ملاك: (طلعت للدار تابعاها خديجة مسخسخة مع دروج وصلو للدار) خديجة غنصبن عندك شي حوايج يتصبنو
خديجة: خلي عليك انا نصبن ياك غير الماكينة
ملاك: اممم (جابتلها حوايج مشات كتنفض وتشطب بيتها حتى جات عندها خديجة)
خديجة: شفتك قبيلة كتختاري مع مراد بيت نعاس
ملاك: (بعصبية) مختاريتش
خديجة: وشنو كنتو واقفين كتهاضرو تماك يوسف كيقول هادو مكانوش كيتحاملو ودابا كيظحكو
ملاك: راه عندو الصح مكنتحتملوش غير جابتها هضرة وصاافي (شافت فيها ديك الشوفة ديال مغنهضرش)
خديجة: وعاوديلي راه باين غير من عينو مكيحايدهاش عليك كنشوفو كفاش كيشوف فيك
ملاك: هه (بعصبية) هاكا كنتي كتقوليلي على يوسف
خديجة: (جمعت الضحكة)
ملاك: (بغات تصلحها حيت ماشي وقت هاد الهضرة وعاد مجاتش تخوي فيها غضبها) شتي ماشي ضروري غير الا شاف فيك شي واحد راه مزعوط فيك يمكن سها ونتي غير تنويتي وأصلا لا انا لا هو نتلقاو شي نهار غير خوي راسك من هاد تخربييق
خديجة: بالصح، قوليلي الصراحة خاتمي دزواج خايب؟!
ملاك: اه حالتو
خديجة: تفووو غيقول علية غير معربنة بففف انا مع شفتو كبير وديك الغبينة للي كنت فيها مشيت لكبير
ملاك: حتى دابا باقي الوقت قولو بغيت نبدلو داك نهار منتابهتش مزيان ولا كنا مزروبين وغير ختاريت وصافي، ومتبقايش تشوفي للي فيه الحجر بزاف راه كاين شكيلات زوينين
خديجة: ملاك خاصك تبقاي تخرجي معايا راه ختك زرقة فهادشي وشحال هادي مشريت معرفت شنو للي خارج دابا فالموضة والغالية حااااطني فراسها وليت كنخاف نختار شي حاجة
ملاك: شوفي الغالية دواها هو النخال متجاوبيها مووالو صافي خليها تقول شنو بغات دخليها من ودن وخرجيها من ودن نتي للي يهمك هو يوسف وأصلا كولها غتكون فدارها عطيها صوابها والتيقار
خديجة: داكشي للي دايرة حتى انا.. (بقاو كيجمعو الدار حتى صونات مهم للي بداو كيوجدو تماك للعرس، قطعو معاها) شنو ندير لعشا
ملاك: للي بانلك اختي (مشات تكات فالسداري طلقت شعرها يرتاح وكتدخل صباعها وتحسس فروة شعرها) ديري للي تشهيتي
خديجة: اممم بغيت بيتزا شفت كاينين فلفريݣو
ملاك: صافي واخا أنا نهبط نجيب من الحانوت فرماج زيديه عليهم باش تعلك مزيان..
اورطيغا: (كمل الخدمة ديالو من بعد منقاو الدنيا حيت الدري خدا إذن عندو شي غراض يعني هو للي غسل داكشي وسيق المحال.. مشا لاصال ترينا غير شي نص ساعة حيت عيا داز لدارهم دوش لبس حوايجو كلا ماكلتو كان شرا صلاد كبيرة، نص دجاجة مشوية مع الروز كلا غير بشوية عليه كمل ناض دار عصير تمر مع اللوز والݣرݣاع وزبيب زاد عليهم megamass وهبط عليه دقة وحدة، جمع الدنيا غسل الماعن للي تماك جمع زبل فميكة مابغاش يخليه تماك واخا حاس براسو عيا ومافيه ميصوݣ هز داك زبل لاحو ومشا شاد طريق للحومة للي نورمال موالف كينعس فدار مو ولكن مبقاش!! صونا عليه يوسف)
يوسف: فين اورطيغا!!
اورطيغا: فلفيليبين.. راك فالحومة؟!
يوسف: حنا فالاطلس انا وشريف و.. (جاوب شي دري كان معاهم وغادي فحاالو)
عبد الرزاق مشيت!! واخا تهلا خويا…
بقينا غير انا وشريف
اورطيغا: فين؟!
يوسف: ف**** (قطع وبقا مكمل مع شريف) حرت والله حتى تنقول تقادات بيناتهم تلقى الوالدة دارت شي حاجة
شريف: عطيها شوية دالوقت أهم حاجة مرتك موسعة خاطرها
يوسف: ايييه دايرة الخاطر ولكن هادشي غيرجع علية انا بالخاايب، بنادم غيبقى يصبر يصبر حتى يتفرݣع شي نهار على شي سبب بسييط وانا مباغيش المشاكيل
شريف: مكاينش شي حل هاد الساعة من غير تكبرو عقلكم ومنين غتزوجو غتبعدو شوية
يوسف: داكشي للي داير حتى انا.. (جابو لشريف شيشة ديالو بقا كيشيش ويهضرو حتى خلط اورطيغا) غبرتي هاد لعشية
شريف: فين اخويا متتسول موالو
اورطيغا: (جلس بعيااء) كانت عندي شي خدمة
شريف: وصلاتك الأمانة خدمتك كما ديما متقوونة (حرك لاخر راسو باه)
يوسف: حقا دوك للي كانو كاريين حداك باقيين؟! للي دخلنا عندهم داك نهار
اورطيغا: لا خرج من شحال هاديك الدار ديال الكرا بنهار قليل فين تتمرا شهر كاملة، بانلك تجي تكري هاد ليامات تماك
يوسف: ههه والله مكرهت
اورطيغا: محن امسكين
يوسف: ومكاينش عزارا تماك
اورطيغا: يمكن كاين شي طلبة فلبروميير علاش؟! زعما على ود لبنات؟!
يوسف: اه
اورطيغا: شحال وانا ساكن فداك الموبل كولشي داخل سوق ك** وكاين حتى بنات لفوق حداهم وبنات
يوسف: يعني كولشي طلبة
اورطيغا: لا لبنات للي حداهم وحدة يمكن فرملية سطاج، والتانية فرملية فالقشلة
يوسف: مزيان واش الدار مولاها واحد
اورطيغا: صراحة معرفتش يمكن كل واحد عندو برطمة وكاريها السمسار للي مكلف
يوسف: ديور رخاس تماك شوية؟!
اورطيغا: كاين شوية رخا اكترية لداخل للي مجايينش على الشاريع نتا كملتي كريدي ديالك؟!
يوسف: مزاااااال باقي (شاف فشريف) ونتا؟!
شريف: كانت بقات شي حاجة عطيتها كاش
اورطيغا: (غمزو) الناس دالكاش اخاي يوسف
يوسف: ههه من أين لك
اورطيغا: من أبي الغالي ههه
شريف: هههه وابييعني سعد غير تيحفر باغي يعرف واش كملت ولا مزال
اورطيغا: هه بيناتكم، مهم انا عيان باغي نمشي
يوسف: متعرضناش نمشيو نكملو معاك
اورطيغا: اش تكمل معايا عينك تمشي عند مرتك ودايرني قنطرة؟!
شريف: حتى انا نمشي نشوف مرتي المستقبلية
اورطيغا: تبت اخاااي شريف واش عارف شنو تتقول 10 دالليل هادي حسابلك دوك لبنات سايباات لليي.. للي كاريين تما… مهم هو هدا الله يعاون.. (خرج من تماك واخا كيعيطو ليه ركب فطموبيلتو وزاد فطريق معاجبوش الحال ولا كيدور فشريف وفيوسف على حسابها ولكن كيعصبووووووه، مع وقف بطموبيلتو فلباركينغ كتبان ليه فالحانوت… هز حواجبو بجوج عمرها شافها خارجة الحانوت ولا للحومة وفهاد الوقت!! وخرج منها بهدووء…)
اورطيغا: (بقا واقف حدا طموبيلتو كيشوفها كتختار شي حاجة من الثلاجة هزات ساشيات ديال الفرماج ولتر كوكا ودخلت كتجر فرجليها عينيه كيدورو كيشوف جوج طلبة كيتوشوشو ويشوفو فيها، بقا غير كيشوف من بعيد حدا طموبيلتو حتى تمات خارجة هازة بلاستيكية وكترد الصرف لبزطامها رجعت فخطوة وهي توقف كتشوف فدوك الجوج هازة راسها فيهم بقا غير بلاصتو كيشوفها شنو غتصنع دارت يدها على خصرها شي 3 الثواني هزت ديك الساشية على جهدها وهبطت على واحد لصدرو تما فين وصلو يديها هز حواجبو بجوج مصدوم حيت كانت كتبان هادئة وهوما واحد متكي على لاخر وكانو كيظحكو لاخر للي مجاتش فيه الضربة بغا يشدها رجعت شادة داك الساشية بغات تنزل على التاني مشا كيجري يفك)
ملاك: ياكما حسابلكم غتخلعووني والله منتفاااك معاكم اولاد الكلاب
اورطيغا: (وقف فوسطهم عاطيهم بظهر) سيري طلعي (هو يدفعو واحد فيهم)
ملاك: ههه حماار معرفتيش شكون دفعتي (بتلاتة شافو فيها) ياله تفاك دابا معاه نوريك كفاش انا طالبة كنضبر على راسي والله يا مكم حتى يݣزكركم هاد الليلة
اورطيغا: (حسابلو غتقولو بعد من صدااع وتخاف عليه تجرو مهم شي حركة.. ضار عند لاخر) كفاش بلانك نتا؟! (تجمعو ولاد الحومة)
….: (جاي مخضضضضر خاصو غا معامن) شي حاجة خاي اورطيغا
اورطيغا: (شاف فدوك الجوج للي بان فيهم خافو مابغاش يحݣرهم ولا يتحݣر عليهم وباين عليهم طلبة. الا بدا بواحد لوخرين خاصهم غير علاش ومغيتفاكو حتى يديرو فيهم شي جريمة)
سيرو بدلو سااعة بأخرى وترجلو شوية ماشي للي سخن عليه *** يمشي لشي طالبة يحݣرها هاد المرة خرجت سلامات المرة جاية!!!
ملاك؛ بزاااف عليه للي يحݣرني نحݣر ألف واحد بحالهم
اورطيغا: (ضار عندها) باقية هنا
ملاك: (خرجت عينها) نبدل المونادا راه تمخضات مبقا فيها ݣاز ونتوما للي غتخلصووها نتوما للي ضيعتوهالي
اورطيغا: (كيرمش عينو محرك راسو بلا حولة)
تحركو من هنا منعاودهاش مرة أخرى هاد الكوان مافيهش الحݣرة لبنات داكشي باش محݣرتكمش هاد المرة
(مشاو دوك الطلبة تفرقت الجوقة وهو مشا جيهتها)
علاش كدابزي مع الناس؟!
ملاك: راه هوما لل
اورطيغا: بشوية هضري انا حداك
ملاك: بفففف، انا كنت كنشري خرجت بقاو كيزمرو لواه الطالبات مكيشريوش هادشي وباينة الفلوس منين كيجيو وشوية قالولي شرينا حتى حنا باينة راك ضبرتي على راسك مزيان هاد نهار ننن..نننن.. وبغيتني نسكت ليهم؟!!!
اورطيغا: (لعب بلسانو فوسط فمو قالب وجهو متبع لدوك الطلبة فين ماشييين شاف فواحد عشيرو بإشارة بعينو فهمو شنو بغا، شد لبلاستيكة من عندها)
سيري طلعي انا جاي من موراك
ملاك: لا خاصني نطلع هادشي كتسناني خديجة
اورطيغا: (حل الساشية كيشوف باكية فرماج متزريلا مبشور ولوكوس ومونادا) انا نبدلك هادشي ونجيبو ليك
ملاك: انا نتسناك هنا
اورطيغا: (تخضر عليها) وا سيري طلعي ابنت العبد أنااا جاي من مورااك شحال متتسمعيش الهضرة (طلعت وهبطت فيه مخنزرة زايدة معصبااه وطلعت كتنݣر هو دخل الحانوت)
ملاك: خ** كداير وهو شغلو اصلا؟!! تفوووو… تفوو…
اورطيغا: (دخل الحانوت ديك المونادا عطاها لداك المخضر، وشرا وحدة أخرى وشي لعبات طلع دق عليهم حلاتلو خديجة حيت لوخرا تنفخاات ومرضااتش يغوت عليها مد ليها الساشي) فين ديك شنيولة
خديجة: ههه لداخل كتوجد لعشا
اورطيغا: (حرك راسو باه حتى كان بغا يمشي ورجع مكمش عينيه بفضول) شنو تطيب؟!!
خديجة: ههه بيتزا
اورطيغا: اممم نمشي نجيب ليك عشاك اختي واقلة غتباتي هاكا
خديجة: هههه
اورطيغا: (متبسم) بالصحة والراحة ختي (تم هابط وهي سدت لباب كظحك دخلت عندها للكوزينة للي رجعت دغيا كانت كتصنت عليهم)
خديجة: يا ختي ضريف علاش كتقولي عليه قبيح
ملاك: شنو بغا؟! (شدت الساشي تبسمت فيها 2 ميلكا 2 سنيكرز وباكية فيريرو هزتهم وعطات لختها تقدية لوخرا)
خديجة: هو للي جابهم؟!
ملاك: ديالي، انا للي خلصتهم (خرجت من الكوزينة كتفرنس) ولكن علاش مضربش دوك الجوج تأ راه هاكا كتكون الغيرة خاصو يشنظلهم ويكون الدم ونقولو لاااا ونخافي عليه.. اودي مكاينش معامن، وااقلة غير أنا للي كنحلم مكاين لا غيرة لا صطا حمص…
(شعلت التلفازة ودارت موسيقى كتبت بلهدا.. خودني غير بلحيلة بلهداا
بقات كتاكل الشكلاط وتبسم غير كتجي خديجة كتجمعها)
خديجة: غدا خاص نمشي لطبيبة
ملاك: صافي مزيان انا خديتلك رونديڤو صباح ومنين نكون ماشية للخدمة تمشي معايا نتي دخليلها وانا ندخل للخدمة كملي واجي عندي
خديجة: والتحاليل؟!
ملاك: لابوراطوار تحتها غير تكملي هبطي ديري التحاليل واجي عندي أغلبية 12 غنكون مسالية ومنها نطلع لفاك نجيب شي بوليكوبات
خديجة: متقوليهاش ليوسف
ملاك: وعلاش نقولهالو؟!
خديجة: مبغيتوش يعرف يااا ربي متكونش فية شي حاجة خاايبة
ملاك: متخافيش ان شاء الله مايكون غير الخير.. (بقاو كيتسناو مدة حتى وجدو لبيتزات حطات خديجة كل وحدة ديالها وكيسان بقاو كياكلو وهو لباب يتدق خديجة ديجا علمها يوسف راه جاي) واش يوسف؟!
خديجة: اه ديري شالك (مسحت يدها ودارت شالها كانت ديجا لابسة كيطمة واسعة جلست كتاكل حتى دخل تسالمو بالوجه) اهلين وساهلييين
ملاك: حماااتك بتحبك
يوسف: (تبسم) بالصحة والراحة
ملاك: (تبسمت معاه جلس عيات خديجة معاه ياكل خدا غير طريف صغيير حيت كان ياله معشي لاحظ ان خديجة مقالت ليه لا بغيت تجيبلي عشا لا علاش مجبتيليش ماشي بحال لوخرا كان خاصها غير امتى تفتخو.. بقاو مجمعين) انا نطلع لسطح
يوسف: لبرد عليك
ملاك: لا لا بلعكس الجو زوين (هزت كاب وداك الشكلاط وللي بقا من الموناضة وطلعت لسطح مخلياهم على خاطرهم بقات كتشووف الدنيا خاوية شوية صونا تيليفونها كانت بريڤي عارفة شكون غيكوون)
سير تخ** نتا عاود (بقا كيبرد الحال وهي كتكمش وفنفس الوقت مابغاتش تهبط غير باش تخليهم على خاطرهم طلت كتشوف فطموبيل ديال اورطيغا مبانلها غير تقلب على حجرات صغار ضرب بيهم ولكن الا عرفها هي جمعت يدها ضورت عينها فسطح وزفرت) وكان غير يطلع لسطح زعما ميحسش بية طلعت ويطلع خاصني ندير شي قانون جدب ولا جذب ولا شنووو كيقولو ليه…
اورطيغا: (بقا فالدار غير كيدوور مكاين ميدار باغي ينعس ولكن مقادرش، شعل ضواو كاملين كيشوف فالدار هي زوينة مصلوحة ولكن ما فيها واالو معرفش واش يفرشها ولا لا حيت عارف راسو مغيجلسش فيها ديما، وفنفس الوقت محدو فيها خاص يكون شوية ديال لفراش ها هو دابا بغا يرتاح ولا يتفرج كرسي ما فيهاش خاص تلفازة ضرووري، وحتى الكوزينة ممجهزاش بداكشي للي كيبغي باش يطيب بحال دار مو للي فالسعادة شاري فيها كل مكيحتاج فالطبخ.. بقا كيخمم جبد ݣارو كيكمي فالدار ويدور فيها طل من البالكو كتبان ليه طموبيل ديال يوسف كاينة اذا هو هنا قندش كيدور عينيه!! صونا عليه مجاوبوش حط التيليفون مموالفش كيتلسق على بنادم ولكن بغا يشوفها.. تفكر بلان دوك الطلبة للي صيفط للي يعطيهم جوج سقلات ولكن بعيد على بنادم باش يحرمو يدورو بشي طالبة او بالخصوص يدورو بيها..
رجع البالكو كيطل قنط واخا نهار كامل مع الناس رجع تيليفونو صونا كان يوسف جاوبو)
فين
يوسف: انا لفوق واش نتا فدارك
اورطيغا: اممم
يوسف: انا شوية ونطلع عندك لسطح نكملو هضرتنا على قبيلة حيت بالي معجبكش الحال
اورطيغا: لاا مكاين والو
يوسف: صافي انا منين نكون طالع نصوني عليك (قالتلو خديجة ملاك تماك حرك راسو باه غيعلمها تهبط وعاد هوما يطلعو) ياله تهلا
اورطيغا: (قطع مباشرة مشا لبس جاكيط ديالو بغا يطلع وهو يحبس كيتسائل شنو كيدير!!! وعلاش غيطلع منين عارفها تماك وبوحدها!!!
رجع البالكو واقف وكيشغل تفكيرو بمطاارق اخرين عندو فالراس باش ميطلعش شتا بدات كطييح باينة غتهرب من سطح.. حتى صونا عليه يوسف)
فين
يوسف: اجي طلع عندي شتا بدات تطيح برا
اورطيغا: هبط نتا خلي لبنات ياخدو راحتهم
يوسف: هوما للي قالولي يطلع متبقاش بووحدك طلع طلع عندنا
اورطيغا: (بقا ساكت) واخ (طلع عندهم حلو لباب هو جلسو كيسمعو صوت الرعد مجهد وهي تخرج ملاك من لبيت كدور عينها بحال مجري عليها شي واحد)
ملاك: (مكانتش بغات تخرج واخا باغية تشوفو ولكن صوت الرعد خلاها تهرب واكترية كتخاف منو) نااري سمعتو؟!
يوسف: ههه بسم الله عليك
ملاك: الرعد، (شافت فاورطيغا للي كيدير فيها دوك الشوفات مكتقدرش تقاومهم اكترية فاش كيطول الشوفة فيها) حم فينها خديجة؟!
يوسف: فالكوزيينة (مشات عندها ضارت لقاتو مزال متبع ليها العين كانت فدخل فالحيط غير ردات البال…
ضار عندو) قبيلة تقلقتي من شريف؟! منين جبد حس..
اورطيغا: ماشي بلاصة هاد الهضرة
يوسف: هو كان غير تيظحك نتا عارفو معينوش فشي زواج دابا راه ياله تيتوݣض من داكشي للي وقعلو
اورطيغا: انا متقلقت موالو غير جابتها الهضرة وانا كنت ديجا معصب وصافي جا فطريق وصافي، مهم ياله نهبطو عندي للدار خلي لبنات ياخدو راحتهم
يوسف: زعما نكونو صدعناهم راه حنا دابا كولنا عائلة وحدة
اورطيغا: وااا شحال الساعة، بنادم باغي يرتاح يجلسو على خاطرهم مجااتش جوج عزارة يجلسو معاهم فهاد الوقت بالظبط فهمتي يبغيوك غير يطلقو شعورهم يلبسو بيجامات على خاطرهم
يوسف: عندك الصح.. (وقفو) خدييجة (خرجو لبنات) ياله تصبحو على خير انا غنمشي
اورطيغا: تصبحو على خير
خديجة: تصبح على خير اخويا (مشات عند يوسف باش توادع معاه)
يوسف: حتى لغدا نجي بكري شوية باش نمشيو اورطيغا عارضنا على شي طنجية
اورطيغا: اهاااه مرحباااا
يوسف: نمشيو لداري (غمز خديجة) دارنا
اورطيغا: اهااه (شاف فملاك للي غير كتصنت للرعد وباينة مخلوعة) مالكي البنت؟!
ملاك: واالو
اورطيغا: سيري قراي شوية ديال الدعاء وتكمشي فبلاصتك
ملاك: (غير كتشوف فيه هي عارفة الدعاء ولكن راه فوبيا)
اورطيغا: اجي نقرا عليك شوية باش يزول الخوف
ملاك: ها هاها
اورطيغا: (حرك راسو بلا حولة وهبط عاد تبعو يوسف للي جلس معاه شي 10 دقايق ومشا فحاالو..)
ادم: (كيخمم هو وباه وكان حتى سعد معاهم فالجلسة للي دايرين) اخر واحد وقع بينك وبين شي حاجة
اب ليلى: اولدي راه قلت ليك معندي عداوة حتى مع شي واحد
سعد: كنتي قلتيلي داك الشمكار ديال اورطيغا تيدور بنتك
اب ليلى: (تفكر هو للي عطاه سلخة ولكن ميمكنش هو!! ميمكنش تكون عندو هاد الجرأة ويدير هادشي!! مبيناش فيه نهائيا داكشي باش عقلو متقبلهاش) ميقدرش
ادم: مع ليلى!! (شاف فسعد) خوك زعما؟!
سعد: ماشي خويا هدااك غير ولد مرات الواليد ولا لقاوه مهم معندوو أصل
ادم: (شاف فباه بكل هدووووء) مالو؟!
اب ليلى: ماشي هو وأصلا داك نهار فلت من الموت غير بشوية
ادم: (كيعاود هضرتو بحال كيفكر) فلت من الموت؟! علاش شنو وقع؟!
اب ليلى: تبسل على ختك وكلاها فصحتو
ادم: (شاف فسعد) زعما يديرها؟!
سعد: هو اصلا شمكار ولكن باك قال مشافوش داك نهار فالمطار وبالصح خوااف ميقدرش
ادم: كفاش ضربتيه حتى الموت؟!
اب ليلى: خلينا من هاد الهضرة دابا شنو دار المحامي انا ممستاعدش ندخل الحبس على شي حاجة مديرهااش
ادم: والوراق للي غيمشيو ليك؟!
