شي حاجة؟
ياسمين:(كدوخ فاش مكتفطرش)واخا…
مشاو عند شفناج كان عندو غير رجال خلاها بعيدة ومشا جاب داكشي من عندو من فلوسو مبغاش يشد من عندها شار ليها تقرب خدا كرسي حطو وقال:جلسي هنا…
جلست وعينيها كيضوورو خايفة يشوفها شي واحد من صحاب خوها جاب ليها مسمن بالعسل والحرشة فطبسيل ديال الميكا مع كاس داتاي بقات كتشوف فيهم عجبتها ريحة وبدات كتاكل اما جواد واقف فوق الكونطوار وكيخشي …
مد ليها ورقة مسحت ايدها وتمشاو بزووج
جواد:فين كتعرفي خليل..؟
ياسمين:(رجعت شعرها ورا وذنها وقالت بصوت انثوي)الضروف عرفتني عليه وسمعت بلي وقع وبغيت نشوفو ..
جواد:(بتاسم ميمكنش تكون مبيناتهم والو وايلا علاش غتبغي تشوفو حرك راسو بلا ميزيد يسولها شير لطاكسي ركبو وتحرك بيهم)
الزياارة الثالثة غتكون مميزة بالنسبة ليه خرج من الباب خاشي ايديه فجيوبو عينيه ذابلين ونايمين عليه تحتهم زرق وجنب فمو مجرووح باينة ضارب الحبس را اسوء حاجة يقدر الإنسان يدوز منهم لقا جواد قدامو ضور عينو بانت ليه واقفة وراه كتشوف فيه بعويناتها وقفتو مبقات وقفة بقا فيها بلا قياس نهار بغا على الأقل يبدل حياتو تقلبات عليه كاملة تنهد سلم على جواد باليد مشا جلس بعيد عليهم قرب لعندها عينيه عليها بلا ميفكر جرها عندو عنقها وباس على راسها كيشم فريحتها لي جذباتو نهار لول لي شافها ممنعاتوش طبطبت على ضهرو حتا بعدها وجلسها وجواد كيشوف فيهم …
جلسو مقابلين مع بعضياتهم هي بحركتو وتعنيقتو حشمات هزت فيه عينيها وقالت بأسف:الله يرحمو ويبدل محبتو صبر …
خليل:(مسح على عينيه كيتنهد جرحو مشعل فيه العافية وعمرو غيبرا البكية واقفة ليه بين سنانو حابسها وربي عالم بيه)
عااارفة مزيااان بشنو كيحس علاش لا وهادشي دايز عليها واخا الضروف مبدلة ولكن الجرح والفقدان هو هو …
خليل:(بصوت مبحوح)ندمت حيت مدوزتش معاه وقتي ندمت حيت كنت مسخووط معاه وعمر ضحكتي مجات فوجهو (شاف فيها بملامح تعبة)
ياسمين:الندامة معندها باش تفيدك دابا …شوف راسك من هنا القدام …
خليل:تمحنتي جيتي حتال هناا؟!
ياسمين:(حركت راسها)متمحنت والو بالعكس جواد جا معايا حتال هنااا (بتاسمت)جبت ليك معايا شي حاجة غيعطيوها ليك
خليل:(تعاملها معاه كتخليه يمرݣ ويحشم منها)عذبتي راسك …
علمهم الحارس بلي الزيارة سلات وقفت معاه وقالت:غنرجع نشوفك مرة أخرى
خليل:(مباغيش يضيعها شد فايدها بترجي)تسنايني اياسمين …
ياسمين:(بجدية)انا عطيتك كلمتي ومغنرجعش فيها كون هاني …(بتاسمت)لمرة جاية غنزورك عاود (عنقاتو)صبببر هادشي غيفووت ..
كرز عليها بقوتو خرجات وجواد جا عندو كيبتاسم:درتو لينا فيلم .مخبي عليا هادشي كاامل؟؟!
خليل:رد ليها معاك البال وايلا بغات تجي جي معاها …
ودعو وخرج جواد مخليه غير كيشوف هبط راسو ودخل …
خداو طاكسي مشات للمدرسة دخلات لخدمتها بقا فيها شغل بالها بلا قياس عرفاه غيكون كيعاني لي داز عليه ماااشي قليل ….
دازو شهووور منساتوش فيها فينما كيكون عندها الوقت كتمشي عندو ايما بوحدها ايما مع جوااد لي مع توصيات خليل ولى راد ليها البال يشوفها غاديا لشي بلاصة يونسها ولا يتصخر ليها دايرها فبلاصت فردوس …
فقاعة الأعرااس وفالعمارية نجلاء جات كتحمق انعكاس التكشيطة المغربية كتبينها بالشان والهمة بحال شي ملكة الشعبي مطلووق والناس كيلوحو عليها فالورد
كانت واقفة لابسة قفطان فالبوردو ومع بيضة جاها غزااال طالقة شعرها وحتا هي شادة الورد كتلوحو عليها وضحك دايرة ميكاب سموكي وعكر حمممر بارز ليها شفيفها وحجمهم بدقة
فرحانة بصاحبتها علاش لا وهي ليعندها مشات ختها لولة وبقات عندها غير هادي داز عرسها بالنشاط والفرح والشطيييح حتال اللأخير بلبستها البيضة لي غتفرقهم معاها …
لبسو الخواتم وقطعو لاطارط شطحو العرسان ووصل وقت الوداع لي فيه اي بنت مكتسخاش بعائلتها حبابها وصحابها واقفين برا طموبيلات مستفين ووحدة مزوقة بداو كيودعوها عائيلتها مها وباها هي ليعندهم معندهاش لخووت وصلت لياسمين لي كانت كدمع وعينيها دايزين عنقتها كتبكي ونجلاء حتا هي بعدت عليها وقالت:سمحي ليا اختي …
ياسمين:(كتبكي)متقوليش هاكاك
بقاو معانقين فرقوهم بزز سلمات حتا على حليمة عاد ركبات كتودعهم من ورا زاج حتا تحركت السيارة…
تفركات الروينة وكلها رجع لدارو هي غسلت حالتها بقات فيها نجلاء كتونسها تجمع معاها وكولشي كديرو معاها لبسات بيجامتها وخرجت للكوزينة فيها جووع لقات الحليب هزاتو دارت ليها توست فيه الشكلاط ياله غتخرج سمعت باها داوي مع حليمة فالصالون …
محمد:ايه جااا دواا معايا ديك الساع …
حليمة:وا اش كيجي نجلاء ولد عمها ولا؟؟
محمد:ايه اهاد المرا نبقا غ نشرح قاليك بغا ياسمين وايلا قبلات يجيب واليديه…
حليمة:دروييش مالها غتلقا حسن منوو ولباس عليه دابا نعلمها ..
خرجات حاتية على داك الخبز والحليب مخنزرة لبيتها دازت من قدامهم سدت الباب وجلسات كتاكل مغغددة متقبلش بيه واخا تلاقا سما مع الأرض خليل تعلقت بيه واولى من هادشي عطاتو كلمتها ومغتراجعش
نص عام داز فرمشة عين اما هو بحالا دازو شي ثلث سنين اخرين حيت كل دقيقة كدوز كيحسب ليها
بعد مرووور سنة ..👉👉👉👉
حط رجلو برا الحبس كيشم الهوا النقي لي تحرم منو عام هذا شاف قدامو لقا زهير وجواد …جاو عينيه فعينين خوه ضعاف كثر من لول وسمار ماشي ديال الشمش ديال الزبل لي كيكميه كيخرج على بنادم من لداخل وبرا …قرب عندو وتعانقو
خليل:(كيطبطب على ضهرو مغيلوموش نهائيا حيت حاس بداكشي لي داز منو)
كانت السكات صادر منهم بزوج خلاه فجنبو وتعانق مع جواد لي بتاسم وقال:على سلامتك اخويا …
… طاكسي اخر حطهم بثلاثة خليل محدهم كيدخلو للدرب وصدرو كيتعصر وكولشي كيشوف فيه
لقاو باب الدار مفتوح دفعوه وطلعو تلقات ليه سعاد بالتعناق والبوسان مهتمة بيه فوووق القياس اما هو غير ساكت وعقلو خدام كاع دكرياتو كيسترجعهم وحدة ورا وحدة
خرجت فردوس الضعف بان فيها وشعرها قطعاتو بتاسمت بذبول وقربت عنقاتو شحااااال هو باسها وجلسها حداه …
جوو كئيب كولشي قلبو عامر كولشي مضرور ولكن كولشي مفضل السكات باش مينوضوش وجاعو
زوقت ليهم سعاد الطبلة مخلات محطات فالغدا تقريبا
بعد ماتغداو بقا كان جالس غير هو وسعاد شاد فايدو طبقة ديال الفلوس زرقة فوق ختها بلا مبالاة وساهي حاس بدمو مبردش وعمرو غيبرد
سعاد:(طبطبت عليه)هذا حقك كان مخليه ليكم باك الله يرحمو ..(تنهدت)زهير عطيتو ليه مشا خسرو فالبلية والحشيش والݣارو هضرت تاعيت مكاين والو …دير بيهم شي حاجة تنفعك اوليدي متبقاش على هاد الحال …الله يرضي عليك …
شاف فيها شحال عينيه فيهم واحد النظرة فشكل للحظة جاه واحد الشوق كبير لباه هبط راسو للأرض ورجع هزو كيزفر وقف بشوية باس على راسها بلا ميهضر دار داكشي فجيبو وخرج بخطوات بطيئة من الدار …
بقات متبعاه بعيون باكية حسات بيه تبدل وقلالت هضرتو وكتسمع غير تنهيداتو نفسيتو كدوز من ازمة لي يعلم الله ايمتا تسالي. ..
