برا كانت واقفة نهى و سهى شادين النميمة فالمعروضين هادي طويلة هادي قصيرة .. هادي سمرة هادي بيضة .. حتا وقفات عليهم رغد وجهها حمر و عاضة على شفتها لتحتانية .. شافت فيها سهى و جراتها حداها: بسم الله عليك ابنيتي نتي فعار الله مالكي؟
رغد: شششفتهم شففففتهم
نهى: اناري شكون شفتي
رغد: ددبا ملي ممشيت نكلم هايدي لقيييت خويا تما
سهى: اييه ياكما دار للبنت شي حاجة
رغد: لا لقيتو لققيتو كييي…
نهى ضرباتها فراسها: كييي اش خرجيها دغيا
رغد ضحكات و دارتها ليهم بالاشارة .. حطات يدها على فمها و باستها .. حلات سهى فمها و نهى طلقاتها بغوتة حتا تلفت الحضور: شناااااهواااا
رغد سدات ليها فمها: سكتي شوهتينا هدشي علاش مكنبغيش نعاود ليكم
نهى وقفات كتقلب بعينيها: فييين هي الزرمومية مو ت**** تجي تشوووف سيدي رعد كيشلقم حتا هو ههههه واااهههه قالت ليك راااجلي ويلي با طليناه خضر معاك هههه .. هاححح قلبي شحال فرح
سهى بابتسامة شافت فختها: لي كيبغي واخة ينسا عقلو قلبو عمرو غينساهااا حيت صافي سكناتو
نهى: هادشي لي كاين .. دبا غير نوجد راسي للعرس غير يطلق ديك خيش بيشا و نزوجوووه بغينا نشطحو مع رااسنا
سهى: و لاواه لاواه اختي تقلي شوية خاصها تدفع عليه كبييير و تشطح يماه على ديك التجرجيرة لي دار ليها
رغد خرجات عينيها: و مامااا راه ولدك
سهى: واخة ولدي حتا هي راه مرات ولدي و الحق نقولو فينا ” شافت فنهى” عقلتي نتي تجرجيرة لي درتي لجووود هههه مسكين نهار بغا يبوس جابها بين رجليه هههههه
نهى نفخات صدرها و هزات مناخرها: ايوا هو لي جاي باغي يشلقمني فداك الليل غزييت فباباه .. و نتي نسيتي نسيبي مسكين راه مرمدتيييه نتي ماشي غير جرجرتييه .. علاه كاين شي واحد يصبر على مراتو عاااام بلا حلوى يحسن عوانو مسكيين
هزات سهى كتافها: باش يتعلم يدخل عليا صحيبتو
بانت ليهم هايدي جاية حادرة راسها و حنيكاتها حمرييين حشمانة كتشوف فجنابها و شادة فطرف الغوب لي كانت لابسة .. شافتهم فين جالسين و مشات عندهم .. كتشوف فيهم كلهم جامعين الضحكة غير بزز .. عوجات فمها و جلسات مغطية وجهها عليهم بشعرها
هايدي: غير طلقوها لا تموتو كنت عااارفة غتوصلها سخونة
طلقو ضحكتهم شادين فيها و يضحكو حتا ضارو بيها نهى و سهى كيف الشيطان كيوسوس فوق راسها
اليوم السبت مجموعة العائلة كاملة فدار فهد .. العيالات بوحدهم و الرجال بوحدهم .. كيوجدو للعشا لي غيكون فيه سي وليد باش يتعرفو عليه .. كل واحد مجمع فقنت و معاونين كيشقاو نص في الكوزينة و النص لاخر فالصالون .. جالسة سهى وسط خواتاتها و مها و عيالات لواسها و معاهم رغد غير كتشوف بعينيها
سهى: مي .. والله ما مرتاحة لهاد العراضة قلبي ضارني
صفاء ام سهى: قولي اعوذ بالله من الشيطان الرجيم راه غير الوسواس هداك و اصلا راه غير غتعرفو عليه مزال مدرتو فالطاجين ما يتحرق .. و ياك بنتي رغد كتعرفو و فايت ليهت شايفاه و مرتاحة معاه حنا منزيدوها غير الخير
خديجة ام فهد: و ختي صفاء عندك الحق حنا معلينا غير نفرحو ليها و نتمناو ليها الخير و ان شاء الله ها باها و خوتها كاينين الى كانت شي حاجة راه غيدخلو
سهى: نتماو الحاجة نتمناو
بينما العيالات جالسين مجمعين فالكوزينة كان فهد .. جود .. ساهر .. نايف .. و رعد مجموعيم فالبيرو .. كلهم كيشوف فرعد لي عروقو بارزين و عينيه باين فيهم الشر .. وقف على غفلة و ضرب فاز حتا تهرس و غوت بعصبية محلف على مول الفعلة
رعد: فندممممهم واحد واحد غير حتا نعرف هاد **** معامن خدامة
ساهر: كيف توقعت العقد مزور كااامل حتا من التوقيع ديالك مزور
نايف: شكون من مصلاحتو هدشي
فهد هز فيه راسو: تولان
جود: شكون هذا؟
فهد: لي ضربو داك النهار .. ففف مشاكيل صافي المهم دبا خليو هدشي لمن بعد حتا نشوفو هاد الحريرة ديال رغد حتا هي
رعد: كتعرفوه بعدا؟
فهد: قديييم تقدر تعرفو حتا نتا اجي نورييك
قرب حدا باه لي جبد ليه ضوسي ديال وليد .. غير شاف تصويرتو و هوما يخرجو جنونووو
رعد: هاااااااذا هو لي عمرو يدخل لهاد الدار واخة يوقع لي وقع
فهد: رعد كاااالم و هضر بالشوي راه الناس كاينين
رعد هز تيلي ديالو و و حل الباب: انا غنبدل ساعة باخرى حتاااااا يجي داك **** عاد غنرجع نربي مووو
خرج ساخط داز من حدا رغد لي كانت طالعة لبيتها ياله بغات تهضر معاه و هو يزيد
رعد: من بعد احبيبة من بعد
خرج و خلاها كتشوف فيه مفاهمة والو و كملات طريقها لبيتها .. دخلات خدات دوش ريحات فيه عضيماتها و خرجات فبينوار كتنشف فشعرها قدام المراية و هي كتفكر فهاد الخطوة لي دارت واش مزيانة ولا لا .. تفكرات كلام عثمان و قبلتو الجريئة ليها و هي تحط يديها على فمها و قلبها كيخفق بقوة ..
تفكرات كلام عثمان و قبلتو الجريئة ليها و هي تحط يديها على فمها و قلبها كيخفق بقوة .. دغيا حيدات دوك الافكار من راسها و ناضت لبسات حوايجها و جلسات كتشوف فتصاور وليد و تضحك …
وقف قدام دار هايدي الجديدة لي كرا خالها باش يبقاو قراب للخدمة .. جبد التيلي ديالو و عيط ليها .. هاد الاخيرة لي كانت جامعة شعرها الفوق لابسة سروال السرفيت و تيشرت بيض كتغسل فالماعن حتا سمعات تيلي كيصوني .. غسلات يديها و مشات هزاتو غير شافت نمرتو و حمارو حنيكاتها مع ابتسامة لي ضغيا جمعاتها و جوبات: شنو
رعد: نزلي بغيتك
هايدي: ممسالياش ليك اش بغيتي
رعد: تنزلي و لا نطلع انا؟ نسلم نييت على نسييبتي
هايدي: واش حماقيتي سير فحالك ليرحم جدك ارعد ممسالياش ليك
رعد: اوكي انا طالع
هايدي: صافي صافي انا جاية
قطعات عليه و مشات بالزربة لبسات حوايجها و نزلات عندو .. حلات باب اللوطو و طلعات و كسيرا بلاما يهضر .. حتا هي مكلماتوش جلسات فبلاصتها و سكتات حتا وقف اللوطو بعييد على المدينة و شاف فيها: توحشتك
هايدي: من نييييتك!!!
رعد: والله
هايدي كضور فعينيها: لاش جايبنا لهاد الخلا بغيتي يوقع كيف اخر مرة .. مكايبان ليك غير الخلا تجي ليه
رعد: كنبغي ناخد معاك راحتي فبلاصة تكوني فيها غير نتي
شافت فيه مستغربة: رعد .. واش وواش رجعات ليك الذاكرة!!!
بقا غير كيشوف فيها مبسم حتا حلاااات عينيها و غوتات و تلاحت عليه عنقاتو: واااعععع هههه رجعاااا رجعاااات ههههه
غمض عينيه كيحس بقلبو كيضرب على الجهد .. جرها بخفة حتا جلسها فوق رجليه و خشا وجهو فعنها مغمض عينيه و هي مضورة عليه يديها فرحانة و كتعاو غير راسها .. عقلتي نهار مشينا لهادي .. نهار درنا كدا .. نهار قلتي ليا .. نهار درتي ليا .. خوات ليه كااع المزيودة و هو مرة مرة كيطيحو شي لقطات فبالو حتا كيضرو راسو و يصبر للصداع باغة يتفكر كلشي .. زير عليها ملي تفكر غواتها نهار ضربوه و كيفاش نزلات حتا ملي طاحت حتا فقد وعيو .. هزات راسها حاطة يديها على وجهو كتشوف فيه: رعد واقعة ليك شي حاجة
رعد: والو احبيبتي والو
ضحكات و قربات منو باستو من حنكو مغمضة عينيها و همسات حدا ودنو: حتا انا توحشتك بزاااف
رعد: سمحي ليااا
هايدي: شششش ماشي لخاطرك وقع دكشي صافي نسا
شاف فعينيها مباشرة: و سيلين
بقات مدة كتشوف فيه حتا برقو عينيها بالدموع و دفنات وجهها فصدرو كتنخصص
رعد: مكاين والو من دكشي .. حبيية وحدة لي سكنات قلبي و استوطنات عليه هي سلطانتي هايدي صغيورة ديالي
هايدي: و زواجك بيها
رعد: غير لعبة من تولان باش يطيحني فالفخ ديالو و ياخد دكشي لي بغا
هايدي: شنو بغا؟
رعد: مكيهمش احبيبة .. تمشي معايا للدار رغد غتكون محتاجاك
حركات غير راسها و رجعات لبلاصتها بينما هو كسيرا حتال للدار لقا الهضرة كتيرة و هو يهز حواجبو ناوي على خزييت .. شد فيدين هايدي و دخل كيشوف فوليد و راجل و مرا معاه جالسين فالصالون و معاهم حتا فهد و جود و سهى و نهى و لالة لعروسة رغد
رعد: اهلا بسي وليد شرفتينا
وليد بابتسامة: الله يحفضك خويا رعد و على سلامتك
رعد: نقدر نعرف سبب الزيارة
وليد باستغراب: كيفاش!! معارفش جينا نطلبو يد اختك ليا
طلق من يد هايدي و بدا كيقرب ليهم جامع يدو على شكل لكمة: معنديش لخواتات لي نعطيهم لشماتة بحالك
سهى: ولدي رعد جلسو بعدا عاد دويو
رعد: لا معندنا فاش ندويو غينوض يجمع الوقفة و يغبر من قدام خليقتي قبل ما ندفن مو هنا
وليد: ياك لباس ارعد مالنا على هاد الهضرة انا جيت ناوي غير الحلال مع انسة رغد معرفتش شنو المشكل
رعد: المشكل هو نتاااا ودبا نوض تق*** من هنا
رغد وقفاتو: علاش اخويا شنو السبب
رعد: نتي مدخليييش انا لي عارف هاد الشماتة شنو كيسوى و ميصلاحش ليك فبلاما دخلي
رغد و عينيها مغرغرين بالدموع: علاش مندخلش واش ماشي حياتي هادي لي كتهضر فيها و تحكم فيها؟ شنو لي معجبكش فوليد .. ياك غير الخدمة و خدام بدراعو و جا ناوي الحلال واش ماشي من حقي نفرح حتا انا؟
رعد: رغد هاد الحمار ميصلاحش ليييك كون شفت فيه الانسان لي غتكوني سعيدة معاه انا اللول غنوافق
رغد: هئ هئ علاااش ميصلاحش ليا واش انا عمري قلت ليييك هايدي متصلاحش ليييك ولا عايرتها ولا قللت عليها الادب لاااا علاش نتا دبا كدخل فحياتي و باغي تبعدني على الشخص لي بغييييت .. ماشي من حقك اخويا ماشي من حقك و وليييد هو لي غيكووون مكيهمنييييش نتا شنو كتقول عليه لي كيهمني انني انا مرتاحة ليه
رعد عض فمو من لداخل: ياك اختي .. حتا دبا عندك زوووج اختيارات … يا خوووك يا هاد الشماتة القرار بيديك
بقات كتشوف فيه و عينيها دايزين بالدموع و حتا واحد ما قدر يهضر لا سهى ولا فهد حيت عارفين رعد مغيهضر حتا يكون متأكد من الحاجة و ماغيبغيش الضرر لختو
رعد: كنتسنا جوابك
شافت فيه بحدة و هي مكسورة نطقات الكلمة لي خلات سهى تشهق و تجلس فبلاصتها: وليييد
بقا كيشوف فيها و هو يحط يدو على حنكها طبطب عليها : عنداك تندمي على هاد القرار و متنسايش انك نتي لي ختاريتي .. خرجتي من تحت جناااح خوك ارغد .. (تبسم بسخرية) نتمنى ليك السعادة مع هاد خينا
تحدر عندها باسها من جبينها و زاااد مخليها مصدومة من هضرتو .. جر معاه هايدي لي دموعها طايحين و خرج مكسيري مخلي غير العجاجة وراه .. طاحت رغد من هول الصدمة و عينيها دايزين بالدموووع .. كيفاش سمحات فالانسان لي عاشت معاه احسن اوقات حياتها تشاركات معاه نفس الكرش لمدة 9 اشهر .. لعبو بزووج .. خرجو بزوووج .. عمرو خلى شي واااحد يبكيها ولا يطيح من قيمتها .. ديييما واقف فجنبها .. كان كتر من الاخ ليها .. و دبا هاهوا مشا من قدام عينيها و مقدراتش حتا تمنعو حيت هي لي بكل بساطة ختارت الشخص لي ناوية تكمل معاه حياتها .. قرب ليها ولييد و ابتسامة نصر على محياه حتا شدها وقفها كيسكت فيها و هي كتبكي ..
فالفيلا شي غادي و شي جاي .. الخدامات مقابلين خدمتهم و سهى كتمشي و تجي هي و خواتاتها و يوجدو شنو خاصو يوجد و يجمعو لي خاص يتجمع .. اما رغد داخلة لبيتها مع لميس بنت عمها امير و هايدي الجسد معاهم و العقل غايب كتفكر و تخمم فهاد الخطوة لي دارت .. اليوم عقد قرانها بلي ختار قلبها .. بالشخص لي فضلاتو على عائلتا و على خوها .. شافت فهايدي عينيها دابلين
رغد: مغتيجيش؟
هايدي: ماكيجاوبنيش اختي
حركات راسها بايجاب و استأدنات منهم ناضت للحمام سدات عليها و بقات تبكي حتا فشات قلبها عاد غسلات وجهها و خرجات ملي سمعات لبنات كيعيطو عليها باش تبدا توجد راسها حيت المعروضين مابقا ليهم والو و يجيو .. جلسات قدام البنت المختصة بالمايكاب و طلبات دير ليها دكشي غير خفيف و دكشي لي كان .. دارت ليها مكياج خفيف بين ملامحها الطفولية و شعرها هزاتو ليها من الجناب و خلاتو مطلوق من اللور ..
دارت ليها مكياج خفيف بين ملامحها الطفولية و شعرها هزاتو ليها من الجناب و خلاتو مطلوق من اللور .. نوضوها لبنات لبسات الفستان الابيض حلم كل بنت تلبسو و ها هي لابساه ولكن كتحس بالنقص لي خلا خوها مقادراش تخايل انها يوم زفافها مغايحضرش ليها و مغيقدمهاش هو لزوجها و يوصيه عليه واخة كاين باها لكن هي كتحسب رعد بحالو بحال فهد فمقامو حيت عمرو خسر ليها و لي بغاتها ديما حاضرة .. دعمها فكل قرار ليها و ديما كان كينصحها …. هزات راسها ملي سمعات الباب و دخلات سهى كتشوف فيها و لمعة ديال الدموع فعينيها .. قربات ليها و عنقتها كتبكي
سهى: الله يرضي عليك ابنتي .. الله يفرشك برضا و يغطيك بالرضا .. تهلاي فراسك و دار باك دينا غتكون مفتوحة ليييك الى وقعاات ليك شي حاجة متفكرييش زوج مرات و جي لدار واليديك ابنتي
رغد مبقاش عندها اللسان لي يهضر غير كتبكي على كتف مها و هي معنقاها مزيرة عليها كلمة وحدة لي خرجات من فمها: ررعد هئ هئ
سهى: هذا كان اختيارك نتي ابنتي و كيف ماكان الحال رعد راه خوك واخة يتقلق منك حتا يعيا غيرجع يهضرك غير صبري عليه حتا يرتاح و غيجي احبيبة .. مسحي دموعك و ياله راه كيتسناو فيك
باستها من جبينها و نزلات كترخب بضيوفها و بضيوف لعريس .. حتا نزلات رعد فجنبها هايدي و لميس تحت انغان موسيقى رومانسية حتال لبلاصة فين كان جالس وليد و جلسات حداه حادرة راسها مخلطة عليها الحشمة و الخوف شد يدها و باسها حتا هزات فيه راسها
وليد: ما شاء الله كتحمقي احبيبة
كتفات بابتسامة: شكرا
جاو العدول و سولوهم دوك الاسئلة المعهودة عطاو لدليد يسني هو الاول عاد رغد لي غير بغات تسني و هي تشوف الشخص لي منتاظراتش تشوفو .. كان عتمان خاشي يديه فجيبو و كيشوف فيها .. نزلات عينيها مفافية و سينات بلاما تشوف فحتا واحد .. بدا الحضور كيصف و يبارك ليهم هزات هي عينيها مبقاش بان ليها و هي ترجع تحدرهم .. داز داك الحفل تقيييل على كلشي حتا واحد ما حامل لاخر .. كملو الحفلة و ناضت رغد بدلات ليها و نزلات تسالمات مع عائلتها بالبكا مساخياش بيهم و وليد بغا يديها اليوم قبل غذا .. ركبات معاه و هي مزال كتبكي و تشوف فمها لي كان معنقها فهد و كتبكي على بنتها.. كسيرا وليد و هي بكات شوية و مسحات دموعها و حطات راسها على الزاج مهضراتش معاه حتا شافتو غادي فطريق ماشي لي مولفة عاد تلفتات ليه سولاتو
كسيرا وليد و هي بكات شوية و مسحات دموعها و حطات راسها على الزاج مهضراتش معاه حتا شافتو غادي فطريق ماشي لي مولفة عاد تلفتات ليه سولاتو
رغد: ماشي هادي هي طريق المطار
وليد: عارف
رغد: ياك كنا غنسافرو
وليد: كنا مي مبقيناش ازين
رغد: علاش شنو السبب
وليد: براكا الله يرحم باك من الاسئلة حتا توصلي و غتشوفي
رغد: ولييد فهمني .. ياك كنا غاديين لشهر العسل دبا علاش مبقيناش؟
وليد: حيت غنسبقو شهر القطران هو اللول 😉
غمزها و هي مزال مفهماش ياله بغات تهضر حتا حسات بضربة جاتها للراس على اترها فقدات الوعي ..
كان جالس فكافي و قدامو عثمان حاط يديه على ركابيه كيشوف فيه عروقو خارجين و وجهو حمممر .. ضرب فالطبلة بالجهد حتا كلشي تلفت ليه و خرج عينيه فعثمان
رعد: علاااااش هدشي مقلتيهش ليا قبل
عثمان: سي رعد عفاك تهدن و حاول تسمعني .. انا حاولت نهضر مع ختك شحااال من مرة و شرحت ليها شنو كاين ولكن متيقااااتنيييش و حتا الدليييل على كلامي مسحووو داك الكلب .. واخة جيييت عندك مكنتييش غتييق فيا كيف دارت ختك اولا؟
رعد: انا عاااارف اصلو الشماتة بلاما تقولها ليا نتا ولكن رغد دارت غلط كبيييير ملي قبلات تزوج بيه
عثمان شاف فيه بجدية: ولكن حتا نتا غالط كتر منها .. في عوض ما تقول ليها شنو عااارف عليه و بلي هو اخ المرا لي اعتاقلتي و حكمو عليها بالمؤبد و نتاحرات بسبابك بقيييتي ساكت و خيرتيها بيناتكم .. و نتا عارف ان رغد كتفكر بقلبها كتر من عقلها
رعد: مبغييتش نقول ليها هدشي و ندخلها فمشاكل خدمتنا اللا منتهية .. و ملي شفت داك العشق فعينيها قلت نخليها على راحتها لربما حتا هو يكون كيبادلها نفس الاحساس و نصدق ضالمو
عثمان: دبا شنو ناوي ديير فهاد الحريرة .. واش صافي غتسمح فختك مع داك شماتة
رعد: كيف ما كان الحال كتبقا ختي و ماغنسمح لحتا واحد يأديها و لا يقييس شعرة منها
عثمان: شنو الخطة؟
رعد طبل فوق الطبلة و شاف بعييد: مكاينة خطة غنتبعو كلامو حتا نطيحو على راس الخيط…
بدات كتحل عينيها بتثاقل حاسة براسها كيضور بيها و الدوخة شداها .. غير استوعبات شنو وقع و هي تشهق حالة عينيها على وسعهم و هزات راسها من فوق الفوطوي لي كانت متكية عليه .. شافت فجنابها بخوف كتحسس فالدقة لي تجرحات منها .. حكات عينيها كتشوف فيه جالس مقابل معاها و ابتسامة خبييثة على محياه ..
حكات عينيها كتشوف فيه جالس مقابل معاها و ابتسامة خبييثة على محياه .. دخل معاها الرعب ديال بصح ملي تفكرات كلام خوها و كلام عثمان و هوما كيحدروها منو .. ولا فمها كيترعد ممحكماش فراسها و هي كلها كتغزل حطات راسها فالخطر بيديها و مكاين لي يعتقها ولا يشوف من حالها كيترددو في ودنيها غير كلمات عثمان و هو كيقول ليها راه كان ناوي يقتلك و كلام خوها و هو كيقول ليها انا لي عارفو شنو كيسوى!! يعني صافي هادي اللخرة فيها .. طاحو دموعها على اخر جملة طاحت فعقلها و هزات فيه راسها مخلوعة
وليد: صباح الخير مراتي الغزالة
رغد: و وووولييييد ععععفاك
وقف متاجه عندها و هي كترعد: شششش تؤ تؤتؤ متبكييش امراتي حنا عاااد غنبداو و نتي كتبكي هممم خايبة فحقي دبا .. غيقولو راجلها بكاها فاول يوم فزواجهم
رغد كترعد: ششنو بغيتي مني هئهئهئ فاااش أديتك انا هءهءهء عععفاك خلييني نمشي فففحالي
ولييد: فييين غتمشي احبيبة .. بلاصتك مع راجلك و حتا واحد ما عندو الحق فيييك من غيييري
رغد: شششنو بغيتي من عننندي هئ هئ هئ اش درت ليك انا حتا دير معايا هكا هئهي عفاك خليني نمشي ولي بغيتيها نعطيها ليك
مشا شدعا من شعرها هاااز ليها راسها الفوق و هي كتغوت مقسحة: بغيييييت روووووحك نوصلها على روووح ختييي بغييت نحححححرق قلب خووووك و واليييدييك كيف تحرقو قلووووبنا على ميييي لي دخلها لحباااااساااات حتا ماااااتت .. غنعذذذذبك كيف تعذبات ميييي قبل ما تموووت مغنرخمممكش لا نتي لا هووو وااااخة يبوووس ليا رجليا مغنسسسسمحش لييييكم
رغد جمعااات كاااع شجاعتها و دفلات ليه على وجهوووو مخنزرة: تستاااااهلو كتتتر خووويا طبق غييير القااانون و لي دااار علاااش كيتعاقب و حتاااا نتااا ها نوبتك جاااااية ماشي خووويا لي تدااار بيه اشماتة
مسح وجهو بيديه و ضحك فعصبية و هز يديه حتا الفوق و نزل عليهها للحنك حتا طاحت فالارض: ايوا عيطي لخووك دبا يعتقك مني
نزل عليها بالضرب و التصرفيييق فين ما جااات مكيهموووش و هي صوتها باااح من كترت الغوات .. بقا كيضرب فيها و يركل و يغوت و يعاير فيها حتا ولات بحال الشرويطة و الدم خارج ليها من فمها .. ملامحها غبرو بكترة الضرب لي ضربها .. خلاها مليوحة تما و ناض طلع لبيت ديالو دوش و لبس حوايجو و تلاح نعس بدم بااارد مخليها مليوحة لتحت سخفاااانة و دمها مغطي ملامحها..
سمحولي لبنات تعطلت عليكم.. جات عندي ختي و بقيت ملاهية معاها
فالصباح بكري فاقت سهى شادة فقلبها و دموعها دايزين على خدودها مخلوعة .. رد ليها فهد البال و ناض كيشوف فيها
فهد: سهى ياك لباس مالكي
سهى: معرفتش معرفتش ضارني قلبي و كنحس بالخنقة .. بنتي رغد غيكون واقع ليها شي حاجة انا متأكة قلبي مهانيييش من جيهتها
فهد: بسم الله عليك احبيبة غتكوني غير توحشتيها حيت عمرها غابت عليك .. بلاتي شوية و نعيطو ليها نطمنو عليها
سهى: هئ هئ قلبي ممطمنيييش عليها عنداك يكون دار ليها شي حاجة افهد نمووووت فيها والله حتا نمووووت هئ هئ الا بنتي
فهد: ششششت متخافيييش شوية و نغيطو عليهم دبا باقي الحال غنخلعوهم
سكتها و رجعها تنعس و بقا هو كيخمم فهاد التزويييجة لي ممرتاح ليها حتا واحد..
