الفصل 1

فغرفة مضلمة بفعل الشرجم للي مسدود و الباب .. ناعسة على كرشها و شعرها الذهبي مليوح فوق وجهها و على الخدية … كل رجل فقنت حركات يدها و هزات الفون للي محطوط عند راسها .. طفات لالارم و شافت الساعة .. ناضت كتعكز هزات الشارجور برونشاتو و حطات الفون يتشارجا خرجات من بيتها مخلياه مرون و دخلات للدوش قدات حاجتها و غسلات وجهها … جمعات شعرها لفوق كعكة و نزلات مع الدىوج للتحت فين كانت الكوزينة مرونة بالموعان ديال الليل جمعات كمايم يديها و بدات كتجمع فيها حتا غسلات كلشي وجدات لفطور حطاتو و طلعات كتجري دخلات لبيتها لقات حوايجها مزال محطوطين فوق الكوافوز هزاتهم لبساتهم بالخف و نزلات بدات كتفطر و الفون حداها لا يفوت عليها الوقت .. كملات و ناضت هزات السكادو ديالها قربات للدروج للي مقابلين مع الباب و غوتات: مامااااا هانا مشيييت و راه مخارجة حتا ل12

خرجات و سدات من وراها الباب دارت لكيت فودنيها و تمشات بخطى سرييعة نحو مدرستها باش متعطلش … دخلات لليسي لقاتو بدا كيخوا و بدات كتجري حتا وصلات قسمها دقات و شافت فالاستاد للي كان بدا الدرس و مخنزر فيها

الاستاذ: اش هاد الوقت الالة

…..: اا كنعتاذر تعطلت

الاستاذ: دخلي و هادي اخر مرة

….: واخة ااستاذ

دازت من حداه كتمتم بشي كلمات و معاجبها حال .. كانت غادية لمقعدها حتا لقاتو عامر .. ساطت من نيوفها و قلبات الدورة جلسات مقابلة مع الاستاذ فالطاولة الاولى و انتابهات مع الدرس حتا صونات ساعة الخروج مع 10 جمعات ادواتها و خرجات وقفات قدام الباب حتا خرجات بنت دايرة الدرة على راسها لابسة جلابة مع سبيبيط بلا و كتشوف فالبنت و هي كتفرنس

…..: هايدي هههه صبحتي ناعسة تاني ولا

هايدي: اودييي مناعسة والو راه فقت بكري و تعطلت .. اش درتي نتي فالماط المياء

لمياء: زيدي زيدي اش عندي مندير تدارت ليا معاه راه مفاهمة حتا زبلة معرفت اش غندير فهاد الفرض

هايدي: ايوا صافي ياك المعامل غير 1 لاش غنبقا مصدعة بيه راسي

لمياء: هايدي… راه واخة واحد مي راه عندنا فالجهوي و حنا محتاجين لهاد النقطة

هايدي: اتيي اشمن نقطة راه العمدة على الفرونسي 4

لمياء: معلينا ياله راه داخلين عند العربية و غتجري علينا

هايدي: فكرتيني علاش خليتي ديك الخيشبيشة تجلس في بلاصتي واش مغتفرقنيش عليها اووه كتراتو بنادم عاطيها التيقار و هي كتقلب عليه

لمياء: و صافي حتا نتي عطي النخال لبنادم زيدي دغيا نمشيو

مشاو بزوجات يلتاحقو بقسمهم فانتضار الاستاذة تدخل

هايدي كتقرا الاولى باكالوريا اداب متفوقة فقرايتها واخة كتواجه صعوبات الا انها كتجيب نقط مزيانة للي كيفتاخرو بيهم واليديها .. هي من ديما مخلية قرايتها من اولوياتها واخة كتبان بنت غير مهتمة و غامضة بعض الشيء على اصدقائها مكيعرفوش اش تحت راسها حتا كتصدمهم فكل مرة … هي البنت الوحيدة عند واليديها مهليين فيها رغم مستواهم المعيشي الميسور الا انهم عمرهم خصصوها من شي حاجة … مكتهضرش مع بنادم بزاف مخلية ديما حدود بينها و بين الناس من غير صحاباتها زوج لمياء و نورة فقط هوما للي كتشارك معاهم كلشي و كتهضر بعفوية قدامهم بدون اي حد .. لمياء الصديقة ديالها من عامين و هوما قراب لبعضهم غليوضة شوية عكس هايدي للي نحيفة و كدير الدرة على راسها … كتقرا معاها فنفس القسم عكس نورة للي حتا هي رفيقتهم الا انها تفرقات عليهم فالقرايا جات فقسم اخر من غير للي كيقراو فيه … طويلة شوي و فورم … دوزات سويعاتها و خرجات مع لمياء حتا لقاو نورة كتسنى فيهم عند باب الليسي

نورة: على السلامة

هايدي: مالك راه غير عطلاتنا هديك حتا هي

لمياء: كالم كالم و زيدو راه تعطلنا

هايدي: ناري قريين مع التلاتة عند داك لمنونخ هههه كيحمقني بالضحك هه

لمياء بجغات فيها: اممم يزمرك هو كيشد في خلصتو و حنا ضايعين الفرونسي مشات مع ماليها

هايدي: ايوا صافي حتا نتي شرحو حتا هو شرح سيييري الى قديتي على مديري دخلي للسوايع و بقاي تبعاني انا

لمياء: نااااري ياختي بغيت غير نعرف اش تحت راسك عممممرك كنتي صريحة

هايدي: عمري كدبت عليكم

نورة/لمياء: لا

هايدي: و كيفاش هاد قدية مصاريحاش

نورة: قصدات بللي مكتقوليش لينا فاش كتفكري و شنو كديري ولا اش بغيتي ديري ديما كتصدمينا

هايدي: حسن ليكم .. زيدو باقي ليا الغدا نطيبو

سدات عليهم بهاد الهضرة و كملو طريقهم فصمت حتا وصلات هايدي لدارهم و ودعاتهم

حلات الباب و دخلات كتقلب على الام ديالها حتا لقاتها فالكوزينة

هايدي: الحب هانا جيت

الام: على السلامة … جلسيش الله يرضي عليك خبزي خليني نكمل لغدا

هايدي: واخة

مشات بدلات حوايجها و نزلات عونات مها حتا كملو و حطو غداهم كيتغداو بزوج حتا كملو و ناضت هايدي لبسات حوايجها عبارة على سروال جينز و تيشرت من فوقو فيست

هزات شعرها الاشقر لفوق كوتشفال و لبسات كونفيرس هزات السكادو ديالها و خرجات كتزرب فالمشية باش تلحق الساعة ديالها .. خشات لكيت فودنيها ممسوقاش لشنو ضتير بيها حتا تلاقات مع لمياء و نورة و كملو طريقهم بتلاتة مجمعين

هايدي: لبناااات

لمياء: هممم

هايدي: وليتي بقرة خخخ

لمياء: تمعس ليك مراارتك

هايدي: اناوياك ابب

نورة: مالك تاني

هايدي: اححح فيا النعاس

نورة: بغييت غير نفهم الناس كتنعس بالليل و تفيق بالنهار و نتي العكس

هايدي: بيكوز انا ماشي هي الناس

لمياء: الله يعفو

هايدي: من هاد الهضرة اش غنديرو فالجهوي؟

لمياء: احح اميمتي لاش مفكراني انا راه السطل و حسن مني هه

نورة: زيديني عليك

هايدي: زيدوني عليكم

نورة/ لمياء: الله يمسخك

هايدي: مالكم؟

لمياء: تي غا سكتي الفرونسي بعدا كتسلكي راسك و لحفاضة غتحفضي بقا ليك غير الماط و راك شادة شي حاجة

هايدي: تشدك حية من البوط اش شادة عند داك خانز الرجلين الساعتين كااااملة و هو كيتكيف

نورة: دخلو دخلو يكون خير ان شاء الله .. ياله باي وراه خارجة قبلكم مغنتسناكمش هه

لمياء: اه نورة راه غنجي عندك مللي نخرج مع الستة

نورة: اييه واخة

دخلو لبنات و توجهو للقسم ديالهم لقاوهم دخلو و هي تدق هايدي حتا شاف فيها الاستاد: ندخل؟

الاستاد: اهلا اهلا بالكاورية دخلي دخلي

تبسمات ليه فوق خاطرها و دخلات جلسات فبلاصتها القدام هي و لمياء حتا سمعات الهضرة من للي وراها

….: شتيها كيف خلاها تدخل عاد جاو الدراري و جرى عليهم و هي دخلها

……: وايييه من ديما كيعاملها هكا بحال بنتو

….: تي اشمن دايرا فيها الضرافات و البرائة و هي العافية كتخرج من تحتها

….: لا ياختي انا كتجيني داخلة سوق راسها

….: ليلى نتي معارفة والو راه مصاحبة معاه دكشي باش كيدير ليها هكاك و كيحط ليها التقطة .. اممم و زايدة بالصباغة مشعشعة دايرة فيها شهبة الله يعطينا وجهك

ليلى: عفاك براكا انا البنت كتجيني ضريفة دخلي سوق راسك ولا عرفتي شنو هاد لبلاصة خليتها ليك

ناضت من حداها و تلفتات فيها هايدي خنزرات فيها و رجعات كتخطط في دفتارها ممسوقاش لكلام الاستاد للي جالس كيحاجي عليهم

لمياء: اش كديري

هايدي: والو هه كنخربق

لمياء: عطيني نشوف

جرات ليها دفتر كتشوف فيه و تفرنس: واااو كيحمقو سعداتك كتعرفي تصممي

هايدي: تي اشمن راه غير تخربيق

لمياء: مالك حاكرة راسك هادشي والله حتا غزال

هايدي: امم و اري ليا وراقي و نتابهي لحكاية الشارف خليني نعس

لمياء: مبغيتيش تفهمي ليا وقت النعاس فايقة و وقت الفياق ناعسة

هايدي: مشغلكش ههه

تكات على شكارتها و غمضات عينيها حتا وصل وقت خروجهم عاد ناضت مبوقة خرجات مع لمياء و مشاو جلسو وسط الجريدة للي كاينة فالساحة … كل وحدة هازة الفون ديالها ممسوقاش للاخرى حتا وصلات عليهم نورة

نورة: الحمارات

هايدي: يركلوك

نورة: هه جوابك على نابك

هايدي: مغادياش لخربتكم

نورة: غادية بغيت غير نقول ليكم واش لقيتو للي يشرح ليكم هه

هايدي: قاودي فحالك حتا الليل و نعاود ليكم فالكروب

شافت فيها لمياء و هزات حاجبها: شكاين

هايدي: لقيت للي يشرح لينا الماط مي غير شي حاجة لمهم حتا للدار و نعاود ليكم

نورة: والله منتفاوت من هنا الى ما قلتي ليا شكاين

هايدي: ففف عقلتو على محمد للي كان لاصقني

لمياء: اييه للي كيقرا فالباك؟

هايدي: اه هو .. كنت تلاقيت معاه فالطريق و بقا كيهضر معايا و قال ليا الى بغيتو انا نشرح ليكم و قلت ليه واخة

نورة: هههه استغلاااالية مع راسك الدري طايح فيك و نتي كتفلاي عليه

هايدي قندشات و خنزرات فيها: شكون استغلت اا واش انا مواعداه بشي خرية هاا .. انا اصلا قلت ليه راااه مستحيل يكون دكشي للي فبالو و هو طلب نبقاو اصدقاء شنو فيها .. و حتا حد مضربو على يديه باش يشرح لينا الزعتر لمزعتر .. عرفتي شنو اربي لما سي فحالك حسن

لمياء: اناري صافي راه غير ضحكات معاك

نورة: الله يستر على القرص .. باي بيناتنا الفون ههه

هايدي: تهجرييه

نورة: انا وياك ابب

مشات و كملو لبنات سويعاتهم عاد كل وحدة وصلات دارهم

🎀🎀

يوم جديد فاقت هايدي جمعات بيتها و نزلات وجدات لفطور حطاتو و طلعات عيطات على مها باش يفطرو .. جلسو بزوجات كياكلو حتا نطقات الام: باباك مغايجيش دبا

هايدي: علاش

الام (مروى): حتا لمن ورى رمضان عاد غيجي عندو الخدمة

هايدي: امم الله يعاونو .. احم ماما

مروى: امم

هايدي: ممكن نمشي مع لبنات بغينا نحفضو مجموعين

مروى: فين بالسلامة

هايدي: غير هنا فالجردة ديال ***

مروى: و اش داكم حتا لتما يجيو عندك للدار و حفضو

هايدي: حم لا راه غيكون حتا واحد الولد

مروة: شكون هاد الولد

هايدي: و ناري شحال كتر فيك التسوال واحد كيقرا فالباك و بغا يشرح لينا الماط دبا نمشي لا

مروى: سيري و يا وييلك تعطلي متحسي حتا نجر مك من قوباعتك

هايدي: و التهديد لاش صافي غنجيو بكري

ناضت باستها و طلعات لبيتها لبسات سروال جينز مع تيشرت و كونفيرس جمعات شعرها لفوق و خرجات هازة الفون فيدها مكونيكطية حتا وصلات لعند لمياء دقات فالباب حتا خرجات مها سلمات عليها و دخلات لقات لمياء مزال غير كتفطر .. نوضاتها بالجري لبسات حوايجها عاد خرجو مكملين طريقهم لمدراستهم

🎋🎋 من بعد الغدا تجمعو لبنات بتلاتة و توجهو للجردة فين كانو دايرين مع محمد لقاوه تما سلمو عليه و جبدو كتوباتهم كيشوفو فيهم حتا نطق محمد: هايدي اش مفاهماش

هايدي بابتسامة: مفاهمينش هه لمهم هاد التخربيق كامل راه فحال الى كنقرا شينوية

محمد: احم واخة جبدو نشوف هاد لعجب هه

كانت نورة و لمياء مراقبين نضرات محمد لهايدي للي ممسوقاش و كيفرنسو حتا بدا كيشرح ليهم بالمهل و يفهم كل وحدة بحدها ….

عطاهم تمارين خدموهم و بقاو معاه حتا لستة لعشية .. رجعو ادراجهم و هايدي مبوقة بالشمس للي كانت فيها .. دخلات لقات مها كتفرج سلمات عليها و مشات بدلات حوايجها .. نزلات وجدات الكوطي و حطاتو كياكلو في صمت الام كتفرج و هايدي هازة الفون طالعة نازلة في الفيس معندها شغل حتا كملو ناضت جمعات الطبلة و رجعات تسرحات حدا مها هازة دفتارها كترسم فيه .. هادي عادة فيها فين مكانت عيانة كترسم باش تريح ذماغها شوية

🌿🌿 دازت الايام متتالية عند كل من هايدي و صحاباتها كل يوم جمعة و سبت كيتلاقاو بمحمد يشرح ليهم للي مفاهمينش مكيكمل معاهم الساعة حتا كيبغي يلوح حوايجو … اليوم الاثنين فاقت هايدي بنفس نشيطة جمعات بيتها هو الاول عاد نزلات تلقات الميزيكا و بقات كتوجد فالفطور حطاتو و طلعات لبيت مها نوضاتها و بقات كتسنا فيها حتا نزلو بزوج كيتعاودو كيف ديما .. جلسو كيفطرو حتا نطقات مروى: هايدي .. جمعي الدار الله يرضي عليك خليني نمشي نتقدا و ندوز نطل على مي

هايدي: خلي حتا لعشية و نمشي معاك

مروى: لا نمشي دبا لعشية مكايباش الوقت لمهم الى تعطلت غير تغداي و سيري لمدراستك

هايدي: واخة

باستها و ناضت لبسات خرجات و خلات هايدي فالدار جمعاتها و نصبات لغدا يطيب عاد جلسات شادة الفون للي مكيحيدش من يدها .. لقات نورة كونيكطي و هضرات معاها: الشيخة

نورة: وي شاف

هايدي: مقريتيش

نورة: لا خرجت مع 10

هايدي: مزيان .. شوفي راه نهار الجمعة مغنمشيش معاكم عند محمد

نورة: علاش؟

هايدي: والو خارجة مع ماما

نورة: امم واخة .. فكرتيني عرفتي اخر الاخبار هه

هايدي: اخبارك مافيهم ميتعرف ههه

نورة: ايوا بااز على اي حال لقيت واحد السيد قال ليا الى حتاجيتي شي مساعدة مرحبا

هايدي: سيد؟ .. و مساعدة؟ .. مرحبا؟ .. بدون مقابل؟ .. لا لا منتيقش

نورة: تي مالك عقلك خامج راجل بغا يدير الخير شنو فيها

هايدي: شكون هاد الرجل

نورة: ففف باص وتساب نهضر متجينيش الكتبة هههه

هايدي: دوزي يدوزو عليك بموس حافي

طلعات ليها vu و دازت لواتساب

نورة: هانتي نعاود ليك بالتفصيل

هايدي: توكلي على الله

نورة: كنت كنتسركل في الفيس ياكي و انا نلقا واحد الزين واحد البراكة واحد الهمة واح

هايدي: واحد لخرى تي هضري مقادة ازمر

نورة: ههه واخة لقيت واحد الشاب ياختي زييين هاء المهم كان حاط شي صورة ديال شي واحد مات و انا نكتب ليه ان لله و ان اليه راجعون

هايدي: ايه

نورة: صافي رسلت ليه سلام و بقيت كنهضر معاه بقا كيسول فيا داير لونكيط ههه و انا كنجاوب لمهم عاودت ليه و قال ليا نقدر نساعدكم و قلت ليه شكرا

هايدي: ايوا مزيان

نورة: كيفاش مزيان

هايدي: اش بنقول ليك اختي انا راك عارفة ماما مكتخلينيش نخرج و محمد غير بزز باش كنمشيو لعندو

نورة: و عفاك محمد معارفش كلشي هادا راه كبير و قاري داك التخربيق الله يحفضك طلبي ماماك ولا عرفتي شنو قولي ليها غنتلاقاو غير بمحمد و نمشيو عفاك

هايدي: ففف معرفتش شنو سميت هاد خينة

نورة: بغيتي سميتو تدي تبركيكة و تطفي فضولك ولا غير لقرايا 😂😂

هايدي: هههه بزوج ههه حجة و زيارة

نورة: ههه اطط نباص ليك البروفيل ديالو

تسنات شوية حتا رسلات ليها البرفيل قلبات على السمية و دخلات كتقلب فالبروفيل ديالو: اناري ميمتي داير كمارة وحدة مجموعين عليها رباعة نتلف بيناتهم .. شكون غيكون من هادو .. و كلهم زوينين .. اعوذ بالله اش كنقول انا

بدات كتشمشم حتا ناضت قافزة طفات البوطة و كتشم فريحة لحراق عاطية فالدار … بدات كتولول و شافت داك لغدا نقدات منو للي يتنقد عاد عطرات الدار و مشات غسلات عليها بدلات حوايجها و نزلات حطات ليها شوية غلقات بيه الجوع و خرجات مشات لمدرستها دوزات سويعاتها برفقة لمياء للي عاودات ليها شنو قالت نورة و كانت موافقة يمشيو و بقات كتقنع فهايدي تقبل هاد الاخيرة للي رجعات للدار و مترددة تقولها لمها حتا تشجعات و قالتها: مماما

مروى: ااه

هايدي: ششوفي ممكن نمشي مع لبنات نراجعو عفاك

مروى شافت فيها مطلعة حاجبها: مكترتيش من هاد دخول و لخروج كل وقت

هايدي: عفاك والله حتا كنمشيو غير للجردة و دغيا نجيو عفاك

مروى: هايدي .. راك عيقتي بغيتي تحفضي راه بيتك حفضي فيه ولا ها الظار واسعة عريضة فين ما عجبك جلسي باش كل نهار تخرجي و دخلي لاا

هايدي: الله يخلي ليك ما عز عليك الله يرزقك ما كتمناي و عفاااك غير هاد المرة

بقات كتشوف فيها و هي كتسبل فعويناتها و هي تنفخ من نيوفها: واخة الالة سيري سيري ولكن ااااخر مرة و جلسي تركني للارض راه رمضان مبقا ليه والو بغيتك تعاونيني نقادو شي سفوف

هايدي بفرحة ناضت باستها: نموت فحبك انا ههه اييه نقاد معاك كلشي الحب يخليك ليلي 😘😘

مروى: ههه الله يمسخك كتصبغي فيا

هايدي: مالك حايط ههه المهم انا نايضة لبيتي نحفضك هيهيهي

مروى: ايه و بقاي خاشية وجهك فداك المشقوف

هايدي: ماخافيش

دخلات و اول حاجة دارتها هي رسلات للبنات بللي غتمشي معاهم عاد رجعات كتقلب على الشخص للي مكتعرف عليه والو و غادية معاهم: اممم عمري شفت هاد الماركة هنا زعمة يكون ماشي من هنا؟ ويتك ويتك على رعد سميتو غزالة ههه .. الله يستر وليت كنهضر غير بوحدي

حطات الفون حداها و باشرات فحفاضتها حتا عيطات ليها مها كالت و رجعات سهرانة حتا ل4 ديال الصباح عاد غمضات عينيها في انتضار يوم جديد

💫💫 مقابلة مع البيسين مربعة رجليها و قبالتها بنت شعرها مايل للمارون كتضحك و تشوف فيها هاد الاخيرة للي رغم الاعوام للي دازو متبدلاتس باقة كيف كانت النشاط و الحيوية طالقة شعرها للي مزال طويل و نفس ستايل ديال لبسها باقة متبعاه

سهى: و براكة عليك نوضي تهزي من حدايا

رغد: و عفاك ههه و كملي ليا الله يخلي ليك فهد

سهى هزات عينيها بان ليها داخل هو و جود و قدامهم نهى كتجري: ذكر الكلب و وجد لهراوى ها الاعصار جا

وقفات عليهم نهى كتفرنس و تلاحت على رغد عنقاتها هاد الاخيرة للي بادلاتها العناق و هي كتضحك على خالتها لهبيلة: ههه الحب جيتي

نهى: احح و شحال توحشت ملتك

سهى: جيتي ولا جابوك

نهى: جابوووني

سهى: اش جاية تخراي

نهى: اش جا يدييير جابو الهوى في نصاصات الليل (بهمس) غير كاين نسيبي اما نخرجها لمك قداش

رغد: هههه خالتو براكا ههه

نهى ضرباتها لقولاتها: ماخالتكش اختي نتي فايتاني فالطول و كتقولي خالتي ويلي بتشرفيني قبل الوقت

سهى: كغغغا مومو راه باقة بنت 18 اتي نووووضي راه مات ليك الحوت

نقز عليها جود: ما مات والو الاخت شتك كتقتلي و تحيي غير بوحدك اهياتا

فهد: هههه لقيتي خو جوابك نزضي حطي لينا نجغدو .. عنداك تكوني حرقتيه تاني

سهى: اييه لا تزيدش فيه مرة للي تحرق و براكا .. اصلا مطيبتش انا غير برد 😏

دازت من حداهم كتعوج معاجبها حال و خلاتهم وراها مجمعين كيضحكو حتا تحط الغدا و جلسو مجموعين

سهى: فين داك العتروس

فهد: اينا عتروس فالعتارس

سهى: الشارف اما البرهوش غيكون مزال موصل

فهد: هضرت معاه مكاينش هنا

سهى: و فين مشا

فهد: سيري سوليه

سهى: ياااك اخويا واااخة قييد عندك

فهد: يخوي ليك الجناااب

جود: هههه بديتو تاني

نهى: علاه هوما كيساليو باش يبداو

رغد: بابي بلييز بغيت نخرج ليوما مع لبنات

فهد: فين باليلامة و شكون هاد لبنات

رغد: غير كنعرفهم عفاك والله منتعطل

فهد: لا

رغد و عينيها مغرغرين: حشومة عليك هئ راني مبقيتش صغيرة 28 عام للي عندي و مزال مبغيتي تفهم بللي قادة براسي

