وصلات ملاك للفيلا ،اوصلات هزات باليزتها وطلعات تبدل وتبعها رلجلها من لور ،اما الحاجة فحلات فمها وخرجات عينها وضربات صدرها من هول مارأت
طامو :اويلي حي واش هدا صالون ولا بلاصة الرسم تشوف ولاد بنتك اش ذارو واش عباد الله هادي بنادم ولا حيوانة بسيف ملاك متقلق اجي عاوني نحيدو هادشي
هو :مشاكل صافي بناتك ضصرو وزادو فه لكانو دايرين شي خير را تخلصو بالضويل يجمعو راصهم ويعطونا اتساع
هي :نكملو هادشي ونفرجك فمهم
تعاونات مع راجلها ويداو يحيدو الطلامط ، والمساند ودازو للزربية تعاونو علها لكلها طبايع
اما ملاك طلعات مخنزرة ومغوبشة اوصلات لبيت ردخات الشانطة وجلسات وبدات.تتفس بعصبية بسيب داكشي لعانت لبارخ ابان لها خنزرات فه
بادلها التخنويرة ومشا البلاكار يبدل كان شيء لم يكن
هي :مظنش رجعت عل سواد عيونك هوما لرحعوني ،كيف زوجوني لك بزز رجعوني بزز وانا باقي عند كلمتي الطلاق هو ااحل ،حيث انا متاكدة مزال عينك فها ادا ضحكتي علهم مغاديش ضحك علي
هو :(شاف فها ببرود )مغاديش نبرر لك وادا بغتي الطلاق غادي نطلقك حيث مبقتيش تتفعني معاش هادي لتنقص مني
شافت فه وعينها غرغرو ،هزات باليزتها بدات تطوي الحوايج ،وهو هز بيجامة دخل يدوش ،خلاها كتغلي وحالفة تتندمو وتعاودو فالتربية.
اما طامو لتحت فسخفات هي والحاج كل واحد شد صداري ترتاح تهبطات ملاك شافتهم حيدو الطلامط وتلاحو
ملاك :ويلي علاش حيدتو هادشي كون خلتو فؤاد يتكلف هو لعاجبو هادشي هو يتكلف باش يعرف بحق الصالون وتمارتو
طامو :والله مكدبتي ابنتي تاهت لي المهم اجي ارتاحي معانا
هي :(ضحكوها )شنو بان بكم نديرو سي قهوة وشي كيكا
طامو :اه علاش لا العشا متردهش انا لغادي ندير العشا ابنتي
ملاك :وخا
طامو ،امشات هزات تلفون واتصلات بشعالة العوافي نزهة ،
طامو :فين اللفعة ممشتي تشعلتها
نزهة :(ابتسمات)اش درت اماما
هي :مدرت وااو وسمعي نقولك شفت ديك السامة تاع غيثة وخا نموت ومترجعش لولدي حنا سلينا وانا زوجتو بلالاها فبلا متحلم وانت ادا مجتيش تطلبي السماحة من مرات خوك عمرك مزال تجي عندنا ،اادار ديال ملاك وهي خواتتها وانت ضيفة وديك الحالة لدارو ولادك والله متبقا فمهم ادا مربتهمش انا غادي ربهم
هي :ماما مالني اش درت كاع لبنت بغات تبارك لهم دتها معايا بحسن نية
طامو :تمنكونش كنعرفك ابنتي انت خسرت وتبعت لمظاهر خرجو علك اقولي اش ذارات ديك لبنت تطيحي دموعها وتخسري علها فرحتها مزال مكملات تجوج سمانات ودبحتها انت وغيثة لكن ربي غادي دبحك وغادي تحسي باحساسها دبا كلمة واحدة بغتي نسمح لك غادي تجي وتعتدري مبغتيش ماانت بنتي مانا مك بسلامة
قطعات علها كتنهج ومعصبة شاف فها الحاج بصرامة
متحنيش فمهم خلهم يترباو حشمونا مع الناس تبرهيش تتسمى هادشي لكن دبا اي غلطة نحيد بوهم من الحالة المدنية
طامو :كون هاني دصرتهم لكن دبا غادي نعاود مهم فالتربية لبغاو يجو يشقاو عل ولادهم ملتك ماشي خدامة ديالهم هي عروستي ماشي خدامتي .
جات ملاك جايبة صينية ابريق تاع لقهوة وابريق تاع الحليب فايض وكاس فه الشكااط ،حطاتهم ومشات جابت لكيك وحطاتو وجلسات
طامو :ربي خليك ابنتي صدقت بنت الناس
الحاج :انا نطلع نشوف فؤاد بما بردات القهوة
ناض يدوي مع ولدو وهي بقات جالسة مع عدوزتها
طامو :نساي ابنتي كلشي الرحال كامونيين متعرفوش لا يدوو لا يتصرفو وولدي منهم
ملاك :ولدك تًدبح بلسانو ،وصل بيه الامر يقولي حمدي الله حيث خدتك
طامو :(ضحكات )تبرد عل راصو هو خداك تشحف لكن هو مراضيش باغي بان واعر مدهاش فها من عندي انا فقضي مو وغادي جي طلب ويزاوك
ملاك ؛(ابتسمات )قولي اخالتي جات غيثة قالت لي انها مكتولدش وانها كتبغي فؤاد وانت لفرقتهم واش بصح
طامو ؛(شافت فها بجدية )شوفي ابنتي انا نعاود لك كلشي ،غيثة بنت بنت عم راجلي تعرق علها فشي قنت وتصاحب معاها وغلط معاها ،جات مها تبكي وتنوح ولدي تكرفص علها مع العلم هي لفسدات معاه ،بقاو علنا باالدموع قلت طالما ثقبها يمشي سترها وخا انا مكنتش بغتها له ،حيث عارفاها طماعة ابان لها ولدي خدام مزيان ودار لاباس قالت دجاجة بكامونها وتلوات عله حتى طيحاتو وطاحت معاه فالحرام
ملاك :وهو كان تبغها
طامو :والله معرفت ابتتي راك كتعرفي الرجال ميعطوكش سرهم ،لكن انا نقدر نقول انا ولفها ولا تعود علها حيث.كون بغاها مستحيل يطلقها
ملاك ؛اه
طامو :تزوج بيها وجابها لعندي ادخلات البلبلة ناضت ،السيدة مبغا لتشقا ،لا تعاوني طول النهار فبيتها سدا علها حتى الماكلة عزلاتها علنا ومني ندوي تبكي وتنوح وتدرني انا لغلطانة لدرحة خلوضات بين لخوتات ،خلوضات بيني وبينو كتعمرو علي بقات تتوض الصداع حتى عزلات علي وداتو بعيد ،وبعداتو علنا لدرجة قليل فاش كنشوفو بقنا عل هاد الحالة سنة ورا سنة ،المشاكل ،والصداع وهو عايش معاها فجحيم حتى غادي عرف انها مكتولدش ومستحيل تولد قرر يخلها ويتخلا علها خصوصا بعد مقالت له مبغتش مك ،بغتك انت وسائت للادب معايا شافها بنفسو كرهها وطلقها ولاحها بحال شي كلبة مرضاتش وهاهي جات ترجعو ولكن واله متحلم به
ملاك ؛(تنهدات)اش هاا السم والحقد فها بربي للسلامة
طامو :اكثر ابنتي ردي منها لبال وانت تكفدي لراجلك ،متبقايش مسالمة معاه ولمع اي واحد ،خرجي عينك فوالديه الرجال كنس كاموني وكل ملقا لبنت درويشة تطلع علها
هي :(تبسمات )يكون خير شربي قهوتك
طامو:خلنا نوض رد اللحم يطيب ورجع عندك ابنتي
جالسة دليلة فبتها زعفانة ،وحداها بنت جيرانهم كتقاد فضفارها
ناديا :اف الملل منخرجوش اصحبتي ندورو وخا فاادرب ولا نمشي لشي قهوة عرفت واحد لقهوة جديدة واعرة اش بان لك نعيط عل لفكتم باش يخلص علنا
دليلة :(تنهدات)مفيا لخرج مع شي منطيح عاد السعدية برا مانعا علي خروج ليل خلها عل الله تنا مليت الله يجيب لنا شي خدمة
ناديا :قولي شي راجل يصرف علنا انا بغدا مليت من هاد الجو ،لا الحلال طفرتو فه لا الحرام ،تحد مبغا يتشد لي
دليلة :ههه اوا خلك مع الحلال اصحبتي اش بغتي لحرام ،تصدقي لا خاسرة مع الله وخاسرة مع للعبد
شوية صونا تلفونها شافت المتصل وهي تبتسم وجاوباتو بصوت هادئ رقيق
دليلة :السلام لباس علك
هو :الحمد لله فينك انت
هي :فاادار علاش
هو: زعما منشفوكش دبا ،يلا سليت خدمتي وبغيت نشوفك اش بان ليك نتقهاوو دبا
هي :(جاوباتو بصوت رزين )لا دبا مبقاش الحال ،الوالد متخلنيش نخرج فليل
هو ؛ميكنش واش مزال شحد تحبس لبنات من الخروج فهاد العصر
هي :اوا انا بابا صعيب بزاف متخلنيش نخرج ابلال يلا تخليك تعيط لي شحد ،قطعات عله خلات بنت جيرانهم حلا فمها
ناديا :شكون هدا وعلاش قطعتي عله
دليلة :اختي هدا مجهد علي ،شبعان عياقة وفلوس وانا بنت عل قدي واش فنظرك غادي نعجبو ويبغي لحلال ،كثرتو يبغي يدوز وقت معايا ويضحك علي ومني يغي يتزوح يقول لمو قلبي عل شي بنت للناس وعلاش نمحن راسي
ناديا :مكدبتيش لكن انت قطعت عله بطريقة خايبة كون اخرجتي معاه اش فها كون كنت كنك وااله تنخرج
دليلة ؛لا را خرجت معاه مرة وجوج وجاني مجهد علي ،داني لكافي ةاعرة اختي عرفت لبنات كيف دايرات كاين العصري ،والأناقة ،اما لمكياج منقولش لك عله اما انا كلبس اجلابة وحتى لمكياج عادي جدا لما نحبس معاه ،باش يفهم راصو
اما عند بلال قطعات عله مزال حتى مكمل هدراتو وهو يغوبش
واش مريضة هادي شفتها قطعات فوجهي لعل مها ،هز تلفون وعاود اتصل بيها بصوت معصب
بلال :علاش قطعت علي وخا فمك لبسي جلابتك.وهبطي انا لقاك.فراس الدرب
هي :(خرجات عينها )را قلت لك بابا ميخلنيش
هو :مشغليش كدبي اي كدبة وخرجي ولا نطلع انا حاجة من جوج ربع ساعة ونكون عندك
قطع علها خلاها مصدومة ومعصبة
تفووو عل زمر اش بصحاب راصو ضحكت معاه مرة هجرو لي
ناديا :(ابتسمات)نساي لهم وسيري خرجي يلا هانا مشيت نشوف لفكتم تشاو
خرجات وخلاتها معصبة ،مشات لبلاكار هزات جلابة قصيرة مزوقة ، لبساتها ،ولبسات معاها سبرديلا ،دارات حجاب طويل وحطات مكياج خفيق هزات بسطامها وخرجات عتد السعدية لجاليا برا مع شي جارة
السعدية :(طلعات وهبطات فها )فين غذا
هي :غادي نمشي مع واحد لبنت لقيسارية مغاديش نتعطل
السعدية :اودني منك سيري تعطلي ثاني ،وفرقي علك لبنات غادي خرجو عله
هي :صافي اماما متخافيش علي مغاديش نتعطل يلا بسلامة
مشات تجري قبل مالسعدبة ترجع فكلامها ،حلات لباب برفق وهبطات تجري خرجات من اادريبة وهي مغوبشة حتى بان لها واقف فراس الدرب مشات عندو حلات لوطو وطلعات تجري قبل ميشوفها شحد
هي :(غوبشات )علاش مخرجني فهاد لوقت قول اش عندك بغيت رجع
هو :(خنزر فها )شفت مك تحل لك لفم قاطعا تليفون فوجهي وزايداها بلغوات دبا غادي نتحركو من هنا عاد ندوو
كسيرا لوطو بالجهد وهي كنشوف فه مخنزرة وندمات علاش عطاتو النمرة من اصلو ،هو مجهد علها وضاسر وهي درويشة وبنت دارهم كيف غادي تدير تتروض هاد للديب
هو :نمشو لقهوة ديال ديك النهار نتقهاو ونجلسو شوية
هي :(غوبشات )علاش بالضبط هاديك عطا الله لقهاوي هاديك بعيدة ودبا 7ليل
هو :متزديش فه مزال لحال انت فما نخرجو تبداي تولولي علي
هي :حيث انت راجل تحد مغادي دوي معاك ولايقول لك فين تعطلتي ومعامن خرجتي وخا تبات كاع ميتسوقوش لك لكن انا بنت فما نخرج خاصهم يعرفو فين خارجا ومعامن خارجا ويشوفو اش لابسا ويويلي لتعطلت ،حنا لبنات معندهاش الحرية بحالكم
هو :ماشي لديك اادرجة كنشوف لبنات دبا النهار كلو دايعات وكاين حتى 12عاد تدخلو
هي :وانت تقبل عل ختك تدخل تال داك لوقت ولا تقبل عل ختك تبقا دابعا نهار كاو
هو :(رجع شعرو لور وصقل )هاحنا وصلنا يلا هبطي
هي :وخا
هبطات معاه اهبطات شد لها ادها وهي تبعدها
هي :لا متسدش في عفاك عيب هادشي
هو؛(غوبش ومعجبو حال )وخا عل خاطرك اًحي ندخلو
دخلات معاه لداخل اكافي لكانت راقية ،وشوية ممتلئة ،دخلات مغوبشة وحتى هو معجبو حال لكن المشكل انها عاجباه وخا شوية متمردة وراصها قاصح
اختار واحد الطابلة وجًرها معاه
هي :(كتشوف فعينها وكتحس شوية بالنقص خصوصا اغلب لبنات هنا زوينات وكلشي لباس مزيان لكن هي اقل من عادية لقارنات جلابتها لكتساوي 150درهم مع حداؤو لتساوي 3000درهم غادي تلقا فرق كبير )
جا النادل وقف علهم
اانادل :طلباتكم
بلال :جيب لنا جوج عصير
النادل :اوكي
بلال :ممكن نعرف مال مك عل هاا التخنيرات واش لكافي معحباتكش نبدلوها
هي :لا اخلها اصلا مغاديش نبقا نجي لقهاوي ابلال تخاف يشدني شحد
هو :(ضحك )شنو بان لك نمشو للدار
هي :لواه الزعتر جمع راصك معايا لكن كتخطط تدني للدار اجمع راصك وشوف لك شي بنت اخرى اما انا بزاف علك
هو ؛(ضحك )ممم فراصك كتعجبيني وانت معصبة وخا كتمحنني بغيت انخرج معاك خرجة بعقلها وااو
هي ؛(هزات كتافها )معندي مندير لك ماما مزيرة شوية وبزز تخلاتني نخرج تقلت لها غدا القيسارية
هو :ممم صافي تهدا نظر ازين حتى قيسارية زوينة
_________________________________
في مكان اخر
عند ليلى لخارجا من لوطيل حتى لقات أيوب تتسناها بطنوبلتو مشان عندو كتضحك
ليلى :(باستو فحنكو )هاي حبي تعطلت علك
هو :اه احبيبة شفت ملاك ولات كتشدك خاصني ندوي معاها تخرجك بكري
هي :اش ندير هي مكايناش نصبرو شويو اوا فين غادي ديني
هو :نمشو واحد كافي زوينة اش بان لك
هي :موافقة
طلعات معاه لوطو ديالو مبتسمة
هي :حبيبة ماما وبابا قالو لي غادي عونونا باش ندفعو فسي ابرطمو وحنا خوتاتي بغاو يعطو
هو :(غوبش) ومالني انا شكيت علهم انا قاد بشغلي ممحتاج لتحد مرتي قاد بها ممحتاج لعاوني باش نسكنها
هي :ولكن بزاف علك اابوب
هو :(شاف فها بحب )شنو لبزاف احبيبة غل انا علاش خدام ادا مكنتش نشري لمرتي ابارطمو ونكسها ونصرف علها متخافيش عندي رزقي
هي :بصح ايوب
هو :اجي عطني بوسة ونقول لك شحال عندي
هي :(خرجات لسانها )لا كون تحشم وقولي امتا غادي نشوف دارنا خيث بغت نفرشها عل دوقي عاد ندير العرس
هو :خلها غدا ونديك لعجباتك ناخدها لك
هي :وخا احبي
اتجهو للكافي ،وصلو شدات فه ودخلو تضحكو وناسين العالم حتى هزات عينها وهي تبان لي دليلة جالسة مع ولد عمتها وهي تخرج عينها
ليلى :ايوب شوف ديك الطابلة ممتيقاش اجي نهجمو علهم
هو :وايلي هدا بلال
مشاو وقفو علهم وشافو فهم وحابسين الضحكة
ليلى :دليلة اش كديري هنا
دليلة :(شافت فها وتزنكات وحشمات وتخلعات خافت توصل لعويشة وتقلق علها)والو انا كنت نايضة اصلا اشفتو وجيت سلمت عله يلا تخلكم
جات بغات تنوض وهو يرجعها
بلال :لعنداكم كتكدب علكم انا وياها كوبل كيف جينا
ايوب :(غمزو )ممم مبروك علكم مني ولتو كوبل
بلال :جلسو معانا
دليلة :غادي نمشي تعطلت
هو :غادي رحعو نفس ااديسك ثاني يلا نصف ساعه باش جينا ادليلة بزاف هادشي
ليلى :دليلة جلسي معانا يلا جنا اصحبتي يلا 8 انا نتصل بخااتي نعلمها انك معايا
دوات مع السعدية
لبلى :خالتي السعدية لاباس علك شوفي را دليلة معايا وكيف والو تمشي معايا للدار را محتاجها معايا
السعدية :وخا ابنتي مني معاك مزيان اتوصلو للدار قول عويشة اتصل بي
هي :وخا
ليلى :هاخالتي طمناها دبا صفطو لنا عل مناكلو را في الجوع
ايوب :وخا هي لولا اجي معايا ابلال تشوفو اش عندهم
ناضو بجوج وبقات دليلة كتدور فعينها
ليلى :مساهلاش انت امتا طيحتي عل السيد
دليلة :متقولها لتحد اليلى هو لي لاصقني لساقت لخبار عويشة غادي تقلق مني خصوصا هو فين وانا فين
ليلى :وايلي ادليلة اش هاد الرجعية اصلا ماما فراصها انك معاه را شافكم بابا شي نهار
دليلة :ناري مشكلة اليلى اش داني ليه
ليلى :متزديش فه ،هادشي عادي اصلا،مفها والو انت مالك خوافة كاع لبنات تدبرو عل راصهم براكا من ااخوف غادي تطفشي الراجل
عند ايوب لمشا هو وبلال يشوفو لش كاين عندهم
ليةب :عطني حلبب بالشكلاط ،وشي ملفاي وكريب بالشكلاط وعصير ليمون
النادل :وانت اسيدي
بلال تخمم معرف دليلة اش كتبغي لكن اختار لها عل ذوقو
بلال :حليب ساخن ،كاس لحامض وبتبان شكلاط
النادل :وخا دقايق ويكونو طلبات عتدكم
أيوب شاف فه بجدية
ايوب:واش دوقك تبدل ولا شنو امتا كان تعجبك لبلدي
بلال :عمرو مكان تعجبني حتى ولا تعجبني بنت السعدية كتجني فشكل ومختلفة ومن نهار شفتها فعرس ملاك وانا حطت لعين علها واي واحدة كنحط علها لعين كتولي ديالي
ايوب :رد بالك لكنت باغي تفلا تفلا بعيد انت ماشي قد عويشة وسيمو ،را عارف معزة دليلة عند عويشة راها فمقام بنتها
هو: متخافش علي عارف اش كندير يلا اجي نمشو
ليلى :(شافت فااماكلة وضحكات)ربي خليك احبي الماكلة جات فوقتها عرفت في الجوع
ايوب :بصحتك كولي وخا مكتبانش فك لماكلة
هي :ههه بصحتي
دليلة :ههه خلها اخويا ايوب بالعكس ليلى طايتها زوينة انا براسي مكرهتش كون ضعافت
بلال :علاش بغا تغلاظي انا عاجباني هكا خلك هكا انا معنديش مع الرق
ايوب :(ضحك)لكن انا تعجبني هههه
دليلة ضحكات هزات كاسها وبدات تشرب الحليب وبلال مقابلها ،وتشوف فها وهي مرة تدوي معاه مرة تشرك ااحديث هي وليلى وهو منزلش عينو علها طول الامسية مقابلها وباينا دليلة عاجباه وهادشي بحد داتو جاه غريب عندو
في اوطيل فؤاد ،دخلات غيثة لاوطيل لابسا سروال لاصق مع دوني معري من الكتاف ،طالقا شعرها ،ومقدا مكياج صارخ وداخلا كتعوج ،تمات داخلا عند فؤاد للبيرو متسوقات لا لسكرتيرة لا لوالو ،نخلاتها وتمات غدا كتجري وهي تابعاها كتغوت حتى حلات لباب ودخلات
غيثة :اس كاين سيري شوفي شغلك انا مرتو
فؤاد :(شاف فها مغوبش )اخر مرة تغلطي امدموزيل المرة اخرى انت مطرودة ماشي اي واحدة تجي دخلها عندي.
السكرتيرة :كنعتدر اموسيو منبقاش نعاود
فؤاد :سيري شوفي شغلك
غيثة ضحكات ومشات جلسات حداه كتعوج
غيثة :سمحلي شدتك عل شغلك
هو :علاش جايا اغبثة اش بغا كنظن بعد المشكل تاع لبارح خاص يكون عندك نفس
هي :(ابتسامة )بغتك انت افؤاد وحتى انت باغني وكتموت علي وزواجك من دبك ملاك اباش ترضي مك.انا عدراك وحسا بيك فحس بي وشوف كيف كنتقطع بعد كل هاد للحب رمتني احيث مكنولدش حرام علك
بدات طيح دموعها كالحجر
هو :(شاف فها مغوبش)غيثة واش جايا تال لهنا باش تقولي هاد جوج كلمات را دويت لبارح معاك خرجي برا دبا
هي ؛(عينها دمعو بنفاق)ياك افؤاد كتجري علي ،ونستي انك ظلمتني وتخلتي علي فاش اكتشفت اني مكنولدش حرام علك افؤاد واش داكشي بخاطري داكشي من عند الله
هو :(شاف فها ببرود )وي داكشي تاع الله مقلنا تعيب تكسي علاش اختريت لفراق حيث مبقتش مرتاح معاك اغيثة ،مبقتش كنبغك مليتك ،ومليت حياتي معاك ،اي رجل تبغي الراحة والهنا وللأسف ملقتش داكشي معاك وخا تزوجنا عن حب لكن الحب طيرته ،تقبلي للواقع وتقبلي اني نستك.
