
ايوب: متنساااايش احبيبة داك الوسخ عشنا فيه بجوج و شبعنا فيه بجوج ماتجيش دابا ديري ليا فيها الشريفة العفيفة و ايلا عند بالك خوتك غيقبلووووك راك غالطة ازييين…
شيماء: خوووتي ديما واقفين معايا واخا الغلط يوقع لكن عمر الدم مايرجع ما و دابا الله يسهل عليك فرقني عليك و كيما تجمعناا خووت نتفارقو خوووت…
ايوب:(قرب ليها و زيد بيدو على خدودها) ماشي بهاد السهووولة ازييين دخول الحمام ماشي كيف خروجوو (كيتلذذ بملامحهااا المتألمة) تسناااي الدقة راها قريبة تجيييك…
نترها بعنف و زاد مخليها كتشوف وراااه و هضرتوووو دخلت مع قلبها و ضلوعها كيف السم….عارفاه اش كيسوا و عارفاه مداااام قاليها ماشي بهاد السهولة و جبد سيرة الدقة الااااا و غيفدييييها….
🔚🔚نهاية الفلاش باك🔚🔚
فاقت من ذكرياتهاااا على صوت وحدة من الكليانات ديال المحل…. عطاتها صوابها و تعاملت معاها فوق مزياااان حتى خرجت مقضية و ضاحكة و راشقة ليها من الفوق….
شكون كان يقول شيماء تحجب و شيماء دير مشروعها و شيماء تعامل كليانها مزياااان….. مشاعر و تصرفااات كلهم جداد علييها لكن الظروف اللي خلاتهاااا ترجع هكاااا….
فبلاصة أخرى فاقت من النعااااس كتجبد فعضيمااااتهااا و طرطق فيهم…. تلفتت لجيهتوو لقاتو مازال ناعس عاطيها فالظهر و خاشي وجهوو تحت المخدة….
وقفت كتنزل فبيجامتها اللي كانت عبارة على كسيوة خفيف بثوب بارد…. جمعت شعرها الفوق و دخلت لحمام غسلت و قضات اغراضها (حشاكم)….
خرجت بشوية محاولة متفيقوش خصوصا انهم منعسوش بكري….. خرجت كتعكز للكوزينة و باشرت فإعداد فطورها هي ويااااه…. وجدت الفطور و حطاتو فوق طابل أمونجي مشكل من كل حاجة شوية…
و مشات جهة الثلاجة جبد ابرة و قريعة ديال لانسولين اللي رجعت ملازماها و كدگها كل صباح و عشية….. حتى انها ولفتها و رجعت معودة عليهاا و مابقاش عندها داك التخوف من البرة ولات كدگها بوحدها بدون اي مساعدة…..
دگتها فذراعهاااا و دوزت موراها قطنة فيها بيتادين…. و مشات كتفطر بوحدها واخا ممولفاش لكن عرفااااتو عياااان معطاهاش خاااطرها تفيقو….
فطرت على خاطر خاطرهاااا و معظم اكلها كان خالي من السكريااات…. من اتاي اللي كتشرب اللي كان خالي من اي نقطة سكر…. للخبز اللي كان خبز كاااامل ديال الدار….. مع جبن طبيعي و زيت الزيتون حتى هي….
كتشوف فشي حليوات حاطاهم على حسااابو و واحد الكيكة و تحسر انها مقادرااااش تاااكل داكشي…. شحال من مرة كانت كتغلبها نفسها و الشيطان و كتااااكل حتى كيطلع ليها السكر و كتشدها كريز…..
و شحال من مرة كانت بالاعصاب تترفض انها تاكل ماكلتها حتى كيطيح ليها السكر و ترجع صفرة و كلها كترعد حتى كتبغي تغيب….السكر او السكري او البوال السكري…. الاسماء متعددة و الداء واااحد….
المرض اللي ولا شاااائع عندناااا و عادي تسمع واااحد ولا وحدة جاه(ا) السكر…. كينتج على عدم قدرة الكبد ر البنركياس على انتاااج هرمون الانسولين بالقدر الكافي اللي يخلي سكر الغلوكوز المتواحد بالدرجة الأولى فالنشويات من انه يدخل للخلايا و يتحول لطاقة….
و عاد كاينين انمااط ثانية اللي عندها اسباب ثاااانية…. و اكثر الانماط شيوعا هو سكري الحاملات وهو اللي تصابت بيه ياسمين…. بسبب استكلاها للسكريااات أثناء فترة الحمل و الوحم…..
كان معدل السكر في الدم طالع شوية لذلك دارت لانسولين نيشاان واخا عانات معاه فالاول لكن ولفاتو دابا و أقصى متمنياااتها انه ميصاحبهاش مورا الحمل….
جلست كتفطر مونسة بتيليفون و كريشتها مدورة قدامها ماتعطيييهاش ستة اشهر و نصف…. كتبان كرشها صغيرة و خارجة للقدام…. الحمل ما زادها الا جمال فوق جمال….. الوجه تنور و الخدود ترفعووو…. العينين فيهم واحد اللمعة خطيييرة…..
و الفورمة رجعت قتالة مع الزيادة فالوزن…. الصدر اللي كان عندها على قد الحال رجع مبندر قدامها…… و مسعودة مجبدة اللور بلا الرجيلات اللي تنفخووو….. رجعت كتحمق فاللبس الرومي و تهبل فالبلدي……
حتى قاليها محمد ولات عندك فورمة ديال الشياخ….. هبل عليييها و على دلالها و جمااالها اللي زاد…..مكرهش يلبسها خيشة و يتهنى ولا هاد الغيرة اللي جاتو….. و الوحم اللي جاها علييييه و على مو كان فصالحووو…..
عاش معاها احسن ايام حياتو….. كلهاااا حب و غراااام….و من نهار خبرااااتو بحملها بمفاجأة وهو طااااير بالفرحة…..
🔙🔙فلاش باك🔙🔙
بعدما دوزت ثلاث ايام فدارهم مع ختها واقفة بجنبها و مسانداها فمحنتها حتى طاااب محمد بالوحش ولا كيفيق عليها بآبيل و ينعس عليها بآبيل……
فاقت فالصباح معولة ترجع لدارها و فبالها دير ليه شي مفاجأة منها تبدل الروتين و منها تخبرو بخبر حملها…..
ناضت من فراشها بحماس حلت الشرجم و ضربت فيها شميشة دافية على عكس الايام اللي دازو….
زادت تحمست اكثر…. اول حاجة خدات تيليفونها و دوزت لابيل لوحدة من المخبزات اللي كتقدا من عندهم فالرباط…
البنت: ألو السلام عليكم بولونجغي الرحمة
ياسمين: وعليكم السلام انا ياسمين تاج الدين (قالت كنية محمد حيت هكاك باش تعرفت عندهم)
البنت: مرحبا مدام ياسمين اش خبارك
ياسمين: الحمدلله شكرااا
البنت: الله ياودي.. فاش ممكن نخدمك مدام ياسمين
ياسمين: بغيت نكوموندي على واحد لاير كيك (كيكة ديال لاكريم)
البنت:(حاطة قدامها اجوندة كتسجل فيها المعلومات) مرحبا مدام و نوع المناسبة واش عيد ميلاد زواج خطوبة
ياسمين: لا لا بغيت كيك يكون عااادي من الفوق فيه طبقة ديال عجينة السكر بيضا و بحال الكريم من الفوق سايح من الجناب نص غوز و نص ازرق و مزوقة من الفوق بدي ماكاغون فالغوز و الازرق
البنت:(سجلت المعلومات) واخا مدام فهمت بغيتي بحال البيبي شاور كيك
ياسمين: فوالا غي هو مازال ما وصل البيبي شاور يعني من الداخل تكون لاكخيم شونتيي بيضة عادية
البنت: واخااا كلشي سجلتووو ما بغيتي تكتبي فيها والو
ياسمين: لا لا والو اذا كان شي ديكور ديال الوليدات ولا الحمل ديريه سينو الكتابة والو
البنت: و الوقت معاش بغيتيها
ياسمين: انا دابا فكازا عندي تقريبا واحد ثلاثة السوايع نكون تمااا تقدر توجد؟؟
البنت: سي سي توجد الله ياودي كليان ديالنااا و منوجدوش لييه طلبو واخا نخدمو غير معاك
ياسمين:(بفرح) شكراااا حبيبتي الله يكبر بيك يلاه نخليك
البنت: بون جوغني مدام…
قطعت معاها و ناضت بالخف جمعت حوايجها اللي جابت و لبست غير جلابة سخونة مع ديزاكس مقطنين و شعرها مطلوق كيف العادة…..
خرجت لقاتهم جالسين على الطبلة ديال الفطور ثورية سادة اويس كتفطر فيه و دعاء ملاهية مع التيليفون تا وقفت عليهم…..
ياسمين: صباح الخييير اوجوه الخيير
ثورية: صباح الخير ابنيتي (انتبهت لساك اللي هازة) افين مسرية على بونبير ابنيتي
ياسمين: غادة للدار اماما (جلست تفطر) عيقت على محمد كل مرة كيصوني
دعاء: و زيدي غا اليوم و الله سخيت بييك
ياسمين: حتى اناااا مسخيتش بيكم ولكن الله يجعل البركة هذا جهد اللي مايبات….
ثورية: (كبت ليها اتاي) ايييوا سيري ابنيتي لدارك و عند زمانك شوفي اش ناقصهم حتى هوما راك قريييبة لينا و ايلا محنك الوحم ولا تشهيتي شي حاجة صوني ليا و نجي عندك
ياسمين: لهلا يخطيك اماما (تكات على طبسيل ديال الحلوة كضرب وحدة تابعة وحدة و مرة مرة تهز من العسل) دعاء عطيني نمرة سعيدة
دعاء: واخا نعطيها ليك بغيتي تت (غمزتها)
ياسمين:(ردت ليها الغمزة بلاما تعيق لمها) اممم ناري هاد الحلوة شحال واعرة غندوز ناخد مازال
ثورية: ابنيتي ضربي و قيسي راك تكثري من الحلاوة يطلع لك السكر شوية هاك و شوية هاك….
كملو فطورهم جابدين اطراف الحديث كل مرة داوين على حاجة من غير موضوع دعاء اللي مابقاوش كيجبدوه گااااع…. ودعتهم بحزن لأنها ولفتهم فهاد الايام اللي جلست معاهم…..
خدات طريق سعيدة و فطريقها وقفت عند بوتيك ديال الملابس الداخلية و البيجامات…. دخلت ليه كدوز فيعينيها ثاروها الملابس الداخلية اللي معلقة بالاشكال و الانواع… و لانجري طوال و القصار بلا الكوفرليات ديال النوامس اللي حتى هوما فالاشكال…..
جات عندها البنت المكلفة و بدات كتوريييها فأشكال اللي شوميز دونوي و البيبي دول حتى استقر اختيارها على بيبي دول فاللون البنفسجي الفااااتح اللي خارج على الموضة هاد الايام….
بثوب حريري كتلعب فيدها و صميطات رقااااق و تفصيل صغير ديال دونتيل فيه….. بقد ماهو بسييييط بقد ما كيبان مثييير و طير ليها العقل…. خداتو هو و كوفرلي ديال السرير بلون ابيض و رمادي…..
خلصت بالكارط و خرجت فرحانة…. بان ليها كارفور مقابل مع البوتيك دخلت ليه مفضلة انها تقداا من هنا حسن ما تتصاوب و عاد تخرج….. خدات اللحم و الدجاج و الخضرة اللي خاصاها كااااملة و جميع مستلزمات العشااا و المرافقات ديالو….
دازت لجيهة الديكور و خدات شميعات موف فلون قميصها صغار و ثانيين كبار فقوالب ديال الزاج معطريين….. حطت كولشي فالكوفر و مشات نيشان عند سعيدة اللي صونات ليها فالطريق…..
لقاتها موجدة ليها الحمام اللي بغات دير حمام مغربي بالاعشاب من التبريمة حتى استرخات فالاخييير فبينوار فيه ماء دافي مع زيوت معطرة و بعد الاعشاب المريحة…..
ناضت منو بشرتها كتلمع مع التقشير و الزيوت رطبةةة…… دازت نيشان للسوان لشعرها و وجهها و من بعد صاوبت شعرها سامبل مقررة حتى للدار و تبوكليه…..
صبغت الظفيرات بالأحمر دم الغزال خلا يديااااتها و رجيلاتها كيشعلو و عارفة محمد كيحماااق عليه….. خرجت من الصالون منورة و زايد البريق اللي فيعينها و الحماس منورها اكثر…..
شدت طرييييق الرباط نيشان معولة انها دوز عند محمد هو الاول تشوفو و تعلمووو باش مايجيش للغدا و مايجي حتى للعشية علاما تكون وجدت كولشي…..
فعلا دازت للمحل مع دخلت عرفتها البنت اللي خدامة معاه سلمت عليها و خداتها نيشان للبيرو ديالو….
سمية: مرحبا بيك مدام ياسمين تفضلي للبيرو ديال مسيو محمد علاما يجييي
ياسمين: واخا ولكن فين مشا مقالكش
سمية: مشااا غير للمحل الثاني و خبرني انه مغيتعطلش بزاااف خمسة دقايق و يكون معاك….
اشارت ليها بالايجاب و دخلت للبيرو كدوز فيه عويناتها و تستنشق ريحتو اللي مالية المكان حتى اتسقرو عيونها على شي حاجة محطوطة فوق البيرو….
قربت ليها حتى كتلقا بوكي ديال الورد ملون و مشكل و ساشي حلتها لقات فيها باكي ديال الريحة رجالية…. استغربت و مافهمت والو فكرت انه محمد خداها ولكن علاش غياخد معاها بوكي دفلوغ….
أجلت تساؤلاتها حتى يجي و جلست كتسناه…. فيقها من شرودها اتصال من عند سميرة اللي أكدت عليها خبر حملها ملي خرجت من عند الطبيبة حتى طاااارت بالفرحة….
ياسمين: صبااااحو خااالتي
سميرة: صباح الخير و الرباح الحبيبة ديالي كيف صبحتي
ياسمين: الحمدلله و نتي لاباس عليييك
سميرة: بخير ابنتييي اشنو منعولاش ترجعي نشوووفك و تمخشي فيا ثاني
ياسمين: ناري والله ياخالتي حتى غنقطعك من لحمي جاني وحمي عليييك ريحتك فنيفييي انا عند محمد غنكون غادة للدار و ندوز عندك نشوفك
سميرة: على سلامتك هي العشااا هنا اليوم
ياسمين: لا لا اخالتي غنمشي للدار راه باقا ماقايلاها لمحمد و بغيت نوجد ليه شي شهيوة
سميرة:(ضحكت طانزة) امممم شهيييوة ههههه احياااني علييك العفيريتة
ياسمين:(تزنكت بحشمة) ههههه و صافي اخالتي حشمتيني
سميرة: ماعندك يا الهبيلة لاش تحشمي راجلك هداك الله يتاويييكم للخير و يفك ويتمم حملك على خير يارب
ياسمين: امييين اخاااالتي يلاه انخليك حتى ندوز
سميرة: بسلامة احبيبة…..
قطعت معاها كضحك…. حاسة بواحد الفرحة غامراهااااا فشكل….. بحال الفرحة اللي كانت شاداها فالايام اللولة من علاقتها مع محمد…..
بحال الفراشات كيلعبووو فكرشها كيحسسوها انها طاااايرة لسابع سماااا بين النجوم و الغيوم….. قلبها كيضرب بعنف و واحد الحماس شادها…..
متحمسة تخبر محمد…. متحمسة لردة فعلو….. متحمسة لأيام حملها معاه….. متحمسة ليوم غتعرف الجنين….. متحمسة لأيام غيخرجوووو يشريو الحوايج…..
متحمسة لنهار غيوجدووو بيتو ولا بيتها…. متحمسة للبيبي شاااور او حفلة السبع شهور….. متحمسة لكريييشتها ملي تنفخ قدااامها…..
و ملي توجع و تولد….. و ملي تشوف عويناتو…. و ملي ترضعووو من صدرها…. و ملي يكبر قدام عويناتها…. مكرهتش هادشي كاااامل تعيشو فشهر…. ثمرة ديال الحب اللي بيناتهم غتكبر بيناتهم و تكبر حتى الحب اللي بيناتهم…..
حاسة براسها وصلت للحد ديال الفرحة و الحد ديال المتمنيااات…. اش غيبغي الواحد او الوحدة كثر من زوج محب….. عش يجمعهم….. دخل قااار يعيشو بيه…. عائلة تتبغيها…. الحد ديال السعادة هو هذااا رغم بعض المشاكل عندها و عند اللي ضايرين بيها لكن كتحمد الله على اللي عطاها….
الحياة بلا مشاااكل بحال الماكلة بلا ملح…. المشاكل كيما كيقولو هوووما ملح الحياة….. بقات ساهية فتفكيييرها حتى تحل عليها الباب من طرف محمد…. هزت عينها فيه بضحكة و قابلها بضحكة اوسع منهااااا….. سد الباب و تكا عليه شاد على قلبو….
محمد: الله يااااربي قلبييييي اش هاد الضحيكة….
ياسمين:(ناضت عندو كضحك بحب و خجل) هههههههه انااااا جيييت
محمد:(جرها من خصرها حتى تخبطت فوق صدرو) تجيييني فالراااااس انااا اللي خليتك تمشي النهار اللول و تحرمت من هاد الزين…
ياسمين:(حطت سبابتها فوق فمو و دوات بهمس) شششش الله يحفظك لينا
محمد:(تلفاتو بلمستها و صوتها حتى منتبهش لكلامها) توحشتك (متسناهاش تجااااوبو تلاح على شنايفها ببوسة عميييقة و شبه عنيفة كيلتهم فيها شنايفها و يصارع لسانها بلسانوووو كيفدي فيها شوووق شحال و شحال حتى تقطعت فيهم النفس عاد بعد بشنايفو لكن بقا جبينو على جبينها) آخر مرة اياسمييين اخر مرة…
ياسمين:(كانو عويناتها معسلين و شنايفها كيلمعو دوات كتنهج) شنو اللي اخر مرة..
محمد: اخر مرة تبعدي عليا ولا تخلينييي
ياسمين:(ابتسمت على كلامو و تعلات على ريوس صباعها طابعة قبلة رقيقة على شفايفو عكس قبلتو المتمردة) حتى انا كنتعذب فبعادك
محمد: (شافيييها مطول حتى استغربت عاد دوا بصوت مغدد) انتلااااح على مك داباااا زيدي قدااااامي للدار ناكل حلوتي
ياسمين:(بعدت كضحك) اويلي امحمد حمااااقيتي مالك تهاوشتي..
محمد: (تبعها حتى جلس معاها فالكراسا اللي قدام البيرو) راني نيييت تهاوشت عليييك من تركيا ما كليت حلوتي شوية و غنبدا ندور فالزنقة و نغوت عطيوني حلوتي..
ياسمين:(طلقتها بضحكة طويلة) هههههههههههههه قتلتيني امحمد
محمد: انا اللي قتلتيني امرات محمد (دور عينو بعفوية حتى لمح داكشي محطوط فوق البيرو) هاي هاي الناس جايبين الكادوات لرجالهم
ياسمين: اويلي ماشي انا اللي جبتهم هادوك
محمد:(شاف فيها عاقد حواجبو باستفهام) كتمرگني عليااا ايلا ماشي نتي شكوون غيتفكر جدي يجيب ليا الورد و الريحة
ياسمين: هاااء وانا عند بااالي نتا اللي شريتيهم لراسك
محمد: نتي يا امااا تكلختي يا امااا تطنزي علياااا مافيهاش واش انا موحش فراسي نجيب لراسي الورد سميتي مريم..
ياسمين:(غوبشت) دابا مااالك فهاد طنيز سول سمية تقولك و بلا تخصار الهضرة
محمد:(طرشها بالضحك) انعل حسك (هز الفيكس دوا فيه) اسمية طلعي عندي داباا (تسناها حتى طلعت)
سمية: وي مسيو محمد محتاجني فشي حاجة
محمد:(هز الورد و الساشي فيدو) هادو شكوون اللي جابهم و شكون اللي حطهم هنا
سمية:(شافت فيه و فياسمين بتردد) ا ا ممسيو
محمد: وايلي اسمية غنباتو هنا…
سمية: مادموزيل رجاء هي اللي جابتهم و قالت لي نحطهم لك فبيروك
ياسمين:(شافت فيه بعدم تصديق) كييييفاش
محمد:(عصر عينو بغضب و تكلم مع سمية) مقالتش لك شنو المناسبة ولا بأشمن حق تجي تبدا تحط ليا فالكادوات
سمية: لا مقالت والو سوااا انها قالت نحطهم فبيروك حتى تجي و مشات
محمد: اخر مرة اسمية باقي يعطيك شي واحد شي حاجة و تقبليييها و لا تحطيها عندي تخيلي كون كانت دايرا شي مصيبة هنا تصدق ملصقة فينا شي منتيف اذا تكرر هادشي مغنعرفك غير نتي
سمية: سمح ليا امسيو انا مظنيتش ان هادشي ممكن يخلق مشكل خصوصا انها كلياااان ديال المحل
محمد: هااا هااانتي قلتيها مجرد كليان تقدري تفضلي دابا من بعد و عندي هضرة معاكم كاملين….
حدرت سمية راسها و خرجت كتاكل راسها بندم حيت خدات من عندها داكشي و عاد زادت حطاتو ليه فبيروه….
تلفت هو عند ياسمين لقاها دايرا فييييه وااااحد التخنزيييرة ديال دوي ولا ترعف….. هز يدو باستسلام و قال…
محمد: بلا دوك الشوفات امدام والله هادشي انا مافخباري
ياسمين: عرفتو مفخباركش لكن كيفاش حتى جابت لك الورد و الريحة غااااا بغات
محمد: اوالله انا مفاهم شي حاجة امني بالله من الفلاش ديال تركيا مابقيت شفت كماااارتها راك شفتيني شنو قلت ليييها مجرد كليان لاش غتجيب ليا الكادوات كونما فراسها الدغل
ياسمين:(حطت يدها على راسها) انا هااادشي راه مداااخلش ليا لراسي غتنوض من دايتها لراسها تجيب لك كادو بلا مناسبة بلا موجب شرع
محمد: طاااحت و لقيناها هانتي غتسمعي على ودنيك (هز الفيكس عاود تصل بسمية) الو سمية حولي ليا الاتصال لهاد رجاء ولا الزبل دابا…. (تسنااا شوية حتى دوزت ليه الاتصال و الثانية جاوبت وهو داير السبيكر) الو انسة رجاء معاك محمد تاج الدين
رجاء:(بصوت محلون) اهلا محمد لاباس عليك غبورات هادي
محمد:(كيشوف فياسمين كتسمع و كتزير على فكها دوا بنبرة قاصحة) الحمد لله بغيت نعرف مناسبة داكشي اللي لقيت فالبيرو عندي
رجاء: اه وي هداك غي آن بتي كادو (هدية صغيرة) و صافي
محمد: مكنظنش ءانسة انه بيني و بينك كاينة شي علاقة تخليك تجيبي ليا كادو ولا نعطيك كادو نتي كليان و انا باترون يعني مكاينش لاش تعذبي راسك
رجاء: ااا باغدووون؟ مكاين لا عذاب لا والو
محمد:(بنبرة حادة فصوتو و تحذيرية) اخر مرة نبغي نشوف بحال هاد التصرفات الله يخليك انا فاهم عليك و نتي فاهمة عليا انا راجل مزوج يعني داك التخربيق ديال المراهقة مابقاش عندي معاه…
رجاء:(محملتش راسها دوات بتبرير) انا مافهمتش شنو بغيتي تقول ولا تقصد انا قصدي شريف
محمد: قصدك شريف ولا لا نتمنى تكون هادي اخر مرة نشوف شي تصرف هكاااا و تحافظي على ديك المكانة ديال الكليان ديالك سينو غنحبس التعامل معاااك (بغات تهضر و قاطعها) دوزي للمحل غتلقاي داكشي ديالك عند الولد لتحت….
قطع علييها مخليها غير كتبرق فعينيها… ندمها و عطاها القاصح منين ما عطاه الله…. خلاها تندم على النهار اللي فكرت تصيفط ليه فيه شي حاجة…..
تلفت عند ياسمين لقاها ضاحكة… ضحك بدورو و زف علييها بباكي ديال كلينيكس….