هبط لتحت كان نيت جواد جاي لعندو ضرب على ضهرو وتحركو برجليهم كيتمشاو بشوية …
جواد:(شافو غادي جيهة القهوة كحب وقال)ياله من هنا اصحبي …
متسوقش ليه كمل على طريقو خاشي ايديه فجيوبو وفكل خطوة كيخطيها قلبو كيتكمش وكاع لي كيعرفهم كيجيو يقولو ليه على سلامتك وهو عقلو غايب …وقف كيشوف قدام القهوة كيجيب ليه الله بحالا نفس الحدث كيتعاود وجثة باه تما …فاق من سهوتو كيشوف فيها مسدودة وشوية زاج باقي مليوح فجناب الحيوط …
خليل:(مسح على لحيتو ببطئ بحالا كيفكر ودار لعند جواد وقال بصوت رجولي)بغيت نصلحها …
جواد:(استغرب)دابا نشوف واحد سيد …
خليل:(حرك راسو)غدا نمشيو عندو…(تلافت ليه ناطق بجدية)مع صباح …
رجعو ادراجهم دازو لقهوة اخرى خرجو كراسيهم برا وجلسو فيهم …
جواد:(شافو جبد ݣارو بتاسم وقال)تا قلت را وقيلة عفا الله ….
خليل:(بتاسم بتعب)نقصت منو …
فصباح بكري …
داز خلص ضريبة لي كانت على لقهوة هي لولة فدار الضريبة عاد مشا عند جواد للدار صونا ليه شحال عاد خرج عندو عينيه مبوقين مشا معاه خدا قهيوة وزادو كيشوفو فالمحلات ياخدو منهم لي بغاو
خرجو من محال كبيير ديال الزاج وجواد داوي:بعدا تصاوب معانا فالثمن …
فطريقهم لقاو محال ديال الرخام دخلو ليه حتا هو بقاو شحال داوين مع صاحب المحال كيشوفو خدمتو وفنفس الوقت كيضربو على الثمن…
كان فالسطح لابس تشرت نواغ وسروال سورفيط كيمسح فالموطور ويجرب فيه لقاه خدام مزيان داه جنب الحيط غسل ايديه ونزل لتحت لقا سعاد متكية كتشخر وتلفازة شاعلة وفردوس دايرة ايدها على حنكها وساهية …
دخل غطا مو بالكاشة طفا تلفازة شاف ففردوس تبسم بدفئ ونطق:شي دويرة …؟
فردوس:(حركت راسها)فين ….؟
تسمع صوت الموطور فالدرب مجهد هو كيجرب فيه وفردوس لابسة عبايتها كتقفقف بالبرد ركب وشاف فيها:طلعي …!
عضت على شفيفها ركبت وراه عنقاتو وكسييرااا على الجهد حتا غوتات ضحكو نقص شوية ماشي مع الشاريع والدنيا باقا عامرة هبطو لعين دياب دورها تما شوية خدا ليها سوندويتش وهبطو للبحر تمشاو تما واخا لموت ديال البرد والشتا حتا كتبدا تنقط وكتوقف …غير كملاتو وطلعو من الرملة ساست صندالتها ومشاو لواحد القنت جلسو هبط ليها الزيف وبقا ريح كيدي ليها فشعرها ويجيب بقات شحال كتشوف فخليل حتا بدات كتبكي بوحدها ودايرة ايديها على وجهها حتا بدات كتشهق جرها لعندو عنقها حتا هو مكرهش يبكي ولكن كتم احاسيسو وحاربهم…وهي كأنثى بمشاعر رقيقة ورهيفة مغتقدرش هي كولشي خرج ليها فصحتها فجسمها لي ضعاف ووجهها دخل فبعضو …
خليل:(مبغاش يطبطب عليها حيت غير مغتزيد فالبكا كرز عليها خاشيها فيه حتا سكتت بعدت كتمسح فوجهها لي تخلط فيه الدموع مع الخنونة والزغب لاصق ليها عند عينيها الحالة حالة الله )البكا مغيرجعوش من القبر ..فهمتي …شوفي فيا ابنادمة (حركها حتا هزت فيه عينيها حمرين)محدك حابسة عقلك فديك اللقطة عمرك غتزيدي لقدام …عاوني راسك نساي لي فات وعفطي على ديلمو وشوفي قدامك شنو كيتسناك ..(عينيه فعينيها)فهمتي…؟(حركت ليه راسها كتنخصص)مزيان…
أخ ..كلمة قصيرة وعندها معنى كبير …اخ سند من بعد الأب الأخ نعمة ..هو بالنسبة للبنت ام ..اخت .. ثانيين
علاقتو مع اختو كتكون مبنية على البرائة وحب الذات
صديق مقرب كيفهم الأحاسيس من لغة العيون كيضحكك فوقت الشدة والوقت لي كولشي كيكون واقف ضدك
كيميز ليك بين طريق الصحيحة والغالطة حيت كيعتابرك بنتو وميقضرش يشوفك غاديا للهلاك ويخليك
الأخ نعمة🕊️
سكت الموطور كيدخل فيه وقال:زهير معارفاش فين كيمشي …؟!
فردوس:لا تاهو تصاحب مع شي وحدين غير الله يستر …
طلعو لقاو سعاد مسكينة مزال غاطسة فنعستها خدا كاس د اتاي ومشا للبيت شعل ليه ݣارو وكيخمم فداكشي لي ناوي يدير ومتمني يتحقق ليه ويوقف مع زهرو واخا غير مرة فحياتو …
ربعة ديال الصباح والنعاس مزال مزارو سمع الحس فالباب وقف حل الباب وشعل ضو ديال المراح لقا زهير عينيه مقلوبين ياله داخل بزز باش كيتمشى
خليل:(داير واحد تخنزيرة فوجهو كتخلع كيشوف فيه وريحة شراب طالعة ليه مع نيفو وعلاش لا وحتا هو داز من هاد الطريق وحتا هو كان ممسوقش كيف داير زهير دابا وديك الطريق العوجة مخرجاتو فوالو خلاتو واحد الإنسان فاشل وغير مبالي ومسسوقش بهاد المعنى وبصوت حاد نطق)فين كنتي …!
زهير:(شاف فيه وضحك)واش سووقك …نكوون فيييين مااا بغييييت
خليل(شافو غيتخطاه ورجعو دافعو من صدرو حتا كان غيطيح)كنهضر معاك!!
زهير:(ريحتو خانزة كتعطعط وكيهظر تقبيل)وشغلك اصحبي وااه ونمشي فييين ݣالها لياااا مخييي …(شاف فيه)عاد جااااي بااغييي دير فيها واااعرر ولا شنووو …؟
ناضت سعاد وفردوس على صداعهم مع وقفو عليهم عطاه خليل واحد تصرفيقة عوجت ليه فكو وزاادو وحدة اخرى حتا طاح للأرض دايخ هزو خليل من الكول وخبطو مع الحيط عينيه خارجين :دوي دابا …
سعاد:(جات كتبعد فيه)صافي الله يرضي عليك باركا …
فردوس:(خلاتهم ومشات تنعس جاها زهير عيق بلا قياس وولى كيجي مرة فكل يومين وديما سكران )
خليل:(شاف فيها وهو حمر غيطرطق)واااش عاجباك حالتو؟؟؟ايلا مربيتوهش انا غنربيه …(طلقو تا طاح فالأرض كيكحب وشاف فسعاد )خرجي سوقو سمعتي شي نهار تلقايه مليوح فشي قنت ميت
هزو من دراعو داه لطواليط على رشاش خلا الما بارد وخلاه كيتكب عليه بارد خنزر فيه وقال:ل مررا جايا نلقاك فهاد الحالة متلوم غير راسك …
سعاد بقا فيها هذا هو حال الأم واخا معرت اش تكون داير ليها وتكون واقف ضدها هي ديما كتكون معاك بغات تمشي عندو حتا نطق خليل:رجعي فحالك خليه يشوف شنو كيدير ….
صباح جديد
فاق بكري غير غسل وجهو وتم خارج شاف زهير ناعس فلرض ديال الصالون ومغطي حل الباب ومشا عند الحلاق هو اللول حسن شعرو وقادو ولحيتو تاهية نقص منها وطراساها كان كيبان بحال شي شيخ رجع للدار لقا سعاد نايضة كدور فالكوزينة مشا باس ليها راسها وايديها عاد دخل يدوش …
حاس براسو ولى انسان مسؤول مبقاش داك الإنسان لي ممسوقش ياكل غير لي كان فنهارو وبعد المرات مياكلش ݣاع ولكن دابا لااا عائلتو واقفة عليه ايلا مخدمش ومجاب ليهم مياكلو غيبقاو بجووع …
ايلا هو مردش ليهم البال غيضيعو وكل واحد اش غيطرا ليه كيفما وقع فالأول كارثة وقعات تشتتو كاملين واكبر مثال زهير الإدمان لي طاح فيه ماشي شي حاجة ساهلة تحييدها…
خدا اتاي فقط شربو وخرج مرافقاه دعوات سعاد الحنينة …
وقف قدام الباب لابس مقاد جيد تيليفونو كان عادي كيدباني بيه تايخد واحد عيط لجواد لقاه جاي عندو وبقا كيتسناه …
****
مشا هو وجواد للقهوة جا واحد مول الكاميو معاه شي دراري جمعو دوك الكراسا كاملين مع الطوابل كاع داك زبل حيدوه حتا بقات القهوة خاوية تصفر …
جواد:(كيضورو فيها)دابا خاصها تصبغ ويتقاد ليها زاج عاد نشوفو الفوطويات والطوابل …
خليل:(كيرجع فشعرو لور وعاض على حنكو كيخمم)امم كولشي غيتبدل ..
مررو ايمات قلاال اهتمامو كامل كان فالقهوة صبغها غير هو وجواد تمحنو فيها وبشوية بشوية كملوها عاد جا مول الزاج لي كانو ديجا هضرو معاه كان خايد العبار وكولشي قاد ليهم الشغل …
عمرو القهوة بالطوابل والكراسا وكاع داكشي لي خاصو يكون فيها خسر فيها فلوس صحيحة ولكن مهموش حيت ايلا تصلحت وتقادت غتعوضو ويخرج منها فلوس ضعف وضوبل باش بداها ….
مشا جواد لدارهم حتا هو سدها ومشا للدار لقا سعاد دايرة القيلولة ولا نقولو الغيبوبة ديال العشية وفردوس شادا سيري كتفرج وكضحك طل عليها وقال:زهير مجاش …
فردوس:(بعدت تيلي)لا تا لبارح مجاش …
البلية صعيييبة تحيدها ناس كبار وشارفين وباقا لاصقاهم وكتبقا لاصقاهم تاكتديهم للقبر هو عارف هادشي ولكن كيأمن بالمحاولة وينقص منها بشوية بشوية …
تغدات وتكا شوية ريح عظامو واخا منعسش شاغل بالو زهير حتا هو ضرو فراسو
فالعشية بغا يخرج وعيطت ليه سعاد هز سوارتو ومشا عندها للكوزينة
سعاد:(شافت فيه)هاديك القهوة لاش حليتيها؟
خليل:(بهدوء)صلحتها وحليتها نترزقو منها …
سعاد:(هازا صبعها فوجهو كتحلف)هاديك الويلة متحلهاش واخا نعرفو نبقاو بجوع. ..
