الحياة في المغرب طبقات مختلفة فيهم العادية لي تخدم بنهار وتنعس بليل وعايشة حياة بسيطة رغم الضروف والمشاكل ، وكاينة الحياة الثانية ولي كنسميوهم مروكو وهادو صحاب الفلوس وحياة الرفاهية وحتى مشاكلهم بيضاء واخا تكبر حتى تعيا كتبان عادية وبزاف عايشين نفس المشاكل سواء اجتماعية او سي اسية او اسرية هي نفس المشاكل كتجمع بين طبقات المجتمع عامة من الغني للفقير ، اما النوع المخفي لي غابر وسط المجتمع او بما يسمى المغرب الاسود ولي عايش فيه نوع ااخر من الناس والعقليات وصعيب الدخول ليه او الخروج منو ، هوا فحد داتو مجتمع عايش وسط مجتمع هه وصعيب تفهم هاد الجملة لاكن غتوضاح الصورة مع الوقت وكلشي غيصبح مفهوم وواضح، غندخل بيكم للوسط والعمق ناخدو من هاد المجتمع المخفي عيينة نتكاشفو اسرارهم وخباياهم ونتعرفو على هاد الناس عن قرب واخا غيبانو ليكم بعاد كل البعد عليكم ومكاينش تشابه لا فطريقة العيش ولاالتربية ولا حتى حاجة وكأنهم فدولة بوحدهم وحنا فدولة بوحدنا لاكن كتجمع بيننا حاجة وحدة وهي الرابط بيننا وبينهم هم اصحابها وماليها ولي هي البلية، جميع انواع الممنوعات لي كدخل عن طريقهم وهي تجارتهم من القدم متوارثينها ابا عن جد وصعيب يبدلوها او يبدلو مسار حياتهم ونمط عيشهم ، هاد التجارة لي سرات ليهم فالدم واحتارفوها وتوارثوها ابا عن جد .
جمع السطر اللخر نيفو على الطبلة استنشق دقيقهاالابيض وهز راسو تكاه اللور وسط برطمة صغيرة بمدينة تطوان ، سدرو عاري ووافي البينة وعليه فيستة خفيفة منها للحم وحداه جالسة بجلابة فشيبي كتجمع شعرها الاشقر الفاتح بمقبط حتى لماتو مزيان وحطات على راسها الشال وقادات حجابها مزيان ، عينيها خوضر غائرة وزينها جبلي وكلامها رقيق ونطقها مختالف كتتكلم بحرف الالف بمكان حرف القاف بحال جميع الجبليات الأللوكات (لي كيضهرو ب أ )
نهاد : انا مش نرجع ندار دابا تعطلت ماخصنيشي المشاكل والاسئلة بزاف ،، ونتينا خمم مزيان فشنو ألتلك (قلت لك ) مش نبقاو هايدا على هاد الحال مخبعين
رد عليها بلا ميفتح عينيه وراسو تقيل وصوتو مدعدع غليض كيخلع
رضوان: مشي حتى نعيط ليك
نهاد: انا مشّا ،، ايوا فكر مزيان خليت ليك الراحة
هزات صاكها وناضت بصباط طالون غادية كتقرقب والبيوضة كتشع من وجهها وزينها فتان حشومي خرجات وشدات طاكسي زرق طلعات فيه وزدحات الباب خلات وراها عيون صغيرة وتجاعيد حولها تابعينها وشلاغم كوحل مدرقين فمو الازرق وجوان بين شفايفو كيمص فيه حتى كيدخلو حناكو فوجهه الضعيف. لاحو فالارض زطم عليه ومشا بجسدو النحيف ركب سيارة مرسيديس عالية وكبيرة كتلمع لا علاقة ليه بيها تقول غثر شيفور ديالها ، سد الباب وكسيرا نطالق نيشان كيطير فالطريق فشوارع تطوان حتى وصل لشارع وسط المدينة كبير وواسع فيه محلات كثيرة ووقف مور الطاكسي الزرقا لي نزلات منها نهاد ونزل حتى هوا كيتوعدها بعينيه ولاح الباب وراها ومشا كيطلع فيها ويهبط وهي كتشوف فيه بارتباك وتوثر
نهاد: عبد الحأ ؟؟ !! ههه شعاندك خلعتيني
عبد الحق: بنضرات حارقة) خلاعتك !!! سماح لي
نهاد: بتوثر) جبرتيني شا الله رجعت من عند الخياط
عبد الحق: يما خليتيها فالدار؟
نهاد: يماك مشات عند ختاها زوهرة نسبتة فالصباح
عبد الحق: شار براسو) واطلاع ندار يالاه تحارك
نهاد: فيواخ مش دمشي تشوف روبيو ؟
عبد الحق: بنص عين) مشي طلاع ندار يالاه تحارك
رمشات بخجل طلعات مهبطة راسها ورجع طلع لسيارتو وتيليفونو كيصوني فيدو فتح الخط ورد
عبد الحق: الو طارق قولي
طارق : بصوت غليض مدعدع) وصلاتك الخبار دروبيو ؟
عبد الحق: ماوصلني وااالو شا الله جبرتيني مع لق٠٠٠ دنهاد شابر يدي بالدرع
طارق: مادواليهاشي خليها هاهوا خارج يعرف شغلو معاها
عبد الحق: فوياخ خارج قالو ليك خارج؟
طارق: جومعة الماجية عيخرج تينا ديلو الحلوة غادا واقف عليها قبل لا يخرج
عبد الحق: غنصردهالو مع عزيز انا ماشي دابا نسبتة يالاه يالاه نرصي الشغل عندي تما الجمعة الماجا ندخلوه نشاء الله
طارق: يالاه الله يعاون رد معاك البال نلعيال ويماهم
عبد الحق: كون هاني طللت عليهم الصباح كلشي مزيان
طارق: ويما حتى هي
عبد الحق: يما فسبتة عند خالتو زوهرة عيانة مسكينة
طارق : وا رد معاك بال العزيز
كلشي بالوجهيات طلعتي نزلتي كلشي بالفلوس وكلشي بالعقل والحبس جمعهم كلهم وفيه كيبان التمييز على حقو وطريقو ومكينفع فيه لا قوة ولا عضلات وإنما القوة هنا كتكمن فالمال والحلويات بشتى انواعها (الممنوعات) كلشي مبلي كلشي مقطوع كلشي محتاج وكلشي مستاعد يبوس الصباط على قبل طريف ديال لح*شيش ولا قبصة ديال البيضا ولا حبة دالهروين، مستاعدين يقتلو ويغرقو مول الصحة والسمطة الكحلة لي فراس مالو غير دراعو وقوتو لي منافعاه فوالو من باب الحبس لداخل. لحبس جامعهم غيير هما وباش تسيطر خاص السلاح والسلاح هنا خوا المخدر*ات ، عندك باش ؟ غتعيش ملك وتحكم الحبس بلي فيه ،، ماعندكش باش؟ غيحكموك ويحدرو ليك الراس ولي قالوها تقول واخا وراسك فالارض وبلا ماتقابح ولا تسنطح .
الموضفة .. وهاد الكلمة كيطلقوها على موضفين الحبس عامة واي واحد خدام تما كيعيطو ليه موضفة وهادو كلهم كامو مشريين والفوس كي روز وضايرة مخدرات فالكروة (كولوار) لي جالس فيها الروبيو
من يد الموضفة (راجل حرس) ليد الروبيو نيشان كانت يدو قمحية فيها ساعة كبيرة فاخرة مزيرة وخاتم مربع فيه حجرة قرمزية فصبعو الصغير ، شد الخنشة لاحها فالجيب سورفيت نايك لي لابس كتبان جديدة مافيها حتى وسخة وفرجلو حداء رياضي ابيض فيه خطوط كوحل بالسيور كيشعل ، حالتو وريحتو تحلف عليه ماعايش فالحبس ولا عمرو وصل ليه ،، ريحتو فايحة وعاطية من اغلى الروايح على الاقل معطر داك السيكتور او الكروا شوية من ريحة الكارو والجوانات وتقاشر خانزين وريحة سبرديلات ولعفن ديال الحباسا ،، فين ما وقف ولا داز كيعرفوه كان تما
روبيو اسم بالاسبانية وكيعني الاشقر ، يعني الشهب ولا الزعر وطلقو عليه من صغرو هاد الاسم راجع لشعرو التشقر البلاتيني الناعم وعيونو الزرقا السماوية ، كان لون بشرتو قمحية عادية وشديد الوسامة وح اجبو عراض وملامح وجهه كتبان بريئة واخا فالحقيقةالمرة ماعندها حتى علاقة بالبرائة او بشخصيتو الحقيقة كان شاب فأواخر العشرينات مزال فرحان بالحياة وعاجبو راسو وتايق فنفسو وشاري كلشي وكيلعب بالفلوس لعب ومهلي فراسو وزايغ ومتسرع وعصبي سريع الاشتعال والانفعال ويدو ديما سابقاه ، مهلي فراسو وفصحتو وقوي البنية وراسو مرفوع وضهرو عريض مشدود الرقبة تقول غير شي ملاكم ومامولفش كلمة لا وكلشي عندو ساهل
ماشي اول مرة يدخل للحبس وانما هادي الرابعة ومولف الدخول ولخروج كعيش فيه كتر ما كيعيش على برا ، وهادشي كامل بسبب تجارتو هوا وخوتو وعمامو وفكل مرة تفشل شي عملية كيدرقو على راسهم بيه وكيتقدم بلاصة خوتو حيت هوا اصغرهم سنا واقلهم خبرة والى مشاو لكبار فخسارة ليهم ومن الاحسن يمشي هوا بلاصتهم ويخرج خوتو لي شادين زمام الامور وركايز الكبار لديك التجارة ، حتى العملية هي جزء من عملهم وماشي عبتية ، هادا علاش ديما كيهز يديه ويعتارف بكلشي وينسب كلشي لراسو ويهني السوق وطبعا مع العفو غيخرج قبل ميكمل المدة وبلاصتو مشرية وكلشي حسي مسي .
خرج للساحة كيسرح رجليه ويديه فجيابو شاعل كارو ومكمش عينيه فالشمس كيتمنضر حتى صونا ليه تيليفون فجيبو وطل عليه لقا رسالة من خوه عبد الحق كيسولو واش لعروسة وصلات، رسل ليه رسالة بتخبية بأنها وصلات وهز راسو جا وجهه فوجه واحد من لحباسا، باس على كتفو شحفان والموت داخلاه ووجهه مزوق كامل ولحمو موشوم كيخلع
الحباس: يرحم والديك اخاي روبيو شي طريف لا عندك لعزيز
كيترجاه وروبيو كيطلع فيه ويدو فجيبو والكارو فقنت شفايفو عنقو بواحد اليد ولكموسة دلميكة بين صبعانو مدها ليه حدا حنكو وقال هاز حاجبو بصوت غليض
روبيو: تحزق هاد الليلة نحيد ليك سوتك
شدها الحباس كيترعد بالفرحة باس ليه كتفو ومشا كيقلب فين يتكمش ، اما روبيو غير مالقا مايقول مقابل ديك الهدية لي عطاه وحيت معاه فنفس الجناح جاتو لبالو وطلقها
هما عائلة كبيرة معروفة كخلط دمهم بين الشمال وسبتة وكل واحد فين مزيود وبيمن مزوج وفين ساكن ، عائلة كتكون من ربعة دلخوت لكبير فيهم عندو خمسين عام وسميتو طارق مزوج عندو ولادو كيقراو فسبانيا عايشين مع مهم لي مطلق هادي ١٣ سنة ،، وتابعو عبد الحق فعمرو ٤٤ عام مزوج بولادو مرتو سبتاوية ومستقرة فسبتة هي واولادها ، تابعو الأمين ٣٨ سنة قليل فين كينزل من الجبل مستاقر فبني سدات جنب العشبة وميعرفش يعيش بعيد على الجبل وهوا لي مقابل تما الزراعة والحصاد دالعشبة وجميع المراحل ديالها حتى كتخرج من تما ،، نهار السعد هوا نهار يكون الشغل غادي مزيان وهوا متكي تحت شي شجرة بجلابة جبلية مع اتاي وبيصارة بزيت العود ، مطلق ثلاتة و باقي زوفري وبلدي فغيشتو عقليتو صعيب تفهمها كارح فهضرتو وحوارو
اما اللخر فالعزارة هوا الروبيو ، ولدو باه مع المرى الثانية سبتاوية هوا وجوج بنات اخرين وطلقها قبل مايموت مشات لسبانيا عايشة هي ووحدة فبناتها وقليل فين كدخل المغرب وحدها سبتة وكترجع منين جات ، تعرف على نهاد فالمراهقة ونشأت بيناتهم قصة حب وواعدها بالزواج غير هادي عماين باش تزوجها ودار ليها الحجاب وجلسها فالدار
هادا هوا نهار الجمعة وجامع شلا احداث وروايات هاد النهار هادا
صبح عبد الحق بالمرسيديس الضخمة واقف قدام باب الحبس كيتسنا حتى خرج عندو بسورفيت وصاكو على كتفو ويدو فالجيب عينيه مصغرين فالضو كيتمشا بخطوات مهدنة تقول خارج من دارهم ، حل الباب اللور لاح الصاك وركب القدام هاز حجبانو وعبد الحق حداه كيمد ليه تيليفون ديالو لكبير
عبد الحق: والكارو ففمو) على السلامة ديالك ها تيليفون ديالك وها الشغل كامل
روبيو: كبدل تيليفون) ارا ليا تصاور ديك بنت السوق نحقق فيهم مزيان
عبد الحق: ها الشغل كامل غتجبرني مصردولك في الواتساب وها تيليفون ديالها فيه كولشي
شد الروبيو المسائل ديالو فيدو كيشوف التصاور ويقرا المساجات ومرة مرة يهز عينيه فالطريق حتى وصلو لواحد الفيلا كبيرة مدورة بالشجر فحي الولاية وقبل مينزلو تلفت عبد الحق عندو وقال
عبد الحق: خلي يدوز لعرس دراوية عاد عمل لي عجبك الدنيا عامرة نداخل وراوية غير سمعاتك خارج الجمعة عملت الحنة ديالها ،، شحااال تسنات تخرج عاد تعمل نهارها
ماهضر الروبيو ماتكلم كان عبد الحق كيهضر وهوا كيلوي جوان فيدو لواه بزربة بين صبعانو ونتر نترة وبعد كيشوف فيها معبس
روبيو: مناين جيبتي هادي من الجبل؟
عبد الحق: كيقلب فبزطامو )صردها لأمين هاد الصبحية باقا جديدة
روبيو: مبيوعة ) خضرا يا صاحبي
عبد الحق: باقا جديدة قلت لك هزيت منها وانا ماجي عندك ، مشي طلل على ختاك ويما كيستناوك
قتل داك الجوان طواه ونزل هز صاكو دخل لقا العائلة كلها مجموعة والعيالات فواحد الصالون كبير مجموعين جالسين والبراني مكيدورش تما وغير بنات عمو وعمتاتو وعمامو لي كيدورو تما وبحال داك المنضر مولفين يشوفوه وكل مرة داخل خارج من عندهم شي واحد فولادهم للحبس
تعرضات لو مو تانية ام خوتو ومرت باها اللولة كانت مرى كبيرة بسيطة بقفطان جوهرة والحنة مطلسة فيديها حمرا هازة توب ابيض وحداها مرت عمو هازة كاس دالماس وزلافة فيدها كيزغرتو ويباركو ليه
مرت عمو : على سلامة ديالك اياسين وحشنالك
الام: على سلامة الحبيب ديالي على سلامة ديالك باينك وباين خواتك وحبابك
كتقولها ودوزعليها داك ليزار من لفوق لتحت ومدات ليه مرت عمو الكاس لفمو شرب جغمة وبزقها فزلافة وكررها ثلاتة دالمرات ورمات الماء فالارض وراه وهوا داخل وكيسلم
كيسلم هنا وهنا حتى بانت ليه واقفة مهبطة راسها حشمانة لابسة قفطان حمر ومضمة ديال الذهب ويديها مزرزرين بالذهب التقيل متناسق وكتقاد حجابها وحناكها حومر ومزيرة بالحشمة كتفتن وبياضها كيشع ، قربات حشمانة منو كترمش وسط عائلتو وقالت
نهاد: على سلامة ديالك اياسين
سلم عليها لارد مشافش فيها وتخطاها مشا عند ختو كانت فالبيت جالسة كتوجد راسها للحنة ، كانت فالعشرينات من عمرها زوينة وزعرا كتفتن كتشبه ليه عنقاتو كتبكي فرحانة
راوية: على سلامة ديالك الله يعفو ياربي وتبقا بين حبابك
روبيو: بصوت غليض هز يدو ) شعااندك كتبكي اراوية عندنا لعزو ولا
مسحات دموعها وبدات كضحك عرفاتو كيكره البكا والغبينة ودغيا تبدل الجو وخرج من تما خلا العيالات لداخل ووقف كيهضر هوا وعمو غير على التجارة وكان عمو ابيض البشرة بزاف حروفو جبلية وكرشو قدامو قدها قداش
عزوز: شغتعمل بالفلوس دالحبس ؟
روبيو: جر الكرسي وشعل داك الجوان لي قتل) مانعرف شنو غنعمل حتى نشوف
عزوز: تشري كراج طموبيرات دخابيير راه عملو فالبيع وراجع بحالو نسبانيا
روبيو: شغانعمل بكراج اعمو عزوز من دابا وانا طلع طموبيل نزل طموبيل الصداع مع ديوانة
عزوز: وشنو غتعمل لعاينين د الحية هايدااا يشمو ريحة دالفرنك يجيو
روبيو: راه القهوى فطنجة قد السخط قاضية الغرض.. مهم .. انا ماشي لدار عياان خصني رتااح
وقف تجبد وتلفت بالنص كيعيط ليها بصوتو لعريض على نهاد خرجات عندو كتزرب وتبسم سابقاه لقا عبد الحق برا واقف مد ليه السوارت وغمزو كيشوف فنهاد باش يتهدن ، طلع وطلعات حداه حتى زاد مع الطريق ويدو على المقود كيشوف فيها وقال
روبيو: شعندك العايلة ماتوحشتينيش؟
نهاد: اوااعدي بلعااكس تواااحاااشت لك شكتأوول
روبيو: وشعندك حشمانة عاد تزوجتي ولا؟
نهاد: شكتقول اياسين كاين شي مرى مكتوحششي لراجلا ؟
كتهضر وضحك بنص عين وهوا غادي حتى بان ليها خارج من المدينة وشاد طريق سبتة وقالت
نهاد: فاين ماشي ؟؟ نسبتة ولا؟
روبيو: تفكرت شي شغل نمشي نطلل عليه دغيا ونرجع
نهاد: كا خلتيني مع النسا بعدا نحضر للحينة حتى ترجع
روبيو: كيشوف قدامو)غنرجعو دغيا
روبيو معروف فديوانة هوا وبزاف دناس بحالو داخلين خارجين لسبتة عندهم وراقهم وديورهم زيادة وخلوق تما وبلخصوص لي بحال الروبيو غادي جاي مكاينش شي بوليسي مكيعرفوش مابقاوش كاع كيشوفو ليه لا لاكارط لا لباسبور غير كيهز يدو ويدخل وهاد المرة باركو ليه صحابو لي فديوانة على لخروج ديالو من لحبس وزاد مع الطريق .
اما لاللة لعروسة راوية كانت جالسة كتنحني ما بيها ماعليها وسط النسا وحازمة راسها بويف حياتي ودايرة تقاليد بحال كاع البنات وفرحانة براسها بحال اي عروسة وكل شوية طل على تيليفونها وتسيفط فالأوديو
راوية: وا ذكرى يا صاحيبتي تعطلتو لي شافكم على هاد تعطيلة ميقوليش جايين من طنجة يقول جايين من الداخلة!! انا علاين نكمل النقش ونعمل لعقيد دليزار وصحاباتي مزال ماوصلوشي ولاهيلا حشوومة ايوالله
كلشي كان غادي مزيان والنسا كيزغرتو حتى بداو يدخلو الرجال من برا كيتجاراو ولي عندو شي كارو طفاه والجو كيتبدل وصوت البكا فالبيت الغيوم بدات تحوم على الفيلا وسكتو المداحات وتعلنات وفاة لاللة يامنة الام ، كيفاش وشنو وقع وشهاد الخبار هادي ياك كانت صحة وسلام واستقبلت ياسين فاش دخل وكانت فرحانة لربيبتها راوية بنت راجلها وكتمشي وتجي ! تقلبات الدنيا وعشية دلحنة رجعات عزو والناس مزال داخلين كيضحكو ويباركو حتى كيتصدمو بخبر الموت كيلقاو راسهم جالسين فعزو ماشي عرس، جابو الطبيب للدار وفين ما كان شي واحد من ولادها شد طريقو لعندها والدنيا بدات كترون لاكن سرعان ما بدا تريتور كينضم، لعروسة ناضت بحنتها مصدومة فيديها ورجليها هازين ليها حوايجها طلعات لفوف وكاع الاولاد والحفايد طلعو لفوق وبقاو غير المدعويين من النسا فرقوهم على جوج جهات ، جهة تجمعو فيها غير البنات لعويتقات لي كلهم طامعين فالزواج من عائلة الرحموني حيت لعزارة تبارك الله عندهم بزاف والفلوس موجودة ولخير موجود والزين موجود ، وجهة تجمعو فيها غير لعيالات جات كتشوف فالباب والداخل والخارج عليهم وعم الصمت وتقطع الحس وتقلب كلشي ووقفو سرباية برا كيعلمو الناس لي يالاه داخلين بشنو وقع باش يكونو على بال من اي تصرف غير لائق واتضح ان لاللة يامنة ماتت بسكتة قلبية ،، موتة ديال الله كيكون الانسان غادي مزيان حتى فجأة كيسكت ليه القلب ويمشي
شافت راسها طالعة مع الشارع دبرينسيبي فسبتة وشافت فيه مستغربة وصدرها بدا ينهج
نهاد: شنو عندك فبرينسيبي اياسين؟ علاش ماجي نيهنا(لهنا)
روبيو: بصوت غليض هاز خنافرو ) شعاندك مخلوعة ؟؟ عمرك جيتي نبرينسيبي زعما
نهاد : باستغراب) حيت ماشي وأتو خلينا لحينة دراويا وجينا نيهنا
متردش عليها خلاها كتشوف وكمل طريقو فاخطر احياء سبتة وهوا طالع معاه فديك العشية مكاين غير لمافياات ولبزناسة مشتتين واقفين هنا ولهيه .. بقا غادي خرج على المنطقة حتى وصل لواحد لفيرمة ضاير بيها الصور فمكان معزول وطول يدو جهة واحد المجر تحت الكرسي غابر جبد واحد الفردي كحل تحسبا لاي هجوم فديك البلاصة الخطيرة واي واحد عايش تما غالبا كيكون مسلح سواء بفردي او سلاح ابيض. بلا ميهضر معاها زدح الباب ومشا لور للكوفر جبد واحد لعصا صغيرة وقصيرة بحال الزاجة وداز حداها داخل للدار
روبيو: نزل واش كتنسى نعرض عليك…(شار بيدو )يالاه تبعني
شهقات من لخوف وحلات الباب نازلة كتشوف ديك البلاصة عمرها شافتها فحياتها ولا وصلات لتما ،وحسابها غيمشي لدارهم حتى هي فبرينسيبي لاكن لقات راسها قدام ديك الدار والارض خاوية غير لكلاب كينبحو والكراطن مرميين برا واي حاجة شايطة مرمية فواحد القنت والشمس كتقلي فبنادم والحس مقطوع
دخلات كتستكشف المكام مخلوعة كانت دار باتات قديم لداخل وكنبات الجلد قدام ومرونة كل حاجة فين محطوطة والغبرة عليها باينة مكيدخل ليها حتى واحد،، شي خناشي محطوطين وشي صنادق الشراب حتا هما مستفين شي فوق شي فواحد القنت وياسين غادي قدامها وكيشير بصبعو وراه ليها تبعو ، شافتو هبط مع شي دروج نازل تحت الارض ووقفات كطل وتشوف وقالت
نهاد: خوفت اياسين شني عندك تما؟؟؟
هز راسو ضحك بسخرية بلا ميشوف فيها وقال
روبيو: فاش كنتي عاطية ***** لرضوان كاع ماخفتي
حلات عينيها مصدومة رجعات اللور فهمات شنو كاين وعلاش هي تما وبغاتتجري لاكن طلع طلعة وحدة جرها من رقبتها نزلها وهي شادة فيدو كتبكي وترجف وتترجاه
نهاد: يرحم والديك ا ياسين يرحم وتالديك (دفعها)اااي
لاحها لتحت من وسط دروج جات بين لخناشي لمحطوطة تما وطلق ديك العصا الزجاجية تمددات وكانو عندها ازرار فقبضة اليد سرحا للجنب وشعلها طلق فيها ضو زرق وقال كيشير بيها جيهتها وهوا واقف طيخزر فيها وفاتح رجليه كيغلي بحال النار
روبيو: قطاع الحس الق٠٠٠٠٠٠ عاد دابا جاك الخوف
جبد من وراه الضرف لي فيه تصاورها والتسجيلات والميساجات وواقف هاز راسو كينهج ومشمر على يديه
روبيو: شووف ماعندك علاش تهرنن عليا دااابا غتأكد لي هادشي لي كنشوف هنا وادا كدبتي غيييير كدبة صغيرة غنطلع معاك. هاد العصا ددضو حتى تطلع روحك
بالت فحوايجها بالخلعة وعيات تستعطفو وتبكي عليه قبل ما ترد على داكشي لي فيدو وفكل مرة تقرب تترجاه كيحطها بداك العصو ديال الضو حتى كتزنزن وتهرب اللور
روبيو: ماضيعليشي وقتي دابا ختاار يا تموت موتة ساهلة ولا موتة معدبة يالاه طلقني نسمع بودني شنو هادشي وشنو عندك مع رضوان ، وبلا كدووب رضوان راه مشدود عند عبد الحق وطلق الله سراحو
نهاد: بعات ريقها كتترجها وتنين ) طحييك عليااا …شدات وجهها كتبكي) طحييك عليا اياسين ألي نتينا مزوجة بالراجل ماشي ماجي نحاابس (كتبكي) وتينا صغيرة تستاهل ماحسن وانا نجوج بيك وبأا كيصردلي ميساخي فتيليفون كل نهار ،، وانا عز عليا راسي شفت راسي بوااحدي علامن نحوط الراس وبأ اا أيكديب عليا ويطحيك عليا بيلحووب وانا غيير مرى تينا عارفني انسانة ضعيفة ،، كلا لي عألي اياسين ماعرفتشي شنو وأع لي ،، وانا دابا صافي فتحت عيني
روبيو: فتحتي عاينك ههه غتشدهم مرة وحدة يا لكلبة زغتي .. نعستي معاه ولا منعستيشي معاه هضاااااار
نهاد: سدات ودنيها) شيطان اياسين حأ ربي لحبيب انا ماعاملة فحال هيدا .. شايطان
روبيو: لاح عليها لاوراق) نتينا حملتي ونزلتي وعملتي لي عجبك ولي قالك راسك ماخفتيشي على روحك زعما ضسرتي يااك؟؟ كمااالتي فالشغل ديالك قلتي ياسين غيطلقني وصافي كولشي جبرتي ليه الحل
نهاد: الشيطان اياسين شيطان،،الى كان ربي غفور رحيم خاص الانسان حتى هوا يكون رحييم وكاملين بينا كنغلطو وكنساو روسنا
مازادش طول معاها كتر صافي عتارفات مابقا للترجي ديالها فاش ينفعها وهوا مامساليش مزال عندو مايدار وتيليفونو كيصوني مابغات يسكت ومقادرش يسمع ليها وجهه حمر كينهج بالغضب ويترعد عليها ، شدها وهي كتغوت من شعرها وحيد لفوقاني لي لابس وخشا ليها راسها فواحد القادوس محلول تما ودوز عليها مغدد وخشا ليها راسها فخنشة وداخا لاحها فواحد البير ناشف تكا ورما عليها لقراعي دشراب بالصنادق ولاح واحد شرويطة فيها العافية تبعها ليها حتى شعلات العافية لتحت وسد داك البيت بواحد لميكة وهوا كيلوح وينفض وزاد فوقو لحديد ولكراطن حتى تزمت ورجع بحالو كينفض يديه عرقان ويسوط رد فتيليفون
روبيو: شكاين اعبد الحق ؟
عبد الحق. يما ماتت اياسين جاتها سكتة قلبية
سمع الخبر ومشا هز لفوقي ديال تيشورط والاوراق وكاع تخرليق لي رما فمواجهتها وخرج من تما بتيشورط وعضلاتو بارزين جبد قرعة دالما غسل وجهه وطرف وطلع فطموبيل كيسوط خرج من لفيرمة وداز حدا العساس لي تما شار ليه بصبعو وحاجبو فالسما يرد البال للسلعة ومشا فحالو
تقول طيارة وكطير فوق الارض مشا نيشان للدار لي تما فبرينسيبي ونزل عرقان فيدو لفيستة ، كانت دار عادية قدامها واحد جريدة صغيرة والصور ضاير بيها دفع الباب لقا غير لعساس تما بارك ليه الرجعة ، كانت الدار بطراز قديم اندلسي والزليج بلدية طلع لواحد البيت لفوق فدروجها الضيقة ودخل نيشان كيحيد حوايجو لقا البلاكار ديالو مزال عامر وانتفض من وسط دوك لحوايج لي لابس ودخل للدوش دوش ورتاح وتنضف وخرج لبس دجينز كحل وتيشورط كحلة وكاط خفيف بالشيور ديال الجلد طالع شوية مع رجلو ونزل كيسرح شعرو اللور بصبعانو زربان رجع للسيارة ولبس نضاضرو دالشمس كام شكلهم مدور وصغار كوحل وزاد مع الطريق عين كتسوق وعين كتكتب المسج راجع لتطوان .
كانو النسا مزال داخلين وكيتصدمو والصمت فالفيلا لداخل ، وصلات سيارة فياط 500 صغيورة ببضا ونزلو منها اربع بنات شهوة منهم فالزين والتاويل والشعور والبيوضة بالقفاطن ومن بينهم دِكرى … الحسناء الجميلة المسرارة صاحبة اجمل عيون وابتسامة اقل ما يقال عنها جمالها اخاد وهادىء ومرييح ،، عيون عسلية وتسعة كهبري كتبان دائما كأنها كتبكي ورموش كدبح من شدة كتافتها وجمالها وحواجبها ناعمة وعريضة مرتبة وبشرتها صافية لامعة بيضاء وابتسامتها طفولية ناعمة وساحرة . كان عندها شعر كتيف وطويل فاتح اللون بني رمادي مزيناه بخيوط شقراء بلاتينية خفيفة قالباه للجنب كتلعب فيه بيدها الناعمة ومزينة عنقها بخيط مم الجوهر واكتفت بمجوهرات خفيفة مه قفطان بتوب الحاج عمر ملون بألوان قزحية ومخيط باليد خياطة بلدية وسفيفة غليضة ومبطن بتبطينة حمرا والكمام محلولين عامرين عقاد من ااجنب والفتحة طالعة من لقدام حتى للركبة ولابسة معاه صندالة عالية مذهبة وفيدها صاك صغير مربع شاداه حدا كرشها مع القفطان ودخلو كانت حينها كتهضر فتيليفون وداخلة كضحك مادات ماجابت حتى وصلو للصالون وهي مزال كتهضر مشطونة فتيليفون حتى شافت راوية جايا حزينة عندهم مسحات الحنة وكدور بقميصها عنقات البنات وحدة وحدة وذكرى شاداها المكالمة بزز باش قطعات وشافت فراوية كضحك بعفوية ونعومة وبدون شعور او ربما حماسها وفرحتها زعرتات ليها حتى كسرات تزغريتتها داك الصمت وداك السكون وتسمعات حتى لفين وفين
تزغريتة طلقاتها فرحانة من قلبها والسعادة على وجهها حتى حسات بيد صاحبتها نخزاتها وقالت ليها حشمانة فبلاصتها ويدها على فمها
نورة: اواعدي شكتعمل ادكرى كحماقتي ولا؟!!!
لعروسة غير سلمات وشدوها العيالات كيواسيوها بيننما بقات ذكرى كتشوف مادافهمات والو وقالت
ذكرى: اواعدي شنّي عملت؟
نورة: بخفوت) يماهم ماتت اصاحيبتي وتينا كتزغرت !!!
ذكرى : حطات يدها على فمها) اواااعدي كبصااح ؟؟
مزال عاد كتستوعب جا واحد من دوك سربايا لابس لبسة الخدمة تبسم وقال
**: اجي معايا ختي تكلم
حشمات وبدات كتشوف فالناس وناضت كتقاد قفطانها وتفتف على شعرها بصبعانها الرقاق مشات معاه ومعارفاش فين غير تابعاه وطالونها كيقرقب طلعها لواحد البيت كان بابو محلول بني اللون ومجمعين قدامو شباب العائلة ودخلها لداخل لقات راسها فبيرو كبير مجهز فيه مكتب كبير وطويل بني جالس فيه راجل خمسيني وجهه غليض عامر لابس قميجة بنية فوقها بذلة كحلة وقدامو راجل اخر على لكرسي رقيق بسروال توب وفيست ديالو شكلهم فخم كيبان وعليهم الهبة وصبابطهم كيبريو وضاهر كانو كيهضرو فشي حاجة كضحك واخا ماشي وقت الضحك
كان هاداك لي جالس فالبيرو هوا طارق الاخ الاكبر ولي قدامو ولد عمو اربعيني طلعها وهوا جالس داير رجل على رجل وبعد نضرو بلا مبالات وهي حشمانة تزيرات وبدات تدخل فبعصياتها وقالت مبسمة من شدة الخجل
ذكرى: سلام عليكم
كانت فقمة الادب والخجل بينما طارق كيشوف فيها ويتبسم حتى قربات عندو وقال كيطلع فيها بصوت دا وجاب فالزمان مزيان
طارق: لاباس مرتاحة ؟ مناقصك خير
توثرات بدات كتمتم وقالت :سمح لي انا ماكنتشي عارفة شنو كاين (بارتباك ) البركة فراسكم الله يعضم الاجر
رد عليها طارق كيضحك ببرودة ويشوف فيها كأنه ماواقع والو
طارق: ااه اييه مكانتيشي عارفة وجاك على قلبك تزغرت ولا يمكن نسيتي ،،،(كيحرك راسو) اييه زيد زيد زيد شنني ااخر زييد ،، هه حاطين العساسة فالباب غير هايداك زعما
دخلات فبعضياتها كتشوف فيه وفطريقة كلامو وتحرجات بدات كتحلف وتبسم ليه بزز منها وتفتف وهي جالسة قدامو على لكرسي وهوا تقول حافظ كلامها كيعاود معاها نفس الهضرة لي كتقول حتى وقفات عند حدها مالقات ماتزيد تشرح ولا تبرر وبغات تبكي وكتماتها بزز منها
طارق: شار بعينو)تفرج هاا.. ها النعش ديالها دخل… حنا فيين ونتينا فيين
حرك راسو كيشوف فيها وهي كتشوف وراها فدرراري دخلو نعش كحل حطوه لداخل وهي كتشوف ويدها على فمها دخل وراه روبيو شاد فيدو نضاضر عاد كيحاول يفهم اشواقع من عينيه وشاف فيها بنص عين طلعها وهبطها وهي كتعتاذر وتعاود حتى شار ليها طارق بصبعو تمشي وناضت مهبطة راسهاوالدمعة محجرة فعيينها دازت حدا الروبيو وهوا كيشوف فيها والشباب متبعين ليها العين غادية
روبيو: سمعهم كيهضرو) شنو واقع؟؟؟
طارق : طالع ليه الدم ) كزولت ليامها لقراجم (حلاقم) باش من عمراااا دعاود ضهصر
شار ليه ولد عمو بيدو باش ينسا الموضوع وروبيو كيشوف فيهم عاد نتباه ليه طارق ورجع تكا اللور قال
طارق: على سلامة ديالك .. فاين كنتي؟؟
روبيو: الله يسلمك …
جا يكمل هضرتو ودخل عبد الحق لقاه تما وقاليه
عبد الحق: شني عملتي فاين تعطلتي
شار بعينو بعيد هاز حاجبو :كنت فسبتة
طارق : كيشوف فيه معبس)شني عملتي مع ديك الكلبة
دور وجهه وتكا بيديه على البيرو وقال بحقد
ياسين: صاففيييتها نمممياها
عبد الحق : شفا غليلو) عبرتي عليها لق**** كا جات عليا مادقتلاشي خليها فشي برميل مسدود عليها حتى تموت بشوياااا عليها
طارق: وفاااين عملتيها فاين هي دابا؟
ياسين: رااها فبرينسيبي(كيشعل كارو) فلفيرمة سيبتها فالبير وخليتها وجيت (ساط الدخان) دبحت يماها
تلفت طارق كيهضر مع واحد فدوك الشباب وقال
طارق: عماااد ،، طلع نتينا وعاصم نبرينسيبي شوفو شنو واقع (شاف فياسين) وفاين دبحتيها؟
ياسين: لتااحت فلاكاب
طارق : شافو كيهضر وماعندو خاطر ولا كانة والساعة لله لي فيه كافيه وسيفط وراه عماد ولدو وعاصم و خوه يشوفو اش تما وشنو دااار واخا قاليهم بلاش راه غييز ليهاا الشغل مزيان لاكن متاقوش وساعة الغضب الانسان كيكون مرفوع وسيفطو الشبان مشاو
ياسين: انا ماقهرتنيشي المرى يا صاحبي (تنهد) قهرني صاحبي لي عملتو بحال خويا يطعني فطهري
دور وجهه وجلس على كنبة ويديه على ركابيه كيسوط قالب وجهه
طارق: مكاينشي الصحبة وخاك ودخاف منو فهاد الزمان بقا غير صاحبك
عبد الحق: كان خصني نشوي يماه حي زربت زربت داغيا ساليت معاه ماصبرتشي
دخل الأمين عليهم كان متوسط الحجم وعامر لابس فوقية زرقا وصباط سمعهم كيهضرو وجلس بقا شحال كيتسنط عاد هضر وصوتو كان ضعيف مبحوح وهضرتو غارقة جبلية وقال
الامين: انا كجات عليا يشريلو لمرى من الدجبل باااقا صغيرة اربعطاش سنة خمسطاش لسنة ينزلها فالدار متشوفشي الزنقة مررراااا .. هوا تبع لي الحووب ها الحووب فاين خرجك
ياسين:هز حاجبو وراسو طلع فيه بسخرية) زعما ربعطاش سنا ومن الجبل فيها طايلة مغتعلمشي هاد المرى غتبقا هاااايداااك بكمة تا تموت
الأمين: كيشالي بيدو) شد عليييهااا اصاحبي شد عليها
ياسين: شار بيدو ) هااا الموصيبة شديت عليها وعملتها قدها قداش شحاااال قدك تشد
عبد الحق: والذهب ديالا فاين عملتيه
ياسين: قلب زجهه) رميتها هي ويااه اصاحبي واش عااد غنفكر انا (ربع يديه)ونجلس نجمع فيه ونزولو لها بالخاطر؟!!
الامين: راااها العايلة دالراضية باااقا شا الله هزت الراس مشي شريها ولا انا نجيبا لك ،، خمسطاش لسنة لي قلتيلا دعملو
ياسين:وااا الأمين وا صاحبي!! شكدخور واش انا دابا فجواج واش عندي لخاطر لشي وحدة هاد الساعة
عبد الحق : وشنو غتعمل اياسين ضاروري خصك المرا دجلس دقابلك شكون يقابلك ونتينا بواحدك
طارق: ماعندو مايعمل بيها … يجيبها تمضرو وينوض يصفيها ليها حتى هيا
ياسين: غنجيب شي مرى تخدم حسن … المرى براسها كانت عندها المرى لي مقابلاها
عبد الحق: شكدقول اياسين تجيب السم ندارك دعمل ليك شي موصيبة ولا دوكلك شي عجب … ماتييقشي هاااا ودني
من داك البيرو مشات نيشان هابطة مع الدروج كتبكي وتمسح دموعها حشمات وماعرفاتش اش دير واش تمشي بحالها ولا تجلس خصوصا صحاباتها جاو معاها وماعندهم معان يرجعو ، مقررات تجلس كأن شيئءا لم يكن ومشات رجعات بلاصتها بين البنات وجلسات مهبطة عينيها وهما كيسولوها فين مشات وفين جات وهي كتبسم ليهم كأنه ماوقع والو.
فالضهر ماتت المرحومة ومع العصر كفنوها وخرجو النعش هازينو ولادها ودارت بوم فتيطوان عند الطبقة لي بحالهم كلشي ساق الخبار للرحموني ماتت مهم وبداو يجيو وعمرات الدنيا والدعوة تخلطات بالبزناسة واخا فسيفتهم تحلف عليهم رجال الاعمال، شتاااان بين البزناسة ديال الداخل وبين البزناسة دشمال هه!! سبحان الله عندهم واحد الصفاء فالوجه وعاطيهم ربي الجمال ونقيين فحالتهم واخا يخدمو فاش ما خدمو لا علاقة لنضافة وتاويل بعملهم وفوق هادشي كاين لي كيصلي وهوا متكي صباح وعشية حدا العشبة .. غريب امرهم ربما يجينا غريب لاكن هادي حياتهم وهاكا عايشين
دفنو المرحومة ودارو الصداقة وبقاو تما النسا بالقفاطن ديالهم حتى داز العشا وكلشي بدا يمشي وبقات غير العائلة وصحابات العروسة مابغاوش يخليوها بوحدها فديك المحنة .
مكانوش عوالين يباتو فاللخر جلسو معاها وبغاو يخرجو من داك الجو الكئيب وناضو هزو صيكانهم وجلايلهم خارجين مع راوية وهي كتهضر فتيليفون
راوية: ماعنديشي سوارت نهاد تما ؟ … نتينا بواحدك؟ ….. صافي حنا ماجيين
قطعات وضارت عند البنات: يالاه نمشيو دار دخاي حسااان .. خااوية
تبعوها ومشاو ركبو ٣مزاحمين فطموبيل دكرى وهي كتوريهم الطريق حتى وصلو للسونطر وطلعو مع الدروج كيقرقبو .حتى للباب ووقفات راوية كتصوني فالباب
نورة: كاين شي واحد، لداخل؟
راوية: ياسين خاي ، هادي دار ديالو
فتح ليهم الباب كان مزال بنفس اللباس ريحتو تعطعط غير فتحو وعطاهم بالضهر دخل مع واحد الباب ماهزش العين فيهم .
جلسو البنات وسط الصالون كيسرحو عينيهم وسط الدار تقول فيلا ماشي دار ، الاثات والديكور داكشي متول على حقو وطريقو. اما راوية ناضت سرحات عينيها مشات كتقلب عليه فبيت النعاس لقاتو جالس حدا واحد المجر مشغول والفلوس مشتتة محداه والاوراق
راوية: فاين نهاد مشات لدارهم؟
ياسين: مشات متعاودش ترجع
راوية: مرااا؟!!!
ياسين: ناض جمع بزطامو) متبقاتشي غتجي مرة
راوية: طلقتيها ؟؟
ياسين: قلت لك مغتجيش مغتجيش
راوية: مهم انا غنبات اناوبنات هنا صافي،، فوياخ غترجع؟
ياسين: هز حاجبو) شكاين غتصقصيي من الصباح ياك لاباس؟؟؟ (هز يدو )هاواااد نطنجة شي حاجة؟؟
نورة: راوية هه (هزات يديه) سمح لي
ضارو لقاوها وراهم كطل بابتسامة : سمح لي راوية خصني نمشي ضاروري ماما عيطات لي كيخصني نرجع نطنجة
راوية: ضارت عندها) دابا؟؟؟ وكيفاش غتعمل؟
نورة: معرفتشي مهم خاصني نمشي ..( بخجل) خاك سمعتو قالك هواد نطنجة ادا معندوش مشكل يوصلني
هز ياسين عينو طلع فيها وحرك راسو خارج على عجلة
ياسين: طلق راسك يالاه ادا كنتي ماشيا
نزلات نورة تبعات ياسين كتجري هازة قفطانها لقات قدام العمارة واحد مولاتي لبرابوس كحلة كتشعل طلع فيها زربان ومشات طلعات حداه كتبسم وتشوف فجلد السيارة من لداخل كامل شيبي فاتح مضوية وبقات كتشوف فيه بنص عين تقول مولفة تركب معاه ، ديمارا السيارة غادي كيشوف قدامو وهي مهبطة المرايا كتقاد شعرها وتلعب فيه وتقاد مكياجها ودندن ..
