شفافیو بیاضو والما ف حلقو هرب … كمش ايدو حت كان غادي ينزلها ليها على الضهر وهو يضربها مع الارض
_ اااااااخ .. سنيه تيتكرزو على بعضياتهم ..: واش نت ماعندك عقل قوليها ليا …هزات فيه عينيها حمرين
_ سوووري مانتابهتش وماشفتهمش
_ واش غادي نبقا حاضي معاك كي الدري الصغير ااأ جاوبي ؟؟؟ واش ماعندي مايدااااار ؟؟
_ بكر عفااك اخر مرة …وجهو حمار من بعد ماكان صفار وخضار .. ومن تحت سنيه قال:
_ هء لا علاش اخر مرة يمكن ليك تعاودها باش حت لدخلت الحبس مانلومش راسي بشهقات ونفس السيناريو تيتعاود ليها وخايفة من العصا
_ ايام ساو سوري بليييز …شاف في عينيها والف فكرة ديه وتجيبو ..فتح راحة ايدو ومسح على جبيينو ووقف بالخف .تيدور في البيت لي عطا الله عطاه جسمو نار ..ماعرفش شكون شافها من غيرهم .مشا تيجري لسرجم تيمد عينه تيقلب بعينيه شكون شافها … رجع لنوافد لي فطرف الاخر ومد عينه شاف لبعيد كانت امو وعماتو وخوتو واقفين… دار عندها وتيشر ليها بايدو
_ ماوقفتيش هنا؟؟؟..
_ لا . نت لي حلتيهم دابا..حلهم لتوه ونسا .يالي غرابة الامر بكر عالي التركيز لا يشك في امر البتة هو الان فاقد لحسه… رجع عندها
_ وقفي من الارض ..حمقتني ..مشا جلس على طرف النموسية شاد في راسو علاين يتقيا من العصاب .. حس بيها دازت من حداه شاف بطرف عينيه فيها حت دخلت لدوش : مصيييبة كحلة هادي ..على نفس الهيئة حاط ايدو على خدو …حت خرجت لاوية عليها فوطة وشعرها تيتقطر بالما ..جات عندو وجلست حداه ..مرة تشوف فيه مرة تحدر عينيها ..هزات اديها دورتهم عليه معنقاه وباستو في خدو
_ سوري سوري سوري .. تلفت ليها مسنية منو كلمة ..جمعة صباعها وباست االكبير واقسمت كيف تتعمل جداها معاها
_ اقسم لك مايبقا يشوفني حت واحد عارية من غيرك
_ غدا تنساي اشهلة غدا تنساي وهاد المرة مانعقلش عليك والله لعقلت عليك … حرك اديو اتاجها : والله حت غدا ندير فيك لي يندمو عليها لجابوك ليا ولي عطاوك ليا اشهلة جمعي راسك وحلي هاد العقل ..
_ واحا عندك جوج ممنوع . هزات سبابة : مانهضرش على شنو تيوقع بيناتنا بليل كمل هو
_ ماشي غ بليل اي حاجة وقعت بيني وبيك وقتما وكيفما كانت ..حركات راسها بللإيجاب وهزات الصبع رقم جوج
_ ومايشوف حت واحد جسمي .
_ اشهلة راه انا خايب وصعيب راه مرة خرى نطير ليك راسك ..
_ اوكي بكر ..سوري ؟؟ ..
_ نوضي لبسي نهبطو لتحت …المسكينة بوجه حيران وعيون خايفة
_و وشنو هانلبس؟؟؟
..وقف ومشا الماريو كبير شاد طولة ديال البيت من لقنت لقنت فيه اكتر من تمنية بيبان بلونه الخشبي الجميل …حل جميع الببيبان الى الخاص بيه شار ليها تجي عندو بلا مايشوف فيها …مشات لاوية فوطة عليها ووقفت تتشوف معاه بنفس النضرات تیقلبو فی الکومه دیال الحوایج لي مجعدين ومخربقين..
_ هاد الماريو كلو مقربل ومامنضمش ..شاف فيها دور وجهو عندها: رتبي حوايجك وكل حاجة مع ختها …
_ ماتنعرفش
_ تعلمي كلنا تزادينا ماتنعرفوش ولكن تعلمنا
_ شهلة: مابغيتش ..
_ خاصك تبغي واحسن حاجة في الحياة هي تقادي بلاكار ديالك بوحدك باش ملي تبغي تلبسي الحاجة تكوني عاقلة فين حطيتيها وبلاصتها عندك ماتتبدلش…
.ضحكات بصوت عالي ..
_ علاه انا تنلبس شي حاجة ديما تنحس بالحرارة في جسمي ..حركات شفايفها بنفور: كان العالم وسط غابة محروقة مزال رمادها سخون… شاف فيها بعيون مقوسة.. هزات دوني بسماطي ..حركتو بصباعها وهوما يطيحو لي فوق منو ..كملت هضرتها: او كأن داك الوغد العاشق لفتاة ما اوفى بوعده وحرق الدنيا من اجلها … ابتاسم لكلامها وقال:
_ عدر اقبح من زلة ماقلتيش ليا شكون علمك العربية؟؟
_ صاحب المطر
_ شنو؟؟؟
_ بابا ..تنكره سميتو وسميتي اوف… هزات مينية قصيرة وهو يشدها منها بالنطرة
_ تلبسي هادشي والدنيا عندي عامرة شي خارج وشي داخل… لاحها في البلكار: علمك العربية ونسى يعلمك تحشمي على عرضك شوية هااكي.. عطاها .. بيجامة ديال الدار .
_ تتلبس وتشوف فيه : بكر
_ نعام
_اعتدر على لفضيحة
_ عرفتيها فضيحة بعدة يااااك فضيحة
_ يس
..شار لحلقو : شي حاجة مزال واقفة ليا في حلقي راه الشوهة هديك اشهلة نت ماعندكش حس التركيز شوية مانطلش من السرجم وانا عريان وخا يكون غ بلارج تيدور في السما ..نحشم منو . .
_ جداتي لويز دائما كانت تقول جسدك جسد حورية البحر والحوريات خلقن عاريات في البحار انقى مكان
_ جداتك ماتت ولا مزال حية؟؟
_ ماتت
_ والحمد لله على سلامتها تمشي تجرب واحد البلاصة فين تبان الدنيا لي حرق داك العاشق على ود صاحبتو ..مدات اديها عنقتو
_ : ضننت انك غدي ضربني ..كيف عمل ابي مسبقا.. جمع حواجبو وعينيه تيدورو على عينيها بتساؤل صامت
_ كان اسوا يوم في حياتي
_ علاش ضربك ..سامع على باك من اطيب خلق الله
_ افكاره الرجعية كلفتاني حرقة في جسمي مدة شهر لولا عمي الطيب لكان مزال في السجن.. بتكهم وبدهشة بانت على وجهو
_ فايت باك دخل الحبس ؟؟
_ مرات ومرات ..لولا صديقه القاضي كدالك لكنت في حرية تامة الان
_ علاش ؟؟شنو درتي حت دخل الحبس …تبدلو ملامحها من عصبية حديثها الى ضحكة حت بانت على وجها وقالت
_ اللعيين دانيال اخي خدا شيء تيخصني من محفظتي وعطاها ليه… بنفس تكميشة الحواجب قال:
_ باينة شي حاجة خااااااايبة ؟؟؟
_ مانقولش ليك؟؟؟ بسطت حواجبو وميل راسو اتجاهها
_ بصح ؟؟ وعلاش؟؟؟
_ احترم الاسرار مع والدي …ضربها لجبهتها
_ ادن حت اسرارنا انا وياك ماتخرجيهمش على فمك ..عملت حركة بصابعها لفمها.. ..فك ايدها من عنقو وجرها وراه
_ هبطي نفطرو بريهيشة عندها حت هي اسرار زوينة عندك هاد القضية .. .
… تحت كلمة الحمد لله من لسان المعطي لي صبر بكر بانه حت واحد ماشفها من غيرهم زاحت العقدة لي شداتو في حلقو هاد الصباح : الحمد لله ماتيعرفوها شكون ولي تسد السراجم عاد نزل ولا فيقها تحلب البقر مع هنية عاد حرك على الخيل كيف بغيتي
_ هبط المدينة المعطي جيب ليا معلمية ووقف عليهم نت ومنصيف ..
_ ونت؟؟ غادي معزب شي قنت ولا شنو؟؟
_ طالع لشمال شي ايام
_ الناس يا الناس اح اح غادي لشهر لعسل ديني معاك.. ركلو بكر حت كان غادي يجي على وجهو …. ومشا ولاخر تابعو ويدعي في لي ولدو وماعرفهم شكون…. ..
رجعات رحيمو لمدينة وقصدات دار الحاج بوشتة مغدة ومفقوصة لاهي جابت خبار صحيحة من عند شهلة لا هي غادا دي خبار لي تفرحها من عند اليكسي….دخلت مع الباب ماعجبها حال دور في الدار كانها ساكنينها الاشباح ..دانيال منهار جاو المغرب وهو مع ولاد عمو لي قدو يجي مرة في الاسبوع حت عرس ختو ماحضرش فاش مشات عروسة بقا مع الدراري وعجبو الحال… تقابلت مع الحاج لي كان ناعس على جنبو في الصالة .. مربعة إديها وعقدة حواجبها بدات تبان غ مع فقايص شهلة وخوها .حركت اديها خدها مهبطاه بصباعها بلا خدش اضفارها
_ وتقولي ياخويا واش ديت منها باش نقي سنااااني ..حت سارة جات مقلقة منها انا نسولها وهي هازة عليا مناخرها لسما..حگاااااا ما حگااااا قالت ليك موصيها راجلها ماتقولش اشطاري بيناتهم ..هاي هاي وخا يدبحها يخويا تما مانجيبو خبارها وقيلة….هضرات حت عيات وقالت: ت شفتك ماشي هو هداك؟؟؟
_ رحيمو عيطي ليا على الطيب
_ خويا مالك ؟؟
_ اختي رحيمو بنتي غدا تقتلني
_ برا والباس عليك نت في عار الله ونبي رسول الله ت ماتهز هم لشي حاجة خبارها نجيبها من عدوزتها وماتخافش عليها …تنهد .وشاف فيها بعينين داخلين بان عليه المرض …
_ بنتي غدا ديرني ظحكة قدام الناس ارحيمو
_ استغفر الله العلي العظيم خويا هضر اش بغيتي تقول ؟
_ بغات طلق .. ضربات فخاضها حت تسمعت في الصالة لي كان مخيم عليها السكون
_ اش تتقول الحاج قالتها ليك؟؟
_ مزال ولايني هادشي علاش متافق معاها باش قبلت تزوج بالدري…شدات رحيمو في راسها تتدور فيه
_ لالا اخويا ماشي ديالك هادي اخويا ماشي ديالك
_ هادشي لقتلني ارحيمو في قلبي ..مابغيتش بنتي تكبر مع وصمة عار تجيبها لراسها شي نهار قلت اللهم تسمى مطلقة ولا دير شي حاجة مانتقبلهاش ارحيمو بنتي عزيزا عليا ..مزال مابغيتها تكبر وماعمرني اعتابرتها كبيرة وماكنتش بغيتها تزوج گاع دابا ولایني خفتها تخرج على راسها
_ كون غ قلتيها ليا ياخويا كون غ قلتيها ليا
_ اش غدل ديري اختي وحنا جبناها غ بالحيلة بنتي ماتتعرف والو في هاد الدنيا ك البهيمة دايرة ولي جا يضحك عليها بغات غ تاكل وتشرب وتلعب مع هدا مع داك راسها صغير تتتصرف بداكشي لي تيملي عليها جسمها اختي كبرت وبغات الدراري اش غادا ندير نخليها تصاحب ارحيمو تبغيها لوجهي
_ كون علمتيني كون زوجناها لشادي يتيم وباغي الفلوس يحل محال بيع وشرا وشادي ولد ختك تعرفو وصبار ولي قلتيها ليه بحال الى لحتيها في بير تجلس معاه شهر ولا قل تقول ليه بغيت نطلق مايعاودهاش معاها ..دابا اش جا مايفكنا مع الحاج سي عيسى وداها لصعيب في ولادو گاع احاااي اخويا مادرتي فيها مايصلح
_ رحيمو
_ ولد ميمتي صبر راسك لي عطا الله عطاه خليها ضبر راسها معاه وتشوف الوجه ديال المقدم كي داير موقف عايلة من مية وستين خلق حت واحد مايرجع ليه كلمتو خوه رشيد كان ناوي يطلق مرتو قال ليه ردها راه ردها ..خليها تما ونت گطع معاها تلفون تعلا حت تعيا وتحصل
_ ولقالت ليه شنو كاين وحطتني بوجهي فين نردو معاه ومع سي عيسى
_ نكر مالك بغيتي تقر نكر ورجع ليها كلشي حنا سايرين نلعبو ولا ها ياك هي لي غادايا جيا عليه في الموسم خلات لي يسوى ولي مايسوى يهضر فيها والله وتقول شي كلمة ياخويا حت نطليها نت غ سكت وخليني منها ليها غ لما فرجتك فيها
_ اش عندي مانقول
_ اخويا ويسيق الخبار يحتي يبيعك لي قدامك ولي وراك ويحسب عليك حت الفاخر لي تشواو بيهم الضروبات ووقيدة ديك دتالية تخلصها ليه ..ضربت خدها: احي الناس يدبحو ضروبة هو دابح جوج الناس تجيب حولي وهو جايب تلاتة .. احاي الناس تجيب خاتم ودمليج وهو جايب مضمة وسبع دبلاح وسبع سناسل .. شحال قدك ترجع ليه راه خاسر لملاين في عرسو وتجي نت تقول ليه كلامها صحيح والى قلتيها ومشيتي مع بنتك الى مابعتي دارك وخلصتي الخطية راه ماولد فيه سي عيسى غ الخلا ..حطت صبعها على فمها: شوووش لقالت هي الشرق قول نت لغرب وجمع وطوي وخليها منها ليه ..الى ماقدها ليك هو ماعمرها تقاد…. تنهد الحاج وقال
_ لا حول ولا قوة الا بالله
_ اش بغيتي الطيب ؟؟
_ مابقيت بغيتو دابا نخليها على الله
_ نوض اولد ميميمتي تحرك شوية ونت في عام دبلتي وتكمشتي
_ خليني ارحيمو غ خليني……
دار السباعي مقربلة .. وكلام شادية عالي على مها وعلى ختها ..من بعد ماعرفوها ماكنتش مسافرة باش تنسى وانما مشات لدار بكر
_ توحشت شدى ومشيت نشوفها
_ شوهتي ابنيتي شوهتي وماحشمتي طمعي خالتك بالغلوس ودي ولدها هاهي دابا غدا طلق شكون يصرف عليهم نت
_ هو لي حمار سيمانا وهي هنا وماسول فيها ما جا عندها
_ كون جا ومالقاش ولدو فين نكونو ها واش غدا ديري مع باك لي ساق الخبار لبارح
_ يفرقني عليه هو لي قال ليه تزوج ب بنتي
_ الله ينعلها سلعة هاهو عيط لراجل خالتك وجاي هو وياه
_ علاش مالو هبال واش من نيتك تتهضري
_ اه ماتتعرفيش باك نسيتي يومين وهو ساد عليك في االبيت اوى وجدو روسكم نت وياها ولخرى …شافت في ختها لي عطاتها ولدها
_ ماكلاك قلبك على ولدك ماا قلتي شادية حمقها المقدم تنساه في شي قنت..جاوبتها لاخرة بعصبية خالة شادية مقهورة المسكينة من راجلها فات عليها وقت الزواج قالت تستر راسها ساع قتلت راسها مع سكايري قمار الريال لي طاح في ايدو يديه لتيرسي حت مرضت المسكينة بلاعصاب
_ كون غ نساتو عندهم وجات
_ لا حول ولا قوة الا بالله
_ اه اختي .. بغيت نعطي ولاددي صافي مابقيتش قادة على غواتهم وهما جيعانين . مابقيتش قادة نخرج بيهم وهما عريانين قتلني السم وقتلتني الفقصة الى مالقيتش حل غدا نقتل راسي ونقتلهم معايا
_ وخدمي خدمي وكسي وسمطي ولادك ووكليهم العيلات الحااااااارات راهم خدمات غ كسالات في الحمام ومعيشين ولادهم
_ لي تولدت في فمو معلقة ديال الدهب بحالك مايهضرش على بنادم قولي ليا اختي فين جيت عندك لابسة حلابة جديدة ..ولا صندالة ها الى بغا يطلقني يطلقني يهنيني غ من فمو الخانز …بقات في حلي فمك وتقوليها قداش خدميي خدمي اه انا كرهت نخدم ..ها كرهت . فين نحطهم وشكون يشدهم ليا ااا بقات في خدمي شكون نخلي معاه بنتي ومايتكرفسش ليا عليها شكون نعطيه ولدي وما يضربوش ليا شادية باغات المقدم وحماقت عليه عرفتو راجل عرفتو سبع عرفتو ولد الناس عرفتو مايفوتها لمرضت عرفتو فيه النفس وحااااار راجل تموت عليه وتقتل عليه لبغات بغات راجل …شارت لختها وكملت كلامها: نت عطاك الله راجل ماتلومنيش انا لي عطاني شماتة ..دخل السباعي مع راجل اربعيني مع كلام نسيبتو خت مراتو وفعلا ماشي راجل ..دخل عندها بايدو معليها لسما
_ انا شماتة يا المعفونة يا الحامضة
_ معفونة جبتي صوبني وريحتي؟؟؟ يا القماااار يا الشلاهبي …. واحد غادي لبنتو ولاخر لمرتو وشي باغي يفك وشي باغي يهرب الدراري الصغار ناضت نيت حت كانت غدا طيح روح صدق من قال ومن الحب ماقتل ..شادية شي نهار يقتلها عشقها لبكر ولو ان زيارتها لبيتو كانت بدافع تشوف شدى لكن حيلتها داتها باش تشوفو هو ….
بعدات شادية من باباها وهربت ليه غوتات حت سكت الكل وشارت لراجل خالتها
_ شوف اداك الحيوان رمي طلاقك على خالتي وولادك انا نتكفل بيهم. .شهقات ماماها وضربت في فخاضها…مشات حداها خالتها وربعة اديها تتشوف في راجلها
_ كون راجل غ هاد دقيقة وطلقني …
_ نت لي بغيتني نهار الول عارفاني بعيوبي وقلتهم ليك ..قلت ليك ماتنساحش من البلية قلتي ليا قابلة ..قلت ليك خايب ومانسواش قلتي ليا قابلة … خفتي تبقاي بلا ولاد ؟؟ . تقهرتي من هضرة العباد اا ااا جيتي عند واحد مساااااالي قلت ليك ابنت الناس أنا ضايع ومابغينش نضيعك اش قلتي ليا .؟؟؟ هضري ؟؟ قلتي ليا اللهم ملقاني معاك ولا مع كلام الناس ااا قلتيها ولا لا ..جاوبت المسكينة بدموع شلال
_ كنت مريضة بكلام خوتي وعيالات خوتي تقهرت بكلمة واش بغيتي تبقاي بايرة واش ما غيروركش بنات عماماك وخوالاك لي صغر منك وتزوجو ولدو شكون يقبل عليك الى كبرتي بلا ولاد شكون يحن عليك الى تقادا جهدك… مارحمونيش حت وليتي تبان ليا فيك الفايدة خرجت على راسي وعلى ولاد كرشي كون بقيت ديال راسي كون درتي داري وخا غ من الخبز في المارشي كون بقيت ديال راسي كون انا بصحتي ….عنقتها شادية وقالت
_ ولادك هما ولادي اخالتي انا نشدهم ليك ونقريهم ليك وسيري خدمي على راسك نطق السباعي وقال
_ علاه نت بالسلامة ناوية تبوري عندي ولا شنو ؟؟
_ هضرتكم ماتهز فيا ماتحط عشمتوني ب ابو بكر حت ما بقيت شفت بحالو بلا ماتحلمو وتبنو اوهام انا راه مانتزوجش باش نولد الدراري ولا نتزوج باش مانتسماش بايرة كيف تيقولو الجهل يلي خرجتو على البناات ومانتزوجش باش ناكل ونشرب انا مانقبلش بعاهة ديال واحد ولادوه ناس ماعرفوش يربوه انا مانتزوجش بواحد مقادش على راسو انا غ فوتوني عليكم انا فاش ماخديتش لي تنبغي عمركم تشوفوني عروسة غ هنو روسكم ولي قال فيا كلمة يضربها في عشرة …شارت لراجل خالتها : ونت اداك الشماتة يانص رويجل ياغادي تخرج منهنا حادر راسك ياغادي تهزو بين اديك
_ الى ماشربتك المرار ابنت السباعي هانا هنت …المقدم تيبغيه الله بعدو من طريقك.. بغيتي تشدي ولادي شديهم الله يطليك بيهم وفكري في راسك وديري علاش ترجعي وسيري خدمي على راسك مزيااان حيت نت مابقيتي تباني ل
لا لمقدم ولد سي عيسى لإبليس . فعايلك خايبين انا سكايري ومناديريهمش .. .صرخة خلعات بيها الكل وهي تتقدم بإديها لعندو
_ والله حت نقتلللللللللك… خرج وخلاها وراه تتسب وتعاير…تبعو ااسباعي يطيب خاطرو ويصلح لباقي مايصلح على قبل دوك الدراري ساع لقاها الراجل من الجناتي والناس
_ خليهم ليها والله حت براتها توصلها ……..
**** في المزرعة ..نهار زوين عند شهلة وبكر من بعد مافطرو ورجعها لبيتها وحط ليها حوايجه كلهم وخلاها طويهم وتستفهم بترتيب وانتضام ..وجمعو لي فاليز باش يسافرو لغد ليه ..خرجو يودعو الخيل تسارا بكر عليهم كاملين طلق شدى وبنتها تلعب في الملعب المخصص لمهرات وحديت الولادة خلاوها تلعب طلعت شهلة فوق واحد العود ديال الخشب وبكر واقف حداها حاضين روز تتلعب قدام مها وعينيهم …..هرها في ودنها بقشة من تبن وقال بأبتسامة :
_ في خبارك غدا تكبري قد قد مع روز
_ علاش؟ انا صغيرة ؟؟
_ تماما نقولو يله تولدتي..
عندما یلقي القدر بتعويدة جميلة نسماتها وابل من المشاعر وسحرها عيون إمراة اجمل ..عندما تكون في عالمك الخاص الرائع ..منعما بالهدوء والسكينة فتكسر داك الصمت ضحكات امراة …. عندما تكون مستغنيا عن الشيء وياتيك به القدر الجميل على طبق من دهب فما الدي يسكون داخلك ايها الرجل .ايعقل ان تبقى على حالك وقد اتاك القدر بما يحلي يومك وليلك…لا ابدا ستبصح عطشا والماء امامك وتفقد ليلك وتزعجز نومك لكن ياله من ازعاج عدب كعيانها الدي سرقت لونهما من البحر وتركت له الملوحة تتغدى بها طحالبه فلا يليق بجميلتنا الا العدوبة كما قال لها في اخر لحظاتهم وهم يصارعاني الحب ويمارساني طقوسه كما يحلو لهما : عدبة كماء المطر سقط على صخرة جوفاء ..شارة اليها ضاحكة واتم كلماته: انا الصخرة وانت الماء.. لتبادله العناق وتهمس له : انت الدي سقى زهراااتي فاحدر ان تصيب ربوتك بإعصار ..ابتسم ظاحكا مقبلا مايحلو له من شفتيها : اعصاري لديد كحلوة السكر او مايسمى ب …اغمضى عينه متدكرا ماسمها لتجيب بنفس متقطع جميل يترنن بنغمة مايفعلاني في المكان وهدا دليل على سعادتها : المارشملو … الأتنان في غطاء من الاحضان والمداعابات والقبل …فلا ينقصو امسيتهما شيء حت موسقى الريگي حاضرة تتراقص على طبولها عشرات من الشمعات المتراصات بانتظام في قوالب من الحب هدية من صاحب الاوطيل بعد معرفته بزواجهما الحديت… هناك اشخاص يقدرون الحب والرومنسية متل هدا الكهل الوسيم صاحب فندق خمسة نجوم تحت اسم لكاسا دي فلاورا.او.بيت من الزهور …..
…. كيف حالك ايها البحر.؟؟.هل انت سعيد كسعادة بكر ..هل يحلو لك مايفعلانه امامك …ياصاحب الاسرار .اتتلاطم امواجك في بهجة مسروقة من عيون بكر وهو يناضر زوجته الجميلة ام من اتار اقدام المارة قبلهم .. ام تبتسم له ولي غيرته وهي تخطف انضار المارة …اخبره ان لا يحق له الغيرة من عابر سبيل كانت عيناه طواقة للجمال ورايته ..اخبره ان لون عيناها يخطف الابصار ..فلا يحق له العتاب ولا العقاب ولا حت ان يبدي تعليقا …اخبره انه اخد كل شيء وترك لسيء الحظ النظر فقط اخبره ان الغزل لك وحدك ..وإبتسامتها لك وحدك حت عناقها لك وحد افترك لنا يبهج العين فقط
بعد شهر من التجول وتجوال او كما سماه صديقه العجوز..شهر عسل..عادا الى بيته ..يحمل اجمل الدكريات..سيخلدها في البوم من الصور وسيحتفظ بها داخل قلبه اولا قبل ان يفتح صفحاته……..
اول مانزل الحقائب من الطموبيل ..شبك اديه مع اديها ..جارها وراه باش يسلم على خيلو واحد بواحد ويعودعها على طقوسو الجميلة قبل الرحيل وبعد الاشتياق…داخل الاسطبل تيجري تحت صهيل احصنته علمت انه جاء ونيسها …. داى عليهم كاملين سلم لعليهم وباسهم عنقهم توحشهم ماعمرو غاب عليهم ولا هما غابو عليه ..شي تعلا حت عيا وشي صهل حت عيا ..لكن شرف حزين…الوحيد لي عبر على سعادتو براية بكر بدموع … خلا بكر تيشوف فيه ماد وجهو عندو باش يتاكد واش دموع ولا شي حاجة في عينيه ..من بعد ماتاكد عنقو وبادلو بدموع حت هو ..خلا شهلة غ تتشوف فيهم ..طيب خاطرو بلمسات حنونة وقبل على ناصيتو وخدودو….. قربت منهم شهلة … حطت ايدها على شرف ماحسش بيها لانه في عناق والا كان نفض بجسمو …. دار عندها بكر ضاحك وفرحان بحب شرف ليه وزادو في قائمة الاحصنة لي تتسناه بشوق…
_ ها شرف طاح في الشبكة ..بتساؤل
_ مالو؟؟
_ ولا تيبغيني حت هو ..بضحكة عالية منو…. اجي نشوفو روز اش نو غادا دير معاك هي واصالة..جرها وراه ….حت ردت فعل مادراتو لا المهرة لا اصالة لي نقولو فاتها الوحام..شاف في شهلة
_ خاصك تحببيهم فيك … ..حل عليهم و خرجهم شاد فيهم وشهلة تتدور بيهم ..حت خرجهم الهواء الطلق وطلق ليهم الجام .
_ يله تعاملي معاهم
_ يله تعاملي معاهم ….. قربات من روز لكن هربات منها . تبعتها تتجري ولخرى تتجري
_ غدا تسخفي بلا فايدة وقفي وعيطي عليها باش مابغيتي تتعرفي تصفري؟؟
_ يس
_ صفري ومد ايدك ليها.. وسري عندها غ بشوي… كيف قال عملات وقفات روز تتشوف فيها حت قربات عندها .
_ مرري ايدك على ظهرها غ بشوي…
_ هكا؟؟
_ تماما..
_ عنقيها وخليها تحس بيك
_ نعنقها ولكن باش نخليها تحس بيا..؟….وقفات شهلة على ركابيها باش تجي قدقد مع روز وعنقتها
_ تخيلي انها تتقول ليك فيا الجوع ولكن صوتها ماتيوصلكش ..وماعرفاش كيفاش تقولها ليك…
_ هما ماتيهضروش ..باش غدا نعرف انا؟؟
_ نت حسي بيها وسوليها وماتسنايش منها جواب
_ فيك الجوع؟؟ ..فيك العطش؟؟ شنو بغيتي تاكلي… ؟؟ مالك؟؟
_ شفتي المسكينة ماتجاوبش …كرزات عليها شهلة اول مرة تعرف ضعف الحيوان رغم قوة جسمو تيبقا ضعيف ..مهما حس بالام سواء مرض او عطش او جوع تيبقا انينو مامسموعش
_ جميلتي ..حلوتي…بقات معنقاها
_ روز غدا تاخد طبعك
_ ههه لالا
_ ايييه يله نوضي وريني اش غدا تعلميها …..حطات صبعها على فمها تتفكر خدات حيز من التفكير..وبكر تيشوف فيها وتيضحك..
_ اوووكي…. جات قدامها وهي تحرك رجلها مدتها لرجل روز تتجيبها عندها وترجعها.. . عودات الحركات مرات مرات..تلفت لبكر حاطة اديها على جنابها : مابغاتش
_ بكر: كملي … بدلت الرجل وبدات تشطح ليها .ولاخر يضحك
_ مابغاتش تحرك هي نتحركو انا .. تتشتف قدامها على الحان اغنية شاكيرا واكاكا ..تشطح بلا موسيقى وتجدب راسها ودور
_ قفارت عليك الجديعة ..حركات اديها بحال الطاوس وهي تهرب روز وتبعتها الخرة وراه وظحك ..شافتها شدى تابعة بنتها وهي تقصد شهلة تتجري بغات دافع على بنتها ..رجعات شهلة تتجري خوات بيها رجلها وجات طيحة خباط ..لاولا سرعة بكر ونباهتو .. خطفها من تحت رجليها لكانت رفستها … هزها تتغوت وتضحك …
_ كان الامر وشيك…..بقات معلقة فيه
_ نت هجمتي على بنتها شنو بغيتي دير تاخد بالاحضان متلا ههه حفظك الله
_ نحاول مرة اخرى؟؟
_ الى قديتي تهربي ماطيحيش يله……مشاو بجوج عند روز تيلعبو معاها . لكن شدى مادرت حت ردت فعل وكانها عقلت على موقف بكر مع بنتها وعرفتو ماغديش ياديها ..بالعكس جات عندو تتدور بيه… لعبو العودات حت عياو ومشاو تيغسلو ليهم …
_ غسلي لخيلك ماشغليش فيك
_ لا مانقربش لشدى وماشي ديالي
_ ديالك اي عودة هنا ديالك نت واي عود ديالي ..مفاهمين …
.. تتغسل لاصالة وهو يطيح عليها سؤال عجيب
_ بكر
_ هممم
_ الى كنت حيوان شنو تبغي تكون؟؟؟… شاف فيها وطلق ظحكة لسما
_ اش هاد السؤال؟؟
_ انا كون كنت حيوان غدا نكون حمارة …جمع الظحكة حت عيا وطلقها وكتافو يتحركو .وعينيه تيسلو بالدموع عيا يسكت في راسو جاتو هستيرية حت ضحكها معاه
المسكينة.. بقات تتشوف فيه . وعيونها تتضحك ..حت سكت وتكا على اصالة ..سولتو بإديها
_ ونت؟؟ رجع تيضحك . حيد تيشورطو وقال
_نت قولي اشمن حيوان انا.؟..غمض عينيه تيظحك ..
_ کنگر وجهت لیه تیو دیال الما... رشاتو علیه …..حرک راسو بالایجاب مع ضحکات مسترسله…
_ کنگر افکارک غرییییبه علاش نت حماره کتافو تیتهزو: استغفر الله بغيت نقلك علاش ختاريتي تكوني حم.. ا رة بتقطع قالها لانه بكر ماباقش قادر يسكت …
_ لانه في داخلي روح دياال حمارة .. ضربها بعجينة دياال الطين : اي واحد تيقول ليا شي حاجة تنديرها وتنتعلم اشنو تيقولو ليا ولكن قبل الفكرة ديالهم ماتتكونش خاطرة على بالي تانيا فاش ماتنبغيش الحاجة مانتبغيش نديرها تنعااااند .. وتنقدر نهز الاتقال لمسافة بعيدة …وخا تتكون تالمني تنبغي نوصلها فين قالولي … حك مؤخرة راسو تيشوف فيها
_ هادو صفاتك نت اش جاب الحمارة لموضوع؟
_ نفس الصيفات مشتاركين فيها… ابتاسم
_ ادن خاص بريطانية تعطيك جواز سفر حت نت
_ علاش؟؟؟
_ حيت عندهم الحمير بجوازات سفر وبطاقات تعريف هه ..سكت لدقائق وقال: الحمير دكيين بزاف وتيسمعو لمولاه ونت ماتتسمعي لحت لواحد غ اختاري حيوان اخر انا جيتني بحال القطة خاصة عينيك ماشديت ليهم حت لون من نهار شفتك بليل لون وبصباح لون وفي العشيا لون
_ بحال لون البحر تتقول جداتي
_ اااااه فعلا ..البحر تياخد لونو من السماء وكل ماتغير لونها تيتغير لونو فعلا جداك حكيمة مع راسها وانا علاش شبهتیي لكنگر….
_ لانک احیانا تترجم کلامک لزمجره او همهمه … وتیعجبک تفیق مع الفجر لاحظت انک تتکون نشییط قبله بدقائق او بعده ّبدقائق
_ فعلا ملاحظااتك فی محلها ونت تتگوني ناعسة في هاد الوقت باش عرفتيني تنفيق مع الفجر
_ يا لئيم ..هاد الشهر كلو لي دوزاه في المدينة خليتني نعس مع الفجر؟؟؟ ضحك بخجل وكان المكان يفرض عليه توب الحشمة وقال:
_ جو الوطيلات تيخليك واحد اخر
_ غادي تشتاق ليا ابكر؟؟
_ معلوم
_ تنهضر معاك بجدية واش غدي توحشني؟
_ الى توحشتني نت حت انا غادي نتوحشك..المسكين تفكيره راح الى جو الرومنسية لكنها تدكرت ان وقتها معه قدا حان وان عليها ان تركب سفينة الوداع …
شافت فيه مطولا وكانها تتحفظ صورتو داخل عقلها …حدر بجسمو . هز تيو دلماء خداه لشدى تيغسل ليها …تلفت ليها لقاها مزال تتشوف فيه
_ اصلا انا ماتنشبعش منك باش نتوحشك ولا لا هه نصي التاني وتوام روحي .. نت مكتوبة ليا نعيش معاك الى اخر نهار في حياتي بإدن الله .. تيحدر راسو يهز المشط يمررها على شدى ويرجع يشوف في شهلة
_: انا تنشكر الله على هاد النعمة نت غدا تبقاي حبيبتي كل تانية تنحتاجك فيها معايا .. جفوني مانبغيهاش ترمش الا على لون عيونك محبتي ليك بوحدك مختالفة ساكنة هنا…شار لقبلو : نت ديالي بوووحدي …اجمل ابتاسمة ترسمت على محياه كمل كلامو من بعد ماشاف فيها وقال: ماقلتش ليك تنبيغيك من قبل؟؟ حركت راسها بلا …. جا عندها وهز تيو دالما لفوق خلاه بيناتهم وقال:
_ تنبغيك
قال تنبغيك بكل احساس اول مرة يقولها لشخص واول مرة ينطق حروفها وتخرج من احبالو … قال تنبغيك ادن تيعني شنو تيقول … بعيونو قالها تلعمو وصغارو وبانت عليهم فرحة عام وعامين ومية سنة من بعد ..فؤادو تراقص بإحساس ..خلاه يزيح عينيه عليها ويشوف في إديه لي بداو تيرعدو كانو في سبااق ومابينو وبين خط الوصول الا قطع شريط الفوز.. الجو هادئ فقط بعض صهيل ضعيف للمهرة الصغيرة الي تتلعب حداهم … ومرة مرة تجي لحت لرجليهم وترجع تجري … ابتاسم وشد في ايدها حطها على قلبو وقال
_ الى قالو الحب تيقتل فاكييد عندهم الصح ..في حياتي ماحسيت بي قلبي غادي يضرب بحال هكا .تتسمعي؟؟..دورات عينيها الخضرين تتحاول تسمع وقالت بابتسامة صغيرة
_ اه سمعتو….طول ايدو وجابها ورى ظهرها وعنقها جنب حط ليها راسها على صدرو ..مستمتع بدقات قلبو وبخفقانو بل حت انه احس انه حنون لابعد مايكون احساس دافء ..
_ سمعي دقات قلبي باش تاكدي انه بكر راه تيبغيك بصح عندك تنساي ولا شي نهار تسوليني خودي دابا لي يكفيك حياتك كلها .تيحرك ايدو على ظهرها بحنان.. هبط راسو عند جبهتها قبلها مستمتع بشفايفو على جبينها . طلق التيو دلما وعنقها بإديه بجوج..حت حس انه باغي يكرز عليها ويدخلها لصدرو وتختارق كل خلية في جسمو…ضحكات باهات ..
