الفصل 1

• فكرة على القصة :

قصة قصيرة .. تكتبات باش ماتتقراش و لكن خاصها تتقرا .. قصة ماخاصهاش تتحط و لكن تحطات .. قصة خاصكم ملي تشوفو البوسط ديالها تنقزوه .. و لكن يمكن يجركم الفضول باش تقراو .. غاتغرقو .. يمكن تندمو .. و يمكن يعجبكم الحال .. عقل فاسد فكر فيها و انسانة فاسدة كتباتها .. خلقات شخصيات فاسدين باش تفسد هادوك لي غايقراو ليها .. يعني فسطور القصة و بيناتهم ماغادي تلقاي والو من غير الفساد .. فساد مجهد لذيذ تايستي كينغم و كيرفع .. غاتلقاي علاقة غريبة بين جوج غرباء يمكن ماتفهميهاش و ماغاديش تقدري تحددي مشاعرك تجاهها .. واش معاها ولا ضدها .. غاتحسي بالذنب فواحد المرحلة حيت بغيتي حوايج ماخاصكش تبغيهم .. قصة غاتخلي الوحش لي فيك لداخل يفيق .. غاتخلي الشيطان ديالك يتحكم فيك .. و ماغاتقدري تديري والو باش تحبسي هادشي ..

تقدر فاللول تبان ليك بسيطة .. و لكن كلما زدتي قريتي كلما تعقدات .. كلما تعمقتي فيها كلما تصدمتي من شنو غاتلقاي .. و يمكن مايعجبكش شنو غاتلقاي ..

• إهداء :

لأي بنت ألوانها المفضلين الأحمر و الرمادي .. لهاديك لي خلات على رجال الكوكب كاملين و غاتجي لهنا باش تتغرم برجل خيالي ماعمرها غاتوصل ليه .. ❤‍🔥

• تنبيه :

هاد القصة مافيهاش مقاطع جريئة هي كلها جرأة أحداثا و أفكارا .. سفالة .. شخصيات فاسدين .. و جرعة زائدة من الأدرينالين .. تكتبات بهدف المتعة فقط و ليس التوعية .. بالنسبة للناس لي كيقلبو على معلومات و أفكار ينميو عقلهم .. سيرو لـويكيبيديا .. و بالنسبة للناس السطحيين لي كيقراو غير بعينيهم .. حتى نتوما بلاصتكم ماشي هنا …🌶️🔞

___

دابا نتي قريتي هادشي و عرفتي شنو غاتلقاي لتحت .. عندك الاختيار .. إما تكوني جبانة و خوافة و تمشي تهربي و ماتقرايش ( من الأحسن ليك ) .. إما تكوني جريئة و تزعمي و تبدايها .. و إيلا بديتيها ماتجيش تلوميني من بعد .. تحملي مسؤولية قرارك حيت نتي لي خديتيه ……

____

• PLAYLIST :

Rosenfeld – Like u ..

Rosenfeld – Do it for me ..

The weekend – Lost in the fire ..

The weekend – often ..

Camila Cabello – Shameless ..

Camila Cabello – Never be the same ..

Emo – Don’t mess with my mind ..

Chris Brown – Under the influence …

Maroon 5 – Animals ..

Chase atlantic – Swim ..

Austin Giorgio – I put a spell on you ..

_

القصة بعنوان: 🫦 Tasty .. 🫦

By: Mari Posa 🦋

🎶Got everything I need and I’d rather be chasing, Chasing Loooove with a monster…. I’m in love.. i’m in love.. I’m in love.. I’m in looooove with a monster …. 🎶

كتغني بصوت مرتفع و هي شادة فالڤولون بيديها بجوج و كتلعب عليه بصباعها مع الإيقاع .. بين صباع يدها كان گارو شاعل .. فمعاصمها مجموعة من البراسليات مختلفين و ضفارها مصبوغين بالأسود و طوال .. كتتحير بشعرها الكحل المطلوق مع الأغنية لي جاية من الراديو ديال اللوطو و الريح لي داخل من الشرجم المحلول حداها كيزيد يلعب بخصلاتو .. نضاضر كحلين على عينيها و بيرسينغ فنيفها .. كانت لابسة تيشورت بيض و شورط جينز زرق مع بروتكان قهوي .. فالكوسانات اللور كانو الفاليزات ديالها ثلاثة ملاوحين .. حداها فالكوسان كان الصاكادو ديالها و حداه البوشيط ديال الميكاب محلولة و الميكاب ضاير بيها مبعثر حيت كانت كتقاد وجهها فالطريق .. البوش محلول و فيه الليزيات و بزاف ديال الوراق مخربقين و علبة ديال المسكة .. كارطونة صغيرة ديال الدونات محلولة فيها وحدة صاينة و وحدة منصصة معضوضة .. و كاس ديال القهوة كبير بارد فحامل الأكواب جنبها ..

ريحة الگارو فالجو مع ريحتها هي الحلوة .. عينيها على الطريق الخاوية لي كتسوق فيها وسط الغابة و الشجر و مرة مرة تشوف فتيليفونها لي مقاد معاها فيه الـ GPS .. الشمس كانت قريب تغرب و هي كتتسنى توصل لأقرب Motel و لي كيبان ليها فالخريطة باش تدوز فيه الليلة ..

– ( بدا تيليفونها كيصوني باسم Lisa و همسات بين سنانها ) فاك ..

دارت الگارو ففمها شداتو بسنانها و مالت نقصات الراديو .. جاوبات لابيل و دارت السبيكر و هضرات و الدخان خارج من فمها ..

– بديتي كتطلعي ليا فمخي ..

ليسا: فين وصلتي ؟

– راه قلت ليك ماغانوصل عندك حتى لغدا .. ماغاديش تبقاي فارعة ليا كري الطريق كلها كتصوني ..!

ليسا: غانصوني وقتما بغيت .. ( بدات كتمضغ و كتهضر فمها عامر ) و غاتجاوبيني بزز على مك ..

– ( نترات من الكارو عينيها على الطريق ) خليت ماما ورايا و غانجي نلقاك نتي تماك .. عندي غير هاد الطريق بغيت ندوزها بووووحدي كااالم مهنية منكم بجوووج .. و ها نتوما منكدينها عليا تقطعي نتي تصوني هي !!! واش أنا أول مرة نسافر ؟؟

ليسا: دابا من هاد الهضرة كلها .. فين وصلتي ؟

– ( تنهدات ) 15 كيلومتر و نوصل للموتيل ..

ليسا: اوكيييه .. ملي توصلي صوني عليا ..

– ( شدات الگارو بصباعها حيداتو من فمها و ابتسمت بالجنب كتنفث الدخان ) b!tch youu wish .. ( كتحلمي )

ليسا: راكيييل راني غانحمااااق ما بطا عليا إييمتا توصلي .. واش عارفة شحال من بلان وجدت ؟

راكيل: بلاناتك زيرو .. دييما كيخرجو فالصو ..

ليسا: هاد المرة غانفوتو 10 المليون ڤيو .. وجدت كلشي باش نمشيو نتسلقو داك الجبل المسكون .. الماطيريال فالطوموبيل ديالي غير توصلي نشدو الطريق ..

راكيل: ( رجعات الكارو لفمها ) بنادم طلع ليه هادشي فراسو ولا باغي شي حاجة يونييك .. شي حاجة حقييقية .. خاصنا نفكرو فشي حاجة لي نديرو بيها البوز ديااال بصح .. حيدي عليا من لعب البراهش ..

ليسا: لعب لبراهش ؟! بييتش ! غاتعاوديها غانحو..يك ..

راكيل: قودي .. وجدتي ليا بيتي ؟

ليسا: وجدت حتى الحشـ.يش .. و الغبرة .. و بزاااااف ديال الشراب ..

راكيل: ( لوات شفايفها ) نسيتي أهم حاجة ..

ليسا: شنو ؟

راكيل: الرجاااااال ..

ليسا: هوما أول حاجة وجدت .. كاين كارلوس جاري .. التايب ديالك تمااااما .. بلاي بوي و كامل عامر تاتواج .. و كيعرررررررف يحو..ي .. جربتو على قبلك ..

راكيل: ( ضحكات ) ماعليييكش …

ليسا: كون سمعاتني ماماك كون جاتها سكتة قلبية ..

راكيل: ( كتنتر الدخان ) شنو دابا ماغاديش تقطعي ؟؟ فرعتيني ..

ليسا: بنادمة كيدااااايرة .. راه بغيت غيـ……

تقطع الخط .. هزات راكيل التيليفون تشوف لقات الريزو عندها مشا .. و ابتسمت برضى ..

راكيل: THANK GOD .. ( الحمد لله ) دابا مابقا غايصدعني حد ..

لاحت التيليفون للكوسان حداها و عاود جهدات المزيكا كتغني و تتحير تاني مع الريتم .. شوية حبسات الغنا و عقدات حجبانها ملي بانت ليها اللوطو كتنقص السرعة !! كلشي كان طبيعي مافهماتش شنو واقع !!

راكيل: ( بهمس ) what the.. !!

حبسات اللوطو وسط الطريق .. طفات المزيكا و عاودات كتضور السوارت تديماري و والو ..

راكيل: سووونيااا .. بلييييز ماتديريش ليا هاكا …

عيات تحاول و وااالو اللوطو سكتات .. و حيت هي شخص بالزربة كينفعل دغيا طلع ليها الدم و ضربات الڤولون بالجهد ..

راكيل: فااك يوو .. حتى نتي مالقيتي إيمتا تخسري ..

بدات كتشوف حولها .. الغابة !

الطريق خاااوية بحالا مهجورة .. كتطل من الشرجم و تشوف من المرايات .. هزات التيليفون كتشوف لقات بلي الريزو مزال ماكاينش .. رجعات ظهرها على الكوسان و ترخات فالجلسة كتتنهد ..

راكيل: لا دابا بصح كملات ! ( بدات كتسوط ) آش غانقود دابا فهاد الخلا !؟

___

بقات كتعاود نفس الهضرة بهمس و كتفكر .. كترجع شعرها اللور و تخشي فيه صباعها و صبرها كيسالي .. كمل الگارو و شعلات واحد آخر .. كتفكر تنزل و تجري حتى توصل للموتيل .. و كتفكر تاني تسد الزاج و تنعس فاللوطو تدوز فيها الليل ربما يدوز شي واحد ولا حتى يصبح الحال و عاد تكمل طريقها فالضو ..

خدات نفس عمييق رجعات راسها اللور و غمضات عينيها .. السقيييل غير صوت الوراق ديال الشجر كيتحركو مع الريح لي بدات كتقساح شوية بشوية .. كتسمع غير صوت أنفاسها و أفكارها .. صوت السيجارة لي كتحرق .. و محرك سيارة كتقرب !

حلات عينيها و ماتحركاتش .. شافت فالمراية كتبان ليها جيپ كحلة كتقرب من اللور .. و كلما قربات كيبانو تفاصيلها كثر .. مغبرة و موسخة .. كيبان ليها راكب فيها شخص واحد و حيت الزاج مضبب ماقدراتش تشوفو مزيان .. و لكن من شكلو كيبان راجل ..

بقات غير كتشوف .. اللوطو فاتتها .. بقات متبعاها بعينيها حتى نقصات السرعة و بانت ليها حبسات .. شوية بدات كترجع مارشاريار و كتقرب .. وقف جنبها مقابل معاها مباشرة .. بدا الزاج كيهبط و هي ضورات راسها كتشوف .. و ملي بان ليها رفعات حاجبها و حسات بدقات قلبها حبسو و دمها سخن .. و بلاما تحس طلعات يدها حيدات النضاضر من عينيها .. باغية تشوفو بلا حاجز ..

راجل كيبان فأوائل الثلاثينات .. بشرة سمراء .. عيون كحلين حرشين و مرمشين .. لحية سوداء و شعر كثيف و بجوج مخربقين .. حجبان كثيفين .. ملامح قاسحة .. شرسة .. قاسية .. وحشية .. و مثيرة لدرجة كبيرة .. كيشوف فيها و فاللوطو بقرنة خفيفة لحجبانو .. و بصوت خشن .. عميق .. و منخفض نطق ..

– عندك شي مشكل ؟

راكيل: ( الابتسامة ترسمات على شفايفها .. ربعات يديها على السرجم حداها كتطل عليه .. حيدات الگارو من فمها و نطقات كتطنز ) نووو .. ( بدات كتشوف حولها و كتنفث الدخان ) غير عجبني المنظر ديال الغابة و وقفت نتأملو ..

– ( بقا كيشوف فيها ثواني .. من بعد حرك راسو بشوية و نطق بجدية ) Alright .. ( مزيان )

و ضار باغي يتحرك من تماك .. هزات حجبانها و نطقات بالزربة ..

راكيل: هيييي بلاتي بلاتي .. ( رجع شاف فيها ) واش من نيتك باغي تمشي ؟!!

ماجاوبهاش بقا غير كيشوف فيها بحالا طلعات ليه فراسو ..

راكيل: ( تنهدات و بدات كتطفي الگارو فباب اللوطو ) عندي مشكل و لكن ماعرفتش فين .. المهم هو سونيا حبسات بيا هنا ..

– سونيا ؟

راكيل: ( ضربات بيدها على الباب داللوطو ) سونيا ..

– ( هز حاجبو شووية ) همم ..

راكيل: ( رجعات ابتسمت ) غاتعاوني ؟

ماجاوبهاش تاني .. حل الباب و هبط .. و هبطات حتى هي بعدما طلعات الزاج .. ملي قرب ليها بدات كتطلعو و تهبطو .. كان طويل عليها بزاف و كتافو عراض و البنية الجسمانية ديالو قوية .. التيشورت البيض لي لابس كان مزير عليه من جهة الكتاف و الصدر .. ذراعاتو لي فيهم شعر أسود كانو مفتولين و سمرين .. جينز زرق و فرجليه كان گاط كحل مغبر .. كان ضخم بالنسبة ليها هي .. و بالنسبة لگاع الناس لي كتعرف .. المنظر ديالو كان رجولي بزاف كيحرك غريزتها .. حسات براسها انجذبت ليه بالجهد بلاما تفكر ..

مشا هز الكابو ديال اللوطو حلو باش يقلبها و يشوف فين كاين المشكل .. و هي تكات على اللوطو ديالو مقابلة معاه و ربعات يديها مراقباه .. كتستغل الفرصة باش تتأملو لأطول فترة ممكنة ..

راكيل: كتسكن قريب لهنا ؟

– ( بقا ساكت شحااال عاد نطق ) آه ..

راكيل: همم .. هاد الطريق مولفة تكون هاكا خاوية ؟

– آه ..

راكيل: كاين شي حيوانات سوڤاج فهاد الغابة ؟

– آه ..

راكيل: كتعرف تهضر و تقول شي حاجة من غير آه ؟

– آه ..

قالها ببساطة و بلاما يشوف فيها مزال كيقلب فاللوطو ديالها .. و ابتسمت هي .. كان التايپ ديالها تماما .. شكل رجولي حرش جذاب و هضرة قليلة .. كاريزماتيك بالجهد ..

راكيل: شنو سميتك ؟

– ( سد الكابو و شاف فيها ) خاصني الماطيريال باش نصايبها .. ماهازهمش معايا ..

راكيل: ( هزات حاجبها و حركات لسانها ففمها ) و شنو دابا ؟

– داري قريبة ..

راكيل: ( عينيها لمعو .. حسات بيه كيلمح لشي حاجة كانت كتتسناها و باغاها ) يعني ؟

– الليل قرب يطيح و الشتا غاتصب ..

راكيل: ( ميلات راسها و زمات شفايفها كتتصنع الأسف ) همم .. كاارثة هادي ..

– ( بقا كيشوووف فيها بحالا فهم شنو فراسها .. من بعد تنهد ) عرفتي شنو ؟ بقاي هنا ماغاديش نتعطل ..

مشا قاصد اللوطو باش يطلع يمشي يجيب الماطيريال ديالو .. غير ركب سمع الباب حداه تحل .. شاف فيها لقاها طلعات حداه هي و الصاكادو ديالها و سدات الباب ..

راكيل: ( لاحت الصاكادو فالكوسان اللور ) عرفتي شنو ؟ ( لبسات نضاضرها و شافت فيه من بعد ابتسمت ) ديني معاك ..

___

الريحة فاللوطو ديالو هو كانت مبدلة .. قاسحة و سوڤاج مُرة كتحرق فالنيف و الحنجرة .. و لكن إدمانية بطريقة كتخلع .. كتخليها تاخد أنفاس عميييقة كتتنشواها بحالا كتكمي .. أغنية كانتري بصوت منخفض بزاف فالراديو .. و هو كيسوق بيها فطريق ترابي وسط الغابة ..

ماكانتش كتشوف فالطريق إنما فيه .. حتى طريقة السياقة ديالو كانت كتغريها .. رجولية .. كتتأمل عضلات يدو السمراء لي شادة فالڤولون .. العروق لي باينين فيها .. كان مسترخي و مرتاح فجلستو .. ظهرو على الكوسان و مفرق رجليه .. كيسوق بسرعة معتدلة و عينيه على الطريق .. كان كيبان مسيطر على الأمر و متحكم فكلشي لي ضاير بيه حتى فيها هي .. ميلات راسها للجنب و بدات كتتخيل راجل بحال هادا كيفاش كيحـ.. وي ؟ كتتسائل واش كيمارس الچنس بنفس الطريقة لي كيسوق بيها ؟ بنفس الثقة و السيطرة و القوة ..

يدو لي على الڤولون تخيلتها على رقبتها .. تخيلتو و هو جالس بنفس الطريقة و هي فوق منو .. و تخيلات ريحتو المُرة كتلسق على لحمها من لحمو هو ..

شافت راسها غرقات فأفكار كيخليوها تفقد تركيزها .. عيقات كتشوف فيه و أكيد غايكون لاحظ هادشي واخا ماعلقش .. داكشي علاش تقادات فالجلسة كتشوف قدامها و نفضات راسها .. بغات تشغل راسها بشي حاجة أخرى و ماتبقاش غير مراقباه بحال شي حمقة ..

ضارت اللور هزات الصاكادو ديالها و رجعات لبلاصتها .. حلاتو جبدات تيليفونها كتقلب واش الريزو رجع باش تصوني لصاحبتها تعلمها بشنو واقع و لكن مالقاتوش ..

راكيل: واش الريزو ماكاينش فهاد لازون كلها ؟

– لا .. ماكاينش ..

راكيل: ( شافت فيه ) ملي نوصلو لدارك غانلقاه ؟

– لا ..

راكيل: ( هزات حاجبها ) و نتا باش خدام ؟

– مكنستعملوش ..

راكيل: ( تقادات معاه و ابتسمت ) لا بلاتي !! بغيتي تقول ليا نتا ماعندكش التيليفون ؟ ( حرك راسو بآه و ضحكات هي ) واو !! لا بصح واو ! و كيفاش كتتواصل مع الناس لي بعاد عليك ؟

– وصلنا ..

ملي شافت قدامها نسات السؤال .. وسعات عينيها و حيدات النضاضر من فوقهم .. بلاصا هو اللوطو ديالو جنب وحدة أخرى كانت تماك حتى هي چيپ و لكن كانت رمادية .. حلات راكيل الباب نزلات و هي كتشوف غير فالدار لي قدامها ..

كانت دار كبيرة بزاف من جوج طوابق .. من برا كلها بالخشب و السطح ديالها مثلث و عليه مدخنة .. الواجهة فيها باب خشبي كبير قدامو مساحة مغطية و كاينة طابلة بخمسة الكراسا ديال الخشب .. حدا الدار كاينة بلاصة عامرة بالخشب مستف .. و كاين گاراج ملاسق مع الدار من الجهة لاخرة ..

سد هو اللوطو و مشا قاصد الباب و السوارت كيلعب بيهم فيدو .. قادات الصاكادو فوق كتافها و تبعاتو .. طلعو هادوك الدريجات و مشا للباب حلو بالساروت .. دفعو تحل و أشار ليها بيدو تدخل .. ابتسمت من الحركة الجنتلمانية لي ماتوقعتهاش منو و دخلات هي اللولة .. و تفرقو شفايفها من الدهشة و لمعو عينيها بإعجاب !

الديكور الداخلي كان مناسب تماما لشخصيتو .. كيوحي بالقوة و الوحشية و فنفس الوقت الهدوء الڨاتل و البرود .. ديكور مخلط بين العصري و الكلاسيكي .. الطابق الأول كان كامل مفتوح مافيهش الحيوط و لكن بزاف ديال السواري .. كلشي كيبان من الخشب حتى السقف .. صال امونجي فيها طابلة طويلة ضايرة بالكراسا و عليها ناپ بيض و الوسط ڤاز خاوي .. و هادشي خلاها تتوقع بلي هاد الدار مافيهاش امرأة .. كون كانت كانت غادي تعمرو بالورد ..

فوتويات من الكوير قهويين فجهة و كحلين فالجهة الثانية .. ثرية كبيرة نازلة من الوسط ديال السقف و فجناب الحيوط كانو مصابيح معلقين .. زرابي و طابلوات فالحيوط برسومات ما مفهومينش .. و ريوس ديال الدببة و الظبي محنطين و معلقين .. فوق واحد الطابلة خشبية كان واحد التورن ديسك كحل البوق ديالو نحاسي كبير .. حداه كانو مستفين بزاف ديال السيديات .. و فواحد الحيط كانت مكتبة شاداه كامل .. رفوف عامرة ببزاف ديال الكتب .. و كانت تماك مدفئة طافية .. مبنية بالقرميد الأحمر و قدامها كان كرسي هزاز و مفرشة زربية صغيرة عليها وسادة ..

الكوزينة كانت مفتوحة حتى هي على هاد الفضاء .. متوسطة نقية و مرتبة .. كلشي فيها خشبي و نحاسي .. و هي البلاصة الوحيدة لي كتحس فيها بالعصرنة .. بسبب الثلاجة و الفران ديال الضو و ماكينة القهوة و الآلات الكهربائية لاخرة .. و فواحد الجهة أخرى كانو الدروج لي كيطلعو للطابق الثاني ..

كانت كتتقدم بشوية و هي كتضور فعينيها .. بزاف ديال التفاصيل فهاداك الديكور و كل تفصيل كيزيد يدهشها و يخليها تزيد تتغرم بهاديك الدار .. كانت كتبعث الراحة فالنفس و الدفئ ..

راكيل: ( لاحت الصاكادو على الفوتوي و ضارت شافت فيه ) ساكن هنا بوحدك ؟

– آه .. تسناي هنا غانمشي نجيب الماطيريال و نـ…..

راكيل: ( قاطعاتو ملي جلسات على الفوتوي ) دارك زوينة بزاف .. ( شافت فيه ) شنو بان ليك تقسمها معايا هاد الليلة ؟ ( هز حاجبو ) بصراحة أنا عيت من الطريق و حتى نتا كتبان عيان .. و كيف قلتي الشتا شوية و غاتصب .. يعنيي .. نخليو حتى لغدا و نرجعو لسونيا ؟

بقا كيشوووف فيها و هي كتتسنا جوابو .. أصلا ماتوقعاتش يكون بصح جابها معاه غير باش يهز الماطيريال و يرجعو .. كان يحساب ليها دار هاكاك غير باش يجيبها تبات معاه ! داكشي علاش زعمات و اقترحت تبات عندو .. و لكن ملي بقا ساكت شككها فراسها و حسات براسها تسرعات ..

هو ماكانش هادشي لي فبالو .. بصح كان ناوي غير يهز شنو محتاج و يرجع معاها .. و لكن ملي عرضات على راسها لقا راسو بلاما يفكر كينطق ..

– واخا …

___

راكيل: ( ابتسامتها توسعات .. وقفات و مدات ليه يدها ) أنا سميتي راكيل .. صحاباتي كيعيطو ليا Ella …

تاني .. بقا غير كيشوف فيها .. و هي ابتسمت بالجنب ..

راكيل: واش غانبات فدار واحد و أنا مكنعرفش سميتو ؟

بعد ثواني و حتى ظنات أنه غايخليها هاكاك معلقة .. مد يدو و سلم عليها ..

– كاسيو .. و كان خاصك تسولي عليها قبلمي تركبي فالطوموبيل ديالو ..

صوتو و هو كيهضر بحالا كيهددها .. ملمس يدو الحرش .. القوة لي سلم بيها بلاما يكون قاصدها .. السخونية لي فالكف ديالو .. كلشي هادشي خلاها تندم لي مدات ليه يدها .. حيت دقات قلبها جهلو .. دمها فار فعروقها .. كتحس بالسخونية فوجهها لي حمار و فجسمها كامل ..

و عند هاد اللحظة و يدها فيدو و عينيها فعينيه .. هي تأكدات بلي غاتدوز ليلة استثنائية فهاديك الدار .. مع هاداك الراجل ..

كاسيو ..

_____

الأغنية الإيطالية Toto Cutugno – L Italiano كانت مطلوقة من التورن ديسك لي خدماتو ..

دازو دقايق و هي كتدور فالطابق التحتاني بشوية عليها و كتتأمل فالديكور ديالو .. كاسيو طلع يدوش و خلاها تماك تاخد راحتها ..

وقفات قدام المكتبة كتشوف الكتوبة لي فيها .. كتب فلسفية و كتب علمية .. أغلبيتهم على الطب و كاين لي على الفلك و كاين لي على الرياضيات .. هي خلات على هادشي و وقفات حدا الصفوف ديال الفلسفة .. كتجبد كل كتاب تشوف الغلاف و تدوز الصفحات ديالو بالزربة .. ديكارت و أرسطو و نيتشه و بزاف آخرين .. هزات كتاب ” هكذا تكلم زرادشت ” .. الوحيد فهاديك المكتبة لي عرفاتو حيت ديجا قرات منو شوية فالجامعة .. كتقلب صفحاتو بشوية و تضور على الكلمات بعينيها .. بدون تركيز تماما حيت تركيزها كاااامل مع الراجل لي فالطابق الثاني كيدوش .. و هي كتفضل مليار مرة تتفرج فجسمو الأسمر القوي تحت الما على أنها تقرا شي كتاب من هادوك ..

سمعات صوت خطوات فالدروج و ضارت تشوف كان هبط .. بسروال رياضي كحل و تيشورت رمادي مزير على عضلات الجزء العلوي منو .. شعرو و لحيتو مزال فازگين و عينيه حمرين ..

راكيل: ( بهمس ) Fúck me !!

طاح الكتاب من يديها بلاما تحس .. وعات براسها كيفاش كتشوف فيه و شنو قالت و لي يمكن يكون سمعو .. رمشات بالزربة و تحنات تهز الكتاب من الأرض ..

راكيل: Sorry .. ( سمحلي )

ملي وقفات كان قدامها .. مدات ليه الكتاب خداه من يدها و رجعو لبلاصتو بشوية ..

راكيل: هاد الكتوبة كلهم قريتيهم ؟ ( حرك راسو بآه و هي ابتسمت ) همم .. دابا فهمت علاش مكتحتاجش التيليفون ..

كان هادئ بزاف .. طويل عليها و صدرو عريض .. بغات تتخشا فيه و تحس بيه كثر .. غمضات عينيها بلاما تحس و خدات نفس عميييق من ريحة الشامبو ديالو لي ضربات فيها .. و حسات براسها غاتحماق ! واش نورمال تتشهاي راجل يالاه ساعة تقريبا باش عرفتيه ؟

هادشي لي كانت كتسول راسها ..

كاسيو: إيلا بغيتي تدوشي .. الحمام أول باب على ليسر ..

قالها بصوتو الخشن و بشوية .. ملي تلاقاو و هو كيهضر غير بشوية .. عينيه فعينيها مخليها تزيد تغرق فمشاعر سخان .. ماشي أول مرة تحس بيهم و لكن ماعمرهم كانو قويين بحال هاكاك ..

راكيل: ( بلعات ريقها ) واخا ..

و مشات من قدامو للدروج ..

جات لبالها فكرة وحدة .. أنه غايخليها حتى تبدا تدوش و يلحق عليها .. أنه حتى هو كيفكر فنفس الحوايج لي هي كتفكر فيهم ..

الطابق الثاني كان عبارة على كولوار خشبي خااوي و بزاف ديال البيبان .. مشات للول على ليسر و دخلات .. كان حمام كبير كلشي فيه بيض .. ماسداتش الباب مزيان خلاتو مردود .. حيدات حوايجها بلاما تفكر بلي ماجايباش باش تبدل .. دخلات للدوش وقفات تحت الرشاش و طلقات الما دافي .. كينزل على شعرها الكحل الطويل و جسمها .. كانت قصيرة .. مؤخرة ممتلئة و صدر متوسط .. عندها أرداف و كرشها ماشي رياضية مسطحة و فنفس الوقت ماخارجاش .. دايرة بيرسينغ فسرتها و بشرتها بيضاء و نقية حيت كتتهلا فيها ..

الما كينزل عليها و دقات قلبها كيتسارعو بجنون و عينيها على الباب .. و تمنات من قلبها مايكونش جنتلمان .. مايكونش ولد الناس و مايكونش مربي .. تمنات يدخل عليها و هي هاكاك و يدير فيها حوايج خايبين ماعمرها تنساهم ..

___

من بعد ربع ساعة .. كانت هابطة من الدروج .. تيشورت كحل عريض و طويل واصل النص ففخاضها لقاتو فالحمام نقي و لبساتو .. حفيانة كيبانو ضفار رجليها المصبوغين بالكحل و سيقانها عريا. نين .. شعرها نشفاتو بالفوطة و مزال فازگ شوية واصل لخصرها .. عينيها حمرين بالشامبو لي دخل فيهم و لي ريحتو مسيطرة عليها .. لاعبة ليها على دماغها و محمقاها ..

ماجاش عندها للدوش .. و هادشي بطريقة حمقة و غبية خيب أملها ..

لقات المدفأة شاعلة و صوت العافية كيرخي الأعصاب .. على الطابلة طباسل فيهم كاب كيك و كوكيز و الجبن و الزيتون و شي حاجات آخرين و الخبز .. معاهم ابريق صغير ديال الشاي و كوب بيض ..

هزات راسها جهة الباب ملي سمعات شي صوت قوي .. مشات لجهتو حلاتو و خرجات .. ماقلباتش عليه بعينيها حيت كان غير تماك جهة الخشب المستف .. جذع شجرة مقطع كبير فالأرض .. واقف حداه و الفاس فيدو .. كيهز قطعة خشب من حداه يحطها على الجذع و يقسمها بالفاس .. الشمس غربات و السما تغيمات و يمكن بصح غاتطيح الشتا كيف قال .. الضو شاعل فالمصابيح لي موزعة قدام الدار صفر و قوي ..

تمشات بشوية وقفات حدا واحد من الأعمدة الخشبيين لي هازين السقف لي قدام الباب و تكات عليه بجنبها مربعة يديها .. عضات شفتها التحتانية كتشوف فيه .. كتتأمل المنظر ديالو هاكاك ..

عضلاتو لي تزاد حجمهم .. فكو لي قساح .. قبضتو لي مزيرة على الفاس .. الصوت لي كيصدر ملي كيقطع الخشب .. و صوت أنفاسو هو .. مع ريحة الشامبو ديالو لي فشعرها و ريحة التيشورت ديالو لي لابسة .. كلشي كان كيدفعها نحو واحد الهاوية .. إيلا تلاحت منها يمكن مستحيل شي نهار توصل للقاع ..

بلاما تحس لقات راسها كتهبط من هادوك الدروج و غادية لعندو .. بلاما تصدر حتى صوت بسبب أنها حفيانة .. الأرض تحت منها كانت باردة و خشنة و موسخة .. متناقضة معاها هي فكولشي ..

