🔖الفصل الثاني : جنون العقلاء

🔖الباب الخامس : البقاء للاقوى

المامون : متأكدة مغاتربطك حتى شي علاقة بيهم مزال ؟؟؟؟ مغاتبغيش ترجعي ليهم

ليديا : نموت ومنرجعش ليهم انا مكرهتش نقتلهم كاملين …..

المامون : خاصك ضروري ترجعي لطاليان وعمرك مزال تقولي ليه تجيو لمغرب … وحضي راسك باش مايلقاوك …مابغيتش رييييحتهم توصل لحفيدي ….

ليديا : علاش .. فهمني كتر راه كلي كنغلي شوووف ( كترعد بالتوتر ) عاودتلك كوووولشي .. عاودلي

المامون : ( دوز يدو على وجهو مدة وهي كاتحرق عاد نطق مستجمع كل قواه) جدك آليديا …. هو لي حرق عائلتي وهو سباب تونار لي ولا هاكا…..وهو علامن كايقلب تونار باش يحرقهم حتى هوما …..( غرس راسو بين يديه ) ااااش ووصلك لعندنا ااااش .. علاش نت من دون كاع لبنات

ليديا وسعات عينيها على قدهم وشهقاااات شدات على فمها ….ركابيها فشلو عليها .. مابقاتش قادرة تبقى جالسة ووقفات مصدومة

ليديا : ( كتنطق بصعوبة تخرج الحروف )ج.. جدي … ع عائلتي لي ح حرقاتكم ؟؟؟؟؟؟؟؟؟

المامون اكتفى بالصمت شاد على راسو كايفكر كي غايدير لهاد الموصيبة ولي مصبرو هو تونار مزال مافخبارو والو وليديا مفارقة على عائلتها … مزال كاين أمل باش يخبي الموضوع …. فكر باش يفارق ليديا وتونار ولكن عارف حفيدو عنيد غير مغايزيد يتشبت بها ومايمكنش يحيدها ليه وهو مقال حتى فرح بحفيدو لي لقى انثى كاتكملو بعد مافقد فيه الامل ….. وكايشوف ليديا معندهاش دنب فخبث جدها…..والدنب كولو كايحملو لرااسو .. قرر يثيق فليديا وشي حاجة فلداخل ديالو كتقوليه راها محل الثقة … خصوصا انه عرفها من دمو ونسلو حتى هي ….

ليديا مشات كلسات حدا بزربة مطرطقة عينيها كتهضر بهستيرية وجنون

ليديا : كتكدب عليا ياك .. كتكدب علياااااا .. قوليا غير كاتضحك معايا .. عفااااك

المامون : ابنتي هادشي لي كاين … واخا مكايدخلش للعقل …. العائلة لي بعدتو عليها جبال وبحووور … لعب علينا المكتاب حتى لاقاكم…انا خايف على تونار اليديا…. خايف عليه بزااااااف

ليديا : ( ناضت كمشي وتجي قربات تحماق ) لا لا لا لااا انا ماتميقاش هادشي … لا … مايمكنش … عائلتي .. دابا …عائلتي انا هي السبب فحريق تونار و حريق عائلتو .. لا …….لا مستحيييييل

المامون : ( كيضور راسو ) سسسسس .. دنيا شحال صغييييرة ….

ليديا : ( شافت فالماون عينيها حومر كتهضر بسيف ) دابا .. دابا تونار …. الى …. الى عرف هادشي .. غا .غايكرهني ياك …. غايكرهني

المامون : ونت علاش ابنتي ؟ يالاه تزاديتي لبارح …… وزايدون ماخصوش يعرف .. ماشي غير غايكرهك هو راه غايولي قتال .. غايقتل عائلة على قدها … انا مابغيتش حفيدي يوسخ يدو ويبقى لا دنيا لا اخرة ..

.

ليديا : ولكن … ولكن راه كايستحقو … واش عارف اش دارو ولا معارفش … ( كترد شعرها لور ) مامتيقاااش .. غير كانفكر بلي جدي هو سبب فتشوه ديال تونار كنبغي انا نمششششي نحرقوو انااااا… نقتلو حتى للموت ومنبردش .. مزال هادشي كايبانلي بحالا كنحلم … كنحلم ياك ؟؟؟؟

المامون : سمعيني اش غانقوليك … الخيير لي ديريه فيا وفتونار وفراسك وفعائلتك هو غاتحافضي على هاد السر .. انا تقت فيك خليني تايق فيك الله يرضي عليك راك اوووول وحدة غاتعرف هادشي …. غاتقولي ليه غاتمشيو ترجعو لطاليان فاول طيارة …وكملي حياتك .. وعمرك تباني معاه فتلفاااازة ولا فشي حاجة ….هادي وصية مني ليك … مابغيتوش يوولي قتال … راه غايدير جريمة القانون مايخليهش عليها حر … غايتحبس حياتو كاملة هادشي لامحكموش عليه بالاعدام وانا عمرني نرتاح لا حي لا فقبري ( ليديا وسعات عينيها ) … هاااااا العااااار .. ها العار آليديا بعديييه على عائلتك ونسيه فالماااضي …. ها العار ما عطيه حياة اخرى وبعديه على هادشي .. عشرين سنة وانا كنبعدو … كملي على مابديييت … هادا هو الخير لي غاديري فينا …. لي وقع وقع و الى مشا حتى قتل ووسخ يديه مغايبدلش المكتاب

ليديا طاحت على الكرسي كالسة شادة على راسها مامستوعباش … كتسول راسها غير كيفاش كيفاش كيفاش … وشافت لعند المامون

ليديا : ولكن … قلبك كيفاش هنّاك ؟ ونتا عارف لي قتل عائلتك كوولها وشوه ليك حفيدك وضيع حياتو وخلاك وحداني باقي حي و حر كايضور كيف بغا وعارفو فين كاين وصااااابر ؟؟؟؟؟؟؟ ماافهمتش

الماكون : ( تنهد ) اش غاندير .. قلبي ماعطانيش … الى كان ميمون قلبو تحجر و ركباتو الشهوة دالفلوس ونسا الدم .. انا مانسيتوش .. حاشا واش نحرق دمي…. جربي لي غاياخد حقي

ليديا : دمك ؟؟؟؟؟

المامون : ميمون راه خويا ……

ليديا : ( حلات فمها ) لا لااااا لاااا بشوية … وحدة وحدة علياااا د دابا نتا … نتا عم بابا ؟؟؟؟؟؟؟؟

المامون : شفتي الدنيا شحال صغيييرة …..

ليديا: ولكن … ولكن جدي عمر قال لينا عندو شي خوه … فخباري بلي بوحدو لي عند والديه وورت على باه الاراضي ….

المامون: غير هو لي ناكر راسو … وحتى انا نكرتو واحد الوقت ….

ليديا : هادشي مكيدخلش للعقل .. عاود ليا ..كووولشي … كوولشي بغيت نعرفو ….

المامون بدا كايعاود ليها كولشي ( الفصل الاول ) منهار مات باهم وخداو الورث حتى لنهار لي تحرقات فيه العائلة … وهي غير شادة على فمها ….كل مرة تشهق بصدمة .. ولكن هادشي مجاهاش غريب من جدها عارفة الخبث ديالو كيف دااير … وناضت كتمشي وتجي مغددة …

ليديا : لا … لا سمح ليا … مخصش هادشي يدوز ليه هاكا … خاصو يتححرررق عل هاد الفعلة …. واش لي مكايحنش حتى فبناتو وقتل عمتي بدم بارد حيت بغات تطلق ….غايحن فواحد آخر ؟ …عارفاه مكااايسواش وكلب وشمااااتة وعمرني كرهت شي واحد قد ماكرهتو وكون يعطيوني حق القتل غانقتلو هو اللول مية مرة ومانبردش .. عاااارفاه مكيسواش….ولاااااكن توصل بيه يحرق عائلة بصبيااانها ويعيش واحد معدب طول حياتو مشوه ونتا عارف العائلة راها عائلة خوووك شقيقك ….وتحرقهم بعد ما فتح ليك خوك حظانو …وباب دارو وعرض عليك لفرح ولدو … على ود الحشيش و الارض والفلوس . لا بزاااف بزااااااف …واخا يكون عندو قلب الصخر … بزااااف ….. ( شافت عند المامون ) كنقسم ليك بالله ونلقى تونار ماشي يحرقهم …حتى انا لي غانشعل الوقيدة بلاصتو … انا لي غانحرقهم …

المامون : ليييدياا رجوع الله …ماشي كنت فواحد غانولي فجوج دابا

ليديا : ماشي غير تونار لي خرجو ليه على حياتو .. حتى انا كون كنت ضعيفة كون راه خرجو ليا على حياتي .. حتى انا خرجت كيف شي وحدة جاية من القرن العاشر لدنيا معارفة حتى حاجة … حرموني من حياتي وحبسوني بدووون دنب … قتلو رواح قدامي ولباقي قتلوهم على قيد حياتهم … عدبو ماما قدامي وخوتاتي باعهم بالرخيييص … مستعمرتهم عامرة بريحة الدم والجثث …. و دابا كنكتشف بلي الشخص الوحيد لي عطاني الحياة .. هووما لي سلبوها منو ؟؟؟؟؟ هوما سبابو … كيفاش منزيدش نحقد … الى كانت شي حاجة فوق الحقد راه كنحس بيها دابا….

المامون : ابنتي الله يرضي عليك مخصناش نضعافو ونضيعو كولشي … هو ضيع حياتكم ونتوما تكملو ؟ .. باقي صغار وباقي عندكم فين تعوضوها .. راني تقت فيك وعاودتليك كولشي واكبر سر مخبيه … الى خلفتي وصيتي وعاودتي هادشي لشي حد راني ساخط عليم طول حياتي …حيت غاتخرجي على تونار لي عشرين سنة وانا كنحميه ونخترع فالقصص لدرجة كنرشي الناس لي يديرو راسهم غير دايزين باش يسولهم ويأكدو ليه دوك الناس ماتو تاهوما ..

ليديا : ومغياخدش الجزاء ديالو ها ؟؟؟؟؟ يفلت منها ؟؟؟؟؟

المامون : الله يمهل ولا يهمل … ربي كبر منكم ومني.. وراه مطالع على كولشي وهو لي كايجازي ….. واش حسابتك انا غافل على جدك ؟؟؟ راااني كنتفرج فيه من البعيد كيف بغيت … واخا قلبي كايتحرق عليه مكتتمناش ليه هاد المصير … ولكن ربي كياخد حق عائلتي وحق تونار وحق كاع الناس لي عدبهم … راني متبعو غي ملبعيد وعارف فاش مغرق راسو وشحال من مافيا حالفة فيه …عارف اخرتو مغاتكونش مزيانة …. نزيدك حاجة اخرى مافخباركش .. عائلتك تعاملات مع شي بزناز مجهااد ( المامون معارفوش راه تونار ) ودارو معاه الطرافيك .. وراه دخلهم كاملين للحبس … فلت غير داك جدك و داك خوك … وجدك ماعارفش كاع فين هو دابا .. لي كايجيبولي خبارو قالو ليا بات ما صبح …. و الدار ديالكم خاوية .. عليها سولتك نت فين جدك .. باش نشوف واش فخبارك شي حااجة

ليديا : ( قربات عندو ) كيفاش الدار خاوية

المامون : خاوية فيها غير لكلاب كايضورو .. انا باليا راه خرج لبرا يكمل على تبزنيزو راه مكمد فلوس صحيحة فسبانيا وفرانسا … وماحنش تافولادو و رجالو خلاهم فالحبس مرمين ميتين بالفقصة كايتسناوه يخرجهم هو راه سمح فيهم تما القليل فيهم محكوم بعشر سنين .. راه مية فالمية هرب هو وخوك ملي شافو القضية تزيرات … والخدم ليكانو عندو تطلق سراحهم و العيالات رجعو لديورهم ولا تقتلو ولا تطلقو تاهوما الله واعلم …..

ليديا : ( بصدمة وخووف ) ومااااماا ؟؟؟؟؟

المامون : ماماك هي مرات حفيظ اللخرة كاع ؟؟! لي عندها لبنات ومكتمشاش؟

ليديا : لا للخرة انتحرات .. ماما قبل منها

المامون : عرفتها …. ( صغر فيها عينو ) علاش نتي معارفاش ماماك ماتت ؟؟؟

ليديا كأن لي سمعاتو شىء عادي …. كلسات ببرود على الكرسي وسرطات ريقها مزياااان … وشادة على قلبها عينيها جمدو .. والمامون ناض من بلاصتو كايتعرد حالتها ماشي ديال لاباس …. معنددوش حتى القوة باش يوقف

المامون ليديا …ايجي ينو رجوع الله .. ليديا خزاد غاي اغام اتسواذ(شوفي فيا هاكي تشربي ) ليديا ويداي سنخراع ( ماتخلعينيش )

بدا كايمد ليها الما ويديه كايترعدو الما كاع كايتزلع ليه وهي مصدوووومة غير حالة عينيها مكيرمشووووش بمرة ..جاتها صدمة مور صدمة والاخيرة جابت ليها التمام….. حاجة وحدة وصوت واحد كايتردد فاللداخل ديالها …هو كتمنى يكون هادشي غير حلم وتفيق ….

جدها هو العدو دالراجل لي كتبغي واحتمال تمشي فالرجلين وتخسر تونار لابد … المامون عم باباها ….. الاب مسجون العمام مسجونين … المستعمرة خاوية …الجد والاخ هاربين … العيلات تطلق سراحهم … والام مااتت ……

كتحاول تأكد من راسها واش عايشة .. وملي لقات راسها عايشة بدات كتحاول تأكد … واش فعلا عندها قلب غايستحمل ….. ولا صافي قتلوه ؟ … مغايحنش ؟ مغايبكيش ؟ مغايتحرقش ؟ …..

بدات كتشقق ابتسامة على فمها … ابتسامة مقتبسة من الحمقى والمجانين ….. داك الابتسامة ملي تفكرات بلي ماماها ماتت … وتهنات من الجحيم لي كانت عايشة فيه …. ولي كانت هازة همها كل ليلة بانها كتعاني … صدقات مرتاحة مكتعانيش … والخدم لي كانو عبيد تطلق سراحهم …. والباقي كياخد جزائو …. واش خصها تحزن ولا تفرح ؟؟؟ ….

ليديا طلعات راسها بهدوء فالمامون ووجه شبه بارد وخالي من الاحساسيس لي خصها تبان عليه فهاد اللحظة …وقالت بذبول ….

ليديا : ماتت ؟؟؟

المامون : ( محني عندها شاد على كتفها ) ماحسابتنيش مافخباركش ما انا مانگولهاليكش هاكدا

ليديا وقفات وبعدات يدو يالاه غاتزيد خطووة وهي تجيها دوخة وشدها المامون وهي شدات على راسها

المامون : كلسي كلسي ابنتي حاولي على راسك … جا أجلها راه كلنا غانموتو …. صبري ابنتي الله يرضي عليك … اش داني اش داني …

ليديا : ( ضارت عندو بعينين حومر ) قتلووها ؟؟؟؟ قتلوها حيت انا هربت ياك ؟؟؟؟؟؟

المامون : لا لا … لي جابلي الخبار قاليا بلي ماماك كان فيها المرض القبيح ديال ( بحرج ) العيالات ( سرطان الثدي) و مداواتش عليه حتى جا اجلها …

ليديا بقات كترمش و سرطات فريقها وزادت والمامون عرفها خصها وقت بقا غير كايشوف معاها مابغاش يشدها …

قصدات الباب .. باغا غير تخرج وتقلب على شي جرعة اكسيجين كتحسن بالاختناق .. بحالا خصها تهرب من عيون الناس لشي بلاصة بوحدها لي تقدر تنهار بدون مايشوف شي حد آخر ضعفها …

يلاه غاتحل لباب وهي تلقى تونار حتى هو بغا يحلها باش يدخل …دازت من قدامو بوعي غايب كأنها مشافتوش … وتمشات كيف البلهاء وايطو والممرضة جاين كايشوفو معاها وهي دايزة مرفوعة …

تونار دخل عند الجد لي كان يلاه غايدخل لبلاصتو فسرير وشاف تونار وضار عندو

المامون : مينو ؟ ( ولدي ؟ )

تونار : ميطيوغين ؟( مالها ؟)

المامون : ها ؟؟ … ا .. ( بدا كايسرط فريقو ) واااه .. ليديااا ؟؟؟؟ ( تونار غير كايشوف فيه )

تونار : ( شد لباب ودخل ) قبيلة نتا .. ودابا هي …. ( بحدة ) شنو بيناتكم نتوما بجوج ؟؟؟؟؟

المامون جلس …. هاد المرة غايتفضح … الى كدب شي كدبة غير مغايزيد يخليه يشك وهو يطلع فيه راسو

المامون : كنعرفها شكون …

تونار قرب الكرسي وكلس حداه

تونار : اهاه ؟

المامون : ملي بدات كتعاود ليا على عائلتها … عرفتها شكون … باها كان صاحبي …

تونار : ( مصغر فيه عينو ) باها ؟ صاحبك نتا ؟ …. باها لي غايكون قد ولادك ولا الصغير فولادك ؟

المامون : اااه … لا … كبير باها راه عندو العيالات بزاف داكشي علاش …

تونار : اوا .. ؟

المامون : ايوا .. ملي عرفتها شكون تفكرت باها وعائلتها كانو صحابي … وملي مشينا لطاليان تقطعات العلاقة وملي تفكرتهم حزنت شوية داكشي علاش طرالي هاكاك …

تونار : ممممم … كانو عزاز عندك لهاد الدرجة ؟

المامون : ( كايتهرب بعينيه ) يييه آمينو … وحتى داك … داك اللعبة .. ايوز ايوز ( كايضحك ) انا لي علمتها ليها وهي صغييييرة … ونسييييت .. شششتي ( كايضحك كايحاول يخدعو ) غير انا … انا لي علمتها ليها

تونار : اووووه .. بصاح ؟؟؟؟ مزيااان … نتا لي علمتيها ليها ؟؟؟ وفين كانو ساكنين .. هنا ؟؟؟

المامون : لا .. فناظور …. نتا كنتي صغيير ماتعقلش كنت كنمشي بزاف لتما لناظور و تلاقيتها

تونار : ااه … تلاقيتيها برا ؟ كتلعب حدا دارهم يمكن

المامون : ( تفكر ليديا مكتخرجش وغاتكون قالتها ليه ) لا فدارهم … ملي كنت كنمشي لعند باها

تونار : وامتى هادشي

المامون : وااااااهلي …. قبل مايموتو العائلة الله يرحمهم

تونار : اااه غاتكون قبل 21 سنة ..

المامون : هااااكداك الله يرضي عليك

تونار : وقداش كانت هي

المامون : صغييييرة . شي .. شي خمس سنين هاكاك

تونار : ممم ( ناض كايديرو فبلاصتو وكايغطيه ) وانعس نعس اجدي …. انا كان يحسابتني ليديا فعمرها غير 18 عام …

المامون : هاااااا ؟؟؟؟؟؟؟ لا … لا لا .. نسيييت هاديك ختها … وهي .. زعما وختها هي لي علماتها ليها …داكشي باش سمعتيها عندها ….

تونار : ييه ييه فهمتك … ( كايغطيه وقاس ليه على راسو ) شوية دابا مابقيتيش سخون بحال قبيلة ..

المامون : لا لا راني لاباس .. ( تنهد ملي دازت عليه تاني ) اولدي الله يرضي عليك سير كلس مع ليديا .. مكانش يحسابتني مفخبارهاش مها ماتت … وقلتها ليها حيت وصلني خبار مرات صاحبي ماتت … سير عندها تمشي تسخف ولا جاتني بحالا تصدمات

تونار : امتى ماتت مها

المامون : شي شهر دابا …

تونار : عندك خبارهم الكبيرة الصغيرة ومعندكش خبار بنتهم لي هربات .. هدا لي كاجيب ليك الخبارات كايجيبهم ناقصين اجدي مافيدّوش …

المامون : لا … يمكن ضمسو الخبار مابغاو حد يعرفو على ود السمعة ديالهم …

تونار : مممم … يكون هاكداك ….

تفتحات لباب ودخلات الممرضة هازة بلاطو فيه كاس دالعصير ومعاها حتى ايطو … خلاهم تونار وخرج غير شد عليه لباب وقف مع الحيط كايرد شعرو للور و يتنهد … وسنانو مزييرين ففمو ولكن على وجهو البرود … واتجه للبيت بانتليه ليديا فوق السرير جالسة فالمنتصف جامعة رجليها عندها وكاتشوف فمنحى واحد ودخل وقف حداها ودوز يدو على راسها كنوع من المواساة …

تونار : الله يرحمها …

ليديا : ( بدون شعور كتهضر ) مابقاش فيا موتها .. بقى فيا انه مودعتهاش ….

تونار : داكشي لي كايعدبنا كاملين ….ملي كنتحرمو من والدينا بلا منودعوهم ….

خلاها وهز الفيست ديالو وسوارتو … واتجه لباب … ضار طول فيها الشوفة وخرج ..

اما هي على نفس حالتها …. كل داك القوة لي كتتظاهر بها فهاد المواقف كتولي ضدها … ألمها و حزنها كايتحول لبرووووود .. رغم ان القلب كايتقطع … وكاينزف بدم الحسرة وعبارة ( يااااريتيني ….) وكتهضر فالداخل ديالها غير بوحدها …..

ياريتني ودعتها .. ياريتنا هربتها معايا .. ياريتني بست راسها .. ياريتني سعدتها شي نهار ….

كانت الوحيدة لي كتحن فيا وتفكر لمصلاحتي فوسط جحيم المستعمرة .. كانت هي لي جابتني لهاد دنيا .. ملامحي ولون شعري وشكل يدي كلهم ورثتهم عليها …. انا جزء صغير منها .. وهي جزئي الكبير … مشاات؟ مغانعاودش نشوفها مزال ؟ انا دابا بدون أم ؟ واش بصاح ماما مابقاش ليها وجود فهاد الدنيا ؟ …..

