الفصل 1

📖 «كوني زوجتي» هي الجيل الثاني من قصة «امرأة في الثلاثين»، ويمكن قراءة أحداثها بشكل مستقل. ولمن يرغب في العودة إلى بداية عالم الشخصيات: يمكنكم قراءة قصة امرأة في الثلاثين بالظغط هنا ☟

اختاري رجلا ،لا ينسحب حينما يراك حزينة ،ويتحمل غضبك حتى ولو كنت عنيدة ،اختاري رجلا يغار عليك بعقل ويمضي فبحور حبك بجنون ،رجلا انيق المشاعر ،شريف الأخلاق ،للرجولة فدياره عنوان ،اختاري عاشقا لك كما انت ،يرى فيك كل نساء الارض،رجلا من النور والايمان ..يؤمن ان لا امراة سواك ستكون امراته شرعا وقانونا وعشقا ….

___________________________

في احد الفيلات العصرية بمنطقة الدار البيضاء الكبرى جالسة بنت في مقتبل للعمر تكون فالثلاثينات زوينة لكن زينها دابل وهادشي باين على ملامحها الحزينة لغلب علها الهم ، والحزن شدا بنتها فادها وكترعد وعينها مغرغرة وباين علها لخوف ماشي خوف من راجلها السيكير لكن ااخوف على بنتها الصغيرة لشربات معاها الهم فبل الاوان رحعات لبها ااداكرة اللور وتنهدات بالم فلش تفكرات كلام مها لكانت ضد هاد الزواج الغير اامتعادل

الام :(كتشوف فها بنظرات بجدية )بنتي سمعي مني داك لجايبا لنا ممرتاحاش له ،ماشي من ثوبك ولا انت من ثوبو ،هما مرفحين علنا وحنا عل قد الحال كون سعفتني كون بعدتي منو عفا ابنتي لمسمعي لي را قلبي ممهننيش علك مبغيش لك هاد الزواج المزروب

هي :(شافت فمها بحدة )اويلي اماما را عندي 22عام هدا هو زهرري اممتي وزايدون السيد مقتدر مخاصو والو عندو فيلا وطنوبيل وعندو رصيد فلبنك وفوق هادشي مهندس كبير اش نبغي كثر

عويشة :بنتي الفلوس ماشي كلشي انا بغتك تعيشي مرتاحة مبغتكش تكرفصي تصنطي لي

هي :لا اماما صافي قررت مغاديش نرفض مبقتش صغيرة اذا رفضت نقدر نضيعو وااعالم امتا غادي تجني فرصة بحال هادي غير ارضي علي عفاك

فجاة دخل راجلها السكير لمن مواصفاتو انو طويل ،ورقيق ،ملامحو عادية ،ال جانب انو تبان لاباس عله وهادشي باين من خلال الملابس الراقية لي لابس ،شاف فها يعينه الجاحدة وفاده قنينة خمر ،باين انو سكران بحال عوايدو

شافت فبنتها لخايفة وكترعد

عشق :بنتي سيري لبيتك لعبي بلعبك انا جايا عندك ندوي مع باباك ونحي

لبنت :(كتبكي )لا نبقا معاك غادي ضربك اماما

عشق :(باستها )متخافيش مغاديش يضربني كوني تسمعي الهدرة باش غدا نشوفو جداك

حدرات راصها وشافت فياها بنظرة كلها كره وغل ودخلات تجري لبيتها سدات علها لباب بالساروت وهزات تيلي واتصلات بالبوليس

الو الو البوليس بابا سكران وتضرب ماما عفاكم اجو عتقو ماما والا تنا غادي ندفعكم الثمن غالي ادا ماما طرا ليها شي حاجة

الشرطي :متبقايش تلعبي ابنتي سيري تلعبي ولا نوقلها لباباك

هي :عفاكم انا ديما كندوي معاكم ومكتجوش را ماما تضربها اهئ اهئ

الشرطي :لبقتي اتصلي بنا غادي نقولها لباك يلا سيري بحالك.

يلا بغا يقطع وهو يسمع سندريلا كتبكي وكتدعي فه شحاجة تحركات داخلو )

صافي ابنتي سكتي انا غادي نعاونك قولي فين ساكنة

مسحات دموعها وعطاتو العنوان

جاسر:(قطع معاها وشاف فالشرطي )جمع القوة وجبد لي لعنوان نمشو نشوفو هاد المهزلة ومن بعد نتحاسبو

عند عشق لشافت راجلها بنظرة كلها غضب وكره لكن هي لجابتها راصها هي لتزوجات برجل ماشي من طينتها ،رجل مكتعرف عله والو سوى انو مدير شركة ، شخص مقتدر غادي تعيش معاه مزيان ومغادي نقصها معاه والو ،ضربات بعرض الحائط كلام مها وتزوجات بيه عن قناعة حتى ولدات بنتها عاد بداو يبانو العيوب ديالو لكتجلى انو سكير ،وقمار وبو العيالات فكان الوقت تعطل باش ترجع عن قرارها وترجع عازبة ،فصبرات معاه من احل بنتها ومن اجل كينونتها مبغاتش ترجع وهي حاملة لقب مطلقة فوق راصها ،كان اهون علها تكون امراة بنقطة واحدة ولتكون مطلقة .

شافت فها بنظرة كلها كراهية وغضب

عشق : نبيل واش كل نهار هكا واش مغاديش تعيا من الشراب ولقمر را بزاف علي انا مغاديش نبقا عايشا فهاد الحياة انا وبنتي اما ترجل ولا طلقني نعيش فدار با حسن لي من هاد للحياة لعايشاها معاك

نبيل :(شاف فها باحتقار وضحك ضحكات ساخرة )ياك العرويية بعدما معيشتك فحياة مكنتيش تحلمي بيها دبا دبا كتعايريني نستي انك لطمعتي في ،اسمعتي اني خدام مزيان وبداري خرجو نيابك

هي :(شافت فه وعينها مغرغرة )يريت خديت مزلوط ومخدتكش السكير ندمت عل النهار لعشت فها معاك ،

قرب منها بكل قوتو ونزل علها بقرعة لراصها تداز الدم ،وشاف فها بشر

ابنت الحرام انا غادي ربي مك ونوريك كيف تحلي فمك عل سيادك يكفي اني صابر عل مك ومطلقتكش ومسمعتش كلام امي

عشق :(شدا راصها لتعطها الحريق وكتشوف فه بكراهبة )كون كنت راحل شلا ميكون لكن انا لتكلخت ومسمعتش كلام والدي والدي لمنعتهم علي ،وحرمتهم علي وبعدتني علهم الحمار وانا تكلخت درت فها بنت الناس مبغتش نشوهك معاهم ،بغيتهم ياخدو علك نظرة زوينة ميكرهوكش ولا يشوفو فيك ديك النظرة انك ماشي رجل وانك كرفصتي بنتهم

شاف فها بغل وكره قرب منها بغا يصرفقها وهي تجي بنتها تجري وعينها حمرين خوف عل مها

سندريلا :بعد من ماما متضربهاش انا عيطت لبوليس يجو لك

خرج عينو فها بصدمة ممتيقش داكشي لسمع

كفاااش عيطي لبوليس لبنت الحرام بغا تدخلي باك لحبس ادوي محرشاك علي ياك.

هي : بعد من ماما متضربهاش الحكار مشات عنقات مها وكتبكي

عشق :صافي ابنتي متبكيش مطرا ليه واااو

شاف فهم وخرج عينو فوقاحة بنتو ،خرج السمطة من سروااو بغا يضرب بنتو وهي توقف ودفعاتها قدامها وعطاتو ظهرها له وعنقات بنتها وخدات الضربة فبلاصتها

عطاتو بظهرها وبدات تاكل الضرب فعوض بيتها ،بنتها معنقاها وكتبكي عل مها والظلم لكتعرض له من طرف باها القاسي لمنهار خدا مها كرفصها وبعدها عل عائلتها وبعدها عل حياتها ورغم ذالك صبرات عل قبل بنتها مخافة ياخدها لها ويحرمها منها ،وهي متقدرش تعيش بلا بنتها

كانت كل ضربة كتوجعها لكن ماشي قد الالم لسببو لها والتشوه لمارسو علها هو حولها من وردة حمراء تشع جمالا ورونقا ،ال وردة دابلة كلها بشاعة وقهر ،حبسات دموعها وكتاخد الضرب بدل بنتها وكتلوم راصها حيث تزوجات بيه ضد والديها ،رفضات تسمع لمممتها لنبهاتها من الزواج من شخص مليونير كانت متاكدة انو شي نهار يقدر يرد حياتها جحيم ،ويستعمل السلطة والمال كسلاح باش يساومها بين تبقا معاه او ياخد ليها بنتها .

سمع شيحد تصوني وشاف فهم بقسوة

نببل ‘:(لاح الصمطة وخنزر فهم ) نشوف شكون ونجي لمكم الكلبات دايرين حزب علي ياكو كتظنو اني كنخاف من البوليس

ضحك بغرور

انا مكنخاف من تحد الفلوس لعندي نشري بيها اي مخلوق

عشق :(شافت فه وعنقات بنتها )غادي جي النهار وربي غادي جازيك عل كاع اغلاطك انبيل الله يمهل ولا يهمل ،ثيق بي غادي دفع ثمن غالي

شاف فها بجحود

غببة وغادي تبقاي غببة اعشق

خلاها مخرجا عينها فشرو وفوقتاحتو معاها لمليها حد ،لكن هي لدارتها راصها هي لجنات عل راصها كون متحداتش مها ،كون تصنطات لي كون مزال عايشة مرتاحة مع مممتها وباها لكن للاسف البكا من ورا الميت خسارة

بنتها عنقاتها وكتبكي

ساندريلا :(كتمسح لمها دموعها )ماما متبكيش انا عيطت لبوليس وهوما غادي جو ينقدونا من هاد الشماتة

عشق :(شاف فبنتها بلوم )متقوليش عل باباك هكا ابنتي تبقا باباك را مني تسكر متعقلش عل راصو اش تدير هو را تبغيك غير متعرفش يتصرف

ساندريلا :متضحكيش علي اماما انا را فعمري تسع سنن ووليت كنفرق بين العيب والحرام وبابا ماشي راجل تستقوى علنا احنا وانت خوافة بزاف لتقول لك ياخدك.مني كتخافي خاصك تكوني قوية وتدافعي عل راصك لكن انا غادي نكون جنبك عمرني نتخلا علك

عشق :(شافت فبنتها بحزن وغنقاتها وخشاتها فها )انت معرفاش هوما شحال واصلين واش قادرين يديرو را فرمشة عين ياخدوك مني ابنتي وانا منقدرش نعيش بلا بيك ،انت لمخلياني صابرة على قرفهم وعل شرهم

في الباب واقف الشاف جسار ،جا بنفسو يشوف اش طاري فهاد الفيلا خصوصا بعدما سندريلا بلغاتو بنفسها المعاناة لتعانو مع الحقير نبيل ،صونا وخرج ليه نبيل مغوبش شاف فه لغرور

شكون انت ولاش مصدعني فهاد لوقت

جسار شاغ فه بتغوبيشة وطلعو وهبطو ومرتاحش لشكلو لتوحي انو شخص عدواني وحاس براصو ،شاف فه بقسوة

جًسار :انا الشاف جسار كومسير جديد فهاد المنطقة جاتنا شكاية ان شي رجل تعتدي عل مرتو وجيت نشوف

نبيل :(ضحك بسخرية )لا معندنا تشي حد الشاف اسير بحالك

بغا يسد لباب وهو يحبسو باده وشاف فه بنظرة نارية دبت القليل من الرعب فجسم نبيل

جسار :مالك خايف خلني نتاكد نشوف واش للمكالمة لجاتني حقيقية ولا شحد تتفلا

نبيل :(شاف فه متوثر )واش عارفني شكون انا واش قادر ندير را قادر نخرج علك عل خدمتك ادا ممشتيش من هنا دبا

جاسر :(ضحك ببرود )جرب تخرج علي وتشوف اش ممكن ندير دبا غادي تحيد من طريقي ولا غادي ندير معاك شي تصرف تقدر تندم عله من بعد اسي نببل

نبيل خرج عينو بغا يتصل باه وهو يدفعو من طريقو وتم داخل لداخل الوكر ديالو

نبيل :(تدوي مع باه لشحاجة فالبلاد )بابا اجي عاوني البوليس جاو عندي للدار شحد بلغ اني حاجز عشق عندي وكنتكرفص علها

الاب :(دوا معاه بحدة )لعل وااديك انت غادي توسخ صمعتنا بتبرهيشك تسناني انا جاي

جاسر تم داخل وعينو كتقلب عل مالين اادار حتا بانت ليه.بنت صغيرة بويضة ،شعرها كاري طالقاه اشافنو مشات نجري عنىو

سندريلا :(مدات ادها )السلام انا لبنت لعيط لكم كون مجتيش اسي الشرطي كون درتي غلط كبير غادي تندم عله طول حياتك

ابتسم برجولة وتحنى عل ركباتو وتشوف فها مصدوم

جاسر :ههع الشرطة فخدمة الشعب واش للشرطة تقدر ترفض طلب لبنت زوينة بحالك

هي :شكرا سيادة للضابط ندخلو فالموضوع حنا محبوسين هنا وبابا متعاملش ماما مزيان اقليلا ضربها بالصمطة عفاك عاونا واتصل بجدة تجي عندنا را متخليش ماما تدوي معاها تهددها اما تجلس معاه بالغضب ومتطلبش الطلاق ولا ياخدني منها عفاك تضرف

جاسر :(شاف فها معصب وعينه فهم شرارة غضب كبيرة ممتيقش ان مزال شي رجال تمارسو هاد الأسلوب الشنيع نحو النساء ) اجي ابنتي ورني ماماك

تبعاتو كتًجري لعند مها لجالسة فواحد لبيت كتفكر فحريرتها مع راجلها تدخل علها هو وبنتها اشافتو توثرات ،هزات واحد لحجاب كان فوق لفطوي غطات شعرها لكان شبه عريان ، غطاتو تمبقا تبان تزغبة منو وشافت فه متوثرة اما هو بقا تشوف فها نظرات غير مفهومة

سندريلا:ماما هاهو عمو الشرطي غادي عاونا وغادي نمشو عند جدة وره فين ضربك بابا ومتخافيش را قالي للشرطة فخدمة الشعب

عشق شافت فبنتها

سندريلا اقولي منن كتجيبي هاد الهدرة شكون قاليك تعيطي على لبوليس ومنن جاك التيلي

هي :متخافيش اماما را شفرتو للخدامة وخزنتو باش ندوي مع البوليس واش بغتنا نبقاو صابرين حتا يقتلنا

عشق :(شافت فبنتها لكلامها كبر منها )هادشي لبغا لنا الله ابنتي قولي البوليسي يمشي غادي غير نكبرو الموضوع وباك يقدر يتمادى وصليه لغاية لباب وشوفي باك فين مشا

جاسر :(شاف فها بحدة )حشومة عندك بنت شجاعة بحال بنتك وخايفة من راجل واش حنا فهاد العصر ومزال كتخافي وكتخلي شماتة يتكرفص علك امدام

عشف :(شافت فه بعدوانية )متدخلش داكشي بيني وبين راجلي غير سير الله يخلك مبغيتش البوليس يتدخل

هو:وماشي حرام علك تخلي بنتك تعاني معاك وتعيش فهاد الظروف الكحلا تقدر تعقد لك مفكرتيش فها امدام ولا شنو انا را بسببها جيت هنا ،ادوات معايا خليت كلشي ورايا وجيت عندها شنو غادي تبقاي ضعيفة هكا وخايفة منو ولا غادي تعتقي راصك وبنتك وتخرجي من هنا

هي ؛(خنزرات فه)شكون انت لدوي معايا بذيك الطريقة دخل سوق راصك خلني مني لبنتي

سندريلا :(بدات تبكي )ماما عفاك شوفي حالتك كيف ولتي هادي فرصة ثمينة لنا باش نهربو ولمبغتيش انا غادي نمشي ونخليك تعيشي معاه بوحدك دبا قرري قبل ميجي

عشق شافت فبتتها بصدمة ودموعها خرجو من عينها بزز منها فور قولها انا غادي نمشي ونخليك ،علا هي علامن صبرات ،علامن ضحات غير عل قبل بنتها طول هاد المدة صابرة عل قبلها ،تحملات شتى انواع السب والضرب والعداب اعل قبلها باش مياخدهاش لها كيف دار من ست سنوات فاش خطفها لها ومشا لفرنسا وخلاها جسد بلا روح

شافت بنتها كتبكي

سندريلا دري عقلك ابنتي انا مممستعداش تضيغي مني بحال قبل نستي اش دار قبل سنوات وكفاش خطفك مني وساومني اما نرجع له بشروطو ولا عمرو يرجع وانا قبلت ورحعت له وقطعت علاقتي بعائلتي عل ودو وعشت بنصف قلب عل قبلك وانا ممستعداس نخسرك

جاسر :(شاف فها بثقة )شوفي امدام ثقي بي انا جيت هنا عل ودكم وممستعدش نمشي الا واذا دفعتو الثمن.درني بحال خوك وانا غادي نجبب لك حقك منو

شافت فه شحال وحسات بالصدق فكلامو

سندريلا:اه اماما هادي فرصتنا باش نعيشو بحال الناس انا مليت من الحياة معاه لكلها نكير وجحيم بغيت نعيش حياتي بحال اي طفلة فعمري

عشق شافت فبنتها بحنان

وخا ابنتي انا مستعدة رمي راسي فالنار عل ودك اشتو المطلوب مني اخويا

هو ؛(شاف فها بصرامة )شوية غادي جو البوليس ومن حقك تدعيه حيث تكرفص علك الحيوان لاخور

هي ؛(شافت فه متوثرة )ولا عطا رشوة وقلب كلشي علي اش غادي ندير

هو :متخافيش البوليس للاحرار متياخدوش رشوة ثيفي بالمخزن شوية المخزن ماشي كلو خايب را باقين الرجال

حدرات راصها باستسلام

وخا انا تايقة فالمخزن

سندريلا شاقت فهم وضحكات

في الطرف الثاني وصل اب نبيل بطنوبلتو ،نزل منها مغوبش استقبلو ولدو الفاشل عند بوابة لفيلا

نبيل :(حل لباب )بابا مزيان مني جتي جا واحد للبوليسي راهو لداخل معرفتش نتصرف معاه باينا متشدش الرشوة

الاب :(خنزر فه )مكاينش لمتشدش للرشوة لكن انت اش درتي ياك قلت لك طلق الزبل هاديك ماشي من مستوانا ولا من بيئتنا معرفش اش عاجبك فها

نبيل :(شاف فه معبس)بابا هاديك خاصها تربا مكاينس لتقول لولد السلماني لا انا ميتقالش لي لا غادي نبقا ربي مها تتركع لي تحت رجلي وطالما بنتها نقطة صعفها مغاديش لقا وقت كبير معاها مبقا قد مفات وترجع مدلولة

الاب :تحرك قدامي نشوف شكون هاد الكلب لتجرا يجي ويقتحم داري

دخلو لداخل لفيلا فين واقف جاسر تقنع عشق بشوية وهي مترددة ومزال خايفة تخسر بنتها المح نبيل جاي مع باه شاف فهم باحتقار ،طلع .هبط فهم بكره ونطق بصوتو لحاد لدب التوثر فقلب للابن وباه

جاسر :موسيو نببل واش انت حيوان ولا اش تكون كفاش تمد ادك عل امراة ضعيفة هادي هي الرجلة عندك

نبيل :(تدور فعينه)مرتي وانا حر فها نضربها ولا ندير فها مبغيت اش دخلك

جاسر جلس بهدوء وتقابل معاهم وتشوف فهم بهدوء قاتل

جاسر :مقلتي عيب انا اول شيء غادي تتصل بجمعيات لا للعنف ضد المراة ،وثاني شيء غادي ندير محضر ضدك بتهمة تعديك عل امرأة ضعيفة وديك الساعة الكلام يحلو

هو عينه فسندريلا لكتشوف فباها بنظرة حقودة كلها الم وكره فما كتفكر اش تدوز علها وعل مها ،وكيف خطفها منها وهددها بيه كتحقد عله ، وكتكرهو اكثر واكثر ،هي معندها تعاطفة جهتو هو قتل احساسها بيها من زمان شافت فجاسر وتبسمات بادلها ابتسامتها وغمزها خلاها تحس بالامان الامان لافتقدتو سنوات هوما

الحاج السلماني :(خنزر فه)عرفتي شكون حنا واش قادرين ندير نقدرو نسفوك نسف ونخرجو عل خدمتك خاف منا ودخل سوق جواك ولا نخرج عل خدمتك

جاسر :(ابتسم ببرود )جرب تخرج عل خدمتي وشوف انا اش قادر ندير اسلماني باشا

الخاج السلماني :(شاف فه متوثر مني لمح تهديدو له من ببن الكلمات لي نطق بيهم ورغم دالك مستسلمش فهو قادر يشري اي شرطي علا وجه البسيطة )وخا غادي نشوف الشاف

خدا تلفونو واتصل بمدبر لمخفر تاع منطقنو بعد مصونا جوج رنات جاوب مدبر المخفر

الحاج :ممكن نعرف اسمك

هو :جاسر بن ماجد

الحاج:اهلا ااشاف حميد لاباس الحمد لله بغيت ندير شكاية بواحد الشخص تهجم عل داري اسمو جاسر بن ماجد تصور بغا يدخل ولدي الحبس وهو كان مخاصم مع مرتو واش مكاينش شحد يتخاصم مع مرتو ولا شنو

المدير :(دوا مرتبك )الجزء متقدرش نعاونك لسي سليماني انا عاونتك بزاف لكن هاد المرة متقدرش

السليماني :شنو متقدرش انا مستعد ندفع لبغني

المدير ؛ماشي قضية فلوس القضية لن الشخص لقدامكم ماشي شرطي عادي هداك فوق مني رتبة انا براسي معنديش راي ومعندي باس نفدك عوم فبحرك

