حرب الهوية
متفاجأ من نبرتها و كلامها ! فضل يدور وجهو لجهة الأخرة رافض مواجهتها و زفر نفس قوي ملتزم الصمت ، لكن ردة فعلو خلات روزا تزيد عصبيتها و ضربت الباب بركلة تتسب و توجه ليه الكلام وتتهز فيديها
روزا : تنهضر معاااك آبنادم ! شوووف فيا وجاوبني
سيدح : ( بهدوء و برود تيهز فراسو ) وووي ! ووي ، شنو بغيتي ؟ علاش تتغوتي؟؟
روزا : ( عقدت حواجبها باستنكار ) كيس كيس باااص ؟ آش هاد لافاصون تتهضر معايا ؟ هكا مولف تهضر معايا ؟
سيدح : ( هز كتافو بلامبلاة ) إي فوااالا
روزا : ( تتهز فيديها تتعاتبو ) فوالا هاادي زيدها فكرك ! وفوت عليك اولاد لاكاختيي ، ماشي انت لي تحدد الحرام من الحلال
سيدح : ( بنبرة عالية ) بنادم ماتيتقبلش النصيحة
روزا : هاااهووو يبدااا عاوتاااني ! تبغي نفكرك شكون انت ؟ تبغي نفكرك غير فصيف الفايت اش كنتي تتصنع ؟
سيدح : وي سي فغي ! مي تبدلت
روزا : ( تتهز فيديها و تعاتبو ) ااااغيييط ! فيييغم طاااكووول ! نت تبدلتي لقووادة ، بنادم لي يتبدل لمزيان !!! تيكون مسالم و تيبغي الخير ، ماشي تجمع الدراري و تبدا تقرا عليهم نشيد الجهاد راه اخرتك تخرج فشي واحد مقطوع ولا سكران و يخسر عليك قرطاسة
سيدح : ماشي سوقك فيا ( بإشارة من يديه كانه تيقطع راسو من عنقو ) انا وياك ماتتجمعنا حتى علاقة
_قالها بكل برود ! حست كأن سطل من الماء مثلج نزل عليها ، جمدت مكانها تترمش فيه تتحاول تستوعب كلامو ، بخطوتين ليه خرجت راسها انش مادة ليه جهة الاذن تتطلب منو تاكيد كلامو
روزا : بااغدووو ن !؟
سيدح : ( تيمشي و يجي مكانو متوتر تيهز فيديه ) سي لافيغيتي ! مابقات تتجمعنا حتى علاقة
روزا شافت فانحاء الغرفة و تجهت لاكمود وبدات تهز فالعطور و ديكورات بدات تشير ! لي جات فالمراية تهرست لي قاست نافذة الزجاج تهرست ، موجة من العصبية جتاحتها بدات تهرس و تلوح و هو تيتفادا الاشياء و نفس الوقت صراخها كسر الغرفة
روزا : نييييك طااميغ ! نيييك ديك العلاقة لي تتهضر عليييها ! نييييك اي حاجة فالعالم ( تتشير لنفسها و تتعاتبو بهسترية ) انت كنتي خووووياااا ( تتشير لذراعها ) كنت تنحس بالدم لي تيمشي فيا هو لي تيمشي فييييك
سيدح : ( بنبرة عالية و تتشير بيدو لجبهتها ) نتي ماااابغتيييش تفهمي راااسك ! سي فيني سيدح ، اناااا ماشي لاميم بيغصووون ! انا سيدح جديد
روزا : انا مابغيتش نفهم راسي ؟ انااا عطيتك وقت و مسافة تخرج من هاد لاميغد لي انت فييييه ! انااا الوقت لي انت تتمشي فطريق كحلة كنت موراك
سيدح : ( تينفي براسو ) ماشكى عليييك احد ! تاطريقنا لولى كانت كحلة
روزا : جاااااسِيمْ ( اعترف ) كنا غاادين فطريق عوجة ! مي متنآذيوش الناس ، كنا ضد الدولة و تنسرقو الدولة وانت كنتي تتدير المصايب و انا كنت فظهرك
سيدح : ميغسي ! ( بتهكم ) شكرا !
روزا : عارف الوقت لي كنتي فالحبس كيف كانت حالتي ؟
سيدح : ( بنبرة عالية ) ايييه روزااااا ! صافي ساليناااا
روزا : ( هزت رجلها تاهزاتها ضربت طابل دونوي ) مااساليناااش ! لوقت لي نت فالحبس كنت مقابلة ليك حياتك لي مخلي ، طلعت حتى لباااريس نوقف لولدك لي مريض ! لوقت لي نت فاالحبس كنت تنتسناك طلع ونتجمعوو
سيدح : ( تجنن تيضرب فسرير ) ماااطلبتش منننك اروزااا
‘روزا : ماتتفكرش فاولادك ؟ ريان ! جونيور آدم لي مزال ماااشفتيه !
سيدح : ( هزز راسو بملامح جامدة ) عارف شغلي !
روزا : ( تتمسح وجها من العصبية ) الوغ هادي هضرتك ؟ تتضرب لافاميلا ديالنا كلها على حسب دي جوغ فالحبس ؟
سيدح : بغيت نفهم ! واش شكيت ليكم ؟ واش فرضت عليكم شي حاجة ؟
روزا : ( بصراخ ) رااااااك تتخرج على راااااسك
سيدح : ( بنبرة عالية ) ماااااشي شغللللللك ! مااااشي شغلك
_صراخهم وااصل لفيلا لتحت ، مانويلا هازة ريان خارجة للجردة تتصل ببشرى لي جات على وجه السرعة هي و بخثة لي كانو فمنزل كارين طالعين تيتجراو فدروج تدخلو للبيت لقاوه مقلوب
بشرى : آويلي مالكم ؟
بخثة : ( عينيها فالأرض من الفوضى فنفس الوقت تتشوف فيهم ) واش كملتو لكيرا فشاريع وصلتوها للدار ؟
روزا : ( تتشير ليه بعتاب تتشوف فبشرى ) طاطا سيدح يسد فمو على الدراري ! ماشي هو لي يحلل و يحرم
بشرى : ( بنظرة إنهيار ) مااديرش عقلك ؟
سيدح : ( تيشير لروزا بعتاب ويخاطب بشرى ) انااا ندير لي بغيت ! وهيا ماشي اختي ولا امي ولا خويا ولا آبَّا لي نسمع لها
بخثة : واش راك تقول سيدح ؟
سيدح : لي تتسمعي بخثة ! بنتك تلزم حدها
روزا : ( بآهات إستهزاء تتنظر ليه والم تيقطع قلبها ) كنتي مون أام سوغ ( توأم روحي ) كنتي ( تتشير لقلبها ونبرة قهرة غالبة عليها ) كنت نعطيك حياااتي و رووحي ! ( بلمعة دموع ) كنن كننن ( نزلت راسها تاتشهق وهزت راسها تتمسح انفها ) دبااا اناااا لي تنقووول ليك سي فييييني !سي فينييي وجاااامي دلافي ا لاطيييط دوماااميييغ ( بنبرة بكاء ) مانعاود نشوف فيك ولا نهضر معااااك
بشرى : ( بصرخة تتنادي على روزا خارجة ) روزاااااااااا
سيدح : ( دور وجهو تيمسح دموعو وصل لمطلوب ) إي فوالا
_تمنطاش لعام ! تمنطاش لعام مايجمعها غير الفم ! ترباو اكثر من لخوت ، رضعو رضاعة إصطناعية وحدة ، كلاو من طبسيل واحد ، نعسو ففراش واحد ، لعبو بلعب وحدة و قراو فمدرسة وحدة ، فين ماتذكر روزا يتذكر سيدح ، لا العائلة ولا الأصدقاء ولا صديقاتو ولا اي شخص فالعالم تجرأ يفرقهم من قبل حتى كلامهم لبعض عمر واحد فيهم قدر ينقص من لاخر او يسمح لاي شخص يهبط من قيمتوا و لو بالكلام حتى جا النهار لي كل واحد فيهم نطق بكلام كان بحال الخناجر لي كتدبح فدواخل كل واحد فيهم لكن هذا ما شاءت الأقدار!!!!
بشرى : ( تابعها فدروج تتزرب ) روزاااااا رجعي
روزا : سي بون طاطا
بشرى : ( حضناتها بحب ) آنتي بنتتتتي ! نتي بنتي انااا ، انتي تبقاي وهووواا يخرج ! ( تتشهق وتبكي فحضنها ) مااتبكيش الله يرضي على حبيبتي
روزا : ( تتشهق بقوة ) عمرني بكيييت على شي وااحد ولا شي حاااجة ! دخل لحبس ومابكيتش عليييه ، تيكووون مريض ماتنبكيش عليه ! تنقول دموع ماعندهم مايفيدوه ! مي هو قطع العلاقة بيتااتنا
بشرى : ( جلساتها تتهدنها ) ماااديش عليييه ! راه لاعبين ليه فعقلو ، ( تتشوف فريان تيبكي شداتو من مانويلا ) سيلتوبلي مانويلا تصلي بماريا قولي لها ماتجيش لفيلا
مانويلا : داكوغ مدام
بشرى : ( تتقبل ريان ) الله يهديه ، خرج ليه لعقل ، جوج اولاد وجوج مسؤوليات و الولد زايد فالعمية
روزا : ( بصمت و حزن تتشوف فريان ) مسكين يضيع لي زونفو
بشرى : وخ يعواج مايشدش ريان ! رياان ولدي
روزا : مييم ميلا حلفت مايشوف جونيور الا بقى فهاد الطريق ( تاتسوط ) طاطا نخرج شوية ! ماتبقاوش تجبدوه ليا ولا بقى تيهمني الموضوع ديالو
بشرى : فين تمشي ؟
روزا : (بضياع ) ماعرفتش طاطا …
_هزت لاجاكيط و صاك آضو ديالها و خرجت ! كان الجو بارد و رياح قوية ، بدات تتمشى وعيونها فالأرض حتى حست بخطواتو و دارت جنب لمحاتو
مامادو : مالكي ؟
روزا : صمت
_كانها تعبت من الشرح ! قليل فين تتكلم ، قليل فين تتعاتب ، لان الناس لي تعاتبهم و تيهموها قلال ، من بعد حربها مع بخثة و تيتو هاحرب تزادت لحياتها هو سيدح ! جلست فاقرب كرسي بجردة جلست مخلية الرياح تبرد نارها و مامادو جنبها ملازم الصمت
روزا : بغيت نشوف تيتو
مامادو : شوفي مع تيو ! توت فاصون هو رافض يشوف حتى واحد
روزا : ( رمشت بتعب جبدت تلفونها تتحول اتصال لقادر ) الو
قادر : وي روزا !
روزا : بغيت نشوف تيتو
قادر : ( صغر عينيه ) مال صوتك ؟ واش صرا ؟
روزا : ( بخاطر مهرس تنادي بشبه توسل ) تيوووو !
قادر : تيتو ماحب يشوف احد !
روزا : انا ماشي أي واحد !
قادر : ( حرك كرسي فتح الدرج بااصابعو تبحث فملف حتى طلع ظرف فيه اسمها ) داكوغ روزا ! ( شاف الساعة ) قولي لمامادو يجيبك عندي لريسطو
روزا : داكوغ تيوو
_انتظرت مامادو يجيب السيارة و ركبت معاه تتحس بنفسها فاضعف لحظاتها ، الانسان يقوى حتى يقوى اكيد عندو نقط ضعف ، و روزا نقط ضعفها فاقرب الناس ليها ، واقرب واحد ليها او مثل ما تتقول عليه توام روحها اليوم جرحها ، عاشت غربة لاول مرة تتحس بيها ، لان ولاد الجالية لي خلوق فاوربا الغربة عندهم هيا الا خرجو من اوروبا ليس العكس ، مسافة الطريق وصلو لمطعم نزلت وحدها داخلة للمكتب لداخل عندو كان منتظرها بحضن وماتترداتش ترمى فيه
قادر : ( طبطب عليها و اشار لها تجلس ) حسابي معااه من بعد
روزا : ( تتنهد ) فينيتو تيو ! يضبر لمخو ، فوقاش نقدر نشوف تيتو ؟
قادر : ( حرك راسو بسلب ) تيتوو ! تحسبي تيتو راه مرتاح ؟ ( رمى لها ظرف بخفة فوق لبيرو )
روزا : ( هالة غضب بدات تشكل فملامحها تكلمت بدزايرة ) وااش بيهم ولاد بشرى يرموني واحد واحد ؟
قادر : واحد راه خارج عقلو ! وثاني خارج قلبو و يحسن عوانو !
روزا : ( بخيبة امل تتضرب فصدرها بقوة ) وانا روحي نحسها تخرج ..تيوووو تخرج
مدت يديها لظرف هزاتو تاتشوف حتى ركبوها الجنون و قطعاتو لقطع ! قادر كان مراقبها بهدوء ، تتقطع وتقول شي ماقطعت ،كل قطعة تتحس روحها تتقطع معها حتى جمعت يديها وقفت تترجع شعرها لور
روزا : مابقى عندي جلاس فهاد البلاصة !
قادر : ريحي روزا نحكيو !
روزا : ( بحدة ) مايحتاجش تيو ! ديما تتقولي لي فمصلحتك نديرها ، ( بنظرة فراغ رجعت جلست) إلا بقيت فماغساي غادي نمرض و نمرض بزاف الناس معايا
قادر : وين حابة تروحي ؟ شمن مدينة ؟
روزا : ( بتفكير ..) ماتكفينيش مدينة ! حابة نخوي البلاد كلها ، شوف البلاد لي تسللكك نروحها تيوو ! ايطاليا ! المانيا ! سويسرا ، ميم جابون نروح ليه …
قادر : ( حرك راسو بفهم ) يكون خير ! ماتنسايش يماك
روزا : وجامي نسيتها ! تروح معايا ، جا الوقت لي الجيران يرجعو جيران ..
قادر : هادشي يقررروه الكبار ! لي بين بشرى و بخثة و كارين كبر منكم !
روزا : ( بنبرة مكلومة ) علاه هما ماراعوش لينا ؟ ولا محيت هما خوت بيناتهم ؟ ونا بوحدي !
قادر : ( اشار لنفسو ) وين رحت انا ؟ وين راحت يماك و كارين و بشرى و ماريا ؟ فين عمرهم آذاوك ؟
روزا : ولادهم آذاوني ! جامي دلافي كنت نظن سيدح يضرني ولا تيتو يعطيني ظهرو
قادر : تيتو راه فلاميغد ! نتي من احد الاسباب لي دخل عليهم لحبس
روزا : ( بتنهيدة طووووويلة ) عيشك تيو بركة ما دافع عليهم ولمرة وحدة دافع عليا ( دورت وجها عندو ودمعة نازلة من عينيها ليسرية ) ماطالبة والو ! طالبة نخوي هاد لافغونس بمرة …سي نو راني نحرق ماغساي كولها ونكمل براسي …
قادر : ( بعد صمت طويل ) نفرضو خويتي لافخونس ؟ واش نظرتك للمستقبل ؟
روزا حركت راسها جنب بتعب ! تتفكر للمسقبل ، تتفكر لطموحها ، و احلامها ، فلحظة تبخر كولشي و تمسح من عقلها جميع أحلامها ، تتحاول تفكر ذكريات حوراها مع تيتو عن احلامها فثانية لقات الفراغ ! و كذالك حاولت تفكر حواراتها مع سيدح فقط كان الفراغ ! صرطت ريقها والصداع كتحسوا من راسها لسائر جسمها ! نزلت راسها منهارة فداخلها ، كانت تتقول علاقتها بتيتو ممكن تمشي لفراق بما انها مبنية على الحب ، لكن علاقتها بسيدح كانت مبنية على الصداقة و على الأخوة بالدرجة الأولى ابدا كان يخطر ببالها تعرض للفراق
قادر : روحي روزا ارتاحي !
روزا : ( هزت راسها مسندة يديها على الكرسي توقف ) الا عندي معزة عندك تيو دير ليا لي بغيت
قادر : ( بنظرة حب و ود ) انتي بنت الغالية و الغالية كفاه تشكي فمعزتك ؟
روزا : ( رمشت بدمعة و حنات راسها بإمتنان من كلاموا ) عيشك تيتو …
_مثل اعصار إجتاح الفيلا ! من داك نهار روزا جمعت ملابسها مشات تجلس مع كارين و مامادو معاهم ! اما سيدح من لفيلا لجامع و من جامع لفيلا تيرفض يتكلم مع اي واحد و قادر من بعيد متبع خطواتو ! مر شهر ! شهر من الخاطر مهرس و مخسر ! كان يوم من آوائل شهر فبراير جالسة تتفطر مع كارين الحزن ماتيفارقش ملامحها ، حتى دخلت عندهم بخثة هازة ريان , لي غير شافتو كارين بدات تبكي حتى حضناتو
كارين : ( بالدموع ) مون شيغي ! مون بوتي شيغي
بخثة : ( بحسرة ) كي صبحتو !
روزا : صافا !
كارين : وي صافا ! شفتي سيدح ؟
روزا : ( دورت وجها بسخط ورجعت تتهضر ) كارين مافيكش النفس ؟
كارين : الامهات مافيهمش النفس على اولادهم
بخثة : صايي يرحم باباكم ! ( شدت راسها بصداع ) يا الرب العالي وين كانت مخبعة هاد المصايب ! كنتو صغار نقولو وقتاش تكبرو ؟ كبرتو ندمتونا
كارين : إي وي ! السرقة فسوبير مارشي و سليت فالمترو ماشي هو لحباسات و الجهاد ! ميم روزا آ تخوي لبلاد
روزا : ( لمحت كارين بنظرة ملل ) شهر و نتوما تتمضغو بلان السفر ديالي ! ماعيتووش؟
بخثة : ( وقفت بحزم ) كارين عينيك على ريان ، حابة نتكلم مع روزا
كارين : ( بتفهم ) داكوغ !!
_خرجو لبالكون فيه جلسة صغيرة لشرب القهوة و نوافدو كلها زجاج ! جلست بخثة و روزا واقفة على الزجاج مكراوزية رجليها وراسها للارض و هالة من الهدوء تتحوم عليها
بخثة : على بالك امور سفرك وجدها قادر! من الليلة الا حابة تروحي تقدري ؟
روزا : ( حركت فقط رأسها ) جوسي ماما !
بخثة : حابة نروح معاك ؟ ولا راني نثقل عليك ؟
روزا : ( بنظرات بيها بريق دمعة ) راني عارفة صغري داز صعيب ، و ثاني عارفة ماكنتش البنت لي تريح قلب امها ، نتي تقولي شمال ونا نقول شرق ، مي جامي فقلبي نقصت قيمتك ولا معزتك عندي ! تتبقاي نتي ماما لي ولدتيني و كبرتيني و ندير لي ندير ندق عليك لباب و تفتحي ليا و نطيح و تقوميني
بخثة : ( بجدية ) وعلاه حابة تخوي لافخونس ؟
روزا : ( بتفكير …) كنت تنقول علاقات الحب و الزواج يقدر يوقع فيهم طلاق و فراق وليوم نعشق واحد وغدا نعشق عشرة ، لكن علاقات لافامي جامي يوقع فيهم الفراق ، كن يقولو لي نتي و سيدح راكم تفارقو نضحك ونزيد ، مي راها الدنيا تعلمني
بخثة : مزال تزيد تعلمك ( سهات تتفكر لماضي ) مدام هدا لي بغيتي الله يعاونك ! مي علاقتي مع بشرى ولا كارين ولا ماريا ولا تيتو ولا سيدح ولا هوما معاك جامي تغير ولا تقطع !! الدنيا لي راها تعلم فيكم دبا بكري علماتنا انا و بشرى وكارين و خلات علاقتنا تقوى اكثر و اكثر
روزا : على بالي بينكم عشرة ! مي انا ختاريت طريقي ، انا ثاني مليت من روحي
بخثة : ولا موغ ديالك لتيتو ؟ غير عام هادي نوضتي لكيرا عليه ؟
روزا : صمت
بخثة : جاوبي روزا ! راني حابة نعرف ونفهم
روزا : ( حركت راسها مأيدة كلامها ) سو صون ديسونتيمون ( هي احاسيس ) بخثة واش نفهم فيهم باش نفهمك ؟ الوقت لي تساندوني لا نتي ولا تيو تدافعو عليه ! الوقت لي حبيت سبب نزيد بيه و ننسى لي صرا هو رفض يشوفني و مخلي ليا ورقة ؟
بخثة : مارانيش ندافع عليهم ! راني نطفي النار لي شعلت بينكم باش ماتندميش شي نهار ! و تيتو رافض يشوف اي واحد من لافامي على حسب قولو الحبس مايشرفش يستقبل فيه العباد لي يحبهم
روزا : ( صدرها تيتهز بتنهيدة حارة ) قررت ! ( مسحت على ذراعها لبرهة ) البيي ديال الطيارة خلاه تيو مفتوح ! يعني التاريخ لي حبيب نقدر نمشي، يناسبك لويكاند جاي ؟
بخثة : ( بحزن ) يناسبني ! نطلبو الخير هدا ماكان …
_هاد شهر لي مر على روزا ! القرار لي توصلت ليه ليس فقط هروب من علاقات تهرست فيهم ! بل هو بحث عن الذاث و عن الهوية ، كملو فطورهم مع كارين لي طول الوقت تتشوف فريان سيدح و تعنقو حتى حان وقت الذهاب و روزا فنفس الوقت خارجة معاها تمر عند مامادو تشري لي خاصها للسفر تفارقو عند باب العمارة كلها شد طريق ! طريق مامادو و روزا كانت على رجليهم و تيتباداو اطراف الكلام حتو وصلو مركز المدينة و بدات شوبينك ديالها و ابتسمت بلاوعي
مامادو : واش روزا ؟
روزا : اول مرة نشري بحال الناس من مكازات مارساي بلا مانشفر لحوايج انا و سيدد….(غصة فحلقها منعتها تكمل إسمو)
مامادو : ( حتضنها جنب بحنان ) نسااي روزا !
روزا : نت نسيتي تيتو ؟
مامادو : ( هز حواجبو بقلة حيلة و ضرب فقلبو ) جامي ! سي مون فخيغو ( خويا )
روزا : نفس شيئ ! صعيب تنسى نص حياتك ولا تكلم فيه بالخايب و دمر ذكرياتكم ! ( حكت حاجبها ) ضرب حسابك سبت نسافرو
مامادو : ( جمع شفايفو بآسف ) نتوحشو مارساي
روزا : ( بحزن عميق ) كل قنث فمارساي فيه حياتنا
_بعد ساعات نهاو تسويقهم و جلسو فقهوة يرتاحو و روزا تتفحص هاتفها بعدما كان فصاكها حتى لاحظت أن لها عدة مساجات و مكالمات ، عقدت حواجبها تتشوف حتى فتحت اول مساج فيه صورة سيدح و بنت ! و مساج آخر بسكرين شوت من صفحة سيدح منزل صورة هو و نفس البنت كاتب عليها “زْرْكَا مون آمور”
روزا : ( بغضب ) نييك طاااميييغ انت و زْرْكَا ديالك
_رجوعا للمملكة المغربية او كما يقال بوصف الجالية لْبْلاد ! كان واقف تيحسب فالفلوس لي تمدت ليه منزل راسو مركز معاهم حتى هز راسو عاقد حواجبو محرك لسانو على شفاتو التحتية
سند : شتي الملعم درتي لي بغيتي ؟
الشاري : ( بضربة خفيفة فذراعو ) داكشي علاش تفاهمنا اولد المعلم !