محمد: كضحكي دابا عجبك الحال
ياسمين: هههههه وا عبرتي علييها لاش تجيب لك هي الورد و الريحة اش تتجيك
محمد: اودي داكشي ما جبتيه ليا تانتييي زهري كافر عمر شي كادو ما جاني نهار جاني خاصني نرضو
ياسمين: موجدة لك واحد الكادو فين تبااان هاد الريحة الخانزة….
ياسمين: موجدة لك واحد الكادو فين تبااان هاد الريحة الخانزة
محمد:(هز حاجبو) واااايلي امدام
ياسمين: والله العظيم (وقفت) عطلتيني دزت غي نقولك ماتجيش للغدا غنكون كنخمل حتى لستة و جي للدار
محمد: هذااا هو الكاااادو جايبك غا التخمال
ياسمين:(مشات جهة الباب كضحك) ايييه راني علمتك تجي قبل ستة نردك منين جيتيي
محمد: ايييه واخا…..
خرجاااا خلاتو كيضحك…. عاد نزل موراها عطا داكشي لسمية و كلفها تعاود تصل برجاء تأكد عليها انهااا دوز تاخد داكشي ديالها…. مينكرش ان تصرفها معجبوووش و جاه قمة ف قلة الاحترام….
اول حاجة محتارمتش نوع العلاقة اللي بيناتهم اللي رسمية لأقصى حد هو باطرون و هي كليانة يعنييي مكاين حتى حاشة تخليها تجيب ليه كادو او تشفع ليه عند ياسمين اذا قبل….
ثاني حاجة كان ممكن يتقبلها كون كان مازال بلا زواج و ماعندو فحياتو حتى وحدة لكن هو مزوج و مكتفي بأنثى وحدة فحياتو يعني هي محتارمتش مراتووو و دارتها بحالا مكايناش….
قصح معاها الهضرة و تمنى انها متعاودش باشما يضطرش يدير معاها شي تصرف يخليه يخسر كليان وفي للمحل بحالها…..
خرجت ياسمين من عندو راشقة ليييها حتى للحد…. عجبها تصرفوووو بزااف و خلا قلبها ينبض كثر ماهووو كينبض بالفرحة…. مشات نيشان للرياض سلمت على سميرة و البنات و توجهت للمخبزة خدات طلبها اللي عجبها و كان كيفما راسمة فبالها….
خدات تاني من الحلوة ديال اللوز و خدات الملوي للگوتي…… مشات طايرة لدار باش يلاه يكفاها الوقت…. دخلت لقات الشراجم محلولين و الدار مشمشة و باااينا مجموعة… محمد بطبعو انسان منظم و نقي…
البلاصة مياكل فيها ولا ينعس فيها حتى تكون مجموعة و ماينوض يرجعها كيفما كانت…. ارتاحت من جيهة الدار بقا خاصها غي تسيقها و صافي…. اول حاجة بدلت حوايجها بسيرفيط مريحة و جمعت شعرها بزيف حياتي باشما يعرقش….
دخلت للبيت ديالهم حيدت الكوفرلي اللي كان و دارت اللي شرات جديد…..حيدت الحوايج الموسخين دورتهم فلاماشين بالخف و عطرت البيت بعدما مسحت الغبرة….
خرجت لباقي الدار دازت عليها بمسيح الغبابر و التسياق و فالاخير رشت معطر للجو معولة حتى يقرب يدخل عاد دير شوية ديال البخور….
كانت وقيتة ديال الغذا دخلت قلات صوصيط و طيبت معاه اومليط تغدات عاد بدات المرحلة الثانية ديال توجاد الگوتي و العشا…. وجدت جوج انواع ديال البريوش واحد بالكريم باتيسيير و واحد باللوز…..و كيكة ديال الشكلاط….
حيدتهم عليها وهي مضاربة مع الوقت اللي كيجري…. مافكرتش بزاف فالعشا عارفة محمد كيبغي داكشي بلدي نصبت طاجين ديال اللحم البگري بالبرقوق و اللوز و بيض السمان و خلاتو تا يجي عاد تشعل عليه…..
ما سالات حتى ضربت الخمسة….. مشات تاني بالجرا لبيتها حيدت ديك السيرفيط و لبست قفيطين خفيف ديال الدار بثوب مورد و سفيفة حمراء…. متعمدة تلبس شي حاجة بلدية فالاول عارفة محمد كتنغموووو غي الحاجة البلدية و حاجة زماان….
طلقت شعرها و بوكلاتو من التحت و استغنت على الماكياج من غير عكر احمر فشفايفها عكس بيوضية وجهها…. اكسسوارات خفيفة و رائحة مثيرة….. ملي سالات كانت راضية على اطلالتها بدات كتنقل داكشي للصالون البلدي…. زوقت الطبلة بداكشي اللي شرات و حتى داكشي اللي صاوبت الا الكيك ديال المفاجأة خلاتو حتى لورا العشااا….
حطت صينية بكيسان و براد ديال الظياف و عاد الفنايق ديال الفضة معمرين بأتاي و السكر و النعناع…. طلقت العود فالمبيخرة و دوزاتو على الدار كاملة حتى استقر فالجليسة اللي دارت…. سالات و كملت الصورة كاملة…. كانت جلسة هماوية كأنها عارضة على قياد و سلاطين….
و فعلا كانت موجداها لسلطااان قلبها….. صورت المنظر و صيفطاتو لدعاء و بينما كانت منغمسة فالهضرة معاها تحل الباب من طرف محمد كيصفر و هاز فيديه ميكات ديال الديسير…..
مع حل ضربو فيه الروايح مخلطين…ريحة البخووور… و ريحة المعطر… و ريحة حبيبتووو اللي خلات جناوح نيوفو يفرفرو…. داخل كيصفر حط داكشي فوق طابل آمونجي و مشا لجيهة الصالون فين بانت ليه جالسة….. استقبلاتو فباب البيت بابتسامة عريضة و داك القفطان حياكل منها حتة….
ياسمين:(تعلات طابعة قبلة على شفايفو) على السلامة احبيبي
محمد:(حاوط خصرها بيدو كيطلع و يهبط فيها بنظرة اعجاب) الله يسلمك الزين ديالي… اش هاد الزين كااامل لا انا اليوم طالع ليا الجووك
ياسمين:(جراتو من يدو يجلس قدام الصينية) ديماااا طالع ليك الجوك معايا احياااتي
(جلست حداه واخدة يدها عندو) توحشتك توحشتك توحشتك….
محمد: اححح اميمتييي (خشااا وجهووو فعنقها كيبوس و يدوي حتى بورشها) راك غتنوضيه وهو موحشك و انا باغي ناكل هادشي اللي قدامي
ياسمين:(هربت وجهها كضحك) لا لا هاني مازال عشيتنا طويلة (قربت ليه الفنايق و المقراج اللي كان محطوط فيه الما طايب) عمر لينا بعدا شي براد منعنع نقادو بيه المجاج
محمد: ايييه نعمرو علاش لا اليوم راني سلطان زماني مابحالي حد
ياسمين: و نتاااا ديما سلطان قلبي و داري و تاج راسي
محمد:(وقف مقابل معاها) الا ثاااني بزاااف عليا هادشي (تحنا بايسها) نغسل احبيبة و نبدل هاد الحوايج وانا معاك…..
هزت ليه راسها بإيجاب وهو الثاني مشااا غسل و بدل حوايجو بتشامير اسود باين منو صدرو العريض مفرقين فيه زغيبات…. جلس حداها كيضحك ماقاداه فرحة….
حبيبتو حداااه مقادة ليه و موجدة ليه داكشي اللي كيبغي… اش غيبغي كثر من هكااا….. بدا كيعمر فداك البراد حتى كمل عاد عطاه ليها تشحرو….
رداتو ليه و بدا كيكب و يشقلب عاد كب ليها كاس منعنع مكشكش من الطراز الرفيع….
محمد:(مد ليها الكاس) ذوقي و ردي عليا
ياسمين:(ذاقت منو شوية) الله واااا كاس هو تبارك الله عليك
محمد: وا تبارك الله عليك نتي اختي اللي موجدة هاد الطبلة اش المناسبة
ياسمين: ضروري تكون شي مناسبة لا بغيت نتهلا فحبيبي (مدات ليه طبسيل البريوش) خود هادو باللوز اللي كيعجبك….
محمد: انا كتعجبينيي غا نتي حيدي عليا هادشي و اجي بوسي خوك
ياسمين:(خشات ليه طريف ديال الكيكة ففمو) كول حسن لك كول….
بقاو جالسين كيشربووو فكيسانهم و يدوزو و مقابلين غي قولها و ضحك عليها… كل مرة يقوليها شي نويطة تخليها تهز و تحط بالضحك حتى كيضحك معاها حتى هو….
محمد: ايوااا راني داوي معاه تا لقيت السيد هرس الكاس فيدو و قالك هاد الهضرة هي اللي منسمعش
ياسمين:(كضحك على هضرتو) هههههه ناري مسكين راه اصلا بايناا كيبغييها
محمد: ايييوا لمن تقوووليها
ياسمين: انا انمشي نشعل على الطاجين نتا هز معايا هادشي للكوزينة
محمد: كنت عارف هادشي ديالك مغيخرجش فابور ضروري تخدميني معاااك
ياسمين:(ضحكت حاطة يدها على جنابها) ايييه و دوز للبيت بدل ولا شوف اش باغي دير حيت غنسدو متعاودش تحلو
محمد: كيفااش تي اش كتصنعي لاش مغندخلش
ياسمين: مغندخلوش ليه حتى لورا العشاا صافي بلا زيادة….
محمد:(كيشوفيها غادة كتعيوج بالصينية حك لحيتو بضحكة) ايييه امدام افوزوغدغ شاف….
مشا وراها كيضحك معاونها فداكشي حتى كمل مخليها كتستفهم فلافيسيل و دخل هو للبيت ضربها بتدويشة خفيفة و خرج لبس سيرفيط قطنية ديال الدار مع تقاشر….
هز تيليفون و الشارجور و خرج مخلي ليها البيت دير فيه اللي بغات مخليها على خاطرها…..تشبح بديك الكسدة فالصالون ديال الجلاس مقابل الكورة ثاني…..
دايزة تدخل للبيت هازة الساشي اللي فيها داكشي تا بان ليها الخير دسيدي ربي محطوط…. حطت داكشي و مشااات جيهتو ما حس بيها حتى تلاحت على شفايفو ببوسة ديال الغدايد خلاتو غا كيشوف….
ياسمين: اش هاااااد الزيين اللي عطاني سيدي ربي اااش
محمد: هههههه واش لمك رديتيني عندي 5 سنين اجي نوريك كيتايبوسو النااس
ياسمين:(بعدت هاربة) الا هههههه سير فحالك
محمد: اواخا على مك والله و نشدك حتى نفدي فيك الجديد و القديم….
خلاتو كيتحلف عليها و مشات كضحك…. دخلت اول حاجة دارت حيدت داك القفطان و بدلاتو سيرفيط بحالو حتى يتعشاو و تلبس البيبي دول….
جمعت شعرها ذيل حصان و جمعات الحوايج كاملين و دخلت واحد الطبيلة بكراساها فالبالكو لوسط البيت غطاتها بناب بيض و حطت فوقها الشميعات اللي شرات…. رشت الورد فوق السرير و قادت الديكور بالشموع مخلية حتى يبغيو يدخلو عاد تشعلهم….
خرجت تاني بالحس مخلياه مكونسونطري مع الكورة خدات طباسل و كيسان قاداتهم حتى هوما فوق الطبلة مخلية الكيك و العصير حتى للاخير….. خرجت قلبت الطاجين لقاتو طاااب و تعسل….
حطاتو فوق طابل امونجي مع الخبز و المونادا و عيطات ليه….. تعشاو فجو ديال الضحك ناشطين ما بحالهم غا القايد حتى كملوو…. لصقت ياسمين فمحمد الكوزينة و خرجت بالجرا هازة الكيك و العصير فيدها بلاما يشوفها….
طرقت عليها حتى قادت داكشي فوق الطبلة… خدات حبة ديال الفيتامين اللي عطاتها الطبيبة و بدلت السيرفيط بالبيبي دول اللي جاها عبااار….
جمعت شعرها بشدة مهلملة مرخوووفة على شعرها…. رشت بارفانها و زادت خلخال فرجلها…. حست بيه كمل…. شعلات الشميعات فوق الطابل دونوي و فوق طابل امونجي و الكوافوزات….
طفات الضو و عيطت ليه بصوت مرتفع….جا داخل مستغرب للضو اللي طافي…. مع حل الباب ضرب فأحسن منظر ممكن يشوفو…. توسعات ابتسامتو كثر ملي شعل الضو و بانت ليه اميرتو بديك الطلة…..
طيرات ليه العقل ديال عقلو…. خلات قلبووو يضرب بعنف و الادرينالين يطلع عندوو…. كيطلع و يهبط فيها بعيون لامعة بحب و ابتسامة هادئة….. معرفش اشمن كلمة ممكن توصف شعورو….
كيشوف فحورية من الحور العين متمتلة قدامو….. من قوامها الممشوق مع واحد الزيادة خفيفة ديال الوزن…. للونها الحليبي الصافي اللي كيلمع و كيحس بيه كيجرو و كيقوليه…. اجي قيصني….. اجي قبل اي شبر مني…. اجي عنقني و احتويني بجسدك…..
داك البيبي دول فوق لحمها كان حكاية اخرى…. كتبان بحال شي حبة ديال مارشملو باغي يسرطها و مقادرش من حلاوتها خايف متبقاش…. عيونها الخضراء كيشوفو فيه بلمعة كيضخو بالحب دوخوه…..
وغُنجِ عَينك وما أودَعَت
أجفانُها قلبَ شَجٍ وامقِ
ما خَلَقَ الرحمنُ تُفَّاحتَي
خَدَّيكِ إلا لفَمِ العاشقِ
محمد:(تكا بكتفو على الباب حاط يدو على فمو) سبحان من خلقك و خلق هاد الجمال..
ياسمين:(ضحكت بخجل) اجي جلس بعدا
محمد:(تقدم ببطء وهو مقادرش يحيد عينو عليها) بزاااف عليا هادشي اياسمين رحمينيي
ياسمين: ما بزاف والو طلب قلبي نحطو لك بين يديك
محمد:(خدا يدها بايسها) كنبغيك يا اغلى ما عندي
ياسمين: وانا كثر احبيبي (مدت يدها حيدت الغطا على الكيكة حتى بانت) تراااا هادي هي المفاجأة
محمد:(هبط عينو لديك الكيكة كيبان ليه غا اللون الازرق و الوردي و ديك boy و girl مافهم والو) شنو هذا واا(سكت ملي عاق بداكشي اللي كيشوف) اش كنشووف واااش بصح؟؟….
ياسمين:(ضحكت على ردة فعلو و هزت راسها) ايييه بصح غتولي بابا
محمد:(خرج عينيه فيها و الصدمة خلاتو يوقف) وااايلي واش بصح حاااملة (رجع جلس ضاحك) شحال عندك و كيفاش عرفتي و ايمتا مشيتي
ياسمين:ههههه غير بشوية عليييك اناري.. عندي شهر و نص يعني ملي كنت فتركيا و مشيت نهار مشيت للعند المحامية مع دعاء
محمد:(ضرب على صدرو ضاحك بفخر) الموطور عندي مجهد ستين خيل مع حيدتي البيلول مع هزيتييي
ياسمين:(ضحكت بالجهد على كلامو) ععههههههههههههه والله حتى حمق
محمد:(شاد يدها كيبوس فيها) حمق بيك ابنت مصطفى غا قولي ليا اش درت لك تا طيرتي ليا القلب ديال عقلي احسن حاجة تقدر توقع ليا هي تكون هازة طرف مني فكرشك
ياسمين: هدا طرف مني و منك ثمرة ديال حبنااا اللي غنكبرونا بزوج
محمد: شكرااا اياسمين شكراااا حيت دخلتي لحياتي و شكرا حيت بقيتي معايا و شكرا على هاد الكادو احسن كادو يقدر يجيني هو هذااا شكراااا (طبع قبلة عميقة فباطن يدها)
ياسمين: حتى نتا شكرا حيت بغيتيني و حيت طلعتي معايا راجل و حيت عطيتيني كووولشي… (شافت فيه تأثر بدات كتقطع فالكيك) خود بعدااا ذوق
محمد:(دار الدغمة اللولة و عاود دوا بحالا تفكر شي حاجة) اجي دابا نتي كتوحمي ياااك يعني ملي كنا فتركيا و بغيتي الحريرة كنتي بصح كتوحمي و داك البكاااا و ملي كنتي كتخشاي فالواليدة و فيا كلووو وحم
ياسمين: مممم وحم و حتى دابا ريحتك و ريحة خالتي فنيفي دزت عندها قبيلة بقيت مخشية فيها
محمد: حتى هي عااارفة (هزت ليه راسها) بقيت غا اناااا ولكن ماشي مشكل فرحت بزاااف احبيبة طلبي روووحي نعطيها ليك ماشي غي توحمي و دابا مشهية شي حاجة ولا كتبغي شي حاجة
ياسمين:(كتاكل فالكيكة بتلذذ) كنبغي الحاجة الحلوة بحال هاد الكيكة و واحد الحلوة ديال اللوز كاينة فالبركة ناااري شحال واااعرة
محمد:(مقابل معاها مبتسم) غدا نجيب لحبيبتي منهاااا و من اي حاجة حلوة غي زيدس الحلاوة على حلاوتك تا طلعي لديلمي السكر….
ياسمين: الله ينجييك لينا (حطت يدها على كرشها) دابا راه ولينا جوج
محمد: الله يخلييكم ليا ياربي (تسناها تا شربت اخر جغمة فالعصير ووقف) كملتي امدام
ياسمين: كملت الحمد لله (وقف عليها ماد يدو) شنو
محمد: نوضي معايا (جرها وقفها)
ياسمين: بلاتي نجمع هدشي
محمد: (حط يدو على فمها) ششش هدشي مغيهربش….
قرب لشفايفها مسكتها ببوسة طيراتها من العالم…. خلاتها دخل لعالم خاص بيهم بجوج… عالم فيييه حوارهم عبارة على قبلات و لمسات….
قبلة تابعة لوخرى حتى وصلو لفوق السرير…. هزها من خصرها النحيف و حطها فوقو فحال شي بيضة خايفها تهرس…. عاملها بحال شي ألماسة ثمييينة و فعلا هي ألماسة قلبو….
هبط لنحرها كيقبل فيها برقة وهي مغمضة عينيها بحر النشوة اللي بدات كتحس بيها… بين بوسات و مصيصات رفعها معاه لسابع سما… عويناتو تعسلو و وجهو تزنك….
موحشهااا و موحش معاشرتهااا و مع الخبر اللي سمع ملقاش شي طريقة يبين ليها بيها حبو و سعادتووو حسن من انه يعيش معاها الحب…. كترفع بيديداتها تريكوه من التحت محاولة انها تحيدو ليه باش تلامس ظدرو العريض…
عاونها حتى حيداتو ليه وهو غاااارق فعنقها و هايم فيه….. دوزت يدها على ظهرو بشهوة فحين هو يدووو كطلع فالبيبي دول ببطء و الثانية كتعجن فصدرها بحنية من الفوق…. غاصو فبحر الشهوة و نساو داكشي اللي داير بيهم…
طلع ليها البيبي دول الفوق حتى حيدو كااامل و بانت ليه غير بسترينغ…. انثى متكاملة فنظرو…. طيرت ليه الفرافر ديال مخو… تحنى على صدرها كيجر بشنايفو مطيرها لعالم ثاني حتى مبقاتش حاسة…..
دوزو علاقة متكاملة كلها حب و أحاسيس…. حيد وحشووو منها و شبع شوقو فيها و فالنعاس معاها….. لكن كان مراعي ليها و لحملها…. عاملها بحال الما القليل و خلا عينيها يتقلبووو….
عشقت النعاس معاه و مكرهتش كون الليلة ماسالاتش…. لعب عليها الوحم و خلاها قدما خدات منووو تزيد تبغي كثر…. ماسالاو حتى بدا النهار كيطلع عاد نعسو فحظن بعضياتهم بعد ليلة طويلة و حلوة…..
🔚🔚 نهاية الفلاش باك 🔚🔚
رجعها من تفكيرها فديك الليلة تيليفونها اللي كيصوني بإسم دعاء… جاوبت بابتسامة مرسومة….
ياسمين: ألو الزااين
دعاء: صافااا حبيبة
ياسمين: الحمدلله ونتي و ماما و باباا و خليل كلكم لاباس
دعاء: الحمدلله كيداير المومو اللي مابغاش يبان و محمد
ياسمين: هاهو غادي معرفتو هي ولا هو
دعاء: حتى نتي بغيتو تبقى مفاجأة غي تكون الخلقة مكمولة و تولدي بيخير و على خير و تفكي من ديك المصيبة ديال السكر
ياسمين: منكذبش عليك ادعاء محنييي (تنهدت) شهوتي فالحلاوة و تحرمت منها واخا شي مرات مكنحسش تا كناكلها
دعاء: واياااااك اختي الا هو متلعبيش معاه حنا بغيناه يمشي مع الحمل
ياسمين: نتمناو خير اختي… ايوا شي جديد
دعاء:(تنهدت) ماشي شي حااجة
ياسمين: غي من هاد التنهيدة باين البرهان
دعاء: البارح ملي جا دا ولدو مجابوش هو جابتو مو و عرضتني لسبوع بنت ختو حسناء غدا…
ياسمين: حسناء ولدااات و بلا حشمة عارضاك
دعاء: و علاش غتحشم حنا تفرقنا خوت كيما تلاقينا خوت المشكل مع ولدها نهار عكس
ياسمين: مسخ غير راسو وسط صحابو بقا معكس حتى كولشي دا سرو
دعاء:(ضحكت) ما قتلتني غي ديك القاضية اللي شدتني نهار قرات الملف قالت ليه كنت كنحتارمك
ياسمين: راه فعلا حتى واحد مكان كيتوقع منو داكشي
دعاء: غي ملي تفكيت على خير راه منكذبش عليك خفت يحكيها فيا ساعة طلع راجل فحاجة وحدة هي عطاني التيساع
ياسمين: مايكونش ندم
دعاء: ههههههه علاش بغا يندم الله يهديك
ياسمين: شنو دابا غتمشي ولا لا؟
دعاء: بيان سيغ غنمشي لقيتيني غنمشي لعند سعيدة من دابا شوية ندير لجيل لظفاري و ندير ايبيلاسيون و ندوز نكري شي قفطان و ناخد لأويس جبادور بجلابتو يحضر لبنت عمتو و يعرف عائلتو….
ياسمين: مممم يعرف عائلتو ولا تفقصي شي وحدين
دعاء: لاش غنفقصو على مالو ملي كيجي يديه مكيشوفش على عينيه منكذبش علك اياسمين متبردش ليا حرقتي حتى يرجع غا تابعني
ياسمين: انا مافهمت والو فيك ملي باغاه لاش تفارقتو
دعاء: ماباغاهش ولكن باغا حرقتي تبرد
ياسمين: سيري اختي نتي راه مسالية قبك ماعندك شغل
دعاء: قالتها مولات الشغال ههههه يلاه تلاحي….
قطعت معاها و ناضت كتحرك شوية فالدار دور بيها و فنفس الوقت تحرك شوية باشما تبقاش غير جالسة و متقالش الحركة ديالها…
نبقاو فالعاصمة نيت ولكن ننتاقلو لبلاصة أخرى و تحديدا رياض تاج الدين…. الاجواء كانت فيه مستقرة عند جميع افرادو….
جالسة سميرة مع حكيمة و الحاجة كلثوم كيديو و يجيبو فالحديث…. و كل وحدة فالبنااات ملهية فشغالها…. حنان فالكوزينة كتوجد الغدا بعدما ولفتهم طيابها و حتى هي مولفتش تجلس….
منغمسة فتحضير السلطة الملكية او صلاد غوايال اللي رجعت عندهم عادة مرة فالسيمانة خاصهم ياكلوها…. طيلة هاد الخمس اشهر اللي دازو كان الاستقرار هو اللي طاغي على حنان و على علاقتها بيوسف….
بالرغم من بعض المشاكل اللي ضرورية بين اي كوبل…. لكن برزانة حنان و تمسك يوسف بيها كانو كيحلو مشاكلهم بيناتهم….
حتى علاقتها بمحمد امين تصلحات بعد ايام قليلة من الجنازة بسبب حادثة وقعت ليه خلات علاقتهم ترجع بحال الاول و احسن….