ياسين كان مولف بالبنات وكترة لق*** .. هاديك هيا حياتو هوا ولي بحالو واخا ماشي كاع البزناسة عايشين وخير مثال الأمين، محدود فعقليتو وحدو الجبل واخا الفلوس موجودة ولاكن الحياة عندو هي المرى والماكلة والارض والبيصارة مكيعرف يمشي ولا يجي ولا حتى زفتة ومنو عداد .. وحتى وحدة متقدر تيروفيتي فيه حيت اصلا مكيبانش عليه الخير واخاعقليتو ساهل الوحدة تفتخو مزيان ودير على ضهرو تروة لاكن فالواقع كيبان ميكساب ميعلام مافيه لي يتفتخ .
اما لي بحال ياسين كاع مايحتاجو يتفتخو هادوك الفلوس عندهم مشتتة شايطة لدرجة عير محطوطة ماعندو مايدير بيها ،، عايش كيف بغا ولي قاليه راسو كيديرها والفلوس كدخل كتر من لي كتخرج .
جاه اتصال فتيليفون وماداهاش كاع فنورة وفتح الخط كيسمع كتر ملي كيهضر
ياسين: فاين اخاي فاتيح مزيان
فاتح: على سلامة ديالك اخاي ياسين والله يعضم الاجر فيماك
ياسين : مامشا معاك باس افاتيح .. قولي اش كاين
فاتح: ادا كنتي فطنجة نتشاوفو … غير الصرف وصافي
ياسين: هانا جاي
فاتح: انا فسكاي دوز عندي تما
ياسين:نساليشي شغل وهانا معاك (جاه اتصال ثاني) قطع افاتيح قطااع) االو عبد الحق
عبد الحق:وصلتي ؟؟ شني عملتي مع كونطابل؟
ياسين: فطريق اعبد الحق فطريق
عبد الحق: طلع ليه طلاع طلع مزيااان
ياسين: شحاااال؟؟ خمسطاش ؟ عشرين؟
عبد الحق: غير طلع قد ما طلعتي قد مامزيان
ياسين: يالاه سير
يالاه جا يقطع سمع نورة كتهضر فتيليفون بأسى وحيرة
نورة:كيفاش امّامااا قلتي اجي دابا انا فطريق علاش متسنيتينيشي نمشي معاك؟…… كيفاش ماحسابكشي غنجي؟؟… وانا دابا فطريييق فاين عنمشي ؟؟؟ ومعنديشي سوارت !!!
شاف فيها بنص عين وحط تيليفون خلاها حتى قطعات وضارت كتنفخ وتسوط بنرفزة
كانت نورة عاطية فالزين حتى هي والشعر كحل مطلوق عينيها غير كيدورو وخفيفة كطير من المقلة حلات عينيها فمدينة عامرة رواج واغلبها بزناسة مولفين ديك الحياة وكيعجبوهم البزناسة خصوصا لي زينين وباقيين صغار بحال ياسين ، لقائها بيه مكانش عابر وعارفة راسها الى فلتات هاد الفرصة مشات على عينيها ضبابة وسيير فوقاش تلقا شي واحد غزال وبزناس تشبع حوب وفلوس
ياسين: عندك شي مشكل ؟
نورة: تنهدات) ااودي.. مشاكيييييل هما
ياسين: ياك لاباس؟
نورة: بنرفزة)ماما قالت لي اجي راه عمتي فالشاون ماتت وفاش شبرت طريق قالت لي صافي شبرت طاكسي ومشيت وماخلاتليشي سوارت
ياسين: ايوا مزيانة ملخير هانتينا معايا فين عندك المشكل
نورة: كضحك وتلعب فشعرها) اوااعدي ههه كيخصني نمشييي
ياسين: غدا ويصبح ويفتح
نورة: شتات النضر)منعرف ههه
شاف قدامو تبسم في جين كانت راوية مع صحاباتها بقاو غير كيشوفو ويهضرو بيناتهم على شنو دارت نورة ومتكييبن كل وحدة فوق شي فوطوي
راوية: عملتها بلعاااني
راوية: عملتها بالبصل ياصاحيبتي !!! باااينة معييقة
راوية: نتينا كتعرف نورة لي فراسها فراسها
سماح: متكية على جنبها) الراجل مزوج اصاحيبتي!!! شغااتعمل معاه
راوية: واقيلا صافي سالا مع المرى شفتها غبرااات يا ختييي منعرف شني واقع بايناتوم
ذكرى: وهادي الدار ديالا؟؟
راوية: مرة كيكونو هنا مرة فسبتة
ذكرى: وحنا جينا ندار دالمرى !!!! وهي مكايناشي؟؟
راوية: الدار ديما (مرت باها ) الله يرحمها اما هي غالبا ساكنة فسبتة
خرج من واحد المحل فطنجة والدنيا عاامرة والمحلات مشعشعيين هاز فيدوصاك مدو ليها وسد الباب
ياسين: صافي رجع لور وبدل عليك
نورة: شكرا سمح لي عدبتك معايا
نزلات فرحانة رجعات اللور حيدات القفطان باغراء وهوا كيشوف فيهافالمرايا بدلات داكالقفطان بكسوة كحلة ولاحت شعرها اللور قاداتو ونزلات رجعات حداه كتسوط
نورة: سخفت
شاففيها بنص عين وتحرك مشا لقهوى فالسونطر كانت قهوى قد ااسخط بوحدها مبنية قدها قداش عااامرة وكلها زاج من برا والطموبيلات قدامها اخر ما كاين مستفين ومجموعين فيها غييير شكون وشكون
سد الباب نزل ونزلات معاه كانت عارفة القهوى ديالهم ومعروفين ماليها ولاكن صعيب توصل ليهم ، حلم تحقق ومع ياسين شخصيا !! قادات شعرها فرحانة داخلة معاه والبنات فالقهوى كيشوفو فيه ويتغامزو عليه ومنين ما داز كيسلم ومكاين غير على سلامتك على سلامتك ، كان مفركس وكيبان من لبعيد عاطي للعين وكيضرب على الشعا ، امانورة هازة راسها حداه داخلة بحال الاميرة حتى تلفت عندهاوشار بيدو وقال
ياسين: جلس فشي موطاع هنايا انا ماجي
دارو ليها بلاصة واخا الدنيا عامرة والناس مالقاو فين يجلسو ودخل ياسين سلم بيدو على احد الرجال كان كيتسناه فيدو ملف ودخل معاه لواحد البيرو لداخل جلسو على الفوطويات واحد حدا واحد
الكونطابل: على السلامة ديالك
ياسين : الله يسلمك
جبدو الهضرة على المداخيل ديال القهوى عطاه الكوطابل المجموع الشامل ديال شحال كدخل باش يدفعو للضريبة يخلصو الض،ائب لاكن ياسين طلع رقم الدخل
ياسين: زييد زييد طلع طلع
الكونطابل: شحال ميتين؟؟
ياسين:وا زيييد زييد غير زييد
الكونطابل: الضريبة غتجي غالية
ياسين: وا غير زيد زييد طلع عمل شي ست ميات مليون ولا سبع مية
الكونطابل: ماشي بزاف؟
ياسين: خليها
طبق الكونطابل كلام ياسين بالحرف وهادي كانت طريقة من بين الطرق لي كيبيضو بيها الفلوس، باش يقدر يخرج لفلوس ويحركها كيف بغا لازم يبين مصدرها والقهوى وحدة من المصادر لي غتبين بلي عندو مدخول بلا مايجبد عليه النحل،، وهاكا بيض ياسين تقريبا ست ميات مليون ويقدر يخرجها ويدير بيها اللي بغا بلا بحث بلا مشاكل واخا الضرائب غتنزل عليه ماعندوش مشكل المهم عندو هوا الفلوس لمكرككرة لمخبية خصو يبينها ويحركها وعن طريق القهوى لي اصلا الهدف ديالو منها هوا يبيض بيها لفلوس
البنات مالقاو مايديرو فالدار غير بوحدهم بغاو يبدلو الجو وناضو عمرو الشيشة ولقاو الشراب فتلاجة وحطو القطعة وجلسو ضايرين بيها مجمعين
ذكرى: عنداك يرجع خاك يجبرنا سكرانين ههه
راوية: مشااا هووود نطنجة صافي
سماح : اجي لقهوى دشوكولاطي ديالكم ؟
راوية: ديال ياسين وعبد الحق هاديك
ذكرى: يدها على فكها كدور لكاس وتشوف فيهم) شعندووم عاملين ديك الاتمنة خياااااالية يا صاحيبتي ماتيقدارشي تيجلس فيها !! كتبوتشينو خمسين ددرهااام !!!
راوية: واخا هايداك مكتخواشي ياصووحباا!!!
ذكرى: اناعااارفة شكون كيجلس تما غيييير هادوك(دورات راسها فالسما) تبغي غير تجلس فيها تشوف الدنيا شويوش تحشم!! خاصك تكون لاااابساااا ومعااادلاااامزياااااان باش شااالللااه تبان حداهم شويوش
سماح: ولاهيلا بغينا حتا حنا شي واحييد هايداا يتهلا فينا هههه
ذكرى: خاصك ميزاااانية باش تيمشي شوووف تشوف هاد الواحيييد واش يقبل عليك
راوية: اوااعدي يا دكرى كابغيتي كا راك جوااااجتي بهاداك سبانيولي خاانز فلوووس
ذكرى: ماعجابنيييشي ياصاحيبتي راه غنجوج بيه غيجي وجهي على وجهه كل ليلة مادازليشي،،، على الاقل يكون شوية مزيواان اولا ؟ منكدبشي عليكم انا كيعجااابني الزين ههه كنبغي الزيين ياختي الوحدة حتى ادا غامرات معاهم على الاقل تستمتع
سماح: نتينا باباك مادا به يتناسب مع البزناس على الاقل مايبقاشي يشري الشراب
ذكرى : تنهدات ) با خراااج عليك القمر يا ختيي ما خلا وراه واالو كا مكانشي القمر كا راني دابا كانوجد نلعيادة ديالي
راوية: حلات عينيها) عراافتي مكاينشي لي ماسقصانيشي على لفيلر يا صاحيبتي تبااارك الله عليييك كوولشي قالي هاد طبيبة لي عملاتو لك موقيييدا ومتمكنااا
ذكرى: دعيو معايا نعمل العيادة طلع لي فراسي داك كلينيك كيعطيوني جوج دريال ياختي ماتقولشي طبيبة دتجميل وفاش كنهضر مع طبيب كيقولي نتينا باااقا عاد تخرجتي هاد العام خاصك سطاج بعدا وبليييزير مني كنخلصك!! وانا هي لي شابرا ليه تمالفيلر وبوطوكس وكلشي هوا رجع دابا مقابل غير لجراحات
سماح: علاش نتنيا ماعملتيشي نوجهك تجميل؟
ذكرى: فاين غنزيد اصاحيبتي انا مرتاحة هايدا حتى نشرف بعدا ،، باقا فاربعة وعشرين سنة (هزات صدرها) الصدر هاههواااا(مالت جنب)المؤخرة هاااهيا هههه .. الجناب مكاينينشي والوجه هوا هاداك.. غيير غنخسر سيفة ديالي … انا عاجباااني هاد البرائة لي على وجهي ماساخياشي بيها
سماح : كتفوه) داائما كتكون البداية صعيييبة فأي مجال
ذكرى: صعيبة بزااف شالله تهنيتمن لقرايا فلخر جببرت راسي وااالو مافيدي والو عاد خاصني ندير فوغماسيو وشحال دليفوغماسيو ونزيييد نتدرب ونتعلم دي تيكنيك جداد فالمغرب وعلى برا وهادشي خاصوووو لفلوووس ياختي … صدق من قال ههه ماااشي اي طبيب طبيب وماشي ايواحد ناجح فالميدان ديالو الصراحة
سماح: وصعيب تبدا من الصفر صراااحة ماشي ساهلة خاصك مجهووود والوقت وشوووف تشوف
ذكرى: تشووو باش نقولك الحقيقة ضاروووري من شي دفعة صحيحة ادا بغيتي تبان وتوصل… الفلوس كتعمل الفلوس صراحة دالله ، ديييك واحد فالمية هي لي كطلع من الصفر وبزز ومع ذلك الصدف لي كيلاقيوهم مع شي واحد كيزيد بيهم… انا منكدبشي عليكم مافيا لي يتقاتل ماكرهتش شي واحد يدفعني ويدعمني وانا غناخد الخبرة من بعد
تنهدات طلقات رجلها كتسوط وحطات الكاس
ذكرى: تقلت البنات انا صافي براكة عليا
راوية: سماح مزال خصك؟؟
سماح: براكة عليا نكمل غير هاد الكاس لي عندي صافي
ذكرى: مكتعجبنيشي الفودكا الصراحة اناكيعجبني الروج ومع ذلك شرااابت
ىاوية: حتى اناكيعجبني الروج قليل فاين كنزعم على لفودكا
ذكرى: حطات يدهاعلى صدرها) كنحماق على الروووج ياختي (عضات شنايفها) كنحس بيه كيغديني كيرد فيا الروح وكيعاوني نترخاااا وكيرخي ليا عقلي من تفكير والضغط والعيااا.. كنتفكمن داك الزيااار …. لاكن ماشيييي اي روووج ههه
ترخاو كل وحدة فين كيتجمعو في حين كان ياسين راجع لسكاي عندو موعد ومعاه نورة حتى هيا .. الصخب والردخ والهراج والنشاط دخل وكيتلاقا صحابو ويعنق ويباركو ليه وحداه نورة كتلعب بشعرها ، جلس فبلاصة في اي بي بعيد على الزحام هوا احد الاصدقاء والقراعي دالشراب والكارو شعل ومد لنورة حتى هي ودخل فصلب الموضوع غير بينو وبين صاحبو لي كان طويل وعامر وكرشو قدامو ابيض البشرة ولحيتو كحلة وعينيه زورق
ياسين: اش تما اخاي فاتيح
فاتيح : (بغمزة كيسطر الغبرة) عندي واحد فهولاندا عندو دوفيز خصو يصرفو
ياسين: شكون هادا؟ كنعرفو؟
فاتح: خدام داكشي دكونطر بوند عندو شي خمس ميا دالمليون خصو يبيضها… قلت ليه نشوف مع السيد صاحبي عندهم الشركة دالصرف يصرف ليك دوفيز ديالك
ياسين: شنني اسمو؟ ارا لي السمية غدا نهضر مع طارق يشوف معاه منو ليه
فاتح: قيد قيد
من سكاي لبرطمة فقلب طنجة طالع فالاسانسور كيهضر فتيليون وهي كتلعب فشعرها حتى وصلو للباب ، مع الدخلة دور يدو على عنقها بلامقدمات كواناها مع الحيط بزلها مزيان حتى داخت ماعرفاتش باش تبلات وزرب عليها ماهضر مانطق بيه فيه حيد ليها لكسوة وتكاها مع الارض هي عاد كتستوعب ماخلاش ليها الفرصة تفهم حتى لقات راسها قدامو كيلبس الواقي ويزير ورفعها بيد يد وحدة عطاها واحد مولاتي طرشة للنص ديالها حتى قفزات ماجات فين تقول اي حتى طلعو معاها غوتات فالسما لربي لي خلقها
نورة: اواعدي باقا بنت بنت بنت
ياسين: ومن بعد
نورة: لاااء لاااء لاء
تخلعات ماحسابهاش غيدير ليها ديك الدخلة حتى صدقات فدخلة نيييت
جمعات رجليها للجنب مصدومة ماقدراتش تيق اما هوا ناض مطلي بالدم كيشوف حالتو عايف ومشا للدوش خلاها مصمرة كتشوف فالنجوم مااستمتعات ماعاشت اللحضة حتى بوسة ماشداتها ديريكت دخل فيها ماعطلهاش
صبح الحال وصحبو البنات شادين الطريق لطنجة وصبحات نورة مهرسة مزال ماوعات بشنو وقع ليها تقول غير حلمة ودازت فمنامها، فاقت مصدومة وحشمانة منو ماعرفات كيفاش تعامل معاه وبقات جالسة شحال حدا واحد البالكو كتخمم ساهية مللي صبح الحال حتى للضهر، حتى فاق وكان ناعس فبيتو بوحدو خرج خلاه مضلم ودخل دوش عاد مشا كيقلب عليها والفوطة على نصو لقاهاجالسة وقال كيمسح شعرو
ياسين: لبس عليك باش نتحركو
خلاها ورجع مشا لبس دجيز وحداء رياضي وتيشورط زرقا وتعطر وتفركس وعقلو ماحضارش كاع معاه كيبان مشطون مامركز كاع مع الواقع ، دغيا هزس سوارتو ومشا حل الباب لقاها كتلس صندالتها زالشعر طايح على وجهها طايح عليها الضيم وساكتة مصدومة تبعاتو كتنهد حتى ركبات حداه وقال
ياسين: فين نوصلك
نورة: قالبة وجهها) دريسية
زاد كيطير ومشغول مع تيليفون حتى وصلها للعنوان المطلوب حدا الشارع ووقف متكي على النافدة كيشوف فيها ويتسناها تنزل لاكن هي ضارت عندو وقالت كتبكي
نورة: شنو غنعمل دابا فهاد الفضيحة دابا مابقيتشي بنت
ياسين: شار بعينيه تنزل) انا غنعيطلك ونهضرو
تنهدات كتنخصص وقبل ماتنزل تفكر وجبد فلوس بلا ميحسب مدهم ليها
ياسيين: نهضرو من بعد
شداتهم كتشوف فيهم وتشوف فيه وفنفس اللحضة وصلات ذكرى وسماح وقفو حداهم نزلو بقفاطنهم شافوها معاه وبداوكيضحكو بيناتهم عرفوها وصلات لشنو بغات وحتى هي شافتهم ودغيا تبدلوملامحها تبسمات وقالت
نورة: ضاروري تعيطلي هاك النمرة
عطاتوالنمرة وهواكيشوف بنص عين فيها وفصحابتها وكلشي كيجيه عادي مكاينش شي حاجة وااو… كاع البنات زوينات كاع البنات كيعجبو وليوم تعجبو هادي غدايتلاقا نوع اخر يعجبو وهي غادية، مستوى واحد فالزين وكتار فالمحيط ديالو على الجهد مولف بيهم والى مشات هادي تجي لخرا مكاينش كاع اختلاف اوتمييز، اما لق*اب عطا الله غير هما مشتتين وحدة تنسي فلخرا . غير نزلات زاد فحالو مشطون كيهضر مع طارق على كليان الدوفيز بينما نورة وسط صحاباتهاشادين فيها كيضحكو وهي بزز باش كضحك وتبين الوجه السعيد
صبح الحال وصحبو البنات شادين الطريق لطنجة وصبحات نورة مهرسة مزال ماوعات بشنو وقع ليها تقول غير حلمة ودازت فمنامها، فاقت مصدومة وحشمانة منو ماعرفات كيفاش تعامل معاه وبقات جالسة شحال حدا واحد البالكو كتخمم ساهية مللي صبح الحال حتى للضهر، حتى فاق وكان ناعس فبيتو بوحدو خرج خلاه مضلم ودخل دوش عاد مشا كيقلب عليها والفوطة على نصو لقاهاجالسة وقال كيمسح شعرو
ياسين: لبس عليك باش نتحركو
خلاها ورجع مشا لبس دجيز وحداء رياضي وتيشورط زرقا وتعطر وتفركس وعقلو ماحضارش كاع معاه كيبان مشطون مامركز كاع مع الواقع ، دغيا هزس سوارتو ومشا حل الباب لقاها كتلس صندالتها زالشعر طايح على وجهها طايح عليها الضيم وساكتة مصدومة تبعاتو كتنهد حتى ركبات حداه وقال
ياسين: فين نوصلك
نورة: قالبة وجهها) دريسية
زاد كيطير ومشغول مع تيليفون حتى وصلها للعنوان المطلوب حدا الشارع ووقف متكي على النافدة كيشوف فيها ويتسناها تنزل لاكن هي ضارت عندو وقالت كتبكي
نورة: شنو غنعمل دابا فهاد الفضيحة دابا مابقيتشي بنت
ياسين: شار بعينيه تنزل) انا غنعيطلك ونهضرو
تنهدات كتنخصص وقبل ماتنزل تفكر وجبد فلوس بلا ميحسب مدهم ليها
ياسيين: نهضرو من بعد
شداتهم كتشوف فيهم وتشوف فيه وفنفس اللحضة وصلات ذكرى وسماح وقفو حداهم نزلو بقفاطنهم شافوها معاه وبداوكيضحكو بيناتهم عرفوها وصلات لشنو بغات وحتى هي شافتهم ودغيا تبدلوملامحها تبسمات وقالت
نورة: ضاروري تعيطلي هاك النمرة
عطاتوالنمرة وهواكيشوف بنص عين فيها وفصحابتها وكلشي كيجيه عادي مكاينش شي حاجة وااو… كاع البنات زوينات كاع البنات كيعجبو وليوم تعجبو هادي غدايتلاقا نوع اخر يعجبو وهي غادية، مستوى واحد فالزين وكتار فالمحيط ديالو على الجهد مولف بيهم والى مشات هادي تجي لخرا مكاينش كاع اختلاف اوتمييز، اما لق*اب عطا الله غير هما مشتتين وحدة تنسي فلخرا . غير نزلات زاد فحالو مشطون كيهضر مع طارق على كليان الدوفيز بينما نورة وسط صحاباتهاشادين فيها كيضحكو وهي بزز باش كضحك وتبين الوجه السعيد
شلاا مطارق عند ياسين ومطارق تقال نيييت ماساليش لشي حاجةاخرى ووقتو لي دوز فالحبس خلاه واقف ولقا كلشي كيتسناه ، كان خصو يطرق مسمار مرتو هوا الاول، هز الادلة كلها داها للبوليس ديكلارا بالهروب ديالها هي ورضوان ورجع اللور خلا عائلتها كتموت بالفقصة ماتيقوش بلي قادرة بنتهم تخون ولخبار دارت بوم،، كلشي كيقول مستحيل تهرب من يد الرحموني ومية فالمية صفاهت ليها حتى من البوليس قالوها لاكن فيين هوا الدليل؟ وشكون يقدر يحرك الضوسي اصلا من بلاصتو ويبداو تحريات والاوامر جايا من لفوق باش يبقا ضوسي ناعس ويتسد الموضوع فهروبها .
بقات لخبار كتنتاشر حتى وصلات لذكرى لي كانت مجمعة هي وراوية فتيليفون وجالسة وسط دارهم المتولة بالبيجامة شادة الفيكس كتجمع فيه وباها فواحد القنت شاد سبسي كيكمي
ذكرى: اواعدي ياااناااا ؟؟ وعلاش خانتو شنو عمل ؟
راوية: الله واعلم ياختتييي وااقيلا واقيلا كان مكيقربشي ليلا كيفقصها وواقيلا بلغدايد عملت لي عملت
دكرى: ايوا شعنقولك يا صاحيبتي غزاات فيييه… عملتي تنال.. شنو مااا عملتي خصك تنال.. اواعدي الراجل داخل خارج هايدا عيني عيييناك مع بنات يطلع وينزل فيهم بغرط عينااا(قدام عينيها) هااايداك والمرى كتشووف !! غادي جاي مع الق٠٠٠بات هاجرها مخليها بلا راجل وبغا تحني لو الراس هه ادا بصح هادشي لي عاودتيلي فراه يستاااهل تهرب مع صاحيبهاوتخلييه
راوية: ايوا هانتينا كتشوف .. عيينا بالمشاكيل بغينا غير نرتاحو شويوش
ذكرى:فكرتييييني ..ديك مرا فاش جينا من عندك جبرنا خاك هوا ونورة فداك الصباح وصلهاهههه
راوية: شكون خاي فيهم؟
ذكرى: خاك داك المزيييون ياصاحيبتي لي مشينا عندو ندار
راوية: هااااايداااك عليها جا خرج فيا الحر ديالو قالي نهار نجبرك معاها نزولك ركابي قول هي مشاااات معاه حتى صبح الصباح!!
ذكرى : ايوامشااات ياختي
راوية: تشو انا ماجا هاد لويكاند نطنجة راجلي رجع نسبانيا عندو الشغل اناغنهود صافي
ذكرى: كنت عنطلع عندك نتبحرو ساعا نتينا ماجا
راوية: صافي طلع نتينا من لخير نيت شحال ما بحرنا
راوية: ايواصافي نشاء الله
قطعات ومع القطعة بدا باها ينكر علىالضو وهي قالبة سيفتها خلاتو كينكر ومشات للبيت كتسوط طلات على صاكها لقات فراس مالها خمس ميات درهم ،، خمس ميات درهم ونورة مزيراها يمشيو لتشوكولاطي يتقهواو وهي مزيرة ماعندهاش باش وباها مهرس من رجلو جالس من لخدمة وخدمتو شيفور طاكسي عوال عليها هي وخوها لكبير كفس من باه حتى هوا فنيااان على الله يسلك غير راسو ومرتو لي مسكنهم فبيت فسطحهم فوق الدار وبزز منو لانه علط معاها وحملات وبين ليلة ونهار لقا راسو اب عندو بنيتة خصو يصرف عليها .
تنهدات بعمق وشافت بلي قرايتها غير ضربات فيها تمارة وصافي ماعندها حتى باش دير لمازوط وبزز باش جمعات فلوس الطموبيل وشراتها.. وعاد يدها المتقوبة وعينها لكبيرة عزيز عليها تلبس كتمشي بلا هواها فاللول دالشهر تكسي راسها وفاللخر دشهر كتبقا دور فبلاصتها دايخة
لبسات سروال كحل توب بسيور من لكرش ديال لولان مجموع على لكرش وطويل حتى للارض مع صنديلة والبودي معري من لكتاف ومجوهرات خفيفة مع لمعة شفايف ومشطات حواجبها لفوق ورموشها وتعطرات وهزات صاكها متولة خارجة
ذكرى: ابااا انا خارجة
سعيد: فاااين مشاااا؟؟
ذكرى: ماشا مع بنات ابا
سعيد: ماخليتي لي واالو اذكرى
ذكرى: خليتهم فوق تيليفيزيون
سعيد: ااه صافي ومتعطلشييي
نزلات لسيارتها جلسات كتقاد شعرها حتى ركبات جنبها نورة بكسوة قصيرة مفركسة فالاحمر والصاك وصندالة مشاو لثالت مرة لديك القهوى على الامل يلقاوه واخا نورة ماعاوداتش لحقيقة لذكرى وشنو وقع بالضبط . دخلو للقهوى عاوتاني وطلبو ارخص حاجة كيتسناو فالاخير ناضت نورة عند جيرو طلبات منو يعيط ليه يعلمو بلي كتسناه تما .. رفض فالاول وبعد اصرار عاد تاصل بيه ورد عليها وقال
جيرو: قالك غيعيط لك
نورة: في حيرة فوياخ؟؟
صونا ليها تيليفون حتى قفزات من بلاصتها
نورة: الو (بلهفة)
ياسين: باقا فالقهوى؟؟
نورة: اه باقا
ياسين: انا جاي
نورة: جلساتوتنهدات) جاي
ذكرى: علا سلامتو هادي ثلاتة دسيمانات وحنا طالعين نازلين عليه ضيعت ثلاتة دلويكاندات عليه
قالتهاوقلبا عينيها العسلية للجنب كتلعب فشعرها .. زينها دافي كينبع منو الحنان والهدوء والراحة ماتسخاش بيها وهي كتهضر . كانت تقييلة ومرزنة كتركز مع شنو كيوقع قدامها عكس نورة ، نورة كانت نشيطة بزاف فيهاطاقة حماسية قوية وسريعة وكتبغي تلفتالانتباه سواء بالهضرة بالجهد او بالضحك
دخل اخيييرا وشرف المكان وحيد نضاضر على عينيه كيقلب ومعاه صاحبو فاتح.. شيرات ليه نورة بحماس بحماس وقصد مكانها هوا وصاحبو وقفو عليهم وسلم ياسين على نورة بالوجه اما ذكرى مدات يدها ليهم فقط وتبسمات ورجعات استقرت فمكانها ساكتة وكتشوف
ياسين: مزيان؟ كلشي مزيان؟
نورة: بحماس كضحك) هادي هي غنعيط ؟
جلس كيضحك : كنت حااطك فبالي
متنكرش انه جدبها ونال اعجابها حتى هي ومتكدبش على راسها،صاحبتها من حقها تشطن عليه . اما فاتح بادر بغا يهضر معاها ودارت راسها ماسمعاتوش حتى تكلم ياسين وقال
ياسين: صاحبتك ؟
نورة: صاحيبتي ذكرى
فاتح: مزييونة عندك السمية
ذكرة:شكرا
ياسين: نتوماصحابات راوية بجوج
نورة: اه ههه عزييزةعلينا راوية الله يعمرها دار
ذكرى: بابتسامةخفيفة)كي بقيتو رتاحيتو شوية مور الموت ديماك
ياسين: حرك راسو)الحمد لله .
ذكرى: تنهدات ) الله يبدل محبتها بالصبر
نورة: راوية مسكينة بقااات فينا صعيبة نهار العرس يتقلب
فاتح : المكتاب كيتصرف
ذكرى : كلشي يتعوض ماتجيشي غير فالصحة
ياسين : فشرود) كنتي داك النهار … شمن مشكل كان عندك مع طارق؟
ذكرى: تبسمات ) ااه.. داك النهار ماكنتشي عارفة شني واقع دخلت على اساس الحينة دىعروسة وزغرت ليها(حطات يدها على صدرها) من لفرحة زغرت ليها وهادا هاد طارق عيط ليك قالي علاش تزغرت بقا فيه الحال … عذرتوو من حقو انا غلطت بلحق سوء تفاهم مازدناشي كبرنا الموضوع كتار
ياسين: امم… كتوقع
نورة: بحماس) ايوا فين غبرتي فاين كنتي
ذكرى: انا خصني نمشي (نايضة) غنخليكم هاد الساعة
فاتح : وقف معاها) خليك مزال شوية باقي الحال
ذكرى: لاااالا خصني نمشي يالاه يالاه تابعني بزاف دشغل والله
نورة: صافي ماشي مشكل انا غنبقا مع ياسين
ذكرى: بغات دوز ) غير سمحو لي ساعة اخرى نشاء الله
فاتح: مزال لحال عاد تسعود هادي يالاه جلسنا
ذكرى:غدا الصباح خدامة خصني نفيق بكري
فاتح: واخا خدامة كاع خدامين جلس جلس
تبسمات كتقلب فين تجلس وقالت
ذكرى: غير حشمت منكم والله لعضيم غنجلس شويش ونمشي
جلسات دارت رجل على رجل كتنهد سكتات وياسين كيطلع فيهاويهبط فتفاصيلها
فاتح:كيشعل كارو) فاش خدامة ؟
ذكرى: فكلينيك الفردوس .. طبيبة د تجميل
طلع فيها ياسين وهبط وقال بصوت عليض والدخان خارج من فمو
دابا نتينا عاملة تجميل
شافت فيه وضحكات: لاااء مايحتاجش
قالتها وشافت قدامها كضحط
كورها ييدو فالهوا: نتينا هايدا طبيعية
فاتح: كترتو علينا ابنات ليوم متبقيناشي عارفين الطبيعي من لي ماشي طبيعي
نورة: ماشي كووولشي عاااود
ياسين: هز حاجبو) كتحيدو طبايع لاطراس وداكشي
ذكرى: ااه كنعملو لو تجميل ولا لايزر حسب لاطراس كيفاش عاملة
دور وجهه وراها عنقو : هادي تعرف تحيدها؟
كانت عندو طبعة طويلة نازلة مع عنقو بحال لحرقة شافتها من بلاصتها مربعة يديها
ذكرى: حرقة ؟
ياسين: قلب وجهه كيشوف فيها) بحال الماء لقاطع
ذكرى: ماشي مشكل نشوف؟
ميل راسو: اه شوف
ناضت مشات عندو وقفات خدا كتفو كتشوف فيها مزيان وهوا مهبط راسو مايل جنب ودوزات صبعها كضغط عليها ووقفات
ذكرى: ماتحتاجشي لعملية غير ليزر وصافي ماتبقاشي
ياسين: بملل) وا قااالوها لييي اناخصني شي حاجة تمسحها فنهار واحد مانبقاشي غادي جاي
ذكرى: ضاروري خصك الحصص راه كتقشر وتعاود وتعاود حتى مكتبقاشي ديك الطبقة كترجع موطعا وحدةجديدة
ياسين: يالاه ارالي نمرة غدا خدامة قلتي ياك (مد ليها تيليفون)
شداتها كتقيد : اه ان شاء الله
شد تيليفون صونا ليهاوحتى هي متجلساتش هزات صاكها كتبسم وتشوف فيهم
ذكرى : ايوا هادا الجهد غنخليكم دابا
بقات غير كتشوف فيها نورة بنص عين وطلع وتهبط .. اما ذكرى سلمات ومشات كضحك بوحدها جبدات تيليفون كتقلب على نمرتو قيداتها ومشات بحالها.
بقات نورة شحال جالسة مع ياسين وفاتح فالاخير ناض ياسين شار ليها براسو مشات معاه وهاد المرة كان جا فالموطور..موطور واشمن موطور كيخلع قدو قداش بزز باش ركبات بديك الكسوة كضحك عطاها الكاسك ولبس حتى هواالكاسك وطار بيها تقول كيطير فالسماحتى لباب العمارة ونزل بالموطور تحت لباركينك ديالطموبيلات.
دخلات ذكرى للدار وكانت خاوية غير هي ، شافت سبابطها فالباب والبلاكار لي كان جامعهم حدا الباب مكاينش وخرجو عينيها لاحت الصاك على سداري وطلعات نيشان للبيت لي فسطح كدق بالجهد وضرب حتى واحد ماحل ليها .. هزات كلامونيط بدات ضرب فالباب حتى هرساتو ودخلات كتقلب بعينيها فداك البيت لكبير مجهز بتلفازة وناموسية وحمام متقولش عليه بيت فالسطح ، لقات لبلاكار تما وبدات تخويه من صبابط وجراتو كدفع بالقوةوالغدايد رداتو للدار كتجمع صبابطها وتسوط ورداتو بلاصتو ومشات توجد راسها لبداية اسبوع عملية من جديد .
دوشات ولوات عليهاالفوطة على شعرها وخرجات لابسة بيجامة مزيرة مفزة جسمها المنحوت سمعات الزديح ومشات كطل لقات مرت خوها كتزدح وتخوي فيه وكانت مرت خوها مرى واشمن مرى قدهاا قداااش
ذكرى: شكتعماااال معامن تشاورتي تقيس ليا لحوايج ديالي
عايدة: علااء لي شراااه وهوا قالي مشي طلعو نلبيت
ذكرى: شراه علااء قبااال ماتجي نتينا وانابيدي شريت تلفازة لي عندكم فالبيت وهزها طلعها ماهضر معاه تا واحيييد
عايدة: ايوا ملي يجي خاك هضر معاه
بغات عايدة تهز البلاكار وناضت ذكرى كتجر وعايدة كتجري ودفعني ندفع فاللخر سمحات ليها ذكرى فيه وطلعات كتجري للبيت دفعات الباب بالجهد ومشات قلعات ديك تلفازة من لحيط جراتها بالفقصة نازلة بيهاوغير شافتهاعايدة ناضت ليها وناضو تشادو عاوتاني بحال ديما وعطيني نعطيك دقة فيا دقة فيكوتلفازة مشات تكركباتمعالدروج وتبعات ليها ذكرى حتى البلاكار وبقاو مشادين هاكاك حتى دخل علاء على غفلة سمع غواتهم .
كان متوسط الحجم عندو شوية دلكرشة وزوين فوجهه مشا كيجري فكهم وجا من جهة مرتو بغا يموت فاش شاف تلفازة فالارض وبدا يهز عليها يدو ويغوت
: علاء: مال د٠٠٠ ديماك عاملة علينا باربو هنايا ولا
ذكرى: ماتقربليشي للحوايج ديالي شنوجابها عندي
علاء : اناشريتو وانا قلتها مشي طلعو دابا شني خصك
عايدة: والله ماتبقا فيك يا لق٠٠٠٠ هااهيااا عقاال
ذكرى: لق٠٠٠هي نتينا لقطك من زناقي وانا بزااف علي
ماجات فين تكملهاحتى جمع معاها علاء بواحدطرشةمن لتحت لفوق
علاء: ياالاه زييد هضر
شدات حنكها ودخلات كتجري وتجمع شعرها فالفوطة بدات كتبكي حسات بالحكرة وماعندها لمن تشكي من غير واحد خالها مطلق حتى هوا وساكن بوحدو
: بدات كتبكي عليه وكان مشغول وفبلاصة ما يعيط لعلاء ناض عيط لسعيد عرق ليه فتيليفون حتى رجع سعيد للدار كيجري ريحة الشراب عاطية منو عامر ومشارجي طلع نيشان للسطح..سمعاتو صوتو وناضت كتجري تبعاتو فالدروج لقاتو كيزدح الباب وتخلعات ،، دخل هاجم على علاء ومرتو كيسب ويعررق ويهز ويلوح على برا
سعيد: خرج ق*** د عليا من داري… خرج دي ل٠٠٠بة ديالك عليا يالاه
عايدة: لق٠٠٠ة هي بنتك
عطاها سعيد طرشة مالقا علاء مايفك فيهم وذكرى كتشوف مقنتة مع واحد الحيط والصدع نايض وكلشي كيغوت وكلشي كيزدح وباها كيدفع فولدووفشراوطهم وبنتو صغيرة كتبكي .. الصدع ناض ديال بصح وعيطات ذكرى لخالها يفك ديك الحريرة جابتو كيجري طلع مع دروج كيطير تدخل كيفك ودفع علاء وقالبصوت غليض
عبد المالك : وعلااااش ضرب ختاااك على هاد بنت السوق هي لي عملت فيها يدها
عايدة كانت قبيحة ولسانها مبري منها كيعطيوها كلمة كتعطيهم عشرة مكتحشم مكترمش جرات بنتها وجراتو حتى هوا جمعو حوايجهم وخرجو من الدار
: بقا عبد المالك وسعيد وذكرى فالدار جالسين مور داك الصدع
عبد المالك: خليييه يعرف راسو معامن .. مجوج ليا السبتاوية الخانزة بنت السوق
سعيد: لسانو تقيل) اناااا لاا باقيييشي يوريني كمارتو يمشي معاها حتى لجهنم
عبد المالك : شار بيدو لذكرى) نوض مشي دنعس وديها فالخيدمة ديالك عمل الفلوس ومشي سكن بوااحدك حسان ليك
ناضت مشات خلاتهم بجوج وسعيد جيد سبسي كيعمر وعبد المالك كيشوف فيه محاملوش
عبد المالك: عمل عقلك اصااحبي … شرفتي وباقي كدور ماقنعتيشي؟؟ مخلي العايلة عزبة بواحدا فالدار وكدخل سكران وتخرج سكران وتخلي الباب فتوح عليها ماخفتيشي
سعيد: بتحدي) فوياااخ خليت الباب مفتوح
عبد المالك : ضرب صبعو فالطبلة) خليتاااه مفتووح ليل كااامل حتى خرجت العايلةنلخيدمة جبراتو مفتوووح غير مردود .. وااعمل عاقلاااااك هانتينا دابا بقيتي كطير حتى عملتي لكسيدة وجبرو لك السبة جراااو عليك من لخدمة… بقااا عوال على ذكرى توكلك وتشربك والعايلة شالله قالت بسم الله ماهزات حتى راسها
سعيد: كافحت عليها حتى رجعت طبيبة وانا باباها ..
قاطعو بغضب: نتيناااا كافحتيييي نتيناااا؟؟ نتينا كنتي كتبرد الجنون ديالك فيهابالعصى عاد دابا جاك تقول باباها
: ربي عطاااك عايلة متبتة مكتجيبشي المشاكل بعقلها وكتقرا مزيااان ونتينا خصك تخرج عليها … خرج عليك القمر … كاقدك دابا عملتي ليها لعيادة تخدم وتزيد لقدام ماتبقاشي تراسة عند الزرهوني كيلوح لها جوج دلفرنك ويسمعها الهضرة .. حساب لك الطبيبة غير عتخرج غتجبر صنادق الدهب والفلوس كيتنساوها هه…. عمل عقلك اصاحبي خلي عليك العايلة تجمع شوية دلفلوس توقف فيهم على رجليها ونوض تخدم على راسك راه كبيير … وخلي عليك هاد الويل راه خرج عليك
نفس الصدع نفس المشاكيل نفس الروتين من نهار حلات عينيها وهي كتشوف نفس المنضر ، الاب سكايري وقمار والولد يدور يدور ويجيب منتف والام لي كانت جامعاهم وصاينة البيت ومتولة وهازة الدار صبرات حتى عيات وشافت ولادها كبرو وطلقات مشات تزوجات راجل اخر وخلات ليه الجمل بما حمل وتفكات وشرات راحة بالها .
رجعات للروتين البسيط ديالها وخوات ليها الساحة تهنات وناضت طلعات لداك البيت لي فسطح بغات تهنا حتى من باها وهترانو فالدار ومشات جمعات البيت خملاتو تخميلة خفيفة وخرجات ماتبقى من اغراض مرت خوه لبرا وبدات كتستف حوايجها وترتب صبابطها وعطورها ومكياجها حتى سمعات باها كيعيط
سعيد: ذكرااااا اذكرااااا فاين تينا؟؟؟
ذكرى: هنايا ابا طلعت نسطح
طلع عندها كيمسح يديه فسروالو: شكتعمااال؟؟
ذكرى: صافي غنجلس هنايا موطع متيسااع على بيت نتاحيت
سعيد: انا ماشي (عطاها بالضهر ورجع) عند واحد لخمسين الف فرنك
ذكرى: مناين عنجيبا اللخر دشهار هادا
سعيد: عوشرين؟؟
ذكرى: تنهدات كتقلب فالصاك) هي لي عاندي
جبدات ميتين درهم عطاتو ليه مشا ودخلات سدات عليها كتقاتل مع ديك التلفازة على الله تخدم واخا فيها النص فالشاشة كيبان مشقوق المهم تونسها . حيدات عليها ديك البيجامة لقات راحتها ومشات تكات على نموسية شادة تيليفون كتهضر مع صاحبها
ذكرى: كيف نتينا عاد دخلتي؟
عبد النور: عاد وصلت وحشت نشوفاك
ذكرى: غدا ان شاء الله مور الربعة دلعشية
عبد النور: خرج هاد الليلة نتعشاو
ذكرى: عندي الشغل حتا لغداا
عبد النور: وا خرج خرج متعطلشي
ذكرى: واخا ههه
ماكان فيها اللي يخرج ولاكن الضروف كتحكم عليها تخرج، الريال مابقاش كيدرو وعبد النور كيصرف عليها واخا مزوج عارفاه مزوج كدوز معاه الوقت كما حتى هوا كيدوز الوقت .
نشفات شعرها بسوشوار قدام المرايا كدندن قدام المرايا خلاتو على طبيعتو مطلوق مقلوب جنب ولبسات سروال كحل واسع من لتحت. مزير من لفوق وقميجة ساتان واسعة داخلة فالسروال من لقدام ومرخية شوية على المؤخرة ، كان لباسها نوعا ما مستور قليل فين كتلبس شي حاجة معيقة بزاف وكتفضل تلبس المستور شوية كتحس بيه كلاص وانيق، رشات رويحة وهزات صاكها وعكرات بالاحمر المايل للبرتقالي ونزلات مع الدروج حسي مسي بشوية كطل مالقات حتى واحد وكملات طريقها مع جوايه العشا شدات طاكسي صغير نيشان للسونطر ونزلات كانت قدامها رانج روفر كحلة كتشعل ركبات كتبسم وسلمات عليه من الوجه .. كان راجل اربعيني وسيم بحال كاع شبان ورجال الشمال.. اللحية والبيوضا والصوت غليض مفركس كتبان عليه لاباس عليه
ذكرى: بضحكة خفيفة) على سلامتك عااد
عبد النور: عااد ولاهيلا… بقات بلاصتك
ذكرى: طولتي فهولاندا عاد طلقوك ههه
عبد النور: كان عندي الشغل
ذكرى: ومراتك جات معاك؟
عبد النور: وانا ماجي عندك كتقولي مرااتك
كان كيكره تقوليه مرتك ولا تفكرو فيها وهي مرة مرة كتعمد تقولها تفكرو فوضعيتو اللي مكيحملش .
دورات زجهها مبسمة مشاو لمطعم كبير وجلسو حطو ليهم العشا .. نقبات شوية ورجعات اللور
عبد النور: زييد كمل
ذكرى : مافياااشي الصراحة(حطات يدها على معدتها) ماعندي خاطر
عيد النور: قرب منها )نديرو ليك الخاطر شعندك
ذكرى: غير علاء عاوتاني بحال ديما .. دابزنا وهرس كلشي وخرج خلا ليا البيت مخرررب
ذكرى عمرها عطات راس الخيط لشي واحد او بينات ليه شنو هوا بالنسبة ليها،، وحتى واحد ماعارف وضعيتها المادية الحقيقية ، وعبد النور من نهار عرفها وتعرف عليها طبيبة زادت اكدات ليه انهم مامخصوصينش مامحتاجينش وماواقفة على حتى واحد باش تير الشفقة ديال شي واحد ، بل كتخلي بلاصتها راقية والمستوى عالي وكل مرة كتبغي تبين لعبد النور انه صديق واخا هوا كتعصبو هاد المسألة وكتبان ليه مرزنة وبعقلها ومتبتة وهضرتها تقيلة ولقب الطبيبة زاد تبت هادشي اكثر .. الشيء لي كيخليه يسعى لارضائها دائما ومكلاصيها مع الناس الراقية وماقادرش يشوفها على انها عاهرة او وحدة مساليا بحال اللي كيتلاقا بيهم ديما وكيقلبو يلسقو بأي طريقة..طريق ذكرى مختالفة على المعتاد فاش كيجلس معاها الواحد مكيحسش براسو جالس مع الرخص او يزعم عليها ويبدا يرمي يديه فالسما وتجي فين ما بغاات .