كان رعد جالس فالبيرو ديالو الليل كامل مشغووول مع قضة هاد خيتنا لي داخلة وسطهم مزااال معرفش راس الخيط و معرفها منين تسلطات عليه .. ناض جمع الوقفة غادي لبيتو حل الباب بشوية لاتكون ناعسة حتا كيسمعها كتهضر فتيلي بشوية
سيلين: شوفي اهنادي راه ملقيييتش منين ندوز ليه مكيعطينيش وقت و حتا الخزنة بالكود ملقيت كيقاش ندير ليها
هنادي: انا مشغليييش فهدشي كلفتك بهاد المهمة حيت تقت بيييك و قلت نتي لي تقدري عليها و الى سمع تولان بلي مزال مجبتي ليه حتا معلومة مغيعجبوش الحال و غنمشيو فيها كاملين
سيلين؛ اووففففف اش داني لهدشي من الاصل السيد راه عارف اش كيدير و حاضي حوايجو حتا حد مكيقرب للبيرو ديالو و ديما مسورتو
هنادي: مكيهمنييش هدشي لي كنعرف هوما المعلومات يكونو عندي
قطعات معها و خلاتها كتمشي و تجي فالبيت مرداتش البال لرعد لي كان وراها … مشات جلسات فوق السرير و رجعات بيها الذاكرة للوراء 🔙
كان واقف تولان (لي ضرب رعد) و حداه الشخص الملتم .. شاف فاك الشخص و هو يبدا يحيد فلتامو حتا بان شعر فتاة طايح على كتافها و وجهها الدائرة عليه نضرة حادة و جدية
تولان: خسرنا مرة اخرى ابنتي
هنادي: متقولش هكا يقدر يفيدنا مرضو بشي حاجة
تولان: بحالاش متلا
هنادي بضحكة خبيثة: بحال الدلائل لي عندو علينا نقدرو نرجعوهم عندنا
تولان: شرحي كتر شنو باغة تقولي
هنادي: عندي واحد الخطة و انا متأكدة غتنجح و هدشي مغايكون الا بمساعدة سيلين
تولان: واخة عيطي عليها و فهمينا هاد الخطة لي غتساعدنا
ناضت من حداه عيطات على صحبتها او رفيقتها فالعمل و رجعات جلسات حداه .. مدازش بزاف ديال الوقت حتا كانت واثفة قدامهم و ناضو دخلو للبيرو باش تفهمهم هنادي خطتها.. 🔚
رجع رعد ادراجو راسو كيضور عليه من كترة ما كيفكر .. عقل على كلشي .. عرف شكون هو و معامن حاصل و شكون باغي يدمرو و حتا زواجو الكاذب .. جلس فالمكتب ديالو مخرجش منو باش ميديرش فسيلين شي مصيبة لي يندم عليها .. سد عليه الباب و بقا جالس كيفكر بالعقل و بالشوية عليه شنو ممكن يوصلو لتولان حتا تدق عليه الباب و دخلات سهى عينيها منفوخين بالبكا
رعد: ما مالك
سهى: والو اولدي غير عيانة شوية
رعد شدها من يدها و جلسها فالفوطوي و جلس جنبها: ياك لباس واش كتحسي بشي حاجة
سهى: بخير بخير .. رعد حبيبي نطلبك و متخسرش ليا خاطري واخة
رعد: نتي تأمري اما شنو خاصك
سهى: رغد .. عفاك اولدي متبقاش مخاصم مع ختك و شوف مالها راه الليل كامل و قلبي ممهنينيش عليها هئهئهئ عفاك اوليدي الى مدير ليا خاطري و عيط عليها طمن بالي و بالك
رعد جرها عندو عنقها كيطبطب عليها: ششش متبكييش انا اصلا ممخاصمش عليها غير بغيتها تعرف الغلط ديالها و انا ديما غنكون فجنبها الوقت لي حتاجتني غتصيبني معاها
سهى: الله يرضي عليك اولدي .. راك عارف ختك معندها عقل و غير نية و لي جا كيديرها بيها .. هي ديما كتسبق قلبها على عقلها حساااسة بزاااف و معارفاش خبت هاد الدنيا .. الله يرضي علييك رد ليها البال معاك راها كتبقا ختك و تويميتك
رعد: يكون خير ان شاء الله نتي غير رتاحي و عيطو عليها طمنو على حالها الى كانت شي حاجة علميني
سكتات من بعد كلام ولدها و ناضت خرجات خلاتو مبرزط معرف فين يرد راسو واش لختو لي معرفها كيف غتكون حالتها ولا ليه هو لي مسلطين عليه الاعذاء من كل قنت و وحدة منهم جالسة وسط دارو فبيييتو .. هز التيلي ديالو و صونا عليها هي الوحيطة لي كيحس معاها بالراحة و كيتنفس ملي كيهضر معاها …. هزات التيلي من حدا راسها مزال عينيها مغمضين شافت غير بنص عين النمرة و هي تحطو على ودنها: صباح الخير
رعد: صباح الحب نعاسة مزال مفقتي
هايدي: مزااال ههه باقة فبلاصتي .. مالك مصبح عليا فهاد الوقت باقي الحال
رعد: توحشت حبيبتي و بغيت نشوفها .. نتي متوحشتينيش؟؟
هايدي بحشمة هضرات بصوت خافت: حتا انا توحشتك
رعد: هي نشوفك هاد الصباح
هايدي: واخة ملي تجي صوني ليا
رعد: واخة اسلطانتي رجعي كملي نعاسك
قطع عليها و ناض خرج جلس معاهم فوق الطبلة باش يفطرو..
كانت مزال مليوحة فالارض عينيها منفوخين و الدم نشف على وججها .. شعرها الكستنائي طايح منتوف كامل و لاصق على وجهها .. واقف هو كيشوف فيها من الفوق و ابتسامة رضى على وجهو .. لابس حوايج رياضية و كاسكيط على راسو قالبها اللور .. هز كاس دلما من جنبو و خواه ليها على وجهها حتا شهقات و حلات عينيها مبوقلات بالبكا .. شافت فيه من تحت لافرونش و تراجعات جالسة فالارض كتحنزز فيه و خايفة تجي فيها شي دقة اخرى .. ياله قرب ليها بغا يهضر و هو يصوني تيلي ديالها لي كان مزال فصاكها محطوط فوق الطبلة .. مشا دغيا جبدو و شاف سمية باها و هو يعطيها التيلي و جرها من شعرها حتا تقسحات و خشا صباعو فعنقها قاجها: هضري عااادي تقولي ليهم شي حاجة كنقسم ليييك حتا نقتل مك هي اللولة و نتبعك ليها
حركات راسها و دموعها دايزين و جاوبات صوتها كيترعد و كتحاول تخفي خوفها
رغد: اااالو حبيبو
فهد: زينة البنات لباس عليك
رغد: بخير الحمدلله و نتوما اش خباركم
فهد: الحمدلله ها ماماك بغات تهضر معاك و طمن عليك
رغد كتبكي فصمت و وليد واقف فوق راسها لا تهور و تقول شي حاجة: الو ماما بخير
سهى: الو رغد .. كيف دايرا لباس عليك كيف صبحتي كلشي مزيان .. وليد مدار ليك وابو ابنتي ياك .. كلشي مزيان قولي ليا احبيبة متخبيش عليا
سدات فمها كاتمة الشهقة و رجعات كتهضر معاها: بخير اماما كلشي مزيان .. شوفي نخليك دبا حتا لمن بعد و نصوني
سهى: واخة احبيبة الله يرضي عليك
قطعات معاها و انفاجرات كتبكي و تشهق بصوت مرتافع و وليد كيشوف فيها ببرودة عاجبو حالها .. شتفت فيه شوفة واخة تكون حجر تدوبك و دموعها كيتساقطو على خدودها
رغد: حراااام علييك هئهئهئ خليني نمشي فحالي عفاك هئهئ و كتقسم ليك ماغانقول ليهم شي حاجة عفاك هئهيهئ ماديرش ليا هاكا منستاهلش هدشي هئهئهي دنبي الوحيد انني تقت فييك و بغيتك و سمحت فكلشي على قبلك هئهئ عفاك خليني فحالي
وليد: تؤتؤ الغزالة هاد الدميعات مكيديوش مني انا و مزاااال مشفتي وااالو احبيبة حنا عاااد بغينا نبداو . دبا غتنوضي تجمعي الوقفة و تبدلي عليا هاد الحالة و نتي لي شافك يتخلع .. البيت ديالك غتلقايه على ليسر
ناضت من حداه كتجر فرجلها لي عطياها الصداع و طلعات لبيتها لقات فيها باليزتها و مستحضرات الحمام هزاتهم و دخلات ريحات عضامها عاد خرجات لبسات سرفيت و نزلات لتحت وجهها باين فيه اتر الضرب .. لقاتو فطر و خرج و هزات حتا هي فطورها لي كان موجد كلات منو شوية و ناضت كتيتكشف فالدار و تقلب فيها ربما تلقا شي مخرج لكن للاسف كلشي مسورت و حتا من الشراجم مطرقهم عليها مكايبان ليها والو .. تعصبات و خبطات رجليها مع الارض و ناضت طلعات لبيتها كتبكي على هاد الوحلة لي طاحت فيها .. بقا فيها الحال حيت رغم كااااع الناس لي حدروها منو متيقاتهمش و فضلاتو عليهم .. قلبها ضارها على خوها خافت غير عمرو يسمح ليها مكرهاتش دبا تعيط ليه و تستنجد بيه و تقول ليه ختك فخطر جييي عتقها جييي هنيها من هاد الوحش لي طاحت بين يديه .. بكاات و بكااات و ندمات و الندم منفعها طاحت نعسات حيت كتحس بلحمها مريييض عليها بكثرة الضرب دغيا غفات و نعسات مستنية شنو غيوقع ليها مع هاد ال وحش لي لقاها بيه سيدي ربي
هكذا دازت سيمانة على رغد بحااال العاااام كلها جحيييم من الصباح حتا تنعس كل يوم ضرب كل يوم شتم و سبان و شقا و معيااار ممخليهااااش ترتاح رخى عليها شقا الدار كااامل كديرو غير باش تفادا عصابيتو و ضربو ليها ولكن رغم كلشي مكاينش شي نهار لي نعسات بعضامها صحاح خاص ديما تفيق بالضرب و تنعس بالضرب كرهاااات حياااتها ولات كطلب المووووت و ملقاتووووش حتا من وليديها مكتهضر معاهم غير الى هو عيط ليهم و عطاها تهضر تحت التهديد … زااادت رقاقت كتر ما كانت رقييقة داااك الجمال كامل مشا تحت عينيها كحااال و فمها ولا ناااشف الماااكلة بزز باش كتاكلها و النعاس ما شابعاهش .. الخلاصة رجعات حالتها كتشفي متقدريييش تبقاي تشوفي فيها .. ديك البنت الانيقة و الرقيقة و الحساسة مبقا منها والو حالتها تدهورات فضرف سيمانة و سي ولييد عاااجبو الحال و كيستمتع في تعديبها غواتها بالنسبة ليه بحال نغمات اغنية عزيزة عليه .. قلبو ماحنش فيها ولو غير شوية … اما بالنسبة لرعد راه واااحل فالمشاكل مع لالة سيلين النهار كامل و هو مراقبها و كيبحت عليها و ملي عرفها شنو بغات استغل الفرصة و رجعها لصاليحو .. فاق بكري و دخل عندها البيت هاز ملفات كيحطهم فالمجر قدامها و هي كتشوف فيه بنص عين حتا تلفت شاف فيها
فاق بكري و دخل عندها البيت هاز ملفات كيحطهم فالمجر قدامها و هي كتشوف فيه بنص عين حتا تلفت شاف فيها: صباح الخير
سيلين: صباح النور .. فين كنتي علاش عمرك نعستي فبيتك واش بسبابي
رعد: لا غير مع الخدمة مكنلقاش الوقت
سيلين: واخة مزيان .. شنو هادشي و ديالاش
رعد: شي ملفات ديال الخدمة ويااااك تقرررربي ليهم راه فيهم شي حاجة مهمة الى تلفو مننننرحمكش
تعمد يقول ليها هاد الهضرة باش يدخل ليها الشك و فعلا غير خرج و ناضت بالزربة سدات من وراها الباب و قلباتهم ورقة بورقة و ابتسااامتها غير مكتزيييد تبان حتا نقزااات بالفرحة و هي كتضحك: ياااااس يااااسسسس طاحو فيدي هههه صافي اللعبة سااالاااات ههههه فين تيلي فيين
ناضت كتجري هزات التيلي و عيطات على هنادي
سيلين: الوووو هنادي
هنادي: شي جديد
سيلين: مهمتي كملااات لقيت الدلائل ههههه
هنادي بفرحة: واش بصصصح متأكدة
سيلين: اه هاهوما بين يدية
هنادي: صافي ما بقا عندك ماديري تما انا نصيفط ليك واحد من رجالنا غيجيبك لهنا و عنداااااك يشوفك شي حد منبغي حتا غلط
سيلين: واخة كوني هانيا اليوم نكون تما
قطعات معاها و ناضت لبسات حوايجها و خبات الملف لي بغات بين حوايجها و خرجات عندهم كأن شيئا لم يكن و هي معارفاش بلي هضرتها كااااملة سمعها سي رعد و فهد بفعل جهاز التصنت لي دار ليها في البيت و هوما واااجدين قبل منها لاي خطوة غديرها
كيف ديما ناعسة فبيتها من بعد يوم متعب فهاد الجحيم كيف سماتو هي .. فيقها غير الما لي نزل على وجهها حتا شهقات و بعدات وجههت كتحاول تتنفس و الما غير مازايد كينزل حتا ترطبات كااملة ولات كتقطر بالما .. بعدات هربانة منو و هزات عينيها فيه كتشوفو مراقبها باتسامتو الخبيثة و هاز في يديه سطل لي خوا عليها
رغد: واش حماقيتي كنتي غادي تخنقني
ولييد: اااه مكرهتش مي ماشي دبا هه مزال متعدبتي كفاية باش نرحمك و نصيفطك عند مولاك (شاف فيها مخنزر) هبطي طيبي ليا فطوري و حدااااري نلقا القهوى كيف ديال البارح نكمل ليك على ليد الاخرى
ناضت واقفة مخلوعة منو و كتشوف فيدها لي ضايرة عليها الفاصمة .. تفكرات لبارح ملي خوا ليها الكافي على يدها و هي تنوض كتجري هزات حوايج بدلات و نزلات كتوجد ليه في الفطور و تحط فوق الطبلة حتا نزل و جلس كيفطر باريحية بينما هي بقات واقفة حداه و مترددة تهضر في الاخير تشجعات و نطقات بصوت خافت و مترجي..
بقات واقفة حداه و مترددة تهضر في الاخير تشجعات و نطقات بصوت خافت و مترجي: عفااك ممكن تعطيني نهضر مع ماما توحشتها
وليد: ماشي دبا حتا نسالي
رغد: عااافك والله ما نقول ليها شي حاجة دغيا نهضر معاها و نقطع الله يخليك هئهئ بغييت غير نطمن عليها
وليد: واخة جلسي
جليات كتمسح فدموعها فرحانة لي غتهضر مع مها .. توحشاتها و توحشات كليماتها الحنان معاها.. شحال كانت تعاود ليها على مغامرتها مع فهد و كيفاش حتا تزوجو و المشاكل لي مرو منهم و رغم ذلك حتافضو على حبهم و زواجهم بقا ديما مستمر .. شحال تمنات حتا هي تعيش شي قصة حب مشابهة و يكون راجلها بحال باها بحنيتو .. بعصبيتو .. بمزاحو .. بغواتو .. ولكن للاسف كلشي تبخر و اختفى مع هاد الوحش دبا ولات كتسنا غير نهار يقبط روحها و تمشي عند ربها .. فقدات الامل انها تخرج من هنا مرة اخرى و حتا باش توصل للواليديها لي ينقدوها متقدرش .. فكل مرة كتقول اليوم نهرب اليوم نقولها لخويا و بابا كيحصلها وليد و يعطيها قتلة ديال العصا مع التهديد بقتل عائلتها .. و حيت عارف رغد ضعيييفة و نية دغيا كتيق فيه و سهلة المنال .. عيطات على مها و حطات التيلي على ودنها حتا جاها صوتها الحنوون: الو الحبيبة ديالي كيف دايرا بخير .. مالكي على هاد الغيبة مبقيتي عيطي مكتجاوبي ياك لباس
رغد: ماما حبيبتي لباس اش خبارك كيف داير بابا و الاولاد كلشي مزيان
سهى: اللهم لك الحمد قولي ليا نتي بخير فين غابرة واش مزال ماجيتوش من السفر ولا كيفاش
رغد و دموعها دايزين: لا مزال مي قريب ان شاء الله .. رعد لباس عليه مزاب مقلق مني
سهى: لا ابنتي ممقلقش غير ملقاش الوقت فين يعيط ليك كيف شفتي دبا واحل فقضية ديك سيلين و علاقتها بتولان غير يسالي و يجي حتا لعندك يطمن عليك
رغد: ان شاء الله اماما سلمي ليا عليه و قوليلو توحشتك
قطعات معاها و انفاجرات بالبكا .. كتبكي على حياتها و مستقبلها لي ضاااع .. كتبكي على الايام ليا دوزاتها مع هاد الخاين .. كتبكي على النهار لي كذبات فيه عثمان و دفعات على وليد .. كتبكي على اختيارها ليه و فقدانها خوها .. قلبها عاااامر و ملقات فين تخويه غير البكا .. خلاها وليد تما و ناض خرج بحالاتو .. بكات حتا فشات قلبها و ناضت كضور فالدار و تقلب على شي مخرج تعتق روحها ..
بدات كتحل و تسد في البيبان حتا وصلات لواحد لقاتو مسدود مبغاش يتحل
طلات عليه من تقبة ديال الساروت بان ليها على شكل مكتب و هي تنوض كطير تقلب على باش تفتحو .. جابت مقص و موس و قرص دشعر و طورنيفيز كلشي حطاتو حداها كتجرب تفتح بيهم بقات مداربة معاهم النهار كامل و يديها كلهم تجرحو ليها مع الباب بزز تحل ليها حتا فقدااات الامل و بدات كدمع و هو يتحل ليها بقدرة الله سبحانه .. ناضت كتجري فرحااانة دخلات كتقلب على شي مخرج ولا تيليفون باش تصوني وااالو الشرجم مسدووود و مطرق و حس التيليفون ما كاين .. طاحت للارض كتبكي و معنقة رجليها و حطات راسها على ركابيها كتشهق و تهرنن حتا فجأة سكتات و بقات كتشوف نيييشان بلا حركة..
خرجات ليها الضحكة بلا خاطرها و نااااضت كتنقز ملي شافت البيسي محطوط فوق المكتبة لي فيها الكتب .. مشات كتجري هزاتو و شعلاتو .. حمدات الله لقاتو مشارجي و ناضت هزاه دخلات الايميل ديالها مخلات لمن صيفطات باش يساعدوها ولكن لا من مجيييب حتا تخلعااات لا مايشوفوهش و هادي هي فرصتها مطاحت عليها غير هايدي .. دخلات لفايس من تما ولقاتها كونيكطي فرحاااات و صيفطات ليها دغيااا…
كانت جالسة هايدي حدا مها و محمد و عثمان و قدامهم براد ديال اتاي و دوازو .. كل واحد معنق تيليفونو و خاشي عينيه فيه و مروى كتفرج حتا هضر محمد: هايدي ختي الله يرحم الوالدين نزلي جيبي ليا روشارج راه غتقادا ليا و نبقا اونبان
هايدي: و ميييمووو سير وحدك حشومة عليييك نزل انا
محمد: و جيبي ليك حتا نتي وحدة غير نزلي
ناضت كطير حطات التيلي و مشات طارت عليه باستو: ايوا دبا دويتي ههه العززز
شدات الفلوس و نزلات تقدا ليهم مخلياهم مجمعين حتا بدا التيلي ديالها كيصدر صوت انها وصلوها رسائل
مروى: اناري سكت زبل صدعنا واخة تكون كتهضر مع الوزراء
هزو عثمان كيضحك بغا يطفيه حتا طلعات ليه سمية رغد و ميساجاتها .. كان غيحطو ولكن الفصول مخلاهش و هو يدخل للدردشة ديالها
رغد: هااايدي ختي عتقيني عفااااك راه وليييد بغا يقتلني
-شوفي الله يرحم الوالدين عيطي على رعد ولا بابا قوليها ليهم
-هادي لخرا ليا والله و جا حتا يدبحني
-بلييييز زربي و شوفي كيف ديري توصلي لخويا قوليها ليه…
و هو كيقرا كيحس بودنيييه تصصصصمكو عليه و الارض ضاااارت بييه .. عينيه مفيييكسسن فتيلي و حمااارو .. عروق يدييه بااااانووو و الخوووف فعينيه .. وقف بلا وعي غادي خارج حتا وقفاتو مروى: يااك لباس اخويا شنو كاين
عثمان: واااالو حتا حاجة ما واقعة قولي لهايدي تيليفونها عندي غنقدي بيه شي حاجة و نرجعو ليها
مخلاهاش تزيد كلمة كان خرج و مشا للوطو ديالو ركب فيها و كسيييرا حاط تيلي على ودنو كيصوني على رعد ولكن بدون جدوى .. هز تيلي ديال هايدي و صونا على رغد فالفايس ديالها ولكن مكتجاوبش و بدا كيكتب: جاااوبي ارغد جااوبي
رغد: راه معندييش ليزكوتور باش نسمع
بقا غير كيتراسل معاها و هو في طريقو لدار فهد ينقدو هاد المصيبة لي غارقة حتا لودنيها … دخل مكسييري و نزل كيسول على رعد و كااع الخدم معارفينش..
كانت نازلة سهى من الفوق لابسة سيرفيت و كتجمع فشعرها حتا قشعاتو جاي داخل و باين فوجهو الخوف .. عينيه كيمشيو و يجيو و هو كيقلب على رعد و تيليفون فيدو مرة مرة كيطل عليه .. سرعات فمشيتها حتا وصلات عندو و سولاتو بخوف و استغراب: ولدي عثمان ياك لباس مالك .. ياكما واقعة شي حاجة لهايدي
عثمان: لالة سهى فيين رعد ولا سي فهد بغيييتهم ضروري
سهى: لاش بغيتيهم راه مكاينيش عندهم ليوم شي عملية و مشاو و حتا من تيليفوناتهم مكايديوهمش للخدمة .. عثمان قول ليا اش كاين
عثمان بداك العصاب ضرب يدو مع الحايط و غوت: ميييييرد .. مشكلة هادي
سهى و الخوف غير مزاد ركبها: الله يرضي عليك ماقول شكاااين راك خلعتيني
شاف فيها و معرف واش يقول ولا يسكت كيشوف فيها كتقفقف و هي مزال معارفة والو ملي تعرف اش واقع لبنتها تقدر تمشي فيها .. شاف حتا عيا و اضطر يقول ليها حيت مزال معارف حتا فين تكون رغد و تقدر سهى تكون عارفة مكانها
عثمان: لالة سهى عفاك حاولي تحكمي فراسك و سمعيني اش غنقول و كوني قوية حيت مزال معارفين والو..
سهى طاح منها النص ولا وجهها صفر و عينيها بياضو كترقب شنو غيقول: طلقنييي خلاااص
عثمان: رغد .. رغد عندها شي مشكل مع راجلها
سهى بعدم استيعاب: كيفاش مفهمتش؟
عثمان: هاكي قراي
عطاها التيلي و شداتو يديها كيترعدو طلعات للدردشة كتقرا و عينيها خارجين و قلبها كيضرب بسرعة كتحس بيه بغا يخرج من بلاصتو ممستوعباش شنو كتقرا و كتحرك فراسها يمين و شمال باغة طرد هاد الفكرة من راسها ..