خليل:(كيشوف فيها)هداك زبل مغنديروش فيها معندي مندير بيه غير هناي مع راسك .
خرج وخلاها داوية:دير لي فراااسك وانا بلا متسوق اش كلتليك …
هبط مشا للقهوة لقا جواد حالها وداخل ليها بنادم واخا ماشي بزاف مهم كاين شوية الرواج واصلا معروف هو وباه لي رحمو يعني القهوة معروفة …
عرفااتو خرج وساقت ليه الخباار متشوقة تشوفو غتبغي تمشي لعندو مكتلقاش الوقت ملامحها زادو نضجوو كثر لابسة جلابة ليمونية وطالقة شعرها شادا تيليفونها ضربتها شي حاجة لراسها هزاتو بالزربة لقاتو واقف قبالتها ضحكات وعينيها وساعو فيه …
بتاسم ليها بغا يعنقها وحبساتو:اش كدير زنقة …(بتاسمت)على سلامتك …
كانت فكل مرة كتلقا فرصة كتمشي عندو ومشات عندو حتا قبل ميخرج …
خليل:(هرب عينو هبطها وطلعها كيشوف فالجلابة لي قصيرة صيݣانها بيضين باينين والبرد كيضرب فيها حتا كتلصق عليها ملور غوبش وشاف فيها معاجبو حال )واش دايرة اشهار لجلابتك …؟
ياسمين:(شافت فراسها)علاش مالي ..؟
خليل:(زفر)سيري دخلي لداركم لاش خارجة فهاد شمس؟؟
ياسمين:لقيتيني غاديا لمخبازة عند بابا …
من بعد مقاد امورو فالقهوة ورصا داكشي مخلي فيها جواد حل محال اخر غير صغير قريب للقهوة صلحو حتا هو كان خاص يتقاد فيه شي حوايج خفاف قاد ليه لكونطوارات وزاج وعمرو بالحوت لي مشا ليه المرصا وكيجيبو باقي طري وفيه ريحة البحر بدا غير بالحوت العادي ويوم ورا يوم فاش كيزيد راس المال كيجيب انواع غاليين ..وهكذا بدات كدخلو الفلوس بشوية بشوية
كان واقف داير طابلية على حوايجو لحانوت عااامر بالناس وتاهو خدام بجهدو احساس لفلوس كيدخلو من عرق كتافو مخليه كيزيد لقدام ويخدم بجد ..حداه كانت حتا فردوس حازما شعرها لفوق ودايرة طابلية وخداما مع خويا تاخد لفلوس وترد الصرف
حط الصندوق الثاني ديال الحوت لي كيجيبو كل صباح من المرسى وكملو خدمتهم مسالاو حتال لعشية فاش تقادا الحوت دخلو دكشي وجمعو روينتهم باش يخرجو …
دارها تحت باطو فرحان بيها عوناتو بزاف عطاها 200 درهم عينيها خرجو منهم القلوبة جمع فلوس ديال ليوم دارهم فجيبو سدو الحانوت فردوس سيفطها للدار وهو داز للقهوة عند جواد غير وصل جلس فوق الكرسي عضامو طايحين عليه بالعيا جا عندو جواد جلس حداه:واه صاحبي على ريحة فيك ..
خليل:(حك لحيتو كيشوف بعينيه)غنمشي ندوش ونرجع عندك …
ناض بزربة مباغيش يخلي جواد بوحدو فيها مشا للدار لقا سعاد معمرة اتاي جلس كلا لي قسم الله ناض دوش ودخل للبيت يبدل …خرج لابس قبية بسروالها نواغ شعرو مزال فازك جر كلاكيطتو فرجلو شاف فسعاد وقال:ولدك مضارش …
سعاد:(كتحرك راسها مشوية عليه)احياني فينهوا ولدي …
خليل:(شاف ساعة فتيلي كيهضر)انا عندي دواه..(شاف فيها)تال ليل ونهضرو …
هبط فحاالو مباغيش خوه يكون بحالو مكرهش يرجع داك زهير ديال شحال هادي هو براسو مكرهش يرجع بحال شحال هادي …مكرهش لو باه مماتش..مكرهش ومكرهش….. مكرهش ترجع بيه ليام لور شلا حوايج يبدلهم حتا دابا كتاب لي كتاب وطرا لي طرا ..كان كيكمي على برا لاحو وعفس عليه بعدما هز راسو وساط دخان فالهوا مترقب حركاتو …
هبط راسو كانت دنيا عامرة شوية هالي غادي هالي جاي خشا بريكتو فجيبو وفطريقو عند جواد شاف زوج دراري كينݣو على بنت عقد حجبانو وحرك راسو زفر ومشا وراهم
خليل:(صفر عليهم وتلافتو ليه )
واحد عرفو شكون بغا يجر صاحبو مابغاش:تاهنينا اصحبي(شاف فخليل)واش اصاحيب شي حاجة …؟
ضارت البنت شافها خليل بقا شحال كيتذكر فين شافها سمع دري شنو قال مشا قرب عندو كيبان قدامو كيف الفلوس طلعو وهبطو وهضر بصوت خافت:دݣ من هنا حسن ليك ..(صرفقو بشوية)..
جرو صاحبو كيهضر ليه فودنو ويضورو يشوفو فيه بقا متبعهم حتا مشاو جات عندو لبنت مبسمة وقالت:خليل …
خليل:(معقلش عليها)كتعرفيني …
….:أنا هند معقلتيش عليا ..غبرتي مبقيتش شفتك …
خليل:(عاد تفكرها حرك راسو وقال)شي مشاكيل …دنيا هنا خايبة فهاد الوقت …
هند:(تنهدت)معندي مندير ياله لقيتيني جيت من الخدمة..(شافت فيه)مي مريضة ودواها غالي ايلا مخرجتش انا مكينش لي يخدم …
خليل:(بقا شحال كيشوف فيها كيسحاب ليه غير هو لي عقلو عامر وكيخمم)قدر الله ..الله يشافيها. …
هند:(كتشوف فيه باعجاب كفاش تبدل ونضج لا فملامحو لا لبسو لي تقاد على اخر مرة شافتو)ياله الله يعاونك …
حرك ليها راسو شافها غاديا خشا ايديه فجيبو وعيط ليها تلافتت ليه فالبلاصة مبتاسمة:ايلا بغيتي شي حاجة دوزي عندي لقهوة جات (وراها البلاصة)
هند:الله يرحم الواليدين
شكون ختار فالدنيا يكون مغلوب …كولشي بالمكتوب كنعيشوه مكينش شي واحد عايش بلا مشاكيل وهادي سنة الحياة …
خرجت من الصالون لابسة غير عباية كحلة بزيفها شادا تيلي فوذنها داوية مقادا ضفيراتها بلون موف بارد حتا رجليها لي دايراهم فسنيديلة جلد بيضة وقفت شيرت لطاكسي دغيا وقف ليها ركبات قالت ليه فين ورجعت كتهضر:شنو ندير دابا راني شفتو تبدل صارحة ومبقاش كيف كان…
نجلاء:واخا معرت اش يكون متعرفي شنو يوقع متزربيش
ياسمين:(ضحكت )مهم يكون خيير ايمتا ناوية تجي؟؟؟
:بعد غدا نكونو تما غنمشيو عند عاىلتو رمضان غندوزوه معاهم ….جي عندي …!
ياسمين:(نفخت) واخا فاش تجي علميني ..غنمشي للدار نرتاح شوية
نجلاء:كولشي ليه حل ..سيري رتاحي ياله الله يعاونك ..
ياسمين:امين …
كيف وصلات طلعت لدار بدلت وجلست تغدا مع حليمة
بعدما سدو القهوة مكيخليهاش تال نصاصات ليل وفطريقم راجعين نطق جواد:خاص شي ولد للقهوة اصحبي بوحدي مقادي والو …
خليل:(حيد لݣارو من فمو بخ الدخان وقال بصوت جشي)حتا نشوف مكنتيق فحد …
تفارقو ديك ساع حل خليل الباب بساروت طلع لفوق لقا كل واحد فين مليوح غير شافتو سعاد دخل ناضت عندو:الله يرضي عليك مضربوش اخليه
خليل:كاين؟(شاف فيها)هداك يدوز علينا كاملين واش باقي فيه ميتضرب؟
طل عليه لقاه ناعس دايخ فالقنت ديال الصالون …)تعالي …
جلس هو وياها:نزيد نجمع لفلوس شوية ونديوه لسبيطار
سعاد:حشومة عليك اوليدي مالو مسطي ..لا لا (كتحرك ايدها)فين غنلوحوه ..
مسح وجهو مباغيش يتعصب شاف فيها ورجع هضر:واش انا قلت ليك غنلوحوه..؟حضري عقلك اسعاد …واش عاجباك حالتو يجيك مسطوكي بالحشيش والشراب عينيه دايخين ..غندخلوه ليه (كيحاول يفهمها) غيقطعوه عليه ويعطيوه دوا فاش يولي للباس غيخرج …!