🔙🔙 فلاش باك 🔙🔙
دازت تقريبا عشرين يوم على موت حفيظة… الأوضاع شبه مستقرة فالرياض المشكل الوحيد هو وجود أميمة فالرياض…
واخا الكل كيحاول يجتانبها خصوصا حنان و يوسف…. متجنبين اي اصطدام معاها…. فاقت هاد الصباح مقررة تخرج تبدل الجو من الرياض اللي رجعت تتحس براسها مكروهة فيه…..لبست احسن ما عندها و مقصرتش فالماكياج كأنها خارجة لعرس….
لبست ولدها و خرجت معاه اول مرة فحياتها ام و ولدها…. هدشي اللي ظاهر ليوسف و للكل…. لكن الحقيقة انها كانت خارجة تلاقا مع واحد من ضحاياها او بالأحرى الزلال ديالها….
دارت معاه فكافي وسط المدينة داخلة بين الدروبة فين مغايشوفها حتى واحد…. الطريق كاملة و امين كيسولها فين غادين و هي رافضة تجاوبو…
حتى وصلت و لقاتو جالس كيتسنى فيها….سلمت عليه بلابيز و سلم بدورو على محمد امين محاول يستلطفو و الثاني نظراتو متسائلة خايف يدوي و تغوت عليه مو….
كان راجل فأواخر الأربعينات من عمرو بقامة متوسطة و شعرو مزيج بين اللون الرمادي و الاسود…. جلسو و امين كيدور عينيه فالمكان اللي كان عبارة على مقهى عادي عامر بالرجال الوحيدة اللي مراة وسطهم هي اميمة….
كانت ريحة الگارو فيه كتقبس و حتى النظافة كانت منعدمة فيه بمعنى قهوة من الفئة الضعيييفة…. محملش البلاصة و مارتاحش فيها و خاف حتى من دوك الرجال اللي دايرين بيهم و مع الغوات زادت كملت الباهية…
طبيعي ولد مولف غير البلايص النقيين مع باباه و خصوصا انه كيديه غي للاماكن العائلية بعيد على جو الدخان و الغوات و حتى باباه براسو مكيجلسش فبحال هاد الاماكن…..
انتابه للشخص اللي جالس مع ماماه اللي مشاركة معاه الحديث…. معرفوش و حس بشوية الخوف منو…. حنا راسو كيلعب بسيور الكبيبيط اللي لابس حتى سمع صوتها مخاطباه….
اميمة: امين بابا بغيتي عصير ديال الليمون
م.امين:(بصوت طفولي) اه بغيت (رجع حدر راسو كيلعب)
الشخص: الولد عندك خويويف ازين مشابه لك فوالو
اميمة: تربية باباه مطلعو مكملن اسي هشام
هشام: ايوا ديك الساعة نبدلو الكوان على ودو
اميمة: لا لا مكاين لاش ندوزو سويعتنااا و نمشيو
كملو هضرتهم بزوج مراضينش البال للولد…. جابو ليه العصير شربو كامل واخا جاه مذاقو كيشبه لأي حاجة الا لعصير الليمون…
بقا كيشرب و يلعب غير بيديه و حوايجو حتى كلمو هضرتهم و خرجو بعدما سلمت على هشام اللي بقا جالس تما…. فرحتو بديك الخرجة من داك الحبس كانت مكتصورش…
فطريقهم دازو على جريدة فيها ألعاب ديال الوليدات الصغار طلبها يدخلو و مبغاتش تخسر ليه…. خلاتو كيلعب و تقابلت معاه عينيها فالتيليفون…. فدقيقة شد الولد كرشو بعدما حس بالضو ضربو فيها….
كمش عليها بيدو و غوت بصوت طفولي من حر الالم اللي شدو…. كيحس بمصارنو كيتقطعو ر الألم مخلاش ليه الجهد باش يوقف طاح على ركابيه كيغوت…. انتابهو ليه الوليدات اللي كيلعبو و بعض الامهات اللي جاو كيجريو…. و مو فيناهياا غارقة فتيليفونها ماهياش فهاد العالم…..
خطفاتو وحدة من الامهات فحضنها كتمسح ليه وجهو من الدميعات و العرق و الثانية مشات كتجري عيطت لأميمة….
هاد الاخيرة عاد انتبهت ليه و ناضت عندو تتجري…. حاولت تستفسر من عندو مالو ولا باش كيحس لكن كان جوابو هو الغوات و البكا مزير على كرشو بيدو….
ضارت بيها الارض و ماعرفت مادير… حتى وگدتها وحدة من الامهات انها غتعيط على شي طاكسي باش ديه لسبيطار… فعلا وقفت المراة طاكسي و هزاتو اميمة فحضنها غادين بيه لأقرب كلينيك….
الصغير غير كيغوت و الحريق غير ما كيتزاد فيه حتى مابقاش قاد.. و بكثرة الالم ماحس براسر حتى طلق البولة فحوايجو….وصلو للكلينيك خلصت الطاكسي بالدعقة و دخلت امين للطوارئ اللي دخلوه مباشرة لغرفة الفحص عند طبيب ديال الاطفال…..
ضارت بيها الارض و ماعرفت مادير…. هزت تليفونها كترعد مدوزة الاتصال ليوسف…. كان جالس فالمحل خدام حتى لقاها كتصوني فالأول تردد انه يجاوبها لكن تفكر انها خرجت مع ولدو جاوب بسرعة كأنه حس….
أميمة:(بصوت باكي) ألو يوووسف اهئ هئ عتقني الله يرحم ميمتك
يوسف:(وقف مخطوف) اش وااااقع مااالك مال ولدي ء أميمة
أميمة: ماعرفتش مالو هئ هئ كان كيلعب حتى شد كرشو (شافت الطبيب خرج مشات كتجري) مالو ولدي ادكتور
الطبيب: للاسف الولد تعرض لحالة تسمم خطيرة و خاصو دابا يدخل نديرو ليه عملية غسيل المعدة
أميمة:(كتسمع فيوسف داوي لكن معندهاش العقل باش تجاوبو) دخلوه عفاك ادكتووور عفاك لاما عتق ليا ولدي
الطبيب: تنفسي بعدا امدام الله يخليك الولد غيكون بيخير سيري للاستقبال عمري شي وراق و خلصي باش نبداو
اميمة: بداو دابا و انا غنخرج للبنك نتيري الفلوس و نخلص غير عتقو ليا ولدي
الطبيب: سمحي ليا ولكن قانون الكلينيك مكيسمح ليا نبدا حتى يتحط الخلاص او شيك ضمان
يوسف:(سمعو وهو مديماري الطوموبيل بالصعرة غوت بحر جهدو) وا الله ينعل ***** اولاد ***** ولدي غيموت و نتوما همكم فالفلوس قولي سمية **** ديال الكلينيك…
اميمة:(بدورها تعصبت) انا خارجة دابا نتيري الفلوس (خلاتو و زادت عاد انتبهت للخط مع يوسف مازال شاد) ايوسف ولدي جاه تسمم
يوسف: سمعت كولشي انا جاي شدي الارض خمسة دقايق انا عندك قولي سمية هاد الكلينيك نشوف عدو ربهم القوانين د*** يمووت الولد عاد يبداو فيه
أميمة: كلينيك **** سربي الله يرحم خالتي حفيظة….
قطع عليها مخليها كتبكي و ترعد…. من جهة خايفة على ولدها… و من جهة ندمت حتى داتو معاها… و من جهة عارفا يوسف ميفوتهاش ليها طريفة خااايفة من ردة فعلو….
وصل فظرف وجيز من الباب داخل عاقد واحد التغوبيشة خلص وهو كينفخ و دخل نيشان لبلاصة قاعات العمليات…. لقاها واقفة تما كتبكي…. بعصبية جرها من ذراعها مخرجها لجريدة من اللور….
يوسف:(نترها بالجهد) مناااش مصنوووعة نتي و كيفاش عدو ربك كتفكري كيفاش مقدرتيش تردي لبال لولد صغير
أميمة: يوسف انا واللهما….
يوسف:(قاطعها معصب كيحرك يدو فكل الجهات بعصبية) مكان لا انا لا **** فكل مرة كنقول نعطيها فرصة مع ولدها كتخرجي ليا بشي بلان ديال الق**** ديلمهم مقاداش عليه متخرجيهش
أميمة:(ماحستش براسها حتى بدات كتغوت حتى هي) كيييفما هو ولدك راه ولدي حتى انااا علاش كتحاااسبني على حاجة تقدر توقع لأي واحد
يوسف: مااااشي اي واحد حيت كون كان ولدك كنتي غتعرفي اش كلا و فين كلا و منين جاه هاد التسمم باااش ولدك باااش بالضد اللي شادة مع ديك بنت الناس فين عمرك عاملتيه على اساس ولدك هي رادة ليه البال كثر منك
أميمة:فينما ماتلقااااا ما تقول جبد ليا مراتك اسيدي ولدي هدااك نربيه انااا و يعرفني انااا ايلا بغات الولاد تمشي تولدهم
يوسف:(شدها من ذراعها بقوة) كنقسم باللي خلقني و خلقك و ماتفوتي ساحتي و ساحتها حتى نشوفك النجوم فعز الظهر و راك عارفاني علاش قاد دابا غتمشي تجمعي قلوعك و تهزي ت**** عليا درت معاك المزيان مابغيتش نحرمك من ولدك باش ما نطلعش ولد الق*** ساعة نتي اللي طلعتي بنت الق**** مقطرة…
أميمة:(بصوت باكي) نتا متقدرش دير هكاااا ايوسف حرام عليك
يوسف: ملي غنشوف ديلمك كطوفي بساحتي غنوريك واش نقدر ولا لا و دابا غبري عليا كمااارتك ما حدي باقي مراعي لديك جغمة ديال الدم اللي بيناتنا….
دخل مخليها بوحدها فالجردة كتبكي حتى قنعت عاد خرجت مبدلة ساعة بأخرى….خرجو محمد امين من البلوك بعدما دارو ليه غسيل المعدة و طلعوه لبيت بوحدو ناعس تما….
صونا يوسف لمحمد خبرو باش يجيب معاه حنان و صونا ليها هي علمها باش تجيب ليه حوايجو…. جلس كيتنهد و يشوف فيه متحسر على الزهر اللي عطاه الله و اللي طيحو فأم مستهترة ماعندها حتى حس ديال المسؤولية…
خرجو من سهوتو دخول محمد و ياسمين و حنان…. هاد الاخيرة كانو ملامح وجهها متهجمة بخوف على الصغير…. سلمو عليهذو تسائلو على احوالو و حنان ممحيداش من حداه حتى بدا كيفيق امين و يتوجع من كريشتو اللي بقات ضاراه….
حنان:(حطت يدها على خدو) امين حبيبي فقتي
يوسف:(ناض بسرعة عندو) ولدي فقتي ابابا
م.أمين:(بصوت طفولي) ماما حنان ضاراني كريشة
محمد:(بمزاح) ضاراك كريشة حيت باغا تاكل ياك البطل ديال عمو
حنان:(كتشوف فيه بحسرة) دابا تفوتك اماما و نطيب ليك لي كخيب اللي كيعجبوك ياك (حرك ليها راسو)
يوسف: شنو كليتي اولدي حتى وقع لك هاكا…
م.أمين: ماكليت والو ابابا شربت غي عصير ديال الليمون مع ماما و داك عمو الكبير
يوسف: شكون هاد عمو الكبير اولدي
م.امين: مشينا عندو انا و ماما للقهوة اللي فيها الرجال و الگارو
يوسف طلع عينو فمحمد بنظرة شيطانية… غمض ليه محمد عينو كأنه كيهدئو و البنات بزوج فهمو البلان…. بسرعة البرق ناض يوسف خارج كل خطوة كيدير فيها ربعة الخطوات…
تبعو محمد كيجري عارفو ناوي على خزيت و بقاو البنات مع الصغير…. ركب فطوموبيلتو يلاه غيديماري حتى دخل عليه محمد….
محمد: از** مالك طرتي صبر شوية
يوسف: كنتي غتبقا مصدع ليا كري غا نزل ت*** من دابا و فرق جرتي الله يرحم الواليدين
محمد: علاش ناوي الخرا مالك على ديك النوضة…
يوسف: هانتا غتشوف علاش ناوي….
ساق نيشان للرياض…. مع وصلو دخل مدرم نيشان لبيتها و محمد تابعو لايدير شي مصيبة…. لقاها جالسة خاشية وجهها فالتيلي فحالا ماشي كبدتها اللي عند الطبيب….
مشافش فيها مشا نيشان للماريو حلو و جبد گاع حوايجها غير مبالي بغواتها و هضرتها…. خشا كولشي ففاليز ديالها و زاد عليهم مكياجها اللي فوق طابل دونوي…. جمع كولشي و سدها شي داخل شي خارج….
جرها من يدها منزلها أمام نظرات الكل المتسائلة لكن حتى واحد ما زعم يهضر…. خصوصا وجه يوسف اللي كان محنوق فيه الدم و النظرة اللي كاين داير…. خرجها نيشان للزنقة لاح الفاليز حتى تحلت و لاحها فوقها حتى طاخت حتى هي للارض….
يوسف: شفتي ريييحتك غيير رييحتك نشمها كدور فهاد القنت نفنيك و ندوز علك الحبس التق**** ديالك ايلا ماشبعتيش منو سيري ديريه فقنت اخور
أميمة:(وقفت بزز كتحس بظهرها تهرس غوتت فوجهو بشدة) واش نتاااا مريض الخرااا اش هادشي درتي والله حتى نربيك
يوسف:(هز يدو مصرفقها بقوة حتى دار حنكها و محمد جرا شادو مبعدو عليها) انااا اللي غنربي الق*** د مك ايلا مفرقتيش عليك ساحتي و ساحة ولدي و ساحة هاد الرياض كامل (دفل عليها) خنزتي و جاية تخنزي حتى هاد الدار (بغا يتلاح عليها مغدد) اناا دي ليا ولدي عند الز**** و الزلالة ديالك الواسعة ديه للقهاوي ديال الق*وب انا اللي راجل و مدرتهاش (عاود دفل عليها) تفووووو الله ينعل النهار اللي تلاقات طريقي مع طريقك (هز سبابتو بتهديد) ولكن راه باقا طوووفي بهاد القنت خبارك يجيبوها اللخرين….
دار داخل كينهج بعصبية و الكل كيتفرجو فيه و اللي طرا كامل داز على عينيهم عرفوها دارت شي حاجة مكتغفرش….
شافتهم كيفاش كلهم عطاوها بالظهر و كيفاش اللي دايز وقف يتفرج فيها…. ماحملتش راسها تحنات كتجمع فدوك الحوايج بزز حتى كملت و دارت هاربة من داك القنت كامل….
داخل الرياض تا واحد ما زعم يسولو طلع لبيتو مباشرة بلاما يشوف فحتى حد…. دخل للدوش و طلق الما بارد فعز البرد و الشتا على الله يبرد شوية….
اما التحت شرح محمد لمو الواقعة كاملة و تسناه حتى خرج مبدل حوايجو و مهدن شوية على قبل عاد شدو طريق الكلينيك و سميرة معاهم….
🔚🔚نهاية الفلاش باك 🔚🔚
و هكا مشات أميمة من دون رجعة و عمرهم مازال سمعو عليها شي حاجة من غير ان امها ضبرت ليها فشي كونطرا لأوروبا و مشات…. صونات مرة وحدة لتيسير كتسول على محمد أمين من مورا ما خرج من الكلينيك من موراها تا واحد ما بقا سمع عليها شي خبار….
و هكااا رجعت علاقة حنان مع أمين احسن من الاول و محاولة معاه بأقصى جهدها انها متخليش عندو داك الفراغ من جهة مو….
نرجعو عند شيماء اللي دوزت صباحها فالمحل ديالها كل مرة داخلة عندها وحدة ها اللي باغا تشري ها اللي باغا تنزه ها اللي باغا تجمع… فظرف الاربع اشهر اللي سكنت فيهم فداك الحي و حلت داك المحل قدرت دير بلاصتها تما و كليان ديالها كيجي خصيصا عندها….
تغيير جدري طرأ على شخصية شيماء… بعدما كانتش كتقول انا و من بعدي الطوفان…. كانت عندها نفسها اولا و الكل عندها تحت منها… جا موت مها و فيقها شوية…. لكن الضربة القاضية جات على يد أيوب….
الشخص اللي عرفاتو فالأيام الأخيرة من زواجها من منير… عرفاتو نهار مشات للبنك فين خدام باش تخرج واحد المبلغ مالي مهم متقدرش تخرجو من الگيشي….سرااا بينها و بينو نظرات…. نقدرو نقولو هي عجبها لكن هو واش عجباتو….
اول ما عجبو فيها فلوسها و الكونط اللي عامر… و عاد داز للشكليات ديال الزين و الفورمة…. كتب ليها نمرتو فورقة بعدما شاف نظرات الإعجاب من طرفها حتى هي…. دازو ايام و ليالي هضرو فيها فالتيليفون مع بعضياتهم….
اعترفت ليه انها واقفة على الطلاق و ما كان منووو الا يواسيها و يزيد يضغط عليها باش تزرب فيه….
الشي اللي خلاها ترفع دعوة ديال طلاق اتفاقي تخلى فيها على جميع حقوقها و حتى على حضانة ولدها…. تخلات على كبدتها على ودو….
مورا ما خدات طلاقها طاحت معاه فعلاقة جنسية و هي مازال فأيام العدة ديالها…. و حملت وهي مازال فأيام العدة…. كانت عايشة لا بيل في…. حياة ولا في الاحلام…. فنظرها هي طبعا….
الشيطان كان مزين فعينيها الحرام و خلاها تزيييد تغوص فيه كثر و كثر…. حتى فيقها بأول تسرفيقة اللي كانت معاملتو ليها من مورا الزواج…. بدات كتندم بشوية بشوية لكن الضربة القاضية اللي خلاتها تندم الف مرة على ثقتها فيه….
تما عرفت ان ربي كيحاسبها على شنو دارت فداك ولد الناس و فمو…. كيحاسبها على ولدها اللي خلات و الاهم كيحاسبها على ذنوووب عباد الله اللي جمعت….
🔙🔙 فلاش باك 🔙🔙
من مورا اخر مرة جا فيها للرياض و الكلام اللي دار بينو و بين شيماء دازت سيمانة…. اسبوووع على قدو عمرها رجعت شافت وجهو حتى انها ارتاحت منو و ظنت ان تهديداتو مجرد كلام و دايز….
نهار جديد صبح مغمغم و الدنيا مشتية…. الشتا الليل كلو مسحاتش و صبحت كتصب و الريح قوي بزاااف مايخرج فيه غير اللي مضطر…. خرج حسن مع سعيد فالطوموبيل للمحل…. بقاو النسا فالرياض كل وحدة مكمشة فبيتها….
شيماء كانت شادة كرشها اللي كينغزوها فيها وجيعات…. باقا ماعرفت جنس الجنين حيت شحال ما مشات عند الطبيبة عاد مقررة تمشي…. بقات غير فبيتها مكمشة على البرد…. وصل حسن و يوسف للمحل لقاو سعيد و الخدامة سابقينهم حالينو و مسيقين كيتسناو غير الكليان….
طلع حسن للمكتب ديالو اللي جا الفوق حدا البلاصة فين حاطين البيوتة ديال النعاس و داكشي العصري و التحت جهة كانو فيها الصالونات بلديين و جهة فيها لي طابل ء مونجي…. بقاو الدراري لتحت كيستقبلو الكليان اللي كان قليل بحكم البرد….
هادي هي التجارة مرة محركة مرة ميتة…. حتى دخلت بنت فاواخر العشرينات بجلابة كاشمير كحلة و صابو و تقاشر و لايحة فوق شعرها الاسود… كانو ملامحها زوينة لكن لمحة الشر باينة فعينيها….
البنت:(موجهة هضرتها لواحد من الدراري اللي خدامين فالمحل) سلام عليكم اخويا الله يخليك مول المحل واش كاين
الولد:(طلع فيها و هبط) كاين الالة علاش
البنت: بغيت نشوفو عفاك عندي معاه شي هضرة
الولد:(شكلها و طريقة هضرتها جاتو فشكل بان ليه سعيد دايز عيط ليه) السي سعيد هاد السيدة راه كتسول عليكم
سعيد:صافي تيسر نتا لخدمتك (وجه كلامو للبنت) نعام الالة فاش نقدر نخدمك
البنت: انا بغيت مول المحل
سعيد: اه هاهو معاك اش بغيتيه
البنت:(حركت راسها بنفي) لا قالو ليا مول المحل سميتو حسن
سعيد: تقدري تقولي ليا اش بغيتي و انا نوصل ليها
البنت: سمح ليا اخويا هاد الهضرة خاصني نقولها ليه انا
سعيد:(بقلة حيلة و بان ليه عندها شي حاجة مهمة) واخا اجي معايا الالة
طلع قدامها وهي تابعاه كدور عينيها على المحل و فعينيها لمحة ديال المكر…. وصل للمكتب ديال باه دخل هو الأول علمو عاد خرج مدخلها….
سعيد: تفضلي معايا الالة… الوالد هاهيا السيدة اللي قلت لك
حسن:(هبط النظاظر على عينيه شايف فيها) واخا اولدي هبط نتا لتحت و نتي ابنتي جلسي (شير للكرسي)
البنت: الله يحفظك اسيدي و سمح ليا على هاد الدخلة
حسن: مكاين مشكل ابنتي قوليلي اش عندك
البنت: انا سميتي ماجدة اسيدي و هاد الهضرة اللي جيت اليوم نقولك شحال وانا مترددة عليها ولكن والله حتى بقيتي قيا و مابغيتش تبقى مقلوبة عليك القفة حاسباك فمقام با…
حسن:(عقد حواجبو باستفهام) لخصي ابنتي الله يرضي عليك علاش مقلوبة عليا القفة
ماجدة: بنتك شيماء اسيدي
حسن:(زاد عقد حواجبو كثر كيقول مع بالو اش من مصيبة دارت ثاني) مالها بنتي شيماء ياكما عندك شي مشكلة معاها
ماجدة:لا لا مابقاش عندي معاها ولكن خصني نعاود لك و حكم بالحق
حسن: عاودي ابنتي راه الطونسيو بدات كطلع
ماجدة: انا كنت مخطوبة و اللي كان خاطبني هو ايوب راجل شيماء و لكن مكملش زواجنا بسبابها
حسن:(خنزر فيها) كيفاش زعما واش جاية تعاودي ليا حتيت النسا
ماجدة: خليني بعدا ندوي و حكم (هز ليها راسو بمعنى كملي) ماخطفاتوش ليا ولكن طاحت معاه فالحرام ملي كانت باقا مزوجة…
حسن: كيفاااااش (ناض وقف بعنف) اش كتخربقي عليا واش واعية بأش كتقولي ولا لا
ماجدة: ايييه هادشي كلو اللي كنقول لك بصح و كنقسم لك باللي خلقني و خلقك ما كذبت عليك طاحت معاه ملي كانت مزوجة و ملي طلقت كانت حاملة منو و حتى زيروه خوتها بجوج عاد تزوج بيها و بقيت انا ضايعة بالقنت
حسن:(طاح بقوة على الكرسي شاد راسو) اش هدشي كنسمع شكون خوتها مايمكنش خوتها فخبارهم و يسكتو ليها
ماجدة: خوتها بجوج محمد و ياسمين حصلوها معاه و تسترو عليها و هوما اللي زربو فهاد الزواج و انا اللي خرجت ضايعة وليت شفاية و ضحكة وسط الناس حتى بقا ليا شهر على العرس عاد خلاني فالركنة (نزلو دموع التماسيح مع عينيها بالزربة) ترضاها لبناتك الحاج و انا با الله يرحمو و الخوت اللي وقفو معايا كيما وقفو مع بنتك ماعنديش حنا غا وليات (هزت عينها فيه لقاتو شاد على راسو بصدمة كيحاول يتنفس) مالك الحاج….
حسن: سعييد (ورك على الفيكس اللي فالبيرو) سعيد دابا طلع عندي…
سعيد:(طلع عند باه كيجري معرفش مالو) ياك لاباس الواليد اش كاين
حسن:(كيدوي بزز) خوووتك دابا يحضرو عندي
سعيد:(شاف فماجدة اللي كانت كدمع و رجع شاف فيه مفاهم والو) غنعيط ليهم ولكن ياك مكاين باااس واش كاين شي مشكل
حسن:(رفع صوتو) قلت لك عيط ليهم دابا يحضروو
سعيد: واخا الواليد واخاا (خرج براا يصوني ليهم)…
ماجدة:(وقفت كتقاد فجلابتها) انا غنمشي الحاج دابا و سمح ليا
حسن: فين غتمشي نتي غتبقاي تايجيو خوت هاد شيماء و نشوفو هاد الهضرة واش بصح ولا لا (بغات تهضر حتى قاطعها) ششش الله يخليك شوفي حالتي كي دايرة ماعندي خاطر لقوة الهضرة….