بعد 4 ساعات ….

كالسة ليديا على كرسي قدام المرآة … جلستها السلطانية … طلعات راسها للفوق وتنهدات بقوة وحرارة وهي كاتشوف فوجهها فالمرآة …

بعد حديث طويييييل وجلسة مع نفسها … فهمات انه خبر بحال هذا خاصها تفرح ليه … وتنوض توقف وتزيد تعلي راسها وتكمل حياتها احسن و اقوى … وتفرح لي ماماها تهنات من داك الجحيم وتحررات حتى هي …

ومشات لاكثر بلاصة حرة فهاد الدنيا … دارت جناح وطارت من اسوار المستعمرة …

كيف ماكان الحال هي ودعات امها و استعدّات وتعودات على فكرة انها راه مغاترجعش تشوفها النهار لي هربات من المستعمرة ماشي ليوم .. دابا غير رتاحت كتر عليها وصافي …

ولي زاد مفرحها كتر هو انتقام القدر للخبث ديال اوشن … عائلتها فالحبس وباها لي كتكره سميتو …. و المستعمرة لي عامرة و ملطخة بدماء الابرياء تفككات وضربها الخلا …. بدات كتبان ابتسامة مضطربة على فمها حتى تحولات لضحكة جنووونية هيسترية … كاتضحط وعينيها دمعانين وهي كاتشوف فالمرايا وتتفكر ان المستعمرة تفككات ومابقاش ليها وجود .. ضحكتها ولات جنوونية وبصوت مرتفع كضحك كيف ضحكة شي واحد انتصر .. ورجعات حبسات ضحكتها و رتبات انفاسها وبقات محتفظة على الابتسامة اللاقيسة لي مكتعرف تاشي وحدة ديرها من غيرها ملي تفكرات اوشن

ليديا : جايا نوبتك … مستحيل مغايلقاكش … دابا

لي سمع كولشي … عاد غايسهال عليه يلقاك…( بشوفة شر فالمراية وكلها حقد وكره ) مكرهتش نحرقك انا بيدي … مكرهتش نخنقك حتى نحبس فيك النفس لي حبستيها فيا 18 سنة …. مكرهتش نشوفك كتستنجدني ونزيد نشعل فيك العافية …. مكرهتش ننتقم لكاع الناس لي عدبتيهم …

وقفات وتنهدات …. كتفكر فرد فعل تونار وفين راه دابا واش غايكون كايقلب عليه…. منين حلات لباب وشافتو تأكدات انه سمع كولشي …. ولكن حاسة بلي مغايتخلاش عليها . تايقة فراسها وففيه وفعلاقتهم … وعارفة راسها انها بريئة من هاد الجريمة وتونار ماشي من النوع لي غايحملها الذنب ….. وانها فصفو من البداية للنهاية … شيء لي خالعها هو يغرق راسو ويتسجن كيف قال ليها المامون .. مكرهاتش تكلس معاه وتخطط لانتقام بدون مايبقى وراهم شي دليل ….

ولي مطمئنها …انه مخسراتش الرهان .. فنفس الوقت مخدلاتش ثقة الحاج … لانه هي مقالت والو … هو لي غايكون سمع … ومتأكدة انه سمع .. حيت كون مكانش عارف هي اكيدة انه غايقلب دنيا يعرف مالها …. مدامو تقبلها بداك الشكل اذن عارف … هادشي مايمكنش يدوز عليها … وفرحات لي مابقات تاحاجة غامضة بيناتهم …..

وعاجبها الحال ينتقم لراسو ولليها …. ويبرد النار لي شاعلة فيه وفيها …. عاجبها الحال يحقق ثأرو .. ويعيش مرتاح …..ولو تنسب الجريمة ليها وتتسجن طول حياتها واوشن ياخد عقابو ….

هزات احمر شفاهها وطبقاتو مزيان على فمها .. و مصصات شفايفها مشاتو على جميع الجوانب وقالت وهي كاتشوف فالمرايا

ليديا : مغانحنزنش عليك …. خاصني نفرح ليك ….كيفما غاتكوني فرحتي ليا نهار هربت وتحررت ….

ابتسمات ابتسامة حنينة مكاطابقش شخصيتها ابدا وقدات شعرها ووقفتها مزيان … وحلات لباب خرجات هابطة فالدروج … مدوزة صبيعاتها على الشباك … حتى بانت ليها نعيمة لي جات باتجاهها بسرعة حانية راسها

ليديا : فين لكوزينة ….

نعيمة : بغيتي شي حاجة آلالة …

ليديا : لي بغيت راني سولتك عليه لا ؟

نعيمة : ا .. اه . اجي …

مشات نعيمة و ليديا تبعاتها دخلات لكوزينة كانت ايطو تما كاتطيب العشا وحكيمة عند راسها كتعطيها شنو طيب وليديا دخلات كدوز يديها على لكونطوار … وبدات كاتشوف لصبعانها

ليديا : مال هاد الرخام ميّدم …مكاينش الصابون فبلادكم ؟ …

حكيمة : اوا عري على درعانك وورينا النقاوة

ليديا : ( طلعاتها وهبطاتها ) مايكونش درعاني كبر من درعانك آمولات الدار … والشوار …

غمزاتها ودازت لثلاجة حلاتتها ….كتهضر غير بوحدها

ليديا : على خر يامي ندخل لكوزينة بحال من والا ….. نقلب مناكل بسبب طيابكم الزين …( شافت عند نعيمة ) شركتكم مكتسيفطش لي شيف كويزين ؟

نعيمة : ( كاتشوف فايطو وفليديا ) اه اه كاينين

ايطو : انا هناااا لي مكلفة بطياب

ليديا : ( ضارت عندها طلعاتها وهبطاتها ورجعات شافت فنعيمة) عيطي عليهم يسيفطو شي واحد …. كايتقن الطياب الصحي ….

نعيمة : و …. واخا الالة

حكيمة : ياكما تيقتي راسك وحسابتك مولات الدار… ليوما راه جيفك وغدا غايقتلك …

ليديا : وباش حتى الى قتلني نلقى لي يطيب مزيان فكنازتي …. حشومة كنازة ليديا يطيب فيها من والا ….( حكيمة كاتغدد لبرودة دمها وايطو غير ساكتة عاطياها النخال حيت بدات كتجيها الندامة من داكشي لي دارو ليها اما حكيمة داكشي لي مصبرها هو تتشفى فيها دغيا ) لبنى .. جيبي داك سلة ( جابتها وبدات كتشير غير بصبعها ) هزي هاديك .. وهاديك …. وعصري ليمون … صاوبي ليا صالاد فروي وطلعيها ليا لفوق ….

دازت معاهم شافت لداك الطنجرة اش كايطيبو فيها واستهزآت وطلعات.. و نعيمة هبطات راسها وحكيمة طلعات تاهي … طلات على نور بانتليها ناعسة ونورا خرجات مع صحاباتها ودخلات عند الحاج تلعب بمخو تاني على ما يبان المفعول فليديا وتتشفى .. هادشي لي مخليها تصبر وبدات تقنع فالحاج ان الليلة يتصاوب بيت لنور …. اما ايديا طلعات لبيتها حتى جابت ليها نعيمة صالاد فخوي … كلاتها وخرجات للبالكون واقفة فيه كان كايطل على الجزء الخلفي من البيت .. بقات تما كاتشاهد الغروب ودماغها كايفكر … حتى غربات الشمس و ظلام الحال …

سمعات لباب تحلات وشي خطوات جايين عندها وغير من ريحتو كاتميزو … وقالت بدون ماضور

ليديا : مالقيتيهش ؟ ( ضارت عندو وهو كايشوف فيها مفاهمش كيف تسيفات هادي وهو جاي يطمن عليها عند بالو منهارة ) حيت كون لقيتيه …مكنتيش غاتجي دابا

تونار : علاياش كتهضري ؟

ليديا ابتسمات وقربات عندو وشدات فيدو زيرات عليها وكاتشوف لعينيه مباشرة

ليديا : أنا معاك … فاي حاجة درتيها .. وفاي حاجة غاديرها .. وحتى فداك الحاجة لي مغاديرهاش، انا نديرها بلاصتك

تونار غير كايشوف فيها … مابقاش كايتصدم فالفطنة ديالها وكيفاش دغيا كتفهم الاومور وتقراها فالسما …

ليديا : ( بكل حقد) حرقو ….بغيت نشوفو كايتحرق حي آتونار ….

تونار هبط عينيه لعنقها لي باقي كايبانو فيه تفاصيل يديه بداك القجة .. وقرب عندها بشوية طلع ليها راسها للفوق وبقى كايدوز يديه على عنقها وهي مخلياه … كان كايبان بحال الى منهار .. ومخربق ..

هاد الهدوء لي على وجهو ماشي ديال السلام ابدا .. هدا هدوء كايعني ان لداخل معركة كبيرة … معركة عيااااتوو لدرجة مابقاش عندو جهد للا لكلام لا لتحريك عينيه ولا للصوت المرتفع …

هبط ليها راسها كايشوف فعينيها وحتى هي غير من عينيه قرات حجم العياء لي كايحس بيه … الاجهاد النفسي والداخلي بعد المرات كايكون اكبر بكثير من الاجهاد الجسدي والخارجي .. بدون شعور اندفع لعندها وامزج شفاايفهم فقبلة جامحة … كاتبين مدى شراسة الداخل ديالو حاليا … وليديا حاولات توقف على صبعان رجليها باش توصل تعنقو … وهو غادي بيها حتى تلتخات مع الحديدة ديال البالكون .. قُبل كاتزاد وتيرتها شوية بشوية حتى تحولات لعضات قاسية كايتسمع منهم أنين ليديا ليي كتألم … ومع دلك مستمرة معاه فالتقبيل كأنها كاتقول ليه غير برد فيا المهم ترتاح … وهو هاد التصرفات لي كدير على،ك قبلو كايحس بيهم وكايحس بحجم العطاء المعنوي لي كتقدم ليه وغير مكايزيد فوتيرة التقبيل حتى مابقاوش قبلات التخفيف عن نفسو .. ولاو قبلات كلهم شهوة وحب …..

الحرارة تملكاتو … مع حركاتها وأنينها والتوائاتها لي حتى هي هزها لعالم الشهوة …

طالما كانت ليديا ماشي من النوع ابدا لي كتقدر تشعلو الحاجة الباردة … كتبغي الجموح الممزوج بالرغبة … كتبغي القوة ، القسوة، الهيمنة ، السيطرة …

تماما كيف شخصيتها اللاقيسية …. كتلقى المتعة فالألم والمخاطرة … وكان ليها جموح وقسوة تونار وهيمنتو وروجولتو القاسية وايطارو الغامض هوما القالب المناااسب ليها كزوج وشريك ….

مجاوش ابراجهم وتطابقو فالسماء قبل الارض .. لانه فعلا ليديا لتونار .. وتونار لليديا … جوج قطع معندوهمش التسعة والثلاثين شبيه ديالهم … هوما جوج قطع لي بوحدهم كانو تالفين فالدنيا … وبسبب هبوب رياح القدر قدرو يتجمعو و يكملو بعضياتهم …

جرها من يديها للداخل وزدحها مع الحيط … وقرب عندها داير يديه بجوج موراها فالحيط وكاينهج وكايشوف فيها تاهي كيفاش صدرها كايطلع ويهبط وكيفاش دغيا لمعات وتعرقاات … كان المنظر كافي ليه يحرك جميع غرائزو … لي تحركات بقسوة كتعكس للداخل ديالو ليوم كيفاش داير …كانت كاتشوف مباشرة لعينيه كأننها كترجاه يكمل وهو هز صبعو وبدا كايدوزو على شفايفها المجروحين وقال بهمس بصوتو الرخم ولي مجروح بسبب الجروح البليغة ديال الحريق … والبحة المجروحة ديالو كتسمع كتر ملي كايهمس

تونار : كنتِ نت اول وحدة غاتخلص عليهم اش دارو فيا و تعاقبي بلاصتتهم …( مزير على سنانو) نت اكتر وحدة عدبتك وباقيا كتعدبي وغاتبقاي كتعدبي حيت عائلتك حرقوني و عمرني نكون ليك كيف جميع الازواج ….

ليديا : ( بنفس الهمس وصوتها كايهتز بجموح الشهوة ) الى كان هدا عداب … بغيت اضعافو …

تونار : هوما حرقوني …. ونت لي كتحملي المسؤولية ونت لي محكوم عليك تعيشي مع هاد المحروق …. وتتحملي عصبيتو لي ركبوها فيه … هوما دارو خطأ ونت تعاقبي بلاصتهم …هذا ماشي ضلم؟

ليديا : كانت احسن حاجة قدموها ليا فحياتهم كاملة .. هي حرقوك ليا … وخلاوني نحس بحلاوة هادا لي كاتسميه عداب …خليني نشكرهم قبل ماتحرقهم

غير كايشوف فيها مدة وكدوز يدو على وجهها و شفايفها ونطق وهو غايب تماما عن الوعي بسبب تعاطيه لجرعات من مخدر انوثتها

تونار : نتِ …هي احسن حاجة طرات فحياتي … ( ليديا غمضات عينيها كتتشبع بعمق هاد العبارة) وغانشكرهم لي وصلوك ليا … عاد غانحرقهم ….

ليديا حلات عينيها وارتمات فحظنو وعنقاتو بكل قوة وهو زاد زيرها لعندو وزير راسها مع صدرو براحة يديه

ليديا : كنت خايفة … كنت خايفة تكرهني … اول حاجة خوفاتني ملي عرفت بلي عائلتي هوما سبابك … وهي تكرهني حتى انا وتبعد عليا ….

تونار : وشنو ذنبك ….

ليديا : حيت ولفت نتعاقب بدون ذنب ….

تونار : كان كايجيني الظلام لي كبرنا فيه انا وياك كايتشابه … مكانش كياحسابتني لي عيشنا فهاد الظلام نفس الشخص … واخا من لول كان عليا نفهم … ان لي قدر يسلب حرية بناتو ويبيعهم …هو نفسو لي يقدر يحرق عائلة ….

ليديا : ( طلعات راسها فيه تحاول ترسم عليه الابتسامة وتخفف عليه شوية ) عرفتيها بوحدك .. كايعني ماخسرتش الرهان

تلاح عليها بدون سابق اندار كايقبل قبلات مبعثرة فكلل انحاء وجهها وهي كتضحك بدغدغة … وقال فودنيها كاينهج

تونار : انا لي كايبانلي الخاسر دابا قدامك …

شرك شفايفهم ومزج ريقهم وتحط اللسان فوق اللسان وهوو كايفتح فصدفات ديال الكسوة ديالها …. وطلع ليها يديها للفوق حاكمهم بيد وحدة وغرس راسو فنحرها الاشبه بقصب السكر الطري … وهابط لنهودها القطنيين .. وهي عاضة على شفايفها وسكرات بكيسان الشهووة … برزو حلماتها بالتبوريشة حتى مابقاتش كتحس بيهم وهوما كايسحقو بين شفايفو ….

حتى طاحت الكسوة كلها للارض وبان جسدها لي كايكون آخر درجات التخدير بنسبة ليه … رغم انها نقصات فالوزن الى انه عمرو نقص فجادبية انحنئاتو و بياضو الصافي … و بعض الخالات السوداء المبعثرة كأنها نجوم سوداء على سماء بيضاء زادتو جمال ….

ضورها للحيط وجمع يديها عندو اللور ربطهم بسمطة دياال السروال ديالو لي سلتها بسرعة وسلت حمالة صدرها عصب بيها عينها وبدا كايحيد البودي ديالو .. ولاح البانضة و القطن … حاس بحرارة استثانئية ..كايبان ظهرو من الخلف عريض و مفتول رغم التشوهات … كايبان بحالا العافية باقا شاعلة فيه .. ممزوج بين اللون الازرق والاحمر و البني و بعض القطع الصغيرة القمحية من الجلد لي متلوف و ميت … وليديا لاسقة مع الحيط كاتلتوي … حتى صرخات بكل شهوة وحلات فمها بغات تعض فالحيط بنار الرغبة والمتعة ملي قام باول رمية سهم ……..

كان جنس كله جموح وقوة وقسوة .. كايعكس واقعهم و حالتهم …. جنس لي متاكمل و الرعشة ديالو مميزة لانها حتى كتعدبهم عاد كتطلق سراحهم تماما بحال شخصياتهم العنيدة ….

فالاسفل ..

العشا كان كايتحط على الطاولة وحكيمة كاتسنى فنورا تدخل … ومتوترة علاش تعطلات كاع قد هاكا … وشافت عند ايطو

حكيمة : داك لبنت لفوق ماتخطيناش شوية من الفشوش وتنوض من النعاس تعشا …. زااادت فيه

ايطو: فاقت ( بضحكة ) فرحتها ملي قلت ليها الحاج غايهضر مع تونار عليك وهي تنوض ناشطة ….

حكيمة ضحكات ضحكة دبزز حيت عقلها غير مع نورا فين تعطلات .. حتى بانت ليها من السرجم حطاتها واحد طموبيل وهي تمشي كتجري عندها لباب كطلعها وتهبطها

حكيمة : ( كاتمسح ليها فمها ) اش هاد التعكيرة دايرة ليا ابنت الحراااام فين كنتي

نورا : ماماااا طلقي .. فين غانكون ؟؟؟ خرجت نبدل الجو دالزفت لي عندكم هنا فالدار … يخ ضروري تخرجو من الواحد فرحتو ….

تخطاتها ودازت

حكيمة : سيري غسلي عليا داك الوجه وبدلي داك الحوااايج واش بغيتي تشووووهيني على خر يامي باااركة عليا غير وحدة ….ياسيدي يااااربي عفو عليا …وواااانزلي دغيا تعشاااي

دخلات لدار … وايطو مربعة يديها فوق كرشها كتسنى

ايطو : اوا هاد العشا برد … مغاينزل حد يتعشى

حكيمة : راه طلعات لفرملية تهبط لحاج .. بغى يتعشى معانا هنا قنط فلبيت غاتهبط ليه الكرسي ديالو ….اوا و العرسان الغفلة ديالنا فين هوما ؟؟؟ مغايهبطوش

ايطو : طلعات نعيمة علماتهم ….

حكيمة شافت مع جنابها وقربات عند ايطو

حكيمة : يكون داكشي گر زعما ؟ ياك العشّاب قالينا هادشي كايبان فنهارو .. قبيلة هبطات بسالفها هو هاداك ؟؟؟

ايطو : ( تنهدات ) انا ماااعجبنيش هادشي اختي حكيمة … كون غامدرنا والو …

حكيمة : وتانتي بلا متغبني عليا .. اصلاا ماكلاتش من داك طبسيل كاع … ولكن والله حتى تشوف معايا المرااااار وداك الزين لي عاجبها مغااانخلي فيه والو وهاهي عقلي عليها… بديت ليها بداك السالف دالعودة .. وغانكمل ليها بداك الكمارة … غابلاتي عليها نوريها الكدوب على حكيمة شحال ساوين .. نشوفو هاد تونار هذا اش غايبقى عاجبو فيها ….واش عاااجبها فيه هي اصلا لا هي لا الهم لي خليت من كرشي

ايطو : انا مدخلينيش احكيمة مناقصة دنوب دحد …

حكيمة : نت ديها غير فكوزينتك … يااااااربي فوقاش ينزلو هادو … رجعي رجعي سخني هاد الحريرة تاني بقينا هنا

ايطو شافت لطبسيل دالمملحات والبيتزات

ايطو : وهادشي لابقيت نسخن ويبرد مغايبقاش مزيان …. ففففف ( هزات سوبيرا تعاود تسخنها مزكلة امرها الله)

حكيمة : اوا سوطي عليا انا لي عطلتهم ….( تبعاتها بعينيها وقالت غير بشوية) وغاااصبري آ ايطو .. مابقاش بزاف ونتهناو من هاد العائلة دالمرض …يعگدهم الحاج يمشي عند مولاه وتولي دار والاملاك فسمية بنتي ونتهنى منكم كاملين …قالك مناقصة دنوب حد … حزمت بيك بكري

لفوق ..

كتنشف ليديا شعرها وكتشوف فيه وللي بوانت ديالو والتقصفات لي ولاو فيه بسبب انها تلهات على راسها وشحااال مدارت شي ماسك….وتونار طلع سلسلة دسيرفيت و هز تيليفونو

ليديا : توونار

تونار : ممم

ليديا : ضاع ليا شعري …شوف كيف ولا بقوة لغسالة وحرقتو بسوشوار ( كتهضر محزنة صوتها ) بغيت بروتين …..

تونار : واش انا دابا فشعرك (كايهضر وكايشوف لتيل )

ليديا : ( ميقات فيه ) على كاين شي حاجة اهم من شعري و مني فهاد الدنيا

تونار دار راسو ماسمعهاش … وكايشوف البواط دالايمايلات ديالو … وهي قربات للمرايا كطبق الماسكارا ديالها واحمر شفاهها … و طلقات شعرها على كتافها ووقفات كانت لابسة على عادتها غوب هاد المرة غير حد الركابي مع ليبا كحلة … و صباط السهرة عالي .. و لبسات واحد العقد ومشات لعندو وقفات قدامو وعلات شعرها بمعنى شدو ليا …

وهو تنهد وشدو ليها وضارت عندو بقى كايشوف معاها

تونار : اش هاد الحالة ؟؟؟

ليديا : ( قربات عندو بشفايفها باستو وغمزاتو بغنج) سبّح الخااااالق !!…. دغيا كتگر فيا العين ….

خلاتو ومشات ترش بارفانها

تونار : داوي معاك …اش هاد الحالة راحنا غير فالدار لا ؟؟؟

ليديا : ( ضارت عندو كتلبس الاقراط ديال العقد ) كاين شي واحد آخر يستاهل نتزين ليه من غيرك

تونار : لبسي شي حاجة عادية ليل هدا غانطلعو نعسو باركا من تخربيق راه جدي غاينزل ….