سعاد:(عاد فهمت)ايه وايني صݣع مغيبغيش ..وواقيلة داكشي غالي ياوليدي …
خليل:انا غير شاورتك داكشي خليه عليا …
أيام روتينية دازت فيها كاين لي خدام على حياتو باغي يدير فيها ولو تغيير بسيييط …وخير مثال خليل لي بدا ومزال غادي وكيحاول يزيد لقدام ونهار لي داز ميكونش بحال لي فات …فاق بكري كيف ولات عادتو نهار الأحد مكيحلش الحانوت مشا تقدا داكشي لي قالت ليه سعاد وكان خاص وحتا لفطور جابو ليهم فطرو مجموعين بلا زهير لي ولى عالمو بوحدو …
خرج من دار وضربت شميسة ديال الصباح فملامحو الوسيمة حالتو وتقادت ووسامتو غير مكتزيد تبان عاقد دوك الحجبان مع الشمس سانية فيه تنهد تمشا غادي للقهوة لابس تيشرت نواغ وتجاكيط خفيفة فالخزي مع سروال تجين
وصل لقا جواد ديجا حال القهوة وعامرة دخل سلم عليهم كان زاد زوج دراري تما حيت حواد بوحدو مقاديش ..جلس ومد ليه جواد قهوة ولي دخل وشاف خليل ايما يجي يسلم عليه ولا يحرك ليه راسو من بعيد …
خرجت بنت بيضة كدير ليها الميناج مرة فسيمانة وكيخلصها هازا صاشي وخارجة مشافتوش عيط ليها مسمعاتوش حط قهوتو وتبعها حتال برا عاد تلافتت ليه وضحكت:خليل…ههه مسمعتكش سمح ليا …
خليل:(بتاسم ليها)ماشي موشكيل مخاصك والو …
هند:(ولى كيسالي معاها فالأيام لخرة ديما كيسول على حالها)مخاصني والو هاد ساعة…
خليل:لبغيتي شي حاجة دوزي عندي …
شكراتو ومشات غتطير بالفرحة خصوصا من هاذ كتتلة د الأحاسيس لي ولاو من جيهتها ليه …
رجع للقهوة وجواد غير كيضور فعينيه وكيدير في شي شوفات..حتا حرك ليه خليل راسو زعما مالك ..
جواد:(شار لهند لي مشات)منين جبتي هاد خيتي …؟!
خليل:(مسح على لحيتو ببطء)كانت باغا تخدم ولقيت ليها خدمة عيب؟؟
عند هند لي حاطا دوك الحوايج حداها وروايح حمقوها ترش وتعاود ومها جالسة مرا سميمرة ووجها كلو كلف وتجاعيد ديال الزمان وتمارة باينة فيها مريضة مغضية رجليها وكتشرب فالدوا ومرة مرة تشوف فهند …
هند:(كانت لابسة كسيوة نواغ سماطي حد ركابيها سامبل زوينة جاتها مع فورمتها)شوفي امي شحال واعرة …
سعدية:(حركت راسها)الله ينفق على من ينفق … باقا صغيرة على هاد تمارة وخرجتي ليها ….
هند:(كيبقا فيها الحال حيت خرجت من قرايتها فاش كتفكرها بحال شي ضبرة وسط صدرها كتحفر ولكن كولشي على ود مها يهون)راك مريضة امي وخاصك دوا ايلا مخدمت شكون ابجيبو ليك …
سعدية:احياني …(شافت فيها)وشكون سيد لي خدمك لمرة لخرة
هند:(تبسمت فاش تفكراتو)اه الله يعمر ليه الدار(خرجتها من القلب)شافني باغا نخدم ودار ليا نهار ندير ميناج لقهوة ديالو وحتا ثمن عجبني …موحالش تعرفيه …
سعدية:(جاتها فشكل كي كتهضر عليه)ايوا حضي راسك …الراجل فاش كيبغي يدوق الدلاحة كيذوق المحلولة والمسدودة كيديها للدار …
وصلت ليها المساج غير بالفن وهند هضرة مها شللاتها مبينو وبينها والو معرفتش علاش سعدية قالت هاد الهضرة شافت فيها :اش كتقولي امي سيد خدامة عندو مبيني وبينو واالو …
بقات كتدور فبلاصتها النعاس غاب على عينيها عيات تقلب وجنابها ضروها مع تبدلت عليها البلاصة …فلخر ناضت جلست وشدت تيلي كتبقشش فيه …
خليل:(شاف فسعاد مخنزر)متهضريش تانا مغنقيصوش غنهضرو نتفاهمو بغا مرحبا مبغاش مرحبتين وميبقا يعرفني ما نعرفو …
سعاد:نعل شيطان اوليدي را خوك هداك بغيتي ولا كرهتي …
خليل:(حك لحيتو لي كثرث وحرك راسو)خويا غيسمع ليا …ايلا مابغاش را مكين والو غنخويو الما فرملة …
بقا خليل فايق كيتسنا فزهير اما سعاد غلبها النعاس وتكات غطاها وحتا فردوس لي مليوحة فالقنت ديال الصالون ناعسة وغاطسة كتشخر بحال الثور….
“ولكني أقـع فـي الأشـياء وقوعـا عمـيقا ..لا أعـرف الوسـطية..وهذا سبب مأسـاتـي “
فيدور دوستويفسكي👌
شحااال ديال السوابع وهو كيتسنا خرج من الكوزينة فايدو تفاحة كيعض فيها لابس بيس وشورط شافو دخل باغي غير يحط راسو حتا نطق خليل بصوت خشن:زهير …
زهير:(تلافت ليه زفر وقال)والله تااباغي ننعسس اصحبي …
خليل:غنهضر معاك وهبط تنعس …
طلع لسطح تبعو بزز كان خليل ديجا قاد خيمة صغيرة فالسطح جلس تما عاد لحق عليه زهير مكانتش فبالو الخيمة اما يطلع ليها نيشان …
فاش تكون باغي تقنع شي انسان كيفما كان عمرك تعطيه العكس ديال داكشي لي كيقول حيت فبالو نتا غير ضدو وكتغني عليه بشي هضرة لي هو ديجااا عارفها …هو كيبغي حاجة ونتا كتقوليه ولااا ها اش خاصك تبغي
طرح سؤااال حيت منو كتجي منفعة كثر من لي نتا باغي تفرضو عليه هادشي لي دار خليل ..زوهير عارف طريق لي غادي فيها غتلوحو للتهلكة ومع ذلك مستمر فيها ايلا جيتي نتا تقوليه لااا هادشي حبسو اكيد مغيبغيش …وحتا خليل خلا هادشي كاااامل وقال ليه سؤال واحد حتا زهير معرفش يجاوب عليه:علاش تبعتي هاد طريق؟
سقيييل صوت بومة بوحدو لي كبتسمع شنو غيقول ليه:باش نساااا (هو ايدو مرخية دارها جيهة راسو كيحركها) باغي نساااا
خليل:(بصوت باينة مضرور)متكونش باغي تنسا بحاالي …خرجتي على راسك اصحبي …كان فايدي حتا انا نخرج من داك القنت نضرب بو العالام نعطيها للقصاير شاربات الشيشة ونتهز باش نسااا…(مشابك ايديه عاصرهم)ولكن وراك عائلة على قدها ..شنو تجرها معاك ؟.(سمت ورجع هضر). جاوبني؟
زهير:(داير صباعو على عينيه مباغيش دموعو يبانو وكيهضر ثقيل)قطع ليه راسو قدامي (مسح على راسو بعشوائية بحالا باغي يسوس داك المنظر)مدرررت واالو
خليل:(ساط ورجع هضر مباغيش يتفكر ويرجع لزيرو عاوتاني)كون رجعات لوقت لووور كنت نبدل شحال من حاجة …وحتا كون تحطيت فداك البلان كنت غنعاود نفس الحاجة ندمان على شي لعيبات مدرتش ليهم حساب…دير بحساب مك مكتشوفش فيها شحال هازا ليك .. محدك غادي هاكا عمرك غطفروو وعن تجربة …
زهير:فااات الفوت ولييي عطـااا الله عطاه …
خليل:فاش تقطع فيك النفس وتموت عاد نطق هاد الهضرة …درتي ايدك فايدي غنعاونك.. رزق باك باقي خصك توقف عليك …
إني أحـارب نفـسي أتعلم؟
أحارب الماضي وذكريااتـه الأليـمة تضـعني على الحافـة بدون اخـتيار إما القفـز أو الـموت فإن لهـم معنـى وااحـد …هكذاا تخدعـنا💔👌
——
كيفما وااعد زهير ومبغاش يخليه فنص الطريق ..حط عليه فلووس صحيحة ومدايرش حساب حينت خوه من دمو وهو لي عندوو كيفما فكر….
خرج خليل هو وسعاد لي صفرة ولابسة جلابة بزيفها شادا صاكها غليظ فجنبها من مركز كيعالج الإدمان فكازا ديال ابن رشد شافت فيه وحركت راسها بحيرة:قطع ليا فقلببي الصݣع(تنهدت)احححح اربي
خليل:(خاشي ايديه فجيوبو زفر وقال)عادي ليام لولة …ياله نمشيو مزال عندي ميدار …
زربو شدو طاكسي ركب خليل القدام وسعاد لور قالو ليه فين وتحرك بيهم فالحبن …
وصلهم طاكسي نزلو فحالهم مشا معاها حتا قربو الباب جبد تيليفونو كان جديد شاف ساعة وقال:سخني ليا دوش الله يحفظك انضرب ضويرة عند دراري ونجي …
ضرب دورة خفيفة عند الولاد شاف خدمتهم ورجع دوش لبس كانت فردوس رادا الغدا دا ليهم ولجوااد وبقا جالس معاهم حتا هز تيليفونو دار ابيل فيديو باغي يهضر معاها جاوباتو غاديا فالطريق
خليل:(جر كرسي فالقنت وجلس مبتاسم)فين دايعة؟؟
ياسمين:(زفرت)ففف الشمس كنت فالمدراسة وغاديا للدار….
خليل:(كيضرب بصباعو فوق طبلة ويعض فحنكو حتا قال)غنهضر مع باك ليوم …
ياسمين:(وقفات)اويلي …!!