قطع عله خلاه مصدوم كانك كبيتي عل سطل لما سخون لدرجة بذا العرق تتصب من جبينو صب

جاسر :(شاف فه تتلمس لحيتو بغرور )اش قال لك غادي طردني من الخدمة اموسيو سليماني ياك

سليماني :(تترعد) لا ولكن

وقف وشاف فه بحدة

اوا ندخل معاكم فالموضوع اسليمان باشا انا غادي ندخل ولدك الحبس يتربا باش لمرة الجايا يتعلم يمد ادو عل مراة ويحبسها فالدار هي وبنتها ثانيا غادي نرفع شكاية علك بحجة انك حاولتي ترشيني ثالثا واخيرا غادي ندعيك بحجة انك كتستغل نفودك باش تبرئ ولدك الحيوان لحاشا واش يكون بنادم

جر عشق لحلا عينها فالشخص الماثل امامها لاول مرة تشوف شخص بهاد المواصفات وهاد القباحة

جاسر :(جرها من ادها بقسوة وقابلها معاهم )شوف كرديني لها وجهها هادشي غير لباين علام الله اش مخبي تحت الحوايج واش انت بنادم ولا شكون

نببل :(تشوف فباه وحس انو فورطة كبيرة خصوصا ان الشخص متياخدش رشوة شاف فها تهدد فها بعينه) داكشي بيناتنا الشاف سولها وهي غادي تقول لك اني متعدتش علها

عشق شافت فبنتها وسرطات ريقها بخوف وقالت بصوت متردد

راجلي ماشي

شاف فها جاسر شوفات قاصحة خلاها تسكت وتخاف من نظراتو لمصوبها تجاهها اكثر من خوفها من تهديد نبيل لها

ًجاسر :مدام غادي تقولي الحقيقة واي كدوب منضمنش لك اش غادي ندير فك وفه يلا قولي واش حط ادو علك متخافيش منو ولا من اي مخلوق انا فجنبك وغادي نحمك منو ومن اي شخص تتحاما بسلطتو ضد القانون

شافت فه وحسات انها محتاجة شي حد يوقف معاها باش تخلص من جبروت راجلها ،وميرجعش ياخد لها بنتها ولا يحرمها من عائلتها شاف فه حسات بنوع من الامان وقررات تحارب من اجل بنتها هادي فرصة مستحيل تعوض ولا تنازلات عله عمرها تخلص من الشماتة لواخداه

عشق :اه اخويا هو ضربني وماشي اليوم ديما تتكرفص علي وتبغي ياخد لي بنتي وانا عيت من هاد الحياة معاه اهئ اهئ حرام عله واللله تحرام كون مكانتش بينتي كون طلقتو من شحال هادي لكن تهددني ياخد لي بنتي ودجا خداها لي بعد مرشا القاضي

شاف فه مغوبش ومد لها كننكس تمسح دموعها

جاسر :خودي مسحي دموعك كلشي تتحل بالعقل وطاااما كاينن الرجال تحد ميقدرك يدلك

وجه نظراتو لنبيل لحال فمو وووجهو متتفسرش

جاسر :(جبد تيلي تتصل بالشرطة )بغتكم حالا عندي

عشق شافت فراجلها لوجهو صفر وباين مخلوع لاول مرة فحياتها ،كتشوفو مدلول بقلت تشوف فه بشماتة ،شحال دلها وعدبها وساومها بين بنتها وعائلتها ودبا جا الوقت ترد له الضربة اضعاف مضاعفة شافت فجاسر بترجي

عشق :عفااك اشاف انا مسامحاه عل كلشي لكن بشرط يطلقني ويتنازل عل حضانة بنتو ويخلني نمشي عند والدي

نبيل :(شاف فها بحدة )كتحلمي اعشق مستحيل نطلقك ولا نتنازل عل بنتي مغاديش نخلها لك

سندريلا شافت فه مخنزرة ومشات عنقات مها

لا انا بغيت نبقا مع ماما مبغتش نبقا معاك ابابا عفاك. خلنا نمشو عند جداتي هكا حسن بليز متخلنيش نكرهك كثر من هكا

نبيل (شاف فها وغوبش )مك لعلماتك اش تقولي يلك كتحاول تعمرك علي ياك المسخوطة بغا يجرها وهربات عند مها تخشات فها وبدات تبكي فصمت مبغاتش تبعد علها بكفها اش دوزات فااماضي فاش خطفها من عشق بعدما قررتت تطلق منو

غشق ؛(غوبشات فه )نببيل متغوتش علها انا مستحيل نسمح لك ولا نسمح فبنتي براكا اش دوزتي عل فالماضي وكيف خطفتها وهددتني بيها انا مستحيل نسمح لك ولا رفضتي لمخزن غادي فصل ببناتنا

شاف فها شوقة مخيفة قرب منها بعنف هز اده بقسوة بغا يصرفقها وهو يشدو جاسر من اديه وزير عله حتى غوت

جاسر :(عينه طاجين فوقاحتو )اش كتحاول تدير كتضربها قدام لمخزن الشماتة هكا الرجلة كتكون ،هكا تتصرفو الرجال

الحاج ؛(ولا.اتدور فعينه من فعايل ولدو اولا ومن قساوة جاسر لباين ماشي ساهل )مديش علها اولدي را معصب مقصدتش

جًاسر :(خنزر فها )كفاش مقصدش را قصد هو ماشي ترضع صبعو وكون اكيد هادشي مغاديش يدوز مرور الكرام دبا كاين حل غادي طلقها ولا تعرض لها يلوم اراصو ومظنش اني ممكن نسامح عل هاد التعنيف لمارسو علها لهي سامحات لمخزن مستحي٤ا بسمح اسي سليماني نصيحة مني عقل ولدك شوية والا غادي نوره الرجلة كيف كاينا

شاف فنييل لتهو تخنزر فه دفعو تطاح وشاف فعشق

جاسر:مدام جمعي حوايجك انت وبنتك نوصلكم فين مبغتو مستحيل نخلكم دقيقة واحدة مع هاد الهمجي

عشق شافت فه وعينها تغرغرو بالدموع فرحا وليس حزنا ممصدقاش ان جا وقت الفرج شافت فه بكل امتنان وجرات بنتها

اجي ابنتي نحمعو حوايجنا باش تمشو

جاسر بقا تخنزر فنبيل لطايح فالارض وتشوف فه بتحدي

جاسر :نشوفو اسي نبيل فين حدك ادا مدخلت لمك لحبس منتسماش الشاف جاسر

نبيل :(خنزر فه)شكون انت لتاخد مرتي وبنتي مني معرفش اش قادر ندير لك لمنسفتك منتسناش نبيل

جاسر شاف فباه وصحك

كنشوف ان ولدك اتنبح.متعظش ولا اسي سلماني

سليماني شاف فولدو بعتاب

نبيل سد فمك مزال مفكنا حريرتك زايد فه اعتدر منو هو تدير اخدمتو اولدي

جاسر :اخله داوي نكملو كلامنا فاامخفر عل وجه ديك لبنت غادي

شاف فعشق وبتتها وضحك

يلا نمشو

عشق شافت فنبيل وضحكات اول مرة من قلبها مظناتش غادي جي شي نهار وشحد يوقف ضدو ويوققو عن حدو وهاهو جا الوقت لتحاما بالمخزن وتحد مغادي قدر ياديها لان المخزن فصفها ضحكات بشماتة جرات بنتها وتبعات الشاف جاسر خلاو نبيل تشوف فهم بعصبية امشا جاتو نوبة جنون بدا يغوت ويهرس لجات فاديه

لا لا ميمكنش ميمكنش ابابا مستحيل نطلقها وخا نعرف نفتلها انا غادي ندفعو الثمن

الاب :(خنزر فه) سد فمك مزال زايد فه انت راك زدني فه شحال هادي قلت لك طلقها هي ماشي ثوبنا لكن مبغتيش وشوف اش طلع منها اخر ايامنا غادي نوصلو للمحاكم

نببل؛(ضحك باستهتار )جي وحبس ولد للسليماني انا قادر نشري اي بوليسي واي قاضي

مزال مكملها تدخلو لبوليس عندو هازين منوط شافهم حس برجليه مبقاوش هازنو شاف فهم بخوف

شكون انتوما واش بغتو معارفنش شكون انا

تقدم منو واحد البوليسي هاز منوط ….شاف فه ببرود لوا له اديه لور ودار له لمنوط وقال بصوتو القاصح

غادي تعرف كلشي فالمخفر تحرك قدامي تعرفو اتضربو بنات الناس ومني تحصلو ابدلو تخرجو عينكم يلا تحرك

نبيل شاف فباه بخوف

بابا عفاك دوي مع المحامي متخلنيش يحبسوني

السليماني كانك.كبيتي عله لما السخون ولا اتدور فعينه وتحس بالسخونة طالعة معاه شاف فولدو

صافي وخا انا نتبعك بالمحامي

خرجو نبيل بحال شي مجرم ركبوه فلبوكس وزادو ،تبعو باه بلوطو عند محامي العائلة يوقف معاهم فهاد الورطة لورطها ولدو

عشق ركبات هي وبنتها مع الشاف جاسر لشاف فسندريلا مبتسم جبد شكولاطا من جببو ومدها لها

هاكي اسندريلا اجمل شكلاطة لاجمل اميرة فالعالم

شافت فه.مبتسمة

معرفش كفاش نشكرك اسعادة الشرطي ظنتك مغاديش تًجي تعنق ماما من بابا

جاسر :(داعب شعرها)كاين شحد يرفض طلب لسندريلا من اليوم مغاديش يبقا يخوفكم غادي تبقاي مع ماماك ديما

قريات منو وباستو فخدو

شكرا لكن عفاك متدخلوش لحبس غبر خلعو

شاف فه وتفركع بالضحك

هههه وخا

عشق شافت فبنتها وتبسمات

غشق :معرفش باش نشكرك درتي فينا خير كبير متصورش شحال عاننا معا نببل لدرجة عائلتي ومكنشوفهاش

جاسر :(تنهد )شنو لخلاك تصبري طول هاد المدة علاش ملًجئتيش لبوليس

عشق :(تنهدات بالم )شكون لقال لك ملجئتش لهم لكن للاسف تشريهم نبيل بفلوسو حتا اضطريت نلجا للقضاء لكن للاسف القضاء كان اعمى فالوقت لكنت انا كنجري باش نطلق منو هو لوا لي ادي خطف بنتي مني ومشا لفرنسا ومني دعبتو اسقطت اادعوة بحجة مكاينش شي اب تخطف بنتو ومن بعد هددني اما رجع له ولا عمرني نشوف بنتي اضطريت رجع له ومني رجعت منعني من والدي اضطريت نسمع له ونعيش معاه عل قبل بنتي

جاسر :(شاف فها بشفقة )عانتي معاه بزاف

شافت فبنتها لنعسات فحضنها

عل قبل بنتي مستعدة نلوح راسي فلعافية غير متبعدىش علي ،عرفتي مني خداها مني كنت غادي نتصطا روحي مرجعات ترجع بنتي لحضني

هو :(شاف فسندريلا )مسكينة مزال صغيرة زعما شي والدين خاص مهم الشنق معارفنش ان الولاد امانة من عند الله

تنهد بعمق ورجع شاف فها

عطني عنوان داركم

هي :عين سبع شفشلوني

هو :وخا

ساق لوطو بلا مينطق حرف حتا وصلو فين ساكنة

هي :صافي هنا اسي جاسر لفيلا لتما عايشين والدي

هو :(جبد كارط فيزيت من جيبو ومدو لها )هادو كاع نوامري لحتاجتي شحاجة عيطي لي ونوعدك عمر داك الشماتة يقرب منك اكوني هانية

هي ؛(عينها غرغرو شافت فه اعترافا بالجميل خذات منو لاكارط وضحكات فةجهو )عمرني نسا خيرك اسي جاسر

هو :(داعب شعر سندريلا )درت هادشي غل قبل سندريلا فاس سمعتها كتستنجد بالبوليس خليت كلشي وجيت وخا هادي ماشي خدمتي يلا فرصة سغيدة تال من بعد ونجي نشوفها

هي :(ابتسمات )اشرف فاي وقت شكرا بزاف والله يرحم لك لوالدين

تحل لباب اوطوماتكيا هزات بنتها وهبطات ،بقا مقابلها بعينه حتا بانت له دخلات وهو يكسيري نحو المخفر

عشق بقات واقفا قدام لباب ،هزا بتتها فادها وعينها مغرغرة ،عمرها ظنات ان غادي جي هاد النهار وتخلص من الشماتة تاع راحلها وترجع لممتها وباها لكن ربي كبير ومتسد باب تتحل باب

وقفات قدام باب الفيلا كتبتسم ،دارات ادها عل الصونيط وكتخيل وجه مها اكيد غادي تفرح بعد غياب اربع سنوات

عويشة كانت واقفا فالكوزينة كتعجن لمسمن حتا سمعات الصونيت وتنهدات

افف كنقول لهم حلو بالساروت لكن متتصنطوش عل ولاد كديرين

لاحت كلشي فادها ومشات تحل وهي مغويشة احلات وهي تحل فمها ،وعينها غرغرات وفلبها وقف ممصدقاش ان بنتها لواقفا حداها ،بشحمها ولحمها

عشق :(عينها غرغرو بقات تشوف فمها بمحبة وشوق كببر اربع سنوات وهي بعيدة علها اربع سنوات من الفراق والغربة عارفا راصها كانت انانية واختارت بنتها عل مها لكن مكانش عندها حل ثالث شافت فمها بندم )لميمة هانا جيت لكن هاد المرة جيت بصفة نهائية مستحيل نخلك مزال شوفي بنتي قداش ولاش كبرات ومكتدوي غير علك وبغات امتا تشوفكم سمحيلي عدبتك معايا ولكن كبدتي الميمة كانت اقوى مني

عويشة :(شافت فها بعتاب ورجعات شافت فسندريلا لكانت ناعسة فحصن مها مدات ادها كتىاعب شعرها وكتبتسم) بنتك فوطو كوبي مني مشاء الله كبرات اعشق اجي فين داك الشماتة تاع راحلك

هي :(حدرات رأسها ) انا غادي نطلق منو اماما صافي مغاديش ،رجع له تكرفص علي مزيان شوفي كيف ردني

عويشة :(مدات ادها هزات لبنت منها وعنقاتها وكتصحك)ديما كتقولي هاد الهدرة لكن كترجعي لي في الاخير اجي دخلي نحطو لبنت تنعس بعدا واجي عاودي لي

دخلو لداخل اادار عويشة دخلات سندريلا لبيتها حطاتها فوق فراشها غطاتها وكتشوف فه بمحبة وشوق ،

هي اول حفيدة لها لكن تمنع عليها تشوفها ونلمسها .وتديرها فحضني وهادشي كلو بسبب راجل بنتها لحرمها من بنتها وحرمها من الكبدة اامعاودة دارت ادها كتداعب شعرها وهي مبتسمة

بنتك كتشبه لي بزاف

عشق :(عنقات مها كتبكي)سمحي لي اميمة انا غلطت بزاف معرفت بحقك تولدت عاد عرفت بقيمة لولاد وقيمة التضحية

عويشة :(بادلاتها لعناق كتضحك ونسات الماضي كلو في رمشة عين )صافي سكتي غادي تفيقي لبنت االه يهديك ابنتي عل انا اش بغيت لك غير تعيشي مرتاحى لكن انت اختارتي تعدبي راصك وتزوجتي بداك الرويجل وهانتي شوفي كيف كرفصك

عشق :كنت صغيرة اماما كنت كنصحاب ان الفلوس هوما كلشي معرفت بالحقيقة تفات لفوت

عويشة :(بعداتها علها ببطئ )

قولي لي كيفاش تخلاك ترجعي بهاد للسهولة زعما قلبو حن ولا ساومك بشحاجة

فهاد اللحظة سمعو سندريلا كتنين وهي شبه ناعسة

لا ابالا عفاك متضربش ماما اهئ اهئ ملما ماما لا لا لا كنكرهك ابابا

عويشة قربات منها كتفيق فها ببطئ

صافي احبيبتي انت مع جداك دبا مغاديش يبقا يضريكم مزال سلا الكوشمار

حلات عينها بالجري وقلبها تنبض شوقا لجداها شافت فها بعينها الطفولية لكلها حزن والم ،

سندريلا :جداتي انت هنا ممتيقاش اني شفتك اخيرا عرفتي توحشتك قد للسما

عويشة ابتسمات ونوضاتها ببطئ وعنقاتها

اه ابنتي كون شتي انا شحال توحشتك قد السما من اليوم غادي تعيشي معايا ديما

سندريلا :اه هادشي لبغيت عرفتي انا عيط لبوليس اجدة بابا مخااش لي حل اخر عيت ندوي معاه لكن متفهكش تعرف ايضرب وعيطت لبوليس واليوم جا واحد الشرطي عرفتي حبيتو

عويشو :(ابتسمات )شرطي شكون هدا

عشق :اش نقول لك اماما فلم طويل خلي من بعد ونعاودو لك قولي لي كيف دايرين خوتاتي وبابا كلشي بخير بابا لاباس علك

عويشة :(تنهدات )كلشي لاباس ناقصاتا انت

عشق :(تنهدات)ااحمد لله اماما الظروف وصافي عرفتي نستف حوايجي وحوايج وبنتي ونجلسو بلقي بيتي لفوق ولا خداه شحد

عويشة :باقي ابنتي را لفوق كنت متاكدة شي نهار غادي ترجعي تعيشي معانا وهاهو هاد النهار جا

قربات منها وباست لها راصها

سمحي لي الميمة غلطت بزاف ودفعت الثمن غالي

عويشة مسحات دموعها

صافي لي فات مشا طلعي ستفي حوايجك ابنتي وهبطي

عشق :وخا يلا اجي اسندريلا معايا

سندريلا :لا اسيري نبقا مع جداتي اماما بغيت نورها كيف كتدير واحد لكيكا عجيبة

عويشة :هههع يلا اجي معايا لكوزينة وريني هاد الكيكا

عشق ابتسمات خرجات هزات شوانطها وطلعات لبيتها تستف حوايجها ومخها شارد مع نبيل ترى واش غادي خلها فخالها ولا غادي استعمل نفودو من جديد تنهدات بخوف هزات شوانطها وطلعات لبتها

اما الصغيرة سندريلا شدات ايد جداها ومشاو لمطبخ ،جلسو فالطابلة شافت فه عويشىة بنظرة جدية

اوا عاودي لي كلشي اش طرا ليوم تباباك خلاكم تجو

سندريلا :(غويشات وتنهدات تنهيدىة حارة مسحات دمعة حزينة من عينها ورجعات شافت فجداها )اش تقول لك اجدة اليوم القدر كان فصفنا وصافي ولولا داك الشرطي كون تدفنا تحت التراب

عويشة :اشمن شرطي عاودي ابتتي كلشي

سندريلا :هانت اجدة اليوم بابا دخل سكران كيف عوايدو اتسكر كتجه ماما فلبلان ادوات معاه شعل معاها ،جرات علي لبيتي تما استغلت غيابو ولتصلت بالشرطة بلغتهم ان بابا تمارس العنف الاسري عل ماما

عويشة شافت فها معرفات تضحك لرجاحة عقل صغيرتها ولا تبكي عل زهر بنتها وقلة عقلها

عويشة :ههه ومخفتيش منو ابنتي منن جبتي هاد الشجاعة

سندريلا :اودي اجدة لكبر فالعنف والضرب بزز منو يقلب عل حل جدري باش يتهنا من ااحبس وانا وماما ملينا من ديك الحياة هي كتعرفها خوافة مستحيل تقلب عل حل خوفا تفقدني وانا مستحيل نشوف ماما كتعدب قدامي ونبقا ساكتة بابا ماشي راجل وعمرو يكون وكيف هو ممسوقش لنا تخنا ممسوقنش له خليه يدفع ثمن اغلاطو باش يتعلم يحط اديه عل ميمتي

عويشة :(ابتشمت ابتسامة خزينة )تبقا باك ابنتي را تسكر متعرفش اش تدير

سندريلا :اودي اجدة هو هدا هو طبعو سواء فايق ولا سكران خلنا منو اامهم انا عيطت عل لبوليس وجاو واحد الشرطي اًجدة نظرة منو كتخلك ترتاحي اما مني تدوي تسلخ بلسانو بلا ميتعصب ولا يضرب اش نقول لك كرفص بابا وجدي خلاهم تترعدو مقدرو يديرو والو ههه هزنا من لفيلا وجابنا عندك

عويشة :(كتدور فعينها)سبحان الله ابنتي زعما كاين شي حد ميتشراش بالفلوس

غشق :(دخلات عندهم عل غفلة ) باينا اماما شحد واصل مقدروش عله دار معايا لمداروش عائلتي مخلت منطلبت والو كلهم خافو هل مناصبهم منو تاستسلمت قلت تصبر عل قبل بتتي

عويشة :ربي كبير ابنتي كل قوي كاين مااقوى منو لكن خاصك تعيطي عل داك السيد نعرضو عله ومنها تشكروه

عشق :منثيق املما تنطلق عارفاني المخزن مكنثقش بيه نخاف يدور علي كيف قبلو نستي شحال من واحد قال غادي وقف معايا وشراهم

سندريلا :لا اماما انا حاسا انو غيرهم

عشق :هدا املي ابتتي نوضي الله برضي علك ديري لنا شي كيكا من ادك وشي براد اتاي

سندريلا :وخا اماما هي لولا

عويشة : بنتي متوصليش لقصرية تتجي ليلى

سندريلا :وخا

عويشة :(كتشوف فها وكتضجك)بنتك كتشقا قبل لوقت اعشق ملاحظتيش انك كبرات

عشف :اه اماما من صغرها كبر من سنها وعلا شكون لمعاوني غير الله يرضي علها دنيا واخرة

عويشة :امين

هي :زعما نبيل يطلقني اماما انا عيت وحتى بنتي معاشش بحال لبنات تحرمات من ابسط حقوقها كطفلة وهانتي كنشوفي كبرات قبل اوانها

