تقوى الروح

تقديم بقلم ✍️ Qisatok
بعض القصص كاتبدا بهدوء… وشي قصص من أول خطوة كاتخليك تقول: هادي فين غادية بينا؟ 👀🔥

تقوى ماشي من الشخصيات اللي غادي تقدري تبقاي محايدة معاها… يا إما غادي تعصبك، يا إما غادي تحاولي تفهميها، وفالغالب غادي تديريهم بجوج 😂

قرارات كتجي قبل التفكير، مشاعر كتخلط الحسابات، ومواقف كل مرة كاتفتح باب جديد ما كانش فالحسبان… وبين الصح والغلط كاين خط رقيق، والمشكل أن الإنسان مرات ما كيعرفش أنه تجاوزو حتى كيولي الرجوع أصعب من التقدم. 👀

شنو يقدر يوقع ملي الواحد يبقى كيجري ورى داكشي اللي باغي، بلا ما يسول راسو شنو ممكن يكون الثمن؟
وواش أي طريق دخلناه بإرادتنا نقدروا نخرجو منو بنفس السهولة؟ 🔥

تقوى الروح… قصة قصيرة بالدارجة المغربية، فيها الجرأة، الدراما، المواجهات، المشاعر والمواقف اللي مرة غادي تفقصكم من تقوى ومرة غادي تخليكم غير باغيين تعرفو: فين غادية بهاد الراس؟ 😂👀

القصة بقلم ملاك
قراءة ممتعة مع Qisatok ♥️📖

بقلم الكاتبة ✍️👇
يقولون أن باب التوبة مفتوح للجميع و انا التائب عن الذنب كمن لا ذنب له
التوبة ممكن تجي درجة درجة ، و ممكن تجي فدقة وحدة ، ممكن حدث وااحد يخلي قلبك و روحك يتوبو لله و يزول ليك الغشاء على عينيك باش تشوف انك كنتي عامر ذنوب.و ممكن انك بحاجة لبزااف ديال الأحداث لي تخلي الكاس يفيض ، ممكن شخص واحد يبدل تفكيرك و يخليك تحل عينيك على أخطائك ، ممكن فجأة تنعس و تفيق على صوت ضميرك ، كايفكرك بتعاليم دينك و شحال نتا مقصر من ناحيته...و ممكن ترجع لله نهار يتخلى عليك كلشي ، نهار طيح و ماتلقى حد لي يشد بيديك و يوقفك ، و لكن مهما تعددت الأسباب كاتبقى التوبة وحدة...
التوبة توبة الروح ، و توبة القلب ، لكن كايبقى السؤال وااش التوبة كاتعني الوصول للكمال ؟؟ و ان الإنسان كايرجع معصوم عن الخطأ؟؟أبدا مهما الإنسان حاول غادي يبقى يوقع فهفوات و أخطاء ، التوبة ما هي إلا محاولة للوصول لأحسن نسخة من نفسك
#تقوى_الروح هي توبتها و رجوعها لخالقها.
للإشارة هي ماشي قصة دينية هي فقط قصة على حياة تقوى ، اشنو وقع فيها غادي نخليكم تكتاشفوه معاها هي ، اما انا غادي نقول حاجة وحدة انه شخصية تقوى مامحتاجاش لشخص باش يرجعها للطريق حيت هي ببساطة " تقوى "
مرحبا بيكم معايا و نتمنى القصة تنال إعجابكم ... نكون خفيفة انا و قصتي على قلوبكم بما انها اول تجربة
#تقوى_الروح بقلمي انا ✍️ ملاك