جلست بقلة حيلة كدور فعينيها و تسنى هاد يوسف و محمد يبانو و حتى حسن مكانش احسن منها كان كيتسنى غير يبانو….
صونا ليهم سعيد فالبلاصة عالمهم باللي كاين… مكانتش نص ساعة حتى كانو بجوج فالمحل طلعو كيجريو عند باهم مخلوعين عليه و معارفينش اش جاري…
محمد: السلام عليكم (شاف فالبنت اللي حادرة راسها و رجع شاف فباه) ياك لاباس الوالد اش واقع
بوسف: خلعتينا الوالد و شكون هاد السيدة واش واقع شي مشكل فالمحل
حسن:(وجه كلامو لماجدة) هادو هوما يوسف و محمد شفتيهم قداش تبارك الله راه رجال واش فنظرك غايعرفو اش واقع و يسكتو
سعيد: واش الواليد واقعة شي حاجة للسيدة مع الدراري (شاف بمعنى اش كاين جاوبوه بمعرت)
حسن: لا لا ماعندها والو مع الدراري اللي عندها معاه المشكل هو ايوب راجل ختك و ختك نيييت
محمد:(عقد حواجبو فيها) اشمن مشكل عندك معاه اختي و علاش مامشيتيش عندو نيشان
ماجدة:(حادرة راسها مخبية من نظراتهم بتوتر حاسة براسها حاصلة) انا جيت عند الحاج يحكم بالحق راه هو يعاود ليهم
يوسف:(بدات كطلع معاه القنديشة كيحس بكل واحد كيلوح فيهم عند لاخر و حتى حد ماعطاهم راس الخيط) دابا الوالد غا شرح لينا اش واقع نعرفو بعدا اش كاين حنا مازال مافاهمين والو
حسن: الموضوع كلو ضاير على ختك قالت لك هاد السيدة كان مواعدها راجل ختك بالزواج و ملي ط (مقدرش يخرجها) طاحت معاه ختكم قلب عليها
سعيد:(ضرب فيها واحد التخنزيرة) كيفاش تاني طاحت معاه الوالد و الثانية المشكل عندها معاه حنا مالنا هو مواعدها و خلاها اش دخل خوتي ولا نتا
حسن: مكناش غنخدلوووو (غوت حتى شافو فيه كاملين بصدمة) مكناااااش غندخلوووو كون ختك مطاااحتش معاه فالحرام و هي باقااااا على ذمة داك الولد الناااااس (كشاكشو خرجو) اللي ذنوبو مازال غنصرفوووهم واحد واحد (شاف فيهم بخيبة أمل) كان كيسحااااب ليا واااالد الرجااال ساعة انا واااالد غير الشمايت و زايدين كيضمسووها بيناتهم انا والو فهاديك الدار ولا فديك العائلة…..
يوسف:(طلع معاه البلان شاف فمحمد بنظرة فهموها غير هوما بجوج و رجع شاف فباه محاول يتحكم فأعصابو) الواليد الله يهديك اش هاد الهضرة واش تا درنا الدراري عاد تولي تقولينا شمايت واش شيماء باقا درية صغيرة و علاش غنهزو حنا ذنوب السيد…
محمد: الواليد راه لا تزر وازرة وزر أخرى حنا ماعندنا دخل ملي سقنا الخبار كانت شيماء ديجا حاملة بالزربة ضمسنا القضية و ماسقيناش ليك الخبار باش ماطيحش بشي كريز و ايلا على هاد بنت الناس فمشكلتها مع ايوب ماشي معانا و ايلا على ختي راه كولشي كيغلط و الحمدلله عرفت غلطها و ندمت عليه….
حسن: لا تباااارك الله عليييكم نولد و نكبر باش فاللخر توليو نتوما تحكموووو و نتوما تصرفو من عندكم حتى دابا خرجوووو عليا و دوزو ديو عليا ديك الكلبة لدارها ايلا رجعت و لقيتها مانضمنش ليكم اش غندييير فيها (يلاه بغا يدوي يوسف غوت عليهم) برااااا قلت ليكم براااا…..
خرجو الدراري بقلة حيلة وهوما معصبين من كلام باهم و من هادشي اللي عاود تجبد و اللي خلق ليهم مشكل و غيخلق مشكل اكبر لشيماء….
فهاد المدة شافو شيماء ثانية غير اللي كيعرفو…. حسو بندمهاااا على هاد التزويجة و عزت عليهم دابا حتى بغات تبدا صفحة جديدة عاد يجي شبح الماضي و يتبعها لكن من جهة عارفين انها غتصرف ذنب كل شخص ظلمااتو و أول واحد هو منير راجلها الاول و ولدها اللي لعبت ورا ظهرهم….
يوسف:(غادي جاي قدام المحل كينتف فشعرو) اش غنديرو اصاحبي دابا واش هادي مجاها تهضر حتى لدابا و جات عند الواليد نيشان
محمد:(متكي على الحيط مكروازي رجليه و ساهي كيفكر) هاد البلان متسرطش ليا شحااال داز دابا عاد جات دوات و علاش جات عند الواليد نيشان فين كانت شحال هادي…
يوسف:(وقف كيشوف فيه بشك) شنو زعما يكون داك الز”مل عندو شي يد فهاد القضية
محمد: داكشي فاش شكيت ختك راك عرفتيها مابقاش باغا ترجع لدارها قالت لك صافي نطلق و بوسيبل تكون هو متسرطتش ليه دار هاد البلان ولكن غير شكيت (عقد حواجبو بغضب) و عرفتي ايلا كان شكي بصح والله ياديلمو تا نخلي الغادي و الجاي يتفرج فيه والله تا نرضو مرأة حتى يحرم يضحك على بنات الناس…
يوسف: كووولشي غيتعرف يلاه دابا نفكو حريرة ختك هي اللولة عاد نشوفو بلانو الواليد تعصب منها هاد المرة بزاااف….
مشاو فالطوموبيل اللي جاو فيها بجوج للرياض بسرعة مع الدخلة سولو على شيماء لقاوها مشات عند الطبيب اللي متبعة معاه فحملها…. تأفأفو بقلة حيلة و تسناو شوية حتى تجي….
فحين هي كانت كتسنى نوبتها توصل عند الدكتور اللي كان عامر ماعلابالها بوالو كل همها طمن على صحة جنينها و تعرف جنسو حتى انها كانت متشوقة….
وصلت الوقيتة ديال الغدا و الدراري مازال فالرياض… شرح محمد لسميرة اش كاين باس تعاونهم اللي بدورها تأسفت لهادشي اللي جاري…. جا حسن و سعيد عاقدين غوباشتهم باينة على وجاههم خزيت…..
دخلو بجوج بلا سلام و لا كلام كتبان ليهم غير شيماء بين عينيهم….. لقاو الدراري جالسين دار فيهم واحد الشوفة ديال خزيت و مشا نيشان للبيت ديالو و سعيد كذلك….
مجموعين كلهم على الطبلة ديال الغدا و غير الاقلية اللي عارفة بالموضوع بما فيها محمد و يوسف و سعيد و حسن و سميرة و الاخرين معارفين والو واخا لاحظو الجو المشحون سكتو حتى يعرفو من بعد….
داخلة من الباب مخشية فبعضها بالبرد…. لابسة جلابة و الشال فوق راسها اللي تعودت عليه و رجعت ديما دايراه…. هازة سويك صغير و ملف طبي فيدها و كريشتها باينة شوية قدامها…
مبتسمة و راشقة ليها خصوصا ملي عرفت حالة جنينها المزيانة و عرفت انها عندها بنيتة…. فرحت حتى ماقدت و من فرحتها دازت لمحلات الوليدات الصغار كتشرف فالحوايج و متحمسة وقتاش تشدها بين يديها و تشوف عويناتها و ترضعها من صدرها….
للحظة جا لبالها ولدها و قررات انها الغد ليه غتهضر مع باه باش دوز النهار معاه…. دخلة ضاحكة و متحمسة تقاسم مع أهلها فرحتها….. لقاتهم جالسين مورا ما تغدااو النسا لداخل و فالباحة جالسين الدراري مع باهم اللي كيتسنى فيها غير وقتاش دخل….
شيماء: السلام عليييكم اش مجلسكم هنا فهاد البرد
ييوسف:(هز فيها عينو بغضب كأن داكشي كامل رجع ليه و فنفس الوقت كيطلب الله باه مايدير ليها والو)
حسن: على سلامة لالة بنتي فين كنتي
شيماء:(شافت فيه باستغراب على الشوفة اللي كيدير فيها و دوات بصوت مرعود) اا كا كنت عند الطبيب على حساب الحمل (ابتسمت ببلاهة) لقيت راسي عندي بنت كيما كانت باغا ماما الله يرحمها…
حسن:(وقف كيقرب عندها و الدراري تابعينو) و فرحااانة تتقولي فيها بوجهك حمر حمدي الله اللي مك ماتت قبلما تعرف حقيقتك و تعرف عاد الحمل كيفاش تا جا حمدي الله امسخوووطة الواليدين اللي ماتت قبلما تقتليييها بفقصتك ابيضتي الخامجة….
حسن:(وقف كيقرب عندها و الدراري تابعينو) و فرحااانة تتقولي فيها بوجهك حمر حمدي الله اللي مك ماتت قبلما تعرف حقيقتك و تعرف عاد الحمل كيفاش تا جا حمدي الله امسخوووطة الواليدين اللي ماتت قبلما تقتليييها بفقصتك ابيضتي الخامجة (هز يدو كترعد صرفقها حتى دار وجهها و بعدت بصدمة وهو طارو عليه الدراري مبعدينو) دعييييتك الله ياخد فيك الحق كيما فاقصاني و مطيحة بوجهي للأرض بغيت ربي ياخد فيك حقي و حق داك ولد الناس اللي لعبتي وراااه الموسخة (جمع الدفلة تا جمعها و لاحها ليها على وجهها) تفووو على النهار اللي ولدتك فيه و تفووو على النهار اللي جيتي فيه فهاد الدنياااا باش توسخي صورة هاد العائلة (شاد فراسو بزز حاس براسو غيطيح) برااااا علياااا اعدوة الله برااااا النجسة نعلة الله عليييك اخر مرة نشوف كمارتك فهاد الدار ولا كدور بواحد من هاد العائلة بغيتي الوسخ سيري الله يطليك بيه (زادها دفلة أخرى و عطاها بظهرو كلو كيترعد)…..
سعيد:(قرب ليها بدورو حتى تقابلو عينيهم كيشوف فيها بخيبة امل) خساااارة فيك تاااا يدي نمدها على موسخة و ق””ة بحالك ولكن نهار نلقاك كطوفي بهاد النواحي موتك غتكون علي يدي (دفعها حتى كانت غطيح) برااا عليااا من هنا نساي بيلا عندك شي عائلة ولا خوووت (مشا وخلاها كتشوف بصدمة)….
شيماء:(واقفة بمكانها بصدمة عينيها مشرعين كينزلووو منهم الدموع و هي كدور فعينيها على الوجوه اللي كانو ضايرين بيها متأسفين لحالتها حتى استقر نظرها على يوسف اللي عزت عليييه حدها نطقت بكلمة وحدة) ع علاش….
سميرة:(تمت مقربة ليييها كتشوف فيها بألم عارفة هادشي كان غيوقع حتى قربت هي و بعدت لوخرى) ششش اجي ابنتي راه باك معصب دابا يتهدن و نشوفو اش نديرو….
شيماء:(بعدت منها بسرعة كتهز راسها بنفي) لا لا بعدي غنوسخك انا موسخة (كدوي بصدمة كأن مخها طار كتشوف فيهم واحد واحد و تهضر بحال شي حمقة) انااا موسخة غنوسخكم شوفو الارض توسخت شوفو انا خاصني نمشي (دارت جهة الباب كتهرول و تهضر) اه خاصني نخرج لا بلاتي (دارت شافت فيهم) غنوسخ الباب و حتى بنتي اللي فكرشي وسختها (حطت يدها على كرشها و طاحت للأرض تتقيس فيها بهلع) وسختك ابنتي وسختاااااااك (للحظة تقلبو تصرفتها لوابل من الغواااات و البكا و الجديب بحال شي بركان و نفاجر) اناااا مووووسخة اهئ هئ وسخت رااااسي و وسخت بنتي و ولدي و دارنااااا (هبطت حناكها بظفارها نادباهم) مي ماتت بسبااااااابي انا خاصني نموووووت (كتركل فالأرض جااا عندها يوسف و محمد كيجريو محاولين يهدنوها لكن كان فيها واحد الجهد عجيب كولها كتهز و تحط و سميرة كترش عليها فالما) خااص صني نموووت بعد ب عد غنوسخك (قالت اخر كلمة بتثاقل و عينيها كيتقلبو) غن و سخ ك (طاحت مغيبك بين يدين محمد اللي هزها بسرعة)….
محمد:(مخاطب يوسف) طيييير اصاحبي ديماري الطوموبيل البنت تتمووووت (يلاه خارج يوسف وهو تابعووو حتى قاطعهم كلام باهم)
حسن:(كيشوف فيهم من الفوق) ملي تخرج ماترجعش عندي تمشي تيسر تشوف فين تعيش نلقاها فداري نتبرا منكم كاملين ما بقات عندي حتى بنت سميتها شيماء
تيسير:(اول مرة غيسمع صوتها بعدما دخلت هي الثانية فحالة صدمة) ولكن ابابا
حسن:(قاطعها بصوت مرتفع) هضرتي قلتها و اللي خالفها يمشي معاهاااا و مايعاودش يوريني كمااارتو (دخل للبيت مخليهم مصدومين)….
تبعاتو سميييرة كتجري دخلت عليه لقاتو يلاه جلست دخلت عليه بحال الرعدة….
سميرة: حسن الله يهديك واش هاديك هضرة تقولها للبنت وهي واحلة فروحها
حسن: انا بغيت ربي يديها و نتهنى من نهار تزادت وانا فالشوهة معاه وجههي طيحاتو ليا فالارض
سميرة:(جلست حداه) شكون هدا اللي مكيغلطش احسن الله يهديك غا قوليا بنادم ضعيف وهي بحالها بحال گرانها غلطت ولكن دابا تابت و بغات ترجع حياتها مزيانة تنوض نتا تهرس فيها فرحة البنية باش حاملة..
حسن:(شاف فيها بنظرة حارة) سميرة هضرة وحدة قلتتها هاد السوق خرجيه البنت ماشي بنتك باش ترفدي همها و نهار نلقى رجلها محطوطة فهاد الدار غنخرج و نخليها ليها
سميرة:(شافت فيه بصدمة) اش تتقول احسن واش عرفتيني غنخليها راه بنتي هاديك و عاد واحلة فروحها
حسن:(عطاها بظهرو) بغيتيها تبعيها ولكن حسبي راسك معاها
سميرة:(شافت فيه مخرجة عينيها) تتجري عليا احسن تتجري عليا من دااارك هادي اخرة العشرة و هاد العمر الطويل
حسن:(دار شاف فيها) ماجريتش عليك نتي اللي بغيتي تبعيها…
سميرة: غنتبعها و مانخليهاش و نتا خليت ليك الله على ديك الهضرة اللي قلتي (لبست جلابتها و زيفها و هزت ساكها و خرجت تابعاهم)….
تنهد حسن موراها بضعف عارف راسو خورها فالهضرة لكن بالاعصاب اللي فيه ماحسش… خدا دواه ديال الطونسيو بعدمل حس براسو غيطيح…..
خرجت سميرة باغا تبعهم حتى عيطت لمحمد سولاتو فاشمن كيلينيك هوما علمها تمشي للدار عند ياسمين تا يدوزو عندها…. فعلا مشااات للدار عند ياسمين علمتها باللي كاين و جلسو كيتسناو و قلبها واكلها….
سميرة بطبعها الحنيين ماقدرتش ماتشغلش على شيماء…. مهمااااا دوزر حوايج خايبين و صراعات لكن حاسباها بنتها… خصوصا مور موت مها و ملي شافتها تهدنت و كيما كنقولو وطات للارض….
تسناااتهم على احر من الجمر حتى تمووو داخلين هي مسخسخة تتموت دخلوها نيشان للبيت تكا فيه ترتااااح و خرجو هوما بجوج جلسو مع سميرة و ياسمين اللي كانت حاطة ليهم اتاي و دوازو….
سميرة: اش غادين ديرو دابا اولدي
محمد: غتبقى معايا تا وكان تهدن شوية و نشوفو ندويو مع الواليد نتي غي سيري للدار نتي و يوسف
سميرة: ماعندي فين نمشي ايلا قبلتي عليا انا معاك ايلا مابغيتيش نهزها و نشوف فين نمشيو باك عندمن نمشي جرا عليا
ياسمين:(عنقتها جنب) اويلي اخالتي متقوليش هاد الهضرة ايلا مهزوكش كتافي نهزك فوق رموش عينيا مرحبااا بيكم بجوج
يوسف: الله يهديك الواليدة تخلي الواليد مريض ماتديش عليه راك عارفاه مع الطونسيو و التعصيبة مكيحسش اش كيقول….
سميرة:(غرغرو عينيها) قااال اوليدي قال و قصحني بهضرتو شكون هذا اللي مكيغلطش واش يحاسبها وهي واحلة فروحها على شي حاجة اللي دازت و زايد قالك تحط رجلها فالدار نخليها ليكم مالها ماشي كبدتو (ماحست حتى وقفت عليهم شيماء مهدودة)
شيماء: الدراري عندهم الحق اخالتي سيري للدار بابا محتاج ليك وانا غنشوف شي دار نكريييها و نخرج نسكن بوحدي مانقدرش نزيدكم حتى نتوما بهمي انا اللي غلطت وانا اللي خاصني نتحاسب ماشي واحد اخر
سميرة:(ماحست تا غوتت فوجهها) واش نتي حمقة ولا ماااالك (غمزها محمد) الله يهديك ابنتي واش عرفتيني غانخلييك رجلي برجلك و اصلا هادشي اللي كنت معولة نديرو
يوسف: ولكن الوالدة واش غتخرجووو تسكنو بوحدكم بجوج واش حماقيتو
محمد: بلاما تعولو علييييها داري محلولة فوجهكم تخليوها و تمشيو تكلفطو فديور الكرا
شيناء: قراري امحمد و يوسف غنبقى عليه انا غلطت وانا نخلص و باش نبقاو خوت و نتفاداو المشاكل غنخرج نكري و راني ديما معاكم و غنبقى نحاول مع بابا حتى يسمح ليا
ياسمين:(شافتهم تيخممو مهمومين) شربو بعدا كيسانكم و خليو هاد الهضرة من بعد مولاها ربي….
🔚🔚 نهاية الفلاش باك🔚🔚
بعدما داز شهر تقريبا على الواقعة كانت شيماء خرجت و كرات الدار اللي ساكنة فيها حاليا بعد نقاش طويل لكن كيفما قالت باش تفادا الصداع من الاحسن تبعد….
اختارو ليها خوتها بثلاثة بما فيهم سعيد اللي شرحت ليه القضية و بكات عليه حتى سامحها ديك الدار و فرشوها ليها بفراش قليل… بقات معاها سميرة مدة قليلة تقريبا شي عشر ايام حتى عيط ليها حسن و خبرها باش ترجع….
و بقات شيماء وحيدة فديك الدار حتى للنهار اللي قلب حياتها سفاها على علاها…..
بعدما قطعت مع دعاء دارت كتكمل ففطورها و محمد مازال جابد عليه فالبيت عيان و مسخسخ بالخدمة خصوصا مع الكوليكسيون الصيفية اللي مابقا ليها والو و تخرج كيجهد راسو بزاااف….
دورت نص عينها مبانش ليها هزت يدها بخفة خاطفة واحد الحليوة مقدرتش تحبس نفسها عليييها…. كلاتها بسرعة و متلمط بتلذذ كأنها عطشاان وسط صحراء قاحلة شرب كأس ديال الما بارد…. زادتها الثانية بتلذذ غير مبالية بصحتها اللي تتعرضها للخطر ولا جنينها نيت اللي ممكن يتآذى ولا الخطر اللي ممكن يلاحقها حتى بعد الولادة و اللي حذرتها منو الطبيبة….
ماوعات على راسها حتى ضربت ربعة الحلوات ديال اللوز معسلييييين بالحلاوة نيييت…. جمعت يدها بالزربة و هزت داك الطبسيل گاااع باشما يعيقش بيها حيت عارفاه صارم معاها فامور الحمل و خصوووصا هاد الامور ديال الريجيم الخاص بالسكر خصوصا بعد اخر مرة مشاو فيها عند الطبيبة و اللي تكلمات فيها معاه بشكل مباشر باش يكون هو المسؤول على حالتها….
تنهدت بحزن على حالتها و على قلة زهرها كيما كتقول اللي حتى حملها مافرحت بيه كي الناس و رجعت بيها الذاكرة للوراء فاللحظة اللي غتخبرهم الطبيبة بمشكلتها…
🔙🔙فلاش باك🔙🔙
بعدمااا داز شهر اخر على الحمل ديالها و ولات عندها شهرين و نصف… الوحم مازال شاد فيها لكن الحمدلله ماجاهاش قاصح بزاااف كانت كترد مرة مرة و لكن عاطية للحلاوة قتلة… ضروري فكل وجبة دخل شي حاجة حلوة لدرجة كان محمد كيجيب تيراميسو معاه جوج مرات ليها فالنهار او اكثر….
و منساوش وحمها اللي جاها على سميرة كانت كظل تشوف فيها و تنخشش فييها و ريحتها عندها بالدنيا و مافيها…. و حتى محمد ما سلمش من وحمها لكن هو جاتو من الجنة و الناس….
صبح عليهم الصباح مشمش مع الربيع بداااا كيطل عليهم…. كان عندها كونطرول مع الطبيبة و كانت الامس دارت بعض التحاليل اللازمة و فالعشية داز محمد جابهم باش تدوزهم للطبيبة…..
فاقت هي اللولة وجدت الفطور و فيقاتو ببيسات و تعنيقات كيما ولفاتو و جلسو كيفطرو و يديو و يجيبو فالحتيت كأي كوبل….
ياسمين: محمد نخرجو من عند الطبيبة ندوز ناخد براونيز و نمشيو عند شيماء ندوزو معاها العشية
محمد: ايه ندوزو عند شيماء واخا ولكن براونيز لاش واش ملاحظتيش راسك كثرتي الحلاوة اياسمين
ياسمين:(بزعل طفولي) واش انا اللي بغيت راه بنتك ولا ولدك اللي بغااااوها اناااا اصلا ماعنديش معاهاااا (كتبيض فعينيها)
محمد:امممم ماعندكش معاها و على هاد الحلاوة كاملة راه غتكون غا شي بنيتة معسسسلة مثر منك و شبعاااانة سكررر
ياسمين:(غوبشت فيه) اممم كول كول بديتي من دابا تشكر فيها غا نتلاح للتوش معولة عليها
محمد:(صرفقها بالضحك) ينعل مك على هاد الهضرة ديال الكيلو وااااش انا نفرط فالنحلة اللي كتحط ليا العسل (باس يدها)
ياسمين: احححح هضرتك شحال حلوة (وقفت كتجبد) وا نوض خلاص انمشي نلبس جمع هادشي ديرو فلافيسيل الله يرضي عليك
محمد:(عوج صوتو) واخااا اخالتي كوني هانيا (سمعها كضحك) حشمت ندعي فيك
دخلت للبيت لبست كسيوة خفيفة بحال الشكل ديال شوميز طويييلة فوقها جاكيط ديال الكوير قصيرة و سبرديلة مريحة بيضة…. خلات شعرها مطلوق بحيت رجع كيغلبها بطولووو و دارت ماكياج خفيف….
دخل عليها يلاه هازة عكر باغا ديرو وقف عليها بحال الگارديان….
محمد: يتحط داك اللون فشفايفك نكويييهم لك و الكوا فيه جوج انواع ازين (غمزها)
ياسمين: اويلي امحمد شوف وجهي صفر خليني نديرو غا شوية
محمد: الا حيدي هذا و هداك اللي كيخلي فمك كيبري و ديري شي واحد خفيف نتي مهاوشاني بلا والو خالية عشتي
ياسمين: باااااز اللي شافك دابا مايقولش كنتي خدام البارح
محمد:(عاطيها بظهرو كيلبس) راه حيت كنت خدام البارح و خويت المزيودة عطي لجد مي التيساع واحد اليوماين اما نتي داك البجغوط مزادك غا جهد….