ليديا : جدك غايفرح بأناقة مرات حفيدو وغانعطي لطبلة منظر جميل بأناقتي …ماشي بحالهم لتحت وجوهم كتجيب الكآبة الله يستر امتى غايبرى هاد المريض هاكدا ؟

تمشات حتى لباب كاتخليه غير كايسوط حيت عارف عنادها كيف داير … وصلات حتى لباب حلاتها وضارت عندو

ليديا : ملي نطلعو نبغي نعرف فين كنتِ قبيلة … وحتى اش كتفكر دير ….

تونار : (شاف مع عنقها لي حمر بالتجييفة ) خبي غير عنقك

ليديا : مكنحشمش بشي حاجة درتيها ليا نتا …. آمول عينيا

غمزاتو وخرجات وهو بقى غير كايضور فراسو وجلس ملي لقى اتصال داخلو … وحاوب بالانجليزية حيت مكيعرفش يهضر مزيان بالعربية …

تونار : شنو درتي

– : المستعمرة لقيناها ….. اما هو مزال خلي ليا شوية دالوقت

تونار : المستعمرة لقيتها راسي … بغيتو هو

– : متخافش خلي ليا غير شوية دالوقت ….

تونار : عطيتك 15 سنة ومدرتي والو

– : فلول كنت كنقلب على المجهول .. دابا راه عندي سمية …. متخافش الامر مغايطولش كتر من اسبوع … راك عارفني علاش قاد … وفرحت ملي شفتك عندي قبيلة فالكباري … قلت مغاترجعش للمغرب مزال من داك المرة …قلت صافي قطعتي لياس …

تونار قطع عليه مافيه مايتجمع …. ورجع خرج بانتليه المررضة جارة الحاج فكرسي متحرك وحاول يتبسم باش يخليه يحس بالطمأنينة … وجرو عليها حتى وصل للدروج

المامون : آصبار اولادي .. ( كايحاول يوقف) اجي شدو فيا نزل وصبرو معايا ….

تونار ووما لممرضة تهز الكرسي المتحرك .. وهو هز جدو بين يديه حتى خلعو .. غفلو

المامون : (كايضحك) آياسكور ينو عنداك راني ثقيل

تونار : ( هابط بيه هازو فيدو ) اش تقيل آش .. على زين ماكلتك ….

المامون : اييييه .. عاد كنت انا لي كنهزك ونتبعك بالطباسل باش تاكل .. ضارت عليا الدنيا .. ايه الله يرحم لي ولد وعرف يربي حتى يلقى ولادو معاه نهار يكبر …

تونار : آمين …

وصلو لبلاصتو وجلس كانت طبلة مزال مكلس حد غير حكيمة لي خرجات من كوزينة هازة بلا ديال المملحات عاودات سخناتو …. وكتضحك فرحانة زعما بالحاج كادير داك النفاق ديال والو … وتونار كايقلب بعينيه على ليديا

المامون : فين ليد( قاطعاتو حكيمة)

حكيمة : هاهوما غاينزلو الحاج …نور نعسات شوية مسكينة شفتيها منعساتش كاع لبارح … ونورة هاهي جايا …

المامون : اااه … اوا مزيان ترتاح شوية … ( شاف فتونار ) فين ( سولو غير بعينيه )

تونار : منعرف … انشوفها فين مشات

حكيمة : نوورا … نوووور نزلو دغيا لعشا غايبرد تاني ها عمكم الحاج كايتسنااااكم…

خرج كايقلب وهي تبان ليه على برا كتحك فدرعانها من البرد .

. وواقفة كاتشوف للفوق كان جسر ديال الطريق السريع الساحلي كايدوزو الطموبيلا وهوما لتحت فين كاينة الدار ….

تونار : دخلي من البرد …

ليديا : ( كانت كاتشوف عند طموبيلات وضارت عندو تبسمات ورجعات كاتشوف ) بغيت نصوگ حتى انا…

تونار : لا صافي كولشي قضيتيه

ليديا : ماتحگرنيش …

تونار : ( جرها من يدها ) يالاه آهاد البنت

شدات فيه ودخلو للداخل ونورة هابطة كاتشوف فيهم وكتموت بالغيرة من ليديا واناقتها ولاطاي ديالها وشعرها .. وكيفاش كايهتم بها وقربو لطبلة جلسو وهي شافت عند المامون لي كايشوف فيها تاهو مستغرب كيفاش هادي ناشطة هاكا وهو لي قال غاتكون منهاااارة ..وكايسول عليها يشوفها كيف بقات شفقان على حالتها وهي مقادة راسها وضااحكة كأنها تسيفات …

ليديا : الجو غزال هنا عندكم آجدي ( كتعيطها ليه بالعاني تجنن لوخرين )

المامون : ييه مكاينش بحال البلاد ايجي اينو … يالاه يالاه حطو لينا نتعشاو …

ايطو : هانا الحاج حامضة الحريرة كيف كتعجبك ….كول حتى تشبع بصحتك وراحتك طبيب قالينا ياكل لي عجبو وهاناتا تهنيتي من داك المسوس ومن داك الرجيم

المامون : واداااابا عاد كندوق النعمة

صبات ايطو زلافة لنورا ولحكيمة و صبات ليديا مداتها ليها بالجميل ، يلاه غاتشدها بايديها هو يحيدها ليها تونار جرها لعندو … بقات غير كاتشوف معاه وابتسمات كضور فراسها … لاكان فيها شي حاجة قبيحة فضل يشربها هو على تشىطربها هي .. الحب ماشي ديما كايكون بالكلمات …..

وعاد خوات ليها وحدة اخرى وهو كايشوف ووما ليها غير تشرب دابا ….

يلاه خدات معلقة وهي تخيب صيفتها

لبديا : عع .. ماعجباتنيش ؟؟؟ حامضة بزاااااف

كلهم طلعو راسهم فيها وحكيمة كتهضر غير مع راسها وتعاير

ايطو : ( بين سنانها ) لهلا يطيحا فيك …

ليديا : عامرة بليدام اش هاد زيوتات كاملين … ( طلات على المملحات و وعوجات شفايفها) ماعجبنيش هادشي ….

حكيمة : ( بين سنانها ) ماشي ديال وجهك

المامون غير كايشوف وتونار مامسوقش ليها كااايتعشى عارف لي كاديرها ليهم بلعاني وصافي …..

المامون : اوا شنو تاكلي آبنتي .. ايطو صاوبليها شي حاااجة اخرى الله يرضي عليك راه ماكلات والو هاد نهار ( ايطو وسعات فيه عينيها )

ايطو : مااااعندي مانصاوب آلحاج العشا هو هدا

ليديا : لا مكتعرفش ايطو…. صاافي بلاش اصلا مكانتتعشاش …

المامون : هوووووء ؟؟؟ ماكليتي والو نت هاد نهار كامل ….

ليديا : الشبعة فالقلب آجدي ( شافت فحكيمة ونورا ) جوع دالمعدة متايقتلش .. تايقتل الجوع دالقلب … ااحم .. جدي بغيت نطلب منك واحد طليبة لاجات على خاطرك ..( تونار علا فيها عينو ديما كاتغفلو )

المامون : الله يسمعنا خير

ليديا : ماحدي كالسة هنا معاكم فالمغرب …. وصيت لبنت لي كاتقابلني تجيب ليا شيف كوزين من شركتهم يطيب ليا .. معندكش مشكل ؟؟؟

المامون : كيفاش ؟؟ كييفاش هاد .. مافهمتش

نورة : ( حطات المعلقة ) قاتليييك اعمي الحاج .. لالة ليديا ماعجبهاش طياب دادا ايطو .. وبغات تجيب الشااف ديال الطياب من الشركة لي سيفطات نعيمة … باش يطيب ليها غير هي بسلامتها

المامون : اا ..( كايضور المعلقة فالزلافة ) آببينها وبين رااجلها ….دبر راسكم ابنتي….

ليديا : لا لا تونار موافق ( تونار وسع فيها عينيه وهي حطات يديها على يدو كاتجنن فيهم ) مايقدرش يقول لا على شي حاجة بغيتها ….

المامون : ووانتوما تعرفو .. دار داركم …

نورة : اهاه .. دار دارها علاش لااا ….

ليديا : ( تبسمات بشر ومكر فنورا ) زويييينة داك الطموبيل الحمرة لي جيتي فيييها …. شنو الموديل ديالها ؟؟

المامون طلع راسو وتونار كان شافها تاهو مع ايديا من البالكون حيت حطاتها داك الطموبيل مور الدار .. كياكل مامسوقش .. و حكيمة وسعات عينيها ونورا بدات كتكحب وحلات ليها الحريرة و ليديا دايرة فيهم شوفة الشر

نورا : ااء . هااا ؟؟؟؟ ااااه طموبيل د .. لطفية دصحبتي ش شراها ليها باباها ..

ليديا : اوا الله يخليه ليا … ( شافت فتونار ) مكرهتش حتى انا شي طوموبيل بحال ديال لطيفة ….

تونار : ( مصغر فيها عينيه بمعنى غي بلاتي عليك ) مغاتعشايش ؟؟ اوا نوضي طلعي …

ليديا : لا … الى طلعت شكون غايفتح ليكم الشهية .. ياااااك اجدي هههههه

المامون : بعّذ زي ثحاموشث جيث ايكينغ ميشيوغين ( بعد على لبنت خليها معانا مالك)

يلاه غاتعيط حكيمة على نور وهي تسمع الغوات بججهد لي خلا كولشي يتلفت لدروج و نور هابطة كتجري وشادة شعرها بيين يديها لي طاح ليها كامل بحالا محررق نتفات رااسها فدوش .. دخلات تدوش يلاه قاستو بالمشطة هو يطيح كامل فيديها تسلت ليها .

وهبطات مخلوعة كتجري وتبكي وتغوت وشاداه بين يديها وحكيمة ضربات ففخاضها ونورا حلات فمها وايطو كلسات بصدمة

نور : شششششعري ماما شعععععععررررري

ليديا شهقات ودغيا شدات على شعرها جابتو قدامها وباستو عرفات الى هادشي كان غايتندار فيها …وبقات تبوس وتبوووس فشعرها وتحمد الله … وتونار غير كااايشوف و حكيمة ونورا ناضو كايجريو طلعوها مرضااااوش قدام ليديا لي غاتشفى … وطالعين كايضربو فيها علاش هبطات هاكاك …والمامون وقف كايترعد مخلوع و تونار شدو

المامون : اياااااو ارالالة يما…. ميييطيوووغييين ( مااالها)

تونار : كلس .. كلس تعشى مامالها والو …

المامون : ( كلس فبلاصتو ) آرببي سلاااامة … شعرها لي طاح ياك

تونار : وااادين والو رهاد نثماغرين واتسيند ؟ سو ثاحراث سو ( ماتما والو الغوات دالعيالات مكتعرفوش ؟ شرب لحريرة شرب )

ليديا : ( وقفات ) غانطلع نشوفها مسكينة قطعات قلبي

تونار : ( شدها كلسها لارض ) قيييييييم ( ككككلسي )

ليديا : ططلللق .. لا ..جدي قولو يخليني نطلع .. بغيت نشوفها مسكينة

المامون : خلي لبنت مافيها والو مالك …. سير سير لعندها شوفيها مالها الله يرضي عليك

تونار شد على راسو غاتهبلو عارفها غاتطلع تجننهم وصافي

طلعات ليديا و نعيمة واقفة كضحك ..قصدات بيت نور عرفاتو غير من الغواااات وهي دق لباب .. مع الدقة ديالها مع سمعات الكس تقطع سكتو كايسمعو شكون كايدق وهي تحل لباب بشششوية طلات عليهم

ليديا (بصوت الاطفال ) طوووووع…..

دخلات راسمة على وجهها ملامح المواساة والحزن وهوما مخنزريين فيها كون لقاو ياكلوها ،كانو مجمعين على نور كايصبروها

ليديا : اووووه ماي گووود ( شدات على عينيها ) اوووه لا منقدرش نشووووف فهادشي …. اووه ماااي كود ..

نزر : ( بلغوااات!) خرررررجي علياااااااا منهنااااا

ليديا : اوا نستاهل .. انا لي جاية نطل عليك كيف بقيتي زعما …. و وااش تكوني محتاحة شي پيريك( شعر مستعار ) نشريه ليك .. اوووووه منعرف شنو هادشي لي طيح ليك شعرك هاكدا … دوشتي بجافيل ؟؟ ولا شربوه ليك اضرتي لعزيزة ؟

حكيمة : خررررجي عليا منهناااا آشييييييطان خرجتي لياااا على بنتي … خرجي علياااااا

ليديا : وبييييلي غتصلاع مسكينة ؟؟؟؟؟ والموصيبة هي تونااااار راجلنا كايحماااق على الشعر الطويل ( كتجبد فشعرها ) كايقوليا شعرك هو فراااشي ..

نورة : ( ناضت عندها باغا ضربها وليديا واقفة بهدوء ) غاتخرجي منهنا ولا غانتف ليك هاد الشعر لي فرحانة بيه

ليديا : ( متسوقاتش ليها ومشات كطل على نور ) صراحة قطعتي ليا فقلبي … نكتب ليك نمرة ديال واحد الدكتور دزراعة الشعر فتركيا لقيت نمرتو فانستكرام .. على الله تكون شي نتيجة .. انا غااا قلت ..

نور : ( غوتات كتبكي ) خررررجووووووها علياااا (ليديا بقات واقفة كضور بعينيها علييهم كيفاش معصبين ومغلغين …وكتبتسم كاتزيد متعتها .. ووقفات مربعة يديها كاتشوف فيهم

ليديا : كان فامكاني مناكلش من داك طبسيل وصافي … ولكن لا ، مافيهاااش المتعة هاكاك …خصني نعرف شنو كاين فيه، داكشي علاش سيفطو لبنتكم

حكيمة : ( مطرطقة عينيها ) اش كتخربقي نت اشمن باااااطل باغا تنزلي تاني

ليديا : حبيبتي نور ضرتي لع يزة .. شكرا حيت هزيتي عليا الدقة ….( عطاتها بوسة فالهوا)

ضحكات ليهم باستفزاز وجات خارجة تحل لباب وهي تلاح عليها نورا جبداتها من شعرها و حكيمة تاهي شداتها و ليديا طلقات الحلق ديالها كتغوووت

ليديا : توووناااااااااار .. تووووناااار

شدات ليها حكيمة فمها وبداو كايريشو فيها ويخرجو فيها جنون اش دارو فنور … تاتحلات لبااااب بززززربة داخل تونار كايجري وهوما يطلقوها مشات كتجري تخبات فيه محمممرة وهو جعر عليهم وقرب عند حكيمة ضرب واحد طبلة حداها بركلة شتتها وقرب عندها بغا يجيفها واحترمها غير على ود جدو

تونار : واااااش مراااااااض ف*** ولا ماااالكم ….

حكيمة : هي .. هي لي دخلات كتشفى فالبنت .. الشيييييطانة هي مالنا حنا

تونار : قسما بالله وتحط شي وحدة مزال يديها عليها تالوحها من داك السررررجم …( كايهضر مع حكيمة ليي حنات راسها ومخلوعة منو ) راه احترمتك على وجه جدي اما كون هاد ليلة غاتباتي فزززنقة …. نسمع مزال شي صدااااع ولا قربتو ليها بييييالله لاضربتو هنا الزطمة مزال …..

سكتوو وقطعو الحس وهو جر ليديا و نور طاحت منهارة كتبكي بكل حرقة زايطو تحنات عليها تواسيها ..

وهو هبط بليديا فدروط منيرفي شاعل …تاقرب يطيحها بداك الطالون لقا المامون وقف كايترعد باغي يطلع بعرف شنو كاين تخلعو ملي سمعو غوات ليديا

المامون : اش واااقع

تونار : ( بعصبية ) هضر مع هااادوك يفرقو مراااتي ( جابها قدامو كايوريه كيفاش نتفوها ) شووف كيفاش ردووها .. هضر معاهم راه قسسسما بالله ومزال حطو يديهم عليها تااانريب عليهم هاد الدار … الوحووش فالغابة ماشي هنا …راه احترمتهم على وجهك ما انا يباتو فالزنقة هاد نهار ..

جرها للباب وهي تابعاه كتجري …والمامون بقى كايوف متبع اثرهم تاخرجو وكلس كايشوف فداك الممررضة و نعيمة لي واقفين عند راسو وبدا يضحك خلى لوخرين يحسو بالاستغراب وقال

المامون.: والله الى كايحبها ههههه …؟؟؟؟ ولدي آنا كايحب هههه تونار ينو كااايحب ؟؟؟ آسكوور ينو كبر تاهو ولا يدافع على مراتو ؟؟ ….

ممرضة شافت فنعمية وضحكو بحرج قدامو حشمهم ماحسابتهمش المامون كايعرف الحب تاهو ماعرفينش الى راه كان فالقديم ديالو مع مرتو اكثر واحد روووومانسي وكايحترم المراة بزاف ويبغيها ويآمن بالحب ….

تونار حل ااطموبيل و طلع وهي مشات ركبات لقدام عارفة مغايحلش ليها دابا الطموبيل بلا متحلم …. وكلسات بلاصتها هبطات المراية كتصاوب شعرها مبتسمة و فرحاااانة … وهو ديمارا طوموبيل كايضرب فافولون ويغوت وهي فرحانة مامسوقاش …

تونار : ااش طلللعك عندهم ااااش طللعععك ….

ليديا : ( ردات المرايا لبلاصتها وعنقات دراعو تكات عليه ) نمووووووت فلي يخلق الرعب فالبشر على قبلي نمووووت فيه ….

تونار : كانهضر معاك … راه مااخصني صداع الراااس …الراجل ماخليتوهش يرتاح هاد نهار كااع واش باغيا تقتلي ليا جدي بلا آجل ولا كيييفاش … بعدي من الصداع واش نقولها بشي لغة اخرى ؟؟؟؟؟

ليديا : ( حابسة الضحكة بالفرحة ) واااغي تهدن ههه تهدن ههه

تونار : لا وكاااضحكي ملفووق …

ليديا : هههه …وصافي برررد مالك ، دابا فين غادين

تونار : وااانا عرررفت … لشي بلاصة نتهنى فيها شوية من صداعكم ….

ليديا ضربات الطم غير مبتسمة وفرحانة لي دافع عليها

بداك الشراسة قدامهم اما اش دارو ليها حتى لغدا وتخرجها منهم كيف العادة ماجبدو على نفسهم غير النحل … و قربات نعسات على كتفو معنقة دراعو لي محطوط على الفيتيس بجوج يديها مع دراعو عريض كاتبان كيف شي نميلة معاه.. مدة تاحساتو تهدن شوية عاد هضرات ….

ليديا : طلعت عندهم .. حيت داكشي لي وقع لنور .. كان غايوقع ليا انا ….

تونار ( عين فطريق وعين فيها ) : كيفااش ؟؟؟؟

ليديا : قبيلة ملي مشيت نتغدى مع جدك .. قلت لداك لبنت لي معايا تدي طبسيل لي عطاوه ليا لنور وتعطيني ناكل ديال نور .. وهادذي لي طرا لنور و شعرها لي طاح ليها ، كانو دايرينو ليا انت باش يطيح ليا الشعر …. و انا نوريهم العب معايا شحال ساوي .. هذا ماكان

تونار فراناا ووقف طموبيل على ليمن …. وشد على راسسو غرسو فوق الفولون كايفكر كون طرات بصاح اشمن جريمة كان غايدير …

ليديا : معندك مناش تخاف ….. مراااااتك قادة بيهم وقتليك من اللول خرج سوقهم .. غانخليهم يزندو العافية حتى يزندوها ومغايتحرقو بيها غير هوما …

تونار : ( شاف عنها ) ومالنا على هادشي كامل بنتليك ناقص صدااع العيلات انا ؟ ماعندي مايدار

ليديا.: اوا عليها قتليك خرج سوووقهم …. انا قااللدة بيهم

تونار : اااه عليها كانو غادي يقتلوك قبيلة … كون مكنتش ؟

ليديا : ماشي غي اجي وقتل .. مكاينش لي تقتل هاد النهار قدهم هوما … واش لي هربات من مستعمرة على قدها ومن حفرة فالقوادس غاتخلعها حكيكو ؟

تونار تنهد ورجع ديمارا الطموبيل وكمل الطريق

تونار : و داك البنت اش دارت ليك مسكينة توكليها داكشي …وكليه لداك ماهم …

ليديا : ( وسعات عينيها ) مسكيييينة ؟؟؟ توونار ؟؟ شنوووو قلتي ؟؟؟

تونار كايشوف فيها وفالطريق

تونار : اش قلت ؟

ليظيا : مسكييييينة ؟؟؟؟..مسكيييينة يااااااك

تونار : وااا صافي … صاااافي ماقلت والو …

ليديت : مسكيييييينة ؟؟؟?؟

تونار : واااالمسكين هو انا … مامسكييناش غير هنينا …

ليديا،: وهاكدااااك ..( رجعات كلسات مربعة يديها منفخة) فيا الجووووع

تومار : على داكشي خااارجين .. وانلقاك كتمسسي ليا بداك الشنايف الماكلة غانعوجك … باش عايشة الى مغاتاكليش باش عايشة ؟

ليديا : ( شافت فيه وابتسمات ليه بمكر ) كناكل قلبك

تونار ضحكاتو واخا مااابينهاش وجبها عندو عنقها بيد ويد فالفولون ….

تونار : اجي عندي آجي اشنو خليتي فهاد القلب مسكين… ( حط راسو على راسها ) شنو باغا تاكلي همم ؟ …

ليديا : ماعرفتش …. بغيت الحوت توحشت الحوت دالريف ديالنا

تونار : ثيمقياسين ؟ ( كلامار دوائر كايتعيط بالريفية وخصزصا فأقاليم الحسيمة ب ثيمقياسين بمعنى الدبالج، وقالها تونار لأجل المزحة )

لبديا : ههههه الكلامار ياك؟؟ كنت سمعت وحدة كانت خدامة عندنا من الحسيمة كاتقولها

تونار : هادااك …

ليديا : ااه بغييييتو ….