عبد النور: مزال مابغا يعمل عقلو
ذكرى: اييوا لفشوووش .. شغتعمل
عبد النور: وا كوول ماكليتي والو
ذكرى: والله متقادييت ماعنديشي لخااطر مااراا هاد النهار.. عملت لك خاطرك وصافي اما انا كنت غنعس (تيليفون كيصوني) بلاتي نشوف شكون… هادي صاحيبتي (ردت فتيليفون) االوو حسناء كيف نتينا … لاباس ؟ شعندك مخلوعة ؟؟ ياك لاباس؟؟ غير قول قوول والله حتى تقول.. غير ماشي مشكل شحااال؟؟ شحال خصك؟ دابا دابا ؟؟ دوز عندي والله تدوز تاخدها دابا يالاه انا نصرد ليك لوكاليزاسيو.. بسلامة احبيبة
عبد النور: شنو واقع؟؟
ذكرى: على عجلة كتقلب فالصاك) صاحيبتي باباها عمل كسيدة هزوه كلينيكة وطلبو ليهم الشيك فيه عشرلاف درهم مسكينة بقات فياا ماجا عندي .. لاحولة ولا قوة الا بالله
بدات تقلب فالصاك وتسوط وقالت
ماجيبتشي لكارني دشيك مشكيييلة هادي (شارت بصبعها) عند شي عشرلاف درهم حتى لغدا الصباح ندوزها ليك
عبد النور: كاينة كاينة
جبد الكارني بزربة وهوا كيمضغ عمرو مدو ليها بكل ثقة شداتو كتنهد
ذكرى: شووف دابا المشاكيل فمن كتجي غير فالدرويش
عبد النور: واكوول نتينا غتسخف ماكليتي والو نقولو ينزلك شي حاجة اخرى
ذكرى: لاالا ماقاراشي طلعات لي الماكلة دريسطورات فالراس بلخصوص الماكلة دليل كتبيني فايقة
كملات جموعها حتى صونا تيليفونها وخلات صاكها حداه نايضة وقالت
ذكرى: انا ماجا نمشي نخرج عندها راها برا نعطيها الشيك ونرجع
مشات بشوية عليها كتقاد شعرها خرجات على برا وشافت وراها بنص عين بان ليها مزال جالس وخرجات ضربها الريح وخشات الشيك فصدرها ورجعات عندو مبسمة جلسات وتكات دايرة رجل على رجل
عطاها المليون وهوا ضاحك وراشقة ليه وسدات على الموضوع جلسات كتجمع هي وياه ويضحكو وكان عبد النور بااغي يتزوج بيها مللي شافها معقولة وماشي ديال الفراش وماشم منها والو وفوق هادشي زوينة والجلسة معاها حلوة فاتحها شحال من مرة فالزواج
عبد النور: ومالك المرى الثانية ديما كتكون اللولة فكلشي
ذكرى: حركات صبعها بلا) لااالااا انا ما نقولك طلق ما نقولك نتزوجو خلينا اصدقاء اعبد النور ههه
عبد النور: عاوتاااني الاصدقاء
ذكرى: ايوا المهم (شافت فجهة اخرى مبسمة ) عند وليدات والمرى مزيييونة تبارك الله علاش بغيتي تزيد
عبد النور: السؤال لي ماعندووشي الجواب… انا كنرتاح معاك اذكرى والله لعضيم رجعت فيا الروح فاش جلست معاك
ذكرى: نعل الشيطاان هههه(قلباتها ضحك) انا راه خصني نمشي تابعني الخدمة الصباح
عبد النور: نتيتا خاصك العيادة دياالك متخدمشي مع الناس نتينا ماشي ديال الخدمة مع الناس
ذكرى: وايييه ان شاااء الله .. راه ساهل من غدا نعمل العيادة بلحق عاد تخرجت فايناهيا ليكسبيريونس والخبرة هادشي كتستمدو من الخدمة مع الناس حتى تولي بوووفيسيونيل وعارف شنو كاين وكيفاش عاملة الخدمة فماطع اخرين و الاثمنة وتحتارف فالتعامل مع الناس عاااد كتجي ديك ساعات العيادة باش تقدر تسيرها بطريقة صحيحة ماتبقاشي غير كترون وصافي فهمتيني .. عاد تخرجت باقي الحال
عبد النور: دابا خليني من الخدمة نتينا تعرف… توكل على الله ويالاه نزوج بيك
ذكرى: ههه بسرعة ههههه انا خصني الوقت اعبد النور.. داكشي بالترتيب.. وقلت ليك ما نزعمش على الثانية
عبد النور: وافكر فيها مدخسر والو
ذكرى: وا نوض وصلني راني تعطلت يالاه ههه
هزات صاكها ناضت وناض وراها يوصلها وكله ثقة فيها كتبان ليه غير هي من دون البنات واكثر شي فاش طلبات الفلوس اول مرة وثاني مرة على اساس غير سلف وتحججات ليه بحوايج اخرين ورداتهم ليه صافي تشد شدة وحدة ورجع كيحشم يشد من عندها من بعد واخا كتعاود وتعاود كيعطيها بالفرحات عليه وكترجع ليه بالشيك بلعاني تردو زعما وكيرفض وحتى هي مكتعطلوش .. ماشي بحال اول مرة وثاني مرة حلفات حتى تردهم وبزز شدهم .. اما من بعد رجعات كدير غثر الواجب
خدام كيدك ويدكدك هاز ليها رجليها فالسما مكيرحمش ومكاين غير الطحن وهي مخرجة عينيها مكمداها كوحوح وتشوف فيه حتى كمل وناض نصل داك الواقي مشا للدوش طلق الماء عليه دغيا دغيا وهي جالسة فبلاصتها شادة تيليفون مضوية على انوثتها وكتشوف اش واقع وتتألم ، ناضت جمعات رجليها بزز قبل ميرجع يلقاها هاكاك مفرقة كطل ولبسات حوايجها دغيا حتى خرج لاوي عليه فوطة كحلة وكيمسح شعرو الاشقر مبوكص ديال بصح وشي شوفات عندو مضايرينيش وعاد الابتسامة الساخرة كيوضفها فكلشي ، بقات غير كتشوف فيه ومشات عندو عنقاتو وقالت
نورة: دابا شنو نوع العلاقة لي بيناتنا؟ نتينا عارف راسك اول واحيد
ياسين: هاحنا مع تيسير الله
لبس حوايجو وخرج كيقلب على سبرديلتو وتيليفون ما سكتش وهوا كان مشغول عاد تفرغ ليه كيهضر وبقا شادو فودنو كيهضر معاها غير بلعينين خرجات معاه وكتسناه يكمل لمكالمة باش تهضر لاكن ماكملش الهضرة وقف فسونطر ومد ليها شي بركة وقال مبعد تيليفون على ودنو
ياسين: دابا نعيط ليك دابا نعيط ليك..
تنهدات كتأفأف مالقات ماتقول وخرجات مشات بحالها كتشوف فالفلوس وتحسب في حين وصلات ذكرى لحومتها المتواضعة.. حومة نقية فدريسية والناس نقيين غير باها لي تالف ليه العقل ديما مسمع عندهم الجيران. حطاتها الطاكسي حدا الباب مع لحداش ونص ودخلات طالعة فالدروج للطبقة ديالهم لي فوق الحوانت وسمعات هضرة باها وطلات من الباب لقاتو جالس كيشرب مع جوج صحابو ويلعبو لكارطة بيناتهم ويكميو فجوانات .. حيدات صباطها وكملات طالعة للفوق وسدات عليها مزيان من لداخل ومن برا وكتبات مسج لخالها
ذكرى: وشووف دابا ماجي بسكايرية ندار كيشربو وانا بواحدي واش مخافش عليا؟؟ مخافش عليا من هاد الوحوش انا شي مرات كنشك واش با
سيفطاتو لخالها وفعلا كانت كتكفر من افعالو وتصرفاتو وكتعيش الرعب معاه واخا عمرها وقعات ليها شي حاجة لاكن باها كان منكدها عليها ديما . بغات غير تنزل تقلي شي جوج بيضات تاكلهم تسد بيهم الجوع والشهوة ديال ديك الماكلة لي تحطات قدامها فالريسطو لاكن والو متقدراتش تهبط حتى ندمات علاش ماجابتش معاها شي حاجة من زنقة كاع كن حسابها غتلقا لي تلقا.طرقات مزياان ولبسات بيجامتها ومشات بلاصتها نعسات حتى سمعات الدقان فالباب وفاقت طافجة
قربات من الباب مخلوعة شكوون؟
عبد المالك: فتااح اذكرى انا حبيبو عبمالييك
فتحات مخلوعة ويدها على صدرها:اوااعدي شحال تخلاااعت!!!
عبد المالك: جمع الحوايج ديالك يالاه معايا ندار
بقات كتشوف دورات فدماغها وجمعات لي يكفيها ونزلات معاه غادي كينكر فالدروج حتى خرج سعيد متفاجأ كيشوف فيهوم ويسول
سعيد: شنوواقع
رد عليه عبد المالك وهوا نازلمعالدروج متمر : ذكرى عتمشي معايا ندارحتى لغدا عااد ديك ساعات نهضرو،، مشي مشي كمل على لقصارة ديالك
هبطو وبقا سعيد المستهتر غير كيشوف ورجع لبلاصتو . اماذكرى ركبات مع خالها لي ساكن غير هوا وولدو وعندو ولد شديد التدين مكيبانش كاع وملتحي ودخلات عطاها عبد المالك بيتو باتت فيه
صبحات فلكلينيك اشيك وحدة فطبيبات المبتدآت .. ذكرى الجوهرة النويويرة كتنور عليهم داك لكلينيك وكن مكانش مولاه مبنت كن شافت ليه شي تخريجة ديرو فالجيب حتى هوا ،ساعا طلع مبنت واخا لباسو رجالي تصرفاتو مبنتة وباه مول شي على برا.. كان كلينيك غير صغيور بحال شي فيلا وهي كلينيك ماشي واو لاكن خدامين فيه جوج طبيبات اخرين مع ذكرى كل ما كيتعلق بالوجه الجلد وفنفس الوقت كيعاونو الطبيب فالعمليات.
لبسات طبليتها البيضاء وبدات الشغل وعلى بالها اتصال ياسين وتسناتو لاكن ما عيط حتى كانت هي خرجات ومشات مع صحاباتها سماح ونورة لواحد لغيسطو يبدلو الجو شوية وكانت مشهية شي كاس ديال الروج وتجمع مع البنات وضحك
ذكرى: تصاحيبتي مع خاها دراوية صافي ههه
نورة: فكرتييييني عطيني نيمرة ديالو عطيني ماعنديشي
ذكرى : اوااعدي الصاحب ديالك وماعندكشي نيمرة ديالو ههه
سماح: كتمازح
نورة: مسحتها بلغلاط عتيها لي
جبدات ذكرى تيليفون فيدها يالاه غتقلب على النمرة طلع ليها كيصوني وقطعات الحس شافت فنورة وشافت فتيليفونها وناضت
ذكرى: انا ماجا البنات
خلاتهم جالسين ومشات لواحد الشرفة كطل على الشارع ردت عليه
ردت كتشوف فواحد المرايا وتقلب فشعرها مبسمة بتلقائية
ذكرى: االوو ياسيين
هاديك ياسييين واخا كانت تلقائية خرجات من فمها بحال لعسل فيها شلا حنان وذفىء
ياسين: ها د ياسين عنداك داافية
ذكرى : ضحكت بنعومة) ههه كيف نتينا لاباس ؟
ياسين: الحمد الله .. شكتعاود كلشي مزيان
ذكرى: مزيان الحمد لله .. ماجيتيشي نلكلينيكا
ياسين : ماعليييش … نتينا مساليا دابا نتلاقاك؟
سكتات مطولا عضات شنايفها فكرات فيها وقالت
ذكرى: جبرتيني فطريق ندار خاي كيتسناني فشي شغل
ياسين: امم… غتعطل؟
ذكرى : ماعرفتشي حيت كنعس بكري
ياسين: امم .. شحال هاد بكري؟
ذكرى : منقدرشي نزيد فوق تسعود ههه
ياسين: واصافي خلي حتى لغدا
ذكرى: غتجي نلكلينيك؟
ياسين: لا غتعيطي نتي فاش تسالي الشغل ديالك
ذكرى : ان شاء الله
ياسين: يالاه تهلا فراسك بسلامة
قطعات وبقات واقفة كتخمم ودورها فدماغها عرفاتو ناوي على علاقة معاها وشي علاقة عابرة تسالي فست شهور اييلا طولات، على قلة البنات والق٠٠٠ . وهوا عاطي للعين كي الوقفة كي الزين ولعينين والصوت حرش والفلوس من لفوق هه مغناطيس ويجر اي وحدة فطريقو غير بشوفة، زعما غيجي حتى ليها هي ويدير عقلو كاع هادا زهر عندها ، عرفاتو بغا يدوز بيها الوقت وياكل ليها الحلوى. ويحيد شهوتو منها ويقلب وجهه .. واخا ماكرهاتش والى تبعات شهوتها ٩تى هي واعجابها غادي تخرج خاسرة .. خاسرة خاسرة اللهم بالعز وتبقا حسن ملي عرف قبل منها، بلا متحشم راسها معاه وهي مكترضاش ونفسها حارة وخصوصا قدام الزين والفلوس. اذا شنو المعمول؟؟ هادا خصو يتشد شدة وحدة مايقنعهاش هي ست شهور ولا عام .. خصها شي ربطة معاه طويلة حتى تقول هي قنعت وشبعت
كانت غتعطي النمرة لنورة لاكن تراجعات وجلسات دايرة رجل على رجل كتشوف فتيليفون
نورة: شادة تيلفون) عطيني نيمرة دياسين الزاين
ذكرى : ماجبرتاشي نسيت ماقيدتا… تخلطات لي مع المكالمات
نورة: اوااعدي وعلاش ملسجلتيهاشي فاين غنجبروه عاوتاني (في حيرة) متأ.. كنت عوالة عليك الصوحبة والله
ذكرى : ايييوا شغنعمل نسييت .. كنت مشطونة
جلسات نورة دايرة رجل على رجل ومتكية على ركبتها كتخمم ويدها على خدها
نورة : كيفاش عاوتاني غنجبرو دابا يالاه
كتخمم وعندها احساس مغيعيطش ليها لاكن عندها امال كطفي بيه داك الاحساس،، عارفاه شكيسوا وعارفة غيكون كيعرف شحال من وحدو وشووف تشوف يقدر يكون طايح كاع فشي وحدة ولي وقع بينها وبينو مكانش كاع مخطط ليه وبغاتو يكون ليها والطامة الكبرى طاحت فيه عمية وحتى داك النعاس عاجبها وكتشوف هادي هي الوسيلة لي تخليها شاداه ، مكان فيها مايتعاب وكانت كاملة مكمولة شكلا .
جلسات معاهم ذكرى شوية وناضت مبسمة هزات صاكها
ذكرى : انا مشييت … خصني نعس راكم عارفين
سماح: سعداتك اذكرى كتينعس مع تمنية انا منقدرشي
ذكرى: انا كتفيق بااااكري ههه
مشات بحالها ركبات فسيارتها ونيشان لدار خالها
ذكرى من نهار حلاتها عينها وبيرها غارق مزيان حتى واحد مكيعرف عليها شي حاجة وكتعطيهم غير اللي بغات ومسلكها فقط ، حتى فاش كانت كتقرى كانت ساترة راسها متقول ليهم لاحفضت لاوجدت لا والو وديما كتسمع وساكتة .. عمرها عاودات على حياتها وشنو عاشت وشنو كتعيش والمشاكل لي عندهم من غير الى سمعوهم الجيران مدابزين وطول الوقت كتشوف وتسكت وحضرات على الضروف لي دازت منها مها والمعانات لي عاشت مع راجل قمار مدمن مستهتر غير حال فمو وغادي مكدم والعجيب انه طاح مع مرى نقية بزاف ومتولة ومحافضة على جو البيت وصابرة ختى ضبرها الصبر وكبرو ولادها ورباو الكتاف وجات ذكرى شجعاتها على الطلاق ودخلات ليها الفكرة لراسها وقنعاتها انها قادة براسها ومابقا ليها علاش تهز هم شي واحد فيهم وكل واحد قادر يتحمل مسؤوليتو ويهز راسو كتر منها ، قتانعات الام وطلقات ومشات رجعات عند خوها عاشت معاها شي شهور فقط من بعد ضبر ليها فراجل عندو مشروع مطبعة مطلق ومعاود مكيولدش وتزوجات بيه ومشات بدات حياة اخرى تقول غير هي لي مزوجة ، راجل واشمن راجل.. قدها تقريبا وبدارو على حقها وطريقها وبرزقو ورجعات حتى هي تبدل وتنوع فجلالب والعصري وتخرج مع صحاباتها للقهوى تجلس والصلاة فالوقت وداخلة سوق راسها وزيانت وصحاحت تبدلات بزاف ورتاحت وومشات خدمات فمكتبة صغيرة فتحها راجلها جنب المطبعة وجالسة مقابلها هي بوحدها كدوز فيها نهار لابز يصدع ليها راسها ولا عكوزة تقابلها.. لقات لعكوز لعكوزة اصلا ميتين ولا تابع لا متبوع وعاد زيانت ليها الحياة وبدات تعيش كي ناس لي عايشة، اما ذكرى مللي طمنات على مها عاد تهنات وكانت هي المشكل الوحيد فحياتها وهازة ليها الهم وباغا تخدم وتكون شي حاجة غير باش يتفكو من ديك العيشة دلويل والمشاكل لي كل مرة نازلة على راسهم ، ها الراجل دار كسيدة .. ها الولد شدوه مهرب الشراب ها هوا عاوتاني محلفين فيه البزناسة هاهوا خارج ليهم بالكرش ها الراجل باع الطموبيل مشات فالقمر وهاهوا عاوتاني سرق ليها الذهب باعو ، ها هوا كيهرس ويديك فالاتات لي بزز باش قوماتو المرى وتولاتو وبلا الصدع والمشادات مع ولدو كل نهار وكيجري عليه سبعين الف مرة فالنهار و البنت الى هضرات يضربها والى جات من جيهة مها يشركها معاها وشحال من مرة جرا عليهم كاملين بالمرى والبنت والولد ومرتو للزنقة مشاو كلهم عند الخال عبد المالك جلسو سيمانة حتى عفا عليهم الله عاد رجعو بحالهم
كانت عكس صحاباتها تماما ومع ذلك سادة فمها ومكتبغيش الشوهة والفضيحة واخا هي قدها وقدود ومكتخافش لا من بنادم ولا مخزن .. لاكن كونها طبيبة خصها تحافظ على ديك الصورة لي عندها وعاطية انطباع نضيف وراقي عليها مع العلم جلاخة وعندها قابلية خطيرة لدرجة تقتل وهانية زايد ناقص وهادشي ابدا واش كيبان عليها ولا يقدر شي واحد يشك فيهاوفأفكار الاجرامية لي شحال من مرة فكرات تصفيها لباها ما مرة ما جوج فاش كان كيتعدا على مها لدرجة طحنات ليه الزاج حتى رجع غبرة وحطاتو ليه فالكاس دشراب وهزوه لسبيطار عتقوه وعاودات نفس الشيىء وطحنات ليه العصير تفاح مع كمية كبيرة ديال البذور تفاح القاتلة وتسمم وعاوتاني عتقوه وفلت منها شحال من مرة وردعات مها شحال من مرة وما وقفات ولا بردات حتى طلقات مها وخرجات من الدار عاد رجعات اللور خلاتو يدير لي بغا ومابقات حتى حاجة تمرضها وتفقصها ولي كانت هازة ليها الهم راه تفكات وعايشة حياتها
اما نورة وسماح عايشين حياتهم عادي جدا مكشوفين ماعندهم مايسترو. سماح كانت كان عندها مشروع بارا فاغماسي .. قرات مع ذكرى لاكن ماجابتش المعدل مزيان وتزوجات حتى هي بزناس كان لاباس عليه ماصدقش ليهم الزواج بجوج وطلقو وخرجات من ديك تطليقة بمشروع دايزو لكلام وربحات محل واخا ماشي ملك لاكن كان شاري الساروت بالملاين وكتخلص كراه ناقص لاكن كبير بزاف مساحتو كبيرة وعامر بالسلعة وكاع الماركات مدخلاهم وكانت عندها مرسيديس دارت بيها حادثة وحطاتها تصلح وغادية مقاتلة مع الوقت . اما نورة هي بنت الحومة ديال ذكرى صحاب من الصغر لاكن باها ميسور الحال عندو التجارة فلاتاث ماكتخدم مكتردم كيصرف عليها باها وهي لي بنت وسط ربعة دراري راخيين ليها كدير لي بغات ولي قاليها راسها ومفششة كتعيش الحرية .
صبح الحال مشات للكلينيك وكانت دايرة مع سماح دوب ليها الفيلر وتعاود ليها واحد اخر .
بالقفازات وطابلية جالسة على لكرسي شادة الابرة كضحك وشعرها مشدود بمقبط صغيور لور محلول ومدرج حتى للخصر وكتافها واقفين لابسة كسوة كحلة بالكول مثلت مجموعة عليها فوق الركبة غير شوية وسبادري معاها وتشكيلة ديال مجوهرات فان كليف فودنيها وعنقها ويدها
ذكرى: بقات واحدة صافييي
سماح: عملها لي هااايدة مقلووبة د روسية
ذكرى: قلبتهاليك اصاحيبتي جاتك مزييييونة(مركزة مع الابرة) .. غير تينا متبقاشي تمصهم لداخل ولا تضغط عليههم كيهرب لفووقي ياصاحيبتي كيهاجر ولا اذا بقيتي كتمصهم كيتدلااا ليك شنيفة لفوقانية
سماح: منعاودش صافي
ذكرى :صافي ساليت بالصحة
ناضت سماح شافت فالمرايا فرحانة عجبها الحال وقالت
سماح: يا ختيييي مضلوومة فهاد كلينيكة عراافتي شحاال مرة عملت فييلر مكيصدقشي هاالديااا.. كيخليو لي دقمي(فمي) مكتل تقول فيه حبوب نداخل… مضلومة يا صاحيبتي
ذكرى : كتحيد لقفازات) كنخدمو فالنهار علاين غشرة دالمرات رجع كيجيني ساااهل دابا.
سماح: (غمزاتها) تينا دابا عمل كليان من هاد كلينيكة وخرج مشي عمل العيادة ديالك كلشي يتبعك
ذكرى: ههه ان شاء الله نشاء الله
صونا تيليفون وطلات لقات ياسين وخلاتو هاكاك حتى جات خارجة راجعة بحالها عاد خسرات عليه مسج
ذكرى: سمح لي ماقدرتشي نرد عليك كان فيدي الشغل
ضحكات وقالت مع راسها : هادا بااااينة حطني فراسو
عاود صونا ليها وردات عليه بتبات هدوء
ذكرى: االو ياسيين
ياسين: بصوت غليض)نتي زعما لي عندك الشغل؟ امم؟
ذكرى: هههه … فاش كنكون شابرة فيدي سورانك مكنقدرشي نهوز تيليفون
ياسين: خرج اجي لشكولاطي انا كنساينك يالاه
ذكرى: خصني نمشي للدااار بعدا
ياسين: سيري للدار واجي انا غنجلس نستناك
ذكرى: غنتعطل عليك شويييية
قطعات كضحك ومشات بحالها كتهضر مع خالها علماتو بللي غترجع للدار خصها حوايجها وخصها دوش وخصها شحال من حاجة وميصلاحش ليها ترجع عندو عاد كملات طريقها للدار لقاتها خاوية ومقلوبة سفاها على علاها . تخطاتها ومشات للسطح دخلات للبيت لقاتو متول كما خلاتو ودوشات على خاطرها وقادات الحالة ولبسات كسوة قهوية مزيرة طويلة حتى للكاحل وفيها فتحة فالجنب حتى للركبة ونص كم بالكول مثلت وسلسلة فان كليف مذهبة مضوبلة على جوج على عنقها مع حلاقاتها طوال وخاتم وكورميط وساعة يدوية خفيفة وهزات صاكها فيدها صغيور برتقالي مع صنيدلة خفيفة ديال زارا مسطحة بلا طالون فيها سميطات فالجنب بالبزيم وتعطرات مزيان حتى خرجات ريحتها من السرجم وحطات بلاشر مع مسكارا وطراساج للفم خفيف بني وكلوس كيكو وخرجات طالقة شعرها لي شنفات مدرج طبيعي عاطي لفوليم بلا بروشيغ قالباه للجنب نزلات ،ركبات طموبيلتها ومشات تلاقا بيه وتعطيه وقتو وقيمتو جهد لي يتيق راسو ويقول تزعطات وطاحت
وصلات للقهوى ودخلات بديك الفورمة كطيح الزرزو من فوق الصور ، القايس ميديوم والنحت والصدر مهزوز والمؤخرة بارزة لور شادة راسها والخصر رقيق وضيق الكرش مكدورش. لاكن ماشي كلشي طبيعي مية فالمية .. غير هي دايرة بحساب يبان طبيعي وخوات جناب كرشها من الدهون فلكلينيك فين خدامة وديقات الخصر مزيان حتى بانت المؤخرة وشدات عضلة المؤخرة للفوق تهزات وجاتها الفورمة هي هاديك متقونة كاع لي كيعرفوها كيحماقو على فورماتها وهي ناكرة انها دايرة شي حاجة ومابغات تعطي حتى لواحد اسرارها ومدوخاهم بلاصال لي كتمشي تريني فيه لدرجة الكوتش ديالهم تيق انها طلعاتها بالخدمة دالرياضة.
شافتو جالس مع رباعة ديال صحابو معاهم قشلة دالبنات فواحد الكوان مقربين الطبالي ومجموعين على الفوطويات والبنات وحدة تحنت لاخرى فاللباس والزين باينة عليهم مقزدرات مكيحشمو مكيعرفوه ، كيكميو وعاطيينها للضحك وتكركير . دارت راسها ماشافت والو واخا جات عينها فعينو رمقها داخلة لاكن مامشاتش عندهم عوجات الطريق كتشوف قدامها مشات لطبلة اخرى جلسات وناض طفا لكارو وهز سوارتو وتيليفونو كيخنزر بحال عادتو لا هوا لا لبزناسة كاملين .. تخطاهم والبنات كيشوفو فيه متبعين ليه العين حتى وصل عندها وبقات جالسة تبسمات ومدات يدها ليه سلمات عليه وجلس جنبها على الكرسي
ياسين: كيطلع فيها) متبغيتيشي تجلس معانا ؟
ذكرى : خليني هنا حسن مرتاحة .. ادا كنتي مشغول مع صوحابك مشي جلس معاهم ماشي مشكل
ضحك بلا ميهضر وهي كتشوف ليه فعينيه مباشرة وقالت ببسمة
ذكرى: قلتي لي اجي هانا جييت .. شني كاين ؟
صغر فيها عينيه : كيفاش شنو كاين؟؟
ذكرى: حيت ستانيييتك تجي للكلينيكة ماجيتيشي ؟!
دور راسو لجهة اخرى بالايجاب) غانجي غنجي… غير قلت نتلاقاو نشوفو شي حل اخر… من غير داك الليزر مكاينشي حل اخر؟
ذكرى: هادا هوا الحل الانسب… ولا خصك تشوف مع الطبيب يشوفها ويقولك واش تعمل العملية ولالا
ياسين: ونتيا ماشي طبيبة
ضحكات مدورة راسها: طبيبة ولاكن ماشي جراحة
ياسين: كيفاش زعما ماشي جراحة؟
ذكرى: انا ماشي تخصص جراحة… انا ديغماتو وتجميل بدون جراحة ، نعمل فيلر .. بوطوكس فول فاايس تكساس .. كلشي بالابر. بلخيوط مهم ماشي جراحة .. وحتى ازالة الدهون من الدقن وبزاف ديال حاجات داخل فيهم الشعر حتى هوا
شرحات ليه من نيتها واخا عارفاه مغيفهم والو من داكشي لي قالت مسايرها كيسمع وجايب داك الحوار غير سبب باش يتلاقاها وصافي
ياسين: امم فهامتك .. مزيان
ذكرى: ايوا تينا شنو كتعمل؟؟ شنو كتخدم زعما؟
ياسين: انا طبيب دالقلب
ذكرى: ههه جات معاك الصراحة
ياسين: ياك
ذكرى: فيها الضحكة وكتشتت النضر) ايوا عطيني شي دوا للقلب راه بدا كيضرني
ياسين: هز حاجبو) ايااه … فوقاش بدا كيضرك
ذكرى : ملي شاف الطبيب ههه
دورات وجهها كضحك وجاتو على قلبو ضحك حتى هوا وطمع وقال
ياسين: الدوا موجوود
بدات كضحك وزيرات السمطة عاوتاني واخا رخاتها شوية باش متجيه معقدة كئيبة مملة وعاودات تبتات كتشوف فالقهوى باش تكسر الصمت
ذكرى : مزيييونة لقهوى تبارك الله … المساحة ديال شي كلينيكة
ياسين: كيشعل كارو) دا لك عقلك لكلينيك
ذكرى : كنشوف شي بلاصة هايدا مزييونة ومبهجة وموقع مزييون كنتخيل كن كانت كلينيك كيفاش كانت عتكون
ياسين: فين كاين لكلينيك ديالكم؟
ذكرى: انا فكلينيك الفردوس فالخرجة حدا لكابو
ياسين: ااه .. مزيان…نتي ماشي ديال لخدمة عند الناس نتيا خصك تكوني مولات شي
ذكرى: قريب ان شاء الله غير نكتاسب الخبرة
ياسين: شار براسو) نمشيو نتعشاو فشي بلاصة حسن
ذكرى: مكنتعشاشي عاملة ريجيم
ياسين: نايض) يالاه يالاه نتعشاو قالك ريجيم
مد ليها يدو كتنهد شدات فيه نوضها ومشات قدامو خارجين وقصدات اتجاه سيارتها حتى تكلم
ياسين: خليها تما خليها نمشي فديالي
سكتاتها ومشات معاه شافت قدامها وااحد مولاتي طموبيل بينتلي باتور فالموف بجوج بيبان كتلمع وبدات تهضر غير مع راسها وتقول شووف دابا حاط قيمة خمسة دلعيادات ولا كتر غير فطموبيل وانا باغا غير برطمة واخا مكرية نحل فيها عيادتي وماقديتش .. زعما هاد البزناسة هادو لفلوس بااردة كتدخل بالقنطار حتى ماجبرو ما يعملو بيها وشكون هادا كاع لي قادر على طموبيل بحال هادي من غيرهم وكن ما هما فهاد الطنجة موحال يدور تما داك لحديد.
تنهدات ومشات ركبات حداه بالتاويل حسات براسها راكبة فمركبة فضائية الركبة فيها كتخلع هزات ليها القلب حتى بقات كتقول واش انا قد هادشي ولا لا .. واش بصح قادرة على هادشي لي راني ماشا فيه ولا كثرة الثقة فالنفس عامياني. واش بصح غنعرف ليه ولا غير كنكدب على راسي.. هادا مادام دخل هاد الوحشة لطنجة يعلم الله اش عندو وفين واصل وقد ما كثرات الفلوس كتكثر الخطورة وكيكثر حتى بنادم وكيثرو المشاكيل وحياة هادا يعلم الله شكون مجموع فيها وفين واصل بدماغو و جرأتو وزعماتو وزيد عليها مدوز الحبس من لفوق.
ركب حداها زاد فعفعها جا مع ديك الطموبيل وجات معاه الركبة وشافت فيه بنص عين تخلعات وقالت لالالالا هادا بزاااف .. بزاااف عليا كثير وغادي يمحي ليا تيقتي فراسي وشحال قدي نخبي ونستر قدام هاد المسخوط هادا كنشوف فيه كنتفعفع كنحس براسي والو ويعلم الله كي كنبان ليه وواش قدرت بعدا نوصل ليه الصورة لي بغيت عليا كما يجب ولا غلطت فشي حاجة .
كانت حدها شوكر دادي كترتاح معاهم حتى لقات راسها مع ياسين وماشي كما كانت متوقعة .. كانت كتبان ليها راوية ختو عادية نفس المستوى هي وياها واخا عندهم فيلا زوينة لاكن ماشي لدرجة نيفو لي شافت فياسين،، عمرها تخيلات توصل للبينتلي واخا عارفة البزناسة لكبار كيجيبو شي حديد كيخلع كيركبو فيه غير شي يامات وكيبيعو مكيطولش بزاف عندهم ومضروبين على بي ام والاودي والمرسيديس هادو هما لي كيطولو معاهم بزاف اما داكشي لوكس كيحيدو منو الشهوة و صافي كيبيعو ويدوزو شي يامات ويعاودو يجيبو لجديد وهي غادا.
تنفسات بعمق وسكتات قطعات لحس وتبتات كتفكر وتشوف قدامها ودايرة الاسقاط عليه حاضية معاه اش كيدير ..جوج تيليفونات فيدو كبار كينقزو حداه مكيسكتوش واحد رمادي فاتح محيد ليه الصوت فمرة والفيبرور حاطو حداه كيبان غير الضو كيشعل ولمكالمة دايزة ماطفاش وهوا مرة يشوف فيه مرة مايديهاش فيه والميساجات على الجهد ، والثاني كحل كيصوني حتى هوا ومهتم لامره كيشوف فيه كل شوية ومرة يرد مرة ميردش وهي غادا ، السيد مشارجي بزااف صعيب تشد بلاصتك فدماغو بلا متشطنو عليك شي حاجة اخرى او تلهيه..وغالبا داك تيليفون لي قاطع فيه الحس نمرتو ديال تفليا والبنات داكشي علاش ماكيرتاحش .. اما الثاني لي فيدو فغالبا للناس المهمة لي والخدمة والعائلة وفاش كيصوني كيشوف شكون وصوتو مسموع، بغات تعرف اشمن لائحة كلاصاها حتى هي باش تعرفو كيفاش كيشوف فيها وكيفاش واخدها وجبدات تيليفون صونات عليه فنمرتو ورادة بالها كتسنا اشمن تيليفون غيصوني فيهم .. لقات الخط المشغول وشكات..هوا مكيهضرش اصلا وتيليفون لكحل ساكت دابا لاكن داك الرمادي مكيرتاحش ، بغات تتأكد وخلاتو حتى تكتم الضو فيه وصونات مع بدا كيطوط فودنها على انه كيصوني شعل تيليفون رمادي عرفات شنو كاين .. ماداهاش فيه ماشافش جيهتو اصلل مولف بقوة تسرسير داكشي علاش زامتو ، قطعات وعرفات راسها مكلاصية حتى هي بحالها بحال غيرها ومدام داك تيليفون بالضبط لي مكيسكتش هوا لي صونا ونمرتو هي لي عطاها فراه هي نفس النمرة كيتعامل بيها مع هادي وهاديك ولخرى وكاع لي عندو فحياتو ماعاطيهمش اهمية وغالبا البنات حيت حتى هي بنت بحالهم ماخرجاتش من الجماعة ومكيردش كاع يمكن حسب ديك لامبالات لي شافت ،، حتا كيبغي يعيط هوا عاد كيهزو.
ايوا على هاد الحساب هااداك تيليفون لكحل ونمرتو هوا لي غيبين ليها واش هي مهمة ومكالامتها مهمين ورسائلها حتى هما او زايدة ناقصة، هاداك تيليفون هوا لي غيبين ليها واش نجحات ولا فشلات .. واش قدرات عليه ولا مزاال خصها مجهود .. واش وصلات ليه ولالا.. واخا يخبي حتى يعيا هاداك تيليفون هوا لي غيبين ليها شنو كاين وشنو خصها دير وفين خصها تزيد
هاد خيينا خصو بلان ، لخروج ودخول وهاد تخربيق راه يديرو مع اي وحدة وجدا ممل .. ومغتكونش هي الطبيبة الوحيدة فحياتو غالبا دوز بزااف وحتى هما غيكونو عندهم نفس الاهداف ويقدرو يكونو طاحو فيه ومصورو والو ، هادا خصو شي طريقة من غير المؤلوف . بقات كتخمم وتفكر وهوا غادي والموسيقى سبليونية
ذكرى : نمشيو شي موطع ميكونشي مؤلوف ولا فيه الصدع والزديح ماخصنيشي هاد الجو دابا صافي
ياسين : مافيك لي ينشط
ذكرى : لا ماشي وقتها انا كيخصني نرتاح وسط الاسبوع وكنعس بكري شوية .. حسن يكون موطع هادىء
سكت وكمل طريقو وهي عارفة طنجة قنت بقنت .. وقف قدام واحد لوتيل ونزلات معاه داخلو للمطعم انفاردو بعيد على الناس ..كانت فالمطمع فرقة اسبانية وراقصة منشطين الجو تقابلو مع المنصة فالضلام والشموع شاعلة وجلسو واخا داك الجو ديال الحيبان والناس الرمنسية لاكن حتى لي فيه جوع بغا غير ياكل ممكن يدوز بديك الرقصة الغجرية مافيها باس.
طلب لعشا وهي تراجعات ويدها على معدتها مبسمة مابغاتش تطلب ومافيها لي يرد المعروف ويقبل على شي طلبات مور داك العشا وهي فغنى عنهم وتصدق خاسرة معاه لا هي شاداه ولا هي مزيانة مع ختو .
ذكرى : انا منقدرشي على العشا صراحة فهاد الساعة… براكة عليا ديسير غييير خفيف بلا سكر
ياسين : تعشاااي ليوم وغدا كمل على ريجيم ديااك
ذكرى : حطات يدها على يدو) لالا والله ماخصني اياسين منقدرشي. .. مامسانساشيي(مامتعوداش)
تنهد وسكت وحطو ليها ديسير خفيف وتجنبات المشروب نهائيا واخا بدات كترعد على روج ماكرهاتش شي كاس لاكن ضسارة مغتسلكهاش وغتفتح ليه باب الزعامة وصعيب تردعو ، وحتى داك ديسير كلات منو معلقة ادات الواجب وتكات اللور جامعة راسها غير عينيها لي كيضحكو معاه ومبينة ليه انها مرتاحة
ذكرى : قولي فوياخ غتجي لكلينيك حيت انا غنسافر
ياسين: طيح عينيه كيشوف فيها ) غتسافري فاين غتسافر؟
ذكرى : عندي فوغماسيو فدبي
كتهضر وضحيكة مطلوقة والنعومة فتعابير وجهها بشوشة كتحاول متبينش ليه المعقول المفرط باش ميملش
ياسين: كتسافر على براا؟؟
ذكرى : اول فوغماسيو عندي ان شاء الله يقدر نمشي للسيمانة الماجية
ياسين: وشحال غتجلس تما؟
ذكرى : هزات كتفها) ماشي بزااف… سيمانة ونرجع
ياسين: مزيان.
كانت كتحاول تبين ليه ان خدمتها هي اللولة فحياتها مامركزاش على شيحاجة اخرى باش ميجرهاش لشي حوايج يدخلوها في حيرة كيفاش دير تفك راسها
ذكرى : (شافت الساعة) تسعود هادي… واقيلا خصنا نمشيو
ياسين: عييتي؟؟ ها لاوتيل ها حنا فيه ادا بغيتي ترتاحي
ذكرى : عندي با عيان كيضرب لابرة قبل مينعس انا كيخصني نعملها ليه.
ياسين: نتي ديما هايدا مشغولة مكترتاحشي؟
ذكرى: كنرتاااح… كنعمل ال،ياضة فلاصال .. كنخرج مع صحاباتي.. كنعمل بزاف دلحاجات مزيونين
ياسين: عندك صحاباتك وماشي صوحابك
ذكرى : عندييي صوحابي بلحق كنتلاقاهم هايدا فكلينيك وصافي .. صوحابي دالخدمة .. مكيكونيشي حتى هما مساليين كيعملو شغالهم فوقت الفراغ ،،، الخيدمة ديالنا صعيييبة ماشي ساهلة ومكيخصناشي نغيبو على لكلينيك
ياسين : بمزحة ) اجي نعمل انا وياك مشروع
هزات حاجبها تبسمات : ان شاء الله
هاد النقطة لي كانت كتحوم عليها وتتسناها تجي من عندو .. الى كان ياغي يطمعها ويتبتها بالفلوس فراه نجحات فاستدراجه
ياسين: شنو ضهر لك نعملو كلينيك؟
ذكرى : الله يسخر
ياسين: كنهضر معاك بصح
ذكرى : حتى انا كنهضر معاك بصح… (هزات كتفها) علاش ماتستتمرش فلكلينيكة ولا عيادة مشروع مربح بزااف.. بلا جراحات غير تجميل خارجي.. خرج شوية على المؤلوف
ياسين: تقابليه نتي؟
ذكرى : ندير مجهود ديالي ههه
خدات الامر على انه مزحة فقط واخا فقرارة نفسها عارفة كيتفلا حتى هوا وكتحاول تحول ديك تفلية لحقيقة وبينات ليه انها حتى هي كتمزح
ذكرى : انا تعاااطلت خليييت المفيييد ونسيت راسي
ياسين: الهضرة لي دوزنا ماشي مفيدة
ذكرى : كتهز الصاك) هضرنا وناقشنا وصافي كيبقاتعاويد.. مزيان الانسان يناقش ويتأمل تقدر توقع وتتطبق علاش لا.. انا دابا خصني نمشي اياسين .. ماسخييييتشي الصراحة الجلسة معاك مزيييونة (حطات يدها على فمها تفوهات) ههه بديت نتفوه شفتي ههه الساعة ديالي وصلات
وصلها حدا طموبيلتها ماطلب منها لا طلب لا والو وكانت كتحاول دير مافجهدها تبان بنت الناس وبنت العائلة المحافضة لي تخليه يحتارمها، بحال ياسين عندهم البنت المحترمة المحافضة هي لي مكتربش مكتخرج مع هادا وهادا ومربية ومأدبة ومكتعطيش قزيتها صافي والى كانت البنت فيها هاد المواصفات فراه بنت الناس وبنت الاصول والاصل والمفصل وشي حاجة عندها قيمة، بقوة ما كيعرفو البنات و كيلعبو فيهم كيف بغاو رجعو كيشوفو هاديك لي محافضة على راسها هي التاج وكيحتارموها مع ذالك ، نفس الشيء وقع مع ياسين ونجحات ذكرى فرسم الصورة المثالية ديال البنت المربية لمخلقة لي لازمة حدودها وكتخدم على راسها وماطا طامعة فحتى واحد وداخلة سوق راسها حتى الماكلة ماكلاتهاش ما غرضها لا فخروج ولا ماكلة ولا حتى حاجة حتى اسلوبها فالتواصل نضيف مافيهاش تحلوين وتقزقيز ..كتبان صافية ونضيفة وزوينة الجلسة معاها مريحة ماهي من لمعقدين ما هي من الضاسرين عكس لي كيعرف .. الزين والفورمة كاينة ولا تقحبين لاصيانات وتعواج والاسلوب زنقاوي باينين من طيارة ومكيخفيوش هادشي بل كيتعاندو شكون تاخد شرف اكبر باطرونة واعرة وكجيب ليهاا الله بداكشي راه غتصيد شي واحد ولايتزوج بيها. وهوا فلحقيقة كيتهافتو عليها على داك الشعاع لي طالقة وغرضهم واحد واخا يشري ليها ويتهلا فيها ويعطيها لي بغات لاكن كلشي بالمقابل وفين مكانت سعادتهم وضحكتهم راه كيحطو الفلوس وهما ناشطين ضاحكين .. لاكن يستحيل شيواحد فيهم يتزوج بيها ويديرها فالدار وهما سبحان الله الزواج عندهم هوا ام اللولاد .. قبل ميجيبهم كيقلب على تليق بيهم وتربيهم اما الزهو راه مكيخطاهمش كيبقاو غاديين كينوعو وكلشي تفلية ولعب فالاخير.
ذكرى : سلمات عليه) تهلا فراسك اياسين وعنداك تسنا مادوز نلعيادة
ياسين: دابا ندوز دابا ندوز
حرك ليها راسو بالايجاب وركبات مشات بحالها وركب حتى هوا ومشا يسهر مع صحابو والق٠٠ ضايرين بيهم كل وحدة باغا طيح واحد وكل وحدة بحال العودة ونقيات فالمضهر والروايح يا سلام شهوة منهم ، الزعرات على الجهد والكارو كيتشاير عاجبهم الحال والشراب والضحك .
