أمال: (عطاتها لبكى جاتها هضرة زهير قااااسحة بزااف منواتش يكون هاز فخاطرو من جيهتها وحتى منين قالها بلا متحملي مبقيتش باغي زاااد جرحها كتر وكتر بقات كتشوف فلبيت ديالها 8 شهور ديال زواج مرة وحدة للي قادات ليه ليلة وكان غضبان منها حيت دارت شي حاجة ولكن كفاش غدير ليه ليلة وهوما لعشا خاص يتعشاو مع الحاجة وكفاش تخليها بووحدها.. بقات غير ساهية وقلبها ضااارها من جهة زهير للي قلبو عااامر… هزت تيليفونها صونات على هند) الوووو
هند: (كانت كتجمع الدار ونعيمة فلكوزينة كطيب) وي حبيبتي
أمال: واش رجعتو؟!!! شفت وليد ݣبيل جا عند زهيير
هند: اه مي لالة غتجي فلعشية لبارح بابا مشا لفاس جابها راها عندو فسعيدية وفلعشية غيجييو
أمال: تبغي شي حاجة؟!!
هند: (شافت واش جاي شي واحد وهي تهضر بشوية) المشكل الا مي لالة جلست تبات معندها فين تنعس من غير بيت لݣلاس
أمال: تجي عندي للدار ولا عند مّا
هند: منقدرش نقولهالها اصاحبتي جاية ناقصة بزااااف
أمال: بالصح نݣول للحاجة تعرض عليها
هند: معرفت (مرة مرة كطل تشوف واش كييعها شي حد) حيت بالصح عارفاهااا تبغي تبات عندي فالدار
أمال: نݣول لمّا تشد خالتي نعيمة تبات
هند: وتبقى مي لالة مع شيماء لا لا بلاااااش
شيماء: (كانت هابطة بغات تعاون حتى هي شوية مجانا فودنها غير هاد الجملة) حم هند شنو ندير يانا؟!!
هند: (تصدمت) هم!! بلاش عليك والله غير سيري ترتاحي
شيماء: نعاونكم
هند: والله هانية سيري شوفي خالتي واش باغية شي حاجة انا كملت هنا
شيماء: واخ (تنهدت ومشات للكوزينة هي عارفة عيشتها هاكا غتكون شكون غيقبل عليها هي اعساك الا كانت معاها تربية مشات عند نعيمة كانت كتقاد شلاظة اما حتى لعشا هند دموندات بسطيلة ديال الحوت ولحمام مدغمر حيت غيعرضو حتى الحاجة وزهير)
ماما فاش نعاونك
نعيمة: (واخا الخوف عليها والحيوية وكولشي الا مزال كتهضر قاسح معاها مبينة ليها ان التسامح ماشي ساااهل.. شافت فيها) سيري غير دوشي وبدلي حالتك
شيماء: (حست ان حتى واحد مبغا يدخلها وبحال والو يقولو ليها متخرجيش فاش يكونو الناس مع بغات تخرج جات هند لي معجبهاش الحال شيماء تسمع داك لكلام)
هند: كنت تنعيط ليك تمشي معايا عند امال نجيب من عندها شي مااعن
شيماء: أمال!!! (بحال كتفكر) نمشي
هند: ياله بلا متبدلي نمشيو فطموبيلتي (مشاو مكملاش دقيقة راهم عند امال دخلو نيشان لدار أمال شيماء من العرس مدخلت عندها كانت دارها زوينة الصالون كداير ولفراش ودروج للي جايين الوسط للفوق وتريات تبعات هند للكوزينة للي كانت كبيرة وبوطاجي فالوسط)
أمال: شيمااا دخلي (جبدت سيري ديال طباسل للي كيتكون من طبسيل كبير متوسط وصغير غارق) هادو عندي منهم 10 هي 30 طبسيل
هند: ههه وجيبي سباغة ظفار وعلميهم من اللور
أمال: انا راه كنغرم الجاج هههه
هند: داكشي للي بقا وحتى دوك الكيسان للي جاب داك نهار زهير عرفتي شحال وصيتو يجيبهملي
أمال: مفخباريش وصيتيه
هند: وصييتو قالي مزال السلعة ديال تركيا متوصل على للي فهمني وليد حتى لشهر جاي عاد توصل
أمال: (ومرات مول الشي معارفة والو) ااااه واه بالصح نسيت (جرت كرسي وطلعت جات لبلاكار هزت الكرطونة عاد هند مشات هزات شي ديكورات وكيعمرو فالطموبيل)
هند: شيماء متهزيش تقل على حساب الفتحة
أمال: (شافت فيها ومشات كترحل مع هند متفافات غير بوليد جاي جيهتهم) صافي اهند!!! انا مشيت عند مّا سمعتها تعيطلي (حتى باب دارها نساتو محلول)
هند: مزالة تتهرب منو على حساب شنو سمعنا داك نهار تنقولو
شيماء: (حركت رأسها باه وصل عندهم كتشوفو كفاش كيهضر مع هند والظحكة غير شافها حنات راسها)
وليد: غدا راجلك غيجيب مريم ويديك للدار….
شيماء: ها!!! هو تجوج
وليد: متجوجش لدابا مزال عندو نتي سمعي محد عندي الݣانة ويمكن اكتر مرة كانت عندي فيها ݣانة مݣاااادة ومبغييتش نضيعها
(هند فرنست من عينيها حيت المعنى واااضح)
الا مزال نهموووك واخا 1٪ تݣادي مع بنتك تهلاي فديك الملايكة للي معندها حتى يد تكوني نتي معا وهداك بااها
هند: اه بالصح واخا وليد ندخل!!!
وليد: لسانك هو لسااني متحتاجيش اذن باش دخلي
هند: (تبسمت) شيماء عاودي صفحة جديدة معاه تهلاي فبنتك وفرااسك عمري وقتك يمكن راكي ناجحة والمواد ديال S2 غدوزيهم مع S4 ياك أوليد
وليد: داكشي شغلهم بجوج اخر حاجة نعاود ندخل فيها هي نشجع شي واحد على لقرايا (حنات راسها) مهم بنتك غدا غيخرجها غيجيبها وغيديك عندو والا مبغيتيش ترجعي هو مبانليش غيسمح فبنتو غتبقاو فالمحاكيم وديك لبنت للي غتاكلها
شيماء: ولكن نشرط عليه
وليد: هه تشرطي!!! علاش خليتينا لوجه علاش نتشرطو سربيو سمو راكو ديرو (شاف فهند) خاص شي حاجة
هند: اه بغيت نمشي كوافوورة وندوز نشري شي حوايج
وليد: فوكاش؟!!!
هند: مور لغدا (شافت فشيماء للي كتبكي) نمشيو انا وأمال وشيماء
وليد: عاود غتجمعو؟!!! مهم ضبر راسكم راكي عارفة فين لفلوس الا خاص شي حاجة ݣوليهالي قبل منمشي لمدينة (خلاهم وزاد)
هند: متبكيش عرفتي شنو حتى نتي ياله تقادي راسك والله بالتجربة كتقادي كترجع النفسية زويييينة
شيماء: (تبسمت بالسيف) بالصح (ركبو فالطموبيل ومشاو باينة الفرحة فهند كان وليد فطريق بقات كتكلاكصوني هند عليه كتهد دخل فيه وهو هارب وكيظحك) هههه متفاهمين نتي ووليد بزااف كفاش معقتش نهار اللول بيكم
هند: (تبسمت) يمكن انا مكنتش تنبين
شيماء: واماال كانت عارفة؟!
هند: اه عرفت غير بوحدها
شيماء: حيت كنتو صحابات ديال بالصح
هند: صراحة ااه أمال كنحسبها راااسي واخا انا وياها عقليتنا مبدلة بزااف ولكن تنتفاهمو
(وصلو للدار بقاو كيخرجو داكشي وليد زاد كيعاون وهند عاجبها الحال من لقليب للي فرحان جداتها غتجي واهم حاجة رجعت متقوووبة طلعت لبيتها ياله حلت الماريو وهي تسمع لباب تسد طلت لقات وليد.. هزت حاجبها)
مزال مشرينا جيل!!
وليد: (جارها بقا كيبووسها حتى لاحها فالنموسية طلع فوقها كيبوس وحتى هي متجاوبة معاه.. ياله بغا يحيد ليها حوايجها وهو يسمع مو كتعيط ليه) خاصني نهضر مع احمد يجي يدي مرتو
هند: ههه وييلي على مسخوط مو
وليد: (شاف فيها تبسم ناض قاد زمرو فسروالو وخرج ناسي ممسحش فمو للي ضاير طراس لعكر عليه.. هبط للكوزينة) نعام
نعيمة: هه والو صافي غير سير
وليد: وهضري اما
نعيمة: لبوطة ديال الدوش خاصك تعمرها باش الي بغا يدوس (جات هند حداهم وهي تقشع وليد خرجت عينها)
هند؛ حم وليد اجي معايا (خرج وهي تمسح ليه فمو) ويلي شووهة ههه (بقاو كيظحكو عيطتلهم ليلى ومشاو يتغداااو عندهم)
فين أمال
زهير: (دور عينو مقندش) فينها؟!!!
الحاجة: عاد كانت هنا اولدي ياكما مشات تجيب شي حاجة
زهير: (حط لمعالقة اصلا ما فيه للي ياكل) صافي غير تغداو نتوما
الحاجة: اويللعداا (كتعني أويل لعدو) ونتوما؟!!
زهير: (بنبرة عصبية) صافي امّا غير تغداو…… (ناض جار كلاكيطة ديالو وخرج….)
زهير: (خرج باغي يمشي عندها للدار حتى كيشوفها فسطح متكية راسها على ذراعها فطرف الحااافة… مشا بااالو بعيد انه يلقاها فالدار فبيتهم يمكن دار فيها النفس أو حسسها بغلاطها شاف روحو مزال غضباااان من كلمة نتا بارد معايا ملقى حداه غير حجرة هزها شير بيها ضرب قرييب ليدها قفزت شافت فالمصدر للي تضربت منو)
دخلي لمك من تم…
(فبلاصة حيدت بقات تماك كتسناه يجي اصلا هادي خطتها يلقاها مكيناش فلغدا ويجي يقلب عليها ويهضروو تسنات شحال طلت براسها والو مكاينش لا هو لا طموبيلتو تصدمت ولبكية واحلة ليها سمعت تعياط كانت هند لي قلبت عليها فسطح طلت براسها)
هند؛ علاش مجيتيش تغداي؟!!!
أمال: (بحزن مصدومة من زهير للي مجاش عندها) مافياااااش
هند: مالكي نتي وراجلك؟!!! اصلا من لبارح بنتلي مبدلة
أمال: واالو
هند: سمعي لبسي حوايجك ياله نمشيو للصالون
أمال: مافياااش والله (طلعت فوق الكرسي ونقزت عندها لسطحها) دابزنا صباح وݣال بزاااااف
هند: شنو قالك؟!!
أمال: ݣالي انا مدياهتش فيه ومكندير واالو ومكنݣولوش كلام زين بزززاف للي ݣال وكملها الا بقينا هاكا منبغيكش تحملي
هند: ونتي شنو بانلك فهضرتو؟!!
امال: معرفت اهند
هند: متݣوليش غتبداي تبكي فكري راه زواج عشرة هادي
أمال: حتى هو مبقاش يديها فيه حتى كلمة زوينة مبقيت نسمعها منو
هند: ياله معانا للصالون شوفي حتى من لموسطاج راك قربتي توصليلو (جراتها خرجو دازت على شيماء ومشاو فسكات) شيماء وليد عطاني شي فلوس باش ندوزو نشريو لمريوومة شي حويجات
شيماء: (غوبشت وقلبت وجهها وصلو للصالون للي كانو قبل كيمشيو ليه)
هند: هاد الاخت عاد ولدات شونجيهالي أمال عاودي لكيراتين من جدور وانا حيديلي ريووس مهم بغيتك دوري بينا مزياااان كل وحدة تيتسناها راجلها تكون سكسي هههه (جلسو شيماء كان وجهها خاصو خدمة وشعرها كتر غسلوه ليه وبداو كيديرو سوان فيزاج.. دازت شي 4 سوايع عاد كل وحدة كتشوف فالتانية شيماء وجهها رجع فيه اللون موحد لحجبان طرسااتهم حيت كانو مشعككين وشعرها قطعاتو شوية وصوباتو أمال دارت لاصير وقدات وجهها خرجو من بعد مخلصت أمال وهند مشاو Kiabi بلاصة ديال les bébés كيعزلو وشيماء غير كتشوف حتى مشات لواحد لبيسة كسيوة بليبة وصبيبيط وبانضة شافت الثمن كانت 400 درهم)
شيماء: وييييلي شحال غاليين
هند: وااو لبيسة غزاالة خوديها
شيماء: ماشي صغيرة؟!
هند: (شافت مكتوب فيها 3 شهور) لا لا تجيها وزايدون راه غتكون لابسة لتحت يااااي انا متحمسة فوقاش تجي مريومة عندنا
شيماء: (جاتها فشكل كفاش هند فرحانة لمجية بنتها.. شافت فللبسة وخداتها مشات كتشوف لباس لتحت أما أمال مأزمة غير كتنهد وهي كتشوف حوايج دراري صغاار تقدات شيماء وهند وأمال دارت صواب خدات لبيسة كادو عطاتهالها فاش خرجو للطموبيل)
شكرا أمال
أمال: هادي لمريم بنتك ماشي ليك…
شيماء: (لاحت ديك لكسيوة فالارض) مالك معايا حتى نتي؟!!
أمال: (شافت فلكسوة للي مرمية وشافت فشيماء بغضب) ومزال كتسولي مالي معاك بسبااابك موليتش قادة نهز عيني فوليد
شيماء: راه حتى انا سمعني كنهضرحتى انا تفرشت
أمال: تفرشتي حيت دايرة علاش انا مااالي الا نتي مزنزنة فعقلك
شيماء: نسيتي حتى نتي كنتي مصاحبة
أمال: اه تصاااحبت ولكن عمري خليتو يحاديني وتجوجت بكرامتي وراسي مهزوووز لسماااا
شيماء: (ضببو عينيها) سعدااتك انا بعدا تجوجت وراسي فالارض
امال: (بعصبية) وانا مااااالي علاش داك نهار جابدة شي حاجة للي فااااتت وكان راجلي طلع وسمع داكشي؟!!!
شيماء: (بقات ساااكتة)
أمال: تفووو على بلية غتبقى لاسقة فحيااتي…(مشات طلعت للطموبيل وشيماء بقات كتبكي حتى بدات كضرب راسها وتنتف شعرها وهند كتحاول تكالميها طلت أمال من السرجم وخرجت مشات كتجري عند شيماء)
هند: سربي شدي معايا يديها راه تتقمش وجهها
أمال: (وصلت هزت يدها لينا وعطاتها تصرفيقة حتى ضراتها ذراعها) برااااكة من تبوووحيط وتݣعدي راك درتينا الشوووهة حتى فالزنقة (هند غير كتشووف) ونووووووضي (ناضت شيماء ولاحت عليها أمال الشال)
راك وليتي ام الآلة كل زطمة كديريها محسووبة عليك ديك التربية للي خسرت عليك خالتي نعييمة مݣرتش فيك على الاقل ردي ليها الخير فبنتك ييخ على بشااار مكتحني فحد وبااغيا الناس يحنو فيييك
شيماء: (كانت كتستوعب كل كلمة قالتها أمال لهبيلة)
أمال: ياك خووك دار معاك لمزياان وكل مرة شاف أشرف دابز معاه وزاد وقف معاك فولادتك وكل نهار هو وخالتي يمشيو يشوفو بنتك
هند: اه بالصح اشيماء
أمال: واش مكتشوفيش شحال وليد خوك كيبغيك ومهلي كتر من جهدو نسيتي شحال وقف معاك باش تقراي وفلوس للي يظل بصيفطلك وللي خليتي فمك عليها توصل دابز مع كولشي على حسااابك ودابا منين ݣالك تهلاي فبنتك وبغيها ونسى شنو درتي جااتك صعيييبة!!!
هند: (كتشوف أمال للي كتهضر ووجها رجع حمر) ياله نطلعو للطموبيل البنات
أمال: دي هادي لصبيطار تشوف بنتها بغيييها راه هي للي غتدوم ليك محدك حية
هند: واش تمشي تشوفيها؟!! (حركت راسها باه ركبو من سكات دخلو الا أمال للي طايرة ليها… هبطو لتحت هضرت مع طبيب للي تماك) بالصح اه مزيااانة… شيماء طبيب قالك الا بغيتي نديوها معانا هاد لعشية
شيماء: (قلبها ضرب) بالصح!!!
هند: (بفرحة) اه أشرف سنى باش غدا تخرج حتى نتي سيري سني باش نديوها دابا (شيماء حست بالخنقة احساس فشكل جاااها هي لداخل فيها ممقتانعاش انها ولات أم مابغاتش تخسر استعطاف ديالهم حركت راسها باه وسنات….)
شيماء: (منين عطاوها لبنت ملوية فكاشة فلغوز كان جابها ليها أشرف غليضة ومقطنة من لداخل شافتها لابسة لبيسة فلغوز أول مرة تشووفها كولشي صغيير وبيضة فوجهها ناعسة بحال شي ملاك ستيفان صغييورين شافت فعند للي عينيها دمعوو)
هند: مسيكنة شهر وهي فالقرعة الحمد لله ربي كتب ليها عمر جديد
شيماء: علاه كانت غتموت؟!
هند: متعاوديش تقولي فحال هاكا نتي كتهضري عادي واحد اخر تيكرهك راها بنتك بحال عينيك
شيماء: (بقات كتشوف فيها خرجو كان أشرف مخلص كولشي وصلو للطموبيل وركبو جلست شيماء اللور ومزالة هازة بنتها كتشوف فيها حتى فاقت ليها حلات عويناتها للي كانو ماشيين فخضر مغلووق بقات كتشوف فيها حتى بدات كتغوت) مالها؟!!
هند: يمكن جااعت لبارح عصرتي لحليب من صدرك
شيماء: واه واش خاصني نرضعها كيف ندييير لا لا منقدرش نرضعها
هند: يمكن خاص ندوزو لشي فرماسيان (بقات لبنت كتغوت وشيماء غير حطاها فوق رجليها)
أمال: اريهالي (مداتهالها شداتها امال وتبسمت بقات كتراري بيها حتى سكتت) باسم الله شحال كتحمقي تبارك الله هند شوفي عويناتها يا ختي غزالين
هند: (طلت عليها) دابا تأكدت بنت أشرف بحال عينيييه هههه (شيماء تقرصت من هاد الجملة للي تقالت تلقائيا.. وصلو لفرماسيان هبطت هند جابت حليب رضاعة وحتى لهاية ليكوش كريم لانجيت حطاتهم فلكوفر وكملو طريق وصلو للدار وهبطوو بلا سابق إنذار) صلااااا وسلام على رسولو الله الا…….. رورووووووووووي (خرجت نعيمة وليلى كيتصدمو يابنت للي جابو طارت نعيمة هزت لبنت فرحانة دخلو كيسولو كفاش وكدا… أما أمال خرجت من تماك مشات لدارها معندها خاااطر كتشوف علاقتها فالحضيض…)
نعيمة: شيماء اجي رضعيييها
شيماء: (حركت راسها بلا) والله منݣد عطيوها لحليب ها هند شرااتو
هند: مكاينش ما حسن من حليبك راه مع الوقت غتولفي
شيماء: (ناضت) راه وجعاتني الفتحة (طلعت دروج وهوما كيشوفو فيها ناضت نعيمة تبعتها وهازة لبنت وصلو لقاوها فلبيت جالسة)
نعيمة: (معصبة) رضعيها ولا خرجي علية من هنا هدا هو الحد بيني وبينك ابنتي يا ترضعي لبنت وتهلاي فيها يا غربيها ياانا ونتي متعاوديش تعرفيني
شيماء: (جاتهت لبكية) راني مبغياهااتش علاش مكتحسوش بية
نعيمة: (مغززة سنانها) رضعي لبنت
هند: هانتي اخالتي غترضعها هي غير معارفااش وغتعلم
نعيمة: شدي لبنت راه غتسخف بلبكى وكان مفيكش لحليب وااه نتي فيك لحليب وباغية تحرميها الله ينعل جد باباك لكلب والله ينعلني على هاد التربية الخانزة للي ربيتك بيها (شدت شيماء لبنت حلت سنسلة ديال الكيطمة وهي كتبكي)
سكتي علية من تهرنين غترضعي لبنت السم للي فيك (هزت تريكو وهبطت ديباردور وجبدت صدرها للي باين عامر بقات كتقربو ليها وهي لبنت تجر الراس للي كان عندها كبير وبقات كترضع بقات كتوجع شيماء حتى بقات كتبكي)
شيماء: راه كنتعدم
نعيمة: (بحزم) درك تبرااااي وغترضعيها حتى هي تلوحها (هند صونا تيليفونها خرجت تجاوب وليلى هبطت تكمل شغل للي بقى وطلقات مبخرة ديال البخار فيها سرغينة اما نعيمة بقات بحال العسكري على شيماء حيت مبقاتش غرام ديال الثقة فيها…)
جات جدة هند وباها وحتى مها للي مكانش فخبارها راها فالمغرب رحبو بيهم احسن ترحاب ومخلاو محطو ليهم وحتى وليد كان فالاسقبال للي عيا يصوني لعشية كاملة على زهير مكيجاوبش
هند: (كانت لابسة قفيطين جوهرة حنات فودن وليد) وليد سير جيب الحاجة وأمال على ميلحق زهير وعمي لكبير
وليد: هاد نهار بانلي ماشي هو هداك موحال واش يبغي يجي
هند: هو وأمال مناقشين
وليد: (شاف فيها) ياكما سمع شي لعبة
هند: نتا عارف زهير وكان سمع شي حاجة وكان راه منوض شي بلبالة
وليد: اممم انا نمشي نجيب الحاجة (تم نايض وجات عينو فام هند للي هازة حاجب دور عينو ممسوقش عارفها مكتحملوش هز طموبيلة ديال هند ومشا عند دار الحاجة دق كانت الحاجة بوحدها جالسة) الحاجة فين زهير؟!
الحاجة: عيطلي اوليدي ݣالي عندو شي خدمة فالمحال غيستف شي سلعة
وليد: درنا نستفوها حتى لغدا (دور عينو) فيها أمال
الحاجة: مشات اوليدي لدارها وجعها راسها ومشات تكى شوي
وليد: اممم ونوضي لبسي حوايجك تمشي معايا (ياله بغات ترفض) والله ماني محرك غير الا مشيتي معايا وعيطي لامال تلبس تمشي حتى هي
الحاجة: وليدي يجي زهير ميلݣى حتى كاس أتاي واجد
وليد: يوجدو لمخو من لبارح وانا نکولو راه جايين نساب رواح ودابا مراهش يجاوب حتى فتيليفونو (وليد عزيز عند الحاجة صونات على أمال وحلفت ليها حتى تمشي حتى هي لبسو حوايجهم ومشاو معاه مع دخلو سمعو روايض تحكو فالارض ضاارو كان أشرف خارج ومعول على خزيييت…)
~~~~~~~~
فتيحة: اوا شووفلك دايرين عرااضة ݣظها ݣداااش وحتى واحد محشاها لينا ولا غير بالظحك
كريمة: كولشي من نعيمة راه هي الري وشوااار تمااك
فتيحة: (كتمعني على محمد للي مكسل حداهم كيتفرج فالتلفازة ومريم حداه كتنقي الرمان) من ديما عندها زهر مع الراجل ولولاد الكلمة كلمتها وشوار شوارعها والري ريها
كريمة: شفت يا ختي حتى من الفاسية دايرة ليها كيف لما لݣليل انا ݣاع مݣلت تصدق ليها
فتيحة: تلوات عݣرب على لفعة
كريمة: اجي مبانتش ليك شيما كرشها منفووخة وقيلة حاملة ومخبيين
فتيحة: جواج ديك لبنت مزال مفهمتو تجوجت بحسن شوية طلݣت من حسن مكملات سيمانة تجوجت من هدا للي عمرو حتى وطى عندهم ياكما لݣاها حسن دايرة الصاااحب عليه؟!!!
محمد: اما واا ما واش مغتساليش من الهضرة الباخسة
فتيحة: ولاه سمو ݣلت نتا هنا للي تشديت فوجدة مݣدو حتى يعيطو ليك
محمد: واحد جاوه نساابو لاه يعيطلي وهانتي جيتي نتي وخالتي عيطتلهم يجيو؟!!!!
فتيحة؛ ماشي بحال
محمد: الآلة ميعيطلي حد منعيط لحد
فتيحة: (لوات شنايفها) وحتى من ختك لمطيرة مݣدت حتى تݣول نجيب ماما عندي
كريمة؛ وييه بنات اليوم
فتيحة: شتها محملتش ياكما شارط عليها الراجل متحملش
كريمة: بحال والو حيت شتهم مجبدوش حس الميلاد ݣااع ولا يمكن راها تشرب لكينة
فتيحة: (لوات شنايفها) مريم نوضي حطي لعشا…
وليد: امااانا ابنااادم
أشرف: (صاااعر) قيييين ديييتو بنتي ماشي خصااايل باش تشفرووها وتخليوني نحمااااق
وليد: (ماشي جيهتو والحاجة شداااتو) متغوتش الحيوان مكتشووفش شكوون كاااين
أشرف: الحاجة راه شفروولي بنتي
الحاجة: نعلو الشيطان اولادي بنتك ها هي مع مها
أشرف: واش مها هبيلة مݣادة حتى تهز راسها باش تهزلي بنتي
الحاجة: (شدت فتريكو وليد للي باغي يمشي عندو هنا خرجو للي كاين لداخل منين سمعو لغوات امال شافت فلباب تم داخل زهير للي سبق بيه أشرف المحال عاد تبعو لهنا) الله يرضي عليك اوليدي
ام هند: (ربعت يدها وقالت بالفرنسي) شنو واقع هنا؟!!!!!
هند: اشرف؟!!!
نعيمة: ولدي ها بنتك هنا مع مها
أشرف: باه تديييوها بلا متݣولوووهااا؟!!!
وليد: (معجبوش يكون نقاش فحضور نسابوو للي اصلا ممعمرش ليهم العين يديه كيرجفو عليه والحاجة مزال شادة فتريكووه)
زهير: (جر أشرف من حوايجو) بلع فمك اصاااحبي كولشي بلعقل
أشرف: (بعصبية) ليديوهااش
زهير: وهنييينا ابنااادم كفاش ليديوهاش راها عند مها ماشي عند شي براااني (شاف فالبقية) سمحووونا على هاد صدااع (جر أشرف للي مخنزر خرجو احدا الطموبيل ودفعو عليها) واش مكتشوفش ضياااف للي تم منين عرفتها تمااك ريض هوما غيشرحو واش كاااين
أشرف: هاكا باااردة شحال وانا نجي ونمشي عليها ومنين نرجع يݣولولي دااوها
زهير: خاصهم يݣوولوها مݣلتش ليك لا ولكن منين شفت الدنيا مخلطة بلع
ام هند: واخا تشرحو اشمن بنت وشنو واقع
هند: (خرجت عينها) ماشي دابا اماما.. مي لالة دخلي دخلو الحاجة دخلي دخليها أمال.. (مشات عند وليد وشداتو فيدو) عفاااك بلا دباااز راه بالصح كان خاصو يتعلم
وليد: (غير كيخنزر ويصووط)
هند: راه من حقو والله غير متحكرش عفاك بلا دباز خلي هاد نهار يدوز على خير
وليد: سيري دخلي (دخلت وهو خرج لقا زهير كيهضر معاه) اااخر مرة تجي تصعصع عندي فالدار
أشرف: علموووو نتا عارف غرد ختك لله تديوها وتخليوني مݣطوعلي الراس
وليد: (مجاوبش حتى دورها فدماغو) كفاش ختي هبيلة ومهزت راسها
أشرف: كنت معصب
وليد: (حك حاجبو) الا ختي عندنا معاها شي موقف داكشي كيبقى بيناتنا حنا باش تجي نتا دير عليها وعلينا دور العفيف الشريف لا اطووونسيو أشرف متقتلش حسااابك معايا
اشرف؛ نشوف بنتي
زهير: دخل شووفها ولكن مدخل لهاد الدار حتى تحتارم مولاها
أشرف: وشكون ݣالكم مرانيش نحتارمكم انا غلطت ومزال نݣولها انا للي غالط من هادشي كااامل وشيمااا براسها تزطمت (مخرج عينو وكيشوف فوليد)
انا للي غاالط فحقها وندمت وكنت بغيت نصلح كولشي حتى لݣيتها تجوجت معرفت كيف ندييير لݣيتها عايشة حياتها ممسوقاااش حتى عرفت انه مكانش فخبااارها حااملة ومنين عرفت كل مرة كنݣولها طلݣ وهي مبغااتش حتى شفت واش دوز عليها داك لكلب (بقا وليد كيستوعب كلمة انا للي غالط وهي مزطمة)
دابا خليوني ندخل نشووفها راه شعر وانا نساين نشووفها
زهير: ولييييد
وليد: دخل وطلب سماحة من الناس (دخل أشرف للي شاف الدنيا عامرة)
أشرف: سلام عليكم سمحولي عاد داك لغوات (شاف فنعيمة) فينها؟!!! (طلعت دروج وتبعها ملهووف يشوفها حلت لباب كان الضو مشعول ديال لكوافوز قربو كتبانلو شيماء ناعسة وصدرها خارج باينة كانت كترضع شاف لبنت فايقة وغير كتشوف تبسم)
واش نهزها؟!!!