ناضت من بلاصتها عينها مغرغرة ومشات وقفات عله وهو جالس مغوبش ،قربات منو كتشوف فه بحب
هي :مستحيل تنساني افؤاد انا متأكدة انك كتبغني وتزوجتي بملاك باش تنساني لكن مغاديش تقدر ،انت حبي الاول وانا حبك للاول حنا تخلقنا لبعضياتنا وغادي رجعو ضدهم كلهم
قربات منو بكل جراة وجلسات عل ركابيها وكتشوف فه برغبة وادها كتسارا لحيتو الرجولية
هي :(عاظا عل شنفاتها بكل اغراء)حبيي كنبغيك وانا معنديش مشكل تبقا مع ملاك تولد لك وتكون لي حيث انا كنبغيك ولتبغي تضحي ،خلنا نساو لماضي ونبداو من جدبد حطات ادها عل خصرو. ،ومدات فمها تبوسو بكل جوارحها حتى دفعها تطاحت الارص
هو :(هز صبعو كنوع من التهديد )اخر مرة تقربي اغيثة لحد الساعة مزال منست اش درت فلماضي واش درت لبارح ،انت درت مشكل وبين مرتي وانا مغاديش نساه بكل سهولة ادا لبارح سكت ،فحيث مبغتش مرتي تسيق لخبار اني كنت مزوج بحرباية ،لكن انت محشمتيش ومبغاش تحشمي دبا قودي خرجي علي ولنعيط عل الامن يخرجك
هي :(شافت فه بغضب وكلها كترعد ،وعينها خارحا فه ممتيقاش انو رفض قبلتها ورفض لمستها وهو لكان ميقدرش يقاومها دبا قاومها وعايرها ،وتطردها )واش كتطردني افؤاد
هو :اه كنطردك واخر مرة تحومي علي وعل مرتي سمعتي ولبقت شفتك مشتي عندها والله تنوري مك خرجي براااا ااااااا
شافت فه وحسات بالإهانة ،هو عمرو عاملها هكا ولا حتى حاول ودبا طردها شر طرده مخاصهاش تسكت عل للإساءة شافت فه مغويشة
غيثة :غادي تندم ماشي انا لنخلي واحدة بحال ملاك تاخدك مني غادي تشوف افؤاد ،هزات صاكها وخرجات تجري كتبكي ،بقا تشوف فها مغوبش ومعصب
الزمر هادي مني خرجات لي ثاني روناتني لعل ديل مها الكلب ،
اما غيثة خرجات كتمسح دموعها ماشي من الم الحب ،لكن من الاهانة ،مستحملاتش يطردها ويتعامل معاها بهاد الطريقة. يفضل مرتو علها ،حسات بالحقد والكره تستوطن قلبها فاذا هو رفضها غادي تخلي مرتو ترفضو وادا بداو المشاكل بينهم ،وبدات ملاك كتشك فه غادي تنهار علاقتهم ويرجع لها بحال الكلب المدلول
خرجات من لوطيل ديالو كتبتسم بحقد شدات طاكسي واتجهات لاوطيل ملاك
بعد دقائق كانن واقفا فالاستقبال كتخنزر فه للاوطيل لكان كبير ومنظم مزيان شافت فلبنت لفالاستقبال
غيثة :مدموزيل كاينا مدام ملاك.
لبنت :وي عاد دخلات نقولها شكون
هي :(بابتسامة )قولها غيثة
لبنت :وخا
وقفات بعيد كتشوف الاوطيل وكتضحك بحقد حتى علماتها لبنت انها كتسناها فالمكتب ،وراتها لمكتب شكراتها ومشات للمكنب عندها ،حلات لباب ودخلات
ملاك :(كانت لابسا ملابس انيقة عبارة عن بدلة رسمية فالاسود سروال ولافست مع حداء عللي ،حطا مكياج انيق وشعرها مغطياه بحجاب اسود شافت فه مبهوضة بجمالها اما ملاك شافت فها بكره )وي علاس جايا عندي اش بغا
غيثة :(جلسات وتقابلات معاه وضحكات)وااو جت نكملو هدراتنا ونصحك بما انك عاد باديا الزواج مبغتكش تظلمي
ملاك :اوو خايفا علي متخافيش احبيبة خلي شفقتك عندك وقبل تفكري في شوفي راصك انت لكستحقي الشفقة
غيثة :متخافيش علي انا عارفا اش كندير وواثقة من حب فؤاد لي ،حيث هو تبغني وتموت علي وانت فقط اتنسني بيك
ملاك :(ضحكات)عرفتي اغيثة طليقك مجاش اتزوج بي ،لا هو تبعني ومخلا مدار عل اشافني داخ وملقاش عندو لمخ لفكر فه تصوري خطبني ودغيا دار لعقد بغاني انكون معاه وتحتو باي شكل وهداك لكتقولي تنسني بيك نهار كنتقلق عله تدوخ وتتعصب
هي :(غوبشات )كتحلمي والدليل انا جيت من عندو دبا وعلمني انو غير يطلقك نرجع معاه ضد فمو نصيحة مني متحلميش بزاف مصيرو يلوحك وبرجع له فادا انا لصغيرة وزوينة مجبتش له لولد غادي تجيبي لي انت لبرت وشرفتي ووصلتي 37عام لا
طلقات ضحكة خلات ملاك كتالم فصمت ورغم دالك بقات محافظا عل هدوءها
ملاك :(ابتسمات بكيد )شوفي في مزيان شفتي هاد البس لي لابسا هو لفرضو علي ،وشفتي هاد الزيف هو لدارو لي مستحيل شي راجل يفرض عل شي امراة تغطا الا ادا مكانش تغير علها وتبغها ،ونصيحة من امراة لامراة من للأحسن متحداينيس انا حسن منك بزاف لمرات ،شوفي اجسدي لمغطي كيف داير فما بالك بجسدي العاري راجلي تموت علي ومستحيل يبدلني ولا يخوني معاك ،لكنت امراة عاقلة قبلي النصيحة مكنتيش غادب تدخلي فتحدي خاسر وهو بنفسو لغادي رمك ،معاشس هدا لرفض ملاك ودبا خرجي برا
غيثة :(ضحكات)انت لبدتي غادي نشوفو واش غادي كون لي ولا لا
خرجات كتجر الخيبة وراها اما ملاك خنزرات وعينها غرغرو من شدة غيرتها عله منها ،هي متنكرش خايفة بزاف ولمخوفها لصحبح يكون دلكشي لقالت غيثة بصح وانو بغا يطلقها باش برجع لغيثة لعل حد تعببرها تبغها وحتى فؤاد لحد الساعة مدار ترد فعل ،هادشي تبين انو مزال تكن مشاعر لمرتو ،مسحات دموعها وجاوباات عل الحاجة لكتصل بها فهاد الوقت
ملاك :وي ااحاجة انا بخير علي كوني هانية لكن غادي نخدم ليل مغاديش نجي تال لغدا
الحاجة :وخا ابنتي نخلك تخدمي تال غدا ونتلاقاو
هي :وخا
قطعات معاها ومشات تكمل خدمتها وقلبها تبكي بكل حزن معرفاتش علاش هي معندها زهر ،وعلاش تطرا ليها هكا ،مزال مكملات شهر وعلاقتها بدات تعقد وتفشل والطلاق هو الحل باش هو ياخد حريتو ويرجع لمرتو وهي ترجع لعاءلتها
_____________________________
اما عند فؤاد لقضا النهار افلخدمة ،وفما تتفكر غيثة تتعصب ،وتتخربق كان هاني حتى بانت طليقتو ترونو وكلشي من ختو الخبيثة ،كمل خدمتو هز.طنوبلتو ومشا عندها يحل هال المشكل لغادي وتتعقد ومرتو غدا وكتبعد عليه
وصل عندها اشافتو عنقاتو لكن صدها بطريقة لبقة
هو:كاين راجلك
هي :لا مزال مجا من الخدمة
هو ؛مزيان اجي بغيت ندوي معاك فشحاجة
دخل معاها لداخل الفيلا وهو يتفاجا لقا صالونها مقاد ومرتب ولولاد جامعاهم فالجردة دايرا لهم وتحد الفضاء تلعبو فه
هز :ممم دارك.نقبة مبانوش ليك الدراري مرونن لك الصالون سبحان الله اش جاهم
هي :ههه مانعاه علهم راك عارف اخويا الصااون خاص بالضياف لدخلو له غادي رونوه ،لما يلعبو فالجردة بغتي نعمر لك اتاي ولبغتي قهوة
هو :مبغت وااو بغيت اندوي معاك ونمشي
هي :(استغربات )اش كاين افؤاد
هو :شوفي اختي انت اختي كبر مني كنحترمك وربي شاهد عاي عارف ضحتي عل قبلي وقرتني وحرمتي راصك من الزواج عل قبلي لكن را رديت لك ااخير هانت عايشا ففيلا عمرك كنت كتحلمي بيه وهادي هديتها لك بمناسبة زواحك ،زوجتك برجل الله يعمر له اادار بعد مقلت فاتك التران ووصاتي 35عام ومتزوجتيش ،ولادك تقراو
او فاحسن المدارس ،كتخلصي وانت جالسة فاادار ،واش انا قصرت معاك اختي حتى ولتي حاقدة علي وبغتي تهدمي حياتي
شافت فخوها وحدرات راصها
هي :علاش كتقول هكا اخويا انا بالعكس كون تزوجت فديك لوقت كثرتي نعيش فدار اقتصادية ونخدم بثمن 3000درهم وكون تزوجت برجل عادي غادي نعيش معدبة لكن انت درت في خير لمن بعدو خير ربي خليك لي
هو :اوا اختي مني درت فك الخير علاش درت في الشر علاش جبتي غيثة معاك واش معارفاش اني طلقتها ومبغتهاش فحياتي علاش جبتها وخلتي مرتي تخدم علها علاش؟؟؟ بغيت غير شي سبب لخلني نتقبل للوضع
هي :والله اخويا اقالت لي بغات تبارك لكم بحسن نية وتبارك لمرتك مظنتهاش انها تعلم ملاك انها طليقتك لولا
هو :(ضحك بسخرية )اش هادشي اختي واش كتفلاي علي ،واش انت جايباها لداري باش تيارك حتى انك معلمتنيش بهادشي ولا علمتي مرتي وخلتها تشقا وفوق هادشي ولادك رونو للصالون بلعاني حيث كانو مكان بلعاني حتى صالونك غادي كون مرون لكن مشاء الله دارك محافظا علها
شافت فه وحدرات راصها عارفا اش دارات وعارفا حجم الغلط لدارات بينو وبين مرتو
هي :سمحلي اخويا انا غلطت مستعدة نعتدر منها والله مفكرت بهاد الطريقة را غيثة جات عندي كتطلب وتراوغ انها بغات تبارك وتمشي وانت عارف شحال انا وياها كنا عل وفاق ومبغتش نخسر لها مظنتش غادي تقول لها انها مرتك تنا تصدمت علها خرجت بلا منودع ملاك حشمت منها
هو:شوفي اختي انت كبر مني وكنحترمك لكن تملاك مرتي وانا متزوجت بيها تقتنعت بيها وكنحس اني غادي تكون مرتاح معاها .نزدك كنبغها ومناويش نطلقها لهدا انساو الطلاق وقولي لغيثة تجمع راصها معايا،ااحب ماشي بالغصب ،وحتى انت جمعي راصك كيف عجباتك ملاك كيف معجباتكش المهم هي عاجباني غذا نبغيك تجي تعتدري لها ادا كنت فعلا كنت معلارفا والو اما ادا كنت متففة مع غيثة اهدمي حياتي غادي نسا بمرة انك اختي ونقطعها معاك يلا نخليك خاصني نمشي
شافت فه وعوجات فمها ومعجبتهاش الطريقة لدوا بعا معاها
نزهة :وخا اخويا غدا نجي نعتدر
هو :انشاء الله بسلامة
خرج من.عندها مغوبش ،وعارف اختو محاملاش ملاك ولا متقبلاها لكن متهموش كل لتهمو هو يحط النقط عل الحروف ويتصرف بحكمة ونهار ختو ترجع تدبر مشاكل ديك الساعة غادي تكون هدرة اخرى
ركب فسيارتو وانطاق ال الفيلا ديالو ،ادخل اول حاجة سول علها هي ملتك
هو :فين ملاك الحاجة واش مزال نجات
ااحاجة :لا اولدي الصباح بقنا مرونن مع الصالون را صبنات الزربية وعاوناتني عل الطلامط مكملنا تال جوايه 3 اتغدات ومشات لخدمنها وقالت لي كيف والو تخدم ليل حيث عندها خدمة كثيرة
هو :اشنو تخدم ليل هادشي لبقا امرتي تبات برا ، اتا غادي غندها
الحاجة :(ابتسمات )اه سير ودوي معاها بالاداب سير غوت علها ثاني راها مقلقة علك بزاف حاول تراضها
هو :هي لخسرات الهضرة الحاجة وعايراتني وهانت رجولتي مجتش وضربتها وخسرت تنا الهدرة اهكاك
ااحاجة :ولو مضربهاش اولدي شفتي كون اعنقتها كون هدات اي امراة مكتقبلش طليقة ولا صاحبة رجلها تجي ،عفا ولدي لما راضها بنتي ملاك درويشة .حنيتة وكلمة العيب مكتخرجهاش من فمها
هو :(ابتسم )شقتك تعلقتي بيها هادشي غريب اول مرة نشوف لعدوزة كتشكر فالعروسة
هي :اش نقول لك اولدي مني ربي تعطنا عروسة ضريفة وحنينة وبنت الناس ومسالمة بزز منا كنبغوها وملاك تدخل للخاطر مكتعرف لا سم ولا حقد وانت خاصك تدوي معاها لبقتي هكا مغوبش غادي طير من ادك وترجع تبكي
هو :ههه وخا انا نشوف اش ندير يلا بسلامة انا غادي عندها
في مكان اخر
بالضبط ففيلا انور ،دخل مبتسم ال لفيلا ،بقا نزهة فالمطبخ اشافتو ضحكات ومشات عنقاتو
نزهة ؛حبي جيتي شنو ظهر لك نحضر لك شي دوش مع فنًجان شاي سخون
هو :حضري لي غير الدوش عندي موعد عمل شي ساعة
هي :(حلات فمها )مغاديش تعشا معايا ولا شنو
هو :لا ممساليش وجدي لي الدوش دبا
هي :وخا امرك
طلعات سبقاتو وجدات له الدوش تبعها ،هز فوطو ودخل يدوش ،ادخل مشات تجري لتلفونو تقلب فه وكتقول فخاطرها
متاكدة داير مع سي واحدة ،هاد العشا جا غير اليوم مستحيل هادشي بخوفي تكون لكلبة تلع نسرين كتضور عله
بدات تقلب فه ،وتشوف لمسجات وتقرا فهم تخرج انور عل غقلة وحصلها وهو يخنزر فها
هو :اش كدبري واش كتجسسي علي ولا شنو اري تلقةن هنا وخرجي علي
هي ؛(حدرات راصها ببراءة ) وخا متقلقش غير كنت بغيت ندوي مع الحاجة حيث معنديش الصولد
هو :كاين شحاجة سمتها الخصوصية لبغتي اتصلي علمني دبا خرجي وجدي لي قهوة بما كملت
هي :وخا
خرجات تجري ،مغوبشة ،ومخها شارد ،هبطات للمطبخ توجد قهوتو وكتفكر فين غادي ،المساجات مفهمش شي مساج من عند نسرين وحتى واتساب ،وفين غادي كون مشا معقول يكون خلرح مع شي بنت
ابتسمات ببرود
ماسي مهم يخرج معامن بغا المهم عندي ميرحعش لنسرين ،كلشي الا نسرين ضحكات بكيد ،وجدات لي قهوتو وجلسات تسناه تبان لها هابط ،مريح ولابس تجين اسود مغ قميجة بيضا كلاص ،شعرة مرجعو لور وريختو كتشم من بعيد طلعات وهبطات فه واحساسها تقول انو داير مع شي بنت
هو:(جلس حط رجل عل رجل وشاف فها )شكرا المهم متخليش لي عشايا غادي نتعشا برا ومحال نتعطل حدي العشرة
هي :(ابتسمات )وخا لبغتي كنت بغت نخرج حيث انا مكنخرجش الا معاك لكن طالما انت خدام خليها المرة للاخرى
هو :انشاء الله يلا من بعد ونتلاقاو
خرج خلاها كتشوف فه بحيرة ،هز.طنوبلتو وكسيرا مبتسم اما هي بقات تخمم وتخطط بهدوء
_______________________
اما نسرين لتهي تزوقات ولبسات احلى معندها ودارات احسن روج ،وتجين بارفان واحسن جلابى عندها وخرجات للكافي لدايرة معاه ،وصلات مبتسمة وقلبها تصرب وشوية مخلوعة ايان لها مشات عندو
هي :(جلسات وشافت فها شحال تبان انيق )السلام ياك كتعطلت
هو :(تشوف شحال ولات زوينة وانيقة )لا متعطلتيش قلت مغاديش تجي
هي :الصراحة مكنتش غادي نجي ،كلقا صعوبة نخرج فلغشية را عارف الدار كتكون علمرة وبزز تكلقا شي عدر
هو :اه علرف كدير عويشة لاباس علها كبرات ولا مزال عنيدة
هي :(تبسمات)خالتي مزال عنيدة وقوية وكيف مهي
جا اانادل جاب لهم طلباتعن لطلبهم انور قبل متجي نسرين ،حط داكشي ومشا ،نسرين هزات عصيرها كتشرب فه وانور مقابلها
هي :ادن فاش بغتني كنظن شي موضوع مهم لمقدرتيش تقولة فالخدمة
هو :في الصراحة ماشي شحاجة قولي بعدا كيف جاتك لخدمة عندي
هي :الحمد لله وخا متعبة لكن كنحاول نتاقلم
هو :خهه حيث عمرك خدمتي دبا تولفي رغم اني كنحاول منثقلش علك الخدمة باش منهربكش
هي :ههه ربي خليك اسي انور قةلي كيف دايرة لميمة وكيف لمدلم لاباس علهم
هو :(شاف فها وخرجات من قللو تنهيدة حارة )كلشي لابس انا لملابسش انسرين
نسرين :(شافت فه بحيرة )علاش مالك انور عندك شي مشكل
هو :(شاف فها بحب )مني خلتتي وانا مخربق معرفش راسي من رجلي انسرين متلتش حاس بطعم الحياة من نهار مشتي علي
هي :(شافت فه بمرارة )انت لتخلتي علي وتبعتي مك وتزوجنت بصحبتي باش تولد لك المشكلة معلمتنيش تلقتك معاها في بيتي وففراشي كيف بغتني ندير ،وانا كنشوف خدامتي لعطفت علها وشفقت علها خداتك مني ،وغدرااني وانت غدرتتي معاها
عينها غرغرة ومسحات دموعها بالم
هي :صافي داكشي مضا المهم دبا انك لقتي معاها دلكشي لبغتي ياك مهلية فك بعدا ،كتطيب لك الشهوات ،كتحن فك ،كتلبي رغباتك
هو :(شاف فها بحزن )صدقيني لقلت لك انا معرفش كفاس تطرا هادشي كلو محسيت براسي تلقت راسي ناعس معاها وكلو منك ،انت كنت كتحرمني من رزقي ،كنت فشكل معايا لقت ضغط كبير محلتي الوالدة محلتي لك ،تلقيت راسي فحضنها
نسرين :المهم انك مرتاح وهي قدرات لمقدرتش نديرو انا ،انا كنت فاشلة وكنعتدر فشلت نكون زوجة صالحة وفشلت اكثر نسعدك حتى ضيعتك خلني نسا الماضي عفاك انور مبغتش نتفكر والو مزال قلبي منسا الجرح
هزات عصيرها كتشرب فه وهو تشوف فها مكسور
هو :انا مسعيدش معاها هي كتدير كلشي عل قبلي ،لا من نظافة المنزل لا من اهتمام بي لا ليالي حمراء لكن كنحس روحي ماشي معايا حتى فالنعاس كنتخيلك انت ماشي هي
نسرين شافت فه وكلها تزنكات وتوثرات لكن حدرات راصها وخلاتو يكمل
هو :اه هادشي بصح بعد مرات كنشفق علها حيث غير كنبغي نسها بك لكن انا رغم الصداع والمشاكل ورغم كلشي قلبي مزال تبغك انت .
