ملاك: (جا باهم تغدا معاهم من بعد داز عندو حمزة باش يوصلو معاه لصفرو… بقات جالسة هازة كتاب من مكتبة يوسف كتقرا فيها حتى جلس حداها) حسابلي مشيت !!
يوسف: مزال! (زفر) كاين شي عائلة تما مبغيتش نتلقا معاهم
ملاك: على حساب غيثة ؟!!
يوسف: ماشي كولشي فخبارو لبلان ومبغيناش تزيد تعرف وعاد انا واشرف متنتفاهموش
ملاك: اممم.. معليش صبر هو مفاهمش مزيان حيت صراحة مكانش خاص يتخبع عليه باش حتى هو يكون معاكم من اللول عارف شنو واقع، راه غتجيه فشكل يتكب عليه كولشي دقة وحدة غير شوف شنو وقع فالتالي
يوسف: حتى انا تكب علية كوولشي وغضبت وصعرت ولكن مدرتش بحالو رديت اللومة لجهة أخرى!!
ملاك: كل واحد وعقلو ايوسف وكولها وكفاش كيفكر ميمكنش تكون ردة فعل ديالك بحال ديالو كل واحد وكفاش كيقراها فراسو
يوسف؛ ونتي شنو درتتتي مع اورطيغا
ملاك: والو.. كنهضرو..
يوسف: هو معذووور
ملاك: (حركت راسها باه مبغاتش تقول شنو وقع ديك الليلة) شفتك درتي الصحبة مع حمزة!!
يوسف: جوونتي داك السيد كنت فاهمو غلاط
ملاك: مكيحملووووش مراد
يوسف: ههه وراه هداك هو النورمال!! ياك كان خطييبك
ملاك: ماشي شي خطباااااااااا غير ظحك الجيران بين مواتنا وصافي بحال ديك القضية ديال خلي بنتك لولدي منين تكبر يعني ماشي شي حاجة راه موصلناش درنا خطوبة رسمية
يوسف: ولكن للي شفت هو كان جدي معاك بزااف
ملاك: غير طرا واحد الديكور مرضاااش وكان كيفش فية داكشي!! ومنين فهم راك شفتيه دابا على حقيقتو راه هدا هو حمزة للي كبر معانا.. قولي واش بالصح غدعيو ادم؟!
يوسف: حتى نشوف مع المحامية شنو خاص نديرو باش ميشدنا حتى من جهة الولد خاصو ضروري سمية ديال باه
ملاك: اممم داكشي لي كنت بغيت نقولك راه هو ماشي سااهل مديرو حتى شي حاجة حتى تسولو على راسكم مزيان
يوسف: (صونات مو قالتلو أشرف غيمشي ناض هو مشا لتماك وهي بقات جالسة حتى جاها نعاس وناضت تكات حدا غيثة..)
ملاك: (ناضت من نعاس مدوخة حيت نعست بزااف خرجت لقاتهم فوسط الدار مجمعين كاينة حتى وفاء جلست حداهم كتاكل حيت بقاو حاطين الݣووتي، صونا تليفونها كان اورطيغا ناضت تجاوب مبعدة)
وي!!
اورطيغا: شنو زعما نتي مصونيتش انا نتي متصونيش؟!
ملاك: كنت مع بابا
اورطيغا: باباك مشا فحالو مع 4 لصفرو
ملاك: (عوجت فمها) من موراها عييت ونعست
اورطيغا: هبطي عندي انا لتحت
ملاك: واخ.. (ناضت كتجري للبيت لبست حوايجها مشات لبيت خديجة قدات راسها رشت پارفانها)
انا خارجة…
(سدت لباب ونزلت بقات كتقلب عليه حتى كيجي عندها واحد مقصدها كانت خايفة من ردة فعل اورطيغا عرفاتو هدا للي جا مع جدها لدارها عطات بظهر ماشية فاتجاه المعاكس حتى خرج اورطيغا من طموبيلتو)
اورطيغا: ايييييييييييه (مكيعيطش باسمها)
ملاك: (ضارت اصلا عارفاه فين كان مشات زاربة ولاخر وقف ياله غيهضر زربات عليه ضارباه بكتفها ليدو.. ودغيا وصلت عند اورطيغا للي حاضي داك السيد)
ياله نمشيو
اورطيغا: تتعرفي هاد خينا!!
ملاك: لا شكون (لاخر تابعها منين شافها طلعت فالطموبيل رجع من طريقو… بغات تعصبو) واش مغنتحركوش من هنا خلااص؟!!
اورطيغا: (ضار عندها وباين التعب على وجهو) تقادي املاك هي هاديك مغتقاديش غنعرف كفاش نقاد جد اصل مك!!
ملاك: كفاش!!
اورطيغا: كيف سمعتي غلطنا اه تعاملي بحال هاكا نجمع مك شنووو تتعاملي بحال الا نتي مغلطتييش؟!
ملاك: حيت خفت عليك غتسميني غاالطة
اورطيغا: سالينا داك الموضوع خفتي علية وانا تعصبت عليك هضرنا فهادشي لباااارح غنبقاو بحال هكا نهار كامل غااايب مكلفتيش راسك تصوني تسولي شنو قاتل ليك باااك أنا!!!
ملاك: قلت زعما غتفهم غلاطك ساعة غلطت
اورطيغا: انا هاكا داااير نتفاهم معاك فحاجة وحدة منمسكش ولكن تبقاي معايا هاكا لا
ملاك: (بقات كتشوف فيه)
اورطيغا: (ديمارا الطموبيل صايݣ بقاو مدة ساكتين حتى نطق) غدا فالليل غنهبط انا والحاج نهضرو مع باك
ملاك: (صدمها) غدا!!
اورطيغا: بحالا مبقاش عاجبك الحال!!
ملاك: ماشي هاكا كيقولوها واش نتا معندكش شوية ديال الرومانسية!!!
ملاك: واش معندكش الرومانسيه ؟!
اورطيغا: عندنا كولشي غير نتي متيعجبكش داكشي ديالي
ملاك: جرب
اورطيغا: اش غنجرب!! نتي دفعة وجبدتينا المخزن اما الا تكيييت مك اش غديري
ملاك: كنهضر على الرومانسية والكلام زوين وتجنب على ركااابيك وتكون هاز الورد و
اورطيغا: حلي داك المجر ابنتي
ملاك: (عوجت فمها حلاتو لقلت بواطة فلكحل تبسمت هزتها فتحتها لقات وريقة شافت فيه ورجعت هزتها كتلقاه بون ديال الزليج) زليج!!!!
اورطيغا: ها صداقك!!
ملاك: ههه كطنز
اورطيغا: مهم كادوووك هو زليج الكوزينة والحمام
ملاك: ههه فشييييشكل هاد الكادو ولكن شكرا
اورطيغا: اوا فين هي الرومانسية!!!
ملاك: (ظحكها بهاد الكادو شافت فيه) هادشي داخلة فيه الخدمة دلمعالمية
اورطيغا: اه ومعاهم حتى فام دميناح كل سيمانة تتجي تغسل الزليج
ملاك: هههه شكرا.. ولكن فشكل!!! الواحد ميتسناش منك شي حاجة رومانسية
اورطيغا: داكشي فوق الشبعة ازين
ملاك: حتى هادشي عجبني!! عرفتي شحال عجبني الحال منين ساليت كريدي ديالي
اورطيغا: راااحة..
ملاك: انا عارضاااك هاد نهار ياله ختار فين تبغي تعشا
اورطيغا: مكرهتش الدار طيبي للي بغيتي قااابل عليه
ملاك: ختاااار
اورطيغا: الدار ونتي ختاري ديال السعادة ولا الليدو ولا دارك ولا دارنا للي بغيتي؟!
ملاك: ههه وااااختاااار
اورطيغا: عيااان املاك بغيت غير رتاح فشي كوااان مبغيتش نمشي لشي قهوة
ملاك: نمشيو عند خالتي أمينة
اورطيغا: لا بغيت نبقاو غير انا وياك
ملاك: مراد حنا قربنا نتجمعو خليها بحلاوتها منقدرش نمشي معاك لشي بلاصة نكونو فيها بوحدنا
اورطيغا: مال حسك دماغك تيمشي لبعيد
ملاك: مرااااد صافي نمشيو لشي بلاصة اخرى
اورطيغا: مور زواج نساااي شي حاجة سميتها خروج برا والله يا مك تندمك على هاد ليام
ملاك: ههه علاش لي غيكون مع حبيبو غيندم ويبغي يخرج برا انا براسي منخليكش تعتب باب الدار!! (شافت فلبون) واش فين حتى الزليج دالارض!!!
الغد ليه مراد دوز وقتو بين سوااق ولكن تفكيرو كولو غير فرشيد خايف يتستافزو وخايف من راسو حيت مغيسكتلوش… صونات عليه ملاك كان التيليفون فجيبو
اورطيغا: راكي عند السمسار؟!
ملاك: باش عرفت؟!
اورطيغا: حيت قاستك البلية الزين من دابا ونتي فمطرقة ديال الزليج صبااغة
ملاك: ههه والله مكذبت ونيت هو عيطلي لقيتو جايب لية الزليج واش نخليه يطلعو للدار؟!
اورطيغا: خليه فالصالون
ملاك: وووو مفيهش ديال الارض زعما..
اورطيغا: هههه ديري علاش والكادو جاي ديال الارض
ملاك: هههه طمااااع
اورطيغا: ياااك المهم نتي ماشي طمااعة!!
ملاك: ههه بااي (قطعت معاه عطات الاوكي للسمسار باش يقول لدراري يطلعو الزليج لدارها)
سمسار: مزيان درتي هاد الزليج حيت أغلبية غيسكنو فيها غير الكراية يااك
ملاك: علاش مزوينش مشفتوش مزيان!!
سمسار: لا مزيان وتيتقام رخيس بزاااف ماشي بحال لاخر لي تيكون بالشهوة
ملاك: اممم (حركت راسها باه) مهم قاضي غراض؟!
السمسار: لا لا مزيان أغلبية هنا ديور لكرا فيهم..
(كملو الفَيَاجْ ديال الزليج خلصااتهم وهي طلعت للدار علمات مها شنو دار معاها اورطيغا صونات عليها أمينة جاوبتها) وي خالتي!!
أمينة: هبطتي لداركم؟؟
ملاك: لا مغنهبطش خديجة غيخرج اليوم شيخها وغنشد ليها الولد ونتي؟!
أمينة: مخلانيش ولدي، ݣالك حݣا ما حݣا بغا غير رجال معندو ميدير بحديث لعيالات
ملاك: ههه عبر عليك
أمينة: ياك لمك!! لباس بعدا بغا يدي معاه غير الحاج حتى يرصي مع باك وديك السااااع نمشيو ݣاع
ملاك: ان شاء الله
أمينة: الا كنتي غتمشي لدار الغالية ديني معاك
ملاك: صافي واخا فلعشية نعلمك توجدي باش نجي ناخدك
أمينة: الله يرضي عليك ابنتي.. (قطعت جات عندها مفتاحة) دخلي امفتاحة
مفتاحة: غتمشي عند ديك قليلة لحيا
أمينة: من صوااب علاه نتي مغتمشيش؟!
مفتاحة: حتى نكون حمقة باش نعاون نحط رجلي تماك عند دااااك رخيسة!!!
أمينة: هادشي زااند عندكم ياك عاد كنتو عسيلة وسمينة
مفتاحة: دابا قطرااااان
أمينة: اوا الله يصفي خواااطركم…
الغالية: (جابو راجلها للدار مكتهضر مع حتى واحد فالعائلة حيت الخبار واصلة ناقصة وكلها شنو كيسول حيت مفتاحة دارت ليهم الطر والبندير ولكن حتى واحد ميقدر يهضر قدام راجلها واولادها… كان يوسف كيهضر فالكولوار مع اورطيغا قطع معاه)
ولدي بلعشية جيب مرتك وختك وجلسو فبيتكم نجلسو مجموعين هاد ليام راك عارف سيد الحاج تيبغي ديما يشوفكم مجموعين
يوسف: داكشي فاش فكرت ولكن هضري مع اشرف
الغالية: دابا نهضر.. قولي.. (زادت جراتو القنت كتهضر بشوية) صاحبك ولد لݣرسيفية لباس عليه ؟!
يوسف: (باستغراب) لباس الحمدلله
الغالية: لا زعما واش ميسوور عندو لفلوس؟!
يوسف: ههه علاش؟!
الغالية: قلت منين ختك لاسقة فيه وباغااه غير هو من دون لعزارا صافي يجي يتقدم ليها والا كان قاد بيها حنا نزيدوهم غير الخير وحتى ميقدش حنا مغنخليوهمش
يوسف: شتي قلة نعاس شنو تدير فيك الوالدة؟!
الغالية: ياك صاحبك وعزيز عليك وتظلو تشكرو وتحبو فيه!!
يوسف: واش بنيتك الوالدة!!!
الغالية: علاه شنو سباب مرض ختك ماشي هو!! متنقولش هو سباب ولكن حيت مبغاهاش شو شنو دارت منين نتوما تتشوفوه صااالح صافي يجي مغنعرفش حسن منكم ندير هاد المرة رايكم
يوسف: مفخباركش السيد خاطب!!
الغالية: واخا يكون حتى مزوج حنا بغينا غير ختك مترجعش لداكشي.. شنو فيها الا دار ليها خاطرها ومنها متبعهاش الهضرة ياك عزيزة عندو وخايف عليها قلت يعقد عليها
يوسف: واش غير باغية تلسقي غيثة لشي واحد والسلام!! وشكون اورطيغا لي ديما دايرها ختو؟!
الغالية: ماختووووش اسيدي مااااختوووش علاه انا غير جيت وقلت هادشي وهدا ماشي اي واحد داكشي باش هضرت
يوسف: (بقا غير كيشوف فيها)
الغالية: ختك شفتها كضيع مبغيتش نعاود نشوفها هاكا انا للي حاسة بيها وشفتها شحال تعذبت وبكات عليه كنت حتى كنضربها وهي تتقول تنبغيييه… ولدي راك شفت ختك الا بغيت تعتقها هضر مع صاااحبك حنا مطالبين منو واالو غير يصون ختك وصافي…. (مشات هو صيفط ميساج لخديجة وغيثة يوجدو راسهم باش يجييبهم وبقا كيشوووف مو خلاتلو ڤيس فراسو…)
~~~~~~~~~~~~
زهرة: (كانو كيوجدو لعشا دخل رشيد جايب الديسير خرجت كتمسح فالسربيتة كتشوف واش جاب داكشي لي وصااتو عليه شدت فذرااعو ماشيين القنت)
هااااااانتا ارشيد ضيع سعد بنتك
رشيد: سعد بنتي!!!! مالها الا مداهاش هو عمرها تزوج؟! وݣاع لا تزوج!!
زهرة: لا حول ولا قوه الا بالله العلي العظيم اش عندك مع هاد الولد
رشيد: حيت ولد مزال مشارب عقلو نهار يكون راجل وقاد بيها نعطيهالو بعينين مغمضين
زهرة: وباش عرفتيه عاشرتيه باااااز خاصك غير فين تهضر وصاافي اسيدي انا عاجبني وبنت عاااااجبها وغير هو من لعزارا لي بغيتو لبنتي ونسمعك قلتي ليه شي كلمة ناقصة ودوك الشوفات قااادهم معاه راه جاي يهضر على زواج ماشي على يقسم ورتكم
رشيد: الالة انا بناااتي هوما الورث لي طالع بيهم فهاد الدنيا بغا لبنت خاصو يتقاااد
زهرة: نفكرك فحمزة!!!
رشيد: حمزة ولدي وعزيز علية ومكانتش غنعطيه بنتي حتى هو
زهرة: هاكا كدير معاهم كاملين واش بغيت هاد لبنت تخللها عندك
رشيد: اه
زهرة: (حركت راسها بلا حولة من ديما كتشوفو رزيين الا فزواج بناتو.. واكترية ملاك…)
ادم: (كان مع وصل دار التحاليل رجع باش ياخد النتيجة وبقى كيتسنى على نااار حتى دخل طبيب) دكتور!!!
….: (كيشوف الوراق) كما قلت ليك دوك الأدوية والإبر لي كنت تدير مستحيل يخليوك تحمل شي وحدة من غير الا خديت دوا باش يعكس المفعوول ولمدة عاد باش ترجع طبيعي
ادم: مكاينش شي حالة خاصة!!
….: ميمكنش!! اكترية نتا متبع النظام مزيااان وحتى اخر مرة درتها ليك مزال حتى مكملت الوقت للي خاصك تعاود دݣ فيه الإبرة
ادم: (غيحمااااق وديااالمن هداك الولد راه كانت معاه غير هو!! خرج من بعد متشكر طبيب..)
💯 غيكون ولد هداك الشمكار!!!!
~~~~~~~~~~~~~~~~~~~
اورطيغا: (رجع من للمحال ومشا للدار دوش لبس حوايجو تعطر صونا على ملاك)
زين
ملاك: الا بابا قالك شي حاجة دير راسك هبيل مكتفهمش
اورطيغا: ههه بغيت غير نعرف مالو حاااااقد!!
ملاك: مساخيش ببنتو حبيبتو
اورطيغا: وبنتو راه حبيبتي حتى انا!!
ملاك: وهادشي لي ممسروطلوش هاد الساعة حيت عارفني باغياااك
اورطيغا: وامتى يهضمها حتى تلقاوني طرت من بين يدكم
ملاك: فين غطير؟!
اورطيغا: منعرف الخطاب راه داويين فية الصݣعة حتى انا
ملاك: ههه مثلا
اورطيغا: حتى نكمل هاد لبلان مع باك عاد نبين ليك
ملاك: (مهتماتش للي شاغلها هو تعامل باها معاه) انا غنمشي عند مك باش نمشيو عند دار يوسف نشوفو باه
اورطيغا: اممم قالتهالي وليتو تديرو شرااااع يدك
ملاك: هااانتا غتجلسو تعشاو غير باش تكون على بال مديرش الطيارة وبغيت نرجع ومنعرف!! ماما راه مطيبة ليك داك دجاج لي عجبك داك نهار
اورطيغا: تديرولي الاغراء
ملاك: ههه ومتديهاش فعمي الا قال شي حاجة راه انا بنت خوه وكارهني
اورطيغا: هداك تاليتو غندوز عليه شي موس حاافي!!
ملاك: نتزوجو وانا نسلخو معاك غير خلي هادشي يكمل على خير
اورطيغا: تانتجوااانطا على داك لعقيييل الإجرااامي لي عندك
ملاك: ههه تعجبك عندي شي أفكار!!!
اورطيغا: وعاد تقوليلي!!! حقا شنو درتي فخدمتك امتى تبداي؟!
ملاك: مزال حتى نجيب واحد الورقة من المحكمة
اورطيغا: (كتصوني عليه مو) شحييييمة شوية ونصوني علية (قطع مجاوبها) الوالدة!!…
وصلو ملاك وأمينة للڤيلا ددخلو لقاو خديجة فلباب هازة سليمان لي متمسك بيها وهي عاطيااااه الخاااطر وممعييهاش بزااف، سلمت عليهم مستقبلاهم دخلو لداخل فين كاين العائلة للي جاو يشوفوه جلسو مبعدين شوية بقاو مجمعين بالظحك والنشاط حتى جات الغالية سلمت على امينة لي عاونتها ملاك توقف مزيان بقات كتشوف فيها عارفة هادي هي خطيبة اورطيغا وعارفاها صاحبت غيثة وعارفة للي طلبت ميمكنش ولكن عندها أمل فاورطيغا لي كولشي كيعاود عليه مزيان ومكينساش صحابو غيوقف مع غيثة جلست موجهة الهضرة لأمينة لي بقاو بوحدهم..
الغالية: أمينة نتي للي قلتي لمفت..
أمينة: قبل متكملي انا داك نهار ݣلت ليك حضي من داك الكلب راه شفتو شادها فسطح ونتي مسمعتيليش!!!
الغالية: (تنهدت بحزن وندم) اه انا الغااااالطة انا لي كنت معمية فيه!!
أمينة: باش نقولك الغالية ماشي يانا للي نشوه بنتي غيثة نتي مزال معارفة معزتها شحال عندي كبيرة
الغالية: عارفة ولكن مكرهتش…
أمينة: سمعيني للي فهمت من مفتاحة راه داك الكلب لي عيط على مو وݣالها كولشي باش يعرف شنو تحت راسكم وشنو باغيين ديرو
الغالية: وشنو باغي يزيد على بنتي
أمينة: للي نݣولك الله ياخد فيه الحق للي عليك نتي أالغالية هو وݣفي مع بنتك راه معندها حد من غيركم رحميها وعناي بيها راه ماشي لخاطرها وكانت غير مݣيدة وبالسيف عليها!!
الغالية: (حركت راسها باه عيطت عليها ختها استئذنت وناضت مشات عندها…)
~~~~~~~~~~~~~
اورطيغا: (كان حتى شريف معاهم ماشيين فطريق وكلامهم غير على الخدمة حتى وصلو للحومة كان كيتسناهم رشيد مشاو للدار فين موجدبن ليهم كاسكرووط فالصالون جلسو بعد الترحاب بيهم وبقا الحاج هو كيهضر مع رشيد واورطيغا غير كيشوووف راسم على وجهو الهدوووء وكيتسنى من رشيد يقلل منو حيت راه اخر مرة كان بيناتهم احتكاك خاااايب…)
رشيد: (شاف فمراد) اوا سي مراد سمعنا كلمتك
اورطيغا: (برزااااانة وهدوووء) مكاين منزيد فوق للي قالو الحاج نتا الا عندك شي شروط نسمعوهم
رشيد: شرطي راه باين هو تهلا فبنتي انا عندي بناتي هوما عينيا منبغي حتى حاجة ضرهم ولا تمسهم بالخايب ولو بكلمة صغيرة بغيت ان شاء الله تهلا فبنتي
اورطيغا: مرحبا
رشيد: (كان كيتسناه يقول شي حاجة) وحتى هي غنوصيها عليك كما نبغي لبناني نبغي حتى لولاد الناس
اورطيغا: ان شاء الله.. شي شروط اخرى!!
رشيد: بيناتكم اولدي داكشي لي تفاهمتو عليه حنا نزيدوكم غير الخير
العم: متلقاش اخويا شي عريس بحال هدا لبنتك
رشيد: حتى هو ميلقاش بحال بنتي (متبسم) نتا عارف ملاك بنت زوينة قارئة مثقفة مربية وكان ماشي سنة الحياة منسخاوش بيها لا انا لا مها مرضية تبارك الله
اورطيغا: ملاك راه لالة لبنات وليلي الشرف تكون مرتي وهادشي كامل لي قلت خلاني نخطبها تربيتك معندنا منتناقشو فيها
(وشحال مكرهتش ينوض لداك عمها حيت معتابر معاملتو لملاك شخصية يعني حتى هو تمس بداكشي!!.. تقلب الموضوع حيت تفاهمو وناضو خرجو للقهوة يكملو جموع ديالهم حتى يرجعو لعشا جا حمزة جلس حداهم)
رشيد: هدا ولدي حمزة كابر مع بناتي وانا للي مربيه (اورطيغا قلب وجهو باين شنو كيبغي يوصل ليه.. بقاو مجمعين مراد حس بعينو كتمشي باغي ينعس كيحاول غير يبقى متوݣض ومكرهش غير يمشي فحااالو يحط راسو ولكن مجاتش براكة غير مكيشاركش معاهم المواضيع… ولكن لي مرضو حمزة كيهضر كيتقرس منو لا رشيد لا ملاك يعياو يزينو صورتو كيبقى كان خطيبها ودازت بيناتهم شي حاجة!!..