نعيمة: (دارت لغطا على بنتها وهزت لبنت) باسم الله (مدتهاا لأشرف للي شدها) دير ذراعك تحت راسها (دار شنو قالت وبقا كيشوف فيها كيظحك باسها فجبهتها)
أشرف: مودنتش ليها واش نودن؟!!! (نعيمة تبسمت وحركت راسها باه بقا كيودن حتى سالو دمووعو) سميتها مريم على سميت ما الله يرحمها
نعيمة: (بقا فيها) الله يرحمها اوليدي
أشرف: حتى با معنديش عندي غير عمي (زاد جارها لصدروو) ودابا عندي مرياامة
نعيمة: (بقا فيها) الله يخليها ليك اوليدي (رجع كيبوس فيها ويشم ريحتها)
————————
وليد: سمو دلخصاايل ديالك نتا عاود
زهير: قيلني عليك دابا أوليد
وليد: دخل اصاحبي واش انا نهار بغيتك هربتي
زهير: مالهم جايين يخطبو فيك راك نتا مول الدار وهوما راه ولاو فاميلتك دابا
وليد: دخل اصاحبي
زهير: ندوش ونجي انا وخويا راه حتى هو صدعني (مشا من تماك مخيخ… دخل وليد اعتاذر على صداع وجلس)
ام هند: (حنات حدا ودن بنتها) شنو هادشي واقع عندك امدام؟!!
هند: شي حاجة ديال العائلة وصافي
ام هند: اممم وشكون هداك بالسلامة للي تيغوت بنتي بنتي
هند: حم ماما نوضي نوريك الدار (حطت كاس أتاي للي فيدها وناضت كتوريها الدار طلعت لبيوت كانو ربعة جوج للي مفرشين وجليسة جاي فيها بالكو كبير مفتوح دخلاتها لبيتها للي كان زوين مقادااه ) مهم ماشي شي حاجة عندك
ام هند: مو بلعكس عجباتني الدار غير مزال مكااملة فالفراش
هند: كنفرشو شوية بشوية ماشي بزاف فاش سكنا فيها ومع لكسيدة ديال وليد هي للي عطتلتنا
ام هند: اشمن كسيدة؟!!!
هند: علاش مفخباركش زعما!!!
ام هند: لا حتى واحد مقالي شي حاجة
هند: كنتي طافية تيليفوونك
ام هند: (جلست فكرسي كبير كاين فلقنت حدا السرجم) انا طلقت
هند: طلقتي؟!!! علاش؟!
ام هند: عاود لقيتو مع وحدة أخرى ههه كتاشفت عندي الذوق زيييرو فرجاال
هند: (تبسمت) متتشاوريش.. صراحة مكنت تنحمل هداك حميد
ام هند: المشكل فين كاين هو باباك للي بغا يرجع يتزوجني
هند: (متبسمة) مزيااااانة واش حتى هو طلق؟!!!
ام هند: لا ومرتو معندهاش مشكل راكي شفتي كيف ولينا انا غنبقى ففرنسا وهي بغات تستاقر فسعيدية
هند: ههه عنتر زمانو فينما مشا يلقى لونيس
ام هند: كيف داير معاك وليد؟!
هند: مزيان
ام هند: تنشوفو كفاش تيشوف فيك وحتى ماماااه باينة تتبغيك بزااف
هند: خالتي نعيمة حلوة توووتة ديك لمرااا
ام هند: ههه معرفت منين تتجيبي هاد لهضووور
هند: قوليلي شنو درتي مع بابا واش غتزوجو؟!!
ام هند: راكي عارفة ماما دايراالي ظغط رهيييب لا وكملاتها السخط ورضى وهو زايد نغزة منين لقا ماما فصفوو
هند: الا تاخدي الرأي ديالي قبلي
ام هند: يكون خير… ياله نهبطو حدا الناس (هبطوو لقات زهير جا هو والحاج بداو كيوجدو لعشا)
وليد: (طلع للفوق لقا أشرف فلبيت شاد بنتو وكيراري بيها واخا هي مكتبكييش شاف فختو كانت ناااعسة) هود تعشا
أشرف: غير بالصحة
وليد: هود ابنادم (بحزم) شيمااااااا شيمااااااا (ناضت وشافت فيهم دااايخة حظر عينو) هودي تعشااي (سد لباب)
أشرف: (شاف فشيماء مخرج عينو حيت كانت وحدة من صدرها معرية) جمعي (بالزربة دخلتها) نوضي تعشاي باش ترجعي ترضعيها (زاد لوا لبنت فالكاشة وخرج هي ناضت جمعت شعرها لبست بنطوفتها وخرجت هابطة لتحت…)
تحط لعشا للي جابو تريتور رجال بوحدهم العيالات بوحدهم فجو عائلي الظحك والنشاط ولكبير كيعاود ليهم على الصيد ومغمرااتو وحتى اب هند بقى لاسقو باش يمشي معاه المرة جاية… اما لعيالات موضوع تربية للي داير عليها لعشا
شيماء: (بقات بنتها كتبكي وهي باغية تااكل شحال هادي مكلات وداك دوا للي كتشرب كيحل الشهية وكيجيب نعاس) بفففف
نعيمة: نوضي رضعي بنتك
شيماء: (متقدرش تهضر ناضت هزتها واشرف تابعها بعينيه دخلت للصالون للي فيه غير لخشب جلست مفقوسة حطاتها فالارض مكيناش الزربية بغات تجبد صدرها وهو يدخل أشرف شاف لبنت كتبكي وهي محطوطة فالارض مشا هزها وعينو خارجين… تفافاااات حيت كتخاف منو)
راه بغيت غير نجبد باش نرضعها
أشرف: (مباغيش يغوت وكيراري بلبنت) وحطاها فالارض؟!!
شيماء: (بغات تبكي حطها بشوية فوق فخاضها شافت فيها) راه كانت فكاشتها
أشرف: الله يهديييك وصافي (بغات ترضعها وحشمت تعرى…) واش راك تسناي!!! (جبدتها وهي كتبغي تخبيها بيدها دغيا حياتها ففم لبنت وهي تنقز بالحريق حيت طابو ليها ريوس صدرها) مالك!!
شيماء: كيضرووني (حرك راسو وكيشوف بنتو كترضع.. بقا وااقف حدا راسها فصمت وهي كتوجع حتى نعست لبنيتة جبدت صدرها وهي تستر راسها دغيا بقات كتشووف فيها وهي ناااعسة حروفها ماشي كووحل ونعيسة دااايرة خلاتهم غير كيشوفو فيها جلس حداها وهز يديها بشوية وباسها) غتفيقها
أشرف: (متبسم) تفيق.. شحال زويينة بنتي
شيماء: (بقات كتشوف فيه يمكن هاد الظحكة عمرها شاافتها فيه هز عينو وشاف فيها كانو قرااب)
أشرف: ياله هاد الليلة نمشيو للدار
شيماء: هم!!!
أشرف: (رجع شاف فبنتو متبسم) منݣدش نبعد عليها
شيماء: (حسابلها عليها) معرفتش بغيت ماما تبقى معايا شوية غير على منعرف نݣابلها
أشرف: تمشي معانا لبيت لمخير ليها
شيماء: موحال واش يبغي خويا وليد
أشرف: انا نݣاابلها معاك متخافيش التربية متخلعش بلعكس تسهري معاها ونتي فرحانة راه بنتنا
شيماء: معرفت.. حم واش نتا غتجوج؟!!! ولا تجوجتي؟!!!
أشرف: راني مجوج بيك ولا نسيتي
شيماء: كنهضر على ديك العوجة
أشرف: (تقلبت ملامح وجهو) واش شفتي الموضوع للي كنا نهضرو فيه حنا جامعانا بنت انا وياااك
شيماء: يعني ماشي باغييني يانا
أشرف: (زفر وشاف فوجهها للي جاه تبدل) مغنكذبش عليك نتي عارفة واش كااين… انا نهضر مع خوك ومك باش تمشي اليوم
شيماء: خليني اليوم… عفااك
أشرف: علاش الا سهير انا نسهر بلاصتك
شيماء: مزال مكنعرف نبدل ليكوش وشحال من حاجة
اشرف: واخا غدا صباح نجي عندك (شاف فبنتو وباس جبهتها وهي كتستنشق لعطر ديالو… وقف ومشا وهي متبعاه شافت فبنتها نااعسة)
شيماء: سعداااتك ناعسة ضاربة الدنيا بركلة….
——————
داز الليل زهير بقا معطل حتى حس بكولشي نعس عاد طلع نعس حدا أمال للي شحال بقا كيشوف فيها ايااامو كدووز نااقصة بزااف وهوما مخاصمين ولكن ديك “وليت بارد معايا” مبغاتش تصرط ليه بقا كيشوف حتى حلات عينها مصحصحة فييهااا…)
ياااا شرك زعزعتيني مال جدك فايقة؟!!
أمال: (جلس رامية لكواش من عليها) علاش مكتهضرس معايا؟!!
زهير: (دار يدو من تحت عنقو وغمض عينيه) نعسي راه غدا تابعني صواااالح نقضيهم
أمال: (دارت يدها على صدروو وزعزعاتو) لا فيييق خاصنا نهضرو
زهير: أمااااال
امال؛ مكاين لا أمال لا زمر دابا نهضرووو راه محملاش نبقاو هاكا وزايدون نتا للي غالط فحقي
زهير: واخا… ياله نعسي (رجع غمض عينو مكاين حتى تحركات حل نص عينو لقاها جالسة وكنشوف فالحيط جلس هو) دابا مالنا
أمال: (ضارت شافت فيه) تبدلت بزااف ازهير
زهير: ونتي منوياش تبدلي شوية منوياش نزيدو لݣدااام
أمال: على لحمل
زهير: (بعصبية) ينعل ***.. استغفر الله العظيم مانا غتخرجينا على عقلنا فدالليل
أمال: ديما كتعصب علية
زهير: بفففف نعسي أمال غدا راه تابعني بزااف
أمال: شنو تابعك؟!! ياك غير كتمشي للمحال وكتبيع
زهير: (هز حاجبو) دابا واش باغا؟!!
أمال: نهضرو
زهير: غدا فلعشية نجي لعندك ونهضروو
أمال: غير كتݣول مغتجيش وغتجلس حتى لشمن وقت وتݣول حݣا الخدمة كتيرة عااااااايقة بيك اصلا نتا مبقيتش كتبغيني
زهير: (تما على لوسادة بنفييخ ودار ذراعو على راسو نفس الموال هي شافتو تعصب تكات وعطاتو بظهر جامعة رجليها زعما احتجاج منها متغطااش شاف فيها غطاااها ونعس….)
~~~~~~~~~~~
أصبحنا وأصبح الملك لله أمال غير خدمت شغل للي كتخليلها ليلى ولي كيكون قليل اما حتى دارها ديما نقية حيت مافيهاش دخول ولخروج حتى طياب مافيهاش… لبست كيطمة ديالها وتمت خارجة ماشي عند هند للي 10 دقايق برجل وقفت حداها طموبيل كانت من نوع مرسيديس كحلة شافت وولات حنات عينها اما ديك الطموبيل بقات واقفة شي دقيقة وتمات ماشية… وصلت عند هند دقت حلاتلها شيماء متسالموش دخلت حيت عائلة هند غير تعشاو مشاو لسعيدية لقاتهم هند وشيماء عاد كيفطرو مشات عند مريم للي جالسة سااقرة باستها وجلست
هند: هادشي فخبار با زهير
أمال: على نجي عندك؟! لا
هند: اممم تمجهدنا الآلة اليوم يجي يريب علينا الدار
شيماء: (غير كتسمع اصلا باينة شحال كيبغيها من نهار اللول وهو داير ليها قيمة كبييييرة.. تم هابط وليد للي حسابلها مكاينش)
أمال: ياله نمشي يااانا
وليد: اجي نتي للي فوكما شتيني تهربي (وقفت محرجة مشات عندو) انا مسمعت والو حيت الا سمعت خاص نوصلها لاخر إنسان خاصو يسمعها… ولكن قضية السرقة
أمال: (جاتها لبكية) والله اخويا مدرت والو خاايب والسرقة راني ندمت عليها وربي جاب للي نتاقم مني وداهم
وليد: شكون!!! شيما؟!!
شيماء: لا لا ماشي انا
أمال: داك لحمار نيت سرقني
وليد: (رمش عينو بتقاالة) بزاااااف مضرݣيييين هادشي كامل درتوه؟!!
هند: وليييد صافي للي فات مات مكاينش لاش يحيى
وليد: غااا صبري علىىمك نعرف عليك شي حاجة والله حتى نعلݣك من شفار عينيييك
هند: (بدلع) هادو
وليد: (قوس عينو فيها) مرانيش نظحك
هند: واجي تفطر واش نتوما متتعرفوش تهضرو برومانسية مكاين غير مك جدك باك طاسيلتك (جلس حداها وتابعاه أمال حانية راسها) رطااابو شوية راه الرسول
وليد: (متبه كلامها وعينيه عليه) عليه الصلاه والسلام
هند: قااال ورفقا بالقوارير ولا نتوما كتعرفو الدين وشرع غير فالي جا على ݣانتكم
وليد: (خرج عينو زامت الظحكة) كولي كولي…
—————-
أنوار: (فكر مع راسو بزااف علاش ميتقبلش هاد العيشة ياك هو شحال وهو كيقلب باش يجي فرنسا يقلب على خدمة يتزوج شي ݣاورية بوݣووصة وفعلا جا لفرنسا مزوج بݣوصة مغربية بعقلية فرنسية واهم حاجة لبااااااس عليها وممخلياه منقوص من والو بلعكس عاد زائدة نغزة فالاهتمام وغاارق فالحب والعسل معاها بلا ميعضر على لفلوس والعز للي عايش فيه… علاش يبقى يفكر فالاطلال للي كيقصد بيهم وبشكل كبير #امال لبنت للي تزوجت عمو بكل وقاااحة وهوما كانت بيناتهم علاقة حب البنت للي بغا يضيع مستقبلو عليها منين دخل مسلت لداارها وشافها شحال فرحااانة ومرتاحة مع عمو!!!! حس بيدين تحطو على كتفو ضار لقا مو..) ما!!!
الكاملة: انا نݣولهم وكلوها نمرة نديرلها اللحااسة بلعشوب وتمر وهوما (كتعيبهم) لا يضرها غير بلاش.. يييخ شحال مشيكيين
أنوار: (تبسم) ياك اما داك نهار ݣلتلك خرجي سوق هادشي ياك من اللول ݣالو هوما عارفين واش يديرو علاه نتي تصدعي روووحك معاهم
الكاملة: راها بنت ولدي حتى يانا نضربها ݣاع ومنخلي للي يضربها
أنوار: ما ولدك باغي بنتو تربى تربية ݣاورية خلييهم هوماا يربيوها.. وهنا مكاينش داك لغوات والضرب هنا غير يسمعوك غوت على ولدك يديوه ليك ونتا تمشي الحبس
الكاملة: هاو!!!!
أنوار: والله.. براكة غير التݣماط للي كيديرو ليك خاطرك فيه عيشي حياتك تبغي تمشي لشي عمرة؟!!
الكاملة: (بفرحة) مكرهتش انا وياك كنا دفعنا هاد العام الحج ولكن بلاش منو معاه هو غير يزيد يكفرني
أنوار: صافي انا نݣاد ليك لوراق ونصيفطك
الكاملة: الله يرضي عليك اوليدي مكاينش فهاد الدنيا المرضي ݣدك….
~~~~~~~~~
أشرف: (كان شرا نموسية لاسقها مع نموسية فين تننعس شيماء شرا كواش كولشي فلغوز والموڤ حتى بانيو ديال الدوش ليكوش كريمات لانجيت للي عرفو شراه ليها هدا شي وسيدات صغار فلغوز ولبيض ضايرين بالنموسبة وحتى شي نونوسات بالريش حتى كمل هادشي عاد مشا لخدمتو للي جاب فيها واحد مؤقت ومشا عند زهير لقا وليد تماك) واحد السلام عليكم
عليكم السلام…
أشرف: اليوم غنجيب بنتي عندي كنت صباح ݣاديت داكشي دالحالة المدنية وشريت داكشي للي خاصها
وليد: علاش متخليهاش عندي هاد ليااام!! شيما مزال مبرات والبنت مي مهلية فيها ومقابلها
أشرف: علاش متجيش عندي خالتي للدار وتقابلها
وليد: مريض ف*** ولا واش ياكما حسابلك صافي ولينا فاميلة وحدا وداكشي تنسى
أشرف: حسن يتنسى هادشي فمصلاحة مريم للي حكمتوه علية نديرو غير نساو فوجهها
زهير: علاش متمشيش دار بنتها هاديك محد ختك مريضة مك توريها واش دير ومديرش وكلنا راحنا فوجدة
وليد: لا.. علاش نتا متخليهاش معانا هاد لياام
أشرف: منݣدش
زهير: واش السيد حامد باش بنتو تكون عندو ونتا تݣولو لا وبلعقل ابا وليد
وليد: (زفر هو للي بيه براسو تعلق بلبنت صغيرة ووجودها عندو فالدار مفرحو حيت فوجدها كيقصي شنو دارت ختو للي ميعرف مريم طرف منهم) للي بان ليك (خرج وخلاهوم هاز كتابو وهابط أديبة يحسب شنو الجديد وشنو مشا…)
——————
بقى من شغل لشغل الخدمة كترت وخاص يصيفطو كموند لمحال فتازة ومكانش صالح لزهير يمشي ويخلي وليد واحل وهو معارفش حتى شنو فلكموند وشنو للي متافق معاهم شاف الساعة كانت 8 ونص شاف فوليد
زهير: بقاو دوك لكراسة للي راني طيحت ليهم فالثمن
وليد: علاه؟!
زهير: مبقاوش ضايرين فالسوق بزااف خاص الجديد وباش نشري الجديد خاص نتهنى من لقديم
وليد: اممم كمووند كبيرة
زهير: وكان تعرف شحال شحفني باش تفاهمنا وعاد الريفي مولاي الطاهر باغي يأثث لولدو وشنو تعطل
وليد: وسمو مزربك (لا رد.. بقاو كيتسنااو حتى جا الريفي للي تقيييل صونا زهير على أمال مجوباتش ردو الجيب زااعف وهو خاصو يكون ظااحك مع لكليان وراه شحال من ديكور للي جا جديد عزل شحال من حاجة وللي بقات غيتكلف بيها زهير ومع هضرة وليد دغيا زربو عليه وداوه محال الالكترونيات للي كان محمد موجد باش يشرح ويقنعو.. كانت وصلات 10 دالليل وشتا خيط من سماااا مع تحرك شاف فوليد)
زهير: ركب دغيا نوصلك
وليد: ندخلو مع دراري السلعة
زهير: يا تزيد ولا نخليك مݣطووع هنا (شاف فدراري) تهلاو (الشيك كان بقا عندو للي عطاه الريفي.. صايݣ طااير) لق**** وتحرك البشااار
وليد: راه نتا للي حارݣ صطوب
زهير: (بقا صايݣ وصل وليد للي ياله بغا يهبط يهضر وهو يكسيري زهير وصل مشا عند مو لقاها مزالة فايقة معاها ليلى ولكبير ووليد ليلى) سلام (باس راس مو) فينها امال؟!
الحاجة: راها فلكوزينة اوليدي جابك الله نتعشاو روحو شوية
زهير: (دخل للكوزينة لقاها شادة مغرف كدور لحريرة وشعر شبع مطلوق مع أستيك شاد غير لتحت باغا تبين سواالف للي قدااتو لبارح مشا حداها وهي مباغاش دور جمع شعرها غير بشوية وشد لاستيك بغا يجمعو ليها لفوق شوية زاد حداها باس رقبتها وهي تهر وتقرص)
الخدمة كانت كتيييييرة
أمال: بعدني راه حوايجك فازݣين
زهير: (قاس لكويرة ديالو كان فزݣت مع شتا.. رجع قرب ليها وعنقها من اللور داير يدو على كرشها) نفزݣو بجووج.. (رجع باس عنقها) توحشتك احبيبي (مجا يكملها حتى تهرات وتخوا عليه شوية ديال لحريرة للي فالمغرف جات على عنقو تنفض)
أمال: (بالخلعة والدهشة شداتها الظحكة) هههه
زهير: (مشا الروبيني كيبرد عنقو وكيشوفها كظحك) راكي ظحكي؟!!!
زهير: راكي ظحكي؟!!!
أمال: (جمعت الظحكة) ونبكي؟!
زهير: وعلى هادشي نايض لفيلم رواحي عندي ݣوليلي فين تقسحت احبيبي بوسيلي الجرحة (خرج طت عينها بحال قال شي حاجة ماهيااش) ݣلت لعجب؟!!
أمال: (هي بغات الامور توضااح) لا
زهير: (مشا مقرب ليها دار يدو على لبوطاجي مكاليها حاني شوية عندها) مالكي أمول؟!
أمال: مبقيتش تبغيني
زهير: عاود؟!
أمال: هانا غير اليوم درتي معايا تجي ومجيتش
زهير: ياو أقسم بالله الا المحال خليتو غير لدراري يسدوووه هاني نحلف ليك.. جيت طاير وعارفاك مقندشة علية
أمال: (زادت نفخت حنوكها طالبة فشوشها عليه)
زهير: (قرسها فحنكها) كتبغيني أمل؟!!! نهار تزوجت بية تزوجتي حيت باغية تهربي ولا حيت كنتي باغيااني
أمال: (بلاا متفكر) حيت بغيتك وبغيتك بزااف كتر حتى من راسي
زهير: (قوس عينو) وفين المشكل
أمال: لحمل!!!
زهير: (شد يدها خرجو من لكوزينة ممخليلهاش الوقت فين تفكر) زيدي وهنينا (وصلو حدا جماعة) ها واحد السلام عليكم بلا متسناونا لعشا عدنا شي هضرة انا ومدامتي
الحاجة: ههه تمسو بخييير اوليدي
أمال: (كانت شهوتها فشوا للي قداتلو الشرمولة وكانو كيتسناوه يجي باش يشويو) وا غير صبر
زهير: (خرجو مشاو لدارهم هي فاهمة علاش باغي يمشي وصلو سد لباب)
سيري لبسي مونطوك
أمال: نخرجو؟!! (شافها فرحت قبل ميكمل ولا يجاوب لقاها طارت طلعت لفوق بقا كيتسنى حتى هبطت كتسد لمونطو) فين نمشيو؟؟! حسابلي غنديىو شي حاجة هههه
زهير: (قوس عينو فيها وهي تجمع ظحكتها تبسم) ياله… (خرجو طرق لباب بدات شتا شوية زربو للطموبيل مجان توصل حتى زلقت)
اديك الطفلة
أمال: (وقفت نفضت حوايجها) معليش غير زيد (شحال مخرجت معاه ركبت دارت الصمطة وشاف فيها) واخا بانلك هاكا راه مقلقة منك
زهير: (تبسم وزاد طالق موسيقى إيطالية هااادئة) أموول واش نتي باغية تحملي؟!!!
أمال: واه
زهير: باغية تحملي حيت انا باغي ولا نتي متشوقة تكوني أم
أمال: حم بجوج
زهير: انا نجاوب على منعرفك باغية تحملي غي حيت انا باغي
أمال: (قلبها ضرب) صراحة واااه (بقا ساااكت وقفو فسطووب شافت فيه مولاش هضر) حيت كنبغيك بغيت ندير أي حاجة باغيها….
———————-
شيماء: (كتشوف فوليد للي معصب مع مو مباغيهاش تمشي لدار أشرف ونعيمة براسها مبغياش ولكن خايفين على لبنت صغيرة للي شيماء معطياهاش أهمية كبيرة سلاو الحوار بان نعيمة غتجلس معاها 3 ايام اللولة بلمباتة ومن بعد غتبقى غير ظل عندها ويردها وليد فالليل لعندو حتى يجي مصطفى باش يعرفو شنو يديرو… سمعو غوااتها ضار وليد حمر عينو فيها)
انا نمشي نبدلها…
(دخلت للبيت كانو مفرشين ليها فالارض مغلظين ومدورين لوسايد عليها جلست كتشوف فيها هزتها كانت فيها ريحة ديال كاكا)
يعععع (خسرت كمارتها شافت فبنتها لقاتها كتشوف وسكتت)
درتي خا!!! (لبنيتة غير كترمش حتى دارت ظحيكة خلات شيماء تبسم لا إراديا)
كظحكي هه (حطاتها بشوية هاد المرة بقات كتحايد ليها حوايجها وهاد لمرة ماشي بنتير بدلت ليها ليكوش بلا مدهن ليها شي كريم ولا دير شي زيت رجعت بدلت ليها حوايجها كاملين حيت خرج ليها شوية.. شافتها بغات تبكي لسقت ليها اللهاية ولاحتها لبنت شي 3 دلمرات هكاك جبدت بغات ترضعها)
نعيمة: نوضي عسلي يديك عاد رضعيها راك ياله مبدلة ليها ليكوش
شيماء: (حطت لبنت وناضت مزال مكتقدرش تشوف فمها وحتى نعيمة كانت صااارمة معاها غسلت يدها رجعت بغات تهزها)
نعيمة: نعسي حداها ورضعيها باش متولفش ليك لهزان راك غتمشي لدار راجلك وتكون مسؤوليات اخرى عليك
شيماء: (بلعت ريقها وتكات حداها حتى وراتهت نعيمة كفاش وبقات كترضع منها لقاتها طريقة حسن من لهزان للي كيخلي الجرحة ضرها وحتى ظهر…)
~~~~~~~~~~~~~.
زهير: باغيا تحملي باش تفرحيني
أمال: واه.. حتى انا بغيت الا ربي كتبها نبغي والله
زهير: دونك مكاينش لبروبليم (زاد صايݣ) انا باغي لولاد ولكن حتى يكتب ربي نديرو صطووب هنا لهاد لعذاب للي دوزتي علية
أمال: حتى نتا
زهير: بنت الناس انا نبغيك تبغيني نعيشو لاڤيدااا تديها فية وتهلاي بغيت ديك امول للي ششفت فالكار
أمال: (تبسمت) واخا
زهير: غدا غنمشي لتازة على حساب شي سلعة تلات ختاري فينما بغيتي نمشيو
أمال: واخ
زهير: واخ حافية؟!!
أمال: ههه واخا كبيييدة
زهير: أمحااااينييي على كبييدة اشحيمة ديالي (شد يدها وباسها وبقات فيدو مزير عليها) توحشتك يا ر**
أمال:. ههه استغفر الله علاش كتربب
زهير: خرجت (شاف فيها) عمرك تعاودي تݣولي منبغييكش نحبك انااا أݣلييع ݣلبي (تبسمت بقاو كيهضرو ويظحكو مشاو تعشاو ورجعو معطلين) دابا طلعي وتسنايني فالدوش احبيبي شي 5 دقايق نكوووون حداك
أمال: ها!! (بقات كضور عينها) مصااالحش
زهير: (هز حاجبو) علاه؟!!
أمال: ماااااا فياااا هاديك
زهير: وفااارعالي روووحي نحمل ما نزمر واجي دير (جاها الظحك) طلعي ياااجدك نمشي نكمي على مك شي ݣااارو ونندب زهري
أمال: ههه طلع كمي لفوݣ اصلا ولفت الريحة
(ياله بغا يجري عليها وطلعت كظحك اصلا رتااحت حيت تصاالحو شوية جا عندها لقاها مبدلة حوايجها وكتفرش النموسية بلكواش)
زهير كنت بغيت نݣولك شي حاجة زعما نديرو تحاليل كانت عطاتهم لي طبيبة باش ندوزوهم انا وياااك
زهير: (كيبدل حوايجو) على لحمل؟!!
أمال: واه
زهير: انا كنولد (شافت فيه) مالكي
أمال: باش عرفتها
زهير: ورثها من عند بّا
أمال: هاااء
زهير: ههه (قرسها فحنكها) نشاعالله ازين غير هاد ليام مشغول شوية… ݣلتيلي فيك لعييييبة… (شد صدرها حتى قفزت) يقضيو غراااض!!!
أمال: زووووووهييير
زهير: واش انا ندير انا درك؟!!!!!
أمال: (هااربة للنموسية وتابعها مطلقها حتى قضا غرااض دخلها للدوش ودوشووو وهي نافخة حنوكها مرضاتش تحط سليب ولوسخ فيه بقات كتسناه يكمل ومربعة يدها مدرق صدرها وهو كيشوف فيها من الزاج وكيظحك)
زهير: يااا محاااينك مدوشة بلا متزهاي هههه (قلبت وجهها) رواحي دوزيلي الصابون فظهري (حركت رأسها بلا وهو كيطلع ويهبط فيها عريانة لابسة غير سليب) دوك لفخااض بانلي غيقضيو غرااض (خرجت من الدوش وهي كتقفقف ولا تبقى حدااه بقا غير كيظحك….)
————
أصبحنا وأصبح الملك لله
فاقت هند كتكسل مقدرتش تنوووض شافت فوليد للي ياله كيبغي يحل عينيه
هند: مقدرتش نوض
وليد: بقاي مرتااحة معايا مغيخصك خير
هند: ههه (شافت فسقف) ميمكنش من نهار اللول منمشيش ولا نتعطل وليد متعاودش تسهرني
وليد: (خشا يدو تحت لفراش نيشان لبين رجليها حتى تقرست) نݣولو غير صباح الخير
هند: ههه حلم حلم مزال خاصني ندوش ونشف شعري لبس عاد نخرج (جات تنوض وجرخا من خصرها حتى دخلها بين ظلووعو شاف فيها وباسها) وليييد
وليد: ديري لفولار اهند منݣدش نتخيل شي حد كيشوف فهادشي ديالي
هند: غييير شوية
وليد: (قاس نيفو مع نيفها) هند عييت نصبر ونݣول اليوم غدا اليوم غدا صاافي احبيبة براااكة الحجاااب غيزييدك نور على نووور وانا غنكون مرتاح نسبيا ونتي دايرة درتك ولابسة حوايجك
هند: ياك حوايجي مستورين
وليد: تأ.. محد مدرتي الدرة لا واخا تلبسي خنشة شعر كيخلييك م..