كان ياسين كيعرف قشلة دالبنات بلا عدد حتى كينسا واش كيعرفهم ومعندوش شي وحدة محددة يبقا عاقل عليهم ، لاكن هما كيجيب ليهم الله راه قصر معشي وحدة فيهم وبات معاها صافي راه تصاحبو كما وقع لنورة مزالة كتسنى يحدد ليها نوع العلاقة ديالو معاها.
ديك الليلة كان مقصر وكانت معاه بنت كتفتن كلشي فيها كيجدب ، حلوة وكتحمق وزايدة بالمكياج والشعور زعرة ولاطاي واللباس والروايح رطبة بحال لكريمة عجباتو وشد معاها لحديث شوية وناض شد فيدها مشا هوا وياها للدار وطاحو فالفراش مكاين غير عطيه..لا هي لا هوا حتى واحد ماقصر وكانت مجهدااا لاصيانة ماخلات ليه ميقول ومكاينش عييت وحشومة لدرجة مابقاش مرتاح فالواقي ونصلو من شدة ماعجباتو وبردات ليه لغدايد ونقية بزاف زعم وضرب اللحم فاللحم حتى صبح الحال وضوات الشمس وتهلا فالزعرة مزياان وعقل عليها وعلى تمرتها وقيدها عندو بالسمية وعلمها باش يعقل ومشات بحالها ورجع نعس رتاح مزيان حتى للضهر وناض يدوش
مع النوضة حس براسو ماشي هوا هاداك .. دار يدو على حجرو فيه الحكة والبيضات كيضروه ومتقلين عليه وهبط راسو يشوف مالولقا لمعلم كيسل بالماء ولخناين والدم تابعو
تخلع ووقف ليه القلب فالركابي جاتو الصهدة ديال السخانة وضربو العروق فراسو مشا كيجري للدوش طلق الما سخون بدا كيغسل ويرش عليه حجرو عاطيه لألم ولحكة فالقضيب والسيلان وعاد لانتفاخ قال صافي مشا هادشي . تزاد معاه الزايد كان غيسكت ليه القلب رجع كيطلب الله ميكونش شي مرض خبيث يتفك من ديك الموصيية لي سلاطت عليه ..هادشي عمرو شافو ولا عرفو تخلع منو وهوا عمرو فحياتو تخلع بحال ديك الخلعة واخا ماخلا ما دوز .. ماخلوع بوليس البلاد ولا بوليس اوروبا ولا المافيات ولا لحباسات ولا لفرادا ولا جناوا قد ما خلعاتو الكارثة لي صابتو فالجهاز تناسلي ديالو.
هز تيليفون دغيا عيط لعبد لحق لي كان بمثابة الاب ديالو كيعاونو وواقف معاه فكلشي وهوا ركيزة لي كيتكا عليها ياسين وهوا السند الرسمي ديالو
ياسين : كيلبس حوايجو على عجلة) عبد الحق .. فاين تينا فاين؟
عبد الحق من صوت ياسين تخلع كان فالطموبيل سايق رد عليه مخلوع
عبد الحق: شعاااندك اياسين شعاااندك مالك شني واقع
ياسين: ماعرفتشي شنو واقع فقت جبرت الحجر ديالي منفوخ اصاحبي وروينة بالدم وكيعطيني الصدع
عبد الحق: عملتي شي حاجة ولا؟؟
ياسين: مهم … لخبار فراسك
عبد الحق: مشي نطبيب داغياااا…داااابا مشي نطبيب ماتزيدشي تستنى ..الله يستر الله يستر …مشي داغيا داغيا
جهلات فيه الحكة تقول فيه الدود بغا يموت وشعلات فيه العافية ما وصل للطييب حتى تقادا صبرو ، دوز و دار ودازت عليه فديك تدويزة بسبب الانبوب لي دخل ليه الطبيب من لقضيب بحال السلك كمدها ولقا عندو ميكروب وخصو ليه الصبر والدوا هادا الحل ديالو .. صبر على ديك الحالة ومشا طالع ليه الصهد وطلعات ليه السخانة وكلشي مجموع عليه ساخط وكمل عليه تيليفون لي كل شوية يشعل مكيسكتش شدو من وسط الطموبيل وهوا غادي كيطير وطموبيل وسط الشارع كتنقز قفز شحال من واحد قاطع وشبع فيه دعاوي ..هز داك تيليفون وهوا غادي وسط طنجة وشير بيه من السرجم ضربو مع الارض حتى تفركع بقا بنادم واقف غير متبع ليه العين ، بغا يموت وعرق وصل للفرماسيان حط ديك الورقة وساكت كيخزر فالبنات وحتى هما ساكتين كيقراو الورقة ويشوف فيه بنص عين دغيا سرباوه عطاوه الدواء وخرج زربان مشا للدار سبق بالدوا هوا الاول شرب لي كيتشرب وغسل بلي خصو يغسل ومشا مهلوك بالسخانة تجبد ماباغي يهضر مع حد ولايشوف كمارة شي حد
كمدها والدوا خدم فيه نوض فيه العافية فكرشو وشدو واحد الوجع حتى قال الموت هادي… ماقدر يطلع النفس ولا يهبط النفس زير على اعصابو ومشا للطواليط كيزحم ويتعصر وجنايو كيتقطعو من لداخل حتى بدا كيشوف الطروفة ديال الدم نازلين ملاسقين ولخيوط كيهيطو والبولة مكدوز حتى كيتعصر بالصوت والصورة ويخرجو ليه العروق .. دخلاتو الموت وقال صافي هادي وتوبة غير ينقز هاد المحنة ويخرج من داك العداب وعمرو مزال يطوف بجهة لقحاب .
ولاكن هايهاات، غير اجي وبرا … عاد مزال جهاد عليه الحال فنصاص الليل منعسش وكرشو كتقطع بحال واكل السم وزاد طلعات ليه السخانة حتى نهشات ليه العضام مابقاش قادر يتكا وعضامو طايبين والدمايات كتفرفر والالم رهيب .. شاف الويل لكحل ومشا فنص ليل للكلينيك فحالة طارئة والضبابة على عينيه ماعندوش النضر فشي مخلوق. صابر ومتحمل ومكمدها لداخل وعينيه داخلين ومع ذلك كيحاول يوق مقاد .. ساقو ليه خوتو لخبار ومشا عبد الحق كيجري عندو يشوف مالو فلكلينيك لقاه مع الطبيب لداخل فالفحص وسوء الحظ الميكروب طلع ليه للكلاوي ووراه ليه الطبيب فالشاشة واضح عبارة عن بقع كبيرة منتشرة فلكلاوي وشي مناطق فالبطن والميكروب كيتحرك ويمشي من بلاصة لبلاصة كل مرة فين يشدو لحريق.
اضطر ينعس عندهم وكان اختيارو اما هما عطاوه حقن خصو يضربهم لاكن فضل يبقا تما يقابلوه ويبقا حداهم خوفا من شي تدهور ، خدا بيت تكا فيه شارب مسكن ووجهه صفر كينهج ويدو على جبهتو ساد عينيه وعبد الحق ساخط كيمشي ويجي حداه وينفخ بحال الجاموس
كان لي فيه كافيه بلا ميكمل عليه عبد الحق .دابا يا ربي يخرج منها سالم هادا هوا المهم ، عمرو عرف الالتهاب ولا الحكة ولا لميكروب حتى لهادي ، دقة عمرو ينساها والالم الفضيع لي عاش عمرو يتمحا ليه من البال،، رجع كيشرب الدوا ويتضوا بالدوا ويضرب ليباري وحدة صباح وحدة بليل والمسكنات باش مايحسش بالالم والسخانة كطحن ويعطيها فالدوايات اسبوع على قدو حتى كمل الابر ديالو وخفافت السخانة شوية مابقاتش مطيبة ليه عضامو والحريق مشا والبولة تسرحات مابقاتش كدوز بالدم عاد خرج مهلوك مدكدك داه عبد الحق للدار ومشا دوش ورتاح وجلس سخفان وراسو تقيل مع عبد الحق فالصالون
عبد الحق: على سلامة ديالك.. نقزتيها
ياسين: يخزر ساهي ) قلت صافي مشيييت
عبد الحق: المهم نقزيتها .. سيمانة دالمحنة خرجات طريفة… نوض جوج اصاحبي عطا الله البنات ددار،، ها نتينا دابا مرضتي ماجبرتي شكون يعطيك دشرب ،، خصك دزوج وتهنا فالراس ديالك خييير لك
ماهضر ياسين ما نطق ..مال على جنبو تكا ساد عينيه وهز رجلو كيتسنط لعضامو ..اماعبدالحق خلاه يرتاح ومشا يشوف شغلو وبقا ياسين فالدار شحال كيدور داكشي لي وقع ليه فراسو مامصدقش نجا منها..حسب داكشي لي عاش قال مع راسو صافي راني كنحط اعضائي . لاكن لحمد لله تفك وصفى الجهاز التناسلي ديالو وكمل على الدواء خمسطاش ليوم حتى برا مزيان ورجع وقف على رجليه وحل عينيه ومشا للدوش وقف بتقاشر بيضين وزن راسو فالميزات لقا راسو طيح ستة كيلو .. حرك راسو بالايجاب وقال مع راسو ماشي مشكل… غير رجع صحتو ورجع كي كان هاداك هوا الفضل اما الوزن لي خسر دابا يرجع .
خشا رجلو فسبرديلتو ونزل ركب سيارتو الموف الفخمة مشا رجع للكلينيك يتأكد من علاجو ، الخوف على راسو خلاه يدير شحال من تحليلة وفحص ورجع كيشك فجنابو ماتهنى حتى تأكد مزيان من تحاليل وعرف راسو برا مابقا عندو لا ميكروب لا والو عاد رجع يستأنف حياتو لاكن بطريقة اخرى .. الثقة نعادمات فمرة واخا تبان ليه البنت نابت فيها الورد مايتيقهاش.. كاع لي كتخرج تسهر وتشرب وماشي بنت مافيها تيقة وعدوى متنقلة .
شهر داز داك الشهر عليه وعلر نفسيتو حتى هي ..رجع كيشوف البنات كيعيف .. حقد عليهم وفين ما دوز حداه شي وحدة كدور عينيها وتعوج وتشوف فيه كيخزر فيها ويقلب وجهه حتى بدا فاتح كيضحك وهما داخلين للشكولاطي
فاتح : تأزمتي اصاحبي ههه مزااالك مأثر
ياسين : بنفور) رجعت كنشوف البنت كنشم ريحة دالخنز متبغااتشي تمشي لي من نيفي…تفووو اصاحبي
فاتح: انا بيدي تخلعت كماكانشي شي مرض عندو الدوا يالاه؟؟
ياسين: درو وجهه هاز يدو) غااسكت متفكرينيشي ابااااا على موصيباااا.. بالدرااااع اخاي بففف
مشا جلس على الكنبة جبد كارو لاحو فمو ومدور وجهه .. وما مدش يدو يسلم حتى على البنت لي شافتهم جالسين ومشات تسلم عليهم. ماحملشي يشوف فيها واخا كيعرفها بقا قالب وجهه ساخط حتى صدرها فاتح وجلسو غير بجوج كيتسنطو لعضامهم ويتجمعو وحتى الموضوع دالمرض بكثرة ما تكهم منو مابقاش قادر يجبدو ويسمع عليه شي حاجة ، سكن دماغو بواحد الجوان وناض شد الطريق للبلاد عند لأمين يشوف اش واقع تما وينسا الموضوع شوية .. نزل من واحد لبي ايم كحلة قدام الدار لابس بروطكان بسيور دجلد والريح .. داير عليه فيست فوق تيشورط ودجين مشا كيدور السوارت دايز على الارض لي كانت هكتارات كتمتد على طول الطريق لي جا منها … العشبة نابتة على الطريق والواحة خضرا كلها بالكيف كتنتج اطنان وديما خداميين ديما الكوري عامر… كانت عندهم بلاصة واسعة كبيرة بحال لكوري عامرة خناشي دالعشبة وقوة الميكات وطباسل دلقزدير فالابيض والدراري خدامين كيضربو فيها بالزراوط ويصفيو ولغبابر طالعة .
قرب من المنتوج لي كان عبارة عن غبرة محطوطة فالطباسل لي مغربلة بالضرب وعقد حواجبو كمش واحد القبصة دلغبرا حطها فيدو وشعل فيها العافية بالبريكة كيشوف المنتوج كي خارج .. الى بدات كتغلي بحال الى كتقلا فالزيت فراه المنتوج هوا هاداك .. والى كحالت وتحرقات ما غلات فراه فالصو الطلعات .
صدق المنتوج مزيان ووقف كيهضر مع الدراري ويكمش واحد القبصة فيدو ويعاودو جمعها مزيان حتى حس بيها تزيتات ولاحها فالطبسيل ومشا خرج كينفض يديه تلاقا مع الامين بواحد القشابة جبلية كيلوح رجل هنا ورجل لهيه بسبرديلة
ياسين: الشغل غادي مزيان … طلعات مخييرة على داك العام
غير شافو الامين دار يديه وراه هز راسو وكان مبلوووز وااحد الجبلي مسالي راسو ماكيهمو حد بدا كيضحك وقال بالجبلية وصوتو مبحوح ضعيف
لأمين: ااامشيثي يا ودي يا روبيو هههخخخ ماعملثي عواول (اطفال) ما عملثي وااالو كا قدك مطااهر فديك طنجة من جدددر
ياسين: قلب وجهه) مشي يا لأمين خليني نوقرك … ماضحكشي معايا فهاد الق٠٠٠ ..
داز الامين قدامو كيكركر: وراهم لق٠٠٠ي نييث … حاول حاول عليهم باقي دحتاجهم
ماداهاش فيه ياسين خلاه ومشا تحت واحد الشجرة جلس وشعل واحد الجوان مقابل مع الكيف كيكمي ويتمنضر .. كانت دارهم تما معزولة على الدوار مكيشوف حد وماباغي يشوف حد واخا العائلة تما مشتتة لاكن ما طل على حتى واحد .. تركن تحت ديك الشجرة جالس على حجرة كيدور كيدي فعينيه ويجيب حتى طاحت ليه ذكرى فالراس..هاديك بعدا نقية وطبيبة جامعة راسها ديال الجلسة .. لاكن سرعان ما تفكر بلي نمرتها مشات مع داك تيليفون لي لاح وبدا ينفخ ويسوط .
دوزها بنثرة وناض طلق رجليه فديك الطبيعة والليل كيطيح وختمها فعشا مع الامين دبحو واحد العتروس وعلقوه مع الشجرة وسلخوه هوا وياه جلسو هما والخدامة لي عندهم قدام واحد الكانون على كيسان دتاي بالنعناع والقطبان دالشوا كيتجمعو وختموها لامين بواحد طجين نصب ليه وحطو فوق الفاخر حداهم طاب على خاطرو تعشاو بيه وكل واحد فين مشا ينعس..كان هوا ولأمين مكتلاقاوش ومكيتفهاموش..واحد بلدي ولاخر رومي غير كيسلكو مع بعضياتهم وصافي .
صبح ياسين قدام تفريشة تحت الشجرة والطبلة والفطور بلدي لامين كان حادك بحال المرى والدار عندو فيها كلشي تقول عندو المرى فالدار. بياسين وبلا بيه هوا مفطح تما فالجبل كيحط الطبلة شهوة منها بالزيتون والزين والعسل والزبدة والجبن والخبز ولقهوى وياكل ويتكا يدوز بجوان والحياة السعيدة .. الطموبيلات والديور والمدينة عندو غا اشاعة .. كيشوف راسو هوا لي عايش فخوتو كاملين والفلوس مدكسة على الجهد لاكن هوا كيعرف غير كرشو ودماغو .. كل مرة شنو دابح والزرود على الجهد وديما فيدو واحد الناي كطوط فيه بالجبلية ومرة مرة ينش بيه على الناموس.. رجع ديك الدار شهوة منها مصبوغة بالابيض وشيبي ولارض المحيطة بيها بحال الجنةبالغرس والورد والنقا والدروج فبلاصة الحدورة ولكرمة دلكرموس والعنب على جنابو الحياة الوردية..دوز معاه ياسين داك الصباح ومن بعد شد الطريق رجع بحالو لطنجة هاز معاه شي طريفات يدوز بيهم الوقت على بيدمن يكملو الشغل والسلعة اللي كتوجد غتصدر على برا لاروبا وباينة لخدمة جايا فالطريق.. غير يكمل لامين خدمتو غتبدا خدمة خوتو .
ديك اليوماين لي دوز عند الامين نفعاتو ورتاح فيها وكان عارف راسو الى بغا يرد صحتو يطلع غير سيمانة عند الامين للجبل يرجع بحال لغول .
وصل طنجة مشا للدار نيشان دوش وبدل ولبس حوايجو وتريح وخرج كيشعل نزل للباركينغ فلاكاف هز البينتلي طلع فيها وخرج كيشوف الساعة فيدو مشا لكلينيك الفرودس مباشرة
كانت خدامة ماسالياش والبافيط على نيفها والقفازات والطبلية حتى دخلات عندها ممرضة طلات عليها وقالت
الممرضة: دوكتوغ ذكرى.. شي واحد كيسقسي عليك
ذكرى : هزات راسها ) شكون؟
الممرضة : قالي اسمو ياسين
حلات عينيها وتلفات مابقاتش عرفات تكمل وناضت خرجات كتزرب يالاه غضرب الدورة لقاتو واقف كيسرح عينيه فلكلينيك ورجعات لور دغيا كترمش وتهدا حتى تهدنات وخممات وقالت
ذكرى : ماقلتي لوشي شنو كنعمل؟
الممرضة: لا
ذكرى: صافي .. مشي قولو راه فغرفة العمليات واحد ساعتاين عندهم عملية.. هي غتسالي تتصال بيك
مشات الممرضة وصلات ليه لخبار وذكرى كطل مخبية تمات راجعة عندها
الممرضة: قالي غيتسناك فطموبير برا
ذكرى : قولو واخا صافي
بقات حاضياه حتى خرج ورجعات كتجري كانت لابسة كولون وحداء رياضي وشعرها مجموع عشوائي مشات عند المريضة ديالها كملات ليها دغيا ونصلات القفازات من يدها لاحتهم بسرعة ناضت كتجري حطات طابلية وخرجات من باب من الجهة لاخرى تعرضات لطاكسي بسرعة مشات للدار ودخلات كتجري تشوف فالساعة ، ساعة وحدة خصها تسالي فيها كلشي ونص ساعة ترجع فيها يالاه تلحق مع الطريق عامرة. طلعات نيشات لاحت الصاك ودخلات كتنصل حوايجها دوشات وغسلات شعرها وخرجات فبينوار ابيض كتشوف الساعة وتزرب نشفات شعرها ولاحت الحوايج فوق نموسية وبدات تتعطر عاد لبسات وتقادات وبقا ليها المكياج مشات كتصاوبو فالطريق وهي لور فطاكسي حتى وصلات جات مع الوقت هوا هاداك ودخلات مع الباب لي خرجات منو لاكن مادخلاتش للكلينيك ضارت غير مع الجناب حتى للباب لكبير كتنفض شعرها للجنب وخرجات كتقلب جات معاه نيشان حتى هوا مانعرف فين كان وقف قدام الباب وتبسمات ليه وهي لابسة كسيوة موردة بسميطات بحال لاميرة مع شعرها المطلوق طبيعي حتى للخصر ولعوينات عسلية كيبريو وسنينات بيضين والنعومة وصويك صغيور فيدها كانت غتوقف لاكن شار ليهابراسو والنضاضر على عينيه باش طلع ومشات طلعات حداه مبسمة مدات يديها
ذكرى: تسنيتي بزاف ههه
ياسين: لا.. مشييت وعاودت رجعت
ذكرى: يالاه دخل عند طبيب يشوفك.. ندخلو؟
ياسين: لا ماخصنيش … ماعنديشي لكانة
ذكرى: نتينا فالباب دابا غير دخل
ياسين: حتى لمرة اخرى… يالاه نمشيو نجلسو فشي موطااع.(مد ليها تيليفون لكحل وهوا سايق) عاود قيد لي النمرة ديالك
شدات تيليفون متفاجأة كاتوقعاتش تترسم بهاد السرعة هادي، قيدات ليه النمرة وتيقات راسها دارت بلاصتها لاكن تقلات وترزنات ، مشات معاه لمقهى من غير المقهى لي كيجلس فيها جلسو كيتجمعو والهضرة كدور غير على التجميل والفورغماسيو الوهمية لي دارت فدبي وكتبين ليه انها ماعندهاش وقت للتفلية ومركزة مع خدمتها و حياتها
ياسين: كترهق راسك بزااف
ذكرى : خدمتي كتعجبني ، كنرتاح فيها، (بنص عين) احمم.. ياسين،، دابا ثاني مرة كنخرجو وانا ماسنانساشي نخرج مع الرجال .. عاد نتينا خاها دصاحيبتي وضاح ليا شنو خصك بالضبط حيت ماجاتشي نبقاو كنخرجو هايدا .. اشمن علاقة جامعانا؟ (بتبسيمة ) انا راه عندي الشغل ديالي وعندي غييير نيشان
سرحات يديها كتبسم كتهضر وحشمانة .. شاف فيها بنص عين طلع وهبط وقال
ياسين : باش نعرفك انا عندك غيير نيشان.
ذكرى : ساقصي ختك تقولك .. سقصي الناس لي معايا فكلينيك ..جيران .. اي واحيد كيعرفني واش عمرو شافني فشي موطاع ولا مع شي واحيد .. هادشي علاش قلت لك شنو بايناتنا حيت يقدر شي واحيد كيعرفني يشوفني يقول عليا شي حاجة
ياسين : امم.. دابا نتينا خايفة على صمعة ديالك
ذكرى : ايوا شنو .. انا مكنبغيشي هاد الخرجات فحال هايدا وعاد عندك المرا ديالك من لفوق مانرضاهاشي نراسي
ياسين : شكون قالك عندي المرى،؟ لمرى طلقت لها شحاال هادي.
ذكرى : باهتمام) طلقتي؟؟ انا سمعت هضرا اااخرا!!
ياسين : هز حاجبو ) شنو سمعتي؟
ذكرى : سمعت مشات هربات مع شي واحيد؟!
ياسين: ببرودة ) بصح
الهضرة جات فضروف جد مناسبة ، قدر يركز معاها ويفكر فشنو كتفكر حتى هي وبدا يطلع ويهبط فيها كيفكر فالموضوع وهي لي شافها يقول البرائة شخصيا
ذكرى: سمح لي غادي ندخل شوية.. كيفاش زعما هربات؟؟ واش بصح بصح؟؟
ياسين: هربات كي كيهربو كاع الناس .. بنت السوق ماشي ديال لحلال وماشي ديال الدار.. مشات للبلاصة لي تليق عليها
ذكرى : كترمش) امم… ايوا ودابا شعنقولك اياسين(تنهدات) انا منقدرشي نبقا نخرج معاك هايداك… شي مرة يتقدم لي شي واحد نقوليه انا عندي غير نيشان كي قلتليك ونكدب عليه فاللخر يكتاشفني غير كدابة . انا كلشي الا الصمعة ديالي نتحرق عليها..حيت ماعندها حتى معنى اصلا نتلاقاو شنو الغرض والهدف (هزات كتافها) ندوزو الوقت؟؟ حتى الوقت لي يدوز مكاينشي
قرب تكا على ركابيه شاف فيها : من للخر دابا باش منبقاوشي كنرونو .. نتينا بعاااقلك وانا ماعنديشي لخاطر نطيبك وطيبني .. انا صااافي طلقت وخصني المرى دالمعقول … كنتي معقولة مرحبا ماكنتيشي معقولة الله يعاون مانزيد معاك متزيد معايا
ذكرى: دوراتها كتشتت النضر فصمت تسمع وهزات كتفها وقالت
ذكرى : ايوا الله يجيبنا فالصواب، حتى انا خصني الراجل دالمعقوول ..ديال الدار (شافت بنص عين) ديال مراااتو
ياسين: وانا خصني المراا ديال رااجلهااا.. هاداك اللعب (حرك يدو) ديال السباحة حواجز غيجيب غييير المشاكيل… انا كنقولها ونعاودها .. المرا دياال راجلها
ذكرى : انا دراااسي ومكنعملشي هايدا وهايدا عسااك مزوجة
ياسين: حرك راسو: عملوووها وكانو بنات الناس مكيعرفوشي تيليفون .. من الجبل وتحلو ليهم العينين ونقزو سينكو
ذكرى: ايوا لحمد لله لي ماشي كلشي بحال بحال كاقدنا كاملين هازين المرض .. الحمد لله .. الواحيد حتى ويدا مخافشي الله يخاف على راسو من الامراض.. كاشفتي شحال دناس مراض ونسبة الامراض لخطيرة فاين واصلة مدقدرشي حتى تسلم بيدك .. حاشاك واحيد راه مرض فالجهاز ديالو ماجبرو مايعملو لو ناض فيه شي عجب صدق مستأصل كوولشي .
لاحتها ليه باش يخاف شوية يبعد من البنات لاكن مافراسهاش راه جابتها ليه فالمرمى نيشان كمدات ليه وقال باستفسار
ياسين: الله يسترنا
ذكرى : الله يستر كاين امراض كتكون في سبات معيييييق مكتبانشي حتى كتعشش مزيان مزيان مكيجبرو ما يعاجلو فيه
ياسين: كيشوف فيها مخلوع) الله يحفظ … الله كيحفظ
ذكرى: دابا خاص اي واحيد بغا يتزوج خصو يعمل فحوصات باش يرتاااح ويعرف معامن كيتزوج
ياسين : عندك الحق .. هي نتينا غتعمل فحوصات ؟
ذكرى: انا اصلا عزبة مناين غيجيني هاد المرض الله يحفظ
ياسين : واخا هايداك عملووم.
ذكرى: علاش؟
ياسين : ادا عينك فالمعقول … نعملوهم انا وياك فاين كاين المشكل
ذكرى : صافي نعملوهم من لخير .. لواحد يرتاح (شافت فيه بنص عين) نمشي انا وياك شنو قلتي
ياسين: صافي.. نعملو شي ساعة ونمشيو
خاف على راسو كتر منها .. من كثرة ما دوز العجب عارف ماشي العذرية لي كتحكم على الطهارة والشرف وعطا الله الطرق ومايدار ، واخا تيق خمسين فالمية من كلامها لاكن الحدث دالمرض مزال جديد مخليه يشك فراسو وفالعالم كله ، سكتو شوية وعرفاتو نوا المعقول ولاكن مزال متقدرش تيق ويقدر يتقلب فأي لحضة ولا يكون غير كيهضر مسايرها .. لاكن لاهم من هادشي انه صدق برائتها بنسبة كبيرة وهادا هوا كلشي
الايام غتبين ليها واش معقول ولا ماشي معقول . داز حوارهم ديك سويعة وناض ردها لطموبيلتها لي خلات فلكلينيك وجات تسلم عليه باليد لاكن جرها سلم عليها بالوجه عاد نزلات مشات كتزرب ركبات فالطموبيل شدات الطريق وشافتو وراها تابعها بديك البينتلي بقات مستغربة حتى قربات للدار وكان مزال تابعها عرفاتو بغا يعرف فين ساكنة ، يعني بصح ناوي المعقول وباغي يعرف كلشي عليها وبيمن غيتزوج واخا هاد التزويجة مكانتش على البال لاكن بحال ذكرى والصورة لي عاطية على راسها راه فرصة لا تعوض، قلال البنات فهاد الوقت لي تلقاها عايشة فالمدينة وبداك الزين والمكانة الاجتماعية ومتكونش ضاسرة وماعندها خوف من حتى حاجة وعايشة كي بغات ومنفاتحة على كلشي واكيد ومؤكد كيجيوها عروض مغرية لي يخليوها تتحرر كليا ودير لي عجبها . وياسين مطحححن فهادشي دا وجاب ومن الشوفة كيطيرها فالسما وواخا هاكاك كيقول ماعارف والو والبنات خطار تعيا تخضي فاللخر تلقا راسك وسط الغيس ونتا فرحان وخير دليل الزعرة لي عماتو حتى تحرر من القيود فاللخر كلا دقة عمرها طيح ليه على البال ولا كان متوقع تجيه من بنت بحال هاديك. لي شاف لحوايج ماركة واليدين والرجلين كيشعلو والخلخال دالذهب والبيوضة واللحم كيشعل والمهبل كيضوي يقول هنا نبات .. ساعا العتمة لي ورا القضبان ريحتها زفرة وقناتها خانزين. ولاكن غاااالية بتعليمة ودرس خلاه عمرو يتيق فالمضهر والروايح .. وكاع لي متقوبات ما فجد بابابهم ثقة واخا يكونو كيبولو هواي
قلب الطريق مباشرة فاش شافها دخلات بحالها وعرفها فين ساكنة ورجع بحالو للقهوى للكرسي لي كيجلس عليه ديما فواحد القنت وجبد تيليفون متكي بيديه على ركابيه كيصوني ويطفي الكارو رد بداك الصوت غليض مع بحة المالبورو
ياسين: الو معزوز… لاباس الحمد لله كي كي بقات يماك
معزوز: نجحاتلا العملية الله يكثر خيرك ويخلف عليك
ياسين: عندا شكون ماقبها؟
معزوز: جيبتها نعندي عند المرى تقابلها
ياسين: وادوز عندي لشكولاطي بغيتك دوز انا كنتسناك
معزوز: واخا هاني ماجي دابا
قطع وجلس كيشوف فتيليفون ومرة مرة يهضر معشي واحد حتى دخل معزوز كان قصير وغليض مكربز وكرشو مدلية وحناكو غلاض كتر من الأمين مشا سلم عليه وجلس معاه سولو ياسين على احوالو عاد دخل فالموضوع
ياسين: عتمشي لدريسية عسس على واحد البنت شوف شنو كتعمل
معزوز: بالايجاب) فاين فدريسية؟
ياسين: انا نصرد لك العنوان دابا فالولتساب .. لوكاليزيتها باش متلفشي فالتقلاب
كيهضر ويشوف فتيليفون متقل بالجوانات
ياسين: وصلاتك… فاش تشوفها صورها لي نقول لك واش هي ولاماشي هي
معزوز: ماعندكشي تصويرة؟؟
ياسين: ماعنديشي تصويرتها نتينا شوف لي خرجات مع باب داك الدار لي صردتلك وصورها تقول شنو كاين… عسس عليها مزيااااان سمعتي شنو كنقول؟
معزوز: بالنهار ولا بالليل؟
ياسين: غتعسس عليها بالنهار وبالليل فاين ما خطات ولا خلفات تبعها .. مزال عندك الموطور،
معزوز: اه باقي هوا فاين جيت
ياسين: مزيان.. مهم عينك عليها ومخصهاشي تشوفك عنداك
معزوز: كون هاني شعندا متشوف .. تهنا
ياسين: مهم نتينا رد البال وصافي ماخصهاشي تمنع ليك وصافي
معزوز: لاء غير تهنا صافي
جبد ياسين بزطامو البني حلو كانت فيه فلوس مستفة قليلة عطاه منها وقال
ياسين: باش تقضي حاجة دابا وصافي
معزوز: لاء صافي ماشي مشكل
روتين عند ذكرى كيتكرر وفنفس الوقت كانت حاطة فراسها بلي هي حاليا دخلات فعلاقة جدية مع ياسين واي غلط دارتو غادي يكلفها خسارة ، واخا مكانتش عارفة بلي تابعها وحاضيها لاكن كان عندها احساس وماشي بعيد يبغي يعرف عليها كلشي وكلشي تتوقعو منو هادشي الى كان بصح باغي يتزوج وكيهضر من نيتو ، حتى فالواقع ديالها مكانتش خلاطة وماشي من النوع لي كينقز من هادا لهادا فنفس الوقت.. غير كطيح على شي هوتة كتشد فيها حتى تسالي وتنتاقل لوحدة نضرا لضيق الوقت والخدمة لي شاغلاها.
جمعات وطوات ودارت احتياطها ورجعات من الخدمة للدار والى خرجات كتخرج مع البنات ساعة ولا ساعتاين وترجع بحالها حاضية جنابها ورادة بالها من الساعة لي تبعها فيها وجات عينها فيه نيشان وشاف فيها كأنه كيقول ليها راني عرفتك دابا وعيني عليك.
تكمشات وتركنات وحتى هيا كانو عندها جوج نوامر وجوج تيليفونات واحد دالخدمة والكليان واحد ديال تلفية والنشاط . حطات تيليفونها الثاني عطلة حتى تشوف اخرتها مع ياسين فين غتخرج
الشمس واخا تشوي فالشمال حتى تعيا مكتفوتش 37 ومع ذلك مكيقدوش على صهدها .
لويكاند الراحة ولاكن ذكرى نشيطة مكتجلسش فالدار ومولفة الحركة ومتولة لدرجة كبيرة ونقية مابحالها حد فالنقى ، شابهة فمها وواخا كبرات فحي شعبي ماخرجاتش مصوفجة ورباتها مها احسن تربية وكانت الصديقة الوحيدة ليها واكثر شخص قريب ليها ، كل سبت الصباح كتفيق بكري باش تكسب الوقت ومتعودة على لفياق الصباح بحكم العمل فكتنوض تبدا بحوايج الصابون هما اللولين كديرهم فالماكينة وتهز حوايجها وتمشي لحمام سبا فصالون قريب ليهم كتحمم وتنشف الشعر وتصبغ دفيراتها ولا دير ليهم جيل حسب الضروف وهاد المرة مادارت والو كانت يالاه مصاوبتهم باسبوع هما ورجليها وكانت متبعة حصص الليزر عندهم فلكلينيك فكتافات بشعرها نشفاتو ورجعات بحالها متعطلاتش لقات راسها جابت التسعود ونص نيشان ومشات نشرات حوايجها فوق واحد السلك حدا بيتها فالسطح وطرقاتو بالسوارت وخرجات تشوف ديك الطموبيل لي كل مرة مريضة ضاراها شي قنت باش تجي مع الغدا نيشان عند مها بحال العادة، داكشي اللي دارت لبسات واحد الدجين فضفاض مع حداء رياضي وتيشورط بيضا وهزات صاك صغير خفيف ودات الطموبيل للكراج خلاتها تما وشدات طاكسي لدار مها مباشرة لعمارة كبيرة نقية وجديدة صونات فالباب وضرباتها ريحة الطياب وتبسمات . فتحات ليها لبنى الباب استقبلاتها ببيجامة نقية متولة كانت مرى طويلة تبارك الله ورقيوقة وزوينة كتهضر ب A حتى من عيالات قاع الخابية ماباينش عليها كاع والدة ذكرى كتبان بحال ختها بحكم ذكرى مكانتش ضعيفة كتموت كانت صحيحة.
لبنى : جلس دخوول انا قلت مغتجيشي
ذكرى: لاااء قلت لك عنجي غير وصلت طموبيل نميكانيك
لبنى: شني عنداا خسرات ؟
ذكرى: ول نتينا عاارفة المشاكيل ددطموبير مكيساليوشي… (دورات عينيها) بواحدك؟؟
لبنى: اه بواحدي سمير فالشغل عندو بزاف دلخيدمة قالي مغنجيشي
ذكرى: مافتحتيشي مكتبة ليوم ؟
لبنى: مافتحتاشي قلت حتى نعشية ونفتح
ذكرى: كتتأمل فيها) رجعو لاك عاود دوك لخطوط دتخنزير بداو يضهرو
لبنى: بعفوية) اه اه كنت عنقولك تعاودم لي
ذكرى: خصو يدوب عااد تعاود،، غدا اجي عندي نعدلك وجهك
لبنى: ان شاء الله … وجلس جلس رتاح انا نحط الغدا
ذكرى: ناضت تبعاتها) علاش اتحط هنا صافي نتغداو تما فلكوزينة الطبلة كبيرة
مشات معاها للمطبخ وحطو الغدا كانت لبنى موجدة الحوت انواع اشكال جلسو كيتغداو وذكرى كتعاود ليها على لكوارث لي كيوقعو فالدار
ذكرى: ماعرفتشي شني باغي يخدم مافهمتشي
لبنى: عايط لي قالي مامّا عطيني قلت لو ماعندي منعطيك العاطي الله
ذكرى: دابا هوا عندو تمنية وعشرين شني بااقي باغي يبقا جالس ميخدمشي؟؟؟ كل مرة يعطيه شي واحد ميقلبشي على راسو ؟؟
لبنى: باباك عيط نسمير قالو سلفلي .. قلت لو متسلفوشي مغيردلكشي ومشا سلفو
ذكرى: خرجات عينيها وشدات حنكها مصدومة ) اواااعدي ياانااا!!!! (بفشل) واااالو معندووووشي لكمااارة علاش يحشم… كيتبوهل كيبين الضرافة زعما؟؟ عوومري شوفت شي راجل عيط لراجلها دمراتو قالو سلفني….(تنهدات) عمو سمير غير حشم منو وصافي
لبنى: انا بيدي حشمت … ماجبرت فاين نعمل وجهي والله لعضيم
ذكرى: شحال سلفلو؟؟ انا نعطيك ردهوم لو بلحق قولو ميقول والو صافي حيت لاقالها لبا غيولف غيرجع يسلف ويقول رااه ذكرى تردلو.. (باستغراب) انا مافهمتشي واش كيجيب لهم الله انا بنكة؟؟ واقيلا كيسمعو الطبيبة كيجيب لهم الله كنبيط لفلوس هه … الطبيبة زعما غير غتتخرج غتجبر الفيلا والطموبير دتمانين مليون فالباب كتستناها.. مافخبارهمشي شحال من طبيب مقاتل مع الزمان ومجلي فسبيطارات دلحومة ماعندوشي حتى طموبيل .
لبنى: لااء صافي صافي هوا قالي سلفت لو غير هاد المرة وصافي.. مابغاشي يقولي شحال سلفلو وانا مازيرتشي عليه يقولي
تنهدات ذكرى ووقفات ليها النعمة بقات ساكتة حتى بدلو الموضوع وتنهدات قائلة
ذكرى: احمم.. مامّاا … كنعرف واحيد واقيلا غيجي يخطبني
لبنى: ضحكو عينيها) دبصح!!! شكون؟
ذكرى: هزات حجبانها) بزناسسس
لبنى: فدهشة) بزناس!!! وعنداك يضحك عليك
ذكرى: لااء ماعندو مايضحك… هوا قالك ناوي المعقول
لبنى: بزناس بزناس ولا غييرر
ذكرى: ضخمات تعابير وجهها) بزناس بزنااااس امامّااا.. بَّزناسا لكبااار د طنجة ماشي قضيان حاجة
لبنى: بخوف) واعندو يكون شي ولد احرام
ذكرى : كنعرف ختو .. مربيين ماشي ولاد السوق
لبنى: احيااني كااين شي بزناس ماشي ولد السوق
ذكرى : لااالا ماشي مريييض بالبلية نتينا عاارفة بزناسا لكبار كيف كيكونو عاملين..الشقا والنقا … اصلا باقي صغير ماواصلشي ثلاتين
لبنى: بحماس) وفوياخ قالك عيجي؟
ذكرى: فتيسير د الله (مسحات يديها) بعدا فاميلا ديالهم كنعرفها ناس فالمستوى ماشي مهيييمجييين داك الشغل دسوااق.. يماه فسبانيا وختاه حتى هي وختاه الثانية صاحيبتي قرات معايا عندا فرماسيان كيف عاااملة هنايا فطنجة وعاد تزوجت مسكينة بلحق ماتت مراتو دباها نهار الحينة وكاع داكشي لي وجدو عملو بيه كنازة.. قالك حتى يفوت شوية الوقت على الموت عاد تعاود تعمل عرس واحيد اخر
لبنى: تبارك الله .. عااندوم الفلوس
ذكرى: ماشي غير لفلوس اماما هي ديك القهوى دشكولاطي معروووفة ديالهم … وعاد عندوك 2 الباركو (اليخت) واحيد هنا فطنجة وياخور فتيطوان والفيلا على بحر فتيطوان جلسنا فيها شحال من مرا غااالية.. وزييد وزييد (ضرباتها ليدها) ااه نسيت.. هادا لي ماجي يخطبني عندو البينتلي .. (دورات راسها) عرفتي شنو هي البينتلي واقيلا وحدة لي هنا فطنجة.
لبنى: مزياان.. مرحبااا بيه
ذكرى: اييوا… راه بزناس كبير اماما ماجبر فاين يعملهم … اللهم فيا يانا يبيط (يبيض) على طهري وانا نستافد بعدا.. وباقي صغييير انا قارية عليه ماعندو ما يضحك عليا نطحك على عشرة بحالو
ذكرى: ماتخافشي عليا… انا عارفة شنو كنعمل(تيليفون كيصوني) هاهوا كيعيط (فتحات الخط وكبرات الصوت) الو …
ياسين: الو ذكرى… فاين نتينا .. فالدار؟
ذكرى: انا عند مامّا .. فالدار ديالها
ياسين: مافهمتشي؟؟
ذكرى: مامّا وبا مفارقين مامّا ساكنة مع الراجل ديالا فجيراري
ياسين: نتينا دابا فجيراري؟
ذكرى: اه مع ماما تهضر معاها؟؟ ندوزا لك
ياسين: دوز لي يماك
مدات تيليفون لمها غمزاتها وشداتو لبنى ردت عليه قائلة
لبنى: سلام عليكم
ياسين: عليكم سلام..لاباس كلشي مزيان؟
لبنى: الحمد لله نتينا لاباس عائلة ديالك لاباس خوتك وخ اتك
ياسين : الحمد لله .. قالت لي ذكرى مع ماماها وبغيت نتأك
سمح لي
لبنى: مكاين حتى مشكل ..