دفعات الكرسي و ناضت الدمعة على طرف عينها .. طلعات كتجري و مخلية سهى بغات تاكل فهد بعينيها

فهد: نوضي ضربيني حسن

سهى: بغيت غير نعرف مالك معاها وااه عيقتي

فهد: كولي و سكتي عفاك مفياش للي يتصادع معاك

شافت فيه مخنزرة: هاهوا كولو غير نتا سديتيها ليا

دفعات الكرسي بغات تنوض و هو يغوت و خبط فوق الطبلة حتا قفزو للي كانو جالسين: جلسي للارض

كملات طريقها و ضارت شافت فيه: الى معجبك حال راه الحايط حداك نطحو حتا يبرد دمك

طلعات لبيتها و خلاتو هو مخنزر … شافت نهى فجود للي غير كيشوف فيهم و هي تنطق: علاش مبغيتيش تخليها تخرج

فهد: بنت وحدة للي عندي مميتاعدش نخسرها بحال داك النهار كون ما لطف ربي كانت غتكون من عداد الموتى

نهى: فهد.. راني فاهماك و حاسة بيك اخر مرة خرجات مع لبنات كانت تعرضات لحادث ولكن هدشي وقع شحاال هدا و هي كانت مزال صغيرة و غير دارية بشنو كدير دبا راه بعقلها و قادرة تحمي راسها وراه كان غير حادث افهد رخف على البنت شوية

جود: احم .. نهى هداك مكانش حادث

نهى: ككيفاش

فهد: محاولة قتل

جود: كانو بغاو ينتاقمو من فهد بواحد من ولادو لذلك تعرضات رغد لداك الحادث البشع

نهى مصدومة من كلامهم: هيييه هادشي فخبار سهى؟

فهد: وياااك تقوليها ليها غتنوض عليا القربالة … صافي الموضوع تحل و خداو جزائهم مكاين لاش نعاودو نفتحو الموضوع

نهى: الحمدلله للي موقع والو .. و نوض طلع شوف ديك المسعورة اش كتصنع هه

فهد: ياك عاارفة بعدا باش بلاني الله

جود: نوض نوض ههه شتكم بيتو تحاماو ليا على ختي

ضحك فهد و ناض تبع مرتو اما جود و نهى فبقاو جالسين كيكملو فغداهم عارفينهم ديما كيشعلوها و يرجعو يتصالحو بحال الى موقع والو

〰 فتح الباب و دخل كيشوف فيها واقفة و هازة شي ملف فيديها كتشوف فيه و هي معصبة .. قرب ليها و حاوطها من خصرها دافن وجهو فعنقها: حبيبي

سهى: فهد .. عفاك راسي ضارني بعد مني هاد الساعة

فهد: ياك هدشي للي نستاهل عندك

سهى “ضارت عندو كتشوف ليه فعينيه”: واش مخبي عليا شي حاجة؟

فهد: شنو غنخبي عليك متلا

سهى: معرفتش .. ولكن هاد الخوف المبالغ فيه على رغد راه دخل ليا الشك .. واش لبنت عندها 28 سنة عمرها خرجات بحدها و حتا العلاقات الاجتماعية مدايراهمش ديما من الخدمة للدار و من الدار للخدمة حتا من الناس للي طلبو يدها للزواج كترفضهم قبل متسيق هي لخبار .. شنو كاين افهد

فهد: ففف سهى عارف راسي خانقها بهاد الحكام الزائد ولكن راه ماشي بيدي

قربات ليه و حطات يديها على لحيتو كتمررها: حبيبي شنو كاين ياك واعدتيني متخبي عليا والو .. شنو للي واقع مخليك كتصرف هكا .. واش رغد واقعة ليها شي حاجة مفراسيش

شدها من يدها جلسها على طرف سرير و جلس قدامها:

سهى.. حياتكم كاملين فخطر

سهى: ممفهمتش

فهد: كيهددوني بيكم

سهى: شكون هادو

فهد: اخر وحدين لقينا ليهم القبض للي كيتاجرو فالاعضاء البشرية .. قدر واحد فيهم يهرب و كيصلوني تهديدات منو .. نتي مخايفش عليك حيت عارفك قادرة تحمي راسك هدشي علاش مكنخليهاش تخرج بحدها الا الى كنتي معاها نتي ولا انا

سهى: ووولكن

قاطلعا فهد حاط صبعو على فمها: كوني هانية احبيبة كلشي غيفوت انا غنحل هاد المشكل ولكن بغيتك حتا نتي تعاونيني عفاك مبغيتش حتا قلبي و روحي يكونو ضدي متافقين؟

حركات ليه راسها بالايجاب و عنقاتو كتبكي: هئ هئ ياك مغيوقع لولادي والو ياك؟

فهد: كوني هانية رعد راه قادر يحمي راسو و نايف مبقاش صغير و راني داير عليه حراسة واخة هكاك … و صافي مسحي دميعاتك مكيجيوش معاك و نوضي حزري ديك الهرنونة حتا هي

سهى: اوك انا نمشي نشوفها

وقفت بغات تمشي و جرها لصقها معاه: متعطينيش حقي حتا انا من الحنان

سهى: فههد لا ماشي دبا هه

خطف بوسة من شفايفها و غطس راسو فوسط عنقها كيفرق عليه فالقبلات: و محرامش عليك صايم سيمانة

يهى: ههه و بعد راه كيجيني هر هه الله يمسخك ياك غير 4 جوغ

فهد: و دازت عليا بحال 4 انس

سهى بدلع: و صافييي خليني نمشي نشوف بنتك حتا لليل و نهضرو هه

فهد: الليل كاين التطبيقي عيينا من الشفوي

بعدات عليه كتفرنس: الله يمسخك ههه انا مشيت

〰 فاقت على صوت الغيفي للي عند راسها طفاتو و ناضت كتعكز كتحس بذاتها تقييلة عليها .. شافت الساعة مبقاش ليها لوقت و مشات دغيا هزات تيشرت و سروال سيرفيت مع كونفيغس لبساتهم بالخف و جمعات شعرها لفوق كعكة، هزات سكادو ديالها و خرجات بالزربة من الدار قبل متفيق مها …. دخلات لحصصها دوزاتهم غير بزز هي و لمياء حتا سالاو و هوما يخرجو متاجهين لديورهم

هايدي: ايمتا غيجي داك رعد؟

لمياء: بحالي بحالك ههه ديك نورة للي كتهضر معاه

هايدي: اممم عنداك غير يكون كيتفلا

لمياء: ناااري شحال مشكاكة السيد بغا يعاونا عادي اش فيها

هايدي: صافي واخة

تفارقو مللي وصلو لديورهم كل وحدة دخلات لدارها … لقات مها ياله كتفطر شافت فيها و صبحات عليها عاد جلسات بحوايجها كتفطر معاها

مروى: مالك مفطرتي

هايدي: مفقتش بكري

مروى: هاد لفعايل للي فيك غيخرجو عليك كتبقاي سهرانة حتال اشمن وقت و تنوضي تمشي بلا فطور شي نهار تسخفي ليهم تما

هايدي: و صافي اماما راه مجانيش الجوع اصلا راه طنلعب سبور مخاصنيش نفطر (كدور فعينيها)

مروى: كتلعبي الزعتر .. و نتي غير ينفخو عليك طيري دايرا كيف عود السبسي … معرفتك كتاكلي النعمة ولا لحجر

هايدي: و ماماااا و انا عاجبني راسي ببتيني نغلاض منبقا كاع نقد نزييد لاش لايق الغلض لاااش .. و مالك نتي مغليضة بيتيني غير انا نتنفخ كيف لبنو

مروى ميقات فيها: امم عاجبك راسك كولي كولي من الهضرة لخاوية

شافت فيها و باشرات في مكلتها حتا سالاو و ناضت غسلات لماعن طيبات لغدا و جلسات مخلية مها كتجمع من هنا و لهيه شافت فيها و نطقات: اشكون جاي

مروى: تاحد علاه

هايدي: و مالك دوختينا شدي قنت واحد

مروى: اييه شفت وليتي كلمتي بكلمتك

هايدي: راك الحب نتي دكشي باش ههه

مروى: ههه نوضي نوضي عاونيني نجمع هاد الروينة راه رمضان لحق

هايدي: واش رمضان مكيشقاوش فيه اوه عيقتووو

مروى: نوضي الله يحفضك احبيبتي راه نتي غتكوني مشغولة بالحفاضة

نفخات و ناضت كتخمل مع مها و تالقة المزيكا كيف ديما باش تقدر تشقا حتا كملات و طاحت مهدودة كتساراح .. هزات الفون ديالها دخلات للفيس تلاهي الوقت و هي تفكرو عاودات قلبات على الاسم و رسلات انفيت و هي عاضة على شفتها تحتانية … حطات الفون و هزات دفتارها كترسم و تحط و مها جالسة حداها كتفرج

〰 واقفة رغد لابسة كسيوى قصيرة صيفية في الغوج و شعرها الطويل الحريري مطلوق على راحتو و دايرة نضارات شمسية .. حداها فهد للي كيشوف فيها بنص عينو و هي معفرة عليه واقفة قدام لوطو ديالها متلفتاتش لجيهتو حتا حسات بيديه ضايرين على كتافها و لحيتو كتقرصها فحنكها: مال حبيبي نافخ ريشو

رغد: الصمت

فهد: مبغيتيش تهضري معايا؟

رغد هزات كتافها و هي مربعة يديها بحال شي بنيوتة صغيرة

فهد: مقلقة مني

رغد: لا

فهد: و مالك مبيتي تدوي

رغد: مبغيتش اصلا ولفت نبقا غير ساكتة و تابعة الاوامر و نفد فيهم

فهد: اشمن اوامر هادو

هزات فيه عينيها مع تخنزيرة و رجعات حدراتهم

فهد: دبا هدشي كامل حيت مخليتكش تخرجي مع صحاباتك

دغيا طيحات دموعها: هئ هئ اول مرة ندير صحابات و كنت فرحانة حيت غنخرج حتا انا و نضور معاهم و ندوزو وقت زوين هئ هئ ولكن نتا ديما كتعاملني هكا معرفتش مالك معايا هئ هئ

جرها ضامها لعندو و عنقها كيطبطب على ضهرها: ششش لاش لبكا ..صافي الى كنتي مصرة تخرجي غير خرجي انا قلت هكا غير من خوفي عليك مبغيتش نغلق عليك نخنقك سمحيلي احبيبة و مسحي هاد دميعات

تمخشات فيه خاشية وجهها فصدرو و كتنخصص حتا هدات و مسح ليها دموعها باسها من خدودها و تبسم ليها: احح على لبكاية ديالي دغيا كطيحيهم

خرجات ليها تبسيمة: هه واش رعد مغيجيش معانا

فهد: لا ابنتي غنمشيو حنا دبا لدار جدودك حتا يلحق علينا لعواشر هادي نزوروهم و نرجعو و ديك الساعة الالة ديري للي حب خاطرك

تعلات حتا باستو من حنكو و ضحكات: ههه كنحبك انا

محسات غير بدقة جاتها وسط ضهرها حتا شهقات تلفتات تشوف لقات سهى واقفة وراها عاقدة غوباشتها: حيدي قالاك كتحبيه تحبك جرانة وليتو وااارتيني فرزقي بااز

ضحك فهد و جر رغد للي كتحك فالدقة: هههه بعدي من هاد المخلوقة راه جاتها الحالة ههه

رغد: الله يستر . مالك حبيبك غير نتي حتا انا راه كنسال فيه

سهى: سيري اختي قلبي ليك فقنت اخر و تفرقي ليا على زماني اووه فين مانضور نلقا واحد معنقووو حيدو بلاك عليا

ضحكات رغد و مشات كتفرنس ركبات فاللوطو ديالها مخلية سهى كتشوف ففهد شوفات نارية: اش قضية هاد العناق و الحنان الزايد 😒😒

فهد: ههه كتغيري من بنتك

سهى: مكنغيير من حد … اه و رد بالك راه خبارك كتوصلني

كانت غادية و جرها ساطحها مع صدرو و مضور عليها يديه: اشمن خبار هادي امم

شافت فيه عينيها كيطير منهم الشرار و نفاجرات عليه: شكوون ديك خيتي للي كنتي معنق فالشارع و هي لااااقية راحتها مخششة فيك تقول مخليه ليها باها فالورت هااا واش غير كتفوت الباب و ديير مبغيتي … راه والله و طيييح شي وحدة بين يديا حتا نديير فيها مبغيييت … و نتا حسااابك من بعد ممسالياش ليك دابا

دفعاتو بغات تزيد و رجع شدها بزز منها و هي كتنتر: هديك غير بنت واحد السيد خدام معايا كانت سخفات و شديتها راك غير فهمتي غلاط مالك على هاد العصبية الزايدة

بدات كتبرد: و لاش تشدها تسخف ولا تموت كااع نتا مالك

شاف فيها مطولا و كملات كلامها: وو صاافي مرة خرا متقرب لحد ولاا

قاطعها بقبلة على شفايفها: غير يبقا ليا حبيبي على راحتوو منقرب لحد المغيارة ديااالي

سهى: و ياله زييد راه تعطلنا على ماما غتكون كتعاير

جرها معنقها كيضحك معاها: هههه ديك نسيبتي راه لعسل كيتقطر الله يخليها ليا

سهى: اممم حيت كتجي من جهتك الله يمسخك

ركبو فسيارتهم و دازو فطريقهم عند نهى و جود للي حتا هوما غاديين عاد نطالقو في اتجاه منزل والدين سهى نهى … وصلو و دخلو تحت استقبال و ترحيب صفاء و عبدالرحمن جلسو فالصالون من بعد ما سلمو على ضحى هي و راجلها و ولادها زوج سلمان الابن الاكبر 26 سنة و هيثم الصغير 24 سنة … جلسو كيتعاودو و يضحكو بينهم حتا تسمع الدقان و ناضت يهى تحل مخلياهم مكملين جموعهم حتا سمعو غواتها و ناضو يشوفو مالها .. لقاوها معنقاه و كتضحك و هو ضامها ليه حتا تهزو رجليها من الارض: توحشتك ههه

شافتو رغد و هي تمشي كتجري عندو و تضحك: خوياااا ههههه

عنقاتو هي الاخرى و هو كيبوس فيها .. سلم على الباقي و رجعو لبلايصهم سهى مخشية فيه من جهة و رغد من جهة

رغد: توحشتك ازعتر

رعد: حتا انا ازعيترة هههه

سلمان: و غبورات هادي هه

رعد: غير مع الوقت و كان

سهى “ضرباتو لصدرو”: الوقت غتلهيك على حبابك 😒😒

باس راسها: هانا جيت نبقا جالس معاك حتا نطلع ليك فراسك

هيثم: واحد نايف معرفت فين مجلي هو ساهر

نهى: اححح اميمتي على وليدي و شحال غبر عليا “شافت فجود” كلشي بسباب هاد لبغل هئ هئ وليت مشتاقة فيه مكانشوفو على شحاال

سهى: بغات تبدا تاني .. ماما كاين شي غدا عاد تحلات ليا الشهية

رغد ميقات فيها: على اساس مكنتيش كذوقي النعمة 😏

سهى: ولله منجاوبك

ناضت صفاء حطات الغدا للي كان مشكل موجداه بيديها على قبل نسابها و بناتها واجد على اكمل وجه .. تجمعو عليه كالو حتا شبعو و ناضو من بعد مكلاو التحلية .. لعيالات فالكوزينة شادين نميمة و رجال فالصالون اما الدراري طالعين لفوق مديين معاهم حتا رغد للي غير جالسة و كتشوف و مرة مرة تنوض تطل من الشراجم للي كيبينو المنضر رائع بفعل علو المنزل كيبان كلشي من السطح .. كان جالس معاهم رعد و هاز الفون ديالو لقا طلب صداقة و دخل كيشوف ديالمن حتا لقا سمية ديال بنت و مكاينيش صورها من غير صديق واحد للي مشترك .. قبل الطلب و رسل ليها: on ce connait

ما وصلو حتا رد و هو يحط الفون فجنبو و شاف فرغد للي كتبان متدمرة: مال لحب

رغد: الملل الملل بففف ياله خرجني عفاااك توحشت نخرج معاك بلييز

رعد: عيان خلي حتا لمن بعد

رغد: و عفااك “شافت فسلمان و هيثم” ياك حتا نتوما بيتو تخرجو ياك ياك طلبوه يخرج عفاكم

هيثم: الى جيتي عليا ياله نخرجو غير بزوج ههه هدوك معقدين ميخليو للي يضور و ينشط ههه

رغد: لاا عارفة نشاطك خاسر غير بلاش 😏

رعد: ففف ياله نوضي مي دغيا نرجعو

ناضت كتحنقز و تبوس فيه ..نزلات خبرات مها و لبسات صندالتها عاد خرجات تبعات لولاد للي غاديين واحد كيتعنكر على لاخر و هي وسطهم كتبان كيف النملة حداهم … تمشاو غير على رجليهم حتا وصلو للمدينة للي كانت عامرة و رغد شادة يدراع خوها و فرحانة بخرجتها معاهم مخلاو فين داوها كيضورو بيها حتا عيات و وقفات حدا واحد الجريدة: ففف صافي عييت

رعد: هه نتي للي بغيتي تخرجي

رغد: صافي عييت سير جيب ليا قرعة الما

انا نتسناك هنا حتا تجي

هيثم: انا بعدا غادي نزهى ههه تهلاو نتشاوفو عند عبدوو

رعد: سير اخويا دكشي للي مقابل

سلمان: هدا حالو ههه

رغد: و سيير انا نبقا جالسة هنا حتا تجي

رعد: سلمان تبقا معاها

سلمان: واخة مي متعطلش راه باقي غادي عند واحد الاخت

رعد: ههه اوك انا مشيت

مشا رعد و بقات رغد جالسة مع سلمان للي مشا جاب ليها لما و جلس حداها و الفون ديالو مسكتش حتا شافت فيه رغد: و غير نوض سير شوف البنت مسكينة مخليها كتسنا انا نبقا جالسة هنا حتا يجي رعد متخافش

سلمان: لا خلي حتا يجي رعد

رغد: و صافي غير سير راني ماشي صغيرة

سلمان: و رعد

رغد: و صافيي انا غنقول ليه جريت عليك ياله

باسها من جبينها و خلاها جالسة فوق واحد الكرسي و مشا … في نفس الجردة كانت جالسة هايدي و معاها لمياء كيحفضو حتا ضلام عليهم الحال و هوما يجمعو شكايرهم و تمو غاديين حتا كتبان ليها هايدي شي بنت واقفة و قدامها زوج ولاد كيقربو ليها و هي كتبعد .. بدون تفكير قربات لجيهتها مخلية لمياء كتعيط عليها لكن لا من مجيب .. وقفات و شافت في البنت للي كترعد و رجعات شافت فالاولاد لي واقفين قدامها

هايدي: الضحية (لقب الولد) اش تما

الضحية: والو الزعرة بغينا نضبرو على راسنا ممنحقناش

هايدي: سي فحالك قلب فقنت اخر هادي فوتها

الولد 2: اختي هانية؟؟ سيري قبل منبداو بيك نتي اللولة

هايدي: الى كانت مزغرتة عليك مك قرب بالله حتا نفرج فيك امة محمد

الضحية: ابشوي ا هايدي هاحنا غاديين و خلي هدشي هنا الى سمعتها عند لخوادري نضبر معاك

هايدي: ياله دg من هنا

جر صاحبو و بعدو منهم تلفتات هايدي للبنت للي وراها و نطقات: اختي بخير؟

رغد: اا .. اه اه شكرا اختي

هايدي: نتي ماشي من هنا ياك؟

رغد: ننن مماشي من هنا غير كنت كنتسنا ففخويا يجي

هايدي: امم مزيان الى بغيتي نبقا معاك حتا يجي

رغد: صصافي واخة غديري فيا خير شكرا

هايدي: مرحبا تسناي نقولها لصحبتي تمشي و نبقا معاك

حركات ليها راسها و مشات قالتها للمياء للي مشات لدارهم و هي بقات جالسة حدا رغد كيتسناو حتا وقفات رغد و شافت فيها هايدي: جا؟

رغد: اه راه داك لي فلوطو

شافتو جاي نازل مدققاتش فيه الملاحضة و سلمات على رغد و مشات بالزربة حيت تعطلات .. اما رعد وقف على رغد مستغرب: شكون ديك البنت للي كانت معاك

رغد بتوتر: هه ووالو غير لقيتها هنا و بقات جالسة معايا كنهضرو حتا جيتي هه

رعد بشك: امم و فينهو سلمان

رغد: انا للي قلت ليه يمشي ميخليش البنت تبقا تسنا

رعد: ياله زيدي تعطلنا

جرها من يدها ركبها فجنبو و انطالق في اتجاه دار الجد

وصلات هايدي كتعض فدفارها و متوترة جبدات الساروت فتحات و دخلات لقات مروى واقفة ليها عند الباب كيف دخلات هجمات عليها بالاسئلة: فين كنتي و اش هاد الوقت فاش داخلة هادي هي دغيا نجي و حتا الفون ديالك مخلياه هنااا و انا جالسة بغيت نتسطا معرفتك حتا فين كنتي

هايدي: هاني جيت اماما متعصبيش راه غير واحد البنت مسكينة كانت تالفة وو بقيت معاها حتا جا ليها خوها

مروى: علمينيي ولا جيبيها معاااك لهنا حتا يجي ليها متخلينيش بغيت نحماق

مشات عنقاتها كتبوس فيها: صاافي سمحيلي الكبيدة راه غير نسيت و صافييي ازين ويتك ويتك على الضحكة فين مخبياها هه

شافت فيها مروى بنص عين و زادت مخلية هايدي كتبلق فعينيها حطات السكادو و سبرديلتها عاد تبعاتها للصالون فين كانت جالسة: وا صافي اماما عفاااك والله منبقا نعاودها

مروى: لا غير عاوديها والله حتا نعلق مك

هايدي: اخر مرة ازين ههه و نهون عليك تعلقيني ههه

مروى: حيدي عليا و نوضي تجغدي الى فيك شي جووع و هاد الدخول و الخروج نقسيهم

هايدي: واخة واخة نوضي

〰 وصلو للدار دخلات هي اللولة عاد تبعها رعد هاز الفون ديالو كيخندش فيه .. جلس معاهم فالصالون مجمعين و هو عينيه غير فالفون لي لقا ميساج و دخل يجاب

…: سلام

رعد: عليكم السلام صفا

….: حمدلله و نتا

رعد: وي حمدلله .. سمحي لي معرفتكش

…: سميتي هايدي .. انا الصديقة ديال البنت لي كنتي قلتي ليها بانك تقدر تشرح لينا

رعد: اا وي مرحبا

هايدي: شكرا

رعد: هدا واحب .. اا الى كان عندكم الوقت غدا نتلاقاو نشرح ليكم حيت كاين هنا مي غنسافر