هند: (تبسمت) هانتا الويكاند نخرجو بجوج ونشريو حوايج … (تبسم ناضت دوشو نشفت شعرها لبست حوايجها جاب شال كحل ودارو فوق شعرها مدورها كيقادو ليها تبسمت صوباتو ولكن بلا فناتي غير لواتو عليها اما لميكاب مدا مجاب حيت كان داكشي خفييف خرجوو كان صقيير هبطو للكوزينة لقاو نعيمة وجدات ليهم لفطور عنقتها هند كامتنان ليها فطرو وخرجو وصلات كلينيييك للي كان بعيد على المحال)
ههه واش ڤري غدخل؟!!!
وليد: نشوف مرتي فين غتكون
هند: نووو وليد غتجي بحال جايبة بابا معايا يشوف الروض فين غنقرا
وليد: حسبيها هكاك احبيبة (سبقها وهي بقات غير كتشوف معندها مدير دخلت من موراه هازة صاكها والطبلية فاليد التانية مشات للاستقبال عطاتها لباادج ديالها وقف فيصل هاز كاس قهوة فيدو ومتبسم)
فيصل: بونجوووغ مدام هند
هند: (ضارت وهي تبدل فملامحها) دكتور فيصل صاڤا (تقدم وليد حداها)
فيصل: (عين فيها وعين فوليد للي مربع يدو وكيشوف فيه) الحمد لله اليوم نهار اللول ديالك المدير شوية ويجي باش يرحب بيك يوريك شحال من حاجة
هند: اه واخا تتقدم ليك راجلي وليد.. وليد هدا دكتور فيصل كان قراني منين كنت فسطاج
وليد: (مد يدو فوجه عاادي) مشرفين
فيصل: (شاف فيه كان لابس كلاص وباينة من وجهو نقي عارف ذووق هند كيف دااير) مشرفين موسيو وليد
هند: (عطات بظهر ) حبيبة صافي انا غندخل
وليد: (حنا سلم عليها بلوجه) منين تكملي دوزي عندي للمحال (دار صبعو مدخل ليها شعر وقاس نيفها)
هند: (تبسمت) اوكي (مشا بقات متبعاه ضارت لقات فيصل مزال متبعهم سولت لي فالاستقبال) فين المكتب للي غنكون فيه
فيصل: اجي معايا نوريك
هند: نو غير خلييك
فيصل: خاصكي تجي امداام لاااا شنو فالكنية؟!!
هند: مدام هند وصافي
فيصل: واخا مدام هند اجي معايا باش غندخلو دابا لاول مريض محتاج للترويض (دازو للشومبر ديال فرمليات فين كاين خزينة لكل واحد خدات ساروت ودارت صاكها ولڤيست ديالها ولبست طابلية خرجت لقاتو مزال كيسان تبعااتو ودخلو للشومبر ديال شي مريض…)
———————-
أشرف: (مع فاق لبس حوايجو هبط لهري تقدا تقدية محترمة داز الخضار نوع ديسير هضرة داز الجزار خدا انواع اللحوم رجع للدار ستف داكشي كما مولف شاف فالدار كانت نقية طلق معطر الجو للي كيخدم اوطوماتيك وخرج نيشان متااجه يجيب الأميرة ديالو.. وصل دق فتحاتلو نعيمة كان زهير تماك بطلب من وليد سلم عليه)
شفتي بنتي؟!!
زهير: لدابا مزال مشتها
أشرف: على مزينها ههه
زهير: ههه (هبطت نعيمة هازة لبنيتة للي وقف أشرف شدها من عندها باسها وكيشم ريحتها) شفت مدرتو سبوع مذبحتي مسميتي
أشرف: ذبحت داك نهار وسميتها
زهير: فين عند لݣزار؟!
أشرف: واه
زهير: ومها؟!! وجداتها خالها ياكما طايحين من شجرة؟!!
نعيمة: (مكرهتش تنوض تبوس زهير على الهضرة للي مقدرتش تخرجها)
أشرف: واه نديرو سبوووع وندير لبنتي أحسن سبوووع فوجدة (كيظحك مع بنتو) زعموا زهير هو يبرح عليك
زهير: (تبسم وشاف فنعيمة) تسناو على ميجي السي مصطفى؟!!!
نعيمة: الا تݣاادت الامور
زهير: (شاف فاشرف) ݣاد اموورك اشريف نسيب جاي فك حريرتك معااه
اشرف: غتكونو معايا؟!!
زهير: خفتيه يضربك
أشرف: وااا الصراحة درت الذنب ونستاهل للي يداار فياا..
(نعيمة عجبها الجواب يعني موجد راسو حطات نعيمة فطور ليهم بقاو كيفطرووو اما شيماء لفوق دخلت لبيت هند هزت لبيسة والسروال مبغاش يتسد ليها حيت بقات ليها شوية دلكريشة بدلتها ولبست غير كيطمة وقلبها كيضرب حست أول مرة غتسكن معاه وللي مضوي شوية غتمشي من دار خوها ومها غتكون معاها شافت بصييييص أمل فهاد العلاقة.. عيطوولها هزت صااك فيه لوازم لبنت وشانطة صغيرة فيها حوايجهم بلا الريحة وشي عكور سرقااتهم من عند هند وكريم ديال الجسم…)
انا جااااية….
(خلات شعرها مطلوق حيت مقاد وهبطت درووج كانو جالسين مجمعين جلست حدا مها معارفااش حتى كيف تسلم)
…سلااام..
أشرف: (هز راسو مفهمش علاش مدايراش لفولار) وعليكم السلام
زهير: ويااله نمشييو (وقف خرج برا ناضت نعيمة تلبس جلابتها وقفت شيماء وناض أشرف هاز بنتو)
أشرف: باقي نعقل عليك كنتي داايرة الزيف
شيماء: هااا اااه غير على منخرجو
أشرف: (فهم شعوور مطلوقين لاغراء زهير) هدا ماشي راااجل للي كان هنا!!!
شيماء: (معرفت متجاوب هبطت نعيمة هازة باليزة مد أشرف لشيماء لبنت وطلع دروج هز ليها لباليزة وخرجها) هادي اماما شدي (شدااتها خارجة طلعت دارت الدرة وهبطت ركبت اللور حدا نعيمة وزادت أشرف مشا لدارو وزهير مشا للمحال…)
——————
وصلو للدار للي كانت نقية والريحة زوينة ومنعشة نعيمة غير كتشوف وهو كيرحب ويزييييد دخلو جلسو فالصالون وقف
أشرف: شيماء راني ݣاديت لبيت فيه ناموسية ديال مريم جبت بلاكار فيه حوايجها اجيو معايا تشوفو (تبعوه كان مقاد لبيت حتى لكوفر مافيهش حتى شي تنية ورا لنعيمة فين غتجلس فيه نموسية هنا فين كان كينعس فاللول باينة انه مرحب بنعيمة بزاااف وفرحان ببنتو شيماء لاحظات فيه منين كيوجه ليها الهضرة عينيه مكيجيبهاش فعينيهاا… بغا يجيب لغدا ونعيمة حلفت ليه ميجيب والوو… ناضت للكوزينة وهو دخل مريم لبيتها فرحان بيها بقات كتشوف فالكوزينة بحال كاينة مرا للي كتقاابل واكيد مرا حسن من بنتها تبعتها شيماء وفهمت نظرتها)
شيماء: هو نقي بزااف الا حط معالقة هاكا خاصو يلقاها هاكا الثلاجة مستفها كولشي عندو مستف
نعيمة: ونتي ابنتي مااااشي هاكا
شيماء: (هزت كتفها) بزااف كيزيد فيه شي مراات
نعيمة: غير نتي مكتعرفيش لنقا (حلت الثلاجة كما وصفت ليها شيماء نقية ومستفة ميكة مكيناش فيها… جبدت نصبت لغدا وشيماء جات كتعاونها حتى سمعو غوات لبنت) سيري رضعي بنتك وبدليلها ليكوش
شيماء: (غسلت يدها ومشات لقاتو كيراري بيها) عطيهالي نرضعها
أشرف: غسلتي يدك؟!!
شيماء: (مرضاتش) ااه
أشرف: (مدها ليها جلست شافها عاود حشمت حيت دارت ايزار وبقات كترضعها حيد داك ليزار وهي دير يدها) غتخنق هاكا
شيماء: صافي غير خرج
أشرف: انا غنمشي للخدمة واش غتخصكم شي حاجة؟!!!!
شيماء: (حركت راسها بلا حتى جا يخرج) واش غتجي تغدا
أشرف: واه نشاعالله (خرج مشا قالها لنعيمة وخرج..)
~~~~~~~~~~~
هند: (وصلت 12 تسالات خدمتها عاد طلعت لمكتب المدير دخلت من بعد مخدات موعد سنات على 6 شهور كبدااية ياله بغات تخرج لقات فيصل حل لباب) حم سمحلي ندوز
فيصل: سنيتي
هند: اه
فيصل: مرحبا بيك معانا (متبسم)
هند: اشرييف بلا هاد الحركات معايا راك شفتي راجلي قبيلة ݣد الشحط ونفسو (دارت صبعها فوق نيفها) هنا
فيصل: مثلت حتى عيب قلت مرحبا بيك سييتو بانلي زواج ردك عصبية
هند: (خنزرت فيه وزادت اااااخر حاجة كانت بغاتها هي راجلها يحط يدو قيد واحد كانت مصاحبة معاه وشابعة بوسان معاه… خرجت ركبت فطموبيلتها وهي ماشية عند وليد صونات ليها مها للي قالتلها غتجي عندها هي والجدة رحبت بالفكرة مع قطعت جمعت الظحكة اه باغياهم يجيييو ولكن هاد الايام باغية الانفراااد من كولشي… وصلت عند وليد كان حتى زهير) هاااااي
زهير: وعليكم بمثلها (تبسم) دااابا راكي غااااية
هند: (قدات درتها شوية) بياااان سيييغ ههه فينو mon bb
زهير: راه لفوݣ.. هند رواحي اختي (مشات عندو) هاد طبيبة للي كتمشي عندها أمل واش شي حاجة مزيااانة
هند: اه مزيااااانة
زهير: واش ݣالت ليها راكي عارفة صااحبتك ولات محسووسة حتى من حوايجها
هند: قالت ليها كولشي عندك مزيان بقا شي تحاليل ديرهم وصافي
زهير: هضري معاها نتي وااعية لبز مزيانين وسنة الحياة ولكن كاينة حياتنا خاص نعيشووها ونتقبلو كولشي مكتبو ربي
هند: والله تنقولها ليها غير ديك مها منين جات بقات بشي هضووور
زهير: هاااااه ݣوليلي فتيحة للي معذبااني فحياتي
هند: ههه اموولة قلبها كبير ونية بزااف
زهير: (حرك راسو باه مشات هند وهو بقا تمااك هز تيليفونو صونا على محمد هضرو عادي حتى حشاهاالو بالفن) الله يبارك فيك العزيز نهار ربي يكتبهم مرحبا بيهم حنا مزربانيينش خاص غير مك لعزيزة تفهمها… لا لا غير سمعت شي تشاش راك عارف منين كتشوف ختك… وانا ختك منبغيهاش تقهر في روووحها.. امم… لا متݣوولش هكاك اصاحبي.. سير كمل مع لكليان حتى نتقاشعوووو…. (قطع) هاد نسيبة خاصني نضبرلها فشي راااجل تلاها بيه شوية وتبعد على حنوونتي شوي…
———————–
دازت سيمانة أشرف قائم بالواجب ديالو كينعس مع شيماء فبيت واحد ولكن كيفرش فالارض ومقابل لبنت الا فاقت هضرت قلييلة مع شيماء غير الا كانت الضرورة وللي كتكون على بنتهم.. اما نعيمة غير كتسجل فراسها الملاحظات مزال مرجعت العلاقة مع بنتها باش يجلسون يتحددتو ويتعاودو وحتى شيماء مكتعاود واالو غير ساااكتة وكتشوف…
أما أمال كانت علاقتها فتحسن مع زهير واخا لدابا مزال مدارت شنو هو بااغي…
هند وليد عايشين الحياة منين كيدخلو لدارهم كيسدو عليهم ويبقاو فالرومانسية وباقشطااااق…
محمد ومريم مزال جالسين معاهم كريمة وفتيحة للي كل نهار خارجين وكيدخلو قبل محمد بشي ربع ساعة وهادشي مخلي مساحة لمريم باش ترتااح من نݣيييرهم وهضرتهم للي كديرلها شقيييقة…
أنوار ودعاء كأي زوجين ݣور بنتهم لولا عندها شهرين كاين للي كتقابلها والكاملة كتوجد لوراق والحوايج باش تمشي للعمرة…
الكاملة: وكان ديريها الآلة بشرى زينة تروحي توالية لداك المقام
ام دعاء: مرة أخرى احبيبة ونمشيو كاملين
دعاء: وي انا باغية نمشي
ام دعاء: تمشي احبيبة ولكن بشرووطها ماشي غترجعي وغتبقاي فحال هاكا كولك غتبدلي الدين مافيهاش اللعب والظحك الدين متيبغيش النفاااق ياك الآلة الكاملة
الكاملة: (تقرست واخا لوخرا معنات ليها والو حيت اصلا مكتعرف عليها واالو ومبغياش تعرف)
واه…
دعاء: زعما نعمل لفولار؟!!
ام دعاء: هدا الشرط صغير نهار تكوني واحدة ونمشيو ولكن باي باي لهاد الحياة
دعاء: ونتي اماما باغية ديري باي باي لهاد الحياة؟!
ام دعاء: ههه من غدا صافي ابنتي انا عشت ووفيت وكبرت خاص نشووف للدار التانية… حقا لالة الكاملة وصاني أنوار على شي محامي ديال طلاق ياك لباس؟!
دعاء: (شهقت) غطلقي اخالتو هههه
ام دعاء: ششت دعاء
دعاء: جاتني فشكل الواحد يكبر ويطلق
الكاملة: (مرضاتش)
دعاء: واش زعما حيت طولتي عندنا؟!!!
الكاملة: (بدات تصفار وعينيها كيخرجو) لا هادشي زمااان وهو بادي وولدي للي وݣف معايا وشاف الظلم فاش كنت عايشة
ام دعاء: العشرة تتسالي الا ولات جحيم
الكاملة: كتتتر من جحيم اختي انا للي بنيت معاه كولشي جولة بطووبة وردييتو راااجل بشااانو ومرشاانو وفالتالي مشا جاب علية الضرة وماشي أي ضرة جاب وحدة موووسخة وكان تشوفي كنت بحال شي جفاف ليه ولخووه ولمووو ومنين كبرت وشرفت لاحوني
ام دعاء: لوااه مزالة صغييرة وولدك أنوار راه داير بالواجب
الكاملة: حݣرووني حيت يانا يتييمة ومعندي فين نروووح حنيت الراس ورضيييت اواا ولدي أنوار الله يرضي عليه جاتو النفس وراكي شفتي جابني هنا نعييش معاه
دعاء: (لعبت بلسانها فوسط فمو معزيزاش عندها بزااف حيت كتشوف منها شي حركات ديال الشر فوجهها ولكن متقدرش تهضر مدام أنوار مرتاح فهاد الوضع وهي بعيدة عليها…)
ام دعاء: مرحبا بيك وديري هاد الدار داارك.. (وقفت) سمحولي غنمشي نقضي شي غراض برا.. دعاء بنتي وقت رضااعة داابا
الكاملة: نخرج معاك؟!!
ام دعاء: اه مرحباا منها تقداي شنو ناقصك….(واخا معندهاش مع تبرزيك والتطفل ولكن هي عضوة فحقوق المرأة وقصتها حساتها محكورة… )
———————
وليد: والله يا صاحبي حرت با اليوم بلعشية يجي كيندير داابا نهضر معاه حݣا اجي شوف بنتك وتصالح معاها اه وراها ولدات باا مقاريش ولكن ماشي مكلخ
زهير: طال زمان ولا قصار خاص يكون الصلح لبنت غلطت وخاص مها لقتيلة ولكن راه خدات وكلاااتها
وليد: اجي نتا كفاش عرفت نت
زهير: بلا مترجع لية انا عاود… ݣاد اموورك مع باك فهمو بشوي بغا دابا مزيان مبغاش خليه يرطااب ولا عرفتي ديك القضية جيبو لبنت حطوهالو فحجروو ميݣدش يلووحها
وليد: با راه فيه السكر
زهير: نهضر مع خويا لكبير يهضر معاه باللاتي هي احسن
وليد: علاه عمي لكبير فخبارو
زهير: الا مكانش يكووون… ياله تلاح انا غنمشي للدار
وليد: علاه؟!!
زهير: بنت عمك راهي حاااكمة
وليد: ههه عبرت عليك
زهير: ابردي وشحال حكاامها زييين وحلو هه (مشا من تماك كانت كتسناه حدا لفاك لقاها واقفة مع شي بنات كلاكصونا وهوما يدورو ودعااتهم ومشات ركبات سلم عليها بالوجه) نوااارتي
أمال: صوني علية فتيليفوني ماشي تكلاكصوني
زهير: علاه؟!
أمال: كولشي ضار يشوفك ولا نتا عاجبك الحال يبدا بنادم يشووف فيك
زهير: امحاااينك والغيرة راهي تهَضّرْ فيك ههه..
أمال: متعاودش تكلاكصوني ازهير… ياله ندوزو عند هند باش نمشيو نديرو دوك التحاليل
زهير؛ اممم فيك فيك اموسيو وصافي حبيبة واخا نݣولك حاجة
أمال: شنو!!
زهير: انا كنت عاودت ليك على لبنت للي عاوناتني باش دارت وراقي فبلجيكا.. (ضارت عندو مزيان) كنت بغيت نتزوجها واحد الوقت حيت كانت حملات مني
أمال: (طرطقت عينها ودارت يدها على فمها) احاااااي
زهير: هادشي راه كتر من عشر سنين ابنتي مالك تخلعتي
أمال: (بغيرة) كنتي كتفسد؟!!
زهير: (صدماتو حتى معرف باش يجاوب واش يظحك ولا شنو حك جبهتو) الله يسمح لينا الشيطان وصاافي
أمال: (معرفت علاش غاارت وبانت فيها) وعلاش متجوجتهاش
زهير: مبغاتش ترجع على ملتي ومشات طيحات صافي من تماك كولها شد طريݣووو انا عاودت ليك غير باش تعرفي يعني راه كولشي هو هداك
أمال: اممم انا هي للي مكنولدش زعما كنت نحسابك عمرك درتي شي حاجة حتى نتا
زهير: أمل يهديك الله ابنتي اش وصلنا لهاد لهضور.. راه هادشي للي مخلانيش نعاود ليك شي حاجة حيت ماشي شي حاجة للي نفتاخر بروحي درتها غلطة وندمت عليها
أمال: حنا من اللول مهضرنا لا فماضي ديالك لا فماضي ديالي
زهير: اشمن مااضي عندك اخوناااا!!!
أمال: بلا متقلب الهضرة ماشي دايرها ݣد راسك وتجي تبقى تغوت علية
زهير: غير متعاوديش تݣولي هاد ماضي وتعقديني
أمال: دابا انا نمشي ندير التحاليل بوحدي..
زهير؛ لا نتي لا انا الآلة انا مباغي ولاد باغيك غير نتي خرجي هاد الفكرة من داك الرأس نهار ربي يبغي مرحباااا اصلا موال حتى مشبعت منك وحنا سليباطير (قرسها فجنبها) علاه علينا الزربة
أمال: بعدني
زهير: زيدي لمك ݣالك بعدني (شافها سااكتة) اموووول داكشي راه داز سنييين ميمكنش احبيبي تغيري من شي حاجة مكيناش وكااااانت فالماااضي والا غير على ل*** انا عزيز علية البلدي للي هو نتي اݣليع ݣلبي
أمال: (بغات تظحك وشدااها) بعدني
زهير: هاد بعدني هي ديال لبارح منين بقيتي توحوحي علية (شافها طرطقت عينها) تعجبني بعدا تمسحي سما بليݣة بحال ماشي نتي للي كنتي لبارح هههه….
———————-
مصطفى: (كان وصل ونيشان لدار وليد للي عقل على الدار وصل مبتااسم وعاجبو الحال ولدو يكون بدااارو… لقا لباب محلول وكانت هند لابسة بيجامة ببينوارها ووليد داير يدو على كتفها غير شافو طلق منو ومشا سلم عليه وهز داكشي شنو جايب سلمت عليه هند ودخل كانت نعيمة الحاجة لكبير زهير امال ليلى وولادها متوقعش كولشي يكون حااضر سلم وجلس فوسط الترحااب حتى خرج أشرف من الصالون للي مزال ممفرش هاز بنتو)
أشرف: سلام عليكم
مصطفى: (الوجه مخافيش عليه) عليكم السلام الله يسخر
أشرف: امين اعمي (فكرة زهير ميمكرش انه كان مخلوع وخاايف من ردة الفعل ديالو مشا لعندو حط بنت للي خاف عليها على حجرو مصطفى معرف باش تبلى ولكن شدها باسها فرااسها)
لكبير: تبارك الله تبارك الله الله يسخر اخويا مصطفى (شاف كولشي كيشوف فيه نعيمة بقا فيها باش يعرف بهاد الطريقة ولكن على الاقل يقدر يقتانع بوجود ناس كبار وعندهم وزن واحترام كبير عندو….)
وليد: با هادي بنت شيمااا عاد ولدتها
مصطفى: (بحال تضرب بطرشة بقا غير كيشوف مخرج عينو شاف فأشرف) هز علية بنتك (كع على اد الكلمة أمال وهند وليلى وبناتها خرجو خلاو لكبار فقط)
أشرف: (هزها حيت هي معندها ذنب) عمي جا الوقت لخواطر تصفى شيما ووو (جا يعتارف وزهير خرج عينو بمعنى سكت ماشي كولشي غيتفهم) شيما دازت عليها ونتوما بعااد عليها ندمت بزاف وبكات شحااال..
مصطفى: (شاف فوليد.. بغضب) سمو هادشي اوليد؟!!
وليد: با انا عارفها غلطت وبزاااف وحتى واحد مݣاد يسمحلها دغيا ولكن راه شافت الموت بعينيها
مصطفى: وماتت؟!
وليد: لا
مصطفى: هي حبتني اولدي هنا باش نقتلها ونتهناو
الحاجة: ولدي مصطفى صلي على نبي
مصطفى: عليه الصلاه والسلام
الحاجة: بنتك ولدت وجبت بنت من لحمك ودمك الا مݣاادش تشوف فيها وتسمحلها على شي حاجة دارتها… لبنيتة معندها ذنب وحتى واحد هنا ميبزز عليه شي حاجة (مابغاتش تبين التفاصيل باش متحرجوووش)
مصطفى: (بقا غير ساكت حاني عينيه ونعيمة حطت يدها على ظهرو شاف فيها بغضب) صافي ظحكت عليك بجوج دمعات
نعيمة: راجلها مبغا يسميها حتى تجي نتا وتذبح على سميتها
مصطفى: (عقلو وقف مبغا يسول كفاش تزوجو وفين وامتى ولدت)
هي متبانليش
أشرف: سمحلها اعمي الواحد محد واليديه فالحياة كيبغي يشوفهم يشبع منهم يعيش معاهم حرااام كولها يعيش فجيييه
نعيمة: (كتستعطفو عليه وهصرت ليه حدا ودنو) يتيم معندو حد
مصطفى: هضرتي ݣلتها ولا غنوض درك نشد طريݣ
لكبير: نوض اسي مصطفى تسمي (زربو عليه كولشي كانو موجودينو موضوع وهو غير ساااكت مشاو فالطموبيل لدار الحاجة جيهة جنان قبل ميبدل رأيو ذبحو على سمية مريم وهو غير ساااكت كيشووف كيستوعب شنو واقع….)
أمال: (غير سااهية كتشوف احمد حتى هو مصدوووم وباينة هادشي معاجبوش ولكن ممشاش يعني كاين أمال ديال الصلح.. اما شيماء لدابا مهبطتش تبكي لبنت يطلعوها ليها لبيت حيت عارفة الا بانت شنو غيوقع… جا زهير كيظحك قرس أمال وجلس حداها) هدا ازهير
زهير؛ ياااو مزااال زعفااانة!!!!
أمال: وشكون ݣالك هداك ولدك نتا عارف لݣور مكيكونوش غير مع وااااحد
زهير: (بقا كيشوف فيه من اللول ندم علاش ݣاع هضر) امووولة انا مݣلتلكش هكاك باش نبين ليك راه نتي للي منك العيب راني ݣلتلك ربي للي غيكتب لينا لولاد والا مافيهم خير معندنا منديرو بييهم
أمال: حتى انا فهمتك ماشي درتي لحرام وجاب تعاودلي فلوقت للي كنا غنمشيو نديرو تحاليل راه باينة ازهير
زهير: (زربت عليه وشاف فعينيها الحزن ولبكية شدااها)
حبيبي سمحيلي
أمال: بقا فية الحال ازهير بزااااف
زهير: والديهم هاد التحاليل غدا يانا مع نصلي الفجر نمشي نديرهم
أمال: مكاين لاش انا دابا مباغيا ولاد (ناضت مخلياه غير متبعها… مشات للكوزينة لقات نعيمة نسبيا رتاحت منين راجلها حضر لسمية ديال حفيدتو للي من لحمهم وكتهمهم كما كيهمووهم ولادهم)
نعيمة: حرت يا ختي غتبدا تسول وتبحث حتى معرفت سمو تخرج على لبنت مرت حمااايا ونعرفها
ليلى: حتى تمشيو وݣولها حݣا شيماء ولدات
نعيمة: غتبدا تسول علاه متمشيش ياله نمشيو
ليلى: ݣولها مزال غضبانين عليها وباها مخلانيش نمشي وسدي الموضووع ونهار يبغيوك يديرو سبوع اجيو مجموعين
نعيمة: تكون لبنت كبرت
ليلى: حطي زهير ݣدااامك وشوفي واش تݣد تهضر هههه راه هو للي كيخرج فيها
نعيمة؛ حݣا ليلى راه خليت فلفريݣو ديال الحاجة 4 الحمامات فيهم لمساخن ولعشوب ديريهم لأمال
أمال: مبغياش
نعيمة: علاه ابنتي نتي راكي شاابعة غير برد براسي منين تجوجت عمك جلست عام باش ولدت
ليلى؛ انا جلست 3 سنين حيت شدتلي لكينة
أمال: (كتحس بالنار شاعلة فيها مابغاتش تسرط ليها كلام زهير للي حتى رجعو من لغدا عاد طلع معاها..)
هند: (عيات تقلب على لبارفان ديالها واالو ملقاتوش هي متأكدة مكيخرجش من بيتها كتعمر غير قريعة صغيرة للي كتكون فصاكها حتى شي ميكاب مكااينش أول من شكت فيها هي شيماء كمدتها وسكتت واخا لبارفان عزيزة عندها
وعندها قيمة معنوية كتر من قيمتها المادية… دخلت شيماء) وي!!!
شيماء: مݣديتش نهبط
هند: وعلاش تهبطي اصلا باك الا شافك غتجيه جلطة
شيماء: (شافتها مبدلة معاها مابغاتش تزيد تخسرهم كتر) هند سمحيلي هزيت ليك ريحة وعكورة وصباغة واحد لكريم والله المرة جاية نجيبهم ليك معرفت علاش درتها ݣلت نبقى نديرهم باش ن..
هند: تعجبي اشرف؟!!
