ﺟﺮ ﻣﺮﻳﻢ ﻣﻦ ﻓﻮﻕ ﻫﺎﻳﺪﻱ ﻛﺘﻨﻬﺞ ﺣﺘﻰ ﺟﺎﺕ ﺟﺎﻟﺴﺔ ﻋﻠﻰ ﺍﻻﺭﺽ و شعرها طالع لسما ﻓﺤﻴﻦ ﻫﺎيدﻱ ﺗﻘﺎﺩﺕ ﻓﻠﺠﻠﺴﺔ ﺣﺘﻰ ﻫﻴﺎ ﻛﺘﻨﻬﺞ ﺑﻠﻌﺼﺎﺏ ﻭ عينيها قرطاس على مريم ﺳﺎﺭﺓ
ﻟﻲ ﻭﺍﻗﻔﺔ ﻛﺘﺮﻋﺪ ﺣﻮﻟﺖ ﻧﻀﺮﻫﺎ ﺗﺠﺎﻩ ﺍﻷﺷﺨﺎﺹ ﻟﻲ ﻭﺍﻗﻔﻴﻦ ﻛﻴﺘﻔﺮﺟﻮ ﻫﺎ ﻟﻲ ﺷﺎﺩﺍﻩ ﺿﺤﻜﺔ ﻭ ﻫﺎ ﻟﻲ ﻛﺘﺴﺘﻬﺰﺃ ﻫﺎﺩﺷﻲ ﻛﻠﻮ ﻭ
ﻛﻴﻬﻀﺮﻭ ﻋﻠﻴﻬﻢ ﺑﻬﻤﺲ ﻗﻔﺰﺕ ﻣﻦ ﺑﻼﺻﺘﻬﺎ ملي سمعات ﻏﻮاﺕ ﺭﺷﻴﺪ
ﺑﺼﻮﺕ ﻋﺎﻟﻲ: ﺑﺮﺍﺍﺍﺍﺍﺍﺍ ﻧﻠﻘﺎﻛﻢ ﻓﻄﻮﻧﻮﺑﻴﻞ
ﻧﺎﺿﻮ ﺑﺴﺮﻋﺔ ﺑﻼ ﻫﻮﺍﻫﻢ ﻛﻴﺘﺠﺎﺭﺍﻭ ﻃﺎﻳﺮﻳﻦ
ﻭ ﻧﺘﻲ ) ﻣﻊ ﺳﺎﺭﺓ ( ﺟﻤﻌﻲ ﻫﺎﺩ ﻟﺤﻮﺍﻳﺞ ﻭ ﺗﺒﻌﻴني
ﺩﺍﻛﺸﻲ ﻟﻲ ﻛﺎﻥ ﺧﺮﺟﻮ ﺑﺮﺍ ﻭ ﻭﻗﻒ ﻋﻨﺪ
ﻃﻮﻧﻮﺑﻴﻞ ﻃﻞ ﻋﻠﻴﻬﻢ ﻭ ﻫﻮ ﻋﺎﻗﺪ حواجبو: مزيااان نبارك الله وليتو مشوهيني قدام لي يسوا و لي ميسواش هااا لقيييتو السيبة صافي وليتو باغيين تضاربو قدامي
مريم: وااله اعزيزي حتا هي لي جبداتني
رشيد: واش غتوريوني فيييكم .. مكنعرفكمش اناا هااا .. دوي اللافعة فين ما مشيتي تخرجي سمك فبنادم بقات ليك غير ختك حتا هي
هايدي عصرات عينيها و تلقات زواكتها تبكي و تهرنن و عينيها حمارو و تنخصص: اهئهئهئ كنت كنقيس فواحد الكسوى و جات قالت ليا بنت العاهرة اش داك اللباس لابسة هئهئهئ انا مهضرتش معاها اصلا حتا تلاحت عليا 😭😭 لقاتني معندي صحة هئهئهئ
رشيد شاف فمريم مخنزر: هادشي بصح
مريم: والله اعزيزي ما بصح
رشيد: ساااارة اش وقع بيناتهم
سارة مقداتش تهضر غير كتشوف و خايفة من شي دقة تجي فيها من باها
رشيد: الله يقطعكم عليا كاملين تفوو على كمامر دالنحس
ركب و كسيرا غادي عاقدهم و يعاير و يسب و هوما مخشييين فداتهم حتا وحدة فيهم متكلمات حتا وصلو للداى نزلو و دخلو كل وحدة مشات لبيتها و هو جلس فالصالون و عيط على عيالاتو جلسو حداه
رشيد: سمعوني بزوجات .. انا مجمعتكمش هنا باش فين ما ندخل نبغي نحط راسي نرتاح نلقا القيامة نايضة كل وحدة تشد تيقارها الدار راها واسعة .. و كون كانت بيدي منجمعكمش اصلا ولكن الله غالب حتا من الخدمة لي كنت فيها مبقيتش و كترات المصاريف مكان عندي حتا حل من غير نجمعكم بزوج .. الله يرضي عليكم كل واحد يشد تيقارو ولا راه الى فت حتا تدخلت انا وحدة فيكم لا بقات بعضامها صحاح و دبا نوضو جمعو عليا الوقفة
ناضت كل وحدة مشات لشغلها و هو تسرح فوق الفراش مغمض عينيه و كيتصنط لعضامو
🌸 بعد مرور سنة 🌸
داخل هاز جاكيت على كتفو و تيلي في يدو كيدوز فالنمرة لي بغا .. باينين ملامحو العيانة و شعرو لي زاد طوال و طايح على جبينو .. لاح الفيست على الكنابي و جلس مدوز النمرة: سي فهد تمت المهمة في احسن الاحوال
فهد: برافو عليك هدشي لي كنعرف على تاندر
رعد: الحمدلله ماخيبناش .. كيف دايرين الدار لباس عليهم
فهد: الحمدلله اولدي يسولو عليك
رعد: هاد اليومين نكون تما .. احم شنو خبار دكشي باش وصيتك الوليد
فهد “تنهد عاد جاوب”: حتا تجي و تعرف دكشي ماشي ديال الفون
رعد: واش هي لباس عليها بعدا
فهد: نقولو لباس .. المهم تبارك الله عليك كملتي خدمتك رجع لداركم راحما توحشناك
رعد: ان شاء الله .. نخليك دبا
.. قطع و دخل لمحادثات و اول حاجة طاحت عليها عينو هي اسم “هايدي” شاف شحال ديال ليميساج و ابتاسم دخل و هو مدهوش من كترة الرسائل لي مخلية ليه كل يوم معاودة ليه شنو كيطرا معاها و هو متبع كل كلمة كتقول مرة يضحك و مرة يجمع حواجبو بغضب حتا صبح الحال عليه و عو مزال منعس حتا يكمل جميع الرسائل .. هكاك بقا حتا وصل لاخر رسالة لي كانت كتهضر فيها بكل فرحة باينة من احساسها لي وصفاه ليه .. حلمها قريب يتحقق .. بعد امتحان بسيييط غتولي وحدة من ستيليست لي كانت تتمنى تكون منهم بقا كيقرا و هو فرحان حتا كيلقاه هو اخر ميساج قبل شهر .. دخلو لعجب و بقا كيستغرب على سبب انقطاعها من محادثته .. خوا راسو من هاد الاسئلة و ناض خدا دوش ريح بيه عضامو .. دخل لدريسينغ لبس سروال دجينز مع تيشرت بيض .. ساعة فيدو .. رش ريحتو و خرج من الشومبر مباشرة للمطار خدا اول طيارة راجعة للمغرب قام بالاجراءات القانونية و ركب منتضر العودة الى بلده الام
🍁 عند سهى
كانت جالسة هي و رغد كتمشط ليها فشعرها و يتحتو بيناتهم حتا دخل ناييف جلس جنبهم
ناييف: الوليدة
سهى: اش كاين
ناييف: وليدك راه نجح فاخر عملية ليه
سهى بفرحة: مبروووك عليه الله يحفظو ليا و ينجيه و امتا غيجي توحشتو عاام و هو غابر علينا
رغد: حتا انا توحشتووو
ناييف: راه ج
قاطعو صوت اللوطو لي دخلات مع البوابة .. وقفات و خرج منها فهد و رعد جايين اتجاههم .. وقفات رغد و مشات كتجري تلاحت على رعد تبوس و تعنق فيه: لحبيييب دياااالي توحشتك
رعد: هههه حتا انا توحشتك العوجة
سهى: على سلااامتك
رعد تلق من رغد و مشا عند سهى عنقها و باس على راسها: توحشتك احبيبة
سهى: حتا انا خليتي بلاصتك اولدي
ناييف: براكة من الدراااما قهرتووونا ولينا نحسو بالنقص العاطفي بففف
سهى: اللقوى اوليدي اللقوى
نايف: ههه و نوضي الا سهى حطي لينا الى كان شي غدا
سهى: هي اللولة
ناضت توجد الطبلة و بقاو هوما مجمعين و رغد مخشية فرعد حتا تكلم: رغد اش اخبارك
رغد: الحمدلله كلشي مزيان
رعد: اممم مزيان هي عندك بزااف ما تعاودي ليا
رغد حكات راسها: ها! لا لا مكاين حتا شي جديد
رعد بنضرة ممفهوماش: اييه واخة .. نايف فين وصلتي
نايف: فاش اصاحبي
رعد: خدمتك
نايف: مزيااان مزيان كلشي هو هداك
رعد: نتمناو
جات سهى عيطات عليهم و دخلو تجمعو على الطبلة تغداو مجموعين عاد ناضو كل واحد مشا لقنت
رعد: الوليد بغيت ندوي معاك
فهد: واخة سبقني لبيرو
مشا رعد سبقو دخل و سد الباب
سهى: شنو بغاك
فهد: باينة في موضوع البنت
سهى: ناري مسكينة بقات فيا .. واش غتعاود ليه شنو وقع
فهد: و علاش غنخبي هو وصاني عليها غنعاود ليه كلشي و فينال
سهى: واخة واخة سير شوفو بعدا
مشا دخل من وراه و سد الباب عليهم
🍁 عند مروى 🍁
كانت واقفة فبيت متوسط الحجم بفراش بسيط و ديكورات قلال .. لابسة سيرفيت فالبلومارين و جامعة شعرها كوبشوفال .. هازة فيدها صورة لي عمرها خطاتها زوج ازواج و ولد و بنت كتشوف فيها و عينيها دايزين بالدموع: هئهئ علاش مشيتو علااش هئهئ كون غير مت معاكم داك النهار ولا هاد الحالة كون غير مت و منعيش هاد العذاب لي غايشة فيه دبا هئهئهئ ياربي ياربي توقف معايا و تعاوني ياربي هئهئ راه معندي حتا واحد من غيرك هئهئ
بقات كتبكي و تمسح فدموعها حتا فشات قلبها عاد مشات غسلات وجهها و نشفاتو و دازت لبيت لي ملاصق مع بيتها فتحاتو و شافت فيه مستلقية على سريرها شعرها الاشقر طايح على وسادتها و عينيها الخضراوتين كيشوف فنقطة وحدة فالسقف .. حاطة يدها على كرشها و الاخرى في جنبها .. ما حاولاتش تشوف شكون دخل ولا حتا هزات فيها راسها .. قربات ليها مروى و حطات يديها على شعرها كتمررها: حبيبة ديالي ياله نخرجو شوية يضربك البرد شحال هادي مبقيتي خرجتي
هايدي: لا جواب
مروى: شنو بغيتي تلبسي نجبدو ليك اممم و فين تبغينا نمشيو .. عرفتي سليمان شحال و هو كيصوني عليك توحشك و توحش الجلسة معاك .. ديما مصدعني جيبي ليا حبيبتي نشوفها خليني نجي نشوف حبيبتي .. كيهضر غير عليك هه
ما جوباتهاش مكتافية بالصمت ..
ما جوباتهاش مكتافية بالصمت .. هزات مروى كسوى فايتة الركبة بحزام فوسطها و عقيدات عند صدرها حطاتها فالابيض و مشات هزات صبيبيط بلا فالاسود عاد جات حدا راس هايدي شداتها من يديها بزوج و جلساتها باش تقدر تتحكم فيها .. بدات كتبدل ليها و هايدي لا حركة و عينيها قليل فين كترمشهم حتا كملات ليها لبسها .. جمعات ليها شعرها لفوق و خرجات جابت الكرسي المتحرك و هزات هايدي حطاتها فيه .. هزات ساكها و خرجات من الدار و جميع الانضار عليهم دارت نضارات شمسية و زادت مع الطريق تمشات شوية حتا وقفات قدام واحد الكافي و دخلات جلسات فيها
مروى: شنو تشربي
كتفات تغمض عينيها و تحلهم
مروى: هايدي الله يرضي عليك مديريش هاكا راك كتعذبي راسك و تعذبيني حتا انا معاك صافي براكة من هدشي
مهتماتش لكلام مها بقات غير كتشوف فلي غادي و لي جاي حتا يأسات مروى و طلبات شنو يشربو .. غير حط ليهم السيرفور طلبياتهم و هو يصوني الفون ديال مروى: الو ولدي سليمان
سليمان: خالتي مروى بخير
مروى: الحمدلله و نتا اش خبارك
سليمان: لباس هاد الساعة .. ايوا هايدي اش خبارها
مروى: كيف ديما هاني خرجتها شوية يضربها البرد
سليمان: فين كاينين نجي عندكم
عطاتو لدريس و قطع معاها .. هز اللوطو ديالو و كسيرا فاتجاه الكافي لي جالسين فيه .. حتا وصل و دخل شافهم فين جلسين و مشا عندهم .. سلم على مروى و تبعها هايدي باسها من راسها عاد جلس معاهم
🍁 عند رعد
غادي فالطريق مكسيري و عروق يديه باينين كايبان بريق لامع فعيونو مخلط بحزن .. وصلاتو مكالمة و جاوب: لقيتيهم
….: اه اسيدي
رعد: فين
….: دبا جالسين فكافي ****
رعد: عينيكم يبقاو عليهم حتا نوصل و صيفط ليا لوكاليزاسيون
….: واخة اسيدي ولكن راه
قطع عليه الخط و زاد فالسرعة .. موقف حتا لقدام لوطو ديال رجالو .. جا عندو واحد منهم و حدر راسو
رعد: فيين
…..: فهاد الجهة اسيدي (نعت ليه فين كاينين)
رعد: صافي يمكن ليكم تمشيو
زاد شوية باللوطو كيقلب بعينيه حتا طاحت عليها .. و شحااال تبدلات علييه .. داك البريق لي كان فعينيها مبقاش شافو .. ديك الابتسامة لي كانت مشرقة على ثغرها مبقاتش كتبان .. جالسة فكرسي متحرك و ساكتة … شحال المو هاد المنضر .. مسح دمعة خانتو و نزلات و فتح الباب نزل و بقا واقف شحااال كيتأمل فيها
🍁 عند هايدي
جالسة بدون حركة واخة كيهضر معاها سليمان و مها مكتجاوب حتا واحد .. كانت كتشوف فاص ليها و حدرات عينيها فالكاس لي كان قدامها و بسرعة رجعات هزاتهم و هاظ المرة فتحاهم مزيان و كتشوف قدامها بدون مترمش .. توقف عندها الوقت فديك اللحظة .. نزلو دموعها كيتسابقو على خدودها و يديها وركات على جنب الكرسي بقوة .. تلفتات عندها مروى لي كانت كتهضر مع سليمان حتا شافتها فديك الحالة و ناضت مخلوعة تشوف مالها
مروى: هايدي ياك لباس ابنتي مالكي
سليمان: هايدي شنو كاين
هز عينيه فين كتشوف حتا شاف ولد خالتو واقف عند اللوطو ديالو و كيشوف فيهم و بالضبط كيشوف فهايدي لي دموعها شقو طريقهم على خدودها .. بقا مدة كيشوف فيه من بعد نزل عند هايدي شاد ليها فيدها و هي عينيها غير عليه .. حتا بان ليها جاي عندهم بالشوية حتا وقف قريب ليهم و نطق بهمس و بحة فصوتو: ههايدي
حدرات راسها و شافت فرجليها و هي كتبكي بلاما ترد عليه
رعد: هايدي بخير؟
سليمان: رعد؟؟!!
رعد: سليمان اش خبارك
سليمان: بخير و نتا اش خبارك امتا جيتي
رعد: غير دبا ” حول نضرو لهايدي شافها كيفاش حادرة راسها و شاف فمروى” مدام مروى ممكن نهضر مع هايدي شوية
مروى: فين كتعرف بنتي
رعد: معرفة و صافي
سليمان: خالتي مروى غير خليه راه كنعرفو
مروى شافت فهايدي و رعد و حركات راسها بايجاب: واخة اولدي و رد معاك البال الله يرضي عليك
حرك ليها راسو و مشات هي مع سليمان بعدو عليهم و شدو طبلة جلسو عليها
بقا واقف شحال عاد نزل على ركابيه و شاف فيها هي لي حادرة راسها .. هز يدو و حط سبعو على دقنها هز ليها راسها حتا شافت فيه: هايدي متوحشتينيش؟؟
زادت فالبكا و تنخصيص بلا حتا كلمة
رعد: شششت بلا بكا ” كيمسح ليها فدموعها” هانا رجعت و عمري مزال نمشي و نخليك .. فخبارك عمرك ما مشيتي من بالي واخة كنت مسافر و بعييد عليك مي نتي كنتي ديييما قدام عيني .. صورتك عمرها فرقاتني .. شنووو وقع لييك هااا .. كييفاش استسلمتي بهاد البساطة اممم .. فين هايدي لي شفت اول مرة .. فيين البنت لي كانت طموووحة و عمرها استسلماات لشي حاجة و عمر شي واحد قدر يهزمها اممم .. فين البنت لي عشقت اي تفصييل فيها و حبييبتها من اول نضرة اممم ..
(هزات عينيها بصدمة و بقات كتشوف فيه و هو مراقبها) .. البنت لي كانت كتبان ابتسامتها فعينيها قبل ثغرها .. علاااش استسلمتييي بهاد السهووولة علاااش .. علاااش خليتي الضعف يسيطر علييك .. جاوبيني هممم علاش ساكتة اهايدي قولي شي كلمة .. علاش رفضتي تعالجي هااا .. و علاااش سامحتي للشخص لي وصلك لهاد الحااالة .. ” شاف فيها كيفاش حادرة راسها و مبغاتش تجاوب” جاوبيني اهايدي .. دوي معايا .. ياكما مقلقة حيت مكنتش كنجاوب على رسائلك؟ فأنا كنعتاذر حيت ملقيتش كيفاش نتواصل معاك و تعاودي ليا كيف موالفة .. ولكن ان شاء الله كلشي غيرجع كيف كان و نتي غتوقفي على رجليك كيف الاول و حسن و غتعاودي تشاركي فديك المساااابقة و انا متأكد غتنجحي فيها حيت عارفك شنو كتسواي و ديك الشركة مغتلقاش حسن منك احبيبة غير كوني هانيا و انا غنبقا واقف معاك و فجنبك ديييما عمري نفرقك مزاال اهايدي غير تيقي فيا
بقا كيهضر معاها و هي لا حياة لمن تنادي حتا وقفات حداه مروى كتشوف فيه كيفاش كيشوف فهايدي و نضرتو الحنوونة ليها: سمحلي اولدي خاصني نديها هادا هو الوقت ديال دواها
رعد: واخة امدام مروى الى بغيتو نوصلكم انا
سلمان: انا غنوصلهم غير رتاح
رعد: ملي توصلهم رجع عندي هنا كنتسناك
سلمان: ان شاء الله
دفع سلمان الكرسي ديال هايدي قدام عينين رعد لي مراقبهم حتا وصلو للوطو و هزها حطها لداخل عاد مشا ركب و ركبات حداه مروى .. مخليين بركان من وراهم على وشك الانفجار .. ضرب الطبلة حداه حتا تقلبات و تكفحو الكيسان لي كانو فوقها و مشا جلس فوحدة اخرى و جبد بريكة و كارو و بدا يتكيف .. كيشوف بعييد عقلو ممعاهش .. كيفكر غير فيها و في الحالة لي وصلات ليها … عمرو ظن يرجع و يلقاها فهاد الحالة مكتأبة و يأسة من الحياة .. ضرب باكسة كاملة ديال الكارو عاد جا سي سلمان جلس مقابل معاه
سلمان: وليتي تكمي اولد خالتي
رعد: شنو وقع ليها
سلمان: علامن كتهضر
شنق عليه من الفيست لي لابس و جرو عندو: متلعبش لديلمي على اعصابي و دوي كيفاش حتا وقع هكاك مع هايدي
سلمان: زعمة معارفش اولا مقادرش تيق
رعد: جاوبني بغيت نعرف بالتفصيل
سلمان: واخة اسيدي.. تعرضات لحادث
رعد “باستهزاء”: هه حادث او مؤامرة
سلمان: مؤامرة
رعد: ايوا عاود بالتفصيل بلا زيكزاك راه ممساليش ليك
➡ فلاش باك
واقفة هايدي قدام لمرايا ديالها كتركب فحلاقاتها و البسمة غااامرة وجهها .. دارت كلوز في المارو مع ايلاينر جبدات بيه عينيها و جمعات شعرها كوبشفال .. دخلات عندها مروى و هي كتضحك: ههه جيتي تحمقي احبيبة
هايدي: يخليك ليييلي العمر .. دعي معايا ننجح فداك الامتحان و نكمل على تصاميمي احح بنتك فتولي مشهووورة و يحسبو الف حساااب قدامي هههه
مروى: الله يوفقك احبيبة ديالي و يكمل عليك و يعاونك ياربي
هايدي: امييين و ديك الساعة نخرجو من هاد العيشة المزفتة
مروى: ان شاء الله .. سبقيني نزلي و انا تابعاك نجيب ليك شي فلوس باش تقدي
هايدي: ما يحتاجش راه عندي ابب غير خليهم ليك
مروى: غير سيري انا نعطيك قدي بهادو و خبي دياولك عندك
خرجات مروى و كملات هايدي على لبسها حتا تحل الباب و دخلات عليها مريم: شفتك فرحانة
هايدي: حيت عارفة راسي غنجح فيه ☺
مريم: اييه في الاحلام ههه
هايدي: انا احبيبة كنحقق كلشي لي بغيت مكنحلمش بيييه بحالك هيهي و دبا خرجي بعدي مني و داك المعهد هو فين فنكمل غير صبري عليا و غتشوفي كيفاش غنجح فيه
مريم: اييه حتا تدوزيه بعدا ههههه
قالت كلامها و خرجات خلات هايدي كتغلي .. بردات راسها و هزات اوراقها و خرجات من البيت .. ياله بغات تنزل من الدروج حتا كتزلق ليها رجلها بشي سائل في الارض .. و قبل متشد فالحيط حسات بشي حد دفعها من اللور حتا طاحت فالدروج .. مع الطيحة مع الغوتة لي غوتااات .. تسمعات في ارجاء الدار كاملة .. ماجات تخرج مروى من البيت حتا كانت هايدي تكركبات من الدروج و طايحة قدام الدرجة اللخرة، كلها دمايات و رجلها كيبان العضم منها .. شعرها الاشقر رجع حمر بدمها و هي غايبة على الوعي .. اما مروى واقفة مصدومة كيتعاود في مسامعها غير صدى الغوات ديال بنتها .. داك المنضر لي قدامها خلاها غير واققة بدون حركة .. عينيها خارجات و كيشوفو غير فبنتها .. في كبدتها .. في اغلى ما عندها .. في البنت الوحيييدة لي بقات ليها فهاد الدنيا .. ميمكنش تمشي و تخليها .. ميمكنش تتخلى عليها كيف عائلتها الحقيقة .. ميمكنش الوحيدة لي بقات تكساب تمشي ..
مروى: لا لا ميمكنش ..لا مغتموتش ..لا غير كضحك معايا ..لا لا لا لااااااااااااااااااا
طاحت على وقفتها كتضرب في فخاضها و تضرب فراسها و تنتف فشعرها غيير واااعية لشنو كدير ..