هو كان مركز مع شنو كيدير و مرفوع كيفكر ماحسش بيها .. ضار هز قطعة خشب و ملي ضار يحطها على الجذع لقاها واقفة فوقو ! هز حاجبو و بشوية تقاد فالوقفة كيشوف فيها .. الجذع كان عالي و هي واقفة عليه و مع ذلك كان مزال طويل عليها ..

بلعات ريقها و هي كتشوف حبيبات العرق الصغار لي تكونو فجبهتو .. شعرو المخربق و لي مزال فازگ .. عينيه الكحلين الحارين و لي فيهم شوية الحمورية .. ريحتو الرجولية و المنظر ديالو و هو هاز الفاس فيد و قطعة خشب فيدو لاخرة .. و كترجع بذاكرتها لفاش سلم عليها و تحسسات حروشية هادوك اليدين .. كيتنفس بعمق و صدرو كيتحرك مع أنفاسو .. ماسولهاش تسناها هي تعطي تفسير لهادشي لي كتدير .. لشوفاتها و الطريقة لي قريبة بيها .. و حتى للتيشورت ديالو لي لابسة ..

راكيل: شنو غاتدير .. إيلا قلت ليك .. بلي مالابسة والو تحت هاد التيشورت ديالك ؟

هز حاجبو .. كتشوف فعينيه كيفاش نزلو من عينيها بشووووية مع جسمها كامل .. كتحس بيه بحالا كيقيسها بيهم و كيعر.. يها .. و جسمها كيجوع ليه كثر .. نظراتو كانو حارين كيخليو حرارتها تتزاد .. و خلاوها تعض على شفتها التحتانية و أنفاسها يسخنو ..

كاسيو: شنو باغاني نتي ندير ؟

راكيل: ( بلعات ريقها ) باغيني أنا نقولها ؟

كاسيو: ( قرب ليها كثر ) يمكن نكون فهمتك غلط .. و مايعجبكش شنو غاندير ..

راكيل: و إيلا قلت ليك … Wearing your t-shirt feels like your hands are touching me ؟؟ ( التيشورت ديالك كيخليني نحس بحالا يديك كيقيسوني )

طلق الخشبة طاحت للأرض و حبسات هي النفس .. طلع يدو دوزها على لحيتو و عينيه فعينيها .. ماهضرش .. و لكن حسات بيه كيستفزها باش تزيد .. خدات نفس عمييييق عاد نطقات ..

راكيل: أوكي .. خليني نعاود نسولك بطريقة أخرى واضحة كتر .. ( عينيها فعينيه .. و حتى هي كانت كتهضر بشوية بحالو ) شنو غاتدير .. إيلا بستك دابا ؟

ثواني تاني كيدوزو عليها بحال العام .. عارفة راسها حمقة .. هادشي لي كتدير ماخاصوش يتدار .. و لكن كتحس بيه بحالا راه ” حاجة ملحة ” .. محتاجاه بحال كيفما محتاجة الأكسيجين ..

و لكن كل ثانية كيتعطلها باش يجاوب .. كتحس بضميرها كيفيق .. و كتفكر تعتذر منو و تتراجع .. كتحس بالغباء و بلي خاصها تهرب .. و يالاه كانت غاتديرها و تتراجع باش تمشي .. قرب هو المسافة لي كانت بيناتهم حتى حسات بصدرها كيقيس صدرو .. ما بقا بينها و بينو والو .. وجهو قريب ليها و شفايفو قدام شفايفها .. زاد خفض صوتو و نطق مورك على الحروف .. بحالا كيحذرها ماتديرهاش .. بحالا كيشجعها تتبع ضميرها و تهرب ..

كاسيو: I’ll eat you up ..

( غادي ناكلك )

___

كان مغناطيس .. و لكن ماعرفاتش واش كيجرها عندو بالجهد ولا كيدفعها .. هضرتو كتتحداها باش تديرها و لكن نظرات عينيه كانو بحال شي إنذار .. تحذير باش تحبس .. باش تبعد منو .. باش تهرب .. عينيه .. كانو عميقين و مظلمين .. بحال شي بحر عاصف و هايج فالليل .. كيخلع .. و لكن فنفس الوقت كيخلي الأدرينالين يتدفق فجسمها و كيغريها هي لي كيعجبها الخطر أنها تركب فالقارب الصغير ديالها و تبحر فيه بلا مجداف ولا شراع! النفس ديالو سخونة كتحس بيها على شفايفها و جسمها كيتبورش .. عقلها كيزيد يغيب .. كتزيد تبغيه .. و ماحساتش براسها حتى مالت عندو و بدات كتبوسو !

شدات وجهو بيديها بجوج و غرقو صباعها فلحيتو .. كتبوس شفايفو بقوتها كلها و بلهفة .. كان فيهم طعم النيكوتين و شي حاجة أخرى مُرة ماقدراتش تميزها .. يمكن نبيذ من شي نوع ماعمرها ذاقتو .. راجل بطعم مميز كيخليها تزيد تحماق و تدخل لسانها ففمو .. باغية تزيد تتهور ..

مادار والو لوقت قصير .. غير ثواني كان طامع أن عقلو يحبس هادشي و يبعد .. و لكن لقا راسو لاح الفاس من يدو اصطدم بالأرض .. تخطڨات هي و حبسات البوسة موسعة عينيها .. و قبلما تتراجع و تسحا منو .. يديه القاسيين تحركو .. وحدة تحطات على راسها من اللور شدها من شعرها خاشي فيه صباعو و رجعها عندو كيبوسها .. و الثانية شدها بيها من عنقها .. كانت قبضة متحكم فقوتها .. مزير عليها و لكن ماشي لدرجة تڨتلها ..

كان يحساب ليها أنها بنت قوية قدام الرجال .. ديما هي لي كتسيطر أثناء التقبيل و هي لي كتتحكم فالوتيرة لي كيمشي بيها هادشي .. و لكن معاه هو ماقدراتش واخا بغات .. كان قوي عليها .. هو لي فرض سيطرتو على جسمها و خلاها تخضع ليه بلاما تحس .. حسات بكلشي فيها ولا كيعبدو هو .. نسات الرب و الإنجيل و أيام الأحد لي دوزات فالكنيسة ديال عمها كتصلي .. فجأة ما بقات حتى قوة فالعالم فوق منو هو .. كيبوسها بشراسة ما مولفاهاش و لكن عجباتها .. شفايفو كيلتهمو شفايفها و لسانو استعمر فمها من لداخل .. و سنانو مرة مرة كيعضوها و يخليوها تأن بشعور أول مرة تحس بيه بهاد الطريقة ..

هبط يدو من شعرها و حطها على مؤخرتها من فوق التيشورت و زير عليها .. تأوهات ففمو و قشعريرة سرات مع ذاتها كلها لي عرقات و بصعوبة كبيرة كتتنفس .. حاسة براسها كتخنق بشفايفو ماعاطيهاش فرصة تاخد نفس .. كتزيد تغرق فيه و فريحتو و فالحضور القوي ديالو و السيطرة لي كيمارس عليها .. و ماكانتش كتبعدو باش تاخد نفس .. هي كانت محتاجاه هو فهاديك اللحظة كثر من حاجتها للأكسيجين ..

رفعها بالجهد من الجذع و هي لوات سيقانها عليه .. هزها معاه بلاما يفصل القبلة و مشا بيها لجهة الدار .. مادخلهاش لداخل .. حطها على الطابلة لي كاينة تماك جلسها عليها .. حط يديه على جنابها فوق الطابلة مكالي بيهم و هو باقي كيبوسها .. ماشي غير كيبوسها .. هو كان كيمصها بالجهد بحالا باغي يمص شي حاجة كثر من الريق .. باغي يمص مشاعرها منها .. باغي يمص منها جرأتها و أفكارها و مخاوفها و ذكرياتها .. و روحها حتى هي ..

ماكانش ناوي يجيبها معاه للدار ..

ماكانش ناوي يقبل أنها تبات عندو ..

ماكانش ناوي يخليها تدوش و تلبس حوايجو ..

و أكيد ماكانش ناوي يبوسها ولا يقرب ليها ..

الخطة ديالو كانت واضحة و بسيطة .. يصايب ليها الطوموبيل ديالها و تمشي فحالها و ينساها بحالا ماعمرها كانت .. و لكن فلحظة لقا راسو قدام دارو كيبوسها بحالا ماعمرو باس شي بنت ! و كان مشا الحال بزاااف على أنه يحبس .. حيت حتى هو فهاديك اللحظة كان محتاجها بالجهد و لدرجة كبيرة ..

هبط كيبوس عنقها و فنفس الوقت كيطلع التيشورت باش يحيدو ليها و هي معاوناه ..

هي بنت مسيحية من عائلة مسيحية محافظة متشددة .. رباوها باش تحافظ على عذريتها حتى لنهار تتزوج .. و لكن هي عطاتها لأول حبيب ليها فحفلة عيد ميلادها ال18 .. فحياتها كلها مارسات الچنس تسعة المرات فقط لمدة ست سنين .. مع جوج رجال .. أول حبيب ليها و أول خطيب لي تفارقات معاه قبل 3 شهور حيت مابقاوش مفاهمين .. ماعمرها بغاتو داكشي علاش نساتو دغيا .. هاد الرجال بجوج لي دازو فحياتها كان عندهم نصيب من الوسامة و الكاريزما و القوة .. و لكن ماعمر شي واحد خلاها تفقد السيطرة كيفما دار هادا لي يالاه ساعة و قسماين باش عرفاتو ! كيخليها تكتشف مشاعر جداد جسمها قادر يحس بيهم و ردود فعل جداد منها ماعمرها دارتهم مع شي واحد .. كيخليها تختبر حدود الجنون ديالها .. و كتلقا بلي ماعندوش حدود ..

حيد ليها التيشورت و عـر..اها .. هز راسو كيشوف فيها و لاح التيشورت وراه .. كيدوز عينيه على كل جزء منها و شفايفو فازگين بريقها .. على صدرها و بطنها و خصرها و فخاضها و فريزتها .. و هي ماكانتش قادرة تصبر .. واخا شوفاتو كانو عاجبينها و لكن هي كانت باغياه يقيسها بيديه ماشي عينيه .. مدات يدها شداتو من التيشورت ديالو و جراتو عندها لبين رجليها ..

راكيل: ( كتهمس هازا راسها باغية توصل لشفايفو ) ماتحبسش ..

كاسيو: ( شد بيديه على فخاضها و همس فودنها ) It’ll be painful .. ( غادي تتقسحي )

راكيل: ( غمضات عينيها و شدات على كتافو كتهمس و الحاجة كتڨتل فيها ) ماشي مشكل ..

كاسيو: ( تقاد مع وجهها .. يديه وصلو لمؤخرتها شدها منها و خطف النفس من فمها ببوسة قوية .. قطعها و عينيه فعينيها باش يهمس ) It’ll hunt you forever .. ( هادشي غايبقا تابعك حياتك كلها )

راكيل: كنتمنى ..

كاسيو: غاتندمي ..

راكيل: مولفة نندم ..

هبط كيمص عنقها و رجعات يدو شدات شعرها .. ريحة لحمها كتجننو .. ملمسو الرطب بين شفايفو و سنانو .. حرارتو و الرعشة لي كتسرا فيها فينما قاسها .. طعم الدم لي كيستطعم ملي كيعض شفايفها حتى يجرحهم .. و صوت آهاتها و أنفاسها و هي كتنهج بحالا كتجري .. عينيها لي كيتخلط فيهم الخوف بالصدمة بالنشوة بالرغبة و الحماق .. كلشي كيفيق فيه وحش لداخل باغي يفترسها كلها .. لآخر قطعة و لآخر قطرة .. كان جيعان ليها بالجهد و شوية بشوية عقلو كيطفا و كيغرق فيها .. فشهوة كبيرة .. مهما كان قوي .. كيضعاف قدامها ..

___

تخطڤات النفس ديالها ملي حسات بالانتصاب ديالو قوي كيقيس فريزتها من تحت السروال لي لابس .. تأوهات بشوية و جسمها بدون سيطرة منها لقاتو كيزيد يقرب ليه باش يزيد يقيسها .. يدو شدات صدرها زير عليها و سنانو كيعضو حلمة الثانية .. و هنا عينيها تقلبو و رجعات راسها اللور .. شادة بيديها على الطابلة مكالية راسها و هو رافعها لعالم آخر بيديه و لسانو و سنانو و شفايفو .. مخليها تطلق آهات بصوت مرتفع ..

تقاد فالوقفة .. حيد التيشورت ديالو و قبلما تبدا هي تعترض عليه باش يرجع يقرب .. دفعها بيدو بالجهد حتى تزدح ظهرها مع الطابلة .. البرودة ديال الطابلة مع سخونية جسمها خلاو جسمها كلو يتبورش و يقشعر .. قوسات ظهرها و حبسات النفس .. و مزال يالاه كتحاول تتأقلم مع هاداك الشعور و الوضعية حسات يديه زيرو على مؤخرتها و لسانو داز بحركة قوية و بطيييئة وسط فريزتها .. و شهقات بالجهد موسعة عينيها فالسقف لي فوقها !!

كاسيو: FÚCK ( بصوت منخفض نطق و حسات بنفسو سخوونة كتضرب ففريزتها ) you’re so fúcking tasty…

( بنينة بزاف )

راكيل: ( شدات فشعرو حاسة بقلبها غايسكت كتنهج ) .. I think .. maybe I need a drink !!! ( يمكن .. واقيلة خاصني شي كاس ديال الشراب !!!)

هي إيلا لقات قدامها الشراب كتشرب .. و لكن كتمشي هي تقلب على الشراب فحالة وحدة .. غير ملي كتحس براسها ضعافت قدام شي واحد ولا شي مشكلة .. و هو كان واحد و مشكلة فنفس الوقت .. و هي ماشي غير ضعافت ليه .. هي استسلمت و بغات تعطيه كلشي ..

كاسيو: No .. ( مال لعندها حتى تلاقاو عينيه بعينيها و نطق بصوتو الخشن بنبرة منخفضة .. حسات بيه كيهددها .. ) you need me to consume every fvcking inch of your sweet delicious body … ( تفرقو شفايفها بشهقة ملي حسات بصباعو كيفرقو فريزتها ) And trust me .. FÚCK I WILL ..

( لا .. نتي محتاجاني باش نستهلك كل إنش من جسمك الحلو اللذيذ .. و تيقي بيا .. غانديرها .. )

خشا صبعو و زيرات بيديها على كتافو كتقمشو .. عضات شفتها كتزيد تقوس ظهرها حتى قيسو حلمات صدرها صدرو .. و أنفاسها كيتقطعو ..

كاسيو: I’ll not go easy with you .. ( ماغاديش نتساهل معاك )

راكيل: Don’t .. ( ماتتساهلش )

كاسيو: ( خرج صبعو بشووية و دخل جوج بالزربة مخليها تغمض عينيها و تزيد تطلع عندو .. هبط راسو دوز لسانو على عنقها و طلعو حتى وصل لودنها و همس بقسوة ) I don’t believe in making love .. I’m planning to fûck your soul out of your sweet body ..

راكيل: ( نطقات موركة على الحروف من قوة داكشي لي كتحس بيه ) فاااك !!

•••

الشتا كتطيح .. شتا صيفية جات فغير وقتها .. كيتسمع صوتها كتضرب على الحيوط و السقف ديال الدار و على الأرض اللزجة برا .. و صوت آهاتها و هي مرفوعة معاه .. مرفوعة بالمعنى الحرفي و المجازي ..

راسها و كتافها لي فوق الطابلة .. بينما جسمها كان مهزوز عندو .. واقف .. يديه شادين على فخاضها و راسو مخشي بين رجليها .. كياكل فريزتها بحالا كياكل فالديسير من بعد العشا .. كيمص و يعض و يبوس و يدخل لسانو ففتحتها ..

الدموع كانو خارجين من عينيها من شدة النشوة لي كتحس بيها .. أول مرة تبكي أثناء الچنس .. حاسة براسها ماعمرها جربات هادشي واخا ماشي أول مرة تمارس الچنس الفموي .. كاسيو ماكانش تقليدي و كانت عندو طريقتو الخاصة فالتعامل .. كان حرش بالجهد و قاسح .. كان تماما عكس شخصيتو الهادئة لي شافت ملي تلاقاو .. فالچنس كان شرس .. متوحش .. حسات بيه بصح كياكلها .. حسات براسها فريسة ليه .. كياكلها بلسانو و سنانو و شفايفو .. كتتأرجح بين الألم و النشوة .. و هي ماعمرها عرفات بلي الألم ممكن يكون إحساسو هاكاك و ممكن يكون زوين و إدماني !!

هبطها للطابلة كتنهج و هو كذلك .. أجسامهم سخونة و البرد لي تحرك ما أثرش فيهم نهائيا و ماحسوش بيه .. ماكانوش واعيين حتى بالشتا لي كتطيح !

تحنى عليها كيبوس فبطنها و كيخشي لسانو فسرتها .. و بقا طالع حتى وصل لصدرها و بدا كيمارس عليه الوحشية ديالو لي كتخليها تحماق و تخسر راسها قدامو ..

راكيل: باراكة .. بغيت .. بغيت .. ( كانت كتنهج و الكلام تالف ليها ) بغيتك ت.. ت…

كاسيو: ( طلع تقابل معاها .. محني عليها و هي مسرحة فوق الطابلة ) شنو ؟

راكيل: I want you inside of me ..

كاسيو: ( و هو كينهج أنفاسو مخربقين شاف لتحت لجهة حجرو .. زير على سنانو و غمض عينيه مزير عليهم و نطق بالزعفة ) ففااك ..

راكيل: شنو ؟

كاسيو: ( شاف فيها ) ماعنديش Condom .. ( واقي ذكري )

راكيل: ( جاوبات بالزربة بدون تفكير و يديها كيقيسو فصدرو الصلب ) بلاش ..

___

كاسيو: متأكدة ؟

حركات راسها بآه بزربة و هي كتقرب بالتحت ديالها كثر جهة القضيب ديالو باش يقيسها .. كانت محتاجاه بالجهد ..

كاسيو: ( قرب ليها كثر و حسات تاني بالقضيب ديالو قاسح من تحت التوب على فريزتها .. تأوهات و هبط هو لودنها كينطق بشوية و فنفس الوقت كيمص حلمة ودنها و يعضها ) ماعندكش مشكل ؟

حركات راسها بلا بالزربة و يديها كيزيرو على صدرو كيحس بظفارها كيقمشوه .. و هو يد حدا راسها باش يوازن راسو و يد شاد بيها على صدرها و كيدوز إبهامو بشوية على حلمة صدرها المنفوخة و لي حمارت و تورمات بكثرة ما عضها و مصها .. تحرك من لتحت بحالا باغي يدخلو فيها و هي تأوهات كثر و زادت زيرات بيديها على صدرو ..

كاسيو: مافكرتيش بلي يمكن .. تحملي مني ؟

راكيل: ( كتجاوب دغيا بدون تفكير ) ماغاديش نحمل ..

كاسيو: كتزربي بزاف أ راكيل ..

راكيل: ( سميتها بصوتو الهامس فودنها خلات معدتها تتزعزع ) فاااك .. ( غمضات عينيها مرجعة راسها اللور و مقوسة ظهرها من إحساسو ففريزتها و أنفاسو فعنقها ) كاسيو .. ماسوقيش .. ماباغاش نفكر .. دابا .. بغيت حاجة وحدة .. ( طلع راسو و تقابل مع وجهها .. كتشوف فعينيه بترجي ) I want your d!ck .. inside of me .. ( بغيت زپك .. فيا لداخل )

كانت مرفوعة و بلا عقل .. و كون كانت قادرة تفكر مستحيل تقبل تنعس معاه بلا واقي ذكري .. مستحيل .. و لكن جسمها كان خارج السيطرة و كانت محتاجاه بحالا إيلا ماخداتوش غاتمو.ت .. حتى هو عقلو ماكانش خدام مزيان باش ياخد القرار و يبعد عليها .. داكشي علاش تگعد وقف .. هبط السروال و البوكسر فنفس الوقت .. شدها من سيقانها و جرها عندو بالجهد و حسات بالقضيب ديالو سخون فوق فريزتها و هاد المرة بلا حاجز .. عضات شفتها التحتانية بالججججهد حتى استطعمت الدم لسابع مرة هاديك الليلة ففمها .. قاد رأس القضيب ديالو مع الفتحة ديالها و دفع بالجهد مخليها تغوت .. رجع هو راسو اللور و تنهد بعمق كبير و بصوت مرتفع مغمض عينيه .. كانت مضيقة عليه .. سخونة .. رطبة .. و هو دازت مدة على آخر مرة نعس مع شي بنت .. و مدة طويييلة على آخر مرة نعس مع وحدة مضيقة بحالها ..

زااد غيب على الوعي .. زاد حماق .. زاد تشهاها .. و زاد تجنن عليها ..

هي حسات بألم قوي بحال لي حسات بيه ملي فقدات عذريتها أول مرة .. كان كبير عليها بزاف .. و لكن هاداك الألم كان غادي جنبا إلى جنب مع نشوة و متعة ماعمرها حسات بيهم من قبل .. و متأكدة بلي ماعمرها غاتحس بيهم مع شي راجل من غيرو ..

مارس معاها الچنس قدام الباب .. و دخلها لداخل و كمل معاها .. بزاف ديال الوضعيات و فبزاف ديال البلايص .. على الطوابل و الفوتويات و الأرض و الكراسا .. كان مسيطر فيهم كاملين .. استكشف جسمها كامل .. ندوبها الصغار لي مكيبانوش و الخالات المفرقين فلحمها و وشمها السري لي ماعمر شي واحد شافو من غير صاحبتها ليسا .. ذاقها كلها .. و ماكايناش شي بلاصة فجسمها ماغاديش يبقا فيها أثر منو ..

كياخدو استراحة قصيرة و مكيقدروش يحبسو دغيا كيرجعو لبعضياتهم .. بحالا كاينة شي حاجة قوية و غير طبيعية كتجرهم تجاه بعضياتهم بطريقة كتخلع و مستحيل تتقاوم .. كانو مشاعر إدمانيين سيطرو عليهم بجوج و مابقاوش قادرين يبعدو على بعضياتهم .. مع كل ثانية كيزيدو يغرقو .. و كيزيدو يتأكدو بلي مستحيل مزال يتشافاو من بعضياتهم و من هادشي لي دارو .. كيفما قال هو .. ماعمرهم غادي ينساوه و غادي يبقا تابعهم حياتهم كلها ..

___

من بعد ثلاثة السوايع .. طاح فوق منها كينهج على الزربية حدا المدفأة .. كان تقيل عليها بزاف مامخليهاش تتنفس و هي بصح كانت محتاجة للنفس .. ملي حس بيها كتعاني تحت منو مال بشوية للجنب و طاح للأرض حداها على ظهرو كيشوف للسقف و كذلك هي .. كيتنفسو بالجهد .. سخان .. مغطيين بالعرق .. كيسمعو لصوت الخشب كيتحرق فالعافية لي شاعلة حداهم و كيتخيل ليهم أن الصوت جاي من أجسادهم هوما ..

بقاو هاكاك شحال ساكتين كيردو النفس .. كيخرجو من هاديك حالة الانتشاء و غياب العقل .. عقلهم كيرجع لبلاصتو يخدم و كيوعاو بشنو وقع بيناتهم .. بلاما ينطق بشي حاجة ناض وقف من تماك و مشا .. سمعاتو طالع فالدروج .. بغات تدير بحالو و تنوض و لكن ماقدراتش .. جسمها كتحس بيه عياااااااان و كااامل كيضرها بحالا واكلة العصا !! شعرها الجدوع ديالو كيضروها حيت شدها منو بالجهد و بزاف .. الجزء السفلي منها كيحرقها .. صدرها كيعطيها الصداع هو و مؤخرتها .. ملي كان كيمارس معاها كان كيصـ.ـفعها فيهم بالجهد و حيت دمها سخون ماكانتش كتحس بالألم .. حتى بدا دمها يبرد عاد حسات بجسمها كااامل كيحرقها .. بحالا كانت فشي كومبا ولا حرب ..

ابتسمت ببلاهة و هي كتشوف فالسقف و كتسترجع بذاكرتها شنو وقع .. و أكثر حاجة ثارت اهتمامها هي كيفاش كلا فريزتها عند الباب .. واقف و هازها هي عندو ماشي راكع على رجليه قدامها .. سولات راسها لآشمن مرحلة من الكبرياء و الغرور واصل باش يكون هاكاك حتى فالچنس .. حتى و هو مرفوع و غايب على الوعي مزال متمسك برجولتو و هيبتو و قوتو و سيطرتو عليها .. رافض يطيح قدامها على ركابيه ..

فجأة اختفت ابتسامتها و وسعات عينيها ملي تفكرات قضية الواقي .. و جلسات بالزربة حتى زيرات على سنانها بألم ..

راكيل: فاك .. ( خدات نفس كتتأقلم مع الألم و حلات عينيها .. كتفكر .. ) شييت !! آش درت ؟! ( وسعات عينيها كثر و هي كتتفكر گاع آش دارت معاه .. ذكرى ورا ذكرى عينيها كيزيدو يتوسعو ) فاك ! فااك !! فاااك !!

شدات على راسها و هبطات عينيها كتشوف فجسمها .. آثار سنانو و يديه و كلشي .. ركابيها حمريين بالجهد .. كلشي حمر ..

بدات كتلعن تاني و هي كتزحف على رجليها و يديها حتى وصلات للفوتوي فين كاين الصاكادو ديالها .. جراتو حلاتو و جبدات منو باكية الكارو حلاتها دارت واحد ففمها و شعلاتو .. ماشي غير باش تزيد تفيق .. و لكن يمكن النيكوتين يحيد طعمو هو من فمها باش تنساه .. حيت خاصها تنساه .. خاصها تطرد هادوك المشاعر القويين من داخلها .. هو راجل غريب غدا غادي تتفارق معاه ماخاصهاش تتعلق بيه .. ماخاصهاش تزيد تتشهاه ..

سمعاتو هابط من الدروج و بدات كتكحب وحل ليها الدخان .. ملي بان ليها مدات يدها هزات وسادة غطات بيها صدرها و الجزء السفلي منها ..

شعرو كان فازك تاني باينة عاود الدوش .. سروال رياضي آخر و تيشورت كحلين .. فيديه حوايج مطويين و كيقرب ليها .. كتشوف فيه و كلما قرب نَدَمها على شنو دارت كيقلال .. كتعذر راسها .. راجل بحالو مستحيل يتقاوم .. راجل بحالو مستحيل تتقال ليه لا .. طعمو رجع سيطر على لسانها و رجعات كتحس بيديه كيقيسوها .. رجعات كتحس بيه كياكلها من برا و من لداخل .. دقات قلبها رجعو هاجو عليها و حرارتها بدات كتطلع ..

ملي وصل عندها مال و حط الحوايج فوق الطابلة .. رافع حاجبو من الوسادة لي مغطية بيها جسمها بحالا باقي فيه شي حاجة ما شافهاش .. كلشي فيها كان ضد المتوقع و فريد من نوعو .. ثلاثة السوايع و هو كيستهلك فيها و مزال كيحس براسو باغيها و مزال ماشبعش !!

كاسيو: ( زير على سنانو و بلع ريقو ) العشا مزال معطل .. ( أشار براسو للطابلة و داكشي لي كان حاط ليها ) كولي شي حاجة ..

راكيل: ( شافت للطابلة ) أتاي غايكون برد .. و زايدون .. ( رجعات شافت فيه ) كليت …

زاد زير على سنانو و على قبضة يدو من هضرتها لي هي براسها مكتفكرش قبلما تقولها .. كتستفزو بكلامها و حركاتها و شوفاتها .. مال لعندها و هي عينيها فعينيه .. مستعدة ليه باش يبوسها ينسيها فاش كانت كتفكر .. و لكن هو خدا ليها الگارو من يدها و عاود تقاد فالوقفة ..

كاسيو: ( دار الگارو ففمو و أشار بعينيه للوسادة ) I think you need some privacy .. ( كنظن راك محتاجة لشوية الخصوصية )

ضار عاطيها بالظهر غادي للباب .. هزات حاجبها و بانت ابتسامة جانبية على شفايفها ..

راكيل: بلاما تبقا تدير فيها جنتلمان .. گاع داكشي لي درتي ليا كيأكد بلي راك العكس ..

كاسيو: ( مكمل طريقو و الگارو ففمو ) بصح .. داكشي علاش … ( حل الباب و ضار شاف فيها بهادوك الشوفات المظلمين ) يمكن كان خاصك تديري عقلك و ماتقربيش ليا ..

خرج مخلي وراه غيمة من الدخان .. و هي ابتسامتها توسعات و ضارت كتشوف للحوايج ديالو لي خلا ليها .. تيشورت بيض و شورط كحل بالسيور ..

راكيل: ( جاوباتو بشوية بينها و بين راسها ) من نهار عقلت على راسي و أنا حمقة .. ماغانجيش حتى لعندك نتا و ندير عقلي …

___

حتى هي طلعات للحمام عاودات الدوش و لبسات الحوايج لي عطاها .. عراض عليها و مغطيين جسمها حتى لحد المرافق و الركابي .. و هاد المرة ملي رجعات لتحت لقاتو واقف فالكوزينة كيطيب .. هز راسو شاف فيها و عاود هبطو .. كان باغي غير يتأكد واش لبسات الشورط لي عطاها .. تعمد يغطيها كلها حيت كلما تعـ..رات كلما حماق هو كثر ..

مشات هي جلسات على واحد الفوتوي دارت رجل على رجل .. مقابلة معاه نيشان و قريبة ليه .. مراقباه .. كيفاش شاد الموس فيدو كيقطع الخضرة بهدوء .. و اكتشفت شنو هي الحاجة لي كتغريها فيه كثر .. هي هاديك السيطرة لي كيمارس على كلشي .. كيبان متحكم فالموس و فالجو و المحيط .. حتى فيها هي و جسمها و عقلها و أفكارها و قراراتها .. بلاما يقيسها ولا حتى يشوف فيها .. بعيد عليها بأمتار و كيتحكم فيها تماما !

فالأول كانت الخطة ديالها هي تجي معاه لدارو و تبات عندو .. و ماتكدبش كانت حاطة احتمال تمارس معاه الچنس فراسها حيت عجبها من أول لحظة شافتو فيها .. و فكرات بلي الغد ليه غاتمشي معاه يصايب ليها اللوطو ديالها و تكمل طريقها .. يكون مغامرة جامحة عاشتها و غاتعاود عليه لگااع صحاباتها ..

و لكن خطتها بدات كتريب قدامها ملي جربات تنعس معاه .. هادوك المشاعر الإدمانيين كان صعيب تتجاوزهم .. صعيب يكونو مجرد ذكرى غاتنساها شي نهار .. بغات تزيد تعيشهم كثر .. كان راجل غامض و مثير للاهتمام .. راجل فيه گاع داكشي لي كيعجبها و داكشي لي ماكانتش عارفاه كيعجبها و عجبها .. و هادشي علاش فكرة أنها تمشي الغد ليه بكل بساطة مابقاتش عاجباها .. مزال ماشبعاتش منو ..

الوقت كامل و هي حاضياه .. ماهضراتش معاه و حتى هو ماهضرش .. دار الطاوة ديال اللحم فالفران و مشا خرج .. ملي ناضت طلات عليه من الزاج ديال الشرجم بان ليها جالس فالطابلة لي برا كيكمي .. و مابغاتش تبسل عليه و تخرج .. حيت كان ساااهي و باين بلي مركز فشي حاجة كيفكر فيها .. و تمنات تكون هاد الحاجة ” هي ” .. تمنات يكون كيحس بنفس إحساسها .. بأنه ماباغيهاش تمشي الغد ليه ..

الحماق ..