هي :(شافت فه )خاصني نمشي تعطلت
هو :عفاك.جلسي شوية انسرين متهربسش مني
هي :مبقا والو بيننا حنا تطلقنا انور وانت تزوجت بيها واش نستي
هو :عندك الحق
هي :المهم نخليك خاصني نمشي نتشاوفو غذا يلا بسلامة
هو :اطط نوصلك
هي :بلا متعدبك جيت فسيارة بنت خالتي يلا باي
خرجات عينها مغرغرة ،وكتحس بقلبها تتوجع فصمت ماشي سهل علها تحدى معاناتها باش ترجع له لكن تبان ليها لقضية صعيبة بزاف هو مقتتع بمرتو الجديدة وتحس بتأنيب الضمير لكن هي شكون يحس بها ،ولا يانبو ضميرو تحد
يتبع غدا
لقرات تدبر جيم
رفم التفاعل ناقص الا اني كنحط لكم لكن مكنشوفش تعاليق بزاف ولا اشهارات للقصة
بقا متبعها بعينه حتى مشات ،حدر عينه بحزن ركب فلوطو ديالو ومشا لحال سبيلو وقلبو تتقطع لكن معندو ميدير ،هو بدا حياة جديدة مع انسانة اخرى معندها تدنب سوا انها تفرضات عله كيف كتفرض علها
وصل لفيلا ديالو ،اوصل لقا سناء موجدة له عشا عل ضوء ،الشموع ولابسا شوميز تاع النعاس فاللون الاسود ،وحطا مكياج انيق اشافتو تبسمات
سناء:كنت علرقاك مغادي تخلني نتعشا احبيبي بوحدي شوف اش وجدت لك الكرتان لكتبغي
بقا تشوف شحال كتدير عل قبلو بزاف الحوايح وهو للاسف مقدرش يمنحها لا حب لا مشاعر ،منحها البرود والقسوة ،مشا جلس وشاف فها
هو :سبحان الله اسناء شكون لقال غادي جي نهار وتكوني مرتي بعدما كنت خدامة عند طليقتي
هي :(شافت فه وحسات بالاهانة وحنى الظلم لكن مبغاتش تبين له جلسات وشافت فه بضعف )اش ندير داكشي مكتاب اسي انور انت ادرى اني عمرني فكرت نغدر مدام نسرين انا بنفسي قلت لك اني منستش خيرها لكن مك ضغطات عل والدي لطمعو مكانش امامي سوا حل واحد اني نقبل ونتزوج بيك
هو :(شرب جغمة من العصير وتنهد )وي فراسي انك معندك تدنب فهادشي كلو ،والديك غصبو علك انك.تزوجي بي والوالدة ضغطات علي بغات لولاد زعما ظلمونا
هي ؛(تبسمات)انا كنحاول نسعدك اسي انور وندير كثر مفًجهدي باش منخلكش تعاني بحال لماضي ،عرفت مدام نسرين دوزاتها علك انا استفدت من دوك للأخطاء وغادي ندير كثر مفجهدي باش نكون نعم الزوجة لك
هو :مزيان هادسي لاش مزوج بيك مني تكملي طلعي عندي انا نبدل حوايجي ونكمل شي خدمة بما سلتي
هي :وخا انا فخدمتك
طلع مغوبش اما هي بقات كتضحك بمياعة
ليوم خاصني نثقل لعيار شوية باش نحمل ،ونشدو بالولاد لخد الساعة هو تموت عل جسدي وبشوية بشوية تيولي يموت علي ولجبت له سي ولد يقدر يكتب لي هاا الفيلا ،ضحكات بغرور هزات لماعن ودخلات تغسلهم وتنقي مطبخها وتخلي اادار كتشعل
اما انور فطلع مهموم وقلبو مرون محلتو لقلبو ولا عقلو ،قلبو وروحو بغات نسرين لكاع اخطاءها وهفواتها اما مخو فمزال منسا كاع اخطائها ،مزال منسا المعاناة لدوزاتها عله ،مزال منسا كيف كانت انانية كتبغي اراسها وكتبغي افلوسو وكتبغي غير مصلحتها لكن هو اخر همو ،عمرها حسات بيه ولفهمات اش تبغي ولا اش تكره ،عمرها عاشراتو بكل حب ومودة كتعاشرو بحال شي مهمة مستعجلة خاصها تديرها وتنعس ،وتعطه ظهرها لكن هو بموت ولا يجلس متهمهاش
ًجبد بواطا تاع شي اقراص طبية كلا واحدة وشرب معاها كاس الما ،ومشا لبس صرفيط منزلية ،وتكا عل سريرو حتى جات سناء مبتسمة
سناء:(طلعات وهبطات فه بشهوة مزال لحى الان ممصدقاش انها تزوجت بانور الرجل الغني لعمرها كانت تحلم حتى تشوف فه وهاهو ولا ديالها ) نصحابك نعستي
هو :لا مزال مجانيش النعاس مخربق بغتك تنشطني اليوم وتطلعي لي المورال
هي :هي لولا لكن بشرط خاصنا نديرو كثر فطاقتنا باش نولدو شي ولد انور
هو :(اجابت له ولاد غوبش ) لبغا الله يلا شنو غادي تتشطني ولا نغس
هي :(ابتسمات )وخا انا كلي لك اش بغتي نشطح لك ولا نبدا فالتسخينات
هو :لعجبك المهم بغيت نسا راسي انا كاعي بغيت المورال يطلع واش غادي تقدري تنسني راسي ولا نمشي لجهة اخرة
شافت فه وطلقات ضحكة ساقطة
وخا انا غادي نسيك راصك انور
مشات لبلاكار جبدات منو بدلى رقص مصرية فاضحة ومشات لبساتها وهي كتضحك وحسا انو ولا تموت علها وعل لحمها ،كل اتهمو هو يكويها وهي هادشي لبغات حيث متاكدة ان النقص لتحس ببه من جهة طليقتو هي كتعمرو له
خرجات بكل أنوثتها ومشات خدمات موسيقى شعبية وبدات كتشطح علها وهو مقابها شارد ،تكمي كارو ومخو مع نسرين كعما مسوق لسناء للاسف مكتقدرش تحركو بحال لكتحركو نسرين ،متحسس بالمتعة بحال لكان تجس بيها مع نسرين بقا تشوف فها حتى جات عندو طلعات فوقو وبدات كتمارس معاه وهو احساسو وقلبو .روحو كلهم مع نسرين ،لدرحة ولات تتخيلها ومحاس براصو ،اش تدبر ولا اش تقول واحد اللحظة دفعها بكل عنف وبدا تملرس معاها بهمجية وهي كتغوت بالم وصعف اما هو فعايش فعالم بوحدو ،تتخيلها هي لتحتو ،تتخيلها هي لكستنجد بها لدرجة قرب من نسرين وبدا يدوي بصوت اقرب ال صوت فحيح ثعبان
كنبغيك انسرين فوق متصوري كنبغيك اروحي ومستحيل نبغي من بعدك شي امراة لخرى
سمعاتو وهي تصدم وخرجات عينها بكل الم ،ممتيقاس دلكشي لسمعات واش بعد كل داكشي لدارات مزال تبغها ،مزال منساها ،بعد كل العداب لدوزات عله ،بقات مغوبشة مخنزرة لكن بقات صامدة مقدراتس تدوي ولا تكلم فقط بعدات عله بعدا مكمل لوات علها ليزار ودخلات اادوش ،تدخلات طاحت كتبكي عل ركابيها ممتيقاس انها بعد كل مدارات باس يكون لها مزال مطاح فاذها
اهئ اهئ الله اربي مخليت مدرت باس نفرقهم للسحر وسحرت لهم ،شخصيتي وبدلتها ،الرشان ورشتو ،اش خاصني ندير باس يكون لي بوحدي وهاد الخير يكون لي كلو ،حتى الولد لبغتو يكون سلاح مزال مجا ،علاش اربي علاش مزال مفلحت شنو السر لخلا انور مزال منسا ديك للكلبة ،لكن غادي نشوف اش ندير مغاديش نستسلم بهاد السرعة هو خاصو يكون لي غير انا ،مسحات دموعها .دوشات وخرجات عندو لقاتو جالس فالبالكو تكمي وهي تمشي عندو شبه عارية جلسات حداه
هي :حبيبة عندك سي مشكل
هو :لا وجدي لي شي كافي قاصحة ولباقي شي عشا جيبيه لي
هي :وخا هي لولا
باستو فخدو وهبطات
مسح قبلاتها وشد تلفونو واتصل بنسرين ،لكانت مستسلمة للنوم فهاد الوقت اسمعات لتصالو فاقت مخلوعة وجاوبات عاه
نسرين ؛الو وي انور خبار لخير
هو :مكن ندوو فديو انسرين ديا محتاجك بزاف
هو :مالك اش طاري معاك
هو :بليز
هي :وخا
دارات ابيل فديو وهو يبان لها بحوايج اانعاس ،باين عله للتعب ورعم دالك بان وسيم
هو :(شاف فها وابتسم )حتى وانت ناعسة كتباني زوينة بزاف
هي ؛(تزنكات )ربي خليك اصلا كنت ناعسة راك عارف كتفيق بكري مضطرة نعس بكري
هو :اه عارف لكم انا مكنقدرش نعس انسرين من نهار تطلقنا النعاس غادرني
هي :(تنهدات )خاصنا نساو لماضي اانور انت بدتي حياة جديدة وحتى انا خاصنا نبدا حياة جديدة هادي سنة الحياة خلنا اصدقاء
هو :(غويش)متقوليش هادشي انسرين انت طول عمرك كنت لي وغادي تبقاي
جات سناء فهاد الحظة جايبا قهوة وسي طبسيل لكرتان شافتو ندوي وتنواا ومشات حتى لطابلة بدات تحط داكسي وكقرب لجهة لكاميرا باش تفقص نسرين ادرجة نسرين قشعاتها وغوبشات
انور :(خنزر فها )صافي شكرا سيري تنعسي خلني ندوي عل انفراذ
هي ؛(كتطلع وتهبط فه ومتاكدة انو تدوي مع نسرين )وخا احبي المهم ارتاح راك عيتي ودوش ممزيانش تبقا بالجنابة احبي
قالت هاد جوج.كلمات .مشات بعد مسدات لبالكو، خلات نسرين كتشوا عل نار مهيلة
نسرين :تبان لي تنوص تنعس مرتك مكدباتش خاصك متنغسش عل جنابة
هو : (ضحك )مديش علها را كتزيد فه ، وخا نعس مع مئة امراة والله كنتخيلك انت ،وكون كنت انت معايا كون مخشي فيك كعما نخلك تخدمي علي انا نخدم عل الزين ديالي
هي ؛(تبسمات )صافي نسا وسير حدا للمدام خلني نعس
هو :مبغتش ربغيت ندوي معاك اشنو بان لك نخرجو غدا نمشو لشي قنت
هي :لا منقدرش انور مجاس نخرح معاك اتت راك مزوج حشومة نبقا خيطي بيطي معاك
هو :عفاك انسرين را محتاج لك دبا بزاف ،انت عمرك حستي بي حسي بي دبا عطنا فرصة .خلي الزمان يعطي كلمتو عفاك
هي :(تنهدات )وخا انا نشوف كيف ندير يلا خلني نعس تال غدا
هو :(ابتسم )وخا احبي تصبحي عل خير
هي :وانت من اهلو
قطعات عله وهي تبسم بحب اهزات عينها وهي تلقا عويسة واقفا علها وكتبسم
عويشة :ممم حسي بي وحسي بيه ابنتي متكونيش قاصحة
هي :وماشي هكاك اخااتي غير غادي نخرجو
عويشة : خرجي ماشي مشكل لكن ردي بالك منو وقبل مندوي عاودي لي عل الخرجة تاع لبوم
هي :واش انت مزاا فايقة اخالتي
عويشة :وعل لعندو لبنات ينعس ،يلا عطت جوج.كلمات لدلبلة كنت غدا نعس تسمعتك كتدوي قولي لي كيف داز موعدك
هي :عادي اشربت كافي معاه وتخاصمنا بدا تلوم فه وكلوم في وبدا تشكرها خلتو وجيت
عويشة :اه ودبا علاش تصوني
هي :والله معرفت لبان لي انو كان ناعس معاها تكمل اتصل بيه وفي لحظة بانت لي جايا عريانة كتحط له عشاه ،بلعاني باش نشوفها وكملاتها قالت له نوض دوش ممزيانش تبقا بااحنابة
عويشة :هههع وهل لتنعس معاها الراجل تنوض وتخلها ويدوي مع غيرها باين ممعمراش عينو وهنا فين خاصك تستغلي هادشي لصالحك حنا مبغناكش تصاحبي معاه بغناك تزوجي بيه وليوم قبل غدا وقبل خاصك تحطي امام عينك ان امو مستحيل تقبل بيك هي مصدقات تتهنات منك وتعاونات مع صحبتك لهي فالاصل كانت خدامتك ،
نسرين :عندك الحق امو مكتبغنيش لله فلله ومستحيل تخله يرجعني لكن كفاش هو غادي رجغني ادا هي كانت رافضة
عويشة :المهم خاصك تزوجي بيه ليوم قبل غدا وهادشي مغادي كون الا ادا اقربتي منو وشعلتي نار الغيرة ،حنا مغادي نستفدو والو ادا عرفات مرتو ومو انك خدامة عندو يقدرو يديرو مشاكل لك وانت عارفا امو شحال شريرة
نسرين :خالتي مكتحملنيش جل المشاكل كان بسببها حاولت نتقرب منها بلا فايدة معرفتش علاش محملتتنيس
عةيشة :منها لخالقها المهم هو باغك انت دبا جا الوقت لتهاجمي وترجعي راحلك لكن فبل خاصك تكسبي ثقتو وتخله يتاكد منك ومن مشاعرك وقبل منسا ضروري شحد يدخل لديك اادار
نس ين :علاش اخالتي
هي : خاصنا نفكو السحر ونتجسسو على ديك الشايطة باش نعرفو كلشي علها وتعرفو اش تخططو كن وراه الضبعة يلا دبا نعسي باش غدا تخرجي معاه وقبل منسا استغلي انوثثك يكفي انو مزال تتخيلك وهو ناعس مع مرتو هدا بحد داتو ماشي اعشق هدا فوق العشق باقي لك خطوة واحدة ويجي عندك ومني جي عاد لنا هدرة اخرى يلا تصبحي عل خير
هي: تلقاي لخير اخااتي دعي معايا
عويشة :انا كندعي معاك ديما ابنتي ربي يفرجها علك والله يغلبك عل ولاد الحرام
نسرين :امين اخالتي
حسام وصل هاد اللحظة للاوطيل عند ملاك وبما انو شخص معروف ملقاش صعوبة باش يوصل لغرفتها بلا مشاكل
وقف عل لبنت لفي الاستقبال
هو :مدموزيل ممكن تقولي لي فين لقا مدام ملاك
لبنت :(ابتسمات )اهلا مستر فؤاد شرفتي لمدام غادي تلفاها فجناحها غرفة 6
هو :ممم ممكن تعطني مفتاح لغرفة انا ومرتي مخاصمن وبغيت نصالحها بطريقتي
هي :لهلا يخاصمكم ،مدام ملاك حنينة وضريفة انا غادي نعطك مفتح الغرفة
مدات له المفتاح وضحكات
لبنت :شي طلبات ثلتية
هو :اه شي عشا عل ذوقك ويكون زوين مع شي ورد احمر نكون مشكور
هي :وخا انا فالخدمة
ابتسم لها ومشا خلاها حلت فمها وقلبها تنبض باعجاب لهاد للوسيم
هو مشا فخطا رجولية وتبتسم وتفكر ملامحها مني غادي تشوفو اكيد مغاديش تحملو وماشي بعيد تطردو لكن متهموش ،وصل بغرفو ديالها حا بالسارةت ودخل وعينو كتقلب علها حتى سمع الدوش وهو يضحك ،حيد لفست ديالو ،وحل جوج صدايف من قميجتو مانو مزيرين عل صدرو عاد ارتاخ ودار رجل عل رجل وجلس كيتسنا فه ومصمم يتصالح معاها ليوم
اما ملاك فكانت متعبة ومهمومة ومجروحة ،خدات دوس خفيف ترتاح فه من ضغط يوم كلو تعب وهم ، لبسات شوميز فلغوز سمطات وطويل حلات لباب وخرجات مغوبشة احلات خطات خطوة وهو يبان لها فؤاد جالس كانو جالس فدار باه خنزرات فه
ملاك :اش كدير انت هنا وشكون عطاك لحق تدخل
هو :(ضحك )تحاجة مكتعصا علي أنا نقدر ندخل عند مرتي فاي وقت فراصك جا معاك لغوز
هي :ممكن تخرج را علمت خالتي اني غادي نبات هنا فبلا مدبر فها سي السيد
هو :(خنزر فها )وانت معندكش راجلك تخبريه زعما معيطا عل خالتي تعلمها
هي : كون كان عندي راجلي شلا ميكون لكن للاسف راجلي معنديش فبلا متغوت علي سير خرج مبغتش ندوي معاك
هو :مخارجش اكوني هانية دبا جلسي الارض خلنا ندوو خاصنا ندوو
هي :مغاديش ندوة حنا غادي نطلقو افؤاد فقط مسالة شهور وكل واحد يمشي لحال سبيلو انت ترجع لطليقتك وانا رجع لدارنا
هو :جلسي للارض بعدا وخلنا ندوو
هي :لا هدرتك كولها معندي مندير بيها دبا خرج
هو :واش بغا توض لمك ولا مالك فمك اياكلك مزال منست معيورك لي حد دبا ساكت واحد غيري كون طلقك بسبب اني ماشي راجل لكن انا مدرتش هكا
هي ضحكات بسخرية
لا ونعم الرجال انت را صرفقتني وقلت لي حمدي الله حيث تزوجت بي عل اساس انا كنت بايرة مبغاني حى تجتي انت وتكرمتي وتزوجت بي ياك ،وماشي اهكا خلتي ختك تكرفص علي كنت عيانة مفي لشقا وخلتني نوض نوجد لها مناكل
هو :والله منويت دير شي تصرف خايب صونات علي بغات تبارك وتعشا نقول لها لا املاك.را حشومة نردها حنا اهل الكرم والجود حشومة يترد الضيف وخا ميكونش عندك لفلوس نسلفو ونكرمو
هي :(كتغوت )اهاه انت مبغتش تخسر لها خاطرها وخسرتي لي خاطري ،حتى ولادها ردو الصالون حااتو ممشت خملتو ونقتو بطلوع الروح وهي بلعاني حرشات ولادها يديرو ديك الحالة وكملاتها جابت ديك غيثة معاها وخلاتتي نخدم علها اهئ اهئ مالني انا عل حالتي داخلا عل حرب ومشاكل من البداية خوتاتك متحملوميش معرفتش علاش عاد طليقتك حطاني فراصها مالني انا عل هادشي انا را عيت من المشاكل بغت ارتاح
شاف فها وتنهد ووقف وجرها من ادها
اجي جلسي املاك بغيت ندوي معاك
جلسها حداه وشاف فها بحب
هو :فنظرك انت علاش تزوجت بيك
هي :(غويشات )حيث زوينة وطاي اكيد
هو :(ضحك)لا المكلخة ماشي هادشي ،تزوجت بيك حيث عجبتني وشفت فك مثال للمراة الصالحة لغادي تسعدني ،كون بغيت طايات را عطا الله لكن انت عجبتني بزاف وهاد لعينن حمقوني ،عاد متشدتي لي ابزز وكون مخدتك كون حماقت
هي :(تزنكات)اهاه علها قلت لي حمدي الله حيث خدتك
هو :(حك رلصو بتلاعب )اهاه حمدي الله علا انا شةية احبيبة انا را فؤاد دبا سمحي لي واري داك الراص نبوسو
قرب منها وباس لها راصها بمودة
هي :(شافت فه وتبسمات )تنت سمحلي مكنتش بعيت نعايرك لكن كنت معصبة من ختك وظنتك عارف بشان طليقتك وظنتك متفق مع اختك
هو :انا نتفق مع ديك لكلبة اكيد لا مثقيش فها راها مسمومة وحقودة وخا تبقا اهي منرضاش بيها وختي دويت معاها وفهمتها غلطها ومن اليوم متشقاي عل حد. وانا نعطك الموافقة لدوات معاك عطي مها صافي مغاديش نبقا مقابلهم حنا ماشي براهش
هي :(ابتسمات )صافي عرفت غيثة جات عندي ليوم جات تهددني باش نبعد علك وقالت لي انك غادي تطلقني وترجع لها
هو :(تفركع علها )وااله تغيثة أكبر مكلخة بعدما جات عندي جات عندك انت مكتعياش هادي شوفي نقول لك مثقيش بيها ولبقات تابعاك غادي نوري مها اش كنسوا صافي سمحت لي
هي :(ابتسمات)صافي لكم متبقاش تغوت علي
هو :اح علا متبقاش تغوت علي طالعا من فمك كالعسل اجي عندي
وفهاد اللحظة الحرجة تسمع الدقان
هي :اطط نشوف شكون لبغاني
هو :(خنزر فها )فين غدا جلسي الارض مبانش لي شعرك عريان ومعرية انا غادي نشوف ونجي
هي :وخا
مشا خل وهي تبان له لبنت جايبا طلبو شاف فها وشكرها ومد لها شي زرقة
شكرا انسة نخرج نخلص ثمن العشا يلا امكانك تمشي ،خدا من عندها الطابلة لمزينة بالعشا عل ضوء الشموع وتم داخل بها وحطها حداها وهي كتشوف فها وابتسمات
هو :شوفي امدام ممنوع شعرك يشوفو اي مخلوق وحتا لحمك منبغيش يبان انا رجل مغيار منبغيش مرتي يشوفها شي حد اخور ،نساي حياتك كيف كانت قبل المهم عندي هو دبا مفهوم
هي :(ابتسمات)صافي وخا اس هادشي
هو :العشا كيف جتك احبيبة طالما مبغتيش تباني فدارك وهربانة علي قررت نجي عندك ونتعشا معاك
هي :ربي خليك اصلا كانت عندي خدمة كثيرة عاد كملت والصباح عيت انا وخااتي تعاونا انا وياها فداك الصالون وحتى الخدامة مزال ملقناها
هو :اه خلها علي غادي نشوف شي امراة تخدم عندنا مجاتش تبقاي تشقاي لا انت لا الحاجة
هي :ماشي مشكل نشقا افؤاد انا مك نهزها برموشي ونشقا علها انا فدارنا كتشقا حيث ماما مدايراش خدامة ومعوداتناش عل الخدم ،لكن خواتاتك مني تجو تضغطو علي بزاف وترونوني