اب ليلى: يمشيو مهم الحبس مندخلووش انا عندي رزقي هنا نعيش بيه مخير الحمد لله
ادم: (هاااادئ) الا كان هدا قرارك صافي ولكن خاص تناقش مع ماما اما حتى ليلى تنظن غتبغي ترجع
اب ليلى: غدا وغنهضر معاهم ونتا؟!!
ادم: انا نشوف مع الخدمة عطاوني 6 شهور نجرب هنا، وانا من بعد غنشوف شنو يسلكني… غير هو الا كنتو غتجلسو معناتها حتى ليلى خاصها تجلس
اب ليلى: يكون خير…
~~~~~~~~~~~~~
ملاك: (فخدمتها كتفكر غير فاورطيغا واش غتكون شي حاجة بيناتهم ولكن مبادئها والشروط والمواصفات للي كانت باغية!!! وعاد يمكن هادشي كتحسو غير هي راه شافت فينما كان شي جنس لطيف كيتعامل معاه مزيان وحتى غيثة كيتعامل معاها مزيان تلفاات يمكن غير كيتهيئ ليها واخا هي حاسة بيه باغي يهضر معاها وعاد كاين اهتمام.. كملت الخدمة وخرجت كتصدم فللي واقف فلباب)
شنو كدير نتا هنا؟!!
حمزة: شنو كان خاص ندير من شحال هادي (شدها من ذراعها وتنترت) خاص نهضرو املاك ومديرة النقط على الحرووف
ملاك: فاش غنهضرو؟!
حمزة: نتي عارفة فاش؟!
ملاك: معرفتش فكرني
حمزة: فينا انا وياك
ملاك: شنو بيناتنا انا وياك اخويا؟!
حمزة: انا ماشي خوك
ملاك: اه نتا غير ولد الجيران (بغات تدوز ووقف عليها) بعد من طريقي احمزة
حمزة: لا
ملاك: سير فحاالك هادي راه بلاصة خدمتي ماشي بلاصة تفليا وتخربيق ديالك انا كنشوف هاد الوقفة غير تبرهيش منك
حمزة: (كيحاول يترجاها بعينيه وهي مكتشوفش فيه) ملاك عفاااك
ملاك: واحاااايد الخ** (مشات من الجنب ووقفات فطريق كتسنى تاكسي جا يشدها وهي دفعو) واش حمار!! شكون نتا باش كل مرة باغي تشدني؟!!!!
ملاك: واش حمار شكون نتا باش كل مره تشدني؟!!!!
(وقفت تاكسي لشي وحدة ومشات بجرا ركبت فيها) سير اخويا عفاك (جاية لمرا كتحيح حيت دات ليها التاكسي) سير انا نخلصك بالضوبل غير سير (مشا التاكسي وضارت كتشوف حمزة ركب فموطور غووبشت منين شافتو تاابعها ضارت مربعة يدها) اش بغا هاد ولد ****. عاود (بقات كتشوف فطريق وهي تفكر تمشي لافاك تماك اكره حاجة الطلبة يعرفوها هو بوليسي باغي يهضر بالزز مع طالبة غيدورووه ويقتلووه عصا ولكن مابغاتش تضيعوو ماشي حبا فيه ولكن ماشي شريرة لهاد الدرجة وصل للحومة) صافي غير هنا خويا (شافت فلكونتور جاتها 6 دراهم مدات ليه 20 درهم وخرجت اما هو كان متوقع شي مبلغ منين قالتلو الضووبل، ركبو طلبة من تماك حيت كاين الروااج قبل متوصل الحانوت للي تحت الدار وقف حمزة بالموطور بقات واقفة مابغاتش تدخل للدار باش ميعرفهاش فين ساكنة بقات واقفة معصبة وهو جاي عندها ممفاكش) شنو شنو؟!!
حمزة: شنو جاية كديري هنا
ملاك: شغل مك؟!
حمزة: هضري باداااب
ملاك: نتا للي غتوريني الاداااب، حمزة الحد الان مزال شادة فراسي سير بعدني وفرفني عليييك، سير فحااالك
حمزة: لا
ملاك: لواااا كفاش هاد لا عاااود!!! واش بالسيف صافي ظحكت ليك مرة غضسر!!! الا جابلك بالك بغيت نكون معك راك غير غاالط اولدي اااخر واحد نفكر فيه هو نتا
حمزة: مغنتيق حتى كلمة خارجة من فمك حيت عارفك معصبة وعارفك كتبغيني
ملاك: (معصبة) ممعصباش والله احمزة ممعصبة شوف والله مكنتعني لي حتى حاجة بلعكس هاد الوقفة غير ضيااعت وقتي وزايدون غير كظيعلي بريستيجي قدام الناس
حمزة: عارفك كتبغيني وعارفك جيتي هنا هاربة مني وعااذرك ولكن علاش نبقاو هربانين والحل فيدنا
ملاك: (طلعت وهبطت فيه) سير فحاالك راك غير كتزيد تصغر راسك وتزيد تصعرني
حمزة: مغنتفاكش معاك املاك
ملاك: وا سير ت*** (مشات الموبل للي حداهم وطلعت كتسب وهو متبعهاش هز غير راسو كيشوف فين جات وعندمن؟!! مفهماش هاد الوقاااحة وجهة اخرى خافت اورطيغا يشوفها معاه.. خرجت عينها تفكرت ختها للي دارت تجي عندها عند طبيبة للي تماك عاود هبطت من درووج مكرهة طلت براسها واش باقي المطور كان مزال تمااك زادت طلت هو مكاينش فين خلاتو واقف خرجت مسلتة زااربة ماشية مع قافلة الطلبة للي خارجين مع 12 تيليفونها كيصوني كانت خديجة جاوبت وفضلت تمشي بين درووب باش متلقاش بيه)
فينك نتي؟! واش كملتي؟!…
لا انا مزال..
(ياله جات تهضر وهو يطير ليها واحد التيليفون ضارت كتشووف حسابلها حمزة حتى كتشوفو واحد كولو مضروب لابس كسكيطة جنب شنايفو بوويض واخا ضعييف ولكن غير ديك الضربة للي فحنكو ورقبتو خلاتها كترعد عينيه مشقلبين..)
عفاك عطيني نكمل الهضرة مع ختي
….: باقي ازوينة تعطيني شي حاجة اخرى (طرطق بونقشة باليد التانية)
ملاك: بلعمااااا خويا هانتا شوف مع دوك الطلبة راه ياله شدو لابورس فيكون عندهم (زيرت على صاكها مع دار ديمارات رجليها خرجت من داك الدرب كتجري مع وصلت لجهة الطلبة ضارت ملقاتوش شدت فقلبها) الله يعطيك موصييبا يا ولد **** حتى نتا
ويلي مشالي تيليفوني.. والله الا تݣريسييت (جاتها لبكية) حݣرني ولد لحراام حݣرني.. مشالي تيليفووني (تمات رااجعة وقلبها غيسكت بالخلعة والفقسة والشمتة تفكرت اورطيغا، وصلت مكانش الموطور ديال حمزة تمات طاالعة للدار كترجف موقف خااايب تݣريسااا غير الخلعة كتبغي تسخف وتسكت القلب موصلت للدار حتى تسالات حلات لباب سداتو ومشات لبيتها كتزرب تكات فالنموسية مكمشة مخلوعة عندها فوبيا من الشمكاارة كتخيل غير وكان حنكها ولا دار ليها شي حاجة خايبة لوجهها!!)
رشيد: (جالس فالقهوة حتى وقف عليه عمر هاز تربية فيدو بقا غير كيشوف فيه) شنو جابك عندنا؟!
عمر: (رافع صوتو) ياك بنتك للي طلقتني حيت أنا مكنولدش.. (هز ديك تربية) دابا شكون للي فينا عاݣر ومعيووب؟!!!
رشيد: (خرج عينو مصدووم جا خووه ودراري للي خدامين تماك كيخرجو عمر للي كيغوت، شاف الناس للي كتشوف فيه زاد عقدهم وخرج عندو لقاه وااقف مع شي مرا تكون مرتو ومو مشا قاااصدو جبدو من الكول ديالو)
انا تجي البرهوش ديرلي الشوهة فخدمتي
عمر: طلق مني اسي رشيد نتوما للي خرجتوني على طوعي وبقيتو تهبطو من قيمتي رجعت سيرتي على فم ݣاع الناس ها العاقر ها للي مكيولدش ودابا شكون للي عاقر!!!
رشيد: (رجع كيمخض فيه والناس كيفاكو) ومزال سيرتك ترجع كحلة الا مبعدتيش من هنا، احمد عيط البوليس
عمر: شنو غيديرو هاد البوليس رااه بنتك طلقتني حيت أنا مكنولدش راه أنا للي ندعيها حيت تاهمااتني وطيحت برجوولتي
رشيد: اشمن رجولة عندك اشمااتة للي كتهضر عليها هي ماشي حتى محسوبة عليك!! لوكان بنتي هضرت من شحال هادي مكنتش نخليها ليييك يا شمااتة كانت صابرة على جوووعك وقهرك ودابا كتحل فمك على سيااادك!!
طلق ابني طلق خرجتوا على حياتو وبغيتو تكملو عليه
رشيد: (مزال شانق عليه) مكنهضرش مع لعياالات واخا هدا للي شاد معرفتو ولية ولا ذكر جاي تحل فمك على رجاال انا نورييك
عمر: انا غير بغيت بنتك تعرف انني رااجل وهي المعيووبة
رشيد: (دخل خوه ودراري مبعدين عمر للي وكان شدو رشيد يقتلو) هادي هي الرجلة عندك اشمااتة
اخ رشيد: اش باغي من السيدة لبنت تزوجات من شحال هادي ونتا مزال كدور عليها ماشي خدمة هادي اسيمحمد
عمر: (يعني كلامها طلع بالصح، تزوجت!!!! بقا غير ساكت ومو كترغب يطلقو ولدها حيت شافتهم كيعيطو البوليس ومرتو كتغوت عليهم وكتحذرهم من اللول هاد المجية لهنا معندها حتى شي مبرر تجمعت الجوقة وجاو البوليس الماطرية الناس كدخل ورشيد حلف لا سمح حتى جات بارتنير هزت عمر ومو كترغب طلب وتبكي وفالتالي قصدت زهرة ترغبها اما رشيييد تابعهم الكوميساريا ومعصب بزااف…)
~~~~~~~~~~~~~
ادم: (خرج هو وختو يتغدااو) شنو غديري دابا؟!
ليلى: غنبقى مع بابا وماما
ادم: (طلعو هادئ حتى فالهضرة كيهضر بشوية وبكل هدووووء) كنت تنعرفك تتكرهي تجلسي فالمغرب كتر من سيمااانة
ليلى: اممم دابا بابا فأزمة منقدرش نمشي ونخلييه واخا هاكاك عاجبني الجو هنا
ادم: قوليلي شنو مشكلتو مع داك للي سميتو اورطيغا
ليلى: (بقات صااقرة شحاال) علاش شنو قالك بابا؟!!
ادم: بغيت نسمع من عندك نتي
ليلى: اناااا سباب، درت بيناتهم مشكل على والو تخاصمت معاه فشي حاجة وكذبت وبابا جاب شي رجال وبقاو تيضربو فيه بزااف وهو مدااير والو
ادم: (مبررررررد وهو كيسمع)
ليلى: هادشي للي وقع، صافي
ادم: (جلس يجدية ومزال فنبرة صوتو) ليلى ففرنسا كانو عاطيينك حرية ديري لي بغيتي تلبسي للي بغيتي ومكمتش تندخل (تبسم) مكنتش تتخليوني ندخل، ولكن هنا غندخل
ليلى: مفهمتش
ادم: من دابا غتبقاي تفكري قبل مديري اي حاجة نساااي داك التفتح ديال فرنسا هنا المغرب ما فيهش داكشي ديال هدا صاحبي هدا حبيبي.. من دابا اختي الحبيبة عيني غتكون عليك فالداخلة والخارجة فهمتيني ؟!!!
وفاء: (دخلت كتهضر فالتيليفون وظحك مشات لبيتها قطعت وحطات تيليفونها بدلت حوايجها مشات للكوزينة دارت كابتشينو يتعصر وهي كتقاد سندويتش طوست مع فرماج وداند فيمي وكدندن.. دارت كولشي فبلاطو وخرجت كيبان ليها بييت ملاك محلول)
ملاااك!!! خديييجة!!
(مشات طلات لقات ملاك تحت لفراش ومغطية حتى راسها حطت لبلاطو ورجهت سدت السرجم عليها ولباب وخرجت كتاكل، وشعلت التلفازة ناقصة الصوت رجعت شمت نفس الريحة للي فدروج وعاطية من ليطاج اللول)
فشكل هاد الريحة للي ولات تتعطي مرة مرة!!!
(ناضت خدمت معطر الجو للي كيتطلق ريحتو كل 10 دقايق جابت كاشة وبقات كتفرج حتى داتها عينها ونعست)
ملاك: (ناضت مفزووعة بقا فيها تيليفونها بزاااااف واخا مكانش شي حاجة الا كان عاجبها ومربية عليه الكبدة شراتو من أول خلصة ليها ومحااافضة عليه، خرجت لقات وفاء ناعسة فوسط الدار وختها مزال مجات خاافت عليها واكترية خارجة بلا علم يوسف لطبيبة شافت فالساعة كانت 2 ونص مشات لبيت وفاء للي فيه لبالكون طلت مكيناش طموبيل ديال اورطيغا كانت مصممة تشكي عليه ربما يعرفو راه حومتو!!! ولا حتى ديال يوسف مشات كتفيق فوفاء)
وفاااء وفاااء!!!
عطيني اختي تيليفونك نصوني على خديجة
وفاء: (مضهشرة) اه اه (دارت الكود) شنو وااقع!
ملاك: (اصلا محفضااش نمرة ختها حيت جديدة عارفة غير نمرة باها ومها.. دوزت نمرة ديال مها والو مكتجاوبش) بففف
وفاء: (جلسات) مالكي شنو واقع
ملاك: (جلست) تݣريسيت قبيلة
وفاء: اويلي ياكما وقعات ليك شي حاجة وفيييين؟!!
ملاك: خدالي تيليفوني ولد لحراام
وفاء: فين؟!
ملاك: غير هنا فالحومة, غير هنا, قبل العمارات بغيت نمشي زعما فدرووبة هاربة من واحد زبل كان تابعني ساعة طحت فماكفس تفقست تفقست تفقست…
وفاء؛ والحمد لله جات على تيليفون ومجاتش فيك شي ضربة خايبة
ملاك: (عضت على شنايفها بألم حتى شافو الباب كيتحل دخلت خديجة شافتهم بجووج ورجعت خبرت يوسف ان ختها كاينة)
يوسف: (وخا علماتو كاينة حتى وفاء، دخل) شنو وقع ليك وشكون هداك للي خدا ليك التيليفون
خديجة: (معجبهاش منين دخل ولوخرا جالسة ومغطية يعني غتكون لابسة لباس نعاس ومزير) شنو وقع املاك منين صونيت عليك وكنت فالدار جاوبني داك الكيدار ملقيت غير لبست وخرجت كنقلب عليك حتى صونيت على يووسف جا عندي للاطلس بلاصة خدمتك واش شي شمكار؟
ملاك: امم ااه خدالي تيليفوني
يوسف: مدار ليك والو بعدا!
ملاك: لا ولكن خدالي تيليفوني
يوسف: فين كنتي
ملاك: هنا فالحومة
خديجة: امم يوسف السيدة بغات تدخل لبيتها
يوسف: باغدوون ختي وفاء (خرج ووفاء فهمت ودخلت وبالصح كانت لابسة كولون مطرطق مع تريكو مزير تبعاتو خديجة) منتابهتش
خديجة؛ عفاك ايوسف تبقا تنتاابه لهاد شي مجااتش تأ… (دخلت مكرها بقا غير كيشووف)
يوسف: (كيهضر بشوية ) انا غير تخلعت على ملاك اخديجة
خديجة: ݣاع تخلعنا ايوسف على ملاك ولكن حشوومة السيدة تكون ملبساش ونتا داخل واخا علمتك!!! عفاك متبقاش تعاود بحال هاد الاغلاط مكيعجبنيش هادشي!!
(دخلات مخلياه غير كيشوف عطاتو درس نييت صونا على اورطيغا قطع عليه يمكن كان مشغوول بقا غير وااقف حتى خرجت ملاك عندو)
ملاك: ههه صبناتك؟!
يوسف: ههه خلعاتني ختك تتسيف تيحسابلي متتقلقش
ملاك: علاش الفاهيم كاين شي واحد مكيتقلقش
يوسف: كيف طرالط نتي؟!
ملاك: رجعت من الخدمة على رجلي كنت بغيت نتمشى صافي كانت الدنيا عامرة بالطلبة قلت نمشي بين دروب وهو يجي عندي هاد الشمكار منين كنت كنهضر فالتيليفون وخداه
يوسف: اممم الحمد لله بعدا جات على تيليفون
ملاك: خلعني بزاااف
يوسف: تبغي تمشي ديكلاري
ملاك: لا لامحدي ساكنة هنا نبعد من شي مشاكل نمشي نديكلاري ويتشد ݣاع يحرش علية غير شي صاحبو لا لا صافي دا البلا ان شاء الله
يوسف: نهار اللول قلت ليك هاد البلاصة قبيحة شوية
ملاك: (زفرت كتفكر فاورطيغا) معليش
يوسف: وشنو مزال باغية تبقاي هنا؟!
خديجة: (خرجت عندهم) صافي دخلو
ملاك: (دخلو كانت وفاء دخلت لبيتها تكمل نعاسها ومنها احتارمت راجل خديجة وتبقى بعيدة)
يوسف: صافي رجعي لوطيل حسن ليك
ملاك: زعما الا رجعت لوطيل عمرني نتݣريسا؟! صافي كتابت هنا علية وصافي
خديجة: معليش اختي تفوت غير الصحة
ملاك: داكشي نيت، انا فية الجوع
يوسف: تخرجو تغداو؟!!
ملاك: لا لا مافياااش مباغياش نخرج غير خرجو نتوما ياك اصلا دايرين نخرجو بالليل باش نتجمعو فداركم وووو غيجيييي باش زعما الطنجية؟؟
يوسف: اه اه اورطيغا ضرووري، انا نمشي نجيب ليكم شي حاجة تاكلوها
خديجة: بلاش عليك حنا نديبانيو كولشي كاين وحتى تقدية للي كنتي جبتي باقية
يوسف: مقلقة اخديجة؟!
خديجة: لا
ملاك: انا ندخل لبيت نتكى، خويا يوسف مطولش باش تعتقنا خديجة راه المعدة خاوية
يوسف: ههه واخا لمك تطرديني (مشات كظحك غير كتفكر تيليفونها لعزيز كيزير عليها قلبها وفبالها واش اورطيغا يجيب ليها حقها من هاد الشمكار؟!!)
يوسف: متقلقيش مني انا ملاك ختي وغير سمعت وقع ليها هاكا خفت عليها
خديجة: عارفة والله غير انا.. معرفتش شنو نقولك ولكن مغنتصنعش عليك ايوسف نتا عارفني كيف كابرة جاتني عيب شوية وصاافي
يوسف: تنواعدك غنبقى نرد لبال
خديجة: (تبسمت) عارفة احبيبي (ودعاتو ناض خرج يرجع لخدمتو وهي دخلت الكوزينة قدات شي حاجة خفيفة للي تجمعو عليها ب3 وملاك كتعاود شنو وقع ليها بالتفصيل بدون ذكر حمزة…)
زهرة: (معاجبهاش الحال وضارت فيهم خايفة من صدااع واكترية خايفة على بنتها من لكلام) لا حول ولا قوه الا بالله العلي العظيم ياك تفارقو وتفارقت معاكم لاش مزاال تابعيينها ولدك تزوج وولدك الله يهنيييه وبنتي تزوجت ودارت داارها لاش هاد تبهليل الخاوي للي درتو واش بغيتو حتى طيح الروح عاد تهنااو؟!
ام عمر: (بلكنة شمالية) ها العار ها العار خلي راجلك يسامح لولدي هو ماشي ديال الحباسات غير الحرقة للي هضرااتو
زهرة: اشمن حرقة الله يهديكم!!! راه الا سمحلو هاد المرة غيعاودها ويا خوفنا يطيح مع راجلها للي تقدر طيح فيها رووح.. بعدو بنتي عليكم ها حجر العافية الا مبعدووها وفرقووها… ياك خلات ليكم كولشي سليب هو التالي متبعهاش منكم سمحات فكوولشي وبغات غير ترتاح وتعيش هااانية
ام عمر: هو مرضاش حيت كذبت عليه
زهرة: مكذبتش حيت هي دارت تحاليل وعندها مزيانين وهو مكانش بغا يديرهم
ام عمر: اوا ها ولدو
زهرة: الله يربح الالة مهم مع بنتي مكانش قاد يدير شي حاجة وبلا مندخلو فالتفاصيل بنتي مكتكذبش علية وضيعت 10 سنين صابرة على هبالك وهبال ولدك وبناتك
ام عمر: شنو زعما كنت ساحرالو عليها
زهرة: هااااااااه كنت شاكة ودابا تأكدت (وقفت) انا غنهضر مع راجلي يسمح (شيرت ليهم لباب) ماشي من عوايدي ولكن.. الله يعاونكم
ام عمر: (شافت فمرت ولدها وفنفس الوقت بنت ختها) ياله ابنتي نمشيو
زهرة: انا مفهمتش علاش جارين هاد البنت مسكينة وولدها وجايين تابعين بنتي… الله يهديكم وصافي وحايدوو بنتي من عقلكم، ولدكم بنا حياتو وحتى بنتي بنات حياتها ديروها عمركم عرفتووها ديروها ميتة مكيناااش
(تمو خارجين وهي تابعاهم للباب والفقسة كتهضرها، حتى كتصادف مع اب حمزة لي مدة كبييييييييرة مشافتو)
اب حمزة: (قلييييييل فين شافها معروفة مرت رشيد زوينة ورزييينة وحاجبة، ومن معاودت مرتو ومن للي شافها بالصدفة بقا كيشوف فيها وهي خنزرت فيه وزدحت لباب عليه حتى تهز بقا غير وااقف هو من القلائل للي كيعرف ماضيييها، دخل لدارو هاااااادئ)
اب حمزة: شنو هاد الغوات للي كان فدار ايت ملال
نجية: (كانت طالقة سطولاتها كتصنت) ماشي داك للي كان مزوج بنتهم خديجة داك الشمالي، جا دار الشوهة فالقهوة ولكن باها صيفطو فين يتربا
اب حمزة: رشيد؟!
نجية: اييه
اب حمزة: وشنو دارلو
نجية: يعطيه الذل جالس كيغوت وكيقول للناس انا كنولد وبنتكم للي عاݣرة وشي هضرة ديال العيالات بااااز لخديجة مسيكينة الي كانت صابرة عليه وعلى تريكتو
اب حمزة: كنت جاي وسمعت مرتو حتى هي كتغوت ويمكن طردتهم
نجية: انا نمشي نطل عليها
اب حمزة: اجي، فين حمزة مجاش؟!
نجية؛ لا
اب حمزة: وفين أميمة
نجية: مزال مجات من عند مها، انا نمشي عند زهرة قبل ميجي راجلها….