هايدي: علاه نتا ماشي من هنا؟

رعد: لا .. غير كنجي نشوف الوالدين

هايدي: مزيان انا نقولها لبنات و نرد عليك

رعد: اوك .. فاش عندكم نقص بعدا

هايدي: فكلشي هه .. الماط هي لي عندنا مشكل فيها بزاف

رعد: حتا لغدا و نشوف شنو مفاهمينش

هايدي: اوك

حط الفون فجيبو و هز راسو لقا سهى كتشوف فيه مصغرة عينيها: مالك كتحنزي فيا

سهى: عجبتيني

رعد: واخد الزين منك

سهى بتفاخر: عارفة راسي زينة هه “ناضت من بلاصتها و جلسات فجنبو” حط اش هاز

رعد: مهاز والو هاد الساعة

سهى: وليتي تخبي عليا؟

رعد: ممخبي عليك والو الحب

سهى: معامن كنتي كتهضر

رعد: مع واحد الفتيات محتاجين المساعدة و بيت نساعدهم

سهى: فاش محتاجينها

رعد: في لقراية غنصيفطهم لديك الجمعية لي منضمة حضرتك

سهى: ايوا مزيان الله يعاونهم

رعد: امين

بقات جالسة كتحفض حتا وصلات الربعة ديال الصباح عاد حققات الفون على الساعة باش تفيق و ناضت بغات تنعس هزات الفون داخلة لفيس كتلقا كلشي outligne الا شخص واحد

هايدي: سلام .. راه هضرت مع لبنات و غدا ان شاء الله نتلاقاو

رعد: ان شاء الله .. باقة فايقة

هايدي: وي هه

رعد: مالك سهرانة حتا لهاد الوقت

هايدي: والو غير مجانيش النعاس

رعد: مزيان .. كيف غادية مع الدراسة

هايدي: شوية باقة واحلة مع لفرونسي

رعد باستهزاء: بالسيف

هايدي “فهماتو”: مفهمتش

رعد: والو

هايدي: تصبح على خير

سدات الفون و حطاتو حداها مغددة عرفاتو معنى عليها .. غمضات عينيها و حلف النعاس لا جاها حتا بغا يصبح الحال عاد غمضات شوية

〰 اليوم الموالي كيف باقي الايام لبسات عليها جينز مع تيشرت ابيض و فيست كحلة .. خلات شعرها مسبسب على كتافها طوييل و خرجات متاجهة لعند ليسي .. دخلات برفقة لمياء للحصة دوزوها غير بالكشايف و خرجو مع 12 كل وحدة وصلات دارهم ضاربين موعد من ورى لغدا … تغدات هايدي و ناضت هزات دفتر فاش ملخصة الدروس لي فاهمة و خرجات من بعد ما قالتا لمها .. غادية مع جنب الحايط مكتهضر مع حد حتا كتحس بشي واحد غادي فجنبها .. طلعات عينيها و كحلات بالعمى ملي شافت ولد في مقتبل العمر وجهو كلو مشرط و ريحة الكارو فايحة منو خانزة

الولد: زيين … حبسي غير نهضر معاك زوج كلمات و سيري

هايدي: سمير .. الله يرحم الوالدين عطيني شبر دالتيساع واش مكتفهمش مبغييييتش نهضر معاك

سمير: يااك انا لا و واحد اخر كتوقفي معاه بالفرحة عليك

هايدي: ما سوقكش

زادت و خلاتو بقا تابعها من اللور حتا وصلات عند لبنات فين كانت دايرة معاهم سلمات و كملو طريقهم

لمياء: هاد الزبل مغيمشيش فحالو

هايدي: معرفت لبوه تفوو جاي مشوهني فالزناقي يخ

نورة: هههه سعدك فيه كيتبعوك غير لملاوطين

هايدي: هيهيهي حامضة ابب

وصلو للجردة فين دايرين مع رعد و جلسو فوق الكازو حاطين كتوباتهم و دفاترهم و داك خينا كيحوم عليهم و هوما ممعبرينوش … جبدات نورة الفون ديالها و كتهضر مع رعد باش تنعت ليه فين كاينين

رعد: باش غنعرفكم

نورة: راه جالسين تحت واحد الشجيرة تلاتة لبنات ولا رسل طوف ديالك ملي نشوفوك غنعيطو ليك

رسل ليها الصورة و وراتها لبنات

لمياء: ههه ياختي غير الوقفة كيف دايرة اححح على الزين

هايدي: ههه دكشي لي مقابلة الله يمسخك

لمياء: و مالي كدبت ههه اتي والله حتا هييه 😲

هايدي: امالك

لمياء: راهو يمكن هداك لي كيضور تما والله حتا هو

نورة: واييه هو شي وحدة فيكم تشير ليه ههه

هايدي: نتي لي كيعرفك عيطي ليه

نورة: والله منعيط .. كيخراني ويلي نحشم نعيط ليه

لمياء: انا بعدا مغنعيطش

هايدي: والله حتا مبرهشين مخليين سيد كيقلب تفووو على تبرهيش فيكم

بقات حاضياه حتا شاف لجيهتهم و هزات يدها كعلامة انهم هوما علامن كيقلب .. حرك ليها راسو و تم جاي قاصدهم .. وقف مقابل معاهم و مد يدو سلم عليهم و هوما ضارباهم الساكتة

رعد: السلام عليكم

هايدي: و عليكم السلام اخويا

رعد: ياله على بركة الله باش بغيتونا نبداو

نورة: حم .. من الاحسن بالماط عندي فيه امتحان نهار الاتنين

رعد: اوك .. شي وحدة تعطيني الدفتر نشوف اشنو عندكم

نورة و لمياء تلفتو فهايدي و خرجو عينيهم .. هاد الاخيرة لي شافت فيهم بغات تاكلهم و جبدات دفاترها حطاتهم قدامها و رعد مراقبها و مراقب حركاتها

هايدي: اا .. هادشي اللاخر مفاهمينوش اما اللول ساهل

قطعاتها نورة: لا مساهل والو مفاهمينوش حنا

رعد: احم واخة انا نبدا معاكم من الاول و شوية بشوية نزيدو لقدام اوك؟

حركو ريوسهم و جبدو دفاترهم حطوهم فاش يكتبو اما رعد بدا كيشرح ليهم بجدية مكاينش التفلية و هوما منتابهين معاه فكل كلمة قالها اما هو مراقب ملامح كل وحدة واش فهمو ولا يعاود .. شاف فنورة: فهمتي؟

نورة باحراج شوية

رعد: و نتي (موجه كلامو للمياء)

لمياء: امم اه فهمت (بتردد)

شاف فهايدي: و نتي

هايدي: اه فهمتو

رعد: غنعطيكم تمارين نشوف شكون لي فهم مزيان و شنو الصعوبات لي عند كل وحدة

هز دفتر فاش كان كيشرح و كتب ليهم تمرين باش يخرجوه

رعد: سمحو ليا هاني جاي

ناض من حداهم و بقاو حاضينو حتا بعد عليهم عاد شافو فبعضهم و بداو كيضحكو

نورة: و بوكووووووس هههه

هايدي: الله يمسخك حليتي فمك فالسيد هههه

لمياء: ههه ناري انا خلعني ههه وليت غير كنبرق فعينيا

هايدي: هه بالعكس شرحو زوين و كيبسط الحاااجة مزيان… اجيو محشمتوش معرفتوش تجبدو كتوباتكم نتوما جالسين تحنزو فيا نتوما معندكمش

لمياء: ولااا راه نتي كتبتك مفهومة انا والله حتا بحال كنكتب برجليا ههه

هايدي: ايوا باااز .. خرجو الزعتر قبل ميجي

رجعو تكاو على اوراقهم حتا رجع رعد جلس حداهم: كملتو؟

لمياء/ نورة: باقي

هايدي: انا كملت

كتب ليها واحد اخر و شداتو متكية عليه تاني اما نورة هزات الالة حاسبة بغات تحسب بيها و حيدها ليها: لا حسبي بدماغك راه ساهل

نورة: و غير هادي راه كيتلفو ليا الارقام

رعد: لا حسبي راه صحبتك حسباتها مزيان غير حاولي

بقا معاهم حتا دوخو ليه رااسو و الشمس مطنطنة وسط النهار حتا برد شوية الحال عاد جبد شي وراق و حطهم قدامهم: هادو شي قواعد شكون يمشي يطبعهم انا معارفش لبلاصة مزيان

لمياء: انا نطبعهم

هزاتهم و مد ليها لفلوس لي مقبلاتهمش فاللول بزز عاد شداتهم و ناضت معاها حتا نورة مخليين رعد و هايدي جالسين بحدهم .. هزات فيه عينيها لقاتو حاضيها و هي تشتت شوفها فبلاصة اخرى باش تفادا الاحراج .. و هي فشرودها حسات بالفون كيفيبري فجيبها جبداتو لقات مها هي المتصلة دغيا جاوبات: ماما

مروى بخوف: فيينك اصكعة نوضي دبا جيي لدار

هايدي: يياك لباس اماما شنو واقع

مروى: بووك بووك جا و راه غادي لعندك نوضي دغيا قبل ميوصل و يشوهك تما زربييي

وقفات مضعوقة كتشوف فجنابها و بمجرد مطاحت عينها عليه جاي مخنزر و عاقد حواجبو طاح ليها التيلي من يدها و مشا منها اللون بحال الى شافت قباض روحها .. محسات غير بيه واقف قدامها و عينيه كيمشيو بينها و بين رعد لي وقف ملي شافو .. هز يدو حتا لفوق و نزل عليها لحنكها حتا مالت من حر الضربة و قبل متستوعب شدها من شعرها و جرها مقربها لوجهو و ريقو كيتشاير عليها: ادوييي السايييبة لقيتي الدار خاوية و درتي مبغييتي هااا وليتي تجي تجلسي ليا مع الز*** 😠😠

هايدي دموعها كيتسابقو فوق خدودها و لسانها تعقد معرفات باش تبلات: هئ هئ هئ راه والله

الاب: سكتيييي منسمعش حسك الهضرة ماشي هنااا زيييدي قدامي الكلبة ليوم نعاود لمك التربية

جرها بغا يزيد و هي تحس بيدها تجرات للوراء هزات عينيها لقات رعد عاقد حواجبو و كيشوف فيه مخنزر: باش من حق ضربها بديك الطريقة

رجع عندو الاب عينيه كيطير منهم الشرار: بنتييي و انا حر فيها و نتا حسابي معاك مت بعد الشماتة لي خارج مع بنات ناس كتفلا عليهم

ضرب فيه و زاد مخليه متبعو بعينيه مقادر يدير والو .. باش من صفة غيهضر قدام باها .. بقا تما كيمشي و يجي و شاد فراسو معصب حتا وقفو عليه نورة و لمياء

لمياء: اا فين هايدي

رعد بعصبية: داها باها

نورة: هييه ناري الصكعة قفراتها

رعد: علاش شنو دارت بالسلامة اش هاد التخلف لي فهاد الرجال بفففف

لمياء: سمح لينا اخويا خاصنا نمشيو

رعد: بالسلامة

قالها و زاد مخليهم كيشوفو فبعضهم .. هزو شكايرهم و شكارة هايدي و زادو فحالهم .. اما هايدي مسكينة راه ركبها باها معاه و غادي مكسيري حتا وصل للدار دخلها لاحها فالارض و نزل عليها بالضرب بالسمطة فين ماجات الدقة مكيهموش: ادوييي بغيتي تشوهييينيي بغيييتيي طيحي بوجهي للارض هااا برهوشة ديال لخلا تلعب من ورااا ضهري ولكن انا لي خاصني لعصا مخلي لمك الحرية حتا طلعتي ليا فوق راسي تفووو على ديلمك الحمارة ..

باش غتجاوبو و كيفاش تفسر ليه و شنو غتقول قدامو .. هادا حالها مع الاب ديالها في كل مرة كيجي من السفر ديالو الغير معروف .. رجل طاغي و عصبي عمرها شافت ضحكتو قدامها .. في كل مرة كيجي مكتشوفض منو الحنان او الامن لي كتلقاه فالام ديالها لي عكسو تماااما كتعتبرها هي منقدها الوحييد و في كل مرة كانت هي لي كتنقدها منو ولكن اليوم خاب ضنها ملي لقات مها معذبها كتر منها هي .. ممخليش فيها شي بلاصة صحيحة …

الاب: راهم قالوها قلب البرمة على فمها تخرج البنت تشبه لمها .. رباعة ل**** هي ضل تخورر و تقحبن حتا لصقات فيا و جيتي نتي بغيتي طيحي بوجهي للارض دعيييتكم لله ولكن صافي من اليوم مكاين لا خرووج لا دخووول خرايتك لي مصدعانا بيها انا غنولي نديك حتا للقسم و نرضك معندي بنات لي يدخلو و يخرجو كيف بغاو و هنا غتبقاي حتا يجي شي ولد الناس معقول يهزك عليا 😡😡

ردخ الباب و خرج مسورت عليهم من برى مخليهم وحدة معنقة لخرا و دموعهم شاقين طريقهم على خدودهم .. لمن يستنجدو .. لمن يشكيو .. علامن يحطو الراس .. حتا من عائلة مروى لي كتعتابرها عائلتها ماشي غير مربياها و حاضناها تخلاو عليها من بعد مرض الحاجة لي كانت معتابراها بنتها ماشي غير متبنياها .. اما بناتها فغير مرضات الام و جراو على مروى خوفا منهم حتا هي تاخد الارث لي غيشدو من غير خوهم الصغير الحنين فيها و كيعزها كتر من خواتاتو لي من لحمو .. ولكن حتا هو معندو جهد باش يعاونها .. قرا حتا عيا و مخلا لفين دفع لسيفي ديالو و ديما كيتلقا نفس الجملة ” دبا نعيطو ليك” و هاد النهار المبارك مبغاش يوصل .. صبر حتا عيا و ناض كيديباني راسو فاش مكان باش يعاون عائلتو و راسو .. هو الوحييد لي كتشكي عليه و تحكي ليه و يتقاسم معاها همها و حزنها و يصبرها و فين مكان عندها شي مشكل كتلقاه هو الاول حداها قبل من زوجها

رجع للدار طالع ليه الدم .. دخل عليهم مخنزر محاملش راسو .. حسات بيه سهى و قربات جنبو بلاما تهضر بقات غير كتشوف فيه حتا هز عينيه فيها شافها ملتازمة الصمت و كتسنا فيه هو يهضر

رعد: الوليدة مفياااش لي يهضر عفاك

سهى: على خاطرك احبيبي مي الى حتاجيتيني هانا فجنبك واخة؟

باس يدها بامتنان و سكت حتا جات جداه و هضر معاها: الميمة بغيت نتكا شي شوية

صفاء: زيد اوليدي نديك لبيت ترتاح ليك

تبعها مخلي سهى معجبة لامرو .. عاد خرج كان اليز و دخل مبدل .. مقدراتش تسولو و مبغاتش تضغط عليه مخلياه على راحتو حتا يعاود ليها بوحدو

🍃🍃

كل وحدة حاطة راسها على الاخرى و غاوصين فنوم عميق بفعل لبكا لي بكاو و الضرب لي تلقاوه .. تحركات هايدي و هي كتحس بلحمها كلو كيحرقها .. هزات راسها من على كتف مها و هي مخسرة سيفتها و ناضت كتعرج برجلها طلعات لبيتها هزات حوايجها و الفوطة و دخلات للدوش نظفات حالتها عاد خرجات جامعة شعرها لفوق و نزلات مع الدروج حتا تلاقات مع مها طالعة .. شافت فيها بحزن و تلاحت عليها عنقاتها كتبكي : سمحي ليا هء هء هء بسبابي ضربك حتا نتي هئ هئ

مروى: شووووت صافي احبيبتي مسحي دموعك ماوقع والو سيري قابلي قرايتك باش تنجحي و تفرحيني و تهزي براسي قدام الناس

هايدي: كنواااعدك هئ هئ انني غنجيب اعلى نقطة فاليسي هئ هئ

مروى: الله يرضي عليك ابنتي .. مسحي دموعك راه نتي هي فرحتي و هدفي فهاد الحياة راك نتي لي مخلياني صابرة و واقفة على رجبية باش نشوفك وصلتي لشنو بغيتي و مكونة راسك

عنقاتها و طلقات لعنان لدموعها حتا فشات قلبها .. هادا هو حال هايدي مكتبكي غيير على كتف الام ديالها .. القلب الحنين .. النعمة التي انعم الله علينا(الله يحفظ جميع امهاتنا و يرحم الميتين منهم و يجعلهم من اهل الجنة يارب )

مسحات ليها مروى دموعها و طلعات مخليا هايدي نزلات لتحت جمعات الروينة لي كانت في الدار و الماعن لي مهرسين تقول كانت الحرب .. جمعات الدار كاملة واخة كتحس بلحمها كيحرق مهتماتش و ناضت كطيب فالعشا وجداتو عاد طلعات تشوف مها لي تعطلات .. لقاتها ناعسة و اتر الدموع على خدودها و هازة فيديها صورة فيها مجموعة من الاشخاص لي متمكناتش هايدي باش تعرف عليهم .. مرأة تكون فمقتبل العمر بلبسة رسمية حداها رجل باين الزوج ديالها بنفس طلتها ملابس رسمية و زوج اطفال بنت مراهقة شعرها فالاسود و مبتاسمة فوجه الشاب لي كان حداها

طلعات تشوف مها لي تعطلات .. لقاتها ناعسة و اتر الدموع على خدودها و هازة فيديها صورة فيها مجموعة من الاشخاص لي متمكناتش هايدي باش تعرف عليهم .. مرأة تكون فمقتبل العمر بلبسة رسمية حداها رجل باين الزوج ديالها بنفس طلتها ملابس رسمية و زوج اطفال بنت مراهقة شعرها فالاسود و مبتاسمة فوجه الشاب لي كان حداها حتا هو شعرو اسود كسواد الليل و راسم ابتسامة جذابة على ملاميحو … تعجبات هايدي على شكون هاد الاشخاص في الاخير حيداتها ليها من يدها حطاتها فجنبها و خلاتها ناعسة ترتاح شوية .. دخلات لبيتها و حطات راسها على الخدية ناعسة على ضهرها و كتشوف فالسقف و عينيها دايزين بالدموع .. عمرها فهمات تصرفات باها معاها كل مرة كيف كيبين ليها كاين المرة لي كيميك عليها بحال الى عنرها كانت و مرة ينوض ليها يعطيها قتلة ديال لعصا .. ولكن رغم ذلك كيوفر ليها لي بغات .. لي حتاجتو كيعطيه ليها من غير الحنان لي عمرو حسسها ولو شوية بحنانو .. تقلبات في بلاصتها و غمضات عينيها في انتظار الاب ديالها يجي

🍃🍃

كان متكي على الكادر ديال الناموسية و يديه كيخندشو في الفون حتا تحل عليه الباب .. هز عينيه بلاما يهضر شاف غير سهى و رجع حدر راسو حتا حس بيها جلسات فجنبو و هو يحط راسو على كتفها في صمت

سهى: مغتعاودش ليا شنو واقع معاك

رعد: والو

سهى: حتا منكونش انا عاد كذب

رعد: بغيت نعرف غير هاظ التخلف و هاد العقلية الحجرية منين كيجيبوها

سهى: وضح كلامك بلا الغاز ارعد

رعد: ففف ( عاود ليها شنو كاين) دبا غيكون فهم كلشي غلاط و البنت مسكينة مدايرة والو

سهى تنهدات كتشوف فيه: شوف ارعد ديما انا صريحة معاك لذلك غنفهمك واحد القضية .. هنا راه ماشي كيف نتا كنتي عايش هنا غييير فهمتي هنا لبنات مكيخليوهمش يخرجو مع الولاد ولا يجمعو معاهم واخة فاطار القرايا .. هو دبا غيكون فهم دكشي غلاط ولكن راه غير تفهمو بنتو شنو كاين غيتيق فيها

رعد: لا منضنش .. نتي مشفتيهش كيف دار ليها مخلاهاش حتا تهضر

سهى: سول شي واحد عليها

رعد: مكاينش شكون نسول من غيرك

هزات حاجبها فيه: مالي اخاي انا جالسة معاها

رعد: نتي غتعاونيني

سهى: فاش

رعد: …. (عاود ليها)

ناضت سهى من حداه: راك كتحلم بالالوان اوليدي نووض تنعس نوووض

رعد: اول طلب و اخر طلب ان شاء الله

سهى: لا بغيتي فهد يقتلني اويلي عاد مفكيت حريرتي معاه

رعد: و صافي راجلك ضربيه على حسابي

سهى: واخة اسي حتا لغدا و يكون خيير

ناض عندها باسها من جبينها: نتيي الحب نتي الله يخليك ليا ياربي

سهى: حيد الله يمسخك ملي كتبغيو حاجتكم كتوليو تمسكنو

خرجات و خلاتو رجع تكا فبلاصتو و هاز الفون كيخربق فيه حتا عيطو عليه لعشا ناض جلس معاهم تعشاو و كل واحد مشا ينعس في انتظار يوم جديد

🌞🌞

على اتر اشعة الشمس فاقت هايدي كتحرك فيديها و رجليها لي كتحس بيهم مدكدكين و راسها كيصدعها .. وقفات و خرجات من بيتها نزلات لتحت و دخلات لكوزينة لقاتها كيف خلاتها فالليل العشا باقي كيفما هو حتا واحد مقرب ليه .. خلاتو و بدات كطيب في لفطور وجداتو و عيطات على مها نزلات عندها و جلسو كيفطرو بنفس ضيقة وحدة كتشوف في لخرا حتا كملو و ناضو كل وحدة قابلات شقاها كيجمعو فالدار حتا كملو و طلعات سهى تقابل قرايتها بينما مروى بقات جالسة لتحت كتهضر في الفون حتا سمعات الدقان في الباب و ناصت تشوف شكون .. حلات الباب و لقات مرأة جامعة شعرها الطويل و لابسة كلاس كتشوف فيها بابتسامة لي بادلاتها مروى

سهى: السلام عليكم الالة

مروى: و عليكم السلام

سهى: سمحيلي نسولك واش هنا فين كتسكن الانسة هايدي

مروى بخوف: اه هنا ياك لباس

سهى: والو باس الالة .. الى ممكن نهضر معاها ولا الام ديالها

مروى: ايه دخلي مرحبا انا ماماها

سهى: شكرا

دخلاتها للصالون و ناضت وجدات اتاي حطاتو قدامها عاد جلسات فجنبها تستفسر منها شنو كاين

سهى: ا الصراحة انا فاعلة جمعوية .. عندي جمعية هنا على قبل التلاميذ لي محتاجين لمساعدة فالدراسة ديالهم .. لي كان ناقص فشي مادة ولا خاصاه شي مساعدة .. حتا كنقدمو ليهم هاد المساعدة و كيدخلو يزيدو سوايع اضافية مع اساتدة لي كيحاولو ما امكن يوصلو ليهم المعلومة بجميع الطرق الممكنة .. المهم الالة مبغيتش نطول عليك مشيش لثانوية *** و لقيت بنتك هايدي متفوقة فقرايتها الا و انها كتواجه بعض الصعوبات القلال و حنا باش نتمكنو انها ديما تكون من الاوائل بغينا نقتارحو عليها انها تسجل فالجمعية و غنكونو سعيدين الى انضمات لينا 😊

مروى: ااا فالحقيقة معرفتش شنو نقول ليك .. هايدي اه شوية كتعكل فشي حاجة لكن الحمدلله غادية مزيان و مكنضنش خصاها شي جمعية ولا سوايع يعاونوها و كنشكركم بزاااف ولكن مكنضنش انها غتوافق ولا يوافق الاب ديالها