ما متحكماش فراسها: اععععععععع هئهئهئهئ و لااااا لاااااا بنتييييي هئهئهئ ميمكااااااااانش تمووووت ميمكاااانش هئهئهئهئ
ناضت وقفات و مشات عندها كتجري حتا كانت غتقرب ليها و رجعات بعدات كتضرب فراسها و تنتف فيه: مييييمتي بنتي ماااتت مييييمتيييي مشاااات بنتي هئهئهئ وييييكوييييك قتلوووها 😭😭 صافي مشاات صافي قتلوها قتلوها الكفارة بالله اميييمتيييي على كبيدتي ميمتي هئهئهئهئ
رجعات بحال شي حمقة كضرب فراسها و تشوف فيها .. ما فيقها من حماقها غير رشيد لي دخل و وجهو تخطف منو اللون ملي شاف هايدي مرمية هكاك في الارض عامرة دمايات .. مشا كيجري عندها هز ليها راسها كيقلب ليها النبض .. و هزها بالزربة خارج بيها ركبها فاللوطو و متسنا حاا واحد كسيييرا بالجهد لاقرب سبيطار .. اما مروى خرجات هكاك فسيرفيت مرة طيح مرة تنوض و في فمها كبمة وحدة بنتي ماتت بنتي مشات .. غادية كتجري فالطريق حتا خرجات للشانطي كانت غضربها طموبيل كون ما فرانا فاخر لحضة و نزل يشوف شنو كاين
سلمان: خالتي مروى ياك لباس مالكي فهاد الحالة
مروى: واااااعععع هئهئهئ و بنتي مشااااات بنتييي هئهئهئ و ماتت ماتت هئخئهئ
سلمان بهلع: شنو كتقولي فيين هي هايدي
شدات ليه فيديه: داها لسبيطار وصلني عند بنتي الله يرحم والديك هئهئ بغيت نشوف بنتي هئهئ
شدها سلمان ركبها فاللوطو و مشا ركب ما فاهم والو و كسيرا فاتجاه السبيطار .. نزلو و اتاجهو لجهة غرفة العمليات .. وقفات حدا رشيد و بدات تبكي: فين بنتي هئ هئ ياك مطرا ليها والو هئهئ
رشيد: متخفيش مغيطرا والو ان شاء الله هايدي قوية و غتخرج منها راه داخل عندها الطبيب
جلسات كتبكي و سلمان دخل عندهم بحكم دكتور ملقاش مشكل .. شاف حالتها كيفاش دايرا قطعات ليه فقلبو .. بقا معاهم ختا كملو العملية عاد خرج عند مروى و رشيد
مروى: امضرا كيف دايرا بنتي
سلمان: فقدات بزااف ديال الدم و عندها كسوور على مستوى الارجل و حتا فضهرها في العمود الفقري .. دبا منقدرو نعرفو والو خاص حتا تفيق باش نشوفو حالتها و الحمدلله على سلامتها
مروى: معندها حتا حاجة خطيرة ياك اولدي
سلمان: غنديرو ليها شي تحاليل و تجارب عاد نقدرو نعرفو .. متخفيش اخالتي هايدي غتفيق بيخير ان شاء الله
مروى: واخة نشوفها الله يرضي عليك اولدي
سلمان: واخة مي غير خمسة الدقايق و خرجي
حركات ليه راسها بايجاب و مشات لبسات اللبسة لي معقمينها عاد دخلات عندها .. كتشوف فبنتها كلها سلوكة و كدمات في وجهها و يديها .. جلسات حداها و هزات يدها عند فمها باستها و هي كتبكي .. بقات شحااال جالسة جنبها حتا دخل عندها سلمان: خالتي مروى خليها ترتاح شوية
مروى: واخة اولدي
رجعات باستها من جبينها و ناضت خرجات على برا .. لقات رشيد جالس شاد فراسو و مشات ليه كافرة على الوضعية .. ما حس بيها حتا وقفات عليه
مروى: صافييي هادشي لي بغيييتيييي هاااا .. هاهي كانت غتقتل ليا بنتي و تخليني مشوية عليها .. ولكن والله هاد المرة متبقا فيييهم غير بلاتي والله حتا ندمهم وراك مزااااال مكتعرفنيييش شكون انا ارشيييد والله فيهم متبقى
رشيد: كيفاش؟؟! شنو كتقولي و شكون هادو
مروى: واااش كتحيمق علييييا ولا شنووو … ديييك ال**** ديال بنتك هي لي رماتها من الفووووق والله حتا نقتلها والله فيها لا بقااات غير بلاتي على الحمارة دمها
رشيد: واش نتي عارفة شنو كتقولي راه ميمكنش دير هاكا لختها
مروى بعصبية كتر: يااااك ا سي ايوا بلاتي دبا نشوفو
دفعاتو من طريقها و خرجات ساخطة على الوقت .. خلاتو هو مشا يشوف الطبيب و هي شدات طاكسي نيشان للدار .. لقات محمد عند الباب كيتسنا فيها
محمد: خالتي مروى اش وقع لهايدي
مروى: خلص الطاكسي و تبعني
دكشي لي دار مشا خلصو و تبعها هي لي كتجمع فشعها هزاتو الفوق و بدات تخبط في الباب بالجهد حتا فتحات عليها سارة
سارة: خالتي مروى كيف بقات هايدي
دفعتها و دخلات بدات تغوت: فييييينك ال**** اجي لهنا والله اليوم حتا نشتف على مك الكلبة يا الخانزة لقيتي السيبة وليتي باغة تقتلي ليا بنتيييي خرجي يالحمااارة نوريييك تلعبي مع لالياااتك
خرجات خديجة و بنتها مريم معولين يتحاماو
خديجة: مالك اديك الشايطة جايا بصداعك غير بنتك تكركبات درتي هاد الحالة كاملة
مروى: اجي نوري لمك الشايطة اش تسوا
جرااتها من شعرها و نزلاتها عندها .. تنتف و تعض و تضرب و هي كتغوت و مريم غير قربات بغات تحامي و هي تجمعها معاها بصقلة دلغدايد حتا طاحت و طلقات من خديجة و مشات ليها .. مكاين غير شتف يا تشتف تضرب و تنتف و تشتف سمها كلو خرجاتو فيهم بزوجات كتطلق من وحدة و تمشي للاخرى حتا سخفات و بعدات عليهم و محمد و سارة غير كيشوفو ما قربو ما دواو
مروى: والله فالخانزة تمك لا بقااات غير بلاتي نورييك تحاماي ليا على بنتي يالشيخة غير صبري عليا الى مندمتك ماشي مروى انا و مزغرتين عليا خخخخ تفووو
طلعات لبيتها هزات ساكها جمعات فيه تيلي و فلوسها و حيدات دكشي لي كانت لابسة لبسات جلابة و خرجات عند محمد
مروى: زييد اولدي نشوفو ختك واش فاقت
محمد: و هادو غتخليهم هاكا
مروى: زييد انا بغيت ليهم الموت ان شاء الله
جراتو و مشاو شدو طاكسي حطهم عند الكلينيك و مشاو للغرفة لي حولو ليها هايدي لقاوها مزال مفاقتش و جلسو كيتسناو فيها
الساعة اللولة .. التانية .. التالتة .. والو ما فاقتش حتا بدات مروى كتخلع و مشات عند سلمان: ولدي علاش مزال ما فاقت .. ياكما واقعة ليها شي حاجة و مخبي عليا
سلمان: غير كوني هانيا راه غير مفعول البنج لي باقي مأتر عليها شوية و غنمشي نشوفها غير سيري رتاحي
خلاتو و رجعات جلسات حدا محمد كيتسناو حتا داز الوقت تاني و هو يجي سلمان دخل عندها راقب حالتها و جر الكرسي جنبها جلس و شد ليها يديها كيشوف فيها بملامح حزينة: حبيبة ديالي .. ياله فيقي براكة عليك من النعاس .. ماماك و ميمو ديالك برى كيتسناو فيك غير امتا تفيقي باش يشوفوك .. حشومة عليك تخليهم محروقين عليك .. ياله احبيبة فيقي براكة
بقا حداها مدة لا بأس بها حتا تحل عليه الباب و دخلات مروى عينيها منفوخات من كترة البكا لي بكات .. ناض سلمان من فوق الكرسي و خلا مروى جلسات .. تبسم ليها و خرج باش يخليها تجلس مع بنتها شوية .. بقات هكاك جالسة حداها مرة تبكي مرة تهضر معاها باش تفيق و شادة ليها فيدها .. حتا حسات بيها زيرات شوية على سباعها و هي تهز فيها راسها بفرحة .. شافت فيها لقاتها كتحرك فحجبانها و عينيها كتحل فيهم بالشوية بالشوية .. ناضت مروى كتجري و تعيط على سلمان .. اما هايدي بدات كتحل فعينيها و هي كتحس بيهم تقااال كتحل و تسد و ترمش فيهم و كتبان ليها غير الضبابة .. شوية بشوية حتا وضاحت ليها الرؤية و دخل عندها سلمان كيتبسم و يفحص فيها و فنفس الوقت كيحاول يهضر معاها: على سلامتك النعاسة .. كيف كتحسي براسك بخير
هايدي: كح .. امم ..ش شنو وقع كح كح و فين انا
سلمان: هايدي .. للاسف طحتي من الدروج و فقدتي الوعي و حالتك كانت شوية خطيرة دكشي علاش جابوك لسبيطار (كيحاول يهضر معاها غير بالشوي)
هايدي اول حاجة تفكرات هو الامتيحان لي كانت غادية دوزو باش تكون من المترشحين في دراسة ما يتعلق بعالم الموضة .. شافت فسلمان و نطقات بلسان تقييل: الامتحان .. الامتحان دوزتو ياك؟ .. دوزتووو؟
سلمان: هايدي عفاك حاولي تحكمي فراسك و رتاحي شوي من بعد نهضرو فهادشي
هايدي برجفة فصوتها: هئ دوزتو ياك .. جاوبني اسلمان دوزتو
سلمان بحزن: للاسف لا .. وقع ليك الحادث قبل ما تتمكني من اجتيازو
شهقات هايدي و دموعها دازو على خدودها و هزات يدها حيدات الغطا بغات تنوض و سلمان كيمنع فيها حتا توقفات فجأة .. شافت فيه و رجعات حدرات عينيها .. نترات يديها منو و هي كترعد و نطقات برجفة فصوتها و هي كتحرك فرجليها بيديها: سس سلمان هئ سلمان مكنحسش برجليا .. سلمان اش واقع سلماان
شاف فيها سلمان بخوف و حاول يطمنها: تهدني اهايدي خليني نشوف .. متخافيش كلشي غيكون مزيان غير تهدني
مصغاتش لكلامو و هزات يديها كتضرب فرجليها و تقرص فيهم و هي قلبها كيضرب ف90 من كترة الخوف ولات غير كتخبط فرجليها و دموعها دايزين و كلمة وحدة في فمها: تشللت .. تشللت هئ هئ هئ تشللت هئهئهئهئ اااااعععععععع بدات كتغوت و تضرب فراسها بهستيرية حتا دخلو مل من محمد و مروى و وراهم الممرضات كيجريو شادين مع سلمان هايدي و هو كيحقن ليها فمهدئ لي بدا مفعولو كيعطي تدريجيا و صوتها كينخافض مع حركتها لي تباطئات .. شافت مروى فسلمان كتستفسر منو هاد الاخير لي جرهم خرجهم و داهم للبيرو ديالهم و على وجهو علامات الاسف و الحزن: خالتي مروى مكاين ما نخبي عليك ولكن كنضن هايدي عندها شلل نصفي على المستوى السفلي و هادشي مغيبان حتا نديرو ليها الفحوصات باش نتأكدو و نشوفو شي حل ليها
مروى بصدمة: ش شنو كتقول اولدي .. بنتي تشلااات ياك هئهئهئ الله ياربي على بنتي هئهيهئ من نهار تزادت و هي من مصيبة المصيبة هئهئهئ الله ياربي تشوف من حالها و تشافيها ليا يارب راه عوينة وحدة لي عندي بغاو يعميوها ليا هئهئ
محمد: خالتي ماديريش هاد الحالة خاصك تكوني قوية باش توقفي مع ختي هايدي ماشي تزيدي على ما بيها .. هذا هو المكتوب ما منو هروب .. طلبي ربي يدير شي تاويل ديال الخير و ان شاء الله يكون شي حل ترجع ليها صحتها
مروى: ياربي امين اولدي هئهئ انا لي كنتشوى عليها هئهئ باقة صغيرة بصغرها و بغاو يقتلوها ليا لكفارة بالله الله ياخد فيهم الحق الله ياخد الحق فاللي كان سباب هئهئ
صبح الصباح مغيم على كل من محمد .. مروى .. سلمان و رشيد لي حادر راسو ما قادرش يهزو فمروى من بعد الكلام لي خرجات ليه لبارح و وضعية بنتو لي مزال معرفو مصيرها كيف داير .. كلهم جالسين فوق كراسة كيتسناو فهايدي تفيق و سلمان مرة مرة كيدخل حتا يطل عليها و يخرج يطمنهم حتا جات عيطات عليه الممرضة: سي سلمان الاطباء لي مكلفين بحالة ابمريضة بغاوك تحضر معاهم الاجتماع لي دايرين على حالة المريضة و كيتسناو فيك فمكتب الدكتور شافعي
سلمان: واخة شكرا انا نمشي عندهم
تبسمات ليه و مشات بينما حتا هو ناض مشا عند الدكتور لي مكلف بحالة هايدي .. دخل و القى السلام عاد جلس معاهم .. كانو زوج رجال كبار شوية فالسن كيتناقشو على حالة مريضتهم
د. شافعي: المريضة عندها كسر على مستوى العمود الفقري من لتحت هذشي لي سبب ليها فشلل على المستوى السفلي
سلمان: كاينة شي طريقة ادكتور ترجع تمشي
د. شافعي: وي طبعا كاينة عملية غتدار على الكسر لي عندها و تبع الترويض من بعد و ان شاء الله غترجع كيف كانت من قبل
سلمان: واش العملية مضمونة اسي شافعي
د. شافعي: فالحقيقة العملبة صعيبة شوية و نسبة نجاحها قليل
سلمان: هي اش
د. شافعي: اذا كانت استجابة من المريض راه كتنجح اكيد ولكن الى العكس نو
سلمان: اوكي دكتور شكرا
د.شافعي: و لو ☺.. ملي تفيق المريضة عيطو ليا نشوف حالتها كيف ولات
سلمان: اكيد دكتور
تسالم معاه و خرج مشا عند هايدي فتح الباب لقاها ياله بدات كتفيق و كتحل فعويناتها شوية بشوية
سلمان: البطلة ديالنا فاقت
مشا عندها كيشوف فيها و هي كتشوف في الفراغ بلا جواب
سلمان: باش كتحسي واش كضرك شي حاجة؟
غير ساكتة و كتشوف بعينيها خرج مشا عي على دكتور لي متبع حالتها و خرج برا حدا مروى معمقها من كتفها كيطمن فيها .. بعد مدة ليست بقليلة خرج الدكتور و شاف فسلمان بيأس
سلمان: ياك لباس ادكتور
د. شافعي: للاسف حالتها زادت تدهورات و دخلات فصدمة
سلمان: دكتور وضح كلامك .. هايدي بخير
د. شافعي: للاسف المريضة فقدات صوتها
سلمان: ههه مفهمتش نتا اش كتخربق
د. شافعي: هادشي لي كاين اسي سلمان المريضة حالتها مدهورة بزاف و دهلات في صدمة من بعد ما عرفات بلي وقع ليها هدشي علاش فقدات صوتها
شد سلمان في الحيط كيفكر بهدشي بينما مروى طاحو دموعها و طاحت على الكرسي مصدومة
#نهاية_فلاش_باك
جالس على الكرسي و عروق يديه بارزين عينيه ضلامو و حواجبو معقودين .. كيشوف لبعيد و هو كيتفكر ضحكتها و كلامها الحنين .. شاف فسلمان لي مراقبو و نطق: ديك **** شنو وقع معاها
سلمان: والو
رعد؛ مفهمتش
سلمان: كانت بلغات عليها خالتي مروى عند البوليس مي فالاخير تنازلات
رعد: شنو السبب لي خلاها تتنازل
سلمان: رجلها
رعد: و هو شنو كانت ردة فعلو على بنتو
سلمان: والو من غير الضرب
رعد: و هايدي دبا فين ساكنة
سلمان: رعد .. مبانش ليك داير ليا استنطاق من الصباح و نتا كتسول .. شنو علاقتك بهايدي!!
رعد: شي حاجة كتخصني
سلمان: وضح كلامك اولد خالتي
رعد جمع الوقفة و طبطب على كتف سلمان: قريب غادي تعرف ادكتور
زاد و خلا سلمان تابعو بعينيه حتا غبر و تبعاتو اللوطو ديال الباديكارد ديالو
🍁 عند رغد
كانت جالسة فالطيراس ديال كافي لي متعودة تجي ليها .. حاطة رجل فوق رجل بطريقة انثوية و عينيها فالباب كتسنا فيه يدخل .. حتا لمحاتو جاي داخل كيتعنكر لابس سروال سليم فالكحل و تيشرت كول v بيض شافها و تبسم ليها و رداتها عليه حتا وقف حداها وقفات سلمات عليه بلابيز و رجعات جلسات
وليد: الحمدلله غير ملي شفتاك
رغد بابتسامة عذبة: الخدمة كتيرة هاد الايام دكشي علاش مكانساليش
وليد: و ماديريش وقت لحبيبك راه كيتوفى نهاار ميشوفكش
ضحكات بخجل و شافت فيه بعينين لامعين: جايبة ليك اخبار زوينة معايا
وليد: الزين ما كيجيب غير بحالو
رغد: هه رعد اليوم فالصباح جا
وليد بتفاجئ مصطنع: وااايلي .. على سلاااامتو و سلامتنا
رغد: الله يسلمك ههه
وليد: ايوا دويتي معاه علينا ولا مزال
رغد: فالحقيقة مزال حيت غير جا و خرج مشا يقضي شي غرض و و حتا انا مقدرتش نهضر معاه
وليد: علااش شنو المشكل!! ياك انا باغييك و نتي بغياني ؟؟
رغد: ففف الصراحة مكنقدرش نهضر معاه فبحال هاد المواضييع
وليد: قلت ليك خليني نهضر مع الاب ديالك مبغيتيش قلتي حكا ما حكا كتحشمي منو حتا يجي خوك و تدوي معاه و دبا وليتي كتهربي تاني !!! بحال الى مبزز عليك شي حاجة .. انا بغيت كلشي بخاطرك الى مكنتيش مرتاحة معايا من دبا نمشي و عمرك تشوفيني راحتك هي الاولى
رغد: لا لا مقصدتش هادشي .. صافي اليوم ان شاء الله غندوي معاه
وليد (شد ليها فيدها): فهميني احبيبة .. راه عااام و انا كنتسنا باش نديك معايا و تكوني حلالي .. صافي راه صبري تسالا بغيت غير امتا نشوفك وسط داري
رغد: واخة انا نهضر مع خويا و ديك الساعة يكون خير
باس ليها يدها من كفها: كنبغييك
رغد بخجل: حتا انا هه
بقاو جالسين مع بعضهم كيتحدثو و يضحكو حتا ناضت رغد تضيفطات معاه و مشات فحالها
🍁 عند هايدي
كانت مستلقية على سريرها و يديها على كرشها .. الجسد حاضر و العقل غايب كيتذكر فكلام رعد .. لوهلة بانت ابتسامة طفيييفة على ثغرها و دمعة نازلة من عينها .. هزات يدها مسحاتها و بقات كتشوف فيها و تحرك فيها قدامها حتا سمعات الباب تحل و هي تجمع يدها ملي شافت خالها عثمان داخل
عثمان هو ولد المرأة لي تبنات مروى و كيعتابر مروى بحال اختو او كتر هو ديما لي واقف فجنبها و فين ما حتاجتو تلقاه واخة ما بيناتهم حتا رابطة دم ولكن بيناتهم علاقة اخوة زويينة .. و هو لي معاونها فالدار لي كرات و ساكنة فيها دبا هي وياه .. كيصرف على خواتاتو و على راسو من بعد ما ماتت الام لي كانت جامعاهم و فارضة مروى على بناتها غير داها ربي و جراو على مروى و هو يخرج حتا هو معاها و شدو هاد الدار كارينها بزوج .. رجل في التلاتينات من عمرو قرى حتا حفا و دفع فالسيفيات حتا عيا و في الاخير خرج يديباني راسو فاللي كان .. كل مرة فين خدام المهم هو يعز راسو و دارهم…
شافت فيه هايدي بابتسامة باهتة و هزات يدها مداها ليه حتا جا باس راسها و جلس حداها: كيف بقات القنينة ديالنا هممم
غمضات عينيها و حلاتهم كأجابة عليه
عثمان: بنتي ليا اليوم فرحاانة شنو السر؟؟
حركات ليه راسها يمين و شمال بلي والو و زيرات على يديه
عثمان: واخة الالة .. المهم جيت غير نقول ليك بلي مسافر لمراكش على قبل واحد الخدمة .. دعي مع خالو يتيسر ليه الامور
هزات يدها و قرب ليها حتا هو عنقاتو و بقات شحااال حاطة راسها على كتفو .. لقات فعثمان الحنان و الامن لي ملقاتهمش حتا فباها هدشي علاش كتعتابرو فمكان الاب ديالها و عزيز عليها بزاااف و نفس الشيء بالنسبة ليه حتا هو كيعتابرها بحال بنتو و كتر مفششها و عاطيها الخاطر لي معطاهش ليها باها .. بقا جالس معاها شحاال عاد ناض خرج خلاها ترتاح .. لقا مروى و محمد جالسين حاطين اتاي و دوازو و كيتفرجو حتا جلس حداهم