عيطو ليهم على لعشا بقا مكونكطي مع ملاك فالتيليفون مرة مرة تعشاااو وشدو طريق لفاس وتفاهمو رشيد يبدا يقاد وراق ملاك وحتى هو حيت غيديرو خطوبة ولاكط فنهار واحد من مور عرس شريف والعرس غيكون غير قريب.. صاݣ شريف واورطيغا جبد عليها بنعسة وصلووه لدار السعادة طلع داايخ مع دخل لقا أمينة وملاك ووفاء تماك)
اورطيغا: العصابة!! تجمعتو؟!
أمينة: مالك اولدي؟؟
اورطيغا: خ*** بنعاس
أمينة: المسخ!!! دخل دخل دوش واجي عاودنا
اورطيغا: صافي وجدو الزريعة والمسكة وانا جاي (مشا لبيتو هز حوايج تابعاه مو اما ملاك جالسة على الشوك باغا تعرف ولكن الاصول كتقول متزيدش تجلس كتر حتى وقفت حداهم)
ملاك: منين جا مراد حنا نمشيو
اورطيغا: (تكا على حافة الباب) خليهم هوما يمشيو وبقاي نتيا
أمينة: (ضرباتو لكتفو) الله يمسخط كتر مانتا ممسوووخ…
اورطيغا: نعيط على تاكسي توصلك للرياض؟!
ملاك: ههه انا مشيت
اورطيغا: خليك راه باك عطاك لية وقريت على جد امك الفاتحة…
مشات ملاك ووفاء حيت كان باين عيان وبغاتو يرتاح واخا عيات كترغبهم أمينة يباتو هي مكرهتش ولكن من صوااب وحتى مها مغيعجبهاش الحال الا عرفتها باتت سوا كان بايت فالدار ولا لا…
مشاو لدار ياله غيطلعو صونا عليها يوسف باش غيديهم يتعشاو واخا رفضو ولكن كان مقرر وأصلا كيتسناوهم جا خداهم مشاو معاه كانت العائلة مجموعة جلسو تعشاااو
ملاك: خاص نمشيو
يوسف: باتو هنا علاش غتمشيو؟!
ملاك: نمشيو اخويا هنا العائلة بزاف وانا باغية نعس فبيتي كناخد راحتي
يوسف: حتى هنا نشوفك بيت بقاي فيه بوحدك الالة
ملاك: غير خليني نمشي اخويا مرة أخرى راه غدا ان شاء الله ورجع هنا
يوسف: خلي نمشي نجيب شي سخرة ونجي نوصلكم
ملاك: الا مصلاحش ماشي مشكل نشدو تاكسي (شاف فيها ديك الشوفة ديال بنيتك مشا وخديجة جرتها مبعدين) اماااالكي؟!
خديجة: اخر الاخبار الغالية هضرت مع مراد باش يتزوج غيثة
ملاك: (خسرت كمارتها) شنااااااوااااا!!!! كفاش يتزوج غيثة؟!!! مالو صايط فعقلها الريح؟!
خديجة: ايييييه هضرت معاه وقالتلو بنتي كتبغيك وبسبابك وقع ليها هاكا! ورجعت هضرت مع يوسف منين ملقات جواب من عند مراد باش يتزوجو قالتلو معندهاش مشكلة واخا تكون بنتها هي التانية زعما نتي وياها تكونو ضراير
ملاك: علاه هو تزوج اللولة بقات غير التانية!!
خديجة: شوفي باينة مراد مبغاش ولكن باش توصل طلبو وهي لي كانت كتكرهو عرفيها صافي وصلت الطوب
ملاك: بنت ***** بغات تخرجلي فعودي
خديجة: مقالك مراد والو؟!
ملاك: (عاد فهمت منين قالها كيخطبو فية غوبشت) مزال العزي لاخر!!
خديجة: هه صافي خوي راسك حتى يقولهالك هو باش تعرفين ممسوقش.. وزايدون هو اليوم كان كيتفاهم مع بابا عليك
ملاك: اممم (شافت الغالية ماشية للكوزينة خلات ختها كتهضر ومشات معمية كانت الغالية كتقاد شي مشروب سخون ومن حسن حظها كانت بوحدها طاحت عينها فلماااس فوق البوطاجي هزت لكبير قاصدة الغالية لي تخلعت حاطة يدها على قلبها)
تعاودي تضوري بمراد ديالي نحرك!!! (مخرجة عينها) نحرك يا الغالية!!! كولشي نسامح فيه الا هو ومعنديييش مع الشركة وقيليني عليك وخليني محتارماااااك!!!! بغيتي تزوجي بنتك عطا الله لعزااارا بعدي الشمكار ديالي ياك هاكا كنتي كتعيطيلو!!
(حطت الموس خابطاااه فوق البوطاجي وخرجت مكضويييييش…)
متسناتش يوسف جرت وفاء ومشاو شدو تاكسي راجعين فصمت باين عليها معصبة بزااف من الغالية ومن راسها صونا عليها يوسف مجاوبتش
وفاء: شنو وقع ليك ازمرة؟!
ملاك: هاكي جاوبيه قولو جات شي حاجة على غفلة ولا راجلك بغاك شي حاجة وخاصك تمشي للدار باش نهضرو فخاطركم مهم قولي شي سبة
وفاء: انا نكتبلو ميساج حسن (كتبتلو على أساس ملاك لي كتكتب وصلو للحومة راس كيقولها تهز طموبيلتها تمشي عند اورطيغا تفرݣع عليه وراس كيقولها خاصها تهدن وترزن براكة غير فلم الرعب للي دارت مع الغالية وهادشي ماشي ديالها!!!… طلعت لبيتها مكتضويش وحتى هو مرجعش صوناا عرفاتو غيكون نعس محملتش يوقع هاد الجست تايقة فيه ولكن…)
~~~~~~~~~~~~~~
حمزة: (شغلات بالو قضية ملاك يخرج ليها تعويض بهاد السهولة وماشي حتى عن طريق المحكمة سول على راسو مزال مكاين والو ماشي حيت غار منها وباغي لفلوس ولكن جاتو فشكل نورمال حتى ترجع لخدمتها عاد يجيها التعويض للي خاص تجيبو ليها المحامية ديالها ماشي من يدهم ليدها بدون ساااابق إنذاار..
هز تيليفونو مدوز الوقت حتى كيطيح فغيثة دايرة ليه ابوني فأنستغرام دخل لعندها ونيشان هبط كيشوف تصاورها فرق كبيييير على كيف كانت وكيف هي داابا واش من نوعية الكاميرا والتصوير ولا زمان للي خلاها تضعاف كتر من لقياس ولونها يرجع شاااحب راه ماشي مشاكل قلال للي دازو راه لي كيدووز على 100 واحد داز عليها بوحدها وفمدة قصيييرة دخل كيقرا لكومنت لي مكتوبين ليها حتى جاه نعاس صونا عليها جاوبت دغيا)
ياكما ناعسة
غيثة: (جالسة فالجردة) لا جالسة فجريدة
حمزة: علاش نورمال خاصك ترتاحي!!
غيثة: مقدرتش احمزة تنحس بواحد الكره ليلي فالدار لداخل
حمزة: لا لا غير كيبان ليك
غيثة: انا لي تنشوف شنو تيقولو بعينيهم!!
حمزة: متعمريش راسك.. كيف بقا باباك؟
غيثة: مزال عيان حدو كلا شوية مزال مشفتووو ولا شافني
حمزة: نتي معليييك والو اغيثة راك نتي لي ضحية من هادشي كااامل
غيثة: (رجعت راسها متكية متنهدة) عييييييت…. (سدت عينها) مكرهتش نغمض عيني ونحلها لقا كولشي غير كوشماغ وفقت منو…
حمزة: حتى دابا حسبيه هكاك وشارجي راسك بطاقة إيجابية راه مزال تابعك تربية تربيها ومزال عندك مستقبل قدااامك.. فكري فيها من واحد الجهة هادشي للي داز غير الخاااايب وبقا ليك غير زوييين…
اصبحنا واصبح الملك لله…
ملاك: (تحرم عليها نعاس حست بخطر خايفة من جهة ان مراد يحن ويقول هو سباب مشاكل غيثة ويبغي يدير شي خطوة متهورة وغبية فحقها وغيكون مصيرهم الفرااق!!
واخا تقرر ظابا يدار لاكط خاص تعرف شنو تحت راسو وكفاش كيتصرف!!! متنكرش خايفة من ظغط الغالية وبحال والو يوسف يتقلب عليها راه ختو اقرب ليه منها هي..
صونات عليها خديجة جاوبت..)
وي!!
خديجة: ههه اش داكشي درتي للغالية المجينينة؟!
ملاك: المرة جاية مغيكونش غير الشفوي
خديجة: اويلي واش حماقييتي اصاحبتي ههه… شتي مراد غير سمع ليها
ملاك: مخاصهاش اصلا تفكر فهادشي شنو هاد الأنانية للي فيها باش ترضي بنتها تمرضني انا!!
خديجة: ههه عرفتي تصنت عليها كانت كتعاودها ليوسف هبلت بالظحك
ملاك: وشنو قال يوسف؟!!!
خديجة: مزال مقالي والو.. براسو قال لمو راكي غير كتخربقي
ملاك: وعلاش مشات كتقولها ليوسف بففف حشمااتني معاه!!
خديجة: ههه تجي عندي؟!!
ملاك: زمر الا عاودت حطيت رجلي تماك
خديجة: راه بلاتي غتجي ماما وبابا بالسيف عليك ازين غتجي
ملاك: تفوووو.. صافي منين يقربو يجيو قوليهالي باش نجي… (قطعت الا باها عرفها مبقياش مع ختها غيردها لصفرو.. مكرهتش ترجع للخدمة ديالها ترغبهم يخدموها بلا صالير غير تخدم ولا ترجع لدارهم!! ناضت جمعت بيتها طوات حوايجها صونا تليفونها كان اورطيغا جاوبت معصبة)
الو!!!
اورطيغا: مال مك
ملاك: والو غير.. فينك نتا؟!
اورطيغا: فبن سودة.. شوفي الوالدة بغات تمشي لدار باين يوسف باش تلاقا بمك وصليها الله يحفظك انا مغنساليش بكري
ملاك: واخا
اورطيغا: خاصك شي لعبة؟!
ملاك: لا.. علاش ما… مهم نتا امتى غتسالي؟!
اورطيغا: مزااااال مشدود هنا
ملاك: اممم اوا الله يعاونك
اورطيغا: ياله شريييه (قطع ورجع دغيا لخدمتو…)
ملاك: ولد لحرام مزال مناوي يقولي جاو فيه الخطاااب اويلي استغفر الله انا ومبقاوش كيجيو فية الكلب مبقاش كينبح علية!! ودابا هو رجع مطلووووب!!!!
(معصبة) العزي لاااااخر!!!!
حمزة: (كان باغي يتلاقا بغيثة ولكن بأشمن صفة يمشي لدارهم وحيت ادم مكاينش وليلا باقي معاها على تواصل الا عرف شي حاجة عاد يطلع لفاس..
قرر يهبط لصفرو يشوف أعمال باه فين واصلة تشغل بزاااف باش ينسى شحال من حاجة ولكن دابا خاصو يتوݣض!! الخدمة قرر انه ساعتو سالات فيها واخا مسخاش بيها وكانت من احلام طفولتو ولكن مبقاش صالح يرجع لبلاصة تهااان فيها بكل معنى الكلمة!!
لقا مو فالدار جالسة هي وسهام لي كتكتب ليها لعيالات لي خاصها تعرض)
ديالاش هاد لعراضة!!
سهام: مك بعد غدا اولدي غتحايد حق الله
حمزة: (تفكر حسرة باه قلبو ضرب بوجع) دااز الوقت
سهام: الله يرحمو ويوسع عليه فهاد نهار.. مزال ملݣيتو ديك الصلݣوطة!!!
حمزة: مزال
ام حمزة: الله ياخد فيها الحق اولدي
حمزة: (حرك راسو باه مشا لبيتو صونا على عمو الا كان شي خبار على بنتو لي تبرأ منها شحال هادي والو معندو عليها حتى خبار قطع ورجع عندو مو باش يتسخر اشنو غتحتاج…)
~~~~~~~~~~~
ملاك: (بقات فالجردة مزعمتش تدخل ولا تشوف فيوسف لي حشمت منو اما معندها حتى احساس بتأنيب الضمير جهة الغالية.. شافت باها ومها وعمها داك ضريف داخلين مشات جيهتهم سلمت عليهم) تماااااارة هنا
زهرة: اشمن تمارة علاه مالك كتشقاي معاهم؟!
ملاك: (خرجت عينها) اااااه
زهرة: واخا نشوفها بعويناتي ابنتي منتيييقش
رشيد: ههه (كان هاز كرطون سكر) متقمعيهاش ازهرة بنتي حادݣة
ملاك: هاهاها.. (دخلو لداخل جلسو وهي غير كدور عينها حتى جات الغالية حداهم كترحب بيهم ولكن حطاتها بوجهها منين عاودت لزهرة قدام أمينة شنو دارت ليها ملاك بقات غير مطرطقة عينها محستبهاش غتفرشها)
اوا قووولهم علاش
زهرة: (بعصبية غوتت عليها) ملااااك!!!
أمينة: (شادة الظحكة بالسيف شكت يكون على موضوع زواج حيت اورطيغا عاود ليها)
ملاك: (وقفت مبغاتش تزيد تحرج كتر ومها باينة غتوبخها مزياااان) اممم انا نطلع عند غيثة رغباتني باش نديها لكلينك.. (مشات مع غيثة لي مفخبارها والو على شنو طاري…)
ملاك: (ملات وهي جالسة كتسنى غيثة تكمل منين كتوقف طل على ولدها من السرجم وهي جامدة كتسناه يتحرك ولا معرفت مبغاتش تزربها حيت الا حطت راسها فبلاصتها غتكون فنفس حالتها يمكن او اكثر.. صونا تيليفون غيثة هزاتو من صاكها كان حمزة بقات كتشوف وتسائل فنفسها
واش هادو ولات بيناتهم علاقة!!!
واش صافي حمزة مبقاش كيبغيها؟!
واش ڤري نساها وبدا كيفكر فغيثة كما كان كيفكر معاها؟!
بزااف دالاسئلة…)
غيثة!!! حمزة كيصوني عليك
غيثة: (جات بالزربة شدت من عندها وجاوبت) اهلييين..
(تبسمت) اه عند ولدي…
جيت أنا وملاك راك عارف الدار عامرة وكيودعو بابا…
بالصح مقلتلكش!! اااه غيمشي هو وماما لفرنسا…
غيعيدو تماك نيت عند عميتو..
اه.. تماك تيتعالج…
غنبقى مع خويا يوسف راك شفتي أشرف!!..
ونت؟!…
بالصح… معرفتش شنو تيقولو فهاد المناسبات..
ههه… واخ
(قطعت متبسمة وضارت عند ملاك لي كتشوف فيها باستغراب)
شنو؟!
ملاك: واش تصاحبتو؟!
غيثة: ههه اويلي لااااا غير اصدقاء تنتاعودو وصافي
ملاك: اصدقاء!!! كطنزي على الوقت نتي لقلوبة خارجين من عينيك وهو كيسول بحال داير ليك لونكيط
غيثة: واش انا فهاد الحالة املاك مزال نبغي شي واحد
ملاك: وراه القلب ولد الكلبة مكيعلمش!!
غيثة: وعاد بحمزة؟!!
ملاك: علاش حݣرتيه؟!
غيثة: لا لا لاااااا ماشي حݣرتو غير مستحيل يشوف فية راه عارف شنو كاين عارف ديطاااي كولشي عاودتوليييه وهو باين عليه تقليدي صعيب واخا باين ولد الوقت ولكن فهادشي متنظنش يقبل على راسو وحدة كانت مدمنة وعندها ولد فلحرام
ملاك: زعما!!
غيثة: نتي تتعرفيه كتر مني قوليلي كفاش داير
ملاك: كنعرف عليه غير لي كيعرفوه الناس لي ضايرين بيه.. ولكن باش نحكم على عقليتو وكفاش كيشوف الامور واش متعاطف ولا لا واش متفهم هادشي منقدرش نجاوبك مكاينش حسن منو هو لي يجاوب
غيثة: ولكن مزال علاقتنا متطورت لهاد الدرجة
ملاك: الوقت غيبين ومن الطيارة باين مايل ليك ومايلة ليه…(جاها ميساج من عند مها)
*★*والله يا الكلبة متبقى فيك انا نوريك يا الشمكارة هزان الموااس شحال كيتقام*★*
ملاك: (عوجت فمها) ياله نمشيو لشي بلاصة.. منمشيوش لداركم دابا
غيثة: نزيدو معاه غير شوية
ملاك: نرجعو بلاتي…
زهرة ورشيد وعمها مشاو فحالهم علماتها خديجة راه مها مشات ونبقى حتى خطر.. ملاك رجعت غيثة للدار مبغاتش دخل معاها خرجت عندها أمينة لي خاص توصلها شافتها بقات كظحك
ملاك: شنو؟!
أمينة: ويل مك الراجل عندك ولاو يجيو فيه الخطاب وشكون الغااالية بنت القاع والباع عرفت شنو تختار هادشي غير كحلوش انا وكان زعر وكان طارولك بيه شحال داااااا
ملاك: (ميقة فيها) ماشي حبا فيه ازين!! راه غير كتقلب على شي حميدة وصافي
أمينة: ههه واااه وعلاه مݣالتها لشريف
ملاك: حيت قرب عرسو
أمينة: عاوديلي غير كيف درتيلها
ملاك: وصااافي اخالتي… متقوليهاش لولدك
أمينة: غير على ميطلع علية صباح
ملاك: وا عفااااك!!
أمينة: (تبسمت) حقا حتى تختاري تواب للي تبغي كاين واحد الخياط كنخيط عندو كيتقن ݣاع الموديلات لي تبغي
ملاك: ان شاء الله
أمينة: صدااقك ضربيه ذهب عنداك تمشي ضيعيهم فشرااوط
ملاك: هه تافقتو نتي وماما واااقلة
أمينة: شراوط يمشيو ويجيبو والصح هو للي كيبقى
ملاك: واخ مهم نتي متقولي لمراد والو.. فين تبغي نوصلك؟!
أمينة: رديني ابنتي للرياض راني نعاون معاهم فعرس شريف
ملاك: مزال العرس!!
أمينة: راهم يوجدو على تيساع عندهم بزاف دالناس..
ملاك: هي غيديرو شي عرس مطرطق؟!
أمينة: عراسهم زينيييين غير هو مافيهش لعلاوي وفيهم كترة التبجاااق
ملاك: اممم
أمينة: فعرسكم غنجيب شيوووخ والغياطة جوج ليلاات متابعين وعاد يا ربي وكان طحت فنمرة السيمو العيساوي ويغنيلي الليلة كحلة
ملاك: هههه مراد مبغاش العرس
أمينة: ومالو غيتزوج بوحدو نتي وقفيلو حسكة ݣولوو بغيت العرس وفيه سبع أيااام
ملاك: ههه انا براسي مبغيت عرس داكشي لي نضيعووه نمشيو نتسراو بيه
أمينة: وانا؟!
ملاك: مالك نتي!! نديوك معانا الالة!!
أمينة: والله لكانت ليكم يا العرس يدار يا انا لي واقفااالكم فيها….
وصلاتها للرياض وطلعت جلست معاها تحت طلبها.. حتى خلط مراد عليهم كان حالتو بريحة الغنم والسوق ملاك مبقاتش كتشوفو بزاف بحكم الخدمة عندو كتيييرة هو دخل للدوش دوش أمينة وصات المساعدة تجيب لولدها شنو ياكل بحكم ديما الماكلة عندهم حيت الرياض مكيخواش والخير ديما مدفݣ عندهم.. خرج لابس حوايجو لاوي فوطة على راسو كيمسح قرفادتو وباين عيااان
أمينة: ولدي رتااح شوية من هاد تمارة
مراد: باقي واحد اليوماين
أمينة: بزاااف مبقيت لا نشوفك لا والو ها لوخرين مكايدوش ݣاع هاد تمارة لي كضرب كل عام
ملاك: (كتفكر واش كل عام غيبقى هاكا!!!!)
مراد: راك عارفة يامات العيد لكبير كيف تدوووز واش نخليها للشناقة واجدة!!!
أمينة: خلاااااص علية!!!! علاش راك كتجري راك درتيييه (هز حاجبو فيها زعما سكتي وعارفها كتهضر على ديور) ونتا امتى ناوي بالظبط باش نعرف شنو ندير؟!!!!
اورطيغا: نشوفو مع لالة لبنات!!
ملاك: (تبسمت فخاطرها مكرهتش تقولو حتى دابا) معرفتش!! نشوف مع بابا وماما!!
اورطيغا: قالك باك امتى نوينا؟!
ملاك: من مور عرس شريف ياك!!
اورطيغا: نديرو لاكط حفلة بيناتنا عشا خفيف ضريف والله يجعل البراكة
أمينة: عشا خفيف زعما المحمصة بالحليب!!
ملاك: ههه
أمينة: لقياااك فالتيد اداك الجحموم؟!
اورطيغا: اش تاني!!!
أمينة: العرس تم العرس تم العرس
اورطيغا: هنينا الوالدة باش نديرو العرس تابعنا نسدوه فقنت اخر ولا لا املاك!!
أمينة: العرس ولا ندير (خرجت عينها زعما نقولها) شراع يدي قالك تسد!!
اورطيغا: (بقا كيلعب بلسانو فوسط فمو عارفها غتبقى دير ليه الشونطاج!! جات الماكلة بقا كياكل)
ملاك: (معجبهاش الحال علاش مبغاش العرس اه هي مبغاتش ولكن حتى تقولها هي ماشي هو لي يبقى يأكد شافت راسها متناقضة وغير كتخربق فراسها مصالحش ليها تاخد موقف منو وهو تعاملو فوق فيݣيݣ معاها)
أمينة: اسبحان الله (شاف حتى مراد فيها) فين سهيتي!!
ملاك: ها.. لا غير بقيت ساهية وصافي
اورطيغا: امتى غتنزلي لصفرو؟
ملاك: ها ليامات نيت على حساب العيد (حرك راسو بأه ناضو باش يمشييو هي ركبت فطموبيلتها وهو فديالو تابعها ماشيين للحومة صونات عليها مها مجاوبتش عارفها غتوبخها مزيااان.. وصلو نزلت ونزل جاي عندها) كتبان عيان بزاف
اورطيغا: مُّتْ دعيان!! مكرهتش شي مساااج… طلعي برجيلاتك فوق ظهري (تبسمت) مديريش فية هاد الخير!!
ملاك: ههه حتى نكبرو ونتزوجو ونشتف عليك مزيان
اورطيغا: داوي بالصح مكرهتش دابا
ملاك: سييير سيير
اورطيغا: بانلي نمشي لشي قنت تيديرو لمسااج نتي ما فييدكش
ملاك: سيير امراد تنعس راك بديت تدخل وتخرج فالهضرة قاالك مساااج..