ذكرى: بصوت خافت) قولو قالت لي ماجي تخطبها
لبنى: دنيا هانيااا عاد قالت عيجي يخطبني ولاهيلا.. عاد فتحت معايا الموضوع
ياسين: ان شاء الله .. وا تهلا فراسك بسلامة
لبنى: بسلامة الله يعاون (قطعات) اواعدي صوتو ديال اربعين سنة (عضلت شنايفها) كيتأكد من لهضرة لي قلتي لو
ذكرى: صغرات عينها) وباش عرفني فالدار ولا ماشي فالدار كيسول في انا تقول شي واحيد قالو راه خرجات من الدار، عامل عليا العسا ولد لحرام
لبنى. باينة … انا خلعني ..كيفاش كيهضر
ذكرى: انا بقيت كنأكد ليه على المعقول … ودابا كيختابرني .. مانعرف الاختبار لماجي كيفاش عيكون عامل
لبنى: وا رووود البال… اذا كنتي كتهضر مع شي واحيد
ذكرى: هييه لاصافي داكشي لبقا ههه .. باش يقول ليا تيارك الله على بنت الناس قهرتيني بالعفة
لبنى: انا نوصيك مطولشي معاه
ذكرى: معنطولشي انا كنت عنقولو يالاه نهار تنين نعملو تحاليل شبرت رونديفو باش يدوز قدامي
لبنى: تحاليل ديالاش؟
ذكرى: ديال الامراض الخبيثة تافقنا نعملوهم… هوا يرتاح وانا بيدي نرتاح كنت واقفة عليهم نييت … (كتشعل صبعانها)هاااايدا هايدا هيييدا لبنات عليه تقول قارون
لبنى: صبعها على حنكنها) اواااعدي على تحاليل حماقتي؟!!! لالالا الزواج خصو يكون مبني على تيقة
ذكرى: اشمن تيقة فبزناسة اماما بعقلك حتى نتينا!! هوا بيدو خايف على راسو تقول مكيمشيشي مع لقحاب جا حتى ليلي يانا عاد السيد خاف على راسو واخا قلت لو انا فيييغج وعمري عملت هايدا وهايدا السيد منكري غير بوااحدو
لبنى: ولاكن توصل الدرجة للتحاليل بزااف
ذكرى: توصل فاين بغات … حنا ماشيين حتى نشوفو هاد الزواج فاين عيصفي .. انا اصلا خصني نعرف بلي السيد سليييم … كاشوفتي تيليفون عندو كيف كينقز هااايدا بالبنات كعملتي بناقص. وغير لقيحبة على ختها ادا ماكانوشي فيهم شي مرض فاين عيكون ومناين كيجيو هاد الامراض على هاد الحساب.. وهما السبب فانتقال العدوى(هزات يدها) خليني اماما من لخير.. يعمل التحاليل نقراهم بعيني مانغامرشي هايداك بالصحة ديالي ..يعجبو الحال ولا ميعجبوشي حقي.. كيف هوا سقصاني واش عزبة باغي العزبة يشالي ويعالي بيها حتى انا من حقي نعرفو واش صحيح ماعندو والو
عشية كانت زوينة بحاال كاع لعشيات لي كدوز مع مها من وراها رجعات بحالها كان عندها بزاف مايدار، اما حتى ياسين من بعد ما وضاحت الفكرة وبانت ليه الطريق معاها معاها عرف راسو غيتزوج بيها خلا ليها العسة ومابقاش كيعيط ليها ..تقول مل منها قبل حتى ميتزوج بيها ، ماعندوش داك الحماس لقوي ولكبير ليها وبالنسبة ليه هوا زوجة مناسبة ومثالية ليه كونها طبيبة وراقية ومربية ومؤدبة ولحدالساعة هي حسن من كاع ليعرف وبحال نوعها ماشي ديماتلاقا بيهم ، نتا وزهرك والزهر كيجي مرة فشحال .. المهم عندو هوا المرى تكون مزيانة وواعية وبعقلها ورزينها اما مرتو اللولة تزوجها عن حب وكانت صغيرة وجابها من الجبل كتفرفر ونص عقل عاش معاها الحرب وكانت سادجة وكتقول فاهمة وقافزو وبسهولة انجرفت حتى طاحت فالخطأ اللذي لايغتفر. هاد المرة ياسين نوا يتزوج بعقلو ماشي بقلبو واخا مكانش معول او ناوي قبل ميتعرف على ذكرى ويبدل فكرتو . عس عليها حتى عيا ومالقا والو والبنت عادية كتمشي تخدم وترجع والويكاند كتشوف مها وهي غادية حتى قطع لياس وتلاقا معاها اخر لقاء قبل لخطوبة ومشات عندو تلاقاها حتى بانت ليه نازلة من طاكسي ومشات بكامل اناقتها لابسة غوب بيضا طويلة بالصدايف من الصدر بلاكمام والشعر مجموع والحلاقات دالوردة فالابيض وصاك كحل سلمات عليه فمقهى فيها جردة جلسات
ياسين: ماقلتيليشي ماجيا فطاكسي فاين طموبيل ديالك؟
ذكرى: الطموبيل خسرات لي
ياسين: من داك النهار
ذكرى: مرضتني صافي خليتها حتى يجي الشاري نبيعها .. شحال قدني نصلح ونقابل عييت الطاكسي رحمة
ياسين: وعلاش ماعلمتينيشي نجي نهزك ؟
ذكرى: غير ماجاتشي فكلام وصافي
ياسين: تنهد) مابقاتشي غتنوض؟؟
ذكرى: خليتها فكراج قلت لو اذا جا الشاري عيط لي وصافي
ياسين: جبد تيليفون كيقلب فيه) علمتي باك على لخطوبة ولا مزال؟
ذكرى: ايوا حتى تقولي النهار حيت الخطوبةغنعملها عند حبيبو فالدار ديالو
ياسين: مزال كيشوف فتيليفون) علاش مالها داركم؟؟
ذكرى: ابا ومامّا مطلقين هي معتجيشي عندو ندار هي والراجل ديالها وهوا معيمشيشي عندها وانا خصني يحضرو بجوج والدار دحبيبو انسب مكان
ياسين: ربط اتصال) فاين اا آميكًو (صاديقي)
معزوز : فالقهوى جاليس وصافي قولي
ياسين: مشي جيب طموبير من لكراج عتجرب لعساس تما عندو سوارت دميرسيدس
ياسين: شكون هي فيهم؟
ياسين: هوا عيوريها لك غير مشي عندو وجيبها لي انا فأشقار عنصرد لك الموطع ديالي فالواتساب
جالسة وكتسمع ومتبتة حتى كمل وقالت: مايحتاجي اياسين انا بيدي خصني نرتاح شوية من الاعصاب د طريق… جبرت راحتي فالطاكسي
ياسين: كيشوف قدامو ) اامشي قالاك جبرت راحتي فالطاكسي.. نتينا لابسة هاديا وماجا فطاكسي مع واحيد ماعرفنا عينو قدامو ولا فضهرو
سكتات وتبسمات هزات كاسها دالعصير ورجهات لور تكات دايرة رجل على رجل شاداه فيدها ساكتة وهوا شاد تيليفون حتى نطقات وقالت
ذكرى: شنو ضهر لك نمشيو نعملو تحاليل غدا شبرت الموعد
ياسين: ماتبقاشي تعمل شي حاجة منك راسك حتى تشاورني
ذكرى: نتينا قلتي عنعملو التحاليل!!!
ياسين: بلحق مقلتشي شبر الموعد
ذكرى: جبدات تيليفون بالنفخة )صافي نعيط ليهم يمسحو الموعد
ياسين: قلب عينيه جيهتها) صااافي… قلت ليك غير المرة الماجيا ماتبقاشي دير لي فراااسك
حطات تيليفون فالجنب وربعات يديها ساكتة ماعاوداتش هضرات وحتى هوا ساكت حتى وصل معزوز وناض ياسين وقف
ياسين: انا جاي ..بقا موطعك
تبعات ليه العين وهوا خارج وعوجات وجهها كتردد
ذكرى: كمااارة …
قلبات عينيها قدامها حتى رجع وجلس كيسوط وحط ليها سوارت الطموبيل فوق الطبلة وقال
ياسين: ها الطموبير… كتعرف تسوق لأطوماتيك؟
ذكرى : تبسمات) كنت سقت شي مرة الطموبير اطوماتيك دلكرا.. عنحاول
ياسين: واغير حاول بشوية باقا جديدة … عاد خارجة من الدار
سكتات وبقات كتشوف فالسوارت بنص عين.. تكدب الى قالت ماعجبهاش الحال او مافرحاتش.. ماشي ديالها لاكن حسن بعدا من ديالها والمهم هوا تركب فيها وحتى هي عندها شي اعداء وشي محاسيد ماكرهاتش تحرقهم وطرطق ليهم المرارة .
جلسو شوية وجاو نايضين عاد تلفت وقاليها
ياسين: هضر مع باباك قولو الجمعة ان شاء الله عنجيو
ذكرى: شكون عيجي معاك؟
ياسين: عتجي مامَّا وراوية وخاي عبد الحق وطارق
ذكرى: خرجات عينيها) طارق داك خاك لكبير(دارت يدها على فمها) ومالو خلعك ؟
ذكرى : ديك المرة خدا عليا نضرةخايبة
ياسين: كيشالي بيدو) خدا عليك نضرة خايبة عيطبع ليك الفيزة ؟؟ هوا فراسو عنخطب وبداكشي لي وقع بينك وبينو عرف شكون وانا فكرتو
ذكرى: مقال والو؟؟
ياسين: واش كيخلعك طارق ولا مالك
ذكرى: لااااء غير قلت وصافي
ياسين: واقول لباك وليماك الجمعة عنجي
ذكرى: ان شاء الله
هزات صاكها مشات كتمشى بشوية عليها قدامو بالتقالة والتاويل حتى خرجو شار بالسوارت فيدو حتى شعلات قدامها واحد الوحشة كحلة كتشعل تشوفيها وجهك من شدة سوادها البراق وديك العلامة دمرسيديس لاسقة فالفم كتلمع وعالية كتخلع واخا تخدم حتى تعيا الى مادارتش كريدي الحياة تبقا تخلص فيها حتى تموت ماتحلمش بيها. اخا كانت عايشة الغنى فدماغها وماحساش بالزلط على الاقل فاش جاتها ديك الطموبيل حسات براسها وكأنها عادية تقول كانت كتسوقها من قبل وخشبعانة .
مد ليها سوارت مشات حلات الباب ويا سلام عليها وهي كطلع فيها، عاد اكتملات الصورة وجلسات كتشوف فيها ويدها على صدرها مضهشرة وياسين جالس حداها كيوريها تايق فيها غتسوق عادي ، حلات عينيها مركزة معاه فهمات مزيان شنو غدير وسلم عليها بوجهه نزل رجع اللور كيشوف فيها ويشوف الروايض كلشي باقي جديد . هزات راسها كطل قدامها وتشوف وبدات تتحرك بشوية مخرجة الطيارة للشارع وعينيها قدامها فيها الخلعة خلاتو وراهاكيشوف فيها حتى بعدات وقلب وجهه مشا لطموبيلتو، شدات الطريق فرحانة كتشوف حلم من احلامها خيال من خيالاتها تحقق وكتعيشو فالواقع وهي غادية بشوية وكدور بشوية كتحاول تطلق يدها وتولف عليهاوتشد العبار وكتبعد على الزحام واخا جاتهاساهلة مريحة تقول كتمشي بوحدها احسن بكثير من طموبيلتها ..مشات مع طريق خاوية كطلق يديهاوتولف وبقات كدور حتى حسات براسها بدات تندامج معاها وتحيد الخلعة عاد ضحكات وقالت مع راسها ..ايوا دابا عاااد نقول طبيبة وتجي معايا
دخلات الوحشة للحومة والجيران مخرجين عينيهم .. ها ذكرى خرجات طموبيل جديدة ها ذكرى بانو عليها الفلوس وخرجات جارتهم واحد شويرفة كتبارك ليها وذكرى واخداها على قد عقلها، حطاتها قدام باب دارهم فالدرب نقي كيشعل ونزلات بشوية عليها فرحانة بيها طلعات لدارهم لقات مقلوبة .. باها واحد المقربل واخا الفراش جديد كتبان حالتها .. طاحو كتافها ماقدراتش على ديك تمارة والمنضر وعيطات للمرى تجمع ديك الروينة ومشات هي جلسات حطات البيسي ديالها كتقرا حتى سمعات الباب تحل بالجهد وحلات عينيها وطلات من بلاصتها عليه شافتو هايج كيجري فالدار ويقلب بحال الحمق مافهمات وقالت
ذكرى : شني واااقع؟؟ مااالك ؟؟ شنو كاين
سعيد : الورقة ديالي لعيبت بيها فاااااين هياااا خاليتها هنايا . فاين مشات فاااين عملتوها
ذكرى: اشمن ورقة ماشفناشي الورقا
سعيد: شد راسو كينقز) الورقةحمراااااا هااااايدا بحال هادي فاين طاااارت عمرتها ونزلتها هنايااااا
سعيد لي شافو بديك الخفة والجهد وهوا غير هيكل عضمي مدعوق ووجهه داخل طايك بالكيف وسنانو شادين بلايصهم غا بلخلعة .. رقيوق ومتوسط الطول ضربة وحدة يلقا راسو فالبرزخ .. كان قليييول وصبعانو طوال رقاق وغامق لونهم بالبلية لاكن حاجة وحدة لي كانت زوينة فيه هي النقا،، كيدوش ديماوحوايجو نقيين ومرتبين كيلبس على قد جهدو واخا شي مرات كيلبس من السلك قوامج مكمشين لاكن على الاقل مكيعيفوش الواحد واخا شر البلية ما يهني.
بقا كيطير وينزل حتى لقا الورقة وخرج مشا خلاهاكتنفخ شدات راسهارجعات لقرايتها .
تنضفات الدار ووجدات ذكرى واحد التحلية وكان عندها مع الطياب كتموت على الطبخ والشهيوات والحلويات وكل ويكاند كدير شي تحلية وتخليها فالثلاجة ياكلو منها .ديك العشية صايبات كيك ريد فيلفيت وحطات حداها طرف تاكل منو وتعقل عليه حتى تم باها داخل عاوتاني مكمش سيفتو كيسول
سعيد: ديالمن ديك ميرسيدسا لي قدام الباب ماعرفتيشي شكون وقف في فم الباب؟
ذكرى: انا جيبتا كريتا من كراج دخاها دصاحيبتي راوية
سعيد: رخف كمارتو) نتينا جيبتيها؟؟ شحال خرجتيها؟؟؟(خرج عينيه)
ذكرى: المعلقة فمها) ماخلصتاشي خلاتها لي حيت طموبير ديالي عند ميكانيكو
بقا ساكت تلف وخرج هبط مشا للطموبيل كيدور بيهاويشوف فيها وطلع كيجري وينقز جوج بجوج دخل عليها زربان مطول يدو
سعيد: ارا ارا مفاتح عندي السخرة خصني نجيبها ارا دغيا غيسد الحانوت خليت عندو سخرة
ذكرى: شنييي؟؟؟ فاين عتيمشي؟؟ منقدرشي نتيها لك(نعطيها لك) انا نزلت الشيك بالثمن عاديك جيبتا باقا دوبلفي
سعيد: معنتعطلشي عنرجع دغيااا غير ارا مفاتح
ذكرى: تشووو انا نعيط نحمادي(ميكانيك) يعطيك طموبير ديالي لي عندو تسخر بيها
سعيد : هز يدو كيشالي)انا عاااد عنهود عند حمادي الحانوت عيسد بناقص
لاح يدو وراه خرج خلاها بوحدها فالدار تعشات وتكات كتراجع حتى داتها عينها قدام البيسي بالعيا ماحساتش ب باها فاش دخل للدار ولقاها ناعسة مشا كيتسلت ويقلب ليها فالصاك على سوارت ولقا الفلوس خدا منهم باش متعيقش بلي هزهم ليها وخرج مع الباب خلاها ناعسة حتى صبح الحال وناضت وجدات راسهاولبسات وتقادات وهزات صاك جديد خوات فيها اغراض الصاك لقديم ونزلات مع الدروج بسروال دجينز وتيشورط فرحانة غتمشي للخدمة بطموبيل جديدة ..يالاه حلات الباب فداك الصباح خرجات عينيها كانت غتشهق الشهقة الاخيرة وشدات فالحيط ويدهاعلى قلبها قريب تغيب وجلسات فالارض كضرب فخادها وتشوف فالطموبيل مضروبة من واحد العين مضغوطة لداخل وزاجها مهرس ومجرحة ..بدات كتغوت وتبكي حتى تجمعو عليها الجيران فداك الصباح ونزل سعيد حفيان كيسول اش واقع لقاها مضروبة وضرب فخادو حتى هوا
سعيد: شني وقاااع شكون ضربهاااا
ذكرى: شادة راسها كتبكي) اواااعدي شني وقاااع ليييي اوااعدي شنو عنعماااال ياربيييييي
سعيد: مخرج عينيه) شكوووون شكووون شكووون عمل فيها هاد الحالة شكون
الجار: لقا البلا والباس الحمد لله ماتجيشي غير فالصحة
ذكرى : كتمشي وتجي وتبكي) جاااتني فالصحة هادا هوا البلا والباس بعينووو. واش ماسمعتوشي الصوووت؟؟ ماسمعتوشي الحس يا النااااس؟؟ تشووو الضربة كيف عاملة كيفاش كتتضرب ومنسمعوشي الصووت؟؟
الجارة: ماسمعنا وااالو يا ذكرى شهادة لله
ذكرى: شدات حنكها) اواعدي فاين كان مخبااع لي هادشيييي… شكون ضربهااا وفيواااخ وكيفاش ماسمعناشي الصوت
سعيد: شكون عيكوون ضربهااا شكون … انا بيدي ماسمعت والو نعييست باكري
ذكرى : كتقلب فتيليفون) عنعيط بوليسياااا .. ماعندي منعمل عنعيطلوم يشوفو شنو هادشي(كتمسح خدها)
سعيد: هبط لها يدها)بلاتي بلاتي نساقصيييو ونشوفو عاديك نعيطولوم
مشا زربان طالع ليه الدم كيقلب وغادي جاي مشغول تقول قاضي حاجة.. اما ذكرى هزاتتيليفون عيطات للبوليس حتى كملات هضرتهاوقطعات عاد رجع عندها كيشالي بيدو
سعيد: معامن هضرتي؟؟؟
ذكرى : بوليس ماجيين … خصهوم يجيو اباااا شنو عنقول نمولاها معيتيقشي بيا
سعيد سمع البوليس وتلف بدا يتمتم ويدخل ويخرج فالهضرة
سعيد: بلاااش بلااااش ااجي اجي نقولك اجي
جرها بعدها على جيران وخفض صوتو
سعيد : شنو عيعملو لك البوليس علاش تاصلتي بيهم
ذكرى: كيفاش علاااش؟ اناقلت لك خصني نبلغ ضاروري واش هادشي جاك عادي ؟ تفيق تجبر طموبير هايدا ومتبلغشي.؟
تفقصات وبدات كتصوني عاوتاني على ياسين وخايفة ومتوثرة حتى رد عليها
ذكرى: غاديا كتبعد ) ياسين لابااس؟
ياسين: لاباس اذكرى شعندك معيطة لي فهاد الساعة (8:00)
ذكرى: سمحلي وصافي ماشي نخاطري راني رجعت لبارح ونزلت طموبير بغرط الباب ديال الدار ديالنا وهاد الصباح فيقت نمشي نخيدمة جبرتها مضروبة ماعرفتشي شكون ضربها؟
ياسين: كيفاش ماعرفتيشي؟ ضربة خايبة؟
ذكرى: مهم ضربة .. انا عيطت بوليسيا يجيو حيت معرفتشي شكون ضربها؟
ياسين: سخط) عاوتاني كتعمل لي فراسك علاش ميعطتيليشي قبل متعيط بوليس واش عتحمقني ولااااا؟؟؟؟
قطع عليها طاع ليه الويل خلاها كتفتف عاد نتابهات تزاد معاها الزايد بدات كتفتف وباها قاطع الحس كيشوف ينص عين فيها .. قبل ما يوصلو لبوليس وصل معزوز كيجري خلعها خدا منها سوارت دا الطموبيل عيط ليها ياسين مكشكش
ياسين: سمع ادا جاو البوليس قولهم طموبير ديالك لي تضربات ديتيها ميكانيك ومشي داابا نداك كراج دنيكاميك فيقو ينزل وصيه قوليه ادا سولوك بوليس قولهم عاد جبتيها وانا غنصرد ليك واحد يقولهم انا ضربت طموبيل بليل ويخلص ليك الاصلاح فهمتي؟؟
ذكرى: واخا
ياسين: وانا من بعد نتفاهم معاك على هاد روينة
قطع عليها ومطاكنتش من لعاكزين حتى هي وصات باها يبقا تما واقف فاش يوصلو البوليس ويعطيهم السمية ديال طموبيل ديالها ميجبدش حس الميرسيديس،، مشات كتجري للباركينك هزات طموبيلتها لي محطوطة تما داتها بعداتها ونزلات جبدات واحد العصا ضرباتها حتى هرسات ليها الزاجة وزادت مع الطريق كتصوني على لكراج لي كيصلح ليها يحل وحطاتها عندو مضروبة عاودات ليه القصة بأنها بيتاتها قدام الدار وصبحات مضروبة..
فهاد الاثناء وصلو البوليس على خاطرهم لقاو غير سعيد واقف والدنيا خاوية داك الصباح كلشي دخل بحالو.. بداو يسولوه وهوا وجهه صفر كيعاود غير لهضرة ديال ذكرى حتى رجعات حطاتها الطاكسي قدامهم
ذكرى:سلام.. انا عيطت ليكم لاباس اسيدي
البوليسي: فاين الطمويير؟ علاش ديتيها؟؟
ذكرى: جبرت واحد الورقة مور ما عيطت ليكم فيها نيمرة وعيطت لمولاها قالي صافي ديها نكراج انا نتكلف بالاصلاح وهاهوا ماجي دااابة قالي انا عنجي .. حيت تعطلتو ماتجيو قلت صافي ملي قالي عيصلحها قلت نديها ونمشي نلخيدمة
البوليسي: واخا عطيني لوراق
جبدات الاوراق من الصاك كتعطيه ووراتو التصاور فتيليفون ديال طموبيل فلكراج مضروبة وفديك الاثناء وقفات حداهم طاكسي نزل منها راجل اربعيني لقا السلام
الراجل: سلام عليكم… انا لي قيست طموبير لبارح غير سمح لي اختي راه كحزت على القيطة خرجات لي فالطريق… انا دابا نخلص الحق غير سمح لي
ذكرى : نقيدو كووسطا
البوليسي: لاكارط ناسيونال اسيدي
مد ليه لاكارط وتافقو فالاخير يعطيها شي بركة باش تصلح بلاكوسطة بلا والو وعطاها الفلوس قدام البوليس وحتا هما جاتهم من الجنة والناس مافيهم لي يتجرجر فداك الصباح وفكو لحريرة وقال سعيد الحمد لله خرجت منها ،، لاكن تصرفاتو حفضاتهم ذكرى وعرفاتو هوا لي دار شرع يدو وخلات حتى مشاو البوليس وطلعو بحالهم عاد فاقت ليه
بالفقصة الغدايد واجهات باها وهوا كينكر لاكن ماصدقاتوش، قحمها فمشكل وخرج منفخ ناكر كلشي وخلاها كطلع فيها وتهبط حتى صونا تيليفون وقفزات لقات ياسين كيصوني وبدات تنهد كتستاعد للمعركة
ذكرى: بسياسة) الووو ياسين
ياسين: شبر طاكسي مشي لاميزو دمرسيديس يعطيوك طموبير تحرك بيها حتى يصلحو لاخرا .. ها الموطع فاين تمشي صردتو لك وانا فاش عنرجع من سبتة عاااد نتفاهم معاك جبرتيني مشغول
ذكرى : تنهدات) واخا
مزادش معاه الهضرة ودغيا قطع ومشات دارت داكشي لي قالها . وصلات للدار دالمرسيديس حشمانة وكتسول وينعتو ليها حتى لقات راسها فكراج كبير قد السخط مستفين فيه الطموبيلات نقيين وقدامهم المضروبين وناس تما غير شكون وشكون ، بقات كتمشي من واحد لواحد حتى تلاقات بللي غيسلم ليهاالسيارة خلاوها تختار بين جوج كانو محطوطين تما وختارت وحدة عاطية للعين عالية ومجبدة الداخل ديالها فبيسطاش كامل مشعشع وسلمها السوارت وقبل ما تخرج بغات تعرف الميزانية دالاصلاح شحال طاحت ساعة هي لي كانت غطيح تما فاش سمعات ربعطاش لمليون !!! اييه ربعطااش باش غيصلحوها تما والبياس غالي وغير العين لي مشات ليها غيركبوها جديدة بغسيل الفندق. دارت راسها ماسمعاتش وخرجات من تما راكبة فالطموبيل لي عطاوها لاكن مافرحاناش ومزال كيتسناها حساب مضخم مع ياسين سد ليها الشهية والنفس مشات للخدمة طايح عليها الضيم وكتبكي على فعايل باها وفين وصلوها .. وكان ممكن يطلع لياسين الدم يدير بناقص من شي زواج بيها وكانت متوقعاها لاكن لحسن الحظ حدرات الراس سكتات وبقات غير واخا واخا حتى فاتت العجاجة . دخلات للكلينيك طالع ليها الدم تلاقات مع المدير زاد غسلها وصبنها هي ساكتة كتقول ليه غير عملت كسيدة عملت كسيدة لاكن هوا كان شانت وفرحان بلكلينيك عاجبو دور المدير تما ومبنت تقول غير بنت ولابسة حوايج دراري.. مشات كينفخ ويهدد خلات هي للغرفة ديالها لبسات طبليتها وجلسات بكات حتى شبعات عاد بدات دوز المواعيد ديالها فصمت
تسنات ياسين يصوني لاكن ماصوناش وحتى هي مافيها لي يهضر معاه ويتلاقا بيه وتسمع شي هضرة تقلل من احترامها . بقات كتقول ياربي غير يبقا غابر حتى ينسا ليوقع ولا على الاقل تخرج الطموبيل من لاميزون باش كيبقاش حاطها فراسو وينساها.
خدات الدرس وتعلمات وهاد المرى وقفاتها فالباركينك بعيدة على الحي وخلصات عليها العساس يحضيها وطلعات للدار سخفانة لاكن لقات قرعة دشراب فوق الطبلة والكيسان والطفيات ديال سبسي والشقوفة وفشلات جلسات على السداري مهبطة راسها شاداه وريحة الخنز فالدار ماقدراتش تجلس تما حتى دقيقة ،، بقات كتشوف فداكشي فاللخر هزات صاكها وطلعات لبيتها فالسطح زدحات الباب وسمحات فكلشي لتحت بالفقصة .
لاكن مع الاسف الشديد يالاه بغات ترتاح سمعات الدقان فالباب وناضت كتسول شكون طلع خوها عاصم لي كيدق وحلات لباب لقاتو ساخط كينكر ومعصب
ذكرى: شني كاين؟؟ با مكينشي .
عاصم: لهلا فاين يكون انا خصني نتينا .. عطيني واحد خمسين ددرهم
ذكرى: ماعنديشي
عاصم : دار فيها شوفة غدر) ماعندكشي خمسين ددرهم ؟؟؟ غتعمل معايا لحسابات دابا
ذكرى: ماعنديشي
عاصم: اياااه!!! واااخا
هز يدو للسما بالاعصاب ضرب الباب وزادها ركلة حتى تهرسات
هادا حال عاصم وسببه الفشوش الزايد ومن نهار حل عينيه ومو مفششاه وكان لي بغاها يلقاها ، كيتكسا اكثر ما كتكسا ذكرى بأضعاف مضاعفة واخا بيناتهم غير عماين لاكن عقلو طايش وعايش واكل شارب مكسي وياربي غير مايجيبش ليهم شي منتف ، كبر منفخ وزادها بالبلية اللي ماعندو ليها دراع ولا جيب ، احيانا كيجي السبب من الواليدين من تربيتهم وكيساهمو فإفساد الابناء ديالهم .. وهادشي لي كتشوفو ذكرى وكتحملهم مسؤولية الادمان والتربية وزادت كملات فاش كبرات وانطفخ الكيل رجعات كتقولها ليهم فالوجه مباشرة .. عيات ماتغطي عليه وعلى زبايلو تستر خوفا من باها يمشي يقتلو وتوقع شي كارثة ، ياما هرس باب الدار وجابت لمعلم صلحو غير باش ميشوفوش باها وياما ضرب تلفازة وعتقات الموقف وتسترات عليه وياما كوارث عدة وقعات ماوصلاتش لباها حتى رجع كيبان قدام باه بريىء ومكيدير والو .. وحتى هاد المرة سدات ودنيها وخلاتو كيسب ويخسر الهضرة زنزل معصب كيتوعد ذكرى يحلف ويردد
عاصم: رجعتي كتعمل معايا لحسابات… واااخااا.. هانتينا عتشوف .. عتشوف التعامل كيف عامل من ليوووووم
. من ليوووم مكينشيي الرحمة نهائيا.
مشا مغدد حيت عارفها خدامة وعندها الفلوس ومابغاتش تعطيه وهادا حالو.. طول عمره جالس فالدار عمرو جرب الخدمة حتى ولف لعكز ومكيفكرش اصلا يخدم وينضابط وكلشي كيجيه صعيب وميقدرش يفيق بكري، مولف السهير حتى للربعة ولفياق حتى لجوج ومرتاح فحياتو ماعندو مشكل ما عندو نفس ولف يسمع الهضرة ويدوزها حتى مابقاش كيتأثر ، يجبد من مو شوية ومن ختو شوية ومن مرتو شوية هي غادية هادي هي خدمتو معول على مرتو فين ما تجلس من لخدمة يتسناها ترجع باش تصرف وكأنه واجب عليها لدرجة تقبلات الوضع رجع كيبان ليها عادي تهز المسؤولية وكتقدرش تعول عليه..
فقصها وخلاها جالسة شادة راسها وسادة عينيها شحال وتكات فوق ديك النموسية ، المكان الوحيد لي كترتاح فيه وتسد عليها وتتمرح فوق ديك النموسية لس شرات ليها كوفرلي فلكرونة رطب وسط النقا.. المكان الوحيد لي نقي فديك الدار كلها ومتنفس كتسد عليها فيه. تكات فكندورة مخططة طلعات ليها حتى بان السليب وشدات تيليفون كتتمنضر فالانستغرام طالعة هابطة حتى طاحت فصاحبتها فِداء ناشرة تصاور جداد فاليونان بلبسة مشبكة فالابيض والصدر عريان متكية فيخت ابيض مصورة ودايرة رجل على رجل وطالقة شعرها الاشقر وحداه كتف راجلها شادة فيه .. حتى هي قرات ولاكن ماوصلاتش للمستوى لي وصلات ليه ذكرى ودغيا تصادفات مع رجلها جاي عطلة للمغرب عايش فألمانيا وحتى هوا تاجر فالبيضا عندو لي يتحرق مايتم .. فايتها بعشر سنين لاكن مواتين .. كتبان قدو بحكم الفورمة وتجبيدة وحتى هي عاطية للعين . بقات ذكرى غير كتشوف فالتصاور وتتنهد كتقول مع راسها غيير فِداء اللي صدقات ليها .. هاهي فاليونان هاهي فالمالديف .. كتسافر خمسة ستة دالمرات فالعام مكتملش وكل مرة فين مصورة .. مرة فلوي فيتون شارية الصاك مرة خارجة من ديور مقدية مرة فالطيارة فيرست كلاص.. مرة شادة فيد راجلها فشي بورش.. كتطلق عليهم غير تبسيمة خفيفة وتفقصهم بالتصاور وعايشة الحياة بالطول والعرض . تنهدات ذكرى ولاحت داك تيليفون جنب وربعات يديها كتردد
ذكرى : ياربي يكون هاد ياسين مطلوق ماشي شي واحد معقد نتزرف فيه ياربي ،، هاهي فداء تزوجات بيه ريفي ولي شافو يحلف عليه كاوري.. ها لوشامات ها الكيسان ها الخرجات على الاقل كيتبرع بلفلوس لي عندو وعارف يعيش ماشي دنوب على والو..
قهرها التخمام وكتشوف حالتها وكيفاش عايشة وماعندهاش الحق تخرج تسكن بوحدها او تاخد قرارات منها راسها.. باقا تحت السلطة دباها واخا قمار وسكايري لاكن متشبت بالعاددات والتقاليد وعندو اعراف.
و واخا جمعات الفلوس حتى عيات من نهار بدات الخدمة وبدات كتشد ديك سبعالاف درهم فالخلصة من الشهر للشهر ما غتكفيها فوالو وباش تفتح حتى هي عيادة وتجتاهد وتخدم خصها الفلوس وسبيلها الوحيد هوا تاخد كريدي من البنك . هادا حل خلاتو هوا اللخر حتر تسالي جميع حلول الارض عاد ترجع ليه وكهدف باغا تحققو ومتشبة بيه كتشوفو المنقد الوحيد هوا شي تزويجة بشي بزنس مان يكونو فيدو الفلوس مشتتة ومتلقاش حسن من ياسين ..،جامع كلشي زين وصغر وفلوس كحلة .. مكحلها فلوس بالمعقول غير مخبية شي تبيض شي مزال بلا لي كيتسال لشحال من واحد ومكيبينش مخليها سلاح للدفاع فأي هجوم فالمجال ديالو ، ياسين واخا بزناس فالعشبة مع خوتو لاكن يدو فالبيضا طويلة وعزيز عليه يتاجر فيها وفلوسها مضوبلة
غبر على ذكرى ماصونا ماسول كان مشغول ..وفالشغل كيحط تيليفون ويهز واحد العضم للتواصل معا لارقام المهمة فالخدمة باش هاكا الى وقع شي مشكل مع صحاب الحال ميتجرش فيها كاع لي عندو فتيليفوم.
قرب النهار المعلوم وياسين لا حس ولا خبر ومابقاتش عارفة واش تقول. لباها على الخطوبة ولا ماتقولش ،، اقل ما دارت عينات لمها قالتها ليها فقط وبدأت تتعاود هي وياها وقرروا يدرو الخطبة عند خالها عبد المالك احسن باش مها تحضر وباها يحضر بلا حساسيات وكل واحد يجلس مرتاح. كان اقتراح ذكرى من اول يوم لجوجل اسباب .. الأول حيت مها متبغيش تمشي لدار طليقها هي وراجلها والثاني باش الجيران حتى واحد مايشم شي ريحة ومابغات حتى واحد يعرفها اش كدير وشنو كتوجد فحياتها بحال ديما وهادي طبيعتها من الصغر . بقا ليها التحضيرات ماعرفتش واش بصح غيجي ولا لا باش تعرف واش توجد ولا لا وخلها تسبقها لباها ويكون فبالو
كان فهاد الأبناء ياسين راجل فسيارة اودي بيضا كوبي من اللور داخل مع الديوانة ديال سبتة ويالله خرج من الباطو وهادي رجلو فأرض الوطن ومن تما نيشان كمل طريقو طالق المقود والسيارة غادية وهوا بنضاضر الشمس كيقلب فتيليفون ركبو فالشارج حتى شعل وسبق بختو راوية هي اللولة لي كانت مشات لدار راجلها عايشة فيها حتى يحن الله ويكتاب عاد تعاود عرسها .
ياسين: الو راوية …كيف نتيا
راوية: ياسين لااباس؟ كيف نتينا اش كتعاود
ياسين: الحمد لله مزيان… قولي اراوية بغيت نصقصيك
راوية: سقصي قولي
ياسين : كتعرف مزيان ديك صاحبتك ذكرى ؟؟
راوية: باستغراب) صاحيبتي ذكرى ؟؟ كنعرفاا اه شنو عندها.
ياسين: كتعرفها مزززيان مززيان؟
راوية: كنعرفها مزززيان قرأت معايا من الإعدادي
ياسين: وشنو كتعرف عليها؟؟ كيف عاملة؟ مزيانة؟
راوية: وا الصراحة د الله عمري شوفت عليها شي حاجة خايب
ياسين: اممم.. زعما ترانكيلو
راوية: الحاااقيقة ماشوفتشي شي حاجة خايبة.. قرأت معايا كانت كتقرا مزززيان ومكتفرفرشي .. حتى فاش دابا فاش كبرنا باقا هي هي .. علاش كتسقصي ؟؟ شوفتي شي حاجة مازياناشي؟ كتعرفها؟
ياسين: عنخطبها غدا خصني نعرف كيف عاملة .. ادا كنتي كتعرف شي حاجة قولها دابا
راوية: فدهشة) دبصاااح؟؟؟ خيييير ما تعمل ايوا الله !!! والله متجبر حسن منها الله يعمرها دار وتقيييقلة
ياسين : يااك
راوية: ووهضرتي معاها؟؟ هي قبلات؟؟
ياسين: علاش متقبلش مالها شكون
راوية: لااا زعما ماتوقعتش تقبل وصافي.. وماقالتي واااااو!!! ايواا هاا نتينا بقات ساكتة
ياسين : قبلات .. غدا غنمشيو نخطبو وجد راسك ادا بغيتي تمشي
راوية : انا عنعيط لها دابا نشوف علاش ماقلتهاشي ليا.. وهي كتهضر معايا كل نهار وقالت لي والو
ياسين: وصافي دابا .. انا قلت لها تسكت ماتقول لحتى واحد وصافي .. يالاه بسلامة
راوية : بصااح؟؟ ههه ايوا صافي .. ايوا صافي ماشي مشكل .. انا فرحتيني حيت عتزوج ذكرى والله.. ماخطرليشي فبالي غتكون هي للعروسة لي قلتي عتخطب
ياسين: هي دابا على الضمان ديالك؟؟
راوية: هههه لااالا عييير سيير انا نضمنها ههه انا كنقولك العايلة لأدااب والأخلاق والمعاملة .. ومزيييونة وحليييلوة
تسنات يصوني يأكد ليها ألموعد لاكن ملي ماصوناش حتى هي ماصوناتش لاكن فكرات وقالت تعلم خالها بعدا يكون فراسو بلي الخطبة عندو اما باها غيلبس غير سروالو ويزيد مع الطريق
داكشي اللي دارت .. علماتو وفرح ليها قداش لاكن فاش سمع السمية عرفو بحكم انه كوميسير فميخفاش عليه ياسين وتصدم صدمة عمرو ملي سمعها قالت ليه شكون بقا ساكت شحال حتى مشات هي ومها لبنى عندو للدار يجهزوها عاد جلسو فالصالون كيتناقشو وقال
عبد المالك: هاد تزويجة هادي من سعد باك .. يجبر الشوفة ارا ما يشقف.. بلحق نتينا غترمي راسك وصافي الرحموني راهم صعاااب .. صعاااب ماتقدرشي عليهم
ذكرى: نتينا كتعرفو ا حبيبو ؟؟
عبد المالك: كنعرف خاه الكبير طارق .. هوا مكنعرفوشي بلحق كنسمع به.. ايوا ميغركشي الذهب والطموبيرات والمشاريع راه ما مخفي اعضم.
ذكرى: انا منكدبشي علبك الحبيب خصني لي يهزني ويقوم بيا ويوفر لي كلشي.. انا ماشي شغلي شمو كيعمل غير يعمل لي المستقبل وصافي
عبد المالك : هز حجبانو بتحدير) نوصيييك عننداك تعمل العيال. ها ودني منك … عمل لي غتعمل حتى ادا غلب عليك قولو الله يعاونك
لبنى : قولتهااا لااا… بلحق هي بغات قلت صافي خليها هي تعرف
عبد المالك : انا كسمعتي مني كععملتي بناقص وتشوف لك هايدا شي ولد الناس بحالك حسااان لك
ذكرى: بتردد) لاا. لا انا مرتاحة هايدا
عبد المالك: ايوا عنداك
ذكرى: غير رتاح عليا
عبد المالك: انا كن كانت عندي البنت منعطيهاشي بزناس
ذكرى: هه عااادي حتى هما مزيانين
جاها اتصال وهي كتهضر مع خالها طلعات ليها السمية وناضت لواحد البيت سدات عليها الباب وردات
ذكرى: الوو ياسيين ..لاباس
ياسين: فاين العايلة .. مزيانة؟.
ذكرى : الحمد لله ونتينا
ياسين: مزيان الحمد لله .. ايوا .. غدا ان شاء الله هاحنا معاكم
ذكرى: صافي ان شاء الله .. الخطوبة غتكون عند دار حبيبو صافي حيت نتينا عارف ماما وبا مطلقين ماما مزوجة دابا ميمكنشي يجيو عندنا ندار دبا فهمتي
ياسين: ماشي مشكل.. صردلي الموقع دابا يالاه
ذكرى: واخا انا جبرتيني دابا هنا عند حبيبو انا وماما كنا كنتناقشو على هادشي
ياسين: ماشي مشكل مهم غدا فلعشية هاحنا عندكم
ذكرى: ماشي الصباح؟؟
ياسين: الصباح يالاه عيتجمعو ويالاه يالاه نتينا عارفة مامّا فسبتة عاد خصها تدخل واخرين فتطوان ..يالاه يالاه
ذكرى صافي واخا ان شاء الله .. تهلالي فرراسك
قطعات وتنفسات بارتياح عاد عرفات راسها من رجليها .. عيطات ليها راوية وبدات عليها بالهضرة دصحابات وعلاش ماقلتيليشي وفاجأتيني الى اخره لاكن فالاخير تقبلاتها عادي بل عجبها الحال خوها يخطب ذكرى ووصاتها الاخيرة تخلي الموضوع فالسر بلا مايوصل لشي وحدة فصحباتهم ولسقاتها فياسين بأنه مابغا حتى واحد يعرف وانهات الموضوع بسلام .
بقا ليها باها وكلفات خالها يقولها ليه بلا ماتتقابل هي وياه وخرجو بجوج ركب حداها فالسيارة الفاخرة وبدا يتمنضر
عبد المالك: هوا جاب لك الطموبير؟
ذكرى:ضحكات ودورات راسها) كن تعرف شني وقع لي .. موصييبة احبيبو… انا الطموبير ديالي نتينا عارفها دابا وساعة عند ميكانيك .. ايوا هوا جا قالي خلي عندك طموبير قضي بيها حتى يحين الله وجاب لي واحد ميرسيديسة باققااا دوبلفي.. جيبتا ندار وقلت نبا راه خاها دصاحيبتي خلاها لي وخليت شيك وكيكري مطوبيرات وداكشي .. بقا عليا عطيني نتسخر غطيني نمشي غطيني نجي مابغيتيشي نغطيها لو
عبد الملك: ماعندك ماتعطيلو .. (باشمأزاز) ماتجيشي حتى معاه
ذكرى: ههه بلااتي .. راه سرق لي السوارت ومشا داها وعمل بيها الحادث وجابها نزلها بغرط الباب…..(بداا تعاود القصة)
عبد الملك: متأ(خرج عينو) علاش ماعيطتيليشي ؟؟ كاعيطتي لي انا
ذكرى: انا تلفت .. انا مكانشي خصني نعيط بوليس ااصلا.. صدقت رزيت طموبير ديالي بصح وراها دابا عند ميكانيك
عبد المالك: غمزها وشار براسو) زيرو يكتبا لك بالاسم ديالك .. من دااابا اما ادا تزوجتو هزك الماء
ذكرى: تشوو انا فالحقيقة عندي العيادة مهمة… هوا عندو الفلوس انا عارفاه ماغتغلبوشي ولاكن خصني معاه الخاطر
عبد المالك: هز حاجبو) واش كتعرف الفلوس لي عند هادوك ولا .. راه خصو يكتب لك الفيلا والطنوبير والعيادة والفلوس من لفوق
ذكرى: ههه.. راني عارفة بلحق خصو الخاطر.. غير بشوية حيت هاد ياسين مغنان.. معاااكس
عبد الملك: لااء ماتغانشي معاه. ادا تغاننتي وجيتي تعلم راسك واعرة وقوية وتعطي الجهد مغتربح والو..خصك السياسة وصافي
ذكرى: ايوا داااكشي.. انا قلت نطلب الدار فالصداق ديالي تكون برطمة فالمدينة على الشارع منقولوشي نعمل فيها العيادة… نربح بعدا الموقع اللول لي مهم عااد يجي التجهيز من بعد .. حيت انا باااقا منعملشي العيادة دابا باقي خصني ليفورماسيو والخبرة عاد نفتح ديالي.
عبد المالك: هادي مزيانة.. وفاش تبغي تجهز راسك للعورس مشي ختار الدهب التقيل… شري الدهب بزاف والالماس(غمزها) هادشي لي تشري اما الشراوط ماعندهم مايردو.. الربح لي غتربح هوا فهاد اللول اما فاش تمشي صافي مشات علي عاينينك
ذكرى: ميقولشي طماعة؟
عبد الملك: يقول لي بغا.. راه راه عندو فلوس كدخلع… شاري البةليس شاري المخزن وعندو العجب غير مكيبنيهاشي… شكون السبب فالحبس ديال جوج مخازنية لي تشدو فالميناء ماشي هوا!!