هو :(عنفها ) عارف احبي والله تعارف انا نشوف شي خدامة تعاونك عل شغل اادار يلا اجي كولي
هي :يكون خير
بدات كتاكل معاه وقلبها صافي من جهتها وختى هو قلبو صفا مني حط اانقط عل الحروف وبدا يفهمها عن قرب ويفهم شخصيتها وحتى هي بدات تفهمو وتعرف انو ماشي بداك السوء وانو ماشي ماشي راجل ولا عبد اختو كيف قالت اكملو ضحكات
هي :فؤاد بغيت نقول واحد ااحاجة ومتقلقش
هو :(هز حاجبو )اش كاين خبار لخير
هي :انا في دم الحيض لكنت جاي بغتي حقك يؤسفني نقول اني منقدرش
هو : (قرب منها وباسها )دوماج كنت بغيت نتصالح معاك بطريقتي لكن اش ندبر نصبر اشنو بان لك نمشو لشي كافي ومن بعد تمشو لدارنا معنديش مع اوطلات
هي :وخا دقيقة نبدل وهانا معاك
خلاتو جالس تقاد هندامو دخلات اادوش تبدل وبعد دقاءق خرجات عندو
هو :(شافها حل فمو )واو هاد الزين كلو عندو ونخونو مستحيل
هي :ههه نمشو
شد لها فادها وتياكلها بعينه
هو :نمشو
خرجات معاه شاد له فادها وتتمشاو بكل راحة وكاع.من في الاوطيل تتغامزو علهم
في مكان اخر
عند نبيل
في القصر ديال العائلة ،جلس مع العائلة لجاو يهنوه بمناسبة العفو الملكي
السليماني :مبروك اولدي عل خروجك من السجن هنية علك
هو :الله يبارك في ابابا ،دبا جا وقت الانتقام متصورش شحال كنت نحلم باانهار لنخرج فه من داك الحبس ونتقم من ديك الكلبة لدخلاتني هي ولبعلوكة تاع لنتها
شافت فه امو بقسوة
كون سمعت لي كون دفنت مها حية هي وديك لبرهوسة لحد الساعة معرفت كيف تزدادات عندنا بنت حنا طول السنوات الاخيرة كنا كنولدو الولاد وقليل فاش كتزداد شي بنت عندنا ونهار كتزداد كندفنوها حية ولا كنبعوها حيث لبنات مغادي زدونا والو
هو ؛لعطا الله عطاه نستي انها كانت مصورة فدبو وكانت مصفطاه لشحد وكانت كتهددني بيه ،حاولت نعدب مها لكن بلا فايدة علها خلتها عايشة لكن للاسف جا لعتقها مني ،لكن غادي نوري مها اش كنسوا
السليماني :برايي سد هاد للموصوع داك لمعاها ماشي ساهل بسببو دخلات لحبس وبسببو غادي تنهار امبراطوريتنا بعد عله
هو :بغيت نعرف شكون هو ،ومنن جايب هاد السلطة كلها وعلاش تحد متقدر يقول له لا
شاف فها عمو شوفة قاسية
مغاديش تقدر عله ،هو وراه ناس صحاح وبزاف وهو ماشي شرطي عادي هو عندو جنسية امريكية وكان خدام فالمخابرات وكاع عائلتو كانو خدامن فلمخزن الأمريكي وكانو واخدين مراكز كبيرة لكن بعد موت واليديه قرر يدخل للمغرب يخدم بلادو وأول حاجة دارها فاش جا انو دخلك لحبس
هو :مصيبة هادي معاه .لكن متهمنيش المهم عندي هو الفديو لعند عشق ناخدو
السلماني :(خنزر فولدو )اطونسبو لمرة لجايا لطحت يويلك.منو مغاديش نعتقك منو لرجعتي غلطي مغاديش نضحي بتاريخنا عل قبلك لمشنا تتعرفنا غاذي نطيحو كلنا بعد منها هلهغ تعيش كيف بغات وانت عيش كيف بغتي وموضوع لفديو خله عنا
نبيل :(شاف فهم مغوبش ) اوكي
بعد يومين
ليوم.خطوبة عشق عل الشاف جاسر لجا يخطب عشق برفقة ام فؤاد وباه واحمد ومرتو ،استقبلاتهم عويشة هي وسيمو بابتسامة كبيرة
عويشة :مرحبا والف مرحبا تفضلو
جاسر :(كان لابس بدلة رجولية فالاسود انيقة بزاف وهاز معاه بوكي الورد )مرحبا بيك اخالتي
طامو :(مدات لها جوج بلاطوات واحد فه لحلوة واحد فه الشكلاط ) ربي خليك اعويشة
عويشة :تفضلو شوية مالكم واقفين
دخلو للصالون فين كانت محموعة العائلة ،مليكة ورجلها ورجا وراحلها وبناتها ومعاهم سندريلا لشافتو ضحكات ومشات تسلم علهم
جاسر :اوو عل الاميرة ديالي جاك لقفطان زوين
سندريلا :اه شراتو لي ماما اعمو لكن فالعرس بغيت غوب ماشي قفطان
هو :(باسها )جاتك ابنتي اجي نجلسو
مشات جلسات حداه وفرحانة بزاف حيث غادي تزوج بماماها ويعوضهم ويحمهم من باها ،تقدر تكون هي طفلة صغيرة لكن طفلة عانت بزاف مع باها ،باها لحرمها من ابسط حقوقها وخلاها تكرهو كيف مهو تكرهها ،معادلة بسبطة كلما عطتو حب كتاخدو حب ،وكلما عطتي كره كتاخدو كره عل قد العطايا عل قد للاخد
جاسر :(ابتسم )اوا فين عشق را جاي نركب لخواتم اعمي ونخطبها بشكل رسمي لكن خاصكم تعرفو ان سندريلا من لليوم غادي تكون بنتي او لا اسندريلا
هي :(ضحكات)انا اتهلا لي فماما ومضربهاش وتكون بابا
عويشة :ههه هاهي مها عطاتك موافقتها حيث دبا حنا كنولدو لولاد وتربونا هوما ههه
جاسر :ههه االه يصلح اخالتي المهم هو نعرفو ربو الولاد تربية سليمة هدا هو للاساس
سيمو :اه اولدي
شاف فسندريلا
يلا ابنتي عيطي عل عشق وانت اليلى قولهم يوجدو لنا الضيافة
ليلى :وخا
سندريلا مشات تجري مشداتها تعند ماماها لكتوجد راصها ومعاها ملاك ونسرين
سندريلا :ماما عمو جا قالو لك هبطي باش يخطبك عمو
نسرين :شفاك فرحانة بحالا انت لغادي خطبك وباز
سندريلا :بصحتي يلاه تنت قلبي عل شي راجل وفرحي
عشق :ههه ودعي معاها ابنتي ترجع راجلها وتجيب لينا شي فنكوس
سندريلا :(هزات ادها متدعي )يربي ترجع راجلها ونتهناو منها في القريب العاجل انك سميع اادعاء
نسرين :(غوبشات)والله مك نهار نشدك تنتفك
سندريلا :(عوجات فمها )متقدريش اخالتو تشدني حيث بابا جاسر غادي شدك فلحبس لدرت لي شحاجة انت اترجلي شوية ودبري عل شي راجل
ملاك :(شدات كرشها وكتضحك )عطاتك انسرين هههع شفتي هاد المشة غادي كون عندها مستقبل كبير وقولو ملاك قالت
عشق :اجي نهبطو شوفو واش زوينة كيف كنبان
سندريلا :ماما انت زوينة بزاف والله غير هبطي خلاص
عشق :(شدات فبنتها )يلا اجي افليفلة نهبطو ونقصي من الحلوة غادي تولي دبدوبة
هي :ممم منقدرش نقاوم الحلوة لكن نخاول
شدات فادها وهبطو وهي لابسا قفطان دهبي تلمع مع مضمة غليضة وحداء عالي ،مع حجاب رقيق ومكياج انثوي ،اما سندريلا فتهي لابسا قفطان فاحمر مطروز مع مضمة رفيقة
هيطو لعند العائلة لكتسناهم عل نار جاسر اشافها ابتسم ابتسامة رحولية وعينه كتعبر عل مدى حبو لهده المراة الصبورة الحنونة
طامو :تبارك الله عل سندريلا كةن اكان عندي ولد كون خطبت سندريلا ديا
رجا :هههع دوماج معندنا ترجل صغير قالعائلة كلشي شارف اما كون درنا مدرار ايوب ليلى
ايوب :(شاف فليلى وضحك)انا خطبتها فالصغر لكن امشيت نقرا ونكون راسي جيت مبقاتش عاقلة علي جاب الله اتا عاقل علها ههع
جاسر :النصيب اخويا ايوب النصيب هو بتعطي كلمتو
اوا عمي سيمو را جيت هنا نخطب بنتك لي ونوعدك مغادي خصها تخير معايا
سيمو :اش تقول اك اولدي لتفقتو منزدكم الصلاة عل النبي
عويشة :عشق اش بان لك
غشق :(شافت فه وحدرات راصها )موافقة
طامو زغرتات بكل فرحة
مبروك علكم تستاهل اولدي عشق لالات لبنات وغادي تسعدك
في المطبخ واقفا دليلة كتوجد الضيافة ومعاها نسرين وسالي تعاونوها حتى كملو ،خرجو بالضيافة ،نسرين هزات صينية اتاي تبعاتها سالي بطباسل فهم الحلاوي ودليلة بلكيك المشكل وخارجا كتزغرت بحال زغاريت النكافات
عويشة :تبان لي فغرسك ابنتي نخدمو دليلة فبلاصة النكافة راها قدا
دليلة ؛ههع والله تنعجبك اخالتي تخطني عل ااجرح يبرا
مليكة :(كتطلع وتهبط فها وكتشوف فها باهتمام )فين تعلمتي هادشي تيان لي فالحة فكلشي
هي :(حشمات.)غير صحبتي نكافة مرو مرة كنمشي معاها كيف كتعرفي كتبغي نضبر عل راسي مرة نطيب مرة نكف كل مرة اش ندير
هشام :(تدوي معاها ) مااك دايرة لبنت استنطاق
هي :صبر ايجي ولدك وغادي تفهم كلشي
تحطات الضيافة وجلسو العائلات تدوو عشق جلسات هي وبنتها حدا جاسر لجلس سندريلا عل رجليه ومها كتشوف فها بعتاب
عشق :براكا من الحلوة شوفي كيف ولتي دبدوية
هي :انا عاجبني راسي اماما هكا
جاسر :ولكن ابنتي مغاديش تبقاي تحركي بزاف وتولي غليظة بزاف وتلقاي صعوبة تحركي ومني تبغاي تلبسي حوايجك ميجوش قدك
هي :بصح ابابا لكن ماما غليظة
هو :ههه ماماك امراة كبيرة وانت صغبرة تتكبري وغادي تغلاضي دبا خاصك تنقضي السكريات وديري رياضة باش متمرضيش ومتنسايش انك بغتي تكوني شرطية والشرطيات متكونوش دبدوبات
هي :اه عندك الحق نسيت ابابا جاسر صافي براكا علي من الماكلة غادي نطلع لعب فببتي شوية
عشق مشات بنتها بدات كنضحك
سبحان الله كتسمع لك انا وليت كلقا صعوبة معاها
هو :لا غير بالخاطر متنسايش ان دور الام بوحدو ودور للاب بوحدو عمر للام كتعمر كاع لخصاص لكتحس ببه لبنت من جهة بنتها وسندريلا مزال عندها لخصاص وانا غادي نعمرو لها
هي :ربي خليك لنا اجاسر معرفناش من غيرك اش كنا غادي نديرو
هو :(ابتسم )متقوليش هكا اوا اش يان لك نذيرو عرسنا هاد اسبةع ولا اسبوع الجاي ولا بغتي تتوجدي راصك
هي :لا كنظن فاقرب فرصة ،مبغتش نبقا مثقلا عل دارنا كثر من هكا ومبغتش عرس كبير يغيت اندير نهاري فدار والدي ونمشي
هو :صافي لبغتي احبيبتي لسلكك المهم عندي تكون مرتاحة وفرحانة
هي :متهمنيش المظاهر المهم عندي هو يجمعنا بيت واحد ونربو بنتنا ونولدو ولادنا
شاف وركز عل ولادنا لعجباتو
هو :يكون خير اعشق يكون خير
_______________________________
دخل بلال فهاد اللحظة مبتسم شاف فالكل وضحك
السلام عليكم الله يجعل كلشي مبارك مسعود
سيمو :دخل اولدي شرب معانا اتاي ولعقوبة لك انت راك شرفتي
هو :اودي مكاينش معامن مكاينش
هشام :لقلب عل بنات تلقاهم ولتقلب عل بنات الحرام تلقا
مليكة :هههه قصف مجهد اهشام هدا عطته
رجا:(ابتسمات )هههه تبان لي لمزوجتوهش عمرو يتزوح
عةيشة :ههه دبا يتزوج انا نعلمهم يعمرو لبلال اتاي
مشات للمطبخ عند دليلة لواقفة مع ليلى
عويشة :دلبلة سيري بنتتي جيبي الصينية لبرا وعمري اتاي جديد را ولدي بلال جا
دليلة :(خرجات عينها وقلبها تخلع )وخا
خرجات برا فين جالس بلال اشفها خرج غينه فها هي حدرات راصها هزات صينية اتاي وهو بقا تشوف فها وتياكل فها ومو كتاكل فه وكتغمز باه
مليكة :شوف ولدك اش تدير كلا لبنت
هشام :لا ممتيقش ولدك دوقو تبدل ولكن الحق دليلة بنت حادكة وتاعت الزمان
مليكة : ولدك لصلكوط معرفتش لمن شابه
هو :من شبه اباه فما ظلم لكم نهار يطيح غادي طيح عل وقفتو كوني هانية
ايوب :(غمزو )مالك اش كاين شفتك مهواش
بلال ؛ دخل سوق راصك انت وخلك فمرتك
ايوب :مم وخا هانا ساكت
بلال بقا جالس تبان له الجو خلا ليه ناض من سكات ومشا المطبخ عند دليلة لكتعمر اتاي في صمت
هو :(شاف فها مغ بش)علاش مكتجاوبيش عل اتصالاتي
هي :(شافت مبردة )كانت ماما حدايا وبدات تشك وانا مقدا عل صداع
هو :اهاه مقدا عل صداع وديك الساعة صفطي مساج طمئنتي فه
هي :مكنتش مشارجيا
هو :(غوبش فها )شفت مك كتدوي منفخة مالك اش كاين
ضارات وشافت فه
شوف اولد الناس انا مغاديش نبقا خيطي بيطي معاك فلقهوة را ادا شافتني خالتي عويشة ولا خالتي مليكة غادي نولي فشي مشكل من الاحسن نتفارقو
هو :(خنزر فها )كفاش نتفارقو حنا هاد بدينا واش كتدوي بصح ولا كتصحكي علي
هي :كتدوي بصح مكنتفلاش ابلال عفاك خلني علك مقدا عل مشاكل
قرب منه معصب ،ومفاهمش راصو مزيان ولا عارف اش تدير لكن هاد لبنت كتعجبو بزاف ومقدرش يخلها تبعد عله باي شكل ،شاف فها وفعينها لحزينة وقرب منها بلا هواه شدها من خصرها بعنف وجرهع لعندو وهو يبوسها بكل جوارحو هي بدات كتضرب فصدرو لكن شكون سمعها كلشي مشغول بالخطبة. تلبيس الخواتم وسي بلال تبوس فها بلا هواه احط فمو مقدرش يبعد حتى صرفقاتو وبدات تبكي
هي :بعد مني حماقتي ولا مالك خرج علي
هو :(خنزر فها )غادي نشوفك فالعشية ويويلك متجيش
هي :حقير كنكرهك
خرج معصب وخلاها كتغلي ودموعها تطحو معرفاتش كفاش تصرف معاه، من جهة قلبها مايل له بزاف ،لكن مبغاتش تفتن به وبحبو الزائف هي حسا انو باغي ايتفلا علها ويضيع وقتو مستحيل يشوف السيد فبنت الخدامة ،مسحات دموعها ومشات خرجات صينية اتاي مع الكيك
حطاتهم حداه مشافتش فه باامقابل هو تشوف فها معصب بزاف من طريفتها معاه ،عمر شي بنت استعصات عله لكن هاد دليلة حتى لمسة ايد مكتبغيش تخله يلمسها ولا يقرب لجهتها وهادشي معصبو
مليكة شافت فه بكثب بانت ليها راجعة للمطبخ وكاع لبنات جالسين وعزات علها
مليكة :بتتي دليلة اجي جلسي شربي اتاي من جتي مكلتي وااو
دليلة :لا اخالتي ربي خليك را خلت لعسا مردود خفتو يتحرق انا ناكل فلمطبخ
مليكة :اجي ًجاسي انا نشةفو انت ارتاحي شربي اتاي انا نمشي نشوف لعشا واش طاب ولا لا
دليلة :وخا اخالتي ربي خليك
مشات جلسات حدا لبنات وبلال حاضها وتخنزر وهي مرة مرة كتشةف فه وكتخنزر بدرورها فه ومحملاتش طريقتو السوقية معاها
ليلى شافت فايوب
حبي واش مخاصمن هاد الجوج معجبونيش
ايوب :اه الحب هداك خلك منهم وقولي لي امتا تخنا نتزوجو
هي :(ضحكات)خلي ايفوت عرس عشق احبيبي وندبر عرسي ولا تبغي نديرو عرس فنفس النهار
هو :وعلاش لا ندبرو عرسنا فاحسن اوطيل
هي :لا ندبرو فالدار اايوب وفلوس العرس نفرشو دارنا نستي انو تابعنا لفراش غدا نمشو نشوفو بيت النعاس ولمطبخ نبداو بهم هما لولين عاد نشوفو الصالون
هوو:ممم وخا احبيبة انت تامري شنو تخرجو بعد العشا
هي :اكيد اجبي وخا اقهيوة لكن انت قولها لماما را هاد ايام ولات كتشد الضد معايا
هو :صافي كوني هانية
اتفقو العائلات عل العرس بعد اسبوعين تحط العشا واجتمعات العائلات عل العشا حتى صونا تلفون نسرين وتوثرات وقطعات عله شافت فها سالي
سالي :مزال متشد لك احبيبة
هب :خلها عل الله را لمو لراس الحربة بان لي شكا في رجعت ليارح كنت خارجا معاه يلا جلسنا نتغداو تصونات عله قالت ليه مريضة وانا متأكدة انها هي وسناء متفقين علي
سالي :اف هاد العدوزات متسالوش من التحراميات مفهمتش شنو مشكلتهم باش يفرحو لولدهم حيث هاني مع مرتو تنكدو علهم غريب امرهم
هي :خلها عل الله مرتو من جيه ومو من جيه مشاكل صافي انا نوض لبيتي نتصل بيه
هي :وخا
خلاتهم نتعشاو وطلعات لبتها كتدوي معاه
نسرين :وي مالك انور
هو :انت فالدار
هي :اه عندنا خطبة تاع بنت خالي انت لاباس علك
هو :بخير بغيت نشوفك
هي :معرفتش كاين خوبا وبابا مستحيل يخلوني نخرج خلي تال غدا ونشوفك فالخدمة
هو :وخا لبغتي يلا نخلك دبا من بعد نتصل بيك احبيبة
قطعات عله وتبسمات
___________________________
سلات الخطبة اخيرا ،جاسر لبسها الخواتم وحا وقت للوداع
هو :يلا نخلكم نشوفك غدا اعشق
عويشة :باقي الحال جلسو
طامو :هدا هو الوقت اختي نخلكم ترتاحو ملاك لبسي جلابتك ويلا نمشو
هي :وخا اخالتي
بعد ربع ساعة ودعوهم وخرجو ،عشق مشات مع جاسر تال لباب
هو :حبيبة نشوفك غدا نفطر معاك ندوز عندك مع 10صافي
هي :نتسناك اوصل للدار اتصل بي
هو :وخا
__________________________
بدات العائلة كتمشي وبقا غير بلال لحاصر تم وعينو عل دليلة لكتوجد نفسها باش تمشي ،لبسات جلابة فلغوز مع صابو عالي ،غطات شعرها وتمات خارحة عندو مغوبسة
غةيشة :باتي هنا ابنتي ليل هدا
بلال :انا غادي نوصلها تال اادار اخالتي متخافيش علها
عويشة :مزيان باش تبقا مهنية علها وعفاك خطها عند لباب
دليلة :ميحتتجس اخالتي كون بلا ميعدب راصو نشد طاكسي حمر يحطني عند لباب
هو :كفاش تشدي طاكسي حمر انا اش كندير يلا تحركي نوصلك
عويشة :ههه سيري اينتي تال غدا وندوز عندكم سلمي عل ماماك
هي :يوصل
خرجات معاه مقلقة ركبات معاه فلوطو وعويشة بقات مقاباهم وكتشوق فهم وكتدعي من خاطرها يكون بلال لها وتعيش مهنية ومتاخدش زهر مها لخدات رجل عدبها وعيشها بلفقر وعوض ميهزها هي لهزاتو
خرجات معاه من لفيلا مغوبشة ركبات معاه فلوطو وكسيرا
هو :شنو نشربو كافي قبل منمشو
هي :(شافت فه بجدية )شوف اولد النلس انا مغاديش نبثا نمشي معاك لقهاوي ماشي صمت تصمت وندير الضحك فراسي لبارح الوالد شافني وسلخني وشبع في معيور انا وانت خاصنا نتفارقو
هوو:(خنزر فها )اش كتخربقي كفا
هي :مكنخربقش انت من طينة وانا من طينة انا مغاديش نخون والدي والله عل قبلك لكنت كتبغني جي خطبني
هو :(ضحك)شنو نخطبك كتفلاي علي ولا شنو
هي :(شافت فه مصدومه )لا مكتفلاش وااله انا ماشي من حقي نتزوج السيد حيث بنت الخدلمة ياك
هو :شوفي انا موعدتكش بالزواج ولا تفليت علك انا مكنفكرش فالزواج بلا متهددني وتلوي دراعي ادليلة انا الزواج اخر همي
هي :اهاه مقلت عيب وانا كنفكر فالزواج ابلال وانا عارفا انك.مستحيل تزوج بي علها اقتصرت علك المسافة ومن الاحسن كل واحد يشد الطريق يلا باي
هو :(خنزر فها وضرب لكدون بعصبية ) مظنتكش انك طماعة مصدقتيش