سند : ( جمع لفلوس تيسوط ) اودي خيرها فغيرها
الشاري : الله يعوض ! شووو الا بغيتي شي حديدة ! شي حاجة مزيانة انا هنا
سند : شتي الا غير مكناس عطا الله طاكسيات و الا غير من لمدينة لسونطر نزيد على رجلي ولا لخطية ديال طموبيل لي كانت زايداني بالمصروف
الشاري : اوا الظروف تتحكم ( آشار للسيارة ) هانت من عندك لافيراي
سند : اللهم يسر ! ( بتحية اليد ) نتشاوفو ساعة الخير المعلم
_السيارة لي كان يتشكا منها مرارا وتكرار وصل للنهاية معاها و باعها بالخطية ، رجع مكمد فجاكيط ديالو و تيفكر و يعاود بطريقو كان غادي للقهوة مثل العادة لكن لمورال خاسر و قرر يرجع للدار ! بخطوات قليلة وصل العمارة طالع للدار حتى دخل لبرطمة و تيسمع صوت الموسيقى مجهد و دخل تينادي عليها ماسمعاتو حتى وقف امامها
عذرا : ( بدهشة طفات الموسيقى ) جيتييي ؟
سند : ( بنبرة تعب ) لا مزال آختي !
_حيد جاكيط لاوحها طل على السرير لقاى الغطا مزال مخربق و الشراجم مامفتوحينش خرج لسيجور لقى الديسير و الزريعة ديال البارح مزال فوق الطبلة و هو يدخل الصالون و تكسل فيه حاط ذراعو على وجهو مغمض عينو
عذرا : حبيبي واش راسك ضارك ؟
سند : ضراني نتي هاد الساعة ! واش الظهر قرب يوذن و الدار مزال مرونة ؟
عذرا : بشوووياااا علياااا ! راه حتى انا مريضة ، شنو بعتي طموبيل
سند : بعتها !
عذرا : ( تنهدت ) نجيب لك شي دوليبران ؟
سند : ديري فيا خير !
_للحظة تتشوف فيه و تجهت للمطبخ تتوجد ليه الدوا و حطاتو جنبو و بدات تجمع الدار ، لبيسي و الهضرة مع ختها تلفاتها على شغلها ، سمعاتو تينادي على الغطا و غطاتو و رجعت لشغلها حتى ضربت جوج عاد وجد الغدا و حطاتو و فيقاتو يتغداو !
عذرا : شوية راسك ؟
سند : ( من الشوفة الأكل ماعجبوش ) شوية ! ( سمى الله وذاق وزاد تأكد من الطعم باسل ) مال هادشي ناقصو لملحة ولا لبزار ؟
عذرا : لي طيبت ماتيعجبك ! ماناقصو والو هو هذاك
سند : هيا انا تنزيد فيه ؟ ( حط الخبز ) الله يخلف كوليه الا عجبك
عذرا : ( حطت الخبز من يديها ) فين غااادي ؟
سند : خااارج ! فين عند اصلمي نمشي ؟
عذرا : شنو دبا مقلق ؟ قولي اسيدي الماكلة لي تتعجبك نديرها ! علمني وريني ، ماشي هضرة جوج تغضب
سند : ياك ؟ نخدم برا و نزيد همك تاانتي فالدار ؟ نكولو طياب مع لوقت تعلمي ! و الدار لي ديما مقلوبة ؟ تاهيا نعلمك !؟؟
عذرا : كل نهار و كانتي ! مرة تنخمل مرة نجمع مرة الله يحسن لعوان
سند : متافق معاك الالة كل مرة وشنو ! ولكن نتي راه ديمااا ، ولكن راكي عارفة المشكل فين ونا عيت مانميك
عذرا : بغيتي تقول لبيسي ؟ عادي راه تنتلف الجلسة فالدار
سند : شكون ساد عليك ؟ خرجي االا قنطتي ، رجعي تقراي ، ديري شي حركة و يلعن لي قال لك شي حاجة ! نتي من لاخر ولفتي لخن…تخرجينا على طوعنا ..
عذرا : ( بدات تدمع ) غير خرج الا بغيتي ! اخرج
سند : هاهوو خااارج ! الوقت لي تشوفي فين المشكل تلصحيه ، جلسي دمعي وشدي لبيسي
عذرا : يااااك ! دبا رجعنا فالمعيور ؟
سند : ماتقولينيش شي حاجة ماقلتهاش، ماشي ساهل عليا نعايرك انا راه تنوريك عيبك آبنت الناس
عذرا : ( تزيرت و دخلت بيتها رادخة الباب تتبكي ) الله يعطيني موتة
سند : ( تنهد ) لاحول ولا قوة الا بالله ..
_خرج حاسب الدروج ! هو لباب و رنة هاتف وقفاتو ! جبد التلفون تاطلعت سميتها تنهد وجاوب
سند : الواليدة صافا ؟
زهور : ( كانت ضاحكة حتى جمعاتها ) مال صوتك ؟ مريض ولا ؟
سند : الراس شدني الواليدة ماشكيت عليك
زهور :الله يشافيك اولدي ، دوز نعطيك دوليبران زوينة ديال الخاريج تتصيفطها خالتك
سند : هانا جاي راني غير برا !
_شد طاكسي صغير مباشرة لدارهم ! عندها فين تيرتاح و عندها فين تيخوي لي عندو ! خلص الطاكسي و فتح الباب بالسوارت وتم طالع فدروج ودائما فإستقبالو كما عادتها تسلم عليه و تحتضنو ، و تسولو عن احوالو
زهور : نحط لك آولدي تاكل ؟
سند : مطيبة شي شهيوة ؟
زهور : التقلية
_سخناتها ليه و سخنات الخبز و رافقاتها بزيتون الحار وحطت ليه ياكل و مثل العادة سند عينو تتاكل قبل من لسانو ، كلا و برد و زهور فرحانة بيه
سند : الحمد الله ! و الله يعطيك الصحة
زهور : بصحتك اولدي ، قولي بعتي طومبيل ؟
سند : تفكيت منها ! زادتني بالمصاريف
زهور : طموبيل ضروري آولدي ! مدام أجلتي مشروعك انت وصاحبك خود وحدة تكون جديدة
سند : اربعة لمليون ماتجيبش لك الواليدة حاجة من لاميزون
زهور : شوف طموبيل فحدود عشرة ولا طناش انا نكمل ليك اولدي ! انا براسي وخ دوزت بيرمي كبدة الصوكان ماعنديش
سند : ( صرط ريقو بالفقصة ) من بعد الواليدة ! من هنا للصيف ويكون خير
زهور : علاش حتى للصيف ؟ دبا لبرد و شتا تلقى فين تهز رجليك
سند : ( هرب عينيه ) انشاء الله الواليدة !
_ناضت زهور توجد آتاي هو شد فراسو تيفكر فالفلوس لي عطا لكونطرا لليوم مابانت لا كونطرا لا فلوس ! وزهور الا زيراتو يضطر يقول الحقيقة ، وهو باغي يقولها ليها نهار لي تكون شي حاجة مأكدة تما يعرف يقنعها بطريقتو ، فكر وعاود و جبد هاتف تيكتب مساج للزميلو فالعمل
سند : 📨 سلام ، شوف لينا نسيبك لي خدام فالبنكة نهز واحد لكريدي الله يحفظك
_مدة التلفون فيدو حتى توصل بالرد
📨 : اهلا سند ، غدا نتشاوفو و نقادو المسائل راه يدوزو ليك كن هاني
زهور : ( جاية ناشطة هازة صينية ) هااا بريريد آتاي مشحر بالشيبة
سند : ( بابتسامة ) الله يحفظك الواليدة ! هو لي خاصنا فهاد البرد
_مارسيليا ! مدينة ساحرة بشواطئها و مآثرها وشمسها الساطعة سواءا في فصل الصيف او الشتاء …بعد مرور الايام ، اليوم هو السبت ميعاد سفر روزا ! في بعض الاحيان في تغيير البلد و المدينة خير لبعض الناس ، يمكن يرجع عليهم بالفائدة و يمكن تكون تجربة برباح او لخسارة لي دازت على الراس كتنفع و كيف قالوا ناس زمان تبدال لمنازل راحة !!! تيحك يديه مع بعض و مرة مرة يقربهم يسوط فيهم للتدفئة و تيشوف يمين و يسار حتى وصل عليه المحامي لي ادلى باوراق ادن الدخول ودخلو لقاعة الزوار …
المحامي : ( منزل عينيه فالاوراق و تيحس بحركتو) مامادو تهدن
مامادو : ( ضحكة تخربقت ليه مع الخلعة و الإرتباك ) وي مسيو لافوكا …
_دقائق تسمع الباب تفتح و الحارس ماسكو من ذراعو تيفتح ليه المينوط وخرج واقف حدا الباب و هو إتجه جلس فالكرسي امام مامادو و المحامي هاز سماعة الهاتف !
مامادو : ( بحزن و شبه مصدوم لملم الكلمات بدهشة ) فخيخو ! واش صافا ؟
_جاوب برأسو ! كان في أسوء حالاتو ، مازاد غير ضعاف و شعرو مازاد غير طوال ! اللحية كثيفة وسواد شديد تحت عيونو كل القوة لي كانت كتبان فعيونوا رجعت ضعف يمكن تكون استراحة محارب او إستسلام؟!
مامادو : ( رتابك فالكلام تيشوف فالمحامي ) كوليه !
محامي : احم ! تيتو ، قادر عندو شي شغل ماقدرش يجي ، كيف ما طلبتي هانا جبت مامادو
_نزل راسو تيمسح على شعرو ! كانه مقيد من اللسان و الروح و الجسد ، نظف حلقو تكلم بصوت خشن
تيتو : انا دولة تمشيو ؟
مامادو : سويسرا فخيخو
تيتو: مانوصيكش امامادو عليها ، روزا ولو تتلعب مي تتريزوني الامور
مامادو : طانكييط فخيغو !
تيتو : ( شاف فالمحامي ) جبتي ليا المعلومات لي باغي نعرف ؟
محامي : ( اشار بيدو للحارس ) يشوفهم فالادارة و يدوزهم ليك !
تيتو : ( وقف ! لمح مامادو بنظرة كلها توصيات ) ماتكولهاش شفتيني !
مامادو : ( تنهد بحسرة ) تهلا فراسك فخيخو
_بمجرد وقف فالباب دخل الحارس رجع ليه لمينوط مرجعو لزنزانة ! لابس كيطمة و تقاشر بويض مع سبادريل ، لحد الآن مزال تيعاني من نوبات ضيق التنفس و فقدان الشهية ! دخل الزنزانة كيف خرج مهزوم و منكسر جسد محصور بين ربعة الحيوط لكن القلب و العقل طاير و مية تخميمة و تخميمة كدور فلبال متكي بلاصتو كل مايفعل هو أخد المهدئات والنوم …ساعات مرت حتى الحارس دق عليه و عطاه الضوسي لي وصى عليه المحامي ! مع فتحة الضوسي اول حاجة بحث عليها هو الظرف لي فيه الصور و بقى يدوز …
تيتو : ( بنبرة فرحة مصاحبة بغصة فالقلب و هو تيشوف ماريا فمكتبها ) اااه ! بغافو مابوتيت ، ديما عزيز عليك تعاوني الناس ( مرر جميع صورها و داز صورة بشرى هيا و ريان و بدا يبتسم ) صافا طون طون ( قرب باس الصورة ) سمحيليا ماما ( كانت صورة بخثة و كارين ضاحكين فالمارشي ) ااه لي طاطات لحنونات الله يخليكم ديما ضاحكين ( كانت اخر صورة لسيدح و روزا هو يعقد حواجبو ) صبر نخرج لدلمك البغل ! ( قرب صورة روزا و نيم عينيه ) روزا ديالي
_تيحس بالم فقلبو ! مد يديه لمكان الالم تيتحسس و تيتحسر و هو تيقرا المعلومات عن المعهد فين تقرا روزا و المدينة فين تسكن و صور من المكان لي تسكن فيه ! ايام منذ وصلو الخبر من قادر ان روزا قررت تخوي فرنسا !! استجب للفكرة و أيدها و هادي كانت نصيحتو لقادر انه يفارق روزا و سيدح الا بغاو يزيدو للقدام ! من احد الحلول المتعارف عليها للمراهقين هو ابعادهم عن البيئة لي مأثرين بيها وهاد الحل كن فكرو فيه امهاتهم قبل كانو يقدرو ينقذو سيدح و روزا
تيتو : ( جمع الملف و تكى شاد فقلبو ) الله يهدينا جميع ! كي ندير نكمل هاد لعامين ؟ وفاش نخرج لقاها مزال تتبغيني ؟ ( مسح وجهو بغضب دفين ) جو مونفو وخ نعرف نقتل دلمها ورجع للحبس ..
_ حين تيتو لي تيفكر فالوقت كفاش تيدوز عندو كان الوقت فالفيلا تيمر بسرعة ! بممر الجردة كان الشيفور تيحط فالكوفر امتعة السفر و الداخل كارين و بخثة و بشرى جالسين بحزن معاهم ريان و ماريا تيصبرو بعضهم بسفر روزا ! ولو طول الوقت او نقولو من صغرها لكبرها ساخطة و معصبة و عندها طباع حادة ، لكن تتبقى بنتهم و كبرت امام عيونهم !
بشرى : اوا الصبر ! هدا مكتاب الله لااعتراض عليه ، ها لي فالحبس ها لي باغي يرمي راسو فالعافية و روزا اتغرب
بخثة : فيها الخير ! الطيارات موجودين نطل عليها مرة مرة ، وقادر اوسي
كارين : اي وي ! سيغتو انها تقرا و تمشي فطريق مزيانة
بخثة : ( حركت راسها وعاودات بويل ) ربي عالم واش تمشي فطريق مزيانة ولا تقلب سويسرا ماغساي
ماريا : ( تتسمع بصمت ) صمت
ريان : ( تيتجبد لماريا ) دددادااااه
ماريا : ( بحب ) فياان طاطا ! ( هزاتو تتقبلو ) لعبو ؟
ريان : ( فرحان بيها ) دااداااه
_مشاعر متضاربة للكل ، لان لحظات الوداع من اقسى اللحظات لي تيعيشهم الانسان ! حوارهم لاينتهي فهاد الاثناء بضبظ كان حوار آخر فمكتب الفيلا مفتوح بين روزا و قادر
قادر : ( مد لها ظرف ) هادو لي كريديت كارط ! مودباس هو لانيفغسيغ ديالك لو 2307
روزا : ( هزاتهم ) داكوغ ! واش ضروري نقرا تيو ؟
قادر : (بنبرة هادئة ) واش يسوا الانسان بلا علم ؟ فري كاين عباد ربي عاطيهم فهامة و رزانة ولو ماقراوش مي هاد الجيل الا راك ماقاريش راك ماتسوى والو ! انتي جلستي و فكرتي مع روحك ، فالأخير قررتي تكوني موديل فالأزياء
روزا : وي !
قادر : موديل مايحتاجش فقط لابوطي ( الجمال ) ولاطاي ، راه يحتاج بنادم عندو لغات و بنادم مثقف ، المعهد لي سجلتك فيه راه يختصر لك سنين دراسة لي فوتي ! ونتي مشاء الله عليك ذكية واش لي يصعب عليك ؟؟
روزا : ( زيرت باصابعها على الظرف مقتظبة الكلام ) والو تيو ! حاجة وحدة زوروني فسويسرا
قادر : ( ناض من مكانو واخدها فحضنو ) الوقت لي تحبي راني معاك ! الوقت تاني لي تحبي تكوني عدنا نجيبك
روزا : ( حضناتو بقوة ) عيشك تيوو
_خرجت فحضنو بابتسامة امل ! تجمعو على المائدة تيتناولو آخر وجبة تجمعهم بروزا و نضم ليهم مامادو ! الكل كان كلامو ليها تمنيات و ادعية …عيونها كانت تتقول كلام كثير لكل فرد فالعائلة ! داخلها كانت تتعتذر لكارين كل مرة صرخت عليها و لبخثة كل مرة قلقاتها و لبشرى كل مرة ماتتجاوبش على كلامها و لماريا لي كانت معتبراها اختها لكن ولا يوم اعبرت لها عن شعورها !! كانت باغة تشوفهم للمرة الاخيرة ! كانت باغة تشدو هو بذات من يدو و تقوليه نبداو بجوج كما العادة و بعد من طريق لي غادي فيها ( سيدح ) و الااخر كانت باغة تشم ريحتو و تعنقو وتقوليه انتسناك ( تيتو )
قادر : ( شاف فساعة ) آلي آوني فا ! وقت الطيارة قرب!!
_حست بالم تيعتصر قلبها وهيا تتسلم على بشرى و كارين و ماريا و ريان ! الم لاول مرة يخالج صدرها ! ودعاتهم بكلمات قليلة و خرجت راكبة السيارة جنب مامادو و التحقت بيهم بخثة و قادر و شدو الطريق للمطار ! كل كيلومتر كانت تتودع مدينتها الغالية ! تفكرت حربهم فالشورايع ! تفكرت مطاردة تيتو ليها فالشورايع ! تفكرت الخرجات!!و السرقة و بلانات الشراب و الجوانات…. تكون حوايج خايبة او زوينة كتبقا ديما ذكريات و ماضي ما لينا هروب منو و بيه كنعيشوا الحاضر و المستقبل لفرق لي كاين انه منا لي ماضيه حافز و منا لي ماضيه حاجز !
غمضت عيونها مع نفس عميق و كأنها تشبع رئتيها من هواء مرساي و همست بصوت شبه مسموع :أديو ماغساي (الوداع مارساي )
_هدا حال دنيا ! شي غادي شي جاي ، من صباح اليوم الموالي جات الام من الخدمة مع ساعة سادسة مساءا ، دخلت للبيت قاتلاها تمارة ! نادات عليها مرة وجوج وتلاثة لكن لا جواب
الام : آية ! آاااااية
دخلت غرفتها تتبحث عليها ! لكن لا اثر ليها ، فتحت باب الحمام لا أثر ! للحظة شك دخلها لكن قالت باستهزاء
الام : آويلي على تهرب ؟ هيا ليسي خاصني نوصلها ليه
_فتحت لبلاكار ملابسها كلهم موجودين ! بيسي و تلفون و باسبورها كولشي كاين ، حست بقلبها تيضرب وهيا تتفكر فين تكون مشات ؟ ماعندها صحابات ! ماتتكلم مع جيران ! ما تتخرج لزنقة ؟
الام : مستحييييل ! يكون هربها باها ؟ ( نزلت راسها تتفكر ) ياربي فوقاش تكون خرجت ؟
_حطت يديها على حكنها تتفكر ! خرجت للسيجور رجعت لبست جاكيطها هزت صاكها ، تتحس بتعب شديد وجها من البرد و العمل رجع زرق , الصبعان كدالك ، نازلة فدروج العمارة تتحسر على هاد الوضع ! كانت جالسة فدارها معززة مكرمة و راجل يخدم و يدخل عليها يلقاها مسخنة فدارها و مطيبة عشاها و مقابلة ابنتها و هاهيا رجعت زوفرية ! البرد و الثلج و الماكلة بايتة و تخرج من الصباح ترجع حتى لعشية حتى لبنت ماعرفاتها فوقاش خرجت !! دارت بيها الدنيا وقفت فشاريع ماعرفت فين ترد الراس ، جلست عطاتها للبكا
الام : واااربي اش درت فحيااتي ( تضرب فصدرها بلوم ) عندي احسااااس بنتي هربت مني ! عندي احسااااس ! واااميمتي ااش داني لشي طلاااق ؟ واااا آية فينك آبنتي ؟ ( عافية تتنهش فقلبها ) وااااا شفايتي وااااا لي يتبع كلام العيالات واااا ربي غير ترجع لياا
_مايقارب عشر دقايق وهيا تتجذب ! الناس غادين عليها وجاااين عليها يشوفو و يزيدو بحالهم ، ماشي المغرب هدا لي غير تغوتي يتجمعو عليك الا مدابزة يفكوك والا مظلومة يوقفو معاك ..كملت على خاطرها و جبدت تلفون تتصل بصحاباتها لفليفلات
الام : الو فلانة ! اجي عتقيني ابنتي ماعرفتها فين صدت ؟؟
فلانة : اويلي هربت ؟ اوا ختي راه اوروبا هادي تيديرو حياتهم بكري
الام : ( تتجمع النفس بصعوبة ) انا بنتي ماشي ديال داكشي
فلانة : مهم انا راني اختي مشغولة ! فكي حريريتك
اتصلت بفلانات هما ولكن كان جوابهم مثل الصاعقة ! فين دوك فلانات لي قالو لها غير طلقي واجي لفرنسا تعيشي ؟ فين فلانات لي قالو لها اجي حنا معاك ؟ فين فلانات لي قالو لها تشدي حقوقك ؟
هو فعلا شدت حقوقها فالخلصة و السكنة و الصحة ! لكن حقوق التربية و رقابة الوالدين منين تشدهم ؟
الام : ( تتضرب فحنكها ) ميييمتي ضيعت ابنتي ! ميييمتي واش نقول لباها ؟ واش نقول لاحبااابي ؟ طلقتت و جرات على البنت ؟ شكون يتيق بيا راه تنضرب الراس و يبقى ليا الرجلين فتمارة ؟ شكووون يتيق ؟
_اخر حل توصلت ليه هو الشرطة ! تمشت بصعوبة والدموع على خدها حتى ركبت طوبيس لي حطها قريب لمركز شرطة ودخلت بديك حالة ، دخلوها مباشرة تقدم بلاغ وبداو ستجوابهم ! يسولو و يعاودو و شدو تصاور وجميع المعلومات و فآلاخير جاوبوها
شرطة : حتى تكمل اربعة و عشرين ساعة عاد نقدرو نتحركو ! تقدر تكون مشات مع صحاباتها ولا صاحبها تبدل الجو
الام : ( تتنفي براسها ) نو نو مسيو ! آية ماتتعرف حتى واحد و ماتتخرجش
شرطة : ( باستغراب ) علاش كنتي حابساها ؟
االام : ( باستسلام ) نتسنى اربعة و عشرين ساعة و رجع عندكم
_ الا زادت فعنادها تصدق معاهم فيما لا تحمد عقباه ! خرجت مثل الجثة جلست فكرسي تتبكي ! و فالوقت لي دموعها نازلين على آية ؟ كانت آية نازلة من الكار لي ضرب بيها تسعة سوايع من مدينة نانط الى مدينة مارسيليا وكلها فرح بلقاء حب قلبهاا ! لابسة جاكيط و دجين و شعرها ضارب لخصرها من شدة سوادو مخلي بعض الفتيات يتهامسو عليها ! فتحت الصاك تترجع لوراق لمزورين لي رسلها سيدح و جبدت التلفون جديد تتركب رقمو وحولت الإتصال
اية : الو احمد !
سيدح : وي ! وصلتي ؟
آية : انا فلاكار ( تتبحث براسها عليه ) فينك ؟؟
سيدح لمحها و عرفها من شعرها ! صورها على الإنترنيت غير صورتها الواقعية ، كان مفكرها طويلة ؟ لكن كانت تتضرب ليه لتحت كتفو ، كان مفكرها ضعيفة ؟ لكن جسمها مناطقو الانثوية بارزة ، كل خطوة تيخطو جنبها وهيا عاطياه بضهر كان تيفحصها حتى تكلم فاذنها
سيدح : انا هنا !