تونار حبد تيليفون وعيط على الفرملية لي فالدار و دوزات ليه جدو

المامون : آسكور ينو … مايثدجام ( فين راكم )

توناى : غير هنا على اللحر .. تخنقت ، تعشى مزيان وكول الديسير ديالك وشرب الدوا .. مغانتعطلوش الى لقبتك مزال منعستي غاندوز عندك

المامون : صااافي آمينو ياك ليديا لاباس ؟؟؟

تونار : ( شاف لعندها وتبسم ) عل هادي شنو كايگر فيها اجدي … يالاه حتى نجي … رتاح وماديريش فبالك مواقع والو …

قطع ورجع شد الطريق لواحد الريسطو و طلب غير من التيليفون خرجو ليه الطلبية لطموبيل عاد غاايتعشى فخاطرو هو وياها …. وهي متفادية تجبد ليه موضوع جدها وعائلتها غي باش متخسرش الجو وهي كاتشوفو باغي ينسى شوية ….

حطو الطموبيل فطريق الساحيلي على لبحر وخرجو كلسو تما كايتعشاو …. تابدا يجيهم البرد عاد رجعو للدار … وهي سيفطها ديريكت للبيت و منعها تخرج هاد اليلة خافها ترجع عندهم عارفها مكتحشم مكتخاف.. وهي تبانليه ايطو هازة قرعة دالما ماشية تنعس

تونار : جدي نعس ؟

ايطو : نعس اولدي نعس ( مشات عنظو ) تونار اينو .. كيف بقيتي اولدي مع الهم .. ماحيلتك لجدك والا لعيالات

تونار مجاوبهاش كاع على عادتو فيه قاعدة لي مكيكترش معاهم كايسمع لسؤالهم ويمشي … و ايطو دابا حيت طاحت ليه من عبنيه عارفها هي لي كاطيب وغاتكون تافقات معاهم …. وهو لي مايحتارمش ليه مراتو كانه ماحتارموش هو… ومشا هي بقات محزنة ملامحها .. حسات بيه مقلق منها، كانت هي الوحيدة لس كايهضر معاها بزاف … دخل تونار لبيت بانتليه ليديا كتبدل كتلبس بيجامة دالنعاس حريرية … وهو هز كاغطابل ديالو داوا راسو فالدوش … وخرج لقاها فالفراش شاعلة غير فايوز و هازة كتاب كتقرا جابتوو معاها كتكمل روايتها …ودخل فالفراش حداها وشد شعرها كايشوف فيه

تونار : مال شعرك قلتي ليا ….

ليديا : ( شدات الكتاب ورجعات شعرها لور وتكات لعندو وبقات كتلعب بيديها فسلسلة دالسيرفيت ديالو ) مغاتقوليش اشنو كايضور فعقلك ممم؟؟؟؟

تونار : ( تنهد ) مافيا لي يهضر آليديا فداكشي … خليني ننعس راسي كايحرقني ….

ليديا : وفوقاش نهضرو

تونار : حتى لصباح ..

ليديا : ( هبطات عند شفايفو باستو بوسة طوييييلة) تبصح على الخير ….

جرها من يديها هبطها تحتو ونعس معنقها بعد ما باس على راسها وطول يدو طفى الفايوز ….

اما فبيت نور باقي حكيمة كطلس ليها للتومة وزيت الخروع لشعرها وفين مكاين شي عجب داروه ليها وهي عينيها تنفخو ببالبكا …

كيمة : زهرررك ابنتي زهرك اش ندير ليك … اللفعة لوووخراااا سيفطاتليك مااااكلتها … اللفعات علاش گادين

نور : وعلاااش علااااش اماما علاااش …علاش اصلا داايرين ليها داكششي ….واااش صافي غي هي قبيحة نقباحو تاحنا ونوليو بحالها ؟؟؟؟… اش دااكم لشي تخررربيق هااااانتي جات غير فبنتك …

نورا : ( كتمشي وتجي ) هادي خصصها شي دقة صعييييبة و مدروسة …. اما هاد التخربيق دتوكال رااها حاااااضية راسها شفو تونار كيف شرب من زلافتها، واش غاديروها بيهم ..هاديك عندي ليها واحد البلان لي غايقضي عليها فخطرة من عينين تونار ويلوح عليها الطلاق ويزيد الشوهة

نورة : ( ناعسة على حجر ماماها حازمة راسها بزيف حياتي ) انا مابغيتها لا تآدى لا والو .. بغيت غير يتفارقو

نورا : ماما … خالي باقي هنا ياك ؟؟؟؟

حكيمة : ( كتفوه بالنعاس ) بااااقي .. راه هنا هو وولد اسماعيل

نورا : اسماعيل خوك ؟ واش ولدو داك امييير لا ؟؟؟؟ لي والدو مع داك الكاورية؟؟ ناري داك البوكوووص … ….( بقات كتفكر ) لا لا واخا هاكاك هدا مايقضي لي والو ..منزعمش عليه …. خاالي هو لي يقضي ليا الغراض خصو غير لفلوس يدير لي بغينا

حكيمة : بعدي عليا داك الكنص …. تاتهنيت منو يجي تاني، راه غي ماسمعناش جينا …اما كون راه جا شحال هادي حال فمو تاني على لفلوس

نورا : ودابا باااااغينو ومحتاجاه …. عرضيه يجي لعندنا قوليليه نور تزوجات … وانا نفررررجكم ….. الى ماشتتش شملها انا ماشي نوورة

نور : غاديرش شي حاجة تقلب عليا تااني انا لي غانشوهكم هاد المرة …

نورا : نتي غي سكتي وديها فشعكاكتك تخلف ليك دغيا …. الحمد الله لي ماطاحش بزاف بقاي تبوكليه يبان منفوخ ..اجي حقا ماما .. شنو درتي فالبيت ؟ راه هادشي باش غاااتقضيو عليها ….بغيت نتشفى فيها ملي يمشي تونار يبات مع نور

حكيمة : هضرت مع المامون .. وراه سمع ليا قالي عندك االحق تاهي مراتو .. اوا وراه هضر مع ايطو توجد ليهم البيت .. وغدا غايهضر معاه يولي يعدل بيناتهم

نزرا : واااا هاااادي الرضربة القااااضية ……غاتجيها وحدة مورا وحدة .. غير بلاتي عليييييها

حكيمة : وانوضو نوضو تنعسو مشا لحال . يصبح ويفتح

جا صباح جديد … ويوم جديد …

بدات كتفيق ليديا شوية بشوية على عادتها حتى من فياقها فيه الكيوتنيس … كتحل عينيها غير بشوية وهي تحس بشي حد كايمشط شعرها بصبعانو وضارت معمشة باقي عينيها مجبدين بالنعاس … غير شافتو هو لي كان مراقبها وهي ناعسة تجبدات الضحكة على فمها وتخشات فيه تكمل نعاسها ….

كان لابس حوايجو وخرج فطر جدو وخرجو لجردة خلاه تما كايسبح وطلع يجاوب على تيليفونو ملي لقاها ناعسة بداك الشكل ماسخاش ينوض وبقى كايتفرج فيها حتى فاقت ….

ليديا : ( معنقاه مخشبة فصدرو وقالت بصوت مفدوع بالنعاس ) صباح الخيييير

تونار : صباح نور … مناوياش تنوضي …

ليديا : نننننن …( تخشات كتر ) خليك حدايا ….

تاهو ماشي من العاكزين وقاد نعسو وجبدها لعندو كايمشط فشعرها وسااااهي مدة طويلة عاد بدا كايهضر

تونار : هربتي فالكاميو لي كانو مسيفطين ليا !!

ليديا طلعات فيه راسها شافت فيه وهو هبط عندها عينو

تونار : كنت كنعرف عائلتك …بصح مكنتش عارفهم هوما علامن كنقلب ….

ليديا : فين كاتعرفهم

تونار : تعاملت معاهم … كون مداروش ليا واحد البلان عمرني كنت غانعرفهم محاسبش شحال من واحد كايسيفط ليا الحشيش للحدود …

ليديا : مافهمتش ؟

تونار : الحشيش لي سمعتي فالمحكمة كانقطرو .. كناخدو على لبزنازا .. وعائلتك سيطفاتلي ايمايل ملي حطيتو فديب ويب …. وبغاو يتعاملو معايا وتقبلات صفقتهم كيفما كاتقبل مية صفقة فالنهار …. وبقاو خدامين غير مع الروبو لي مكلفة …ولكن نهار وصلني خبار الطرافيك ….. عرفتهم و سيفطت واحد الريزو عندي يصور ليا وراقهم لي نغرقهم بيهم فالحبس

ليديا : دابا … دابا نتا هو داك البزناز لي كان كايهضر عليه جدك

تونار: انا ماشي بزناز

ليديا : مووووهيم … وجدك عارفك نتا ؟

تونار : ( ضور راسو بلا)

ليديا : اوا ؟؟؟؟؟

تونار : كانو كايديرولي داك القضية ديال يعمرو كاميو بالخش وييبلغو عليه يتحرق … حسابتهم مطورين معارفينش الى هاد البلان ولا مفروووووش …. ونت سيفطوك بلعاني فالكاميو لي عارفينو غاتبلغ بيه وغايتحرق ….. باش تحرقي فيه …

ليديا : عرفت …. وهادشي عرفتو حتى فات لفوت

تونار : نت نجيتي .. ولكن عائلتي منجاتش

ليديا : خود حقك منهم انا معاك …

تونار : قولي ليا … ملي تبلغ بالكامو .. شكون هزك

ليديا : فششششكل وقع داكشي جاو كايقلبو الكاميو فليبيا … وهوما يلقاوني وهزوني لواحد القصر كانو كايهضرو غير باللغة لعربية …. انا ملي لقاوني هاكاك درت راسي مكنهضرش و مكنسمعش ( بدات كتعاود ليه كاع اش وقع فليبيا)

تونار : واشمن علاقة نت عندك بداك تخربيق كامل

ليديا : اش عرفني …اول مرة مكنفهم تاحاجة فداك الناس … ناري داك المراة وجهها شحال كان كايخلع …

تونار : غانسالي مع قبيلتكم وندوزو عند هادو … هادشي مغايدوزش غير هاكاك خصني نعرفهم …..

ليديا : لقيتي جدي

تونار : لا …. عائلتك ملي دخلتهم للحبس ماخرجهومش جدك… موالف ديما كايخرجهم هاد المرة مخرجهومش .. لقيتهم نقلوهوم من الحبس لي كانو فيه .. دابا خصني نعرف فين نقلوهم بضبط انا نخرجهم … و خصني نعرف جدك وخوك فين هوما …

ليديا : كنضن فاسبانيا … كايمشيو ليها بزاف

تونار : كنقلب .. طريق كتسرح ليهم غير بشوية عليهم …. يطيحو فيدي بعدا … تانا مزرباننش وكنت مستعد لهاد اللحظة وكنت عارفهم باقيين حيين … آه نسيت … واحد الولد .. كان صغير كايلعب معايا ملي كنا صغار ( كايصغر عينو يحاول يتذكر ) سمر شوية وكايهضر بزربة … كان كايعجبو يجمع شي عجب كان فالزرع ماعقلتش بزاف … وكايعجب يلعب بالبي …هو لي جا عندي وقالي جدي غايقتلكم … كتعرفيه ؟؟؟؟؟؟ تاهو جدك راه جدو … مايكونش قتلوه تاهو ولا شي حاجة ؟ كان ولد ضريف بزاااااف …. و باينة فيه حنين …

ليديا : حنيين ؟؟ ههه لا لا لا مستحيل يكون شي ولد حنين فمستعمرتنا ……

تونار : هادشي قبل متزادي نت … راه نسيت حتى سميتو … ( حيد القفاز ووراها يديه ) هاد اليد لي بقات هاكا متقاستش راه بسبابو ….هو لي جبدني تحت العافية …. شوية جاو داوه وهربو … ولكن فين ؟ شي عقل كايقول غايكون مات تاهو ومشا ضحية …

ليديا : لا لا … معندنا حتى واحد فالعمر ديالك من غير خويا …لي مكتوافقو حتى حاجة من هادشي لي قلتي اصلا هو من صغرو هز السلاح وكايحماق على جدي …. وكايعاودو خواتاتي كان قبيح بزاف فصغرو …وهو نيت لي سيفطني فداك الكاميو … واش لي بغا يحرق ختو ينقد شي واحد من الحريق

تونار : ماعرفتش … باغي لقا داك الولد كتر من جدك والله ….

ليديا : معنديش فكرة .. كنعرف غير خويا وقتليك هو مدايرش هاكا ….

تونار : ( تنهد ) موهيم نوضي لبسي حوايجك … غانديك لواحد اابلاصة غاتكوني توحشتيها

ليديا : توحشتها ؟؟؟؟؟؟؟ فييييين !!!!

ليديا :ومغاتقولش ليا شنو غادير فعائلتي

تونار : ( تنهد و باس على راسها وناض ) من الاحسن مادخليش فهادشي اليديا …ماباغيش نناقش معاك اش غاندير ….وديري فبالك نت عندك غير انا

ليديا : ياكما حسابتك غانحن …نتا راه باقي معارفنيش كيف دايرة …. راه تحن نتا ومنحنش انا …. غير مكرهتش نشوفهم كايتعدبو وتبرد ناري حتى انا

تونار : لبسي حوايجك ونزلي تفطري راه داك لبنت هي لي وجدات ليك لفطور وخرجي عندي لبرا

ليديا : اجي بعدا .. داك لبنت بغيت نديها معايا ليطاليا خدم ليها وراقها عفاك والكونطرا…

تونار : يكون خير …

خرج وهي ناضت بشوية عليها قادات حالتها و حلات ريدو بان ليها الجو مبرد شوية .. ولبسات غوب بيج ديال صوف لاسقة على طايتها وتحت شوية من الركابي ب صمطة ديال الكوتشي و ليبيا و صباط عالي لي منهار لاحظات قصر قامتها وهي مقررة تلبسهم غير هوما … و لبسات كاب أنوثي اسود …. طلقات شعرها مع قبعتها السوداء وقفازاتها و هزات صاك صغيييير بيج … واكسيسورات ونظاظر مع احمر شفاه لي بمثابة عشقها … طبقاتو مزيان فاامارون … وهبطات لتحت

طقطقات كعبها العالي كتسمع ليهم هوما لي مجموعين على طابلة الفطور وكل وحدة فين مخنزرة ملي سمعو حسها جاي … وقربات عندها لطبلة بكل نشاط وحيوية كتفقص فيهم

ليديا : صباااح النوررر على اجمل عائلة فالكون ( جرات كرسي ) جيت نفتح ليكم الشهية

ماردوش عليها كل وحدة فين ضورات راسها ونعيمة جابت البلاطو ديالها حطاتو حداها وهزات القهوة شماتها

ليديا : ياكما يكون فيها شي عجب يطيح ليا ظفاري تاني ههه ( شافت لزاج كايبان ليها تونار كالس حدا جدو كايهضرو ) ولكن ملي راجلي بنفسو لي وقف ليا على فطوري …. نفطر وعيني مغمضين ( شربات من قهوتها )

نور جات نايضة تمشي وهي نشدها حكيمة بمعنى كوني بحالها …

ليديا : ( كتدهن العسل فالطوست ) ضرتي العزيزة كيف صبح السالف ؟؟

نور : من الاحسن ليك انا عطيني التيقار …

ليديا : وا التناقض هذا … الراجل بغيتيه ومراتو لا ؟ مجاتش … لي يبغي تونار خصو يبغيه بيه بمراتو …

نور : غير بداي تحسبي يامك هنا … حيت راه مكيبقى غير الاصل ونت دخلتي على الطمع وطمعك غيسالي

ليديا : سبحان الله كاع مجهوداتكم كترجع عليكم … وحتى هاد المجهود باش هضرتي ….. هاد الهضرة مغاترجع غير عليك نت …

نور : شووفي عندي راه ( قاطعاها ليديا )

ليديا : ( ببرودة ) شششش فيك الضجيج خلني نعقل على هاد الفنجال …. باقي كايتسناني نخرج انا وراجلنا .. قاليا موجد ليا شي حاجة علم الله اش اتكون ( شافت عند نعيمة ) شنو غاتكون فنظرك آلبنى .. شي طموبيل ؟ حيت طلبتها ليه لبارح ….

نعيمة : يمكن الالة …

نورة : امتى نت ولات سميتك لبنى

ليديا : منهار بغيت انا … كيفما بدلت سميتها بزاف دالحوايج معاجبينيش غاتبدلو …. ( وقفات كاتمسح فمها بمنديل بلباقة )شبعت الفطور معاكم كان لذيذ … حبيبتي نور ملي نكونو جايين غانقول لتونار يشوف ليك شي حاجة لشعرك …

باستها فالهوا وهزات صاكها وخرجات و نور كتغدد ومزيرة على يديها وحكيمة كتومي ليها متبينش …..

تونار شاف ليديا جايا … ووقف والمامون شاف معاه

المامون : ماششين لشي بلاصة

تونار : ( ليديا وقفات حداهم مبتسمة ) .. سي ، ليديا بغات تشوف الحسيمة …

المامون : ايييه اولدي سيرو .. يدجي ينو موخ ثصبحذ ( بنتي كيف صبحتي )

ليديا : ملييييح اجدي … ( لاباس اجدي )

تونار : يلاه …

المامون : راااجا ايجن مينيط ( تسنا واحد دقيقة ) جيث كيدي ازوغ اكيس جومعغ شويتي ( خليها معايا بغيت نهضر معاها شوية ) …

تونار : ( شاف فيها وشاف فيه ورجع تنهد ) هانا فطموبيل …

مشا وهي كلسات حدا الجد …

المامون : مرجعتيش عندي لبارح … مقال ليك والو تونار ماشك فوالو ؟

ليديا : لا متخافش …

المامون : ( شاف فيها مطول ودوز و على شعرها ) ديريه عائلتك كاملة … راه واخا عصبي قلبو حنين بزاف …وكوني ليه حتى نت عائلة .. وعوضيه بلاصتي ملي نموت ( ليديا غير ساكتة مكتعرفش تهضر فبحاال هاد المواقف) ميمون خويا الله يسمح ليه عدبكم بجوج … وعدبني حتى انا …. وباقي كنتعدب على تونار ما حتى لوخرين راهم عند مولاهم مرتاحين ونا لاحق بهم

ليديا : معندك علاش تعدب من جيهتو راه كبير وعارف اش كادير غير تهنى …..

المامون : تهنيت نهار شفتو دار تحت دراعو مراة .. نهار شفتو مع شي واحد بعدا .. راه ابنتي عمرو انسجم مع شي واحد. ..كنت خايف نموت ونخليه مورايا بوحدو حتى يدير فراسو شي حاجة … وحتى نور واخا درتها حداه بزز تاهي .. كنت خايف نموت ويخرجها مع الباب داكشي علاش قلت غانكتب ليها النص فكولشي ونخلي ليه هو النص … باش مايلقاش كيف دير يتفك منها … ودابا ملي تزوج بيك جاتني عيب بعد ماطمعت اابنت مانكتبش ليها .. وقررت النص لاخور نكتبو ليك نت وهاكا نكون عدلت بيناتكم ونرتاح …

ليديا : دابا نتا ديها فصحتك …. تونار كتهمو حاجة وحدة هي نتا تكون بيخير ومايشوفكش معدب .. عدابك من عدابو .. وعدابو مكنستحملوش .. ونا بغيتك تهلا فراسك باش هو مانشوفوش معدب …. مكيهمنيش شي حد من غيرو ….وهادشي كامل لي قلتي والدار والكتابة و نور .. انا مكيهمني والو … كايهمني هو .. وهو راه معايا …. وماحدو معايا كولشي غادي مزيان …. ( وقفات ) تمنيت لو مكنتيش فيك ريحة اوشن …. تمنيت … ولكن حيت نتا عزيز عند تونار … راك عزيز عندي حتى انا …..

المامون : حاقدة عليه كاع قد هاكا

ليديا : وكتررر كاع … ( رجعات كلسات وتونار غير كايشوف فيهم من بعيد ) نتا راه معارفش خوك ا شنو دوز علينا .. معارفش الطفولة لي كبرتها كيف دايرة .. معارفش شنو عيشني وشحال من مراة تقتلات على دروج المستعمرة قدام عيني وشحال من قاصر تغصبات وشحال من مراة انتحرات … معارفش شنو هي تكبر مسجون وسط دار عامرة خبث ونتا مداير والو دنبك هو تزاديتي بنت .. ويزيد يبيا ويشري فيك كيف بغا ويعلفك ويكبرك كيف شي بقرة باش يبيعها بثمن مرتفع … ماعرفش شنو هي نكبر وانا ماعندش حتى كتف نحط عليه راسي … نكبر بوحدي بحال شي حجرة جنب للواد …. وملي نكبر …. لامني وكرهني علاش انا قلبي محجر ؟؟؟؟ وعلاش خرجت ليه من الجنب …. (بين سنانها حتى خلعات المامون بداك النظرات ) كنكررهو… كنكرهو حيت بسبابو .. ولا ليا قلبي حجرة ….

المامون : كون كان قلبك حجرة .. مغانلقاكش مع تونار واقفة معاه … وكون كان حجرة ابنتي راك مغاتبغي تاواحد … قلبك غير نت لي باغا تحجريه …اما هو غير ريييشة صغيييرة …. كتحجريه كايجيب ليك الله كولشي بحال جدك … ( دوز يدو على راسها ) هاد ليام لي بقاو ليا فدنيا … ديرني الكتف لي حرمك منو خويا .. انا مستعد نصلح من موراه اش دار فيكم ….

ليديا تنهدات وبعدات ليه يديه ….

ليديا : الكتف حتاجيتو شحال هادي … ما دابا ربيت كتااافي ….

قالت هاد الكلمات بنبرة حادة وناضت مشات خاسر ليها لخاطر لي جبد عليها المواجيع وركبات فطموبيل وتا تونار حس بيها ومابغاش يهضرها تاتهدا … وانطلقو …

اما نور لبسات واحد الكاب وباقا دايرة زيف فوق راسها حيت دايرة ماسك لشعررها لي ساس ليها تقريبا كامل … وخرجات لبرا عينيها منفوخين بالبكا وواضح عليها حالة القهرة … اما حكيمة ونورة دخلو لواحد البيت وحكيمة كتهضر فتيليفون مع خوها يجي ونورة عند راسهاا متحمسة وكتقوليها شنو تقوليه …. وملي سالاو الاتصال شافو فبعضياتهم وضحكو ….