خليل:(هز حاجبو وحرك راسو بمعنى مالك)؟
ياسمين:خليني انا غنعلمووو وايلا كانت شي حاجة نقوليك …
خليل:راعندي فمي واقيلة ..مهم..(قطعت عليها خلاتو عاقد حجبانو ولات كديرها ليه بزاف حرك راسو وقال )تتنشدك …
كمل خدمتو حتال العشية بينما هي دوزتها غير فالدار مشا واقف بعيد على المخبازة دخل لواحد القهوة تماا شد طابلة جر كرسي وجلس عاااصر على قهوة وݣارو كيتسنااا كيتسنااا يبان ليه باها بقا حتال اشمن وقت حتا بان ليه المخبزة خوات والخدامة كيخرجو فحالهم وبداو يسدووو …
ناصر كان كيضور فالقفل كيشوف فباااه كيغوت تلافت لقا خليل واقف مخنزر وحمرر عروقو غيطرطقو ومحمد كيهز فايديه بعصبية لاح لي فايديه وجرااا لعندووو
خليل:(مبرددد)واش قلت شي كلمة العيب؟؟؟
ناصر:(مخنزر)اش كااين؟؟
محمد:معنددي بنااات اسي سمعتي سيير فحالك مزياان تبارك الله بنتي كاع ساخية عليا نعطيها لشمكار (دفل ليه حدا رجليه)تتفووو …
مشاا محمد وتبعو نااصر كيستفسر شنو واقع وغادي جنننبووو
تذل لواحد درجة ميمكنش الماضي عمرو مغيتهنى منو غيبقاا تااابعو رجع ادراجوو العافية لي فيه تقدر تحرقو وتحرق اي حاجة حيت جمع فخاطروو وهذا الله
عيات تصوني ليه مبغاش يجاوبها خاايف يقول ليها شي هضرة متعجبهاش ولا يعيرها بدون قصد
ياسمين:(شافت فناصر لي دخل عندها باقي مبدلش حوايجو)بابا مالو دخل معصب؟؟؟(حطات تيلي)
ناصر:(سد الباب وجلس)واحد الشمكار جاي قاليك باغيك للزواج …
ياسمين:(تنهدت باينة عرفات غتكون ناضت بيناتهم هو دار غير لي فراسو مسمعش ليها بقات غير ساكتة حيت واخا معرت اشنو تقول غيكونو عكسها شنو داافع عليه ماشي شممكارر هذاك را داز عليه لي ميدوزش وهز دقة بحال شي حجرة سخونة لدابا باقا كتنهش فيه)
بعد العشا غسلت سنانها وجات لبيتها تكا والعشا كاامل وباها غير هاز حجبانو ويخنزر معاجبو حاال وتاهيا بزز باش كلاتو ….
حتا تكات غتسمع الطرطيق فزاج والحجر كيدخل ليها حتاا البيت استغربت وناضت بالزربة كطل لقاتو واقف لابس قبية داير القب وخاشي ايدو فجيبو وايد شاد بيها تيليفون شار ليها تجاوبو قلبت عليه كان فمود سيلونس جوباتو وقالت:لباس عليك …؟؟
بقا شحال ساكت كيشوف فيها ونفسو كتسمع فوذنها:وااحد العقل كيقوول لياا نفرع الباب ونطلع ليك نديك بسيف عليه …
ضحكها ولكن مبغاتش تبين عارفاه مغدد دابا:هي بابا مبغاش عليها جاي معصب اووف غير بشوية غنعاود نهضر معاه غيرطاب …
خليل:(تفكر اش دار ليه مسح على لحيتو معصب)باك كيكرم الضيف تبارك الله
ياسمين:متقصحش راسك معاه ر..
خليل:كنت كنشوف فقصوحية راسي ولكن هو (صفر)بزااف …
بقاو داوين شوية وقطعو مشا فحالو خاصو ينعس بكري باش ينوض السيستم ديالو تبدل ونضج ايلا مفاقش ووقف على شغلو مبقاش كيرتاح طرف ديال الخبز صعييييب خصوصا الدراوش ميربحوه حتا يعرقو وينشفووو فيه …
فاق صباااح بكرري لبس وخرج مشا مع دراري لمرسى خداو الحوت طري ورجعو ستف معاهم داكشي عاد داز للقهوة لقا جواد ياله جااي حلها معاه وقادو الأمور عاد جلس شاد قهيوة فايدوو …
جواد:(بان ليه غير مخنزر)مالك على صبااح ؟
خليل:(عاود ليه)ولد (زم فمو مباغيش يعير باها شاف فزهير وقال)كون مكانش باها (ضرب فوق الكونطوار)اش غندييير لييييه …
جواد:ونتا عاارف هذاك معندووش معا باك من زماان وزهرك جابك افيه
خليل:(حرك راسو)زهرييي مقا**””ود
بدات القهوة كتعمر ناض فحالو رجع لدار لقاهم مقادين الفطوور فطر على خاطرو وهبط لسوق تقداا ليهم لي كان خاصهم عمر ليهم شي بوطات خواو داير اعمال رجل مسؤووول بداارو وعندووو عائلة خااصها متاكل عرف بقيمة باه لي كاان هاز عليه شحااال من حاجة هازهم كاملين واخا شكى والبكا ولكن ولادو مكان عندو ليهم فين …
بعدما تغدات لبست حوايجها كانت معيطة عليها نجلاء تقابلت معا المرايا كتجمع فشعرها كان شوية ديال الصهد دارت ليكخون هزات شفارها بماسكارا وكتافات بݣلووس عاد خرجت لابسة غير كسيوة صيفية فالبيج نص كم مع صنيديلة وصاك مشات هزات قريعة ديال الما من الفريݣو وحليمة غير شافتها وبدات تنكر…
حليمة:جااوك نااس شان والهمة بقا غير هذاا (ضحكت باستهزاء)
قلبت عينيها بملل من هاد الموضوع شافت فحليمة وقالت:بعدا خدام بدراعو
حليمة:ايه وايني التخلويض فالدم عمرو يحيد..(شافت فيها)قلت غتكوني نتي حايباه ساعة ماش من نوعك …
خرجت فحالها معصبة من ايمتا هي كتديها فالشكل لي كيهمها فلوس الحرام والحرااام ميكونش شدات طاكسي غاديا عند نجلاء موقفها غير قدام شاريع زوين ونقي نزلات عيطت ليها ووراتها الدار فين جاات هبطات عندها طلعاتها سلمت على مالين الدار كاينين غير موو وخواتاتو وخوتو
دخلتها لبيت جلستها..
ياسمين:(مبتاسمة)كيديراا جيتو صبااح ؟؟؟
نجلاء:(طالع ليها الدم)كون غير مجيتش اويلي غندوز رمضان مع هاد القومم؟
ياسمين:(عقدت حجبانها)امالك ثاني …
نجلاء:ايه مو مقابلانيش ولكن على الأقل صوااب تستقبلك غير بالحليب والتمر وهي هازا عليا قنانفها لا هي لا بناتها
ياسمين:(زفرت)ياربي سلامة …
نجلاء:ياندوز رمضان فدار يانمشي عند مي صااافي مالي اختي…
عند سعاد فدار تسمع دقان ديال العسكر عرفتهم عائلة راجلها لي عرضت عليهم فردوس خرجت لابسة كسيوة طويلة ومستورة على قبل عمامها جامعة شعرها بمقيبط ومخلياه مدلي كانت غتهبط حتا سمعت باب لتحت تحل بساروت وخشونة صوت واصلة حتا لفوق كيرحب بيهم
حلت الباب ديال الخشب راسمة تبسيمة على وجهها طلع خليل فجنبو راجل غلييظ كيشبه لمرحوم لبسو هرغاوي وعلى حساب معرفتو شاف سعاد قهقه بصوت مرتفع كيتعاملو عادي كيحسبها ختو سلم عليها كيسول على احوالها تابعو راجل اخر رقيق وطويل باقي شاد فراسو شوية عاد ولد تكون عندو ديك 17 عام ومو ورااه لابسة جلابة سمرة ووجهها عامر كلف وتجاعيد وبنت اخرى بيضة وزوينة باقة صغيرة لابسة جليليبة فلليموني وزويف سلمت على سعاد لي كترحب وتعاود دخلتهم لصالون وقالت :الحاجة فين هي ..؟
دخل خليل شاد فمرة ضعيفة وبيضة واشمة بذقنها وعند جبهتها وجهها مكمش قالت بصوت حاد وبزز باش كيخرج:نسيتوني فالكرويلة الكفارة بالله …
جلست سلمت عليها سعاد وجات حتا فردوس سلمت عليه:نوااارة (جربتها) حبيني راني كنشم فيه ريحة وليدي سيموحمد …
تعالات الأصوات واللغى في الصالون والضحك
عبد الكريم:يكون خير داابا يتشافى ويخرج …
خليل:(حرك راسو بالايجاب شاف فالبنت لي فكل مرة كتهز عينيها فيه باعجاب تبسم ليها بهدوء عاد حدرت راسها)
ناضو عيالات الولاد شمرو على درعانهم وناضو يعاونو سعاد فالغدا
سݣاو فقصرية تبارك الله توكل قبيلة حطوها ضارت عليهم فردوس بالغسيل والفوطة عاد تحط الغدا مع كيسان تاع اللبن بداو فماكلتهم وترحيب حار من جهة سعاد وفنفس الوقت حاضية مع عدوزتها عارفة فمها دايخ عليها تحط ليهم شي كلمة ماشي تال لهيه
سعاد:(ضحكت)ايوا اعايشة مناوياش ديري شي عراسية …
نطق لوسها الثاني:باقي مكتابش اختي سعاد
سعاد:لوقت لي جا الخير ينفع مكاين باس
فطومة:(معندها سنان غير كضور فداك الكسكسو ففمها حركت راسها وقالت)كيجيو فيها اولاد الضوار لا خدمة لا منفعة غيقيم*و ويقصدونا …
عايشة حمارت ولماكلة وحلت فيها ..سعاد ملقات فين ترد راسها …
فردوس:(حبست الضحكة بالكشايف)
خليل:(عارف جداتو فمها خاسر حط معلقتو وقال)الله يخلف …
عبد الكريم:(غوبش)كولي وسكتي امي اش هاد الهضرة ؟
ضاوية:(خرجت فيه عينيها)مالي اش ݣلت …
عرفها غتبقا غير تزايد معاه فالهضرة حدر راسو وكمل ماكلتو
دخل لبيتو كيحرك راسو بلا حول هز تيلي موحشها بلا قياس دخل لكونط ديال وكتب ليها”منشوفكش ليوم”
مجاوباتوش تنهد وتكا داير ايدو ورا راسو
تحط ديسير كلاو حتا شبعو كيشكرو فسعاد وطيابها….
