🔥الموسم الثاني : كافيين🔥
– وقف جنيد جامد فبلاصتو ، دازت الطوموبيل طايرة وهو معرف واش يمشي ولا يبقى واقف ولا شنو يدير ، مرجعات فيه الروح وحس بشي حد كب عليه سطل ديال الما بارد ، حتى بانت ليك ݣالسة قفازي ، وقفات كتعاير فداك لي سايݣ … ماعندهاش سوق فيه ولا فالإحساس لي عاشو مايبغيهش لعدوه .
– شامة (كتعاير) : يا ولد لحرام ، ماعرفتش شكون كيعطيكم الپيرمي عند بالكم مالكين الشارع ديال باكم الكيدار ، تفو … ضارت عندو هازة عينيها فيه ، كيبان ليها واقف مبلوكي وجهو صفر ، كسوتها تقطعات من واحد الجنب وكلها توسخات ، كتبان ليه غير هي مابانتش ليه داكشي لي هازة ولي بمسبتها كانت غادي تكون داما ميتة .
– قطعات الشانطي مخلية سندالتها مليوحة .
– شامة (بدون وعي) : شفتي على حمار على ضوية كان غادي يضربها ، شوف شحال زوينة كتحمق ( كانت هازة فيديها قطة فالݣري فيها خطوط فالكحل ، زوينة ومتميزة بحرف M على جبهتها .
– شامة : على شو(ماحسات براسها حتى تجبدات وتضربات مع صدرو ، مع هزات فيه راسها نزل على شفايفها ، كيبوس فيها ، غاص معاها فقبلة كلها عتاب خوف ، فيها أحاسيس مخلطة ) كيروي العطش ديالو لي فتاقدو فاش مشا باش ينسى وليوم فاش شافها بهاد الشكل رجع ليه كولشي ، ماعرفش باس كيحس صراع داخلي فشكل ، مايمكنش يكون حب هذا ، بين ليلة ونهار مايمكنش يكون قلبو تفتح من جديد ، ماقدرش يطلق منها كيشد فشفايفها الفوقانيين ويروي عطشو من التحتانيين … تراجع بشوية كيشوف ليها فعينيها ، رجعو الملامح ديالو للبرود .
– جنيد (مزال شادها كيهضر وهو معصب) : واس انت ماعند جدك العقل ، واش باغية تصعريني ولا مال جد بوك الكلب فهاد النهار ، واش مريضة طالقة راسك وسط شارع وكون هزات مك .
– شامة (مافهمات والو) : واش نخليها فشانطي تضربها طوموبيل ، راه كولشي من داك الحمار لي جاي مݣدم ، وزايدون ماوقع والو الكسوة لي تقطعات عادي ، خطفتها فالوقت … وزايدون لاش كتغوت فيا وتعاير فيا ، واش انا وياك مزوجين ولا جايب ليا الله ، زوينة هادي ، بلاتي بلاتي ندوز .
– تخطاتو وتمات راجعة هازة القطة فيديها ، كدوز ليها على راسها وكتعرج … بداو الضيوف كيجيو واحد بواحد ، مع دخلات لقات إيمان نازلة لابسة كسوة فالأخضر طويلة جات مع لاطاي ديالها ، هي وسعيدة لابسة كسوة فلبلو مارين جاتها فنة ، مع شافوها خرجو عينيهم مصدومين من حالتها .
– سعيدة : اويلي مالك اش واقع؟
– إيمان : أويلي مال كسوتك مقطعة ومجروحة حالتك ، ورجلك كتنزف .
– جنيد (قاطعهم) : ماشي وقتو دابا ، الواليدة مابقا ليها والو وتجي ، إيمان دي ديك المشة لبيتك بينما داويت لهاد خيتي رجلها .
– شامة (شافت فيه) : راه ماشي ( ماخلاهاش تهضر جر ليها القطة من يدها مدها لإيمان ، رجع ليها تحت صدمتها وتساؤلات لي حاضر هزها بين يديه وطلعها للفوق ، شامة غير كتشوف فيه مافهمات والو ، بلاما تحس دارت يديها على عنقو ، كتشوف فيه وفوجهو لي مكايبان عليه والو ، مابقات فاهمة والو … ضرب الباب ديال بيتو برجلو ودخل سادو برجل لاخرى ، نزل بشوية على نموسيتو ، مخليها تم ودخل لحمام ،أول مرة دخل لبيتو وتشوفو … كان كيشبه ليه النموسية كانت ديال الخشب بحال شكل شجرة كلها منبتة بضواو ، بيتو بحال شي ستوديو ، كيوحي ليك بداك الطابع الرجولي ، فراشو كتعطي منو ريحتو … ماخلاهاش تكمل التبرݣيك ديالها، رجع هاز فيدو واحد الطاسة ديال النحاس فيها ما دافي مع فوطة ، حطهم حداها .
– جنيد (بأمر ) : تكاي .
– شامة (علات فيه عينيها بإستغراب) : أشنو؟
_____
– شامة : أشنو؟
– جنيد (بصرامة) : تكاي ولا ندير شرع يدي ختاري .
– شامة : شفتك زعمتي ، و(قاطعها هزها من خصرها وقادها فوق النموسية ، هبط لمستوى رجليها قطع الكسوة زاد كمل عليها .
– شامة : أويلي أشنو كدير ؟
– جنيد(مكيشوفش فيها كيكمل فخدمتو) : بغيت نغتاصبك عندك شي مانع ؟
– شامة : لا ، أأأ كيفاش أهيا أريح لأرض .
– جنيد (بصرامة ) : قسما برب الكعبة وماتهداي ، انديرها بصح أشامة … قسما برب حتى نديرها بصح ، ريحي وهداي(غوت حتى زعزعها) .
– سكتات كتشوف فيه ، عمرها خلات شي واحد يأتر عليها ولا يغوت عليها ولا يخاصمها ، علاش هو كيدير فيها هكا … عندو واحد الهبة فشكل مافهمتهاش .
– بدا يمسح ليها الجرح ركبتها كلها تصلخات ليها .
– شامة : أح أح بشوية(ݣالتها بواحد الطريقة مايعة) .
– جنيد (هز فيها عينيه كيشوف فيها بإستغراب) : مزال ݣاعما بدينا عاد ناويين .
– شامة : هادشي كامل ومزال مابديتي أبشوية راه ضريتيني .
– جنيد (بسخرية) : طلباتك اوامر أحبيبة .
– شامة : جنيد براكة من بسالة حماضيتي .
– جنيد : وانت طلعتي ليا فك….ي من اللخر ، هني الوقت خليني نكمل .
– مسح ليها الجرح كلو ، ناض من حداها دخل لحمام ورجع جايب فيدو علبة الإسعافات ، رجع ݣلس حداها دوا ليها جرح ، دار ليها الفاصمة عليها قادها ليها .
– جنيد (بأمر ) : حركي من هنا قسما بالله أشامة ، لي أتشوفيه مني عمرك كنتي تحلمي بيه … انا جاي ، خرج من البيت خلى متبعاه بعينيها مافهمات والو .
– شامة : أويلي هدا مالو واش هبال ولا مالو !!!
– رجع فيديه أونسومبل ، سروال وڤيست ديالو ديال ساتان فالغوز بيبي ، حطهم على الفوطوي لي فبيتو وجا عندها .
– جنيد : قادة تمشاي؟
– شامة : مالي محنية ، نتمساو مال المشية غادي تخلعنا .
– جنيد (طلقها وعطاها بظهر ) : تبعيني للحمام .
– دخل لحمام كيتسنا فيها ، دخلات عندو كتخنزر فيه .
– جنيد : بدلي ديك الحال وهاكي لبسي هادي (جلب ليها اللبسة) ولبسي معاها هذا(عطاها ديباردو بيض مشبك من عند الصدر .
– شامة : ومالك انت معري صدرك ، وبغيتيني نغطي صدري … غطي صدرك ونغطي صدري نغطيو صدوراتنا كاملين .
– جنيد (كيشوف فعينيها واحد تحدي خطير ، جابت ليه الضحك ، بشوية طلع يديه لاشوميز ديالو سد جوج عقدات . :
– دابا مزيان تهنيتي ؟ متعطليش انا على برا كنتسناك .
– خلاها ساهية فيه وخرج
_____
#الجزء3 :
– #اليونان
– عالية : عبد الرحمان ݣلتي حفيدتي كيفاش؟
– عبد الرحمان (تنهد تنهيدة طويلة ورجع ݣلس حداها) : مدة هادي وانا كنقلب على ولادنا ، كولشي كان عندو الزهر وعاش مزيان ، ولدابا عايشين مزيان وعلى خير وبولادهم ، من غير .
– عالية (بتساؤل) : فوزية ياك؟
– عبد الرحمان : اه ،طاحت فواحد العائلة ماتسواش … نهار ماتو الناس لي رباوها ، خواتاتها مارحموهاش ، تعرفات بشي واحد عسكري سميتو علي ، وتزوجو تزادت عندهم بنت … فاش دارت 10 سنين فوزية .
– عالية(تهضر وتبكي) : ماتت فخباري بنتي ماتت ،ولكن مافخباريش عندي حفيدة ، فوزية بنتي ماعندهاش الزهر هي الوحيدة فخوتها لي ماعندهاش الزهر ، بخالها بحال مها … أنا سباب أصلا انا لي عطيتها لرحمة ، وهي عطاتها عند بالي زعمة اتعطيها لناس مزيانين ، ولكن مايحسابليش اتعطيها لناس ايتكرفصو عليها .
عبد الرحمان (عاود ليها على ݣاع لي داز على فوزية وعلى شامة من الاول للخر)
– عالية(كتبكي) : خرجتي علينا أعبد الرحمان الله ياخود فيك الحق ، بعدتينا على ولادنا وحفايدنا كونما حنا كاعما يوقع بحال هكا ليهم ، أنت السباب.
– عبد الرحمان(حدر راسو) : مزال كاينة شيحاجة أخرى
– عالية (كتخنزر فيه مكرهاتش تغزو بسنانها) : أش واقع طلقني دوي !!؟.
______
– خرجات شامة من الحمام ، جاتها اللبسة هي هادي، كان واقف كيتسناها، هز راسو فيها من رجليها لراسها ، تبسم برضى ، عاجبو الحال … علاش وكيفاش ماعرفش المهم عاجبو الحال .
– جنيد(جر ليها الكرسي ديال الكوافوز لي عليه المرايا) : ݣلسي(أشرليها بعينيه) .
– ݣلسات شامة كتشوف فيه من المرايا ، مافهمات والو فتصرافاتو هاد السيد داير بحال اللبويا كل مرة بلون .
– حل ليها شعرها لي كان مخربق ، خدا المشطا وبدا كيمشط ليها ، غير بشوية بحال الى شعرها مصنوع من الزاج وخايف عليه لا يتهرس ، حط المشطة وهز واحد الپلاك مشافتوش فاش دخلات لبيتو ، برونشاه مع الضو وبدا كيصايب ليها شعرها بتموجات خفاف ، عينيه على شعرها وهي عينيها عليه من المرا .
– بعد المرات كنتصرفو بغرابة ، كيصدرو منا تصرافات فشكل لي شافهم ممكن مايتيقهمش ، ولكن مايتيق بيهم غير لي عاشهم ، هو براسو ماعارفش علاش كيدير هكا ، علاش خايف عليها مخلي غريزتو تحكم فيه ، كيدير شي حوايج بنسبة ليه غراب وجداد ، لداخل لديالو واحد الخوف تاني مرة يعيشو اول مرة من جهة ولدو لي فقدو ، وتاني مرة من جهة شامة ، البنت لي دخلات لحياتو وقلباتها ، يكون هدا حب ماعرفش ، سمع بالحب من أول مرة وعمرو تاق بيه ، ولكن باش كيفسر تصرفاتو جيهتها ، أسئلة كثيرة كدور فراسو سيمانة على قدها ومزال لدابا مالقاش ليهم إجابة .
_____
– فالڤيلا التحت ، كانو مجموعين من غير جواد حيت كان مكلف يدي زينب بلعاني لواحد الجمعية ، باش يخليهم يوجدو على خاطرهم .
– كان واقف علي هو او توفيق .
– توفيق(بإعجاب) : أتبارك الله عليك أسي علي، لي يشوفك مايݣولش والد شامة .
– علي (كيضحك عاجبو راسو ، حسن شعرو او موستاجو ولا كيبان جديد ، لابس كومبلي حتى هو) : ههههه اودي راه الفلوس لي كيزينو الواحد ، شفتي أيكون جيب عامر كولشي كيكون زين .
– توفيق (كيضحك) : ولكن اسي علي الفلوس مكايشريوش الراحة ولالا؟
– علي : أكدبو عليك ، شفتي أمتكون قاتل ومسارقش اتكون بيخير وعلى خير .
– توفيق : وراه هادشي لي كاين ، أتكون راحة البال أيكون كولشي مزيان .
_____
– سعيدة (بتساؤل) : شنو يكون واقع لفوق ، شامة منين طلعات ماهبطات ، وجنيد حتى هو طلبني اللبسة ومشى .
– إيمان (بإستفهام) : مافهمت والو وحق الله .
– سعيدة(عينيها مشاو لجهة الباب) : شكون هادو لي داخلين؟
– إيمان(ضارت جهة الباب وتبسمات كتشير بيديها) : عماد وأحلام .
– سعيدة : كتعرفيهم؟
– إيمان : أه هادو صحاب شامة من الروح لروح .
– عماد ( عنق إيمان ، كان لابس سروال فالكحل مع فيست كحلة وتريكو طالع بالكول فالكحل) : أش هاد الجمال كلو .
– إيمان (كضحك) : بصح جيت زوينة؟
– عماد : خوخة وشداتني الدوخة (كيضحك، ضار شاف فسعيدة لي كتشوف فيه بكسوتها الزرقة) سلام .
– سعيدة (تبسمات ) : وعليكم السلام.
– أحلام(كانت لابسة سروال دجلد فالكحل مع شوميز قصيرة فالكحل ولبيض ) : أحلام صاحبت شامة.
– سعيدة (ضحكات ليها) : أنا سعيدة
– إيمان : سعيدة بنت عمي توفيق .
– عماد(بصوت رجولي) : مشرفين ،(رجع شاف فإيمان) فين هي شامشوم؟
– إيمان : كاينة الفوق دابا تهبط .
_____
فجهة أخرى .
– واقفة صوفيا لابسة كسوة كحلة كلها عريانة ، واقفة هي ومها .
– صوفيا : ولات هاد الڤيلا لي منوالة يدخل ليها .
– نزيهة : إيوا انت الحبيبة ديالي ، كون سمعتي مني ودرتي ليك شي بيبي كون وليتي انت لكل فلكل .
– صوفيا (خنزرات فمها) : من نيتك أنا نحمل ، نتوجع ونتوحم وتخسر ليا فورمتي لي خاسرة عليها الملاين ، غير باش نكون المل فالكل ، لهلا يحي زمان .
– نزيهة : ايوا انت تعرفي متجيش تشكاي عليا .
– صوفيا : انا(قاطعها تيليفونها، جبداتو من ساك ديالها طلعات ليها نمرة كريم ، حطات كاسالعصير من يدها ونساحبات لجردة) .
– صوفيا : شنو كاين ؟ ياك ݣلت ليك ماتهضرش معايا وأنا فدار(هزات راسها) كيفاش أنت على برا واش باغي تحمقني ؟ صافي صافي واخا واخا أنا جايا عندك ، قطعات التيليفون كتشوف فجنابها … خرجات كتسحب بزربة بانت ليها طوموبيل فالكحل زاج فيني، مشات جيهتها كتجري حلات طوموبيل ،مع طلعات سدات الباب شد الطريق مكسيري بزربة .
_____
– #اليونان
– عالية (ناضت من بلاصتها ) : انا انهبط لمغرب ،مغاديش نݣلس هنا .
– عبد الرحمان (رجعها ) : ماشي دابا ، هانتي هبطتي بصفتك شكون جايا ، وبصفتك شكون اتهضري معاها ولا تكوني معاها ؟
– عالية : جداها .
– عبد الرحمان : وفين كنتي شحال هادي؟ تقدري تݣولي ليها سمحتي فمها او فبناتك لوخرين ، ودوي ولا بقات فجبهة .
– عالية(كتخنزر فيه ، هزات الكاس لي حداها شيرات عليه بيه جاب الله مجاش فيه) : شكون السباب الشلاهبي ياك أنت ؟ ودابا كتحل فدرقوشك والله يمسخ الكذاب حتى يولي قرد .
– عبد الرحمان : عالية .
– عالية (كتغوت) : وخرج بحالك وعطيني بتيساع هاحجر العافية خرجعليا بغيت نبقى بوحدي ، قسما بالله حتى نهز صندالتي نخرج ماتعرفني فين صديت .
– عبد الرحمان (وقف) : صافي صافي هاهو خارج ، خرج مخليها بوحدها … عارف راسو الى بقى معاها غير مغاتزيد تصعر ، وهي الى تعصبات أجا مايسكتها مغاديش تسكت نهائيا .
_____
– واقفة سعاد مع نزار ، لابسة كسوة كحلة منبتة كتبان بحال شي أميرة .
– سعاد (بإستفهام) : نزار واش فرح جات معاك؟
– نزار (مافهمش) : لا علاش؟ مع جات تجاوبو سمع صوت ختو وراه ، ضار كيشوف فيه مستغرب ومغوبش .
– نزار (تعصب) : أش كديري هنا ؟
– فرح (ببرودة) : عيد زواج عمي توفيق وطاتي زينب وجيت نبارك ليهم عادي .