نور يلاه غاتخرط لجريدة هو يبان ليها المامون جالس على كرسي متحرك وومنظرو شااااحب بالمرض وشاد تسبيح فديو ومانطة رقيقة على رجليه … ومشات بجيهتو كلسات حداه بدون كلام وهو شافها وعنقها عندو طالما كانت هي الاقرب ليه من ديما كايلمح فيها الطيبة على ختها وكايلمح فيها الهدوء والحنية عكس اختها ….وعندو هي لي عزيزة كتر

المامون : ثانواشت ينو … ( وريدة ديالي ) ميشموغين ؟ ( مالك )

نور : والو اعمي الحاج ….

المامون : ( كايشوف مع راسها ) مال شعرك لبارح كنت كتغوتي ؟؟؟ طاح ليك والا ؟؟؟

نور : ماعرفتش … يلاه غانمشطو هو يطيح كامل . .. ولكن الحمد الله ماشي بزاااف غير شي بلايص لي خواو ليا

المامون : اوا ماعليش ابنتي يمكن من الما تبدل عليك ولا من الجو مااعلييش …. ياكما قنطتو هنا ؟

نور،: لا لا بالعكس … غير ماعندي خاطر وصافي … راك شااايف كولشي على عينيك

الماموز : ( تنهد ) اوا ابنتي اش غانقوليك …ذنوبك على رقبتي صراحة دالله …. مكنتش عارف كاع راه مزوج ….

نور : ( تكعدات وشافت فيه وعينيها حومر ) ماتيتاهلووش اعمي لحاج …راها خبييييثة ..

المامون : ودابا داكشي بيناتهم … هو راه بغاها وهي راه باغياه ونت عارفة تونار راه مكيقرب عند حد .. وملي قرب لييها راه معجزة …..

نور : ماباغيااااهش اعمي الحااااج … والله الى غير طمع …. ماعرفت منين تسلطات علينا مكنعرفو لا اصلها لا فصلها

المامون : رجوع الله ابنتي هي كتبان هاكاك وصافي … وباش تتهناي كتر ، راني كنعرفها وعارف حتى عائلتها غير تهناي

نور : ها ؟؟؟؟؟ كتعرفها ؟؟؟

المامون : ايييه راه قلتها حتى لتونار … كانت بنت صاحبي هي بنت الناظور … ومامفاهماش مع دارهم وهربات ليهم وتلاقات بتونار ..

نور : وهادي لي هربانة حتى من دااارهم اش كتسنى منها

المامون : كلها وظروفو ابنتي

نور : عمي الحاج ( قادات كلستها ) انا مكتهمني لا هي لا والو …. تكون كيفما بغات تكون … انا بغيت غير كرااامتي كَوحدة مزوجة … بغيت يعطني غير فرصة واااش هو عمرو حتى قرب مني يهضر معايا ولا يتعرف عليا …كيفاش غايبغيني ؟ … عمي الحاج بغيت غير فررررصة … مكيهمنيش واش يكون مزوج بها حتى هي .. يعطيني تانا فرصة و غايبان ليه شكون باغيه دبصح وشكون لا .. مستعدة نتحمل ونحاربها على قبلو …. ونشوفو شكون لي غاتبقى فاللخر

المامون : انا مغانفرقش بين جوج ابنتي… وهضرت مع يماك لبارح … بيتك من حقك يكون عندك … اوا والقلب مكاين لي يحكم فيه آثانواشت ينو

نور : يعطني غير فرصة حتى انا …. على الاقل مغاتبقاش فيا الشمتة وكانشوفو كيفاش كايدير ليها وهو رااجلي حتى انا وحتى انا عندي حق فيه.. حس بيا اعمي … ماعنديش مشكل يتزوج بيها ولكن يعدل بيناتنا …… مايديرش الفرزيات هاكا …انا راه مابغا لا دار لا فلوس بغيتو هو …. وكنواعدك اعمي الى لقيت مكاين حتى شي طريق ليه واخا عطاني فرصة ماقدرتش نخليه يبغيني حتى انا .. انا براسي لي غانطلب الطلاق .. ولكن ماشي بحال دابا .. غانحس بالشمتة راه باقي بحال الجمرة شاعل فقلبي

المامون : على صوااااب ابنتي … على صواب .. ايجي ونهضر معاه

نور.: السبعميام ديالي مابقى ليها والو .. وحتى خالي اشرف وامير ولد خالي اسماعيل غايجيو هاد نهار يباركولي سمعوني تزوجت . يجيو يلقاو راجلي.معارفينيش تافين كاينة ؟؟؟؟؟؟ على االاقل قدام ناس مايجرحش ليا كرااامتي كنبقى حتى انا مراتو

المامون : واايكووون.خييير … يكون خير …

ضحكات ليه وباست يدو ودخلات و هو متبعها بعينو عااارف الى عمرها غاتقدر تخليه يميل جيهتها وعارف الى راسو وقلبو دابا عامر غير بليديا ….ومتأكد حتى من ليديا شحال متعلقة به .. وعارف انها علاقة قوية من جوانبها بحوج … ولكن تاني مادامها على ذمتو العدل ضروري وهاكا آمر الدين …

فايطاليا

* فسيارة جالس واحد كاتسنى وكل شوية يشوف للساعة …. حتى بانليه هداك لي كايتسناه جاي كايجري من الشتا مضرق بيديه حتى قطع الطريق وصل لطموبيل … ركب كايلهت ونفض راسو من الشتا …

منير : اش درتي ؟؟؟؟

ليونيل : ( ضحك وضرب ليه على يدو ) موورووكو

منير : واااات !!!!!

ليونيل : راهم فالمغرب …. ختنا حتى خدات الفلوس عاد هضرات … قالت مول الشركة فالمغرب … غايكونو كاملين تما ادن الى مكانش هو نييت مول الشركة

منير : كنخااف غير نوصلو معطلين والبوس يكون لقاهم قبل مني

ليونيل : ماتجيش فبالو كاع المغرب … سمعت راه كايقلب فامريكا … كايقتحامو كاع مختبرات للفلكييين دابا .. كايشكو عندو المختبر تما حيت اللقاح لي كايصاوب مؤخرا تما كايتباع …

منير : خصني ضروري لقاهم قبل منو …. غانشدو طيارة هاد ليلة … تمشي معايا ؟

ليونيل : منير من الاحسن عفيني ماباغيش ندخل راسي فالمشاكيل كتر من هاكا ويبداو يشكو فينا ….لي عليا راه درتو معاك و خصلت الدين لي كتنسالي بهاد الطريقة

منير : وبقى ساكت مزال وكمل على خيرك.. انا غانشمي الى سولو عليا قوليهم بلي مشا يجب شي وراق كايخصو جنسيتو …

ليونيل : كتخاف يكون البوس عارف مستر اكس فالمغرب ويسمعك تانتا فالمغرب … من الاحسن نقولو راك فشي دولة اخرى وبعد عليك الشكوك

منير : لي بان ليك ديرو .. نحاول نلقاهم دغيا … خصني غير نعرف اشمن مدينة …. عندي معارفي تما دغيا غانطلعو .ً.

ليونيل : ونتا ….( مصغر فيه عينيه ) زعما عمرك غاترجع للعالم ديالكم ؟؟؟؟؟ مغاتمشيش للمغرب ويجيك الحنين وترجع ؟؟؟ راك عارف بحالا غاتكون شريتي التابوت وحرفتي قبرك بيديك …..

منير : اش غانرجع اش كاتخربق فين غانرجع اصلا… ضربهم الخلا هادوك .. جدي حتى شرب دم كتر من مية عائلة عاد هو فاق فيه الضمير قالك آدى ناس ابرياء وغايبيع كولشي ويسيفط للخيرية باش يكفّر !! وحاط كولشي للبيع … وقالك انا يسيفطني نقرا ونعاود مستقبلي…مريييييض هاداك فدماغو .. حتى خرج عليا عاد بغى يصلحني على شحال هادي ملي كنت صغير ونرغبو يحيد السلاح من يدي فين كان ؟؟؟ خلا تافنينا نص عمرنا فداك المستعمرة فلخر قالك يبيعها …

و عرقنا حنا ؟؟؟ وعمامي والواليد لي خلاهم ملاوحين فالحبس ؟؟!!!! عندمن غااانرجع عندمن ؟ وداك البوس لي كالس كتهددني بيه .. هو لي طلبني نهار لول ماشي انا لي جيت عندو … والى مشيت راه هو لي حاجتو فيا وحاجتو فمعارفي لبزنازا لي فلافريك … ماشي انا لي حاجتي فيه . من غدا ندير عصابة ديالي عندي باش نشريه هو وكليكتو ….

ليونيل : فهمنا .. ولكن حضي رااااسك …ومتستاهنش بيه راه اللعب معاه مساهلش …. راك عارفو يدو طويلة مع تجار المخدرات الكبار ليي فاسرائيل … و راه الى مشا حتى طلب المعاونة منهم مشيتي فيها لا نتا لا هو لا للبنت …

منير : متخافش عارف اش كاندير ….نزل راه تابعني السفر وشد غير فمك مغايوقع والو ..

مسافة ديال الطريق وليديا ساااااااهية وشاردة بعقلها لدرجة مكتشوفش حتى لطريق ولا لبلايك فين غادين … حتى لاحظات انها طريق طولات عاد استفاقت وشافت عندو

لبديا : فيين ماششيييين

تونار : نوصلو و تعرفي …

مزادتش معاه وسكتات متكية على الزاج وهو عين عليها وعين فطريق

تونار : اشنو قاليك جدي ….

ليديا : ( تنهدات ) والله مافهمتو بالله ولا بغا يتفهم ليا… راه يا اما جدك نية بزاااف ولا ضريف كتر من القياس ولا ماعزيزاش عليه عائلتو لي ماتت ومكتعني ليه موتهم المغدورة والو….. كيفاش عاطياه خاطرو يكمل حياتو عادي وهو عارفو حي ؟؟؟ و يزيد يحميه منك عاااد …. مع احترامي انه جدك ولكن كايعصبني بنام الضعيييف هاكا

تونار : هاديك هي شخصيتو من زمان … اصلا هادشي لي وقع لينا كامل بسبب هاد الشخصية ديالو المتسامحة …. كون كان كايعرف يحقد ..عمر جدك مغايدخل لدارنا ولا يزرع المين …. هو لي فتح لييه الباب …

ليديا : غير كنفكر هاكا الدم كايغلي فيا …. مكنكرهش نخرنقو بييدي … غير كنفكر راه حي يرزق كنبغي نموت … ( تونار غير ساكت حيت هادشي لي كاتحسو هي هو كايحسو أضعااااف غير الفرق هو مكيهضرش ومكيقولش بزاف باش كايحس ) حتى كنت نسيييت الحرقة والكره ديالو .. ولكن حييتيها فيا نهار عرفتو هو سبابك … من نهار عاودتي ليا اش وقع ليك وانا كارهة هدا لي دار ليك هاد الحالة وملي عرفتو جدي …. ( مقدراتش حتى تكمل ) …..

تونار مردش عليعا فقط خلاها عرفها مغغدة عليه …. وكمل طريقو حتى شافها تكعدات من بلاصتها مصغرة عينيها فواحد الحيط كاتشوفو … ماشيين بجنبو ..

ليديا : هاد لبلاصة .. صصصبر هاد الحيط كنعرفو … تونار فين حنااااا ؟؟؟؟؟؟

تونار غير ساكت مردش عليها …. الطريق كاتقرب وهي كتزيد توضح ليها الصورة حتى وقفو قدام الباب عاد حلات فمها وشدات عليه وشافت فيه ببصدمة …

ليديا : مستعمرتنا ؟؟؟؟؟؟؟؟؟

نزل تونار من الطوموبيل … وحتى ليديا نزلات وعينيها محجرين وعدم الاستيعاب مرسوم على ملامحها ، كاتشوف مع الباب … ومشات كتجري بدات كتطل من الفلجات دياال شباك الباب تتأاكد واش بصح مستعمرتهم أو تشابه ليها !!! وضارت عندو بصدمة هو لي كالس على السيارة مربع يدو

ليديا : اش جاااابنا لهنا ؟؟؟؟؟

تونار مكيجاوبهاش وهي كاتشوف للداخل بجنون … المستعمرة كانت خااااالية الى ماتكدب الوصف ديالي ببعض الكلاب كايضورو تما، … ورجعات عندو كاتجري

ليديا : هضرت معاك جااااوبني، حنا اش كانديرو هنا ؟؟؟؟؟

تونار تخطاها وزاد وحل القفل ديال داك جوج بيبان ودخل وهي بقات واقفة ، عجزات حتى تدخل ولا تلوح للخطوة للداخل .. طالما كانت المستعمرة هي الجحيم لي كانت مسجونة فيه ومكتصورش غاترجع ليها ولو بالضحك ..

تونار دخل لداخل كايشوف معاها وضار موراه كانت باقا واقفة برا

تونار : مغادخليش توريني فين كبرتي ؟ ….

ليديا : (بحقد ) تووونار …. بغيت نرجع مامستحملاش نشوف فهاد لبلاصة ….

تونار حس بيها كيفاش تبدلات كيف شي قتال شاف الشبح ديال واحد قتلو ، وجا باتجاهها وقف حداها و شد عنقها بحركة كايعرفوها غير الباحثين فعلم النفس ..حركة ديال التهدئة من روع النفس .. وهي رجعات بلور حتى تكات على طموبيل كاتشوف فالمستعمرة لي مزال مامتيقاش واش رجعات ليها وشافت فيه بعينين قربو يدمعو

ليديا : علاش اتونار ؟؟؟؟؟؟ باغي تشوفني كنتعدب ؟ عارف اشنو كتعني ليا هاد لبلاصة ولا معارفش

تونار : حيت عارف …. انا جبتك …(جرها من يديها غادي بيها وهي كتجر ليه مابغاتش كاتحاول تفلت من يديه حتى وصلو لمدخل ووقفها متبتها من كتافها توقف …. وجا موراها كايوريها ويشير ليها بصبعو للدار لي مبينية ولي كانو ساكنين فيها كانت بيناية كبيرة و عريييضة بجوج طوابق وكلها بيبان وسراجم …) راااه فين كنت كتسكني …. شفتي ؟ هنا فين كنت كتعدبي

ليديا : ( بعصبية ) تووووونار

تونار : شوفي هاد البلاصة لي كنت كتعدبي فيها كيفاش ولات ؟؟؟؟؟ مكاين فيها تاواحد …. باردة … البيبان مشدودين … الدار لداخل عامرة بالغبرة ورتيلة مدلية خيوطها …. شوفي هاد البلاصة شحال ضعيفة ومهجورة …. هادي هي لي خالعاك هم ؟؟؟ هادي هي لي كل ماجدبتيها ولا وفكريتيها كتتبدلي ؟؟؟ شفتيها كيدايرة ؟؟؟؟

ليديا غير كاترمش وتشوف و تسرط فريقها و طلعات عينيها لسرجم والشرفة ديال بيتها ورجعو تحلو الجراح ، شافت راسها تما فداك الشرفة واقفة كاتشوف فالسما وتخيل الحياة الخارجية كيدايرة !! حبسات دغيا افكارها مابغاتش تزيد تعطي فرصة لداكرتها تجبد ليها الماضي …وضارت عندو ماحاملاش تشوف

ليديا : ( تحت سنانها ) بغيييييييت نمشي

تونار : دخلي !!!!

ليديا : مااابغيتش ( طلعات راسها فيه ) ديني منهنا

تونار ماسمعش ليها وزاد خطوات للداخل وهي واقفة عاطية بالظهر مابغاش ضور تشوف .. كاتشوف غير فالارض وكارزة على القبضة ديال يديها وتونار كايشوف مع واحد الشجيرة ديال الورد وقرب ليها نيفو ورجع بعد

تونار : حتى الورد هنا مافيهش الريحة …. ، ماعرفتش نت كيفاش تفحتي فهاد البلاصة ….

ليديا : توووونار قتليك بغيت نمشي …

تونار : هداك جدك خصو يندم على النهار لي حرق فيه عائلتي و ماتقنش خدمتو وخلاني موراهم ….

شاف مع الدار وكمل كلامو

تونار : بغيت ندخل …. وبغيتك حتى تكوني نت معايا …توريني داركم شبر بشبر ….

ليديا مكتردش عليه غير كتغدد وتحك سنانها ….. وهو تنهد داير يدو فجيبو ورجع عندها هز ليها يديها وحط ليها سوارت فكف يديها وهي كاتشوف

تونار : مستعمرة جدك لي كان خالق بها الرعب ، ولات ديالك دابا …. ديري بها لي بغيتي ، ريبيها ولا حرقيها …اما انا مغاراضيش بالحيوط …انا بغيت مواليها ….

ليديا شادة داك سوارت بين يديها وشافت فيه

ليديا : شريتيها !!!

تونار : واخا غاااالية بزاف … جاااتني ارخص حاجة شريتها …..بقوة ان ماعندها قيمة، الحاجة لوحيدة لي استاهلات مني داك الثمن … هوما دكرياتك فيها هنا …. ( قرب عندها وعلا ليها راسها عندو ) عندك واحد من الزوج … اما احتفظي بدكرياتك ومغانمنعكش أجي ليها وقت مابغيتي قتليك بلي مغاراضيش انا فالحيوط …. يا ايما حرقيها وحرقي معاها الماضي كامل …

خلاها ومشا لطوموبيل …. وهي بقات واقفة فبلاصتها وكلامو كايتعاود فمسامعها وضارت كاتشوف مع الارجاء …. شيء من الجنون انها كاتواجد هنا للمرة الثانية ؟؟؟ عمرها تخيلات غاترجع مزال .. ونهار رجعات كانت المستعمرة فملكها ؟؟؟؟ المستعمرة لي تبخر جبروتها … ولات كتبان ظعييييفة ولا حول لها ولا قوة مجرد بناية هشة !! لهاد درجة كانت خالعاها ؟ ماعرفاتش علاش حسات انها خصها تضحك …. بدات كتضحك بشوية … حتى ولات ضحكة متعالية كتسمع فالارجاء …. ضحكة ديال الغوااااات والصراااخ و اابكااااء و القهههرة و الشماااتة وجميع الاحاسيييس كتضحك بصووووت متجحرش والدموع حاابسين ومحطرين فعينيها … وطاحت الارض كتتتضحك و تونار مراقبها من بعيد … ضحك كان نوع من الشماااااتة فجدها … وفرعبةهاد المستعمرة … الامر كان أشبه بأفعى كبرى كانت خالقة الرعب حتى شوية قطعو راسها و بقى ديلها كايستنجد ضعيف ….كدلك هاد المستعمرة …. وكتسائل مدامها المستعمرة و ولات هاكا اذن حالة مواليها كيف غاتكون …. مدة وهي غير كتضحك فلخر كلسات شادة على داك السوارت .. سوارت جحيمها فيديها .. الجحيم لي مابقاش ليه اثر مزال … والشوكة لي انتزعات من الجدر ….

وماضت نفضات حوايجها وتمشات بشوية باتجاهو ولقاتو واقف وحل ليها باب طموبيل

تونار : كنت باغيك غير تعرفي بلي جهنم ديالك بردات … طلعي

مجاوباتوش وركبات وحتى هو ركب وانطلق

مشاو لجنب البحر ووقف باش يخليها تتهدن شوية … بعد ماسولات على جدها وخبرها انه مزال مالقاه ….

نزلات كلسات على واحد الحجرة .. وتاهو نزل معاها وخلاها تخوي قلبها ترتاح عاد مشاو … اما هو قليل الكلام على احساسيو وقليل التعبير …. او يمكن منعدم ……

رجعو لدار تحت اذان الظهر ، … يلاه باركا طموبيلتو هو يشوف طموبيل اخرى ماطريكول ديالها من كازا ..

ليديا : هنا شي حد ؟؟؟؟

تونار : ماعرفتش … طلعي ديريكت لبيت و ماتنزليش …

كان مغاينزلش، فللخر نزل من الطموبيل تاهو وهي تبعاتو … ودخلو لدار هوما يجيو وجه لوجه مع الضيوف لي كالسين فالصالون ، كانت العائلة مجموعة معاهم جوج ضيوف .. واحد واضح عليه سن منتصف الاربعين … والاخر واضح انه عشريني … شافو لعندهم و الاربعيني لعابو سال على جمال ليديا الكلاسيكي والمامون تبسم لتونار بمعنى دخل، .. تونار دار راسو مشافهمش وماقراش حتى السلام وجر ليديا يطلعو ، ليديا لي كانت واقفة وموسعة عينيها فالشاب العشريني لي كان كالس تما …. جرها تونار وطلعو وهي باقا كاضور براسها تشوف فيه تتأكد وهو مافهمش علاش كاتشوف فيه بداك الطريقة …الجد والعائلة محكروش لانهم عارفين الطبع ديالو وهروبو المستمر من الناس … وكملو حديثهم ضاحكين والاربعيني الضحكة واصلة ليه لودنيه ….

تونار وليديا دخلو للبيت … وليديا باقي ملامح الصدمة على وجهها …وتونار حيد الفيست ديالو و اتجه لبيسي يشعلو وهضر معاها …

تونار : كاتعرفيه ولا ….

ليديا ضارت عندو بزربة

ليديا : ها !!!!

تونار : ( كلس حاط لبيسي على رجليه) هاداك لي حليتي فيه فمك… درتي فيه شي شوفات ديال عرفتيه وماعقلتيش فين

ليديا : داك تخربيييييق ماتبقاش ديرو عليا ، قاري شي قراااية طبقها على بحوثاتك ونظرياتك … ماتبقاش تفسر ليا فملامحي وتقرا فيهم …

تونار : وادابا فين شفتيه وكان ….