آية : ( بدهشة ) ااااه ( دارت بعويناتها تتاكد منو حتى طارت عليه بحضن ) اون فاااان ! ( مبادلها الحضن ) اوو قلبي يسكت
سيدح : ( هزها بحضن مبتسم ليها ) زْرْكَا ..حصلتي ؟
آية : ( بدلع ) انا سمراا ! سمرااا
_من داخل مطعم ماكدونالد ! مرت ساعة من جلوسهم مع بعض و جل حوارهم غزل من طرف سيدح و إبتسامات خجلة من آية ! تفتنت بيه و بعيونو ، ليست الوحيدة لي سقطت ففخو و ليست الاخيرة
سيدح : صافا ! شبعتي؟
آية : (بعيون بريئة)بغيت كلاص سيلتوبلي
سيدح : داكوغ ( وقف تيقاد السروال مخنزر شاف فيها بسؤال ) شوكولا ؟ ولا كراميل ؟
آية : ( شدتها الضحكة من قوة اعجابها بيه ) كراميل
_تمشى بطولتو للصف يطلب مثلجات ، ولو فبداية شبابو هيئتو و طولتو عاطياه اكثر من السن ديالو ! خذا طلبو و رجع عندها لقاها ساهية
سيدح : خودي ( قربو لها )
آية : ( بخجل ) ميغسي ! ( تنهدت ) ماعرفتش ماما كي غتكون ؟
سيدح : ( قلب شفايفو بعدم إكثرات ) صافا باسي ! تنسى مع الوقت
آية : يقدرو يلقاوني ؟
سيدح : ( حرك راسو بسلب ) صعيب ! جيتي بوراق مزورين و فالكار ، كنترول ماكاينش ! توت فاصون ماحست بوالو ؟
آية : مانظنش ! خرجت بصباح قبل ماتمشي الخدمة
سيدح : ماحساتش بيك ؟
آية : تاتجي عيانة بالخدمة !
سيدح : لي زاغاب هكاك عقليتهم ! الاورو الاورو ، مايسافرو ما يخرجو ما يشوفو دنيا
آية : ماماك حتى هيا خدمت ؟
سيدح : ( نفى براسو ) ماما نص حياتها عايشة على لاكاف و لاسيسطونس ! الاورو لي جمعاتو تصيفطو لبلاد باش تشري دار ! شفتها جوج مرات فحياتي
آية : لاميم شوز بوغ مافامي ! يدابزو على الفلوس وشكون يصيفط اكثر لبلاد ، فدخول المدرسي كولشي لابس لي ماغك فالحوايج و لي كاغطابل و انا مزال تنشري من بخيماغك ولا هاش إيم ! غير زبل
سيدح : ( حك شعرو مغمض عيونو ) هاد الموضوع ماتيتسلاش ! نمشيو ؟
آية : نشدو اوطيل ؟
سيدح : نمشيو اباخطمون صاحبي ! آبخي ندوزو لفيلا
آية : ( بدهشة ) عندكم فيلا ؟
سيدح : ديال راجل ماما
آية : ااه داكوووغ
_لبست جاكيطها و خرجو بجوج مشادين ليدين ! تتضرب ليه تحت كتفو ، مع الخرجة ضرب فيهم برد قارس حضنها بجنب مدفيها و غادين تيتمشاو و يضحكو و يتكلمو حتى رن هاتفو و جاوب مباشرة
سيدح : الو
مهند : احمد فينك ؟
سيدح : ( هز عيونو فالعمارة ) قدام العمارة
مهند : ماطلعش ! الكف_ار البوليس تيدورو هنا
سيدح جاب اية قدامو نازل عندها بحال تيبوسها و عينيه تيشوفو فجميع الإتجاهات و آية شداتو بيديها الصغار من جاكيط تتشوف فيه مافاهمة والو لكن حاسة بخوف شديد
سيدح : وي كاينين ! انا راجع بحالي ( قطع لخط )
آية : ( بنبرة خوف ) سي ليفليك؟ ( بوليس )
سيدح دوز يدو على شعرها و غرس اصابعو فمؤخرة راسها بدون وعي منو خدا شفايفها تياكلهم ببطئ شديد و لعدم خبرتها كانت جامدة و قلبها تيضرب للدرجة حس بيها اطيح منو و حكمها باليد التانية من خصرها و حول القبلة لقبلة جامحة حتى تقطع نفسها و بعد عليها وانفاسهم تتلهث
سيدح : ماتخافيش ! نمشيو عادي اوك ؟
آية : ( تتسرط ريقها اول بوسة خلات رجليها يفشلو ) داكووغ
_انه يموه شرطة ماشي جديد عليه ! مثل اي كوبل عاشقين محتضنين بعض تيتمشاو ، فالخرجة ديال الشاريع آشار لسيارة اجرة و ركب متجهين للفيلا و سيارة البوليس تابعاهم حتى وصلاتهم لباب الفيلا و خلص السائق و نزل راسو غير مهتم بيهم تيرن فلانترفون ، ثواني و تفتح الباب مدخلها فيديها حتى ضرب فبشرى جالسة فالصالون هي و ماريا هازة ريان ناعس و كارين
سيدح : السلام عليكم
_بشرى : علييي… ( بقات حالة فمها فيه )
_بدهشة رجعت تتشوف فماريا و كارين كأنها تتسألهم واش لي شافتو هيا تيشوفوه حتى هوما ، وقفت تتشير لآية و هاد الاخيرة مسكت ذراع سيدح محتمية بيه
بشرى : شكون هاد البنت ؟
سيدح : ( شاف آية شد فيديها نطق بسهولة ) سي مافام
بشرى : آويلي ! آووويلي على مراتي ؟ امتى أ خويا تزوجتي ؟
سيدح : ( تيأكد كلامو ) سي مافام ! مزال ماتزوجناش الواليدة !
بشرى : ( قربت تاتشوف فالبنت بشك نطقت بالفرنسية ) شحال فعمرك ؟
آية مقريها سيدح انه تقول المعلومات لي فالوراق لمزورين وضربها بنكرة انها مغربية
آية : بونسواغ مدام ! انا جوردن ، عندي تمنطاش العام
_سكتاتها بالجواب ! اولا لانها راشدة ، تانيا انها تتكلم بخاطرها !
بشرى : ( بفقصة تتكلم بداريجة ) آويلي على حقوق تسلكيط اعباد الله ! ( تتشير لارض ) دبااا تقولي منين جبتي هاد البرهوشة ؟
سيدح : سي باا طيزافيغ ؟
بشرى : وي ! سي ميزاافيغ ، داري ، من حقي نعرف شكون هادي
سيدح : قلت ليك مافام ! آش بغيتي نقوليك ؟
بشرى : ( تتشير لها وتهضر بداريجة ) فين والديها ؟ هاد مراتك لقيتيها فزنقة ؟
سيدح : ماااتفرعيش ليا راااسي ! والديها ماسوقهمش فيها ، ويلا على دار ؟ لاسيسطونس توجد ليا دار
بشرى تتشوف فماريا وكارين خايفين منو ! لي تتوقف فوجهو راها فسويسرا ، و بخثة لي تتحاول تناقش معاه مع روزا كدلك ، شافت تاعيات وجلست تتبخ بالاعصاب وهزت تلفون تحول الاتصال لقادر و تتشوف فيه شدها من يديها طالعين لفوق
قادر : ( شاد باصابعو بين عيونو لاخبار فراسو من اللحظة لي نزلت آية من الكار ) واش بشرى ؟
بشرى : ( بغصة لغدايد ) ولد الحرام فعايلو راه غادي يسطيني مدخل عليا واحد لبرهووشة تيقول لك مرااتي
قادر : ( آشار لمحامي و للشخص يجلس ) راني جاي ! ماديري والو ، ماتقربي ليه ماتكلمي معاه
بشرى : ( بسخط ) نبقاو نتفرجو فييييه ؟؟
قادر : وي قعدي تفرجي فيه ! سي بون هضرة وحدة قلتها ..
_بشرى : اناااا جونيمااااغ ! تجي تخرجو عليا ، ياك لي ضرب تمنطاش العام تيقول لك دولة تعيشو ؟ تجي تخرجوو
قادر : داكوووغ ! انا جاي ( قطع لخط )
كارين : ( بهمس ) واش دار تخرج ليه غدا ؟
بشرى : يضبر راسو ! قلبي حاس ولدي ( تتضرب فصدرها و بدات تبكي ) ولدي بهاد سخونية الا ماقتل شي احد ؟ ايتقتل ! نفس العذاب لي دوزت مع تيتو ؟ هاهو تنعاووددوو
ماريا : ( تتبكي وهزت يديها تطبطب على كتف بشرى ) براكة ماما من البكا !
بشرى : ( طرطقت تتبكي ) تقهرت آبنتي ! نهار واحد فهاد اوروبا ماداز عليا ابيض ، مات ابا ماشفتو ! اختي ماشبعاش منها !! بلااااادي ماشابعااش منها ، فين ما نسمع صوت بوليس و لومبيلونص قلبي تيتهز ! نهار ربي حط ليا الراجل لي يحن و يهز معايا الهم ؟ لقيت هموووم و مصايب
كارين : ( تتبكي بحرقة ) ماتكوليش ولدي ايقتل ولا يتقتل ! مون شيغي لعبو ليه بعقلو
ماريا : ( بحزن تتزيد تعنق ريان وتمد ليه لحنان ) هادشي تيضرني فخاطري اماما ! عفاكم ماتبكيوش ! تيو يقدر يلقى الحل
_تيو ! لي تتعني باللغة الإيطالية العم ..كان فمكتبو مع المحامي دائم عندو و شخص ايام هو تينتظر مجيئو من ألمانيا ، بعد تحية و ترحاب ! دخلو فصلب الموضوع لي تيبحث فيه قادر ..
قادر : بما اننا عرب ؟ نتكلمو عربية خير
الشخص : ( بحركة من يديه ) تفضل سي قادر !
قادر : واش لقيتي عليه ؟
الشخص : ( جبد ليه ملف بصورو ) هاد السيد تزاد فسوريا كان من احسن اساتذة مادة التاريخ ، من بعد حرب العراق قدم الإستقالة ديالو ! و مع بداية الحرب فسوريا قدم اللجوء السياسي فالمانيا و تقبل ليه مع الزوجة ديالو
قادر : ( صغر عينيه فيه ) زيد !
الشخص : اللجوء تيعطيك حق السكن و التعليم و الصحة ! قليل فاش تيخدموهم فاوروبا ! من بعد تزوج وحدة ثانية بما يسمى بالزواج الشرعي فالمسجد فالمانيا ! من بعد ستة شهور مابقاو سمعو عليه معارفو عليه تما والو ! لاهو لا عيالاتو بجوج باولادهم
قادر : اش باغي تقصد ؟ قتله__م ؟
الشخص : ( هز حواجبو جبد تلفون صغير طلق منو مكالمة مسجلة ) اسمع آسي قادر
🎙 : و الله اخوي مهند في مهمة سرية ! و بخصوص اولادو هم من المجاهدين ان شاء الله ! زوجتو الاولى توفت و التانية ليساتها عايشة و لله الحمد كمل الشرع بثلاث زوجات و ثلاث غنائم حرب هو حاليا تعين فدولة اسلامية وزير
_رجع شرح ليه الشخص بالحرف شنو قال لقادر ..
قادر : حابب نعرف حاجة ! واش هاد الجماعاات راها تجاهد بالنسا و الجنس ؟ كفاه وزير ؟؟
المحامي : ( فتح ملف و بدا يخرج منو وراق ) شهر هادي وانا نبحث فالموضوع ، هاد المنظمات من اخطرهم ، و ابدا لي حط رجليه عندهم يخرج حي ! بحال مهند تيلعبو على لوتر الحساس للشباب لي عايش فاوروبا على لعقيدة و الهوية و يديرو لهم غسل الدماغ على ان الدين الاسلام_ي يتلخص فالشهادة و الجها_د و يلعبو على الشباب العربي بذريعة الاموال الطائلة و مغريات الجنس بدون حدود اربع زوجات و غنائم الحرب كما قال الشخص و اباحة الاغتصا_ب ( وراه صور ) كما تتشوف هنا سوق للنساء مزال تيتباعو مثل العبيد و استغلاال الاطفال ! بخصوص مهند دخلوه بسبب السلطة لي اللجوء حرمو منها ، وعطاوه رتبة وزير
قادر : ( شد فراسو ) لاحول ولا قوة الا بالله هو براسو لاعبين بيه ! واش خطوتهم الجاية ؟
الشخص : ولكن مهند رجع رقم صعب فالمنظمة ! مسيو قادر انت تعرف الناس لي مسيرينو اخطر المنظمات ! و دا•عش اكبر كذبة فالتاريخ بانها منظمة اسلامية مئة فالمئة ..بل وراها دول كثيرة لها اهداف دفينة
قادر : ( هز يديه بسطوب ) حابب نعرف كفاه نقد ولدي بْرْكْ
الشخص : خطوتهم الجاية ! هيا السفر !! يسفروه لتركيا من تما تيدخلو لسوريا ،بالضبط للمناطق الخاضعة لداع_ش او ما يسمى بأراضي الدولة الإسلامية …
قادر : ( هز كاس الما هبط عليه ) الله يحرق باباهم ! يضيعو فاولاد الناس
الشخص : الغريب فلأمر انهم مستغلين شباب و شابات من جميع الجنسيات !
قادر : ( ساط بخنق ) من لاخر ! شخصيا ماقادرش ندخل فمواجهة معاهم !! يهمني ولدي!!
المحامي : لابوليس راها مزالة مراقبة مهند و ميم سيدح حاطين عليه العين لكن مالقاو حتى دليل
الشخص : ماغاديش يلقاو ! خدمتهم نقية بقدر ماهيا موسخة ، لي نبهك الا مشى ولدك حط رجليه فتركيا عير ديرو جنازتو
قادر : ( حرك راسو بالسلب ) اليوم جاب بنت معاه ( شاف فالمحامي ) نبغي غدا معلوماتها
الشخص : تنظن ولدك واجد للسفر ! من شروط الإنضمام الزوجة و النقاب ، تيثبتوهم بالمظاهر دينية لكن الجحيم تينتظرهم
قادر : ( بغضب دفين ) ولدي شبع خبز و شبع زهو !
المحامي : شنو الخطة لي تتفكر فيها ؟
قادر : لي تيقول ما تيديرش ! ( خرج شيك تيكتبو مدو للشخص ) مزال نحتاجك ! خليكم على بال …
_رغم المشاكل و المصايب لي تتعيش فحياتها الا ان كل صباح تتستيقظ على روتينها وكل ماهو عناية بالجمال ، حست بحركتو ورائها و دارت عندو تساعدو فاللبس
بشرى : تعطلتي عليا البارح اقادر
قادر : (هز عيونو فيها ) وينو ريان ؟
بشرى : ناعس مع كارين و ماريا ، البارح بليل وصلهم شيفور لباخطمون د ماريا
قادر : ( تيلبس ساعتو ) راني خارج عندي دي رونديفو ! ديري اعصابك ففريكو مع سيدح ديري روحك ماتفهميش !!!
بشرى : اكثر من هكا ؟ راه لي شافني ساكتة تيقول غير انا تنزيد لهم فيه
قادر : لي حاب شي يقولو ! لي راه كبابل فيديه الحكمة يرواح يحكم سيدح ! ( جرها من خصرها مقبل فمها قبل متعددة ) ديها فروحك و ابنتك و لبيبي ريان هدا ماكان و شغلي راني نعرفو
_نزلو بجوج لتحت لمائدة الفطور و مانويلا تتخدمهم !،لحظات وخرج قادر و بقات بشرى تشرب قهوتها وتتحس بهم كبير على ظهرها حتى رن هاتفها
بشرى : آلو !
بخثة : بونجوغ بشرى ، كيف احوالك؟
بشرى : ( بتنهيدة حارة ) راني كما خليتني ! سيدح مهبلني
بخثة : وااه ! حكات ليا كارين ، حابة نقولك حاجة اختي بشرى ، ريحي روحك وخلي قادر يتكلف
بشرى : هاد قادر شي نهار يطج ! كارثة مور كارثة!
بخثة : يكون الخير ! الا سيدح نقز هادي !!راه يقدر يدير عقلو !
بشرى : هداك ولدي وحافظاه، مايتوبش
بخثة : يخطيه هادشي ديال الجهاد و يعمل واش حب
بشرى : وقتاش ترجعي ؟ ولفت روزا ؟
بخثة : ( تتشرب قهوتها ) ماعرفت مانحكي لك ! منين وصلنا وهيا فشومبرة !! ماتكلم ما تضحك ماتبكي ، واش بيها ؟ واش ماعجبها ؟ الله واعلم!
بشرى : الله يهدي سرهم ! هدا مانقول ، لي باغي يكبر اولادو فاوروبا خاصو قلب حديد وانا كبدتي ديال الدجاج
بخثة : ربي يدير الخير ! انا غالبا لاخر دشهر نكون فلافغونس الا كتاب ، عندي لي ضوسي و الجمعية محتاجاني
بشرى : الله يجيبك على الخير ابخثة ..
_ اوروبا ، او خصوصا فرنسا فهي بلاد الحرية و الحقوق ، لكن للناس لي فاهمة قيمة الحقوق و عارفة فين كنتهي خط الحرية كي لا تعتدي على احد ، لكن بعض و دائما اقول بعض اولاد الجالية تيتسغلو الحقوق و الحرية فوجوه آبائهم بحجة التنصل من الدين و شروط الدين …
** بعد مرور اسبوع **
تتحرك فالسرير براحة و تتحك عيونها لي بداو يتفتحو ببطئ على وجهو لي عتادت عليه هاد الاسبوع ، جلست تتجمع شعرها و ناضت من بلاصتها متجهة للحمام تقوم بروتينها خرجت جلست جنبو فانتظار يستيقظ
سيدح : ( حس بيها ) كيسطا ( مالكي ) آية ؟
آية : ( بصوت منخفض ) فيا جوع
سيدح : ( تنحنح هاز حواجبو مد يديه للفيكس ) بونوجوغ مانويلا ..طلعي الفطور عفاك
آية : ( حاطة صبعها على فمها شادة الضحكة ) بصح اليوم نتزوجو؟
سيدح : ( هزها تاجلسها فحجرو ) اااوبااا ! ( تيدوز صبعو على وجها ) فرحانة ؟
آية : ( عنقاتو بحب تتلعب برجليها ) بزاااف ، عرفتي تنبغيك بزااف
سيدح : ( سمع دقات فالباب ) ااطط
_حطها فوق السرير و فتح الباب شاد الفطور، ماتياكل معاهم لتحت ماتيتجمع معاهم ، طول النهار و هو تالف مع مهند و تيسد البيت على آية حتى يرجع بليل حتى من ريان تيشوفو ناعس ، فطرو هو وياها و دخل دوش و لبس ملابسو تاضرب فيها لابسة عباية سوداء كبيرة عليها و حجاب على راسها كلو تيزلق على شعرها
سيدح : ماشي لاطاي ديالك ؟
آية : نو ! هدا راه كبير بزاااف
سيدح : ( تيقاد لها ) مية فالمية غلطت فلاطاي ! سي باكغاف لبسيه دبا الإمام تيتسنانا فالجامع
آية : بففف ! مي هدا كبير بزااااف
سيدح :(عقد فيها حجبانوا) نقصو لك بالمقص ؟ تحركي نكملو الزواج و ندوزو لمارشي دماغساي تما فين تيتباعو
آية : ( نزلت راسها ) دااكوووغ !
_شادة جلايلها والشال طاح على راسها ، ماحيرتها للدروج ولا للعباية ! دارو اليد فاليد وخرجو من الباب الخلفي للفيلا و مع الخرجة كانت سيارة فانتظارهم ركبو بجوج
مهند : واجدين ؟
سيدح : وي ! سير عالله
مهند : ( بنظرات تيفحص آية ) فيد الله
_الوقت لي تحركت السيارة كانت عيون تابعاهم ، و قنفس الوقت كانت بشرى مع ماريا وكارين و ريان فمطعم بمحاولة منهم يغيرو الجو و فنفس الوقت بسويسرا روزا و مامادو و بخثة مجموعين على مائدة الفطور امام منظر خلاب بثلوج بيضاء و اخيرا تيتو لي غاص فنوم عميق بسبب تأثير الدواء !! لا أحد منهم يعلم بحالة الاخر ، و الكل في خطوات لتحسين الوضع الا سيدح فخطوات لتصعيد الوضع غير مبالي …نزلو من السيارة امام المسجد لي كان من اختيار مهند و كان خارج عن المدينة..دخلو مجموعين وكان فانتظارهم احد الاشخاص لي سلمو على سيدح و هنأوه مسبقا اما آية جلست فالسيارة و توتر شديد ركبها حتى تفتح عليها باب ابسيارة تمدت لها يد امرأة
امرأة : ( تتكلم اللغة الفرنسية و محجبة ) مبروك يا عروسة
آية : ( شدت فيديها نازلة ) شكرا ! فين آحمد ؟
المرأة : ( بمزحة ) عندكم العمر كولو يا عروسة
_مشات معاها طلعو لطبقة عليا خاصة بالنساء و لبساتها عباية باللون الابيض و حجاب ابيض و آية مكتفية بالنظرات كل مرة تشوف جهة الباب ، اللحظة لي شافت فالجهة المعاكسة هزت المرأة فوجها توب ابيض تحطو على وجها وآية تهربت
اية : ( باترباك ) نتخنق
المراة : قولي اعوذ بالله من شيطان رجيم ! المراة واجب عليها تغطية وجها
آية : ( تترعد حركت راسها بقبول ) داكوغ
_ربطت لها الخمار على وجها فقط عيونها لي واضحين و شداتها فيديها نازلين للمسجد داخلين لعند الإمام وجلست آية جنب سيدح و المراة جلست جنب مهند و اشخاص اخرين جالسين كشهود حتى بدأ الامام ترتيبات الزواج الاسلامي على حد قولهم ..
الامام : اعوذ بالله من الشيطان الرجيم ، من بعد تقوى الله يستفيد المؤمن من زوجة صالحة تطيعه و تسره و تحفظ غيبته ! اننا نحضر عقد قران الابن سيدي احمد الرماش و الآنسة آية صالح على سنه الله و رسوله ، احم احم قولي آبنتي ورائي ( هز صبعو ) لقد زوجتك نفسي على كتاب الله و سنة رسوله
_مافهمت ولا كلمة ! او بالاحرى الصدمة و قوة المشهد خرسها ، الكلام شكل و الواقع شكلين ، للحظة تفكرت انها مثل اي بنت تتحلم تلبس الفستان الابيض و تزف بالعرس بحضور والديها ، دموعها نزلو و سيدح هز راسو فيها متعجب يلاه يكلمها خاطباتها السيدة بالفرنسية
المراة : (بإبتسامة ) دموع الفرحة ! كرري الكلام وراء الامام ، الحمد لله لي وفقنا الله نجمعكم فالحلال احسن من عيشة الكفار
سيدح : ( بهمس ) آية !!