اب حمزة: مموالفينش نسمعو حسها
نجية: اوا الفقسة كتهضر خليني نطل عليها ونجي…
حمزة: (كان معمر 3 ايام ومع روبويات للي عندو هي 6 أيام قرر يجلسها فاس حتى يصلحها مع ملاك فراسو بلان غير تقبل يطلق مرتو وتبقى عايشة مع عمها للي هو باه وهو وملاك يتزوجو ويبقاو بعاد على ميتولد بنتو ولا ولدو ويخير أميمة تبقى يصرف على ولدو وهو يعيش مع ملاك حياتو ولا تمشي ويصرف.. هدا القرار للي خدا وحلف حتى يطبقو.. بقا كيشوف فين يكري قبل كان كاري فالكرامة منين كان كيقرا ولكن بغا يعرف هي شنو كانت كدير فالليدو؟! واش عندها شي واحد تماك حيت عارف كل عائلتها باها اغلبيتهم يا فصفرو يا فالعروبية ولا بعااد ومها اصلا معندها عائلة خاص دابا يعرف لوطيل فين جالسة ومن تماك غيعرف كولشي…
قرر يكري فالحومة قلب على دار مفرشة لكرا مشا عند السمسار)
بغيتها مفرشة
كاينة وحدة هنا كتكرا الليلة
حمزة: صافي مزيان باغيها ولكن معرفتش المدة يمكن شي 6 أيام يمكن قل
…: ولكن ب500 درهم الليلة!!
حمزة: ماشي مشكل الثمن (معندوش مشكل مادي حيت قبل ميكون بوليسي لباس عليه) صافي واخا مزياانة ياك نقية بعدا!!
سمسار: كون هاني حتى الموبل للي فيها الدار مكالمي تماك تبغي تمشي تشوفها دابا!!
حمزة: اهااه (مشا معاه لقاه دخل الموبل للي حدا الموبل فيه ملاك جاتو مزياانة غيكون قريب الا كان فين كتجي ملاك، وصلو ليطاج التاني دخلو للدار التانية كيوريه.. وحتى الموقع كان زوين دخل كيشوفها كان فراش زوين) صافي مزيانة
السمسار: ياله معايا المكتب عطيني كارت ناسيونال وتسني على شي وريقات
حمزة: صافي واخا ولكن انا حتى لغدا عاد نجي
السمسار: مرحبا خويا نتا عارف المحال
حمزة: صافي غير متكريهاش لشي واحد (جبد 200 درهم) ها العربون وغدا ونكمل ليك كما قلت ممتأكدش بزاف شحال نجلس
السمسار: مرحبا خويا… (هبطو مع درووج وكولها مشا فحالو)
~~~~~~~~~~~
يوسف: (رجع لخدمتو صونا على اورطيغا والو مكيجاوبش صونا على شريف حتى هو كان غاااارق حيت اليوم كتكون ذبيحة كتيرة واورطيغا كيكون خدام حتى هو مع الݣزارة وواقف عليهم.. قطع وهي تصوني بريڤي جاوب)
وي
(لا رد)
الووو..
…: يوسف
يوسف: (بقا ساكت شحاال بملامح جامدين عاد هضر)
وي شكون معايا؟!
…: معرفتينيش زعما
يوسف: (قطع وحط التيليفون فوق لبيرو كيشوف فيه رجع صونا وقطع داير سيلونص ومشا كيكمل خدمتو رجع هزو كان شي 3 ديال المكالمات)
تبرهيييش!!!!
(صونا على المحال تأكد أن الحوايج للي شراو ل5 غيكونو فالعنوان للي عطاهم..
كمل خدمتو ومشا خرج نيشان لدارهم بقا فطموبيلتو كيشوووف واش غينسى طموبيلة هااادي!!!
هبط من تماك بهدوء ودخل لدارهم لقاها جالسة دايرة رجل على رجل ومن ديما لباسها معيق استغرب وهو كيشوف فيها)
حنان!! شنو تديري هنا؟!
حنان: (باحراج) امم!؟
الغالية: ولدي حشومة هاكا ترحبو بالناس
يوسف: (لوا شنايفو بإستغراب وتم طالع تابعاه غيثة للي براسها مفهمتش خت الياقوت شنو كدير هنا!!)
شنو جاب هادي هنا؟!!
غيثة: حتى انا مفهمتش كنت ناعسة حتى هبطت لقيتها (عيطت ليها مها هبطت)
يوسف: تخربييق.. (هز حوايجو ودخل الدوش كمل تقاد ولبس تفكر تيليفونو كامت خديجة مصونية عليه صونا عليها)
وي حبيبة…
تيليفون كان سيلونص..
لا فالدار..
اممم شي نص ساعة نكون عندك باش نمشيو..
كيف بقات ملاك؟!..
صافي واخا..
ههه لا متخافيش مندخل حتى تقوليها هه وانا نعاود مزال منشفت من تصبانك لية قبيلة…
واخا حبيبة..
مووبلغ..
غيثة اهاااه انا نشوف واش تبغي تجي معانا..
بييييزوو
(قطع وبقا جالس فوق ناموسيتو حتى دخلت مو عااارفها جاية على شي موضوع بااااااسل)
حمزة: (كان معمر 3 ايام ومع روبويات للي عندو هي 6 أيام قرر يجلسها فاس حتى يصلحها مع ملاك فراسو يتزوجو ويبقاو بعاد على ميتولد بنتو ولا ولدو ويطلق أميمة ويبقى يصرف على ولدو ولكن يكون مع مو وهو يعيش مع ملاك حياتو.. هدا القرار للي خدا وحلف حتى يطبقو.. بقا كيشوف فين يكري قبل كان كاري فالكرامة ولكن بغا يعرف هي شنو كانت كدير فالليدو؟! واش عندها شي واحد تماك حيت عارف كل عائلتها باها اغلبيتهم يا فصفرو يا فالعروبية ولا بعااد ومها اصلا معندها عائلة خاص دابا يعرف لوطيل فين جالسة ومن تماك غيعرف كولشي…
قرر يكري فالحومة قلب على دار مفرشة لكرا مشا عند سمسار)
بغيتها مفرشة
كاينة وحدة هنا كتكرا الليلة
حمزة: صافي مزيان باغيها ولكن معرفتش المدة يمكن شي 6 أيام
500 درهم الليلة!!
حمزة: (معندوش مشكل مادي حيت قبل ميكون بوليسي لباس عليه) صافي واخا مزياانة ياك نقية
كون هاني حتى الموبل للي فيها الدار مكالمي تبغي تمشي تشوفو
حمزة: اه (مشا معاه لقاه خدا الموبل للي طلعت فيه ملاك جاتو مزياانة وصلو ليطاج التاني دخلو للدار التانية كيوريه.. وحتى الموقع زوين) صافي مزيان
ياله معايا المكتب عطيني كارت ناسيونال وتسني على شي وريقات
حمزة: صافي واخا ولكن انا حتى لغدا عاد نجي
مرحبا خويا نتا عارف المحال
حمزة: صافي غير متكريهاش لشي واحد (جبد 200 درهم) ها العربون وغدا ونكمل ليك كما قلت ممتأكدش بزاف شحال نجلس
مرحبا خويا… (هبطو مع درووج وكولها مشا فحالو)
~~~~~~~~~~~
يوسف: (رجع لخدمتو صونا على اورطيغا والو مكتجاوبش صونا على شريف حتى هو كان عارق حيت اليوم كتكون ذبيحة كتيرة واورطيغا كيكون خدام حتى هو مع الݣزارة وواقف عليهم.. قطع وهي تصوني بريڤي جاوب) وي (لا رد) الووو
…: يوسف
يوسف: (بقا ساكت ملامح جامدين) وي شكون معايا؟!
…: معرفتينيش زعما
يوسف: (قطع وحط التيليفون فوق لبيرو كيشوف فيه رجع صونا وقطع داير سيلونص ومشا كيكمل خدمتو رجع هزو كان شي 3 ديال المكالمات) تخربييق
(صونا على المحال تأكد أن الحوايج للي شراو 5 غيكونو فالعنوان للي عطاهم.. كمل خدمتو ومشا خرج نيشان لدارهم ولكن بقا فطموبيلتو واش غينسى طموبيلتها!!! هبط من تماك بهدوء ودخل لدارهم لقاها جالسة دايرة رجل على رجل ومن ديما لباسها معيق استغرب وهو كيشوف فيها)
حنان!! شنو تديري هنا؟!
الغالية: ولدي حشومة هاكا ترحبو بالناس
يوسف: امم (لوا شنايفو بإستغراب وتم طالع تابعاه غيثة للي براسها مفهمتش خت الياقوت شنو كدير هنا!!)
شنو جاب هادي هنا؟!!
غيثة: حتى انا مفهمتش كنت ناعسة حتى هبطت لقيتها
يوسف: تخربييق.. (هز حوايجو ودخل الدوش كمل تقاد ولبس تفكر تيليفونو كامت خديجة مصونية عليه صونا عليها) وي حبيبة… تيليفون كان سيلونص.. لا فالدار.. اممم شي نص ساعة نكون عندك باش نمشيو.. كيف بقات ملاك؟!.. صافي واخا.. ههه لا متخافيش مندخل حتى تقوليها هه وانا نعاود مزال منشفت من تصبالك لية قبيلة… واخا حبيبة.. مووبلغ.. غيثة اهاااه انا نشوف واش تبغي تجي معانا.. بسلامة (قطع وبقا جالس فوق ناموسيتو حتى دخلت مو عرف جاية على شي موضوع بااااااسل)
الغالية: ولدي حشومة هادشي مسلمتش حتى على لبنت
يوسف: (تبسم) شنو تتقولي هه شكون هاديك باش نسلم عليها؟!
الغالية: متعتابرهاش خت الياقوت اسيدي
يوسف: ماشي مسألة الياقوت ولا غيرها انا علاش غنسلم على وحدة متنعرفهاش وشنو علاقتها بية باش نسلم عليها!!!
الغالية: كفاش متتعرفهاش
يوسف: (وقف مشا لحدا لمرايا رش بارفان ديالو وكيقاد شعرو) صافي الوالدة متنعرفهاش هي متنعرفهاش واش الواحد باغي يتاقا الله ونتي تتقوليلي نسلم على للي جا، هي جات عندكم بيناتكم متبقايش دخليني فصحاباتتك واخا نتي براسك خاصك تنقي شكون يدخل لدارك ومعامن تجمعي مفهمتش لا هي من سنك لا حتى من طيينتك (باسها فجبهتها) غنتعطل شوية ولا نقدر منجيش
الغالية: غتمشي عند الاخلاق والادب
يوسف: الا تتهضري على خديجة اه (بهدوء) فرق كبييير صراحة
الغالية: كفاش فرق كبير علية انا؟!!!
يوسف: واش جابك نتي الهضرة!! نتي راك الوالدة ديالي.. مهم مخاصش نتعطل
الغالية: اممم اوااااا سلم عليها
يوسف: مبلغ (تم خارج حتى بغا يقولها لغيثة ولكن كيحاول ما أمكن يبعدها على اورطيغا عارف عندها مشاعر اتجاهو عكس هو للي باينة معتااابرها ختو..
ركب طموبيلتو ومشا صاايݣ مشا لدارو طلق معطر الجو كان صباح جاب السيدة للي تخمل وتمسح الغبرة خرج من تماك مشا لمارشي سونطرال خدا بوكيه دالورد حطو فالطموبيل صونالو تيليفونو كان اورطيغا)
فين اولدي
اورطيغا: (مسخسخ) فيين
يوسف: كنت صونيت عليك قبيلة
اورطيغا: هاد نهار داز م**** بلمزياااان
يوسف: هي مبقى فيها عشا
اورطيغا: لااا لا، وصيت صاحبي المراكشي يقادها
يوسف: صافي انا نجيب صلاد من شي ريسطو تكون زوينة
اورطيغا: جيبها من ريسطو**** عندهم خدمة نقية وزوينة نعطيك النمرة نتا قولهم غير امتى تبغيها وهوما غيصيفطوها ليك فوقما بغيتي وقولهم يديروها فطبسيل الزاج
يوسف: ههه واخا شي تعليمات اخرى!!
اورطيغا: (بتعب) صافي
يوسف: تتبان عيان!!
اورطيغا: لموووووت ياله كملت شحال ذبحت هاد نهار!!
يوسف: اممم صافي نخليك ترتاح
اورطيغا: بغيتي فشي لعبة؟!!
يوسف: وهو صرااحة صباح وقع شي بلان كنت بغيتك فيه ضروووري ولكن دابا مشا الحال وأصلا نتا عيان
اورطبغا: هضر القل*** شنو بغيت
يوسف: كانت ملاك تݣريسات فالحومة وقلت يمكن تهضر مع شي واحد يعرف ولا يغ..
اورطيغا: (كان جالس فوق كرسي ووقف) فين تݣريسات؟! فالليدو؟!!
يوسف: اه
اورطيغا: معاش الساعة وفين وهي شنو؟!
يوسف: لا لا هي مزيان غير تخلعت شوية خدالها غير تيليفون يمكن جوايه 12 وبالظبط حدا العمارات فدروبة
اورطيغا: قطع قطع…
يوسف: (وصل للحومة طلع للدار عارف لبنات معطلييييييين دق حلات ليه خديجة كانت لابسة كولون وتريكو ولااوية غير الشال على شعرها للي زالق شوية كيبان شعرها للي مقااد بقا غير حاضيها بحال شي مصدووم وهي كتبسم دايرة ليه حركة باش يدخل ومشات للبيت كتلوز زسدت لباب عليها وهو سد باب الدار بشوية و اااااااه وشنو كدير فيه خديجة… جلس هاز تيليفونو)
ملاك: (شافت وجهها فلمرايا) لا لا هادشي معيق مسحي مسحي هاد زمر
وفاء: وراه عينيك منفوخين بلبكى غير خليه
ملاك: تأ.. (شافت فلمرايا) صافي مديريليش هاد ايلينر صافي هاكا مزيان
وفاء: غير المسكارا ؟!!
ملاك: ولااا.. صافي غير هاكا صاافي مالي ماشية لعرس
وفاء: ماشية عند اورطيغا
ملاك: سيري تق*** (شافت فلمرايا لبيسة ديالها هزت المونطو لبساتو ولبس ميني بووط عاالي) جاتني زوينة؟!
وفاء: زوييينة الناس غيحواالو
ملاك: (تبسمت ورجعت جمعتها) بقا فية مسيكين تيليفوني علم الله فيمن طايح دابا
وفاء: نعطيك واحد عندي راه غير طافي ديباني بيه ولا خوديه ݣاع
ملاك: لا لا اختي بلاش، دابا خاص غدا نمشي لاجونص نجبد النمرة راه ݣاع خدمتي عندهم وعاد عندي مهمة ديك النمرة بزااف كانت عندي من الباك
وفاء: راه اتصالات غير حدا خدمتك
ملاك: امم داكشي نيت (هزت بارفان بغات ترشو وهي تحبس افكار فراسها يمكن كانت وفاء صاحبتو ومولف ريحتها لا لا ندير ريحتي حسن)
وفاء: باسم الله عليك البنت
ملاك: وااغير سهيت، مغتخرجيش نتي؟!
وفاء: مفيااش بغيت غير نعس
ملاك: (حركت راسها باه) تخرجي؟!
وفاء: بلاش راجل خديجة برا منحرجووش، باقية ديك الريحة فليطاج اللول؟!
ملاك: مشميتش قبيلة.. (خرجت ملاك من بيتها لقاتو جالس مغووبش مع تيليفونو)
يوسف: ملووكة, كيف بقيتي!!
ملاك: (لاوية شنايفها مقلقة) بقا فيا الحال
يوسف: هههه نجيبلك تيليفون؟!
ملاك: الااااااا بغيت دياالي، غدا خاص نمشي رجع النمرة ضرووري
يوسف: داكشي سااهل، سيري زربينا لالة العروسة باش الناس يلقاونا فالدار منين يجيبو السلعة
ملاك: كان عليك تعلمها مع 2
يوسف: علمتها من لبارح (دخلت عند خديجة كتزربها.. طلت من السرجم كتشوف دراري كيتجرااو لشي مضاربة بغات تشوف ولكن السرجم حدها، قلبت عليه والو مجااش حتى من طموبيلتو مكيناش رجعت جلست صونات مها من عند خديجة جاوبت ولكن قالت ليهم غير ديشارجا ونساتو فالخدمة، كملت خديجة وتمو خارجين)
ملاك: واش صاحبك مغيمشيش معانا؟!
يوسف: اورطيغا!! غيلحق علينا
ملاك: اممم وعارف الدار؟!
يوسف: اه عارفها…
اورطيغا: (حاط ليه راسو على طروطوار وقاجوو وبلبروطان واقف ليه على يدو)
من اللول يا **** عرفتك منيش (لاخر كيرغب والناس كيرغبو وهو مغزف حيت شحال من مرة نبهو منين كيتبع ليهم العين وقالو بعد ولكن هو مشا ݣريسا وشكون ملاك!!! وعاد شو شنو قال ولا دار غير فكرة بغا يقتلو بعدووه دراري وهو باغي غير يضاارب) يخر** التيليفون داابا
….: (كيبكي) والله الا بعتو أخاي اورطيغا نجيبلك اااخر
اورطيغا: (صااااعر) واااااا خ*** داابا مشغليييش غنعس على مك هاد الليلة نعطيك سااعة تجيبوولي اللول دوزتها كان خويا ودابا بنت العائلة!!!
(دراري كيبردووه وهو كيتحلف فيه عاطيه ساااعة والتيليفون يرجع مشغلوش كفاش وفين مهم يرجع.. بقا وااقف بعيييد وجااااعر
جاه راجل كبير كيلومو مخاصوش يدابز بحال هاد المدابزاات مع شماكرية وهو كيسمع ليه وحاني راسو محاملش لبلان من ديما كيتعامل مع دراري فݣارو يضور معاهم يتهلى فيهم ولكن باش يديرو هاكا مع ناس لقرااب معجبوش الحال ومرضااش… شاف طموبيل يوسف جاية غيكونو راكبين معاه عطاهم بظهر حيت مزال بحالتو عرقان ودمايات منين جا مع الݣرنة مشا ركب فطموبيلتو للي كانت فالدورة حيت هربو الشمكار ركب وزاد القدام هبط بغاو دراري يهضرو معاه معطاهمش وقت وطلع بالزربة معصب لدارو، زدح لباب معاجبوش الحال هز حوايجو ودخل للدوش توضى مشا صلا صونا تيليفونو مناضش يشوف شكون بقا متكي كيشوف فسقف باغي يفهم شنو واااقع معاه!!!!
بقا لابدها حتى تغمضو عينيه بلعيااا وتفكيرو فملاك…)
~~~~~~~~~~
ليلى: (جالسة فلوطيل كلام خوها معجبهاش هي من ديما مكانتش كتفاهم معاه ففرنسا وكان اخر بلان فاش قالت ليه الا مبعدهاش تعيطلو لبوليس كانت علاقتهم توترات عماين حتى دخلو الواليدين وؤغبت حتى هي ولكن باينة بقات فقلبو.. الا بقات حاضيها مغتاخدش راااحتها وكلامو كان باااين وواضح عيني عليك وداك الهبال دفرنسا بقا تماك!! معرفت شنو دير واش ترجع ولا تبقى هي بغات تبقى وعاجبها الحال المغرب مها وباها هوما للي غيفكو هادشي…)
~~~~~~~~~~
ملاك: (عجبتها الدار بزاااااف بقات كدوور مشات جهة الكتوبة كما قالت غيثة بقات كتشووف هزت كتاب)
يوسف: تبغي تقرايه!!!
ملاك: نااااري السؤال الفخ
يوسف: (تبسم مستغرب) كفاش؟!
ملاك: قالولي الي هز شي كتاب من عندك خاص نحفضوه باش تناقش معانا والا مكناش عارفين كتبقى تنݣر تنݣر
يوسف: هههه شكون هدا متكون غير غيثة
ملاك: (خرجت عينها) مقلتش.. ههه (شافت فلكتاب) انا نقراه
يوسف: غير تكمليه نهضرو فيه
ملاك: بلاش اخويا انا نردو
يوسف: وصافي راه اصلا غتقراو هاد المكتبة كاملة غير ولفو لا نتي لا مدامتي ههه
~~~~~~~~~~~~~
اورطيغا: (كيسمع الدقان فيقوه من نعاس جلس مسح وجهو كيتوݣض وراسو ضاارو بلعيا وقلة نعاس.. وقف متوجه للباب حلو كان عشيرو)
اش تما؟!
مد ليه التيليفون… صافي غير برد
اورطيغا: (شد التيليفون كيشوف فيه) لعععز هضر معاه ازكريااا هاد المرة راه منعقلش علييه
(مشا الدري وهو دخل رجع تكا دار يدو تحت راسو شاف فالتيليفون شعلو كان مديشارجي ناض دارو يتشارجا ومشا يلبس باش يمشي يلحقهم كمل خلاه كيتشارجا ومشا يااخد الطنجية باش يلحق عليهم …)
خديجة: (وصل بيت نعاس عجبها الحال بزااف وعاد خدا كولشي على ذوقها من بعد مامونطاوه كانت كتفرش الكوڤر للي كانت شراتو من المدينة وحتى لوسيدات كانت قالت ليها ملاك زوين ولات كتخاف وكتنتابه لهاد القضية خاصها تبقى تعرف شنو تختار وكما قالت ليها ختها سيري ديما لساامبل تفرجت فليوتيوب وفرشت ليزار لبيض ولوسايد عاد غلفات لوسايد لوخرين كان كوڤر بلݣري عاد دارت غطاء فالموڤ جاي غير ديكوور كملت دخل يوسف هاز كوافوزات حطهم عاجبو لبيت بزاف ومع بدل ليه الديكور وصباغة جا خطيير حتى من قبل كان بيت زوين ولكن هدا فيه لمسة فشكل من خديجة ماشي داكشي للي ختارو ولكن كيحس بيها مرا ديال الدار وفيه دفئ للي كان كيقلب عليه)
يوسف: تريا خاص نجيب تريسيان يقادها
خديجة: مكتعرفش تصايبهم؟!
يوسف: اممم لا هاد تمشغيل والو مكنعرفلوش
خديجة: خاصك تعلم اصاحبي، زيد البوطة كتعرف تركبها؟!
يوسف: هههه نااري على احرااج (ظحكت وفنفسها غير نتا للي تحرجني على الذوق!!) صراحة خاص نتعلم
خديجة: ههه معليش مع الوقت نتا تعلم حوايج وحتى انا نتعلم حوايج
يوسف: (حرك راسو باه حاك راسو كيظحك على الاحراج يعني باينة جاتها فشكل كفاش مكيعرفش) ان شاء الله احبيبة
خديجة: دابا خاص طابيات صراحة زوين هاد لباركي للي داير
يوسف: (كيشوف فالارضية كان عاد قادو) بالصح عجبك
خديجة: اااه بزااف حتى ماما دايراه فبيت نعاس ديالها حسن من شي موكيط
يوسف: وشنو اخر خاص؟!
خديجة: اممم نجيب حوايجي ههه
يوسف: ههه فالصمييم… خاص غير نتي تجي؟!
خديجة: قولي ايوسف فين غنمشيو؟!
يوسف: (حرك راسو بلا،) يكمل العرس ونقولك فين
خديجة: (بدلع) اممم
يوسف: (تكا على النموسية كيشوف فيها بشهوة) وريني شعرك
خديجة: ههه حتى يسالي العرس
يوسف: ههه نااري غترديني مرااهق
خديجة: معايا ديما غتكون مرااهق مالهم المراهقين باش حسن منا؟!