عثمان: محمد غذا بغيتك تقابل ليا المحل حتا نرجع
محمد: علاش اخاي فين غادي
عثمان: مقابلة عمل فواحد الشركة
مروى: الله يوفقك و يسهل عليك اخويا
عثمان: امين ياربي
في فيلة فهد كانت رغد واقفة في الجردة كتمشي و تجي و تفرك فصباعها بتوتر حتا بان ليها رعد داخل و وجهو مزير محاملش راسو .. قربات جهتو سلمات عليه: خويا ياك لباس مالك
رعد: والو ارغد
رغد: واخة .. احم ممكن نهضرو شوية
رعد: من بعد احبيبة عيااان دبا بغيت غير نرتاح
رغد: واخة احبيبي على خاطرك
باسها من جبينها و دخل ديريكت لبيتو حيد حوايجو و دخل لحمام خدا دوش عاد خرج لاوي عليه فوطة .. لبس سروال رطب و الفوق بقا عريان و تلاح فبلاصتو نعس
🌞🌞 شرقات شميسة معلنة على يوم جديد .. كان عثمان فايق و لابس شوميز فالابيض مع سروال بلومارين و صباط اسود لامع داير ساعة فيدو و راش ريحتو الهادئة .. هز الكرطابل ديالو و خرج من الدار مسرع .. ركب فاللوطو و كسيرا فاتجاه مراكش من اجل المقابلة لي عندو فاحد الشركات .. مرة مرة كيشوف فالساعة ديالو لا يفوت الوقت .. و هو فطريقو كتلفت انتباهو بنت واقفة حدا للوطو و شادة تيليفونها فيدها مرة تصوني مرة تشدو بعصبية و هي كتضور على اللوطو تشوف مالها .. قرب ليها و فرانا حداها نزل الزاج و تكلم معاها: ياك لباس اختي .. عندك شي مشكل؟؟
رغد: نو نو اخويا مكاين والو شكرا
عثمان: يمكن ليا نعاونك الى بغيتي
رغد بخجل و احراج: فالصراحة تبيسات ليا الرويضة ديال اللوطو و مكنعرفش نقادها و حتا تيلي باش نعيط لخويا مفيهش الريزو
عثمان بابتسامة: هه واخة الالة انا نقادها ليك
حيد اللوطو ديالو من طريق و نزل كيتني فالكمام ديال الشوميز قرب ليها و بدا كيقاد ليها فالرويضة و هي مقابلاه و حاضية الطريق حتا كمل و ناض وقف شاف فيها: ها هي تقادات الالة على سلامتك
رغد: شكرا بزاف و سمحلي عطلتك على شغالك
عثمان: مرحبا و متبقايش تدوزي من هاد الطريق راه خايبة على بنت بحالك
رغد: ههه شكرا
شكراتو و طلعاات كسيرات بينما هو غسل يديه بقرعة الما و دخل لوطو ديالو .. شاف فالساعة و خرج عينيه ملي لقا الوقت ديال المقابلة فات .. دغيا ديمارا و برك على الكسيراتووور ما وقف حتا لقدام باب الشركة .. هز وراقو و دخل عند السكريتيرة كيسول فيها: السلام عليكم اختي .. عفاك جيت على قبل المقابلة لي عيطتو عليا ندوز
سكريتيرة: و عليكم السلام .. ماشي انا لي مكلفة غطلع لطاج لخر تما فين كاينة المقابلة و حظ سعيد
عثمان: شكرا
مشا ركب السانسور و طلع كيحرك فشعرو بيديه مرجعو اللور .. وقف فالطاج لخر و مشا عند السكريتيرة: السلام عليكم
سيكريتيرة: و عليكم السلام فاش ممكن نساعدك؟
عثمان: احم .. جيت على قبل المقابلة
سكريتيرة: اوه سمحلي اسيدي مي صافي سالاو قبيلة
عثمان: كيفاش سالاو اختي .. راه تعطلت غير شوية عفاك غير دخليني عند لي مكلفة
سكريتيرة: منقدرش اسيدي راه غير سالاو و مشات مدام نهى و هي لي كانت مكلفة يعني مكاين كيفاش ندير ليك
شد فشعرو مرجعو اللور بعصبية و هو كيصوط فديك اللحضة خرجات رغد من المكتب ديالها وقفات عند السكريتيرة: كوثر الى جا ناييف ولا خالتو نهى علميني عفاك
سكريتيرة: واخة امدموزيل رغد
حركات ليها رغد راسها و كانت غادية داخلة حتا شافت فعثمان عاطيها بالضهر كيصوط: مال هذا و شنو المشكل
سكريتيرة: والو امدموزيل غير تأخر على المقابلة و قال ليك واالو دخليني ندوزها
رغد: اه ايوا دوماج خالتو نهى مشات (هزات فيه راسها و هي تشوفو ملي تلفت عندهم و دغيا عقلات عليه) اووه هذا نتا؟
عثمان: اييه انا اوجه النحس بقيت مقابلك حتا مشا عليا الحال .. و نتي اش كديري هنا
سكريتيرة خرجات فيه عينيها: حتارم راسك اسي شوية
عثمان: نتي بالضبط غير سكتي (شاف فرغد) حتا نتي جيتي لمقابلة؟؟
رغد بضحكة خفيفة: هههه لا لا ماجيتش على قبلها (شافت فكوثر) انا غندوز ليه المقابلة هه غير دخليه
زادت قدامو كتقرقب بطالونها و هو مصدوم من شنو سمع حتا دخلات و سدات الباب عاد تلفت عند كوثر: شكووون هادي
كوثر: هادي هي المديرة اسي نحس .. ناري غير جيتي فمدموزيل رغد ضريفة اما كون كانت مدام نهى والله متدوزها .. زيد زيد
دخلاتو عند رغد لي كانت جالسة فبلاصتها مستقيمة و هازة شي وراق كتشوف فيهم حتا دخل عطاتو الادن يجلس و نطق: احم .. كنعتاذر امدام رغد على الهضرة لي قلت
رغد: ماشي مشكل .. عطيني نشوف الملف ديالك
عطاه ليها و بدات كتشوف فيه و تطرح عليه بعض الاسئلة و هو كيجاوبها حتا جمعات الملف و ابتسمات ليه: واخة اسي عثمان شكرا على حضورك و ان شاء الله فالقريب غنعيطو عليك
شاف فيها نضرة في شكل و ناض هز ملفو: واخة شكرا
خرج و قبل ما ينزل عيطات عليه كوتر: اسي النحس اجي اجي
عثمان: اش بغيتي
عثمان بعصبية: اش غندير معاها كلهم بحال بحال كيسكتوك بديك ” سير حتا نعيطو ليك” مكتبقا تشوفهم لا هوما لا تعياطهم .. و كون غير تقول ليك لا ولا شي حاجة باش كيحقدوني على ملتهم كيبقاو يتهربو
واحد كوثر فمها طاااب بالعضان و عينيها عواجت من كترة الغميز و هو كيعرعر: مااالك حتا نتي
كوثر: بغيت ليك الحكة شوف وراك
تلفت بالعرض البطيء حتا بانت ليه رغد واقفة وراه دايرة نصف ابتسامة و هازة ملف فيدها: مدااام رغد
رغد: مدموزيل رغد .. و غير كون هاني ما عنديش مع دوك لفعايل الى قلت غيعيطو ليك راه غيعيطو ليك اسي عثمان
تبسمات فوجهو و زادت بينما هو بقا غير كيشوف و تلفت فكوثر خنزر فيها: علاش مقلتيش ليا راها ورايا
كوثر: ايوا الله ينعل لي ميحشم شحااال غمزت و شحال نغزت و نتا حليتي فمك ما سديتيه سيير سيير حتا يعيطو لييك اناري ميمتي منوضها مع المديييرة من نهار اللو .. هااح بغيت كون كانت سهى و لا نهى يخليوك مخبي فحوايجك
عثمان: شفتك من الصباح و نتي سهى نهى مدام مدموزيل اوه هاد الشركة كاملة فيها غير لعيالات ولا
كوثر: بحال هكاك غير وجد راسك تصبح على التيتيز و تمسي عليه 😂😂
عثمان: الله يعفو علييك.. ياله الله يعاون
كوثر: اللهم امين اخويا ههه غير نضحك معاك عنداك متبقا ترجع
ضحك معاها و نزل مشا فحالاتو
.. كان رعد واقف قدام باب منزل هايدي متكي على اللوطو ديالو مكروازي رجليه .. لابس تيشرت اسود و سروال جينز هاز نضاضرو فوق راسو و تيلي فيديه .. تمشا بخطوات تابتة حتا لباب و وقف صونا و بعد لحضات فتحات مروى الباب.. شافت فيه باستغراب حتا نطق: السلام عليكم مدام مروى
مروى: و عليكم السلام اولدي .. ياك لباس
رعد: احم انا لي كنت هضرت مع هايدي لبارح .. ممكن نشوفها عفاك
مروى: مرحبا اولدي دخل
دخلاتو للصالون و مشات هي عاونات هايدي حطاتها فوق كرسيها و جات جارة بيها حتا وقفات حداه.. هز راسو فيها و ناض وقف باسها من راسها عاد شاف فيها بابتسامة: هايدي صافا
هايدي اكتافات بابتسامة كأجابة على سؤالو
تبسم ليها و هز راسو فمروى لي حاضياهم: مدام مروى ممكن نتكلم معاك
مروى: مرحبا اولدي
رعد: في الحقيقة مشيت سولت على حالة هايدي و لقيت بلي نسبة نجاح العملية باش ترجع تمشا 50% يعني عندها امل ترجع تمشى و هادشي لاش جيت ناخد الادن ديالك باش نقدرو نديرو ليها العملية
مروى: الى جات عليا انا مكرهتش من دبا ترجع بنتي كيف كانت ولكن المشكل في هايدي رافضة هاد العملية نهائيا حاولنا حتا عيينا بلا جدوى مبغاتش ديرها
تلفت فهايدي لقا دموعها دازو كتنخصص و ناض جلس قفازي قدامها: علاش ؟؟ شنو السبب لي مخليك مديريش العملية هااا!! مبغيتيش ترجعي تمشاي على رجليك و تمشي تدوري و تلعبي و تكملي قرااايتك كيف نتي تمنيتي هااا .. علاش مبغيتيش ديري العملية عطيني شي جواب مقنع يخليك متفكريش فهاد العملية .. يااك كنتي بغيتي تكوني مصممة مشهووورة و ناجحة و كلشي يولي يصمم عندك هممم فين مشاو هاد الاحلام ا هايدي علاش وليتي هاكا؟؟
هايدي مسحات دموعها و قربات للطبلة هزات ستيلو و دفتر و بدات كتكتب ليه: على اشمن احلام كتهضر!! دكشي لي كنت باغية متحققش .. الشركة لي كانت دايرا المسابقة ختارت المترشحين لي غادي يقبلوهم فشركتهم كمتدربين و قيدوهم فاحسن المدارس للتصميم .. مبقاو عندي حتا احلام ا رعد كلشي تدمر و حتا من صوتي تخلى عليا
رعد: متقوليش هاكا نتي مزال عندك فرصة اخرى و الحياة مزاال قدامك علاش بغيتي تختازليها فهاد المرحلة اممم .. كلشي كيتعرض لمشاكل و حوادث كتييرة مي في الاخير كينوضو ينقدو راسهم من المشاكل و يحمدو الله على اي حال اهايدي ما ديريش هاكا فراسك و فماماك الى مفكرتيش فراسك شوفي غير ماماك كيفاش كتعذب و محروق قلبها عليك اهايدي .. فكري مزيان حيت من بعد غتندمي و ديك الساعة مغتنفعك فوالو .. انا هنا ديما معاك و غنبقا ديما فجنبك
كتبات ليه: علاش غندم اصلا العملية ما مضموناش 100% ممكن تنجح و ممكن لا علاش غنعذب راسي و نعطي لراسي امل و في الاخير نتصدم
رعد: و علاش غتصدمي و علاش مشيتي الامكانية السلبية .. انا عارفك قوية و غتحاربي باش توقفي على رجليك و متأكد ان هاد العملية غتنجح متخليش هادوك الافكار السلبية يغلبو عليك و تنصاغي ليهم .. ياك كتيقي فيا همم .. الى كنتي كتيقي فيا ولاو غير شوية غتمشي ديري العملية
بعد تردد هزات ستيلو مرة اخرى و كتبات: واخة .. ولكن الى منجحاتش عمركم تجبدو ليا العملية مرة اخرى
رعد ” بابتسامة”: كوني هانية احبيبة غتنجح ههه
واحد هايدي غير سمعات حبيبة و هوما يتوردو خدودها .. ولات كتحس بيهم سخان و ابتسامة ظهرات على شفايفها .. جات عندها مروى عنقاتها فرحانة و شافت فرعد: ولدي امتا ممكن دير العملية
رعد حك عنقو باحراج و شاف فيها: احم .. سمحيلي اخالتي مخديتش ادنك مي العملية مغديرهاش هنا .. انا هضرت مع واحد الدكتور اخصائي فامريكا و هو لي غيتكلف بالحالة ديالها و خديت حتا موعد للعملية .. و ممكن حتا نتي تمشي معانا الى بغيتي
مروى: و ولكن اولدي انا كنت غنديرها ليها غير هنا
رعد: تما نسبة النجاح العملية كتر من هنا اخالتي دكشي علاش فضلت ديرها تما
مروى: واخة .. بحال بحال المهم تنوض ليا بنتي على خير
🍁 بعد مرور اسبوع 🍁
فهاد الاسبوع رجعات هايدي كتواصل مع مها و محمد و خالها و حتا سلمان و رعد ملي كيجيو عندها .. مبقاتش كيف كانت من قبل غير سادة عليها و ساكتة دبا ولات كتحرك و تضحك و تجلس معاهم فالطبلة عادي الشيء لي لاحضوه كلهم و فرحهم و فنفس الوقت استغربو من هاد التحول المفاجئ .. اما عثمان فعاد خدام فشركة رغد و كيمشي فالصباح مكيرجع حتا العشية الشيء لي كيخليه عيان و بدا كيقلب على شي دار تما باش ميبقاش عندو مشكل فالطريق .. اما هايدي و رعد قررو يمشيو للعملية فهاد السيمانة حيت واخد ليها رعد موعد مع الدكتور لي متبع حالتها و مروى كانت غتمشي معاها ولكن في الاخير تراجعات على مشكل الاوراق لي غيتعطلو و صيفطات معاها سلمان حيت كتعتابرو بحال ولدها و تايقة فيه…
كانت هايدي جالسة فالطيارة في بلاصتها حدا الشرجم و فجنبها سلمان و مقابل معاهم رعد .. هاد الاخير لي غير جالس و ساكت مراقبهم هوما لي ملي ركبو و هوما يضحكو و يقشبو .. و المقصود هنا هو سلمان اما هايدي غير كضحك و تكتب فمذكرتها .. عصبوه و هو يتكلم مع سلمان
رعد: نوض اسي طلب لينا شي حاجة ناكلوها
سلمان عايق بيه: ما فينا لي ياكل بغيتي تاكل نوض طلب ليك راسك
رعد: قلت ليييك نوووض هايدي بغات تاكل .. راه بربي و ما نضتي حتا نقلبو بوها هاد القزديرة
سلمان: كمل ليها سميتها و قول قزديرة افرفر 😂😂
هايدي غمضات عينيها و حطات يدها على فمها كضحك اما واحد راعد غير عاقد ستة فتسعود و كيشوف فسلمان: حااامضة و تعمر الصندوق اصاحبي و تكعد
ناض سلمان كيضحك: هي اللولة اولد الخالة
مشا سلمان عند المضيقات بينما رعد ناض من بلاصتو و جلس حدا هايدي لي جمعات فمها و سكتات: مالكي
هايدي: ماماليش
رعد: شفتك شفتيني و نتي تسكتي مالي سبع كنعض
هايدي: ههه لا حاشة .. واش بصح سلمان ولد خالتك
رعد: امم .. علاش
هايدي: والو غير جيتوني مكتشابهوش هه
رعد: فاش مكنتشابهوش
هايدي: فكلشي لا في الوجه ولا حتا طبايعكم هه
رعد: امم بصح علاس مال طبايعنا
هايدي: هو كيبان ضريف و ضحوكي عكسك
رعد: علاش انا قبيح
هايدي: لا لا ماشي هدشي لي قصدت والله
رعد: و شنو قصدتي
هايدي: غغير حيت هو وليت زاعمة عليه دكشي علاش
رعد: دبا تزعمي حتا عليا هه
جا سلمان جلس قبالتهم: هاكي اهايدي تاكلي
رعد: كول غا نتا و هنينا
ضحك سلمان و هز تيلي ديالو كيخربق فيه بينما رعد هز الماكلة كيعطي لهايدي تاكل و هو حاضيها بابتسامة حتا كملات و غمضات عينيها ترتاح شوية من السفر و ملقات غير كتف رعد قدامها تكات عليه غارقة فنعاسها بينما رعد بانت ابتسامة على شفايفو مجمعها غير على كلام سلمان: هاححح الحب شحال زوين
رعد: ما عندكش شي حاجة تقبلها من غيري 😑
سلمان: شاد روبو هههه غير تحملني حتا نرجعو و نقابل شغالي اما دبا كتبان ليا غير نتا
وصلات الطيارة للاراضي الامريكية .. نزل رعد راسو عند هايدي لي مزال ناعسة على كتفو و بدا كيمرر يدو على خدودها و بصوت خافت كيفيق فيها: هايدي فيقي احبيبة راه وصلنا
ناضت كتحرك فراسها و تحك فعينيها و شافت فيه: فين وصلنا
رعد: ههه مزال شاد فيك نعاس اجي تحدر عندها هزها بين يديه و هي شدات فيه معنقاه و خاشية راسها في الفجوة لي بين عنقو و كتفو .. شاف هو فسلمان و نطق: نزل معاك كرسيها
سلمان: ههه واخة اسيدي
نزل هو سابقو هازها و هي خاشية وجها فعنقو كتستنشق ريحتو المميزة بدون وعي ابتسمات و زادت تمخشات فيه .. وصلها لسيارة ركبها القدام و ركب حداها كيتسنا فسلمان حتا جا ركب و انطالق متاجه لدارو لي عندو هنا
هايدي هزات مذكرتها و كتبات: فين غاديين
سلمان: لدار هاد خينا
هايدي: علاش .. عندو شي دار هنا
سلمان: ههه هذا فين ما مشيتي كتلقاي عندو نصيبو فديك البلاد هه ما خلا حتا بلاصة الله يستر و تقوول واش بغا يتبت فبلاصة وحدة يتصنط لعضامو
ضحكات هايدي و سكتات حاطة راسها على الزاج ديال الشرجم متبعة الطريق و كتستكشف بعويناتها حتا وصلو امام باب كبيير تفتح و دخل منو رعد بلاصة اللوطو و نزل هزها مدخلها لداخل و هي حالة عينيها و كتشوف فهاد الفيلة المتوسطة الحجم ديكورها غالب عليه الكلاسيكي و كتبان هادئة و مريحة من الوانها المتفتحين و شكل فراشها و ديكوراتها.. دخلها لاقرب صالون حطها فوق الفوطوي و جلس حداها
دخلها لاقرب صالون حطها فوق الفوطوي و جلس حداها
هايدي: هادي دارك
رعد: لا ماشي داري دار الوليد .. عجباتك؟
هايدي: وي زوينة تبارك الله
رعد: نتي لي زوينة و كلشي كتشوفيه زوين
حشمها بهاد الكلام و هي تحدر راسها خدودها حمرين كتعض فشفايفها بابتسامة مبقاتش عودات دارت عندو .. حتا رجع نطق: انا نوض نطلب شي حاجة ناكلوها خودي راحتك
ناض هو و جا عندها سلمان: حبيبة ديالي ياكما عييتي
هايدي: لا .. قول ليا ولد خالتك فاش خدام
سلمان: ههه علاش؟
هايدي: غير بغيت نعرف هدشي عندو كتير
سلمان بنضرة شيطانية: نقول ليك و متخافيش اوكي (حركات ليه راسها بايجاب) هو مفيوووزي دكشي علاش كل مرة كيمشي لبلاصة يطبق مخططاتو و عندو كاع هاد الديور و السيارات و حتا ديك الطيارة لي جينا فيها راه من املاك باه و هو عائلة كاملة مفيوزية
هايدي بخوف كتبات ليه: .اويلي كعما باينة فيه
سلمان: راه مكيبينش باش بنادم يتيق فيه كيف دار ليك حتا نتي و جابك لهنا غير باش يبيعك ليهم و يرجع فحالو
شافت فيه بخوف عينيها بغاو يدوزو بالدموع اما سلمان حابس الضحكة غير بزز حتا ما حس بالبنطوفة من جاتو للوجه و تبعاتها الفردة لوخرى و هو يهز راسو فرعد لي كيخنزر فيه: الله يحرق اصل مك الحمار
سلمان: هههههه غير ضاحك اصاحبي غير ضاحك ههههه ( شاف فهايدي لي مزال مخلوعة) ههههه ناري على وجهها تزنك مسكينة ههه
رعد: مال ديلمك مزال مبرهش
سلمان: و غا ضحكنا اصاحبي هههه هايدي غير كنضحك معاك ههه ها هو يقول ليك فاش خدام
هايدي: ناري ضحكك شحال باسل بفف خلعتيني
سلمان: نتي لي على سبة خرجو عليك الافلام ههه
رعد: نوض تكعد من تم ياله
سلمان: اوامرك شاف (دار ليه التحية)
هايدي: بوليسي
رعد: وي .. بقاي تابعة هذا يردك حمقة بلا وراق