_ اييي ايي ..رخف عليها وهز راسها لعندو وعينيه في عينيها لولا عمومية المكان لكان نال قبلات كتيرة الا انه اكتفى بسؤال
_ وانت ؟؟ …تنهدت وحطت اديها على صدرو تتبعدو منها حت وقفت مقابلة معاه..مد إيدو زاح بعض الخصلات المتناترة على عينيها .. .من خلال تعابير وجها وحت حركات شافيفها عرفها غدا ترفض تجاوب لكن ماتوقع كلامها يضحكو حت يسمعو المعطي من بعيد الي شاف حميمية في وقفتهم ووقف حت يساليو عاد يجيب الفوطات المخصصة للاحصنة كل حصان وكل فرس مجهز ليهم خصوصيات ديالهم وبلاكار معين كل واحد وعندو مشط ومنشفة خاص بيه….قوس المعطي عينه مركز مع ضحكات بكر المتتابعة …
شهلة: لو كنا في السويد كنت غدا نقلك حت انا تنغبيك وغدا نخلي علاقتنا تمشي في طريقها حت يوقع امر لي يقطعها سواء مني ولا منك ..ولكن الموضوع حدت هنا في بلد ماشي بلدي مايمكنش ليا نقول ليك تنبغيك ليوم وغدا نرجع لسويد … من بعد ماكان مركز مع جملها لي حت تيكملو عاد تفهمهم ..طلق ظحكة في السما طالت حت بدا يحس بعمق جملها ورجعت ظحكتو بالعرض البطيء حت اختفت تماما واعتلى وجهو لون اصفر شاحب خالي من الدماء ..بتمتمة رجع سولها وعينه بيضين ووجوهو مايل جنب موجه ادنو ليمنى ليها وقال
_ رجعي عاودي هضرتك بشوية بشوية باش نمشي معاك دقة دقة ..حرك صبعو لراسو: باش ندخلها لدماغي ونفهما مزياااان مزيان.. عاودي ..ربع اديه .ماتيشوفش فيها نص وجهو مايل عندها..حمارو عينيها ..لانه ماشي سادجة في هاد اللامور تتعرف العلاقات بين البنت والولد الى وصلو الفراش مرات ومرات وايام طويلة فراهم حبيبن واخا بدون نطق كلمة احبك من الطرفين..هكا علاقات صديقاتها مع اصحابهم يختصرون كلام الحب في القبل والعلاقات الجنسية والا الطرفين ماتيبغوش بعضايتهم … نطقت بتمتمة وخوف
_ انا ما بغيتش نعيش في المغرب … حرك راسو وشاف فيها ..: ومابغيتش نكون زوجة….جامع الضحكة ديال الاستهزاء: ومابغييتش نعيش مع رجل واحد.. طلقها في وجها.راجع لور..دار دورة كاملة ..جمع فيها فمو بغيض ومد راسو اتاجها
_ حلفي؟؟؟؟؟
_ سمعني..
_ نسمع ليك الله ياودي نسمع ليك من هنا لحت العام الجاي ماتنحركوش من هنا لاشتا لا صيف …حك ضقنو بظفرو..لقا جوج زغيبات ملويين وهو ينطرهم بالجهد حت قفزت هي من بلاصتها : كملي وماتخافيش انا لي تقصحت ماشي نت غ كملي غكملي اوى.. شحال بغيتي من راجل ؟؟
_ حااليا مابغيت حت واحد
_ لا مايمكنش تنعرفك ..غ يخفافو الضواو وطيح الشمس يضحك عليك مخمك غ كملي مزال النهار طويل لي تبدلي فيه رايك غ قولي .. ..وكان المشهد مشهد مسرحي ..جات هنية عند المعطي ووقفت مركزين في حركات بكر…عارفينو الى كان في حالة غضب او حالة ماشي هي هديك ..شافو في بعضيتهم بعدم طرح اي اسئلة لكن الخوف خيم على قلبوهم … رجعت خطوات لور . تاهو عليها الكلمات بالدريجة وقالت بلانجليزي ….
_ انا..ابكر ماجيتش المغرب باش نتزوج … بعصبية وعروق عننقو بانو قال:
رجعت خطوات لور . تاهو عليها الكلمات وقالت بلانجليزي ….
_ انا..ابكر ماجيتش المغرب باش نتزوج … بعصبية وعروق عننقو بانو :
_ و درجي درجي نفهمك …. بتمتمة قالت
_ ماجيتش المغرب باش نتزوج
_ عارف ..جابوك بالحيلة في راسييي
_ بغيت نرجع لبلادي
_ اوى وشنو المطلوب مني
_ والو
_ لا مايمكنش ضروري طلبي شي حاجة ولا صافي غراضك قضيتيه ..فضيتي المسائل جايا غ ت**** وتمشي ولا شنو؟؟؟
_.بابا جابني لمغرب وزوجني وليك وهو عارف نوايايا . بضحكة فيها الكتيييير
_ عارفك باغا غ تق***
_ مافهمتش
_ دابا باك ظحك عليا ولا شنو ؟؟ كيفاش عارف نوايا ديالك ؟
_ عارف انا من بعد هادشي غدا نرجع لبلادي…. حرك صبعو بالنفي
_ لا لا مايمكنش
_ اه كان اتفاقي معاه اني من بعد مانقضي ايام مع الرجل لي غادي يختارو هو من بعد اسبوع نرجع لسويد
_ الحاج هدا؟؟ عمي بوشتة؟؟ متافق معاك نت ؟،
_ اه
_ قاليك غ تزوجي بفلان سويميينا ولا جوج ولا شهر گاع نت ورجعي لداركم ياك ؟
_ لا انا لي فرضت عليه اسبوع
_ وهو ؟
_ وافق
_ باك تيعرف يبيع ويشري مزيان ولكن مادارش معايا الگرانطي نسى هاد القضية يمكن .. رجع اديه وراه : نعيط ليه نسولو واقيلة على الوراق واش فيهم المدة لي نرجعك فيها ليه ولا بلاش انا من عادتي ماتنحتاجش الضمان الحاجة لي ماعجباتنيش ماتنبدلهاش تنخليها في واحد المخزن عندي مرة مرة تنفك منها شي بياسات ولا شي لعيبات .. وجه صبعو ليها: وخا الحاجة نشريها بالتمن ها عندك يسحاب ليك تنعز الفلوس ولا يبقاو فيا .ولكان كلامك صحيح وصلي ليه هاد الهضرة في تلفون
_ شنو نقول ليه؟؟
_ قولي ليه الحاجة الخاسرة ماتنرجعهاش وخا نشريها بالملاين . .
_ …خلاها وراه واقفة ومشا عند شدى ..كمل ليها تدواش… واقفة في بلاصتها ماتحركتش غ تتشوف فيه التازم الصمت حت جا عندو المعطي ..نشفو الخيل وساقوهم قدامهم. ..عييطت عليه بصوت عالي
_ بااااااكر …ماتلفتش ليها ..نطق المعطي بصوت خافت
_ عمرك تخلي المشاكل الصغيرة تكبر والعافية حت تولي رماد عاد تنقزها ياما طيفها بإيدك او قلب على حل ونت تتشوف فيها ولكن باش تسناها تطفى بوحدها الف حاجة تتمشي معاها ..طفي العافية قبل ماتحرق كلشي وماتلقا باش حت دفا … رجعت عيطت عليه..كلام المعطي عارفو ومن نصائحو هو …جمع شوفاتو وهز عينه لسما ..طلق من شدىورجع بخطوات سراع حت وقف عند عينيها ماتيفصل بيناتهم والو ..
_ اش بغيتي؟؟؟ علاش تتعطي ليا؟
_ نهضرو
_ فاااااش ؟؟ ها فااااش .. كون جات على مابغتييش تعشي في المغرب نمشي معاك حت المريخ نفوت انا وخيلي وبهيمي لسويد لهيه ولكن نت بغا رباعة ديال الرجال ..تتگولي فيها بلا حشمة بلا حية .. سنيه شادين في بعضياتهم .. دفعها بقبضة ايدو حت رجعت لور: وحدة لي تتبغي عشرة وشرين **** داير بيها وهي *الكلبة* ..اما الحمارة لي وصفتي راسك بيها عازة راسها وماشفنا منها الا الخير مسكينة حاشة واش تكون هي نت .واحجة اخرى المقدم لالف لحية تتمسع لكلامو وومية ومية شايب باس ليه راسو ..ماغداش تحط ليه برهوشة راسو في تراب وتخلي لي يسوا ولا مايسوى يهضرو عليه …بغيتي تزيدي بحالك …..شار..لطريق بإيدو: را الطريق .. خلاها تتشوف فيه نص كلامو فهمتو والتاني داز مع الريح ..خلاها واقفة ورجع ادراجو .. بقات واقفة تتشوف فيه حت دخل الاسطبل…. رجعت عند السقاية ..سدات الماء .وجلست تتحسب في الالوان ديال الفسيفساء لي مزينة بيهم السقاية والشكل لي مزينها ..تتشوف في جمال اللوحة وتتفكر شنو وقع مع بكر وكيفاش تعامل معاها هاد المدة .من بداية لقاءهم حت ليومنا هدا ..جلست مادا ايدها لما لساعات حت بدات الشمس تغرب وتميل بلونها لاحمر ..جات هنية .. سلمات عليها
_ على سلامتك اعروستنا كي دوزتي العطلة؟؟
_ شكرا هونى
_ اجي دخلي لدار قبل مايضلام الحال
_ واها
_ مالكي مقلقة وراجلك ماهواش هداك
_ هونى
_ نعام
_ بغيت نمشي …. طولت ايديها بجوج لهنية وعنقتها وبدات تبكي : بغيت نمشي بحالي بغيت نرجع لبلادي
على مائدة مستديرة كبيرة تتوسط صالة عريضة تتحير الناضر.. جامعة الاصالة والمعاصرة.. تتهتم بيها مولاتها بتفاصيلها ..حت الناب لي على المائدة مخدوم بالطرز الفاسي تيجمع لوينات الزليج لي في الحيط وبين لوان الطلامط لي على المضارب ….تفاصيل هاد الصالة ختارتو لالة خدوج ببهجة وسرور وكيف كل مراة مغربية دارها تتول على دوقها وتجهز على گانتها وخا تسكن معها الف كنة تتبقى ام الزوج أوالحماة هي الشوار وهي الاختيار …الشي لي خلى سليمة . تسولها وهما مجموعين على العشاء …
_ خالتي شنو نديرو في لناب ديال هاد الطبلة مارعفتش شكون قطعطو بالموس
_ دابا نصيفطو لختي تجمعو بشي طرزات ..
_ عجبني داك لناب لي طرزو لعروستكم الجديدة هو و ليزار ديال النموسية شكون خدمو ليها حمقوني لويانتو .. تتمدغ فمها عامر وتتهضر اعدى حاجة عند سيراج وزادت كملاتها فاش جبدت سمية شهلة على فمها .. رجع بلور بالنطرة وهو يخوي كاس الموناضة
_ ا سبحان الله اشريف … نطق رشيد بعصبية لانه عارف مرتو ماحملاش تهضر على العروس ولكن بغات تحسن الوضع بينها وبين العدوزة …من نهار رجعها وهي كل مرة جابدة موضوعهم على الغدا ولا على الشعاء وبغات غ يقولو ليها حنا ماشيين عند بكر تقول ليهم بسم الله انا معاكم … شاف فيها سيراج بغيض مخنزر فيها ماحملها ماقبلها …جاوب بكلام غير مسموع
_ ساعتو لله اشريد ماطرا باس… شافت فيه الالة خدوج بنص عين وجاوبت مرات ولدها من فوق قلبها
_جاها كادو من عند مرات عمها الطيب
_ ياه تيطرزو الفاسي ..الى تلاقينا معاهم في شي مناسبة عند شهلة نقولها ليها بغيت بحالو غ هما الوان مختالف….هزت دغمة وقالت قبل ماتخشيها في فمها: كراه حاملة !!
_ هو لي بغا دانون وبيمو حامل ولا شنو البنت صغيرة ومامولفاش على ماكلة بكر داكشي علاش وصا ليها على اللهاسة شحال تزيدو من راسكم يالطيف
_ وحيت سمعتو قال لمنصيف راه حت وصل عاد تفكر ماكلة ديالها
_ الا ت مننين تسمعي منين ..راه شراهم ولكن هنية مانتتابهش لدوا ديال البرغوت وجمعت كلشي في شي ميكة ودخلتهم مجموعين وفاش جا يقلب عليه لقاه وسطهم ولاح كلشي راه تتعرفي هو الحاجة لشك فيها ماديخلهاش لكرشو
_ اوى هو لي ماتياكلش ظاكشي
_ يالطيف هو مايكلوش يعطيه لمراتو ولا شنو؟؟
_ وزعمة الدوا مسدود عليه في قرعة وخا يكون معاهم ماعندو مايدير ليها
_ اوى قوليها ليه باااز ..نطق رشيد بعصبية
_ استغفر الله العلي العظيم
_ غدا نمشي معاكم بغيت نطلب السماحة من بكر ارشيد شاف فيها بعيون حمرا وقال:
_ وخا هو لي رجعك ليا ولكن غ بلا ماتحلمي يهضر معاك و احسن ليك خلي ما وجهك نقي.. هاد المرة هبطت راسها على ولدها وبدات تبكي
_ والله الى نتوما عزاز عليا وبو بكر بحال خويا ومعزتو الله لي عالم بيها داكشي علاش كنت بغيت نزوجو لختي ولكن مكتاب الله هدا ونا تايبة الله وطالبة منكم السماحة وبغيتها منو حيت خيرو عليا كبير وعلى ولدي ونتوما عارفين والله اخالتي خديجة الى ولدك بكر معزتو من معزت ولدي …من بعد سكوت طويل ولي ماسمعنا ليه صوت قال بجحرجة طفيفة الظاهر انه كان على اتصال بصديقو الحاج بوشتة
_ : مايمشي عندو حد هاد الايام ….
.. من سطح حضيها حواجبو مقرونين وقلبو تيخفق بسرعة ؛ حاضي حببيبتو لي عشقها من تاني لقاء ..حب كلشي فيها غار عليها وحس بطعم الغيرة مرات ومرات ….سرط ريقو بصعوبة إيدو تتحسس عنقو ..نار شاعلة فيه حس بنهايتو معاها وانها في احضان غيرو حت تفكير بكلامها حسبها غيرة عليها وخيانة منها ..ضلامت الدنيا وهو مزال واقف ..وكلمة مابغيتش راجل واحد .. تتعاود ليه في دماغو ..
_ شنو قالت ؟؟؟ ماسمعتهاش مزيان مابغاتش راجل واحد واش هي حمقة ولا انا لي حمق .. مستحيل يكون باها معاها في الخط لا مستحيل…مسح على وجهو لي فازك بالعرق : الى كان كلامها صحيح ادن البنت ماشي حمقة باها لي حمق لا لا ماشي باها لي حمق انا لي حمق … لا باها ماعليه والو اي واحد يبغي لبنتو لخير وهو عارف اشنو تيدر ….شافها دخلات مع الباب الكبير مع هنية وهبط تيقلب على تلفونو …هزو ودوز نمرة الحاج بوشتة ..جلس في الصالة .. دخلات بعيون باكية وجلست في الجهة المقابلة معاه تتشوف فيه وهو عينو على تلفون ..إيد شاد بيها تلفون وايد تترعد غ بوحدها ..تیحك في تفاحة ادم …بعد تالت رنات جاوب الطرف التاني ..عمل هوت باغلوغ وشار ليها تجي حداه…..جلست قریبه منو وهو يدير بيناتهم مخدة ..
_ الو عمي …لباس.. الحمد له ..الحمد لله …نطقت شهلة باكية
_ من صباح وانا تنعيط ليك ماتتجاوبنيش
_ اش بغيتي ابنتي ؟؟؟
_ شهلة بغيت نمشي من هنا
_ ماعندك فين تجي دير عقلك اشهلة دير عقلك وجلس مع راجلك.
_ لا لا لا لا..وقفت تتغوت : لا نت قولتي ليا ..قاطعها
_ انا ماغاديش ندير راسي براسك وماعمرني قلت ليك شي حاجة نت لي بغيتيه نت لي مشيتي عندو صافي لعب دراري هدا
_ نت تتخربق عليا دابا فين اتفاقي معاك ؟
_ انا انتفاق ولا حماق علاه شكون لي مشا عند لاخر نت وتحمل مسؤوليتك دابا …شافت في بكر ودموعها تيسيلو
_ هو قالي الى بغيتي ترجعي لسويد دري لي غاد نقل ليك عليه ..ودابا غدرني . غدرنييييي ..ظحك علياااا .. نطرات تلفون منو وقالت
_ عارفاك لعين …ناض بكر بسرعةماد ايدو علاين يعيطها صفعة لوجها ولكن ردها بصعوبة من حدا وجها …ضربات تلفون مع الارض وقالت
_ الى مارجعتش لبلادي مانبقا في حت بلاد.. ..طلعات مع الدروج . ..بقا تيشوف فيها حت دارت مع الكولوار وحلات البيت بردخة وغوتة : نوووووووووو
… بعد رجوعه الى الى السكينة والسلام لي خداها من دعم خوتو بجوج وانه معاه في كل شادة وكل زوبعة مع بنتو وخدا دعم اليكسي وانه وخا يجرا لي يجرا مايصغارش قدام نسابو مهما طال خصام بنتو معاه…وان الافضل ليها هو الزواج من بكر وانه مزال صغيرة وغدا تكبر وغدا تولف بكر وحياتو ..لكن احساس بالدنب ماتيخليهش ينعس الشي لي خلاه يجمع قوتو ويفتح سرو لصديقو ويشوف معاه حل ولي بغاه هو ولدو يمعملو وجميع الخسائر ديال العرس يخلصهم….كل ماشاف الحاج عيسى ينوي يقول ليه الامر لكن تيتراجع في اخر لحظة ويتمتم بكلمات : مرة اخرى لكن حدت اليوم خلاه يجمع شجاعتو وينزاوي بصديقو في احد المقاهي ..من وجهو باين الامر صعيب ولكن الحاج عيسى له حب عجيب لصديق الطفولة ..
الحاج عيسى: خويا ماعجبنيش حالك من زمااان الى عندك شي هم هازو فوق كتافك نهزوه معاك والا ماكينش لاش نجاملو بعضياتنا ونافقو بعضياتنا ..الحاج راك خويا قبل من صديقي وراك خليلي ابوشتة ماشي نسيبي شد راس الجمل وخلي ليا الرجلين ونهزوه بجوج …ظحك الحاج بتنهيدة
_ بغيتي الرجلين اسي عيسى باغي تنهى من الدنيا ولا شنو؟
_ ولي شايفو انا بحال الى نت طلعت ليك الدنيا في راسك
_ بغيت نقول ليك كلام مابقيت قادر عليه الحاج…. جغم سي عيسى من كاس ديال اتاي وكانت الاخيرة وهز البراد تيخوي ليه وعينه على الحاج
_ بسم الله الحاج راه حنا رجال كلامك ..على كتافي ورقبتي اش كاين؟.. بابتسامة ملطف الجو : الدراري زوجناهم الحمد لله ولدي مهلييييي في بنتك الحاج لتقول گلعناها منک باش نتکرفصو عليها..وغي ليوم جاو من واحد تفويجة قالت ليا عليها المراة شي شهر وهما تيتساراو..
_ ابنتي انا لي مافيها فيدة اما ولدك ماعندي مانقول عليه ولي حسبو عليا نعطيه حت هاد الشهر نخلصو ليه..ظحك الحاج عيسى ورجع مسند ظهرو لكرسي
_ توحشتي بنتك باغي ترجعها ولا؟؟؟
_ لا ولايني هي مابغاتش … شاف بضحكة رضى وقال
_ هي المقدم مامبرعهاش!!!
_ لا لا اسي عيسى بنتي من نهار لول مابغاتش تزوج غ بززتو عليها وصافي
_ مادير في راسك والو دابا تولف غ خليها منها ليه
_ بنتي الى قل تي ليها الكلمة وفي بيها وانا باش نزوجها نقولو كدبت عليها …حدر بوشتة راسو متاسف ليه ولبنتو .جاوبو الطرف التاني بإدنهاش
_ وايلي الحاج
_ قلت ليها غ تزوجي ووقتما بغيتي ترجعي لداركم مرحبا …ظحك الحاج عيسى وهز كاسو وشار لصديقو بعينه
_ هز كاسك الحاج راه برد ..هاد الكلام تنقولوه كلنا لبناتنا حت نت ماتهز هم .حت انا قلتها لهبة قلت ليها جاك الراجل هو هداك ولدي معاه شفتيه وعبرتيه رجعي لدار باك ماضيق بيك وتيبادو المشاكل يبانو وحنا تنبداو عليهم بالصبر ودابا يتبدل وراه گاع الرجال هكداك تتدوز واحد العام وتتولي شدا ليه عبارو وتولي تعرف ليه هاهي بنتي قدامك ولات هي لتمشي لدارها بلا مانقولو ليها نوضي سيري ولابد الحاج العام لول تيبانو فيه المشاكل كل واحد كان عايش حياتو كيف بغا حت تتبدل ضروري الحاج تبغي ترجع لدارهم ولكن حنا ماغديش نخلولها ياك؟؟
..
_ كلامك معقول اسي عيسى ولاكن بنتي مزال دايرة في بالها ترجع لسويد ليوم عيطت ليا
…. ببقهقهة من الحاج عيسى
_ قلبك رهيف السي بوشتة يكما قلتي ليها رجعي ههه ولدي عطيتيها ليه صافي لما رجعها ليك هو بلا ماتحلم تشوفها تدور عندك …والمصيبة داها الخايب في ولادي گاع ههه
_ حرت ماعرفت ماندير معاها والله ماعرفت ماندير معاها شهمتني حت قلت تهنيت عليها مانكدبش عليك هم فوق كتافي حيدتو فاش زوجتها لولدك ولايني لي ولد البنات همو فوق كتافو حت لمامات
_ دير ودن ميكة تعيط ليك سمع ليها وواحد المتل تيقول الي ماولد البناات ماعرفوه الناس باش مات البنات حنانات راه عندي ربعة لعزارا ولايني ماشي بحال البنت ..حنينة فيا نهار زوجتها راه عطيتيها ليه بالبكا ووناضو ليها شي مشاكل من الجنب ووقفت غلى طلاقگاع وهاهي بوليداتها
_ ..ماندكبش عليك السي عيسى خفت غ ولدك يقول ظحكت عليه
_ ماعندو مايقول راه بعقلو وعارف اش كاين وبنات المغرب كاملين مزوجين بالحيلة حت نت ماتهز في قلبك والو
_ عيط ليا ولدك قبيلة سولني واش ظحكت عليها مالقيت باش نجاوبو
_ عندك تقول ليه لي كاين الحاج ولدي وعارفو راه يوصل معاك المحاكم ونقولو نت قلتي ليه راه غادي نكدب عليها باش تزوج بيك ورفض وديك المباتة لي باتت عندو في الموسم مالو مادار ليها حساب ها سمع نقوليك ولدي شاف الزين والعينين خضرين قال في راسو نديها انا ولدي راه كان حالف مايتزوج بي لي فيها عرق نصراني..كمل كلامو بضحكة: غ شاف بنتك نسا اش كان تيقول خليهم الحاج يعومو بحرهم ونت رجع لور وماعندك لا قرع لي تمشط ليه راسو ولا مجراب بحكتو ..دخل سوق جواك وخليه منها ليه ونا معاك الحاج وبنت هي بنتي لي ضراتك ضرتني…
تكا على طراف صباعو جمع شقوف تلفونو .. وغواتها في ودنو ولكن حت كلمة مافهمها….ماغادش دوزها لباها بالساهل ..صافي طفح الكيل ….تلفونها في ودنها وبكلام غير مفهوم لبكر تتهضر مع ماماها لي وصلها كلشي وبقات فيها بنتها ولاخرى حلفت على الجميع .. وجها طلعتو الحمورية تزنكت وعرقت وبداتها السخانة من صباع رجليها… لاحت الصندالة وسلتت الكسوى بقات غي بملابس داخلية بلون وردي كاشف الالوان المفضلة عند بكر الالوان الباردة …. جاوب الطرف التاني بعد رنة واحدة …
_ دائما تتقولي ليا احتارمي والدك ودينو دينو دين صدق ووفاء … فين هو الصدق ها جابني من السويد بالحيلة خدرني … اماما خدرني… ووزوجني بالحيلة اماما قلتي ليا نديرو ليك حفلة طهور وغادي تافقو مع شاب وتهضرو معاه وفي اي وقت بغيت نرجع لبلادي نرجع فين الصدق في كلامو فين دينو لي تيتباها بيه ياك هو لي تيقول لدنيال الكدب الحرام وتيدخل لجهنم فين الصدق ديالو فيين ..
_ تهدني ابنتي انا نهضر معاه ونشوفو شي حل
_ لا ماتهضريش معاه جيبي ليا باسبووووووووري يامخاديعين يامحتالين…نت عامل ليك غسيل دماغ ماتعملوش ليا … مابغيتش نبقا قي بلادو مابغيتش نعيش مع ناسو كلهم كدابين و سحرة اولهم هو وتانيهم رهيمو …
_ ليلي شوش غدا نلقا ليك حل ابنتي
_ لا ماتلقايش ليا حل..نت الي تخليتي على احلامك ووالف كتاب تيتسنا فيك فين مشاو ااااااااااخخخخخخخخ … شوفي راسك فين وليتي عايشة وسط الحيوطة قولي لي حت الرياضة ديالك تخليتي عليها .. اليكسي تتبكي وشهلة تتغوت
_ والمسيح والعدراء حت نقتل راسي
_ شهلاااااااااااااااااا ماتحلفيش بشي حاجة من غير الله
_ الله ديالك ضلمني بزااف الى كنت تتدعوه في صلاواتكم من اجلي ضلمني ونتوما ضلمتوني ..
_ ليلي سمعني غدا نجي عندك انا وباباك
_ لا مانجيوش انا لي غدا نجي وناخد باسبوري او نمشي السيفارا نرفع عليكم دعوة نت وراجك
_ تهدني وغدا انا عندك …….الحوار كلو على مسامع الحاج…
_ ماغدا تمشي عندها ماتجي عندك وفينما بغات تزيد طريق الى خلات راجلها بلا ماتجي لعند وجهي …خدا تلفون وقطع عليها …… تارت في البيت كلشي تيدور بيها حت كلام جداها تيتسمع قي ودنيها : عمرك تيقي بالمسلمين الى سمعتي كلامهم يسحرك ويخليك ماعرفاش شنو بغيتي بحال ماماك… ليلي نت بنت طاهرة بنت الاله عيسى هو لي وهبك لو بيغ دو لا بلوي le père de la pluie نت تخلقتي حرة عيشي حرة …شدات في راسها والارض تتدور بيها وكل مرة تيجيها فكرة على شكل وسوسة وهاد المرة من باباها لي كان تيحدرها من جداها وخلاتها: شوفي نت نقصي من المشية عند جداك هديك الكافرة راها غدا تسلط شياطينها عليك وتبقاي حت تولي بحالها ..جداك مالكها الشيطان هي وخلاتك شوفي كيف عايشين بغيتي تولي بحالهم .. ها وحدة مدمنة مخدرات ولاخرى مشبوهة هاااا. ابنتي دينا نقي شوفي واش المسلمين تيخونو لا واش تيكدبو لا واش تيزنو لا شوفي دينا محرم كل ماهو تيادي النفس ….تمتمت بكلمة ضنت انها قالتها لراسها ولكن سمعوها الطيور فوق الشجر: انا مشي مسلمة انا مشي كدااااابة بحالك اباباااااااااااا .. خرجات من البيت وهبطت تتجري لحت لعند بكر لي وقف من شوفتها في ديك الحالة وسمع غواتها .. تيشوف فيها وتتشوف فيه بغات ترجم الجملة وتقولها ليه مقادة…
_ نت مسلم ؟؟؟ لسؤالها اندهش: جاوب نت مسلم؟؟؟
_ الحمد لله مسلم
_ المسلم ماتيدكبش ياك؟؟
_ لا ماتيكدبش
_ بابا ماشي مسلم.. بغضب وحدة في كلامو :
_ من كفر مسلما فقد كفر ماتكفري حت واحد وكل واحد تيحاسبو مولاه
_ هو تيكدب … تيدكب عليا.. تتشوف فيه والدموع تيطيحو في الارض .
_ هو تيكدب … تيدكب عليا.. تتشوف فيه والدموع تيطيحو في الارض : قالي الى بغيتي ترجعي لسويد عملي عقد مع بكر ماشي سيراج ….مسح على وجهو العرق من بعد ماتصبب برداد بارد : انا ختاريت سيراج وهو قالي لا شافت فيه بحزن : الى كان مخطط مايرجعنيش من عند اي راجل على الاقل يخلي ليا الاختيار .سيراج حر كان غادي يمشي معايا لسويد وكان غادي يتفهمني ..صدرو تيطلع ويهبط تجمع ليه الريق في فمو وجهو حمار من كلامها وعرف فعلا ان الحاج ظحك على بنتو ووهمها بالرجوع لبلادها ..لكن هي مااتتعرفش تهضر وتوصل المعلومة.
رجعو ليها افكارها لولين ونسات لي عاشتو مع بكر مختلف كيف تتقول …. عروقو ديال عنيه حمارو وديال اديه تنفخمو … صبر لكلامها حت عيا وهو يشدها من قفاها بشعرها وجابها عند وجهو وفمو عند ودنيها
_ مامعرش ليك العين انا ولا شنو؟؟؟؟ ماشي راجل انا ولا شنووو ها بغيتي تلاتة وربعة وتزيديهم سيراج هاااا باش من عقل تتفكري…سوطو تيحرق ليهاخدها
: باشمن دين عايشة نت؟؟ ها بااك المسكين عارف اشمن طينة مصنوعة نت خنزكتك ديك البلاد وهربك وباغي يعتقك من جهنم ..ساع نت الواحد يحرقك حية وهو يشوف فيك… ..شدات ليه في اديه تتحاول تفك منو وهو مدورها عندو : انا الحاجة لي دوز ليا على كرامتي مانخليهاش دور عند رجليا جوج كلمات غدا نقولهم ليك سمعي مزيان.. غدا تنساي باك وغدا تنساي بلادك وهنا في بلادي وفي واردي داري وفي فراشي غدا تعيشي وغدا تموتي ومغداش تخرجي من هنا الا بلون التوب لي جيتي بيه نهار لول وهاه وسمعي وقبرك غادي يكون غ حدا داري موجد ارض لمقبرة ليا ولعائلتي وليك حت نت انا حت في الموت ديالي داير فين ندود ومانخليش لواحد فين يوطا عليا ..نزيدك جوج كلمات خرين بكر عمرو مابغا شي بنت ونهار بغاها قتلتو انا لي واقف قدامك ميت دموعك هادو غ خليهم حت تغسلي بيهم عينيك اما دابا ماعندهم باش ينفعوك …. لاحها وراه حت طاحت على السداري تلفتت ليه بعدم تصديق من لي سمعتو .. تبعتو بالعين حت طلع لبيتو وهبطت عينيها الارض ….بنفس العيون الدهشة والحيرة وعدم التصديق .. ..كلشي تبخر حت احلامها ببلادها تبخرو ..كانت تتقلب على حل مع باباها خاصها دابا حلول مع بكر …..
.. طلع خمس دقايق..جلس فيهم على طرف النموسية راسو وسط اديه ..و قفز من بلاصتو ونزل مخلف رجليه في الدروج..داز من حداها وخرج عند الخيل …خرج فجر وركب عليه … سمعت صهيل قوي ناضت بالخف مشات لسرجم زاحت الخميات ورجعت السرجم التاني والتالت مابان ليها . .طلعت تتجري مع دوج حت لسطح …..مشات تتقلب جميع الاتيجاهات حت لقاتو راكب على عودو بقات تتشوف فيه… تبعو المعطي على رجلو… ..هبطت عينيها لارض شافت هنية داخلة وبسميتها المعكلة تتعيط رجعت بلور وعينيها مزال تيقلبو على بكر لاختفى في الضلام.. هبطت مع الدروج حت لنص شافت في راسها وهي ترجع لبيتها لبست شورط تجين بسماطي وتيشورط في البيض تتوسطو بنت بنضاضر كبار.. هبطت بحزن وعيون محمرة ومنفوخة اول مرة تبكي بلا عصا واول مرة في حديتها غوات وصداع ولكن ماكلات حت صفعة ..نزلت عند هنية وتكات على مخدة جامعة رجليها عند صدرها ..
وقف في اخر جزء من ارضو فين كاين ربعة النخلات شامخات عاقرات مغروسات لجمالهم ولشموخهم فقط …. نزل من على عودو وتكا عليه حت حاجة مامسموعة من غير قوة نفس فجر وحرقة شاعلة في صدر بكر ….جلس الارض ويالي غرابة المشهد تبعو فجر وجلس حت هو . دار بكر بظهرو حطو على كرش فجر وتكى تيشوف في السما شحال مضلمة حت نجومها غابرين … ضل ساكن لسكون المكان ازيد من ساعتين حت ..تسمعو خطوات تقال وهو ينوض بكر بالخف
_ شكون تما؟؟.
_ غ انا المقدم…رجع جلس وقال: باش عرفتيني هنا؟؟ والضلام تتشوف بليل ولا شنو عندك عينين المشاش
_ لا عندي مناخر الكلاب حشاك
_ اوى كل واحد وتيعرف سهمو
_ ياك المقيدم . وسري انا لي تابعك حفيان خايف عليك من الهوى وماليه شحال من واحد تشير بسباب العيلات خرجو بليل مابقاو رجعو
_ ونت ديما خارج مالك تترجع
_ انا تنهز معايا مليحة في جيبي عمر الجن ولد الجن مايجي جيهتي
_ عند بالك نت بنادم دابا ولا شنو؟؟
_ وكل واحد تيتعاشر مع قبيلتو …ظحك بكر اخيرا
_ شنو زعمة رضيتيها ليا ولا شنو؟؟
_ دابا المقدم لدفنتك هنا يجيبو ليك الخبار؟
_ جرب وشوف ماتعرف تصدق ليك
_ خفت من الورتة يجرو عليا ومايشيط ليا منك والو
_ اوى نت غادي تاخد عمري اش بغيتي بشي ورت
_ لا سمح ليا انا بغيت لي عندك في الدار..
_ماحشمتيش تقولها بوجهك المغبر
_ زعمة كون كنت ملايري وجيت قاصدك وقلت ليك العيلات عطا الله ونت باقي صغير ومزال تجول وتلقى مااحسن منها تعطيها ليا؟
_ ماعرفتش
_ تتنطز عليا عارف المقدم راك عارف ولكن لي ماعرفوش هو المراة راها ماشي بحال الراجل الى شدها منك شي واحد نت تبقا بلا زواج حياتك كاملة ولا خداتك منها شي وحدة تزوج من وراك عشرات المرات ..كل واحد وحرقتو في قلبو ولكن كل واحد وطبيعتو وطبيعة المراة صبرها قليل بزاااف مع الراجل اما مع الدنيا تهزك نت وارضك .مالك معاها ؟؟ واش نسيتي هي راها ماشي بنت البلاد ؟
_ بغات ترجع لبلادها المعطي
_ ونت غادي تخليها
_ علاه غادي نشدها معايا هي بغات تمشي بحالها غادي نقول ليها لا حت الزواج المعطي ماشي بزز و كل واحد تيعيش فين يرتاح مانكونوش انانيين .. عندك انا فين تنرتاح ؟؟
_ غ هنا
_ كدالك ومتال هي …ساد السمط بيناتهم حت رجع جبدو المعطي
_ زعمة ماحنت حت شوية ليك ؟؟
_ مزااأل البنت ماتتعرف وااالو لا على المحنة ولا على داكشي لي في بالك ولكن لي ضرني المعطي الغدر تغدرت المعطي وغدرت انا راسي بقا فيا الحال ..مسح نيفو دليل على بكاه من الداخل قلبو تيبكي : حسيت براسي تشمت ..وحلت ليه الهضرة وحنحن صوتو مسترجعو ..باغي يهضر ويخرج لي في قلبو : دغيا ولفتها ودغيا وليت نحس بيها عندي لداخل ودغيا وليت متشوق ليها ونبغي نحل عنيا بالزربة باش نشوفها ودابا حسيت براسي تهزيت حت لسما وتخبطت مع الارض وفيقتني من الگلبة كانت تتقول ليا راه هانمشي وانا كان يسحاب ليا غ تضحك وصافي مانتابهتش لكلامها كانت تتقول ليا غدا نمشي تنقول ليها وزيدي معايا غ سيمانا وهي على نيتها المعطي البنت الي في قلبها تتقولو عرفتي باش قهرتني… ماهضرش المعطي لانه طموعو شلال وصوتو مشا ..
_ قالت ليا فاش بغا بابا يضحك عليا يخليني نختار الراجل ..دبحتني كونت فرحان بيها والله العظيم سحاب لي ملكت الدنيا ومافيها ..