يوسف: ههه شوفي وريني ونقولك فين نمشيو
خديجة: تأ تأ
يوسف: اممم معكسة قوليلي شعرك طويل
خديجة: اممم على حساب شنو الطول عندك نتا كيفاش كتحسبو
يوسف: فايت ظهرك
خديجة: اممم مهم ظهر كاين هه
يوسف: مزياان، زعر كولو؟!
خديجة: ههه حتى الا مكانش زعر نرعرووه حتى حاجة مصعيبة
يوسف: ههه لا لا معنديش مشكل اي حاجة بغيتي ديريها ديريها
خديجة: (تبسمت معاه بهدوء وفراسها هضرة كتقاال..) خلينا ملاك بوحدها
يوسف: عندها عقوبة تتقرا كتاب
خديجة: ههه حشومة عليك يوسف واش حتى انا غتبقى تعاقبني
يوسف: هو ماشي عقاب ولكن زوين الراس يعمر
خديجة: اهااه ولكن غير بشوية علية راه شحاال هادي مقريت
يوسف: غير بشوية عليك احبيبة هادشي راه فمصلاحتك ومصلاحت حتى وليداتنا الا كتاب، الا بغيتي ندخلك لشي سونطر
خديجة: اه داكشي للي بغيت نقولك
يوسف: صافي حتى نجيو ونرسيو راسنا ودخلي كاين واحد هنا قريب بزااف، 2 حصات فالسيمانة ونتي تختاري امتى (حركت راسها باه كتكره شي حاجة سميتها لقرايا…)
اورطيغا: (مشا شاف طموبيلة ديال ملاك للي فأخر اللمسات كتستييكا من اي خبشة فيها) بشحال هاد الخير؟!
…: حيت عشيري عشييري 2500 درهم
اورطيغا: هادي حيت عشيرك وكان كنت عدوك وكان ح***
….: ههه والله اخاي اورطيغا كانت واكلة الدق وقاديت شحال من حاجة فيها وراه شفتي لباربريز كامل مشا
اورطيغا: عارف احبيبي ربي يحفظك مهم (جبد من جيبو فلوس) مكنتش هاز معايا غدا نكمل ليك ونجي نااخد العروسة
….: الا معندكش هانية حتى دوزها منين تساالي
اورطيغا: (بامتنان) ان شاء الله (ركب فطموبيلتو صونا على مو والو مزال مكتجاوبوش وعاد الا مشا لتماك مغتبغيش حضورو اللهم يخليها تبرد شوية ولكن كل ليلة كيصيفط ليها ميساج ومرة مرة كيظحك كيصيفط ليها حقوق الابناء وخاصها نحن وتسول فيه… تكا على الكرسي هادشي مناش كان هاارب ولكن الغلط ديالو العائلة ميقربهاش هو حسابلو جايين ليلة وماشيين ماشي غيدكو الوتاد تماك، صونا على الحاج للي مهم يعرف مو بيخير هضرو فالخدمة كما ديما وقطع مشا الفرناتشي الطنجية وااجدة جلس معاه شوية كان راجل خمسيني مراكشي كيعجبو فجموع ديالو وكيتصنت المغامرات ديالو، شحال وهو جالس خدا من عندو خبيزات وكما العادة طاس دنيدو فيها شوية ديال رماد وجمر صغيير فيه الطنجية باش كتبقى سخونة علم يوسف غيجي باش يجيب الصلاد وشي مشروب)
~~~~~~~~~~~
زهرة: (جالسين فالصالون كاملين) صافي ارشيد مخاصنا صداع معاهم
رشيد: (بعصبية) انا للي جبدلي بناتي بلابز عينيه نجبدهم لييه طلقاتو لاش مزال جاي عندنا ياك سمحت فكولشي درهم متبعهاش من عندو
زهرة: وا الحمد لله منين تفكات منهم
سهام: دابا هو مرضااش حيت ݣالت عليه عاݣر!
زهرة: بنتي مقالت والو طلقاتو حيت تزوج عليها وبلا خباارها وكان معيشها فالويل اما وكان على العݣر وكان من شحال هادي تطلق ماشي حتى دوزت معاه سنيين
سهام: اوا ها هو ولد
رشيد: (بعصبية) ويعاودها رااسو صافي غير بلز واحد جاي يتبورد علينا وشتك بحالاا عاجبك الحال من هاد الشوهة
زهرة: (شافت فيها ديك الشوفة ديال نتي قلبتي عليها)
سهام: (شافت فشيخها للي لقاتو مخنزر حتى هو يعني مكاين دفاع) لا انا غير فهمتكم
رشيد: تفهميني انا معاارفش زعما!! باش تجيك النفس على بنتي جالسة تهضري على لاخر بحال حنا للي ممزيانيينش
زهرة: هي معناتهاش هاكاك
رشيد: لا حوله ولا قوه الا بالله العلي العظيم (خرج داير يديه من مور ظهرو) لاحول ولاقوة الا بالله العلي العظيم
زهرة: (ناضت من حداهم) نمشي نشوف أنير واش فاق…
يوسف: (خرج يتعرض ليڤروور برا ومو صونات عليه مبغا يسمع شي نݣير ولا شي صداع مابغاش يجاوبها..)
ملاك: (دخلت لبيت نعاس كتوريها) خديجة دارك وااااعرة بالجهد
خديجة: (فرحانة) بالصح
ملاك: والله.. قوليلي عطيني عكر
خديجة: راه فصاكي.. شوفي مكاينش هنا طباسل للي نحط
ملاك: وهانتي قلتيها مكينش (مشات كتجري عكرت ومسحت ودارت شوية فحنكها ومسحاتو عاود رشت بارفانها قدات شالها ولڤيست ديالها كتبسم فلمرايا.. رجعت عندها)
اممم مزال مجاااو
خديجة: (كتقلب فدوك لقجوورة ديال طبيلة للي تحت التلفازة) مزال (لقات حلق) شوفي شنو لقيت
ملاك: (شدتها كانت حلق مدورة) تكون ذهب؟؟
خديجة: قلبي على الطابع!!
ملاك: مكنفهمش فهادشي بزااف الا كانت ذهب تجيب الثمن
خديجة: هههه باغا تبيعيها؟!
ملاك: وشنو تخلي لراجلك سوڤونير من صحيبتوو لقديمة
خديجة: صافي خبيها عندك
ملاك: خبيها نتي هادي دارك حتى نخرجو وعطيهالي باش منتسناش شفرتها
خديجة: ههه يا ربي شوية من أفكارك (سمعو لباب تحل ضربو الطم دخل يوسف هاز طبسيل كبير مدور عليه سولوفان مشا حطو فالكوزيينة وهي دخلت كوكاكولا كان حاطها حدا لباب حطاتها فالثلاجة كتشوفو جبد من بلاكار طباسل ديال بلاستيك اما الكيسان كانو عندو وحدين بحال شكل ديال للي كيشربو شراب)
زوينين هاد الكيسان
يوسف: مزال خاص نشريو شحال من حاجة
خديجة: ههه قول كولشي
يوسف: اه مكاين والو (سمع الدقان) اورطيغا وصل يمكن
ملاك: (كانت هازة كتاب معرفت واش تحل ولا لا قلبها كيضرب حست بوجهها سخن)
اوووف مالي مخلوعة!!
(كتشير بيدها كتصوط الهوا على وجهها)
يوسف: (شاف فملاك وظحك) مسمعتيش الباب
ملاك: هااا الدقان!! مسمعتوش (رجعت كتقرا)
يوسف: (حل لباب شد الخبز من عند اورطيغا ولاخر شاف لوخرا للي خاشية وجهها فكتاب، هز داك الطاس بزيف ونيشان مشا للكوزينة حطو فلبالكو سلم على خديجة وسول على أحوالها وخرج مشا فين جالسة ملاك وجلس بأريحية فارق رجلييه كيشوف فيها حتى هزت راسها لقاتو كيشوف فيها)
ملاك: اهليين
اورطيغا: خاشية وجهك فلكتاب
ملاك: (تبسمت) اه زوين
اورطيغا: (حرك راسو لاوي شنايفو) اممم قالولي تݣريسيتي هاد صبااح
ملاك: (بحزن) بففف وييه
اورطيغا: فايلتي على راسك ومن زهرك لعوج ماشي انا للي ݣريسيتك عاود
ملاك: امم فرحتيها فية
اورطيغا: انا!!!
ملاك: وكتقولي هاكا ونتا مرتااح
اورطيغا: شنو حبيتيني نديير؟! نمشي نعطب مو هدا للي شفرك!!!
ملاك: (تبسمت) لا نتا غير شدولي وربطو وانا غندير شي شرويطة على راسو ولا فوطة، فوطة حسن ونبقا هازة قرعة ديال لما ونكبها عليه حتى يتخنق مزيااان ونحبس غير يرتاح نبقى نعاودها حتى نبرد
اورطيغا: (هز حاجبو فيها وهي ظحكت من ردة فعل ديالو) الاخت فايت ليها مجرمة
ملاك: الدنيا للي بغاتني نكون هاكا
اورطيغا: الواحد يحضي منك
ملاك: (كتلعب بحواجبها) خاف على راسك ههه
اورطيغا: (بقا كيشوف فيها مكمش عينو للي مبسميين فيها حتى جمعت الظحكة شوية بشوية وكتقلب وجهها وترجع تشوف فيه وتقلب وجهها عاد كانو كيظحكو دابا وترها حتى تلفت)
ملاك: حم اممم غيكون ولد الحومة؟!
اورطيغا: تتعرفيه؟! زعما ديجا شفتيه؟!!
ملاك: (زفرت محركة راسها) لا.. ولكن عاقلة على وجهو مزيااان كولو مخرط وضعييف
اورطيغا: اممم وخدالك ايفون؟
ملاك: لا (طلعت معاها) ها..ها..ها (شقلبت عينها)
اورطيغا: (تبسم خديجة حطت دوك طباسل وكيسان، يوسف حط الصلاد)
خديجة: سمحولينا مزال معندناش طباسل
اورطيغا: هاكا بييس لا روينة لا مااعن (ملاك عجبها تفكييرو حيت كتكره شقا بقاو مجمعين حتى جبدو موضوع ملاك)
علاش مديكلاريتيش؟!!
ملاك: (عصبها كانت كتسنى منو يخاف عليها ويمشي يجبد هدا للي شفرها يضربو ولا مهم يرد ليها حقها يبان خايف ولو غير شوية ولكن بلعكس كيهضر ببرود)
مفكرتش فيها
يوسف: عندو الصح وكان ديكلاريتي حسن متعرفي يجبدوه ونتي تتقولي عاقلة عليه، وصفيه لمراد يمكن يعرفو
اورطيغا: قالتلي.. (كيمضغ) دابا نشوف مع دراري
ملاك: (معجبهاش الحال) مكاين لاش تبرزط راسك
اورطيغا: (كمش عينو فيها، كملو ماكلتهم ناضت خديجة للكوزينة حيدت الصلاد من داك الطبسيل حيت معندهمش فين يحطو غسلات غير هداك وحطاتو ناض اورطيغا هاز ديك القلوشة جايبها)
خديجة: بلاتي بلاتي اخويا نصور (ملاك بقات كتشوف فيه وهو كيحط فالطبسيل ولحم هابط زبدة منها كان داير بزاااف كمل وجلس وخديجة حطات الفيديو فسطاتي فلواتس وبقاو كياكلو وملاك كتلذذ ولكن متقدرش تشكر)
خديجة: خاصك تعطيني الطريقة
اورطيغا: مرحبا ختي
يوسف: منقولكمش على شي مااااملة (غمض عينو كيحرك راسو) ياااا سلام
ملاك: (ديجا شايفة شنو كيحط تصاور فالانستغرام)
اورطيغا: (كيااكل مكيعرفش كفاش يتصرف الا شكرو شي واحد من غير يدير راسو مكيسمعش…)
غيثة: (كتشوف فسطاتي للي حطت خديجة كتبان ليها ملاك كتشوف فهدا للي كيحط لحم وشوية بان ليها يوسف شكون هدا لي معاهم؟!! حتى بانت المݣانة راه هي للي جابها ليه خرجت عينها) اورطيغا؟!! كانو مجموعين؟!!
(بقات كتعاود لفيديو شي 20 مرة بقا فيها الحال علاش مكانتش معاهم صيفطات لخديجة)
بالصحة زين.. (رجعت كتشوف فلفيديو بحزن علاش هي ممعاهمش علاش خوها جمع مرتو وخت مرتو وهي لا!! والسؤال الأهم علاش مبغاش يشوفها مع اورطيغا تمنات مراد يدير شي خطوة وهي مستعدة توقف فوجه كولشي على ودو غير يدير خطوة صغييرة وهي تكون معاه..)
خديجة: يعطيك الصحة ازين
غيثة: خسارة كنت بغيت نكون معاكم
خديجة: (هي قالتها ليوسف ولكن هو للي مجبهاش) المرة جاية ان شاء الله
غيثة: غتعاودو تجمعو؟!
خديجة: ضرووري ان شاء الله
غيثة: واش اورطيغا معاكم؟!
خديجة: اه
غيثة: مزيان سلمي على ملوكة
خديجة: مبلغ ازين سلمي على خالتي
يوسف: (نغزها فجنبها حتى تهزت) زين
خديجة: كنت تنهضر مع ختك واقلة بقا فيها الحال كانت بغات تكون معانا
يوسف: باش عرفات؟!
خديجة: سطاتي للي كنت قلت ليك حطيت
يوسف: اممم.. مرة أخرى (عنقها من اللور وحط ذقنو على كتفها) نباتو اليوم هنا
خديجة: يووسف هه شحال بقا ݣاع
يوسف: اممم معكسة
خديجة: حقا بقات شي يوماين ونرجع فحالي باش نوجد لهيه
يوسف: وايلي على يوماين مزال تزيدي اصلا شنو غتوجديه تماك وجديه هنا
خديجة: ههه بغيتي ماما تقجني
يوسف: ومتخافيش نقجك انا..
~~~~~~~~~
اورطيغا: (كان كيهضر فالتيليفون فالصالون وهي طاالقة ودنيها سمعاتو قطع رجعت هزت لكتاب جلس مليووح وهاد المرة قريب ليها متكي على ذرااعو)
داك الكتاب نتخاطرو انا وياك مقشبلتي فيه حتى وزة
ملاك: مسكين تاايق فراسك
اورطيغا: غي حيت هازاه مقلوب
ملاك: (شافت لقاتو مقلوب) كنتعلم نقرا الكتاب مقلووب
اورطيغا: هههه (ظحك حتى تغمضو عينيه ومع لعيااا، وهي مرضياش كتزيد تظحكو)
ملاك: وا صاافي صاافي تبغي نقرا نوريك ݣاع
اورطيغا: (كمل ظحكو هز داك الكتاب سدو بشوية وحطو فوق الطبلة مايل لعندها وبدوك الشوفات فيها كيخليها غير متبعااه… )
شنو للي معصبك؟!
ملاك: (متبعة عينيه) هم!!!
اورطيغا: (زاد مقرب شوية هاز عينو فيها وهي ساهية فدوك العينين للي حمقووها اول مرة تلاحظ لون عينيه ومع بااااين غالب عليه لعيا كانو نااايمين) شنو معصبك
ملاك: (بلعت ريقها كتعيا تهرب وتلاقا راسها كتشوف فيه) هم!!! غير بقا فية تيليفوني
اورطيغا: (كيهضر بهدوووء) فيه شي حاجة مهمة؟!
ملاك: (بحرا كتركز) الخدمة، بقات فية النمرة وداك التيليفون عزيز علية حيت اول واحد شريتو منين خدمت
اورطيغا: شحال باش خدمتي
ملاك: (تلفها) معقلتش!!
اورطيغا: (عض على شناافتو وعينيه على عينيها ومرة على شنايفها وكل تفاصل وجهها بحال كيحفظ كل ملامحها حتى سمعو ظحك خديجة ويوسف للي جايين هي توݣضت وبعدت وهو بقا فبلاصتو كما هو غير كيشوف فيها)
يوسف: صافي مشينا؟!
اورطيغا: (وقف) جيب داك الطاس نرجعو الفران
يوسف: الله يعطيك الصحة اخاي اورطيغا
اورطيغا: ديك الماكلة للي شااطت عطيهالي نديها لدراري
يوسف: داكشي للي كنت بغيت نقولك غتبقى هنا غير تلاح راه خديجة دارتها فطوايص ومكانوش مقيوسين غتجيبهم ليك (ملاك كتحس بسخاانة غير ضاربة الطم نظراتو مبغاوش يتحايدو من عقلها، هبطو من الدار وخديجة عيات تهضرها ووالو ممركزاش معاها تسناوهم يجييو)
اورطيغا: (حط داكشي فلكووفر) دوزو معايا ولا تمشيو.. شنيولة ركبي معايا خلي العرسان ياخدو رااحتهم
يوسف: لا لا ماشي مشكل
اورطيغا: على أساس نتا هو شنيولة
ملاك: (مكرهاااااااتش شافت فيهم) اهاااه الا بغيتو تبقاو بوحدكم اصلا غلحقو بيهم
اورطيغا: ضرووري (يوسف معجبوش الحال)
ملاك: صافي واخا نخليو عصافير الحب مع بعضيااتهم
يوسف: (ملقى ميقوول وخديجة مدات مجابت حسابها يوسف للي طلبها من اورطيغا مشات ركبت وهو طلع، ملاك ركبت حتى هي عاد طلع اورطيغا) مكانش على ملاك تمشي غيحسابلها كنصدرووها
خديجة: شوف هي الا تقلقات من شي حاجة كتقولها نيشان
يوسف: اممم مزيان.. (ديمارا وزاد وسبقو اورطيغا)
كيطير فالصوݣان
اورطيغا: (طلق العيطة) كملي
ملاك: ههه شنو نكمل
اورطيغا: دابا نتي تكوني خدمتي كتر من 5 سنين
ملاك: بحال هكاك
اورطيغا: راك مجااهدة كتعرفي تحافظي
ملاك: ماشي هكاك غير هو عزييييز عندي كنت شريتو من أول خلصة صافي بقا عندي شي حاجة مميزة، دابا خاص غدا نمشي نجبد النمرة
اورطيغا: علاش!! ديري نمرة اخرى
ملاك: مصالحش عندي التزامات مع الخدمة وديك النمرة راه قديييمة عندي من لافاك وعاطياها بشحال من إدارة
اورطيغا: اممم…
اورطيغا: ديري نمرة اخرى
ملاك: مصالحش عندي التزامات مع الخدمة وديك النمرة واه قديمة عندي من ايام الباك وعاطياها لشحال من واحد وشحال من إدارة
اورطيغا: اممم الا نافعاك هاكا نتي تعرفي.. (زاد فصوت الموسيقى)
ملاك: (خرجت عينها من هاد الكلام للي طالق فالعيطة ومع دماغها صافي مكتسمعش غير
“”هداي عليه يا الكفارة ونتا ماليه””
“” انا عطبت ونتيا داويه””
تبسم وهو كيشوف تعابير وجهها زاد جهد الصوت للي خلاها دور وجهها كتشوف الشاريع زعما مسمعتش عاد رجع نقص الصوت)
اورطيغا: تيعجبك هاد ستيل؟!
ملاك: اممم زوين
اورطيغا: (صونا تيليفونو مع كان حاطو طلعت اسم بنت وحتى لوخرا دغيا قراات.. هز تيليفونو جاوب)
وييي.. اه.. صافي واخا.. اممم غدا؟! مرحبا؟! معاش نتي بغيتي.. صافي واخا دوزي عندي تلقايني تنتسناك..
ملاك: (قلبت وجهها مغووبشة معتبراها وقاحة منو كفاش هي معاه وهو كيجاوب لبنات ويدير مواعد وهي حداه!!! غيحمقها مكتفهم فيه والو وعاد بقا سااكت مبررش ليها حتى شكون صونا وصلو لحدا الفرناتشي)
اورطيغا: انا جاي
ملاك: (فنفسها) تجيك فالراس يخخخ تفووو (شافتو حل لكوفر هز داك الطاس وديك القلوشة متعطلش بزاف دغيا رجع)
واش يوسف وخديجة للي مورانا
اورطيغا: اه
ملاك: واقلة نمشي عندهم (هز حاجبو فيها)
غير مبغيتش نديرونجيك يمكن تبغي تمشي لشي بلاصة (لوا شنايفو وطلع ديمارا ساكت وحتى هي ضربت الطم ها للي كتكره فلحظة يفرحها وفلحظة يخليها كاعية)
اورطيغا: (مفهمهاش.. بقا صايݣ وهي كتشوف فطريق.. تبدلت) مالكي؟!
ملاك: (بلا متشوف فيه) والو
اورطيغا: وااا بناادم شوف فية وانا تنهضر معاك
ملاك: متغوتش علية
اورطيغا: فين غوت!!! واش شوية لباس!!
ملاك: (مجاوبتش قالبة وجهها وصلو للحومة بقات كتزوومي) هدا هدا هدا للي ݣريساني صباح
اورطيغا: (صغر عينو فيه) شكون؟
ملاك: (بعصبية) وااااوقف.. وقف وقف هدا سير سير عندو جيبلي تيليفوني
اورطيغا: بنيتك فيكون مزال عندو التيليفون غيكون باعو بشي 50 درهم وشرا بيه شي يطرو
ملاك: (جاتها لبكية) 50 درهم؟! اوا سير عندو
اورطيغا: متنبغيش المشاكل تنخاف من المطايفات وعاد الا جات فية شي ضربة
(بقات غير مطرطقة عينيها وهو كمل الصوݣان بقا فيها الحال بزاااف عاود تعامل مع الأمر ببرود يعني ممكلفش راسو يبان قدامها البطل المغوار.. وصلو ياله جا يهضر باش يقولها وهي هبطت من الطموبيل مخلية لباب محلول وهنا فهمها متبسم وقرر من هنا الفوق غيتيستيها مزيااان، وصل يوسف وخديجة هبط ساد لبيبان)
خديجة: ملاك طلعت
اورطيغا: امم (تمات طالعة وتابعها يوسف) وخليها تنفس ابنادم فين تابعها عاود
يوسف: هه (تبعها حدا لباب توادع معاها ورجع لقا اورطيغا عطا لدراري لي مجمعين لعشا) ياله خاي اورطيغا تهلا
اورطيغا: صافي مشيت!! حتى انا نطلع نطيح الراس (طلع لدارو وغيبدا سهرة اخرى مع تيليفونها…)
اورطيغا: (ياله هز تيليفون ملاك وقاد النعسة حاط حداه ساشي ديال المكسرات وهي تصوني غيثة) وي زييين
غيثة: واخا فيكم زعما عزلتوني غير انا ونتوما تجمعتو منويتهاش فيك
اورطيغا: مفهمتش!! (دخل ريبيرطوار)
غيثة: كنتو كاملين مجموعين ونتا مطيب الطنجية ياك عارفها عزيزة علية ولا صافي لحتوني نتا ويوسف لتووش
اورطيغا: شكون قالها ليك؟؟
غيثة: شفت خديجة حاطة سطاتي فيه نتا وباينة حتى ملاك فاش كنت تتحط الطنجية
اورطيغا؛ (بفضول) لوحي لية الفيديو
غيثة: هادشي للي هامك
اورطيغا: تساليني الآلة طنجية وفقما بغيتي
غيثة: اممم غدا نخرجو نتعشاو
اورطيغا: غدا!!! باشما نجاوبك
غيثة: يااك!!