ذكرى : حلات عينيها) لااء مافراسيشي؟؟
عبد المالك: صرد لهم العساس تما طمعهم بجوج دريال باش يدخل سطاش لكيلو دالغبرة والعساس طمعهم بثلاتة دملاين للواحيد وتافقو يدوز الشغل بليل فاش تكون النوبة ديالهم فالعسة .. ساعا هادوك الجوج مخازنية ماحسابهمشي غيتزاد عليهم واحد اخر ثالت داك النهار.. ناضو عملو لو المنوم فالكاس داتاي نعسوه وخلاوه ناعس وهما دوزو الكاميو بليل فتحو لو الطريق دخل للبلاد والسلعة دخلاااات مشااات والصباح فاش صبح الشاف تما جبر هاداك الثالت نااعس باللبسةبكلشي فوق الكرسي لداخل جلس عليه باالطرش حتى فاق..ايوا فاش فاق قالوعقتشي ماعرفتشي وهزوه داوه نلخيبرة جبروه شارب منوم .. جمعهم بثلاثة لي كانو تما داوهم للتحقيق وتفضح كلشي والكاميو دخل هه والعساس غبر مابقاشي تما وشكون مولاه الله وعلم .. هادوك الجوج دخلو للحبس وياخر الثالت صافي مابقاشي خدام قالو لو ماشي قدالمسؤولية خرج تتتت
ذكرى: هييييه!!!! اواااعدي… باش عرفتيه ياسين؟؟
عبد المالك: واناصحابي فالديوانة عارفين شكون كيدخل البيضا واحد بواحيد بلحق مايقدروشي يقوولو شكون
ذكرى : ااه
عبد المالك: يقتلووه… مادام ماحصلشي متلبس اولا دازت عليه الحملة صافي. شكون يقدر يخاطر براسو اشمن ربح عندو ..الخدمة ديالو راه كيعملهاوكاع لي فديوانة راه خايفين على راسهم.. يحلفو فشي واحيد والله مايفلتوه .. (تنهد) بنادم كيبعد على الصدع واش واحيد بوليسي غيعمل راسو فبزناس قدو قداش بجوج دلفرنك يسالي معاه
بقات غير ساكتة وكتسمع حتى وصلو للدار وحطات طموبيل بعيدة وطلعات مالقاتوش .. لقات الدنيا مرونة وخالها كيشوف ويتنهد وكان تبارك الله قلدة وصحيح شاد فراسو , مالقا مايقول وكيدوز لسعيد فوجه ولادو.. شحال من زبلة كانت غتديه للحبس وفكو منها وشحال من مصيبة خشا فيها راسو وفكو وكان كيقلب حتى هوا يخدم مع البزناسة ويدير لفلوس ويسوق الطموييلات ويدير لاباس لاكن ماتعطاتوش فرصة لا هوا لا ولدو واخا عندو رغبة حتى هما يكونو بزناسة ويدوز ويتضرب لهم السلام وكلشي يحتارمهم ةيديرو الملاكات لاكن الباب منين يدخلو مالقاوهش. واخا كلمة بزناس مكتجيش مع ماليها بالمفهوم ديالها حيت كيبانو همة وشان واصحاب مشارع كبيرة وضخمة ومكيبانوش اصلا ومامعروفينش فوجههم ومكيتساراوش فالاماكن العامة وكتلقاهم فالفنادق والاماكن الخاصة ومصاحبين غير مع المسؤ. لين لكبار ومنهم واحد اخر معروف بالفيراريات .. محل كبير ضخم فاخر فيه اجود الفيراري والسيارات الفخمة الباهضة الثمن وكلشي كيشوف المحل لاكن مكيشوفوش مولاه بحال ياسين وعبد الحق وطارق..وطارق اكثر شخص فيهم غابر مكيبانش كاع ومكيعمرش فالمغرب وعندو شركة دصرف العملات.. واخا اسم شركة كيبان كبير لاكن هي شركة فالاوراق وفوق الارض مجرد محل صغير ديال صرف العملات وعندو معارف كثار وكبار كيجيو عندو غير الريوس لكبيرة لي عندها الدوفيس فالنواغ وماعندهم كيفاش يصرفوه قانونيا والمسألة معقدة فيها الحبس.. لانه باش تصرف المليار او اكثر خاص تكون ثري وتكون اصلا عندك وماشي كاع الشركات دالصرف كيملكو دوك المبالغ .. هادا علاش اغلب البزناسة او المس.ولين لكبار لي جايبين فلوس كحلة بمعنى كثييرة وخصهم يحولوها للدرهم فطارق هوا اتصالهم الاول .. كيصرفها فالنواغ بلا وراق ويصرف القليل منها بالاوراق واحيانا كيدوزها ليهم على اساس سلف وعندو طرق اخرى كيعرف يدوزها ليهم بالدرهم ويدور هوا الدوفيس لدولة اخرى يصرف بيه عملات اخرى وهي غادية ، هادي من جهة بالنسبة للريوس لكبار لي اصلا مكيتعرفوش و عندهم بيه معرفة اما الجداد والبزناسة لي معروفين فكيصرفو عندو وهما ماعارفينش اصلا عندمن كيصرفو ومعامن كيتواصلو وكيعرفو غير فلوسهم تبيض والسلام
صونات لباها يرجع للداؤ وعلماتو بلي خالها كيتسناه وعلى بيدمن يدخل جمعات ديك الروينة فين يقدرو يجلسو حتى دخل كيفرنس وفمو صفر ورقيوق لابساه القميجة وسادها حتى للعنق مطلوقة فوق السروال دجين و موكاسان مسيري كحل . سلم وجلس كيفرنس ويهضر عادي مع عبد المالك حتى دخلو فالموضوع وذكرى فالبيت لفوق كتبدل حوايجها
عبد املك: بمعقول)دابا العايلة جاو فيها الخطاب وحشمت تقولها بفمها قالت لي نتينا احبيبو قولها نبا
سعيد: باهتمام) شكون؟؟ وفيوااخ؟
عب م: شي واحد خدام هنايا فطنجة عندو قهوى دشكولاطي
سعيد: تشكولاطي؟؟(كيخمم) اللي على الطريق لكبيرة فمدينة؟
عب م : كيدور عينيه) اه هاديك
سعيد: باستغراب) وهاديك ديال بزناسة ؟؟؟
عب م : ماعرفتشي ديالمن بصح واقيلا شراها شي واحيد الله واعلم
سعيد: انا لي كنعرف ديال شي جوج دلخوت بزناسة ؟؟
عب م: ايوا قالك عيجيو غدا هاحنا عنشوفو
سعيد: غداا؟؟؟
عب م: داكشي على غفلة هي بيدها ماكانتشي عالمة
سعيد: فاين هي؟؟ فاين مشات تقولي شكون بعدا؟
عب م: عيط لها
سعيد: كيبرح) ذكراااااااععع اذكرااااااععع…فاين نتينااهااوووووود هنا
ذكرى: بصوت بعيد) انا ماجا
هبطات عندهم ببيجامة بيضاء سروال وقميجة فيهم قلوبة صغار كيتجبدو ومؤخرتها مهزوزة والكرش مدعوقة جامعة شعرها بمقبط
ذكرا:شنو؟؟
سعيد: قالي ماجيين يخطبواك شكون ماجي
ذكرى: بصحيح العبارة) ياسين الرحموني مولاها دتشكولاطي
سعيد: تلف) رحموني شكون ؟؟ مولاها تشكولاطي؟؟…. بزناس لا؟؟
ذكرى: اه بزناس
سعيد: مصدوم) ها.. اا .. مم…. (كيرمش) نتينا قابلة ؟
عب م: كماكنتيشي قابلة مايجيشي يخطب
سعيد: مسح فسروالو العرق )ايييه… مرحبا .. رحموني رحموني؟؟ اجي شكون فيهم
ذكرى: صغير فيهم
سعيد: امم.. (كرمش) وعللش عاد قلتيها ؟
ذكرى: عاد قالتا لي ختو انا بيدي ماكنتشي عارفة
عبد م: دابا هي خصها تعمل الخطوبة اسعيد ..ويماها ماعتجيشي نيهنا (هنا) قلت انا حسن عملو لخطوبة عندي فالدار .. كلشي يحضر
سعيد:علاش ماتعملشي خطوبة هنا ؟؟ فالدار دباباها..يجيو عندي انا باباها(ترقيق الحروف)
ذكرى: نتينا عارف ماما وعمو سمير معيجيشي هنا وانا خصني كلشي يكون
سعيد: انا معنمشي ندار دحتى واحيد ..يجيو عندي عند باباها هنا
تعكس سعيد وشد العكس قاليهم والو يخطبو فداري وتفرعن وترجل وتنفخ ودار ليهم العصا فالرويضة ونوضوها وتعصبات ذكرى وعبد المالك عيا معاه مابغاش فاللخر خرج مشا وخلاه وبقات ذكرى معاه مفقوصة كتاكل جنابها حتى دخل خوها عاصم سمعهم كيهضرو وهي كتقول
ذكرى : دابا خصك توقف لي فطريق سعدي ابااا يااك؟؟
سعيد: ماوقفتشي فطريق سعدك انا قلت العايلة يخطبوها من دار باباها (مشا كيدور راسو شد فعاصم) يااك .. عندي الحق ماقلت عيب .. قالك العايلة ماجيين فيها الخطاب يجيو عند دار دباباها فيها شي عيب؟؟؟
عاصم: ماجييت الخطااب؟؟ شكون
سعيد: ماجي عندا الرحموني مولاها دتشوكولاطي.. خصو يجي عندي انااا باباها علاش يمشي عند حبيباها وانا باباها
ذكرى : وعلاااش شني فيها؟؟ ياك ماعندكشي مشكل مع حبيبو عبماليك
سعيد: وانا علاش نمشي انا وبنتي يخطبوها من حبيباها انا باباهاوها الدار
ذكرى : واس عتحمقني ابا وا ماما مغتجيشي نيهنا واش مكتفهمشي
سعيد: وانا معنمشيشي عند عبماليك
شدات راسها فواحد القنت ودورات وجهها كتبكي فصمت وتمسح وهوا غادي جاي كي الزواق كيعاوط الهضرة من قنت لقنت وعاصم كيسمع عاد هز يدو كيقلب فعينيه وقال
عاصم: سمع سمع دابا من هاد الهضرة هادي كاااملة معنساليوشي ومعنتفاهموشي..نتينا ابا عندك الحق وذكرى حتى هي عندها الحق..مامّا معتجيشي نهنا نهاد الدار .. عتكريو دار مفرشة مقادة نمشيو ليلا كااملين.. حسااان ااصلا من هاد الحومة والحنزازة عيشوفو (كيدور يدو) عيشوفو العائييلة درحموني ماجيين كلشي عينوض يبغي يعرف شني واقع والعينين هاايدا
ذكرى: انا هادشي لي ماخصنيييشي … عيشوفو طموبيرات على برا بااايناااا وانا ماخصني حتى واحيد يعرف شني كنعملو
سعيد: صافي نكريو الدار انا دابا عنهود نقلب على دار نشبرا
عاصم : حتا نغدا ونمشي نقلب انا ونتينا راه ديور موجودين
سعيد: ماجيين غدااا
ذكرى: بفقصة) انا صردتلو لوكاليزاسيو عاوتاني نقولو لاااء اجي غندي نهاد الدار ؟؟ شني عيقول! (دورات وجهها) انا عنعمل مناااقيص كاع من هاد زواج
عاصم: (تقلب على باه) شني عندك اباحتى نتينا مغناان صافي عملو لخطوبة عند حبيبو شني فيها
سعيد: وعلااااش (كيضرب فخادو) علاش يمشيو عند حبيباها وانا باباها
ذكرى: ناضت كتهدنو) وانتينا بابا وعيهضرو معااااك .. حبيبو معيهضرشي .. انا قلتو كنصلحو الدار يعني هوا متفاااهم
عاصم: ااه صافي كنصلحو الدار شني فيها مافيها وااالو
تكاو على سعيد كيقنعوه حتى تنفض وقبل بالنفخة عاد رتاحو
تفكات على سلامتها وحلات مشكلها مع باها عاد بان ليها راسها هي.سدات عليها فالبيت وجبدات ستيلو ودفتر كخمم وتقيد شنو غدير باش متنسى حتى حاجة حيت جايين يخطبو ماشي يتعارفو.. يعني خصها تكون واجدة والوقت مستحيل يقدها وخصها تنضم داكشي وخصها قفطان دلخطوبة يكون مخدوم على اليد . هي كتجري فجهة ومها كتجري فجهة ةبيناتهم الميساجات كتصور ليها القفاطن وتسيفط .وذكرى كتجمع حوايجها دلحمام وتشوف وتعزل حتى استقرت على قفطان خفيف بحزامو وبلغتو خلات مها كتقدا التقدية دكاسكروط حيت جايين مغيتعشاو مغيتغداو .
مشات كطير فطموبيل لصالون كبير فخم حيت هوا لي عطاوها فيه الموعد اما البقية لي غيطات ليهم كيكونو عامرين مور المغرب .
وصلات للصالون بجلابة كحلة وصندللة فيها الريش دخلات نيشان هازة صاكها تحممات وخرجات جلسات صايبو ليها شعرها بوكلي ةصبغو ليها دفارها بلون بارد ونقات لي غيتنقا وسالات شغلها ومشات نيشان لدار مها تبات عندها .
لقاتها كتوجد الحلوى وتستف ووقفات فلكوزينة معاها كتعاونها وراجل مها داخل خارج كان دمو خفيف وفيه الضحك جلس بواحد الدراعية كيغلف ليهم الحلوى بحكم خدمتو فالمطبعة كيصرع التغلاف.بقا جالس فطبلة دلكةزينة كيستف وهما غاديين جايين كيقادو لكيسان لي يحطو ويناسقو حتى سالاو داكشي ودخلات لواحد البيت كانت فيه نموسية صغيرة وبلاكار داروه خصيصا ليها تبات فيه مرتاحة فاش تجي .
صبحو الصباح كيطيرو داة كلشي عند حبيبها وبداو يلمطو فطلامط لي داو من الدار ويحطو فديكورات حتى قربو يجيو ويهزات طموبيل مشات كتجري للدار توقف على باها تشوفو اش غيلبس اما خوها خلاص هاداك كيصرع اللبس ماتعزلي من الدراري غير هوا .
بقات مدابزة مع سعيد على واحد القميجة مابغاش يلبسها حتى مرضها عاد لبسها وكملو الدباز لتحت فاش شافو الطموبيل لي جات فيها وكل واحد كيجر من جهة باغي يسوق
سعيد: ناينا لعروسة نتينا عتسوق؟؟
ذكرى: نتينا عارف شني وقع اخر مرة وطموبير باقا فلاميزو ماهرجتشي ايوا غير الله يستر
عاصم: خدا ليها سووارت) ععنقيلو حنا هناااا اولا صافي طلعو انا عنسوق لا نتينا لا هوا عتسوقو يالاه
طلع خلاهم مفافيين ضهشرهم طلعو تالفين وركبات اللور ربعات يديها وحاضية مع عاصم فالسوقان ديالو وهوا باغي يبان كيقلب فبواط فيتيس بالنفخة زعما مولف ومخرج يدو حتى قالت ليه
ذكرى: بشوية راه هادي غير عطاوها لي نقضي بيها
عاصم: مالنا كنركلو فيها ولااا؟
ربعات يديها كتشوف فيه بنص عين وسعيد كينكر عليه فكل مرة كيترخا ويبغي يدير فيها واعر حتى وصلو ونزلات خدات السوارت ودخلات كتسوط وتسد عينيها مابقا فيها لي يهضر
لخطاب وصلو سيفط ليها مسج فالواتساب وبسرعة طلات من النافدة لقات جوج طموبيلات اودي بيضا جالس فيها هوا شاد تيليفون وموراها حدة كبيرة كحلة بابها كيمشي ويجي تحل من لداخل وبداو كينزلو منو شي مور شي .
رجعات اللور متوثرة وحشمانة كانت خالتها معاها والعائلة ديالها معمرين الدار بداو يستقبلو فيهم فالباب ويرحبو حتى جلسوهم فالصالة وعمرات كلها مابقا لخوالها فين يجلسو ، دخل عبد المالك كيضحك عندها للبيت ويشالي بيدو وقال
عبد المالك: يتزاد فيهم غير واحيد نخرجو نجلسو فالزنقة
ذكرى : ههههه علاش؟
عبد المالك: التبارك الله قدااش!! .. كل واحد قد هايدا خصنا لخزانة
ذكرى: جاو بزاف بيهم؟
عبد المالك: وا لخيير والبراكة هههه
ذكرى : رود البال عنداك با يزبلها
عبد المالك : باباك كااايهضااار تقول مزيود معاهم .
تخلعات وسيفطاتو يشد ليه فمو وكانت تما مرت خوها حتى هي مناسبة نيت يتصلاحو فيها وصاوبات ليهم ديسير سبنيولي دايزو الكلام ةمشات جلسات مع الضياف بحكم كتهضر الاسبانية بطلاقة وام ياسين بزز باش كاتنطق العربية جاتها مرات عاصم على قلبها بدات كتهضر معاها وتنعت ليها فين ساكنين فسبتة وبنت من هي صدقو كيعرفو خوها وملاقي معاه ياسين مامرة ماجوج فسبتة وجمعاتهم خدمة وعاصم عجبو الحال فرح وتحمس وبدا الجموع والهضرة بالجهد والضحك والسبليونية والعربية حتى خرجات ذكرى عندهم تسلم عليهم
دخلات طالقة شعرها اللور بالبوندو ريق والقفيطين خفيف مع البلغة كضحك شافت فيهم وحناكها حومر , اما هما كان باين عليهم فرحانين بيها و عاجباهم كشخصية و مكانة اجتماعية وحتى فوجهها كدخل للخاطر وزينة ومسرارة لقات الصالة عامرة تعرضات ليها راوية عنقاتها وسلمات عليها ولي وصلات عندو كيوقف يسلم عليها ويتبسم حتى وصلات عند مو ، كانت كتخيلها مرى كبيرة عادية ساعا صدقات صغيرة ورقيوقة وعادية ما لابسة ذهب ما والو .. ساعة فاليد وداكشي رقيق وشعرها بتيت كوب زعر مصاوباه ولابسة كسوة سامبل عادية وصندالة وفرحانة وعاجبها الحال كتبان مرتاحة . اما طارق كان جالس بيناتهم كرشو قدامو لابس تيشورط ودجينز ووجهه مدور غليض كيتبسم ويشوف وفالطرف جالس عبد الحق كيتجمع بصوت مرتفع هوا وعبد المالك دازت على كلشي باليد حتى وصلات عند ياسين وقف مد يدو سلم عليها مبسم وكحز دار ليها فين تجلس بينو وبين مو وجلسات متبتة حداه حطات يديها على فخادها فصمت مبسمة وكتشوف وياسين حداها بقميجة شيبية ودجينز . حاطين الورد والشكلاط وكادوات فوق الطبلة مكيبانوش وسط صيكانهم وكيتجمعو ويهضرو عادي كأنهم عائلة وحدة ناقص فيهم غير الأمين جبدوه فالهضرة وهما كيتجمعو وشي كيهضر مع شي والنقاشات هنا وليه شي كيهضر العربية شي كيهضر الاسبانية واتاي كيتفرق والحلوى محطوطة حتى دخلو فموضوع الزواج كيتناقشو وتلفت عبد المالك قال لطاىق
عبد الملك: السي طارق ما عطاناشي حتى كيلمة ههه غير ساكت
طارق: هز يديه وتبسم ونطق بصوت غغليض) انا ماعندي منقول لي عملوها الله يعاونهم.. (هز حاجبو جيهتها) هي راه فااايلات على راسها نهار الاول فاش زغرتت
دورات وجهها رجعات حمرا وياسين دار واحد جوج ضحكات وعبد المالك كمل وقال
عي م: كلشي بالموكتاب
طارق:هز يديه) داكشي لي كاين
سعيد : انا من عندي الله يسخر لهم يتفاهمو بيناتوم والله يبارك
عبد المالك: ايوا الله يكمل بلخير نقراو الفاتييحة
هزو لكفوف قراو الفاتيحة كاملين وطول الوقت وذكرى جالسة بحال الامانة ماتحركاتش ونضراتها تقال ةكتشوف قدامها بزاف وحتى فالتصاور بقات كما هي حتى بداو يتسالمو يمشيو ووقفات فبلاصتها بداو كيسلمو عليها ويمشيو حتى خوات الدنيا وتلفت ياسين طلع فيها بنضرات عادية مابقا كيهمو لا زين لا اثارة فالبنت كما كانت .. رجعات كتبان ليه لي بعقلها وتقيلة هي لاللاهم.
ياسين: انا مشيت(دور صبعو) غدا ونتشاوفو
ذكرى : بالايجاب) ان شاء الله
حركات راسها ويديها مجموعين عندها حتى خوات الدار عاد بدات كتهز الكادوات ديالها جمعاتهم بلا متحلهم حتى تمشي بحالها لاكن شكون خلاها.. بقات عليها مرت خوها تشوفو نشوفو و رجعات جلسات فالصالون لي خوا من الرجال بقاو فيه شي جوج خوالاتها وعمتها وبدات كتجبد وغير من لبواطات باينة الماركة. حلات اللولة لقات فيها ريحة فاخرة والثاني كانت حمرا د كارتيي قالت يمكن شي براسلي وحلاتها لقات فيها ساعة وحلات الشكلاط فرقاتو على الجميع وجمعات وطوات حواب
الخطبة لي كانت خالعاها دازت على خير وبيخير ورجعات بحالها للدار مع باها فالطموبيل وسايق بيهم عاصم وهي ومرتو وبنتو الصغيرة اللور ، وصلو للدار ودارت الصواب وشافت انه ماشي من الصواب تنعس فالبيت لفوق وهما يتشتتو فالبيت لتحت وعندهم البنت ةباها اصلا كينعس فين ما جاب الله عمرو بات فبيت النعاس، هزات حوايجها لي تبدل بيهم ونزلات لبيت الناس لتحت وخلات ليهم البيت وتهنات فراسها وطاحت نعسات فالبيجامة مهدودة حتى صبح الحال وصبحو كيفطرو ومرت خوها موجدة لفطور على حقو فوق الطبلة، الحق يتقال ،،فاش كتكون فالدار كيكون جو اخر.. الحداكة حادكة وبدراعها وطويلة وعامرة كتهز الدار وتقلبها سفاها على علاها كترجع كضوي ومكاين غير شهيوات ، تموت فالركاني والكوزينة وجافيل على الاقل كيحسو بنضافة البيت ويلقاو ماياكلو . واخا كيدابزو لاكن شي صابر لشي . كان الحوار فالفطور غير على عائلة الرحموني .. سعيد كيضرب فزيتون كحل ويقول
سعيد: شوفتي التواااضع…كتحرفلي مع المزاليط .
عاصم: كيدهن الخبز) اي والله.. الناس فاااين وصالين اصاحبي وعااااادي.. مافيهمشي التكبر مواااالفين بلخيير ماشي عاد عملو لاباس
سعيد: باينا باينا .. دابا فوياخ عطيحو العقد
ذكرى : عاد عنشوفو شني نعملو باقي مهضرتشي معاه
عاصم: عنداك دحشم فالصداق ديالك
سعيد: انا انا عنهضر معاه عطييني نيمرة ديالو (كيمسح فجنابو)
ذكرى : مسحات يديها نايضة) انا ماشا نطواليط
مشات سلتات خلاتهم وبدات كتسللت باش ماعطيهمش النمرة ويبقاو عليها حنا ولي امرك حنا نهضرو وقالت الله نتهرب ونسلت .
جات العشية لبسات لكسيوة ديالها القهوية مجموعة عليها حتى لتحت الركبة بالصدايف لقدام والكول فالعنق نص كم وهزات صاكها ولبسات ساعتها اليدوية لي جابو ليها ورشات من الريحة وخرجات ركبات قبل عاوتاني مايلسقوها على الطموبيل ويحمقوها .
سيفط ياسين مسج تمشي عندو ويالاه جات تركب لقات قدامها نورة واقفة كتشوفيها ومصدومة فالطموبيل قبل ماتمشي عندها دارت ذكرى راسها ماشافتهاش وكانت لابسة نضاضر الشمس طلعات دغيا وزادت مع الطريق هربات وبعدات كتهضر فتيلبفون مع ياسين
ياسين: الووو زاينيي… فين وصلتي
ذكرى: قريبة
ياسين: انا كنستناك. فاش توصل قولها لي
قطعات وكملات طريقها نيشان للمقهى حتى وصلات ووقفات برا داخل السيارة سيفطات ليه مسج وخرج عندها داير نضاضر الشمس فتح الباب جيهتها سلم عليها
ياسين : وقف الطموبير هنا
سد عليها ودخلاتها بين السيارات ونزلات هازة صاكها فيدها مشات عندو لسيارتو ركبات حداه وزاد نيشان لمارينا وقف الطموبيل وهي ساكتة غادية حداه بين الناس والدنيا عامرة مشاو نيشان جهة الباطوات وطلع فيخت رمادي عليه راية حمرا، ومد يدو ليها طلعات مبسمة وشار بيدو للعساس فتح ليه السنسلة ومشا وقف فمكان القيادة ديماراه وزاد دخل للبحر كيتمنضر وهي جالسة على كنبي بني ساكتة كتمنضر فالبحر
وقف الباطو شوية وتلفت عندها لقاها جالسة وطالقة رجليها فوق الفطوي كتتمنضر والريح كيضرب وجهها وقف قدامها وحيد القميجة وهي كتشوف فيه بنص عين واشم سمية دنهاد مزخرفة فصدرو .. بقات كتحقق فيها شحال وتتأكد ودورات عينيها دارت راسها عورة بقات كتمنضر حتى شار براسو وقال
ياسين: نزل تعومي الماء زويين (كيتأمل الجو)
ذكرى: غير نزل نتينا انا مافياشي
وهزات يدها برقة كترمش وعينيها كيمشيو لديك الوشمة عرفاتو كان كيبغي مرتو بزاف وغالبا غيكون مقصح من جيهتها وحتى هوا داخل فهاد تزويجة بلا عقل وبلا قلب ويمكن من الفقصة قرر يتزوج، وإلا شنو لي غيخلي واحد بحالو يضحي ب ٩٩ بنت على قبل وحدة وهوا عندو كولشي .، ماتنكرش ان كبريائها تجرح وحسات بحرقة فصدرها ملي شافت ديك الوشمة واخا خفات حقيقة مشاعرها لاكن فالحقيقة ميمكنش تخفيها بينها وبين نفسها ، اما ياسين كان عندو البحر هوا العشق، يستحيل مايعومش على الاقل جوج مرات فالاسبوع وفاش كينزل للماء كينزل عطشان وكيبدا يضرب ويدخل فالعمق لتحت حتى قالت مع راسها واقيلا غرق وناضت كطل وتشوف عاد هز راسو ولاح وجهه للور وشار بيدو ليها
ياسين: نزل .. الماء غيعجبك
ذكرى: رجعات اللور) لاالا ماواجداشي
ياسين: وا نزل غير نزل .. بحوايجك
ذكرى : منقدرشي نزل هايدا
ياسين: واغير نزل نزل يالاه
بقات كتشوف ودور هنا ولهيه مترددة وكتسول واش بارد ولا سخون وحيدات ساعتها ونقزات بشوية فالماء حتى غطسات وهزات راسها كضحك وتعصر شعرها اللور بشوية عليها ومسحات حجبانها عاد سرحات يديها كداعب الماء .. شافتو غطس ويالاه غدور طلع وراها ةشد فخصرها خلعها حتى تزاد معاها الزايد بدات ترمش وجدفات بيدها بعدات حتى للدروج كتبسسم بزز كانت غطلع مع الدروج وحبسها حداهم شاد فهصرها كيقرب من وجهها وهي شادة فيهم خايفة ومخبية خوفها
ذكرى : ياسييين.. غنطلع
ياسين : مالك تخلعتي؟؟ غناكلك؟
ذكرى : لاء عيت وصافي
زاد لسق معاها وهز حاجبو: نتينا خاطيبتي..وقريب عنتزوجو وعلاش خفتي مني؟
كمل عليها كان قلبهاغيسكت بقات غيؤ كتسايس وهوا كيلمس فخصرها تحت الماء بوقاحة
ذكرى : عارفة بلحق الخطوبة ماشي هي الزواج .. حنا مخطوبين وصافي
ياسين : مخطوبين مزوجين بحال بحال نتينا صافي دابا ديالي
ذكرى : مابقاشي بزاف ونعملو العقد
ياسين : بلعقد وبلا بيه نتينا ديالي… مرااا،ديالي فهمتي
ذكرى: واخا واخليني نطلع يبسات عليا الرجل ديالي
بقا كيشوف فيها وزير على خصرها عاض على شنايفو حتى تقصحات وشدها من عنقها ضرب ليها البوسة اللولة وعاو ضرب ليها الثانية عنيفة عاد رخاها وباسها بشوية وقرص جنابها بصباعو وقال
ياسين : يالاه طلعي
ضارت كتبل ريقها طالعة وهوا كيشوف مءخرتها قدام نيفو لاسقة عليهاالكسوة ضربها حتى حلات عينيها دوراتهم فجنابهاوطلعات كتجري مشات جلسات ويدها على صدرها كتنهج ممخلوعة خلاتو فالماء ورتاحت وعصرات شعرها وتكات فالقنت مسرحة رجليها قدامها كتنشف
طلع كيقطر مشا جلس حداها وتكا على ركابيه وجبد بكية دلكارو جر منها واحد بسنانو ولاح ليها بريكة مع غمزة تشعل ليه حيت يديه فازكين.. طوولات يدها شعلات ليه ورجعات جلسات ساكتة كتمنضر وتشوف بنص عين فيه كيكمي ويسوط
ياسين: طلق راسك نطيحو العقد دغيا
ذكرى : علاش دغيا؟؟ غير بشوية؟
تكا اللور ونشر يديه هاز حاجبو : علاش بشوية شنو كنتستاو؟
ذكرى : حيت قلتي دغيا.. انا ماعنديشي مشكل بلحق انا عومري تزوجت خصني نفرح براسي..نعمل نهار العقد ونعمل العورس ديالي… مابغيتشي الزررربة
ياسين: انا ماعندي منعمل بالعرس. يما عاد ماتت هادي شهراين
ذكرى : انا متقدرشي منعملشي لعرس .. الزواج هوا العرس .. منقدريشي نمشي بلا بيه.. ادا بغيتي نتسناو شويوش يطيب ليك الخاطر نتيناوخواتك عاد نعملو العرس
ياسين : شغنتسنا انا كنقولك غنطيحو العقد وتمشي معايا لدارك حتى لمن بعد وعمل العرس بحال راوية
ذكرى : ماما وبا ميبغيوشي حتا هما .. غير بشوية علاش نزربو هايدا
ياسين: تكا على ركابيه: خصك شي زواج ولالا؟؟
ذكرى : خصني.. كتهضر بنص كتف) خصني ..بلحق ماشي مزروووب.. انا بيدي كونت باغا نتزوج كنقلب على المعقول صراحة … عمري كلو دوزتو فالقراية ودابا غير الدار ولخيدماا ..صافي وقت الزواج
ياسين: ايوا ادا عينيك فالزواج طلقي راسك متفكرلي لا فعرس ولا حفلة
سكتات ودورات وجهها ماجاوباتوش كملات التمنضير ديالها حتى بدات تغرب الشمس وهوا كيسوق من بلاصة لبلاصة حتى نشفات ونشف شعرها ورج لمارينا مع العشا لبس حوايجو ونزل مد ليها يدو نزلات كتقاد شعرها ومد يدو ليها شافت فيه بنص عين مافهماتش اش بغا حتى شار ليها وشدات فيه ودخلو لمطعم من المطاعم الراقية لي تما جلسو فواحد البلاصة حطو ليهم بلا كبير ديال الحوت منوع ومقبلات وبداو كيتعشاو ويتجمعو على نفس الموضوع دالعرس
نفس الحوار تعاود مابغاش يطول لاكن ذكرى عندها رأي اخر..وغير ملي نسا بعدا قضية الطموبيل فهنية عليها .. غادي دوز واحد الفترة عاوتاني ودخلو بالدفىء مايحسش كاع بالعرس حتى يلقا راسو فيه .تعشات وردها لبلاصتها كيوصي ويعاود على العقد باش توجد راسها.. اما هي فكراتو فالموعد ديال الفحوصات لي نسا وخداو موعد اخر وهاد المرة مانساوهش. هزها من قدام لكلينيك مشاو دارو الفحص وطلع سليم مسة بالمية و بداو يوجدو لضريب الصداق حتى جمعو الاوراق وكان ليهم لقاء فلعشية يناقشو فيه موضوع الصداق.
من لخدمة خرجات مشات للدار وجدات راسها تبان زوينة فأبهى حلة باش لي قالتها تجي معاها .. صاوبات شعرها ويفي طبيعي ولبسات كسوة كحلة سامبل بلا يدين مع صندالة عالية وصاك صغير بخيط رقيق وعكار احمر ماط فاتح اللون مايل للبرتقالي جات كتحمق . مشات مباشرة لعنوان لاوتيل لي سيفط ليها ودخلات مع الباب تلاقاتو خارج عندها مفركس وريحتو عاطية .. سلمات عليه بالوجه وهوا كيشوف فيها ويطلع وقال كيضحك
ياسين: جيتي ززويينة
ذكرى : شكرا
مشات جلسات جامعة يديها قدامها عطشانة كتشوف لكيسان دروج غادين جايين وفمها كيجري وصابرة.. وكمل عليها حتى هوا فاش حطو ليه الكاس دالروج بدات كترعد وعينيها غيؤ عليه فكل مرة يديه لفمو ويردو للطبلة وهي كدوز بالماء
ياسين: متقلتي لي. والو على الصداق ؟
ذكرى : شنو غنقول؟
ياسين: شحال زعما بغيتي فهاد الصداق؟
ذكرى : نتينا تعرف…انا ماعندي منقول..انا داخلة على مشروع زواج المهم عندي ينجح لي ماشي بشحال عندخل ليه
ياسين: حط تيليفون) وا ضاروري تقولي شحال ميمكنشي عتزوج بلاصداق
ذكرى : نتينا تعرف.. اصلا كلشي فالاخير عيرجع لك .. ههه عطيتي قليل اولا عطيتي كتير انا كنبقا مراتك وكلشي ديالك .. انا ولي عندي
صرعاتو فهادي وكانت كتعرف تهضر مزيان .. لبيبة وحلوة فين يبان زينها قدام طريقتها فالهضرة واسلوبها الانثوي النضيف .. كانت كتحاول تستهدف راحتو ودماغو باش يرتاح ليها وفعلا نجحات ورجع كيعاود ليها على نهارو وشنو عندو وهوا مرتاح
ياسين: غير قولي انا لي قلتي بسم الله
ذكرى : تنهدات) واشنو عنقولك … انا كنت كنجمع باش نشري واحد الشقة فمدينة .. عاوني فيها وصافي انا اصلا جااامعة
ياسين: فاين جات
ذكرى : غير هنا قريبة من هنا
ياسين : غدا نمشيو نشوفوها
ذكرى : ان شاء الله
ياسين : صافي؟ غير الشقة؟
ذكرى : ههه الله يجعل البراكة .. انا فالصراحة صداقي هوا نتينا.. نتينا تكون وفي ليا متخونيشي
ياسين: شنو قلت لك النهار الاول؟ قلت لك انا خصني المرا درااجلها. ونتيتا قلتي لي خصك الراجل دمراتو . تفاهمنا على هادشي صافي
ذكرى : ياسييين.. نتينا مكتعرفتيشي واقيلا.. انا خصني المعقووول انا من ديما عندي غير نيشاان.. وكنفتش على المعقول
ياسين : كاملين خصنا المعقول علاش نايضين نتزوجو ملي عينيناماشي فالمعقول
ذكرى : كتشوف فالكاس) المعقول هوا كلشي
صبرات على دوك الجغمات بزز منها وقلبها كيترعد عليها ودغيا دارت السبة بالوقت وناضت بغات تمشي، وصلها للسيارة كيشوف فيها وفروايضها وقال متكي على الباب بيدو
ياسين: حتى هادي مزيانة لي عطاوك
ذكرى : بلحق اخراااكتحممممق … انا هاديك كانت الحلم دياااالي .. كنت كنقول غير نزيد شوية صافي نشري ختاها
ياسين : ضرب الباب كيضحك) هاهياك عتخرج هاد السيمانة. وديها
ذكرى: اواعدي!!! لاء لاء منقدرشي عندي ديالي… انا قلت شاركت معاك الاهداف ديالي وصافي
ياسين: قلتي نتي ولي عندك ديالي … ايوا صافي بالصحة والراحة
بقات كترمش ماكرهاتش تغوت لاكن الصبر مفتاح الفرج .. قرب عندها كان غيقنتها وركبات بسرعة كدور عينيها سدات الباب خلاتو كيشوف وقالت
ذكرى : بسلامة زايني .. تسعود هادي ههه
مشات وبقا فبلاصتو كيحرك راسو ليها وزادت مع الطريق كتهضر مع راوية فتيليفون وكتوصيها فكل مرة تخلي الموضوع سر بيناتهم .
وصلات للدار وطول هاد المدة كتجاهل اتصالات نورة حتى صبح الحال ويوم الاحد صبحات عليهافالدار كدق ودخلاتها مرت خوها للدار جلسات
نورة: فاين ذكرى؟
خرجات ذكرى من الدوش متفاجأة : نورة؟!!!
نورة: كتسلم: فاين غبرتي العايلة مابقيتيشي كتجاب على تيليفون؟
ذكرى : طاح لي مابقاتشي لافيشور خدامة (جلسات حداها)ايوا نتينا لاباس ؟ شكتعاود
نورة : مضيومة) لاباس…قنطااانة يا الصوحبة ..اجي عطيني نيمرة دياسين عطيني
ذكرى: علاش ماعندكشي؟
نورة: مناين عنجيبها؟؟ مشيت نتشوكولاطي متبغاوشي يعطيوها لي
ذكرى: انا بيدي متبقاتشي عندي لافيشور مشااا(وقفات)خصني نمشي نشوف ماما
نورة: انا بيدي عنزل عندي الشغل.. راوية حتى هي مابغاتشي تغطيني النيمرة والله
نزلات مهمومة مشات وتبعاتها ذكرى مشات تلاقات بأمها وسيفطات ليه مسج علماتو بلي غتمشي تشوف الخاتم ورد عليها تعلمو ملي تشوف وتسالي .
مشات هي ومها عند اكبر ذهايبي فطنجة دخلو للمحل كيدورو ويشوفو ومشات نيشان للديامون كتعزل وتقيس ومها كتشوف معاها حتى ختارت الخاتم لي يبرد ليها قلبها قدو قداش فيه جوج ومربع عامر ومرصع ودازت كتشوف اساور ريفيير الماس وتقيس فيدها وفعنقها عاد دازت تشوف الذهب ومشات للذهب البلدي تقيل عزلات واحد جوج اطقم تقال ديال لعرايس هما اللولين حطاتهم جنب وتبعات ليهم واحد المضمة بلدية حتى هي وبدات تفكر واش تزيد ولالا وقالت اجي نختار ونقيس ونخليهم جنب ، الى مقال والو نزيد والى حسات بيه تقرص ترجع اللور .سيفطات ليه مسج ومها حداها حشمانة والذهايبي جمع ليها الدهاز وقادو فالعلي ديالو الفاخرةحتى وصل ياسين جاي عوال يخلص . مع سلم جبد الشيك من جيبو ما قال نشوف اش تما ولا اشنو خدات .. عطاه الدهايبي الثمن فالفاكتورة ونزل عليه على الشيك كيعمر وبسرعة شارت ذكرى لداكشي لي خلات جنب جراتو وقالت
ذكرى : دخلي حتى هادو
زادهم الذهايبي فلحساب وقطع ليه ياسين الشيك وهوا مرتاح .. كأنه عارف راسو مزوج بطبيبة ومستوى فاكيد دهازها غيطيح زايد على المرى اللولة البلدية لي مشات شرات غير الدهب والحوايج من المدينة . اما الثانية بنت الوقت وخادمة راسها وعاطية شبابها غالي وكل مرة كيحط عليها كتجيه همة وشان .
من تما مشاو بثلاتة داتو للمدينة وراتو العمارة طلعو مع السمسار واراه الدار لي تما كتشوف فالشارع وعطاهم النمرة دمولاها خداها ياسين وقال
ياسين: صافي انا غنهضر معاه
ذكرى: خصني نعرف بعدا شحال عيبيعها لييي
ياسين: ماشي شغلك فهادشي نتينا شوف شنو مزال خاصك وقولي
ذكرى: كتشوف فمها) خاصني لحوايج دالعروس وصافي
ياسين: واصافي شوف شغلك وقول لباك بعد غدا عنطيحو العقد
ذكرى : صافي ان شاء الله
خرجات من تما فرحانة هي ومها مامصدقاش احلامها كتحقق قدام عينيها وكما قال خالها . ضرب لحديد ماحدو سخون وماحدها جديدة
وضربااات الحديد سخوون دغيا وخلات الحوايج هما اللخرين ، صبحات عليهم فلكلينيك طالبة كونجي وعارفة راسها غيخصها الراحة مور العقد ويستحيل ياسين يتسنا ولا يزيد يصبر عليها ، مابغاش المدير يعطيها كونجي فاللخر سمحات ليه فالخدمة وحطات استقالتها بغات تمشي والى مشات مشاو ليه كليانها.. تواضع بزز منو وعطاها عشر ايام وخرجات مشات بحالها توجد لضريب الصداق ديالها،
نهار العقد صبحو كيوجدو والدار والعائلة مجموعة والكسوة فالغوز محطوطة فالبيت كتلبسهاالعروسة عندهم فاش تبغي تقطع الحلوى ديال ضريب الصداب. ديك الليلة قبل العقد جابت النقاشة لدارهم وطلعو للبيت لي فالسطح ولبسات بيجامة خفيفة وجلسات طلقات يديها ورجليها كتحني والدفار مصاوبين والشعر فازك من الدوش وبدات النقاشة تبدع ليها فيديها ورجليها نقش فاسي وفكف يدها خلات ليها دائرة وسط النقش ومحيطة بالنقش مكتوب عليها حرف. Y واسمتعات بالاجواء دالنقش بغات تعيش طقوس واجواء واحساس العروسة بالتمام والكمال وتخرج على ستيلهاالمعتاد
وتكون عروسة حقيقية . نقشات يديها عمراتهم ورجليها كذلك والنقاشة كتروي فيهم وتسقي حتى حمارت وخرجات ليها من داكشي عاد قشراتها ليها ودهناتها ورجعات ليها خلخالها وخواتمها ومشات تكات ترتاح خلات مرت خوها كتنقش حتى هي وشدات تيليفون كتراسل مع ياسين
لبسات قفطان جديد مخدوم باليد لونو كريمي وبلغتو وقلبات شعرها جنب مع شوية دالمكياج ويالاه كتقاد راسها تخرج عندهم دق خالها فالباب وفتحو وكان وراه ياسين بسروال توب ازرق غامق وقميجة بلو سييل شار بيدو لي فيها الملف صفروقال
ياسين: ها الدار ديالك اذكرى … ها الاوراق ديالك خرجو ليوم
تبسمات ليهوهز يدو خرج خلاها مع خالها عطاتو الاوراق تأكد من سلامتهم وتبسم ةقال
عبد المالك: بخفوت) ماعندي مانتساالك .. هادشي وراه شوية… مزااال خصك تجر
ذكرى: عطاني حتى الطموبير قالي غير تخرج ناخدها
عبد المالك: ايوا نتينا دابا فاش يسالي هادشي عمل براسك مرييييطة ..طاحت عليك الكرش حتى تخرج الطموبير وتشدها فيدك عاد نوض (غمزها) فهمتي
ذكرى : فهااامتك
عبد المالك: هاك جمع الاوراق ديالك عطيهم نمياك تهزنهم لك ماتوريشي لباباك هادشي غدا يقولك نمشي نجلس فيها
ذكرى : صافي ههه
تجهزات للخروج ومشات للصالون والزغارت عليها حتى وصلات لبلاصتها جنب ياسين وجلسات حشمانة كتبسم للحاضرين والعدول حداهم .. بداوالطقوس عقد القران وكلشي جالس ساكت عاجبهم الحال .. مدو ليها وقعات كتبسم ووقع ياسين جنب توقيعها وبداو الزغارت والصلاة على النبي والمباركات والحلاوي كتمشي وتجي والمشروبات وكيسان اتاي .. كلشي ضاحك ناشط فرحان ولبسات لاغوب لغوز عاوتلني والبوندو ديالها قطعات فيها الحلوى ودارو التصاور وكلشي مزيان وكلشي تعشا والعشا داز معتبر حتى قربات تسالي الحفلة وقالت بهمس جهة ياسين
ذكرى : ماعرفتشي شني عندي…كتحرقني بطني
ياسين: شنو عندك؟؟ مالك؟
ذكرى: شبرني الوجع فبطني
شدات كرشها كتتألم صابرة وهوا كل شوية يدور يسول واش لاباس حتى بدات العائلة تتسالم ويخرجو والدنيا كتنقص عاد جلسات كتبكي فالصالون شادة كرشها وكلشي تيقها وخالها كيزيد يكمل عليهم
عبد المالك: غير البرد مشي مشي درتاح شرب شي حاجة سخووونة وتغطا
ياسين: شد فيدها) مشي ترتاح مشي كما قالك حبيباك
ناضت كتتألم هازين ليها كسوتها للبيت وغير دخلات حيداتها وتجيدات بارتياح مافهمو فيها والو عاد بداو يستوعبو علاش يلا ميشرح ليهم شي واحد .
سالات الحفلة ورجعو بحالهم معطلين بالليل كل واحد مشا طاح نعس الا هي بقات فبيت الناس متكية سادة عليها كتراسل هي وياسين
ياسين: شوية دابا؟
ذكرى : اواعديي كنرض
ياسين: واش خصك الدوا؟
ذكرى: لاااء شربت شي عشوب سخنو لي كرشي
ياسين: وا رتاح حتى لغدا وعندوز عندك
سمعات ديك الجملة الاخيرة عرفاتو مامفاكش حتى هوا . طاحت نعسات حتى صبح الحال.. صبحات دايرة الواجب تحساب لاي امر طارىء عاودات تدويشة من الاول وتجهزات مزيان ولحسن حضهاوصلها مسج باش ترد الطموبيل لاميز وتخرج لاخرى .. رجعات فيها الروح مابقاتش غتقلب على مبررات .ناضت ولبسات كسوة خفيفة بحال شكل كندورة وطلقات شعرها ونزلات هازة صاكها كتهضر معاه فتيليفون حتى وصلات للباب ولقات نورة جارة واحد الكلب ودايزة شاقتها ةمشات عندها كطلع وتهبط فيها مصدومة وذكرى كتهضر فتيليفون
ذكرى: صافي نتلاقاو تما .. بسلامة
نورة: مصدومة: ذكرااا!!!! تزوجتي ؟!!!!(كتشوف الحنة فيديها ورجبيها والخاتم )
ذكرى: بابتسامة ) اه ههه بلحق غير العقد العرس باقي
تورة: دبصح ادكرى!!!! وماقلتي لي والو؟!!! هادي هي الصوحبة
ذكرى: كلشي جا على غفلة ياصاحيبتي انا بيدي مادركتشي نجلس
نورة: اممم ..ايوا مبرووك .. متشدكشي على الراجل ديالك .سلم عليه
رتبات على كتفهاومشات منفخة هازة فخاطرها .. اما ذكرى ماداتهاش فيها ركبات الطنوبيل ومشات نيشان لاميزو رداتهاليهم ولقات ياسين تما كيشوف الطموبيل .. سلمات عليه ورجعات اللور كتقلب شعرها للجنب حتى مد ليها السوارت وقال
ياسين: شوية؟؟
ذكرى: الحمد لله بارح كنت كنموت
ياسين: هاك ها الطموبيل باش تبرا دغيا
شداتها كضحك : ذكرى) حلم الطفولة عيتحقق .. ههه زعما .