طاح ليها الفون من يدها و طاحت كتغوت و تضرب ففخاضها: انااااري على بنتيييي اش واااقع ليييها.. و غييير الصباح هلي هضرت معاها و جاني صوتها فشكل كنقول غير كيتهيئ ليا هئهئهئ اميييمتي على الكااافر بالله بغا يقتل ليا بنتييي و عتقوووو ليا بنتي اعباااد الله هئهيهئهئ و ناااري على كبييييدتي بغا يحرمني منها الكااافر بالله هئهئهئ وااععععع هيئهئ جييبووو ليا بنتيييي هئهئهئ
نزل عندها عثمان كيحاول يهديها شوية و هي غير مزايدة فيه .. حتا وااحد محاااس بيها حتا وااحد ما عارف فقدان شخص من صلبك راه وجع ما يمكن يصبر عليه حتا واحد .. وقفها و هي كتجاوب و تغوت بلحووحتها بغات تخرج بالغوات و الخدمات واقفين كيشوفو معرفو شنو يديرو ليها .. مشات وحدة كتجري جابت ليها الريحة كترش ليها فيدها و هي نصها سخفان و نصها كيبكي و يغوت مخلطة عندها الدعوة .. شافت فعثمان عينيها حمرين باين فيهم الخوف و شدات ليه فيديه كترجاه: هاا العااار اولدي لاما عتقها هئهئ الله يرحم لييك الوالدين جييب ليا بنتي هئهئهئ راه الى فقدتها والله حتا نمووووت والله ما نعيييش من ورا كبييدتي هئهئهئ
عثمان: لالة سهى عفاك تهدني شوية و خلينا نلقاو حل لهدشي واش معارفاس فين ممكن يكونو؟
سهى و هي كتنخصص: لا لا ماقالو وااالو من غير انهم مسافرين
ناض هز تيلي ديال هايدي لي طان طايح و صيفط لرغد: رغد هذا انا عثمان قولي ليا فييينك نتي نجي عندك؟
كانت رغد كتمشي و تجي و طل من الدروج خايفة يجي وليد و يحصلها حتا وصلها ميساجو و جاوبات: معرفتش معرفتش فييين ملي جابني كنت فاااقدة الوعي ماشفت والو
عثمان: شييييت ( شاف فسهى) مكتعرفييش شي واحد عندو مع التكنولوجيا و هاد التخربيق يجيب لينا لوكاليزاسيون ديالها
ناضت سهى قافزة كتمشي و تجي تالفة غير بحدها: اناا انا نعاونك
مشات كتزرب فمشيتها و الخلعة لاعبة عليها و دخلات لواحد البيت عامر بالاسلاك و البيسيات و داك التخربيق .. تبعها عثمان و هو مستغرب اش غدير حتا تلفتات عندو: سولها واش تيليفونها خدام باش نلقا سينيال ديال الكارت ديالها
سولها و قالت ليه معرفاتس حيت اصلا تيلي كيبقا عند وليد .. تحدرات سهى على البيسي كطابي فيه و تخندش و عثمان حداها كيمشي و يجي متوتر كتر من ساعة و هي كتخندش حتا هزات راسها فيه: الحمدلله دبا غيطلع ليا السينيال
بقات كتسنا حتا بدات كتوضاح ليها الصورة و هي تعيط ليه كتوريه حتا تحدد موقع تيليفونها .. ناض كيجري و تبعاتو سهى من اللور: نمشي معاااك
عثمان: ما عندك فين تمشي التيلي بيناتنا و قابلي داك الموقع الى وقع شي تغيير علميني
مشا كيجري و هي رجعات جلسات قدام بيسيهها كتطلب ربي يحفضهم و يرجعهم سالمين..
راكب فبلاصتو و مراقرها غير من بعيد و باه و خوه فاللوطو لي وراه .. شافها جلسات فكافي و كتصوني فالتيلي بحدر و مرة مرة كتشوف فجنابها واش مراقبها شي واحد .. دازت ما يقارب ساعة عاد جلس فجنبها شخص لابس الاسود تناقشو شية و هوما ينوضو ركبو فالسيارة و كسيراو غافلين على سيارات رعد و فهد لي تابعينهم حتا وصلو لقرب شبه مزرعة مهجورة بلاصة اللوطو بعيد و حداه فهد و نايف لي اصر يجي معاهم .. كانو لابسين الواقي و معاهم حتا بعض رجال الشرطة للحمية .. تقدم رعد من جهة و فهد و نايف من جهة اخرى و الرجال حاصرو المكان، اما لداخل كان جالس تولان و في جنبو هنادي و قدامهم سيلين فرحانة بالانجاز لي دارت، ياله غتعطيهم الملفات سمعو الباب البراني تفرع، ناضو الحراس كيشوفو شنو كاين حتا لقاو هجوووم من رعد و رباعتو، الصداع ناض و وصل لتولان لي ولا كيتفتف مكان ضارب حساب لهادشي ناض كيجري هو هنادي كيقلبو على شي مخرج منين يهربو اما سيلين ولات كتقفقف خايفة تكشف ناضت حتا هي تبعاتهم و رعد و فهد كيضاربو مع الحراس دقة فيا دقة فيك مبغاوش يستعملو السلاح و الر استعملوه كتكون غير ضربة سطحية .. قدر رعد يدخل لداخل ولكن للاسف لقاهم هربو من غير سيلين لي حصلات تما و غير شافتو كانت غتطلقها فحوايجها قرب ليها شدها من شعرها هازها منو حتا لوجهو: فييييين مشاو دوييي
نعتات ليه منين دازو و هي كتبكي و تغوت من الشدة لي داير ليها .. طلقها و ضربها بلور ديال يدو حتا طاحت و مشا كيجري منين قالت ليه، بان ليه مخرج سري و تبعهم كيجري و يقلب حتا بان ليه تولان كيجري و معاه شي بنت شادة فيه غوت بججججهد حتا تلفت تولان و وقف: توووولاااااان
بقا جامد من الخلعة مقدرش حتا يجري اما هنادي غير شافتو ترخى و مبقا عندو جهد و هي تسمح فيه و عطات رجليها للريح كتجري بكل جهدها كاخلة بين الاشجار لي كانو تما، لحق رعد على تولان شدو من قرفادتو عطاه روسية حتا داخ و خلاه منشور لنايف لي كان تابعو و تبع هنادي كيجري و يقلب علييها ولكن مبقاش لقا ليها الاتر..
تبع هنادي كيجري و يقلب علييها ولكن مبقاش لقا ليها الاتر، ما خلا فين قلب بدووون جدوى، وقف معصب كيضور فعينيه فالمكان لا يبان ليه واخة غير مؤشر من دازت كيلقا غير الاشجار و حس بنادم مقطوع
رعد: فاااااك كانت بنت بنننت
رجع ادراجو لفين كانو بينما هنادي نزلات من فوق واحد الشجرة لي كانت مغبرااااها مكايبانش ليها الاثر، ساست حوايجها و كملات طريقها خارجة من تما قبل ما يرجعو و يلقاوها..
غادي مكسيري مكيبان ليه حتا واحد من غير رغد و كيف غتكون حالتها … قلبو كيخفق بسرعة مخلوووع لا يكون اداها وليد و هي غير نية و تيقة لي جا كيديرها بيها .. غادي و متواصل مع سهى و كتوجهو فين كاين سينيال..
اما عند رغد وجه المحاين كانت جالسة كتسنا شي خبار من عندهم حتا سمعات الباب كيتحل .. ناضت قافزة خرجات من الباب و نسات ما سداتو .. نزلات كتجري و وجهها مخطوف منو اللون واقفة قدام وليد لي كيشوف فيها باستغراب
وليد: مالكي
رغد: ووووالو
وليد بشك: فين كنتي
رغد: ففففف بيتي
وليد: مالكي كتفتفي عليا حيدي من قدامي قبل منخسر لمك وجهك
بعد من قدامو غادي طالع و هي تبعاه كتعيط عليه .. البولة كتحس بيها بغات تدوز من كترة الخوف اما سي وليد ما وقف حتا لفوق شاف جهة بيتها و نعت ليها ليه: دخلي تق** فحالك منشوفكش هنا
دخلات كتفتف سدات ليها من لداخل و بقات كتمشي و تجي و قلبها بغا يخرج من بلاصتو .. مدازش بزاف ديال الوقت حتا سمعااات غوااااتو و بلحوووحتو بغات تخرج .. سورتات عليها و جلسات فوق السرير مقنتة و خايفة منو .. اما هو خرج من البيرو ديالو جنونوووو فوق راسو بغا يقتلها و يشرب من دمها .. دفع الباب لقاه مسدود و بدا كيرتخ فيه حتا ضربو بالجهد و طار مليوح حداها .. غوتات بكل جهدها خايفة من و لاصقة فالقنت ديال السرير حتا جا ليها جرها من شعرها عينيه خارجين
وليد: انااااا ابنت ***** ديريها بيااااا ادوييي اليووووم نقتل *****
بدا كيضرب فيها و هي كتغوت و هاربة منو و هو تابعها كيخبط فين ما جات .. خلاها كاااملة مطبعة و هي كتغوت .. شوية ضارت و دفعاتو عليها بكل جهدها مغلغلة علييه و جنب فمها دايز بالدم: بعااااااد منيييي الشمااااتة صاااافي ساعتك سلااااات والله اليوم ما غتنجاااا منها اليووووم تخلص كلشيييي
وليد ضحك بعصبية: نخلص هه من عندمن داااااك نص روييييجل لي جااااي الى ما ح*** قدااامك مسميييتيييش ولييييد
رغد: راااااجل علييييك هوااااا و بزااااف علييييك و متوصلوووووش و ماكاين عييييفة الرجاااال قدك و دبا يجيييي و يندمك الكلب ( دفلات ليه على وجهو)
مسح وجهو و هز يدو حتا للسما عطاها ليها لوجهها حتا حسات بفكها تحرك من بلاصتو و طاحت فالارض .. نزل عندها هزها من شعرها مغلغل علييييها باغي يغززها بسنااااانوووو و هي كتغوت و تركل بين يديها مقسحها: دبا هواااا كتفضليييه عليا ياااك
رغد: اييييه حسن منك بالف درجة و رااااجل عليييك
وليد: راااجل عليا حيت شلقمك قداااامي ياااك عجبك الحاااال ملي باسك ياااك بغيييتيييه يبوووسك الكلبة
رغد: اااااه عجبببببني و مكرهتووووش كون بقاااااا يبوووسني دييييما و ندممممت على النهار لي قبلت الزواااج بيييك
لاحها فوق السريييير شياطينو وااااقفين عليييه و كيشوف فيها عيينيييه حمرييين ماعاقلش على راسووو
وليد: ايوا يجييي دبا يعتقك من بيييين يدييي و دباااا غتشوفي شكوووون الرااااجل فينا اناا و لا هوااااا…
تراجعات للور فوق السرير و عينيها خارجين فيه وجها مشا منو اللون و فمها بيااااض ولات كتغزل بالخووووف كتشوف فعينيه حمرين عروقو بارزين كيخلع .. ندمااات على الكلام لي خرجاات ليييه و مكرهاتش يرجع الزمن اللور متقولووووش ولا تخرجو من فمهااا وبكن تمشي الرياح بما لا تشتهي السفن..
وقف عثمان وسط الطريق كيسوط و يشوف فرويضة لي تبيسات ليه .. ضور عينيه فين واقف و شاف فتيلي و لوكاليزاسيون لي صيفطات ليه سهى لقاها قريبة ليه و هو يزييد على رجليييه كيشوف فارجاء المكان و هاد الخلا بي عايش وسطو و معيش معاه حتا رغد .. بقا غادي مرة يجري مرة يتمشى حتا بانت ليه دااار بوووحدها فوسط هاد الخلا .. بانت ابتسامة على وجهو و بدا كيقرب حتا وصل ليها .. بدا كيضور عليها يلقا منين يدهل ولكن والو كلشي مسدووود .. وقف كيشوف و يهندس منين يدهل حتا قفزااااتو غووووووتة كسراااات داك الصمت و السكوووون لي كان في المكااان و ما يكون الى صوت رغغغغد…
مليوح فوووقها كينهش فلحمها و هي كتغوت و تدفع فييييه بكل جهدها لي مكايساوي وااالو قدااامو هو لي تزااادو فيه عششششرة من بعد الكلام لي قااالت حسسس برجووولتو تمسااات و شرفو تقااااس مستحملش تقول عليييه هكااك و تفضل عثمااان عليه هو لي راجلها و كانت فرحانة فزوااااجهم و اليوم كتقول ليه عثمان حسن منك و راااجل علييك ..
.. واخة ميكووونش كيبغييها مغايرضاهاش لراسو كيحس براسو تطعن فرجووولتو و شرفو ماااعاقلش على راسو شنو كيدير لمهم يبرد النار لي شعلات فيه .. اما رغد معالم بيها غير الله داك شوية الجهد لي كان عندها مشااا معاه و هي كتدفع فيه و والو لاصق عليها حتا فقداااات الامل .. كتحس براسها وصلات للنهاية…
كان رعد و فهد و نايف واقفين قدام ديك المزرعة و قدامهم سيلين كترجف و تبكي و تولان واقف بدون ملامح متعرف اش تحت راسو .. تقدم عندو رعد و نطق و هو كيشوف فين من الفوق: هاحنا تلاقينا مرة اخرى اسي تولان و هاد المرة انا لي ربحت
تولان تبسم نصف ابتسامة و نطق بلامبالاة: مغتخلينيش هنا و نتوما مغتخليكمش هانيين فبلاما تفرحو
رعد: شنو كتجيك و شكون هي
تولان: كتسنا مني نقول ليك؟
رعد: غنعرف .. كون متأكد غنعرفها و غتجي تونسك عندنا متخافش
ضرب على كتفو و عيط على رجال لي كانو معله هزوه هو و سيلين و رعد و باه و خوه زادو لسياراتهم ركبو فيهم و انطالقو غاديين فحالهم حتا غير رعد الاتجاه ديالو و شير ليهم باش يمشيو و غيتبعهم من بعد..
كانت هايدي جالسة كتمشي و تجي و تسنا فخالها يجي معارفاه حتا علاش خدا تيليفونها و مشا بلاما يقول والو ليهم .. دخل عندها محمد و شاف فيها مقوس عينيه بشك: فين كتعرفي رعد
هايدي: كيفاش؟
محمد: فين كتعرفي هاد رعد ولا البرق
هايدي: اا ا ممم خخو رغد
محمد: عرفناه خو رغد و اش جا يدير عندك هنا
هايدي: علاه كاين هناا فينو فينو
محمد: نزلي تكلمي ليه راه كيتسناك .. و ملي غاتجي نبغي تعاودي ليا كلشي بالتفصيل
هايدي: واخة ان شاء الله
نزلات كتحنقز فالدروج حتا وصلات عندوو ركبات .. قربات ليه باستو من خدو و رجعات لبلاصتها حتا تحرك هو من تما مبعد من حدا الحي حتا وصلو لبلاصة هادئة عاد وقف و شاف فيها عينيه دابلين: توحشتك
خدودها حمارو و شافت فيه هايمة فيه: حتا انا توحشتك بزاااف .. فين غبرتي النهار كامل
رعد: مشيت ننهي المهمة لي كانت عندي و نتهنا فمرة باش نرجع لحبيبتي فمرة وحدة
هايدي: يعني سيلين مبقاتش فحياتك
حرك غير راسو بالسلب كيحس براسو عيااان و قلبو كيضرب احساس في شكل
هايدي: رعد واش نتا بخير .. جيتيني ماشي على بعضك
رعد: غير عيان شوية (سكت شوية و رجع نطق) مهضرتيش مع رغد .. قلبي ممطمنيش عليها حاس بحال الى واقعة ليها شي حاجة
مزال مكمل هضرتو حتا صونا تيليفونو لقا باه
عينيها كيشوفو فنقطة وحدة و هوما منشفوش من الدموع .. كتحس براسها مبقاش عندها الجهد باش تقاومو و هي غتفقد اعز ما كتملك على يد هاد الوحش لي مكيرحمش .. شنو دنبها هي فهدشي كااامل حتا ينتاقم منها .. الذنب الوحييد انها بغات تكمل حياتها مع الشخص الغلط.. غوتات بقوة ملي حسات بيه حط يديه على سروالها و بغا ينزلو .. بقات كتنتر معاه بضعف حتا سمعات الباب تفرع عليهم .. و قبل متتلفت تشوف شكون كان وليد مهزوز من فوقها و مخبووووط مع الارض و شي واحد فوقو كيضرب بكل جهدو .. كان عاطيها بالضهر و كيسب فيه مغيدد عليه .. جمعات تيشرت على صدرها و تقنتات فوق السرير جامعة رجليها عندها و خاشية وسطهم راسها كتقفقف و ترعد … كان عثمان نازل على وليد كيخبط فيه مع الارض و يضرب بكل جهدو و صدرو كيحرقو .. وجهو حممممر و عينيه خارجين فوليد لي كيبغي يدافع على راسو ولكن ملقاش كيفاش .. كان عثمان كيخبط فيه فين ما جات حتا سخفو ولا كيلهت و وجهو كاااع دم مجلخ و ملامحو غابرين بالدم .. على غفلة هز عثمان راسو و ضورو بالزربة كيقلب عليها حتا لمحها مخشية فراسها و كتنخصص .. ناض من فوقو و قرب ليها بخطوات متسارعة حتا وقف حداها .. ياله مد يدو و قاسها فيدها بغا يهز ليها راسها و هي تغوت راجعة باللور خايفة..
عثمان بعد يدو و حاول يهدنها: ششش متخافيش ارغد هذا انا عثمان .. متخافيش مني جييت غير باش نديك لداركم .. ماماك كتسنا فيك ياله اجي معايا..
مد ليها يديه و بقا مراقبها و هي كتنخصص و تشهق .. عينيها حمريين و منفوخين من كثرة ما بكات .. مدات يدها بتردد ليه حتا شد فيها و جرها عندو معنقها خاشيها وسط صدروو و مزير عليها مخليها طلقات العنان لدموعها تسرسبو على خدودها بقوة و شهقاتها زادو .. خشات وجهها فصدرو و ضورات يديها عليه ..حسات الامان معاه و خوفها من وليد تلاشى فهاد اللحضة لي هي بين يديه .. هز ليها عثمان راسها حتا شافت فيه
عثمان: ياله نمشيو من هنا
شد فيدها و تم خارج بيها مخليين وليد مزال منشور تما .. كيف وصلو للباب بانو ليهم جايين كيتجاراو وجههم مخطوف منو اللون .. غير شافتهم رغد و هي تحيد يدها من بين يديه و قربات بسرعة تلاحت على فهد معنقاه كتبكي
رغد: باباااا هئهئهئ
فهد معنقها: ششش متخافييش احبيبة هاحنا معاااك دبا معندك مناش تخافي و داك الحمار حسابو معايا
قرب ليها رعد و حط يدو على شعرها مررها ببطء حتا تلفتات عندو و تخشات فيه
رغد: سمح ليا عفاك هئهئ مسمعتش لكلامك هئهي عفاك سم
قاطعها و هو كيقبل فجبينها: متقوليش هاد الهضرة انا ممقلقش منك بل مقلق عليك .. الحمدلله ملي خرجات طريفة
بقات معنقاه حتا جا نايف جرها من يدها عاطيها حقها من عناقو القوي حتا حسات بضلوعها غيتقسمو
شاف فيها رعد و رجع بنضرو لعثمان كيهضر معاه: خويا عثمان شكرا بزاااف على مساعدتك لينا مغنساش ليك هاد الخير و بغييت نطلبك الى جات على خاطرك دي معاك رغد و سبقونا هاحنا من وراكم
فهم عثمان قصدو و حرك راسو ليه برضى .. قرب من رغد و شد فيدها جرها مغاه خرجها بينما الدراري غير شافوهم غبرو و هوما يطلعو كيجريو الفوق و وراهم فهد..
ركبها حداه فاللوطو و تحنى عندها كيشوف فيها مربعة يديها عند صدرها ساتراه .. تنهد على حالها و وقف كيحل صدافي الشوميز لي لابس حيدها و غطاها بيها
عثمان: لبسيها عليك حتا نوصلو
سد عليها الباب و مشا لبلاصتو ركب لقاها كتعقد فيها .. خطف فيها الشوفة و ديمارا غادي و مرة مرة كيتلفت ليها كيلقاها ساهية و عينيها مدمعين .. كيشوف فالحالة لي ولات فيها من بعد ما كانت كيف الوردة المتفتحة ها هي بدات كتدبال .. ضعافت و تحت عينيها زرااق .. حالتها حااالة .. تغيرات كليا..
وقف قدام الفيلا و نزل حل عليها .. عاونها نزلات و تقدم بيها داخل حتا لقاو سهى واقفة ليهم عند الباب هي و نهى و هايدي وجههم صففففر بالخلعة .. غير شافوها و شهقو كاملين .. قربات منها سهى كتزرب فمشيتها و تبكي حتا وصلاتها و تلاحت عليها معنقاها و خاشياها فيها كيتنخصصو بزوج .. مشهد مؤثر جداااا بنت و مها فديك الحالة كل وحدة تشهق بوحدها و عناق حار .. لي مأترش فيه هاد المشهد راه فبلاصت قلبو عندو حجرة .. حتا من هايدي و نهى بداو يبكيو على الحالة لي جات فيها رغد .. كيتفكرو كيفاش خرجات نهار العرس و الابتسامة ممفارقاش وجهها المنور و اليوم كيف راجعة حالتها تشفي ..
جراتها سهى دخلاتها و جلستها فوق الفوطةي كطمن على حالتها و عثمان بعيد عليهم مخليهم ياخدو راحتهم و خرج برا يضربو الهواء شوية تبرد الحرقة لي فصدرو .. اما رغد طلعوها لبيتها و سهى ممفارقاش معاها لدرجة دخلاتها بنفسها غسلات ليها و داوات ليها الجرح لي كان فوجهها و يديها و رجعاتها لفراشها نعساتها فيه و بقاو حداها حتا غمضات عينيها مستسلمة للنعاس..
دازو ايام و اسابييع على الوااقعة .. رعد و فهد تكلفو بولييد و حرصو عليه حتا خدا جزائو هو و سيلين و تولان .. اما رغد ولات غير سادة عليها فالبيت و مستوهة الجسد كاين و العقل غايب .. كتفكر فالعذاب لي دازت منو و الضرب لي تلقات دازو عليها دوك الايام جحيم لدرجة فين ما غمضات عينيها كيبان قدامها و هو كيحاول يغتصبها هاد الصورة بالضبط كتخليها تفقد صوابها و تبدا تبكي و هربانة من اللا شيئ .. حالاها تدهورات و الماكلة كتاكلها غير بزز .. جالسة معاها هايدي مونساها و مقابلاها مع سهى لي حالتها كتشفي العدو .. تسكت حتا تعيا و تنوض تبكي و تقول ليهم بنتي ضاعت .. خايفة عليها و هي عرفاها حساااااسة بزاااف و كتبقا شادة فقلبها الحاجة لي كتأديها حتا هدشي رجع على صحتها …
كيف كل يوم فايقة و جالسة فالبالكون كتشوف لبعيييد و معنقة رجليها عند صدرها .. شعرها مطلوق على كتافها كيمشي مع الريح و شفارها طايحين على عينيها مهموووومة بحال الى هازة الجبال على كتااافها .. كتشوف فطيور لي قدامها و غير منتابهة للشخص لي واقف تحت من البالكو ن عينيه عليها .. خاشي يديه فجيب سروال و عينيها مراقبينها بكل اسف على حالتها .. تقدم دخل عندهم لداخل لقا سهى و نهى و هايدي جالسين فالصالون .. غير شافوه و ناضت هايدي سلمات عليه .. تقدم عندهم و لقا عليهم التحية و هضر بحرج: احم .. مكاينش رعد؟
سهى: عاد لقيتيه خرج اولدي .. جلس بلاتي و غايجي
عثمان: رغد كيف بقات
سهى: حالتها غير مزايدة كتكفس معرفت شنو ندير معاها .. ولات غير مخشية فداك البيييت قهراااتني
عثمان: دبا ترجع كيف كانت غير خاصها شوية الوقت (هضر متوتر و محرج) ننقدر نشوفها!! بغيت غير نطمن على حالها و نهضر معاها
نقزات نهى: اييه مرحبا اوليدي طلع الفوق البيت التاني على يدك ليمنة
شكرهم عثمان و ناض وقف مشا طلع عندها..
تلفتات نهى كتغمز فسهى و تفرنس
سهى: شكاين تاني
نهى: نقطع يدي من الجدر حتا عينو فيها
سهى: شكوون علامن كتهضري
نهى: و على سيدي عووووثمان مشفتييهش كيف طلع مزروووب ههه موحشها
سهى: استغفر الله ناس فالناس و القرع فمشيط الراس هي ديالك
نهى: و تيي مااالك راه كنشوف غير لي يناسبها .. قلتها ليك داك المرة والله ما تلقا حسن من عتعوووت ديالي الزين و التباتة و التكديرة و الفهامة و ال..
قطعاتها سهى: صافي سكتي من بعد و نهضرو فهدشي ها رعد جا..
شافو فيه دخل باس راس مو و خالتو و شاف فهايدي لي حادرة راسها كتفرك فيديها
رعد: هايدي اجي معايا
هايدي تلفتات كتشوف فسهى و نهى لي حاضينهم و هي تهضر معاها بحرج: فففيين؟
رعد: بغيت نهضر معاك
هايدي؛ ههضر غير هنا كنسمعك
شاف فيها مخنزر و هو يقرب شدها من يدها و جرها حتا وقفات و تم غادي بيها بلاما يهتم ليها هي لي وجها حمااار و حشمات من سهى و نهى لي متبعينهم بعينيهم حتا غبرو
نهى: خيتي سهى مبانش ليك غيتجمعو عليك زوج عراسات دقة وحدة ههه حسن عواانك
سهى: مصاااب غير يفرحووو و يفرحوني معاهم هاديك هي الدنيا و ما فيها .. انا خالعانب غير حالة رغد كنشوفها كتدبال قدام عيني و مقادرة ندير والو .. هدشي كااامل على داك *** كون لقيتو قدااامي نغززو بسناااني
نهى: يكون خيير احبيبة نتي متشغلييش بالك دبا تبكي حتا تعيا و تنوووض تاني و راه خاصها تجي لخدمتها انا راه تقهرت بوحدي و حتا نتي مبقيتي جيتي
سهى: ماشي وقت الخدمة دبا .. عارفة كترت عليك و نتي بوحدك مع هايدي ماقادين والو و لكن غير عديو حتا تسترجع صحتها و سمحو لينا
نهى ضرباتها لراسها: مقتلكش هدشي باش تبداي عليا بالصواب الملاوط ديالك و الخدمة ماشي مهمة قد رغد .. و انا متأكدة نسيييبي عثمان غيرجعها كيف كاانت ههه اححح شحال زويين و ضريف
شافت فيها سهى شادة حنكها و كطلع و تنزل فيها: هاويلي على السيدة بدات تحلم و رجعاتو نسييبها
نهى: و مالو راني شميييت ريحة الحب قريييب غير وجدي للعرس .. اجي قولي ليا داك راس لبغل طلقها؟
سهى: وي .. مالو لخاطرو راه وقف عليه رعد حتا سنا على الطلاق
دخلها للبيرو و سدو من وراه و جرها عندو معنقها و حاط وجهو على كتفها
رعد: توحشتك
هايدي: حتا انا .. فين كنتي غابر
رعد: كملت غير شي خدمة و رجعت لحبيبتي نبقا معاها شوي
هايدي بدلع: امم غير شوي
هز ليها راسها جهتو و نزل قبلها بخفة: بزاااف علاه انا نسخا بعمري
هايدي بلمعة حزن فعينيها: هاكا كنتي كتقول حتا ليها
رعد: عمرها سمعات مني شي كلمة .. واخة مكنتش عاقل ولكن قلبي كان غير معاك نتي
هايدي شافت فعينيه هايمة فيه و فصراحتو: كنبغييييك
تهزات على صباع رجليها و حطات شفايفها على شفايفو برقة قبلاتو بخفة و بغات تبعد ولكن شكووون خلاها لصقها مع الحيط و شد شفابفو بين فمو كيقبل فيهت بكل احساس و حنان .. الكلام لي مقدرش يقولو بفمو ترجمو بديك القبلة الحااارة ..