راجل غريب عليها كتعرف غير سميتو .. حو..اها كثر ما هضر معاها .. و واقفة حاضياه و كتتمنى يكون كيفكر فيها و أنها تبقا معاه !!

__

بعد ساعة أخرى كانت جالسة على الكرسي قدامها الطابلة و هو كيحول العشا .. بطاطا مهروسة و قطعة لحم كبيرة محمرة بلاصوص و خضرة سوتي .. حط حداها هي قرعة الما و العصير و حط قرعة نبيذ حداه هو .. و قبلما يجلس حط ليها فطبسيلها .. بنفس الهدوء و الرزانة و الثقولية .. بنفس اليدين لي خلاوها تشوف النجوم واخا السما مغيمة ..

حط فطبسيلو حتى هو و جلس .. حل قرعة النبيذ و هز كاسو كب ليه .. ملي كمل مدات ليه حتى هي كاسها .. بقا كيشوف فيها و هي ابتسمت ..

راكيل: فعمري 24 عام ..

تنهد بشوية و كب ليها حتى هي .. و أول حاجة دارت هي خدات منو جرعة .. استطعمتها مزيااان و تنغماااتها .. و ابتسمت ملي تأكدات أنه نفس النبيذ لي ذاقت ففمو ملي باستو فاللول ..

راكيل: ( كتشوف فالطابلة ) Fancy meal ! ” وجبة فخمة ” .. ( شافت فيه و ربعات يديها على الطابلة ) ديما كتدلع راسك ولا حيت اليوم كاينة أنا ؟

كاسيو: ( أشار ليها لطبسيلها ) ماتخليش عشاك يبرد كيفما برد أتاي ..

خدودها حمارو و هي كتفكر فكيفاش أتاي برد و علاش و شنو كانت كتدير حتى برد .. خدات نفس عمييق و شافت قدامها .. أول راجل ينجح فأنه يخليها تتزنگ و تتلف ما تبقاش عارفة شنو تقول ولا تشوف فعينيه ..

راكيل: ( بدات كتاكل .. و من أول لقمة تغرمات بطيابو .. ) امممم !! هادشي .. بنييين !

شنو بغا يقول كاسيو: بحالك ..

شنو قال: ماقال والو .. غير حرك راسو بشوية و كمل كياكل فهدوء ..

راكيل: كيفاش طيبتي هادشي ؟ أول مرة ناكلو هاكا ..

كاسيو: ( بلاما يشوف فيها ) درتو فالفران ..

راكيل: خاصك تعطيني الوصفة ..

رجعات كتاكل و كتتبنن فماكلتو .. و هو ساكت .. شوية الوقت و عاود نطقات ..

راكيل: علاش ساكن هنا بوحدك ؟ فبلاصة مقطوعة حتى الريزو ماواصلهاش ..

كاسيو: حيت بغيت ..

راكيل: ( كتطنز ) لي شافك يقول راك هارب من البوليس ولا شي حاجة ..

كاسيو: و شكون عرف .. ( شاف فيها و ابتسامتها تزعزعات شوية و هزات حاجبها ) يمكن نكون بصح هارب ..

___

بلعات ريقها .. هضرتو رنات واحد الجرس مغبر كاين اللور فراسها .. جرس الخطر .. و لكن الرنة ديالو كانت منخفضة و ضعيفة قدام دقات قلبها من شوفاتو و شكلو و صوتو و ريحتو و مذاقو هو و ماكلتو ..

راكيل: ( ضيقات عينيها و رجعات ابتسمت ) ماعليش .. حتى أنا راني هاربة .. ( هزات الكاس دالنبيذ شربات منو ) من ماما ..

كاسيو: ( عينيه على طبسيلو نطق ) علاش ؟

راكيل: ( تنهدات ) حيت عيت منها .. باغية تقرر كلشي فحياتي مامخليانيش نعيش كيف بغيت .. و أي حاجة درتها مكتعجبهاش ..

هو سولها غير باش مايتسماش قمعها .. و لكن هي بدات كتعاود ليه بحالا كانت باغية غير معامن تهضر و لمن تقول هادشي .. كتهضر بشوية و تاكل و تشرب .. و هو غير كيسمع ..

راكيل: باغيا تختار ليا حوايجي و ماكلتي و صحابي و التخصص لي نقرا و فاش نخدم و حتى بيمن نتزوج .. بغاتني نكون هاديك البنت الضريفة و المطيعة لي كتلبس ليغوب طوال و مزوقين بالورد .. نمشي للكنيسة كل سيمانة و نصلي كل ليلة قبلما ننعس .. نكون أنا اللولة فالقرايا و نبعد على أي حاجة ممكن تفسدني ..

مدات ليه كاسها لي خاوي .. و هو هز القرعة كيكب ليها و كملات هضرتها ..

راكيل: فاللول كنت كنسمع ليها و كندير شنو بغات حيت مابغيتش ندير المشاكيل و ننوض الصداع .. و لكن ملي تفارقت مع الراجل لي خطباتني ليه بزز .. ماعجبهاش الحال .. و من تماك و حنا مدابزين كل نهار .. و باش مانزيدوش نكبرو المشاكيل بيناتنا قررت نسافر و نعيش فمدينة أخرى بعيد عليها .. نعيش كيف بغيت أنا ..

كاسيو: و كيفاش باغية تعيشي ؟

راكيل: حرة .. ( عينيها لمعو ) أنا من لداخل ماشي كيف بغاتني ماما نكون .. أنا بعيدة كل البعد على ” بنت الكنيسة ” لي كتتمناها هي ..

شاف فيها و بان الاهتمام فعينيه و هادشي فرحها هي و ابتسمت .. ربعات يديها على الطابلة و كملات كتعاود ليه ..

راكيل: عندي صاحبتي .. ليسا .. كانت جارتنا و لكن هادي ربع شهور باش تحولات لمدينة أخرى و أنا دابا تابعاها باش نسكن معاها .. ( ضحكات بشوية و هزات الكاس تشرب منو ) ماما كتكرهها .. كتقول بلي هي السباب حتى خرجت على الطريق .. حيت ليسا بنت حرة بلا قياس و كتعيش بلا قواعد و بلا قوانين كتدير غير شنو بغات وقتما بغات .. ( لوات شفايفها ) بيتش .. و حتى أنا بحالها غير ماما ماكانتش باغية تتيق هادشي و كتنكرو .. بحالا لانكراتو ماغايبقاش .. ( قلبات عينيها ) ماعلينا .. أنا و ليسا عندنا شين فيوتيوب و المحتوى ديالنا هو المغامرة ( رفع حاجبو و هي عينيها زادو لمعو بحماس ) لاشين مزال صغيرة حيت عاد بدينا فيها .. كنمشيو نقلبو على الخطر و نديرو حوايج حمقين و نسجلو هادشي و ننشروه .. نباتو فديور مهجورين ولا نتسلقو شي جبل ولا نخيمو فشي غابة .. كون كان الريزو كنت نوريك شوية من حماقنا ..

كاسيو: مكتخافوش ؟

راكيل: راه أحسن حاجة فهادشي كامل هو هاداك الخوف لي كتحس بيه و نتا كتدير هادشي .. ملي كتحس بالخطر و التهديد .. كيترفع الأدرينالين فذاتك و دمك كيسخن .. و بالنسبة ليا هادي هي الحياة .. حنا ماتخلقناش باش ندوزو حياة مملة سامطة و نمشيو بحالا ماعمرنا عشنا .. ( ضحكات بشوية ) و نقدر حتى نتا نجيك حمقة و مكلخة و لكن .. كلما خفت من الحاجة كلما بغيتها كثر و دمنتها .. فينما حذروني من شي حاجة كنلقا راسي غادية ليها برجلي ..

سكتات .. و بقا هو كيشوف فيها .. خدودها حمارو بالشراب .. عاود ضحكات بشوية و شربات من كاسها داكشي لي بقا فيه ..

راكيل: شفتي .. حتى نتا كنبان ليك حمقة ..

كاسيو: و فين المشكل فهادشي ؟ ( شافت فيه و هو وقف كيجمع الطابلة ) حنا گاع حمقين .. غير كل واحد حمق بطريقتو ..

___

عضات شفتها التحتانية و زادت غرقات .. كل لحظة كتدوزها معاه كتزيد تأكد ليها بلي مستحيل تنساه .. علاش تأثيرو قوي بحال هاكاك ؟ واش بسباب شكلو ؟ ولا شخصيتو ؟ ولا صوتو ؟ ولا الطريقة لي تلاقاو بيها ؟ بالنسبة لبنت كيعجبها الخطر و مدمنة مغامرات .. هاداك الراجل كان خطير .. كان مغامرة .. و مابغاتهاش تسالي .. بغات تزيد تعيشها حتى اللخر ..

تنهدات .. و وقفات حتى هي كتعاونو حتى حولو الماعن كلهم للكوزينة ..

راكيل: نتا طيبتي أنا لي غانغسل لماعن ..

كاسيو: ( حرك راسو بالإيجاب ) غانخرج .. إيلا حتاجيتي شي حاجة غاتلقايني برا ..

حركات راسها بواخا و مشا خرج .. و غير شوية و بدات كتسمع صوت الفاس ديالو كيقطع الخشب ..

___

الماعن كانو قلال دغيا غسلاتهم و طرفات الدنيا .. مسحات يديها و مشات للشرجم كتطل عليه .. كيبان ليها مشغول مركز مع الخشب ديالو .. لاحظات بلي قطع بزاف ديال الخشب ما يكفي المدفأة لأيام و مع ذلك ما حبسش .. داكشي علاش استنتجت بلي ربما مكيقطعش الخشب حيت محتاجو إنما باش يحيد الستريس ولا باش يفكر .. الموضوع غريب .. و لكن بالنسبة لبنت كتمشي للديور المسكونين باش تصفي أفكارها .. حتى حاجة ماكانت غريبة ..

خلاتو و مشات للدروج .. بما أنه هو مشغول و هي ماعندها ما يدار و مزال مافيهاش النعاس .. قررات تطلع للطابق الثاني حتى هو تستكشفو ..

بدات من البيبان لي فاليسار .. كان الحمام لي دوشات فيه جوج مرات .. لقات حداه غرفة مفرشة فراش عصري و فيها تلفازة بلازما كبيرة و شرجم كبير مسدود .. كلشي مرتب و مقاد و كلاس .. حداها كان بيت نعاس كبير و مرتب غالب عليه اللون البيج و الأبيض .. فيه بالكون الباب ديالو زجاجي مسدود .. ماكانتش كتدخل للبيوت غير كتحل الباب و تطل لداخل صافي .. الباب الرابع كان بيت نعاس آخر و كان مظلم .. حيت غالب عليه اللون الأسود و ريدواتو هابطين .. مابانش ليها مزيان شنو فيه و لكن من الريحة لي عاطية فيه عرفات أنه بيتو .. مابغاتش تتطفل عليه داكشي علاش سداتو و مشات تحل الباب اللخر فديك الجهة ديال الكولوار .. و عكس هادوك هادا ماتحلش ليها .. هزات حاجبها و شافت لتحت لقات الساروت لاسق فيه .. ضوراتو حلات الباب و طلات براسها .. كان حمام .. الضو شاعل و كلشي أبيض فأبيض .. نفس تصميم هاداك لي دوشات فيه .. جاو عينيها على واحد الحاجة و هزات حاجبها مستغربة .. فريگو بيض كبييير ! و ماافهماااتش شنو كيدير فريگو فالحمام !

فضولها خلاها تدخل .. مشات ليه بخطوات بطيئة و بشوية .. كتسمع صوتو و كتشوف واحد البوطونة زرقا شاعلة فيه يعني خدام .. و هادشي كيزيد يدهشها .. شدات فالمقبض ديالو و هزات الباب حلاتو .. ضربات فيها البرودة و لحمها بورش .. كيبان ليها عااامر بالميكات شفافين ديال اللحم !

راكيل: ( قرنات حجبانها باستغراب و همسات ) what the fúck !! لحم ؟! فالحمام ؟!

هزات حاجبها ملي بانت ليها شي حاجة كحلة فواحد الميكة .. مدات يدها هزات طرف الميكة بيدها ..

توسعو عينيها على حدهم .. دمها جمد .. و قلبها حبس ملي تلاقاو عينيها مع ملامح امرأة متجمدة ..

هي كانت هازا راس ديال بنادم !!!!!

___

طلقات الميكة و حطات يديها بجوج على فمها حابسة الغوتة فحلقها ماتخرجش .. تراجعات بالزربة اللور و عينيها واسعين كتنهج .. رجليها فشلو و قلبها كتحس بيه كيضرب بقوتو كلللها و كيضرها فصدرها .. عقلها لثواني ولا بحال شي صفحة بيضاء تماما و خاوية .. بحالا ضربها الضو و حسات بالصعقة ديالو و جسمها رعش بالجهد .. جسمها تشوك و حتى شعرها فراسها وقف ..

راكيل: ل..ا .. لا .. ( كتحرك راسها بلا ) لا ..

ماقدراتش تتيق .. و مابغاتش تتيق .. رجعات بشوية للفريكو كتسمع دقات قلبها فودنيها مجهدين .. وقفات حداه كتطل عليه من لفوق و أنفاسها كيتجهدو حتى هوما تدريجيا .. مدات يدها لي كترعش و هزات ميكة أخرى .. و شهقات ملي كتبان ليها يد !! عضات شفتها التحتانية و لاحتها .. بقات كتحقق كيبانو ليها أعضاء آخرين .. ميكات كيبانو عاديين و آخرين كيبان منهم بلي أعضاء بشرية !

العرق برد على جسمها و بدات كترعش .. شدات على راسها كتضور فبلاصتها .. الأفكار تزاحمو فراسها و حتى الاحتمالات .. كتحس بركابيها فااشلين بزز باش هازينها و حلقها نشف .. و توسعو عينيها بالجهد ملي تفكرات العشا .. اللحم الغريب لي كلات !!! فكرة مرعبة مروووعة عصفات برااسها .. و طاحت على ركابيها قدام لاشاس كتتقيا ..

كتفكر بلي كلات لحم البشر ! بلي هادشي علاش كان ماشي طبيعي و حسات بيه جديد عليها .. هي هاد الوقت كلو كانت مع كانـ. يبال ڨتال ! فدارو ! هضرات معاه جلسات معاه نعسات معاه و كلات معاه !! نفس اللحم لي فالفريكو !!

تقيات داكشي لي فجوفها كاااامل حتى مابقاتش قادرة و سخفات .. هزات راسها كتحركو بلا .. وجهها صفار .. يديها كيترعدو و عينيها كيرعشو .. كتنطق بصوت هامس و خايف و مصدوم ..

راكيل: لا .. مايمكنش .. أنا كنحلم .. كنتوهم ..

صرفقات راسها بالجهد حتى دمعو عينيها بالحريق باش توعا .. تفكرات ملي قال ليها ( غاناكلك ) و بدات كتكحب بالجهد .. كتنهج .. كتزييد ترعش .. بزز باش وقفات .. حلات الما فلاڤابو كتغسل وجهها بالجهد .. كتفكر بلي خاصها تتجاوز الصدمة باش تعرف تفكر .. و ملي هزات راسها حبسات الغسيل .. عينيها جاو على الريدو لي وراها .. بيض و ضاير بشي حاجة توقعات أنها البانيو .. المثير للانتباه و لي خلاها تحبس هو قطرات حمرين صغار فالجنب ديالو !

ضارت كلها تقابلات معاه .. بلعات ريقها بصعوبة كبييرة .. عارفة بلي ماخاصهاش تقرب .. عارفة بلي يمكن إيلا حيدات الريدو غاتشوف شي حاجة ماباغاش تشوفها و ماغاديش تقدر عليها .. و لكن هي مشات ليه و شداتو و بالزربة دوزاتو للجنب .. و كان قلبها غايحبس من المنظر !

كان عامر .. ماء أحمر غاااامق .. ريحتو بحال ريحة الصدأ خلاتها تخسر ملامحها .. أي واحد فبلاصتها كان إما غايطيح فاقد الوعي ولا يهرب يبعد من داكشي .. و لكن هي .. واخا ميـ. ـتة بالخوف .. واخا باغية تهرب .. لقات راسها كتجلس حداه على ركابيها .. مدات يدها بشوية باش تخشيها فيه .. و لكن ترددات .. مرة و جوج و ثلاثة …

راكيل: راكيل بيتش .. نوضي فحالك .. نوضي …

لسانها كينطق بحاجة و جسمها كيدير حاجة أخرى .. خشات يدها فالما .. و فنفس الوقت كتتوقع حيت التوقعات كيقللو الصدمة .. كتقول مع راسها بلي يمكن تلقا أعضاء بشرية .. كان هادا أسوء احتمال ..

جمعات الكم ديال التيشورت باش مايتقاسش و بقات هابطة حتى للقاع بتردد و توتر .. حتى قيسات شي حاجة و طلعات يدها بالزربة ..

راكيل: ( بانفعال مخلط بالخوف ) بيييتش شدي فرااسك ..

خدات نفس عميييق و عاود خشات يدها بالزربة باش ماتتراجعش .. مزيرة على سنانها كتتحسس شنو لتحت ! ماشي لحم .. ماشي شي حاجة رطبة ولا لزجة .. كانو شي حوايج قاسحين .. شدات أقرب حاجة طلعاتها و وسعات عينيها .. كان منشار !

طلقاتو للماء و وقفات .. رجعات للافابو غسلات يدها و هي كتفكر .. كتحلل الموقف لي هي فيه .. بوحدها .. فغابة مافيهاش الريزو .. مع مجرم .. و أقرب بلاصة هي موتيل بعيد ب 16 كيلومتر ولا كثر !

باش تتهدن بدات كتحاول تقنع راسها بلي هادي غير وحدة من المغامرات لي ديما كتعيش مع ليسا .. ماشي أول مرة تكون فغابة بحال هادي ..

” و لكن أول مرة تكون فيها بوحدها مع ڨتال ! “

خدات نفس عمييييييق و تنهداتو .. شافت جهة الفريكو .. و عقلها رجع خدم .. مشات سداتو و سدات الريدو .. وركات على لاشاس هبط الما .. و خرجات من الحمام من بعد سداتو كيف كان .. مشات كتجري فالكولوار و هبطات من الدروج .. وقفات لتحت كتشوف يمين و يسار كتتأكد بلي ماكاينش .. تمشات بالزربة هزات تيليفونها لي كان محطوط على الطابلة .. مشات للشرجم كتطل منو ماكانش عند الخشب و الحس ديالو مقطوع .. بلعات ريقها و عينيها كيترعدو .. كانت هادي فرصتها باش تهرب .. عارفة الطريق لي جاو منها حيت مطراسية فالأرض .. ملي توصل للطريق الرئيسي غاتجري فيه نيشان حتى توصل للموتيل و من بعد تبلغ البوليس ..

خططات لهادشي بالزربة فعقلها و مشات بالزربة قصدات الباب .. حلاتو و يالاه غاتخرج لقاتو واقف قدامها !!!

شهقات بالجهد و تراجعات اللور موسعة عينيها و شادة على صدرها كتنهج ..

كاسيو: ( هز حاجبو شوية .. كيطلعها و يهبطها بعينيه .. ) everything okay ؟

” كلشي لاباس ؟”

___

راكيل: ( كتحاول تتحكم فراسها ) آه .. غير .. ( شيرات للشرجم ) اا .. طليت و مالقيتكش .. كنت جاية نقلب عليك و .. خلعتيني ..

كاسيو بقا كيشوف فيها مدة .. كيقرا ملامحها .. من بعد حرك راسو بلاما ينطق .. و هي بقات كتاخد أنفاس عميقة باش ترتبهم .. كتفكر شنو تدير ؟

كاسيو: مشا الحال .. خاصك تنعسي ..

راكيل: ( شافت فيه .. بلعات ريقها ) ااا .. آه .. بصح .. و لكن .. ( هضرتها مقطعة كتفكر .. هزات يدها لي فيها التيليفون ) بغيت نخرج نقلب يمكن نلقا الريزو .. خاصني ضروري نهضر مع صاحبتي ..

كاسيو: ( بدا هو جاي داخل و هي كتتراجع حتى دخلو للدار ) ماكاينش الريزو .. كاين غير الشتا ..

سد الباب و هي حسات بحالا سد عليها فالحبس .. فرصتها ضاعت !

كاسيو: ( كيشوف فيها كتشوف فالباب ) الباب اللول على ليمن ..

راكيل: ( شافت فيه بحالا ماسمعاتوش مزيان ) نعام ؟

كاسيو: تماك بيت الضياف .. نعسي فيه ..

شافت جهة الدروج .. و عاد استوعبت هضرتو .. خدات نفس و حركات راسها بواخا .. مشات و فطريقها هزات الصاكادو ديالها .. غادية للدروج و كتحس بعينيه عليها .. كيحرقوها ..

طالعة فالدروج و كتشوف وراها لايكون تابعها .. ملي وصلات للطابق الثاني حلات باب البيت لي قال ليها و دخلات ليه .. سدات عليها الباب و بدات كتنهج .. شعلات الضو و ضارت تشوف فالبيت .. كان متوسط غالب عليه اللون الأزرق مَلكي و الفضي و الرمادي .. ديكورات قلال و الحيوط بيضين .. ريدو كبير رمادي فواحد الحيط .. مشات جراتو للجنب لقاتو بالكون بابو دالزاج مسدود .. كيطل مباشرة على الطوموبيلات فين مبلاصيين ..

رجعات الريدو كيف كان و مشات للباب .. ماكانش فيه ساروت باش تسورت داكشي علاش جرات كرسي و قاداتو تحت البوانيي .. محاولة يائسة منها حيت عارفة راجل بقوتو إيلا بغا يدخل عليها ماغاديش يحبسو كرسي ديال الخشب ..

بدات كتمشي و تجي فالبيت شادة على راسها و كتحاول تنظم أفكارها باش تعرف شنو تدير ..

راكيل: آش هادشي طيحتي فيه راسك أ راكيل ! آش هادشي ؟؟ هو راه .. ( وقفات ) ڨتال !!

دوزت يدها على وجهها كتهمس لراسها ..

راكيل: عندو لحم ديال البشر فالفريكو و كياكل منو .. كان بزاف .. تماك كان كثر من شخص واحد ! شكون هادوك ؟؟ واش شي ناس كيعرفهم ؟ ولا حتى هوما بحالي تلاقاهم صدفة فالطريق ؟ ( قرنات حجبانها ) صدفة ؟؟ صددفة ؟!!!

دارت يديها فشعرها .. كتتفكر بلي هي لي ركبات معاه فاللوطو و هو ما بزز عليها والو !

راكيل: ( بعصبية ) آه تلاقيتو صددفة .. و لكن نتيي لي جييتي لداارو برجليييك ..

غطات وجهها بيديها و رجعات كتمشي و تجي كتفكر .. عادة هي من النوع الجريئ لي مكيخافش بزاف .. و لكن كل انسان عندو حدود .. و بالنسبة ليها هي هادشي كان خارج حدودها .. و لكن ماكانش عندها الوقت باش تبكي و تنهار كان خاصها تجمع راسها و تخطط كيفاش تفك راسها من هادشي و تهرب ..

ملي عاود فكرات فخطتها اللولة عرفات بلي خطة غبية .. مايمكنش تهرب على رجليها وسط الغابة المظلمة .. غايتبعها باللوطو و غايلحق عليها .. و هادا غير احتمال من بزاف .. ممكن تتلف وسط هاديك الغابة لي مساحتها مئات الكيلومترات .. إما تمو. ت بالجفاف و الجوع ولا تتلاقا بشي حلوف ياكلها حية !

راكيل: ( جلسات على طرف الناموسية كتهضر مع راسها بشوية بحالا الهضرة الباطنية ماكافياش ) غاتتسناي .. غاتخليه حتى ينعس .. غاتهبطي تسرقي الچيپ ديالو و تهربي بيها .. شفتيه فين حاط السوارت ديالها .. ملي توصلي للمدينة غاتبلغي بيه البوليس ..

عقلها كيقول ليها احتمالات آخرين كيحاول يحبطها .. مثلا أن كاسيو ماغاديش يمشي ينعس و يخلي ليها سوارت اللوطو .. و حتى إيلا دارها راه ملي تديماري غايفيق و يتبعها باللوطو الثانية و يمكن يلحق عليها .. و حتى إيلا بشي معجزة هربات ملي يعيق بهادشي غادي يهرب قبلما ترجع هي بالبوليس .. ولا يمكن كاسيو هاد الليلة مايكونش مخطط ينعس أصلا إنما كيفكر كيفاش يڨتلها و يقاد لحمها فالفريكو ! ولا كيفكر فشي وصفة يطيبها بيها ..

نفضات راسها بعنف و هزات تيليفونها لي كانت لايحاه فوق الناموسية .. حلاتو كتقلب مزال ماكاينش الريزو .. دخلات للمحادثة مع ليسا فواتساب و بدات كتسجل ليها ففوكال ..

راكيل: بيتش .. دابا إما غاتكوني ناعسة ولا كتجربي ليا كارلوس تاني .. ماعرفتش .. المهم ….

و حيت صبعها كيرعش مشا الڤوكال بلاما تقصد .. بلعات ريقها و بدات كتكملو ففوكال آخر ..

___

راكيل: يقدر يجيك هادشي لي غانقول ليك دابا حماق و ماتيقيش .. و لكن راه وصل النهار لي كنتي كتهضري ليا عليه .. النهار لي الزيغة ديالي غاتطيحني فمشكلة كبر مني .. ماعرفتش كيفاش غانشرح ليك .. و لكن .. ( سكتات شوية كتفكر فكيفاش تصوغ جملة مفيدة ) راني محبوسة فواحد الدار وسط الغابة مع راجل باغي ياكلني .. لا ماخطڤنيش أنا لي لسقت فيه حيت دينمووو .. واعر .. غراني بالفورمة و الكاريزما حتى جيت معاه للدار و خليتو يحو..يني .. و دابا لقيت بنادم مقطع فالفريكو ديالو .. و يمكن نكون كليت منو معاه .. ( عضات لسانها و بقات ساكتة شوية .. خدات نفس عاد كملات ) غانحاول نهرب .. و لكن ماعرفتش واش غانقدر ننجح .. فاك ( شافت للسقف ) كنفكر إيلا مـ.ت هنا نتي غاتولي مشهورة بلا بيا ! البنت لي صاحبتها كلاها كانـ..يبال !! شيت !! ( ضحكات ) إيلا وقع هادشي تبرعي ب50٪ من الأرباح لداك الميتم لي مشينا ليه داك النهار .. قولي لدوك الوليدات يدعيو معايا .. يمكن ربي يغفر ليا كاع الكوارث لي درت معاك و مانمشيش لجهنم .. ( سكتات شوية .. عاود تنهدات ) أنا خايفة .. حيت بوحدي .. ماعرفتش كيفاش كان غايكون الوضع كون كنتي معايا .. ( ابتسمت ) يمكن كنا غانكونو دابا كنضحكو بالجهد بحال الحمقات واخا المو..ت قريب لينا .. و متأكدة كنتي غاتشعلي جوان نقسموه و تقولي ليا ” بيتش نتبوقو و لي ليها ليها ” .. ( عينيها غرغرو ) خرا .. كلشي معاك نتي كيولي ساهل و كيضحك .. أنا ماشي لزبيانة ماتفهمينيش غلط .. مزال كنبغي الرجال .. لي كيحو..يو مزيان .. لا .. ( حركات راسها بلا ) قبلما نمشي بغيت نعدل هاد القاعدة .. زيدي عليها ” و لي مكياكلوش لحم البشر ” ..

سكتات و زيرات على عينيها مغمضة عليهم .. طلقات الفوكال يمشي و شدات على راسها .. شافت فالشاشة كيبانو ليها ما مشاوش .. تنهدات و تفكرات ماماها .. بغات تسجل ليها حتى هي شي ميساج لي يمكن ماعمرو يوصلها .. عندها بزاف ما تقول ليها .. و لكن ماقدراتش .. خافت يمشيو الميساجات بشي طريقة و ماماها تعرف شنو واقع ليها .. عارفاها يمكن تحماق ولا تجيها سكتة قلبية تڨتلها .. داكشي علاش فضلات تدعي باش تخرج من ديك الغابة حية و تقول ليها الهضرة لي بغات مباشرة ..

عاود لاحت التيليفون و شدات على راسها كتتسنا ..

دازت الساعة اللولة و الثانية و الثالثة و راكيل مزال مانعساتش .. من شدة الخوف لي حاسة بيه كانت كتتخيل أصوات .. بعض المرات كتتخيل الباب كيتحل عليها .. و مرات كتتخيل صوت كاسيو كيغوت عليها من ورا الباب .. حسات براسها غاتحماق .. بان ليها واحد الغيتار كهربائي معلق فالحيط هزاتو ناوية تستعملو كسلاح إيلا دخل عليها .. إيلا كان باغي يڨتلها هي ماغاديش تخليه يديرها بسهولة .. كانت ناوية تتقاتل لآخر لحظة ..

الوقت كيدوز و هي بدا التعب كيتمكن منها هو و النعاس .. ماعارفاش كيفاش حتى عقلها نوا ينعس فهاد الوضع و لكن راه بصح عينيها ثقالو .. الليلة لي فاتت مانعساتش نهائيا كتوجد باش تسافر .. و حتى جسمها عيا ملي مارسات مع كاسيو .. خسرو ملامحها ملي تفكرات هادشي و حسات بالتقزز ..

سرق تركيزها صوت محرك خربق جسمها و مشاعرها تاني ..

جرات للبالكون بعدات الريدو شوووية كتطل .. بانت ليها الچيب ديالو كتبعد !!

وسعات عينيها ما متيقاش .. ماعارفاش واش هو بصح مشا ولا هي كتتخيل مع العيا ! طلقات الريدو و صرفقات راسها بالجهد حتى تأوهات .. و رجعات طلات مالقاتش اللوطو ديالو .. طلقات الغيتار و مشات كتجرييي هزات الصاكادو دارتو على كتافها و هزات تيليفونها .. مشات للباب دفعات الكرسي لاحتو للجنب و حلاتو .. مشات قاصدة الدروج و لكن وقفات قبلما توصل ليهم ..

الأدرينالين كيتدفق فعروقها .. عقلها تشوش .. و فكرة مجنوووونة جات لبالها !

هي ممكن تهرب .. و هادشي لي كيوقع ليها دابا ممكن يكون هو الفرصة لي كانت كتتسنا باش تنجح لاشين ديالها هي و ليسا !!

كتفكر بلي إيلا صورات فيديو واحد فهاد الدار .. فييديو واحد فيه هاداك الفريكو و اللحم لي فيه هي ممكن تولي أشهر مغامِرة فاليوتيوب ! شحال من واحد عاش هادشي لي كتعيش هي دابا و صورو ؟ حتى واحد !

جزء منها كيحذرها من هادشي و كيقول ليها تهرب بما أنها لقات الفرصة .. و جزء آخر تحمس بطريقة جنونية باغيها تغامر .. و لكن بقا السؤال هو ” واش هاداك الڤيديو كيساوي حياتها ؟ ” ..

قبلما تجاوب عليه لقات رجليها غاديين بيها للحمام لي فيه الفريكو .. ضورات البوانيي ماتحلش و مالقاتش فيه الساروت ..

راكيل: فاك .. ( كانت كتترعد .. حطات راسها على الباب .. غمضات عينيها و هضرات بشوية مع راسها ) هادي إشارة من السما أ راكيل .. الرب كيقول ليك تديري عقلك و تهربي من هنا .. كيقول ليك بلي هادشي مايستاهلش ..