ياسين: تهلا فيها
ذكرى: اواعدي غنحطها فعيني .. فاين عنمشيو دابا .. كن عملتي مناقص بلامتكتبها لي .. صافي بحال بحال حشمت منك والله
قالتها بحالها الى فكراتو يكتبها ليها .. ديالها ديالها وخصهاتكون بسميتها وحتى هوا مامخصوصش وراشقة ليه .. الكاميو ديالو دخل بلامشاكيل والسلعة وصلات وتباعت ودلكشي لي كان مبرزطو صافي سالا شغلو غير طلب لي بغات غيعطيها وهواراشقة ليه ماحدها جديدة .
ركب سايرتو ودوزها للمقاطعة تكاتب معاها فالطموبيل وقادو المسائل كلها دغيا دغيا وخدات الطموبيل فرحات بيها قداش وماقداتها فرحة وهي كتسوق.
سيفطليها مسج تبعو لمارينا وتبعاتو حتى وصلات وصفاات حداه ونزلات معاه لليخت شادة فيدو حتى طلعات ومباشرة مشات كتقلب على طواليط لتحت .سدات عليهاالباب وتوضات وجبدات بوماضة من صاكها ديال بنج موضيعي جابتها معاها من لكلينيك كيحطوه على شفايف والخدود باش ميحسوش بالحقن . قالت الله نص وجعة ولا وجعة كاملة وهي معارفاش كيفاش غيتعامل معاها .
طلاتها مزيان وبدلات حوايجها لبسات دوبياس جداد دياللعرايس فالابيض داكشي خفيف سامبل و لاحت عليها الكسوة عاد طلعات عندو والريح كيضرب فيها لقاتو دخل وسط البحر ..غير هي وياه والسما والما . تلفت جيهتها قبل ماتجلس ووقف اليخت ومشا نيشان عندها شد فيدها وعنقها من خصرها وقال
ياسين: دابا العقد عملناه .. نتينا ديالي وانا ديالك
ذكرى: ههه وصافيي.. (شارت بصبعها جهةصدرو ) شني مزال كتعمل هادي هنا
ياسين: ياك نتينا طبيبة تجميل .. ايوا مسحها يالاه
ذكرى : ان شاء الله
ميكات ماداتهاش فيها كتشوف غير راسهاوالتغيير لي غيطرأ بعد لحضات . وواخا هاكاك كانت ليها معاملة خاصة مختالفة على باقي البنات تقول ماشي نفس ياسين ..بدا كيلعب فشعرها وعنقها ويعنقهابشوية وكل مرة كيبوسها فبلاصة .. مرة راسها مرةكتفها فداك العناق والتلاحم وهي كتحاول تتعود عليه وتدخل الفكرة لراسها .. مدام خدات اشنو بغات فجا. الدور عليها تعطيه اشنو بغا بدون اعتراض..ماعليها غير تولف عليه داباوعلى طبعو وكما كان خصهاتصبر ليه وتتحملو.
واخا ماكرهاتش كون ضربات شي كويسات يرفعوها حتى يدوز داك النهار لاكن للأسف مايصلاحش.بدات كتحاول تنساجم معاه شوية بشوية وتولف عليه .. واخا عمرها عطات لشي واحد فمها يبوسو جاوها القبل فشكل ماعرفاتش واش خايبين ولا زوينين وواش هاكاك خصهم يكونو ..مرة حنان مرة عنيفين حتى كتهرب لور وياسين مولف يطحن نيشان ماعندوش مع شدان الخاطر… لاكن هاد الحالة خلاتو يرطب بزز منو .. البنت مامولفاش كتبان ليه هشيشة وباقا جديدة ماشي بحال الباطرونات لي كيعرف هوا يجر وهما يجرو تقول كيتقاتلو.اما لاللة الطبيبة خصها الخاطر وطيبعلى المهل وكتبان عليها مبعككة كل مرة تتوجع وتقول اي وتتهرب .. محناتو وجلس على الكنبي وجرها جلسها على رجلو عنقها من خصرها
ياسين: خايفة؟!!
ذكرى : رجعات شعرها اللور) لااء… غير انا مامسانساشي عادي ..فهمتي
ياسين: دابا نتينا مع راجلك مخصكش تكون خايفة ومخلوعة
ذكرى: قلبات شعرها للجهة لاخرى) هههه لاااء مخايفاشي
ضحيكة عندها مع حناكها الحومر ديال شي بوسة نيت .. جرهاضرب ليهاواحد البوسة وشدها شدة وحدة ماطلقاش كيجرها عندو ويجر ليها الحوايج وهي كتفتف ماقادراتش دفعو وماعرفات منين تهرب. بقات هاكاك صابرة كتحاول تنساجم وفيهاالخلعة كل مرة تقول بشوية والصوت عندها ديال توحويح نيت بلا هواها كتوحوح عجبو توحويحها نابع من احساس حقيقي .. كتحسو صادق طالع من عمق الحدث. وهزها بحال الريشة فالسما ووقف دخل لداخل لليخت بواحد البيت ضغير فيه نموسية غيؤ شافتو غمضات عينيها وتزرات
. حطها تما وتكا عليها بالبوسان وهي كتوحوح وتتهر طلع ليها اللبسة لفوق حيدها ليها وعروقو بانو خلعها حتى بدات يدها كترعد
ذكرى: بشويوش اياسييين عنداك عنداك
طلع عندها شاف فعينيها كيتمحكك معاها : ماتخافشي رخف راسك .. رخف يالاه
ذكرى: عنداك نتقصح
ياسين: ماغتحسي بوالو .. غير رخف راسك
رخفات شوية وبدات شوية بشوية كيوصلها واحد شوية دالاحساس وحتى هوا مساعدها .. عارف اش كيدير وكيلعب علىالنقط المهمة حتى رخفات وهز ليها رجبها على فخدو اللي موقف وهي مرخية كتحس وتوحوح وبدا يدفع شويةبشوية ويزيد يدخل
ذكرى : اي ايايياحح كنحس كنحس
يدات تحس شوية واخا المرهم عاونها بزاف لاكن قدرات تتحمل حتى حسات بالوالدة تقاست وتخلعات
ذكرى : عنداك عندلك
ياسين: شد ليها يدها جنب) عادي عااادي ..رخف راسك
رخفات راسها وبدا كيشوف فيها غادي جاي بشوية ويتبسم وباسها فشفافها بجنون
ياسين: هانتينا كتولفي هه
دوزات الدخلة بسلام وتهنات منها ومشات طلات المرهم جمدات ديك البلاصة باش ماتبقاش تحس بحتى حاجة وترتاح . مكاين غير طلس طلس طلس كل مرة ومشات تكات على الفوطوي كتشمس مابقا لا كسوة لا هم يحزانون صافي لاحتها وحزمات نصها بواحد الشال وتجبدات كتشمش .. اما ياسين شقات ليه نيت مع البحر والطاسة والقرطاسة هاديك هي العيشة والحياة عندو ولي بغا يموت يموت . مشا جبد واحد الدلاحة من الثلاجة خرجها تخت واحد السقيفة فوق الطبلة حيد ليها الطربوش الفوقاني وهي تحت الشمس كتشوف كيغني وطالق الموسيقى فالباف وخدام كيخلط فديك الدلاخة من لداخل بواحد لخلاط كهربائي وسط الدلاخة حتى رجعات عصير ولاح واحد جوج قرعات فالسما دلفودكا وعاود شدهم قلع ليهم القفالة وقلبهم بجوج سط الدلاحة حتى خواو وزاد عليهم واحد القرعة دلعصير منوع ورما وراهم الثلج ودورهم مزيااان بمعلقة كبيرة وحط وسطهم واحد الانبوب كيجر المشروب على برا وبدا يستف فلكيسان وجبد تيليفون كيهضر
ياسين: اميكو .. نتينا مزال فاين خليتك ياك…. مزيان .. واشووف ..مشي عند الزوهري تما يعدلك واحد الصينية دلغدا تكون مزياااانة بفروتة وكلشي ودخلها لي فبلانشا نداخل انا كنتسناك.. متعطلشي
قطع ورجع لدلاحتو سمطها بواحد تسرفيفة فرحان بيها كيضحك وعمر واحد جوج كيسان ومشا حداها تكا على فخدها مد ليها الكاس
ذكرى : كضحك) اواعدي مامسانساشي ههه
ياسين: جرب ورد عليا
شدات الكاس وهزات راسها كدور عينيها وضحك دايرة راسها عمرها شمات ريحتو وبدات دوق
ذكرى : مزييييون
ياسين: شار ليها بكاسو) بالصحة
شدات الكاس كتشرب هبط على قلبها بحال الهدنة كانت نييت واقفة عليه مع داك الجو والبحر والصمت والما كيبري . دوزات فالكاس النص حسات بالصهد وبدات تبلاني وتخمم
ذكرى : ياسييين..نسافرو ؟
ياسين: ها نتينا مسافرة
ذكرى: ههه ولاهيلا… زعما نسافرو نمشيو ايبيزا مثلا
ياسين: هاد ايبيزا لي عامل ماعجباتكشي؟؟
ذكرى: عجباتني ههه زعما نسافرو فهادا انا ونتينا حتى ن إيبيزا..ياك صالح للسفر؟
ياسين : صغر عينيو كيدورها فراسو) نسافرو… علاش منسافروشي
ذكرى: ادا مكانشي عندك الشغل.
ياسين: الشغل غير بتيليفون نقضيوه
ذكرى: ادا نسافرو ههه
ياسين: عندك الفيزا؟؟ اما يانا عندي باسبورطي حمر
ذكرى: ندفعها غدا ان شاء الله
ياسين: يالاه سير .
حتى هوا مسالي وباقي فعز الشباب باغي يعيش خصو غير لي يطيح عليه الافكار ويخرجو من جو لقحاب والبيران ويديه لشي قرينة اخرى يجرب حوايج اخرين .. كان ناقصو غير التشجيع اما الفلوس كاينة ماعارف ما يدير بيها . ماشي بحال المزلوط عارف مايدير ومفركع بالافكار خصو غير الفلوس
وصل عزيز فالبلانشة هاز معاه الصواني والطاسات ووقف فمؤخرة اليخت بدا كيمد لياسين وضبر على راسو فواحد الف درهم ساهلة ماهلة والف وخمس دالغدا بوحدها لي عطاه ياسين ومشا بحالو ، نهار لكبير هوا يسخرو شي بزناس عارف التدويرة مزيانة ومولف يوصل لماكلة والسخرة وحتى القراعب والثلج ولكارو لكاع البزناسة لي كيدخلو للبحر عاد كتجيهم الكانة ويجيهم الجوع . نهار كيشوف شي باطو ديال شي بزناس داخل للبحر كيلسق هوا فالحاشية عارف راسو غادي يتسخر ويطلع نهارو حسن ليه من العسة فالشمش.
اكثر ناس معاهم الحياة هوا هاد الغبارا والبناسا اما البراهش ولاد الفشوش تابعهم غير لكحط والمشاكل وفين ما يدخل شي باطو مشارجي بالبراهش ولاد الفشوش والبنات كيتبعوه البوليس يخرجوه بشي بروسي . ها هادي سخفات ها هادي شدوها بزز هاهي حيدو ليها تيليفون ها التعنطيز ديال البراهش كيتفرعنو فاش كيدخلو للماء والبسالة والتبرهيش كتسالي بكارثة ديما
ناضت كتعاونو فالتستاف وتصور داكشي فسطوريات بلا ماتبان هي حتى قشعها وهز حاجبو
ياسين: عنداك تكون كتبين وجهك؟؟؟
ذكرى : لاااء ها هنتينا تشوو
وراتو حسابها مصورة فيه غير الخدمة فقط والسطوريات مصورة فيهم البحر واليخت وديك الدلاحة لي صاوب وشوية من يدها عاد بدات تصور الاجواء وداك الغدا المعتبر كان تما واحد مولاي سلطعون البحر وحداه واحد اللقاط وكثرة الفواكه البحرية بالالوان والطاسات بليصوص والشلايض مشكلة وزيد وزيد حتى مالقات الطبلة فين تزيد واخا طويلة .. جلسو يتغداو الراس فالراس كيتجمعو ويضحكو ويدوزو بداك الكوكتيل حتى تقلات بدات كتحس براسها كتقال وكلات بزاف ورجعات اللور تكات خلاتو كيكطرق فداك السلطعون ويقاد فالطبسيل وداه ليها وهي دايخة .
نهار واشمن نهار وبين ليلة ونهار تقلبات حياتها
. داكشي لي بغات وفكرات وتسناتو هوا لي وقع .. عمرها فحياتها تخايلات راسها عايشة شي عيشة من غير لي هي فيها بل كتشوف راسها تستاحق ما كثر. ضربات طلة على سطورياتها لقات فداء فالقائمة متبعة ومسيفط ليها مسج مع الصورة داليد لي مصورة فيها الخاتم والحنة كتبارك ليها الزواج وحتى ذكرى ردت عليها وبردات نسبيا من الفقصة لي كانت فاقصاها فداء بدوك التصاور لي كانو كيجيبو الجلطة الدماغية ليها.
نهار معتبر دوزاتو فالباطو وكملاتها بالطموبيل لي اصلا مزالة فرحانة بيها .. بقات غادية كتصور السايرة من لداخل فسطوريات حتى شد فيها لفران واحد الطاكسي كان على بونت يدخل فيها وفزعها حتى فشلو ليها لكلاوي ودخلت لسطوريات كتجري مسحات الطموبيل وبدات تقرا المعودات وهي غادا بشوية وحاسة بديك الطموبيل غادي تاكلها ليوم ولا غدا والعين عليها حارة غير الله يستر وصافي
الفرحة ديال الطموبيل بووحدها .. اما فاش عيطات لخالها قالتها ليه عاد زادت الفرحة كملات وفرحات ليها مها وزيانت الحياة عندهم..اما سعيد ووعاصم ومرتو تقول هما لي شراوها فاش جابتها وحطاتها قدام الباب ونزلو كيدورو بيها ويقلبوها .. واخا هاكاك ماحساداتهاش مرت خوها حيت عارفة ياسين فال خير عليهم كاملين وغادي يسوفيهم كلهم ماشي غير ذكرى المهم لي جا من جيهت ذكرى مرحبا تاكل وتوكل وغيوصلهم حقهم غيوصلهم والى كانت الطموبيل عند ذكرى فراه بحال الى عندهم. المهم مشاركين فكلشي ومكيقولوش الطموبيل ديال ذكرى.. كيقولو الطنوبيل ديالنا وفرحانين بيها كيركبو وينزلو وذكرى طايرة بالفرحة مابقاتش خايفة بحال الاول.. اولا حيت ديالها ومطمنة مغادي تهز هم حتى واحد .
سعيد : كيدور بيها) خصها الباش ماخصهاشي تبقا هنا يجردوها العواول خصها العساس
عاصم: مسحها بيدو حساب ليه جرحة) متأ حسابني تجردات تخلعت ههه.. لالا خاصها ضاروري تتغطا.. يجردوها بلعاني .. الحسد فهاد الحومة.. ارا السوارت نزلها لتحت عند العساس
سعيد : تيني فلوس نشري الباش
ذكرى: فتحات الكوفر) عندها عندها هاهوا.. عندها كوولشي بااقا جديدة ماركبشي فيها مررة
سعيد: كيطلق الباش) بعدو بعدو نغطبوها قل اعودو برب الفلق من شر ما خلق فهاد الحومة دالحبس.. خصوم عي متيتشوفو
عاصم: بلاش ابا بلاااش متغطيها هي قالت لك عنمشيو ندار نتشوفوها
سعيد : كمشو بالزربة
وردة: تسنااو حتا يانا عنمشي معاكم
مشات طرات مع الدروج كانت غتعبطهم بدوك الخلفات دلفيل طاحت على جلابتها هبطات كتلبس فيها ورجل ورجل لهيه حتى طاحت وزعزعات الدار وناضت بالزربة زرقا شادة رجلها مكمداها تقول فيهاالزحمة عينيها مدمعين عارفاهم مغيتستاوهاش ويقولو ليها طحتي رجعي للدار. خرجات كتشد فالباب فيها السخفة والدوخة والرعدة مشات طلعات اللور ترتاح وقطعات الحس كتبلع فالريق حتى يفوتها الحال. اما عاصم هلز فيدو بنتو وكيصورها كل مرة فرحان بيها .. مرة يجلسها لقدام مرة اللور وطلع حدا مرتو لاح ليها البنت فوق فخدها كمل عليها حتى شهقات ومشا كيتسابق باغي يسوق
عاصم: غير ارااا ارااا نسوق ارا
ذكرى : انا لي عنسوق..عارفة الطريق
سعيد: انا عنسوق مدعرفشي حسن مني ارا
خدا السوارت ركب كيجري فيها حتى غبر تقول سرطاتو رجع كيبان بحال القط فيها وذكرى حداه مربعة يديها وهوا كيتفتف من شدة الحماس حتى داخ وحلات الباب نزلاتو ركب حداها كيمسح يديه من لعرق فجناب سروالو وركبات بلاصتو داتهم للشقة يشوفوها
دخلو للشقة كانت مساحتها ميتين متر فطبقة فيه جوج برطمات فقط بالمصعد كطل على الشارع مقابلة للماركات الصغيرة دالحوايج والمكياج وعامرة بالاطباء ومكتب المحامي مافيها حتى واحد ساكن .. كلها ماكتب وعيادات من لفوق حتى للتحت .. كانت مصلوحة من داكشي الرفيع واسعة تقول فيلا من لداخل بالبالكو كبير بحال الجردة. هي اصلا مساحتها مساحة فيلا فقلب عمارة اللي ماشافهاش من برا يقول فعلا فيلا بفصلاتها وطواليطاتها ومطبخها الفسيح العريض فيه شرفة واسعة بان ليها هاداك هوا لي غديرو غرفة العمل بحكم فيه لافابو وبلاكارات فالابيض والبوطاجي ابيض خصو الثلاجة تحط فيها الادوات والبياص والماطيريال .. كان المطبخ مربع وكبير والوسط بوطاجي اخر مربع كانت كتشوف فيه وتفكر تحيدة وفبلاصتو غيجي البياص دالخدمة ووالحيط لي حداها في بيت كبير ديال النعاس فيه بلاكار من زجاج وحتى هوا مفتوح على شرفة مشتركة جامعة بين المطبخ والبيت والصالونات الكبيرة شاد الواجهة كلها . لما لا تحل باب كبير من زجاج فداك الحيط الفاصل بينو وبين المطبخ .. الحقيقة الدار زوينة وكيتسناها مستقبل زاهر فداك الموقع وشهرة كبيرة .. خصها متهندسش بوحدها زمن الاحسن تجيب ليها مهندس يقادها على شكل عيادة ويدير ليها الديكور اللي يجي معاها والاضائة لي تناسبها .
قاطع تفكيرها باها وهوا كيتسارا وقال
سعيد: هنا البيت دلعواول يجيك مضخم.. وهادا البيت د دضياف
ذكرى: ههه هادي راه الكابيني ديالي ابا شني كتخور.. ماشي دسوكنة
عاصم: هادي كاااملة عيااادة؟؟؟ عمل نوصها عيادة نوصها سوكنة
كان كيضرب على راسو يسكن فيها هوا ومرتو
ياك خاوية خاوية علاش لا مايعمرهاش هوا ومرتو
ذكرى: اه كااملة صافي تافقنا انا وياسين غيبداو الاصلاح .. ممنوع السوكنة فهاد العمارة حيت ديال لخيدمة وصافي
عاصم: ايوا صااافي … شغول شي واحيد فيك عمل لي بغيتي سكون ولا خدم .. ماعندو حتى واحيد الحق يقولك شنو تعمل
ذكرى: انا عنسكن انا وياسين فالدار ديالو علاش عنسكن بواحدي؟؟ هادي تافقنا عليها تكون كابيني
سعيد: بلحق كبيييرة بزااف هادي كلينيكا ماشي عيادة
ذكرى: وا المهم … شفتوها ؟ خصني نرجع قالي ياسين دفع لفيزا نمشي نسبانيا
عاصم: هاا؟؟ فيواخ؟
ذكرى : غدا عنمشي ندفعا .. باسبوطي عندي خصني فيزا وصافي
سعيد: شني عتدفع ندفعو لك يانا دغيا
ذكرى : انا نعرف شني ندفع فالصباح عنمشي نلبنكة نخرج شي وراق وصافي عندفع لاكارط ديالي دالخيدمة وصافي ماشي شي حاجة عندي كلشي
سعيد: وشحال عتبقاو؟
ذكرى: ماعرفتشي .. على حسب
سعيد: ارالي نيمرة ديالو .. النسيب ديالي وماعنديشي تيمرةديالو (كيمسح يديه فسروالو) ارا ارا
ذكرى: طفا لي تيليفون نمشيو ندار نعطيها لك .خرجات كدور فعينيها سدات الباب فرحانة بالدار .. كاع داكشي لي غديرو فعشرين عام دارتو فسيمانة وهنات راسها .. المستقبل دابا عندها . ها هي طبيبة بخدمتها وبطموبيلة دلوكس ودار دلوكس وهي كلها ولات دلوكوس ..الحقيقة الفلوس كتبدل.. تأثيرها على الانسان وتفكيرو واسلوبو فالحياة قوي بزاف خصوصا لي كيعيش الزلط والفقر ةفجأة كتقلب حياتو من واحد مزير مقجوج مقاتل مع الوقت لواحد عندو الحديد وعندو الفلوس ومنفس ومرتاح ماديا.. كلشي كيتبدل وحتى النضرة للحياة والمجتمع كتتغير وكيبدا يبان ليه اي واحد تودد ليه طامع فيه .. كيتبرا فيه واحد النفور والكره والحقد اتجاه اي انسان كان متكبر عليه وماراضيش بيه او كان كيعاملو معاملة خايبة.. تماما كما واقع مع ذكرى .. صاحبتها فداء لي قلبات عليها قلبة وحدة وفجأة رجعات هضرات معاه وباركات ليها كان مسج ديالها محض سخرية لذكرى تشفات فيها وشفات غليلها منها وباقي شاطن بالها داك لمبنت ديال ولد المدير لي كان كيمسح بيهم الارض هي والمبتدئين بحالها وديما مجرجرهم على لخلاص وكيمن عليهم .. حالفة حتى دير عيادة ديال الاحلام مضايراش ختها فطنجة وتجر كاع الناس لي فداك لكلينيك وتشهر شي شهرة ديال بصح لي تخلي داك المبنت يبان قدامها بحال الدبانة هوا وكاع لي رفضوها نهار اللول تخدم معاهم وحكروها وكانو كيشوفوها قليلة خبرة وكيتعالاو عليها بليفوغماسيو ديالهم لي دايرين على برا. بلا البنات لي كتعرف لاباس عليهم وقراو معاها وحلو ليهم واليديهم العيادات من نهارهم . كان محيطها فيه غير بحال هاد الناس وديما كتشوف لفوق وكتحاك معاهم بزاف فمكانتش كترضا ونفسها فالسما الشيىء لي خلاها تخفي حقيقة وضيعتها الاجتماعية وترسم بروفايل على دوقها ليهم باش ماينقص منها حتى واحد ويقلل منها شي مخلوق ومع ذلك مكتسملش واخا بداك الصورة لي عاطية على راسها. كاع لي كتعرف وكتحاك معاهم مكيرحموش.. كيتنمرو بزاف ةيستهزأو بزاف ويضحكو على الناس وفيهن الطنز على الدرويش.. مكيرحموش نهائيا والى رحمو كيشفقو عليك وكتزيد تحس براسك اقل مستوى منهم اكثر ويديرو ليك ضحكة صفرا بلا ميمدو ليك حتى يد مساعدة او كلمة تجبر الخاطر.. عينيو لفوق ونيفهم فالسما والتواضع والكلمة الطيبة كاينة غير بين الدراوش.. اما الطبقة الفوقانية مامولفينش هادشي وحتى الدرويش ماعندو بلاصة بيناتهم ومكيعرفوش يتعاملو نفس المعاملة وذكرى عارفة هادشي مزيان مزيان ولو لا مكانتها الاجتماعية ولقب الطبيبة اللي شوية كيخليها تبان فيها الضو وعارفاه مكافيش وهي مجرد طبيبة فقط .. تخشات بيناتهم وكتحس بالضيق وسطهم مقادراش تساوا معاهم وماباغاش تعيش دىويشة ويعيش شي واحد حسن منها ويشوف فيها هي لتحت. حالفة حتى تشد بلاصة كبيرة وتهبط ليهم الزنافر كاملين هادوك اللي كتعرف عاد تبرد ومزال هادي غير البداية وبداية مهمة جدا فحياتها
أحيانا الحياة و البيئة لي عايش فيها.. تدفع الإنسان يعمل أشياء خارج إرادتو.. لدرجة ممكن يتلاح في بحر و يسبح فيه.. بلاما يفكر واش ممكن يغرق أو ياكلوا الحوت أو يولي جثة هامدة فوق سطح البحر.. والا كان عندو الزهر يسعفوه في اخر لحظاتو و يرجع من الموت..
و مرات الأحلام لي كانتمناو و باغيين فقط نحققوها تاتخلي عقلنا يوقف على دراسة كل شيء.. ممكن ندرسوا بعض الجوانب لكن جوانب أخرى ستخفى عليك و تنفالت من بين يديك.. و كأن الإنسان عقلو تايكون مخمور غير قادر على إدراك كل ما حوله..
و هادي هي حال الدنيا الاختيارات لي تاتكون بين يديك أحلاهما مر.. مايمكنش تعيش الربيع طول حياتك متفتح بالأزهار و الورود.. بل ضروري تاخود حقك من صقيع الشتاء و برودة الجو.. وكيف ما تذوقتي الكأس الحلو غاتذوق حتى الكأس المر..
و هذا هو حال ذكرى….
صبحات الصباح على للنبوري فالبنكة خرجات اوراقها من البنكة وكتجمع اوراق الفيزا .. اما ياسين مشا لسبتة هوا وعبد الحق مشغولين وتيليفونو طافي ، بغات تعلمو بلي دفعات الفيزا لاكن التيليفون ماخدامش وحتى هي خلاتو ماداتهاش فيه وبدات توجد راسها للسفر وخوها وباها نافخين ليها الراس على ديك الطموبيل. تقول واش بغا يقيلوها ولا يبدلو الموضوع لشي جعة اخرى وهي طول الوقت دايرة راسها صمكة مكتسمعتش وتتهرب .
سعيد غادي جاي فالدار كيدور: طموبييير عااااادية.. كاع الناس عندهم طموبيرات ،،، مالكم ملهوفين هايدا تقول عمركم شفتو طموبير
عاصم: كيلبس سبرديلتو) دابا طموبير اخرا شني غتعمل بيها؟؟؟ تييها لي انا خصني طموبير
سعيد: مزال كيدور) شني فيها ادا تسخرت بيها ورجعت ياك انا باباك(ترقيق الحروف)
عاصم: انا عندي العاايلاا ستيتوااا .. خصني طموبير واش عنبقا ماشي ماجي بيها فطاكسييي؟؟
سعيد: كيدور ) متبغيتيشي تيهالي نتسخر بيها صافي ماعنبقاشي نقولك تيهالي
عاصم: مشا وقف عليها فلكوزينة كيرغب) تيني طموبير فياط سانسو(ترقيق الحروف) هايا عندك طموبير مضخمة تبارك الله
ذكرى : صاااافييي. صافيييي واخا خوودها
عاصم: فدهشة) قول والله
ذكرى: ايوا صافييي خليني نقضي شغلي
سعيد: تبعو) كيفاش ! تيتيلو طموبير فمرااا
ذكرى: صافي خليه
عاصم: شني عندك اباااا ٩تى نتينا باغي توحلها لي ولاا؟
سعيد: انا باباها معنديشي طموبير ونتينا تاخدا
عاصم : نتينا متبغيتيشي وانا عندي العايلة ستيتوة كتكرفص فطاكسي
وردة : كنتكااارفصوووو اساعيييد نتينا مكتمشي فااااين
سعيد: ضار ليها) ناينا دخووول سوق دراااسك انا كنتسااخر
عاصم: تسخر فميرسيديسا
سعيد: فاين عنجبرا وهي عتمشي عند الراجل ديالااا
تسلات خلاتهم مناكرين مشات لبسات حوايجها وعيطات لمها تلاقاها باش تشري شوية دلحوايج لي تحتاج للسفر
تقدات ما قل ودل ودايرة فراسها غتشري الدهاز كله من برا وغير الماركات دالفريع
على بيدمن يدخل من سبتة تلهات مع اغراضها وداز ليها الكونجي كامل فسير واجي وعاودات مشات حطات ليهم شهادة طبية بوجهها احمر بغاو ولا كرهو واخا مابقاتش كتبان ليها فديك الخدمة وكتشوف راسها قريبة للهدف ديالها وعندها كلشي مابقا والو وتحقق الحلم . وعلاش لا؟ وشنو فيها واخا ماعندهاش خبرة راهم قراو معاها كفس منها وفتحو العيادات كيتعلمو كيتدربو فعباد الله .. اما هي على الاقل ضربات شوية فداك لكلينيك الحقير وجمعات كليان خصها غير الشجاعة وكلشي يجي مع الوقت.
لسقها عاصم بالبكا والشكا على ديك الطموبيل لي كانت عندها وكتشوفو غادي جاي للميكانيك كيتسناها توجد وكيحلم بيها حتى هوا ومابغاتش تحطمو وضيع ليه امالو .. واخا هاكاك راه خوها سواء مزيان ولا خايب ومتقدرش دوز دمها ولحمها .. واخا يدابزو ويتقاتلو ويوقع لي وقع ..غير كدوز ديك ساعة الغضب كيبردو ويرجعو يتهدنو .. كتمنا ليه الخير والافضل وماكرهاتش تشوفو خدام وحار مايبقاش يطلب لاكن الغالب الله . كتقول سي نهار يدير عقلو وخوها الوحيد واخا يكون ولد لحرام مقطر كتحن تحن فيه وبنتو مقطرة ليها من عينيها . شافتو مضيوم وكيخمم ويتسنى ترد عليه وغادي جاي واقف على ديك الطموبيل وقالت نعطيها لو وحتى هوا راه كبر وكيشوفو ويتمنى واخا مكيدير حتى مجهود . عطاتو السوارت فرحاتو ومرتو كتر منو كانت غطير بالفرحة وعندها البيرمي حتى هي وباغا تسوق وجاتها ديك الطموبيل على قلبها بغات تسطى بالفرحة وكدور بيها وتمسحها وسعيد جالس برا على واحد الكرسي كيشوف فيهم بنص عين ويضرب الشقوفة على قلبو .
تكاتبات هي وعاصم وكملات فرحتو ورجعات الطموبيل فملكو وشكون قال غادي تكون عندو حتى هوا طموبيل .. باقا جديدة ونقية واخا ديال البنات المهم ماركة مزيانة يركب ويسوق حتى هوا. وصلهم رزقهم حتى هما وطلعو بطموبيل من زواج ذكرى والعقبة لحوايج اخرين علاش لا. مزال الخير لقدام وداك الزواج نفع ليهم كلهم ماشي غير ليها هي
وجدات كلشي والفيزا فيدها كاتسناه غير هوا يبان . فين غابر الله واعلم ومابغاتش تسول عليه لا راوية لا حتى واحد اخر . خلاتو حتى صونا ليها هوا وردت عليه من الصالون وهي ناشرة يديها ورجليها قشرو ليها ديك الحنة لي بدات كتبهات باش متمشيش بيها هاكاك
ذكرى: الو ياسين
ياسين: اا زايني ..فاين نتينا؟
ذكرى: انا فصالون كنعدل شي حاجة وصافي
ياسين: انا ماجي فالطريق…. وجدتي راسك؟
ذكرى: كلشي واجد .. فيزا خرجات كلشي هوا هاداك
ياسين: ايواصافي .. انا بليل عنكون تما
ذكرى: نتينا فالطريق؟
ياسين : فالطريق بلحق ماجي على البحر… جيبت باركو لي عندنا فسبتة كبير على هاداك ديال طنجة.. زايد عليه مزيان فالسفر
ذكرى: تبسمو عينيها)اااه .. مزيان.. ادا عتوصل بليل
ياسين: انا دابا فبليونش دغياا دغيا
ذكرى: واخا الله يجيبك على خير
ياسين: امين ازايني يالاه . حتى نوصل ونعيط لك
ذكرى: واخا ..بسلامة
قطعات وضحكات بوحدها فرحانة وعاجبها الحال، كملات شغلها ومشات بحالها زيرات باليزتها وصاكها هبطاتهم للطموبيل حطاتهم وطلعات جلسات معاهم فكاسكروط كيتجمعو ويسولو باغين يعرفو كولشي وباها حتى هوا كيضرب فالفرماج مكيعقل من كثرة ما خلعو داكشي لي كيسمع
مع المغرب صونا ليها .. كان كيحسابها غتمشي تبات ديك الليلة فالدار عندو ساعا قاليها اجي لمارينا ديريكت ومشات نيشان تعرض ليها سلم عليها وهز الشنطة طلعها للباطو وهي كتشوف فداك اليخت شحال زوين موديل جديد وكبير شوية مكتوبة عليه سمية دشهد .. طلعات كتقرا السمية وتسول
ذكرى: شكون شهد؟
ياسين: العايلة دخاي طارق ..سميناه على السمية ديالها
ذكرى ااه هه مزيون الباركو تبارك الله
مشات كتمنضر كان مبدل على اللول ومريح ومجموع الفورمة عندو بحال الحوتة ديال السفر نيت وكيجري . قلع بواحد الصوت ولكلاصون تقول باطو كبير غيقلع وبقا داخل شوية بشوية حتى بعد على الحاشية لي كيصيدو فيها الصيادة عاد جهد فالسرعة كيسوق جالس نص جلسة والاضواء شاعلين فداك الليل وغادي كيتبرد حتى وقفات عليهم لامارين كانت كتراقب الوضع ووقف ليهم وشار بيدو ليها تدخل ووبقات كطل وتسمعو كيهضر كيهضر معاهم شكات فيه هاز شي حاجة فداك الباطو .. تزاد معاها الزايد وفعلا كان هاز داك الباطو ومحمل ومجمل ومتقل . تخلعات وكانت غتموت بالخلعة فاش دخلو كيقلبو اماكن معينة فلاوه مزيان وهوا غادي جاي خاشي صبحانو فجيابو مبررد يحلف عليه الواحد ما هاز شي حاجة. وهوا فلحقيقة هاز السلعة كلها لي كان طلع على قبلها للبلاد ولقاهم كيوجدوها وشارجاوها وجا فطريقو هاد السفر حجة وزيارة نيت . نزلات لامارين مشات بحالها وكمل طريقو حتى بعدو شوية عاد خرجات عندو فيها الموت ويدها على قلبها ووجهها اصفر وهوا كيسوق ويشوف فيها
ذكرى : مالك ؟؟
ذكرى: شني كانو باغيين؟
ياسين :واالو ماعندك مناش تخاف غير مشي ترتاح
سدات فمها وسكتات وهوا شاد واحد المنضار كيشوف بيه كل شوية وشار بيدو ليها تهبط وتسد الباب عليها ومشات دارت داكشي لي قاليها حتى حسات باليخت وقف والحركة فالسطح وفتحات الباب بشوية كتسمع الاسبانية كتشاير وكطل بشوية مخلوعة شافت كروب كيحل المكيفات ديال اليخت وكيجبدو السماطي طوال قدهم قداش داكشي متقون ومزير داخل المكيفات وكيحطو فالكراطن بسرعة وخرجو داكشي نقلوه ليخت اخر كان واقف قريب ليه وغير نزلو مشاو سد ياسين دوك المكيفات وقلع مكمل طريقو كيطير وهي لتحت على اعصابها ماعارفة شنو كيطرا وشنو غيطرا وعنداك تنوض شي كيرة بين المافيات يصفييوها لبعضياتهم وليها حتى هي معاهم .
حرارت عليها السفرية ومابقاتش قادرة كاع تيق فيه .. بقات كتقفقف فداك البيت حتى صبح الحال وفتح عليها الباب لقاها جالسة مركنة بحال القردة وزرقا ورجعات موف فاش سمعات الباب كيتحل كمل عليها
ياسين: فدهشة: مانعستيشي؟؟
رمشات فيه وبدات تفتف بغات توقف وكتمتم: ع عع ادييك فقت دابا
ياسين: بعفوية) نا عاد نرتاح شوية .. راحنا وصلنا ن إيبيزا
مشا حداها عندها جرها وهي كتقففف بحال دجاجة كانيت ناقصهاغير لجنس ونسات مادارت البنج وزرب عليها دغيا دغيا لقات راسها ناعسة ورجليها لفوف وعقل مع التهريب ولاخر مع الجنس ماعرفات معامن تركز وسدات عينيها وسنانها كيتقرقبو دوزات ديك الكوية نيت بحال الكوية دالعافية ماعرفتها كي دازت ولا شنو كان كيقول ولا اش دار حتى لقات راسها مكمشة كترعد بحالا فيها البرد وهوا ناعس حداها معنقها مراهش فداك العالم. ضارت شافت فيه مرتااح مع ىاسو وبقات كتتأمل وتقول سعداااتو.. الله يعطيني من هاد لهنا غير شوية . مابقات كتبان لها لا إيبيزا لا غيرها ولات باغا غير ترجع بحالها .. ماعرفاتو واش سالا شغلو ولا مزال شي ميطة اخرى جايا فطريق .. ماعرفات ترد بالها ولا ترتاح وحتى التسوال متقدر تسوولو. نعسات بزز منها غير بالخلعة حتى للثلاتة عاد قفزات مفزوعة من بلاصتها جات جالسة وعينيها خارجين وهوا قدامها كيشوف فيها ورجل فالارض ورجل فوق نموسية يالاه بغا يجلس ولاوي عليه الفوطة
ياسين: شعندك؟؟ تخلعتي؟؟
ذكرى : كتفتف ) والو(ردات شعرها لور كتهدن) غيى حلمت واحد الحيلمة خايبة
عاود ليها واحد الكوية مع لحلة دعيينيها حتى هي ماعرفاتها كي دازت وشنو طرا فيها ماعقلات على راسها حتى دوشات بماء بارد فيقها وضح ليها الحلم من لحقيقة ورجع كيبان ليها غير لحبس قدام عينيها فقط .. اما حتى المستقبل مابقاتش كتفكر فيه وعاد عرفات راسها فين حطات رجليها ومعامن وشنو ما عطاها ميحيدش ليها الخلعة لي ركبات فيها. بغات تسطى وقلبها تزير وعيات تصبر وطلعات لفوق لسطح اليخت لقات راسها فمارينا د ايبيزا والدنيا مبدلة والجو مختالف لاكن ماعطاتش للصورة اهمية وبقات كاتمة الصبر وعلى وجهها الضيم. طلع لابس دجينز وتيشورط بيضا وهاز صاك صغير محزم بيه على صدرو فيه وراقو وكلشي ونضاضر الشمس وقال
ياسين: لبس عليك نمشيو نفطرو
نزلات ماعوداتش الهضرة وماقلباتش بزاف لبسات اول حاجة جات فطريقها بانت ليها وكانت سروال رطب كريمي واسع بحال الصاية طويل والطوب ديالو عبارة عن نفس توب كيجي مكروازي على الصدر بحال شي مايو لبساتو بلا سوتيان وكرشها باينة ودازت على صندالة وطلعات كتجري طالقة شعرها مشات نزلات حداه مشطونة وعينيها فقلب مخها مكيبان ليها منضر لا ديور بيضا وقهاوي مصافة بحال الملاح ديالهم وداكشي فحال الى راها فليونان والدنيا مع الصيف عامرة . جلسات معاه فواحد من دوك المقاهي كترمش دايرة رجل على رجل ويديها خدا فمها كتفكر وهوا متكي حداها شاد الائحة كيقرا
ذكرى: بسياسة) ياسيييين.. لبارح سمعت شي اصوات درجال كيهضرو سبانيولا والخلفات فوق راسي؟ شني واقع؟
رد عليها وعينيه فداك اللائحة) صحابي تلاقيت بيهم وصافي
هزات راسها تنفسات وعاودات شافت فيه هازة حاجبها وقالت
ذكرى: هاد صوحابك باقي عيجيو عندنا فنصاص الليل؟
هز عينيو شافها كيفاش كتشوف فيه وكيفاش سولات وبقا ساكت عاد قال
ياسين : لا مابقيناشي عنعاودو نتلاقاوهم
ذكرى: حيت انا الخلعة لي فيا عتغرق ليك البابور اياسين .. سمعتيني
دورات وجهها للجهة الاخرى وهوا مهبط راسو على اللائحة وهاز عينيه كيشوف فيها قالبة وجهها ومتوثرة مامرتاحاش. ماهضرش معاها وماهضراتش معاه حتى حطو ليهم الفطور وماقدراتش تاكل .. دوزات بواحد طوسط صغيور مع طريف دلفرماج وجوج حبات دلعنب وقلبات وجهها ساكتة هوا كل شوية كيشوف فيها بنص عين وشار بيدو للنادل وتلفت قال
ياسين: شنو تشربي؟
ذكرى: بالنفي) ماخصنيشي
تلفت للنادل طلب ويسكي وهي ساهية فجهة اخرى مكتهضرش معاه ومرة مرة تهز تيليفونها فيدها تشغل بيه حتى ناض وشد ليها فيدها نوضها يتمشاو وبقاو غادين كل واحد كيشوف فجهة لابسين النضاضر وهوا مرة مرة يهضر فتيليفون حتى لواحد اللحضة عنقها من كتفها وسط الزحام فالمدينة ودخل بيها لروليكس بغا ياخد ليها ساعة ورفضات بكل احترام
ذكرى: شكرا اياسين.. ماخصنيشي
ياسين: بخفوت) علاش ماخصكشي جاتك فيدك
ذكرى: ماخصنيشي غير خليني على خاطري
تلفت كيسوط ويشوف فداكشي ويخمم ودفع ديك الساعة للبائع قاليه جمعها لي وخلصها بلكارط وهزها فيدو وخرج معاها كيتمشاو ساكتين
زادو شوية ويدو على كتفها داز حدا لويفيتو وجرها دخلها تتقدا بزز منها واخا مابغاتش عاود ليها نفس البلان ديال الساعة فواحد الصاك وخرج هازهم وكل مرة يدخلها لمحل حتى عيات بغات ترجع بحالها وردها لليخت كان تما جو زوين والناس مصفيين فاليخوت ديالهم وجالسين طالقين الموسيقى ومستمتعين بالاجواء. دخلات سخفانة حيدات صندالة وجلسات على الفوطوي فلاطيراس مسرحة رجليها كترتاح وتسرح شعرها بيديها حتى بان ليها هاز قرعة ديال الروج مخرجها والكيسان فيدة وبدات كترمش وتشوف بنص عين ودور وجهها. كان وقت العشا ةطلق موسيقى اسبانية وخرج واحد الشواية ديال الضو قدها قداش حطها على الطبلة برا وحط حداها طبسيل طويل مستف فيه اللحم هبرة والكفتة والصوصيط والكبدة والشحمة تقول لعيد لكبير وزاد القطبان داللحم والدجاج و طبسيل ديال العطرية ولاعشاب والزيوت وواحد طبسيل طويل ديال شلاطة بالبوراطا لوسط مكركبة ةطبسيل اخر ديال الفرماج وكلشي مغلف بدا يرون وييصايب راسو وحداه كاس دروج عامر .كان عزيز الزرود والماكلة وماشي اي ماكلة..الماكلة ديال لفريع لبنينة وعندو مع تاويل وتستاف وكيقاد بشوية عليه وهي كتشوف فيه
ياسين: اجي تتعشا ماحدو سخون
ناضت للطبلة جلسات كتشوفو جالس كيسطر فداكشي ويشوي ومن الشواية للطبسيل والفرشيطة وتقطاع داكشي على حقو وطريقو ةنسمة الاعجاب طالعة وكملها وجملها سط، عليه واحد الخط ديال الروج فوق الستيك طايب وقطع وعطاها
ياسين: وقولي كي جاك
داقت ودارت الصواب معاه شكرات ليه طيابو لاكن بتعابير جدية. بقا كيشوووف فيها وماش جلس حداها عنقها بيدو وقال
ياسين: جينا تبدلو الجو ماشي نغضبو
ذكرى : بجدية) نتينا ما كتحيبسش بيا.. انا ماشي غضبانة ومكنغضبشي .. انا دابا مامرتاحاشي وباقا فيا الخلعة ومشطونة ..مكتحيسش بيا وبشنو كنحييس .. قلبي هااايدا كيفرفررر وبقا فيا الحال بزاااف حيت ماخفتيشي عليااا .. ماقلتيشي العايلة عتاخلاااع !! ماديتيهاشي فيا مررااااا
هي كتهضر وتعبر وهوا كيشوف فيها ويدوز يدو اللي معنقاها على خدها
ذكرى: انا خاصني نحييس معاك ببلأماان ..نحيس معايا رااجل يخاف علياااا ويبعد عليا الحاجة لي تخوفني نطممآاان وانا معاك .. كنت مرتااحاا .. دابا ماقدراشي نتيق فيك زعزعتي لي التيقاا!!