– نزار (تجنن) : واش عيط ليك شيحد؟ جاتك الدعوة من عند شيحد؟ واش باغية تصعري ملتي أفرح ؟
– سعاد (كتحاول تهدن الأمور) : نزار صافي حشومة .
– نزار : ماحشوماش ، واش عيط عليها شي واحد ؟ حتى واحد ماعرض عليها .
– فرح (ببرودة ماحملاتش البلان) : عمي وكاتي بحال العائلة عادي نحضر .
– نزار : الجامع لي قريتي فيه أنا لي درت ليه الساس ، فرح بلاما تجهليني فهاد الليلة ، ادردبي وترجعي منين جيتي .
– سعاد : ماشي هكا كايتحلو الأمور ، صافي ها جنيد هابط صافي تكالما .
– غير سمعات فرح حس جنيد وهي دور قلبها كيضرب ، الضحكة لي على وجهى تمحات فاش شافتو ، كان هابط معنق شامة لي رجلها كانت كضرها من ركبتها ، يد شاد بيها يدها ويد شاد ليها فظهرها ، بقات فرح واقفة حاضياهم وكتكردد غير بوحدها كتحس بالعافية شاعلة ليها فقلبها وفداتها كلها ، ماحساتش إيمتا جرها نزار وخرجها على برا .
– شامة غير قشعات عماد ، طلقات من جنيد ومشات لعند عماد ناسية رجلها واش كضرها، تلقى ليها حال يديه بجوج معنقها .
– عماد (كيشوف فيها) : أش هاد الجمال ، وهاد الأناقة هادي ؟
– شامة : راه انت أصاحبي لي اش هاد زين؟ كيفاش بلانك اخويا كتبان زاز لوز .
– عماد (كيضحك) : وجايين لدار الهاشمي ومنسكسفوش على الحالة .
– شامة (كتشوف فأحلام) : هاي هاي ، ݣاورية صافي أش هاد الزين ياختي(عنقاتها) .
– أحلام (غمزاتها) : كيجانك أختي؟
– شامة : الزين
– عماد : فين عمي علي؟
– إيمان (كضحك) : أويلي ، راهو مع عمي توفيق شوفو ليكم كي ولا .
– دارو كيشوفو فيه .
– شامة (مصدومة) : العار با هداك ؟ اويلي والله ماعرفتو .
– إيمان : اجي أنت شنو وقع ليك ؟
– شامة : والو غ(قاطعاتها اليد لي تحطات على الخصر ديالها) .
– جنيد (ببرودة وبواحد الصرامة كتحس بيه كيهضر وكيغلي من الداخل) : شامة طاحت على ركبتها فاش كانت فجردة (شاف فيها) ماتبقايش واقفة أجي ݣلسي .
– شامة (بإستغراب، ماعرفاتوش علاش كيتصرف بحال هكا) : واقفة مع صحابي واش مكتشوفش .
– جنيد(هز عينيه فعماد لي حتى هو كان كيخنزر فيه) : صحابك الى بغاوك أيجيو يݣلسو حداك ، مغايبغيوش صاحبتهم(كورك على كلامو) تبقاي واقفة وانا عاد داويت ليك الجرح .
– عماد (بصرامة ) : شامة ، وقفات عليهم سعيدة كتشوف فعماد بإعجاب .
– عماد بابا باغي يهضر معاك ، على ود الخدمة .
– عماد (مافهم والو) : أشمن خدمة ؟
– شامة (قربات منو كتهضر ليه فودنو) : هضر معاه على قبل الخدمة ، راه باغي يخدمك البغل ، سير وكون راجل .
– عماد (فرح ، جبد ليه حنكها وباسها) : يخليلي لي ولا يضبر على خوه .
– شامة (متجاهلة البىكان لي قرب يفيض حداها) : سير براكة من ضسارة (همسات لسعيدة) تهلاي ليا فخويا .
– سعيدة (القلوبة ترسمو ليها فعينيها) : بلاما توصي ، عطاتهم بظهر تابعها عماد من اللور .
– جنيد (جر شامة جرة وحدة بحال شي بنت صغيرة غاديين بيها لمدرسة بزز) .
– واه واه اخويا اشريف ، راه شامة هادي ماشي معزة جايبها من رحبة ديال البهايم .
– جنيد(خبطها مع صدرو) : بربي تزيدي كلمة ، حتى نقودو سوايع أنا علمتك .
_____
– فجهة أخرى ، عند عمر .
– ݣالس هو وشادة تحت واحد الشجرة فالربيع ، مقابلين مع الواد .
– عمر (كيشوف فشادية معصب ، شحال هادي وهو وياها كيتلاقاو ومزال مدا منها باش ينقي سنانو) حبيبة اكبيدة واش حنا انبقاو نتلاقاو حدا هاد الواد ، احبيبة مكاين ماحسن من الدار … أنݣلسو مرتاحين وحتى واحد مايقاطعنا ، وديري ليا شي غديوة من يديك البنان أزين ، نشوف مراتي واش اتكون حادݣة كيف تخايلتها ولالا .
– شادية (كتلعب بواحد الوردة ) : اجي بعدا كاعما ݣلتي ليا شنو سميتك ، واش سعيد ولا مسعود ولا دريس ولا علال ، لالا علال خويا (بدات كضحك) .
– عمر (مافهم والو) : حبيبة كيفاش شنو سميتي ، راه ألف مرة كتسوليني كنݣوليك سميتي ، واش كديريها بلعاني .
– شادية (ساهية مغوبشة ) : متغوتش عليا (وقفات كتقلب حداها ، هزات حجرة وهي تنزل عليه لراسو .
– عمر ( كيغوت ربي لي خلقو دمو هابط) : أبنت لحرام واش انتوما ناويين تسيفطوني لروضة ، الي عرفتها تفلقني لهاد الراس ، والله يا جد بوك لا يفكني معاك فكاك .
– شادية (كتنقز وكضحك) : ههههههه فلقتك فلقتك فلقتك فلقتك ، أجي نلعبو حابة .
– عمر مامتيقش شنو كيشوف ، لبنت لي كيتبعها هادي أيام وحالف حتى يطيحها وغير شاف زينها داخ صدقات مزنزنة .
– عمر (وقف طار عليها باغي يقجها) : يابنت الحرام ، انت حمقة ومخلياني تابعك بحال الهبيل ، اليوم ياجد بوك الكلب تخلصي القديم وجديد .
– شادية (كتغوت ربي لي خلقها) : عتقوني وااااا با وااا با وعلال عتقوني ، باغي يقتلني باغي يتكرفص عليا عتقوني .
– ماحس عمر بضربة حتى جاتو لراسو دوخاتو طاح .
_____
– فاق عمر ، كيحاول يعرف فين هو ، كيسمع صوت البݣر ،كيشم فريحة الترت ديال البهايم ، كايبان ليه واحد البوط عامر بزبل ديال البهايم ، هز عينيه فمول البوط كيبان ليه واحد الراجل طويل ، عندو لحية بيضة وجهو مكايبشرش بالخير ، ومعاه جوج الرجال خرين واقفين عليه بحال قباضين الرواح .
– علال هالعريس فاق ، أتبارك الله على راجل بنتيوْ وعلال كيجاك ؟
– علال (كيفرنس سنانو عامرين بللبن) : وماعدك ماتسال شادية واخا هبيلة ، طاحت واقفة .
– عمر ( كيحاول يستوعب) : شكون انتوما او واش كتخربقو ، قسما برب حتى ندعيكم .
– علال : والله يالحمار ديال بوك ، لا خرجتي من هنا فين اتمشي وبعد غدا عرسك على ختي .
– عمر : أنتوما مراض ، باغيين تزوجوني بوحدة هبيلة تلصقوها فيا ولا.
– دريس (الأب) : أسمع اداك الكيدار أحزقة البولة ، وعليا بليمين ومتسد داك درقوش حتى نشتف عليك ، يحسابليك بنات العروبية ساهلات ضحك عليهم ولا ، خانق ليا درية وباغي تكرفص عليها ، وتخليها ليا ضحكة فدوار ينعتو فيها ويكولو بنت دريس ماشي شريفة .
– عمر : مادرت ليها والو انا ، راه انتوما لي مخليين وحدة حمقة دايعة وتغمز فرجال .
– دريس (هز الهراوة فوجه عمر) : اجيتيني راجل بتي ، أما نخلي دار بوك وندفنك فهاد الكوري ، علال دير خدمتك ربطو مع العمود ، وسد عليه وقبل لا تسد عليه علفو ، وجيب موسى خليه يبقى عاس هوناتيين عليه ، نوريو الحمار ديال بوه ، او وجدو ليا الخزانة ودبحو الضروبة ، وݣول لبراح يبرح فدوار بلي شادية بت دريس اضرب الكاغيط غدا ، والعرس عندها بعد غدا بغيت كولشي يحضر ، بعدو بغيت يكون دوار بحال الموسم .
– علال : كون هاني أبا ماطلبتي الموجود ، ضار عند عمر كيشوف فيه بشر ، تحامى عليه هو ولاخور شدوه ربطوه فواحد العمود ، وخرجو سادين باب الكوري بالقفل مخليين عمر كيغوت ربي لي خلقو .
____
– #الطريق
– زينب : من صباح وانت كتخيط بيا الزناقي … الله يهديك دينا لدار خلاص ، ولش هاد اللبسة هادي لاش، كون لبسة الجلابة ديالي بلاش عليا من هادشي .
– جواد (كيضحك) : الواليدة ، مابغيتيش تباني لواليد انيقة وبحال البلارة ، أصݣعة دب يشوف لجهة أخرى .
– زينب : الله يقلل حياك ، باك عمرو مايديرها واخا يجيو يݣولوها ليا منتيقهمش ، عينيا ومنتيقهمش .
– جواد : أياااه ، حب كبير هذا بيناتكم.
– زينب (تنهدات تنهيدة طويلة) : ماشبدي غير الحب أولدي ، هادشي كبر من الحب ، الحب كيكون غير فالأول داك الإعجاب والمشاعر الزوينة ، والحب الكبير ولكن فاش كتزوج هنا كيولي الاحترام والمودة والعشرة ، الحب بوحدو راه مكافيش الى مكانش الاحترام … الى مكانتش العشرة وتقدير والصبر هو كولشي … هادو أولدي كيكملو الحب وهادشي أنتوما الجيل ديال هاد الوقت مكتعرفوش ليه ، داكشي باش المحاكم عمرو بالطلاق ، الى مالقيتيها من جهة المرا تلقايها من الراجل، ولا تلقايها من هلو ، الواحد مخصوش يتزوج حتى يعرف فين كيحط رجليه ومعامن .
– جواد (سها فطريق وتنهد تنهيدة طويلة) : عندك الصح الواليدة ، الواحد خاصو يعرف معامن بعدا عاد يغيس .
– زينب (حسات بيه، طبطبات ليه على ظهرو) : يكون خير اولدي ، يكون خير .
– سونا ليه التيليفون هزو شاف فيه ، لقا ميساج حلو قراه وتبسم .
– جواد : الليلة نفاريوها .
______
– نزار : قسما برب وديري شي تصرف ماهواش أنساك واش ختي.
– فرح(كتحرك رجليها بعصبية) : شكون هاديك لي معاه ؟
– نزار(عصباتو) : واش شغلك ؟ السيد عمرو مشاف فيك كتر من أخت صاحبو، عطيه التيساع واش انت مريضة ولا مالك؟
– فرح : أنا جوج خوت لي عندي ، خويا فهمني عفاك راه راه صعيب منݣدش ، هانتا ياك انت صاحبك هضر معاه معني ليه عليا ، بلي انا زوينة و(سكتها منين شد ليها وجها بجغو وسط يدو)
– نزار(مكشكش) : على أخر يامي باغية ترضيني قواد ، بغيتيني نبيع ونشري فختي واش عارفة أش كتخرجي من فمك ولا، شوفي غادي تسدي كابينتك وبراكة من هاد الت79بين الخاوي ديال والو ، وتمشي يا فرح ديري شيحاجة ماهياش فهاد الليلة ، قسما برب العزة أنساك واش ختي قسما بالرب .
– خلاها فجردة ودخل جاعر.
– فرح (كتفركل برجليها) : الى ماقديتي ديرها انت انا لي غادي نديرها ودابا تشوف .
_____
بحثنا عن الحبّ، ومشينا وراءه، أنسانا أنفسنا وعالمنا، ورسمنا طريقنا بالخيال والأساطير، لم نعلم أنّه مؤلم، ولم نتصوّر مقدار العذاب الذي قد يسبّبه، فعشنا لحظة فرح يملؤها العشق، لكنّنا وجدنا عذاباً وألماً لم يكن في الحسبان، فألمُ الحبّ يمزّق الجسد، وعذابه يدمّر القلب .
ما أصعب أن تعيش داخل نفسك وحيداً بلا صديق، بلا رفيق، بلا حبيب، فتشعر أنّ الفرح بعيد، وتعاني من جرح لا يطيب، جرح عميق، جرح عنيد، جرح لا يداويه طبيب.
____
– توفيق : تبارك الله عليك أولدي ، عاودات ليا عليك شامة .
– عماد(حاس بالخوف بدهشة ، شحال هذا وهو كيحلم يوقف قدام الهاشمي وحلمو تحقق) : لهلا يخطيك موسيو توفيق (هذا هو عماد ولد الحومة العار فين هو).
– توفيق : إن شاء الله هاد السيمانة الإثنين ، غادي تبدا معانا … أتكون معاك بنتي سعيدة هي لي غادي تكلف بيك ، ولي حتاجيتيها راها معاك .
– عماد (باغي يطير بالفرحة) : إن شاء الله غادي نكون عند حسن الظن .
– توفيق : هذا هو المضمون فيك ، سلم عليه ومشا عماد مع سعيدة .
– سعيدة : شحال وانت كتعرف سعيدة(كتهضر بجرأة عمرها عرفات راسها فيها).
– عماد : من الصغر ، منين كان فعمرها 10 سنين .
– سعيدة : تبارك الله ، ݣاع هاد المدة (تبدلات رنة صوتها كتهضر بحزن) أنا صحابي مكيفوتوش معايا عام صحيح .
– عماد : يقدر انت لي مكتختاريش صحابك مزيان !!
– سعيدة : الصراحة ماعرفتش ، المشكل ديالي كنعطي كولشي ، حتى من البنات مكايدوزوش معايا بزاف .
– عماد (وقف وتقابل معاها كيشوف ليها فعينيها والبراءة لي فيهم التغر ديالها ، وحفرة الزين لي فدقن ديالها ، شعرها وتفاصيل وجها ، بنت زوينة بزاف وكتبان حزينة ) : عرفتي علاش ، حيت انت كتخليهم يطاولو عليك ويستغلوك ، الصحبة ماشي هي الفلوس والخريج الصحبة هي تلقايهم وقت الحزة معاك ، انت كتشري الصحاب باش ماتبقايش بوحدك ، وهذا اكبر غلط لي بغاك خاصو يبغيك أنت ، مايبغيش شكون أنت ، ختاري صح (تبسم ليها خلاها واقفة ومشا عند أحلام ، بقات متبعاه بالعين حتى فيقاتها سامية) :
– مال زين سرحان ، هاي هاي هاي أمالكم شفتكم كلكم ضربكم بوتليس .
– سعيدة : أشمن بوتليس ولا بو بريص .
– سامية : واش شفتي خوك ولالا؟
– سعيدة : واش انا عندي غير خو واحد ، راه عندي ربعة .
– سامية (كتضحك) : جنيد شفتي كيفاش كيتعامل مع شامة ، فين عمرك شفتي خوك بحال هكا ؟
– سعيدة : الله يستر انت حاضية غي الأخرات ، كون غير خدمتي خطابة اختي وتهنيتي . خلاتها ومشات .
______
– وصل جواد لدار ، نزلات زينب كتشوف الڤيلا كيفاش مزيانة وضواو ، فهمات بلي توفيق مانساهاش كيف كانت متخيلة هي ، تلقاو ليها الناس كيباركو ليها عيد زواجها هي وياه ، عينيها غرغرو بدموع ، باس ليها توفيق يديها وراسها ، وهدا ليها عقد من تصاميم الهاشمي مزال كاعما خرجو .
– الموسيقى كانت خدامة مستمتعين بالأجواء مني غير شامة وفرح لي على نار .
– شامة : واش أتبقى لاصق ليا فجنابي أويلي .
– جنيد (ݣالس حداها ، ببرودة ونار شاعلة فيه من الداخل) : شكون هذا لي كان معاك؟
– شامة (طلع ليها الدم) : واش انت شغلك ، جنيد راه زدتي فيه بزاف ، وليتي دخل فالكبيرة او صغيرة .
– جنيد (بصرامة) : س …
– فرح : جنيد
– جنيد ( هز راسو فيها ) : فرح صاڤا أمورك مزيان .
– فرح ( كتخنزر فشامة) : الحمد لله وانت ؟ عاش من شافك إيمتا رجعتي؟
– شامة ستغلات الفرصة وناضت ، مشات عند أحلام .
– شامة : ناري ياربي على لصقة كيف داير ( كتشوف فأخلام مكتجاوبهاش مخنزرة غير بوحدها)
– شامة : أشعب العمالة افينك فين ساهية ؟
– أحلام : شكون هذاك لي تم؟
– شامة ( كتشوف فين كتنعت ليها) شكون اااه هداك بهاء ولد سي توفيق .
– أحلام : زبالة ، فخبارك بسبابو جراو عليا من الخدمة جديدة لي كنت عاودت ليك عليها .