بعدات من الباب بشوية و حركات راسها بآه كتوافق على كلامها .. ضارت و مشات كتجري حفيانة .. هبطات الدروج و مشات قاصدة باب الدار .. غادية ليه و كتدعي مايكونش مسورت .. و فعلا كان محلول حيت غير ضورات البوانيي و تحل .. فاش خرجات كان الجو برد .. ريحة التراب لي كتجي ورا الشتا كانت قوووية فالجو ..

وقفات راكيل لتحت .. على يمينها كانت الچيپ لي مخططة تسرقها تهرب بيها .. و على يسارها كان خيارها الثاني .. البلاصة لي فيها الخشب .. الفاس لي ممكن تحل بيه باب الحمام .. مافكراتش بزاف و ضارت كتتمشى بالزربة لوحدة من الجهات ..

راكيل: Jesus ” المسيح ” .. كان خاصك تعطيني كثر من إشارة .. ( كتشوف فالفاس قدامها ) عارف بلي وحدة ما عمرها كانت كافية معايا ..

___

لقات الفاس مغروس فجذع الشجرة .. مدات ليه يدها شداتو من القبضة بغات تهزو لقاتو لاسق ..

راكيل: فااك …

خدات نفس و شداتو بيديها بجوج كتجر فيه .. كان صعيب حيت مغروس بالجهد .. بقات كتتقاتل معاه و تجر مزيرة على سنانها حتى جبداتو و مع القوة لي كانت كتجر بيها طاحت للأرض .. زيرات على عينيها مغمضاهم من الألم حيت طاحت على مؤخرتها لي كانت مزال كتحرقها ..

بلعات ريقها و ناضت كتكابر .. يديها توسخو شوية بالطين و حتى رجليها و حوايجها .. الفاس ثقيل .. و مع كل ثانية عقلها كيميل لفكرة أنها تهرب و تتراجع على هادشي لي كتدير .. حياتها أهم .. و لكن الأدرينالين كان كيجري فدمها بالجهد و هو لي كيدفعها باش تكمل فهاد الحماق ..

هزات الفاس مضاربة معاه و مشات بالزربة رجعات للدار .. طلعات لفوق تاني و وقفات قدام باب الحمام .. كتشوف فيه و كتاخد فالأنفاس الطويييلة ..

راكيل: alright راكيل .. تقدي عليها .. نتي راك تقدي عليها .. ماغاديش يغلبك باب ..

كتحاول تهز الفاس لفوق بيديها بجوج و لكن بصح كان ثقيل و صعييب .. بقات كتتقاتل و كتنهج بزز باش قدرات .. ضر.بات جهة البوانيي بجهدها كلو و لكن ماكانش كافي .. شافت اللور كتتأكد واش ماكاين حتى واحد عاد رجعات كتشوف فالباب و تدير المحاولة الثانية ..

راكيل: Come ooon …

الضر.. بة الثانية و والو .. عرقات كتنهج و قلبها كيضرب بالجهد .. الفاس كيتغرس فالخشب ديال الباب و كيولي صعيب عليها تخرجو .. و لكن ما استسلمتش .. بقات كتضر .ب و تضر .ب حتى تهرس الباب من هاديك الجهة و تفصل على البوانيي .. كان خاصها غير تدفع بقوة باش يتحل .. و هادشي لي دارت .. لاحت الفاس فالأرض و تسمع صوتو مجهد .. و بدات كتدفع بكتفها بالجهد مزيرة على سنانها ..

راكيل: يالاااه …

خبطاتو بالجهد تفرع و كانت غاتطيح كون ما شداتش فالحيط .. شافت تاني وراها و حولها بحالا خايفاه يكون رجع بلا حس و يلقاها تماك .. دخلات للحمام و أول حاجة دارت حلات الريدو تتأكد واش البانيو مزال كيف خلاتو و فعلا كان مزال هاكاك .. مشات حلات الفريكو و حتى هو مزال كيف خلاتو .. كانت خايفة يكون شك فيها دخلات لتماك و يحيد كلشي ..

راكيل: ( بالاسبانية ) Vale .. دابا .. دابا .. تنفسي أ راكيل .. تنفففسي ..

غمضات عينيها و بدات كتاخد أنفاس عميييقة باش تتهدن .. كتحل يديها و ترجع تكمشهم .. من بعد حلات الما غسلات يديها من الطين .. جبدات تيليفونها من جيب الشورط لي لابسة .. حلاتو و مشات لجهة الكاميرا .. دخلات ليها و قاداتو معاها بحالا كتدير سيلفي .. دوزات يدها لي كترعش على وجهها كتمسحو من العرق و رجعات شعرها اللور .. بلعات ريقها .. كتشوف فوجهها فالشاشة .. و ضغطات على الزر باش يبدا تسجيل الڤيديو ..

راكيل: امم .. اا .. ( لانترو لي مولفة تقول تلفات عليها ) أنا .. ماعرفتش باش غانبدا هاد الفيديو .. و ماعرفتش شنو غانقول ليكم .. ( كتشوف يمين و يسار ماشي فالكاميرا ) اا .. أنا .. اووف .. ( شافت فالكام ) ماقادراش نهضر حيت .. أنا بصح متوترة .. و خايفة .. و متحمسة بالجهد .. مزال ما متيقاش شنو هادشي كيوقع ليا .. ماعرفتش واش راني كنحلم ولا راني كامية شي حاجة مجهدة .. حيت هادشي .. ( بدات كتضحك ) هادشي راه بزاااف .. ( بلعات ريقها ) المهم .. سمعو .. غانلخص كلشي حيت ماعنديش الوقت .. أنا .. كنت مسافرة .. كنسوق فطريق خاوية وسط الغابة و .. خسرات ليا سونيا .. تلاقيت بواحد الراجل و جابني معاه لدارو على أساس غدا يصايب ليا سونيا و نكمل طريقي .. ( تفكرات كيفاش نعسات معاه و غمضات عينيها .. نفضات راسها باغية تنفض هاديك الذكرى حتى هي ) وقعو بزاف ديال الحوايج .. من بعد إيلا خرجت من هنا نعاودهم ليكم بليديطاي .. لي خاصكم تشوفوه دابا هو هادا …

قلبات الكاميرة و مشات بيها لجهة البانيو كتصور هاداك الما الحمر ..

راكيل: فاك .. هادا ماشي ما مخلط بالصباغة .. هادا ما .. عامر بالدم ..

جلسات حدا البانيو على ركابيها .. و هاد المرة ما تردداتش باش تخشي يدها فالما حيت عارفة شنو فيه .. و جبدات أول حاجة شدات .. كان موس كبير القبضة ديالو رمادية ..

راكيل: ( كتوريه للكاميرة ) كاين بحالو بزاف لتحت .. تسناو …

عاود خشات يدها كتقلب بشوييية باش ماتجرحش بشي موس ولا منشار .. كتقلب على الغلاقة ديال القرقارة ..

راكيل: ( بصوت منخفض ) شيت !

لقاتها و جراتها حيداتها .. و وقفات دغيا كتشوف فالبانيو كيخوا من الما و وجهها رجع تاني كيعرق .. كتصور و تطل برا الباب ديال الحمام و تبلع فريقها ..

راكيل: ( خوا البانيو و هزات حجبانها كتهمس ) Holy fúck !!!

___

داكشي لي كانت كتتحسس غير بصباعها بان ليها مزيان و كامل .. مجموعة من الماس الكبار و الصغار و المناشر و السلاسل !! حطات يدها على فمها و تسمع منها صوت بحالا غادي تتقيا .. و كون ماكانتش خوات جوفها من قبل كانت غادي تزيد ترد ..

راكيل: هادشي ماشي كلشي .. الصدمة ديال بصح .. ( ضورات الكام لجهة الفريكو ) هي هادي ..

كان محلول .. قربات منو كثر كتبين شنو فيه .. و عاود هزات الميكا لي فيها الراس بيد كترعش و مزيرة على شفايفها ..

راكيل: ( طلقات الراس حيت ماقدراتش تبقا هازاه ) راس بنادم .. و كاينين ثلاثة آخرين لتحت .. ( بدات كتشير ليهم بصبعها ) راه واحد تماك .. و لاخر را هو .. و را لاخر لهيه مخبي .. ( خدات نفس عمييق ) كاينين ربعة ديال الناس هنا مقطعين .. و يمكن كثر ..

قلبات الكاميرة و قاداتها معاها ..

راكيل: سميتو كاسيو .. ( شمرات على نيفها عينيها كيرعشو ) ماعرفتش واش سميتو الحقيقية ولا كدب عليا .. كنظن بلي راه إيطالي .. عرفت هادشي حيت گاع السيديات ديال الموسيقى لي عندو و قراعي الشراب إيطاليين و حتى شي كتوبة .. ساكن بوحدو هنا .. يمكن كيجيب الضحايا ديالو لهاد الدار باش يڨتلهم و .. ياكلهم .. ( شافت للجنب ) و أنا .. ( مسحات على فمها ) يمكن كليت معاه منهم بلاما نعرف ..

بقات ساكتة شحااال كتحاول تخلي هاديك الفكرة تلقا بلاصتها فعقلها حيت مزااال مابغاتش تدخل ليها لراسها أنها كلات لحم البشر !!

ساطت الهوا من فمها و رجعات شافت فالكاميرا ..

راكيل: هو خرج قبيلة ركب فالطوموبيل ديالو و مشا .. ماعرفتش فين و كنتمنى يبقا معطل .. حيت أنا غانهرب من هنا .. بغيت نصور ليكم كلشي و لكن .. ( كتشوف جهة الشارج لي غير 15٪ ) يمكن ما يقدنيش الشارج .. المهم .. غانحاول ..

بقات كتصور و هي خارجة من الحمام .. كتتمشى بالزربة و الصورة كتتحرك .. هبطات الدروج و لتحت ضورات التيليفون فالطابق اللول كتصورو ..

راكيل: هادي هي الدار ديالو من لداخل ..

مشات للباب لي كان مزال محلول خلاتو هاكاك ملي كانت جايبة الفاس .. خرجات .. و مزال لهاديك اللحظة ما رداتش البال بلي راها حفيانة و خاصها تلبس شي حاجة فرجليها !

الشتا كانت كتطيح و لكن رقيييييقة و خفيييفة .. الأرض فااازگة و مغيسة و الهواء ثقيييل .. الجو كان داافي و مع هي متحمسة كانت حاسة بالصهد و عرقانة ..

تمشات و هي كتصور برا .. كان الجو مناسب لفيلم ديال الرعب .. الغابة المظلمة و السقييل .. قلبها كيزيد يتزير .. بينات للكاميرة الواجهة الأمامية للدار ..

راكيل: ( بشوية بحالا هاضرة مع راسها ) دابا فهاد الليل و ملي عرفت شنو كاين لداخل .. عاد ولات هاد الدار كتبان ليا كتخلع .. ( ضورات الكاميرة عندها ) ملي جيت ليها فالعشية كانت كتبان ليا زوينة و عجباتني .. ( ابتسمت باستهزاء و هي كتضور قاصدة الچيپ ) مامتيقاش بلي قبل ربعة السوايع كنت كنتمنى نعيش هنا ! فاك .. شحال مكلخة أنا !

وصلات للوطو .. قربات من الزاج كتطل عليها من لداخل كانت خاوية .. تنهدات و ضارت كتقلب على حجرة ..

راكيل: عرفتو شنو تفكرت دابا ؟؟ ( ضحكات ) أول مرة غادي نسرق الطوموبيل ديال بابا أنا و ليسا .. ملي علماتني كيفاش نحرك اللوطو بلاما نحتاج للكونطاكت كان يحساب ليا بلي هادشي شي نهار غايوصلني للحبس .. ماكنتش عارفة بلي يمكن هادشي يعتقني شي نهار هههه …

لقات حجرة كبيرة هزاتها .. حطات التيليفون على سطح الجيب و شدات الحجرة بيديها بجوج و ضر.. بات الزاجة .. تشققات حيت ماضر. باتش بالجهد … هزات يديها يالاه غاتضر.. ب الثانية و هي تجمد !! سمعات واحد الصوت خلا الدم يجمد فعروقها .. كان صوت محرك اللوطو كتقرب !! تمنات تكون غير كتتخيل و لكن الضو لي ضر.ب فيها من اللور أكد ليها بلي راها مكتتخيلش و بلي هادشي بصح كيوقع !!

ضارت بالزربة كتشوف اللور و بصح .. كانت الچيپ ديالو الكحلة كتقرب !

طاحت الحجرة من يدها بالصدمة و بقات كتشوف .. ماعرفاتش علاش و لكن جسمها جمد عليها مابقاتش قادرة تتحرك .. بحالا جاها الجاثوم .. اللوطو كتقرب و هي واقفة و كتشوف .. كلللشي فيها تخربق .. كتنهج و قلبها كيضرب بالجهد غايخرج من بلاصتو ..

كتفكر بلي صافي .. هي حصلات .. لقاها .. ماهرباتش .. غايشدها .. غايڨتلها .. غاياكلها !

___

وقف باللوطو قريب ليها .. كان مهبط الزاج و كيشوف فيها و حتى هي كتشوفو .. كان هادئ .. كالم .. ملامح وجهو باردين .. كيطلعها بعينيه و يهبطها بشوية .. الخوف لي واضح عليها .. التيشورت البيض لي موسخ بالما الحمر .. قضية أنها كانت كتهرس زاج الچيپ باش تهرب .. كلشي كيأكد ليه بلي شكو طلع صحيح .. هي بصح دخلات للحمام و شافت كلشي ..

راكيل كتسمع صوت كيغوت عليها لداخل بكلمة وحدة “RUN” .. جري .. جرري .. جررري !!!

و داكشي لي دارت .. هزات التيليفون ديالها و ضارت كتجريييي .. بلاما تعرف لفين .. غير كتجري بأقصى سرعة تقدر عليها …

مرفق يدو محطوط على الشرجم لي حداه .. ميل راسو و بدا كيحك على لحيتو بشوية و كيشوف فيها و هي كتدخل للغابة و للظلام .. مزال مبرد .. كيفكر .. كيفكر بلي هاديك الليلة ماغاتساليش كيفما كان مبلاني ليها تسالي ..

حيد الكونطاكت حل الباب و نزل .. كان بسروال جينز كحل و گاط بنفس اللون .. تيشورت كحل و جاكيطة كحلة فوق منو .. هز عينيه كيشوف للسما و قطرات الشتا الرقاااااق كيطيحو على وجهو .. خفااف .. ضعاف .. غمض عينيه .. و خدا نفس عميييييق تنهدو …

__

راكيل كانت كتجري فالظلام و كيضوي عليها غير الفلاش ديال التيليفون لي مزال كيصور .. رجليها كيعسفو على الحجر و العواد كتتجرح و لكن تركيزها كان على كاسيو و هروبها ماكانتش كتحس برجليها ..

كتشوف وراها كيبانو ليها الضواو ديال الدار كيبعدو .. ماعارفاش فين تمشي و لكن عارفة مناش خاصها تبعد .. و فهاديك اللحظة كان هاداك هو المهم بالنسبة ليها ..

تسمع واحد الصوت خطڤها .. كان صوت تيليفونها وصل ل 10٪ .. وقفات من الجرا كتنهج بالجهد و تشوف حولها .. شافت فالشاشة طلع ليها بلي خاصها تركب الشارجور .. وركات على أوكي و قادات معاها الكام و هي مزال كتتمشى بالزربة ..

راكيل: ( كلامها متقطع بحال أنفاسها ) هو .. رجع .. ( كتشوف حولها ) غايكون تابعني باش يلقاني .. أنا هاربة فالغابة .. ماعارفاش فين غانمشي .. معرفتتش شنو نديير .. و لكن غانبقا غير كنجري .. مانقدرش نبقا نصور دابا ضروري نحبس باش نحافظ على الشارج .. مزال محتاجة الفلاش باش نضوي بيه الظلام حيت .. حيت .. ( هزات راسها كتشوف فالسما ) السما مغيمة و ماكاينش الضو .. ( رجعات شافت فالكام ) ماعرفتش واش غانقدر نهرب .. و .. ماعرفتش واش غايوصلكم هاد الڤيديو .. كنتمنى يوصل .. حتى إيلا مـ.ت تعرفو شكون دار هادشي و فين .. ( تنهدات بعمق كبيير ) غانمشي دابا ..

كانت غاتحبس الڤيديو .. و لكن شي حاجة فيها لداخل خلاتها تخليه .. وقفات فهاداك الظلام و عينيها غرغرو .. رجعات قادات معاها الكاميرة ..

راكيل: امم … ماما .. ( شمرات على نيفها ) خاصني نقول ليك هادشي حيت يمكن ماتكونش عندي فرصة أخرى .. يمكن هادي آخر مرة تشوفيني و تسمعيني .. ( خدات نفس كيرعش حابسة البكية ) سمحي ليا .. سمحي ليا بزاف .. آخر مرة هضرنا قلت ليك كلام خايب بزاف و جرحتك .. ندمت بالجهد و لكن عنادي هو لي ماخلانيش نرجع نعتذر منك .. ( زيرات على سنانها ماباغاش تبكي ) ماما كان عندك الحق فكلشي .. أنا غير طايشة و ماعمرني عرفت شنو ندير .. غير كنخربق فحياتي و كيحساب ليا راني أنا لي عندي الحق و كلكم غالطين .. نتي و بابا درتو جهدكم و ربيتوني مزيان .. الغلط ماعمرو كان فيكم من ديما كان فيا .. كنتو باغيني نعيش حياة مزيانة و نكون بيخير .. و لكن أنا .. ( عضات شفتها ) مافهمتكم حتى فات الحال ..

تعكلات كانت غاتطيح و لكن شدات فراسها .. طاحو دموعها و ضورات الكام حتى مسحاتهم ..

راكيل: ششيت ( بهمس ) فاك مي .. ( رجعات الكام قاداتها معاها و عاد نطقات بالاسبانية ) شكرا على كلشي .. مادري .. حتى نتا بادري .. ( عينيها حمرين معسلين بالدموع لي هبطو بلاما تحبسهم هاد المرة ) كنبغيكم .. و كنواعدكم إيلا عشت .. غانرجع نسكن معاكم .. غانحيد هاديك لاشين .. مانقدرش نتخاصم مع ليسا حيت ختي ماشي غير صاحبتي .. كنتمنى تتفهمو هادشي و تقبلوه .. غانتصالح مع دانييل و غانتزوج بيه كيفما بغيتو .. غاندير أي حاجة قلتوها ليا ..

بالزربة حبسات الڤيديو حيت بدات كتبكي بالصوت .. هي ماشي بكاية .. شجاعة و شخصيتها قوية و دموعها بعاد .. و لكن صعيب تبقا قوي و نتا ضايع وسط الظلام و يمكن يكون تابعك واحد باغي يڨتلك ..

___

كتبكي و مزال هاربة .. الفيديو سيفطاتو لليسا .. عارفة بلي الريزو ماكاينش و لكن كتفكر بلي يمكن فشي لحظة يرجع و يمشيو الميساجات ديالها ..

شافت حولها الأضواء ديال دارو و اللوطو ديالو مابقاوش .. كيبان ليها غير الظلاااام فكاع الجوايه .. شعلات الفلاش فتيليفونها و وقفات كتشوف هنا و لهيه .. مابقاتش قادرة تزيد .. نفسها تجهدات و الرئتين ديالها كيضروها و حتى صدرها .. وقفات حدا واحد الشجرة و تكات عليها بظهرها كتنهج بالجهد من العيا ..

كان واحد الهدوء مرييب ضاير بيها .. الريح لي محركة كانت خفيييفة داكشي علاش حتى صوت الشجر كان منخفض .. و لأول مرة كتكره الصمت و الوحدة و الظلام لي من ديما كتبغيهم .. بغات أصوات مرتفعة .. بغات يكونو ضايرين بيها بزاف ديال الناس و الأضواء .. بغات إحساس الخوف يختفي .. هاد الحماس و الأدرينالين و الرعب لي كانت ديما كتقلب عليهم مع صاحبتها فالديور المسكونين و الغابات و الأماكن الخطرة .. دابا بغاتهم يحبسو .. حيت گاع المغامرات لي عاشت مع صاحبتها كانو غير فسبيل المتعة و كانت عارفة بلي مافيهمش خطر حقيقي ممكن يآذيها .. حيت الخطر الحقيقي هو راجل سايكو .. كيڨتل الناس .. كيڨطعهم و يطيبهم فالفران و يصنع منهم عشاء فاخر و بنين .. كيتنغمو مع كاس نبيذ إيطالي غالي .. و هاد الراجل يمكن يكون قريب ليها و هي ماعارفاش !

غمضات عينيها بالجهد و زيرات على التيليفون فيدها ..

سمعات صوت غصن كيتسحق فالأرض و تخطڤات بشهقة .. قلبها جهل فصدرها و جسمها كلللللو بدا كيترعد باللجججهد معاه .. أنفاسها تخربقو ولاو قاسحين كيضروها .. حلات عينيها بالزربة كتشوف حولها .. كتتمنى تكون غير كتتخيل .. كتضوي بالفلاش و كتضور بحالا كتقلب عليه .. السكاات و مكتشوف والو و هادشي كيزييد رعبها ..

راكيل: ( ماقدراتش تستحمل الضغط و نطقات ) هادا نتا ؟؟ ( بقا السكات .. انفعلت و هي كتشوف حولها بحال الحمقة ) إييلااا كنتتيي هناا هضضضر معااايااا ماتبقااش سااكت You ffffcking a$shole …

كاسيو: ( جاوبها بصوت هادئ و منخفض ) You’re trouble .. Freckles … ( نتي مشكلة .. أ مولات النمش )

صوتو كان قريب بزااااف بحالا راه قادر يقيسها !! مسترخي و مرتاح .. و نوعا ما مستمتع ! خصوصا أنه كيعيط عليها بهاديك الكلمة ! بحالا كيعيط على الحبيبة ديالو ولا شي شخص مقرب ليه ..

راكيل: ( كتضور فبلاصتها كتضوي الظلام لي ضاير بيها باش تشوفو ) خرج عندي .. خرررج ..

كانت كتفضل تشوفو و يواجهها على أنه يبقا كيدور عليها بحال هاكاك فالظلام .. ملي كتسمع غير صوتو بلاما تشوفو هادشي كيزيد خوفها أضعااف .. حيت كتحس بيه فكل بلاصة .. بحالا هو هاداك الظلام كااامل لي ضاير بيها و ماعندوش حدود ..

كاسيو: كان خاصك تنعسي ملي قلتها ليك .. ( خفض صوتو ) فريكلز ..

صوتو هاد المرة سمعاتو عند ودنها .. ماعرفاتش واش بصح ولا تخيلات .. و لكن راه خافت لدرجة شهقات بالجهد .. يديها فشلو عليها و التيليفون طاح منهم .. بلاما تضيع الوقت تحنات ليه هزاتو و بدات كتجري بلاما تعرف الاتجاه فين و هي كتبكي ..

راكيل: ( بهمس ) ياا ربي عاوني .. ياا ربي ..

و حيت عقلها مرفوع و كتجري بسرعة تعكلات و هاد المرة طاحت بالجهد .. تخبطات مع شجرة عاد مع الأرض ..

و مابقاتش قادرة تتحرك !

جسمها كاامل كيتألم و عضامها كلهم كيضروها ! كتحس بحالا العالم طاح عليها .. تضربات فراسها و داخت واحد الشوية .. شحال و هي كتشوف غير الضلام .. شوية بشوية عاد بدات كتوعى بلي كاين شوية الضو .. ضورات راسها بشوية للجنب كيبان ليها تيليفونها طايح و مقلوب يعني الفلاش كان موجه للأعلى و مضوي شوووووية حداها ..

كاسيو: كان خاصك تهربي ملي يالاه تلاقينا ..

دموعها نازلين على جناب راسها باغية تنوض تهرب و ماقادراش .. كتتحرك بشوية و لكن فاشلة .. و ماعارفاش واش حيت مضروبة ولا حيت عقلها مابقاش قادر يخدم باش يعاونها .. كتسمع صوت كاسيو هاضر معاها و لكن مزال ماقادراش تشوفو .. كان بحال شي شبح كيطوف حولها .. حاسة بالوجود ديالو .. كتسمع صوتو .. و لكن مكتسمعش الحركة ديالو .. و كل مرة صوتو كيجي من جهة .. كالم .. منخفض .. عميق و خشن .. مزال كيخلي القشعريرة تسري مع ذاتها .. و لكن هاد المرة بالرعب و ماشي الرغبة ..

كاسيو: ماكانش خاصك تركبي معايا فالطوموبيل .. ماكانش خاصك تجي معايا لداري .. ماكانش خاصك تخليني نحو.. يك .. و ماكانش خاصك تقلبي و تشوفي حوايج ماخاصكش تشوفيهم ..

راكيل: ( كتهضر بشوية ) عافاك …. ( و ضاعت الهضرة من فمها )

كاسيو: نتي كتزربي بزاف .. ( صوتو كيقرب ) حمقة .. شجاعة .. مكتخافيش .. مكتفكريش قبلما تديري شي حاجة .. و فوق من هادشي كامل .. نية ..

غمضات عينيها بالجهد .. أخيرا سمعات صوت خطواتو حتى وصل عندها .. وقف عند راسها تماما .. حلات عينيها بشوية حيت خايفة تشوفو .. كان واقف عند راسها بحال الظل .. كحل و طويل .. حبسات النفس و قلبها سكت .. و هو بشوووية جلس عند راسها كيشوف فوجهها لي مقلوب قدامو .. كتشوف هي فوجهو و الضو ديال تيليفونها وصلو شوووية .. خفييف و باااهت ضا.رب فنص وجهو ..

كاسيو: و الناس لي بحالك دييييما كتوقع ليهم نفس الحاجة ..

بشوية ترفعات وحدة من زوايا فمو .. أول ابتسامة تشوف منو هاديك الليلة .. و أكثر ابتسامة مريضة تشوف فحياتها كلها .. زاد تحنى عندها كيشوف فعينيها و خفض صوتو كثر بحالا كيهمس ..

كاسيو: كايمو..تو ..

___

” كايمـ.وتو “

هاديك الكلمة كانت بحال الإشارة لجسمها كامل باش ينتفض .. تحركات بالزربة رغم الألم .. ناضت من الأرض وقفات و بالجرا هزات تيليفونها و ضارت باغية تجري و تهرب منو تاني .. و لكن هاد المرة مد يدو شدها من شعرها و جرها عندو بالجهد حتى طاح تيليفونها و تخبطات مع صدرو و هي كتغوت من الألم ..

راكيل: ااااا .. طلق .. طلللق ممننني …

حاولات تطبق داكشي لي تعلمات فحصص الدفاع عن النفس لي كانت كتمشي ليهم مع ليسا .. لكماتها لصدرو و بطنو كانو ضعاف و ماحركوهش .. حتى ركلاتها كانو بدون قوة قدامو .. ضر. باتها كانو كيألموها هي ماشي هو .. عيات تكابر و تقاوم و هو واقف جامد مكيتحركش .. مكتشوفوش حيت كان الظلاااام .. هاد المرة تيليفونها طاح مقلوب و الفلاش جهة الأرض ..

الظلام و هاداك الراجل كانو تركيبة خطيرة ممكن تڨتل بالخلعة .. أنها تضر. ب و تقيس فجسم بهاديك الضخامة و القوة فالظلام كيخليها تتخيل بحالا راها مقاتلة مع مخلوق غير طبيعي ! شي مخلوق خيالي من قصص الرعب ..

ملي عرفات بلي ضر. باتها ما عندهم حتى نتيجة حبسات .. ماغاديش تخسر طاقتها فحاجة ماغادي تنفعها بوالو .. كتنهج .. كتسمع غير أنفاسها هي و أنفاسو هو .. كترعش و كتحس بجسمو سخون و هي مخشية فيه .. و شعرها كيضرها حيت مزال شادها منو ..

كاسيو: ساليتي ؟

قالها بشوية .. و حسات بأنفاسو سخان على بشرة وجهها .. ماهضراتش حيت ماعارفاش شنو خاصها تقول ليه ؟ تسبو ؟ ولا تترجاه يطلقها تمشي فحالها ؟

رخا على شعرها و شدها من ذراعها .. تحنى هز التيليفون حلو طفا الفلاش و دارو فجيبو .. و وسعات عينيها بشهقة ملي حسات بيه هزها و دارها على كتفو !!

راكيل: ( شعرها مدلي و حتى يديها .. شدات على الجاكيطة ديالو من ظهرو و همسات ) فاااك يوو ..

بدا كيتمشى فواحد الإتجاه .. هو ماكانش محتاج الضو باش يتمشى وسط الغابة .. كيدوز فيها بزاف من وقتو داكشي علاش كان حافظها شجرة بشجرة قادر يتحرك فيها بحرية واخا يكون أعمى .. الغريزة ديالو هي لي كتقودو وسطها ..

كان بحال شي حيوان فلازون ديالو .. كيتمشى بثقة و هدوء و عارف طريقو مزيان ..

راكيل ما غوتاتش .. ما بكاتش .. مابقاتش مضاربة معاه و كتركل باش يحطها .. بقات قاطعة الحس و ساكتة .. عارفة بلي ماغاديش ينفذ أوامرها و ماغاديش يتأثر ببكاها .. و عارفة بلي هي ضعيفة قدامو و ماتقدرش تتقاتل معاه .. بقات كتفكر شنو تدير ؟ آه هو شدها و لكن هي مزال ما فقداتش الأمل .. مزال كتخطط فراسها كيفاش تهرب .. كيفاش تتقاتل معاه و تتحرر منو .. ماحدها مزال كتطلع النفس يعني الموضوع ماسالاش ..

دقايق طويلة الظلام و السكات و الشعور القوي بالخوف و الضعف .. و بداو كيبانو ليها الضواو فالجناب .. قلبها تزير .. فجأة تمنات كون غير بقاو فالظلام و ماوصلوش ..

وصلو للدار .. كتشوف فاللوطو ديالو و فالطريق لي جا منها .. كتحلل الوضع بعقل مضبب و كتحاول تركز .. قلبها كيضرب بالجهد من فرط الخوف و تدفق الأدرينالين فالدم .. و ماعرفاتش علاش بغباء بدات كتنتر منو باش تهرب !

زير عليها بيدو مبلوكي حركتها و حسات بالعجز و غوتات بلاما تحس …

راكيل: ffffúck youuuuu you son of a bîtch …( تقوود أولد الڨحبة )

بدات كتض..رب فظهرو و هو ما متأثرش .. طلع الدريجات لي قدام الدار حتى وصل للباب حلو و دخل .. سدو بالسوارت و هي كتتدابز معاه .. كمل طريقو لداخل .. و لاحها بالجهد فوق الفوتوي طاحت عليه و تخربق شعرها على وجهها ..

ناضت وقفات باغية تهرب للباب و هو ينطق بشوية ..

كاسيو: Sit down .. ( جلسي )

حبسات كتشوف فيه و كتنهج مزيرة على قبضات يديها .. نظراتو قويين و قاسحين كيبينو ليها أنه تهديد ماشي مجرد أمر …

كاسيو: ( عاود نطق مورك على الحروف و لكن مارفعش صوتو ) Sit .. down ..

___

بلعات ريقها .. خدات نفس عمييييييق .. و جلسات .. ماتقدرش تعاندو و تتقاتل معاه و هي فالملعب ديالو .. واخا تهرب للباب راه مسورت .. ماعندهاش خيار من غير أنها تجلس و تتسنا الفرصة المناسبة .. الفرصة المناااسبة باش تتحرك و تتحرر منو ..

لاح السوارت على الطابلة ديال الخشب لي بيناتهم و رفعات هي حجبانها كتشوف فيهم .. كاسيو حيد الجاكيطة ديالو لاحها على الفوتوي حداها و ضار جلس على فوتوي لشخص واحد مقابل معاها .. شافت فيه لقاتو جبد تيليفونها من جيبو و حلو .. كيبان ليها كيقلب فيه و هي كتبلع ريقها .. حتى سمعات صوتها و عرفاتو لقا الڤيديو ..