تبسمات و حدرات راسها بينما هوما بزوج بقاو كيهضرو مع بعضهم و يتناقشو فأوامر كتيرة و هي الملل قتلها حتا تسمع الدقان في الباب و ناض رعد فتح كانت الطلبية لي دوموندا عليها ديال الاكل خلص مولاها و دخل حط كلشي فالطباسل و حولهم للصالون فين كانو جالسين و جلس حدا هايدي .. بداو الاكل ديالهم و هو مرة مرة كيحط لهايدي قدامها و سلمان حاضيهم و يضحك بين كتافو حتا قشعو رعد
رعد: مالك كتفرنس
سلمان: ههه والو اولد الخالة غير جيتيني تبدلتي و كان
رعد: اش تبدل فيا نقصاتني يد ولا رجل
سلمان: و كون غييير جات فهادوك ههه راه عقيلك لي طااار 😂
🍁 بعد استراحة الغذاء راجع بحالو و كيهضر مع كوثر لي ولات تخرج معاه يتغذاو بزوج .. هز عينيه فالطريق و هو يلمحها جاية قاطعة الطريق .. واقفة كتسنا فيها تخوى من السيارات و هازة يدها على راسها من الشمس لي ضاربة فيها و رجعات وجهها حمر .. تبسم على منضرها الطفولي و كمل طريقو حاضيها حتا بانت ليه جاية قاطعة و في لمح البصر قشع سيارة كحلة زاجها فيمي جايا بسرررررعة قاصداها .. بديك الصدمة ديال رغد بقات واقفة جامدة كتسنا غير الدقة فين تجي .. غمضات عينينها و الخوف حش ليها الركابي حتا حسات براسها تجرات بالجهد و طاحت فوق شي حاجة و يدين ضايرين على خصرها .. بدات كتحل فعينيها و قلبها كتحس بيه كيضرب على جهدو غير شافت عثمان كيشوف فيها طايح في الارض و هي فوقو .. طاحو دموعها و رجعات كترجف و شادة ليه فاطراف الشوميز ديالو
عثمان: ما وقع والو متخافيش ارغد
رغد كتنخصص و الخلعة باقة راكباها: اهئهئهئ ك ككنت غنمووت هئهئ ككان ققصدني هئهئ
عثمان كيحاول يهدنها: شششش صافي لطف ربي نوضي نحيدو من هنا و رتاحي ليك شوية
ناضت بالشوية عليه و جلسات فالجنب فوق الطريطوار .. و حطات يديها على وجهها كتبكي و الناس واقفين بعيد كيشوفو فيها حتا واحد ما قرب ناحيتها
عثمان: اجي ندخلو للشركة و جلسي رتاحي
مد ليها يديه و شدات فيه غادية سخفانة حاطة راسها على كتفو حتا وصلها للبيرو ديالها و دخلها جلسها على الفوطوي لي كان تما و خرج عند كوثر
عثمان: كوثر جيبي ليها كاس دالما
كوثر: واخة حالا
رجع دخل عندها و جلس القرفصاء قدامها لي كانت مزالة مخلوعة و يديها كيترعدو .. حيدات الصباط من رجليها و ربعاتهم عندها
عثمان: و صااافي .. ميصحابش ليا خويويفة حتا لهاد الدرجة هه عادي اي واحد كيوقع ليه هكاك
رغد: نن هئهئ هذا راه كان قاصدني باغي يقتلني .. معرفتش شنو السبب شنو درت ليهم حتا بغاو ياخدو روحي
عثمان: شش متقوليش هاد الهضرة و الى كان نيت شي واحد راه غيتعاقبو على هادشي متنايش راه كانو كامرات قدام الشركة يقدو يكونو سجلو رقم اللوطو ولا شي حاجة .. المهم نتي دبا رتاحي و خوي راسك من هدشي من الاحسن تمشي للدار
فهاد الاثناء دخلات كوثر م وراها جاي وليد بخطى سريعة دفع عثمان على رغد و جلس حداها معنقها و كيبوس فراسها: حبيبة ديالي كيفاش وقع ليك .. عاد عرفت من الموضفين شنو طرا ليك .. ياك نتي بخير ما تأديتيش
رغد تحرجات قدام عثمان لي كيحنزز فوليد و فيها و هي وجهها حمار من الحشمة قدامو و بعدات وليد عليها كتهضر بالشوي: دبا بخير ما وقع والو غير حادثة و صافي
تسلت عثمان و خرج خلاهم على راجتهم حيت لاحظ ارتباك رغد قدامو مبغاش يبقا بيناتهم و مشا للييرو ديالو جلس حتا تهدن و رجع كمل خدمتو و من بعد ما سالا جا عند كوثر
عثمان: كوثر صفا
كوثر: صافا و نتا
عثمان: نحمدالله .. قوللي داك خينا لي كان عند الانسة شكون يكون
كوثر: كنضن الخطيب ديالها واخة مزال ما علنو على خطوبتهم بشكل رسمي مي ديما كيجي لعندها
عثمان قرب عندها حاط مرافقو على البيرو: ممم كيبانلي مااشي حتا لهيه
كوثر حتا هي قربات ليه بنفس الطريقة و هضرات بهمس: علاش مالو
عثمان: غير فالشوفة مرتاحيتش ليه على اي الغرفة لي مكلفة بالمراقبة فين نلقاها
كوثر: نزل لتحت و غتلقاها
غمزها و دار حركة تبقا بيناتنا و نزل مشا لغرفة لي مكلفين بيها بالمراقبة طلب من السيد المكلف دار ليه الوقت لي تعرضات فيه رغد لداك الهجوم و بقا مقابلو .. كانت السيارة بلا ماطريكول و حتا الزاج فيمي مكايبان والو .. تعصب و كان غينوض يمشي قبل ما يلمح لي يخليه يحل عينيه بصدمة
عثمان: قرب عفاك هاد الكام لي فالدورة
دكشي لي دار قربها ليه حتا كتبان ليه اللوطو واقفة و شي شخص جبد ضرف عطاه ليه و تسالمو .. مع الضورة لي ضار الشخص داير كاسكيط لمحو عثمان و عقل عليه .. غزز سنانو و ضرب يديه مع الطبلة: كنت عارف من وراك شي حاجة .. ولكن شنو هي علاش باغي تأدي بنت بريئة بهاد الطريقة
🌞 شرقات الشميسة فبيت هايدي لي كانت فايقة بكري و جالسة فوق السرير كتميساجا مع مها و كطمن فيها على حالتها .. حتا تفتح الباب و دخلات بنت بابتسامة مشرقة على ملامحها .. كانت بنت قصيرة شوي و مغليضاش طايتها زوينة .. جامعة شعرها الاسواد كوتشفال و لافرونش طايحة على عينيها الواسعين لي مزادهم الكحل غير جمالا قربات لهايدي لي حطات التيلي من بعد ما طمنات مها و شافت فيها بابتسامة:
…: صباح النور كيف صبحتي مزيان
هايدي كتبات ليها: الحمدلله اصوفيا و نتي
صوفيا: حتا انا ياله نعاونك تلبسي باش نزلو نفطرو راه عندك زيارة مع الطبيب
هايدي كتافات تحرك ليها راسها و تعاونها فاللبس حتا كملو و جمعات ليها شعرها الفوق بحالها و هوما يسمعو الدقان فالباب
جمعات ليها شعرها الفوق بحالها و هوما يسمعو الدقان فالباب و دخل رعد: الكتكوتة فقتي
جا لعندها هزها و حطها فالكرسي ديالها و خرجو مجموعين لقاو سلمان سابقهم فوق الطبلة ديال الفطور صبح عليهم و جلسو كيفطرو و يهضرو بيناتهم حتا كملو و ناض رعد هز هايدي ركبها حداه فاللوطو و ركب جنبها حتا طل عليهم سلمان: الله يعاون و يسمعكم خبار الخير .. ملي تخرجو م عند الطبيب عيطو ليا خبروني شنو كاين
رعد: واخة ان شاء الله
ديمارا و زاد بينما هايدي جالسة حداه و شداها الخلعة و متوترة فنفس الوقت ما عارفاش شنو غتكون النتيجة و مبغاتش تصدم مرة اخرى الشي لاحضو رعد و شد فيدها كيطمنها: كلشي غيكون مزيان غير رتاحي
حركات ليه راسها و رجعات كتشوف قدامها حتا حسات بقبلة خفيفة على كف يدها الشي لي خلا لحمها يبورش و هي كتحس بيدها شادها ليها و حطها فوق فخدو مركز مع السياقة حتا وصلو لقدام الكلينيك .. نزل و مشا عندها نزلها و دخلو عند الدكتور لي كان في انتظارهم دار ليها الفحوصات و التحاليل اللازمة و بقاو جالسين حتا خرجو النتائج لي شافهم طبيب و طمنهم على حالتها و عطاهم موعد من هنا لسيمانة غتكون العملية شكروه و خرجو رجعو للدار لقاو سلمان جالس مع صوفيا و كيتحدثو بيناتهم حتا دخلو و جلسو معاهم .. قرب سلمان من هايدي و هضر: ايوا البخوشة مالك مقلقة
كتبات ليه في المذكرة لي مكتخطاهاش: لا ممقلقاش
صوفيا: تفرق على البنت خليها عليك غتكون عيات مسكينة
هايدي: ههه غير خليه ولفت عليه .. مقدرناش نتعارفو لبارح مزيان
صوفيا: انا صوفيا عندي 24 عام و كنقرا الطب هنا هه
هايدي: متشرفين هه انا غتكوني عارفاني ياك
صوفيا شافت فرعد و ضحكات: ههه و شكون ميعرفش هاد القمر
هايدي: شكرا ☺ نتي من عائلة سلمان و رعد
سلمان: غتولي هي عائلتي ❤
هايدي: مفهمتش
سلمان بعيون هااايمة فصوفيا: و كنحبهااااا
صوفيا حشمات من رعد لي كان جالس حداهم و غير كيتصنط ليهم تبسم ملي سمع سلمان و شاف فهايدي لي كانت كضحك
صوفيا بهمس حدا سلمان: يعطيك الدل حشمتيني مع ولد خالتك
سلمان: اييوا لي حسدنا يديير بحالنا .. احح الحب شحال زيين ههه
هايدي: الله يخليكم لبعضكم
دازت سيمانة على هايدي تقيييلة و هي كتسنا فنهار العملية و كل ما كيقرب وقتها كيزيد الخوف يتملكها لولا مساندة رعد و سلمان و صوفيا ليها كانت غتحماق من كترة ما كتفكر و متخوفة من هاد العملية
.. كانو كل نهار كيخرجو يضورو فالمدينة باش متبقاش تمل فالدار .. كيضحكو و يلعبو و ينشطو مع تلاقاو صوفيا و سلمان مكاين غير قولها و ضحك عليها و منشطين معاهم حتا هايدي اما واحد سلمان مكتشوفي سنيناتو غير الى نسا مرة مرة لي كيشاركهم الهضرة …. اليوم هو النهار الموعود لي تسناتو هايدي بفارغ الصبر .. كانت فايقة و لابسة كسوى تحت ركابيها مع ضفير لشعرها لي دارتها ليها صوفيا .. هاد الاخيرة لي وقفات مع هايدي و فين ما حتاجتها كتصيبها حداها .. دخل رعد لي حتا هو كان لابس سروال سليم فالكحل مع شوميز فنفس اللون صبح عليهم و هز هايدي داها معاه فاللوطو و تبعوه سلمان و صوفيا حتا لكلينيك .. كان الطبيب فانتظارهم دخل هايدي لغرفة عند ممرضة عاوناتها تحيد حوايجها و تلبس اللبسة ديال سبيطار و خرجاتها فكرسيها حتا وقفات قدام رعد لي تحدر على ركابيه قدامها: متخفيش احبيبة واخة !! كلشي غيدوز مزيان و ان شاء الله غترجعي حسن من الاول
حركات ليه راسها و مدات يديها عنقاتو و حتا هو بادلها العناق .. جات عندها صوفيا حتا هي عنقتها و عنقات سلمان عاد مشات مع الممرضة دخلوها لغرفة العمليات و خلاوهم هوما برا كيتسناو على نار و تيلي ديال سلمان مسكتش من اتصالات مروى كتسول على بنتها.. دازو ربعة السوايع تقيييلة عليهم كاملين لي كانو كيدعيو معاها تنوض بخير و احسن من قبل .. خرج الدكتور و تمشاو عندو متلهفين لشنو غيقول
رعد: هايدي بخير
الدكتور: بخير .. العملية دازت مزيان و ملقيناش شي صعوبة معاها .. دبا غنتسناو المريضة تفيق و نديرو ليها شي فحوصات باش نطمنو عليها .. الحمدلله على سلامتها ☺
مشا و خلاهم هوما الفرحة غمراهم .. عيط سلمان على مروى بشرها بالخبر و بقاو كيتسناو فهايدي تفيق من البنج باش يدخلو عندها يطمنو على حالتها
من بعد وقت ليس بقليل كانو حولوها للغرقة اخرى تحت العناية .. بدات كتحل عينيها شوية بشوية و ترمش كيبان ليها غير الضباب .. كتحس براسها تقييل عليها و ضارها حركاتو جهة الباب ملي سمعاتو تحل و دخل الطبيب ابتسامتو
د: على سلامت المريضة ديالنا .. كيف كتحسي بخير
كتفات تغمض عينيها و تعاود تحلهم
دكتور تفحص حالتها و خرج عند الدراري لقاهم واقفين كيتسناوه: يمكن ليكم دخلو تشوفوها ولكم متجهدوش عليها خليوها ترتاح
سلمان: واخة ادكتور شكرا
دخلو كلهم عندها كيطمنو عليها و هي غير كتبسم ليهم حتا شافوها كتسد و تحل فعينيها بزز و خرجو خلاوها تنعس باش ترتاح .. مشا رعد عند الدكتور باش يعرف حالتها كيفاش ولات
دكتور: سي رعد تفضل
رعد: شكرا .. احم بغيت نعرف حالة هايدي واش كلشي مزيان
د: الحمدلله العملية كانت ناجحة 100% دبا مبقا علينا غير نبداو معاها الترويض باش تحسن حالتها و ترجع تمشي على رجليها كيف الاول
رعد: واخة ادكتور شكرا
تبسم ليه و خرج مشا عند سلمان و صوفي لي كانو كيتسناو فيه
دازت اربع ايام على هايدي في الكلينيك تحت مراقبة الاطباء لحالتها و اكيد زيارات كل من رعد و سلمان و صوفيا ليها لي كانو مكيخطاوهاش ديييما كيجيو عندها يضلو معاها و فالليل يمشيو .. بدات هايدي بالترويض باش تقدر ترجع تمشا على رجليها كيف الاول .. واخة كان صعيب ليها لدرجة كتبقا تبكي و تتراجع حتا كيشجعها رعد لي كان مساندها ديما و كيعطيها الطاقة الايجابية باش تزيد تعطي ما اكتر .. اليوم كانت عندها حصة كيف ديما كانت لابسة سروال سيرفيت فلكحل و تيشرت بيضة مع تقيشرات بيضين جامعة شعرها كوتشفال و جالسة فوق السرير كتشوف في المروض لي عيا يهضر معاها بلا نفع
المروض: عفاك ا انسة هايدي غير حاولي و ها انا معاك مغاطيحيش راني غنكون شادك
حاطة يديها على السرير كارزة عليهم و كتحرك فراسها بالسلب مقادراش توقف .. تحل الباب و دخل رعدتها كيف ديما ابتسامة بالكاد كتبان ليها .. قرب باسها من جبينها و شاف فيها: كيف صبحات لخويويفة اممم
حركات راسها بايجاب مع ابتسامة
المروض: مزيان لي جيتي اسي رعد من الصباح و انا معاها مبغاتش تحاول توقف
خمزرات فيه هايدي و شافت فرعد: هدشي بصح
حدرات راسها و بدات تفرك فصباعها
رعد: همم اوكي انا غنعاونها .. ياله القملة انا غنعاونك شدي فيا
شدها من ضهرها و هي تعلقات فيه من كتافو متشبتة لا طيح و عاونها توقف .. لكن غير هزها و بدا كيرخي منها حتا كانت غطيح و رجع شدها لاصقة معاه و مدورة يديها على عنقو كتبكي
رعد: شششت عادي عادي غير بالشوية و غتقدري .. ماشي ضروري من الاول توقفي
بقات متشبتة بيه حتا بدات بالشوية كتحاول تبقا واقفة واخة شادة فرعد معكزة عليه حتا تحكمات فرجليها شوية و هو يضحك رعد: ههه شفتي هانتي درتيها .. عارفك قوية و حتا حاجة متغلبك (قبلة على جبينها)
رجع جلسها باش متفورصيش على رجليها بزاف و بقا جالس معاها حتا جابو ليها غذاها تغذات و شربات دواها عاد خرج خلاها نعسات ترتاح
🍂 فالمغرب 🍂
في ابارطومو متوسطة الحجم فالصالون لي كان مفتوح على الكوزينة .. جالس وليد هاز فيديه كاس مشروب كيرشف منو و في عينيه نضرة انتصار و حقد: هاحنا بدينا اللعب هه هادشي غير البداية اسي رعد لي جاي احلى “ابتسامة شريرة”
ناض من بلاصتو و توجه لبيت فتحو و دخل كان مضلم من الشراجم المقفولين و الخوامي الكحلين .. شعل الضو و قرب من طابلو معلقو فالحيط فيه مجموعة من الصور من بينها تصاور عائلة رعد .. كل م صورة سهى (الام) و فهد (الاب) و رعد و رغد و ناييف (الاخ الاصغر) و علامة × على صورة رعد
وليد: و اخيييرا غنعذبك و نحرق لييك قلبك كيف ما حرقتييه هههه .. كنت غنحرمك من اغلى حاجة كتملك كيف ما حرمتيني الام ديالي و انا مزال محتاجها (عوج فمو) ولكن عندك الزهر حيت مكاينش كيفاش نوصل لمك مي با كغاف حتا الدلوعة ديالك قادية الغراض ههه واخة مسكينة متستاهلش ولكن كما تدين تداان
دور على صورة رغد و هز موس صغيير ضرب بيه الطابلو حتا تخشا وسط صورة رغد و خرج كيتوعد بالجحيم لرغد .. هاد الاخيرة لي كانت جالسة مع مها فبيتها و كتفرح فيديها بارتباك: ماماتي الغزالة
سهى: ياك لباس .. غير اري ما عندك ابنيتي راني حافضاك
رغد: احم .. فالصراحة اا بغيت نقول ليك شي حاجة ولكن فففف معرفتش منين نبدا
سهى حيدات نضاضرها من عينيها و شافت فيها بتركيز: الموضوع فيه وليد ياك؟
رغد “هزات راسها بصدمة”: باش عرفتيها
سهى: شوفي ابنتي راه حتا حاجة ما كتخفى عليا و كلشي عرفاه و نزيييدك حتا باك و خوتك عارفين
رغد بخوف: ششوفي والله حتا
سهى: ششششت عارفة احبيبة و تااايقة فيك و عارفاك شنو كتسواي و كون خوتك ولا باك كان عندهم ولو شوية ديال الشك من جهتك مغايسكتوش .. لي بغيت نوصل ليك بلي من نهار ربطتي ” علاقة” مع داك السيد و انا مراقبة الوضع .. عارفة راسي كندخل في الخصوصيات ديالك ولكن هدشي كلو من خوفي عليك حيت عارفاك غير نية و لي قالوها ليك كتيقي و قلبك مكاينش فحالو عمرك حقدتي ولا تعديتي على شي واحد ولا اديتيه و نتي عارفة خدمة باك و خوف فيها غير المشاكل و الاعداء فين ما مشيتي و انا خايفة لا يبغيو ينتقمو منهم عن طريقك هادشي علاش بقيت مراقبة الوضع و مبغيتش نقولها ليك باش متقوليش متحكمة فيا ولا شي حاجة .. و انا هضرت مع خوك ملي جا لقيتو عااارف كلشي و باااحت و من ورا هاد السيد و جايب ضوسيه كامل و كان بغا يجي عندك يهضر معاك غير ملقاش الوقت حيت تلاهى مع مسألة واحد البنية و بغا يخلي حتا يرجع و يهضر معاك .. و الى كان مكتاب ليك راه حتا واحد ميحيدو ليك ولكن دبا خلي الامر كيفما هي حتا يجي خوك و هضري مع باك و خوك على راحتكم واخة احبيبة
رغد: واخة اماماتي ” عنقاتها مخشية فيها” دييما كنحمد ربي و نشكرو حيت عطاني ام بحااالك
سهى: و انا عطاني انجل بحاالك الحب 😘😘 ياختي ياختي على الزيين ولا كيحب ههه
رغد: ههه و ماما براكة
سهى: ههه شكون قال نتي تحبي هههه و المشكييل طحتي فهاداك هههه راسو كيف المسن هههه اربي و اش عجبك فييه انا بعدا جنوووني ما يحملوه هههه كون كنت نتوحم نجيبو غا هو 😂😂
رغد: هههه مالو عندو حقو فالزين
سهى: و منيين غاقولي ليا ههه معرفتيش تجيبي شي واحد تكون عندو الكاريزما و الشخصية بحال رااجلي و ليداتي هااححح واحد ينسيك فلاخر بغيتك كون جيتي فياماتي كانو كيتبعوني غا هوما و انا دافعة كبيير و معفرة حتا جا باك و هو يحدهم ليا هههه
رغد: ههههه هو لي عرف ليك
هكدا دازت الايام كل واحد و روتينو لا جديد .. رغد مقابلة خدمتها و شركتها مع خالتها لي معاوناها و مرة مرة كتلاقى مع وليد فشي كافي .. اما فامريكا فكانت حالة هايدي كتحسن شوية بشوية ولات كتدرب بزااف و خرجات من الكلينيك رجعات للدار باش تلقا راحتها كتر و اكييد بمساعدة رعد و سلمان و حتا صوفيا قدرات ترجع صحتها شوية و ولات كتوقف شوية واخة مزال كتشبت فيهم مي ماشي كيف قبل..