– شامة : العااار(مصدومة) علاش؟
– أحلام ( عاودات ليها كولشي)
– شامة : عبرتي عليه باش يتعلم ، ضار بهاء قشع أحلام ، مافهم والو هادشي شنو جابها لهنا ولاش واقفة مع شامة !!!
– احلام : شفتي كيفاش كيخنزر فيا ؟
– شامة : يخنزر ولا يݣعد ، شوفي انا انخرج على برا تخنقت نشم اشوية ديال الهوا أجي معايا .
– أحلام : واخا يلاه ، خرجات أحلام وشامة لجردة ، ݣلسو حدا البيسين .
– أحلام : سعداتك ياختي وحق الله ، عرفتي شحال من واحد كيتمنى يعيش فهاد الڤيلا ؟
– شامة : ماشي شغلي انا توحشت غير دارنا، وحيران وحق الله .
– أحلام : أجي شفت ولد مول الدار غير لاصق فيك . كيفاش البلان ؟
– شامة – كتشوف فيه) : مكاين والو اخوي راسك ، واش عارفة هو شكون وانا شكون فيقي ، داكشي ديال الافلام راه مكاينش فالواقع اتهناي .
_____
– أحلام : علاش كتݣولي بحال هكا، الناس باينين ليا الله يعمرها دار .. مافيهمس البخ وشويكيات عاديين .
– شامة (مسرحة رجلها) : واخا هكاك واش كضحكي على راسك ؟ واش واحد ولد القاع والباع يبغي وحدة باها كيلعب التيرسي ، نكونو لوجيك واحد الشوية ، السيد راه غير معاوني وصافي كيدير لي ݣاليه خالو ، وأنا قلبي حيدتو مغاديش نخلي شي واحد يضحك عليا ولا يلعب بيا ويستغلني .
– أحلام : واش من نيتك ؟ كتقارني بين هدا وداك العريوة ؟
– شامة : مكنقارن بحتى واحد ، نلقاو أختي الكلي ويشدو البوليس داك راس الحربة ورباعتو، ونرجع فحالي لدارنا أصلا كنخطط إن شاء الله لواحد البلان .
– أحلام (بتساؤل) : لاش كتخططي؟
– شامة (بجدية) : عقلتي على داك السيد لي عندو محل ديال التوابات ؟ راه نهار كنا مسخرين ودزنا حداه وبقيتي واقفة ساهية فداك الثوب البيض المشبك .
– أحلام : ااااااه أسميتو إليݣنص ولا ماعرفت ليه ياك هو؟
– شامة : هداك راه عندو محل ديال ثواب وعندو محل لاصق عليه تما كيخيط فيه ، انمشي لعندو نطلبو يخدمني عندو ، نتعلم الحرفة تماك .
– أحلام : بحال الستاج ؟
– شامة : أياه بحال الستاج ، نتعلم للحرفة مزيان على ديبلوم لي عندي ونشوف لي يسلفني نحل شي محل ولا نشوف شي جمعية ، ونحل محل ديال الخياطة … ومع عندي الناس كنعرفهم من أيامات المعمل عندي نوامرهم نعيط ليهم ، وبحال هكا نبقى غادية … الى بقيت كنتسنى الخدمة تجيني راه مغاديش تجي . .. كولشي بالمعارف راكي عارفة ، هادشي لي كنت ناوية ندير كونما داك ولد لحرام لي دا ليا فلوسي .
– أحلام : أجي وعلاش ماطلبي سي توفيق على شي خدمة ؟
– شامة : لا مغاديش نطلبو ، الى كان حبيبك عسل ماتلعقيهش كلو ، طلبتو على عماد حيت شفتو شحال باغي يخدم ، يلاه يعاون دارهم مسكين راه منساش شحال وقف معايا ، هداك خويا لي ماولداتوش ليا مي ، أما انا لا مغاديش نطلب حتى واحد أختي … أش بيني انا وبين شي شركات ، لا أختي بغيت نمشي دقة دقة نتهلى فراسي وفبا وإيمان بنت خالتي … حتى تكمل قرايتها ويسهل عليها الله فشي خدمة هذا مكان .
– أحلام : إيوا الله يسر الأمور .
– شامة : أمين ياربي .
– ضارت أحلام وراها كتقلب بعينيها .
– شامة : مالك ؟
– أحلام : بحال إلى سمعت تخرشيش ورانا ..
– شامة : غير سرباية هادوك .
– أحلام : يقدر ، الله يختي على راحة حسن من داك الصداع لي لداخل .
– شامة : أه وحق الله .
_____
– تحل البيرو ، ودخل جواد معاه نزيهة وسي بنجلون .
– فاش بغاني نسيبي العزيز ، كيبان ليا فكرتي فالموضوع ديال باقي الأسهم ديال الشركة؟
– جواد (ببرودة) : ݣلسو بعدا ونتفاهمو ، ݣلسات نزيهة بنخوة دايرة رجل على رجال ، قبالتها راجلها ݣالس معفر شاد سيݣار فيديه .
– جمال : إيوا شنو تم انسيبي العزيز
جواد (كيضحك بإستهزاء) : كل خير أنسيبي ، فتح لابتوب لي قدامو ، شعلو كيشوف فيه مبسم بهدوء ودورو بشوية قدامهم .
– جواد : تفرجو ، عينين نزيهة وجمال خرجو فالمنظر لي قدامهم ، منظر مايقدش شي واحد يشوفو ، بنتهم لي كيكبرو بيها ومفشينها فوضع ، أقل مايقال عليه موسخ لأقصى درجة ، مربوطين رجليها ويديها عريانة وكيتمارس عليها وهي عاجبها الحال ، كيفاش حتى فكها لي معاها ولي عرفوه شكون ورجعات هي ربطاتو وبدات كتمارس عليه .
– جمال ماقدش يتحمل سد اللبتوب كيشوف فجواد ، كيحس براسو مخنوق وقلبو كيضرب … نزيهة حدرات راسها كتحس براسها فاي وقت تقدر طيح .
– جواد (وقف) : شحال خايبة ناري ، تخايلو معايا دابا هاد الڤيديو يتسرب لصحافة ويشوفوه الناس الشوهة ، ناري يلالة نزهة وتسيق ختك الخبار بلي صاحب بنتك القديم لي هو راجل بنتها ، كيخون بنتها مع حبيبتو القديمة، خايبة حتى لمعاودة ، حتى واحد مزال مغاديش يشوف فيكم ، اتوليو منبودين … حتى واحد مايقبل يخدم معاكم … والى وصل كاع للبوليس ، لا بنتكم لا صاحبها كولشي زمر أيدخل للحبس .
– جمال(قاطعو) : شنو بغيتي دابا ؟
– جواد : كيفاش شنو بغيت وضح كثر .
– جمال : لي طلبتيها تكون ، غير مسح هاد الڤيديو .
– جواد : وادابا هضرتي شفتي ، دابا دويتي … كيعجبني تفكيرك أعمي بزاف ، ماطلبتي غير الموجود نتفاهمو وكل واحد فينا ياخود لي بغا مزيانة هادي عجباتني .
– هز جواد واحد الملف من المجر ، حلو وحطو قدام جمال .
– جواد : هاك ، قراه ورض عليا الخبار … يا توافق على داكشي لي تم … ولا صباح تلقى خبارك كدور فالمغرب كامل انت تعرف كولسي بين يديك دابا .
_____
– فجهة أخرى .
– واقفة ورا الباب كتسنط عليه وهو كيهضر .
– الله ينعل جد بوهم الكلب ، كيفاش كيقلبو عليا اش هاد البلان المقود ، كولشي من ديك ال79بة بغيتكم تلقاو جدها فسما تهبطوها، فالأرض طلعوها ، ماشي شغلي فينما كانت نابتة تحضر … غدا غانخوي من هنا البوليس طالق مناخرو غير كيشمشم ، سمع سمع من مورا سيمانة بغيتك تجيب ليا ولادي ، تمشي ت9ود قتلوها ولا شوفو فين تلوحوها كيهموني غير ولادي ، أش بغيت ندير لعمر هذاك أرعواني راه غارق حتى لودنيه بقا ليا غير هو ، سمعني مزيان بغيت كولشي يكون واجد ، ويلى جات عطيها ساروت كيفما وصيتك يلاه تلاح ، ودير خدمتك ناقصة تاني .
– قطع التيليفون ، مشا لجهة الماريو كيجبد فحوايجو ، رجعات بلور من بعدما سمعات كولشي ، كتحلف عليه وتغدد .
– رشيدة : بغيتي حرجتي عليا وعلى حياتي ، وباغي تشوݣني فولادي ، واخااااا .
_____
– جمال كيشوف فجواد وفالملف ، مكان عندو حتى حل أخور ، هز الستيلو لي كان حداه وسنا ݣاع الوراق ، وراق ديال التنازل على حقو فشركة وبلي من هاد التاريخ مابقاتش عندو حتى علاقة بشركة .
– جواد ( داكشي لي كان كيخطط ليه وصل ليه) :
– مزيان مزيان أنسيبي العزيز ، دابا تقدرو تمشيو وحسن ليكم سونيو لبنتكم ، علموها بلي غدا انبدا فالاجراءات ديال الطلاق، وحسن ليها توافق بلاما نديرو الشوهة ، حوايجها ايوصلوها هاد الليلة .
– جمال ماهضرش وقف حادر راسو وخرج هو ومرتو .
– ݣلس جواد فوق الكرسي، تنهد تنهيدة طويلا وأخيرا هاد المسمار طرقو .
_____
– فرح : سلام .
– شامة (هزات فيها راسها) : وعليكم السلام .
– فرح : شكون أنت أول مرة نشوفك هنا ؟
– شامة : سبحان الله حتى أنا أول مرة نشوفك.
– فرح (ماعجبهاش الحال) : علاش أنت كتعرفي العائلة كلها ؟
– شامة( كتحس بالواحد الى ماحملهاش وحتى هاد خيتي مادخلاتش ليها لخاطرها) : تقريبا بحال هكاك ، كنعرف لي خاصني نعرفو اما لي مكايهمنيش مكاين لاش نعرفو .
– فرح ( ضحكات) : فخبارك انا وجنيد كنا كنبغيو بعضياتنا شحال هذا ، فرحت فاش سونا ليا وعرضني.
– شامة( شافت فأحلام بمعنى هادي مالها) :
– وأنا نالي لاش كتعاودي ليا قصة حياتك ، ديرو انتوما العرس ݣاع وعيطو على حمادشة او ولاد حمر .
– فرح : أنا غير ݣلت ليك ، باشما ديري شيحاجة فبالك من جيهتو ولا شيحاجة.
– شامة (كضحك، جاتها هيستيرية ديال الضحك) : اجي زين واش فايتة طايحة على راسك ، ولا شي واحد فلقك حيتاش بنتي ليا كدخلي وتخرجي فالهضرة ، أنا وجنيد (سكتات كتفكر لاش كتبرر ليها) بلاتي لاش انا كنبرر ليك ، اجي واش ݣاليك بلي كيغير عليا ، وݣاليك بلي باسني جوج ديال المرات (أحلام حداها شهقات مصدومة) ونسيت هو لي مشط ليا شعري ، ومابغاش يفرقني ، ونوضي عاوديها لجهة ضاراك تبقاي تحكي عليا ، نخسر لختي لافيشور ديال وجها .
– جات تجاوبها فرح قاطعهم نزار .
– شامة : شنو واقع؟
– شامة : ماواقع والو ، غير هاد خيتي ماعرفت مالها كطير بوحدها ، جاية كتكولي بعدي على جنيد وبلي ميبغيو بعضياتهم تخربيق الخاوي ، بحال الى انا مسالية ليها ولا ليه .
– نزار (كشكشك) : شامة متديش عليها ، ختي فيها الضحك وضحكها خضر ،مكتعرفش ليه .
– شامة (بإستغراب) : هادي ختك ؟ لعجب أخويا مكتشبهش ليك .
– نزار (جر فرح من يدها) : الى شفتي جنيد … كولي ليه جاتني شيحاجة على غفلة ومشيت ، جر فرح كارز عليها كتنطر مابغاتش تمشي .
– نزار (هز يدو حتى لسما وطرشها، شدات فحنكها عينيها مغرغرين بدموع) : بعد المرات كندم حيت عندي أخت بحالك ، عند بالي تبدلتي ولكن انت هي أنت .
– فرح : مكتهضرش ، كيتسمع غير شهيق ديالها .
– نزار (حل باب الطوموبيل ودخلها ، ركب حداها ديمارا وزاد).
____
دازت الخفلة زوينة واها ݣاع داكشي لي وقع ، بداو الناس كيمشيو شوية بشوية ، سعيلة مجاتش وداكشي لي لاحظاتو شامة ، قلبات تيليفونها لقاتها مسيفطة ليها ميساج ، فيه بلي جا مدير أعمالها وعندها تصوير واحد الكليب ، وماقدراتش تجي ، من بعدما مشاو الناس كاملين ، توفيق وزينب ستأدنو وطلعو لبيتهم .. بقاو غير الشباب بوحدهم .
– أحلام : عماد خاصنا نمشيو ( ماحملاش تشوف كمارت بهاء) .
– جواد : فين اتمشيو فهاد الليل بقاو هنا ، البيوت كاينين .
– عماد : من الاحسن بلاش ، يلاه نمشيو .
– شامة : خليكم باتو معانا .
– عماد : لا عارفة الواليدة اتبقى مشوشة ، راكي عارفة ليكاين.
– بهاء : الى بغيتو انا نوصلكم .
– جواد ( كيشوف فبهاء بإستغراب ) : أياه هاهو بهاء يوصلكم ، عماد سكت ناض ومعاه أحلام لي ماحملاش يوصلها بهاء ولا تشوف كمارتو ، تسيفطو معاهم وخرجو مع بهاء .
– شامة : سمحوليا غادي نطلع لبيتي .
– جنيد (ببرودة) : غدا كوني واجدة مع 9 ديال الصباح .
– شامة : واخا .
– جنيد : كاينين شي حوايج فالبيت لبسيهم .
– شامة (ماعرفت مالو كيهضر بهاد الطريقة) : واخا ، يلاه تصبحو على خير .
– طلعات لبيتها وتبعاتها إيمان حتى هي .
– دخلات لبيتها لقات ساشيات محطوطين ، مشات ليهم حلاتهم ، لقات جلابة فالݣرونة قديمة ، قبها كبير بحال دوك لي كيلبسوهم العيالات فسوق شحال هذا ، معاه فولار حتى هو قديم وصابو .
– مافهمات والو ، حطات دوك الساشيات ومشات تبدل عليها حوايجها ، غسلات وجها وݣلسات كتمشط فشعرها ، شوية تفكرات المشة لي جابت ، ناضت بالزربة مشات عند إيمان ، حلات عليها ودخلات .
– إيمان ( خلعاتها) :. ناري يا صاحبتي خلعتيني .
– شامة : فين هي المشة لي جبت؟
– إيمان : راهي ناعسة ( أشرات ليها لفوق الكرسي) ، كتبان ليها ناعسة صغيرة وزوينة ، مشات جيهتها هزاتها ، حطات ليها راسها على صدرها كتبوس فيها .
– شامة : انا غادي نديها عندي ، ونعسي انت غدا راه جمعة ياك ماقرياش ؟
– إيمان : ويااه غير كان خاص نحل واحد المعادلة وصافي ضراتني فراسي .
– شامة : ونعسي رتاحي ، يلاه تصبحي على خير .
– إيمان : تصبحي على خير.
__
وقفو قدام البحر، مابغاتش تسكت من البكا … نزل من طوموبيل معصب ، جبد ݣارو شعرو باش يكالمي راسو ، حتى سلاه ورجع عندها .
– نزار (بأمر ) : نزلي ، جرها من يدها مقابلها معاه .
– نزار (بقات فيه ، بلقي صغيرة وماعندهاش العقل 20 عام مزال فعمر الزهور ، حب المراهقة دبحها) : مكنتيش بحال هكا أفرح ، فين ختي الصغيرة زوينة لي ماكنتش كتأدي حتى واحد ، ولكن الدلع ديال الواليد هو لي خرج عليك ، لي شفتيها خاصها تكون ديالك ، ديري عقلك .
– فرح : كنبغيه اخويا وحق الله حتى كنبغيه .
– نزار : واش انت مريضة ، واش هو ݣدك تبغيه ، راه دايرك بحال ختو الصغيرة ، واش عمرو واعدك بشيحاجة ولا شاف فيك شي شوفة ماهياش ؟ عمرو شاف فيك حتى الشوفة ، نهار لي بغا راه خداها ݣاورية بغاها وبغاتو .
– فرح : ولكن راه دابا طلقو.
– نزار : طلقو ولالا ديري عقلك ، بلا حشمة غادية عند البنت كتهضري معاها بديك الطريقة، كون غير خليتها دير فيك يديها ، يلاه يرجع ليك عقلك واحد الشوية .
____
– فرح (بتوسل) : شكون هاديك انزار ، ختك أنا ؟!!
– نزار : واش مكتفهميش ، هاديك واحد السيدة ناوي يخطبها تهنيتي .
– فرح(بتوسل ماتيقاتوش) : كاتفلا عليا ، كضحك عليا أخويا ياك .
– نزار (بزعاف) : مكنضحكش عليك ، واش شفتيه كيفاش كيتعامل معاها ، شفتيه كيفاش شاد فيها واش أنت عمية ؟ حلي عينيك … ختي الله يرضي عليك ديري عقلك راه وليتي خالعاني.
– فرح(طاحت للأرض كتبكي) : كنبغيه أعباد الله كنبغيه .