اورطيغا: والله مع الخدمة ولكن تتساليهالي مهم تنوعاادك وصيفطيلي لڤيديو (قطع معاها وهو يوصلو لڤيديو كان فيه شي 7 الثواني باينة فيه غير يدو زوما فيه مزيان كيشوف ملاك للي هازة عينها فيه مرمشتش كتشووف فيه متبعااه تبسم)
وزغة!!
(بقا شحال كيشوف لفيديو ويعاود خرج منو)
يا باسم الله (قرر ميدخلش لتصاور ربما تكون شي حاجة مخاصش يشوفها هو عارف شنو باغي وعارف شكون غيبلووكي…)
~~~~~~~~~~~~
ملاك: (مع دخلت توضات صلات لعشا ونيشان بلاصتها ضايرة للحيط عيات تهضرها خديجة ووالو معندها لا مورال لا ݣانة وفنفسها كتقرر هادي اااخر مرة تهضر معاه ولا تفكر فيه)
~~~~~~~~~~~~~`
اصبحنا واصبح الملك لله…
ملاك: (ممشاتش الخدمة قلبت على وراق الخدمة هزت النمرة وعيطت على البنت من تيليفون خديجة مكان حتى شي حاجة مهمة للي تمشي عليها كولشي تخدم فالاجتماع دلبارح لقات خديجة فاقت حيت هي كتفيق بكري وكانت طايرة ليها)
بغيت ملاوي
خديجة: هه قولي غير صباح الخير
ملاك: صباح الخير انا نمشي نجيب ملاوي
خديجة: واش متخافيش تعاودي تݣريساي
ملاك: راس مالي دابا هو ط*** الا بغاو يديوه
خديجة: ههه امالكي خاسرة من صبااح
ملاك: مهم انا نمشي نجيب تبغي الرايب؟! ولا الحرشة؟
خديجة: للي جبتي انا نقاد اتاي تسناي نعطيك فلوس (ملاك مشات لبست كيطمة لوات شالها جات خديجة عاطياها 100 درهم) والله حتى تشديها
ملاك: ولاش كتحلفي (شدت الفلوس وخرجت كان الجو مغيم ولكن داافي حيت ربيع كيدخل وصلت لحدا بابو وبزقت كارهااه وصلت لتحت لقات طموبيلتو مزال كاينة استغربت حيت موالف كيمشي بكري هزت راسها فدارو سراجم مطرقين اصلا ديما مسدودين)
باينة معاه هاديك ديال البارح الله يعطيه الغرااق غير للي يعيط لمو على البوليس (مشات هبطت لمحلبة كتسمع غير با ادريس با دريس حتى هي بقات كتعيطلو خدات شنو بغات وهبطت لباتيسري خدات لي صواري كرواصة كومير وتمت راجعة كدور فعينها واش يبان ليها الشمكار طلعت للدار مبانلها غير مشات زدحت بابو راكلااه وطلعت كتجري للدار..)
الغالية: (كتشوف لفيديو حيت مدخلة خديجة عندها وطلع ليها statut للي حطات لبارح) شكون هدا للي معاهم
غيثة: همم (طلت على التيليفون) اورطيغا
الغالية: يااااك!! مزيان ولاو يديرو جموع ويخرجونا حنا ومعامن مع شمكار
غيثة: انا بغيت نفهم حاجة وحدة علاش تتقولي ليه شمكار شنو شفتي خايب منو؟!
الغالية: حايد علية نتي عاود بقالي غير نبقا نتعاطا معاك علاش وفين أنا للي عارفااه شمكااار لقييط ولد شمكارة وسدينا وانا من هنا نقولهالك ابنتي والله ميجي نهار للي تكوني ديالو باش نسدو نيت هاد الموضوع
غيثة: (ناضت من طابلة ديال الفطور طلعت لبيتها وكتهضر مع راسها)
اللهم نعس ولا هاد تخربيق غير خلييه ينطق بشي كلمة وشوفي واش باقي نتسنى منكم شي حاجة
الغالية: اوالله ابنتي خديجة لا خلييتك تهناي شي نهار فحياتك ونوريك الشارفة علاش قادة!!
~~~~~~~~~~~
ملاك: (دخلت لقات وفاء فايقة حتى هي حطت داكشي فوق الطبلة ) حسابلي مشيتي تقراي
وفاء: مقدرتش نفيق ونتي ممشيتيش لخدمتك
ملاك: لا.. شوفي كتعرفي شي واحد من علم النفس بغيت بوليكوبات
وفاء: صافي واخا أنا اصلا ماشية بلاتي غنجيبلك كولشي
ملاك: واقلة نمشي معاك حسن
وفاء: لااا… بلا منجبد صداع مع اورطيغا ههه
ملاك: يمشي يخ**
وفاء: الا ختي انا نجيبلك شنو بغيتي بقاي رتاحي نتي هاد نهار
ملاك: (معاندة) اوالله حتى نمشي معاك يمشي يزمر (خديجة بقات غير كتشوف حطت الفطور بقاو كياكلو ناضت ملاك للبيت تلبس حوايجها)
خديجة: زعما!! لا ختي منقدرش
وفاء: عادي حتى نتي والله مكتاخدش بزاف دالوقت ومافيهاش شي حاجة خطيرة ولا عرفتي ديري عشووب كل مرة توضاي بيهم
خديجة: شنو هوما
وفاء: قشور الرمان الشيح الخزامة الورد ومرة مرة كندير الشبة
خديجة: اويلي الشبة لديك البلاصة راه هنا الخطار
وفاء: مخطار واالو مرة مرة كنديرها كنضياااق مزيااان هه
خديجة: فشكككل معرفت والله
وفاء: شوفي نتي مبقالك والو وتبقاي معاه الراس فالراس ضروووري نهار اللول تخليه متوورخ عندو وتكوني ملطة وروايح المنعشة يا لالة مهم حمقييه وشي غوب دونوي يكون سيكسي عرفتي شنو الآلة كادو من عندي غنجيب ليك والو غيجيبو قبل ميقييسك
خديجة: (تبسمت حشماانة) اويييييلي
ملاك: بقاي متبعاها دابا تخرج عليك
وفاء: موضوع كبير عليك سيري فحاالك..
اورطيغا: (فاق من نعاسو دار روتينو الصباحي صلا صلاتو لبس وبقا فبلاصتو داير معاه النجار غيجي دار تيليفون ملاك يتشارجا خرج من الدار شاف الفوق غتكون مشات للخدمة، هبط من الحومة مشا نيشان محلبة با دريس فطر تماك بقا مجمع مع شي صاحبو كمل مشا تيرا فلوس من البنكة باش يخلص النجار فطريقو شعل ݣارو كيكمي وماشي بشوية صونا على الدري للي معاه يشوف الاخبار والا كان خاصو ضروري يحضر للمحال اما الݣرنة مغيمشيش ليها حيت كاينة شي كموند ديال سعد وهو وياه مكيتفاهموش بزاف كيفضل يبقى بعيد علييه..
داز الحانوت جالس معاهم كانو كيتكيفو دراري لداخل وهو غير مجمع، حتى جا عندو السمسار معاه واحد عرفو غيكون شي واحد كيقلب على لكرا)
السمسار كان ناسي سوارت الباب التحتاني وطلب من اورطيغا يعطيهلو
اورطيغا: واش بغا الدار للي حدايا؟!
….: اه غيجلس شي يامات
اورطيغا: (كيشوف فلاخر للي خرج كيهضر فالتيليفون شاف فالسمسار) شكون هاد خينا!!
….: قال عندو شي خدمة فاس وبغا دار مفرشة يمكن خدمتو مع الصمطة
اورطيغا: اممم (حرك راسو باه عطاه الساروت) ولكن هضر معاه الدعوة مخلطة وكاين طالبات الفوق
…: لا لا كولشي قلتو لييه السيد باين داخل سوق راسو.. (شد سوارت ومشا طلع حمزة معاه) الا بغيت شي سلعة نصيفط الدري يتسخر ليك
حمزة: لا لا مكاين لاش الماكلة تناكلها برا
…: مرحبا خاي (عطاه حمزة خلاص ديال يوماين ومشا وهو بقا كيدور فالدار خاصو يزرب باش يمشي يتعرض ليها فالخدمة قبل دخل دوش لبس وقاد حالتو مزيان تم خارج بانلو اورطيغا حداه شي ماتريال وكاين شي دراري هازين الخشب)
حمزة: سلام عليكم
اورطيغا: عليكم السلام (حل دارو دخل وتبعوه دراري والنجار وحمزة هبط مشا فحاالو.. عيطلو الطولي على حساب طموبيلة ديال ملاك)
عرفتي شنو نكمل شي شغييل عندي وانا عندك…
صافي مشاات.. مرحباااا
(مشا دور مع دراري للي طلعو السلعة، صونا على درب وصاه يجيب من القهوة براد أتاي ومشا كيشوف مع النجار صوناولو من محال استقبال باش العشية يجيبو النموسية للي ختار)
بشاااخ نهار عاامر
(صونا على الدري للي فالخدمة واش الامور ماشية مزيان جاه البراد وبقا كيعاون فالنجار باش يزيد يتعلم)
ملاك: (هابطين فدروج كيسمعو التطرااق ومع لباب كان محلول طلت كيبان ليها غير الخشب تماك مستف كانت كتسنى وفاء حتى بغا يسد لباب لقاها تمااك قلبت وجهها زعما راني مقلقة)
اورطيغا: فيين
ملاك: (بنفخة) سلام
اورطيغا: (بإستغراب) مال مك أموكة هاد صباح عاود
ملاك: متجبدش لية ماما (تمات هابطة بقا فيها الحال على لبارح وهو متبع ليها العين ياله جا يهبط وهي تبان ليه وفاء)
اورطيغا: بحالا ماشين بجوج؟!
وفاء: ههه غير لفاك
اورطيغا: بروجولة غتقلبي ستة تسعود اوفاء بلا منعاود هضرتي معاك (سد لباب وبقات كتشوف هنا تأكدت انه حاط العين على ملاك وبجدية من حقو راه دوزت الهبال فالحومة وغير هو للي لقاتو دافع عليها وخلاها عايشة هانية ومكاينش للي يهضر معاها بقات واقفة فكرت وهبطت)
اورطيغا: (دخل لبيتو طل من البالكو للي شاد الإطلالة ديال طريقة لفاك بقا مدة حتى كتبان ليه ملاك ماشية بوحدها بقا حاضي واش تبان وفاء والو حتى جاه ميساج من عندها)
“كون هاني انا عمرني نآذي ملاك ولا حتى نوي”
قراه ورد التيليفون لجيبو مشغلوش كيفاش غتشوفو ولا تحس حيت داك نهار هضر معاها اه عزيزة عندو ولكن شي حدود مخاصش تدووزهم…
حمزة: (عيا يتسنى والو لدرجة دخل القهوة للي اونفاص مع الخدمى ناوي يتسناها حتى ل4 صونا عليه باه مجاوبش صونات مرتو ووالو صونات مو عاد جاوب) ويي..
نجية؛ من صباح وحنا نساينوك اولدي واش مغتجيش
حمزة: (نسى) فين؟!
نجية: لدار جدك راه رجع من العمرة زعما!!
حمزة: اااه.. لا لا ممساليش، حتى ندوز عندو منين رجع
نجية: كفاش ممساليش ياك نتا للي علمتينا وشرينا الكادو راه جدك هدا اولدي وانا عارفة شحال عزيز عليك
حمزة: واش نسمح فالخدمة باش نقولهم نمشي نشوف جدي!! راه مجااتش
نجية: اااه (كتسمع لباه باش مينوضش صداع ) راك خدام اولدي اوا الله يعاونك
حمزة: اميين
نجية: هاك أميمة بغات تهضر مع (سمعاتو قطع تحرجت) تسالات الروشارج
أميمة: تسالات ولا مابغاش يهضر معايا انا داك ولدك والله مفهمتو
نجية: معليش ابنتي معليش مع الوقت كولشي يتصلح
أميمة: ذنوبي انا وهدا للي فكرشي على رقبتو تقول جايباه من الزنقة
نجية: استغفر الله اش هاد الهضرة نتي عاود…
أميمة: راها لاحسة ليه عقلو نوضي امرت عمي ضربي الفقد فولدك راه مسحوور وكيشوف قدامو غير بنت ديك
نجية: (خرجت عينها مسيفة عليها) متجبديش معايا انا العيب حسن ليك لالة زهرة متجبديهاش مع فمك لا هي لا بنتها للي من شحال هادي وهي ممعمراش راسها بيه. تحركي سيري لبسي حوايجك نمشيو
اب حمزة: (دخل لقا مرتو مسيفة على أميمة وقليييل فين كتكون هاكا) شنو واقع
نجية: ما وقعش شاااش سيري لبسي حوايجك تعطلنا
~~~~~~~~~~
ملاك: (خدات بوليكوبات طبعات على شي تلخيصات حيت وفاء منين مرضت فجأة صونات على شي واحد للي عطا لملتك التلخيصات خلصت داكشي وبقات كدور مكاين ميدار تفكيرها غير فاورطيغا ومعندها خاااطر لشي قراية جاها الجوع والملل وعاد جالسة بلا تيليفون عݣزت تمشي لاجونص واخا قريبة توحشت طموبيلتها تفكرت تهضر معااه على قبل الطموبيل ولكن واالو مغتهضرش صافي قررت ومغترجعش فهضرتها..
تمات راجعة للدار كيبان ليها الشمكار معلق يدو بالجبص خاافت منو ووجهو مخمج بعدت حدا شي طلبة خافتو يشووفها ولات فوبيا عندها، وشحال فرحت من شوفتو هاكا حتى بعدت ضارت فبالها شي واحد بغا بݣريسيه وسلخو وواحد العقل كيقول ياكما اورطيغا رجع ليه وضربو على حسابها حيت وراتو لييه قلبها طااار بالفرحة واخا غير تخيلت طلعت وصلت حدا دارو مزال كتسمع الدقدييق جمعت زعااامة حتى بغات تدق ومقدرتش سباتو فخااطرها وطلعت للدار حلت لباب ودخلت كتقلب كانت خاوية لا خديجة لا وفاء ومكانتش فبالها غيخرجو بجوج..
دخلت للكوزينة قلبت تاكل شي حاجة لقات الكومير دارت جوج فرماجات وداند فيمي وفرماج احمر كبات عصير ومشات كتاكل شاعلة التلفازة حتى تدق لباب ناضت كتمضغ بلا متقول شكون حلات لباب خرجت عيينها..
كح كح كح… (نفضت فتات الخبز من حدا شنافتها بعدا كانت لابسة حوايجها وشالعا ولكن تصدمت)
شنو بغييت؟!!!
ملاك: (بعدا كانت بحوايجها وشالها) شنو بغيت؟!
اورطيغا: الناس تيقولو السلام بعدا مقروهاالكش فدوااركم
ملاك: غير تل.. (خرجت عينها) اه شنو بغيت
اورطيغا: (جبد تيليفون من جيبو مدو ليها) نمرتك فيه
ملاك: نمرتي!!! منين جبتيها (صغرت عينها) وفين تيليفوني؟!
اورطيغا: خديتو لواحد البازار راه تحفة هداك حشومة ميتزاارش
ملاك: اممم بااز!! فين تيليفوني؟؟
اورطيغا: هاد لسااااان (بقات مطرطقة عينها شافت فالتيليفون) ها هو عندك قضي بييه على متاخدي شي واحد
ملاك: بالصح كنهضر معاك فين تيليفوني؟! (سمعو نسيان فدرووج ميلت راسها اول مرة تشوف ديك البنت تبسمت معاهم ومشات للدار للي ملاسقة كتحل لباب)
….: Salut
اورطيغا: فيين!!
ملاك: (بقات ساكتة شافت فالتيليفون واش تقبلو ولا شنو دير ولكن هاد الساعة محتاجاااه غتقبل بيه راه هو للي مجابش ليها التيليفون وشحال عاوناتوو تقضي بيه وتردو، دخلت ديك البنت) ونتا ممحتاجوش؟!
اورطيغا: (حرك راسو بلا)
ملاك: انا نخرج نشري واحد ونردو ليك
اورطيغا: قلت ليك ممحتاجوش قضي بيه
ملاك: وخدام؟!
اورطيغا: تيقرا
ملاك: (حركت راسها باه)
شكرا
(حرك راسو باه مكتحملش منو هاد الحركة مكيقولش العفو، ولكن ولفاتها براكة غير تفكرها)
نتا للي ضربتي هداك الشمكار؟!!!
اورطيغا: الله اختي على هاد التهمة!!
ملاك: هههه (فخاطرها يخويلك جناب) حيت شفتو قبيلة بحاال شدو شي ݣزار
اورطيغا: اممم وكيجاااك الݣزاار
ملاك: (تبسمت وفرنست ݣاع رجعت جمعتها بالزربة بحال شي هبيلة مابغاتش تحل ليه ولا تفرش)
اورطيغا؛ ممشيتيش للخدمة
ملاك: لا مكانتش شي حاجة ضروورية ونتا؟!
اورطيغا: كانت عندي شي حاجة ضروورية نقضيها فالدار (صونا تيليفونو جاوب وفهمت ان سلعة للي شراها وصلاتو رد التيليفون فجيبو، شاف فيها) غتخرجو؟!
ملاك: ما فياااش هاد نهار وحتى خديجة موحال وا نخرج معاها
اورطيغا: (حرك راسو باه) حسن، مهم أنا نهبط
ملاك: (تبسمت متبعالو العين حتى هبط سدت لباب مفاهماش بلان التيليفون وكفاش جاب النمرة اكيد مغيطمعش فداك التيليفون ولكن جست فرحها يعني بالصح قلب على الشمكار وضربو يعني خاف عليها بقات كتهضر مع نفسها)
رجوع الله البنت بحالا مسخيييتش بييه وكان غير يرجع نعرفو كفاش دار ليها..
(رجعت كتاكل وشعلت التيليفون مع كانت مسجلة نوامر فالتيليفون وفالنمرة كولشي بقالها.. خرجت من répertoire ومشات لتصاور مكاين والو التيليفون بحال جديد حتى الابليكاسيون قلاااال اول حاجة دارتها هي دخلت الواتس باش تهضر مع مها ابيل ڤيديو حيت كانت علماتها التيليفون ضايع وداتو يتصااوب ولكن دارت بنااقص حتى تفهم بعدا فين تيليفونها؟!!!…
رجعت خديجة من عند طبيبة مرتاحة نفسيا والتحاليل وكولشي فيدها، نفس الهضرة كتقال ليها معندك والو البويضات مزيانين الوالدة نقية معندها حتى شي كيس خلاها مرتاااحة..
خدات تريتمو ديال الحمل دازت خدات دوا وشي ڤيتامينات من الفرماسيان صونا عليها يوسف مجاوبتش وصلت للحومة بتاكسي كتلقى حمزة تمااك قبل ميشوفها دخلت الحانوت مستغربة شنو كيدير هدا هنا!! صونات عليها الغالية جاوبت
خديجة: (بقات كتشوف فلابيل غتحايد داك المعيار معاها)
الو
الغالية: (بأمر)
اجي نتي عندي للدار دابا
(قطعت وشافت فختها للي ميقت فيها)
مكنقدر حتى نسمع صووتها الله يعطيها شي موتة قبل داك العرس المشؤووم
اخت الغالية: لا حول ولا قوه الا بالله العلي العظيم.. غير مكتزيدو تعورووها نقولهالك اختي من دابا راه ولدك للي غيجي فالنص
نتي عارفاها قادة بلا مدخلي معاها فشي حرب وطيحي بمستواااك
الغالية: ونخليها منها لولدي
اخت الغالية: ولدك راه بعقلو وعاارف شنو تيدير اختي
الغالية: معارفهاش على حقيقتها انا بغيتها تجي نصورها باش يعرف شكون هي
اخت الغالية: الله يهديك الغالية راها غتكون حافظة صواريها وعارفة شنو تدير
الغالية: هانتي غتجي ونشوفو.. اليوم يوسف غيعرفها على حقيقتها… انا عارفة شنو موجدة ليها
~~~~~~~~~~~
خديجة: (متسوقتش لداك لابيل صونات على مريم عاودت ليها شنو قالت ليها طبيبة صونات على مها حتى هي عاودات ليها وللي أكدت عليها متجيش هاد اليوماين تزيد واخا ظنت العكس يقولولها اجي وحتى هي بغات تبقى نيت..
طلعت للدار كتلقا دروج عامرين كيدخلو شي حاجة لدار اورطيغا عاد وصلت للدار دخلت لقات ملاك نااعسة بدلت حوايجها قبل ميجي يوسف لبست بيجامتها مشات تشوف شي حاجة تاكلها وبقات جالسة كتاكل وميات مطرقة فالراس وفنفس الوقت متبعة يوتيوب صونا عليها يوسف)
اهلييين..
بالصح كنت تنقاد شي حاجة فالدار وبالزربة دخلت دوشت مسمعتوش… يعطيك الصحة احبيبي…
اه صونات قلت يمكن بالغلط حيت ياله جيت نجاوب وهي تقطع قلت يمكن بالغلط
.. بالصح..
ااااه مكتابش هاد نهار نمشي..
قولي احبيبي خاص ناخد دوك الماعن قبل منمشي..
اه ماما عيطاتلي باش رجع..
صافي واخ..
اه وقول لخالتي الغالية ان شاء الله مزال نعوضها ليها ونبقى نمشي عندها حتى نطلع ليها فراسها..
ههه صافي واخا…
انا نتسناك.. (قطعت)
تمشي ت*** قالك نمشي عندها هاي هاي هاااي (متقدرش تيق وتمشي عندها.. مشات تفيق ملاك مبغاتش تمشي معاها بحجة عياانة لبست خديجة حوايجها وقدات راسها هبطت عند يوسف للي بقا لتحت ومشاو يتقدااو المااعن للي خديجة شحال وهي كتقلب فليوتيوب شنو خرج جديد وشنو للي كيجيو شيك اما شي لاخر راه باااين… حتى طلامط كولشي قلبت عليه والديكورات باتت الليل كامل كتبحث وتقلب..
فطريق تفكرت خاصها تعلمها راه شافت حمزة باش تحضي راسها ولكن نسات وحتى التيليفون معندهاش باش تعلمها…)
ليلى: (كتغاااوت مع مها والهضرة كولها بالفروونسي) حتى هنا الا بقا معكس معايا غندير نفس الإجراءات للي درت معاه ففرنسا هو ماشي من حقو يمنعني باش نعيش حياتي يمشي يعيش حياتو وينساااني علييه
ام ليلى: سمعيني هو راه غير فاللول للي غيبقى يدير بحال هكاك من بعد لا
ليلى: لا دابا لا من بعد هاد الجسم ديالي انا ندير فيه شنو بغييت ممنحقوش يدخل كاين شي حاجة اكتر من انني فهاد العمر وبااقية ڤييغج
ام ليلى: وشنو الحل
ليلى: الحل قلتو ليك غنخلي كولشي البوليس
ام ليلى: واش نتي حمقة باغية دخلي خوك عاود الحبس؟؟؟
ليلى: الا بقا تابعني هاكا كتر مدايها فحياتو.. ااااه
ام ليلى: غنتقلقو منك بزااف المرة اللولة سمحنا ليك
ليلى: بلاش صافي رجع لفرنسا وبقاو نتوما هنا ولكن عمرني نعاود رجع هنا ولا تشوفوني (خرجت زادحة لباب أمينة متبعة ليها العين هبطت درووج غير شافتها جات عندها)
طاتي أمينة خاصني ضرووري نهضر معاك
أمينة: شنو؟
ليلى: انا تنبغي اورطيغا وهو مقلق مني بزااف يمكن كرهني ݣاع
أمينة: (كتشوف واش كاين شي حد) علاش؟! وهضري بشوية
ليلى: درت مشكل على والو وانا دابا تنخلص معرفتش كفاش نراضييه واخا تعاونيني حيت هو تيبغيك بزااف وتيسمع لكلامك
أمينة: (ميقت فيها) شنو بغيتي ندير؟!