ياسين: صافي ميبقاشي يتعاود مرة اخرا
ذكرى: تنهدات) ادا عاوتي اااصلا غير خليني ليلهم صااااافي .. بان البرهاان . نغسل يدييي فمرراا ..لي مايخافشي عليا ويخاف على احساااسي منأمنشيي ليه صافيي
ياسين: انا غلطت بصح .. صافي غلطت واااخر مرة ..صافي؟
ذكرى : عنتيق فيك اياسين .. بلحق ماتكسرشي الثقة ديالي..انا عارفة راسي ادا مابقيتش كنتيق فمكاينة حتى قوة فالدنيا ترجع لي ديك الثقة .
ياسين: وصافي …يالاه تعشا معايا خصني نشوفك مرتاحة وكتاكل وفرحانة باش انا نرتاح يالاه
نعلات الشيطان وكلات وبدلات الساعة بأخرى وبدات كطيب هي وياه ويجربو يشكلو وينوعو ، حتى هوا كان ضريف معاها لو يمكن مالقاش معامن يدير داك التعامل القاصح لي مولف بيه. الهدوء والجو زوين دوزو الليلة قصارين وزادت رشقات ليها فاش حط ديك القرعة دروج الوسط وبدا كيعمر ليه وليها حتى نتابه انها كتشرب وتعاود بلا ماتسكر وقال
ياسين: موالفة تشربي؟؟
شافت فيه مصدومة ولكاس فمها بدات كترمش وقالت بابتسامة
ذكرى : لااء.. علاش؟
ياسين: شربتي بزاف عجبك ؟
ذكرى: مكيسكرشي؟؟
ياسين:كيرخي وصافي هوا مكيسكرشي .. حيت مخمر مافيهشي لالكول بزاف(كيعمر ليها)
ذكرى: براكة عليا صافي حسيت براسي ترخيت
ياسين: صافي كمل هادا ةبراكة عليك
كملاتو وهي متكية وشادة مخدة عندها كيتجمعو والموسيقى مطلوقة ..بدات كتصور الاجواء لي قدامها وتلفت شاف فيها وقال
ياسين:عننداك شي مرة تنزل وجهك ولا تلبس فحال هايدا فلمنغرب
ذكرى :علاش شنو الفرق بين بيناتهم؟
ياسين: فأروبا مكيبنشي لي يديها فك .. والنغرب كلشي عيقم عليك(كيشرب)
ذكرى: هاا؟
ياسين: واش عتخرج هايدا عند لمكابيت الكرش عريانة والصدر هاايداك ..كلشي ملهوف كلشي سايح
ذكرى: ماشي فالاماكن العامة
ياسين : موهيم . على حسب… لباس التقحبين والتقهقيه راه ماعنديشي معاه
ذكرى: ههه كيفاش؟
ياسين: تكا على يدو اللور وشار بعينو لواحد اليخت لهييه ) بحال هاديك دابا لي كتشطح لهيييه .. نحلف عليها شي مروكية .. تشووو كيف عاملة (عاف) كي كتشطح وتكركر زعما الاغراء … وهاداك حداها فرحااان .. باااقي مدوخ بتقحين دجوج فرنك بوبري(مسكين)
ذكرى: كاملين بيكم هايداك كيعجبكم داك النوع
ياسين : تنهد كيدور وجهه ) شعندوم ما يغريو كاملين كيف كيف .. مدرسة وحدة خرجاتهم
ذكرى: غير تشوف وكان هه
ياسين: مابقاااشي داكشي شي حااجة.. الواحد فاش يالاه كيبدا بوبري كيدوخ بداك تعواج وداك تق٠٠٠ بين وتقهقيه ..من بعد كيطلعو ليه فالكر صاافي .. بنات الاصل شي حااااجة .. اما لق٠٠بة دلخلا كدوخ غير هاداك مطرنااان بوبري متايقشي فراسو كتديها فيه وحدة زوينة كتعطيه شوية دتيقة صافي كيتلف
ذكرى: نسقصيك خاايلاه .. انا دااائما كنقول بيني وبين راسي علاش زعما الراجل كيمشي عند بحال هادو ويخلي مراتو .. ولا يخلي بنات الناس ويمشي عند هاديك
ياسين: وا هاديك كتعرف تغرييه ادا كان شي ملهووف فيه الجوع راه يخلي بنت الناس ويمشي عندها ..بلحق شنو عيديه عندها ؟؟ غيير داك تقححبين دلخنز … ككان مخييخ منهم وعاش وسطهم يعدفهم ويطلعو ليه فالراس ويقلب على عايلة نقية للزواج.. ماشي هاديك راسها جامع هايدا ددتصاور مع شحال من واحيد
ذكرى: اييه .. (تكات على دقنها) علاش الراجل كيكون مزوج بنت الناس وكيفسد ؟
ياسين: غيي زييغة… لي عندو الفلوس مكيفسدشي بزاف كيطلعو ليه فالراس على بكري .. لي معندوشي هوا لي كيما قلت لك ملهوف كيدوخ بداك تقحبين… ولا السحور
ذكرى: بصااح؟؟ كيفاش؟
ياسين: كيتأمل ويدوز بالكاس) وااايلي وايلي شكيعملو للسييحر هه(دور راسو) مكايناشي شي ق٠بة دبصح مكتعملشي السيحر والتشعويد.. مكاايناشي .. تقحبين خااه بنو ديماه باباه دسيحر .. شدو شحال من واحيد بالسيحر
ذكرى: ماجاوبتينيشي .. علاش اصلا يخلي مراتو ويمشي يفسد
ياسين: كطلع ليه فالراس وصافي.. عشر سنين بعطاش نسنة غشرين سنة صافي كطلع ليه فالراس .. كيتوحش داكشي كيرجع يقلب عليه… ولا تعجبو شي وحدة يمشي يدوز معاها شي يامات صافي
ذكرى: شحال من واحيد مشا مارجعش
ياسين: مهم كان ناوي يرجع
ذكرى: هه كيفاش كان ناوي يرجع
ياسين: كان ناوي يرجع وداتو بالسيحر … زعما جبر عندهااا …ااا… شعاايكون عندهااا كاع باش صااافي يبقا معاها… راهم هاااايدا تا لهنا اراااا ما تبدل وحدة تنسي فاخراا ..بلحق مراتو راه مرااااتو ادا كانت مزياانة راه ميبدلهاشي بالوسخ .. يدوز لي عيدوز ويرجع بحالو
ذكرى: اهمم وادا هوز شي مرض
دور وجهه كيقلب على الما: الله يستر… الله يستر وصافي والله يعفو
ذكرى : ادا كانو عندو ولادو وعائلتو وهز المرض..ماشي كلشي عيمشي فالرجلين .. شني زعما يبقا معزول ميمكنشي .. ادا مشا هز المرض عيخرج على كولشي ميبقاشي عايش كيف كان
ياسين : يا ربي تسترنا … لواحد يبعد من الزبل .. يخخ
ذكرى: قبل مايعمل يدو فشي وحدة خصو يفكر شنو جايه فالطريق
ياسين: الله يحفض
ذكرى: تكون مثلا غير شي وحدة بغات تنتاقم من شي واحيد مثلا تمشي تهوز الدم من شي واحيد مريض بسيدا وتديه تحطو لهاداك اخر تنتاقم منو.. فاين يبااان شي سحور.. الواحيد ميشركشي معاهم الطبلة والبلاصة حساان ليه
ياسين: الله يستر وصافي بدل بدل هادشي كيمرض
ذكرى: الله يستر.. المهم الواحيد يرد بالو … شحال من واحد كيسكر ولا يكمي شي عجب صافي ماكيبقاش عاقل اش كيعمل
ياسين: لي كيكمي العجب ااصلا مكيعمل والو
ذكرى: شنو زعما؟
ياسين : البلية مكتلاقاشي مع الفساد
ذكرى: باستغراب) مافهمتشي؟؟
ياسين: لي مبلي مكيقدر يعمل وااالو .. هناه الله
ذكرى: مافهمتشي؟؟ اول مرة نسمعها
ياسين : كاع اللي كيشم ولي كيكمي لحشيش ولي مبلي كيضرب دروكا يوميا مكيباقشي يقدر يجمع راسو.. نتينا طبيبة ومعارفاشي هادشي؟؟
ذكرى: والله معارفاها!!!! فلتات لي يمكن..بلحق انا لي كنعرف لي مبلي كيكون كيفسد
ياسين: لااااالا هه غيير اشاعة وصافي.. لي مبلي ميقدرشي بوبري ينواض… واخا ينوض كينوض مرة فشحال … كااان الله وباقي الله صافي(مسح يديه)
ذكرى: شني لعلاقة ديال هادي مع هادي؟
ياسين: دروكا بحالها بحال دوا الاعصاب… هي نيت وكيخرجو منها الدوا دالاعصاب كيرخييي … وكيبقى منادم دااايما مرخيييي مرخي مرخي مرخي صافي كيرخاااو ليه ..واخا يبغي يجمع راسو فشي نعسة ميقدرشي… النعاس كيبغيو الواحد مزييير مجموع والاعصاب ديالو هاايدا (كمش يدو) مزيرييين باش يقدر يعمل داك المجهوود كاامل … اما واحيد بوبري مراااخرخخ اش عيعمل… بالدرااع باش كيعمل داك الواحد .. واااحد وحصل فيه بفف..اوديي (سكت مطولا) النعاس كيبغي النفس طويلة .. والماكلة والرياضة باش لواحيد تكون عندو ديك الرغبة … اما اخر مفرفر مكتكونشي عندو وكينوض لو بزز….. لحشيش عااد كتر كيمشي لداك البلاصة نيشان كيسخنها فالاول وكيزير عليها الواحيد كيبغي يعمل شي حاجة.. اما فاش كيرجع ادمان ديما ديما صافي كيسالي مع ديك البلاصة مولاها ميبقاشي يحس مراا… والغبرة والشم مع الوقت صافي مكيبقاشي الراجل يعمل والو .. كيعيش بحال المخصي عرفتي المخصي؟
ذكرى: بحذر) ولي كيبيعوها؟؟؟
ياسين: لي كيبيعها راه كيبيعها تجارة وصافي.. لي كيتسخرو ويفرقو هادوك لي كيتبلاو اما التجار لكبار عاارفين شكاين
ذكرى: ياسين نتينا كتكمي لحشيش؟
ياسين: شاف فيها) ماشي مبلي.. تخلعتي ولاههععه
ذكرى: غير سقصيستك
ياسين: هانا جالس معاك من لبارح شفتي شي حاجة؟ ماجايبوشي اصلا وعارف راسي مطااول هنا
ذكرى: هاايدااك !!
ياسين: يعمل اربعين سنة صافي .. تسالي الحيااة الجنسية
ذكرى: ياسين حتى لفين قريتي؟
ياسين: كيشعل كارو) لباكالوريا
ذكرى: دبصااح؟؟ نجحتي ؟
ياسين: لااء منجحتشي ومابغيتشي نقرا
ذكرى: علاش؟؟ كا كملتي ماعجباتكشي المدرسة؟
ياسين: انا قريت فمدرسة سبانيولية فتطوان ..شني كتقولو لهم بفرنساوية.. لاميسيو ياك… اقدم مدرسة تما خلصو عليا زبابل وماقريتشي
ذكرى: ههههه علاش؟
ياسين: كيسوط ) الطيش.. الطموبيرااات ..بنااات … صافي خليتا ومشيت نسبانيا عند يما نفخت لها الراس ديالا كنت عنحمقها ورجعتني عند با توالاني شي ايام من بعد صااافي
ذكرى : شنو لي صافي؟
ياسين : عملت مشكل… دخلوني نلحبس
ذكرى: شني عملتي؟
ياسين: دافناا انا واحيد .. كنت بااقي صغير .. تحماو فيا خليتو حتى كان بواحدو ضربتو بالطموبير مشا.. هزوني داوني وجا با وجاو خوتي خلصو ليهم الدياا فكوني خرجت بزز .. لقباحة خاايبة مامزياناشي
ذكرى: وشنو السبب ديك الحرقة لي حدا عنقك
ياسين: حتااا هي بالسبة د الطّيش.. كنت حالفان واحد المسخوط مشيت عندو بالموطور عطيتو صبغة ددق وفاش ركبت على الموطور والموطور كبيير كنعس على صدري هايداك الركبة ديالو .. ركبت نمشي بحالي جا خاه هاز للماء لقاطع رماه عليا وانا الحاااامدو الله دورت وجههي داغيا(هز حاجبو) اما كا مشا لي الوجه ومكنتشي عامل كاسك .. بالخف عملت هايدا درقت بكتفي وكان الصيف مالابس والو جاتني تما.. براات من شي بلايص بلحق هديك جات فيها الدقة لكبيرة
ذكرى: هيييه وشني عملتي؟؟ تحرقتي؟؟
ياسين: خرج عينيه وطفا لكارو) بقيت كنقاااز … سخفت طحت فالارض صااافي .. حتى جبرت راسي هايدا مجبد فكلنيكا وبا عند راسي واقف كيستناني نفيق باش يردني للغيبوبة
ذكرى: هههههه
ضحكات حتى شبعات وهوا جالس كيتأمل فالديكور
ذكرى : اهمم (حطات يدها على دقنها) شني عمل معاك؟
ياسين: شعندو مايعمل… با بوبري جيتو انا على الشرف… كبااار مسكين عاد جيتو يانا بالعافية شاعلة فيا ماقدرشي بوبري وخلاني مني نطارق
ذكرى: حلات عينيها) هييه!! طارق صعييب ياك
ياسين: هز حاجبو) قبيييح طارق .. واخا كنت كاانعمل حسابو كانو المشاكل تابعيني.. كنطير
ذكرى: ههههه ضحكتيني …
ياسين: سبابي فهاد لخرية كاملة لبنات والصحاب…. هما سبب المشاكيل وانا مكنتشي قادر نعيش بلا بيهم
ذكرى: وماتبليتيشي بعدا؟
ياسين: تتأ.. البلية قوداامي كتكبر كبرت معاها ماكنتاشي جديييدة عليا.. كنقياال نقز فوسط منها فاش باااقي صغير
ذكرى: فيين ؟؟
ياسين: فالبلاد .. فالارض ديالنا كونت كنطلع فالصيف نتما عند عزيزة (جداتو) كانت عندي شي تمن سنين تسع سنين لتحت .. حليت عيني تما كندوز الصيف تما كنت مساالي معارفشي شني كاين فالدنيا.. كيجيب لي الله عزيزة هي اللي كاينة وصافي …كيطلعوني عندها نحنقز ويمشيو هما يتساراو ويتبرعوو وانا فالجبل كااااكتشوي فيا الشمس وفرحاان والامين عند راسي كيربي فيا زعما .. اودييي متأ الطفولة المشموتة
ذكرى : كتموت بالضحك) هههه اواعدي كنموت هههه
ياسين. تنهد ) ايييوا شعاتعمل.
ذكرى: مكانوشي كيديواك معاهم ؟
ياسين: فااين عيديوني وانا فاين ما يديوني نتلف… (دور راسو) ويرجعو كي لحوماق كيتجاراو عند المخزن
ذكرى: كتعتارف براسك كطير ههه
ياسين: صغر عينو) فخبارك واحد الحاجة
ذكرى: شني؟؟
ياسين: بتمعن ) كننكككره الطيران ديالي …
ذكرى: هههههههه اواعدييي
ياسين: اقسم بالله … كنكره اي واااحيد كيطير … الرزانة صعيييبة .. بعدا بعدا الواحيد ميعملشي الضحك فراسو ويندم عليه (حرك راسو) دابا كماكونتشي كطير منعاولكشي هادشي كامل
رجعات اللور كتموت بالضحك سالا معاها وهوا كيشوف قدامو والكاس فيدو لي شافو يقول السيد عميق.. كيشرب بشوية عليه ويتأمل مع راسو
ذكرى : تنفسات) انا نقولك واحد الحاجة.. فهاد الدنيا شي كيكمل شي هاداك لي تقيل ميقدرشي يضحك عاوتاني ادا مكانشي شي واحد فيه الضحك يضحكو
ياسين: انا فيا الزربة
ذكرى: هههه نتينا ماشي كطيير ههه ناينا نشييط ودمك خفيف… باااقي تكبر راسك يزيد يعمار وعتقال بزز منك
ياسين: من الخفة عنتقال.. بلحق العقلية كتبقا خفيفة
ذكرى: واخا هايداك عتقال..نتينا كتشوف الدنيا حساان من لي كيشوفها واحيد تقييقال … وباااقي صغير ..باقي هاد الجهد يتقادا وهاد الطاقة تنقص… انا تقييلة عارفة راسي تقيلة بلحق مملة منضحكك ما نبكيك ههه
ياسين. هز حاجبو ) كا كنتي كطيري كرميت يماك فالطريق للقرش … انا هايدا كتعجبني البنت.. مهدناااا تقيقلااا تسمااع .. متزربشي .. اما واحدة كتفرفرررر (دور وجهه ) تفوو.. تسابق فالهضرة .. هاهيا نايضة تشطح هاهيا كتجري هاهيا كتنقز ..فيها الدوودة وضاروري طيح شي حاجة ولا تهرسا . . كتزنزن بحال الدبانة
فشلات بالضحك وبقات غير كتشوف فيه وقالت
ذكرى: ياسييين …
ياسين: دور راسو بتقالة: هااد ياسييييين كتجي موراها شي حاااجة
ذكرى: ههههه
ياسين: قول قوول شنو خصك
ذكرى: كنت عنقولك نمشيو نموناكو
ياسين: فاين جات هاد موناكو
ذكرى: اوااعدي ماعرفتيشي موناكو فاين جاات؟
ياسين: فاااين عنعرفا
ذكرى: مكتسافرشي نأروبا؟؟
ياسين: (هز يدو) انا حدي حد هلندا بلجيكا.. طاليان .. صاافي. نتينا لي كتعرف اوروبا حسن مني
ذكرى: موناكو جات ففرنسا
ياسين: دوى وجهه كيكمي)فىنسا حتى هي يمشيولا الناس
ذكرى: اوااعدي موناكووو!!! مدينة دالاثرياء قالاك
ياسين: كي وااالو .. فرنسا هي فرنسا.. متقدرشي تعيش فيها بلا لحشيش
ذكرى: هههه وا موناكو مزييونة قالاك .. انا كانت خاصني نشري الدهاز ديالي من تما ههه
ياسين: تمشي حتا لموناكو باش تشري الدهاز.. غيدهزوك بالرئيس ولاا؟
ذكرى: هههه فيهاكوولشي (كتبسم) فيها واحد الاوتيل مشهووور اياسيين مضخم
ياسين: ها لاوتيلات فسبانيا فاين تبان هاد موناكو ..
ذكرى: ويالاه نمشيو يالاه يالاه .. انا مكرهتشي نمشيلا
ياسين: مابقيتيشي خدااما وخصك ترجع نلخيدماا
ذكرى: رجعت عطيتوم شهادة طبية
ياسين: مناااقص كاع منها .. ماعندك ما تعمل بديك الخدمة تما
ذكرى: كتهضر بصااح!!!
ياسين: تلفت شاف فيها) كنهضر بصح
ذكرى: تخلعات) منقدرشي نجلس نتينا عارفني وعارف لخيدمة ديالي
ياسين: شحااال كيعطيوك فهاد الخدمة نعطيه لك وجلس بحالك تسنط لعضامك
ذكرى: تزاد معاها الزايد) لالا انا كنعشق لخيدمة ديالي ماشي على الفلوس.. منقدرشي نجلس فالدار نتسطا
ياسين: علاش تسطا؟؟ لجلسة فالدار كتسطي؟
رجعات صفرا: متقدرشي اياسين ماقلتي ليشي هايدا ماتفقناشي
ياسين: تكا على الجهة لاخرى: ماعندك مااا تعمل بيها …. نتينا ماشي ديال لخدمة … جلس بحالك رتاح مع راسك .. كول وشرب ولبس وتسارا وتهنااا .. وربي لعيال قدام عينك
هوا كيهضر وهي فيها السخفة بدا قلبها كيضرب جاتها البكية وبدات كترمش
ذكرى: وهاد القراية لي ضربت وهاد المجهود كامل بمشي فالزيرو
ياسين: ببرودة) مايمشيشي فزيرو… قري بيه ولادك
ذكرى: شدات قلبها) كطحيك معايا ياك
ياسين: كيطفي لكارو) كنهضر معاك نيشان
بقات ساكتة كتشوف فيه مطولا وناضت من حداه مشات للبيت سدات عليها وجلسات كتبكي وتنين ماقادراش تصدق شنة سمعات واكيد مغاديش تقبل ومستحيل تقبل .
بكات حتى شبعات ومشات بلاصتها تغطات وتقلبات كتنخصص وتفكر حتى سمعات الباب تحل ودخل ردو وراه وتكا حداها عنقها وطل عليها لاكن غمضات عينيهابزربة
ياسين: نعستي
بعد الشعر على وجهه باسها وبدا كيفيق فيها لاكن هي طلعات الغطا على وجهها بعدات عليه.ماعجبوش الحال وحيد داك الغطا عليها وقال
ياسين: تنفختي زعما … هضرنا معاك جوج كلمات لمصلاحتك تنفختي
ذكرى: بأدب) ياسين خليني نعس .. ماشي الساعة دالهضرة
ياسين: كيفاش ماشي الساعة دالهضرة؟ نتينا عتقولي اشمن ساعة نهضر فييها
غمضات عينيها قلبات وجهها ماجاوباتوش وصعر قلبها على ضهرها وضربها لحنكها حتى تخلعات
ياسين: كنهضر معاااك فاش نكون كنهضر معاك جاوبني
ذكرى: بصبر) ياسين .. نعل الشيطان وخليني نعيس دابا.. شني خصك؟؟
ياسين: خرج عينيه) كنهضاار معاك رد عليااا … ولا عنقلب يماه هاد الباركوو كامل
ذكرى: شني بغيتي هاني كنسمع
ياسين:ماالك كتنففخخخ … شنو كااين هاا؟؟ كلمة جوج تتنفخخخ ياك لاباس نتينا بوااحدك لي كاينة فالدنيا قلتلك مكايناشي لخدمة مكايناشي لخدمة ماالك منفخة
ذكرى: نعل الشايطان اياسين … بدل الساعة باخرى
طلع معاها بطرشة: وماتقوليشي بدل الساعة عادي نن… كنهضااار معاك شوف فيااا… عنخرج من يمااك هاد النفخة
فشلات بالخلعة بقات غير كتشوف فيه والدموع دارو فررر من جناب عينيها ماقدراتش تهضر وكتشوف فعينيه لي كيشوفو فيها بحال النسر وشنايفها كيترعدو وقلبها غيسكت مكانتش متوقعة ديك المعاملة حيت اصلا مدارتش علاش وليينة فالتعامل ديالها مكتوصلش للواحد حتى يفقد صوابو . بقات كتشوف وساكتة وقطعات النفس فيها حتى ناض بالزعفة وشار بجوج صبعان من عينيه لعينيها وقال
ياسين: شوف فيا مزيااان
دغيا رمشات شافت فجهة اخرى وناضت جلستات حطات يدها على صدرها مخلوعة ماقدراتش تشوف فيه ، خرج وزدح الباب وخلاها فبلاصتها كتقيس حنكها وتنهج وبدات كتبكي وتسمع فالرديخ فوق راسها. كان دايز وكيدفع مشا جلس فين كان كان وشعل واحد الكارو ورجع اللور كيسوط ساكت وبشوف قدامو ساهي .. سرح يدو المتشنجة قدامو وطلع صبعانو وعاود جمعهم و بقا تما كيضربو البرد حتى تفش وبرد وهدا وتهدن ورجع لعقلو عاد ناص كيسوط دار يديه على جنابو وبقا كيشوف فبلاصة وحدة ويخمم وغادي جاي كيوقف هنا وهنا من بعد هبط للبيت حل الباب بشوية لقاها مغطية بحال الميت راسها مكيبانش وشوية من شعرها لي معري .. بقل كيشوف فيها شحال ومشا يالاه جلس وهبطات النموسية بيها قفزات من بلاصتها مفزوعة وعينيها خارجين شافت فيه ورجعات لور هازة يديها مدرقة بيهم على وجهها بحذر كتشوف فيه اش بغا يدير والخلعة فعينيها كتخلع . بقا فبلاصتو كيشوف فيها وقال بشوية
ياسين: شعندك؟؟ منعسشي؟
ذكرى: بلعات ريقها) لا نعيس
رجعات اللور وهوا كيشوف فيها ويدخل فالفراش وهي كتكحز وتهرب حتى لقات غير الخوى حداها وناضات بشوية وبحدر مشات لطواليط سدات عليها وجلسات تما مخلوعة شحال ما خرجاتش حتى سمعاتو قال
ياسين: واش عتبقاي مخشية تما ولا شنو؟؟
خرجات من طواليط خايفة لاكن مامبيناش ومكتشوفش جيهتو .. وجهها مغسول وحمر وغادية جهة الباب بغات تطلع لفوق حتى عيط ليها
ياسين: فاين ماشيا.. هابلاصتك
جمعات النفس بصبر طويل ومشات بزز منها حداه نعسات وبعدات جهد لي بقات ناعسة نصها على النموسية ونصها فالخوا من الخوف وانعدام الامان . الأمان لي كانت مأمنة ليه راسها مشا فمرة ورجعات كتحس براسها مع انسان غريب ومجهول وخطير عليها وصعيب تغمض عينيها وهي حداه.. ماتوقعش شنو ممكن يدير ليها ولا يقدر يدخل ليها شي بزناسة يتعداو عليها… كلشي اصبح ممكن .. الخطر كيحيط بيها من كل جهة وهي بعيدة على بلادها وارضها ومعارفة والو فبلادات الناس .
غمضات نص غمضة وودنيها محلولين وعقلها معاه خايفة على راسها والضلام حتى حسات بيه نعس وتلفتات لقاتو ناعس وناضت بشوية من حداه فداك الصباح والبرد كيضرب والدنيا خاوية وكاع لي كانو سهرانين فاليوخوت ديالهم ناعسين .. بقات كتسرح يديها وتتمتضر فداك الجو مهمومة وطلعات مع واحد الدروج للسطح الاعلى وقفات مكمشة بالبرد كيتتأمل ودماغها طايب كيفكر حتى بان ليها واحد لكاوري يكون خمسيني .. الستيل ديال شوكر دادي واشم رجلو وفديو سيكار مبكوص وواقف متكي على حديدة كيتأمل الشروق وللريح كيضرب فيه .. تبسم ليها وردات ليه التبسيمة بجمالة ودورات وجهها كدور تما وتخمم وكل شوية تشوف فداك الكاوري كتلقاه كيشوف فيها ويتبسم وترجع تقلب وجهها .. شوية دارت ليها طق فراسها وقالت اجي نتواصل معاه على الاقل نعرف شي واحد هنا يعتقني الى طرات ليا شي حاجة، تلفتات مبسمة شافت فيه وهز يدو شار ليها سلم عليها وبدا يهضر معاها من اليخت ديالو لديالها بالاسبانية
الراجل: صباح النور.
ذكرى : بالاسبانية) صباح الخير
الرجل: الشروق جو زوين
ذكرى: اممم .. بزاف
الرجل: مرحبا بيك ..نشربو قهوى بجوج؟
ذكرى: بتردد) اممم.. هه واخا
بدات كترمش ونزلات مع دوك الدروج هبطات لتحت طلاتعلى ياسين لقاتو تقلب على كرشو ناعس وردات الباب بشوية مشات هزات غطا خفيف لاحتو عليها وخرجات من اليخت مشات للخيت لي حداها لقاتو كيتسناها..
طلعات مبسمةومدات يدهاسلمات عليه وهوا كيرحب بيها ودخلات جلسات على الكنبة قدام الطبلة وهوا كيوجد القهوى قدامها .. حط لكيسان كيهضر معاها ويتودد وهزات كاس منهم كان سخون وريحة القهوى ياسلام .. شداتو فيديها وجلس جنبهاهز الكاس الثاني كيشرب
الرجل: اليكس
ذكرى: متشرفين. . ذكرى.. مغربية
اليكس: ااممم مترفشين .. جيتي بوحدك ولا معاك شي واحد؟
ذكرى: لا ماشي بوحدي.. انا والزوج ديالي
اليكس: ااه مزيان..خصني نعرض عليه حتى هوا لشي قهيوة
ذكرى: لالا.. لا من الاحسن لا. راجلي كيغير بزاف … وبسبب الغيرة لبارح دابزنا (تنهدات) من الاحسن بلاش.
اليكس:انا متافق معاه.. عندو هاد الجمال وميغيرش ميمكنش
ذكرى: ههه(هبطات راسها) شكرا
اليكس: بتشكيك) مكيعنفكش؟
ذكرى: غرغرو عينيها) ضربني لبارح.. اول مرة
بقا اليكس ساكت ومصدوم كيسول علاش وهي كتمسح عينها
ذكرى: انا طبيبة ديال التجميل..وكنبغي خدمتي بزاف.. وهوا فرض عليا نجلس ومنخدمش
اليكس: بالنفي) ماشي من حقو … وماخصكش تسكتي على العنف..بقدر ماسكتي كيزيد الانسان فالطغيان
ذكرى: بالايجاب) تماما … (حطات الكاس ) شكرا على القهوى.. خصني نمشي
اليكس:(جبد الكارط) الكارط ديالي.. خليه عندك الى حتاجيتي مساعدة
ذكرى: شكر
خدات الكارط ونزلات داك اليخت رجعات بحالها طلات عليه لقاتو مزالفبلاصتو.
هزات مانطة صغيرة من البيت وطلعات لفوق تكات وتغطات وبقات ساهية فالسما حتى داها النعاس
ضرباتها الفيقة قبل منو والشمس ضربات فوجهها . ناضت فشلانة طوات الغطا ومشات للحمام غسلات وجهها وحكات سنانها ومشطات شعرها وشمعاتو كوتشوفال ولبسات كسوة بالخيوط من لكتاف حريرية ضهرها معري ومجموعة شوية كتبين الصدر ومشات كتقلب فالثلاجة صايبات الفطور لراسها مع كاس دلعصير وهزاتهم لاتيراس حطاتهم ويالاه غتجلس هزات رلسها لليخت لي حداهم لقات اليكس جالس كيشوف فيها ويتبسم .. كان وسيم ولحيتو مخلط فيها الابيض والاسود وطويل وعامر لابس قميجة بيضا واسعة .. تبسمات ليه وهي كتقاد سربيتة على فخدها وبدات كترمش وتشوف فيه مبسمة وكتقول مع راسها يعلم الله كي كان فشبابو بالزين.. باينة كيحمق وداك الزين المسرار كاع الحرف باينة والضحيكة حتى هي .. مرجل وكلاسيكي .. بدات كتفطر وتشوف فيه ويشوف فيها نسات الهم وخرجات من جو الحزن وحسات بانجداب غريب لأليكس ، عمرها حسات بداك الاحساس العجيب فحياتها حتى نتابها داك الشعور فجأة ودفات خاطرها فيه من النضرة لأولى وحتى هوا كان كيشوف فيها باعجاب وعيون كتتأسف للوضع ديالها . بقات هاك مرتاحة فداك الاحساس كتشوف فيه مرة مرة حتى هز واحد الوريدة باسها وشار بيها جيهتها ودورات وجهها كضحك حشماتورجعات عانقات يديها بجوج كتعبير عن الشكر .. شار بصبعو جيهتها وجمع قبضة يدو كأنه كيقول ليها نتي قوية مضعافيش وهي كتحرك راسها بالايجاب وتشرب الليمون حتى سمع الحس وهزات النضاضر لي حداها دارتهم باش مايشوفش الحزن فعينيهاوماتشوفش وجهه وتجي عينها فعينه
هبطات راسها كتفطر والنضاصر فعينيها حتى حسات بيه وقف عند راسها البرافان كتعطعط عنقهاوباسها فخدها ومسح على كتفها وهي متوثرة بدات كتفتف وترمش وتشوف فأليكس لي بدوره.. رمش ودور وجهه ..
ياسين: صباح الخير
مارداتش وناضت هزات طبسيل وكتشوف جهة اليكس لي كان كيشوف فيها بنص عين بأسى ومشات دخلات الكاس والطبسيل ماهزاتش عينها نهائيا ولا شافت فياسين.. اما هوا صبح مبدل .. هوا نفسو ياسين لي كان كيعاود ليها ويضحك معاها … عاود ناض مشا جيهتها مزال ماوصلش بعدات هي مشات لجهة اخرى مهبطة راسها كتتهرب حتى تعرض ليها وهي خارجة للاتيراس وقفها وعنقها لاكن دورات وجهها بعدات شافت جهة اليكس بان ليها نايض مهبط راسو ودخل لداخل.. تنهدات بتعب هبطات لياسين يديه فشلانة وقالت
ذكرى: عفااك .. عفاك.(وقفات يديها ماقدراتش تقيس فيه) الله يخليك
ماقدراتش تهضر شافت راسها مستنزفة وماعندهاش الطاقة ليه بغاتغير يبعد منها
ياسين: نهضرو بشوية.. صافي..مانغوت منقول وااالو .. غير هضر لي بغيتي تقولو قولو انا معنغوتشي
ذكرى : سدات عينيها مطولا) خليني عليك عفاك … خليني .. ماقدراشي نهضر
دخلات لداخل وهبطات للبيت سدات عليها وهبطات راسها على يدها سادة عينيها كتنفس بتعب مطولا حتى سمعاتو كيدق
ياسين: ذكرااا..فتح الباب
هزات راسها بارهاق ووزيرات ملامح وجهها بنفور وصبر وفتحات الباب دخل عندها شافها كطوي لحوايج
ياسين: جرها من يدها) يالاه نخرجو نتمشاو .. يالاه.
ذكرى: جرات يدها) خليني عليك.. الله يخليك … خصني نرتاح كنحيس براسي مرييطة (شدات جبهتها) خليني
تركنات فواحد القنت شادة تيليفون مهمومة وعامرة كتفكر تعاود لمها .. واش تعاود ولا بلاش؟ تعاود ؟ لالا من الاحسن بلاش تخليها مها مهنية وماتمرضهاش .. ماعندها مادير ليها اصلا غير غتمرض من جيهتها وصافي.
بقات جالسة طالعة نازلة فتيليفون حتى قفزها صوت اليخت كيطلق داك الصوت دالاقلاع ووقفات حسات باليخت كيتحرك ومشات خرجات عندو لقاتو قدام المقود ما جالس ما واقف.. متكي ونضاضر فعينيه لابس شورط قصير والساعة فيدو كخلة بسمطة مزيرة كيشوف قدامو
ذكرى: فاين ماشيي؟
ياسين: قلتي خصك تمشي نموناكو
ذكرى: لا خصني نرجع طنجة
ياسين : دابا صافي تافقنا على موناكو .. ها طريق ديالا قدامنا نيشان
ذكرى: خلينا نرجعو احسن
ياسين: وصاافي دابا تحركنا .. ندوزو نبرسالونا قريبة .. وغدا نزيدو لموناكو
بقات غير كتشوف فيه وخرجات لاتيراس بسرعة لقات راسها كتبعد على الميناء واليكس واقف متبع ليهم العين، شافها خرجات وهز يدو ليها وجمع القبضة كيقويها بديك الحركة. تبسنات وهزات يدها حداها وبقات واقفة كتشوف فيه حتى بعدو على الميناء وتقلب اليخت كيمشي مع جنب ايبيزا حتى بعد وبدات كتبان ليهم من البعيد عبارة عن جزيرة صغيرة وعلى اليمين جزيرة اخرى بعيدة كتبان .. شار بيدو وقال
ياسين: هاا مايوركا
تلفتات كتشوف وتصور داك المنضر لي يمكن مغتعاودش تشوفو مرة اخرى وقررات ما امكن تعقل على ديك التسافيرة بزينها وخايبها ومسحاتو هوا من قدام عينيها عتابراتو مكاينش ومشات تستمتع مع راسها
. كان اليخت كيطير وياسين متكي كيشوف الطريق وحداه واحد القرعة كيدوز بيها والموسيقى مجهدة مطلوقة . مشات لواحد الثلاجة لقاتها عامرة مثلجات اشكال وانواع وديسير بانواعو الصغير ولكبير .
اش قالها راسها دير .. ناضت هزات كاس كببر خوات فيه الروج فالقاعة والثلج وبدات تجر فالمثللجات وتكور وتحط فوقو وستفات عليه حب الملوك والعنب ومشات لاتيراس حطاتو حداها وحيدات حوايجها بقات بالمايو وجلسات كدهن وتكات كتشمش والريح كيضرب واليخت كيطير وهي كدوز بداك المثلاجات وكتمنضر ومرة ومرة تهز المنضار تبدا تشوف بيه حتى ضلام الحال وتحرك البرد بدات تبان ليها برشلونا مضوية والجو ياسلام .
دخل اليخت بلاصاه وناض مقسوم كيتجبد فيه الجوع خز حجبانو بتعب وقال
ياسين: يالاه يالاه نعتقو الروح
هز قميجتو الزرقا ولبس سبرديلتو باليونسياكا البيضا وداز على بزطامو تحزم بيه على الخصر ونزل كيسلم على الناس لي تما ويهضر معاهم حتى بدلات حوايجها وخرجات لابسة كسوة خفيفة قصيرة فيها فتحة فالجنب وصاكها لوبفيتو فيدها مشافتش فيه .. كتلعب فشعرها ونزلات مابغاتش تشد فيه وحتى هوا كان مسخسخ كيشوف فيه فير بنص غين مافيه لي يهضر وباينة كيعرف البلايص تما .. تما مابقاش كيدور بزاف مشا نيشان لواحد المطعم كان مكتض بالزبناء وقوة الهضرة كتقب الودنين
المطعم كبييير شي لداخل شي على برا وستيل مستوحا من الطبيعة والخضورية مدلية من السقف والخشب كيلمع فالجناب والجلسة كي دايرة داكشي مريح والناس عايشة الحياة ، جو اخر مع الموسقى الغجرية والسرباية كيطيرو غاديين جايين والدنيا مكتضة تقول عرس. جلسات كتمنضر وتتبسم ويدها حدا خدها كتشوف ديك الاجواء لي كتنسيك فالموت الى كانت داخلاك .. انتعاش حقيقي .. وزادو نعشوها بواحد الحك ديال لكوكو قدو قداش عامر من الوسط بالماء ديالو مع مشروب كحولي والتلج ولاباس لاسقة فيه ومزوق بالورد احمر. شعار الوردة الحمرا لي كيتحط فالراس وورا الودن . اما ياسين تكا كيتفوه مشافش كاع فاللائحة .. غير وقف عليه النادل بدا كيضحك معاه ويهضر ويسولو على سي اسماء اخرين وهي كتسمع عارفاه كيسول على صحابو.
مع مشا النادل هز تيليفونو كيشوف فيه وحطو فودنو كيهضر مع مو بسبنيولية علمها بلي راه تما وبدا كيتعاود هوا وياها ومد تيليفون لذكرى وقال
ياسين:مامّا خصها تهضر معاك
شدات تيليفون تبسمات ردات ليها ومو كترحب بيها وتسولها على الاحوال وكي وصلو . كانت كتبان فيها ضريفة من خلال هضرتها وفروجية وتلقائية. دغيا توادعو ورداتو ليه تيليفونو شدو عندو وقال
ياسين: خصنا نشوفو مامّا ماجاتشي جينا حتى لهنا ومنشوفوهاشي
حركات راسها بالايجاب مشافتش فيه ورجع قال
ياسين: غدا نتغداو مجموعين .. عاد نشوفو هاد موناكو
مارداتش عليه وبقا كيخنزر فيها وقال
ياسين: كنهضر معااك واش عنبقا نهضار بوحدي؟؟
ذكرى: صافي .. عمل لي جاك مزيان
ياسين: وانا كنهضر معاك وناينا مدورة وجهك فاين كتشوف
تنهدات بقات ساكتة .. اما هوا ناض من بلاصتو وجلس حداها دار يدو وراها جرها عندو وقال فودنها
ياسين: ملي نهضر معاك شوف فيا ماتخلينيشي نتعصب عليك .. انا هاد موناكو ماشي ليها بزز ومافيا لي يمشي .. ماتزيدشي تمرضني وضيع لينا لخرجة
ذكرى. شافت فيه هازة ىاسها) الخرجة خسرتيها نتينا واش نسيتي شنو عملتي لي؟؟
ياسين: معنقها بزز ) شنو عملت لك عملت لك هايدا(طلع معاها بطرشة خفيفة) صااافي
ذكرى: نزل يدك .. ماتقيسنيشي
ياسين: وصاافي هادي دابا شي طاااارشة؟؟؟
ذكرى: بغضب) مطولشي عليا يدك
ياسين : يدي سبقتني وصافي .. وماشي شي طااااارشة متحكرشييي..واش قصحاتك؟
ذكرى: تقصحني ولا متقصحنيشي ماطولشي عليا يدك
ياسين: والله ماطرشة دبصح… نتينا كبرتيييها
ذكرى: كبرتهاا?? وصلنا للضرب؟؟ باقين فالاول دطريق
ياسين: وا لي سمع الضرب يقول عطيتك شي صبغة هيااا هاديك
ذكرى : كتبغي تبعد راسها) انا قولي علاااش ؟؟ انا شنووو .. ماهصرتشي ااصلا معاك .. اما كا جاوبتك يعلم الله شنو تعمل فيا
ياسين: جرها باس راسها) وصاافي المسامحة .. انا غلطت معاك .. يالاه . صافي؟
ذكرى: بسهووولة عندك؟؟ .. جيتي قالك راسك منخدمشي قلتي اجي نجلسها فالدار… وعاد الضرب
ياسين: وعلاااش تخدم فداك كلينيك يحكمو فينا فوقاش نمشي فوقاش نجيو
ذكرى: وانا كون جبرت كعملت لعيادة ديالي ونمشي الساعة لي يقولها لي راسي وندخل لي بغيت ونخرج لي بغيت ونخدم علاااا لكانة ديالي.. واش كيحسابك ساهلة ولا؟
ياسين: وا عمل لعيادة ديالك يالاه … بقبتي على خاطرك؟
ذكرى: كضحك عليا؟؟ خصني مزال لخدمة ونجمع ليها الفلوس
ياسين: فاين خصك هاد لعيادة؟؟(كيقولها وماحاملش يذكرها) فااين؟
ذكرى: كترمش) راه الدار ديالي خاوية تصلاح للعيادة.. حسن لي ..نتلها فيها ونخدم عند راسي
ياسين : وصافي حتى نرجعو ويدير الله لخير… (هز يديه) ها حنا غنعملو لك لعيادة ونشوفو واش عيبقا لك الوقت لينا ولا غتلسق لي فهاد العيادة د الززز…. (دور وجهه) وا زيد غوبش عاود
بردات دوك جوج طرشات بالعيادة اخيرا واخا متاقتش فيه حتى تشوف راسها بالطابلية وجالسة فيها عاد تيق. اما هوا بان ليها متقلب كل نهار عندو كلمة حسب الوضع والمزاج .. ضرب ليها واحد التشلقيمة خفا زربا كيشوف فيها وهي كدور عينيها وحطات يدها على فمها
ياسين: طلق الضحكة ماتبقاشي هايدا مغوبشة
ذكرى: جاتها الضحكة) انا مغوبشة؟
ياسين: كتغوبش بزاااف… لبارح كنتي جالسة كتهضر وكضحك كنتي حلوة .. كتهضر وكتقطواط عليا رشقتييه لي
ذكرى: ولفتي تقطوييط دالبنات اياسين
ياسين: بقرف) هادوك كيتكلبنو بزااااف عليهم تقطويط .. القطوط نقيين .. هادوك ميجيشي معاهم تقطويط ازايني(شافها كضحك) ها نتينا كضحك مزيييونة
باسها فخدها وتكا كيتنهد معنقها .. حطو ليهم العشا وتحلات ليه الشهية .. هز الفرشيطة بدا بواحد السلطة كياكل ويتبنن بشوية عليه وكلشي قدامو متابعو والو مازربان ما والو . كان مبلي بالحوت كيموت على اصناف الفواكه البحرية والماكلة لبنينة مكيقصرش من جهدو .. مجرب كاع المؤكولات والاطباق العالمية وكيعرف ياكل .. كيخلط هادي مع هادي ةيزيد هادي على هادي ويجرب هادي مع هادي كيتبدل الطعم كيولي واحد اخر وهي كتشوف فيه كيفاش كيدير ويقاد عاد يديها لفمو وكدير بحالو
ذكرى: عرفتي اياسين عندك الطريقة باش كتاكل مزيييونة .. كتعرف كيفاش تاكل
عيبها. عرفتي اياااسين عنداككككك.. مكاين ازايني ا ميياموور ا لحبيب ديالي… (كمش وجهه) ايااااسيين .. هايداك قرعة
يتبع
شاركنا رأيك في هذا الفصل 🌹