عويشة : متخافيش كلشي يتعوض ابنتي لمهم تطلقي ،

عشق :انا طالعة نشوف سالي بما طابت كيكا

عشق طلعات عند سالي دقات لباب وحلات لباب وشافت فها شوفة كلها شوف وحنين وخا بعدات علها طول هاد للسنوات لكن قلبها مبعدش علها مزال كتبغها وكتحن لها ومحتاًجة لها تبكي عل صدرها الحنين وتعاود لها قلة عقلها فين وصلاتها

عشق :(شافت فها شوفة مطولا كتشوف ختها كبرات زبانت ولات اجمل من دي قبل )سالي اختي توحشتك

سالي :(هزات عينها وشافت فها باشتياق وعينها مجروحة من طول فترة البعد لعانت منو كثر منها فهي التوئم ديالها )كون توحشتني كون سولتي علي كون توحشتني كعما تخلني انت قتلتني وانا حية،حرام علك اختي اهئ اهئ عرفتي كل اه انت قلتها انا قلتها قبلك كون دمعة قلب انا دمعتها فبلاصتك متصوريش شحال تعدبت وانا كنتخيل حجم معاناتك وكلوم راسي علاش انا ماشي معاك انت قاصحة اختي

عشق عينها غرغرو بغات تعنقها وهي تدفعها

بسعي متي لك قلب تبعدينا علك علا حنا ماشي عائلتك اقولي لي

هي :(بدات تبكي )اختي كان صعيب علي ندخلكم فمشاكلي لكن كاع اخباركم كنت كنعرفهم من ماما انا مدوزتش قليل اسالي تعدبت بزاف مع نبيل وعل قبل بنتي صبرت وفضلت نعيش معاه علا انا نعيش بلا بتتي كنت اناتية شوية لكن را بتتي اختي نهار تولدي غادي تحسي بي سمحي لي بزاف منوتش نبعدك علي لكن ماشي بادي

سالي ًجراتها ليها بعنق وعنقاتها وتخشات فها كتشم فها

توحشتك اختي متصوريش شحال متبقايش تبعدي علي

عشق :(ابتسمات)لا صافي جيت عل طول اجي

سالي نهبطو تشوفي بتتي نكملو هدرة لتخت

هبطو لتحت فين كاينا عويشة واقفا مع سندريلا تزينو لكيكا

سالي شافت فبنت ختها وعينها دمعو

سللي :متقوليش هادي بنتك لا مستحيل وتيتيزة اصحبتي

عشق :مال مك.كجاتك

سالي :(غوبشات )راك والدة الزين اصحبتي باينة غادي تزوج وانا نبقا بايرة هههه

عشق :سندريلا اجي سلمي عل خالتك

سندريلا شافت فه وابتسمات ومشات تسلم علها

سندريلا :(تخنات بغات تبوسها وهي تاخدها بالاحضان )ماشي هكا تسلمو الناس عل خالاتهم اجي لمك عندي توحشتك

جراتها كتعنق فها وكتبوس وكتجبد فخنكاتها

وايني را طبيبيزة

سندريلا كتضحك

وخالتي وبراكا انا ماشي درية صغيرة

غويشة :خلها مسكينة مكتولىش ههه محرومة من النسل

سالي :عويشة دخلي سوق راصك بنت ختي وانا حرة فها نبوس ولا نعض ونصيحة متي بلا متلوي دراعي انا مكنفكرش نتزوح

عويشة :عل اساس شي حد جا يخطبك صافي جريتي علهم وغادي تبقاي بايرة حياتك كلها

سالي :(شافت فها ببرود)عويشة متحاوليش تستفزيني انا عاجبني راسي وغاذي نبقا بليرة تتموت يلا موتي بااسم

عويشة :(خنزرات فها )وخا اسالي نشوفو شكون لوالد لاخر انا ولا انت

عشق :(تدخلات بيناتهم)صلو عل النبي انتو مالكو معطاكم الله عوض تحتفلو بمناسبة رجوعي بالسلامة وتدوقو كيكا بنتي مخاصمين

سالي :(شافت فسالي لمخرجا عينها فهم قربات منها وباستها)متخافيش ابنتي حنا ديما هكا جداك ضاربها عل للزواج معرفش اش عاجبها فه الله يهديها وصافي

عشق :ههع دبا سدو هاد الموضوع خلونا ناكلو فينا الجوع انا وبنتي ممغدنش مزيان

عوبشة :االه يتتقم منو كرفصكم مزيان من اليوم مغاديش تكرفصو عرفتو نوض نتصل بباك غادي فرح

عشق :(مخلاتهاش تنوض)لا اماما خلها مفاجئة له غادي فرح لشافني وشاف بنتي

عويشة :اه بزاف نجيب صينية اتاي ونجي

عشق :(مشات مها وغمزاتها )مالكم

سالي :مك بغات تزوجني اختي خلها عل الله معاها قاات لك شرفت وخاصني نبالي براسي شفتي اخر ايامي مك اش دايرة في

غشق :ههه الزواج نصف الدين مالك علاش مباغاش تزوجي شوفي اسالي لكنت كتعرفي شحد وباغيك قوله يجي يخطبك فعلا اختي بدتي تكبري صافي خاصك تزوجي

سالي :(ضحكات بسخرية )اودي مكنعرف حد انا خدامة عل راسي ومهنيا مبغا لنتزوج ولا نتزمر هانية مهنية سكتيني وعاودي لي داك الشماتة كفاش خلاك تجي عندنا ماشي عةايدو

جابت عويشة صينية اتاي كتشوف فهم مبتسمة

غويشة :مخلاهاش تجي ،المخزن لجابها وعتقها منو وبين للايام تهنا منو للابد

سالي :(شاقت فهم مستغربة )كفاش مفاهما والو

عشق :(بدات تعاود لهم عل جابر واش دار نع نبيل وكيفاش رجعها وكفاش سندريلا اتصلات بالبوليس )هادشي لطرا بتتي هي لعتقاتنا ولولا كون مزال محبوسة

سالي :(شافت فسندريلا وابتسمات )هكاك طلعي لخالتك وكوني نمرودة متخلي تشيحد يديرك تحت السباط

سندريلا :ههه اه اخالتي عرفتي داك الشرطي واعر بزاف عبر عل بابا والله سرو نيت تحكر علي وعل ماما جاب الله لحكر عله

عويشة :اهاه ابنتي الدنيا دوارة دبا يندم عل كل دمعة نزلات من عينكم ربي كبير خودي اتاي ابنتي

سندريلا خدات كاس اتاي وابتسمات

شكرا جدة عرفتي انا فرحانة بزاف حيث معاكم اخيرا

سااي :(داعبات شعرها )مرحبا بيك معانا اسندريلا من اليوم غادي نحوصو مزيان شنو بان لك نخرجو انا وياك

سندريلا :اه اخالتي وخا

دخل جاسر ال المخفر بنظرات باردة كلها قسوة وبرود لابس زيو الرسمي لعطاه منظر كلو رجولة وجبروت نظرة فه.كتخليك تخافي منو وتديري له الف حساب شاف فالشرطيين بنظرة كلها غضب وغل

جاسر : هادشي لطرا ليوم مغاديش يدوز عل خير واي شخص خدا فلس واحد من عند الكلب نبيل غادي تعاقب ،ادا كنتو مغاديش تحترمو للبس لي لابسين اعتزلو مهنة البوليس وهنو الشعب من حقارتكم

الشرطي :الشاف حنا ****

جاسر :(خنزر فه) متعاودش لي قصتك حياتك من بعد ونتحاسب معاكم داك الكلب لداخل

هو :اه الشاف معاه المحقق

خلاهم تقفقو وداخل لغرفة التحقيق

نبيل :(شاف فالمحقق )صافي اعادل خلني نكمل

عادل :وخا الشاف

جر كرسي وجلس وتقابل معاه وشاف فه ببرود تام

جاسر :اوا اسي نبيل درتي عقلك ولا مزال

نبيل :(تخنزر فه)وحياتك تغادي ربي مك ماشي انا ليطرا ليه هكا معرفش شكون انا واش قادر ندير

جاسر شاف فه وضحك بالجهد تخلعو

جاسر :وخا اسي نبيل تبان لي غادي تشرفنا بزاف هنا تتربا مزيان وحياتك تغادي نوريك باش المرة الحايا تحط ادك عل شي امراة

نبيل ؛(شاف فه )غادي جي المحامي وغادي خرجني من هنا وانت غادي تشوف كيف غادي نخرج.منها

جاسر ناض من بلاصتو وقاد هندامو وضحك

تيسالي التحقيق ونشوفو قضية للمحامي هههه تصحاب راصك فمريكان يلا اسي تبيل نتشاوفو من بعد

خرج بهدوء تام شاف فاحد رجالو

بغتكم تهلاو فه مزيان اياكم وتقصرو فترحيبكم بيه من بعد ونشوفو

للشرطي :ههه كون هاني الشاف غادي رحبو بيه ترحيب يليق بيه

جاسر :مزيان جيب لي قهوة عل مكتبي خالا

الشرطي :امرك

دخل ال مكتبو ،جلس فوق كرسيه بد تراجع شي ضوسيات ومخو شارد شوية فشي ضواصا حتا دخل علي الشرطي هاز كافي فاديه

الشرطي :الشاف المحامي تاع المتهم نبيل وباه بغاو يشوفوك

جاسر :(ابتسم ابتسامة دات مغزى )وخا قولهم يدخلو

بعد دقائق تم.داخل الحاج السليماني مع المحامي ووجههو ميتفسرش

اامحامي :(مد له اديه سلم عله )الشاف جاسر اهلا الجزء مرحبا بعودتك من جديد

جاسر :(ابتسم )اش ندير بلادي محتاجة لي جلسو

جلس الحاج وجهو مغوبش ،مخلوع ورجليه بالكاد هازنو مقادرش ينطق غطا الكلمة للمحامي لتتصف بلباقة السان باش ينوب عله مخافة يدير شي مشكل

المحامي :في الحقيقة حنا جايين طاليينك اسي جاسر بخصوص نبيل حنا عارفنو دار غلط كبير لكن مقصدتش را اي ثنائي معرض لهاد المشكل تحنا فلحظة غضب كنمدو اىنا عل عيالاتنا وكنرجعو ندمو

جاسر :(ابتسم بوقاحة )لكن لشفت انو مندمش فرحان برجولتو وانا تعجبني داك النوع نربيه خصوصا لكان ممربيش

الحاج :بلا بغا ينطق وهو يحبسو المحامي

المحامي :انا متفق معاك اسي جاسر هو غلط ومعارفش غلطو لكن دير بحساب لبنت لملهاش دنب مغاديش يعجبها باه يدخل لحبس كيف مكان البيوت اسرار

جاسر :(خنزر فهم )سي معاد انت يمكن مشفتيش الحالة لفها مرتو ،لبنت كلها مضروبة وكتموت من الخلعة ولبنت كثر منها انا مستحيل نخون مبادئي اي شخص دار شي دنب يتعاقب وكون غير نادم ولا اعترف بغلطو هو تمادى بزاف وانا غادي نوريه كفاش الرجلة كتكون سلينا هاد الموضوع ممكن تخرجو مني سالي التحقيق اسي معاد نعطك اخر المستجدات حاليا مزال مبديت التحقيق

معاد :وهو كدالك لسي جاسر غدا ندوز عندك يلا اسي السليماني نخلو الشاف يخدم

السليماني شاف فجاسر بغضب ، بادلو النظرة بتحدي وخنزر فه خلاه يحدر راصو ويخرج مطئطئ للراس

اخرجو من عند نبيل شاف فه شوفة كلها غضب وشمتة

سليماني :دبا شنو ولدي مغاديش يخرج غادي تحبس عل قبل واحدة متسواش ولا شنو

معاد:سي سليماني القضية ماسهلاش را اهانة موضف اثناء القيام بعمله ،زيد عله انو حضر حادثة العنف لتقام عل الزوجة ، زيد علها شهادة ابنة ولدكم الموقر لقضية لابساه لابساه خاصنا نخدمو مخنا شوية

سليماني:اجي متدخلش لي بيني وبيني انا مستعد نعطه لبغا المهم ولدي يخرج

معاد؛(شاف فه.باسف)للاسف متياخدش الرشوة اسليماني بلا متحاول معاه غادي اتغرق ولدك كثر مهو غارق حل كاين امامنا خاصنا نخلو المدام ديالو تنازل عن الدعوة وولدك يهبط كواريه شوية ا طاح مع الشخص الخطا

السليماني :معرفت منقول نمشي ندخل لك مياكل عاد نفكر اش ندير امعاد لكن انت حاول معاه ،دير كثر مفاستطاعتك بغيت ولدي يخرج فاسرع مدة

معاد :صافي وخا يكون خير

صونا تلفونو فهاد الللحظة بعد عل المحامي ودوا

هو :الحاجة انا فالكوميسارية ،لا ولدك مزال محبوس لقضية صعيبة

هي :(بغات تخرج من التلقون )كفاش ولدي مزال قالحبس دبا بنت عويشة بغات تدخل ولدي الحبس اويلي الحاج من نيتك حشرة ماشي فمستوانا تغلبنا

هو :سيطري عل اعصابك الحاجة ولدنا لظالم وادا هي متنازلاتش عن الدعوة غادي دخل الحبس ، مصطر نمشي عندها نطلب منها تسمح له والا تلبسو جناية

هي :افف عل مصيبة صافي وخا باش مكان اتصل بي

دخل الحاج سيمو برفقة ابنته اخر العنقود ليلى الي تبلغ من ااعمر 20عام ،لابس طقم رجولي فالاسود ،ملامحو كتبان وسيمة وخا الشيب طغا عل لحبتو وحولها ال لحية بيضاء لكن هدا لا يعني انو ميخافظش عل جادبيتو ووقارو لي كسبو مند سنوات طويلة ،اما بتتو فلابسة جلابة قصيرة مع سبرديلا ،طالقا شعر للاسود وجامعاه ببوندو وهي تسخة طبق للاصل عل مها

ليلى (شدا فباها وكتدوي معاه )شوف اسيمو داكشي غادي كون بيناتنا هي مغاديش تسبق لخبار فغير عطني 1000درهم نشري سبرديلا لقلت لك

سيمو ؛(شاف فها وضحك) خلي تال من بعد را باك.مزير شوية

هي :وخا ابابا نصبر وهادشي علاش كنقول لك ندير سطاج وخدمة نعاونك شوية عل للمسؤولية را بزاف علك

هو :(هنقها وضحك)يخلي لي لحنينة ديالي اجي ندخلو نشوفو ماماك وعشق

هي :وخا

دخلو لداخل الفيلا فين جالسة عشق وبنتها كتسنا باها عل نار ادخل وشافتو مشات تجري عندو بلا هواها خداتو بالحضن وكتبكي وربي لعالم بها

عشق :(معنقاه وكتبوس فه بشوق عارم ودموعها طايحين )بابا توحشتك ابابا توحشتك بزاف متصورش شحال ندمت لكن انا رحعت منبقاش نمشي تقنت

سيمو :(شاف فها مغوبش ) انت لبغتي تمشي اعشق واش انا قلت لك سيري انت لبغتي تصرفي من مخك وخلتي شماتة يتحكم فك وفبنتك كون تبعتي باك كون طلقتي شحال هادي لكن من يومك راصك قاصح كتصنطي غير لراصك

هي :(كتبكي )اهئ اهئ بابا مقدرش نبقا خفت علك وعلكم را هددني بيك وانت عارف شحال هوما واصلين وقادين يديرو اي حاجة باش يدمروني وياخدو لي بنتي انا منقدرش نعيش بلا بنتي عفاك حس بي ابابا وسمح لك نوعدك منبقاش نخليك مزال

هز عينو فسندريلا لقاها كتشوف فه مغوبشة ابتسم

سندريلا متسلميش عل جدك ولا نستيه

هي :(شافت فمها لكتبكي وشافت فه )لا اجدي منستكش لكن الظروف لفرقاتنا ،قربات منو كتضحك بغات تسلم عله وهو يهزها وشاف فها مبتسم

مممم كبرتي اسندريلا ولتي كتشبهي لجداك

هي :اه شوية اجدي تتتا كبرتي شوف اللحية ولات بيضا ههه

هو :هههه اش نديرو كبرنا ابنتي الله يكبرنا على طاعة الله

هي :سمح لماما اجدي را خوافة وحتا بابا الله يهديه خايب وتستعمل نفودو مخلنا منطلبنا لكن والو تحد مبغا يعاونا كون مكان واحد البوليسي الله يجازيه بالخير كون بقنا فداك الحبس ونوعدك دير عقلها ومتبقاش تخاف من بابا ياك اماما

عشق :(كتمسح دموعها وكتبتسم )له ابنتي وعد منبقاش نخاف

هو :(شاف فعويشة وابتسم )ةخا عل وجهك انا مسامحها ابنتي

سندرياا :يلا حطني نسلم عل خالتي الصغيرة رانا ثقيلة

باسها بمحبة وخطها وهو تبتسم عل حفيدتو الاولا لطالعا مجهدة عل مها

تمشات عند ليلى لكتشوف فها مبتسمة

ليلى :تحنان علها باستها

اهلين ببنت ختي لاباس علك طلعتي عفريتة مساهلاش

سندريلا:(حكات شعرها )اشوية اخالتي عرفتي كنت مشوقة نشوفك انت زوينة اخالتي

سالي :(كحبات )كح كح

عويشة :(مدات لها كاس الما)خودي شربي المسمومة

عشق :(صحكات )ههه شحال توحشت هاد الجماعة ديالكم

مشا شافت عشق فختها

شنو المشكل اليلى

ليلى :(تنهدات )ختك تعقدات من الزواج من نهار سمح فها داك الحمار وتزوج بصحبتها كرهات شحاجة سمتها الرجال لكن العمر تجري اختي واش غادي تبقا هكا سدا عل قلبها وخايفة من للزواج

عشق :هادشي كلو طاري وانا فدار غفلون الله عل ختي تعقدات اجي نمشو عندها

سيمو دخل عند عويشة لبيتها لقاها كتخمم وعينها فاضحاها اشافتو مسحات دموعها ،قرب منها ببطئ جلس حداها وشاف فعويناتها لمزال تاسروه وتخلوه ينسا راصو وخا شاب لكن القلب مزال شباب ومزال قادر ينبض غير ليها ويبغها وبموت علها

سيمو :(مسح لها دمعة من عينها )مالكي الحاجة كتبكي واش مفرحاناش حيث عشق رجعات

عويشة :(طلعات اه من قلبها )فرحانة الحاج لكن قلبي تخطم ماشي ساهل علي بنتي ترجع لي مطلقة والثانية مبغاش تزوج اش بغتني ندير مني كنشوف بناتي معندهم زهر

هو :(تنهد )هادشي لكتب الله نصبرو المهم بنتنا رجعات لنا اما سالي دبا ربي سهل علها وتزوج

هي :(ضحكات بسخرية )تزوج هاديك بنتي وانا علرفاها راصها قاصح وادا خلناها هكا عمرها تزوج وانا كنفكر نتزوجها شي زواج تقليدي مغاديش نعاود ماساة عشق وتجيب لي شي فاشل

هو :وزعما تقبل انت واش انت معارفاهاش

هي :(ضحكات) انا مها وعارفا مصلحتها وانت عارف انها اقرب خوتاتها لي هي حنينة ،وهزا همي وصبارة وقافزة وزينة وقبيجة وشاربا الهم معايا مبغتش نظلمها وخا مساخياش بيها لكن خاصها تزوج هدا هو السن لتزوجت فيه انا وعلاش لا متزوجتش تهي وتلقا راجل بحالك لبغها ويتهلا فها وبوقف معاها ويحن فها

سيمو :(قرب منها تشوف فها بحب وتداعب حنكاتها )هاد الهدرة متخرجش خلي سرنا هنا لخوتاتها ساقو لخبار انك كتبغها كثر منهم غادي غيرو

هي :عمرني بينت اسيمو لكن انت عارف ان سالي شربات لهم معايا ،فالوقت لختها تزوجات هي رفضات الزواج وقابلاتني حتا وقفت عل رجلي وعاوناتني عل ختها هي رباتها تقريبا

هو :(باس لها راصها )ربي خليك لي ويخليك لبنياتك دبا خلنا فموضوعنا عاودي لي كلشي علا عشق وكفاش داك الشماتة تخلاها ترجع

عويشة :هانت الحكاية هي **&&&

عند بنات عويشة

لواقفات فالمطبخ توجدو العشا وتدوو

عشق : (شافت فسالي )ختي واش مناوياش تزوجي را العمر تجري مغادي تحسي براصك تتلقاي راصك شايب وعمرك مشا هباءا منثورا

سالي :وانت طفرتيه هانت تزوجتب شوفي اش طرا ليك

عشق :قلة عقلي معرفتش نختار .كنت صغيرة وكنت مهووسة بالفلوس والوضع للاحتماعي والرجل الغني كنت كنقول هاديك هما الحياة لكن مني تسد علنا باب واحد عاد عرفت اني تقولبت وتغريت بالمظهر داكشي علاش كنصحك متجريش ورا المظهر اختي را الزواق تطير تبقا غير المعدن

ليلى ؛(كتنقي الجلبانة هي وسندريلا )وقولي ليها تحمع راصها عطا الله الرجال خاصها تقول غير اه

سالي :ههه صافي شرفت دبا لبغيت نتزوج خاصتي رجل فالاربعينات واكيد اما مطلق ولا ارمل ولا باير شبعان زناقي صافي نساو اصلا انا مرتاحة هكا فحياتي خدامة عل راسي نقدر نعيش بلا راجل

عشق :متقوليش هكا اختي كل فولة وعندها كيال وانت بقتي كتدفعي كبير حتا برتي خاصك تعرفي ماشي كاع للرجال شمايت

سالي :صافي اعشق سدي هاد الموضوع انا مكنفكرش فالزواج

بعد يومين

بالضبط فواحد لفيلا عريضة جالسا سيدة مسنة باين علها الترف والجاه وخا داكشي بلدي لكن هدا لا يمنع انها تبان سيدة رلقية جالسا بكل جبروت على كرسيها كتشرب فنجان من الشاي وكتشوف فولدها البكر