– نزار (بقات فيه ختو ماعرف مايدير ، كتبان ليه ضروري خاصها ترجع لفرنسا الى بقات هنا غير مغادي تزيد تأزم ، ويقدر يصدر منها شي تصرف ماهواش.. هزها من الارض معنقها كيسكت فيها) ششش صافي ششش ، اجي معايا اجي … طلع لطوموبيل دار ليها السمكة سد عليها ، تكات على الزاج كتنخصص، ركب حداها ديمارا وشد طريق لطنجة .
_____
– مع 9:30 وبضبط فمحطة ولاد زيان ، الدنيا كانت عامرة بزاف ، مع كتهبطك الطاكسي كيتلقاو ليك ، فين غادي خريبݣة ، فاس ؟ قنيطرة اخويا اجي اخويا معايا بقات بلاصة اخويا الكار خارج دابا … واخا كترضهم وتقوليهم مابغيتش كايبقاو لاصقين فيك حتى كتݣوليهم راني مقطع ، صحاب المسكة وبيمويات … لي نزل من هاد الكار يطلع لثاني ،، وكل واحد شاد ساكو مزيان خايف لا يمشي ليه .
– وقفات طاكسي حمرة قدام المحطة ، نزل منها راجل لابس جلابة فالݣرونة مع سروال فضفاض وسبرديلة ، داير واحد الرزة صفرة ، معاه مرا لابسة جلابة فالݣرونة عاݣدة زيف على راسها ، لابسة تقاشر مع الصابو ، باينة فيها حاملة حيت كرشها منفوخة شوية ، هازة واحد الساك قديم على كتفها .
– الݣريسون : خويا فين غاديين ، فقيه بن صالح ؟ خميسات أخويا فين غاديين ؟
– …. : مقطعين أسيدي ، تخطاوه ومشاو نيشان لجهة فين كاين الكار لي غادي يركبو فيه .
– …. : فيا الجوع ، راني حاملة خاصني ناكول
– …. (شاف فيها) : شتك تيقتي راسك ؟
– …. : ومالك ، مخرجني مع الصباح بلا فطور ، بحال الى خاونين .. جنيد(شد ليها على فمها)
– جنيد : وقيلة هضرنا .
– شامة : صافي راه نسيت ، انت سميتك عبد الصمد وانا سميتي فاطمة الزهراء .
– جنيد (حيد يدو) : ݣلسي هنا ، أنجيب ليك متاكلي ، خلاها ݣالسة على الكرسي ومشا يجيب ليها متاكل ، حسات بشي حد ݣلس حداها ، ضارت لقات واحد البنت ، دايرة فولارا وزوينة ݣلسات حداها .
– ياكما ݣالس حداك شي واحد ؟
– شامة : لا غير ݣلسي .
– شحال اختي كيتعطلو هاد الكيران ، قطعت دارو معايا مع 9 ودابا 9:30 او والو .
– شامة : فين غادية؟
– قنيطرة إن شاء الله وأنت ؟
– شامة : حتى انا.
– الله يفك وحايلك على خير ياربي .
– شامة : أمين ياربي، جا جنيد مد ليها ساشي فيها رايبيات وبيمويات عطاهوم ليها ، بدا الكريسون كيعيط ، كولشي طلع لكار شد بلاصتو .
– ختي عفاك واخا تݣلسي حدايا وهاد السيد يݣلس فبلاصتي ، (طلباتها بإحراج ، هز جنيد عينيه فشخص لي كالس حدا البنت ، بان ليه ماشي حتى لتم ، أشر ليها براسو وناض مخليها تݣلس حدا شامة .
– شكرا اخويا وسمحليا .
– جنيد : ماشي مشكيل .
– ياختي كيبان فيه ماشي حتى لتم ، مع ݣلس سرح رجليه عصرني .
– شامة : كايمين شي رجال ديال تهزي معاك شي فنيتة ، غيريتمادا تنغزيه بيها تقبي ليه جنابو .
– (كضحك) : وحق الله اختي مكدبتي ، نسيت انا هناء وأنت ؟
– شامة : ش(كانت اتزلق ليها من فمها) فاطمة الزهراء .
– هناء : مشرفين أختي .
– شامة : شرف ليا ( حلات داك الساشي هزات منو واحد البيمو مداتو ليها) هاكي .
– هناء : لا غير كولي ، انت لي واحلة فراسك حشومة.
– شامة : وهاكي شدي أشمن واحلة فراسي ، مدات ليها بينو ، وهبطات هي على ديك الساشية كلها ببيمواتها بريبياتها ، ضار عندها جنيد على غلفة ، باغي ياخود من عندها واحد بسمو ياكلو ، لقاها كاتكمش فساشية ودارتها فساكها .
– جنيد (بهمس) : كليتي كولشي؟
– شامة : اه علاش أنت بغيتي؟
– جنيد : لا مابغيتش ، غير كولي بصحة .
– شامة (كطنز عليه) : الله يعطيك الصحة ، أصلا انا واحلة فراسي ، خاصني نتقوت انا او ولدي .
– خنزر فيها بمعنى كطنزي عليا ، دور وجهو ربع يديه كيشوف قدامو ، اما هي حطات راسها على الزاج وكملات نعاسها لي قطعو فيها جنيد .
____
– #المديرية
– تدق الباب ودخل سيف الدين .. سد الباب من وراه او وقف قدام جلال ، مغوبش وملامح الإستفهام على وجهو :
– سيدي شنو واقع؟
– جلال : ݣلس بعدا .
– ݣلس سيف الدين ، كيتسنى فجلال يهضر بفارغ الصبر .
– جلال : رجالنا لي فطنجة ، شدو شحنة كبيرة من الاودية كانت مهربة من النغرب فتجاه سبانيا .
– سيف الدين : هي كلام شامة كان صحيح ؟
– جلال (شاف فيه) : علاش انت عندك فيها شك ؟
– سيف الدين : ماشي قضية شك ، ولكن ماعرفتش كيفاش أنݣوليك ، ساعة غضب كنتهيؤو شي حوايج سمعناهم .
– جلال : عرفتي دابا منين السلعة تشدات ، خونا قودها ديال بصح ، البوليس من جيه ورحال لي كانو كيتسناو السلعة من جديد .
– سيف الدين : وعلاش هو باش غادي يعرف بلي البوليس كيقلبو عليه؟
– جلال : الرجال لي شدوهم ، عطاو سمية ديالو ، اول مرة نعرف واحد بزناز ومكلخ … عاهدي بالبزنازة الكبار كيكونو دايرين الإحتياط ، هذا مخدم عندو رجال الكلاخ ، سطولة .
– سيف الدين: شنو خاصنا نديرو دابا ؟
– جلال : خاصنا نعرفوه فين مخبي ، ضروري سيف خدم ليا على هاد القضية ، متݣول ليا لا سمير لا سعيد ، انت بيديك اتخدم على هادشي .
– قاطعهم تيليفون ديال سيف الدين :
– سيف الدين (سمحليا) : وي ألو (هز عينيه فجلال) مݣالتش ليك شكون هي وشنو بغات؟ بانت الدهشة على وجه شي لي خلاه يوقف .
– سيف الدين (قطع الإتصال) : سيدي خاصك تحي معايا ضروري .
– جلال (بإستفهام) : أش واقع ؟!
– سيف الدين : حتى لتما وغادي تعرف .
_____
فالعروبية ، تنصبو الخزيان ݣدهم ݣداش ، دور دريس مع المقدم لي جاب العدول ، جابو عمر دخلوه لبسوه جلابة وقادوه ، خداو لاكارط ديالو ناسيونال ولاكارط ديال البنت ، دريس ݣالس جنب عمر حاطر ليه الجنوي على جنبو ، يݣول كلمة وحدة يشرݣو فيه ويدفنو فالكوري مع البݣر ، كتب العدول الكاغط … وعمر ولا مزوج بشادية بنت دريس على سنة الله ورسوله .
– دريس (عنقو) : أمبروك عليك انسيبي ، الزغاريت فدار وريحة الطياب .
– دريس : غدا يكون عرسك ، انجيب العونيات وعبيدات الرمى من خريبݣة غير بلاتينات ، عمر عليه زبل زبل ، باغي غير يلقى الوجيبة ويهرب ، ولكن دريس او ولادو وخوتو مكايخليوهش يتفنفن من حداهم ، ماعندو حيلة … ݣلس داير يدي على وجهو وكيفكر فالفعايل لي كان كيدير ، وقيلة ربي كينتاقم منو وبدا يخلص كاع داكشيلي كان كيدير .
____
– وقفهم الكار فطريق ، هز جنيد ساك جنبو شامة ، غير الخلى وطبيعة واحد المنظر على مزيناتو ، كان دايز واحد السيد سايݣ كروصة بحمارها هاز فيها الفريز .
– جنيد (وقفو) : سمحليا أسيدي ، هاد البلاصة أش كيݣولو ليها ؟
– السيد : هنا أسيدي لالة ميمونة ، ياكما تلفتو؟
– جنيد (عرف راسو بلي فلبلاصة الصحيحة ) : لا أسيدي غير جايين عند واحد السيد ، وبغينا نتأكدو .
– شكون هاد السيد نقدر نعرفو ؟
– جنيد : العطار .
– ويلي ويلي العطارووو ، وشكون لي مايعروف مول الخيمة الكبيرة ، زيد زيد … غادي معاهم وكيعاود :
– يلاه ددوز عرس بنتو غير والبرحتاين ، وتبارك الله بنت ختو ضربات الكاغيط اليوم وغدا عندها العرس ، والله الى مزيان جيتو مع المناسبة هوما هادوك ( سولهم بفضول) شنو كتجيوه؟
– جنيد : دار فينا واحد الخير وݣلنا نزروه ، وكيشتي المرا عندي حاملة وݣاليها الطبيب خاصها تسافر لطبيعة ، وݣلنا نديروها حجة وزيارة .
– السيد : وزين مدرتو ، والله يكمل كولشي مبارك ومسعود ومرحبا بيكم فلالة ميمونة ، الطبيعة زينة وهواها نقي ايعحبكم الحال مرحبا ليكم وألف مرحبا .
_____
– المديرية
– سيف الدين : عندك شي دلائل كتبت هاد الهضرة ؟
– رشيدة (جبدات واحد الملف من الساك ديالها حطاتو قدامهم ) :
– هاد الملف فيه كاع الصفقات لي كان كيدير ، فيهم حتى أرقام لي كونط ديالو .
– جلال (بشك ) : واحد بحال راس الحربة ، كيفاش قدر يزهق ليه ملف بحال هذا؟
– رشيدة (ضحكات بإستهزاء) : راس الحربة ولا رايس كيف كيعيطو ليه الناس ، راجلي سليمان الدحش هادي هي سميتو لي معارفهاش شحال من واحد ، دوزت معاه المرار باعني ليه با ، غير حيت كانو عندو الفلوس مكلخ مقاريش ، معارف حتى كيفاش يتعامل مع ولادو ، كيهمو غير لالة ومالي وتقرقيب السطالي ، وحش فصفة إنسان دمر ليا حياتي … كنت كنقرا ومزيانة فقرايتي ولكن با الله يسمح ليه … رزاني فشبابي ، من نهار الاول وانا طالقة ودنيا وعينيا ، تخايلو معايا طيحي مع ليدليمنة لراجلك ، غير باش تجمعي عليه معلومات ، وتعرفيه شنو كيدير … نكدب عليكم الى ݣلت ليكم ندمت والله مندمت .. أصلا هو كان كيغيب بشهورة وكان كيسيفط ليا ليد ليمنة ليه .
– جلال(ݣالس مقابل معاها ) : شنو سميتو؟
– رشيدة : حميد الكعوة ، معروف بكنيتو بزاف .. كيتيق فيه كتر من راسو ، مافخباروش بلي غدرو وطعنو … منشكرش راسي أنا زوينة … وقدرت نطيحو فشبكة وطحت معاه … ولا كيجيب ليا الخبار أول بأول ، أي صفقة داروها شادة والفادة كتوصلني .
– سيف الدين (متكي بيديه على البيرو) : فخبارك القضية ديال تهريب دوايات؟
– رشيدة (كتبان مهرسة ومدمرة نفسيا) : أه فخباري، وفخباري بلي شدوها البوليس لي فطنجة ، ولكن هادشي راه كبير بزاف ، سليمان غير واحد الدفة كيسدو بيها على خدمتهم الخبيثة ، الى بغيتو الريوس الكبار … كاينين فواحد الكلي كنت شفتها عند سليمان شحال هادي ،، تما فين أتلقاو سميات ديال الريوس الكبار كاملين ، المهم أنا عطيتكم كاع لي تقدرو تحتاجوه باش تشدو سليمان .
– سيف الدين : سمعي الالة كوني هانية ، لا أنت لا ولادك مغايقدش يوصل ليكم ، انت دابا فيد محمية اكوني هانية .
– رشيدة (تنهدات تنهيدة طويلة ) : كنتمنى ، أنا ديت وليداتي عند دارنا… ماكرهتش يتشد اليوم قبل غدا .
– جلال : كوني هانية الالة ، لي دار الدنب يستاهل العقوبة … شحال وحنا كنقلبو عليه … مدام فيدينا هاد الدلائل ، عولي عليه ايعشش فالحبس أكوني هانية ، تقدري تمشي دابا وغادي يتبعك واحد من الرجال ديالنا ، أيبقى حاضيك حتى نشدوه إن شاء الله.
– رشيدة (وقفات وتبسمات إبتسامة ضعيفة) : شكرا بزاف وسمحوليا .
– سيف الدين : بالعكس ، الشكر كلو ليك الالة .
– أشرات ليهم براسها وخرجات .
– جلال (تبسم ) : كيبان مسمار راس الحربة قربنا نسدوه .
– سيف الدين : مابقى والو ، اتبقى لينا غير الكلي ، واخا هاد العالم هذا بحر مايمكنش تسيطر على كلشي ، ولكن اهم حاجة نخليو بلادنا نقية .
– جلال : هذا هو البلان (وقف) ويلاه بالي نعول عليك(غمزو)
– سيف الدين (ضحك) : وناري شحال وانا كنتسنى فهاد النهار ، عرس عندي .
– جلال (فتح الباب) : ودردك مزيان(ضحك وخرج) .
_____
– خارجة من لافاك وجها الصفر ، وقفات كتسنى فشي طاكسي … حتى وقفات عليها طوموبيل .
– نزل الزاج وطل براسو عليها :
– إيمان طلعي .
– إيمان : ماشي مشكيل انشد طاكسي .
– زياد : الله يهديك طلعي وانت يسوطو عليك طيري، حلات إيمان الباب وطلعات .
– زياد : ياك اليوم ماقرياش؟
– إيمان : كانت عندي حصة ونسيتها واش عندي ، ومنعستش بكري .. وفقت بكري وجيت بلا فطور كنحس براسي انسخف بجوع .
– زياد (كيضحك كتهضر بواحد البراءة بحال شي بنية صغيرة) : كنعرف واحد البلاصة زوينة نفطىو فيها .
– إيمان : علاش أنت مفطرتيش؟
– زياد : فطرت ولكن مافيها باس نزيد الثاني ، ديمارا الطوموبيل وشد الطريق ، ماوقف غير عند واحد القهوة كطل على البحر ، نزل هو الأول تبعاتو حتى هي .
– إيمان : شحال هادي ماجيت للبحر .
– زياد : ايوا مزيان جابتها الفرصة دابا تجي ، دخلو للقهوة ، من بعدما طلبو لي بغاو … بقاو ساكتين ، زياد كيشوف فيها كتبان بريئة بزاف ، البشرة ديال بيضاء وشعرها مبوكلي مطلوق ، ريحتها بحال ريحة الورد .
– زياد : شنو ناوية ديري من بعد القراية ، شنو الحلم ديالك؟
– إيمان (ضارت شافت فيه وتبسمات) : صراحة نݣوليك وماضحكش عليا .
– زياد (تبسم حتى بانو سنينات صغار بيضين ومستفين) : لا الالة مغاديش نضحك غير ݣولي .
– قاطعهم السرباي ، حط العصير كرواصة القهوة وزليفات صغار ديال الحريرة الحسوة بالحليب والاعشاب .
– بصحة
– زياد : شكرا (شاف فيها ) : كولي بعدا وكملي ليا ، شريات الحريرة بعدا ، وبدات بداكشي لاخور سلات ورجعات بظهرها اللور .
– زياد (كيضحك) : يلاه رجعات فيك الروح .
– إيمان : أه فاش كنجوع ، كنتكوانسة صافي كنفشل مكنقدش نهضر ، كتشدني السخفة.
– زياد (كيشرب قهوتو وكيشوف فيها) : كملي ليا الالة الحلم ديالك .
– إيمان (بعفوية قربات ليه) : بغيت نفتح محل ، ونولي نقاد فيه شومبوانات وصابون وزويوت ، اي حاجة متعلقة بتجميل نديرها ، كيعجبني بزاف هاد الضومين .
– زياد (بإهتمام كيحرك راسو) : فكرة مزيانة ، براڤو عليك … هاد الفكرة أتعجب سامية .. هي عندها سونطر بيوتي ، تولي تعامل معاك كاع .
– إيمان (كضحك) : بديتي كتفكر من دابا ، مزال الحال .
– زياد : علاش مزال الحال ، الى عندك العزيمة والرغبة كولشي ممكن ديريه .
– إيمان : إن شاء الله نكمل بعدا قرايتي ، وناخد الماستر وإن شاء الله يكون خير .
– زياد : وأنا معاك ، أي حاجة بغيتي نعاونك فيها أنا موجود .