صوت سيدح ليها اكبر مغناطيس ، حبها ليه كبير ، كررت الكلام وتتوقف و تعاود تكرر
آية : زوجتك نفسي على كتاب الله و سنة الرسول
الامام : ردد ورائي يا إبني ! وانا قبلت الزواج منك يا آية صالح على كتاب الله و سنة رسوله
سيدح : ( العربية تالفة و الفرونسي كارثة …كرر وعاود ليه مرارا ) وانا كَبلت زواج يا آية على الله و رسول
الامام : ( بقلة صبر من عربيةُ) بارك لكما و بارك عليكما و جمع بينكما في خير
_وهكدا تزوجو ! وهكدا هنأوهم و آية لازالت تحت الصدمة و تكتفي بنظرات و ماسكة يد سيدح بقوة..
مهند : ( مد ليه مفاتيح المنزل ) هدا هديتي ( تكلم فاذنو ) وجد راسك فاي لحظة
سيدح : شكرا بزاف ..
_بنفس السيارة هزهم يوصلهم للمكان لي كراه مهند من جديد ، برطمة فعمارة بحي راقي و عطاه رقم البرطمة ودعهم مخلين العرسان يدوزو اول ليلة نكاح ليهم بعد زواجهم
سيدح : ( فتح الباب داخل ) آية زيدي
آية : ( جرت الخمار بقوة تتنفس ) اونفاان ( تتفحص البرطمة ) بغيت نهضر معاك
سيدح : ( تيحيد ملابسو قطعة قطعة ) دبا ؟ آمبووسيبل ! عرفتي شحال و انا صابر ؟
آية : ( هربت وقفت وراء الفوطوي تتهدر ) نووو ! خاصنا نهضرو ( تاتشير للخمار ) هداك خنقني بزاف
سيدح : ( شاف فيه ورجع شاف فيها ) هانتي حيدتيه ! يلاه آجي عندي
آية : ( تتسرط ريقها من جسمو و عضلاتو ) اااه !! ( ماحست براسها تاهزها ) اططط
سيدح : ( فتح رجليها دورهم على خصرو هاجم فمها تيقبلها ) شششش !! مال دلمك اول مرة تحواي ؟
آية : ( تتحاول تحبسو ) ووي ! اول مرة ( هز حواجبو فيها بتعجب ) و الله العظيم
سيدح : ( فشلاتو دور وجهو تيسوط و يهمس ) بقينا هنا !! عارفة شحال ماحويت ؟ واش فييغج اتشبعني انا براس واحد ؟
آية : ( بعدم فهم ) مافهمتش ؟
_عذراء !! بالنسبة لشخص مثل سيدح عندو تجربة جنسية من الصغر ! قضية عذراء لا تهمه ، ممكن تفكيرو الاوروبي او ممكن عقليةُ فممارسة الجنس باغيها تكون واجدة لان العذراء لازمها طقوس و وقت يتلم جرحها و محاولات عدة تيلين رحمها و يعيش مع راسو !! ماتنازلش عليها خداها فحضنو تيقبلها و يتلمس فجسدها الصغير في محاولة أنها تنسى مخاوفها لكن بمجرد يلمس انوثها تتقفز
سيدح : ( زمجر بغضب ) اااا بيتان ! ريحي خليني نعيش ، راه مانكلكش و طبو_نك يبقى عندك
آية : ( إكتستها حمرة خجل ) مابغيتش
سيدح : ( اشار لنفسو ) مابغتينيش ؟
آية : ( تتشير بيديها بتخوف ) تنبغيك بزاف ! مي ..مي هادشي
سيدح : اوسي جوطيم ! مي الا مااتعيشنيش سكس نحبسو هنا
آية : ( بالدموع ) غير خفت
سيدح : عمرني آذيت شي بنت و عمرني نآذي شي وحدة ( هز يديه ) خلينا نعيشو لحظة زوينة ، ماغاديش نفورصي عليك و يعجبك الحال ، المراة عندها مكانة خاصة فقلبي مانغصبكش
آية : ( تتمسح دموعها ) داكوغ ! نبداو من الأول
سيدح : ( غمزها بعيونو السود ) نبداو من الأول احبيبة ، مالنا آش خاسرين؟!!
وضع يده على قدمها من الخلف ثم شعرت به كيمررها صعوود و نزوول توقف عند حافة فستانها شوية كيطلعو لها .. طلع براسو لمستوى شفايفها طبع قبلة صغيرة عليهم ، من قبلة صغيرة الى قبلة أخرى خلاتو يجر شنايفها بين ديالو كيقبل فيهم بشوية و يديه مزال كيتسراو على رجليها ،مرر أصابعه بخفة تكاد لا تشعر بها على مؤخرتها، لكنها حست بيهم وارتجفت، واشتدت كل عضلات جسدها وهي تلهث بخفة في حين رجعات يده بأكملها لظهرها بمجرد ما وصل إلى سحب فستانها توقف و سحبته أصابعه إلى الأسفل ببطء حتى آخره لي كيوصل لحافة ملابسها الداخلية
ترك إبهامه تما لثوان ثم انخفض واضع قبلة صغيرة على كتفها ، رفع جسده حتى أحاط رجليها بخاصته من الناحيتين وانخفض كيحرص على عدم وضع ثقله كله عليها.. لمسو يديه صدرها الصغير و زير بأصابعه على حلمتها خلاها تهز و تحط بين يديه كتلهث و شفايفو رجعو كيقبلو فيها بنعومة
“
سيدح : (انخفض كيهمس بجوار أذنها ) ارخي ليا داتك أمون آمور
آية : ( بلعت ريقها بخوف و رعشة جديدة كتجتاح جسدها الصغير ) اممم دااكوغ
غمضت آية عينيها وحاولت ترخي نفسها كيف ما طلب منها همها الوحيد انها ترضيه ، في حين هو مخلي يديه كيلعبو فجسدها العذري بطريقة مثيرة و بمهارة خشى يده بين يديها فوق أنوثتها كيحرها بطريقة دائرية خلاها تزير على يديه لي تتحرك بمهارة على بظرها و نوعا ما حسات بالارتخااء تلقائيا مع حركاته و قبلاته خلاها تلهث و هو كذلك حتى وقفو اتصال مفاجئ خلا عضلات جسده يتشنجو
سيدح : ( تيلهث ) الو
مهند : الو ، ضروري تحضر عندي محتاجك توصل ليا شي اوراق و تجيب وراق آية جداد
سيدح : ( تيصرط ريقو تيمسح وجهو ) شنو واقع ؟
مهند : حتى تحضر ونفهمك
سيدح : داكوغ ! آية بوحدها
مهند : انا نجي نبقى تحت العمارة ! ماعندك مناش تخاف
_انت تريد و انا اريد و الله يفعل مايريد …تتجر الغطا عليها رجليها تيترعدو و تتجمع شعرها و متبعاه بعيونها هو تيلبس ملابسو و تينهج لانه حبس العلاقة فأوجها حتى كمل وهز راسو مخاطبها
سيدح : ( تيسوط ) انا شوية و ارجع لهنا
آية : ( لوات عليها لاكويط ناضت على ركابيها تتمشى عندو فسرير ) نمشي معاك
سيدح : ( تيسد لاجاكيط ) جاااغيييف آية ! دبااا راااجع
آية : ( بخوف ودموع ) نمشي معاااك عفااااك ! نموت بالخوف هنا
سيدح قرب للنافذة تيشوف فالخارج و يفحص الوضع وط خارج من البيت مخليها تتنادي عليه وتابعاه تاتعكلت طاحت
سيدح : (بغضب ) ااااه بيتااااان دوو ميغد ( رجع هازها بين ذراعو دخلها لبيت حطها فالسرير ) اااية سيلتوبلي
آية : ( بترجي و توسل تتعنقو و تقبلو بخوف) نمشي معااااك ! فين مااامشيتي ديني معاااااك
سيدح : ( تنهد بشفقة ) ششش !! سي بون هانا معاك ( قبلها ففمها بقوة ) نوضي لبسي حوايجك
آية تتحرك راسها بسرعة و ناضت تتبحث على ملابسها الداخلية لي مرمية فالارض مع كل حركة تتدور تشوف فيه راه جنب النافذة اللحظة لي قررت دخل لحمام تبول ، فتحت الباب و رجعت سداتو يلاه تتفتح سروالها و هيا تسمع قفل الباب من الخارج تضرب ناضت طافجة تتضرب فالباب و تناديه
آية : سييييدح اوووفغ لابووووخط ! سيددددح ماتخلينيش
سيدح : ( ضرب فالباب بسخط ) حتى انا خاطري مامهنينيش ! الوغ هنا أءمن ليك
_بخطوات سريعة هز السوارت و خرج بحالو نازل فدروج و قلبو تيضرب ، شعور مثل العاصفة تيضرب داخلو ! دار القبية على راسو و بمشيتو المعهودة اكتاف عراض و كدام رجليه تيتهزو بالمشية و خطوات سريعة ! وصلو عنوان مكان المهمة فمساج و للحظة توقف تيقراه و يعاود
سيدح : ( قلب شفايفو ) بيتاان ! هدا العدو ديال تيتو فحي الكورس ؟؟
_شاف وراه مرات عديدة و قطع الشاريع داخل للغابة لتتآدي للحي الشمالي المجاور حي الكورس ، و افكار تتضارب ليه فراسو وللحظة
توقف تيطرح اسئلة على نفسو ..سيدح ؟
_ ندخل لكورس يقتلوني ؟
_آشمن علاقة واحد تيبيع لادروك و عنصري
للعرب مع جماعة مهند ؟
_الا على وراق آية !؟ انا نضبر نضبر فيهم
_حس حلقو شحف و جبد تلفون حول اتصال لمهند ! اتصال الاول ! اتصال الثاني و حتى وصل اتصال العاشر بدون جواب …
دنيا دارت بيه ، تيبقى سيدح تيتمتع بذكاء متوسط و يقدر يفكك الامور ولو ببطئ ..بجري شديد تيقطع المسافة لي تآديه للحي الشمالي و كل بضع خطوات تيدور يشوف موراه و يرجع يراقب خطواتو و تيحس بقطرات تينزلو عليه ، هز راسو للسماء عرف ان الليلة ماتمرش على خير، بدات شتاء قوية تتنزل مصحوبة برعدات قوية و داخل الغابة تيظلام لان المساء قرب يحل ، تيشد فالشجر و بصعوبة تيشد التوازن حتى لمح الصور لي فاصل بين الغابة و الحي شمالي تسلقو منقز منو و ملابسو كلها مبللة !
وقف فوضعية سجود للحظة تيرد النفس لحظة لي يهز راسو هما يوقفو عليه جوج من دراري ، من مشيتهم و حركاتهم عرفهم وحتى هما عرفوه ..
الولد 1 : ( مأهب للضرب هز راسو بسؤال ) واش سيدح !!
الولد 2 : ( مد يديه لضهرو يجبد سلاح ) بلاصتك مابقاتش هنا اسيدح !
سيدح : ( وقف تيهز يديه بإستسلام ) جابتني الطريق ! مال دلمكم الحي مكتوب بسميتكم ؟
الولد 1 : ( شاف صاحبو تيضحك ) مالو مكتوب بسميتك ؟
_كانو حالفين فيه ! و متبرين من رزوا الا شافوه مايكتفويش بالكلام ! الحي الشمالي لاينام ، لا ليل ولا نهار ولا جو صافي ولا جو ممطر ! بدون ماينتظرو جوابو نزلو عليه ضرب ! ضربة فيك ضربة فيهم ، حتى هو ماشي ساهل وتيضرب على حقو
للحظة تسمع صوت سيارة وقفو متشادين مع بعضياتهم لتانية شافو يد تخرج من النافدة و هما يتسلقو الصور لان متأكدين اليد لي تخرج فيها سلاح…ثواني تسمعت طلقات نارية مذوية
_طاااااق طااااق طاااق
سيدح : ( بصراخ هستيري تيهز الولد لول ) طلللللللع طلللللللع
الولد 2 : ( نقز تيوجد سلاح ) نقزززووووو
_ماجا الولد لي مع سيدح يطلق القرطاس حتى كانت السيارة خلات غير لعجاج و القرطاس طايح فالأرض و الدراري ورا الصور تيفحصو جسمهم و تيلهثو حتى بان لهم سيدح تيقلب فعينيه وتيحاول يوصل يديه للجهة كرشو و الارض لي تتنزل عليه زخات المطر رجعت حمراء بدماها و على ماستوعبو الامر كان طايح مزدوح مع الارض
الولد 1 : ( تيفيق فيه ) بيتاااااان ! نييييييك دلمهم ( الولد لاخر تيفتح جاكيط يشوف فين ضربو ) اببيلللل لومبيلووونص
الولد2 : ( بهسترية تجبد تلفون و شتا مخلية يديه تزلق ) بيتااااان ! بيتاااااان ( بصعوبة ركب رقم ) الووو
سيدح : ( تيفتح عينيه وشتا تتنزل عليه حط يدو على الولد لول) شششش
الولد 1 : ( قرب وجهو مغطي شتا عليه ) شكووون تاابعك آزب_ي كنتي تقتلنا معاااك ؟
سيدح : ( بصعوبة تيهضر ) آ… آية
الولد 2 : ( تيشوف فيه ويشوف فالولد 1) شكون ؟
سيدح : ( تغيب عن لوعي ) ااااا اااااا…….
للحظة شتا توقفت و غاب سيدح عن الوعي و تسمع صوت سيارة وراء الصور و الولد 2 جهز السلاح حتى تيسمع اصوات رجال تيناديو بإسمو هزو راسهم مجهزين سلاح و هو يبان ليه اخ مامادو معاهم
اخ مامادو : ماتيريش هادو مع تيو قادر !! ماااتيريش …
_الولد 2 : ( دار السلاح وراء ضهرو تيشوف فسيدح ) تعطلتو !
_الاخبار نتشرت فالحي الشمالي ! صوت القرطاس تيعني بداية حرب ، و الاسئلة تتدور
_شكون لي هجم ؟
_شكون تقتل ؟
_فين ماكاين شي شخص عندو علاقة مع اصحاب المخدرات فالحي الشمالي وخصوصا العرب و الأفارقة هاديك الليلة تجمعو على اخذ الثأر لأن ولو الاشخاص لي ضربو بسلاح قصدو سيدح لكن من شروط هدنة حرب الشوارع بين الحي الشمالي و حي الكورس هو تخطي خطوة لاحد الأحياء وانت من الخي الاخر “لكيرا” تتنوض …الوقت لي لكيرا ناضت كان سيدح فالمستشفى تيصارع البقاء و كانت حرب أخرى قايمة فالمطار
🔙🔙 قبل ساعة
_اكتفت من البكاء فالحمام و غسلت وجها و صدرها تيتهز بالبكاء مقهورة ! قلبها و احساسها تيخبرها انه بقائها هنا نذير شؤم …دقائق و سمعت قفل الحمام تيتفتح ورسمت ابتسامة على وجها وسرعان ماتمسحت و هيا تتشوفها داخلة عندها …بقت تترمش فيها ، نفس السيدة لي لبساتها الصباح النقاب و شهدت على زواجهم فالمسجد
المراة : ( بالفرنسية تتكلم بسرعة شاداها من يديها ) سربي راسك انمشيو لمطار
آية : ( غير تتشوف ) فين سي…. احمد فينو ؟
المراة : ( تتفحص الغرفة بعيونها ) راه سبقنا للمطار !
آية : هو قالي يرجع ! ( تتلبسها حجابها ) بغيت سيدح
المراة : راجلك فالمطار منتظرنا نمشيو ! ( بنبرة فرحة ) تمشيو تعيشو احسن ايامكم فبلاد المسلمين و تنالو الشهادة الا اذن الله
اية : ( بنظرات مستلسمة ) صمت
_ماسكاها بيديها بقوة ! آية بحال دارت لها طلاميس ، تابعاها فخطواتها حتى ركبت معاها السيارة و طريق كلها المراة تتكلم بلغة ليست فرنسية ولا عربية لكن باللغة الألمانية وكلامها لم يتوقف حتى وصلو لباركينج المطار
المراة : ( مدت لها باسبور احمر و كارط اقامة ) شوفي فالإسم مزيان و حفظيه الا سولوك على سبب سفر ، قولي سياحة
آية : ( تتشوف فالاسم ) هادو مزورين !؟
المراة : عندنا فالمطار لي يدوزك ! ماعليك غير تصرفي عادي
آية : و احمد ؟
المراة : البوليس مراقبنا ، نتلاقاوه فالطيارة هو و مهند
آية : ( قلبها تتحس بيه تيضرب ) ووو …( هرب لها الكلام ) بغيت نشوفو
المراة : ( بدات تفقد السيطرة على أعصابها مسحت انفها و رمقاتها بنظرات غضب ) باغة راجلك ؟ آتبعيني و تقطعي النفس
_آية ! الشخصية الخجولة و المنطوية ، مراهقة تحطت مع وحوش ! لاحول ولا قوة لها ، نفذت كلامها داخلين المطار شدو وراقها و المراة جنبها جارة جوج باليزات و عيونها مثل الصقر تتشوف يمين و شمال حتى رن الهاتف جاوبت باللغة التركية
المراة : آفندم ( نعم )
مهند : لبرهوش تعتق ! الفخ لي رسمتو ليه فشل عتقو داك المافيوزي ديال راجل امو
المراة : ( بابتسامة صفرا لآية ) تمام !
مهند : لبرهوشة باغيها ، انا وصلت لسوريا تلقاوني فإنتظاركم
المراة : تمام ! نطلعو دبا للطيارة
_الحوار لي تم كن فهماتو اية كان ممكن تجري بلما تلفت وراها لكن للاسف مزالها معمية بسيدح و زواجهم المزعوم و سذاجتها لي وصلتها بين أيادي لا تأمن حتى على رغيف خبز فما بالك بالروح و الجسد ! فاقرب سلة مهملات رمات المراة الهاتف و مسكت آية من يديها و قفو فصف المسافرين لطبع الباسبور بمجرد مافتحو الممر …تواني و دقائق مزال واقفين كأنهم اعوام !! آية تتشوف ورائها و تشوف امامها و يمينها و شمالها لكن لا أثر لسيدح
آية : ( بدموع ) فين سيدح ؟
المراة : سبقنا للطيارة !
_نزلت راسها تتمسح دموعها ! وهنا فكرت بزاف ، لانها ليست اول مرة تركب الطيارة ! لي تتعرف ان سيدح مستحيل يكون سابقهم للطيارة لان الممر تفتح امام عيونهم ! الا ادا كان من ذوي الإحتياجات الخاصة او مريض او ميت فراه تتكون ليه اسبقية ..زيرت عليها فيديها وهمست لها
آية : نمشي لطواليط
المراة : ( زيرت عليها بقوة تا غرست صباعها فيها و تكلمت تحت سنانها ) تبثي بلاصتك
_هنا الوجه الحقيقي توضح لآية او نقولو تأكدت من احساسها سيئ ، ماقدرتش تصرخ ولا قدرت تدافع معاها ، لانها خايفة على سيدح و خايفة من الشرطة ..
شافت جنبها الممر لاخر لمحت بنت تتشوف فيها و رجعت آية تتشوف فيها ..نظرات تتبادل و فنفس الوقت الدور قرب ليهم و آية تترجع تشوف فالبنت و تبكي بدموع و المراة تتدفعها امامها
المراة : تحررركي
اية : ( تتمسح دموعها ) وي
آية تتنخصص و للحظة تفكرت حركة مهمة وسرقت نظرة للبنت تتحرك لها يديها و بدات دير الاشارة التالية :
فتحت يديها 🤚 و نعست اصبعها الاكبر داخل كفها و جمعت عليه اصابعها كلهم ✊ على شكل لكمة و كررت الحركة حتى البنت مشات تتجري عند احد الشرطين فاللحظة لي آية دفعت الباسبور للجمارك
الجمركي : ( فتح الباسبور تيشوف فيها ) فين غادة لتركيا ؟
المراة : ( نغزاتها ) هضري
آية : سياحة
الجمركي : ( اكد النظرة فالمراة وهز الطابع الفوق طبع ) عطلة سعيدة
آية تتشهق بالبكا داخلة لداخل و المراة بسرعة طبعت تابعاها للداخل فوسط الصدمة ركبت آية كأنها تتعيش اخر انفاسها حتى لمحت شخص فآخر الممر بقات تتغمص عيونها و تفتحهم من شدة الصدمة …
آية : ( بفشل فجسدها حاولت تنطق بصوت شبه غائب ) اااا…ااا ( بدات تتنفس بصعوبة )
نشرة الاخبار المسائية بصوت المذيعة :
_مساء الخير ! توصلت السلطات الفرنسة بمدينة مارسيليا من داخل المطار بشريط فيديو لفتاة مرتدية الحجاب تتشير بإشارة الخطر من العنف او الخطف ……و كذالك من اخبار الليلة طلقات نارية من الحي الشمالي بين العصابات الإجرامية و مروجي المخدرات …..
_على شاشة التلفاز من اكبر المحلات التجارية واقفين المارة تيقراو الاخبار ! منهم لي تيمر دون مبالاة و منهم لي شاف الخبر و كمل خطواتو ومنهم لي متأثر و هو متابع الأخبار و مركز مع الفيديو لي فيه آية فالمطار تتعمل حركة الانقاذ من الخطر و كذلك الصور لي التقطهم ستالايت من السيارة لي طلقت النار ! هكدا هو الإعلام تينقل الخبر كما هو ، لكن الحكاية كاملة لا يعلمها إلا الله و أبطال الواقعة …
اما الناس و خصوصا الجالية فأرئهم تتضارب بين مؤيد و معارض و تأتي تعبيراتهم كل حسب وجهة نظره:
_تيقلبو على الحكومة لي طلع فالانتخابات الجاية تجري على العرب كاملين
_خلي دنمهم ينوضو الحرب ، فرنسا هيا اكبر دولة عنص_رية ، استعمراتنا زمان او واكلة ثراوت افريقيا
_تنبقاو مهاجرين ! مرجوعنا لبلادنا و لازم الانسان يحافظ على هويتو و يبعد على الإصطدام مع الدولة
_عندناا جنسية فرنسااوية ! بسيف عليهم يسمعو لنا ، الا مشاو المهاجرين شكون يخدم لهم و يولد لهم جيل جديد و ينعش الاقتصاد
كلٌ يغني على ليلاه هناك من رأى في الغربة احلامه الوردية و صدم بالواقع و هناك من رأى في الغربة منفذا من الفقر و البطالة و كان له ما اراد!!
و هناك من رأى فيها التفتح و الحضارة فصار بين صراع
من أنا؟؟
و ماذا سأكون؟؟
لن تنتهي التساؤلات و لن تنتهي الاحلام فهي موروث من جيل إلى جيل فهي حكاية ماض و حاضر و مستقبل أتٍ ترسمه لك الايام و لك أن تلونه كما شئتَ بفكرك و عقلك و تحليلك و شخصك لكن عنوان اللوحة يبقى هو الأهم هويتك
_تضارب الهوية و تضارب المصالح ، يوميا حوادث و جرائم ، ادا كانت الجريمة من اوروبي فهي تمر مرور الكرام اما ادا كانت الجريمة من عربي فهو ارها__ب
تيتو روزا سيدح آية و عائلاتهم ! ماهم الا عائلات مهاجرة مثل اي عائلات تتبحث عن قوتها و رزقها لكن الواقع كان خليط من الهوية و الدين و المصالح و المشاكل مع اولادهم لي كل واحد فيهم بطل قصة لكيريا
كلما الشخص تأمل للحظة فحياتو ، اول سؤال تيطرحو على نفسو هو : من هنا لعام شنو ايطرا ؟ من هنا لصيف فين نكون ؟ فكيف ادا مرت “عامين و ثلاثة أشهر”
_من المملكة المغربية ودائما من العاصمة الإسماعلية مكناس ، بتاريخ 2015 /18/04…من اللمحة الأولى ولو تمر سنين لا تتغير فالمدينة فقط تشيد المزيد من البنايات و فتح العديد من المقاهي و المطاعم هادي هيا مكناس، من داخل القهوة جالس صديقو رضوان عيونو على التلفاز متبع المباراة حتى جر كرسي جلس جنبو تيسوط
رضوان : اسي سند ! تعطلتي ؟
سند : هضرة العيالات ماتتسالاش اصاحبي، ( دوز يدو على وجهو ) حاس بواحد القنطة اصاحبي قلبي يطرطق !!