حادة :احمد يمكن جا الوقت لنضربو ضربتنا وندمرو عويشة ورجعو فلوسنا لخداتهم لنا

هو :(شاف فها مغوبش) مزال عاقلة الحاج قلت نستي الماضي وتعايشتي معاه

هي :(بغصة فقلبها )نسا الماضي ،نسا كيف دخلاتني انا وباك لحبس ،نسا كيف تهمتني فشرفي ،نسا كيف دات لي فلوسي لباك نسا انا مستحيل نسا انا بغيت رجع لها الضربة ونكوي قلبها كيف كوات قلبي ودبا جا الوقت لنضربو ضربتنا ،بنتها راها بارت ومبغاها حد ،وتعدات للثلاثبن وادا خطبناها مكنضنش عويشة ترفض حيث صافي مبقا عندها فرص شكون غادي تزوج بنت عندها 35عام

ضحكات بسخربة وشافت فولدها

غادي نضربو ضربتنا من حد عشق رجعات لها وغادي طلق وانت غادي تورني حنة ادك بغتك تدمرها

احمد :(شاف فمو ببرود )صافي الحاجة طلباتك اوامر معاشش هدا لدمر ميمتي بغتي تنتقمي وخا هي لولا غادي نتزوج بيها وتشوفي كيفاش غادي ندمرها

هي ؛(ضحكات بانتصار )يخليك لي اولدي لعزيز انا نخرج نشوف صحباتي نتلقاو فالعشا

هو:صافي وخا اممتي نيت نوض نشوف شي خدمة ،باس لها راصها هز سوارات لوطو وزاد

___________________________

في منزل عويشة

عشق كتستعد باش تخرج الكوميسارية باش تلغي الدعوة لرفعاتها عل راجلها ….لبسات جلابة موردة في الازرق البارد ،دارات زيف فنفس اللون ،لبسات حداء عالي فالاسود تقابلات مع المرايا كتقاد مكياجها تدخلات مها عندها

عويشة :تسناي ابنتي نمشي معاك

عشق :مكاين لاش اممتي اخليك مرتاحة ،مضطرة نخلي سندريلا معاك مبغتهاش تزيد تازم را بسببها غادي نتنازل عل الدعوة تبقا باها وخا ميستاهلش

عويشة : المهم شدي فداك البوليسي يوقف معاك ولطلع بحالهم.معلنا غير بجمعيات حقوق المراة ينصفوك ابنتي المهم داك الشماتة اياك.ارجعي له ولا يخلعك هو وباه

عشق :يكون خير اممتي انا مشيت

باست لها راصها ،وخرجات من الفيلا شدات طاكسي حطها حدا واحد الكوميسارية كبيرة كتوجاد فالمعاريف نزلات منها وقلبها تدق ،وكتحس بالخلعة والتوثر اول مرة ذحل لكوميسارية فحياتها غير منظر لبوبيس وهو مستفين تخلع زيرات عل راصها ودخلات لداحل فين واقف واحد الشرطي ،تنهدات بخوف وةقفات عله

عشق :سلام سيدي عفاك بغيت نشوف سي جاسر

الشرطي :ولاش بغته

هي :(كتحس بالخلعة )بغتو بشان واحد الشخص تشد لبارح هنا واش كاين ممكن نشوفو

هو :لا مكاينش لا بغتي شحاجة دخلي عند ديك للشرطية تقدر تعاونك

هي :(باسف )شكرا بغتو هو

خلاتو واقف ،بعدات عله جبدات كارط فيزيت وهي دير نمرتو حتا بذا بصوني وقلبها تصوني معاه حتى جاوب بصوتو الرجولي

هو :الو شكون معايا

هي :سب جاسر انا عشق لنراة لعاونتها هي وبنتها لبارح فاش راجلها كان تضربها

هو :اه ام سندريلا اهلين لاباس علك

هي :الحمد لله جيت بغتك فشحاجة لكن ملقتكش

هو :فينك دبا

هي :حدا الكوميسارية

هو :بقاي تما انا جاي عندك

قطع معاها كسيرا بطنوبلتو عشر دقايق كان عتدها ،نزل من طنوبلتو بكل شموخ ،لابس زيو الرسمي ،وملامحو باردة ،قاسية نوعا ما تمشا جهة عشق لكانت كتسناه بقارغ للصبر اشافتو تبسمات

عشق :سي جاسر سلام سمح لي عل للازعاج عافا راسي صدعتك

هو :لا مفها والو اجي ندخلو لمكتب ديالي

سبقها دخل ،تبعاتو من اللور كتسرق ريقها تدخلات للمكتب ديالو

هو :(جلش وشاف فها )تشريي عصير ولا كافي

هي :لا مبغيت والو براكا الله فيك جيت اعلى نبيل

هو :(خنزر فها )متقوليش غادي تنازلي غن اادعوة

هي :(حدرات راصها)متقدرش ندخلو لحبس را اب بنتي انا بغتو غير يطلقني ونعيش بخير

هو :لا تنازلني انت انا مغاديش نتنازل نصيحة مني قوي نفسك عل قبل بنتك ،هو مغاديش يخليك تعيشي بسلام

هي :(شافت فه معجتهاش طريقتو معاها)انا عارفا اش ندير شكرا حيث عاونتني ممكن نشوفو

هو ؛(تنهد فصمت)وخا تبعني

ناصت من بلاصتها تبعاتو لواحد الغرفة محبوس فها نبيل

هو :(حل لباب ودخل شاف فنبيل لحاط ادو عل وجهو وتخمم ابانت له وهو يشوف فها بغا ياكلها )

هي :(شافت فحالتو محساتش باحساس الشفقة بالعكس يستاهل اكثر دوزها علها بزاف رحعات شافت فجاسر )ممكن تخلنا عل اتفراد

هو :(شاف فنبيل لتفرنس بانتصار حيث جات تخرجو) انا برا لدار لك شحاجة عيطي لي

خرج شاف فها بانتصار

نبيل :جيتي اعشق غادي تخرجني من هنا ياك

هي :(جلسات وخنزرات فه ) بشرط تطلقني وتعطني لتساع انا وبنتي وتنازل لي عل حضانة بتتي خلنا نتفارقو انا وانت وحنا خوت لاجل بنتنا

اقالت ديك الجملة وهو يشعل

نبيل :نطلقك ابنت عويشة كتحلمي والله متكون ليك انت غادي تبقاي مزوجة بي بزز عل مك.ومن فوقها نتزوج علك وبنتي غادي ناخدها لك كيف خدتها زمان ،مزال عاقلة كيف رًجعتي مدلولة

ضحك بشماتة وهو تشوف فها كترعد ومخلوعة لياخد لها بنتها من جديد

هي :(شافت فه بالم)انت شماتة انبيل وماشي راجل حاكر اعلي انا وبنتي لكن من اليوم انا عاذي نوري مك.بغتي الحبس خلك فك والله منتنازل عل اادعوة باش تربا نيت

هو :ههه انا خارج خارج ،فلوسي يخرجوني ومكاينش شي شرطي منقدرش نشريه وختا ذاك الشرطي لجابني هنا شريتو دبا امامك حل اما غادي تخرجي برا تمضي عل التنازل ولا غادي نتصرف وانت عارفاني اش كنسوا من غدا نغبر بنتك عمرك تشوفيها

هي :لا انت كتكدب علي لاش تاخد بنتي انا مستحيل نتنازل عن اادعوة وغادي ندعك وخا تعرف نخلي القضية قضية راي علم انبيل وديرها فين تجيك لمربيت مك.منتسماش بنت عويشة

شاف فها مخنزر ….ناض عندها مغوبش شدها من فكها وزير علها

ياك مك باغي تربيني ،نسيتي شكون انا ،انا را نبيل وانت راك حشرة قدامي نقدر ندفن نك انت وعائلتك.تحت للتراب سمعتي وبنتك.غاديةناخدها لمك.

هي :(كتشوف فه وكتوجع )طلق مني اشماتة طلق

هو ازايد فه لدرجة وعتها حتا بدات تغوت عل جاسر

دخل يجري اشافو مهجم علها مشا عندو طاج دفعها عله ومرمقها معاه بشي صلية تطاح للارض حتى شد فمو معرف باش تبلا نزل عندو تضرب فه الضربات لقاصحين

جاسر :كتضربها فالكوميسارية اولد ***كنضربها عندي الشماتة غادي نوري مك

عشق :(كتشوف فه مخلوعة وكترعد وهي كتشوفو تضرب الضرب القاصح حتا ولا كلو دم ففمو )غادي موت لك فلدك براكا عله عفاك

جاسر :(خنزر فها )سكتي انت انت لمضسرا مو لاش دلخلا عندو من اصلو ولاش بغا تسمحي ليه شفتي بعينك علاش ناوي يلا بعدي خلني نشوف خدمتي خرجي تسنايني فلمكتب

حدرات راصها وخرجات فكعانة من طريقتو معاها لحسساتها كانها مجرمة ،سدات لباب وخرجات وعينها مغرغرة

جاسر :(تعيط بالجهد عل الحراس جاو يجرو .عندو شاف فهم وتدوي بصوتو لتخلع )دو لبلاصة لمعلومة ديالنا انا جاي له

نبيل :(تمسح الدم وكلو تترعد ومخلوع )

نوضوه البوليس بعنف وجروه كشي نعجة وهو كلو دم ،جاسر قاد هندامو وكلو معصب ،مشا لمكتب ديالو احل لباب لقا عشق كتمسح دموعها

خنزر فها وجلس

هو :مدام غشق تيان بعد هادشب لطرا ليوم راجلك ميستحقش العفو ولا الغفران خاصو يتريا وانا بنفسي غادي نتابع مو وخا نعرف نخلها قضية راي عام

هي :(شافت فه )صافي وخا تخليك دبا

هو :(شاف فها مطولا ومد لها كنكنكش )هاكي مسحي ىموعك

خداتو من عندو

شكرا الشاف سمحلي خاصني نمشي

هو :تسناي نشوف لوصلك مخاصكش تمشي وانت فهاد للحالة جلسي واحد اادقيقة

خلاها جالسة كتمسح دموعها وكتفكر اش دار فها نبيل وكفاش جاسر تحول ال وحش وهي تخلع

الله اربي وحش صافي ماشي بنادم هدا كيف ردو.

رجعات ابتسمات بشماتة

هعع ولكن نيت يستاهل يعرف ايترجل هلي انا ولد الحرام دبا خلي مو يتعفن فلحبس قاليك يتزوج علي ويدرني تحت السباط الخقير لاخور

بقات داويا مع راصها تتم دلخل جاسر وفادو بلاطو فه كاس العصير وكاس القهوة القاصحة ،مد لها كاس العصير وابتسم

جاسر :خودي شربي هاد الليمون بردي على راصك شوية را تحيد الخلعة

شافت فه وابتسمات وخا بقا مخلوعة

عشق :شكرا الشاف

هو :مرحبا شربي باش توصلي عند مك

هزات عينها فه ومن هدراتو لباسلة

هي :(شربات لكاس بالزربة وشافت فه ) شكرا الشاف انا عارفا طريق امي

هو :(غوبش)تبارك الله علك كون هادشي درتيه مع داك الشماتة كون كعما تكرفصي بنتك

يلا بغات تجاوب وهو يدخل واحد البوليسي

جاسر :وصلها تال لباب دارهم احميد

هو :وخا تفضلي امذام.

عشف شافت فه وخنزرات

عشق :شكرا الشاف

اخرجات جمع راصو ومشا عند نبيل لحابسينو البوليس فشي غرفة مظلمة ، ملامحو توحي انو فورطة كبيرة وهاد المرة صعيب يخرج.منها سالم دحل عندو جاسر مغوبش شاف فنبيل بنظرة كلها غضب وغل جر كرسي وجلس حداه وتقابل معاه

جاسر :اوا اسي نبيل غادي تعترف بكلشي ولا نبداو من الصفر

نبيل :(شاف فه بنوع من الخوف )مدرت والو غير تخاصمنا وهي لعايراتني وديما كتستفزني وانا مكنستحملش كيف مكان انا را راجل ودمي حامي مقدرتش نصير عفاك منبقاش نعاود

جاسر :(شاف فه وجاتو الضحكة )ممم ادن كتعترف انك كنت كتمارس علها العنف

هو :(حدر راصو )مكنعقلش عل راسي اشاف عفاك نوعدك منبقاش نعاود

جاسر :(شاف فه.ببروذ)لا سامحات هي لمخزن متسامحش قيدو اقوالو ومن غدا دوزوه عند وكيل جلالة الملك

نبيل تشوف فه مصدوم كانك كبيتي عل لما السخون ،بدا اتدور فعينه وجاتو شوية للبكية جاسر شاف فه بلا شفقة خرج وخلاهم تكتبو المحضر

________________________

وصلات فهاد للساعة الحاجة حادة لمنزل عويشة هي وبنتها المصون باش يعرضو عل عويشة وبناتها لعرس حفيدتها الاولا ناديا لكتبلغ 19عام

حادة كانت لابسا جلابة بلدية فلبيج مع صابو عالي وزيف بيض ،اما بنتها لكتبلغ 39عام لابسا جلابة عصرية مع زيف رقيق زينها عادي جدا ،حاطا مكياج عادي وجرا ولد يكون فعمرو سبع سنين

ولقفين عند لباب تصونو حتا خرجات عندهم عويشة اشافتها تصدمات

عويشة :حادة وفطومة ذخلو مرحبا

حادة :(كتبتسم بنفاق )مرحبا بعويشة سمحلنا جنا بلا وقت

عويشة :اويلي عل انت برانية دخلو

دخلو معاها للصالون لكان كبير بزاف ،ومفرش بالطلامط العصرية ،جلسو فه وحادة كتشوف الطلامط وبونج لبصمة لجالسين فه وكتغمز فبنتها

عويشة :كدير ابراهيم لاباس عله غبر بزاف

حادة :راك عارفاه الخدمة لكن راك فلبال ديما مكايننش لبنات توحشتهم

عويشة : ليلى كتقرا وسالي فالكوزينة بلاتي نعيط لها راهم فالكوزينة

مشات عويشة تعيط عل سالي بقات حادة كتدور عينها فالصالون

حادة :شفتي الصالون كيف مفرش وشوفي الرخام ويقولو مزيرين

فاطمة :شفت امي بان علهم العز اخايفين لنحسدوهم سكتي هاهما جايين

جات سالي لابسا كندورة فلبيض ،جامعا شعرها عل شكل شفنجة هزا صينية اتاي فلدها وكتبتسم

سالي :اهلين بحادة عندنا توحشناك اخالتي

حطات صينية اتاي وسلمات علها عي وبناتها بالحنك

سالي :لاباس اخالتي والله تتوحشتكم اش هاد الغبرة

حادة :مع الوقت لبنتي كديرة انت ،كيف غدا مع الخدمة فالي احمد درتي بلاصتط فالسوق

هي ؛(ضحكات)معلوم شبهت لممتي را سيمو ولا يخاف مني كنخون ليه لكليان

فاطمة :هههه تبارك االه شاطرة اسالي ناقصك اشي زمان

عويشة :(حكات لها عل الضبرة شافت فهم وسرطات ريفها )كلشي مع النصيب سيري ابنتي جيبي لكيكا نيت مزال مفاطرين

سالي :وخا اممتي

حادة :اوا كديرة عشق سمعت انها رجعات ثاني

عويشة :اه احادة لكن هاد المرة مغاديش ترجع صافي هادي الاخرة عيات تصبر بدون فائدة لما تبقا فدار باها معززة مكرمة ولا زواج القهرة

سالي :(كتضحك)عل راي الشاعر لما الزهو ولا زواج القهرة هههه مرحبا بيكم عندنا كدير خالي شحال مشفتو والله نيت بغتو عل شي خدمة

حادة :راه مسافر لتركيا قريب يجي حيث بنت بنتي غادي تزوج لعگوبة لبنياتك

عويشة :(حلات فمها)اه ناديا صغيرة شوية عل الزواج لا

حادة :رزقها اعويشة مبغتش بنتي تبقا تشرط تتجلس حدايا وتحد ميبغها لما تزوج حسن لي متبور لي ويفوتها التران

سالي :(حسات انها كتدق علها وجاوباتها ببرود ) مزال قديمة اخالتي مبقاتش شحاجة سمتها العنوسة را المراة قدا براصها خاجة واحدة كتخلنا نختاجو للرجال هو الولاد والجنس ههه اما بشان يهزونا لا حنا قادرين تهزو راصنا ونعيشو بلا بيهم الزمن تغير

فاطمة :ممتفقاش معاك اختي المراة خاصها تزوح صغيرة باش تولد حيث سمعت ان لبنت مني كتفوت الثلاثينات تحد متبقا باغيها وحتا فرص الانجاب كتقل عندها

سالي :هههه تنتي قديمة را لبنت مني كتكون فالثلاثينات كلشي تحماق علها بحالي طبعا كلشي تحماق علي لكن انا كنحماق اعل ميمتي

شافت فعويشة وعنقاتها

هادي هي العشق الممنوع ديالي ربي خلها لي

عويشة :(عينها غرغرو )ربي خليك لي ابنتي ويبعد علك ولاد الحرام

بعد الظهر كانت عويشة كتستعد باش تخرج مع بناتها ،سالي لبسات عباية كحلا مطروزة مع زيف تاع العباية ،شعرها خلاتو مطلوق عل ظهرها خلاها تبان بحال شي فرصة قدات مكياج انيق ولبسات صابو عالي ولات تبان فاتنة الجمال ،اما عشق فلبسات جلابة رقيقة فلحمر مع سندالة عالية ،دارات زيف رقيق فوق شعرها ،اما الحاجة فلبسات جًلابة لمليفا فلقهوي مع صابو مديكال ،دارات حجاب فلبيض وهاهم جاهزين

سالي :ندوزو عند بابا هو لول نجيبو سندريلا ونمشو

عشق :وخا يلا تحركي يلا نشدو طاكسي

سالي :(صحكات)متخافيش ختك عندها طنوبيل مغاديش نسخسخكم ليوم الشوبينج عل حسابي وخا ليلى مغاديش تكون معانا حيث قاريا

عويشة :الله يرضى علك ابنتي هكا يكون الرضا يلا نشوفو باك

ركبو فلوطو تاع سالي واتحهو عند سيمو لشركتو

عشق :(كتشوغ فلوطو )مبروك الطنوبيل اختي برافو علك معندي منتسالك درتي الطموبيل وشدتي بلاصتك مع التجار

عويشة :انشاء الله اطلقي خدمي مع ختك وهزي بنتك اعشق متبقايش تعولي عل شي راجل را مفهم نفع ،الا معولتيش عل راصك را تغرقي وهانتي شفتي اش طرا ليك مع نبيل انت لخسرتي

عشق :(دمعو عينها)ربحت ابنتي وخسرت كرامتي اممتي لكن انشاء الله نوض نوقف عل رجلي ونخدم منبقاش نعول عل شحد

عويشة :انشاء الله ابنتي

بعد دقائق وصلو عند الخاح سيمو للشركتو ،دخلو عندو نيشان للبيرو ديالو دخلات عويشة لقاتو جالس مع حفيدتو تتغداو وضحكات

عويشة : هيهاي ااناس تتغداو شكون بخالك ااحاج مغديك بالحوت تهلا فيك ابنتي

سندريلا :(هزات راسها وصحكات )اه بزاف اجي كولي معانا اجدة هاد الحوت بنين

سالي :(مشات باست باها فلديه )الحاج لاباس علك نزلتي الصباح.كعما فطرتي ماشي عوايداك تنزل بلا متفطر

هو :الله يرضا علك ابنتي فطرت مع سندريلا فعين اادياب وضرنا شوية نبدلو شوية الجو

عشق :(ابتسمات )لمرة الجايا دوني معاكم شحال هادي مخرجتش ابابا تشهيت انتنفس شوية

عويشة :صافي انشاء الله فليل نتعشاو عل يرا

قربات من سيمو كتدوي معاه يشوية

عويشة :سيمو بغنا نمشو لدرب السلطان را حادة جات عندي وعرضات علي لعرس بنت بنتها تكشي علاش بغينا نمشو نشوفو شي ثواب بغنا نخيطو شي قفاطان لعرس

هو :(خرج عينو )ديك لفصعونة غادي تزوج ههه لعمر تجري اعويشة البارح خداو لك فلوسك وليوم تزوجو حفيدتهم كان شيء يكن وجايين يعرضو علك مكتحشمش ديك حادة

هي :(كتدوي بشوية )صافي نسا خلها منها لخالقها ياك خويا ندم وجا بنفسو طلب السماحة صافي اسيمو نسا انا الحمد للله دلكشي لدارو لي ماثرش في ومتنساش را هي السبب فاش تزوجت ييك هههه وعشت قايدة وهي را خويا ممسوق لها شداه ابالسحور ودبا السحور مبقاش تگر فه

سيمو ؛ههه كون كان الخوخ يداوي كون دوا راصو ،الله يبعدها علنا

عويشة :يلا عطينا نتكساو را عشق رجعات زيرو درهم بغنا نكسوها هي وبنتها بلا متحس بالاحراج من ختها دور معاها بشي بركى

هو ؛وخا وانت بالسلامة فين فلوسك

هي :(ضحكات) وعل انا خدامة اسي سيمو را بنتك لخدامة علنا

هو :احياني علك علام الله شحال جامعة فداك لكونط.وكتفلاي علي

هي :هههه يلا طلق ارا سي 1000درهم ولا 2000

هو :لواه 5000 را بنتك مصدعاني عل سبرديلا ب1000درهم وكيراتين لشعرها ب1000ومزال كتسنا قلت لها مزير ومبقاتش جات عندي

عويشة :احح عل بنتي لحنينة طالعة لمها. ولكن عطي لبنتك 1000ماشي شحاجة اسيمو نفرحوها را كتدمر

سالي شافت فمها كتدوي بشوية وضرها مخها

سالي :ماما اش كتقولو شاركونا معاكم

هي :والو اليلى بغات تدير كيراتين لشعرها وبغات تشري سبرديلا وباباك مسكين مزير

سالي :بابا متي عرفناه وهو مزير مسكين معندوش مع التبدير بحالك اماما ريال متخرجيه غير بزز