هي :(عينها غرغرو )علاش حيث بغيت نتزوح ولا حيث انت ولد ناس عندهم الفلوس ماشي من حقي ياك نتزوج ،ولا انت بغتي اتفلا علي ياك
هو :نزلي دبا ادليلة مبغتش نشوفك كمارتك
نزلات وشافت فه بحزن
تهلا فراصك يلا باي
مشات تجري عينها مغرغرة اما هو تغصب ،وتخنف وضرب لكدون
تفو ،لمرض هدا معاشش هدا لبزز علي شيخاجة مبغتهاش انا لنقرر واش نتزوح ولا لا وماشي انت
ساق لوطو بعصببة ومخو تفكر فدليلة بنت الخدامة لبغات تضحك عله وتفرض عله يتزوج بيها وعلاش لا هو ولد الاكابر وهي بنت الخدامة صفقة زوينة لها عمرها تلقا بحالها ،عرقات تلعبها صح لكن هو مغاديش يخلها تحلم بهاد الحلم وخا يعرف يتزوج غيرها ومضحكش عله
اما هي طلعات كتبكي حلات لها مها لباب
السعدبة :اش كاين سبع ولا ضبع
دليلة :اهئ اهئ ضبع اماما ضبع
السعدية :دخلي الخايبة دخلي
دخلات مع امها كتبكي وقلبها تتالم جلسو فالصالون
السعدية :اوا عاودي لي اش طرا درت داكشي لقلت لك
هي :قلتها له مبغاش قال لي انت طماعة وانا موعدتك بوالو اهئ اهئ هو عمرو غادي شوف في اماما هو غادي نبان له ديما تحت منو انا فنظرو خدامة وبنت خدامة عمرو غادي شوق في
السعدبة :شوفي ابنتي هو لكان تبغك غادي جي خطبك ،ولكان غادي تفلا عمرو يدور بيك علاش مكبرة للمشكل خودها بصدر رحب ،وتقبلها وبراكا من الدموع اش هاد القلب الدجاج لعندك عوض طيحه ،طيحك
هي : را زوين اماما وفشكل وخا عصبي والله تحنين
السعدية :ممم نوضي تهزي قلا حنين صبري تنشوفو هاد الحنين ديالك واش غادي بان ،لكان تبغك غادي جيب مو مكانش تبغك مغاديش يجيبها
هي :محال اماما الطريقة لدوا بها معايا فشكل كاني بغت نبتزو من الاحسن نتقارقو وعطا الله لبنات
السعدية :يكون خير بنتي نوضي توضاي غدا جي عةيشة ونشوفو اش نديرو
هي :وخا
ليوم جات هبة وهي ومها عند جداها تعتدر منها عل بدر منها
استقبلاتهم جميلة عند لباب
جميلة :اهلا وسهلا شرفتونا عرفت كنا بغنا نتعرفو شحال علكم
فطومة :شكرا اختي ربي خليك
هبة ؛ فين هي جدة
ًًجميلة :راها فلصالون سيري عندها
مشات تجري عندها لقاتها متبعة شي مسلسل، حادة شافت فها وغوبسات
علاش جايا غندك وجه تجي بعد داكشي لدرت
هبة :(مشات جلسات حداها وباست لها راصها )سمحي لي اجدة بزاف عرفت راسي غلطت لكن كان ضروري نخرج راسي حيث كنت متأكدة ان ايوب مستحيل يقدر يدير لك شحاجة
حادة :مبقتي غير ديك الكدية انت خرجتي راصك وخلتني واحلا محلتي لجده محلتي لمك
هي :سمحي لي منبقاوش نعاود لكم حسي بي كون مدرا هكاك.كون ايوب دخلني لحبس وكون بابا قتلني
حادة :صافي ابنتي الله يسامح
جات فطومة مع جميلة عندهم
فطومة :سلام ماما لاباس علك اش كتعاودي
حاذة :بخير ابتتي كدير راجلك لاباس عبه
هي :بخير اماما عاد تعرفت عل جميلة منصحابهاش بنت الحاج المعطي الله يرحمو
جميلة :(تنهدات)الله يرحمو
حادة :اه هي تنا مكنتش عارفتها تقالتها لي ،جات هي ومها غادي جلسو شوية عندنا حيث راجل سمية مسافر وخلا سمية امانة عند إبراهيم
هبة :ممم وخا مرحبا بيك اختي انت زوينة بزاف
جميلة :ربي خليك احبيبة نمشي نعيط لماما ونجي
فطومة بقات مقابلاها وكنشوف فها بصدمة
فطومة :ماما واش هادي سمية لكانت مزوجا بعمو سيمو
حادة :اه هي باك جابها وكان مطلعها علي هو وياها قالو لي انها مرتو تلبارح عاد عاودات لي انو ادايرها معاها باش يربيني
هبة :والله تهاد جدي حمق انت بقا ترباي ههه انت ترببه
حادة :ههه والله مكدبتي بلاتي نصوني عل احمد توحشتو بزاف شحال مجا
هبة :شي خبار عل دوك لقوم
حادة :ليلى رجعات لايوب ،عشق يمكن تخطبات لبارح
هبة :رحعو لبعضياتهم قلت مستحيل يرحعو
خادة :(ضحكات)ليلى مطورة وعرفات تشد راجل ونص انت لخايبة مشدتي تنصف راجل
سمية جايا مع بنتها كتضحك
سمية :تطيحو واقفين بحال مهم مطورات وخبيثات
فطومة :(تبسمات )كل واحد وسعدو الله يعطي لبننك سعد بنات عويشة
جميلة :امين اختي من فمك لباب السما
هبة :خبيثات وشفارات تضربو امن لتحت تحت
فطومة ؛(غوبشات )سدي فمك.غادي تبداي تنت غبر قراي بحالهم ودبري عل راجل بحالهم لا قراية لا مخ فااحة افتخلويض
حادة :صافي سكتونا انا نشوف ولدي نقول له يجي ينعشا معانا
سمية :(غمزات بنتها )علاش لا سيري ابنتي انت وهبة دبرو لنا شي عشوة عصرية
جميلة :وخا اماما
_________________________
مشات جميلة مع هبة يوجدو العشا وهي جميلة تسولها
جميلة :اجي شنو مشكلك مع بنت عةيشة
هي :كنت كنبغي ايوب قبل منها معرفتش كفاش طيراتو حاولت نفرقهم ولكن للاسف دخلني لحبس خلها عل الله
جميلة :ههه معرفتيش تلعبيها عله لبغتي نعاونك وانت بغتك تعاونني بعيت نطيح اخمد كنموت علي من شحال هادي لكن دلفع كبير
هبة :(طلعات وهبطات فها باعجاب )انت حسن من مرتو كنظن لتقربتي منو غادي تنجحي وانا غادي نحاول ندير لهم المشاكل باش يطج منها
جميلة :(ضحكات )لذرت هادشي عمرني نسا خيرك
هي :غادي نعاونك. باش نفقص دوك لمسمومات خصوصا سالي وليلى حاسات براصهم بزاف والله يطول عمري تنشوفهم مطلقات
جمبلة :انشاء الله اختي اجي نتعاونو باش نكملو هادشي بكري
____________________________
بعد ساعة جات احمد برفقة باه لعند امو يشوفها ومن حسن الصدفة لقا ختو وراجلها تما
هو :السلام عليكم الحباب محموعين
خادة :فين سالي مجاتش معاك
هو :لا الميمة مريضة مقدراتش تجي كتسلم علكم
جميلة :مسكينة الله يشافها اخويا احمد
هو :(طلع وهبط فها )شكرا
جلس حدا باه ،وبدا تدوي هو وراحل اختو عل لخدمة وسمية كتشوف فه وكتخطط
سمية :مزيان لمبقاش تجي احادة هنا نضربو ضربتنا
حادة :ممم جميلة وحنة ادها نشوفو واش تقدر تطحو
سمية :تقدر تفرجي وسكتي
جابت جميلة صينية اتاي لابسا بيحامة وردية عيارة عن سروال لاصق مع قميجتو ،حطا مكياج معيق شوية لكن جا مع وجها الدائرة ومنساتش تركب الشفار باش يبانو عينها اكثر ،شافت فه مبتسمة
جميلة :كنظن اخويا أحمد لمشروغ لقلت غادي كون ناجح حسن من موضوع لقال عله بابا ابراهيم
إبراهيم :علاش ابنتي
هي :متنساش الموقع تلعب دور كبير خصوصا ان المحل غادي تبنا حدا الفيساريات وفالشارع الكبير غادي جدب لنا الكليان ويدخل لنا اموال طاءلة اما مشروعك ابابا ابراهيم زوين لكم بعيد شوية عل لكليان خاصنا نخدمو عله ونديرو لشهارات وتخدمو اكثر حنى يعرفوه الناس لبغتو نصيحتي نسبقو مشروع احمد
احمد :تيان لي انت كتعرفي البيزنس
هي :افكورس انا هادي خدمتي ،خدامة فشركة التسويق وعندي خبرة فهاذسي
هو :مزيان كنت كنظن انت جالسة فاادار مظنتكش خدلمة
هي :لا كنخدم عبر انترنيت اكثر غير مني راجل ماما سافر اضطريت نجي مع ماما مبغتش نخلها بوحدها
ابراهيم :مزيان ابنتي الله يرضا علك
هي :لبغتو اي خدمة انا فالخدمة
سمية شافت فخادة لمخرجا عينها
سمية :اش بان لك جميلة ماشي ساهلة وغادي تطيح ولدك فالقريب غير انت تعاوني معانا وندمرو عويشة وبناتها
حادة :(ضحكات)وخا نشوف واش غادي تقدر طيحو وديك الساعة تكون هدرة اخرى دبا نوضي نحتفلو
طلقو ضحكات اثمة وناضو عند الرجال
في منزل أنور
جالسة الحاجة ام انور حطا مجمر وشي عشوب خاصة كتقاد فها الدقة لولدها وحداها سناء حاطا شرويطة ديالها وكتشوف فها مخنزرة
سناء :زعما هادشي يصدق لخالتي انا متاكدة ان ديك لكتصل بها هي نسرين وبغات تسرقو لي
الخاجة :وخا تنطبق السما مع للارص والله مترجع له حتا غادي نحرقو هاد الشرويطة وغادي تشوفي كيف غادي جي طاير عندك ويولي يوقول غير اه وديك نسرين مشات علها
سناء:ههه اه هادشي لبغيت اخالتي را بان لي السحر لدرت له بدا يبرد وحتى هو بدا يتفر مبقاس كيف لول معايا
الحاجة :متخافيش مع الشرويطة عمرو يقدر يستغنا علك يلا خلني ندير هادشي فها وتطويه
بدات تحط فها الجاوي والحرمل،السكر ،القزبر والفلفلة الخارة وشي عشوب اخرى طواتو عل شكل سيكار وخطاتو فوق لمجمر وشافت فه
الحاجة :وقفي وفرقي رجلك وقولي يا ولد فلانة غوتات عليك فلانة بنت فلانة حرقاتك في الحرمل عليها آولد التهامية ما تهمل، حرقاتك ف بنت ف في الجاوي الدافع عليها… بحال لڭناوي،حرقاتك ف بنت حليمة في ام الناسآ ف ولد ف تنسى بيها كل الناس ما تديها لا في عشرة من خوتك ولا في عشرة من خواتاتك ولا حتى في مية قحبة إلا جاتك
سناء بدات تقول داكشي لكتقول لها والحاجة كتقلب الشرويطة وكتشويها فوق العافيى بلا متحرق
الحاجة :يلا منين تقراي عليهم غادي تكمسيهم و وغرزي بالفنيتة تقولي [ تقفتك على مية ولية اواد التهامبة وما تنحل غير على ف بنت حليمة ولا عليهودية ] وانتي تغرزي و تقولي هادشي حتى تشديها مزيان بالفنايت وعفطي عليها برجليك اليمنى وقولي [ يا ف ولد ف درتك تحت قدمي انا ف بنت ف ما دير غير برايي وكلامي
سناء بدات كدير داكشي مبتسمة حتى كملات خدات عندها الحاجة الشرويطة عودات دارتها فمجمر اخور شعلات علها لعافية حتى شعللت وكحلات
الحاجة :دبا دبريها فشي قنت خاص به وتفرجي عل راجلك كيق غادي كون كالخاتم فادك وخلي نسرين تحلم هي محلماتش بيه قبل وحتى دبا عمرها تحلم بيه
سناء:(باست لها راسها )ربي خليك اخالتي من غيرك معرفتش اش كنت غادي ندير
الحاجة :اتت اديري ذاكشي خلي تال غدا ونمشي انا وياك عند شي امراة تشوف علاس مكتولديش تخرج ليك شي عشوب
هي :انشاء الله اجي نجمغو هادشي قبل ميجي انور ويشك قنا
الحاجة :سيري خبي الشرويطة انا ندي لمجمر لمطبخ نطفهم
سناء:وخا اخالتي
_________________________
في مكان اخر
عند بلال لجالس مغوبش ،شاد كارو وجالس فالحديقة ديال لقيلا تكمه وشاد التلفون فادبه وباين مخنزر
هو :بلوكتني وخا لديل مك انا غادي نوريك
وقفات عله مليكة مخنزرة
هي :غادي تعشا ولا بابت برا
هو :بايت هنا اكوني هانية الةالدة
هي :(خدات لكارو من فمو ورماتو )بغيت انفهم مالك معصب هكا اولدي عنىك شي مشكل
هو :لا واش تحد ميقدر يجلس معاكم هاني واش بغاني نخرج
هي :لا بالعكس بغت ندوي معاك نيت اولدي فشحاجة مهمة
هو :(هز عينو فها باهتمام )وي اش كاين
هي :شوف واش عاجبك حالتك هكا مكتفكرش تزوج اولدي ودير ولادك را بغيت نتهنا علك ونشوف ولادك قبل منموت
هو :(باس لها ادها )الله يطول عمرك الوالدة ويجعل نهاري قبل نهارك.
هي :هي لفرحتني وتزوجتي كاين بزاف لبنات الناس معقولين مثلا اش بان لك فااهام بنت صحبتي ثريا بنت الناس وعندها 20 عام زوينة وقاريا وحتى ببنت …..
هو :شوفي اماما خلني نفكر ورد علك خلني دبا بوحدي وخا
مليكة :صافي وخا انا مشيت عند السعدية اولدي غدا نمشي انا وعويشة را بنتها مسكينة طاحت فالدروج وتفدعات حالتها حالة
هو :(شاف فها وخرج غينه )تفدعات كفاش اش طرا لها
هي :(كتعاود من نيتها ) كانت كتجفف اادروج وتعكلات وطاحت جاب الله متهرساتش غير تفدعات انا نمشي نطل علها را السعدية ختننا ماشي خدامتنا بيناتنا عمر اولدي
هو :(شاف فها مخلوع )وخا انا نمشي نطل علها نشوف كيف بقات تبغي توصلك
هي :وخا سير بدل انا نتصل بعةيشة ندوها معانا نديرو الصواب
هو :وخا الميمة
_______________________
عند ااسعدية لجالسا حدا بنتها مغوبشة
السعدية : شفتي السوهان فين وصلك هانت تعكلتي وطحت اش داك تجفي الزبل
دليلة :(كتبكي )اي توعت اماما كضرني رجلي والله خايفة نكون تهرست
هي :لا غبر تفدعتي خلي تيجي باك ونشوفو شي دوا لك وقيلا عويشة جات نمشي نحل لها
خلاتها كتوجع ومسات تحل لصحبتها ومليكة
السعدية :اهلين دهلو
عويشة :كيف بقات دليلة شوشتنا علها
ااسعدية :راها فبتها غادي تصطني دبك لبنت مكتجلسس نهائيا بقات تطير تجابتها فعضامها
مليكة :مسكينى فين هي نشوفوها
مشاو عندها لببتها لقاوها كتوجع
عةيشة :دليلة واش موعتة بزاف
دايلة :لا اخالتي ماشي بزاف شوية نولي لاباس
مليكة :لا ابتتي ميتسكتش عله انا نشوف بلال يوصلنا لشي اةبيطال
السعدية :لا امليكة متمحنيس راصك ،ديليلة مبها وااو شوية وتولي لباس
مليكة :(غوبشات )كفاش السعدية. واش حنا براننين علك را شاركين الحلوة والمرة وبنتك بحال بنتي انت اخرجي منها
مليكة اتصلات بولدها
مليكة :ولدي واش مزال قريب بغتك ضروري
هو :اه الميمة انا مزال لتحت اش كاين
هي: دليلة مسكينة موعتة فرجلها وبغنا ندوها لشي سبيطار قريب وخا
هو :صافي وخا انا طالع عندها دبا الحاجة را مزال عند لباب
هي :وخا اولدي طلع لطاج الثالث ومتعطلش
مليكة :هاهو ولدي طالع اجي لوحو علك شحاحة ابنتي باش نمشو
دليلة :(شافت فه وغوبشات محملاتش تشوفو بعاد الحالة لبارح لرفضها )
عاونوها تلبسات شي عباية ورمات علها شحاجة فوق راصها وهو يدخل بلال مخلوع وعينه كتقلب علها
السعدية :(تبسمات )دخل اولدي مالك واقف
هو :(مشا سلم علها )ربي خليك اخالتي فين هي دليلة واش موعتة بزاف
هي :اه لبارح متعساتش ولا شافتو بالوجع درنا لها شي دوا لكن امزاد علها الخال
دليلة خرجات مكالية عل عويشة اشافتو غةبشات
دليلة :علاش محن راسك اسي بلال نشدو اطاكسي را سبيطار لحومة قريب
هو شاف فها مغوبش وفنفس الوقت تحس بقلبو مهواش
بلال :اشمن سبيطار لحومة نديك لكلنيك قلا سبيكار الخومة بعد ادنك اخالتي بلا متمحنو راصكم غادي ندها راسي
عويشة :(ابسمات )وخا اولدي نتسناوكم باش مكان علمونا باخر المتسجدات
دليلة :لا تمسي معايا ماما مبغتش نمشي معاك راسنا
هو :ماما عيانة واش تمحنها عل والو انا نعاونك تتهبطي ومغاديش نتعطلو نصف ساعو ونجو
السعدية :الله يرضي علك اولدي ،رد بالك لها راها كتخاف من السبيطارات
هو :كوني هانية بلا نمشو ادليلة
هي :وخا
عاونها حتى خرجو من الدار اخرجو هزها من خصرها وبدا نازل بها وهي مغوبشة ومحملاش تشوف فه بعد مطرا لبارح
هي :شكون قالك تهزني انا قاد نزل رأسي اسي بلال مدرش فها جنتلمان وانت حقير
هو :سدي فمك شوية ولنهرسو لمك انا غادي نديك لسبيطار نشوفو مالك
هي :اووو صدقتي ولد الناس ممتيقاش داكشي لكنشوف
نزل بها مغوبس ،حطها فالارص حل لوطو ودخلها وساق ليها ال اقرب عيادة ،والسعدية وعويشة ومليكة تشوفو فها
السعدية :شوفي ولدك امليكة بكا لي بنتي وهرسها لي مصدقش
مليكة :ههه لا خلا فها زعما لكن متخافيش لبتت انا عاجباني وهي تليق ليه مغادي ياخدها غير هي كوني هانية عطوه وقت يفكر راهو شوية ضاصر،عندي وزهواني
عويشة :هههه حوتة واحدة كتخنز الشواري الرجال ولاو يخافو من اازواج ولفو بنات الحرام ومني تطحو فسي بنت نقية تخافو يتزرفو
السعدية :واياه ولفو عل التفلية اختي لكن من حفر حفرة وقع فها اجي نعمرو اتاي بما جاو
أما الثنائي ديالنا وصلو عند شي كلنيك ،دخلو عند شب طبيب تدير لها لبلاكة لرحليها وبلال واقف علها تشوف فها وهي كتوجع
الطبيب :غبر موعتة انا ندير لها شي دوا وشي فاصمة ولكن متحركش من بلاصتها عل أقل اسبوع تتولي شوية
بلال :وخرج معاك شي دوا مضاد للالم
الطبيب :اكيد اولدي ضروري
بعدما دار ليهم الطبيب الفاصمة وعالجها تكات عله خرجو من لوبيطال ال جهة السيارة
هو :(ساق وشاف فها )نمشو لاقرب صيدلية نشري لك هاد الدوا
هي :مشكتش علك علاش جايبني لهنا ابلال اش باغي دير فها ،نستي وال لبارح اش قلت لي
هو :دبا ماشي وقت هاد الهدرة دبا اهم حاجة عندي هي توقفي عل رجليك وخا معرفتش لش داك شي دروح
هي :كنشقا نستي اني بنت حي شعبي معنديش لخدم بحال سيادتك سوق وصلني لدارنا
هو :علاش بلوكتني من الواتساب
شافت فه بحدة
اش كنت كتوقع اسي بلال نستي ان لبارح تفارقنا
واتفقنا كل واحد يمشي لحال سبيلو ولا نستي انك ينفسك جرتي علي
هو :(غوبش )انا مجرتش علك انت لقررتي توقفي علاقاتنا وتنهها بالزواج وانا ممستعدش دبا
هي :عل اساس مزال موجدتي راصك ابلال انت راك فتي الثلاثينات وبخدمتك ماشي بطالي شوف أنا ماشي كنطمع نتزوج فك انا عارفاك باغي اتدوز وقتك بي خلنا ابلال نسدو هاد الموضوع
هو :(شاف فها مغوبش )عطني وقت ادليلة عقاك لما عطني وقت الزواج ماشي بهاد للسهولة را هو مسؤولية ةانا مبغتش نظلمك.معايا انت بنت الناس وعانتي مع والديك وانا عصبي بزاف ومولف الوناقي خفت منكونش قد للمسؤولية ومنكونش اب مزيان
هي :(شافت فه وتبسمات )يعني هاد السبب لخلاك.ترفض تزوح بي
هو :(رجع شعرو لور بتوثر )اه خايف شوية ممتعودش نكون ثابث نخاف نظلمك معايا انا را صلكوط
هي :شوف تنا خايفة لمنكونش قد للمسؤولية لكن الزواح را نصف الدين خضوصا انت مجهد علي وعندك لفلوس وزهواني لكن متاكدة انك تقدر تنجح وتكون قد المسرولية
هو ؛(ابتسم.)ولمنجحتش وتكرفصت علك منكونش ظلمتك.