رضوان : خلاتها الواليدة ، لاقنطة تحت سيدي ربي ! مالك اصاحبي ؟
_هز يديه اطلب قهوة ! و بدا يشوف فداك الكاس القهوة لي حط ليه ناذل ، حتى بدا الكلام وخلا صاحبو غير تيشوف
سند : اخت المراة لي عامين والصرف وانا نخلص فالكريديات و تنقول دبا تخرج لكونطرا و يسهل الله (تنهيدة خرجت من الاعماق طولها بحرقة ) على عااااامين والصرف قالك مابقات كونطرا مابقات فلوس ، عرفتي واحد الشمتة اصاحبي نعاودها لحفار قبري
رضوان : ( حط يدو على فمو ) اوا اصاحبي؟ لصق فيها كلها فلوسي ! تنعرفك انتي ، خرايهم ليا !!
سند : آش ندير بالفلوس اصاحبي؟ بغيت لكونطرا ، اما الفلوس راني زغبي مامنيش جوج ، غارق كريدي و تمارة الكحلة لاعيشة تفوج لا زواج الربح
رضوان : تعطينا عنوان هاد خونا مول لكونطرات ، ونقصدوه !
سند : اش تقصد ؟ الريح ، نمشي نقتل دلمو !!
رضوان : انت صاحبي و معرفتك كنز ! ولكن نقولها فوجهك اخاي سند ، خت مراتك ضحكت عليك ( هز يديه بتقدير ) ااااو عااامين والصرف عاد جاية تقول ليك راها كونطرا والو ؟
سند : ( تيسرط لفقصة ) اوا لي لقى شي ضحكة ماضحك عليها آخاي رضوان راه تيتحاسب عليها
رضوان : و الحل ؟ اش دير ؟
سند : درتهم و جلست عليهم ، لكريدي غارق فيه ، و مول الحانوت تيتسال ، مول لبرطمة كل شهر يدق عليك و زايدة هاد شهور تتحوم على لولاد
رضوان : فين دير هاد اولاد ؟ عنداك اصاحبي نوصيك ! ولكن تانت تزرفتي مع هاد تريكة ، غير خوها راه لبارح محيح تاني فالمدينة مع البياعة و الشراية لهديم
سند : نستاهل ! ختاريت البنت وضربت تريكتها فزيرو ! قضية لولاد اخاي رضوان كنا باغينهم بجوج ، راك عارفني كبرت وحداني وتنموت عليهم ولكن كنا معطلين بهاد لكونطرا
رضوان : هيا مزالة ففرنسا هاد ختها ؟
سند : راه يومين باش جات ، اوا ارتاحت و فرقات كاضواتها و عطاتني كاضويا بحال ضربتني بسفنجة
رضوان : ( هز حواجبو بقلة حيلة ) احسن عوانك اخويا ، كن بلاصتك كن سبيت لدلمها العروق لاهيا لا مراتي
سند : اودي ! عذرا مادارت والو
رضوان : ( هز يديه مدور وجهو منو ) واش واكل اصاحبي شي حاجة من غير الخبز ؟ راه بنات حومتي حتى انا هادوك ! نهيلة تخبع على اختها ؟ نحلف لك فالقرآن تدوروك !
سند : كن غير دوروني بالفايدة ! ولكن ضيعوني فرزقي
رضوان : فاش ختموتها؟؟
سند : وهنا فين عقلي حبس !
رضوان : ياكما شي فيزا جديدة ؟ ولا شي تخربيقة ؟
سند : ( تلفونو تيرن ) صبر صبر ( شاف رقمها جاوب ) الو
عذرا : اتجي لعشا فدارنا ؟
سند : ماجايش
عذرا : مالك تتنفخ اسند ! زايدون الحل لي دارتو معاك نهيلة والله من دمك مايديروه معاك
سند : هاد الهضرة ماشي فتلفون اعذرا !
_قطع عليها التلفون متنهد ! شرب ديك القهوة لقاها باردة بقى غير تيشوف
رضوان : آهضر اصاحبي !
سند : شتي هادشي وخ نكولو لهبيل مادخل ليه للدماغ !
رضوان : وغير تكلم اصاحبي
سند : نهيلة آسيدي هادي عام باش فرتكات تزويجة مع الكاوري
رضوان : ( تقاد فالجلسة ) ايوا !
سند : مهم ! خدمت و شدات دارها ، فاش البارح كنا تنهضرو على لكونطرا و الفلوس لي مشات من هنا لهنا ، حتي قالت ليا ( تنهد بالصوت )
رضوان : ( منتظر التتمة ) اش قالت ؟
سند : قالت ليا ندير انا و ختها طلاق اتفاقي و نتزوج بيها مارياج بلون و نزيدها تمنية لمليون ! تدخلني فرنسا وتما نعاود نطلقها و ندخل عذرا ولا تحركها ولا دخلها بفيزا …
رضوان : ( سكت تيشوف ) الصمت
سند : ( هز يديه فالهواء ) اوا هضر آصاحبي !
رضوان : اخويا تسالاو ليا ! واش طايح مع عصابة ؟ وخ تكون هاد فرنسا جنة ! ماندير هاد تخربيق و نزيدها تمنية لمليون ؟ مع ربعة لي مشات هيا طناش مليووون !!
سند : دخت ! حق رب حتى دخت
_لابسة بيجامة الموبرة و دايرة زيف حياتي على راسها و تتفتح فباليزتها تجبد تتقلب وتتعاود ! البيت مقلوب و تتسمع صداعهم من برا ، راسها تزير عليها ، فتحت بزطامها و تتفحص وراقها و جبدت الفلوس بدات تتحسب ..ها خمسين اورو ها الف ها الفين حتى سمعت الدقان فالباب
نهيلة : عذرااا ؟
عذرا : فتحي الباب انهيلة
_فتحت لها الباب ودخلت لابسة بيجامة حتى هيا جامعة شعرها و التلفون فيديها عاقدة حواجبها و جلست تاتسوط
نهيلة : مزال تتهضر مك ؟
عذرا : (شيرت باصبعها فالهواء ) تتهضر على ليام حتى نتي ! مهم شنو درنا ؟
نهيلة : ( جبدت الفلوس تتكمل تتحسب وتعاود هزاتهم فوجه عذرا) هانتي هانا حسبت مليون ! من هنا يومين مايبقى منها ريال
عذرا : ( دورت وجها ورجعت شافت فيها ) ختي نتي بغيتي !
نهيلة : كفاش انا بغيت ؟ راه عامين ماشفت المغرب وماشفتكم ، تنجمع ليل ونهار فالاورو على اورو و قلبي تيرفرفر بديك الطلعة فطيارة و تنقول فوقاش نشم هواء بلادي ! لقيت المشاكل فالمطار مرحبين بيا
عذرا : ( تتاكد بكلامها ) ممممممك بغات ! شتي نهار امك دير لنا قيمة ؟ شلا مايكون
نهيلة : ( حطت يديها على خصرها تتنهد ) اياااه امي ! من الباب بغات الطلامط يتبدلو و بغات تلفزة و بغات ثلاجة و بغات تعاود الصباغة و بغات و بغات
عذرا : ( تتعض ضفارها ) شفتي غير صاك لي صيفطتي مع مول الفوركو ؟ تشتت و تفرق قبل مايتحل ، ها مرات عمك ، ها عروسة عمك ، ها جارة ها ختها جات ضيفة و عطاتها الكاضو
نهيلة : ( حطت يديها على صدرها بحسرة ) اياااه !؟ انااا نعمر فصيكان و نقيل من مارشي لمارشي سوا كان ثلج ولا شتا ولا شمس نخرج غي بسبرديلة ودجين بحال السارح ندور على ثواب و صبابط و ليبوطات و امك تصدق ؟ الناس الويكاند ديالهم فاوروبا يدوشو و يرتاحو و انا نمشي نقلب على فين نزيد سوايع لميناج باش نشري لمك القهوة و باكي آتاي و البزار حبوب و نوتيلا بربعة القراعي تنشري تكولي نعاود فيهم البيع و هيا تفرق !!!
عذرا : ( حطت يديها على حنكها ) عييييت مانهضر ! عيييييت مانحشي فالهضرة ، قالك الالة صيكان بنتها ! واش ناخد انا السخط مع امك ؟
نهيلة : دبا هيا علاش منفخة ؟
عذرا : لقواد ديال خوك كالها جابت لسند جاكيطة وهو لا
نهيلة : اها !! علاه اختي شكون جابني من المطار ؟ شكون كنت نتزير فالزيت ويصيفط ليا ؟ شكون نصيفط الصيكان و يمشيو يجيبهم ؟ ياك اخر صاك قلت لها سيرو لاجونس هزوه ، قالت ليا شوفي مع ولد زهور يجيبو راه لاجونس بعيدة ، آش بغاو ؟ نصيفط صاك و نزيد فلوس الطاكسي؟
عذرا : ( تتقلب عيونها ) زيدي الا تمشي لحمام دبا
نهيلة : باش نمشي لهاد الحمام ؟ بيجامة لي جبتها هانا خارقاها ، جايبة بيجامة باش مانتقلش الكيلوات و نجيب لمك تفاصل و تواب و زيوفة وتعطيهم لي يسوا ولي مايسواش
عذرا : صافي جلسي نخطف رجلي لمدينة نجيب لك بيجامة
نهيلة : ( تزيرات فالبكا تتجبد الفلوس ) اياااه انهيلة آبنتي ، ضربي تمااارة و خدمي ليل ونهار و طلقي من الكاوري باش تصيفطي لداركم ومايتحاسيش معايا ، و فاخير بيجامة هيا تالية مايوجدوها ويقولو بنتنا جاية من الخاريج ، صحاباتي والديهم يتلاقاوهم بالكاضوات و يصيفطهم بالكاضوات وانا ؟ اناااا محكوم عليا بصيفطي صيفطي
عذرا : شتي فاش صيفطتي لها لفلوس لخرة ؟ قلت لها اري نخطف لها بيجامة ، راه تبغي تمشي الحمام و تبغي بيجامة ! قالت ليا فرنسا هيا بلاصة البيجامات
نهيلة : بلاصة القحوب نبقى نخسر فالهضرة! كما هما تيبغيو حاجة الخاريج !! حنا باغين حاجة المغرب
_عذرا خرجت تشري لنهيلة بيجامة و هاد الأخيرة جلست تتحسر ! بعض العائلات ودائما نبقى في بعض ، اولادهم لي فالخاريج ماتيرحمهمش بالطلباات ، غير آبهين بالكواليس منين ولادهم تيربحو ديك الفلوس ،دمعة خانتها نزلت لها و بدات تمسح دموعها حتى رن هاتفها وجاوبت
نهيلة : الو زين صافا !
صديقتها : على سلامتك الالة ! اوا ختي شفتي حبابك نسيتي صحابك ، كي بقيتي ؟ كي بقاو مالين داركم ، فرحو بيك شي ؟ كاين شي كاضوات ، شي قفاطن شي جلالب ، شي عشية الحنة
نهيلة : ( سرطت لبكية رجعاتها ضحكة ) حمد الله آزين ! كولشي لباس يسول فيك الخير ، اوا مزال هاد ساعة مع الاحباب نشوفهم عاد نشوفو جلالب و الحنة
صاحبتها : اوا بصحتك ! مهم راه البنت لي وصيتيها على لكرا فماغساي لقات ليك فين دخلي ولكن تعطي تسبيق
نهيلة : بصح ؟ الله اختي نتحول من ديك بوردو تخنقت فيها من دلمو الكاوري فرع ليا كري خيطي بيطي ! شوفي انا رسل لك لاكارط و الفلوس نشوف لها الحل
ص : صافي آزين ! مهم انا الا ! الااااا لقيت وقت نتصل بيها
نهيلة : شكرا بزاف ! لهلا يخطيك ( قطعت ) يلعلدمك كن ماحاجتي فيك واش نعقل عليك ، صحبة الخرا ، يعطي لدلمو هاد الخاريج زلزال
“مساءا”
_البال مشغول و الخاطر عالم بيه الله ، بعدما كان مع صاحبو ، مر للمطعم تناول العشا ديالو و دخل لدار بملامح تعبة ! تيشوف حوايجها لي جا بت اختها مزلعين فوق السرير ، جمعهم فواحد القنت و دخل خدا دوش خفيف ودخل لمكانو فسرير يرتاح و غير تيفكر حتى سمع الباب تفتح و توشويش الكلام عرفها جات و معاها ختها
سند :(بإنزعاج) زمر صداع الراس عاوتاني
_جر عليه الغطا تيحاول ينعس حتى تشعل عليه ضو و سمع صوتها تتناديه
عذا : حبيبي نعستي ؟
سند : عاد ناوي ! طفي ضو و سدي الباب
عذرا : ( قربت تتمخشش فيه ) بغيت نعنقك و نبوسك ( تتقبلو فمو ) توحشتك
سند : ( نيم فيها عينيه و طول كلامو ) عياااان اعذرااااا عيااااان ! طفي ضو
_نفذت كلامو ! عارفاه مقلق و هاز فخاطرو و عارفة راسها مشاركة فالمشكلة ، هزت ملاية ليها و لختها و حطو الراس على الراس
نهيلة : ( بهمس ) مزال قالب وجهو ؟
عذرا : يقلبو و يرجع ! ( تزيرت شادة التلفون تتلعب بيه ) فيه واحد القضية تتركب فيا جنون دنيا و دين ، غير ساكت ماتعرفيه فين تيفكر
نهيلة : اري داك شكلاط اري !
مدت لها شكلاط تياكلوه و شعلو تلفزة شادين فيلم مغربي
عذرا : شتي هاد الممثلة طلقت مع الراجل!!
نهيلة : كلهم ولاد لقح_اب تانتي ! دبا خلينا فموضوعنا البنت ، راه لافيغ لي قلت لراجلك الا فلتها راه مافيدوش!!
عذرا : هضرت معاه صباح فتلفون كالك الهضرة ماشي فتلفون ! دبا جيت نهيب عليه بشي بوسة قالك عياااان
نهيلة : انا بغيت لكم غير الخير ! بغيتك اختي تجي تعيشي حدايا و تولدي ولادك ففرنسا ودولة تخلصك ماتهزي هم لافلوس طبيب ولا والو ، نزيدك الناس دارو مارياج بلون لفرنسا بعشرة المليون لفوق و تما ففرنسا ماشي حتى فالمغرب اما راجلك راه نطلع و نزل عليه و شلا وراق
عذرا : و منين نضبرو الفلوس ؟
نهيلة : يبيع طموبيل و يهز كريدي و يشوف امو
عذرا : طموبيل امو حاطة فيها النص لكبير ، راه خرجاتها ليه بتسعة لمليون ، و هو اصلا هاز كريدي
نهيلة : شتي العيلات ابعدا ! ماشي بحال مك ماكاين غير ارا ارا بلا فايدة
عذرا : هاي هاي على زهور ، راه بانت فالتلفزة
نهيلة : دخلت عليك بالله؟
عذرا : و الله ! ولكن راها مسيرة جمعية و ساعدت الناس بزاف ، دايرة تما بحال المدرسة ، ها طبخ ها الخياطة ها الحلاقة
نهيلة : و جالسة نتي تفرجي ! سيري تعلمي
عذرا : ( قلبت عيونها ) ماتتحملنييييش ! و شعووور متباااادل ، راه مبرية فيا من زمان قالت ليه تنعرفك انت فقط
نهيلة : يااااك ؟ اوا اختي شدي فراجلك ، نية و ظريف و الله يعمرها دار ، و زيريه يدير معايا لافيغ ، والله تنقص ليه من الفلوس و تيطبع لفيزا عاد نشدهم
عذرا : دبا هاد طلاق و هادشي وحنا خواتات ماشي حرام؟؟؟
نهيلة : ( تبثت فيها الشوفة ) ايطلقك نتي و يتزوجني انا ! فين الحرام ؟ اصلا زواجنا غير فالوراق و نتي راكي مع راجلك عادي ، وماشي نديرو بوق للناس ، هادشي خاصو حسي مسي ، امو ومايكولهاش ليها
عذرا : ماكرهتش نغمض عيني اختي لقى راسي معاه فشي بلاد ، نخلي امو تزرع بلاصتي البصلة
نهيلة : لي فجهدي دايراه معاك ! هاد لافيغ داروها الناس ، شدو الطلاق تفاقي و تزوجو مارياج بلون و خرجت لهم الفيزا لا عين شافت لا قلب وجع
عذرا : ياااريييت اختي تصدق !
نهيلة :ا حقا ديك خالتو فين شداها ؟
عذرا : راه قلت لك ساكت على خزيت !! لي عرفت انها مزوجة شي جزائري و ماتيخليهاش دخل لمغرب و الولد الكبير فالحبس
نهيلة : انا ولد كبير ؟ ياك عندها داك لبرهوش وديك سكوتية و ديك زعرة
عذرا : ماتيهضرش ماتيعاودش عليهم ! انا ماتنسولش ! تنتفكرهم قلبي تيتزير غير هكاك
نهيلة : وراه خاصك تسولي ! انا مافهمتش علاش خالتو ماداتوش ؟
عذرا : بغيتي زهور طيح فالإنعاش ؟ راه زهور لي تتحكم ! اصلا نهار بغينا نتزوجو حتى جات خالتو رغباتها ، اما زهور كن بغات ليه الخاريج كن زوجاتو ديك سكوتية ولا ديك زعرة ! كلما رمي عيني فتلفون سند تلقاها فانستغرام داير لها متابعة تدير لإشهار للساعات
نهيلة : ( قلبت شفايفها ) دييك شمكارة مارسااي ! رجعت موديل ؟
عذرا : انا هيا شمكارة هاد ساعة ! وجهي حالتو و شعري كلو طاح غادة و نغلاض بالفقصة
نهيلة : ( دخلت تتقلب فانستغرام ) كولي ليا باش داخلة
عذرا : داخلة ب رٌوزْ ! اصلا ماتنفهمش فداك انسطا وداك تخربيق
_نهيلة : ( بسرعة تتبحت حتى طلعت ليها ) بشااااخ ! ( تتكبر الصورة و تشوف ) اويلي على برهووشة كي رجعت ( تدوز فصور ) طوواالت و شعر طوال ( تتقرا المعلومات ) ولكن راها عايشة فسويسرا ماشي فرنسا ؟
عذرا : ( تتشوف معاها ) بصح ؟ ( تتبركك ) شكون هاد اليد بيبي صغير ؟
نهيلة : (بدات ترجع للصور القدام ) واش تزوجت ؟
عذرا : باش نعرف الخرا ؟ اش تياكلو هاد زمر ؟ فاتني فطول
نهيلة : ( تتقرا ) تياكلو لي مااتتكليهش نتي ، تتقيل تحط اليد بيبي و تصاور وليدات صغار ! باينة من اليد البنت سميمرة
عذرا : تكون بنتها ولا ولدها؟؟
نهيلة : بنت ! من لون لحوايج راهم غوز و اليد لاخرة باينة ولد من الألعاب لي تيهز سبيدر مان ! سيدة رجعت موديل و تزوجت ونتي جلسي تبعي زهور وامك !
عذرا : ( بغيرة و حقد ) صمت
_صورها على انستغرام في شهرة عادية ! مثل اي موديل بداات اول خطواتها فمشوار الازياء ، بتفحص صورها تتلمس جمال طاغي من عيونها الزرقاء و شعرها الاشقر و طولها المثالي و منحنيات جسمها الفاتنة ! طبيعية لا عمليات تجميل ولا ماكياج يؤدي لتغير ملامح فقط تعديلات للصور ! و السؤال لي تيطرح معظم الوقت على صورها من المعجبين هو :
_روز واش ولادك ؟
_روز واش متبنية اطفال ؟
_روز ممكن تنزلي صور لأطفالك
_لا تجيب ولا تهتم ! مع مرور السنين شخصيتها زدادت نضج ! لكن ليس بين ليلة ونهار ؟ بل عمل سنتين …من داخل قاعة لعرض الازياء ،بالضبظ فصالة العارضات ، ضجيج كثير و اضواء كثيرة كل عارضة بمكانها الخاص امام المرآة و ميكاب ارتيست يضع اخر لمساته ورجع للوراء تيتفحصها مثل لوحة فنية حتى هزت عيونها فالمرآة بحدة و باصابعها طبطبت على شفايفها
روزا : سي بون !
_غير آبهة بالعارضات لي مجمعين على العارضة الاساسية و تيضحكو و ياخدو صور معاها ، اخذت زي لي عندها لبساتو و المساعدة تتعاونها حتى حان وقت العرض و كل عارضة واقفة فمكانها تنتظر وقت دخولها و المصصمة تتكلم معهم
المصممة : بمجرد دخل العارضة الاساسية تبعها روز و بعدها كل وحدة بالدور ! كما سبق و قلت ، عرض مخصص للنساء القويات بذوق عالي كل عارضة تبين ملامح قوية و نظرات حادة و ممنوع الابتسامة كل عارضة تخرج اقوى شخصية فيها
العارضات : اوووك / يااس / سي
_باختلاف لغتهم باختلاف جنسياتهم باختلاف جمالهم …غمضت عيونها للحظة و فتحتهم للحظة بنظرة قوية و دخلت العرض …يديها فوق خصرها لي تيتمايل مع خطوة يمين خطوة يسار و راسها شامخ مرفوع كانها تقول انا الاقوى …
هكدا إنتهى العرض بتصفيقات و تحية للمصممة بعد إجتماع صغير لقاو فيه شكر للكل غيرت ملابسها وهزت مسائلها خارجة من دار العرض راكبة السيارة تتسوط
مامادو : آلي روزاااا ! بغاااافوو
روزا : ( دارت نظاظرها فاتحة التلفون تتشوف اخر اخبار ) نيك *****
مامادو : لي ماعرفك خسرك
_نعم القول ، لي ماعرفها خسرها ! ممكن للناس هي شخصية متكبرة و قليلة الكلام و تتآدي عملها و تنسحب لا تجمعات لا سهرات لا اصدقاء ، اكتفت بالاشخاص لي تتقول ليهم “لا فا فا” و تعني العائلة ، وهم لي اول ماتدخل من الباب تيجريو عندها بكل حب و فرح
لي لي : ( بتهجئة ) يو يااا يووو ياااا
جونيور : ( تسابق طيح لي لي ) روزااااا ! روزاااا
_طلقت الصاك و طاحو لها نظاظر والتلفون و مامادو تجاوزها داخل ضاحك و صوت اطفال صاخب واغلب اللغة كانت بالفرنسية
روزا : ( هزت لي لي ) طيحك ماشيغي ؟
لي لي : ( تتجمع لبكية ) وي اااء ااااه
روزا : ( شداتو من قرفادتو ) مالك عل هاد الضسارة انت ؟
جونيور : انا تبوسيني الاول ! انا لول اناااا
_جاراهم معها للداخل هما لاصقين فيها لي لي هزاها عندها و جونيور شادها فرجلها و تتسوط من منظر مامادو هو معنق ميلا تيراضيها
روزا : ( بدزايرية ) خليااااه الرب العالي و يعطي لاموغ ذل
مامادو : ( منغمس مع ميلا فقبلة وجاوب روزا ) إيلي جالوووز لابوفغ ( غارت مسكينة )
ميلا : ( متبثة فيه الشوفة ) علاش درتي لديك لموديل جادوغ ؟
مامادو : ( بنكرة ) اناااا ؟ ( تيقلب على التلفون ) هاكي التلفون خوديه مابغيتوش ، حيدي لي بغيتي ديري لي بغيتي
جونيور : ( وقف تينقز ) آلي! انا سبيدر مااان
ميلا : ( شدات فراسها ) سكت من لغوات !