كانت باقة فبلاصتها متحركاتش واخة سمعات الباب تحل .. قرب ليها بخطوات بطيئة حتا وقف وراها
عثمان: رغد
ماجاوباتش بقات كيف كانت .. شاف فيها و رجع هز عينيه كيشوف بعيد بحالها
عثمان: شنو عند بالك كديري !! فيمن كتعدبي و شكون كيدفع ثمن غلط ماشي نتي المسؤولة عليه همم!! .. راك كتعدبي غييير عائلتك و راسك اما هو راه عااااجبو الحااال يشوفك هاكا !!! هدشي لي كان باغي اصلاااا علاش باغة تعطييه كتر ما كيستااهل .. علاش باغية تدمري حياتك و تهلكي صحتك على قبل وااااحد ميستهلكش .. ماشفتيييش مك كيفاش مرضاات و كلشي بسباااابك و بسبااااب هاد الحالة لي وليتي فيها .. علاااش دافنة راسك على قبلووو .. كانت تجربة فااااشلة و دازت خاااصك تخرجي و ترجعي لحياااتك القديييمة كيف كنتي ما هازة هم لحتى حاجة و عايشة بخير .. اما دبا كتييييري شفقة الكل و منضنش وحدة بحالك تبغيهم يشفقو عليها .. الى مكانش على قبلك غير على قبل واليديك لي مهولييين عليييك..
خرج و ردخ عليها الباب مخليها مغمضة عينيها و دموعها دازو .. كلماتو كلهم على حق و مكدبش عليها واخة قسح عليها و قال هكاك غيير باش تخرج من ديك الحالة لي ولات فيها..
يوم جدييد على عائلة ال عمران .. كانو على طبلة الفطور كلهم من غير رغد كياكلو و كلامهم قليل .. حتا سمعو صوت طالون كيقرب ليهم بخطوات متوازنة .. هزات سهى راسها و خرجات عينيها مع ابتسامة بانت على وجهها .. كانت رغد واقفة بشكلها الانيق .. لابسة سروال اسود كلاص مع شوميز بيضاء و صباط اسود .. جامعة شعرها من الجناب و مخلياه من اللور .. مع مايكاب خفيييف مغطي عينيها المنفوخات
سهى: الحبيبة ديالي
رغد: صباح الخير عليكم
دازت عند ماماها باستها هي و الاب ديالها و خوتها عاد مشات جلسات فبلاصتها
سهى: كيف صبحتي بخير
رغد: الحمدلله اماما متشطنيش راسك معايا انا بخير
فهد: دكشي لي بغينا ابنت باها .. غادية لشي بلاصة
رغد: اه غندوز للشركة و من بعد نمشيو شوبينغ انا و هايدي شحال هادي ما خرجت
نايف: اييه سيرو بدلو الجو و الى ساليت ندوز عندكم
رعد: هوما بنات بيناتهم و نتا اش غادي ديير عندهم ما عندك شغل
نايف: قلت حتا نسااالي و نمشي عندهم
رعد: ملي تسالي جي عندي انا و هوما عطيهم بالتيساع ولا نوصل على مك تما
سهى : هههه و تفرق عليهم خلي البنات بيناتهم ” شافت فرغد” سيري ابنتي ضوري مع راسك و الله يرضي علييك و يحفضك
رغد: امين احبيبة
وقفات اللوطو ديالها قدام الشركة و نزلات هازة راسها الفوق و كتمشا بكل انوثة.. طقطقات صباطها كتسمع مع كل خطوة ليها و هي غادية مكتشوف فحتا واحد .. ديك الابتسامة لي كانت ترسمها فوجه الموضفين اختفات و التحية لي كانت تلقيها عليهم مبقاتش .. كتبان مغااايرة على كيف كانت تقول هزيتي وحدة و حطيتي الاخرى .. دخلات للسانسور و طلعات للبيرو ديالها و في طريقها بان ليها عثمان واقف قدام سكريتيرة كيمد ليها فشي وراق .. دازت من قدامهم بلا مبالاة و دخلات لمكتبها .. شافها عثمان و بانت ابتسامة على ثغرو و هو كيخاطب كوثر
عثمان: و نهار كبيير هذا ملي رجعات لالة رغد
كوثر: توحشناها والله غبرات علينا بزاف
عثمان: كل واحد و ضروفو الحمدلله ملي رجعات سالمة
كوثر: ياله سير لخدمتك انا نشوف واش خصاها شي حاجة
هزات كوثر الملفات و دخلات بابتسامة عند رغد بينما عثمان مشا لمكتبو مقابلها بتركييز حتا قطعاتو كوثر لي داخلة وجهها صفففر عندو
كوثر: من هنا 10 دقايق كاين اجتماااع و يا ويييلك تعطل مشيتي فيها
عثمان: ياك لباس مالك صفرة تقول دخلاك الموت
كوثر: انسة رغد تسييفات عليا مخلات فيا غير لي نسات و دبا صيفطاتني نعلم الموضفين بالاجتماع كتبان معصبة عمري شفتها هاكا
عثمان: واخة انا شوية و نجي غير سيري
مشات كوثر و ناض عثمان جمع وراقو و مشا لقاعة الاجتماعات لقا تما بعض الموضفين و جلس معاهم كيتسناو البقية تلتاحق مع رغد حتا دخلات عاقدة حواجبها معاجبها حال و الاجتماع كااامل و هي غير كتأمر و تغوت على الموضفين حتا دخلات الشك فعثمان لي كيشوفها تغيرات 180 درجة .. فين البنت المأدبة و لي كانت الابتسامة مكتفارقش وجهها .. فعلا تغيرات و هاد التغيير ما مناسبش شخصيتها..
سمحات للموضفين يخرجو و بقات هي جالسة كتحك فراسها و مغمضة عينيها محاولة منها تطرد التوتر لي بان عليها ملي شافت عثمان مزال جالس
رغد: واقلة مسمعتينيش ملي قلت كلشي ينصرف
عثمان: مجاش معاك هاد الدور لي بغيتي تلعبي
رغد: مفهمتكش علاش كتهضر
عثمان ” وقف كيشوف فيها بنضرة لي مقدراتش تفهمها”: لا فهماني مزيااان و عرفاني علاش كنهضر .. نصيحة لي نقدر نعطييك راك كتخدعي غير راسك بهاد الحماق لي كديري .. حاولي تجلسي بوحدك و تراجعي قراراتك حيت جيتيني بديتي كتخرفي
خرج مخليها كتنفس بصعوبة و دموعها شقو طريقهم على خدها .. كتحس بحال شي عقدة فحلقها ممخلياهاش تنفس ولا تغوت ..
مسحات دموعها و وقفات خرجات من القاعة دازت لبيرو ديالها هزات صاكها و خرجات .. في طريقها تلاقات مع هايدي
هايدي: رغد واش غادية خارجة دبا؟
رغد: اه شوية و نجي
هايدي: تسنايني نهز غير تيليفوني و نمشي معاك
رغد بسرعة رفضات: لااا مكاين لاش انا غادية نقدي شي غراض و نرجع ديك الساعة و نخرجو
هايدي: واخة على راحتك
خرجات رغد مسرعة ركبات فسيارتها و كسيرات بسرعة غافلة على اللوطو لي كانت تابعاها و مراقباها من بعيد … وقفات رغد قرب احد الاحياء الشعبية و هزات تيلي ديالها
رغد: انا في الشارع فينك
الشخص: دخلي مع الدرب لي قلت ليك و غتلقايني كنساينك
قطعات مع الشخص و هزات بسطامها معاها و خرجات من اللوطو كتشوف فجنابها و الخوف ضاهر على ملامح وجهها .. دخلات مع الزنقة كتشوف فالدراري مقنتين و حاضيين الغادي و الجاي ها لي كيشيش .. ها لي كيتحشش .. لي كيشم .. كل واحد و شنو كيدير و مكاين غير القطااطعية .. دازت من حداهم خايفة و كتزرب فمشيتها حتا وقفات قدام الشخص لي كان كيتسناها .. كان شاب فالثلاثينات من عمرو .. يديه كلهم مشرطين و وجهو سمممر و فمو زرق .. عينيه حمريين و مدمعين .. مد يدو يسلم عليها و هي تخنزر فيه رغد
رغد: فين الامانة علاش وصيتك
الشخص: موجودة عطيني الفلوس و هاكيها
جبداتهم من بسطامها و عطاتهم ليه .. شدات الميكة الصغيرة لي جبد من جيبو و تمشات راجعة بحالها و هي مزيرة على يديها حتا وصلات لسيارتها .. ركبات و كسيرات مبعدة من تما و السيارة مزال تبعاها حتا وقفو وسط الطريق فبلاصة خاوية…
🌿 عند هايدي
كانت شادة القلم في يدها و كترسم و تفنن في رسمتها حتا سمعات الباب تحل .. هزات راسها و هو يبان ليها داخل بابتسامة مشرقة على وجهو
رعد: صباح الحب
هايدي: صباح البعابع
رعد: هي زيين ديالي مقلق عليا
هايدي: سيير فحالك ارعد معنديش الكانة للضحك
رعد: شنو بيك
هايدي تقول عطاها الضو الخضر: شكووون هاديك لي جوباتني فالصباح كنتي مع شي وحدة ياااك هئهئ بايت معاها الغدااار دوييي بتي معاااها هئهئهئ
قرب منها رعد كيضحك عليها و هي دغيا طيحات دموعها: اجي عندي المغيارة ههه دغيا رجعتيني غداار و بايت عندهاا محشمتييش
هايدي: شكووون هديك لي جوباتني
رعد: زميلة معايا في الخدمة كنا كنتنتقشو على واحد القضية و خرجت و نسيت تيلي فوق البيرو و هي جوبات هدشي لي كاين
هايدي: و علاااش تجاوب فييه باش من حق
تقرب لشي حاجة كتخص حبيييبي
رعد: راه خاصمت عليها و مغتبقاش تعاود غير بقاي ليا على خاطرك
هايدي: ايوا دبا مزيان ” شافت فيه” مخدامش دبا؟
رعد: هربت ليهم هاد الساعة ندوزها مع حبيبتي .. ياله نخرجو شوية
هايدي: مزال مكملتش و رغد خاصينها هاد التصاميم
رعد: اييه راه مولات الشي ختي معندها متقول ليك و اصلا غنديوها معانا
هايدي: لا .. راه مكايناش
رعد: ياك كنتو غتخرجو بزوج فين مشات
هايدي: غير تقدي شي غراض و ترجع .. دبا فيين غتديني اممم
رعد: فين ما بغيتي ياله..
جرها معاه و هي هزات صاكها و تبعاتو .. كان مشابك يديه مع يديها و الموضفين حاضينهم حتا دخلو للسانسور
الموضفة 1: سعداتها ياختي تدخل وقت ما بغات و تخرج الوقت لي بغات
الموضفة 2: اييوا راه مصاحبة مع خو مدام رغد واااخدة راحتها
1: معرفت اش عاجبو فيها متعرفي من قداما من وراها دايرا كيف عود القماري
2: زهرها هداك و سيري قابلي خدمتك قبل متجي مدام رغد تنكدها علينا
تفرقو و كل وحدة قابلات خدمتها
🌿 عند رغد
كانت واقفة وسط الطريق بسيارتها و هازة في يديها ديك الخنيشة فيها غبيرة بيضة .. حكات على جبهتها بتوتر و فتحاتها حطاتها على جنب يدها بغات تشمها حتا حسات بالباب تفتح على جهدو و هي تنترات من يديها مجرورة حتا خرجات من اللوطو .. هزات راسها تشوف شكون حتا جاتها صلية لوجهها حتا مال وجهها للجنب .. حطات يديهت على خدها و هي كترعد و هزات راسها فيه عينيها مدمعات و الخوف باين فيهم
رغد: ععع..ععتتمااان
عثمان: اييييه عتماااان هذا .. صااااافيييي تقداااااو الحلووول !!! وليييتييي كتعطاااااي ا رغغغعد “كيهضر بعصبية و مغدد عليييها مكرهش يجيفها” وصلتيييي للاااادروووك ارغد لااادروووك .. المخدرااات اعباااد الله .. ديييك الدريويشة لي كانت تمشي فجنااااب الحيييط ولااات كتضرووووكااا صااافي خرجتي ليها طايييطاااي دويييي متبقاااايش ساااكتة متبكيييييييش جاااوبيييني
رغد ولات كترعد و هي كتشوف فعثمان جاااعر عليها و كيخبط بالبوطو بعصبية
رغد: خليني غير نشرح لييك عافااك
عثماان: اش عند ديلمك متشرحي لياااا و انا كنشوووف فيك بعييييني كتعاطااااي .. عرفتي الى ساقو خوووتك لخبااار قبرك غيتحفر هنااااا
رغد غير سمعات حس خوتها و هي تفشل ولات غير كتبكي و تدمع و مشات شدات فيدين عثمان بتوسل: عفااااك متقول ليييهم وااالو غيقتلوووني اعثمان هئهئهئ عفاااك والله ما لخااااطري هئهئ والله منبقااا نعاااود هئهئ غير متقولهاش ليييهم هئهئهئ
عثمان: شحااال من مرة درتيها دوي
رغد كتنخصص و هي حادرة راسها: اول مرة الله معرفت كيفاش كنت غندييرها هئهئهئ بغيييت غير ننسا شنو وقع معااايا هئهئهئ ولقينت هاد الطريقة
عثمان: تنساااي و تولي مدمنة اممظ بغيتي تولي تعالجي فمصحات الادمان هااا … هدشي لي بغاااا هو نيييت غير يشوفك كتدبالي نهار من ورا نهار كيف دبا .. عايشة بحال الى معاااايشاااش …. بغيتي تنساااي انا غنخليييك تنساااي بحال الى عمرو كان فحياتك ” شد ليها في يدها و جرها لسيارتو” زيدي معايا
ركبها و مشا للوطو ديالها هز تيلي و صاكها و سدها و مشا ركب فسيارتو كسيييرااا و هي غير مقنتة مقادراش تسولو لا فين غاديين ولا علااش تبعها .. خايفة غير تهضر و يزيد يكمد ليها الحنك لاخر اللهم سكات فضل ليها..
🌿 رعد و هايدي 🌿
مشاو تغذاو فجو لا يخلو من الغزل و الكلام المعسول و هايدي مقاداها فرحة غير كتضحك و عينيها هاااايمين فرعد لي كيتعامل معاها بحال الما القليل و معامالتو معاها مغاااايرة على كيفاش كيتعامل مع الاخرين …
كانو كيتساراو و يضورو بزوج حتا دخلو للمول لواحد البوتيك فيه جميع انواع لي غوب سواغي .. خلاها كتختار و تجي توريه و هو معاجباه حتا حاجة كلشي جاه مفضوح حتا عيات و مشات جلسات معرفات ما تهز
هايدي؛ و دبا لاش جايبني هنا ملي معاجبك فيه والو .. و اصلا معندي مندير بيها غير ياله نمشيو
رعد: جلسي هنا انا نقلب ليك على ذوقي واخة؟
حركات ليه راسها و ناض هو كيقلب وسط لكساوي حتا جات المساعدة بغات تعاونو .. عطاها مواصفات الغوب لي بغا و مشات كتقلب ليه عليها حتا جابت ليه كولكشن كاااملة و ختار هو غوب طوييلة مشبكة من يديها و صدرها مع سميطة رقيقة فالخصر ديالها و هي منفوخة من لتحت .. مشا عند هايدي لقاها مزال جالسة و عطاها ليها
رعد: قيسي هادي نشوف كيف جاتك
دخلات قيساتها و خرجات كضوور بيها فرحانة و عاجباها غير كتفرنس .. وقفات قدامو كضور و توريه و هو كيحقق فيها حتا بانت ليه مزيانة عاد ناض وقف
رغد: شوفي الاكسيسوارات ديالها و هزي لي عجبك و زيدي
مشات هي هزات طالون ديال الغوب و بعض الاكسيسوارات خفاف و مشات عندو للاكيس
هايدي: صافي خديت كلشي
شاف فيها رعد: شفتك ماهزيتي والو؟
هايدي: ماخاصني والو دبا
شاف فيها مطولا و مشا هو ختار لي عجبو و داز خلص .. هز كلشي دخلو للوطو و جرها من يدها ركبها و مشا بيها حتال دارهم .. سلمات عليه و خرجات لدارهم .. دخلات لقات مها فبيتها متكية و هازة تصاور كتشوف فيهم .. كانت هازة نفس الصورة لي كتشوفها عندها هايدي ديما .. زوج ازواج مرأة و راجبها لابسين لباس انيق و شاب واقف جنبهم و بنت حداه كتشوف فيه بابتسامة .. شافت هايدي فمها بانو ليها عينيها مغرغرين و هي تسكت مبغاتش تسولها حتا تكون براحتها .. باستها من جبينها و خرجات لبيتها بدلات حوايجها و مشات لكوزينة وجدات الكوتي و هي مكونيكطية مع رعد حتا وقفات عليها مروى
مروى: فين كنتي من الصباح متغذيتي معانا و غابرة على الدار
هايدي: ك..كنت غير مع رعد
مروى: غييير مع رعد .. شوفي اهايدي انا ماشي ضد علاقتكم حيت عارفاه ولد الناس و وقف معانا الله يجازيه بالخير ولكن متنسايش كلام الناس و الهضرة لي كتخرج علينا .. شوفي نقول ليك الى كان باغيك يجي يخطبك من عندي باش كااع الى بقيتو دخلو و تخرجو راكم مخطوبين ماشي بحال دبا .. الله يرضي عليك فهميني انا مبغيتش يوقع ليك كيفي لذلك نقصي من هدشي
هايدي حدرات راسها: واخة اماما لي بان ليك .. صافي منبقاش نخرج معاه .. غير بقاي ليا على خاطرك ..
باستها من حنكها و عنقاتها عاد رجعات كملات طيابها و حطوه فوق الطبلة مجمعين عليه بزوجات حتا دخل محمد كيف لعجاجة ساااط ليهم فالماكلة كاملة خلاهم غير كيشوفو فيه
هايدي: الخلااا تا مالك جهلتي
محمد: سووق مك مالك كتحسبي ليا فالدغامي
مروى ضرباتو لراسها: نتا وياها و مها اش دخلها
محمد؛ و غيير خرجات و صافي راك نتي الحبب ديالي انا
مروى: ايوا الحبيب ديالي كليتي و شربتي و شبعتي و نوووض غسل دوك الماعن انا راه يدية طابو بالغسييل و هايدي هي لي طيبات يعني نوووبتك نتا اسييي و تكعد تغسل
محمد: حشومة عليك و انا جاي عيان من الخدمة ‘شاف فهايدي’ المييمة دوزيهم معاك بغيت نرتاح
شافت فيه هايدي و حركات راسها بواخة…
وصل الليل على ابطالنا كل واحد و حالو .. كاين لي جالس وسط عائلتو الجسد حاضر و العقل غايب كيفكر فشنو وقع اليوم و الكارتة لي كانت غطيح فيها كون ما لطف الله و جا عثمان في الوقت المناسب .. و كاين لي داخل لبيتو لي هو رعد واقف قدام المرايا كيرش فريحتو و يركب فساعتو .. لابس سروال سليم فالكحل و قاميجة فنفس اللون مع صباط لامع .. دوز يدو على لحيتو الخفيييفة و هز الكونطاكت و تيلي و خرج … اما هايدي داخلة لبيتها كتمشي و تجي و تعض فضفارها و كتشوف فتيلي لي كيصوني .. معرفات تجاوب ولا تقطع ولا شنو ديير حتا تحل عليها الباب و دخلات عندها مروى
مروى: ياك لباس مالكي
هايدي: والو اماما
مروى: و طيبتي ديك الارض بالمشي و المجي اش كاين
ياله بغات تهضر حتا قاطعها صوت التيلي لي كان كيصوني و قبل متهزو هايدي خطفاتو مروى شافت السمية و هي تعطيه ليها: باااز ابنييتي بااز نتي دايرة مع السيد و مخلياه كيتسنا
هايدي مخرجة عينيها: ياك نتي لي قلتي ليا متبقايش تخرجي
مروى: سيري دبا و غتكون اخر مرة الى بغاك راه عارف كيفاش يوصل ليك
شدات من عندها التيلي و جاوبات
رعد: مالك مكتجاوبي
هايدي: ك ككنت فالصالون و مسمعتوش
رعد: شوية و هانا عندك
قطع و ناضت هي توجد راسها .. لبسات الغوب لي شرا ليها و قدات مكياج خفييف و شعرها جمعاتو لفوق .. مزال كدير في اللمسات الاخيرة حتا سمعات الكلاكصون ديالو و ناضت رشات عليها ريحتها و خرجات عندو..
كان واقف قدام اللوطو كيتسنا فيها .. مكروازي رجليه و شاد التيلي كيبقشش فيه حتا هز عينو و بانت ليه كيف شي حورية جاية بخطوات ثابتة و عينيها مرة تهزهم فيه مرة تحدرهم خجلا منو حتا وصلات عندو .. سلم عليها و فتح ليها الباب ركبات عاد مشا لبلاصتو ركب و تلفت عندها كيرمقها بنضرات حب و عشق
رعد: سلطانة قلبي
شافت فيه هايدي بابتسامة .. معرفات باش ترد عليه حتا شد يدها و باسها برقة
رعد: اجمل ما رأت عيناي .. جيتي كتحمقي
هايدي: ههه شكرا و حتا نتا
رعد: انا اش؟
هايدي بخجل: جيتي زوين هه
رجع باس يدها لي كان شاد و حطها على فخدو عاد ديمارا اللوطو و توجه لوجهتهم.. ما وقفو حتال قدام ربسطو كلاص باين ديال الناس الهاي .. شد في يديها مشابكهم مع يديه و جرها معاه لداخل و هي كتشوف فالريسطو خاوي مكاين حتا واحد من غير فرقة موسيقية كتعزف الحان رومانسية
جرها معاه لداخل و هي كتشوف فالريسطو خاوي مكاين حتا واحد من غير فرقة موسيقية كتعزف الحان رومانسية .. تقدم بيها للطبلة لي كانت موجدة على قبلهم و جر ليها الكرسي حتا جلسات و هي مبهوضة في تصميم المطعم و الجو الرومانتيكي لي كان .. جلس رعد مقابل معاها و عينيه متزاحوش عليها حتا حشمها و نزلات عينيها كترمش
رعد: سلطانتي .. شوفي فيا
هزات عينيها فيه بخجل مامولفاش هاد التعامل الجديد لي ولا عليه اول تفاجأت من الليلة لي كان موجدها على حسابهم .. مبقلت عرفات شنو تقول ولا شنو دير حتا ستأنف رعد الكلام
رعد: ختاري شنو تاكلي
هزات الموني كتشوف و ختارت شنو بغات عاد عيط على السيرفور يجيب طلبيتهم و بقاو هوما شوف فيا نشوف فيك اطاجين الحوت هههه
تحط ليهم العشا على انغام موسيقى هادئة كيتعشاو في سكون و جو اقل ما يقال عليه رومانسي .. كملو مكلتهم و جا سيرفور جمع دكشي .. شافت فيه هايدي و نطقات
هايدي: احم .. علاش جينا هنا
رعد “هز حاجبو”: علاش !! مبغيتيش تجي معايا؟
هايدي: لاا ماشي هكا غير ح حيت ..