اورطيغا: اوا نتي ديما لا لا لا
ملاك: (جات بغات تطلع وشدها) طلق
اورطيغا: صافي بلاش الرجلين ديري غير بيدك ابوزبال
ملاك: مغتخلينيش نمشي؟!!!
اورطيغا: وشكون يونسني؟!
ملاك: نوصل ونصوني عليك نهضر معاك
اورطيغا: لا بغيتك تكوني حدايا
ملاك: مراااااااد
اورطيغا: مفيييدكش سيري سيري..
دازت يوماين خديجة رجعت لدارها من بعد مودعو الغالية وراجلها فالمطار للي مشاو فين كيدوا باه ملاك غتهبط لصفرو بأمر من باها وحتى هي كتناقشتش معاه حيت باغية نركبو باش يخليها تعيد مع خديجة لي هاد المرة رغبتها ديال بالصح تبقى معاها..
ملاك: (كتجمع صاكها لي جابت معاها وغيثة كتشوف فيها) مالكي؟؟
غيثة؛ اليوم دار حمزة دايرين صدقة
ملاك: ديالاش؟!
غيثة: ماماه بغات تحايد لباس لبيض
ملاك: اااااه يا سبحان الله كفاش طار الوقت بحال عود لبارح (تفكرت داك نهار ضرها خاطرها) الله يرحمو مسكين مشا مغدووور
غيثة: هاكا حتى حمزة تيقول
ملاك: وراه بالصح مسكين مشا مفاهم والو مفقوووص واخا جات ساعتو ولكن… الله ياخد الحق فديك البرهوشة ديال بنت خووه..
غيثة: قاسحة عليه وعليك حتى نتي
ملاك: اودي…. شنو تبغي تمشي معايا؟!
غيثة: ومحمد؟!
ملاك: سيري شوفيه دابا قبل منمشي وغدا صباح رجعي بكري اصلا فالليل مكيخليوكش تبقاي
غيثة: ميخلينيش يوسف
ملاك: (لدابا مزال متلقاتوو كانت كتبقى فدارها) صيفطيلو خديجة
غيثة: (بغات تشوف حمزة) معندي ما منلبس شحال هادي مشريت شي حاجة
ملاك: انا حوايجي ميجيوكش شوفي مع خديجة عندها قوة العبايااات واخا تجيك واسعة ولكن عندها مستيليين وأصلا طاايتك لبااسة.. (دق يوسف فلباب غيثة مشات عنقااتو وملاك مقدرتش تهز عينها فيه وكملها منين قال..)
يوسف: شريميييلة !!!
ملاك: (شافت فيه وتبسمت) ياله تهبطو معايا لصفرو شحال هادي ممشيتو للدار وحتى خديجة توحشت تمشي لتماك
يوسف: ياااك!! (غيثة تبسمت)
ملاك: الا صلاااح
يوسف: عندي شي غراض نقضيه وعاد ندوز عند محمد
ملاك: اوا يهبطو معايا حتى تلحق نتا بلاتي..
اورطيغا: (لدابا من للي وصاااهم معطاوه شي خبار شكون للي تحرق فالطموبيل هدا سؤال مهم خاص يعرفو شكون ديك الجثة!!
راه الا جبدو شكون هدا ولا هادي يقدر يجر ادم للقانون.. بانلو سعد جالس مع شريف مشا جيهتهم حيت عرف واحد الخيط صغيييير لي غيديهم لادم)
عيطووولك على حساب لونكييط؟!!
شريف: (كانو متافقين) اه غدا غَنْهَوَّدْ عندهم ونت؟!!
اورطيغا: ياله قبيلة علموني ولكن بالرب مغدووووش طرييفة لداك شماااتة واخا دوز عليها 10 سنين حقي منسمحش فيه ولو بالموووت
سعد: (مفهمش شنو طاري ولكن هضرة مراد التالية عارفها ليه)
شريف: ويييه مول الشي مخليينو يسافر وحنا تيطحطحو فينا بتساااول بحال انا داخل فوسط عقلو..
اورطيغا: معلييييكش الا نيت كان هو غيخلص!! ياله هو هدا… تهلاااا
شريف: سييير فالليل نباان عندك (مشا مراد مخلي سعد مفاهم واالو)
سعد: شنو واقع واشمن بوليس وعلاش تيهضر هاد خينا؟!
شريف: نتا معيطوش ليك ولا نتا اصلا متتعمرش بزاااف معاه
سعد: شكوون؟
شريف: على ادم ولد محمد شاكين فيه البوليس حيت شي صاحبو عطا بيه ولكن مكاين حتى شي دليل اوا من زهري دوك ليام كنت مجمع معاه بزااااف مكناش تنتفارقو
سعد: كفاش ادم وكفاش شاكين فيه!!
شريف: داكشي لي وقع لمراد فرمضان
سعد: واش فاش تعرضو ليه؟
شريف: اه حتى نتا تتجمع معاه ميكونش قالك شي حاجة!!
سعد: (بقا غير كيشوف علاش اصلا يشكو فادم عارفو مكيحملش مراد وعارف راسو لي دار هادشي!!! للي ديرونجاه هو حسابلو القضية تضمست وتطوااات) انا هاد ادم شحال مشفتوو وعلاش اصلا يعيطو علية واش انا مسالي نجمع مع برهووش قد ولدي!!! حدي فاش كنت تنجلس مع باه فالقهوة كان تيجلس معانا!!
شريف: وكفاش تيبان ليك فيه فهاد التالي!!
سعد: من اخر مرة ضبر علية فواحد لبلان معاودت هضرت معاه
شريف: اشمن بلان؟!
سعد: لعميمي لي عندو التاكسي كان ادم وصاني بغاها نسقت ليه مع السيد وقع شي خواض بيناتهم ولا شي تمشكيييل مشا عندو قالو درت بيها كسيدة شحال نعطيك فيها مهم روييينة ناضت بيناتهم
شريف: (هاد لكلام للي تقال لمراد) اوا باش فاراها معاه؟!!
سعد: ضارت فلوس على مدازت شي يامات ورد ليه التاكسي ولكن لعميمي من داك نهار وهو حاطها خايف يكون دار بيها شي مونتيييف
شريف: اوا يسول على راسو!!
سعد: بيناااتهم اخويا انا قطعت كلامو فمرة.. (بقا حااير علاش اصلا ادم يحطو فراسو داك نهار كلا سلخة من عند رجال بأه جات فبالو سؤال ياكما لقاه بالصح هو للي حط لحشيش فجيب باه حيت ديما كان كيقولها وحتى واحد متيقو!!!
ولكن من جهة أخرى عارف راسو هو ضبر عليه فرمضان ماشي ادم)
علاش حتى لدابا عاد ناض تيقلب على للي ضربو؟!…
سعد: ولكن.. علاش حتى لدابا عاد هداك ناض تيقلب فالي ضربو راه دازت شحااال من رمضان ديال عاااام لول
شريف: حتى هو موقفش من شحااال وهو تيقلب
سعد: امممم ومبازلو غير ادم زعما علاش هو
شريف: راه صاحبو لي عطا بيه عند البوليس هاد ليامات، مهم نتا خوي راسك اصلا نتا بعيد على هادشي ياك!!!
سعد: (حرك راسو بأه خااف هادشي يتفرش ويبان هو نيت مول الفعلة.. جا الحاج كولها خدا حقو وشد طريقو للمحال ديالو)
اورطيغا: (معرفش علاش مبقاش عندو سووق فسعد يبان هو مول الفعلة ولا لا مموالفش راسو سمييييح فحقو، ولكن للي واقف بين عينو هو الحاج ميستاااهلش يعرف هاد الخبار للي مغيصبرش عليه.. صونا على ملاك للي لقا لابيل ديالها)
التوووت
ملاك: (صاايݣة) فينك؟!
اورطيغا: ياله غادي المحال, راكي فطريق؟!
ملاك: اه ماشية معايا خديجة وغيثة ويوسف غيلحق بلاتي
اورطيغا: زعما الا صبرتي شوية نشووفك شنو كان غيوقع؟!
ملاك: بابا امراد هو لي كيسول
اورطيغا: مال هاد بااااك؟!!
ملاك: انا نوصل ونصوني عليك (قطعت حيت عارفاه شنو غيقول..
وصلو لصفرو غيثة جبدت من صاكها ݣلوص دارتو ورشت بارفانها شافت فيها ملاك ديك الشوفة للي بقاو كيظحكو اما خديجة ملهية مع سليمان مجايبة خبار حتى لحاجة.. وصلو للحومة نزلت غيثة صيفطت ميساج لحمزة مكملاش دقيقة حتى وقف حداااهم)
حمزة: سلاااام.. (شاف فغيثة) صاڤا!!
غيثة: الحمدلله ونتا؟!
حمزة: الحمدلله زارتنا البرااااكة
غيثة: (خديجة وملاك زادو القدام… تبسمت معاه) بغاوني لبنات نجي معاهم وحتى يوسف قالي نبدل الجو شوية
حمزة: احسن حاجة درتي.. وكما قال خوك تبدلي الجو شوية
غيثة: (بقات متبسمة) انا نمشي لبنات تيتسناوني
حمزة: اجي بلاتي معاهم للدار
غيثة: معرفتش… تنحشم!!
حمزة: غير اجي.. بغيتك تجي
غيثة: ان شاء الله…
غيثة: (ودعت حمزة ومشات لحقت بلبنات جاها احساس خاااايب بتأنيب الضمير كفاش هي فهاد الحالة وباغية تفرح راسها كفاش كانت سباب باش ولدها كيعيش هاد العذاب وهي مزال طامعة تخلي قليبها يدق بحب جديد!! فلبلاصة حست بالانزعاااج بقات غير ضاربة الطم دخلت لدار ملاك للي رحبت بيها زهرة اما شي لاخر مفخبارو والو عليها خدهم دارو صواب معاها، دارو الݣوتي وملاك طارت لسطح سادة عليها)
ملاك: (جاوبت اورطيغا) راه كنت مع العائلة ازمر
اورطيغا: مزال شي **** تماك تيهضر معاك؟!
ملاك: بابا مغيخلي حتى واحد يهضر معايا داك نهار نوضها معاهم ومن التالي قالهم زعما قال لخوووه نتا وبنتي متجمعكمش حتى السلام
اورطيغا: امم..
ملاك: (طامعة فيه يجي) بلاتي غيجي يوسف عندنا يتعشا ويرجع فحالهم
اورطيغا: (طلع للدار) مزيان.. نتي عندك شي بلان؟!
ملاك: (عوجت فمها) لا غير الدار ونت
اورطيغا: انا غندخل ندوش نقصي نعس شي سوييييعة ونرجع للمحال
ملاك: مغتلقاش مع دراري يوسف وشريف؟!!
اورطيغا: لا ممسااليش.. مهم من بعد الحب ونصوني عليك..
(جاوب شريف لي صونا عليه قالو شنو كاين وأكد عليه بلان التاكسي يعني ادم بداك التاكسي ضرب مو ولكن البوليس منين قلبو وشافو الكاميرات التاكسي مكانتش فيها بلاكة ديال الماتريكيل وحتى الرقم مخبع.. وميمنعش هادشي باش ميكونش دليل وخيط يتبعوووه… دخل دوش كان جايب معاه 3 ساندويتش معقودة عمر أتاي كلا داكشي وتجبد فالسداري مريݣل التيليفون باش ينعس شوية ويفيق يرجع للمحال…)
~~~~~~~~~~~~~
خديجة: وصافي ياله تبدلي الجو اصاحبتي
ملاك: علاش دايرين الشيخات ؟!
خديجة: (ميقت فيها) جايبين مقرئات ابنادمة وكيبقاو يعاودو شي قصص زويييينة
ملاك: خيااااار داكشي قريتو فالتربية اسلامية
خديجة: باااااااز…
ملاك: (كملت كتقرا شي موضوع فلفايس هي مغتمشيش لدار حمزة بقات بوحدها سادة عليها باب بيتها، مشات غيثة وخديجة لي عيات ترغب ملاك تشد سليمان ومبغاتش ليها.. شافت فالساعة كانت 9 دالليل)
هاد ززمر غيكون مزال مفاق!!!
(جاها تبدل بزاف حيت هضرتهم قلالت اما لملاقية مرة فشحااال عارفاه مشغول ولكن توحشاااتو…)
حمزة: (جالس فالقهوة حتى كيبان ليه رشيد جاي هو ويوسف جلسو معاه حتى بلا ميطلبو)
رشيد: (مكمل الحديث مع يوسف) انا عارفو يتهلا فبنتي ولكن معرفتش شي حاجة ماشي هي هاديك..
يوسف: شفتي اسي رشيد يجيك كولشي غريب الا هداك السيد ماشي تنشكرو ليك حيت صاحبي ولكن راه رجووولة فينما وقفت عليه تلقاااه
رشيد: مقلتش العكس اولدي..
يوسف: عطيه الامان وغتعرفو مزيان اعمي رشيد
رشيد: الله يصاوب وصافي.. (شاف فحمزة) لعمر كيمشي مناويش نتا زواج!!!
حمزة: (تبسم من هاد الحديث، كيتفكر نهار عرف حمزة بغا يخطب ملاك قلب عليه مبقاش كيقول ليه حتى السلام عاملو واحد السيمانة بحال شي غريب عدو ديالو حتى عرف بنتو مقبلتش وتلغى كولشي عاد رجع كيعاملو عادي هنا عرف المشكل ماشي فالخطاب المشكل فيه هو للي مخاصو حد يخطب بنتو)
حمزة: مزال كنتسنى براتي من عند بنت عمي
يوسف: هههه
رشيد: وغتبقى غير تسنى!!! راه عندك الحق تزوج حتى ومتبانش على ميقول القاضي كلمتو.. دير وليداتك اولدي هي نهار ربي غيبغيها تبان راه غتشد شحال قدك تبقى جالس معصب ومقلق وتسناها تبان!! فرح ميمتك وونس راسك وعيش حياااتك..
يوسف: (ميمكنش يدخل فهاد الموضوع غير كيسمع وكيشوف حيت ماشي شغلو ومعندوش علاقة وطيدة مع حمزة باش ينصحو..)
حمزة: مع المكتاب اعمي
رشيد: مك راه تشكاتلي وبغات حتى هي للي يعمر عليها الدار نتا من نهار دفنا المرحوم ونتا مجلي ففاس وفمشاكيلو وهي جالسة فالعروبية باك الله يرحمو مكانش غيبغي هادشي يوقع وتشتتو من هاد الدار عمر الدار اولدي ورجع شملكم
حمزة: (منين كيتجبد سيرة باه كيحني راسو) مزال اعمي الوقت
رشيد: شحال هاد الوقت مزال خاصك قدك قد مريم بنتي ها هي عندها جوج وليدات وبنت نتا مديرش شي واحد يكبر معاك يونسك وتعلم تربي!! حتى داك طرف الخبز للي غدخلو عليهم غتحس بحلاوتو
يوسف: (عجبو كلام نسيبو) كاينة!!
رشيد: نوي الخير اولدي وربي هاد المرة مغيخيبكش…
غيثة: (بكاااات وشبعت بكا لا هي لاخديجة قلبهمم طااايب غير جلسو وهوما يهرنطو مع المقرئة وكولها وهمها..
شافو رأسهم عيقو والعينين عليهم خرجو لوسط الدار يضربهم الغربي شوية، مشات للسقاية غسلو وجههم وهوما يطرطقو كيظحكو)
ههه علاش تتبكي نتي!!
خديجة: معرفت شفتك كتبكي بقيتي فية وحتى انا دوزتها مع يوسف
غيثة: ههه معمرني قلت غنعيش هادشي كااااامل غير قبل بعااامين كفاش كنت ودابا!!!! (بتنهيدة) كولشي تقلب سفاه على علاه
خديجة: مزال الايام زوينة قدااامك (دورت عينها فالدار) فين وصلتي مع حمزة؟!
غيثة: معرفتش اخديجة حتى وتكون شي حاجة واش غيرضى بية!!
خديجة: واش نتي حمقة عمرك تفكري هاكا ولا حتى تبينيها ليييه راه هو ماشي ملاك ودوز حقوووو حتى هو
غيثة: معرفتش.. انا راه عندي ولد
خديجة: اوااا ربيوه بجوج هو اصلا موت ولدو خلاه غيحمااااق راه تماك عاد باش بدا عقلو كيرجع ليه..
غيثة: والله معرفت منقدرش دابا ندخل فشي علاقة خليني نفك علية هاد الموصيبة.. (دخل حمزة شافهم تماك تم ماشي عندهم)
حمزة: غيثة!! ياكما ماشية؟!
غيثة: ها!! لا غير خرجنا هنا وصافي.. (تبسمت) داركم زويييينة
خديجة: (كتشوف فهاد لبنت لي كانت عاد ميتة بلبكى ومباغاش دخل فعلاقة كفاش كتقلب منين كتشوفو!!!!)
حمزة: (حرك راسو بأه جات مو عندو درعها) هادي راه ضيفتي تهلاي فيها الوالدة
رقية: (عجبها الحال اذا ولدها ناوي زواج شافت قلبنا زويييييينة) مرحبا مرحبا بنتي هادي راه دااااركم بحالك بحال خديجة
غيثة: (حشمت) الله يكبر بيك اخالتي
خديجة: هادي لووستي صغيرة
رقية: (زادت فرحت حيت سامعة بالعائلة متبتين مرزنين وبغات ولدها دابا يتزوج بشي وحدة مقتانع بيها)
تبارك الله وما شاء الله غزيييولة دخلي ابنتي مجاتش ماماك معاك؟!
خديجة: لا خالتي وعمي مشاو لفرنسا مع شيخي عيان شوية وتماك متبعيين
ام حمزة: الله يشافيك ويخليه ليكم دخلو متبقااوش فلباب
غيثة: (متبسمة ولكن مألمة فلداخل ديالها ممكن تكون عجبتها ورسمتها مرت ولدها ولكن منين تعرف حقيقتها غتكون هاكا ردة فعلها!! شافت فحمزة لي كيشوف فيها)
حمزة: ياله دخلي خديجة تهلاي فضيفتنا… (شاف فمو) انا مشيت الوالدة محتاجة شي حاجة؟!! لعشا قرب؟!!!
رقية: قرب اولدي دابا نعلم خالتك زهرة باش رجال يتجمعو فالدار نحطو ليهم…
اورطيغا: (كمل معطل صونا على ملاك جاوبت وهي كتسكت سليمان للي ضربو أنير غاير منو حيت منين بغات يتعشاو جاو حطو البز عندهاا)
شنو هاد الروض فين راك البنت؟؟؟
ملاك: (عصبوها) هاد زمر خلاولي ولادهم ومشاو يتعشاو بحال عندي حضااانة انا اصلا معنديش مع البتااااااهش
اورطيغا: (تبسم كظحكو منين كتكون معصبة مكتخهليهاش فقلبها) فين مشاو؟!
ملاك: دار الجيييران عندهم صدقة (عطاات لأنير الطابليط وهازة سليمان كتراري بيه) هاك الطابليط نتا تفرج فهادشي لي كيعجبك
اورطيغا: واش تتعطيهم الطابليط فهاد العمر املاك؟!
ملاك: اللهم يجيهم التوحد هوما ولا يجيوني الاعصاب انا
اورطيغا : ضربنييييييي على أمهااات المستقبل وباغية نولد طااااشمة
ملاك: مال ولادي غنديرلهم هاكا!! وزايدون كيتفرجو غير فالروسووم ݣاع كبرنا بيه شنو وقع لينا
اورطيغا: اممم زيديييني
ملاك: شنو دابا؟!!!
اورطيغا: والو غير تنهضر.. شنو معصب الزين ديالي؟!
ملاك: نتا!! نتا كتغبر بزااف
اورطيغا: واش بخاطري احبيبة راه متلقاش وقت حتى باش نشوف أمينة!! ولا نرتاح فخااطري حتى انا توحشتك صبري علية غير هاد لياااام وانا معاك الكبييييدة
ملاك: اوا نقص شوية على راسك
اورطيغا: وباش غنعييشو الا نقست راه فعيد الكبير تنضرب ضربتي ومزال تابعني نفرش دويرتنا ونقادها مزيااان
ملاك: راه حتى انا فاش نبدا نتخلص غنعاونك فالفراش ديال الدار
اورطيغا: واااايلي؟!
ملاك: اه ضرووري معمرني غنسى الوقفة ديالك معايا فداري وزايدون حتى هاديك داري
اورطيغا: كولشي ديالك احبيبة
ملاك: (تبسمت وباست سليمان) حتى غدا تابعااك الخدمة؟!
اورطيغا: غدا غنطلع للشمال
ملاك: مقلتلي والو؟!!!
اورطيغا: غير يوماين كاين شي كسيبة وكليان تيشريو منها وضرووري نكون معاهم
ملاك: فين فالشمال؟
اورطيغا: لعرايش.. تبغي نجيبلك شي حاجة؟!
ملاك: بغيتك غير نتا ترتاح شوية من هاد تمااارة فين دااافن راسك…
جاو لبنات من دار الجيران جايبين لملاك لعشا واخا عياو فيها تمشي هي لي رفضت رفض قااااااطع مقدرتش تخطى داكشي فاش دااازت وديك الدار متقدرش تعاود تدخل ليها مرة اخرى..
بقات كتسنى اورطيغا يصوني عليها ووالو خديجة وغيثة باتو معاهم ويوسف رجع فحاالو حيت تابعاه الخدمة وخاصو يطل على ولد غيثة.. هروب ادم خلا ليهم شوية ديال الفسحة واخا بغاوه يتشد اليوم قبل غدا باش يرتاحو نفسيا فاقو صباح ملاك كتحاول متخرجش من بيتها حتى الفطور مفطرتش معاهم دايراها خطة باش باها ومها تبقى فيهم ويشوفوها ممرتاحاش محبوسة ويخليوها تمشي تعيد مع خديجة للي حتى هي كترغبهم حيت بغات ملاك تعاونها وتونسها..
~~~~~~~~~~~~
شريف: (سمح فداكشي دالعيد وهاد الايام مشغول بعرسو اكتر وشنو خاصو يوجد الدار كانت عندو مقااادة وحتى للي بقا خداوه هو وأسماء وكملوها، تلقاو ومشاو باش يتفاهمو مع القاعة تريتور نݣافة حيت غيديرو عرس واحد قادو كولشي هوما ما عليهم غير يلبسو ويحضرو للعرس اما كولشي غيتقااااد من تريتور وصلها لدارهم وهو مشا لل فين ساكن مقصد مول التاكسي لي لقاه فالقهوة)
سي بنعميمي بغيتك فواحد لبريكول
….: (بلكنة فاسية) متقولش حتى نتا بغيت التاكسي
شريف: علاش خارجة؟!
….: اشنو عندكم مع هاد التاكسي اولدي كل مرة طالبها واحد مرة خوك ومرة نتا وعاد جاو شي دراري بغاوها وانا نغبرها
شريف: شكون طلبها
…: معرفتهمش واخا بغاو يعطيوني مليون فالساعة
شريف: مليون!!
…: و خوك سعد داك نهار عطيتهالو عطاها لشي واحد مردهالي حتى شحفني بغيت غير نرجعها تخدم وخفت
شريف: عطيني الماتريكيل ونقولك واش فيها شي مشاكل ولا لا غير هو واش من داك نهار معطيتها لشي واحد؟!
….: حتى واحد معاود دخل فيها ولا قاسها
شريف: عندك سويرتات هنا؟!