سهى: الى كان ممكن نهضر مع البنت غير نشوفها كيف غادية في دراستها

مروى: مرحبا انا نعيط ليها

ناضت من حداها و خلات سهى متبعة ليها العين و هي مستغربة: والله معرفت غين شايفة هاد المراة مغريباش عليا .. ملامحها فايتة شايفاهم .. ففف استغفر الله فاش وحلتيني يا رعد

بقات جالسة حتا بانت ليها هايدي داخلة كتجر في رجلها و جامعة شعرها لفوق باينة حالتها واخة مغطسة وجهها بالفونديشن الا و باقي عند عينها منفوخ .. شافتها و وقفات كتشوف فيها هاد الاخيرة لي بادلاتها بابتسامة خجولة و قربات ليها شلمات عليها

سهى: نتي هي هايدي ؟؟

هايدي: اه انا

سهى: ما شاء الله .. احم لمهم مبغيتش نطول عليكم راه عاودت لماماك شنو كاين و الى كنتي موافقة معليك غير تملئي هاد الاستمارة باش تقيدي فالجمعية و مرحبا بيك

هايدي: ا شكرا بزاف على الدعم ديالكم وبكن انا منقدرش نتسجل فيها

سهى: ممكن نعرف السبب؟

هايدي: بابا ميبغيش و

قطعاتها: الى كان باباك هو المشكل انا نهضر معاه و نوصلو شي حل

هايدي بفزع: لا لا متهضريش معاه انا مبغيتش نتسجل

سهى وقفات: واخة ابنتي غنخلي ليك الرقم ديالي و الى بدلتي الرأي ديالك صونيلي اوكاي

هايدي: شكرا الالة و كنشكرك على المجهود ديالك و مساعدتك للتلاميذ

بسمات ليها فوجهها: هدا واجبي احبيبة .. دبا نخليك نتمنى نعاود نشوفك

هايدي: ان شاء الله .. مع السلامة

خرجات من عندهم و بعدات شوية حتا وصلات لوطو ديال رعد عاد ركبات و شافت فيه بحزن: مبغاتش مسكيينة بقات فيا

رعد: شنو قالت ليك و واش هي بخير

سهى: اشمن بخير على حساب ماشفت البنت ضاربها باها تحت عينها منفوخ و حتا رجلها كتبانلي كتجرها .. مسكينة باقة صغيرة و كتبان بنت الناس و حتا مها ضريفة و درويشة

رعد: واش مبغاتش تنضم لجمعيتك

سهى: لا البنت خايفة من باها

رعد: اوكي نتمناو خير

🍃🍃

فالليل جالسة مروى وسط الصالون كتسنا فراجلها رشيد يدخل حتا بان ليها الباب تحل .. ناضت وقفت و شافت فيه: بغيت نهضر معاك

رشيد: شنو كاين تاني فهاد الليل

مروى: هايدي .. بغيت ندخلها لسوايع اضافية

رشيد: علاس مالها ياك قرايتها و كتقرا مزيان

مروى: عندها نقص فشي مواد .. رشييد بنت وحدة لي عندي و بغييتها تقرا و تكون راسها

رشيد: دبا شنو المطلوب مني و اشمن سوايع و العام كمل

مروى: هادي شي جمعية جات فالصباح كتقلب على هايدي و هي غتقدم ليها المساعدة فالدروس

رشيد: واخة خليها تقيد ولكن نتي غتولي توصليها و تجيبيها

مروى: واخة كون هاني

دازت من حداه و طلعات لبيتها تنعس اما هو تبعها و داز لبيت هايدي حل عليها لباب و دخل كيشوف فيها ناعسة على كرشها و كل رجل فقنت تبسم بلا مينتابه و قرب ليخا حط يدو على شعرها كيمررها ببطئ .. بقا مدة كيشوف فيها حتا تحنى عليها باسها من جبينها و ناض خرج من البيت

🌞🌞

فالصباح بكري كانو طنوبيلات قدام باب منزل سي عبدالرحمن و هوما واقفين قدام الباب كيتوادعو من بعد كل واحد ركب سيارتو و انطالقو راجعين لديورهم كل من سهى و فهد و ولادهم و نهى و جود اما ولدهم مكاينش … انطالقو و في نص طريقهم صونا الفون ديال سهى لي هزاتو و شافت في فهد

فهد: شكون

سهى: هاء معرفتش انا نجاوب .. الوو .. ا سلام عليكم .. وي مرحبا انا ندوز عندكم دبا باش تسجل البنت .. وي ان شاء الله “قطعات”

فهد: فين غادية و شكون غيتسجل و اشنو واقع؟

سهى: حبس بعدا راه مزال غنرجع حتا للدار

شاف فيها و حبس اللوطو و من بعدو اللوطو ديال جود و رعد: سهى شنو مخبية عليا

سهى: بالعما ممخبية شي حاجة راه غييير واحد البنت غتدخل للجمعية و بغيت نرجع ندخلها هادشي لي كاين

فهد: من امتا نتي لي كتكلفي بالتسجيل ياك مخلية كلشي للمسؤول

سهى: هانتا عيط لولدك هو يشرح ليك والله انا مدرت شي حاجة

نزل فهد شير على رعد جا عندو: اش تما

رعد: مفهمتش

فهد: شنو قلتي لسهى ديير و هي تابعاك

رعد: زعمة معاوداتش ليك

فهد: دبا بلاما تختابر صبري و هضر

رعد: واحد البنت كنعرفها و طلبت الوليدة تهضر مع مها باش تدخل للسوايع هادشي لي كاين

فهظ: و انا اخر من يعلم يااك

رعد: الولييد والله ما هكاك من بعد غنعاود ليك كلشي دبا علاش وقفنا فالطريق حتا للدار و نهضرو

فهد: رجع مع مك شوف البنت قيدوها انا ممساليش نرجع معاها

ضرب فيه و ركب شاف فسهى: نزلي سيري مع ولدك كملو تخلويضكم

سهى: فهد والله ما

فهد: نزلي اسهى مفياش لي يتزايد معاك فالهضرة

شافت فيه بدون حيلة و نزلات بينما هو كسييرا و خلاها واقفة مخنزرة فولدها: هادشي لي بغيتي

رعد: صافي مكاين باس احبيبة غير ترجعي و صالحيه

خنزرات فيه و مشات قدامو ركبات و رجعو ادراجهم حتا وقفو قدام باب منزل هايدي .. نزل هو بعد من تما و خلا غير سهى فاللوطو دقات عليهم و خرجات عندها مروى و هايدي سلمو عليها و ركبو معاها

.. مشات معاهم وراتهم الجمعية و سجلات هايدي عاد رضاتهم حتا للدار و صونات على رعد باش يرجعو فحالهم

🍃🍃🍃🍃

دازو ايام و دخل الشهر المبارك رمضان و شكون فينا مكيعجبهاش هاد الشهر و تفرح بيه .. هايدي كتمشي فالصباح لليسي و من بعد لفطور للسوايع بدات تبريباري للامتيحان و رجعات مرة مرة كتهضر مع رعد في الفون هاد الاخير لي طلب رقمها و بعد تخوف و هلع عطاتو ليه واخة مكيبرزطهاش ديما حتا كيطلب منها الادن عاد كيصوني ليها زاد تعرف عليها كتر واخة مكتبغيش تفتح ليه المجال فين يتعرف عليها عن قرب و منغالقة على داتها الى و قدر يقرى جزء من شخصيتها

… اليوم كانو عند هايدي السوايع من ورا الفطور وصلاتها مها حتا للباب و رجعات بينما هي تقدمات كتقاد فشعرها لي تشنتف ليها حتا هزات عينها و هي تشوفو قدامها واقف مع احد المدرسين فديك الجمعية تفاجآت بشوفتو و تقدمات للقسم ديالها بلاما تسلم عليه قدام اصحابو .. دخلات جلسات فمقعدها و جبدات دفترها كتراجع اخر حاجة دارو حتا بان ليها داخل هاد الماركرز و وقف قدامهم زادت تصدمات عاد عقلات انه هو فايت ليه شرح ليهم و نتابهات للدرس حتا سالات الحصة .. جمعات ادواتها و تقدمات خارجة حتا سمعات سميتها و تلفتات حمرة و مزنكة ملي شافت جميع النضرات متوجها ليها .. وقف قدامها و جرها من مرفقها مبعدها من وسط التلاميذ: هايدي صفا

هايدي؛ بخير الحمدلله و نتا لباس عليك

رعد: وي صفا

تبسمات ليه: احم سمح ليا خاصني نمشي تعطلت

رعد: واش غيجي ليك شي واحد

هايدي: اه بابا

رعد: واخة اليوم غتسهري ؟؟

هايدي: اه مكنعسش بكري

رعد: واخة صونيت ليك

هايدي: احم فالصراحة

رعد: مغنعطلكش دغيا غنقطع

هايدي: واخة ان شاء الله .. نخليك دبا فامان الله

قلبات الدورة و خرجات من تما خدودها غينقز منهم الدم بكترة ما حمرين شافت باها واقف قدام اللوطو ديالو و مشات عندو باستو من حنكو و ركبات متوجهين لمنزلهم

.. دخلات لبيتها بدلات حوايجها و جلسات ترتاح شوي حتا سمعات الفون كيصوني هزاتو و هي تبان ابتسامة على وجهها و جاوبات بصوت خافت: الوو

رعد: وي هايدي صفا

هايدي: بخير شكرا

رعد: حمدلله اش خبارك

هايدي: كيف ديما هه غير الدار و الملل

رعد: هه ماشي مشكل وجدتي شي حاجة

هايدي: شوية الحمدلله

رعد: امم الله يوفق و صخاباتك كيف غاديين

هايدي: بيان كنبريباريو مجموعين

رعد: اه مزيان

هايدي: ايوا شنو كنتي كدير تما هه

رعد: غيان غير جيت نشوف الوليدين و قلت ندوز لتما

هايدي: امم مزيان الدار بخير

رعد؛ حمدلله .. هايدي مسالية غدا الى بغيتي نشرح ليك شي حاجة

هايدي: لا غدا معنديش السوايع مي مقارياش واحد الساعة فالليسي

رعد: الى بغيتي نتلاقاو و نشرح ليك

هايدي: حتا نشوف .. سمح ليا دبا خاصني نقطع

رعد: مع السلامة

قطعات عليه و هزات دفتارها ديال الرسم كتصمم و هي فرحانة حتا جات مها دقات عليها: هايدي نوضي احبيبة تسحري

هايدي؛ غير بالثحة راني فاطرة غدا

مروى: واخة ياله تصبحي على خير

🌞🌞

صباح جديد فاقت هايدي بحماس كتر من الايام الاخرى لبسات سروال جينز و شوميز قدات الدرة على راسها عاد خرجات توجهات لقرايتها .. تلاقات مع لبنات فالطريق و كملو طريقهم .. دوزو الحصص اللولين ديالهم و الحصة اللخرة مكانش الاستاد لبنات ودعوها و مشاو و هايدي جبدات الفون ديالها عيطات على رعد: الوو

هايدي: سلام .. سمحلي الى برزطك

رعد: لا مكاين حتا اشكال

هايدي: اه مزيان .. احم الصراحة مقارياش هاد الساعتين اللخرين و و الى بغيتي زعمة

قاطعها: وي واخة واش نجي عندك لليسي؟

هايدي: الى بغيتي .. راه كاينة واحد الساحة حداها نجلسو فيها الى بيتي

رعد: اوكي شوي و نكون عندك

قطعات معاه و خرجات جلسات فواحد الساحة حدا ليسي كتسنا فيه تلفتات مبان ليها حتا واحد و هي تجبد قرعة ديال الما: ففف الموت اناري

حطات القرعة ففمها و بدات تشرب حتا حسات بشي ضل قدامها و هي تهز عينيها غير لمحاتو ردات داك الما من فمها و وثفات كتكح: كح كح كح هييه ناري

رعد: بالشوية عليك عنداك

هايدي: ويلي ويلي

رعد: كالم غير بالشوية هه

هايدي: ناري اش درت 😳😳

رعد: ههه ماشي مشكل كتوقع جلسي بعدا

جلسات و راسها مبقاش هزاتو كااع مركات قداامو ولات كتجاوبو غير باه ولا لا و هو يقلب الموضوع باش ميزيدش يحرجها كتر: احم واش مزال ليك شي حاجة مفهمتيهاش راه الامتحان قريييب

هايدي: احم وي غير هاد الدرس سيتو

رعد: اوك هدا ….

بدا كيشرح ليها فالدرس و هي مركزة و وجهها ولا حمر بالشمس و الصهد مرة مرة كتهز فيه عينيها الخووضر و تعاود تحدرهم ملي كتلقاه حاضيها حتا كملو و وصل وقت مغادرتها عاد وقفات سلمات عليه : نخليك دبا شكرا بزااف و سمحلي عذبتك معايا

رعد: ماشي شي حاجة عادي و نبغيك تبشريني بنجاحك و تفوقك احم نتمنى ليك النجاح و كنت بغيت نجي نشجعك نهار الامتحان مي مغنكونش هنا مي غنتاصل بيك اوك

هايدي: ان شاء الله و شكرا

رعد: مبيناتناش شكرا راحنا اصدقاء اولا؟

حركات ليه راسها بخجل و توادعات معاه عاد تمشات قدامو شادة السكادو ديالها حتا وصلات لباب اليسي لقات مها كتسناها و مشاو لدارهم

توالات الايام و هايدي دوزات الامتحان ديالها تحت تشجيع رعد لي ولا كل يوم كيصوني ليها و يعرف اخبارها … كملات الامتحان و كتسنا فالنقط يوضحو مجهوودها هي و لي بحالها اما عند رعد راه مقابل خدمتو لي تكاترت عليه و ولا النهار كامل وسطها حتا لليل عاد كيرجع للدار يرتاح

.. غير الايام الاخرى اليوم رجع رعد بكري و هو داخل للدار كيسمع الهضرة كتييرة و الضحك حرك راسو و بانت ابتسامة مخفية على ثغرو عاد تقدم داخل حتا وقف فباب الصالون كيشوف فخوه الاصغر جالس بين سهى و رعد و حال فمو للضحك غير شافو و قف متاجه عندو حال يديه كيضحك: اهلا اهلا غير ملي شفناك هههه

رعد: ههه و غبورات هادي العود فين كنتي محشي

نايف: وااا غير القرايا الخوادري دكشي لي كاين

رعد: خبارك كلها عندي غير زييد و سكت

دخلو بزوج جلسو مجمعين و سهى مقاداها فرحة مرة تعنق هادا مرة تعنق لاخر حتا دخل فهد سلم عليهم و جلس وسطهم: شي يهودي سلم ملي تجمعتو

نايف: ههه ميكون سلم غير على يد مرتك

سهى: يعطيك المرارة الله يحفضك و ينجيك توما مالكم مع مرتو 😒

جرها فهد من عنقها خاشيها تحت يدو قاجها و هي كتغوت و هوما كيضحكو عليهم: ههه فمك مزااال خاسر خاصو شي تدكيييجة عاد يرجع صالح

سهى: و صافي صافي رخي راك جيفتيني ففف

رخى منها و ناضت كتنكر وجدات الطبلة ديال لعشا عاد ناضو تجمعو عليها كيضحكو و منشطين الجو حتا تكلم رعد: احم الوليدة غدا مسافر

سهى: فين بالسلامة

رعد: عندي شي خدمة ضرورية

شافت ففهد لي هو بدورو شاف فيها و حرك ليها راسو: شي حاجة انا لي مصيفطو ليها متخافيش

رغد: واش غتعطل ازعتر

رعد: نن منتعطلش على الزعيترة ههه

نايف: دبا انا معمرتش ليكم العين لي تابعين ليا داك بوراس 😏

سهى: و كيجي واحد و يغبر لاخر عمركم يا خلق ربي مقلتو نتجمعو حدا ديك الشارفة نفرحوها

كلهم: الشااارفة

سهى كتحرك فعينيها: ايييه غير تعبير مجازي عنداكم تمشيو بعييد هيهيهي

رعد: المهم انا غدا غنمشي و تهلاي ليا فراسك و بلاما تصونيلي حيت الفون غيكون طافي احبيبة اوكاي

سهى: و علاش غيكون طافي ياك غير خدمة عادية

رعد: و سهى راك عارفة قوانين الخدمة و صافي احبيبتي (شاف فباه) الوليد بغيت نهضر معاك

فهد: سبقني للبيرو انا تابعك

حرك راسو و ناض سبقو دخل لبيرو امام نضرات سهى لي كلها شك حتا تبعو فهد و سد من وراه الباب

فهد: ياك لباس ارعد شنو كاين

رعد “كيحك فراسو”: لا لا والو باس غير بغيت نقول ليك الى ممكن تأجل الاجتماع لي عندنا حتا لليل حيت عندي شي حاجة ضروري نقديها عاد نجي

فهد: ماشي من عوايدي نسولك اش عندك متقدي دبا مي كون هاني الاجتماع غيكون مع 8:00 فالمساء منبغيكش تأخر

حرك ليه راسو و ناض وقف خرج من عندو و داز من قدامهم كانو جالسين فالصالون مجمعين مع بعضهم و انضم ليهم واخة غير جالس مقابلهم و هوما كيضحكو مع ناييف الابن اااصغر عند سهى و فهد 25 سنة كان مستقر في كندا و رجع .. قرييب بزاف للام ديالو من كل الجوانب مقطع حتا هو الاوراق و مكيكترتش للامور ضارب الدنيا بركلة خاصو غير يزهى و ينشط .. طويل و مفورمي لي شافو ميقولش عندو 25 عام بشرتو بيضاء و شعرو فالمارون عينيه قرابين للعسلي و غير كيضورو بين راسو ماتابتينش 😂 كان كيقرا ادارة الاعمال و رجع باش يخدم مع ختو فالشركة ديالهم المختصة بالتصاميم و الازياء .. لكونهم بزوج بيهم كيهتمو لهاد الامور و بالطبع داخلة معاهم حتا سهى و الاخت ديالها نهى

بقاو مجمعين حتا لاشمن وقت عاد كل واحد اتاجه للغرفة ديالو

فهد و سهى

دخلات للجناح ديالها لقات فهد جالس فوق الفوطوي لي تما و حاط البيسي قدامو .. لابس غير شورط و من الفوق عريان .. بنضاضر طبيين و مركز فخدمتو حتا حنقزات عليه سهى جلسات فجنبو: شنو شاغل حبيبي

باسها على راسها: حتا حاجة مغتشغلني عليكم

سهى: اممم ايوا حيد عليك هاد الخدمة ماشي وقتها و نوض رتاح ليك شوية كتبان ليا عيان

حيد نضاضرو و بدا كيضور فعنقو: بففف مكدبتيش حاس براسي تقيييل

سهى: ندير لحبيبي شي مساج ترخي فيه راسك

هزها جلسها فوق رجلو و خشا راسو فعنقها: مكرهتش اعمري

ناضت عليه كتفرنس و جراتو حدا السرير: ههه اوكاي ياله تكا حتا نجي

خلاتو و دخلات بدلات حوايجها بشوميز خفيفة و هزات الزيت لي بغات عاد مشات عندو بدات كتماصي ليه فعنقو و راسو و كتافو و هو مسترخي حتا حسات بيه نعس عاد بعدات و تكات حداه مخشية فيه

فغرفة رعد كان جمع بعض من حوايجو و مشا تلاح فوق السرير هاز التيلي كيصوني على هايدي حتا جاوباتو كيف ديما بصوت خاااافت: الوو

رعد: المشيشة مزال منعستي

هايدي: هه لا مكنعسش دبا باقي الوقت

رعد: اشمن وقت باقي و الزوج قربات

هايدي باحراج: احم لا غير هو اا والو مبغاش يجيني النعاس مع الستريس ديال النقط

رعد عرفها تهربات و مبغاش يضغط عليها: ا بون غدا غيعلقو ليكم ياك؟

هايدي: سي .. نتمناو خير ان شتء الله

رعد: ان شاء الله عارفك قرايا

هايدي: غير شوية و صافي هه

رعد: هه خايفة لا نعينك ولا

هايدي: لا لا هه مكنأمنش بدكشي

رعد: اممم كوود .. مسالية غدا؟

هايدي: ها .. اا علاش؟

رعد: ناثينغ غير بغيت نبارك ليك النجاح قبل مانسافر

هايدي بحزن: غتسافر؟؟

رعد: ان شاء الله الى كتاب

هايدي: طريق السلامة

رعد: تانكس .. دبا شنو منشوفكش هه

هايدي: غدا غنقدر نخرج غير باش نمشي ليسي نشوف الطابلو و صافي

رعد: اوكي هي نشوفك تما

هايدي: واخة غنتسناك

رعد: ياله سيري تنعسي براكة عليك من السهير هه

هايدي: واخة هه بونوي

قطعات معاه و تلاحت فوق سريرها كتفرنس غير بحضها: اااااييي شحال ضريف هاد ااولد هههه (تقلبو ملامحها لحزن) مي صافي مغنبقاش نشوفو بزاف ففف علاااش غيسافر علاش … واخة ميسافرش كيف شتي انا غير خارجة و هوما حاطين ليا الكام حتا ففف اعوذ بالله نوض نقدي حاجة لراسي حسن ليا

ناضت فوق البيرو الصغير لي عندها فبيتها و شعلات غير الفيوز خفيف باش ميعيقوش بيها فايقة و جبدات اقلامها و اوراق بيضاء و بدات كتبدع و تخرج كاع طاقتها السلبية فيهم و مرة مرة تبدا تبتاسم غير بحدها حتا كتعيق براسها و تجمعها ..