تينقز و يطيح و يعاود ينقز تاجا على روزا و هيا تشعل بغضب
روزا :(شدت من راسها و صرخت بصوت عالي ) ميلا هزي ولادك روحو قودوو صايي راني كرهت…روزا ما مزوجة ما عندها اولاد ..
_عامين و تلاثة اشهر ! لم تمر بسهولة ، مرت تارة سوداء و تارة رمادية ! فعامها الاول روزا كانت تتحس نفسها سجينة ، سجينة ماضيها و سجينة ذكرياتها بعد رجوع بخثة لفرنسا زادت كآبة ، تتخرج من غرفتها فقط لأاكل و بعض المرات تتستغني عن الاكل فسبيل النوم ، و رفيقها كان فقط مامادو
🔙🔙
مامادو : ( هاز مادلين فيها شمعة صغيرة ) جوايو زاني فيغسيغ روزا
روزا : ( بتنهيدة حارة ) الا مشيت لمحكمة نقدر نبدل تاريخ الولادة ؟
مامادو : ( طفى الشمعة جلس يصفق و ذاق مادلين ) واو مذاق خطير لحلوة
_هكدا تمر الايام ! فقط بخثة تتجي عندها و ترجع و بعض المرات تاتجي معاها بشرى و ريان تتقدر تنسى شوية إكتئابها لكن بمجرد ماتيغادرو تتلتزم الصمت الى ان جائت المدرسة و من نهارها خارجة تتسب
روزا : نيييك دلمهم ! مااقااارياااش ! انااا مانقرااااش
مامادو : ( مبرد تيديماري ) آلقراية زوينة
روزا : ( بصخب ) سير قرااا بلاصتي انت ( فتحت صاك اضو بدات تجبد لكتوبة ) اش داني لشي نجليزية ؟ مالي نتزوج حفيد الملكة اليزابيت ؟ ( تترمي كتاب الماط ) هاد لاميغد ديال لماط ! اااش داني ليه ؟ الفلوس ونعرف نحسبها ، باش يزيدني الماط ؟ ( تتحاول تهجى ) اش هدا ؟ شنوو هدا
مامادو : كيف تحب في خمسة دقائق
_اوقات عصيبة مرت ! عصبيتها تتخرجها فابسط الامور و تحتج و تلعن و تتدمر من اي حاجة ، المدرسة تتشكى منها ، زملائها تيتشكاو منها ، حتى من الخادمة لي عندها فالبيت تغيرت للخامس مرة ! تتعيش حرب وحدها ، رافضة الحاضر و منحصرة فالماضي …الان مرت شهور اولى بدون نجاح فالدراسة ولا تحسن نفسي ..
روزا : ( بنبرة منخفضة ) مامادو !
مامادو : ( تيضحك مع التلفون ) وي
روزا : حياتي تمشي كلها هاكا ؟
مامادو : هانتي قلتيها بفمك ! حياتك نتي ، واش تتسناي شي واحد يعيشها بلاصتك ؟
روزا : ( غمضت عيونها تتسوط ) هااه !!! ( خطفت لمحة من شاشة تلفونو ) مامادو طحتي مع ميلا ؟
مامادو : ميلا لي طاحت معايا !
روزا : من ايام طلعنا انا وياك و كارين لباغي و نتوما تتهضرو ؟
مامادو : ( عض على شفايفو بحب ) دخلت ليا لقلبي بلا مانحس ، فغيمون ميلا المراة لي يتمناها كل واحد
روزا : ( ميلت راسها تتشوف فيه ) عارفة تيو مخدمك تحظيني
مامادو : ( بسرعة هز فيها عيونو ) اااغيييط روزا ! نتي امانة عندي ، عارفة سبب لي مخليني نسمح فحياتي كلها و نكون معاك بحال ابنتي ولا اختي الصغيرة
روزا : ( قلبها ضرب من كلامو لانه تيعني تيتو ) او موان واحد فينا يدير حياتو ! متنفكرش نزل لفرنسا ، خلي ميلا طلع مع جونيور عندنا ، ميلا ظريفة ماعمر كان عندي مشكل معاها ، من الاحسن جونيور يكبر معانا ماندخلوش الصغار ففعايل الكبار
هكدا بدات الحكاية ! بعد قبول ميلا لطلب مامادو سلمت الدار لقادر مرة اخرى لي فباريس ! و العائلة وصلها الاخبار ان ميلا و مامادو يتزوجو و باركو لهم ! مثل هاد الامور فبلاد الغرب جاري بها العمل ، بعاد على اي حساسية او توتر !! البيت تملأ على روزا ، جونيور خالق جو ! بدات تحاول تركز فالمدرسة و تخطط لبعيد ، و بقدوم المولودة الجديدة لي لي كانت لها فرحة بعد اكتآب طويل
روزا : ( هزتها بين يديها تتقبلها ) اووو لابوتيت ( تتضحك و تشوف فمامادو ) الي طخوو بيل(زوينة بزاف)
مامادو : ( هاز جونيور ) اااي وي سي مافي
ميلا : ( بنظرة حب ) روزا ! تقدري تساعدينا فالاسم
روزا فتحت فمها باعجاب و دهشة ، ان احد والدين يعطيوك شرف تسمي أحد اولادهم تتحس انه ذكرى تكون معاك لمدى الحياة
روزا : ( قربت منها تتشم ريحتها ) لي لي ! ( بدمعة حب ) لي لي
_كانت ذكرى ولادة رسخت فحياة روزا ايجابية كبيرة ! من حملها وهيا تتعتني مع مامادو بميلا و فولادتها حضرت لها ، و فنشأة لي لي كانت روزا تتساعد فرعايتها ، لأنها بنت اعز الناس ليها هو “مامادو” و ام اعز الناس لي هو “جينيور” ابن “سيدح”
تعترف او تنكر متقدرش تزيح من بالها ابدا ان معاها جزء من توأم الروح لي كفكرها فقط بالأيام زوينة لي دازت بينهم و كوصلها فقط روح الحب و الوفاء لي جمعتهم لسنين ليسوا فقط أطفال بل روح إيجابية و دفعة معنوية زرعت فيها الامل بعد مدة طويلة من الاكتئاب و الضياع
_عامين و تلاتة اشهر، مرت على كل فرد من عائلة اولاد بشرى بحلوها ومرها ، وكما يقال ان انتقال شخص من محيطه الذي مرض بيه ،يساعده كثيرا على الشفاء ، لكن شفائه كان طويل لاجسديا ولا معنوياا ….
“لوس أنجلس” او ما يسمى مدينة الملائكة، مدينة اشتهرت بالفن و الفنانين و يتعايش فيها اكثر من مئة و اربعين جنسية …
من داخل اكاديمية للفنون القتالية المختلطة MMA , بالضبظ من قاعة التداريب ، لابس شورط اسود و حذاء رياضي فرجليه و ايديه معصبين بشرائط سوداء جالس على آلة رياضية تيجذف بإديه بقوة عالية من تقل الالة و تنادي بصوت قوي كرد فعل للتعب و مرة مرة تيشوف تعليمات الشخص لي واقف عليه ، ويعيد نفس الحركة وهو يتصبب عرقا …هو الآن مقاتل ل MMA منظمة عالمية للمقاتلين المحترفين بشتى انواع الفنون القتالية يمكن ان نقول ان هده الرياضة تضاهي كرة القدم شهرة فهي كذلك تقام لها مسابقة دولية على مستوى عالمي(UCF) متل كأس العالم التي تقام لكرة القدم و ممارسة هذه الرياضة و الانضمام لهذه المنظمة (MMA)بحد ذاته ليس بالامر السهل ابدا ، فالمقاتل يعتبر مثل السجين ، يستيقظ في الصباح الباكر للإستعداد لأول حصة تدريبية و بعدها للحصة التانية و تأتي الحصة الثالثة بعد ساعات قليلة بالنسبة للأكل لي تتكون ملزم بحمية غدائية و هكدا لن يبقى في يومك سوى بضع ساعات تكفيك للإستحمام و النوم ، وهكداا دواليك ، لاوقت للسهر ولا للترفيه !! سوى التدريب للحصول على لياقة عالية و اداء جيد و المهارات القتالية للاقتراب من القمة و التتويج ببطولة UFC …
مدرب : ( تيشوف الساعة ) عندك ربع ساعة ، خود فيها دوش ، عندنا رونديفو مع الطبيب
سيدح : ( حرك راسو بقبول ) صمت
_بنفس طويل وقف و هز فوطة تيمسح جسدو ، جسد رياضي ضخم من فصيلة المقاتلين ، ازدياد فطول بشكل ملحوظ…بمشيته التقيلة دخل للدوش تيغتسل و تيمشط راسو باصابعو للحظة مستمتع بدفئ الماء اغمض عيونو و ذاكرتو مشات بيه لعامين قبل
🔙🔙🔙
_ضوء شديد ضارب فوجهو و رجفة برد اكتسحت جسدو ، تيحاول يفتح عيونو لكن الم شديد تيعتصر بطنو ضوضاء شديدة تتحوم بيه
دكتور : تاتسمعني !! ( تيضربو بضو فعينو ) مسيو تتسمعني
سيدح : ( تيغمض عيونو بشدة من الضوضاء و تيحس بحلقو شحف ) كححح كحح
دكتور : ( طبطب على كتفو ) على سلامتك !
_الضوضاء لي ضيقاتو كانت فقط اصوات الآت الطبية و اعراض الالم و البرد من التخذير ، ازالو الرصاصة و نجحت العملية بدون مضاعفات ، بعد العناية و مرور ساعات خرجوه من الانعاش ودخل لغرفة اخرى وكان اول الزائرين هو الشخص لي متجنب يشوفو عند استيقاظو
سيدح : ( تنحنح حاط ايديه على بطنو ) اااي
قادر : ( صغر عيونو فيه بحدة ) منين مامتيش كيف والو الحمار !!
سيدح : ( دور وجهو بندم ) والله تيوو والله
قادر : ( قرب ليه تيتكلم بحدة ) بلللع ! مزال عندك لوجه تهضر ؟
سيدح : ( تيحرك راسو بنفي ) نوو نوو
قادر : ( تحسر بصوت تيمسح على وجهو ) تكتب لك عمر جديد ! واش كنت راح نقول ليْماك ؟
واش نقول لخوتك و لولادك ؟
سيدح : ( بالم و ندم ) كان هبيل و مات ! ( بداريجة ) سْرَاقوه عزرايل
قادر : سْرقو عزرايل ؟ ( سيدح : وي ) اسمع عزرايل ديالي واش يقول ! عندك جوج حلول من هنا تخرج من لوبيطال ، يااا العسكر ؟ يااا سبووور ؟؟
سيدح : ( تيسرط فريق ) نفكر تيوو !! ( بالم ) احح ..وْوو ووو
قادر : ماكاش حاجة اسمها وْوووو ! تحمد ربك خرجت طريفة و ديك وْووو ( آية ) راها عند الدولة ماتحلمش تشوفها و من الخير ليك تنساها ، اهم شيء انها بخير
سيدح : ( بصمت أليم ) اهم شيء انها بخير …
_الاخبار انذاك ذاعت فمارساي و بذات فالحي الشمالي ، الاخ الاصغر لرئيس العصاية السابق تيتو تعرض لطلق ناري و الكل تيأول كما بغى كالآتي
_الكورس ردو ليه حساب خوه لقديم
_بغى ياخد بلاصة خوه و الكورس ماخلاوهش
_طاح مع مرات زعيم الكورس و تيرا فيه بقرطاسة
_كما العادة الحقيقة فقط عند ابطال القصة ، لم يذكر تدينه الجديد ولا أحد لاحظ ان ممكن طريقه مع مهند تقدر توصلو لمحاولة قتله في فرنسا ، لان الاغلبية ليسو على دراية بعمق الموضوع ، بشرى و بخثة و كارين وماريا دائما معاهم كشاهدة دارو حالة وجنازة !! بكاو و جذبو و رجعو يحمدو الله على طول العمر لي عطاه الله …بعدها مر شهر ، و للآن الاخبار مزال تتدول اول ماخرج من المستشفى اول حاجة تحول للاستجواب من الشرطة ولكن سبق قادر قراه بالحرف هو المحامي شنو يقول وهكدا كان الاستجواب
ش : شنو علاقتك بهمند ؟
سيدح : معرفة !
ش : معرفة !!!كنتي تتعيش معاه !!! و حظر لزواجك المزعوم ؟!!!
سيدح : ( هز كتافو باستغراب ) كاين شي حاجة تمنع ؟
ش : ( بدا يحطو ليه فتصاور و تسجيلات هاتفية ) باش تتفسر هادشي ؟
_زيروه ! و حاصروه ! الاستجواب خدا مدة اربع ساعات متواصلة ، يدخل فريق و يخرج فريق ! لحسن الحظ ان التسجيلات كانت عادية ولا يوجد فيه مايهدد امن البلاد ولا شيء مريب ، بل من اجوبة سيدح تبين انه ضحية ..تلاتة ايامو هو غادي جاي لمركز الشرطة للاستجواب ،تعب و معاناة و ضغط رهيب … هنا سيدح بدات الغشاوة تتهز من على عينيه وعرف ان طريق لي كان غادي فيها كن كمل يصدق لا هو بولد فرنسا لا هو بما يسمى الدولة الاسلامية …
قادر : ( اشار للكرسي ) جلس
سيدح : ( وجهو صفر و مزير ) بزززاااف هادشي !ماكنتش عارف اش تندير اتيو
قادر : الحمار ! اللحظة لي سخرك للكورس ؟ مافكرتيش ؟
سيدح : ( فتح عيونو على اخرهم ) فكرت ! و مامشيتش للكورس ! بار كونطخ راه مشيت لكاختيي دونوغ نشوف القضية شنو فيها!!
قادر : ( زير باصابعو بين عيونو ) الرب العالي واش هاد بنادم !! اسمع !!! سوا كنتي دخلتي للكورس ولا كاختيي دنوغ كانو يصفيوها ليك و يضمسو القضية انها تصفية حساب ديال لادروك
سيدح : واش دخلني لادغوك ؟
قادر : واش دخل الجهاد فلادغوك ؟ لي حاب دين يروح بين الناس المعقولين ولي حاب يعيش الإسلام على اوصولو راه الحج موجود يسمع فيك ! (بتأكيد)طريق لي كنتي فيها طريق كحلة فيها لادروك و الإغتصا_ب و تجارة بالعباد و بزاااف صوالح
سيدح : ( تيحرك تيشورت على صدرو بضيق) فين مهند ؟
قادر : ( غمض عيونو بغضب ) هداك واش خاصك تسول عليه ! فكرتي واش طلبت منك ؟
سيدح : العكسر يدخلوني وخ مدوز الحبس ؟
قادر : عايش ففرنسا وماعارفش قوانينها ؟
سيدح : ( تيكح بخجل ) وااش عرفني!!
قادر : فرنسا تقول لك جوج الناس مامرحبش بيهم فالعسكر ، المغت•صب و القا•تل ! سي نو كولشي يدوز
سيدح : ( تيتقاد فالجلسة ) ماندخلش العسكر انا ! نهار تكون لاكيغ ، يسبقو العرب هما لولين للحرب
قادر : واش كرهتي لجهاد ؟
سيدح : ( نزل راسو بندمو بصوت منخفض كحاول يبرر ) والله اتيوو و الله ….
قادر : بلللع ! ( حط ليه ملف فوق المكتب ) عارفك ماتسواش ، ودير فبالك الا بقيتي بهاد لعقلية ماانت محسوب على فرنسا ماانت محسوب على بلادك
سيدح : فين هاد بلادي ؟ شفتها جوج مرات فحياتي ؟ وفرنسا !! اش عيشتني ؟
قادر : ( بحدة و سخط) القرطاسة لي دخلت كرشك ماخدات لاحق لا باطل منك!!
_نزل راسو هز الملف تيقراه ! كانت امامو بطائق تعريف عن اكادمية للفنون القتالية ، اول مانتبه ليه هو صورة المقاتل بدر هاري المقاتل المغربي لي متوج ببطولة UFC ..كمل قرائة الملف و رجع حطو بصمت
قادر : تمشي العسكر ؟
سيدح : نختار الرياضة
قادر : تكون راجل قد كلمتك ؟
سيدح : رااجل تيووو والله راجل
قادر : ( بسرعة فالرد ) تروح لوس انجلس و تقعد عامين فلاكاديمي حتة تخرج ! تما انت وروحك واش تكمل كمحترف والا تفرج من بعيد
سيدح : عااامين ؟ بوخكواا ؟
قادر : خليك راااجل ! ويمشي يقولك راسك ندير ها ولا ها ؟ برب العالي نعيط لك لابوليس يهزوك بتهمة الجهاد و جربني راني هبيل كثر منك
🔚🔚🔚
_بتنهيدة حارة لبس ملابسو و هاز مسائلو خارج من لاكاديمي ركب فالسيارة مع المدرب الخاص به ! المعيشة و السكن و الرياضة مكلف بيها قادر …وصلو للعيادة بعد إنتظار دخل القاعة و بدا طبيب فالفحص بمساعدة الممرضة فتركيب الات القلب …
الدكتور : ( تيشوف فالمدرب ) شحال بقى ليه للمقابلة الأولى ؟
مدرب : شهر !
الدكتور : ( جمع شفايفو بامتعاض ) لازم يدير التحاليل الاخيرة ! الامور عندو طبيعية
مدرب : ( تيشير لفخدو ) داك الانتفاخ ؟
الدكتور : عادي !نديرو ليه جلسة بحرارة منخفضة و ينقص من فترات التدريب من تلاتة لجوج
مدرب : شكرا لمجهودك
_ساعات و هو فالعيادة من فحص لفحص ! ليس بين ليلة و ضحاها اصبح هاد العاقل و مقاتل المستقبل بل هي فترات عصيبة كان شاهد ليها فقط مدربو و صديقتو لي كان عندو علاقة بيها قبل و قررت تبعو لأمريكا
سيدح : ( متكلم فالهاتف ) الو ! بيبي ، آي ميسيو
_من العدد الكثير لصديقات لي مرو فحياتو ، هي الوحيدة لي رجع معاها و جمعاتهم علاقة حب ، بعد ما كمل العام لول فأمريكا و بدا يتأقلم و يعيش حياة المقاتل من الصباح للمساء ، بدا يحس بالوحدة ، ولو العائلة تتمشي و تجي عندو و أولهم كارين و ريان و الباقي لكن مرجوعهم لفرنسا ،الى ان فاحد الايام تلقى رسالة منها عبر الفيسبوك تتخبرو بطلاقها وانها طول هاد المدة مافارقش تفكيرها و كأي رجل تيشعر بالوحدة هضرة تاخد هضرة و حوار يآدي لحوار الى ان ربطو علاقة من جديد و نتقلت للعيش معاه ..
صابرينا : ( معنقة كرشها بإحباط بنظرات حزينة ) نسى عيد ميلاد ديالي …( تتأكد بعيونها ) وااانسااااه
صديقتها : ( هزت حواجبها باسف ) شحال و نتوما عايشين دبا ؟
صابرينة : عام !! تنبغييييه ، تنتسطى على أبسط امورو ، ماتنسهرش لانه ممنوع عليه سهير ، ماتنشربش بزاف قدامو ، ( قربت عندها تتهمس ) حتى النعاس معاه عندنا بالوقت
ص : ( تتلمس يديها بتهدئة ) تهدني ! ياك ماعندوش غيرك ؟ ماتيخونكش ؟ ماتيسهرش بلا بيك ؟ اوا صبري ، نتي عارفة الرياضة واخدة كل وقتو
صابرينة : ( بحسرة ) كنت عشت معاه هادي قبل تلت سنين فواحد الصيف ، اجمل فترة فحياتي ،عمر شي راجل حسسني فالفراش بحالو ولا باسني بحالو ( فتحت فمها بحب ) وااو مانقدرش نوصف ليك كفاش تيتعامل معاك ..
ص : ( شربت كاسها ) صافي فاريها معاه ، كوليه ماتنشبعش منك ، يهضر مع لكوتش ديالو ولا يدير شي حركة ماتحرميش راسك !
صابرينة : ( غمضت عيونها بمعنى الرفض ) ماااشي مشكل نعاس ، مشكل تنحس بلي سيدح ممقربش مني ،مافاتحش ليا قلبو ، تنحس شي حاجة تتبعدو عليا ، عيت نفهم منو و نطرح عليه اسئلة ، مي تيقولي والو …والو
ص : يكون توحش اولادو ؟ مزال تتربطو علاقة مع شي وحدة فأمهات لولاد ؟ ولا ديك ختو لي كانو ماتيتفارقوش ؟
صابرينة : امهات اولادو تيتكلم معاهم عادي ! ميلا تزوجت صاحب خوه و عندهم بنية و ديك اختو عايشين معاها ، واصلا ديك اختو ( روزا ) ماتتجاوبوش فمرة ، و ام ريان راها فبلجيكا عندها حياتها ! مي متأكدة أن سيدح مخبي علي شي حاجة !
ص : حياتو بحال الكتاب مفتوح قدامك ، تتعرفي اولادو و عائلتو و عايشة معاه و مزال تتشكي ؟(بتحذير) الا بقيتي على هاد شكل راه ديري مشاكل بينكم و ماشي بعيد يبعد عليييك !!
صابرينة : طلقت من راجلي و سمحت فعائلتي و بلادي باش نعيش معاه باش هو يسمح فيا ؟ مانقدرش نتخيلها ، انا غير تنعاود ليك لي فقلبي و مطير عليا النعاس ،حاليا مانقدرش حتى لمح ليه ، اول ماتش ف UFC قرب عندو مانقدرش نشوش عليه
ص : اي فوالا ! شجعيه و عيشو احسن ايامكم و خوي راسك من لوسواس !! ( شافت جهة النافذة لمحت سيارتو ) هاهو جا
_بمجرد سمعت حضورو قلبها بدا يضرب ! وجها احمر خجلا ، تترمش بكثرة وهيا تتهز صاكها و تتشير لصديقتها باي باي و خطواتها سراع للخارج ،ملهوفة للقائو و ترمى فحضنو ،مثل العادة وهيا تتفتح باب سيارة قبلاتو فمو بقوة
صابرينة : كي دوزتي الحصة عند طبيب؟؟
سيدح : ( قلب شفايفو بملل ) صااافااا
_دور وجهو تيسوط و تحركت بيهم السيارة لمكان اقامتو ، فيلا صغيرة على الشاطئ ، طريق كلها و هيا مخشية فحضنو تتلعب باصابعها فلحيتو حتى وصلو و تلاح جالس فالفوطي شاد التلفون تقارن الوقت بين فرنسا و لوس انجلس ، دائما ماتيتصل بميلا لرؤية جونيور او بماريا او بشرى لرؤية ريان لازمو يحسب الوقت لان الفارق هو تسع ساعات ..