ليلى: معرفتش هضري معاه
أمينة: الله يهديك ابنتي بغيتي نقولو مثلا بغي ليلى بالسيف عليك
ليلى: انا ماشي خاايبة اطااتي انا دابا غير معصبة داكشي باش تنهضر هاكا حيت عاود بغاو يدخلو فحياتي ويحبسوني
أمينة: واليديك باغيين غير مصلاحتك ابنتي وولدي ديريه بحال خووك متعاوديش تجبدي هاد الهضرة
ليلى: علاش اطااتي انا مبغيتش يكون بحال خويا هو تيعجبني بزااف
أمينة: (كتشوف فهاد الوقااحة وفنفس الوقت كتسايس معاها مابغاتش ولدها يتعرف راه كان فعلاقة مع بنتهم) ولكن ولدي معتابرك بحال ختو
ليلى: لاااا
أمينة: اه ابنتي نتي بحال ختو وهو مباغي لا زواج لا والو انا مو وعارفااه غير خوي راسك منو ابنتي هو مباغي حتى شي وحدة تكون فحياتو وانا منبغييكش تعمري راسك بيه وفالتالي ميكون والو
ليلى: (بقات سااكتة) معرفتش، مقدرتش
اميتة: ساهلة ابنتي تعرفي على واحد اخر وغتنساي ولدي…
ملاك: (غير مشات ختها ناضت لبست كيطمة ديالها مشا قدات وجهها دارت مسكارا ݣلوص وبقات فالدار كتسناه يجي ومتشوقة تشوفو وتهضر معاه، جمعت الضحكة مستغربة من راسها)
اويلي واش بنيتك!!!!
راه جهل هدا نيت للي جالسة كنتسنااه واش تصطيتي!!
ولكن، بففف شنو ندير دابا باش نخليه يطلع!! نمشي نسولو على طموبيلتي؟! ولا على كفاش بلان تيليفوني؟! لا لا مووووستاااحيييل نموووت ومنطيحش على راسي الذل!!
(مشات لبيت وفاء هي للي عندها لبالكوو لوات شالها وخرجت كطل صعيب مكيبانش البالكو ديالو كيتسنع غير الطاق الطاق، بقات غير كتفرج فالشارع حتى كيبان ليها حمزة خرجت عينها)
شنو كيدير هاد ايخان هنا!!
واش نديكلاري بهاد لق****!!!
وااا بزاااف على هاد زمر صافي غير مشد مني والو تابعني حسابلو معايقاش بييه ݣاع جنس واحد كيتبعو غير للي مكيديو مينقيو بيها سنانهم
(خرجت عينها)
هاكا ندير مع العزي ندفع كبير!!
اممم ويلا هرب!!!!
ويهرب اصلا انا مكنحس بوالو من جيهتو!!
(بقات متبعة حمزة للي ركب فشي طموبيل معرفتها ديالمن وزاد!! بقات غير كتفرج حتى تدق الباب قلبها
ضرب وتبسمت مشات لوسط الدار كتنقز باين غيكوون هو)
شكون !!!!
(لا رد.. قربت حدا لباب رجع تدق لباب)
شكووووون؟!!
اورطيغا: (متكي على لباب شاد لساانو كيحط فجبهتو) حلي.. (محلاتش دغيا مسحت لݣلوص بلا متحس الڤيس هو الڤيس.. عاد حلات)
بغيتك تشوفي معايا واحد لعيبة
ملاك: (هزت حواجبها بجوج متبسمة) شنو هي؟!
اورطيغا: اجي معايا وشوفي
ملاك: فين فداارك؟!!
اورطيغا: امم ونخليو باب طواليط محلول
ملاك: ها ها ها..
اورطيغا: متجيش؟!!
ملاك: لأ
اورطيغا: اممم قبييحة
ملاك: هههه قولي منين جبتي النمرة؟!
اورطيغا: (حك لحيتو) انا غنمشي للمحال نقضي شي غراض ونطلعو لسطح ونقولك
ملاك: اممم (كتبين دون اهتمام) معرفت
اورطيغا: صافي منقولكش
ملاك: (هزت كتفها) على خاطرك!!
اورطيغا: (كمش عينو فيها) غتبقاي فالدار؟!
ملاك: (طلب النمرة الحمار، طلب النمرة الحمار) الحد الان اه..
اورطيغا: (حرك راسو باه) تخرجي؟!!
ملاك: فين؟!
اورطيغا: نمشيو نجيبو طموبيلتك
ملاك: اه، صافي واخا
اورطيغا: انا نتسناك لتحت متعطلييش (معرف منين يشدها ولكن تحلف عليها..
اما هي دخلت كتنقز بالفرحة لبست حوايجها ورجعت بدلت تالفة شنو تلبس، قدات شالها دارت بارفان للي شرالها حمزة ماشي حبا فيه غي حيت عجبتها دارت عكر خفييف، هزت صاكها وخرجت عندو عاجبها الحال بزااف غير وصلت لتحت دارت ملامح عادية لقاتو مع شي دراري مع شافها غمزها طلع لطموبيلتو للي حلها طلعت ركبت هاد تبعها وديمارا زااد…)
ملاك: (كتشوف فيه صاايݣ كتسناه يطلق شي ملحون شي
عيطة كما مواالف ووالفات معاه، حتى طلق موسيقى كلاسيكية هااادئة) ماشي ستيلك!!
اورطيغا: وشنو ستيلي ازين؟! الاغاني ديال فسيخ اللوز
ملاك: (تبسمت) ههه كتعقل
اورطيغا: حتى تلقى عقلي مسجل كل كلمة قلتيها
ملاك: (فرنست عاضة شنافتها قالبة وجهها واش هدا اعتراف ولا شنو!! شافت حمزة هابط من الحومة اوطوماتيك قلبت وجهها اللور بحال كتشوف فشي حاجة وهو شافو)
اورطيغا: متيديرونجيكم حتى شي واحد فلموبل؟!
ملاك: همم!!!
اورطيغا: (شاف فيها مخليها على خاطرها)
ملاك: (تبعات لاخر من الزاج حتى مشا عاد ضارت) شنو قلتي؟!
اورطيغا: (حرك راسو باه وبقا صايݣ) انا مزال متغديت، ونتي؟!
ملاك: انا تغدييت
اورطيغا: (كانو وصلو فالاطلس) شنو تبغي تاكلي؟!
ملاك: لا لا انا كلييت (حرك راسو باه وهي فيها الجوع غي حيت جبد حس الماكلة ولكن الفرحة غاالبة مخلياها مسقومة، شافتو وقف فدار الدباااغ جاتها لبكية بالفرحة شوااااااا هبط وحتى هي هبطات دخلت تابعااه)
اورطيغا: تتاكلي الكبدة الطيحال ودوك تواشا (حركت راسها باه مقدرتش تسيطر كتر)
صافي سيري جلسي فشي قنييت (مشات كتقلب تبعد من على الناس، جلست جا السرباي حط الزيتون الزعلوك البقولة مطيشة وبصلة وهي ريوݣها سابقينها جا جلس حتى هو طلب قرعة ديال لما هز زيتونة كلاها)
تيعجبك لحم
ملاك: شوييية، نتا غتكون كتر!!
اورطيغا: (حرك راسو باه) باقيا جالسة فاس؟!
ملاك: معرفتش شنو المدير غيدير ولكن غالبا صافي غرجع لصفرو
اورطيغا: شحال باقي ليك
ملاك: اليوم الجمعة ممشيتش هاد الويكاند والسيمانة جاية ان شاء الله
اورطيغا: وترجعي لصفرو!!
ملاك: (فكرها وبانت فوجهها) داكشي نيت.. غرجع
اورطيغا: وعلاش متبقايش هنا.. ديري ميطاسيون شي لعييبة
ملاك: علاش نديرها؟ (شاف فيها شوفة فشكل) واصلا بابا ميخلينيش نسكن بوحدي
اورطيغا: (حرك راسو بأه وهو مزال كيشوف فيها) اممم عندو الصح
ملاك: علاش؟!
اورطيغا: تطيري
ملاك؛ كفاش هاد كنطير عاود!!!
اورطيغا: كما سمعتيها!! (خنزرت فيه بغات تنوض وهو يوقف) فين ماشية
ملاك: ماشي شغلك
اورطيغا: راه مزال تنهضروو
ملاك: ماشي هضرة هادي كفاش كنطير
اورطيغا: (صغر عينو فيه وقلب عينو فبنادم للي كيشوفو مخرج عينو) جلسي (بغات تمشي شدها من ذراعها) صافي جلسي نهضرو بشوية
ملاك: زمر
اورطيغا: شناااااوااا!!!
ملاك: (بنفخة) والو.. (جلست معاجبهتش الحال مدورة وجهها وهو جاه ابيل من المحال خرج كيهضر وحاضيها باش متنوضش)
على خ*** كيف داير باش يقول كلمة زوينة (كتعيبو) تطيري الله يطير لباباك داك العقل ونبقى صايݣكااك بحال شي مضهصص…
الفم للي يقول زمر يقول تمر…
رجع منين تحط لغدا كان طلب داكشي بزااايد شافها منفخة قالبة وجهها
اورطيغا: جبتيها فراسك كاين شي واحد تيتنفخ على الماكلة (بقا كياكل وهي عاد بقات كتهز شوية بشوية ولكن كتبنن فلداخل ديالها وهي تجلس نيشان كالااااات.. كيمسح يدو بالموشواار وشنايفو) وااا هو الصراحة معندكش مع لحم
ملاك: ههه (زلقت ليها الظحكة)
اورطيغا: عندك ديك السنطيييحة!! شحال تتلبسي فوجهك؟!!
ملاك: ميات الف
اورطيغا: (ناض غسل يدو وتبعاتو حتى هي غسلات مشا خلص جمعولو داكشي للي شاط وخرجو) تبغي شي مونادا؟!
ملاك: (دارت يدها على كرشها) لا لا بلاش
اورطيغا: (مشات ركبت كتشوفو هز داك الخبز ولحم عطاه لشي مرا كتطلب وكظحك معاه باينة ماشي اول مرة يعطيها حتى هو مجمع معاها، قلبها زدح ولكن بفرحة كبييرة وعينيها كيتبسمووو وهي متبعاااه..
رجع ركب وملامح وجهو عادية شاد طريق للسعادة)
غندوز المحال على ود شي حساب، معليش!! ولا تبغي نقضيو غراض ديالك؟!
ملاك: (حركت راسها باه وفنفسها نمشي معاك فينما بغيتي)
اورطيغا: واخا الدري قايم بشغاالو ولكن ضرووري خاص نعرف كل حاجة فين تتمشي وفين تتجي وتنوقف على نقاا شي قو** حاطني فباالو وكل مرة مديكلاري بية
(معرفت واش توبخو على تخسار الهضرة ولا تسكت تصنت!! واش هو ديما داير هاكا!!!)
وسخولي الضوسي ولاد لحراام غير هكاك كل مرة عندي طلعة فالمحكمة قرية يخرجولي شهادة السمنة تما
ملاك: هه ونتا شاك فشي واحد
اورطيغا: اوديييييي شكينا فحوايجنا
ملاك: وخاصك ترد باالك
اورطيغا: هدا شي واحد قريييب لية (مكمش عينو) قريب لية مزيااان ولكن شكون معرفتش؟!!
ملاك: مشكلة صراحة
اورطيغا: معليييش نهار يطيح فالمقلة غيتقلا
ملاك: (حركت راسها باه وقف حدا المحال حيت داير بلاكات باش تكون خاوية ويحط هو طموبيلتو)
اورطيغا: اجي معايا لداخل (شحال عجبها الحااال، هبطت معاه دخلت من موراه) دخلي ولا معندكش مع الريحة!!
ملاك: لا لا عادي.. (دخلت واخا الريحة دلحم مجهدة ولكن المحال لداخل نقي جاب كرسي جلسات وهو يعطيها بيسي) شنو؟!
اورطيغا: قاديلي واحد لعييبة
ملاك: هااااااااه عرفت هاد العراضة موراها شي حاجة، (صغرت حوايجها) دخل على طمع!!
اورطيغا: هههه (كيحل لبيسي باش يدير باسوورد)
اولا هادي ماشي عراضة تانيا خدمتك متقوونة (حركت راسها بفخر تبسم من حركتها) نبقا نخلصك على هادشي
ملاك: اممم نفكر
اورطيغا: راه بزااف دافعين لهاد الكونكوور مخاصكش تفلتيها
ملاك: كنطيح غااالية
اورطيغا: حتى حاجة متغلى علييك
(تبسمت شاد لبيسي حطو فوق حجرها عطاها بحال داك نهار كيقرب يوريها وهي غير مدوخة بلباغفان دياالو، وقف وهي بقات كدخل داكشي عيطولو مشا خرج للمحال كتسمعو كيهضر مع الكليان.. دغيا كملت حيت دخلت غير حساب ديالو للي لقاتو راااابح ولكن واش هاد الفلوس كاملين ديالو ولا عندو فيهم غير نسبة!!!)
الغالية: (رجعت صونات على خديجة بانفعال وعصبية)
شتك نتي مجيتيش عندي!!!!
خديجة: (بلعاني دارت مكبر الصوت قدام يوسف حيت عرفتها غتقول شي حاجة خايبة)
هاء أحم
(حيدت مكبر الصوت ويوسف مخرج عينو مغوبش)
سلام خالتي، كنا انا ويوسف كنتقداو شي حاجة
(خطف ليها التيليفون من ودنها)
يووووووسف!!!
يوسف: (معجبوش الحال) شنو واقع الوالدة؟!
الغالية: (بدلت نبرة صوتها) والو، (تكرهت) والو اوليدي غير كنت بغيت مرتك باش تجي تختار شي حاجة على حساب العرس
يوسف: وعلاش مقلتيلي والو!!
الغالية: واش بغيتي نبقى ناخد الرأي ديالك باش نعرض مرتك!!
يوسف: شي مرات اه
الغالية: ياك اولدي راه مرتك غتكون بحال بنتي ووحدة مني من دابا تنقولهالك داكشي للي بيني وبينها مدخلش نتا كما مبغيتيش للي يدخل بيناتكم
يوسف: اممم مهم حنا مزال بعاد ومعطلين وخديجة غدا غتمشي الا بغيتيها تختار صيفطيلها فلواتس
الغالية: (عوجت فمها) واخ بسلامة (قطعت، شافت فختها) شتي؟!
اخت الغالية: شتي نتي للي غتبقاي حاطة راسك من راسها ديري عقلك الغالية راه ولدك فين غتجي فيه الضربة…
~~~~~~~~~~~
خديجة: علاش قلتي ليها غنمشي
يوسف: جييت صاافي معندها معنى تمشي.. مهم شنو باقي خاص
خديجة: (بان فيه معاجبوش الحال) باقي خاصني ناااخد حوايج لتحت صافي حتى تكون معايا ملاك منصدعكش
يوسف: لا لا هادشي للي كنت تنتسنى من صباح شنو زعما انا لماعن وملاك دو بياس!!! الغذر هدا!!
خديجة: هههه باااز
يوسف: انا نختار
خديجة: راه مغنقيسش غير باش تكون على بال
يوسف: وا ميمكنش شحال بعدا طااي ديال السوتياام
خديجة: اممم 50
يوسف: اقلبيييييي!!
خديجة: هههه (مشاو بوتيك فبرج فاس، هي كانت عوالة فسوق ولا شي حانوت ففاس جديد، ولكن قالت من الخير حيت هدا دهازها وهو باغي لحوايج ليمارك!! علاش انا نعتاارض وحتى انا من حقي لبس الغالي وليمااارك بقاو كيختارو خدات 10 دوبياس ومشا كيقلب فليغوب دونوي كيعزل بقا كيقلب فيه واحد هي وحشمت من الشوفة فيه هنا عرفت ان زواج عند يوسف 70٪ مبني على الحياة الجنسية..
وقررت تطبق فكرة ديال وفاء واخا ديرها غير مرة ولكن الليلة اللولة غتبنى عليها شحال من حاجة.. خدا ليها جوج خدات حتى بيجامات قصاار ديال نعاس كيكونو ساتان دازو لمحال المكياج بقا بعيد كيتسنى جات عندها وحدة للي عاوناتها فشنو تختار وعلى حساب نوع ولون بشرتها خدات عكورة وبكترة مخدات عطاوها شي برودويات وكريمات هدية عاود مشات خدات اتروس صغيرة على ديالها دارت من كل حاجة فوندايشن ايلينر مسكارا فاغاجو قلم هاليتر 3 عكورة خداتهم لملاك خرجت الفاتورة هي وتخلعت رمشت عينها خافت من ردة فعلو وحشمت ولكن)
حم يوسف
يوسف: (جا عندها بلا ميشوف شحاال دوز الكارت ديالو ويفي عطاوه الريسي دارو مع صاك المكياج وتمو ماشيين)
شنو بقا ازين؟!
خديجة: (مزالة مصدومة من الاسعار) اممم شي بارغفاان
يوسف: امم لأ هادوك انا عارف شنو نجيب ليك وأصلا دمونديت عليهم
خديجة: يخليك ليلي صافي هاد نهار باركة
يوسف: نطلعو الفوق نشربو شي حاجة
خديجة: اهاااه….
ملاك: (كملت الخدمة للي عطاها دير وقلبت عاود لبيسي والو مافيه حتى شي حاجة شخصية من غير الفلوس والخدمة قلبت حتى داكشي ديال لبني ولكن مكاينش شي حاجة اخرى من غير تݣزاارت..
جاها ميساج ان بريڨي مصونية ولكن مغطلعش لابيل حيت مبلوكية)
انا عمرني بلوكيت بريڤي!! (مسوقتش)
حسن باش متبقاش تصدعني نيييت..
(طفات لبيسي وحطاتو فوق البوطاجي منين تأكدت انه ناشف مافيهاش الما بقات كتقلب كانت ثلاجة كبييييييييرة فتحتها كاين بزااف سݣايط حوالة وبݣري)
مسااااكن!! ولكن فشوااا كيكونو ناااضيين، بعدا نشبعو معاه لحم
(سدت الباب كان فريݣو طويييل فيه الكفتة الكرعين الكبدة الدوارة واهم حاجة كولشي كيبان نقي.. جلست فالكرسي جبدت التيليفون جربت الكاميرا وهي تفشل منين تفكرت)
للي سرق التيليفون وقلبو غيلقى تصويرة ديال اورطيغا فاش صورااتو !!! عاد الخايبة الا هو نيت طاح فيها!!!!
(قلبها زدح خايفة يغضب الا طاحت التصويرة فيدو ولا فقد حد اخر غنحط فموقف باااايخ!!! دخل عليها لقاها فوضعية باغا تصور سيلفي)
اورطيغا: تعطلت!! (شد تيليفونها من يدها بقا واقف وهي جالسة ودار سيلفي كان وجهها مضهشر، ضار عندها)
خاطفك؟!
ملاك: ههه (دغيا ضار صورهم وتبسمت وشاف فالتصويرة كانت ضاحكة) عيطيني نشوف
اورطيغا: مزيان تخلعي بيها خوك صغير
ملاك: (جمعت الظحكة) اممم (عوجت وجهها وهو متبعها) شوف حقا خدمتك (عطاها التيليفون مشافتش فالتيليفون بغات تكون بوحدها عاد تحنزز فيها مزيان..
هزت راسها لقاتو مربع يدو وكيشوف فيها ملامحها كيتحركو ويعبرو بلا ميتهضر، وترها بقات غير كترمش عيينها والصهدة كطلع مع وجهها حتى سمعو صوت بنت كتعيط ليه مع ضار لقاها دخلات هو بقا غير كيشوف عادي، وملاك تحرجت من الموقف وفنفس الوقت عجبها الحال وبينت الأمر طبييعي)
غيثة: (مصدوومة كتشوف فيهم بجووج) اممم ملاااك!!!
ملاك: (تبسمت) غيثة صاڤا
اورطيغا: (تكا على الحيط) الزيين صاڤا!!
ملاك: (اوطوماتيك شافت فيه على ديك كلمة الزين!)
غيثة: ملاك شنو تديري هنا؟!
اورطيغا: هي معايا (ضارت عندو) بغيتي شي حاجة؟!!
غيثة: (غوبشت محملتش رااسها بقات غير كتشوف فيه مصدوومة وتنفسها كيتساارع مبينااها)
ملاك: (هزت حاجبها كردة فعل) مالكي؟!
اورطيغا: غيثة!!!
غيثة: بلاتي نفهم واش نتوما اونصومبل؟!
اورطيغا: (شدها من ذراعها مخرجها وملاك متبعااهم) شنو تديري؟!
غيثة: (بعصبية) واش نتا مع ملاك!! ميمكنش!!
اورطيغا: واش بعقلك؟!
غيثة: خاصني نعرف
اورطيغا: ماشي سووقك اغيثة!! اخر مرة تحطيني فهاد الموقف
(تصدمت حسابلها بغا يفهمها قبل ميكمل غلبتها البكية وضارت مشات لاحقاا على مها للي كاينة عند تريتور كتختار هي وخالتها منين عرفت راسها غير غتبكي وحالتها غتكون حاالة شدت تاكسي ومشات لدارهم..)
اورطيغا: (عض شنافتو الفوقانية وهز حواجبو غيثة عزييزة عندو ولكن كأخت لا غير عمرو فكر ولا حتى نوا يفكر يكون معاها واخا حاس بيها مزعووطة ولكن راه مستحييييل دار يديه على جنابو حاضيها مشات شدت تاكسي.. دخل لدااخل لقاها جالسة فين خلاها)
مشينا!!!
ملاك: (بهدوء باغا تعرف شنو واقع!! وشنو دار مع غيثة) اهااه، ياكما درت ليك شي مشكل
اورطيغا: اه
ملاك: (بتعجرف) مزيان (وقفت هزت صاكها دارتو على كتفها)
اورطيغا: وزغة
ملاك: (بفقسة بلا متحس) عزوااا (قالتها وضارت عندو كتسنى ردة فعل ديالو)
اورطيغا: (هز حواجبو بجوج مخرج عينيه وطرطق كيظحك حتى بقات كظحك حتى هي على طريقة ظحكو وفنفس الوقت نسات الفقسة وكتلاحظ ملامحو عينيه للي كيغبرووو وسنانو البويض وديك تفاحة ادم للي طالعة هابطة شاف فيها حاك راسو مدوز يديه على وجهوو)
غير للي يبدااك
ملاك: (جمعت الابتسامة سبقاتو خارجة هز لبيسي من تماك داز عند الولد للي عطاه الوقت معاش يسد وتبعها كانت واقفة حدا الطموبيل) دغيا ظلام الحال
اورطيغا: (حرك راسو باه حط لبيسي اللور وحل ليها باب الطموبيل تبسمت معاه طلعت)
خرجنا معطلين وأصلا الجو مصيف
(سدت لباب وهو طلع ركب)
فين تبغي نمشيو؟!