ليديا : ( كلسات على السرير وردات شعرها لور) واش هاد نهار حالف حتى يرجعني كاملة للماضي !

تونار : ( كايهضر مبرد واخا الفضول حارقو) هو من الماضي ؟

ليديا : ( شافت فيه ) كاتعرفوه ؟ كايجيكم ؟

تونار : كاتجاوبي على سؤال بسؤال ؟

ليديا : عندك شي مانع ؟

تونار : مغاتجاوبينيش ؟

ليديا : ونتا مغاتجاوبنيش،؟

تونار : السؤال راه ذكر ومن حقي انا نطرحو او لا ؟

ليديا : والاجابة انثى ومن حقي انا نتلاقاها اولا ؟

تونار : ( هبط راسو على البيسي ) ماباغانيش نعرف شكون هاداك ؟

ليديا : ونتا باغي تعرف ؟

تونار : ( طول فيها شوفة وهبط راسو كأنه ولا حافظ الشيفرات ديالها ونظام تشغيلها ) لا ماباغبش نعرف

ليديا : ( دارت رجل على رجل ) هداك هو لي قتليك تفليت عليه باش جابلي تيليفون ….

طلع فيها عينو .. هادي هي الطريقة لب ولا مخدم معاها نهار كتشد العكس .. يكفي انه يرفض الشيء هي غاتقبلو … وعلا حاجبو

تونار : لي جاب ليك سمارت فون !!

ليديا : ممم … ( كتحك فشعرها ) مكنتش كنتصور غانتلاقاه شي نهار .. دنيا شحال صغيرة !!

تونار : مممم … مزبان ( هبط راسو على البيسي )

ليديا : شفتي على امر شحال غريب !! نهار لي كنرجع لمستعمرة هو النهار لي تلاقيت فيه هداك لي كان واحد من الاسباب لي عاوناتني نهرب منهنا ….

تونار : ( علا عينو ) ياكما نهبطو نشكروه ؟

ليديا : ( علات حاجبها فيه ) مالك ؟

تونار : كيف بنتليك ؟

ليديا : والو ..( عوجات شفتها ) غير بنتي لي باغي ضااارب وصافي …

تونار مجاوبهاش وهي حيدات صباطها لاحتو .. ودخلات لدوش ….

تونار بقى جالس مع البيسي كايقرا اخر ما كتب ليه النظام الاوتوماتيكي لي مراقب ليه الخصوصية ديال الاجهزة ديالو وكاع لي غوبو لي تحت يدو لي خدمتهم هوما يحميو الملفات ديالو ويجيبو ليه الاخبار ويتحكمو فالطائرات ديال التصوير و ايضا لي كايحميوه هو كشخص بنظام الليزر ومبثابة بودي كارد فاي لحظة دالخطر يقدرو يبعثو طائرات صغيرة تهاجم اي عدو قرب ليه داكشي باش عايش مرتاح رغم كثرة الاعداء لانو عارف اختراعاتو نافعاه….

مدة ديال شهر هو كايعطيه بحالا النظام كايتخترق وملي ثبتو ليه لوكاليزاسيون كايعطيه كايتخترق من دولة اسرائيل ودابا كايحاول يوصل لاسم الجهاز لي كايحاول يخترقو ومشا خوا الحاسابات ديالو كامل والملفات حولهم لملفات اخرين …وهادوك عمرهم غير بشيفرات تمويهية باااش يخدع بها المقرصن … وفعلا شكوكو كانت فمكانها تم قرصنة داك الحسابات لي خلا ليهم خاويين ….باش يزيد يطول عليهم الطريق بين ما اكتشفهم شكون بضبط …. والى كانو هوما دايرين مجهود باش يلقاوه هو غايدير مجهود اقل ويلقاهم قبل مايلقاوه … ويمشي عندهم كاع !! …..

تونار الشخصية لي متقدرش تعرف لا اش كايخطط ولا اش كاديييير .. ولا اش تحت راسو .. كيف دخان يتسرب من بين يديك …. مكيعاود حتى حاجة .. بقوة ماتعاشر مع الآلات ، فقد كلمة ( كنحس ) .. ولا كايتعامل بحال الآلة رغم ان الداخل ديالو آدمي ، … معمرو كلس وهضر لشي واحد وقال باش كايحس ولا شنو ضارو .. حتى من الجوع الى جاه كايقول بغيت ناكل … مكايقولش كنحس بالجوع …

بحال الآلة تماما …. من برا تقدر تقول عليه شخص هادئ باحث فعلم الفلك خدام خدمتو كاي فلكي آخر لي هي يكتشف نظريات وبحوثات جداد ويدونهم ويتباعو نظرياتو ..

ولكن هو لا … ماشي مجرد فلكي عادي ، هو عقلو كتلة من العبقرية مايمكنش تصور وترعرعات عندو ملي كانفل مريض بالتوحد… ورافض تمام الرفض انه يبينها على برا حتى ملي كان طفل ديما كايبغي غرفة معزولة لي مايشوف تاواحد اش كايدير،.. وكايبقى يتعامل مع الناس لقراب ليه بطريقة لي كايفهمو بها هوما وعلى قد عقلهم حتى كايضنوه بحالهم .. اما الآلات عندو معاهم لغة خاصة …..لي مايمكنش يفمها شي واحد من غير سرعة الآلة ..

قادر يسبقك ب 10 خطوات ويفهم اش غاتقول ليه قبل ماتنطق به …. من العنين ، من الحركات ، من طريقة بلع الريق كايفهم شنو كايضور فدماغك … بسبب خدعة تعلمها من جدو قدر يطور خفة اليد عندو حتى ولات يدو اليمنى اسرع من الضوء يقدر يمارس اي خدعة بصرية امامك بدون متشعر .. لانه كتيحرك يديه ويدير داك الحاجة غير فالجزء من الثاية لي نتا كترمش فيه بعينيك يقدر يغفلك ومغاتشوفوش ….

بسبب الحساب الذهني تخلقات عندو الة حاسبة طبيعية فدماغو مكاياخدش وقت انه يحسب شي حاجة قدر ماكانت … شخص سريع دااخليا و ثقيييييييل خارجيا …. قليل النوم وكتير التفكير …. هادي هي صفات العبقري …..تونار

حتى جات ليديا … لي خلات قلب الآلة ينبض ، وخلاتو يجرب معنى الحب… معنى الغييييرة .. معنى السعادة .. معنى التشبت .. معنى التضحية .وبزاف دالامور لي مكيعرفش يقول راني كنحس بها .. ولكن هي مسيطرة عليه بالكامل ….. ليديا بوحدها لي خلات قلب الآلة ينبض ..

بعد شوية سمع الدقان وناض بالعكز لباب حلها لقا ايطو كتعلمو بلي الغدا واجد … وامرها تحط الغدا ليهم بثلاثة وجدو يتغدى معاهم وتعتدر للجميع بحجة حقا المامون كاياكل المسوس باش يتفادا يكلس معاهم فنفس الوقت باغي جدو باغي يشبع من كل لحظة معاه لدرجة خلا كولشي وتبعو لمغرب…ومشات ايطو تنفد أمرو ….

ليديا خدات دوشها و خرجات ببينوار كاضور مع ليفاليز ديالها تقلب ماتلبس

ليديا : حوايجي تكمشو فليفاليز … اش كايديرو هادو لتحت ملي مايرتبوش ليا حوايجي.. ؟؟؟

تونار طلع معاها الشوفة ديال ‘ منيتك ‘ واتجه لبيسي يكمل خدمتو تابانت ليه نفضات الحوايج

ليديا : تكمشووو مغاانلبسهومش ..( شافت عندو ) تووووونار

تونار : ( ببرود عينيه فالبيسي ) بقاي هاكداك ..

ليديا : واش انا كانقوليك ماعندي مانلبس ونتا ساكت

تونار: ( شد البيسي وربع يدو ) ياكما نعطيك حوايجي ؟؟؟

ليديا : كتطنز دابا !!!

تونار 🙁 ناض ) قلبي ماتلبسي دغيا باركا من الفشوش غايطلع جدي هنا …

تخطاها وخرج لبالكون سمعاتو كايهضر مع الروبو و تأففات وكلسات ببينوار ربعات يديها .. تابان ليها خرج

تونار : واش مريضة نت ولا مالك

ليديا : ماعندي مااالبس ومغالبسش حوايج مكمشييين …. مال هادو متيطلعوش يستفو ليا حوايجي ؟؟

تونار بانت ليه عباية كحلة ديالها معلقة كانت غاتتلبسها ومالبساتهاش ولاحها ليها

تونار : هاهي مامكمشاش لبسي دغيا ..

ليديا : راه خصني حوايج جداد هادو تكمشو

تونار : ( بنرفزة )وداباااا لبسي واش بغا تحمقيني لبسي وغانشوفو حوايج جداد منبعد …

هزاتها بنترة ومشات شداات عليها فدوش وهو كلس كايرد شعرو لور ويشوف مع ليفاليز ديالها لي غايتفركعو بشراوط وكايسول راسو لشمن ذنب دار فحياتو لي بغا وحدة سكيزوفرينية ….

جمع دوك لي فاليز من تما وقاد واحد صالون تما صغير … و كلس كايتسنى الممرضة تطلع جدو … تاخرجات ليديا لبساتها و بانية طالع ليها الخز .. وخرجات كتقلب فپرودوياتها وغير كتنگر ، هو اصلا لاحظها فاقت ناشطة غير ملي مشاو لمستعمرة وجاو هي ولات هاكا .. بحالا غير خصها داك القرصة لي تخليها تبكي بججججهد …. وتفرغ قلبها … خلاها تاهو على هواها واخا بانتليه هرسات جوط بارفانات بحجة طلعو فراسها .. وكلسات قدامو دايرة رجل على رجل و ومطلعة راسها لسما كاتلعب برحليها بحال شي بركان خصو ينفجر … تاسمعات تصفيرة منو .. وضارت عنددو بعينيها .. كان كالس و مربع يدو كايشوف فيها .. ماداتهاش فيه ورجعات كاتشوف لفوق .. ورجع صفّر ليها زوج دالمرات وتلاتة . حتى شافت لعندو وتبسم ليها …

تونار : آجي عندي ….

ليديا : ( علات عينيها للفوق بمعنى مقلقة )

تونار : ( رجع صفّر وشافت عندو ) آجيي ….

ناضت بعكز لعندو غير وقفات حداه جبدها من يدها حتى جات عليه وحظنها بين يديه و هي حطات راسها على كتافو بدا يمشط ليها فشعرها كنوع من الحركات المهدئة…ونطق بما يناسب فراغها …

تونار : داكشي فات .. مغانقولش ليك غانعوضك .. حيت لي خسرتيه تاحد مايقدر يعوضو ليك .. مانقدرش نرد ليك 18 عام من عمرك .. و لا ماماك .. ولا طفولتك .. ولكن قادر نعاونك طفي التافية لي شاعلة فيك ..حيت انا اكتر واحد عارف حريقها شحال كايضر .. لدرجة كايخليك تلبس ماسك … غير كل واحد وكيفاش كايلبسو … انا لابسو ديال لجلد ..ونت لابساه ديال القوة ….

ليديا : ( زيرات عليه بعد ماحسات انه اختصر جميع احاسسها ونهار على هار كتزيد تشبت فيه فقط لانه هو الوحيد لي قدر يفهمها فهاد الدنيا كاملة ، وقالت بصوت ضعيف كايشبه للرجاء) مغاتخلينيش شي نهار حتى نتا ياااك

تونار فقط تنهد و حظنها وخلاها تتفش على خاااطرها عارفها الى كاع جروح الماضي تحلو . وعارف ان كاع القوة لي كتستطنع على شكل قناع راها غير قوة وهمية ….

مدة فحظنو ، تاسعو طرقة فلباب عاد ناضت عليه وحاولات تستعيد قواها …

تحل لباب ودخلات الممرضة معاونة المامون يتمشى لي صحتو كتآكل نهار عللى نهار وكايزيد يبان عليه التعب لدرجة ليوم صبحات بشرتو بحال الزعفران بالصفورية كان قطرة ددالدم مافيهش… وناض تونار تاهو شد فيه وكلسو … ويداو كايدخلو ليهم الغدا …

المامون : علاش اولدي مابغيتيش تغدا لتحت

تونار : الدعوة مخلطة .. واش مزال غايجي شي حد عاد ولا ؟

المامون : لا … جا غير خو حكيمة وولد خوها .. العائلة تالسبعيام عاد الى غايجيو …

تونار : مزيان ( كايصاوب ليه منديل على حوايجو باش مايوسخهمش)

المامون : وماجااتش اولدي راهم كايسولو عليك لتحت …. راه جاو يباركو ليكم زعما … شافوك داخل مع ليديا ماعرفنا مانقولو ليهم وقلبناها لهضرة د المكتاب …

تونار : ( كايقطع الحوت كايحط حداه) لمن غايباركو

المامون : وراه سمعو نتا ونور تزوجتو ( ليديا دايرة رجل على رجل و شادة كاس دالموناضة وكاتشوف فيهم )

تونار : كوول ، كول اجدي كول …

الماموت: دابا كاضحك عليا

تونار : خلينا منها التخربيق ..واش انا مسالي لهادوك … تغدى

المامون سكت وكلس كاياكل وليديا وتونار تاهوما كايتغداو .. ودخلو ليهم الديسير و ليديا شافت نعيمة وناضت قربات لجيهتها وتونار عين عليها وعين على اجاصة كايقشرها لجدو

ليديا : هادوك لتحت جاو بلا عراضة ؟

نعيمة : لا ، فاش كانو كالسين قالو لسيدي لحاج ملي عيطات علينا حكيمة قالت لينا تزوجات نور فرحنا بزاف .. يعني هي لي قالتها ليهم وعيطات ليهم يجيو

ليديا : مم .. هبطي تسنطي ليا شحال غايگلسو ..

مشات نعيمة وهي رجعات لبلاصتها .. سالاو الديسير و المامون تنحنح

المامون : تونار ( عيط بكل جدية وتونار شاف فيه ) باغي نهضر معاك اولدي ولكن الى تسمع ليا

ليديا : ( كاتشوف فيهم حسات بالجدية فالموضوع) الى بغيتي نوض نخليكم ماعنديش مشكل ..

المامون : لا لا بغيتكوم بجوج … وتسطنو ليا الله يرضي عليكم ..

تونار دوز يدو على وجهو مسح عليه بحالا عارف علاش غايهضر ليه وليديا دايرة رجل على رجل وشبه متأكة اش غايكون الموضوع والمامون قاد جلسو واضح عليه الجدية والعياء

المامون : جدكم المامون عيان …( تونار شاف فيه بمعنى عارفني كنكره هاد الموضوع ) ماتشوفش فيا هاكاك الموت راه علينا حق … وجدك راه كبر وعاش لي قسم ليه الله وكتر كاع راه سيد الخلق الرسول الكريم وتوفى الموت راه مكتعرف تاواحد… انا عااااارف اولدي المرض ديالي واخا كتخبيه عارف اش تما واش كاين وراني حااس … ( ليديا جسمها اقشعر باحساس اول مرة كتحسو ) حاس مابقاش ليا بزاف .. كانبات اولدي كانازع والله مكنشوف الراااحة ب الهم ديالك نتا ..

تونار : ( قاطعو ) اشمن هم اجدي ؟ الهم كاديرو راسك علاش انا هاز همي ؟؟؟؟ شنو عندي؟؟؟؟؟

المامون :شلااا ماعندك اولدي ولي ماعندك راه درتو ليك

تونار : جدي ، الله يرحم الواليدين قلب عليا هاد الهضرة ( قاطعو بنرفزة )

المامون : ( زعف تاوسعات ليديا عينيها طبعو صارم بقد مكايبان حنين وضحوكي ) سسكت عليااا !!.. واااش جدك باغي يهضر معاك ونتا كااتسكتو … كون كتسمع شوووية … فين مانهضر معاك كتسكتني راااعي شوية … رااه مابقاليش فالدنيا وااا مابقاش ليا …عائلتك ماااتو مغفووولين كاع متعطاتهم الفرصة يخليو وصاية .. انا تعطاتني خليني نرررتاح

تونار : ( ناض كلس حداه عنقو وباس على راسو حيت شافو كيفاش كايترعد ) هانا هااانا كنسمع ليك . سمح ليا هضر هاكا كنسمع ليك … مالك كتعصب هاكا .. ليديا عطيني داك المانطة .. ( شد ليه يدو لي كترعش) جاك البرد ؟

المامون : … سمع ليا اولدي وتبع الهضرة شوية واش جدك غايبغي ليك المضرة …

جابت ليديا مانطة وغطاتو على رجليه وتونار كايصايب ليه مع جناب وباس يدو وكل شوية كايشوف ليه الحرارة

تونار : ياكما نعيط ليك لطبيب ؟ هاد صفورية ديالك هاد نهار ماعجبتنيش

المامون : ملي نسالي هضرتي عيط حتى على لبومبية

تونار : ( كايقاد ليه المانطة ) هااانا كنسمع آجدي …

المامون : مامحتاج لا طبيب لا والو … انا عارف ماباقيليش فهاد الددنيا و الورقة ديالي طاااايحة … ( تعبير بالريفية كايعني قربت ساعتي)، انا بغيت نحيد الهم على كتافي …. درت واحد الغلاااااط كببييير اولدي نهار زوجتك بلا خبارك … مكاااانش يحسابتني غاااتزوج … مجاتش على البال ولا على النوايا ، … ودابا اولدي داك البنت لتحت … راه مراتك كاع الى كان غير فالوراق راها مراتك قدام العائلة لي حضرات للعرس، .. علاش اولدي تكحل وجهها ؟ العرس لقاو ليه سبة بيا وقالو انا مرضت والعريس مشا مع جدو وحبسو العرس اوا و السبعيام ؟ صبر اولدي غير هاد السيمانة .. سوا كنت سوا مكنتش، صبر و ماضيعش وجهها وبان لناس يعرفوها تزوجات … اوا ملي تمشيو لطاليان ديرو اش بغيتو … حتى الى طلقتو ماتبقاش مسكينة منعتين فيها الصباع راجلها تزوج عليها و ماعطهاش القيمة شكون غاتبغيها لراسها ( شاف عند ليديا ) ولا لا ابنتي ؟ ديري راسك فبلاصتها .. راه العائلة معارفاش اشنو تما ولا كيفاش تزوجو ( ليديا مجاوباتوش كاع وتونار غير ساكت ) ودابا خالها و ولد خالها لتحت ونتا طلعتي هاكا خليتيهم غير كايشوفو والبنت كتطحن غير بوحدها ولات مكايناش كاع وكملات بهاد الشعر وجهها ولا بحال الجير كاع الفرحة ديالها طاارت حس اولدي شوية بالناس .. حس شوية حررك داك القلب، الدنيا مافيهاش غير جدك كاين ناس اخرين شوف ليهم، … انا ماقولتش ليك ديرها مراتك ولا بزز عليك داكشي بيناتكم … انا طالب منك غير متكحلش وجهها وتبقى ليها كرامتها وملي تمشيو لطاليان طلقو اولدي وعيش مع مراااتك كيف بغيتي … انا عاااطيك الضو الخضر غير هو تهلا فيها ورد لبال بحال ختك راهم امانة منعند جدك … وهي كتر درويشة داك البنت وعندي عزيييزة …ياك واخا هي وختها توام .. انا هي عندي عزيزة كتر كطل عليا مسكينة وتسول فيا ملي كانت صغيرة ….

تونار : متفكرش فهادشي … واش انا غانلوحهم لزنقة ؟ راه عايشين فخيرهم وغايبقتو فيه شكون غايحيد ليهم داكشي واش عارفني انا عايش تما معاهم ؟ …. كنجي غير على قبلك

المامون :ولكن اولدي ليديا عندها النص تما دابا … انا هضرت مع المحامي صباح قاديت الورث .

تونار : لا االو اجدي خليها تبعد من صداعهم .. ليديا ماهصها والو راه غاتعيش معايا ماشي تما … هاديك دارهم خليها ليهم

المامون : انا اش ضمن ليا مزوجها دبصح زلا غا عليا انا ؟؟؟ …وااالو واش كنتيق فيك اولدي … انا عارف اش كندير … تاهي حقها تهزو وغانعدل بيناتهم ومانديرش الفرز …. نور النص وليديا للنص … وماتزيدش تناقش معايا ودير ليا خاااطري ( تونار غير شاد على راسو )

ليديا بقات كترمش مدة وهي كتشوف نظرات الضعف لي على وجه المامون …. نظرات الوداع … نظرات الهم والثقل لي على ظهرو …فنفس الوقت كتسمع علاش كايوصيه … وكيفاش هاد كبّر بيها قدام عائلتها غاتكون ؟ … ماقداتش تبقى كالسة تما وناضت خرجات للبالكون وتونار تبعها بعينو ورجع شاف فجدو ودار تبسيمة صفرة عياااانة …

المامون : الله يرضي عليك لما سمع كلام جدك .. بغيتك غير تعيش مزيان ونخليك مورايا هاني … هالعار بعد على ما يضرك .. بعد على النبيش فلي فات وعيش حياتك … هانتا عطاك ربي مرا ومزال يعطيك ولاد …. و امانتي راهم لتحت كيف قلتي راهم برزقهم .. لي نوصيك عليه هو نور .. ماتكحلش ليها وجها الله يرضي عليك وسمع لجدك ..

تونار : نتا غير رتاح .. مايكون غير خاطرك

المامون : وحاجة اخرى اولدي .. راه لبنت من حقها يكون عندها بيتها د الزوجية هنا فالدار .. راكم باقين مزوجين وملي غايجيو فاميلتها غايبغيو يشوفو بيتها راك عارف تخربيق ديالهم كيداير … على وجهي ملي تكون عائلتها هنا ولا شي حد من فاميلتها دخل معاها لداك لبيت .. ليلة مدات ماجابت على وجهي ..رله جدك لي دار هاد الغلطة ونتا صلحها الله يرضي عليك

تونار : نعاام ؟؟؟؟؟ شنو ندييير ؟؟؟؟

ليديا سمعاتهم وخرجات من البالكون كاتشوف فتونار وتشوف فالمامون ومشات كلسات حداه بهدوء

ليديا : انا معنديش مشكل ، خووود راااحتك كتبقى مراتك حتى هي ( تونار غير كايشوف فيها وكايحاول يتخيل اشنو كايضور،فراسها تاني ) .. غير بغيت نسولك اجدي ، واش هي تبغي بعدا ؟؟ موحال يمكن تبغي تبقى مع راجل مزوج بها بلا خبارو ، زعما كاع معندها نفس ….. راه ماتبغيش هي ماتونار ماعندو مايگول ..