هبط راسو بين ركابيه : حسيت براسي صغير ولد عشرين عام جاني كلشي في شكل ..كلامها ضرني في خاطري ولكن حالها ضرني كتر ….ماعرفتش المعطي واش الله شافني ملاهي مع الخيل ومشطون بيهم بغا يرجعني لطريقو ماعرفتش واش مابقيتش تندكر الله بزاف وقيض ليا شيطان وجابو ليا في سيفة انسان باش نرجع نستغفرو بزاف وندكرو بزاف والله ماعرفت كونت هاني ياك المعطي؟؟؟
_ كلشي زين هادشي لي تتعيشو اوليدي زوين سوا بقات سوا مشات كلشي زين وكلشي من عند الله
_ عرفتي وانا جاي لهنا وواحد الاية من القران تتعاود ليا في دماغي غ بوحدها ^^ ومن يعش عند ذكر الرحمن نقيض له شيطان فهو له قرين ^^
_ صدق الله العظيم
_ دابا خفت داك الاهتمام بيها بزاف هو سباب ولا باها هو السباب ولا هي سباب ..اول مرة تنحس براسي مكبل ماعرف شنو ندير ولا شنو نقول وكيفاش نتصرف معاها
_ ونت ماتتغلبك حت حاجة نت روضتي البهيمة الحارة والنعارة وغادي تغلبك طفيلة ؟..
_ راه تتهضر على انسان المعطي والانسان تيروض نفسو بنفسو وخا تعيا نت ماتوريه لمكان هو عارف من الاساس شنو ليه ولي عليه صعيب تبدلو وتهزو من ببلاد وتحطو في بلاد اخرى وصعيب تبدل ليه افكارو وشنو ياكل وشنو يشرب وشنو يلبس وكيفاش يجلس بتنهيدة من القلب :. تسرعت بزاااف في هاد الزواج المعطي تسرعت
ساعات طوال في ظلام ليل لم يكن هادءا البتة …شعو مرير في صدور المحبين الدين جربو مرارة الفراق كطعم لادغ المداق لا تقدر عيناك على استعابه فتدرف دموعا ..لكن دموع الفراق الدغ من داك الطعم ومن داك المداق ….ان كنت لازلت لم تجربه عليك ان تكون حريصا جدا وادا اردت ان تجربه فعليك ان تكون مستعدا . فالفراق علقم مميت .ينهش الجسد بصمت وكانك اصبت بسحر اسود ترياقه بعيييد المنال.. احيانا يقاس الحب بالفراق واحينا يكون الدواء هو الفراق واحيانا يكون الخلاص هو الفراق… لكن اياك تم اياك ان تلقي على مسامع احد حروفه وانت تعلم انك ستصاب بمكر هدا المصاب ..عليك ان تتريت قليلا لربمى قبل الفراق هناك عناق يلخص االاف الجمل وهناك قبل تمحو مرارة الزعل وهناك ابتسامة تتطفي الغلل وربمى هناك نضرة تلخص ما حمل القلب من الم ….
رجع بكر محاولا تناسي ماقالته له قبل ليلتهم السوداء عندما لمح عيناها الباكيتين وهي نائمة على وسادة ستقرب الصلح بينهم ..جلس على اطراف قدميه … يناضر فتاته بحب وبشفقة . وبحسرة وبحيرة ..عيانه يملؤهما بريق جميل ومحياه تناست كلما قيل ..ربما سيتغاضا عن الامر قليلا فشهلاؤه لا تعرف معاني الحديت صبية في مقتبل العمر طائشة متمردة ضحية مجمتمع فاسد …مجمتع يبعت من ترابه القدارة وينبت اشجارا لها تمارا مرة ان اردت اصلاحها اضعت الكتير جهدك ومالك ووقتك وانت تنتدر جالسا على كرسي من نار حطبه من اوراق يابسة ….اطال النضر اليها وهي مكورة في نومها كما تركتها هنية .. حت اطلت الشمس بدفئها ونورها الجميل ….
وقف ومشا لبيتو تسطح على فراشو وعيينه في السقف ..ليلة كاملة لم يدق طعم النوم ولم يزره البتة……
….هاتفها يرن ….. دبت الحركة في المزرعة صوت حوافر الخيل قريبة من ادنيها وصهيل مهرتها الصغيرة يملء المكان هناك عامل قادم واللاخر يغادر.. صوت سيارة المواد لها ضجيج مزعج .. العمال نشيطون جدا دالك لعلمهم ان صاحب المكان قد اتى ليلة البارحة .. الكل يعمل بجد غير مسبق فقد غاب لشهر كامل مما جعل البعض يتكاسل قليلا لكنه عادا بساعدين عاريتين…. لا كلام ولا همهمات ولا حت اشارات بينهم ..
بعد سماعه صوت حفير خيله وعلم ان فجر هو الدي يجوب المكان قام من مضجعه يمد عيناه الى خليله ..ابتسم لرؤيته وهو يتقدم بخطوات فيها من الخيلاء واالانفة والكبرياء الكتير والكتير وحت العجرفة يمشي كانه سلطان زمانه رافعا ادنيه وعيناه تبحت عن محبه …لي لحظة ذكره بحاله واعاد الابتسامة ببطء حت اختفت تماما..ليس هو من يعفو عن زلة لسان ولا ليس هومنن يتنازل عن كرامته من اجل نبضات قلبه …عقد حاجبيه معلنا عن مابداخله من غضب وغيض حينما قالت له بكل وقاحة سيراج كان اختياري….
مشا الماريو بدل عليه حوايجو لبس قميجة في زرق مغلوق مايل الاسود .. جمع كمايمها حت لمرفق .مع سروال دجين حت هو بنفس لون القميجة ..وسباط بنفس الون الظاهر انه اعلن حدادا لقلبه ..سرح شعرو بمشط ورجعو لور ..من عادته عدم تكره ينمو لهدا لحد … هابط مع دروج تيسد في ساعتو الفضية .. انتابه لمكانها الفارغ .. شاف قدامو باغي يفتح الباب حت تيسمع من بعيد انينا معروف صاحبه
هابط مع دروج تيسد في ساعتو الفضية .. انتابه لمكانها الفارغ .. شاف قدامو باغي يفتح الباب حت تيسمع من بعيد انينا معروف صاحبه
_ اووووف تيضرني بزاااف
_ يالطيف كون يسحاب ليا يابنتي غدا تصبحي هكا مانخليكش تنعسي تما…. رجع بخطواتو.. ودخل لكوزينة ..كانت شهلة جالسة على كرسي وراسها مايل جنب ماقاداش تحركو وهنية واقفة عليها ماعرفة مادير…قرب ليهم وقال بنبرة قاصحة
_ مالها ؟؟
_ نعست على مخدة عالية وصبحت معنجة خاصها تنعق كلب كحل …شاف فيها بكر بعصبية
_ اش هاد الجهل تنعق كلب ولا بوبريس هنية حيدي من بالك هاد الخرفات اخر مرة نسمعها
_ وراه المعطي كان وقع ليه بحالها وعنق كلب
_ هداك براسو ماتعرفي واش بنادم ولا ..هننيني عليك اهنية وبدلي ساعة بخرى مافيا مايزيد دنوبي الله يرحم ليك الولدين قالاك تعنق كلب لواه تعنق شوك الصبار لا …المسكينة اول مرة تشهد ردت فعل قاصحة من بكر خلاتهم وخرجت….
_ لا حول ولا قوة الا بالله ..شاف فيها وهي تتحاول تهز فيه راسها: عندك تيقي هضرتها…. التازمت الصمت … مشا لبلاكار هز الزيت وجابو بالنطرة قال
_: اري ايدك.. مدت ايدها مسطحة شاف في عينيها بغضب وحرك ايدو لخرى : هكا ..قعر ايدو ….جمعتها بزاف وهو يشدها : هكا خليك هكا…خوا ليها الزيت وبقات تتشوف فيه حت بدا يتقطر ..نطق بعصبية حت قفزت: ودهني عنقك ومسديه ..هزات ايدها لعنقها وماجات تحط الزيت على عنقها حت خواتو على حوايجها… .غمض عينيه ولاح تنهيدة بصوتها وبتافف … خوا الزيت في ايدو وجا وراها ..ايد تيزيح بيها شعرها الكتيف المجعد وايد تيمسد بيها عنقها . عجبها الحال وقالت بسوط خافت يكاد يصبح غير مسموع
_ شكرا بكر جمييل…تابع ارجوك
_ سدي فمك
_ ماقلت والو ..قربو منها مابغا حت مؤتر اخر حت كلماتها العادية تشكلت له دلال ودلع وكانها تغازله في فراش ناعم كانعومة ماكان بينهما قبل خصامهم هدا ….بعد دقايق من مساج لعنقها قال بنبرة غامقة
_ شوية دابا؟….حركات راسها بالايجاب ..حيد ايدو بالخف وشدتها هي بسرعة اخف وناضت عند وجهو العين في العين تمعن في وجها ونضراتها …. دور عينه عليها ناوي يرجع لور ويخرج جر ايدو منها ورجعت شدات فيه وقالت براسها العوج
_ يله مشي معايا .. بتعجب وعدم الفهم ..: بكر يله معايا السويد ..ضحك جنب بعيون فيها من السخرية الكتير ربع اديه وقال
_فين الالة نمشي معاك؟
_ لبلادي لسويد
_ الى ختي نت تتموتي على بلادك انا المغرب هو اللاكسيجن ديالي… ساد الصمت بيناتهم لبعض دقايق . عيونو فيها سؤال محير
_ من هضرتي لبارح معاك شنو فهمتي؟؟؟
_ فهمت انك مابغيتيش تسافر معايا
_ الله الله واوكان ؟؟
_ بكر انا ماتنفهمش بزاف دماغي مكلخ شوية ولكن نت تكلكتي عليا وحسيت بيك
_باش حسيتي بيا ديك الزوبعة لدرتي نت وصوتي لبح فهمتي منو جوج كلمات انا مبغيتش نمشي معاك
تنطز ي عليا ياك؟؟ تتلعبي عليا ولا شنو؟؟
_ نوووو
_ اييه وعرفتيني مقلق ولباس بعدة
_ علاش تكلكتي ؟ وغضبتي عليا
_ حيت تتعجبني الدراما بعد المرات وتنبغي نكون كئيب غ بوحدي
_ لا ماشي هكا انت كونت فرحان ونت تتقول ليا تنبغيك
_ الله يقطع لساني كانبو انا واحد الانسان كانبو غ طالقها تسرح قلتها ليك وقلتها من قبل بزاف المرات انا فجر وشرف تنقول ليهم تنبغيكم
_ شوش ابكر وخا ماتفهمش بزاف الهضرة السريعة لكن تنقرا تعابير وجه الانسان ونت لبارح تكلكتي مني
_ اه تقلقت منك ومرضت في خاطري..يله خليني نمشي بحاب وطلعي جمعي حوايجك…. تما خارج وهي تشدو من دراعو كارزة عليه .. .غمض عينيه ونفخ صدرو بقوة ودار بالخف لايح ايدها من دراعو وموجه صبعو لناضرها وهي معنجة وبغيض قال…..
. .غمض عينيه ونفخ صدرو بقوة ودار بالخف لايح ايدها من دراعو وموجه صبعو لناضرها وهي معنجة وبغيض قال
_ انا الالة لي ضرني في خاطري اني تزوجت بيك ونا ساد عينيا لي ضرني في خاطري تبعت زينك وتبعت عينيك وتبعت ضحكتك لي ضرني في خاطري هو غادي نخلي لي بغاوني يتشفاو فيا وخا ماتيهمنيش كلام الناس ولكن واحد المتل تيقول لي ماقتلاتو اللفعة بالسم تقتلو كلمة بنادم بلا دم … شنو فهمتي دابا.؟.
_ نت تتغبيني ياك؟
_ وشنو فهمتي من هضرتي شنو فهمتي لي قلتو دابا بعدى عاد نشوف واش تنبغيك ولا تنزمرك ؟؟
_ فهمت انك تتغزل فيا بكلام زوين…
_ با يابا … اهاه وشنو اخر؟؟؟
_ ماعرفتش!!
_ استغفر الله العظيم وسمحي ليا ابنت الناس شبهتك لواحد الحيوان .. ماعمرني وصلت لهاد الحالة استغفر الله … تنهد من القلب ..جر الكرسي وجلس ..دارت نفس الشي وجلست مقابلة معاه
_ علاش مابغيتيش تسافر معايا؟؟ … طلع حواجبو وبنبرة سخرية واستهزاء قال
_ واش قلتيها ليا؟..بغات تنطق وهو يهز صبعو لفمو مسكتها: لااااا طلع شفاه لسما حت عوجت ليه خدو الايمن .. قلتي ليا بغيتي يكونو عندك بزاف الرجال في حياتك وماكرهتيش …كمل كلامو بقهقهة: يكون معاك سيراج ….حرك ايديه : نطلقك انا وسيري دي معاك سيراج… حركات راسها بالزربة بلا وعينوها مبدلين شوفاتهم غير مفهومين
_ لا مابغيتش سيراج نو نو … رجع اديه ورا راسو وتكا على الكرسي.. شعور بالراحة بدا يخالجه قليلا
_ وعلاش؟ الالة شهلة ؟؟
_ كنت ختارتو في الاول لسبب انه تيفهم الانجليزيا وباغي يمشي لامريكا ولا سويسرا وكنت حطيت احتمال انه لتراجع بابا على كلامو كيف دابا نمشيو انا وسيراج لسويد وهناك كل واحد يختار حياتو. ..
_ اهاه ودابا علاش تراجعتي عليه ؟؟
_لانه عشت معاك لحظات زوينة بزاف في الاول فاش شفت صورتك كنت قبيح المضهر وعيونك تيخلعو ..اخطا الوالد الصورة الحقيقة
_ وشنو هي الصورة الحقيقة ديالي الفاهمة
_ انت انسان طيب ووسيم ونبيل
_ تحليك غالط الالة انا ماطيب مانبيل … شاف فيها بحدة وصباعو تيطرقو فوق الطبلة : اوى نفرضو مشيت معاك حيت نت عشتي لحضات زوينة معايا هنا وانا بوهالي ومشيت معاك هبط عينه لي لحظة ورجع شاف فيها بعصبية :و تما فين تفارقو عند المطار ولا نزيدو نعيشو لحظات زويييييينة گاع
_ هادا سبب حزني ابكر …شاف فيها بالمتل وعينو في عيونها خيم السكون على المكان شاف فيها مزيان جت قالت في نفسها تيحفظ ملامح وجهي وقال:
_ شهلة نت ماعرفاش اش باغا من هاد الدنيا واااالو ..سوا عشتي هنا ولا لهيه نت عقلك مبرزط بزااااااف نت ماعندك هدف في حياتك للأسف ..وداكشي لي خلا باك يزوجك لواحد خانز فلوس بحالي وحيت نت نية ولا مانعرف طحتي مع جماااكي ماتيعرف والو في العيلات ..انا راه تنخاف نضرب المراة انا المراة ماتنعرفش نتصالح معاها ولا نتخاصم معاها ولا نعاقبها انا الوحدة لقالت ليا بغيت نمشي بحالي غادي نقول ليها الباب الحباب ماتنعرفش نساير الواحد وهادشي لي لقيتيني تنفكر فيه معاك راه بزاف الحوايج تبدلو واش غ معاك نت ولا حت لو كانت شي مغربية بنت البلاد وبنت والوقت غادي ننتازل على شي حوايج ولا تعاملي معاها غادي يكون مبدل..خاصني نجرب ياك؟؟
_ شنو تجرب؟؟
_ علاش تتفهمي غ لبغيتي ولي مابغيتي تديري ليهم طريق ؟؟؟
_ انا فهمت اخر كلام بانه على شكل سؤال
_ والله يعطيني عقل .ناض بالخف حت طاح الكرسي من وراه … وخرج مع الباب… تكات راسها على الطبلة تتشوف في انعكاس وجها على الرخامة حققت في عينيها وتبت الشوفة تتفكر في هضرة بكر وتترجمها في عقلها باش تلقى ليها تفسيرات لعل حديتهم المقبل تاخد منو نتيجة وهي تعاود ليها كلمة تنبغيك وقالتها بالانجليزيا
_I love you
.. رجع باش يعلمها بتلفونها وهو يسمعها تتعاود كلمةIlove you l love you I love you
وقف عند الباب وهي كي الهبيلة شداتها في فمها ماطلقتها …..حسات بشي واحد واقف وهي دور بسرعة حت غوتت ورجعات شدات في عنقها ..ربع اديه مكروازي رجليه متكي على الباب
_ اسبحان الله
_ خلعتيني
_ وفين كان عقلك ؟ حت نقزتي غ بوحدك؟
_ كنت تنقول تنبغيك
_ اهاه ولمن ؟؟
_ ماعرفتش جات في بالي وصافي
_ تلفونك تيصوني . وقفات ومشات عوجة ماتتشوف قدامها وهي تسطح راسها مع الباب حت جات جالسة الارض ..نطق هو لايح شوفاتو بعيد
_ لا حول ولا قوة الا بالله
_ اجي وصلني ليه …
_ سيري بوحدك وشوفي قدامك …. دارت جالسة تتشوف فيه عوجة وبغات تهز راسها ليه وهي تتهزو غ بشوية ومع عوج راسها جات طايحة على جنبها ..ظحكتو بالززز ..مسح جبينو جامع الضحكة ومشا تينوض فيها . ساقها قدامو حت لتلفون..هزو عطاه ليها وقال
_ الى كان شي واحد من اهلك قولي ليه بكر ماخلانيش نمشي..
_ لا
_ اه
_ هانمشي
_ هنضربك
_ بكر
_ الزمر هدا ماشي المقدم لي يخلي عباد الله ضحك عليه ماشيي بكر هدا لي يخلي بنادم يحل عليه في فمو…ويقولو مشات عليه المراة
_ ادن غدا نهرب
_ هي للبستي سبرديلة وهزيتي عصا باش الى ماقدتيش تهربي من الكلاب ديالي تضربيهم شفتيهم ولا مشفتيهمش
_ لا
_ هي نمشي نقولها لهنية تجيب ليك كلب عنقيه الله اعلم الى هضرتها فيها شي فايدة
….من دار الحاج عيسى ريحة الطياب خارجة ودارت على الدرب …عندو مناسبة هاد النهار وبضيافة الحاج بوشتة مرحب …سليمة من نهار رجعت لراجلها وهي هزاهم على كفوف الراحة نقصت من دخول الشبوقات وكترة الفهمات ولات تهضر وتميزي لتفلت ليها شي كلمة من هنا تصدق خاسرة مع نسابها من لهيه حت دارهم مابقاتش مشات ليها …بيناتهم غ التلفون…. فاقت بكري خملت وسيقت الدار وعطرتها وطناجر دلحم بالمشماش والوز تتدوق لتكون ناقصاهم شي حاجة في الجهة التانية لالة خدوج لي تتلوي في البريوات هالحلوين هالمالحين ..اما سيراج ومنصيف في السطح تيباشو بلاصة فين يشو الكبدة والقلب وحت الكفتة سيراج ماعندوش مع بولفاف ديما حقو تيشويه كفتة.. تقاد كلشي وجاو النساب طلقا ليهم سي عيسى بالترحاب … نهار كبير عند الحاج …..
دازت العراضة …شي مجمع مع شي وكلام الحاجين غ همس حت شك سيراج ومن باه قرب كرسيه وحط كاسكيطة على عينيه ..وودنيه تيسرقو السمع
_ سمع مني ابوشتة كون ولدي ناوي على شي حاجة كون جابها صباح
_ شنو بان ليك نمشو عندهم ؟
_ مابان ليا والو قلت ليك خليهم يتناطحو بيناتهم
_ مرتي مصدعاني بغات تمشي عند بنتها
_ قول ليها تصبر شوية علمن نعرفو اش كاين …
هز الكاسكيطة على عينيه باش يشوف ملامح باه حت تينقزو من بلايصهم على صداع طالع من لتحت….
…. .طاحت الصنية بكيسانها وبرادها لي يله تهز من فوق العافية…..حت تسمع في الدار كاملة وزاد من حدة الصداع لي ناشب في الكوزينة… وقف رشيد من مكانه مخلي وراه تساؤل لالة خديجة لي كانت بغات تنوض وهو يوقفها سي عيسى
_ راه هابط راجلها ماعندكش لاش تعدبي راسك..بخطوات سراع وطقرقيب ديال صندالة صبع مع الارضية الدروج .وسنيه تيكرزو مع بعض فاش سمع صوت اسية وهي تتغوت بحر جهدها من بعد ما شدات ايد ختها وحطتها ليها في مقلة ديال الزيت كانت سليمة قلات فيها الوز وطفات عليها لكن بلا ماتنتابه هاد الاخيرة لتربص ختها ليها ..شعلات عليها فور مادخلت عندنها وعيونها تيفورو ويغيلو بالسم والغيرة خاصة فاش سمعت هضرت سليمة مع ماماها على قياس القرفة والسنيدة. وان نساب المقدم جايين لغدا وتوصية الام ديالها باش ماديرش شي حاجة لي تندم عليها ودوامها هي حدى ولدها وراجلها وترجع حسن السيرة معاهم ..ضحكت سليمة في وقتها شعل نيران وحرقة مابغاتش طفا لاسية حت جات بوجه كحل .. مع الدخلة والسلام الناقص بلانت ليها في حرقة تنسيها نهارها الزوين..
_ سلام لباس تبارك الله عليك منورة ليوم
_ ازوينة ديالي لباس ماسحابش ليا جايا
_ وهاني جيت شنو كاين؟؟
_ والو نجبد الكتفة نشويها ليك؟؟ عچبهم الطیاب والله مابقا منو شتیفه قولي نجبد الكفتة دغيا دغيا تشوى المجمر مزال زاند لفوق.. ..سليمة تتشحر في البراد وتقاد في الصنية ومرة مرة تهز عينيها في اختها بحب عزيزة عليها اسية بزاف …. لاخرى شعلات البوطة وحطت المقلة لي فيها زيت القلي ودرقتها بضهرها حت حمات… عيونها شر وقلبها تربع عليه شيطان مارد ماخاف ماتخلع مابقات فيه الاسلامية ولا الاخوة… خلات ختها حت حطت البراد فوق الصنية وبغات تهزها شدات ليها في ايدها
_ براسلي زوين منين جاك؟؟؟
_ كان عندي هدية من حمايا مالك ماعقلتيش هدا ..هزات عينيها في الصنية باش تشوف شنو ناقص ؟؟
_ لا.. كمشت فمها وطلعت شنايفها لسما وجرات ليها ديها وحطتها ليها في المقلة حت بقات الجلدة مطراسية في قاع المقلة….بسم قالت “: هادي اليد لي حلفتي عليها حت تقطعيها لمتزوجتش بكر وماوفيتيش : هاد اليد لي تعلمك نهار تبغي تهضري تعرفي اش تتقولي. ولوعدتي توفي بيه . غوات سليمة في السما….دفعت ختها ورجعت لور حت طيحت البراد وجا ليها على رجليها وكملت الباهية ..من حر العافية خرجت تتجري ماشفتش ولدها طيحتو على جبهتو حت تقسمت ليه…. الغوات كتر دخل رشيد مافهم والو..هز محمد تيشوف الدميات … غوات سليمة من الدوش ..اسية واقفة بحال المومياء … ..نزل الكل اش واقع شنو طاري لي غدا تجاوب ماكيناش فقط كلمات تتعاود من الدوش
_ والمجمريماااااا وحرقتنيييييييييي وتتنموووووووت وعتقووووووووني وعتقو الرووووح ..وتنسخف ورشييييد …. شد مصنف محمد من رشيد ولاخر مابغيش يجي عند شي واحد ..دخل لدوش لقا رجلين مسلوخين والايد باين عضمها .شافت فيه وغيبت …..هزها من الدوش ..الكل في هول ..بحجاب حريري ووجه وردي يعلوه الوقار والحشمة تتمتمت المسكينة وعيونها حمر ..قالت بالانجليزيا
_ اتصل بالايسعاف اسرع . بوشتة … خرج تلفون هضر مع الايسعاف لا الحاجة خدوج في وعيها لا رشيد ولا السي عيسى .منصيف تيسكت في محمد وسيراج عند اسية
_ كيفاش تحرقت… بفم مجموع كانه بدون اسنان وحجبان مقرونين… المفروض هي لي تجري عند ختها وتبكي بكاها وتغوت غواتها لو كان الامر حادت فقط..لكن الجريمة خلا المجرم يتسمر في بلاصتو ويشوف في جرمو بكل حقارة… حت واحد مانتابه لجمودها شنو سببو واش صدمة ولا خوف ولا شنو طاري معاها حت واحد مافكر ان هاد المصيبة فعل مقصود… خلاتهم تيتجارو وهي تخرج .بلا حت دمعة ولا شفقة …… جات الاسعاف بلونها الحمر وصوتها المزعج…خرجو الجيران تيطلو…. تفتح الباب بالزربة ود وخرجوها …المسكينة .. غادي تواجه اصعب اياماها…واصعب عقاب واصعب الم الم النار …. الكل وراهم حت الحاج واليكسي ……
…
في المزرعة …هنية تتخبى من بكر نهار كلو والمعطي ..شاك في شي حاجة ماهياش هديك ومابغاتش تقول ليه…. شهلة ماكلات ماشربات .. .حت هي قلبات على هنية ومالقاتهاش جاها الجوع وكرشها تقرقر ..ابو بكر..نهارو طويل شغل راسو مع البناية في اخر طرف من الارض غاب عليها وعلى خيلو حت بدات الشمس تغرب رجع بتياب كلهم سيما ورملة حت لحيتو داقت شوية ….
في المزرعة …هنية تتخبى من بكر نهار كلو والمعطي ..شاك في شي حاجة ماهياش هديك ومابغاتش تقول ليه…. شهلة ماكلات ماشربات .. .حت هي قلبات على هنية ومالقاتهاش جاها الجوع وكرشها تقرقر ..ابو بكر..نهارو طويل شغل راسو مع البناية في اخر طرف من الارض غاب عليها وعلى خيلو حت بدات الشمس تغرب رجع بتياب كلهم سيما ورملة حت لحيتو داقت شوية ….. من بعيييد تتيبان فقط غبار كتيف شنو هو ماعرفتوش شهلة لي تتراقب المكان من فوق السطح ..واقفة متكية على السور براسها المعنج الشعر المجعد مامسطاتوش ليوم ولا البلة لي سبقت فزاد وقف لفوق ..عيون خضرا جميلة زاعمة القدام خدود وردية من شدة الجوع كانها صيمة ليوم .. لابسة كسوة بسميطات في البيض حد الركبة مع ملابس داخلية في غوز بارد تيبانو من توب الكسوة الي اقل درجة منو كان غادي يكون شفاف . حفيانة …. حققت مزيان في الغبار الي جاي وكانه اعصار جاف . بقات حاضياه حت بداو يبانو معالم القادم كان بكر فوق عودو تيجري بسرعة البرق يسارع الرياح ..حضاتو لساعة حت وصل ومع وصولو علمت بقية الخيول بقدومو وصدعت المكان بصهيلها القوي ونافستها الابقار والاغنام ومما زاد اللامر غرابة حت الحجول دات الصوت الصداع …تبسم قليلا اجمل مافي الحياة ترحاب كبد رطبة وقلوب رحيمة دات وفاء غريب …. نقز من فوق العود كانه احد رعاة البقر الاسطراليين ..خفيف ورشيق رغم ضخامة جسمو ..خلال هاد الشهر اكتسب وزن زائد فهو لا يليق بيه التسكع والاستجمام ابدا …نطق بكلمة ولجمت اصحاب الضجيج.
_وااسلام عليكم …اش تعاودو لباس يله هنونا شوية….
ميلت راسها بتعجب مستغربة من خطابو ومن ردة فعل الابكام .. تبسمت بدورها و هبطات بشوية عليها… تتحسس وجودو فين كاين… قلبت عليه حت عيات عاد جاي بخطواتو.. التقال لي تقل البوط البلاستيكي لي لابس…..تحل باب الدار لكبير ولضخامتو تيصدر صوت عند الفتح والاغلاق …ارضية ديال دارو خالية من الزرابي لانه ديما داخل خارج بسباطو فتيفضل تكون الاريضة عقيمة
…
……رنين هاتف ديالو عالي تقول المتصل شاد ليه الوقت مع دخل صونا..الشي لي خلاه يرجع ادراحو مايدخلش لكوزينة يشرب….
_ الو الوليد الحمد لله بخير …..لا حول ولا قوة الا بالله …الله يشفيها .. لا واخا الولد غادي نجيو الله يعاون…… عينو تيقلوبو عليها ولكن مابغاش يعيط عليها بسميتها …. وقفت في باب احد الغرف لكن ماتتبانش ليه شافتو بديك الحالة وداك الوسخ وديك الرملة . بسطت شفايفها ماعجبهاش المنضر… ..داز طلع لبيتو تبعتو بتسلل ….حسها مقطوع وراسها عوج … لبرهة تلفت وتخلعو بجوج هي ماتوقعتوش يوقف وهو ماتوقعش يشوفها براسها عوج وشعرها طالع لسما حفيانة وكسوة بيضة وبدا الضلام يطيحو.. شوية تقول غ جنية تابعاه عينيها مابانش ليهم اللون..حرك تيشورطو تيهوي عليه وقال
_ خلعتيني النمة.
_ انا لي تخلعت نت راجل
_ وعلاش تخلعتي ياك نت لي تابعاني
_ ماتوقعتش توقف
_ اهاه وانا لي ماسمع ليك حس تنضور تنلقا بوعو ورايا
_ اووف خفيف المشاعر
_ ونت جنية المضهر ..خلاها ومشا كمل طريقو.. دخل لبيتو حيد تيشورطو وسروالو ودخل يدوش يله رغوة راسو وغمض عينيه تسللت ووقغت تتشوف فيه حل عينيه حلهم فيها نيشان
_ ودوري حس واش ماهزاش تقل
عضامك ديري حس اختي الله يرحم ليك الولدين….
_ ونت ودنيك ماتيسمعوش مزيان شنو ندير ليك
_ ديري خلخال فيه النواقص ..يله سيري بغيت ندوش
_ بغيت ناكل
_ واخا هبطي عند هنية
_ماكيناش من صباح
_ماكليتيش والو..حركات راسها بعيون مدمعة..
_ ماعرفتش نت اشمن دنب غادي يديك لجهنم
_ نت…. بدهشة وعيون مفتوحة سمع كلمتها وقال بتلعتم واستفهام
_ انا؟؟؟
_ ماعرفتش نت اشمن دنب غادي يديك لجهنم
_ نت…. بدهشة وعيون مفتوحة سمع كلمتها وقال بتلعتم واستفهام
_ انا؟؟؟
_ يس. .. ..مشات وخلاتو مستغرب …وتيتمتم
_ لا حول ولا قوة الا بالله…. خدا وقت وجيز دوش فيه ولبس عليه سروال سيرفيت في البيض مقبوط من لتحت وتيشورت في الگري مع صدنالة مراكشية جلدية . نزل بالخف مع الدروج .. .تيشوف في ايديه لي نبلو ليه من الكفوف وتيحرقوه .. . الضلام في الدار كلها هنية عندها عادة تتقول شعل ضو المغرب فماتتخليش بيت مضلم ولا صلات …حت تيطيفيهم بكر فيي اخر اليل .. شعل نص في الضواو وفي نفس الوقت .تيقلب على شهلة … شاف حت عيا حسها تقطع وهو ينطق سميتها..بصوت عالي وخشن
_ شهلة ….. جاوبات من الكوزينة ب
_ وااات ؟؟؟ .. رجع عندها واقفة على التلاجة مشرعة ليها االيباب بلا ماتحرك فيها حت حاجة غ تتشوف بعينيها …. شاف فيها وخرج تيعيط بصوت عالي..غ سمعتو المسكينة وقفزت من فوق كرسي صغير مصاوب من جدع شجرة .. دخلات لفراشها وقالت بهمس ..
_ المعطي المعطي خرج عند المعلم قول ليه هنية ضربتها الشمس اليوم ….كان في اخر ركعة في تشهده الاخير ..سلم بالزربة وجمع الصلاية ..وتيقلب على صندالتو . طقية بيضة على راسو ديال الصلاة عادة عندو مايصليش بلا بيها نداء بكر عالي …
_ ن انعااااام ا المقدم هاني جاي . هاني جاي ….خرج عندو بسرعة وقف بكر حدا شجرة ديال التين اديه في جيابو ووعينيه في عينن المعطي
_ فين هنية غابرة ليوم
_ ناعسة جاتها الشقيقة جلست لهيه ..تتوكل في الدجاج نعام اسي نت تتعرفها يا المقدم وخا تشوفو سارح في القمح مزال واقف لاااابد ولاااابد تلوح ليه الشعير وتقابلو… ..
_ اهاه.. اوى مايكون عندها باس
_ الله ينورك بغيتيها لشي حاجة ولا ؟؟
_ غ شفتها غابرة على مولات الدار وخلاتها بالجوع والمراة براوية ماتتعرفش حت حاجة لماعتقها لواحد تبقا بجوع قلنا ماشي ديال هنية ساع ملي هي مريضة مايكون عندها باس …عمل نص دورة ورجع هز الطاقية من راس المعطي حطها على راسو وقال”: باش مانمرضوش بجوج يله دوشت….خلاه واقف ومشا… الرسالة واضحة هنية مولفة بالشمس وبكر مولف بالماء بارد وخا يكون التبروري يطيح هو فيه وتحتو ..دخل المعطي عند هنية معصب منها ايدو ورا ضهرو ولاخرى موجهة ليها بربع صباع
_ ماحشوماش البنت ماوكلاش النعمة يومين هادي
_ هنيني عليك
_ اش درتي حت هربتي منهم؟
_ والو سير بعد مني سير سير تتحرك ايدها ليه الله يقطع غرس بوك
_ امييين ولايني ياهنية ونعلم على شي حت نزيدك لمطمورة …. رجع بالخف…كانت يله خرجات منها…جبد البيض عشرة بلدين ..مقلة و بواطة الزبدة البلدية
تسمع التقرقيب في الكوزينة ووقفت شهلة بسرعة من خطواتها لي كانو مطلعينها ..ضلت هكا في الدار طالعة نازلة مع الدروج ياما في السطح ياما مسطحة في شي بلاصة مالة وجيعانة … بغات تخرج لجنان لقات البيبان كبار مسدودين مشات عند هنية لي لخرى سمعت منها سميتها وتخشعت في بلاصتها شحمات من راسها قدامها مابغاتش المقدم يهز صوتو عليها قدام شي واحد عزيزة النفس وعزتها ليها خلاتها تهاجر بلادها واهلهاوتغرب قصتها المسكينة عجيبة وغرببة يوما ساسرد قصتها المؤلمة ..عفيفة وعفتها الحشمة مما زادها الله جمال لا الشمس تقدر تحرق ليها بشرتها والارض تقدر تلوي ليها قدم ..فضلت تركن في دارها وطوي حوايجها حت هي المسكينة ماكلاتش ماشربت….
تتسلت شهلة بخطى كانها على بساط يحمله الريح وقفت وراه وهو تيخدم السخان ديال الخبز. ويهرس البيض واقف عاطيها بالضهر عريض مقسوم على جوج بخط مقعر نوعا ما . ورجليه مفرقين…مشغول حواجيو مقرونين شفارو طالعين لفوق خت وصالين ليهم في حديت خاص لا ااعلم له مهية ….. تقلا البيض نص قلية..طفا البوطة بغا يدور يحطو فوق الطبلة الحجرية لي تتوسط الكوزينة وهو يدو فيها فاص حت تخلع… حمر عينبه ودگهم فیها وتما غادي عندها براسو وهي راجعة اللور شفاها بغات تقول شي حاجة وفي نفس الوقت مابغاتش تلفت ليها ضحكة رجعت حت مابقا فين تزيد وهو غ مازايد ويقرب ويحرك عينيه فيها بشكل مخيف عواجت بضهرها على الطابلة ماتيفصل بيناتهم والو ..علين يتكا عليها … حط المقلة بالجهد حت طار اللبيض ..دورت وجها براسو عوج وقالت
_ ضاع الاكل
_ علاش ماتدريش الحس؟؟
_ حيت جسمي خفاف من الجوع وليت تنمشي في الهوا بحال بحاال ..هزات عينيها لسما تدور فيهم وصبعها على فمها تتحركو تتفكر سمية بالعربية عرفتنها بالانجليزية والعربية لا : امممم بحال يس ريشة انا ريشة ريشة
_ نت قندييييشة حبيات العرق على جبينها وعينيها فيهم خوف وابتسامة في نفس الوقت …شد ليها ايدها وجرها عندو بالخف حت تزدحت معاه وقالت
_ اااااي my head….
_ ماااي خراااد هدا شنو دابا ؟
_ اااي راسي راه مزال تيضرني .. قربات منو وتعلات وباستو بالخف في خدو حت لاحها دافعها
_ ماعمرك تقربي ليا اشهلة ….صافي لي بناتنا سليناه .