.. و هكدا داز شهر على سفرهم كانت كل نهار كتطمن مروى على حالتها و ديما مع تواصل بسلمان لي كان كيوصل ليها كلشي على بنتها …. اليوم فايقة هايدي ناشطة و فرحانة لبسات سروال سيرفيت في الغري و تيشرت بيضة مع جاكيت السرفيت من الفوق .. لابسة سبرديلة فالبيض و جالسة كضفر فشعرها لقدام حتا تحل الباب دبيتها و دخل رعد .. تبسمات ليه و ردها ليها ملي قرب حداها تحنا باسها من جبينها و شد ليها الضفيرة كيكملها ليها: زيين صابح ناشط امم .. هدشي كامل حيت غنخرجو شوية
هايدي كتفات تضحك و تحرك راسها بايجاب
رعد: واخة الالة ياله نفطرو و من بعد نمشيو
قرب ليها واحد الطبلة صغيرة كيوقفو عليها باش تقدر تمشا شوية على رجليها (نسيت على سميتها ههه) عاونها حتا وقفات و شدات فيها و هو معاونها فكل خطوة كتخطى حتا وصلة للطبلة فين كانو سلمان و صوفي كيتسناو فيهم يلتاحقو .. سلمات عليهم و جلسات فجنب رعد كيفطرو حتا سلاو و ناض رعد هز هايدي حطها فاللوطو و غمز سلمان: نتلاقاو عشية
سلمان: بون جوغنيي هايدي 👋
حركات ليه يدها و دارت سانتور و خدمات مزيكا هادئة كتصنط ليها و ساهية فالطريق مرة تشوف فالطريق مرة فرعد حتا وصلو حدا واحد الغابة فين كانو شي ناس قلال حتا هوما جايين يستمتعو بالوقت ديالهم مع عائلتهم .. هز رعد واحد الفراش فرشو شوية بعيد على الناس لي كانو تما و هز سليلة فيها الماكلة حطها تما عاد رجع عند هايدي هزها و سد اللوطو و مشا بيها حطها فوق الفراش و جلس حداها
رعد: عجباتك البلاصة؟
هايدي حركات ليه راسها
رعد: مزيان دكشي لي بغيت .. ما قلتيش ليا فين كاتي و رامي
حزنو ملامحها و هزات المدكرة: ماتو 😢 ولكن لي صبرني عليهم غير ولادهم
رعد: ميبقاش فيك الحال غير نرجعو المغرب نعمر ليك الدار غير قنان
هايدي: هههه مكرهتش مي منين غتجيب دكشي كامل ههه
رعد: باش نشوف هاد الضحيكة نقلب عليهم فكل بلاصة حتا نعمر ليك الدار
هايدي: شكرا بزاف حتا سولي ديالي شرى ليا هامستر ههه
رعد عقد حواجبو: شكون هاد سولي ديالك تاني
هايدي: سليمااان
رعد: محمد ديالك و سليمان ديالك و مروى ديالك و صوفيا ديالك و انا؟؟
هايدي حمارو خدودها و بقات كتشوف فيه و هو هايم فصفاء عيونها و بريقهم: هممم انا شنو كنجييك
هايدي: رعد
رعد زاد قرب ليها: رعد شنو
هايدي: رعد خووويا
بقا مدة و هو كيحنزز فيها و يبلق فعينيه و هو يجمع راسو و خنزر فيها و هضر بين سنانو: يخوي ليك الجناب كتر ما خاويين “تلفت عندها لقاها حاضياه” يااك اختي عاودي اش قلتي
رجعات هايدي كتبتها و هاد المرة طولاااتها: خوووووويا
كتبتها و بقات حاضياه حابسة الضحكة غير بزز حتا شافتو قرب ليها و حط يدو على شعرها جر منو خصلة كيلويها على صبعو و يعاود يطلقها و هضر بهمس قريب ليها: مشاركين شي دم اممم؟؟ (حركات راسها بنفي) سهى هي مروى (رجعاات حركات راسها بلا و هي هايمة فعينيه لي كانو مقابلين مع عينيها كتشوف فيه و هو كيتفحص كل انش فوجهها .. زاد قرب ليها حتا ولات نفسو قريييبة ليها بزاف و ريحتو تغلغلات فانفاسها كتستنشق فيها) و منين جيتك حتا خوك امم ( مبقاتش ركزات فهضرتو من كترة ما قريب ليها ولات مركزة غير فيه هو لي كان كيشوف فيها بعيون عاشقة و هايمة فيها .. قرب ليها كتر حتا لامس نيفو نيفها و هز عينيه فعينيها لقاها مغمضاهم تبسم بخف و استغل الفرصة باش يحط شفايفو على شفايفها ببطئ و يحس بنعومة شفايفها الكرزيتين .. رجفات و هي كتحس بشفايفو على دياولها غير حاطهم كيتمتع بملمسهم و حلات عينيها بغات تبعد منو .. اما هو غير حس بيها بغات تبعد و هو يرجعها ليه بيدو لي كانت وسط خصلات شعرها .. غاص فبحر ثغرها و حلاوة شفتيها كيقبل فيهم بكل حنان .. قبلة ترجمات جمييع احاسيسو اتجاهها .. كاع الكلام لي مقدرش يبوح بيه ليها قالو عن طريق ديك القبلة .. شحال كيبغيها و يعشقها شحال ولا متعلق بيها و بغاها تكون ديالو بوحدو قدام عينيه يشوفها ليل و نخار يشبع عينو منها .. دامت القبلة بعظ دقائق و فصلها مخليها ترجع نفسها لي تقطع كيشوف فيها كيفاش مزال مغمضة عينيها مقادراش تشوف فيه و صدرها كيطلع و ينزل بفعل تنفسها الغير منتضم اما واحد القليب كتحس بيه عند ودنيها حتا حسات بصبعو عجنب فمها مسحو ليها و هضر بهمس: غير حلي عينيك راه مكنعضش ههه
حلات عينيها ببطئ مبلقاهم فيه اما هو بقا غير حاضيها و الابتسامة على وجهو: دبا باقي خووووك
حركات راسها بنفي بسرعة مخرجة فيه عينيها
رعد: هههه بنادم شحال كاموني ولكن مزيان نيت باش نذوقو حلاوة هاد الشفايف هههه فين كنتي مخبية هدشي اممم ههه اجي لهنا (جرها خاشيها تحت دراعو كيضحك معاها و هي وجهها ولا حمر و مزنك من الحشمة و هو شاد فيها) زعمة كتحشمي ههه غير هزي راسك هذا غير انا متحشميش مني
خشات وجهها فصدرو مخبياه عليه و هو كيضحك حتا صونا التيلي ديالو هزو شتف النوم و ناض وقف: حبيبة انا نجاوب نشوف شكاين و نرجع واخة 😉
حركات راسها و مشا هو بعد جهة الشجر لي كانو تما و جاوب: وي الوليد هانيا؟
فهد بتوتر: فينك واش باقي فامريكا
رعد: اه علاش؟
فهد: خوييييها .. راه عرفووك كاين تما و جايين مهجميين عليك
رعد هز حاجبو: شكون هادو
فهد: العصابة لي مكلف بالملف ديالها كنتي شديتي النص و لخرين هربو و البوس كلفهم باش يقتلوووك ملي عرفوك كاين تما جايين عندك و هو مسلحيين و نتا بوحدك مغتقدرش عليهم
رعد بعصبية: ماشي بووووحدي ماشي بوووحدي شييييت
رجع عند هايدي عينيه مضلمين مي مبغاش يبين قدامها باش متخافش .. رسم ابتسامة مزيفة على وجهو و هضر بحنية: الكبيدة غنمشيو .. للاسف خرج ليا شي بلان على غفلة
هايدي كتفات تحرك ليه راسها و هي حاسة بشي حاجة ماشي حتا لهيه .. قرب ليها هزها داها للوطو و ركب حداها خلى دكشي هكاك مفرش و كسيييرا غادي بسرعة فالطريق لي كانت خاوية قلييل لي كيدوز منها .. اما هايدي مركنة دايرا السمطة و كتشوف فيه كيفاش تبدلو ملامحو حتا قفزها ملي ضرب الفولون: فاااااك (شاف فيها واش دايرا السمطة و هضر) هايدي غنزيد السرعة شدي فراسك
حركات راسها و شدات فجناب ملي ضور اللوطو على غفلة حتا مالت معاه و تضربات مع الزاج
رجعات تقادات و شافت فيه هو لي كانو عينيه فالطموبيلات لي وراهم .. قشعاتهم هايدي و بقات مراقباهم كان زاج فيمي و طموبيلات كحلين باينة مطاردينهم .. تما بدا يركب فيها الخوف ديال بصح و عرفات مال رعد تقلب مودو على غفلة .. تلفت فيها لقاها حاضياهم من المرايا و وجهها صفاار حط يدو على يديها و طمنها: متخافيش مغايوقع والو
زاد عفط على الكسيراتور مبعد منهم حتا كيفراني بالجهد ملي لقا زوج طموبيلات سادين عليهم الطريق .. بغا يرجع حاصروهم زوج اخرين .. سكت اللوطو و سد الزاج و قرب لهايدي لي ولات كتغزل بالخلعة: متخافيش واخة و متفتحيش الباب صافي واخة يوقع لي وقع متفتحيش وراه مغايقدروش يقربو ليك حيت الزاج مكيتهرسش (معقلتش علر شنو سميتو البنات)
بان ليها بغا يفتح الباب يخرج و هي تشدو من يديه كترجاه بعينيها باش مينزلش و دموعها شقو طريقهم على خدودها
رعد: هايدي الله يرضي عليك متخافيش و بقاي هنااا و هانا كنوصييييك واخة يوقع لي وقع متنزلييييش وياااااك تنزلي هانا كنعلمك بقاي هنا هو غراضهم معايا اناااا نتي متبانيش فالصورة واخة؟ و ملي نخرج سدي عليك من لداخل
خرج و دارت اش قال ليها و بقات حاضياه و هي قلبها كيضرب على جهدو كيبان ليها وقف قدام اللوطو خاشي يديه فجيابو و كيشوف فالسيارات لي قدامو حتا خرج منهم راجل لابس لباس رسمي اسود راسو مقرعو و شاد فيديه تسبيح كيلعب بيه بين صباعو ملامحو مخيييفة و هو داير ضحكة شريرة فرعد .. فجنبو شخص لابس كلشي كحل و ملتم وجهو مكايبانش مربع يديه و عينيه كيتفحصو فرعد و من وراهم كارد كل واحد يا واحد مستعدين فاي وقت للهجوم .. هدشي كلو راقباتو هايدي و خي كتشوف فيهم كيهضرو مي مكتسمعهمش بقاو شحال على داك الحال حتا بان ليها رعد كيقرب ليهم و قرع الراس هز فيديه سلاح موجهو ليه .. بدات تبكي و تغزز فسنانها و القفقافة ركباها حتا حلات عينيها من الصدمة لي كتشوف .. كانو دوك الكارد متوجهين لرعد لي حيد المكانة لاحها و بدا يتقاتل معاهم دقة فيا دقة فيك .. شي خلاه منشر بدون حراك شي غارق فدياماتو و هو كيضرب بيديه و رجليه كيطيح فيهم و غادي جهة الصلع باغي يشنق عليه .. تزادو الكارد و شدوه من درعانو حكموه مرجعينو الل ر و هو كيتنتر منهم و عروقو بارزين .. قرب ليه الصلع و هز يدو ضربو لوجهو و رعد ممحركش عينيه حمرين جمرة باغي غير منين يدوز ليه
الصلع: هانتا طحتي فيدي و مكاين لي غيفكك مني
رعد: ههه مكنخافش من شمايت بحالك
صلع: كتحداني ولا كتهددني؟
رعد: حسبها كيف بغيتي
الصلع ياله كان غيهضر و هو يقشع هايدي لي كانت مقابلاهم من اللوطو و دموعها دايزين: اووه معاك الضياف و مقلتيهاش لينا نرحبو بيهم
رعد: مكيهمكش .. حسابك معايا انا فكو معايا انا
الصلع: تو تو تو خايبة فحقي خاصني نتهلا حتا فضيافك
شاف واحد من لي معاه و حرك ليه عينيه باش يجيب هايدي
ديك الساعة رعد تخلص من هدوك لي كانو شدينو بحركة سريعة ضرب واحد براسو حتا تلاح و لاخر عطاه بمرفقو لكرشو حتا طلقو و نزل عليه بكوعو لضهرو حتا طاح و مشا كيجري لهداك لي كان متاجه لسيارة جرو خبطو مع الارض و بقا ينزل عليه
الصلع هضر معا الشخص لي فجنبو: على هاد الحساب غتكون شي ضيفة مميزة اممم
رجع صيفط ليخا رجال خرين و رعد مضارب معاهم حتا جاه واحد من اللور على غفلة خشا فيه جنوي من اللور حتا شهق و طلق من هداك لي كان شاد و ضار ببطئ كيشوف فلي ضربو و هو شاد فجنبو لي دماياتو ولاو دايزين .. اما هايدي غير شافتو مضروب و الجنوي مزال مخشي فجنبو بلاما تحس خرجات ليها شهقة خفيييييفة مكتسمعش و قلبها كتحس بيه بين يديها كيضرب بالجهد بغا يخرج من صدرها بلا شعور حركات فمها كتنطق فسميتو و هي مبغاتش تخرج و يديها على صدرها كيترعدو
هايدي: ححح ر…ر…ر مقادراش تنطقها كتخرج ليها بهمس و هي كتشوف فيه كيحاول يحيد الموس من جنبو و هو كيتعصر ما حس بالدقة منين جاتو لراسو خلاتو يطيح على ركابيه و شاد فراسو
هايدي بصعوبة كتخرج كل حرف بوحدو و هي مصدومة من شنو كتشوف ما هتماتش لشنو كدير: ر ر ع د هئ
شهقات ملي شافتو طاح للارض مقادرش يوقف و الدم خارج من راسو حلات الباب كترجف و نطقات بصعوبة: ر ع د ررررععد خرجاتها بالجهد حتا حسات بحلقها تجرح: راااااااااااااعد هئ
رمات رجلها خارج اللوطو شادة فالباب و طاحت فالارض رجليها فاشلين رجعات شدات فالباب كتقفقف حتا وقفات و لاحت خطواتها تقال مرة طيح مرة توقف حتا وصلات ليه طاحت حداه كتشوف فراسو و دوك الكارد واقفين عليها كيف المردة و الصلع كيطلع و ينزل فيها
الصلع: اووووه زوينة شرفاتنا
هايدي مكايناش فهاظ العلام كتحرك غير فرعد من كتافو و مرة مرة كضربو ضريبات خفافا على خدودو باش يحل عيينيه .. هاد الاخير لي غيب من اتر الدقة لي جاتو فراسو و الدم نازل على ركابيها و هي كتبكي و تشهق: هئ هئهئ ررر..ع..د ح ححل ععينيك عععفاك هئهئ
كتخرج الهضرة غير بزز و هي وجهها صفار من الخلعة ملي شافتو متحركش و مغمض عينيه .. محسات حتا تجرات من شعرها بقوة حتا غوتات بصوتها الرقيق لي تسمع فأرجاء الغابة .. كان الشارف لي جرها موقفة مقابلة معاه و هو كيدير فيها نضرات ما مفهومينش عينيه كيتفحصو فيها من اخر زغبة فراسها حتا لصبع رجليها: امممم هاد رعد مطلعش ساهل ختار و عرف ما يختار هههه
هايدي بديك الفقصة لي ركباها هزات يديها حتا للسما و جمعاتها معاه للوجه مخرجة فيه عينيها لي حمارو بالبكا: يا الششماتة جيتيه ورا ضهرو كون كنتي راجل كون تقبلتي معاه ماشي تغفلو تفووو (دفلات ليه على وجهو) غير صبر حتا يفيق والله حتا يندمك
الصلع هز يدو عطاها ليها لوجهها حتا طاحت و تم غادي ليها: انا يال**** طرشيني .. حفرتي قبرك بيديك البرهوشة اليوم تودعي روحك
هايدي: لي فجهدك ديرو يالشماتة انا مكنخافش من ديوتينين بحالك موت وحدة لي كاينة الله يجعلني نموت اليوم مع رعد
شافت فيه بتحدي و جلسات حدا رعد كتشوف فيه بيأس حتا حسات بالسلاح محطوط على راسها غمضات عينيها و هزات راسها فيه
الصلع: اليوم نهايتك ال****
بدات هايدي كتشهد و مسحات دموعها و شدات فيد رعد لي كان راخيها .. غمضات عينيها كتذكر الله و تستنجد بيه و تشهد و هي حتا سمعات صوت الزناد تلق رصاصة….
🍁 فالمغرب و بالضبط فشركة رغد كانت جالية فمكتبها بعد وقت متأخر حتا كملات جميع الملفات لي عندها عاد هزات صاكها و تيلي ديالها و تمات خارجة قلبها مقبوط و كتحس بشي حاجة واقعة .. قربات للسانسور و هي كتحس بالسخفة و قلبها كيخفق بالجهد حتا ختل توازنها كانت غطيح كون ما شدوهاش يديه لي ضارو على خصرها موقفهها و كيشوف فملامحها العيانة
عثمان: انسة رغد ياك لباس
رغد: رعد .. رعد واقعة ليه شي حاجة هئ هئ قلبي مكيخيبنيش متأكدة واقعة شي حاجة هئهئ
بدات تبكي و هو معارفها شنو كتقول كيحاول يفهمها و هي غير مزايدة كتبكي و شادة ليه فشوميز: رغد تهدني عفاك و فهميني شنو كاين واش واقعة ليك شي حاجة و شكون هاد رعد
رغد: خووويا خويا هئهئ انا حاسة وقعات ليه شي حاجة هئ هئ ششد عيط ليا ليه عفاك خود دغيا راه يديا فاشلين هئهئ
شد ليها التيلي فتحو و قلب على النوم حتا لقاها و دوز الخط بقا مدة و هو كيتصنط حتا قطع و رجع عيط و قطع و عاود بدون جدوى: للاسف مكابجاوبش
رغد عاد مزادت كتبكي و تشهق بصوت: ااااهئهئهئنيهئهي صافي صافي دارو ليه شي حاجة هئهئ الى وقعات ليه شي حاجة منقدرش نعيش هئهئ (كتقلب في جنابها و هي تالفة) فين صاكي خاصني نمشي نشوف الدار لا يكون عندهم شي خبار
هزو عثمان من الارض و شد فيها من خصرها مدخلها للسانسور: انا نوصلك حالتك متسمحش لسك تصوقي
سكتات حيت بصح مقادراش تركز فشي حاجة من غير خوها توأم روحها و الشخص لي تشاركات معاه 9 شهور فنفس الكرش…
ركبات و حطات راسها على الزاج سارحة بمخيلتها كتفكر فخوها و هي كترعد معارفاش شنو غيكون صرا ليه .. عطات لعثمان العنوان و سكتات حتا وصلها قدام الفيلا دخلها و كان بغا يرجع حتا وقفاتو
رغد: شكرا بزاف و سمحلي عذبتك معايا
عثمان: لا لا الدنيا هانيا دبا دخلي رتاحي و يكون خير على خوك
رغد: ان شاء الله شكرا ..غير خود اللوطو فاش ترجع مغتلقاش شي طاكسي هنا
عثمان: نو نو ميحتاجش انا غنمشي حتا للشارع و نلقاه
نزل و نزلات حتا هي ودعاتو ياله بغات تدخل لدار حتا شافت سهى جالسة فالجردة و حداها نهى كيبكيو و سهى كتخبط ففخاضها و تبكي: ميمتي ولدي مشاااا انهى ولدييي مشااا هئهئهئ امييي بغيت ولدييي هئهئ اش هاد المكتوب ياربي هئهئ
هاد الكلام غير طاح فمسامع رغد و هي طيح على طولها مغمى عليها .. كان عثمان غادي خارج حتا سمع شي حاجة طايحة من وراه و هو يتلفت حتا لقاها كايحة فالارض مكتحركش و رجع كيجري يشوف مالها ميف ناضت حتا سهى و نهى يتجاراو
عثمان: رغد رغد فيقي .. شنو وقع ليك تاني فففف
سهى: هئهئهئ مال بنتي هئهئ ياكما وقعات ليها شي حاجة
عثمان وقف و هزها بين يديه يد تحت ضهرها و يد تحت فخاضها شاف فسهى و دوى: مغايكون بيها والو فين بيتها نحطها فيه
نهى: تبعني انا نوريه ليك
سبقاتو و تبعها حتا هو حتا وصلو لبيتها دخلها حطها و مشا جهة الكوافوز هز ريحتها رشها فيديه و كيشمها ليها و يرش عليها فالما لي كان حداه حتا حتا حلات عينيها كترمش .. غير استوعبات شنو سمعات و هي طلق حلوقها لبكا و الغوات: مااات ياااك هئهئهئ خويا مات هئهئ سمعتك ملي قلتيها هئهئ اععععع هئهئهئ كنت حاسة واقعة ليه شي حاجة النهار كامل و قلبي مقبوط هئهئ
سهى كتحاول تهدنها و هي معالم بيها غير الله: لا لا موقع ليهم والو راه غير كنت مخلوعة عليهم دكشي علاش قلت هكاك
رغد: عيطي لبابا يطمنا عليه ياله هئهي
هزات التيلي كتصوني و تعاود و لا من مجيب حتا ناييف مكايجاوبهاش بقاو هكاك جالسين كيصونيو عليهم و يتسناو على احر من الجمر و عثمان واقف حداهم معرف يمشي ولا يبقا لا يحتاجوه
🍁 فامريكا .. بقات كتدعي و تقرا في القرأن و تشهد حتا سمعات صوت الرصاص .. شهقات و هي كارزة على عينيها حتا حسات بلي ما قاسها والو و صوت الرصاث عاد مكيزيد يجهاد .. حلات عينيها لقات كلشي كيجارى و حتا من الصلع ركب فسيارتو مضروب فضراعو ..
هزات عينيها كتبان ليها اىهيليكوبتير كتضور فوقهم و الرجال منها كيتيريو حتا هربو دوك لي كانو محاصرينهم عاد بدات كتنزل بالشوية و غير حطات في الارض خرج منها فهد و ناييف كيجريو ناحية هايدي لي وقفات كتقفقف و تعيط ليهم
هايدي: هئخئهئ كيموووت عتقوه عفاكم خسر بزاف ديال الدم هئهئهئ
نزل فهد قاس ليه النبض ديالو لقاه مزال كيضرب و هو يشوف فناييف
فهد: عاوني نهزو خاصو دبا يمشيو لكلينيك يااااالللله
مشا ناييف هزو معاه و هو مصدوم من حالة خوه و هايدي تبعاهم كتبكي و تقول مابكيت حتا ركبو فالكوبتير و مطالقو لكلينيك
هايدي شادة فيد رعد و حوايجها كلهم دم و هي كتبكي: مغايوقع ليه والو ياك هئهئ غيفييق
فهد: شششت تهدني ابنتي مغايوقع والو “شاف فيها مطول” نتي موقع ليك ختا حاجة ياك؟
هايدي: انا بخير غير هو لي هئهئ هئ ضربوه لراسو و فجنبو هئهئ خسر بزاف ديال الدم هئهئ
ناييف شاف فيها بقات فيه و هي كتنخصص و طبطب على كتفها كيسكت فيها: ششش براكة من البكا رعد غينوض منها كيف كل مرة .. راه رعد هادا و اجرهم على الله والله متبقا فيهم
وصلو لكلينيك و نزلو في الصطح ديالو و خرجوه كيجريو بيه حتا جاو الممرضين دخلوه بالزربة لغرفة العمليات و عيطو على الدكتور يجي يشوف حالتو .. اما هايدي جلسات حدا فهد و حطات راسها على كتفو و هو معنقها من كتافها مخليها كتبكي و ناييف بعيد عليهم عيط لمو يطمنها
هاد الاخيرة لي كانت جالسة على الجمر كتسنا فيهم يعيطو و حداها رغد و فجنبها نهى كدير ليها فالريحة ليدها و عثمان مقابل معاهم غير كيشوف مقادر يعاونهم فوالو حتا صونا التيلي و جوبات سهى بالزربة
سهى: الو ناييف شنو وقع
ناييف: راه لقيناه و دبا حنا فالسبيطار دبا
سهى بصدمة وقفات: ها ويييلي اش وقع لخوووك دوييي
ناييف: والو والو مكاين علاش تخلعي راه غير مضروب ضربة خفيفة صافي و حتا البنت لي كانت معاه راه كاينة معانا دبا
سهى: متأكد ماشي شي حاجة خطيرة و هايدي بخير ما وقع ليها والو
هنا هز عثمان راسو فسهى كيتحقق من الاسم لي سمع
ناييف: اه البنت بخير موقع ليها والو و رعد ملي يخرج من غرفة العمليات غنعيط ليك نطمنك غير كوني هانيا
سهى: فييين كاينين بغيت نجي عندكم و راه ختك بغات تحماق كتقول ليك وقعات لرعد شي حاجة
ناييف: مكاين لاش تجي هاحنا هناااا نتي بقاي مع رغد و قولي ليها راه بخير
سهى: رد معاك لبال لهايدي راه مريضة و عاد دايرة عملية على رجليها ياله بسلامة
هنا تأكد عثمان بالبيان ان البنت علامن كتهضر هي هايدي بنت ختو شاف فسهى و نطق: بلاتي قلتي معاه شي بنت واش هي هادي ” جبد التيلي وراها صورة فيها هايدي معنقاه”
سهى باستغراب هازة حاجبها: اييه هي هادي فين كتعرفها
عثمان: شييييت .. انا خااالها واش هي بخييير ما بيها والو
سهى: تهدن اولدي و جلس بعدا .. اه هي بخير راه موقع ليها والو و هي في يدين امنة حتا حاجة مغتوصلها حتا ترجع ان شاء الله
جلس عثمان كينفخ و هز التيلي كيصوني على هايدي و مكاين رد غرقها غير ميساجات و مكتجاوبش حتا تعصب و خبطو مع الطبلة حتا قفزات رغد و هزات فيه عينيها المدمعات
عثمان: المهم انا غنمشي دبا و الى وصلاتكم شي خبار عليهم علموني عفاكم “شاف فرغد بحنية” براكة من البكا لي كنعرف رعد ماشي شي واحد لي ضعيييف راه غينوض منها قوى من الاول مديريش فراسك هاكا و نوضي رتاحي ليك شوية .. ياله بسلامة
ناض خرج و خلا رغد مسحات عينيها و ناضت بغات تمشي لبيتها حتا رجعاتها نهى حداها: جلسي للارض بغيتك
رغد: شنو اخالتو راني عيانة
نهى متبعة الباب كطل و تشوف فرغد: شكون هاد زيين القلدة لي كان معاك مغريبش عليا معرفت فين شفتو
رغد نفخات و شافت فيها نضرة من نيتك: ففف حنا فين و نتي فين باز ليك و لعقلك المصوطي
نهى: تي دوي من الهضرة الخاوية ربي ربي شكون
رغد: خدام فالشركة معانا ملي مقدرتش نسوق هو لي وصلني صافي؟؟ كملتي لونكيط ديالك و حيدي خليني نووض
نهى: نوضي نوضي تنوض معاك .. استغفر الله على بنت كي غا معبسة رعد راني عااارفاه يطيح حتا يطيح و ينوض كيف العود يدك و يدردك كيييتك لاوية كالمصرانة يخ 😏
شافت فيها سهى مخنزرة و هي تزم فمها: ها هيا ساااكتة
سكتو بزوج و كينتاضرو شي خبار من عند ناييف يطمنهم على رعد .. هاد الاخير لي كان فغرفة العمليات بين الحياة و الموت .. خرجات الممرضة كتجري حتا وقفها ناييف بتساؤل: شنو كاين؟
الممرضة: المريض فقد بزاف ديال الدم و خاصنا متبرع
نقزات هايدي عندها: انا نتبرع ليه
الممرضة: اوكي مي واش كتشربي شي دوا ولا كحول ولا …
ناييف: انا غنتبرع ليه غير جلسي اصلا نتي مريضة و كتشربي دوا
مشا ناييف تبرع لخوه و رجع جلس حداهم كيتسناو فيهم على احر من الجمر
بقاو شحااال كيتسناو حتا خرج الدكتور و ناضو كيتجاراو عندو
فهد: دكتور كيف بقا ولدي
د: الحمدلله تجاوز مرحلة الخطر ولكن الضربة لي جاتو فراسو كانت خطيرة بزاف عليه .. دبا نتسناوه يفيق و الحمدلله على سلامتو
تنفسات هايدي براحة عاد رتاخت و ضحكات: الحمدلله الحمدلله
ناييف: نقدرو نشوفوه
د: من الاحسن حتا يفيق و نديرو ليه الفحوصات اللازمة عاد ديك الساعة تقدرو تشوفوه
شكرو فهد و رجع جلس حدا هايدي عنقها من كتافها كيضحك: هه شتي البكاية راه ولدي هداك ما سميتو رعد حتا رعد دبصصحح
هايدي: الحمدلله على سلامتو اعمي
شاف فيها عاد نتابه: قالو ليا مكتهضريش و انا كنسمع فصويت عندك ملحن اممم كبكذبو عليا ياك؟
هايدي ضحكات: هه لا راه عاد رجع ليا صوتي ملي تضرب رعد محسيتش وقتاش هضرت
فهد: اممم ايوا هاد ولدي صدق مساهلش لي بسبابو رجع ليك صوتك اممم
حشمها حتا ولا وجهها حمممر و هي تحدر راسها كتفرك فيديها و هو مراقبها و مبتاسم حتا وقف عليهم ناييف
ناييف: اه زواية سكتات صافي
فهد: ههه تفرق على البنت هي لي بقات ليك
ناييف جلس فجنبها: غا قولي ليا كيف كان صابر عليك رعد و نتي كتقبي الودنين و على معارف رعد كتزنزن حداه غير دبانة و ينوض القيامة 😂
هايدي خشات راسها وسط عنقها بالحشمة هادا كمل ليها الباهية و هي تهز يدها ضرباتو لكتفو بالضحك: ههه حشومة عليك
فهد: نتا اش كتعرف هو كيجيه صوتها منغم على موضو هههه
صافي مبقاتش قدرات تبقا وسطهم بالحشمة و هي توقف كتفتف: غنن غنصوني لسلمان غيكون مشطون علينا
ناييف: اتي حتا سلمان جايباه معاك ولايني صدقتي مساهلاش 😂 و الصراحة كون كنت نعرفك حتا انا نجي معاكم 😂😂
هربات من حداهم كتضحك و صونات على سلمان لي غير فتح الخط و بدا يغرق ليهم بزوج حتا صمكها عاد سكت عاودات ليه شنو وقع و عطاتو العنوان عاد رجعات حداهم جالسين كيتسناو فسي رعد يفيق باش يطمنو عليه
🌞 صبح الحال عليهم و شرقات شميسة معلنة على يوم جديد .. هايدي متكية على كتف فهد ناعسة و هو شاد فيدو قهوى يصحصح بيها هو و ناييف لي كان جابها ليهم سلمان ..