ياسمين:(طلقتها بضحكة طوييييلة و كملت بصوت طانز) وانا اللي كنت معولة ندير لحبيبي شي مفاجأة
محمد:(دار عندها كيعقد صدايف الشوميز البيضة بحال ديالها) واااايلي هي شي ليلة حمراااا تحركي ليا فيها ديك مسعوووودة اللي كبرتي غا هو اجليها حتى لغداااا ازين
ياسمين: اسير سير اللي فيك ما هنااااك ياربي السلامة (خرجت و خلاتو كيضحك)
محمد: بنت الحرام كتستفزني (ضحك على راسو و كمل لبسو)…..
خرج عندها لابس شوميز بيضة مع جينز اسود و كويرة و سبرديلة بيضة مطلع شعرو الفوق و ريحة بارفانو كتعطعط…. كان لبسهم متنااااسق و كيباااانو كوبل مثااالي….
خرجو يديهم فبعضهم و فاليد الثانية هاز ملف طبي ديالها….. ديماراو فاتجاه الكلينيك فين كتكون الطبيبة اللي بقات متبعة معاها…. جالسين كيتسنااااو فغرفة الانتظار موعدهم يوصل…. كدور عينيها على النسا اللي جالسين….
ها اللي كرشها واصلة لفمها…. ها اللي منفوخة غي شوية….. ها اللي كبيرة فالعمر و باينة جاية غير دوز…. ها اللي جاية مع راجلها…. حتى سمعت صوتها…. ناضت هي وياه متحمسين يشوفو البجيغيط على قولة محمد….
الطبيبة:مدام ياسمين لاباس عليييك
ياسمين: الحمدلله ادكتووورة شكرااا و نتي
الطبيبة: الحمدلله كيف غادة مع الوحم ياكما باقا كتردي
ياسمين: لا لا الردان مشااا و حتى الوحم مجانيش قاااصح ها محمد يقولك
محمد: عاطية غير للحلاوة قتلة فجميع الوجبات
الطبيبة: اه جاك الوحم على الحلاوة غييير هو من اخر مرة حذرتك امدام ياسمين ضربي و تقيسي
محمد: علاش واش كاين شي مشكل (مد ليها الملف) هنا كاينين التحاليل اللي قلتي
الطبيبة: نتمناو خير (حلفت الملف تحت نظراتهم و حلت الظرف دياال التحاليل كتقرا فيه حتى بداو حجبانها كيتعقدو بشوية بشوية) امممم
ياسمين:(لاحظت ملامحها اللي تعقدو قالت بخوف) واش كاين شي مشكل ادكتورة
الطبيبة:(هزت فيهم عينها) تفضلو معايا بعدا نشوفو الجنين عاد نتكلمو من بعد…
مشاو معاها للبلاصة فين كدير ليكوغرافي تكات فوق الباياس بعدما عرات كريشتها اللي عاد بدات كتبان….
دارت ليها الجيل و بدات كدوز فلاباراي و محمد مركز فالشاشة باش يبان ليه لأنها كانت اول مرة يجي معاها لعند الطبيبة و يشوفو و واخا شافو فالصور اللي دات ليه لكن اول مرة يشوفو فليكوغرافي و يشوف تحركاتو كيبقى عندها طابع خاص….
كدخل للقلب نيشاااان و مكتنساش…. بحالها بحال اول مرة كيركلك فيها…. وملي كيتزاد…. و اول مرة كيحل عويناتو…. و اول مرة كينطق…. و اول سنينة كتخرج ليه…. و اول خطوة كيدير….
كيبقاو تفاااصيل يقدرو يبانو للاشخاص العادية صغييرة و ممنهاش لكن بالنسبة للاب و الام تيكونو تفاصيل كبيرة و مهمة فحياتهم و مستحيل تنسى ليهم…. مركز مع تحركاتو فعالمو الخاص كيشوف غير تحركات يد الطبيبة اللي مكايسمع من كلامها والو…. فرحتوووو كانت بالدنياااا….
شنو غيبغي اكثر من ثمرة حبووو لأكثر انساااانة بغاها و عشقها فالدنيا مورا ميمتو…. يوم مجات عينو عليها و من لقائهم اللي كان مميز ترسخت فباااالو و دارت مكانتها فعقلو…. و من بعد لقاءات كثيرة قدرت دير بلاصتها فقلبو و خلاتو يتمناها حلالو و مايهنى ليه بال حتى ديرها فجنبو و يدخلها للملكتووو و يتوجها ملكة روحو و وجدانو….
و اليوم وهو كيشوف صورة ولدو ولا بنتو كجنين فبطن مو وهو شاد فيدها و مزير عليها بحب…. حاس بأقصى درجات السعااادة….. و فقرارة نفسووو كيطلب ربي يكمل فرحتو و يحفظهم ليه…. واخا عارف راسو مقصر من جيهتووو لكن تيطلبوووو يحفظهم ليه و تجي فيه ما تجي فيهم….
فيقو من سكونو صوت الطبيبة وهي سابقااااهم للبيرو مخلياهم بزوج….. اكيد ماخفااااوش عليها نظراتهم لبعض…. و فضلت انها تخلي ليهم وقت صغير خاص بيهم…. شاف فيها بتمعن و نظرة هازة فطياااتها جملة من المشاعر…
الفرحة….
الحب….
الشوق..
الفخر…..
و مشاعر أخرى كثيييرة كتخالجوووو…. تحنى عندها محيد اي مسافة صغيرة بيناتهم واخد شفايفها بقبلة حلوة…. مالقى قدااامووو غي هي كطريقة يوصل ليها بيها داكشي باش كيحس….
بادلاتو القبلة بحب…. كيجر فشفايفها ببطء قاتل وهي اكثر منو…. كياكلو فشفايف بعضهم بالمهل…. للحظة فتحت فمها سامحة للسانو يطفل عليه و يكتشف ثغرانو و يتسارع هو و لسانها….
مكانش غير صراع الالسنة كان حتى صراع القلوب كأنهم كل واحد فيهم كيتحدى الثاني و كيقووول انا دقاااتي كثر منك…. دامت قبلتهم لدقايق حتى عاق ان لا الزمان ولا المكان مناسبين عاد بعد….
كيشوف فيها بنظرة ديال حرز عليك البلاصة فين حنا اما مانطلقش حتى ترجعي زبدة ذايبة بين يديا….. نطق بين شفايفو بصوت ثقيل دخل مع مسامعها بحال السهم….
محمد: كنبغييييك
ياسمين:(ابتسمت بخجل مستغربة من حالها و من الخجل اللي جاها)….
حست انها اول مرة غتعيش هادشي و حست بخجل غريييب جاها…. قادت حوايجها و شعرها و مسحت من شفايفها ريقو اللي ماسخاتش بيه عاد خرجو اليد فاليد و الوجوه منورين….ابتسمت الطبيبة باعجاب لصورتهم و اشارت ليهن بيدها باش يجلسوو….
الطبيبة: تفضلو ارتاااحو
محمد: كيف دايرة صحة الجنين ادكتورة
الطبيبة: الحمدلله الجنين فأحسن حال ولكن كنظن ان مدام ياسمين خاصها ترد لبال ليه و لراسها شوية
ياسمين:(بخوف حطت يدها على بطنها متحسساه) علاش واش الجنين واقعة ليه شي حاجة ولا التحاليل فيهم شي حاجة
الطبيبة: تهدني الله يخليك راه حتى الخوف و التوتر و الحزن عوامل تقدر تأثر على الجنين و من غير هادشي (هزت الورقة فيدها) فآخر موعد ليك معايا وصيتك ان وجباتك تكون متكاملة و تناولي بكثرة الفيتامينات و البروتينات و تقللي من السكريااات خصوووصا السكريات قلت لك تحاولي تبعدي عليهم قدر المستطاااع…
ياسمين: ولكن انا راه ماقدرتش راه الوحم جاني عليهم كنت كنتشهى غي داكشي اللي الحلو..
الطبيبة: متافقة معاك الوحم كيما كنقولو خو الهبال و شي حاجة اللي مكتقدريش تحكمي فيها ولكن لصحتك و صحة جنينك كنتي تحاولي او على الاقل تعوضي بسكريات طبيعية و بفواكه نضتي نتي ضربتي كولشي فالزيرو و عطيتيها للسكريات المصنعة و الحلويات مكاين غي ضرب ضرب…
محمد:(تخلع عليها عرف ان الطبيبة مايمكنش تأنبها غير هكاك) واش كاين شي مشكل ادكتورة بان ليا كاينة شي حاجة كبيرة….
الطبيبة:(حطت يدها على جبينها) الصراحة مابغيتش نخلعكم ولكن من الواجب عليا نعلمكم بكلشي كاينة مشكلة كبيرة مدام ياسمين (شافت فيها) مرتافع عندها مستوى السكر فالدم بشكل كبييير و خطير لا بالنسبة للخزان اللي طالع ل 14 و اللي فالنورمال خاصو مايفووووتش 8 حتى ل9 ولا السكر العادي اللي طالع ل5 غرام بلا فطووور و هذااا كيشكل مشكل كبييير
ياسمين:(حطت يدها على فمها بصدمة) كيفاااش و واش (شافت فمحمد بخوف) ولدي غيكون بيخير انا منبقاش ناكل الحلوة والله (غرغرو عينيها)
محمد:(شد يدها مزير عليها يمكن هو خايف كثر منها لكن مخاصوووش يبين ليها) ششش تهدني اياسمين سمعتي التوتر ممزيانش ليك هاحنا غنعرفو (قبل يدها محاول يهدنها و تلفت عند الطبيبة متسائل) واش مكاينش شي حل باش يرجع لنورمال ديالو و واش مكاينش شي ضرر كبير على الجنين
الطبيبة: انا مابغيتش نزوق ليكم الهضرة الضرر كاااين عليها و على الجنين و الاكثر ان مرض السكر ممكن يلازمهااا حتى بعد فترة الحمل و هادشي اللي مابغيناش نطيحو فيه
محمد: و شنو الحل
الطبيبة: للأسف كتضطر تاخد لانسولين على شكل برة زوج مرات فالنهار مع واحد الكينة ديال الخزان و ريجيم قاااصح (كتكتب فاوغدونونس) الحمدلله بعدا الفترة ديال الوحم بدات كتمشي يعني مغتعذبش بزاااف
ياسمين:(دموعها نزلو بخوف) ندير هادشي كامل غي ميوقع للي فكرشي وااالو
الطبيبة:(مدت ليها كلينيكس تمسح) شششش الله يخليك اياسمين غتخليني نتقلق منك اش قلنا على التوتر و الحزن (هزت راسها بإيجاب) السكر فالحمل رااااه عادي و كيشد خمسة النساء من اصل عشرة حيت كيكون الوحم غالب على النفس اذا تبعتي الدوا ديالك و الريجيم ديالك مغايكون غير الخير و تواضبي على الرياااضة و تعوضي السكر بعصائر ديال الفواكه غترجعي بيخير حمدي الله انك تهنيتي من فقر الدم راه كاين اللي كيجيها فقر الدم ديال الحوامل اللي كيكون حاد و لا فقدان المناعة ديال الحوامل نيييت اما السكر عادي….
محمد:(خدا من عندها زوج ديال الوراق وحدة فيها الدوا و طريقة الاستعمال و وحدك فيها برنامج غدائي) شكرااا بزااف ادكتووورة انا كنواعدك انا اللي غنوقف على التغدية ديالها بيدي و مايكون غير الخير
الطبيبة: ان شاء الله اسيدي الموعد ديالكم الجاي من هنا لشهر و نصف و قبلما تجيو عاودي ليا هاد التحاليل (مدت ليه ورقة) باش نبقاو متبعين الحالة ديالها و نتمناو خير ان شاء الله (شافت فياسمين) مانوصيكش اياسمين نبعدو على التوتر و الستريس و الاعصاب و الحزن و الغضب و حتى الفرحة كثر من القياس يكون استقرار فالمشاعر ديالك…
هزت ليها راسها بإيجاب مقادراش تجاوب مازال مصدومة من حقيقة انها غتولي تضرب البرة ديال لانسولين و تقطع السكر و الاكثر خايفة على جنينها….
خرجو من عندها ساكتين مع ديمارا محمد الطوموبيل خدا يدها بايسها و تكلم معاها بشوية و بصوت هادئ….
محمد: سمعيني احبيبة (شافت فيه) مكاين لاش تخافي هادشي راه عاااادي و راك سمعتييها الخوف و التوتر غيأثرو على البيبي كثر من هادشي اذا تبعتي اش قالت لك غيكون كولشي هو هداااك
باسمين:(هزت راسها) اه نتبعووو على ودوو ندير كووولشي غي يكون مزيااان
محمد: غايكووون مزيان و انا ويااااك غنردو البال لصحتك و باشما يبقاش فيك الحال انا غندير معاك هاد الريجيم نيييت نقص هاد الكرش اللي خرجت ليا بشهيواتك امدام
ياسمين:(شافت فيه بضحكة) هههههه غي خليها هكاك مدعدعة كتعجبني نخشي فيها وجهي عاد جات معاك دارت ليك الهيبة
محمد: ايييه الهيبة ديال البرلمانيين ههههه غي هو نتي كتبغي تخشي وجهك فيها وانا كنبغي نخشيه فقنت اخور
ياسمين:(ضرباتو لذراعو) سوق سوق من المسخ ديالك عاد قبيلة كنتي تتقول خويت ليك المزيودة
محمد:(فرح اللي قدر ينسيها) عمراااات اختي عندك شي مانع (شاف فيها بمكر) ما كرهت نوقفها فشي قنت هنا و نخشي وجهي بيناتهم و نضربها بنعسة نحيد منهم الوحش….
ياسمين:(طلقت ضحكة محلونة) هههلهاههاهاهاههه اويلي الوحش ديالاش
محمد: انعل حسك عليها ضحكة تتفكرني فالنااااموسية الوحش ديال البجيغيط اللي غيجي يزاحمني فيهم
ياسمين: ههههه ايوا صافي حماقيتي رسمي
محمد: حمق بيك احياتي (هز يدها بايس باطنها) الله يخليكم ليا يارب
ياسمين: و لينا احبيبي و يجعل ايامنا كلها فرح
محمد: امييين ايوا امدام اش بان ليك نمشيو نضربو الحوت حتى للعشية عاد ندوزو عند شيماء….
🔚🔚نهاية الفلاش باك🔚🔚
خرجها من شرودها محمد اللي تلاح عليها معنقها من اللور و حاشي وجههو فعنقها كيشم فرائحتها الطفووولية و كيطبع عليه قبلات بنهم….
محمد: ايلا كانت هادي ريحتك كيفاش غتكون ريحة بنتك ولا ولدك
ياسمين:(حطت يدها على يدو اللي محطوطة فوق بطنها) صباحو حبيبي نعستي مزياان
محمد:(دورها عندو حتى تقابلت معاه شادها من خصرها بتملك ملصقها معاه لولا كرشها اللي بعداهم شوية) كيفاش منكونش نعست مزيان وانا نعست فحظن الحبيبة ديالي (تحنى بايص مقدمة صدرها اللي باينة من الكسيوة) غي كنحط راسي هنا كنسا العالم و كندخل فعالمي الخاص
ياسمين:(دورت يدها على عنقو بابتسامة حليلوة) الله يزيد فراحتك احبيبي (قربت بايساه فشفاااايفووو)
محمد:(ارتشف من عسل شفايفها و خدااا جرعتو الصباحية منهم واخا يبقى يبوس مكيشبعش منهم) احححح العسل
ياسمين:(خرجت عينها فيه كتصحابو عاق بيها) اويلي فييين
محمد:فشفاااايفك (هز فيها عينو) مالك تخلعتي
ياسمين:(هربت عينها منو) لا لا والو (بعدت عليه) جلس تفطر و قوليا شنو مشهي للغدا…
محمد:(جلس فطابل ا مونجي) مشهي ندوز النهار انا و حبيبتي برااا نديرو شي دورة نحيدو الستريس
ياسمين:(جلست مقابلة معاه كتشرب فعصير ديال التوت) بصصح واللهما كرهت نخرجو ندورو شوية فالمول و نمشيو لداك البارك نتغداو
محمد: ما طلبتي غا الموجود و واخااا كون ماقلتهاش انا ملي بغيتي تمشي قوليها ليا
ياسمين: صافي احبيبو الله يخليك ليا انا نوض ندير واحد الدوش خفيف نحيد الصهد و نوجد حوايجي و حوايجك….
دخلت و خلاتو كيفطر و يقلب فتيلي بين يديه فحين هي دارت دوش خفيف و خرجت كتحس بذاتها عاد بردت….
مع الحمل كتحس بالصهد مدوبل لدرجة انها تدوش تال جوج مرات فالنهار غير باش تبرد و محافظة على نسبة كبيييرة ديال العصائر تتشربها كل نهار و خصووووصا عصير التوت اللي مفيد ليها حتى من ناحية السكر….
خرجت كضوي كيف الشميعة ما زادها الحمل الا نور على نور و كولشي كيقوليها غتكوني حاملة بولد حيت الولد كيزين مو عكس البنت كتخطف زين مها و تخيبها…..
لكن بقات مسألة جنس الجنين مفاجأة حتى لبعد الحمل بعدما اختاروها محمد و ياسمين بيناتهم…. و واخا حاولت معاهم دعاء دير ليهم حفلة ديال البيبي شاور عبارة على مفاجأة ليهم بجوج يعرفو فيها جنس الجنين لكن رفضو مخلييين حتى تولد….
خلاها محمد انا ما قنعان لا من ولاد ولا من بنات اللي جات من عند الله مرحبا بيها المهم الخلقة و الصورة المكمولة….
ذهنت ذاتها كاملة بكريم الجسم و ذهنت كريشتها اللي بانو فيها خطوط حمراء اثر تجباد الكرش مع الحمل بزيت اللوز الحلو اللي نصحوه بيها اللي سابقينها فالحمل…. لبست ملابسها الداخلية فوقهم شورط قصير عاد استقر اختيارها على كسيوة صيفية بيضاء بثوب بارد….
كتجي طويلة و واااسعة بكول في و كمايم قصار… لبست معاها سندالة خفيفة و فنفس الوقت مريحة و دارت معاها اكسسوارات خفاف….
خلات شعرها مطلوق فازگ بعدما دهنااااتو بالسيروم بقا مبوكلي كيضرب فمؤخرتها بعدما زاد طوااال اكثر و على عكس الحوامل شعرها مزادو الحمل الا قوة و كثافة بسبب الفيتامينات و المكملات الغدائية اللي متبعاااهم حتى رجع كيسخفها….
دارت ليه برفان خاص بيه كيخلي محمد كيهتهت بيه و غير خاشي وجهوو فيه كيستنشق ريييحتو اللي من نهار عرفها عمرها تبدلت….. #عبق_الياسمين…..
عبق الياسمين….. العبق اللي ديما داير بيييها و عمرو شم فيها شي ريحة من غيرو…. لا فبارفانها الشتوي ولا الصيفي ولا كريماتها و حتى بارفان شعرها مسلمش منو…. علاش ملي كيبغي يدلعها كيسميييها زهرة الياسمين ديالي لأنها عبارة على زهرة ديال الياسمين كتمشي على رجليها….
جمعت اغراضها فصاك صغير و دارت نظيظراتها فوق راسها…. دارت كتجبد ليه فحوايجو حتى تم داخل كيشم فريحتها الفواااحة….
محمد: ياسمينتي شي نهار تدي عمري بهاد الريحة
ياسمين: الله ينجيك ليا احبيبي اش ندير بلا بيك
محمد:(خداها فحضنو كيتغدد عليها مكرهش يبقى غي مقنتها) هاااح على مك و على هضووور عندك تيدخلو ليا للقلب نيشااان مالك هكا حلوة مالك
ياسمين:(عقدت حواجبها بكياتة) اممم بقيت كنحلى حتى شدني السكر
محمد:(جمع خدودها بيدو حتى خرج فمها على شكل بوسة) راه انا اللي غيشدني السكر من حلاوتك (باسها بقوة مكرهش يبقى غير يمصمص فيهم)
ياسمين:(بعدت كتقيس فشفايفها) حتى البوسان عندك مهاوش ماتعرفش تبوس بشوية
محمد:(دار عاطيها بظهرو كيدير فديودورون) البوسان بالشوية خليييتو ليك احبيبي و داااك التحلوييين اللي تيجيب ديلمي لاس ضوس…
اكتفت بضحكة و دارت تتجبد ليه فحوايجو اللي كانو عبارة على جينز ازرق مع شوميز بيضاء ثوبها خفيف و سبرديلة فنفس اللون و نظارات فنفس ستيلها….تسناتو حتى لبس و خرجو العشاق ديالنا اليد فاليد كيعيشو احسن ايام حياتهم….
فبلاصة أخرى مابعيداش عليهم بزااف و تحديدا رياض تاج الدين…. بعدما كملت حنان تحضير الغداء ديالها طلعت لغرفتها تحيد عليييعا دوك الحوايج اللي فيهم ريحة الطياب و تلبس حوايح اخرين يليقو باستقبال زوجها و حبيب قلبها….
غتكذب اذا قالت انها مرجعتش كتمووووت عليه فهاد الخمس اشهر…. الاستقرار اللي شهداتو حياتهم خلا حتى قلبها يستقر و يرجع كيعشق شي حاجة سميتها يوسف…. طبعها بدلعو ليها و الحب و الامان اللي معيشها فيهم رجعت تقدر دير اي حاجة باش تنال رضاه….
حاجة وحدة اللي مازال شاغلة تفكيييرها هي مسألة الولاد….. بما انهم قررو بيناتهم بعد جلسة نقاش انها تشرب البيلول واحد المدة قصيرة بينما دخل محمد أمين للمدرسة اللي غيكون هاد السنة الجاية و حتى هي فقرارة نفسها كانت مقررة انها تشربو حتى تستقر و تعرف راسها فين غترسي و تخلي مسألة الولاد حتى لمن بعد تشرف حياتها اولا و مصيرها….
مشاو لعند طبيبة نسائية اللي عطاتهم نوع البيلول اللي يجي معاها واللي ميشدش ليها بزاااف ملي تقطعو….
و بهكا عاشت الاسرة السعيدة فاستقرار و راحة واخا بعض النقاشات الصغيرك لكن هادي حاجة لابد منها و المشاكل فالعلاقات الزوجية شر لابد منه كيما كنقولو….
بعدما قلعت ديك الگنيديرة بقات بدوبياس كوحل جايين من الفوق بتفاصيل ديال الدونتيل جاو مع بشرتها الخمرية كيحمقوووو و يسلبو العقل….
طلقت شعرهاااا يرتاااح حتى ضرب فمؤخرتها هي الأخرى و تمشات فالبيت بديك الطلة وهو كيمشي و يجي فوقها كدور من هنا لهناا بخفة تهز فهاد و تحط فهاد….
حتى تحل عليها الباب…. ضارت مخلوعة ماعرفتش شكون حتى كيبان ليها حبيب قلبها داخل و باينة فيه مسخسخ و عياااان…. حتى ضرب ف أ ق و د منظر ممكن يشوفو…. الصدر مجموووع و طالع بالسوتيان….
المؤخرة مكورة اللور على قدها و ليهونش مزينين الدعوة…. فلحظة العيااا و التسخسيخة طاااارو و جااات فبلاصتهم نظرة كلهاااا شهوة….
جاي كيقرب ليها وهي النظرك اللي داير فيها خلات ملامحها يترخاااااو و تهدن كتسنى فيه حتى يوصل عندها….