…: موجودين
شريف: لعشية نجيبلك لخبار عليها (خدا سواارت عيط على حمزة للي جايب معاه واحد مختص فداكشي ديال البصمات والدلائل بقا كيتسناه شي جوج سوايع فالرياض على مجا مشاو للتاكسي وخلاو السيد فالݣراج خدام لداخل وهوما برا واقفين حداها بحال مواقع واالو)
زعما يخلي من موراه شي حاجة!!
حمزة: على الله شحال ما كان قااافز غيخلي شي لقطة ضدووو
فلا الطموبيل مزيااااان من كولشي برا ولداااخل دار داكشي داكشي فباليزتو على ميديه للمختبر وكان وصل الطموبيل متقاسش باش الا صدق شي حاجة ديالهم غيديوها للكوميساريا باش يعاودو يفحصوها بأمر قانوني وتكون دليل على ان هاد الطموبيل هي لي ضربت أمينة.. رد سوارت لمولاها حتى يرد عليه الخبار.. خرجو من الحومة
شريف: كنت شاك فشي حاجة وبغيت نقولهااالك الا مرتك كانت تعاونت معاه وعلى حساب عقليتو لي عرفناها متكونش هي للي حرقها فطموبيلتو
حمزة: (حرك راسو بلا) هضرت معايا من مور داكشي
شريف: اه يعني ماشي هي واخا كنت تنقول 💯 هي
حمزة: لا للي تحرقت ماشي هي.. وعاد أكدت لية انها مكيناش هنا فالبلاد غير واش بالصح ولا لا مزال مباان والو
شريف: يصاوب الله اخويا
حمزة: مهم انا مشيييت غير تبان شي حاجة غنعلمك
شريف: الله يعاونك، اااه راك معروض لعرسي ان شاء الله
حمزة: الله يكمل بالخير
شريف: انا نعلمك امتى بالظبط..
حمزة: ان شاء الله غير هو كفاش فكرتو فهاد القضية ديال التاكسي
شريف: ماشي انا اورطيغا للي جاب هاد تنقنيقة
حمزة: مزيااان… الله يعاون (مشا حمزة وشريف رجع للمحال ديالو كيتمنى خوه سعد ميكونش متعاون من ادم فهاد الجرائم كاااملة للي واقعة!! علم مراد بالجديد ودابا غيتسناو على ميردو عليهم..)
~~~~~~~~~~~~~~~
داز نهار عادي فدار رشيد غيثة وخديجة رجعو لفاس باش توجد هي تقضية ديال العيد باها مزال مخلاش ملاك تمشي معاهم وزادت غضبت وعتاكفت فبيتها اما الهضرة مع اورطيغا كانت قليييييلة الوقت باش يهضر ويجمع كينعسو..
~~~~~~~~~~~~~~
ادم: (كان فالمصحة ياله خارج من العملية لي دار على 🍌 ماشي باش يرجع يمارس حياتو طبيعي دار غير باش يبقى يبو* طبيعي اما ممارستو الجنسية قتلاتها غيييثة من غير الا دار عملية الزرع..
وهادشي هو متقبلوووش علمو الدري للي مرااقبها انها رجعت لدار خوها وكان قرارو متقاسش حتى يعرف شنو غيدير حيت دابا باين حاطين عليه العين وغيتسناو منو يدير شي حاجة باش يغلط!! صونا عليها بنمرة من تماك ماشي ديالو مجاوبتش وهو يصيفط ليها ميساج)
غندمك على هادشي كووولو
غيثة: (مع صونا عرفاتو هو حيت مكاينش لي غيصوني عليه من نمرة غريبة فرنسا من غيرو وكملها بلميساج جاوباتو)
بيناتنا القانون
ادم: قلبي على شكون باين داك الولد….
ملاك: (رجع مراد لفاس ولكن باقي مشغوول هي جاها القنط والملل كتبقى نهار كامل فبيتها هاد المرة ݣاع معايشة اجواء العيد باها مخلاهاش تمشي لفاس بغاها تعيد معاهم..
الجو بدا كيسخن والبيت عندو سرجم على وسط الدار حلاتو باش يتنفس البيت شوية كتلقى باها وعمامها كولها فين جار الحولي مدخلينهم يطلعوهم لسطح.. شوية شافت حتى حمزة مقاااتل جار حتى هو حولي تبسمت من ردة فعل ديالو حيت جارو وخااايف كما عادتو معندوش معاه.. شاف فيها كتبسم)
حمزة: وانا كنقول مالو خاف مبغاش يطلع قولي شافك نتي
ملاك: هه ماشي خايف غير مسيكين معارفش طريق لسطح اما يجرك يطلعك اظرييف
حمزة: هههه (جا باها جر ديال حمزة)
رشيد: هنا ميعولش عليك الواحد
حمزة: هه الله يطول فعمرك اعمي.. (شاف فملاك) هانتي حابسة راسك هنا!!
ملاك: سلااااك وصاافي
حمزة: طلعي تشوفي لحوالة راه غلقاو عندك خبرة فهادشي
ملاك: هاهاها هداك راجلي المستقبلي هو للي عندو خبرة اما انا كنعرف غير ناكلهم
حمزة: (قرب لسرجمها) شنو بانلك فغيثة املاك؟!
ملاك: (بفرحة) لزواج؟!
حمزة: اه
ملاك: نتا عاجباااك؟!!
حمزة: (كيفكر وهو كيشوف اونفاص ليه) اه
ملاك: اوا توكل على الله شحال قدك تبقى بااير راك شرفت
حمزة: (تبسم) ومها؟!
ملاك: منين خديجة تزوجت يوسف غير زعم ههه
حمزة: التسليييم مع ديك السيدة غير راكي عارفااني أغراس أغراس
ملاك: دابا تهد ديك الغالية شحال قدها تبقى هكاك (كتفكرها منين عرضت على مراد زواج كتكعى) صافي غير سير هضر مع خوها قبل ميزوجو البنت
حمزة: نتسناو على حساب ولدها
ملاك: اضرب الحديد محدو سخون
حمزة: ههه (شاف فيها جاتو غريبة ماشي هادي لي كان حامق عليها دابا كيشاورها بزواجو من غيرها وهي كتزيد تقنعو بيها) يصاااوب الله..
اورطيغا: (وصلت لعشية مشا عند مو يخرجها ياخد ليها شي حاجة للعيد كما موالف مبغاتش بحكم كانت خيطات قبل جلابة دو بياس وشرات لي تحتاج.. منين مبغاتش عطاهم ليها فلوس كما العادة… كان من صغرو كيعطيها فلوس التضويرة ديال العيد مكيهمش شحال واخا 50 درهم مهم عندو هو كيعطيييها)
أمينة: اجي نتا دوك ديور للي عندك كاريهم!!!
اورطيغا: ههه لاش باغا توصلي؟!
أمينة: علاش متشريش كوري يكون ديالك بشياااهك وكمل حتى نتا فهاد الحرفة باش غدا ولا بعدوو كما كتݣول ميحل حتى واحد فمو عليك وتصدمليا البشااااار اااااح فوقاش نطرطق لشي وحدين مرااارتهم كما كانو كيطردݣوهااالي!!!
اورطيغا: ههه الوالدة.. (عجباتو الفكرة) نفكر فيها !!
أمينة: غير فكر اولدي كما بدا الحاج حتى نتا بداها وخلي لوليدااتك الخير والخمير فين يتمتعو ونتا براسك تمتع
اورطيغا: يااااك ندمر على الورثة من دابا؟!
أمينة: لا عيش حياااتك حتى نتا بغيتك تلبس وتݣاد وتسااافر ومتخليش شي حاجة فخااااطرك ونختموها بشي حجة..
اورطيغا: ههه ان شاء الله
أمينة: ان شاء الله اولدي.. حݣا شفتك مديتيش التفكيرة لملاك
اورطيغا: واش?!!!
أمينة: تفكيرة راه خطيبتك وقربتك تكون مرتك خاصك تفكرها غير ببيجامة يا المقشاش وعاد نتا عندك الخير مكرهتش نديولهم حولي
اورطيغا: مقشاش!! لوكان تعرفي… ولا غير خليني ساااكت شنو نصيفط ليها شي حاجة فلفلوس؟! حولي حتى تجي لداري ونجيبلها حتى جوج
أمينة: ان شاء الله.. متصيفط بو فلوس كتجي ناااقصة ياله نشريو ليها شي حاجة ونمشيو عندهم
اورطيغا: عيان الوالدة !!
أمينة: نفض عليك العݣز وياله دير صواااب مع الناس
اورطيغا: نحلف عليها غير نتي قنطانة وباغا تجرجربني معاك!!
أمينة: زيد زيييد (ناضت لبست علمات زهرة باش غيجيو وخرجو تقداو بيجامة بملابسها الداخلية وشالها وخداو ليها كسيوة بشالها..
خرجو من تماك وشدو طريق لصفرو)
شحال غتعطيها فصداق؟!
اورطيغا: شي أسئلة عندك!!!!
أمينة: واااا هضر!!
اورطيغا: قالتلي ملاك حفظ غير سورة الفاتحة والله يجيب التيسير
أمينة: باللللللللحݣ!!!!!!!
اورطيغا: وشنووو البنت عندي طالبة غير سلاااك والسترة وتعيش طروووونكيل
أمينة: اييييه تيقتك حتى متكونش دات فلوس عرسها من باها باش شرات الدار
اورطيغا: كفاش؟!
أمينة: وݣفت على باها عطاها فلوس عرسها لي يخسرهم وزادت عليهم شحال كانت جامعة بيهم باش شرات الدار
اورطيغا: هههه تتعرف تفكر ديك الجنية…
وصلو للحومة مشاو نيشان للدار استقبلووهم كانت الدار عامرة حيت العيد لكبير كيجيو العائل يدوزوه معاهم بحكم هي الدار لكبيرة لي كتجمع العائلة..
ملاك فالكوزينة كتسنى مها تعطيها الإشارة باش تهز صينية ديال أتاي وتخرج عندهم غطير بالفرحة توحشااو بزاف وعجبها الحال منين تفكرها.. دخلت عندها بنت عمها لكبيرة لي قد مريم اختها كانت علاقتهم زويييينة من صغر..
صفاء: خطيييبك مِّيييييلَحْ يا ختي!!!
ملاك: ههه ياااك!!
صفاء: كنتفكر منين كنتي كتقولي لينا بغيتو زعر ولباس عليه شنو وقع ليك؟!
ملاك: المكاتيب لقيت الرجلة حسن من هادشي كامل
صفاء: هاي هاي على ملوكة دارت عقلها ولات تعرف فزمان ورجال!!
ملاك: جا بابا حداهم؟!
صفاء: اه ولكن داك عمي حسن مفهمتوش السيد مكيقول والو وهو بحال كيحاول يقنعو بيك كفرني حتى نضت من حدااهم
ملاك: بحالاش؟!
صفاء: سمعتو كيقولو خاصك تزوجها راه أملنا غير معاك ودرنا الغر عليك
ملاك: حلفي!! ولد *****
صفاء: ويلي استغفر الله راه عمك الحمارة
ملاك: يعمييييه الكلب كيدير هاكا بلعاني باش يزيد يفقسني بابا هضر معاه ميات مرة وهو مبغاش يبعدني
صفاء: صافي متسوقيش ليه.. قالولي خطيبك ݣزار
ملاك: امم
صفاء: ملاك نتي بحال ختي صغيرة واش متأكدة باغية هاد السيد قريتي توظفتي شريتي دارك وطموبيلتك…
ملاك: حتى هو راه برزقو
صفاء: نتي مقتانعة بيه؟!
ملاك: زمرة علييييك بابا ومسولنيش هادشي كااامل وكان ممقتانعاش بيه وكان كركبتو من اللول بحال خوتو
صفاء: (ضربتها ضربة خفيفة لراسها) حيت كنخاف عليك يا البهلة راني بحال ختك مريم
ملاك: ومقلت والو غير متعمريش راسك مراد كنشوفو أحسن واحد لية انا وياه متفاهمييين اما الفلوس حنا لي كنديرووهم ماشي هوما..
بففف واش مغندخلش هاد الصينية خلاص؟!! (مشات صفاء كتسول حتى عطاتها زهرة الاوكي هزت ديك الصينية ومشات للصالون كتقلب بعينيها كاين غير لعيالات تكرهت وكان حسابلها هاكا ݣاع مدخل ولا تعيي راسها مع هاد الصينية لي فيها 24 كاس وحوج باررد طيحولها كتافها..
سلمت على أمينة وجلست حداهم غير مستمتعة بحديثهم باغا تشوفو هو للي توحشاااتو حتى خرجت مها ورجعت عند بنتها جلست حداها مخبراها)
زهرة: مراد بغا يهضر معاك فوسط الدار سمعي اديك القزقاااازة تبتي ورزني راه ݣاع العينين عليك
ملاك: (فرنست) يتعماااو هاد العينين للي غير خاضييني (شافت فمها) ندخلو لبيتي باش ميحضينا حد
زهرة: (طلعت معاها بقرصة حتى جمعت الظحكة) اوا نوضي دابا
ملاك: (وقفت وخرجت لعندو لقاتو جالس فوسط الدار باين عليه لعيا بزااااف ولكن عاجبها… مشات عندو بلا متمد حتى يدها كان حاضيها بدوك العينين والشوفات لي كيعجبووها تبسمت شافت رجال اونفاص فلبيت لاخر)
امم مراد.. اجي نوريك لحوالة فسطح!!!
ملاك: نطلعو لسطح نوريك الحوالة؟!!
مراد: (تبسم) جلسي املاك
ملاك: بففف راه وليت محضية هنا (جلست) بغيت نرجع لداري مبقيتش حاملة نجلس هنا توحشت بيتي
اورطيغا: ديرونجاك شي واحد؟!
ملاك: بغيت غير بغيت رجع وصاافي
اورطيغا: مبقى والو املاك ونجيبك عندي!!
ملاك: عرفت شنو قالك عمي وهادشي كيمرض انا راه ماشي عااالة على شي واحد هنا زعما بابا وماما بلعكس هوما مساخيينش بية
اورطيغا: شنو هاد عاالة؟!
ملاك: انا ماشي بفففف صاافي ماشي وقت هاد الهضرة
اورطيغا: لا بغيت نعرف تاليتها داك عمك نمشي نهرس لمو داك الفم واش كنتو ديما هاكا؟؟
ملاك: لا!!! عادي كنت كنحتارمو وحتى هو واخا مكيعجبوش داك الردان ديالي ولكن من داك نهار جهل علية كرهني وحتى انا وليت كنكرهو
اورطيغا: الوقت لي تكرهيه فيه بغيني انا!! بدل متصدعي مخك معاه فكري فلحوايج زوينة لي غتجمعنا واش انا جد مك جاي حتى لهنا وخاار* بنعاس ولعيا باش نهضرو على المقل.. دعمك!!
ملاك: (تبسمت) توحشتك!!
اورطيغا: (بقا كيشوف اونفاص ليه مقوس عينيه شاف فيها) دابا عاد تحل ليك الفم
ملاك: هه شكرا على شنو جبتيلي
اورطيغا: انا غراضي غير نشوفك اما أمينة لي جابت ليك داكشي
ملاك: (تبسمت شافت فباها خارج من لبيت كحزت شوية من حداااه بلا متعيق مبعدة شوية جا حدااهم)
رشيد: (جلس حداها وملاك مزال كتزيد تبعد شوية بشوية) انا غير يدوز العيد ان شاء الله غنبدا نجمع وريقات بنتي
اورطيغا: وراقي وجدتهم (ملاك تبسمت)
رشيد: للي نوصييكم عليه هو تهلاو فبعضيااتكم تعاونو على الحلوة والمرة حتارميه ابنتي وحتى نتا اولدي حتارمها الاحترام شي حاجة زوينة فزواج وحتى صبر ولعناد مخاصوش يطول ماشي مشكل مرة مرة الواحد يتفشش على لاخر وهادشي عادي باش تعرفوا القيمة عند بعضيااتكم.. غير ميطولش وميكترش زواج ماشي هو نفرض عليك راسي باش نطبق الهضرة ديال من نهار اللول كيموت المش لا خاص نخدمو العقل ورزاانة (شاف فملاك) وبلا كترة الردان فالهضرة والعناااد!!!
اورطيغا: (بحال شي طبيب نفسي كيهضر معاهم ماشي اب البنت للي غيتزوج) كاينة..
رشيد: (تفكر) ملاك اولدي مكتعرفش لطياب وداكشي دالكوزينة حيت أنا ومها فششتها عكس خوتاتها للي كانو كيدخلو للكوزينة
ملاك: (تبسمت وهاد الحوار شحال حمقها واكترية المبادرة من باها مكيهمش بينها ماشي حادݣة حيت اصلا عمرها طلبت يكون عندها هاد اللقب)
اورطيغا: معنديش مشكل!!
ملاك: هو كيعرف يطيب (جوج خنزرو فيها هي كانت بغات غير تلطف الجو..) هاكا قالتلي خالتي أمينة
رشيد: سكتينا!!! (بقات كتحنحن) غتصبر عليها شوية انا تزوجت بزهرة مكتعرفش تشعل حتى البوطة بقينا انا وياها كل مرة كنطيبو ونتعلمو نخربقو حتى رجعت كتعرف طيب
اورطيغا: معنديش مشكل اسي رشيد كل حاجة تتجي بوقتها ماشي مزوجها باش تبقى فالكوزينة
رشيد: وخدمتها الله يرضي عليك متجيش شي نهار تخيرها بينها وبينك من غير الا برضاها بغات تخرج
ملاك: إلاَّ خدمتي!!!!
رشيد: (شاف فيها شوفة ديال تعاودي تزيدي شي كلمة!!!!) وحتى المعاونة اولدي راها زوينة الا تعاونتو بجوج على زمان
اورطيغا: (غير كيشوف فيه ويحرك براسو حيت هضرتو جاتو معقولة مفارض عليه واالو بلعكس هادشي متفاهم فيه هو وبنتو) انا خدمتها معنديش فيها مشكل حيت محتارمة وووو مزياانة
رشيد: (شاف فملاك) منبغيش شي نهار صوتك يعلا على صوتو وداك الردان دالهضرة زواج كندخلو ليه بنية ديال كل واحد يتنازل شوية ماشي باش نبين راسي انا واعر
ملاك: وانا عم..!!
رشيد: وحتى هاد تخراج العينين منبغييهش الاحترام الاحترام الاحترام (هنا اورطيغا عجبو الحال وملاك غوبشت شاف فيها ظحكاتو ردة فعل ديالها تبسم)
اورطيغا: سي رشيد
رشيد: عمي رشيد انا اولدي دابا غنكون فمقام عمك ونكون حتى بحال الواليد ديالك غرجعو عائلة وحدة منبغيش الرسمية تكون بيناتنا راني عاطيك بنتي ضو عيني
اورطيغا: الله يكبر بييك.. (تلفو شنو بغا يقول)
رشيد: تطلع نشوفو لحوالة؟؟؟ (اورطيغا فنفسو هدا وبنتو اش بغاو مني وحوالاهم) غتكون كتعرف حسن مني
اورطيغا: واخا خدمتي ولكن نتا راك فايتني بالتجربة
رشيد: (طلعو تابعاهم ملاك واخا مقالهاش تطلع كانو الحوالة تماك مراد عجبووه قلبو الموضوع على لحوالة وملاك خارجين من عينيها القلوبة وهي كتشوف الحبان ديالها مجموعين ومتفاهمين هبطو من تماك)
اورطيغا: نمشيو حنا… ملاك عيطي للوالدة الله يحفظك
ملاك: (مشا باها يتكلم) جلسو تعشاو
اورطيغا: خاص احبيبة نمشيو باش نشوفو شنو خاص
ملاك: مسخيييتش بيك
اورطيغا: (تبسم) سيري عيطي لأمينة خليني زوين مع باك!! (مشات ملاك تعيط لمو كانت بغات تبوسو وملقاتش الفرصة هادشي لي وقع هاد نهار فرحها نساها القنطة والملل وزعاف لي طالع ليها من هاد الدار توادعو معاهم ودخلت لبيتها سادة عليها منتاااشية هاد الفرحة وجالسة كتفرنس وهي كتشوف فسقف بيتها…)
اصبحنا واصبح الملك لله..
#نهار_العيد_لكبير
ملاك: (صونات على مراد كان كيذبح لمو والحاج فالرياض شدها حاط التيليفون قريب وهو كيسلخ طلعات حتى هي كتوريه باها وعمامها كيذبحو الفوق مع باها جبد الدوارة)
ييييععع
اورطيغا: هههه زينة عندك هاد يع!!
ملاك: ( هبطت من تماك مخسرة وجهها) مكنحملش ريحتها
اورطيغا: ومنين نجيك للدار كولي هاد الريحة
ملاك: نتا غنشمك مسك بارفااان اي حاجة منك غتكون زوي.. احم (سكتت ومها كتميق فيها مبعدة)
اورطيغا: ههه (عرف شي واحد سمعها) تتعرفي للدوارة شوية؟!
ملاك: فلماكلة اه اما طياب ولغسيل أووووهو
اورطيغا: ساهلة!!
ملاك: عندك نتا العمر
اورطيغا: (متبسم) مع 6 غنجي عندك نتحركو لشي قنت وجيبي معاك زرييقة
ملاك: (طالبة عليها) اه صافي
اورطيغا: ياله تلاحي غنمشي نتكى
ملاك: مغتغداش؟!
اورطيغا: حتى يوجد وغتفيقني الوالدة (قطع معاها مكمل شغلو مع خواه خلاه ينشف هبط بدل وطرف حالتو وبقا كيهضرو هو وشريف على داك الموضوع حتى نطق..)
شريف: الا كان سعد هو مول الفعلة شنو غدير؟!
اورطيغا: انا عارف شنو غندير والا على الحاج غنخليه بعيد ولكن باش نسمح فحقي أخاي شريف لا حيت تنشوفها كانو غيضرو الوالدة بية
شريف: الله يهديه وصافي
اورطيغا: ميكونش هو لي كان تيضيع لية ضواسا فالمحكمة؟!!
شريف: قلبت من موراه هو اللول راك شفت ملقينا والو
اورطيغا: اممم ومحاتكش فشكل شي عام ولا كتر مكاين والو!!
شريف: ويييه حتى انا داكشي لي قلت شحال مدارت بيك
اورطيغا: مهم انا غنمشي نتكى شوية (ياله نايض كيبان ليه باين ادم ومو وليلا داخلين بسباب ديك الليلة شحال من واحد حياتو تقلبت بزق فالارض مخسر كمارتو مخليهم غير كيشوفو وطلع للفوق…)
~~~~~~~~~~~~
ملاك: (صونا تيليفونها بريڤي جاوبت حيت كتقول فأي لحظة يصوني ليها)
وي!!
الجد: ملاك لباس عليك؟!
ملاك: شكون؟
الجد: انا جدك داڤيد!!
ملاك: ااااه ليه*ودي!! شنو؟! ياكما غتبارك لية العيد؟!
الجد: بغيت نعرف واش نتي بيخير
ملاك: الحمدلله والشكر لله شنو باغي؟!
الجد: بغيت نطمئن عليك ونعرف حقك رجع ليك!!
ملاك: اشمن حق؟!
الجد: التعويض.. التعويض لبسيييط
ملاك: (طلعت معاها بقات مخرجة عينها بلعت ريقها وفهمت داك التعويض السريع السااهل منين جاها) ونتا اش دخلك؟!