.. جا الدكتور طمن عليه لقا حالتو مستقرة و حولو لغرفة عادية باش يدخلو عندو يشوفوه .. دخلو كاملين عندو كيطمنو على حالتو و هايدي كتشوف فيه بشوق و حنان .. نضرة مليئة بالحب لي شافها فهد لي كان مقابل معاها و غمز الدراري: ياله نخرجو نخليوه يرتاح
تمو خارجين و تبعاتهم هايدي حتا وقفها فهد: غير بقاي ابنتي راك عييتي نعسي فوق داك الفوطوي حتا يفيق
تبسمات ليه بامتنان و رجعات جلسات حدا رعد شادة ليه فيديه و عينيها كيتفحصو فيه بدءا من راسو لعيوني لي مغمضين .. نيفو .. شفايفو .. لحيتو الخفيفة .. تفاحة ادم لي كتبان فعنقو .. و ابتسامة على شفايفها .. قربات ليه كتر و طبعات قبلة خفييفة على جبينو
هايدي: حبيبي فيق براكة عليك من النعاس .. شووف رجع ليا صوتي هه و قدرت نتمشا عادي .. نوض عفاك باش تسمع صوتي لي قلتي ليا توحشتيه و نخرجو نضورو بزوج بلاما تحتاج تبقا هازني وسط الشوارع ههه واخة كان كيعجبني الحال ولكن بغيت نخرجو نضورو فاي بلاصة غير بزوج انا وياك فقط .. و نرجعو للمغرب حيت غيكونو توحشونا هه مروى كل نهار تسولني امتا غنرجع و حتا نتا غتكون الام ديالك مشطونة عليك .. ياله نوض شوف كلشي كاين هنا باباك و خوك الحمق ههه مكنتش كنضن غيكون عندك شي اخ بحالو كنت كنضن غيكون شي واحد بحالك هه مهدن و رزين و قليل الضحك على عكسو حمق ههه ولكن ضريف بحال باباك .. براكة عليك ارعد من نعاس راه توحشت نشوف عيونك و ابتسامتك ليا و هضرتك الحنينة معايا ولله حتا توحشتك ارعد حل عينيك خلاص
بقات هكاك كتهضر معاه مرة تسكت مرة تهضر حتا دازت عليها ساعة و هي فجنبو شادة ليه فيديه كتلعب فصباعو حتا حرك صبعو و هي تقفز كتشوف فيه و تشوف فيديه: ررعد فقتي
رجع حرك صبعو و عينيه بدا كيحرك فيهم شوية بشوية و يحرك فرموشو حتا حل عينيه بتثاقل و رجع سدهم من شعا .. رجع حلهم و هو مخصر سيفتو من الصداع لي كيحس بيه فراسو و الرؤية لي كتبان ليه مضببة .. هايدي غير مراقباه و كتضحك فرحانة حيت فاق كتشوف فيه و تبسم حتا ضور فيها عينيه و بقا كيشوف فيها و يرمش بتثاقل فعينيه و هي تنزل عندو باستو من جبينو قبلة طوييلة عاد شافت فيه: الحمدلله على سلامتك رعدووشي ههه .. انا غيعيط للطبيب يشوفك
خرجات كتجري قالتها ليهم و الفرحة غامراها .. مشا سلمان يعيط على الدكتور و فهد و ناييف تبعو هايدي و دخلو عندو كيضحكو
ناييف: على سلامتك اسبع
مشا سلمان يعيط على الدكتور و فهد و ناييف تبعو هايدي و دخلو عندو كيضحكو
ناييف: على سلامتك اسبع
فهد: على سلامتك اولدي خلعتينا عليك
اكتفى فقط يحرك ليهم راسهم و هو كيتعكز باش يتكى .. جات حداه هايدي و دارت ليه خدية ورى ضهرو و بعدات كتشوف فيه و تفرنس و هو كيطلع و ينزل معاها من راسها حتا لرجليها
رعد: كيف وقع حتا وصلت هنا .. و شكون جابني
فهد: من بعد ما تعرض ليكم ” تولان” و تضربتي فراسك فقدتي الوعي جينا حنا فاخر لحضة مي للاسف هربو و مقدرناش نتبعوهم و نخليوك فهاد الحالة
رعد كيحس برايو صااادعو مقادرش يركز مع هضرة باه و عينيه مزال طايحة عليهم الضبابة .. شد فراسو كينفخ حتا قربات ليه هايدي و شدات ليه فيديه: رعد رتاح ليك دبا من بعد و سول على التفاصيل شوف حالتك كيف دايرة تكايس على راسك
نتر منها يدو بالجهد و شاف فيها مخنزر: و نتي مالك اش مشا ليك و باش من حق كتدخلي فيا و شكون تكووووووني كاع باش تهضري معايا ” شاف فباه” شكون هادي و لاش جايبها معاك و اشمن تولان ولا زعتر مفهمت حتا حاجة
بقا كل من فهد و ناييف مخرجين فيه عينيهم مصدومين فيه و في غواتو على هايدي .. هاد الاخيرة لي حساااات بحال سطل ديال الما سخوووووون تخوى عليييها ودنيييهت تصمكووو مبقات كتسمع والو جملة وحدة لي كتعاود فعقلها “”شكوون تكوووووني باش تهضري معايا”” يديها حسات بيهم تقااالو عليها اما رجليها مبقاوش هازينها محساتش براسها حتا اصطدمت بالارض .. تلفت كل من فهد و ناييف يشوفو شنو كاين حتا لقاوها منشورة فالارض مكتحركش .. قرب ليها ناييف كيجري هز ليها راسها كيحرك فيه و يضرب فحنيكاتها: هايدي .. هايدي كتسمعيني فيقي عفاك هايدي
فهد: هزها ديها للمستعجلات يشوفو مال البنت
خرجها ناييف و تبعو فهد دخلوها لغرفة مجاورة لديال رعد و جا عندها الطبيب فحصها و علق ليها السيروم عاد خرج
ناييف: شنو عندها علاش سخفات
د: ماشي شي حاجة خطيرة .. طاح ليها الطونسيو و سوء التغذية خاصها تنتابه لراسها شوية
فهد: واخة دكتور شكرا
خلاوها ترتاح و دخلو عند رعد لي كان معاه الدكتور لي مكلف بحالتو و معاه سلمان لي غير من ملامحو باينة القضية حاامضة
فهد: شنو واقع مع رعد؟
سلمان: عمي صراحة رعد عندو ” فقدان ذاكرة جزئي” هدشي علاش معقلش على هايدي و تصرف هكاك و معرفكش حتا علامن كتهضر ولا اشمن هجوم تعرض ليه
فهد: ككيفاش زعمة .. بغيتي تقول فقد الذاكرة ديالوووو
دكتور: تفضل معايا اسيدي لبيرو و نهضرو فالتفاصيل .. نخليو لمريض يرتاح
خرج و تبعوه كاملين دخلو هاجمين للمكتب ديالو و جلسو كيتسناو منو شرح
د: كيف شفتو ردة فعلو لي مكانتش متوقعة هي لي خلاتنا نعرفو على حالتو و الصراحة هاد الفرضية كانت روضاتني قبل يفيق مي مكنتش متأكد ولكن دبا ملي درنا ليه الفحوصات تبين لينا انه عندو فقدان ذاكرة جزئي بعد الاسئلة لي طرحت عليه تبين انه معاقلش على اربع سنوات من عمرو عند بالو دبا ياله عندو 25 سنة و اخر حاجة متذكر انه كان في المانيا رفقة الاخ ديالو و ولد خالتو .. يعني معاقلش شنو سبب مجيئو لهنا
فهد تنهد و هز فيه راسو: فهمت فهمت .. دبا شنو المعمول
د: انا غنوصف ليه شي ادوية خاصو ضروري يداومها و مع الوقت راه كترجع ليه دكرتو كل مرة غيتوضح ليه الرؤية حتا ترجع ليه كاملة .. وبالشفاء ان شاء الله
فهد خدا من عندو الورقة: شكرا دكتور امتا ممكن يخرج
دكتور: غذا غنسمح ليه بالخروج
عاود شكرو و خرجو متاجهين للغرفة حتا سمعو بكاها .. و شكون من غير كحلة ليام مولات الزهر لمكوز حتا كتقول تقدات و تعواج تصلحها من قنت تخرج ليها من قنت اخر هذا حالها عمرها ترتاح من المصائب تقول مكتوبين فسميتها .. دخلو عندها ناييف و سلمان اما فهد مقدرش يدخل بقات فيه و تحصر على حالها مشا جلس فوق كرسي و خلاهم هوما يشوفوها
سلمان: صافي احبيبة متقلقيش راه ماشي لهاطرو تصرف هكاك راه معاقل على والو
هايدي: هئهئهئهئ معقلش حتا عليااا هئ هئ حتا الشوفة مكيكملهاش فيا هئهئهئ عمري شفتو هكا محاملش حتا يهز عينو فيا هئهئ حتا كنقول الامور تصلحات و كتزيد غير تكفس هئهئهئ كرهت راسي و كرهت النهار لي جيت لهاد الدنيا كون غير مت قبل ما نتزاااد هئهئهئ شنو درت باش نتعاقب هكا هئهي علاش اربي كتعقبني بهاد الطريقة هئهئ كون غير بقيت مشلولة و زيزونة ولا نشوفو هو فهاد الحالة مهازش فيا حتا عينيه هئهئ
ناييف جلس حداها كيسكت فيها و هو كيتحصر على حالها: شششت متقوليش هكا .. ان شاء الله دبا يصح و ديك الساعة خرجيها منو و علميه كيفاش ميعقلش على هاد الملاك دبا سكتي من البكا صافي .. على حساب ما عاود ليا رعد نتي قوية و الدليل على هدشي انك جيتي و تحديتي خوفك و تعالجتي و قدرتي تهضري و توقفي فنفس الوقت غير هدشي راه غيشجعك انك توقفي فجنبو و تعاونيه حتا يرجع الذاكرة ديالو ..
.. راه دبا فين محتاجك توقفي معاه و تكوني فجنبو اهايدي واخة؟ .. دبا فين خاصك تبيني على حبك و اخلاصك ليه و تسانديه كيف ما هو ستندك حتا بريتي فهمتيني ياك؟
بدات كتهدا و تمسح فعينيها و حرطات راسها بايجاب .. ناض وقف من حداها و قرصها من نيفها ياله مسحي عليا هاد الدموع كنكره البكايين .. هاهوما غيجيبو ليك الماكلة كولي باش تقدري توقفي و نتي لاوية كيف المصران الرقيق غير ينفخو عليك طيري
هايدي: مافياش لي ياكل بغيت نشوف رعد
سلمان: بزز منك تاكلي و ديك الساعة انا نديك حتا لعندو ارى ما تشوفي حتا تملي منو
جلسو معاها الشباب و جات الممرضة حطات ليها الماكلة ديالها .. كلات تحت تهديد كل من ناييف و سلمان تلاقاو عليها بزوج عاد ناضت غسلات وجهها و خرجات عندهم لقاتهم واقفين ما فهد لي قرب ليها بابتسامة اطمئنان: حبيبة كيف بقيتي بخير
هايدي: الحمدلله اعمي شكرا
جرها عندو خاشيها تحت دراعو و هضر بينو و بينها: متقلقيش منو راه غير هرب ليه طنطون دعقلو غير يرجع ليه و ندمو باباه واخة؟
ضحكات و هزات راسها بموافقة عاد تمشاو لشومبر ديالو دخلو يشوفوه لقاوه فايق و جالس كيحرك فراسو لي كيحس بيه متشنج
رعد: بغيت نخرج من هنا
فهد: غذا ان شاء الله و غتخرج
رعد: اليوم ما قادرش نصبر حتا دقيقة فهاد الحبس
فهد خنزر فيه: منعاودش هضرتي قلت غذا هي غذا
شاف فيه حتا هو عاقدهم كتر منو و سكت .. هادو علامن نطابق متل ” هذا الشبل من ذلك الاسد” ..كانت الشومبر غالب عليها السكون حتا واحد ما تكلم .. شي كيشوف فشي حتا كسر سكون الغرفة الباب لي تحل و دخول بنت في مقتبل العمر ملامحها باين فيهم الخوف و عينيها الواسعين كينزلو منهم دميعات على خدودها الموردين .. عاضة على شفايفها الكرزيتين و شعرها الاشقر لي كان طايح على كتافها كيحرك مع كل خطوة ليها مع جسد متناسق .. قربات لرعد بخوف و دموع على عينيها كتمسح فيهم بيديها: هئهئ رعد كيفاش حتا وقع ليك هكا هئهئ ياك اخر مرة هضرنا قلتي لي جيتي على قبل شي خدمة شكون هادو لي بغاو يحرموني منك هئهئ
صدمة من ورى صدمة .. شي كيشوف فشي حتا واحد ما هضر غير نقابلينهم بعينيه مفتوحين و يتسناو فشي تفسير اما واحد هايدي راه حلات عينيها و ودنيها و فمها و مزااااال زايدة فالحلان .. ما فيقهم غير صوت رعد لي دفعها عليه و شاف فيها مخنزر: شكون نتي بعدا
…..: ك ككيفاش شكون انا؟
هايدي جمعات راسها و خنزرات فيها مربعة يديها: اييخ شكون نتي؟ اش مفهمتيش فالسؤال نشرحوه ليك
…..: ” طلعات و نزلات فهايدي و قلبات عينيها”: مكنهضرش معاك نتي انا مع رعد
رعد: ايوا لا جاوبتني شكووون نتي
فهد و سلمان و نايف غير كيشوفو و يبرقو فعينيها اما واحد المسكينة راه الشياط خارج من ودنيها ولا كتنفخ و تفش غير راسها و وجهها دغيا حمار حتا تكرمات ست الحسن و جاوبات
……: انا سيلين حبيبتك واش كضحك معايا ارعد كيفاش معرقتينيش و حنا غير شهرين هادي باش مشيتي و خليتيني
هايدي بصدمة خرجات عينيها و غوتات حتا كلشي تلفت ليها: كيفاااااش .. اش كتخرفي نتي؟؟ واش عارفة راسط اش كتقولي !!!!
سيلين ببرودة: اييه عارفة راسي اش كنقول و عفاك مدخليش بيناتنا
هايدي كانت غادية ليها حتا وقفها نايف شادها عندو: تهدني اهايدي و خلينا نفهمو شنو واقع
هايدي: اش غنفهمو اااش واش سمعتيها شنو كتقووول باغة تحمقنييي
سلين: اختي شكون نتي اصلا لي كدخلي بيناتنا و من الصباح و نتي غير كتنقزي غير بوحدك .. حتا واحد فيهم ما داوي من غيرك و معرفناك حتا شكون نتي
هايدي: انا لي غنشتف على مك و نوريك حبيبتك اش كتسوى
سيلين: اييه حدك تما و عرفي راسك معامن كدوي راه بكلمة مني نطيرك
هايدي: خلعتيييني ايوا اجي طيريني نشوفك علاش قادة
سيلين: راه الى مسكتيش غنن
قاطعتهم غوات رعد لي شاد فراسو بغا يحماق: سكتوووووووو … مالكم فروعتو ليا مخي لا نتي لا هي شكوووون نتوما بعدا لي مصدعيني بهاد الزمر ديالكم وحدة تقول ليا حبيبتك و لخرا حبيبتك كنبان ليكم انا ميخي كتلعبو بياااا ولا كيفااااش
سيلين:غير سمعني را
رعد سكتها:سكتييي منسمعش حسكم بزوجات و خرجو عليااا مبغيت نشوف حتا وحدة فيكم
سيلين باندفاع: ولكن انا راه مرااااااتك علاش غنخرج هي لي خاصها تخرج و تهنينا من صداعها و معرفناها حتا شكون هي
فهد بصدمة: شكوووووون 😳
نايف؛ وااااااااااات
سلمان خرج فيها عينيه
و رعد كيبرقق فيها و يحك فودنو بحال الى مسمعش مزيان
اما المنحوسة و لي تابعها غير المصايب ودنيييها تصمكو كتردد فيهم كلمة وحدة ” مراتك مراتك مراتك ….” كتحس بالعرق نازل معاها بااارد و عينيها مفكسيين فسيلين و فمها كيترعد غير بوحدو اما ركابيها مبقاوش هازينها كون ما كان الصوفا لي وراها جلسات عليه كانت طاحت مغيبة تاني
رعد: عاودي اش قلتي؟؟؟
سيلين بنفخة: مرااااتك
🍁 في المغرب .. كانت جالسة كل من سهى و نهى و سي جود (راجل نهى) على طبلة الفطور حتا التاحقت بيهم رغد باستهم كاملين و عنقات جود بفرحة: حبيبي توحشتك غبرتي عليا
جود: حتا انا توحشت الفنيكيشة ديالي .. بنتي الغزالة الفنوووونة و زيوووونات دالعالم
نهى: لا لا دبا زدتي فيه ماشي لهاد الدرجة اويلي
رغد: المغيااارة هههه
جود: هههه شتيها ابنتي حتا شرفات عاد بغات تغيير
نهى ميقات فيه: على زيينك و كحل عيينك نغير عليك كوول كول حسن ليك
ضحك و باشرو فالماكلة حتا سالاو و ناض جود عنق رغد: فالعشية نرجع عندك جيت غير نطمن عليكم و نمشي و نيت العشية نطل عليكم و ندي هاد المدام راه جاها الكرا رخيص بانت ليا عجبتها السكنة
رغد: واخة اعمو
سلمات عليه و خرج هو ركب فالسيارة ديالو و مشا لخدمتو اما هي جلسات مع مها و خالتها شوية و هي توقف تمشي لشغالها حتا هي .. خرجات غادية لسيارتها حتا تحل الباب و بان ليها جاي داخل .. لابس حوايج الخدمة و قرب لعندها
عثمان: صباح الخير
رغد: صباح النور ☺
عثمان: كيف بقيتي صفا
رغد: الحمدلله هاد الساعة و شكرا بزاف على البارح و كنعتاذر حست عذبتك معايا
عثمان بابتسامة جذابة: دبا كتشكريني ولا كتعتاذري هه
رغد: هههه بزوج
عثمان: مكاين مشكل .. احم قولي ليا عندكم شي خبار على خوك
رغد: اه الحمدلله راه فاق قالها ليا بابا و حتا هايدي بخير و فامان بلاما تشطن عليها
عثمان: اممم الحمدلله على سلامتو .. المهم جيت غير نطمن عليكم ياله بسلامة نتلاقاو فالشركة
قلب الطريق و هو يسمعها نادات عليه
رغد بتردد: تسنا بلاتي .. حتا انا غادية لشركة ياله نوصلك معايا
عثمان: لا غير سيري شكرا بلاما نبرزطك
رغد: غير زيد زيد تبرزطني هزاك فوق كتافي
سبقاتو بغات تركب و حبسها
عثمان: على هاد الحساب انا لي غنسوق
عطاتو السوارت و مشا فتح ليها الباب تبسمات ليه و ركبات و مشا حتا هو ديمارا و تحرك بسرعة
وصلو للشركة و دخل لاكاف بلاصة اللوطو و نزل عطاها السوارت و سبقها لخدمتو مبغاش يدخل معاها باش الموضفين ما ياخدوش عليهم شي نضرة فشكل .. و حنا عارفين مجتمعنا باغي غير فاش يشد الجماعة و هو ياله بادي الخدمة .. لذلك فضل كل واحد يطلع بوحدو .. طلعات رغد و مشات لمكتبها دخلات ليه حتا كتلقاه عامر بلي بوكي ديال الورد على الاشكال ها الحمر ها البيض ها الصفر ها البنفسجي جمييع الانواع محطوطين على مكتبها و فالجناب ..
.. بقات كتشوف فيهم متفاجئة و ابتسامة على وجهها و شاف فكوثر لي كانت وراها
رغد: كوثر شكون جاب هدشي
كوثر: مايكون عير شي معجب هذا ههه شوفي البطاقة لي فيه
قربات رغد هزاتها كتفرنس و فتحاتها كتقرا فيها قدام كوثر “” للورد ﻟﻐﺔ ﺗﻌﺒﻴﺮﻳﺔ ﺧﺎﺻﺔ ﻋﻨﺪﻣﺎ ﻳﻐﻴﺐ ﺍﻟﻜﻼﻡ، ﻭﻳﺼﻌﺐ ﺍﻟﺘﻌﺒﻴﺮ ،ﻭﺗﺠﻒ ﺍﻷﻗﻼﻡ ﻭﻳﺘﻠﻌﺜﻢ ﺍﻟﻠﺴﺎﻥ ﻓﻴﺒﻘﻰ ﻭﺣﺪﻩ ﻧﻀﺮﺍ ﺯﺍﻫﻴﺎ ﻟﺘﺤﻤﻞ ﻣﻌﺎﻧﻲ ﺍﻟﺘﻌﺒﻴﺮ “” وليد
شافت فيها كوثر كضحك و تشم فالورد: و شحال بغيتي مصبحة على الورد و الرومانسية و الكلام لحلووو بحالي انا صابحة على نكيير ماما هههه
رغد: هههه حمقة عيطي عفاك على شي واحد يخرج هدشي و يخلي غير الورد الابيض حيت كيعجبني
كوثر: عطيه ليا نضورو حدايا راني محرومة 😂
رغد: هههه هزيه و سيري الخدمتك براكة من الضحك
كوثر: ههه واخة ادموزيييل
خرجات كوثر كضحك و هي تصادف بعثمان هاز طاس ديال الكافي و غادي للبيرو ديالو: اهلا بلالة كوتر
كوتر: صفا اش خبارك
عثمان: بخير و نتي فين غبورك
كونر: هاحنا غير الخدمة هاد الساعة
شاف حداها الورد و ضحك: هاي هاي الناس درومانسية
كوتر: و منييين جاتني هادا راه غير ديال مدام رغد خرجاتو برا و هزيتو نشمشمو ههه
عقد حجبانو و شاف فيها: شكون جابو ليها داك صعصع ديال داك النهار
كوتر: اييه يمكن هو
شاف فيها و تاجه عند رغد دخل بلاما يدق حتا هزات فيه راسها مستغربة: وي عثمان كاينة شي حاجة
عثمان: ضروري نهضر معاك و بغيتك تفهمي هضرتي مزيااان
رغد: وي تفضل شنو كاين
عثمان: داك السيد لي كان جا عندك نهار الحادثة
رغد: ولييد مالو
عثمان: انا كنبهك تبعدي عليه حيت ميصلاحش ليك
رغد: كيفاش .. نتا شنو كتخربق و فين كتعرفو اصلا
عثمان: ماشي مهم واش كنعرفو لا نن لي مهم هو نتي خاصك تبعدي منو
رغد وقفات بعصبية: واش عارف راسك اش كتقول و حاس بشنو كدير و شكون عطاك الحق اصلا دخل فحياتي
عثمان: اه عارف راسي ماشي من حقي ندخل ولكن غير معزتك عندي لي خلاتني نهضر معاك و نبهك منو حيت ميصلاحش ليك
رغد؛ واش نتا غتعرف حسن مني اش يصلاح ليا و شنو لي لا واش من كل قواك العقلية
عثمان: رغد حاولي تفهمي هضرتي راني كنهضر غير لمصلاحتك داك السيد خطار علييك حيت بكل بساطة هو لي كان من ورى محاولة قتلك
رغد بصدمة: كييفاش محاااولة قتليي!!!