اااي راسي راه مزال تيضرني .. قربات منو وتعلات وباستو بالخف في خدو حت لاحها دافعها
_ ماعمرك تقربي ليا اشهلة ….صافي لي بناتنا سليناه ..حمرت عينيها فيه شدات في عنقها …الخبز تحرق ….غمض عينيه ومشا لسخان بدل الخبز واعدى حاجة عندو يتحرق الخبز ماتيبغيش النعمة ضيع الى يبس عندو الف حل ولا تحرق ماعندو مايدير بيه مزال… ..قابلو هاد المرة حت سخن وجابو قطع طريف ليه وليها…بالخف هزات الخبز …ومدت إيدها حبسها بنبرة مخشنة وحدة في صوتو
_ بسم الله …مد ايدو حدر عينيه ورجع هزهم فيها : بسم الله بعدى عاد.كولي .. رجعت مدات ايدها بلا ماتقول بسم الله ..لتاني مرة تينتابه ليها ماتقولش بسم الله…شد في ايدها قبل مادي دغمة لفمها وزير عليها مخنوق فيه الدم عروق عنقو تيضربو: فين بسم الله … التازمت الصمت . رجع كرز على سنيه ومن تحتهم قال: قولي بسم الله ..
_ لا خليني ناكل
_ تاكلي بلا مادكري الله
_ مابغيتش… جر المقلة عندو ولاح ليها ايدها
_ تلاحي لهيه ماكين ماكلة غدا باتي بالجوع ..هدا طايب ب بسم الله يتكااال ببسم الله ….صباعو عند وجها ….فيها الجوع الموت الموت ديال الجوع… ناضت تتشوف فيه..تهبط وطلع فيه ..هزات كاس الما تتشرب فيه وجات وقفت عليه …ماهزش فيها عينيه ولا شاف جيهتها حضاتو بمكر وهي تخوي ليه الما وسط المقلة حت غرق البيض … ماهزش فيها عينو ولا عمل اي ردة فعل..وقف وهي ترجع بالخف لور..مشا صفا منو الماء ورجع جلس تياكل فيه . بتعجب شافت فيه… رجعت جلست بتبات تتطرق فوق الطبلة بصباعها بعشرة
_ خليني ناكل ..ماجوبهاش .. بسرعة البرق ضربت المقلة علين تلاح لكن شدها في اخر لحضة بايد وايد لخرا مشات لراسها وعنجها حت بدات تغوت وضرب في الطبلة بحال المهزوم في حلبة المصارعة…بقا شاد ليها راسها وهي تتغوت حت كلا كلشي طلق من راسها تتبكي وتقاد فيه بايدها وهو يهز المقلة خشاها ليها في وجها. يتحرك فيها بحركة دائرية . تقول تيغسلها بالحلفة والصابون ..
_ حيوااااان طلقها ومشا .. تيتحرك في الكوزينة بدندنة شعبية ..هز باب الفريگو کبير وعريض لي لحظة فكر انه شي نهار يلقلب عليها فيه… خرج حوتة كبيرة من الفریگو .حيدها من اابلاصتيكة وشدها من ديلها كارمة وتلفت ليها لقاها نتشوف فيه بتقزز وهو يخلعها بها ..وقفت عوجة مسنجة وخرجت تتبرگم بالنجلیزیا…..حطها تفك من التلج وخرج تيدور لسانو بين ضراسو… دازت ساعة وهو جالس مقابل مع تلفازة.. غسلت وجها وبدلت عليها ولبست ماكفس من قبل كلشي حوايجها مافيهم مايتلبس بالنسية ليه داكشي علاش هجر عمالو لاخر طرف ..جاتو بضوني عريض ديال كروشي مشبك كلو بلون اسود في الاصل تيتلبس فوق شي حاجة تغطي المستور لكن مع شهلة كل حاجة تلبس بوحدها..مع شورط ديال التوب مقزب وقفت جنبو وقالت
_ شنو تدير…؟
_ تنلعب !!
_ ممكن تساعدني صديقي ؟؟؟
_ شنو بغيتي ؟؟
نسرح شعري ونعملو ظفيرة
بترجي رجعت قالت
_ بلييز .. رد وهو جامع الوقفة مخليها وراه تشوف فيه غادي اديه ورا عنقو مشبكين
_ ماتنعرفش
_ مشا تيوجد العشا ..ولى منتابه ليها لتجي توقف وراه . كل مرة يدور راسو حت تيلقا غ الفراغ ويرجع لطيابو … غضبت وتلفون ماماها تتعيط..جاوبتها الاخرى بحزن وصوت باكي لي حال سليمة لي قطع في قلبوهم
_ ماما لقاي ليا حل توسخت وجعت وملييييييت
_ اليكسي: شنو ابنتي شنو تتقولي ؟؟
_ ليومين ماكليت وليومين مااستحميت تنحس براسي مقرفة وعنقي مشنج واعصابي منهارة ماما عتقيني من هاد الجحيم …
_ غدا اجي مع زوجك ونلقاو حل
_ غدا غدا!!
_ يس حبيبتي …فرحات قطعت الخط ومشات فوق واحد الكرسي رجل مدلية ورجل مهزوهة مكالية بيه راسها تتلعب في تلفون لقات اغنية جديدة ديال شاكيرا وهي تفتحها .. سمعتها وعاودتها من بين هوايتها سريعة حفظ الاغاني فقط تسمعها مرة وحدة بتركيز المرة التانية تغني معاها تالتة تغنيها بوحدها.. ….سمعت سميتها بصوتو ..هزات كتافها .رجع عيط حركات شفايفها لسماها…. تالت مرة غمضت عينيها ومشات عندو اديها على جنابها كان باغي يوشف قدامو ورجع شاف فيها وقال
_ اللهم لا شماتة…ضحك عليها ومشا تيشير ليها تجي تاكل… مشات جلست وهو يجر البلا عندو وهو واقف وصبعو لعينيها
_ اولا غسلي اديك … حطات اديها على الطبلة وكات بيهم حت وقفت .. غسلت وجات: تانيا والله لا كليتي بالله قبل ماتقولي بسم الله ..تنهدت وجمعت فمها ونطقت بخوف وتمتمة مسعمومة خافت الى ماسمعاش وتعاودها نطقاتها ليه كيف بغا لكن بنبرة تتضحك.. تقول طفيل صغير تيتعلم يهضر
_ بسم الله
_ يله بصحتك… قطع ليها طرف حطو ليها في طبسيل قادو ليها مزيان وهي طاحو اديها في الحوتة كملتها بزربة تقول قطة تتاكل بنهم وجوع شديد بقا غ يهز ويعطيها وهي في عالم حت شبعت مابقا ليه والو غ سلسولها والبصلة والكرافس لي مفرشين تحتها والمطيشة لي دايرة بيها وطروف الحامض….تكات على الكرسي تتكسل
_ واو طباخ ماهر
_ الجوع غلاب .
_ كليتي شبعتي بصحتك تهزي قدامي غسلي هادشي ..
_ نواااي
_ يس ..قالها بالانجليزيا .. حرك حجبانو بمعنى تنوض تهز … وقفات غادية وهو يوقفها: ديري خدمة وحدة هزي في ايدك هادشي ..رجعت زاتو وعنقها عوج .. وقف عليها : ها الحلفة ها ااصابون ها لابوبيل ها فين تحطي ديك النعمة لي شايطة..يله وريني شنو تتعرفي… . خلاها وخرج لبرة تيتكسل ويشوف في السما اليل هادء ونجومو لامعين سكون تام من قبل كان تيسمع بعد المرات ضحك وقهقهة الشباب لي تيجلسو من ورا العشا يجمعو ويضحكو ومرات يعملو نزاهة بياتهم واحيانا صوت هنية والمعطي لي سمعهم يقول مخاصمين ولكن هما غ مجمعين..كلشي مبدل ومغير.. فقط صوت الصرارصير ودابا صوت طبسيل تشتت في الارض… خلاها وعمل دورة كاملة ودخل من باب الاول لي دار دخا لصالة ..تسرح على ظهرو اديه تحت من راسو ورجليه فوق بعضياتهم ..ريحتو فقط لي تتعلم وجودو ومكانو ….غسلات الماعن وخرجت منين خرج تابعاه ..مالقاتوش دارت دورة كاملة لقات الباب مسدود ورجعت دخلت من الكزينة… لوسط الدار .. تتمشى كيف العادة حفيانة وبخفة طلت على ااصالة لي شاعلة فيها تلفازة لقاتو مسطح ماعرفتو واش ناعس ولا تتيفترج…. خلاتو ومشات لتلفازا تتكتب perro fiel song shakira طلع لیها الفیدیو هزات اديها بجوج وقالت
_ يس… وبدات تمايل مع المسيقى ولي حركاتو شاكيا من طرف تحركو حت هي وياله من مشهد امام عينيه … بقا حضيها تتلفو ليه مشاعرو وتخربقو ليه الاحاسيس وكاي رجل تيشوف هاد المنضر ااكيد غادي يتحركو غرائزو.. دارت نص دورة عطاتو جنب وعينيها على شاكيرة لي حركات مؤخرتها بشكل متيرو واديها على صدرها مع تلوية في خصرها ..طلعتو عرقة من رجليه مع قشعريرة خلات صدرو يطلع ويهبط تحبس فيه النفس المعنى الحقيقي لوضعه سخن عليه راسو.. دارت عندو وغمزتو مع سلات الاغنية …
لعندو قربت وهز تيشوف فيها حت جلست عند راسو تبعها بالعين . وعينيها معانقين عينيه .. الضحكة على شفايفها سنيها بيضين وصف واحد الا الحرات ميلين جنب بعض مشكلين فراشة صغيرة زادتها روعة …. قالت بصوت شبه عالي
_ my best singer and dance . افضل مغنية عندي وراقصة اووو شحال تعلمت منها … تتحرگ فی جسمها وهي جالسة.. سرقات لحضات منو وحطتو في عالمها هي عالم شقاوة صبية فتية.. ..ضربتو بخفة مامحسوساش لنيفو وكملت كلامها: انا وروز تعلمنا هاد الحركة … حركات صدرها بشكلي دائيري وطلعتو ونزلتو .: تعلمناها في ساحة المدرسة وتنافسنا على لي غادا تجيبها تمام وانا كنت سريعة…تتتهضر بتهجية وعيونها مرة عليه مرة طلعهم سما مع تقويسة صغيرة وابتسامة لطيفة بتغر وردي جميل وخدود مرسومة …بلا مايحس لقا صباع ايدو تيزيح خصلات من على عينها باش يتمعن في حركاتهم مستمتع بحديتها الشيق بالنسبة اليها .. :_ وتفكرت حاجة اخرة هادي اوووف حت هي سبقت روز ليها .. طلعت البودي المشبك حت بانت السرة بشكل واضح وحركات كرشها بشكل ملتوي .: تسنى لا ماشي هكا هكا مع المسيقى غدا نقادها مشات بخطى خلاتو حاضيها من نقطة التقاء قدميها بالارض الى الغمازات لي في خصرها .. كتبت اغنية لوكا .. جمعت البودي وعقدتو باش تبان كرشها ودارت عندو مع بداية الاغنية مع بدية حركاتها..بارعة في الرقص كانها تعلمت من مدرسة شاكيرا ..شارت ليه بخفه بايدها باش ينتابه اكتر شنو بغات توريه . باعجاب متبع رقصها كل حركة من مغنيتها المفضلة الا وجابتها بالتمام. . هزات الصدر حركات المؤخرة لوات الكرش وفي الاخير فرقات رجليها تتشطح بيهم مع اديها ولسانها يردد الاغنية حافضاها بصم حت سلات .. وجات وقفتو عندو
_ تنشطح بحالها ياك؟؟ حرك راسو بالايجاب : نويرك وحدة اخرى ..حرك راسو بالايجاب .. اروع ماسرق من جيوب الحياة في هده الدقائق لطافتها وبهجتها وسعادتها بماتقوم به الان…تمايالت .. غنت ابتسمت ولكيانه دست واضافت مالايمكن نسيانه خلقت جميلة لتسلب عيونه وخلقت شقية لتسرق قلبه والان خلقت ناضجة لتروض غرائزه ..امتصت غضبه . اخدت كل ماتشنج له من عصب وضيق واعطته جرعة من الرغبة الان هو راغب في ملامسة اصابعها واللعب باناملها . تواق لمداعبة خدها وتقبيل شفتيها .. الان بكر في غرام شهلائه بكل جوارحه ان اقتربت منه فسيكون الحديت لديدا للغاية .. همس في سره
_ احتلت قلبي ..
هزات حواجبها فيه مع ظحكتها الغريبة العجيبة دات الصوت الرنان المسترسل..
_ مالك مخرج فيا عينك؟ .. قالتها بتقالة وكل كلمة بوحدها واديها تيعبرو عل جملتها ابتاسم وهز ايدو لجبهتو مسح حبيبات العرق … قربت عندو وعينيه فيها ..رجعات لور تتشوف فيه وتبعها العين تمات غادية عندو من جديد وهي طلق قهقهة في السما ء
_ عينيك عليااااا ..حرك راسو بالايجاب..: شنو بغيتيني نشطح ليك عاود تانييي ؟؟…قاد صوتو بجحرجة صغيرة وقال
_ لبغيتي
_ لا صافي عيت..مشات عند رجليه وجلست : ضرني عنقي.بزاف
_ وغي لما بغا يضرك…بصوت خافت حنون نابغ من شهوته بها ورغبة فيها…
_ نجيب ليك الزيت عمل ليا مساج….حرك راسو بالايجاب .. ناضت وقفت حت هو وقف ترجلات قدامو عينو في كل تفصيلة من جسمها … خدات الزيت جابتو وجلست في كرسي … وقف وراها مد ايدو تيزيح شعرها ومررر بلطف على عنقها.حت كمشتو بقشعريرة وضحكت
_ لا ههه ..خوا الزيت في ايدو وحكهم مع بعضياتهم تيسخن فيه وحطو ليها على عنقها كلو باديه بجوج حت جا وسط منهم بلا مايحرك اديه …بسباباتو بجوج لامسو دقنها وهبطو شفتها وهز ليها راسها لعندو حت شافت فيه بعيون براقة ..هبط براسو لعندها وداهمها بقبلة …. خلاها تتدور في موموعينيها بالزربة
…..بإديه لي على عنقها وقفها ودورها عندو ..هي في حالة استغراب وهو في حالة خضوع خضوع تام لرغباتو… مايل عندها طالب المزيد من القبل وهي راجعة لخلف …وبتمتة قالت
_ قبلتيني ؟؟؟ ..ماجوبهاش وعلى شفيفها تيقلب .. حطت اديها على صدرو حابساه وظهرها مايل على الطبلة ..حت عصبتو وجرها عندو ايدو على خصرها زادحها معاه .: ..راوغت وجها عليه بالخف وقالت
_ نت هنا .. شارت المكان هنا قلت ليا ماتقربيش ليا اشهلة لبيناتنا ساليناه يس اور نو؟؟
….ميل راسو لعنقها وقبلها ..ساكت وكانو ماسمع حت حرف من كلامها ..عينيها تيسولو وملامحها في تعجب….راجع بقبولاتو ونفسو مسموع عند ودنيها ..عينيه معسلين ودايبين وفي شفتيها سارقين الشوفة… بغات تفتح فمها تكمل كلامها وهو يسكتها بقبلة نارية … ماحسات على راسها الا و هي تتدفعو ولكن في نفس الوقت بادلته القبل …
_ مالك ؟؟ شنو واقع معاك؟؟ شنو تدير نت قلتي ليا سلينا يعني قطعنا علاقتنا وصااافي
_ لا ماصافيش وماسليناش …
_ مافهمتش كلامك !!
_ فهمتيه . نت مراتي ماتبقايش تسولي على شنو تندير ..
_ قبل لحظة عملتي ليا هكا ..دفعتو: نت صديتيني عليك وخلعتيني منك ودابا دابا نت تتقبلني .. شافت فيه بتحدي: لا انا مابغيتش
_ شهلة هضرة وحدة قلتها..
_ نت قول لي بغيتي وحت انا نعمل لي بغيت … رجعها لعندو وهي تتنطر وهو معنقها
_ غدا نضربك ابكر… ضحك دايب في عالم اخر وهي بتحدير .. : غدا نضربك …
_ ضربي!!…. شدها من شعرها الكتيف الاصفر المجعد .. وسط كفو هز ليها وجها عندو…..قبلها في عنقها اسفل الدقن ….ايد لاخرى شاد بيهم اديها بجوج مرجعهم ليها ورا ضهرها…..بتمتمة وهمس قال
_ فين بغيتي ضربيني ؟؟. ااا؟؟ .. سرطت ريقها وغمضت عينيها مستمتعة بقبلاتو . رجع لوجها عرفها غدا طيع وتستسلم ..وقال
_ ضربتيني من قبل ..شار لقبلو بصبعو : هنا ضربتيني واي دقة منك من بعد مغداش تكون صعب من هادي .. طلق من اديها ورجع لور ناوي خارج .. ايدو في وجهو مهبطها عليه بعصبية تيمسح فيه . بخطى سراع .حت وقفتو بصوت عالي
_ فين غادي ؟؟ .. رجع عندها وراسو مهبطو عند وجها بغضب وعينيه شاعلين مغزز من تحت نيابو تيسول
_ شنو بغيتي؟؟ …
_ نت قبلتيني دابا
_ او من بعد؟؟
_ نت هضر معايا قلتي ليا سلينا ورجعتي قبلتيني نت شنو مخطط ديالك؟
.. قربها منو لهيب لهيب يتجرع منه حرارة الشوق وحرارة الشهوات ….لي لحظة مابقاش غادي يسمع حروف كلماتها وكان المكان حقل شوك لا يعطي الرحيق ولا التمار ان اقترب الاتنين وتلامست الاجساد فحقا سيكون هدا الحقل حقل سراب لا بكر يريد الاقتراب ولا شهلة تريد البقاء.. لكن وجودها في خلوته التي طال بها العهد فارغة من طيف النساء نسجت خيوط العنكبوت لا يستطيع الابتعاد عنها والا سيتقطع مابداخله ويسمع له صوت وانين وحزن والام ….كيف لرجل احب لاول مرة ان ينازع افكاره بها..كيف لرجل استطعم مشاعر الحب وهام في عيون جميلة ان يلود بالفرار منها ما الدي منعه عنها كبرياؤه ام . صدها له … راغب بها وبشدة يمنع نفسه وبقوة ان كان غير بكر فستكون حربا دامية او عيون باكية كم من رجل ادرف دموع الحب والشوق وكم من رجل كانت يده سباقة في النقش على جسم زوجته غضبه من رفضها له وفي قانونا الجائر يقال حق له . اي صراع هدا الدي يخوضه الان اي حيرة واي ترجي هدا مضمر لا تضهره عيناه الان …….. هزات ايدها وضربتو لوجهو بخفة مع ضحكة وقالت:
_ نت شنو بغيتي؟؟ مدات ليه راسها ..شاف فيها مطولا وقال:
_ بغيتك نت
..بعدت منو خطوة جنب قدات كرسي خشبي وجلست ..وهي تتتجمع في شعرها .. عقدتو عشوائي … طلعت رجلها وقفتها على الكرسي دورت عليها اديها وقالت: وانا في هاد المكان حياتي مابغيتش نشوفها تتحرك ببطء . حركات صبعها بشكل دائري :.حياتك نت هادي خاصة بيك عالمك نت مجهزو كيف بغيتي وعايش مع اشياء نت لي ختاريتيها وتتكلم مع كائنات نت لي جبتيهم للمملكتك هادشي كلو ديالك نت لي ختاريتيه بعناية حت الديكورات لي محطوطين ولي معلقين نت لي شاريهم او رابحهم من سبقات . وحاطهم في البلايص لي نت باغيهم يكونو فيه.. اسماء الخيول ديالك نت لي مسميهم ..تتتخدم معاك لي بغيتي ولي مابغيتيهش تتجري عليه . بحال اخر إمراة جات بولدها نت رفضتي تخدمها بدون مبرر ولا حت تشوفها… ..دورت عينيها في المكان وكملت كلامها: حت تلاجتك فيها شنو تتحب تاكل نت .. عندك اشجار تتزهر وتتمر بالفاكهة لي تتبغي نت ..واش غادي تعتابرني حت انا بحالي بحال كاي كائن حي او جماد تيتحرك بامرك وتيعيش بامرك وتيشرب وياكل بامرك .. فقط حاجة تتبغيها نت بحالي بحال التراب ديال ارضك او بحال جدور اشجارك اغصانها واوراقها وازهها او بحال حوافر خيلك وصهيلهم .. والدليل على دالك… شارت ليه لعينيه بجوج صباع : فاش قبلت انا خدك رفضيتيني وقستيني من حداك وفاش بغيتي نت دالك قبلتيني…قالت كلمتها الاخيرة بنبرة استفهامية: نت قبلتيني في الليلة لي رفضيتيني فيها شنو المعنى؟؟ .كلماتها بببطء شديد ومغزى واضح : شنو تعتابريني انا فرس ماشي انسان؟؟ بكر انا مغداش نبقى معاك هنا وخاصة ان حت حاجة في هاد الارض ولا في هاد البلاد من عشقي انا ماتنبغيش المغرب كامل ماشي غ ارضك وممتلكاتك . انا يا نعيش في بلادي يانموت في ارض الناس .انا الى ماشفتش تراب السويد نفضل نكون جتة في اي تراب اخر .ونت لبغيتيني حقا غادي تنازل على جزء من داكشي لي تتبغي ومانضنش ان واحد بحالك حياتو كلها مع الخيول وعيشة البراري غادي يقبل يكون حبيب فتاة طائشة مشاغبة متمردة ..وانا ومانقدرش نكون مسؤولة على تصرفاتي … بكر انا مايصلاحش ليا نكون مع واحد متلك ولا حت نت … شفات فيه مطولا : فهمتي كلامي كلو .. ابتاسم بسخرية
_ ادن علاش جيتي لعريني … مشا لعندها وتكا عند وجها ايد على الكرسي وايد على الطبلة: نت حصلتي حصلة الديب لي بغا ياكل العنب من عرسة ديال السبع وعرفتي اش جرا ليه؟؟ حركات راسها بلا ..رجع ليها الصفعة الخفيفة على خدها : تقطعات ليه قزيبتو
_اووبس ..غطات فمها بإديها ضاحكة
_عرفتي علاش؟؟..
_ لا .. حركت راسها وحجبانها
_ حيت بقا ياكل حت غلاض وماقدرش يخرج من المخرج لي دخل منو وحصل حصلة مانعاودهاش ليك …ضحكت بلطافة وفي نفس الوقت بخوف كمل كلامو : نت الزوينة ديالي جيتي عندي برجليك وانا من عادتي تنرحب بالضيف .. ماعرفت ماتقول ليه وبغات تخدم حيل الفتيات ..مدات اديها ليه وعنقتو وقالت
_ والضيف دائما تيرجع لدارو .. عنقها بالمتل وكانه حضن حنون لغائب وقال
_ راه ماتتعاود غ الصلاة على النبي والعام لول في الجامعة ازوينة ديالي .. كرزت عليه اديها مدرعاه وقالت
_ غدا نشتاق لهاد الحضن باستو في خدو وهي مزال معنقاه
_ لهلا يحوجك ابنت بوشة بقاي معنقاني من هنا لعام الجاي
_ بكر راه مستحيل نبقا معاك
_ شهلة راه من رابع المستحيلات نفرط فيك
_ صافي سكت خلينا هكا معانقين حت نشوفو شكون لي غادي يضروه اديه … ظحكتو بكلامها كيفاش قلبت الهضرة ورجعتها نكتة
_ هي لولا اصلا انا ماشي من عادتي الهضرة الكتيرة ونت شعلتيني مابقيت طفيت
_ ويله سكت دابا… طال عناقهم حت بداو بجوج في عالم اخر .
_ ضروك اديك ابكر ؟؟
_ لا ضهري هه
_ نوقفو ؟؟
وقفو بجوج في عناق وتغير الحال واصبحت النداءات من نوع اخر لا بكر باغي يفصل الوصال بيناتهم ولا حت شهلة …حت شهد المكان على اروع سنفونية من اتحاد الاجساد .. المكان الي كان هادي قبل لحضات رجع له اصوات ..صوت الصحون لي طاحو الارض على غقلة منهم وصوت الكؤوس وحت الملاعق والاشواك.. هنية غابت على مطبخها رجع ساحة للفروسية …
واقف متكي على الحيط واديه على خدو ..تيشوف فيها بنضرة سامة ..مابغاش تصرفها المفضوح مع المقدم ..وفي نفس الوقت مابغهاش تحط راسها في موقف طلب السماحة من شي واحد .. طال وقوفو وماشي من عادتو . فتح فمو من بعد ماتحلف عليها جوج مرات وتالتة لاخرة
_ ااا هنية والله وتم والله وماتگولي ليا اش درتي حت طنلگ لیله قبل غدا . بالخف هزات راسها ولاحت عليه مخدة
_ ياك ياك العيساوي خمسين عام ديال العشرة وبغايي تلوحني
_ نلوحك ونشتف على بوك راه بوبكر هدا لي قلقتيه ليا
_ ت اش درت اش درت گاع صبحت مرتو معنجة قلت ليه جيب ليها كلب كحل تعنگو … ضرب اديه مع بعضياتهم تيصفق ويركز برجليه معصب ومغدد لاح عمامتو من على راسو وبرك الارض على ركابيه واديه ورا ضهرو راسو جايبو ليها عند وجها
_ صرفقيني صرفقيني وت صرفقيني… مدت ايدها بلا عكز وجمعتها ليه مع وجهو
_ عاودي يا هنية ياخيبة السيفة يالعوجة اش گلتي ليه يدير ها ؟..تمتت المسكينة وكمشت فمها وربعت اديها
_ ومالك نت مادرتيهاش ها يكما فينما نعستي على بالة ديال تبن يتوعج ليك عنقت مايطلق غ لما عنگتي كلب كحل … صرفق وجهو بجوج ادين وقال
_ الكلب نعنگو انا وتنعنگيه نت كلب كحل حمر بيض جنافو على جلدك وجلدي هاو هاو اش گالت بغات اللوز اللوز لي تيتمشا ومايتكلى بغات تعنگ لییه کلب واااالعداب وت داك الزين كامل مابينش ليك والعداب والتي الدهب تيتمشى على رجليه وبغات تنعگ ليه كلب والعداب ويعطي با دقة لي ماشتو وماشافني ..الله علیک اولیدي يالمقدم الله عطاك الزين ربي اهنية لما غگولي فين درتي عقلك حت گلتیها لیه وماهزش علیک ماسوطه؟؟
_ علاه هو نت باش یهز علیا ماسوطه اشلاهبي الاخر يالكوريت ياولد تابعة انا خايبت السيفة وعوجة ياك المعیطيي يالعيساوي فينما كان حزام المراة تشدو وتشطح بيه ياك اولد الكرمة ياااك وهاهي والله فيك لبقات…..
_ نوضي نوضي غوت عليها حت قفزت …وقفت . سيري طلي على دارو شوفيه واش كلاو وشربو سيري..خرجت المسكينة فمها مايل جنب تابعها ويهضر
_ اش مصرف فيك هو من شر حت تخلي ليه مرتو بالجوع ا فين عمرو قلقك حت تقللقي منو ها.. ياك الكسوة المخيرة ديالك يااك البلغة والشربيل مايجي يتگطع واحد حت يجي لاخر جديد ياك النفقة تتجيك كل سوق ها عمرو نسی ليك الحنة والسواك ها ياك حت من الكحل تيجيبو ليك ها غ قولي گفتک تتعمر بوحدها يختار ويعزل بإيدو الحاجة مايكلهاش هو ويشريها ليك بالعشق ها ياك ياك اهنية المسميمة بان عييبك ولا ها شفتي مرتو صغيرة وشهبة وطلع معاك سم العديزات ولا ها كون كان ولدك نگولها ولاني هو دايرك هنا .ضرب على راسو من لفوق.
_ هنيني عليك وسكت .. علاه مالي مامنتقلق منو مالو ماكبرتوش على ايدي راه ولدي هداك ولي ضرتو ضرتني
_ هنية هنية الولد ماشفنا منو لي تعاب ولا تلام حاطني وحاطك في مرتبة ولديه الى تعصب عليك عندو الحق وباش تغضبي وديري من راسك مريضة وتخلي البنت بالجوع ماشي ديالك اهنية وقفت عند باب الكوزينة وشافت فيه
_ مال البنت صغيرة ماتعرف تحرحر حت بيضة اويلي .. تعرف غ تعرى وتلوي قزيبتها
_ گلت ليك عيبك بان ها العافية شعلت وسم العيلات بان ياك هنيوة يالجالوقة يا الصفيحة الراشية يالبرويطة المصدية شغلك فيها تعرى ولا تلبس ها
_ تعلم تحتارم راسها گلاک شحال گدو يحضي ليوم دا الخدامة لاخرى مو طبق وغدا ولا بعدو ها ؟؟ يبقا غ مگابلها يحضي ليوم ويحضي غدا ها بقات في الزين وخضورة العينين ها الواحد لكان مستور تتكون عليه اللهفة اما لي جا يتفرج ماتلات ليه سلعة
_ حلي الباب ودخلي باركة من الفهمات راك ماغداش تبدليها لا نت لا غيرك .. بنادم كي داير وخا دهن صباعك بالعسل يلحسهم ويعضهم ….ااا رباان عيبك المراة اااجمعي وطوي ااا لعندك شي شغل قضيه وبعدي من مرات المقدم وطفي عينيك من جيهتها ولشفتيها سمي الله ودكريه راه عين بنادم قتالة اهنية راني عارفك ماتگدي على دنوب وماشي ديالك هادي اهنية اهنية ل تخليناش نتحشمو مع المقدم راه خيرو عليا كتير وخا يضربني مانهز فيه العين….دخلي شوفي اش خاصو وجمعي الروينة ونقي الدنيا وطفي غضب الشيطان راه لقا من يدوز ليك وكوني على بال ..شار لنفسو : تقلقي مني وغضبي عليا وهو لا راه الروح هداك اهنية راه الروح
من ورا الباب لي واقفين حداه وايد المعطي على البواني ديال النحاس …. كلامو مسموع ولكن التنائي في عالمهم الخاص..اجساد عارية متلاحمة خيط رقيق مايدوزش بيناتهم … راسها محطوط على الطبلة واديها وراها مشدودين بقضبة وحدة والايد الاخرى تيمررها على جسمها من فوق ظهرها بظهر صبعانو …..تمتمة همهمة وقبلات مسموعة .. ولعلاقتهم الحميمية صوت تصافح الاعضاء… ..طلقات شهلة صرخة خطف بكر ايدو حطها ليها على فمها الشي لي خلا المعطي يهزها من البواني بحال الى قرصتو نحلة ورجع لور.. الشي لي خلا هنية تسول باستغراب
_ غوات هدا ولا شنو ؟؟ اوعدي واش المراة تتغوت ؟ دخل دخل المعطي يكما المقدم تيضرب فيها رجع بالخف وودنیه لداخل حت تیسمع صرخه خفیفه فهم ان المقدم لاعب ماتش القرودة كون فتح الباب كان عمرو يهز عينو في بكر ويقدر هنية تخليه يهز رحيلهم من تما بلا مايتلفت وراه .. دفعها مرجعها لور . وهي تتنطر منو
_ تحيد ندخلو نشوفو مال المراة الصگع
_ مالها والو ضاحكة وناشطة مع راسها
_ اويلي حاي المراة تغوت وهو يكدب ت اشمن ظحك ولا نشاط ت مسمعتيهاش تتغوت
_ هظاك اهنية ماشي غوات
_ الا اسي الفاهم غوات طلقت غوة يالمصيبة _ والغوات فيهو فيه كاين ديال العصا وكاين ديال السلاوي
_ت شتك تفهم عليا فين تعلمتيه
_ قاري عليه ..تيدفعها قدامو وهي تتنطر وترجع ليه
_ قااري قاري في جلد التعلب ها قاري گالیک
_ راه غادي نگول ليك اش كاين وتصدقي ضارباني
_ گول يله گول…قرب من ودنها وهمس كلمة خلاتها توقف وتحط اديها علی فمها …ضحك مكمش فمو وجا عندها عنقها جنب
_ عقلتي اهنية فاش تقرات فتحتنا وغوتي ليا راه بحالها
_ سكت الله ينعلك ماتحشم
_ هنية !!..جامعة الضحكة المسكينة غادية جنبو وتحيد ايدو من كتفها
_ هنية تغوتي ليا اليلة ؟ … طلق ظحكة ..ضربتو بكوعها
_ اويلي تستغفر الله العظيم الى رجع الغرباال طارة نغوت ليك ..قالتها وحشمت ..غطات فمها بطرف زيف راسها
_ ومال مرت المقدم طارة ولا طعريجة ؟؟ المقدم مسلالو كبر من ديال العود …ضربتو تتضحك.. : ونا نگول ليك اهنية ونت گولي الله اعلم الى خاونو لشي عود ميت …..وصلو لدارهم وهو يقنتها مع الباب : اليلة ياتغوتي ليا ولانضربك ها هنية …دفعتو ومشات الكوزينة جاها الجوع
_ المعطي ..متكلمش ليها : راه الكرش جيعانة وخا نبغي نغوت مانقدش سخفانة المعطي… مشا يجري ويشطح ليها رجليه خارجين من الصندالة واديه تيصفقو فرحان بهنيتو ولاول مرة هنية تسمع ليه بلا ماتغضب وتجاوبو بخو كلامو الظاهر ان المفعول السحري لي خلا بكر وشهلة في تناغم وتراقص مرت نسماتو على راس هنية……..
صباح الحال على المكان وكان مرت من وسطو قطيع من تيران البيسن…. حلفات هنية لدخلات لكوزينة حت يسبقها المعطي يشوف شنو كاين عيا معاها
_ الغراض تقدا بليل ودابا ناعسين في بلايصهم ..ما حطت رجليها في الكوزينة حت سبقها وتلفت ليها دخل… دورت عينيها وتدور في راسها وتعاير في المعطي
_ گلت لیگ تيعصيها ..قاد الكرسي لي كان طايح ..وهز تيشروطو من الارض هو وسروالو جابهم لوجها
_ تيضربها بحوايجو؟؟ ت راك مزال في عهد جدي وجدك ..ها هاه هزي حوايجها من الارض حشومة نحط فيهم ايدي ..تكات المسكينة هزات سليب شورط وبوديها المشبك … جمعتهم وحطتهم في المكينة وهو تيجمع الزاج من على الارض
_ شوفي ياهنيوة غبتي على كوزيتنك نهار لعبو فيها حابة تسمعو خطوات قراب من الكوزبنة وهي توقف تترعد وخايفة وجها صفار …. دخل فازك شعرو وريحتو سابقاه وقف قدامهم سروال تجين كحل وتريكو خفيف في لبلو غوا تابعاه شهلة بكسوة طويلة في خضر فليو بارد مفرفرة من الكتاف مجموعة بلاستيك لبغات تنزلها تحت كتافها تنزلها ..داكشي لي دارت في الول فاش لبستها لكن ادين بكر جمعوها ليها وهي تتظحك تنزلها وهو يجمعها حت قال ليها مغداش تمشي معايا عاد خلاتها كيف بغا … لقا السلام ملطف الجو وفي نفس الوقت حشمان من حوايجو لي تهزو من الارض ..مشا بخطوات تابتة لعند هنية لي كانت عطايه بالضهر حشمانة..قرب منها وتكا على راسها باسو وقال
_ لالة هنية صباح الخير ..رجع باس ليها راسها . غرقات وسط حوايجها .. بكل احترام ومحنة هز فيه المعطي راسو ..عينيه دامعين ..ديما بكر مكبر بيهم وهازهم فوق راسو …. بجحرجة جاوبت
_ صباح الخير اولدي ..
_ بلا ماتعدبي راسك اليوم فطورنا عند الوليدة
_ الله يوصلكم على خير… رجع عند شهلة لي كانت حالة تلاجة وواقفة تشوف فيها كيف ديما..شد ليها في ايدها شبكهم مع بعض وخرجها في جنبو..