رعد: واقعة ليك شي حاجة
هايدي: فصراحة ماما قالت ليا منبقاش نخرج و مبقاتش بغات هاد الدخول و الخروج
رعد: اه فهمتك .. المهم دبا غيجي السيرفور يجيب لينا طارت ‘ وقف عليهم و حطها قدامهم’ غيقسم لينا طرف للواحد و ناكلو و من بعد هضرة اخرى
شافت فيه هايدي و امتاتلات ليه .. بدات كتاكل حتا كتحس بشي حاجة قاسحة وسط فمها .. تحرجات و هزات عينيها فرعد لي كان مراقبها
رعد بترقب: عندك شي حاجة
حركات راسها بلا و دايرة ضحكة صفرا
رعد بينو و بين نفسو (اش داني نطبق شي حاجة قالها سلمان الله ياخد فيك الحق) احم هايدي هدشي ممسلكش .. واش ملقيتيش شي حاجة فالطارت
حركات راسها و وجهها حمر مزنك
رعد: تقدري تجبديه هذاك خاتم
هايدي تخلط عليها كلشي الاحراج و الدهشة و الحشمة ملقات متقول من غير تحدر راسها و تجبد الخاتم لي كان من البلاتين بسيط و رقيق فيه زمردة خضرا عطاتو منضر هائل خلاها غير حالة فمها و عينيها ماحيدوش عليه كيبرقو بفرحة و حب ما رجعها لعالمها غير يد رعد لي تحطات فوق يدها حتا شافت فيه
رعد: هايدي .. صراحة انا معنديش مع هاد الشكليات ولكن ثبت نفاجئك بشي حاجة دكشي علاش جبتك هنا .. هايدي واش تقبلي تزوجي بيا
بقات لتواني كتبرق فعينيها بصدمة و دهشة كلشي تخلط عليها محسات حتا خرجات ليها تبسيمة من فمها و حطات يديها على حناكها كتبرد فيهم حيت حساتهم غينفاجرو
رعد: شنو قلتي
هايدي بفرحة غامراها: معلوووم موافقة هههه موافقة مواافقة هههه
تبسم رعد نصف ابتسامة و شد يدها ركب ليها الخاتم و جرها عندو باسها بحنان
رعد: كنبغيييك
🌿 فجهة اخرى كانت جالسة قدام المرايا كتمشط فشعرها و تلعب بيه ساهية حتا دخل عليها فهد خرجها من سهوتها
فهد: الصغيورة ديالنا
وقفات من على الكرسي و مشات عندو عنقاتو
رغد: حبيبي
فهد؛ كيف كتحسي براسك صفا
رغد؛ لا ابابا عيااانة و بغييت نرتاااح بغيت ننسا و ندير هدشي عمري عشتو بغيت نبدل هاد جو الكأبة لي وليت عايشة فيه ابابا
فهد: كلشي يفوت احبيبتي غير خاصك شوية ديال الوقت .. عيطات نهى قبيلة و قالت بلي خاص وحدة فيكم تسافر لفرنسا على قبل شي عرض .. شنو بان ليك تمشي نتي منها نيت تبدلي الجو
بقات ساكتة شوية و جوباتو: واخة ولكن حتا يدوز غذا باش نحضر للطلبة لي غيدير عمو جوود
فهد؛ واخة حبيبتي ياله تصبحي على خير
باسها فخدها و خرج خلاها مزال كتفكر و تبلاني بوحدها
صبح الصباح و ناضت عائلة فهد و يهى لبيو حوايجهم و مشاو لدار نهى و جود .. ايتقبلاتهم نهى و دخلاتهم عند لعيالات و الرجال مشاو مع جود جليو مع الطلبة
سهى: عرفتي اختي فين ما دار جود هاد الجلسة كنحس بيه كيتعذب على فراق واليديه و ختو الصغيرة .. اول مرة تلاقيتا قال ليا شفت فيك ختي لي ماتت من تما و انا دايراه كتر من خويا
نهى بحزن؛ ما شفتي والو ا سهى راه مزال جرحو ما برا كيلوم راسو علاش سافر و خلاهم بوحدهم حتا ماتو فديك الاكسيدون
رغد: الله يرحمهم و يسكنهم فسيح جناته
نهى: امين ابنتي
بقاو داويين مع بعض حتا شافو رعد و نايف دخلو مع ساهر و مشاو عند الرجال جلسو معاهم .. ناضت رغد عيطات على خوها خرج عندها
رغد: هايدي مغاتجيش؟
رعد: لا قالت ليا مشات مع مها يزورو قبور جدودها عاد غتجي من بعد
رغد: اه واخة ملي تجي قول ليها تجي عندنا لداخل
رجعات لبلاصتها و حطو الغذا للناس لي جات عندهم تغذاو عاد جات هايدي عندهم عتادرات على تأخرها و جلسات معاهم كيتعاودو .. دكرات لرغد طلب رعد منها و فرحات ليها
.. دكرات لرغد طلب رعد منها و فرحات ليها..
هزات تيلي ملي سمعاتو كيصوني غير شافت النمرة و هي تهز راسها فيه لي كان جالس فالصالة لي مقابلة معاهم .. بان ليها حرك راسو بمعنى تبعيني و ناض وقف طالع .. بقات من وراه جالسة عاد ناضت تابعاه و هي تلاقا ب جود غادي طالع .. شافتو طيح صورة كانت فجيبو و مشات هزاتها بغات تعطيها ليه .. دوراتها على وجهها و هي تصدم ملي شافت نفس الصورة لي عند مها و كتكون تبكي كل ما هزاتها .. تلفت جوود ملي سمع تقرقيب وراه و هو يتبسم فوجه هايدي
جود: بنتي هايدي بخير
بقات غير كترمش و فمهت محلول نصف حلة .. استجمعات كلماتها و مدات ليه الصورة
هايدي: ه..هادي ططاحت ليك اعمو
جوود: اووه ماشفتهاش شكرا
هايدي: ششكون هادو لي فصورة
تبسم و هو كيشوف فيهم و جوبها
جود: هاد الكبار والدية و هذا انا و هادي ختي الصغيرة الله يرحمهم
شهقات بصدمة و هي ممتيقاش على شوي طييح من الدرج غير جود لي شدها
جود: بنتي هايدي ياك لباس
هايدي: لباس لباس ما عندي والو شكرا .. انا غادية بسلامة عليك
نزلات كطيير خرجات برا تشم الهوا حيت حسات براسها تخنقات .. شافت فتيلي لي صونا و هي تجاوب
هايدي: عفاك ا رعد بغيت نمشي للدار
رعد: ياك لباس مالكي
هايدي: لا والو غير حسيت براسي عيانة
رعد: واخة تسنايني هاني جاي
قطعات معاه و تسناتو حتا نزل و مشات معاه وصلها حتال للدار دخلات و مشات عند مها للصالون جلسات حداها كتحقق فيها حتا دخلات الشك ل مروى
مروى: اويلي على البنت نتي مالك كتشوفي فيا
هايدي: هاا .. لا لا والو ‘ سكتات شحاال و رجعات دوات’ ماما نسولك .. خالي عثمان ماشي خوك ياك
مروى: خووويا لي ولداتو ليا الدنيا .. واخة ماشي نفس الدم ولكن راه كتر من خويا
هايدي: ووو فين مشات عائلتك .. و..ووواش هههادوك لي فتصويرة هوما عائلتك
مروى: الله يرحمهم .. كانو ماتو فحادثة و خرجت منها انا بأعجوبة..
هايدي عينيها مغرغرين: و خوووك
مروى دازو دموعها و هي كتفكرهم: الله يرحمو هئ هئ حتا هو مات ملي كان جاي عندنا
سكتات هايدي و هي كتحس بقلبها كيضرب مقادراش تستوعب هادشي لي كتسمع .. ناضت من حدا مها و دخلات لبيتها بدلات حوايجها و تكات كتفكر كيفاش تعرف و كيفاش تأكد واش دكشي لي فبالها صحييح ولا غير تخيلات .. حتا طاحت عليها فكرة و ناضت وقفات خرجات من البيت
وقفات خرجات من البيت
هايدي: ماما اجي نمشط ليك شعرك عفاك
مشات هزات المشطة و بدات كتمشط ليها حتا كملات و هزات من المشطة زغيبات ديال مها و ناضت خباتهم و نعسات كتفكر كيفاش تهز ديال جود..
يوم جديد فاقت رغد بنشاط .. لبسات سروال جينز و تيشرت بالخايط رطب و قصير شوية .. هزات شعرها كوتشوفال و لبسات فيست من الفوق عاد خرجات سلمات على مها و باها و مشات للشركة .. غير وصلات مشات ديريكت للبيرو ديال عثمان
رغد: موسيو عوووثمان من هنا ساعتين عندنا رحلة لفرنسا على قبل الديفيلي الجديد و بغيتك تمشي معايا وجد راسك
لاحت ليه هاد الكلمات و خرجات خلاتو غير كيشوف فالباب لي رجع تسد
حك جبهتو بصبعو الصغير كيفكر هو اش غيديه لفرنسا و هو غير محاسب معندو حتا دور تما .. ناض وقف تبعها و دخل عندها بلا استأدان
عثمان: و شنو الدور ديالي تما؟ كنضن لي خاصو يمشي معاك هي مدام نهى ولا هايدي اولا؟
رغد: اولا خالتي غتبقا هنا حيت ميمكنش نمشيو بزوج و حتا واحد ميبقا هنا .. تانيا هايدي عندها خدمتها لي خاص تكملها فأقرب وقت و ثالثا ‘قربات ليه حتا مبقا كيفصلهم والو عاد نطقات’ هاد السفر غيكون حجة و زيارة .. و ياك قلتي ليا غتعاوني باش ننسا ايوا وفي بكلمتك
عثمان بقا غير كيشوف فيها لبارح عاد كانت تبكي و تقفقف و اليوم جايبة شجاعة جديدة .. حرك راسو بإيجاب بلاما يتكلم و خرج خلاها تكمل شغلها .. تلاقا مع كوتر جاية عند رغد و هي توقف كتسلم على عثمان
عثمان: بغيت غير نتلاقا مع رجال داخلين خارجين من هاد الشركة واااالو فين ما تلفت نلقا غا الاناث كون غير جبتو شي محاسبة حسن و كملو عملكم على ما يرام
كوثر: هههه تخافش كاين موسيو نايف الرجووولة و الفحووولة ححح اخويا اش نعاود ليك زيين زيين واخة زلااال و كاينين رجال لتحت فمكاتبهم غير نتا لي جيتي هنا تخشيتي وسط لعيالات كي الولية هههه
عثمان: نعل حسك غا لي بغا يضحك معاك سيري لشغلك قبل ما تجري عليك مدموزيلتك رغد
دفعها و زاد لمكتبو هز الفيست ديالو و تيلي و خرج مشا تقدا كااع لي تحتاج مروى و داه ليها للدار علمها بلي غيسافر هاد السيمانة و بدل حوايجو بكاجول سروال جينز و تيشرت خايط رقيق .. رش ريحتو و خرج ملي صونات عليه رغد
عثمان؛ خمسة الدقايق نكون عندك
رغد؛ انا قدام الدار غير خرج
قطعات عليه و تسناتو حتا بان ليها خارج مسكسف على الحالة واخة دكشي بسيط مي انيق
من بعد تفكير طوييل وقفات هزات شوميز فالغوز بيبي و سروال بيض و سبرديلة لبساتهم و خلات شعرها مطلوق على راحتو هزات ساكها و اافلوس لي غتحتاج و خرجات من الدار قبل ماتشوفها مروى باش متبقاش محكرة عليها فين غادية و منين جايا .. خدات طاكسي حتا وصلها لقدام دار جود .. بقات واقفة معارفة ماتقدم ولا توخر .. الى سولوها علاش جات شنو تقول ليهم .. تلفات و ندمات علاش جات .. ياله غترجع فحالها و هي تسمع صوت من وراها
جود: بنتي هايدي مرحبا
تلفتات عندو بضحكة متوترة و مشات سلمات عليه: سلام عمو جود
جود: اش خبارك بخير
هايدي: الحمدلله و نتا كيف داير و اش خبار خالتي نهى
تقدم قدامها كيفتح فالباب و هي كتشوف فيه من رجليه حتال راسو .. لابس سيرفيت سبورتيف و شعرو الكتيف جامعو لفوق كيف موالف ب بانضة صغيرة .. و هنا فين استقرات هايدي كتشوف ليه غير فراسو و هو كيخضر معاها ولا من مجييب
جود: اسبحان الله فين مشيتي
هايدي كتفتف: هااا .. لا هه غير معاك .. شعرك زوييين .. ز..زعمة بغيت نقول قوي هه
شاف فيها بعدم فهم و ضحك على حماقها: ههه دخلي دخلي بعدا راه تحرك البرد
دخلات هايدي و ندمااانة علاش جات من الاصل .. شاف فيها جود حشمانة و متوترة و تكلم كيلطف الجو
جود: دخلي مرحبا انا نعيط على نهى تلقايها مزال نااعسة
حركات راسها و دخلات لاول صالون بان ليها جلسات مركنة فيه كتفكر حتا دخل عليها ساهر: اهلا بلالة هايدي شرفاتنا و جات عندنا للدااار
هايدي: ههه جيت عند خالتي نهى ماشي عندك
ساهر: ياك اختي سرييي لي مكبر بيك انا نوض فحالاتي ملي مباغيانيش
شداتو كضحك: راه غير كنضحك معاك الحمق .. توحشت جماعتنا .. نايف و خويا سلمااااان توحشتو بزااااف هذاك .. خداتو لبنا صوفي مبقات رجعاتو كون غير جاو خلاص
ساهر: هههه كون سمعك رعد و تشوفي توحشتييييه بشحال غطلع على طاسيلتك
بقاو كيضحكو بزوج بينما نهى و جود لي كانو مبدلين حوايجهم و جايين معانقين بزوج كيشوفو فيهم بابتسامة
نهى: مكرهتش كون ولدت شي بنيتة اخرى توانس معايا
جود؛ براكة غير ساهر فيه البنت و الولد و كلشي .. صحتك هي اللولة
نهى: زعمة نتا مكنتيش كتنمى يكونو عندك بزاف دالولاد .. كون تزوجتي من وحدة اخرى كنتي غتكون دبا والد شي ربعة
جود: ولكن انا تزوجتك نتي و بغيتك نتي و كون حتا مولدتييش ساهر كنت غنبقا معاك نتي حيت كنبغيييك نتي
ضحكات نهى و ضماتو كتر: و انا كنحماق على طاسيلتك ههه الى بغيتي لبنات نتبناو شي وحدة اش بان ليك
جود؛ عندي بنتي رغد معمرة بلاصتهم ‘شاف فيها بجدية مصطنعة’ ولاش نتبناو الى بغيت لولاد نتزوج مرة اخرى تولد ليا و نتي تبفاي مرتي الحبيبة
دفعاتو نهى مخنزرة: الى سميييتك راجلك ديرها والله حتا نقطع لباباك **** و شوف باش تولد
ضحك جود من نيتو عارفها حمقة و مثطعة لوراق و من ورا الزواج غا مازادت فهبالها .. باسها من شفايفها مغدد عليهم حتا تمسح ليها العكر عاد شاف فيها: نتييي لي كاينة ابنتي
رجعات ليه اابةسة و نزلات كطير عند هايدي تبوس فيها و تعاود حتا طيباتها عاد جلسات معاها
هايدي: كنت جايبة ليك غير التصاميم اللخرين لي درت حيت قالت ليا السكريتيرة ديالك بلي مغتجيش اليوم
نهى: اه جيتي فوقتك دوزس معايا هاد النهار و نيت نشوفوهم
وقفات هايدي معتاذرة: لا غير سمحي ليا جيت غير وصلتهم ليك مي منقدرش نجلس
نهى: و علاش غير بقاي حتا نراجعوهم و سيري الى بغيتي
هايدي حكات ودنها باحراج: احم دايرة نتلاقا مع رعد دكشي علاش
تبسمات نهى و ناضت سلمات عليها و خلاتها تمشي .. من بعد مجيتها الفاااشلة صونات على رعد حيت هو الوحيد لي يقدر يعاونها و مشات عندو
كان جالس فكافي كيتسناها تجي و كاس د كافي نواغ قدامو .. شاف ف ساعتو و نفخ على تعطالها .. ياله هز تيلي يصوني عليها يعرف فين مزال حاتلة حتا وقفات عليه
هايدي: سلام
رعد؛ على سلامتك .. فين كنتي من الصباح
هايدي: ماشي مهم .. بغيتك تعاوني ا رعد نتا لواحيد لي غتقدر عليها
رعد: شنو واقع؟
عاودات ليه هايدي كلشي و هو كيسمع ليها بتركيز حتا كملات و شاف فيها
رعد: واخة .. عطيني داكشي دماماك و جود خليه عليا .. غذا يكونو عندك النتائج
شافت فيه بامتنان: معرفتش كيفاش غنشكرك ديما واقف معايا و مساندني
رعد قرصها فخدها بخفة: حتا يجي الوقت الماسب و نقول ليك كيفاش تشكريني ‘غمزة’ و نوضي نوصلك لداركم راك كترتي هاد الايام من الخروج
جرها داها حتا لدارهم و رجع هو يشوف قضية جود و مروى و يتأكد او يلقا الدليل على هضرتهم حيت باينة للعما بلي خوت
يوم جديد باحداث جديدة كاينة المفرحة لبعض التاس و الخزينة على وحدين اخرين كلها و كيف مكتبها ليه مولانا .. كانت هايدي واقفة بتوتر و كتفرك في يديها و الارض طيباتها بكترة المشي و المجي .. شافت ف رعد لي كان جالس براحة و شاد تيلي و نطقات: شفتهم تعطلو بزاف
رعد: الله يهديك ا هايدي راه ياله جينا و دوزي ريحي حتا يخرجو التحاليل و ديك الساعة شوفيها و براكة من الدوران راك دوختيني بففف ندمتيني لاش جبتك من الاساس
مشات جلسات حداه مربعة يديها و ما عاجبها حال غير كتسوط و تنفخ حتا جات ممرضة عطات غلاف لرعد و خطفاتو ليه هايدي من يدو
هايدي: على سلامتنا اووف
رعد: ياله فتحيه
هايدي: لا لا غير هاك فتحو نتا
بغا يشدو رعد و رجعات حيداتو ليه؛ لا لا انا نفتحو حسن .. ولا عرفتي شنو ياله نديوه ليهم هوما يفتحوه ياك كيتسناونا عند عمو فهد
رعد: دوختي ليا راسي اري الزعتر للهنا ‘شدها من عندها بالنترة و فتحها شاف شنو فيها’ بوزيتيييف يعني مدام مروى و سي جوود خوووت
فهاد الاثناء كانت دار فهد مجموعين فيها كاع العائلة .. جود و نهى و ساهر و مروى و سهى و نايف عاد فهد .. واحد كيشوف فلاخر و شي كيوشوش مع شي حتا واحد ما عارف علاش تجمعو تما من غير فهد لي كان معاود ليه رعد .. وقف من وسطهم و بعد من حداهم كيصوني على رعد حتا جاوبو: فين تعطلتو
رعد: هاحنا فالطريق واش كلشي مجموع
فهد: كلشي هنا و كلهم باغين يعرفو علاش مجموعين
رعد: صافي هاحنا عند الباب
قطع معاه و رجع لبلاصتو حتا بان ليه رعد جاي داخل و شاد في يدين هايدي لي غير شافت مها و بدات كتملص في يديها حتا خنزر فيها رعد: ياك لباس
هايدي: و ماما كتشوف اويلي
رعد: اليوم نفركو هااد الرمانة ديالك حتا نتي و ديك الساعة منعيني
هايدي: كيفاش؟
رعد: زيدي و سكتي
دخلو عند للصالون سلمو و جلسات هايدي حدا مها و رعد مشا عند باه مد ليه الورقة ديال التحاليل و جلس حداه خلاه هو يتكلف بكلشي و يشوف شي طريقة باش يوصل ليهم الفكرة او حقيقة شنو وقع
فهد : (حنحن باش كلشي يركز معاه ) اكيد كلكم كاتسائلوا علاش جمعتكم هنا بلا علم و بهاد السرعة ، هاد الظرف لي بين يدي هو السباب و هو لي جمعنا هاد النهار على اخبار زوييييينة و مفرحة ، واخا صعيب العقل يتقبلها ولكن هذا كلو غير قضاء و قدر و معلينا غير بالايمان بيه، جود حنا كاملين عارفين قصتك مع عائلتك لي توفات فحادث سيارة رحمة الله عليهم و مدة هادي و نتا عايش في حزن على ذكرى موتهم و كتتحصر حيت ما لقيتيش الفرصة باش تشوفهم و تودعهم لاخر مرة ، و لكن لي مكناش عارفينو جميع و نتا بالاخص انه فداك الحادثة ما فقدتيش عائلتك كاملة ! ختك الصغيرة بقات عايشة كيفاش ماعرفتاش لي عرفت هي انها مزال حية ترزق..
كانت الدهشة فوجوه الجميع من غير رعد و هايدي لي كانت حامياها بكا حدا مها لي كانت غير كتشوف و مفاهمة والو
نهى: كيفاش وقع هدشي و شكون قالها ليك ا فهد و واش عرفتو فين هي بعدا
جود: ميمكنش .. لا ميمكنش تكون عايشة .. انا وصلاتني اخبارهم بلي تحرقو كاملين فالسيارة و حتا واحد فيهم ما نجا
فهد؛ انا عارف هدشي كامل ولكن الحقيقة ان ختك مزال حية و هاد الخبار خاص تفرحك حيت و اخيرا غتجمع مع ختك
جود: فيين هي .. بغيت نشوفها افهد
فهد: هي جالسة معانا دبا ‘تلفت شاف ف مروى’ لالة مروى حتا نتي عند قصة مع واليديك لي ماتو فحادثة و كيفاش نتي نجيتي منها بمعجزة .. و كان عند اخ خارج المغرب .. غتكوني قهمتيني شنو كنقصد ‘ شاف ف جود’ ختك ا جوود هي مروى
سكووون عم على المكان كلشي مصدوم و شي كيشوف فشي .. مروى كانو عينيها مركزين غير على جود و مغرغرين هاد الاخير لي حس بحلقو نشف و مزال ممتقبلش الامر مقادرش يتيق و في الاخير يصدق هدشي غير كذوب و نفس الشي بالنسبة لمروى
فهد : لالة مروى ، عارف صعيب تتقبليها و لكن نتيجة تحليل الحمض النووي كايقول بلي جود هو خوك
جود : كييييفاش !؟ فهد واش نتا عارف شنو كاتقول!! و كيفاش حتا درتو هاد التحليلة
فهد : التحاليل لي دارت هايدي هوما لي كايقولوا هادشي و انا غي وصلت لخبار و صافي
جود : (شاف فهايدي ) هايدي واش بالصح هادشي ‘تفكر مجيتها عندهم و من بعد اتصال رعد لي بغاه باش يتبرع بالدم لشي صاحبو ولكن كلشي كان غير خطة من رعد باش يقدر يدير التحليلة’ رعد نتا لي درتيها ياك
هايدي : (بصوت منغنغ عامر بكا ) اه بالصح هو لي دارها ولكن انا لي طلبتو و هو غير عاوني باش نبين الحقيقة…
هايدي : (بصوت منغنغ عامر بكا ) اه بالصح هو لي دارها ولكن انا لي طلبتو و هو غير عاوني باش نبين الحقيقة.. نتا خالي خو ماما .. فرحانة بزاف حيت و اخيرا لقات واحد من عائلتها واخة خالو عثمان اكتر من اخ بالنسبة ليها ولكن حتا نتا اخر واحد بقا ليها من واليديها
وقفات مروى عينيها غير على جود و تمشات في اتجاهو حتا وصلات عندو .. حطات يديها على يديه و طلعاتهم لوجهو بحال الى كتأكد انه خوووها لي ضاع منها سنيين هادي مقادراش تييق .. ماحسات غير بيديه ضارو عليها و خشاها وسط صدرو معنقها ليه .. حتا شهقات بالبكا و هي كتنادي عليه: خووويا اهئهئ توحشتك اخويا ههئ تحرمت منك هاد السنين كاملة و نتا مزال عايش هئهئ
جود كيقبل فراسها و هو اكتر منها: توحشتك احبيبة .. عرمي غنفرط فيك مزال و كنواعدك نعوضك على كااع سنين لي ضيعت و انا كنتحسر عليك ‘شاف فهايدي’ كيفاش عرفتي
هايدي : (مسحات دموعها ) نهار مشينا نزوروا جدودي ، حتا نتا كنتي داير الذكرى ديالهم فالدار و بعد ما كملنا الزيارة عيطات ليا رغد باش نجي لعندكم .. ديك الساعة كانت طاحت ليك واحد الصورة نفسها لي عند ماما و كانت تشوفها و تبكي و صافي باش نقطع الشك باليقين خديت شعرة من عندك و عطيتها لرعد و خليتوا هو يتكلف بخالي و صافي الكمالة راكم عارفينها
نهى حتا هي كتهرنن:يااااه صدقات عندي لوسة السوسة لي كدوز الويل على العروسة ههه احح و هايدي بنت خت راجلي ههههه صافي لقيت لوناسة ‘عنقت مروى’
العائلة كلها كانت متأترة بالمشهد حتا تكلم ساهر
ساهر : ايييوا هانتي ا هايدي صدقتي بنت عمتي … شفتي واخا كون ما كنتيش كاتجيني شي حاجة كنت نتزوج بيك 😁 المهم تكون بيناتنا قرابة و ربي كبير
رعد : كيفاش ! لا النيت خاصنا نفركعوا هاد الرمانة
هايدي : (بالحس) شووووت نعل الشيطان راه غي تا يضحك!
رعد : و لكن انا لا ، (بصوت مرتفع ) الحمدلله منين تلم الشمل و كلشي و لا مزيان و دابا عندي ليكم ما نقول
سهى : خبار الخير ، اهياتا عنداك يكون عندك شي ولد غابر و عاد اكتاشفتيه ، العار لما سكت ما بقيناش باغينا نسمعو شي كارثة خلينا فرحانين
رعد:(بشوفة منيتك) الواليدة نعلي الشيطان و خليني غي نكمل .. المهم انا بغيت نخطب هايدي من لالة مروى و العرس غنعطيكم مهلة من هنا لشهر
فهد : تبارك الله على الشريف.. ما تشاورتي معانا ما خديتي موافقة والديها.. كي درتي ليها..
معانا ما خديتي موافقة والديها.. كي درتي ليها ، و خاصنا نشوفو هايدي اش كتقول
هايدي : اممم انااااا ، احم بغيت نقول بليي
سهى : (قاطعاتها ) ما كاين ما و لكن … لاش كاتشرحي ليه مالو هو لي غادي يتزوج … الله يكمل عليكم بالخير ا حبيبتي هذا احسن خبار نسمعوه اليوم .. و اكيد الى كانت ختي مروى موافقة من هنا يومين نجيو نخطبو هايدي ل رعد و ديك الساعة غنبداو توجاد للعرس و من هنا لشهر راه كلشي غيكون واجد .. اش بان ليك ا مروى
مروى: مرحبا بيكم الله ياودي الدراري متافقين مع بعضهم انا منزيدهم غير الخير و ربي يسر ليهم ..