صابرينة : ( حطات امامو كاس الما ) بيبي شنو تبغي للعشا ؟
سيدح : ( عيونو فالتلفون ) راه حطيت لك ورقة ريجيم لي نبدا من ليلة
صابرينة : اوك ! ( قربت عندو باستو فمو هو تيحاول يبعدها على التلفون ) بيييبي
سيدح : ( بغضب عقد حواجبو مقفزها ) وااش ؟ عورة ماتشوفيش فيدي تلفون ؟
صابرينة : ( تزيرت تقطعت النفس ) غير توحشتك ! وبغيييت
سيدح : ( هز يديه بسخط ) خليني عليك طرونكيل !
_انسحبت تتشد فدموعها ، ولو تقول مانهضرش،، مانضغظش ، تتلقى راسها تدير عكس كلامها ،طلعت بيتها خلاتو لتحت وحدو مع التلفون ….مرو ساعات و ساعات حتى غفت عيونها و ضرباتها الفيقة مع نصف ليل ونزلت لتحت على اطراف اصابعها تتسمع صوتو القوي تيجادل فتلفون و بدات تنزل درجة بدرجة تتحاول تسمع الحوار
سيدح : ماااايمكنش هاااد البنت بلعاتها الأرض ؟ كل مرة نسول عليها تكولو ليا ماعرفناش ؟
بشرى : وي ماعارفينش ! اون بليس كلامك مع قادر
سيدح : نتي تعرفي بلي قادر سد عليا هاد الموضوع ! انا ماطالب والو ، طالب نعرف آية فين عاايشة ومعااامن ؟
_فتحت عيونها على آخرهم ، قلبها تتحس بيه يسكت بقوة الضربات ! حطت يديها على فمها قاطعة النفس و الذكرى لي زرعت فيها الشك هي لي زارتها مرة اخرى
🔙🔙🔙🔙
سيدح : انننن ااااية ااييييية …
_مدت يديها تتحاول تفيقو لكن واضح انه غارق فآحلامو لي خلاتو يعرق
صابرينة : سييدح ماالك سييدح
🔚🔚🔚
بصدمة جلست فدرجة تتحاول تستوعب هاد الإسم ! آية آية ! اذا لي تينادي عليها فاحلامو مرارا و تكرارا هي اسم بنت من صيغة الحوار باين تيتكلم عليها ..فلحظة سمعت باب الجردة تفتح وشدت راسها بخيبة امل انه خارج مكمل كلامو برا
سيدح : علاش ماتعاونينيش ابشرى ؟
بشرى : ( تتهز راسها للسما تتحاول تسايرو ) آولدي ! آحبيبي ! ااا سيدح ، ياك أ ولدي بديتي حياة جديدة ، ياك مابقى ليك والو للماتش لي تلعب ؟ ياك معاشر مع صابرينة وقلتي مفاهم معاها !!! علاش أ ولدي تتنبش فالماضي لي ممنوع علينا حتى نتكلمو عليه فتلفون ! وااش فاهم فين كنتي مدخل راسك ؟
سيدح : ( بعصبية تيدوز يدو على شعرو و عروق يديه تطراساو ) عااارف ! وفهمت ، مي ماما باغي نعرفها فين كاينة سيتوو !! انتي عارفاني مغرب و بعيد و الوقت لي عندي يلاه تناكل فيه و نعس فيه ، غير الوقت باش نهضر معاكم عندي محسوب ، عفااك هضري ليا مع تيو قادر ، آمبوووسيبل مايكونش عارفها فين كاينة ، سيلتوبلي ماما راني ماهانيش
بشرى : آولدي ! البنت شداتها الدولة ، تواحد ماعرف فين مشات ،اهم حاجة راها تنقذت و على خير ،شوف غير انت حياااتك
سيدح : ( بصوت عالي ) شمن حيااااة !؟ عااامين و الصرف وانا صابر و تتقولو لي ليا اليوم غدا نسولو ! هاد شهر ! عااد العام !(بعصبية) بااااغي نعرف
بشرى : ( تتزير على فمها بقوة ) صمت
سيدح : ( قرب التلفون لفمو ) ميغسي مااامااا ! قيدي عندك نهار لي حتاجيتك فحياتي ردتيها فوجهي ابشرى ، مي مابقى والو و ندخل فرنسا و نقلب عليها بيدي
_اقطع الخط و العصبية راكباه ، تيمشي و يجي فمكانو و لبيل ديالو فزك من فرط العصبية و تيزير على التلفون و تيحاول ينظم تنفسو لكن المشهد الوحيد لي مطير عليه النعاس هو صوتها فأذنو و توسلها و بكائها لي تيهرسوه من الداخل للآن صورتها بين عينيه
🔙
سيدح : ( تيسوط ) انا شوية و ارجع لهنا
آية : ( لوات عليها لاكويط ناضت على ركابيها تتمشى عندو فالسرير ) نمشي معاك
سيدح : ( تيسد لاجاكيط ) جاااغيييف آية ! دبااا راااجع
آية : ( بخوف ودموع ) نمشي معاااك عفااااك ! نموت بالخوف هنا
سيدح قرب للنافذة تيشوف فالخارج و يفحص الوضع خارج من البيت مخليها تتنادي عليه وتابعاه تاتعكلت طاحت
سيدح : (بغضب ) ااااه بيتااااان دوو ميغد ( رجع هازها بين ذراعو دخلها لبيت حطها فالسرير ) اااية سيلتوبلي
آية : ( بترجي و توسل تتعنقو و تقبلو بخوف) نمشي معااااك ! فين مااامشيتي ديني معاااااك
سيدح : ( تنهد بشفقة ) ششش !! سي بون هانا معاك ( قبلها ففمها بقوة ) نوضي لبسي حوايجك
آية تتحرك راسها بسرعة و ناضت تتبحث على ملابسها الداخلية لي مرمية فالارض مع كل حركة تتدور تشوف فيه راه جنب النافذة اللحظة لي قررت دخل لحمام تبول ، فتحت الباب و رجعت سداتو يلاه تتفتح سروالها و هيا تسمع قفل الباب من الخارج تضرب ناضت طافجة تتضرب فالباب و تناديه
آية : سييييدح اوووفغ لابووووخط ! سيددددح ماتخلينيش
سيدح : ( ضرب فالباب بسخط ) حتى انا خاطري مامهنينيش ! الوغ هنا أءمن ليك
🔚🔚
سيدح : ( بكسرة خاطر ) آسمحيلي آية سميحلي
_رمى التلفون فرولاكس و بخطواتو تمشى خارج من الباب قاصد البحر فمنتصف الليل ! آهات تتخرج من جوفو حارة و نظرة حزينة ، اي بنت شافها تتشبه لها قلبو تيقفز ، رجع يعجبو الشعر الاسود بسبب شعرها و يبغي البنت لخجولة بسبب خجلها ، رجع يشوفها بين الناس و فأحلامو ،لكن تيجهل بضبظ نوع هاد الشعور ! هل هو تأنيب ضمير ام آشتياق ام حب؟؟
سيدح : ماعنديش حل ! نكمل كومبا رجع لفرنسااا ، الا زدت عام اخر انحماااق ( خطرت على بالو و نطق اسمها ) بيتان صابرينا !!
_جلس تياخد نفس و يحاول يهدأ نفسو ! والافكار تتديه تارة عند آية و تارة عند صابرينة و تارة لعند آولادو و تارة عند عائلتو، حتى ناض راجع للفيلا و منزل راسو و لهزة لي هز راسو لقاها فالباب واقفة منتظراه غير شافتو جات تتجري عندو
صابرينة : فين مشيتي !؟
سيدح : ( حضنها ) والووو ! ( شدها من يديها داخلين ) خلينا نعسو تعطل الحال
_عرفت انه على آخرو ، فضلت تسكت و تنعس جنبو فسريرهم و تنام فحضنو رغم انها عارفاه عقلو ماشي معاها و احساسو ماشي معاها لكن فضلت تمشي معاه لاخر المطاف
صابرينة : جوطييم سيدح
سيدح : ( قبل راسها بحزن) بونوي بيبي .
_من المدينة الساحرة ! مارسيليا ، شمس دافئة و بحر بامواجه الزرقاء و رماله الذهبية لوحة فنية من طبيعة تتصبح عليها بشرى مع كل شروق من قصرها ! قصر “قادر بن شقرون” ، القصر لي كان واعد نفسو انه يبنيه و يجمع العائلة كلها ،من السنة لي عطى اوامرو انه يتبنى وجد بعد سنة و اشهر هادي يحتوى على ثماني غرف على شكل سويت و ستة غرف للضيوف و عدة حمامات و غرفة للسينما و ساحة للعب الأطفال وعدة مرافق ، وشرف عليه شخصيا من كل خطواتو حتى من افراد العائلة كلها وجد ليه سويت ديالو و ازداد عدد الخدم و رحل ليه هو و بشرى و ريان و بخثة و كارين و ماريا لي مرة معاهم مرة فبرطمتها …
ريان : ماامي مااامي
بشرى : ( حطت التلفون ) حبييي فقتي ؟
ريان : إي إي …إي او ماريا
بشرى : ( بتسمت للمربية ) ماريا فالخدمة ! ( قبلاتو ) شكون توحشتي ؟
ريان : ( تيحسب بآصابعو ) بابي قادر ! و و و papaسيدح …إي إي جونيوغ فخيغوو و و و لي لي و روزا و طون طون تيتوو و ماما ميسا و تي تي ماسوغ و طاطا ميلا ( تيجمع بيديه ) تووووس
بشرى : اكثرو عليك لخوت آحبيبي
_شداتو من يديه نازلين لتحت فين تيجلسو ، نازل معاها درجة بدرجة ، كبر امام عيونهم فهو حبيب الكل و عزيز لكل وكل ما كبر اصبح اكثر شبه بسيدح و نفس التصرفات فصغرو ، مفضي و شديد الكسل
مربية : مدام بشرى وصل وقت شيفور يديه ليكول
بشرى : ( نزلت تتبوسو ) قرا مزيااان مون كوغ
ريان : تنمشي نشوف غير البنات ، بزاف عليا نقرا كل نهار الحروف بيهم بزاف!!
بشرى : ( تتمشط ليه شعرو ) تسمعك طاطا ماريا ماتبغيش ! اطونسيون!!
ريان : ( حط يدو على فمو ) نو نو ماريا نووو نووو
_ودعاتو و جلست مغمضة عيونها ، دائما منين تتبدا نهارها بمكالمة سيدح تتعرف شقيقة تشدها ، تتعيش حياة البدخ و الغنى، قصر بمعنى الكلمة ،خدم و حشم ،بمجرد تمنى او تطلب كولشي تيحضر عندها و عندها اكبر سند هو زوجها “قادر” لكن الاولاد مهرسين ظهرها ، ها تيتو و انتظارها ليه و ماريا لي الوحدة ركبت فيها ها سيدح لي موراه غير المشاكل
بخثة : بونجوووغ ! وين ريان ؟
بشرى : ليكول ! كي صبحتي ؟
بخثة : ( بنظارات طبية ) حمد الله ، يخطيونا غير لخبار لكحلة ( تتخوي كاسها ديال لقهوة و تشمها ) الله على كاافي
بشرى : على الاخبار راني صبحت
بخثة : ( بنظرة تساؤول ) واش ؟ خبار الخير ؟
بشرى : ( بتنهيدة ) سيدح
بخثة : ( حركت راسها بلاحول ) على بالك اختي بشرى ! راه حنا نعيشو و الحمد الله آربي احسن ايامنا ، وي ! ناقصنا نتجمعو ، مي كما كان الحال راه دروك خير !!!(بنبرة تساؤل)كنت نحلم بنتي تخدم و تكمل قرايتها و تعيش كي العباد لا سرقة لا بوليس لا سهرات لا كيرا لا والو ؟ نحمدك آربي و نشكرو
بشرى : متافقة معاك ! ارتاحينا وزدنا عشنا بعاد على لكاختيي و مابقينا نسمعو لا قتل لا مات ، ولكن راه سيدح مزال ينبش فالماضي ؟
بخثة : ( حبست عن الحركة ) وين كارين ؟
بشرى : خرجت صباح مع ماريا توصلها فطريقها لخدمتها
بخثة : نقولك حاجة ؟ ( بشرى ومات براسها ) قو لي ليه لافيغيتي
بشرى : ( قلبها تزير ) برا و الباس عليااا ! مايسمعهاش مني، حياتي كلها هاربة منهم نجي رمي لهم ولدي
بخثة : راه يجي نهار و يعرف
بشرى : راه قلت لك جميع لكوارث تجي من سيدح ! شوووفي سنين و سنين وانا هاربة و نسيت هاد الموضوع حتى جا سيدح و جبد ليا باب عمرني كنت نفتحو !
بخثة : ( ربعت يديها بآسف ) لاحول ولا قوة هدا مانقول ، نزيدك اولادنا صعاب راه مايهموش ولو تقولي ليه سد داك الباب راه فيها غير صداع ، هما غير السخط و الرضى يقولك هضرة لعرب
بشرى : حمد الله المسخوط هو لي تيسخط ! وانا مرضية ، ولكن ديك البنت الله يبعدها لاعليا لاعلى ولدي ! عشرين عام وصرف وحياتي كلها هاربة من ديك التريكة و فالأخر جايبها ليا ولدي لداري
بخثة : هداك واسمو المكتاب !
بشرى : المكتاب عرفني غير انا ؟ يطلع لياا لبنت لي تزوج بيها ولدي ولي كان يموت هو وياها !! هيااا نفسهااا بنت بنت عمووو !! الله يخليها تريكة
بخثة : هيا بروحها ضحية
بشرى : انا و سيدح اكبر ضحية ! نهار هربت من دوك الناس حلفت بعمر ولادي لا شفت جهتهم ولا نعرفهم ، مادااازش عليا قليل ، كنت نموت فيها و سيدح كان فكرشي و ماريا فضهري و تيتو تيطيح و ينوض معايا فشتا و الغيص و الليل ( شدت عيونها بدموع ) اااااه اربي ! نوض نرجع تريكة الطمع بين اولادي ؟ نهار قالي قادر راه امها هيا بنت لوسي لكبير خو علال سيمانااا ماشفت النعاس
بخثة : الدنيا صغيرة ! من ماغساااي للنانط تعارفو وكانو يطيحو فكارثة فلونكيط صدقت امها هيا بنت عم سيدح ، انا بروحي تعجبت ..هد دراري مالاحظو تشابه سميات ؟؟
بشرى : نهار دخلها لداري راه قالك ماشي عربية ! و نهار قالي قادر كان يهربها جابها لا وراق لاجوج ، و البنت هازة الاسم ديال باها ،حتى لونكيط عاد تعرفت الكنية ديال مها نفسها ديال اولادي و قادر شك و منين بحث فعلا طلعت من التريكة الناقصة ..
بخثة : ريحي روحك ! يدير الله خير ..
بشرى : طول عمري تنسامح و تنتنازل ، لكن فهادي مانسمحش ، ولدي نشدو عليها و هما بيناتهم ، ماحاملاااش نسمع حس ديك التريكة ..
_بعد مرور اسبوعين ….من العاصمة الإسماعيلية مكناس ! نهيلة كما العادة عاقدة راسها بزيف حياتي و فاتحة جوج باليزات و لحوايج محطوطين حداها وامها تتلوي لها فالميكات شوية القنارية منقية و الفول و عذرا واقفة بوجه حزين تتبادل هي و اختها النظرات…
الام : ندير لك جلبانة ؟
نهيلة : مااابغيتش آمي ! ماااابغيتش واش نزيد نتقل عليا الميزان على قلتها ففرنسا؟؟
الام : اوا حاجة البلاد زينة
نهيلة : زارعها فجنان ابا ؟ ( تنهدت مطولة ) عذرا نزلي جيبي ليا الميزان من مول الحانوت آختي ، ضروري خاصني نعبر هادشي مافيا لي يتصدم فالمطار
_نزلت بيجامتها للدرب عند مول الحانوت طلبو ليه الميزان و تمت طالعة ..هدا حال ناس الغربة شبه نهيلة ، نص العطلة تتمشي مع التقضية و نص لاخر مع عبير الباكاج ، عبرت مسائلها و جلسو مع امهم لانها الليلة الاخيرة معاهم ، لكن شكون خلاك؟؟
الام : ابنيتي الله يرضي عليك ، هانتي ترجعي لاوروبا و شوفي لخوك شي كونطرا ولا فيزا !!
نهيلة : ( قلبت فعيونها ) آمي !! ااااامي راه اوروبا تتبغي بنادم القافز و القاري و لي عندو كتاف لخدمة ،ولدك ماطفر حتى فالمغرب بقات ليه غير فرنسا !
الام : الالة غير ضبري ليه ! مالك آش خاسرة ، يوصل تما هما يخدموه و يسكنوه و يوكلوه!!
عذرا : ( غير تتشوف ساكتة ) صمت
نهيلة : ( تتهز بضحكة الفقصة ) ياك آمي ؟ مالهم ماسكنوني انا ؟ و يوكلوني ؟ اربي اربي ، الله يقطع هاد اوروبا
الام : يرضي على بنيتي ! شوفي ليه باش ماكان ، يدرك كمارتو ،راه عيت نجري عليه و نقطعها فيه ولكن لي فيه فيه !
نهيلة : الكونطرات ماشي فابور ! و الفيزات تيعطيوها لصحاب المناصب ، ويلا نضبر نضبر !! نضبر على لي باغي يخدم و يردم و يجي منو نتيجة
_الام سكتت ! وداك العشا داز متوتر ، نهيلة اي نزلة عندها للمغرب تترجع عندها بنذامة ، تتنزل معاها الملايين ماتتعرفها فين مشات ، ماتتسافر بحال الناس ما عندها عائلة ترحب بيها ..دخلت لبيت هي و اختها بعدما نعست الام اما خوها غضبان منها حالف لا ودعها بسبب انها مادوراتش معاه
نهيلة : شتي خوك ؟ حلف ماجا يسلم عليا !
عذرا : ( عينيها فتلفون ) صافي خليه ! عطيه يومين يصوني عليك و يسعى ليك ثاني !
نهيلة : انا اختي عييييت ! هاد المغرب نضرب عليه ، الناس مشات لتركيا و اسبانيا و البرتغال و اليونان وانا غير نجمع جوج اورو نقصد المغرب ! اش تربح ؟ هدا ينقص منك ،هدا طامع فيك، كلها منين تيجر كلها منين تينتف
عذرا : مالقيت لك جهد آختي !
نهيلة : عارفة اختي قلبك عليا ! لي شادني هنا هو نتي ، اما تامك راها تتعرف غير لفلوس
عذرا : اوا راه خاصك ترجعي باش ضربي العقد بسند
نهيلة : خاص دوز لقليلة تلت شهور على طلاقكم ، وفاش نبغي نزل غنزل حسي مسي لفاس ولا طنجة ولا اي مدينة نعقدو و ناخد معايا لوراق
عذرا : صافي اختي ! بعد غدا ندوزو لمحكمة ، لقى واحد سيد يدخلنا بلا نوبة بلا والو ،منين تجي تعقدي بيه يعطيك لافونس
نهيلة : صافي تفقنا ! ماعرفتيش كفاش بدل رأيو ؟
عذرا : ماسولتوش ! غير هو طلع لفاس مع شي صاحبو وقيلا سولو على هاد لافير و قتنع وقيلا
نهيلة : مهم انا نعرف لافونس ديالي ! ولي عليا ندير المستحيل نكمل ليه اوراقو وفنفس الوقت نضبر لك فكونطرا ولا فيزا مهم تبعيه فاقرب وقت
عذرا : ( بفرحة ) اححح اختي مصاااب و الله ، ارتاااح اختي مع راجلي
_كان هدا هو الإتفاق ! صبح الصباح و نيهلة صبحت فالمطار شدت طيارتها لفرنسا و عذرا رجعت لدارها وحيدة حزينة بفراق اختها الى ان حل يوم لي يمشيو هي وسند للمحكمة
سند : ( عبر الهاتف ) وي ! راني فباب المحكمة ، منين ندخل ؟
السيد : باب واحد لي تما دخل منو ، يسولك تما لي واقف شنو عندك ؟ كوليه عندي الجلسة لولى لطلاق ،مع الدخلة تلقاني فالإيطاج لول تنتسناك
سند : ( هز الملف ) صافي هانا داخل
السيد : معااك السيدة ؟
سند : وي معايا
_اقطع الخط و دخل هو وياها كما وصاه السيد حتى وصل ليطاج لول و لقى السيد فانتظارو سلم عليه
السيد : ( فتح الملف تيقراه ) طلاق اتفاقي ؟
سند : وي
السيد : ( شاف فعذرا ) متنازلة على كولشي ؟
عذرا : اه ! درت تنازل على جميع حقوقي
السيد : دخلو دبا عند القاضية ! تبثو راسكم ورصيو كلام واحد ..
🔙🔙
قبل باسبوع من مدينة فاس من داخل مقهى ،كانت جلسة بين سند و صديقو رضوان و الشخص لي عندو محل لاخد مواعيد بقرب القنصلية بفاس و معرفة اخ رضوان مسمى بعصام
رضوان : ( ضرب على كتف سند )هاا صاحبي لي دويت لك عليه ! جينا قاصدينك اصديقي فشي نصيحة انت تتخدم فهاد المجال
عصام : مرحبا بخويا سند ! ( بابتسامة و بشاشة ) شوف والله الا قبل مانشوفك الا زعما راه ربي شاهد ، قلت لخو رضوان يطلع عندي باش ماكان نعاون خويا
سند : ( حط يديه على صدرو بتحية ) الله ينورك آخويا عصام ! الله يحفظك الحبيب
رضوان : ( هز يديه تيدورها ) هو مكناسي وانت فاسي من هنا مانتفاكو من صواب هه ندوزو لمهم ! خويا عصام اش تتقول فهاد الواقعة ؟
عصام : ( بضحكة ) كل الخير ! نبداو دقة دقة ! دبا كونطرا مابقاتش ؟
سند : والو اخاي ديالي ، شافتك شوافة ،لافلوس لا كونطرا
عصام : ودبا اخت لمدام قالت لك نديرو مارياج بلون ؟
سند : هو هداك ! وطلبت ليا تمنية مليون ،لافونس فاش نعقدو و الكمالة فاش نطبع فيزا
عصام : ( هز يديه تيحك لحيتو ) وهيا درتيها زوينة طلعتي سولتي ! مهم نهضر معاك من ناحية القانون و عاااد ندوزو لحديث المغاربة
سند : مرحبا !
عصام : زواج الابيض رجع تيدوز بنسبة عشرة فالمية اخاي سند ، بتعرابيت فرنسا شبعت بشر و شبعت عرب ، اولا هيا واش عندها الجنسية الفرنسية ؟
سند : ( بتفكير ) لا ! كانت مزوجة كاوري وطلقت منو و خدامة
عصام : اوا المعلم باش دخلك خاصها مسطرة !