غمضات عينيها مزيييرة عليهم بالجهد .. و هو كيتفرج .. حلات عينيها كتشوف باغية تعرف ردة فعلو و لكن كان كيتفرج بوجه خاوي من المشاعر ..

زادت خافت .. خايفة من شنو ممكن يدير فيها ملي يعرف أنها صورات كلشي و كانت ناوية تفضحو .. بدات كتشوف حولهم .. كتقلب على سلاح تستعملو ضدو .. كتخطط كيفاش تتعامل ملي يهاجم ..

كمل الفيديو .. مال للقدام حط التيليفون على الطابلة مخلي تركيزها يرجع ليه .. شافت فيه .. تقاد فالجلسة مرتاح فيها كثر .. ظهرو على الفوتوي مفرق رجليه و يديه على التكايات .. و عينيه عليها .. و عاد قدرات تلاحظ لاگريس لي فيديه !

كاسيو: عرفتي فين كنت ؟

ماجاوباتش .. مستغربة كيفاش مزال مبرد واخا داكشي لي شاف !!

كاسيو: مشيت نصايب ليك الطوموبيل ديالك .. سونيا ..

راكيل: ( رفعات حجبانها ) تصايبها ؟ علاش ؟

كاسيو: ( كيطلعها و يهطبها بعينيه بشووية .. حوايجها الموسخين بالغيس و حتى شعرها .. رجليها و يديها .. كيهضر بهدوء و بشوية ) كنت ناوي غدا الصباح نوصلك ليها باش تمشي تكملي طريقك ..

راكيل: ( بصدمة ) كنتي !!؟

كاسيو: ( رجعو عينيه لعينيها ) كنت .. حيت دابا .. مابقيتش نقدر نخليك تمشي ..

راكيل: ( بدات كتحرك راسها بالزربة ) لا .. لا شوف .. ( بلعات ريقها و حطات يدها على صدرها ) أنا .. أنا كنواعدك .. ماغادي نقول والو .. كنواعدك غادي ننسا .. شوف .. ( كتشير للتيليفون ) مسح هاداك الڤيديو .. مسح الميساجات مسح كلشي .. و كنقسم ليك إيلا خليتيني نمشي ماغاديش نجبد هادشي لشي واحد .. كنقسسسم ليك ..

كاسيو: ( بهدوء ) ماتكدبيش .. ( حرك راسو بلا بشوية ) مكيعجبنيش الكدوب ..

راكيل: ( مالت للقدام ) أنا انسانة أنانية أ كاسيو .. هادوك الناس لي لفوق ( كتشير للدروج ) فالفريكو .. أنا مكنعرفهمش .. ماعندي بيهم حتتتى علاقة .. علاش غادي نمشي نبلغ بيك حيت ڨتلتيهم ؟ ماسوقيش .. أنا بغيت غير نعيش .. دابا أنا سوقي غير فحياتي لي بين يديك .. كنقسم ليك مابقيت ناوية نبلغ بيك ولا نعاود هادشي لشي واحد .. غايبقا سر نديه معايا للقبر ..

كاسيو: ( بدا كيدوز يدو على لحيتو و كيشوف فعينيها مباشرة ) دابا ؟

راكيل: ( هزات حجبانها بعدم فهم ) كيفاش ؟

كاسيو: قلتي دابا .. و أنا متيقك ..

مزال ما فهماتش .. و كمل هو كيهضر بشوية عليه و بالثقالة ..

كاسيو: دابا نتي قدامي و خايفة مني .. حياتك ولات أهم من كلشي و باغية تعتقيها .. داكشي علاش كتحلفي و كتواعديني بحوايج قادرة توفي بيهم غير دابا .. دابا صافي ..

راكيل: مافهمتش .. شنو كتحاول توصل ليا ؟

كاسيو: ملي غادي تمشي من هنا .. ملي تبعدي مني و مانبقاش قريب ليك .. ماغاديش تبقاي خايفة مني نآذيك .. ضميرك غايفيق و ماغاديش تبقاي أنانية ( هي كتحرك راسها بلا و هو كيحركو بآه ) و غاتمشي لأقرب بوليسي بان ليك و غاتقولي ليه كلشي ..

راكيل: لا ..

كاسيو: قلت ليك مكيعجبنيش الكدوب ..

راكيل: ( بصوت منخفض ) عافاك ..

كاسيو: trust me freckles .. ( تيقي بيا ) ماكنتش باغي هادشي يوقع ..

بدا كيحرك لسانو ففمو لداخل و هو كيطلعها و يهبطها ..

كاسيو: ماكنتش باغي نآذيك حيت .. عجبتيني .. and I had the best time of my life fcking you .. ( و دوزت أحسن وقت فحياتي كلها و أنا كنح.ويك )

راكيل: ( بلعات ريقها .. ماتنكرش بلي حتى هي حسات هاكاك .. و لكن قبلما تعرف حقيقتو ) شنو باغي تدير دابا ؟

كاسيو: نعاود نحو..يك ..

راكيل غمضات عينيها بالجهد و زيرات على قبضات يديها ..

كاسيو: ( بنبرة الأمر ) حيدي حوايجك ..

___

حلات عينيها كتشوف فيه .. بان ليه فيهم بزاف ديال الخوف و التوتر .. و حركات راسها بلا ..

كاسيو: حيديهم أ راكيل ..

راكيل: مابغيتش ..

كاسيو: إما تحيديهم بخاطرك ولا نقطعهم عليك ..

كان كيهضر بهدوء مرعب .. كتحس بلي هضرتو كلها حقائق و تهديداتو كلهم جديين ..

راكيل: ( زيرات على قبضات يديها ) إيلا كنتي غادي تڨتلني غير ديرها نيشان و بالزربة .. بلاما تغتصپني ولا تعذبني ..

كاسيو: راكييل .. ماشي نتي لي غاتختاري واش نڨتلك و كيفاش و شنو ندير فيك .. راك قلتيها بفمك .. أنا ماشي جنتلمان ..

زيرات على سنانها .. ثواني دازو و هي مكتتحركش .. دار يدو فجيبو و جبد واحد الموس قبضتو كحلة .. حلو و لمع مع الضو ديال الثرية لي فوقهم .. شاف فالجهة الحادة منو و هو كيهضر ..

كاسيو: إيلا نضت نقدر نجرحك .. مكنعرفش نقطع التوب ..

راكيل: ( موركة على سنانها ) كتعرف تقطع غير اللحم ..

كاسيو: ( شاف فعينيها و سكت و هو كيحرك لسانو ففمو .. بان شبح ابتسامة صغيرة على شفايفو .. من بعد هضر بصوت منخفض بزاف ) سي ..

خدات نفس عميييق .. كانت محتاجة للوقت .. لهاديك الفرصة لي كتتسنا .. داكشي علاش ماكانش من مصلحتها أنها تعاند .. هادشي فاش كانت كتفكر .. و لكن الحقيقة لي ماباغاش تعترف بيها هي أنه حسات بيه كيتحداها .. كيتحداها تحيد حوايجها .. و مابغاتش تخسر التحدي ..

حيدات الصاكادو ديالها لاحتو حداها و بدات كتحيد فالتيشورت بشوية عليها ..

كاسيو: المرة اللولة ماعكستيش بحال هاكا ..

راكيل: ديك الساعة ماكنتش عارفاك ڨتال ..

كاسيو: حتى دابا حاولي تنساي بلي أنا ڨتال ..

راكيل: ( لاحت التيشورت حدا رجليها و بقات عر.. يانة من لفوق ) مانقدرش ..

كاسيو: ( ابتسم بالجنب و عينيه على صدرها لي واقف ) شفتي .. قلت ليك كتكدبي ..

عرفاتو شنو قصد .. قصد أنها كدبات فاش واعداتو بلي غاتنسا شنو عرفات عليه إيلا خلاها تمشي ..

راكيل: ( ناضت وقفات كتحل السيور ديال الشورط ) ماكدبتش .. غاننسا ملي نبعد عليك .. و لكن مانقدرش ننسا هادشي و نتا فوق مني كتحو.. يني ..

كاسيو: إيلا هاكا ماتخافيش .. نتي لي غاتكوني فوق مني ..

تنهدات بعمق .. هبطات الشورط و تعـ.. رات تماما .. و هو خدا وقتو كيتأمل فيها .. جسمها ملي توسخ غراه كثر !! الغيس فيديها و رجليها قهوي غامق و مغطي جزء من بياض لحمها .. و شعرها الفازگ لي مبعثر على كتافها و وجهها .. رعشة شفايفها و الخوف لي واضح عليها واخا كتحاول تخبيه .. مع لمعة إثارة غريبة فعينيها ..

رجع مذاقها باش يسيطر على لسانو .. مزال ماقدرش ينساه و عارف بلي مستحيل واخا يحاول ..

كاسيو: قربي ..

راكيل: ( شافت فالموس لي فيدو ) حتى تحيدو من يدك ..

كاسيو: ماغاديش نڨتلك بيه .. ( شافت فعينيه ) إيلا درتي عقلك .. I promise ..

و ماعرفاتش علاش الوعد منو هو كان كيبان حقيقي و ماشي كدبة .. مافهماتش كيفاش كتيق فڨتال ؟ فوحش ! سيكوباط ! يمكن حيت عارفة أنه ماغاديش يوحل فيها إيلا بغا يڨتلها .. كون بغا كان غاينوض عندها و يدير فيها ما بغا .. ماكانش محتاج يخدعها ولا يكدب عليها .. و هادشي علاش تاقت فيه ..

مشات بشوية وقفات قدامو مباشرة .. بدا كيضور قبضة الموس فيدو و يدو لاخرة مريحها على تكاية الفوتوي .. عينيه كيتساراو على لحمها ..

كاسيو: On your knees .. ( على ركابيك )

عرفات من هاديك الجملة أنه باغيها تدير ليه بلوجوب .. ماشي أول مرة تديرو .. و لكن ماتقدرش تقول على راسها محترفة .. ماشي هادي هي المشكلة لي كانت عندها .. المشكلة الحقيقية هي لمن غاتديرو .. ليه !!

هبطات بشوية جلسات على ركابيها قدامو .. كتسول راسها علاش كتنفذ الأوامر ديالو ؟ واش حيت خايفة منو يڨتلها إيلا رفضات ؟ ولا حيت عقلها المريض تحمس لفكرة أنها تمارس الچنس مع سيكوباط ؟!!

هي كتعرف راسها .. بعض المرات كيجيوها أفكار مراض بحال هادو .. مكتفهمش علاش فكرات فيهم و علاش بغاتهم و مكيكونش عندها تفسير .. كتمنع راسها منهم و كتنساهم حيت مامزيانينش .. حتى هاد الفكرة ديال أنها تمارس مع ڨتال سيكوباط كون جاتها فشي ظرف آخر غادي تحاربها .. و لكن فهاديك اللحظة هي ماكانش عندها خيار .. ولا هاكا كتوهم راسها .. بلي ماتقدر تدير والو من غير أنها تخضع ليه .. كتحاول تقنع ضميرها بلي راها كتتصرف تحت التهديد .. بلي راها ضحية .. واخا فالداخل ديالها هي باغية هادشي واخا خايفة منو .. متحمسة ليه واخا ممكن يڨتلها .. المنظر ديالو و هو جالس هاكاك و الموس ديالو فيدو كانو كيشعلو رغبتها .. كيثيروها چنسيا !! و لكن المهم هو أنها تمثل العكس .. تمثل بلي راها رافضة هادشي و كتديرو باش تعتق راسها .. تمثل أنها بصح ضحية انسان مريض .. واخا حتى هي مريضة بحالو ..

كاسيو: ( طلع التيشورت ديالو حيدو و لاحو فالجنب بقا صدرو عر.. يان .. شاف فعينيها و نطق بنبرة أمر ) حلي السمطة ..

___

بلعات ريقها كتشوف فيديها موسخين شوية .. و بلاما تفكر بدات كتمسحهم فالسروال ديالو بشوية .. و هو تنهد بعمق .. حركة وحدة بسيطة قادرة تشعل فيه العافية و تحرقو .. مدات يديها بشوية للسمطة و بدات كتحلها .. صباعها الصغار كيرعشو .. مخلط فيها الخوف و الشهوة و رغبة فبزاف ديال الحوايج .. فأنها تضر.بو .. و أنها تهرب .. و أنها تخليه يحو.يها كيفما دار من قبل ..

حلات السمطة و كملات من عندها بلاما يحتاج يآمرها تاني .. حلات الصدفة ديال الجينز و هبطات السلسلة .. هزات عينيها كتشوف فعينيه مباشرة و شدات على الحزام ديال السروال و حتى ديال البوكسر بجوج .. تگعد هو شوية و هي جراتهم هبطاتهم ..

راكيل: فاك !

بلعات ريقها و هي كتشوف فالعضو ديالو منتصب قدامها .. شافتو بزاف ديال المرات لمدة طويلة ملي مارس معاها فاللول .. و لكن مزال ماقادراش تتعود على حجمو .. دقات قلبها تجهدو و هاد المرة ماشي من الخوف .. من الحماس و الشهوة ..

كاسيو: Suck it .. ( مصيه )

راكيل: ( هزات عينيها بشوية حتى وصلات لعينيه الكحلين .. و نطقات بشوية كتهددو ) و إيلا عضيتو ؟ بجهدي كااامل ..

مال تحنى بشوية حتى قرب من وجهها .. حتى ولا النمش الصغير و الرقيق لي تحت عينيها واضح ليه .. مزال كتشوف فعينيه حتى حسات بالطرف الحاد ديال الموس تحط على عنقها .. باارد و قاسح .. حبسات النفس .. و هو ابتسم و نطق بنفس نبرتها ..

كاسيو: I dare you .. ( كنتحداك )

بلعات ريقها .. هاد التحدي ماتقدرش عليه .. ماشي و موس محطوط على عنقها .. بعض المرات حياتك كاتكون أهم من أي رهان آخر .. أهم من عنادك و كبريائك ..

مدات يدها شدات فالعضو ديالو .. زير على قبضة الموس فيدو و على سنانو .. حيد الموس من عنقها و تراجع اللور كيف كان جالس فاللول .. قربات منو و هي كتحرك يدها كتطلعها معاه و تهبطها .. الطريقة لي كيتفاعل بيها مع لمساتها و الضعف لي كيبان شوية فعينيه خلاوها تزيد تزعم .. خشات الراس ديالو ففمها و ضورات عليه لسانها .. و رجع هو راسو اللور و نطق مورك على الحروف كينهج ..

كاسيو: ففففاك !

راكيل حسات بلي ماغاديش تقدر عليه .. كان كبير عليها و صعيب تتعامل معاه .. و لكن ماقدراتش تتراجع .. كلشي معاه هو كان تحدي فهاديك اللحظة و هي مابغاتش تتراجع و تخسر .. خسرات مرة وحدة و هادشي كافي .. داكشي علاش كملات كتدخلو كثر ففمها ..

جمع شعرها بيديه بجوج و شدو بهاديك لي خاوية جامعو ليها .. حس بيها حبسات فالنص و مازادتش مزال .. ماكانش عندو الخاطر للاستفزاز ولا باش يهضر و يقول ليها شنو تدير .. داكشي علاش بدا هو لي كيتحكم فالممراسة و زاد دفعو لداخل .. عينيها تقلبو كتحس بيه وصل لمؤخرة حلقها و هو مرفوع .. وجهو حمار و تزير و عرق .. كيسب و يتنهد و يشوف لفوق ..

ماعارفش راسو شنو كيدير و علاش كيدير هاكاك .. لي عارف هو أنه محتاج لداكشي .. محتاج لملمس لسانها الرطب السخون على القضيب ديالو .. لشفايفها لي محاصرينو .. ليديها لي كيقيسوه ..

بدات كتدفعو بالجهد و كتحاول تتحرر منو .. شد يديها بجوج و جمعهم بيدو لاخرة ورا راسها بحالا رابطها .. يد شاد بيها يديها و الموس و الثانية شاد بيها شعرها .. وقف و بدا كيدفعو لداخل فمها و يخرجو بسرعة .. كتحس بحلقها تجرح و كيضرها بالجهد .. باغية تحبس و لكن ماكانتش عندها السيطرة .. كان هادشي كيضرها كثر ما كيمتعها .. الطرف الوحيد لي كان مستمتع بهاديك الوضعية هو كاسيو .. مرفوع و كيعرق .. فكرات تعضو .. تقرم عليه بسنانها و تجبرو يحبس .. و لكن ملي كتتفكر الموس و شنو ممكن يوقع إيلا تعصب منها .. كتتراجع ..

بقاو هاكاك شحال .. فالأخير رجع جلس كينهج حيت قرب يجيبو ..

كاسيو: غانجيبو ففمك .. و غاتشربيه كامل ..

نبرة الأمر تاني و هاد المرة بحدة .. بدات كتحرك راسها بلا و كتحاول تبعد و هو مزير عليها ..

كاسيو: كامل أ راكيل .. على كل قطرة ضاعت منو غاتطيح قطرة من دمك نتي ..

التهديد ديالو مع شوفاتو القاسحين كان عندهم مفعول .. حبس بتنهيدة عمييقة و جابو ففمها .. و لقات راسها كتبلعو !

خرجو منها بشوية حتى خرج كامل و خدات هي نفس عمييييق حيت كانت مخنوقة .. طلق من شعرها و يديها .. بقات كتنهج و سائل بيض مغطي شفايفها و كينزل على جناب فمها .. شد ليها ذقنها قاد ليها وجهها معاه .. و بدا كيمسح هاداك السائل بصبعو و يرجعو ليها لفمها باش تمصو !

مامتيقاش داك المرض لي كيوقع .. مامتيقاش بلي بصح كتمص صباعو بحال شي ڨحبة مُطيعة .. و مامتيقاش بلي جزء منها عجبو الحال !!

كاسيو: عاجبك الحال .. ياك ؟

راكيل: لا ..

كاسيو: ماتكدبيش .. بارت منك عاجبو الحال يمص زپي .. و صبعي .. ( كيدوز صبعو على شفايفها اللزجين و كيتحنى عندها بشوية .. كيخفض صوتو بحالا كيخاطب روحها ) عاجبو الحال نآمرك و نقول ليك هضرة خايبة .. نهددك و نهز عليك الموس ..

راكيل: ( قرنات حجبانها و شوفاتها فيه قاسحين ) نتا مريض ..

___

كاسيو: ( وجهو قرب لوجهها و همس عينيه فعينيها ) حتى نتي مريضة بحالي .. ( حط الموس تاني على عنقها .. تخطڤات نفسها و هاد المرة بدا كيحرك طرف الموس بشوييية مهبطو على لحمها و كيشوف كيفاش بورشات ) قلتي بلي ملي كتخافي من شي حاجة .. كتزيدي تبغيها .. و نتي دابا خايفة مني .. بزاف .. و هادشي كيخليك تزيدي تبغيني .. ( ميل راسو ) نتي باغاني نحو..يك .. ياك ؟

راكيل: ( كتحس بطرف الموس وصل لصدرها .. خوفها كيتزااااد و كتفكر بلي فأي لحظة غايخشيه فلحمها .. كترعش و دقات قلبها تجهدو .. ) و إيلا قلت لا ؟

كاسيو: إيلا قلتيها و ماكنتيش كاتكدبي .. كنواعدك ماغاديش نقرب ليك .. ( الموس كان كيدور بحلمة صدرها ) آه ڨتلت و لكن ماعمرني اغتصپت شي وحدة و ماناويش نديرها شي نهار .. ( شد رقبتها بيدو الثانية بلاما يزير عليها زاد قربها عندو و هو مايل عندها ) و لكن ديري فبالك جوج حوايج قبلما تجاوبي .. أولا .. ( زاد قرب منها حتى وصل لودنها و همس ) كنعرف بنادم ملي كايكدب غير من عينيه .. و نتي عينيك فاضحينك .. ( باس على ودنها و الموس مزال كيدور بصدرها ) ثانيا .. ( زاد همس و شفايفو على ودنها ) مكيعجبونيش الكدابين .. كيعصبوني ..

تراجع براسو بشوية حتى عاود تقابل معاها .. عينيه فعينيها .. الموس وقف فجنب بطنها .. يدو مزال على رقبتها .. و نطق بشوية ..

كاسيو: دابا قولي ليا .. واش باغاني نحو. يك أ راكيل ؟

راكيل: ( بلعات ريقها كتشوف فعينيه .. كيتسناها تجاوب .. باغية تكدب و تقول لا تاني .. و لكن هضرتو كانت تهديد ليها باش تقول الحقيقة .. و هي بصح كانت خايفة .. داكشي علاش نطقات بشوية ) آه ..

كاسيو: ماسمعتكش ..

راكيل: ( بصوت مسموع ) آه ..

ابتسامة جانبية راضية بانت على شفايفو من جوابها ..

و هي ملي سمعات راسها كتقولها حسات براسها غاتحماق ! مامتيقاش أنها بصح كتقول آه !! كتعترف بحماقها بصوت مسموع ! كتقول هضرة ماخاصهاش نهائيا تقولها ! و لي كيصدم بصح أنها بصح باغياه يحو..يها ! واخا گاع داكشي لي عرفات عليه و واخا الوضع لي هي فيه و الخوف لي غايڨتلها .. باغياه يحو..يها !!

كلشي فيه كان خطير عليها .. الجاذبية ديالو لي ضعافت ليها من أول مرة شافتو .. ريحتو و شكلو و صوتو و عينيه .. تركيبتو كلها .. كان بحال شي مخدر قوي و قااسح كيزيد يطفي عقلها .. كيزيد يحمقها و كيزيد يخرجها على طوعها باش تدير حوايج خايبين بالجهد و ممكن يكلفوها حياتها ..

كاسيو: ( رجع باللور تقاد فالجلسة ) Sit on it .. ( جلسي عليه )

غير عطا الأمر ديالو و لقات راسها كتطلع فوق منو .. شدات على كتافو .. شدو ليها بيدو حتى جلسات عليه .. بدات كتجلس بشوووية و بجوج رجعو ريوسهم اللور .. وصلات غير النص و حبسات .. كان كبير عليها ..

كاسيو: زيدي جلسي ..

راكيل: ماقدرتش ..

شدها من خصرها و هبطها بقوة و هي وسعات عينيها و فمها كتشهق .. ماشي غير بسباب شنو وقع لتحت .. و لكن بسباب برودة الموس لي كان فيدو و لي قيسها مخليها تزيد تبورش ..

بعد اليد لي فيها الموس و شدها من شعرها قربها عندو كيبوس شفايفها و عنقها و صدرها بعنـ.ف .. و هي حاولات تتحرك فوق منو .. كان العضو ديالو كبير و هي مضيقة .. داكشي علاش كان صعيب عليها تتحرك بسهولة .. بقات كتحاول بزاف ديال المرات و لكن ماقدراتش .. داكشي علاش لاح هو الموس من يدو .. شد على خصرها بيديه الكبار .. و بدا هو لي كيتحكم فالوضع .. كيحركها هي و كيتحرك حتى هو تحت منها ..

فهاديك اللحظة بجوج بيهم نساو شنو واقع .. هي نسات معامن كتمارس و هو نسا شكون هو .. كانت حاكماهم غير رغبة قوية فأنهم يتمسكو بهادوك المشاعر لأطول فترة ممكنة ..

لوقت طويل بقا كيتسمع غير صوت أجسامهم كتلتحم و صوت يدو إيلا صفعات مؤخرتها ولا صدرها .. صوت أنفاسو المجهدين و صوت آهاتها و شهقاتها هي .. و صوت شي واحد فيهم إيلا سب بالجهد من حر النشوة ..

كانو بحال شي فرقة موسيقية وصلات للذروة ديالها و أصواتهم تجهدات .. حتى الوتيرة لي كيمارسو بيها تسرعات .. بدات كتغوت من حر النشوة مزيرة على كتافو حتى دخلو ضفارها فلحمو .. و هو كيسب بالجهد .. شوية رعشو بجوج و هداااو ..

رجع هو راسو على الفوتوي كيشوف فالسقف و هي حطات راسها على كتفو .. كينهجو بالجهد .. عرقانين .. أجسامهم حاااارين داخلين فبعضياتهم و بحالا العافية شاعلة فيهم ..

كتحس بالسائل ديالو كيفاش انفجر فالداخل ديالها سخون .. و هو كيحس بأنفاسها سخان فعنقو ..

ثواني .. من بعد مد يديه شد راسها و هزو قابلو معاه .. عينيه فعينيها .. بقا كيشووووف فيها .. شافت بلي عينيه مابقاوش باردين و خاويين مظلمين كيف قبل .. كانو دافيين و معسلين .. بلع ريقو عاد نطق بشوية .. و لأول مرة نبرتو كانت مختلفة .. مافيها لا حدة لا برودة لا قسوة ولا أمر .. كان فيهم نوع من الضعف .. من الحاجة .. من الترجي !

كاسيو: بقاي معايا ..

___

وجهو كان حمر بحال جسمها هي .. عروق رقبتو مزال منفوخين .. كيتنفسو بالجهد و أنفاسهم مخلطين حيت وجهها قريب بزاف لوجهو ..

راكيل: شنو ؟!

كاسيو: ( بيدو شد على رقبتها من اللور ) ماغاديش نڨتلك .. و ماغاديش نخليك تمشي و تخليني .. غاتبقاي معايا .. هنا ..

هاد المرة ماقالهاش بحالا كيطلبها إنما كيعلمها أنها غاتبقا معاه .. بحالا هو خدا القرار و هي ماعندهاش الحق باش ترفضو ..

قال ثلاثة الاحتمالات و ختار بنفسو واحد .. و كان الأسوء بالنسبة ليها .. كانت كتفضل يڨتلها على أنه يخليها تعيش معاه ..

راكيل: علاش ؟

كاسيو: ( كيشوف فعينيها بحالا موضر فيهم ) هادشي لي كنحس بيه دابا .. بغيت نحس بيه ديما ..

راكيل: يعني .. بغيتي تخليني هنا معاك غير باش تحو.. يني ؟

كاسيو: ( بصراحة و بدون تردد ) آه ..

راكيل: إيلا غير على قبل السيكـ.س راك تقدر تجيب وحدة اخرى من غيري ..

كاسيو: No woman feels like you .. ( قرب حط شفايفو على ديالها و همس و هو كيبوسها بشوية ) no fcking one tastes like you ..

” ماغانحس مع حتى وحدة كيفما كنحس معاك .. و حتى وحدة ماعندها بحال مذاقك .. “

تجاوبات معاه فالبوسة ماشي حيت باغية تبوسو و لكن حيت محتاجة وقت باش تفكر فجواب .. ملي لقاتو فصلات البوسة و شافت فعينيه ..

راكيل: و لكن أنا .. مانقدرش نعيش معاك و نتا كتڨتل الناس ..

كاسيو: ( حرك راسو بلا ) أنا مكنڨتلش الناس ..

راكيل: و شكون هادوك لي فالفريكو لفوق ؟

كاسيو: هادوك عائلتي .. ( وسعات عينيها ) غير بوحدهم لي ڨتلت .. و ماناوي نڨتل حتى واحد من غيرهم .. كنقسم ليك ..

صدمها .. الكلام هرب منها .. و هو مال كيبوس عنقها بشوية عكس كيف كان كيدير قبل .. غمضات عينيها كتتحكم فراسها ماتنهارش بسبب شنو سمعات عاد نطقات ..

راكيل: و علاش ؟ ( هز راسو شوية شاف فيها و هي كملات بشوية ) علاش ڨتلتيهم ؟

بقات كتشوف فعينيه .. و كيبانو ليها كيرجعو لطبيعتهم .. للبرودة و الظلام .. شعر جسمها وقف و حلقها نشف من منظرهم هاكاك و كيفاش فلحظة تبدلو .. تراجع بشوية حتى تلاقا ظهرو بالفوتوي و حط عليه حتى راسو .. كيشوف فيها و لكن عقلو مابقاش مركز معاها ..

” علاش ڨتلتيهم ؟ “

سؤالها بدا كيضور فراسو مع بزاف ديال الأصوات آخرين .. راجل صوتو خشن و ثقييل بالشراب كيغوت و كيسب .. صوت امرأة كتبكي بالجهد و كتغوت لشي واحد يعتقها .. صوت ماعن و طوابل و أثاث كيتهرس .. صوت بنت مراهقة كتبكي بالجهد و كتغوت بربعة الكلمات بالإيطالية ” بابا .. عافاك .. بعد منها ” .. صوت ولد كيسب و كيغوت .. الأصوات كيتجهدو .. و ذكريات كيدوزو قدام عينيه .. خصوصا وحدة .. مطبوعة فعقلو .. واضحة بتفاصيلها كلهم ..

ماماه طايحة فالأرض .. بفستانها البيج المفضل لي مزوق بوردات غوز صغار .. نيفها و فمها كينزفو .. و باباه لي راجع للدار بالليل سكرااان بعدما خسر فلوسو كاملين فالقمر تاني .. واقف حداها كيضرپها بالركالي و هي كتبكي و كتترجاه باش يحبس ..

” ڨحببة .. ولييتييي كتخبيي عليااا الفلووووس !!! “

خوه الصغير .. طفل فعمرو 8 سنين .. ببيجامة دالنعاس كحلة مزوقة بدببة قطبيين .. جاي كيجري كيجر فباباه باش يبعدو على مو و هو كيبكي و كيغوت ” بععدد من مااامااا ..”

كيشوف كيفاش باباه دفعو حتى طاح حداها .. حيد السمطة من سروالو و بدا كيضرپهم بجوج .. كيشوف ماماه كيفاش حضنات على خوه مخبياه كتحميه و كتهز الدقات كاملين و هي كتغوت ” باراكة عافااك .. ” و كتبكي .. و فنفس اللحظة كيسمع صوت بكا ختو الرضيعة جاي من جهة بيت النعاس ..

كيتفكر راسو و هو ولد 11 عام تحت ناموسيتو فالأرض .. متكي على كرشو .. جامع يديه قدامو و حاط عليهم ذقنو .. حداه الطوموبيل اللعبة ديالو .. كيشوف فهاداك المشهد من الباب لي خلاه خوه محلول ملي مشا يعاون ماماهم .. عينيه خاويين مافيهم لا ألم لا حزن .. فراغ كبير و برود مكيليقوش بملامحو الطفولية .. مشهد كان كيشوفو من نهار حل عينيه فالدنيا .. و بقا كيشوفو حياتو كلها .. حتى قرر قبل خمس شهور يدير ليه نهاية .. يحبس ألمهم هوما و غواتهم مرة وحدة .. و للأبد ..

راكيل: ( ملي تعطل باش يجاوب نطقات بشوية ) كاسيو ..

” كنت باغي نڨتل بادري بوحدو و نهني عائلتي منو .. و لكن عرفت بلي واخا يمو.ت حتى حاجة ماغادي تسالي .. غايبقا حي فعقولهم و محرم عليهم يعيشو .. كان خاصهم يمو.تو باش يرتاحو .. داكشي علاش ڨتلتهم .. عاونتهم باش يرتاحو .. هنيتهم من الضرپ .. و الصداع .. و المشاكيل .. “

هادو هوما الكلمات لي وجد باش يقول .. و لكن ملي فرق شفايفو و حرك لسانو خرجات هضرة أخرى ..

كاسيو: ( بصوت منخفض ) حيت فيهم الصداع ..

___

هزات حاجبها .. و ابتسامة جانبية بانت على شفايفو .. مال عندها كيبوس فعنقها و يدوز عليه لسانو .. و كيهضر وسط هادشي بنفس الصوت المنخفض ..

