أشرف: ونتا مااالك!!
أنوار: (حنى راسو وهز يدو بحال استسلام) صافي واالو مݣلت والو
أشرف: (نقطة ضعفو هاد الموضوع وهو مشارجي خلوق.. جا قدامو) لا مصااافيش مخلوض ومخلوض بزااااف… ݣول لاااه راك تسول؟؟!؟
أنوار: انا سولت عادي حيت سمعت بّا ݣال يجيب بنتي تلعب مع بنتك داكشي باش سولت (لا رد) عارف غلطت فحقكم كاملين وعندكم الحق تكرهووني انا مبغييتش نجي للمغرب حيت عارف مبقااالي حد
أشرف: شغلك داااك ولكن انا خط حمر
أنوار: (بقا ساااكت شحااال) فاش غلطت معاك اشرف
أشرف: (مجاتوش يقول منين كدبت علية وقلتي تقبت شيماء ومشا عندها لقاها بنت حيت براسو شايف انه شمااتة كتر من انوار)
أنوار: زهير للي سرقتو ودرت شحال من بلان معاه خايب سمح سمح لواحد معدوووم نتا فاش اذييتك
أشرف: (بلا ميحس) حتى انا كنت نشوفك خويا ماشي صاااحبي لكدوووب ديالك دمر شحال من حاااجة
أنوار: على شيماء؟!! (جاي زهير عندهم بشوية منين شافهم كيهضرو حتى شاف..)
أشرف: (محس حتى شدو من كول عنقو باغي يوقفو وهو يغوتوانوار بحريق رجلو التانية للي كولها حديد دفعو زهير بغا يطيح وانوار تخبط على الكرسي طالع معاه صفوورية) ݣلتي شااابع فيها وانا لݣيييتها بنت هنا غدرتني اشماااتة
زهير؛ واش بيكم الق****
أنوار: (بقا ساااكت مفهموش بزااف حتى نطق) انا مدرت ليها والو داكشي للي شفت غير انا للي باغي بنادم يشووفو
زهير: (شاف وليد جاي) الله ينعل **** الا متسكتو ولا خرجو بجوج ت*** علية من هنا يا ر***
وليد: سمو كاين!!!!
أشرف: (بقا كيشوف فأنوار كفاش للي باغيك نتا تشوفو!! مزال باغي يستسفر ولكن وجود وليد بلا يزيد الطين بلة…)
وليد: مالهم؟!!؟
زهير: كيصفيو حساابهم زيد حنا نكملو (وليد شافهم بجوج عارف نقطة كانت مشتركة بيناتهم هي ختو!! مابغاش يفكر كتر فشنو واقه وعلاش وكفاش.. زادو وخلاوهم ضار زهير)
راكم بولادكم ***** ديرو عقلكم شوية (مشا مكره طلعو هاد الموضوع فرااسو حيت شاف شيماء خلصات وعارف أشرف مكيعاملهاش مزيان… اما وليد مباغيش يفكر)
أشرف: كفاش داكشي للي بغيت نشوف
أنوار: دابا الا سولت تجاوب عادي ولا غتنيرڤا!!!
أشرف: ݣول
أنوار: علاه تزوجت بشيماء؟!!!
أشرف: (بقا غير كيشوف هاد السؤال كولشي كيجااوبو هو مراضيش يقول السبب وشيماء ولا مرة فضحااتو)
كتاب (زهير رجع عندهم مخلي وليد كيحفرلو شي حاجة)
زهير: صافي منين كتاب سد الصفحة ولا ݣطعها مهم نسا براسك عندك ماضي ولا داير فيه الشريف العفيف
أنوار: (تفكر أمال للي خلات راسها معززة مكاينش للي يشير ليها بصبع)
أشرف: كيف ندير نسا وهدا طلع فوجهي
أنوار: مبقى ݣد ملفات ونروح
أشرف: حسن
زهير: أشرف ماشي هضرة هادي مرتك جامعك معاها بنتك للي كتحماق عليها وراها تكبر فكر فالجو للي غتربى فيه.. بلا منبين ليك راه الغلط الأكبر ديالك نتا ماشي هي (مشا رجع عند وليد شاف فأنوار بحال هو سباب كولشي)
مكرهتكش وكان متي ولا رجعتي لهنا….. (مشا فحاالو مخلي أنوار غير حاني راسووو بقد مكان دخلو بصيص أمل فهاد الحياة بقد مزاد تأزم وتخنق كتر….)