شيماء: (بخزم وتنهيدة) هو عمرو ينسى شي حاجة من للي فات كرهني بزااف
هند: رديلي ريحتي ونقولك شنو ديري غير المرة جاية حتى تقوليلي شنو باغا وهزي مغنعز عليك والو غير شااوري…
من بعد لعشا شيماء هبطوها تخبية ومشات لدارها مع أشرف من سكات وهادشي أول مرة غيجلسو بجوج من مور لولادة تسناها تبكي تغبن راه باها مابغاش يشوفها دير شي ردة فعل والو شادة بنتها وجالسة اللور وساااهية… وصلو للدار دخلو هي مشات دات بنتها للنموسية ديالها وخرجت حتى سمعاتو سد لباب لبيت فين كانت كتنعس مها.. تنهدت يعني غيعيشو أغراب بحال اللول وللي رااابطهم هو بنتهم دخلت للكوزينة هزت كاس دلما شربت جوج جغمات وحطات الكاس مشات لبيت بدلت حوايجها وتكات شاعلة ضو خفيف منوك لبولات صغار للي ركب أشرف فلبيت حتى بغا يجيها نعاس وهي بنتها بدات تبكي صاااطت وجلست عرات صدرها وبقات كترضعها…
~~~~~~~
زهير: أمل يهديك الله صافي عرفت رووحي غلطت منين عاودت ليك داك تخربيق غير متبقايش تݣولي راني فرحان بييه
أمال: اه غااالط وكان عرفت قبل جواج نتا هاكا ݣاع منتجوجك جاك نتا باغيني منكون دايرة والو قبل جواج اوا حتى انا هكاااك يعني ظحكت علية
زهير: (ميساج غير بالفن ولكن للي صدمو هو هضرتها دغيا تفرݣت عليه محس حتى جبد ݣارو دارو فمو)
أمال: بغيت تكمي خرج من بيتي واااخا يانا للي خاص نضرب عليك شقوووفة مدرحييين
زهير: ههه ݣاااع … امووول
أمال: زهير قيلني عليك هاد الساعة انا معصبة
زهير: مبغيتكش تبقاي معصبة احبيبي والله مكان فبالي داكشي للي فهمتي انا غير جاتني فلبال وݣلتها
أمال: منين كتكون ناعس معايا مجاتكش سبحان الله جاتك غير منين كنا ماشيين نديرو التحاليل براااكة متردني حمااارة ازهير…. (بقا غير كيشوف فيها)
عفاك خليني عليك نتكا شوية غدا تابعني نقرا بكري…( تكات وعطاتو بظهر وغطت راسها كضور عينييها من ردة فعل ديالو…)
كريمة: واش مزال منمشيو لديوانا
فتيحة: سيري نتي
كريمة: ولاه بغيتيه يجي يخطبك من عند ولدك ههه موحال محمد واش يبغي
فتيحة: نهار يوصل هاد محمد براسو تتبرأ من. منين هو جاب مرتو لهنا وبعد علية فكر فية؟!!! اوا يمشي يزمر
كريمة: نيييشان كولها يعيييش حيااتو…
~~~~~~~~~~
أحلام: واش بنيتك مباغية نخدمي مباغية تاكلي شوفي حالتك كيف ولات
حنان: بقات فية الشمتة ظحك علية وخلاني نحلم ونکول نتهنى من هاد العيشة
أحلام: مظحك عليك فواالو من اللول ݣالك مجوج ومرتو حاملة
حنان: ظحك حيت کالي تولد نطلݣها وحنا ممفاهمينش
أحلام: سبحان الله تفاهمو واحد نهار وقالو تربية لبنت فسقف واحد نتي من راسك فتبعدي راسك واش تبغي نهار تجوجي تجي شي وحدة تشتت شمل ديالك
حنان: كنت باغياااه والله اختي أحلام حتى بغيتو من قلبي نتي برااسك بغيتي داك وليد
أحلام: بغيتو قبل ميتزوج واخا بقا شي حاجة عرفت راه عمرو يكون ليا حتى نتي نساااي ورحعي للخدمة (وقفت) الا نرجعتيش الاثنين غنضبر على وحدة أخرى
حنان: حتى نتي أحلام
أحلام: خلينا من تخنخييين لبغو حاجة والخدمة حاجة اخرى….
~~~~~~~~
هند: (فرحانة بخدمتها للي كتطبق شنو قرات وتعلمنا شادة الخاطر بزااف حيت تخصص ديال الترويض كيبغي الخاطر وصبر.. فيصل من اخر مرة دارت فيه معاود هضر معاها فقط فمجال الخدمة… دارت مع أمال ندوز عندها للخدمة للي زهير اصر هو يجيبها باغي يصااالحها بقاو برا)
زهير: صدقت تقليقتك مشيينها
أمال: زوووهييير
زهير: بنت لحرام دافعة علية كبير واخا على جدك (خرجت هند كان فيصل برا متكي على الحيط كيشرب قهوة وقفت حداهم) رواحي عصري مع هاد شنيولة
هند: ههه براڤو عليك (شدتها من حناكها وباستها)
زهير: هااااه ݣولي متافقين علية ابردييييي ومعنديش لمن نعطي الراس ولعديان ضارو بية
هند: ههه مشينا نتغداو
أمال: (جمعت الظحكة منين شافت فطبيب للي هز كاس القهوة بحال كيحييهااا.. بحال تضربت بطرشة وعقلت عليه علاه داك لوجه للي شاف ترمتها غيتنسى!!! شافت فزهير تبسمت) نمشيو
زهير: صافي تݣادينا
امال: واه غير نمشييو….
دازت أيااام الامور بقات هي هي نعيمة رجعت فحالها هي وراجلها للي مزال كبسول كفاش هاد لولادة وبهاد الزربة وهي كتشرحلو ولدت على 7 شهور ومحسبتش ليه شهر للي كانت فيه فالقرعة… فتيحة رجعت هي وكريمة رجعهم محمد بات ورجع لغد ليه وليد وهند عيشين كأي متزوجين جداد منين كيدخلو لدارهم كيسدو عليهم مكيبقاوش يجاوبو فالتيليفون وحتى لعراضي كيرفضو بلبااااقة مخليين راسهم عااايشين اللحظة….
~~~~~~~~~~~
أمال: (شافت الساعة كانت 8 ونص مشات لدارها داية معاها لاطة فيها كوردون بلو مع قمح مصوطي مع الكفتة والخضرة وعصير لاڤوكا مع اللوز… ومشات للدار حطات داكشي فلكوزينة وباش يبقى يكون دارتو فلميكرو.. وفطباسل الخشب حطت 2 قريعات صغار ديال نوتيلا وستفت المكسرات وحتى الديسير قطعاتو وداتو لبيت… بدلت لكوفر الناموسية شعلت شميعات ومشات للمريا حيدت لبيحامة لي كانت لابسة تحتها شورط ساتان فيه شبيكة فجناب الفوقاني كانت معري غير صميطات شبكة والسرة باينة ديجا كانت طالبة الشوفاج فلبيت لي محليه داافي عاودات لعكر وبقات كتسنى وهي فيها الظحكة…)
~~~~~~~~~~~
أنوار: كان فالمطار هاز بنتو وكيظحك مع الكاملة للي فرحااانة وشداااها الخلعة كولشي كان هو ودعاء وأم دعاء
دعاء: حبيبي نسيت فالطموبيل جاكيط ديالي
أنوار: واه نمشي نجيبهاالي هاكي شدي لولا
دعاء: (بغات تشدها ولولا كانت شادة فتريكو انوار) هههه وشوفي ليك هاد بنت باباااها
ام دعاء: ههه غير خليها عندو
دعاء: واخا فيك لولا انا مخاصماااك
الكاملة: (غير سااهية كتشوف شحال كانت باغية تمشي هي ولكبير لهاد لمقام وفالتالي لاحها على ود مرت خوووه….)
أنوار: هانا مشيت (شافت فيه الكاملة وتبسمت معاه)
ام دعاء: لالة الكاملة حمستيني نمشي حتى يانا
الكاملة: والله ديريها زييينة لحݣي بية
ام دعاء: داكشي فاش لقيتيني تنفكر
دعاء: انا مزال الحال علية حتى نمشيو انا وانوار
الكاملة: نشاعالله ابنتي غير تهلاي فيه راه يبغيك بزااف
دعاء: (فرحت) حتى انا تنبغيه بزاف اخالتو…
أنوار: (حل الطموبيل حط لولا فبلاصتها عاد وسد عليها عاد مشا للكوفر يجيد جاكيط حتى فلحظة تسمع تفرݣيع #بووووووووووووم…
وصل ضشاااش لراسو ويدو حتى طااااح مكملاش 5 الثواني حل عينيه بصعوووبة كيبااان لغباااابر ولغواااات وصوت الإنذااار وودنيه كيسمع غير صوت ديال طييييييييط بحال شي آلة خدامة فيهم بغا يوقف الصورة مضببة حط عينو للي فيها سااائل سخون شااف حجرة قداااش على رجلو هز عينو شاف فالمطار للي كان مدمر.. بقا غير حال عينيه بصدمة حتى طااااح زغيب….)
————————–
أمال: (متبسمة وهي كتشوف زهير داخل وباينة عاجبااه شنو دااارت دخل ببنطوفة ديال لبيت كيشوف هز حبة ديال الشكلاط وعينو فيها دارها فمو مشا باش يسلم عليها مدت حنكها حتى هبط كيبووسها وقسم الشكلاطة فالنص ومن فمو لفمها تلفت من شنايفو لسانو الشكلاطة بعد وهي تسرطها هكاك قرس نيفها) كيف داز نهار؟؟
زهير: (كيشوف شمع عجباتو هاد الحركة.. رجع شاف فيها) زييين وزاد زيان درك
أمال: (تبسمت) توحشتك
زهير: باغية تسكتي لمّا لݣلب!! شمع ضواو (شدها من يدها ودورها معنقها باس كتفها وهو كيلعب فكرشها للي عريانة) وعلاه كضرݣي علية خييري
أمال: ههه
زهير: دخل يدو تحت جاكيط ديالو وجبد اونڤولوب فلبيض وحطو حدا وجهها.. باش نسو جدو هاد لغيار
أمال: (شافت مكتوبة تحليلات مختبر السلام) شنو هادو؟!!
زهير: (هو كيبوس عنقها وهي كتعنكش) تحاليل للي ݣلتيلي
أمال: درتيهم؟!!! وعلاش متسنيتش نمشيو بجوج؟؟؟ (دارت عندو متبسمة عاجبها الحال)
زهير: على الله متعاوديش تݣولي لواه كتفسد والحرام راه الواحد كيغلط ولكن كيندم وكان ممكن منݣولش غير الوقت للي ݣلتها كنت حمار
أمال: هه واه
زهير: واه كنت حمار؟!! (حركت رأسها باه كظحك) واااه اجدك ݣلبي عندك ديري مابغيتي فيه… ياله حليه
أمال: مكيهمش شنو فيه (على اساس الا حلاتو غتعرف تقرا شنو فيه)
زهير: ولاه دلفضيحة كاملة
أمال: (تعلات على ريوس صباعها وعنقاتو) شكرا بزاااف ازهير
زهير: (لاح دوك التحاليل للي ديجا عرف شنو فيهم)
نسااو علينا احبيبي هادشي وخلينا عايشين حياتنا…
(باستو فعنقووو وتبسم باغي يخليها تبدا تزعم عليه.. بعدت شوية ورجعودغيا بالزربة شدها كيبووسها حتى بعدت كتلهت)
أمال: انتعشاو.. (حرك راسو بلا وهو كيشوف فيها ديك الشوفة ديال نشدك منطلݣكش) راه يبرد
زهير: وهدا للي سخون واش نديرو فييه لعشا يتسخن وهدا؟!!
أمال: ههه زوهييييير تأ انتعشاو من ݣبيل وانا واݣفة نطيب ليك
زهير: (مابغاش يخسر ليها وهو عارف تابعهم الليل كاامل) اممم واه جيبي هاد لعشا الآلة انا ندخل ندوش باش المذاق يجيك هو هداك
أمال: اشمن مذاق
زهير: (غمزها) درك تعرفي ههه… (دخل خلاها كضور عينها خرجت مشات للكوزينة سخنت داكشي للي مزال سخون شوية حطت العصير فكويسات مقادين سكسفات على الاطباق مزيان وبدات كتوصل لبيت نعاس مخلية دو خااافت شعلت التلفاازة دارت فلم خرج لابس سروال وتيشوورت حيت لبيت دافي.. شاف فلعشا متبسم)
هاد الليلة حلات خاص غير شي بيرااات
أمال: احااي استغفر الله
زهير: هههه نسكر جدك وندير فيك مابغييت
أمال: ههه جلس تاكل (جلس كياكل ويشكر فيها ويبوس يدها هز كاس العصير ضربو دقة وحدة وهي مزال كتشوف فيه حتى هزها من تماااك حاطها فوق لكنابي وهي كظحك حتى بدا كي*** فجو رومانسي…)
———————–
بشرى: (بقاو مصدومين مفهمو والو كانو حاطين التيليفون فوق الطبلة مكالي مع قرعة ديال لما فتانية سمعو غوات وشي ضو بحال النار وتقطع الاتصال مع مهم.. تشاوفو بيناتهم)
واش صار؟!!
عبد الله: عاودي صوني (هزت بشرى التيليفون كتصوني أبيل ڤيديو كطلع ليها غير appel يعني مدخلاش الكونكسيون صونات على دعاء نفس الشي حتى أنوار رجعت صونات ابيل عادية تيليفوناتهم مطفية من غير انوار دخل معاهم الصهد كولشي وقف كيعاود يصوني بين مهم وبين انوار)
بشرى: اويلي ياكما طرات شي حاجة؟!!!
عبد الوافي: هاديك ماين دعا معندكمش نمرتها ياكما الريزو للي ݣطعوه على لمطار
عبد الله: وعلاه انوار تيليفونو كيصوني وميجااوبش من ديما حمااار مكيهمو حد
بشرى: (بقات كترجف وضارو بيها نسا خوتها) شي حااااجة ماشي هي هاديك واش مطار دولي قدو قداش غيتقطع الريزو فيييه (بحرا كتنفس) شغلو التلفاازة جات تكون شي حاجة
جيهان: واش جاب التلفازة درك اختي بشرى
بشرى: شعليها عفاااك (جلست ودراري مزال فمحاولات الاتصال كيصونيو بين أنوار وبين مهم..
تشعلت التلفازة وناضت هزت التيليكوموند كتزرب) فين هاد زمر فيييين
عبد الله: (خطفلها التيليفون) علاش كتݣلبي واش حنا فمنا ولا فالتلفازة
بشرى: ديرلي اخبار لفروونسي (حط التيليكوموند ممسوقش لتفاهتها اما هي بقات كتقلب ملقاتهاش هزت تيليفونها دخلت لانستغرام حتى كتصدم بخبر من هيسبريس (#نفجيرات_عنيفة_في_مطار_باريس_الدولي_) طرطقت عينها دخلت صفحات فرنسية ويدها كيرجفو للي مصور من برا المطار للي مزال الاطفاء كيطفيو العافية للي فيه للي كيصور الضحايا للي برا ودميااتهم سيارات الاسعاف معمرة الدنيا البوليييس بقات كتنهج بحال جرات شي 3000متر.. بقاو كيشووفو فيها)
مممـــمااما!!! (لبكية فحلقها موحلة كلامها بحال شي بيبي كيتعلم الهضرة ومكتبغي تخرجلو حتى كلمة وااضحة)
مـــاا………مااااااامااااااااااااا (بقات كتغوت وضرب فراااسها) خويااااا مااااااامااااااا
كولشي تصدم معارفينش شنو شافت ولا قرات ولا عرفت ولكن ردة فعلها خلاتهم يتزعزعووو عبد الله رجليييه فشللووو مقدرش يوصل لختو عبد الوافي بلع ريقووو ومشا هز التيليفون من عند ختو كيشوف لايڤ من موقع الحدث مباااااشرة كيشوف المطار للي مزالة العافية شاعلة فيه ومو وخوه ونساابهم كانو لدااااخل حط يدو على عييينو قلبو كيضرب لعيالات رغم الكاملة وقسااوتها مرة عليهم الا بقاو كيغوتووو حدا بشرى دراري صغار جاااو.. شوية تفتح لباب كان باااهم مخلووع عليهم وتتبعاه ليلى
لكبير: مااااالكم؟!!
بشرى: (كتبكي صوتها كيتقطع) ماااماااا (مقدرتش تهضر)
لكبير: مالها مك ياك راها مشات العمرة
ليلى؛ (مشات عند بشرى شدت فيها شافت فيها) شنو وااقع مال ماماك ابنتي؟!!!
عبد الوافي: (جلس كيبكي ولكبير باغي يفهم) مّا ابّا المطار فين كانت هي ووو (طرطق كيبكي) هي وخويا صغير وبنتو ومرتو ومها فجروووه فجرووووه الكفرة بالله ورزاااونا فيهم (بهاد الكلمات زادت حدة لبكى ولكبير طرطق عييينو مصدووووم حيت العشرة مكتهون غير على ولاد لحراام واخا يكون مصرف فيك الشر.. والفاااجعة ولدو للي مابغاش يسمحلو ولا يسمع صوووتو محس حتى طااااح جااالس فمنظر محزن ليلى براسها كتبكي حيت من طبعها حنيييينة دفنها متنساهاش ولكن حنييينة… بشرى مقدرتش تصبر حااسة بخنقة غير كتغوت وتعيط ماما خووويا مشاااو خرجت لبرا حدا النفوورة وتغوت وتابعينها لعيالات كيبكيييو..)
بشرى: (بحرقة كبيييرة) ماماااااااا (بصوت باح) انواااار…..
زهير: (وقف كيضور فعينييه خلا أمال مكوزة للي براسها دغيا داارت شافتو حل الزاج وطل بين السرجم ولغوات كيتزاد)
واش صاااير هنا؟!!!
أمال: (تحشات تحت لملاية.. كتنهج) معرفت
زهير: (شاف لعيالات كيف كيبكييو وليلى حتى هي واقفة ودايرة يدها على وجهها) هاني جاي (لبس سروالو وتيشورتو)
أمال: لبس عليك ازهير راه لبرد برا (رجع لبس قبية ودار كاسكيط ) واش نجي حتى انا؟!!
زهير: لا.. (قاد مسائلو وهبط بالزربة خايف تكون وقعت شي حاجة لخوه.. حل لباب كيسمع ماما أنوار سول ليلى للي واقفة بعقلها وكتبكي) واش صاير اختي ليلى
ليلى: لا حول ولا قوه الا بالله العلي العظيم الكاملة كانت فالمطار للي تفجر وكان معاها حتى أنوار وعائلتو
زهير: واشتا؟!!!!
ليلى: هادشي للي عرفت كانو كيهضرو معاها حتى تقطع فاش قلبو لقاو المطار تفجر لا حول ولا قوه الا بالله العلي العظيم.. شوف خوووك مسكين جاع توقعلو شي حاجة
زهير: (تصدم دخل لقا خوه جالس مصدوووم وولادة كيبكيو.. جلس على ركابيه) خووويا
لكبير: (عنقو) ولدييييييي مشااا يا خويا مشااالي ولدي (وكيبكي زهير براسو مفاهم واالو كيواااسي خووه وݣاع لوقاات للي دازو زوينين هو وانوار دازو قدااامو وحتى الكاملة واخا دارت معاه فعايل خايبين ولكن مينساش كانت كتهلى فمو مرة مرة دمعة حااارة نزلت منو واخا للي كان حتى واحد متبغيلو شي مووتة هاكااا وأكترية أنوار حيت موضوع السرقة تناسااااه من شحااال هادي…)
لكبير: خويا نتا للي راك تمشي لبراا سير داابا انا نعطيك لفلووس سييير اخويا وجه ما سير
عبد الله: واه اخويا سير غير عرفنا واش صاااير واش راهم حيين ولا ميتيين
زهير: واش انا منبغيش نمشي
عبد الوافي: (بحزن ودموع فعينيهم)
شوقنا منا وهوما وبنتو واش حيين
زهير: راه الا المطار فيه هادشي كيف ندير ندخل لتمااا؟!!!!
لكبير: (كيبكي جات ليلى عنقااتو) عفاااك اخووويا غير نعرفووو (زهير معرف ميدييير الباسبور مزال عند المحامية وداك لمرات كانت قالت لوليد ممكن يساافر وحيت معندو سوق ممشاش حتى جاابو من المكتب ديالها… بغا يبوسلو يدو وهو يبعد يدو)
زهير؛ ياو واش راك دير اخويا (باسلوب يدو ورااسو) نشاعالله يكون خيير
لكبير: درك؟!
زهير: درك.. متݣولو لمّا والو متفيقش على خلعة راه اصلا الطونسيو عندها طالع بزاف… (وقف مشا خارج كيتنهد من هاد المنظر وشحال صعيييب فراق الأم والاخ وبهاد الطريقة وهي بعييييدة عليك ومعارف واالو… مشا لدااارو… لقا أمال مزال فلفراش عريااانة شافتو هكاك مفهمت واالو مشا نيشان عندها وعنقها بكل جهدووو)
أمال: شنو واقع ازهير؟!!
زهير: الكاملة وانوار ومرتو بنتو ماين مرتو كانو فمطار وشي واحد فرݣعو
امال؛ وماتو؟!
زهير: (زفر) يعلم الله… (بقات مصدومة شاف فيها) خاص نمشي لتماا دابا
أمال: (بسرعة) لا لا لا معندك فين تمشي
زهير: حبيبة خاص نمشي بعدا نعرف واش حيين ولا ميتين صحابي ݣاع فلبجيكا مراني نعرف حد فباريس
أمال: لا لا واش تماك كيفرݣعو ونتا تمشي لا والله ومتمشي تم..
زهير: (مقادرش حتى يهضر) اماال متزيديش ما بية (بوجه حزين) خويا لتحت وولادو شحال يرغبوو راه مهم وخووهم معندهم حييييلة وانا منݣدش منعاونش وانوار واخا دار هكاااك الا منساش شي لاااخر
أمال: (عمرو عينيها لدموع خايفة عليه) عفاااك متمشيش
زهير: متخافيش غير غنعرف وغرجع
أمال: عفاااااك (رجع عنقها وبقا شحاااال هكاااك…..)
الحاجة سمعت الهرج وفاقت هبطت عندهم عاودو ليها ولكن بلا تفاصيل على الله زهير يمشي ويجيب اخبار زوينة… بقات أمال معاها كتواسيها واخا شحال وهي ترغب زهير ميمشيش ولكن الواااجب كأخ وكعم خاصو يلبيييه.. مشا عند وليد للي محلو لباب حتى بقا كيضرب حيط بيت نعاس ديالو بالحجر هبط عندو
زهير: (عاودلو كولشي) عندك نمرة ديال المحامية
هند: (الي كانت كتصنت طلت براسها) اش بغيتووها؟!!
زهير: خاص تعطيني باسبور ديالي.. خاص نمشي دابا #لمونتروي #Montreuil هي للي قريبة لباريس بشي 18 كلم
هند: ونسيتي اخويا زهير بسبابو كنتي غدخل الحبس وبسباب مو كانت أمال غتموت
زهير: (زفر) الله يسااامح غير يكونو حييين هوما يظلو يبيعو فينا وحنا نشرييوهم
هند: الله يسمعكم خبار الخير
زهير: اميين واش عندك نمرتها؟؟!!
وليد: (بقا ساكت الا جاوب باه ها مشكل الا جاوب بلا صاحبو غيزيد يوحل) صبر نشوف واش بقااات
هند: (هزت حاجبها) راها باقية غير عطيهالو (شاف فيها بحال كتحلف فيه دار راسو مكيشوفهاش)
زهير: رواح معايا نمشيو عندها
هند: واخا انا لبس حوايجي (بقاو كيشوفو فيها زهير خرج كيكمي تفكر راسو مدوشش ركب فطموبيلو ومشا بالزربة دخل لدارو كيدوش طلع وليد ميقدرش يقولها بقاي مابغاش تزيد تعكس معاه هبطت ملقاوش زهير كان خلا ميساج لوليد يتعطل ربع ساعة)
علاش بقات النمرة عندك؟!
وليد: راكي عارفاني اخر حاجة نهز التيليفون ونبقشش فيه
هند: وعلاش اصلا عندك نمرتها
وليد: (شاف فيها ولاح ذراعو على كتفها وعنقها) راكي عارفة احياتي المشكل للي كان دزهير
هند: وعارفها فين ساكنة
وليد: انا لا ولكن شماتة دأشرف عارف
هند: مزال مغتصلح معاه
وليد: لا.. (وقف زهير لطموبيلتو داير كاسكيط والقب زادو من سكات نيشان لدار اشرف قربو..)
زهير: صوني عليها أوليد
هند: (بقات غير كتشوف زهير عزييييز عندها ميمكنش تبرهش فالوقت للي فيه دابا…)
وليد: الو السلام عليكم.. (عرفاتو بقات غير مبهوضة كيصوني مع 11 دالليل!!!) الووو
أحلام: حم عليكم السلام صافا وليد؟!
وليد: الحمد لله اختي سمحيلي صدعتك فهاد الليل كنت بغيت شي حاجة منك
هند: كفاش شي حاجة منك دخل نيشان فالموضوع
أحلام: (سمعاتها) اهاااه مرحبا
وليد: باسبور ديال زهير صاحبي باغيه واش صالح باش يخرج بيه دابا عادي زعما!!!
أحلام: اه داك نهار قلتلك صاالح ليه واش تبغيوه دابا حيت الطموبيل خليتها لميكانسيان (هند كتغدد)
وليد: معليش ندوزو عند اشرف يورينا فين ساكنة ونديوك للمكتب ديالك
أحلام: واخا انا نتسناكم فين باغي يمشي عندي صاحبي بوليسية كطبع فالمطار باش تسهل عليه لمشية
وليد: زهير فين غتمشي؟!
زهير: Montreuil…
هند: (بقات شادة وليد فالطموبيل كتشغلو بأي موضوع مخلاتوش يطلع المكتب مع زهير هبط زهير جايب لباسبور ديالو وحتى من الطيارة قطعات ليه لبيي من تيليفون ديالو شكرها وهبطو باش يوصلوها جلست حدا هند اللور.. لي جلست حداها وهي مكرهتش تقجها)
زهير عطيني نقطع ليك لبيي بلا متمشي ضيع وقت تماك
أحلام: قطعتلو (تبسمت)
هند: وعلاش تتعيي راسك
أحلام: عادي مكاين حتى إزعاج
هند: (لوات شنايفها) ممكن!! (قلبت وجهها وصلها لدارها نزلت بغا يهبط زهير ومخلاتوش باش ميتعطلش حيت الرحلة للي قطعاتلو بقات ليها ساعة ونص.. كملو طريق) ظرااافة الزااايدة
وليد: هند!!!
هند: سمحلي بنادم للي تيكون ظريف كتر من لقياس كيكون فراسو دغل اه تعاون الواحد ولكن ماشي تلسق (مجاوبوهاش زهير صونا على أمال للي خلاها مديرونجيا طمنها وعطاها الجديد شي ساعة لاروب كانو #فمطار_الدولي_أنݣاد_وجدة هبطو مخلاهمش يدخلو جوج وصى عليهم مو وأمال خلالهم سوارت طموبيلتو ودخل مهاز واالو معاه فقط وراقيه باسبور ديالو مشا طبع تكمل الإجراءات القانونية داز صرف الدرهم للأورو ومشا كيتسنى صونا على أمال ابيل فيديو شافها كانت دايرة الفولار للي غير لايحاه عليها وشعر باين)
زهير: ݣادي شعرك (دخلت صباعها كتقاد لفولار) صافا!!!
أمال: (بحزن مبغاتوش يمشي خايفة عليه) لباس ونتا؟! وشحال تجلس
زهير: معرفت احبيبة نشوف نݣلب والله بروحي داايخ وتاالف
أمال: موحال يخليوك تمشي لباريس ياك فيها تفجر داكشي ياكما يفجرو حتى المطار للي فديك لمدينة
زهير: هه كيعجبني التفائل للي عندك
أمال: وخفت عليك ازهير
زهير؛ (حرك راسو) كيف بقا خويا
أمال: طاحت سخفت بنتو وداوها لصبيطار
زهير: أمل كتهضري بحال مم… (شافها كتهضر بطريقة ممسوقاش) ومّا فينها؟!
أمال: راني بززت عليها تمشي للدار عرفتي مسيكينة رجعت صفراا عطيتها دوا وتكاات شبعت بكاااا وهي مرييضة
زهير: (زفر) خليك معاها احبيبة بلا متمشي تقراي وتخليها
أمال: احاااي واش عاد تݣوولها ازهير
زهير: (سمع نداء المسافرين باش يمشيو للطيارة)
غير نوصل نعيط عليك خلي تليفونك حداااك ومديريش صيلوونص يدي الدار وبقاي مع مّا للي خصاااتك کوليها لوليد
أمال: واخا
زهير: لفلوس راكي عارفااهم وين كاينين انا غنبقى كل شوي نصوني علييكم (شاف فيها) تهلاي في روووحك (قطع ومشا باش يطلع يركب… طلع للطيارة شحااال ممشا شوية وطاارت بيهم والحديث كولو على الارهاب وان داااعش هي للي تبنات التفجير للي وقع فمطار بارييييس… شاف شي وحدين كيبكيو يمكن يكونو بحالو حتى هوما ماشيين يقلبو على العائلة ديالهم للي كانو غيجيو ولا يسافرو… مسافة ساعات قليلة وصل لمدينة #مونتروي كمل الاجراءات للي كانت مشددة لي نفعاتو هو جنسية ديال بلجيكا للي عندو اما للي جاي سياحة ولا ڤيزا شددو معاهم.. خرج وكما اي مطار كاينين تاكسي للي كتوصلك فين بغيت مشا يتفاهم باش يوصلوه لباريس مع اول واحد قالو 1000 اورو (10000 درهم مغربية) قلب الدوورة كينݣر)
من المغرب وجاي ب700 درهم بقا كيشوف زاد على رجليه المطار كاين فوسط لمدينة وباريس بعيدة عليها غير ب18 كلم سول على لباصاات مشا ركب ب 5اورو وصلاتو لباريس للي واخا 4 صباح كانت مقلووبة بهاد التفجيرات شد تاكسي نيشان للمطار وقلبو مزير عليه…
هند: (راجعين فطريق) زعمااا الا كانو بالصح ماتو شنو غيدير زهير
وليد: غيجيب يدفنهم هنا
هند: نتا عارف فيها بزاف دالاجراءات والفلوس
وليد: وسمو يخليهم تم
هند: اوا هوما للي بغاو يمشيو لبرا انا تنشوف الواحد منين تيكره بلادو ويمشي لبلادات الناس الا حتى دفين معندو باش ينفعو الا تدفن هنا
وليد: هي دابا انا وكان مت نتدفنولهيه غي حيت مشيت نخدم تماك
هند: علاش ازمر نتفايل على راسك هاكا من اللخر أنوار والكاملة تعداو خدوودهم مع أمال وكرهتهم ماتو الله يرحمهم ولكن راه تعدااو وبزاف
وليد: هند دعي معاهم بالرحمة
هند: الله يرحمهم ولكن زهير تكرفس على وحدين تكرفسو عليه معندها معنى
وليد: باه ومو رغبووه ونتي عارفة زهير وانا ونكون فبلاصتو نمشي.. (مشاو نيشان لدار الحاجة هند مشات عند امال كيتعاودو ووليد بقا مع لكبير وحتى شي جيران جاو ولبارك ديال الطموبيلان عمر وبقا للي بقا حدا لباب ومنهم ميرسيدس فالكحل…
كولشي كيتسنى خبر من عند زهير للي يطفي العافية يا ماتو با ممتاوش مهم ميبقاوش غشااام ومعارفين واالو)
~~~~~~~~~
زهير: (عيا كيشوف يقلب بعينيه كيسمع للي خرج من المطار الأغلبية ميت ولا مات فطريق ولا فحالة خاايبة وساعاااتو معدوودة… مشا عند بوليسي عرف براسو وبغاويسول على سمياات ولكن مزال متعرف واالو عاد كيقادو الاجراءات وحيت عربي خلى شكوك عليه من طرف بعض العنصريين للي كيعتابرو اي عربي مسلم إرهااابي ومشا لبلادهم فقط باش يدمر ويفجر…
تبعووه وهو ماشي يشد تاكسي لصبيطار وقفو عليه 4 وحدا بنت لابسين جيلي ديال لبوليس بداو فالاسئلة ديالهم ولكن بطريقة غير حضااارية وفيها استفزاز ليه كأنه متهم زهير كيجاوب معصب دمو كيفوور وباغي يكالمي الطرح.. حتى تدخل واحد كيهضر معاهم باستفزاز وبرووود وان القضية داخل فيها والا كان التعامل هاكا غيمشييو واكيد كانت #المخابرات_المغربية_لحماية_التراب_الوطني للي كتستاعن بيهم الدول الأوروبية فهاد المواقف)
يونس: (للي قراو قصة #سيدتي غيعرفوه) معاك يونس ظابط مخبارات
زهير: (مكره) زهير.. عندي محال ديال الاثاث ههه
يونس: ههه شكون العائلة للي كتقلب عليها
زهير: ولد خويا ومو ومرتو بنتو وماين مرتو
يونس: فاشمن طيارة زعما فين كانو ماشيين
زهير: للعمرة مرت خويا بوحدها هوما غير وصلووها
يونس: اممم الأغلبية كولشي داوه لصبيطار تماك غتلقى سمياات
زهير: شكرا الشاااف
يونس: عرفتي شنو عطيني سمييتهم (جبد طابليط بقا زهير كيفتي واول اسم كان انوار ياله جا يفتي لكنية) أنوار المومني؟!!