هي : لا متخافش علي انا قدا باختياري لكن قولي امتا غادي تجي تخطبني
هو :ههه مزروبة عل الزواج خلي تتبراي بعدا ونشوفو
هي :وخا نشوفو اسي بلال واش غادي تهرب ولا غادي تكون رلجل معايا
هو :(خطف بوسة ) وخا نشوفو يلا نشرو اادوا ونوصلك ترتاحي لكن حيدي لي لبلوك ندوي معاك فليل
هي :وخا
في الشركة عند انور
داخلا الحاجة ااتهامية مع سناء شركة انور لابسة جلابة فنوار مع صباط خفيف وزيف طويل هزا صاكها وكتشوف فالموضفين بنظرة كلها شر وغضب،اما سناء فلابسا جلابة مزوقة فااحمر مع حجاب رقيق مشاو عند للسكرتيرة تاع موسيو انور لي لابسا لباس انيق وممقصراش من حقها فالمكياج
الحاجة :(طلعات وهبطات فها)اش هاد للمستوى مالك دايرة هاد الحالة فوجهك شوفي لبغا تخدمي هنا اخترمي راصك ولا نجري عل مك.مفهوم
ااسكرتيرة (خافت بتقطع رزقها )صافي وخا الحاجة نعلم موسيو انور انك حتي
سناء :لا ميحتاحش حنا ماشي غرب دها افخدمتك
شافت فلحاجة بابتسامة ودخلو عندو ،الحاجة حلات لباب وهي تخل فمها اما سناء تصدمات وخنزرات فالحاجة وبىات ابكي
شفتي اخالتي ها لقلت لك نسرين كضور بيه بغات تخطفو لي علاش اش درت لها ياك تطلقات منها بخاطرها اهئ اهئ
الحاجة :(غوبشات)سكتي معاشش هدا لقلقك ابنتي
شافت فنسرين لحالسا قدامو كتوريه شي وراق اشافتهم تصدمات وجاتها الخلعة شوية
الحاجة :اش كديري انت هنا واش حماقتي ولا شنو ،هو راه مزوج باالاك المسخة
نسرين :(غوبشات)بقا انت هي انت الحاجة مكتعرفيش ذوي اولا هي كانت خدامتي كتغسل لي كابينتي وانا لكنت لالاها وهي سرقاتو لي بمعاونتك فمتكبريش الموضوع انا خدامة هنا ماشي كيف تبان لكم
سناء:(شافت فانور)اش كتقول هادي انور واش هي خدامة معاك لا كنحلم وانا كنقول مالك مبدل علي
هو :(غوبش )نسرين سبري لمكتبك
هي :(هزات للوراق وغمزات سناء )وخا يلا نخلكم عل انفراد
تمات غدا دازات عل سناء ووشوشات
كيف خدته له غادي رجعو اخدامتي وعد مني
سدات لباب علهم وخلاتهم غادي تقركعو
الحاجة ؛ممكن تقولي اش كتخربق اش كدير هادي هنا اولدي
هو:جلسي الحاجة بعد ارتاحي ونقول لك
هي :لا تتقولي اش كدير هنا ،نستي اش دارات فك فالماضي وكفاش عدباتك ولا انت كتنسا بسهولة وباغي تكرفص هاد بنت للناس معاك حشومة علك
هو :الوالدة اولا نسرين خدامة عندي هنا ماشي صحبتي ولا بيناتنا شحاحة
سناء :(كتبكي دموع التماسيخ )وملقتي غيرها انور علاش مصر تعدبني انا كندير كاع فمجهدي باش نسعدك وانت كترجع لماضي لكنت باغني وكتعزني خاصك تجري علها ليوم قبل غدا
هو :(خنزر فهم )لا مغاديش نجري علها حياتي الشخصية بعيدة عن حياتي العملية عمر شحد كتدخل فشغلي وحتى دبا جلسو نطلب لكم شحاحة
طلب لمو عصير ولمرتو حليب بللنعناع وتمات جايا نسرين جايا كتعوج حطات لهم طلباتهم وسناء كتشوف فها وقابها غادي سكت
نسرين :(شافت فه )شي طلبات اخرى
هو :لا امكانك تمشي ومتدخلي تحد
هي :وخا
الحاجة :(كتشوف فها واادنيا ضارت بها )هاد الكلبة خاصك تجري علها كفاش بوجها حمر جات تخدم غندك والله تنغضب علك مانت ولدي مانا مك لبقات هنا
هو :(خنزر وغوبش )الحاجة اش جاب رضا لهنا نسذين را خدامة هنا بدبلوماتها مجاتش نقول لها انت مطرودة حيث امي مبغاتكش ولا حيث مرتي خافت نرجع لها كونو عقلانيين شوية
سناء:واش ملقاتس غير شركتك را دراتها بلعاني مكتحشمش وخارجا للطريق مثقش بها اانور
هو :(خنزر فها )سدي فمك اسناء ومتبقايش اداويا تحركو نوصلكم
سناء:(عينها غرغرو )وخا
خرجو معاه من الشركة وسناء قبطات فاده وخارحا معاه وكتقلي السم لنسرين ،هاته الأخيرة شافت فهم وتبسمات من ورا قلبها لكن في الحقيقة هي بقا فها الحال لا من تعامل الحاجة لديما كتطيح منها ولا الباطل لخرج من فم سناء ورغم دالك صبرات تكات عل الخدمة تحات عندها السكرتيرة مغوبشة
ندى :شفتي اختي اش دارات لي ديك الشارفة تفو عصباتني كون مكنت محتاجة لخدمة كون ورت مها هي وديك لمعاها لزين لا والو وحاسا براصها شفنهم
نسرين :اه شفتهم را صبناتني تنا تصحابني مصاحبة مع المدير
ندى :ههه كون اتصاحلتي معاه ضد فهم ياختي معرفتش مني دبر علها سمعت ان مرتو لولا كانت زوينة ولبقة هادو لا زين لا قرايا لكن ربي تعطي الفول لمعندو ضراس
نسرين :كل فولة وعندها كيالها اجي نهبطو لكافي نتغداو في الجوع
ندى :اه يلاه
__________________________
انور وصل معاهم للدار ادخل وخنزرات فه مو
الحاجة :اياك تفكر حتى التفكير ترجعها وخا نعرف نقتل رأسي سمعت هادي هي مرتك هي لصبرات معاك فاش كانت مرتك معدباك ومكرفصا علك تفكر امني كانت كتجبد معايا الصداع وكانت محاملانيش ،وتفكر فاش كنت كدخل ومكتلقا تحد تتسوق لك ماشي تلقتي بنت للناس عاد بنتي لها را بغات افلوسك من يومها وهي طماعة
سناء:(بدات تبكي )اهئ اهئ معرفتش اش بغات عندي كنت حاسا انها يغات تفرقنا اانور تقلنا تهننا ثيق بي والله نيتها خايبة
هو :صافي سكتوني درتو حالة خلوني هاني را عيت من المشاكل خلوني مرتاح فحياتي انا راجع لخدمة تالعشية ونكملو كلامنا
عند سالي لجاها للوحم شوية صعيب عاطياها النعاس والردان حتى لخدمة قليل فاش كتمشي لها مخليا ايدها الامين هو لمكلف ، جالشا متكيا فببتها حتى جاها مساج فالواتساب من نمرة غريبة شافت الصورة لقات احمد جالس في كافي مع جميلة شافت فالمساج لتقول
انا فاعلة الخير ،شفت راجلك جالس مع شي بنت وبغيت تردي بالك ،وتفيقي من دار غفلون هو ميستهلكش هوما فلكافي تاع جوهرة
بقات كتشوف فالصورة وعينها مغرغرة ممتيقاش داكشي لكتشوف واش احمد تخوني لا احمد مدرش في هكا حرام علك انا جالسة فداري وانت كتخوني مع ديم لمونيكا انا غادي نوري مك لش كنسوا ،
مشلت لبسات حوايحها لي عل شكل عباية كحلا مع صندالة عالية ،غطات شعرها بزيف خاص بالخمار هزات صاكهاو ركبات فطنوبلتها وخرجات لديك الكافي .
بعد دقائق كانت فها ،دخلات مخنزرة اخطات جوج خطوات وهو يبان ليها جالس مع جميلة وعينها غرغرو وقلبها جاتو دبحة صدرية ،تمات غدا عندهم دير لهم الشوهة وهي تشدها شي ايد ،هزات عينها بعصبية وهي تشوف حادة
حادة :منصحكش تمشي عندهم كلشي غادي تقلب غبك ابنتي اجي يغتك
هي :انت لصفطي لي مساج
حادة :لا ماشي انا لكن عرفت شكون لصفطو اجي ابنتي نمشو ماشي فمصلحتك ديري اي خاجة تقلب علك اجي معايا
خرجات معاها لوطو وهي مفاهما والو ،الف سؤال تدور فبابها
سالي :خالتي مممن تفهم اش بغا عندي متقوليش لي اني كنهمك
حادة :(شافت فها بمحبة )شوفي ابنتي نقدر نكون فواحد الوقت كنكرهك ومبغتكش لولدي ويقدر كون جاتني هاد الفرصة شحال هادي كون درت ادك معاهم وفرقتكم ،لكن ربي شاهد علي بعد للوقفة لوققت معايا بعد كلشي كتخلا علي عمرني نساها محييت ،خلاتني نعرف انك انت لدايما لي ماشي هوما
سالي :بصح اخالتي زعما مدايراش ادك معاهم
حادة :اكيى لا ابنتي اش غادي نتسفد لدرت ادي معاهم نخسر رلجلي وولدي لا اكيد لا انا غير كنساير ديك الكلبة تلع سمية تنطيحها فلفخ وديك الساعة نجري عل مها
سالي :(شافت فها مغةبشة )عا.دي لي شنو لي انا معرفهاش هاد جميلة كفاش تكيحات راجلي
حادة ؛متخافيش راجلك مطيحاه الخدمة را رمكن تناقشو شي حاجة حيث جميبة خدامة فشركة للتسويق وبغاها فشحاجة تاع لخدمة وهي كتدير اكثر مفجهدها باش تطيحو لكن لمفهمتش انت علاش لحد الساعة ساكتة ومخلياه الرجال متقيش بهم
سالي :وخالتي رانا واحلا فروحي ومريضة رانا قاتلني لوخم طول النهار كنتوحع بالمعدة لكلتها كرضها والطاقة معنديش واش تقابل ولدي ولا ولدك اقولي لي
حادة ؛(شافت فها وعينها تبرو )واش حاملة ابنتي لا متقولهاش علاش معلمتونيش
سالي ؛(ضحكات)اه حاملة يلا عتدي 20 يوم كنت بغيت نخلها مفاجأة لك ساعة تلهيت بالمرض
حادة :ههه الله يشافيك ابنتي شوفي جي تعشاي ليوم ابنتي ومتخليش لهم الفرصة فين يطيحوه ومتبقايش تايقة قه ،شوفي جميلة ماشي ساهلة ةزيد علها زوينة وعلطيا لعين ولبقتي مخليا لها الساحة غادي تطيحو راهم تبلانو تكون زوجة ثلنية باش يفقصوك ويقتلو مك
سالي :(خرجاا عينها )بنات الكلب وحتى ولد ولد الكلب مقال لي والو من بعد ونتحاسب مع امو احي نوصلك تمشي نبدل ونجي
حادة :(ابتسمات )مشعيا شخاجة نوجدها لك
سالي :مكرهتش السفة اخالتي بالقرفة مشهياها ودرتها لبارح لكن محملاتش ريحنها
حادة :انت تامري ،جي بكري را فطومة تهي كاينة هي وبنتها
سالي :اهاه ادن العيلة كلها كاينا وخا اخالتي الليلة غاذي نزف علكم اجي نوصلك
وصلاتها تال لفيلا حطاتها بعيدة شوية ومشات ،حادة قلبات للطريق ومشلت دخلات من لباب لوراني باش تحد ميعيق انها خرجات ،حيذلت جلابتها وتسلات لبتها كان شي لم يكن
_____________________
بدلات حوايجها ونزلات عند العائلة لجالسا لتحت
هبة :(شافت فسمية )صافي صفط لها مساج ودبا غادي تكون عندهم وغادي تذير الشوهة وخالو مغاديش يتقبل هادشي وينوض بينهم مشكل
سمية :(ابتسمات )معندي ميتسالك انت مطورة والله طلعت شيطانة
هبة :ههه كلشي نديرو في سبيل نتقم اخالتي منهم كتكرهم بزاف وسالي حسا براصها
سمية :شابها لمها لكن بين للايام نوري مها اش كنسوا
هبطات حادة غندهم بعد مسمعات كل حديثهم ومعجبهاش الحال داكشي لتقولو عل سالي لكن مخصهاش تبين لهم انها فصفها حتى تضرب ضربتها
سمية :(شافت فها )حادة فين كنت شحال وانا نقلب علك
حادة :عيطات علي اجارتي مشيت نسوفها اوا فين وصلات جميلة
سمية :كلشي هو هداك ،را اتصلات بيه عل قبل ديك للارض وراهم جالسن فديك لقهوة عرفت رلسي ضرني بغيت نشوف وجه سالي مني غادي تحصلهم هههه اكيد غادي تعصب
هبة :كون را وصلات اخالتي هادي لاخرة لها مع خالو هنا فين غادي افارق علها هو اعدى خاجة عندو شخد ميثقش في
خادة :واياه اصلا بين الايام يتفارقو نمشي ندير العشا أحمد غادي تعشى عندنا قال لي مرتو معشيا عند مها عاد فطومة غادي تعشا هنا
سالي :ليوم خاصنا نستغلو الفرصة ونحاولو تقربوهم ولا لا احادة
هي :اكيد اسمية انا معاك خلوني ندير العشا وانتوما كملو حديثكم
بعد ساعات
جات فطومة هي وراجلها يتعشاو عند حادة ،وحتى احمد كان موجود ،جالس مع باه تدوو عل امور البيزنس وجميلة كانت حاضرة كتدير كل مفطاقتها باش ثيرو وتجدبو لها وخا تكون مبدئيا جادباه بالخدمة
جميلة كانت لابسا كيف ديما بيحامة عصرية مثيرة مقذا مكياج انيق ومركزا عل عينها وفمها اما لبيجامة كانت عازلاها ومبينها طايتها المثيرة
جميلة :(شافت فاحمد لتعحبها بزاف وتبان بها راجل ونص )كيف جاتك هاد الارض ااحمد
هو :عحباتني معندي منتسالك انت شاطرة بزاف فلخدمة غادي نحتاجك مزال
ابراهيم :اه اولدي هي شاطرة بزاف غادي تتفعنا فخدمتنا بزاف
احمد :(شاف فها باهتمام )اه عجباتتي خدمتك مزيان اش بان لك تخدمي معايا هاد الشهر فلخدمة محتاجك معايا وبالثمن لبغتي
هي :(فرحات )اكيد نبغي ااخمد ماشي مهم الثمن المهم عندي ناخد التجرية عندك ،را شركتك عندها صمعة مزيانة
هو :صافي غدا جي مع 9لخدمة وكيون اخاطرك
فهاد الوقت داخلا سالي بحال شي تران ،حلات لها فطومة لباب شافتها وتبسمات
فطومة :اهلا بختي سالي توحشناك
سالي :حكلك متسولي غبرتي غبرة واحدة
فطومة :ماشي بخاطري اختي ،راك عارفا اادراري وهمهم وخصوصا هبة مصيبة ربي عطاها لي
سالي تمات داخلا معاها كتبتسم حتى بان لها رلحلها جالس مع جميلة وكتبتسم فوجهو
سالي :(شافت فهم بحدة مع ابتسامة بدون لون )اوو العيلة كلها هما محتمعين اةا غير عرضو علي للعشا
سمية :(ابتسمات )قال لنا احمد انك معشبا عند مك اما نغرضو علك علاش لا انت راك هي الكل فالكل
سالي :ربي خليك احبيبة
اخمد :سالي ممشتيش عند عمتي
هي :لا ممشتش توحشت خالتي وقلت نشوفها
جلسات حداهم بلا متشوف فاحمد ،ولا حتى بابتسامة ،جرحها بهاد للتصرف لدار ،كفاش هو بعدها علهم ومنع علها تزورهم وهو جالس معاهم بكل حميمية مع ديك لمونيكا
هبة :(سلمات علها )كديرة اخالتي لاباس علك
هي :لاباس اختي وانت بخير علك
هبة :الحمد لله شفتي اخالتي جميلة غادي تخدم مع خالي اخمد فشركتو
سالي :(كانك خشتي موس فها شافت فهم وتبشمات )مبروك علكم احمد تعجبو يدير لخير اختي جميلة
جميلة :ههه ربي خليه كنت فعلا محتاجة للخدمة وهو مقصرش معايا
سالي :ممم مزيان فين خالتي نسلم علها واش فالمطبخ
سمية :اه
خلاتهم جالسين ومشات عند خالتها لمتوجد العشا
سالي :خالتي لاباس علك علاش كحنا رلسك
حتدة :مكلين لمحنة لوالو لنت جلسي انا نجيب لك لبغتي وحضي راجلك
سللي :ههه راجلي فين هو رلجلي رلجلي صدق عزيز عله الزواق شماتة كيف كاع الرحال كلهم مصكين بمغرفة واحدة المهم انا برا مع قطومة
حادة بقات كتشوف فهم وكتنهد
المشاكل غادي بداو وكلشي منك ابراهيم غادي تدير لمشاكل لولدك وهي ماشي بالمرأة الساهلة لغادي تصبر للراجل غادي تلوحو قبل ميلوحها الله بسامحك وصافي
سالي مشات جلسات حدا فطومة وراحلها وبدات تدوي مع راجل فطومة فالبيزنس
هو :اوا اسالي شفتك هملتي لخدمة عاد ايام
سالي :لا احيث عيانة شوية غدا نبدا لخدمة را غادي ندخل عل شي خدمة جديدة وخاصني ضروري نكون واجدة
سمية :اش كديري فخىمتك بالضبط
هي :لموبيليا ونقدر ندير شركة صغيرة هاد ايام شحال وانا كنفكر فها دبا جا الوقت لتتفيد المشروع
جميلة :(كتطلع وكتهبط فها )مزيان اختي الله يسهل سمحولي انا جايا
ناضت وتبعاتها سالي للمطيخ غمزات حادة تخرج ومشات سدات لباب وشافت فها مغوبسة
سالي :(كتطلع وتهبط فها )اش كتحاولي تديري اجميلة واش هاد احالة دايرة فراصك واش مبان لك غير احمد علاش تعحبوكم لمزوجين
جميلة :(تبسمات حيث صابت الهدف )انت غالطة راجلك هو لبغاني نخذم معاه ماشي انا لقلتها له امدام
سالي :ممم بغاك.تخدمي معاه وخا خدمي ازوينة لكن ديري فبالك انا امراة مكنتخانش ونهار يخوني انا لنطلقو معاشش هدا لدرني تحت الصباط ومعاشش هدا لضحك علي انا امرأة بخدمتي وبفلةسي منحتاحاش للراجل يهزمي انا قدا نهز راسي ماشي بحالك انت كنقلبي عل لهزك.وكتقلبي تخوني راحل لمرتو كتبقاي في مدلولة لكن شبهت مك اش نقول لكم الله يرد بيكم
جميلة :(شافت فها بتحدي )اه واثقة من راصك لكن متنسايس اني ماشي ساهلة وراجلك غادي طيح في قريبا جدا معاسس هدا لرفض جميلة
سالي :(غوبشات ) ديري بالك مني ازوينة انت ماشي قدي ونصبحة مني ديم الطرمة وديك الفورما لكتبيني معندو باش ينفعك معايا حيث كانو قبلك بزاف ورمتهم وعفطت عل ديل مهم مغاديش تغلبني مونيكا بحالك يلا نخليك
خرجات وخلاتها كتغلي وكلها معصبة من العصير لعطاتها اما سالي جلسات معصبة لكن كتحاول تبان طبيعية باش متبينش نقطة ضعفها
احمد جالس ونشوف فها وهي ممعبرهش حتى جا ابراهيم عندها
ابراهيم :بنتي سالي اجي بغتك دقيقة
هي :(هزات كاس اتاي وشي حلوى معاها )وخا
خرجات معاه تحت نظرات جميلة لجلسات حدا احمد مغوبسة
جميلة :(شافت فه باسف )احمد تبان لي يمكن مرتك.مبغاتتيش نخدم معاك
هو :علاش كتقولي هكا اجميلة
هي:خيث فالمطبخ لامتني وقالت لي انا بغا نتقرب منك وانت ادرى انك انت لمحتاجني فلخدمة معام عمرني متصورت شحد يسئ لي بهاد للشكل
هو :(غوبش )غادي نذوي معاها كوني هانية انا رجل كنفرق بين لبزنس وبين حياتي الشخصية كوني هانية مغاديش تزعجك
هي :(ابتسمات بكيد )هادشي لكنتمنى
اما سالي خارجا للحديقة مع خالها وكنشوف فها معصبة
سالي :شفت اخالي اش درتي مصدقنا تهننا من سمية جايبت لنا مصيبة معاها
هو :بنتي خاصك تعرفي ان سمية ممزوجش بيها لكن صاحبي لئتمني علها علها جبتها معايا ودرت داك القالب معاها باش ربي سمية
هي :(تفاجآت )اهاه ملقتي غير هاد القالب بلش تربي خالتي زعما انتوما الرجال كتفكرو فشكل وشكون بقال خالتي مترباش وعوض تبغي ترببها تصاحب مع سمية ويرحعو يعدبونا
هو :سمحلي ابتتي مفكرتش هكا غير يجي راجلها غادي نتهنا منهم
هي : انشاء االله اخالي انت تعرف المهم خاصني ندخل للدار كتحس بالبرد هنا
خلاتو واقف تتنهد ودخلات معصبة للداخل وكلها كتغلي ونار الغيرة تمكنات منها
حادة وجدات العسا عل شكل دجاج بالفريت والسفة
حطات العشا وجلسة العائلات تياكاو وسالي منهم رغم انها كانت مشهيا السفة لكن للاسف مشات لها الشهية بدات تاكل بزز وكتشوف فاحمد لشاد الحثيث مع باه بقات جالسة حتى كمل العشا
سالي :الله يخلف اخااتي الماكلة بنينة
خادة :بصحتك ابنتي
سالي :بلا نخلكم خاصني نمشي احمد غادي ولا غادي تبقا مع وااديك
هو :(غوبش )غادي نمشي اكيد اش غادي تجلس ندير تخلي مرتي ونجلس معاهم ميمكنش يلا نخلكم تال من بعد ونتشاوفو
ابراهيم :بسلامة ابنتي تهلاي فراصك
حادة :اجي اولدي بلاتي نعطك شحاجة
سبقاتو حتى لحق علها معط ركبات معاه فسيارتو واتحهو ال الفيلا وتحد مدوا مع للاخر ،سالي اوصلات مشات طلعات تبدل وهو سذ لوطو وتبعها مغوبش
دخل علها لقاها كتبدل وغوبش فها
هو :ياك قلتي غادي تعشاي عند مك كفاش تجتي لعند امي
هي :(خرجات عينها )شتو مبغتنيش نجي ااحمد ولا شنو
هة :لا ماشي هكاك اكون علمتني نًجي انا وياك عند الوالدة ماشي تجي بوحدك
هي ؛(ضحكات بسخرية )اه ماشي مشكل بحال بحال اسي احمد حكا مبروك سمعت انك غادي تخدم جميلة عندك زعما ابارك الله علك تفرصة مكتضيعها
هو :(هز عينو فها )كفاش زعما انت ادرى اني كنبغي حدمتي وجميلة عندها موهبة فالبيزتس بغيت نستفاد منها
هي :اه وخا لبغتي مقلت والو اامهم طفي معاك الضو بغيت نعس
شاف فها مغوبش وحس بيها مهيلش
هو :سالي اش كاين مااك اليوم معجبانيش
هي :والو احمد مبي والو بغيت انعس واش ممكن نعس ولا نخرج نعس برا
هو :(تنهد )انت هادشي فاش فالحا غير فالنعاس نعسي ها الضو غادي نطفيه.