يوسف: بزااااف عليا هادشي (شافها كتحاول تلبس گندورتها) شششش هداااي هداااي خليني نسقي عويناتي
حنان:(بارتباك و خجل) ل لا يوسف ف الغدا د دابا…. (قاطعها بجرة من خصرها حتى تخبطت معاااه) اييي ق قصحتيني
يوسف:(كيشوف فيها بنظرة كذوب صدرها مبجوغ مع صدرو حتى طلع الفوق كيشهي) ماحشوماش عليك بغيتي تحرميني من رزقي (طبع قبلة فالشقة ديال صدرها و استنشق ريحتو) و تحرميني من هاد الريحة (طلع بنظرو معاها بتفحص حتى استقر على شفايفها) و هاد الشهد اللي كيخرج العسل(طلعها من خصرها كثر و تلاح على شفايفها كيجر فيهم بحنية يمص فهادي و يجر فهادي بقبلة رقييييقة عارف اش كيعجبها و شنو اللي كيطير ليها العقل)
حنان:(مقدرتش تمنع نفسها من انها تبادلو قبلتو الحنونة ليها اندامجت معاه فتقبيل و يدها بلاما تحس كتحك فصدرو بحنية و الثانية فمؤخرة عنقو كتمشي و تجي)
يوسف:(بعد عليها بملمترااات قلال و عينيه مازال فعينيها و يدير كيتساراو فخصرها العاري كيتلمسو رطوبة جسمها) مابقيتش قاد نصبر احنان (قرب ليها اكثر خاطف قبلة صغيرة) حلاوتك تتخليني هايم فيك (نزل لعنقها مقبلو) لونك تيخليني غرقان فلحمك و صفاوتو (دار ليها مصيصة خفيف) و ريحتك تتخليني مثمن احنااان (رجع نظرو لعويناتها بنظرة عميقة تتوصل ليها داكشي اللي ماعرفش يعبر عليه) كلك تتخليني بحال شي دري صغير طامع فالحلاوة و مهما خديت مكنقنعش و مكنشبعش (نزل كيبوس فعنقها و يمص مطيرها لعالم اخر)….
حنان:(كلامو دخل بحال الاسهم لقلبها اللي نبضاتو تسارعو بشكل كبيير و نظرااااتووو ليها وصلو ليها كولشي ماقدرتش تمنع راسا من انها تعبر ليه حتى هي على اللي فقلبها و على باش كتحس معاه فكل علاقة ليهم بعداتو عليها بشوية حتى تقابل معاها و دوات بصوت خافت) ح حتى انا كتعجبني زعما ماشي كتعجبني (شاف فيها بضحكة) تت اففف ماعرفتش كيفاش نقولك
يوسف:(زير على خصرها بخفة) بشوية عليك احبيبة تنفسي و خودي راحتك راني راجلك و حلالك و اللي قلتيها مكاين اللي يحاسبك عليها
حنان:(بغات تهضر لكن لخبطوها نظراتو القتاااالة قربات لوذنو و دوات بهمس) بغيت نقولك حتى نتا كتحمقني كلك (زفرت فوذنو بحب) سموريتك كتقتلني و عينيك كيطيحوني…. بوساتك تايرفعوووني و حتى انا شحالما ذقت من حلاوتك مكنشبعش منها و منك و كنبغي كثر (تجرأت أكثر و باست وذنو حتى طلق نفس سخووون عاد بعدت مقابلة مع عينيه)
عيونهم بزوج كانو حكاية حب من عالم ثاني…. نظراتهن اللي كيتبادلوها كانو كيوصلو داكشي اللي مقدرش اللسان يعبر عليه…. داكشي اللي مالقاوش اللغة اللي توصفو…. جات لغة العيون و عبرات عليه كامل….
عيونو تيقولو ليها انا مغرم بيك حد الجنون و حياتي بلا بيك مكتسوا والو و كتبين ليها الحجم ديال الحب اللي كيحس بيه من جيهتها….. اما عيونها فكانو حكاية أخرى…. بين خجل و حب و حنان…. نظرتها واخا كانت حاملة نفس مشاعرو الا انها كانت مختلفة عليييه….
يوسف:(جرها معاه حتى جلس فالسرير و جلسها فوقو قريبة ليه و طامع فقربها اكثر) شنو درتي ليا احنان (بعدت زغيبات على عينيها) اشمن سحور درتي ليا حتى رجعتي كتباني ليا غير (شد خدها بحنية) كون كنت كنسكر كون قلت وليتي تتباني ليا فالكاس غير نتي (شافها ضحكت بخفة) ضحكتك اللي كتسكرني (شاف فيها بعمق) سمحي ليا احبيبتي و صبري معايا مابقيتش
خارجة دعاء هي وولدها بطوموبيلة باها تقضي شغالاتها….. دعاء اللي رجعت وحدة أخرى…. و الطلاق اللي كيرجع المرأة ضعيفة و عرضة لكلام مجتمع قاصي ذكوري مكيرحمش المرأة و كيتسنى غي الفرصة وقتاش طيح باش يهينوها و ينهشو فلحمها….
مازادها هي ايلا قوة فقوة….. بعدما وكلت ليلى كمحامية و الي كانت متكمنة من خدمتها عمرو ليه الضوسي مزيان و فعلا داكشي اللي بغاو كان داز عند القاضية اللي بغاو…. واخا دارت بوجههو و عطاتهم فرصة للصلح لكن كانت نفسية دعاء فالحضيض حتى الهضرة مابغاتش تشاركها معاه….
مورا شهر و نص من الطلوع الهبوط خدات طلاقها اللي بالنسبة ليها كان بداية جديدة مع ولدها و راسها….. خرجت من المحكمة مع باها بنفس جديد…
خرجت من المحكمة مع باها بنفس جديد…. هاد الاخير اللي كان مساندها و واقف فجنبها و مأكد ليها انها كيف طلقت كيف بقات مزوجة تتبقى بنتو و عمرو يتخلى عليها ولا يفرط فيها و يخسر عليها القليل قبل الكثير…. و حتى مها تعلمت من غلطها و عاملتها فالايام الأولى مزيان و بالخاطر….
خرجت ليها المحكمة مبلغ لا بأس به حطاتو فالبنك زائد النفقة ديال ولدها اللي غتوصلها كل شهر بعدما تقطع ليه من خلصتو نيشان…. الحظانة كانت ليها من غير الويكاند و الاعياد اللي يدوزهم مع باه…. و حتى هي فموضوع ابنها تغاضات و تنازلت و مابغاتش تحبس معاه بزااف….
اساسا عارفاه كيحماااق عليه خصوصا انه نسخة مصغرة منو و حتى جداه و جدو و عمتو تيحماقو عليييه…. جداه اللي حتى فات الفوت و تم الطلاق عاد جات هازة جوج حليوات فكريطينة و قالت لك ندير الصواب…. نزلت جوج دميعات بحجة انها مسخاتش بدعاء و حفيدها و عمرها غتلقى بحالها….. لكن هيهاات معامن طاحت….
جاتها دعاء فاص و قالت ليها ملي جيت كنشكي عليك علاش مدخلتيش…. علاش بنتك تتجري و تجاري باشما تخرجيش ليها على حياتها و ماتهدميش عشها…. وانا نهار قصدتك خصرتي عليا واا راه بعقلو اش غندير ليه و ساهمتي فهدم عشي….
خرجت من تم نادمة و فقرارة نفسها متأكدة انها عمرها و عمر ولدها يلقاو بحال دعاء ولو يرجعو لكروش ماتهم…. فين غتلقى بنت كتشقشق بالزين…. بالبيوضية دايرة فحال البيض المنقي…. و الشعر غري مسبسب يخلي گاااع اللي شافو يصلي على النبي…..
الحروف من عند الله باينين و مسرارين و الفورمة طيااااحة اللي يبغيه الراجل يلقاااه فيها…. فوق هادشي كامل الحداگة و كيفاش كانت قايمة بفيلا على قدها بوحدها و عمرها قالت اح ولا اي…. العسل و الجوهر اللي تتحط من يدها تحلف عليها معلمة على يد امهر الطباخين….
كلووو كوم و المعاملة كوم ثاني…. كانت كتفتاخر بيها فالمجمع و تتقول بكل فخر انها مراة ولدها و كنتها الوحيدة…. علاش لا وهي تتشوف الكلام الموزون…. الجلسة مقادة و الصدر مدفوع للقدام… الضحيكة بالعبار…. و الماكلة بقواعدها…. كأنها بنت ملوك معلمة للايتيكيت منذ نعومة اظافرها…..
مور ما داز عليييها شهر على الطلاق و بعدما استجمعت نفسها و قررت اش دير…. اول حاجة ضربوها بتسافيرة فالعطلة الربيعية مطرطقة….. قصدو الاطلس المتوسط و واد ام ربيع و شلالاتو….. ماخلاو حتى بلاصة تما…. دارو سياحة جبلية و وسط داك الربيع و داك الجو المبهج ارتاحت نفسيتها….
حتى انها رجعت غييير على كيفاش مشات و كيفاش كانت…. لا من ناحية الفورمة اللي تتخلي اي واحد يحل فمو زادت زيانت…. ولا الوجه و البشرة اللي رجعو صحيين و وافقهم جو الطبيعة…. و حتى ولدها لللي كانت مخصصة ليه وقتها الكامل باشما تحسسوش بالنقص ديال باه….
وهو مسكين مولف غياب باه من ديما واخا عزيز عليه لكن غيابو على حياتو شي حاجة ميحيدهاش ليه الطبيب و حتى الصغير مولفو…. واخا دوا معاه شحال من مرة فتيليفونها لكن عمرو سولو ايمتا غتجي….
رجعو و قررت انها تفتح المحل ديالهم اللي كانت شادة من خالتها و دير فيه بوتيك للملابس العصرية و الشيك النسائية و الرجالية….
بدات بداكشي بسيط حتى قدرت تتعاقد مع مصممات مبدعات و ولات تتبيع معاهم…. نفعوه معارفها من عالم رحمة و ياسين و دارت بلاصتها وسطهم و طبعا حتى الجودة و المعاملة كيلعبو دور….
دخلت حتى الصبابط و السيكان و الصماطي و النظاظر و كولشي غي ليمارك ولا دوزيام شوا ديال ليمارك سينيي….. بان عليها الخير كثر و بانت عليها حتى الراحة…. فهاد الثلاث اشهر و على غير العادة كان كل ويكاند ياسين بشحمو و لحمو هو اللي تيجي يدي ولدو و يجيبو…. واش ندم على الايام اللي دوزهم بعاد عليه…. واش بغا يعوضو على الايام اللي مكانش معاه فيهم…..
واش اخيرا فاق ليه الضمير….. واش عندو نوايا أخرى…. هادشي كلو تسألاتو دعاء بينها و بين راسها لكن مابينتش….. فكل مرة كان كيجي يديه كانت تتخرجو ليه هي نيييت و بأبهى حلة…. كأنها تتحداه و تتقوليه شوف اشنو ضيعتي من بين يديك…. وهو حالو مكانش بيخير بالمرة….بحيت فكل مرة كان كيجي كان كيرجع بسخانتو….
واش سخانة الفقصة ديال انها زادت زيانت و عايشة حياتها و ممسوقاش ليه فحين هو باقي هو هو…. واش سخانك الغيرة عليها كل مرة وقف معاها و شاف نظرات الرجال ليها….. ولا سخانة شي حاجة أخرى……
حتى للنهار اللي جات النقطة اللي فيضت الكأس و خرجاتو على صمتو و اللي مكانتش بعيدة بزااف فقط قبل شي 15 يوم….
🔙🔙 فلاش باك🔙🔙
جالسة فالبوتيك بحال جميع الايام اللي دازو فروتين واحد كتفيق تفطر تنزل للبوتيك تسد فالبوز ديال الغدا و ترجع تحل حتى للتسعود….
اويس فالحضانة ديالو تهنات مو مكلف بيه باها كيديه و يجيبو بحيت المحل عندو فيه الدراري اللي مقابلينو ماشي بحالها هي مزيرة فالبوتيك….
جالسة كتسنى فالكليان يدخلها حتى كتصوني ليها النمرة ديال الحضانة اللي كانت مسجلاها… مباشرة طاحو فبالها جميع السيناريوهات الخايبة جاوبت بسرعة مخلوعة….
دعاء:ألو السلام عليكم
المربية: وعليكم السلام واش مدام بنعباد هادي
دعاء:(زيرت عينها على ديك بنعباد) وي هي انا واش ولدي واقعة ليه شي حاجة
المربية: لا لا متخافيش مكاين والو بغيت غا نعلمك بالحفلة ديال غدا اللي غنديرو للوليدات و لازم حضور الابوين
دعاء: اه تخلعت سمحيلي (خدات نفس) واخا قوليلي معاش و واش حضور الاب ضروري حيت حنا مطلقين راك فاهمة
المربية:(بأسف) فهمتك امدام ولكن مدام الولد كيجي عندو باه حتى لهنا دونك ضروري يحضر الا اذا مكانش اويس عندو مسرحية غدا و حضوركم قبلما يكون واجب غيعاونو و يحفزو
دعاء: وي وي عرفت شحال وهو كيوجد ليها صافي انا انعلم باباه و نكونو تما غدا و الوقت معاش
المربية: غتبدا المسرحية مع الجوج و اويس خاصو يكون هنا قبل بجوج سوايع على حساب البروفا
دعاء: واخا ان شاء الله
المربية: نهارك مبروك الالة….
قطعت معاها شادة راسها معارفة مادير…. من جهة متحمسة لولدها و بغات تشوف اول مسرحية ليه و تشجعو هي و باه باش مايكونش عندو نقص… و من جهة محاملاش تلاقا مع ياسين خصوصا تصرفاتو اللي زادت على حدها فالايام الاخيرة….
كيفاش رجع حاضيها و تيتعمق فيها بشوفاتو فكل لقاء ليهم بجوج…. تدخلاتو فحياتها اللي رجعت اكثر من ملي كانو بزوج…. فين كنتي فين غادة منين جاية شكون هذا شكون هادي و كلو بحجة خايف على ولدي…. رجع كيخنقها و مابقات فاهمة فيه وااالو واش بصح ندم عليها و باغي يرجعها ولكن واش هادي هي الطريقة الصحيحة…..
واش باغي غير يحمقها و يدخلها الشك و الوساويس…. واش باغي يزعزع داك الاستقرار اللي فحياااتها بعدما تفرقت عليه….. مافهمت والو فيه…. لاحت ورا ظهرها دوك الافكار و هزت تيليفوونها مدوزة نمرتو و مكرهة محاملاش تهضر….
متعطلش بزاااف باش يجاوب بحال جميع اتصالات الايام اللي فاتو و على عكس ايام زواجهم…جاوب بصوت هادئ فيه بحة رجولية خطيرة…. متنكرش و متكذبش على راسهااا….
كونما فعايل الشمايت اللي دار, مافيه حتى عييب…. جابها من كولشي و لوكان عاشو كأي كوبل كانو يكونو رائعين بزوج و كوبل متكامل…. لكن خصرها بأفعالو اللي بقات كتصبر ليهم تصبر ليهم حتى ضبرت…
دعاء: ألو السلام
ياسين:(جالس فبيروه فالمحكمة مرتااااح داير ابتسامة مستفزة) شي يهودي مات فالملاح
دعاء: بلا تمرغين
ياسين: موالف كنتمرغن معاك اش جاك تا صونيتي
دعاء: مصونيا ليك حباااا فيك كون ما حاجة ولدك ماتسمعش صوتي
ياسين: انا بعدا نصوني لك حبا و نسمع صوتك و نجي نشوف وجهك گااااع (رفع حاجبو) مال اويس اش عندو
دعاء: غدا عندو حفلة مدرسية غيدير فيها واحد المسرحية و الحضانة طالبين حضور الاباء
ياسين:ممم ايوا صافي سيري نتي
دعاء: نمشي حيت والداه مع الحيط راه طالبين حضور الابوين بجوج
ياسين:(عقد حواجبو) والداه مع ***** الهضرة الخاوية معاش هاد الخرا واش انا مسالي راسي
دعاء:(عصبها بهضرتو) شوف الله يرحم بااااك متخسرش عليا الهضرة بحالا راني معاشرة معاه علمتك بأش كاين بغيتي تجي راها الطريق مع الجوج ماتبداش تخرا عليا فالهضرة
ياسين: وااا الله ينع(حبس الهضرة ففمو بالزز) يخخخ تتصعري عدو ربي عاد تبردي غنشوف ايلا مكانت تا جلسة غنجي (يلاه بغا يكمل كلامو قطعت عليه حتى لاح التيلي فوق البيرو مغلغل) بنت الكلبة دارت جناااوح و علات حتى لفوق راسي و خرااات (ضحك باستهزاء) ولكن تستااااهل اياسين نتا اللي شريتيها فالنوار….
قطعت معاه معصبة منو و من هضرتو و من القدر اللي مصر يجمعها معاه…. مفهمتش مناااش مصنوع… رغم انها لمست واحد التغيير بسيط فيه من ناحية الاهتمام لا بيها لا بولدو لكن جااا هاد التغيير معطل و كانت كتسناه منو شحال هادي و مستعدة تزطم على نفسها و كرامتها و تكمل معاه المهم انها عارفة ان هاد السيد دار واحد التغيير على ودها… لكنو تعطل و تعطل بزاااف و دابا اساسا مابقاس كيهمها كيفما كتقول….
سلمت امرها لله و كملت نهارها عادي خاوية بالها من اي فكرة تخلييها تعكر صفو دماغها….
صباح جديد فاقت فيه دعاء مبكرة شوية…. فيقت ولدها بالخاطر و الحنان عاطيااااه الخاطر ديالها كاااامل… دوشت ليه باللعب و الضحك و فكل مرة تتحفزو و تحمسوو وهو مسكين بحالا حاس كل مرة يسولها بابا بابا وهي شادة معاااه الخاطر و تتقوليه غايجي و فقرارة نفسها تتمنى بصح يجي و مايهرسش فرحة ولدو….
دوشت حتى هي لراسها و عطات لراسها الخاطر بلي برودوي و الاهتمام…. لبساتو حوايجو و خرجاتو يفطر باش يمشي للحضانة…. داتو فالطوموبيل و دخلاتو حتى للداخل حتى طمنت عليه مع الدراري عاد خرجت فاتجاه صالون تجميل دارت لشعرها بروشينغ و صبغت ظفيراتها بلبيج عكس بيوضية لحمها….
خرجت فطريقها للدار قاطعها اتصالو…. جاوباتو بنفس ثقييل…
دعاء: ألو نعااام
ياسين: مكنقولوش نعام وصلتي اويس
دعاء: وصلتو (نطقت بتساؤل) هادشي لاش مصوني؟؟
ياسين: مع الجوج غندوز عليك نلقاك واجدة
دعاء: كيفااش (وقفت فالسطوب) بأشمن صفة غتجي تجيبني راني موطوغيزي ممحتاجش شكرااا
ياسين: الهضرة قلتها قبل الجوج غندوز عليك ديري عكس كلامي ديك المسرحية و الحضانة تقلب فوق ريوسكم
دعاء:(بعصبية غوتت مجننة) تفووووو علييييك (قطعت عليه مغلغلة) اععععععه غيقتلنيييي…
مشات للدار كترعد بالاعصاب… للحظة حطت يدها على فخدها و بدات تتقرص بلاما تحس كيفما ولفت فأيام زواجهم خصوصا الاخيرة منها…. كانت هاديك هي الطريقة اللي تتخرج بيها اعصابها و فنفس الوقت متآذي حتى واحد معاها..
حيدت يدها محاولة تهدن نفسها بشوية…. جبدت حوايجها اللي كانو عبارة على سويت فاللون الابيض و الزهري و الفيست كانت طويلة و مغطية على مؤخرتها بالكامل مع طوب ابيض و سويك فنفس اللون بصوندال ديالو ميني طالون….
خدات غدا خفيف عارفة تما غيكون بوفيه و كولشي موجود و بدات كتوجد فراسها…. جمعت شعرها شينيون بسيطة مهملة مع دوك الزغيبات اللي بقاو مليوحين على عينيها عطاوها لمحة ديال البراءة مع ماكياج خفيييف و بارفان صيفي هادئ….
اكتلمت طلتها باكسسوارات بسيطة متامشيين مع زيها المثالي اللي كانت كتبان بيه بحال شي سيدة اعمال…. يلاه بغات تخرج من بيتها صونا تاني برقمو اللي رجعت كتحس بيه خارج ليها فعودها…
قطعت عليه و نزلت بغير نفس تتلقى سيارتو قدام الباب…. حل ليها الباب من الداخل حتى دخلت ضاربة فيها ريحة بارفانو الرجولية فايحة فالطوموبيل… هزت فيه عينها لقاتو ضارب حطة مبوگصة…. بسروال فصالة رمادي و شوميز بيضة غطرطق عليه و سبرديلة بيضة مع ساعة فخمة…
مطلع شوية السروال على فخاضو و عضمتوو تتبان قداش… تيشوف فيها بعمق كيطلع و يهبط و فالاخير استقرو عينيه على شقة صدرها اللي تايبان منها شوية من البيل اللي لابسة… جمع النفس و دوا….
ياسين: السلام ممزروعاش فبلادكم
دعاء:(كتقاد فالصمطة) كنصدروها غير اللي كيستاهلوها
ياسين:(ديمارا حاط يدو على فمو) مقبولة منك الالة ضسري و زيدي فضسارتك معاك معامن جات (شافها ساكتة) ماعندكش شي بيل طالع كثر من هذا
دعاء:(شافت فيه بتساؤل) علاش كتسول
ياسين: كنسول على هاد الحالة اللي دايرة فراسك ماعندكش حوايج يستروك مدفگة صدرك لعيباد الله
دعاء:(جمعت النفس و دوات ببرود) صدري وانا حرة فيه نعريه ولا نغطيه ماعندك مامشا ليك
ياسين:(عصباتو بهضرتها) عرييه حييت ماعندك رجال حاكمييينك
دعاء: اسيدي اش بيني و بينك تا تحكم فيا ولا نحكم فيك ياك تفارقنا و كل واحد عاش حياتو شنو عندك فيا دابا
ياسين: بيني و بينك ولد وانا منرضاش نشوف ام ولدي عريانة
دعاء: شوف اياسين الله يرحم باك نجيك من التالي هاد الهضرة دابا بالضبط مابقات عندها حتى فايدة انا وياك مابيناتنا والو باش تبدا تعاود ليا فهاد السيدية المشرطة خلينا نربيو ولدنا خوت حسن ما نتخاراو و متبقاش بيناتنا تا ديك السلام…
ياسين:(وحلت ليه الهضرة فحلقو تنهد و دوا مكالمي نفسو بزز) سمعيني ادعاء هاد الهضرة خاصها وقتها بوحدو
دعاء:(شافت فيه مطولا متبادلين النظرات حتى لقاو ريوسهم وصلو خسرت عليه) يكون خير اياسين (و نزلت سابقاه مخلياه كيتنهد وراها)….
دخلو للحضانة مخلين ديال الهضرة برا و محاولين يخلقو لولدهم جو نقي فين يكبر بدون عقد نفسية…. جلسو الاباء فواحد القاعة بحال المسرح صغير و بدات المسرحية اللي كانت كدور على الحياة فالغابة كانو وليدات لابسين لباس الحيوانات و الاشجار….
طيلة مدة المسرحية دعاء تتحاول تشجع ولدها غير مبالية بزوج ديال العيون حاضيها ملي دخلت مع الباب بنظرات شهوانية كيطلع و يهبط فيها مع العلم انه جالس حدا زوجتو اللي كانت لا تقل على دعاء جمالا….
لكن عيونو كانو على دعاء كيعريو فيها بشوفاتو بنظرات سافلة كيدوزو فبالو صور منحطة و بدون مايحس هبط يدو لحجرو كيحك فيه بطريقة مقززة…
دعاء مقابلة المسرح بابتسامة جميلة مفتخرة بولدها و فلذة كبدها وهي تتشوف كيأدي دور الاسد بطفولية و فداخلها فرحانة حيت حتى باباه حاضر و محرموش و حرمها من احساس وجود الاب فحياتو غير مبالية بنظرات داك الشخص النارية…
لكن مدازوش على ياسين مرور الكرام… الهزة اللي هز عينو فيها بهيام فضحكتها حتى كيلمح الشخص اللي حداها بينها و بينو فقط مسافة صغيرة بين الكرسي و الكرسي….
كيشوف فيها بدوك النظرات اللي مغيخفاوش عليه من راجل بحالو…. و ماتجي عينو غي ملي حك عضوه تهجمو ملامحو و التزنيكة طلعاتو ماحس براسو حتى وقف بسرعة حتى رد ليه البال كولشي….
رجع جلس محاول مايتيرش انتباه الناس و فنفس الوقت مايخسرش للوليدات مسرحيتهم…. شافت جيهتو دعاء بتساؤل و قربت عندو مسولاه بهمس….
دعاء: مالك اياسين على ديك الوقفة
ياسين:(خطف فيها الشوفة و رجع شاف فهداك اللي حداها) دوزي جلسي فبلاصتي
دعاء: علاش اويلي
ياسين: دوووزي ادعاء قبلما نقلب هاد الدنيا سفاها على علاها…
لاحظت ان ملامحو متهجمة وقفت بشوية محاولة تنقص الصداع ما أمكن على الاقل حتى يخرجو…. جلس فبلاصتها و دار شاف فالرجل اللي كان كيشوف قدامو مقاد جلستو بتوتر من الموقف اللي حصل فيه…. قرب ليه ياسين كثر و دوا معاه بصوت رجولي….