عشق :هههه سبجان الله مشابهين حك ولقا غطاه

عويشة :ضحكو تهجروه ،را الضرويات قبل الكماليات واش نضيعو 20000عل سبرديلا وفينا لقاوها ب250درهم

سندريلا :جدة را كاين لڤري وكاين المطاسيو ماشي بحال بحال

عويشة :مكنعرفش لفري كتعرق سبرديلا سبرديلا جيلكم ضاسر يربي للسلامة فزماننا منا كنشرو سبرديلات ڤري بخمسين درهم

سندريلا :بصح اجدة ڤري بخمسين درهم ميمكنش

سالي : ديك الساعة كان لخير وكان البال كتشري سبرديلات رخاص دبا للوقت تغيرات والوقت غلات

عويشة : يلا طلق اسيمو ارا الفلوس خلنا نخرجو

سيمو :(غويش )وخا عارفك مغادي تهناي حتا تخلني عل الحديدة

عويشة :ههه علا شحال عندي منك اراجلي لعزيز واحد صافي

ابتسم لها حل امجر وجبد لها مبلغ من المال

سيمو :خودي وتكساو مزيان ومتنساوش ليلى خودو لها ميطاسيو ههعع

سالي :هههه بغتها تدير اضراب خلوها علي هي وسنذريلا ناخد لهم سبرديلات نايك

سندريلا :(ابتسمات بطفولية )بصح اخالتي غادي تشري لي سبرديلا نايك واو انا فرحانة بزاف غادي نشري سبرديلا اخر مكاين فالسوق

سالي :ههه مزال مشفتي والو ابنتي اصبري وانا نشري لك لبغتي

عويشة :يلا زيدو البنات يلا نمشو ،نضورو شوية بما وصلات علنا ليلى

سيمو : ردو بالكم راصكم عويشة خلي تلفونك شعال انا تتصل بيك

هي :وخا

خرجو من شركة سيمو ،ركبو فلوطو ديال سالي واتجهو لدرب السلطان

في درب سلطان ،مركز التجارة الكزاوية سالي وقفات طنوبلتها ااهاي ونزلات هي وميمتها وختها وبنت ختها من لوطو تسنشقو الهواء العليل وتتمنظرو فالجو لتغلب عل قيساريات درب سلطان لتتجلى في الرواج وكثرة الحركة وفي رواح التجارة

عويشة :(تنفسات بعمق ) اخ شحال توحشت لقيسارية شحال هادي مجينا ابنياتي خاصنا اليلى باش ندورو عل خاطرنا

سالي :را درت معاها تخرج من اامعهد تلحق علنا تلقانا فداك السناك نشربو لعصير

سندريلا :،(كتشوف فاقيساريات مصدومة)زوين هادشي اخالتي عمرني جيت لهاد البلايص في الحقيقة هادشي واعر بزاف

عشق :(باست بنتها )اه ابنتي زوين هنا حسن من المول ياك

هي :اه حسن والله لكن منن نبداو

عويشة :نبداو بيك انت اجي نشوفو لبنتي شي قفطان وشي شربيل

هي :يس يس جدة تعجبني لبلدي

عويشة :ههه هكاك طلعي لجداك يلا اجي نمشو

تحركو لداخل لقيسارية لقفاطن فين تتباعو اشهر القفاطن والملابس التقليدية الخاصة بالمناسبات

سالي شدا فايد عشق وكاع الاعين علهم ،خصوصا من اعين الرجال لغادي ياكلوهم اكل ،اما سندريلا شدا فجداها وكنشوف في القفاطن والشرابل وعاجبها داك اامنظر لعمرها شافتو فمخيلتها حتا بان لها واحد لقفطان وجرات جداها

سندريلا :جدة شوفي داك لقفطان زوين بزاف اجي نشوفوه

عويشة :(عيطات عل بناتها )اجو نشوفو داك المحل

مشاو لداك المحل لكان كبير تبيعو فه القفاطان تاع لبنتات الصغار وحتى العيالاة

عويشة كتشوف لقفاطان وحلات فمها فقفطان لبغات سندريلا لكان ازرق مطروز افازي مع مضمة رقيقة شافت فه وعجبها

عويشة :شحال هدا الشريف

مول المحل : 1500درهم

عويشة :لواه بزاف الشريف زعما قفطان تاع بنت صغيرة وبهاد الثمن

هو : مال لبنات الصغار ملهمش الله هوما كنز اادنيا ازعمي الحاجة ونتصايب معاك

عويشة :(شافت فسندريلا )تقيسيه صافي عحبك

هي :اه اجدة زوين بزاف تقيسو

عشق :(كتشوف فبنتها كيف فرحانة وناسيا همها وهم باها )وخا خوديه ابنتي واجي تقيسيه

دخلات سندريلا وتابعاها مها من اللور تمشاو بلاصة تبديل الملابس بدات تقيس لقفطان وهي فرخانة بزاف جاها افازي علها بين انوثثها الصغيرة وعزلها شوية تولات تبان كسيدة صغيرة

عشق شافت فبنتها كيف جاها لقفطان وضحكات

واو جاك زوين ابنتي دوري نشوف

سندريلا :(بدات تدور )زوبن اماما ياك

هي :اه واعر ابنتي اجي تشوفك جداك

شداتها من ادها وخرجو عند عويشة لكتسناها رفقة سالي ،اشافتها حلات فمها فها

عويشة :سعدي وفرحي بنتي ولات عروسة اش هاد للزين كلو جتي كتحمقي

سندريلا :(تزنكات )زوين اجدة ياك

سالي :(ابتسمات )تبارك الله ابنتي جاك زةين معطهش لي وتاخدي واحد اخور

هي :ميجكش اصلا انت غليضة اخالتي

سالي :(ضربات مها بكوع ادها )شوفي اعويشة بان لي حفيدتك غادي تزوج قبلي ههه

عويشة :باينا وانت تبقاي مقابلا حقوق المراة تتبوري

سالي :(ضحكات )هههه بصحتي

عويشة :(شافت فالبائع )اوا الشريف بشحال تخليه لي ومتقوليش اخر ثمن

هو ؛اخر ثمن هو 28ااحاجة ورا ملشي قفطان عادي هدا قفطان تاع للاميرات

عويشة :على مال اميرتنا كجاتك تهي زوبنة ولالات لبنات لكن تصايب معانا وقسم معانا للرزق را جنا عندك كود حيث عرفناك معقول وكتجيب السلعة اامزيانة

هو :اش نقولك الحاجة نقسمو الرزق نخلوه ب25

هي :اخر ثمن هو 20000

هو :ممسلكاش الحاجة

عويشة :اوا كتجري علنا سندريلا بدلي لقفطان يلا نمشو

سندريلا :(غوبشات )وخا اجدة

هو :وخا الحاجة عل قبل هاد البنوتة غادي نخله لك ب1100

هي :وتقول 1000هي الف يلا لقاو باش ركبو الحاج جنا ممعولنش غير مبغناش نكسرو خاطر بنتنا

عشق شافت فسالي

عشق :هانت مك.خطيرة من 30لعشرين لا والزوينة معندها باش تركب خطبرة مك.

سالي :ههه مشفتي والو بعد اانوبات تبقاو في البياعة معاها كتحكرهم

عشق :ههه بسيف را تاجرة وعارفا السوق كيف دايرة

بعد ماتفقو عل الثمن خداو قفطان سندريلا شكرو لبائع وخرجو وسندريلا فرحات بزاف بيه اخرجات باست عنقات جداها وباستها بكل حب

سندريلا :شكرا جدة بزاف عرفتي عجبني بزاف

عويشة :بصحتك ابنتي دبا نشوفو شي شربيل تلبسيه مع داك القفطان

سندريلا :لا بغيت لبسو مع سبرديلا اجدة بغيت نكون عصرية

عويشة :هيهي على الناس تاع العصري جاتك ابنتي

شافت قسالي

عيطي عل ليلى شوفها فين هي قولها تجي دبا عندنا لريسطو ديالنا

سالي :وخا الميمة

في سونطر فيل وبالضبط فمدرسة متخصصة في ااباتسري والفندقة ،خارجا ليلى من المعهد بابهى حلة ،لابسا قميجة تجين مع سروال سليم لاصق طالقا شعرها الاسد فوق كتافها ،مقدا وجهها الابيض كما يجب ،مع التركيز عل عويناتها الكبار ،اما ملامحها فكتبان زوينة بزاف لحد الفتنة

كملات لحصة وتمت خارجا مع صحباتها من المدرسة

فاتن :ليلى شنو بان ليك نهبطو لياسمينة نشربو شي كافي

ليلى :(كتشوف فالساعة )لا منصبش غادي لحق عل ماما وخوتاتي لدرب السلطان من بعد

هدى :مغاديش نتعطلو اليلى درب السلطان مغاديش يهرب باقي الحال شوية وسيري

ليلى :لا مغاديش نصيب مزال بغيت نشري شحاجة من تما يلا نلحق علهم وندورو عل خاطرنا

فاتن :وخا يلا نخرجو اابنات من المدرسة بعد ونشوفو فين نمشو

خرجو من المدرسة تتحثو حتا وقفات علهم شي لوطو واعرة ، اخر مكاين فالسوق شافوها لبنات حلو فمها فها

فاتن :واو عل حديدة باينا ماشي من هنا البنات شوفو لكان شارف نطلعو معاه يدينا ايغدينا فشي قنت كلاص غادي نموت بالجوع واللله

هدى :ولا كان صغير ضروري شي واحدة تصحاب معاه نشبعو اخروج وفلوس

ليلى :(شافت فهم وغوبشات )دبرو راصكم انا مشايطاش عل حبابي تيجي واحد يوكلني ويكسيني لعل بو هدا لدلني انا الحمد لله والدي ممقصرينش معايا دايرين كل مفاستطاعتهم باش نقرا ولبس عل الموضة ممحتاجاش كلب تاع الخلا لصرف غلي يلا يبنات نتشاوفو من بعد

خلاتهم واقفات ومسات تشير لطاكسي حمر

هدى:تفو عل معقدة مكنحملش ديل مها شحال حاسا براصها رابعو العدوية صافي

فاتن :صافي دبر راصها شوفي مول لوطو تشير لنا

مشاو عندو مبتسمات ،هدى بنت شهبة مهلية فراصها بزاف ،كتلبس اعل لموضة لكن الموضة الساقطة اما نادين بنت محجبة كتلبس نص نص مهو لبس عصري مهو محجب

مشاو فخطا عندو توقفو عله مبتسمات

نادين :(شافتو حلات فمها فه تبان شخص زوبن بزاف ووسيم وباين تالف ماشي من هاد الكوكب ديال للارض )

نادين :سلام الزين لاباس علك

هو :(عينو عل ليلى لغادي ياكلها بعيته )

مال صحبتكم مشات

هدى :هاديك معقدة مديش علها حاسا براصها

هو :ممم وخا طلعو

طلعو يتجراو عندو ،اطلعو كسيرا فاتجاه ليلى وقف علها مبتسم ،هزات عينها فه وغوبشات

هو :مدموزيل طلعي نوصلك

هي :لا شكرا عندي رجلي لوصلوني متشكرة اسير بحالك

هو :(غوبش )وخا مقلتي الخير

هي :بان لها شي طاكسي مشات تجري بلا متلفت له ولهم اما هو بقا حاضيها اول مره شي بنت متغرش بسيارتو ولا بوسامتو ولا بترفو ،هادي مختلفة عل لعرف وهو مغاديش يفقد الامل غادي تبعها ويدوي معاها

هدى ؛(عينها طاجين فه )هاديك معقدة وحاسا براصها خلك منها وقولي فين غادي نتقهاوو ليوما

شاف فهم مخنزر

صافي اهبطو اصلا انا وقفت لديك لمشات ماشي لكم يلا هبطو

طلعو وهبطو فه بغضب ،ضربو بلباب وزادو اما هو تبع داك الطاكسي الحمر يشوف فين غدا ديك المعقدة

بقا تابعها توقف الطاكسي فدرب عمر خلصاتو ونزلات ،وقف لوطو عل جنب وهبط بجلالة قدرو تبعها ….من اللور تدخلات مع القيسارية وهو يتبعها بالًجري تشدها من ادها

هو :(تبتسم بغرور)مدموزيل ممكن ندوو ماشي من عادتي نزل من طنوبيلتي ولا نتبع شي بنت هادي اول مرة ممكن خمسة دقايق من وقتك ونوعدك نمشي بحالي

هي :(طلعات وهبطات فه) دجا دوينا اخويا بلا متصدع راسك معايا عفاك سير بحالك

هو :(ضحك )لا مغاديش نمشي تتعطني نمرتك

هي :(شافت فه لصقة )وخا نعطك نمرتي وتمشي

هو:اه اكيد

هي :وخا قيد 078777

هو :(جبد تلفونو تقيد )وخا انا غادي تصوني غلك تطلع لي النمرة

هي :(ضحكات بتمثبل )مهزهش معايا مخلياه فاادار غير فيبي علي نمشي للدار نقيد نمرتك

هو :(هز حاجبو )زعما معاطيانيش نمرة غالطة

هي :لا نمرتي هاديك يلا سمحلي نخليك دبا

خلاتو واقف وضرباتها بجرية تغبرات بقا تشوف فها من بعيد وتتسائل زعما هادي نمرتها ولا مطلعاها عليه ،خدا تلفونو.واتصل بالنمرة لعطاتو ،بقا تصوني شحال تدوات شي امراة

هي :شكون معايا

هو :ليلى هادي

هي :هادي الحاجة خديديج اولدي ماشي ليلى راك.غالط فاانمرة اولدي

هو :(ضخك ببرود)سمحلي الحاجة

قطع علها وتضحك بفقصة

بنت الحرام دارتها بي لكن بي ولا بيها

وصلات ليلى لريسطو لجالسا فها مها وخوتاتها ،كتنهج ،شافت فهم وابتسمات

ليلى :(جرات كرسي وجلسلت عله كتضحك)عرفتو تبعني واحد بطنوبلتو من ليكول تال درب سلطان لكن عطتو النمرة غالطة ههعع مسكين غادي صوني علي غادي تصدم

عوبشة :هههع مالك عل حالتك ابنتي شي نهار يتفقو علك.كاع الدراري لكدبتي علهم ويسلخوك

ليلى :ههه متخافيش اميمة عل هي سايية ولكن اش ندير متبغوش يمشو بالخاطر تكنكدب علهم عاد تعطوني التساع

عشق :(كتشرب العصير وكتشوف فها )كدير هاد الساط لتبعك زوين

ليلى :اه زوين ولاباس ولد الحرام لكن باينة زهواني فايتة شايفاه معرفتش فين

سالي :هههه انت ديما تابعنك الدراري معرفش اش عاجبهم فك

هي :حيث انا زوينة بزاف اختي الغزيزة ،وتابعاني للعين وحتا من للبروف عينو في لكن انا معنديش مع التصاحيب بغيت نخدم ونعول عل راسي وكون شتي اش طرا فاش خرجنامن ليكول انا ومريم وهدى

سالي :اش طرا

ليلى :قالو لي نمشو معاهم لكافي نتقهاوو قلت لهم لا من تمينا خارجبن وقف لنا هاد الولد بطنوبلتو وقال لي يدينا يخلص علنا كافي ولا يغذينا بغيت نفهم الجوع لعايشين فه هاد البرهوشات دبا انا نمشي مع واحد يوكلني ويكسني ونعطه شوية من لحمي فسبيل تاكل اش هاد الدل للبنات تديرو الوالدين يثبرو ويدمرو وهوما يقلبو عل بوزبال يوكلها ظنا انها كتفلى عله را هو لتتفلا علها ،

عويشة :(شافت فبنتها وابتسمات )الله يستر ابنتي هادشي علاش قرتك باش تعولي عل راصك ومتعوليش عل شي مخلوق ونهار تحتاجي شي حاجه حما مفطاقتناش خدمي وجيبها بعرق كتافك ماشي بالتزنديق

ليلى :متخافيش علي اممتي انا تربيتك مستجسل نكون شايطة عرفتو في الجوع

عشق :نوضي انت وسندريلا عزلو لبغتو وجيبو لنا شي كاطو

ليلى:وخا يلا اسندريلا تبعني

عويشة شافت فبنتها وضحكات

سالي :عاجباك بنتك ياك شحال مغرورة

عويشة :ههه كلكم عاجبيني ابنتي المغرورة عل ختها وانت سيدتهم هههه

بعد يومين

عشق كانت جالسة مع والديها تصونا شحد وناضت بنفسها تحل لباب ،وهي تصدم

جاسر :مدام عشق لاباس

هي :(ابتسمات ومدات ادها )اهلان الشاف تفضل

هو :لا مزروب جيت نعلمك ان راجلك غادي دوز غدا فالمحكمة ومطلوب شهادتك

هي :(شافت فه وتخلعات)ضروري نشهد

هو :اه اكيد ومتخافيش كلشي ضدو التهمة لابساه حتى وانت بغتي تخلاي عل الدعوة حنا مغاديش نتخلاو يلا نخليك امدام سلمي عل الكتكوتة

عشق :(بقات تشوف مصدومة فه وكترسط ريقها تخرجات بنتها كتجري )

سندريلا :ماما شكون جا

عشق :داك البوليسي اينتي وراه مشا

سندريلا :علاش مقلتهاش لي بغيت انسلم عله بفف انا نمشي نتبعو

سندريلا خرجات تجري عندو بقاتو غادي ركب فطنوبلتو

سعادة الشرطي وسعادة الشرطي

شافها ضحك وخرج بنفسو عندها

هو :للاميرة سندريلا اهلا

هي :علاش متسنتنيش تنخرج عندك كنت بغيت نسولك عل بابا

هو :(تحنا على ركابيه وتشوف فها مبتسم ) هانا سةلي

هي :بابا شدتوه

هو :مبغتيش يتشد ابنتي

هي :لا وخا تكرفص عل ماما وتضربني ولكن تبقا بابا بغتو ايخلنا نعيشو مع جدة

هو :(باسها فخدها )متخافيش مغاديش نخسر لك خاطرك

هي :ههه شكرا ا انت ظريف بزاف ًجي تكلم لجدي وجداتي بغاوك

شداتو من ادو ومشا معاها لداخل لفيلا وبالضبط الصالون فين جالسة عويشة وسيمو شافوه حلو فمهم فيه

سندريلا :شوفو هدا هو البطل لانقدنا من بايا وهربنا

جاسر :(شاف فها وقهقه)وليت بطل كاع هعع

عويشة :(ابتسمات ) اهلان ولدي متصورش شحال كنا بغنا نشوفوك انشكروك عل داكشي لدرتي فبنتي

هو :مدرت والو الحاجة درت الصواب لدارات هي هاد الفصعونة كون ماتصلاتش بي وطلبات للمساعدة عمرني عرفت بلطرا

سيمو :ههه طالعا كبر من سنها جلس اولدي مالك واقف ااحاجة وجدي لنا شحاجة وخلونا عل انفراد

عويشة :وخا هي لولا سندريلا اجي معايا

شداتها من ادها ومشات بيها للمطبخ

سيمو جلس مع جاسر وشاف فها بجدية

سيمو :معرفت متقول لك اولدي انت درت خير كبير فنا ورحعتي لنا بنتنا من داك الشيطان ،لكرفصها مزيان هو وعائلتو

جاسر :مزال كاين الرجال الحاج هو وعائلتو استغلو نفودهم باش يوصلو لبغاو وخا مفهماش كيفاش خلتوها تزوج بيه

سيمو :كانت صغيرة وراصها قاصح ،شبعها كدوب وهي كانت نية تضحك علها مفاقت حتى ولدات كان الفوت فات ترجع كيف كانت ،حاولنا معاها تطلق منو لكن للاسف فالوقت لكنا كنجرو تطلق منو هو كان ترشي عباد الله حتا وصلات بيه الامور يخطف بنتو وخيرها بينها وبيننا هي كام اختارت بنتها وبعدات علنا تجتي انت ورجعني لنا فرحتنا وبنتنا شكرا بزاف اولدي عمرني نسا خيرك

جاسر ؛الحاج اعتبر بنتك بنت المخزن من ليوم هي وبنتها فحمايتي ومغاديش يبقا داك الشماتة يتعرض لهم كون هاني

سبمو ؛(ابتسم )ربي خليك اولدي اوا فين وصلات للدعوة

ًجاسر : غدا غادي دوز عند وكيل جلالة للملك وعشق غادي ياخدو شهادتها لكن خاصها تحاول متخافش منو وتدافع على راصها يقدر يبغي يمس شرفها باش يبرئ راصو لكن هي متخافش منو

سيمو :(تنهد) يبربي فرجها من عندو اولدي عفاك لموقف معاها را عندي لبنت شوية خوافة ومزعماش

جاسر :(ابتسم )كون هاني الحاج

عويشة واقفا مع بنتها فاامطبخ توجدو الضيافة

عويشة :عشق خرجي هاد الصينية ودوي مع الراجل باسلوب مزيان را دار معاك لعمر شي راجل دار معاك وشكريك

سندريلا :اه اجدة هو ضريف عرفتي انا دما كنتصل بلبوليس لكن ولاد الحرام متجوش لكن هو جا ودلفع علنا خاصنا نشكروه اماما

عويشة :وخا امو لسان هاكي هاد الكيكة خرجها هانا تابعاكم

عشق :وخا اماما

_________________________

خرجات عشق للصالون هي وبنتها لابسا كندورة صحراوية فااكحل جامها شعرها عل شكل شفجة وبنتها لابسا كندورة تقليدية هزا طبسيل لكيك وكتبتسم ،مشات حطات للطبسيل فوق الميدة ،تبعاتها مها حطات صينية اتاي وجاسر تشوف فها تجلسات وباين علها الخلعة واااوثر

سندريلا :عمو للشرطي دوق كيكتي درتها عل ودك

الحاج ؛ههه ياك الحادكة وجدك مياكلش

سندريلا :لا تاكل اجدي ولكن عمو ياكل بزاف حيث عاوني بزاف وبسببو انا وماما رجعنا لكم