المامون : لا لا راه هي لي بغاااات وهي لي قالتها ليا

ليديا : ااااهااا !! .. هي لي قالتها ليك .. مزيان … من حقها ….

تونار : كيفاش هي لي قالتها ليك ؟

المامون : ( حك فراسو ) واااتسلييييم .. شكون قال هي لي قالتها ليا .. تديو على واحد شرف

ليديا عوجات معاه راسها بنظرة منيتك … وتونار تنهد كايحاول ما امكن يتفادى يقلقو

المامون : وراه غا على ود يتسدو الفام ديال الناس عليها راه الغلط انا لي درتو … مابغيتش نموت هاز همها تاهي و دنبها على رقبتي … يدخل غا قدام عينين الناس ويتسمى راجلها وصافي … ملي تمشيو لطاليان ديرو مابغيتو … وااشهمتوني شهمتوني

تونار،: ( شاد على راسو ) هدا سميتو التخربيق….كتعرف تخربيق ؟

المامون : كااانعرفو

تونار : وهو هدا

ليديا : عادي آش فيها ( تونار طلع راسو فيها عارف شي حاجة كتزنزن ليها فالراس ) تاهي مسكينة من حقها بيتها ….. حشوووووومة كاااااع

المامون : وهاااا الله يجيب لي قول الحق …. شفتي لي كتفهم الله يرضي عليك ابنتي … هدا هو المضنون فيك .. الله يكمل عليك بعقلك

تونار : ( كايشوف مع ليديا ومع جدو ) ااه .. باش يخرج ليا انا …

المامون : كيفاش؟

تونار :وااالو اااجدي والو … ( قاد لكلسة ) عارف هادشي لي كطلب مني ولا معارفوش؟ راك عارفني كيفاش دااااير .. اشمن بيت اشمن ؟؟؟؟ واش انا موالف كنعس حدا شي حد ( ليديا كاتشوف لفوق بافتخار )

المامون: عااارف .. عارف صعيبة عليك .. هانتا غير على وجهي ( جا نايض ) نبووووس راسك اووولدي

تونار : ( سبقو شدو باش ماينوضش ) حماقيتي ولا ماالك …

المامون: وديييير لي خااااطري … طلبي اللخر اولدي

تونار: ( بعصبية ) بغيت غير نفهم شنو دارو ليك لي ترغب عليهم هاكا ؟؟؟؟؟ … الغلطة ماااشي ديالك علاش متحمل نتاا الدنب ؟ هوووما ليبغاو زواج بهاد الطريقة وقبلو بيه خليهم يخلصوو (المامون حزنو ملاحو وداك النظرة ليدار شعلات العافية فقلب تونار وناض عندو عنقو وليديا غير كاتشوف وبغى يستملح ليه الجو لان شعل معاه ) ولاو فيك الفشووووش آجدي … الشاااب الشايب…. وشنو نحزروووك ( المامون غير كايتنهد ) وصاافي … انا غانتكلف يكون خييير ….

المامون : ( طلع فيه راسو ) غاتكبر بيها قدام عائلتها … غادير بهضرتي ؟؟؟

تونار :راه قتليك ولاو فيك الفشووش …..

المامون : راه موالفك كديني على قد عقلي

تونار : وصاافي .. واش انا غانخسر خاطرك؟ ( بقليل من الجدية ) ديجا هضرت معاك قبل مانجي للمغرب .. وقتليك عنداك تحطني فموقف لي نختار فيه بين صحتك و حياتي … وحطيتيني فيه ولي طرا طرا .. ولابد مغانختار صحتك ….صحتك عندي اهم من اي حاجة … ورضااك هو كولشي … بقى ليا غي نتا على خاطرك

المامون ماهضرش غير عنقو

تونار : شنو باغي دابا وترتاح

المامون : ( قاد جلستو ) شوف اولدي ، انا عااارف راك مزوج … وعاارف مكتحمل حد يقرب ليك ولا يشوف فيك ، نور ماشي غريبة علينا … مافيها باس غير كبر بيها انا ماقلتش ليك تزوج بها نيشان … يشوفوك عائلتها معاها … وليديا غانقوليهم بنت خويا … وهاد ليلة حدا خالها وولد خالها دخل معاها لببيت الله يرحم الوالدين … غيييير يمشيييو ودير لي بغيتي .. غير يبقى البال ديالي هاني … وهي يبقى وجهها حمر قدام عائلتها وماينعت فيها حد

تونار : صافي هادشي وكاااان وترتاح ؟؟؟؟

المامون : دايني على قد عقلي عاود ياك ؟؟؟؟

تونار : نوض تنعس اجدي .. نوض

المامون : وغاادير بوصايتي

تونار : ( كايعاونو ينوض ) يكوون خير

المامون: غادخل معاها قدام عائلتها ياااك …

تونار : شربتي دواك ولا مزال

المامون : واااشوووف كيفاش باغي يطرطق ليا لمرارة

تونار : وغيييير زيد …..

زاد بيه تونار وليديا دارت رجل على رجل متبعاهم تاهرجو .. ومعلية حاجبها .. وناضت بزربة خرجااات للبالكون وبقات كطل يمين وشمال ولقات كاع لبيوت لي تما عندهم البالكونات بحالها … ورجعات دخلات كالسة كتفرك فيديها ….. تادخل تونار لي كان حط جدو فالفراش ورجع عندها ديريكت

تونار : اش كايضور ليك نت فداك الراس ؟؟؟؟

ليديا : انا ؟ ( لحناتها) وااااالو …..

تونار : راه بالله ونسمع حس شي مشكل تاني باغا ديريه …. راه كنعرفك فاش كضراااافي بزاااف، شفتي حالتو ولا ماشفتيييهاش …

ليديا : شفتو ..

دار فيها نظرة ديال هانتي عرفتي ، و خلاها ودخل لدوش وهي رجعات كلسات وشافت للفوق كتلعب برجليها وقالت بالحس ….

ليديا : مالي انا لي مرضتو ؟؟؟…

نفضات المخدة لي كانت على رجليها وحيدات داك العباية ومشات للفراش تاشافتو خرج مبدل حوايجو واضح انه خارج …

ليديا : را بغيييت لحوايج

ماردش عليها طالع ليه الخز وهي متبعاه بعينيها معيباه بملامحها تاشد الباب

ليديا : هاااااء !!!!! …وهوما يعصبووووك وانا تببرررد فيا ؟؟؟؟؟ انا مالي انا ؟؟؟؟؟ وااهاد لل( شوية وهي تخطف حتى لسما من صوت سمعاتو تبعث حداها وبقات شادة على قلبها كتنهج )

الروبوت : هالاااو … : “دابليو تو وان وان إن وان سيڤن ثري آي جي وان فور ” … فخدمتك

ليديا : ( شادة على قلبها وعلى راسها ) بسم الله الرحمااااان الرحيييم …. واش نت خدمتك هي تقققفزيني ولا شنو ؟؟؟؟

الروبوت : بغيتي ملابس جديدة ؟ بغيت السوق يجي لبين يديك بدون تعب ؟ بغيتي اخر صيحات الموضى … دابلو تو وان وان (… هي مكلمة الاسم وليديا كاتشوف وضور عينيها بملل ) قادرة توفر ليك هادشي ….بغيتي تسوقي ؟

ليديا : ( بابتسامة ديال خزيت ) مااابغيتش

الرةبوت : مابغيتيش تسوقي ؟؟

ليديا : بغيتك نت لي دخلي سووووق رااااسك آآحجر العافية

الروبوت : ( بهلع ) عاااافية ؟؟حريييييق ؟؟؟؟نتصل بالاطفاء ؟؟؟

ليديا : ( شادة على راسها ) مكرهتش … يجيو يطفيوك عليا ، كنت فضرة وحدة وليت فجوج …

الروبوت : ضرة ؟ ( دماغها الالي كايبحث بسرعة قياسية فالكلمات المبرمجة عندها ) مضرة ؟ كنضرك فشي حاجة ؟؟؟؟؟

ليديا : فراسي

الروبوت : نطلب ليك اسبرين

ليديا : كتعرفي تغبري شقفك ؟

الروبوت : ( كضور عينيها كتحاول تفهم

) هاد الجملة غير موجودة فبرنامجي

ليديا : هانا غااادي نبرمجهااا ليك (رشات عليها كاس دالما و تلاشات داك الاشعة ) …

تنهدات ملي تهنات منها وتقلبات لجيهة الاخرى تنعس وهي تقفزها تااني

الروبوت : هالاااو … : “دابليو تو وان وان إن وان سيڤن ثري آي جي وان فور ” … فخدمتك

ليديا بدات كتنفس وتزفر بعصبية

ليديا : واش مكاطفااايش نتِ….

الروبوت : التحكم في اطفائي كاين عند صانعي فقط

ليديا : وماعارفاش نت بلي داك صانعك براسو راه انا لي كنطفييييه فاش كنبغي …. عطيني التييساع ..

الروبوت : ( بعدات شوية لور ) كم متر ؟

ليديا : ( شدات على راسها ورجعات شافت فيها ) سيري عند هداك صانعك .. قولي ليه راك مزوج بمرا ماشي بتطبيق طيليشارجيتيه .. بغات حوايج كايعني خرجها تشريهم …وكون جنتلمان ولو لمرة وحدة فحياتك … يالاه وصليها ليه ….ومتنسايش تشرحي ليه معنى جنتلمان اش كتعني حيت راه مكيعرفهاش …..

الروبوت : حاااضر

اختفات الروبو باش تطلع عندو وليديا رجعات تخشات ففراش كتفكر فهاد ليلة لي غايدوز تونار مع نور .. وهي تضحك ضحكة كلها شر ….. وكتوعد ليها انها غاتخليها تكره النهار لي عمرات المامون عليهم …وغير هاد الاعصاب لي رد عليها تونار بسبابهم غاتخرجها منهم …بقولة انه ماتزادش لي يعكر اجوائها …..

لتحت ..

خرجات حكيمة كاتشوف موراها واش مجاي حد ومشات كلسات حدا نورة و خوها اشرف لي كالسين فجردة ونورة كتعاود ليه وتفهمو وتزيد تأكد … وحكيمة كلسات

حكيمة : اوا اش باليك

اشرف : ( كايحك لحيتو ) واااهي لبنت راها بوومبا .. ولكن سييييير واش هادشي يصدق

نورة : غايصدق 100 فالمية …. نتا غيير دير اش كانگول ليك …راني ضابطة شغلي كامل، عمي الحاج قالينا تونار غدا بليل غايتعطل فالمدينة عندو شي ندوة ملي سمعوه جا هنا المغرب …. هادي هي لفرصة لي ينفدو خطتهم

اشرف : ممممم … وزعما هو غايقول مراتي عرفاتني غانتعطل داكشي باش …… اااااه فهمت دابا

حكيمة : وهاكداك الله يرضي عليك .. راه بنت ختك هادي مسكينة لي غاتعاونها .. وغاتعونا كاملين نتهناو من داك المووووصيبة

اشرف : والله ماتسالوني حلوف تاهادشي كامل آ على ود الدرويشة د نور مسكينة… واش حسابتكم على قبل الفلوس لي غاتعطيوني ؟ لا لا انا ماشي طماع انا غاندير غير الخير

نورة : هااا باش عزيز عليا اخالي كتبغي دير الخير… صافي نعولو عليك غدا ؟؟؟ على الله غير مايموتش الشارف يضيع علينا هادشي …

حكيمة : ونوضي نوضي يالاه راه ماتعرفي داك اللفعة منين تكون كطل علينا يشوفونا مجموعين يقولك اش كايقولو … نوضو يالاه ايطو غاتحط ميريندا ( الكوطي)

اشرف : وغير سيرو انا جاي …

نورة : اخالي راني عاااارفاك فمك كااياكلك ومكتسترش الهضرة والله و مشيتي حتى قلتي لشي واحد هادشي لاشديتي شي رياااال

حكيمة : آداك البروال .. دير الخير ففمك غا هاد المرة وشدو ….ملي ياكلك فمك تبغي تعاود هضر مع الحيط .. انا كنوووصييييك

اشرف : وايلي تانتوما واش حنا دراري صغااار …..

شافو فيه بتحدير و مشاو هو جلد الكارو ديالو يكمي و تكا على الكرسي على برا فالجريدة كاينفت الدخان ويتخيلها ملي كانت طالعة مع تونار … كايتخيل راسو معاها ففراش واحد ويضحك بشهوة … حتى خرج عندو امير وواضح كان داير القيلولة …ويالاه فايق خارج عندو مبوق ..مد ليه كارو يشعل ليه بالبريكة ديالو وكلسو كايكميو …

امير : عيطوليا للخدمة ..غانمشيو غدا فصباح

اشرف : ( ضار عندو ) غدا صباااح ؟؟؟؟؟

امير : واالخدمة هادي اش غاندير … طموبيل راها بالكريدي راه مغانخليهاش ليك تمشي ترزيني فيها .. بغيتي تكلس رجع فساتيام

اشرف : خشخاشة فارع لينا راسنا بيها عزيتيها فعمك ..

امير : عمي ايه .. ولكن شلاهبي

اشرف : اودي مابقى احترام ( رجع تكى ) كمي كمي لوالديك كمي

امير : علاش ماترجعش معايا ؟ يالاه مونسني اصاحبي مالك … راه واخا ختك الدار ديال الناس مالك ماعندك نفس… جينا درنا الواجب الله يعاون

اشرف : اسمع اولد الگاورية ماشي عاد فركستي العش تجي تفهم عليا انا …. دااار ختي ونبقى شحال مابغيت

امير : شفتي داك ولد الحاج كيفاش دخل ماعبرناش كاع … هاد نهار غانزيدو معاك غير بسيييف …

اشرف : ابلاتي على هداك ( كايضحك ) دابا نهبط لباباه كواريه ….

امير : كييفاش ؟؟؟؟

اشرف : شوف انا راه لساني كاياكلني فيا قاعيدة .. ماتجبدنييش باش منهضررش

امير،: ( ضار عندو ) عااارفك مكتستر والو ..الى كتمتي الهضرة جوج دقايق تخرج ليك من بلاصة اخرى، …. هضر اش كاين …

اشرف : راه كون ماشي ولد خويا مانگولكش … على ماشي البنت لي طلعات قبيلة مع ولد الحاج راها مراتو

امير : واااااايلي ؟؟؟! على ماشي مجوج بنور؟؟؟

اشرف : وايه تزوج بيهم بجوج اولد الكاورية … ماصورتي بشهوبية ديالك والو .. هداك غا محروق ومغلف كي الجوان ومزووج جوج ونتا تاوحدة مقابلة عليك

امير : ماافهمت تاوزة .. تاكيفاش اابلان ؟؟

اشرف : وااايه اوليدي … وعمتك وبناتها باغين يتهناو منها … قالك مزوجاه غي على الطمع وباغا تطلقو من نور … وتخرجهم لا ديدي لا حب الملوطك

امير : واااباااينة عليها .. واخا قرطااااااسة بنت الحرام ولكن عينيها مزاگينيش باين فيها ماساهلاش

اشرف: البنات علاش قادين .. وقاليك الى مشات تاتلوات عليه غاتخرج حكيمة وبناتها كييييط من رزقهم … لا ورث لا حرث .. والله لاحلمو بابسنتيم البيض

امير : على الحاج مكاتب ليها والو زعما ؟؟؟ زعما هاد السنين ماصوارت منو والو ؟؟؟؟_

اشىرف : باغي يكتب الدار لي عندهم فطاليان كون مادخلاتش هاد خيتي بيناتهم … راه لحاج قالك غايكتب الدار لمراة لي غاتزوج بداك الجوان ديال حفيذو ، ودابا باغين يتهناو منها …

امير : مافهمت تاااااا ووووزة ؟

اشرق : دابا عمك لي خصو يقضى الغرااض ويهنيهم منها … شفتي عمك شحال مهم ؟ ديما كانقوليك احترمني ونتا مكتسمعش، … لى كان عينيها هاديك خيتي غير فالطمع .. وصابرة على واحد مغلف بحالو على ود الفلوس، راه غير غاتغمزها غاتجي تابعاك ..

امير : كيييفاش

اشرف : وااامحرووووومة اصاحبي مالك مكلخ ..

امير : تا لا … هادو ماشي فعايل … داكشي بيناتهم … اش داك نتا لوحدة مزوجة

اشرف : واش عارف القضية شحااال فيها .. خمسة دالمليووووون اولدي لي غاتعطيني عمتك لاقضيت لغراض…..

امير،: وهي ملي عندها هاد خمسة دالمليون غير شايطة راه ماخصها خير ؟؟؟؟ تمشي دفع بها فبارططما وتهني مخها ؟؟؟ … ياك الوراق طلعهم ليها الحاج هي وبناتها وباينة صاقرة على حصيصة ديال الدهب اش باغا مزال . …

اشرف : و نتا سووووقك ابنادم سوووقك ؟؟؟؟؟ .. اييه عنداك تمشي تخرجها على فمك !!!!

امير : اودي حضي غيرر ماتخرجهاااش نتا …

اشرف : اوا كلس نعاودليك نيييشان شنو مبلانيين ليها غدا … غيّزو ليها الصنااارة آولد الكاورية… كلس تسمع و تعرف العايلات علاش قادات … على انا غير جيت وقطعت الواد لهيه…

امير : زعما واااالو مااتسترهمش

اشرف : غاولد خووويااا نتا ماشي لبراني ..

امير : اودي زيد زيد زلع ليا اش تما باش ترتاح خوي…

ليديا بقات ففراشها جاها الملل حتى داها النعاس …

تونار رجع لقاها نعسات ودخل بدل حوايجو غير خرج من دريسينغ بانتليه كاتفيق .. كاتشوفو كايتحرك وواضح معندوش الخاطر …

ليديا : تونااار …( ماردش عليها ) تووونار …( بالغوات ) تووونااار

تونار : ( ضار عندها بزعفة ) شنووو .. اش كاين ؟؟؟

ليديا خنزرات وناضت من الفراش ووقفات قدامو

ليديا : انا علاش كتززعف عليااا؟؟؟؟؟ عصبوووك هوما انا مالي ؟؟؟؟؟؟ اخر مرة تدوي معايا بحال هاكا …. مدايراش علاش تزعف عليا … وحتى فاااش ندير علاش متزعفش … ماتخلقش انا لي يزعف عليا ….

خلاتو ودخلات للدوش هو ماسمعهاش كاع كايشوف لتيليفون مبرزط .. ولااحو گلس على الفطوي شاد على راسو ….

خدمتو تصطوكات عليه ..وعندو ندوة غدا … و جدو كايشوف كاضيع من يدو وزادت عليه هاد القضية ديال عائلة نور … تحط امام امور كايكره انه يواجهها وطول حياتو عايش بعيد على الناس دابا مضطر يدخل فالجو العائلي على ود جدو يبقى فخاطرو .. كان كايعاندو ملي كان صحيح .. دابا ملي مريض .. مقادارش يرد عليه تالكلام ….

تاسمع الباب ديال الدوش تحلات خارجة مقلقة وطالع ليها الدم … غسلات وجهها وخرجات دايزة من حداه ترجع لسريرها تاحساتو جبدها من يديها تلاحت عليه مابغاتش حتى تشوف فيه هو مزيرها كايشووف فيها …

تونار : بحالا كنت كاتقولي قبيلة شي حاجة ؟؟!

ليديا : ( شافت عندو ) داباا تا عضرتي مابقتييش كتسمعها ؟

تونار : سمعت شي تزنزيين يمكن لا ؟ …..

ليديا تنفضات و ناضت عليه

ليديا : متعاااودش مزال تهضر معايا … ماشي هوما يعصبوك و انا تخرج فيا … انا مااااالي انا ؟؟؟؟؟ واصلا ماااشي من ( قاطعها )

تونار،: مابغيتيش تمشي تشري الحوايج ؟

ليديا،: شنوو ؟؟؟؟

تونار : ( علا حجبانو و رجع قاد الگلسة ) حسابتني بغيتي تمششي …

ليديا،: بغييييييت

وتونار : وراك غضبانة زعما

ليديا : غضااابة اوا رااااضيني بحال الناس ….

تونار،: ( عوج معاها راسو ) على كون كنت بحال الناس غاتبغيني لاقيييس …

ليديا : غاتخرجني ؟؟؟؟؟

تونار : (ناض وقف دار يدو فجياابو دايها على قد تقلها ) بغيت نخرجك ولكن مايمكنش .. معندك ماتلبسي

ليديا : غاانلبس لي كان غير خرجني .. بغيت تانا نجرب الشوووبينغ على براا كيداير … عااافااااك ، لا ماشي عافاااك بززز عليك ….

تونار : بشررط …

ليديا : ممم ؟؟

تونار،: غانبقى فطوموبيل …

ليديا : صااافي نمشي بوحدي وريني غير كيفاش ندير

تونار : ( رجع حك شعرو بتردد ) كون غير خديتي اون لاين .. حسيمة صغييييرة ماعندك فين تمشي … خلي تانرجعو لايطاليا … هنا كاينين غير لي بوتيك صغاار ….

ليديا : مكيهمنيييش ( قربات عندو ) خليني نحس براسي انسانة طبيعية ولو لمرة وحدة فحياتي خليني نجرب شي حاجة كايديروها كاع الناس ….

تونار : ( طول فيها الشوفة و دوز يدو على شعرها ) واخا ….