كاسيو: بادري .. مادري .. خويا .. و ختي .. كلهم كان فيهم الصداع ..

هز راسو شوية تقابل معاها .. عينيه سكرانين بيها .. كيهضر بهدوء بحالا كيقول حوايج عاديين و هي قلبها كيتجهدو دقاتو ..

كاسيو: كانو كيغوتو بزاف .. كيقلقوني ..

راكيل: ( بلعات ريقها ) و إيلا .. غوت حتى أنا ؟ غاتڨتلني ؟؟

كاسيو: ( ابتسامتو توسعات حتى بانو نيابو .. رجع اللور تكى بظهرو و راسو على الفوتوي ) نتي غاتغوتي فحالة وحدة .. ( حط يديه على مؤخرتها و عصرها و هي شهقات بشوية و مالت عندو كثر حتى قرب وجهها من وجهو و يديها على كتافو ) ملي نكون كنحو..يك .. ( حط شفايفو على ديالها و نطق بهمس ) و هاد الغوات منك نتي .. كيعجبني ..

راكيل: ( بعدات راسها شوية و بان الانزعاج فوجهو حيت كان باغي يبوسها ) و علاش كتاكلهم ؟

سؤالها كان مغلف بأمل زائف .. تمنات يقول ليها بلي ماكياكلهمش و يكون شكها خاطئ .. و لكن هو ترخاو ملامحو و بان شبح ابتسامة على وجهو ..

كاسيو: فاللول كنت باغي ندفنهم .. و لكن فكرت نجرب .. بغيت نعرف واش بصح لحم البشر بنين كيف كيقولو ولا غير كدوب ..

حبسات راسها بزز ما تتقياش على وجهو .. زمات شفايفها و زيرات على سنانها و عينيها غرغرو .. كلها رعشات ..

كاسيو: صدق tasty ( بنين ) .. داكشي علاش قطعتهم و حطيتهم فالفريكو لفوق .. و قررت ناكلهم ..

راكيل: ( شعور التقزز كيكبر فيها .. و هضرتو فهادشي بهاديك الطريقة الباردة كتخليها تزيد تخاف ) يعني … ( زيرات على كتافو بلاما تحس ) ملي قلتي ليا غاتاكلني كنتي كتقصدها بالمعنى الحرفي !

كاسيو: ( حرك راسو بلا بشوية ) لا .. نتي لا .. ( كيزيد يزير على مؤخرتها و كينطق بشوية ) هوما كليتهم ميتين .. أما نتي .. ( عينيه لمعو كيشوف فعينيها الخايفين ) غانبقا ديما ناكلك حية ..

شافت للجنب و معدتها كتزيد تتقلب .. و هو مال كيبوس كتفها .. و إبهام يدو اللور كان كيدوز بشوية على الوشام لي عندها فوق مؤخرتها تماما .. بخط ملتوي .. ضايرة بيه أفعى سوداء كبيرة و ورود حمراء عامرة بالشوك ..

” I like it DIRTY .. That’s my guilty PLEASURE ..”

الوشام السري ديالها و لي قراه عشرات المرات هاديك الليلة ملي كانت قدامو عر.. يانة على يديها و رجليها و هو وراها كيح..ويها ..

كاسيو: ( خفض صوتو كيهمس حدا ودنها ) غاتزوجي بيا .. و غاتولدي معايا أ راكيل .. غانعيشو هنا أنا و نتي و ولادنا .. و ماتخافيش .. أنا ماشي سكايري و قمار .. ماغاديش نضرپك كيفما كان بادري كيضرپ مادري .. نتي ماغاديش تبكي .. داكشي علاش .. حتى واحد ماغادي يمو..ت .. كنواعدك بهادشي ..

خدات نفس عمييق خرج كيرعش .. حسات براسها مابقاتش قادرة تستحمل .. شافت جهتو و نطقات ..

راكيل: بغيت .. ندوش ..

هز راسو بشوية و تقابل معاها .. عينيه فعينيها .. كتحس بيه كيقراها .. بحالا غايعرف فاش كتفكر و هادشي كيزيد يخوفها ..

طلق منها بشوية و حرك راسو بواخا .. ناضت من فوقو و هي حاسة بالألم تحت منها .. هزات حوايجو لي كانت لابسة و مشات قاصدة الدروج و هو مراقبها من اللور .. جسمها كان فقمة جمالو و جاذبيتو بالنسبة ليه .. موسخ بالغيس و العرق و الريق و المني ديالو .. مغطي كلو بعلامات حمراء عارفهم غايبقاو مطراسيين فيه لأيام ..

طلعات بأقصى سرعة تقدر عليها بحكم رجليها فاشليين .. ذاتها كلها فاشلة .. دخلات للحمام لي دوشات فيه فاللول و سدات عليها من لداخل .. لاحت هادوك الحوايج فالأرض و تخشات تحت الدوش و طلقات الما باااارد .. كانت محتاااجة تصحصح و توعى .. كانت محتاجة جسمها و عقلها يتوگضو .. ملي كملات خرجات من الدوش و هزات الفوطة تنشفات .. من بعد هزات حوايجها لي جات بيهم و حيداتهم قبل أول دوش .. لبساتهم .. كانو تماك حتى تقاشرها و سبرديلتها و حتى هوما لبساتهم ..

خرجات من الدوش و هي مقررة شنو غاتدير .. شافت فهاداك الكولوار مابانش ليها الأثر ديالو .. تحركات بشووووية عليها و بدات هابطة الدروج بلاااا حس .. كتسمع صوت الموسيقى منخفض جاي من التورن ديسك .. و بان ليها هو واقف ورا الشرجم .. وراه كانت الطابلة عليها قرعة النبيذ و هو كان هاز كاس فيدو .. كيشوف من الزاج لبرا .. كان كيبان ساااهي ..

شافت على الطابلة كان مزال محطوط تيليفونها و حتى سوارتو !! بلعات ريقها و شكرات الرب حيت الموسيقى خدامة و يمكن هادشي مايخليهش يسمع خطواتها إيلا قربات ليه .. كانت ناوية تتسنى الفرصة المناسبة باش تحاول تهرب و لكن عرفات بلي هي لي خاصها تصنع هاديك الفرصة .. عرفات بلي خاصها تتحرك و تدير شي حاجة إيلا بغات تعتق راسها .. كانت كتفكر تقبل العرض ديالو و تبقى معاه و تسايرو حتى تعرف كيفاش تدير تهرب .. و لكن راجل بحالو ڨتل عائلتو و كياكلهم مستحيل تيق فيه .. فأي لحظة ممكن يتقلب عليها و يڨتلها .. داكشي علاش كان خااصها تتصرف قبلما يوقع هادشي ..

بدات كتتمشى بشووووية لجهتو و قلبها كيضرب بالجججهد .. شعرها الفازگ مفزگ حتى حوايجها و هي كتحس براسها عرقانة .. و كتشجع راسها باش تكمل و ماتتراجعش ..

___

كاسيو كان ساهي كيتفرج فالشتا لي كتصب برا و كيسمع للموسيقى المفضلة عندو .. كيفكر فيها هي ..

فهادشي لي كيدير .. مانادمش و هو متأكد من القرار لي خدا .. باغيها تبقا معاه بأي ثمن .. كانت بحال شي مخدر جديد اكتشفو .. دمنو من أول تجربة و ماباغيش يحبسو .. كان باغيها تبقا معاه و يتزوج بيها و يدير معاها عائلة .. عائلة !! ماعمرو فكر يدير عائلة .. كانت هادي أول مرة و ماقادرش يستوعب كيفاش بنت يالاه تلاقا بيها خلاتو يفكر بهاديك الطريقة .. هو كان معقد من هاد الناحية و ماعمرو بغا يرتبط بشي وحدة و يدير معاها ولاد .. حيت كان فأعماقو خايف شي نهار يولي بحال باه ..

راكيل خربقات ليه وراقو .. خلاتو ينسى الحذر ديالو لدرجة أنه غلط و نسا الساروت فالحمام ملي يالاه دخلها لدارو .. نسا شنو مخبي تماك .. و لكن الغريب فالموضوع هو أنه من بعدما ذاقها و مارس معاها ولا هو لي باغيها تعرف !! و واخا يعيا يكدب على راسو و يخبي .. الحقيقة هي أنه عجبو الحال ملي عرفات !! حيت كان محتاج لسبب باش يربطها معاه و ماكانش لاقيه .. كان محتاج سبب يقنع بيه راسو .. و أنها تعرف السر ديالو كان أحسن سبب .. كون ماعرفاتوش كان غايكون مضطر يسمع لعقلو و يخليها تمشي فحالها و تكمل حياتها بعيد عليه ..

من اللحظة لي تلاقاو فيها و هي كتلعب ليه بعقلو بطريقة غريبة مافهمهاش .. شخصيتها الحمقة و الجريئة هي لي خلات كلشي معاها يكون مميز .. حتى الچنس .. مافاهم والو .. و ماباغيش يفهم حيت ماشي مهم بالنسبة ليه .. المهم هو راكيل تبقا معاه و حداه .. تولي مراتو .. ديالو ..

سمع شي صوت منخفض و حس بالحركة وراه قاطعو أفكارو .. و مع الضورة كلشي وقع بالزربة .. ضرپاتو راكيل بقرعة النبيذ للراس بالجهد و هي كتغوووت .. و طاح الكاس من يدو للأرض تشتت و تزلع النبيذ حتى ترش على الحيط !!

كاسيو: ( بشوية مزير على سنانو ) Cazzø !!

وسعات عينيها كيرعشو ملي ماطاحش ! كيبان ليها غير ضور راسو للجنب .. شد على راسو و هو مغطي بالنبيذ الأحمر و قطرات من الدم الغامق ..

تراجعات هي خطوة اللور كتشوف فيه مصدومة و قلبها فحلقها مصعب عليها تبلع ولا تتنفس .. توقعات هاديك الضرپة غاتطيحو ولا تڨتلو ولا على الأقل تخليه يفقد الوعي !

و لكن هو كان مزال واقف .. كيبان ليها هبط يدو لي كان شاد بيها بلاصة الضرپة و بجوج شافو فيها .. حمرا بالدم !! رجعات شافت فوجهو .. فملامحو لي مزال هادئة .. شعرو فازگ بحال حوايجو بالنبيذ الأحمر .. و خطوط من الدم نازلين من جنب جبهتو غاديين لذقنو ..

كاسيو: ( شاف فيها و نطق بهدوء ) علاش ؟ همم ؟ علاش ضرپتيني ؟

بدا كيقرب منها .. هزات الكرسي لي حداها واخا ثقيل باش تضرپو و لكن هو شدو منها و خبطو مع الحيط حتى تشخشخ و هي غوتات ..

كاسيو: أنا باغيك تعيشي .. و لكن نتي .. ( بدا كيتعصب .. و لكن مكيرفعش صوتو .. مزال بنفس النبرة المنخفضة .. ) كيبان ليا .. باغية تمو.تي ..

راكيل: ( غوتات ) بااغية نمشي فحاالييي ..

هاربة منو و كتزف عليه بأي ديكور جا قدامها .. بعض المرات كتصيبو و بعض المرات كيتفادا الضرپة و تجي فالحيط ولا فالأرض ..

كاسيو: راك غير كتعيي فراسك .. ماعندك فين تهربي مني ..

الدم مغطي نص وجهو و حتى عنقو و بدا كينتشر فالتيشورت ديالو لكحل من لفوق .. كان كيخلع خصوصا مع نظرات عينيه المظلمين و الابتسامة لي مكتعرفهاش إيمتا كتترسم على وجهو و إيمتا كتختفي !!

هزات واحد الڤاز بغات تضرپو بيه و لكن هو كان أسرع منها .. شد ذراعها و خدا منها الڤاز زف بيه للأرض تهرس .. و هز يدو للفوق صرفقها حتى طاحت للأرض بالجهد .. صفعة وحدة منو كانت كافية توضرها .. طعم الدم كان قوي ففمها .. عنقها كيحرقها .. خدها كيضرها .. و هو كيضور بيها بشوية بحال شي مفترس كيضور بالفريسة ديالو .. كيلعب بيها و كيرعبها نفسيا قبلما ياكلها ..

كاسيو: علاش راسك قاسح ؟ علاش كتديري غير داكشي لي ماخاصكش تديري و كتطيحي راسك فالمشاكيل ؟ ( مد يدو قدامو كيشوف فيها بغضب كبير ) ضرپتك .. نتي لي خليتيني نضرررپك .. ( شاف فيها هي لي طايحة قدامو .. زير على قبضة يدو و على سنانو و قرن حجبانو بالجهد ) بغيتي ترجعيني بحالو أ راكيل ؟

صوتو كان كيوصلها ثقيل حيت داخت .. و لكن كتسمعو .. شي حاجة كانت كتلمع فطرف عينها .. ملي ضورات راسها تشوف بان ليها الموس .. نفس الموس لي كان شاد فيدو و هددها يقطع ليها بيه حوايجها .. كان مليوح فالأرض تحت الطابلة .. توسع بؤبؤ عينيها ملي شافتو .. و تدفق الأدرينالين تاني فعروقها .. بحالا لقات تذكرة النجاة ديالها !

مدات ليه يدها بغات تهزو و قبلما توصل ليه حسات بيه شد شعرها كيگعدها ..

راكيل: اااي …

كانت كتتألم بالجهد .. جسمها كلللو كيضرها و هو مزال ما ضرپهاش بصح .. مزال مانواش يعذبها و يڨتلها .. هادشي كامل و هو يالاه بدا .. كتتخيل حجم الألم النفسي و الجسدي لي غايخليها تذوق قبلما يرحمها و يڨتلها ؟ هادشي إيلا كانت عندو شوية الرحمة و ما قررش يعذبها حياتها كلها حتى تمو..ت بخاطرها !

___

وقفها قادها معاه و تحنى عندها بوجهو لي حمار بالدم .. قابل وجهها معاه و بقا شاد فشعرها .. كان مزير على سنانو و دمو سخوون هابط من الجرح لي فراسو و لي كيحرقو .. و المنظر ديالو هاكاك كان بصح كيخلع .. كثر من أي وقت آخر ..

كاسيو: علاش ماباغاش تبقاي معايا ؟

راكيل: ( يد شادة بيها على التيشورت جهة صدرو و يد على يدو فشعرها ) حيت نتا .. مريييض ..

كاسيو: ( غوت ) و شنووو المشكلل ؟؟؟؟ ( خفض صوتو و ميل راسو ) حتى نتي راك مريضة .. بحالي ..

راكيل: ( قارنة حجبانها فيه ) أنا مكنڨتلش الناس ..

كاسيو: ولكن كنتي باغية تڨتليني ..

راكيل: ( زيرات على سنانها كتشوف فعينيه بانفعال كبير … كتحرك راسها بلا ) لا ماشي بحالك .. أنا إيلا ڨتلتك غانكون كنڨتلك حيت كندافع على راسي .. أما نتااااا .. ( بدات كتغوت ) ڨتلتي عااائلتك كللهااا غيييير حييت مرييييض .. نتاا مااشي بششر … نتااا ووححش ..

كاسيو: اااااه .. ( تخطفات من الغوتة لي دار .. زاد زير على راسها و زاد قرب ليها .. شد ذقنها بيدو لاخرة مزير عليه .. و رجع خفض صوتو كينطق مورك على الحروف ) وحش .. و هاد الوحش .. بغااك .. وليتي ديالو .. ماغاديش يخليك تبعدي عليه .. ماغاديش تهربي منو .. و غاتبقاي عايشة معاه حتى تمو.تي نتي .. ولا يمو.ت هو ..

هضرتو خلات جسمها يدير ردة فعل بلاما تخطط ليها هي ولا تفكر فيها .. و حيت ماتوقعهاش هو ماقدرش يحبسها .. هزات رجلها بالجهد و ضرپاتو لحجرو بقوتها كلللها .. توسعو عينيه بالجهد و تحبسات النفس ديالو .. طلقها و تحنى شاد عليه مزير كيتألم .. و هي استغلت الفرصة و مشات كتجررري تحنات تحت الطابلة هزات هاداك الموس من الأرض .. ماجات فين توقف حتى كان شدها تاني من شعرها .. و مع الضورة مع وجهات الموس بقوتها كلها باش تطـ.عنو ! و تااني كان أسرع منها و شد بيدو الطرف الحاد من الموس قبلما يقيس صدرو !!

وسعات عينيها كتشهق و الدم كيسيل بالجهد من يدو ليدها فالطرف لاخر من الموس .. سخون و لزج .. طلقات الموس كتغوت و كتترعد من الصدمة و الخوف و هو لاح الموس بالجهد عامر بدمو للأرض .. و بنفس اليد لي كتنزف جيفها من عنقها بالجهد و بقا غادي بيها حتى لسقها مع الحيط جنب المدفأة !!

قارن حجبانو و مزييير على سنانو كيفما مزير على رقبتها هي .. عينيها واسعين و النفس مقطوعة عليها كتحس براسها كتمو..ت !!!

كاسيو: ( كيهضر بين سنانو مورك على الحروف ) إيلا مابغيتيش تعيشي معايا .. غاتمو..تي .. ماغانخليكش تمشي أ راكيل ..

راكيل: ( كتقمش و تضرپ فذراعو الصلبة بدون نتيجة ) ط..طل..ق …ط….

ماقادراش تهضر و يدو كتزيد تزير عليها .. حاسة بلي غايطرطق عنقها بيدو و غايكون هادا هو سبب مو.تها ماشي نقص الأكسيجين .. هبطات يديها كتقيس الحيط فجنابها بحالا كتقلب على باش تفك راسها .. حسات براسها قيسات شي حاجة قاسحة و باااردة .. كانت هاديك الحديدة الطويلة لي كيحركو بيها الخشب فالمدفأة موقفة على الحيط .. شداتها مزيرة عليها .. قاداتها فيدها و هي عارفة بأنها أملها الوحيد و الأخير .. و بلاما تفكر حيت ماعندهاش الوقت .. طعـ.ناتو لجنبو !!

هز حجبانو و فنفس اللحظة رخا عليها و تراجع كيشوف لتحت .. الحديدة مغروسة فجنبو و هي لي شاداها بيدها كترعش ! خدات نفس عميييق .. كتنهج .. كتشوف فيه و فالحديدة .. كيبان ليها مزال واقف .. عارفة بلي هاديك الجرحة ماغاديش تڨتلو .. داكشي علاش جرات الحديدة خرجاتها منو .. و قبلما يعاود يهاجمها .. هزاتها لفوووق و بقوتها كللللللها و ضرپاتو للراس و هي كتغوووت ..

و أخيرا ..

طاح !!!!

___

تزدح مع الأرض بالجهد و هي كتغوت .. عنقها لزج بدمو و التيشورت البيض ديالها عمر بيه .. شفتها كتنزف من الجنب و يدو مصورة على خدها حمرا .. كتترعد و كتشوف فيه .. طايح على كرشو منشور ..

راكيل: م..ات .. ڨتلتو ! أ..أنا ڨت..لتو !!!

كتحرك راسها بلا .. طلقات الحديدة تخبطات مع الأرض بصوت مرتفع ..

راكيل: مزيان .. ك..كان خاصو .. يمو.ت ! آه .. آه كان خاصو ..

صرفقات راسها مرة و جوج باش توعا .. كلللها كتترعد و كتنهج .. مشات كتجري للطابلة هزات تيليفونها و السوارت ديال الباب .. و لكن قبلما توصل ليه و تحلو تفكرات الچيپ خاصها الكونطاكت .. بكل توتر ضارت كتقلب بعينيها فالدار ..

دخلات تالفة ماعارفاش منين تبدا .. شافت فيه هو لي طايح للأرض .. مشات ليه كتجري .. بشوية جلسات حداه على ركابيها و هي غاتسخف بالخوف .. خايفاه يفيق فأي لحظة و يشدها تاني .. مامتيقاش أنه بصح ما.ت .. مدات يدها بشوية قرباتها لوجهو و حطات صبعها تحت نيفو باغية تشوف واش كيتنفس و لكن ماقادرة تحس بوالو ! بغات تقلب النبض ديالو و لكن كان طايح على بطنو و ثقيل ماقدراتش تقلبو ..

عضات شفتها التحتانية و بدات كتقلب فالجياب ديال سروالو .. متوترة و كترعش ..

لقاتو .. و ناضت تاني كتجرييي للباب .. كتحل فيه و كتشوف وراها لايكون تابعها .. حلات و خرجات كتجررري و كتشوف وراها و الشتا كتطيح مجهدااااا ..

كانت هاديك وحدة من الليالي المميزين فالصيف لي كتطيح فيهم الشتا بحالا راه شهر حداش ولا طناش .. الحال دافي و الشتا مجهدة ..

ركبات فاللوطو و خبطات الباب وراها .. دارت حزام الأمان .. عانات باش تدخل الكونطاكت فبلاصتو من شدة ما كانت يدها كترعش .. ديمارات و تحركات من تماك كتسوق بأقصى سرعة تقدر عليها فهادوك الظروف .. متبعة الطريق الترابي لي عارفاه غايخرجها فالطريق الرئيسي .. و فنفس الوقت مزال كتشوف وراها بحالا مامتيقاش بلي أخيرا خرجات من تماك !!!!

الدقايق كيدوزو و جسمها مزال كيرعش و قلبها كينبض بالجهد كيخبط فصدرها .. خرجات للطريق الرئيسي و بانت ليها اللوطو ديالها فالشتا جنب الطريق .. و لكن ماحبساتش باش تمشي ليها .. خلاتها و كملات طريقها خايفة توقف و تنزل و يكون تابعها .. مابغات تضيع حتى دقيقة !

ملي خرجات للطريق الرئيسي زادت السرعة .. مضيقة عينيها فالطريق حيت صعيب تشوف فهاديك الشتا واخا السويكلاص خدامين .. جبدات تيليفونها من جيبها و حلاتو .. 4٪ فالشارج .. دخلات نمرة ليسا كتصوني عليها .. الريزو مزال ماكاينش و لابيل كتقطع .. و كلما تقطعات كتعاود تصوني ..

راكيل: يالاه .. يالاه .. عافاك .. عاافاك …

دازو دقايق و هي على هاديك الحالة .. شوية ملي هزات راسها توسعو عينيها ! الحرارة طلعات مع جسمها و معدتها تقلصات .. تجهدو دقات قلبها كثر و غرغرو عينيها .. و بانت واحد الابتسامة مترددة على شفايفها !

كيبانو ليها أضواء الموتيل قدامها قراب !! أضواء مهرسة بفعل الشتا .. يالاه كتستوعب هاديك الفرحة سمعات صوت الرنة ديال التيليفون .. شافت فيه بانت ليها لابيل غادية خاص غير ليسا تجاوب !!! و بلاما تحس بدات كتضحك بالجججهد .. كتضحك بحال شي حمممقة بالفرحة و الحماس و الصدمة كلشي تخلط عليها .. كتضحك و كتبكي دموعها نازلين حيت وصلات للعتبة ديال النجاة بقات ليها غير خطوة !

و لكن فلحظة ! فلحظة وحدة قصيرة .. تبدل كللللشي و تقلب الوضع تماما .. ضرب فيها ضو مجهد من الجنب .. و ملي شافت ماكانش عندها الوقت باش تستوعب و تدير شي ردة فعل و تتفادا الصدمة .. طوموبيل كتسوق فاتجاهها بسرعة كبيرة خارجة من الغابة .. تسمع صوت الاصطدام قوووي .. كسيدة خلات الچيپ لي هي فيها تتقلب ثلاثة المرات فالطريق و تخرج للغابة !!!

كلشي وقع بالزربة .. غير ثواني كانو كافيين باش حياتها كلها تتقلب مع اللوطو لي هي فيها .. ضجيج الإصطدام مع اللوطو الثانية و الأرض مرارا و تكرارا كان مجهد .. و لكن فلحظة تاني حبس كلشي .. الأصوات كلها حبسات بقا غير صوت الشتا .. كتسمعو ثقييييل و بعييييد وسط طنين قوي فودنيها .. الرؤية مضببة ليها و العالم كامل تقلب مع اللوطو لي مقلوبة بيها .. و هي معلقة فالكرسي شادها فيه غير حزام الأمان لي ماعرفاتش كيفاش تفكرات و دارتو فهاداك الوضع .. و كون مادارتوش كانت غاتكون ميـ.تة .. يديها مدليين لتحت و حتى شعرها .. أنفاسها ثقااااااااال .. عينيها نص محلولين .. كيبان ليها تيليفونها مليوح تحت .. ماقادراش تشوفو مزيان كيبان ليها غير الضو ديالو .. مضبب و منخفض ..

التيليفون كانت الشاشة ديالو كلها مشققة .. مزال كيتسمع صوت الرنين منخفض ماواصلش لودنين راكيل .. فجأة ! تفتح الخط و تسمع صوت ليسا نعساان و ثقييل وسط اللوطو !!

ليسا: You fcking b!tch !! ( يا الڨحبة ! )

___

راكيل وقفو عينيها على التيليفون .. عقلها مضبب و خاوي .. ماعارفاش شنو واقع و فين هي و مكتحس بوااالو .. بغات تنطق و لكن لسانها بحالا مشلل !

ليسا: ( صوتها نااعس .. ثقيل و كتهضر بشوية ) راكيل .. كتسمعيني ؟

بدات راكيل كتحس بجسمها شوية بشوية .. و تمنات كون غير بقا مشلل عليها حيت الألم لي حسات بيه كان لا يطاق .. فكل إنش منو .. حريق قوي فعظامها كلللهم و لحمها .. و ذكرياتها رجعو حتى هوما بقوة كبيييرة و بسرعة .. عقلات فين هي و شنو واقع ..

ليسا: ( بعصبية ) علاش مصونية ليا مفيقاني إيلا ماباغاش تهضري أ الڨحبة ؟

راكيل: ( بزز حركات لسانها و شفايفها ) ل..س…

حروف كتقولهم و وحدين نقزاتهم .. و لكن تقالو بهمس ماوصلوش لليسا ..

ليسا: راكيل .. واش كتسمعيني ؟ آلو ! إيلا كتهضري راه مكنسمعكش ..

سمعات راكيل صوت آخر من غير صوت ليسا لي جاي من التيليفون و صوت الشتا .. سمعات صوت باب شي طوموبيل كيتحل و كيتخبط بالجهد .. من بعد صوت خطوات .. كانو بعاااااد و بداو كيقربو .. ثقال و بطيئين .. متبعاهم بشوية حتى وقفو حداها .. ضورات راسها بشوييية رغم الحريق و عينيها ثقااال .. كتشوف فيه عبر الشرجم لي الزاج ديالو گاع تهرس .. عرفاتو غير من الگاط ديالو .. ماقادراش تتحرك ولا حتى تغوت .. الدموع كيخرجو من عينيها و يتخلطو بالدم لي خارج من جبهتها باش يغبرو وسط شعرها لي مدلي فالهوا .. عاود ضارت بشوية شافت فالتيليفون كتسمع ليسا لي كتغوت عليها و تسب فيها بصوتها الناعس المغنغن .. و تمنات كون كانت تقدر تهضر باش تقول ليها كلمة وحدة لآخر مرة .. تشكرها حيت كانت صاحبتها و تقول ليها بلي كتبغيها .. تقول ليها شي هضرة توصلها لواليديها .. أي حاجة .. و لكن ماقدراتش ..

الباب لي جنبها كان عااصي جرو بقوة و تسمع صوتو كيتحك مع الأرض و هو كيتحل .. زادت فوتيرة البكا العيان لي بلا صوت .. عينيها مزال غير على التيليفون .. حسات بيه حتى دخل بالجزء العلوي ديالو عندها و مد يدو كيحل حزام الأمان .. و آخر حاجة شافت قبلما تطيح لتحت كانت تيليفونها كيطفا ..

ماكانتش قادرة حتى تأن و تشهق من حر الألم لي كانت حاسة بيه .. جرها بشوية خرجها و بدات كتصب عليها الشتا بااردة و قوية .. جلسها جنب اللوطو لي مقلوبة و تكا ليها ظهرها عليها و رجليها مسرحين فالأرض .. و جلس هو على ركبتو قدامها قريب ليها .. ضو الچيپ ديالو ضارب فيهم .. ملي شافت فيه تمنات يكون شي واحد آخر من غيرو .. و لكن كان غير هو ..

كاسيو !

ملطخ بالدم لي مزال الشتا ماقدراتش تغسلو كامل .. بملامحو الباردة و المظلمة .. شد وجهها بيديه بجوج كيشوف فيه .. كيحل ليها عينيها بصباعو مزيان و كيشوف فيهم .. من بعد بدا كيقلب ليها جسمها كامل واش فيه شي جرح كينزف .. و فنفس الوقت كيهضر بصوتو لي كيبورش .. منخفض .. بارد كثر من الشتا لي كتطيح عليها .. قاسي كثر من الألم لي كتحس بيه ..

كاسيو: كتسمعيني ؟ ( رجع شد وجهها قابلو معاه ) راكيل .. واش كتسمعيني ؟

و فهاديك اللحظة بالضبط و هي كتشوف فعينيه .. بهاداك الألم الجسدي و النفسي كامل لي كتحس بيه .. ندمات حيت خرجات من هاديك الدار بلاما تتأكد أنه ما.ت تماما .. ندمات حيت ماسمعاتش لهاديك الفكرة المظلمة لي جاتها و هي كتحل باب دارو قبلما تخرج .. فكرة أنها ترجع لداخل و تهز هاديك الحديدة و تطـ.عنو فكل جزء من جسمو .. خصوصا قلبو حتى تتأكد أنه مستحيل يعاود ينبض من جديد ..

سمعات صوت واحد اللوطو كتقرب .. دقات قلبها رجعو تجهدو .. و أملها لي كان تحرق تماما و تحول لرماد عاود حيا بحال شي عنقاء .. أقوى من قبل .. مابقاتش بوحدها .. إنسان آخر فهاديك البلاصة .. شخص آخر كيقرب و ممكن يعتقها !!

دموعها رجعو كينزلو بالجهد و شفايفها كيتحركو باغية تغوت و لكن صوتها كيخرج متقطع و منخفض و كيضرها فصدرها ..

راكيل: عت…قوني .. عا..فاكم .. شي حد .. يعتقني ..

كتشوف فكاسيو لي مزال جالس قدامها كيشوف فيها بنفس الهدوء .. ماتحركش و ماشافش جهة الصوت لي بقا كيقرب حتى حبس جنبهم على الشانطي ..

كتبكي .. كتزيد تهضر بصوتها المنخفض و عينيها فعيون كاسيو .. ماعارفاش واش بصح داكشي كيوقع ولا كتتخيل بسبب الضربة لي فراسها ! حيت الكالم ديالو كان كيخليها تشك بلي غير هي لي كتسمع هاداك الصوت ..

سمعات صوت باب اللوطو تحل و تسد .. من بعد صوت شي راجل كيقرب .. صوتو مصدوم و مرتفع ..

– What the hell is going on here !!! ( اش واقع هنا ؟؟ )

___

ضورات راكيل راسها بشوووية كتحس بالحريق كبيير فعنقها .. تلاقاو عينيها بيه .. واقف فالظلام هاز مظل كحل على راسو .. مابانش ليها وجهو حيت مظلم و حيت حتى عينيها هي مضببين و الشتا كتزيد تصعب الرؤية .. و لكن لي بان ليها هي أنه راجل طويل و لكن جسمو ضعيف .. وقف بعيد عليهم بأمتار قليلة ..

راكيل: ( بشوية ) عاوني .. عا..فاك ..

خدا كاسيو نفس عمييق .. وقف بشوية و ضار تقابل معاه .. هو غادي عندو و هي كتبكي و دموعها مخلطين بالشتا .. و بلاما تحس بدات كتنطق بشوية ..