. تبعوهم العين بحنين هما تيقربو عند بعضياتهم
_ هنية سمي الله اختي ماشاء الله عليهم
_ تبارك الله عليهم عريس وعروسة
_ والله يخليهم لبعضياتهم ويخليك ليا حت نت يا هنيوتي يا الزوينة
_ اممم زوينة مابقيتش جالوقة مصدية وبرويطة راشية
_ وخا تولي كي الجرتيلة المجرتلة راه مانتفرق عليك غ لما غطاو ودنيا بالتراب
_ وت انا يا مانسمح فيك غ لما دردكت عليك ولا دردكتي عليا.. ضاربو بالكتاف تيتغامزو ……
….حل الطموبيل من جيهتها باش طلع ..سدتها ودخلت من السرجم .. ضرب ايد مع ايد داز لجيهتو وركب .. ديمارا بالجهد حت تزدحت مع الكرسي وجات القدام ..شافت فيه وهو لعينيها مسني
_ نسيتي كيفاه تسوق الطموبيل
_ لا ولايني غ حطي رجليك الارض .انتابهت انها كانت معلقاهم في الزاجة
_ عيانة ابكر بغيت نكمل نعاسي
_ هبطي لكرسي ونعسي ماشي تعلقي رجليك حت يبان…شار ليها لسيلبها .. شافت فيه بشقاوة وهي طلع كسوتها لعند صدرها ..ماكنش من العاكزين وطلق ايدو شحطها لفخضها حت غوتت وهبطت كسوتها مع اقتراب احد العمال لي جايين لمزرعة باش يزاولو خدمتهم اليومية ..لاح ليهم اشارة سلام ..شرقات الشمس وطلعت بضع امتار … وجات في عينيها نيشان ..رمشات بخفة وقالت
_ نت والشمس .بحال هكا..شارت ليه قدام عينيه بجوج صباع ..صغر عينيه ظاحك ..تيسرح في لحيتو شاف فيها بعيون معجبة ومغرمة
_ كيفاش ؟؟
. هزات كتافها ..مد ايدو لشعرها جرو ليها وقال
_نت والسدرة بحال ..شار ليها بصباعو بجوج لعينيها.. .. هزات كتافها من جديد ..
_ الله يهديك عليا..رجعات هزات كتافها: صابحة تگمزي يكما طالعاك السخانة.. قاس ليها جبهتها .وهب ترجع تهز كتافها.. حط ايدو على جاجة النافدة بكوعو وصباعو تيسرحو لحيتو مرة مرة يشوف فيها وهي سارحة عينيها في اللارض الخضراء الواسعة ..حت رجع سولها
_ كيفاش ازوينة تنشبه الشمس ؟؟. ..
_ تيحرقوني عنيك …تلفت ليها بالزربة وعلامة الاستفهام على محياه.
_ شنووو؟؟
_ يس اكتاشفت ان عينيك تيحرقوني
_ وايلي هي انا جن بسم الله الرحمن الرحيم
_ نت شيطان
_ استغفر الله فعلا الشيطان مخلوق من نار ولكن العجب فسري ليا كتر.. شاف فيها مطولا وهي كدالك وبدات تفرفر بشفارها وتحمر في عينيها حت دمعتهم وهو يتخلع هبط المرايا تيشوف في عينيه واش طبعين ولا لا ورجع شاف فيها وهي تابتة بنضراتها…فيه وتسمرت حت مد ايدو ليها زهي تخلعو بنيابها مدخلة شفتها العليا وبغات تعضو ولكن سبقتها ضحكة مع ردة فعلو ضربتو لكتفو وقالت
_ شحال تتخاف يا كبايو
_ فعلا خلعتيتي اري نشوف عينيك مدتهم ليه وهو يشد ليها شفارها ورجهم عندو حت بداو عينيها يدمعو : شفتي دابا كيف حمارو نيت… تتضحك عاجبها الحال .. … عطات السرجم بظهرها وتكات عليه وطلقت رجليها وصلتهم لعنقو تتهرو ..جرهم ليها وقرسهم حت كمشتهم ورجعت تقادت في الجلسة تتجبد تلفونها …..حط ايدو على عنقها وجرهها عندو معنقها باس ليها راسها ومرة مرة يدور وجها عندو يخطف قبلة مبعترة حت جابها بين شفايفها كانو علاين يصولو المدينة .. معجب بجمالها لاقصى درجة وحق له .. خفف السرعة باش طريقهم تطوال .. ايدو المشعرة مدورها عليها ..مرة تعضو فيها مرة تجر شعيرات حت يتقصح وكل ما قصحتو تيقصح عضلة دراعو ويقجها حت تبدا تكح ..صباعها الصغار الرقاق وسط صباعو وكفو العملاق تيلعبو مرة يهرها في كفها بصبعو مرة تهز ايدو وتعض تتحاول تخلي سنانها ..وهما في شقاوة تفكر كلمة قالتها ليلتهم السابقة ابتاسم وقال
_قلتي ليا I love you لبارح
_ ماتدکرتش
_ قلتیها .. غمزها
_ انا ساعه؟؟
_ الساعه يالالة مابين الوحدة والجوج فاش كنا ..همس في ودنها… حطات اديها على فمها تتضحك وتلفت وراها وجنبها وخرجت راسها من السرجم…تيضحك على تصرفاتها
_ مالك؟؟
_ شنو قلتي ليا بالهمس حشمان من الارواح الشريرة هه هي لي كاينة حاليا ..ضحك مع خدود حمراء: مخادع
_ وجاوبي قلتيها ولا ماقلتيهاش
_ يس …ضحك وجابها لعندو عنقها كملت كلامها : قلت احبتت دالك ماشي احبك انت كاين فرق
_ شنو الفرق؟؟ كلمة اي لافيو هي تنبغيك سالينا وسدينا نت تتبغيني انا ..قالها بنبرة عجرفة ورداتها ليه بطريقة نفسها
_ انا حبيت ..هداك شارت ليه لحجرو وهو يجمع الضحكة بالعرض البطيء ضربتو لعنقرتو بظهر ايدها : احببت معاشرتك فقط ..
_ اوى لباس كلشي زين حنا الرجال تيعجبنا ليقيم خدمتنا ….رجع ليها الضربة وقال: يسمعك المعطي يقول باركة عليك هو لي عليه كلشي
_ اوبس نسيت هوني ماسولتهاش
_ علاش؟
_ كانت مريضة .. وصلو لسبيطار مع تمنية لقاو الزيارة سالات وعائلتو خارجين مع باب السبيطار… سلمو على بعضياتهم حدا الطموبيل تكات شهلة ابديها بجوج فوقها حاطة راسها عليها عيانة وبغات تنعس …بكر تيسول على صحة سليمة وكيغاش جرا ليها … شافتهم الام والاب دسليمة وجاو عندوهم سلمو عليه جات المراة بغات تسلم على شهلة لقاتها ناعسة واقفة ….مشات دارت عندها لالةخدوج تتفيق فيها وتجمع ليها شعرها من على عينيها .هزات فيهم عينيها مشقلبين عجبات الكل حت من سيراج لي كان مابغاش يشوف فيها لكن انتابه لمو فاش كانت تفيقها وهز عينيه دكهم مابقا حيدهم … شد بكر فيها وجابها عندو شاد في ايدها
_ طلعي الطموبيل ونعسي ..حركات ليه راسها لا.
_ بغيت ناكل باش نفيق ..تكات على كتفو .سرط ريقو …. كلشي واقف وحزين ولحالو اسية متاسف خاصة من بعد ماكنت حاملة وطاح ليها وتزادتها مرضة على مرضة ..واقف مفرق رجليه ايد في جيبو ولاخرة شادة فيها شهلة ..ماهضرت مع حت واحد لي سلم عليها تسلم عليه فقط حت جا الفرج غادي يمشيو لدار بيدما وصلت الربعة وتحل الزيارة
في الجهة المقابلة معاهم وبالضبط في كافي جالسة اسية لي جات تشوف ختها مع ولديها ولكن خرجات قبل منهم الكل اعتابر وجها الخالي من الدموع غ صدمة وانها في حالة نفسية لكن الواقع اسية قلبها كحال على ختها ومابقاتش فيها بالمرة تموت ولا تعيش اعتابرت نفسها ماتت مرات ومرات .حرقة قلبها على بكر فاتت حرقة سليمة تسللت دمعة من عينيها وهي تتشوف امامها قصة حب في بداياتها ..كانت غدا تعيش تفاصيلها هي لكانت غدا تكون شادة في دراعو ومتكية على كتفو هي لكانت غدا تشم ريحتووتحس بصدرو…طاحو دموعها على حصرة قلبها وتمنات الموت ليها ولي رماها هاد الرمية ..تفكرت قبل شحال كانت مهنية مع راسها غ قرايتا لي هامها حت دخلتها ختها بوسواس بكر وزواجها منو. تفكرت كلامها بالحرف الواحد ولي هو كان امل واحلام رجع كابوس وحقد..شوفي ااسية بكر هو راجل الاحلام سمعي ااسية راه حنين وكريم وهو الراجل في خوتو ياك انا لي معشراهم والله الى هو احسن منهم قايد وعيشيتو عيشت السلطان..كلشي يبغيه وكلشي يحتارمو يلبس غ الغلا وينعس غ في الغلا والحاجة لي تحط عليها العين يتكبر عليها ويمشي ماخير منها شوفي اسية ظحكي ليه وتبسمي ليه وهضري معاه هاهو جاي ليوم هاهو راجع غدا دخلي لصالة راه جالس دوزي من حداه باش يشوفك . جبديه بالهضرة هو لي بغيتي تهضري معاه سوليه راه كلامو قليل ولكن راسو عامر وجيبو عامر الناس دير ديور وهو داير الفيرمات .الناس تربي الكلاب وهو مربي الخيل والتيران اشمنك ياخيورات واشمننك يا بلادات…عمرت ليها راسها بيه حت ولات تنعس تشوفو تفيق تلقا راسها تتحلم بيه ختها شافت الجاه والمال وهي شافت بكر الرجل القوي دو الجسم الفتان سلبها العقل نهار كان مريض وقاست بصبعانها جسمو ..مابقات بغات حت راجل من غيرو وفاش عرفتو ماغديش يكون ليها كرهت راسها وكرهت ختها وحرقتها لعل وعسى تبرد الحرقة لي فصدرها ولكن لاسف زادت شعلات كتر وكتر …وهي تتشوف فيهم ضربت الكاس لي قدامها مع الارض حت تشتت وتسمع في الكافي كاملةوخرجت قاصداهم بعيون حمراء دازت في الحضور وعينيها على شهلة ماتوقع حت واحد شنو غدا دير كاين لي سحابها غدا تسلم عليها ولكن بكر من نهار الحادت ديال الموسم ولا تيخاف على شهلة في حضورها ..يله بغات تمد ايدها لشهلة وهو يشدها بكر لايحها قدامهم حت طاحت الارض ..رجعت شهلة ورا بكر
_ ماتسلمي عليها ماتسلم عليك شدي تيقارك الله يرحم ليك الولدين …جمعت الوقفة مغزة وقالت
_ ياك غ هي والله لبقات فيها…جمعها معاها باها بصلية حت دارت وجرها وراه هي ومها غصة وفقصة وحدة اخرى …..
..طلعات شهلة لطموبيل وعلى سيراج تتقلب بعينيها ..بغات منقد وعلى ابسط حل تتقلب . وتلفونها في ودنيها جاوبت الكسي شلهة والاخرى طلبات دنيال تهضر معاه…دوزت ليه ماماها تلفون لي رفض رفض قاطع حت حلفت عليه بعقاب شديد عاد قبط تلفون من ايدها خلاتهم تيهضرو وخرجت…
_ يس شنو بغيتي..
_ سرق ليا باسبوري
_ اوكي…ضحكت شهلة لانه عارفة خوها اخر واحد يبغي يشوفو هو شهلة ولو الامر بيدو ينفيها من الدنيا على العصا لي كلا من عندها والحگره والظلم لي عيشتو فيه اول ماجات لمغرب ماترددش لي لحظة لطلبها ووافق
_ دنيال خبيه عليهم حت نقول ليك اراه خبيه في حوايجك هزو معاك في اي لحظة نشوفك عطيه ليا اوكي داني…تتهضر بهمس وخايفة يسمعها شي حد خاصة سيراج ل كل ماهز عينو تيلقاها تتشوف فيه حت فرح وابتاسم معاها ردات ليه الابتاسمة … قطعت الخط مع خوها وتكات على الزاجة تتفكر كيفاش تهرب … ركبو معاه ولديه وسيرة دار نساب خوه على السان طيلة الطريق حت وصلو… دخلو لدار ..شهلة ساهية ومرة مرة تمتم بهمس بينها وبين نفسها ..حت الماكلة نساتها تحط الفطور كلشي مد ايدو وهي غايبة تتفكر في طريقة او حيلة تسلكها حت انتابه بكر بزايدة ولحالها وتصرفاتها ..وكل مرة تعيط في تلفون لمامها فين غدا تشوفها واش تجي عندها لدار ولا هي تمشي لدارهم تقطع مع مها تهضر مع خوها لي تيقلب ومزال مالقاه …قدامهم تهضر بالانجليزيا غ يبان سيراج تقطع تلفون .قرب منها بكر بمكر سولها
_ شنو كاين؟؟
_ حت حاجة…!!
_ ماكليتيش
_ شبعت
_ شنو كليتي ؟
_ الما الما شبعني مابغيتش ناكل.. شافت فيه بجدية ورجعت شافت قدامها ومرة مرة تهز عينيها في سيراج ليكون خطف ليها شي كلمة مع خوها حت طلع لبكر الزعف ونوضها
_ يله لداركم حت لعشيا ونهبطو لسبيطار
حدر راسو وناض هز سوارتو وبورطابلو من فوق الطبلة …ماسمعش كلام لالة خدوج لي تتقول ليهم جلسو فين غادين… مشا طرف الصالة وتكا تيلبس في سباطو معقود الحواجب وسنانو تيقشرو في جنب فمو ….لبس رجل وهز راسو جنب تيشوف فيها جالسة في بلا تصها وقلبها تيضرب بالخوف والخلعة واحساس غريب وراسها تيفكر في دوامة شنو دير الى مالقاتش الباسبور … قفزها صوتو
_ الالة خيزرانة وتهزي.. مشات عندو نسات ساكها ..حت هو مانتابهش ليه حت هبطو وطلعو في طموبيل عاد تفكرتو ونزلت بالخف ورجعت لدار خلاتو مصدوم من حركتها لبرهة فكر انها راجعة عند سيراج هبط بالزربة وضرب الباب ..ياوليوهم يكونو واقفين مع بعضياتهم … دفع الباب لي كان محلول وعينيه شر في شر حت خرجت فيه حانية الراس تتقلب في ساكها
_ بكر اوف نسيت ساكي … نطقت الالة خدوج تابعاها
_ راه يله كنت هزيتو باش نعيط عليكم ساع تفكرتو.شهلة هز ايدو ٠ ملوح ليها بسلامة وهي تتمم من وراه
_ الله ياوليدي الله شهر ونص ماشفناك ومابردنا الشوق منك وجلس غ تتغدا ا ابو بكر
_ لا الوليدة وصافي هضرنا دخلي بحالك…. .. زاد بيها طاير حت لخرجه المدینه شافت الطريق لي جات منها وهي دور بوجه غاضب
_ فين غادي ؟؟؟ وقف الطموبيل في الحاشية وخرج منزلها من وراه
_ كحلتي عينيك بيه بغيتيني نعادي خويا ااا شفتي فيه المرة الولى والتانية والتالة وانا تناكل في لحمي من لداخل حشمت نصليها معاك قدامهم ولايني نت راك واحد بنت ….جمع فمو …عروقو خارجين وودمو تيغلي _ قلتي ليا صباح نت بحال الشمس اااااه انا هو ااشمس لي غدا تحرقك وتحرقو شنو تيسحاب ليك ماعندي كرامة ااا ماعندي غيرة ااا قولي شنو يسحاب ليك عايش بالبرد ولا شنو …. قلبت وجها عليه جامعة فمها ومقوسة عينيها ضربها بضهر ايدو لكتفها حت تزعزعت من بلاصتها وتلفتت ليه : شوفتك ليه شعلت فيا العافية وكلاتني الغيرة سحاب ليك انا جاهل ولا غافل ولا ميت ليا الحوت .. ضرب على صدرو : الله ينعل بو النهار لكحل لي زرعتك في ايدي وبغيتك … تيحرك راسو بشوية ومومو دعينيه تيشوفو فيها بالزربة : شنو خاصني شنو ناقصني ها حت واحد مااحسن مني .. باش عينيك ياكلوه هو ..ظحك بسم ورجع قال: باش احسن مني خويا .. خويا اعباد الله خويا وخويا كليتيه بعينك والبراني اش غدا ديري معاه ؟؟ جاب راسو عندها ودفال فمو تيطير ومن تحت سنانو تيهضر: شهلة انا طبعي حامي وعرقي حامي ودمي حامي والغيرة عندي هنا ..شد في عنقو وجمع اديو وقرس تفاحة ادم .. غادي تقادي معايا تبارك الله ماغديش تقادي معايا ويبقاو عينك فالتين هنا ولهيه غادي تنتقبهم ليك ونخليك طيحي في حفرة هنا وطيحي في حفرة لهيه…… بسطت شفايفها وحطات اديها على جنابها
_ سالتي الديسكورة ديالك ؟ نهضر انا ؟؟..مد ايدو مبسطة دليل على السماح ليها باش تهضر
_ اوووكي مان؟؟ بريميرو اولا سيراج ماتيعنيش ليا شي حاجة سكوندو لو كنت نشوف فيه معجبة او نضرة فيها مشاعر في نت تنهضر عليه وغيرتك الي ماعندها مبرر كنت غدا نعرف راسي بغاه وعندي شعور اتجاهو من هادو ..شارت لصدرها وقاست رؤوس تديها .. حل فمو مابقا سدو وكلمة طويلة وحيدة هي لي قال
_ اااااا
_ يس مان وهاد المسالة وقعات معايا بزاف لمرات في حضورك ..لبارح وتاني مرة فاش كنا في المدينة الزرقاء … اخر حاجة كونت تنشوف في سيراج لاني كنت تنهضر مع ماما بالانجليزي وهو الوحيد لي تيفهمها وخفت انه يلقط ليا شي كلمة فقط لا غير ..كملت كلامها ب :اووووووف
_ واخا الاله شهله عندك العبار باين ياك هاد العينين مانشوفش بيهم قدامي ياك نحضي ليك نت غ دوك الروس واش تيطلو ولا ناعسين الله ينعل لي مايحشم مابغتيهش يسمعك دخلي لشي بيت وسدي عليك وهضري مع مك كيف بغيتي عاد خرجي ..
_ حرقتني الشمس وضرني راسي وفيا الجوع يله نمشو عند ماما …شدات ليه من درعانو مرجعاهم ورا ضهرها وعنقتو : كون على يقين لو كانت هاد البلاد هي ملادي فاكيد ماغداش نعيش مع واحد اخر من غيرك …رجعت راسها لور تتشوف فيه بحزن: بكر
_ شنو ؟؟ رنین تلفونو قاطع کلامهم … خرچو من طومبیل
_ الو المعطي شكون قلتي ؟
_ الگزاره جاو شنو درتي معاهم في التمن
_ نسييت لا حول ولا قوة الا بالله …تيحك في راسو ومهبط ايدو مع عنقرتو : راه التمن عارفينو
_ الا اوليدي راهم ناقصين حطو ليا فوق الطبلة غ جوج بريكات لواحد…ضحك جنب
_ علامن تيضحكو هدوك راهم عارفين اش شارين البيو هداك قولها ليهم جوج بريكات غ ديال الشعير لواكل كل واحد فيهم..كاين ابراهيم حداك و وسيف الدين..صافي مابيعش ليهم بقاو يتشطرو عليا تما فين فلوس ماكلتهم وفلوس الي مقابلينهم قول ليهم المقدم مابغاش يبيع… اديه تيشيرو في السما مرة يجيبهم لعينيه مرة ورا راسو مرة مطلوقين تيحسبو
_ هاك هضر معاهم راهم لصقة
_ الو ااسلام عليكم سمح ليا اخويا ماعندي مانبعيك ليك كون موكلهم سيكاريم وگوانو نعطيهم ليك فابور نت شاري اللوز وتشطر راك عارفني اسمحمد بلا ماتشطر ستة لواحد وهز ماقادرش عليها الله يجيب التسير في شي كساب اخر.. شد مع الجزارة نص ساعة ديال الهضرة حت وافقو بتمنو هو وخداو خمسة تيران وراس ديال واحد فيهم يرجع ليه ..قطع معاهم تيسوط …حط ايدو على جنبو ولاخرى تيحك بيها كرشو هاز تريكوه لسما الحرارة لي طلعتو مع شهلة كملوها ليه الجزارة لي تزادهم واحد باغي يبين شطارتو ساع مالقا معامن … شار ليها تركب
_ يله نشوفو ولديك نجلسو معاهم سويعة … وفي العشية نقضو شغلنا ونرجعو بحلاتنا ..
.. طريق كلها وهي ساكتة وجامعة ساكها عند صدرها وكل مرة يخرج ليهم واحد ببكالتو يوقف بكر حت يدوز..مدينة صغيرة وجميلة وسكانها ناس محبين لدراجات الهوائية كلشي راكب عليهم بنات رجال شبان وصبيان وحت النساء الكبار لي عندو غراض تيقضيه على بكالة ولي باغي غ يدور تيهزها ويخرج الى حسبناهم غادي نلقاو ضوبل على الدراجات والسيارات ..مدينة خالية من البناء العالي فقط منازل بطبقين او تلاتة شوارعها كبار وكلها اشجار مدينة السلم والامان …. وقف عند دارهم ونزلت تتشوف في التغير لي عمل باها واللون لي بدل والجردة لي قاد طل الحاج بوشتة من السطح بگاندورة في الگري فرح ورجع الفرحة لور .نازل ببلغة صفرا في رجليه واديه في جيابو تحل الباب لي نصو خشب والنص التاني زاج ملون غليض زرق صفر خضر وحمر كل مربع بلون…..عنقات اليكسي شهلة والتانية خلات اديها مطلوقين بدون ردت فعل ومشات تتقلب على خوها دازت من حدا باباها بلا ماتشوف فيه خلاتو وراها متبع العين . حت انتابه لصوت بكر وهو يلقي السلام… حيد سباطو ودخل ماد ايدو ووجهو للحاج ..بادلو لاخر السلام بوجه صفر وشفايف ناشفين وجلسو في الصالة . . جابت اليكسي كيسان عصير بارد وطبسيل فيه الفواكه الجافة… يله جلست المسكينة تتسولو بتعكيلة في كلامها حت سمعت دانيال غوت من البيت وكلام قبيح بالانجليزيا بسوط المشاغبة لي خلات خوها لاوي في بلاصتو من بعد ماقال ليها عندي الباسبور ومانعطيش ليك وهو غ تيكدب عليها مالقاهش اصلا بعصبية هزات رجلها عطاتها ليه لكتف حت جا جالس الارض شاد في دراعو وعينيها تيدورو في البيت كتور تائر واسد وسط قطيع الغزلان عيناه تترقب اضعف فريسة بلهفة تتقلب وتلوح الحوايج في الارض تحل البلاكارات وتخوي لي فيهم وكل لعبة ديالو تهزها بغيض وضربها مع الحيط حت تشخش … تارت وجنت دموعها شلال وجها حمر .. تمسح دموعها بكفوف اديها مع شهقات تتقلب هنا وليه حت استسلمت وشدات في فك خوها بجوج صباع كارزة عليه مخلية طابيعهم في خدو
_ فين خبتيه هضر قبل مانقتلك هضر .
.. ……دخلات اليكسي وبكر والحاج وقف المسكين شاف فيها بحقد وهي تتشوف فيه برعب مشا حدا ماماه تيشوف فيها من لتحت وبتحدي وهي قلبها تيضرب مية ويستين تقلبو عينيها من غضب لترجي ..
نطق الحاج بوشتة بعصبية وفي ولدو شاف دائما مرجع ليه اللومة
_ شنو درتي ليها.؟.. قبل مايهضر دنيال شارت لباباها بصبعها
_ باسبوري بغيت باسبوري دابا…غوتات على حر جهدها يإما غدي تعطيني باسبوري ولا نخرج بلا بيه وماتعرفني فينا بلاصة كاينة على الاقل لعطيتيني باسبوري غادي تعرفني في السويد ..الكلام بالانجلزيا ..كل حرف نطقتو بلا مايفهمو بكر بمتابة حد فاصل بيناتهم وانه صغيير وسطهم كرامتو ماسمحتش ليه يسول شنو تتقول حس براسو تحت الارض خرج من تما وخلاها مع ولديها
_ نت ضسرتي وجلدك برا على العصا ولكان هاد ولد الناس صابر لك انا مابقيتش قادر عليك درك غدا تخرجي عليا من داري
_ السويد مارجعاش لها لو بسباط على وجهي
_ نت ماكر وكرهتك وفي حياتي ماغاداش نسمح ليك
_ عطيني باسبوري
_ ماعطيعش لك وضربي راسك مع حيط
_ عطينييييي قلت ليك عطيني ..حسات بكرشها تضرها حطت ايدها عليها ورفعت صوتها : في حياتي مغداش نسمح ليك ولا نشتاق ليك في حياتي لباقية غدا نعيشها بالدموع على كوني بنتك
_ احتارمي باباك اليلي
_ ماتقوليش لي لي سكتي نت نت بحااالو كدبتو عليا وغدرتوني انانيين ومجرمين بغيت نمشي عند جداتي بغيت نشوف داري لي كبرت فيها بفيت نهضر مع روز ونخرج معاها ..حداها واحد الاباجورة ضربتها بايدها حت تسمع زاججها في الارض ..هز بكر راسو من الارض ..كان واقف متكي عبى سارية وتيشوف في الارض…تمشا بخطوات تقال ومشا جلس مافهم والو ولكن الموضوع كبير خصام وشجار وغضب زوبعة وتمرد وعناد ..ااااخ تنهد بكر بحرقة في صدرو..هيبتو وكرامتو طاحو قدامو حت واحد ماشاف ولا حس بلي فيه ومع دالك حس انو كرامتو تنقصت معاها ليوم وانو صغر راسو كتر من لازم …
.نطق دنيال بحزن على باباه
_ عطيه ليها باش تهنى منها ابابا ..مد ايدو ناوي يضربو وهو يرجعها
_ مابغيتيش تعطيه ليا هانمشي نجيب ليك البوليس دابا… خرجات من البيت تتجري .. شافها بكر لي كان حاني راسو . تبعها حفيان حت لبرة ورجع يبلس سباطو ماجا فين يلبسو ويتبعها لشارع حت سرطتها الارض ….هز طموبيلتو تيقلب شارع بشارع..علم باباها وخرجو كلشي الحاج من درب واليسكي من شارع الكل في هلع دموع الحاج تيسليو على بنتو غالية وصعيبة اما اليكسي خوفها خلاها بحال الحمقة تتمشي وسط الشارع والطموبيلات يكلاكسوني صحاب الدرجات يوقفو ويسولوها ..الحي كلو عرف بنت اجنبية بملامح غربية هربانة الكل تيقلب معاهم فينما كانت شي دريبة صغيرة يحط بكر طموببلتو ويمشي يجري ويدور يقلب ويرجع لطموبيلتو .. ساعة وجوج وتلاتة .في الوقت لي خرجت فيه تخبات ورا جدع شجرة. حاضياهم تسناتهم حت خرجو ورجعت تتسلت دفعت الباب لي من حسن حضها محلول نساوه مع التلفة خلاوه مسنيها ..دخلات وقلبات على الباسبور كمجنونة حت لقاتو باستو حطتو في الصاك وخرجت تتسلل … شادة الساك كارزة عليه تتقلب على طاكسي.. وقف ليها مبتاسم .. بعيون مدمعة وجه صفر قالت
_ انا ضايعة بغيت نمشي لمركز الشرطة بليز قالتها بتعكيلة
_ الله ياودي نديك فينما بغيتي عندك باش تخلصيني بعدة ؟
_ لا ولكن خلي ليا رقمك واسمك اول مانوصل لداري نصيفط ليك الفلوس
_ لا مايمكنش… خاصك تخلصيني هنا وبالدرهم ماشي بالدولار اش قلتي ؟؟
سباق مع الزمن ..هده السويعات عدت سنوات تلات اشخاص جمعهم حب واحد وعشق واحد .. رغم اختلافه الا ان الهارب زعزع كيان رجل اشيب وعاشق متيم وام حنونة الكل في دوامة وكان الزمن غير جلباب الفصول …الكل يبحت بلهفة لم يتوقع الاب بوشتة حدوت امر كهدا لطالم هدتت بالرحيل لكنها لم تكن شجاعة كاليوم… يهرول وسط شوارع المدينة ويوقف المارة …يلهت بحرقة في صدره ربما ان غاب شمس هدا اليوم ولم يعتر على ابنته ستغيب شمسه الى الابد..توقف امام احد السيارات كانت ستدهسه غاب عقله وبقيا متجمدا مكانه ..بوشتة الاب الذي صارع الحياة من اجل ابنته الان يصارع الموت من اجلها كدالك ..توقف ينضر الى البشرية وهم ينضورنا اليه قبل لحظات من سقوطه مغشيا عليه….. اليكسي في دهول حت انها لا تعرف العربية تسال وتسال هناك من يجيبها وهناك من توقف متصمرا لحالها والبعض يهاتف الشرطة : اجنبية ضائعة في حالة صدمة … بكر لا يقل خوفه عن البقية بل تشنجت اعصابه من التفكير: فين غدا تمشي؟؟ محطة الكيران؟؟ اوطيل ؟؟ ترجع المزرعة ؟؟ ماتتعرف حد ؟؟ دار عمها؟؟ دار عمتها؟؟؟..دار الدورة باش يرجع لدارهم ياخد نوامر حت تتبان ليه شبيهة لها في طاكسي..
****
_ اوى يا لگاوریه ماقلتلیش باش غدا تخلصيني….حمارو خدودها ونيفها وبانت عليها علامات المرض طلعتها السخانة وحمارو عينيها. تعرقو اديها لي لحظة فكرت ترجع بتمتمة قالت
_ ماهنديش باش نهلصك نزلي ادن
_ الله ياودي حت تنكون ماشي مغربي حر وولد سيدي سليمان عاد نزل بنية زوينة جابها الله في طريقي
_ اوكي مان هاديني لمركز تاشرطة
_ نديك حت العمالة نديك على الراس والعين مالي اش خاسر غ تنضور بالطاكسي ونخسر المازوط…حسات بقيء وتقلب في معدتها شافت في الرجل الاربعيني الاصلع الي الضحكة واصلة ليه لودنيه وقالت
_ ممكن ليا نحل الزاجة صهدت
_حلي گاع السراجم مالي تنخلص البرد من جيبي ..نزلات الزاجة وخرجت راسها شعرها طاير في السما .حطت كوعها على حافة السرجم وتكاك عليها براسها من حسن حظ بكر كان راجع وتخالف معاها علامة قف خلات الطاكسي يوقف الشي لي زاد بكر يتكاد منها وعيط بحر جهدو
_ شهلاااا….
_ شهلاااا…. تلفتت بسرعة شافتو وهي تزلق في بلاصتها مخبية..شاف مول طاكسي حركتها دارت عندو وبضحكة فيها خوف قالت
_ ممكن تسرع..
_ اجي ازوينة واش ضايعة ولا هربانة من شي واحد.؟.ماجوباتوش…..نزل بكر من الطموليلة تيجري ويعيط ويتلفت لشارع على تواني كانت غدا ضربو طموبيل …
.. تحرك الطاكسي وتبعو بكر يجري ساع زاد بيها وهويرجع لطموبيلتو تيجري وعلى مايدور من رومبوان تكون مشات… قطع الشارع من نصو خلا الكلاكسونات وراه جاب واحد مول بيكالة الارض تزادح معاه هبط تيجري هزو بلا مايقلبو واش مضروب شي ضربة خايبة حطو في طموبيلة هو وبيكالتو بلا مايعرف اش طاري ليه عينيه فالتين في الطريق ولاخر تيسب ويعاير جاب الله طاح طيحة خفيفة
_ تقصحتي اخويا ؟ العرق من جبينو نازل وايدو على الفولا تدور هنا ولهيه وكل مرة خارج ليه واحد من الجنب
_ وفين غادي بيا ابنادم ونزلني!!
_ واخا واخا هاني معاك… شوف واش مقصح؟ ماطاري ليك والو ؟
لاخر تيقلب في جنابو سحاب ليه الله جاب ليه واحد كانبو .شاف عينيه فالتين قال هدا غادي بيا لسبيطار وهو يتفكر عندو المصران منفوخ
_ اي جنبي جنبي رجعت عليا الطيحة اي جنبي اوف… بكر ماتيسمعش ليه بالمرة تلفونو تيصوني …كان الباشا لي شاف اتصال بكر ورجع اتاصل بيه جاوب بكر
_ سلام سدي لابس عليك الحمد لله اللهم لك الحمد الله يجزيك بالخير سي الباشة هديك البنت لي جابوها ولديها من السويد…اااه هي هربات لولديها ليوم دابا شفتها في واحد طاكسي ساع فلتو… اييه اييه اييه نمرتو حفظتها .. الله يجازيك بالخير نزل الدائرة الرابعة ؟.. الراجل غ سمع الدائرة الرابعة والباشة غرق في حوايجو ولا غ يسوط على راسو …
_ نسول على عبد الله *** واخا اسیدي هنا معاك… الخط مزال دايز وصوت الباشا تيتسمع في مكالمة تانية مول بيكالة غ مازايد ويشحف… حرك ايدو لبكر قاسو في دراعو وهمس ليه ينزل..حرك بكر راسو بلا وعمل ليه حركة يصبر ..
*****
_ شفتك تخبيتي ياكما سارقة شي حاجة؟
_ هانكون سارقة ونطلبك ديني لشرطة!
_ لا…ماعندي مانتسالك. هادي عندك فيها الحق..
_ ااشمن بلاد نت ؟؟
_ ااسويد ..جاوبت بزعاف فمها ناشف عندك الما؟
_كون عرفت السويد غدا تشد معايا طريق نجيب واد يجري من هنا..شار لسرجم لي جيهتو . وصلها وحهتها وقال .. هاهي الالة الشرطة ديالك. جاب الله طحتي مع ولد البلاد سيري الله يتهناك ..نزلت تتشوف في البناية شي خارج منها وشي داخل ..ترجلات بسرعة لعند واحد البوليسي واقف في الباب وقالت
_ بغيت نمشي لسويد… ضحكتو وتلفت لواحد سيفيل كان جاي وعينو عليهم ..شار ليه الشرطي وقال
_ قطع ليها لسويد نيشان …ظحكت رجع شاف فيها
_ بغيتي تمشي في طيارة ولا لباطو؟؟ وقف عليهم البوليسي غ تيسمع..نطقت شهلة بفرح
_ اي رحلة ماشي مشكل …. نطق الطرف التاني وقال
_ دخلي نشوفو لي خارجة دابا نسيفطوك معاها..دخلت في جنبو غادي وتيهدر في تلفونو ..
..وقف بكر بطموبيلتو تيجري طالع مع دريجات وقف عند نفس الشخص
_ الله يجازيك فين نلقى سي عبد الله***
_ عاد لقيتيه داخل دخل لبيرو تالت على ايدك ليمين….دخل تيجري هو دخل من هنا وسي عبد الله وشهلة من لهيه ..المسكينة يسحاب ليها غادي تقول ليهم راها ضايعة غادي يقطعو ليها نيشان لبلادها ساع ولات في سين وجيم وفين كنتي شحال هادي ومعامن جيتي …وشكون جابك اري وراقيك شنو سمية باك وموك وشحال عندك من خو … عاودت ليهم القصة من لول حت لخر.. وهو في استجواب مع شهلة جاه اتصال ..ودنو تيسمع لمتصل وعينو مع شهلة سالة المكالمة ديالو ودوز لخط لنمرة وصلتو في مساج …. كان بكر تالف وعينو على لي غادي ولي جاي واقف في البيرو ديال عبد الله ..حت رن تلفونو برقم غريب جاوب بسرعة …
_ سي فلان فلاني
بكر: نعام هو انا ..
_ فين نت ؟؟
_ انا هنا في الكومسارية
_طلع مع دروج لبيرو رقم خمسة..طلع تيجري دار مع الكولوار حت تتبان ليه شهلة من الزاجة بشعرها المشعكك عاطياه بالضهر . تحركو كل جوارحو وقلبو تيضرب بسرعة داخل عينيه عليها غ شافتو ووقفت مخلوعة مصدومة تحشو ليها الرجلين وجات على راسها خباط . مابين الكرسي والبيرو .