كلها كيتݣرع فقنت عبد الكريم شاد سداري هو وكرشو لي سابقاه وحتا خوه غيديرو القيلولة والغيبوبة والهيلولة والليلولة
برد الحال برا خرج خليل مع عمامو غيمشيو للقهوة وخلاو لعيالات فدار سعاد لي عمرت اتاي حطاتو مع لويزات وݣريݣيعات كينقبو منهم وداوين حتا حفنت الضاوية كمشة جابتها قدامها كتاكل وقالت كتشوف ففردوس:اللوز والݣرݣاع يخليو البنت بلا قاع (ضحكت بوحدها وكولشيي باقي حشمان ومرݣان على قبيلة الهضرة لي حطتها فالغدا)
داهم للقهوة خدا ليهم لبغاو بقاو داوين بيناتهم وحتا جواد مشاركهم كيهضرو غير فالقهوة شنو تصلح فيها سمع تيليفونو كيصوني لقا نمرتها خرج على برا وقال: توحشتك وديما موحشك وغنبقا نتوحشك…
حنحنت بحشمة حيت كانت حداها نجلاء:رجووع الله …
خليل:(ضحك)اش حب الخاطر ازين ديالي …
ياسمين:ايلا عندك شي نيميرو ديال طاكسي را وحلت هنااا…
خليل:سيفطي ليا لوكاليزاسيون نجي نديك العمر ….
ياسمين:(بعدت على نجلاء ونطقت ضاغطة على كلامها)خلبييييل …
خليل:(كيشير لجواد يرد البال)عمر خلييييل نتيا را خرجتي ليااا العقللل
خدا الموطور وشدها طرييق لعندها حتاا وصل لقاها واقفة فالشاريع صفر ليها حتا تلافتت ليه غير شافتو وضحكاات وقف عليها وقال:ركبييي ازين ..
بقات كتشووف فالموطور طلع وتهبط فيه عمرها ركبت فيه:غير شوف ليا شي طاكسي …
ركبها بزز:ركبي من الفشوش الخاوي
بقات شادة فيه وملي يبغي يدور كتكرز عليه كاع دفارها خشاتهم فيه بحال شي قطة …
خليل:(وعتاتو خسر ملامحو ورجع ايدو كيحك فيه تقرص)احححح جمعي ايديك …
ردت عليه:غنطيييح
وصلها بعيد على دربهم خلاها مشات على رجليها وهو قلب الدورة راجع فحالو للقهوة لقاهم مزاال جالسين داهم ضورهم شوية ورجعهم للدار شربو اتاي وبقاو مجمعين
فالعشية عاود مشا عند باها وتلقا نفس ردة الفعل المعيور والشتم وهكاك بقا سااكت مشااا محمد وناصر وقف عليه كيتنهد:ياسمين عمرها غتقبل بيك لاش كتعذب فراسك …
خليل:(شاف فيه بعينين حادين)سولتيها؟؟؟(هز ليه حجبانو زعما سول ورد عليا الخبار)
خنزر فيه ناصر والشك داخل وواكل ليه مخو فالأخير تبع باه وخليل رجع فحالو كيبخ الدم …
محمد وناصر دخلو للدار وناصر اول حاجة جر ياسمين من الكوزينة داها للبيت جلسها وقال:داك خونا نتي لي جايباه …
ياسمين:شكوون؟؟
ناصر:رجع عند بابا ليوم عاود…
ياسمين:(بلعت ريقها) تلاقيت معاه وقاليا باغي نجي لداركم هو لي شرا من عندنا لابتوب ..
ناصر:(هز حاجبو وضحك)ياااك!!؟
ياسمين:معرفتش علاش مقابلينوش انا معنديش مشكل…
ناصر:وانا كنقول مال سيد محكر وناوي….(شاف فيه)هذاك را ميصلاحش ليك اياسمين وباااك وانا عارفين مصلاحتك فين كايينة
ياسمين:(باصرار)انا باغاه هو اناصر بابا ديما كيشوف غير صحابو والناس اش غيݣولو فيه دارها المرة اللولة وشفتي اش طرااا وغيعاود نفس الحاجة ولكن حتا انا غندير لي فراسسي ..
خلاتو وناضت فحالها معصبة ديما كيبغيو يخططو ويديرو الحاجة فبلاصتها يقررو بحالا مكيناش
شهر رمضان على الأبوااب وفكل مرة كيمشي عند باها بلا ملل ولا كلل واخا كيعيرو ووصلت لمرة صرفقو ݣاع ووالو قصوحية راسو مكينش بحالها …
كان هاز تقدية طلعها ليهم حطها فالكوزينة كانت جداتو باااقا عندهم بوحدها انا شي لاخر مشااو باس على راسها ودخل للبيت حط تجاكيطتو فيه وخرج
ناضت فردوس حيدت داكشي ومشات تغسل لماعن اما سعاد جالسة شاداها فطومة بالحثيث لي مكيساليش
خليل:(ناض عمر اتاي خدا كاس وطلع لديك الخيمة لي دار فالسطح تكا وجبد ݣارو اخر حطو حداه خرج تيليفونو لقا هند معيطا ليه ومسيفطة مساج بلي نهار لحد تقدر متجيش عندو للقهوة دير الميناج فالبلاصة عيط ليها شحال باش جاوباتو:وي هند لباس ..؟
هند:(كتهضر بشوية باينة حشمانة)الو خليل الحمد الله صدعتك بغيت نعلمك بلي عندي واحد الخديمة فجهة اخرى مبغيتش نفلتها غير سمح ليا راك عارف ولكن ايلا ممشيتيش غنجي ..
خليل:هانية يسحابلي مريضة ولا شي لعبة غير سيري ماشي مشكل …
هند:(كيسالي معاها اهتمامو بيها)ياله الله يعاون ..
خليل:تهلاي ..
قطع معاها هو كتجيه بحال ختو حيت كيجيب ليه الله بحال فردوس وبقات فيه داكشي علاش دبر عليها فخدمة واخا هو ممحتاجش لمرا دميناج حيت غير قهوة ديال الرجال …
طلعات عندوو فردوس لقاها وقالت ليه: وليتي كضبر على بياسات ناضين …وكتهز فحاجبها ديما كتشوفو مع ياسمين
خليل:(هز حاجبو)بياسات؟؟راغنعوق اصلك .. هاديك البياسة هي لي غتدير ليا لولاد …
فردوس:(تفرݣعات بالضحك )
خليل:(عطاها 100 درهم وغمزها)
فردوس:ههه غنحسبها ثمنا للسلام حيت عارف سعاد ايلا ساقت لخبار تزوجك ليوم قبل غدا …
مشا عند سعاد سولها واش خاص شي حاجة عاد هبط غادي للقهوة يشوف خدمتو … وجات قالت فكرة يسيفط سعاد عند باها لعلى وعسى …
سعاد:(شادا فردوس فالكوزينة)تي لاش كتجوبيها خليها تبقا داوية عارفة فمها خاسر متجبديهاش
فردوس:(بغضب)وهي لي كتبقا تقوليا لقح””بو اويلي …
سعاد:(خارجة من الكوزينة)اويلي وحدي اويلي…
مشات فردوس جلست حداهم وفطومة غكتعاود على ايماتها مع راجلها وداوية:نزووورو فالقبر كل خميييس ومنشوفو مع اخرى عرييس الراجل شديه عندك ابنيتي
فردوس بقات غير كتأفف بحالا تزوجت باش تقول ليها هاد الهضرة ناضت سعاد تقلب الغدا ونطقت فطومة:ايييه والراجل كيعيبوو “ز”بو والراجل كيعيبوو “ز”بو خاصو يكون عسكري باش يضرب ليك القنات اما الجيب راعند تا الق”حاب…
ناضت عند مها باغا تبكي حلفت لبقات جلست معاها طلعت للسطح وتسرحت تما وهنات راسها
حاب معاه جواد وجاو يتغداو ورجعو للقهوة كيصوني عليها ووالو مكتجوبوش طلعت ليه دم خاف يكون طرا ليها شي مشكيل بسبابو ولا شي حاجة حتااا ليل فاش سدو القهوة ورجع طلع للدار لقا كلشي ناعس تعشى من داكشي لي خلاو ليه ومشا عند سعاد كيفيق فيها …
سعاد:(ناضت قافزة)اه اش كااين مااالك؟
خليل:بشوية عليك بغيت نهضر معاك نوضي …
سعاد:(ناضت شعىرها شاد ريزو دارت زيفها وقالت بصوت تعب)الله ياوليدي خلعتيني (ثاوبث)مالك ..
خليل:(عاود ليها على ياسمين بغات تزغرت وشد ليها فمها مخرج عينيه)ماشي داباا بااقي الوقت. ..(زفر)بغيتك تهضري معا باها مباغيش..
سعاد:(خنزرت)مباغييش؟؟؟مالو فين يلقا بحالك وهي باغا؟
خليل:هي باغا باها لي موحلها فياا …
سعاد:صباااح ان شاء الله الى شاط العمر انا عندوو ياله نووض تنعس اش هاد الوقت داخل فيه …
فصباح جدييد كانت فاييقة بكري غسلات فطرات لبست حوايجها وخرجت للمدرسة شادا الهضرة مع نجلاء:ايوا وشنو دابا غتمشي عند خالتي؟؟امم حسن تبقاي غير فصدااعات اودي ..
عند فردوس لي هازا صاشية عينيها مبوقين لايحة زيفها على راسها شافت المخبازة خاوية شوية عاد ضحكت…
:اهلا اهلا …زارتنا البراكة
فردوس:(تلافتت لقات ناصر قدامها عقلات عليه بتاسمت ليه بغباء)
ناصر:(ضحك)ليوم مكاين مشادة المخبازة كاملة ديالك …
فردوس:(دايرة فيها الصواب زعما)ربي ايخليييك ..
دخلات خدات لي بغات وفينما تلقاه يشوف فيها دير ليه الضحكة الصفرة:هه الله يزيدكم الله يقوي الخير …
مشات فحالها خلاتو ايموت بالضحك
دوزات وقتها فالمدرسة واخا كتلقا ليزابيل مكتبغيش تجاوب دازت ربعة سوايع عاد خرجت قادت شعىرها لاحتو على ضهرها تلافتت لقاتو واقف بعييد كيشير ليها بصبعو باش تمشي عندو مغوبش وعاقد حجبانو تنهدت وقطعت لعندوو
ياسمين:صباح الخير
خليل:صبااح زفت علاش مكتجوبيش ؟؟من لبااارح وانا كنعيطط ؟؟من لباااارح!