راكيل: هرب .. هر..ب …

غمضات عينيها قبلما يوصل عندو و ضارت لقدام .. ماباغاش تشوف .. كانت كتتسنى تسمع صوت الغوات .. المدابزة .. شي اصطدام .. شي حاجة قوية .. و لكن فالمقابل سمعات المجهول كينطق بهدوء ..

– صوت الكسيدة وصل حتى للموتيل .. شنو واقع ؟؟ كانت باغية تهرب ؟

عاود حلات عينيها و الصدمة زادت على ما بيها !! عاود ضورات راسها و أنفاسها ثقال و شفايفها كيرعشو .. كتشوف فيهم واقفين بجوج .. كاسيو عاطيها بالظهر و لاخر مقابل معاها .. المجهول دار گارو ففمو و شعل البريكة باش يشعلو .. بان ليها شوية من ملامحو .. شافت غير لحية قهوية و بشرة سمراء من بعد طفات البريكة و رجع الظلام ..

كاسيو: نقي الدنيا هنا .. ماتخلي والو حيد كلشي ..

– واخا ..

مازادوش هضرو .. بان ليها كاسيو راجع عندها .. تحنى هزها بشوية ذراع تحت عنقها و ذراع تحت ركابيها و وقف .. راسها على صدرو العريض و جسمها مخشي فيه .. كان ثقيل و ضعيف على العادة .. ماشي بسبب الجرحة لي فجنبو .. هاديك كانت جرحة بسيطة محتاج غير يعقمها و يخيطها .. لي مأثر عليه كان الضرپة لي فراسو و لي كتخليه يضرو بالجهد و تشدو الدوخة مرة مرة ..

كاسيو: قلت ليك .. ماغاديش تهربي مني .. From now on you’re MINE .. ” من اليوم نتي ديالي ” .. ( هبط راسو شاف فوجهها ) و ماغاديش يعجبك داكشي لي غاندير فيك ..

كانت هادي آخر حاجة سمعات منو قبلما تفقد الوعي تماما و تظلام الدنيا فعينيها ..

اللوطو ديالو كانت تضغطات من القدام .. حل بابها حطها فيها .. شاف فالمجهول و لاخر حرك ليه راسو .. ضار كاسيو ركب فبلاصة السائق .. ديمارا و ضار كيسوق فالشانطي فالطريق لي جات منو راكيل ..

كان راجع لدارو ..

____

– عند ليسا –

تقادات فالجلسة على الناموسية و مالت شعلات الأباجورة لي حدا راسها .. كانت بدوني ديال النعاس حريري و شعرها الزعر القصير مطلوق و مخربق بالنعاس .. عينيها نص مغمضين و حجبانها مقرونين حيت نعاسها خسر .. تأكدات من الساعة كانت الثلاثة و نص ..

ليسا: دينمهاااااا .. و زايداها قطعات عليا !

بان ليها بلي وصلوها منها ثلاثة الميساجات .. حلات المحادثة بانو ليها جوج ڤوكالات و فيديو .. وركات على الفيديو يتشارجا و بدات كتسمع الفوكالات ..

___

ملي كملو الفوكالات تنهدات كتحرك راسها يمين و شمال ..

ليسا: So .. that b!tch was high !! ( يعني .. الڨحبة كانت مبوقة !!)

ليسا كانت مولفة ميساجات غراب من عند صاحبتها فالليل .. حيت راكيل مرة مرة إما كتسكر ولا كتكمي شي جوان و ملي تدوخ كتبقا تسيفط ليها شي ميساجات بحال هادو .. إما يكونو بلا معنى إما تكون عندهم قصة غريبة من خيالها فديك الساعة .. مرة كتقول راها تخطڤات .. مرة تدفنات و هي حية .. و مرة راها تزوجات شوغر دادي و جالسة فالباهاماس معاه ..

كمل الفيديو و حلاتو كتتفرج .. رفعات حاجبها من البداية .. و بقات بهادوك الملامح ماتبدلوش حتى سالا .. تنهدات بملل و قلبات عينيها و هي كتدوز نمرتها ..

” هاتف مخاطبكم غير مشغل … “

قرنات حجبانها .. عاودات تاني كتصوني و ماجاوباتش .. من بعد بدات كتسجل ليها ڤوكال ..

ليسا: you fcking idiot.. على الأقل سيفطي ليا لوكاليزاسيون ولا قولي ليا فين جات هاد الدار باش نلقاها .. ماتسنايش مني نولي دورا و نجي نقلب عليك بحال الهبيلة ..

سيفطات هاداك الڤوكال و لاحت تيليفونها حداها .. طفات الضو و رجعات تكات باش تنعس !!

رد فعل غريب بالنسبة لأي واحد و لكن عادي بالنسبة ليهم .. حيت هاد الڤيديو فكر ليسا فحاجة وحدة .. قبل شهراين ملي خططو هي و ياها يمشيو لواحد الدار مسكونة فواحد المدينة قريبة لفين كتسكن راكيل .. و حتى لآخر لحظة راكيل انسحبت .. قالت ليها بلي مابقاتش تقدر تمشي حيت عائلتها كانو عارضين على شي ناس و بززو عليها تحضر معاهم للعشا .. ليسا مشات لديك الدار بوحدها .. و بمساعدة شي ناس محليين تماك صورات فيديو بحال شي فيلم ديال الرعب متلات عليها فيه .. كتبين ليها بلي راها دخلات لديك الدار المسكونة و بلي بصح فيها شي حاجة خارقة للطبيعة .. بلي تحبسات فيها و حاسة بالخطر و طلباتها تجي باش تعتقها .. عاقلة بلي راكيل خلات عائلتها و العشا و ركبات فاللوطو و قطعات هاديك الطريق بسرعة البرق باش تجي لعندها تقلب عليها بحال الهبيلة .. و ملي وصلات و لقات بلي هاداك كان غير مقلب ليها باش توصل عليها .. تعصبات بزاف و حلفات ليها بلي غاترد الدقة مضوبلة واحد النهار ..

داكشي علاش ليسا فكرات بلي راكيل غير كترد الصرف .. كتنتقم منها على هاداك البرانك و بغاتها تمشي عندها حتى هي ..

بقات متكية شحااال من بعد ناضت جلسات و هزات التيليفون تاني ..

ليسا: fúcking peace of sh!t ..

شعلات تاني الفيديو كتتفرج فيه و هاد المرة بجدية .. آه بصح كتظن أنه برانك و تمثيل و لكن داكشي لي فالفيديو كان كيبان حقيقي بالجهد .. اللحم لي فالفريكو و الظلام دالغابة و صوت صاحبتها و هي كترجف .. حتى أنها قالت هضرة على ماماها و بكات .. و راكيل لي كتعرف هي مكتبغيش تبان عاطفية .. هادشي علاش شكات بلي يمكن يكون هادشي بصح .. و تزاد معاها الزايد ..

كمل الفيديو و عاود دوزات نمرتها كتصوني ..

ليسا: ( هاضرة مع راسها ) جاوبي أبنت الڨحبة ماتمرضينيش .. ( ماجاوباتش و تعصبات بدات كتغوت ) رااكيييل .. خرااااا ..

ناضت من الناموسية و شعلات الضو فالبيت كامل .. كان متوسط بفراش عادي .. و هي كانت بشورط كحل .. مشات للبلاكار حلاتو جبدات حوايجها .. لاحتهم على الناموسية و بدات كتبدل بالزربة و هي كتهضر ..

ليسا: إيلا كان هادشي بصح غاتكوني مـ.تي و إيلا مشيت عندك حتى أنا غانمو..ت .. و إيلا كان كدوب .. أنا لي غانڨتل ديلمك و نمشي للحبس ..

___

• بعد ست ساعات | 09:30 صباحا •

رانج روڤر كحلة بلاصات قدام الموتيل لي جنب الطريق وسط الغابة .. تحل الباب و هبطات منها ليسا .. جينز كحل مزير و دوني كحل قصير .. فوق منو جاكيطة خفيفة فالأخضر عسكري الباطن ديالها كحل .. و گاط كحل فرجليها .. شعرها كان مطلوق و وجهها خاوي من الميكاب مالقاتش الوقت باش تديرو حيت مولفة مكتخرجش بلا بيه ..

سدات اللوطو ديالها و بدات كتشوف حولها .. الأرض فازگة و السما فيها غيوم بيضين مفرقين و الشميسة دافية أشعتها منعكسة على الشجر و الأرض و الزاج ديال شراجم الموتيل .. ريحة التراب فالجو و ريحة الطبيعة .. مخلطة بريحة الزيت ديال الطوموبيلات ..

البلاكة ديال الموتيل فجنب الطريق كانت طافية و لكن ملونة .. الأحمر و الأزرق و الأصفر .. و فوق الباب الرئيسي ديال الموتيل كانت سميتو ” Motel Jessica ” زرقاء كبيرة و حتى هي طافية .. كانت بناية بطابق واحد و كبيرة نوعا ما .. الباركينغ لي فجنبو كان خاوي فيه غير واحد الطوموبيل حمراء رباعية الدفع روايضها موسخين بالغيس .. و فجنبو لاخر كانت سطاسيون خاااوية و متجر معلقة فالباب ديالو لافتة عليها كلمة “close” .. ( مغلق )

الجو كان خانق و ماشي مريح .. قلب ليسا تقبط عليها و تنهدات بعمق و هي قاصدة الباب ديال الموتيل .. الطريق كلها و شكها كايكبر و الخوف كيسيطر عليها .. مكتبقاش مرتاحة .. صونات على راكيل عشرات المرات و ماجاوباتش نهائيا .. و هادشي كيزييد يخلعها ..

دفعات الباب و دخلات لقاعة استقبال صغيرة .. أرضية كحلة و حيوط بيضين .. كراسي كحلين مصافين عند الحيط و الحيط لي مقابل معاه كاين واحد الفوتوي قهوي .. ثرية معلقة فالسقف شاعلة بضو منخفض .. و مباشرة مقابل مع الباب كانت الريسيبسيون ..

مشات ليها ليسا و هي كتضور فعينيها كتقلب مكيبان ليها حتى واحد .. كان واحد السقيل مريب .. بحالا المبنى كامل مهجور ! وصلات للكونطوار الخشبي ديال الريسيبسيون .. وراه لوحة خشبية معلقين فيها السوارت كاملين ديال كاع البيوت ماكاينش شي ساروت ناقص .. و استنتجت بلي حتى واحد ما بايت فيه و إيلا كان شي واحد بايت تماك راه مشا قبلما توصل .. شافت فالجرس الفضي لي محطوط تماك و ضغطات عليه حتى تسمع الرنين ديالو ..

ليسا: Hellooo .. ( عاود ضغطات على الجرس ) كاين شي حد هنا ؟؟

– ( ثواني عاد سمعات صوت نسائي ) ها أنا جاية …

غير شوية و سمعات صوت خطواتها جايين فواحد الكولوار .. شافت فيها كانت امرأة قصيرة و بدينة شعرها كاري و رمادي .. لابسة سروال عريض كحل و تريكو غليض بيض معلق فيه بادج كحل فيه سميتها ” جيسيكا ” .. ابتسامة واسعة على شفايفها .. ليسا عرفاتها غاتكون فرحانة حيت يحساب ليها راها كليانة .. و باينة الكليان حاجة نااادرة فهاداك الموتيل ..

جيسيكا: ( دخلات لورا الكونطوار ) مرحبا بيك عندنا آنسة .. غانقول ليهم يوجدو ليك أحححسسسن ب……

ليسا: ( قاطعاتها ) ماجيتش على قبل بيت ..

جيسيكا: ( بدات ابتسامتها كتنقص ) و علاش جيتي ؟

ليسا: ( جبدات تيليفونها حلاتو كتقلب فيه ) جيت على قبل .. ( ضوراتو عندها على صورة راكيل ) هاد البنت ..

جيسيكا: ( شافت فراكيل غير ثانية و رجعات تشوف فليسا ) مالها ؟

ليسا: بغيت نعرف واش جات عندكم هنا ؟

جيسيكا: ( لوات شفايفها و ربعات يديها على الكونطوار ) ماعرفتش .. يمكن جات .. و يمكن لا .. ماعقلتش ..

ليسا: ( ابتسمت باستهزاء مخلط بالعصبية ) بصح .. كيجيو عندكم بزاااف ديال الكليان بالسيف ما تنساي ..

بقات لاخرة غير كتشوف فيها و ليسا فهماتها علاش ساكتة .. تنهدات و جبدات بزطامها و لاخرة عينيها لمعو .. جبدات جوج ورقات حطاتهم على الكونطوار ..

ليسا: دابا تفكرتي ؟

جيسيكا: ( هزات هادوك جوج ورقات ) هممم .. بحالا تفكرت شي حاجة .. و لكن ماواضحاش ..

ليسا: ( جبدات جوج آخرين حطاتهم ليها ) و دابا ؟

جيسيكا: ( هزاتهم حتى هوما ) البنت قصيرة و زوينة ياك ؟ ( ضيقات عينيها بحالا كتتفكر ) عندها كاطكاط زرقة ؟ ولا كحلة ؟ ماعقلتش مزيان .. ( ابتسمت ) راك عارفة .. ملي كتوصلي لهاد السن كتولي تنساي بزاف ..

ليسا: ( قرنات حجبانها .. حركات لسانها ففمها كتشوف فيها بتفكير .. من بعد مدات يدها خدات ليها الفلوس من يدها و بدات كترجعهم للبزطام ) عرفتي شنو ؟ غاناخد فلوسي .. ( دارت بزطامها فجيبها و ربعات يديها على الكونطوار كتشوف فعيون جيسيكا بنفس الحدة لي فنبرتها ) و غاتقولي ليا فين شفتيها ولا غانخليك تهضري بطريقة خااايبة ماغاتعجبكش أماما ..

___

جيسيكا بلعات ريقها و نظرات ليسا خلعوها .. ندمات حيت تزايدات معاها فالهضرة ..

جيسيكا: ماشي أنا لي شفتها .. شافها ولدي لبارح ..

ليسا: كلميه ليا ..

جيسيكا: ماكاينش دابا .. و لكن أنا نقول ليك شنو قال ليا .. ( رجعات ربعات يديها على الكونطوار ) قال ليا شافها مع كاسيو فالطريق .. كانت خاسرة ليها الطوموبيل و مشات معاه …

ليسا: ( هزات حاجبها من السمية .. كانت نفسها لي سمعات فالفيديو ديال راكيل .. ) كاسيو ؟

جيسيكا: آه .. جارنا .. ( قلبات عينيها ) يعني .. هو ماشي جارنا نيييت حيت بعيد علينا ب 16 كيلومتر و لكن .. يعتبر ..

ليسا: فين جات دارو ؟؟

جيسيكا: غاتمشي مع الشانطي نييشان .. أول طريق تبان ليك على ليمن خرجي معاها غاتوصلك حتى لعندو ..

ليسا: اوكااي .. ( ضارت غاتمشي و هي ترجع تشوف فيها ) هاد كاسيو .. عايش بوحدو ؟؟

جيسيكا: آه ..

ليسا: و كي داير ؟

جيسيكا: ( ابتسمت بحماس و بدات تعبر بيديها) طوييل و سمر .. كتافو عراض هاكا و ….

ليسا: ( حركات يدها فالهوا ) لا لا .. زعما هو .. شخصيتو .. سمعتو ..

جيسيكا: ( هزات حجبانها عاد فهمات ) ااه .. ( رجعات ابتسمت ) هو راجل مزياان .. كيعطينا الخشب فابور و ديما كيجيب لينا الفواكه و الخضرة من الفيرمة ديالو .. ماشي غير حنا حتى الناس لي مافحالهمش لي فالفيلاج القريب .. كيتبرع ليهم بالفلوس و الماكلة و الخشب فاابور .. و بعض المرات كيمشي للسبيطار ديالهم باش يخدم بلا مقابل ..حيت هو كان طبيب كبييير فالطاليان .. و لكن يمكن وقع ليه شي مشكل داكشي علاش جا لهنا .. دااخل سوق راسو و بعييد على المشاكل .. ولدي عزيز عليه ديما كيتهلى فيه كيعطيه الفلوس و …. ( ليسا ضارت غادية مخلياها هاضرة بوحدها ) صافي مشيتي ؟؟ ردي البال مع الطريق راه واعرة …

ليسا دارت يدها فجيبها جبدات مسكة حلاتها دارها ففمها و لاحت الزبل ديالها فالأرض فالموتيل بلاما تتسوق .. خرجات من تماك و مشات ركبات فاللوطو ديالها و ديمارات .. و بقات متبعة النعت لي عطاتها جيسيكا ..

جات بوحدها بلاما تعلم البوليس .. حيت غاتحط صاحبتها فموقف خااايب إيلا جابت البوليس هاديك الطريق كللللها و دارت مشكلة كبيرة فالأخير صدق هاداك غير مقلب .. كتسول راسها و إيلا كان بصح ؟ إيلا كانت بصح غادية لدار واحد ڨتال ممكن يڨتلها حتى هي ؟ احتمال وارد جدا و الاستعداد الوحيد لي كانت دايرة ليه هو فردي فالسمطة ديال سروالها اللور .. كتفكر بلي إيلا كانت صاحبتها فخطر .. غاتڨتل باش تعتقها ولا تنتقم ليها بلاما تفكر ..

و كتعاود تتمنى باش يكون غير مقلب .. باغية تتيق هادشي و كتحيد الاحتمال الخايب من راسها .. حيت بصح ماغاديش تقدر تستحملو .. مستحيل تستحملو .. كتتمنى غير المهارات التمثيلية ديال صاحبتها يكونو تطورو .. و تكون ضحات ببزاف ديال الفلوس باش توجد هاداك اللحم المزيف .. تكون ضحات بدموعها باش تقنعها بهاديك المسرحية ..

خرجات من هاديك الطريق و بقات كتسوق وسط الغابة متبعة الطريق الترابية و كتسمع لأغنية مجهدة فالراديو .. بانت ليها الدار و قلبها تزير عليها .. طفات الموسيقى و ميلات راسها كتشوف فاللوطو ديال صاحبتها لي مبلاصية حدا الباب ..

ليسا: ( كتهضر مع راسها ) يعني نتي بصح هنا ..

وقفات باللوطو .. شدات فالڤولون كتشوف فالدار و حولها .. كتتفكر الفيديو و شنو كان فيه .. دقات قلبها تسارعو و الأدرينالين تسارع فجسمها .. مالت للقدام و قيسات على ظهرها بحالا كتتأكد بلي الفردي كاين تماك .. ملي تأكدات خدات نفس عمييق عاد حلات الباب و هبطات .. خبطات الباب و لاحت المسكة من فمها .. تمشات بشوية و هي كتشوف حولها .. الجو بصح مكيريحش و كيزير القلب ..

شافت فالباب و قصداتو .. كتتمنى ملي تدق تحل عليها راكيل و هي كتضحك حيت مقلبها نجح .. غاتضرپها و تسبها على هاد التجرجيرة و لكن غاتضحك معاها من بعد .. يكميو جوان و يشدو الطريق بجوج للمدينة ..

وقفات عند الباب .. بلعات ريقها .. خدات نفس .. عاد طلعات يدها كتدق …

___

مكتسمع حتى صوت لا لداخل لا برا .. عاود دقات .. والو .. تمشات بشوية حتى وصلات للشرجم و طلات من الزاج .. كتشوف الدار من لداخل كلشي هو هاداك مرتب و مقاد و ماكاين حتى واحد ..

رجعات للباب و بدات كتدق بقوة كبر .. كتفكر بلي يمكن يكونو ناعسين لفوق و ماسمعوهاش .. كتتمنى هادشي ..

هزات يدها باش تزيد تدق و لكن تخطڤات كلللها من الصوت لي فاجأها من اللور ..

” كتقلبي على شي واحد ؟ “

ضارت بالزربة قلبها و أنفاسها حابسين بالمفاجأة .. لقاتو واقف قدام الدار تحت الدروج و كيشوف فيها .. لي صدمها و خلعها أنها ماحساتش بيه ملي جا و ماسمعاتش صوتو !

كتشوف فوجهو .. فاصمة جنب راسو و وحدة على جبهتو .. تيشورت رمادي مزير على صدرو و ذراعاتو و سروال جينز زرق و گاط قهوي ..

ليسا: ( بلعات ريقها و بدات كتهضر بالزربة .. هضرة متقطعة و متوترة حيت غفلها ) اا .. غاتكون نتا هو كاسيو .. أنا .. ليسا .. جيت كنقلب على راكيل .. ( أشارت بصبعها جهة اللوطو ديالها ) هي راه …

سكتات .. الكلام هرب من لسانها و عقلها .. جسمها جمد و العرق ديالو برد .. و قلبها ضرب بالجهد ملي هبطو عينيها لجسمو لتحت و حققات فيه .. التيشورت ديالو عليه قطرات حمرين أحجامهم مختلفين .. حتى السروال ديالو مطبع بيهم .. الفاس لي فيدو .. موسخ كامل بنفس اللون لي وصل حتى للذراع لي هازاه ! و أنفاسها حبسو ملي وقفو عينيها عند الگاط ديالو .. غارق فهاد السائل اللزج الأحمر ..

الدم !

بقات كتشوف فيه و احتمال واحد هو لي سيطر على عقلها .. احتمال كحل خااايب مرعب رعش ليه جسمها كاامل ..

هو مضروپ .. فيدو فاس .. كامل عامر بالدم .. صاحبتها ماكاينش ليها الأثر .. الفيديو .. صوت راكيل الخايف .. هضرتها لي قالت .. عينيها لي كانو مدمعين .. و الفوكال ديالها ..

” راني محبوسة فواحد الدار وسط الغابة مع راجل باغي ياكلني .. “

” كنفكر إيلا مـ.ت هنا نتي غاتولي مشهورة بلا بيا ! البنت لي صاحبتها كلاها كانـ..يبال !! شيت !! هههه ..”

” أنا خايفة .. حيت بوحدي .. ماعرفتش كيفاش كان غايكون الوضع كون كنتي معايا .. “

عالمها كلو بدا كيريب و كتحس براسها تحت منو و الثقل كيتزاد عليها و كتخنق .. شعور مظلم و قاسح كيقطع فيها .. عيونها عمرو بالدموع و هي كتطلعهم بشووية مرجعاهم لوجهو ..

ليسا: ( بشوية و بصوت كيرعش ) فين هي راكيل ؟

مابغاتش تتيق داكشي لي فكرات فيه هادشي علاش سولات .. و تمنات يكذب أفكارها و يقول ليها بلي راها ناعسة فشي بيت لفوق ..

كاسيو: ( بهدوء ) مشات ..

ليسا: فين ؟

كاسيو: لبلاصة ماعمرها غاترجع منها ..

ليسا: ( نزلو دموعها و بصوت باكي منخفض نطقات ) لا .. ( كتحرك راسها بلا بالزربة ) لا .. لا .. راكيل ..

حدرات راسها .. كان احتمال .. و لكن ماكانتش موجدة راسها ليه .. ماكانتش باغية تيقو واخا المؤشرات كللللهم كانو كيأكدوه .. واخا الفيديو كان كيبان حقيقي مية فالمية هي فضلات ماتيقوش و تجي كتقلب عليها بحال الحمقة .. حيت ماكانتش مستعدة تتقبل فكرة أن شي حاجة خايبة وقعات لصاحبتها .. أنها ما.تت ..

تقلبو ملامحها بالزربة من الحزن لغضب كبييير بان فعينيها .. هزات راسها كتشوف فيه و نطقات موركة على سنانها ..

ليسا: you fcking monster !!

بالزربة جبدات الفردي ديالها وجهاتو ليه و بيد كترعش بالعصبية ضغطات على الزناد مرة و جوج و ثلاثة .. هي معلمة الرماية ماغاديش تغلط و غاتصيب قلبو نيشان .. و لكن مهما ضغطات الزناد مكتخرج حتى قرطاسة !! بحالا راها فشي كابوس و كلشي غادي ضد داكشي لي بغات !!

كتشوف فالفردي و كتزييد تورك معصبببة .. شوية حبسات ملي صرفقاتها الحقيقة بالجهد .. وسعات عينيها .. هي هزات الفردي و ماهزاتش معاه القرطاس .. كانت مزروبة و نسات تلقمو قبلما تخرج من الدار !!

الدموع بداو كيهبطو من عينيها و كتبكي بالصوت .. كان خاصها تهرب فهاديك اللحظة .. تقاوم .. تغوت .. تحيح .. هي بنت قوية و ماعمرها استسلمت قدام شي تحدي .. مكتخافش .. و لكن حزنها على صاحبتها خلاها تكون أضعف كائن فهاديك اللحظة .. طلقات الفردي طاح و طاحت هي على ركابيها حداه .. حادرة راسها كتبكي بالجهد و بألم ماعمرها فحياتها كلها حسات بيه .. هي بنت كبرات وسط واليدين مفارقين و ماعاشت مع حتى واحد فيهم .. كانت وحيدة .. المرة الوحيدة لي حسات فيها بلي عندها عائلة كانت مع راكيل .. أعز صديقة و كانت بحال الأخت ليها .. كانت هي عالمها كامل .. أنها تخسرها كان كيعني بلي خسرات كلشي ..

ليسا: راكييل !! راااكيييل .. ( كتبكي و كتشهق .. بدات كتضرپ فصدرها بقبضتها بالجججهد ) أنا السباااب .. اانا السباااب ..

كتلوم راسها حيت هي لي قالت ليها تختصر الطريق و تدوز من تماك .. كتلوم راسها حيت ماتيقاتهاش و ماعيطاتش للبوليس .. أنها ماكانتش معاها ملي كانت كتقاتل باش تعيش .. أنها كانت ناعسة مرتاحة فدارها ملي صاحبتها كانت كتواجه المو..ت فهاديك الغابة .. ملي كانت كتواجه الوحش ..

كاسيو كان كيشوف فيها بهدوء و برود .. كيسمع لصوت بكاها الحاد و كيشوف فيها كيفاش طايحة على الأرض .. خدا نفس .. زير على الفاس بيدو .. و بدا كيقرب ليها بشوية ..

كاسيو: ( نطق بشوية ) حتى نتي .. ماكانش خاصك تجي لهنا ..

___

• بــعــد خـمــسـة أيـام •

الحداش ديال الصباح و الشميسة فالسما وسط غيوم بيضين مفرقين .. فالموتيل .. ورا الكونطوار ديال الاستقبال كانت جالسة جيسيكا .. تيشورت واسع فالأزرق و سروال بيض قصير و عريض .. حداها على الكونطوار كانت فرفارة بيضا محطوطة خدامة و كتدور و الجو سخون .. حالا البيسي قدامها على واحد السيت ديال المجوهرات .. كتطلع فالباج و تشوف فيهم باهتمام ..

سمعات صوت شي طوموبيل بلاصات و هي تهز راسها كتشوف جهة الباب لي محلول .. هزات حاجبها و بدات كتتقاد فالجلسة ..

كانت الطوموبيل ديال الـ sheriff ديال أقرب ڤيلاج ليهم .. بيضاء و فيها الأسود و نجمة ذهبية كبيرة فالجناب .. بقات كتشوف حتى هبط الشريف من لقدام و هبطو معاه جوج رجال .. هو كان راجل خمسيني التجاعيد معمرين جبهتو .. بيض و وجهو حمر بالصهد .. باللبسة الرسمية القهوية و الشارة على صدرو .. و لاخرين كانو رجال ثلاثينيين بحوايج كاجوال .. واحد بجينز زرق و شوميز بيضاء و الثاني بسروال جينز و تيشورت رمادي لابس كاسكيط على راسو .. جا داخل و لكن لاخرين بقاو كيشوفو حولهم .. كانو النظرات ديالهم مركزين و حادين ..

جيسيكا: ( وقفات بابتسامة ) مستر جون صباح الخير !

جون: ( كان وصل عندها و ابتسم ليها ) صباح الخير جيسيكا .. اش خبارك ؟

جيسيكا: بحال ديما .. لاباس .. ( شيرات ليهم براسها ) شكون هاد الرجال لي جاو معاك ؟

جون: ( ضار شاف فيهم كانو داخلين ) البوليس ..

عاود جيسيكا هزات حاجبها و هوما وصلو عندهم .. مول الكاسكيط مد ليها يدو ..

– المحقق جورج كلارك .. ( جبد الشارة ديالو وراها ليها و أشار للراجل لي حداه ) و هادا المساعد ديالي برونو ..

جيسيكا: ( سلمات عليه حتى هو ) متشرفين .. فاش نقدر نعاونكم ؟

جورج: جينا كنقلبو على جوج بنات .. ( دار يدو فجيبو اللوراني دالسروال يجبد شي حاجة ) وحدة فيهم كانت مسافرة فهاد الطريق و يمكن تكون باتت هنا ..

جيسيكا حركات راسها بالإيجاب و هو حط قدامها تصاور لبنات لي جبد من جيبو .. راكيل و ليسا .. هزاتهم كتشوف فيهم و المحقق أشار لصورة راكيل فيدها ..

جورج: هادي هي لي كانت مسافرة فهاد الطريق ..

جيسيكا: إيمتا هادشي ؟

جورج: الخميس لي فات ..

جيسيكا: همم .. ( حطات التصاور و دفعاتهم لجهتو ) لا .. ماشفتهاش ..

جورج: ( عاود دفعهم لجهتها ) تأكدي .. ماشفتيش مزيان ..

جيسيكا: ( ابتسامة خفيفة بانت على شفايفها ) مستر جورج .. هاد الطريق من هادي خمس سنين و هي خاوية حيت تحلات الطريق لاخرة لي حسن منها .. يعني إيلا جانا كليان واحد فالسيمانة كنفرحو و مكنساوش وجهو .. و هاد البنت ( حطات صبعها على راكيل ) كنأكد ليك بلي ماحطاتش رجليها فالموتيل ديالي هاد الشهر كامل لي فات ..

جورج: إيلا ماباتتش فالموتيل تقدر تكون وقفات فالسطاسيون .. كيخدم معاك هنا شي واحد ؟ يمكن تكون جات فاش كان هو ..

جيسيكا: الحركة ناقصة داكشي علاش مكيخدم عندي حتى واحد .. كاين غير ولدي كيعاوني ..

جورج: كلميه لينا ..

جيسيكا: هو دابا ماكايـ…. ( قاطعها صوت طوموبيل أخرى وقفات قدام الموتيل و هي ميلات راسها تطل و ابتسمت ) ها هو جا …

___

كانت شاحنة صغيرة بيضا اللور ديالها معري .. مستف فيه بزاف ديال الخشب و صنادق فيهم الفريز و الليمون .. تحل الباب ديال الشيفور و نزل واحد الشاب .. كان فأواخر العشرينات من عمرو .. طويل و وزنو ناقص .. بشرة برونزية و شعر قهوي بحال لحيتو الطويلة شوية و المهملة .. عيون عسليين و حجبان كثيفين مقرونين .. تيشورت رمادي فازگ بالعرق و سروال جينز موسخ شوية بالغبرة و بوط دالبلاستيك فرجليه مغيس من لتحت ..

تحل الباب لاخر و نزل كاسيو .. سروال جينز و گاط قهوي و لفوق تيشورت بيض مزير عليه .. كان داير گارو ففمو ملي هبط لاحو فالأرض و عسف عليه .. وجهو و عنقو عرقانين ..

الرجال بثلاثة و حتى جيسيكا معاهم خرجو عندهم .. جورج بعينيه كيتفحص كاسيو و لاخر و كيشوف فمؤخرة الشاحنة و داكشي لي فيها ..

جون: ( بابتسامة ) سينيور كاسيو صباح الخير ..

كاسيو: ( بنصف ابتسامة ) صباح الخير جون ..