بهرولة مشا تيجري هو البولسي لي معاه خطفها من دراعها قبل مايشد فيها لاخر وجلسها على الكرسي تيصرفق فيها هز واحد اخر معاهم تلفون للاسعاف وجاو شي تلاتة ولا ربعة خرين ديال البوليس واقفين وهي منشورين ليها رجليها واديها مدلين وشعرها من ورى الكرسي وبكر حلقو خرج شهلة شهلة شهلة ماعرفوه واش تيقول شهلة ولا شالا ولا باب العلو تخربقو ليه الحروف في لسانو خواو عليها الماء والو.. .. تيدور في بلاصتو اديه على راسو وواحد البولسية تتنش عليها بديما جات الاسعاف …نص ساعة وهي مغيبية حت يبغي يهزها يخرجها ويطلب في البوليس باش يخرجها ويطير بيها في الطموبيل لكن ممنوع ضروري من الاسعاف ….حت سمع صفارة ديالها وهي نيت لي حطت باباها وكشاشكشو خارجين جات تاخد بنتو شافهم طلعين بالحمالة وهو يهزها هبطها ليهم مع الدروج … وهو غادي بيها تخالف مع اليكسي جايبينها الناس تعلم على هروب بنتها وهي في حالة صدمة
_ مالها ؟؟ شنو عندها ؟
_ مودرة ليها بنتها هربت وجبناها ديكلاري حنا جيرانها
_ اش سمية بنتك الالة ..تمتمت المسكينة بصوت مبحوح وتلفة وقالت :
_ ليلي ..قضيو محضر اخر بسمية ليلي ولكن ل نباهة البوليس لاحظ الشبه بينها وبين البنت لي كانت طايحة عنهدهم وهو يقول
_ بنتك سميتها شهلة بن الحوافر …حركت راسها بالزربة بنعم
_ لقيناها الالة
_ فين هي فين هي..تتهضر بالانجليزيا
_ سير معاها ا*** ديها في سطافيت لحقها لبنتها ….. خرجوها البوليس لسبيطار وتجمعو كلهم في لحظة عائلة بكر لي ماكنو عارفين والو وتيقلبو عليهم باش يعملو الزيارة لسليمة حت صدمهم بالخبر جات اليكسي غ بيجامة طويلة وصندالة صبع وشعرها خارج من الزيف لي نصو طايح لور دايرين بغرفة المستعجلات حطوها لحسن حظ بوشتة كان نفسو في في البياص لي حداه مع اسعافات اولية دور راسو حت تتبان ليه شهلة مغيبة واديها مدلين وطبيب حداها تيعلقو ليها في التنفس ويقلبو ليها عينيها ..ناض بالزربة حت طيح قرعة ديال السيروم وجات خباط وتسلتت لبيك من ايدو وشرشر عرقو بالدم على كاندورتو ومشا تلاح على بنتو والطبيب يعاير والفرمليات يفكو شاف بكر ورشيد الروينة لداخل في المسار الاحمر باغي يدخل والسكيورتي حابسو والغوات برا وبكر سحاب ليه ماتت يمشي وبجي في الكولوار ورشيد تابعو وماماه تشد في ايدو معنقاه وهو هاز اديه فوق راسو ويحرك فيه وكل مرة يسمعوهم
_ حيدو من طريق حيدو من طريق ها كسيدة هامضاربة ولكن حت حاجة ماشفها الا شهلة ولات في كل الناس لي داخل على رجليه ولي هازينو في الحمالة ولا لي جارينو بكرسي في المسار الاحمر ممنوع يدخل ليه شي واحد الا لكنتي مسالي وجايبينك ماعقلش …طاح الحاج في الارض شافو سي عيسى من الگریاج كانو مخرجينو فاش وقف على رجليه وطاح على بنتو ساع رجع غيب وهاد المرة غيبتو غدا طول …. ماصبرش سي عيسى ومشا عنق ولدو وبكا على صاحبو والاخر عينيه مدمعين ووجهو حمر …. طلق من باه ومشا خرج بعد بزاااف وجلس فوق طوطوار جيهة فين كاين صحاب دياليز تبعو خوه وبقا بعيد عليه تيشوف غ كتافو تيتهزو حاط راسو بين رجليه مدور عليهم اديه….ساعة وهو على هاد الحال. طلع رشيد شاف سليمة لي مزال حالتها حرجة وتجمعو الجيران وكلشي وقف عند الباب تابع سي بوشتة لي خبارو زعزعت سيدي سليمان…. هز راسو من وضعيتو على رنين تلفونو جاوب
_ بكر رجع فينك راه مراتك فاقت وتيسولو عليك البوليس
مالدي سيخفف صدمة امراة ضعيفة قدماها تقف على حافة الهاوية اي مصيبة المت بهده السيدة الاجنبية الجميلة . هل ياترى عيون حاقدة او قلوب حاسدة ام ان القدر لم يصله دعاء ام مؤمنة اي قلب هدا الدي سيحمل مصيبتين تشتعل نيرانها من حجر موقد تحت باطن الارض اي فؤاد هدا الدي سيودع احد الى الابدية اي ارض هده التي ستحمل احزان هده الشقراء ودموعها هل لعنة عيون اختها اوصلتها الى الهوان الهلاك.. اي ارجل ستحمل هدا الجسد الغائب عن الوجود وهو يراقب من زجاج اتار وبصمات الاف المكلومين عاشو الفقد في هدا المكان كم قلب انفطر وراؤه وكم عقل غاب عن دنياه ….
انتابه الحاج عيسى لي جمود اليكسي ودموعها المناسبة بدون صوت ….
_ لالة خدوج سيري عند نسيبتك غدا توقع معاها شي حاجة مسكينة
_ احس عوانها الراجل البنت مغيبين
_ سيري راها بغات تشد في شي حاجة ….جا بكر تيجري
__ فين شهلة مزال لداخل
_ اه خرج الطبيب قاليك فاقت وغادي يديرو ليها شي تحاليل عاد يشوفو واش ينعسوها عندهم ولا يخرجوها
_ اش قال عليها مزيانة هي تتتهضر ؟
_ ماعرفتش اوليدي حت واحد ماسولو زربان غادي تيجري غ منصيف تبعو تيسول فيه ورجع قال لينا شنو كاين…خفافت الدنيا شوية ادن المغرب وصلات التمنية وجاو السكيورتي يخرجو الناس وتعكسو ليه تما وحلفو لتزعزع شي واحد وجاو اابوليس يبس بكر راسو وتكا على واحد الحيط وربع اديه كروازا رجليه
_ مغانتحركش من هنا
_ الله برضي عليك اخويا خرجو غ برة وتسناو
_بحال برى بحال لداخل اعتابرني حيط انا هو هاد الحيط لي ورايا الله يرحم ليك باك نت لما فوتني عليك تيحرك اديه لبوليسي والسكيورتي
_ اسممحد الى جينا نخلوك نت راه غادي نجبدز االصداع شوف شحال تاع بنادم خاصو غ واحد معكس باش ينوضو روينة..
_ الله يرحم ليك الولدين راه مغديش نسمع ليك تيرو فيا ومغاديش نخرج راه لي ناعسة لداخل شديتها هربانة اخويا الله يرحم ليك الولدين اخويا انا ماعندير حت حاجة اعتابرني بحالي بحال هاد السيد شار لسيكيورتي : حت انا حاضي معاك ليوما نتناوبو على الخدمة الله حت نعاونك غ فوتني خليني هنا..نطق الحاج عيسى
_ الله يرضي عليكم راه مصيبتو كبيرة مرتو ونسيبو ناعسين لداخل ونسيبتو غدا طيح ليكم لهيه …..نطق البوليسي تيحرك في اديه
_ تحرك دابا معايا حت تفركتو الجوقة وسلت سليتة ورجع هاهو معاك حرك خدو لسكيروتي وهو يمشي قدامهم وخرجو وخرجو قبالتو امة محمد لي كانت حاضية معاه. .وفعلا غفلهم ورجع تيجري وعلى غفلة من السكيورتي دخل جنب وسلت مرة اخرى ودخل المسار الاحمر فين كاين غ المشلخين ولي ماعقلينش واصوات الالات ديال القلب بزاف هنا ولهيه والفرق بين مريض مريض غ ريدو .. دخل عدنها . تيجري صفرا وفمها بيض واديها خضرين معلقين ليها ااسيروم على مايجو التحاليل ويعرفو اش عندها من مرض ويعطوها الدوا تكا عندها تيزيح ليها شعرها ويمسح ليها على جبهتها هز ايدها باسها وقال عند ودنها
_ غدا تمشي لبلادك وانا لي نقطع ليك الطيارة صافي …تبسمت وهزت ايدها ليه شدات ليه في ايدو طلعها مع ايدو ورجع باسها …..دخل واحد الدري فرملي هاز وراق كتيرة وكيقرا كل ورقة وسمية مولاها وتيحطهم عند راسو حت وصل عند شهلة وبقا يقلب عليها ..
_ شكون شهلة هنا؟؟ ..تلفت ليه بكر وقال
_ انا انا عطاه الورقة عرفهم تحاليل وهو يرجع عندو: الله يحفظك اخويا تتعرف في تحاليل
_ شوية ماشي بحال طبيب خلي حت يجي الطبيب
_ غ قراهم بيدما جا شوف شوف. مد ليه الورقة كمش لاخر حجبانو وطول الشوفة وقال
_ بلاتي نشوفهم ليك عند واحد السيدة طبيب راه ماغدي يجي حت لتمنية صباح نت علاش بقيتي هنا؟؟
_ هربان سلت ليهم وصافي ميك اخويا وعتقني بدوك الوريقات….مشا الفرملي نص ساعة ورجع مدهم ليه كان بكر جر واحد الكرسي وجلس مقابل معاها وهي مرة تشوف فيه مرة تنعس .. جا عندو ووقف عليه
_ اش كتجيك هاد ااسبدة راها حاملة…. هز في راسو وهو جالس ولاخر واقف ..ماعرفش امتى ناض وشد الورقة من ايدو وقال بالزربة
_ اش قلتي؟؟
_ على ماشرحو ليا عندها حمل وطايح ليها السكر وهابط ليها طونسيو يمكن مع الحمل وماوكلاش نزل ليها الطنسيو لربعة على سلامتها راه غدا تجي الفرملية تقاد ليها واحد دوا ..رجع شاف فيها وخدودو دلاو وهبطت ليه قنوفتو الارض وعينيه دبلو حت هو ماواكل والو واقف غ بالصبر كان خاصو غ هاد الخبر باش يفشل هاهو فشل جلس على الكرسي والقريس في لحمو والما تيجري ليه في فمو
كتم السر وخلاه بينو وبين نفسو وبقا معاها ليل كلو لي جا بغا يخرجو يطلبو ويبوس ليه راسو ويحشم لاخر ويزيد ..حت صباح الصباح وشافها طبيب وقفها على رجليها وكتب ليها دوا وعطاها ملف صغير باش تبع مع اختصاصية التوليد هادشي كلو تيسمع ليه غ بكر ومركز معاه اما شهلة من فرحتها بهضرة بكر جاها الجوع ديال الدنيا والدين ….سلتها عليهم فاش شافهم واقفين مجمعين على حالة بوشتة وخرج بيها حت يوكلها ويشربها وتشد صحتها عاد يرجعها لسبيطار ويقول ليها باك راه في غيبوبة من خوفو عليك طاح طليه الطنسيو ….حضاها في الكافي وهي تتاكل بشهية واسعة تاكل وطلب المزيد حت حسات براسها مابقا ليها فين تزيد شرب هو كاس لحليب فقط مع ليمونة مقشرة و تلات تمرات … وقف وهز سوارتو من فوق الطبلة وقال
_ يله نشوفو باك ..قلبات وجها جنب وربعت اديها
_ مابغيتش
_ لا خصك تشوفيه اشهلة باك..قاطعتو
_ ماعنديش ابكر ماعنديش مابغيتش نرجع نقطة الصفر
تكا على الطبلة بجوج ادين
_ باك راه في الانعاش اشهلة باك كوما شوف واش يعيش ولا يموت …. وقفت بالخف حت حست بوجع ورجعت جلست
_ شهلة مابقيش تنوضي بالزربة ولا تجلسي بالزربة راك مزال مريضة..حطات راسها على الطبلة وبدات تبكي تبكي رجع جلس دوز ايدو على ضهرها عارف حسات بالدنب اتجاهو بكاها مسموع خلاها حت بكات وهزت عينيها فيه
_ يخليني مربوطة بيني وبينو دائما تيمرض بسبابي وشي نهار يموت بسبابي وانا هادشي كتير عليا وعلى طاقتي ابكر دائما مرضو تيحطني قدام امر الواقع مابغيتش نبقا ومابغيتش نمشي ونخليه ورايا في هاد الحالة …رجعت حطت راسها على الطبلة وقالت : تيقتلني بهاد شي تيقتلني ديما رابح عطفي وقلبي بحال الى تيعرف نقطة ضعفي بهاد الطريقة تيحبس عليا شنو مخططة شافت فيه وقالت
_ نوض وقف نمشو عندو ونقول ليه مايمكنش كل مرة تغيب فيها وتخليني واقفة في بلاصتي نوض شداتو من ايدو ..مشا و دخلو لسبيطار لقا مو وباه وعماتها وعماممها تيقلبو مرونين السبيطار بتقلاب ..حت شافوهم داخلين شي يسلم عليها شي يصبر فيها وحت واحد ماعرف اش طرا من غير بكر واليكسي …
*** دازت ايام وايام وشهلة غدا وتمرض لي شافها تيقول بقا فيها باباها لي مزال كومة ولكن لي هي فيه وحم ووحم خايب بزاف…نهارهم في السبطار وليلهم في طواليت تبات وضل تقيا حت طاحت في الفراش ..لازمها بكر ليل ونهار وحت واحد ماقرب ليها فينما بغاو يدخلو عندها عماتها ولابنات عمها ولا عمامها تيحرجهم بوجودو وهيبتو لي طاغية غي تيسولو كيف بقات يطلو عليها ويخرجو ..الكل قال مازمة من مرض باباها حت دازت شهرين كان الحاج فاق ولكن مشلول من ايدو ورجلو لسانو تقيل عليه .. جابها بكر تشوفو . ضحكت فاش شافتو تيهز عينه فيها وخدو عوج لجيهة ..عملت ليه اشارة ترحيب من الزاجة وردها ليها بعينه ضحكت معاه واخيرا غدي يرجع باباها لطبيعتو وهي تاخد وتيقة السفر من عند بكر وكيف عرفتو كملتو كلمة قال ليها غدا تمشي ادن غادي يوفي بوعدو.. تلفتت لبكر وقالت
_ هاهو بدا يتشافا
_ الحمد لله
كيفاش غادي نقنعو يخليني نرجع لبلادي
_ نت مراتي انا لي مسؤول عليك غ يبرا وينوض على رجليه وانا لي نهضر معاه .عنقتو في حضور عينين الحاج بوشتة لي هاد المشهد عمل ليه ترويض لخدو وبدا يتحرك غ بوحدو…جات اليكسي وقفت حداهم وعنقت بنتها جنب بادلتها لاخرى العناق ودورت ايدها عليها بقا الحاج تيشوف فيهم فرحان حت دخل عندو الطبيب وبدا لاخر يقيد ويكتب وهو ضاحك معاه وقال
_ خاصنا نبقاو نجيبو ليك هاد الممتلين حرك راسو بالايجاب وتبسيمة صغيرة
_ اوى الحاج خصنا نعملو ترويض ليوم ياك الشباب..دخلو عندو فرمليات عاونوه في تحريك رجلو وايدو تحت انضار عائلتو لي تزادت عليها العمة رحيمو اول ماشفاتو في تحسن طاحو دموعها ومسحتهم بفوطة صغيرة ديما معاها… سالة طبيب معاه وخرج عندهم مبشر بخروجو بعد اسبوع او اقل ويكمل العلاج في الدار ..زادت حالة شهلة في تازم كتر وكتر حت مابقات تقدر لا تخرج لا ضرج عاطيها غ النعاس …غ خرج الحاج بوشتة هزهم بكر وهرب بيهم لفيرما وخلا لي جا يدق في دارو يلقا غ الريح… قابلها بوحدو مابغاهاش تعرف بحملها لو بصدفة حت تبان كرشها ويشد حملها لتولي دير شي مصيبة فيها وفي الجنين… فينما قالت ليه ليوم نمشي بقول ليها حت لغدا ..خدرها الوحم وحملها فيه مفاجاة كبيرة للكل .. تفيق تبدا تجمع حوايجها يغمق عليها ويهبطها تفطر و ويشربها دوا ويشدها بالبلانات مرة نبيع عود ونقطع ليك مرة نبيع تور ونقطع ليك مرة الجو ماشي ديال الطيران خاصة في هاد الفصل فصل الشتا والريح صبريي حت دوز عشريام غدا تمشي غدا تمشي غ صبري ليوم وغدا يله .عرفها مازال طايشة ومزال صغيرة وعقلو هو يوزن بلاد لكن لي مغاديش يضرب ليه حساب ويغير حياتو مية وتمنين درجة هو واحد الضيف غادي يجي على غفلة وحت واحد ماغدي يعرفو شكون هو ولامنين جا حت تقوم القيامة ويتهز السلاح
الجو هادي في المزرعة وفي نفس الوقت صاخب اصوات طيور الحجل قوية وحت الادياك الرومية لها صوت مزعج لولا صهيل الخيول لي تيغطي على اصواتهم ويتخلق السعادة في قلب بكر لكان دبحهم كاملين من بعد ماقلت ليه شهلة
_ اسوء حاجة عندك هنا هما هاد الاصوات المزعجة النقارة اوووف ماتيسكتوش كوكوووموع كووكع كوكع اوف .. ..تحركت من بلاصتها مزال طامعة في النعاس وصلات الوحدو ديال النهار وهي غ ناعسة مامتابهتش لتغير جمسمها وبطنها لتنفخ شوية .. ضحكتو و جاوبها بابتسامة من بعد ماتكا حداها تيلعب ليها في شافرها بصبعو ويمرر ابدو على خدها لي تنفخ بكترة النعاس تغير كبير في ملامحها كانها نضجت اربع او خمس سنوات ولما لا وهي تحمل تلات اجنة في بطنها لحد الان لا تعلم عنهم شيء ولا حت بكر يعلم عن عددهم…
_ كون ماكنتيش غدا تمشي لبلادك كون دبحتهم قالها بضحكة واصلة لسما …ضحكات ليه تتشوف في السقف كمل كلامو: نوضي سري عند بباباك اليوم احسن بزاف شفتو حيد العكاز
_ مشيت عندو صباااح وبستو هنا حطت صبعها على خدو ضحك وقال:
_ حزيزيرة مع راسك
_ شنو هي هزيزيرة ؟
_ يعني تتشري السفر ديالك بطريقة الرشوة
_ يس بغيت نحسسو بالامان
• _وانا فين الرشوة ديالي دورت عليه ديها وهبطت ليه راسو باستو في فمو هزاتو ليه وهي تتشوف فيه بشهوة وهو كدالك ورجعتو لعندها ودخلو في قبل ادت بيهم الى اتحاد الاجساد بعد تلات اشهر من الصيام لكن لاسفه الشديد ماقرداتش وحبستو قالت:
_ كرشي تتضرني من لداخل ..حطت اديها عليها وتحسستها عرفتها فيها تغيير كبير منفوخة وقاصحة حطت اديها بجوج تتضغت على كرشها تتلقاها عامرة ..شافت فيه وهو كان مسني هاد الشوفة جر حوايجو لبسهم ورجع تكا حداها اديه وسط رجليه …وقال
_ شهلة نت حاملة.. تصدمت في بلاصتها وخرجو عينيعا ودارت عندو معوجة عنقها فيها مصدومة حقا مصدومة ..تصبب العرق بنغزات قوية على قلبها ..ممدة على السرير بلا حوايج بلا غطا كمصعوقة بسلك كهربائي … طالت الشوفة فيه بلا شعور مسنية شي كلمة اخرى منو ينفي الخبر او يقول كدبة ابريل … نطقت بجحرجة وصوت خافت بترجي وعينين جاحضين
_ تتمازح .. حرك راسو لا
_ تتكدب فقط
_ لا اشهلة معاك بصح هاد المرض لي شادك في الفراش راه حمل ..جمعت رجليها بالخف وجلست الارض على ركابيها وطلقت صرخة قوية …كل ماكان سارح الاغنام او تيغسل في الجياد وحت المعطي لي جاي من بعيد بتلات بقرات حلوب وصغارهم في مرح وقف تيسمع الصراخ مين جاي …. كان الحاج بوشتة تيصلي الضهر واليكسي في الجنان تحت شجرة وفيرة الظلال وفي ايدها كتاب للفيقيه ابن الجوزي ….. وقفت بالخف ..سلم الحاج بوشتة وكمل التسبيح بسرعة وخرج طلاقا مع اليكسي داخلة تتجري وقالت
_ صراخ ليلي
_ اه فين هي ماشفنتهاش من صباح …صراخ اخر علم بمكانها طلعو بشوية على رجلو . وهما تيقربو وغواتها تيدخل لودنين ..
_ مابغيتوش مابغيييتش لا حيدو حيدو
_ صافي مامنكنش ليه يتحيد راه تخلق كلو
_ لا لا لا مستحيل…شادة في خدودها وراسها تيدور هستيرية وجنون ..الدقان في الباب … هز بيجامة تيلبس فيها وهي تتلوحها وضربو لصدرو .. مشا تيجري ضور الساروت باش مايتحلش الباب ورجع عندها تيشد ليها اديها من صعقتها زادت فشلت وجلست الارض ورجليها تيخطبو في الارض
_ طلق مني بعد مني طلق مني غبية غبية انا غبية .. سد ليها فمها وجابهاعند وكرز عليها وهي تتنطر برجليها وقال:
_ وسكتي وسمعي ليا ولا مغداش تمشي لسويد سمعي نهضر …همس ليها عند ودنيها : بغيتي غ السويد هاتمشي ليه ولكن سكتي نهضررو..جنت جنون البقر ضربتو لكرشو بكوعها ووقفت في هوات تدور وسط البيت وكلمة لا مافرقتش فمها… خيطت البيت وحفات رجليها تمشي وتجي وحت فكرة مافي بالها الا حلمها تلاشا تلاشا دقان في الباب وصوت الحاج مسموع
_ اش كاين ااولدي ……نطق بكر بهضرة مسموعة
_ ولبسي حوايجك خليني نحل الباب .. وقلت ليك لبسي…. شاف الحاج في اليكسي وشار ليها تهبط مع الدروج رجعو من جاو تيشوفو في بعضياتهم والام حسات بتغير في بنتها وقالت
_ ليلي ولات غ ناعسة وخدودها ممتلئين
_ يكما الدوا؟؟ حيت شفت راجلها تيعطيها شي دوا ديلاش؟؟
_ ماعرفتش كلامنا معاه قليل يا بيغ وليلي غ ناعسة حالها ماعجبنيش
_ حت انا لاحظتها عجيب امرها
_ خفت يكون تيعطيها مخدر باش ماتهربش مرة اخرة… مشاو جلسو وسط الدار على فتيات كبار من الجلد بلون اسود تيخممو
_ غادي ينزل بكر نهضر معاه ماتخافيش
_ لا ماتهضرش معاه غادي ناخد دوا ونبحت عليه
_ بكر كبير على هادشي الدوا مايكون غ ديال قاطعتو
_ ديلاش؟؟؟؟ ببنتك اشمن مرض عندها؟ قووول ..شافت فيه اليكسي بعتب .حطت رجل على رجل وايدها على خدها تعلمتها من الالة خدوج …
****
_ سمعيني نت مشكيلتك ماتتسمعيش وفيك العناد كون تسمعي
_ لا سمعت ليك بزاف ونت كل نهار تتكدب عليا ليوم نمشو غدا نمشي ودابا تتقول ليا نت حاملة ..سكتت برهة: لا انا ماحملاش ..شاف ليها في كرشها وقال
_ فاطرة ببطيخة؟؟؟
غمضت عينيها زاد لعندها : سمعي نديرو اتفاق… ظحكات بقهر ودموعها تيسلو وحركت اديها بلا
_ وسمعي اتفاقي معاك بعدة
_ لا ماسمعاش وهاد ..شارت لبطن ديالها: غدا نتخلص منو .دورت عينيها في المكان بحال الى تتقلب على شي حاجة ..مشا عندها وقال بجدية
_ لا غدا تولديه ..دفعتو من صدرو وسنيها على بعضياتهم : لا مابغيتوش
_ حت انا مابغيتوش ..
_ ادن نتخلصو منو.. حرك راسو بلا وشد في ايديها
_ قلت ليك مابغتوش لانه نت مغداش تكوني معاه .. شافت فيه بحزن وسكتت : انا عارف مغاداش تبغيه اصلا نت خاص لي يربيك عاد تربي ولد صغير
_ادن نتخلص منو
_ وهو طفل صغير وتيتنفس بغيتي تكوني مجريمة الى تخصلتي منو ادن قتلتيه بغيتي تقتلي وليد صغير قد روز …حركات راسها لا
_ ادن احتافضي بيه حت يتولد وديك ساع خليه ليا وسري لسويد
_ لا نمشي ليوم
_ والطفل؟؟
_ نجيبو ليك ولا نعطيه لشي اسرة يربوه
_ وعلاش تمشي خمسة شهر وترجعي تجيبيه ليا انا ماغديش نسمح ل شي واحد يربي ليا ولدي
_ نت قلتي مابغتيهش !!
_ اه مابغيتوش لنه مغداش تكوني معاه ولكن باش نحرموه من الام والاب بجوج لا حرام عليا نت غدا تخليه ليا وتمشي صافي اشهلة. سكتات وسكت حت هو جا عندها وعنقها اي كرم هدا منك يابكر واي دكاء هدا واي نبل هدا هل كلامه حقا صحيح ام لعبة اخرى حت تلد له وترا وليدها وتغير رأيها ام ان الزمن سيغير شهلة ويمحو حبها للوطن لكن هو يضمن اللحظة فقط والباقي على الله… باس ليها راسها وقال
_ القدر بغا يخلي ليا منك دكرى زوينة ياك اشهلة..حركات راسها بالايجاب كرز عليها : نمشو نشوفوه ليوم..هزات عينيها فيه تتسول .ضحك وقال: نعملو ايكوغرافي عندشي طبيبة
_ مابغيتش نشوفو..ضحك
_ على حنا غادي نشوفوه بلوان يبانو لينا عينيه واش خضرين راه غ نعرفو واش صحيح ولا مريض وصافي
_ شوفو نت انا مابغيتش نعرفو رجعت لبلاصتها فوق ااسرير وتكورت جمعت رجليها عند صدرها دورت عليهم اديها وخشات راسها وسطهم ونعست
_ اوكي الالة يله لبسي حوايجك .. بدون صوت ولا حركة بقات على وضعية نوم القطط لساعات طوال
راقبها مطولا على كرسي مشبك اديه وموسع بين رجليه . عينيه عليها وعقلو بعيييد . المسالة صعيبة عليه وعليها هاهي حاملة بولدو وهاهو حامل بهمها هم كبير وبزاف مبغاش تبقى هي مابغاش وعندها الحق علاش غدا تبقى في ارض ماتتنتميش ليها تمتمها قبل غوصها في النعاس خلاتو يفكر الف فكرة من غير انه يبقى يضحك عليها حت تولد تعاودت ليه جملتها
《 نتوما عايشين في الارض لي تتبغو الا انا بعبييييييدة》…قالتها ونعست ..خلات بكر يطول التفكير ويطول الجلوس …حبها في قلبو كبير وهمها اكبر عارف مغداش تبقى ومغداش تبقى لو يربطوها مع الشجر لي لحظة فكر انه تقدر تغير رايها لو حسات بود الامومة ولكن سرعان ماقفزو الامر وانه حت هو غادي يبصح اب .. اخر حاجة كان تيفكر فيها حاليا هي الولاد ولكن مشا في هوا شهواتو ورغباتو هو لي مسؤول على هادشي كلو رجع الامر وحسب امتى تكون بدا يتكون الجنين عندها لقى ربما ليلة لي كان غايب فيها العقل وهي تتهضر ليه على براون والاستاد ديالها وفتى الشارع .. زادو دقات قلبو وشاف فيها بحزن وتممتم بينو وبين نفسو : ماخصاهاش تمشي لحت بلاصة وبجهد الله نسيها في بلادها ونحببها في بلادي وتعيش مع ولدها ولا بنتها اكيد غدا تعايش مع الوضع افكار متناقدة من بكر ولاول مرة يحير في امر ..مسح على وجهو وزاد تمتم: شنو مصير هاد الولد وشنو دنبو استغفر الله لي خلقها قادر عليه . انين صغير منها خلاه ينوض يمشي في اتجاها ويحط ايدو على جبهتها وقال
_ خاصها عناية خاصة دغيا تطلع ليها سخانة ياربي السلامة …رجع ايدو عندو خشاهم في جيابو وراقبها عن قرب تجمع كل الحب لي هازو في صدرو ورجع تنهد وقال
_ الى مشات نمشي معاها . هبط عينو الارض : الحب تتضحية ابكر ونت تتبغيها ماشي ماتتبغيهاش لمشات شهلائي نمشي معاها … هبط عندها بجسمو وقاس جبهتها بقبلة حنونة حرك ايدو مسح ليها ريق ابيض هابط من شفتيها كطفل صغير ……
***
مسرحية من ممتلين فقط اليكسي والحاج لي استغربو من خمود الحرب ووقفو بجوج خايفين على بنتهم الشي لي خلا اليكسي تجن وتبغي طلع ولاكن الحاج تيمنعها
_ شوف نت خاصك تنفد هضرتك معاها يكفي لي عاشتو
_ ماعندي مانفد ولا نمم عطيتها ليه نتحمل مسؤوليتي جبتها بالحيلة وتنتحمل مسؤوليتي عشت معاها العداب وتنتحمل مسؤوليتي انا انا لي ولدتها تما اما فاش حملتي بيها نجيبك لهنا كونت نشوف ناس دات ليهم الدولة ولادهم وعطاتهم لناس خرين وماكنتش ماخفتش عليها حيت كنت تنقول عمرني نخليها وخا يقطعو ليا راسي فينما مشات انا معاها عشت الرعب معاها وهي بنتي االيكسي هي بنتي ..شار الارض : نشوفها تتدفن هنا وقبرها تيسمع الله اكبر ومانخليهاش تمشي لتما غ كوني هانية
_ انا بغيت بنتي ترجع ليا صافي بغيت نديها ونمشي معاها ..
_ ياك؟؟
_ اه نت اناني وبزاف كلشي تيخطا وربي لي تيحاسب وربي لي تيعاقب وهي مزال صغيرة على عقاب الله باش نت تحبسها في بلاصة مابغتهاش ليلي غدا نديها ولبغا دنيال يبقا معاك يبقا غدا نديها معايا سمعتني….بكات ومشات عنقتو
_ لا نت ولا هي غادي نخليكم غ كونو هانين وديك البلاد عمرني نحط فيها رجلي ولبغيتي نبوس ليك رجليك نت ويايها نبوسهم اما صحتي مابقات تهز عصى على حد صااافي حطو ليا كفن عند راسي وسيرو نت وياها ..كرزت عليه وبكات على كتفو
_ ماتعدبنيش بيك وبيها ماتحطنيش وسطكم قلبي صبر بزاف وضعت وسطكم نت فاش تتمرض تيموت ليا عرق وليلي فاش تتور تيموت ليا عرق انا مابقيتش قادا عليكم بجوج
_ ولديتيها معاك غدا تموتي كلك خاصة نت وليتي مسلمة عرفتي شنو الاسلام االيكسي ..حركت راسها بالايجاب: يعني فاش تشوفي بنتك تتباس مع واحد محرم عليها عند الباب غدا تموتي عرق بعرق يعني فاش تشوفي بنتك هازا الكاس ديال الشراب وتتعيط على جهنم غدا تموتي عرق بعرق اليكسي هاد العداب لي فيه هي راه ماتيسوى والو قدام العداب الى مشات حت دارت المحرماات وانا مابغيتش نتاحسب عليها قدام الله ومابغيتش نشوفها في الدار الاخرة تتقلب على لي يعتقها من جهنم اليكسي تموت بنتك هنا بالف مرض وماتتموتش بكسيدة وهي سكرانة ونت شفتي الاف الشباب تيموتو سكرانين لا دنيا لا دين الكسي نت قريتي على الاسلام بزاااف وعارف قلب الام احن من قلبي وعارف تتعدبي على بنتك ولكن شنو نديرو الشيطان جانا من جيهتها بغا يفتنا ويخرجنا على طريق الله نخليوه حركات راسها لا دورو وجهو عندها وباس ليها راسها
_ شنو معمول ا بييغ شنو المعمول ؟؟
_ نخلوها منها لمصيرها وهي هنا مع راجلها راه بعقلو
_ لا بنتك مخدرة غ ناعسة … هانطلع عندو ونهضر معاه ..تسمعو خطواتو هابطين بعدت منو شوية وحدرت راسها ….
بعد تلات اشهر من البحت كيف الاحمق في مدن المغرب وكانه تيقلب على ابرة وسط كومة قش اخيرا جاه اتصال من ااشرطة وعلمو ان البنت لي تيقلب عليها عندهم عليها اخبار في مدينة سميتها سيدي سليمان… براون وماماه خداو البحت كانه سياحة وكل تلات ايام ولا ربعيام في مدينة يحطو بحت ويخرجو لمدينة اخرة بداو بالمدن الكبرى وهما جايين…ماماه خدات الامر تحدي في ختها وبغات تحرق قلبها عليها وديها معاها خاصة بعد اخر مساج بينها وبين براون قالت ليه شهلة ان ببابها جابها لمغرب بالحيلة وبغات ترجع ولكن ماعرفتش كيفاش من اخر مساج مابقات حلات الفيس حت نمرة لي كانت عطاتو وصونا فيها حت عيا بدلها بكر بلا علمها جاه الفرج هو مو واخيرا غادي يتلاقا بنت افكارو وقلبو كيف سماها حبيبتو من بعد اخر اخر لقاء بيناتهم ووالوعد لي عطاوه لبعضياتهم على صدر الجدة لويز بقات ليه شهلة راسخة في العقل وجن جنانو فاش عرف انها في المغرب وحلف بينو وبين نفسو يرجعها وتكون ليه كان فينما رفضت ماماه يقول ليها علاش نخلوها لاليكسي فين هو الوعد لي عطيتيه ليها باش يجي النهار لي تبكيها هدا هو اصعب امر كانت تتفرح وتسوط دخانها وترجع تقول ليه اكيد يله نمشو لكن سرعان ماتراجع على قرارها ولما لا وهي الجبانة وكلامها مجرد تفاهات ماتتعيرش حت واحد اهمية همها شراب يكون في المبرد والسجائر في العلب شريرة لكن جبانة وهدا لي غادي نشوفوه ليوم قولها….وصلو لمزرعة بكر من بعد ما نزلو ومشاو عند البوليس خداو العنوان وقيضو محضر ان باختطافها يسحاب ليهم البوليس غادي ياخد اوراقهم بعين اللاعتبار خاصة بعد اخر مرة جا فيها بكر والحاج بوشتة للاستجواب على شنو طرا وان شهلة مزوجة برضاها لا تحت التهديد وجابو العدولات حت هما دازو في الاستجواب وتسد المحضر لكن المسالة هاد المراة فيها تهديد بالوصول القضية الى ااسيفارة والقنصل هو لي غادي يرفع دعوة لدولة سويد وطالب برجوعها . هدا كلام براون جوابا على كلام البوليسي فاش قاليه السيدة لي تتقلب عليها مزوجة بريضاها الشي لي خلا ديلكارمن تقول وحنا جينا نباركو ليها فقط بغينا عنوانها خداو العنوان وبراون خاب املو في ماماه وكان باغي ياخد معاه البوليس لكن ماسمع ليه حد خاصة فاش الوصية جات من معارف الباشا وان كل مايهم شهلة بن لحوافر ماتسرعش الواحد فيها والحق كل الحق مع الاب والزوج اما البنت فقط مراهقة مشاغبة ماعرفاش طريقها فين كاينة .. خداو طاكسي كورسة لفيرما وصراخهم بالانجليزيا عالي بينو وبين ماماه حت تصمك الشيفور وحطهم وسط الطريق وشار ليهم لفيرما بلا مايزيد معاهم خطوة هزو سكانهم الكبار على ضهرهم لونو الابيض رجع بني بالعجاج وسباطو عمر طراب اما ماماه ريش دجاج فوق راسها كل زغبة بلون واديها مخرمجين بالوشامات لابسة تيشروط كحل فيه الجوكير صدرها مدلي .ورجليها تقال بواحد برودكان مع سروال مليتير عشرة الخواتم في ايديها حت صبع ماسالك …ساعة وهما يدقو في باب كبيييير تيجمع بين سورين عراض وطوال على روسهم اسنان لحديد كان الحارس لي مسؤول عليه بعيييد بزاف لكن كلابو حسو بالبراني وجاو تيجرو .وينبحو لولا السور كانو بجوج في خبر كان تحت انياب اصعب الكلاب او مايسمى البيدبول تبعهم وقال من ورا الباب
_ ااشكون….