جاسر : دبا انت لدرتي هاد الكيكة لا مستحيل

سيمو :هههع لا هي لكديرها سندريلا كتقتها حسن منهم كلهم اكول ومتخممش

هز قطعة داقها وتتبنن

جاسر :ممم زوينة والله تزوينة

سندريلا :(فرحات حيث عجباتو )بصحتك

عشق :(كتشوف فبنتها وكتضحك تجات مها عندهم )

عويشة :سيمو كب اناي اويلي مخلي السيد تياكل بلا اتاي

سيمو :ههه قلنا تيدوق لكيك تاع سندريلا ونشوف واش يزيد ولا يكمل اش قلتي اوادي تزيد ولا تحبس

جاسر :(ضحك )كب اعمي هاد الكبكا لا تقاوم

عويشة :(ابتسمات ،حطات طباسل لبغرير لبطوط مدهونن )

بصحتك اولدي وخا ماشي قد الخير لدرتي فنا

ًجاسر :لا بحال هاد الضيافة الحاجة مستعد ندير فكم الخير يوميا

عويشة :فاي وقت اولدي دار دارك انت جي فاي وقت اعتبرني بحال ميمتك

مدات له كاس اتاي

هو :ربي خليك الحاجة

في الغد

عشق واقفا قدام المرايا كتحط اللمسات للاخيرة وقلبها ترجف ،ً من الخلعة وااتوثر ،شحال كتخاف من المحاكم والكوميساريات وشحال كتخاف من المواجهة مع راجلها السكير لكن ضروري من هادشي باش تفك منو للابد ،لبسات جلابة مزوقة قصيرة لبسات بلغينة ،ذارات زيف رقيق مزوق وهبطات عند مها وبها لغادي يمشو معاها ويوقفو معاها فازمتها

عشق :(شافت فهم )انا واجدة

عويشة :يلا لبنتي نمشو نفكو هاد للحريرة بمرة

عشق :(تنهدات)نتمنى اممتي نتمنى

خرجو من الفيلا ركبو فلوطو تاع سيمو واتجهو ال المحكمة

نزلات مخلوعة من لوطو كتشوف المحكمة وقلبها ترجف وخايفة بزاف لتفشل ويربح الدعوة وتخسر بنتها للابد

جاسر كان واقف بعيد تدوي مع سي قاضي تبانو له شاف فالقاصي

هو :يلا انور نتلاقاو من بعد وكيف مقلت لك لبنت را خوافة وتخلعها بلا متحكر علها بزاف وتصعط علها عارفك شديد

القاضي :وخا كون هاني اسي جاسر

جاسر :(وقف علهم مبتسم )السلام عشق مستعدة تدخلي للمحكمة

هي :(كتشوف فه عينها مغرغرة )اه مستعدة

عويشة :بلا متخافي ابنتي حنا غادي نبقاو ديما واقفين معاك وتحد مغادي يبعدنا علك ولا يبعدك عل بنتك

عشق :نتمنا اماما

سيمو :(شاف فبنتو لمخلوعة )عشق متخلفيش ابنتي كلشي غادي كون هو هداك هاهو جاسر غادي وقف معاك ونبيل مستحيل يقدر يدير شحاجة لا هو ولا باه

جاسر :كون هاني اعمي معندها مناش تخاف يلا اعشق ندخلو للداخل مبقا والو وتبدا المحاكمة

عشق ؛وخا

شافت فوالديها

دعو معايا نربحو وميرشيش القاضي بحال ديما

جاسر :متخافيش هاد المرة غادي خسر حيث طاح معايا يلا امدام تفضلي قدامي

شافت فه حدرات راصها وتمت داخلا معاها لواحد قاعة كبيرة فين تتحاكم نبيل وواقف قدام القاضي

شافت فه بكره واحتقار وهي كتشوفو غادي تحاسب عل كاع الظلم لمارسو علها ،شحال عدبها وظلمها ،شحال اهانها ،وشحال مارس علها التعديب النفسي والجسدي ودبا جا للوقت يتحاسب ،مسحات دمعة من عينها وهي كتفكر فاول ايام زواجها ،شحال كانت نية ،وكلها احلام وطموح ،وشحال كانت غبيى وصدقات ان ابن الذوات ممكن يتزوج بنت من عامة الشعب ،كتملك جمال عادي ، ادا لم يكن اقل من العادي ،

تعرفات عل زوجها نبيل فاحدى الحفلات ،كان وسيم ،انيق بان عله الترف والجاه ،وهي كانت بنت عادية باين علها من طبقة متوسطة بغا تحقف احلامها وتكون شحاجة فالمجتمع وهنا كان الطعم ،الطعم لغادي

دمرها برفق حتا تحطمات بالكامل

فلاش باك

قبل سنوات

تقام عرس كبير فافخم اوطيل فاادار البيضاء ،حضر للعرس بزاف الشخصيات المهمة لمن الطبقة البزواجية واغلبها من عائلة العريس لتكلف نفسو بالعرس وعرض عل الصحافة والمثقين ورجال الاعمال والطبقة المخملية ، اما عائلة العروسة فاقتصرت فقط عل العائلة والاحباب

اما العروسة لبسات اجمل الثياب والحلي وكانت فرحانة حيث اخيرا غادي تزوح

اما امها كانت عندها كلمة اخرى،اسلا العرس مشات فخطا عند بنتها لفرحانة مثل اي عروس فليلة عرسها

عويشة :بتتي كون اهربتي العريس وعائلتو ممرتاحاش لهم قلبي مقبوض ابنتي حاسا انهم مخبين شحاجة شوفي شكلهم كيف داير وكيف تتعاملو لا انا حاسا انهم ماشي ناس عاديبن

عشق :(باست راص مها )متخافيش اممتي انت خوافة بزاف ،نبيل انسان مزيان وهو طبيب وهو وعدني غادي حقق لي حلمي اني نصبح ولادة راك شتي شحال جريت وتقولي واش خدمت تفهرت بسطاج خلني نتزوج نبيل راهو انسان محترم وناجح وفوق هادشي تبغني متشغليش راصك بيهم بغيتك اتدعي معايا وترضاي علي

عويشة :(تنهدات بالم ) معرفش ابنتي ممرتاحاش كون اتخلني عل هاد للزواج

عشق :اويلي را تزوجت اماما متخافيش علي انا قبل منتزوج بيه سولت وعرفت انو رجل مزيان عيبو انو زوين بزاف يلا اعي معايا اممتي خلني نقطع لكاطو ونمشي لشهر العسل

هي :اش نقول لك ابنتي انا راضية علك طالما انت واثقة منو ومقتنعة ييه انا نزيدك غير ربي حرصك ويبعد علك ولاد الحرام

عشق :(باست راصها وادياتها )ربي خليك لي

العودة من الفلاش باك

جاسر :(تدوي معاها )انت بخير واش خايفة

هزات عينها فه ودمعة نازلا من عينها مسحاتهم بعجالة

اه بخير الحمد لله غير شردت شوية

هو :(حط عدو عل ادها كنوع من للتضامن )متخافيش درني بحال خوك وطالما انا حي عمر الدبانة تمسك

هي ؛(ابتسمات وشافت فنبيل لتشوف فها بوعيد بادلاتو النظرة )ربي خليك اسي جاسر

نبيل واقف قدام القاضي وملامحو مكتفسرس ممصدقش انو بجلالة قدرو واقف قدام القاضي ومتهم بتعنيف مرتو بالإضافة ال اهانة موظف اثناء مزوالة عمله ،كل ساعة يهز عينو فعشق وبخنزر فها ،ممتيقش انها ممكن تحداه هو وعائلتو وتمرد عله ،وتكشف الحقيقة المختبئة خلف الحيطان .

ااقاضي::(تشوف فه بصرامة)نبيل العصماني انت متهم بتعنيف مرتك وضربها وتعنيفها فبيتها وامام المخزن ،كانك قمت باهانة العقيد اثناء مزاولة عمله اش كتقول فهاد النازلة

نبيل :(شاف فه بانكار وببرائة )سيدي للقاضي انا بريئ ومدرتش هادشي كلو نقدر نكون تعصبت عل الشاف ولكن انا مضربتهاش غير هكاك ضربتها حيث راًجل واي راجل فبلاصتي ممكن يدير كثر مدرت

القاضي :وضح لو سمحت

عشق خرجات وشافت فه مفههماش اش بغا يقصد بكلامو

نبيل :(شاف فها بوقاحة وشلف فالقاضي ببراءة )كلكم كتعرفو اني رجل معروف وعندي صمعتي الكبيرة عمر شي ايد نعتات في تجات هاد المراة وويسخاتني وطيحات بي للارض ،هاد المراة اسعادة القاضي كاتت كتخوني فداري للوقت لانا كنت كنخدم علها وعل بينتي هي كانت كتخوني وكاي رجل شرقي فاش صقت لخبار وواجهتها نكرات وعيراتني بااديوثي واني ماشي رلجل وممبرعهاش فالفراش تكشي علاش قلبات عل بديل باش تعمر الخصاص ديالها

القاضي :(شافت فعشق لمخرجا عينها وكلها كترعد ممتبقاش اش تقول وكفاش يقدر يهيتها فشرفها )اش كتقولي فهادشي

هي :(وقفات وقريات من القاضي )كداب اسعادة للقاضي انا مخنتوش انا مرببة وكتعرف بيني وبين الله لكن هو انسان ظالم تستغل سلطتو باش يدمرني انا وبنتي مبغيت والو منو غير يطلقني

القاضي :ادن انت كتعترفي انك خنتيه

نبيل :(شاف فها بسخرية )ماقدرش تنكر هي بنقسها قالت لي طلقني وانا مستعدة نتنازل عل كلشي اامهم نعيش مع الشخص لكنبغي

جاسر حاط رجل عل رجل وتشوف في نييل وكيف طاول عل عشق وكيف بغا يدخلها الحبس بتهمة ااخيانة عوض يدخل هو ،تشوف فهاد للعجب كيف واحدة بحالها تزوج بثعلب بحالو .

عشق :(شافت فه بتمرد )انت كداب ومكتسواش انا عمرني طلبت نتنازل عل حق بنتي صحيح بغيت نطلق لكن لسبب واحد هو اني عيت من الحبس والتعديب النفسي والجسدي ،عيت من الضرب والتعنيف ،عيت نحرم بنتي من طفولتها ونعيشها فوسط كلو ملوث كلو ضرب واهانة

شافت فالقاضي

انا اسعادة القاضي تزوجت صغيرة والدي مبغاوهش لي كانت ماما كتقول ميصلحش لك غادي عدبك ورغم دللك تزوحتو عن اقتناع ومشيت معاه لبيت الزوحية ،اتزوجت بيه دوقني للمرار لبعدو مرار بعد شهور قليلة بداو يبانو عيوبو لكتجلا انو سكير وقمار وفاسد حرمني من والدي ومارس عل حكامو المريض لتتجلى ممنوع الخروج ممنوع تخدمي ،مننوع تخالطي الناس وهدا لسبب واحد بلش تحد ميعرف اش تدور بيني وبينو ،هاد الشخص مريض هدا حاشا واش يكون بنادم ،كاين شي انسان عاقل يحبس بنتو ويبغي بعدها عل ممتها احيث بغات تطلق منو

نبيل :(خنزر فها )انت كدابة

هي :(شافت فه بنفس تخنزرتو )ماشي كدابةتسمح لي اسعادة القاضي نعطك واحد الدليل

للقاضي :تفضلي

مشات جبدات تيلي ديالها ودارات واحد الكارط مموار فها

عشق :هنا كاين صوري تاع سبع سنين وفهم ختى شي اوديوهات مهمة كنتى مخلياهم حيث كنت متاكدة شي تهار غادي بغي لتهمني بالفجور باش يخبي جرمو

القاصي :(خدا تيلي تشوف الصور لتقريبا كلهم مشوهين وباين علها العنف الجسدي والجروح القاضي تشوف فداكشي ولحمو تشوك )هو لدار لك هاد الحالة اختي ولكن علاش سكتي هادشي رل شي كغاف

هي :(عينها غرغرو )اه هو اسعادة القاضي كان تتكرفص علي بزاف حاولت تصحابني محاولتش لكن كل مرة كان تستغل نفودو وكان تخرج منو كالشعرة وكنت انا لكنتهم بالخيانة توصلات للامور انو يخطف بنتي ويساومني علها تما كانت للضربة الموجعة له ،تكتفت ملقيتش لدافع علي ولا لوقف علي تال نهار بان داك الشرطي النزيه هو لعتقني منو اما كون دفني تحت التراب انا وبنتي وتحد ميسيق الخبار

القاضي ادنيا ماشي سايبة والقانون غادي ياخد مجراه ،وهادشي لعطتني را دليل كافي يمكن ليك تمشي بلاصتك

هي :وخا

القاضي :فليتقدم العقيد جاسر للشهادة

نلض جاسر مغوبش ترمق نبيل بنظرات كالصقر ،وقف قدام للقاضي

القاضي :انت هنا كشهاهد اش كتقول في داكشي لقتل نبيل

جاسر :سيدي القاصي انا جاتني مكالمة من طفلة كتستنجد بي ان باها تضرب مها مشيت فالحال ومتي مشيت لقيت المراة فحالة يرثى لها كلها مضروبة والجاني ممسوقش وعوض ميعترف حاول يرشيني انا درت خدمتي وجبتو لكوميسارية حققت معاه واعترف انو كان تضربها والوثائق لامامكم كلكها كتبين اعترافو وحتى تسجيلات الكاميرا لفمنزلو كتبين عمق العنف والتهديد واستعمال سلطتو امام امراة ضعيفة لا حول لها ولا قوة

القاضي :(تشوف فالوثائق والصور الماخودة من لفديوهات وتخنز فه ) ممكن تمشي العقيد

جاسر شلف فنبيل لتخنزر فه مشا جلس خدا عشق لكتنفس الصعداء ،معرفاتش منن جاتها هاد القوة وهاد الصبر حتى تحداتو لكن خاصها تقوى وتدافع عل كرامتها وكرامة بنتها لا هو ولا باه مزال يقدرو يآدوها مدام خرحات من داك السجن وعندها الطعم لغادي تبعدهم علها للأبد

شاف فنبيل وضحكات بشماتة شاف فه وخنزر فها بقلة حيلة مكرهش ينقض علها لكن مربوط ومحبوس لكن مسالة شهور ويرجع لمها

القاضي :(شاف فالاوراق لقدامو وشاف فالادلة والشهود وقال )حكمت المحكمة عل المتهم نبيل العصماني بااحبس سنة واحدة

عشق :(شافت فنبيل وايتسمات )الحمد لله ربي كبير عمرني ظنيت العدالة تلخد مجراها ويدخل لحيس

جاسر :الحمد لله يلا نخرجو امدام

شافت فه للمرة الاخيرة ممتيقاش ان نبيل اخيرا غادي دخل لحبس ويتعدب عل كاع الاغلاط لدار لكن ربي كبير ،هو حكر علها وهاهو ربي غادي عاقبو وياخد بثارها منو ،ابتسمات بامل وتمات خارجا

وبلا خطات جوج خطوات تعرض لها الحاج السليماني اب نبيل ،شاف فها بكره اعمى وحقد ،مرضاش ولدو ابن العز يدخل لحبس بسببها هي

السليماني :عشق متحلميش ولدي يتحبس شهر واحد غادي نطعنو فالحكم وغادي نخرجو وديك الساعة غادي نتحاسبو

عشق :(شافت فه وضخكات بسخرية )متنساش ان الورقة الرابحة عندي مزال مخطتها اسي السليماني ،تصور الصحافة والاعلام يسيقو لخبار السر لمخبين عن العالم اكيد صمعتكم غادي طيح وغادي توليو شوهة ياك

هو :(خنزر فها )لا متقدريش تدرها

هي :لقربتو مني ومن بنتي غادي ندرها ،لبقيت ساكتة وصابرة هاد للمدة كاملة عل قبل بتتي ،وحيث حبستوني ومخلتوش لي فين نهرب اسي السليماني كنت معدورة ،مكاينش شي مسلمة على ارض الارض تقبل تعيش مع ناس بحالكم وقبل منسا ولدك من للاحسن يطلقني ويبعد عل بنتو وينساها لبغا صمعتو تبقا زوينة ،

هو :(شاف فها بغل يلا بغا ينطق وهو يبان جاسر )

جاسر :(خنزر فه)كاين منقضو اسي السليماني

السليماني :(خنزر فهم )لا

جاسر :اش كان تقول لك هدا

هي :وااو اسي جاسر شكرا عل كلشي

هو :مخبيا شحاجة معرفهاش امدام عشق اش مزال مخبيا فجعبتك اش مخبيا مزال

هي :سي جاسر لبيوت اسرار شكرا عل كلشي لكن عفاك خليك بعيد على اسراري يلا نخليك وفبل منساالله يرحم لك الوالدين عل لخير لدرتي في وفبنتي يلا بسلامة

هو شاف فها مطولا وبقا تشوف فها وهي مبعدا وبدا تضحك

لا حاسا براصها ،ومغرورة لكن جات معاها 😕😕

عشق مشات مبتسمة عند والديها لكانو تتسناوها عل نار

عويشة :(شافتها جايا ابتسمات مشات تجري هي وسيمو لعندها )اش درتي ابنتي لقاضي حكم عله ياك

هي :اه اممتي حكمو عله بعام واحد الحمد لله غادي نتهنا منو وغادي ندفع للطلاق وناخد حريتي منو.

عويشة :الحمد لله ابنتي ربي كبير اجي فين جاسر

هي :بقا لداخل اماما را شكرتو كنظن بلاما نبقا مبرزطنو كثر من هكا يلاه نمشو

سيمو :(تدور عينه فاامحكمة تبان له جاي وشير ليه )تسناي نشكروه را دار معانا كثر من الصواب

وقف حاسر علهم مبتسم

مبروك علكم الحاني هاهو تحاسب بقا غير نرفعو قضية للطلاق واكيد غادي تربحوها

عويشة :معرفتش باش نشكرك اولدي ربي حرصك لممتك ويطول فعمرك

هو :(شاف فعشق ) امين الحاجة بلا نخليكم تابعاني خدمة

عويشة :متنساش تجي غدا تاكل الكسكسكو اولدي دبا انت فمقام ولدي ربي معاطنيش للولاد لكن بهاد الوقفة لوقفتي معايا كنعتبرك ولدي ادا قبلت عل هاد للشارفة

شاف فها واببتسم ،قرب منها وباس لها راصها بحب ومودة

جاسر :نتشرف الحاجة لكن كثري الخضرة غدا ونجي ناكل الكسكسو

عويشة :(كتشوف فعشف )تشرف اولدي نتسناوك غدا ،يلا بسلامة

ودعوه ركبو فلوطو ديالهم وزادو

عويشة :(كتشوف فبنتها من الزجاجة تاع لوطو )مالك مغوبشة ياك تفكتي من داك الشماتة

هي :والو امي غير كنخمم واش السليماني غادي خلني انا وبنتي نعيشو مرتاحين

عويشة :معندو ميصور منك طالما جاسر فصفك اجي مالك مرحبتيش بالسيد يتغدى هدا اقل حاجة ندبروها بعد لخير لدار فينا

عشق :ورا شكرتو اميمتي وهو تدخل فكلشي تحسسني كاني متهمة عندو

سيمو :ههه ورا البوليس هداك امني تفكنا من نبيل هاديك هي الدنيا من رايي بعد متفكي نقلبو عل شي طبيب تفسي لك ولبنتك باش ترجعو مزيان

عشق :لا ابابا الاطباء للنفسيبن تياخدو الفلوس بزاف مبغتش نثقل علكم انا وبنتي ابايا بحرا مكافين مع الزمان

عويشة :اش كتقولي انت راك بنتنا ومن حقك علنا نوقفو معاك تتوقفي عل رجليك مبغتكش تعقدي من الرجال وتعقدي من الحياة انت وبنتك

عشق :(قربات منهم وعنقاتهم من اللور وكل واحد باستو فخدو وبدات تبكي)ربي خليكم لي اممتي وسمحولي حيث مسمعتش لكم وتزوجت بلا رضاكم

سيمو: مسامحنك ابنتي دنيا واخرة المهم عندنا هي ترحعي عشق القديمة وتوقفي عل رحليك وتخدمي فالضومين لبغتي

هي ؛(حركات راصها )اه ابابا

عويشة :انشاء الله تحققي حلمك ابنتي يلا مسحي دموعك كلشي غادي تقاد من هنا لقدام

عشق :(ابتسمات )امين امي

عويشة :يلا سوق اسيمو نمشو نوجدو لغدا را ليوم غادي تجي بنتي ملاك هي واية عندنا

عشق : واخيرا غادي نشوف ملاك شحال توحشتها علام االه كيف ولات كون را تزوجات ياك

عويشة :كيف ولات لهلا يوريك محىها غدا ومتزيان اما الزواج مزال زدها عل ختك دايرين اضراب بجوجات ههه

سيمو :ههه خلهم معززات مكرمات عند وااديهم تبجي لاستهالهم

هبطات ملاك.من سيارتها بكامل انوثثها وجمالها الصارخ ، لابسا جوب كحلا قصيرة مع قميجة كروات مدخلاها فلجوب ،لابسا حداء عالي ،طالقا شعرها الاسود للكثيف ومقدا وجهها تولات تبان فاتنة الجمال .