ليديا : ( جا ماشي وشداتو ) صبر … نقدر ندي معايا داك البنت … تعاوني الى معرفتش شي حاجة …

تونار : لي عحبك

نقزات عليه بفررحة عنقاتو مع قصيرة هزها باش توصل لعنقو … وابتسم بعياء واخة مقادرش ، مي باغي يخلق ليها الجو ومايضلمهاش وسط امور ماعندهاش دنب فيهم …

ليديا : نمووووت فلي نبغييييييه انا

تونار : لبسي حوايجك انا غانمشي نشوف جدي .. ماتعطليش ( حل لباب ورجع شاف عندها ) وراه كنعرف شنو كتعني جنتلمان غير تهناي …

خلاها وخرج وهي بقات كتضحك متبعة اثرو ….

خرج عند جدو وليديا جبدات من الفاليز كسوة لي بانتليها ثوبها واقف مكتكمشش ، لبساتها .. هي كتبان عادية ولكن ليديا مقلقينها غير دوك الثنيااات البساط ديال الطي .. هي خصها كولشي مثالي …

قادات شعرها ومكياجها وهزات صاكها كتلبس فنظاظرها مستعدة تنزل …

اما نور عاد فاقت من النعاس ولا وجهها عامر كآبة وخيبات الأمل … و زاد كمل عليها شعرها ، لابسة غير زيف حيت كدير لي ماسك .. يلاه هابطة لتحت وهي تشوف ماماها ونورة طالعين

نور : فين كنتو ؟

نورة : لتحت مع خالي … اييه نعسي ليا نت مع راسك ونا نضرب تمارة ونخطط كينديرو نتهناو من داك اللفعة

نور : شفتي كون يقبل تونار يدخل معايا للبيت غير ليلة ويعطيني فرررصة وتشوفو واش منقلبوش عليها، واش هو عمرو عطاني فرصة كيف بغيتوه يبغيني ؟

حكيمة : هاداك غير ضربيه على حساب جدو .. عمرت الحاج مزيااااان ، قتليه حقا يدخل معاها قدام خويا وولد خويا باش مايضربوش بيها الطر فالعائلة .. واخا اشرف معارف تابيتك فين جا قتليه حنا عندنا قاعدة العائلة كدخل لبيت لعروس والعريس يباركو ….

نورة : ( ضربات على كتفها كضحك ) هايهاي طلعتي مسااااهلاش تانتي هههه …

يلاه كايهضرو سمعو الباب تحلات فنهاية الكولوار هوما يكحلو بالعما كل وحدة فين بدات كتعوج عينيها، .. كانت ليديا خارجة من البيت شافتهم وهي تهبط النضيضرات على عينيها كاتشوف فيهم زعما ، وضحكات كتقرب عندهم بشووووية بغنجها المعتاد

ليديا : بوووون سواااغ، .. كتعني مسالخير الى مكنتوش كتفهمو الفرنسية … متخافوش مكنعايركمش( غير كايعوجو فصيفتهم مادوهاش فيها وهي طلات على نور ) ضرررتي العزيييزة كيف بقى البال والخاطر شوية ؟ لقيتيني خارجة نفوج انا وراجلنا …. مكرهتكش تمشي معايا حتى نت تفوجي ولكن تونار كتعرفيه معندوش مع البراني …. ( نور مخنزرة فيها ونورة بغات تاكلها )

حكيمة : سيري بدلي ساعة باخرى حسن ليك

ليديا : اووووه كنت غانسى ( خشات يدها فالصاك وجبدات فاغاجو ومداتو لنور )

نور : شنو هدا ؟؟

ليديا : فاغااجو …. حيت قبيلة ( لحناتها ) جججدي المااامون ، قالينا بغى تونار يحمر ليك وجهك … ونا نقول مع راسي هاد لون يجيك حسن …اش باليك ؟ ولا نعطيك الغوز ! يطيح عليك شوية السر

نورة : يااااربي تصبرني يااربي

حكيمة : الله يطيييح عليك شي مووصيبة

ليديا: الله يحفظني ثقيييلة عليا ( كطلع وتهبط فحكيمة ) فيها شي 90 كيييلو هاكاك

نور : ( ضربات ليها داك الفارجو ) الموصيبة هي نت قاالااااك ماما

ليديا : واش انا قلت ماماك موصيبة ؟؟؟ ( شافت فحكيمة ) سمعتي بنتك كاتقول عليك موصيبة .. ونعم التربية

نورة : راه يا اما تهبطي ضرگي زلافتك ولا نعطيك نتفة حسسسسسن من هاديك لي خديتي …

ليديا : ماسخيتش بالجماعة معاكم حلوة تباركالله ولكن غانتعطل على راجلنا انا و ختك …باااااي .

تسناوني للعشا نفتح ليكم الشهية تاني ( عطاتهم بوسة فالهوا ونزلات )

نزلات ليديا لتحت كتقلب على نعيمة مخلية موراها العوافي شاعلة لفوق …. تاجات عندها نعيمة كتجري … قالت ليها غاتخرج معاها ومشات بفررحة تلبس حوايجها

وليديا تمشاات لجردة يالاه غاتخرج وهي تساااطح مع امييير داخل… لي ريحتها ضرباتو لنيفو سكراتو وشاف عندها وهي طلعات عينيها فيه .

غير كاتشوفو كتفكر داك الفترة كاااملة وكتفكرو انه اول واحد خلا الاامل يفيق فالداخل ديالها وعطاها فرصة لحياة جديدة …. هو معارفاش ولكن هي كاتشوفو واحد من أسباب فرارها من المستعمرة …..

امير استغرب لدوك النظرات لي كاتشوف فيه بيهم، فنفس الوقت سحرها مخلاهش يقاوم ولا يبعد …من لقريب كتبان فاتنة اكثر .. وجدابة لدرجة صعيب تبعد عينيك الى جاو فوقها

تاسمعو تنحنييحة مورااهم وضارت ليديا بزربة … لقاتو تونار دااير داك الابتسامة ديال خزيت …وهي تبعد كترد شعرها لور وتحاول تتبسم وامير تاهو ابتسم كايقرب عندو فنفس الوقت مقادش يشوف فعينيه ، الخضورية دالعنين الزوهرين صعيب تطيل فيه النظر الى مكنتيش مولف تشوفهم

امير : ( مد يدو ) انا أمير ولد أخ حكيمة .. ماسبقلناش تشرفنا ….

تونار فقط وما براسو وخلا ليه يدو ممدودة وخرج جارها من يديها وهي تابعاه وامير متبعهم بعينيه …. وكايقول ان غراااابة هاد البنت خيالية … كأنها هاربة من عالم ديزني … بنفس جمال البطلات ديالهم ورقتهم و إطلالتههم

اما تونار حل لباب ليديا ركبات وهي غير من زدحة لي دار لباب عرفاتو ماعجبوش الحال … ركب ديمارا بدون كلام .. يلاه غايهبط الفران آمان شدات ليه يديه

ليديا : صبر تجي لبنت …

حيد يدو وبقى كايتسنى بدون كلام وتاهي ماحكراتش اكتفت انها ضور لزاج وتتبسم وتعض فشفايفها كتستمتع ب شعور غيرتو لاول مرة …..ولفاتو تصرفاتو الباردين حتى بقات تقول مع عقلها ” مكانش كايحسابتني كايحس !!” … ساكتين تاجات نعيمة ركبات لور عاد انطلقو …

وصلو قدام واحد الشارع كله بوتيكات ديال ملابس النساء و ليديا حالة فمها فروعة المكان المكتض بالناس عندها هي هادي هي الروعة … وفرحانة لي غاتخرج تتجول من أرجل المارة والناس … يلاه غاتشد لباب تمشي هو يجبدها اما نعيمة نزلات قدامها …

ليديا : ( شافت عندو عينيها كايلمعو بالفرحة ) شنو ؟؟

تونار : علاش جيتي لهنا ؟؟

ليديا : هااء ؟ نشري لحوايج

تونار : باش

ليديا : مافهمتش

تونار : باش غاتشري داك الحوايج ؟؟؟؟؟

ليديا : ( كتحك فشعرها ) هااا ؟؟؟

تونار : ( مد ليها كارط ) شدي، ماشي كولشي غادوخيه يعطيك اش بغيتي فابور ….

ليديا : ( شافت ل داك الكارطة ) مافهمتش

تونار : عيطي لداك البنت ….

ليديا : واعطيني لفلوس راه كنعرف نحسب الدرهم قريتها فالعملات …

تونار : ( ماد داك الكارط اصلا ) الى تواضعتي وشديتيهم …

ليديا : هاء ؟ على هادي هي لفلوس ؟؟؟؟

تونار : ( شد على راسو) طلعي لطموبيل رجعي فحالك الله يرحم باك …

ليديا بقات غير كترمش وشدات عليه داك الكارط فللخر رجعات لطموبيل

ليديا : دابا غير فهمني … غير بشوية راه كنفهم ….

تونار : غادخلي لهاد لي بوتيك لي قدامي هنا .. تزيدي خلفة غانردك لدار … وهاد الكارط لي فيدك راه بها غاتخلصي … انا غانكتب ليك الكود وملي تاخدي اش بغيتي لبنت لي معاك توريك فين غاتخلصي …. لقيتي راسك ماعرفتيش هي غاتوريك … هادي راه كاغط بونكيغ

ليديا : ااااه … دابا هاد الكارط كتسحب الفلوس ديريكت من الكونط بونكيغ.. والى وريتهم الكود يدخلوه راسهم مغايسبحوش لي بغاو زعما ؟….

تونار،: على نتِ غاتخلي ليهم هوما شنو يسرقو ؟ مصاب غير يقدك شنو تما فداك الكونط وماتجييش عندي نكمل ليك إسپيس .

ليديا : على شحال هنا …. راه مغانشريش بزاف دالحوايج … غير شي حاجة قليلة متخافش

تونار : ( كايكتب فواحد الورقة الكود ) منخافش ؟ انا منهار عرفتك خيالي وليت كنخاف منو … ( عطاها ) شدي ها الكود … ماتهزيش الهم للفلوس واش يقدو .. هزي الهم للطموبيل واش تقد تهز اش شريتي كامل …

ليديا ضحكات ليه وخرجات من طموبيل شدات لباب عاد طلات عليه من السرجم

ليديا : متأكد مباغيش تنزل معايا

تونار كايجبد تيل و حرك ليها راسو ب لا … وهي مشات متبعها بعينو تادخلات لواحد البوتيك وزاد بطموبيل حدا باب داك البوتيك ووقف وجبد تيل يشوف اخر اخبار البحث على اوشن فين وصل

ليديا غير دخلات لداك البوتيك بقات تشوف وتطلع وتهبط فالناس القلال لي تما كايضرو … نساء مع بعضهم وبعض الرجال مع نسائهم ….

كيف دخلات كيف ثار انتباهها رائحة الناس لي كاينة كاتشوف بعينيها كايلمعو .. اما الرجال مع عيالاتهم وعناقهم كايطوالو يشوفو لعندها بلا مايثيرو انتباه عيالاتهم … ونعيمة تابعها كل مرة تقوليها شوفي هادي شوفي هادي …. وهي متعتها مكايناش فالحوايج .. كاينة فأنها كتمشى بحرية وسط ناس غرباء وهادشي بنسبة ليها كان محرم كليا ومكانتش حتى كتحلم به….

حتى جات عندها وحدة مبتسمة وهضرتها باين عليها الريفية واخا هضرات بالعربية

– نساعدك فشي حاجة ؟

ليديا : سوارذ ثمازيخث ( كتهضري الريفية ؟)

– ( بالريفية ) ييييه كنهضر

ليديا : مكاينش شي باب اخرى هنا من غير هادي !!!

نعيمة علات عينيها و داك لبنت مافهمات والو

– اا .. مافهمتش قصدك !!!

نعيمة : ( بينها وبين ليديا ) هاء علااااش !!!

ليديا : زعما مكاينش شي باب نقدر نخرج منها لشارع من غير هادي !!!

– واش ضروري !!! كاينة وحدة … ولكن علاش مال هادي

ليديا : وريها ليا وبلا اسئلة بزاف …

داك البنت بقات غير كترمش ومشات قدامهم و نعيمة تابعها مافاهمة والو

نعيمة : فييين غاتمشي ؟؟؟؟ اويلي واش هربانة منو …

مارداتش عليها حتى وراتهم الباب د منفذ الاغاثة …. كانت كتخرج لشارع اخر … وخرجات غير شافت الشارع شحال عامر بالناس الضحكة وساااااااعت على فمها وعلات يديها

ليديا : ياااااااااي …. سوووووووپر ….

كان شارع طويل والفراشات فالارض كل واحد واش كايبيع …وكاين لي فالطبالي … وتعياااااط بجهد ديال الريباخا والريكلام … وليديا شافت عند نعيمة

ليديا : واش كولشي هادشي بالفلووس !!!!

نعيمة : اااه .. ولكن قوليها لتونار بعدا

ليديا : فين غايشوفنا … عقلي غير على طريق وغانرجعو من نفس الباب غير هنيييينا .. تبعيني وسكتي

تبعات داك الشارع كتمشى وتضحك وعاد انطابق المثل ديال ” عمرها شافت الدنيا ” كاتشوف مع موالين الخبز لي كايتباع على طبالي وكل مرة تسول نعيمة شنو هذا شنو هذا ونعيمة كتشرح كيف شي دليل سياحي … تاشمات شي ريحة بنيفها بقات كتشمشم وضارت عند نعيمة

ليديا : هاد ريحة دشي حاجة كتعجبني !!!! ماشي الپوپ كورن !!!! ” الفشار “

نعيمة : هوو … راه كايتباع هنا بغيتيه ؟؟

ليديا : كايتبااااع،؟؟؟؟؟؟ حلفي وررريني فييين هو

تبعات نعيمة كيف شي غشيمة تا لعند مول الگلية وهي توسع عينيها ملي شافتها توحشاتها كانت ديما كطلبها من لبنى … وققفات حداه كيف شي طفلة صغيييرة كتكتشف العالم

ليديا : بغييييت هادي … عطيني منها

نعيمة : عطينا وحدة عفاك

داك الراجل عمر ليها ميكة وعطاها … و شداتها كتاكل …

نعيمة : عندك بعدا لفلوس راه انا مهزيتيش بزطامي

ليديا بقات كترمش و هي تتضحك ملي تفكرات لاكارط وخشات يديها فصاك مداتها ليه ونعيمة شدات على راسها

البائع : اش هذا ؟؟؟ واش بنتليك انا كنتخلص بالكارطة ؟ بانتليك مكتوبة على الكروسة الگوتشي ؟

نعيمة : ر راااه مكتعرررفش … غير صبر .. شحال واش آبعا دورو ياك ( 2 دراهم )

ليديا : ورااااه هاديك فيها الفلوس مااالك ( مدات ليه الورقة ) ها الكووود …

اابائع تحلو عينيه وشد عليها

البائع : اييييييه الله يخخخلف … الكود ديالها هدا ياك

نعيمة : اااطططلق لهنا الشفرة بالعلاااالي راه مكتعرررفش .. اويلي علاش عطيتيه لكارط

تشادات نعيمة ومول الكلية و ليديا كتفرج فيهم … فلخر خلاتهم وزادت مع واحد الدرب كتاكل فلكلية وتبلق بعويناتها كتسارا على الدرووبا …

زادت تابعة داك الدرب كاتشوف فالديور كل واحد ساد بابو … تاخرجات فشارع اخر يلاه بغات تقطع كانت غاتطحنها طموبيل كون ماهربات من الطريق وتقنتات فواحد القنيتة كاتشوف لداك الطريق عامرة طوموبيلات كيف غادير دوز …لاول مرة فحياتها تحس بالضعف وتزيد تلعن الجحيم لي كانت منفية فيه لدرجة نهار خخرجات للعالم ماعرفات منين تبداه …

رجليها بقاو كايزيدو بشوية تقطع الطريق وغير دوز شي طموبيل كترجع لور … كاتشوف انها فعالم غرييييب عليها، هي ولفات تكون ملكة فعالمها و منافيها والكل كايهبط قدامها الراس .. ولكن هنا تاحد مكايعرفها شكون وكل واحد قاصد شغالو و فئة اخرى لي كاتشوف فيها كاين لي مستغرب وكاين لي معجب ….ولي داز حداها كايشوف فيها ولكن من خصال الرجال الريافا وساكنة منطقة الحسيمة معروف انهم مكيتبسلوش على لبنت فقط قلة قليييييييييلة اما الاغلبية كايشوفو وصافي نظرا للنفس لي عنهم مكيرضاوش …..

دارت بناقص انها تقطع داك الطريق وبقات تابعة غير الطريطوار لي كتمشى عليه وكل مرة تطلع راسها وتشوف وكتحس بسعااااادة رهيييييبة رغم شوية ديال القلق منهاد العالم … ناسية تونار ونعيمة و ناسية الدار و ناسية اوشن و ناسية انها ليديا .. بغات غير تعانق حلمها لي كان مجرد هلوسات على سريرها دابا اصبح حقيقة …..

ماشية وكتاكل من الگلية لي دازت حداها كاتبقى تشوف فيها ليديا بلا حشمة كطلعهم وتهبطهم وتعيب بملامحها على لباسهم … ولوخرين غير كايشوفو مال هادي وكاين لي كايقول “شوف كيف دااايرة” .. ” ناري شحال زوينة ” ” واش هاربة هادي من شي روسوم “..

كملات الكلية ديالها وبدات تنفض فيديها بشووووية تنظفهم … تالقات راسها فواحد الدرب وهدا ما معروف على الحسيمة من درب لدرب … صغيرة ومجموعة كلها فالدروبة … بقات ماشية داينها رجليها حتى كتلقى امامها واحد الكاراج كله بالزاااج والصور ديال كمال الاجسام والباب ديالو محلولة وكايتسمع من برا ( وان توو واان توو وان توو ) دخلات كطل براسها كيف شي فارة عليهم واحد كان هاز الاثقال شافها هوما يطيحو داك الاثقال كلهم لجنب حال فمو فيها وهي كاترمش معاه بمعنى ” مال هذا ” اما واحد كايجري فطاپي غولون طلق يدو وبقى كايجري فالهوا تاجا على فمو … واحد كان غايضرب المدرب بركلة فالقفاز ديالو صدق عاطيها ليه لوجهو

وهي بقات غير كتبرقق بعينيها نوضات الفتنة فداك لاصال خلاتهم وخرجات …. كملات طريقها وخلات موراها لاصال مقلوووب …. كايعجبها غير تطل وتستكشف اش كاين .. غير شافتهم عرفاتو نادي ديال الريااضة ….

كملات طريقها كتطل على كل بلاصة ” حلاق ” ” روض ” ” بوتيكات ” ” باتيسريات ” تابدا الحال كايضلام وكتسمع المغرب كايأذن وكل الاضواء دالشارع شعلات …

الحسيمة بالليل حكاية اخرى فالجمال والروعة الهدوء ..

مدينة السكون والأمان … وليديا باقي ماشبعات من التجوال على الشوارع الضيقة و حتى الواسعة كلشي استكشفاتهم .. تابانت ليها بناية طالع منها الدخان من الفوق .. وبيبانها محلولين ماعرفاتش كاع شنو هي .. وتمات داخلة بان ليها صف ديال الرجال بالصيكان ديالهم كايقطعو الوراق عند واحد … بقات كاتقول واش محطة قطار ولا آش !!.. غير كترمش معاهم وهوما كل واحد مشغول مع ورقتو ولي كايقطع ليهم عينيه يلاه مكافية معاهم … لقصر قامتها تخطات وسطهم بلا مايرد ليها تاحد البال باغا غير طل وتشوف اش كاين ودخلات مافاهمة والو وقوة الهضرة والهاراج لداخل … دفعات واحد لباب ودخلات …. يلاه مع الخطوة الثانية وهي تووقف مصدوووومة !!!!!!!!!!

عينيها توووسعوووو واقفة مامستوعباش اش كاتشوف …وهوما للداخل باقي مزال مشافها تاحد …

كان صالة كبيييرة بكراسي وكل واحد كالس حدا صاكو .. كاين لي دوش وكايلبس وكاين لي يلاه كاينصل … وكاين لي كالس هاكداك عرياااان كايقلب على حوايجو ….ليديا بحب استكشافها لقات راسها وسط حمام ديال الرجال !!!!!! ….

واقفة مصدومة مافاهماش راسها فين هي .. ماعمرها عرفات انه كاين مكان ممكن يستحم الشخص فالخارج .. مجموعين بهاد الطريقة ومزال مافهمات ولش هدا حمام ولا اش كايديرو كلهم هنا عريانين هاكا ؟؟؟؟؟؟؟ … واقفة بذهووول كاتشوف معاهم بلا حشمة بلا حيااا كتسااائل غير اش كايديرو هادو هنا هاكدا …. تاكتسمع الغوات ديال وااحد الراجل داخل من برا وواحد كايحضي صيكان شافها كايجري . ولي كايقطع اوراق سمح فيهم ودخل كايجري يشوف ملي قوات الهضرة …. لي عريان غطا لعورة ديالو كايشوفو فيها مصدومين اش دخل عليهم ممراة للحمام … وهي غا واقفة وكاتشوف كيف شي هبيلة و عينيها كون كانت تهضر داك النظرة لي فيهم كون قالت “ماالكم اويلي “!؛

– واااشررييفة واااختي .. ولاخت واافييين دااااااخلة … خرجي منهنا واش مسطية نت

مسمعاتوش كاع بقوة الصدمة .. تفيكسات فبلاصتها من شنو شافت تاوعات براسها لاراها وسط قوم دالرجال كلهم عريانين علم الله اش كايديرو وهي ضور خارجة كتججري والهضرة تابعاها وكاين لي شاداه الهيستيرية ديال الضحك من داك الصدمة لي كانت مرسومة عليها…. خرجات لبرا وبقات غادة فااشارع كتهضر غير مع راسها كيف شي هبيلة…

ليديا : لي كايبيع البوب كورن عرفتو … لي كايديرو السبور عرفتهم … لي كايبيع الحلوة عرفتو …. هادوووو اش كايبيعو اويلي ؟؟؟؟؟؟؟؟

يتبع