ياسمين:مكانتش عندي لكانة نهضر وصافي غير سمح ليا …
خليل:وانا عندي لكانة باك مكيخلي فيا غير لي كينسااا (زفر)ياله
ياسمين:فيين؟؟
خليل:وياااله ايلا باغا تمشي (جرها عندو خاشيها تحت باطو غادي هو وياها)فطرتي؟؟
ياسمين:اممم صبااح
مشاو لقهيوة فطرت معاه عاودت فطور اخر وجلسو داوين …
خليل:علمت الواليدة اتهضر مع باك نشوفو عاود …
ياسمين:راسو قاااصح ديما غيبقا يشوف غير صحابو خايف يهضروو فيه وكيقوليك مصلاحتنا (ضحكت)
خليل:اخر مرة غنهضر معاه غتكون هي هادي حيت غنهزك ونزيد ..
شافت فيه بالزربة حيت كان كيهضر بجدية:اش كتقوول؟
خليل:(هز فيها عينو)باك خلا ليا شي حلل؟؟هادا لي بقا ليك ديك ساع بزز منو غيزوجك ليا…
ياسمين:(ضحكت)غير كضحك …
خليل:(حرك راسو)داوي بالمعقول …
خلعها غير سالاو وصلها بعيد شوية على دارهم كيوصي فيها باش تجاوبو طلعات فحالها للدار وهو مشاا فاتجاه القهوة بقا مع جوااد وداز حتا الحانوت باع معاهم كان الحانوت فيه الناس بزااف عاونهم شوية عاد رجع للدار غير شافتو سعاد لبست جلابيتها وقالت ليه ديني عند باها
خليل:(شاف حتا عياا وهادي اصلا اخر مرة غيهضر معاه)
مشا هو وسعاد حتال المخبزة وراها شنو غديرر بقاا بعيييد كيشووف ومشات هي للمخبزة كتسول على مول شي حتا خرج ليها ناصر …
سعاد:اوليدي كاين باك؟
ناصر:خارج هاد ساعة الوليدة انا كاين بغيتي شي حاجة؟؟
سعاد:انتسناه ماشي موشكيل عندي ليه شي هضرة …
ناصر:لي بغيتي تسناي شوية دابا يجي …
دخل ناصر ورجعت سعاد عند خليل علماتو بلي كاين حتا كان غيدير بناقص ويسيفطها بان ليه محمد جاي شار ليها بلي هو هداك ومشات لعندوو وقفت قبالتو قبل ميدخل …
شوية بشوية علامات الغضب بانو على وجه ومحمد ورجع قائل:الالة غير جيتي معذبة انا معندي بنات تزوجهم …
سعاد:علاش اسيدي راجل هاز عائلة بسلامتو خداام بدراعو علاش متبغيهش مقطوعة ليه ايد ولا رجل …؟
محمد:(زفر)راه ولدك ونتي عارفاه كثثر مني
سعاد:ايه منكذبووش وايني دابا الحمد لله دار عقل وولى راجل الدار متوقفش ليهم فالطريق الله يرحم الواليدين
محمد:بنتي جااو فيها ناس كيدايرين ومبغاتتش الالة عاد غتقبل بولدك
سعاد:سووولها ..وايلا مكانتش بااغا مبقيشاي نزيدو نصدعوكوم …بنادم يعيش باش قسم الله نشوفو عشانا لليوم شكون يقول واش نضلوو عايشيين ولا لا …
محمد:(ملقا ميݣول)نسول البنت بعدا ديك الساعة يحن الله
سعاد:(ضحكت)مقلتي عيب ياله الله يسر اموركم ويسهل عليكم ياربي (مدت ليه نمرتها)هادي نمرتي ايلا كانت شي حاجة عيط ليا
مشات فحالها وهو دخل للمخبزة كيستغفر ويهز فايديه
غير وقفت قدااموو شدها خليل كيسول فيها …
سعاد:طلق مني ݣاع هادشي فك…قاليك تايسول البنت ايلا كانت باغا (صغرت فيه عينيها)ياكما البنت مباغاش وداير هاد الفضيحة كاملة
خليل:البنت باغا حتا ايلا مبغاتش ناخدها بزز لأصلها كنلعبو
ايه قالوها ناس زمان لهلا يطيح حبك على جبل اما الحجرة راتهزيها وتهربي بيها خليل بهاد الهضرة ثبثاتو عارف ياسمين باغا هادشي لي مخليه هاااني…..
داز نهارهم عادي حتال العشية وهي شادا معاه الهضرة غير دخل خوها وباها قطعت عليه وناضت تحط ليهم اتاي ناصر دخل للبيت مهضرش معاها ومحمد دخل توضا وصلى وغير كيشوف فيها مفهمت والو واخا عرفاتو راسيفط ليه مو …
جلسوو شربو اتاي ناض ناصر وتبعاتو سدت الباب وقالت:مالك قالب وجهك …
ناصر:والو كنشوفك شنو كديري غتخرجي على راسك بايدك …
ياسمين:علاش شنو درت ولا حيت قصد الدار وليت خايبة وممزياناش؟همم
ناصر:جاي مو ليوم راميصلاحش ليك اياسمين …
ياسمين:ياك انا لي ختاريت صافي خليني نتحمل مسؤوليتي انا كنشوفو هو لي غنبني معاه حيااتي
ناصر:(زفر)لي بان ليك ديريه انا مبقيتش غندخل فهادشي كااع…
ياسمين:(باستو)بلا متبقا هاز عليا شوكتك …
ناصر:(بقلق)غير خليني هاد الساعة …
خلاتو على خاطرو وخرجات لبيتها كانت حليمة كتفرج فالأخبار وباها مزال جالس يكب فاتاي سدت عليها اذن العشا خرج محمد الجامع وحتاا رجع عاد دق عليها ودخل عندها جلس حداها قال:شي ناس جاوو طلبو مني ايدك..(عارفها مغتبغيش)نردهم؟؟
ياسمين:لا حشومة ابابا مرحبا بيهم …
محمد:(استغرب)يجيو ونشوفوهم وديك الساع يحن الله
ياسمين:(غطير بالفرحة غير شادا راسها)ان شاء الله
خلاها وخرج ناضت كتنقز غتسطاا عيطت عليه فالبلاصة شاركتو فرحتها وولات فرحتين
معلمهم محمد حتتاال صبااح عيط لسعاد ودارو نهار تافقوو عليييه
اليوم المعلوم ♥️
مخلاو مداو معاهم سعاد مباغاش الفام تحل عليها وخليل مباغيش يبان معندووش عيط على عموو وجابوه معاهم وجداتهم تاهيا وسعاد غير توصي فيها لاتقول شي كلمة ماشي تالهيه وحتا ولدها يتحلف ويعاود …
كرطونة ديال قوالب السكر الشكلاط الفانيد التمر لوز والݣركااع مدخلووش نهائيا طواال تلقا ليهم محمد فالباب هو وناصر سلمو على عم خليل من الصوواب هادشي وحتا خليل سلم عليهم لابس سروال وقميص مقاد شعرو ولحيتو من ديما هو نقي وزاد عطا للعين بريحتو لي فايحة وقاصحة
ناصر:(غير كتقرب كتزيد توضاح ليه مغطيا وجهها بالزيف مباغاش تبان ليه ولكن عرفها مكانش متوقع نهائيا غتكون من عائلتو)
فردوس:(بضحكة صفرة)سلام عليكم
خلات ايدو ممدوة وطلعت تابعة مها بتاسم وجمع ايدو فجيبو )
داوهم للصالون جالسين جات حليمة كتسلم عليهم لابسة قفيطين فالذهبي محزمة ومشمرة جلست داوية مع سعاد كتسولها على حالها وتشوف فسي العريس …
اما لدااخل فالبيت جالسة مع نجلاء لابسة جوهرة فالغوز جات فنة جامعة شعرها كعكة مهبطاها لتحت كتبان بعقلها مع ميكاب خفيف كيف عادتها قلبها كيزدح:قلبي غيسكت …
نجلاء:داكشي لي بغيتيه هو لي طرااا
ياسمين:(حناكها حمرييين بالحسنة)الحمد لله …باقي مكين والو غير غيهضروو …
نجلاء:ايوا بعدا
عيطت عليها حليمة خرجو بزووج للكوزينة غتهز اتاي …
فردوس:(عصبها ناصر وعيق عليها عينيه لاصقين فيها متزعزعوش عيات تقلب فعينيها وتخنزر فيه غير مكيزيد يبتاسم ملامحها كتقتلو بالضحك)
هزت صينية بين ايديها كتفتف ودخلات حادرة راسها سلمت عليهم وسعاد غير كتبارك وتقول مشاء الله وتهز حجبانها لولدها زعما ديتي زين
سعاد:(باستها)الله يحجبك ابنيتي مشاء الله
سلمت عليه بايدها وكرز عليها غمزها بينها وبينو حتا بتاسمت ليه عاد جلست حداا مها
بداو داويين وحليمة غير كتشرط وتقول هاد البنت هي لي عندي …بغيت عرسها ميكونش بحالو وتسكن فدارها بوحدها خليل معتارضش على العرس ولكن الدار بشوية بشوية غيسكنها بوحدها
دارو نهار الخطبة بوووحدوو شربوو اتاي وناضو فحالهم بعدما قادو امورهم وتاواو بيناتهم
بغا يهضر معاها بيناتهم داتهم نجلاء لبيت ياسمين سدو عليهم وصوت عم خليل وبات ياسمين كيتسمع داوين
خليل:(خلاها عند الباب داير ايديه بزوج حابسها)جيتي زوينة ..
ياسمين:(شافت فيه بخجل)
خليل:مبقااا والو ولكن بغيتك تعرفي غنبقاو مع دارنا حتا نزيد شوية ونشريو دارنا (بتاسم)ونديرو فيها ولادنا ..
ياسمين:(ببصوت انثوي خافت)معنديش مشكل …
خليل:(ريحتها حمقاتو باسها فحنكها وهبط لعنقها طبع عليه قبلة طوييلة حتا تنهدت وتكمشت فبعضها من لحيتو لي قرصتها)
ياسمين:(عينيها نيمو)خليييل ..
خليل:(خرج وجهو وشاف فيها)انخرج فحالي حسن ..