سهى: صافي متافقين الخطوبة غتكون غير بيناتنا حتال للعرس عاد نعيطو على كلشي
نهى: اححح تحمست والله .. دبا لغوب ديال العروسة خليوها على رغد غتصرعها لينا .. و اللباس ديالنا حنا انا غنتكلف بيه و ختي ضحى غتوجد لينا قاعة الافراح ديالها و هي غتكلف بكلشي كيخص القاعة بقا لينا غير التقدية نتي اسهى و مروى لي غتكلفو بيه و الرجال غيتكلفو ب ‘تلفتات تشوف فبهم حتا لقات غير يديها و الريح و العيالات طالقين ودنيهم ليها’ ايوا الله ينعل لي ميحشم ياوجوه الويييل مشاو و خلاوني نهضر بوووحدي .. المهم معلينا هوما غيتكلفو بالذبيحة
سهى: صافي متافقين و نيت تا هايدي تخرج معانا باش كلشي تشوفو بوحدها و تقداه راسها …
دودودودو حتيت العيالات ماكيساليش و هذا حال الامهات ملي كيكون عندهم شي فرح خاص كلشي يكون على ما يرام … و دكشي لي كان بقات تما مجمعين حتا تافقو على كلشي بينما الرجال خرجو للجردة كيهضرو بيناتهم .. حتا كملو عاد ناض جود وصل ختو لدارها واخة اصر عليها تمشي معاه لدارو ولكن مبغاتش تمشي و تخلي خوها عثمان بوحدو .. واخة ماشي خوها شقيقها ولكن هو لي كان واقف مهاها هاد السينين كاملة و كان مساندها و هو الضهر الحامي ليها .. فعلا مكانش غير اخ بالنسبة ليها اكتر من هكاك و متقدرش تمشي مع خوها و تسمح فيه دكشي علاش فضلات تبقا معاه هو لي مزال بلا زواج و خوها جود وقت ما بغا يشوفها ولا تشوفو يتلاقاو .. و حتا جود مبغاش يحكر عليها و خلاها على راحتها .. و احتارم قرارها ..وصلها حتال دارها و مشا هو فحالو…
فجهة اخرى و بالضبط فمطار المنارة بمراكش .. كانت رغد و عثمان جالسين كيتسناو موعد رحلتهم يوصل .. هي هازة كتاب كتقرا فيه و مركزة مع سطورو و هو شاد تيلي كيبقشش فيه بملل و مرة مرة يلوح عينو عليها
سدات رغد كتابها و سرحات رجليها بعياء: اوووف عييت .. جينا بكري
عثمان: نتي لي زربااانة
رغد: و صافي عفاك متزيدش عليا .. جاني الجوووع غنمشي نتقدا شي حاجة ناكلوها
خنزر فيها عثمان و جمع الوقفة: تبتي للارض انا غنمشي نجيب ليك متسرطي غير هنينا
مشا و خلاها كتشوف فيه من اللور .. شخص عادي ماشي شي زيين لي يسهاو فيه و لكن فنفس الوقت عندو حقو فالزين .. مربي و ولد الناس تعاملو كيبين على حسن نيتو و تربيتو الحسنة .. واخة شخص بسيط كيقلب على قوت يومو باش يعيش و يعيش عائلتو ولكن راضي بما قسم الله .. خدم فاش ما كان و كافح و قرا حتا رزقو الله بهاد الخدمة و لله الحمد .. للحضة بدات كتقارن بينو و بين وليد و كيفاش هذا كيكون معاها على طبيعتو بلا زواق ولا تعواج الهضرة .. بينما وليد هصرتو ديما رسمية و سطحية .. غمضات عينيها مباغاش تفكر فيه و ساست راسها من دوك الافكار و هزات تيلي مكونيكطية مع خالتها و مها .. قالو ليا اخر الاخبار و كيفاش مروى صدقات اخت جود و عاودو ليها حتا على خطوبة هايدي لي غتكون من هنا يومين .. فرحات ليهم و تمنات ليهم التيسير و السعادة فحياتهم حيت فعلا يستحقو .. حطات تيلي بملل و رجعات راسها للوراء مرتاحة .. حتا وقف عليها عثمان .. حط ليها مكلتها فوق رجليها و جلس جنبها كياكل حتا هو
رغد: شكرا .. مغنطولوش فهاد السفر للاسف
عثمان: علاش؟
رغد: خاص نحضرو لخطوبة هايدي من خويا هدشي علاش غنمشيو على قبل الخدمة و نرجعو
عثمان: فيها خير
كانت هضرتهم هادئة و قليلة و كل واحد مقابل مكلتو حتا سمعو نداء لرحلتهم عاد جمعو الوقفة و مشاو يكملو الاجراءات …
ركبو و طفاو تيليفوناتهم .. رغد دارت ليزيات فودنيها و غمضات عينيها حيت كدوخ اما عثمان كان متكي فكرسيه و مراقبها .. كيشوف فيها من راسها و شعرها الكستنائي و القصيصة طايحة على جبهتها نقصات من عمرها و عطاتها جمال اكتر و عينيها المشفرين لي كانت مغمضاهم و مستمتعة بالموسيقى الهادئة لي كانت كتسمع ليها .. و فمها لي عليه ليبستيك غوز بارد مواتي مع لون بشرتها … بقاو عينيه متفحصينها حتا طاحو على يديها الرقيوقين البيضين .. قرب يدو ليها و هز يدها بين يديه كيلعب باصابعها المقلمين و اضافرها الصغار و مقادين مطوالش ولكن زوينين .. شاف فوجها لقاها مزال مغمضة عينيها و رجع شاد يدها كيماصي فيها حتا حس بيها ترخات و نعسات عاد تبسم و هو كيشوف فتفاصيلها باغي يحفضهم
اصبح يوم جديد .. كان رعد فمكتبو و معاه فهد كيناقشو فضية تولان..
رعد: الدلائل لي عندنا على تولان كافية باش عمرو يخرج من هنا ولكن خاصنا نزيدو نبحتو على ما اكتر باش نعرفو واش غير بوحدو ولا منخارطين معاه اشخاص اخرين
فهد: و البنت لي كانت معاه.. واش مزال ملقيتو عليها حتا حاجة
رعد: لا مزال ولكن اكيد غنلقاو شي حاجة لي توصلنا ليها .. و على حسب كلام سيلين هاديك بنتو
فهد: اممم تولان مكانش مزوج .. يعني غتكون نتيجة علاقة عابرة و صافي .. هدشي الى صدقات بنتو بصح و كانت سيلين كتقول الحقيقة
رعد: فالقريب غنعرفو ان شاء الله
غلقو الملف و ناض فهد مشا فحالو بينما رعد بقا يكمل خدمتو عاد يخرج…
فاحد غرف الاوطيل كان عثمان ياله خرج من الدوش لاوي عليه فوطة و غادي كيزرب معصب جهة الباب لي كيتدق باستمرار .. فتح و هي تبان قدامو رغد لابسة سروال اسود و تريكو خيط فالبوردو مع بوتيو قصير و عالي
عثمان: اش بغيتي فرعتي ليا مخي بالدقان
غمضات رغد عينيها ب يديها: و لبس غير حوايجك و نتا جاي مسفح مالك
دخل و خلاها تابعاه من اللور: راك نتي لي جاية هاجمة عليا ياك لباس
رغد: تسنيتك تنزل ملي تعطلتي قلت نطلع نعيط عليك
عثمان: فطريييي بوحدك اختي متسناينيش هاد المرة خليني نشبع غير نعاس
رغد ضربات الدورة: واخة اخووويا رجع تنعس انا غنزل نقلب على لي يفطر معايا
شدها عثمان من يدها قبل ما تخرج: كتقلبي على خلا عشتك .. ها ودني منك و نلقاك مع شي واحد كيفما كان
رغد: و نتا اش دخلك رجع كمل نعاسك و انا نزل نفطر اخويا
عثمان بين سنانو: يخوي ليك الجناب انا مااااشي خووك كتفهمي مزال تنطقيها نقطع حسك
رغد بعناد: خووويا عثمان خويا خويا خو
ما سكتتها غيير شفايفو لي تحطو على شفايفها و بدا كيقبل فيها و هي مخرجة عينيها فيه .. حركات يديها على صدرو العاري باش تبعد ولكن بدون جدوى كان منغامس فقبلتو و مغمض عينيه مستمتع بشفايفها بمذاق الفراولة لي فايحة من ليبستيك لي كانت دايرة .. بقات جامدة لبعض الثواني حتا غمضات عينيها حتا هي و استقبلات هاد المرة قبلتو و خلاتو يقبلها كيف بغا … هزات يديها بدون شعور من على صدرو و طلعاتهم لعنقو مدورة يديها عليه و صباعها فوسط شعرو القوي و مرخية وسط يديه ناسية لا الوقت و لا المكان فين هي … ما حسات براسها حتا سمعات تيلي كيصوني.. عاد حبس عثمان و فتح عينيه كيشوف فعينيها لي كان فيهم نوع من البريق ..
بعد بشوية عليها و خلاها خدات نفسها حادرة عينيها لتحت .. بدات كتقلب على التيلي و هي تالفة و متوترة غير بوحدها .. هزات صاكها من الارض و جدات تيلي لقات نهى لي مصونية و هي تجاوب عليها و خرجات من عند عثمان مخلياه كيدوز في يدو على شعرو و ابتسامة على شفايفو عاد دخل لبس حوايجو ينزل عندها…
اما رغد حناكها كانو غينقز منهم الدم بكترة ما حمارت و حسات بالصهد طالعة معاها واخة الحال بارد .. جوبات خالتها لي اكدات عليها تمشي تحضر للعرض لي جات على قبلو و ترجع باش تحضر للخطوبة .. كملات معاها و نلات لتحت طلبات الفطور و بقات كتسنا ف عثمان حتا بان ليها جاي مبدل و ريحتو عاطية من بعيد .. نزلات عينيها مبقاتش قادة تشوف فيه بينما هو كيتفحصها بكل جرأة و يتمعن النضر فيها و رغد ذلك احرم سكوتها و ماهضرش مخليها على راحتها .. حتا تحط الفطور كالو و ناضو خرجو لشغلهم
في المغرب كانت هايدي واقفة قدام بيت مها كتسنا فيها حتا لبسات عاد خرجو بزوجات شدو طاكسي و مشاو للمول فين دايرين مع نهى و سهى .. لقاوهم وصلو قبل و جالسين فكافي كيتناقشو و يضحكو بيناتهم لي شافهم مايقولش والدين دوك الحلالف .. سلمو على بعضهم و جلسو حتا هو شوية عاد ناضو دخلو للمول كيتقداو و يتخيرو و يعطيو لهايدي تقيس حتا سخسخوها و رجليهم طابو عاد جلسو فريسطو تغذاو بالتقشاب و الضحك ديال نهى و ناضو تكعدو يكملو ما بداو حتا ولات هايدي طالبة غير السلاك معاهم مبقاتش قادة تحرك رجليها بكترة الضوران عاد تكرمو عليها و جمعو شنو شراو داروه فاللوطو و ركبو وصلو مروى هي و هايدي للدار و مشاو هوما فحالاتهم
هايدي: اووووف رجلية مبقاوش هازيني و عينية كيتلصقو بالنعاس بغيت غير نتكا
مروى: دوزي دوشي و ديك الساعة نعسي الى بغيتي انا غنخرج نتقدا و نرجع
هايدي: اويلي ياك عاد شرينا كلشي وراه غييير خطوبة ناشي عرس
مروى: نتي متفهميش فهادشي احبيبتي .. بنت وحدة لي بقات ليا بغيت نفرح بيها
هايدي بعفوية: كتهضري بحال الى كانت عندك شي بنت اخرى ههه
جمعات مروى ضحكتها و مسحات على راس هايدي: دوشي عاد نعسي الله يرضي عليك
خلاتها دخلات لبيتها و خرجات هي تقدا كل من الحلويات و المملحات و تقيوتات لي محتاجة و هي كتخمم واش تقولها لطليقها على خطوبة بنتو ولا ديرو فحال الى مكاينش .. فكرات حتا عيات و لقات بلي من حقو يحضر و هي غتعلمو بغا يجي مرحبا بيه ما بغاش غتكون دارت لي عليها
من بعد تردد كبير صونات على نمرتو و تسنات حتا سمعات الرد كان صوت وحدة من بناتو
سارة: الوو
مروى: السلام عليكم ابنتي .. كاين باك دوزيه ليا
سارة: اه كاين ا خالتي انا نعيط ليه .. كيف دايرة لباس عليك و ختي هايدي بيخير
مروى: كلشي بخير ابنتي يسول فيك الخير
سارة: ها عزيزي غندوزو ليك
عطاتو التيلي و مشات من حداه مخلياه يدوي على راحتو
رشيد: الو مروى
مروى: السلام عليكم .. عيطت عليك غير باش نعلمك بلي بنتك جاو فيها الخطاب .. و غذا عندها الخطوبة .. الى كانت كتهمك بنتك و فرحان لفرحها مرحبا بيك غذا عندنا
رشيد: الله يكمل عليها بالخير .. شكون هاد السيد لي خطبها
مروى: مغتعرفوش .. الى جيتي غذا غتفرح هايدي لشوفتك .. خليتك على خير
قطعات عليه و كملات طريقها راجعة للدار .. لقات هايدي نعسات ترتاح و مخلية شعرها مزال مرطب .. هزات مروى فوطة كتنشف ليها فيه و هي كتححقق فملامحها و تبسم .. باستها فخدها و تكات حداها ترتاح من تعب هاد النهار لي داز طويل عليهم
في فرنسا
كملو خدمتهم لي جاو على قبلها و بقا ليهم نص النهار خاوي .. اتتفقو يدوزوه بزوج كيتساراو ف ازقة باريس الرومانسية .. ما خلاو حتا بلاصة متساراوهاش حتا عياو و مشاو جلسو فكافي مقابلة مع برج ايفل .. طلبو شنو بغاو و بقاو مراقبين الشارع و المارة لي كيدوزو من تم حتا تكلم عثمان: ايوا الالة رغد شي جديد
رغد: لا والو .. حياتي مملة مافيها لا جديد ولا قديم
عثمان: ماشي لهاد الدرجة
رغد: فغيمون هادي هي الحقيقة
عثمان: ولكن تقدري تبدليها الى بغيتي
رغد: و كيفاش
عثمان؛ استمتعي بوقتك و ديري صحابات .. خرجي مع اصدقائك.. مخيمات .. نزهات مابقيتيش صغيرة باش تخافي تخرجي ولا تمشي بوحدك
رغد: الصراحة معرفتش انا كنحس براسي مملة و معنديش معامن نخرج ولا نسافر او اي حاجة عندي زوج خوت ولكن كل واح و شغلو نايف ديما مسافر و رعد مقابل خدمتو معنديش اصدقاء و مكنربطش صداقة معامن كان حيت انا نية و دغيا كيديروها بيا هه و الدليل اخر حاجة وقعات ليا
عثمان: و هانتي رابطة علاقة صداقة معايا انا
رغد؛حيت التامست الصدق فيك
عثمان: شوفي ارغد نساي لي فات و متبقايش رابطة حياتك بالماضي شوفي لقدام و عيشي حياتك’حك دقنو و كمل على كلامو’ عارف ماشي وقت هاد الهصرة ولكن غنقولها .. واخة معنديش مع الهضرة و داك التعبير الشفوي ولكن بغيت نوصل ليك بشنو كنحس.. الصراحة من هدشي كامل..رغد بغيتك تكوني ليا..
صبح الصباح على ابطالنا كلها و فين ملاهي .. شي يوجد من هنا و شي من لهيه و سهى واقفة على شغلها بنفسها .. هزات راسها كتعيط على ختها حتا بان ليها سي العريس هاز تيلي و غادي خارج
سهى: ا فييين غادي اشريف
رعد؛ غير نجاوب ف تيلي و راجع
داز خارج و جاوب على المتصل
رعد: الو .. شكون معايا
…..: عندي جميع الادلة و المستندات لي تقدر تغرق تولان و شركائو .. الى بغيتيهم ما عليك غير تجي لهاد العنوان ****
تقطع الخط مخلاوهش حتا يسول ولا يعرف شكون .. شاف حتا عيا و ركب اللوطو متاجه للعنوان باغي يعرف شكون هذا لي معيط عليه يوم خطوبتو .. وصل للمكان فالغابة امام كوخ مهجور .. ترجل من اللوطو و قرب من الباب دفعو و دخل كيستكشف حتا بانت ليه واقفة عاطية بالضهر و شعرها الاشقر مجموع ديل حصان .. لبسها كلو اسود ف اسود و دايرة نضاراتها الطبية ..
هنادي: مرحبا بسي رعد
رعد: كنسمعك .. علاش معيطة ليا؟
هنادي: تؤ تؤ .. علاش متهجمتيش عليا و خديتيني نتوانس مع تولان .. هااا نسيت ما عندكش دليل عليا ههه
رعد: ولكن عن قريب غتمشي تزوري باك فالحبس
هنادي عينيها ضلامو و دوات بين سنانها: ماشي با
رعد: كلشي عارفو باك علاش كتنكري
هنادي: كون فعلا بابا ماكنش غنجي اليوم حتال عندك و معايا اادلائل لي غتغرقو
رعد: و شنو السبب لي خلاك ديري هاكا
بانت لمعة فعينيها من الدموع ولكن دغيا خفاتهم
هنادي: بغيت .. غنعطيك كلشي ولكن بشرط
رعد: علاش غنتيق فيك؟
هنادي: نتا مجبر تيقني
رعد: شنو هو شرطك
هنادي: بغيتك تقلب ليا على ماما
رعد: مافهمتش .. شنو علاقة مك بهادشي
هنادي: بغيت نشوفها قبل ما نتحبس ولو مرة وحدة
مسحات الدمعة لي خانتها و نزلات و سرحات بخيالها لليوم فين هربات من رعد و تشد باها او بمعنى اصح لي كانت حاسباه باها .. هربات من البوليس لي كانو ملاحقينها و مشات لمنزلهم السري لي كان كيمشي ليه غير تولان و بعد المرات كيديها معاه .. وصلات ليه و فتحات الباب و دخلات .. بقات تما بضع ايام حتا يتهدن الوقت و تشوف كيفاش تخرج باها من تما .. ناضت كتسارا فالدار لي كانت صغيرة شوية .. كوزينة مفتوحة على الصالون و زوج بيوت و مكتب .. عند هاد الاخير حبسات و تقدمات ليه .. لقات لوحة مفاتيح فجنبو و فهمات بلي خاصها دخل الكود .. جربات عيد ميلادو مصدقش هو .. و هي دير عيد ميلادها و تحل ..
تبسمات و دخلات كتستكشف فيه، كان عامر غير بالملفات و الاوراق بعضهم من الخدمة و البعض الاخر ديال حياتو الشخصية .. بدات كتقلب و تبحث في محاولة منها تلقا باش تخرجو من تم .. ما خلات حتا ملف ما قلباتوش … المكتب كااامل نزلاتو بالتقلاب و والو .. قربات للمجورة لي كانو مسدودوين بالساروت تنترات معاهم حتا عيات و متفتحوش و هي تستعمل مقبط ديال الشعر باش تفتح .. بقات مضاربة معاهم حتا فتحاتهم كاملين عاد بدات كتقلب .. اللول ملقات فيه والو مهمة من غير الخدمة لي كان كيدير تولان .. التاني غير فتحاتو طاحت عينها على صورة امراة بضحيكتها المشرقة على وجهها و شعرها مضفور للقدام .. بقات كتحقق فيها لبعض الوقت و حطاتها بدون مبالاة .. شافت تحت الصورة لقات مجموعة من الرسائل قدام ورقتهم باهتة و كتبتهم اكتر .. هزاتهم كتقرا فيهم و الصدمة كتبان على وجها .. كل رسالة كتصيفطها للتانية طالبة في المزيييد من معرفة الحقيقة لي طول هاد السنين و هي غافلة عليها .. رجعات هزات الصورة كتحقق فيها مزيان و دموعها سالو من عينيها كيتسابقو .. خرجات شهقة مجروحة من حلقها قبل ما يتبوعها اخواتها ليتحولو الى صرخات متتابعة .. صرخة قهر .. صرخة خذلان .. صرخة اشتياق .. كلشي مخلط عليها .. مقادراش تيق شنو شافت عينيها .. كيفاش قدر تولان يختاطفها من امها و هي مزال حتا ما شافتها ولا ذاقت حليبها .. كيفاش قدر يحرق قلب ام كانت متشوقة تشوف مولودتها .. كيفاش طعن قلب البنت لي طول هاد السنين كتنادي عليه ب بابا .. عقلها ماقادرش يستوعب شنو عرفات و حقيقة مها لي عايشة و عمرها شافتها بسباب رجل اناني عشق امها و بغا شيء منها يولي ملكو … تقهرات و بكات و غوتات حتا عيات و في الاخير مسحات دموعها و جمعات قوتها كيف ديما .. وقفات من الارض و هزات الصورة خشاتها فالجاكيت ديالها .. ضارت على البيرو هزات جمييع الدلائل و البراهن لي غتخلي تولان يطلب كون غير عمرو عرف مها .. كون غير مخطفهاش و هي مزالة رضييع .. باش متخونوش بهاد السهولة و تلوحو في يدين القانون … هزات كلشي و خرجات من الدار بملامح ممحية …
🔚
شاف فيها رعد بتسائل: مجاوبتينيش؟
هنادي: شنو قلتي؟
رعد بقلة صبر: عندك شي معلومة على مك؟ خاصنا ضروري راس الخيط لي يوصلنا ليها .. تولان كان رابط علاقات بزاف صعيب نلقاو امك
هنادي بعصبية: قلت لييييك هو مااااشي بابا انا معارفاااش شكووون عائلتي اصلا .. هو خطفنييي منهم قبل حتا ميشوفوني و هوما عند بالهم راني تزاديت مييييتة .. علاااش مبغيتيييش تفهم بلي مكتربطني حتا علاقة بداك الحيوان
رعد ملقا مايقول من غير حرك راسو بتفهم لحالها و تم خارج من تم
هنادي: مزال ما سالينا
رعد؛ شنو مزال؟
هنادي ‘جبدات دكشي لي جابت معاها حطاتو فوق الطبلة قدامو’: هدشي ديال تولان من نهار بدا خدمتو حتال دبا .. العصابات و المافيات لي كان معاهم .. اضافة الى تجارة المخدرات و القتل .. جميع الناس لي ماتو على يدو كياخد ليهم صور كتذكار .. كل واحد و السبب علاش مات .. كلشي غتلقاه هنا.. انا غنسلم راسي نهار تلقا واليدية و ديك الساعة مستعدة للعقوبة ديالي .. و عارفة انني ممورطاش بزااف فهادشي حيت غير مؤخرا فين حضرت معاه لاعمالو الموسخة .. لكن كنستاهل العقاب و انا مستعدة نسلم راسي ..
رعد: و شنو لي خلاك متأكدة انني غنعاونك و مغنضربكش من را ضهرك و ندخلك معاه
هنادي بضحكة خفيفة: ماشي من شيمك الغذر .. لي عارفة عليك انك انسان نعقول ماشي ديال تخلويض
رعد: ملي نلقاها غنعيط عليك
هنادي: قبل ما تمشي ‘جبدات الصورة عطاتها ليه’ تقدر تكون هادي .. لقيتها فمكتبو
شدها رعد و ضرب عليها طلة خفيفة ولكن سرعان ما رجع حقق فيها مزيان كيتأكد من شنو شافت عينيه .. واش بصح هدشي لي كيشوف ولا غير تخيلات ليه .. رجع كيحقق و يشوف ف هنادي لي واقفة كتشوف باستغراب من حالو
هنادي: شنو كاين؟ واش كتعرفها!
رعد: اممم يمكن غير تشابهات ليا .. لا لا غير تشبهات
حركات هنادي راسها بتفهم و سكتات
رعد: في القريب غنعيط عليك .. الله يعاون
خرج رعد دماغو مخربق .. مرة كيقول هي و مرة كيقول لا . الصورة قديمة و ملامح الانسان كيتبدلو مع الوقت .. ركب سيارتو و اتاجه للدار ملقا فيها حتا واحد كلشي كان سبقو لدار هايدي
فمنزل هايدي كان كلشي مجموع فالصالون .. مروى هي و سي رشيد و معاه حتا سارة لي اصرات تجي تفرح مع ختها .. واخة ماشي خواتات شقيقات و علاقتهم كانت متوترة ولكن عزيزة عليها .. و محمد هو و عثمان و نايف و ساهر و حتا سلمان جا معاهم لي كان رجع من امريكا و جا مع مو ضحى باش تحضر لخطوبة ولد ختها .. اما لعيالات كانو مجمعين كل من مروى و نهى و سهى و ضحى و معاهم حتا صفاء ولالة خديجة ام فهد .. و الرجال كيتكلمو مع رشيد .. فهد و جود و راجل ضحى سمير ..