– إيمان (بقات كتشوف فيه ) : شكرا .
– زياد (كيبادلها النظرات) : مابيناتناش ، نمشيو ؟
– إيمان (عاد فاقت من الݣلبة) : اه ههه يلاه .
– خلص زياد الفطور وخرجو شدو الطريق لدار بجوج .
_____
#فالشركة
– جواد (كيهضر مع المحامي) : بغيتك تكلف بكولشي ، هاد المسمار بغيتو يتطرق فأقرب وقت .
– كون هاني موسيو جواد .
– جواد : يلاه نشوفك من بعد ، هز راسو فسعيدة .
– سعيدة : أحسن مدرتي أخويا ، مابغيتش نسولك شنو درتي ولا كيفاش ، ولكن أحسن حاجة درتيها هي هادي .
– جواد : نخليو هادشي حتى لدار ونهضرو فيه ، دابا خاصنا نهضرو على تصاميم الجايا ، خاصنا تغطية إعلامية متكونش دارت من قبل ، على قبل إفتتاح لاتوليي ديال الرباط .
– سعيدة : فكرت فهاد القضية ، كاين واحد السيد شكروه ليا شي ناس ، شفت الخدمة ديالو ودخلت لسيت ديالو ، تبارك الله عليه خدمتو متقونة … شنو بان ليك ؟
– جواد : أنا تايق فخدمتك ، لي درتيها مزيانة ، غير هو خاصنا نتحركو بقا لينا شهر للإفتتاح ديال لاتوليي، بغيت لمدينة كلها إعلانات نعول عليك أسعيدة .
– سعيدة (وقفات كضحك) : الى ماعولتي عليا أنا علامن أتعول ؟
– جواد : سعيدة بغيت نسولك .
– سعيدة : اهاه سول .
– جواد (تراجع) : لا والو صافي .
– سعيدة (بشك) : المهم أنا مشيت ، خرجات وسدات الباب ، خلاتو كيلعب فالكرسي غارق فتفكير ظيالو ، فبلاصة وحدة عند سهيلة .
____
– فبلاصة أخرى .
– وصلو لدوار ، كايبان ليهم جوج خزانات ݣدهم ݣداش .
– السيد : جيتو مع عرس بنت خت العطار نيشان ، كولشي غادي يكون حاضر ، سمعت بلي جايبين الشيخات من خريبگة وعبيدات الرمى ، كاع الدوار غادي يحضر مزيان نيت تحضرو معانا .
– جنيد : الله يكبر بيك أسيدي .
– شامة : سيدي عبد الصمد تشهيت زبدة بلدية مع المسمن والعسل ، طل عليها الراجل لي معاهم كيضحك .
– مسكينة كتوحم ؟
– جنيد (مكرهش يشدها يخشيها فالارض بحال شي غرس ، عارفها كدير هكا غير بلعاني) : اه مسكينة شهرها الرابع ومزال شاد فيها الوحم .
– السيد : الله اودي هنا راه أهل الكرم ، ايتهلاو فيها .
– شامة (كطنز) : سيدي عبد الصمد ، مكرهتش شي ݣصعة ديال الرفيسة بدجاج البلدي ، وشي طبسيل دوك ديال الطاوس بلحم والبرقوق .
– جنيد (باغي يقجها ومالقا ليها جهد) : قسما بالله العظيم ، وماتزيدي ݣدامي حتى نلوحك فشي كوري ونزيد فحالي .
– شامة (كتقلي ليه السم) : ومالك اسيدي عبد الصمد تعصبتي ، راه هادشي كامل ولد لي بغاه أما أنا راه غير مرسول صافي .
– السيد (بفرحة) : ها هو سي دريس(بدا يعيط) وسي دريس وا سي دريس ، تم جاي دريس .
– دريس (كيشوف فيهم بفضول) : أش كاين المعطي؟
– المعطي : هاد الناس جايين يشوفو العطار نسيبك ، دار فيهم شي خير فالمدينة ومع مرتو حاملة مسكينة ، جابوها حجة وزيارة وجايين عندو يشكروه .
– دريس(بفرحة) : مرحبا وألف مرحبا، جيتو مع عرس بنتي نيشان ، كنا انخليو العرس حتى لغد ومع كيشتي العريس زربان ، ݣلنا نديروه اليوم ، مرحبا بيكم اجيو اجيو ، سي العطار نسيبي الله يعمر ليه الدار … مشا لقنيكرة أهاد الصباح أيجي هاد الليلة إن شاء الله ، اجيو مرحبا ، وااا فتيحة وااا فتيحة (كيعيط على مراتو) ، خرجات فتيحة دايرة طابلية وناقشة رجليها ويديها .
– دريس : هادو شي ناس من طرف خوك ، تهلاي فيهم راه السيدة حاملة ، وبلاما نوصيك عليهم .
– فتيحة : مرحبا بيكم دخلو مرحبا بيكم .
– دريس (حط يدو على كتف جنيد ) : اسي اش سماك الله ؟
– جنيد : عبد الصمد .
– دريس : سي عبد الصمد ايبقى معانا فالخزانة ديال الرجال .
– فتيحة : صافي سيرو، دخلات شامة لداخل وجنيد بقى مع دريس فالخزانة ديال الرجال ، عرفو بولادو وبالقايد وشيخ ، وبدوك الناس ليتم … كيݣوليهم بلي عبد الصمد راجل حجرتو كبيرة فالمدينة وجا على قبل يحضر لعرس بنتو ، وصلات العشية .. وصلو الناس العيالات لي عندها شي دهب لبساتو ، مسوكات ومكحلات ، جاو العونيات شدو بلايصهم حتى هوما ، العروسة حاطينها الوسط ومغطيينها بيزار بيض محنيين ليها رجليها ويديها ، دريس لابس جلابة والخنجر وشكارة ورزة ، فرحان مقداتو فرحة أما عمر ملبسينو جلابة بيضة والبلغة صفرة … دايرين ليه الرزة ومسوكين ليه .. دايرين ليه دورة ديال الحنة فيدو ومݣلسينو مع الرجال ، بغا غير يفلت ولا يزهق والو .
– خرجات شامة مع فتيحة وعيالات خوتها وبنات الدوار ، ملبسينها واحد القفطان ديال ستان فالقهوي مع مضمة فدهبي، دايرين ليها واحد الشال فيه السقلي ، مكحلة ومسوكة جات فنة مع عينيها قهويين … قشعها جنيد من بين الرجال ساهي فيها عينيها بالكحل كيسلبو العقل .
– حدرات شامة راسها كضحك مع فتيحة غادية لجهة الخزانة ديال العيالات ، هزات راسها فخزانة الرجال كتقلب بعينيها على جنيد ، وقفات مبلوكية مخرجة عينيها مصدومة من هادشي لي كتشوف قدامها ..
_____
– وقفات كتأكد واش عمر هداك لي ݣالس محنيين ليه يديه ولا غير تخايلات ، هز عمر راسو وهي تبان ليه مافهم والو … عند بالو واش غير كيتخايل ، كيشوف فيها وفكرشها كيفاش وإيمتا حتى حملات ولا تزوجات مايمكنش … داخ عند بالو غير صدمة زواجو أترات عليه ، حدرات راسها ودخلات لخزانة ديال العيالات ، دارت ليها فتيحة بلاصة حدا شي عيالات ، بداو العاونيات كيغنيو ، وهي طالقة ودنيها كتسمع لوحدة كتعاود .
– المرأة 1 : تي كيدارت حتى ضبرات عليه ، زهر عدها .
– المرأة 2 : ݣالو بلي كان مريضة وجا لعروبية يرتاح ، وشافها وعجباتو ، هانتي تشوفي على شادية الحمقة لي كضل دور فدوار وضرب بالحجر ، ضبرات على راجل كيت بناتنا حنا .
– المرأة 3 : على ماسمعت فلقات ليه راسو بحجرة ، وݣالت ليهم بلي كان باغي يتعدا عليها … وراحم عارفين دريس او ولادو ، البق مايزهق شدوه ربطوه فالكوري وضربو الكاغيط ، علاش ماشي العرس كان ايكون غدا … خافوه لا يهرب منين عرفها حمقة وهوما يعرسو ليهم اليوم .
– المرأة 2 : ومالو ابانت ليه زينة ݣال نضحك عليها ، عبرو على بوه .
– شامة (غير سالاو وهي تنوض حيدات الشال وتحزمات بيه وبدات تشطح فرحانة مقادتها فرحة كتحس بجمرة لي كانت شاعلة فيها بردات ) : وهااا بز منو باغية نشطح بز منو ، وها بز منو ندردك عليه بز منو ، وها بز منو نطلق سالفي بز منو ، وها خليتو ليك الي بغيتيه غير ديه ، واهليتو ليك وجمفو عليه وها خليتو ليك ويخ منو غير طليه ، الالة يما شايب مانبغيه الالة يما ويلى بغيتيه ديه ، ولالة يما بغيتلو ݣوردة تديه …
– شامة ماخلاتش من جهدها ، كتشطح حتى ولات كلها عرقانة كولشي لي تما تعجبو ليها حاملة وكدردك بحال هكا ، عيالات الدوار حنتاتهم ، مسالات حتى ولات كلها حمرة كتنهج عاد ݣلسات .
– فتيحة : والله يعطيك الصحة أبنيتي الله يرضي عليك .
– شامة (كضحك حتى لودنيها) : وخالتي ناشطة وماشطة وفرحانة بحال الى عرسي ، الله يكمل بالخير بزرع وزريعة ودراري والهراري والولاد بحال الوتاد .
– فتيحة (فرحانة) : أمين أبنيتي والله يطلق سراحك حتى انت .
– شامة : أمين أخالتي .
_____
– فالڤيلا .
– توفيق : زينب وجدتي ليا كولشي ياك ؟
– زينب : كولشي واجد ، شحال غادي تݣلسو ؟
– توفيق : واحد 10 يام ولا 15 يوم هكاك ، يقرب الإفتتاح غادي نرجع .
– زينب : اتخلي الدار خاوية .
– توفيق (باس ليها يديها) : شحال هادي ماشفت الواليد والفيرما ، بغيت نرتاح شوية ومنها نيت ندي معايا سي علي ، يرتاح و ينسى شوية عاود ليا مسكين على البلية لي عندو ، خاص لي يعاونو باش يتوب داكشي باش ݣلت ، نمشيو انا وياه الطبيعة غادي تعاونو .
– زينب : مزيان اللهم يسر.
– توفيق (باس ليها راسها) : يلاه أنا مشيت ، تيليفون بيناتنا.
– زينب : ضروري ، طريق السلامة غير توصلو إن شاء الله سوني ليا .
– توفيق : بلاما توصي يلاه في اماني الله أنا مشيت .
____
– فالحومة ديالهم واقف من بعيد ، ݣالس فطوموبيلتو … معرفش شنو كيدير هنا ولكن هاد البنت تارت الفضول ديالو … عمر شي وحدة تجرأت ورفضاتو ولا رضاتها فوجهو حتى ليها هي ، تحل الباب وخرجات هازة السطل ديال الزبل ، لابسة بيجامة بسروالها قصيرة وجامعة شعرها دايرة بانضا بالودينات ، مشات حتى لبركاصة لاحت الزبل مع ضارت كيبان ليها واقف قبالتها ، وقفات كتشوف فيه وكتسول راسها … هذا أش جابو وشنو كيدير هنا … من الحفلة فاش وصلها هي وعماد مشافتش وجهو .
– دارت راسها مشافتوش وتمات غادية حتى وقفها بيديه .
– أحلام (كتشوف فيدو وفيه ) : أسي محمد حيد يديك ، كتعرفني كنعرفك باش تشد فيا ؟ ياكما يحسابليك حومتكم هادي ، راه حومة شعبية هادي وحدا دارنا أبنادم .
– بهاء (زعفاتو) : واخا اسكتي شوية ، واش نقدرو نهضرو بحال الناس؟
– أحلام (هزات حجبانها فيه بإستغراب) : علاش انهضرو أخويا شنو بيناتنا باش نهضرو ، خرجتي عليا وخرجتيني من خدمتي وجاي كتهضر !!
– بهاء (بإستغراب) : علاش خرجتي من الخدمة؟
– أحلام (كضحك بسخرية) : ياااه شفتي سبحان الله ، علاش ماشي انت لي درتيها ؟
– بهاء : مدرت والو ، يقدر يكون شافك من الكاميرات كيفاش تعاملتي مع زبون بحالي وجرا عليك .
– أحلام : من لللخر شنو بغيتي وطلقني خلاص ، الناس ايشوفونا يݣولو بيناتنا شيحاجة .
– بهاء (مامسوقش) : نقدرو نطلعو لطوموبيل ، واخا انا مكايهمنيش هضرت بنادم .
– أحلام (محملاتوش) : حيت انت راجل ماشي بنت اتشوه سمعتك ، وحيت مكاينين فالكارتيي ديالكم ، داكشي باش ماعندكش سوق .
– بهاء : أحلام خلينا ندويو ، عجبتيني ومافيها باس نتعارفو بيناتنا .
– أحلام (قربات حداه كتشوف ليه فوجهو ) : سمعني مزيان نكوليك واحد الحاجة ، شفتي واخا تبقى أنت هو اخر واحد فهاد دنيا … لا كنت معاك عرفتي علاش؟ حيت كيهمك غير راسك مكايهموكش الناس لي ضايرين بيك … مالف اي حاجة كتجي حتى لبين يديك ، عند بالك بنات الناس لعبة دير بيهم مابغيتي .(زادت قربات ليه كثر) بغيت غير نفكرك بلي عندك 3 ديال الخواتات .. وكيف بغيتي الناس يتعاملو معامهم ومايغلطوش فحقهم اتبغي لبنات الناس، ولكن انت هادشي مكتفكرش فيه … لي ساليتي منها كتشوف الجديد وتلوح لي كانت معاك ، كتشم بعرة وتلوح لوخرا كيف كيݣولو ، ولكن دير فبالك صياد النعامة يلقاها يلقاها كاع بنات ناس لي ضحكتي عليهم اتجي واحد النهار وغادي تخلص على فعايلك ، كنتمنى ماتبانش فخواتاتك حيت مايستاهلوش يتجزاو على تصرفاتك ، وقبل منمشي راجع راسك وراجع تصرفاتك قبل مايفوت الفوت وانا ، نساني الله يرحم باك وماتبقاش دور بساحتي .
– خلاتو واقف مبلوكي ومشات ، كلامها كيتردد فودنيه … ضار طلع لطوموبيلتو كسيرا وزاد ، طول طريق وهضرتها كتعاود … كيسول راسو واش فعلا هو خايب ؟ واش فهلا تصرافاتو خايبين ؟ واش بصح حياتو غادية بلا هدف ولا معنى فلوس وبنات فلوس وبنات … علاش عمرو فكر فهاد الحوايج هادو ، حس براسو مخنوق بزاف ، غادي ومكيشوفش قدامو ماقدرش يركز فسوݣان … كتبان ليه غير الضبابة قدام عينيه ، كولشي وقع فلمح البصر ، طوموبيل طلعات فوق طروطوار داخلة فشجرة ، الزاج القدام مشتت والبولات كيسنيو ، وقفو الطوموبيلات خارجين الناس ، كيقلبو واش شي واحد طرات ليه شيحاجة ، وقف واحد الراجل سونا لومبيلونص ، منظر بهاء من الزاج لي حداه راسو محطوط على الڤولون ودم هابط ليه من جبهتو .
_____
– تحطات الماكلة طاحت فيها شامة عمية ، ماكلت العروبية واخا دور العالم كامل ماتلقاش بحالها ، بداو العيالات كيخرجو من الخزاين يغسلو يديهم .. مشات معاهم شامة غسلات يديها كرشها عنرات وشبعات ، بقات واقفة كتسرح عينيها فطبيعة وسما الليل الصافية .
– شامة هادي أنت ؟
– شامة (ضارت عند الصوت لي عمرها تنساه ، هاد الوجه لي مكرهاتش كون ندباتو ليه وقتلاتو ، ولكن سبحان الله هادشي لي هو فيه دابا أكبر عقاب ليه ، واحد الحالة ماتبغيهاش لعدوك ، نازل عليه واحد المسخ ماتشوفش فيه لا موحمة لا لي شادة فحبل ) : مبروك عليك ، عرفتي والله حتى فرحت ليك تستاهل .
– عمر (كيشوف فجنابو لا يشوفو شي واحد ) : انا انا عارف درت فيك الخايب وديت ليك فلوسك ، غرني الشيطان مكنتش كنحس برجولتي معاك قدما كنت كنحس بيها مع هدى ، كنتي كتعايريني وتقمعيني مكايعجبنيش الحال ، ولكن وحق الله المعبود حتى كنت كنبغيك .
– شامة (كضحك) : والله يمسخ الكذاب حتى يولي قرد ، ولعنة الله وعليك ليوم الدين … شفتي انت والله مراجل رعواني منونخ ماتسوا ريال … شفتي ديك البصلة الخامجة لي كتشيط فسواق ، هاديك حسن منك قسما بالله ، تستاهل صياد النعامة يلقاها يلقاها .
– عمر (بترجي) : نبوس ليك يديك ورجليك ، هالعار ديري فيا هاد الخير وعتقيني منهم ، زوجوني لوحدة حمقة واش انا على اخر يامي نتزوج بوحدة حمقة ، شوفي ندير ليك مابغيتي غير رضاي عليا وعاونيني شوفي بغيتي نعطيك حتى فين كاين راس الحربة نعطيك.