ياسين: نقدر نتكلم معاك واحد جوج دقايق
الرجل:(دهشروه شوفاتو حرك راسو بايجاب بشوية) واخا…
وقف و دار ليه اشارة بمعنى تبعني حتى وقف تابعو مخلين دعاء غير كتشوف فيهم و حاسة ان القضية مصافياش و مدام نوضها من حداه اذن الامر تيتعلق بيها….
بقات جالسة و بالها معاه لا يدير شي موصيبة فحين هو تمشا قدامو بديك العظمة كيتعنگر و الراجل موراه غادي حتى هو دافع الجبهة واخا القد على قد الحال…. بعد شوية على بلاصة المسرح فالجريدة اللي دايرين فيها ألعاب الوليدات فين مكاين حتى واحد….
مع الدورة مع دخل ليه كروشي لوجهو جابو طايح بالغفلة اللي دار ليه و نيفو دار شررر بالدم….
ياسين: انا يا ولد الواسعة تشووووف ليا فمداااامتي و تزهى عليها از….امل
الراجل:(وقف بالزز بالدوخة حتى شد فراسو و رض ليه حتى هو الدقة لجنب عينو حتى دمغت ليه بالخاتم) كون كنتي راجل كون سترتيييها الشماااتة ماتجيش ترجل عليا
ياسين:(شاف فيه بغل و دوا بصوت حاقد) ضبرتي على عزاك اولد الق…ة (جرو من الكول مجنن عليه دخل براس حتى داخ شادو غير ياسين باشما يطيحش) حاجتي يشوفيها شي ز ا م ل نعمي لملة مو العينين باش كيشوف (زادو راس اخر حتى طاح دايخ) حاااجتي اللي ينغرو عليها ز..و نقطعو ليه من الجدر (عطااه ركلة لبين رجليه نيشان حتى تحقن فيه الدم و خرج غوتة مخنوووقة كيحس براسو غيموت بالسخفة) هادي باش تعلم تزهى على عيالات الرجالة (مع غيزيد يضربو سمع صوت التصفيقات كيدلو على انتهاء العرض جمع الدفلة ففمو و لاحها عليه مغدد) عند عدو ربك الزهر سالاو باقا تبان ليا كمارتك نفنيييك….
زاد مخلييه مليوح فالأرض كيتألم بالجهد و السخفة شاداه مقادرش يطلع حتى النفس بحر الضربة اللي عطاه لنقطة الضعف ديالو…. زاد كيتنفس بالجهد و جنب عينو حمر مدمغ بالضربة ديال الخاتم اللي جات فيه….
وقف برااا و جبد گارو كماه بالشوية علييه حتى تنفس و تهدن شوية و رجع داخل لقا الوليدات مع واليدين و البوفيه محطوط… سرح عينو كيقلب عليهم حتى لقاها واقفة بضحكتها اللي كتجيب ليه التمام…. غتقولو فين كان هاد ياسين شحال هادي…
غنقوليكم الانسان بطبيعتو مكيحس بقيمة الحاجة او الشخص حتى كيفقدو…. ملي كيكون قدام عينيه و هو عارف راسو انه مالكو بطريقة او بأخرى و مربوط بيه و كاين معاه مكيكونش مهتم حيت كيقول مع بالو واخا معرت شنو ندير و شنو يكون راه معايا….
ولكن ملي تتفقدو فحالة طلاق او فراق او او ديك الساعة كيبدا ناقوص الخطر كيضرب…. كيبدا الاحساس بالضعف… و هنا كتعرف انك فقدتيه… عاد كتبدا تحن ليه و تهتم ليه… هكاك وقع لياسين….البعاد خلاه يحس بقيمة دعاء…. و يحس بتأثيرها على حياتو و رجع باغي يدير اي حاجة باش يرجعها ليه….
تمشى لعندهم بالشوية بالشوية كيحس بالطريق ليهم طويلة حتى رقف عليهم…. أويس بالفرحة تلاح معنقووو كيضحك و دعاء كضحك لضحكة ولدها و ياسين كيضحك لضحكتهم بجوج…. من بعيد كيبانو عائلة سعيدة محاطة بالأمان و السعادة… انتبهت لجنب عينو مدمغ دوات بصوت متسائل….
دعاء: مالك فجنب عينك اياسين
ياسين:(شاف فيها بعمق) والو ماتعمريش راسك
دعاء: كيفاش منعمرش راسي واش ضاربتي مع شي واحد تاني
ياسين: مشكل بسيط و تحل ماتشديش فالخاوياااات
دعاء: اشمن خاويات ولا عامرات متقدرش تبرد دمك شوية حتى فمناسبة بحال هادي ضارب
ياسين:(لصق معاها عاض على سنانو و انفاسو كيضربو فوجهها) ملي نشوف ز°°°امل ديال الخلا كيحك فحجرو عليييك و يتشهى فيك نقطعو لديلمو من الجدر و نردووو مرأة يزيدو ليه
دعاء:(هزت فيه عينها بنظرة قاتلة) شنو كتقول زايدون اللي بغا يشوف يشوف واش غضرب بنادم على الشوف
ياسين:(فلحظة ضعف منو قرب لوذنها و هضر بصوت هامس كفحيح الأفعى) نتي ديالي و حاجتي اللي يهز فيها العين يتعماو ليه (بعد حتى تقابل مع عيونها اللي كيشوفو فيه بعدم تصديق) نحسب ربي ماخلقوش هذا اللي يشوف فيييك…..
🔚🔚نهاية الفلاش باك🔚🔚
جالسين فكلوب فيه بيسين كبير عامر بالناس كيعومو فيه دايرين بيه طبيلات للناس اللي كيتغداو ولا كيشربو شي حاجة…
بعدما خداو غداهم اللي كان عبارة على شوااا مع المرافقات ديالو… خداو تحلية عبارة على سلطة فواكه لياسمين و قهوة لمحمد و جلسو كيهضرو مع بعضهم….
ياسمين: فكرت فواحد الحاجة و قلت حتى نشاورك بعدا
محمد: ااه وشنو هي
ياسمين: فكرت ندير واحد الحفيلة نتجمعو فيها حنا النسا ديال العائلة و دارنااا بحال الحفلة دسبع اشهر نديرو شي نهير باللعابات و النقاشة نحيدو بيه الحزن
محمد:فكرة زوينة ولكن واش نتي قادة على هادشي نخاف تعياي ولا تجهدي راسك فالتوجاد
ياسمين: لا لا منعياش دابا كولشي ولا كيتباااع واللهيلا عينا من الكآبة
محمد:(خدا يدها بايسها) واخا حبيبتي ديري اللي بغيتي و جيبي ليا غي نخلص
ياسمين: الله يخليك ليا اكبيدة….
تلفووو الهضرة بيناتهم كل مرة جابدين موضوع حتى ناض محمد بعد عليها باش يكمي مخليها جالسة كتمنضر فالبيسين اللي مقابل معاهم عامر بالناس من مختلف الاعمار و عينو عليها…. كمل گاروه و رجع عندها حتى تخبط مع شي جسد قصير عليه شوية و الظاهر انه انثوي…
هبط عينو فيها لقاها أمنية بنت عمتو…. عقد حواجبو باستغراب و حتى هي مكانتش احسن منو حلت عينيها بصدمة….
محمد: امنية اش كديري هناااا صدفة هادي
أمنية:(بعدت كتحك فوذنها بتوتر و عينيها كيدورو فجنابها) اهلا خويا محمد بيخير لاباس عليك كيدايرة ياسمين..
محمد: الحمدلله راهيا معايا و نتي صافا معامن جاية هنااا
امنية:(حشمت منو لكن فنفس الوقت مولفين الصراحة) الصراحة اخويا جيت مع واحد السيد
محمد:(عقد حواجبو) ايييه و شكون الالة هاد السيد
امنية:(حكت مؤخرة عنقها باحراج) الصراحة ماكنتش كنعرفو من معارف سلوى و تلاقينا فموت خالتي حفيظة الله يرحمها تعارفنا و دابا كيقول انه ناوي المعقول
محمد:(حك لحيتو بجدية و قال) ايلا ناوي المعقول يقصد باب الدار ماعندناش بنات اللي يدورو فالقهاوي
امنية: سمح ليا اخويا راه بغا يجي ولكن الوقت ممناسبش
محمد: الا يجي يهضر بعدا نتعرفو عليه يتعرف علينا نعرفو نيتو واش مزيانة ولا خايبة و ديك الساعة بعدا نكونو درنا الشرع و القا(قاطعو صوت رجولي من وراه مخاطب امنية)
…..: أمنية فين تعطلتي هادي غي طواليط
محمد:(تلفت عندو مطلعو و مهبطو حتى ضربت ليه الطن فدماغو) هذااا نتاااا
امنية:(محاولة تنقذ الموقف) تتعرفو اخويا هذا نجم الدين اللي قلت ليك عليه و هذا محمد ولد خالي و خويا
محمد: كنعرفوو كنعرفو (شاف جيهتو) السي نجم الدين بيخير
نجم:(حرك ليه راسو بإيجاب) فأحسن حال اسي محمد و نتا امورك هانية
محمد: غتكون بيخير و هانية (هز حاجبو) اذا دخلتي للدار من بابها و درتي الصواب و الشرع هدشي ايلا كنتي ناوي المعقووول
نجم:(زير على قبضة يدو على شكل لكمة و دوا بصوت خااااتر) مرحباااا حتى هذا نظر اليوم دير ليا شي وقيتة نجيب فيها الدار و نجي و مكرهتش تكون قريبة….
محمد:(شاف فأمنية لقاها مخرجة عينيها فالارض بصدمة عاد رجع شافيه) مرحبااا اسيدي حتى هذا كلام (جبد كارط من بزطامو) هادي الكارط ديالي صوني ليا و باشما كان نعلمك ايلا عندك شي نصيب عندنااا
نجم: ان شاء الله غيكون النصيب (شاف فأمنية اللي حادرة راسها رافضة طلعو بالحشمة) نهارك مبروك…..
محمد: صافي الالة أمنية كبرتي و بغيتي تزوجي
امنية: وااا ناري صافي امحمد بلاما تحشمنيي
محمد: اجي اجي نمشيو نجلسو مع ياسمين و هاد الهضرة حتى لعشية و نشوفوها…..
توجهووو لعند ياسمين فين كانت جالسة اللي تصدمت بشوفتها و فرحت بيها…. كملو جليستهم مجموعين اغلب حديثهم على الحفلة اللي باغا دير كل وحدة كتعطي رأيها و محمد غير كيسمع ليهم و مرة مرة يدخل بشي حاجة بسيطة….
فبيت تاج الدين مجموعة العائلة من غير فرد واحد و اللي الكل فعيونهم حسرة عليه و أولهم سميرة اللي حست بغيابها و حزت فخاطرها جمعتهم كاملين من غيرها هي كأنها وحدة منبوذة…. وجهت كلامها لحسن اللي كان جالس حداها بهمس….
سميرة:عاجباك هاد الجمعة اللي مجموعين احسن ياك؟
حسن: الله يدومها عليينا
سميرة: و واحد بنتك شيماء ما تفكرتيها وا حركاتك كبدتك عليها (شافتو ساكت) ولادك اللي رجال جامعهم تحت ظلك وهي اللي بنت واحلة فروحها ماعندها لا حنين لا رحيم ايلا شداتها غي مرضة ماتلقى اللي يمد ليها كاس ديال الما
حسن: سميرة (قاطعاتو بسرعة)
سميرة: مكاين لا سميرة لا والو ماكنتش عارفة قلبك حجر شكون فينا اللي عمرو غلط و ايلا كان ربي تيسامح شكون نتا اللي متسامحش (شافت فيه مطولا) خاف فبنتك الله احسن لا يجي نهار اللي متلقاهاش فيه….
مشات بحالها كتمسح فدموعها اللي كيتكركبو من عينيها بحال الزاج بحزن على حالة شيماء اللي جالسة بوحدها تما ونيسها بنتها اللي فكرشها و الحيوط اللي دايرين بيها لامن يكلمها ولا يسول فيها منبوووذة بسبب غلطة….
و شكون اللي مكيغلطش و اللي عمرو غلط… الانسان ممعصومش من الغلط و الغلط الكبير هو اللي كيعرف بغلطتو و كيكمل فيها اما اللي غلط و تاب الله و كيسامحو شكون حنااا حتى منسامحوهش….خلاتو غارق فتفكيرو و كيراجع قراراتو و افعالو و كيشوف الغلط من الصحيح….
محمد:(جالس حدا عمتو و باه) ايوا اعمتي نقولو مبروك
حكيمة: مبروك ديالاش اولدي
محمد:(شاف فأمنية اللي خدودها اكتساهم اللون الوردي) امنية جاو فيها الخطاب
حسن:(شاف فيها و فولدو) بصح اولدي واش شي واحد معرفة ديالك
محمد: لا لا كيعرف امنية و سلوى و كتعرفو حتى ياسمين قريب ليهم فالعائلة
ياسمين:(شافت فيه عاقدة حواجبها باستفهام) شكون هذا امحمد مقلتيش ليا
محمد: نجم الدين خو راجل بنت عمك عرفتيه
ياسمين:(خرجت فيه عينيها بعدم تصديق) اا ن نجم نجم (حرك ليها راسو بإيجاب)
حسن:(وجه كلامو لأمنية) هدشي اللي كيقول محمد بصح ابنتي (حركت راسها بشوية) و هاذ الولد ابنتي اش كيدير فحياتو و كيفاش حتى عرفتيه و واش موافقة عليه باش نديرو حتى حنا شغلنا و نسولو عليه
امنية: انا اخالي عرفتو غي فموت خالتي حفيظة عرفتني عليه سلوى حيت فايت تعاملت معاه هو عندو اجونس ديال البيع و الكرا ديال الطوموبيلات و قال انه بغا يجيب دارهم
سعيد:(بجدية و صوت حاد) و علاش ماجاش من هادي شحال ولفتي معاه الدوران ماعندناش حنا بنات اللي تيدورو مع الرجال بلا ورقة بلا جوج
امنية:(شافت فيه بعتاب يلاه بغات تهضر قاطعتها امها)
حكيمة: كيفاش ولفت معاه الدوران واش عمرك شفتيها خارجة كدور ولينا كنتعايرو….
حسن:(حمر فولدو) مقاصدش هكاك احكيمة اللي قصد انه نهار عرفاتو يجي للدار
محمد: الواليد واش عاد عرفاتو يجي للدار على الاقل يتعارفو بيناتهم و تشوف هاد السيد واش موالمها و امنية تايق فيها بنت بعشرة الرجال ماديرش شي حاجة طيح بوجهنا فالارض
حسن:(شاف جيهتها) نسولو عليه ابنتي منك من بناتي نعرفو واش هاد السيد يستاهلك و يستاهل تكملي معاه حياتك و نشوفو و العرس الكبير نديرو لبنتي
امنية:(ناضت عنقاتو) لهلا يخطيك اخالي الله يحفظك لينا…..
كملو هضرتهم حتى تحط العشا تعشاو مجموعين فجو ديال الضحك و الدفئ لكن فقرارة نفس حسن كان مضرور من جهة شيماء….
كلام سميرة فيقو و وعاااه و خلاه يفكر فبنتو اللي مليوحة بوحدها و كيما قااالت ليه ولادو اللي رجال جامعهم تحت جناحو وهي اللي ولية لا حول لها ولا قوة بوحدها لا حنين يحن عليها ولا رحيم يسول فيها….
نعس فبيت حفيظة واخد وقت لنفسو يفكر فيه مخلي سميرة فبيتها حتى هي مقلقة منو و واخدة منو موقف على قساوة قلبو اللي مولفتهاش ليه…..
بعدما تعشاو خرجووو واخا شدوهم لكن فضلو يباتو فدارهم براحتهم…. ملي وصلو بقا محمد لتحت حتى كمل گاروه و فنفس الوقت داوي مع علي بخصوص الخدمة مخلي ياسمين طالعة بوحدها كتعكز بكريشتها قدامها….
دخلت نيشان للدوش تتحس بذاتها سخووونة و صهدانة و الحمل مكمل عليها واخا مازال مادخلت حتى للشهر السابع لكن تتحس براسها تقلت و باينة من النوع اللي كتكون كرشو كبيرة او كيما كنقولو كيكرش….
خدات دوش خفيف بلاما تقيص شعرها و خرجت مدورة عليها الفوطة لقات محمد جالس محيد الشوميز عريان من الفوق كيقلب فالتيليفون…. مشات عندو نيشان جلست فوق رجليه جنب و لايحة يدها فوق كتافو بنص تعنيقة….
محمد:(خشا وجههو فعنقها كيبوس و يشم فعبقها) هاد الريحة هي اللي غتجيب ليا شي نهار التمام
ياسمين:(حلت عنقها اكثر سامحة ليه يغوص فيه كتنهد تنهيدات صغار)
محمد:(بعدما خدا جرعتو من المخدر اللي صبح مدمن عليه بعد شوية عاط عينو فعينها حتى صدمها بسؤالو اللي جاها على غفلة) قبيلة ملي سمعتي سمية نجم الدين اللون تبدل فوجهك علاش؟
ياسمين:(شافت فيه بصدمة على سؤالو اللي مكانتش متوقعاه حتى جاوبت بثقة) لا متبدلش اللون غي مكنتش متوقعة تكون امنية مع نجم
محمد: واش كتعرفي عليه شي حاجة اياسمين ايلا اه متخبيش عليناا راه الزواج هذا ماشي اللعب
ياسمين:(فكرت شوية عاد دوات بهدوء) شوف امحمد انا اللي عارفة او كنت عارفة على داك السيد انه كيما قالت برزقو و ميسر من عند الله و داكشي كان مضسرو و كان من بنت لبنت (شافتو عقد حواجبو و كملت) و على ما عاودت ليا رانيا ان مو ماخلاتش بنت المرأة اللي شافتها و ماوراتهاش ليه باش يتزوجها و والو مكانش كيبغي يعني ملي دابا هو اللي قصد امنية و دوا معاها على اساس يتزوج بيها اذن راه ناوي معاها المعقول….
محمد: حتى قبيلة ملي هضرت معاه بان ليا على عكس المرة اللي فاتت عينيه تابتين و كيهضر معقول (تنهد) نتمناو خير امنية كثر من ختي مانبغيش ليها شي حاجة اللي ضرها
ياسمين:(حطت يدها على خدو) الله يجيب اللي فيها الخير احبيبي
محمد: امييين (خشا يدووو تحت الفوطة طالع مع فخاضها) على هاد حبيبي تستاهلي احسن كوية و بالبوزيسيون اللي بغيتي
ياسمين:(طلقت ضحكة طويييلة و دوات بتحلوين) ههههههااهعاه ضحكتينييي
محمد:(كيهبط الفوطة على صدرها) حتى نتوما النسا كتبغيو اللي كيضحكم….
نزل على شفايفها كيبوس فيها بقبلات عميقة و يديه كيتساراو فوق جسدها…. دوزو ليلتهم كباقي الليالي اللي سبقوها… كيمارسو الحب بطقوسو و على اصولو مستمتع بثنايا جسدها….
وثديا مثل حق العاج رخصًا
حصانا من أكف اللامسينا
وما كمة يضيق الباب عنها
وكشحا قد جننت به جنونا ❤️
داخلة للقاعة بعدما وصلت معطلة شوية رافعة راسها بكل ثقة فالنفس و شموخ كتقول للأرض نهدي ما عليكي قدي….
بقفطان بقد ماهو بسيط بقد ما جا خاطف للنفس فوقها بلون اسود و طريزات فالصدر بنفس اللون عاكس بياض بشرتها…. جاي كلوش و طويل كيتجرجر موراها و شعرها اللي جامعاه نص جمعة الفوق و الباقي مطلوق فوق ظهرها مبوكلي من التحت…..
اما الماكياج كان حكاية ثانية من الفتنة….بأحمر شفاه كدم الغزال بارز شكل فمها المثير و ماكياج ترابي عاكس لون عيونها البني و الشفيرات طالعين…. كلها على بعضها كانت فتنة كتمشي فوق الارض مخلية اللي دازت من قدامو ينتابه ليها و يفهى فيها….
واللي مرت من حداه تضرب فيه ريحة عطرها المثيرة…. حتى كيوعاو و ينتابهو لولدها اللي شاداه من يدو بجبادور بنفس لون قفطانها و بليغة بيضة….
الشعر رطب طايح على عينيه اللي كيبانو زووورق صافيين بحال ديال باه…. اغلب الحاضرين كانت عارفاهم و عارفينها و اللي دازت من حداه مكتسلمش من لسانو…. كل واحد كيلغي بلغاه و كل واحد و اش كيقول….
-شكون هادي اللي داخلة؟
-واش هادي مراة ياسين
-هادي هي مراة الوكيل اللي طلق
– هداك وليدها غزااال خارج لباه
– زوييينة متستاهلش طلق
– معرت منين جاها الزين متكبرة و عاجبها راسها
– كونما حصلت عليه شي حاجة مطلقش
-كونما حصل عليها شي حاجة ميطلقهاش…
و كلام اخر من هاد القبيل كان كيدور بين الحاضرين و هي غادة و الضحكة مرسومة على فمها اللي تتعرفو تتعطيه صوابو حتى وصلت لجليسة بحال البرزة بالورد فين جالسة النفيسة و راجلها و هازة بنيتها فيديها….
وقفت عليهم بالضحكة سلمت عليها و اكتفت بالقول فقط لزوجها….
دعاء: مبروك عليك احبيبتي على سلامة الاميرة الله يكبرها فعزكم يارب
حسناء: امين ياربي الله يخلي ليك حتى نتي وليدك
دعاء:امين يارب احبيبتي (خدات من ساكها بواط مخملية حمراء جبدت منها گورميط صغيرة ذهب مكتوب فيها اسم المولودة “مرام” بخط عربي مداتها ليها) كادو الاميرة ديالناااا
حسناء: علاش عذبتي راسك يكفي شوفتك و حضورك احسن كادو و ملي جبتي أويس يعرف عائلتو
دعاء:(شافت فيها بعمق و تنهدت) انا ماشي بنت الحرام اللي نسي ولدي فأصلو احسناء(قاطعها صوت من وراها)
ياسين: السلام عليكم
دعاء:(ضارت شافت فيه دايخة بطلتو اللي كانت عبارة على كوسطار فاللون الاسود مع شوميز بيضة محلولين عقيداتها الفوقانيين و بارفانو اللي مازال كيدخل ليها مع العظام دارت شافت فحسناء مخاطباها) انا غنمشي احبيبتي نجلس مبروك مرة أخرى الله يشوفك فيها كل ما كتمناي
حسناء:(نظراتها كينتاقلو بين خوها اللي هايم فدعاء و دعاء اللي اللوان دازو فوجهها ابتسمت ليها و قالت) مرحبا بيك احبيبتي راك وحدة منااا…
مشات دعاء مخلياه متبع ليها العين كيعبر فكل شبر منها و يملي عينو بشوفتها…. فتناااتو و قتلاتو و جابت ليه الكاو…. كتجيه بحال شي حرباية كل مرة فلون….
كل مرة مبدلة عليه بشكل و الاهم ان اللون اللي خدات كيوالمها و كيأكد ليه انه دار باش يكون لدعاء و ماشي لغيرها…. شافها جلست فطبلة فين كانت مو جالسة و بعض من العائلة المقربة….
كيشوف فيها كضحك معاهم و منسجمة معاهم فالحديث كأنها بصح مازال مراة ولدهم مكاين حتى حساسية بيناتهم….الحساسية الوحيدة اللي كاينة هي بينها و بينو واللي حالف حتى يحيد مها من الجدر جيت الصبر ضبرووو و حك على الضبرة….
فطرو مجموعين فباحة الرياض فجو ديال الضحك و الدفئ العائلي…. ناضو الدراري تيسرو لخدمتهم و بقا حسن اللي علمهم انه مغيكونش اليوم بدون مايزيد حتى كلمة مخليهم مستغربين….
لبس حوايجو و خرج عالم سميرة انه مغيتغداش فالدار و فالليل يوجدو عشا بحساب ضيف خاص غيجي معاه…. خرج بطوموبيلتو قاصد الحي اللي ساكنة فيه شيماء…. داز من قدام المحل هو اللول لقاه ساد عرفها ماحلتش و استغرب….