زهير: واه واااه هو واش حي؟!!!!!
يونس: (كيقلب شنو المعطيات الي عندو)
زهير: واش ميت؟!!!
يونس: معرفتش للي كان فاللول حالتو خطيرة لبنت للي لقاو فطموبيلتو واش بنتو؟!!
زهير: (مرفوع) يمكن!! انا عاد من لمغريب شفنا هادشي غير فالتيليفون
يونس: اممم قاسحة على العائلة
زهير: (زفر) بزااف (جبد ݣارو كيكمي) خاص نرووح لعندو يرحم والديك نسولك على الكاملة امعني
يونس: (قلب وشاف هز حواجبو) الله يرحمها
زهير: (صااط) كولنا ليها
يونس: (شاف صااحبو كيعيط) هاني جااااي (دارلو بإشارة يتسنى) عطيني نمرتك الا حتاحبت شي حاجة (عطاه زهير النمرة وشكرو ومشا… زهير كمل طريق لصبيطار بعدا عرفهم فين كاينين صونا على أمال)
زهير: حبيبي مزال فايقين
أمال: واه.. زهير مّا طلع ليها الطونسيو وهند دݣات ليه الشوكة
هند: (مخرجة عينها بصوت خافت) قلتلك متقوليهالوش
زهير: (عض على شنافتو) الا شتوها عيات بزاف ديوها لطبيب أمال الا تزادت عليها غير شوي ديها لطبيب مّا خليتها فعنگك
أمال: راها ما حتى انا
زهير: الله يرضي عليك وبلا متخبي علية شي حاجة.. منحبش تخبئ علية شي حاجة للي كان وكيف ما كان ݣوليهلي.. سيري احبيبة عند بشرى تعطينا سمية مرتو
أمال: واش عرفتي شي حاجة عليهم
زهير؛ الكاملة للي عرفت.. ماتت الله يرحمها ويغفر ليها
أمال: الله يرحمها.. (قطع ومشا فالتاكسي وهي مشات لعندهم كانو جابو بشرى مبغاتش تقول شي حاجة حيت مغتعرفش وحاسة برااسها متأثرة ولكن البروود ماشي فالدم كتر مكتشفاش ولكن منسااتش وبحرا كتقنع رااسها باش تساااامح…)
شنو سمية ديال مرت خوك
بشرى؛ واش حي عفاك اختي ݣوليلي حي
أمال: نشاعالله يكون حي زهير مزال كيݣلب
بشرى: سميتها دعاء لوينوس
أمال: (استغربت من لكنية.. صونات على زهير وبشرى تابعاها)
الو سميتها دعاء لوينوس.. لا منݣدش نݣولهم مكم ماتت بقاو فية والله
بشرى: (بغوتة وحدة) مااااااامااااااااااااا
أمال: (ضارت مخلووعة جاو تجمعو على بشرى وأمال مشات لدار الحاجة باش تواسي ولا تعنق داكشي مكتعرفوش ومكبراش فيه..)
زهير: (وصل كما فكر ممنوع يدخل شي وااحد والصحافة والناس كتبكي وعاد للي جاي بشمعو من تقاليد ديالهم والورد وتصاور الضحايا بقا تمااك حتى سمع لوينوس.. ضار كيقرب حيت سمع منهم كلمة والله) سلام واش نت ما من عائلة دعاء لوينوس؟!!
..؛ وي شكون نتا
زهير: عم أنوار جيت نݣلب عليه
…: (بتأثر) مخلاوناش حتى ندخلو (بقا كيبكي جا واحد كيواسيييه قلبها فرونسي) بنت ختي كانت صغييييرة ومرحة مزال كانت باغية تعيش الحياة من شريك حياااتها
زهير: (ياله جا يهضر وهو يشوف داك لکاوري باس هاد خالها من فمو وكيعيط باسم mi amor بقا مصدووم وهو يغوووبش) الله يعطيكم ݣلبة تفووو على بشااار (بعد كيخنزر كان عندو أمل بعدا غير يعرفهم واش حيين ولا ميتين) تفووو (مابغاتش تسرط ليه شافهم مشاو حدا شي جماعة ووحدة منهم لابسة جلابة ودايرة لفولار واخا مكيبغبش يهضر مع نسا ولكن الحاجة…. زاد عندها) سلام عليكم شريفة واش عرفو واش صاري بيهم؟!!!
…: (كتمسح دموعها) معرفتش انا كنقولهم يعطيوني غير لبنيتة ناخدوها معانا
زهير: واش بنت انوار؟! انا عمو
….: حبيبي أنوار (بقات كتبكي)
زهير: واش مات؟!!!
…: معرفت (عصباتو بهاد لبكا ديال لبريستيج) انا مامات anno
زهير: هااا !!!
….: أنييس (شيراتلو بيدو لنفس الشخص للي هضر معاه فاللول) خو مامات دعاء
زهير: هاااه وانا نݣول مهم اشريفة الا عرفتو شي حاجة الله يرحم بيها الواليدين ݣولوهالي
….: واخا (مشات حداهم وهو جبد ݣاارو خوه من فوقاش وهو كيصوني أمال وليد كولشي كيصوني غير صونات مو جاوبها)
زهير: الو مّا
أمال: علاش مكتجاوبنيش خلعتني عليك
زهير: احبيبة والله راني مقجوج هنا معارف مندير
أمال: هاك مّا (بحرا كتهضر مسكينة وتبكي حيت تأكد خبر موت الكاملة كالماها شوية وعطات لأمال معنقة ليلى.. بعدت من حداهم) الو واش فطرت كليت شي حاجة؟!!
زهير؛ اودي منين يدوووز
أمال: متخليش راسك بالجوع احبيبي
زهير: (منتابهش حيت شاف دوك الجماعة خرجت عندهم شي وحدة لابسة لباس الممرضات)
ݣطعي أمل بلاتي ونهضر معاك..
(مشا حداهم للي فهم ام دعاء مزال فالعناية المركزة هي ودعاء يعني مماتوش وهو ينطق)
وانوار المومني؟!!!! (كولشي شاف فيه حيت حتى واحد مسول عليه مشات لفرملية ممسوقاش بقا زهير كيعربط عليهم حيت باين حياة أنوار مكتعنيهمش… دازت ساعات بقا منشووور هكاك وغير الدنيا مكتزيد فزحاام والبوليس كيزيدو يبدو الناس على المستشفى للي رجع عاااامر…
قرر يجاوب خووه)
اخويا
لكبير: (سخفان حيت مريض بالسكر) ݣوولي اخويا واش ولدي حي ولا ميت
زهير: معرفت اخويا منين جيت وانا هنا نتسنى للي عرفت مرتو ومها حيين ولكن راهم فحالة واعرة
لكبير: وبنتو؟!
زهير: للي سمعت موقع ليها والو (حتى هو جاتو فشكل هاد موقع ليها والو وكولشي كان فالمطار)
لكبير: يا ربي سمعنا خبار الخير
زهير: اميين خويا بشوي على صحتك انا غير نعرف شي خبار نتاصل بييك
لكبير: الله يرضي عليك الله يرضي عليك…..
عند داك الحاجة وولادها كان عزا ولكن بلا ميت يدفنوه ولا يتسامحو معاه لكبير واخا فعايلها الا قرر يتفكر ليها غير الحاجة زوينة وشحال صبرت معاه فاللول كل شوية ينوض يصلي يدعيلها بالرحمة ولدو أنوار وعائلتو يتلقاو على خير…
الناس تجمعو بزااف خوتاتو للي كيبكيو على ولد خوهم وحتى على الكاملة للي كانت موتة خااايبة وأكترية كانت باغية تمشي للعمرة العائلة تجمهرت الجيران كولشي كاين… أما أمال شغلها الشاااغل هو الحاجة متعييش راسها لاسقاها بحال خياالها وهند بشانطتها للي فيها لابراي ديال الطمونسيو والسكر وشي دوايااات… احمد ونعيمة سمعو الخبر شدو طريق واخا فعاايل أنوار والكاملة الا العائلة تلقاها فجنبك وقت الشدة ولمحاين كتواسيك وتعاونك باش سخاها الله وقدرت عليه…
زهير: (الليل ظلم وشتا كطيح والناس مزال مجمهرة لقمة مطااحتش ففمو من لبارح كيشوف عائلة دعاء كيسولو غير عليهم وعلى لبنت وفوقما حشر راسو وسول على أنوار كيبقاو يضورو عينيهم بحال مكيعرفووهش وممسوقينش لييه… وهادشي استااافز زهير حتى بدا يعربط)
….ياااو راه كان واحد منكم يا الجيييفة خلا باه وكولشي وجا لعندكم ودابا راح تسولو غير على بنتك وهوما دايرين رووحكم متعرفوووهش
انيس: الله يخليك حنا ماشي فحالة للي تهضر معانا هاكا
زهير: نتا بعدا اداك الز*** مرانيش نهضر معاك لوكان جيتني فوقت يااااخر نحر والديييك
انيس: بففف التخلف دالمغاربة (ضار عند صاحبو) شفتي احبيبي علاش متنبغيش نهبط للمغرب
زهير: (غيتفرݣع بالاعصاااب شاف فلمرا) نتوما تعرفو ناس هنا سولو غير واش أنوار كاين ومكانش هنا نعرفوه غير حي ولا ميت
….: (هاديك لمرا) اصلا هو سبابهم اش داهم يمشيو معاه للمطار بسبابو هو راهم فخطار وبغيت دابا نسول عليهم!!!
زهير: راه قدر الله هدااك
انيس: بعد من ماما
زهير: الغمة يا ولد ال**** وبربي يا الزاامل ومضرݣ علية كمااارتك حتى نشرݣ والديك وندخل لمك مصارنك حجرة بحجرة
انيس: (شاف بوليسي وهضر بالفرونسي) موسيو هدا تتيتهجم علينا وباغي يقتلنا بحال والو يكون من هادوك المتشددين (ݣاع للي تماك شهدو باه بقا غير كيشوف البوليسي جاي قااصدو سولو على اسمو وشنو جاي يدير هنا للي شفعلو شوية الجنسية البلجيكية ولكن واخا هكاك داوه يديرو تحقيق معاه بقا غير كيشوف واش غيطايف مع لبوليس وهو طالب السلة بلا عنب… مينطووه وركب فالطموبيل وزااد ندم ݣاع علاش يهضر معاهم ولكن وكان بقا تماك كان غيضرب شي واااحد… عياو يهضرو معاه والو مكيجاوبش مباغيش يجاوب وهو معصب وصل لتماك بقا جالس كيتسنى نووبتو للي جات من بعد ساعة ونص…
دخل كانت أسئلة روتينية للي جاوب عادي)
مكنتش كنتهجم كنت كنسولهم على ولد خويا للي مزوج بنتهم واش حي ولا لا
…: كولهم قالو كتهجم عليهم
زهير: يمكن حسو بيا معصب شوية في حيت ملقيتش ولد خويا وللي كنسول مكيجاوبنيش جاتهم طريقة كلامي فيها تعصب
….: غتبقى هاد الليلة هنا باش تسني محضر
زهير: ليلة!!! (تفكر) واخا ندوز مكالمة
…: عندك حق فمكالمة وحدة
زهير: (جبد تيليفونو كيقاب على سميت لبوليسي يونس صونا كيتسنى يجاوب واالو بغا يعاود لبوليسي شد لبراي.. زفر زهير وجا لبوليسي مينطو واخا معندو علاش يتمينط ولا يدخل الحبس الا الامور هاكا ماشية وهو خارج صونا لفيكس جاوب لبوليسي حتى عيط لزهير وعطاه لبراي حدا ودنو)
الووو يونس انا زهير للي تلاݣيتك ݣبيل حدا المطار
يونس: اش كدير فالكوميسارية اصاحبي
زهير: هاد ولاد **** هاد نهار نواوها فية والسلام (طرطق يونس كيظحك) الا مافيهاش شي صدااع رواح لعندي
يونس: هه انا قريب ليك…
يونس: (من بعد يونس مخرجو بالنفوذ ديالو زائد هو مدار واالو خرجو برا) اجي معايا (ركب معاه زهير كان بوحدو) لقيت ولد خوك؟!!
زهير: حتى خبر
يونس: (صونا تيليفونو جاوب وهو كيسمع صداااع) الووو
عيشة: (بعصبية) هبلوووني هاد ولاادك
يونس: (دار إشارة لزهير باش يتسناه خرج ومشا ضلل من شتا) تي ماال مك غير محيحة
عيشة: بزااف ايوونس ولاو كيحشموني قدام الناس رجعت من عيد ميلاد قبل حتى ميبدا
يونس: هههه اش داك لشي ولاد منين مقداش عليهم
عيشة: كظحك!! كظحك ايونس كان علية نخلي ليك داك لكينة انا للي جبتها فراسي وصدقت ب6
يونس: قنية ديالي هههه (قطعت عليه كيظحك حيت شيبووها اما منين كيكون هو واحد مكيتزعش من غير لبنات دخل) عندي ولادي مهبلين مهم
زهير: الله يخليهم ليك شحال عندك؟!
يونس: 6 ههه 4 دلولاد وجوج بنات 3 لولاة توام
زهير: تباااارك الله من ديما انا هااابل على توام
يونس: الله يرزقك بيهم (تفكر كفاش حتى حملت عيشة بدوك 3 وكفاش الجو فاش ولدااتهم) ربي منين كيبغي يرزق انا طبيب راه ݣطعلي لياس وݣاالي مغتولدش اوا خوووك كل مرة فالعام ماشيلو بولادي نسلمو عليه هههه
زهير: ومال ر** باش يݣول هاااك قاري فزحاام
يونس: (لقا كيظحك تفكر عيشة منين كانت كتعطيه مانع الحمل حتى تسببت ليه فعقم )
معليش كولشي كيجي من مور الأزمة حلو نتا معندكش وليدات
زهير: مزال هاد السااعة ياله تزوجنا شي 9 شهور
يونس: عييش حياتك شوي.. (حرك راسو وقلب وجهو كيشوف) شوف لبس جيلي غدخل معايا نتا متهضرش
زهير: لصبيطار؟!!!
يونس: اه.. الا معاونش ولد بلادي وهو محنسر شكون نعاون!! هادو وكان ماشي حاجتهم والله ميديرو لينا اعتبار
زهير: الله يحفظك اخويا خيرك جامي نساه رواح عندي لوجدة (معرف ميقول… زادو وزهير كيعاود ليه شنو دار ليه ولد خوه حتى ختمها) ولكن واش ندير انا على ولد عمي وولد عمي وانا على لبرااني منݣدش نسمح فيه ومندير واالوو
يونس: كتبقى الشمتة والفلوس للي كتخدمهم بعرق كتافك
زهير: حنا للي نديرو فيهم دراااهم راهو يروحو ويجييو بنادم للي يبقى فيه لافووت..
زهير: (لبس داك الجيلي للي عطاه يونس كان داير كاسكيط غوبش باغي يتقمص الدور واخا من ديما كيكره لبوليس.. شاف الصحافة للي كيسولو ويونس قداامو دافع صدروو واقف باستقامة تبعو حتى دخلو صبيطار قلبو تزير عليه… مشا نيشان يونس كيسول فالاستقبال على اسم أنوار المومني وزهير حداه على اعصاابو)
….: داخل فعملية
يونس: عملية ديالاش؟!!!
زهير: يعني حي الحمد لله ياربي
…: عملية على رجلو وحتى الراس ديالو كان برا المطار وطاحو عليه شي حجر
يونس: اممم امتى يخرج؟!!
زهير: سولو على دعاء لوينيس وحتى بنتهم يمكن ليلى ولا لولا
يونس: ممكن تشوفيلي دعاء لوينيس وليلى
زهير: المومني (بتشكيك) يمكن الا خلاوه يدير هاد لكنية
….: (كتقلب فالسيستيم) اممم للاسف مدام دعاء ماتت وبنتها راها فقسم الاطفال عندها ضريبات فالراس حيت كانت فالطموبيل وطاحت بقوة الضربة
يونس: اممم شكرا زهير شي سمية اخرى
زهير: مها
يونس: (تبسم وسولها بلباقة وحتى هي عطات الخاطر حيت من الامن الام مزال فخطر كبير ونسبة النجاة 0.0001… شكرها ومشاو يشربو قهوة) لبراكة فراسك بعدا ولد خوك مزال حي يربي لبنت
زهير: لا إله إلا الله مكرهتش اخويا نمشي نصلي….
(مشاو خرجو من تماك نيشان لمطعم سوري دخل هو يصلي ويونس جلس داير ابيل فيديو مع ولادو للي حمر فيهم واي شكوى من عند عيشة غيكحلها معاهم رجع كيهضر مع عيشة للي غير كتشكى بقا كيشوف فيها وأكترية اليوم منين تفكر مع زهير شحال من حاجة دازت بيناتهم شاف فشعرها للي كانت دايرة ليميش اما هو الشيب عمر نواظروو)
يونس: مال مك حتى كنبعد وكتزيااني
عيشة: (شقلبت عينها) ديما ختك تيتييزة نتا للي شرفتي
يونس: هه ياااك بانلي توحشتي نعمر لمك ديك الكرش
عيشة؛ الا اخويا غير ظحكنا متندمناش.. يويوووو عرفتي شنو كناكل
يونس: (كيحك فلحيتو) اممم
عيشة: (شادة بنانة خشاتها فقرعة ديال نوتيلا ودارتها فمها متبعها وهو عاض على شناافتو وهي كتغريه)
يونس: يهديك الله اعويييش راها غير بناانة عنداك تلف ليك وتحطيها فشي قنت اخر
عيشة: (وقفت) بزاااف عليك
يونس: وتخليني انا مق** هنا (شاف زهير جاي) حبيبو من بعد ونهضرو وبعدي البنان عليك (قطع وهو كيظحك… للي كنسول على قصة #سيدتي راه كاينة فgoogle (تكتب غير سمية القصة وسميتي) تعشااو وزهير للي حلف حتى يخلص عاد خرج صونا على لكبير)
زهير: اخويا… مهم أنوار مزال حي الحمدالله ولكن دخلوه يدير شي عملية على رجلو وراسو وبنتو حتى هي ݣالو راهي مليحة ومرتو ماتت الله يرحمها ومها فحالة خطيرة (سمعو كيبكي وكولشي كيبكي بقا فيه قطع وجبد ݣاارو كينفس بيه شوية..)
دازت يوماين الوضع هو هو ممنوع للي يدخل لصبيطار لتشديد أمني حيت وقع انفجار اااخر ولكن كانو خواو المطعم الفرنسي للي كانو مقصدينو ومكانش ضحايا بشرية… الوضع ففرنسا مأزم والعرب مشكوك فيهم بشكل خاص من طرف العنصريين والمتعصبين يونس غبر كيخدم خدمتو باش يجبدو هاد الارهابيين وزهير من لوطيل لصبيطار نهار الرابع مع وقف فبلاصتو المعتادة كيشوف ديك لمرا هازين بنيتة صغيورة فكاشة شك تكون بنت أنوار قرب حدااهم وهو يشدها انيس
زهير: بنت انوار؟!!
انيس: هادي بنت دعاء وللي غتكون بنتي من اليوم
زهير: واالدها من ز** ومن ز** والله متطلݣ لبنت لفكك مني شي واااحد
…: اشريف راه بنت ختو
زهير: كفاش بنت ختو (تجمعو شي بوليس) كفاش بنت ختو عطيني كارت ناسيونال ديالك انا بعدا عمها وانا اولى باش تبقى عندي زااائد نتا غير مؤهل باش لبنت تبقى عندك (جبد زهير باسبور ديالو… كيهضر مع لبوليس) علاش عاطيين لبنت لييه ولا ضرووري نكون شااذ جنسي باش تعطيوهالي هو عمرو يكون مرا واخا يݣطع *** ويخيط بلاصتو ****.. والبنت معرفناهاش حتى واش برااات 4 أيام من مور الانفجار يخرجووها شي حاجة مشكوووكة
لبوليس بقاو كيتشاوفو وحتى دوك الناس للي شادين لبنت حيت اصلا معرفتهم فديك صبيطار للي خلاتهم يتوسطو ويخرجو لبنت
زهير: انا بغيت ندير محضر المرة اللولة تعداو علية بالسب والعنصرية ودابا خاطفين بنت صغيرة مها ياله ماتت وباها بين الحياة والموت فين دايينها واشمن ورقة ضمن لينا انهم غيعتانيو بيها ميمكنش شاذ جنسي عندو اضطراب فالهرمونات ديالو وممتوازنش غيعتاني ببنت عندها 6 شهور
انيس: انا راه خلاها
زهير: مبقيتش خالتها يا *****
انيس: مكنسمحش ليك
زهير: (ببرود) انا بغيت ندير محضر لبنت من كنيتي وصلبي وتأكدو لبنت خاص تبقى عندي ومن دابا غندير محاامي (غير داوي)
انيس: لا محامي لا جوج خودها للي غتجي من مور أنوار معندنا منديرو بيها
زهير: باينة متشدلكش وبقات تاكلك (لبوليس متاقو لا فهداك لا هداك وزهير عندو الافضل تبقى لبنت لداخل يعتانيو بيها غير على ميعرف شنو يدير عيطو على فرملية للي جات دخلاتها ودخلو هوما للإدارة.. شاف فيهم)
باغي وراق لبنت
انيس: حتى يخرج ولد خوك ويعطيهم ليك (كيقايلو السم بحواجبو) هدا الا خرج حي
زهير: (عض على شناافتو مغدد ميقدر يدير واالو) واااه حتى دي هضرة غير المرة جاية منين نجي نهضر معاكم ݣدموولي شي راااجل معندي كلام مع نسااا..
————————
هند: (دخلت لطواليط دارت بيبي ومنين مسحت لقات نقيطة ديال الدم) بففف جاات (ناضت دارت اولويز خرجت لقات وليد مزال نااعس حيت رجع كيعيى والخدمة رجعت كولها عليه فغياب زهير لبست حوايجها لوات شال عليها للي بدات كتولفو من مور ديك الليلة للي دخل عليها حلف عليها شعرها ميبانش واخا كدير ديك القضية ديال زلق ليها مهم عتابرها بدااية…. هزت سوارتها كانت نعيمة واحمد كيفطرو حيت جلسو معاهم هاد الايام مواسااااة لعائلة أمال.. جلست فطرت معاهم حتى نطقت)
نعيمة: بنتي بلاتي نمشيو نطلو على شيما
هند: واه اخالتي ونتا عمي؟!
احمد: لا
هند: اوكي.. نخليكم دابا تعطلت على الخدمة منين نبغي نجي نصوني عليك
نعيمة: واخا بنتي الله يرضي عليك تبغي شي حاجة لغدا
هند: للي درتي اخالتي (خرجت واحمد غير كيشوف تمنى بنتو تكون بحال هند محتارمة لكبير وصغير وخا لسانها شي مرات كيطوال فحدود المعقول وهو كيسميها بساالة الا عزييييزة عندو غير هو موضوع الخدمة ممقتانعش بيها ولكن مخليه رأي شخصي حيت شايف ولدو مرتاح وعاجبو الحال وحتى من صحتو فهاد الايام بانت فيه… ولكن باش يمشي عند بنتو مستحييييييييل…)
~~~~~~~~~~
أشرف: (الحال كما هو عليه.. مكيهضر معاها حتى فشي حاجة من غير لبنت وحتى من طبيب النفساني كيديها كل جمعة بلا أسئلة منو.. كان حدا بنتو شادة صبعو فيديها حتى غفات ونعست وهو متكي حداها فالنموسية لدابا مزال معرف واش أنوار حيت ولا ميت ولكن فكل الاحوال مبغالوش موتة بحال هادي ماشي مبغالوش الموت غير مبغالوش موتة ديال الإرهابيين معاه مو ومرتو وبنتو حيت حط راسو فالموقف كانت قااسحة… جات داخلة شيماء للي كل نهار كيشوفها كتلبس غير كولونات بتريكوهم وشعر كتقادو وديما معكرة وروايح..)
كيف بقيتي دابا اشيما شوية؟!!
شيماء: (واخيييرا سول) الحمد لله (جلست حدا رجليه للي بعدهم)
أشرف: ولفتي مريم شوية؟!
شيماء: (حركت راسها باه ولكن بدون مشاعر)
أشرف: مكتحسي بوالو (بقات كتشوف فيها) كتشوفيها هي سباب عذاابك كتݣولي وكان ماشي هي وكان راني دايرة ما بغيت ماشي مزوجة بأشرف
شيماء: (معرفت متقول)
أشرف: (شاف فبنتو وباس يدها وحيدها من صبعو وجلس) مغنبززش عليك تبقاي فوكما تبغي تمشي سيري ولكن هي تبقى معايا
شيماء: (بلعت ريقها) ورضاعة
أشرف: نتي وضميرك
شيماء: انا كنشوفك نتا للي جالس معايا بالسيف واخا فكرة جواج وكولشي منك حتى منين ديتني لعدول مشاورتينيش وحتى صداقي مسولتيش واخا فشرع خاصك تسول ماشي تحط بقيمتي
أشرف: نحط بقيمتك!!! راه انا للي حاط من قيمتي ومزوج بيك
شيماء: (جاتها لبكية) صافي طلݣني
أشرف: (شاف دموع قربو ينفاجرو مع عينيها) مكنبغيش نهضرو فهاد الموضوع ولكن مبغيتش نزيد نحبسك عندي وانا عاارف معاطيكش حقك كمرااتي
شيماء: (سكتت حيت حلقها نشف وحاسة بشي حاجة واحلة ليها)
أشرف: (لدابا مبغاش يقولها على أنوار وعائلتو) انا نمشي للخدمة
شيماء: بغيت نرجع نقرا
أشرف: (ظحك باستهزاء) بحال كيف كنتي تقراي العام للي فات!!! محدك مرتي لا محدك مرتي غتݣادي اااه ومنين جبدنا الهضرة فولارك ميحايدش من راسك لبسك يكون مستور ممنوع المكياج وروااايح وعينيك فلرض والخروج ممنوع غير الا كان للضرووورة
شيماء: لبس من لحوايج للي شاري لية ولا لفولارات للي كل نهار شاري لون مناش لبس وانا من نهار تجوجتك بيجامة مشريتيهالييييش ااه ولا نسيت منين جات خطيبتك ولا صاحبتك كتصدق عليك دوك شرااوط كون هاني لحتهم بميكاتهم
أشرف: (قا غير كيشوف) واااخ حتى حاجة مبعييدة نخرجك وشري للي بغيت انا متفاهمين دابا!!!!
نهار الخامس خلاوهم يدخلو ولكن غير المقربين.. دخل زهير سول على فين كاين أنوار وللي فرحو هو كاين فغرفة عادية ماشي فالعناية وسول حتى على ام دعاء للي مزال حالتها حرجة بزااااف… مشا للغرفة شايف كولشي جاي بالورد الا هو هاز غير باسبوورو للي منجيييه شوية… وصل شاف حتى من حدا لباب كاين باقات ورود الا ديالو قلب وجهو لقا حتى شي غرف مفيهمش…
زهير: (دخل شاف فأنوار وحل عينو موسعهم راه ولد خوه رجليه بجوج مݣبصين ومفروقين والفرملية ياله كتغطيه والمشكل فاصمة ملوية على راسو وحتى على عينيه قرب) انواااار
أنوار: (كيقلب على مصدر الصوت وكيميز شكون) هااا
زهير: (شد فيدو وهو مصدوم من حاالتلو عاد شي شهور كان كيقلب عليه باش يقتلو وداابا شفو وبقا فيه) انا زهير
أنوار: (شداه لبكية) فينها مّا
زهير: (غمض عينو فهاد الموقف ورجع حلهم وهو كيشوف فأنوار للي لا حولة ولا قوة ليه) الله يرحمها ويغفر ليها
أنوار: (بقا كيبكي بحال شي ولد صغير لدرجة زهير عينيه تضببو… بقا كيلووم راسو فموت موو حتى جات فرملية كدݣ ليه إبرة مهدئة) ودعا وبنتي؟!