سند: ياك تزوج من هنا ودخلك من لهيه ؟
عصام : اوا راه نص لمغاربة تيظنو زواج الخاريج ساهل ! فاش تاتجي تطلع فيزا وتما تيبقى لها غير دعاء الغريب ماداروهش ( ضرب فالطبلة ) سي سند ، نشرح لك بابسط الطرق ! فرنسا ، حنا تنهضرو على فرنسا خاصة ،لان كل دولة اوروبية وقانونها باش طلعك مراتك ولا باش الراجل يطلع مراتو
سند : وي عارف التجمع العائلي
عصام : هانت فهمتي ! عندك جوج حالات ،الناس لي عندهم الجنسية الفرنسية فاش تيبغي يتزوج ماتيطلبو ليه لا وراق الخدمة لا مكان السكنة !! ولكن ؟ زواجك تيدوز على القنصلية ، تتدوز لونكيط عندهم انت و الشريك و يطرحو عليك اسئلة و تتمشي واحد شهرين ولا اكثر حتى تيجاوبوك وداك الجواب تيتسمى “كفائة الزواج” فاش تتشدو تضرب عقد الزواج و تيترجم و يترسل لمصلحة الزواج ف فرنسا بعدها بشي شهور تيرسلو لك الحالة المدنية ، بمجرد تشدها تاتجي هنا القنصلية تطبع فيزتك وهانت ساليتي
سند : هدا بالنسبة للناس لي عندهم جنسية فرنسية ؟
عصام : وي ! و الناس لي عندهم فقط الإقامة او مايسمى بطاقة عشر سنين ، تقدر تزوج و دير العقد هو اول ، ولكن فاش تطلب تجمع عائلي وتكولهم باغي شريك !! تما فرنسا المعلم تتقول لك ، ارانا لنا لفيش دوباي ( اوراق عمل ) ديال طناش لشهر ، و ارانا سكنة فين تسكن هاد الشريك عاد دفع الملف و يتأكدو من المعلومات عاااد يجاوبوك واش موافقين ولا ولا عاااد يرسلو لك فيزا هنا وطبع وهنا اصحاب الإقامة تيعطلوهم حتى لعام
سند : ( تيسووط بخنق ) روينة هادي
عصام : وا شنو آحبيبي القوانين هي هادي ! راه تنعرف الناس بولادهم و مزال ماطلعو لوراق مالقاوش سكنة لي طالبة الدولة ولا ملقاش خدمة باش يدفع ضوسي ، عكس واحد عندو الجنسية ماتيطلبو ليه والو ولكن فلونكيط تيعصروك
سند : يعني هاد الزواج بلون مع هاد ختنا يطول ؟؟
عصام : دبا تخاف هاد ختنا تكون غير شوماج ماخداماش وتربطك هنا ، راه عمرها طلعك ، لاهاد بنات البلاد لي مزوجينهم ولاد الخاريج و سامحين فيهم !! علاش زعما ؟؟ راه لا جنسية لا خدمة
سند : ( هبط على كاس الما ) كاااينة اخويا
رضوان : قانون عرفناه ! ارانا هضرة المغاربة
عصام : ( هزز راسو بفهم ) تبغي نصيحة خوك ؟
سند : واش فنظرك ندير وذن ميكا ؟ اعطيني مانسمع
عصام : دبا انت قلتي ليا اسرارك ! واخو رضوان قالي راه طايح مع واحد تريكة كلها صداع و رضاة مك على طرف و غرقوك كريدي ؟
سند : كاينة ! انا هادشي ماعطاني الله ،مابغيتش نظلم ولا نخون العشرة
عصام : ماشي كاع الناس بحال نفسك اخاي ديالي ، ( اشار لراسو ) شتي انا بقوة هاد الخدمة وضوسيات لي دوزت و االناس لي،شفتهم الخاريج عراهم بربي الا كرهتو ،جات شي مشية معززة مكرمة مرحبا الا هاد نواعر بناقص
سند : اااودي ! راني فهمتك
عصام : هانت فهمتي قصدي ! الا تتفكر فالفكاك ، دهن سير يسير
رضوان : هانت سمعتي ! السيد لي يوقف لك فطلاق على حسابي من غدا يدخلك ماتعاود ترجع تايقولك دوز تهز طلاقك من الجلسة الأولى
سند : اللهم سهل ! نديرو طلاق إتفاقي ،نخليها تنازل ، حتى انا ضعت فربعة لمليون و لكريدي هكا خرجنا تعادل وهيا الله يسهل عليها
عصام : صافي ! ولكن تتوثق طلاقك عاد فك بفمك ، لا ترجع فكلامها
سند : لاتوصي ا لحبيب ! انت اخويا الغزال الله ينصرك فهمتيني بزاف
عصام : مرحبا اخاي ديالي ! شتي الا غير فرنسا !!! فيها بزاااف لقوانين وهادشي لي ذكرت لك غير ربع ولا غير لمحة من بداية الدخول للاراضي الفرنسية
🔚🔚🔚
القاضية : (بصرامة ) طلاق هو طلاق لا تراجع ؟
سند : حرارت العيشة أ سعادة القاضية
القاضية : وانتي ؟
عذرا : موافقة على الطلاق !
_نتهت الجلسة فجوج دقائق ! خرجو بجوج اسلم على السيد لي شد قهوتو من البارح وصلها للدار و رجع للدار عند زهور الطريق كلها تيحس بواحد الراحة عجيبة من زمان ما زارتو ، فتح الباب طلع فدروج دخل لبيتو و اغطس فنوم عميق
يمكن النوم ككون عادي بعد يوم متعب كندوزه لكن نومة سند كانت عبارة عن استراحة محارب شاب حاول يدير شي حاجة فبلادو حاول يكون راجل مع لبنت لي واعد لكن الوقت مبغاتش و حتى فاش نوى يبدل العتبة كيف كنقولو لا زهر تسكد لا ناس صدقوا و كيف غرق فلول بين ناس ماشي من سهمو.. زاد غرق فمصير ماشي ديالوا راحتوا لي لقى بعد سنتين او اكتر من الحيرة و التردد متشراش بمال و رضاة ميمتوا لي كانت فطرف بجهد ليام ترجع !!!لمهم الهم تلاح و نزاح
_بعض الاشخاص ولو بمرور السنين لا جديد يذكر لهم ولا تغير ، تمشي و تمشي و تسول على فلان تتجبر الجواب على حاله ..من داخل مقر للمساعدات للاجتماعية للدولة ، هدوء فقط رنات الهاتف تتسمع فالأرجاء و اصوات الباب تتغلق ، موظفين و مسؤولين مختارين بعناية و اول ماتيلفت انتبهاك هو هدوؤهم ، بالمرور بعدة مكاتب ،كانت تتواجد بإحدى المكاتب مترأسة اجتماع مع عدة اشخاص ، ازدادت طول شيئاما و شعرها الاسود كدالك منسدل على ظهرها ، بشرة نقية بيضاء و عيون سوداء لابسة ليهم نظارات طبية و شفايف عليهم لون حمرة هادئ تتكلم بهدوء و تتحرك قلم بين أصابعها
ماريا : مدة شهر هادي و الحالات لي توصلنا بيهم كلهم عنف ( قلبت شفايفها ) ااااه ففف ! بون بسبب خروج المسؤول في عطلة غنظطرو نخدمو على حالات الغش في المساعدات
*** : وي ! لكن هاد الحالات خاصنا نتقلو ليهم
ماريا : ( تاتشوف فالمسؤولين ) نفرقو الحالات بيناتنا و رجعو ناخدو الحالات الجاية بالموعد
**** : الا كانت شي حالة مستعجلة ؟
ماريا : القانون تيقول فغياب المساعدة الشرطة تتحمل المسؤولية ، تنفضل نخدم ملف لنهاية ولا نخدم عدة ملفات بدون نهاية ( فتحت الملف ) هدا الحالة متهمة بالغش انها تتاخد من الدولة فلوس شوماج و هو عايش فالمغرب
*** : ( بتعجب ) غريب هادشي ! ( شد الملف تيقراه )
ماريا : ( فتحت الملف التاني ) هدي حالة غش ثانية ، السيدة تتدعي الحمل و بمجرد ماتتحصل على بريم الولادة تترجع تديكلاري انها تعرضت للإجهاض
*** : اولاا لااا ! المواطن خسر مبادؤو على قبل الاورو ( حقق فالجنسية ) افريقية ؟
ماريا : ( بنظرة حادة و بجدية) القانون ماتيحددش لجنسيات على ما اظن ؟
_ماجاوبهاش ! الكل وافق على اوامرها و كلها مشى لمكتبو ، فالمقر معروفة بمصداقيتها و تفانيها في العمل مدة سنتين و لا مرة وصل عليها بلاغ او شكوة انها قصرت فشي حالة ، بلعكس مطلوبة فعملها و حصلت على تنويه من طرف المسؤولين الكبار …دخلت مكتبها وعصرت قهوتها بالآلة لي عندها و جلست مع راسها فهدنة على ماتستقبل اول حالة ليها فاليوم …على ما مر بعض دقائق تسمع دقات فالباب و عطات إذن للدخول حتى دخلت مسؤولة فرنسية مع بنت صغيرة السن و بعد التحية حطت ملفها فوق المكتب فتحاتو ماريا تتقراه ومرة مرة تشوف فالبنت لي متوترة و دموع على طرف عينيها وبدات ماريا حوارها معاها لكن بدون تواصل
ماريا : ( بداريجة ) تتهضري العربية ؟ تتهضري مغاربية ؟
البنت : ( تتبكي و تمسح دموعها ) اوهو العربية لا
ماريا تنهدت حطت اصابعها على فمها تتشوف فالبنت بشفقة ، هزت التلفون تتصل بمترجم مغربي و تتسألو عن صعوبة الحوار برغم ان البنت مغربية و هو ينبها على حاجة كانت نساتها
المترجم : غالبا تكون تتهضر باللهجة الامازيغية اما شلوح ولا ريافة
ماريا : غادي نحطك على مكبر صوت
_شكهم طلع فمحلو ! البنت طلعت من شلوح الأطلس ، تتهضر الشلحة لاعربية لا والو ….المكالمة كانت تتسجل هدا قانون الدولة و بدات البنت تتكلم و تبكي
البنت : انا عمتي خت بابا ،جات واحد العام لعدنا لبلاد و طلبت من بابا تديني لفرنسا معاها نقرا و تهلا فيا ،والديا بغاو ، طلعت ليا اوراق و جيت معاها هادي عام لفرنسا ولكن تتضربني و تتخليني بجوع و تتسد عليا فدار و تتعطيني الشغل بزاف ،ماخلاتنيش نهضر مع والديا و تتقولي الا بديت نبكي و نفكر نهرب يشدوني يقتلوني فالزنقة
_هيا تتعاود و المترجم تيسمع و يترجم لماريا لي قلبها ضرها على بنت فسن صغير ، مكانها المدرسة و البنت تتكلم وهيا تتفحص الملف لي فيه فحوصات طبية عن العنف و سوء التغذية
ماريا : ( تتبتسم لها ووتتكلم مع المترجم ) قولها انها ماتبكيش و غادي نوقف معاها تاخد حقها
_كان المترجم تيخبر البنت بكلام ماريا و نفجرت بالبكاء و تترعد كلها و فمها غير بغيت بابا بغيت بابا ..
_هدا عملها هادي مسؤوليتها لي خدات على عاتقها نهار جلست على كرسيها ، الشفافية و العمل ضمن القانون و توقف مع الضحية ، خدمتها واخدة كل وقتها و الربح لي تتاخدو منها انها تتحس بنفسها تتغير شيئا ما فحياة الناس للخير و بهدا حاربت وحدتها و لقات نفسها فعملها بكل جوارحها …مع وقت الخروج من العمل ركبت سيارتها مستعدة للإنطلاق و هو يرن هاتفها بمجرد شافت الرقم بتسمت
ماريا : الووو
ريان : طاطا داموغ ، مامي دايرة كسكس
ماريا : ( بعيون لامعة ) اوووه ! هانا جاية ، درتي لي دوفواغ ديالك
ريان : ( تيدور فعينيه ) كارين تتغوت ماخلاتنيش ركز
ماريا : امممم ! اوك طاطا ..
_من داخل قصر “قادر شقرون” ، مجموعين على كصعة ديال لكسكس و ماشي بالضرورة يكون يوم جمعة إنما على حساب الوقت لي ممكن يتجمعوا فيه. ..مجمعين الثلاثي المعهود بشرى و بخثة و كارين وسطهم ريان لي غادي جاي منتظر ماريا غير آبه بحوارهم لي كبر عليه عمرو فهمو ولا هتم بيه
كارين : انا قلت ليك غير فكرت ! فكرت !!
بخثة : (بضحكة استهزاء)انا افكر ، ادا انا موجود ، كارين راه تتخربقي وصافي
كارين : ( هزت كتافها ) هو لي تيرسل ليا مساجات ولي كاضو فخدمتي
بشرى : ( شدتها الضحكة ) فخبار سيدح هادشي؟
كارين : ( تلونت ) انا ماغاديش نتزوج ولكن نجرب ندخل فعلاقة حب ، ولدي مون شيغي مايكولش ليا لا
بخثة : ( تدور فراسها ) اخلياااه ، دخل فعلاقة حب مع واحد عربي ولااا دزايري من لفوق ههه روحي قولي ليه راه هاد لقصر ماشي ديالي و عندي اباخطمون و فلوس لاكاف برك وشوفي واش يبقى يدور بيك ؟؟!
بشرى : وي ! منين الرجال مزال تفكري فيهم خودي من دينك و ديالك ، آش داك لعرب ؟
بخثة تلفونها تيرن فالواتساب كاميرا برقم روزا و فنفس الوقت وصلت ماريا و مع صراخ ريان وصراخ جونيور من التلفون كانو كأنهم مجموعين ، كلهم تحدثو مع بعض و جماعتهم رجعت احسن من السنين لي مرت ،بخثة رجعت مع روزا نعم الرفقة و اولاد سيدح رابطين علاقة بينهم
روزا : ( تتعرض امام الكاميرا فستان من ماركة عالمية) ماريا شوفي شنو ختاريت ليك !
ماريا : ( باعجاب ) وااو مانيفيك ، سي شانيل ؟
روزا : ( تتقادو تتأكد براسها ) وي ! لاطاي ديالك
كارين : خودي ليا لوميم
روزا : ماكاينش فلاطاي ديالك و ماشي ستيل ديالك
بخثة : خودي لها غوب بلونش راها حابة تزوج و عربي من لفوق
روزا : زواج زواج ؟! ولا باغي تريكل ليه لوراق
بشرى : (بضحكة)بوراقو ! هدا باغي فين يعيش وياكل
ريان : ( تترفع صوتو ) جونيور papa عيط ليا انا صباااح
جونيور : ( بنظرة عدم تصديق ) عندو كومبا ماتيهزش تلفون papa
روزا : ( تتهضر مع جونيور ) هضرتي انت معاه ؟
لي لي : ( تتعلق فيها و ضحك مع بخثة ) طاا طاااا
جونيور : طون طون مامادو كالها ليا
بشرى : ( تتنهد ) وي مامي عندو كومبا
ريان : ( بنظرة سؤال ) ويربح ؟
روزا : ( بتهكم ) غيولي بطل( صدعوها دراري ) ااااياي ! نقولكم باي ، راسي ضرني ،وهاد لي كاضو ارسلهم ليكم قريب!!
بخثة : ان شاء الله ابنتي ! تهلاي فروحك و سلمي على ميلا و مامادو
روزا : ( تاتشير ليهم ) باي !! بيزووو ووو
_حطو الكسكس و تجمعو عليه ، ولكن جماعتهم ماشي مغربية قحة ، كلهم تياكلو بالمعالق و المرق وحدها و تيهزو من الكصعة يحطو فطباسلهم و مع الحديث و ماكلتهم تقيلة ماكملو حتى المساء و الخدم مكلفين بيهم ، مايهزو مايحطو
ريان : ( هاز ملايتو و حضن ماريا ) دوودو
ماريا : غسلتي سنانك ؟
ريان : وي! ( تيحك عيونو ) توحشت بابي قادر
ماريا : ( تتبوسو ) بابي قادر مسافر ( شافت فالمربية جاية تهزو و بتسمت لها ) خليه معايا انا ناخدو بلاصتو
المربية : اوك مادموزيل ماريا ..
بشرى : ( تتفوه ) الاخبار تقطعت علر خروج تيتو
بخثة : يكون الخير ! نظن يخرج هاد لاسومين
كارين : الرب يحميه ، توحشناه معانا
بشرى : هداك هو العيد عندي ! نعنق ولدي و نحضنو ، قلبي تيتقطع من جهتو ، عامين والصرف ماخلاناش نشوفوه ، تنسمع صوتو وصافي
ماريا : ( تتقبل ريان لي نعس ) داز لكتير و بقى القليل..
_فخضم حوارهم ماريا رجعت بيها الذكرة للماضي، عمرها حست بحنيتو ولا قربو ولا صرح لها بكلمات الاخ لأختو حتى فاجأها قادر برسالة فعيد ميلادها كلما ترجع تقراها تذرف الدموع
🔙🔙
📨: هاي مابوتيت سوغ ماريا ، الوقت لي تكوني تتقراي هاد الرسالة نكون فالحبس ، بعض الاحيان تنشوفو طريقنا كلها ظلام مع ذالك تنمشيو فيها و طريقي كانت ظلام لهدا كنت مبعدكم عليا لاانتي ولا ماما ،نتوما اعز الناس عندي و انقى الناس ، ظلامي تشعلت فيه شمعة ،وهاد الشمعة هو تيو قادر ،قررت بشمعتو نضوي طريقي و رجع ليكم كإنسان نظيف بحالكم و أخ و إبن تفتخرو بيه ، ماعرفتش شنو يتغير فهاد السنين لكن نتمنى ليك حياة سعيدة و تسمحي ليا على الأوقات لي حتاجيتيني فيهم و ماكنتش جنبك إلا مزال عندي حظ فهاد الحياة مزال نتجمعو و نعوضو الخايب بالزوين ..”خوك تيتو”
🔚🔚
ماريا : ( تتقبل ريان هازاه ) بون نوي ! ( لحت لهم قبلة فالهواء )
الكل : بون نوي …
_من مطار مارسيليا ، لاول مرة و بعد سنتين و عدة اشهر ، يدخل المطار من اوسع ابوابه مثل اي مواطن له حق في السفر ، ذهابا وإيابا بجواز سفره الحقيقي يحمل اسمه الكامل و يختم بطابع الجمهورية الفرنسية
جمركي : بون فواياج مسيو
_بتحية رأس هز جواز السفر دائما بنظرتوا المعهودة بالحجبان معقودين و عيونوا السوداء كسواد الليل تأتير السجن على ملامحوا خف شيئا ما لأنه حاول يسترد شوية من صحتوا بالرغم من عدم رضاه على الوضع إلا انه حاول يتأقلم بخطوات تابثة و هبة ظاهرة على محياه خاصة بعدما ختار انه يحلق شعروا مع لحية خفيفة و مطراسية برزت ملامحوا العربية و بدلة باللون الازرق الملكي مع شوميز فلكحل و إكسسوارات طبعا تفاصيل إهتم بها قادر لانه بالنسبة ليه بمجرد خروج تيتو من باب السجن فهي مرحلة و انتهت و كل الملامح لي ممكن تفكروا بيها خصها تمحا و هدي كانت الغاية لذلك فمظهروا بشكل عام كان كرجل اعمال عائد من صفقة ناجحة و ليس كمظهر مجرم خارج من السجن تيمشى فالممر لي يأدي بيه للطيارة الخاصة..اول ما خرج من الباب تنفس هواء مصحوب برياح باردة و هز راسو للسما منيم عيونو من زرقة السماء وحرك راسو جنب من كلام الشخص لي معاه
المحامي : مسيو تيتو ! مسيو قادر فإنتظارنا
_بدون جواب !
طلع بعض درجات الطائرة مستقبلاه المضيفة موجهاه للمكان المخصص ليه ..
مضيفة : ( بابتسامة منحنية لخدمتو) مسيو تيتو شنو تتفضل تشرب ؟
_هز لها يديه بشكرا ورجع للنافذة مركز نظرو فالخارج …للحظات و طلبت منو المضيفة يربط الأحزمة و بدات الطائرة فالإقلاع و عقلو كذالك تيقلع لي ما قبل اربعة و عشرين ساعة من خروجه من السجن
🔚🔚🔚
_كانت آخر ساعة ليه بزنزانة ! الزنزانة لي دوز فيها عامين من العقوبة السجنية ، بعيون شديدة السواد تينظر لجذرانها لي كاتب عليهم عبارات فعز حزنو ، وسقفها لي كان تيسهر معاه ليالي و شهور واعوام ، سنين خرج منها بدرس واحد ! هو ان “الحرية” “لاتقدر بثمن” و “العائلة” “مقدسة” ، سنين كان محارب مع امراضو الجسدية و النفسية لكن بالعزيمة نتصر شيئا فشيئا ، الجسد لهزيل تحول لجسد قوي ذو غضلات مفتولة و الممنوعات لي تتهلك الصحة عوضها بالرياضة يوميا والاكل الصحي و الفراغ لي كان تيقتلو من للداخل ؟ ملأو بالدراسة لي تجهزو للمنصب لي فانتظارو ، ان سرد الحكاية هو امر سهل لكن ما مر عليه بالدقيقة و الساعة و اليوم و الشهر و الاعوام كان مثل حرب …استحم لاخر مرة فزنزانة و لبس ملابس رسمية و هز الاوراق و الملفات المهمين ليه و سمح فأي حاجة اخرى و انتظر مرور الحارس لي خرجو و تعرض على القاضي لي مضى بإطلاق سراحو …الآن هو حر ! شعور تحلم بيه كل ليلة ، تيحلم باليوم لي يتفتح باب السجن و يعانق الحرية ،بدون حارس ولا زنزانة…
المحامي : ( بابتسامة إنتصار ) تيتووو !! انت حر
_بتنهيدة طويلة مد ليه يديه بتحية و شاف على يمينو على يسارو نطق بصوت رجولي جوهري
تيتو : تيو فإيطالي ؟
المحامي : ( شاف الساعة ) وي ! عدنا من هنا اربعة وعشرين ساعة طيارة لإيطاليا ، نديك ترتاح فمكان خصصو ليك مسيو قادر
_كل شيء مدروس و مخطط ! الرجعة للعائلة و القصر مزال ماجا وقتها، هو الآن الخليفة لقادر ، و الخليفة له مراسم خاصة للخلافة قبل العودة لمارساي
🔚🔚
_في شوارعها ستقرأ عبارة غريبة ” مرحبا بالمهاجرين ، اللعنة على السياح ” …بالوانها الباهية و شوارعها المحاطة بالاحياء الشعبية ،سيارة سوداء من نوع مرسيديس راكب فيها تيتو مع المحامي ورائها سيارتين من نفس النوع تابعين ليهم …ساعة من المسافة بشوارع “نابولي” الى ان دخلو بمنطقة خاصة وطريق وحدة طويلة تتآدي لقصر بطراز ايطالي كلاسيكي ..
توقف الموكب و تفتحت الابواب نزلو منها رجال السيارتين فاتحين الباب على تيتو لي مد رجليه للارض نازل بطولتو تيكتشف المكان حتى توسعت آبتسامتو من قادر لي فاتح ليه ذرعانو
قادر : ايخو دوو تيوو ( ابن تيو )
تيتو : ( بحضن رجولي ) تيوووو !
يتبع
التعليقات 0