عثمان: اااه هو سباب فديك الحادثة لي وقعات ليك
صدمة هنا و صدمة لهيه و بزوج مصدومين من الحب مخدولين و مقسومين من الشخص لي سلموه قلبهم و قسى عليه💔
جالسة في المكتب ديالها رجل فوق رجل لابسة سروال جينز مع شوميز جينز و طالو فرجلها .. شعرها الاشقر مسبسب فوق كتافها و عينيها الخضروتين كيتفحصو في التصاميم لي قدامها .. حجبانها مرة كيتجمعو الوسط عند عينيها مرة كيوسرحو مع ابتسامة مزينة وجهها الدائري .. هزات راسها ملي سمعات الدقان في الباب و سمحات بالدخول .. دخلات كوتر هازة ملف في يدها و ابتسمات ليها: انسة هايدي هاد الملف صيفطاتو ليك الانسة رغد باش تشوفي كيف طلعو التصاميم الاخرين
هايدي: اه واخة عطيه ليا غير نكمل هاد التصاميم لي عندي و نشوفهم
كوتر: بالتوفيق احبيبة متأكدة غيعجبوها و هوما لي غيتعرضو فالمعرض المقبل 😍
هايدي بابتسامة شكر: شكرا بزااف اختي نتمنى يعجبوها
حطات ليها الملف و خرجات تكمل خدمتها .. اما هايدي راه حدرات راسها فتصاميمها حالفة ما تنوض حتة تكملهم .. و دكشي لي كان غير سالاتهم و هزات الملف لي صيفطات ليها رغد شافتو و تفحصاتو مزيااان عاد هزاتو في يدها و خرجات من مكتبها في اتجاه مكتب رغد حتا وقفتها كوتر: هايدي .. راه الانسة رغد مكيناش
هايدي: بصح!! واش مشات؟
كوتر: لا راها غير فقاعة التصوير كتراقب دكشي
هايدي: اوكي انا نمشي عندها نشوفها
مشات لقاعة التصوير و دخلات عندهم .. لقات رغد و نهى جالسين مقابلين العارضات و مترقبين كلشي و حداهم المصور لي كيصور و يوريهم حتا وقفات عليهم هايدي بابتسامة: السلام عليكم
نهى: و عليكم السلام احبيبة اجي جلسي حدايا
جلساتها حداها و بقاو كيشوفو و يتحدثو بيناتهم حتا دخلات العارضة لي غتكون هي الوجه الاعلامي ديال هاد الكولكشن .. لابسة غوب سواغي فالاسود طويلة حتا لتحت مع فتحة طالعة حتا لفخضها بتصميم جد راااقي .. شافت فيها رغد و ضحكات بحماااس: وااااااو هه جات طوب انا بعدا حمقاتنييي
هايدي: تبارك الله عليييك جات كتحمق والله
شافت نهى فهايدي مقوسة عينيها: و كووون تشوفي كيف غتبان قمتها الى لبساتها القمر ديالنا
رغد: ههه شكون؟
شافت فين كتشوف و تلفتو ليها بزوج كيشوفو فيها بابتسامة .. هايدي غير هزات عينيها فيهم لقاتهم مقابلينها و هي تخرج عينيها فيهم: نوووو مستحيييل كتحلمووو!!!
رغد مشات ليها من الجنب كتطلب فيها: عاااافك احبيبة عافاك الى كنت عزيزة عليك وراه غادي تلبيها غير قدامنا حنا مكاين حتا وااحد بليييز
نهى من الجنب لاخر: و بغينا غير ناخدو ليك صور بيها قبل ما يشوفوها الناس
نهى: غير على وجهي و انا مراة قد مك و ترديها عليا حشومة حتا لتعاويدة “”بدات تمسكن”” و انا معندي بناات و حسباك نتي بحال بنتي لي مولدتهاش ليا كرشي و نتي مدرتي بحسابي و بغيتي ترديها ليا فوجهي ياك اهايدي هدشي ما نسوى عندك واخة ابنتي واخة دبا عاد عرفت راسي و قمتي عندك
بقات كتشوف فيها هايدي متأترة بهضرتها و بقات فيها و هي تسوط بقلة حيلة: ففف وااااخة وااخة ولكن منبغيها فحتا شي مجلة ولا شي بلاصة غير قداااامكم صافي راها كلها معرية ففف
نهى ابتسمات بانتصار: يرضي على الحب ديالي كوني هانيا ازين غير نشوفوك و صافي اناري مالنا غناكلوك سيري لبسي من الهضرة
فوضات امرها لله و مشات لفيستيير فين كانو حاطين جميع للبسات ديال الديفيلي موجودين .. حيدات حوايجها و لبسات ديك الغوب .. جاتها مع طايتها هزات قلم دوزاتو على عينيها حتا بانت خضوريتهم كتلمع و ليبستيك حمر برز شفايفها و عطاها جمااالية و رقة .. خرجات بخطوات ثابتة و كتستعرض امامهم فرحانة براسها و عاجبها الحال و هي عاد كانت رافضة ههه .. خلاتهم غير حالين فمهم فيها باعجاب ظاهر على ملاميحهم .. ضحكات ملي شافت نهى هزات الكاميرة ديالها و بدات كتصور فيها كل مرة كيف كتوقف و تستعرض حتا تحل عليهم الباب و حلات هايدي عينيها بصدمة …
داخل للشركة رافع راسو و نضراتو حادة خاشي يدو فجيب السروال و اليد لخرى هاز فيها التيلي ديالو .. منين ما داز كيحيوه و هو مكتفي غير يحرك راسو .. حتا داز على كوتر لي حالة فيه فمها .. دخل لبيرو ديال ختو لقاه خاوي و رجع خرج وقف على كوتر: رغد فينهي
موتر كتفتف تلفها: هااء .. اا فف في هداك
هز فيها حاجبو باستغراب و هي تجمع راسها و سرطات ريقها و نطقات: احم .. فقاعة التصوير كانت عندهم جلسة تصويرية على قبل الديفيلي
حرك غير راسو و اتاجه للمكان .. حل الباب و دخل .. و اذا به كيتفاجئ بيهم غير بتلاتة .. خالتو هازة كاميرتها و ختو كتفرنس و لالة هايدي كتستعرض و عاجبها راسها .. شاف فيها مطولا و رجع نضراتو لختو: رغد ساليتو؟
هايدي بقات غير مراقباه و كتشبع فعينيها منو .. شحال ما شافتو من نهار الواقعة قليل فين كتجي عينيها على عينيه .. توحشات شوفتو ليها الحنينة و المليئة بالعشق و الامان .. اما دبا نضراتو كتدل غير على عدم الاهتمام و الغرابة .. حدرات عينيها فيديها كتفرك فيهم و بقات واقفة فبلاصتها حاضياهم
حدرات عينيها فيديها كتفرك فيهم و بقات واقفة فبلاصتها حاضياهم
رغد: خويا جيتي
رعد: لا عاد ناوي .. الى كملتو ياله معايا راه كيتسناوكم
نهى: و صبر حتا نكملو مزال ما كملنا و اصلا راه كاينة لوطو ديالي غير عذبتي راسك
رعد: ماشي مشكل دزت من هنا و قلت نجي نديكم معايا
رغد: واخة تسنانا شوية حتا نساليو و نمشيو كاملين
حرك راسو و مشا جلس فوق واحد الفوطوي تما هاز تيلي كيخندش فيه و مرة مرة كيهز عينيه فيهم
باقة واقفة في بلاصتها يديها حمارو من كترة ما كتفرك فيهم و عينيها فيهم نضرة حادة و هي كتشوف فيه .. دغيا تقلب مودها و جمعات حواجبها ما عاجبها حال .. شاف فرغد لي كتنادي عليها: وي رغد
رغد: و تقادي باش نكملو التصوير
هايدي: ما فياش والله صافي براكا
نهى: جلسي للارض كلاك علاه دخول الحمام بحال خروجو .. تقادي في الوقفة نصورو دغيا
نفخات و رجعات تقادت ليهم و عينيه مراقبينهم من بعيد مرة يعوج فمو .. مرة يلوي عنقو .. مرة يشوف فالتيلي حتا عيطات عليه خالتو دايرة ضحكة شريرة و نضرات بريئة
نهى: ولد ختي .. عمري طلبت منك شي حاجة ياك؟
رعد: ياك لباس انهى
نهى كتمسكن: دبا طاحت عليا واحد الفكرة و بغيت نشوف كيف غتجي و محتاجة لي يعاوني و و و
رعد: و شنو
نهى: نتا غتعاوني ياك
رعد: فشنو؟
نهى: هاد اللبسة كاينة معاها واحد لبسة اخرى و ديال الرجال ياك و و كيف ششفتي دبا حتا مانكان ما كاين ياك و و حححيت ههايدي هي لي غتكون الوجه الاعلامي ديال الديفيلي خاص نشوف كيفاش غيجي معاها الكوبل ياك و و قلت مصورة مصورة دير فخالتك هاد البليزيير و نوض تصور مع هايدي اولد ختي
هايدي عينيها خرجو و فمها تحل حتال رجليها و وجهها حمااار و هي كتشوف فهاد المخلوقة اش كدبز من الصباح .. اما رغد راه حابسة الضحكة و كتشوف فتشيطين خالتها فين غيخرج
شاف فيها رعد كيتبسم و نطق: دبا بغيتيني انا “” اشار بصبعو لراسو”” نتصور بحال المونيكة ياك؟
نهى حركات راسها بايجاب كتمسكن
رعد جمع الوقفة غادي: واقلة سي جود كيوكلك شي حاجة من غير الخبز الخالة
نهى مشات شدات فيه: والله اوليدي الى مهلي فيا غير كتحكرو مسكين راجلي و عزيزة عليه و دبا زييد الله يرضي عليك باش نساليو دغيا و نمشيو
رعد: نهى حيدي عليا مبغيتش نعلط فيك و نخرجو للعيب سيري قلبي على شي ديوتي يتصور معاكم
رغد: و عاااافك اخويا الله يخلي ليك ما عز عليك غير مرة وحدة
رعد: واش عارفة لمك اش كتقولي!! بغيتيني انااا نتصور و تصاوري يتلاحو فيد كل واحد
رغد: متخافش حتا واحد مغايشوفهم كنواعد احبيبي غير واقف
رعد: لا هي لا مغنتصورش معاها غير تهناو
هنا هزات هايدي راسها كتغزز فسنانها مكرهاتش تقجووو .. شافت فيه و دارت ضحكة مستفزة و هي تنطق: خايف على راسك ولا على المدام لا تغير عليك هه
رعد شاف فختو و نطق: علاه كدوي!! ضنيتها مقطوع ليها لسانها
هايدي: لا لا ما مقطوع والو الحمدلله .. خسارة منصحابكش خواف و من شكون؟ مرتك!! هه صدمتيني الصراحة
شاف فيها مخنزر و رجع زوج خطوات للور حط التيلي و سوارتو و شاف فختو نلقا شي صورة عند الاعلام نعلق مك فباب الدار
رغد:كون هاني
مشا طلع بخفة حتا وقف على هايدي لي بانت عليها الصدمة .. كانت باغة غير تستفزو حتا صدق دايرها بصح .. جرها من خصرها بخفة حتا تساطحات مع صدرو و خرجات من فمها اهة خفيفة .. طلعات معاها ريحتو لي توحشاتها ولكن رغم كلشي جمعات راسها و قسحات قلبها و بعدات منو كتشوف فيه مخنزرة
هايدي: راه قالت ليك غير تصوى ماشي دخل فيا طول و عرض
رعد: هاكا كيكونو الصور
رجع جرها هاد المرة و ضغط على خسرها بصباعو حتا تقسحات و غمضات عينيها محاولة متغوتش باش متبينش ضعفها .. هادشي كامل كيوقع و لالة نهى مقابلاهم كتصور و تفيلمي فيهم هي و رغد و يضحكو .. بخفة دورها حتا لاصق ضهرها مع صدرو نزل يدو شالك صباعها مع صباعو واليد الاخرى حطها على كرشها حتا رجفات بين يديه حاسة بالسخونية طالعة معاها .. حط وجهو فوق عنقها و قرب من ودنها مغمض عينيه و نطق بهمس: مغتكونيييش الواجهة ديال هاد الديفيلي
رغم توترها و الرجفة لي ركباها ضغطات على راسها و نطقات حتا هي بهمس: غنكووون بغيتي ولا كرهتي اسي رعد عمران
ضغط على صباع يدها حتا تقسحات و نطق عند ودنها: هاحنا غنشوفو انسة هايدي عاصف
طلق منها و نزل من تما .. دور راسو شافها كتشوف فيه و رجع تلفت حتا طاحت قدام عينيه صورة بنت كتضحك و هازة فيدها قنية صغيرة .. شداتو الدوخة و شد فالفوطوي رايو كيصدعو .. جلس مغمض عينيه ممبين لختو والو باش متخافش .. بينما هايدي دخلات بدلات حوايجها و مسحات داك العكر لي كانت دايرة و خرجات مفقوصة
بينما هايدي دخلات بدلات حوايجها و مسحات داك العكر لي كانت دايرة و خرجات مفقوصة كتشوف نهى
هايدي: خالتي بغيت نكون انا الوجه الاعلامي واش ممكن
نهى بفرحة: معلوووووم اصلا كنت غنطلبها منك ههه
هايدي: شكرا بزاف .. المهم انا غادية نتلاقاو غذا ان شاء الله
رغد: معندك فين تمشي .. هاحنا غاديين للدار كلنا مجموعين تما و حتا نتي غتمشي معايا راه غيكون حتا سلمان و صوفيا و ناييف و كلهم تما مجموعين فالفيرمة ديال عمو جوود
نهى: اه ابنتي حتا نتي ياله معانا و نيت غيجي ولدي حبيبي و تعرفي عليه .. شحاال هدا ما شفتو توحشتو احح على كبيدتي محروقة عليه
رغد كتشوف فيه معوجة فمها: و بااااركة من الدراما دوالو تلقاي تهنيتي باش ياله تنفاردي بعمو جود 😂
نهى: ايوا يابنتي رغد الله يقل حياك انا راجلي واخة راااحتي معاك كيف كان ولدي كيف ما كان غير تهناي
هايدي: غير سمحولي منقدرش نمشي معاكم والله انا نمشي للدار و في العشية غنهضر معاكم واخة؟
رغد: عاافك غير تونسيني معاهم بليييز كاينة ديك الزبلة ديال سيلين مكنحملهاش و كتبقا تبعكك علينا غير ياله بلييز
هايدي بهمس مع راسها: وراه مبغيتش نمشي بسبابها ففف
من بعد الطليب و الرغيب وافقات و تبعاتهم من ورا رعد .. ركب هو بلاصتو و دخلات رغد حداه و هايدي اللور مع نهى .. نطالق فالطريق و هي حطات راسها على الزاج و رجعات بيها الداكرة شهر قبل 🔙
من بعد الصدمة لي تصدمات بقات جالسة على الفوطوي كتشوف فيهم و هوما مخرجين عينيهم فسيلين لي كتهضر واتقة من نفسها .. شاف فيها فهد مصدوم و نطق: واش عارفة راسك شنو كتقولي
سلين: اه عارفة تزوجنا فلندن شي 6 شهور هادي تلاقينا و بغينا بعضنا و تزوجنا شنو لي مفهمتوش فهدشي
ناييف: ولكن هدشي راه مكيدخلش للعقل
رعد: و الولاد مولداناش .. واش كتفلاااي عليا ولا شنوووو فين عمري شفتك حتا نتزوجك عندك شي دليل على هاد الهضرة لي كتقولي ولا غير طلقاها تسرح
سيلين: اييه عندي العقد الى بغيتي تشوفو نجيبو ليك باش تأكد بنفسك
مشات سيلين تجيب العقد و هايدي جالسة متحركاتش و كطلب من الله يكون كلشي كذوب و ميكونش هاد الكلام لي كتقول صحيح .. دازت شي نصف ساعة عاد رجعات سيلين مدات ليه العقد .. شدو بالنتير و مخنزر شوية عينيه تحلو من الصدمة و بقا غير كيشوف .. وقفات هايدي بسرعة و مشات خطفات ليه العقد من يدو لي غير قرات شنو فيه و هي طييح مغيبة معاقلاش على راسها🔚
فيقها من شرودها يد نهى لي تحطات عليها و شافت فيها
نهى: نزلي ابنتي راه وصلنا
هايدي: اه واخة
نزلات و هزات الصاك ديالها و تبعاتهم داخلين ساكتين حتا غوتات نهى بفرحة و مشات كتجري عنقات واحد الشاب كان في استقبالها .. شاب فالعشرينات من عمرو طويل بحال نايف و رعد و شعرو كحل مع لحية كتيفة شوية مزينة ملامحو الحرشين و بشرتو البيضة زادتو جمال .. عنق نهى بفرحة و هو كيضحك و هي كسرات داك الصمت بالغوات و الضحك و الدموع كلشي مخلط عليها .. طلق منها و شدها من حنيكاتها كيبوس فيها من راسها: حبيبة ولدها توحشتك
نهى: انا كتر احبيبي انا كتر (كتمسح فدموعها) كيف وصلتي بخير و ياك قلتيلي مغاتجي حتا لعشية
ساهر: الحمدلله .. بغيت نديرها ليك مفاجئة ساعة تقبتي ليا ودني بغواتك هه
نهى: على سلااامتك احبيبي توحشتك .. اش هاد الغيبة ماشي حشومة عليك
ساهر: طولت باش نجي نجلس معاك ديما حتا تملي مني و تولي باغاني نمشي و منمشيش ههه
باستو من جبينو و هي فرحانة بيه: مرحبا بيك اولدي مرحبا بيك
جود: و براكا من الدراما الزايدة اهاد المراة قهرتينا
نهى: بعد مني الخاين عارفو غيجي دبا و مقلتيهاش ليا كنت نوجد ليه كاع الشهيوات لي كيبغي
تسمعات ضحكة عااالية على اترها كلشي تلفت شاف فهايدي لي مقدراتش تسكت من الضحك: ههههههههه واهههههه اش غتوجدي ليه ههههه ميمتي كرشي قالت ليك الشهيوات و هي قهرات داك الراجل غير بالطاكوس و بانيني هههههه قالت ليك الشهيوات
نهى دافعة السنطيحة: اييه و مالكي راه كنعرف نطيب غير حاكريني
جود: دخلي دخلي من الهضرة الخاوية “” شاف فهايدي لي بقات واقفة اللور كتشوف فيهم كيسلمو على ساهر”” بنتي هايدي دخلي مرحبا بيك
هايدي: الله يكبر بيك اعمو شكرا
تقدمات و دخلات حشمانة منهم حتا جراتها سهى معنقاها: الحبيبة ديالي بخير؟
هايدي: الحمدلله اخالتو و نتي اش خبارك
سهى: اللهم لك الحمد زيدي متحشميش راه بحال داركم
تقدمو جليو فواحد الجليسة مقادينها فالجردة برا .. محطوط قدامهم اتاي و دوازو و هوما كيتحدتو بيناتهم الرجال في جيه و العيالات فالجيه لاخر حتا وقفات عليهم سيلين لابسة سيرفيت لاصقة عليها و خير ربي بغا يخرج منها .. صدرها مبندر القدام و المؤخرة اللور غتنفاجر من داك الكولون .. جلسات حاطة رجل على رجل مسلمات على حد .. هز فيها رعد راسو و رجع نزلو فالتيلي ديالو ممسوقش ..
.. شافت هي فهايدي لي مخشية وسط رغد و سهى و هي تنطق كتعوج فالهضرة
سيلين: واش نتي فين ما مشينا تابعانا .. اش جيتي ديري حتا هنا
سهى بحدة: سيليين .. حتارمي راسك هي جاية عندنا حنا ماشي عندك و الى معجبكش الحال نوضي من حدايا قبل منقلبها سباط معاك ياله
سيلين: و علاش غنمشي انا!! انا هنا مع راااجلي و لي مبغانيش راه مبغاهش حتا هو و هي لي خاصها تمشي لي جاية باغة تخطف ليا راجلي من يدي
هايدي: انا جيت هنا حيت خالتو نهى لي عرضتني ماشي نتي و حتا دبا توسعي فيها البلاصة لي تكوني فيها نتي انا كتخنقني
وقفات بغات تمشي فحالها و هي توقف سهى شداتها من يدها: ما عندك فين تمشي نتي جاية عندي انا ماشي عندها باش تجري عليك
هز رعد راسو على غفلة حتا شافهم واقفين و مو عينيها خارجين باغة طيير على سيلين .. جمع حواجبو و نطق: الوليدة شنو كاين مالكم
سهى عاقدة غوباشتها شاااعلة: شوف نتا شنو كاين .. البنت جاية عندي و هاد خيتي كتجري ليا على ضيااافي جاية غير من ورى الشمس بغات تحكم فداري و مزيانة هادي
وقف رعد و قرب ليهم .. خطف شوفة بسرعة فهايدي لقاها مزيرة و وجهها حمار و رجع تلفت لسيلين مخنزر
سيلين: هدشي بصح؟
سيلين: اييه بصح .. اش جاية ديير هنا فييين كنعرفوها حتا تجي
قسح فيها الشوفة و نطق: اولا خفضي صوتك قبل منقطع حسك كاامل .. و تانيا الدار ماشي دارك دار نهى و جوود معند مك دخل فيها يدخل ليها لي بغا .. و دبا سيري تركني فداك القنت منسمعش حسك ولا نقبر مك هنا
شافت فيه مخنزرة و بدات تغوت: يااااك كتعاير فيا باقي حتا مسخنات بلاصتها و بديتي تعاير فيا اما الى جلسات غتنوض تضربني نيييت .. عمري شفت شي وحدة فحالها بنااادم مباغيهاش و هي لاصقة فيه تفوو
ضرب رعد الطبلة لي حداه حتا طيح كلشي لي كان فوقها و غوت مجنن على سيلين: حيييدوها من قدامي ولا بالله حتا نشتف على اصل مها
مشا نايف جر خوه هو و ساهر و سيلين بعدها فهد اما هايدي هزات صاكها و خرجات بلاما يحسو بيها .. غادية فالطريق و سمحات لدموعها يدوزو على خدودها كيتسابقو
وقف معصب وسط خوه و ولد خالتو كيصووط حتا هز عينو و مابانتش ليه و هو يشوف فختو
رعد: فين ديك البرهوشة
رغد: ا ا ممعرففتش عاد ككانت هنا
رعد: و شنو حاضية عليها نتي بففف مشاكل مع هاد الجنس تفووو
دفع خوه حيدو من الطريق و خرج كيقلب عليها مابانتش ليه ..
.. رجع هز اللوطو و زاد مع الطريق بالشوي حتا بانت ليه غادية حادرة راسها و كتزرب فمشيتها .. قرب لبها و فرانا عند رجليها حتا قفزات و شافت فيه مخنزرة
هايدي: اش بغيتي
رعد: طلعي
هايدي كملات طريقها ممهتماش: مابغيتش
رعد: غاطلعي ولا نزل نطلعك بزز
سرعات فمشيتهت متكلماتش ليه غير كتزرب بداك الطالون حتا تهرس ليها و تلوات ليها رجلها وهي طييح بغوتتها كتبكي
هايدي: وااااعععع رجلي هئهئ اااه رجلي رجلي هئ هئهئ
نزل رعد بالزربة مخلوع عليها .. شد فرجلها و هي تنترها ليه كتبكي: ولااا كضرني هئ هئ احح رجلي هئهئ سيير الله ياخد فيك الحق بسبابك طحت هئ هئ
رعد معصب: بسبااااب خفتك باغية طيييري و هانتي جبتيها فعضامك و رصاي خليني نشوف
رجع هز ليها رجلها كيقلبها ليها و هي كتبكي و هو يشوف فيه: غير التواء بسيط مالك بوحاطية
هايدي بطفولية كتبكي: كضرني هئ هئ
وقف و هزها بين يديه و هي بصدمة غوتات: واااعععع نزلنييي
رعد: رصاي ولا نهرس مك نييت
سكتات و شدات ليه فكول الشوميز لي كان لابس كتشوف فيه و في تفاصيلو حتا نزل راسو على غفلة و لقاها حاصياه و زاد بيها جهة اللوطو .. وقف ملي حس بضبابة على عينيه و صورة وحدة بين يديه ملامحها مكايبانوش بالضبابة .. غمض عينيه و رجع حلهم عاد حطها فاللوطو و ركب راجع للدار و هي كتنخصص باقة ضراها رجلها حتا وصلو للفيرمة و نزل هزها تاني داخل بيها ..