شرقات ااشمس كتعلن على بداية يوم جديد .. تفتح الباب غير بالشوية و طلات مروى كتشوف في البيت كيف مرون حتا كتبان ليها بنتها ناعسة فوق الكرسي و راسها على البيرو عوج شافتها و هي تعوج سيفتها: باز على بنت واش بغات تكبر شحال من مرة كنقول ليها تننننعس و تفرق على الكواغط بففف غتحمقني

قربات لجيهتها و بدات كتحرك فيها غير بشوية: هايدي فيقي احبيبة نعسي فبلاصتك .. هااايدي وا فيقي براكة من النعاس

بدات كترمش بعينيها لي باقين منفوخين بفعل النعاس و شافت فمها عينيها كيبريو مع الشمس: صباح الفل

مروى: ويتو ويتو على الزين ديالي نوضي احبيبة تقادي فنعستك نوضي راه باقي الوقت

نوضاتها خشاتها فبلاصتها و بدات كتجمع ليها فبيتها حتا طاحت عينها على الاوراق لي كانت كترسم فيهم هايدي و هي تلقا رسم لملامح شي شخص بقات كتحقق فيهم و معرفاتش ديالمن و هي تهزها كتشوف فيها و تشوف فبنتها: شكون هادا لي بايتة ليل كامل كترسمي فيه امم .. شكون غيكون اهايدي شكوون

شافت فيها ناعسة و هزاات ادواتها طرفاتهم ليها عاد خرجات كتوجد في الفطور حتا كيوقف عليها راجلها السي رشيد: مروى بغيت نهضر معاك

مسحات يديها و ضارت عندو باستفسار: الله يسمعنا خبار الخير شنو كاين

رشيد: فكرت مزيان و لقيت بلي احسن حل هو تجي خديجة و لبنات يسكنو هنا معاكم

مروى بصدمة و عدم التصديق: هه ششش شنو ااش بغيتي تقول ؟؟؟

رشيد: كلشي باين انا راني عييت نصير على زوج ديور راني غير بوحدي معندي كيف ندير ليهم بزوج و منقدر نسمح فحتا واحد و فهميني شوية

مروى بانفعال: ااااش غنفهم هااا اش عندي منفهم واااش تسطييييتي ولا مااااااالك … اش غتقوووووول لهااايدي شنووو …. بااااش غتفهمهااا هياااا دوييي

رشيد بالغواات: فهميييها ولا تفههههمك ماسووووقيييش انااا و كيف مكان الحاااال راه غتعرفففف حتالين غتبقاااي مخبية عليييها الموضووووع هاااا

ياله بغات تهضر و هي تشوف هايدي جايا عندهم مخلوعة كانت لابسة حوايجها باش تخرج سروال جينز و طوب فالكحل و جامعة شعرها كوتشفال: ماما شنو كاين الغوات كيتسمع من الفووق

مروى بعصبية: والو والو هاكي (جبدات الفلوس من بسطامها و مداتهم ليها) سيري فطري برااا و شوفي نقاطك راه مزال موجد اافطور هنا

هايدي: ماشي مشكل انا مغانمشيش دبا .. (شافت فباها) بابا شنو كاين

شاف فيها مخنزر: سيري قابلي قرايتك و خرجي من الشبوقات لي بعاد عليك

شافت حتا عيات و شدات دوك الفلوس بالنترة و هزات السكادو ديالها و خرجات طالع ليها الخز لراسها .. ديما الصداع في الدار .. فين مكان باها كينوض الصداع .. حتا ولفات مبقاتش كتهتم ليهم … جبدات الفون ديالها لقات باقي الوقت.. خدمات الميوزيك ديالها فالكيت و زادت مع الطريق حتا كتوقفها شي يد تحطات على كتفها

هزات عينيها مخنزرة حتا شافت ولد جيرانهم: شكاين

الولد: امالك شاعلة على الصباح

هايدي: اش بغيتي الضحية راني ممسالياش ليك

الضحية: فين غادية بعدا

هايدي بنرفزة: وااااش شغلك الزبل بععععد منييي الله يرحم بااك متصدع ليا مخي حتا نتا

الضحية: اه اه اه هاني غادي بغيت غير نقول ليك راه العضة كان كيسول عليييك البارح بغا يشوفك

هايدي: كيفاش ؟؟ واش محمد جاااا

الضحية: ايييه الالة جا لبارح و كان بغا يشوفك و ماكنتيش ولا معرفت ليك

هايدي: صافي شكرا و عفاك الى شفتيه دبا قول ليه يجي عندي داااابا لسناك لي حدا اليسي غنتسنااه تما الله يعزك

الضحية: كوووني هاانيا الحب

هايدي: تحبك لفعة و تعاودك جرانة تفووو على زبل كيف داير

زادت و خلاتو غير كيشوف و يحك فراسو

وصلات هايدي للسناك و خدات شنو بغات عاد جلسات كتفطر بالشوية عليها و عينيها خاشياهم فالفون حتا كتقفز من بلاصتها على صوت سميتها

محمد: هااااااااااااييييييديييييي

ناضت قافزة و عينيها كيلمعو ملي شافتو جا باتجاها غوتات بالجهد و الضحة ففمها: العضضضضضضاااااااا هههههههههه

تلاحت عليه عنقاتو ولا بجغاتو هههه شاداه مجيفاه و كتضحك كيف شي حمقة و هو كيبعد فيها: حيدي الدحشة خنقتيني

هايدي: هههه ناااري والله حتا توحشتك هههه

محمد: عليييها مستقبلاني بالمعيووور 😏😏 شحال من مرة كنقول لمك متبقاااااااايش تعيطيلي هكاك مال مك شوووهة

هايدي: هههه و صافي ولفت عليييها ههه غبرتي عليا حشومة عليك

محمد عنقها من كتافها: هانا رجعت هه مبقيتش نغبر مرة اخرى

هايدي: ايوا هكاك ههه واش شافتك ماما ولا مزال

محمد: لا مزال ممشيت عندها كيف دايرة خالتي مروى لباس عليها توحشتها

هايدي: بخير والله حتا توحشاتك حتا هي شحال من مرة كتسولني عليك

محمد: بغيت نمشي عندها مي كاين باك مقدرت نمشي ههه جنوني مكيحملوه هههه

هايدي: هههه مالك مالك راك عزيز عليه واخة هكاك

محمد: اييه الله يدومها معزة الاخت … ايوا سمعت ليوم لي نوت هيا شي زردة

هايدي: البعاااابع الى سمعت غير كلمة زوييينة منقولها لحد

محمد: انا نزرد لحبيبيتي مالكي رخيصة عليا

هايدي: ربي يخليك ليا امومو ديالي ههه

محمد هو الصدييق المقرب لهايدي و في الاصل خوها بالرضاعة ماتت الام ديالو ملي تزاد بشي 5 شهور و كانت الصديقة الوحيدة عند مروى و ملي ماتت هي تكلفات بيه و كانت كترضعو مع هايدي لي كانت ياله تزادت…

كانت كترضعو مع هايدي لي كانت ياله تزادت .. سكن معاها شي خمس سنين حتا وعا و لا يعرف و خرج مشا عند جداه من بعد الهضرة الي كان كيسمعو سي رشيد هز راسو و هو صغير و مشا عند جداه حتا ولات عندو 14 عام و هي توفى حتا هي من تما خرج من القرايا و ولا خدام هلى راسو و كيبريكولي منين ما كان المهم يعيش بعرق كتافو ميتقل على حد حتا لواحد النهار هز راسو و سافر يقلب على خدمة و عاد رجع

هايدي: محمد ديالي نوض معايا حتا ليسي نشوف اش واقع و نرجعو؟

محمد: ههه هاد ديالك مبغاتش تحيد منك

وقفات و عنقات ليه دراعو: و ياك نتا ديالي ههه عادي نقولها ليك

ضحك ليها و مشاو ليسي

* عند رعد

كان شاد الطريق فاتجاهو عند هايدي يشوفها حتا صونا الفون ديالو

رعد: اش كاين

ناييف: و فين اصاحبي جيت عندك للدار ملقيتك

رعد: ممساليش ياك مكاين باس

ناييف: والو كنا بغينا نتجمعو مع الدراري

رعد: مرة اخرى (قطع)

دخل مع شوارع لمدينة و هو فطريقو كيلفت انتباهو رجل هاز صندوق متوسط هاز فيه مجموعة من القنيات .. شاف فيهم و تبسم فاش تفكرها

💭 هايدي: دخلت شي نماذج عندي في الفون الى بغيتي تشوفهم

رعد: اه واخة اري نشوف!

جبدات التيلي و شعلاتو و على اترو بانت الشاشة فيها هايدي هازة قنية في يدها و باين فعينيها الفرحة .. شافها رعد و تبسم: ههه قنية هازة قنية اخرى

هايدي بخجل: هه كيعجبوني هاد القنية كانت عند جداتي و كانت عزيزة عليا ملي مشيت عندهم للبلاد صورتها هه

رعد ساهي فيها: اممم هي كيعجبوك القنان

هايدي: اه ههه كيجيوني حنان و كيوووت ههه

رجع بذاكرتو للحاضر و حرك السيارة من الطريق حيت كان سادها

🍁 هايدي🍁

دخلات ليسي كتشوف في بنادم كيتداخل يشوف راسو اشنو استافد من طييلة السنة و واش قدر بكفائتو العقلية و شنو تعلم فهاد العام كامل انو يتجاوز هاد المرحلة و ينجح .. اما هايدي بقات اللور بعيدة معندهاش مع هاد الضيق و تزاحم باش تشوف .. بقات واقفة كتسنا تخفاف الحركة شوية و والو لي شاف ليه يجلس مجمع مع صحابو و ينممو فبنادم .. شافت حتا عيات و هي تبدا تنفخ و تغبن على محمد .. هزات راسها فيه حيت هو طويل عليها واخة حتا هي طويلة الا انو فايتها فالطول .. شافت فيه وججها حمر من الشمس لي ضاربة فيها قوسات عينيها باش تقدر تشوف فيه هايدي: ميمو ديالي عفاك سير شوف ليا نتا شنو كاين ههه منقدرش ندخل وسط هاد القوم كامل ههه

محمد: هههه نتي هي سيندريلا 😏

هايدي: انا حسن منها 😉

تقدم محمد وسط التلاميذ لجهة الطابلو لي معلق … بدا كيقلب على سميتها بين الاسماء حتا لقاها وسط الناجحين .. ظهرات على وجهو ابتسامة و دغيا جمعها و تقدم خارج عند هايدي لي واقفة كتسنا فيه على نااار و لي شافها من برا يقووول هادي ممهتمااش نهائيا

هايدي: امضرا

محمد بوجه مخطوف و حزن: هايدي مديريش فبالك ولكن ديك النقطة لي كنتي باغة مكايناش 😔

شافت فيه بملامح جامدة لمدة بلاما ترمش حتا فيقاتها دمعة وحيييدة على خدها .. رمشات بالزربة و مسحات ديك الدمعة لي نزلات .. شافت فمحمد لي متبع حركاتها حتا بانت ليه غادية خارجة و هو يجرها من يدها: فين غادية

هايدي: للجايحة الكحلا تمشي معايا؟

محمد: واخة تمشي لجهنام غنتبعك ههه

هايدي: طلق يدي امحمد مراشقاش ليا

جرها محمد عنقها كيضحك: ههههه مال مك حمقة هههه راك نجحتي ااحمقة و بمعدل عااااااالي هههه مبرووك عليك

ظهرات ابتسامة خفيفة على شفايفها و دغيا جمعاتها و هي تدفعو عليها: بععععد مني الحمار الحييييماااري لا لا انا لي حمارة دايرة فيك راسي و مصيفطة حمق بحالك يشوف ليا بغيتك تشوف العداب

محمد: هههه راك نتي لي حمقة متيقاااني ههه علاه نتي ساهلة باش متجيبيش النقطة عارف مك قادة بقدودك هههه

هايدي: ههه الله يمسخك غنمشي عند الناضر يعطيني بيان النقط الى بغا

بعدات عليه داخلة الادارة و هي تلاقا مع لمياء و نورة .. تعانقو مع بعض و بداو كيباركو لبعضهم

لمياء: هههه الله يبارك فيك ازين واخة ماشي شي نقطة مي الحمدلله ناجحين

نورة: هاي هاي على العفيريتة جبتي نقطة عاالية يمكن نتي اللولة في الليسي

هايدي: لا تزيديش فيه عادي ماشي شي حاجة

لمياء: من نيتك .. انا بعدا كون جبت هكاك تلقايني دايرة الزردة للدروبة كاملين

نورة: دبا غتقدري تجيبي نقطة ممتازة فالباك و تلتاحقي بالمدرسة لي كتمناي

هايدي: ان شاء الله

قاطع حديثهم صوت تيلي هايدي جبداتو و هي تطلع سميتو .. بعدات شوية على البنات و جوباتو: الوو

رعد: صفا

هايدي: بخير و نتا

رعد: سوووبر .. فينك دبا واش مسالية؟

هايدي: اه انا فالليسي مي كملت صافي

رعد: هي نشوفك دبا؟

هايدي: واخة ..

كملات معاه الهضرة و رجعات عند لمياء و نورة لي كانو عينيهم مراقبينها ملي بدات تهضر جتا قطعات

لمياء: وليتي تخبي علينا اممم

نورة: علاه هي فين عمرها عطات نيتها 😏

كملات معاه الهضرة و رجعات عند لمياء و نورة لي كانو عينيهم مراقبينها ملي بدات تهضر جتا قطعات

لمياء: وليتي تخبي علينا اممم

نورة: علاه هي فين عمرها عطات نيتها 😏

هايدي: اش غنخبي عليكم مكاين والو و فين عمري خبيت عليكم !!

نورة: و ديييما (تنهييدة)

هايدي صغرات فيهم عينيها: الى كتقصدو شي حاجة جيوني فاص بلا مراوغة

لمياء بقلة صبر: كيفاش درتي حتا جبتي هاد التقطة العالية و نتي ديما كتقولي لينا مفاهماش محافضاش ممزعتراش و دبا جيتي نتي اللولة كيف درتي ليها

هايدي: هاا .. هدشي لي شاغل بالكم؟

نورة: وايييه

هايدي: واحد الحاجة الاخوات .. انا خدمت عقلي و الحمدلله مجهودي ممشاش غير هكاك و نزيدكم عمري قلت ليكم مكنقراش ولا مفاهماش ولا شي حاجة فبلا متقولوني شي حاجة انا مقايلاهاش و لي بغا يقرى راه كيقرا ممحتاجش واحد اخر يقول ليه سير دير هاد الحاجة ولا اجي نحفضو ولا شي لعبة و كل واحد و العقل ديالو و شنو هااز

نورة: مالك اختي خرجتي فينا عينيك حنا غير هضرنا معاك و لمياء عندها الحق عمرنا شفناك هزيتي شي كتاب و دبا جيتي نتي اللولة

هايدي بثبات: اولا انا مكنخرج عيني فحد و تانيا ماشي ضروري تشوفوني هازة لكتوبة و نضور من قنت لقنت باش نتسمى راه كنقرا .. ملي كنتو نتوما عاطينها للخراجات و الدوران و الراحة و النعاس ديك الساعة كاين لي كيبقا النهار كامل ساد عليه باش فاخر العام يفرح و الحمدلله الله مكيخيب حتا واحد 😊

ضربات فيهم و زادت عند محمد لي كان واقف مع شي دراري: ميمو ديالي ياله نمشيو

تسالم مع صحابو و زاد معاها غادية متكية على دراعو و باين فيها مقلقة .. شاف فيها محمد و ميك حتا ترتاح و يعرف مالها .. في طريقهم شافت اللوطو ديالو واقفة و هي تظهر على وجهها ابتسامة بريئة و عينيها بان فيهم لمعة في شكل .. شافت يدو لي حاطها على السرجم ديال اللوطو و عينيه متبعينها .. هزات عينيها فمحمد و جراتو معاها: ميمو ياله غنعرفك على واحد الشخص

محمد: و غير طلقي مني و نتي شانقة عليا

تمشات ناحيتو و هو غير شافها جاية خرج من اللوطو كيهز فسروالو .. لابس تيشرت فالابيض و سروال جينز .. داير نضاضر على الشمس و الفون ديالو هازو فيديه

وقفات قدامو هايدي بابتسامة و سلمات عليه: سلام

رعد و عينيه فمحمد مخنزر فيه: هايدي صفا

هايدي: وي بخير .. نقدمكم هه محمد هادا رعد اا استاذ و هادا محمد خويا

رعد باستغراب: خووك؟

هايدي: اه خويا ديالي ههه

محمد خربق ليها فشعرها و مد يدو سلم على رعد: متشرفين اسي رعد

رعد اكتفى فقط يحرك ليه راسو بابتسامة .. شاف فهايدي و حك على ذقنو: مبروك النجاح

هايدي: شكرا الفضل كيرجع ليك ☺

رعد: نن نتي نجحتي بفضل مجهوداتك اا ياله نحيدو من هنا كاينة واحد الكافي قريبة “شاف فمحمد”

محمد: ممسالينش دبا مرة اخرى ان شاء الله .. هايدي مشينا ؟

شافت هايدي في رعد لي مطلع حاجبو و رجعات هضرات مع محمد: ميمو ديالي غير سير نتا دبا انا شوية و نجي واخة؟

محمد: امم واخة .. الله يعاون

مشا محمد و هايدي شافت فرعد لقاتو مراقبها و هي تقلب عينيها تشوف فبلاصة اخرى باش تفادا شوفاتو

رعد: مشينا؟

هايدي: ها! .. اا واخة

تبسم و مشا فتح ليها اللوطو .. شافت هي فجنابها مبان ليها حتا واحد و هي تطلع

ركب هو فبلاصتو و ديمارا .. من بعد مسافة قلييلة وصلو واحد الكافي دخلو و شدو بلاصة بعيدة على الصداع

هايدي غير جالسة و تفرك في يديها حاسة بشوفاتو عليها .. غير كتهز راسها تلقاه حضيها و تشوف فبلاصة اخرى .. حتا قاطع داك الصمت ااسيرفور خدا طلبهم عاد هضر رعد: ايوا هي شي حفلة بمناسبة نجاحك هه

هايدي “بضحكة خجولة”: ههه ايه مرحبا

رعد: هه زعمة تعرضي عليا

هايدي: و علاش لا نتا اللول لي غنفكر فيه هه

رعد: امم هي موالفة تفكري فيا ؟

هايدي: ها .. اه زعمة ل لا بغيت نقول نتا لي عاونتيني ضروري نعرض عليك

رعد: هه ان شاء الله

هايدي بغات تبدل الموضوع: مقلتيش ليا فين مسافر هه

رعد: نيويورك

هايدي: بصااح .. واش غادي فاكونس ولا عمل

رعد: عمل هه

هايدي: امم الله يعاونك

سكتات و حتا هو خلاها على خطرها عارفها مزال ممطلوقاش معاه فالهضرة .. جلسو شوية و ناضو ركبو تاني .. شاف فيها و هضر

رعد: جبت ليك واحد الكادو ههه مي معرفتش واش غيعجبك

هايدي: هه مكانش عليك تعذب راسك والله

رعد: ياله نبعدو من هنا و نوريه ليك

زاد مع الطريق حتا بعد على الازقة الشعبية و وصل لحدا واحد اانهر صغير عاد حبس و نزل .. ضار عندها حل ليها الباب و نزلها .. شد ليها فيدها و جرها من وراه حتا لكوفر و حلو .. شافت فيه و هي مستغربة حتا تحلو عينيها على وسعهم و فلتات يدها من بين يدو و حنقزات على الصنيديق الصغير كتضحك و الفرحة باينة على وجها: واااو ههه غزاااالين .. وينو وينو شحاال كيوت هههه “تلفتات عند رعد” واش دياولك ههه

حنقزات على الصنيديق الصغير كتضحك و الفرحة باينة على وجها: واااو ههه غزاااالين .. ويتو ويتو شحاال كيوت هههه “تلفتات عند رعد” واش دياولك ههه

شاف فيها رعد و تبسم ليها: لا ديال واحد القنية كتحماق عليهم هه

هايدي بفرحة و مشات قربات عندو: نووو .. متقولش دياولي ههه

حرك راسو باه و هي طير عليه عنقاتو كتضحك و تغوت غير بحدها فرحانة بيهم .. اما رعد غفلاتو بقا غير كيشوف و احساس في شكل حس بيه ملي عنقاتو .. هز يدو ببطئ و مررها على ضهرها .. حسات بيه هايدي و هي توعا على راسها و بدات كتبعد عليه و وجهها ولا حمر مزنكة: اا س سمح ليا .. غير الفرحة .. مقصدتش

اكتفى فقط يحرك راسو و قرب هو هز الصنيديق لي كانو فيه زوج قنيات(ارانب).. قن و قنة .. شاف فيها رعد: ايوا شنو غتسميهم هه

هايدي: معرفتش ههه القنية غنسميها كاتي ههه و القن معرفتش

رعد: زويينة بحال مولاتها .. دبا خاصك سمية ليه هو

هايدي تصمرات غير من الكلمة لي قال ديال زوينة بحال مولاتها ولات غير كتفرنس: هه معرفتش شنو بان ليك فرامي ههه

رعد: مزيانة هه ايوا هانتي بقنانك ردي ليهم البال و نتمنا يعجبوك

هايدي: ماشي غير عجبوني حمقووووني ههه شكراا بزااف

رعد: حميمقة هه

مشاو جلسو و هايدي غير كتلعب مع دوك القنان لي كانو مزال صغاار و كيوت .. تحط واحد و تهز لاخر و رعد غير مقابلها .. بقاو مدة تما مرة يهضرو مرة يسكتو و سولها رعد على محمد لي عاودات ليه بلي غير خوها فالرضاعة و كيفاش عاش معاهم حتا رجع دبا من بعد سفر طويل .. جمعو الوقفة و ناضو مشاو للريسطو كان بعيد على المدينة و راقي .. مفيهش بنادم بزاف و هادئ .. دخلو و جلسو طلبو شنو ياكلو حتا سالاو و ناضو خرجو تاني ..