ملاك: هااء!! ياك غنمشيو على حساب طموبيلتي
اورطيغا: (شاف فالساعة للي فيدو) مشا الحال، يكون سد.. تيسد بكري
ملاك: وعلاش ممشيناش قبيلة
اورطيغا: (بهدوء كيديماري) غدا!!
ملاك: (على قلبها بحال العسل) اممم واخا
اورطيغا: وفين نمشيو دابا؟!
ملاك: هه لدار
اورطيغا: زربتي علية حتى نتعرفو على بعضيااتنا نولفك وتولفيني ومن بعد نشوفو الدار
ملاك: لاااااااا هههه واخا تكون نتا اخر وااحد
اورطيغا: اممم
ملاك: نتا مندخلكش من شتا (كتقولها وتعوج)
اورطيغا: لفين؟!
ملاك: بففف صافي صافي
اورطيغا: (بقا كيشوف فيها.. كسيرا وهي كتسب فلساانها وتأنيب الضمير خدام علاش نطقت بحال الحز** خافتو يتقلق)
ملاك: حم واش درت ليك شي مشكل مع غيثة
اورطيغا: اممم لا (سكت شحال وشاف فيها) غيثة بحال ختي
ملاك: اممم مزيان
اورطيغا: قوليلي (شاف فيها ورجع شاف فطريق) بغيت نتصالح مع الوالدة
ملاك: هه علاش شنو درتي؟!
اورطيغا: قو*** معاها
ملاك: اوووووو شحال كتخصر الهضرة
اورطيغا: ق** كلمة عادية راه جاية من اللغة العربية ق** يق** ق**
ملاك: ههه اه بالصح هاكا قالو ليك
اورطيغا: شنو ندير دابا
ملاك: اممم سير شري شي كادو وخودو ليها شوف هي شنو اكتر حاجة عزيزة عندها وكتبغيها تكون عندها
اورطيغا: اممم (كمش عينو كيتفكر) شي بنت قرطااسة نقولها هادي هي المداام
ملاك؛ (تقرست) اهااه توكل على الله
اورطيغا: تتعرفي شي وحدة زوينة؟!!!
ملاك: كنعرف ولكن (هزت شنافتها مشنترة) متعجبهمش
اورطيغا: هههه جربي معاهم
ملاك: لا لا كنعرف ذووقهم متعجبهمش
اورطيغا: راه واخا عزي قاضي الغرااض
ملاك: اووووف
اورطيغا: (تبسم مدوز لسنانو على سنانو) انا تنعرف لعيالات تيعجبهم ذهب
ملاك: (حركت راسها هي كتسنى يقولها شي حاجة عليها وهو كيسول ها واش كتعرفي بنات) مرض
اورطيغا: واش!!
ملاك: ماشي معاك هداك للي جاي قاطع ونتا صايݣ
اورطيغا: (بقا ملهي كيتغاوت فطريق لاحظاتو كيتعصب فطريق وخاصو دغيا يدووز، مشاو لفاس جديد كيقلب فين يحط الطموبيل وكانت الدنيا عامرة) والو بلاصة تقلب عليها والفتيلة والقنديل متلقهاش، فيك متمشاي شوية نحطوها لتحت
ملاك: وااخا (حطو الطموبيل فباركينغ بعيد شوية وتمو طالعين حيت جاية عالية والبارك لتحت ساكتين وبعاد على بعضيااتهم بشي سنتيمترات هز تيليفونو كيجاوب باينة شي كموند ومن كلمة الحاج باينة الحاج بنسليمان للي معيط ليه قطع، وهي معندهاش مع لمشياان دغيا عياات كتلهت من لداخل وممبينااش شافتو متبسم وهو يوقف مع شي 3 دلبنات زوينات لباس والطوولة للي فاقساها بقات بعيدة ضارت لقات وحدة خبطاتو فذرااعو وهو كيتبسم معاهم ويجمع)
ولد **** كيفقسني!!!
(بقات كدور عينها حتى زادت مخليااه هو غير شافها تحركت ودع لبنات ومشا تابعها)
اورطيغا: مالك زايدة بوحدك؟!
ملاك: وعلاش غنوقف بقيت كنتمنضر وزدت نسيت ݣاع واش نتا معايا
اورطيغا: (هز حاجبو) علاش فايت فيك زهاايمر؟!
ملاك: (كيعصبها دارت يدها على خصرها وهازة راسها) نتا جايبني معاك هنا متمشيش وتخليني منين تكون بووحدك ووقف معامن بغيتي ولكن منين تكون معايا لااا
اورطيغا: (لبنات كانو بنات سعد ولد الحاج واخا باهم مكيحموش ولكن عزيز على لبنات)
منقدرش نصدر الزين قلبي تيضرني
ملاك: (مشات وخلاتو تابعها كيظحك عيطلها تسنى وقفت ولكن مظاارتش شي 5 دقايق وقف قدامها عاطيها عصير فيه ݣلاص)
اورطيغا: هاكي بردي شوية، غير وقييدة شاعلة فيها العافية
ملاك: (شدااتو هادة عليه بغا تخوييه)
اورطيغا: (مقرب ليها شاد ذرااعها) والله يا داك نص ميتر حتى نجبد مك نخليك جوج متر وتبتي
ملاك: (جات تهضر وخشالها لباااي فمها حتى وصلت لحلقها بقات كتكح كيضربها على قرفاادتها بشوية) كح كح
اورطيغا: حلال حلال حلال…. مع الوقت تولفي…
حنان: شوفي هزيتي يوسف وحطيتي يووسف
الياقوت: (بتعجرف) هدا هو للي كان تيضل تنحبك وتنعشقك ومستحيل نعيش بلا بيك!! طررر
حنان: يمكن مرضااش حيت خليتيه وبغا ي
الياقوت: شوفي يوسف ياما قطعت عليه بشهوور وكان تيرجع بحال لخرووف هادشي ݣاع متيهزني
حنان: اوا دابا راه تزوج وعلى متتعاود مو شي وحدة عريباااانة مباغيااهااش
الياقوت: وعلاش دارت ليه خاطرو؟!
حنان: حيت كان غيتزوج بلا خاطرها وخافت تزيد تخسرو
الياقوت: هاي هاي هاي هدا يوسف؟!
حنان: انا تنقوولك مخسرش علية حتى salut كان غيطردني من الفيلا
الياقوت: (بقات غير كتشووف)
حنان: وعاد قالت طاتي الغالية هاد المرا للي تزوجها ديجا ديڤوغسي ويمكن عااقر متتولدش عرفتي مسكينة قطعت لية قلبي وهي تتعاودلي داك نهار
الياقوت: يووسف!!!
حنان: اه ويمكن يمكن باينة داخلة فيها الشعودة
الياقوت: راه 💯 هادي عاد فيها الشك منين تتقولي شلحة ومطلقة وغير تتلسق وخيبووعة
حنان: صراحة تمنيت نشوفها
الياقوت: والعرس امتى؟!
حنان: بقاتلو شي سيمانة
الياقوت: (تعصبت) لا هدا بنيتو؟!!؟
حنان: الا كنتي غديري شي حاجة ديريها قبل ميديرو العرس
الياقوت: مغندييرش وماشي سوقي فيه انا اللولة لحتو وخليتو لشياااطة غير هادي تكفيييه
حنان: الياقووووت نسيتي!!!
الياقوت: ممتخيلاهش بدلني دغيا فهاد الوقت 8 شهور ولا 9 دغيا بنا حياتو وتزوج!!
حنان: وحتى لفراش للي ختاريتي معاه باعو
الياقوت: انا تنحس بيك باغية تفقسيني كتر متتعاودي لية
حنان: حيت من اللول مبغيتكش تفارقي معاه
الياقوت: (بقات سااكتة) حنان من بعد ونهضرو
حنان: وشنو مغتجيش المغرب؟!
الياقوت: معرفت!!
حنان: مهم انا غدا غنتلقى معاها فشي كافي ما فية للي يعاود يتحرج معاه
الياقوت: الا لقيتي تصويرتها وريهالي
حنان: شنو بغيتي تصويرتها انا تنقوولك رجعي يوسف
الياقوت: وصافي غير صيفطي نشوفو هاد الخيييير باش بغا ينساني مسكين
حنان: واخا
الياقوت: باي.. (سدت لابتووب ممتيقاااش يوسف تزوج بهاد السرعة وعاد لاسق فوحدة مباغاهاش الغالية!!!!)
دخلو عند قيسارية ديال ذهايبة كيسول على شي واحد مقصوود، حيت ديجا تعامل معاه من قبل نعتوه ليه وصلو تساالم معاه
اورطيغا: (من بعد هضرة) بغيت شي حاجة مفرݣعة الوالدة
مرحبا مرحبا بالناس العزاز، شنو بغيتي بالظبط؟!
اورطيغا: (شاف فملاك) ياله الزين شنو؟!
ملاك: صراحة اناااا تيعجبني داكشي رقيق (هز حاجبو فيها ومع دماغها خااسر جات تصلحها عورتها)
فذهب
(زاد مخرج عينو فيها وهي تلفت كتقلب) جبدلي هادااك الدبليج لغليض زعما “نبالة”
اورطيغا: مبقاش تيعجبك رقيق!!
ملاك: اوااا خاصك تمشي على حساب لاااج وشفت خالتي مينا كيعجبها داكشي الباااين
اورطيغا: (دار يدو على الجهة اليسرى على وجهو) وتسمعك قلتي ليها مينا!!!
ملاك: ههه أمينة أمينة
اورطيغا: وهكاااك الله يرضي عليك ياله ختاري وبالصح الوالدة تتبغي داكشي مشعشع تيضرب على شعاااا باش تفقسنا شعشبونة
ملاك: ههه ديك البومة نااري..
(خرج على برا تيجااوب فالتيليفون وهي كتشووف حتى جاب ليها ذهايبي واحد مخدوووم باليد سمعت الثمن ودنيها صفرووو تمناتو لمها صرااحة ولكن غااااالي ومدام جابها هنا الا قاد يشري كتر.. قلشت ودنييها اذا ماشي غير ݣزيزييير!! شافت هاديك نباالة تقيلة ومشاارجية وراها لموديل فاليد كتكون لاسقة كتجي زويينة واخا ماشي من ذوقها ولكن هو عطاها شنو تتبغي مو شافتو مشا كيهضر مع ذهاايبي فالقنت بقات كتفلييه حيت مخدوم زوين وديكور فاليد يتلبس فالمناسبات.. عطاتهم بظهر صورااتو حمقها وفبالها تجمع فلوسو خصيصااا وتشرييه لزهرة جا عندها وراتو ليه)
اورطيغا: عجبك؟!
ملاك: صراحة زوين غيعجب مك
اورطيغا: مك!!
ملاك: اه نسيت نتا كيليميني غيعجب ماماك
(بقاو كيظحكو هو وذهاايبي، جمعلو نبالة فبوااطة هو والريسي ودارها فساشي ديال الكادويات مدو ليه شافت فاورطيغا جبد بزطاامو عطاه شي 1000 درهم.. هزت حاجبها شد من عندو الساشي)
اورطيغا: هو هدا الحبيب (مشاو خرجو)
بالصحة والراحة…
ملاك: متشاطرتيش معاه واش خلاه ليك بداك الثمن!!
اورطيغا: لا رغبتو وقاتلو على متوصلني واحد القرعة دايرادها مع شي ݣزارة وكل مرة ندوز ليه شي حاجة!!
ملاك: هااء!!
اورطيغا: اوااا حنا ولاد باب الله كل نهار بنهااروو
ملاك: (معرفت واش تيقو ولا ولا!! واش هادوك فلوس الحاج وعلاش غيكذب!!) معليش للي كتعطا فالواليدين غير ربح
اورطيغا: محسابليش مصواابة!!
ملاك: مصواابة ونفووتها لهيه غير كنكون مع للي يستااهلو (زادت سابقااه وهو تاابعها.. وصلو للطموبيل معارفاش الوجهة هو غير كيهضر فالتيليفون وكولشي خدمة فخدمة والغريب مقنطهاش بلعكس طالقة ودنيها تعرف عليه كتر ولي كينرڤزها هو تخصار الهضرة وقف قدام ريسطو مع داخلين الصوت كيجهاد كان الجووق وداكشي ديال الشعبي خلاها جلست وهو خرج يكمل هضرتو عجبها الحال بزااف عمرها حضرت بحال هاد الاجواء وكانو عائلات وكاين للي كيشطح بقات غير كتفرج..)
خديجة: (بقاو شحال كيهضرو ولا هي كتسمع وهو كيهضر على خدمتو)
ومكتعيااش حيت جوج خدمات كتجي قاسحة شوية
يوسف: تتجي وقيتة تنعياا فيها تتكون الخدمة مزيرة تنساافر مرة غير فالمغرب مرة تنخرج منو عاد فاش تيكون معاارض ضرووري خاص نكون وشي مرات تتكون الامور ميسرة عااادية تتخدم سويعات وتا باقي ديالي، ولكن غير يدخل الصيف كتبدا الخدمة مزياااان غير راني داير فيها عريس ههه
خديجة: داكشي علاش بغيتي تزرب على العرس
يوسف: انا مكانش عندي غراض فالعرس
خديجة: معليش خالتي الغالية وعمي بغاو يفرحو بيك راه منحقهم نتا ويكون عندك ولدك ولا بنتك غتبغي تفرح بيهم
يوسف: (حرك راسو باه) معليييش، منين نكون مساافر تبغي تبقاي فدارك ولا تمشي عند الوالدة!!
خديجة: فينما معنديش مشكل
يوسف: مرة مرة نديك معايا فاش نعرف فيها شي اوطيل زوين
خديجة: ههه اممم بغيت نمشي لمرااكش
يوسف: وايلي عمرك مشيتي ليها؟!
خديجة: لا صراحة غير الشماال كنت تساريت فيه مزيان بحكم مدينة لاسقة فمدينة
يوسف: شنو تيعجبك فالشمال
خديجة: وااا هو كولو غزاال خاصك غير لفلوس ولكن طنجة حمقاااتني غير فشتا الشمال كيكون مقناااط
يوسف: بالصح الشمال كولو غزال نشوفو مرااكش بعدا ومن بعد ساريني نتي فالشمال
خديجة: (متفاجئة) معمرك مشيتي ليه؟!
يوسف: (دار ليها خاطرها) غير خدمة مسارية لا
خديجة: (متبسمة) انا نساريك..
~~~~~~~~~~~~~
اورطيغا: (دخل لقاها كتشالي بيدها مع موسيقى
“لله يا شيخ لقبيلة خليوني نشوف جميلة هي بغاتني يانا”
“نمشيلها غير بالحيلة نحكيلها قصة جميلة هي بغاتني يانا”
جمع حوااجبو ماشي عندها جلس) نوضي شطحي
ملاك: اوييلي لااا
اورطيغا: (مقرب ليها باش تسمع) وهاد المشالية بيدك مدخلاش فشطييح!!
ملاك: (حتى هي قرب باش يسمع) هادي غير ردة فعل غير حسووبة على عقلنا
(هز حاجبو فيها وهي بقات كتغني وكتسممو بحواجبها وتشالي بيدها)
“”هي بغاتني يانا””
غيثة: (كتجمع فعقلها كل مرة كانت كتشوف ملاك واورطيغا عمرها طاحت فيهم شي نهار كيهضرو ولا قراب ولكن باش مرة وحدة تلقاهم فالمحال ولداخل وعاد يقمعها من لفوق!!! غير كتفكر دموعها كيطيييحو قارنت راسها بيها لقاتها حسن منها بألف درجة من جميع النواحي الزين والفلوس والعائلة ماشي من طبيعتها كتحتاقر ولكن حتى لقليييب حسات بالعافية شااعلة فيها!!
كفاش فمدة قدر يكون مع ملاك وهي أعوام وهي كتبغيه عمرو بين ليها ولا عتارف ليها بشي حاجة!!
واش لهاد الدرجة مستصغر حبها ليه لهاد الدرجة حبها كان عندو رخييص علاش ميقدرش هادشي للي كدير على قبلو!!!
بغا الطولة ديما لابسة الطالو بغا زعورية ديما مزعرة ومهلية فراسها شنو بغا كتر!! حتى من مها كدوور فيها على قبلو وعاد مقتانعة بخدمتو وماضيييه ومعندهاش مشكلة تبدى معاه من الزيرو!! علاش مبغاهااش
عقلها بغا ينفاجر كتصوني عليها مها مكتجاوبش حتى صيفطات ميساج)
“ماما ضرني راسي ورجعت للدار”
(لتحت التيليفون حداها وبقات كتشوف واش تصوني عليه ولا شنو دير واش تصوني على ملاك تسبها وتنبهها باش تبعد من اورطيغا شنو غديير؟!! كان حسابلها هو مع ليلى من نهار شافتهم فسطح ولكن دابا العكس مع ملاااك!!!!!
رجعت هزت تيليفونها صونات على شريف جاوبها وكان صوتها مخنوق)
وي شريف صاڤا!!!..
انا فالدار..
يمكن لاݣغيب..
بالصح.. صافي بلا منديرونجيك.. لا لا غير بغيت نسول فيك…
معاك اورطيغا؟!.. اممم صافي انا نهضر معاه.. باي
(قطعت كانت بغات تشوفو تستفسر منو حيت عارفاه مقرب منو ولكن لقاتو فشي كافي مع ادم خو ليلى..
معرفت واش تسول يوسف ولا لا!! حيت غير غيقمعها ومدام كيخرجو ويجمعو ب4 الا بالصح بيناتهم شي حاجة!!!!)
~~~~~~~~~~~~
الغالية: مكرهتش نديها تزوور غير تنسى علية داك الشمكار ديال زوج فرنك
اخت الغالية: يمكن بالصح معتابراه خوها ولا صديييق
الغالية: شوينيفيييها عندها خوتها كيحمقو بعقلهم ولكلاص ومشا تخاوا مع واحد معرفناه منااين جااي
اخت الغالية: اوا ردلها العقل اختي ولكن تاوااي وتفاهمي معاها غير بالعقل جيل هاد الوقت مخاصوشي المعاندة…
اورطيغا: حق الرب ومتهبطي دوك اليدييين حتى نقلبها على مك ونردوها ݣنازة
ملاك: (شقلبت عينها اكتر حركة كيكرهها وكتستفزو، هبطت يدها وبقات كدندن براسها وتغني وهو غير حاضيها وهي حاضياه بطرف عينها، جا السرباااي)
اورطيغا: شي نص (شاف فملاك)
ملاك: كوكا وتكون بيان ݣلاصي
اورطيغا: وكوكا لعبد الغني (السرباي تبسم وهي قندشت) لعشا اليوم؟!
السرباي: نص ساعة ولبوفي غيتحل
اورطيغا: لعز الحبيب
ملاك: هو تقولو الحبيب وانا عبد الغني؟!
اورطيغا: (كمش عينو فيها مد يدو لكرسيها من لتحت وجبدها لحداه وهي نادمة على شنو قاالت، بغمزة خفيفة مقرب ليها)
وشنو حبيتيني نقولك؟!
ملاك: (متوترة ومخرجة عينها دافعة السنطيييحة)
بسميتي؟!
اورطيغا: (بهدوء كيشوف فعينيها) وشنو سميتك
ملاك: (كل حرك كتظغط عليه) مَّـــلاَّاااکْـــ
اورطيغا: اممم تيعجبني نقولك شنيولة
ملاك: حتى انا كيعجبني نقولك (سكتت حست براسها برهوشة وهو تبسم مبعد جا السرباي حط ليها كانيط معاه كاس وهو قهوة معاه قرعة صغير ديال لما هز لكانيط فتحو وكب ليها فلكاس وحطو حداها هزاتو شحفاانة وبقات كتشرب منو على شوية كانت غتفضح!!! اما هو شرب جغمة وبقا كيشوف بعييد الموسيقى كانت شعبية ودابا نقسو طالقين غير من لباف مخليين المجموعة ترتاح)
حم فين بقا تيليفوني
اورطيغا: (مضاارش عندها حتى زعزعاتو من كتفو شاف فيها) نعام!!
ملاك: تيليفوني فين بقا؟!
اورطيغا: تهرس
ملاك: وكفاش تهرس ومنين جبتي النمرة؟!
اورطيغا: منو
ملاك: وشكون هرسو
اورطيغا: للي شفرك
ملاك: وباش عرفتي بلاصتو
اورطيغا: (شاف فيها ديك الشوفة ديال عيقتي بهاد الاسئلة وكان قرب وجهو ليها وهي ضرب الطم باش كتعجبو ملامح وجهها كل مرة مبدلة وكيعكسو مشاعرها كفاش كيكون ) غنبقاو داويين على التيليفون؟!!!
ملاك: (كضور عينها) وعلاش نهضرو؟!
اورطيغا: (قلب وجهو ورجع شاف فيها مربع يديه فوق الطبلة ) امتى غترجعي
ملاك: هه قلتلك السيمانة جاية
اورطيغا: اوا (شافت فيه زعما شنو! هز القهوة جغم منها)
باينة تتلقاي راحتك فصفرو كتر
ملاك: (عضت شنافتها بحال كتفكر قربت حتى هي الطابلة مكتشوفش فيه عكسو هو)
كرتاح حيت كاينة فيها ماما ومي حلو ولكن (حركت راسها بلا)
اورطيغا: علاش حيت باك مزيركم؟!
ملاك: لاااا بلعكس الزيار ديالو زوين هو للي خلانا هاكا محتارمين ريوسنا والحمد لله قرانا مزيان كبرنا على هادي حشومة وهادي عيب وهادي حراام معمر نقصاتنا شي حاجة الحمد لله، غير حنا ولا نقول انا مرة مرة كندير هاك وهااك
اورطيغا: باباك تيبان انسان مزيان معقول حنين تيبغييكم خاصكم تهلاو فيه
ملاك: (تبسمت وشافت فيه) اه (زفرت واخا مزال متبسمة قبل الخيانة كان كيبان ليها احسن رجل فالعالم باقي ولكن تزعزعت شي حاجة من داكشي للي دار)
من ديما كان مهلي فينا
اورطيغا: (بفضول كبير) وشنو المشكل عندك حيت تزوج وولد مع مرآة واحد اخرا!!
(شافت فيه مصدوومة)
عادي حنا تنهضرو؟!
(مجاوبتش وبان فيها الانزعاااج)
انا مثلا با سمح فية قبل حتى ميعرفني ولا يشوفني وحتى فاش عرف مي حاملة بية مبغاش يعتارف بية
(بقات كتشوف فيه جاها اعتراف خطير من واحد ديما داافع كبير، ولكن ملامحو تدريجيا كيتحولو ومبقاش هادئ)
ملاك: (باغا تعرف كولشي عليه ولكن هنا سكت بحال سااااهي كيفكر)
حم فاش كنا فهرمومو داك العرس، هو للي كان مات؟!
اورطيغا: (باقي ساهي) هو.. (حرك راسو باه) هو..