طفاه وسد لباب وهبط معصب اما هي تكات وعينها غرغرو عنقات لمسند وبقات كتبكي فصمت ،كلما كتفكر ان احمد بدا يتغير علها ومبقاش تبغها بحال كتعصب ولمكمل علها ،انو ممكن تعجبو جميلة كل هاد العوامل ساهمات في انتشاء ونار الغيرة داخل قلبها زبادة والاحاسيس المخربقة لكتحس بها من جراء الحمل ،
اما أحمد هبط معصب من برودها معاه ،معرفش اش يدير معاها هاد الايام ولات فشكل معاه ،طول نهارها ناعسة وحتى مني تجي من الخدمة تلقاها خارج التغطية ،معاطياهش وقت معرفو واش الحمل لدار لها هكا ولا شحاجة مخبياها عله ،ولزاد معصبو انها مكثقش بيه ،اش داها لجميلة تقول لها جوج كلمات علاش تبين لها انها خايفة علها منو من تمتا وهو تهمو النساء كل لتهمو هو سللي ولبيزنس وشحاجة اخرى ممتهموش ،مشا مغويش للمطبخ وجد قهوتو يشربها ودار لها غصير الحامض وطلعو لها عارفها مستحيل غادي تنعس وهي معصبة
دار داكشي فبلاطو وطلع عندها ،حل لباب وشعل الضو عل غفلة وهي تقفز ورجعات تكات بالزربة قبل ميقشعها بدات تمسح دموعها ،شاف فها وغوبش عارفها مقلقلة بزاف حط داكشي فوق الطابلة ومشا عندها للسرير تشوف فها وهي عاطياه بالظهر
هو :(حط ادو عل كتفها )سالي عارفاك فايقة خاصنا ندوو
هي ؛بسع مني مبغتش ندوي معاك طقي الزبل خلتي نعس
هو :(دورها عندو بعصبية وهو يلقا عينها حمرين وباينا باكيا وهو يتعصب ) مالكي اش كاين اش هاد الحالة دايرة فراصك قولي مالك خاصني نعرف اش كاين
هي :(دفعاتو )متقسنيش الغدار منصحابكش هكا كلشي يطلع منك كتقول لي متمشيش لعند حادة وانت جالس عندهم خيطي بيطي لكن الجهد من جميلة لمطيرة لك العقل
هو :(شاف فها بحدة )واش مكثقيش لي اسالي واش تال هاد اادرحة انا كنجك برهوش واي واحدة تقدر ثيرني
هي :معرت معرت مبقت فاهما والو خلني علك مبغتش ندوي ديا
شدها من ادها وزير عله وشاف فها بقسوة
كفاش مبغاش تذوي معايا ملاحظتيش زدتي فه بزاف واش فما ندوي معاك متعطنيش وقتي راك مرتي امدام مالك ولتي هكا
هي :(بدات تبكي ) بعد مني ااحمد متعصبنيش انا شفتك بعيني جالس معاها فالكافي وانا جالسا هنا كنتوجع مكلقا حتى لمد لي كاس الما ولا لطيب لي مناكل وانت جالس ناسي راصك مع جميلة علاش ااحمى علاش واش حيث حملت ومبقاش عندي الجهد بغتي تبدلني بواحدة بحالها ولا شنو
هو :(غوبش فها )كنت كنت كتعطني وقت فاش كنجي فليل غادي نقول لك ان جميلة خدامة فمجال التسويق وعجباتني خدمتها وليوم لقات لي شي ارض فموقع زوين وبثمن مناسب علها شفتها فديك الكافي لكن انت مبقتيش عاطيلني وقت ،ولا كدها فها بغا اتنعسي حتا العشا مكتعشنيش اش بغاني ندير اسالي اقولي اش بغتني ندير
هي :(عينها غرغرو )والو مدير والو شوف لحالتي كيف ذايرة واش بخاطري را للوحم جاني صعيب وطول للنهار كنتقيا والحهد معنديش لكن انت محاسش بي احمد ومبقتيش كتبغتي وشفتي لحم وعجبك اهئ اهئ ونستي ان ولدك ولا بتتك هوما لمعدبيني هكا
هو شاف فها وقلبو ضرو وجرها عندو عنقها
هو :صافي متبكيش انت عارفا اني كنبغيك انت ومتهمني تحد من غيرك متكونسش حساسة شكون هاد جميلة لتدها فها ثقي بي شوية والله مكاينة غيرك فحياتي
هي :(كتضربو لصدرو )وعلاش مقلتيش لي انك خدمتي معاها
هو :انت عارفا انا عزبز علي خدمتي ومصلحتي فوق كل اعتبار هي عندها لمخ وكتعرف لبيزنس مزيان محتاجها تخدم فشركتي حتى نستفيد منها
هي :(بعدات منو ) بصح
هو :(بتسها )شةفي احييبة جوج عندي فالمرتبة للاولا ،انت ولبيزنس هادو كنموت علهم اما شي لاخور مكنتسوقش لهم متشغليش راصك بها انا مصلحتي فها نكمل مصلحتي صافي ورمها عارفاني انسان عملي
هي :وخا لبغتي
هو ؛(مسح لها دموعها )متبقايش تبكي مكنبغكش تبكي شفتي راك انت لكتعصبي راصك اما انا والله معندي غيرك صافي ضحكي
هي ؛(ابتسمات )وخا غادي نثيقك لكن نشوف علك شخاجة نهز ولدي وتخلك
هو :(قرب منها تبوس فها )اودي مكاين والو احبيبة ثقي براجلك شوية ماشي اي امراة تحركني انا كنموت عل حبي
وقف ومشا جاب لها العصير المفضل ديالها ومدو لها
هو :خودي وجدتو لي بنفسي عارفاك عزيز علك لحامض
هي :(ابتسمات )شكرا ااحمد نيت في الجوع
هو :(هز عينه فها ) بقتي مقابلا افكارك المريضة ومتعشتيش راني شفت كلشي
هي :اش بغتني ندير مكنحملش ديك جميلة كتعصب مي كون صلت كون كلتها .نتفتها ودفنتها
هو :(ضحك )يلطيف باينا غادي تجيبي بنت هادشي عندك فشكل انا نهبط نجيب لك للسفة را الوالدة صفطاتها لك
هي :(ضحكات )بصح الله يعطها لخير جيبها جيبها مزال في الحوع
مشا تضحك وخلاها كتشرب عصيرها حل لوطو وتم طالع بطبسيل السفة
سالي اشافتو تبسمات
اراه ااحمد في الجوع بزاف
هو :(حطو حداها وضربها راصها )ولدي جيعان ومخلياه ومقابلا جميلة والله معندك المخ
هي ؛متبقاش فها انا عارفاها كضور علي وذايرا فها مثقفة وهي غير مسخة
هو :ههه علها قلت بها انك كضوري براجلي مصدقتيش
هي :(غوشات )جات قالتها لك بنت الحرام كتستغل الفرص لكن خلي تيفوتني لوحم ونورها كفاش تصفط لي صورتكم لفالقهوة باش تفقصني
هو :كفااش واش شحد صفط لك شحاجة
هي :اه فالعشية صفط لي شحد من نمرة غريبة را التلفون فصاكي شوف لولتساب
خدات عاشق وبدات كتاكل السفة وكتشوف فه وهو تقلب تلفونها وبان لها معصب
هو :غادي نشوف شكون لمصفط هادشي ولكانت هي والله ديل مها تنوريها كفاش تعصبك وتخلك جالسة عل اعصابك وانا كنقول مالك قول هي بغات تخلك تشعلي وديني متبقا فمها
هي :صافي احمد متعصبش انا هديت ونسيت كلي
هو :(غوبش )لا مغاديش نسا وصاحب التمرة غادي نجبدو تحت الارض متنسايش انك مرتي
هي : صافي نسا وحاول دبر احتماعات فالشركة
هو :كانت جابت لي واحد الشخص شريت منو ذيك للارض علها درت معاها لكن جات بوحدها وداك الشخص تعطل علنا شي نصف ساعة عاد جا
هي :(فهمات لفلم )صافي ااحمد نسا واجي كول معايا السفة را بنينة والقرفة كتحمف اجي تشمها
هو :(ضحك )الشمامة هههه وااله تحمقة
في الصباح ااباكر فاقت سالي مع اانبوري ناشطة لبسات بنوار قصير وهبطات للمطبخ توجد الفطور لسي احمد لولا تغير من ولدو ومزال .حتى متزداد
عصرات له الليمون ،وقلات شي بيض ،وصيبات شي كيك مع كافي دارات داكشي فبلاطو وطلعات عندو مبتسمة ،لقاتو تتفوه
هي :حبي صباح لخير هانا وجدت لك فطورك
هو :(طلع وهبط فها )صباح اانور حبيبتي اجي بغتك تعاونني فشحاجة
هي :وخا هي لولت
زوقات الطابلة ومشات عندو تشوف اش يغاها اوصلات عندو جرها من خصرها تطاحت عله
هو ؛(شدها من خصرها وحيد لها لبنوار يرفق وعينو عل جسدها المغري )شوفي مغاديش تقولي لي لا انا توحشتك بزاف ومبقاش عندي الصبر
هي :وايلي ااحمد عل الصباح باغي تسرط لي الطاقة خلي تالعشية ونعطك حقك
هو :لا ديما كتقولها وكتنعسي انا ليوم بغيت حقي ثالث ومثلت
بدا يحيد لها حوايجها بالزربة وهي كتضحك عله تحيدهم ولاحها عل السرير بقا تبوس فها وهي معنقاه وكتبتسم. مندمجا معاه فقبل ملانهاية وهو من وحشو فها كلها رحعها طبايع وتطبع صك ملكيتو علها ،حتا طيبها بالكامل وخدا بعض من حقو عاد ارتاح
هو :(شاف فها وباسها )احح شحال توحشتك فليل نكملو راني موحشك بزاف اروحي
هي ؛(متكيا وكتضحك )علا هادشي ومخدتيش حقك ااخمد شوف كيف ردتني المتوحش
هو :لا مخدتوش احبي الحق تياخد برفق وانا زربان ليل نفرجك انا ندوش دغيا ونجي تفطر
لبسات شوميز ديالها وبىات اقاد فراشها حتى خرج احمد لاوي عله فوطة ومشا يبدل حوتيجو
هو :مخرجاش انت معندك فين تمشي
هي :كفاش اش كتخربق را خاصتي نمشي للشركة نشوف اش كاين
هو :(غوبش)انت عيانة انا را عيني علها وكلشي هو هداك انت غادي تجلسي هنا ترتاحي انا غادي نسالي خدمتي جوايه 4وغادي نجي عندك نخرجو
هي :وخا صافي غادي نذوي مع معاد نشوف لاحتحني نكمل الخدمة غن بعد
لبسها حوايجو لي شكل سروال كلاص مع قميحة كحلا لاصقا ،مشا عندها جرها من ادها وجلسها عل رجليه
هو :تهدا نظر ترتاحي شوية نستي ان لكلتها كترضها ومعندكش الطاقة صبري شوية تتولي شوية سيري لخدمتك يلا خودي مني هاد العصبر
بدات تشرب فه وكتخمم
هي:عندك موعد مع جميلة وقيلا تعطلتي
هو :خلها تسنا تنجي انا را المدير ولبغا يخدم خاصو يصبر ازين ديالي يلا كولي وطعمي ولدي
هي :وخا وانت مغاديش تاكلي
هو :لا براكا علي احبي عندي اجتماع مع 22داير مع واحد صاحبي كيف والو ندير معاه شركة اخرى تكشي علاش بغيت جميلة تدير لنا اشهارات وتشوف شي موقع زوين
هي :اه وخا ااحمد صافي الله يعاوتك
هو :(باسها )امين نكمل احتماع نتصل بيك ،انت كولي مزيان وارتاحي صافي
هي :وخا ااحمد االه يعاونك
هو :امين كلشي كنديرو عل قبلك وعل قبل ولادي يلا نتشاوفو فالعشية .
_______________________________
وصل الشركة اخيرا اوصل لقا جميلة كتسناه عل نار ومغوبشة حيث تعطل علها لقا التحية بلاما يعبرها
شافت فه مصدومة وغادي تفركع حيث مدهاش فها وهي عمر شحد رفضها ،ولا قاوم جمالها وطايتها اكيد هدا ماشي طببعي
اما احمد تدخل اابيرو اتصل بالسكرتيرة
هو :علمي للانسة لبرا تدخل عندي
هي :امرك سيدي
بعد دقيقتين تمات داخلا مبتسمة هز عينو فها وضحك
تفضلي انسة
هي :(جلسات وشافت فه وضحكات )شكرا موسيو
هو :ندخلو فالموضوع انت غادي تخدمي فلبيرو الخاص بيك السكرتيرة غادي تورك المكتب وغادي تعطك شي ملفات بغتك تديري لنا اشهار لشركتنا ومنها تشوفي لنا شي موقع ارض فشي موقع تكون قريبة للمحلات التحارية
هي :وخا انا فالخدمة
هو :(مد لها العقد )هدا غادي تقرايه لعجبك الشروط غادي تمضه وتعطه السكرتيرة ديالي فه مدة شهرين والثمن 5000درهم ولعجبتتي نقدر نزدك اش بان لك
هي :(فرحات)اه اكيد موافقة اموسيو الثمن عجلنب انشاء اللع ندير كاع مفحهدي
هو : اوكي امكانك تمشي لمكتبك
هزات وراقها وتمات خارجا وهو مقاباها وتتتهد وتدوي مغصب :
لكنت انت لصفطي لي مساج مغاديش رحمك غادي ندمك احميلة دوماج امراة بعقلك وبحمالك كتضيع راصك فابور لا حول ولا قوة الا بالله
بعد خمس ايام
عشق خرجات هي وجاسر باش يتقداو لعرسهم وصلو للمول حط لوطو وهبط معاها شاد لها فادها وهي مخشيا فه وكتبتسم
هو :دوماًج مجبناش سندريلا تهي خاصها تكسا وتفرش بيتها عل دوقها
هي :لا بلاش سندريلا مكتساليش من الطلبات اجاسر خلها من بعد نشوفو بعد الضروريات عاد نشوفو سندريلا
هو :خههه صافي خلها تال الويكاند ونخرج معاها راسي را عندها طلبات هوما واولهم بغات غوب بحال سندريلا مع حداء عالي
هي :ههه هاديك لبنت غادي تحمقني لكن اجاسر نقص شوية را غادي تدصرها ونوحلو معاها
هو :خلي لبنت تعيش را تقهرات مع نبيل اجي نشوفو داك المحل فه بيجامات زونن
شد فها ودخلو لداخل لمحل لفه بيجامات خاصة بالنعاس مع شوميزات وملابس داخلية ، دخلات بقات تشوف فالملابس حشمات شوية منو هادي أول مرة غادي تدخل مع شي راحل لشي محل تاع النسا وتضم ملابس مثيرة
اما جاسر داخل وتشوف فالحوايج باهتمام عجبو الستيل ليلا خارج جر شوميز لخمر قصير بصماكات ةمدو لها
ًجاسر :حبيبة شنو بان لك فهدا زوين بزاف غادي جيك زوين هاكي قيسيه بما شفت لك شي موديلات اخرين
شافت فه وتزنكات خداتو ودخلات تجري تقيسو خلاتو تقلب عل ستيلات اخرين ،ومخو محتار مكرهش يدي كاع المحل لكن ضرةري يختار
عزل لها شوميزات مختلفة بين الطويل والقصير وحتى بيجامات تاع اانوم اختارهم لها عل دوقو هز تقريبا شي عشرين بيجامة دارهم فسلة ومشا عند عشق لكتقيس وكتشوف راسها كيف جات وحشمانة من راصها ،هادي اول مرة غادي عجبها جسدها للانتوي وكتحس شوية بالاثارة ،
تقابلات مع المرايا كتشوف الشوميز لعزلها وعزل لها صدرها وطايتها بقات حالا فمها تسمعات صوت جاسر
جاسر :زين ديالب كملتي كيف جاتك
هي : ًجاتني زوينة غادي ناخدها
هو حس بالفضول شوية وتمنى يشوفها كيف حاتها
جاسذ :ممكن نشوفها كيف جاتك
هي :لا ميمكنش اجاسر حشومة خلي تال العرس وتشوفني
هو :(غوبش )كفااش زعما تال العرس نستي ان لبارح درنا العقد انت خلي نشوف داكشي كيف جاك باش تقيصي بيجامات اخرين
هي :(تزنكات وقلبها تضرب )شوف غادي اتشوفني غادي نسد لباب دغيا
هو :صافي احلي
سرطات ريقها بتوثر وحلات لباب ببطئ وقلبها تضرب ، وهي تبان له باجمل صورة شاف فحياتو
كانت لابسا شوميز احمر صماطات كلها معزولة فه ومبين تضاريسها المثيرة ،التفاحاتان واقفتان ،لبطن منحونة ،والخصر ممتلى ،والوجه كلو مزنك شاف فها وابتسم بكل جراة وهي تسد عله عشق لباب خلاتو تبتسم
هو :هالسلة هنا غادي نمشي نزدك شحاجة اخرى
هي :اويلي بزاف اجاسر
هو :مبزاف والو بغيت مرتي تكسا برزقي انت اسكتي وكملي لبسك
امشا جرات السلة وبدات تقيس الحوايج لجاوها تحفة وعجبوها ولعجبها اكثر هو للكرم للقاتو مع جاسر وتحرمات منو مع نبيل لحتى بيحامة هي للاخرى عمرو شراها لها لخوايج لمشات بهم لعتدو هما لعاشت بيها معاه ،
بعدما قيسات كاع دوك ااحوايج هزات كلشي وتمات خارجا معاه مبتسمة
هو :(عتقها من خصرها )شنو بان لك تشربو شي عصير ونكملو مزال خاصك شي جلالب عصريين
هي :بزاف اجاسر را عندي والله لاش هاد الخسران
هو :لا من اليوم انت ولتي مرتي واجب علي نكسيك را مرات جاسر وانا الحمد لله عندي رزقي ولمخصرتو علك لمن غادي تخسرو اجي ًجلسي فديك لكافي طلبي لبغتي انا نحط هادشي فلوطو ونكملو
هي :وخا
جلسات فالكافي كتسنا فه ،طلبات لهم جوج عصير شدات تيلي وبدات تدوي فه مع ختها سالي حتى سمعات صوت عمرها ضنات انها غادي تسمعو خرجات عينها وقلبها تخلع بل رجف
هي :نبيل ؟؟؟
هو :(شاف فها بعينه الجاحدة وملامحو الشريرة )اه انا لاباس علك مالك تخلعني تبان لي مزال كنخلعك
هي :اش باغي مني ،كنظن تحاجة مبقلت كتحمعنا
هو خنزر فها بوقاحة
لا في ،نستي سندريلا بيناتنا مغاديش نتنازل علها
هي :(خنزرات فه)وقيلا نستي انت رلك تنازلتي علها وحتى لحاولت تقرب منها غادي نشوهك وغادي نخلي العالم كلو يعرف شكون هو نبيل التلمساني
هو غوبش فها ومشا وقف علها بحال شي شيطان وطلع فها باحتقار
انت تشوهني باينة لي نستي اش درت فك واش ممكن ندير را باشارة مني نقدر نجيبك لعندي ونوريك اش كنسوا مزال منسيت انك دخلتتي لحبس
هي :أنا مخايفاش منك الا قستي جاسر غادي نمحيك من الوجود
نبيل :(ضحك )مني انت بغا الحرام كون علمتني ندخلك معايا فالمجموعة عندي طلبك اش داك لمخزن تصاحبي معاه صدمتتي ماشي ديالك اعشق
هي :(بعداتو منها )سير بعد مني متقسنيش انا ملشي بحالك الكلب الشماتة تقرب متي وبنتي نوري مك
جرها من ادها بعنف
اجي معايا الزوينة خاصنا ندوو
هي :(كتحاول تبعد عله وكتغوت والناس تشوفو تحد مقدر يقرب منهم )اهئ اهئ مبغاش نمشي معاك بعد مني الكلب
هو :غادي نوري مك الكلب اش تسوا ليوم غادي رجعك لداك لقصر لهربتي منو
بدات تجابد معاه فالهدرة وهو يجرها بعنف حتى طاحت فاارض كترعد وخايفى ،كلما كتفكر انها غادي ترجع لداك لقصر ذيالو كتخاف وكتظلام بها الدنيا
وصل جاسر تجري بعدما شاف الجوقة ملمومة عل الكافي ،ادخل وهي تبان عشق طايحة فالارض كتبكي ونبيل تحاول يجرها وتحد مقدر يتجرا يقرب منهم
مشا يجري غندو ضربو بونية تطاح الارض ورعف وشنق عله من لقميحة
جاسر :(عينه ولاو حمرين وعروقو برزو من شدة عصبيتو )اولد الكلبة غادي نقتل ديل مك كتضرب مرتي ،وكتمسها عين باين غادي نوري مك هاكا خود ،هادي حيث غوتي علها ،وهادي حيث ضربتها وهادي خيث تجراتي عل مراة جاسر
بقا تياخد الضربات حتى ولات كلو دمايات ،مقدرش يهز عينو فجاسر ،ولا فالناس لتشوفو فه بشماتة ا عطاه ظهرو مشا يجري من لمول ركب فطنوبلتو وهرب بعيد قبل ميهرس له راصو
جاسر شاق فالناس وغوبش
مفكم تراجل هنا كتشوفو امراة كتاكل العصا وجالشين كتفرجو عل ديل مكم الكلب الرحولة اندثرات فرقو للجوقة منشوف تمنطيخ هنا هاد البلصة حاجازها المخزن
مشاو تجرو من الكافي وتحد معحبو حال بداكشي لطرا لكن تخد مقدر يقرب ببساطة لان فمجتمعنا كلشي تخاف من المشاكل والرجولىة بدات تتدثر وتهرب من محتمعنا الشرقي
عشق مشا يعنقها وهي كلها كترعد وكتبكي بخوف
عشق :اهئ اهئ كان بغا يديني معاه كان يغا يرجعني لداك القصر،انا خايفة اجاسر
عنقها بعنف وكلها معصب وندم علاش خلاها بوحدها
هو :صافي مغادي قدر يدير لك والو الحقير غادي ندمو وحياتك تغادي ندم مو عل اانهار لتزداد فه
هي :كنتمنى اجاسر انا مبغتش نرجع عندو هو عدبني بزاف ،وتكرفص علي
هو :(نوضها برفق )متخافيش انت ولتي مرتي وتحد مغادي يآديك ثيقي بي اجي نديك ونتفاهم مع كلبة امو
هي: وخا
ناضت معاه وحالتها حالة كلها كتغلي ،وعينها مغرغرة خايفة عل راصها وعل بنتها
جاسر :(ساق لوطو وشاف فها معصب )غادي نديك لداركم نمشي نتفاهم مع كلبة مو والله متبقا فه
هي :لا اجاسر صافي خله منو لله
هو :(غوبش )كفاش نخليه وحياتك تفادي ربي مو ،باش المرة الحايا مني شوفك يحدر عينه انت بقاي فاادار تنجي عندك
هي :وخا
حطها قدام لفيلا بقا تشوف فها تدخلات اادار وساق لوطو معصب اتجاه شركة السليماني
حط سيارتو وطلع مغوبش مشدها تال لعندو ،حل لباب بعنف وشاف فلسليماني لداير اجتماع مه بنظرة حادة زعزعات ااسليماني من الداخل
السليماني :خلونا عل انفراد
هزو وراقهم وخرجو اما هو فدخل جلس وتقابل معاه وتشوف فه بحدة
جاسر ؛تبان لي ولدك مبغاش يتربا السليماني مزال معرفني اش كنسوا ،هددتك مرة وجوج لكن تهديداتي مجابت تنتيجة معاكم
السليماني :(شاف فه بتوثر )اش كاين مفهمت والو ياك اتفقنا وحلنا للمشاكل
حاسر :ادويتو مزال مطبقتو شوف غادي نجيك من الاخر عشق تزوجت بيها وسندريلا ولات بنتي ولدك لمبعدش من طريقي غادي نسفو نسف قولها لولدك ووصل له لهاد المساج