توجهات ال منزل عويشة ودقات لباب برفق حتا تحل لباب وخرجات سالي منو احلات وهي تبان لها ختها وخرجات عينها

سالي :عاد تغكرتينا الالا ملاك شي يهودي مات وقيلا فالملاح ياك

مباك:(ضحكات وعنقاتها )ههعع سماح ااخيتي والله مكنسالي الخدمة وتمارة رلك عارفا الخدمة كلها علي را توحشتكم ويوميا كنتصل بماما عةيشة

سالي ؛ممم دخلي يلا

ملاك ؛(مدات لها حلوة الكريم )هاكي هادي باش تصالحي معايا اختي

سالي :(عنقاتها وىخلو معانقات )اصلا متقدرش نتخاصم معاك اختي را توحشناك واادار خاوية بلا بيك

ملاك :ههه تنا توحشتكم والله اجي فين عشق وماما

سالي :ليوم غادي تحكم نبيل ومشاو مع عشق حيث ليوم غادي تخاد شهادتها

ملاك ؛(تنهدات)مسكينة ربي ينتقم منو كرفصها ولد للكلبة

سالي :اجي نعرفك عل سندريلا را طلعات تيتيزة

ملاك :هههه هادشي لقالت لي ماما

مشاو عند سندريلا لجالسة كتفرج فالصالون اسمعات لحس هزات عينها وهي تبان لها ملاك وخرحات عينها

ملاك :(شافت فها .ابتسمات )ادن انت هي سندريلا ياك

سندريلا وقفات وضحكات

وانت خالتي ملاك ياكي مزال عاقلة علك فاش تلاقينا اخر مرة وكنت كتبكي حيث غادي نخلوك

ملاك :اه انا هههع عندك الداكرة اجي سلمي عل طاطاط

تحنات علها وسلمات علها وهي تعنقها

ملاك :الله يرضا علك ابنتي

سالي :نخلكم تعرفو عل بعضياتكم ونمشي نعمر اتاي ماما را حايا فالطريق

ملاك :وخا دهني معاك شي بطبطوط توحشت ماكلة الدار

__________________________

عند ليلى

لخارجا من ايكول مع صحاباتها تاع اادراسة

هدى :مقلتش لك اليلى عرفت داك النهار داك البكوص دانا وكلنا وغدانا ومن لفوق و تصاحبت معاه

ليلى :(شافت فها وضحكات )بصح وبصحتكم الالا وعطته شحاجة بالمقابل ولا داك للتيتيز توزع اعمالو الخيرية فسبيل الله

هدى :(تزنكات )اش كتخربفي

ليلى :والو احيث مكاينش لتصاحب مع شي بنت ويوكلها ويصرف علها لله فلله كنظن فهمتني ياك المهم نخليك نشد طاكسي

مريم :مغاديش تقهواي معاما

هي :لا دايرة مع اختي بغيت نطلبها تشوف لي شي سطاج عندها فلوطيل ،وليت محنسرة اللهم السطاج ونتخلص منو ولا تبقا كل ساعة مدا ادي لوالدي را عياو وانا شوية متطلبة يلا تشاو نتلقاو غدا )

خلاتهم واقفات ومشات شدات طاكسي واتجهات لدارهم ،عند اادخلة سمعات الضحك والنشاط عرفات ملاك كاينا ،دخلات تجري

ليلى :واو ملاك هنا وانا كنقول مال الدنيا مضوية قولي انت هنا

اية :باك اليلى وخالتك نستها ولا للقا حبابو تسا صحابو هههع

ليلى :لا انت الخير والبركة اخالتي

مشات تحنات سلمات عل اية صديقة مها للانتيم وختها لمةلداش مها وتحنات عل ختها من اارضاعة كتبوس فها

ليلى :متصوريش شحال توحشتك أختي فين غبورتك غبرتي تزيانتي اجي وجهك اش دايرا له عطني الوصفة

ملاك ؛(ضحكات )داكشي ديال للله اختي والله لزبن وين وخا يعوم من الاثنين لثنين

عشق :انت عطها سمت فوندوتاين اصحبتي را هي كتموت عل شحاجة سمتها لماكياج خهه

عويشة :ليلى طلعي بدلي وهبطي كولي را خالتك رجا غادي تجي للعشا ومنها يشوفو عشق

ليلى :قولي هبطي دخلي لكوزينة ياك اماما

هي :الله يرضا علك كتفهما وهي طايرة يلا سيري بدلي واجي كولي

سالي :طلعي مبقا والو وتخرج الكيكا للعجيبة تلع سندريلا

ليلى :وخا

طلعات تجري خلاتهم تضحكو علهم

عةيشة :اوا اية لاباس علكم والله تتوحشتكم

اية :تنا لكن اش ندير مشنا شفنا لبنات وطمئنا علهم ومنها درنا سباحة دووناها صراحة كون اجتو بدلتو لجو

عويشة :(تنهدات )مارتاح تنزوجهم كاملات وديك الساعة عاد نتهنا

اية :تنا رافدة هم ملاك تهي الكبيرة فخوتاتها ومزال متزوجاتش وهما بنات 2000وتزوجو

ملاك :الله يعطنا زهر بنات 2000عندهم الزهر تهرس الحجر هههه

سالي :هههع والله تحفيدة حادة بنت 2000وتزوجات وجات هي وبنتها داك النهار تعرض علنا لعرس وكتحشي لي لهدرة حيث مزال متزوجات وبرت وتحد مبغاتي

ملاك :(هزات عينها فه وخنزرات )اشنو وشكتي لها

سالي :اكيد لا عطتها العصير ومزال مشافت العصير متي تمشي لعرس ونورها هاد الثلاثينية علاش قدا لمرلتها منتسماش بنت عويشة

ملاك :ههه وصافي تمشي معاك نوضوها اش قلت لعشق تمشي تعيدي دكريات زمان

عشق :ههه اكيد نمشي

عويشة :متعرفو تقدرو تصيدو شي رجال وتزوجو بحال كرانتكم

سالي :كل واحد وهمو اعويشة كبي اتاي كبرتي وبدتي تخرفي

ابة :لواه ابنتي حنا قدكم تزوجتا وولدنا وانتوما مزال متزوحتو ولا حتى تصاحبتو

سالي :قيدي املاك اية كتشجعنا عل للانحراف قيدي نقولها لعمو حسام

عويشة :ههه خليك منهم ااية هادو جنس معقد اجي تبعني نشوفو اش نديرو للعشا

ناضو وخلاهم هبطات ليلى لابسا بيحامة تركية عبارة عن سروال وقميجتو فاللون للازرق ،شعرها دايراه عل شكل شفنجة ،مشات عند خوتاتها لجالسين مجمعين انضمات لهم

ليلى :ملاك بغت ندير سطاج عندك

ملاك:(شافت فها بجدية ) اه ولكن ردي بالك انا شديدة شوية لخدمة مفهاش ختي ولا صحبتي

ليلى :اه كوني هانية والله بغيت ندير سطاج عندك جًربيني وللله اغادي نعجبك

ملاك:(ضحكات)صاقي غدا جي عندي اوطيل نشوف لك شي بوسط مزيان

ليلى :(ابتسمات )ربي خليك لي يلا نكمل فطوري مع ماما وخالتو ونعاونهم

عشق :ديني معاك تنا نشوف بنتي فين غاطسة لبنت عندي كتموت عل الشقا والكوزينة

سالي :ههه شابها جداها

مشات شافت سالي فملاك

سالي :اوا كاين شي حب شي راجل فحياتك متقوليش لي هاد القنابل كلها وتحد مكاين فحياتك

ملاك :(تنهدات)والو اختي عل انا كرهت نتزوج را صعيب علي نشوف خوتاتي لصغيرة عنذها 18علم تزوحات وعايشة بخير وانا لكبيرة مزال ماشي مبغتش ولكن ملقتش لعمر لي عيني وملقتش راجل كل لعرفتهم تشوفو في الجسد فقط هادوك مكنسمهمش رجال هادوك رعاوين ماشي نصوم ونفطر عل جرانة نهار نتزوج بغيت.نتزوح راجل يبغني بحال حب بابا لماما وحب سيمو لعويشة ماشي واحد يتقرب متي احيث زوينة وعندي لفلوس لا بغتو يشوف يبغي شخصيتي وجمالي الداخلي ماشي ييغي مفاتني

سالي :دبا تفرج مبقا والو ونوصلو 40ونيسو هههه اصلا كاع الرجال محجوزين لبنات 2000وتسعين اما الثمانين مبغاهم حد بغاهم للمتعة لدرجة طالقين علهن لحنانات

ملاك :ههه خليه يبقا عل مو تصرف عله اما انا لمخديت راجل انبقا حدا ميمتي نوضي نعاونوهم في الشقا

____________________________

في المساء

جات مدام رجا رفقة راجلها يونس باش يشوفو عشق لمدة مشافةها

دقو وحلات لهم عويشة

عويشة :(سلمات علهم )اويلي فين ايوب ورانيا علاش مجاوش معاكم

رجا :رانيا مصابتش تجي راك عارفا عندها اادراري صغار ملقاتش لمن تخلهم وايوب دبا يلحق علنا

عويشة :اه وخا دخلو مرحبا بيكم

مراد :الله يبارك فك

دخلو لداخل الفيلا فين مجموعة العائلة مشاو يسلمو علهم ،بونس سلم والتحق بالرجال لجالسين فالصالون المقابل اما رجا مشات جلسات مع العيالات

رجا :علا سلامتك ابنتي عشق واخيرا تهنتي منو

عشق :منتهنا تنطلق منو للابد لخالتي

رجا :نتمنى ابنتي نتمنا ،شي خبار عل مليكة

عويشة ؛راهم مزال فالطاليان لكن قريب يدخلو انشاء الله

رجا :انشاء للله توحشناها خاص غير هي وتكمل لمة دبالنا

عويشة :انشاء الله

شافت فعشق

بنتي نوضو وجدو براد اتاي وحطي شي ضيافة لخالاتك

عشق :هي لولا اماما

______________________________

عند الرجال

جالسين في جلسة عائلية تدوو عل حياتهم للشخصية

سيمو :دبا الحمد لله عشق هاهي رجعات وقريب تطلق ونتهناو من هاد المشاكل وخا بيناتنا منتهنا تنشوفهم فديورهم ومزوجين رجال يحافظو علهم

حسام :(شاف فهم وغوبش )حكتو عل الدبرة اسيمو انا بنتي شاغلاني مكرهتها تزوج تهي بحال خوتاتها وهاتت تشوف معندها زهر ،ومكملاها كترفض لعرسان قاليك ماشي فوطو كوبي ديالك ههه دبا هادي متدرش لك السكر

بونس :(ضحك)كلشي غادي تحل عل مواتهم تزوجو صغارات تهما تزوجو فهاد السن والحمد لله هاهما عاشو مزيان وحتا بناتهك غادي ياخدو زهرهم ياك تقوبو قلب البرمة عل فمها تطلع لبتت لمها اوا متخموش دبا يتزوجو غير زهرهم مزال مجا

ليلى هزات صينية اتاي ومشات فاتجاههم مبتسمة

ليلى :هاهو اتاي مشحر كيف كتبغهم اعمي حسام

حسام :(ايتسم )مممم اش هاد الحداكة ازوينة

هي :وديما اعمو حادكة غير الوقت معنديش للحداكة

يونس :ههه جلسي امراة اولدي مالك واقفة

ليلى: عمي علاش كتقول لي مراة ولدي انا ممراة حد انا بنت عويشة ومكنفكرش نتزوج كاع حتى ندير داري وطنوبلتي ومشروعي لخاص

يونس :هل هاد الحسب ولدي غادي كون تزوج محال ينسناك

هي :هههه اه هادشي لبغيت اجي هاد ولدك عمرني شفتو اعمو علاش متجيش عندنا

سيمو ؛ليلى سيري قابلي شغلك صدعتي عمك مكتسكتيش

هي :وخا ابابا لكن بغيت ندوي مع عمي حسام

سيمو:(تنهد )عارفك مغاديش تسالي ليوم سيري جيبي الحلوة واجي دوي

هي :وخا

جابت طبسبل الحلوة وطبسبل لكيك وشي رغايف وجلسات مع الرجال ،سيمو بدا يكب اتاي وتشوف فها

سيمو :يلا دوي

هي :(شافت فحسام )هانت اعمو حسام انا بغيت نخدم ونعول عل راسي وبغيت نمشي بعيد فهادشي تاع للاوطيلات فكرت ندير سطاج عندكم لكن تخلصوني فه بما انني مزال كنقرا

حسام شاف فصحابو وضحك

مممن سطاج ومخلص عمرني سمعتها

هي :تعاونو مع الطلبة ومتنساش اني غادي نخدم ماشي غير ندير سطاج خلنا نكونو عمليين وانا را شاطرة

سيمو :(تضحك )فليسية مع راصك

هي :اه شوية الابا بغيت نهز راسي شوية منبقاش مدا ادي ليك

هو :شكون قالك مثقلة علي بالعكس ابنتي انت ملزمة علي

هي :ولا عندي 20عام ابايا بغيت نعتمد عل نفسي ونكون امراة حرة بعد رضاك علي طبعا

يونس :شفتو علاش بغتها لولدي ها علاش

هي :(غوبشات )مكنفكرش نتزوج بالمخزن اعمو خلي ولدك بعيد علي من فضلك

حسام :هههع ناري هاد البنت شي نهار تسكت لي القلب

سيمو : هههه قول شحال تعطها بغتك تهلا فها

هي :انا ماشي طماعة 1500درهم الله يجعل البركة

حسام :خهه صافي وخا جاتك

هي :الله يرحم ااواادين يلا بسلامة نمشي عنى عويشة نعاود لها

مشات تجري خلاتهم تضحكو حتا اادموع خرجو لهم

يونس :فليسية مع راصها

حسام :هههه خلها تعتمد عل راصها باش تعرف بحق الزمان متخافوش غادي نحكها باش تعرف بحق الفلوس

حطات لوطو تاع ايوب قدام باب الفيلا ،نزل بكامل باناقتو وشياكتو، لابس تجين اسود مع شوميز لاصق بين جسدو الرياضي ،وبين وسامتو لاغرت بزاف النساء لدابو فه وتمناو يكون لهم لكن هو قلبو مقدر تحد يملكو ،قلبو ملك له فقط

تجه للفيلا مبتسم ،شحال هادي مجا عند خالتو من سنوات طوال مني كانت ليلى مزال كتقرا ،لكن عمرو مكان يتصور تكبر وتزيان بعد كل هاد للسنوات الطوال

صونا عدة صونيتات وهو يتحل لباب عل مصراعيه وخرجات ديك الفاتنة المشاكسة طالقا شعرها الطويل عل ظهرها وجامعاه بلبندا ،لابسا بيجامة عبارة عن شورط فللاسود تال الركبة مغ قميجة بالصدايق قصيرة ،تلاقات عينها بعينه وهي تخرج عينها وشافت فه ممتيقتش ان داك المتحرش هو بنفسو لجا تال لدارهم بقات تسول راصها زعما مشا المدرسة وخدا العنوان من عند صحاباتها ولا رشا اامدبرة كلشي متوقع لكن اش بغا عندها

سدات لباب وخرجات عندو مغوبشة

ليلى :مكتحشمش جاي تال دارنا اش باغي دوي بغتني نعيط عل لبوليس اسي المتحرش

شاف فها وضحك

انا متحرش

هي :(خرجات عبنها بغات تاكلو )اه انت لاش جاي تال دارنا ادوي بغتني ندير لك الشوهة سير بحالك ومتبقاش تجي ولا نجمع علك اادرب كلو

هو :(طلع عينو فها وضحك)وقباحيني اليلى

هي :(شافت فه باستفهام )ليلى منن عرفني سمتي عل حد علمي انا مقلت لك سمتي ليلى قالو لك دوك لبنات لكانو معايا ياك المهم ميهمش ليلى ولا سعيدة اامهم سير بحالك.

هو :(ابتسم وشاف فها كيف قباحت قرب منها ودفعها شوية مطيح.)حيدي من طريقي الكدابة

شدات فلحيط وخنزرات فه يلا بغات تعايرو كان حل لباب

حلات عينها عل وسعيهم ممتيقاش انو دخل لدارهم كفاااش غادي دخل ياك ميكون شفار

تبعاتو بالجري وهو يسد لباب غل وجهها خلاها بغات تغلي وتبخ اادم

حبس الضحكة ودخل لداخل لفيلا مبتسم استقبلو عويشة بابتسامة

واخيرا اولدي ايوب جتي عل سلامتك والله توحشناك اش هاد الغيبة

هو:(باس لها راصها )كنت خدام عاد كونجيت هههه مع الوقت اخالتي عارف لخدمة مكتساليش كديرة انت كلشي بخير

هي :بخير اولدي دخل مالك واقف دخل تاكل موجدة لك السفة لكتبغي

هو :وخا هي لولا نيت توحشت السفة ديالك والله وتوحشت المسمن ديالك لمستحيل ديك اللدة كلقاها فشي قنت من غير ادياتك

هويشة :هههه متغلبني بخلاوة لللسان دخل شوية كلشي يكون واجد

ابتسم لها لقا للتحية عل محمع لعيالاة ومشا جلس مع الرجال

ليلى واقفا كتدق وشكلها معصب

ولهيلا انا مولاة اادار نترما برا وهو يدخل اش يصحاب راصو والله تنوريه بداا تدق بعصبية تخرجات ختها حلات شافتها وتصدمات

سالي :ليلى فين كنت خارجا بلبيحامة حماقتي

ليلة :مخرجت فين داك خلني نوري كلبة مو.اش يصحاب راصو ،دخلات تجري وكلها معصبة

سالي (مفهمت وااو )هادي مالها ثاني

سدات لباب وتبعاتها لقاتها واقفا عند الرجال وكتغوت

ليلى :(كتخنزر فايوب )اش تصحاب راصك كفاش تسد لباب علي وتخلني واقفا ببجامتي

هو:(جالس وتشوف فها ببرود )عادي انت مخلتنتيش ندخل ودخلت بطريقني يلا رولاكس

عويشة :(شافت فبنتها )اش كاين اليلى علاش كتغوتي عل ولد خااتك حشومة

ليلى :(عينها غرغرو )مدرت وااو اماما هو لدار سد علي لباب ودفعني اجي كفاش ولد خالتي را هدا هو لعاودت لك عله تبعتي وكان بغا بتحرش بي واش عاقلة

سيمو :(خرج عينو )كفاش يتحرش بيك

أيوب :(شاف فها كيف كتزوق لكدوب )اش من تحرش شحال كدابة لعنداك اعمي كتكدب

ليلى :(بتحدي )مكنكديش تنكر انك تبعتني بلوطو قول

هو :اه تبعتك

ضحكات بلؤم

هي :اش كتسمي داكشي تحرش انت تبعتني بلوطو تال درب عمر كون مهربتش لك كون علام الله اش يطرا اسي المتحرش

رجا :(كتشوف فهم )اجي فهمني اليلى ولدي واش دار شي غلط

هي :ولدك هدا اخالتي حلفي تولدك ادن كان عارفني شكون ومع دالك تصرف معايا بزنقازية

هي :اه ولدي ايوب اش دار ابنتي

هي :(دوات بحدة )سمحلي نقول لك معرفتيش تربي ولدك

عويشة خنزرات فها مدات ادها وصرققاتها تتغرعرو عينها وشافت فمها بانكسار

عويشة :هكا ربينك ،هكا الناس تحترمو الناس لكبر منهم يلا غبري لبيتك منشوفش وجهك

عينها تغرغرو وطلعات تجري كتبكي لبيتها وهي كتحس بالالم والظلم

رجا ؛(شافت فه بعتاب )مكنش علك تضربيها قدامنا اعويشة را مقصداتش را عارفاها زعيمة معانا

عويشة :لا قصدات الواحد بتحكم فاعصابو ويحترم لكبر منو ماشي واحد جوح تطلق الصوارخ ،انتوما ضياف والضياف تتحطو فوق الراس ارجا

ايوب :(شاف فهم وحس براصو هو السبب ،اش داه يلعب لها بأعصابها شاف فهم مغوبش )سمحولي انا السبب كنعتدر بزاف كنت بغيت انشد فها مظنتهاش تعصب هكا

سيمو :نسا اولدي هي غلطات انتوما ضيافنا نساو كلشي واجو تعشاو

رجا :نمشي نحزرها تهبط حشومة تبكوها

عويشة :(شدلتها من ادها )رجا انت دصرتيها خلها تعرف غلطها وتهبط تعتدر منك اجي جلسي

سندريلا بقات تشوف وغوبشات شافت فمها

سندريلا :اي حاجة فها الرجال فها المشاكل هادشي علاش مغاديش نتزوج نهائيا

سالي :(ضحكات وتحدرات ) هي غادي تشبهي خالاتك لمعقدات

سندريلا :اه نشبهكم فالعزوف عن الزواج اما المهنة فبغيت نولي بوليسية بحال عمو جاسر نسلخ الرجال ههه حيث هما تتعداو عل لبنات وخاص النسا يدافعو عل راصهم

عشق :(قربات من بنتها وباستها )يخلي لي لبوليسية ديالي يلا طلعي عند خاانك حزريها شوية

سندريلا :وخا اماما

مشات شافت فهم مخنزرة

عشق :افف مشاكل صافي ملاك طلعي عندها دوي معاها وقولها تهبط تعشا ندخلو نوجدو العشا

ملاك :وخا

عند ليلى

لكانت كتبكي كتنخسس تدخلات علها سندريلا وملاك

ملاك :(شافت فها بعتاب )علاش كتبكي را غلطت اليلى وبزاف واش هكا كتدوي مع خالتك رجا كتسيئي لها وكتقولي لها معرفتيش تربي ولدك واش هادي هدرة كتقال را اهانة هادي

ليلى :(كتمسح دموعها )مقدتش كتت معصبة معرفتش كفاش خرجات ولكن هو لعصبني

سندريلا :خالتي صافي مسحي دموعك متخلهش يشمت فك الرجال كلهم بحال بحال مسكين بمغرفة واحدة عل راي ماما

ملاك :(شدات وكرشها كتصحك )لا لا بزاف تبان لي انت عادي تعطنا النصائج فما يخص الرجال ابتتي

ليلى :(ابتسمات وسط ضحكتها )عندك الحق اجي كان تصحك علي فاش صرفقااتي ماما ياك

سندريلا :معرفتش اخالتي لكن لكنعرف خاصك تهبطي تطلبي السماحة ومتخصريش مع ماماك وخالتك عل قبل راجل اخالتو