حتى منين بغيت نمشي ونشوفو كنت كاره جد اصل مو ولكن!! (خرج عينو منين تفكر)
منين حطيت رجلي فديك لبلاد رجعت 30 عام بحال شي ولد صغيير مجلي على باه ومو (زفر هز كاس القهوة جغمو مرة وحدة بحال كيشرب شي شرااب وهي كتشووف فيه، مزال مكيشوفش فيها)
مشيت وصلت للحومة لقيت الݣنازة ومن زهري هه عاود لقيتو تدفن
ملاك: (بعفوية زادت قربت الكرسي للطابلة) نتا درتي كتر من جهدك وفوق استطااعتك
اورطيغا: (شاف فيها وصغر عينو) كنت باغي نشوفو حي
ملاك: علاش
اورطيغا: معرفت مهم نبان قداامو ونشوف كفاش غيحس منين يشوفني
ملاك: (بغات تبدل ليه الموود) كان غيندم حيت ضيع رااجل كان غيكون سند ليه وواقف فظهرو فاش يكبر هو للي ضيع بزااف دالحوايج زويينة، ولكن ربي فضل داك الحنان كامل يتعطا لميمتك (بقا كيشوف فيها) كل حاجة كتوقع لينا فحيااتنا ربي كيدير ليها حكمة نتا معارفهاش دابا وكتقول علاش انا ولكن مع الوقت غتفهمها…
رشيد: ودابا هادي متجيش للدار يديرو عرسهم وتمشي تسكن معاه ولا من قبل يقول راه غيدييها
زهرة: انا للي قلتلها تزيد هاد اليوماين مشتيش الا رجعو دوك الهجيج
رشيد: الا سميت مو راجل يرجع
زهرة: مبغيت صداع مبغيت مشاكل صافي تبقى اصلا كولشي واجد وراها كتعمر دارها وتشري حويجاتها
رشيد: اوا وملاك شفتها عجبتها الخدمة تماك
زهرة: اوا هانتا قلتي الخدمة تكمل ياماتها فاس وترجع
رشيد: متبقاش تقبل تبقى تخرج
زهرة: بنيلها بيت فسطح
رشيد: (بقا ساااكت)
زهرة: باش تعرف علاش كتطير تقبل لخدامي على برا حيت ملقاتش فدار باها الراحة
رشيد: دابا أنا للي مخليها تطج!!
زهرة: نتا فاهم علاش هضرت.. خليتي نعس الولد
~~~~~~~~~~~~
اورطيغا: (رجع المغني كيغني يعني رجع صدااع ولكن كلامها حرك فيه شي حوااايج فشكل!!
بقا غير صاااقر وكلمة انه هو للي ضيع رااجل شاف فيها كانت كتسفق وماشية مع الموسيقى تبسم اول مرة شي واحد يقول ليه هادشي!!! شوية شافها كتحرك قزيبتها فالكرسي حيت شخضت بالشعبي مزيااان بقات كتشالي بيدها وتغني هاد المرة شد يديها ولكن ماشي بنتيير دارهم بين يديه)
هنييينا اشنيولة
ملاك: ولاش جايبني بلاصة دالشعبي
اورطيغا: (تبسم) هنيينا الله يرضي عليك.. (جبدت يديها، لوات شنايفها ومن لداخل فرحااااانة، المغني وقف وبقات غير موسيقى خفييفة الناس بدات كتنوض للبوفيه)
شنو تاكلي؟!
ملاك: انا نوض نشوف شنو كاين
اورطيغا: كاينة المرقة
ملاك: داكشي كامل وغير المرقة!!
اورطيغا: انا نجيبلك تبعني نتفاهم مع جد مك
ملاك: (بقات متبعاه مفهمتش علاش مخلاهاش.. مع بعد هزت صاكها فكتافها ومشات من مورااه كيعجبوها هاد الاجواء ومغتحرمش راسها حيت هو مابغاش,
ضار لقاها هزت طبسيل تابعااه تبسمت كتقليلو السم بحواجبها حرك راسو بلا حولة بقات كتشوف كاين بساطل الحوت دجاج كاين دجاج محمر لحم بالبرقوق انواع ليباط رفيسة السوشي….
كولشي موجود هزت 3قطيبات ديال الكفتة وشوية ديال خضرة صوطي هزت 3 حبات السوشي بغات تجرب المذاق ديالو هزت فخض ديال دجاج مشات الطبلة حتى كتشوفو جايب جوج طباسل عامرين ومنوعيين جلس حداها كيشوف فطبسيلها)
اورطيغا: شنو هاد التخليطة!!
ملاك: غير 5 بحال يجيهم السيزي ويسدو هاد المحال!!!
خديجة: (مشاو لدارهم وصلو دوك المااعن خديجة مبغات تستف واالو حتى تخمل وهو مبغاهاش تخمل حيت غيجيب لمرا للي تخمل وتستف حتى كانت غترفض بغات هي تقاد حوايجها بيدها وهي تلبدها وسكتت مدام اقتراح منو الا تقبل باش متولفوش بحال الإكس ويردها حتى هو خداامتو.. خلات غير الحوايج غتديهم معاها حتى تجيب كوولشي فدقة وحدة) بيت نعاس تيتسد بالساروت؟!
يوسف: اه
خديجة: مزياان
يوسف: متخافيش اصلا متيجي حتى واحد
خديجة: مخيفاش، غير كيعجبني هاكا وصافي (جات بغات تخرج من الكوزينة وهو يوقف) هه شنو عاااود
يوسف: بغيت نشوف شعرك وااايلي اخديجة والله حتى رديتيني بحال شي ولد صغير صافي بغيت نشوف مطاالبش شي حاجة اخرى
خديجة: هه ومالك كتقولها ونتا معصب
يوسف: حيت قطعتي علية الما والضو بزاااف!!!
خديجة: (تبسمت مبعدة عليه كتفك الشال وهو متكي على باب الكوزينة كيتسنااها مع زولاتو وجهها بان فشكل زادت طلقت شعرها للي مقاداه وضاربة الحساب لهاد الطلب كانت مصايباه من لتحت بوكلي ودايرة ميكاب كيبينها طبيعية، دوزت صباعها ففروة شعرها قالبة لافخوونش لجهة اخرى ومقادة ڤوليم شعر)
مزيان هاكا
يوسف: (هز حواجبو بزوج باعجاب مقرب ليها شاد شعرها بيدو كانت زوينة وزاااادت حتى ملامحها تبدلو بلا حجااب)
صراحة الحجاب سترة ورحمة، هاد الزين من حقي غير انا نشوفو
خديجة: (تبسمت حشا يديه ففروة شعرها من مور ودنيها ولكن بلطف حتى حطها فوق حنكها بقات غير كتشوف فيه لامسة فيه الحنان والاعجاب وتقدير انوثتها)
يوسف: متخيليش شحال تنكون فرحان معاك
خديجة: حتى انا!! حتى انا بزاااف (باسها برفق وهي بقات على نفس الابتسامة حتى بعدت شوية ورجعت اللور بقاو خصلات شعرها فيدو) وصااافي
يوسف: متخااافيش
خديجة: نخاااف!! ههه معنديش مناش نخاف ولكن… يوسف مندمتيش على زواج من مطلقة
يوسف: الا على ديك الجلدة!! متتعني لية واالو المهم هو نتي من نهار تخطبنا رجعتي ديالي للي سبق تنعتابرو مكاينش
خديجة: ولو نتا عزري وتبغي!!
يوسف: شكون قالك انا عزري؟!!
خديجة: ههه ياااك
يوسف: الله يسمحلي حتى انا درت حقي من الغلط ولكن داكشي فاات المهم هو دابا باغي نعيش حلالا طيبا معاك.. مكاين شي اوفر اخر
خديجة: مفهمتش
يوسف: شي عرض اخر شي كادو زعما راه قلت كلام زوين نستاهل شي حاجة شي بيزو اي حاجة
خديجة: ههه (باستو فحنكو) مزياانة
يوسف: ههه صافي!!!
خديجة؛ ياله نمشيو (ردات الشال عيا معاها يباتو ميديرو والو ومقبلتش وهو غير كيزيد يتلهف عليها…)
رجعها يوسف وهو مشا فحالو دخلت للدار ملقاتش ختها للي كانت مابغاتش تخرج ولكن كان مشا الحال..
خديجة: بالصح مزال مجات
وفاء: انا حسابلي خرجت معاك
خديجة: لا كانت قالت لينا مافيها متخرج شحال رغبتها والو، يمكن خرجت غير هنا تجيب شي حاجة
وفاء: اوا صافي راه شوية وتجي
خديجة: معندهاش حتى التيليفون باش نهضرو معاها خفت غير تكون وقعت ليها شي حاجة!!!
وفاء: الاااا ان شاء الله متكون وقعت ليها والو!! متكونش مع اورطيغا؟!
خديجة: زعما!!
وفاء: معرفت قلت كنت سمعت بحال اليوم غتجيب طموبيلتها يمكن مشاو بجوج يجيبوها
خديجة: (صونا عليها يوسف يعلمنا راه وصل للدار) يوسف عفاك صوني على اورطيغا شوف واش ملاك معاه تشوشو عليها
يوسف: وعلاش ملاك غتكون معاه
خديجة: يمكن خرجات معاه باش يجيبو طموبيلتها يمكن مهم نتا غير سولو
يوسف: 11 دالليل هادي
خديجة: وراه سخن الحال بنادم مكيدخلش بكري
يوسف: واخا انا نشووف (دخل الجردة كيصوني على اورطيغا للي كانو راجعين)
وي مراد صافا!!
الحمد لله اخاي.. واش معاك ملاك؟!
بالصح!!! اممم.. لا غير تخلعت عليها ختها.. واخ..
(قطع كيفكر فهاد الزوج للي بانت فيهم كمياء غريييبة بقد مكانو كيكرهو بعضيااتهم دابا كتلقاهم كيعمرو مع بعضيااتهم شنو تبدل؟!
هو ماشي بغاها تبقى كارهااه ولكن مبغاهمش يكونو بزووج مابغاش صدييقتو يتظحك عليها حيت عارف اورطيغا معينوش فالمعقووول وهادشي للي مخليه يبعد ختو عليه واخا اهتمامو لملاك غير بعلاقتو مع ختو للي كيبين انها ختو لا غييير..)
غيثة: (كانت فالجردة مشاعلاش الضو غير كتصنت، بصوت مخنوق)
يووووسف
يوسف: (ضاار فداك ظلام هي عاد شعلت الضو مفهمش اصلا علاش ضو الجردة مطفي)
غيثة!! مالكي جالسة فظلام؟!
غيثة: (وقفت وجاية عندو وباين عليها العيااء بكترة البكا)
سمعتك عيطتي لاورطيغا على حساب ملاك واش حتى هوما غيتزوجو؟!
يوسف: (باستغراب) لا، وعلاش كتسولي؟!
غيثة: عادي كما نتا تتعرف اورطيغا حتى انا تنعرفو
يوسف: اوا حياتو هاديك
غيثة: مالي غندخل فحياتو انا غي حيت كنت عارفااه مع ليلى
يوسف: بنت محمد!!
غيثة: اممم ويمكن غير صديقها مهم انا غير سولت
يوسف: معرفت، لي تنعرف هو وملاك غير اصدقاء
غيثة: متأكد؟!
يوسف: للي متأكد منو مخاصكش تعمري راسك بهادشي, مالكي؟!
غيثة: انا سولت عادي حيت حتى ملاك صاحبتي ولكن مغيعجبنيش الحال تخبي علية حيت تنبقاو تنتعاودو انا وياها
يوسف: مكاين والو بيناتهم بجوجهم لا علاقة، مهم علاش نتي جالسة بوحدك هنا؟!
غيثة: والو كنت جالسة وصافي خاصني نبدا سطاج عييت بالجلاس فالدار وقنطت بزااف الروتين وماما فيها نݣير بزااف وزادت كتعصب مع هادشي دالعرس
يوسف: احسن حاجة غديري انا نعاونك فاشما بغيتي…
كملو السهرة وراجعين فحاالهم كيتعاودو ومسكتوش من الهضرة
اورطيغا: حقا الا جابتها الصدفة وهضرتي مع الوالدة مهم جبدت ليك لساانك شي تويشية بحال هاكا متقوليش ليها فين سااكن مثلا الا جبدت معاك الهضرة
ملاك: وعلاش غنجبد معايا الهضرة انا
اورطيغا: مثلا وصافي حيت تنعمر مع يوسف وعراضي وكذا غتقدر تفكر راك تتعرفي فين جالس
ملاك: اممم وعلاش مباغيهاش تعرف
اورطيغا: هكاك وصاافي
ملاك: اممم باش تعيش وتزهاا كما بغيتي واقلة راك ناسي راه ربي فوقك والدنيا مديمااش
اورطيغا: ههه مهم نتي خدمي روجوولة معايا فهادي وخلي داكشي بيني وبين للي خلقني
ملاك: نفكر… (كتسالي معاه بدوك التعابير ديال العجرفة للي كدير ولكن عرف علاش يوسف كان كيقول عليها دايرة بحال البلسم!! خفيييفة على القلب ولكن تقييلة على الاعصاب ديالو!! فكر فجهة اخرى واش حتى يوسف هاكا كان كيحس فاللول من جيهتها!!!!!
هزت تيليفونها كتشوف فتصاور للي صورها فالريسطو وكتبسم مجاتها حتى وحدة زوينة للي مغمضة عين للي مظلمة)
مزيان كنتي ݣزار ماشي مصور
اورطيغا: علاش
ملاك: يديك ماشي خوت مكتعرفش تصور حتى وحدة مجاتني زوينة غير مرعوود كيصور
اورطيغا: (هد عليها بيد مبعدة وجهها كظحك) بحال لساانك متيعرفش يهضر
ملاك: بزااااف علييك (مشقلبة عينها) انا لحلااااااوة
اورطيغا: (ضار مستهزأ منها وكيظحك) منين؟!
ملاك: (كتقليلو السم بحواجبها) باشما بغيتي
اورطيغا: (طلعها وهبطها كيتبسم ورجع شاف فطريق) وريني ونحكم
ملاك: (ضربت الطم معرفت متجاوبو مموجداش لهادي شي معيورة ضارت كتشووف لقاتو قرب للمحال ديالو) غترجع لتما؟!
اورطيغا: واحد السيدة كانت بغات شي كموند ضرووري نعطيه ليها ومن لبارح وهي تتوصي مجاتش نخلي كموند كبيرة المتعلم (حركت راسها باه يمكن هي للي هضر معاها وحسابلها شي صحيبتو ومنين قال سيدة اذا غتكون مرا كبيرة، بقات حاضية عاجبها الحال تكون فطموبيلتو وهادشي للي ضار بيناتهم هاد نهار تطور كبيييييييير راه عاود ليها على اسراارو وشنو كيضرو فخااطرو وعاد معاملتو، مشات الابتسامة منين وقفت وحدة بالرونج وخارجة منها تيتييزة وشعوور كان هو مخرج ميكات وقف معاها والدري للي خدام معاه كيعمر ليها فالكووفر كتشووفو كيظحك معاها وعطاتو شي جوا باين ديال الفلوس بغات تمشي ودارت يدها فوق ذراعو بحال امتنان وطلعت للطموبيل هو رجع للمحال وهي ربعت يدها مكرهة.. عيات تقنع راسها باش متبينش وتشد لسانها وتحكم فيه طلع وديمارا زاايد)
ملاك: تعطلنا
اورطيغا: عندك خدمة غدا؟!
ملاك: غدا ويكااند نسيت؟!
اورطيغا: آه مشات من لبال عندك شي بروݣرام
ملاك: نجيب طموبيلتي الا كتاب
اورطيغا: امم السيد خدام يمكن غيمشي يجيب شي سلعة من كازا ولا طنجة
ملاك: بالصح!! وميخليهالكش فشي بلاصة
اورطيغا: خليها تقاد مزيان ياك مخداماش هانتي ملبدها فالدار
ملاك: هاء!!
اورطيغا؛ خلي السيد يكمل خدمتو الطموبيل عندك واااكلة الدق وخاص يسييلها الموطور وشحال من حاجة
ملاك: ياك قلتي تصايبات
اورطيغا: جربها ومديماراتش
ملاك: اوا ردلي فلوسي ماطموبيل ماا تا وزة هاديك للي بعتيلي…
زهرة: (كتهضر مع بنتها ابيل ڤيديو وكتوريها شنو شرات وكانو غير حوايج دلفريييع والفرحة باينة فيها بكترة مكانت محروومة من عمر) تبارك الله راك شريتي كولشي ابنتي
خديجة: تقريبا بقا خاص غير حوايج دالخروج
زهرة: بشوية بشوية ابنتي راه تبارك الله تهلا فيك متزيرييهش حتى نتي
خديجة: والله مكنزيرو صراحة ضرييف بزاف ولكن مو مكتحملنيش اماما
زهرة: التيقااار ابنتي معندك مديري وعندك شي نهار تعطيها خو جواابها خليك بتربييتك ربي راه معاك وكيخلص كل واحد على قد نيتو
خديجة: (تزعزعت) بالصح
زهرة: واش مزال مدخلت ختك فين مشات وتيليفونها واش مزال مجابتو من الخدمة
خديجة: غتكون غير مع شي طالبة مشات تجيب ݣاع داكشي للي فاتها تسناي اماما نجاوب يوسف ونرجع نهضر معاك
زهرة: واخا ابنتي حقا عيطت ختك فاطمة راه هي غدوز عندك باش تجي نتي وياها
خديجة: ولكن راه غيطلي بابا وقالي نهار الاثنين فيجب يجيب شي سلعة ويهبطني معاه
زهرة: اوا الا هكاك صافي هبطي مع باك وختك تلحق بلعشية ونيت مريم غتجي حتى هي باش تعاون
خديجة: صافي مزيان (قطعت وجاوبت يوسف للي سول على ملاك وكانت مزال مجات وباين معاجبو حال)
يقدر بيناتهم شي حاجة
يوسف: زعما!!
خديجة: معرفتش خليهم على خاطرهم وهوما يختارو ملاك بعقلها وحتى مراد ولد الناس
يوسف: (بقا ساكت بدلت الموضوع وكملو هضرتهم..)
~~~~~~~~~~
اورطيغا: (وصلو للحومة كانت وفاء ياله خارجة من الحانوت كظحك مع شي واحد تماك، كانت باغية تخرج وشدها من ذراعها)
متبقايش تخرجي مع وفا
ملاك: (جبدت يدها بشوية) وعلاش؟!
اورطيغا: هي تعاود ليك علاش ولكن (بغا يتحلف عليها متبقاش تخرج وهو يسكت) انا قلت ليك
ملاك: شوف انا مكنحملش نقص من شي بنت هاكا
اورطيغا: هاد الهضرة غير تخربيقة من التالي معامن شتك معامن شبهتك وسدات مدام الا هي متتبغيش تخرج معاك علاش نتي باغية ديري فيها خالف تعرف
ملاك: مكنديرش فيها انا هاكا
اورطيغا: انا نصحتك
ملاك: وزعما هي صاحبتك
اورطيغا: صاحبتي مالي سميتي زوبيدة!!! معنديش سمعي لكلام ابنتي مجيتش وقلت ليك هاكا من والو ساكنة معاها ديرو واش بغيتو ولكن لباب ميدوزكمش بجوج
ملاك: (حلت لباب وخرجت بقات شاداه) شووكرا على هاد لعشية
اورطيغا: (متكي على لڤلون) غدا فلعشية غنجي عندك
ملاك: (هزت حاجبها متبسمة) وعلاش؟!
اورطيغا: ياله سيري مدوري لا هاك لا هاك لفاك عاود مطايفة فشي قنت
ملاك: (شقلبت عينها سدت لباب) بحال إكس
اورطيغا: (بقا متبعها متبسم مشات نيشان طالعة كتزرب، جمع الابتسامة) اهيااا شنو هادشي احميدة!!!!
حمزة: (جاب نمرة اخرى صونا عليها والو مكتجاوبش صونا بريڤي مبلوكية بنمرتو مبلوكي الفايس انستغرام اي وسيلة تواصل مبلوكي فيها، غير زاد تعصب مفهمش مالها غير قبل ميعرف بحمل مرتو ياك بينات ليه الحب ومحتاجاااه حتى دابا تسمعو واش هو كان عاارف!!!
محملش راسو يترفض بحال هاكا من طرفها ومتعطيهش حتى وقت!!! خرج باش يتعشا كيتسااطح مع اورطيغا حدا لباب)
سلام
اورطيغا: عليكم السلام (حل باب دارو ولاخر كيهبط، جاه انسان داخل سوق رااسو ولكن للي بقا مبرزطو هو ديك الريحة مغريباش علييه ولكن هنا كاين غير الطلبة دخل مشا لبيت نعاس للي رجع مفرش ناضي خاصو غير شوية الديكورات وشي كوڤر النموسية.. رجع هز تيليفونها للي فاش قلب انستغرام ديالها لقا راسو هو اللول روشيرش تبسم ولكن دغيا كتمشي الابتسامة منين كيقاها قلبت على ݣاع دراري للي فالشلة..
الفشلة مع هاد نص ميتر
عندو نمرتها ولكن مزال مبغاش يصيفط ليها حط التيليفون كيحاول غير يفهم راسو علاش رجع كيعمر معاها الوقت بزاااف وباغيها تبقى كتر وكتر تفكر كلامها قبيلة كفاش شكرااتوو وفلحظة بينت ليه ان داك الماضي هو نقطة قوتو ودوك المشاكل للي كيشوفهم عقدة هي شاافتهم بسااط وبلعكس شافتهم نعمة علييه وبينات ليه ان هو ومو مكانوش محتاجين ذكر يوقف معاهم!! هاد الكلام خلاه يحس احساس راحة للي جاتو فشكل يعني ممحتاجش يسمعو منها ولا من غيرها ولكن باش وصلت الهضرة ومن بعد تعاملت كأنه عمرو قال شي كلام حساس هو للي خلاه يبقى غير كيفكر فيها… بحال كان جالس مع راسو ماشي مع انسان اخر للي نصحو!!
وانا نقول يوسف كالو ضرب لسق واخا تزوج ختها ولكن!!!!
نفض افكارو صونا على مو جاوبت
اورطيغا: وبزاااااف على هاد لقطييعة وتذمني بالله اوالله عمري نسيت ديك المخلوقة يااااله منين مباغياش ݣاع تيقي
أمينة: غير نشوفها فالدار تشعل فية العافية وعاد كتقولي لا انا كنبغيه صالحيني معاه
اورطيغا: هه واش غديري ولدك مطلووب الزعرة
أمينة: طلبك جنية
اورطيغا: اعوذ بالله م
أمينة: دابا واش بغيت
اورطيغا: توحشتك اميمتي وبغيت نجي نشووفك راه بزااف هاد القلبة لي درتيلي
أمينة: (حست بتأنيب الضمير) حتى انا توحشتك اولدي ولكن داكشي للي درت معجبنيش امراد معجبنيييش
اورطيغا: ميتعاودش
أمينة: ميتعاودش هي الا نضتي تزوجتي
اورطيغا: نجي غدا نشووفك
أمينة: اجي احبيبي, وتغدا معايا؟!
اورطيغا: نكمل من ‘بن سودة ‘ ونجي عندك وأصلا الحاج خاص نجيب ليه حساب شهر
أمينة: واخا حبيبي مشهي شي حاجة؟!
اورطيغا: للي درتي… انا عندي الغراض غير بيك
أمينة: الله يجيبك على خير احبيبي قولي فين راك جالس دابا سولت العساس عليك قالي مكتجيش
اورطيغا: مع شي صحابي
أمينة: شكون هاد صحاب ياكما رجعت الليدو؟!
اورطيغا: لا
أمينة: اوا ولدي (بقاو كيتعاودو وهو كيسمع ليها كتعاود ليه وهو داير ليها الخاطر..)
يتبع
التعليقات 0