– شامة : ونوض تݣعد مكايهمنيش نعرف ، وسير فحالك انت تزوجت بسيدك وها دليل قدام عينيك .
– عمر (كيشوف فكرشها) : مايمكنش يلاه شهر باش تافرقنا ، كيفاش درتي ليها هادشي تخربيق تكوني كنتي كضحكي عليا .
– شامة (غير ݣال ليها هكاك شعلات وبردات دغية) : خلينا من هادشي كامل دابا، بغيتيني نعاونك ونعتقك منهم ومن هاد الزواج ديال الهم ؟
– عمر (باللهفة ) : أه ندير مابغيتي .
– شامة : اهاه ماݣلتي عيب وسمعني دابا …
_____
– وصلات لومبيلونص قدام لكلينيك ، هبطو ببهاء كيجريو ، من وراهم وقفات طوموبيل زياد معاه إيمان ، هبطو كيجريو تابعينهم ، وقفاتهم الفرملية .
– شنو كتجيو عفاكم ؟
– زياد (ماشي على برجو) : انا خوه لي لي لداخل خويا .
– عفاك سير الاستقبالات قوم بالاجراءات .
– زياد : ولكن .
– ماتخافش خوك أيكون مزيان راه مع دكتور .
– مشا زياد للإستقبالات ، عطاهم جميع المعلومات ومشا عند إيمان .
– زياد (متوتر) : داخت بيا ماعرفت نعلم الواليدة ، ولا شنو غادي ندير والله !!؟؟
– إيمان : شوف بلاتي نتأكدو واش هو بيخير ، تصدق مشوشهم ويوقع ليها شيحاجة ، غير صبر .
– زياد (قلبو أيخرج) : كنتمنى مايكون بيه والو ، أووووف تعطلو بزاف لداخل ، خرج الطبيب غير شتفو زياد نقز عندو .
– زياد : دكتور كيبقى خويا ؟
– دكتور (بإطمئنان) : متخافش ، الحمد لله حادثة بسيطة بعض الجروح فالجبهة ديالو وكسر بسيط فاليد ديالو ، انزيدو نتاكدو كثر بالأشعة باش نشوفو واش مكاينش كسور داخلية .
– زياد (رتاح مبدئيا ) : نقدر نشوفو؟
– دكتور : ماشي دابا ، ولكن تقدر تشوفو من بعد (أشر ليه براسو ومشا) .
– إيمان (شدات ليه فكتفو) : الحمد لله شفتي ، ماشي شيحاجة خايبة .
– زياد (شاف فيها) : الحمد لله ، سمحيليا عذبتك معايا .
– إيمان : لا بالعكس انا لي بغيت نجي معاك .
– زياد : انتاصل بدار نعلمهم .
– إيمان : واخا .
_____
– فجهة اخرى وعند الرجال ، ݣالس جنيد مع دريس ومع العطار لي جا من قنيطرة .
– جنيد (بهمس) : سي العطار ، انا غير ݣلت لنسيبك بلي كنعرفوك ، اسيدي جينا قاصدينك بغيناك تعاونى الى قدرتي .
– العطار : أياه أسيدي مرحبا .
– جنيد : واحد السيد باع ليك واحد الصندوق ديال الخشب ، وداك الصندوق عندنا بيه الغرض .
– العطار (بشك ) : وعلاش؟
– جنيد (عرفو خاف) : متخافش اسي العطار ، لي سيفطنا عندك هو والي امن الدار البيضاء ، الصندوق لي خديتي فيه واحد الأمانة ، وضروري اتخصنا اسيظي ، مسألة حياة أو موت .
– العطار (كيشوف فيه) : أولدي وجهك باين عليه ماشي حرامي ولا نصاب ، غير هو انت عارف خدمتنا كنشريو شحال من حاجة ، خاصني نعرف اشمن بلاصة وإيمتا بضبط .
– جنيد : نݣوليك شي 15 يوم هادي هكاك ، دزتي من حي البرنوصي فين مالف ،وخديتي صندوق قديم ديال الخشب من عند سي علي شرف الذين .
– العطار (كيفكر) : بلاتي بلاتي ، أيااااه أولدي بصح خديت عندو واحد الصندوق ، وخليتو فالمحال ، ولكن اولظي راه غير لبارح سيفط دري لمدينة يحل المحال ، نتمناو مايكونش باعو .
– جنيد (رتاح وفنفس الوقت خايف يكون الصندوق تباع ) : لهلا يخطيك أسي العطار وسمح لينا .
– العطار : مكاين موشكيل أولدي الله أودي ومرحبا بيكم .
– جنيد (تبسم ليه) : الله يكبر بيك .
_____
– عمر : هالعار سربي كولي ليا شنو بغيتي ، راه ايحصلوني .
– حيدات شامة الصابو من رجليها ، مرغاتهم فتراب ونعسات على ظهرها .
– شامة : تحنا بوس رجليا .
– عمر (مافهم والو) : كيفاش؟
– شامة : ياك ݣلتي باغي تبوس ليا يديا ورجليا ، يلاه تحنا وبوس ليا رجليا ، وطلب السماحة مني بوس وطلب السماحة ، يلاه سربي قبل مايجيو ومايقد حد يفكك منهم .
– عمر بقى كيشوف مكان عندو حتى خيار أخور ، تحنى على ركابيه هز رجليها بجوج كيبوس فيه .
– عمر : سمحيليا على اي حاجة درت ليك(كيبوس) عمري باقي نعاود مزال (كيبوس) ندمت لي ضيعتك بين يديا ندمت بزاف ولكن انا انصلح كولشي(كيبوس فرجليها)
– شامة : صافي براكة . هز فيها عينيها جراتو من القب ديال الجلابة طيحاتو وبركات عليه .
– شامة (كتنتف فيه) : انا ضحك عليا يالمنونخ يخانز البيطان ، يالي سنانك مكتحكهم من حمام لحمام وكتحكهم غير بكيلوطك يالمعفون(كيغوت ربي لي خلقو) أدوي أشلاهبي (كتغوت) واكواك عتقو الروح باغي يتعدا عليا واكواك اعباد الله باغي يتكرفص عليا وانا حاملة وعندي وليداتي ، وكواك اعباد الله ، طرمات فالأرض كتركل وضرب فراسها وتنتف فراسها او فوجها رجعات كلها تراب ، كاع الدوار تجمع ، خرجو الرجال كيجريو ، جنيد قفز طار سمع صوتها لي ميزو من ألف صوت ، وصل لعندها كيبان ليه العريس طايح وهي طايحة كلها تراب ، شعرها طالع لسما .
– شامة (كتبكي بلعاني) : العريس باغي يتكرفص عليا جيت نغسل يديا تهجم عليا ، مراعاش ليا واش حاملة ولالا (كتشهق) عييت فيه راني مزوجة وراهو عريس والو مارحمنيش ، العيالات كيتوشوشو الرجال كيشوفو فيه شوف ديال الإحتقار ، تهز من الأرض ورجع ترضخ بيد جنيد لي نزلات عليه ، خرجو عينيه وكشاكشو خارجين ماكيشوفش قدامو ، ضربة وحدة خلات عمر خنونة .
– دريس (حشم من جنيد) : خليك اسيدي بلاما توسخ فيه يديك ، جاب لينا العار حسابو معانا حنا انت أكون هاني ، فتيحة دخلو السيدة لداخل وقومو بلازم .
– نوضوها العيالات لواوها فيزار بيض ، لبسوها صابو ديالها شدوها غاديين بيها قبل ماتمشي شافت اخر شوفة فعمر كتحس بواحد البرود واحد الراحة نزلات عليها ، فدات ضقتها بدوبل غير هاد الرمية كافية ترجع ليها حقها ، خنزرات فيه وكملات طريقها مع العيالات ، شوفات لي مدازوش على جنيدلي تبعها بالعين حتى دخلات لدار ..
_____
– فلكلينيك ، تجمعو كاملين عند بهاء زينب الخوف باين على عينيها ، شادة فيها سعيدة وسعاد ، سامية واقفة مع جواد وزياد .
– سامية : الطبيب تعطل علينا .
– زياد : هاحنا صابرين ، شوية خرج عندهم الطبيب كولشي وقف ملهوف باش يسولوه .
– الدكتور (مبسم) : الحمد لله الأشعة خرجات مزيانة ماعندوش جروح وكسور داخلية ، من غير اليد ديالو لي وقع فيها كسر بسيط وجرح على مستوى الجبهة ديالو .
– زينب (بترجي) : عفاك واخا نشوفو؟
– دكتور : اه ممكن دخلو دابا ، غير هو ماتعطلوش عندو باش يرتاح .
– زينب (دموعها هابطين) : شكرا بزاف ، دورات الپوانيي ودخلات ، كان ناعس فنموسية دايرين ليه الݣبص ليديه وباندة فالغوز باردة ، دايرين ليه فاصمة على راسو وساهي ، حتى دخلو عاد رد ليهم البال .
– بهاء (بصوت عيان) : الواليدة .
– زينب (كتبكي ، باستو) : ولدي كيف بقيتي شوية باش كتحس ؟
– بهاء (كيحرك راسو) : الحمد لله الواليدة ، دازت فلتنا منها الحمد لله .
– زياد : السبع ديالنا على سلامتك .
– بهاء : الله يسلمك .
– جواد : على سلامتك شوية ؟
– بهاء (بإبتسامة باهتة) : الحمد لله .
– زينب : باباك ماݣلنا ليه والو ، يلاه شي ساعة شد الطريق لعروبية هو وسي علي .
– بهاء : مزيان منين ماݣلتي ليه والو ، مكاين لاش تبرزطيه الحمد لله ماوقع والو .
– إيمان(ببراءة) : على سلامتك
– بهاء : الله يسلمك.
– سعاد : بغيتي شيحاجة تشهيتي شيحاجة ؟
– بهاء (ضحكاتو) : مابغيت والو ، بغيت غير نبقى انا والواليدة .
– سامية : كتجري علينا ؟
– بهاء(كيضحك) : طلعتو ليا فراسي.
– سعيدة (لجواد) : مالحظتيش خوك كيبان هادئ بحال الى فورمطاوه .
– جواد : غير حر الضربة هاديك .
– بهاء (شاف فيهم) : ويلاه الله يرضي عليكم ، خليوني انا والواليدة .
– زياد : ايااه هي لولة ، خرجو وخلاوه غير هو وزينب .
– بهاء (كيشوف فمو ، بيدو صحيحة شد ليها فيدها) : سمحيليا بزاف .
– زينب (بإستفهام ) : مناش أولدي ؟
– بهاء : على كولشي ، عارف راسي غلطت معاك بزاف … فالاوقات لي كايخصني نكون معاكم مكنكونش ، كنت مقابل غير لالة ومالي فكرت بزاف فهادشي ، مامسلكش الواليدة والله … كنضيع غير راسي ومستقبلي ، واحد الانسان فيقني بعيبي ولقيت فعلا عندو الصح ، وزيد عليها هاد الكسيدة بحال الى ربي بين ليا العلامة ، وبلي خاصني نتراجع .
– زينب : اولدي انا كنبقى أم ، والأم كتسامح ولادها كيفما بغا يكون نوعهم ،والحمد لله احبيبي مزال الخال ومزال تبدل شحال من حاجة .
– بهاء : داكشي لي ناوي ندير ، إن شاء الله غير نولي لاباس شحال من حاجة غادي تبدل .
– زينب (بإبتسامة كدوز يدها على شعرو) : الله يرضي عليك .
_____
– سيف الدين (فتيليفون) : وي سيدي ، كولشي هو هداك … حوطنا المطار المخارج والمداخل ديالو ، خاصنا نكونو مستعدين من دابا … ماتعرف دور ليه فالبلان ويبدل التوقيت … فبلاصة مايمشي فصباح يمشي فليل اللهم نكونو واجدين ، لا كون هاني هاذ المرة ايطيح على وقفتو ، غادي نطرقو مسمار راس الحربة غير تهنا ، قطع مع جلال كيدور فجنابو كانو مخبيين ومحوطين المطار من كاع الجهات ، رجال الرداخل وعلى برا .
– سيف الذين كان كيحس بواحد الفرحة او واحد الراحة كبيرة بزاف ، واحد الطاقة لداخل ديالو واخيرا هاد الملف لي كان خدام عليه شحال هءا قرب يسدو ، هز التيليفون دور واحد النمرة وبنبرة صوت مغايرة وحنونة هضر :
– حبيبة ديالي ، توحشتك … لا خدام علاش ياك لاباس؟ (غوبش) وايلي وقعات شيحاجة خايبة شنو ݣالو ليكم ؟ ياك دابا مزيان ماشي شيحاجة ݣغاڤ، الحمد لله الحمد لله ، تهلاي فراسك والى كانت شيحاجة علميني صافي … يلاه أحبيبة ديالي حتى نسالي ونسوني ليك ، كنبغيك بزاف … حتى أنا ابب يلاه انا مشيت ، قطع تيليفون … هز كاسو دالقهوة شرب منو .. نزل بالكرسي حاضي الطريق ودراري لي معاه ، خاصو يكون واجد لاي حاجة فأي وقت .
_____
– فجهة أخرى .
– جنيد غادي جاي قدام الدار ، كايتسناها تخرج .. خرجات لاوية عليها واحد ليزار كتقلب عليه بعينيها غير بان ليها مشات عندو .
– شامة : هاني .
– جنيد (وقف وشاف فيها جرها من يدها غادي بيها ماوقف حتى حدا شي شجر بلاصة خاوية ) : الناس فديك الليلة شي نعس وشي لا ، كولشي كيهصر على داكشي لي وقع ، عمر سدو عليه فواحد البيت شبعوه عصا خلاوه مهدود ، سدو عليه وخرجو ، دار العروسة منعسوش ديك ليلة بالفقايص.
– جنيد (ببرودة) : المسرحية لي درتي مغاديش تمشي عليا اديريها فبالك .
– شامة : وحتى واحد ماطلب منك أصلا تيقها .
– جنيد : هي كتݣولي بلي كذوب؟
– شامة : أه كذوب
– جنيد (بشك) : علاش ؟ بلاتي متجاوبيش مايمكنش ظيري بحال هكا لناس حيت كنعرفك مزيان ، هو ياك ؟
– شامة : اه هو .
– جنيد (كارز على يديه) : كان عليا نخلي دار عشتو .
– شامة (ببرودة ) : مكاين لاش ، الناس دارو لازم وحتى انا ماخليتش من جيهتي ، لحمار بلا حشمة كيكولي عاونيني ونرجعو ونعوضك ، عمري شفت شي واحد وجهو صحيح بحالو ، ولكن عرفتي شنو بردت قلبي ، بردت من جيهتو واحد البرود مكاينش بحالو نهائيا ، حسيت براسي تفشيت وفاش شفتو فديك الحالة ، رتاحيت هذا أكبر عقاب ليه ، أما باش دير فيه يديك غير اتخصر طاقتك فشيحاجة ماتستاهلش .
– جنيد (كيطنز) : هي خاصنا نخصرو طاقتنا فشيحاجة لي تستاهل؟
– شامة (كضحك) : بحال هكاك ، شفتي كيف ولا بحال شي كلب
– جنيد (ساهي فضحكتها) : دابا تأكدت بلي مابقيتيش كتبغيه .
– شامة : كان خاصك تأكد من شحال هادي ماشي حتى لدابا … يلاه نرجعو حشومة خلينا الناس ، أجي شفتي السيد ؟
– جنيد : اه هضرت معاه ، غدا فصباح انمشيو معاه نشوفو شنو كاين ونتاكدو ياكما تباع .
– شامة (عطاتو بظهر) : ايوا على الله … تمات غادية حسات بيدو جراتها ودوراتها لعندو ، جاو شفايفها على شفايفو ، غاص معاها فقبلة طويلة .. بوسة كلها شوق وحب غير لي مكايحس هو لي مغايفهمش شنو كاين ورا هاد البوسة هادي ، شامة هاد المرة تجاوبات معاه ، بلاما تحس طلعات يديها ولاوتهم على عنقو شي لي خلاه زاد فوتيرة البوسة . فلحظة إنسجام قاطعهم ثوت دريس كيعيط على جنيد .
– شامة دفعاتو كتنهج وجها ولا سخون .
– جنيد (كيعاير) : هاد الديناصور خارج فعاودي تفو .
– شامة (جاتها الضحكة مجاوباتوش هزات ليزار لي طاح ليها ومشات كتجري) .
____
– صبح صباح الجديد ، شدات شامة وجنيد مع العطار الطريق راجعين لكازا ، شامة وجنيد ماهضروش نهائيا من الصباح فاش فطرو مجموعين ، غير وصلو لكازا مشاو مع العطار نيشان للمحل ديالو لقاو ولدو كاين تما .
– العطار : دخلو مرحبا بيكم ݣلسو … خلاهم ݣالسين ودخل لداخل كيقلب على الصندوق .
– العطار(كيعيط على ولدو) : منير منير .
– منير : نعام أبا هاني .
– العطار : واحد الصندوق ديال الخشب ، كان محطوط هنا ماشفتيهش، جنيد غير سمع حس الصندوق وقف .
– منير : تباع .
– العطار (مصدوم) : تا كيفاش تباع ؟
– منير : تباع ابا لبارح ، جاو واحد الݣاوري والݣاورية داوه .
– جنيد (قاطعهم) : عاقل عليهم كيدايرين ولالا ؟
– منير : أه عاقل عليهم ، هزيت الصندوق ومشيت معاه حتى لوطيل فين كاينين ، حطيتهم ليهم دورو معايا مزيان وجيت .