جات عندو سهى مخلوعة و شافت فهايدي: ويلي حاي مالها
رعد: بغات طييير لابسة داك العجب و طاحت بييه ملي معارفاش لييه لاااش لبساه من الاساس
هايدي مخشية فعنقو و مخرجة عينيها: كنعععرف لييه كلاك نتا لي جاي تابعني كي النحس حتا تهرس ليا
رعد مشا حطها فوق جليسة و نزل عند رجلها هزها حطها على فخضو و بدا كيحرك فيها بالشوي حتا استحلاتها هايدي و هو يطرطقها حتا غوتاااات تقبات ليه ودنييه
هايدي: واااععع هرسنييي هئهئهئ خالتي هرسلي رجلي هئ هئ
سد ليها فمها بيدو مغدد عليها: زمي فمك رته غير رجعناها لبلاصتها و نتي طالقة حلوقك صمكتينا بففف
هايدي: رجعتيها لبلاصتها مالها كانت فالصييين
رعد: راه نتي لي غنصيفطك للصين الى مسديتييش فمك
زاد و خلاها كتغدد و مفقوصة حتا جات رغد دهنات ليها ببوماضة باش يمشي لحريق و عوناتها حتا جلسات معاهم فوق الطبلة بينما تحط الغذا لي كانت مقابلاه سهى
سهات هايدي قدامها حتا فيقها صوت ساهر: الوليدة معرفتيناش على الكتكوتة لي جبتي معاك
نهى: هادي بنتي هاااايدي الزيين و التباتة و الرزاااانة و العقل و التاويييل و الحدااااكة و الحشمة تبااارك الله مافيها ميتعااااب ماشي بحال شي وحدييين ياوليدي يطيرو مع طيوور لا زين لا فصالة كي الصندالة الله يخليهم بالخلى
ساهر شاف فهايدي بابتسامة و مد ليها يدو سلم عليها: مرحبا بهايدي .. انا ساهر ولد هاد السبيطار المتنقل
هايدي حنيكاتها حمارو .. تبسمات ليه: متشرفين خويا ساهر
نهى: هااح على وليدي عاد جا صيفطو باه يقرا في فرنسا على المحاماة و ما رجع حتا ولا اكبر محامي فالعالم تبارك الله عليه و الله يحجبو من عينين الحساد
سهى: و لاواه اختي لاواه ربطيها شوية راه وصلات طنجة
ساهر شاف فرغد و نطق: ايوا العروسة ديالنا هي الخطوبة نهار السبت
رغد تبسمات ليه: لا ماشي خطوبة
فهد: غيجي غير نشوفو هاد السيد و نتعرفو عليه عاد ديك الساعة غنشوفو واش كاينة شي خطبة ولا لا
ساهر: ان شاء الله يكون خير
بقاو مجمعين حتا تحط الغذا و بداو مكلتهم فهذوء و مرة مرة كيهضر شي واحد فيهم و يجاوبوه حتا كملو و ناضو تسرحو كيضورو فالمزرعة
كان رعد واقف بعيد خاشي يديه فجيبو و ساااهي حتا وقف حداه جود و ربت على كتافو: ولدي رعد ياك لباس
رعد تنهد بحال الى هاز جبل فوق كتافو و نطق: عقلي مخربق و مضارب مع قلبي .. معرفتش شنو واقع .. معرفتش شكون لي مضلوم هنا .. واش انا؟ .. ولا هديك لي كتسمى مراتي .. ولا البنت لي دمرتها نهار عرفات بزواجي!!!
رجع بذكرتو للوراق تحديدا ملي طاحت هايدي مغيبة 🔙
كلشي تلفت فيها ملي طاحت مغمى عليها .. مشا عندها سلمان كيجري هزها و خرجها داها الغرفة لي كانت فيها و عيطو على الدكتور يطمن على حالتها و مرجو هوما برا عند رعد لي راسو عطاه الصداع و غوت على سيلبن و جرى عليها حتا خرجات كدمع ..
بقاو تما كيتسناو فهايدي تفيق حتا يمعو بكاها و هو يدخل عندها سلمان و نايف اما فهد مقدرش مزال يشوف فيها .. حاسبها بحال بنتو و ماغيصبرش يشوفها هكاك دكشي علاش خرج برا يضربو البرد و يفكر فهاد الموصيبة لي طاح فيها ولدو .. و هو متأكد ان رعد ميمكنش يكون مزوج و في نفس الوقت يتفلى على هايدي …
حلات عينيها كتستوعب .. و غير تفكرات شنو شافت عينيها و هي تبدا كتبكي و بكاها غادي و كيجهاد حتا ولات كتبكي بهيستيرية .. دخلو عندها الدراري كيسكتو فيها و هي غير ما زايدة فيه .. نترات الشوكة ديال السيروم م يدها و وقفات كتبكي و تضرب فراسها محاساش بشنو كدير
هايدي: كذووووب كذوووب هئهئهي كلشي كان كذوووب هئهئهئ هئهئ تفلى علياااا و خلاني جتا تعلقت بيييه عاد رجع بمراتو هئهئهي حراااتم علييييه هئهئ علااش رجع ياك حتا نسيتو و تعايشت مع مرضي و بعدت من كلشي هئهئهئهئ علاش رجع علقني بيييه من جدييييد و عيشني فكذبة لي تيقتهااااا و حلمت فييييها و هو غير كيكذب عليا هئ هئ هئ كاااان غير كيشفق عليا .. كااان كيقول ليا هكاكا غير باااش نرجع صحتي و نرجع نوقف و نهضر هئهئ ياريييييت كون خلاني غيييير هكاكا ولا هاد العذاااااب .. حراااتم عليييه حراااام هئهئ هئ هئ .. علاااش شفق عليا علااااش .. اللهم قسوة البكم و قسوة الشلل ولا قسوة العشششسق هئهئ هئ هئ دمرنيييي بهادشي لي دمرنيييي و قتلني في عوض مرة 100 مرة هئ هئ هئ مغنسمححححش ليه عمري نسمح ليييه هئ هئ
بقات غير كتبكي و تغوت و تضرب فراسها .. ولات في حالة هستيرية معارفاش شنو كدير بزز شدها نايف و سلمان عيط على الطبيب يحقنها بمهدئ باش تهدا .. كل هاد الغوات و هاد الهضرة و البكا كان كيسمع ليه و هو كااارز على سنانو و قبضة يديييه معاقل على والو و معارفش هاد الزواج منين تسلط عليييه 🔚
شاف فيه جود سارح و هو يحط يديه على كتفو حتا شاف فيه
جود: كلشي عندو حل اولدي كلشي .. لي نصحك بيه هو تضبط اعصابك معاهم بزووج و دبا تبان الحقيقة عن قريب
رعد: قلبي متعلق بيها .. واخة عقلي كيحاول يبعد عليها مي غير كنشوفها كنحس باحساس في شكل .. معرفتش كيفاش نفسر هدشي لي كيوقع معايا .. تالف تالف و بزاااف و كنحس بيديا مربوطين بغيت نتفكر ولو شي حاجة بسيييطة ولكن بدون جدوى كنمرض غير راسي
جود: نتا دبا حاول على صحتك كيف قال ليك الدكتور و كلشي غيبان مع الوقت اولدي .. دبا خوي راسك من هدشي و ريح عقلك شوية و زيد نرجعو عندهم
دكشي لي دارو رجعو جلسو معاهم حتا بدا كيضلام الحال و هي توقف هايدي هازة التيلي كتصوني فيه
رغد: صافي غادية؟
هايدي: اه غير يجاوبني خالو عثمان باش يجي يديني
رغد: كون غير بقيتي تباتب معايا
هايدي: مرة اخرى اختي خليت ماما غير بوحدها
ساهر: بلاما تعذبي خالك حتا لهنا انا نوصلك الشميسة ديالنا
خنزر فيه رعد و وقف شاد التيلي: غير جلس اولد الخالة مك باقة ما شبعات منك انا غنديها “” شاف فهايدي”” هاني سبقتك تبعيني
سيلين: ولكن
قاطعها مخنزر: دخلي لبيتك حتا نرجع
زاد و خلى ساهر كيضحك هو و نايف: و غيير بحال ختي المسعوور بحال ختييي
نايف: ههه هذاك مكيعرف لا ختي لا جداتي و جلس للارض قبل ميجمعها معانا كاملين ههه
سلمات عليهم هايدي و خرجات كتعرج برجلها ركبات معاه بلا كلمة حاطة راسها على الزاج و كتشوف فالشارع حتا طلب منها العنوان و عطاتو ليه و رجعات سكتات حتا وصلها و هي تنزل
هايدي: شكرا .. تصبح على خير
رعد: و نتي من اهل الخير
زادت داخلة للدار و رعد مراقبها حتا شاف شي شاب عنقها من كتافها و هي ضورات عليه يديها و باستو من حنكو .. كرز على الفولون و عقد حواجبو كيشوف فيها كضحك معاه و هو يزييد من حداها مكسيييري حتا تلقتات فيه هي كتبرقق فعينيها
هايدي: هذا مالو
محمد: شكون هو بعدا شفتك نازلة من عندو
هايدي: خو رغد البنت لي خدامة عندها تعطلت و وصلني
محمد: اه مزيان و زيدي راه مروى من الصباح و هي كنسنا فيك .. دخلو و لقاو مروى جالسة كتفرج …
صباح يوم جديد شارقة شميسة و الجو زويين .. فاقت هايدي بكري لبسات حوايجها و نزلات كتفطر مع خالها حتا كملو و ناضو بزوج للشركة
هايدي: عتعت ديااالي نوسلك
عثمان: وي الحب اش كاين
هايدي: مالك مع رغد كتبانلي علاقتكم متوترة غير كتشوفك و تقلب الطريق و حتا نتا
عثمان: لا والو غير كيبان ليك .. نتي دبا قابلي تصاميمك باش يعجبوها و تولي خدامة معاها راك باقة غير سطاج احبيبة جمعي راسك
هايدي: ان شاء الله متأكدة غيعجبوها
تبسم ليها و سرح بخيالو للمرة لي كان معاها فالبيرو و تناقشو 🔙
رغد: محاااااولة قتلي؟؟؟ و شكووون من وراها وليييد!!!! واش نتا حماقيتي
عثمان: نتي لي تكلختي حتا لهاد الدرجة و مخلياه كيدمر فيك
رغد هزات عليه صبعها معصبة: عثمان حتارم راسك حسن ليييك منسمحش ليك تهضر معايا هاكا .. و ملي نتا واتق من راسك برهن ليييا عطيني شي دليل
عثمان: واخة الالة ياله تشوفي تسجيل الكامرة
جرها من يديها مخرجها و الموضفين حاضيينهم و كيستغربو من جرأة عثمان و كيف شاد فرغد حتا وصلو عند السيكيريتي لي مقابل الكاميرات المراقبة و قال لبه يدير النهار لي كانت رغد دارت الحادث
.. دكشي لي دار رجع بالكاميرا اللور و بقاو كيشوفو مبان ليهم والو .. خنزرات رغد فعثمان .. هز الاخير شاف فيها و فهم لبلان .. ما قال والو بقا غير كيشوف فيها
رغد: رجع لخدمتك اعثمان و بعد من حياتي الخاصة الله يخليك متبقاس تبحت فشي حاجة مكتعنيكش
خرجات و خلاتو متبع ليها العين حتا غبرات 🔚
وقف اللوطو عند الشركة و كل واحد مشا للخدمة ديالو … هايدي مشات عند نهى لقاتها عاد كيف دخلات
هايدي: صباح الخير خالتو
نهى: صباح الورد و الياسمين ازيين .. قولي ليا بصح نيت بغيتي تكوني الوجه الاعلامي ولا غير قلتيها بلعاني
هايدي: فالصراحة بغييت ولكن الى مكنتيش بغي..
قطعاتها نهى: الله اودي بالفرحات عليا ولكن راه خاصك تدربي اليوم حيت غذا الديفيلي
هايدي: اه واخة نبداو اليوم
ناضو بزوج مشات لقاعة التصوير و بقات كتدرب فيها نهى …
كان جالس فالمكتب قدام باه و مقابل معاه ساهر و نايف
رعد: هادشي مبغاش يدخل ليا لعقلي .. كون كنت بصح مزوج بيها على الاقل غتكون في خبارك الوليد
ساهر: و بالنسبة للعقد واش فغي نييت ولا يقدر يكون مزور ؟؟
نايف: صراحة معرفناش مبحتناش فهاد القضية
ساهر: انا غنتكلف .. رعد ضروري تجيب ليا العقد
فهد: من الاحسن تخدمو بسرية حيت حنا مزال معرفنا هاد البنت معامن خدامة ولا شنو تحت راسها
ساهر: كون هاني اعمي كلشي غيكون مزيان
فهد: الله يرضي عليكم اولادي
ناض كل واحد فحالو .. رعد جاب العقد لياهر و ناض خرج محاملش يبقا مع سيلين فنفس الدار كيحس بالخنقة .. نايف و ساهر مشاو لمكتب باش يشوفو داك العقد على خاطرهم
كانت جالسة فالبيرو ديالها خدامة حتا تحل عليها الباب و دخل عندها خاشي يدو فجيبو و كايشوف فيها هي لي مزال حادرة رايها و شعرها مبرزطها
رغد: كوثر كنقول ليك شحال من مرة متبقايش دخلي بلاما تستأدني
عثمان: مبروك الخطوبة انسة رغد
هزات فيه راسها و بقات مدة كتشوف فيه و حناكها حمارو .. هضرات بصوت خافت بالكاد سمعو
رغد: الله يبارك فيك اسي عثمان
تقدم حتا لبيرو: اممم صافي قررتي تزوجي بالشخص لي بغا ينهي حياتك
رغد زيرات على ستيلو فيدها: مية مرة قلت ليك متدخلش فحياتي اعثمان .. و دبا سير قابل خدمتك فبلاصت ما تقابلني انا
عثمان: لهاد الدرجة كتيقي فيه
وقفات رغد و مشات حلات ليه الباب: تفضل اسي عثمان الخدمة كتسنا
عثمان: غتندمي على هدشي ارغد غتندمي
عطات بضهرها لباب و شافت فعثمان: مكيهمكش انا عارفة شنو كندير
ياله بغا يدوي عثمان و هو يشوف وليد واقف بعييد و كيشوف فيهم .. تقدم خطوات حتا وصل لرغد و مد يديه بجرأة شدها من راسها و نزل عندها قبلها من شفايفها كيتسنا فردة فعل وليد .. هاد الاخير لي تبسم نصف ابتسامة و رجع منين جا .. اما رغد حلات عينيها على وسعهم مصدومة من هاد الحركة الجريئة لي دار معاها عثمان .. حناكها دغيا حمارو و شفايفها كيترعدو .. هزات يدها و نزلات عليه لحنكو
رغد: كيفاش تجرأتي!!!
عثمان: هه فالصراحة والله ميستاهلك عسيسلة 😉
خرج و سد عليها الباب و جمع الضحكة .. تأكد دبا انه ماكيبغيهاش بل غير ناوي فيها الشر
داز داك اليوم تقيل على شي وحدين و زوين بالنسبة لوحدين اخرين .. و جا نهار الديفيلي .. كانت جالسة هايدي بتوتر كتفرك فيديها جامعين ليها شعرها لفوق و دايرين ليها حلقات لامعين جاو مواتيين للبسة لي كانت لابسة مع مايكاب تقيل شوية برز جمالها و لون عيونها البراقة .. دخلات عندها نهى بكامل شياكتها كتطمن فيها و تبعد عليها التوتر
نهى: هانتي متخافي والو راه عادي ديري غير داكشي لي علمتك و كلشي غيكون مزيان احبيبة و راه الاكترية من معارفنا متخافي والو ازيين .. اححح تبارك الله عليك جيتي كتحمقي ما شاء الله .. والله كون معرفت داك الرعدة كيبغيك تنخطبك لولدي هههه منصيبش حسن منك
هايدي: و خالتوو ماشي وقتها .. واش كلشي جا
نهى: كووولشي جا و حتا هداك لي فبالك جا هههه .. المهم دبا غنمشي و حتا تقربي تخرجي و نرجع عندك
خرجات كترحب بضيوفها هي و رغد و سهى خاطفين جميييع الانضار باناقتهم و ابتسامتهم الجدابة .. و رعد واقف بعييد منهم و حداه سيلين لابسة غوب قصيييرة بزاااف و مخلية شعرها مطلوق على كتافها مع مايكاب خفيف بانت زوينة .. شافت فيه كيخمم و هي تحنحن و حطات يديها على يديه
سيلين: حبيبي واقعة ليك شي حاجة
رعد: لا والو بخير
سيلين: اه مزيان .. انا نمشي نشوف صحاباتي راه جاو
حرك ليها غير راسو و بقا تما حتا قدمات رغد الديفيلي و بداو لبنات كيعرضو فالكوليكشن الجديدة لي كانت كاملة عبارة على غوب سواغي حتا قربو يكملو و مشات نهى عند هايدي شجعتها و خلاتها تتقدم امام الناس لي انباهرو قدام جماااالها الفاتن .. ملامح طفووولية و برييييئة و لون عينوها اضفى جمااالية لديك الغوب لي كانت لابسة معرية من كتافها و فيها متحة طالعة حتا لفخضها جاتها غزااالة …. كان حادر عينيه حتا سمع تصفيق الحضور و هو يهز عينو بخفة و رجع حدرها لكن سرعااان ما عاود هز راسو و بقا حاضيها .. ديك الابتسامة و التقة في النفس و مشيتها و حركاتها خطفو انفاااسو .. بقا مدة كيشوف فيها .. شوية زير على التيلي بين يديه حتا بانو عروقو و تلفت كيشوف في الحضور كيفاش كيشوفو فيها باعجاب وااااضح على ملامحهم .. قرب لختو و شدها من دراعها حتا تخلعات
رغد: هييه خلعتيني .. رعد مالك؟
رعد بعصبية: شنو قلت ليك ها؟ .. هاد البرهوشة متكووووونش هنا قلتها ولا لا
رغد بخوف: ااه وولكن راه مماشي انا راه خالتو
خنزر فيها: حسابي معاكم من بعد
تم غادي لجهة تبديل و رغد دغيا جرات عند خالتها
رغد: زربي زربي طلعي نلقي كلماتك خليها تمشي اليوووم كحالت على طاسيلتنا
نهى: امااالك كترعدي عليا
رغد: رعد معجبوش الحال و سيري دغيا
تقدمات نهى لعند هايدي شدات ليها فيديها و تقدمو للامام و الحضور كيصفقو .. لقات نهى كلمتها و دخلات هي و هايدي
هايدي: افففف عاد تنفست انا نمشي نبدل و نجي
نهى: هاء راه
مشات قبل متكمل هضرتها حيدات دوك الحلقات لي ضروها فودنيها و دخلات للغرفة حتا كتلقاه جالس فوق الفوطيو مفرق رجليه و حاط عليهم مرافقو كيشوف فيها من لتحت للفوق .. تفاجأت بوجود ولكن ما بيناتش تمشات جهة المرايا كتحيد باقي الاكسيسوارات حتا وقفها صوتو
رعد: شنو قلت ليك
هايدي: عفوا ؟؟؟
رعد قسح صوتو حتا خلعها: شنووو قلت ليك
هايدي: ششنو قلتي ليا؟
رعد: كتجاوبيني بسؤال؟
هايدي: ا للا ل لا غير نسيت اش قلتي ليا
رعد حرك راسو و وقف غادي جهتها طالعة لبه القردة: نسييييتي ياك ” ضرب يديه مع الحيط لي حداها حتا شهقات و تراجعات خايفة تجي فيها شي دقة” قلت ليييك متخرجييييش تستعرضي **** قدام هاد الخراااا قلتها ولا لااا
هايدي كتقفقف: ق ققلتيها
رعد: و نتي اش درتي؟
بقات غير كتبيض فعينيها و شادة في جناب المرايا
نسييييتي ياك ” ضرب يديه مع الحيط لي حداها حتا شهقات و تراجعات خايفة تجي فيها شي دقة” قلت ليييك متخرجييييش تستعرضي **** قدام هاد الخراااا قلتها ولا لااا
هايدي كتقفقف: ق ققلتيها
رعد: و نتي اش درتي؟
بقات غير كتبيض فعينيها و شادة في جناب المرايا حتا قرب وجهو عند وجهها: هادي دوزتها ولكن بربي و نشوف طاسيلت مك مزال معاوداها غيكون تصرف اااخر
خرجات هايدي عينيها دافعة السنطيحة: وو نتا مالك شغلك فيا .. خويا بويا جدي راجلي اش تكون فخلق الله حتا تحكم فيا ندير لي بغيت
رعد: حسبيني لي عجبك لمهم ها ودني منك نعاود نشوفك تما
هايدي: علاش؟؟ شنو السبب لي مخليك دير هاكا معايا
رعد بعصبية: عججججبك الحال كاااع ز**** كيشوفو فيك و نتي نص فيك معرية اش هاد اللبس هااا؟
هايدي بهدوء: مرتك معرية كتر مني علاش مقلتيش ليها هاد الكلام
رعد مقرب ليها كتر: حيت مكتهمنيييش ولكن نتي ديااااااالي كتفهمييي ديااااالي و مغنسمح لحتا **** يبقا يشوف فيك
هايدي بخنقة فصوتها: ما ديالكش ارعد انا مديال حتا واااحد .. ضيعتيني نهار لي تزوجتي بهديك ارعد و حطمتيني .. قسيتي عليا بزاااف ارعد .. عذبتيني بهدشي لي درتي .. و دبا بعد مني و سير تحكم فمراتك اما انا عمري غنكون ليك
بغات تدوز و هو يحاصرها بيديه و قرب وجهو عند ودنها هضر بهمس حتا بورشها: ديااالي و ملكي و حتا واحد ما عندو الحق يدخل بيناتنا نتي هي “” سلطانة قلبي””
هزات راسها حالة فمها فكلامو حتا زاد صدمها ملي حط شفايفو على شفايفها كيقبل فيها بكل حب و شغف حتا غمضات عينيها مستقبلة قبلتو بكل شوق .. حط يدو على عنقها مقربها ليه كتر .. مكرهش يدخلها وسط صدرو .. هزات يديها ببطئ دوراتها ورا عنقو و صباعها وسط خصلات شعرو .. مستمتعة بقبلتو الحنينة و لي كتحكي كلااام كتيير مقدرش ينطق بييه و ترجمو بديك القبلة .. كانت غير متبعاه مكتجاوبش معاه غير مستمتعة فقط معارفاش شنو دير .. كتحس بدقات قلبها بالجهد و معدتها كيلعبو فيها الفرشات .. مافيقها غير صوت الباب لي تحل و حلات معاه عينيها و دفعات رعد عليها حتا بعد .. مهزاتش راسها فالباب من غير سمعات صوت رغد كتفتف و الهضرة مخربقة ليها
رغد: ههاييدي .. تتت تكلمي لل مامما
قالتها ليها و خرجات سدات الباب مخلية هايدي خاشية راسها وسط كتافها بالحشمة عمرها طاحت فبحال هاد الموقف حتا جا هاد الرعدة شرشم ليها المشاعر ..
يتبع
شاركنا رأيك في هذا الفصل 🌹