دوزو النهار كامل مع بعضياتهم غير الضوران و الضحك و بدات هايدي كتلق راسها مع رعد لي بين ليها اهتمامو و حنيتو معاها .. دوزو النهار غير مساريات وراتو المدينة مزيان و نسات كلشي و رتاحت من الصداع اليومي لي ولات كتصبح عليه ديال وليديها .. غربات الشميسة و جا وقت يمشي حتا رعد .. كانو راكبين في اللوطو و سايك حتا قرب لفين كتسكن و هو يحبس .. شاف فيها مطولا و هي غير كترمش حتا بان ليها كيقرب عندها .. توترات و معرفات كيفاش تصرف .. حط يدو على خدها و قرب بوجهو حتا حسات بنفسو كتضرب فوجهها .. عينيها مبقاوش رمشو حتا حسات بشفايفو على جبهتها و هي تغمض عينيها .. كتحس بقلبها بغا يسكت من كترة دقاتو المتسارعة

كتحس بقلبها بغا يسكت من كترة دقاتو المتسارعة .. احاسيس متلخبطة .. شعور غريب حسات بيه ديك الساعة .. يديها ولاو حمرين من كترة ما كتفرك فيهم .. اما رعد فمعرفش شنو لي دفعو يدير هكاك تابع غير بشنو كيحس .. نزل عند ودنها و همس ليها بصوت خااافت و فيه بحة: تهلاي فراسك

حسات بلحمها شوك مع هاد القرب كامل و الهمس لي عند ودنها خلا لحمها بورش .. بعد عليها بالشوية و شاف فيها هي لي كانت مغمضة عينيها و حلاتهم ببطئ .. شافت فيه و نطقات: حتا نتا تهلا فراسك .. بسلامة

نزلات و هزات الصنيديقة ديالها هزات يدها دارت ليه باي و زادت مع الدرب اما رعد بقا حاضيها حتا غبرات عاد كسييرا فحالو

🍁 عند رغد و نهى 🍁

كانت جالسة وسط المكتب ديالها و هازة شي وراق كتقرا فيهم بانتباه .. لابسة سروال كحل مع طوب في الابيض و فيست فالبينك .. لاحت عينها على الفون لي كان فوق البيرو شافتو كيشعل و يطفا حيت في الخدمة كتخليه صامت .. شافت سمية خوها و جاوبات: وي ناييف

ناييف: مغاتجيش للدار راه داك الزعتر ديالك غيسافر اليوم

ناضت قافزة: ويلي نسييت .. صافي انا جايا دبا

ناييف: غير بالشوية فالطريق عارفك طيارة

رغد: و صافي كون هاني

قطعات معاه و ناضت هزات دوك الاوراق .. خرجات من المكتب ديالها ة اتجهات للمكتب ديال خالتها .. دقات و دخلات عندها .. كانت نهى جالسة فالبيرو ديالها و كتشوف فالتصاور ديال العارضات لي غيقدمو التصاميم حتا دخلات عليها رغد

رغد: حبيبة دخالتو

نهى: مالكي تاني

رغد: خاصني نمشي دبا و هادشي “حطات ليها الاوراق” خاصو يتراجع دبا و يتفيكسا .. عافاك كمليهم ليا

نهى: علاه نتي فين باغة تمشي

رغد: رعد غيمشي اليوم و بغيت نمشي عندو

نهى: اه سلميلي عليه و قوليه طريق السلامة

رغد: مبلغ يالحبيبة

باستها و خرجات كتزرب فماشيتها رجعات هزات صاكها و التيلي و خرجات كتمشا بكل ثبات و اناقة و منين ما دازت كيحيوها الموظفين و ترد عليهم بابتسامة .. خرجات لبرا لقات اللوطو ديالها جابها ليها السيكيريتي ركبات و اتاجهات للدار لي كانت بعيدة شوية على المدينة جات فبلاصة هادئة و مكيدخلوش ليها وسائل النقل بزاف .. غادية و كتزيد فالسرعة باش تلحق خوها حتا فجأة خرجات ليها طوموبيل من الجنب جات قدامها و رغد بديك السرعة لي كانت غادية بيها ما لحقاتش تفراني و دخلات فيها

🍁 عند هايدي 🍁

غادية فالطريق قلبها باقي كيضرب بسرعة و يديها عرقانين .. تفكرات بوستو ليها لي كانت على جبينها و هي تظهر ابتسامة على ثغرها .. عنقات داك الصنيديق و تمشات بخطى سريعة حتا وصلات لباب الدار .. قلبات على السوارت ملقاتهمش و هي تدق في الباب .. بقات كتسنا شوية حتا تفتح الباب و بانت ليها مرا طويلة و غلييضة مكدرة .. ملامحها سمرين و عاكفة راسها .. لابسة بيجامة طوييلة و مكفداها من يديها مع خمالة على نصها .. شافت فهايدي و نطقات: علامن كتسولي ابنيتي

هايدي بكترة الصدمة رجعات حتا طلعات راسها مع الدار و شافت الرقم عاد دوات معاها: من نيتك اطاتي

المرا: كيفاش هادي تاني .. تي علامن كتقلبي

هايدي خنزرات فيها و لاحت عينيها فوسط الدار كتأكد واش نيت دارهم هادي .. بانت ليها هي و هي تدفع الباب و دازت من جنب ديك المرا لي تابعها كتغوت: اجي نتي فين غادية اديك الصفريطة رجعي خرجي من الدار

مشات هايدي ممسوقاش لكلام ديك المرا وقفات فوسط الدار و هوما يبانو ليها زوج بنات جالسين فالصالون.. راسها عاد كيفور .. شكون هادو؟..شنو كيديرو فوسط دارهم؟.. مفهمات والو و هي تعيط بالغوات: ماماااااا

المرا: ااه نتي هي بنت هديك

هايدي خنزرات فيها: هديك عندها سمية الخالة

ديك المرا ميقات فيها و مشات جلسات حدا بناتها كيشوفو فهايدي و يطلعو و ينزلو

ابنت1: شوفي اماما شحال زوينة

بنت2: و منيين جاها شوف كيف صفريطة اللون معندها تقول كتاكل لحجر

خديجة: شوف كيف عوجة كيف لمنشار بغات تاكلني عند الباب قليلة الترابي بحالها بحال مها

البنت1: انا بعدا عجباتني شوف عينيها شحال غزالين جاتني كتشبه لفريدة ديال سامحيني هه

البنت2: نوضي اسارة قودي من حدايا شفتك كتشكري فيها

سارة: اويلي و مالها اش دارت ليا امريم عادي

مريم: تفوو على بنت كيف دايرا ديما معكاسة يخ

ناضت هي و مها للكوزينة و بقات سارة جالسة و حاضية هايدي كتمشي و تجي و كتسنا فمها تنزل عندها .. ملي شافتها تعطلات هزات السكادو ديالها من الارض و صنيديقها و طلعات لبيتها بغات تحلو لقاتو مسورت و هي عمرها سورتاتو زادت تعصبات و حطاتهم فجنب الباب و دازت لبيت مها .. دقات زوج دقات خفاف حتا فتحات عليها مروى عينيها حمرين و منفوخين باينة كانت كتبكي و وجها صفر مفيهش اللون .. جرات هايدي دخلاتها للبيت فين كان باها و جلسات فوق السرير حادرة راسها معارفة متقول ..

.. شافت فيها هايدي بخوف و نطقات: ماما مالكي .. شنو بيك مال عينيك منفوخين

هزات عينيها فباها لي كان واقف داير يديه ورا ضهرو و مخنزر: بابا مال ماما و شكون دوك الناس لي لتحت .. فهموني مالكم راه مبقيت فاهمة والو

رشيد: انا غنشرح ليك كلشي

شافت فيه مروى بعينيها مغرغرين: رشيد عفاك

هايدي حسات بشي حاجة غريبة بيناتهم و هي توقف قدام باها: عاود ليا شنو واقع هنا و شكوون دوك الناس

رشيد: هدوك الناس عائلتك

تصدمات وطاحت فبالها حاجة وحدة الريق نشف ليها و غصة وقفات ليها فحلقها .. رجليها حسات بيهم مبقاوش هزينها ولكن رغم كلشي مبينات قدامهم والو كتشوف فيهم جامدة و نطقات بصعوبة: ووواش ننتوما تبنيتوني؟؟

وقفات مروى و شداتها معنقها: لا لا نتي بنتي نتي .. نتي هي حياتي “كتبكي” سمحي ليا خبيت عليك هئ هئ

هايدي تملصات من بين يديها كتشوف فيها كتبكي و وجهها ولا حمر مع هي بيضة دغيا حمارت: ملي انا بنتكم.. ككيفاش هاد عائلتي

رشيد: هدوك خواتاتك

صدمة اخرى صافي هادي حشات ليها الركابي مبقاتش قادرة توقف و هي تجلس فحافة ااسرير: هه!! عاود شنو قلتي

رشيد بقلة صبر: راني قلت ليك اش كاين متبدايش تخوطري عليا … لي كاااين هو هدوووك لي لتحت خواااتااااك و لخرى مرت باااك شنو مفهمتيش فهدشي !!!!

هايدي الصدمات غير كيلاوحو عليها .. بقات جامدة و هزات عينيها فمها لي كتبكي: تزوجتي على ماما ياك؟… هادشي علاش كتغبر بالشهووورا و تجي تقول لينا خدااام .. “بالغوات” هضاااااار … قول نتا كتمشي عند ديييك الحمااارة من وراااانا

مزال كتغوت حتا تزعزعو سنانها من حر الطرشة لي ضربها باها و مال حنكها

رشيد: متعلييييش عليا صوووتك و حتااارمي راسك

هايدي بانفعال حيدات الشعر على وجهها و قربات ليه: و الى محترمتووووش شنووو غدييير هاااا؟؟ غتضرببببنيييي؟؟؟ .. غييير ضرب اصلا لحمي تعود على الضرب .. شنوووو جااااتك النفس على مراااتك هاااا ؟؟

قطعاتها مروى جراتها من دراعها: هايدي الله يرضي عليك صافي سكتي ابنتي

كتحس بغصة فحلقها ممخلياهاش تنفس و يديها كيترعدو .. عينيها مكيرمشووش و رغم كلشي ما درفات حتا دمعة محافضة عليهم فداخلها .. تنترات من يدين مها و غوتااات: مسااااكتااااااش كتسمعييي مغنسكتش … كنت ديما ساكتة و محتارمة كلشي الكبير و الصغييير … و نسمع لهضرتكم و نسسسسكت كييييضربنيييي ظلم و نكمدهاااا و نسسسسكت

دييييما يقلل منييي قداااام الناااس و نخليييها فقلبيييي و نسسسسكت ولكن بااااش يجيييي و يقوووول بدم باااااارد هاااادي مرتيييي و هاااادوك بناااتي و خواااتااااتك مغاااااديييش نسكت كتسمعييي مغاااديييش نسكتت

رشيد محافظ على تخانزيرتو: هايدييييي جمعي فمممك ولا غنهرسو لتاصييلت مك

هايدي: مجااامعاااهش والله منجمعووو .. علاش غنجمعو هااا؟ شحاال جمعتو درتييي ليا شي قيييمة ولا شي مكاانة فقلبك ها؟ لااا!! عممممرك حتا جيييتي عندي و قلتي ليا كلمة زييينة حتا كلمة بنتييييي عمري سمعتها من فمك و داااابا جاي كتقووول ليا عندي بناااتتييي و تقبليييهم راه خواتاااتك …لا لا رااااك غااالط الى ضنيييتي غنحدر ليييك تاني راااسي و نزم دلقوشي و نسكت كيف كللللل مرة

هايدي كان قلبها عااامر و كااع دكشي لي كانت تخبيه فقلبها و عمرها بيناتو لشي واحد حطاتو ليهم اليوم فوق الطبلة … هاد الخبر لي قال ليها باها خلا كاااسها يفيض و تفقد اعصابها و تخرج كااع دكشي لي كيضرها و كانت تخبيه فقلبها حتا تكون بحدها و تبقا تبكي .. اليوم خرجات كلشي باش تقدر ترتاح شوية هاد الخبر خلاها تفقد دااك الشوية ديال الصبر لي كان باقي ليها و تفقد السيطرة على راسها

شاف فيها باها و جا شدها من دراعها مقربها ليه كيهضر بين سنانو و مروى غير جالسة و تشوف معندها مادير: متهزيييش عليا صوووتك و انااا مطلبتش منك تقبليهم هااادوووك بناااتي عجبك الحال مزياان معجبكش مسوقيييش و بااش تكوون فبالك مك هي لي داااخلة عليييهم ماشي هوما

دفعها من يدها و هي طاحت على السرير مخرجة عينيها فيه: شششنووو..؟؟؟

🍁 عند رغد 🍁

خرجات من اللوطو مدوخة و شادة فراسها .. بقات مدة متكية على باب اللوطو حتا حسات بالدوخة مشات عاد هزات راسها و شافت فاللوطو لي قدامها .. دخل معاها الخوف و تقدمات بخطى سريعة جهة اللوطو: ناري اش درت.. ميمتي خرجت فيها

تقدمات و هي تشوف راجل خارج من اللوطو شاد فراسو .. زادت حتا لعندو مخلوعة و شافت فيه .. كان طويل و يديه عامرين شوية .. شعرو كحل بحال لون عينيه و لحية خفيييفة ..

رغد: سيدي نتا بخير؟

….: بخير بخير

رغد: غير سمحلي مشفتكش والله .. مقصدتش نخرج فيك و اصلا نتا لي خرجتي على غفلة قدامي

…..: عارف .. عارف و كنعتاذر منك ا انسة …

رغد: رغد .. لمهم كنتمنى متكونش متأدي و الى بغيتي نعيطو ل ….

….: “قاطعها” لا لا مكاينش لاش سمحيلي ا انسة رغد .. انا سميتي وليد

رغد: متشرفين اسي وليد “جبدات كارت فيييت” انا غنتكلف باصلاح اللوطو ديالك عيطلي هنا و غنتكلف و كنعتاذر اسي وليد

شد من عندها الكارت و هي رجعات لوطو ديالها ركبات و كسيرات مرة اخرى حتا وصلات امام الفيلا ديالهم لي كانت فمكان هادئ و مكايدوزش بنادم بزاف من تما .. فتحو ليها الباب و دخلات خلات اللوطو محلولة و عطات السوارت لسيكيريتي هو يباركيها و دخلات كتزرب فخطواتها: مامااااا فيينك

كانت سهى جايا نازلة من الفوق: اللقوى مالك على الصداع

رغد: فين داك الزعتر ياكما مشا

سهى: لا راه باقي حتا ماجا للدار .. اجي مالك نتي اللون طاير منك ياكما وقعات ليك شي حاجة

رغد “بتلعثم”: اا للا اش غيكون وقع ليا هه

سهى: كدبي على شي واحد اخر .. دبا قولي مالك

رغد: ففف والو غير خرجت فواحد السيد 😁

سهى: اويييلي ياكما تضربتي نتي هاا!! “كتقلب فيها و رغد كتبعد”

رغد: و سهىىى واش انا واقفة قداامك و غيكون وقع ليا شي حاجة بفف حتا نتي راه غير قستو ماشي شخشختو و اصلا موقع والو غير ضريبة صغييرة فلوطو ديالو راه غنصلحها ليه و مريضنا معندو باس

سهى: علاش لي متخلي الشيفور يوصلك نتي هاد الطيرة لي فيك شي نهار تخرج على مك

رغد: واييه صافي صافي .. هانا طالعة نبدل حوايجي .. شوفي طلبي منهم يوجدو ليا ما ناكل جعت

سهى: سيري سيري انا غنطلعو ليك

رغد: اوكي بيبتي هه مواااح عليك “باستها بالجهد فحنكها”

طلعات لبيتها جبدات بيجامة صيفية عبارة على شورط فوق الركبة و طوب ديالو سميطات فالكحل .. حيدات حوايجها و دخلات للحمام دوشات و نشفات حالتها و شعرخا عاد لبسات عليها و هي تدق ليها سهى لقاتها مزال كتمشط فشعرها و دخلات حطات لبلاطو لي كانت مطلعة ليها ديال الماكلة و شدات من عندها المشط كتمشط ليها و تدفر ليها فشعرها: رغد

رغد: اممم “مغمضة عينيها”

سهى: واحد السيد جا طلب يدك

رغد حلات عينيها فمها: ايوا

سهى: ايوا نتي .. اش قلتي الولد بغا يتلاقاك و تشوفيه و تعرفي عليه

رغد: ماما عارفاني مكنخبي عليك والو ياك

سهى: هادي مفيهاش الشك

رغد:و عارفة انني مبغيتش داك الزواج التقليدي ديال نتزوج واحد شايفاه مرة فحياتي و نربط بيه حياتي و انا معارفاهش اصلا .. عارفة انني كنتمنى كون حتا انا عشت شي قصة حب بحال ديالك نتي و بابا .. و راك عارفة شنو غتجاوبي على هاد السيد ياك؟

سهى: هه و قولي لا من اللول مال مك كتر فيك التفلسف

رغد: “تلفتات عندها” ماما كيف كنجيك؟

سهى: كيفاش كيف كتجيني مفهمتش

رغد: سؤال بسيط اماما و جواب ابسط هه

سهى: و شنو سبب هاد السؤال .. و راك عارفة جوابي كنضن

رغد: “شدات ليها فيديها” غنهضر معاك كصحبتي ماشي كأم مع بنتها واخة؟.. حيت محتاجة لمن نفضفض و نعاود

جلسات سهى قدامها و هي كتحرك ليها راسها باه

رغد: فالصراحة شحال من مرة ملي كنبغي نعس كيطيح عليا هاد الاسئلة.. علاش معنديش صحابات…؟ علاش رغم كبر سني عمري كان عندي شي بويفريند…؟ حتا من المواعد الغرامية عمري مشيت ليهم هه .. كلشي كيهضر معايا برسمية مفرطة .. عمري كانت عندي ديك الصاحبة لي نخرج معاها و ندورو بزوج .. نديرو شوبينغ مع بعض .. نضحكو مع بعض تجي تبات معايا نبات معاها … هه عارفة انهم افكار غبية مي هادي هي الحقيقة .. مكنخرج من الدار حتا يكون البوديغارد معايا .. الشوبينغ غير من النيت .. من الدار للخدمة و من الخدمة للدار كنحس بحياتي مملة و بزاااف 28 عام و مكنخرجش غير الى كانو خوتي معايا ولا ماما ولا ولاد خوالاتي ههه غير كنلصق فيهم و صافي و الى قلت ليهم شي حاجة كيقولو ليا باقة صغيرة على هادشي هه!! 28 عام و باقة صغيرة !! تناقض كبيير عايشة فيه انا ياك ؟؟

تنهدات سهى و شدات ليها فيدها: رغد فاهماااك و حاسة بيك و عارفاك فشنو كتفكري احبيبة “تنهدات” عرفتي انا ملي كنت صغيرة حياتي عشتها الطول في الارتفاع هه .. كنت طايشة و حمقة و لي طاحت على راسي كنديرها بلاما نفكر في العواقب .. عرفتي شحال من مرة ضاربت هه و شحال من مرة جاو الناس عند بابا و ماما كيتشكاو مني ههه كنت قبيحة على حاجتي و لحد الان لي قرب لحاجتي نوريه نياابي .. مخليت فين مشيت و فين جييت .. اي بلاصة عجبتني كنمشي ليها واخة بابا ميبغيش و ميعطينيش لفلوس باش نمشي كنت كنجمعهم من مصروفي و نمشي غير انا و حمزة اما حتا نوال كانت خويويفة ههه .. رغد حنا عمرنا منعنا عليك تخرجي ولا ديري صحاب ولا اي حاجة حنا بغيتا غير راحتك و انا حاااسة بيك و مبغيتكش تبقاي هكاك كنت ديما كنشوفك كتخرجي فالصباح للخدمة و ترجعي فالليل للدار حتا من مكلتك كتاكلي فالشركة!! كنسولك كتقولي كلشي مزيان .. شوفي ارغد حنا ممنعناكش تعيشي حياتك ..

كنسولك كتقولي كلشي مزيان .. شوفي ارغد حنا ممنعناكش تعيشي حياتك .. بالعكس لي بغيتيها ديريها حتا واحد مغيقول ليك لا .. البوديغارد مغايمنعكش تمشي ضوري ولا ديري شوبينغ ولا تلاقاي لبنات او او او … و حتا حنا عمرنا قلنا ليك لا ولكن في اطار الاحترام ابنتي فهمتيني ياااك .. و راك باقة صغييرة واخة 28 عاام غتبقاي عندنا حنا غير ديك البنوتة الصغيورة لي حلات فينا عينيها … استمتعي ارغد و عيشي حياتك قبل ميجي شي بوراس يحرمها عليك كيف دار ليا باك ههه .. استمتعي بصغرط ابنتي و انا راه ديما هنا فين ما بغيتيني غتلقايني و فين ما كنتي محتاجة تهضري انا هنا و الى بغيتي نصائحي انا هنا و غنبقا ديما فجنبك ابنتي صافي؟؟؟

رغد “عنقتها و حاطة راسها على كتفها” لهلا يخطيك عليا يا احسن ام فالدنيا

سهى: هه و نوضي كولي طيبت ليك بيديا هههه

ناضت سهى خرجات فحالها و خلات رغد جالسة كتاكل فالجليسة لي فالبالكون على خاطرها و الهوا كيضرب ليها فكريناتها….

🍁 هايدي 🍁

جالسة على السرير مصدومة فيه و هو كيمشي و يجي معصب

هايدي: مم مفهمتش؟؟؟

رشيد: اش مفهمتيييش بلي كنت مزوج قبل منتزوج بمك!!

هايدي: للا ل لا ميمكنش هه كتفلاو عليا يااك .. كفاش مزوج و علاش انا مفخباري والو شرحوو ليا شنو وااقع

قربات ليها مروى و جلسات قدامها شادة ليها فيديها: بنتي غير بالشوية علييك هاحنا غنشرحو لييك كلشي “كتبكي” غير متعصبيش الله يرضي عليك

هايدي: هاني كنسمع

شافت مروى فرشيد بحقد و بدات كتعاود لهايدي: كنت ياله تخرجت و قلبت على خدمة باش نعاون راسي و عائلتي .. لقيتها عند واحد السيد فشركتو و خدمني عندو ..تما فين تلاقيت بباك .. تلاقيتو عند الرجل لي كنت خدامة معاه كسوكختيغ .. و حتا باك كان كيعرفو هضر معايا و تعارفنا و ولينا كنتلاقاو “كتبكي” قال ليا بلي ناوي معايا الحلال و داك الكلام المعسول و كل مرة كيجي حتا لعندي و كنا نخرجو بزوج هئ هئ قال ليا بلي بغيتك للزواج و انا تقت فيه هئ هئ عمري مضنيتو بلي غير كيتفلا و باغي يدوز الوقت بيا و بلي عندو دارو و ولادو “كتبكي بحرقة” تفلا عليا و لعب ليا بعقلي حتا خدا شنو بغا هئ هئ و غبر مبقيتش شفتو كنعيط عليه كنلقا التيلي طافي .. مخليت فين قلبت عليه و والو تقول سرطاتو الارض هئ هئ نبقييتش قدرت نصبر و نبقا هكاك خايفة و كنتعذب بوحدي و مشيت عند خويا عثمان عاودت ليه كلشي لي وقع هئ هئ

هايدي غير ساكتة و كتسمع لمها لي كتعاود بحرقة: شنو وقع اماما

رشيد: شنو غيوقع بنضرك .. مشات جابت الحمية و عيطات لداك صعصع ديال خوها بزز عليا نتزوجها ولا يخرج عليا

هايدي: اه و نتا قلتي والله ما نتزوجها نغطي على غلطي ولا نولي فطرف كل لسان هه!!

رشيد: لزمي حدودك راك زدتي فيه

هايدي: و شنو محلي من الاعراب انا!!