– جنيد (مغوبش) : عاقل على الاوطيل ؟
– منير : أه عاقل عليه .
– العطار : سير معاهم أولدي وريهم للوطيل .
– جنيد : شكرا اسيدي سمح لينا عذبناك .
– العطار : الله اودي بالعكس انتوما لي سمحوليا .
– خرج جنيد وشامة معاهم ولد العطار ، خداو طاكسي عطاهم منير إسم الأوطيل ، شدو طريق ليه ، وصلو خلص جنيد ونزلو … دخلو لوطيل مشاو نيشان للإستقبال .
– جنيد (بجدية وصرامة) : عفاك الله يخليك واحد جوج سياح نازلين عندكم فالأوطيل ، جا معاهم هاد السيد الصباح؟
– البنت : سمحليا انا عاد دخلت ، وزايدون مكاينينش غير جوج هنا كاين ربعات دسياح نازلين ، ولكن ممكن نعرف شكون انتوما؟
– جنيد : البوليس .
– البنت : انا اسيدي انعرف ليك من البنت لي كانت هنا فصباح ، سمحليا واحد الدقيقة ، بعدات شوية سونات فتيليفون … بقات كتهضر شوية ورجعات .
– البنت : عرفاتهم ولكن للأسف غير جاو فصباح رجعو خرجو .
– جنيد : معاش كيرجعو ماعرفتيش؟
– البنت : للاسف اسيدي هوما سافرو للمراكش ، واحد 2 جوغ وغادي يكونو هنا … حيت مزال مالغاوش الحجز ديالهم ومزال ماخلصوش ، وحتى من حوايجهم خلاوهم .
– جنيد :داكوغ الى كان ممكن انخلي ليك نمرتي ، وغير يجيو سوني ليا ضروري الله يخليك .
– البنت (مدات ليه ورقة وستيلو) : واخا اسيدي كون هاني، كتب ليها نمرتو ديال التيليفون عطاها ليها .
– عفاك وصي حتى البنت لي كاينة معاك ، فاش يجيو علميني المسألة خطيرة الله يخليك .
– البنت : كون هاني أسيدي.
– جنيد : شكرا .
– خرجو من لوطيل
– منير : سمحوليا انا غادي نمشي وسمحوليا .
– جنيد : مكاين مشكيل انت مدرتي والو، شكرا عدبناك معانا (خدا من جيبو شيحاجة حطها ليه فيدو).
– منير : الله يرحم بيها الوالدين السلام عليكم .
– مشا منير ، وشامة غير ساكتة .
– جنيد (ضار عندها) : مالك انت ساكتة ياك لاباس؟
– شامة (هزات فيه عينيها) : مافيا لي يهضر دابا ، حتى لمن بعد بغيت نمشي غير لدار .
– جنيد : اهاه واخا، شير لطاكسي وقف ليه طلعو عطاه لادريس وشدو طريق .
____
– #طنجة
– شمس (مافهمات والو) : مافهمتش انا مال ختك قررات ترجع لفرنسا !! ياك يلاه جات كيفاش وعلاش قررات ترجع ؟!!
– نزار : مارتاحتش هنا وماولفاتش ، خليها بخاطرها لي شافتو مزيان راه غادي ديرو .
– محمود : خلي عليك البنت ، خليها مرتاحة دير لي بغات ، الى كتشوف مستقبل ديالها على برا تمشي .
– شمس : انا مغانشدهاش ، غير هو جاتني عجب … من نهار لي جات فيه من الحفلة ديال صاحبتها وهي مبدلة .
– نزار (عارف لي كاين ) : الواليدة ، اتكون فكرات مزيان … وانت عارفة فرح مايمكنش تاخود شي خطوة وهي مامفكراش ليها.
– شمس (ستسلمات للأمر الواقع) : إيوا ماعندي منݣول وصافي ، الله يسر الامور .
– نزار ومحمود : أمــيـن .
____
– فالمطار ، كولشي كان واجد كايتسناو غير يبان سليمان ، هاد الإسم لي مكان عارفو حتى واحد من غير رشيدة بوحدها ، وصلات طوموبيل ميرسيديس عادة ، وقفات على برا خرج منها لابس سروال دجين تيشورت فالبيض مع ساعة رياضية ونضارات ديال الشوف ، كيبان عليه إنسان عادي ومع الإبتسامة … ماشنش بلي هذا راس الحربة ، الراجل لي باع وشرا فأراضي الناس باش ولات عندو فيلا وفيرمات ، الراجل لي ماخلى فاش بزنز ، فالحشيش فدوايات ماخلى شيحاجة خارجة القانون مدارهاش ، راجل لي شرا مرتو من عند باها ورضها بحال شي خدامة ، الخدم وكيحنو فيهم الناس وهي دايرة كيف شي جفاف ، علاش لا وهو عندو صحاباتو وأولهم هدى ، هدى لي كتسناه فإسبانيا باش تعيش معاه الحياة ، هدى لي ماخلات راجل ماضحكات عليه ومكلاتوش ، تابعة غير المادة واخا يكون هاذ الراجل كيفما بغا يكون .
– خرج الباليزة من الكوفر ، هز البيي او الباسبور فيدو مع واحد ساك صغير ، دايرو على جنب ، جر الباليزة ديالو وتم داخل كايتمخطر بحال الى ماخصو خير .
– سيف الدين (كيهضر) : ألو الهدف كيبان ليا داخل ، طلقو عينيكم مزيان أي تصرف ايخلينا ندخلو كونو واجدين .
– عُلم وينفد شاف
___
– داز من الإجراءات الأولى ، واقف كايتسنى الأوراق ديالو ماحس بالبوليسي حتى وقف عليه :
– موسيو سليمان الكعوة ؟
– سليمان (بتوتر ) : وي هو هذا !
– تفضل معانا عفاك
– سليمان (بإستغراب) : علاش؟
– تفضل معانا بلا شوهة ، وبلاما نتيرو شبهات ونديرونجيو المسافرين الله يخليك .
– سليمان (قلبو تخطف ، مابغاتش تسرط ليه بلي ممكن يكونو عرفوه ، حدر راسو وضار شاف قدامو بانت ليه الطريق خاوية ، دفع البوليسي وهرب كيجري ) .
– عند سيف :
– الهدف عرب من يدينا وهو فطيقو للباب الخريجي سيدي حويل .
– سيف الدين (خارج من طوموبيلتو هاز الفردي كيجري ) : نداء للجميع العناصر ، الهدف هرب وفطريقو للباب الرئيسي ، طرقو جميع المداخل والمخارج للمطار ، ممنوع إستعمال السلاح إلا فضرورى القصوى حويل .
– علم وينفد … البوليس طرق جميع المداخل والمخارج للمطار .
– خرج سليمان كيجري ، مع خرج على برا وقف فاص فاص قدام سيف الدين .
– سيف (كيضحك) : طحتي فيدي أشلاهبي .
– سليمان : معاش لي يطيح راس الحربة اسي سيف .
– سيف (خشا الفردي فجيبو) : مزيان منين مزال عاقل عليا ، عندنا حساب مزال ماخلصتيهش ، وانا مكنحملش يبقى عليا الدين .
– سليمان (كيخنزر فيه) : وحتى انا مكنحملش يبقى يتسالني شي واحد .
– سيف : دابا عجبتيني .(جرو من يدو تلاح عليه ببونية لوجهو ، وقف سليمان وردها ليه ولكن سيف خواليه ، شدو سيف من يدو عوجها ليه وضربو لظهرو طيحو كيغوت ، تلاح عليه ، كيعطيه بونية لجهة ليمنية لحنكو ولجهة ليسرية ، خلى ليه فمو ونيفو كلو دمايا ، نزل عليه براسو بدماغ طيحو ، صافي سخف مابقاش قاد مزال يزيد .
– سيف (وقف كيلهت يديه حمرين ) : هذا خلاص الخلعة ديال الواليدة لي كنتي خلعتيها وبسبابك شدات الفراش ، ومزال اتخلص اراس الحربة (هز راسو فرجالو) :
– هزوه .
– هزو سليمان بحال الحنونة دايخ دارو ليه المينوط وطلعوه لسطافيط .
– سيف الدين (جبد التيليفون سونا لجلال ) .
– جلال : سبع ولا ضبع ؟
– سيف الدين : سبع .
– جلال (حرك قطعة الشطرنج لي قدامو) : إيشيك .
_____
– عند جنيد وشامة لي غير رجعو ، ستاقبلاتهم زينب ، الكل كان ݣالس .. عاودو ليهم كاع لي وقع … وهي بدورها عاودات ليها على بهاء وشنو وقع ليه .
– جنيد (بخوف) : شنو وقع ؟ وعلاش ماعيطوش لينا ؟
– جواد : ماشي شيحاجة لي خايبة غير تقصح وكسر خفيف فيدو .
– شامة : هو مزيان دابا ؟
– زينب : اه ابنتي الحمد لله دابا مزيان … طلعي ترتاحي اتكوني عييتي .
– شامة( وقفات ) : أه عييت ، سمحوليا انطلع . خلاتهم وطلعات لفوق تبعاتها إيمان تحت نظراتهم لي كلها شك .
____
– إيمان (بتساؤل ) : مالكي؟
– شامة (كتبدل حوايجها ) : ماماليش ، علاش اجي فين با ؟
– إيمان : مشا مع عمي توفيق للفيرمة .
– شامة : كاعما ݣالها ليا !!
– إيمان : مشاو يبدلو الجو شوية (بحماس) شامة نݣوليك واحد الحاجة وماضحكيش عليا .
– شامة (كتلبس حوايج الدار) : ݣولي ياك لاباس تاني؟
– إيمان (تنهدات تنهيدة طويلة) : ماعرفتش مالي وحق الله كنحس بواحد الراحة او واحد الفرحة فشكل .
– شامة (ضحكات) : كتحبي اجنية ، هادو علامات الزعكة اخويتي بقى حتى دارها زياد .
– إيمان (حشمات) : باش عرفتيه هو؟
– شامة : بنت ليك مومو ݣغة وراه باينة ، عطيني بعدا داك تيليفون لي حداك .
– إيمان (مداتو ليها) : معامن بغيتي تهضري ؟
– شامة : واحد الحساب مزال مطرقتوش ، وبغيت نطرقو دابا ونكمل معاك.
– دوزات النمرة ، بقا شحال كيسوني حتى تسمع صوت المرأة :
– ألو
– شامة : ألو سلام عليكم
– وعليكم السلام شكون معايا ؟
– شامة : ياك مرات موسيو نور الدين الخطيب ؟
– وي هي هادي شكون معايا ؟
– شامة : انت مكتعرفينيش امدام ولكن انا كنعرفك مزيان ، المهم لي بغبت نكوليك الالة بلي الى بغيتي تعرفي راجلك فين كيتعطل ، مع 9 ديال الليل بضبط اتمشي لمعمل لي هو خدام فيه ، المعمل ديال الاب ديالك علاما فخباري ، الباب لوراني للمعمل ادخلي منو اتلقاي باب ديال واحد شومبر على يدك ليمنة ، وتما اتلقاي موسيو نور الدين
– أش هاد التخربيق وتبرهيش.
– شامة (قاطعاتها) : انا ماعندي منربح ، اغير بغيت ندير فيك خير ، حشومة واحد لقا بنت الناس وكيستغلها ويضحك عليها ، غير هو راه ماشي اول مرة ليه راه كاع بنات المعمل تحرش بيهم ، ولي ماعطاتوش داكشي لي بغا كيجري عليها ، خليت ليك الراحة(قطعات عليها ومسحات نمرة) .
– إيمان : كون سونيتي بعدا غير بريڤي ، اتبقى نمرتك طالعة عندها وماتعرفي توريها ليه .
– شامة : لا راه سونيت بريڤي ، واخا كاع طلع عندها مكايهمنيش ومكنخافش منو ، أصلا مابقى والو وغادي نبدل هاد النمرة ، المهم كملي ليا كيفاش قضيتك ؟
– إيمان : والله ماعرفت ، كيتصرف معايا فشكل ظريف معايا بزاف ، لبارح لقاني حدا لافاك مع كانت عندي حصة ونسيتها ، ومع خرجت بلا فطور داني فطرني مسكين ، سولني شنو بغيت ندير فحياتي ، وداك نهارات كنهضر مع ماماه … عاودت ليها على لي وقع ليا وسمعنا .
– شامة : ايوا كملي ..
_____
– شامة : إيوا كملي .
– إيمان : صافي هو سمعني ،وهضر معايا على هاد القضية جا فصفي وشجعني .
– شامة : إيوا مزيان ، الله يكمل بالخير الالة .
– إيمان (كتشوف فشامة) : مالكي شنو واقع ؟حاسة بيك ماشي حتى لتما ؟!!
– شامة (كتلعب برجليها ، كتفكر فداكشي لي وقع ليها مع جنيد لبارح، ولي وقع ليها جوج ديال المرات قبل ، ماحملاتش راسها بأشمن صفة يبوسها ويقرب منها بحال هكاك، مكانش عليه يدير هكاك واش عند بالو هي وحدة ساهلة غير ترشق ليه يبوسها ولا كيفاش ، من البارح او واحد القرار كيدور ليها فراسها ، كانت باغية تشاور باها ولكن مالقاتوش خاصها تسنى 15 يوم بينما رجع )..
– إيمان (كاتشير ليها) : سولتك أصاحبتي !!
– شامة : عرفتي شنو هي أحسن حاجة عندي ، عماد لقا خدمة دابا انتهنى من جيهتو … وبابا حتى هو شفتو بدا كيتبدل ماكرهتش عمي توفيق يشوف ليه شي خدمة ، عساس ولا شيحاجة باش يعمر وقتو ، وانت رجعتي كتقراي ، وكيبان ليا الحب بدا يدخل لحياتك ، حتى الى خويت دابا انكون مهنية من جيهتكم .
– إيمان : اويلي كيفاش غادي تخوي وفين ؟ واش انت شوية لاباس؟
– شامة : انتسنى با يجي ، ونلقاو داك الكلي ويشدو داك بوزبال وغادي نخوي هاد الظار ، مغاديش نبقى ݣالسة عندهم متقلة عليهم أصاحبتي ، انمشي نقلب على خدمة .
– إيمان : اختي واش ݣلسني انا هنا معاهم ؟! حتى انا انمشي بحالي معاك مكاين لاش نبقى هنا ݣالسة .
– شامة : المهم نشوفو بعدا شنو ايوقع لداك راس الحربة ، كنتسنى غير يش(قاطعهم الباب )
– شامة : دخل ، تحل الباب ودخل جنيد ، شاف فإيمان وفشامة :
– بغيت غير نݣوليك سونا جلال ، شدو راس الحربة
– شامة (بصدمة) : وايلي واخيرا الحمد لله تهنينا ، بقات لينا غير ديك الكليوسبي ونتهناو .
– جنيد (ببرود) : هدا هو البلان ، سد الباب ومشا … كيهضر مع راسو :
– ملامحك بحال حبة القهوة ، صوتك بحال الكافيين كيخدرني وكيسكرني وكيخلي حواسي كلها تفيق ، كتخلي قلبي ينبض شنو غادي يكون واقع ليا ، علاش انت بضبط لي كتخليني نحس بحال هكا ، بغيت نفهم كيخصني نفهم .
– شامة : دابا تهنينا بقات ليا غير الكلي ونرجع فحالي لدارنا، ونمشي إن شاء الله نقلب على الخدمة عند واحد السيد ، ونسى هادشي لي وقع ليا بحال الى عمرو وقع .
– إيمان : واخا ماعرفتش علاش قررتي هاد القرار ، ولكن أنا معاك فأي حاجة بدرتيها .
– شامة : متݣولي والو دابا ، خلي حتى يرجع بابا .
– إيمان :واخا كوني هانية .
_____
– زياد (دق فالباب على مو) .
– زينب : دخل ،، دخل زياد وسد الباب وراه .
– زياد : الواليدة مسالية؟
– زينب :واخا منكونش مسالية اولدي نسالي على قبلك .
– زياد (كيضحك) : كلسي بغيت نهضر معاك .
– زينب : ݣلسات) أياه الله يسمعنا خبار الخير شنو كاين دوي ..
____
– سعيدة : ماعرفتش شكون سكن فالڤيلا لي قبالتنا ؟
– سامية : عرفتي ديك الڤيلا شحال وهي مسدودة راه شي 6 سنين هكاك .
– سعيدة : بحال والو يكونو ماليها رجعو ليها .
– سامية : كولشي ممكن.
– سعيدة : فخبارك جواد لبارح ، كان باغي يسولني شوية ورجع سكت .. داكشي لي كنتي كلتي ليا على سهيلة واقيلة راه بصح .
– سامية : امنين نبقى نݣوليك شيحاجة بقاي تيقي بيا .
– سعيدة : الحمد لله غير منين تهنينا من ديك خيتي . شوية تسمع الغوات عند الباب وصوت ليلى كتبكي .
– سامية (بإستغراب) : شنو واقع صوت ليلى كتبكي .
– سعيدة (ݣمزات من بلاصتها) : ماعرفت مالها ،مشاو بجوج بيهم كيجريو لعندها يشوفو مالها ويعرفو مين جاي هاد الصداع ؟
_____
– مشاو كيجريو ، لقاو ليلى شادة حمكها كتبكي او قدامها صوفيا .
– سامية ( معصبة) : أش واقع ؟ ليلى مالك ؟
– ليلى(كتبكي) : موسيو جواد ݣاليا الى جات مدام صوفيا (كتشهق) منخليهاش دخل وانا مدرت غير لي ݣاليا ، و وصرفقاتني حيت ماخليتهاش دخل .