و الرجال كيتكلمو مع رشيد .. فهد و جود و راجل ضحى سمير .. محطوطة قدامهم طبلة مشكلة و متنوعة من صنع مروى .. اما في البيت كانت جالسة هايدي و معاها رغد و سارة كيتعاودو و يبعدو عليها التوتر و الخوف لي حاسة بيه
هايدي: علاش تعطل و ماكيجاوبش فالتيلي
رغد: غيكون فالطريق غير تهدني
سارة: راه واقلة وصل طلي ا رغد واش هذا لي لتحت
طلات رغد و تبسمات ملي شافت خوها نزل من السيارة هاز باقة وردة و الشكلاط و جاي فلباس رسمي لي قليل فين كيلبسو …
رغد: ها هو وصل بقيتي على خاطرك
هايدي: اوووف متوترة عنداك غير بابا ميوافقش
رغد: هههه متخافيش غيهرب بيك رعد و ميسمحش فيك هههه
سارة: هههه باينة كيبغيها بزاف .. الله يكمل عليكم بالخير اختي و يوفقك معاه
هايدي ‘عنقاتها’: اميين احبيبتي شكرا بزاف حيت جيتي عندي اختي
سارة: راك ختي واخة ماشي نفس الام ولكن كنعتابرك اكتر من ختي ‘باسف’ واخة دكشي لي دارت مريم مكيتغفرش قدرتي تسمحي ليها
هايدي: دكشي فااات متبقايش تفكري فيه .. المهم راه ماما كتعيط ياله نخرجو
خرجو البنات و هايدي لابسة قفيطين فالباج خفيف و انيق فنفس الوقت .. جامعة شعرها من القدام و مخلياه من اللور مطلوق على ضهرها .. سلمات عليهم كاملين و جراتها سهى جلساتها حدا مولاي السلطان لي عينيه ما نزلوش من عليها بلا حشمة بلا حياء من واليديها ولا واليديه واخد راحتو .. و قرب من ودنها كيهمس ليها
رعد: سلطانتي .. اش هاد الجمال كامل ناوية تصفيها ليا قبل العرس
خرجات ليها تبسيمة من شفايفا و هي كتحاول تخبي ضحكتها و نغزاتو ب مرفقها باش يسكت
هز يدها شابكها مع يدو و سكت يخلي الكبار يدويو، ملي شافهم مجبدوش الموضوع حرك فهد لي كان فجنبو و هضر معاه
رعد: و الوليد .. هضر فالموووهييم و فوت عليك جماعة العيالات
فهد: مالك تزربتي فدقيقة؟ كمل فصبرك و هنينا
رعد: الوليد هضر خلاص ولا نوض نجرها و نمشي فحالي من هدشي كلو
فهد: الله يصبرني معرفت منين ورتي هاد العناد كامل
رعد بابتسامة: من اين داك الشبل .. من ذلك الاسد
حرك فهد راسو بلا حول الا بالله و وجه نضرو لرشيد
فهد: سي رشيد راك عارف مجيتنا لهنا شنو مرادها .. اليوم جينا طالببن فيد بنتكم هايدي لولدنا رعد الى قبلتو علينا
رشيد: الله ياودي مرحبا بيكم .. الدراري باينين متافقين من قبل حنا ماعلينا غير نباركو ليهم و الله يكمل عليهم بالخير
فهد: هذا المضمون منك اسي رشيد .. ياله بسم الله نقراو الفاتحة
قراو الفاتحة و الدار تهزات بالزغاريت و العرسان الضحكة واصبة ليهم للودن اكترية هايدي لي كانت فرحتها مكتوصفش اما رعد فكان مكتافي يتبسم لا غير فرحتو مخبيها بينو و بين راسو .. جبدات سهى الخواتم لي شراتهم هي و ولدها و حطاتهم لبهم يركبوهم لبعض هدشي كامل و لالة نهى كتفيلمي فيهم بكاميرتها لي مكتخطاهاش .. ركبو الخواتم و وكلاتو شوية من التمر و الحليب و هو ايضا و بداو كيستقبلو في المباركات بفرحة .. جات مروى باركات ل رعظ و هو حاضي غير ملامحها و تفاصيلها باغي يحفضهم .. لدرجة كانت كتهضر معاه و مكيسمعهاش مكتافي غير يحرك راسو واخة معارفها اش كتقول .. عقلو كان غايب و مشغول بحاجة اخرى .. اما واحد زوج فكانو كيتحاورو غير بعينيهم .. هي عينيها ولاو بغاو ينقزو من بلاصتهم بكترة ما خرجاتهم فيه ولكن ما من مجيب .. حنحن و تقاد فالجلسة و شاف ف جود لي كان فجنبو .. عرف حقيقة اخوتو مع مروى و اعتابرو حتا هو من العائلة .. قرب من ودنو و هضر معاه .. شاف جود بضحكة ف رغد لي وجهاا يكتسيه الاحمرار و حمحم باش يشوفو فيه
جود: احم .. بما ان العائلة كاملة مجموعة هنا لفرح رعد و هايدي .. فمنكرهوش نفرحو بتوأمتو رغد .. و اليوم بصفتي اخ مروى و عثمان ‘شاف ف فهد’ بغيت نطلب يد بنتك رغد لخويا عثمان على سنة الله و رسوله
بانت ملامح الاندهاش على وجوه البعض بينما البعض الاخر ملامح الفرحة .. شاف فهد فبنتو باستغراب و غير طاحو عينيه عليها و على شكلها المتوتر و المحتشم تبسم و شاف ف جود: سمح ليا اسي جود ولكن انا مزال مسخيت ب بنتي و ماناويش نزوجها بحتا واحد هاد الساعة
هزات رغد عينيها فباها و هي مزيرة كتشوف فملامح الجدية على وجهو .. ملقات متقول من غير تورك على اصابع يديها كاتمة الدمعة لي كانت غتنزل من عينيها .. شافت فيها سهى لقاتها ماشي على بعضها و هي تغمز ل فهد بمعنى اش كتقول
فهد: رغد ما مستعداش تزوج دبا ياك ابنتي هدشي لي كاين
كل الاعين كانت مجرد عليها كيتسناوها تجاوب بينما هي غير هزات راسها اول واحد شافت فيه هو عثمان و تفكرات طلبه ف فرنسا .. حلات فمها تنطق و رجعات سداتو مالقات ما تقول من غير توقف و تتاجه لبيت هايدي مخلياهم شي كيشوف فشي
حلات فمها تنطق و رجعات سداتو مالقات ما تقول من غير توقف و تاجه لبيت هايدي مخلياهم شي كيشوف فشي حتا نطقات سهى مخاطبة فهد فودنو:هدشي لي بغيتي هانتا بكتيها
فهد: منضحكش مع بنتي
سهى:ضحك البناية ديالك مايقبل ليك عليه قدي
فهد: هههه ياك الالة هي غير نقبلو و نعرسو ليهم فدقة ولادة فدقة و زواج فدقة اش بان ليك
سهى: غيكون هداك احسن نهار فحياتي
فهد حنحن و شاف ف جود: احم فكرت و بان ليا سي عثمان رجل يستحق نقدم ليه اغلى ما عندي الله يجعل كلشي مبارك و مسعود
طلقات صفاء تزغريتة هي و للا خديجة بينما نهى غوتات بحماس
نهى: ااااي كنت عارفة ههه والله حتا كنت عارفة هههه صافي غنعرسو للتوام فدقة ههه
صفاء: سيري ابنتي بغيت ليك غير عقل و الصبر لداك الراجل لي مزوج بيك
جود: امين اخالتي راه بقالي شوي و يطير هاد نص عقل لي بقا عندي
سلمان: اححم حتا انا بغييت نعرس الولييدة
شافت فيه ضحى باستغراب و نطقات: صوفيا وافقات عليك لمسخوطة
سلمان: دبا كتمدحيني ولا كتعايريني
ضحى: كنقول الحق البنت تبارك الله شهوة منها تحمق و بعقلها و متبتة غتجي عندك و تحماق
هايدي:هههه ماشفتي والو اخالتي ههه انا عاشرتها شهر هرباتو ليا 😂 الى جيتي تقارني بيناتهم تلقاي سلمان معقل عليها ههه راه غير كتبين ليك ديك التباتة حتا ترضاي عليهم ههه
سلمان: العز بييك الحب
رعد: شناهوا
سلمان:بغيت نقول اختي فالله راها بحااال ختي والله العضيم انا كنحب بنت وحدة هي صفصوفتي
رعد؛ ايوا هكاك جمع راسك اشريف
ضحكو مجموعين و اكيد هاد الهضرة ماشي قدام سي رشيد لي كان خرج يهضر فالتيلي اما كون سمعهم يفسخ ليهم هاد الزعتر كامل يضربو فعرض الحائط 😂
مشات هايدي عيطات على رغد لي كانت مزال حشمانة و تخشات تحت يد باها ماقادرة تشوف فحتا واحد فيهم و بالاخص رعد لي كان جنبها و جرها من وسط يدين باها حتا درعها هو و باسها فراسها
رعد: مبروك على فنكوشتي
رغد: راه قد قد فالعمر متبقاش تصغرني هكا ههه
رعد؛واش فرحانة بهاد الزواج.. مقتانعة
رغد: بزااف عمري شفت شي حاجة خايبة من عثمان
رعد: عارفو ولد الناس ولكن الى كنتي مزال متعلقة ب داك ‘سكت و رجع كمل’ مبغيتكش ظلمي معاك عثمان
رغد: انا نسيت الماضي اخويا.. بغيت نشوف حياتي و نتقدم ماشي نرجع لور
رعد: هاكا نبغيك احبيبتي
بانت ليه مروى نايضة و هو يوقف حتا هو متبعها حتا دخلات للكوزينة و وقف عليها
رعد:للا مروى نقدرو نهضرو شوية
مروى:مرحبا اولدي
جالسة على الكرسي بضعف و يديها على وجها كتمسح فيه و تعاود و التوتر لاعب عليها .. يديها كيترعدو و ماتابتينش .. اما عينيها فكانو منفوخين و حمرين من شدة الدموع لي درفوها .. بغات توقف تمشا شوية تسرح رجليها لي تقالين بيها ولكن ما قدراتش .. كتحس ب ركابيها خاويين و قوتها خارت .. شد في يديها كيحاول يمدها بشوية من القوة باش تستقبل الخبر و نطق
رعد: اللا مروى .. شدي فراسك عفاك .. انا مقلتش ليك هاد الهضرة باش نشوفك هاكا مقادرة حتا توقفي على رجليك .. بالعكس بغيت نشوفك قوية كيف ديما و قادرة تستقبلي الخبر .. ايجابي كان ام سلبي .. المهم تروي فضولك و تعرفي الحقيقة
مروى و النفس مقطوعة فيها كتنفس بزز: ماقادراش اولدي منقدرش ففف راه النفس مقدرتش نتنفس .. بنتي محرومة منها اكتر من عشرين سنة هئ و كل مرة نترحم عليها و هي مزال فالحياة هئ هئ ياااربي اشمن ذنب ارتاكبت باش نتعذب هاكا هئهئهئ ياربي شوف من حالي و ريحني راه مبقاتش عندي القدرة نستحمل شي حاجة اخرى 😭😭
رعد ملقا مايقول فعلا قاسحة تتقبلها و هي لي عند بالها خسرات اول مولودة ليها و دبا كيقول ليها ممكن تكون مزال عايشة .. كيفاش غتييق فكلامو و تستوعبو .. احساس لي ميقدرش يتوصف بالكلمات .. و نفس الشيء بالنسبة ل هنادي لي كانت جالسة فالشقة فين جابها رعد باش تبقا تحت عينو .. كتمشي و تجي و الارض طايباتها معاها بكترة ما كتخبط رجلها معاها باش تدفع عليها التوتر و تبقا مهدنة .. قلبها كتحس بيه غيوقف و هي كتسنى فمكالمة رعد باش تعرف النتائج .. جبهتها تكونات عليا حبيبات من العرق و يديها حمارو من كترة ما كتفرك فيهم مع بعد .. ما تنفسات حتا شافت الفون كيصوني و رقم رعد على الشاشة .. هزاتو بصعوبة و هي كتحس براسها غتسخف و ماقادراش تجاوب ولات باغة الوقت يطواااال و متجاوبش عكس شوية هذا لي كانت كتسنا مكالمتو على احر من الجمر … حركات صبعها على الشاشة بثقل و حطات الفون على ودنها .. خرجات كلمة وحدة من حلقها لي كان ناشف: شش…شنووو؟ من بعد ما جاوبها مبقاتش حسات بشنو كيضور حواليها .. طاح الفون من يديها و تبعاتو هي على ركابيها مقادراااش تستوعب شنو قال ليها .. دموووعها نزلو شلال على خدودها و تنفسها كيخرج تقييييل من حلقها .. حطات يدها على صدرها كتحس بقلبها غيخرج من بلاصتو و هقدة متكونة فحلقها ممخلياهاش تنفس ..
حطات يدها على صدرها كتحس بقلبها غيخرج من بلاصتو و عقدة متكونة فحلقها ممخلياهاش تنفس .. خرجات صرخة قوية من حلقها حتا تجرح و تبعوها صرخات متتاليين: مااااامااااااااا هئهئهئ اعععععععع هئهئهئ مااااامااااااا 😭😭
كان الخط مزال متاصل ب رعد لي كان كيسمع فيها و خاطرو ضارو من جهتهم بزووج .. ضور راسو للزاج كيشوف ف مروى ممددة على السرير و معلقين ليها السيروم .. مقدراتش تحمل الخبر و طاحت مغمى عليها .. قطع الاتصال و عيط على هايدي لي مكان في خبرها والو .. قال ليا تجي للمستشفى فين كانت مروى و قطع مخليها بغات تحماق و تعرف شنو وقع مع مها .. اما هو خرج و مشا للشقة فين كانت هنادي لي غير فتح عليها الباب لقاها واقفة قدامو .. عينيها حمرين و شفارها مزال فازكين بالدموع .. مدات ليه ملف مكتوب عليه اسمها و شافت فيه بملامح ممحية
هنادي: هادشي الاعمال لي كنت حضرت ليهم مع تولان .. دبا جا وقت نتعاقب على اعمالي .. ولكن عندي ليك طلب اخييير
رعد: لي هو
هنادي: نشوفها لاخر مرة و ديك الساعة غنمشي معاك بإرادتي
رعد: عارفة هدشي مخالف للقانون و كان ليا نحبسك من نهار اعترفتي
هنادي: عاارفة و انا ممتنة لشنو كدير معايا .. عفاك غير مرة وحدة
رعد: غنتسناك فالطموبيل
نزل و خلاها حتا غسلات وجهها و جمعات شعرها عاد نزلات ركبات معاه و توجخو للسبيطار فين كانت مروى و معاها هايدي جالسة فجنبها و عينيها دايزين بالدموع ماعارفة حتا شنو وقع ليها..
تفتح الباب و دخل رعد هو اللول عاد تبعاتو هنادي عينيها غير على مها .. شاف رعد ف هايدي لي ناضت عندو معنقاه كتبكي و مرداتش البال ل هنادي لي كانت وراه
هايدي: شنو وقع ليها هئ هئ .. فاش كانت غتخرج قالت ليا بغات تقضي شي غرض و مشات و دبا كنلقاها هنا؟!
رعد: ماشي وقت هاد الهضرة احبيبة حتا بمن بعد و نشرح ليك
هايدي بانفعال: كيفاش من بعد .. واش ماما ناعسة فالسبيطار و نتا كتقول من بعد
تلفتات هنادي كتحقق ف هايدي بدهشة و علامات الصدمة مرسومين على وجهها .. غير شافت هايدي و طار اللون من وجهها .. فمها بيااض و نشف .. خرجات كلمة وحدة بتسائل باغة تأكد
هنادي: مك؟
عاد انتابهات ليها هايدي و تلفتات كتشوف فيها باستغراب: اه ماما .. ولكن شكون نتي اختي معرفتكش ‘شافت فرعد’ رعد واش كتعرفها
هنادي: ا..اانا ..ااناا
قاطعها صوت انين مروى لي فتحات عينيها و مشاو ديريكت ل هنادي لي كانت قريبة ليها ..
قاطعها صوت انين مروى لي فتحات عينيها و مشاو ديريكت ل هنادي لي كانت قريبة ليها .. دازت دمعة كتسابق من جنب عينها لي دغيا مسحاتها هنادي و نزلات باستها من جبينها و دموعها دايزين .. شدات في يديها كتبوس فيهم و في فمها غير ‘ماما ماما’ الشيء لي زاد صدم هايدي و خرجات عينيها ف هنادي .. قبل ماتكلم كان جرها رعد خرجها و خلا هنادي مع مها .. و هو كيشرح لهايدي قضية هنادي و كيفاش حتا صدقات اختها .. شي حاجة لي مقدرش عقل هايدي يستوعبها .. عندها ختها و عاد غتعرفها!! شحال تمنات حتا هي تكون معاها اخت لي تعاود ليها و تنصحها و يخرجو بزوج و يضورو و تحامي عليها و توقف معاها .. كانت كل مرة كتشوف شي بنت مع ختها كتفرح و تطلب تكون عندها حتا هي .. و ها هي اليوم كتفيق على حقيقة وجود اخت ليها لي 24 سنة ما عرفاتها .. مسحات دموعها لي كانو كيتساقطو و حطات يدها على قلبها بحال الى كتهدن فيه باش ميبقاش يضرب بوتيرة مجهدة .. قربات للباب و دفعاتو كتشوف في مها معنقة هنادي و كتبوس ليها فراسها و تبكي .. موقف جد مؤثر لا الكلمات ولا العبارات يقدرو يوصفو حالهم دبا .. فوهات هايدي فمها تنطق و والو الهضرة واحلة لي فحلقها .. كلمة وحدة لي نطقاتها و هي كتشوف فهنادي و دموعها دايزين: خخ..ختيي
تلفتات هنادي كتشوف فيها بنضرات ممفهومينش .. نضرات مخلطة بين الفرح و السعادة و بين الندم و الالم لي كتحس بيه اتجاه هايدي .. هاد الاخيرة لي قربات بخطوات بطيئة و ترمات عليها معنقاها كتبكي .. مقدراتش تلف يديها عليها .. كتفكر كيفاس كانت غتخرج ليها على حياتها يوم تضرب رعد .. اه عقلات عليها و عرفاتها .. مستحيل تنسا ديك البنت لي كانت منهارة حدا حبيبها و هي كتشوف فيها و مقدرات دير والو قدام تولان لي كانت معتابراه باها … هزات يدها ببطىء و عنقاتها كتبكي حتا هي و تنطق بكلمة واحدة ‘سمحيليا .. سمحيليا’
فبيتها ناعسة براحة بعد يوم مليء بالاحداث و الحقائق .. رجعو للدار عيانين و كل واحد دخل لبيتو يرتاح و يصحصح للغد فرحانين بعودة هنادي ليهم .. فيقها صوت الغيفي لي كان حدا راسها و هي تفتح نص عينها طفاتو .. تلفتات للجهة الاخرى و مدات يدها حداها كتلمس ما لقات والو .. حلات عينيها كتشوف فالبلاصة خاوية و هي توقف كتحك فعينيها و شعرها طايح على وجهها .. خرجات من بيتها كتقلب عليها و تنادي باسمها ولكن ما من مجيب ..
خرجات من بيتها كتقلب عليها و تنادي باسمها ولكن ما من مجيب .. قلبات الدار كاملة و حتا من بيت مها طلات فيه لقاتها ناعسة بوحدها و هي تخرج رجعات لبيتها كتسائل فين غتكون مشات .. هزات الفون من فوق الكوافوزة حتا بانت ليها ورقة مطوية و محطوطة حداه .. هزاتها فتحاتها و غير قراتها عينيها نقزو بالدموع..
‘ لم يكن سهل علي ترك عائلتي بعد ان وجدتها ولكن العدالة تنتظرني .. سامحوني ‘
كانو هادو هوما الكلمات لي قالت قبل ما تمشي تسلم راسها للعدالة كيف قالت .. دخلات على رعد لي كان مع باه و مدات يديها ليه
هنادي: ها انا وفيت بكلمتي و جيت حتال عندك .. تقدر دير خدمتك
رعد: قلتيها ل عائلتك
هنادي: سي
فهد: رعد عيط لساهر هو لي غيتكلف بقضيتها
هنادي: شكون هذا
فهد: محامي
هنادي: ما محتاجة حتا شي واحد يدافع عليا .. غنتعاقب على افعالي و صافي
فهد: كندير هدشي على قبل مرت ولدي ‘ شاف ف رعد’ دير دكشي لي قلت ليك و انا غنتكلف باستجوابها
حرك رعد راسو مأيد فكرة باه و خرج كيصوني على ساهر يجي عندهم .. بينما هو اتاجه لدار هايدي لي كانت خبرات مها و ناضت كتلبس فحوايجها يمشيو يشوفوها .. تدق الباب و مشات هايدي فتحات .. غير شافتو تلاحت بين احضانو كتبكي
هايدي: ماغاديش تخلينا مرة اخرى ياك .. هي مادارت والو ارعد هئهئ متخليهاش تحبس عفاك
رعد: شششت تهدني اهايدي و متخافيش .. ساهر غيتكلف بقضيتها و انا كنواعد غنديرو كل ما فجهدنا باش تخفف عليها العقوبة .. رغم كلشي راه ساعداتنا و اصلا هي معندهاش شي حاجة كغاف لي تحبس عليها
مروى: ديني اولدي بغيت نشوفها الله يرضي عليك
رعد: واخة
نزلو من وراه و ركبو معاه و ديريكت ل مخفر الشرطة فين كانت هنادي كتستجوب فيه .. كملات و خرجوها باش تنزل لتحت حتا تشوف المحامي لي مكلف بيها .. و في طريقها تلاقات مع هايدي و مروى كيتسناو فيها .. عنقات مها و ختها و طمناتهم عليها عاد نزلات اما هوما ف رجعهم رعد للدار و وعدهم يدوز كلشي بخير
فالمخفر .. كانت هنادي جالسة فكرسي قدام طاولة متوسطة من بعد ما طلعوها تلاقا مع المحامي ديالها .. كانت كتماصي فراسها بملل و عينيها على الباب كتسنا فيه يجي خلاص .. حتا تفتح الباب و دخل ساهر .. شاف فيها مطولا و مشا جلس قدامها
ساهر: السلام عليكم انسة هنادي.. انا ساهر ولد خالك جود .. اكيد غتكوني عرفتيه
هنادي: جيني للمفيد .. اما سميتك و شكون نتا ماكايهمنيش
هز فيها حاجبه و نطق كيمرر يدو على لحيتو لخفيفة: و قويسحة مع راسك .. ما شبهات فيك هايدي والو
هنادي: ماكانضنش واش هايدي داخلة فالاسئلة ديال التحقيق
ساهر: نقصي شوية من هاد الزعامة الخاوية ما عندها باش تنفعك .. بون تقدري تعاودي ليا كلشي من الاول انا كنسمعك
هنادي: كلشي في التقرير لي قدامك
ساهر: انا بغيت نسمع منك .. عندك شي مشكل؟
قلبات عينيها و عودات ليه كلشي و هو كان صاغي لكل كلمة قالتها حتا كملات و ناض وقف
ساهر: ما عندكش شي دخل في العمليات لي كان كيدير تولان و هاد النقطة لصالحك و عاونتي الشرطة حتا لقات الادلة اللازمة و الكافية و حتا هذا دافع مهم لي غيتزاد لصالحك .. ولكن ضروري من العقاب لانك كنتي منخارطة معاهم .. غندير ما فجهدي باش يكون التخفيف عليك .. مع السلامة
خرج من تم و تلاقا ب رعد .. عاود ليه شنو كاين و مشا فحالو يدرس القضية و يستعد الجلسة للدفاع عليها ..
وصل يوم المحكمة .. كانت هنادي جاية وسط زوج بوليسيين و يديها فيهم المينوط .. باين العياء على ملامحها المرهقة و تحت عينيها مال للغمق .. لقات قدامها مها و ختها واقفين معاها و حتا العائلة كاملة كانت حاضرة و كيتسناو ف الحكم ينطق و يشوفو شنو غيتحكم عليها .. دخلوها للمحكمة و تبعها ساهر مستعد و دارس القضية من كل جوانبها .. لمدة و هوما لداخل حتا تنطق بالحكم و تحكمات هنادي لمدة سنتين نافدتين .. كانت صدمة للبعض و هنا كنقصدو مروى لي ما صبراتش على فراق بنتها لمدة سنتين اخرى و هي لي عاد لقاتها .. طاحت كتغوت و تبكي و هايدي شادة فيها كتهدنها و هي بنفسها خاص لي يهدنها .. جات سهى و نهى وقفو مروى و سكتوها من البكا غير بالكشيفة بينما ساهر كان واقف مع رعد و فهد كيتحدتو
ساهر: اقل عقوبة ليها هي سنتين ا صاحبي راه درت المستحيل باش بقات ليها غير عامين
رعد: وي عارف .. شكرا اساهر على كلشي
ساهر: ما كاين علاش تشكرني راها بنت عمتي
فهد: ياله زيدو نحيدو من هنا .. رعد وصل هايدي و لالة مروى للدار عاد لحق علينا
رعد: الله يعاون انا نمشي نوصلهم
مشا رعد وصل مروى لي مزال طايح عليها الضيم على بنتها واخة شرحو ليها شنو واقع و حالة هنادي .. ولكن قلب الام ما يهدا حتا يشوف ولادو دايرين بيه .. و هدشي لي وقع ل مروى ما قادراش تقبل انها غتحرم عامين من بنتها لي عاد لقاتها من بعد سنين ديال الاكاديب لي كانت عايشة فيهم ..
بعد مرور سنتين
قدام باب السجن واقفة كل من مروى و هايدي و معاهم رعد لي وصلهم .. معنقين بعض من الجنب و عينيهم مترقبين باب السجن لي تفتح .. خرجات هازة ساك في يدها و اليد فالاخرى مغطية بيها عينيها من الشمس .. قشعاتهم واقفين بعيد عليها شوي و كيشوفو فيها بابتسامة فرحة .. طلقات الساك و تمشات عندهم كتضحك و عينيها مغرغرين بالدموع .. عنقات مها و ختها بشوق و الضحكة مامفارقاش وجهها..