الجد: راني قلت ليك مغنسمحش فيك
ملاك: (طانزة ومعصبة) لا عفاك غير سمح!!! وااا بنااادم نسا انا عمري مغنكون متافقة معاك ولا نحط يدي فيديييك انا ونتوما بعااااااااد كل البعد حتى حاجة مكتجمعنا
الجد: كيجمعما الدم وهدا هو المهم
ملاك: داك الدم شربو انا جامي نعتارف بيك شي نهار… (قطعت وبقات غير مخرجة عينها شنو غدير ميمكنش ترد داك الشيك ولا واش خاص ترجعو؟!!!…)
دازو اجواء العيد عادية عند الكل
العشية تعاشات والدار كتزيد تعمر بالعائلة ملاك اول مرة غتقول لمها على موعدها بمراد وخلاتها تمشي بشرط دغيا ترجع، لبست الكسوة لي شرا ليها ولبست أنير حوايج العيد وشدت فيدو كتمشا معاه بشوية حتى وصلت لراس الدرب تلاقاها فبلاصتهم فين موالف تسالمو بالوجه وشد أنير طلعو للطموبيل حط أنير فوق ركبتو كيصوݣ بشوية
ملاك: باينة غتكون أب حنين
اورطيغا: هي الا طلقتينا باش نديرو هاد الولاد نشوفو هاد الحنان
ملاك: هههه مبقى واالووو..
اورطيغا: اممم (بقاو موضوع من مور موضوع مشاو حتى لايفران تماك دوزو عشيتهم) شفتك مقلتيليش مشا الحال هاد المرة!!
ملاك: الدار عامرة وماما عارفااني معاك يعني توقعلي شي حاجة هاكا ولا هاك مغيتفاكوش معاك نتا!!
اورطيغا: عقلك ديما سااارح بعيد
ملاك: هاكا باش كنخرج بأقل الخسااائر ههه ديما كنشوف بعيييد وشنو ݣاع الخاااايب للي يوقعلي باش منتصدمش ونكون واجدة نفسيا وجسديا
اورطيغا: اممم كتكوني واجد بعدا جسديا
ملاك: ضروووري ميمكنش منوجدش راسي راه الله يستر حتى الا تقلبت فصبيطار منتحشمش
اورطيغا: ههه مزياااان!!! غير انا حدي الا درت معاك شي حاجة غير *****
ملاك: بفففف مرااد راه معانا ولد صغير ورجع كيهز الهضرة ويعاودها وزايدون هاديك ماشي شي حاجة لي خاااااايبة انا كنهضر على لقتيلة
اورطيغا: ههه نتي علاااام (خرجو من الكافي وشدو طريق كيبغي يحط يدو على فخضها كتقمشو وواخا هكاك مستسلمش وصلها لحدا دارهم من الجهة اللورانية خرج من طموبيلتو حيت كان ظلام بقا واقف متكي عليها)
اجي هنا منسيتي والو!!
ملاك: ههه لا!!! شوف ولاد عمامي راه كيبقاو يدورو غير هنا
اورطيغا: اممم ماشي غير ولاد عمد شفت حتى الجيران مدخلين **** وجالسين معاكم فالدار
ملاك: حيت العام اللول باش مات صاحب بابا داكشي علاش عيدو معانا عرفتي شحال بكا عليه بابا مسكين فصباح بقا فية والله علاين كانت غتقلب لينا مناحة فالدار كولشي تأزم
اورطيغا: ااااه ونتي مشيت تتواسي
ملاك: علاش نواسي مواسيييت حد مالي شغلي انا كنت كنتسنى غير بولفاف مع كليتو مع نعست
اورطيغا: تيقتك
ملاك: وݣاع لا
اورطيغا: (قرس شنايفها) باك قال ردان الهضرة واخراج العينين لا
ملاك: ااااح مرااااد!! تأ!!! هاداكشي معاه هو والناس لكبار غير مكملش هضرتو اما نتا لا ياك انا وياك واحد وقابل علية كما كنت
اورطيغا: والله منعقل عليك!!!
ملاك: (تحركو يوصلها) صوڤاج!!
اورطيغا: دابا نوريك الصوفاج اش غيدير
ملاك: (وصلت الدرب مبغاتش تسلم عليه حتى بالوجه هي مشات فحالها وهو رجع لطموبيلتو شاد طريق لفاس..)
فالرياض كانو اجواء اخرى من غير العيد كان الاستعداد لعرس شريف الابن صغير ديال الحاج المدلل عندهم كاملين الابن الخلوق المطيع المؤذب لحنين لي كولشي تجمع على احترامو وحبو..
اورطيغا ممشاش لتماك ومعندوش غراض فداك جموع هو توحش جماعتو مع دراري ديال الحومة توحشت ريحة الشيشة والتبويقة واخا مكيدير والو ولكن جماعتهم كتبدل ليه الجو من نهار تزيرت الخدمة مجلس معاهم ولا شااافهم وهو فطريقو للحومة.. صونا عليه يوسف
يوسف: فين اولدي مبقيناش نشوفوك
اورطيغا: هانا موجود
يوسف: كولشي مجموع هنا حتى شريف تشكى قالك مجيتش
اورطيغا: نتا راك عارفني مع داك المجمع وزاد كاين داك **** تماك..
يوسف: امم شفتو اجي حدانا للدار نقصرو شوية
اورطيغا: شووو تبغي تزها شوية؟!
يوسف: (خرج من حدا جماعة كانو مجموعين هو مرتو وختو خوه ومرتو وولادهم) فين؟!
اورطيغا: أغير مع دراري, أسبحان الله!!!!
يوسف: هه واش فالحومة اللييدو؟
اورطيغا: تما
يوسف: انا غنجي واش فنفس ديك الدار؟! للي قسرنا فيها داك نهار؟!
اورطيغا: تما اعشيري (صونات عليه ملاك) ياله قطع من عندك حتى تلحق غتلقاني تنتسناك!! (شد ملاك فالخط) لكبيييدة!!!
ملاك: (فرنست) فين نتا؟!
اورطيغا: فالحومة الزين ديالي
ملاك: ممشيتش للرياض؟!
اورطيغا: لا باغي نبقى مع دراري شوية
ملاك: حتى نتا امراد باش تجلس مع مك جالس تماك
اورطيغا: كفاش تما؟!
ملاك: تما زعما دوك دراري!!! (عارفة شي بنات كيدورو بيه هادشي بلا الإكسات ديالو لي تماك) تبقى مع مك حسن ليك من داك الجميع دوااالو
اورطيغا: ملااااك الله يرضي عليك!!! مغتورينيش معامن نجلس
ملاك: علاش شنو فيها الا وريتك ولا نتا كيعجبك تدخل فية وانا لا
اورطيغا: ملااااااك!!
ملاك: صافي هضرت معاك مغتمشيش لتماك هي مغتمشيش!!! سير عند مك ولا سير لدار السعادة جلس فيها حتى تنعس ياك قلت باغي ترتاح
اورطيغا: (هز حواحبو) تطنزي!!!
ملاك: لا!! كنهضر بالصح متمشيش لتماك حتى نكون انا فداري!! ياك نتا كتمشي لتماك غير على ودي انا!! اوا صافي رجع فحلاتك
اورطيغا: بسلتي لا!!!
ملاك: كفاش هاد بسلت؟!
اورطيغا: من بعد ونصوني عليك لا نصدق مݣرع عليك…
ملاك: (تعصبت وقطعت عليه مرضااتش وعلاش ميسمعش كلامها؟! ياك حتى هو كيفرض عليها شحال من حاجة ودابا منين مبغاتوش يمشي للحومة عاد زاد ضار فيها!!!!!
حطت التيليفون خابطاااه فوق كوافوزها)
حمااار!!! انا نوريك متسمعش هضرتي وديك الحومة غنحرمها عليك الا مكنتش انا فيها!!! بيك دراري ولا لق**** للي تماك!!!!!
~~~~~~~~~~~~~
اما هو وصل للحومة كان بيييخير حتى قلبااتلو مزاجو بهضرتها هو كان ناوي يسهر يجمع مع دراري راه شحال وهو فقوقعة الخدمة الروتين والملل وزعاف والاعصاب مع البياع والشاري..
تسنى يوسف وهو كيكمي ݣارو وصل عندو لقاه حتى هو باغي يجمع وينسى همو شوية
يوسف: واش خاص ندخل شي حاجة فيدي؟!
اورطيغا: الا كانو شي شيخات
يوسف: ههه ياله شنو تتسنى!!! (لاح مراد داك الݣارو وطلعو للموبل مع حلو لباب عطات ريحة الشيشة.. دخلو كانو دراري مقادين الجلسة انواع الممنوعات تماك مع طبق ديال القطعة كبييير مسروووووع وكاين واحد فلبالكو كيشوي لحم..
طالقين موسيقى كلاسيكية خفيييفة تسالمو بيناتهم يوسف عجبو الحال مع تمدات ليه الشيشة بدا كيشيش اما مراد جالس طالق الناب كيكمي ݣارووه تعطالو لحشيش ومبغاااش كان صعيييب باش فرقو منين كان برهوش ومباغيش يرجع ليه… هز تيليفونو كانت 2 دالليل حيت سخون الحال محسوش بالوقت شاف فيوسف شاااد الحديييث جات فبالو ملاك عصباااتو كفاش هضرت قبيلة معاه ومن الاحسن ميهضروش دابا حيت غير غيتعصبو على بعضيااتتهم عارفها مكتنازلش دغيا وهو كتر ومعجبوش كفاش هضرت وآمراااتو!!…)
يوسف تمشي!!
يوسف: (شاف فالساعة تفاجئ) مشا الحال!!
اورطيغا: لهلا يرد بوووه هاد الحال ياك نتا ناااشط
يوسف: ههه بانلي نتا للي مناشطش هاد الساعة!!
اورطيغا: لاااااا بيخير تريح هنا ولا تمشي
يوسف: بايت نتا هنا؟!
اورطيغا: اه
يوسف: نمشي انا.. (خرجو من لابغطومو) واش نتا شاري هنا؟! ولا غير كاري؟!
اورطيغا: انا ولد راهن هاد الحومة
يوسف: هههه ياله تلاااح… (عاود رجع عندو) عندك شي لعبة تتحايد هاد الريحة؟!!
اورطيغا: دخل اصاحبي بحال شي سبع خرج عينيك فالبشار ااااه انا شيشت مالو اش غيوقع باك هي غير شيشة ماشي مصة ولا عكر!!
يوسف: نيشااان!!!!
(اورطيغا طلع لدارو وهو مشا لقا كولشي ناعس دخل لبيتو سليمان كينعس مع غيثة شعلت ضو الڤايوزة تبسم معاها) حبيبة مزال منعستي!!
خديجة: مزال!! (بقات كتشمشم) هاد الريحة!!
يوسف: كنت جالس مع دراري كانوا كيشيشو
خديجة: ونتا!!
يوسف: الله يهديك اخديجة واش انا قد داكشي!! انا نبدل احبيبة ونجي عندك.. متنعسييش…
اصبحنا واصبح الملك لله..
رشيد: (عطا الاوكي لملاك تمشي تجلس مع ختها ونيت باش تحضر العرس للي أمينة رغبت فيه زهرة باش ترغب رشيد يخليها تحضر العرس شريف لي بقاتلو يوماين.. مشات فطموبيلتها مكرهة من جهة اورطيغا للي لدابا مصوناش عليها!! محاوله حتى يصااحها ولا يراضيها زعما حتى هوما راه قربو يتجمعو علاش ميرغبهاش!!)…
رشيد: شنو بان ليك ازهرة فعرس البنت؟!
زهرة: ياك دات فلوسها بغات تقولبنا ههه شوف هي ليلة نفرحو بيها نعيطو على العائلة دير حنتها والغد ليه تمشي مع راجلها
رشيد: مقديييتش!!
زهرة: لا غير قد صافي هي راه بعدا بفلوس عرسها دارت بيهم دار مكاينش ما احسن من هاكا
رشيد: نجيبو غير ديجي بعدا وكوافورة تقاد ليها وتهز شوية فالعمارية
زهرة: داكشي حالو ساااهل ولكن عمارية وتنݣااف تنسى
رشيد: راه مخلي واحد البراكة ندي..
زهرة: نسى ارشيد هادي باينة لعبت بعقلك وبقات تبحلس كما عادتها
رشيد: مقالتشاي مسكييينة غير انا لي مقدرتش وحتى هو فهمت منو مبغا عرس!!
زهرة: حتى هو مو غديرلو ليلتو غيفرحو بيهم شوية وينوضو نايضين هوما بغاو يساافرو صافي خليهم على هواهم حتى لسبوع ويديرو شنو بغاو
رشيد: بانلي تجمع غير الزقرام على الزقرامة هادوك مغنشوفو معاهم لا سبوع لا طهاارة
زهرة: ههه اشمن زقرامة راه كل واحد كيدير مستقبل ديالو!! الا قلت ليك العمارة فين ساكنة بنتك هو لي باعلها ديك الدار وشي لاخر ديالو!!
رشيد: (بصدمة) ألاااا!!!
زهرة: وماشي غير هاديك للي عندو.. ولكن راه مُّو محلفاني ميعرف حد وحتى بنتك معارفة والو
رشيد: (بقا غير كيشوووف)
زهرة: قلتلك نهار اللول هداك راه بخيرو وماشي من النوع لي يقول عندي وعندي وعلم الله شنو داير اخر
رشيد: أودي يكون غير حلال..
زهرة: حلف ارشيد ماتقولها لبنتك
رشيد: واش انا دري صغير!! (بقات كتشوف) والله منقولها شي حاجة ولكن خاصها تعرف راه من حقها..
زهرة: دابا يقولهالها
رشيد: وانا كنقول دار ب14 المليون وفداك البلاصة!!!!
زهرة: اوا شفتي نسييب قلتلك راه ولد الناس وحنين
رشيد: هادشي عرفاتو ݣزار ووقفت فوجهي عليه اما وكان عرفاتو عندو ديوور!!!
زهرة: ههه لا لا بنتي ماشي طماااااعة.. ماشي بزاف هه
رشيد: ماشي طماعة!! غير طميميعة المرة اللولة دخلاتني المحكمة على حساب سمية هاد المرة غتدخلني نبدل ليها لكنية وكان مقبلتش بيه!!
اورطيغا: (فاق معطل بكترة لعيا ومقدرش حتى يتݣعد من بلاصتو شاف فالساعة كانت 12 رجع حط التيليفون لايح راسو على المخدة مغمض عينييييه كيحس بواحد الرغبة جااامحة باغي يزها مع ملاك باغي يعيييش معاها اكتر من هادشي بالمعنى باغي ينعس معاها ولكن هي سااادة عليه وهو باغي يتفرݣع شحال وهو صاااامد وحااابس من ديك الليلة المشؤومة ديال ليلا وباها… مفكرش يصوني عليها بلا هادشي معصب من تصرفها دلبارح صونا عليه شريف جاوبو بصوت باااااح نعسااان)
فين ابا شريييف!!
انا فالدار.. لا لا ماشي فالسعادة!!
غير متكي.. صافي دابا نهضر ليك معاهم.. لي كانو فعرس يوسف؟!
صافي واخ باشما نرد عليك راك عارف الصيف تيكون البروݣرام مشارجي كان عليك اصاحبي تعلم من بعيد..
صافي كون هاني..
دابا نرد عليك…
(قطع صونا على واحد من لي خدامين مع عيساوة على حساب العرس ديال شريف…)
~~~~~~~~~~~~
ملاك: (وصلت لفاس مشات لدار فين كاينة خديجة دخلت على خاطرها حيت عارفة مكيناش الغالية وحتى هي دارت راسها بحال مدارت والو حيت حتى واحد ملامها من ولادها لا يوسف لا غيثة)
فين غيثة مشات عند ولدها؟!
خديجة: اه من صباح كيجيبها غير خوها تاكل ولا يدي ليها الماكلة
ملاك: حالتها صعيبة
خديجة: اودي عاد رجعت شوية بانلي حمزة قايم بالواجب معاها
ملاك: (معاودتش ليها انه هضر ليها عليها مبغاتش تسبق الفرحة بليلة وعارفة خديجة كتبلبل)
غيكونو كوبل زوين الا كملو
خديجة: ومغيبقاش فيك الحال!! (ميقت فيها) ماشي زعما يبقى فيك الحال حيت عاجبك ولا شي حاجة غي زعما كنتو بجوج وهو دابا مع غيثة للي رجعتوو نتي وهي بحال صحابات
ملاك: نااااري اخديجة الا بقيتي بهاد العقلية غتخرجي علية!!
خديجة: هههه وااا زمر زعما راه عادي انا براسي واحد كنت معاه منبغيش نشوفو مع صاحبتي واخا منبقى نحس معاه بوالو واخا نكرهو ݣاع منبغيش نشوفهم بجوج
ملاك: اسبحان الله اشريفة راه كان كيعجبني يوسف وتزوجتيه عااادي ونتي ختي ݣاااع!!
يوسف: (كان سمع حوارهم ماشي تطفل ولكن كان باغي يدخل لبيتو.. هز حواحبو وتم راجع بحااالو)
خديجة: صافي صافي مقلت والو
ملاك: ههه غير كنظحك انا جاتني عادي بلعكس والله بغيتلو الخير شفت شنو داز عليه وغيثة نية وهادشي لي باغي حمزة باغي وحدة نية ويعيشو پييييس…
شريف: (كان جالس مع الحاج كيهضرو على المعروضين حتى وصل لعائلة يوسف) الحاج معرفت واش يرجع من فرنسا قبل ولا لا!!
مفتاحة: الا حضرت الغالية انا منحضرش!!
بنسليمان: أعوذ بالله اش هاد الهضرة
مفتاحة: وجهي ميتقابلش مع وجهها محدي فالحياااة الغالية دفنتها وغسلت يدي عليها
شريف: علاش اعمتي؟!
مفتاحة: انا عارفة علاش اولد خويا!!
شريف: راه هي لي خاصها تقلق منك حيت فرشتي كولشي وبسباب داك الهضور راجلها كان غيموت
بنسليمان: اشمن هضرة؟!
شريف: (حسابلو فخبارو شاف فعمتو لقاها مخرجة عينها هز تيليفون)
انا نجاوب تريتور…
(خرج من لبيت مخليها منها لباه حيت باينة غيلومها وهي غتحني الراس وهو مكيبغيش يكون مصدر صداااع وااخا مقصدهاش!!)
~~~~~~~~~~~~~~
غيثة: (طلع عندها حمزة لفاس ومشا للمصحة حيت عارفها فين كاينة.. بقاو على تواصل دخل عندها هاز كريطينة صغيرة حلها كانت حب الملوك من نوع زوين لكبير ولملحم)
ياااي شحاال كنت مشهياااه
حمزة: وايلي!!
غيثة: واش وصل وقتو؟!
حمزة: وصل، هدا جبتو ليك من الفيرمة ديالنا
غيثة: بالصح!! عندكم فيرمة ديال حب لملوك؟!
حمزة: اه، غير هي ماشي كبيرة بزااف
غيثة: (هزت وحدة) خاص نغسلها
حمزة: (شدها من عندها مسحها بيدو) هاكا حلاوتها (حطها فمها كلاتها وهي كظحك شافو فولدها) بقات سيمانة!!!
غيثة: غدوز عليا بحال 20 عام
حمزة: غمضي عينك حليها وها هي وصلت!! كيف بقا باباك؟!
غيثة: الحمدلله قالتلي ماما راه مزيان
حمزة: الحمدلله, امتى غيرجعو؟!
غيثة: على مقالت لية ماما شي 15 اليوم (خرجت عينها وهي كتشوف من مور حمزة ضار شاف فين كتشوف لقاه ادم وااقف بعكازو)
ادم!!!
حمزة: (كيشوف فهاد لبسيكولپاط شنو هاد الجرأة لي فيه شنو هاد المرض!!! حتى باين علني عيني عينك مخايف موااالو وجاي عندها حتى لكلينيك يعني ممكن يكون يوسف او أشرف او اورطيغا !!! وهي غتكون عاودت كولشي قلب وجهو لغيثة للي طلعت معاها صفورية جمع الكرطونة بهدوء وشاف فيها)
متخافيش..
غيثة: (شافت فحمزة عيات كتقول انها قوية وممكن تعاود تقتلوا من جديد الا اظطرت ولكن شوفتو بردت ليها الما فركاابي)
حمزة: متبينيش هاد الخوف كاااامل!!!
غيثة: (رجعت شافت فادم للي واقف مخنزر فيها، كان بيناتهم شي 6 متر تقريبا)
شنو جاي دير هنا؟!
حمزة: (بقا عاطي بظهر على أمل ميكونش شااافو!! وكيدابز مع أفكار راسو العدو لي طير نعاس من عينيه وكان سبب فموت باه حداه ومقادراش يدير شي حاجة باش ميضيعش الخطة)
ادم: شكون هدا للي معاك!! (هنا حمزة تأكد انه معرفوش)
غيثة: بنيتك من هادشي كامل للي درت تتسول شكون معايا علاش جاي؟! واش جاي على ولدي ؟! هاد المرة مغنتحرك من حداك حتى نطلعل روووحك!!
حمزة: شششت غيثة (على حساب الكاميرات)
ادم: (جاي جيهتها لكن بقا داير مسافة ميمكنش يغامر وكاين كاميرات وعاد هدا للي معاها وهو معطوب ومكاينش الحماية معلمش حتى صحاابو راه جاي)
هدا هو باه؟!
غيثة: تتفلى!!
ادم: (بعصبية) واش هدا باه؟!!!!
غيثة: (كتشوف فحمزة مفهمتش علاش مدار حتى ردة فعل غمض عينو بمعنى غير اطمئني!! رجعت شافت فادم)
كولشي فخبارو شنو درتي لية!!
ادم: انا مدرت ليك والو نتي للي خنتيني منين مبقيتيش باغية تبقاي معايا قوليهالي ماشي حتى نسمعك ولدتي من واحد اخر
حمزة عرفو انه داير احتياطو وباغيها تهضر عكسو هو لي عارف شنو كيقول اما غيثة بقات غير كتشوف ماشي جديد عليها هادشي راه هاكا كيعاملها باش ديما يبين انه مكيدير والو
ادم: علاش درتي هاكا؟!
غيثة: نتا واحد مريييييض وداكشي كااااامل للي درتي غيرجع عليك ميحسابش ليك انا كاينة بووحدي ومعنديش للي يحميني نسااااا نسا ديك غيثة البهلة دابا تقرب مني ولا من ولدي غتلقى وجه ااااخر واي حاجة وقعااتلو غتكون نتا سباب
ادم: مزال غنتلقاو اغيثة ميمكنش حتى قرب عرسنا ولقاك ظاحكة علية وعاد تتاهميني انني انا هو أب ولدك!!! (مفهمش هداك للي معاها مضارش ݣاع!! ولكن قال شي كيليميني خاف على راسو)
مزال نتلقااو!!!
كما حقك باغياه بالقانون حتى أنا هكاك!!!…
غيثة: (تم ماشي شافت فحمزة وهي فحيرة كبييييرة مفهمتش شيرت لحمزة زعما راك ماشي هنا) واش غتخليه يمشي؟!
حمزة: (كيهضر بشوية) اه بأشمن حق غنشدو
غيثة: ولكن!! واش متقتيش فداكشي للي عاودت ليك؟!!! حتى نتا احمزة متقتينيش!!