– هبطات شامة وإيمان كيجريو منين سمعو الصداع ، كلشي نزل من غير جواد لي مكانش .
– زينب : أش واقع ؟ أش هاد الضسارة ؟
– صوفيا (كتغوت) : الالة ولدك عند بالو ايديرها بيا ، قسما بالله لا تفاكيت معاه نوريه بنت جمال بنجلون شنو كتسوى .
– سامية : شنو كتسواي ، مكاتسواي بصلة خامجة … لي كان فرقتوه واش باغية الشوهة؟
– صوفيا : قسما بالله لا تفاكيت معاه ، بيا ولا بيه نوريه انا صوفيا يلاوحني .
– زياد : براكة من ضسارة وحتارمي راسك ةالى مارباوك والديك راه كاين لي غادي يربيك.
– صوفيا (كضحك) : حتى انت البرهوش كبر ليك الشان ؟
– سعيدة : اديك زبلة ، راه زدتي فيه عيقتي كاع وعجبك راسك ، خرجي علينا وعرعري كيف بغيتي .
– صوفيا : والله مخارجة ، نوريه انا يلوحني داير ليا قالب عند بالو ايديرها بيا اه ياكما بانت ليه فشي جهة خرى (شافت فشامة) لا راه باينة نيت ، نهار لي دخلتو لهاد دار وماشفنا ربح .
– شامة (تخطات زينب وزياد ) : شنو ݣلتي عاودي .
– إيمان : شامة
– شامة (سكتاتها بيدها) : بلاتي عاودي شنو ݣلتي ؟ حيت ماسمعتكش مزيان .
– صوفيا : مالي كدبت عليك ، مايكون انت لي بان ليك فيه الولد الكبير ، بحال دوك الافكار كيكونو غير ديال الطبقة الفقيرة ، جايا داخلة مدرمة باغية تجمعي حب وتبن والله لا كانت ليك الجرثومة ، والله لا خليتو ليك .
– شامة (ببرودة ) :أنا جرثومة ؟
– سامية( بالغوات) : صوفيا.
– شامة : ششششش خليها غير خليها انا جرثومة ، ياك اللبوية امو ربعة وربعين يالي عندك عين ساحية وعين كتقلب على الماحية ، ياك اشارفة الهارفة يالي مجبدة وجهك غير بلبوطوكس ، دوي يالي كلك مركبة من راسك حتى لرجليك ، شفتي هوما مايقدروش يديرو يدهم فيك حيت المكانة ديالهم وفاش ترباو مايمكن ينزلو لمستواك ، ولكن انا راه كبرت فحي شعبي وخالطت رجال وعيالات الصباغ والدباغ ، عقلتي نهار دخلت لهاد الدار أش ݣلت ليك ، ݣلت ليك الى حكيتي عليا اتلقايني ياك .
– إيمان (عارفة شامة مغاتسكتش) : شامة .
– شامة : واش عقلتي ؟(مع كملات هضرتها جراتها من شعرها) .
– صوفيا كتغوت ربي لي خلقها .
– شامة : جايا هاجمة ضاربة البنت ، ماحتارمتي لا مرا كبيرة لا حتى واحد ، عند بالك انت هي الاميرة ديانا ولا ، قسما بالله حتى نسوط فيك والله ومزال توصلي لهاد الدار ، قسنا بالله لي خلقني وخلقك(كتديها وتجيبها من شعرها نزلاتها لأرض وݣلسات عليها) قسما بالله حتى نحش ليك ركابي ، الما حرشت عليك لي يخسر ليك كمارتك ويخلي فيك الأمارة مانتسماش شامة ، انخليك دوري فجنابك وتفتفي ، سمعتي افورمة الݣرعة … جراتها من شعرها وصوفيا كتغوت مقادة دير والو … وقفاتها قدامها هزات يدها حتى لسما ونزلات عليها لزجها صرفقاتها .
– شامة : هادي ديال البنت لي حݣرتي عليها ، ومزال تحطي رجلك الكلبة هنا ونتفاهمو .
– حلات الباب ولاحتها كركباتها مع الدرجة وسدات عليها الباب .
____
– زينب : الله أبنتي كون غير مادرتيش فيها عقلك .
– شامة : خالتي هاد خيتي مكتحتارمش ، وكان خاصها شي واحد لي يوريها شغالها .
– سامية : بالعكس وحق الله الى عبرات عليها .
– سعيدة(كتعنق فليلى) : صافي احبيبة صافي مسحيها فينا حنا .
– زينب : صافي بنتي الله يرضي عليك .
– حدرات ليلى راسها ومشات لكوزينة .
شامة (ضارت عند زينب) : خالتي واخا نهضر معاك ؟
– زينب (شافت فزياد أشر ليها براسو) : واخا أبنتي حتى أنا نيت بغيت نهضر معاك .
– دخلو لصالون وݣلسو .
– زينب : كنسمعك أبنتي .
– شامة : لا أخالتي حشومة انت كبر مني ، هضري أنت .
– إيمان : انخليكم .
– زينب : لالا أبنتي غير خليك ، ومزيان البنات حتى هوما هنا او زياد .
– شامة : هههه شنو كاين ؟
– زينب : ابنتي انا ماعنديش مع الدخول والخروج فالهضرة ، وانت عاشرتينا واخا أيام قليلة … زياد هاهو قدامك(نزل جنيد كيسد فساعتو وقف مع كلمة زياد هاهو قدامك كيسمع ودقات قلبو متسارعة) منحتاجش نشكرو ليك ، هو ماشي بحال خوتو متبت ومرزن وماعندوش مع دخول والخروج ، هضر معايا وراه بغاني نهضر معاك على قبل إيمان .
– شامة(شافت جهة إيمان لقاتها مزنݣة وحشمانة وتالفة) : مزال مافهمت أخالتي !!
– زينب : زياد باغي يخطب زينب ويتزوجها على سنة الله ورسوله ، عجباتو عجبوه أخلاقها وتصرفاتها ، واخا دابا قليل باش سكنتو هنا ولكن كافي او وافي باش يعرفها .
– زياد : وحتى قرايتها تكملها ماعنديش مشكيل ، والمشروع لي دوينا عليه ايتحقق بمشيئة الله سبحانه .
– زينب : شنو ݣلتي ؟
– شامة : شنو غادي نݣول هي عندها 21 سنة دابا ، عارفة لي يصلاح ليها ولي لا … وأنا أخالتي منتفضلش قدامكم ، بالعكس أنكون مرتاحة وانا عارفة بلي إيمان كاينة فإيد أمينة … هكا غادي يبقى بالي مرتاح معاها مغانبقاش مشطونة من جهتها .
– سامية : كتهضري بحال الى اتخوي لبلاد .
– إيمان : راه بغات ترجع لدار .
– شامة (خنزرات فيها) : اللقوة مكاتصيبيش تسكتي ؟
– زينب : لا خليها تهضر كيفاش اترجع ؟!
– شامة (هزات راسها فجنيد لقاتو كيشوف فيها بحال الى مكبوب عليه سطل ديال الما بارد) : دابا حنا فيا ولا فإيمان وزياد ، مبروك عليكم والله يكمل عليكم بالخير ياربي .
– زياد (بجدية) : وبلاما تبقاي تهربي من الموضوع .
– شامة (شافت فزينب) : الحمد لله جلال سونا لجنيد وداك السيد صافي تشد ، والكليوسبي يوماين وغادي ناخدوها ، مكاين لاش نبقاو هنا مزال .
– زينب (جاتها البكية) : متݣوليش هكاك ، ربي شاهد عليا مدرتش بيناتكم الفرق ، وكنحسبك بحالك بحال بناتي وربي شاهد عليا (نزلو دموعها)
– شامة (قربات منها وعنقاتها ، شامة لأول مرة من زمان نزلو دموعها سخان ..
_____
– نزلو دموع شامة سخان ، شحال هادي مابكات زينب حنينة عليها ، وهي مشتاقة بزاف للحنان الأم ،الأم لي تحرمات منها وهي صغيرة وكانت محتاجة ليها تكون معاها ، لقات غير باها لي كبرها وقراها ورباها ، أترات فيها زينب بزاااف ، شامة ماشي بسهولة تيق فشي واحد ولكن هاد العائلة دارو بلاصة كبيرة فقلبها ، بحال الى عائلتها .
– سعيدة (تأترات) : حتى حنا حسبناها بحال ختنا وكثر الصراحة .
– سامية : مافهمتش انا علاش غادي تمشي ؟ خسر ليك شي واحد الخاطر ولا دار ليك شيحاجة ، بالعكس هانتوما معانا الحمد لله الدار كبيرة … جيتو وعمرتو علينا ودرتو جو فدار .
– شامة : وحق الله ماخسر ليا شي حد الخاطر، بالعكس كنحس براسي فدارنا ، ولكن نهار جابنا جلال لهنا … على أساس كانو دوك الناس تابعينا وتهجمو علينا … ولكن دابا صافي خونا تشد والكلي لقيناه ، مكاين لاش نبقاو هنا .
– سامية : ولاو دابا مزيان كاع ، ترتاحي وتشوفي راسك وتشوفي مستقبلك وانت قارية تبارك ، تبغي تخدمي معايا انا ولا مع سعيدة وجواد فشركة ، وهاحنا مجموعين .
– شامة : لا متقلقوش مني ، ولكن بغيت شيحاجة لي نبداها انا لراسي … أنا عندي ديبلومات الحمد لله ومنهم ديبلوم ديال الخياطة ، واحد السيد عندو محل ديال ثوابات فالمدينة انزل عندو نشوف واش يبغي يخدمني ، نتعلم تقنيات والخرفة مزيان … وداك الساعات إن شاء الله نشوف شي محل نحلو أنا وهكا نبدا … بغيت نعول على راسي مابغيتش نعول على شيواحد … نبني راسي براسي ، درت غلط فحياتي وبسباب داك الغلط وقع ليا هادشي كامل … هو واخا هادشي لي وقع خايب ولكن زوين حيت تعرفت عليكم .. ولكن صافي خاصني نبدل راسي ونبدل حياتي .
– زينب (شافت فجنيد لي واقف بحال شي صنم) : جنيد مغادي تݣول والو ؟
– جنيد (هز حاجب وهبط الثاني) : شنو غادي نݣول ؟ هادي كتبقى حياتها وهي حرة فيها … لي مسلكها راه غادي ديرو ، بالعكس مزيان أنا معاها مزيان الواحد يعتامد على راسو ويبدل حياتو … بحال لي درت أنا ماتنسايش الواليدة بلي كونما خالي مكنتش غادي نكون هنا .
– سعيدة (بحزن) : بغيتي تݣول بلي حتى أنت اترجع للفيرما ؟
– جنيد ( ببرودة) : هادشي تافقنا عليه نهار الأول ، بلي اتسالي هاد المعماعة انرجع للفيرما ..
– سعيدة (طلع ليها الدم ناضت بزعاف كتغوت) : حنا عمرنا نتجمعو الله يستر ، واحد كيدور ومقابل لالة ومالي وتقرقيب السطالي مكنشوفوه على شحال ، زياد كيدخل لبيتو مكايخرجش ، جواد كان مشغول مع مشاكل مراتو … أنت حتى ݣلنا الحمد لله نسيتي الماضي ورجعتي لينا ودابا غادي، غير انا وسامية لي كنبقاو مجموعين … كون غير درتو خير ومشيتو من هاد الدار كاملين وعمركم وريتونا وجاهكم.
– ضربات فيهم وطلعات كتجري متجاهلة جنيد لي كيعيط ليها .
– زينب بقات ساكتة وغير كتشوف .
– زياد : أنا انشوفها ونرجع .
– جنيد (وقفو بيديه ) : لا غير خليني أنا نشوفها . خلاهم وطلع عندها .. هو اقرب واحد ليها واخا صغيرة عليه ولكن كيعاود ليها شي حوايج لي مكايعاودهمش لمو ولخوتو ، وهي كذلك كتعاود ليه الشادة والفادة ، داكشي باش جاتها قاصحة بزاف أنو يخليهم ويمشي .
_____
– شامة عنقات إيمان :
– مبروك عليك أختي .
– إيمان (واخا هكاك فرحتها مكاملاش) : الله يبارك فيك.
– سامية : مابغاتش دخل ليا لراسي وحق الله .
– زينب : على خاطرها أسامية ، مايمكنش الواحد تبزز عليه شيحاجة هو مامرتاحش فيها .
– شامة : واش انا حارݣة ؟ راه غير حداكم فالمدينة .. وغادي نبقى نجي نزوركم.
– زينب : اغير بغيتي تݣوليها أبنتي وصافي ، راه داركم .
– زياد (برزانة) : واخا ماشي وقتها ، شامة الى كان ممكن بغيت نخرج انا وإيمان .
– شامة (شافت فيه ، هاد الدري شحال عزيز عليها كيعرف فصواب ) :
– واخا خرجو ماعنديش مشكل .
– إيمان (هزات فيه راسها) : واش دابا ؟
– زياد : نتغداو على برا.
– زينب : نوضي أبنتي يلاه توجدي راسك .
– إيمان (حشمات حدرات راسها او ناضت) : واخا .. طلعات لبيتها وتبعها زياد حتى هو يوجد راسو .
_____
– عند سعيدة .
– حاطة راسها على صدر جنيد … كيدوز ليها على شعرها ساهية وساكتة … بالكشايف باش سكتات من البكا ، شوية بعدات وشافت فيه .
– جنيد (شاف فيها ، حرك ليها راسو ) : مالك ؟
– سعيدة (بدون سابق إنذار) : كتبغيها ؟
– جنيد (بحال الى صرفقاتو ، مابينش حدر راسو معلي حجبانو) : شكون ؟
– سعيدة (علات صبيعاتها البيضين ودورات ليه وجهو عندها) : شفتي منين كدير هاد الشوفة ، ومكتبغيش تشوف فيا … كنعرف كلامي صحيح ، كتبغيها ياك ؟
– جنيد (تنهد تنهيدة طويلة) : باش غادي يفيد ؟
– سعيدة (فرحانة) : بالعكس غادي يفيد ببزاف ، علاش ماتصارحهاش ، علاش متمدش ليها يد المساعدة وتعاونها ، واش أخويا ملاحظتيش بلي عندكم بجوج نفس الحاجة مشتركة ؟
– جنيد (وقف داير يديه فجيابو) : متجبديش ليا داك الموضوع ، مابغيتش نهضر عليه .. جوج
ديال الحوايج فحياتي ندمت حتى درتهم بسبابهم فقدت أعز الناس على قلبي .
– سعيدة (وقفات ساعرة) : من نهار وقع لي وقع كترض اللومة لراسك ، شكون لي خلا ولدو فسرجم وهو صغير حتى طاح أنت ولا هاديك السفريطة ديال ليزا ؟
– ضار عندها جنيد عينيه جامدين ، البكية واقفة ليه فعينيه .
– جنيد : كونما مشيت للخدمة ديال الزفت كون ولدي دابا مزال عايش .
– سعيدة : أخويا انت راه كنتي خدام ، كانت عندك عائلة … راه هي لي مكانتش قادة على المسؤولية .. انت عارفها كثر مني ماشي تحتاج أنا لي نݣوليك … المرأة لي تخلي ولدها متبدل ليه حتى الكوش ، حتى يجي راجلها من الخدمة .. خاصو يغسل الماعن خاصو يطيب خاصو يبدل لولدو ويدوش ليه … هادي مرا هادي ، المرا لي تخلي الكراكر ديال الماعن بلا غسيل ، ماتجفف ماتسيق مادوز على طواليط ريحة البالات تعط عط هادي مرا .
– جنيد : صافي أسعيدة براكة عفاك .
– سعيدة : لا مباراكاش اخويا ، ديما كتحط اللومة عليك اويلي بزاف .
– جنيد ( سها ورجعات بيه الداكرة لداك النهار) :
– أصعب حاجة تقدر توقع ليك ، تكون راجع فرحان من خدمتك حيت غادي تشوف ولدك … ولدك لي هو علامن عايش وصابر ، حتى كتلقى الناس مجموعين .. لاومبيلونص والبوليس .. شنو وقع ولد طاح من السرجم ، منين توقف يجيو ناس يعزيوك ويصبروك (دموع جنيد هابطين بوحدهم) ، عمرها مغادي تنسى ليا أسعيدة عمرها تنسى ليا أختي فحياتي .. عمر منظر ولدي يتنسى ليا ، ملاك صغير مسكين زرق ميت وخارج دم من (ماقدش يكمل دموعو غلبوه)
– سعيدة (عنقاتو كتبكي) : الله يرحمو أخويا ، راه غير كنصبرك انا براسي عمر وسيم مايتنسى ليا فحياتي كلها ، كان كيشبه ليك بزاف.
– جنيد (ضحك وسط دموعو) : ههههه اه واخا كان صغير ولكن كانو فيه الفعايل ، حاجة لي بقات ليا منو هي هادي(جبد السنسلة لمدهبة من عنقو) فعيد ميلادي خداتها جداه بسميتو ، داتو معاها لعند مول الذهب ݣالت ليا كانت هازاه ، وأشر بصبعو صغيور ليها ، وهي لي خدات على أساس كادو منو ليا (ضحك بإستهزاء) لقيت فالأم لي مالقيتو فالمرا .
– سعيدة (بعدات عليه) : دابا عاد فهمت علاش خليتي أمريكا ورجعتي .
– جنيد (تنهد تنهيدة طويلة) : محملتش نبقى تما ولو دقيقة وحدة تما ..
#فلاش_باك
يتبع
التعليقات 0