ديمارا لدارها اللي مكانتش بعيدة بزاف مسافة الطريق حتى وصل…. دق فالباب جوج دقات و مكاين حتى جواب… استغرب اكثر من عدم وجودها و ظن انها غتكون خارجة.. يلاه بغا يدور يرجع حتى كيتحل الباب من طرفها….
لايحة عليها شال طويل مغطي شعرها و نصها الفوقاني…. وجهها صفر و كرشها خارجة القدام و كتبان واقفة بزز…. هزت فيه عينها بصدمة و نطقت بدون شعور….
شيماء: ب بابا (بصوت ضعيف)
حسن:(قرب للباب كيشوف فيها) شيماء مالك ابنتي واش مريضة
شيماء:(دخلت ليها ديك كلمة بنتي بحال السيف لقلبها نزلو دموعها و دوات بشهقة بحال شي بنيتة صغيرة) محتاجااااك ابابا هئ هئ
حسن:(كلامها كيقطع فيه من الداخل و سرى مع عروقو كيف السم دخل مقرب ليها واخدها فحضنو و مزير عليها) انا جييت ابنتي ان الله غفور رحيم….
اكتفت بالبكاااء…. كتبكي بصوت مرتفع كأنها كتخرج الطاقة السلبية كاملة اللي فيها… تتفرغ شوق ايام و شهور… تتفرغ عتاب ليالي عاشتهم بوحدها….
نعم كانو معاها خوتها و خواتاتها و سميرة…. لكن مكانة باها كتبقى بوحدها خصوصا المشكل اللي كان جاري بيناتهم كان مخلي فقلبها علقة….. عنقو بعضهم و فرغو الشوق…. دخلو للداخل لجليسة بلدية جلسو فيها مخشية فحضنو و ساكتين….
مسامحينش لكلمات اللوم و العتاب يخصرو دفئ اللحظة اللي عايشينها…. سرعان مادوات بصوت مخنوق
شيماء: سمح ليا ابابا سمح ليا و رحمني و حن فيا
حسن:(طبطب على ظهرها) ششش صافي ابنتي حنا ولاد هاد الساعة نساي اللي فات
شيماء:(خدات يدو تتبوس فيها بحب) الله يخليك ليا ابابا و ميحرمنيش منك….
بقات فحضنو تتشبع منو و من ريحتو اللي تحرمت منها و احتاجتها فأضعف لحظاتها…. دازت شي ساعة عاد ناض عالمها تلبس حوايجها و تمشي معاه….مترددتش محاولة ماضيع حتى فرصة معاه…
لبست كسيوة طويلة موردة مع حجاب ابيض و صنيديلة خفيفة و خرجت عندو لامحة نظرات الرضى فعينيه….
جلس حداهااا مخلي الانظار كلهم متوجهين ليهم و كل واحد اش كيفصل و يخيط… قرب ليها اكثر مستنشق ريحتها اللي دخلت مع اعماقوو….
ياسين:(بصوت رجولي) جيتي زوينة بزااف (طلعت عينها فيه) كنحسك كتهلكي فصحتي بحال شي گارو مباغيكش ولكن مدمن عليك
دعاء: هاد الهضرة ماعندها حتى معنى دابا اللي فات مات و بيناتنا ما بقى والو
ياسين: اللي بيناتنا مايفوت و مايموت حتى نموت انااا (قرب لوذنها كثر غير مبالي بنظرات الجميع) نهار مشيتي عليا عرفت بقيمتك (جمع النفس و طلقها حتى بورشت) حياتي بلا بيك ظلام ادعاء ظلام
دعاء:(جاتها تبوريشة من كلامو غمضت عينها ببطئ و قالت) منقدرش اياسين ضريتيني كثر ما نفعتيني و حسنتي ليا
ياسين:عطيني فرصة نعوضك (خدا يدها) عطيني فرصة نذوقك من حنانتي
دعاء:(شافت فعينيه الزورق هايمة فيهم) الفرصة اللي نعطيك مابقاتش عندي اياسين
ياسين: كاااينة مدام حنا عايشين كاينين فرص ماشي غي فرصة فكري فولدك اللي غيكبر بعيد على باه و فكري فيا اللي كنحس بحياتي بلا طعم و فكري فراسك اللي محتاجة ليا فحياتك
دعاء: ماعرفتش اياسين ماعرفتش (دورت وجهها كتشوف لبعيد) دماغي مشوش
ياسين:(بلمسة حنونة دور ليها وجهها حتى رجعووو عينيه تعلقو فعينيها) فكري و خودي وقتك ولكن مضيعيناش و ضيعي داك الولد (باس يدها بحب صادمها و ناض مخلي عينيها معلقين عليه)….
مجموعين فالليل فرياض تاج الدين العائلة كاملة…. على غير العادة كاينة حتى شيماء اللي تتحس براسها فرحتها ماتعطيها لحتى واحد…. و فرحتهم حتى هوما بيها كبيرة و بالصلح ديالها مع باها…..
مجموعين فالصالون على الصواني ديال اتاي و الحلاوي المغربية و الفاكية اللي مكتخطى حتى بيت مغربي…. قولها و ضحك عليها جابدين مختلف المواضيع محاولين ما أمكن مايجبدووو حتى موضوع ينغس عليهم فرحتهم و ينكدها عليهم…..
علمتهم ياسمين بالحفلة الل غدير من هنا لسيمانة و النسا كلهم أيدوها و فرحو بيها خصوصا انهم محتاجين ليها يفرغو فيها الطاقة السلبية….. تعشاو مجموعين عشااا فاخر بمناسبة رجوع شيماء ليهم و اللي قررت انها تطلق ديك الدار اللي كانت كارية و لكن للمحل غيبقى و غتبقى تمشي ليه تلف فيه الوقت….
مشا كل واحد لبيتو و دخلت شيماء للبيت اللي غادراتو هادي خمس اشهر و ماعمرها مارجعت ليه مازال حتى انها جاتها ريحتو فشكل و باااارد مافيهش حياة…. مشات لسرير ديالها غي تكات فوق الوسادة ضربت فيعا ريحتو…. ريحة فكراتها فليالي بكاتهم بوحدها….
ليالي تعنفت فيهم من طرف اكثر شخص حطت فيه تيقتها…. ريحة فكرتها فليلة اللي جا فيها خبر خلاصها منو واخا حزنت عليه و بقا فيها لكن جرحها كان اعمق و ليه اثر عمرو مغيزول…. رجعت بيها ذاكرتها لقبل اربع اشهر من الحاضر…..
🔙🔙 فلاش باك 🔙🔙
جالسة مكمشة فمانطة على البرد كتفرج فتلفازة و دماغها مسافر…. هادي ثلاثة ايام باش مشات سميرة للدار بعدما جا ليها حسن…. على اثر هاد الذكرى طاحت دمعة يتيمة من عينها كتشوف جزاء افعالها….
فالاخير صفات بوحدها فدار بين اربع حيوط لا حنين لا رحيم….كونما خوتها كيسولو فيها مرة مرة تحماق و يطير ليها العقل….
فبلاصة أخرى فالرباط نيت و فواحد من الاحياء الراقية فين كيتواجد مجمع سكني فخم بالمسبح و الجريدة….
فوحدة من شقق داك المجمع جالسين مجموعة ديال الشباب متكونة من اربعة ولاد و ثلاثة بنات…. جالسين فغرفة فيها دي فوتوي و طبلة زجاجية فوقها افحم انواع الخمور مع قراعي ديال البيرة مشتتين فالارض….
گارو و حشيش و وراق النيبرو و حتى طبيسلات ديال القطعة…. الدخاخين معمرين الدنيا و صوت موسيقى الراي مصمك الدنيا و حتى حد فدوك اللي كاينين مواعي لا على فين هو ولا شنو كيدير….
ضمن دوك الشباب كان ايوب جالس و معنق شابة حاطها على صدرو…. كينتر من جوان فإيدو و مرة مرة يجغم من كاسو….
عينيه حمرين و التبويقة طالعاااه كيضحاااك و فرحان…. جو ديال البيران خالقينو فالدار…. نايضة وحدة من البنات كتشطح على انغام الاغنية و واحد اخر كيغرم عليها بالزرقات… الظاهر ان اللي جالسين من اغنياء المدينة….
خاشي وجهوو فعنق البنت اللي قدامو حتى تهز شوية مقابل مع وذنها و دوا بصوت ثقيل…
ايوب: جبتي ليا علاش وصيتك البوگوصة
البنت:(بصوت مدمدع كيدل على انها كتكمي بقوة) جبتو يا العمر حضر غي عمر
ايوب: ماكفاكش عمر اللي حاط فهاد البيعة و شرية (بعد حتى تقابل معاها) كشطتيني ابنت الق…. و مازال معول ن..ي
البنت:(حركت صدرها البارز من الكسوة بإثارة و قالت) و مالي منستااهلش الزين (خشات يدها فصدرها جابدة خنيشة صغيرة فيها مادة بيضاء) هاهو الحب سكر گلاصي يقاد ليك المزاج و فابور من عندي
ايوب:(نترها ليها كيقلب) وحدة ماعندها مادير ليا ابشرى خدمي معايا بلا فريع الك. وصيتك على جوج
بشرى: غضرب جوج غنهزوك لشهدا اجمي ضرب هاديك قاد المجاج و خلي الباقي لمن بعد
ايوب:(حط يدو على عنقها قاجها) قلت لز..ل بوك حضري ليا جوج التفلسيف ديالك زيديه فك..ك
بشرى:(تنترت منو كتكحب جابدة خنيشة أخرى لايحاها ليه) طلق از..ل ها بعرك موت و لا ق.د تح..ى انا مال زبور مي (ناضت من حداه حاقدة) فعايل ديال ولاد الأحاب…
مداهاش فيها ناض كيخلف بالسيف دايخ…. دخل لبيت اخر الظاهر انه بيت النعاس مفرش بفراش فخم و باين غااالي….
مشا لجليسة تما فيها كراسا و طبلة…. حط دوك جوج خنيشات و تيليفونو و بزطامو…. تقاد فالجلسة و تحلو عينيه كيتسنى غي فوقاش يدخل الكوك لذاتو يتحل ليه الدماغ و يتنشوى بيه….
خوا ااخنيشات فالطبلة و جبد من بزطامو كارط گيشي و ورقة نقدية من فئة 100 درهم….
قسم الكوك بالكارط مقاد بيها اربعة اسطر مقادين فالطول و الكم باين انه متعود و ماشي هادي هي اول مرة ليه…. لوا ديك الورقة مزيان و تحنى على الطبلة كيسنورتي او ينفح داك المخدر مدخلو لأعماق نيفو بنشوة….
ضرب السطورة بأربعة و رجع لور متكي على الكرسي و ساد عينيه…. ثواني معدودة حتى بدا كيحس براسو كيترفع…. كحك فنيفو بشوية و يديه ثقيلة عليه…. بقا على داك الحال لمدة دقيقة عاد حل عينو حمرين كيحس براسو طاااير….
ضحك بجنون و يلاه غينوض كيحس بذاتو كتنمل عليه…. مع الوقفة متحكمش فراسو…. دماغو طاير لكن ذاتو غادة و كتنمل عليه…. كيحس براسو كيغيب على الوعي لكن الجهد باش يعيط لشي واحد مكاينش….
بقا على داك الحال مدة قليلة حتى تقلب علي ظهرو و خرجت ليه كشكوشة بيضة من جناب فمو…. كان منظر خايب يزلزل اي واحد يشوفو و فعلا مع دخلت بشرى تقلب عليه تصدمت بالمنظر ديالو غايب على الوعي و الكشكوشة خارجة ليه بكثرة…..
غوتت بحر جهدها حتى فات صوتها صوت الموسيقى وجاو الشباب اللي معاهم كيجريو…..كان منظر مقشعر للأبدان كيفاش واحد عاد كان مقصر معاهم حتى يلقاوه ميت و الاهم انهم يقدو يمشيو فيها كاملين…. نهايتو كانت خايبة جزاءا على افعالو و ظلمو لبزاف….
فهاد الاثناء كانت شيماء نايضة لبيتها و فطريقها دازت للكوزينة تشرب حتى كيطيح الكاس من يدها و يتشخشخ فالارض و نخسة قوية كتجيها فصدرها لمدة طويلة شوية عاد فاتتها و مشات لبيتها وهي تتقرى اية الكرسي و المعوذتين….
فاقت فالصباح على صوت هاتفها كيرن… جاوبت بلاما تشوف شكون حتى كتصدم بصوت زبيدة ام ايوب كتبكي بقوة…. حكات ليها اللي صار و علمتها تجي تحضر فجنازة راجلهاااا…. بالصدمة و الثقل ديال الخبر اللي طاح عليها ماحست براسها حتى صاحت فوجهها بقوة…..
شيماء: فين خليتو ليا فين نجي اوجوه الشر الله ياخد فيكم الحق خاطري و قلبي بردو من جيهتو انا بغيت ربي لهلا يرحمو لا دنيا لا آخرة و الله يتبعك ليه فأقرب وقت العقروشة….
قطعت عليها بدون ما تسمع ردها…. سرعان ما اجهشت فالبكاء بصوت عالي…. جاتها الصدمة ديال الخبار بالبكا كتبكي و تعطي لقلبها و شريط ذكرياتهم الزوينة و الخايبة تيدوز قدام عينيها….
🔚🔚 نهاية الفلاش باك 🔚🔚
و هادي كانت نهاية ايوب اللي ياما ظلم بنات و طغى عليهم و حول حياتهم لجحيم…. حنان و شيماء ماهوما الا شوية من بزااف ديال البنات كانو ضحايا الحب واخا الاختلاف اللي بيناتهم لكن بجوجهم كانو ضحايا الحب ديال شخص كيعرف نفسو و بس….
لكن جزاءا على افعالو ربي كتب عليه اكفس موتة تقدر تكتاب على اي مسلم و هنى البشرية من ظلمو…. خدات شيماء وقت طويل باش تتقبل الفكرة و تنسى اما حنان فبالرغم من كولشي داكشي اللي دار فيها الا انه بقى فيها…. عمرها ماتمنات ليه الموت لا هو لا اي شخص اخر….
و الاكثر موتة بحال هادي…. دعات ليه بالرحمة و المغفرة و كملو حياتهم عادي كأنه عمرو مكان بقاو غي أفعالو اللي كيجبدوه….
مرو ايام و ليالي على ابطال قصتنا…. عاشو فيهم احداث كثيرة منها الزوينة و منها الخايبة…. دوزت ياسمين حفلتها مع عائلتها فأحسن الأجزاء…. جابت اللعابات و النقاشة اللي نقشت ليها هي و شيماء حنة السابع واخا حتى وحدة فيهم مكان شهرها السابع….
دوزو نهير ديالهم خرجو فيه الطاقة السلبية…. سدو بيه بيبان الحزن و الأسى طامعين فبداية جديدة و ايام جديدة كلها سعادة و فرح…. لكن مكيعنيش هادشي انهم ينساو الاشخاص اللي مابقاوش فحياتهم….
ولاد حفيظة عمرهم غينساوها و العائلة كاملة مستحيل تنساها…. و حتى ايوب خلى فقلوبهم بصمة ديالو ولو انها خايبة لكن كتبقى بصمة غيبقاو ديما يتفكروه بيها…..
دازو ايام ثانين دوزو فيهم خطبة أمنية من نجم الدين اللي شاءت الاقدار ان توبتو غتكون على يد امنية اللي غتنسيه فجميع البنات اللي دوز قبلها و غتخلي عينيه يشوفوها غير هي….لكن الحب أقوى من أي قوة….
الحب قادر يطيح جبال….. و ينوض حروب…. برزانتها و مسؤوليتها خلاتو يحتارمها و ميشوفش فيها داكشي اللي شاف فبنات قبلها…. بجمالها الحاد و شخصيتها اللي مزيج بين شخصية حادة و مرحة خلاوه يبغيها و يطيح فيها بلاما يحس….. طاح فيها بكل جوارحو حتى نساتو انه عرف قبلها بنااات…. رجعاتو على يدها بتول فالحب….
و مهما أحب فأنت الحب…. 🤍
بعد مرور خمس سنوات ❤️
واقفة فالكوزينة هي و كرة ثلجية صغيرة واقفة حداها طالقة شعرها الاشقر على كتيفاتها….. ببيجامات مشابهين عبارة على شورط و ديباردور فاللون الابيض و الزهري مزينين بوريدات صغار….
كيخلطو فدي بول كيكات كل وحدة و البول ديالها…. الدقيق معمرهم و الدنيا حداهم كلها مكركبة و هما ماشي فهاد العالم ضحكهم مسموع منين يا منين…..
ياسمين الام…. ياسمين اللي ماغيرت فيها الخمس سنوات اللي دازت والو سوى انها زادتها جمال و فتنة و نضج….كانت ياسمين الحبيبة…. و دازت لياسمين الزوجة…. و دابا ولات ياسمين الام….
شريط حياتها مع محمد كيدوز قدامها بحال شي فيلم رومانسي كل لقطة فيه تتخليها تحمد ربها على اختيارها ليه…. كان ليها الاب و الاخ و الصديق و الحبيب و الزوج…. عمرها حسات معاه بشي تغيير فحبو ليها من نهار عرفاتو….
حبهم كان غادي و كيتزاد و يخلي الكل متعجب فيهم…. حتى جات بنتهم اللي نورت حياتهم و عطاتها لون و بريق اخر…. علماتهم المسؤولية….. خلاتهم ينتاقلو لمرحلة الابوة و الامومة…. ذوقتهم معنى هاد جوج كلمات اللي كانو كيسمعوهم….
نهار تزادت كانت فرحتهم بيها كبيرة…. واخا بقات ياسمين كتعاني مع مرض السكري اللعين للآن لكن كتقول نعطي عمري على بنتي….. ألماستهم الصغيرة…. فلذة كبدهم و قطعة من قلوبهم بجوج….
“ألماس” هكا سماها محمد لأنه فعلا كيشوفها فحال شي ألماسة غالية و نادرة…. كتميز بروح مرحة و نشيطة…. ضافت ليهم براءة الطفولة…. كتموت على باباها و ماماها و جدودها اكثر….
عشيرة عمامها و خالها بما أنها هي و بنت شيماء البناات اللوالا فالعائلة…. كيعاملوها بحال شي أميرة…. خرجت نسخة طبق الاصل على سميرة….
شبهتها فبياااضها الصافي…. و طبيبيزة بحالهااا…. و الشعر زعررر مسبسب…. العيون خليط رائع من الاخضر الصافي ديال ماماها و الاخضر الغامق ديال باباها…. تتخلي كل من شافها يسبح لخالق هاد الجمال…..
ألماس:(بصوت طفولي) ماما واش باقي ماغيجيو الناس
ياسمين: خلاص ابنتي يجيو الناس باقي الحال حتى لغدا و عاد باقين ما كملنا
ألماس:(بفرح) واااو انا فرحانة غيجيو كاملين ياربي مايجيش غي محمد أمين
ياسمين: علاش مال محمد أمين ماشي ولد عمك و خوك حشومة امامي تقولي هكا يتقلق عمو يوسف
ألماس: واهو كيضربني يشوفني كنلعب مع ياسر يجري عليا و كيقوليا انا ماخوكش و غا معصب داير هكا ديما (عقدت حواجبها بطريقة مضحكة) كيخلعني
ياسمين:(ضحكت بقوة) هههههههههه اييه يا بنيتي هادا ماهزت مغرفتك بااااين ليا عندك مستقبل معاه (شافت فيها) يلاه يلاه من الهضرة شيف ألماس بدينا كنعياو ولا
ألماس: لا لا شيف ياسمين انا معاك (دارت مكملة خدمتها مخلية ياسمين كضحك عليها)….
سمعو صوت الباب كيتحل حطت ألماس اللي فيدها و مشات بديك الفورمة كتكركب و تجري بطريقة كضحك مستقبلة باباها و رووحها بتعنيقة طويلة و بوسة فكل خد و ياسمين تابعاها من اللور و كضحك عليها….
محمد:(كيبوس فعنقها بشوية) الللله ياربي على ريحة المسك فالاميرة ديالي (هز راسو كيشوف فيها) كيدايرة الشيف ديالي
ألماس: توحشتك ابابا (باست خدو) غنصاوب ليك واحد الكيك زوين
محمد: اللي جات من عند الكبيدة ديالي زوين بحالها
ياسمين:(تقابلت معاهم بتغوبيشة مصطنعة) اللي شاف حبابو نسا صحابو
محمد:(تقدم عندها كيضحك برجولية واخدها من خصرها لعندو) تنساك الموت العمر ديالي (خدا قبلة خفيفة من شنايفها) نتي دييما فبالي و معايا
ياسمين: احياااني عليك يا الشلاهبي بجوج كلمات كذوبني
محمد:(قرب لوذنها بسفالة) هادو غا جوج كلمات فوق الناموسية اش غتقولي….
خارجة من باب المقبرة بجلابة بيج سامبل و زيف محكم عليها مامخلي حتى زغبة تبان منها….جارة حداها بنتها “نهيلة” اللي خرجت نسخة طبق الاصل على باباها….
شابهاه فسموريتو و سواد شعرو ماخدات من ماماها والو…. اليوم كانت فزيارة ليه كيما ولفت من نهار بدات بنتها كتعرف و تسولها على باباها تعودت تجيبها تزورو كل سيمانة باش تعرف باباها….
فكل ليلة كانت كتعاود ليها عليه على اساس انه شخص مزيان و دوزت معاه ايام زوينة…. عمرها لا هي ولا اي واحد اخر ماجبدو ليها بسوء و لا عايرو قدامها ولا جبد افعالو…. محاولة تزينو فعينها و تخليها تعيش على ذكرى ان باها شخص مزيان….
شيماء اللي عاشت مع خوتها و باها و وليداتها فالرياض…. بعدما خدات حضانة ولدها ياسر اللي تزوج باه و بهكا تتمشي الحضانة ليها…. حاولت بكل جهد تعوضو على اللي فات…. تعوضو على غيابها و حنانها….
و حتى زواج طليقها منير فرحت ليه بزاااف و تمنات ليه من قلبها السعادة و تكون هاد الزوجة حسن منها هي… و بهكا عاشت مع وليداتها معمرة محلها تتخدم فيه و فالعشية ترجع فحالها….
يوسف و حنان حتى هوما كانو عايشين حياة زوينة و مثالية مليئة بالدفئ مع محمد أمين اللي غادي و كيكبر و محمد جاد اللي يلاه عندو ثلاثة اشهر الفرحة الثانية ديال باه و الكبيدة ديال ماماه اللي بالرغم من انها معتبرة محمد امين اكثر من ولدها لكن كانت ولادتها لمحمد جاد شي حاجة اخرى خلاتها تحس بولدها اللي طاح و تحمد الله و تشكرو على قضاءو و قدرو اللي خلاه ميجيش فديك الوقيتة….
حمدت ربها اللي لاقاها بيوسف اللي كتقول انها مهما دارت ماعمرها غتوفيه حقووو…. كان ليها نعم الزوج و كرس حياتو ليها و لوليداتو بعدما قررو انهم يكتفيو بدوك جوج وليدات يربيوهم و يكبروهم و يوصلوهم لأعلى المراتب….
دعاء و ياسين…. هاد الجوج اللي رجعو لبعضياتهم من سنتين قبل بعد رحلة طويييلة من الطليب و الرغيب و الاقناع من طرف ياسين ليها باش ترجع ليه بعدما حس فعلا بقيمتها و انه مقادرش يعيش بلابيها….
رجعت ليه ملي حست و تيقنت انه تبدل و مابقاش داك ياسين ديال شحال هادي…. وهي حاليا حاملة فشهرها السابع بتوأم بنات خلا فرحتهم تكون كبييرة بيهم…..و بهكا عاشو ابطالنا حياتهم فاستقرار مع بعض المشاكل البسيطة و الا غتكون حياتهم مملة و بلا طعم….
بعد رحلة طويييلة من الحب… العشق…. الهيام…. الصراع…. الغدر….. الحزن…. الفقدان…. كملت قصتنا اللي دوزنا معاها ايام و شهور….. تعلمنا فيها بزاااف و تعرفنا على بزااف الحوايج…..
بكييينا و ضحكناااا….. تقلقنا و غضبنا و كرهنا شخصيات و عشقنا شخصيات….و لكل بداية نهاية… ولكن هادي ماشي النهاية هادي ماهي الا بداية قصص أخرى حاملة فطياتها جملة من المشاعر…..
النـــــــهايـــــــة ❤️
التعليقات 0