رشيد: تزوجتها و سكنتها هنا بحدها و مرتي و بناتي لخرين بوحدهم حتا دازو شي اعوام و قررت نطلق مروى … ولكن وقع لي مكناش ضاربينلو لحساب ولا نقولو هي لي دارتها باش منطلقهاش

مروى بالبكا: رشيد سكت عفاك سكت هئ هئ

رشيد: نهار كانت عندنا المحكمة قالت ليا راها حاملة .. معرفتش كيفاش حتا غلطت مرة اخرى و صدقات حاملة .. طلبت منها تجهض ولكن هي رفضات و مبغاتش .. و اضطريت نلغي داك الطلاق .. منقدرش نسمح فولادي يربيهم ليا واحد اخر

هايدي كتعاود ليها فودنها غير جملة وحدة “معرفتش كيفاش حتا غلطت مرة اخرى و صدقات حاملة” كتعاود كتعاود فودنيها و هي لا حراك عينيها مكيرمشوش و فمها كيترعد .. هزات عينيها فيه و شافت فيه و شي حاجة كتعصر ليها فقلبها: غلطة!!.. انا غيير غلطة!! “شهقات بجهد” غلطةةةة كنت غيير غلطة!! تولدت غلطةةةة هئ “غوتات بالجهد شادة فشعرها ناتفاه” اااااااععععععععع الله يحرقنيييي لييي جيييت لهاد الدنيا غلطةةةة هئ غلطةةةةةة انااا غييير غلطةةةة “طاحو دموعها” هئهئهئهئ وااااععععععع هئ هئهئ علااااش مدرتييييش الاجهااااض و هنيييتييييه و هنييييتييييينييي هئ هئهئهئ علاااش جبتيييني لهاااد الدنيااا باااش نعرف رااااسي غير غلطة هئهئهئهئى حراااام عليييك هئهئهئى كووون غييير قتلتييينييي حسن ليا هئهئهئى اععععععع

مستحملاتش تسمع ديك الهضرة ولات حالتها حااالة مكتوصفش .. قلبها تقسم ليها .. باش تعرف باها عمرو بغاااها و نتجات على غلطة و باغي يصلح غلطو بغلطة كبببر منها لي هي قتل روووح عاد بغات تكون و تجي للدنيا رااااه قااااسحة و بزاااف على بنت فسنها مزال فمراهقتها .. كتحس بلي معندها حتا اهمية فهاد الوجووود ملي حتا باها مبغاهاش شنووو غدييير فهاد الدنيا لاش عااايشة شنو مكانتها عندهم … عروووقها منفوخين فجبهتها بكترة الغوات و يديها كيترعدو .. اما رجليها هااازينها غير بزز … مقاااادراااس تستحمل مقااادراااش تيق .. جاااتها قاااسحة تقبلهاااا… كتربط كاااع الاحداااث لي وقعو معاها

هضرتو لي كانت كتجرحها و هي معارفاش علاش كيقولا ليها … كلامو المسموم لي كانت ديما تسمعو دبا عاااد عرفاات شنو السبب ديالو … بحر داااك العصاااب لي فيييها و داااك الكلااام لي كيتعاااود فودنيييها .. طاحت للارض عوجة يديها عواااجو و فمها تعوج لييها كيتسمع غير شهيقها و عينيها دايزيين بالدمووع رجلييها تسرحووو و تجبدو مكيتململوووش كااع … شااافتها مروى ليي كانت كتبكي و مافييدها ما ديير .. قطعات ليها فقلبها و هي كتشوف فحالتها و معارفة مدير ليها .. غير شافتها هكاك طاحت حداها كترعد و تحرط فيها و تغوت على رشيد لي بقا مصدوووم فبنتو … ماشي هادي هي البنت لي كيعرف .. ماشي هادي لي كانت تسمع كلمتو و تقول واخة ابابا .. ماشي هادي لي كان ديما يعايرها و تسكت و تجمع فقلبها .. كيشوف فيها مسرحة فالارض و كتشكشل وجهها صفااار و فمها نشف تخلع ولا غير كيقفقف

مروى: بنتييييي هئهىهىئ … رشييييد عتق ليا بنتييي هئهئهئ و ميييمتييي بنتيييي كتمووت هئهئهئ

شادة ليها فوجهها كتحرك فيها و هي كترعد باغة طييح فوقها .. تحرك رشيد جيهتهم مدعوووق هزها بين يديه و خرج كيجري .. لقا مرتو اللولة حاطة ودنها كتصنت عليهم دفعها و زااد و مروى تابعاهم من اللور مرة طيح مرة توقف كتحس بقلبها بغا يسكت ليها .. بنت وحدة لي عندها معندهاش الجهد تخسرها حتا هي .. ركبات حداها كتبكي و كسيراو للاقرب سبيطار

وصلو و دخلوها كيجريو و الممرضين داخلين خارجين و مروى و رشيد واقفين برا كيتسناو و مروى مسكتاتش من البكا … بقاو تما مدة عاد خرج عندهم الطبيب لي تكلف بيها .. ناضت مروى كطير عندو و تسول فيه على بنتها: بنتي بنتي ادكتور كيف بقات هئهئ

دكتور: المريضة تعرضات لانهيار عصبي الالة حالتها كانت خايبة بزااف .. الحمدلله جبتوها فالوقت و دبا راها بخير خاصها غير الراحة و تبعد قدر الامكان على شي حاجة لي تقدر توترها ولا تعصبها .. بالشفاء ان شاء الله

مروى: نقدر نشوفها ادكتور

الدكتور: وي مي من الاحسن حتا تفيق

مروى: عفاك هئهئ غير شوية و نخرج

شافها كتبكي و محروقة على بنتها و تنهد: واخة الالة مي غير واحد فيكم لي يدخل

شكراتو و دخلات عندها لقاتها مستلقية على السرير و وجهها صفر عينيها منفوخين و فيدها ابرة ديال السيروم … جلسات حداها و شدات ليها فيدها كتبكي

سمحيلي ابنتي هئهئ عفاك سمحيلي .. مكنتش بغيتك تعرفي هئهئ مكنتش بغيتك تعرفي انك نتي و ختك كنتو ضحية علاقة فاااشلة و عابرة هئهئ هي تهنات و مشات لعند لي خلقها قبل ما تفطن بقساوة هاد الدنيا و نتي بقيتيلي تنوريلي حياتي هئهئ عفاك سمحيلي

بقات جالسة حداها مدة عاد ناضت خرجات من عندها وجهها ماعليه حتا تعبير .. مهزاتش فرشيد وجهها مشات جلسات و خلاتو هو واقف كيشوف فيها

… فمكان اخر و بالضبط مكتب جالسين مجموعة من الاشخاص بنات و ولاد مترأسهم شاف ديالهم .. جالس جلستو المعهودة و و مخنزر هاز حاجبو و يدو على دقنو كيحك فلاحيتو و يشوف فيهم واحد واحد حتا وصل لبلاصة لي باقة خاوية و هو ينطق واحد من لي جالسين

…..: سي فهد امتا غنبداو الاجتماع ديالنا

فهد: حتا يكتمل عدد الحضور غير صبر ممزروبينش

تلفت واحد عند لي فجنبو: ميقدرش يبدا الاجتماع الى مكانش thunder حاضر راه هو لي غيترأسنا فبلاصتو

…: شكون هاد تاندر تاني سمعت بيه مي عمري شفتو

……: حسن لي مشفتيهش هداك راه مكتعرف شنو كيضور فراسو متعرفو مقلق ولا فرحان حتا كيخرج فيك طول و عرض

تفتح الباب على غفلة و دخل هاز راسو لفوق و عاقد غوباشتو .. مطلع حاجبو بحال باه .. لابس تيشرت كحل لاصق على درعانو و سروال جينز كحل مع سبادرين بيضة.. سد الباب من وراه اعتذر على التأخر ديالو و جلس حال رجليه و حاط يدو على الطبلة كيشوف فيهم واحد واحد حتا زكات عينو على باه .. هضر معاه غير بعينيه و هو ينحنح فهد و بدا: احم .. بما انكم تجمعتو كلكم دبا يمكن لينا نبداو الاجتماع ديالنا .. كنضن كلكم عارفين شنو لي جمعنا هنا و اشمن قضية خلاتنا نتجمعو و ندرسوها مجموعين اولا؟ ” دوز عينو كيتفحص فيهم و رجع كمل” بلا شك وصلاتكم اخبار الخلية لي انتاشرات هاد الاواخر في امريكا و بالاخص نيويورك .. احم لهدا المخابرات الامريكية طلبات المساعدة و حنا غنقدموها ليها لان ذلك غيأتر حتا على بلادنا

1: مفهمتش شنو السبب لي كيربط امريكا ببلادنا

هز فيه فهد عينو و كمل: حيت هاد الخلية لي منتاشرة تما البوس ديالها كاين في ضيافتنا اسي فريد و لي مكناش ضاربين ليه لحساب ان هاد الزعيم ديالهم كان عندو اخ متورط حتا هو فهاد الخلية

فريد: و شنو هو دور هاد الخلية؟

شاف فيه رعد عاقد حواجبو و جاوبو: على حسب علمي كلشي كان معلوم بالاجتماع ياك؟ “حركو ريوسهم” … و كلكم عندكم ملف ملخص على شنو نوعية الاجتماع و تفاصيييلو اولا اسي فريد كنضن هاد المعلومات لي نتا كتبحت فيهم كلهم عندك فالملف

فريد بدا كيتفتف: ا..لا عرفت ولكن..

رعد: ما علينا هاد الخلية كتاجر فاعضاء البشر و شحال من واحد كان ضحية ديال هاد المجرمين

فهد: اكزاكت … و في اي لحضة ممكن يهجمو علينا حتا حتا لذلك غادي نسبقوهم حنا قبل ما يحاولو يجيو عندنا هوما .. مفهوم؟؟

الكل: وي شااف

فهد: المهم خدمتنا غتكون على النحو التالي….

بدا كيشرح ليهم و اعطي في اوامرو و هوما كلهم اذان صاااغية لي مفهمش شي حاجة كيعاود يشرحها ليه حتا انتخى الاجتماع و وقف قدامهم: هاد المهمة غادي يترأيها سي تاندر .. بالتوفيق ليكم

تقدم خرج و بداو كيخرجو من وراه واحد واحد من بينهم رعد لي غير كمل الاجتماع ناض فحالو حيت مزال خاصو يشد الطريق تاني و مخلي الهضرة من وراه

فريد: علاش هو لي ترأسنا مالو ما ختارني انا لي قبل منو فهاد الدومين

….: ههه لا نتا بان ليا مزال مكتعرفش تاندر كيف داير

فريد: يكون كيف ما بغا يكون انا لي نستاهل داك المنصب

شاف فيه هداك لي كان معاه و زاد مخليه كيغلي غير بوحدو

…. وصل فهد قدام اللوطو ديالو ركب و هو يبان ليه رعد خارج صفر عليه حتا شاف فيه: نتلاقاو فالدار

رعد: ان شاء الله

كسيرا فهد مخلي العجاجة وراه و طلع حتا رعد تابعو بنفس السرعة حتا وصلو قدام باب الدار عاد فراناو بزوج و دخلو مع بعض .. لقاو سهى جالسة فالصالون هازة مجلة كتشوف فيها مع قهوى قدامها و هاادئة منتبهاتش ليهم حتا جلس حداها فهد و باسها فخدها عاد شافت فيهم

سهى: على السلامة .. تعطلتو

رعد: غير سالينا و جينا الحب .. فين رغد

تمات جاية كتحنقز فالدروج حتا دخلات عليهم بكريناتها مدليين جات سوو كيووت: هااا اناااا ههه

رعد: ههخ برهووشة

رغد: بصحتي 😋

بقاو مجمعين و كيهضرو بيناتهم حتا دحل ناييف تعشاو مجموعين و ناض رعد: هز الصاك ديالو و ودعهم و اتاجه للوجهة ديالو ..

… بدات كتحل عويناتها و ترمش غير بالشوية .. راسها صادعها كتحرك فيه غير بالشوية حتا وعات على راسها فين و خي تنوض جلسات كتحرك عنقها و تحك فراسها .. تحل عليها الباب و دخل الطبيب لي مكلف بحالتها شاف فيها بابتسامة و نطق: كيف بقات لمريضة ديالنا ☺

هايدي(بعياء): الحمدلله اففف

الطبيب: كضرك شي حاجة؟

هايدي: راسي مصدعني و حتا يدي كتحرقني

الطبيب: با كغاف غير بفعل المهدئات لي حقنو ليك .. شوية و يفوتط الحال “ابتاسم ليها” واليديك من الصباح و هوما كيتسناو فيك تفيقي باش يشوفوك .. هانا غندخلهم

عقدات حواجبها و نقزات: لاااا متخلي حتا واحد يدخل 😒

الطبيب “باستغراب” علاش و هوما من الصباح على ناار باش تفيقي اكترية الام ديالك

هايدي “بانفعال”: و لااا هئ هئ مبغيييتش نشوووفهم مبغييييت نشوف حتا واااحد عطييييوني التيييساااااع مبغييييت حتا واااحد هئههئ (بدات كضرب فالفراش بيديها و تجر فشعرها بهستييرية .. ملي شافها الطبييب بديك الحالة بدا كيهدن فيها و حقن ليها مهدئ اخر باش تكاالما عاد خرج عندهم بوجه حزين)

مروى: كيف بقات ادكتور

الطبيب: للاسف فقدات اعصابها مرة اخرى و اضطرينا نهدؤوها بمهدئات

مروى “كتبكي”: بغيت نشوفها عفاك ادكتور

الطبيب: المريضة مبغات تشوف حتا واحد و هدشي علاش تعصبات معرفتش شنو لي وصلها لهاد الحالة ولكن راه فغيمون حالتها النفسية سيئة

رشيد بعد اكترات: اش غيكون عندها كاااع .. راها غيير كتفشش و تبوحط من الهضرة الخاوية

مروى مقدتها صدمة الطبيب زادها حتا رشيد .. شافت فيه عاينيها حاقدين و دفعاتو من صدرو بكل قوتها و غوتات فوجهو: اش هاااد القلب عننندك هااا اش هاااد الابوة ديااال الزمر !!! بنتتتتك مريييضة و نتااا ممسوقششش ليييها بتاااتااا … نتااا حاااشااا واش تكوون انسااان بقلب و احاسيييس .. الحيوااان و كيحس بولااادوو .. كرهت النهاار لي شفتك فيييه كرههههت النهااار لي تزوووجتك فيييه كووون غييير مت فالولااادة مع بنتييي اللولة ولا العيييشة مع واااحد فحااالك … خرررج عليييا من هنااا هديييك لي لدااخل بنتي انااا ماشي نتااا

شاف فيها رشيد عاقد غوباشتو و زااد مع الطريق مبغاش يزيد يكبر الموضوع حتا يهداو و يهضرو مزياان اما مروى فبقات جالسة فوق الكرسي عينيها منشفوش من الدموووع و كتلووم فراسها بلي هي السبب فكلشي

🍁🍁 دازو يومين على هايدي فالكلينيك فين ما بغات تدخل عندها مها كترفض و تمنعها تشوفها حتا مروى استسلمات و ولات تطل عليها غير من الزاج ديال الباب … اليوم هايدي تحسنات نفسيتها رتاحت و خوات راسها من المشاكل .. كانت جالسة كتضفر فشعرها لقدام و سااهية مجساتش بالباب لي تحل حتا قفزها صوت الطبيب لي دخل

نادى عليها: هايدي

هايدي: نعام

الطبيب: صفا اليوم؟

هايدي: الحمدلله شكرا

جر الكرسي و جلس فجنبها كيشوف فيها بابتسامة: انا سميتي سلمان (عقلتو عليه؟ هو ولد ضحى اخت سهى .. و سهى هي ام رعد 😂)

هايدي بابتسامة: متشرفين انا ديجا عارف اسمي هه

سلمان: بيانسغ

هايدي: يمكن ليا نخرج دبا ياك؟

سلمان: صافي سخيتي بينا

هايدي: ههه معنديش مع هاد الجو

سلمان: حتا واحد مكيبغيه هه هادي حاجة باينة

هايدي: وي هه

سلمان: احم .. عارف راسي معنديش الحق نتدخل و نسولك مي مكرهتش نسولك

هايدي: نو غير خود راحتك ادكتور

سلمان: عيطيلي غير سلمان طبعا الى قبلتي بصداقتي و نكونو اصدقاء (كيحاول يطلقها معاه باش تاخد راحتها)

هايدي: طبعا ليا الشرف “ابتسامة”

سلمان: ايوا دبا ملي تافقنا .. عاوديلي علاش مبغيتيش تشوفي حتا واحد من عائلتك؟؟

هايدي ” غير سمعاتو و هو يطيح عليها الضيم و عينيها غرغرو بقات مدة كتشوف فيه حتا هبطو دموعها”

سلمان: ششش انا مهضرتش معاك باش تبكي .. بغيتيك غير تفضفضي عليا و تخوي قلبك باش متبقايش هاكا واخة؟ .. مسحي دموعك و عاوديلي نقدر نعاونك

هايدي: هوما مكيبغيونيش هئ هئ انا غير زايدة عليهم هئ هئ حتا واحد ما بغاني فهاد ااوجود معندي مندير بيهم هئهئ علاش دبا جايين عندي .. ياك هوما مبغاونيش و كانو بغاو ي ي اعععع هئهئخئهئ “عضات فيدها حتا بقات مصورة”

ناض عندها سلمان كيهدن فيها و يشد ليها فيديها و يدوز فيديه على شعرها حتا تهدنات: ششش مديريش فراسك هاد الحالة .. كتمرضي غير راسك .. تهدني اهايدي و رخي اعصابك .. عارف هادشي ماشي ساهل عليك و انا معارفش شنو المشكل لي عندك ولكن لي متأكد منو ان الام ديالك معندها حتا دخل فهدشي كااامل .. نتي مشفتيييش كيف كانت حالتها ملي جيتي لهنا لدرجة سخفات و شدت الفراش حداك و رغم كلشي كتنوض بزز و تجي طل عليك و عينيها مناشفينش من الدموع .. عندك الحق تقلقي و تعصبي ولكن باش تحرمي راسك من امك و تحرميها حتا هي منك فهنا مغندعمكش .. اي عائلة كيكونو فيها مشاكل و خلافات ولكن ديييما كيحاولو يتفاداوها و يلقاو حلووول او ينساو كاااع دوك ااخلافات باش يعيشو بيخير .. هادشي لي خااصك ديري حتا نتي و ترجعي عند ماماك لي كتبغييك و مستعدة ضحي على قبلك و مسجي من دماغك ديك الهضرة ديال مكتبغينيش و محاملانيش و كداا

سلمان: هادشي لي خااصك ديري حتا نتي و ترجعي عند ماماك لي كتبغييك و مستعدة ضحي على قبلك و مسجي من دماغك ديك الهضرة ديال مكتبغينيش و محاملانيش و كداا حيييت مكايناش شي ام فالدنيا كتسمح فولادها ولا كتكرهم كيف كتقولي .. نتي راك محظوضة عرفتي علاش؟ .. حيت كاينين لي بغاو امهاتهم غير يشوفوهم واخة يعايروهم واخة يضربوهم واخة معرفت شنو يديرو ليهم .. المهم يشوفوهم و يحسو بيهم فجنبهم و ملي يحسو بالضيق ولا الخوف ولا الحزن يمشيو لحضنهم و ينعسو فيه .. هاداك هو ارفع و اغلى مكان عند اي انسان ملي كيلقا قلب يحس بيه و حضن يتمخشش فيه و يستاراح ملي يكون عيان و غير كلمة الله يرضي عليك ملي تسمعها من الام ديالك هديك هي الدنيا و ما فيها .. و نتي دبا كتحملي الام ديالك شي حاجة لي انا متأكد مزال مفاهمة فيها والو .. حاولي تفكري بعقلك و تصفي ذهنك و فكري فهديك السيدة لي النهار كامل و الليل كامل و هي واقفة عند الباب باش تطمن على حالتك .. عارف راسي كترت عليك ولكن كان لازم عليا كصديق اولا و كطبيب نقول ليك هاد الهضرة باش تخدمي شوية عقلك و متبقايش متشبتة غير بهديك الفكرة لي عندك .. غنخليك دبا بوحدك باش تراجعي قراراتك و شوية نرجع عندك اوكي؟

سلمان حاول يفاتح معاها الموضوع باش تنسا شوية و متبقاش منغالقة على عائلتها و ركز بالاساس على الام ديالها اكتر حيت شاف حالتها كيف كانت و كيفاش متعلقة ببنتها عكس الاب لي كيبين على عدم اهتمامو بالموضوع و لي زاد وضح ليه الامر هو كلامو السام مع مروى لذلك خلاه بعيد مبغاش يهضر عليه … خرج سلمان من الشومبر و خلا هايدي ساكتة و حادرة راسها كتنخصص و الشهقة واقفة فحلقها .. عارفات راسها غالطة فحق الام ديالها و حسات بحجم العذاب لي كانت عايشة فيه مع داك السيد لي مبغاهاش من الاساس و كانت غير نزوة و علاقة عابرة .. تحسرات عليها و بكات حتا فشات قلبها و ترخات نعسات بكترة البكا مفيقها غير لمسات على شعرها .. حلات عينيها و شافت فيه واقف كعادتو بابتسامة: النعاسة فقتي

هايدي كتكعد باش تجلس: ففف نعست بزاف؟

سلمان: لا لا هه غير شوي

هايدي: سلمان ممكن نطلبك عفاك

سلمان: على راسي

هايدي: ممكن تعيط لماما بغيت نشوفها

سلمان وسع ابتسامتو و تحرك جهة الباب: هاهي كتسنا فيك هه

حل لباب و خرج .. بعد دقايق تحل عوتاني و دخلات مروى لابسة سيرفيت و جامعة شعرها باهمال لفوق و ملامحها عيانين..

شافت فيها هايدي بشوق و عيطات بصوت خافت و الدمعة فطرف عينها: ماما 😢

مشات عندها مروى كتجري عنقاتها و خاشياها فصدرها و كتبوس فكاع انحاء وجهها و هايدي معلقة فيها حتا هي و تبوس .. الحاصول بزوج كانو موحشين بعضهم و عبرو على حبهم كاي ام و بنتها .. بقاو مجمعين بزوجات و يضحكو و يتعاودو و نساااو شي مشاكييل ولا صداع حتا دخل عليهم سلمان لقاهم كيضحكو: الله يدومها

مروى: امين اولدي و شكرا بزاف على وقفتك معانا و مساعدتك لينا

سلمان: الله اودي هايدي بحال ختي الصغيرة و ولينا اصدقاء ياك؟

هايدي: طبعا

مشا عندها شدها من حنيكاتها كيجبد فيهم: و يخليييلي الزيين انا ههه

هايدي: ههه اللهم بارك عنداك تقوس عليا ههه

سلمان: هه تقويستي خايبة غتصيفطك كومة ه المرة 😂😂 .. احم ايوا الالة هايدي هانتي غتمشي و تخلينا حتا ولفاناك و بغيتي تمشي

مروى: يعني نقدر نخرجها اليوم ياك ادكتور

سلمان: وي يمكن ليها تخرج دبا نيت

مروى: شكرا دكتور .. هايدي نعاونط تلبسي؟

هايدي: لا لا انا غنلبس بوحدي

مروى: اوكي انا نمشي نخلص التكاليف

خرجات مروى مع سلمان و خلاو هايدي بدلات حوايجها حتا جات مها و ودعو سلمان و خرجو شدو طاكسي حتا للدرب خلصوه و خرجو جبدات مروى الساروت حلات و دخلات .. كيف وصلات للصالة لقات كلشي مقلوب سفاه على علاه الفراش مجموع و الديكورات محطوطين فوق الطوابل و خديجة محزمة على نصها مكفدة البيجامة حتا لفوق و هازة الشيتة ديال الصابون هي و مريم و سارة كل وحدة كتمسح و تخمل فقنت و خديجة كتأمر مسحو هنا .. حيدو هديك من تم .. غسلو دكشي مغبر ..