السليماني :(شاف فه بخوف) نوعدك مغاديش يقرب منها امستر جاسر انا بنقسي غادي نسفو
هو :(غوبش )انتوما اكدرو وانا كنطبق مكندوش هدا اخر مساج لمنظمتكم لمبعدتوش من عيلتي غادي كون بيننا عداوة مكتساليش يلا باي
ردخ لباب وخرج.معصب ،جبد تلفونو ودار مكالمة مستعجلة
بغتكم تلفاو لي نبيل وتحبدوه له من تحت الارض امامكم 48ساعة
دار التلفون فجيبو ركب فطنوبلتو وزاد
____________________________
وصل جاسر للفيلا مغوبش ،حلات له عويشة لباب وهي مقلقةعل بنتها لمعرفاتس مالها ،مني جات سدات علها فبيتها رفضات تدوي مع اي شخص
عويشة :اش كاين اولدي مالها عشق مني جات سدات علها فلبيت ةمبغاتش تدوي معانا
هو :(شاف فها بغضب ) من بعد نعاود لك اخالتي ممكن نشوفها
هي :اه طلع عندها راها فبيتها
هو :شكرا
طلع عند عشق لحابسا راصها فبيتها وكتبكي بخوف وخايفة لنبيل ميخلهاش تمتع بحياتها مع بنتها ورحلها ويرجعها له بالغصب ويرجع يعدبها
تحل علها اباب عل غفلة وهو يدخل جاسر مغوبش شاف فها وخنزر فها
هو ؛دبا علاش كتبكي علاش
هي :(مسحات دموعها )مشفتهش اش دار لي اجاسر هو بغا يرجعني بزز انا كنكرهو وخايفة ليخطفني من جدبد
جلش حدلها وشاف فها بحنان
جًاسر :شوفي ثقي بي نبيل صافي غادي عطك التساع ليوم علمتهم انك.ولتي مرتي وهما عارفني علاس قاد ،غادي ديرو دوو معاه مغاديش يغامرو بحياتهم عل قبلو يقدرو يضحو به في سبيل يعيسو مرفوعة الراس حيث لتفضحو مشاو فها
هي :(تنهدات )وزعما يخلني عله
هو :غادي خلك ،لكن قبل غادي ربي مو ،لمربيتو وصفطو لهم يربوه تهما منتسماش جاسر صافي نساي احبيبة قطع علنا فرحتنا يلا نمشو نتعشاو انا. وانت وسندريلا
هي :اه وخا نيت مخنوقة
هو :انا نتسناك لتحت متعطليش
هبط عند عةيشة بحالسل كتخمم وحداها سندريلا كتحغظ
هو :سندريلا طلعي لبسي باش نخرحو
هي :(هزات راصها فه ودايرة ستيلو فمها )لا ابابا اسيرو عندي شي حفاظة وخاصني نرلجع حيث غدا عندنا امتحان مهم
هو :وخا ابنتي طلعي دوي مع ماماك راه لفوق عاد كملي
هي :وخا
جلس حدا عويشة وشاف فها بجدية
جاسر :ليوم تلاقنا مع نبيل فالمول ،انا مشت نحط شحاجة فالطنوبيل ومني جيت لقتو تتلاج معاها وبغا يديها معاه وراك عارفا هادشي تأثر عل عشق مزال عندها فوبيا منو
هي :(شافت فه وقلبها خرج من بلاصتو )ولد الكلب اش بغا منها ياك تطلقو مكفاهش لماضي
هو:تصحاب هي وحيدة مكاينش شي راجل فظهرها لكن بعد ليوم غادي بعد علها الا ادا كان مكلخ وبغا يرجع للحبس متشغليش بالك انا غادي نتصرف معاهم انت ردي بالك عل سندريلا تنجو
هي :وخا اولدي انا واثقة فيك وعارفاك راجل ونص علها بغتك لها وكنتمنى ربي يبعد علكم العديان
هو :امين اخالتي
هبطات عشق مع بنتها حزينة لابسا عبايتها مع زيفها وبنتها كتدوي معاها وكتعاود لها عل صحبتها
عشق :وصافي ابنتي انجي وكملي لي لكن يغتك.تحقضي غادي نجي تعرضي علي
هي :وخا غادي نحفظ تجدول الضرب اماما بقات لي غير رقم 9
عشق :شي عقوبة هادي ياك
هي :(دورات عينها )مدرت والو غير ظلموني والله
جاسر :الكديديبة اش بغتي نجيب ليك معايا
هي :بغيت طاكوس اعمو ويكون كبير عفاك
هو :وخا ابنتي يلا بسلامة علكم
عشق :(باست بنتها )متعدبيش جداك حفظي مزيان سمعت
يلا بسلامة اماما نتشاوفو من بعد
عويشة ؛(وصلاتهم تالباب )بسلامة تهلاو فيعضياتكم
عشق :كوني هانية اماما
عند انور لوصل لدارو معصب حيث هشام مزال مقتنع بزواحهم ،حط لوطو بعيد وهبط يجيب شحاجة ويرجع لكن احط رجليه فالشارع وهو يجي عندو جارو لمقابل معاه مخنزر وعينه فهم لوم وعتاب
الشخص :سي انور مزيان مني شفتك شحال بغيت ندوي معاك لكن الفرصة مجاتش
انور :(سلم عله)اهلين سي رضا مالك اش كاين
هو :اش نقول لك مبغتيش ندخل لمخزن فقضيتنا كيق مكان حنا جيران
انور :(حس ان شي مشكل كببر هدا لخلا جارو يدوي بهاد الطريقة ) اه حنا جيران وماشي جيران عاديين انت راك بحال خويا وعار الجار عل جارو لكن اش كاين
هو :مكاين منخبي علك هادي مدة شي دخان تخرج من ضارك ورا المدام عندها حساسية من لفاخر واادخاخن والتباخبرة ولبارح تقجات لي تدتها لطييب لكن قبيلا وقع تاني نفس الشيء حاولت ندوي مع مرتك لكن مكتسوقش لنا وكتجري علي وكتقولي داري هادي ندير لبغيت سير دعيني
انور :(شاف فها متفاجا )واش من داري انا كتخرج ديك الريحة لكن ديالاش
الشخص :تباخيرة مجهدة بزاف معرفش ديالاش لكن تبان لي اخوبا انور اما شعودة ولا سحر حيث داكشي مجهد انا جارك وكنصحك رد بالك ومدرهاش مني قلة الصواب
خلاه واقف مغوبش وحاير ومراضيش حيث تحط فهاد الموقف مع جارو لكن الهدرة بقا تدورها فبالو وتحس راصو مفاهم وااو
دخل لدارو بهدوء يلا خطا جوج خطوات وهو يشوفالدخاخان خارجا وهو يتصدم وتقج
اويلي اش هادشي تسطات هادي ولا مال مها
حل لباب بعصبية وهو يدخل مفرعن اهز عينه بانت له مو كتبخر مرتو وحاطا شي صورة فالمجمر
انور :(غوت بالجهد ) اش كتديرو اعباد الله اش هاد اادخاخن كح كح
سناء :(شافتو تخلعات )سي انور جتي علا السلامة
الحاجة هزات التصويرة قيل ميشوفها خباتها وحلات للشرجم وكلها كترعد متوقعاتوش يجي فهاد الوقت
الحاجة :(كلها كترعد )ولدي مرحبا اش جابك
هو:جيت نشوفكم اس كدبرو ممكن تقولو لي اش كدبرو واس هاد اادخاخن واش حماقتو ولا مالكم كتقلبو لي عل الحبس
الخاجة :مدرنا والوو اولدي غير فوسخت سناء را هاد ايام عيانة وغبر كتبكي باينى تخطات شحاجة
هو :(طلع وهبط فسناء لشاف فها بشك )كتفوسخها عل اساس حنا فحي شعبي الحاجة اش كتخربقي ثاني واش كتبان لك دري صغير ولا شنو دبا حمعي علي هاد الزبل لمعرت اش فه واخر مرة نشوفكم ديروه
سناء مشات تجري هزات كاس الماء وبدات ترش على الفاخر تطفا هزاتو وداتو لمطبخ وهو اشوف فها كيف كترعد وامو كثر منها
هو :انا طالع نبدل حيث خارج عندي احتماع فالخدمة
هي :وخا اولدي الله يعاونك دنيا واخرة
بقات تشوف فه تطلع ومشات تجري عند سناء مخلوعة
هي :تخلصي من داك اازبل شوية كنا غادي نحصلو كون شاف التصويرة مشنا فها
سناء:ناري اخالتي شوية منتحرق معرفش شنو جابو فهاد الوقت تفو مزال مكملنا شغلنا عل زهر
هي :صافي خلي تال من بعد ونعاودو دبا مخاصوش يشك فنا اجي نحيدو هادشي
انور طلع مغوبش لبيتو مخو خدام وبالو كلو مع داكشي لشاف ،
اش تقصد جارو بالسحر ورد بالك ومو ومرتو علاش كانو تبخرو بديك لهمجية وامتا التفوسيخة كانت بديك الريحة لخايبة وديك الدخاخن لدرجة جارو تشكا منهم ،لا الموضوع فه ان وخاصو يعرفها
مشا المجر حلو بدا يلبس حوايجو البسهم هبط عندهم مغوبش شاف فهم بحدة وهوما عينهم ناعسات مميلات كانهم دايرين شي جرم
هو :اخر مرة نشوف داك الزبل فداري را كاينا شحاجة سمتها القران
الحاجة :عندك الحق لكن هادي الملحة اةلدي وشي تباخيرة للعين حيث بتتي سناء مزال مولدات وانا شكا انو عندها شي سحر
هو :(جاتو الصحكة )نهار يبغي الله غادي تولد يلا نتلاقاو فلعشية
اما عند نسرين لجالسا فدارهم مغوبشة وحداها باها وخوها تشوفو فها بغضب
بلال :واش حماقتي بغا ترجعي لي واكوني زوجة ثانية هادشي لبقا نوضي تهزي وذيري حسابك من ليوم مكاين خروج
هي :(شافت فهم بعينها لكترجاهم يعطفو علها وعل قلبها الصعيف )علاش اخويا انا بغيت رجع لراجلي را كنبغه وتهو تبغني را غير امو مريضة مقدرش يمرضها
هشام :شوفي ابتتي الراجل لبغا يرجع لك خاصو يطلق ديك الخانزة لواخد ويواجه مو عاد ديك الساعة امكانك ترجعي له وانت راصك مرفوعة لكن ترجعي لك وانت مدلولة لا والف لا سدي هاد الموصوع انت ماشي شايطة غادي تجلسي فدار باك تيجي لستهلك
هي :اهئ اهئ ورا عندي ،42عام فين غادي لقا راجل اخور وزايدون انا كنبغي انور وانا لضيعنتو من ادي ودبا بغيت نصلح غلطي عفاكم خاوني رجع له
بلال :والله متهزي تنوض لمك ،مالك شايطو والله مطلق مرتو وجاب مو تخطبك ودبح علك حولي ولا بكرة لا قبلنا انت ماشي شايطة دبا بيتك ممنوع تخرجي
مليكة :احترم اختك را كبر منك
بلال :الوالدة انت لزايدة فها انت تبعها وخلني ندوي مع ااوالد هل انفراد
مليكة :اجي ابنتي نمشو لبيتنا هادو زادو فه
هشام شاف فولدو
لرجع يدوي معاك قصح الهدرة لبغا يطلق مرحبا مبغاش بنتنا عمرها ترجع مزوجة ثانية لخماق هدا
بلال :بيني وبينك تبغها بزاف لكن محلتو لمو ولا لها ولا ديك لواخد كنتمى يتوصل لشي قرار ويختار بينها وبين ديك الخدامة اما امو كتبقا امو هاديك
هشام :‘كنتمنا عل الله هادي دير لها عقل وثبث شوية
ليلى وصلات رفقة ايوب وعويشة ورجا لاحدى الشقق لعجبوه وقرر يشريها ويعيش فها مع مرتو
حط لوطو ديالو وطلع مع عائلتو في المصعد الطاج للثاني حل لباب ودخل شاد فليلى لحلا فمها فااشقة لكانت كببرة شوية
ايوب :يلا احبيبة شوفي واش عجباتك ولا نشوف غيرها
طلقات منو ومشات تعرف عل الشقة لكانت جاهزة ومصلوحة مزيان وفها ثلاث غرف وصالون كبير فه توافد كبار تكلو عل شي حديقة ،اما احدى الغرف ففها غرفة كببرة مع سطح صغير تطل عل الحديقة
ايوب :(تشوف فها وتبتسم )شنو عجباتك
هي :اه زوينة عرفتي اايوب انا هاد الغرفة بغيت نخلها بيت للنعاس وداك السطح بغيت نزرع فها الورد ونخليك جلسة نتبردو فه بليل
هو :اه وخا لبغتي فرشي الغرفة عل دوقك اجي نوريك باقي الغرف
شدها من ادها ومشا بها للمطبخ لكان جهزو ودار فه كاع لوازم المطبخ من الة تصبين ،فران ،كويزين وثلاجة ،
عويشة :((شافت فالمطبخ وضحكات )شوف الصالون غادي كون هدية من عندي واياك تقول لا الهدية مكترضش
رجا :وبيت الجلوس عل حسابي هدية لولدي ويراكا انك مبغتيش نعاونوك فالشريان غادي نعونوك فالفراش منبغيش شي اغتراض
شاف فهم معجبو حال لكن ليلى تدخلات
ليلى :صافي اايوب الهدية مكترضش وبراكا انت حهزتي اامطبخ وغدا نشوفو بيت النعاس وماما وخالتي ماشي برانيات مفها والو لعونونا اصلا تابعنا بزاف الحوايح وتابعنا السفر
هو :صافي وخا لبغتو يلا كيف جاتكم الدار
عويشة :الله يعكك الصحة لةلدي زوينة وغادي تزيان فاش تفرش انشاء الله
هو :امين اخالتي دعي معانا محتاجن دعواتك انت وماما حنا عاد بادين حياتنا محتاجن دعواكم
رجا :حنا داعين معاكم اولدي وخا كنت بغيت ليلى تعيش معايا لكن مني بغات تعيش بوحدها ربي سهل علها
ليلى :شكرا خالتي بغيت نعتمد عل راسي لكن مغاديش نبعد علك غادي نطل علك وتجي عندي را انا مبعيداش علك بزاف
رحا :وخا ابنتي لبغتي المهم تكونو مرتاحين ويبعى علكم ولاد الحرام
عةيشو :امين يلا انا نمشي نشوف لكن شي صالون عصري وغدا ولا بعدو يوصل تمشي معايا ارجا
رحا :اه تنا نمشي نشوف لهم شي صالون للحلوس يلا نتشاوفو بليل
ايوب شاف فهم وصحك
شفتي بغاو بزز يعاونو مصيبه معاهم
ليلى :خلهم يعاونونا را للصااون فه الفلوس اليوب وحنا تابعنا شلا حوايج اجي بشحال ثمن هاد اادار
هو ؛60ملبون غادي ندفع 20مليون ولباقي تريطا
هي :اجي اايوب علاش منتسلفوش من عند واددينا ونخلصوها طنان حسن من الربا والفلوس لغادي نعطو فتريطا نجمعوها ونخلصو دينا خصوصا بابا وباباك وختي ممحتاحنش مغاديش يزيرونا اش قلت
هو :(تخمم )فكرتك زوينة حسن من البنك صافي غادي ندير بيها ونتسلف من عندهم
هي :اه حسن من لبنكة را الربا هاديك مندخلوش فالربا وحنا يلا بادين اايوب هدا رايي وانشاء الله نخدم انا نتعاون معاك ونشرو فيلا صغيرة لولدلتنا
شاف فها وضحك
هو :لقلت لك.مبغتكش تخدمي بغتك تجلسي فالدار معززة وكلشي عادي وصلك
هي :(غوبشات )اكيد لا عرفتي شحال خلصت عل راسي تقريت را مبقا لي والو وناخد ديبلومي ونخدم بيه اايوب ،را الزمن تغير والحياة ولات غالية بزاف وانت بزاف علك
هو :ماشي بزاف علي احبي انا داير خ٣سابي وقاد علك
خلي تال نتهناو بعدا من ديننا ونولدو شي بنية ونشوف لكن دبا خلنا نعيشو فسعادة بلا شروط
هو :(قرب منها وباسها )احح عل هاد لللسان تنقط ذهب كتغلبيني الصراحة
هي :خهه شنو بان لك ندير شي كافي انا وياك معمر الثلاجة ولا لا
هو :اه فها شحاجة احبي دري لبغتي
هي :اوكي
مشات توجد حليب بالقهوة وهو جلس فالطابلة تتمنظر فها بكل حب وتتفكر كون خسرها اش غادي وقع فك كون ندم حياتو كلو ،
تفكر هبة وجاتو الضحكة وللاشمئزاز وتشوف كون تصاخب معاها ولا عطاها فرصة كون ضيع ليلى من حياتو للابد
وجدات قهوة بالحليب ،حطات شي حلوات لقاتهم فالثلاجة وجلسات حداه
هي :مالك فاش كتفمؤ
هو :كنفكر كون مسمحتسش لي اش كنت غادي ندير بلا بيك كون حماقيت
هي :ههه متخافش انا وانت عمرنا غاذي نتفارقو نقدرو نتخاصمو اه لكن فراق لا لكن وعدني عمرك مزال ثيق يشيحد ،لقال لك شحد شحاجة جي واحهني وسمع لي وحكم متعطنيش ظهرك وثهرب
هو :(تنهد )غلطة مغاديش تكرر احبيبة كنوعدك
هي :(كبات له قهوتو ) خود احبي شرب باش تمشو نشوفو بيت النعاس
هو :وخا شنو يان لك تعشاي معايا ليوم ونسهرو
هي :وخا علاش لا لتهنيت من بيت النعاس غادي نتهنا غادي تبقا لي طاللة تاع مونجي نحطها فالمطبخ وناخدو شي جوج تلفزات بلازما واخدة نديروها فالصالون وواحدة فبيت الجلوس
هو :واه واه شحال
هي :واش تصحاب عاد خاصني لماغن تاع المطبخ لكن خاص نشوف بعدا العائلة لكادوات لغادي جيبو باش نعرف اش نشري واش منشريش منيغيش جوج مم ااحاجة
هو :(تشرب وتضحك )صافي لبغتي شنو نمشو
هي :اه وخا يلا تمشو
شد لها فادها وخرجو من اابناية ركبو فلوطو ومشاو للمحل لتبيع الاثاث والموبليا
في واحد الخلا بعيد عن المدينة ،واقف جاسر بكل شموخو تشوف فنبيل لمرمي عل للارص وكلو دمايات ووجهو كلو كدمات
جاسر :(شاف فها معصب وسادو من شعرو وكارز عله)شوفي اختي غادي تجمعي راصك معايا ،ممنبغيش نوسخ ادي ونضرب شي امرأة ولا شي لوبيا لكم انتوما مكتخلونيش فحالي ابتداءا من اليوم غادي تنسا شي امراة سمتها عسق وغادي تنسا بنت سمتها سندريلا والا انا بنفسي غادي نتصرف معاك شي تصرف مغاديش يعجبك ومتخلقش مغاديش ندخلك لحبس لكن عادي ندخلك لحبسي
تقدم منهم واحد الشخص طويل وعامر وباين علها الاجرام ،والقسوة شاف فنبيل وسرق ريقو بخوف
الشخص :(تدوي بحدة )خليه لي الشاف هدا انا لنعرف لمو غادي نغتصبو واحد للاغتصاب مكاينش بحالو مغاديش يصبر ليلى واحدة
ضحك بشر وقرب من نبيل لفحالة يرثى وتشوف هاد الشخص الطويل العامر لكلو شر وعنف اتتفكر انو ممكن يغتصبو كتجه الخلعة والقشعريرة
شاف فجاسر والدموع فعينه
عفاك اشاف والله متبقا نعاود للا هدا مبغتش نغتصب مبغتش را نقدر نموت
جاسر :(ضحك) ياك انت لواطي تعحبك اللور انا يغيت انبسطك زعما
نبيل :الله يلعني ماشي بهاد الطريقة هدا غادي قتلني اشاف
طاح عل رجليع تبوس فهم وتترعد
نبيل : مستعد ندير لبغتي الا هدا ميقريش لي ،انا متعودش شحد يمسني انا لكنمس الناس عفاك رخمني
جاسر :(غوبش فه وشنق عله من عنقو )مشغليش فحياتك انا لتهمني تبعد من مرتي وبنتي غادي نعطك فرصة اخيرة غادي نشوفك كضور بعشق متقولش لك اش غاذي ندير قك مفهوم
هو :اه مفهوم ةالله منبقا نقرب منهم وعد نتي
جاسر ؛(شاف فالرجل الطويل )غادي تلوحو لباه وغادي توصل له هاد الرسالة بنفسك لكتقول
هاهو ولدك ادبتو بطريقتي جا دوركم انتوما تربوه عل احترام اامعاهدات وادا بغتو السلام مرحبا غادر نخترمو ونخلي الخلق للخالق وادا بغتو الغدر عارفني اش ممكن ندير ،اعتبرو لفديو تمسح وانتوما فطريق وانا فطريق
يلا امعاد وصل لهم ولدهم ووصل لهم ديك الرسالة
الرحل قرب منو جرو بحال شي حيوان وتم غاذي بيه لطنوبيلو لاحو فالكوفر وداه للقصر باه
جاسر داير ادو فجيابور ط وتشوف فهم بارتياح حيث تهنا من هاا المسمار للأبد .
___________________________
فمنزل السعدية
دليلة متكية فوق سريرها كتفكر بلال وكتنهد
افف مدخل لواتساب لا فيس تمساج مجاني تقو غل كنس بغاني ندصرو مغاديش ندصرو نوض نخرج
مشات لبسات جلابتها قدات مكياجها وخرجات كتعرج عتد مها
دلبلة :واخد خمسين درهم بغيت نخرج اماما تخنقت
السعدية :سيري هبطي عند عشق بدلي بجو
دليلة :والله معرفت اماما مخنوقة غادي نهيط غند صحبتي نمشي تضوو فحي طارق ولا نهبطو لمدينة
هي :وخا ابنتي ربي يسهل علك
دليلة جلسات حداها وكتنهد
مبقاش صونا اماما علي محال واش ناوي يتزوج بي تبان لي غير انا لكنحلم
هي :لفها لخير الله يجيبها لمشا الله لا يردو المهم انت بقا بعزك يبقا فيك الحال لتفلا علك ولا عطته لحمك اما انت بقا بعزك
دليلة :وخا يلا اري
عطاتها مها 50درهم خدلتها من عندها وخرجات معصبة هزات تيلي واتصلات بصحبتها لكن لقاتها خارجا وهي تشد طاكسي ومعلرفاش فين غدا كل تفكيرها مع بلال واش ناوي معاها المعقول ولا تتفلا وعلاش مبقاش تصوني علها كل هاد للاسئلة ضروها فقلبها
الساءق :مقلتيش لي فين غدا اختي
شوية صونا تلفونها طلات على المتصل وهي تفرح وقلبها ضرب ،توحشاتو بزاف وخا ميستاهلش تجاوبو لكن مقدراش تقاوم قلبها
ردات عله بصوتها الضعيف
هي :الو لاباس
بلال ؛‘وي حبي كبقتي شوية
هي :ااحمد لله وانت
هو :شوية وصافي فينك انت
هي :انا فااطاكسي مليت فاادار وقلت نخرج نشم شوية الهوا
هو :(غوبش)ومعامن اشاورتي علاش معلمتنيش متبقايش تخرجي بلاما تعلمني
هي :وانت لمتصلتيش بي واش بغتني نبقا محبوسة بين ربعة حيوط رل مليت
هو :متغوتيش لمك دوزي لي مزل الطاكسي
هي ؛علاس
هو :سمعي الهدرة
مدات تيلي لمول الطاكسي وهي مصدومة فه
هكا أخويا بغا يدوب معاك شحد
اارحل شد التيلي وهو جد متفاجا
هو :وي خويا
بلال :غادي توصل الانسة للمعاريف للكافي لحدا العمالة
الشخص :وخا مرحبا
يتبع
التعليقات 0