حمزة: (شد يدها للي كترجف) واش مسمعتيش شنو كان كيقول حاضي راسو ومتبت وكيهضر بالقانون حنا اشمن دليل عندنا باش نشدوووه!!! حتى حاجة مشادينها عليه من غير كلااامك وهو دابا للي مضروور السيد كيهضر متيقن ولدك ماشي ولدو
غيثة: ولدو!!
حمزة: ساهلة باش يلعب حتى فهادي اغيثة نتي كنتي كتكوني مرفوووعة معاه متعرفي..!!!!
غيثة: (مرضياش شاداها لبكية) لا هو الولد ديالو هو!!!
حمزة: هو متأكد ولا مكانش حط رجلو هنا
غيثة: (دخلها الشك يكون شي واحد اخر اصلا كانت كتقول بزاف سمياات زعما يكونو لعبو فيها بزاف) لا لا… لا لا ميمكنش!!
حمزة: مكلوومكش اغيثة
غيثة: (بقات مخرجة عينها) لا لا هو!!
حمزة: خايفة منو؟!
غيثة: (بلعت ريقها بحال شي وحدة ميتة بالعطش) اه
حمزة: (بقا كيشوف فعينيها) ݣاع هاد رجال لي ضايرين بيك ومزال خايفة من شماتة؟!
غيثة: كان تيدخل بيناتهم وتيدير فية مابغى!!!
حمزة: حيت مكانوش عارفينو اما دابا كولشي حاضي معاه وهو ميقدر يدير ليك والو.. غيثة ادم دابا ميقدر يدير ليك والو من غير الا دار شي حيييلة لي يخليك نتي تغلطي باش يعفط عليك وعلينا كاملين!!! (غير مخرجة عينها) ياله نوصلك للدار
غيثة: وولدي؟!
حمزة: واش راحنا فغااابة اغيثة ياله نوصلك
غيثة: علاش نتا مواجهتيهش؟!!!
حمزة: ماشي دابا!! انا براسي كنت باغي نشنق عليه نسولو فين هي الكلبة وعلاش اصلا دارو داك.. (سكت) هاد الكلب خاصو دماااغ يتخطط ليه ماشي غير اجي وطيح على راسك معاه فهمتي!!! ياله نوصلك اغيثة ونساااي عليك اي كلمة قالها ليك انا بغييتك تبراي وهو باغي يدمرك ونتي ختاري كفاش باغا تعيشي مع ولدك وشنو الجو للي غتفوريلو من دابا سيمانة!!
غيثة: (حركت راسها بلا) غنبقى مع محمد
حمزة: لا غتمشي
غيثة: متفرضش علية نمشي ونخليه بوحدو.. عفاك
حمزة: (بقا كيشوف فيها هز تيليفونو صونا على صاحبو علمو بشنو وقع صونا على يوسف باش يسول المحامية حيت هو جاي مراضيش وهي خايفة على راسها والبيبي واش ممكن دير تعهد على ادم باش ميقيسهاش رجع حداها)
غيثة خاصك تبعي مع شي طبيب هادشي لي داز عليك خاايب وميمكنش تبقاي عايشة فهاد الخوف خاصك تخرجي شنو عندك باش تفوتي هاد المرحلة
غيثة: من نهار عاودت ليك وهضرنا وانا مرتاحة
حمزة: مرتاحة معايا؟!
غيثة: (حركت راسها باه) ووو.. والا عرفتو تشد صافي مغنبقاش خايفة…
ملاك: (مشات لاݣار منين عرفت وفاء قربت توصل من تازة باش تعرض ليها، تفكيرها غير فيه لدابا مصوناش!! )
عاد زايدها بالنفخة وهو للي غالط!!! بنادم مكيتقشرش!! شحال كنكره رجال لي كيتنفخو!!!
(مكملتش جملة ديالها حتى صونا وكان هو مجاوبتش ولكن بعدا هدئت شوية)
والله لا جاوبت خليه حتى يعرف غلاطو وعمرو يعاودها!!!! السيد باغي زواج وباغي حتى زهو!!! يا هادي يا هادي!!
(بانت ليها وفاء شيرت ليها جات عندها تعانقو)
خليتي بلاصتك القردة
وفاء: لوكان درت رايك اختي وعيدت معاكم هنا حسن الله يسمحليه حتى عمر للي بزز علية نمشي لدارنا
ملاك: علاش؟!
وفاء: صداع لغوات وتكرفيس على والو وبنادم غير طاامع فيك بحال كنسكهم ييييخخ!! غي حيت تزوجت زماݣري حسابلهم كيغرف لفلوس تماك وكيصيفطلي بلكولياات!! وعاد تلاقيت داك لحمار ديال بطليقي ومو.. اوا نهار العيد كانت غتقلب ݣنازة تماك
ملاك: يا لطيييف!!!
وفاء: والله المرض وصافي.. مهم وصلني للدار ندوش راني حالتي الموت ديال الصهد
ملاك: غير منتعطلوش فية الجوووع مزال متغدينا وخاص نمشيو عند خديجة كتسنانا فلغدا.. حقا مقلتش ليك قبيلة عرفو القو** دادم رجع وقصد غيثة نيشان
وفاء: وااايلي!!
ملاك: والله مشا عندها فين كاين ولدها وعاد كيقول ليها خنتيني وماعرفت شنو مهم باينة غتشبك
وفاء: (ماشيين فطريق) كتعرفيه نتي فوجهو؟!
ملاك: وراتولي غيثة كنت شفتو شي جوج مرات فاص فاص (مشاو للحومة قشعت طموبيلة ديال اورطيغا باقية تماك اذا بات تماك زادت تفقست علاش ميمشيش لدار السعادة وينسى هاد البرتوش لي كاري حيت باين هنا كان كيجيب صحباتو ولا اي وحدة كان كيقصر معاها تفقست وحست بتقلقيقتها مكتعني ليه والو!! طلعت ياله غتحل لباب شافت واحد طالع فدروج من موراهم زوييين دارت زعما غض البصر واخا راه شافتو مزياان مطلعاه ومهبطاه بعينيه)
….: ملاك!!
ملاك: (ضارت عندو متفاجئة) وي!!
….: (كيهضر معاها بلونݣلي) انا نوح (وصل عندها ومد يدو يسلم) من طرف عائلة ماماك انا ولد الأخ ديالها
ملاك: (ربعت يدها هازة راسها فيه) اوا!!
…: (جمع يدو) بغيت نهضر معاك انا والعائلة كولشي باغي يشوفك حنا جينا سياحة هنا وعرفناك ساكنة هنا من جدي لي تيعاود عليك وبغينا نتعرفو عليك كاملين
ملاك: انا قلت لجدك مبغيتش نتعرف عليكم (فنفسها خساارة هاد الزين ضايع فليه**)
….: عادي الا جلسنا فمكان عمومي وهضرنا تعارفنا ماشي حرام عندكم ياك نتوما تتآمنو بجميع الديانات وتتقبلوهم!!..
…: عادي الا جلسنا فمكان عمومي وهضرنا تعارفنا ماشي حرام ياك هكا عندكم فالدين ديالكم نتوما تتآمنو بجميع الديانات وتتقبلوهم!!
ملاك: (بقات كتشوف فيه حركت راسها بلا) ماشي إجباري عندنا نتقبلو اي واحد!! (شافت فوفاء للي مستغربة وكتصنت وحتى هي كتسكانيه) دخلي انا جاية
وفاء: (مفهمت والو ولكن باغية تفهم.. حلت لباب ودخلت مخلياه محلول)
ملاك: (كانت عندها اللغة الانجليزية ولكن ماشي مطلوووووقة بسلاسة بحالو لي لسانو بحال شي أمريكي بقات كتشرح ليه وكتستعمل حتى يدها باش توصل ليها شنو باغا تقول)
انا غنقول هضرتي وغتكون اخر هضرة عندي لا انا لا خوتاتي لا ماما مبغيناش نتعرفو عليكم نتوما صفحة تطوات مع ماما فاش خرجت من عندكم نهار كان داك جدك وجداتك بغاو يقتلوها في حيت ختارت حاجة صحيحة
….: انا عمرني كنت ضدها بلعكس منين سمعت قصتها زدت احتارمتها كل واحد حر فاختيار ديالو
ملاك: وعاارف كانو غيقتلوها؟؟
….: ومقلتش انا مع جدي وجداتي اكيد ضدهم حنا منين عرفنا بوجودكم وعندنا عائلة هنا بغينا نتعرفو عليكم صافي مكاين حتى شي نوايا اخرى
ملاك: (جاها ضريف وهي باغيا تعطاها وتخرج الغل والحقد لي عندها اتجاااههم) وأنا مبغييتش
…: نتي عنيدة بحال جدي!! المشكل تتكرهيه ولكن عندك صفات بحالو
ملاك: لا لا لااا (تبسمت) متشبهنيش بيه عفااا.. (خرجت عينها وكتشوف اورطيغا طالع بحال كيتسلت باين فوجهو مفاهم حتى لعبة ولكن فاهم غير شنو كيشوفو عينيه)
امم مراد!!
اورطيغا: قلبتيها mbc2؟؟؟؟؟
…: (ضار كيشوف باين من توترها كتعرفو)
ملاك: دابا الا قلت ليك هدا ولد خالي غتيييق!!!!
اورطيغا: (مخسر كمارتو) واش متتعياش بهاد الكذووب؟؟!!
ملاك: راه بالصح ولد خالي الله يخليييهم بلخلااا والله العظيم!!
….: كاين شي مشكل؟؟!!
ملاك: هدا خطيبي
اورطيغا: (مجنن طالع عندها) ومزال تتهضري معاه!!!
وفاء: (كانت كتصنت فالصالون خرجت عندهم) راه هو لي جا عندها وبالصح كيقول ولد خالها
ملاك: اه والله..
اورطيغا: صراحة الواحد ميضيعش وقتو فهاد تبرهيش ديالك حيت تاليتها معاك يا قااتل يا قااااتل
ملاك: واااا صبر غير تفهم هادي مشكلتك مكتعرفش تفاهم معندكش مع الحوار
اورطيغا: (هبط قبل ميخلطها رجع بخطوة) صدري هاد الق**** دابا
ملاك: وااااطلع غير نتفاهمو
اورطيغا: غنهبط ميتبعتيش غنطلع نريبها على جد أمك!!!
ادم: (مشا لعند مو للي تفاجئت بولدها لي كيعرج شوية مفهمو والو وحتى هو داير فيها مكتئب من داكشي ديال غيثة وان هادشي لي وقع ليه كسيدة حيت هاد الايام لي فاتت مكانش مركز بسبب خيانتها!!!
دخل لبيتو وسد عليه مبغاش يقول ليهم الحقيقة شنو وقع وشنو كاين ليلا غير كتشوف المشية تقادات ليه شوية ماشي بحال للي كان ولكن اشنو لي جابو..
بقات غير جالسة صونا عليها حمزة بنمرتو المغرب حيت كان قالها مشا لشي دولة افريقية والريزو على قد الحال استغربت ما رجع حتى جا خوها ولكن مسوقتش بزااف كوميم كان مفاجي عليها وكيسمع ليها ويخرجو مع بعضيااتهم واخا هي بغات العلاقة تطور الا هو مزال مرزن ومخليااه على خاطرو)
وي!!!
حمزة: ليلا صاڤا!!
ليلا: صاڤا عاد جيت؟!
حمزة: مزال فالمطار.. خرجلي شي شغل هنا وكان خاصني نرجع نقاادو
ليلا: مزيان منين جابك هاد شغل.. توحشتك
حمزة: (ضار شاف فغيثة لي معنقة يوسف كتعاود ليه حيت جا عندهم… مبعد شوية)
حتى انا داكشي باش قلت نجي نشووفك
ليلا: نجي عندك للمطار؟!
حمزة: بزاف عليك حيت ضرووري خاص نمشي للدار ندوش
ليلا: ماشي مشكل نتسناك فالدار!!
حمزة: صافي واخا تسنايني حدا داركم انا ندوز عندك نشوف شي طموبيل نكريها حيت ديالي بقات فكازا
ليلا: اوكيه…
حمزة: (قطع هضر مع السمسار يشوفلو الدار واش خاوية لي غيكري حيت خاص تكون فموقع زوين وفراش مأنتك باش يتبتها.. مشا عند يوسف)
شنو غدير دابا ؟!
يوسف: المشكل غتبت عليها تهمة الفساد الا مشينا باش نديكلاريو بيه
غيثة: (زادت تحرجت كتر)
حمزة: خودها للدار دابا هو ميقدرش يرجع هنا الكلام لي قال ليها كيبين انه هنا عارف راسو مرااقب
غيثة: وولدي؟
حمزة: ماااالها السيبة راه حتى هو مكيحط رجلو حتى كيعرف فين.. (بدل نبرة صوتو) متخافيش مغيوقع والو لا ليك لا لمحمد شي حاجة
يوسف: (حس بشي لعبة بين هاد الجوج) ياله نمشيو
غيثة: ونتا؟!
حمزة: (شاف فيوسف) غنعرف دابا علاش جا وكفاش مهم (حك فذقنو مكيشوفش فغيثة)
غنتلقا دابا بختو
(غيثة حست باحساس خايب ولكن متقدرش تهضر ولا تلوم حنات راسها مغوبشة مقلقة من كل جهة ومشات مع خوها بلا حتى كتشوف فيه ولا تودعو….)
يوسف: (عقلو مستوعبش شنو سمع من عند لبنات كفاش ملاك كانت معجبة فيه!! امتى؟! واش فالوقت لي كان هو عاجباااه وبقى منها غير الصد وعلاش محسش بهادشي!! كانو فطريقهم لدار راجعين من المصحة شتت انتباهو غير ختو للي غير كتنهد) مالكي ؟!
غيثة: شوفتوو كتخلعني بزاف اخويا
يوسف: (مفقوس) وكان غير هضرتي اغيثة من نهار اللول منخليوهش يتبووورد علينا هاكا!!
غيثة: (بكاات وهي كتفكر شنو دوز عليها وشنو دار فيها واكترية الممارسة ديالو للي كتعيفها)
صعييييب حيت حتى انا غلطت بزااف قلت غنداوي راسي براسي حتى فاش عرفت راسي حاملة شحال من دوا شربت وشحال درت من حاجة باش يمووت تصدمت فاللول كنت تنقول غير كفاش وقع!!!
يوسف: أعوذ بالله هادشي كولو غلاطنا مجموعين بعدنا على الدين ديالنا وتلاهييينا مع الدنيا
غيثة: بزاااااف.. ندمت بزااف اخويا
يوسف: مزال الوقت غير يخرج ولدك وتبراي مزيان نقاد ليك المشروع فين تلهااي وكولشي غيكون مزيان ان شاء الله
غيثة: معنديش الطاااقة باش نخدم ولا ندير شي مشروع بغيت غير محمد ونرتاح
يوسف: ماشي دابا خلي حتى توقفي مزياااان على رجليك واحسن حاجة تكوني فهاد الفترة بووحدك مدخليش فشي علاقة زعما زواج (باش تنسى فكرة حمزة)
غيثة: (باستغراب) شكون اصلا هاد المرضي لي يضيع حياتو معايا؟!!
يوسف: عاود!!! عاود هاد الهضرة؟!
غيثة: يوسف انا ماشي ديال شي زواج انا بغيت غير نربي ولدي وصافي مكرهتش نهرب ونبعد على الناس كاملة
يوسف: غدا عندك رونديڤو مع طبيبة
غيثة: مبغيييييتش دوا!!
يوسف: مغتعطيكش دوا غير غتهضرو وصافي وغتجي عندك للدار فليامات اللولة باش نكون مرتاح عليك وحتى نتي تكوني مرتاحة (حركت راسها باه وصلو للدار وبالها بقا مقسوم بين ادم وبين حمزة لي مشا يشوف ليلا…)
~~~~~~~~~~~
ليلا: (دخل هو كيدوش وهي بقات كدور فالدار عجباتها اثاث كلاص وممشارجيش دخلت لبيتو كان مافيه حتى شي حاجة خاصة ديالو من غير صاك ديالو فيه حوايج مبغاتش تحل الماريو خرج لاوي فوطة عليه هو وتوتر فاللول ومن بعد تعامل عادي زعما موااالف تبسمت ومشات واقفة حداه حاطة يدها برفق فوق صدرو)
بالصحة شيغي!!
حمزة: يعطيك الصحة
ليلا: نخرج نخليك تلبس؟!!!
حمزة: اه.. (متوقعتش هاد الجواب خرجت هو لبس حوايجو مغووبش معرفش هادشي فين غيوصل لبس دغيا شوورط وتيشورت وخرج عندها)
تطلبي شي حاجة تاكليها؟!
ليلا: اه
حمزة: ختاريلي معاك شي حاجة على منكمل شي خدمة
(جبد بيسي مكيخدم والو غير كيمثل عليها وهي طلبت من مطعم ماكلة وجات جالسة حداه متكية براسها فوق كتفو سد لبيسي)
عاويلي فغياابي شنو درتي وشنو جدييدك!!!
ليلا: (حطت يدها فوق فخضو) نتا هو الجديد ديالي…..
ملاك: مرااااد مرااااد زمر تفوووووو!!! (شاف فيها لاخر مفاهم والو)
….: شي مشكل؟!
ملاك: سير ت**** نتا عاود!!!
….: نعام!!!!
ملاك: ق** (هبطت درووج معصبة كتجري من موراااه لقاتو قريب شدت فذرااعو مدورااه) سمع بعدا!!!!!
اورطيغا: (بعصبية) واااا هاد الكذوب ديالك طلعووولي فصحتي ابنااادم!!!
ملاك: (مخرجة عينها) اشمن كذوووب راه بالصح من العائلة!! (جا عندها الجد) هااااا هو هدا لي مصيفطو غيهضر
اورطيغا: (غير كيشوف شاف فالراجل لي كبير كيشوف باستغراب لابس شوميز وشورط مقزب هو كان قصير شعرو بيض حتى شعر صدرو بيض كان باين حيت مخلي صدايف محلولين مع سنسلة ديال ذهب)
الجد: (بدارجة معكلة) ملاك شنو مالكي؟؟!
ملاك: (كانت الدارجة ديالو مطلوقة من قبل!!!!)
ياك نتا لي صيفطت داك الصفريط عندي!!
(ضارت عند مراد) هادو راه من عائلة ماما وبغاو يتعرفو علينا وحنا مقابلينش هادشي للي كاااين
اورطيغا: شنو!!!
ملاك: اه ها هو يقوولك (شافت فجدها) هدا راه خطيبي ونتوما غتجبدولي صداااع من نهار اللول قلت ليك صافي كما ماما معتابركم ميتين هكاك أنا وخوتاتي
اورطيغا: (غير كيشوف ولكن هادو بحال ݣور لا علاقة بعائلتها لي شافهم شحال من مرة!! رجع شاف فيها) شنو هاد تخلويض عاود!!
ملاك: (عصبها) علاش مكتييييقش فية!! انا كنشرح ليك دابا خاصك تفهم!!!
اورطيغا: اش تتشرحي (شاف فالراجل) شنو باغي نتا منها؟!
ملاك: قولو شكون نتا!!!
الجد: (بالانجليزية) صوري متنفهمش شنو تتقول
ملاك: ولد لحرام درتي فيها ميريكاني دابا!!!!
اورطيغا: (رجع شاف فيها مخزز) كووولك خواض املاك متنفهم والو حتى تنقول صافي تااابت من الكذوووب!! تنلقى شي كذبة مق*** على اللولة!!!
الجد: هو مغيفهمكش!! ومغتلقايش لي يفهمك
ملاك: هانتا سمع!!! (بعصبية كتغوت شافت فمراد) أنا مكنخلوضش!!! اعععع (بعصبية تجننت) شنو غندير الا نتا دماااغك على قدك وبحرا كتفهم!!!! هو دابا.. بفففف (زفرت معصبة)
اورطيغا: (هز حواجبو بجوج) ياك!!
ملاك: اه حيت مكتحاولش حتى تعطيني فرصة نشرح ليك
اورطيغا: هاد ربااعة ديال القو*** للي جايبة ميبانوش هنا ولا غنوريك للي مقاريش شنو تيدير!!
ملاك: (عرفاتو فهم غلاط فكوولشي تم ماشي شافت فداك الجد)
بربي وتعاود تبان فطريقي الكلب حتى ندمك ونتا معارفنيش مزيان علاش قادة..
(شافت فمراد لي طلع لطموبيلتو بغات تمشي جيهتو ولكن كسيرا)
مرض كيف دااااير!!!
اورطيغا: (مفهم والو كفاش جدها ومن العائلة مدخلش ليه هادشي لراسو ياك مها هربت من عائلتها زعما دابا عاد جاو ولكن هادو كيبانو ݣور واش باها كان ݣاوري ومها للي مغربية ولا عايشين برا!!! خربقاااتو
ولكن باش تعايرو بقرايتو ومفهامتو متقبلهاش كفاش تعايرو حيت مكيفهمش لونݣلي!!!! وعاد كذوووبها لي كيبانلو واحد من مور واحد!!
مكرهتش غير يصوني على مها يفهم منها ولكن مجاااتش!! صونا على يوسف لقاه عند محامية عارفو غااارق ولكن بعدا يعرف منو شي حاجة!! مشا قصدوو بقا كيتسنى لتحت حتى بان جا عندو طلع ركب معاه)
فين!!
يوسف: مالك؟!
اورطيغا: غيييير… شنو درت نتا؟!
يوسف: مزال تااالف المح..
اورطيغا: قولي.. (قاطعو) عائلة خديجة ديال مها متتعرفهمش!!
يوسف: (باستغراب) لا!! على للي فهمت مها مقطوعة من شجرة يقدر يكونو باقيين فالحياة ولكن لي عرفت ختارت راجلها وصافي بقات معاه صراحة محكرتش على هادشي!!
اورطيغا: ومنين اصلهم؟!
يوسف: معرفتش.. يمكن شلوح حتى هوما من تاهلة ولا هرمومو!! علاش تتسول؟!
اورطيغا: بغيت نعرف!! رااااه غنتزوج بنتهم
يوسف: والله معارف تنعرف غير عمامهم وصافي حتى انا عمرني تصادفت معاهم وحتى خديجة عمرها دوات عليهم ومع هاد المشاكل مكاينش الوقت لي نهضرو فيه
اورطيغا: فشكل لا!!
يوسف: وشنو باغيهم نتا؟!
اورطيغا: مباغيهمش ولكن… شووو انا تنبغي نعرف كولشي على ملاك.. ديك الهضرة ديال انا باغي غير لبنت لا!! حيت راه غنوليو عائلة وحدة بغيت غير نعرف شنو كاين وصاافي
يوسف: وهادشي غيأثر؟!
اورطيغا: معندو فين يأثر أجمِّي ولا يزمر بغيت نعرف وصاافي مهم خوي راسك انا عارف كفاش نعرف
يوسف: صراحة انا متيهمنيش هادشي
اورطيغا: مزيان..
يوسف: بنتلي تالف!!
اورطيغا: متاالف والو غير واحد الكليان مبرزط معاه شوية!!
يوسف: العيد هدا رتاح شوية اصاحبي دراري لوخرين كيرتاحو ونتا متتساليش
اورطيغا: نتا عارفني تيعجبني نكمل شغلي عاد نرتاح!!
يوسف: الله يصاوب!!