زهير: حتى مرتك الله يرحمها وبنتك غنمشي نشوفها داا (شافو مكيتحركش شاف فلفرملية) علاش مݣلتولوش على الام ديالو (كيهضر بلفرونسي)
…: لمريض ياله كمل العملية على عينيه وكان ممنوع نقولو ليه شي حاجة
زهير: واش عمى؟!
…: مزال معرفناش حيت دخل لعينيه الزاج (خرجت وبقا زهير كيشوف صونا تيليفونو وكان ابيل فيديو حيت كولشي كيتسنى يشوف أنوار اليوم جاوب كان خووه ومن موراه متجمهرين العائلة كولها)
زهير: انا حداه ولكن حتى واحد ميهضر ولا يغوت هو ياله دݣو ليه إبرة باش يتكالما
لكبير: وريني ولدي (ضور زهير الكاميرة لانوار ختو بشرى مقدرتش تشد راسها بقات كتبكي بهستيرية وهي كتشوف خوها فديك الحالة وحتى خوتو كيبكيو هرب لكبير من حداها كيبكي فصمت) ݣلتلو على مو
زهير: واه دابا وداكشي باش دݣولو برا حيت بقا يبكي ويلوم فراسو
لكبير: (دار يدو على عينيه كيبكي واحمد مصبرو عطا التيليفون لامال)
أمال: (شافت فأنوار وزهير غير بان وجه أمال قلب الكاميرا لوجهو) زهير كيف بقيت؟!!
زهير: (زفر) تمااااارة (كانو عينيه نايمين بلعيا الجسدي والمعنوي) وكان كانو ورااقك مݣادين وكان جبتك معايا حيت بالصح باغيك تكوني حداايا
أمال: (حست بقيمتها كبيرة عندو) واجي
زهير: فين نجي احبيبة وانا هنا نشوفو محݣةر وباغيين يديو بنتو وهو مهرس من رجليه بجوج ومكيشوفش تبغي نخلي واحد معدوم بحال هاكا؟! (حركت راسها بلا)
كنواعدك مغنتعطلش (كان متأثر حيت حط راسو فبلاصتو ميمكنش يفيق نهار ويقولو مرتك ومك ماتو وهاد الجوج بالظبط للي خاص براسو عااايش على قبلهم… جات بشرى خدات ليها التيليفون)
بشرى: عفاك ازهير نبووسلك رجليييك تهلا فخوويا الله يعطيك ما كتمنى عفاااك متخللليهش وحدوو تم (كتبكي) متخليييهش راه مبقااالو حد.من غيييرك
زهير: مرانيش هبيل نخليه وحدو
بشرى: (بحرا كتقدر تهضر بشهيق) وبنتو فينها؟!!
زهير: (كان وصل لغرفة دراري صغار مخلاوهش خل يشوف غير من برا براسو مكيعرفهااش حيت كانو 3 قلب الكاميرا) معرفتش شكون فيهم
بشرى: (من ديما كيوريهالها أنوار ويصيفط تصاور والفيديوهات عرفااتها) راها راها (كانت كتبكي جاتها لفرملية عطاتها البضاعة) وماين دعاء؟!
زهير: منعرفهاش وللي سمعت حالتها خااايبة..
دازت سيمانة زهير كل وقت زيارة كتلقاه حدا انوار للي متقبلش حالتو وموت مو ودعاء للي عرف بقيمتها خلا زهير حااير معرف ميدير حيت كيتسناه يرجع لطبيعتو باش يعطيه او سوريه وراق لبنت يهبطها للمغرب حيت ميعرفش فأي لحظة يديوها لوخرين ومتأكد مغيتهلاوش فيها… مفكو غير يونس للي بان هاد نهار وطلبو باش يوقف معاه فهاد القضية ديال يدي لبنت المغرب… يونس هضر مع شي صحابو بوليس من فرنسا وقالولو الا الاب سمحوليها تهبط مع عمو تهبط حيت الام للي غتمانع ماتت وهو الوصي الوحيد ديالها وعاد لبنت بجنسيتها ميتخافش عليها.. خاص غير أنوار يعطي الموافقة بالوراق… دخل عندو زهير ويونس
زهير: أنوار
أنوار: (غير كيسمع صوتو كيحس بالأمان شوية وخصوصا من بعد تهديد انيس ليه باش مغيورث حتى حاجة منهم وميطمعش يعاود يرجع لدار ام دعاء…) زهير
زهير: هانا هنا (شد فيدو) شوية دنهار؟!
أنوار: بشرى ماتت حتى هي؟!
زهير: لا مزال مع هي ودعاء كانو تابعينك فاش خرجتي ومنها كانت سابقاها شوية
أنوار: كانت مّا بوحدها منين ماتت
يونس: لا حول ولا قوه الا بالله العلي العظيم (خرج متأثر مو كتر من 30 عام باش ماتت ومزال هابل عليها اعساك هدا)
زهير: دابا خاصك تقوي رااسك باش تنوض ونديو مك تدفن بااك وخوتك بغاوها تدفن فوجدة وخاصك تنوض على بنتك للي دوك شلاهبية بغاو يديوها
أنوار: نهار نموت ويديوها
زهير: نوض دااابا
أنوار: (بقا كيبكي كفاش ينوض ورجليه بجوج مهرسين وحدة كولها حديد وماشي بعيد تكون إعاقة مدى الحياة بقا كيكالميه زهير قالو بقات يوماين باش يفتحو لباندة على عينو ويخليو غير فاصمة عليهم) عميييت ازهيييير عمييييت… جمعت ذنوووب العااالم
زهير: کول الحمد لله كولشي مع الوقت يتصلح وحتى عينيك طبيب ݣال مزال كاين أمل باش يتعالجو
أنوار: (غير كيبكي) ݣلبي دمر اخويا (بقاو غير ساكتين رجع طبيب عندو وخرج هو حدا يونس)
زهير: خويا خيرك جامي تستاهل حم باك الا موصل عندي نتا والفاميلة لوجدة
يونس: ان شاء الله غير لقى شي وقيتة نجيو.. حتى نتا مرحبا بيك عندنا فالمحمدية.. مهم زهير كيعيطولي دابا يبقى الاتصال بيناتنا….
زهير: الله يعز بيك اخويا… (يونس مشا فحاالو حيت مغيوليش يتلقاو (حاليا)….)
…دازت يوماين كان زهير جار أنوار فكرسي متحرك وداير نظاظر كوحل ولباندة على راسو حيت كانت جرحة فراسو كبيرة.. مشاو لجهة ديال الاطفال جابو لبنت شدها زهير كانت شبه أنوار تبسم وعنقها
زهير: (جات فرملية جرت أنوار حتى باب صبيطار هنا أنوار كيسمع الضجيج) واحد لبوليسي هو للي غيمشي معاك للدار باش تجيب وراقك
أنوار: ونتا؟!! متمشيش معايا؟!
زهير: دارولي عدم التعرض وخاص باش نسبق للمطار على حساب المرحومة.. (حس بيه خايف) راه معاك بوليسي معندك مناش تخاف جيب وراقك كاملين ووراق بنتك نتا غير هضر وهو غيجيب ليك شنو بغيت حوايجك وكولشي خليهم مغيݣدو يديرو بيهم والو حيت مزال ترجع على حساب العملية (حرك راسو باه… جا داك لبوليسي مشا معاه أنوار وزهير مشا للمطار باش يكمل الإجراءات حيت النقل كان على حسابهم 20000 درهم وهادشي سهل الامور…)
أنوار: (دخل للدار كانت فيها العائلة ولكن هو مكيشوف والو غير لبوليسي للي جارو فداك الكرسي حتى واحد مجا عزاه فمو او دعاء مرتو مكانوش هاكا قبل ب15 اليوم كان غير بوسى فية نبوس فيك ونتا حبيبي وعشيري كيسمع اصوااتهم لا شي وحدين سمعهم كيظحكو واكيد غيفسرها كيظحكو على شكلو وصل لبيتو حيت كولشي كان منظم شنو قال لبوليسي كيلقاه بلاصتو هز وراقو ولفلوس للي تماك اما لكونت ديالو للي فالمغرب وللي فرنسا معمرهم… خدا وراق بناتو جرو للبيت فين كانت كتنعس مو مكيشوف والو ولكن ريحتها مزاالة بكاا حتى شبع كيقاب بيدو حتى تعكل شدو غير لبوليسي) بغيت نجمع حوايجها
…: ممنوع تهز شي حوايج حتى ترجع المرة جاية هاكا سنيتو على المحضر وحتى هوما ممنوع يهزو شي حاجة
أنوار: حوايج مّا اش دخلهم فدشي (مسح نيفو وخرج كتافو طايحين وظهرو عوج حاط يدو على راسو ولبوليسي مخرجو تحت انظار للي شفق وللي كاره نيشان وصلو للمطار كان زهير واقف كيتسناه ولبنيتة هابلة بلبكى ممعاهم حتى شي وحدة للي تعرف ليها أنوار طالق يديه كيقلب على مصدر الصوت مشا عندو زهير حنا مدخل ليه شدها أنوار كيبغي يقرب وجهها لوجهو معنقها) جاعت يمكن
زهير: معرفت منعطيها (دخلو كانت فرماسيان لداخل أنوار خدا ليها حليب رضاعة حتى ليكوش وطلب للي من تماك تبدل ليها وإنسانيا بغات تعاونو وهي كتشوف حالتو قدات لبنت ومشاو نيشان طلعو للطيارة بقا كيبكي ويعاود مو شحال كانت فرحانة داك لمرات جاية كظحك واليوم راجعة ميتة وعاد للي عاودو لحمها غير تجمع.. ساعات كانو فمطار وجدة زهير شاد لبنت وانوار شاد فذراع زهير للي حس بانه رجع مسؤول على هاد الجوووج من ديما كيتحمل المسؤولية… مع كملو الإجراءات يتسناو يعطيوهم غير الكاملة خرجو حتى كتبان العائلة لكبير جا كيجري وحنا كيعنق أنوار للي بدا كيبكي واحد بواحد كيعنقوه ويتأسفو لحالتو اما زهير واقف هاز لبنيتة وهو كيقلب على أمال ساعة مكيناش معاهم جات بشرى هزات لبنت تبكي وتبووووس بقاو هكاك عاد جا لكبير كيعنق ويسلم على زهير ويشكرو راه كتر من 15 اليوم وهو واقف معاه جاهم لبوليسي للي علهم الصندوق ديال الكاملة برا خرجو كاملين وحيت ممنوع يتحل ركبو فطموبيلاتهم ونيشان للدار وسابقااهم طموبيلة ديال البلدية للي مكتوبة فيها لا اله الا الله…
~~~~~~~~
هند: (شادة التيست وممتيقاش خرجت برا حدا امال) حاملة أمال حاااااملة
أمال: ههه حمقة مبروووك عليك
هند: (بقات مصدوووومة) ولكن داك نهار هبطت مني قطرة
أمال: رجع فهضرتو هههه
هند: (بقات كتنقز وتغوت عاد تفكرت) لا لا دابا خااص نجمع ***
أمال: جمعي غير فمك هاد الساعة زباله هبطي نمشيو للدار نݣولوهالهم
هند: لا لا ماشي وقتها وزايدون خاص يعرف وليد هو اللول واجواء الموت
أمال: كنت بغيت نمشي للمطار ولكن داك لاخر بففف ياله نمشيو
هند: أمال وبربي وتݣولي شي حاجة والله حتى نفش لمك الترمة عارفة ترمتك عزيزة عليك كتر من عينيك
أمال: ههه زيدي وكان احااااي وشحال فرحت ليك
هند: ان شاء الله حتى نتي نفرحو بيك فالقريب
أمال: امييييين… (مشاو لدار الحاجة تخلعو منين لقاو الجماهير تما منين سولو الطموبيل قريبة مشاو حدا الحاجة للي طااايح عليها الضيم حتى كدخل الطموبيل ديال البلدية بداو لعيالات يغوتو وصلو الطموبيلان لوخرين أمال شافت زهير شيراتلو حتى كتشوفو كيجبد أنوار هو وخوه عبد الله خرجوه وقادة الكرسي ودغيا غطاو ليه رجليه ومن دوك نظاظر كوحل ومن اشارااتو باين عمى تشاوفو هند وأمال حيت زهير مكان قال واالو)
هند: ناااري كيف رجع؟!! واش عمى؟!!
زهير: (جر أنوار يدخلو وولاد الكاملة ولكبير وشي وحدين هزو صندوق الكاملة ودخلوه تحت لغوات نديب ولبكى…. كانو بغاو يحلووه ولكن زهير) معندكم متحلو فيه ديما تفكر مكم كيف شفتوها اخر مرة بلا متعذبو وتحلو عليها الصندوق وهي مممم خويا راه كانت فانفجار ماشي موتة عادية بلا متحلو (كيحاول ميزديش يمرضهم ساعة العكس قلبهم فيه العافية جات أمال حداه دار يدو على كتفها وباس راسها) بلا متحلووه تسامحو وللي دارت ليه شي حاجة (شاف فامال) يسمح ليها راه اخرتها مووت وكلنا ليها (دمعو عينيها وهي كتفكر شنو داز عليها) الله يسمح لينا ويسمح ليها ويغفر ليها (خلا الطايح كتر من الواقف وللي واقف غير شاد راسو بالسيف كولشي مشاعيرو مخلطة جر أمال وبعد من دوك الاجواء)
حتى حاجة ما بالسيف عليك احبيبي الا ݣديتي سامحي وغتكوني ديني الاجر والا مݣديتيش داكشي يبقى ديالك نتي (محست حتى حطت راسها على صدرو وهو كيطبطب فظهرها….)
أشرف: (وصل بطموبيلتو لدار زهير كانت الجوقة حطها بعيد نفسو مظطرب باش يعاود يتلاقة بانوار مرة أخرى للي حسبو ميت وتسامح معاه ولكن دابا هو مميتش!!!
دخل لدار للي عامرة بشار وفالصالون لكبير صندوق عليه ايزار فالاخضر وللي كيبكي حداه ومعنقو صور عينو كيقلب على أنوار حتى كيبانلو مجرور فكرسي متحرك وعليه كاشميرا خفيفة على رجليه ونظاظر كوحل وفتصمة على راسو تفكر اخر مقالو على شيماء حس بغضب كبير ولكن كيحاول يقنع راسو انه فحالة ماشي ديال يتقاتل معاه تقدم لاخر غير حاني راسو باين كتر من مدمر شاف فلكبير عيطلو وهو راسو لأشرف الي ياله بغا يهضر ولاخر بقا كيدور راسو أشرف حس بانه غير مرغوب شاف فيه بحال مكيعرفووش شد فيدو لكبير)
لكبير: صااحبك جا اولدي (أشرف شاف فلكبير باستغراب حتى دارلو إشارة انه مكيشوفش هنا تسعق أشرف مكيشوفش مكيتمشاش مرتو ومو وماتو شاف انه تعااقب وبزااف نزل أشرف)
أشرف: أنوار!! لبركة فبرااسك
أنوار: (بصوت مخنوق وكيرجف حاني راسو) ممشا معاك باس اخويا
أشرف: (معرف ميقول عاد كان جاي ودااعس على قلبو غير وجه لكبير وزهير ولكن مظنش يلقاه هاكا جا خوه جرو باش غيمشيو يصليو عليها وقف متبعو قلب بعينيه على زهير والو مكاينش قرر يكمل الاجر حتى لدفينة ويمشي بحالو… جاو دراري يهزو الصندوق ومنهم زهير خرجو تحت لبكا ولغوات ديال الفاميلة اما أنوار جارو باه للي مرض فراسو مشاو على رجل وللي مقدش مشا بالطموبيل تابعهم… )
هند: (جاها ابيل خاصها تمشي للعيادة) أمال خاص نمشي تبغي تمشي معايا؟
أمال: لا منخليش مّا وحدها راكي شفتيها اختي (مشات هند وبقات أمال معرفت علاش رجعولها ݣاع دوك الأحاسيس الخايبة من جهة الكاملة ومن جهة أنوار مقدراش تسامح بسهولة وهي باها ياله كتحاول تنسى كراهيتوو ليها للي جاية من فراااغ.. بقات مع الحاجة غير صاااقرة شي جوج سوايع وتمو جايين معمرين الدار أمال مقدرتش تخرج حيت كاينين رجال وزهي مغيقبلش بهاد التصرف… بقات كتسنى حتى كتشوف أنوار مجرور تفكرت أول مرة شافتو وشنو كان إحساسها حتى لهاد نهار بغاتو كرهاتو ودابا!!! رجعت شافت فيه بحدة مزال كتكرهو… واخا هادشي للي وقع ليه الا إحساسها هو هو…)
مّا تمشي ترتاحي شوي؟!!
الحاجة: (بتعب) لا بنيتي حشومة الناس
أمال: مّا نوضي نمشيو نوجد ليك شي حاجة تاكليها وتشربي دواك بلاتي وارا منجيو نجلسو
الحاجة: حشومة بنتي أمال
أمال: انا نمشي نجيب ليك زهير (شافتها مبغاتش تنوض قدات شعرها تحت شالها كتقلب حتى لقاتو حدا انوار كيهضر معاه) حم زهير.. مّا عيانة ومبغاتش تمشي ترتاح
زهير: درك نهضر معاها انواار هادي أمال مرتي
أمال: (بلعت ريقها شافت فيه غير حاني راسو وملامح وجهو باردين بحال عايش فشي قوقعة من الصدمة) انا غنمشي للدار نوجد ليها متاكل
زهير: طرحي عينيك وسيري (حركت رأسها باه خرجت كما المتوقع الدنيا عامرة طلعت للدار كانت عامرة بلعزاية وخوتات زهير المستقبلين هزت دوا الحاجة ومشات للثلاجة هزت الهضرة للي سلقتها صوطاتها وخلات عيشة كتفقس حيت عتابراتها برهوشة وكارهة للكاملة صوطات شوية ديال دجاج دارتو فطبسيل وللي تما غير كيشوف هوما كيجريو يتسخرو ويخطو الزبدة والعسل والزيتون للناس وهي كتقاد لغدا تجاهلات شوفااتهم غلفت الطبسيل بالاليمينيوم وسربيتة جات خارجة وهي تعرض ليها عيشة)
عيشة: محشمتيش نتي راعي غير لولادها ولكبير
أمال: مدرت وللو كنوجد لغدا لمّا للي خاصها تشرب دوا وحتى حد مداها فيها وهي مسكينة غير مكااابرة.. (دازت وخلاتها طلعت لسطح ونقزت صونات على زهير يجيب الحاجة عندهم للدار جابها وهي كتعرج وقف على راسها حتى كلات وشربت دوا دخلاتها أمال لبيتها تكاتها وخرجت عند زهير)
مترتاحش ازهير حتى نتا؟!
زهير: معليش حتى الليل.. (جارها بقا معنقها شحال.. )
زهير: (شاف فيها) فالليل غيجيو شي رجال باش يجلسو فالصالون
أمال: واه يجييو انا نݣاد الدار
زهير: عارف الكاملة كانت بغات تقتلك وغير عتقناك وشحال من حاجة ولكن واش تݣدي تسمحيلها
أمال: (حنات راسها) الله يسامح غير باش نبكي (شافت فيه) مممااا مهبطت حتى دمعة
زهير: من حقك احبيبة وانا منبغيكش تبكي بغيت غير قلبك يكون متسامح مع الوقت بروووحي مكنت کاد نسامح ولكن منين مشيت لان وشفت الحالة وحتى أنوار بففف خلاتني نفكر بنادم معندوش الوقت باش يحقد اللهم يتسامح ويخلي الواحد لربو
أمال: (حركت راسها باه.. هزت يدها وحطاتها على حنكو كان سخون شوية) فيك سخانة؟!
زهير: (شد يدها وباسها) غير لعيا
أمال: وضعافيت مكنتش تاكل مزيان
زهير: درك ناكل فيها هند تمشي تجلسي حداها
أمال: عيطولها الخدمة ولكن راني جالسة مع مريم
زهير: متحاكيش معاهم فشغل متحاكي حتى مع شي حد تماك وللي ݣالك شي كلمة متجاوبيهش رواحي لعندي يانا
أمال: وااخ (باسها فجبهتها وتمو هابطين هو مشا وهي جمعت الصالون اصلا نقي ولكن مسحت الغبرة وطلقت بخور فالدار خرجت مشات لحدا مريم كان حطو لغدا جلست حداها وبقات كتاكل) يا ختي من ديما كنحماق على طعام لݣنايز
مريم: انا كنت غنطيح بعظامي باش ناكلو وليت كنموت على طعام نهار نديرو ونهار لا
أمال: كتوحمي عليه تبقاي تجي عندي ونصاوبو ليك
مريم: واخا (بقاو كياكلو وكاين للي عيب على أمال حيت راه لوستها للي ماتت خاصها تبكي وتخنخن ومتاكلش ولكن لا شافوها غير جالسة مع مرت خوها وعاد جاية كتغدا بحال مواقع والو… جاو عيالات كيجمعو وناضت أمال ومريم مشاو يطلو على الحاجة وجلسو تماك حتى جات هند مطولتش معاهم ومشات لدارها نقاد مفاجئة لوليد…)
~~~~~~~~~~
شيماء: (قطعت مع مها للي عاد قالتلها شنو واقع بقات غير مصدوومة بغات تسول على أنوار ولكن مقدرتش دخل أشرف وجلس غير ساااهي) سلام
أشرف: عليكم السلام
شيماء: نجيبلك تغدا كنت كنتسناك
أشرف: وعلاش متغديتيش واش ناسية راك كترضعي
شيماء: حسابلي غتجي تغدا وتسنيتك
اشرف: العصر هدا وفين عمري ݣلت ليك تسنايني لغدا
شيماء: علاش كتهضر معايا هاكا؟!! (بقات بنتها كتغوت.. بانفعال) سكتيييييي نتي
أشرف: (وقف مخرج عينو فيها) ااااخر مرة تغوتي عليها هاك
شيماء: (كتنهج) نغوت صوووتها كيديرلي شقيييقة نغوت حتى نشبع
أشرف: نتي راكي هبيلة ما فيهااااش (بقاو دموعها هوادين هز لبنت وبقا كيراري بيها اما هي دخلت لبيتها شبعت بكى حتي دخل عندها)
لبنت بغات ترضع
شيماء: رضعها نتا
أشرف: واش ديلملتك هبلتني وكان كنت نݣد رضعها متزيديش دقيقة هنا وديك الساااع سيري عند زلاااالك راك رجع نيييت
شيماء: (شافت فيه)
أشرف: (قرب ليها) ودابا نوضي مسحي علية دموعك ورضعي مريم (بلغوات) نووووووضي (لبنت تهزت بصوتو وهي دارت يدها على وجها كطااكي بقا كيراري بلبنت) اخر مرة نتغاوتو حداها منبغيش بنتي تكبر معقدة تكملي رضااعتها وغتمشي فحااالك نتي مستحيل تكون أم بزااف عليك الأمومة….. متعرفيييلهاااش!!!
وليد: (مشا للدار باش يبدل حوايجو على حساب لݣنازة لقا الضو غير فبيت نعاس مع حل لباب لقاها لابسة جلابة كانت خيطاتها بخياطة مخزنية فالكحل ولحمر ودايرة شال فنفس اللون مع ميني بوط فلكحل) هانا على الزااز كبيدة راه ݣنااازة ماشي عراسية
هند: علاش العرس غتلبس هاكا؟!!
وليد: (باسها) التيتيزة ديالي (تبسمت ودخل للدوش سدات عليه بلا ميجي حيت كان شاعل الرشاشة عاد لسقت ملصقات على شكل اثار رجلين ديال دراري صغار فلون غوز وشيبي فالأرض تابعين للنموسية وحطات فوقها بواطة ومشات للكوزينة جابت طورطة حطاتها فوق الطابل دونوي وجوج طباسل وموس عاد دارت شميعات صغار بقا كيدق)
حلي اهند
هند: صبر اصاااحبي (شعلت شميعات للي كانو على شكل سهم للطابلة للي فوقها الطورطة لاحت وريدات حومر فوق النموسية ضايرين بلبواطة رشت من ريحتها عليها وعلى لبيت زولت الشال وطلقت شعرها شعلت موسيقى إيطالية ونقسااات الصوت.. طفات الضو عاد حلات لباب….
مع فتحو كان لابس بينوار شاف فهاد الديكور شاف فيها وفنفسو كيقول واش وقتا وهي عارفة شنو وااقع!!! مهضرش غير كتبسم ياله غيمشي عندها شاف فالارض ملصقات للي كيعطيو الضو فاش كيتطفا (بحال نجيمات للي كيكونو فبيت نعاس) كانو رجيلات صغييورين تبسم تبعهم وهو يلقى بواطة فلحمر توقع شي كادو لقا وريقة مع غير شمع للي مشعول كان صعيب يقرا قرب الورقة)
Je t’aime bb
نتمنى الكادو للي غنعطيك يفرحك….
وليد: (شاف فيها متبسم) نتي عندي احسن كااادو
هند: اممم كمل (شاف فالسهم زاد تشوق كتر عض على شنااايفو حيت شنو ما كان الكادو حمقااتو هاد الحركة منها بزاااف.. تبع السهم كانت طورطة شعلت شمع لكبير للي كان فالطبلة وعطا الضو اكتر فلبيت.. هزت الطورطة للي كانت صغيرة تقريبا كيلو وجاية طاالعة هزااتها وعطاتو الموس تعجب) وغير كمل اbb (شد لموس) قسمها فالنص (قسمها وهو كيظحك حس بالموس وقف فشي حاجة شاف فيها كانت متبسمة حيد لموس وجبد كانت سكاتة عامرة بلكريم قربت لعندو وهو غير كيشوف ومدت يدها للي فيها التيست)
وليد؛ حاملة!!!
هند: (حركت رأسها باه وهي كتبسم)
وليد: حلفي بالله (حط ديك الطورطة وشغل الضو ورجع بالزربة بحال شي ملهوف شاف التيست للي فيه جوج شراطي حل فمو وشاف فيها حتى بقا كيظحك جرها عنقها بالجهد) الحمد لله يا ربي الحمدلله (هي كظحك بعدها وشاف فيها والفرحة غتنقز من عينيه جيدا باسها بحرااارة مصدووم معىطارف ميقول وهي هاد الفرحة للي فيه كافيااها وبزاف ومن تعامل مع مريم وحنيتو عارفاه غيكون احسن أب بقا كيشوف فهاد المفاااجئة للي كانت احسن فرحة) كنبغيك بزاااااف اهند (بعد عليها هز يديها وباسهم بجوج) كنبغييك بزااف هدا ماشي غير كانو هادي راه الفرحة التانية فحيااتي
هند: وشكون الفرحة اللولة
وليد: (راسها فجبهتها) نتي (جرها جلس وجلسها فوق رجليه) فوكاش عرفتي
هند: (الابتسامة مفارقاتش وجها) صباح
وليد: وعلاش مݣلتيلي والو
هند: وفين عنصر المفاجئة والفرحة ههه
وليد: حيااتي نتي فخباارك
هند: اه ههه
وليد: دابا واش هادي حالة نمشي بيها لعزو نبقا غير نظحكلهم تم بحال لهبيل
هند: ههه (قطعت مورسو ديال الطورطة وحطاتو فطبسيل هزاتو وحل فمو وكلاتو) نن حشوومة نديرو الواجب ديالنا ونفرحو فدارنا على خاطرنا (بقا كريم حدا شنايفو هبطت لحستها بشنايفها محس حتى جبدها من شعرها بشوية كيبووس وحتى هي منسااجمة معاه كتخلييه بلا عقل…
وقفت مبعدة)
حم وليد ياله نمشيو
وليد: ههه ياااك واخا المرضية ديالي (ناض وهي بغات تجمع داكشي مخلاهاش كيلبس وهي جالسة كيهضرو ويتغزل فيها باغي يهضر ويقول شحال من حاجة ولكن الوقت معندهمش دارت الشال عليها خرجو وهوما كيتغزلو فبعضياتهم وصلو دخلات لدار الحاجة فين كاينة أمال وهو مشا عند زهير باغي غير يجمع فمو من الابتسامة ومتبانش الفرحة فيييه….)