مروى بقات غير كتشوف فهاد الحالة: اش هدشي كنشوف

خديجة: غير قولي ليا نتي واش ميتة ولا شنو شوف الفراش كيف مسخ تقول عمرك هزيتيه خملتيه “كطلع و تهبط فيها و كتشوف لبسها و حالتها” ولا معلووم مقااابلة غير حالتك و التزنديق من قنت القنت و مخلية ضارك معششة فيها رتييلة

مروى: مفياش لي يتصادع مع متخلفة بحالك لي غنقول ليك هو فراشي مشغلكش فيه و فغي انا منحطش فيه يدي ملي نبغي لي يخملو راه كنعيط على لي يخملو ليا مغنضيعش وقتي انا فالجميع و دبا حيدي من قدامي بغيت نمشي نرتاح

حطات خديجة يديها على جنابها و ضحكات باستهزاء: ترتاحي!! ههه .. زيدي كفضي على درعانك نتي و ديك الصفريطة ديال بنتك عاونينا ولا ميعجبك حال

عقدات مروى حواجبها و دفعاتها بيدها من صدرها ناوية على خزيت

عقدات مروى حواجبها و دفعاتها بيدها من صدرها ناوية على خزيت: و الى مبغييتش هاا! اشنو فجهدك ديري ” رفعات صبعها بتحذير” سمعيني مزيااان .. كيف ما انا عطياك التساع و مكندخلش فييك حسبي شي 2 ميترو ولا تلاتة و عطيني بيهم التيقار راه تبقاااي تنبشي عليا حتا نخرج معاك العييب و انا مخاااسرة وااالو الله ينعل بو هدا لي يتحكم فيا و كيف كيقول المتل نبش تلقا حنش و الى نبشتي عليا سمممي نخوييه فييك مغنديها لا في فارق السن ولا فحتا شي *** و بعدي من سااحتي حسن لييك ” تلفتات عند هايدي” حبييبة طلعي لبيتك ترتاحي انا نوجد ليك شي حاجة تاكليها و نجي عندك

هايدي: واخة اماما ” تمات طالعة و رجعات” ميرو ديالي فين درتي كاتي و رامي؟

مروى باستغراب: شكون هادو؟

هايدي: ههه القنيناات ديالييي

مروى: ااه راهم فبيتك و حطيت ليهم مكلتهم منين جاوك بعدا

هايدي: هدية ديال نجاحي ههه

مروى بابتسامة: اممم شفتك فرحانة هي شي واحد مميز لي جابهم لييك ااا

هايدي شافت مريم و سارة حاضينهم و هي تغمز مها: حتا طلعي و نعاود لحبي

ضحكات مروى و جبدات الساروت من ساكها: هاكي الساروت دبيتك و دخلي ستاراحي شوية هانا جاية و جمعي قشاوشك راه مبقيتي وحدك و التقة منعادمة 😉

ضحكات و طلعات لبيتها فتحلتو و اول حاجة دارت طلات على كاتي و رامي لاقتهم جالسين في سليلتهم و هي تهزهم حطاتهم على رجليها كتلعب معاهم و هوما كينقزو عليها .. دخلات عندها مروى و هي هازة بلاطو فيديها حطاتو الهايدي و بدات تاكل معاها حتا سالاو و هزاتو بعداتو عليهم

مروى: ياله عاودي ليا

هايدي: شغانعاود ليك؟؟

مروى: منين جاوك هادو

هايدي بابتسامة و بريق فعينيها: واحد الصديق هداهم ليا بمناسبة نجاحي هه

ناضت من حداها مروى و بدات كتقلب وسط كتب هايدي حتا لقات الرسم لي بغات: واش هو هادا

هايدي: اه هو .. نتي منين عرفتي

مروى رجعات جلسات: لقيتك راسماها و خبيتها

هايدي: اه اوكي

قربات ليها مروى و شدات فيديها: عاودي ليا احبيبة فين عرفتيه .. واش بيناتكم شي حاجة؟ متحشمييش مني انا غير حبيبتك عاودي ليا

هايدي: لا لا اماما مكاينش هادشي هو غير صديق والله

مروى: و فين تعرفتي عليه؟؟

هايدي: واخة انا نعاود ليك كلشي

عودات ليها كلشي و مرة مرة كتشوف ديك الابتسامة لامعة على وجهها .. تنهدات مروى و هضرات بجدية: شوفي ابنتي .. نتي عارفة شنو داز عليا و من شنو مريت ياك؟

وعارفة اشنو كانت نتيجة غبائي و سداجتي .. خلصت تمنهم حريتي و حياتي لي ضاعت مع هاد السيد لي عمرو بغاني ولا عاملني كزوجتو دبصح .. انا باغة غير مصلاحتك احبيبة و مبغييتش حتا نتي يجي النهار لي يستغلك شي واحد .. لهدا ابنتي حضييي راسك مزيااان و كوني اكيييدة ان لي بغاااك مغايبقاش مجرجرك معاه فالزناقي و الدوران و الهضرة الخاوية اهايدي .. لي كيبغي كيحتارم .. كيقدر .. كيحفظ محبوبتو و كايخاف عليها حتا من راسو .. و مكايهنا حتا كيظيها حلالو ماشي يبقا يضحك عليها واش فهمتيني اش بغيت نقول ليك ؟؟

هايدي: لا لا اماما نتي فهمتي غلاط راه غير

قاطعاتها مروى: عاارفة احبيبة انا مهضرتش عليه هو بالضبط انا هضرت ليك بصفة عااامة و لي بغيت نوصل ليك من هضرتي مديييريييش التقة اهايدي عمرك تيقي فشي واحد تقة عمياء حيت فالاخير غتأداي غير نتي .. و انا كنهضر غير على مصلاحتك ابنتي مبغييتكش تأداي و انا نبقا غير كنشوف

عنقاتها هايدي و تكات على صدرها: كوني هانية اماما يا اغلى ما كنملك

🌞 شرقات شميسة معلنة على يوم جديد كباقي ايام الرحمن .. بدات كتفتح عويناتها لي ضارب فيهم شعا ديال الشمس .. هزات يدها حكات عينيها و هي تنوض من فراشها شافت الساعة و دخلات للدوش ديالها .. سالات و خرجات لاوية عليها فوطة .. جلسات نشفات شعرها و مشطاتو عاد ناضت دخلات للدريسينغ ديالها لبسات سروال كلاص فالكحل مع شوميز فالبيض خشاتها فيه من القدام دارت سميطة رقيقة فسروال بيلج مع صباط طالون بيلج .. هزات صاكها و خرجات من البيت ديالها نازلة فالدروج حتا وقفاتها الخدمة: مدموزيل رغد الفطور واجد

رغد: شكرا مي مبغيتش نفطر .. الى سولاتك ماما عليا قولي ليها مشات للشركة واخة؟

حركات ليها الخدمة راسها و زادت لطموبيلتها ركبات و زادت حتا وقفات قدام الشركة .. تمات داخلة بكل رقة و صدى حدائها كيتسمع مع كل خطوة ليها .. لي داز كيحيها و تبتاسم ليه حتا وصلات للطاج فين كاين المكتب ديالها .. كانت غادية داخلة حتا وقفاتها السكريتير: مدموزيل رغد واحد الضيف كيتساك فالمكتب ديالك

رغد: شكون هادا و علاش ميتسناش برا

السكريتير: معرفتش و حاولت معاه باش يتسناك فالقاعة هنا مي رفض و دخل بوحدو

رغد: امم اوك

فتحات الباب و دخلات حتا كتلقاه جالس رجل على رجل و ستيلو فيديه كيلعب بيه..

لابس كوستيم فالغري و صباط لامع .. هز راسو فيها و وقف مع ابتسامة: مدموزيل رغد سعيد بلقائك مرة اخرى

رغد ” داخلة متاجهة للكرسي ديالها سلمات عليه و جلسات”: سي وليد تفضل

جلس حتا هو و بقا كيشوف فيها نضرات ممفهومينش حتا رجعات نطقات: مقلتيش ليا شنو سبب الزيارة .. كنظن طموبيلتك غيكونو تكلفو ليك بيها اولا؟

وليد: نو نو انا مجيتش على قبل اللوطو فهمتي غلاط .. فالحقيقة جيت نشوفك نتي

رغد باستغراب: تشوفني انا؟

وليد: وي .. و انا عارض عليك نشوربو شي حاجة على برا و نهضرو على راحتنا

رغد كتشوف فديك الابتسامة ممريحاهاش و رغم ذلك وافقات: واخة ” وقفات” تفضل

هزات صاكها و زادت قدامو و هو تابعها حتا نزلو للتحت تمات غادية لسيارتها حتا وقفها: ماشي حشومة نكون انا معاك و تمشي بوحدك؟

رغد بابتسامة صفرا: لا هه باش ملي نبغي نرجع منلقاش مشكل

وليد: منين هزيتك غنردك غير ركبي

ركبات حداه و كسيرا حتا وقف قدام واحد الكافي هادئة .. دخلو جلسو في الطيراس حتا جا عندهم السيرفور ختارو شنو يشربو و مشا

رغد: سي وليد مقلتيش ليا شنو الموضوع ☺

وليد: مكرهتش نزيد نتعرف عليك كتر انسة رغد و من بعد نهضرو على موضوعنا

رغد: فالصراحة اسي وليد معنديش الوقت دبا خليها حتا لمرة اخرى و نتعرفو كتر كيف قلتي اما دبا مزال عندي الخدمة

وليد: مغناخدش من وقتك بزاف انسة رغد .. المهم انا وليد 36 سنة خدام فشركة لصنع الملابس الرياضية كنت مستقر خارج البلد مقابل الفروع لي تما و قررت نرجع للبلدي الام و مندمتش ملي تلاقيت مع انسانة بحالك

رغد بابتسامة: شكرا هذا من ذوقك

تحت الطلب ديالهم شكراتو رغد اما وليد عينيه غير عليها: فالحقيقة الموضوع لي بغيتك فيه كيتعلق بحياتك الشخصية .. مكرهتش نزيدو نتعرفو كتر و نتقربو من بعضنا اكتر

رغد بعدم فهم: سي وليد مفهمتش شنو كتقصد

وليد: رغد .. نهار تلاقينا اول مرة مبقيتيش خرجتي من بالي وليت غير كنفكر فيك و نتي الوحيدة لي شاغلة فكري و عقلي و مغنصيبش محسن منك لذلك بغيت نتقدم ليك و نطل يدك للزواج

رغد كانت كتشرب فالقهوى حتا وحلات ليها من كترة الصدمة وليت غير كتكح و عينيها خارجين: كح كح شنووو

وليد: بالشوية عليك .. طبعا انا ناوي نجي لداركم و نطلب يديك من واليديك ولكن بغيت حتا نعرف الرأي ديالك في الموضوع

رغد: فالحقيقة صدمتيني ..

احم مكنتش متوقعاها فضرف ايام تجي تقول ليا هاظ الهضرة و مكتعرفنيش حتا المعرفة 2 دقايق لي تقابلنا يعني شي حاجة بيزاغ اولا؟

وليد: وي عارف راسي صدمتك بهاد الهضرة مي غير فكري فالموضوع انا بغيتك من اول نضرة شفتك فيها خديتي قلبي و عقلي و كلشي فيا معرفتش كيفاش وقع بهاد السرعة مي هادي هي الحقيقة وليت كنفكر غير فيك و شحال من مرة جيت للشركة كنبقا مقابلك حتا كتمشي و نرجع فحالي .. عارفك غتكوني كتقولي اش هادشي كيقول هاد الحمق مي بصح راه حماقيت .. و انا جيت قاصدك تكوني مراتي على سنة الله و رسوله مبغيتش ديك التفلية تبارك الله راك كبيرة و انا مبقالي والو ندخل للاربعينات مبقيناش ديال اللعب كنتمنى تفكري فكلامي و تجاوبني ☺

رغد: ان شاء الله .. خاصني نمشي

وليد: ياله نوصل..

قطعاتو رغد: لا لا شكرا غنمشي بوحدي

ابتسمات ليه و ناضت خرجات وجهها حمر بكترة التوتر و الحشمة اول مرة تخرج مع شي واحد غريب عليها و الكلام لي قال خربق ليها دماغها .. خرجات شدات طاكسي وصلها حتا لقدام الشركة دخلات و جلسات فبيروها كتذكر فكلامو حتا دخلات عليها سكريتير: مدموزيل رغد عندك اجتماع من بعد 10 دقايق

رغد: واخة هانا جايا

ناضت هزات ملفاتها و تنفسات مزيان عاد خرجات…

🍁 هايدي

الصداع كيتسمع من برا الغوات و المعيور على الجهد .. واقفة خديجة حازمة راسها و كتشالي بيديها قدام هايدي: شوفي اصفريطة يا غتزيدي تشقاي بحال كراناتك يا ما غيعجبك حااال و دوك القونع لي مدخلة لبيت خرجيهم عليا طلعيهم للسطح لوحيهم فييه ياله زيييدي

هايدي: والله لا كااانت لييك هااادوك افضل منك و من لي بحالك والله و تقرب ليهم شي وحدة حتا نطيح عليهم الروح و الشقااا دييريه نتي و طسيييلتك متجييش تصدعي ليا انا مخي بهضرتك

حنقزات مريم لي كانت واقفة حدا مها .. طارت عليها شداتها من شعرها و جراتها ليها: يالحمارة كتعايري ليا في مي اليوم نربيك الحمارة

غوتات هايدي و شداتها حتا هي جراتها من راسها و دفارها دازو على حنك مريم: يالكلبة تلقيييي من شعري

تحل الباب و دخل رشيد تابعاه مروى لي غير شافت بنتها وسطهم شهقات و لاحت البلاستيكة ديال الدوى لي كانت هازة و مشات جرات مريم بعدتها من هايدي

رشيد: اش واقع هنا

خديجة: زييد اراجل شوف هاد البرهوشة لي جالسة تعاير فينا و باغة تسوطنا انا و بناتك

هايدي شافت القضية غتقلب ضدها و هي تبدا تشهق و تبكي وجهها ولا حمر و عينيها منفوخين: هئ هئ مامااا هئ هئ كنت ناعسة و جاو فيقوني قالو ليا نوضي عونوني و ملي نضت كنعاون فيهم تحاماو عليا 😭 و ضربوني بزوجات هئ هئ

رشيد: اش هادشي كنسمع وليتو باغين تحاماو الحمارات

مريم: غير كتكذب اعزيزي والله حتا هي لي ناضت لينا و بدات كتغوت على ماما

رشيد: واش غتورييني فيها هي حتا الراس مكتهزو بقا ليها غير تغوت عليكم .. سمعوني كلكم باقي نلقا بحال هدشي غنتفاهم معاكم و خليوها هي عليكم دبا مزال مريضة نهار غتصح راه كتنوض تشقا بحدها

عنقات هايدي مها و دارت ضحكة انتصار .. طلعات معاها مروى حتا البيت و هي باغة تاكل راسها من الفقصة: اويييلي غدايدي بنات الحرام خلاوني حتا خرجت و جاو ضارو بييك .. بغيت كون طاحو في يدي والله فيهم لا بقات

هايدي: و ماما راه موقع والو هه غير كذبت عليهم

مروى جلسات حداها: كيفاش

عاودات ليها كلشي و مروى غير كتشوف فهاد المخلوقة لي مكانتش كتهز الراس فبنادم ولات هاكا .. سبحان مبدل الاحوال: عبرتي على مها و متنوضي ديري والو مكلتك و حوايجك و امورك انا غنديرهم نتي بقاي بعييدة عليهم لا يعودو يديرو ليك شي حاجة

هايدي: واخة اميرو ديالي كوني هانيا بب

سمعات رشيد كيعيط و شافت فمها: اش بغا تاني

مروى: نوضي شوفيه راه باك هداك تعاملي معاه عادي كيف مكان الحال كيبقا باباك

هايدي: واخة اماما هانا جايا

نزلات كتجمع فشعرها هزاتو الفوق و لابسة سروال السيرفيت مع ديباردور بيض دخلات لقات غير مريم حانية الراس و سارة حداها كتشوف بعينيها ممكلماش

هايدي: نعام ابابا

رشيد: اجي حدايا نهضر معاك

مشات جلسات حداه و سكتات

رشيد: مسلمتيش على باك ماش عوايدك هادو

هايدي: غير نسيت (باستو من حنكو)

عنقها من كتافها ليه: الله يرضي عليك .. سمعت نجحتي و جيتي نتي اللولة فالليسي

هايدي: اه الحمدلله

رشيد: تبارك الله عليك حمرتي ليا وجهي .. وجدي راسك اليوم غنخرجو و شري لي بغيتي

هايدي: مكاين لاش مبغيتش

رشيد: كلمة وحدة قلتها

هايدي: واخة ابابا

مريم: عزيزي حتا حنا بغينا نخرجو

رشيد: واخة .. فالعشية نخرجو مجموعين

🍁 رغد

ملي كملات الاجتماع رجعات بحالها للدار عيانة و بغات غير ترتاح لقات سهى جالسة فالجردة و حداها ختها نهى كيتحتو مع بعضهم .. دازت لعندهم سلمات و جلسات حداهم

بان ليها عصير الليمون هزاتو شرباتو فدقة و سهى مراقباها من فوق نضاراتها الطبية: نتي في عار الله ابنتي مالكي

رغد: هاا .. والو اماما هاني طالعة لبيتي

نهى: و جلسي معانا شوي و عاودي ليا شكون هداك لي كان عندك فالبيرو

رغد وجهها حمار و تلفتات فيها عينيها خارجين: نتي فين شفتيه

نهى: جيت عندك لبيرو و لقيت السيد واخد راحتو تقول الشركة تاعت بوه .. متنسايش راحنا خدامين فشركة وحدة ابنت ختي

رغد: اه اه وي سي عرفت

سهى غير حضياها و هي كتفتف: جلسي اللارض و دوي مالك و نتي كتقفقي تقول محصلينك كتشفري

رغد: لا واااالو هداك لي شافت خالتو نهى هو لي كنت ضربتو بالطوموبيل

سهى: اويييلي ياكما بغا يدعييك

نهى: اييه باينة فييه الكافر بالله وجهو كيف تر** الحمارة الهجالة محملتووو مقبلتووو مي متخاااافيش ابب ولدي زيين ديالي يجي من اخر الدنيا باش يبرأك و

قطعاتها سهى: اييه باينة ولد الحرام باغي الفلوس تسناي حتا يجي فهد هو لي غيعرف ليه

نهى: كون نصحاب بوه جاي على هكاك متجي نتي حتا تلقايه غبر لباباه الاتر

رغد متبعاهم و حاطة يدها على حنكها: ايه و الى شدوني البوليس شكون تجيب لي القفة

سهى: الله يحفضك و ينجييك ليا ياحبيبتي ندخل انا بلاصتك ولا دخلي نتي احح بغاو يشويو ليا كبيدتي

نهى: هاححح على بنت ختي مسكينة مزال مادا يدها لحنا و كتسنا

رغد قطعاتهم: واش حماااقيييتو ولا شنو .. السيد ما فنيتو والو و نتوما الفتو عليه رواية بعنوان المجرم و الاميرة اوه

سهى: كتحامي على الكااافر ياك ابنيتي ياك امخلات كريشتي

رغد: ماما وليد جا طلب يدي للزواج

نهى: هااااا

سهى: مرحبا شكون هاد ولد الناس لي بغا بنتي

رغد: هداك لي ضربتو باللوطو اماما واش ولا فيك الزهايمر

سهى: ويلي لا .. اييه جلسي جلسي عاودي لماماك

نهى: و خاالتك احح العرس قرييب

بدات تعاود ليهم و هي كتفرك فصباع يديها حتا كملات: هدشي لي وقع

نهى: هههههههههههه دبا نتي نتي ههههه خرجتي معاه و جلستو فقهوى بزوج 😂😂😂 والله كون قالها ليا شي واحد حتا نقول خرج لباباه لعقل ههه

سهى: مال جدك معليهاش الله الزين و التباتة و الرزانة و الحداكة و القرايا راه الف واحد يتمناها

نهى: ههه و عرفت مع تبارك الله على بنت ختي قافزة و عندها مع الدوران جاتها عادي ههه اربي فين داك عارفاك نتي معلرفة فين تمشي هههه

رغد: و صافي من الضحك الباسل و قولو ليا اش بان ليكم

نهى: انا بان ليا التخلوييض فهاد القضية ابب

سهى: حتا انا دخلني الشك اويلي السيد داخل سخوون

رغد: اش نقول ليه

نهى: خلييه متجاوبيهش حتا يهضرك هو و بقاي تمشي فيه و تجيبي حتا تشوفيه اش تحت راسي

رغد: مالي برهوشة .. بففف عرفتي شنو غادية نطلع نعس .. ماما شوي و فيقيني بغيت نمشي نشوف لكولكشن الجديدة و المحل لي عاد تفتح

سهى: واخة احبيبة سيري ترتاحي

مشات رغد و خلات نهى و سهى من وراها شادين النميمة

سهى: اش بان ليك

نهى: انا لي بان ليا راني قلتو اصلا قبيلة ملي شفتو مرتاحيتش ليه شوفاتو فشكل و حاس ب***

سهى: ايوا دبا نشوفو هاد خينا اش تحت راسو

سكتات و بقات كتخمم ياكما شي واحد من اعدائهم و باغي ينتاقم عن طريق بنتهم .. بقات حايرا معارفة شنو دير فالاخير خلاتها فيد الله

عند هايدي

كانت فبيتها لابسة سروال دجين و شوميز دجين .. طالقة شعرها على راحتو مع غلوز خفيف لبسات سبيرديلتها .. هزات سكادو ديالها و نزلات وقفات حدا باباها حتا تمات جاية مريم بجلابة فالبوردو و جامعة شعرها لفوق كعكة و سارة سروال فضفاض مع شوميز و ضفيرة لشعرها .. شافت فهايدي و ابتسمات هاد الاخيرة لي قلبات عليها وجهها و خرجات تابعة باها ركبات للور هي و سارة و مريم جلسات القدام

هايدي: بابا فين غنمشيو

رشيد: واحد المخل فتح جديد ديال واحد صاحبي

هايدي: ياااس غيكون عندو شي حاجة طووب ياك

رشيد: دكشي لي كيعجبك

ضحكات و تكات على زاجة ديال اللوطو كتفكر حتا طاح فبالها و شكون من غيرو .. لي زعزع ليها تفكيرها و استوطن على عقلها .. غيكون دبا سافر؟.. علاش مبقاش عيط عليا زعمة يكون نساني؟.. ولا دار اصدقاء خرين تما و مبقاش حتا عاقل عليا؟.. اوف ا رعد معرفتش اش واقع ليا غير كنفكر فيك .. تفكرات اخر مرة شافتو و بالاخص القبلة على جبينها لي باقة كتحس بلمستها كتدغدغ كيانها .. ابتسنات حتا توردو خدودها و غمضات عينيها مستسلمة للنعاس لي ولا كيجيها بزاف مع الادوية المهدئة لي كتشرب

كانت ناعسة حتا حسات بشي يدين كيحركو فيها بلطف

سارة: ختي هالا فيقي

هايدي: اممم وصلنا

سارة: اه وصلنا اختي ياله نزلي

شافت فيها و حلات الباب نزلات كتقاد فشعرها و تبعاتهم داخلة و عينيها كيبريو كتشوف فاخر ما كاين ملابس على الاشكال و الالوان دخلات كتشوف فيهم و تقلب و تحقق فتصاميمهم عاجبها الحال نسات راسها و نسات فين هي

تهز هادي و تحط الاخرى و تقيس و تحط كلشي عاجبها .. كانت هازة كسوى موردة بغات تقيسها حتا وقفات عليها سارة: ختي هالا ممكن تختاري معايا اينا وحدة لي غتجي مع وجهي عفاك

هايدي: سميتي هاااايدي هايدي ماشي هالا و سيري عند ختك هي تشوف ليك لاش جايا عندي انا

سارة تقلقات: صافي سمحي ليا

هايدي “بقا فيها الحال حيت تصرفات معاها هكاك”: شنو نختار معاك

سارة: هاد السراول ندي الكحل ولا الغوز

هايدي: شحال فعمرك

سارة: 17

هايدي: تقريبا قد قد .. تبغي نختار ليك على ذوقي و حيدي هاد الستايل كيبينك كبييرة

سارة: ههه واخة شكرا اختي

بدات كتهز و دخلها تقيس و تبدل ليها فستيلها حطات ليها بزاف ديال السراول و لي شوميز على الالوان حتا كملات معاها عاد هزات حتا هي دكشي لي بغات و بقاو كيضورو بزوجات حتا خرجو في مريم كتقلب فلي شوميز طوال و سراول فضفاضين

مريم: سارة اجي خودي من هادو

سارة: لا صافي راه ختاريت

مريم: شنو هزيتي

وراتها شنو خدات و هي فرحانة: ختاريتهم انا و هايدي

مريم: هاي هاي هاي على الصفريطة بقات ليك غير سارة ضرتي بيها بغيتي تاكلي ليها عقلها

هايدي: ناكل ليها عقلها انا سبع

مريم: شوفي اديك عود السبسي غير تبعدي من ختي ولا نغيعجبك حال

هايدي: اييه و شنو فجهدك ماديري

مريم: نزوق لديلمك هاد الكمارة لي عاجباك

هايدي: ايوا اجي نوريك الكلبة كيفاش تجبدي مي

تلاحت على شعرها نزلاتو لتحت حتا تحكمات فيها مزيان و بقات تنتف و تضرب و لخرا تحتها ممخلياش من حقها جرات ليها دفارها على عنقها حتا داز الدم و سارة بيناتهم كتفرق فيهم و هوما لصقو تقول لصقتيهم بالصاقة 😂 ايوا اش نقول ليكم الشوهة لي دارو ما دارها حد كلشي كيتفرج و هوما الشعورات كتشاير فالسما و يتناتفو حتا وقف عليهم صاحب الكوارت لقا مريم شادة هايدي و طالعة فوقها جرها بقوة حتا غوتات من قبضتو

يتبع