اورطيغا: (حرك راسو بأه توادع مع يوسف وهو كسيرا مو لي غتعطيه الخبااار صحيييح، صونا عليها مجاوبتش ومشا عندها.. واخا راس كيقولو غير يرجع عند ملاك ولكن هي هضرتها كولها كذوووب..)
يوسف: (بقا هاد الموضوع للي قالو مراد فراسو بالصح عمرو حكر على هاد القضية وخديجة عمرها عاودات ليه على عائلة مها للي عارف مها كانت بين جوج اختيارات وهي ختارت تزوج بباها لي رفضوه عائلتها..
رجع عند المحامية لي كيقلبو على شي ثغرة قانونية وفنفس الوقت متقلبش عليهم حيت مبغاوش يسهلو لادم وغيتوقعو منو أي حاجة يديرها!!…)
~~~~~~~~~
ملاك: (بقات كترجف بالاعصاب نفس السيناريو كيتعاود المرة اللولة كان حمزة وكانو مخطوبين ودابا مراد لي مبقا والو ويتزوجو!!
حمزة دغيا قدرت دوزو وتخطااااتو اصلا معطاتوش حتى وقت تشرح ليه على مها وعائلتها يعني داكشي لي عرف مزادت حتى شي حرف انا مراد كانت مساعدة تشرح وتفهمو.. شافت فداك جدها للي كيهضر مع داك الولد وباينة كانت بالعبرية.. هزت تيليفونها صونات على مها)
ماما شوفي هضري مع هاد لخ** فهميييهم مبغيتش نهضر معاهم ولا نشووفهم علاش كل شوية مقلز عندي هنا
زهرة: شكون ابنتي؟!
ملاك: هاد ليه*** (ضار عندها جدها متبسم) تهجرووو!!!
زهرة: (بحال تضربت بطرشة) شنو بغاو منك؟!
ملاك: ديما نفس الهضرة كيجيو عندي هنا وكيديرولي المشاكل
زهرة: عطيني نهضر معاه
ملاك: (مشات عند الجد وعطاتوو التيليفون) هاك بنتك الا عندك شي مشكل قولو باش تبعد مني
زهرة: (جاها الرعب تسمع صوتو ولكن كتحاول دير بين عينها بغاو يدفنوها فالحياة ومحنوش فيها فالوقت لي كانت خايفة ومحتاجاهم عاد بغاو يغرقوها وهوما كيشوفو فيها!! حطات هادشي بين عينها باش تزيد تكره وتحقد واخا هكاك منجحتش دموعها بداو كيسيلو ومتنكرش أنها توحشاااتهم!!!)
الجد: (شد تيليفون ملاك وتبسم كيشوف فالمكالمة)
ملاك: متحفظش نمرتها!!!
الجد: (رجع شاف فملاك) غيجي وقت غتبغي تعرفي علينا يمكن نتي دابا ممستعداش وعندك شي أفكار غالطة بزاف ومتفهم وعارف البيئة لي تولدتي وكبرتي فيها!! ولكن منين غتعرفي شنو لي حسن ليك غتجي عندنا
حنا معندناش دوك المشاكل لي عندك فداركم وعمك ومشاكل فالخدمة للي معطاوكش حتى فرصة فين تبرئي راسك ولا حتى بحال هاد خطيبك لي مسمعكش
ملاك: اممم عندكم الجنة امسكين!!! واخر مرة تذكر هاد خطيبي على فمك ونزيدك اللهم هاد القطران ولا نتوما انا راااضية يعني وجدي ومشاكيلهم مغتكونش نتا حسن منهم، غير قيلوني عليكم (شدت التيليفون من يدو) حتى الحق اصلا باش تهضر مع ماما معندكش صرااحة
الجد: ماماك هي ختارت وباينة العيشة لي عايشاها كيف دايرة!!
ملاك: (معصبة) وباينة حتى انا ختاريت واش فنظرك غنخلي هادشي فين عايشة ونلوح راسي عندك
الجد: انا طلبت غير نتعرفو
ملاك: مبغيييييتش وعمرني فكرت اصلا نتعرف عليك علاش مبغيتش تبعدني اشنو غتربح مني!! والو!!!
الجد: عاونتك مرة وغنزيد نعاونك.. (تبسم وهي كتزيد تجعر عطاها بظهر كتبان ليها غير حجرة تفلقو بيها فراسو!! جر حفيدو من ظهرو للي شير ليها باي باي ولكن شوفاتهم بحال كيقولها ليها غنعاودو نتلقاو خلاوها واصلة لدرجة خايبة من التعصاااب قطعت على مها ورجعت كتصوني كولشي فيها كيرجف مقدراش تهضر وعاد مراد لي مشا بلا ميفهم)
علاش خاصني كل واحد نعاود ليه شي حاجة مشغلوش فيها!!!!!!
اورطيغا: (ملقاش مو فالدار كانت مشات للحمام رجع من طريقو غاااضب من ملاك بزااف صونات عليه وقطع معرف شنو يدير يكبر الموضوع ويسول عائلتها ولا شنو!!!! و لي زاد عصبو حتى قاد أمورو مع رشيد وناضت هي بكذوبها عاود واش ممكن يتيق راه ولد خالها ݣاوري؟!!!!؟
وعلاش مقالت ليه والو من اللول!! هنا فين كتزيد تكفرو واش غتبقى ديما هاكا ديما تخبع ميبقى يعرف الحاجة حتى يطيح فيها!!!
رجع للحومة يقلب واش مزالين حيت ناوي على خزيت صونا عليه شريف مجاوبوش… طموبيلتها مزال تماك ولكن مبقاش يتيق واش هي تماك ولا لا!!
شاف حمزة وقف بطموبيلتو حدا عمارتها عرفو مقصدها وقف كيتسناه غير يطلع باش يبلبلها هاد نهار ولي بغا يوقع يوقع حيت مغيقبلش على راسو خطيبتو يبقى يجي عندها الاكس حمزة عمرو غيعتابرو خوها وولد جيرانها هو الاكس ديالها صافي!!!)
حمزة: (قالو رشيد يسبقو لتماك خايف على بنتو على ميجي هو وزهرة لي شدو طريق لفاس شاف اورطيغا ومشا فاتجاهو)
سلام!!
اورطيغا: (مخزز محرك راسو بشنو باغي!!)
حمزة: جاو عاود دوك الناس عند ملاك؟!
اورطيغا: شكون هاد ****؟!
حمزة: من عائلة مها راك عارف ليسطوار !!!
اورطيغا: (يعني حمزة عارف وهو لا!!! بقا غير كيشوف)
حمزة: مفهمتش دوك الناس فاش كيفكرو!! واش مدارو ليها والو بعدا؟!!
اورطيغا: اش غيديرو!!
حمزة: هو معندهم ميديرو وحتى ملاك ماشي وحدة صغيرة ولا مفاهماش باش تبعهم غير هوما عيقو وطولو فهادشي واليديها خايفين عليها راهم جايين وسبقت أنا هنا
اورطيغا: (مفاهم واالو وبانت فيه!! هنا حمزة عرف يمكن مغيكون فخبارو والو كما حتى هو مكان عارف والو!!!)
حمزة: انا نصوني على عمي رشيد نقولو الامور هانية!! (بعد مصوني على ملاك جاوبت)
واش خطيبك مفخبارو والو؟!
ملاك: (طلت من السرجم ممعيقاش لقاتهم بجوج) شنو قالك؟!
حمزة: هادشي مكيتخباش املاك زعما راه دزنا من هادشي!!
ملاك: هادشي اصلا مشغل حتى واحد فيه والله مفهمت نتوما كفاش كتفكرو شي حاجة ماشي ديالي علاش كتحكرو!!
حمزة: حيت منين كنبغيو شي وحدة كنبغيو نعرفو كولشي عليها غير نتي فاهماها بحساسية زااايدة وصافي ها هو عرف ومفاهم والو!!
ملاك: شنو قال احمزة؟!
حمزة: شنو غيقول السيد مفاهم والو باك ومك قربو يوصلو هنا هبطي هضري معاه بعدا غير يفهم شكون هادوك وعلاش كيجيو عندك!!! راه عادي باش يعرف!!
يوسف: (رجع للدار غيثة مخلاوهاش تعاود تمشي لصبيطار.. خديجة كتلعب مع سليمان فالجردة مشا عندها حط الوراق وقرس ولدو فحنكو)
خديجة حبيبة باقية عيانة!!
خديجة: الحمدلله دابا!!
يوسف: (جلس معاها) قوليلي عائلة ماماك عمرني شفتهم
خديجة: وعمرك تشوووفهم.. كفاش حتى تفكرتي دابا؟!
يوسف: (عاودلها على مراد) وبالصح عمرني رضيت البال عارف ماماك مقاطعة معاهم ولكن واش حتى نتوما عندكم شفتوهم ݣاع؟؟!!!
خديجة: عائلة ماما عندهم ديانة اخرى وماما هربت منهم وسلمات وتزوجت بابا وكل واحد شد طريقو
يوسف: (تفاجئ) لالة زهرة كانت ماشي مغربية؟!
خديجة: لا مغربية غير الدين ديال عائلتها ماشي مسلمين كانو يهوود داكشي علاش مكنجبدوهمش فمرة!!
يوسف: وهادشي احبيبة كان عليك تقوليهلي
خديجة: علاش؟!
يوسف: كفاش علاش؟! هه راه عادي مخاصش يكونو بيناتنا أسرار وهادشي عادي!!
خديجة: حنا مكنهضروش فهادشي ماشي حيت زعما بغيت نخبي عليك.. جاتك غريبة؟
يوسف: لااا تنعرف بزاف عائلات يهودية هنا
خديجة: ماما سلمات منين كانت عندها 16 ولا 17 عام بحال هاكا
يوسف: مزيان عاوديلي كفاش!!
خديجة: (عاودت ليه باختصار) منين ولدات مريم جدي مشا كيقلب عليهم ورغبهم يرجعو تقبلو ماما وحتى هي سامحتهم من تماك موقع حتى شي سوء تفاهم بلعكس ماما ولات هي الراي وشوار وتعلمت الدين ديالنا مزيااان حسن منا حنا لي كابرين فيه حفظات القران كانت من اللول باغية تكون هاكا…
يوسف: براڤو عليها
خديجة: اه بزااف غير على للي فهمت عائلتها رجعو وبغاو يتعرفو علينا وحنا مبغيناش
يوسف: عادي زعما!! زعما عادي تعرفو عليهم راه الرسول وكان متعايش معاهم وهوما قلتي بغاو غير يتعرفو!!
خديجة: لا معاديش ماما كتعرفهم مزيان كيف دايرين وانا وخوتاتي عمرنا نحطو يدنا فيدهم حيت كانو غيقتلوها وكان ماشي بابا لي عتقها
يوسف: ياكما ندمو!!
خديجة: ماما وبابا قالو لا هي لا..
يوسف: بالصح هوما يعرفو كتر..
اورطيغا: (مفهم والو وأصلا دابا كفاش حمزة عارف شي حاجة كتخص ملاك وهو لا!!!! ياله غيجي عندو شافها هبطت.. مشا عندها مكيضويييش قبل متهضر)
اشمن تنوعيرة عاود دايرة!!
ملاك: (كتحاول تكون هادئة باش حتى هو يتكالما) علاش مكتعطينيش وقت امراد نفهمك؟!
اورطيغا: حيت خوك مقاريش ماشي متفهم باش نفهم لالة ملاك القراية والفاهيييمة
ملاك: تأ!!! قبيلة فهمت غلاط!!!
اورطيغا: (كيشوف فيها مخسر كمارتو) تتخلي الواحد ينفرك بهاد الكذوووب وتخبية!!
ملاك: (بعصبية) مراااااااد!!
اورطيغا: (بقا كيشوف فيها مخزز) عرفتي شنو!! هاد الساعة مبغيت نعرف حتى ق***!!!
ملاك: لغة الحوار معندكش وهادشي لي كيخلينا…
اورطيغا: طلعي تركني فداااارك!!
ملاك: مغنطلعش!! ومتهضرش معايا بحال هاكا!!!
اورطيغا: (حنا عندها شوية، وكيتهجاها بعصبية الا زادت كلمة غيقسمها)
طَــ..ــلْــ..ــعِـ..ـي!!!!
ملاك: (بقات كتصوووط من نيفها) سيييير تزبل!!!
(طلعت مفقوووسة ااخر حاجة تبغيها هو خصاااام معاه وعااد العقد قرب علاش يوقع هادشي!!
وصلت لدارها خبطت الباب)
شفتي دابا!!
وفاء: واخا تعاويلي ازمر!!!
ملاك: بلاتي اختي وفاء هادشي راه كيعصب تفوووووو!!!! مكتقاد من جييييه حتى كتعواااج من جيهة وديييما ديييييما مشاكيلي خاص يكون فيهم مراد
وفاء: واش فهم غلاااط على حساب صباح من داك الݣاوري!!!
ملاك: كفس!!
وفاء: وشنووو؟! عاودي بشوية باش نفهمك ونعاونك!!
ملاك: ماما بففففف قبل متزوج بابا كانت!!
وفاء:: واش منين كانت يههودية زعما!!
ملاك: (جمعت لسانها وبقات غير كتشوف) باش عرفتي!!
وفاء: ماماك عاوداتلي!! (شافتها بحال مصدومة) واش عندك مشكل فهادشي!!
ملاك: لا ولكن!!! مهم هادشي معارفووش مراد وهو معجبوش الحال ووو هداك ديال صباح واحد منهم وهوما بغااو يتعرفو علية فهمتي دابا وهو متفهمش هادشي حسابلو واش مصاحبة معاه قلتلو شنو كاين ومتاقش!!
وفاء: وعلاش اصلا خبيتي!!
ملاك: وعلاش اصلا نقول ياك حياة ماما هاديك علاش نقوول
وفاء: بالصح اه ولكن زعما غتزوجو وبينااتكم ديجا عشرة ومكتخبيو حتى حاجة على بعضيااتكم عادي الا قلتي هادشي!!
ملاك: لا.. حياة ماما كتبقى بعيدة على كولشي بفففف نهار دالويييل!!!
شريف: (تحل لباب شاف فيه كيحاول يشد أعصاابو) ادم
ادم: (حتى هو تفاجئ لزيارتو) دخل أشريف!!
شريف: (دخل عندو وتمشا قدامو كيعرج سد لباب) شنو هادشي لي تدير ادم؟!
ادم: انا مدرت والو خت داك صاااحبك للي وصلاتنا لهادشي منين هي pute من اللول يقولوها
شريف: اه غيثة لي صدقت ممزيانش!!!! ادم نهضرو بصراحة عينك على اورطيغا علاش غيثة بالظبط؟!
ادم: شكون هادا!!؟
شريف: مرااد!! مراد لي تيحساب ليك حط لادروو لباك فالمطار
ادم: تيحساب لية!! راه هو نيت!!!
شريف: اوا علاش مقصدتيهش هو علاش غيثة!! علاش لالة أمينة باغي تقتلها!!! شنو كنت غتربح وحتى خطيبتو منين درتي ليها هكاك!!!
ادم: كترت علية لا!!
شريف: تيجيك هادشي عادي لي تدير فيه!!! محاولتش تعالج راسك وتقول انا مريض بلاصتي خطر على المجتمع والناس!!
ادم: شريييف!! وواش شام شي حاجة مفهمتش هاد الناس للي مدخلهم غيثة كانت خطيبتي حتى تنلقاها واالدة حط راسك فبلاصتي!!! أما هادشي لي قلت مكاين منو والو
شريف: حسن نهضرو بصراحة
ادم: (متاقش فيه) عفاك بغيت نرتاح!!
شريف: نفهم علاش غيثة!! واش كان تتيحساب ليك مصاحبة مع مراد وبانت ليك هي اول قنطرة منين غدووز ليه!! نتا مشيتي ختاريتي الدرويييشة ضيعتي ليها حياااتها وخرجتي عليها وشنو ربحت والو!! هانتا حاالتك كيفاش دايرة بالمعنى وقفااات!! هي حياتها تدمرت فهاد الوقت ولكن غتقااااد الا ماشي اليوم غدا!!! وأصلا كولشي دابا فصفها ومعاها!!
حتى من مراد عااايش حياااتو بيخير مو ها هي برااات نتا شنو ربحت!!
ادم: (استافزو) ماشي بزاف ماشي بزاف باش غيبقى مرتاح
شريف: يعني مزال حاطو فراسك!!
ادم: شريف خليك بعييد على هادشي
شريف: واش حمق مراد راه خويا والحاج بنسليمان مغيخلي حتى حد يمسو كولشي معاه فنظرك غنخليوك نتا دير مبغيييت بغيت نفهم حاجة وحدة واش فبالك السيبة هنا!
ادم: سد موراك لباب
شريف: انا جيت نعلمك وقت داك الشيطان للي مخرجو لينا سااالا..
نتا مزال لدابا شايف منا كووولنا غير الوجه لملايكي واسهل حاجة هو الواحد يدير فيها ولد **** من دابا تنعلمك غير وجد راسك كولشي غتخلصو بالضوووبل منين قستي غيثة قستينا كاملين منين قستي لالة أمينة قستينا كاملين ومراد مغينساش شنو درتي فختو ومو ولي غتكون مرتو…
(خرج من الدار زادح لباب مخلي ادم كيشوووف وهادشي كان متوقعو واخا ماشي من شريف ولكن عندو عادي باش نيت يفهم لأي درجة واصل درجة الانتقام لي غيبغيو يطبقو علييه…)
حمزة: (صونا على غيثة مجاوبتش من لبارح مكتجاوبش وعندو شك غيكون الموضوع داخل فيه الغيرة!! ولكن مكانش عندو شي حل أخر من غير يتجاوب مع ليلا باش يعرف ويزيد يعرف شنو الخطوة الجاية ديال خوها!؟ صونا عليه رشيد كان قرب الحومة بقا كيتسنى شاف مراد وملاك كيدابزو حتى طلعت وهو ركب فطموبيلتو مكسيري مخلي من موراه لعجاج.. مبغاش يدخل حيت فواحد الوقت تحط فبلاصتو وكانت ردة فعل ديالو خايبة كلفاتو بزاااااااف…
حاجة وحدة ميبغيهش يدير داكشي للي دار مع ملاك من جيهتو هو ومن جيهتها حتى هي!!
عارفها كتبغي مراد وبزاف ولكن عندها مها هي اولى من كولشي…
وصل رشيد وزهرة زهرة طلعت عند بنتها وهوما بقاو لتحت)
رشيد: هادو دابا شنو بغاو
حمزة: الا بغات ملاك دير عدم التعرض راه من حقها حيت ديجا مشدود فالكاميرات كيجي عندها
رشيد: خفت عليها
حمزة: وشنو الحل
رشيد: غنهضر مع مراد باش يعجلو العقيد هاكا غيخليوها وبعطيوها التيساع
حمزة: الا كان حل يديروه
رشيد: وراقها واجدين وهو وراقو واجدين وراك شايفو باغي زواج اليوم قبل غدا اللهم نعجلو
حمزة: هضرتي معاه؟!
رشيد: عاد نعيط ليه يجي دابا (صونا عليه جاوبو) سلام ولدي مراد لباس عليك
اورطيغا: (معصب معصب معصب ومخاصوش يبين) الحمدلله اسي رشيد ونتا؟!
رشيد: الحمدلله اولدي الا كنت قريب للحومة فين كاينة دار ملاك تقدر تجي والا صلاح تجيب حتى الوالدة ديالك
اورطيغا: (زير الطموبيل على ليسر داااير السينيالات) علاش؟!
رشيد: كل خير اولدي بغيت نهضر معاك فشي موضوع مهم وضروري حتى الوالدة تكون
اورطيغا: واش مغتعطينيش بنتك عاود؟!
رشيد: (ظحكو) هه لا لا غير اجي وميكون غير الخير
اورطيغا: واخا شي نص ساعة ونكون تماك
رشيد: واخا اولدي.. (قطع) انا نطلع للفوق عندهم
حمزة: واخا.. (مبغاش يقول على المدابزة ركب فطموبيلتو ومشا جهة دار غيثة باغي يتلاقا معاها ميمكنش ميهضروش واخا شي راس كيقول يوضح الأمور ولكن بغا يخليها حتى يكمل هادشي…)
اورطيغا: (علم مو توجد راسها لي كانت معلومة وعارفة شنو كاين من طرف زهرة لقاها كتسناه برا بجلابتها)
معرفتيش علاش؟!
أمينة: (بغات تخليهالو مفاجئة باش يفرح) مݣالتلي زهرة والو
اورطيغا: سوليها ياك تظلو تتهضرو بجوج!!
أمينة: اوا هاحنا قربنا نوصلو ونهضرو ياكما بغاو يتافقو على صداق وجهاج
اورطيغا: (ضرو راسو شنو بكون بغا عاود!!) لااااااا مووحال مبيناش عليه عقلية شرا والبيع فبناتو
أميمة: علاه لي طلب القدر كدا وكدا كيبيع فبناتو؟!
اورطيغا: اه حيت أنا ولد الحرفة عندنا غير البهيمة لي كنتاواو فيها ونتفاصلو بشحال نشري ونبيع اما بنات الناس الراجل لي فجهدو غيعطيه
أمينة: (خسرت كمارتها) عقلية دزبل لوكان كنت انا نطلب نيييت لي نبغي وسميني ديك الساااع حتى بݣرة!!
اورطيغا: (تبسم نصف ابتسامة)
أمينة: عنداك اولدي تݣول هادشي لباها خلينا نعرفو شنو غيݣول ومتݣول والو
اورطيغا: ونتي متبقايش تبيني راني ملايري راني غير ولد باب الله اليوم عندي وغدا معارفش
أمينة: شنو معصبك؟؟
اورطيغا: والو غير شي حاجة مع شي كليان
أمينة: وهادشي تابعك حتى فالعيد
اورطيغا: بنااادم مخاصش تيق فيه ولكن ماشي يانا للي نسكت دابا نشوف فين غيخرجني هادشي ومغندير غير للي مسلكني
أمينة: الله يديرلك اولدي لي فيه الخير
اورطيغا: (بزفرة) اميين.. أميييييين (بقاو كيهضرو مبغاش يجبد معاها الموضوع دابا حيت متأكد غتكون عارفة.. وصلو صونات عليه ملاك قطع عليها علم رشيد راه وصل وطلعو)
أمينة: ولدي هاد الموبل حتى هو ديالك؟!
اورطيغا: تزيدي كلمة على هادشي نخليك هنا ونمشي
أمينة: مال مك مصعور ياداك الجحموم؟!
اورطيغا: وهنيينا الوااالدة الله يحفظك خلي هاد نهار يدوووز مقاد شوية!!!
ادم: (كان خاصو يتلاقا بغيثة بوحدها حتى المصحة مبقاتش كتمشي ليها بوحدها جات عندو ختو جلست حداه) بغيتك تلاقاي بغيثة
ليلا: علاش أدم؟
ادم: بغيت نتلقاها بغيت نعرف معامن كانت؟! واش داك الشمكار ولي هداك لي كان معاها!
ليلا: هادشي لي هامك نتا ياك هي خانتك وعايشة دابا حياتها صافي خليها وشوف غيرها
ادم: (بعصبية) انا بغيتها هي!!!! داك الولد مغيوقفش فطريقي مزال باغي نردها
ليلا: وهي باينة مباغاكش وعاد سمعت تتتقول ليهم نتا للي عذبتيها ومعرفت شنو راه فضحتااك عند كولشي هانتا حتى من شريف شوف شنو قالك
ادم: غتمشي اليوم عندها وحاولي تخرجيها حدا لباب غنكون تماك
ليلا: (بسخرية) وشنو غتخطفها؟!!!