جون: ( قرب من الشاحنة و مد يدو هز فريزة من الصندوق ) و أنا فين حقي ؟؟

كاسيو: فالعشية يوصلك ..

جون ضحك و هو كيمسح الفريزة قبلما ياكلها ..

جيسيكا: ( شافت فولدها لي كيشوف فالمحققين بجوج ) دانييل .. هادو البوليس .. بغاو يسولوك على شي حاجة ..

دانييل: ( شاف فيها و فيهم ) شي حاجة ؟

جورج: ( مد ليه التصاور ) كنقلبو على هاد لبنات .. واش ماشفتيش شي وحدة فيهم هنا ؟

دانييل: ( كيحك فلحيتو و كيشوف فيهم ) لا .. مكنظنش ..

جيسيكا: قالو بلي هادي .. ( أشارت لراكيل ) كانت فهاد الطريق نهار الخميس .. شاكين واش تكون باتت عندنا فالموتيل ..

دانييل: إيلا على هاد السيمانة أنا متأكد ما شفتهمش هنا ..

كاسيو مد يدو لدانييل عطاه التصاور و جورج كيشوف فيه هو و برونو .. و جون هو لي تدخل باش يشرح ..

جون: هادا كاسيو .. حتى هو كايسكن قريب لهنا و ديما كيسوق فهاد الطريق فالصباح و العشية .. كيمشي للفيرمة ديالو .. ( جورج حرك راسو و هو شاف فكاسيو ) يمكن تكون بانت ليك فالطريق .. عندها كاطكاط زرقا و دازت نهار الخميس ..

كاسيو: ( حرك راسو بلا ) ماشفتهاش ..

مد التصاور لجورج لي كان كيشوف فيه .. كيطلعو و يهبطو و كيركز فملامح وجهو .. برونو اللور هاضر مع جيسيكا و هو مزال كيشوف غير فكاسيو ..

برونو: ( المذكرة و القلم فيدو ) الكاميرات هنا خدامين ؟

جيسيكا: الكاميرات تحرقو كلهم سبع شهور هادي فواحد العاصفة ..

برونو: و علاش مزال ماصلحتوهمش ؟

جيسيكا: فاش كايكون عندك مشروع فاشل بحال هادا .. كتولي تفكر مليون مرة قبلما تصلح شي حاجة إيلا خسرات .. بولة هي اللخرة و مكتقدرش تبدلها إيلا تحرقات ..

دانييل و كاسيو مشاو كيهزو الصنادق باش يدخلوهم .. و بدا تيليفون جورج كيصوني .. جبدو جاوب و دارو عند ودنو ..

جورج: نعام ……. ( هز حجبانو ) فين ؟؟؟ …. واخا …. ها حنا جايين دابا …. ( قطع دار التيليفون فجيبو و شاف فالمساعد ديالو ) برونو خاصنا نمشيو …. لقاوهم …

جورج مشا قاصد اللوطو ديال جون و برونو تابعو كيسولو على التفاصيل .. بينما جون شاف فجيسيكا و كاسيو و دانييل بابتسامة ..

جون: Have a good day .. ( شاف فكاسيو و أشار ليه بصبعو ) غانتسنا الفريز ديالي ..

كاسيو حرك راسو بنصف ابتسامة .. جون مشا ركب اللوطو ديالو و كسيرا من تماك … ملي غبرو كاسيو شاف فدانييل و جيسيكا لي تنهدات بعمق و شافت فيه ..

جيسيكا: تتغدا معانا اليوم ؟ ( ابتسمت ) غانشويو الدجاج ..

كاسيو كمل طريقو لداخل هاز الصندوق دالبرتقال بلاما يجاوبها .. كان كيفكر غير فشوفات المحقق جورج لي كان كيدير فيه ..

___

الستة ديال العشية .. و المحقق جورج كان كيعاني باش يسوق فهاديك الطريق الملتوية لي كتطلع للجبل .. حداه جالس برونو و كيشوفو قدامهم فالسكات ..

الطريق كانت ديال التراب و حيت ماواضحاش باينة بلي مكتستعملش بزاف .. هاديك المنطقة وسط الغابات و الخلا كانت مهجورة و بعيدة بمئات الكيلومترات على أقرب بلدة ولا مدينة .. معروفة غير بين المتسلقين و عشاق المغامرة لي كيجيو باش يديرو الهايكينغ ولا يتسلقو المرتفعات ولا يخيمو ولا حتى يجربو القفز بالمظلات …

كلما قربو لقمة الجبل كلما عمرات الدنيا بالبوليس .. صوت اللاسلكيات و الهضرة و نبيح الكلاب لي كيمشطو بمساعدتهم هاديك المنطقة بحثا على الأدلة .. وصلو للجرف .. الشرطة و الشرطة العلمية كانو مطوقين البلاصة بشريط أصفر .. وحدين بحوايج البوليس و وحدين بحوايج عاديين و وحدين بهاداك اللباس الأبيض لي مغطيهم كاااملين .. قفازات بيضين فيديهم و ماسكات على وجاههم و نظارات بيضين كبار .. الشاحنات ديال الإسعاف و حتى ديال الإطفاء كانو برا الشريط مبلاصيين ..

بلاصا جورج اللوطو ورا الشريط الأصفر .. هبطو و سدو البيبان .. برونو هز الشريط و جورج داز تحتو هو اللول عاد تبعو لاخر ..

ورا الشريط الأصفر كانو الطوموبيلات ديال البنات مبلاصيين حدا بعضياتهم .. كانت منصوبة واحد الخيمة متوسطة الحجم زرقا .. قدامها حجيرات صغار على شكل دائرة وسطهم الرماد .. جوج حجرات كبار .. و بزااف دالقراعي ديال الشراب خاويين .. الخيمة الباب ديالها كان موااجه الجرف لي على بعد سبعة أمتار منها ..

الشرطة العلمية كانو حالين الخيمة لي لداخل فيها كيبانو جوج أكياس نوم واحد كحل و الثاني زرق مخربقين .. كان واحد من الشرطة العلمية بالكاميرة ديالو كيصور و ثلاثة ضايرين بالخيمة كيقلبو على الأدلة ..

كانو واحد العلامات صفرين صغار عليهم أرقام محطوطين فكل بلاصة .. معلمين بلايص الأدلة .. كاينين حدا القراعي دالشراب و داخل الخيمة و حدا العافية و حدا حوايج البنات و الطوموبيلات ..

تنهد جورج و تمشى بشوية لجهة الجرف .. وقف على الحافة كيطل لتحت و صدرو تزير حتى تنهد بعمق ..

كان عالي بزاااف .. عشرات الأمتار و لتحت كان واد .. كبير بالجهد و الماء ديالو كيبان خزي و غامق .. واااسع و عرييض و باينة عمييييق .. و فهاديك المنطقة كانو موزعين بزاف ديال الباطويات الصغار فيهم الغواصين لي كيبحثو فالما على شي حاجة مزال ماعرفهاش .. و لكن متأكد غاتكون جـ.ثة ..

تحت البلاصة لي واقف فيها هو مباشرة .. بعيد عليه بخمسين متر تقريبا كانت واحد الحافة أخرى خارجة من الجبل عرضها خمسة متر .. و تماك فين كانو ثلاثة من الشرطة العلمية تاني بلباسهم الأبيض مطوقين واحد الجـ.ثة معالمها ماواضحينش ليه بسباب البعد ..

” المحقق جورج ..”

جورج: ( ضار و بان ليه واحد من الشرطة العلمية كيقرب منو و كيحيد فالكمامة ) سامويل ..

سامويل كان راجل أربعيني .. حيد الليگة من يدو و مدها ليه سلم عليه ..

جورج: فين وصلتو ؟

سامويل: ( تنهد ) ها حنا غاديين .. مانقدر نقول ليك والو دابا .. خاصنا نديو الجثة للتشريح باش نتأكدو من الاحتمالات لي عندنا ..

جورج: ( جبد باكية الگارو من جيبو ) و شنو هوما هاد الاحتمالات ؟

سامويل: ( كيشوف فيه كيشعل الگارو ) عندنا جوج بنات .. جاو لهاد البلاصة الخاوية قبل خمسيام .. بناو هاديك الخيمة ( أشار ليها بيدو ) شعلو العافية و سكرو بزاف .. استهلكو بزاف ديال المخد..رات .. من بعد قررو يهبطو من هنا لتحت .. ( كيشير لتحت الجرف ) بالحبال .. الجثة لي لقينا ديال ليسا لاورنس .. كانت لابسة المعدات ديال التسلق …

شاف فالأرض و أشار لواحد البلاصة و جورج شاف ليها .. كانت حفرة صغيرة فالأرض و حداها المطرقة و حداهم هادوك العلامات الصفرين ..

سامويل: تماك فين دقو الوتد لي لسقو فيه الحبل .. و لكن يمكن حيت سكرانات و مدروگيين مادقوهش مزيان .. ماهزش الثقل ديالهم و هادشي علاش طاحو لتحت و ما.تو .. لقينا الوتد لاسق فالحبل لي طاح مع ليسا ..

جورج: ( نفث الدخان ) علاش كتهضر بصيغة الجمع ؟

سامويل: ( بدا كيتمشى لواحد الجهة و جورج تبعو ) حيت هادشي لي وقع مع راكيل سالڤادور حتى هي ..

___

من بعد أمتار وصلو لبلاصة أخرى فيها حفرة حتى هي مع العلامة الصفرا .. أشار ليها سامويل و جورج قرب منها و طل فالحافة لحت .. و تماك ماكانتش هاديك الحافة لي عليها طاحت ليسا .. هنا مباشرة الواد …

سامويل: كنظنو بلي راكيل طاحت مباشرة فالواد لتحت داكشي علاش الجثة ديالها مفقودة ..

جورج: ( كيشوف فالواد ) و إيلا طاحت فالواد .. شحال خاصنا باش نلقاوها ؟

سامويل: ( تنهد بعمق كبيير و حك فوق حاجبو بإبهامو ) بزاااف و يمكن مستحيل .. الحادث يمكن وقع قبل خمسيام الجثة غايكون جرفها الواد بعيد على هنا .. و تقدر گاع تكون خرجات من البلاد ..

جورج: حادث ؟ ماكاينش شي احتمال تكون جريمة ؟

سامويل: ضروري .. ديما قبل التشريح كايكون هاد الاحتمال .. غير هنا قليل .. البنات ماعندهمش أعداء لي يبغيو يڨتلوهم بالعكس كلشي كيبغيهم .. الاستجواب لي درنا مع عائلاتهم و البحث أكد بلي كلهم كانت عندهم حجة غياب مؤكدة بالدليل ..

جورج: و يمكن لي ڨتلهم بعيد على عائلاتهم و المحيط ديالهم .. يمكن يكون شي واحد تلاقاو بيه هنا ..

سامويل: ( ابتسم ) أصاحبي كتكعااا ملي كتلقا شي قضية ساهلة ..

جورج: ( حيد الگارو من فمو ) ماكايناش شي قضية ساهلة أ سامويل .. ( كيشوف فالحفرة لي حداه ) إيلا بانت ليك ساهلة راه شي حاجة ماشي هي هادي ..

برونو: ( جا وقف معاهم بعدما خدا شي تفاصيل من الزملاء ديالهم ) قال ليا جايسون بلي لقاوهم هنا بسباب معلومة من واحد الراجل سميتو كارلوس .. جار ليسا .. هي لي قالت ليه بلي ناوية تجي هنا هي و صاحبتها راكيل نهار الجمعة يصورو شي فيديو فهاد الجرف ..

جورج: ( شاف فسامويل ) لقيتو شي كاميرة ؟

سامويل: لقيناها هي و الماطيريال ديال التصوير فالطوموبيل ديال ليسا .. و لكن مافيها والو مزال الشارج ديالها كامل و الكارطة خاوية ..

جورج: التيليفونات ؟

سامويل: كاين ديال ليسا لقيناه فالخيمة .. قلبناه مافيه حتى حاجة غريبة كلشي عادي الميساجات و ليزابيل .. ديال راكيل غايكون طاح معاها فالواد ..

جورج: سام ( نفث الدخان من فمو ) شنو بان ليك فهادشي كامل ؟

سامويل: ( ابتسم ) داكشي لي غانقول ليك ماغاديش يعجبك و نتا باااغي تخدم و تعيي راسك .. أنا كنشوف بلي .. جوج بنات متهورات بغاو يديرو مغامرة .. خرجات الأمور على السيطرة و صدقو خاسرين حياتهم ..

جورج: يعني متأكد أنه غير حادث ؟

سامويل: آه ..

جورج: كتبان متأكد ؟

سامويل: ( نطق فخر ) سميتها الخبرة .. 20 عام ديال الخدمة فهادشي وليت كنعرف نفرق بين الجريمة و الحادث .. و هادا حادث .. و التشريح غايأكد لينا .. خاصنا نعرفو سبب الوفاة و نسبة لالكول و الدروگ فذات الجـ.ثة لي لقينا .. و أنا متأكد سبب الوفاة غايكون الضربة لي عندها فراسها اللور بسبب الاصطدام .. و نسبة لالكول و المخدر لي لقينا غاتكون طالعة بزاف .. ( لوا شفايفو كيشوف حولهم ) لقينا بزاف ديال عينات الـ ADN هنا غانديرو ليهم التحاليل كلهم .. شعر و بصمات و ريق .. و إيلا كانو شي عينات مكيتطابقوش مع راكيل و ليسا ( شاف فيه و ابتسم ) هنا ممكن نتافق معاك أصاحبي بلي كاين احتمال تكون جريمة ..

جورج حرك راسو بالإيجاب و سامويل رجع كيلبس ليگتو ..

سامويل: نخليك دابا .. خاصني نرجع لخدمتي ..

جورج: Good luck .. ( بالتوفيق )

سامويل: For you too .. ( ليك حتى نتا ) و باراكة من الگارو راك كتهلك فصحتك ..

جورج: نهار تحبس نتا الشراب جي نصحني ..

ضحك سامويل و مشا .. بينما جورج رجع كيطل من الجرف على الواد .. كيفكر .. كلشي كيبين ليه بلي هادا حادث .. الأدلة كلهم كيدعمو السيناريو لي قال سامويل .. و عارف إيلا نتائج التشريح زادو دعمو هاد السيناريو الملف غايتسد

بسهولة و بالزربة .. غاتسالي القضية واخا جـ.ثة راكيل مفقودة .. و الملف غادي يتنسى بحال الآلاف لي بحالو و سبقوه ..

و لكن الحدس ديالو كان كيقول ليه بلي شي حاجة غامضة فهادشي و ماواضحاش .. شي قطعة ناقصة باش الصورة تكمل .. و الحدس ديالو ماعمرو غلط ..

___

• بعد 27 ساعة .. 21:00 .. مركز الشرطة •

مكتب صغير و بسيط غالب عليه اللون البيض و الرمادي .. الريدو بيض مسدود على الحيوط بربعة دالزاج .. الروينة و حتى حاجة فيه ما مرتبة .. الضو شاعل و خفيف .. البيرو عامر بالملفات و بيسي كحل محلول و طافي .. طفاية دالگارو عامرة بونتات و كاس دالقهوة قاسحة كحلة .. و صورة فيها جورج فالجردة معنق حداه مراتو الشقراء و هاز فذراعو بنتو الصغيرة لي يالاه فعمرها ست سنين بفستان غوز و ابتسامة مشرقة …

كان جورج ناعس على الفوتوي الكحل الصغير لي عندو تماك .. قصير عليه .. رجليه وحدة معلقة فالهوا و الثانية محطوطة فالأرض .. تحت راسو وسادة قهوية و مغطي بالڤيست ديالو ..

تسمع الدقان فالباب من بعد تحل و طل سامويل براسو ..

سامويل: جورج ؟

دخل هاز فيدو جوج أظرفة بيضين كبار .. حل جورج عينيه .. حمرين و ضايرين بالكحولية بقلة النعاس .. بدا كيتگعد بشوية و سامويل جر كرسي جلس عليه ..

سامويل: كون غير تمشي لدارك و تنعس مرتاح .. مالك كتبغي تعذب راسك ؟

جورج: ( دوز يدو على وجهو و شاف فالأظرفة و نطق بصوت مدعدع بالنعاس ) آش داكشي ؟

سامويل: ( مال حطهم قدامو على الطابلة المحدورة ) النتائج ديال التشريح و تحليلات العينات لي لقينا ..

جورج هز حاجبو و دغيا هزهم كيحلهم .. كان متحمس لشنو غايلقا .. جبدهم و بدا كيقرا فيهم .. و سامويل دار رجل على رجل ..

سامويل: داكشي لي قلت ليك هو لي وقع .. ( جورج كيشوف فيه و فالوراق ) سبب الوفاة هو الضربة لي فراسها اللور .. ماكاينة حتى شي حاجة ماشي هي هاديك فالجـ.ثة من غير نسبة لالكول و هاداك المخدر لي طالعين بزاف ..

تنهد جورج و قرن حجبانو .. و طلق الوراق لاحهم على الطابلة ..

سامويل: و بالنسبة للعينات لي لقينا .. كلهم ديال راكيل و ليسا .. ماكاين حتى شي واحد من غيرهم ..

تراجع جورج تكا ظهرو على الفوتوي و هز راسو لفوق كيسوط ..

سامويل: شنو ؟

جورج: مزال بزاف ديال الحوايج ماواضحينش فهاد القضية ..

سامويل: كلشي واضح غير نتا ماباغيش تدخلو لراسك ..

جورج: ( شاف فيه ) ماشي منطقي .. إيلا كانو باغيين يهبطو من الجرف علاش ماهبطوش حدا بعضياتهم ؟ علاش راكيل مشات لهاديك البلاصة لي تحتها غير الواد نيشان و مانزلاتش حدا ليسا ؟

سامويل: وقت الوفاة هو الحداش ديال الليل .. و فالليل مكتقدرش تفرق واش كاين تحتك الما ولا جرف آخر .. و هاديك الليلة كانت مغيمة .. زيد عليها هوما ماكانوش واعيات باش يفكرو بطريقة منطقية ..

جورج: واليدين راكيل كيأكدو بلي بنتهم دازت من هاديك الطريق .. و لكن الناس ديال الموتيل كيقولو بلي ماشافوهاش ..

سامويل: يمكن بدلات رأيها و دازت من الطريق لاخرة .. ولا بصح دازت من هاديك الطريق و ماحبساتش ..

جورج: لا .. مايمكنش ..

سامويل: يمكن .. البنت كانت متحمسة باش توصل عند صاحبتها باش يمشيو للجبل .. داكشي علاش كملات طريقها فالليل بلاما تحبس فالموتيل ..

تنهد جورج بعمق و دوز يديه على وجهو ..

سامويل: ركز فشي قضية أخرى أ جورج و خسر عليها وقتك و جهدك .. هادي راه باينة و ماتحتاجش منك هادشي كامل .. ( وقف ) و سير لدارك دوش أصاحبي راه ريحة هاد لبلاصة ولات بحال البركاصة ..

مشا سامويل فحالو و جورج بقا كيفكر فداكشي .. من بعد ناض مشا جلس على الكرسي و شعل البيسي قدامو .. هز تيليفونو يشوف لقا ثلاثة ليزابيل من عند واحد صاحبو و ميساج واحد ..

” راه سيفطت ليك داكشي فالإيمايل .. و لكن علاش كتسول على هاد القضية ؟ “

ماجاوبش على الميساج .. ملي شعل البيسي دخل نيشان للإيمايل ديالو للبواط و لقاه .. دخل ليه و لقا واحد الليان ملي ورك عليه داه لواحد الموقع مباشرة .. لواحد المقالة مكتوبة بالإيطالية كلها .. مافهم فيها والو و لكن عارفها علاش كتهضر حيت فايت سمع على هاديك القضية .. ضيق عينيه و بقا كيطلع و كيقلب بعينيه على داكشي لي خلاه يرجع تاني يسول عليها ..

___

التسعود ديال الليل .. كيبان الحال مظلم برا من الشراجم لي مسدودين .. الثرية و أضواء الدار كلهم شاعلين .. صوت أغنية إيطالية هادئة و قديمة جاي من التورن ديسك .. و صوت أزيز اللحم لي محطوط على المقلة .. ريحتو عاطية فالجو كتخلي الريق يسيل .. واقف عليه كاسيو فالكوزينة بسروال رياضي كحل و مالابس والو لفوق .. صدرو الأسمر الصلب كان معـ..ري و عضلاتو مستفين .. و فاصمة مغطية جهة الطعـ.نة لي دارت ليه راكيل .. و شعرو مخربق هابط على جبهتو بدا كينشف من الدوش ..

قدامو على الفورنو جوج مقلات كل وحدة فيها ستيك كيطيب مع الزبدة و الثومة و اليازير .. كيتحرك تماك بهدوء و كالم .. مسيطر على الوضع كيف العادة و مسترخي ..

جبد جوج طباسل بيضين حطهم على الكونطوار .. طفا الفورنو على المقالي .. طفا الفران و جبد طاوة فيها الخضرة متبلة كانت كتطيب فيه .. حط كلشي قدامو و بدا كيحول للطباسل .. كل ستيك فطبسيل و معاها الخضرة المحمرة و فوقهم لاصوص .. هز منديل بيض كيمسح أطراف الطباسل بكل اهتمام بحال شي شيف مهووس .. من بعد هزهم و مشا بيهم لجهة الطابلة ..

تماك كانت كتتسناه قرعة نبيذ إيطالي فاخر من النوع لي كيعجبو و جوج كيسان دالكريستال كيلمعو مع الضو .. حط طبسيل قدامو و طبسيل قدامها هي ..

راكيل ..

جالسة على الكرسي لي مقابل معاه .. شعرها الكحل مطلوق و فازگ .. لابسة غير تيشورت ديالو هو بيض .. كتشوف قدامها مباشرة .. وحدة من يديها كانت ملوية بالفاصمة حتى للمرفق ولابسة عليها بانضة .. الكدمات و الجروح فسيقانها و وجهها مزال مابراوش و كيبانو .. كتبان ساهية .. ثقيلة .. دايخة .. كترمش ببطئ شدييييد ..

جلس فبلاصتو مقابل معاها .. هز القرعة حلها و كب كاس حطو حداه .. من بعد كب الثاني و حطو حداها هي .. هز كاسو شرب منو .. هز الموس و الفورشيط و بدا كياكل ..

هدوء كبير كيڨتل .. برود .. و السكات .. كيتسمع غير صوت الموس و الفورشيط ملي كيقيسو الطبسيل ديالو و الموسيقى الهادئة و المنخفضة .. بينما هي مزال جامدة ماتحركاتش .. كيتحرك غير صدرها بشووووية ملي كتتنفس و عينيها ملي كترمش ..

كاسيو: ( نطق بشوية و هو كيشوف فالستيك لي قدامو و كيقطع منها ) البوليس جاو لبارح كيقلبو عليك نتي و صاحبتك ..

راكيل مادارت حتى ردة فعل غير كتشوف فيه ..

كاسيو: لقاوها هي .. فبلاصة بعييدة على هنا ..

دار قطعة اللحم ففمو من بعد رجع اللور حتى تلاقا ظهرو بالكرسي .. كيشوف فيها و كيمضغ .. عينيه فعينيها حتى بلع ..

كاسيو: بنادم .. يقدر يدير أي حاجة إيلا عطيتيه بزاف ديال الفلوس .. يقدر يڨتل معاك و على قبلك .. و يعاونك تخبي الجريمة و تفلت منها .. ( هز كاس النبيذ دارو ففمو يشرب منو ) كان خاصك تشوفي دانييل و هو كيهضر مع المحقق و كيقول ليه ما شفتهمش .. ( ابتسم بالجنب ) بحالا ماشي هو لي دفع صاحبتك من فوق هاداك الجرف و ڨتلها ..

كيشوف فعينيها النايمين .. و كيتفكر تفاصيل هاداك النهار لي جات فيه ليسا لدارو .. كان متوقعها .. كان متوقع الأسوء .. أنها تجيب معاها البوليس .. و لكن هي جات بوحدها و هادشي سهل عليه الأمور .. خصوصا أن صدمة مو.ت صاحبتها خلاتها تستسلم ليه بلا مقاومة .. كانت بحال شي جـ.ثة قادر يتحكم فيها كيف بغا .. و بدون شعور منها عطاتو فكرة باش يصفيها ليها …

” ( بصوت باكي و مخنوق ) كان خاصنا نكونو دابا فالجرف أراكيل كيفما كنا مبلانين .. ماكانش خاصك تمشي و تخليني .. “

هادشي لي كانت كتقول ليسا و هي كتبكي على صاحبتها قدام باب دارو .. و بلاما تحس كانت كتقول حتى فين كاين الجرف و إيمتا خططو يمشيو ليه و كيفاش نواو يتسلقوه ..

ملي قلب اللوطو ديالها لقا فيها معدات التسلق فالكوفر و مستلزمات التخييم .. كانت موجدة كلشي لهاديك المغامرة .. و هو بالزربة قرا الوضع و فكر فكيفاش يدير نهاية لكلشي ..

مشا عند دانييل و جيسيكا و عرض عليهم بزاف ديال الفلوس مقابل أنهم يعاونوه فالخطة لي دار .. و حيت مشروعهم فلس و فشل هوما كانو فالهاوية و محتاجين لهاديك الفلوس داكشي علاش وافقو واخا عارفين الخدمة لي غايديرو معاه ماشي قانونية .. كانو مستعدين يڨتلو على قبل هاداك المبلغ لي عرض عليهم !!

و فنفس النهار .. هز ليسا و داها فاللوطو ديالها لهاداك الجرف .. و وراه مباشرة كان دانييل فالطوموبيل ديال راكيل .. و وراهم كانت جيسيكا فطوموبيلتها .. مشاو لهاداك الجرف و ملي وصلو كان ظلام الحال .. بالليگات فيديهم و حوايج خاصين من البلاستيك مغطيينهم كاملين باش مايخليو حتى دليل .. بناو الخيمة و شعلو العافية .. خلاو ليسا تشرب الشراب لي كانت أصلا مدمنة عليه و محتاجاه باش تنسى حرقة صاحبتها .. شربات بزاااف حتى سكرات .. و كاسيو عطاها حقنة من واحد المخدر قوي باش تستعملها .. و استعملتو بدون اعتراض .. فينما اعترضت على شي حاجة كان كيقول ليها ” ديريها باش نخليك تتلاقاي براكيل .. ” و حيت لاعبة عليها الصدمة و السكرة و المخدر هي كانت كتنفذ أي أمر عطاها .. كانت مرفوعة بحال شي حمقة ..!!

___

عاقل عليها كانت كتمييل و هي كتتمشى تماك فالليل ماقادراش تشد التوازن .. مرة تبقا كتضحك معاهم بحال الحمقة و مرة تبكي بالجهد و مرة تبدا تغوت عليهم بغضب و تسبهم .. بيديها لبسات معدات التسلق .. و هي لي دقات الوتاد بجوج فالأرض .. و تماك .. آمر دانييل باش يلوحها من الجرف ..

كان خاصو ضمان باش مايبيعوش من بعد ملي يساليو الفلوس ولا يبقا يهددو بيها .. داكشي علاش خلاه يڨتلها بيدو باش ماعمرو يخرج هاداك السر من فمو حيت غايضرو حتى هو ..

دانييل بصح لاح ليسا من تماك للجرف الثاني ما.تت .. و كاسيو وزع الأدلة لي كان موجد و لي كلهم فيهم البصمات و الـ ADN ديال راكيل .. قراعي ديال الشراب فيهم بصماتها حيت خلاها تهزهم فالدار و دار ريقها فالفتحات ديالهم .. و حقنة من نفس المخدر خاوية كان دگها ليها هاداك الصباح .. شعر من راسها على الوسادة فالخيمة .. و حوايجها .. و قلع الوتد لي فجهتها و داه معاه باش مايلقاوهش هو و الحبل و يقولو طاحو معاها فالواد هوما و تيليفونها ..

الموقع كلللو كان مصايب بطريقة احترافية و دقييقة باش يبان بحالا البنات كانو مخيمات تماك و سكرو و تدروگاو من بعد غلطو غلطة كلفاتهم حياتهم ..

ماخلاو وراهم حتى دليل .. ركبو فاللوطو دجيسيكا و رجعو فحالهم .. و خلاو الأمور للقدر يتكلف بيها ..

__

خدا كاسيو نفس عمييق و رجع من ذكرياتو ملي الموسيقى حبسات .. حط الكاس من يدو و ناض من بلاصتو .. مشا جلس فالكرسي لي حداها .. مد يدو شد ذقنها و ضور وجهها عندو .. كانت مرخية حيت داگ ليها نفس المخدر القوي .. جسمها كان كامل مقسح و محتاج يبرا و عارف إيلا ماكانتش مخدرة غادي تبقا كتقاوم و هادشي غايضرها كثر ما يضرو هو .. داكشي علاش ختار يخليها بحال هاكاك حتى تبرا ..

كاسيو: ( بصوتو الهادئ ) ماتخافيش من اللحم لي قدامك .. بديت كنصيد الغزال .. على قبلك .. و ملي يسالي اللحم لي لفوق غانولي ناكلو معاك .. ( طلع يدو كيدوزها على شعرها بشوية ) ماغادي نبزز عليك والو .. إيلا مابغيتيهش ماتاكليهش .. ( تنهد ) ماكنتش باغي هادشي كامل يوقع .. ماكنتش باغي نآذيك و ماكنتش باغي نڨتل صاحبتك .. و لكن نتي حتمتي عليا هادشي ..

___

ترفعو حجبان جورج و زاد مال جهة الشاشة كثر ملي لقا علاش كان كيقلب .. صورة عائلية .. أب و أم و جوج إخوة رجال و أخت عشرينية .. صورة كترافق المقال لي تكتب على الاختفاء المفاجئ لهاديك العائلة قبل خمس شهور .. اختفائهم لي كان باقي لغز لحد هاديك الساعة و مزال ملفها محلول .. لقاو دارهم عامرة بالدم و لقاو أداة الجريمة لي كانت عبارة على موس كبير .. و لكن مالقاوش الجثث ديالهم نهائيا ! بحالا بلعاتهم الأرض بخمسة ! و مالقاو حتى دليل يوصلهم للڨاتل ..

ميل راسو كيشوف فواحد من الخوت ..

جورج: هو !!! بصح هو ! ماسيمو لورينيو !

كان كاسيو !!

و غير شافو بداو الأسئلة كيتبناو فراسو .. علاش قالو بلي سميتو كاسيو ؟ و شنو كيدير تماك فهاديك البلاصة ؟ و فين هي عائلتو ؟ و واش عندو علاقة بهاد ” الحادث ” لي وقع لراكيل و ليسا ؟!!!

____

كاسيو كان كيشوف فعينيها الثقال و المعسلين .. مال عندها كثر و خفض صوتو ..

كاسيو: كاينين شي مغامرات ماخاصهمش يتعاشو .. و كاينين شي أسرار ماخاصهمش يتكشفو .. ( عينيه فعينيها و وجهو قرب لوجهها حتى قاس نيفو نيفها ) و شي ناس ماخاصكش تعرفيهم .. ( ميل راسو ) أنا واحد من هاد الناس أ راكيل .. و نتي عرفتيني .. و هادشي لي وصلنا لهادشي ..

حط شفايفو على ديالها باسها بشوية .. ماكانتش كتحس بشفايفو .. مكتحسش بذاتها كلها بحالا مشللة .. حالة عينيها و كتشوف .. و نزلات دمعة حارة من وحدة فيهم .. بقات هابطة حتى توضرات وسط هاديك القبلة ..

قطعها .. حط جبهتو على جبهتها و غمض عينيه .. تايه فمذاق ريقها لي دمن .. و همس بشوية بحالا هاضر مع راسو ..

كاسيو: Tasty …

••_ النـــــهـــــايـــة _••