مروى: على سلامتك ابنتي على سلامتك
هنادي: توحشتكم بزاااف اماما ‘عنقات ختها كتبوس فيها و تضحك’ كيف دايرا لباس عليك .. كيف كيتعامل معاك رعد مزيان؟ راه كلهم غير كيتزوجو و يتقلبو كي الزمان
ضحكات هايدي كتشوف ف رعد لي هز حاجبو فهنادي و خنزر فيها
رعد: علاه هي خلاتو يدير .. حلفات هي لا تبعات راجلها حتا تخرج ختها و تحضر لعرسها و انا نتعذب .. ماشي الحكرة هادي
ضحكات هنادي بفرحة و عينيها كيحملو نضرات امتنان و شكر ل هايدي: هههه بصح هدشي .. تسنيتي عامين باش نحضر لعرسك
هايدي: و علاه شحال عندي من اخت .. شكون غيوقف معايا و يعاوني فعرسي من غيرك
رجعات هنادي عنقاتها ملقات ما تقول من غير تضمها ليها و تبوس راسها بافتخار: شكرا بزااف اختي .. و غندير ما فجهدي باش نعوضك على الاخوة لي كنا مفتقدينها بزوج
رعد فتح اللوطو باش يركبو و جر هايدي عندو من بعد ما ركبات مروى و هنادي
– صافي ها هي خرجات و نتي توجدي باش نفدي فيك القديم و الجديد .. كااع داك الصبر لي كنت صابر غيتقلب عليك نتي
هايدي ضحكات بمياعة و ضورات يديها على عنقو: و انا مستعدة نصبر مع حبيبي
باسها من نيفها و فتح ليها الباب حتا ركبات عاد مشا هو لبلاصتو و اتاجه لمنزل جود فين كانو موجدين حفلة صغيرة ترحيبا و استقبالا ل هنادي بيناتهم .. كان كلشي حاضر .. سهى و فهد و نايف.. و نهى و جود و ساهر .. و عثمان و رغد لي كانت كريشتها سابقاها .. و سلمان و صوفيا .. تقريبا كلشي كان حاضر و فرحان برجوع هنادي .. هاد اللمة لي كانت محتاجة ليها لقاتها وسطهم .. ماحسات غير بدموعها نازلين على خدودها و يديها على فمها حابسة الشهقة .. عنقاتها مروى و تقدمات بيها و هي كتعرفها على الحضور لي كانو كيسلمو عليها و يرحبو بيها .. جو عااائلي بامتياز كان غامر المكان .. كلشي فرحان و كلشي ضاحك شي كيتعاود مع شي و شي كيتناكر مع شي هادو هوما اجواء العائلة..
شافت فيهم هنادي بامتنان و الكلمات واحلين ليها فحلقها .. بغات تعبر على فرحتها و سعادتها بهاد الجماعة ولكن خانوها الكلمات .. سكتات لثواني عاد سرحات صوتها
هنادي؛ الصراحة معرفتش اش غنقول ليكم و منين غنبدا .. كلمة شكرا مغتوفييش هادشي لي درتو معايا .. واخة نبقا نشكر فيكم حياتي كاملة..
قاطعها نايف: هاهي غتبدا طالقة علينا ديك الاسطوانة تاني .. و بغييييينا المهييييم راه ملينا من هاد الاجواء بغينا النشااااط بغييييناا نعرسوووو
هايدي: هههه مبقا والو و تنشط ها عرسنا قرب
رعد: على الله متخرجش لينا شي مصيبة اخرى
سهى: بعييد البلا و البااااس انا عاد قلت غنفرح بولااادي
ساهر: و قوووواي بحفادك هههه رته كرش بنتك واصلة لفمها
عثمان: سوووق مك انا غنعرس بولدي اش مشا لييك
نهى: نحطوو ليكم الكونة ديال الولد حدا الجلسة ديالكم عههههه
رغد: ههه راه مزالني فالشهر السابع مزال الحال على الولادة
مروى: هي لا جمعتو راسكم و العرس يكون فالقريب
سهى: كلشي واااجد بقا لينا غير نعرضو على الناس و صافي .. راه ضحى تكلفات بكلشي و حنا تقدينا لي خاص بقات غير البرزة و هاحنا تهنينا
كملو جموعهم كيهضرو و يتافقو على العرس و غافلين على السيد لي جر معاه هايدي و طلع لفوق .. بان ليه بيت ساهر و دخلها و سد من وراه
هايدي: شنو كدييير دبا يحصلنا شي حد
رعد: مالي صاحبك لي تخافي .. شد يدها و باسها جهة الخاتم .. راك مراتي و حبيبتي و غزالي و سلطانتي زعمة مديريش شي حل مع هاد المسكين
هايدي بدلع: مابقا والو و نتجمعو بزوج
رعد: كنت غالط فيك
هايدي: علاش مالي
رعد: قلبك قاسح من جيهتي .. مبغيتيش تحني فيا واخة انا راجلك
هايدي: كل حاجة فوقتها زويينة و عندها طعم خااص .. غنديرو العرس و ديك الساعة انا ليك دير لي بغيتي
نزل باسها من شفايفها برقة و عينيه معسلين فيها و نطق قريب من وجهها: نصبرو الالة و نقديو بالبوسان حتا هو مزيان
نزل على شفايفها كيلتاهم فيهم و هي متجاوبة معاه .. هزات يديها ضوراتهم على عنقو كتلعب فشعرو و هي مغمضة عينيها مستسلمة و متجاوبة معاه .. للحضة داك الهدوء لي كان فالغرفة تكسر بصوت انفاسهم و قبلاتهم الحميمية ليزداد عليه صوت طرقات فالباب خلاو رعد يبعد كيغمض فعينيه بعصبية .. مكرهش يخرج ينطح هذا لي جاي يدقدق علييه مالقا امتا يجي حتال دبا .. بعد من هايدي خلاها تاخد نفسها و هي كتشوف فالباب و تنعت ليه بصبعها و تهضر بهمس: فتح الباب
فتح رعد الباب معصب غير شاف ساهر قدامو جرو من كول القاميجة لي لابس
رعد: اش كاين مالك فرعتي لينا مخنا
ساهر هاز يديه كعلامة للاستسلام: بيتي هذا و جيت نهز شي حاجة منو ‘ شاف فهايدي لي حادرة راسها كتفرك ف يديها’ خختي هايدي تكلمي لهنادي كانت كتقلب عليك
خرجات هايدي كتسلت من قدامهم مقاداش تهز راسها ف ساهر بينما رعد طلقو و تبعها
رعد: ها هوا دبا ربح بيه
خرج طالعة ليه الكناوية و خلا ساهر من وراه كيضحك عليهم
ساهر: الكفارة بالله كانو باغيين يديرو ليا الفحشاء فبيتي المقدس هههه الله يغبركوووم كتفقصووو فيا ولكن غير بلاتي دبا نضبر على شي تيتيزة تانا
سيمانة دازت طايرة عليهم فالتوجاد للعرس قاد من هنا و من لهيه .. شري هادي ناقصة هاديك .. كيف اي اسرة كيكونو مرونين في وقت المناسبات .. العائلات بزوجات معاونين على اعراس ولادهم ..بينما العروسات رغد و هايدي مقابلين غير الماسكات و البوماضات و العناية براسهم و هدشي كامل تحت اشراف هنادي لي مافرقاتهم حتا لحضة
رغد: احح ياختي تقلت كنحس بيه نزل ليا لتحت
هايدي: راك فالشهر السابع اكيد غيتقال ههه موحال تقدي تولدي و نتي معندك جهد
رغد: سكتي عليا حتا نتي راه الخلعة واخدة جهدي كامل
هنادي: خلي غير حتا يدوز العرس و ديك الساعة بلزيييه بدفعة وحدة هههه
رغد: و سكتووو عليا البنات والله حتا كنحس بكرشي كتقلب ليا بالخلعة اففف
هنادي: لمك ملي كنتي هازة رجلييك و كتوحوحي مابانش ليك الخوف هههه دبا عاد كترعدي علينا
رغد: بعدي مني نتي بالاخص مالك على هاد قلة الادب .. و زايدون دكشي كيكون زوين ماشي بحال الولادة
هنادي: ههههههه سمعي ليك البنت قالت ليك زوييين هههه الله يمسخك و حتا دبا الولادة غاتجيك زوييينة هههه
هايدي: اجي بعدا دكشي كيقسح ولا دغيا كيدوز
رغد: عثمان كان معايا حنين تقسحت غير شوية ههه .. اما نتي يشدك رعد ميطلقك حتا يخلييك بياس ديطاشي هههههه
هنادي: هههه و ديك العضامة كاااملة باينة غيفرعها هههه
وقفات هايدي بخلعة كتشوف فيهم مخرجة عينيها: اوييلي لااا .. رعد ماشي هكاك
رغد باغة تخوفها: و دبا نتي غتعرفي خويا حسن منييي .. راه غير كيبين ليك الحنية اما هو راه قاسح و صعييب
هايدي: لا لا مبقييت باغة زوااج اهئ اللهم نضفر الشيب حدا ماما
هنادي: راك احنينتي درتي لاكط اشمن مبقيتيش باغة والله حتا يديك بزز من طاسيلتك
شافت فيها رغد لقاتها مزيرة و وجهها حمر و هي تبدا تضحك: هههه الحمقة راه غير كنضحكو معااك شفتك تقتييينا .. رعد ماشي من داك النوع غير كوني هانيا احبيبة
هايدي: الله يدوز هدشي بخير اففف شداتني الخلعة كتر منك ههه
هنادي: و صافي قهرتوونا بالحيببان تاعكم راني ناااقصة حنااااان راعيو ليا شوية وااه
رغد: نزوجووك ل نايف ههه تليقي نتي و ياه هو حمق و نتي مسطية و غتلاقاو
هايدي: غيبقا فيا نايف مسكين .. هادي راه عندعا شي فعايل غير الله يحفض مع الله يستر
هنادي: هههه لا لا نايف عشيييري هذاك ميليقش للحب .. بغيت شي واحد تكون عندو كريزما و هيبة و في نفس الوقت يكون مطلوق ماشي مزمووت تاني و يكون قاسح و في نفس الوقت ضرييف و حنين … فهمتوني
رغد: اجي حاطة عينيك على شي واحد
هنادي: مكاين حتا واحد هاد الساعة
هايدي: غير شوفي و كان
هنادي: نوضي تكعدي براكة من الهضرة الخاوية
في جهة اخرى و بالضبط منزل جوود لي كان خاوي و العيالات مجموعين فدار سهى .. كانو الدراري مجمعيين فالجليسة لي فالجردة و قدامهم مملحات و عصائر مختالفين .. كانت جلسة شبابية بيناتهم كيضحكو و يقشبو و كل مرة شادين فواحد كيطنزو عليه ..
رعد: صدقات ليك غير نتا ابا عثمان .. ولدك غيحضر لعرسكم
عثمان: مزال فكرش مووو مرتاااح غيخلينا ندوزو العرس على خيير ان شاء الله
نايف: كنتخيل تولد قبل العرس ههههه ناري كيف غيوقع ليكم ههه غيشد بلاصتك و يلوحك للتوش هههه
عثمان: لا لا ولدي مرضي باباه ماغيديرش معايا فعايل الشياطين
رعد: غتبقا فيا غير رغد مسكينة كل مرة ينوضوهل تحط و تلبس غيخرجوها منها و هي واحلة غير مع راسها
عثمان: مكاين تبدااال لبسة وحدة تلبسها و تشد الارض
ساهر: نووض اخويا نايف نمشيو نضبرو على راسنا هادو حالفينها فينا .. غير هوما دارو عيالات و حنا باقين زوافرية
نايف: معندك مدييير بشي صداع الراس راه العيالات كلهم غير صداع ههه خليييك حر و عييش الحياة
ساهر: هي لا نضتي نخرجو نزهاو حتا حنا و نضبرو على شي ماركة جديدة
رعد: تسناو نمشيو كاملين
نايف: معندكم فين تمشيو راكم وليتو محكومين ههه
عثمان: غادين نفوجو على راسنا اصاحبي ماشي دكشي لي فبالك
ناضو كاملين ركبو فسياراتهم و خرجو متاجهين لاقرب كلوب ليهم دخلو ليه و شدو بلاصة بعيدة شوية من الضجيج و ااصداع لي كان مجهد … عثمان و رعد كانو كيتناقشو بيناتهم بينما نايف و ساهر عينيهم كانو كيف الصقر
خدا كل من ساهر و نايف مشروبات و جلسو كيهضرو بيناتهم و عينيهم كيتفحصو المكان حتا وقفو عليهم زوج شابات فمقتبل العمر بملابس المعري كتر من المغطي .. ماكياج صارخ و ابتسامة مزينة وجوههم .. تكلمو معاهم و كل وحدة جلسات حدا واحد كيضحكو و ناشطين مع بعض.. حتا ناض نايف جر هديك لي كانت معاه و زاد و بقا ساهر جالس و البنت كتبحلس عليه و تدلع .. كان ساهي و الكاس في يديه ما عاطيش وقت ليها .. للحضة ما حس غير بكاس دالما تخوا على البنت و نصو عليه .. هز عينيه ساخط بغا يبدا يسب حتا خرجو فلي واقفة قدامو شادة فالكاس و دايرا يدها على فمها بصدمة مصطنعة
هنادي: اوووه ام سوري تعكلت و تكب عليكم
البنت: واش نتي حمقة!! شوفي كيف درتي لينا واش عمية
هنادي: لا بعينية ولكن الى بقيتي كتغوتي هكا غتعمى ليا البصيرة و ندير فيك شي كريتة لي ترجعني للحبس و اكيد هاد الزين المسرار ‘نعتات ف ساهر لي غير كيحنزز فيها’ غيدافع عليا حيت عارفني مضلومة
ياله غتبدا تعاير البنت و هو يسكتها ساهر و امرها تمشي فحالها
ساهر: شنو كديري هنا
هنادي مشات جلسات فالفوطوي لي مقابل معاه و نطقات هازة حاجبها: دكشي لي كدير نتا
ساهر: نطقي خلاص .. فراسك راه خالك كاين هنا
هنادي: وي شفتو .. جيت انا و صاحبتي كانت مسافرة و ملي رجعات درنا نتلاقاو هنا ‘نعتات باصبعها جهة البنت لي كانت معاها’ راها فين جالسة
ساهر: و اش داك البلان درتي للبنت
هنادي: بقات فيك
ساهر: علاش درتي هكاك
هنادي: شحال هادي ملعبت و قلت نجرب معاها ولكن مصدقاتش
ساهر: كتفلاي عليا!
هنادي: حاااشة واش نتفلا على ولد خاااالي
ساهر: ياله نوصلك لداركم
هنادي: عاد جيت مزال مغنمشي
ساهر: معندك ماديري هنا زيدي قدامي
شافت فيه لبضع دقائق و ناضت قدامو دازت على صحبتها سلمات عليها و خرجاات .. فتح ليها اللوطو ركبات و مشا هو لبلاصتو ديمارا و الصمت سيد الموقف حتا كسراتو هي بسؤالها المفاجئ
هنادي: عندك علاقة مع شي بنت
ساهر ‘باستغراب’: علاش هاد السؤال
هنادي: والو .. ولد خالي و بغيت نتعرف عليه كتر
ساهر: بغيتي تعرفي عليا مرحبا ولكن ماشي تدخلي ليا فحياتي الشخصية
هنادي: يعني نتا من داك النوع الكتوم
ساهر: تقدري تحسبيها هكاك .. و نتي عندك شي علاقة مع شي واحد
تبسمات هنادي و شافت فيه عينيها شبه مغمضاهم: حرام عليا و حلال عليك
ساهر: بحال هكاك و اصلا كون كانت شي حاجة كنت غنعرفها
هنادي: تايق فراسك بزااف ا بن خالي
ساهر: غير شوية و كان
هنادي: مزيان .. و حتا نتي متبقاش دخل فحياة الناس الشخصية اسي المحامي
كان وصلها قدام الدار نزلات و رتخات عليه الباب و زادت دخلات مخلياه داير ابتسامة ساحرة على شفايفو و عينيه مقوسين جهة الباب منين دخلات .. حك مؤخرة راسو و ديمارا مشا فحالو
وصل يوم العرس .. كلشي كان فرحان بالعرايس و ناشط .. العائلة كاملة حضرات من صغيرها لكبيرها .. متقاسمين الفرحة مع العرسان و العروسات بزوجات .. القاعة كانت عامرة و الحضور منتاشر فكل قنت مجمعين مع بعض و كيسولو على احوال بعض .. كاين لي مشاف لاخر من شحاال و جات هاد المناسبة جمعاتهم..
فهاد الاثناء العروسات كانو كملو المايكاب ديالهم و ناضو بزوجات لبسو الغووب لي كانت من تصميم رغد .. فضلو انهم يلبسو غير لبسة وحدة نضرا لحمل رغد مبغاوهاش تبقا معدبة كل ساعة ب لبس و حط و حتا هايدي عجباتها الفكرة و ختارت تلبس غير الغوب .. كانو بحال شي توأمتين بنفس اللبس و نفس المايكاب و شدة د الشعر كيفتنو بالزين .. كانت معاهم هنادي لي لابسة قفطان فالبوردو مطرز من الصدر و بدون يدين و سمطة رقيقة ضايرة على خصرها نفس القفطان كانت لابساه حتا صوفيا و سارة لي جات تحضر عرس ختها .. كانو مبلين غير في الالوان فقط و اكيد من تصميم رغد لي تكلفات بلباس نساء العائلة كاملة ..
اما العرسان فكانو لابسين كوستار فالاسود و ناقصين من شعرهم و اللحية مطراسينها .. كانو واقفين حدا الباب كيتسناو الانسات يخرجو .. و اخيرا جاهم العفو و تحل الباب .. ضارو بزوج كيترقبو فشكون غيخرج .. حتا كيهيمو عيونهم فزوج اميرات بلباسهم الابيض و ضحكتهم المشرقة على محياهم .. خلاوهم غير حالين فمهم مالقاوش الكلمات المناسبة باش يعبرو على مدا جمالهم و رقتهم لي ظاهرة عليهم .. قربو بزوج و كل واحد شد يد حبيبتو قبلها و قبل راسها فرحانين بيهم
عثمان: ما شاء الله .. مخليتي ليا منقول
رغد: ههه شكرا حبيبي حتا نتا جيتي غزال
رعد: فين كنتي مخبية عليا هدشي كامل
هايدي: جا النهار لي تشوفو فيه هه كيف جيت
رعد: ما شاء الرحمان كتحمقي كون غير درنا بناقص من شي عرس
هايدي: حمق هههه هاد العرس هو لي كنت كنتسنا من شحال هادي باش يجمعني بيك
رجع قبلها من جبينها و حط يدو على خاسرها و تمشاو نازلين لتحت و هي فجنبو .. جمييع الانضار اتاجهو للرباعي لي كان نازل كل وحدة كتفتن من الاخرى ..
تهزات الدار بالاهازيج و الاغاني الشعبية و الناس كتشطح و فرحانة .. كان عرس شعبي بامتياز كلشي فرحان كلشي شطح حقو و رجع يجلس و كاين لي ملي بدا العرس و هو ناشط .. الاكل تحط للناس كالو حتا شبعو و المغنيين كيخرج واحد و يدخل لاخر يسارحو شوي و هكذا غادية الليلة كاملة
العرسان كانو ناشطين في بلاصتهم .. كاين لي كيتحتت فالادن و يضحك و كاين لي مرة مرة كتكشر ملامحها بوجع كيصيبها بعد كل ساعة حتا لاحضها عثمان و قرب من ادنها كيتحتت معاها
عثمان: حبيبة مالك واش عييتي
رغد وجهها تزير و حاطة يديها على كرشها: فيا الوجع ا عثمان هدشي مجهد مبقيتش قادرة نصبر
وقف مخلوع عليها و بغا يوقفها ولكن مقدراتش و هو يتحدر عندها هزها قدام كلشي طلعها الفوق و ديك الساعة تبعاتها هايدي هي و رعد يشوفو مالها
هايدي: رغد ياك لباس واش ضراتك شي حاجة
الدموع دغيا طاحو من عينيها و وجهها ولا حممر و هي عاضة على شفايفها: فيا الوجع اهئ اهئ واقلة غنولد دبا
رعد: مي نوو ياك عاد فشهرك السابع
رغد: معرفتش هئ راه الوجع مجهد اعععع
تخلعو عليها و خرج رعد مشا ديريكت لعند صوفيا جرها بلاما يعيق حتا واحد و دوا ليها ف ادنها حتا فهماتو و تبعاتو تشوف شنو واقع .. دخلات عليهم و تقدمات عند رغد لي كانت ناعسة على السرير وجهها عرق و عينيها دايزين بالدموع .. قلباتها و هي تخرج عند عثمان
صوفيا: غتولد دبا راه الوالدة مفتوحة ليها .. خاصنا نديوها دبا للسبيطار
دخل عثمان كيتفتف هز رغد و هي غتحماق بالبكا و نزل بيها بينما صوفيا نزلات علمات سهى و العيالات لتحت و تبعاتهم فلوطو ديالها حيت كان عثمان سبقها غادي طاير لاقرب كلينيك ليهم..
فرقات سهى المجمع و خلات ختها تكلف ليها بالباقي و مشات هي تبعات بنتها وجهها مخطوف و صفر خايفة على بنتها .. و فهد كيهدن فيها و هو كتر منها .. عارف بنتو بكاية و مكتصبرش و خوافة ..
رغد كانت فالبلوك عقلها غيخرج بالبكا و الخوف متمكن منها .. شادة فيد عثمان لي كيحاول يهدنها و هو براسو خاص لي يهدنو .. توقفات حداهم صوفيا و نطقات تحاول تزيح داك الخوف لي مسيطر عليها
صوفيا: متخافيش احبيبة غير غتولدي و تشديه بين يديك غتنساي كااع هاد البكا و التهرنين لي درتي دبا ههه غير حاولي تعاوني الطبيبة و كوني قوية باش يدووز كلشي بخير واخة؟
رغد: واخة اهئ و سربيو دغيا راه الوجع قتلني
امام اسطبل للاحصنة متواجد في فيرمة بعيدة على المدينة .. ضاير بها غير الاشجار و الطبيعة .. كانو زوج اطفال صغار واقفين بزوج كيشوفو فالاحصنة و عينيهم كيبرقو بفرحة و ابتسامة مزينة وجههم الدائرية .. كل واحد و شورتو بوحدها .. الصغير ذو الاربع سنوات من عمرو بملامح شقراء و شعر اشقر .. اما الكبير كانو ملامحو سوداوين مع بشرة حنطية .. شاف الصغير فالكبير و نطق بصوت خافت بالكاد كيتسمع
فراس: بغيت نركب عليه
ياسر: مغنقدروش بوحدنا انا نعيط على بابا ولا خالي يعاونا
فراس: مكاينينش عاد جيت من تما ملقيتهمش
قاطع كلامهم دخول رغد كتبسم ليهم و تشوف فالاحصنة لي وراهم
رغد: مال حبابي اش كيديرو هنا
ياسر: بغينا نركبو على ثاندر ولكن مكاينش خالي و بابا
رغد: سير قولها ل ساهر ولا خالك لاخر او اجي انا نركبكم
دخلات من وراها هايدي كتضحك مع ساهر و هنادي لي كانت فجنبو مخشية تحت دراعو و باين على ملامحها العياء .. تحت عينيها غامق و نيفها حمر و فمها ناشف .. شافت فالولاد بابتسامة و هزات عينيها ف ساهر
هنادي: سير عاونهم انا بخير غنبقا مع لبنات حتا ضربو دويرة بتلاتة
ساهر: واخة احبيبة و بقاي غير جالسة باش يدوزك الحال ‘شاف ف هايدي’ عينيك عليها عفاك
هايدي: كون هاني راها ختي
مشا ركبهم و بدا كيضورهم في الارجاء بينما لبنات رجعو جبسو فالجليسة لي كانت فالجردة ضايرة بالورود و كتفتح النفس .. شافت هايدي ف هنادي لي غير جلسات تكات راسها اللور و غمضات عينيها
هايدي: ياختي جاك الوحم صعييب دوزها منك
رغد: بصح .. شوفي حالتك كيف ولات و ضعافيتي تقول مبقيتيش كتاكلي
هنادي بصوت تقيل و ابتسامة: و علاه كناكل هه ياك غير لي حطيتها ف فمي كترجع ديك الساعة
هايدي: ربي معاك احبيبة غير صبري دبا يفوت كلشي
هنادي: و نعم بالله .. ميخرش هاد البرهوش ولا البرهوشة حتا يدير عليا ساهر الضرة ههه وليت مكرهاه فعيشتو مسكين معرفت كيف باقي صابر على هبالي
رغد: حيت هو سبابك حتا وليتي فهاد الحالة ههه
هنادي: انا لي خاص بابايا العصا اما اش داني لشي زواج .. ناضت فيا الدودة و ما بردات حتا تزوجت
تكرشخو عليها البنات بالضحك و هي كتشوف فيهم مخنزرة محاملاش راسها و ضحكهم كيزيد يعلى حتا ولات كتضحك معاهم
تكرشخو عليها البنات بالضحك و هي كتشوف فيهم مخنزرة محاملاش راسها و ضحكهم كيزيد يعلى حتا ولات كتضحك معاهم
هنادي: يعطيكم الروينة ما سكتو هههه
هايدي: كنتفكر هههه نهار عرضتي عليه الزواااج ههه ناري متنساتش ليا خليتيه مصدوووم مسكين هههه
رغد: هههه سمانة و هو غابر علينا عاد جاي قال ليك وجدو العرس من هنا سيمانة هههههه
هنادي: و كوون ما درت هكاك تلقايني باقة كنضفر الشيب حدا مروى هههه .. و هاني الحمدلله تزوجنا و ها البرهوش جاي فالطريق
هايدي: الحمدلله على اي حال .. من بعد العذاب و لي داز علينا جزانا ربي و فرحنا بولادنا و ياربي يطول في عمرنا حتا نشوفو حفادنا
رغد: امين يارب .. لكل شخص قصتو و حكايتو و معاناتو و حنا دوونا حقنا و ربي مزال مكتب لينا اشياء اخرى ان شاء الله .. زوينة او خايبة خاص غير الصبر و الايمان بالله و ربي سبحانه مكينسا حتا واحد
💫 النهاية 💫
شاركنا رأيك في هذه القصة 🌹