هضرو باانجليزيا لهما فهموه لا هو فهمهم وتما بقاو حت مشا جاب عامل اخر شد معاه الكلاب وحلو عليهم وبصعوبة نطق براون وقال
_ شالة اور ليلي ليلي ليلي شللا شلا شلا اور ليلي تيشوفو فيه جاهم غريب اول مرة يشوفو بنادم بيض وهضرتو ديال هندو الحمر ولاخرى خارجة من فيلم ميركاني شريرة شمطاء.. هز واحد ايدو لسما مهبطها مع وجهو وقال
_ بالعمى اخويا لفهمتك وااااالو. لاخر طاحت عليه من السما
_ تسنى تسنى هادو برااااويين ونساب المعلم براااوين وراهم غ منهم .. دخلوهم و وشارو ليهم فين كاينة الدار وهما يسخفو هزو عينبهم تتبان ليهم الدار على حد الشوف بعييييييدة
… بدات الشمس تميل لغروب ناضت شهلة من بلاصتها عيانة ومدكدة وفيها السخانة وقفت عند السرجم تتنفس الهوا بشهيق وزفير صدرها مخنوق حطات اديها على حافة السرجم تتشوف في السما وتمنات لو عندها جنحين بحال واحد الطاير داز من حدا عينيها تبعتو بالشوف حت حط على واحد الشجرة بقات حضياه حت تار انتابها جوج ناس جاين من بعيد بحال الى مضاربين بقات حضياهم حت بانت معالمهم مزيان ووقفو عند الباب تيدقو وكان باب اكبر مت لول على مصرعين بقوس عالي مزين بكل ماهو نحاسي غليض …فرحاات حطات اديها على فمها وشهقات وعيطات من السرجم
_ براااااون ..تيدور راسو سمع صوتها لكن الحيط عالي هي تتشوفو وهو لا هز راسو والو حت جات هنية حلات الباب وتخلعات وهربات دخلو مستغربين تيقلبو في المكان وتيقولو واو قلعة ديال الرومان واااو هبطات تتجري ودازت من حدا ولديها وبكر لي كان جالس جامد معاهم باغي يقولها ليهم لكن حشمان تبعوها بالوقفة تيجرو ماعرفوش اش كاين هربانة ولا شنو حت تيتصدمو بابشع منضر خرجات حفيانة وملابسها خفاف بزاف كسوة صيفية بخويطات معقودين على الكتاف في البيض وهازها براون ويدور بيها وهي معنقاه اديها دايرين على عنقو ورجليها معنقين ظهرو وهو يبوس كل ببلاصة وكل انش منها حت لاقا الوجه مع الوجه وطبع قبلة حارة في فمها خلا الكل في دهول وصاعقة اولهم الحاج بوشتة واخرهم بكر لي واقف قدامو وعينيه فلتو من بلاصتهم وجاو حت لعندهم وطاحو ..
وكان عيناك ترى مشهدا سنمائيا لقطاته تمر بالعرض البطيء وكان يداك على قلبك ترتجف من هول المشد ان كنت تعرف حقا صاحب الخيل والبيداء وتعلم مدى قبح المشهد فلا تقف ساكنا علیك فعل شيء ما فسوف تكون حربا ضاريا امام عيانك اي مشهد هدا واي وقاحة هده اي واي دناءة واي تفاهة هده واي خزي هدا .. بعيون منهدشة وبدون حركة تلقى بكر اسوء صفعة …ماكان عليه الا ان يعود مسرعا لنك ترى خطواته ببطء كما خطاها الحاج بوشتة وهو يصرخ متجها اليها …لي لحظة انتبهت مادا حصل لكن الوقت تاخر …
نزلات من عندو وتلفت بشعرها ضرب وجهو براون بي وقف متجمد ضارت بالعرض البطيء جيهة بكر لي شافتو داخل لدار تيجري وبابها عندها جاي تيجري وهي وماماماها تابعة بوشتة وتتحاول تشد فيه باش مايطيحش ..هنية من ورا سرجم عالي زاجو ملون اديها على فمها والمعطي فوق واحد الغصن ديال سجر كان تيحاول يهبط قطيطة عالقة……بعيون تهرسو شوفاتهم واقفة مسمرة حسات بهول الموقف الزمن توقف والكل جاي عندها ببطء شديد …معالم الوجه واضحة بشدة غضب وجنون وشر الزمن يتحرك ببطء وهول الكارتة بعاصفتها تحمل رياحها احجارا تقيلة ….تدلات شفتها السفلة ودابو عيونها وترسمت على وجها كابة شديدة …عينيها عند بكر لدخل تيجري …ومانتابهتش لباباها لي جا عندها ونزل عليها بكف حت جابها الارض….وشد في براون من تركيوه ناوي ينزل عليه حت هو المعطي جاي تيجري لجيهتو مرجعو من محفاضتو جارو وراه وماماه هربانة سابقاه مع خرجهم المعطي وضرب القفل ولاح الساروت وبقا مسمر عند الباب عينه على بكر ..حت خرج هاز مكحلة . اديه على القرص وعينيه فالتين وجعر وطلق صيحة على المعطي وهو غادي اتجاهو بهرولة
_ خرجتهووووووووم ..هزو ولاحو وراه لقا القفل مضروب وهو يرجع دخل طالع مع الدروج ومعطي تابعو واديه فوق راسو ويغوت
_ وااااااا عتقونا واااعتقونا…. طلع مع دروج وهبط مع لاخرين لي لاسقين في الحيط من برة والمكحلة في ايدو رجليه هازينو بسرعة البرق دخل الاسطبل حل باب على شرف بقوة حت تسمع في الفيرما كله خرجو وركب عليه بلا سرج طالقو مسابق الريح… تيدور ويقلب بعينيه وراسو الرحمة يارب حتما برازن سيلقى حدفه العود يصهل غبار حوافرو في السماا من بعيد شافوه العمال ديالو تيدور ويقلب وعرفوه على دودك جوج الزوار تيقلب وتلقاو ليهم ..شافهم بكر وسط الجنان وحرك رجليه على ضهر شرف وتبعهم حت وصل عند رجليهم الي خواو من الخلعة ..تلاح من فوق ضهر العود كسهم وطاح على براون لي ماعرف باش تبلا هاالي جاي يجري بكلابو ها لي فوق عودو والمعطي تيغوت على حر جهدو ….
_ وفكوه وعتقو ليا المقدم غدي يطيح روووح … وجهو البيض رجع كلو دم …دلكارمن تتغوت وتجر في بكر من عنقو ويهز كوعو يضربها حت طيح ويرجع ليه ببونيات لوجو ماوصلو عليه الدراري والمعطي حت خلا ليه جوج سنان في الارض والفم مدلي وشدو من رجلو وطلع فوق العود خلاه غادي على راسو ويغوت مشهد واسم براون تيتعاود على مسامعو من فمها فاش قالت ليه قبلة براون …اي ضلم هدا يازمن شرف تيجري وبكر فوق منو نصو مايل جية لي هاز بيها رجل براون وراسو عند رجلين العود ..خلا الكل واقف وحاط ايديه على راسو ….رجع بيه لدار هبط بسرعة دخل جارو وراه حت لعندها … مزال في بلاصتها جالسة مصدومة واليكسي شادة في راجلها حابساه عليها ..حت شافت براون مرمد راسو بين رجلين بكر والمكحلة محطوطة ليه على جبهتو بين عينيه لي مابقات تتبان بالدميات.. نطق براون بصعوبة وحروف كلماتو بعاد بلانجليزيا قال:
_ خالتي بليييز ….. دخلات ماماه تتجري من وراه وطاحت على ولدها تتبكي وتبوس في ادين بكر لي شادين المكحلة وعروقو ايديه بغاو يطرطقو لا صوت لبكر ولا مشاعر كلشي مات فيه واقف بلا روح الى طلق الف طلقة ماغديش يسمعها … طلقت اليكسي ادين الحاج وجات عند بكر عنقتو جنب طلبتو مايقتلوش … بخطا ضعيفة وصل الحاج لبنتو لي كانو عينيها على بكر فقط لي مابقات عندو حت ملامح تمتال واقف لا روح والا نفس ولا حت لون ..هز الحاج رجلو ونزلها ليها على كرشها حت غوتت وقالت وهي شادة في كرشها
_ بابا الولد الولد الجنين بابا وقف رجلو لي كان ناوي يزيدها ليه و الكل شاف فيها وهي مكورة على راسها وتتغوت الا بكر لي عينيه على جعبة المكحلة .
بابا الولد الولد الجنين بابا وقف رجلو لي كان ناوي يزيدها ليه و الكل شاف فيها وهي مكورة على راسها وتتغوت الا بكر لي عينيه على جعبة المكحلة ..
_ انا حاملة انا حاملة انا حاملة…. قالتها بخفوت وطلقو اديها من كرشها وغابت ..طلقات اليكسي من بكر وجات طاحت على بنتها …تتفيق فيها وتتبكي
_ بلييييز ليلي فيقي بليييز بنتي….. توقف الزمن الكل في بلاصتو الا المعطي لي جا عنق بكر من وراه وقال في ودنو
_ مايستاهلش دخل على قبلو الحبس ولا على قبلها حضر عقلك اولدي حضرعقلك …غوات اليكسي كتر تسمر الحاج في بلاصتو مات ليه القلب بحال بكر فقط هنية لي تتجري هازا الماء واليكسي لي تتفيق في بنتها وختها لي تتسرح على ولدها والمعطي لي تيردد اسم الله حدا ودنيه
_ لا اله الا الله لا اله الا الله محمد رسول محمد رسول اعوذو بالله من الشيطان الرجيم… وكان الله حاضر وبعبده رحيم ونزل عليه جمود حت خطف المعطي المكحلة من ايدو وهرب بيها …وحل ليه الريق في احبالو الصوتية لهو قادر يهضر ولا قادر حت يشوف فيها دور وجهو جنب وتخطاه وخلاها وراه طايحة مغيبية سخفانة ربمى تمنى في جوفه نزول ابنه من بطنها لا شرف له بها ولا تشرفه اماولا حليبها صالح.. خلا كلشي وراه غادي بخطوات مسموعة وكان الارض ترحب بما يلقيه من دكرياتها وحبها الدي كان وتمتصه وتلف ترابها على كل شيء له دكرة بها وتدفنه كميت ويقال اكرامو الميت دفنه ..الان بكر فارسنا الدي لا يعرف لا احضان الا حضن زوجته ولا يعرف قبلا الا قبل زوجته يودع عالم شهلة وسيحرق ويهدم كل ركن وكل زاوية من بيته الواسع الجميل حت لا تبقى بصمة او اتر عرق لها ولا رائحة ……
معاها هنية واليكسي لي تتضرب في وجها وطيح على بنتها تنعنقها وتهزها لعندها وتغوت وراسها لسما وتراري بيها خواو عليها الماء والو… عطاتها لهنية في حجرها وناضت تتجري كي المجنونة بفراشة بيضة كمامها عراض تتقلب على تلفون تعيط الاسعاف …لقاتو اتاصلت مرة ووجوج جاوبوها وماعرفت كيفاش تعطيهم العنوان وجابت تلفون لهنية ولاخرى ماعرفة ماتهضر اديها تيتعردو ..
ورا اسور ديال باحة الفيرمة مصافين عشرة ديال الرجالة
على برة عشرة من العمال لي تجمعو كل واحد يقول لاخر دخل نت ولاخر لا دخل نت … على الرغم ان الصداع والمصيبة واصلة السما غ في ساحة ديال الدار ولي وبعض المرات تيكونو فيها الى كان بكر غادي يجيب شي عود عند الخصات ولا تحت شجرات دياال التوت واحيانا تيتجمعو على كاس اتاي ولا قهوة في الجريدة ..لكن دابا حت واحد ماقدر يدخل نطق اصغرهم وقال
_ دخل ابراهيم نت الكبير
_ اهاه ندخل انا باش لا ماخرجش في البيضة ديال الحمام سي رصاصة يخرجها فيا ياك محسين
_ ونتوما ترجلو وعتقو المقدم من الحبس …. يله بغا يدخل حت خرج ليهم المعطي ب براون وقال
_ علقوه في النخلة ربطو مع شوكها ..وهاد الدجاجة شار لماماه …وهادي خلوها دور حداه ابراهيم الى شفتيها وصلت عند رجليه هاك حش ليها اديها بهدا لاح ليه منجل … ماكانوش من العاگزین وهزوه جوج رجال واحد من اديه ولاخر من رجليه تقول هازين جندي مقتول في حرب العتامنيين .. .. جلس بكر على كرسي ولكن سرعان ماقفز ومشا جاب سوارتو ديال طموبيل وخرج جابها من الگراج ودخل بيها لباحة هزها من الارض تقول هز كارطونة ديال شي مادة ماشاف فيها ولا حس بشنو هاز..حطها لور ركبات اليكسي والمعطي شد في الحاج من درعانو وعاونو كلو تيترعد ويتفتف .. ..غ تسدو البيباب وتحكو روايض مخلي العجاجة وراه تبعوه كل من هنية والمعطي تيجرو حاضين طموبيلتو مع شعاع العصر لي تيخلي الجو حمر والغبار حمر كان جهنم حلت على هاد الفيرمة لي صباحها كان في شكل ومساها في شكل…. وصلها لسبيطار هازها بين درعانو وهي كلشي فيها طايح الارض اديها رجليها وشعرها كسوتها البيضة .. دخل بيها والي في الباب من منضرها دارو ليه طريق … حطها في اابياص ديال المستعجلات وخرج تابعاه اليكسي وعيونها تيقلبو وكتافها تيضربو مع الناس نسات شالها لي طايح الكل انتابه انها اجنبية وتبعوها دخلات فين حط ليها بنتها بدموع شدات في إديها تتبوس فيهم الطبيب نيقلب فيها ويسول …دخل من وراها الحاج مايل جنب وتيتفتف في المشية تقول لابس بلغة تقيلة بالمسامر شادين فيه جوج ديال سكيورتي فاش قال ليهم بنتي لي داخلة مغيبة … لقا طبيب تيسول شنو طاري وتيقد قال المسكين
_ حاملة وضربتها ..بالخف علقو ليها سيروم وخرجوها بالباياص تيجرو بيها جوج ديال دراري لابسين الحمر اختصاصهم يصولو المريض الى غرفةالاسعافات وهو وارهام دازو من حدا بكر جالس فوق كرسي مشبك اديه عند ركابيه تقول غ جارهم جابهم بطموبيلتو وجلس معاهم من صواب شاف غ شعرها لي مدلي من البياص تيجرو بيها عاد دازو قدامو اضعف خلق وسط اكبر لعبة .. مابقاش الحاج قادر يزيد وكان غادي يميل ويجي طايح وهو ينوض بالخف شدومن درعو ..طلقتو ليه اليكسي وعينيها فالتين غ على بنتها ومشات تبعتهم … داه طلعو في لاسانسور…هز الحاج ايدو تترعد لراس بكر وشد فيه وجابو عندو وباسو ليه وقال
_ حقك عندي غالي وعزيز رجع ايدو لصدرو : سمح لينا اوليدي ..ماهضرش وماعمل حت ردت فعل . وقف لاسنانسور طلاقا مع لي داوها راجعين سولهم على فين خداو المريضة نعتو ليهم وهبطو..
.دازت ايام وايام وخرجت شهلة من سبطار بكرش منفوخة كتر . حالها تدمع لها العين صعب تكوني حاملة والاصعب تكوني هازا تلاتة في كرش وحدة..كبرات ليها الكرش مع معانات ..صخطت وجنت غضبت وتمردت مرضت وبكات ونعسات لسعات طوال …ولاايام عدة ..ماكلتها قليلة وعكس ماها تتضل تشرب والشحفة ماتتحيدش مابقات تخرج مابقات تنوض لحالها رق قلب بوشتة وكل مرة يسولها اش خاصها ..داير ليها كرسي متنقل في الدار مرة مرة لي توقف حت جا النهار لي مابقات قدات تنوض فيه وهي يله في شهرها السابع ..نسا الحاج مرضو وقابل بنتو . والحاج عيسى داير كتر من جهدو باغي يصالح بكر مع مرتو رجل عندو ورجل عندها الكل عرف ان بكر غاضب على شهلة ولكن السبب غير معروف ولي معلوف عندهم مايكون الا مصيبة كبيرة لي خلات بكر يسخط ويهز راسو ويغبر على ولديه لشهر ماعرفوه فين كاين حت عسو عليه عند الفيرمة ليل ونهار عاد حصلوه داخل مع الفجر لاسطبل فين تينعس وينوض صباح بكري يدور بطموبيلتو في السواق ويتفرج في الخيول الى كانت شي حاجة غدا تلفت انتباه بكر هو عاود داخل وعاود خارج وكل واحد ولونو وكل واحد شكلو وطبعو .. رجعات شهلة لصبيطار ولكن هاد لمرة في مدينة اخرى بعيدة على سيدي سليمان ..جابوها لكلينك خاص بالتوليد لانه خاصها رعاية خاصة فرحة الايدارة بوجود حامل بتلاتة اول مرة دوز عندهم هاد الحالة واقتارحو عليها انها يقومو بتصويرها فديوات يومية ماعطاتهم حت اي ماتيهمهاش لكن اليكسي والحاج رحبو بالفكرة وعجبتهم وخصصو ليها رفيقة محترفة في التصوير ووركبو كميرات خاصة بتصوير الافلام …كانت في منتهى الياس والحزن والتعب التعب الشديد..شحال من مرة بكات وشحال من مرة لاحت الماكلة وشحال من مرة غضبت على الطبيبة وشحال من مرة طلع ليها طونسيو ويجو يجرو بطبلياتهم الخضراء ويعلقو ليها الدواء والممرضات مقابليناها حت في تنضيفها صوروها مرة تتسارا وهي جارا وراها خيط ديال سيروم والممرضة معاها مرة مخرجينها لجردة بكرسي متحرك..المصورة حسات بعمق حزنها ومرة مرة تزومي ليها على وجها وهي عاطيها جنب احيانا تلفت فيها وابتسامة باهتة ترحب بالكاميرة واحيانا بغضب واحيانا صورتها تتبكي وتنعنق الفرمية لي معاها لي اعتابرتها اختها وحنت ورقت لي حالها ومرات قليلة لي كانت تتبتاسم فيهم تعمل ليها فيلم كامل حت فاش تتبغب تنوض توقف باش ترتاح من النعاس كانت تلقى صعوبة .كرشها كبرات حت وصلت لركبتها وولاو يلبسوها لباس المستشفى العريض لي تيتحل من الضهر بسنسلة ولا خيوط قبل اسبوع من ولادتها دوزاتها كلها في الفراش والخيوطة معلقين في اديها واحيانا تيساعدوها على تنفس بواسطة الة .. شعرها مجموع لفوق بسنفجة وعنقها مزين بسنسلة رقيقة شعاعها زاد من جمالو بغات تخرج من الحالة لي فيها وجمعت نفسها وطلقات صحيات وبكاء استغربو لي حالها وسولها الطبيب
_ شنو ضرك مزيان حاليا تنضن..حركات راسها بلا ودموع واصلين لعنقها وسايحين على خدودها كلامها قليل بزاف وبخفوت
_ ضرنتني هادي بغيت نتخلص منها في اقرب وقت ظحك الطبيب وقال:
_ كلشي بوقتو … كل نهار تزيد صحتها تقلال رغم العناية الفائقة لكن حزن كبيير داخلها ماخلاش ليها طعم لحت حاجة حت لما تتشربو غ حيت جسمها تيطالب بيه واغلبية الفيتامينات تتدوز على شكل سيروم لي خربت ليها لابيك عروق اديها حت مابقاتش قادة تنفس وكانت ليلة ديال الطلق.. كانو الاطباء حاسبين ليها وعارفينها ليلة تولد فجهزو كلشي مسنين منها فقط اشارة وكانها تعطات لحت لبكر لي تزعج نعاسو ليوم كتر من اي لليلة اخرى ولقا راسو خارج مع تلاتة ديال ليل تيدور وسط خيلو يمد ايدو لهدا ولداك ويشوف في فجر وشرف حت تارت انتباهو اصالة كانت على غير عادتها تدور وتصهل تنفس بصعوبة دارت وعطاتو بظهر حت بان ليه رجلين خارجين وهو يدخل بسرعة لعندها غابت من بالو انها حاملة مند شهور وشهور خرج تيجري غسل ايديه وعقمهم ولبس قفزات وجاب فطوات خاص بحديتي الولادة وواحد الكراشة تيوسع بيها عنق الرحم ديال العودات الى اصتعصت الولادة وبالفعل كانت ولادة مصتعصية وقاسية تعدبت فيها العودة جلست وناضت وجلست وناضت حت عرق بكر وشحف . عاد ولدتو لكن بلا نفس .. ساط ليه بكر في نيوفو وعمل ليه تنفس اسطلناعي عاد بدا يرجع النفس ابتاسم بكر واخيرا ابتسم مسح لمهر بالفوطة وجابو عند اصالة تشمو ولتحسو…..
جوج اطباء دايرين بي شهلة وتلات ممرضات والمصورة لي عند راسها تتصور ملامحها وهي مرة تغوت مرة تنفخ وتسوط حت تولد لول هزوه لعندها واالتاني والتالت كانت ليلة مليئة بالفرح الاطباء والطاقم ككل غسلو ليهم ولبسوهم تحت تصوير رائع والكميرة مرة عليهم مرة على شهلة لي عطات راسها لحيط ودموعها تيسيلو بسمط حت جابو ليها جوج وليدات وبنية . باش تشوفهم غمضت عينينها مابقات حلاتهم
اتصال هاتفي فيق كل من اليكسي والمساعدة اما الحاج كان فايق وتيصلي لكن زعزعو بهاد اليل ربعة ونص دصباح ادن خبار الخير يارب تمتم الحاج ووقف بسرعة مهرول لهاتف جاوب بسرعة
_ الو سلام عليكم… …تغيرت ملامحو وتبهج لون وجهو وقال بصوت مسموع للغاية اللهم لك الحمد اللهم الحمد الله يفرحك ابنيتي الله يفرح ..لاباس عليها هي شوة ..الحمد لله الحمد والشكر لله اجاي دابا الله يفرحك…طقع الخط ودار عند اليكسي لب عرفت غدا تكون خبار زوينة من خلال تعابير وجهو عنقها ومشا وجا بيها فيق دانيال لبسوه وخرجو تيجرو…….
*** العشرة ديال صباح جاالس كل من الحاج عيسى ولالة خدوج لي من نهار تفارق ولدهم مع بنت صاحبهم دخلهم الهم فطورهم ولا غ تصاور فقط يشوفو فيه وييشموه فقط الوحيدة لي تفطر وتگرع وتقول الحمد لله هي سليمة الفرحة واصلة ليها الودنين وخا بغات تموت وتعرف علاش تفارقو واش غادي يطلقو ولا فاش تولد يحن قلبو عليها خاصة فاش شفوه قطع طريق السبيطار من نهار حطها ليهم تما ورجع بحالو . وماعرفو بمرضها حت دازت سيمانا وغ صدفة فاش بغات تكنترولي سليمة عند اختصاصية الولادة لقات الحاج واليكسي تما وهي تعلم الامة وجمعت البقية . كانت الفرملية لي مقابلة قسم الولادة مراة كبيرة شافت سليمة وكيفاش تتبحت في الحاج خلاتها حت زاحت من حداه ومشات عندو وقالت
_ الحاج الحاج .. جاوبها بوجه ميت ..سيمانا وبنتو في سبيطار ماطل عليها راجلها ماسول فيها وخا عارفها حاملة والحمل تيشفع وخا غ معنويا حت تولد وديك الساع عندو حق القصاص
_ نعم الالة ؟؟
_ هاد السيدة لي لولات مقدم الحومة وتعيط لهدا وتعيط لداك اش كتجيك ؟؟
_ مرات لوس بنتي
_ ونا نقول مال بنتك دايبة وسخفانة معطياها العين.لريشة الظهر يالطيف …تمتم الحاج
_ لا حول ولا قوة الا بالله
_ سمع نقول ليك وراني مراة كبيرة وفايت فيا هادشي بنتك حاملة بسلامتها بتلاتة ماهو واحد ماهو جوج وتقول الگمرة غ ضوي ولا كحازب من تم .وسمعني وحل ودنيك بغيتي بنتك تنوض بخير وعلى خير جمع وطوي حت تولد والا راه ماتهزهمش في حجرها ولا ماتسلمش عليها نت لهلا يكتبها ياربب تكتبها مصيبة .. سد فمك الحاج ولا تقول شي حاجة لسولك عليها راه الحمل فيه وفيه كاين لي تكون كرشها كبر من هكا وتولد غ فار وجمع وطوي الحاج ..
_ استغفر الله العظيم
_ ونا قلت ليك ونصحتك بحال خويا ونت شغلك هداك.. بعد ساعة رجعت سليمة معاها عدوزتها والحاج لي لام صاحبو وغضب على ولدو . راقب الحاج نسابها وتلفونات بين اديهم وكل واحد يعلم لاخر حت تجمع فريق الكرة وجمهورو فمكان عليه الا ياخدابنصيحة الفرملية الي شارفت على التقاعد وكتم السر حت طلقو ليهم ليوم مع الفطور كلشي مجموع في اتصال هاتفي على رقم سي عيسى ..
_ السلام عليكم
_ وعليكم السلام ومبكر بتلفوناتك الحاج هي خبار الخير ان شاء الله
_ الحمد لله بغيت نقلك مبارك ومسعود تزادو عندك الدراري..وسعو عينين سي عيسى وتلفت لالة الخدوج وقال
_ واااااالمراة ..شافت فيه لالة خدوج : مرت ولدك المقدم ولدت
_ اش نو ربي ربي !؟؟
_ والله هاهو معايا الحاج..على سلامتها والله يفرحكم بيه اوى اش ولدت؟
_ ولدت توام…ضحك سي عيسى وقال لمرتو لقربت ليه باش تسمع
_ ولدات توام الالة خدوج ..حطات ايدها على فمها ظاحكة حت كمل الحاج بوشتة كلامو في ودن سي عيسى والاخر تينقل الهضرة: جوج دراري وبنت .. حلات لالة خدوج فمها وعينيها ظاحكين وقالت
_ اويلي هادو توام هه وتلاتة قول ..مافهمش سي عيسى ورجع تيسول بعينيه وعقلو عاد انتابه فعلا تلاتة جوج دراري وبنت ..بقا يضحك يضحك حت تغرزو ليه عينيه…الالة خدوج شدات تلفون تتبارك لحاج بوشتة . وسليمة وقفت عليها حاطة ودنها عند سماعة وتقول لمنصيف لي غ ساكت
_انا عرفتها غدا تولد جوج كانت كرشها كبيرا ونتوما تقولو غ مكرشة وهاهي ولدت تلاتة . نطق منصيف مطلع حاجب ومهبط لاخر
_ وتلود حت سبعة الله يحفظهم ليها ولخويا . هزات زاوية ديال فمها ومشات … بداو تلفونات هالخلات ها العمات .. كلشي جاب ودا الخبار الا بكر لي مزال ماعرف ماشي ماتاصال بيه حت واحد لكن تلفونو بعيد عليه وصابح ناعس فوق تلاتة بالات ديال تبن وراسو فوق سرج ديال الجلد ..رجل على رجل واديه وحدة طايحة الارض ولاخر على عينيه ناعس نعسة رعاة البقر حت سباطو مامحيدو ناعس بسروال تجين زرق وقميجة في الرمادي كمايمها مجموعين عند المرفق حت تكمشو ناعس بسلام كانه عرف مرتو ولدات وولادو بخير لكن لا خبر له بهم ولا بعددهم
قهقهات وكلمات نابية بين العمال حول موضوع تافه لاهمية له ..لكن مزاح بعضهم اصبح جدا عند غيره فرد التاني على الاول لكلمات مشينة التقطتها ادني بكر حال استقاضه فانتفض غاضبا موجها اشد العتااب للكل…… حل عينه على كلمة
_ سير ياولد الق**** دبا ن** مك … وهو ينوض بالخف من ورا صور كبير ديال البال محطوط حداه معدات الكنس .. اول ما ناض هز مجرفة في ايدو حت خرج ليهم… هما واحد يدفع لاخر زاوفرية كلامهم اكيد نابي الا من رحم ربي …. تخلعو ماعرفو باس تبلاو ستة ديال دراري جوج فيهم الهضرة كتيرة وقف عند مول الهضرة الخايبة صوتو وعارفو شكون وهز عليه المجرف لوجهو وقال بين سنين وعرق مطراسي ليه في جبهتو ولاخر في ناضرو مسطاجو غطا شفايفو
_نت مانلقاكش ضور هنا ..ميل وجو شار ليه يخرج…حدر لاخرراسو وخرج .شاف بعينيون حادة في مول البلا وقال: هاد البال لي ورايا كلو حولو وفي العشيا لداركم… لاح المجرفة من ايدو بجهد حت تقسمت ليها العصا وخرج ..تيحك في عنقرتو وراسو… وقف عند الخصة وفي نفس الوقت بير دابرة بحجر الگرانیت فیها جوج خشبات على شكل اغصان واقفين مفرعين من جناب هازين خشبة طول مشدود فيها حبل نازل البير تيطلع منو دلو ديال اللوح ..لكن الدلو فقط ديكور والماء تيطلع بالموطور على شكل نافورة ..فقط حط ايدك على زر تتيبدا لما يطلع ولاخر يتبدل ويهبط مع واحد القليلات مصافين وحدة تحت وحدة حت تيوصل الجردة ومن الجردة تيمشي لشجر وهو غادي حتى اخر طرف في الارض ديالو كل دابة وحشرة تتلقى باش تروي عطشها…. طلع الماء صافي لقا ليه راسو ووجهو غسلو وترشات قميجو حت بان فيها جوج لوان… وهو تيغسل ويشرب سمع هنية تتعيط من بعيد المعطي المعطي فين لمقدم راه مو تتعيط في تلفونك .. جاوبها الطرف الاخر
_ وبلاااتي نقلب عليه… دخل لدار وخرج منها بسرعة ومشا عند هنية فين تتيطب خبز الصباح…
_ هنية اش داكشي ؟؟؟
_ الحاجة بغات تهضر معاك …تتقول فيها وتتضحك اول مرة من بعد شهور يشوفها فرحانة بشكل غير طبيعي وكان الخبر لي سمعتو تيتعلق ببنتها وقفت وهزات اديها لسما
_ ومبارك مسعود وتزادو عندك تلاتة مرتك ولدت تلاتة لعيال…قوس عينه مامتيقش وبلا مايسول رجعت هضرت
_ ويا سبحان الله تلاتة صويبين في خطرة وحدة والعجب السي المقدم..سمعها المعطي من وراه وهو مسمر في بلاصتو
_ ت ت داوية معقول ولا كيفاش تلاتة
_ وربي يعلم انا قالت ليا الحاجة قولي المقدم يهز تلفونو نباركو ليه راه شهلة ولدات جوج وليدات وبنية..جميع المشاعر حضرو سميتها لي مابقا سمعها من زمان وولدات تلاتة دياال الوليدات بنية مع جوج دراري..جا قدامو المعطي وعنقو تيبارك ليه ابتاسمة غير مبهمة تنهد من كرم الله كان يفكر لواحد شكون يربيه ليه حت صدق بتلاتة لا هنا وقف ليه كل عرق وكل خلية مستحييل…. رد المباركة بسوط متلف احبالو الصوتية ومشا دخل تلفونو مزعزع الدنيا ..غ جاوب طلقت ليه مو الزغاريد
_ وعليكم ااسلام الله يبارك فيك االالة خدوج لا غدا نجي شوية ونكون عندك بلاما تسناوني دابا نلحق عليكم …قطع عليهم وجلس في بلاصتو
_ كيفاش تلاتة في مرة وحدة مايمكنش ..رجع راسو لور تيشوف في السقف :استغفر الله يمكن كلشي عند الله قريب .. وفق تيقلب في جيابو بجوج . طلع لبيتو واول مرة يحلو من بعد شهور.. هز جوج باليزات من البلاكار..حطهم فيهم حوايجها كلهم بلا طيان حت لي خداو ليها في العرس مع الدهب لي خلات نصو ونص لاخر كانت هزاتو نهار لي هربات فيه حت حاجة ديالها ماخلاها في البيت حت صابون وشمبوان وفوطات الحمام ..جمع كلشي وسد عليهم وهبطم في اديه طلاقا مع هنية و المعطي عند الباب بنبرة خشنة قال
_ خوي المستودع من القش وخرج ليه لمخصهاش تحرق من نحاس وفضة فقط وشعل في مها ليصانص هاد الدار من هنا لحت لهيه شار لدار كلها خلا المعطي وهنية حالين فاهم ومخرجين عينيهم ..مشا حط لي فاليز في طموبيل ورجع لقاهم مزال واقفين
_ ا اا بنادم غادي نغيب سيمانا نجي نلقا لي ماتحرقتش رابت سمعتي حرك المعطي راسو بتتاقل وفمو تقيل عليه : نرجع مانلقاش زليجة بيضة وصاحلة صافي المعطي …اكتفى المعطي بهزان الراس فقط وتبعو لعين حت تحكو روايض طموبيلتو لي جديدة حت من الطموبيل لي ركبات معاه فيها تبدلت …بتبات وعينو على الطريق وايد على الفلون بدون خاتم او ساعة تزينها تيطرق بصبعو منغم مع صوت فاطنة بنت الحسين واغنية ماشفتو الغزال تتردد بلسان ملكة العيطة مع دندنة من عاشقها بكر جوج حوايج تيخليوه ناسي العالم عينو لي تتعشق الخيل وودنو لي تتحب تسمع فن العيطة سواء شرقاوية او حصباوية ولا زعرية لكن تيسمع ويعاود يسمع لعيطة العبدية….