داز لعشا وكولشي تفرق لبنت نهاية فيها بشرى للي بقات فيهم حتى دعاء بزاااااف وكولشي كيدعي ليها بالرحمة والمغفرة طلعو أنوار لبيتو للي جاتو هيستيرية ديال لبكى وخاص للي يدݣ ليه الشوووكة الحاجة كتصوني على هند للي جابتها
الحاجة: بنتي دݣيلو شوكة راه غير يبكي مسيكبن وعويناتو مرااض
هند: لأنوار؟!! (شافت فزهير)
زهير: انا نݣولها لوليد (بقات هند ساكتة حتى حرك راسو باه زعما راه بغا) دخلي اختي (دخل معاها زهير كانت بشرى ختو للي كتبكي.. شافت فيه حاالتو ضعااف وعينيه فيهم الفاصمة بجوج ومقادش حتى يتحرك على حساب رجلو متنكرش انه بقا فيها شوية)
هند: أنوار انوااااار (والو كيتفكر مو فديك الحالة وبنتو للي بقات بلا دعاء براسو عاد حس بغيااابها.. جبدت الشوكة كتقادها عاونها زهير وباه باش يهدأ من الحركة عرا ذرااعو ودݣااتها ليه بقات ففمو غير *انا للي قتلت ما* حتى بدا صوتو كينقس ونعس غطاتو ختو وطفاو الضو وخرجو… شوية بان وليد مشات حداه هند)
لكبير: (للي ولات حالتو حالة) لا حول ولا قوه الا بالله العلي العظيم (فهاد الوقت كانت ليلى نعسات بنتو حدا ولدها للي تلهات معاه حيت تقريبا نفس العمر… كولها مشا يرتاح من بعد أيااام كحلة داازت عليهم بشرى نعست قريبة لخوها مخلية لبنيتة فأيدي أمينة حيت شافت طيبة وحنية ليلى هاد الايام… خرجو دوك تلاتة)
زهير: شكرا اختي هند عييناك معانا
هند: لا لا متقوولش هكاك غير هو واش صافي مبقاش غيشووف؟!
زهير: طبيب دار معاه من بعد 3 شهور يرجع باش يدير شي عملية المشكل فواحد رجلي للي غيبقى عرج بيها
هند: اممم مسكين
زهير: وراك شفتي من نهار لݣيتو وهو هاكا مكينعسش غير بليباري ودوايات
وليد: قااسحة مو ومرتو فنهار واحد الله ينجينا من المضرݣات وصافي
زهير: امييين سيرو ترتاحو شوية
وليد: نمشيو (دار يدو على كتف هند) هند مبقاتش هازة غير راسها ولات هازة جوج
هند: ههه حمق
زهير: (تبسم) ساااابݣك فزوااج ابنادم لاش طاااير
وليد: هههه كولشي بلمكتاب
زهير: (متبسم) ونعمة بالله مبرووك عليكم اسيااادي والله يكمل بالخير بعدا شي واحد يعيطلي عميي ماشي بحال لبغال ديال ولاد خويا للي كبر مني
وليد: ههه مكاين غير با زهير
هند: الله يبارك فيك اخويا عقبال ليكم
زهير: اميييييييين… نسالوك الزردة ابن عمي
وليد: غدا
زهير: مشااات ههه ياله سيرو ترتااحو (خبر زوين ومفرح ولكن جا فوقت للي النفسية مريضة شوية… مشا يطل على خوه لقاه جالس مع ولادو مبغاش يتطفل مشا عند مو لقا أمال جالسة بوحدها من بعد مشرلت مو دوا ونعست.. عيط ليها ومشاو لدارهم للي نعسو شي عائلة تماك عندهم حيت جاو العائلة من الأنحاء… طلعو لقيتهم وسد لباب وهي دخلت للدوش وجداتولو دوش لقاها لبست بيجامة خفيفة حيت طالقة الشوفاج)
أمال: حم نديرلك مساج
زهير: مكرهتش احبيبي (حيد تيشورت نيشان نعس على كرشو حتى هي حيدت التيشرت بقات غير بديباردور بقات كتزيت يدها وتمسد ليه ظهرو كتفافو جنابو رقبتو.. حسان بيه ترخى) تمااااااك
أمال: (بقات كتمسد عنقو وهي جالسة تحت ظهرو شد بيدو رجليها وطلع كيتحسس فخاضها بقات غير كضور عينها بقات كتماصي حتى تقلب وجلسها فوق🍌 للي كان منصب)
أحاااااااي ازهير
زهير: مال مك باغي نعزي
أمال: ههههههه (جبدها كيبوس فيها علات وجهها) واش ماشي حشوومة وعاد كنت حاالتك وانا كنکلب كيف ندير منخليكش فهاد الحالة
زهير: واش جاب شي لشي؟ وزايدون هاكا غتخليني مرتاح كتر
أمال: (عضت شنافتها) اممم
زهير: اممم وبزااف (قلبها تحتو وكملو شنو مكانش ناوي يديرو تحفظا ميخليش صوتها مسموووع….)
أشرف: (فاق على صوت بكى بنتو بالجهد ناض مشا لبيت لقا شيماء كتغوت ودايرة يدها ودنيها) مالها
شيماء: سكتها عفاك سكتها مكتبغيش تسكت ݣاااع
أشرف: (تخلع على بنتو حيت بكاها ماشي عادي كتعصر ورجع وجهها حمر وشنايفها زوورق) واشتا درتي للبنت (هز بنتو خايفها تكون دارت ليها شي حاجة شاف فشيماء للي جالسة جبدها من شعرها) واش درتيلها؟!!!!
شيماء: وااالو (كتبكي) والله والو هي مكتبيش تسكت رضعتها بدلت ليها والو مكتسكتش
أشرف: (كيدي ويجيب فراسها مزير على شعرها) واش همك غير مكتسكتش ومصدعاااك يا الق*** طرا لبنتي شي حاجة نحر مك (مشا لبيتو حط بنتو فوق لفراش وغير مكتزيد تغوت تلفااتو لبس قبيتو وجر صنداالتو الشك نيشان لشيماء دارتلها شي حاجة… لقاها لبست حتى جلابتها ودارت شاالها تبعاااتو ركبو فالطموبيل) وحق ربي المعبود حتى ندبحك يا *** غير صبري راكي تݣلبي عليها (هي ساااكتة مشاو كلينيك دخل لبنت المستعجلات للي ديما حاضر فيها طبيب اطفال وقفو عليه وهو كيقلبها واشرف كيعاولو حالة بنتو من نهار تزادت… دارلها حتى ليكو والسبب كان ليݣاز واغلبية ترابي كيكون فيهم ولا كيرضعووه من مهم خنزر فشيماء للي غير كتشوف بقات فيها بنتها هبطت كتلبسها حويجاتها للي كانو موسخين واشرف زاد كفر من اهمالها لكبيييييير ولكثييييير.. مشا جبد فلوس من ݣيشي رجع خلص وركبو فهدوء والبنت ناعسة.. شاف فيها)
ميمكنش هادشي دياااالك انا غنجيب وحدة للي تݣابلي لبنت
شيماء: حنان!!!
أشرف: حنان ولا غيرها اي وحدة غتكون حنينة على بنتي من غيرك نتي
شيماء: (جاتها لبكية وقربت لبنت لحضنها كتر) لا انا للي نݣااابلها
أشرف: صافي اشيمااا انا اصلا عمرني حسبتك مرتي ودرت بزااف فوق طااقتي
شيماء: (حست بخطر كبيير) مغنخليهالكش
أشرف: ونمووت ومنخليهالكش الله يجعلني نقتلك ندخل الحبس ونعطيها لمك تربيها خير متبقى عندك
شيماء: (بحال طرشها) راه بسباابك نتا… (صوتها كيرجف) راه نتا للي تعديت علية وحملتيني وانا مبغيااش علاش كتجي تلومني ونتا عاارف شنو داااير وعمرني خرجتها حتى من فمي كولشي عداااني خوتي ماما بابا للي لدابا مزال يسخط فية واخا هكاك مݣلت حتى شي حاجة لشي واحد
أشرف: علاش مݣلتيش
شيماء: مݣديتش
أشرف: ماشي ديالك حيت نتي لفعة خاصها تلوح سمها لاي واحد فطريݣها سوا اداها ولا لا
شيماء: (كلامو كان قرطاااس جرت بنتها لأول مرة عنقتها كتبكي) ديني للدار (ساݣ كيقلب على فرماسيان وهي كتفكر حتى ويديها لدار خوها مغيقبلوش بيها غير الا كانت لبنت معاها زائد أشرف مستحيل بفرط فبنتو وغتنوض حرب فغنى عنها وهي براسها ولفت بيها وصلو للدار طلعو بسكات كلامها ميتنسااش وبقا كيتعاود فودنيه وحتى هي كلامو فيقها وخلاها غير حاضية لبنت للي فأي لحظة مهددها يحايدهالهاا….)
زهير: (ضار بقا امال عاطية بظهر ونااعسة غطاها مزيان شاف فالساعة 10 ونص.. دخل نيشان للدوش حس براسو رتاح شوية خرج صلا لقاها مزال ناعسة.. خرج بشوية ومشا لعند مو يطل عليها لقا للي فطر فطر جلس حدا منين سلم عليها)
كيبقيتي امّا؟!!
الحاجة: شوية اوليدي فينها أمال
زهير: خليتها ترتاح شوي
عيشة: (جلست على هاد الجملة كتشوف فخوها) واش عندها شي كمارة علاش تحشم ولا لا؟! (هز زهير حاجبو وفنفسو صباح الله..) الناس تبكي وتندب هي غير مخرجة فدوك العينين وزايداها بالظحك ولكن للي ظحك يتبلى وللي استشفى فعبادو
زهير: تكلماااي لا يطردݣ فيك شي عرق أمال مظحكت على حد مستشفات فحد
عيشة: ها العيالات سولهم واش طيحت شي دمعة ولا حتى عاونات فشي حاجة
زهير: هه علاه تبكي؟!!! وعلاه تعاون؟! براااكة غير حضرت فجنازة وحدة كانت غتقتلها الله يرحمها خلينا نسدو دشي وديها فروووحك اختي عيشة نتي تعرفيني يانا بنت الناس نهار اللول ݣلت مكاينش للي يحاديها ونتي بالظبط
عيشة: ياااااك سمعي امّا جات طفلة لبارح وراهي يݣطع خاوتو معانا على جاالها
زهير: هاااااه طفلة يعني ݣدها ݣد بنتك واش نتي لبارح مودتي شي وحدة من بناتك تخدم؟!! واش الا شي وحدة دفنت وحدة من بناتك حية فبير وقااعدة تݣلب عليها معاك تبززي عليها تبكي فݣناازتها
عيشة: (كضور فعينيها)
زهير: بعدي الطفلة نهار متحتارمكش نتي وتقلل من قيمتك ديك الساااع رواحي تشكاااي شي حاجة اخرى لا
عيشة: سري يا ولد بويا
زهير: وااه سرك باش مرة أخرى رواحي تشكيلي من بنت ݣد بنتك.. كاين شي فطور امّا
عيشة: روح عند مرتك فداركم للي ديما سادينها وفطر
زهير: ديها في روووحك اعيشة هادي دااار مّا وماكلتي وشرابي هنا أحب من أحب وكره من كره
الحاجة: واش الناس داخلة خارجة ونتوما تناݣرو زهير حتارم ختك لكبيرة اوليدي الله يرضي عليك.. عيشة أمال راه وحدة منكم بنتي كما نتي بنتي كلمة أخرى منبغيهاش علييها وانا ديك لبنت بغيت نشوفها غير ظاحكة متبكي متهز متخمل.. (جات نايضة)
زهير: جلسي امّا
الحاجة: محدني فالحياة وواݣفة على رجلي انا نوكل ولدي ونوكل مرتو وولادو
زهير: الله يطول فعمرك (جبد تيليفونو كيخرب فيه وعيشة ناضت غير كتنݣر.. حطاتلو لفطور حيت مابغاش يدخل للكوزينة للي عامرة عيالات فطر مزيان مشا لدارو لقا أمال كتصلي.. كملت صبح عليها وسلم لقاها كتلبس باش تمشي)
تخرجي؟!!
أمال: فين؟!
زهير: معرفت مخاصك حتى شي حاجة شي ورقة تجيبيها من لفاك؟! شي حاجة مهم نخرجو
أمال: حشومة والناس خاص نمشي عند ما راه ݣاع مطليت عليها
زهير: من بعد (شافتو مديرونجي شوية لبست كيطمة هزت مونطو ديالها وخرجو لقا لكبير جار أنوار للي ديما داير قبو ونظاظرو وحاني راسو مشا عندهم وأمال تابعاه) أنوار بيخير؟!!
أنوار: (حرك راسو) الحمد لله
زهير: تبغي تخرج شوية؟!! مكاين لاش تبقى فهاد الجو
أنوار: مݣااادش
زهير: غير ياله حتى مرتي راه معانا
أنوار: (بهاد الكلمة هز راسو ولكن غير ظلام فظلام وغير فكرة ميعاودش يشوف مرة أخرى كتزيد تأزمو وبانت فملامح وجهو) غير بصحتكم اخويا
زهير: على راحتك
لكبير: نوض اولدي سير مع عمك ومرتو كتبقى هنا غير كتزيد تمرض ديه اخويا معندو ميجلس هنا (شافووه غير ساكت وأمال كضور فعينها هزوه بجوج ركبووه اللور وهزو كرسي ديالو داروه فلكوفر.. ركبت أمال لقدام ممرتاحااااش فمجيتو معاهم)
زهير: اموووول تفطري هو اللول ولا لفاك
أمال: حم (كانت 11 ونص) نمشي لفاك هو اللول (من وصولو ياله سمع صوتها)
أنوار: أمال!!!
أمال: (دارت راسها ݣاع مسمعاتو وقلبها قرب يخرج من فمها)
زهير: (شاف فانوار) بغيت أمال؟!
أنوار: واش مكيناااش مزال مركبت؟!! (عارفها ملائمة ميخفاش عطرها لخفيف) بغيت غير نطلب سماحة على واش دارت مّا
أمال: (شافت فزهير للي دارلها إشارة تجاوبو) الله يسمحنا كاملين
أنوار: (مقهور) اميين… امييين (بقا حاني راسو ركب زهير وشد فيد امال للي تبسمت معاه حس بيديها كيرجفو)
زهير: مالكي؟!
أمال: امم والو (دار يدو فوق فخاضها كالعادة وقرسها ظحكت وديمارا فسكات شافت لمرايا للي فالجنب بانلها أنوار حاني راسو غمضت عينها تفكرت أول نهار شافتو كيفاش كان عاجبو حالو وحاس براسو ودابا كفاش مكسووور وباينة القهرة فيه تفكرت ݣاع لحوايج الخايبة والكوابيس للي كان معيشها فيها تنهدت… حتى لقلت راسها فلفاك)
انا منتعطلش
زهير: غير بشوي عليك انا نتسناك… هاه الا كانت شي حاجة صوني (حركت راسها باه شافت فأنوار وخرجت مشات تجيب بوليكابات وقلبت على لبنات للي دارت معاهم عاد خرجت لقات زهير خارج من الطموبيل واقف حدا السرجم للي حدا انوار كيهضرو)
صافي!!
أمال: واه طبعت شنو فاتني ياكما تعطلت
زهير: لا مشينا نتغداو (حركت رأسها باه اخر حاجة كانت باغية تغدا مع راجلها ومعاهم صاحبها لقديم… ركبت بقا صايݣ مشا نيشان لبني درار لقهاوي ديال شوا هبط هبط الكرسي) امول رواحي شدي الكرسي (مشات حداه شدات الكرسي وهو هز أنوار شافت أمال كان لابس بحال شورط رجل فيها جبيرة والتانية فيها لحديد حطو فوق الكرسي وحط على رجليه كاشميرا مخلية لاخر مدمر نفسيا وجسديا.. جرو دخلو لداخل) انا جااي
أمال: نمشي معاك؟!!
زهير: غير خليك (مشا دموندا شنو بغاو ودخل طواليط)
أنوار: أمال
أمال: عفاك متعاودش تهضر معايا دير راسك مكتعرفنيش مك صافي ݣلت الله يسامح الله يرحم ليها ويغفر لها ولكن باش كل مرة نجبد معايا الهضرة لا.. (شافتو ساكت) ماشي خووف منك على شنو فات ولكن احترام عمك زهير للي دار على قبلك بزاف دلحوايج تفكرهم لييه
أنوار: (مخلاتلو ميقول) الله يكتر خيروو
أمال: امييين.. (قلبت وجهها كيجيها كيشوف من ديما عندها غير صورة أنوار لقديمة داك المستغل وشماتة وللي كيستقوى عليها…
اما هو حنا راسو كيلعب بطرف صباعو بالكشمير وباينة عليه حزن كبييير جا زهير كان صقيير)
زهير: أنوار شوية؟!!
أنوار: الحمد لله.. بغيت نرجع ازهير لفرانسا
زهير: علاش؟!
أنوار: بغيت نعرف دعاء واش تدفنت مها واش باقية حية ولا ميتة هادوك للي تم مكيجاوبونيش… معرفت واش ندير
زهير: عندك رزقك دخل ابن عمي لبلادك دير شي مشروع وݣابلو
أنوار: باش نݣابلو برجلي ولا بعيني
زهير: بعقلك الا كانت النية زينة ربي غيسهل عليك.. نتا ݣول الحمد لله ونسى ووݣف على رجليك حيت عندك واحد المسؤووولية اخرى هي بنتك
أنوار: (زاد تقهر صوتو كيرجف) مكانش للي يعرف يݣااابلها بحال دعاء
زهير: الله يرحمها (أمال غير كتشوف مكدخلش راسها حتى بكلمة)
أنوار: (بتنهيدة) امييييين…..
دازو أيام حالة أنوار هي هي غير فبيتو مكيخرجش كيجيبو بنتو يلعب معاها واخا مقادرش حيت عينيه باش يشوفها كظحك كتلعب كتبكي كتكبر مكاااينش لدرجة مبقاوش كيبغيو يدخلوها عندو على ميبرا شوية غير مكيزيد يضعااف والنفسية تحت الزيرو زهير وباه وحتى خوتو ممقصرينش اليوم الاربعين ديال مو مشاو لقبور باش يبنيو على قبرها وفنفس الوقت دايرين صدقة..
هند فرحانة بحملها للي كانت عندها شهرين وسيمانة اما مريم كرشها بانت ف4 شهور…
أما أمال كانت راجعة من لفاك فتاكسي ماشية عند زهير وصلت خلصااتو وشافت نفس لبنت للي ولات كتلقاها بزااف تماك دخلت كان زهير للي حدا لباب كالعادة
أمال: زهير شنو كدير هنا؟!!
زهير: ههه السلام بعدا
أمال: علاش ديما كلݣاك واقف هنا وماشي فلبيرو ديالك
زهير: صاڤابااا نتي ولا واش؟!!! طلعي درك نجي (خلاها غير كتشوف ومشا عند واحد من الخدامة للي معاه.. متحركتش من تماااك حتى هز زهير راسو لقاها مزال فين خلاها وساهية مكتشوفش فيه) صافي دخل كولشي فلحسااب… (مشا عندها)
اسبحااان الله
أمال: نتا كتخووني؟!
زهير: (هز حواجبو متفاجئ) مع الربعة ونص زعما؟!!
أمال: مكنظحكش وحدة كل مرة جيت هنا كلݣاها ونتا سبحان الله بالصدفة (شد يدها وزير عليها) ااااي عدمتني
زهير؛ كلمة خرا تهرس لمك فمك (شاف للي تماك كيشوفو فيهم جرها من يدها وخرجو برا)
واش هبلتني يا *** ولا واش؟!!!! وحق ربي وكان زدتي كلمة أخرى يا محاااينك نݣسم لساانك على جووج
أمال: (بقات غير كتشوف وترمش) نتا كتخوني وكتزيد تغوت
زهير: (عصباتو) شكون ݣالك نخوون فيك؟!!!
أمال: (خرجت عينها) شتك بعيني
زهير: درك نعمييهم لمك دوك لبيااات للي راكي تخرجي فية
أمال: (بقات كترمش بزااف وعقدت حواجبها)
زهير: (جبد ݣاارو كيكمي ويشوف فيها بقات كتكح حتى بغات تجيف بلعاني) بقالك غير تجبدي حلاقمك
أمال: كح كح اووووو كح كح
زهير: يهديك الله ابنت مّا واش للي عندو هاد لحماامة يشوف فشي قنت اااخر
أمال: شفتها بعيني متكذبنيش
زهير: واش بانلك تردو المحال يدخلو ليه غير رجال
امال: احسن ما ديير ياك الاختلاط حراام
زهير: ههه لتبقايش تحللي وتحرمي غير للي بغيتي طلعي للطموبيل درك نجي (فتح بلكونطاك شافها شادة فصااكها) ياااو طلعي خلاص (طلعت مشا جاب جاكيطتو ورجع طلع)
لمعيييصبة ديالي واش بيك؟!!!
أمال: ( لا رد قلبت وجهها حيت مكتحملش للي تقرب لزهير ولا تهضر معاه) انا غنشووف شكون هادي
زهير: منين تعريفها ݣوليهالي..
(خنزرت فيه)
ونعرف بعدا غير روحي معامن راني نخوون فيك هههه
(شقلبت عينها)
راني فيديييل معاك اݣليع ݣلبي وعمر شي وحدة من غيرك تحلالي (بحرا جامعة الظحكة بقا كيهرها فجنابها وفوق ركابيها حتى ظحكت وخرجت حزقة بلا متحس… بقا غير كطلب الله تكون غير هوا بلا ريحة حتى سمعااتو)
حزقتي ازين؟!!!
عيشة: (تجمعو هاد نهار على حساب الصدقة ولكن أمال وخدايمها للي جاتها ضاااسرة وماشي عرووووسة للي كتكون هي للي هازة الدار مكتخر موالو وفوقما يجيو يلقاوها ساعة واالو بلعكس هي كتنوض توجد بيدها فلكوزينة… جاتها مفششة بزاااف عكس داكشي للي عاودولها عليها يتيمة وديما حانية الراس ومها كانت مقرساها بشغل الدار وغير حانية الراس ونية ملقات والو بلعكس لقات خوها عاد كيوقف فوجهها وبصارح العبارة كيقولها دخلي سوق رااسك…)
مّا ست مرت زهير محاملة مكتوحم واش العام للي جا تبقاي غير تباركي لعيباد الله مكاينش نهار للي يباركو ليك نتي؟؟
الحاجة: كولشي بأجلو زين اعيشة
عيشة: العمر راه كيمشي مكيرجعش اللور امّا
الحاجة: للي كتابت علية ابنتي مرحبا بييها خلي عليك لبنت
عيشة: مخليااها اما راها نيت دايرة فيكم مبغاات تخملي ليها وطيبي ليها وتنقييها شكون بحالها لݣات عݣووز تخدم عليها
الحاجة: الله يعطي لبناتك شي عݣووز كيفي ههه
ليلى: (تبسمت شادة لسانها بالسيف) امييين ولݣاع لبنات والله اعݣووزتي مكاين بحاالك امال سعدااتها بيك لخير للي ملݣااتوش ففتيحة لݣااتو فيك
عيشة: غييير ظالمين ديك فتيحة ومنهم نتي
ليلى: انا؟؟ ههه ساليتي من أمال دزني لية اهااه مرحبا بعدا انا كاينة نجاوبك ماشي بحال أمال للي نقصتي عليها ذنوووب
عيشة: مبيني وبيييينك غير الخير والاحسان
ليلى: اممم واخا للي بانلك اعيشة نخليو خير وإحسان
عيشة: شتك بحالا باغية داابزي
ليلى: لا لا حاشة انا للي شفتك مزيرة شوية من جهة امال
عيشة: لهلا يحيييها ويحيي نهار للي نتزير على جاالها اما غير جابتني النفس على مّا
ليلى:. وااا صراحة الواحد كتجيبو النفس على مو وكيبغي يخدمها ويراعيلها أكترية الا كانت بحال مك راه قلال فالدنيا انا تكون عندي ام بحالها نهزها برموش عيني ومنݣولش اح ومنتسناااش للي تجي تهزها
عيشة: (بقات كضور عينها معرفت واش هاضرة عادي وتشكر فمها ولا كدفع ليها الهضرة.. شافت فمها للي كتبسم عنقااتها ليلى) نوض نشوف واش خص؟!!! واش هاد عرووستك متجييش لغدا فات وهي مباانت
الحاجة: اعيييشة نعلي الشيطان واش باغياه يسمعك عاود االهضرة
ليلى: عادي الحاجة بحال وحدة كتسول على بنتها.. ختي عيشة أمال نهار كامشي لفاك كتدوز عند راجلها كيتغداو برا ويجيو.. بلا متخلي ليها حقها… (قلبت وجهها للحاجة للي كتنغز فيها باش تسكت…)
شيماء: (بقات بنتها كتحرك يديداتها ورجيلاتها رجعت كتلاحظ كولشي عليها المونادا قطعاتها من داك نهار… كانت كدوش ليها وحتى هي دخلت دوشت لبست بينوارها وهزاتها من لبانيو ديالها للي خواتو ولبساتها حتى هي بينوار مع باغا تخرج كان ديجا تزلع ليها شمبوان فالارض وزطمت عليه تسمعت غوتتها وطاااحت 2 تواني تحل لباب كان أشرف هز بنتو من يدها للي كانت فوق كرشها)
أشرف: ياكما طااحت؟!!!
شيماء: لا غير ا.. (شافتو مشا كيراري ببنتو بالحر والضربة للي كلماتها فظهرها بقات فبلاصتها كتبكي… من نهار صبيطار مكاينة هضرة بيناتهم قليييل وغير على لبنت ولا احتياجاتتها للي أغلبية كيكون مقضي وجايب كولشي قبل حتى متسالا…
شافت حياااتها عذاااب لا عائلة كيديوها فيها لا راجل لا مستقبل باااين ناضت غير بشوية وهي كتشهق بلبكى وهاد الاهمال كأنها ماشي بناادم… مقدرتش توقف على ظهرها مقااد شدات غير فلڤابو خرجت مقوسة ظهرها دخلت لبيت لقاتو كيلبسها الحوايج وكيهضر معاها وكيظحكها..)
خرج خليني لبس حوايجي
أشرف: (بلا كيشوف فيها) صبري نكمل حتى انا اخر حاجة نبغيها غير نكحل عيني بشوفتك عرياانة
شيماء: (من ديما كيستتفزها شافتو كيلبسها تقااشر وهزها وخرج سدت لباب بالجهد حتى تخلعت لبنت وغوتت)
أشرف: (شد فراسها) متخافيش احبيبة (بغا يحل لباب لقاها سداتو) مزال نوريك الكلبة
شيماء: واه كلبة حيت باقا لداابا معاك باقية مع واحد مكبوووت مبغيتش نمشي معاه وناض تكرفس علية وحملني (كتبكي) وضيعلي حياتي وضيعني مع كولشي وفالتااالي كيدير راسو هو المظلوووم وللي قابل على ق*** ونسيتي راسك راك (وسكتت خلات دمو كيفووور… بقات كتبكي بحرقة بحال تحكم عليها تحمل حمل مباغيااهش ترضع وتسهر وتبدل ليكوش ماشي كأن ولكن بحال شي حاجة بالزز عليك لا والبني انكي مرتاحة ومخااصك واالو… بقات متكية فوق النموسية مقادرااش تحرك ولا تلبس عليها…. شوية سمعت الدقاان بشوية.. ظنت لبنت خاصها ترض وقفت غير بشوية كتألم وغير مقوسة حلت لباب لقاتو هو مخنزر دخل من بعد منعس لبنت وحطها فرولاكس ديالها)
أشرف: كملي (دخل لبيت وسد لباب) كملي نتي ق*** وانا واشتا؟!!!
شيماء: (مشات مقوسة للنموسية وتكات حيت مقادراش حتى تجلس) جيب التيو ولا اي حاجة يديك ضرب كيف بغيت (شافت فسقف ودموع عينيها هاودين)
أشرف: (بقا ساكت كيشوفها كتألم) مالكي عوجة
شيماء: حمارة كانت كدوش للأميرة ديالك طاحت وصافي ماشي شي حاجة مماتتش.. يمكن المرة جاية تمووت
أشرف: (بقا غير كيشوف اما هي كتغمض عينها بكترة لحريق وراسها عاطيها لحريق حتى كتشوف ضبابة…) فين تعدمتي؟
شيماء: (طرطقت كتبكي) ظهري
أشرف: (زفر.. مشا للكوزينة حل الثلاجة جبد ڤولتارين مشا عندها) دوري نمسد ليك (بقات كتشوف فيه) راه الا بقيتي هاكا غتزيدي تعكفي كتر (بحرا ضااارت هبط ليها لبينوار حتى لحدا ترمتها هز حواجبو بحال كيطرد الشيطان للي بغا يفكر يوسوس ليه شي حاجة عصر لبومادة فوق ظهرها للي حمر فشي بلايص غير هبطت على جلدها تنفضت حيد شعر من على عنقها وبقا كيماااصي مرة بشوية منين عقلو كيكون كيفكر ومرة كيزرب منين كيكون عقلو مداابز مع افكاارو….)
شيماء: (كتحس بلمساتو شي مرات بحال كيقرسوها فلحمها بقات كضور عينها عمر شي واحد مقاسها هاكا لا هو لا أنوار بلعت ريقها ويدو ماشي لترمتها شداتها تبوووريشة والخلعة حتى حبست يدو ووقفت الحركة كتسنى شنو غيدير حتى دار عليها كاشة)
أشرف: بقاي هاكا شي نص ساعة انا جاي (خرج من تمااك ميقدرش يقيسها وكل تصاورها جاو قداام عينو مع أنوار للي مزال فالحياة… جلس فالصالة كيرد أنفااسو اخر وحدة كان قاسها كان قبل ميتزوجها يعني شهوووور اطول مدة عندو كانت هي شهر اما دابا منين تزوج بقا بلاش.. شاف لبنت ناعسة هز سوارت وهبط لفرماسيان يجيبلها شي دوا يهمد لحريق.. طلع لقا بنتو ماشي فبلاصتها دخل لبيت لقاها كترضعها ومخبية فلفراش حيت عريانة ولكن مقسحة بزااف واخا كترضعها وهي ناعسة… حط دوا فوق كوافوز)
انا نجيبلك متاكلي وشربي هاد دوا غير كملي ليها رضاعة عطيني نݣابلها ومنين تفبقي عصري بز*** عاد رضعيها (حركت راسها باه.. مشا للكوزينة لقاها موجدة طاجين الدجاج والزيتون سخنو وحط ليها فطبسيل دار خبز فشبيكة وكاس ديال لما فبلاطو وداهم ليها خدا لبنت من عليها وخرج اما هي ناضت لبست حوايجها عاد جلست كتألم وهي كتاكل..)