ادم: (بقا سااكت) انا عارف شنو غندير
ليلا: واش حمق راه عندها خوتها وعائلتها زعما غيخليوك تفلت ادم فكر بعقلك
ادم: شفتها مع واحد معرفتش شكون هو؟!
ليلا: اورطيغا ؟!
ادم: لا هدا ماشي كحل!! (صونا تيليفونو كان سعد خرج كيعرج)
وي!!!
ليلا: (مشات حدا لباب كتصنت عليه)
ادم: كفاش ضربت بيها واش تتهضر بالصح اسعد؟!
لا التاكسي كنت بغيتها فشي مصلحة قضيتها ورديتها!!
لا مكاين والو…
شكون هدا للي شهد؟!! موصلني والو.. شكون قالك هاد الكلام؟!
لا بغيت نعرف..
اممم لا مغنجيش العرس!!
صافي واخ…
(قطع رجع صونا على شي واحد)
واش متأكد التاكسي غسلتها مزيان؟!…
مولاها خايف وشاك تكون تدارت بيها شي حاجة!!
مهم ميبقى حتى دليل..
الدم لي كان فالفار؟!
صافي… واخ
(قطع وبقا كيفكر فهادشي لي قال سعد كفاش اورطيغا شاك فيه هو للي ضربو فرمضان والبوليس كيبحثو فهادشي هو موصلوو والو وعاد عاد راجع من فرنسا يعني فالمطار كولشي كيبان!! رجع لقا ليلا جالسة فبلاصتها)
شنو تخرجيهالي حدا لباب؟!!!
ملاك: (على أعصابها فهمت باها ومها شنو بغاو ولكن خايفة من ردة فعل مراد عارفاه معصب منها بزاااف وهوما بجوج ماشي فأحسن أحوالهم تمنات هاد الكلام لي غيقول باها وكان تقالت فالوقت لي كانو بجوج باغيين غير امتى يتجمعو هي باغيا وبزاف ولكن عارفااااه هاد الساعة مغير بزاااف تدق لباب مشات حلات سلمت على أمينة متبعة مراد بعينيها للي مكيشوفش فيها!! لدرجة دخل مسلمش حتى عليها لقا رشيد فالصالون كيقلب فداك الزليج لي مفخبارو والو عليه ولكن الصورة بدات كتوضاح ومغتجيهش غريبة الا قالت اورطيغا لي جابو ليها هو دار وعطاهالها باااطل هادشي الا كان بالصح داك الثمن يقدر يكون قل عارف بنتو دغيا كتزرب على الواحد ومبقاش لقا الوجه لي يسول على هاد الزليج حيت غيحرج غير راسو وصافي!!!
دخلتها لبيتها تماك كانت زهرة ووفاء واورطيغا مشا عند رشيد لي عيط ليه)
رشيد: اجي اولدي
ملاك: (رجعت لوسط الدار كتصنت باغيا تسمع وتشوف ردة فعل ديالو واخا ميتة بالخلعة!!)
رشيد: مكنتش عارفها شرات الزليج
اورطيغا: الا جات على ملاك متتقول والو
ملاك: ولد لحرام غيشريهالي مع بابا؟!
رشيد: هه شنو خبعت عليك؟!
اورطيغا: ماشي مسألة خبعت ولكن مفهمتش كانو هنا شي ناس تتقول عائلتها من جهة لالة زهرة!! شنو فيها الا كانت عاودات لية وقالت شنو كاين علاش نسمعها من عند لبراني
ملاك: (عرفاتو مخيخ وغيبدا يفرش ومتنكرش بقا فيها الحال مكانش خاص يدخل باها فهادشي!!)
رشيد: هاديك اولدي قصة فات عليها شحاال ومبقاتش كتجبد داكشي باش ملاك مقالت والو.. زهرة كانت من عائلة يهودية نهار بغات تدخل الاسلام عائلتها متقبلوش هادشي تزوجنا وبعدنا منهم هادشي راه 40 عام باش فات! علاش رجعو هادو وعلاش باغيين بناتي مفهمتش ؟!!!
اورطيغا: (فبالو كان عندها الوقت الكافي باش تقولو هادشي راه دوزو وقت كبير بيناتهم وهضرو فبزااف دالمواضع.. حرك راسو بأه وعاد باها أكدلو كيمشيو ويجيو عليها)
رشيد: منكذبش عليك انا خايف على ملاك منهم
اورطيغا: مكاينش لي غيقرب ليها!! وميمكنش واش حنا فغابة ؟!!
رشيد: ولو!! مهم اولدي بغيتكم تعقدو غدا ولا بعدو (مراد هز حواجبو) غيبعدو منها منين يعرفوها تزوجت
اورطيغا: علاش؟!
رشيد: محدها ديال راسها غيطمعو فيها يبدلو ليها داكشي باش كتآمن ويبقاو يحومو عليها فكل وقت هاكا قالي واحد السيد يهود* وأسلم حتى هو عارف بنتي ميمكنش تجر ولا تخلى على دينها ولكن من الاحسن نبعد الخطر عليها ونتوما هادشي لي كنتو باغيين لي كنا غنديروه من بعد 10 ايام نديروه هاد اليوماين…
ملاك: (على أعصاابها سكاتو معاجبهاش ومكرهتش تشوف وجهو كيفاش داير حتى كانت بغات تدخل باش تقول لباها مبغات هاد زواج ميمكنش الذل لراسها واخا تكون كتبغيييه مبغاش ݣاع الله يعاونو!!!)
اورطيغا: صافي واخا.. ان شاء الله
رشيد: مور زواج معندك علاش تخاف هوما مغيوليوش يصدعوكم
اورطيغا: معندي علاش نخااف ولي راجل يقربلها!!! شو اعمي متخافش من هاد الناحية على بنتك
رشيد: (عارف بنتو غتكون مأمنة من هاد الجهة معاه)
اورطيغا: بعد غدا مزيان فصباح؟!!! نجي عندكم لصفرو انا والوالدة والحاج!!
رشيد: صافي مزيان انا غنديها معايا هاد نهار معندها علاش تبقى هنا نهار العرس ونجيبها انا
اورطيغا: اه حسن ديها معاك.. (ملاك خرجت عينها) انا مصالحش نبقى معاها هنا
(دخلت ملاك عندهم كاعية هي باغية تبقى معاه ويهضرو وهو كيقولو ديها معاك يعني مباغيهاش شافو فيها وعرفها غتقول شي حاجة)
رشيد: أبنتي!!!
ملاك: مخديتوووش أصلا رأيي!!
رشيد: فاش؟!
اورطيغا: (مقوس عينيه فيها)
ملاك: فهاد اللاكط؟!
اورطيغا: (ببرود) علاش مبغيتيش؟!
ملاك: (كتشوف فيه وتشوف فباها) ماشي مبغيتش ولكن!
اورطيغا: مهم (ضار عند رشيد) انا الوراق عندي فالطموبيل نزل نجيبهم ليك على متدفعهم للمحكمة عندكم والا بغيتي عطيني وراقها ندفعهم هنا
ملاك: (غتفرݣع مكيشوفش حتى فيها ماشي هاكا كانت كتسنى نهار اللاكط ديالها!!!!)
رشيد: ندفعهم فصفرو ان شاء الله..
اورطيغا: مرحباااا.. (خرج مكيضويهاش مشا يجييبهم وهي بقات مسممة ومربعة يدها)
رشيد: ياك بعدا عارف سميتك مليكة!!
ملاك: (بعصبية) باااابااااااا!!!!!
رشيد: هههه نتي وكذووبك ابنتي ياله وجدي راسك تمشي معانا
ملاك: نبقى مع خديجة غدا ونهبط
رشيد: (بأمر) وجدي راسك تمشي معانا مغنخليكش من مورايا
ملاك: (صاطت فنفسها سمعت حسو خرجت من تماك حيت متقبلاتش تجاهلو ليها…)
اورطيغا: (عطاه الوراق ديالو عيط على مو باش يوصلها للدار كان ساهل وبإمكانو يهضر مع ملاك بوحدهم مكان حتى شي واحد غيعارض خصوصا انهم قربو يتزوجو ولكن مزال معصب حيت ماشي شي حاجة ݣغااااف لي تخبع عليه اصل مها ماشي كانت شيخة ولا فاسدة!! والطامة الكبرى لقاها مع ݣاوري مجمعة مكتهموش القرابة وسمع ظحكها معاه!! زيد شحال وهوما ماشيين جاين عليها ومهضرتش وعاد لكبيييرة حمزة يعرف وهو لا!! متصرطاتلوش!!!
خرجو هو ومو من بعد مودعوووهم حيت مو خاصها تزرب تقدا شي حويجات لملاك على نهار لاكط واخا قرروا من بعد 10 ايام يديرو عرسهم سوا كبير ولا صغير مهم يديو معاهم.. )
شنو باغا تشري؟!
أمينة: غير شي حاجة ندخلو بيها على منفصل ليها عند الخياط.. شحال تعطيها فصداق اولدي؟
اورطيغا: للي كتب الله
أمينة: اوا هضر ونتا بحال شي بير غاارق مكنعرف اش عندك فداك الرأس!!
اورطيغا: كنتي عارفة مها كانت يهودية؟!
أمينة: دابا واش زهرة بانت ليك يهودية
اورطيغا: دابا جاوبينا
أمينة: هي عاوداتلي من نهار اللول نتا مكنتش عارف؟!!!
اورطيغا: لا
أمينة: مݣالتهاش ليك ملاك؟!!!
اورطيغا: واااقلت ليك لا!! عاد عرفتها هاد صباح
أمينة: معليش تلݣاها مدات مجااابت
اورطيغا: علاه هادشي تيتخبى براكة متبقايش دافعي عليها هاكا غادي ضسريها علية!!
أمبنة: وعلاه نتا ݣايل ليها على ديورك؟!
اورطيغا: هادي حاجة وهاديك حاجة علاه شنو فيها الا عاودات لية!!
أمينة: سولها وهي تجاوبك
اورطيغا: (عرف مو غتجي من جيهتها اللهم يسد هاد الموضوع) مهم شنو خاصك تشري نهضر مع سماح (بنت سعد عندو علاقة زوينة معاهم) تخرج تقدا معاك
أمينة: ألااا نتا لي غتمشي معايا راه غتولي مرتك نتا.. ونتا تعرف ذوقها كتر فشنو كتبغي
اورطيغا: (بقا سااكت كفاش يشرح راه خاطيبها لقديم عارف وهو لا وعاد وقفتها مع الݣاوري وظحكها معاه هادشي حتى واحد مغيفهمو عاد شحال من ليالي جلسو كيتعاودو بيناتهم علاش بالظبط هادي لي خباااتها عليه!! فقساااتو وطيرات عليه الفرحة لي شحال وهو يتسناها!!!!
مداهاش للسوق مشاو محالات زوينين تقدات أمينة شنو خاص مكتروش حيت داكشي التقليدي بغات تخيطو ليها ماشي تشريه سواقي وطااالع..)
اورطيغا: ناخدو ليها شي خاتم؟!
أمينة: ياكما تبغي هي تختارو؟! خليها حتى تجي
اورطيغا: نديرو مع ذهايبي بشوااار ضروري ناخد ليها شي لعيييبة ديال ذهب!!
ملاك: (تابعة باها بطموبيلتها من موراه لصفرو.. معصبة غتفرݣع كتعاود لوفاء للمرة المليون كفاش تجاهلها مرضااتش ومتقبلاتهاش)
حتى مبقى والو ونتجمعو وهو عاد جاتو يهز فخاطرو وكان غير هضرنا بعدا، لااااا!! هو عاد بانلو يبقى ساااكت ويبقى يعصب فية الكيييداااار تفووووو
وفاء: صوني عليه (شادة فيد لباب خايفة من صوݣانها حيت موالفاها كتصوݣ غير بشوية)
ملاك: والله منصووني يمشي ي*** كيبانلي نمشي هاد اليوماين لشي قنت وديك الساعة يجي لصفرو يعقد ببابا
وفاء: واش حمقة؟!!
ملاك: عصبني ااوفاء عصبني!! خاصك تشوفي كفاش كان كيدير الشوفة مكيطلعهاش فية!! بحال انا هي مرت باااه!!!
وفاء: غيكون معجبوش الحال جاتو نتي خبعتي عليه ولا معرفت نتي عارفاه اصلا مكيبغيش تخبي عليه شي حاجة واكترية عليك نتي!! شوفي غير اخر مرة على هادشي نيت دابزتو
ملاك: داك المرة اه خبعت وقلت غلطت ولكن هاد المرة واش خبعت عليه شي حاجة ديالي؟!!!!! لا داكشي ديال ماما دازت عليه قرن وزماارة!!!!
وفاء: اوا قوليلو هادشي
ملاك: واااا معطانيييش وقت راه هنا المشكل!! السيد مكيعرفش يتحاااور ضرووري خاص يتنفخ ويغضب ويعرعر عاد يتكرم ويجي يفهم!
وفاء: عطيه وقت راه فالليل غيصوني عليك وهضرو ولكن نتي متعصبيش
ملاك: اوا وفاش قال لبابا ديها وكان عندو الغرض يهضر ميقولهاش لبابا نبقى تماك ونهضرو
وفاء: صبري تاليتها غتهضرو غتهضرو…
ملاك: غير صبري غندمو!!!
~~~~~~~~~~~~
يوسف: (جالس شاد ولدو فوق رجليه حتى الخدامة جات عندهم علماتهم جا ضيف اسمو حمزة غيثة تزعزعت ولكن بقات متبتة)
اه قولو يدخل!! (كان فخبارو جاي)
خديجة: ياكما نخليوكم تهضرو على خاطركم؟! (غيثة خرجت عينها فيها باش تسكت خديجة حيت بغات تشوفو)
يوسف: لا لا.. (دخل حمزة عندهم كانو فالجردة سلم على يوسف باليد ولبنات قال السلام من بعيد وجلس قبل ميهضر صونات عليه ليلا)
حمزة: سمحولي نجااوب.. (ناض بعيد كيسمع شكاوي ليلا وشنو قال خوها وهو بدورو كيعرف يجبد منها الهضرة كتر..)
غيثة: (بلا متحس) شو معامن كيهضر!!!
يوسف: حقا اخديجة حمزة وملاك مكملوش فالخطبة على داك الموضوع نييييت
خديجة: اممم اه
غيثة: علاش هوما كانو مخطوبين؟!!!
خديجة: ماشي شي خطبة غير هضرة ديال الواليدين وصافي…
حمزة: (كيسمع ليها) متأكدة يكون دار شي حاجة بهاد التاكسي!!!
ليلا: معرفتش ولكن بالحرف قال خاصك تكون مسحت الدم من الفار بفففف عرفتي شكيت بكون ضرب بيها واحد السيدة!!!
حمزة: كتعرفيها!!
ليلا: اه
حمزة: شكون؟!
ليلا: بففف معيا نشرح ليك فهاد ادم مغتفهم والو!!
حمزة: (بقا كيتصنت يعني خاص المعاينة والدقة فالبحث التاكسي ضرووري خاص تمشي تفحص مزياان تحت اشراف الدولة باش تكون من الدلائل عليه وياخدو حقهم كاملين منو)
ليلا: شيييغي!!
حمزة: ويي…انا معاك معاك!! اوا!!
ليلا: المشكل دابا لي عندي هو بغاني نخرجلو غيثة للباب علم الله شنو باغي يدير فيها عاود
حمزة: كفاش؟! وعلاش؟!
ليلا: معرفتش خايفة غير يددير فيها شي كارثة
حمزة: ونتي غتجي هنا؟!
ليلا: فين نجي؟!
حمزة: زعما غتمشي عند هاد غيثة؟!
ليلا: لالا منقدرش خويا تنعرفو 💯 مناويش على خير مع البنت علاش ندخل راسي فصداعات وعاد من العائلة !!!
حمزة: ليلا شوية ونصوني عليك واخا!! اه الا كنتي غتخرجي علميني ضروووري… (قبل متجاوب قطع صونا على شريف مكيجاوبش مرة وجوج والو مشا حداهم جلس شاف فغيثة وقلبت وجهها) يوسف بغيت نهضر معاك
غيثة: (هي وخديجة تشاوفو بيناتهم يوسف وحمزة بعدو من حداهم عاودلو شنو قالت ليلا بالظبط)
خديجة واش ملاك كانت هي وحمزة!!!
خديجة: (حساتها تقرسات وباينة ملاك مغتبغيش تكون موضوع) شوفي حنا انا وخوتاتي زعما وحمزة كبرنا مع بعضياتنا كيدخل عندنا ندخلو عندهم كبرنا عائلة وحدة ديك الخطبة معرفت كفاش جات مكملاش حتى سيمانة غير هضرة بين مواتنا دايزة وصافي راك شفتي حمزة وملاك بحال الخوت يعني وكان كان بيناتهم شي حاجة شنو غيمنع باش يتزوجو
غيثة: (حركت راسها مقتانعة)
خديجة: نساي عليك هاد الموضوع شنو نتي مالك مع حمزة؟!
غيثة: هو وليلا مصاحبين باش تيعرف شنو غيدير ادم يعني تتجيب ليه معلومات على خوها
خديجة: باش عرفتيها؟!
غيثة: عرفت.. (بفقسة) حيت أنا لي سهلتهالو فاللول وعاودتلو عليها مزيان باش طيحها…
يوسف: خاص نقولها لمراد (صونا عليه عاودلو شنو قال حمزة) هو معايا دابا
حمزة: (دارلو إشارة باش يهضر معاه عطاه التيليفون شرح ليه بالتفصيل)
اورطيغا: (هارب من حدا مو للي كتشاطر) كفاش خرجهالي!! واش هاد الكلب حمار!!!
حمزة: (تبسم) هي مغتجيش!!
اورطيغا: ماشي حسن وكان جات وتشد فيدنا!!
حمزة: هادشي لي كنتسنى منها وصراحة تمنيت تديرها.. غير مجاتش نقولها اه ديريها خاصها تجي منها راسها وتشد لا هي لا خوها!!
اورطيغا: (محاملوش ولكن باغي يوصل لادم) مهم انا نكمل شي شغال ونجي لتماك (قبل ميجاوب حمزة قطع عليه مكهموش هو مزيان ولا خايب ولكن فكرة عندو هو الاكس ديال ملاك مخاصش تكون بيناتهم حتى شي احتكاك ولكن ملاك مصرة باش يكون فحياتها وعاد زيد عارف لي عليها لي هو معارفووش!!
تكلم لمو باش يخلص كملو زارب عليها وصلها للرياض وشدو بالهضرة الحاج لي عرفو غيعقد كيحاول يقنعو من مور عرس شريف غيدير العرس بقا شاد الخاطر معاه ولكن لي فبالو راه فبالو جا شريف لي كيجري فعرسو بغاه يمشي معاه فهمو شنو كاين)
شريف: مراد خليك نتا بعيد يوسف وحمزة فالكفاية
اورطيغا: (مخسر كمارتو) كفاش حمزة ولا ق**** واش نتا مريض ف*** انا نتسنى شي واحد يجيبلي حقي
شريف: انا خايف عليك
اورطيغا: خاف على *** ومتبقاش تجبد معايا هاد تخربيق قالك هوما فيهم الكااافية
شريف: فهم اصاحبي حمزة راه مع ختو منها كيجبد الهضرة وادم مزال معرف راه حمزة نيت لي دار معاه هكاك هو نفسو لي مع ختو
اورطيغا: شووو انا هادشي متيهمنيش التاكسي خاص تكون عند البوليس!!
شريف: اوا راه خاص البوليس لي يهزوها
اورطيغا: وشنو تيتسناو؟!
شريف: حمزة راه تيدير الاج..
اورطيغا: مرضتونا بهاد **** وعيقتوووو (زاد مخليه خرج من تماك مشا لدار يوسف ملاك مولاش هضر معاها..)
~~~~~~~~~~~~~
خديجة: (كتهضر مع ملاك ابيل ڤيديو خرجت الجردة كتوريها يوسف واورطيغا جالسين)
واش مخاصمين؟
ملاك: (معصبة) لا
خديجة: ههه راكي عروسة دابا باش تهلاي فراسك جالسة كتعصبي غير بوحدك
ملاك: (فنفسها زبلة انا ماشي عروسة) علاش كيهضرو
خديجة: على ادم دزبل لي مرضنا فحياتنا (شافت شريف وأشرف جاو وجلسو حداهم تمت داخلة للڤيلا كتلمس فكرشها)
مبقالي والو ونولد وحتى واحد ممسوقلي
ملاك: صراحة كولشي هملك ولكن راك شفتي المشاكل بالعراااارم
خديجة: سلاااك وصافي.. مغتوجديش راسك؟!!
ملاك: واش حنا فالتوجاد هاد الساعة يتشد غير داك ل*** باش نتهنااو
ملاك: (وصلات 12 دالليل ولا أبيل من عندو تديرونجات بزاااف شنو هاد الوضع الخاااايب هوما قربو يحققو حلمهم علاش مقاطعها محسات حتى كتبت ليه ميساج)
“”منين نتا هاكا علاش قبلت بكلام بابا!!!”””
صيفطاتو تسنات يصوني يرد يتدابزو أي حاجة غير ميبقاش منخلها ولكن لا جواب 2 دالليل كدخل الواتس محالش الكونكسيون تلفها وخربقها وبالصح كتسائل الا طلعت ليه فراسو لهاد الدرجة علاش قبل علاش حدد الموعد ديال اللاكط واش زعما غير بغا يدير الخاطر!! مراد ماشي من هاد النوع وزواج اصلا مافيهش قضية ندير الخاطر!! مرضت فراسها وملقات حتى حاجة كتحلى ليها!! حطت التيليفون تحت وسادتها طافيااه ترد الاعتبار باش حتى الا صونا يلقاه طافي وطلعت السطح ملحقة بوفاء لي كتهضر مع راجلها
وفاء: (قطعت متبسمة) عمر غيجي!!
ملاك: (متبسمة) على سلاااااامة
وفاء: ديريلي لاصير؟!
ملاك: دابا!!! سيري تزمري
وفاء: عفااااك ديريلي ونديرلك حتى نتي راك غتحتاجيها
ملاك: (تألمت فالداخل) انا كنقادها راسي مكنخلي حتى واحد يكشف على العورة ديالي
وفاء: ههه وينو على العورة راه خاص نقاد الحالة الزبلة
ملاك: سيري غدا لكوافورة انا منديرلكش
وفاء: تصالحتي مع مراد؟!
ملاك: (مراضيااااش) واش انا دابا همي فمراد انا كنقول يا ربي غير يتشد داك الحمار باش نرجع لخدمتي راه طولو علية بزااف
وفاء: ومتصالحتوش؟!!
ملاك: (مرضاتش) خاصكي تقداي حوايج؟! امتى بعدا غيوصل؟!
وفاء: غدا فلعشية
ملاك: بوحدو!!
وفاء: اه وقالت مو غتلحق منين تقربو ديرو نتوما العرس
ملاك: (فنفسها هادشي الا كمل شي عرس!!!) مزيان هي غتسافرو
وفاء: ضرووري اختي راه قنطت وهو شحال كيوااعد فية بشي تسافيرة زوينة هاحنا نشوفو
ملاك: منها نيت تفوجوو…
يتبع
التعليقات 0