وصل الرباط مع الظهر وتوجه لعمارة سميتها بيلا فيها واحد العساس مولوع بالتبوريدة وفي الموسم مولاي عبد الله تعارف معاه رجل عسكري متقاعد ولكن ماعزيزش عليه يجلس دارو لفوق وهو خدام عساس تما ….معرفة زمان وفينما جا بكر لرباط تيكري برطمة في الايقامة مقابلة مع لگار اكدال خدا الدار لي موالف ياخد والمراة لي مسؤولة على نضافة العمارة طلعت ليها ضربت ليها حكة وفركة لكلشي دار خاوية فيها فقط المضارب ديال بيوت النعاس وماتبقى كلشي خاوي…كراها وخرج لماگازا تحت من الايقامة خدا لي فوطاي في الگري والبيض وكراسة ديال الجلد وطابلة دائرية ديال الزاج والخشب لي ختارها تيطلعوها دراري بلا غلاف لانه فقط البارطمة غ فوق الماگاز بتلات طوابق خرج من المكزا ومشا لابيل في سوبير صغير فيه كلشي كل مايخص ادوات الطبخ والافرشة ولي تخلصت تتمشي مع جوج عساسة وجوج بنات حت هما تيخدمو في العمارة جابهم ليه العساس …تجهزت الدار بكل مايحتاج حت تلاجة خداها من بيوگناش قریبة من الايقامة غ في الدورة تجهزت في نص نهار وبقات تقدية خلا لفلوس لواحد من الدراري لي وصا بيهم العساس وعطا لساروت لفام ميناج خلاها تستف التقدية في التلاجة وخرج بحوايج جداد يله تلاحت التيكت منهم سروال دجين في الكحل مع قميجةزرقة غامقة فوقها فستة كحلة بكول صغير ..ناقص من لحيتو بزاف ومصفف شعرو ..رش ريحة جديدة اول مرة يستعملها..هز تلفونو وخرج تيقول لسيدة الله العاون مع جوايه المغرب كان قدام باب الكلينك لي عطاه خوه العنوان وقف لدقائق عدة تيفكر شنو يدخل في ايدو فكر حت عيا وهو يحل الباب ديال الطموبيل وضربو بزعف ودخل اديه في جيابو . الغرفة عندها ماخواتش وهي ماعقلاش عليهم اول ماجابوها لغرفة مزوقة بشرائط زهرية ولي بالون في الارزق والبيض من طرف المصحة ضربتها بنعسة من خمسة صباح لتمنية لعشية ماعقلتش لا على لي دخل عندها ولي لخرج وليدها من الفرحة ماكلاو ماشربو حت جاو نسابوهم وجابو الماكلة وجلسو مجموعين في كافي ديال كلينك ضاحكين ومجمعين على الوليادت ويشبهوهم ويختارو السماية ولكن لي في القلب في القلب الحاج بوشتة فيه ضيقة في صدرو مارضاش قدام خوتو لبكر ولا مرات خوهم وماعرفش تصرف بكر كيفاش غادي يكون ..الحاج عيسى مابقا جبد مع صاحبو حت كلمة لا ديال الفراق لا دياال رجوع من نهار دار فيه بكر دورة شيطانية وخرج فيه عينيه مع كلمة
_ ماعارف والو سكت خليني بيني وبين راسي الوليد.. صافي جمع وطوا وحق الوليدات على رقبة باهم نفس الشي دارتو لالة خدوج فرحات بولاد ولدها ولي بغا يربح لعام طويل لي دارها ولدها هي لي كاينة حت واحد ماقال ولا قد يقول يجي بكر نشدو فيه نرجعوهم ولا نصالحوهم الشي لي خلا الحاج بوشتة يبقى فيه الحال كتر ما بقا فيه في فترة حملها ولي داز عليها قدامو وقرر حت هو لي بغات ديرو بنتو ديرو ولكن ماعرفش قرارها وصمتها اش من وراه عند بالو تقول ليه نهزو دراري ونمشو من هنا ولكن هيهات هيهات عحبوه الوليدات وخاصة البنية طبق الاصل على ماماها وهما جماعين الحاج عيسى جاه اتصال من ولدو منصيف لي حطو في الباب ووصاه غ يجي بكر يعلمو….دخل بكر الاستقبال تحت عيون ولفت الانضار لصبيات جميلات يعملن بقسم الارشاد وحت سجل الحاسوب سول على شهلة وبلا مايكمل الاسم رافقتو وحدة من البنات بلباس سماوي وصندالة بيضة حت لغرفة رقم 107 دقات طلات براسها وقالت
_ هاهي الماما الزوينة مبروك عليها حرك راسو بدون تعبير ولا تغير في الملامح .. كانت مزال ناعسة ماشافش جيهتها بسرعة عينيه قلبو على الكونات فين كاينن ولادو وبخطا تابة قرب عندهم وكانو تلاتة ناعسين حدا بعضياتهم مغمضين عويناتهم صغيورين بزاف بزاف جوج بلباس ازرق سماوي والبنيتة بزهري فاتح ..الوليدات جامعين اديهم مكمشين والبنيتة مفرقاهم وحدة على عينيها ولخرى مليوحة عند خوها ..بقا تيشوف فيهم حت ابتاسم لا طلقائي ومد صبعو تيقيس خد كل واحد فيهم غ قاسهم وتحركو فامهم بتلاتة تيخرجو في لسانهم بشوية والبيوضة دايرة بالقنينفات مع شقيقات صغار وارمين ..مقلوبين بنعاس حت هما غ رضعوهم الممرضات بحليب اسطناعي ونعسو بحال مهم … حلات عينيها مصدعة في راسها تتقلب على راحتو تتدور فيه وسط المخدة..بغات ترجع تنعس حت تيبان ليها من فتحات صغيرة بين جفونها كملات الدورة براسها جيهتو حت تاكدت منو وهي تحل عينيها بالكامل حس بيها فاقت وبقا عاطيها بالظهر تيلعب في خدود وليداتو بضهر صبعو حت سمع سميتو بصوت باح وخافت
_ بكر
.. كانه ماسمعش صوتها وبقا محافظ على وقفتو تيشوف في الوليدات وتيختار اسماء لي تجي معاهم بتلاتة تيردد في نفسو ويتمتم بهمس شديد : كريم وحكيم وبسمة . زياد اياد وصال محمد احمد هند ..عجبو ملمس خودوهم وبكل حب تيمرر صباعو . شد في ايد البنيتة كانو ضفارها كبر من ديول خوتها بصبعو تيتحسس فيهم : جورية بقا تيشوف في البنت ويردد جورية .. تنهيدة مسموعة من عند شهلة خلاتو يحبس تمتمة وصوت باكي نطقت
_ بكر …شاف فيها بنص عين شاف غي نيفوو طرف السرير فقط..شهقت وتحركت جنجرتها مادة ايدها ليه والخيوطة ديال السيروم مهزوزين معاها دموعها هابطين مع خدودها حت وصلو لشفايفها وداقت ملوحتهم. ..تمنات يكون معاها في هاد الفترة خاصة انه في اعتبارها هو صديقها الوحيد تمنات يكون داعم ليها وفي نفس الوقت بغات تعرف شنو مصير هاد الولاد خافت مايجيش ليهم ويبقاو عندها ..الخوف خلاها تمرض اكتر وخاصة عندها تلاتة ماهو واحد تخليه لماماها ماهما جوج تخليه مع باباها تلاتة زينة ديال دراري داكشي لي ناقصها وخافت حت يكون هو تراجع في كلامو فاش سمع تلاتة تلاتة كتار بزاف شكون يحط عقلو وجهدو مع تلات وليدات ..فكرت فكرت وكانت ديما تتقول بكر هو الحل وكل ما زاد وزنهم في كرشها كل مازاد كرها ليهم كل ماتحركو وعدبوها تزيد تكره وتسخط على شكون جابها لمغرب ورماها هاد الرمية كانت شابة جميلة مليئة بالحيوية حت ولات عاجزة حسات بالعجز والهلع وخافت تبقا في هاد المصحة طول حياتها مع وليدات ماعرفاتش انه غ تولدهم غادي تيرفع هاد الالم والمعانات … كرهتهم لدرجة غمضت عينيها عليهم فاش بغاو يجيبوهم ليها ويكملو تصوير وهي تستقبلهم بالقبل والعناق… مابغاتهمش وكرهمتم وكرهت معاناتها معاهم وبغات تشوف بكر بكر لي عتابرتو حالة استتنائية وسط هاد الكابوس لي حطها فيه باباها اكتر حاجة تمنات تحضر معاها في ضفعها هدا هو بكر تفكرت ايام كانت تجيها السخانة ويبقا مقابلها حت تنزل وتمنات نفس الشي ولكن طيفو ماكانش وخيالو مابانش حت من ريحتو كانت تتحاول تتلقى شي طبيب او ممرض داير بحالها وتسولو واش تيعرف بكر يمشي يكلمو ليها …
_ بكر جيتي علاش غبتي بزاف . كلامها مامسموعش عندو وخا تقول ليه بكر راه تنموت ..عاطيها بالضهر جامد تابت فقط اديه لي تيلعبو بخدودو ولادو ..ساد السمط رجعت ايدها مسحت دموعها بتتاقل .. هازة عينيها فيه حت قال بدون الالتفات
_ شنو غدا ديري مع الدراري…ماجوبتش ..حرك راسو اخيرا لجنب ونص عينو تتشوف فيها..باهتة ضعيفة لا حياة فيها .صدرها تيطلع ويهبط بسرعة كانها بغات استراحة قليلة من بكاءها ..في هاد الاستراحة تكا وباس راس بنتو وولادو بجوج شافتو تيقبلهم وقالت
_ خودهم معاك ..كرز على سنيه وتغيرت ملامحو رافة بحال هاد الوليدات ماعندهم دنب في حت حاجة… وقف بغا يدور يخرج حت دخلوو عندها الممرضات مع المصورة في اديها كاميرة وفي كلامهم ظحكات لقاو ااسلام .مشات اابنت لي في اديها كاميرا قالت
_ بقات لينا لقطة وحدة ونساليو الفديو ياك؟ يا اجمل ام ؟ ..بخفوت وطلوع ااصوت ونزلو قالت
_ وخا..
_ غادي نصوروك ونت تترضعي وليداتك بجوج وخلي البنت هي لاخرى ولا هي لولا لي بغيتي؟ …دور بكر عند ولادو وقال
_ علاش تتصوروهم شنو كاين
_ الايدارة عملت فلم مع السيدة مدة شهر وبقات لينا غ هاد القطات …ربع اديه وقال
_ وهاد الفلم عندمن غادي يبقا عند الايدارة نيت؟؟
_ لا عند السيدة المعنية بالامر الى بقا غادي يبقا فقط فديوات قصار وبعض الصور .. هي تتهضر معاه وتتجهز في شهلة والكاميرا اصلا ماتتعرفوش شكون هو ماعندوش الحق يعتارض فقط سول من باب الفضول على ولادو ….هز تلغونو تيحرك فيه قادوها الممرضات وحطو ليها وليداتها بجوج باغين يرضعو وههي هازا راسها عليهم تتشوف في السقف حت قالت ليها البنت تشوف فيهم وهما تيرضعو ..حركت عينيها مع التقاط الصور والتسجيل وبدات دور في عينيها فيهم بجوج واش تيتشابهو ..سالاو من الدراري وجابو ليها البنت وقالو ليهت توقف شوية باش تشدها عندها بين اديها عملت لي قالو ليها وهي تتشوف فيها ابتسمت وقالت:
_ هادي زوينة على البقية .. ظحكو البنات معاها وقالو
_ تتشبه لك.. هزات عينيها في بكر لقاتو تيشوف في دراري ويتمتم في نفسو: حليم وكريم ودار عند البنيتة لي حطوها في صدر شهلة بدات تقلب ترضع غ بوحدها وتحرك بصباع اديها المفرقين .وبدات ترضع كتر من خوتها الي غ حطو ليهم فامهم باش صوروهم ويهزوهم ..شاف فيها فقط بلا مايهز عينو في شهلة وقال
_ حنين تلاها مع حركات افواهم لي تتقلب على الحليب حت سلاو التصوير ورجعو البنت لبلاصتها وهو يحرك الكونة لي فيها ضريرجات وخرجهم معاه
قبل مايسد وراه الباب سمع سميتو بصوتها وقف وماتلفتش ..
_ شكرا..
خلاه محلول ومشا لعند الايدارة يسول واش خاصهم يبقاو في المصحة ولا يخرجو واش بخير وعلى خير ..دافع الكونة قدامو وداخل عند الطبيب ..كل مافي المصحة من مريضة تتوجع وطل من باب بيتها نسات وجعها او ممرضة او مساعدة او طبيبة وقف للحظة وبقاو تسمعو الحيحة لي نضات بين الحاج وبكر فاش قال ليه الطبيب الوليدات بخير وعلى خير يمكن ليك تتخرجهم من دابا غ هي السيدة خاصها واحد الاسبوع وحت الرضاعة الطبعيية ماتقدرش عليها للانه عندها تلاتة من الافضل يتعلمو البيبرو والحليب الاسطناعي .. فخلص واجبات الولادة من الاف الياء وسينا على خروجهم حت تيطلاقا ليه الحاج بوشة عند الباب ..بسلهامو البني وجلابة موسليم في الزرق مع گاندورةفي البيض وبلغة في البيض …رجل دو وقار واحترام في هياته وكلامه لكن اليوم غادي يخرج على صفاته ويزيد يخرج مع بكر العيب فاش يقول ليه :
_نت ماكنتيش هازهم في كرشك باش تجي ديهم باردين حط الدراري ولا ماغدي يعجبك حال…دخل الحاج عيسى بناتهم محاول تهدئة الوضع شاد في الحاج من درراعو وموجه كلامو لولدو
_ فين غادي بالدراري واش نت شوية لباس راه بنادم هدوك من لحم ودم ت اش تتخربق اوليدي رجع لوليدات لمهم… ساكت بكر لا كلمة ولا جوج فقط تيشوف في الكونة وتلات ملايكة ماعرفين والو في هاد الدنيا…هلكو مصيرهم غادي يترباو بلا ام وبلا حليب زادو كملو عليه هاد جوج لي ماعرفين والو .. نطق الحاج بوشتة بغضب
_ نهار لي عرفتي بنتي عقلها طايش جيبها ليا ..تلفت لصديقو وكمل كلامو: قلتها ليك افلان ولا ماقلتهاش ليك قلتي ليا خليها ضبر راسها معاه ياك اسي عيسى ودابا ملي ولدت ترمى ليا بلا صحة بلا ولاد ا تبغيها لبنتك قول … شاد المسكين في الكونة البنية الون بجوج ادين ..
_لا اسي بوشتة مارمها ماخلاها المشكيل غا يتفك اليوم واليلة يباتو الدراري مع مهم ومع باهم صافي ماتعاود غ الصلا على النبي الله يهديك اوليدي الله يهديك..زفر بكر وتنهد حت هز جبل على كتفو ورماه وشاف بغيض وكره في الحاج بوشتة وعلى طرف لسانو يرمي لجميع علاش خلاها ولكن كبرياؤو ماخلاهش ينطق بحت كلمة فقط تلميحات منو لنسيبو
_ اسمع اسي الحاج لا نت ولا الوليد بجوج انا ولادي مانخليهمش ليها بغات تبعهم راه الدار تتعرفها هي دخل ليها مع ولادها ونا نخرج وحت حاجة ماتخصهم ولاكن اسي بوشتة نت عااااارف غ بغيتي تعاما وصافي …
_ ماعرف والو في هاد الساع لي عارفو ان الدراري ولاد بنتي مايگلعهمش ليها شي واحد ولا بغيتي نت ولادك تبعهم لبرتقيز وفوتو ليه انا مع بنتي فينما مشات وولادها معاها….الكل يشاهد مسرحية ستائرها من نار وخشبتها احجار ..دموع وخوف وكبرباء وخسارة للإحد وربح لااخر واي ربح هدا وبيت تصدع له جدع ….سرط بكر ريقو مقشر زاوية فمو وقال
_ بنتك الحاج قالت ليا خود ولادك فيها شي حاجة لاديتهم ..تيشوف فيه بعتاب وقهر :ولا نقول ليها حت انا مابغيتهمش ونخلوهم هنا ونزيدو الله يرحم ليك الوليدن الصبر لي بقا ليا منك ومنها بغيت نعطيه لهاد دراري.. تلجم لسان الحاج وراه اليكسي تتبكي وقالت بالانجليزيا
_ يخلي ليا واحد ولا جوج ..غمض عينيه الحاج وقال
_ ماديهمش كاملين خللي لليا واحد ولا جوج دي الولاد وخلي ليا البنت قهقه بكر بسخرية وقال:
هاز سلة ديال البيض تنفرق فيه هاك نت شد نت اااا .. شاف فيه وكان غادي يخرج فيه كرات عينه وقال: ملي عارف بنتك ماشي ديال زواج وبرهوووووشة صغيرة طايشة لاش لصقتوها فيا دورو عينيه عند باه و. شاف في الام ديالو وقال: سيري لطموبيل باش لبكاو تعرفي علاش . خرجت الالة خدوج والدموع في عينها لي طابو بالمسيح وتبعها ولادو قدامو…كان ليل طاح ووضواو مدينة الرباط في اجمل حلة تكا جر عليهم المانطة حت غطا ليهم واجهم تحل الباب الزجاجي وخرج بيهم هما ساكتين ناعسين وهو قلبو بركان لاول مرة يكون ضعيف لاول مرة يكون مهزوم وخا خارج بانتصار حس براسو باغي يبكي لحالهم وباغي يحط راسو على مو لي رباتو وخافت عليه كتر من باه وشاف خوفها على خوتو و حزنها لحزنهم وفرحها لفرحهم شعلات في قبلو ضغينة ليرماتهم بلا شفقة بلا قلب وبلا رحمة زاد كره طريقها وطريق ولديها …كانت الالة خدوج في طموبيل لقدام
_ نزلي الوليدة رجعي لور نشوفو كيفاش نهزهم رجعات لور ومد ليها واحد وهي تتردد بسم بسم بسم
_ خاص نفرش ليهم شي حاجة تما ياك الوليدة ..حيدات وشاح غليض من على كتافها وحطتو قداتو وحطت فيه لول والتاني والتالت وكلاتهم بايدها وقالت
_ يله غ سير بشوية بشوية عليك اوليدي…خرج الحاج عيسى قبل مايديماري بكر وطلع حدا لالة خدوج تيطل عليهم كيفاش دايرين ليهم وقال
_ بلتي ندخل نجيب مانطة ولا جوج من عندهم ونهز واحد وراه منصيف يشد في ايدو واحد بسرعة دخل طلب لبغا وخرج بجوج منطات صغار طلع منصيف لقدام عطاوه كريم والاب حليم ولالة خدوج شدات حنين ..
_ اوى شفتي هاني فكرت ليهم هه تيضحك الحاج ملطف الجو غ شديتي ولادك باغي تهرب بيهم هدا لي ماتيحمل دراري ماتيقبلهم …حرك بكر طموبيل ولالة خدوج تتصلي على النبي وتقرا القران حت وصلو العمارة ودخلو بطموليل الكراج ..طلعو في لاسانسور كل واحد هاز تربية في ايدو الا بكر لي تيطل عليهم ويبعد عليهم المانطات باش مايتخنقوش …
بوجه عبوس دخلو عندها على بالهم غادي يلقاوها في حمام ديال البكاء حالهم الاتنين لا يسر عدو ولا حبيب ..لا تفكير بقا ليهم ولا يزيدو حزن على حزن يكيفيهم الي واجهوه هاد العمين ..حت تيتصدمو بالبنت جالسة الارض وشهيتها محلولة على الاكل وبلاطو قدو قد السخط عند رجليها فيه المشاوي والحلويات ولي صلاد وعصير الرمان والخوخ مع حلو الباب هزت عينيها فيهم وفمها عامر واديها فيهم طرف ديال دجاج كينتاكي …شاف الحاج في مرتو لي لخرى بدورها شافت فيه مسعوقة ..ظحكات معاهم وكملت ماكلتها تاكل وتسوط حت خلات غ لعضيمات والاليمميوم حت لعضومة كل ساع ترجع تزهم وتشوف فيهم خت قال ليها باباها نجيب ليك شي حاجة اخرة.. غمضت عين وحلت عين تتفكر ولي محلولة تتدور في السما وقالت
_ يس شكلا شكلا شكلا ..دار الحاج خرج قربات ليها اليكسي حيدت البلاطو حطتو فوق طبيلة لمفروض تاكل فوقها لكن بغات تاكل وهي قبالتها كلشي.. عطاتها تمسح بكلينيكس فازك وقالت:
_ مرتاحة؟؟ ..اوماات براسها وقالت
_ فين تلفوني ؟؟
_ . مشات جابتو ليها من لبلاكار شعلتو وتكات تتفرج مدت اليكسي ايدها لشعر بنتها تتزيح ليها بعض الخصلات من وجها وقالت:
_ عجبوك توائم زوينين؟
_ ماعندهم حت ملامح كرات من لحم طري وسعات اليكسي عينيها فيها تلفتت ليها شهلة و ضحكت
_ الفتاة ربما تصبح جميلة يوما ما…تعقدو حواجب اليكسي وتمتمت بخفوت
_ ماغاديش يبقاو فيك وهما صغار بزاف وعطيتيهم لداك الرجل ؟
_ لا ..هزات كتافها : بغاهم ياخدهم ..
_ ليلي مستحيل
_ ااااااه توحشت نسمع ليلي من صديقاتي امتى نمشو لسويد…ماجوباتهاش ماماها وحطت راسها على ركابي بنتها تتبكي وتشهق حت دخل الحاج بكمية كبيرة ديال الشكلاط . شدتو من عندو وتتخشي في فمها ..بلطف هز لمرتو راسها ودوهرها عندو وقال
_ اليكسي مالك؟؟
_ بغيت الاطفال مابغيتش نبعد عليهم..شافت فيهم شهلة مع تقويسة لزواية فمها وقالت
_ ماما ماكينش اطفال ماجبتش معايا اطفال ماغاداش ندي معايا اطفال ولغدا تبكي حدى راسي خرجييييييييييييي.. . لزمو الصمت بجوج ماعرفينش كيفاش يتعاملو معاها وخاصة هي مزال صحتها قليلة وضعفها باين على وجها واديها غ لكرش لباقا قد الرويضة ..عبست وجها وجمعت حجبانها : ماعنديش اطفال..شارت لباب : هدوك ماشي دياولي انا فقط الة تصنعو فيها الوقت لي انافصلو مني بااااح مابغيتهووووهمش …..
اسبوع ورا اسبوع توالت الايام وخرجات شهلة بنفسية جديدة وصحة جديدة من مصحة كانها كانت غ مخيمة تما خارجة بوحدها فقط وراها الام ديالها اما الحاج مشا تبع ولاد بنتو لدار سي عيسى وحضر لدابيح لي تعملت ليهم مستحيل يفرقهم خاصة انه غادي يخليهم بكر مع ولديه حت تكمل الدار في البناء اول ماخرجت مع الباب وفي اديها ساك صغير مكروازي على كتافها فيه وراقها وباسبورها ووراق الطيارة ..شدات طاكسي لمطار وجلست فيه وماماها وراها تابعها وتغوت مزال لينا احداعشر ساعة على الاقل نجيبو حوايجنا من الدار ولاخرى غ تتحرك في راسها بلا وكتافها شافت اليكسي حت عيات خلاتها جالسة تسنى في طيارتها ومشات جابت لي فاليز وجلست حداها تتفكر المسكينة في ولدها وراجلها ولكن بنتها مزال خاصها بزاف ديال الوقت باش ترجع لطبيعتها ولصحتها فقرر الحاج من بعد ماتغلب على امرو يسفطها معاها حت تشوف اخرتها فين توصلها وبقا هو مع دانيال وولاد بنتو لي دخل لبكر مع العضام وبدل سمية البنيتة من حنين لجوزال الاسم لكانت ختارت اليكسي فتسجلت باسم جوزال ولكن اغلبية تيعط عليها حنين الا هو ودانيال وقال ليهم نهار تكبر تختار سمية لبغات الظاهر ان عناد شهلة خدات نصو منو وخلات ليه النص تيمشي بيه مع الناس حقيقة صدق الحاج بوشتة صعب من بنتو وفرض على بكر يتخصص ليه جناح في دارو يسكن فيها هو ودانيال ويكون قريب من حفايدو ولي بغا يطرطق يطرق غ يكون بعيد عليه كيف تايقول ماقتلنيش طونسيو لي مرة طالع مرة هبط نقتل الملل ونعيش مع ولاد بنتي حت لنهار تبغي تشوفهم تلقى سميتها بين ضراسهم وتصويرتها بين عينيهم …
وجاء الفرج وركبات شهلة طيارتها مودعة المغرب وناسو وحت دكرياتو ..
راجع باسى وخدلان جسمو ماقدرش يهزو ولا يهز الهم لي في قلبو …بخطوتات تقال وادين مدلين ومحياه عامر حزن دموعو مخبين ..عينو فيها الم شديد شديد تيمررهم لخيلو ولكن بدون شعور … حت تتفيقو من غفوتو المريضة مشهد تخطف ليه القلب ورجعت شوفتو ضباب .. شدى وروز طايحين الارض ولسانهم مدلي وعينيه خارجين… بالخف حل الكرياج ودخل تيقلب فيهم واقف على ركبيه واديه تيقلبو في عينيهم كان خاصو فقط هاد المصاب وينهار …طاحو دموعو ولسانو نطق بصراخ …عينيه مكمشين باكين وسنانو االبضين شادين فيي بعضياتهم ….تسمع صراخ عند العمال وجاو تيجرو لقاو بكر معنق شدى وروز لي ميتين ورجليه مسرحين في الارض… حبو للخيل فاق حبو لاي كائن اخر حت فراق شهلة ماطيحش ليه ماء عينيه .. حزين مصابه كبير ..ولكن كان غادي يصبر ومع الوقت يسنى اما شوفتو لخيل وهي ميتة قدامو ماتتخليش فيه درة صبر دائما بكر بكاء خيوله ..موتو احدهم يصيبه بالحمى والهديان لاسابيع عدة لكن هده المرة اصابه جنون حقا .كل الاحتمالات واردة من الدي استتنى بقية الخيول واختار فقط فرس وابنتها حقا انها هي صاحبة القلب الميت وسميمة الفؤاد ….. وهو تيحفر بيهم باش يدفنهم وقلبو تيستشوى عليهم وعقلو خدام ماغاديش يدوزها ليها وغادي دوق عداب وسكرات موتهم الشنيع…. تهزت العودة وبنتها بطراكس وتحطت في الحفرة وتلاح عليها التراب وكل ددرة تحطت عليهم ودرقت ليهم جسمهم وووجهم كل ما جمرة شعلت حقد وكره لشادية لتوعد ليها باشد العداب …..رجع عند هنية تيسول شكون دخل لفيرمة في غيابو
_ ديك المراة اوليدي لي جات هي ولدها هي نيت لرجعت تتتسول على خدمة قلت ليها ابتي مانقد ندخلك والمقدم عندو سبوع ليوم ماكين كيف دنير نعلمو … ..زادو تقوسو حجبانو …وقال
_ الشيطانة داخلة عندي لهنا ونا ماعارفش .مايمكنش…
شكون اولدي راه ماقشعت ليه والو علامن داوي… دخل المعطي من وراه هاز في ايدو فاس ومجرفة دار عندو بكر بوجه اسود وعيون فيها غيض وقهر وقال بصوت ينم عن غضب شديد
_ بنت السباعي داخلة وخارجة عندي المعطي .. تصدم المسكين وهو فاش تيتصدم تيحل فمو بحاال اابوهالي
_اااااااا
_ ااااااا ..بنفس النبرة رد كلمتو: اااااا اهز ايدو لسما : بالرب حت نشرب مها السم
_ لواه اوليدي لا تحلفش العار اوليدي مزال جرحك جديد ماتقولش وماديرش لي وندم عليها
_هنية نت سكتي وتفرجي…رجع خرج بخطا سراع حواجيو عامرين تراب تيعاون البناية في دارو باغي يجيب ولادو عندو ..اسبوع وهما العمال خدامين ليل ونهار خمسون شخص خمسون بناء كنمل فوق الارض ماتيتنفسوش في خدمتهم دارو الاولى كانت متل المتحف..وماحنش فيها هدمها بسواريها وطلع حيوط جداد وبدل تصميم كامل حت الحجر لي كان في الول ماشي هو لي تخدم بيه التانية على الحيوط وكبر البيبان . ودخول شادية بلا عملو خلاه يفكر عوض باب يدير عشرة …جلس مقابل مع مهندس البناء لي ماخلاش ليه بكر الوقت فين يفكر عطاه تصميم رائع تيليق باسم مقدم السربة فارس وخيال واكتر من هدا سيد زمانه . اول ماتسمع عند العائلة مرات المقدم مابغاتش العروبية ومشات خلاتو ..تهاتفو عليه كبار العائلات وجاو يباركو ليه الزيدة ويخيروه بين بناتهم تعرض عليه تلات خطبات تلات عائلات كل كبيرهم تيقول لمقدم ديالنا. حت داعت الخبار في القبايل بين شيوخ وكبار التبوريدة وكل ساع جاي واحد عندو الفيرمة وليشافو تيبني يعطيه اقتارح .. ولكن تسابق اصحاب عروض الزواج لبكر خلاه.. يفكر في بناءها كاحد الماتر العمرانية المغربية القديمة بلسمة عصرية ولي جا ودخل لدارو يحشم يهضر قدامو ولا يفاتحو في موضوع جلس مع راسو وصمم اجمل منزل يمكن ليك تشوفو لاهو قصر لاهو قلعة منزل كبير لي شافو من بعيد يتمنى يدخل ليه… واجهاتو من حجر الگرانیت الزجاجية والارضية بالاحجار الرميلة مع اعمدة دايرة بكل زوايا المنزل مع اقواس ملمسها رخامي عالية ومقببة كاحد المساجد الي تبانو في عهد الادارسة او السعدين..بلمسة صانع ومهندس مغربي يتغنى رصيده المعرفي باجمل الماتر العمرانية العتيقة ..فلا يليق بكر الا منزل كهدا يمدح تراؤه وفخامته ومدى عراقة افكاره ورقيه مزال خاصو بزاف ديال الوقت باش يكمل كامل لكن فضل جزء منو او جنح يتبنا هو الول يجيب ليه ولادو ومن بعد يكملو لانه التصميم لي عطاهم فيه ستة شهر ديال الخدمة ولا تمنية حت الزاج لي خاصو يتركب السراجم خاصو يتصايب على طولهم وعرضم بزاف ديال الخدمة في هاد الدار والوقت والصبر مابقاش عند بكر داكشي علاش هاز الفاس والبالة مع البناية ولي معجبتوش يعرنن عليها هو اش خاسر بدلها ولوح عليا الزمر …..
جلس مقابل معاهم من بعيد وفي ايدو تلفونو تيحركو بين صباعو ححبانو معقودين..وورقة من شجر الزيتزن تيحركها بين شفايفو . ركب رقم ماعمرو فكر يرجع يهضر فيه حطو على ودنو وجلس يسمع طنين الهاتف لطرف التاني
جاوب الطرف وهو غير مصدق ان رقم بكر ممكن يرجع بشوفو في تلفونو مستحيل حطات اديها على فمها مخلوعة وفي نفس الوقت باغا تسمع صوتو ولكن الخوف سيطر قبل ماتجاوب رددت كلمات مسموعة
_ شنو زعمة يعرفني انا لي قتلتهم …لا مابمكنش حت واحد ماشافني حت هو عمرو شافني تما لا ياربي زعمة يكون شاك فيا وباغي يسولني . تلفون في ايدها تيصوني يقطع ويرجع يصوني وهي تتسول في عقلها المريض
_ زعمة يكون عرف انا هي مولات الفعلة ..هزات كتافها بلا مبالات: ويعرف هء غادي يقول قتلاتهم مابغاتش شي واحد ياخدهم منها …باش غادي يشك اصلا ابتسامت وضحكو عينيها ..اهم من عتابو ليها انها تسمع صوتو. ….قطع ورجع يصوني وهو عاض في سنانو حت تحل الخط وقالت
_ الو ..تتحاول تقاد صوتها وتلحنو. وتحلونو .. طلع زاوية فمو كاره يسمع ليها ..بعد التلفون منو ودفل في الارض بحقد حت رجعت تتقول
_ اااالو… تتغمز في نفسها وبغات تبين ليه انا ماعقلاش على نمرتو وهي حافضاها بصم : ااالو شكون معايا؟؟؟
_ شادية لباس عليك معاك ابو بكر المقدم ماعقلتيش على نمرتي ولا شنو ..؟؟ مطلع عينيه لسما وكل ساع يبعد تلفون ويدفل في الارض ماحملش يسمع صوتها
_ الله اكبر ماميمكنش غ شي احد باغي يتفلى عليا
_ لا لا ماكاين بو تفلية معاك هو شنو زعمة ماعقتليش على صوتي ولا شنو دغيا نستيه؟ جامع حواجبو لسما وسنين مدابزين مع بعضياتهم ..ظحكت بغنج وعجبتها هضرتو
_ اوى غ لمابغينا نساوه وصافي شنو نبقاو نتفكرو فيك على الخوا الخاوي
_ اوى نت لي زربتي وصافي بينتي عيبك دغيا ..ماكرهش يضرب تلفونو مع الارض وطيح منو ويتشت لمها الراس ..
_ اوى نت ماصدقتيش قلتي كلمة ورجعتي فيها شكون لي بين عيبو لول انا ولا نت لي مشيتي تزوجي…
_ اوى غ ماكتيب وصافي يمكن وصلاتك شي حاجة ..ظحكات
_ اكيد خبارك كلها عندي ا اا عند الوليد زعمة
_ بحال بحال كيف عندو كيف عندك
_ اوى شنو مشات ليك المراة بغيتي دير وحدة اخرى ولا شنو
_ ضروري علاش لا غادي نجلس بلاش تتعرفي الرجال وسوقهم
[ ] _ بصح اوى شنو زعمة هاد الاتصال ديال الغير لعادي نعتابروه تكميلة لكلامك لي كان قبل ولا شنو.. تضحك في سرها وتتدور في البيت واديها في شعرها وكل ساع تجبد كمشة تلوحها في الارض الضاهر سمها وصل لفروتها وحصد خلاصتو وماغادي يدور عليه ااعام خت يبصح حجرة صمة مافيه حت زغبة … غمض عين بكره وقيء ولكن حافظ على نبرة صوتو الهادئة
_ لا لكانت شي حاجة غدا تكون عندها هضرة جديدة…
_ امممم زعمة نتسنا منك شي حاجة اخرى ولا شنو؟
_ وااا ماقلنا والو هاد الساع
_ وساعة اخرى؟؟؟ غادي يلوح تلفون مافيها شك
_ يحن الله
. ظحكات في ودنو وهو يبعدو حت سمع
الو الو بكر فين مشيتي؟ …
_ شادية بغيت نقول ليك عظم الله اجرك في شدى وبنتها لقيتهم ميتين لبارح.. اسطانعت الحزن وغيرت نبرة صوتها وبكاتو بلا دموع حت لعنها في سرو وكرز على سنيه وحلفها فيها خلاها حت سلات شهقتها المكدوبة وقال
_ اوى ماصبرتش على فراقك وهادشي لكان تيقولوها العود المليح يموت على مولاه قبل عامو في دار شريه
_ الله يرحمها.. خرج عينيه مستغرب من كلمتها وضحك بصمت على الحماق لي معشس ليها في دماغها
_ هي ماادرية حت دنب باش تقلب على الرحمة من الله بالعكس كان رحيم معاها وماخلاهاش تعدب كتر …سكت كانت ناوية تزيد تهضر وعارفها غادي اتاصل بيه من بعد هاد المكالمة يله بغات تقول
_ اه ف ..وهو يقطع عليها . شاف في العداد لقاه عشرة دقايق وهو ليعنها فيها كل تانية
حطات رجلها في مطار سويد ومشات تتجري ودور وهزا اديها لسما وتقووول
حريااااااا حرياااا اووووووو …تكات بركابيها بحال لاعب الكرة فرحا بتسيجل هدف الحسم وربح المباراة هزات تراب باستو وقالت ايلافيوووووووووو ماي لاندland ايلافيووو سويد شافوها الناس وصوروها فديوات لحبها لوطنها وتلاح في المواقع التواصل ونتاشر كنار على الهشيم مشاو عندها الصحافة فن وعملو معاها لقاءات بزاف .خدا ليها وقتها من نهار جات واستضفوها في بنرنامج مشهور على التلفاز باش يصورو معها بكل فرح قبلات .. ومشات لتلفزا بكل جمال وكل حب لابسة سروال دجين باهت فيه تقاطع من عند ركابي وتيشروت مجعد هابط على الكتف بالون الاصفر وبعض الاحرف متناترة باللون البني قليل من المكياج وسنسلة في العنق لي هداها ليها بكر تتلمع كل ماحركت رقبتها مع حلقات جميلة بنفس شكل لعمارة ديال السنلة ديل قرش .. المديع تيسولها هي فرحانة برجوعها لسويد وانها من نهار جات مانعستش تتسارا في كل بلاصة توحشتها حت سولها سؤال خلاها ترجع البسمة بعرض بطيء وقالت تتعاود جملتو
_ شنو غدا نفتاقد في المغرب امم رجل ..قالتها وضحك المديع وقال باندهاش
_ حب !!!
ضحكات بشكل عجيب بانت على عينيها بقات ساطتة تتشوف فيه وفي الجمهور واليكسي تتضحك معاها .رجع تيتمازح معاها بكلماات
وقال:
_ نضرة حب وضحكة حب فاش قلتي غدا توحشي رجل ادن حبيب ؟؟
_ لا نقولو عليه صديق حبيب
_ اختاري كلمة صديق ام حبيب؟؟
ابنتاسمت بحب وقالت :
_ ربما احببته صدقا في داك البلد لكن للأسف هو مايمكنش ليه يجي عندي وانا مايمكنش نمشي عندو
_ ادن حبيب..!!!
_ يس ولكن بيناتنا فوارق ومحيطات واهم شيء الدين …سولها بتعجب وجاوبت
_ اول حاجة خلاتني نهرب منو وهو ديني انا مسيحية وهو مسلم ومكانش عارف
_ لا !!؟؟ المسلمين متشددين لدينهم دار عند الجمهور تيسول ورجع عندها باش ياخد الجواب
_ لا بل محبين لدينهم يمارسون طقوسه بحب للإلهاهم وهدا اعظم شيء التمسته من خلال الفترة لي عشتها معهم
_ مالافضل دينك ام دينو؟
_ لا اعلم حقا ولكن دينو هو دين مريح
_ كيف ؟؟؟
_ عند طلبك السماح من الاله لا تحاتج لرفيق او وسيط قد تشعر بالخجل امامه ودائما العفو وطلبه يرافقه الخجل
_حقا . رجعت كملات كلامها
_لكن حينما تطلب الغفران والعفو من إله ولا يسمعك احد او يتوسط لك ..ودون ان تراه تشعر بالراحة ويجعلك واقفا امام متى شئت و كيفما شئت دون ان يقول لك شيء لكنك تشعر بالسكينة
_ مالدي جعلك تصلين لهده الملاحظة
_ كنت اراقب داك الشخص كيف يزاول عبوديته قبل ان صلي وبعدها وكنت ارا ملامحه تتغير بشكل فضيع من حزن او ياس الى راحة وسلم مرات حينما كان يعاتبني على شيء وتصبح عيناه هكدا…جمعت حواجبها بغضب ..ضحكت المديع : كنت اقول في نفسي ياليته يدهب ليصلي صلاته وفعلا كان يدهب ويعود بشعور مغاير
_ جميل مااسم هدا الرجل….ابتسمت بحب وقاالت اسمهم بحب اول مرة تنطقها من بعد ربع شهر باش جات
_: بكر … تعجب المديع من اسمه وحاول ينطقو لكن تعكل وهي صححت ليه.بتهجي
_ ب ك ر …ردد وراها اسمو وقال
_ يس ب كر جميل هل هو وسيم ؟
_ اجل
_ عربي جميل ؟
_ اجل
_ الرجال العرب عرفو بالقوة والدكاء هل ب كر قوي ودكي…ضحكت بقهقهة وقالت
_ اجل..
_ لمادا تركتي بكر؟
_ حبي لوطني ….صفق الجمهور وتحطات ليها الكميرة على وجها ولكنها شعرت بحزن وضيق اسمه الدي اخد حيزا في النقاش اعادا صورته الى داكرتها واحست انها اشتاقت له … طاحت دمعة بانت على الكاميرة مع ضحكة جعلتها في منتهى الروعة انتابه لها العالم وسالها المديع
_ هل دمعة حب لوطنك ام اشتياق رجل عربي
_ الوطن انا الان فيه وضممته ولكن دمعتي فيهي اشتياق .. تعتلات تصفيقات الجمهور وخداو بريك مشات عند ماماها بدموع عنقاتها وقالت وهي وسط احضانها استقت لبكر ..مسحت ليها الدموع تتقاد ليها عينيها لي تخرمج ليهم كحلهم ورجعو عيطو عليها ..
#يتبع
شاركنا رأيك في هذا الفصل 🌹