~~~~~~~~~
…بعد أيااام….
أنوار: (…جالس صاااقر فالصالون كيتفكر أياامو مع دعاء للي ماتت واخر حاجة سمعها هي انا وانوار مزال صغار على العمرة والحج حتى نعيشو حياتنا عاد نمشيو للحج.. تفكر مو شحال كانت فرحااانة وهي باغية تمشي.. تنهد تنهييدة وهو كيحاول يتأقلم فهاد الظروف للي جات فوق رااسو… حس بشي حد هزلو رجلو ولكن متألمش) شششكون..
زهير: غتكون برااات هادي
لكبير: داكشي فاش فكرت راه الا حسبنا 3 شهور باش وقع للي وقع خاص نديوه لطبيب
زهير: درك نيييت (وقف اما أنوار غير متبع صوتهم) أنوار نديوك لطبيب يشوف رجلك
أنوار: واه.. (نوضوه خرجو زهير صونا على هند حيت للي فاهم تخصصها كيني يعني لعظاام صيفطاتلو لوكاليزاسيون.. مشاو نيشان لتماك دخلووه عند طبيب فيصل وهند واقفة حداه.. حل الجبص ودارو ليها الراديو على رجلو لقاها براات والهرس للي كان فيها برا كلام طبيب دخلو بصيص أمال انه يقدر ينوض على رجليه واخا ماشي بجوج ولكن رجل قاضية الغرض وعاد كلام هند انها غدير ليه الترويض… نظفولو رجلو من اثار الجبص خرجت هند عندهم)
زهير: أمدرا ختي هند؟!
هند: رجلو الحمدلله برات شوية ديال الترويض يدير العكاز ويوقف اما رجل التانية واااكلة لعصى وعاد لحديد مزال مجمع العظم مزيان
لكبير: وعينيه ابنتي؟!!
هند: ماشي تخصص ديالي اعمي خاص ضروري طبيب مختص ديال لعينين
لكبير: نشوفولو
زهير: انا كنݣول حسن يوݣف على رجلو ويرجع لفرانسا عند طبيب للي تبع معاه
لكبير: نشوفولو هنا وحتى يرجع تم ونشوفولو هو راه الا رجع ليه الشوف غيوݣف من لبكى شوي ويشوف حتى بنتو
زهير: للي بغيتي اخويا.. هند كتعرفي شي طبيب ولا طبيبة
هند: اممم نشووف نسول على شي واحد مختص
لكبير: معليش الا مكانش فوجدة
هند: كون هاني اعمي الحاج (رجعت دخلت بقات كتشوف فأنوار تفكرت ايام كيف كان وداابا بحال هزيتي واحد وحطيتي اخر وضعييف بزااف… بقا كيعيط ليها فيصل) حم وي دكتور
فيصل: من غدا غتبداي معاه الحصص هنا على حساب ليماشين وانا غنصيفط شي واحد يمشي عندو للدار
هند: انا نمشي
فيصل: (هز حاجبو) نتي؟!!!
هند: من العائلة.. (شدت فذراع أنوار كتعاونو ينوض لاخر غير كيشوف هو عارف معندهاش العائلة هنا) أنوار صافا دابا!!
أنوار: (بصوت خافت) الحمد لله اهند…
وليد: (منين سمع هند غدير الترويض لأنوار وهو شااعل… جا زهير باش يرومبلاصيه) مشاو؟!
زهير: واه بعدا عيوبي يݣد يوݣف
وليد: زهير فهمت ولد خوك ونسيت داكشي للي فات وهادشي راك دير معاه فيه كتر من رجوولة ولكن هند مبغيتهاش داويه
زهير؛ علاه؟!!
وليد: هكاك
زهير: على ضماانتي ابن عمي وزايدون نتا الا بغيت تكون معاهم فالحصة كون.. وليد غير خليها المقربين للي نعرفو حسن
وليد: (بقا ساكت حيت غيبغي زهير يعرف علاش ووليد غيبغي يعاودلو كولشي راه صحاب ومبيناتهمش يخبيو على بعضيااتهم…) معرفت
زهير: معندك مناش تخاف الا أنوار راه واحد لا حولة ليه لا رجلين لا عينين يعني غدير خدمتها باش تخليه يوݣف على رجلو وخويا ديما غيكون معاه فالجلسات وحتى نتا
وليد: ميمشيش بالك بعيد انا غير اصلا مكرهتهاش تخرج تجلس وتقابل راسها وكرشها
زهير: شتي ياما وكان كانت أمال خدامة فرملية والله راه يعجبني الحال كتجيني احسن خدمة للبنت هي فالصحة
وليد: اوا قريها حتى حاجة مبعيدة؟!!
زهير: واايلي
وليد: بحال هند تقرا فمدرسة ديال لفلوس 3 سنين وتخرج
زهير: وااااه… نݣولهالها واش تبغي حسن من ديك لفاك وصدااعها…
وليد: ولكن لقرايا ديالها صعيبة خاصها وقت ليها كبير
زهير: لا لا لا انا كنݣول عقلها يخوا ولكن نݣولهالها ونشوف واش تبغي.. ݣولي شتك ختك من داك نهار مسولتي فيها مشتوها كتر من 3 شهور ولا معرفت حتى من باك حلف متوطا الدار فاش كان هنا.. واه عرفنا غلطت وحتى لكيدار لاخر غلط ولكن ماشي لدرجة ديال تنكرووها
وليد: نتا بعدا وكان كنت فبلاصتي وكان راك ذبحتها
زهير: نهار لݣيناها مليوحة فدار حسن لݣيناها مذبوحة (شاف فيه وليد) متشوفش فية هااك واش نجي نݣولك رواح ومنعرف طريحتك وين تخرج!!
للي خلصاتو راه خلصااتو على الاقل خلي مرتك تروح طل عليها
وليد: (كيلعب بلسانو فوسط فمو كتجي حتى بقضية ختو للي هي قضية شرف وكيتلف.. ناض خرج شد تاكسي ومشا عند هند)
~~~~~~~~~~~~
هند: (حطت الطابلية لبست لمونطو ديالها قدات الشال للي ضرووري تبين شوية من شعرها من لقدام.. عودات ݣلوص خفيف وخرجت لقات فيصل حدا باب لڤيسيير) دكتور!!!!
فيصل: مفهمتش شي حاجة؟؟! كفاش هداك لمريض أنوار المومني من عائلتك ونتي هند الادريسي
هند: (تبسمت) ونتا شنو ضرك فهادشي؟!!
فيصل: عماين وانا تنعرفك اهند
هند: راه من عائلة راجلي شي حاجة للي باينة
فيصل: فين عرفتي هاد راجلك؟!
هند: ونتا مالك افيصل نهار اللول قلت خلي العلاقة بيناتنا علاقة رسمية
فيصل: (عض على شنافتو) كنهضر معاك على اساس صديق
هند؛ وشكون قالك محتاجة يكون عندي شي صديق الحمد لله حياتي عاامرة معنديش خصاااص
فيصل: قساحيتي
هند: (هزت حاجبها) من ديما انا هاكا.. دكتور سمحلي ندوز راجلي غيكون تيتسناني
فيصل: (خلا ليها مساحة) اهاااه.. ليلة سعيدة
هند: (مجوباتوش خرجت لقات وليد برا حدا طموبيلتها سلمت عليه بليبيز) بيبي
وليد: حبيبة.. نمشيو نطلو على مريم؟!
هند: بنت ختك؟!
وليد: اممم
هند: احسن حاجة والله.. ولكن منمشيوش بيدنا خاويين
وليد: حتى انا جبتها مع الخلصة ديالك
هند: ههه عرفتك طماااع من نهار اللول
وليد: انا بنتي نفورني عليك نتي وطاسيلتك ويشييط لخيير
هند: اه اه دريس جطو
وليد: سمو؟!
هند: والو والو عارفة حبيبي ميبخلش علية (ركبو فالطموبيل دازو مشاو خداو لبنيتة شي لعاب وشي تخربيق ديال دانون ديسير ومشاااو كيشوف فهند للي ماشية فطريق بلا حتى متشوف فلوكاليزسيون.. خلاها حتى وقفت)
وليد: أول مرة تجي هنا؟!!!!
هند: ااا نسيت نهار جينا ديما أشرف
وليد: نهار جينا ديما أشرف كان الليل وكنتي حاضية غير المحامية مكنتيش رادة باالك فطريق
هند: كنت
وليد: هند!!!!
هند: باغي تسمع شي حاجة مكيناش
وليد: ههه ملقيتوش كتصدموني غير ااااتي من عندك
هند: اممم حتى نهبطو حيت من مور مغنعاود ليك غادي ندابزووو وانا باغية نمشي نشوف الكتكووتة (حطت يدها على كرشها) بنتي حااامقة تشوف بنت عمتها
وليد: (كتمشيلو لنقطة ضعفو) واخا هند ديري ماااا علييك (خرج داكشي من لكووفر وزدح لكووفر حتى ضااارت وهي قيسها فعينها ولا فطموبيلتها قوس عينو فيها وهي تشقلب عينها…
طلعو وهي ترد لبال)
هند: اشمن ايطاج؟!!!
وليد: سيري وكان (تمشات معاه وصلو كان ديجا علم أشرف دقات هند فتح ليهم هاز مريم للي رجع كيهزها وكتحكم فراسها شوية)
هند: ويني ويني على لكتكووتة لغزييولة لحبيبة ديال مرت خالوووو (مدها ليها وهو عاجبو الحال شي واحد يبغيلو بنتو دخلت من بعد مقالت السلام وصوابها وليد معاجبو حال رحب بيه أشرف دخلو كانت الطبلة مزوقة)
فيها شيماء؟!!
أشرف: فلكوزينة شيمااااااا
شيماء: (قلبها ضرب شحال مسمعت سميتها منو كيعيط ليها غير هاديك.. جات عندهم كتحاول متبينش وجع ظهرها رحبت بهند وصلت لخوها مدت يدها ومدها حتى هو مقادراش تشوف فعينو) سلام خويا
وليد: سلام (جابت هند لبنيتة لوليد للي كيظحك معاها ويلعب وبقات هند كتجبد اللعاب وتعطيها)
أشرف: يعطيكم الخير
هند: راه وحدة منا هاد الخنوووزة (شظت فيها) غنااكل مك انا غنااكل هم هم هم (مريم كظحك كان شبه كبيير لأشرف وحتى لوجه الداير ديال شيماء.. عرفتي من دابا 6 شهور غتكون عندك بنت خاالو تلعبي معاها)
شيماء: حاملة؟!!
هند: (بابتسامة) ااه
شيماء: الله يكمل عليك بالخير اختي (ناضت بغات تكب العصير والألم فقلبها وعينها رجعت غريييبة عليهم مكتعرف والو عليهم شدت ظهرها خوها حاضيها)
وليد: مالكي؟!!
شيماء: (بغات تبكي من اهتمامو) والو اخويا
أشرف: كانت طاحت فالدوش
وليد؛ طاحت فالدوش ولا ضربتها
أشرف: الله يهديك أخاي وليد ياكما كيحساب ليك من رجال للي يشد مرتو ويبدأ غير يسلخ فيها
شيماء: (شافت فأشرف وهي كتمعن فالكلمة للي خرجت من فمو *مرتو*)
هند: زيدو ناكلو ونتوما غير تتناݣرو وزايدون ماشي قدام هاد لغزييولة (بقاو كياكلو وهضرتهم على مريم موضوع أشرف المفضل.. ناضت كنجمع معاها الطبلة وخلاو وليد واشرف كيلعبو معاهم على الله تقاد لخواطر)
مزال مباعدين؟!!
شيماء: (بتنهيدة) كتر من اللول
هند: واايلي اشيمااء ماشي ديالك اصاحبتي الراجل سااهلة تجرييه
شيماء: جيت ليه هو ووحلت
هند: موحلتي والو نفسيمن الطيران وكلامك يكون موزون ومتلوحيش راسك عليك ولا تحسسيه انه داير خير فيك وفنفس الوقت خدني الأنوثة تم الأنوثة تم الانوثة….
الحاجة: (دخلت للكوزينة لقات أمال كتقطع ربيع وكتبكي) بنتي مالكي تبكي؟!!
أمال: (طرطقت كتبكي) من ديما كنحس براسي معندي زهر
الحاجة: علاه ابنتي؟!!
أمال: (كتمسح دموعها) ديما فرحتي كتكون ناقصة
الحاجة: اويلعدا على لهبيلة راكي تبكي على لحمل درك نتفرج فيك منين تحملي وتولديه واش تبكي عليه
أمال: هااا
الحاجة: ابنتي استغفري مولاك للي هو الواحد للي عارف واش هو للي خيرلك
أمال: (بصوت مخنوق) استغفر الله ولكن امّا راه عييت علاه مكنحملش عمرني تمنيت شي حاجة ولݣيتها ضرووري نبكي وندب باش عاد توصلني
الحاجة: ماشي كلام دا ابنتي واش نتي تعرفي حسن من ربي (حركت راسها بلا) نهار يكتاب ليك ابنتي راك تحمليهم وتولديهم
أمال: (بتنهيدة حيت تعيا تبغي تخرج للي عندها فقلبها ومغتعرفش تعبر بشنو كتحس..)
الحاجة؛ (مشات عنقااتها) سيري ابنتي تجلسي انا نكمل عليك
أمال: لا لا غير خليك انا نكمل بقالي غير ربيع ندور بيه لحريرة
الحاجة: اربي لتعاوديش تبكي ابنتي راك طيبتي دوك لعينين
أمال: (حركت رأسها باه وباست راس الحاجة للي خرجت كتستغفر الله ولات كتحس بإحراج بحال عندها شي عيب ونقص فيها… رجعت كتكمل شغلها وطايح عليها الضيم طبيبة قالتلها معندها حتى مشكل وحتى لغيݣل للي مكتجيهاش مقادة عطاتها دوا باش تقاد ليها.. وحتى تحاليل زهير للي دار قراتهم هند معندو والو.. جات ليلى ومشات كتجمع معاهم ومكتبغيش تبين ليهم…)
~~~~~~~~~~
شيماء: (من بعد مودعو وليد وهند واها مزال خوها مكيهضرها مكيشوف فيها ولكن مجرد القدوم ديالو خلاها فرحانة وحبهم لبنتها كبر فقلبها… مشات تجمع واشرف فرش الطابية للي تقريبا بحال لبونج كيحطو فيها مريم باش تعلم تحبو)
عجبني الحال منين جاااو
أشرف: (بلا ميشوف فيها) اممم
شيماء: كتشوف خويا غيسمحلي شي نهار؟!!
أشرف: علاش وليتي تحسي برووحك غاالطة
شيماء: (مفهمتش واش سؤال ولا طنز) واه
أشرف: (هز حواجبو بحال متفاجئ) مزيان
شيماء: علاش نتا مكتحسش بية ندمت
أشرف: معلباليش بيك اصلا باش نحس بيك ولا لا
شيماء: (قلبها ضرب ومعدتها تزيرت عليها حنات راسها ومشات كتجمع الدنيا.. كان مشا الحال على طياب حتى من هند مبغاتش تعشا حيت مكتقدرش على ريحة ديال طياب لي كتهلكها بالردان..
رجعت عندو)
تجيب لعشا من برا؟!!
أشرف: (مخنزر فيها) طيبيه
شيماء؛ 11 ونص هادي وزايدون وقف مريم باش نعسها
أشرف: ومن بعد!!
شيماء: تشهيت طاكوس (من ياماتها مكلاتو يمكن اخر مرة كان مع حسن)
أشرف: وانا مالي تشهيتيه طيبيه مكنعمرش التلاجة غير هكاك
شيماء: (بلعت ريقها مشات تهز مريم وهو يحايد ليها يدها) نديها تبدل
أشرف: معامن تشاورتي
شيماء: مالك أشرف معايا؟؟
أشرف: مالي معاك؟!! مكنحملش نشوف كماارتك حدايا صووتك كنكره مو (بعصبية) دݣي من حداايا منين نشوف بنتي بغات شي حاجة نجي عندك.. تحركي من ݣداامي
شيماء: (بقات غير كتشوف مفهمتش هاد العصبية كلها) مالك معايا؟!!
أشرف: وتحركي ق مكملهاش تحركي متعاوديش تخليني نتعصب ولا نغوت ݣدام بنتي
(ضارت مشات لبيت ودموع فعينها اما هو بقا مغوووبش مواد صبعو لبنتو كتلعب فيه وساااهي… بقات كتبكي ناض هزها ودخل عند شيماء لقا عينيها ونيفها حمر)
رضعيها من حليبك ونعسيها.. (حنا عند بنتو باسها فجبهتها تم خارج وهو يهضر)
منين تنعسيها جمعي رويينة للي فالدار… (بقات غير متبعاه قلباتها بكا وهي كترضع بنتها بدلت ليها وكملت رضاعة حتى نعست ناضت من بلاصتها مشات كتجمع بلاصة فين لعبت بنتها والصالة ودخلت للكوزينة غسلت لماعن مسحتهم كما كيبغي وردات كل حاجة بلاصتها عاد رجعت لبيتها وقلبها ضاارها….)
أنوار: (عرف من واحد الصديق تماك ان ام دعاء مزال حالتها هي هي حمد الله حيت مصرفات فيه غير الخير رد التيليفون لبشرى)
بعدا وحدة تبقى حية
بشرى: (جلست بحزن) ممتيقاش أنوار منا ماتت دازت 4 شهور ومزال متيقت
أنوار: ݣوليلي لبشرى الصراحة واش بالصح مّا بغات تقتل أمال
بشرى: (بتنهيدة) الله يرحمها ويغفر ليها هاد الهضرة مكانش علاش تولي تجبد
انوار: علاه؟!!! واش دارت ليها؟!
بشرى؛ انواار خويا هاكا راك غير تمرض فرووحك صافي نسى
أنوار: (بتعب) بغيت نعس
بشرى: لا غنتسناو مرت وليد تجي نسيت اليوم عندك حصة معاها (غير صاااقر كلامو وماكلتو قليلة.. جات هند لابسة سورفيت ومعاها وليد للي معاجبوش الحال ولكن وجووه غلبو) سلام ختي
هند: سلام… كيف بقا أنوار؟!
لكبير: ابنتي واالو كل نهار يزيد ينقص حاجة
وليد: مغيرجع مزيان حتى ترجع ليه صحتو هو كيشوف راسو معندو نفع دابا (مشاو لبيت لقاوه كما خلاوه كان بقات هند كتخدم خدمتها كدير شي حديدات فركبتو
(….تخصص كيني ديرو عين ميكة كنحط المعلومات غير السطحية ههه…)
كولشي مرااقب وليد للي مغوووبش فاش كيشوفها كتقيس ركبتو وكيحاول يفهم العقل للي خارج انها خدمتها فقط…
هند: أنوار تقدر توقف؟!!
انوار؛ لا
هند: نجربو توقف مكيناش شي حاجة سميتها لا نتا غتوقف فكر غير فلوقووف
(شافت فلكبير باش يجي لقات وليد غياكل شنافتو دارت راسها مكتشوفوش… شداتو من ذرااعو وباه جا وليد حيد هند وشدو هو بقات غير كتشوف فيه)
حم أنوار غير بشوية عليك الا دخت قولها
أنوار: (بغا يوقف مقدرش مرة جوج حتى تكره) صافي صاافي
هند: أنوار متنساش بنتك خاصك توقف على قبلها وحتى على قبل عمي الحاج للي كيتمنى يشوفك واقف على رجلييك (بشرى ختو غير كتبكي)
ياله انواار (بغا يوقف والو كيدووخ رجع مرة أخرى كيحاولو معاه بالسياسة حتى وقف على رجلو للي ممهرساااش)
مزيان دابا مزياااان (كيلهت واخا هو راه غير وقف)
صافي دابا جلس
لكبير: ميتمشاش؟!!
هند: لا خاص فاللول غير يوقف ماشي كولشي خاص يديرو فاللول وهاد الخطوة مزيااانة.. أنوار كيف كتحس دابا؟!!!
أنوار: (كيلهت حرك راسو باه) ولكن مزال مݣاد نوݣف بوحدي
هند: المرة جاية.. دابا غير منين درت هاد الحركة راك حايدت عليك كتر من 50٪ ديال الخدمة
أنوار: (حس بهضرتها فيها طاقة إيجابية.. تبسم شوية) شكرا هند شكرا بزاااف
وليد: (كيهضر معاها بلغة انها معرفة من شحال هادي) ياله تمشي حتى نتي ترتاحي
هند: واخ.. أنوار غدا عندك حصة صباح وعشية
أنوار: واخا (مشات هند وجات ختو كتعنقو وهنا دخلو بصيييص أمل واخا 1٪ ولكن كان محتاجو) فينها لولا؟!
بشرى: عند ليلى
أنوار: جيبيهالي اختي…..
~~~~~~~~~
وليد: علاش فاش يهضر معاك مكيݣولش ختي
هند: معرفت
وليد: مكيعجبنيش هادشي
هند: (شدت فذرااعو) بيبي لمغياار… وليد بغيت نمشي نجلس مع أمال
وليد: هند نهار للي نتي غتجلسي معايا فيه غتمشي عند امال
هند: عفاااك بغيت نشوف شنو كانت تتخيط
وليد: وانا؟!
هند: نتا غمشي تقاد لية طاجين من دوك طواجن على منجي
وليد: فكرتيني شحال باقيلك باش تولدي
هند: ههه (داىت يدها🖐🏻) 5 شهوور اكبيييدة
وليد: مشيييت فيها ياا ربي…
أمال: (كانت كملت لبيسة للي خيطت وحطتها فلمانكان كتشوف فيها… دخلت هند عندها لبيت) واش باب الدار محلول
هند: اه (تسالمو) تبقاي تسدي دارك با زهير شوية يكتبها فجبهتك
امال: كنسى (شافت فللبسة) كيف جاتك؟!!!
هند: وااو صراحة وااعرة خاصها شي صوارية هي هاديك
أمال: ݣالك زهير فيها سقلي وكتبري
هند: هههه راكي عارفة هو معندوش مع هاد ستيل
أمال: كنت بغيت لبسها زعما داك نهار فاش تلاقينا أول مرة
هند: اممم الناس الرومانسية يا لالة
أمال: ههه دابا كيف ندير نقنعو يبغي
هند: تبحلسي كوجاك متخليك فغبينة
أمال: يععع مستحيل
هند: دوزيه بشكلاط ههه (جلست ورجعت وقفت شافت فلمرايا لكبير نفخت كرشها) بانتلي لكرش؟!
أمال: ههه لا
هند: لا بانت انا للي حاسة
أمال: ههه واخ دابا قوليلي انا راه ميمكنش يا نتقيا يا نعضو ما فيهاش
هند: (جلست..) نتي غير بوسيه وبعدي قولو المرة جاية نزيد شي حاجة اخرى
أمال: ههه زعما
هند: صراحة منظمنش ليك زهير ما تحطي فمك مع يشدلك راسك ميطلقووش حتى يطلقك ميتة
أمال: (كتحاول تنفض ديك الفكرة) يعععع منݣدش احاااااي لا لا لا
هند: اوا خليك هنا فالدار وتكمشي
أمال: مبقيتش نحمل نݣلس هنا وداك زمر كااين
هند: ياكما قالك شي حاجة انا عاد جيت من عندو
أمال: مݣالي مکلتلو ولكن محملاش يكون فشي بلاصة كاينة فيها انا مݣلت تهنيت منو
هند: السيد مدمر شتي هداك وكان كان واقف على رجل وكان شحال هادي شنق راسو مدمر ديال بالصح
أمال: (هزت كتفها) ماشي شغلي
هند: خلينا منو ونقصي شوية من العصبية وفكري كفاش تقنعي زهير تخرجي بيها راه بالصح كتحمق صاوبيلي حتى انا
أمال: ضروووري نوضي بعدا عطيني لقياس ديالك
هند: (ناضت وبقات كتعبر وقلبوها ظحك صونالها وليد خرجات عندو ماشيين للدار لقاو نفس الطموبيل ميرسيدس فالكحل بقا كيشوف فيها وليد) كتعرفو؟!
وليد: لا ولكن شي 3 دلمرات كنشوف هاد الطموبيل هنا
هند: ياكما هوما للي ساكنين لفوق
وليد: يمكن.. (بقا كيشوف حتى فاتوها هبط الزاج ديال الطموبيل تلاح ݣارو ورجع الزاج وزاااد ماشي فحاالو…) معندكش شي يوماين نمشيو لتاوريرت
هند: نشوف لويكاند
وليد: وااخ
هند: حقا الحاجة غدا عرضانا لغدا وقالتلي نقولها لشيماء تجي هي واشرف
وليد: بيناتكم
هند: اوكي بيبي غير باش تكون فرااسك….
أصبحنا وأصبح الملك لله
شيماء: (لبست جلابتها حيت ممنوع عليها العصري دارت شالها لبست مريم لبيسة جديدة راه شحال مخرجو من الدار وعمر شي واحد عرضهم لا مكياج لا ذهب اصلا معندهاش خاتم هو التالي معندهاش شافت فبنتها بتنهيدة)
جيتي زوييينة امريم (غير كتغاغي وتظحك تبسمت شادة فيدها)
منبغييكش تكوني بحالي منين تكبري (سهات مدة)
كيݣولو للي درتيه لمك يديروه ليك ولادك (شافت فيها) ماما كانت معايا مزيااانة بزااف وانا للي كنت كنفكر غير فراسي باغية الحرية لفلوس باغية كولشي يبغيني بأي ثمن (سمعت لباب تحل وهي تسكت كان أشرف للي وصل حداهم شافها او سكاناها شنو لابسة..)
أشرف: ياله
شيماء: واخا انا نهز الصاك ديال مريم (هزت الصاك فيه جوج لبيسات وليكوش واللهاية وشي لعب ديالها وفوطات.. هزت حتى مريم اما هي معندها صاك معندها تيليفون معندها واالو من غير لمكياج ولباغفان للي عطاتها هند.. لقاتو كيتسناها لابس مزيان ولبارفان عاطية فالقنت… شافت فصبعو كان داير خاتم)
شدلي مريم (شدها كيلعب معاها مشات لبيتها رشا حتى هي من لعطر ورجعت عندو مع شمها خرج عينو مهضرش خرجو ركبو فالطموبيل ومريم فبلاصتها اللور وهي ركبت حداه.. زاد فطريق)
أشرف: دايرة الريحة باش تعجبييه
شيماء: شكون؟!
أشرف: للي شبع فيك ***
شيماء: (سكتت وعينيها غرغروو اما هو غير كيصوط ويخبط فلفولون) هو عمرو نعس معايا
أشرف: بلا متهضري حسن (سكتت وغصة مخلياها مقجوجة فحلقها.. واخا يقول حسن كان رااجلها وقاسها بنية لحلال ولكن أنوار!!! وصلو للدار مع حل لباب يهز بنتو شاف لكبير جار أنوار لجيهتهم بغا يقولها طلع ولكن خلاها خرجت هي هازة الصاك وشافت لكبير للي مزال مكتقد تشوف فيه من اخر فعلة دارتها وكانت غتقتلو منين وراتو أنوار منين شفر زهير…)
سلام عليكم أنوار كيبقيت
أنوار: الحمدلله اخويا هاحنا…
شيماء: (بقات غير كتشوف فأنوار مكانتش عارفة حالتو حيت حتى واحد مقالها شنو كاين من غير الكاملة ماتت وانوار رجع هو وبنتو وواكلها فصحتو شافت نظاظر ومن حركاتو بحال مكيشوفش عاد الكاشميرا فوق ركابيه… مصدوومة واشرف مراقبها بنص عين)
لكبير: كبرت لخويينزة؟!!!
شيماء: (تبسمت بلا نفس وهي مصدوومة من انوار ومقهورة من اشرف) شوية اعمي
أنوار: (ميخفااش صووتها ولكن بقا حاني راسو فقط فهم عندهم بنت وشي لاخر مفصل مخمم محلل الامور…
شد لكبير لبنيتة وباسها)
لكبير: تبارك الله كتحبو شوية ݣدها ݣد بنت أنوار درك نجيبها يتلهاو شوية
أشرف: الله يسخر
أنوار: (هنا تصدم.. كفاش ݣد ݣد!! )
أشرف: طلعي اشيما للدار (مكيلقى حتى شي ردة فعل من عند انوار غير حاني راسو.. هزت بنتها وطلعت للدار)
لكبير: (باغي ترجع الصحبة بيناتهم واخا موضوع شيماء مخلي استفهام الا ولدو خاصو يخرج من العزلة ويرجع علاقاتو لقديمة مع عمو وصاحبو…) ها هو اولدي معاك سيرو لجنان زهير راه تم (شاف فاشرف وبعينيه ترجااه حرك لاخر راسو باه)
أشرف: اوا صاڤا؟!
أنوار: الحمد لله كيف راك مع خدمتك؟!
أشرف: مزيان الحمدلله على كل حال (ففمو بزااف ولكن ماشي وقتو جرو ماشيين عند زهير)
أنوار: (كيتفكر نهار شيماء ورات لفيديو لباه وهي دايرة ابيل فيديو معاه حتى طاح كوومة..)
شحال فعمر بنتك؟!
أشرف: ونتا ماالك؟!!
يتبع
التعليقات 0