ليلى :(مسحات دموعها )عندكم ااحق خاصني نهبط نوريه الكلب لاخور تفو انا كنكره الرجال كون صبت كون وئدتهم تحت التراب يلا هبطو نغسل وجهي ونحط الماكياج ونهبط

ملاك :ههع هكاك الكرش اهم من كلشي متعطليش السفة كتوجد يلا اسندريلا نهبطو

اهبطو مشات تجرر للدوش غسلات وجها مزيان ودهنات وجهها بمرطب وقدات عينها لخسر فهم الكحل ،مشطات شعرها جمعاتو عل شكل ديل خصان ،شافت فالمرايا وغوبشات

ولد الحرام كليت العصا عل ودو متبقاش فمو ابلاتي عله لمندمتو منتسماش ليلى ،تنهدات بعصبية وهبطات مغوبشة لاسفل الفيلا فين مجموعين العائلة

وهي هابطة تلقات عينها بعينها وغةبشات فه

ليلى :(كندوي مع راصها )شوف في فوجهي مكتوبة اقرا عل راجل كيف داير وزايدها تياكل بشهية وانا جالسة كنبكي لفوق بغيتها توحل لك كيف موحلتها لي الحمار

بقا تشوف فها بغا ياكلها بعينه تهبطات للصالون وشافت فرجا لكتشوف فها مبتسمة

ليلى :(قربات متها وباست لها راصها )سمحي لي اخالتي والله مقصدت ازلة لسان معرفتش كفاش نطفتها سمحي لي منبقاش نعاود

رجا ًجراتها من ادها وجلساتها حداها

،جا :وخا ابنتي اعتدارك مقبول لكن مالكي معاه اشنو طرا بيناتكم

اسولاتها كانها حكات ليها عل الضبرة جاتها لبكية والنخسة وبدات تبكي وتبوحط علها

ليلى :خالتي را هو لدق لباب ومني حلت له قلت له شكون انت مقالش لي ولد رجا وكملها دفعني وطحت دخلت وشد علي خلاني فالزنقة بلبيحامة كلشي تضحك علي اهئ اهئ اقولو لي واش غلطت

ايوب :(تشوف فها وتضحك )كديذيبة وبكاية فين دفعتك البوحاطية

هي :دفعتني تطحت مكنكدبش والله اخالتي

يونس :(شاف فولدو )مزيان اسي ايوب كتبكي الوريدة ديالنا يلا طلب السماحة منها يلاه

هي :(ضحكات)بلاش اعمو اخليه اصلا وخا نسمح انا ربي محال يسمح عل اادموع لدرفتهم وعل الظلم لطيح علي

عويشة :(كتغمز فرجا )اش نقول لك ارجا لحشمو ماتو توضي تهزي وجدي لعشا مع خوتاتك براكا من التبوحيط

ليلى :وخا اممتي انا غادي نوض ندير لبغتي امتقلقيش مني

شافت فه لقاتو حابس الضحكة،خنزرات فه ومشات لكوزينة

ابوب :والله اخالتي مطيحتها بغيت انشد فها ساعة تقلقات

سيمو :عارفنها كديديبة وبوحاطية وعارفنك تنت مساهلش ادا حسبنا شحال بكتها بزاف

هو :(رد شعرو لور وصحك) اه داكشي زمان اعمي كنت صغير

بونس : دبا مني كبرتو خاصكم ديرو عقلكم ماشي العكس وانت غلطي فاش مقلتيش ليها انك ولد خالتها هي معدورة باش غادي تعرفك ابو راس

حسام :حاول اتفق معاها وتعتدر اسي ايوب راها وخا قبيحة را قلبها كبير

ايوب :وخا انشاء الله

ليلا واقفا فاامطبخ مع خوتاتها توجًدو العشا لعل شكل لحم اابكري بالبرقوق وسفة بالدجاح

سالي : ردي بالك لسانك اليلى جاب الله خالتي رجا وخالتي اية ىنيا هانية اما كون طحتي مع عمتي مليكة وتشوفي

عشق :(ابتسمات )صافي سدو ااموضوع المهم اعتدرات خلنا نوجدو السفة ونخرجو نتعشاو ونضحكو ونساو الهم

ليلى :عندك الحق اختي الشيطان الله يلغنو ويخزيه ارو داك الخبز نقطعو مربعات باش نخرجو العشا

بعد دقائق خرجو لبنات بطبسيل اللحم هو لةل ،سالي دات لبطبسيل للعيالات اما ليلى فداتو للرجال

يونس ::(شاف فها مغوبشة )جلسي كولي معانا

ليلى :(شافت فايوب لتغمزها )لا شكرا

يونس :وانت جلسي مالك حشمانة شوفي سندريلا كيف جالسة معانا كتاكل الا خفتي من شحد

غوبشات وجلسات

لا مكنخاف غير من لخالقني غير هو انتوما وكالة نخاف تاكلو حقي

نبيل :(ابتسم ومد لها طرف مهور حطو حداها )متخافيش هاهو لحم مهور اكولي

هزات عينها فه وشافت فباها

سيمو :اكولي متخلفيش مفهش للسم

بداو يضحكو الرحال

ليلى :ختي لمطيبا ماشي هو اصلا السم ميقدرش يديرو لي

ايوب : ممم السم درتو فيك قبيلا هداك هو للسم تاع بصح

ليلى :(غوبشات )شفتو هو لتجبدني على مسموم كدير شفتي ابابا انا مواكلاش كاع كولو انت

ايوب :(شاف فها وغمزها )مالك دغيا كتقلقي اكنضحك معاك والله صافي جلسي كولي الالا منبقاش ندوي ها فمي غادي نسدو ابقي عل خاطرك

هي :(مدواتس معاه بقات كتاكل بشوية وهو حاضيها وتشوف فها شخال قباحت وزيانت ولا لسانها ولا سليط وخا هكدا عجباتو )

يلا بصحتكم نمشي نجيب لمونادا سندريلا بغتي كوكا ولا فانتا

سندريلا :فانتا اخالتي

عند مجمع لعيالاة

جالسين العيالاة تياكلو وتدوو

عويشة :كلكم غادين نمشو معانا العرس تاع بنت بنت حادة تشطو شوية

رجا : قولي نتفقسو شوية ههع حادة لا تطاق شحال ولات متكبرة اما بنتها خلاص تقولو واخدة ببلوط

سالي :الجهد ماشي منها را ولدها لطلعهم لفوق ولا تلعب بالفلوس لعب تكشي علاش ولاو دافعين الكبير لكن ماشي معانا حنا تلعب مع كرانها اما حنا حسن منها

عويشة :(ابتسمات )ولدها سبحان الله شبه لجدو ،فكلشي لفزينو لا فدكائو ولا فخدمتو خاصو اشي مراة ويولي كامل مكموال

سالي :انت ولد خادة هداك هادي لي تاخدو خاصها تكون مسخوطة الواادين نستي لمراة لكان واخد كفاش طجاتها ديك اللفعة باتت مصبحت

عويشة :ماشي فرزقو وزايدون هي لاخترتها لها بنفسها معرفتش مالو معاها تطلقها الله يرزقو بنت الناس اما لبقا تابع مو غادي تضيعو

سالي :نوض نجيب السفة اميمتي كل واحد يعوم فبحرو

اية :المهم حنا نوجدو راصنا نيت نمشو نفوجو شوية اش قلت املاك تمشي ولا غادي تبقاي غاطسة راصك في الخدمة

ملاك :(شافت فعشق )نمشي اماما نيت نشبعو اشطيح هههع نوضوها ونجو

رجا :مزيان شوفو ليلى جالسة كتاكل مع الرجال يااختي علها

عويشة :هههه ضلعة عوجة عندي ديك لبنت لكن ولدك سممها ليوم ههه

رجا :متعرفي يحصل بيناتهم شحاجة اعويشة ونتناسبو والله تنكون عدوزة ضليفة خاصها اطيح فوادي را جاهز خاصو امراة

عشق :اودي اخالتي را مبغاتش تزوج دبا بغات تحقق داتها اولا عاد تشوف الراجل

رجا :وعلاش متحققش داتها مع راجلها ابنتي ماشي ضروري لمراة تدير اضراب عل الزواج تتحقق حلمها متعرف لواحدة تضيع شي راجل مكمول ومني تحقق حلمها تلقا فرصتها صاعت

ملاك :فين غادي لقاو رلجل يحترم قرارنا جل لخطبوني بغاو يجلسوني من الخدمة باش يضغطو علي ويديروني تحت للصباط وانا مستحيل نكون تحت الصباط الحمد لله انا حققت كاع لبغتي وممحتاحاش راجل

عويشة :متاكدة حققتي حلمك ونصفك الثاني اش درتي فه ابنتي بلا متكدبي عل راصك اي امراة فالعالم كتبغي رلجل يبغها ويحن فها واش غادي تبقاو حياتكم عوانس ماشي هادي سنة للحياة الا ادا كنتو ليزبيانات

عشق :(قهقهات )هههه شكون عرف كلشي ممكن اماما علهم مبغاةش يتزوجو خصوصا سالي انا شكا فها لا خاصني نبعد بنتي منهم

سالي :(جابت طبسيل السفة وهي جايا سمعات مها ) منفعوش الرجال نجربو العيالاة

عشق :(ضرباتها لفمها )سكتي دبا اسمعك بنتي وتنحرف لي براكا داكشي لدزنا منو خلاها تعقد من الرحال

غويشة :تعقد من الرجال ماشي جاسر متخافيش بنتك مطورة وطالما جاسر عجبها مغادي طيح غير فراجل نيت كلو وسكتو

سالي :(كنشوف فمها )ممم نيشتي عل الراجل

عويشة :نيشت عل جوج باقي جوج ونكملو الفريق وناخدو قرار اش قلتو العيالاة

اية :معاك احبيبتي خاصنا جوج دبا ونزوجوهم لكن شكون الثاني لاختارتي اصحبتي

رجا :(غمزتاتها )لمسموم تاع ولدي وخا راكم عاطنا العهد من زمان ليلى نكون بنتنا ودبا جا ااوقت توفو بالعهد

سالي :ممممشتي فها اليلى طحت مع من يرحم الله يرحم شبابك يشاية

في الغد

وبالضبط يوم الحمعة غادي تقام غديوة عل شكل كسكسو بسبع خضار لهدا فعويشة واقفا هي وبنتها عشق توجدو الغدا

عويشة :كثري لحمص اعشق ونقي الخضرة مزيان باين جًاسر شي دكالي عزيز عله لكسكسو بغناه ليوم ياكل صبعو

عشق :معرفش اماما مالك عل هاد العراضة صافي شكرته لاش هادشي كلو

عويشة :سدي فمك السيد را وقف معاك كون مكان هو كون را راحلك رشا القاضي ورجعت له مدلولة لهدا تعاملي مزيان معاه وشكريه يلا اري داك السمن لهنا

عشق ؛(مداتو لها )فين سنذريلا مبانتش لي

عويشة :مشات مع جدها يجيبو ديصير من السوق راها فنهارها فرحانة حيث غادي جي ،معرفش اش دار لبنت ولات اتهتهت بيه لىرجة خداتو مثالها الاعاى وبغات تولي بخالو وهدا بحد داتة ايجابي للبنت لما تاخد رجل ناجح مثالها الاعلى ولا تاخد باها مثالها الاعلى وتولي سميرة بحالها

عشق :(تنهدات)الله يصاوب اماما الله يصاوب لبنت خفتها تعلق بيه ونوحل

عويشة :(عمزاتها )وخدمي مخك شوية وغادي تلقاي حل ،قبل كنت مكنحملش نبيل لكن هدا عجلني ولكنت بنتي وبغتي رضايا خدمي مخك ومتخلهش يضيع منك الهببلة هاد النوع تقلبو عل العيالاة بالريق الناشف ومتلفاوهش

عشق :اش كتخربقي اماما وانا باقي متفكيت من نبيل نقلب عل راجل غيرو حماقتي

عويشة :ممم تشوفو ابنت كرشي ردي الغدا ووًجدي شي كيكا واتصلي بيه اكدي عله يجي

عشق :لا منتصالش بيه جا هي هاديك مجاش را مرتو مبغاتش تخله الا ادا بغاني نكون زوحة ثانية

عويشة :علا هو مزوج

عشق :واحد بحالو غادي كون عازب امي مكنضنش يلا نمشي نوكد كيكا لجا هي هاديط مجاش داكشي لبغنا

مشات توجد لكيك خلات عويشة كتفكر

هادشي مكنتش كنفكر فيه زعما يكون مزوج لالا منظنش كون كان كون قالي غادي قول لي منصبش كنتغدا مع المدام وزايدون مديرش لخاتم فاديه هاديك اكتخربق نكمل تفوار ورد لغدا يجي ونسولو

___________________________

في تمام الساعة 1كان جاسر وقف بلوطو ديالو قدام باب لفيلا ،حطها ونزل بهندامو تاع الشرطة لعطاه وسامة ورجولة لا تقاوم هاز بكية تاع الشكلاط صغيرة وكيك كريم فاده ومشا صونا عب لفيلا حلات له سندريلا شافتو وضحكات

سندريلا :عمو جاسر واخيرا جتي

هو :(مد لها الشكلاط )هادي هدية من عمو جاسر للسندريلا

هي :(شدات لكاطو وتبسمات )الله يخلف علك اعمو دخل ماما وجدات صينية اتاي ووحدات كيكا

هو :ممم هادشي تشهي شنو رايك ندخلو ندير هم

سندريلا :اه علاش لا

دخلو لداخل لفيلا تعرصات له عويشة بابتسامة

عويشة :مرحبا بولدي

هو :(مد لها لكاطو )ربي كبر بيك اخااتي تفضلي

هي :علاش عدبتي راصك اولدي دخل مرحبا

هو :ماشي شحاجة اخااتي

دخل للصالون سلم عل ااحاج سيمو

سيمو :مرحبا اولدي جلس تشرب اتاي كون راك عيان من الخدمة والمجرمين

هو :'(ضحك)لا مولف

شاف فعشق

جًاسر :شي كاس اتاي بارد عفاك اختي

عشق :(ابتسمات ببرود )وخا هي لولا

سالي شافت فه وغمزات ختها

سالي :شوفي لمك شحال تيتيز دبا هدا هو لعتق اختك

ليلى :اصلا كاع البوليس زونن ولكن زهواننين كيف والو عندو عشيقات هوما شفته مني قال لها ختي دبا هدا كلو خوها خوها واحد الله يرحمو را تحت ااتراب اما هدا را مستحيل يكون خوها

سالي :سدي فمك اجي نسلمو عله

مشاو عندو مبتسمات

ليلى :(ابتسمات )السلام انا سمتي ليلى خت عشق للصغيرة وهادي ختي التوئم تاع عشق وخا متشابهوش

هو :(ابنسم ومد ادو تسلم )اهلين تشرفت بيكم

سالي :حنا اكثر اخويا

ليلى :الشرف لنا اخويا جاسر

جلسو معاهم فالصالون تتمنظرو فيه تجات عشق مدات له كاس ااما ،شكرها وخداه من عندها وسندريلا كنشوف فهم مبتسمة

سندريلا :ماما شةفي اعمو اش جاب لي هاكي دوقي

قطعات طرف ومداتو لها

عشف :(خداتو ) ممم بنين والناس اش تقولو

هي :قلت له الله يخلف اماما

جاسر :(داعب شعرها ) اش درتي فالمدرسة تحولتي ولا مزال

عشق :السمانة الجايا غادي ندخلها شي مدرسة قريبة من اادار علا الله ميعكسوس لي

هو :متخافيش وتلعكسو لي اتصلي بي نوقف معاك لمبغاوش يعطوك مدرستها وراقها

هي :(معرفات متقول )ربي خليك لسي جلسر كنعدبوك معانا والله

هو :(ابتسم ) را بحال بنتي امدام متحتاجيش تشكرني را سندريلا عزيزة علي

سندريلا :(تزنكات )ربي خليك اعمو نمشي نجيب لكيكا

عشق :خلي ابنتي تنتغداو باش ناكلو لكسكو لكلنا لكيك غادي نفخو كرشنا ومناكلوش نمشي نشوف ماما فين وصلات

بعى دقائق تمات عويشة جايا وجايبا قصرية كبيرة تاع الكسكو مخضرة باللحم وسبع خضاري سيمو اشم ريحة السمن تنهد بشهية

سيمو :مممم عل ريحة كتشهي يعطك الصحة اعويشتي

عويشة :بصحتك الحاج كول وقيس ليطلع لك لكولسترول وتدوخ

جاسر :(شم ريحة وتنهد بشهية شحال عزيز عله ماكلة الدار وخصوصا لكسكو لكن للاسف بحكم انو وحيد محروم من هاد اللمة ومحروم من ماكلة الدار )

عويشة :(كتفرق لعواشق )مرحبا اولدي كول متحشمش دار داركم

هو :ربي خليك لكم كنفضل ناكل بادي ولا اعمي الكسكسو متحس بيه الا كلتي بادك

سبمو :واياه اولدي مكدبتيش انا من صغري وانا ناكل بلدي وخا فشي مجامع كتلقاهم ياكلو بلعاشق تبغو يحافظو عل لبرستيج ديالهم لكن انا عروبي اب عند جد وغادي نحافظ عل تقاليد بلادي

عويشة :لتنكر لاصلو ماشي راجل بالعكس راجلي دكالي وانا مفتخرة باصلو ومفتخرة بيه

سالي :(كتاكل وكتسمع لعشق الممنوع تاع مها وباها )ممم ربي خلكم لبعضيانكم

عشق :(كتكور كورات تاع الكسكسو وكتمد لبنتها لكتاكل بشهية )كولي ابنتي خلي الشكلاط من بعد يلا خودي هادي

سندريلا :صافي شبعت اماما براكا علي والله

عشق :خودي هاد لحم مني وبراكا يلا فتحي فمك

سندريلا :(ضحكات وحلات فمها كلات اللحم وناضت تجري )

جاسر :(نشوف العلاقة ببناتهم بجوج كيف عاملة الام متعلقة ببنتها بزاف ولبنت كتموت عل مها شافها تخرجات وسول عشق )بنتك فراصها داكشي لطرا لباها

عشق :لا مقلتش لها بغيت نخرجها من هاد المشاكل وبيني وبينكم عرفتو غادي ضرب غير شهورة ويخرج لكن انا فهاد الشهور غادي نكون طلقت منو

هو :اه خاصك ترفعي دعوة وغادي تربحها يسهولة امدام عشق

عشق :(ابتسمات )هادشي لبغيت اسي جاسر انطلق منو ونهني مخي

عويشة :انشاء الله ابنتي كول اولدي مكلتي والو

هو :لا كليت الحاجة خاصني نمشي راني خدام بصعوبة تجيت

هي :وخا منضغطش علك الله يحسن لعوان بلاتي نصكي لك شي طبسيل للمدام

هو :(شاف فها )ممزوجش الحاجة متشطنيش راصك

سيمو :(شاف فمرتو لكتضحك بخبث )مكاين لتعب لوالو اولدي وخا مجلسيش معانا لكن لمرة الجايا ضروري تجلس

هو :(صونا تلفونو )سمحولي خاصني نمشي يلا بسلامة علكم من بعد وندوز

خرج تجري ركب فلوطو وكسيرا

سالي :(شافت فمها )مشتي تتاكذني انو ممزوجش باز لك خلي السيد علك

سيمو :(صحك)معارفاش مك متهنا تدير داكشي لقالها راصها

عشق :ماما اكتحلم انا متهنت من راجل نزيد راجل اخور مالني حماقيت

عويشة :(غوبشات )انا عارفة اش كتدير كل واحدة تشوف شغلها ومني تسالو خرجو لحمام

ليلى :مبغتش نمشي العرس معاكم كون اخلتوني فاادار

عويشة :غادي تمشي منخلكش من ورايا كملي ماكلتك وجمعي حوايجك تمشو نتحممو بغتكم تشعلو غدا تفقصو حادة

سالي :اف ممرتاحاش غدا خايفة النوضوها معاها لسانها سليط وانا لدوات معايا منسكتش لها

عويشة :دوي وقيصي لكن بلا متببني هاجمها بطريقتها يلا عمرو لنا شي براد اتاي انا وباكم هاحنا لفوق فالسطح

عًكزات عله وطلعو لفوق فالسطح سالي شافت فعشق

سالي :شفتها اش كدير انا عارفاها ناويا على شحاجة اعشق متسهنا تتزوجنا

عشق :مالكي بغتي تبقاي بايرة ضرةري تزوجي تعالي نغسلي لماعن ونخرجو نتحمو ونقادو راصنا

عويشة طلعات هي وراجلها للسطح لدايراه عل شكل حديقة صغيرة وجلسة عل شكل فطويات جلسات وشافت فه

هي :سيمو بالي مشغول عل سالي بغتها تزوج هي وعشق وحتى ملاك را معجونيش بهاد العقلية را الزواج وتحقيق للاحلام مرتبطين مع بعضهم ماشي ضروري تحقي حلمك عاد تقلبي عل راجل يمكن تلقاي راجل وتحققي حلمك خاص غير المراة تختار الرجل المناسب

شاف فها بحب عنقها ودارها فحضنو

سيمو :عارفاك متهني تتزوجهم كيف زوجتي كاع صحباتك لكن شوية الصبر مزال مجا لاستهلهم

عويشة :جاسر عجبني باينا رجل حقاني وشديد هو لي ليق لبنتك اما سالي خاصها واحد شخصبتو قوية لجمعها معاها بتصرفيقة ويفيقها من غرورها اما ملاك هاديك خاصها واحد بحال باها لعدبها ويرودها عاد ياخدها

هو :خلي علك اليلى فالتقار

هي :ههه لجا رزقك وبغاها تكمل قراينها منوقفش فطريقها ممزيانش اسيمو يجو لخطاب ونبداو رفضو اهكاك تقول المثل لهرب من الزواج هرب من الطاعة وسالي لمزوجتها بادي مغاذيش تزوج ومني توصل وأحد السن غادي تندم وانا مغاديش نخلي بنتي غادية فالهاوية ونبقا نتفرج لا غادي نزوجها وليوم قبل غدا

هو :يكون خير اعويشتي يكون خير

يتبع