خرج هو عاد تبعاتو زادو جلسو شوية وناضو فحالهم
ناصر:(همس لفردوس)مبرووك نسوبية(بخفوت)العقبة لينا …
خرجت فيه عينيها عفطت عليه وزادت خلفة مخلياه مخسر ملامحو وعتاتو:حلووفة …
هبطو غادين فحالهم وسعاد شدت فخليل:الله يرضي عليك البنت على مزيناتها وتا واليديها مزياانين هادي هي نسوبية وايلا فلا ..كنت خايفاك اتجيب ليا شي موسخة من لخلا
خليل:(شاف فيها)ايه كلام زين هذا؟؟؟
داز شهر رمضاان مدوزينها غير ابيل ناصر ولى حاضي معاها غير تخرج يمشي معاها يديها ويجيبها مشكاك غير بوحدوو خرجت يوصلها بغات ترجع يجيبها
حتا خرج رمضان قررو نهاار غيديروه خطبة وعرس يكوون بسيط تحت اشتراط ياسمين وخا عياات فيها حليمة مبغاتش لفلوس لي غيضيعو فالعرس يديرو بيها شحال من حاجة وحتا واحد معتارض
جايبين الدهاز بالدقة المراكشية من بعيد تريكة وقبيلة جايا تشطح وتشالي وعائلتها حتا هوما واقفين عند الباب بقاو لاعبين تما عاد هزو داكشي طالعين
كان تابعهم بسيارة هو لي صايݣها حداه خووه زهير لابس كوستيم حتا هو مقاد حالتو عاد بان فيه ضو لحيتو كبرات مقادها ومطراسيها كيبان زوين ومعاهم حتا جواد ..
نزلو طالعين لفوق كانو دراري مزال كيلعبو حتا داوهم لصالون عند الرجال حتا يتغداو دارو غير ديدجي والدنيا مرونة والدار عااامرة بالناس مخلطين عاىيلتها لي كثار مع عائلتو
كانت جالسة فبلاصتها جات فطومة وسعاد سلمو عليها لابسة قفطان د الحنة فالأخضر ملكي مطرز بالذهبي شعرها مطلووق ومبووكلي مع خيط الريح وميكاب سموكي خادمة على عينيها بالنواغ جات فننة مع تكحيلة والايلاينر جبد ليها عويناتها ولاو نظرتهم خالدة
هند لي كانت حتا هي معرووضة عينيها مغرغرين هوو مواااعدها بحتا حاجة باش يبقا فيها الحال وهادشي لي ضرها سيد خاطب وعندو مرا فحياتو وهي كتبني فمخيلتها شي حوااايج عمرهم يكونو ولا غيكونو تعلقت فين تفلقت دارت ليه خاطرو فاش عرضها واخا تصدمات ولكن مبقاتش قادرة تجلس فداك الجو وهضرة مها كتعاود فوذنيها
ناضت فحالها هابطة متساطحت غير مع زهير عاجباه قاميجتو كيمسح فيها بايدو وخرجت فيه بوجها مع الدموع جخلطت ليه الدعوة داكشي كحل هكاك مطبووع فالقميص
هز عينيه وشاف فيها بشووفة فشككل حتا بداات تبكي ليه تما قلبها طيب وزاد خلعها …
صدق هو لي مخلوع فاش بدات تنحط ليه خرج عينيه:صافي صافي موقع والو(ولى باغيها ابتسمت جبد كلينيكس كيمسح)هانتي هاهو مشاا…(شاف وجهها ولى بحال شي جنية عطاها كلينيكس)خودي ..
هند:(كتمسح تحت عينيها بأهمال)اهئ سمحليااا والله منويت
زهير:(بخمس)مشطبة كحلة(بتاسم)ماشي مشكل كتوقع
تخطاتو غاديا فحالها هابطة فدروج دار متبعها حتا مشات عاد دخل لصالون عند الرجال جالسين
نقشات ليها نقاشة داكشي خفيييف غير صبيعات وحتا رجليها جاتها زينة مع ايدياتها وضفيراتها لي مصبووغين بالغوز بيبي
دوزو داك نص نهار بالضحك واللعب والشطيح نوضوها تشطح شطحات حتا عرقات وبلبستها لي قبل من اللخرة كاان الضلام طااح كانت فالليموني مشعشع عاااطي للعين مع اكسيسوارات والميكاب تزاد بالعكر لي باين محدد شفيفها بدقة
دخل وكاع العينين عليه حادر راسو وباها حدااه مشا حداها عاد شاف فيها غير جات عينو عليها بتاسم بلا ميحس ملامحها لي فتنوه من نهار لول دابا زادت كثر من اللول مقدرش يحيد عينو عليها جابو الخواتم والحليب فصينية صغيرة مذهبة ومزينة بالنقش …
شربها وشرباتو كيتصورو ركب ليها الخاتم فايديها لي مزينة بالحنة وحتا هي وبقا شادها حتا خرج عاوتاني غيتسناو حتا يجي لعدوول ومن تماا لديك ساعة والشعبي مطلوووق فالدار وحتا حد مجلس
فليل جا العدوول طلع معاه ناصر والصالون خاوي كاين غير محمد مع خليل وعمامو وخوه ناضو خرجو بقا غير محمد خاليد وعمو واحد مع ناصر …كاين غير محمد مع خليل وعمامو وخوه ناضو خرجو بقا غير محمد خاليد وعمو واحد مع ناصر …
شوية دخلو ياسمين لابسة قفيطين بيض منقوش بالذهبي مع سلهام ثوبو خفيف دايرة القب على راسها وشادا بايديتها القفطان معاها مها وسعاد وفطومة غتابعاهم وتضحك جلسوها حداها وبداا العدول فمراسمو المعتادة
ولات على ذمتو ولات مراتو قبلات بشروطو وقبل بشرووطها وباش يأسسو واحد العائلة تلزم عليه بزاااف الحوايج منهم المودة والرحمة بيناتهم يتعاشرو بالمعرووف بلا كذووب ولا خدااع …
ناض العدول فحالو بعدما سناو وتم الإشهاد مشا معاه ناصر حتال لتحت وناضو العروسة غتمشي لدار راجلها لي داز داكشي بالدموع والبكاا عنقات باها وناصر لي همس فوذنها وزاد معلا بيه:انا مراضيش بهادشي تحملي مسؤوليتك …
شافت فيه بعيون باكية كفاش قدر يقول ليها هادشي وهي فهاد الحالة داها خليل ركبها ودعهم ومشاو فحالهم مباغاش يدوز للدار وهو ديجا مريزيرفي فلوطيل طريق كاملة مهضرووش حتا وصلو
مشا للإستقبال ولي داز يشوف فيها باااينة عروسة خدا ساروت وشد فيها طالعين حتا دخلو لبيتهم حيدات سلهام بشوية كتشوف فالبيت حتا جابو ليه لفاليز ديالها دخلها نصل قميجتو بقا صولو شافها غير كضور فعينيها بتاسم وقرب ليها من لور
خليل:(حط ايدو على ضهرها ودوا بصوت خافت)ياسمين بدلي حوايجك ..
حركت ليه راسها ومشات حلاتها كتهز وتحط حتا هزت لي بغات ودخلت تحيد لبسات غير كسيوات من كسيواتها العادين باردين ديماكيات وجهها غسلاتو ودارت لكريم ديالها رطبات فمها وخلات شعرها على راحتو خرجت كتشوف فيه بنص عين
دارت داكشي فلفاليز حتا حل عينو كان متكي طبطب حداه وقال:تعالي ..
مشات عندو كتحبو فوق سرير جلسات تلافت ليها ورد:مالك كترعدي؟؟(ضحك)ممزروبش اكوني هانية باقي ايام الله طويييلة وليلتك ناويها تكون طويييلة(غمزها)
كان وجهها حمر تكاها حداه خاشيها فيه كارز عليها وشرط عليها باش ترتاح وتنعس…
الحياة عمرها مكتحبس من المشاكيل ماشي تزوجو وتهناو بالعكس هوما عاااد بداو فيه…ولكن لي كيصبر را كيحصد صبرو فلخر خاص غير التعاون وماشي كلمة زوج طلاق…الطلاق عمرو كيكون الحل داكشي لي كتحسي بيه من بعد كيكون خااايب وطريق مسدود
الإنسان وهو فالدنيا مخلوق باش يخطأ ويتعلم من اخطاؤو…كان هموو كاامل الفلوس تكون فجيبو قرا ومجابش الله مثال لشحال من وااحد لي جالس مرخي كيتسنا مو باه ختو تمد ليه الفلوس ولكن كيجي وقت كتشوف راسك مداااير وااالو فحياتك..هو نهار لحقاتو الوقت ناض عرااا على كتااافو بزز منو نهار وصلو الشوااط وعائلتو ايلا مجاب ليهم طرف ديال الخبز غيبقاوو جيعانين
الحياة لي كتحطنا ديما فشي ظرووف مفيهمش الاختيار ولابد عليهم يعيشوها قصتهم مسالاتش عااد غتبدااا 🧡
بعد أعوام …
ففيرمة خارجة على طرييق كازا وفصااالون كبييير مفرش ومقاد جالسين الضحك واللعب لي شافهم ميقولش راه هادو تشادو وتعايرو وتخاصمووو هاهوما مشاركين الطعام…
واقفة عند المراية كتمشط فشعرها لي طوااال ملامحها نضجوو كثر وكثر لابسة قفيطين خفيف جمعات شعرها حتا تفرع الباب عقدت حجبانها وشافت فيها من المرايا بحال البخيخيشة صغيورة …
ياسمين:ملاك هبطي عند باباك …
كانت صغيرة وسنيناتها القدام محيدين فريمة:ملئيتوووش امااامي …
ياسمين:(حطت لي فايدها)مكترديش البال للدرووج شفتي (شدات فايدها الصغيورة)يلاه احبيبة …
وهوما هابطين صادفووه طالع لحيتو تشطب قبيلة جاي كيمسح فييها غير ششاافهم ضحك بلا هوواه هز بنتو بحال الريشة من ارض كيبوس فيها وهي كتضحك كتهرها لحيتو شاف فياسمين:مدام مغتنزليش …
باسها فعنقها وجرها من خصرها هابطين وبنتهم بيناتهم …
النهاية❤️
شاركنا رأيك في هذا الفصل 🌹