أمال: (جمعت روينة ديال لخيوط وشراوط خلات لبيسة معلقة دخلت للدوش دغيا قدات راسها ودوشت شافت زهير داخل مخيخ حدو قال السلام ودخل للدوش.. نشفت شعرها حيدت الدوڤي ولبست حوايجها كان خرج)
زهير غنمشي للجامع
زهير: واه جبديلي حوايجي الله يرضي عليك
أمال: (جبدتلو حوايجو شافتو معصب مداتهوملو) مالك؟!!
زهير: دوك لبرااهش كيدابزو على واالو ووليد كان تم تبرهيش وصافي
أمال: شكون!
زهير؛ (كيلبس) أنوار واشرف جالسين يحكو الضوسيات ديالهم (ضربها الضو) هبطيلي لبيل (هبطت لبيل صماطي على ظهرو)
اجي نتي شيما كانت صاحبتك مكنتيش تشوفيها مع انوار؟!
أمال: (بقات مخرجة عينها كتفكر باش تجاوبو) معقلتش
زهير: اممم.. (بقات كتعاونو فحوايجو باس جبهتها) فلعشية ونخرجو
أمال: واخ
زهير: مالكي؟!
أمال: واالو.. خاص نمشي للدار راه كولشي تجمع تماك (خرجو بجوج هو مشا للجامع وهي طلعت للدار دازت من الصالة كان انوار والحاجة تماك عيطاتلها) نعام امّا
الحاجة: كيف بقيتي درك ابنتي شوي؟!
أمال: (خرجت عينها فيها باش تسكت قدام انوار) لباس لباس
الحاجة: مكانش براني معانا ابنتي (طبطبت فظهر انوار للي غير سااكت.. شافتها مشات) ههه تحشم من نهار عرفتها متبدلت الله يعمرها سلعة
أنوار: واه باينة
الحاجة: ليبيه اولدي ومدااز على هاد لبنية لعذاب للي دوزاتو مداز على حد
أنوار: علاه؟! (اول مرة يستفسر من مور مقطع صلة بالحياة)
الحاجة: (لقاها بروالة) منين نبدا عاااست تكرفيس مع مها وخوتها لعزارة وحتى باها يا لطيف حتى فموتو مرحمتهاش مها طردتها من الدار وحرموها من الورث بااااطل شحال كلات عصى وكان ماشي زهير وكان قتلوها شحال دي
أنوار: علاه واش دارت؟!
الحاجة: والو سبابها نهار ولدتها مها مرضت مبقاتش تولد داروها سباب من تماك مشافت نهار سݣم فاللول ݣلت لا غتكون دارت علاه منين عاشرتها لݣيت مها لا حول ولا قوه الا بالله العلي العظيم لبنت درويشة متهزش راسها فالواحد وللي جا يظلمها ويزييد (اوتوماتيك جات فبالو شنو دوز عليها حتى هو)
أنوار: ولكن غير هاد السبة وعلاش خوتها بغاو يقتلوها
الحاجة: حيت وقفت فوجههم وهزت روحها وهربت لݣاها زهير فطنجة
أنوار: علاه هربت
الحاجة: حيت مبغاوش زهير منين خطبها
أنوار: وعلاش مبغاوهش ياك هي كانت باغية زهير؟!
الحاجة: هدا علية اوليدي المهم تعذبت وربي لݣاهم بجوج دارو الراس فالراس زهير شافها ݣال منديها غير هي ووفى بكلامو دارلها عرس على ݣدووو وتستاااهل بنتي امال
أنوار: (حرك راسو باه عارف جدااتو للي كان فالجعبة تحطو) انا حسابلي فالوقت للي كنت خاطب بنت عمها حسابلي خوها كان خاطبها
الحاجة: لا مخطبهاش هي مبغاوش وهي كانت تموت ومتجوجش بيه
أنوار: وليد؟!
الحاجة: الا وليد كان كيف خوها انا نهضر على خوه
انوار: اممم انا حسابلي وليد
الحاجة: لا وليد شحال وهو خاطب هند (شافت الوقت للي غيكونو يخرجو فيه من الجامع) هاني جاية اوليدي… (خلاتو غير ساهي تفكر كولشي للي دار لأمال وللي كان مشارك فعذااابها… دخلو رجال وتجمعو كيتغداو تحط الديسير وبقاو مجمعين ولكبير كيعاود على الصيد.. اما لعيالات ݣولها وظحك عليها حيت كان مجموع كولشي خرجو بشرى من جو لبكى شوية… اما شيماء مقابلة غير بنتها مكتقد تشوف حتى واحد من عائلة أنوار كتفكر نهار كانت كتطلق عليهم زينها وتكبر بحوايجها وذهبها للي بقا شي عند حسن ولاخر فدارهم… حتى من الجلابة كانت سواقية عادية والشال طوييل.. شافت جيهان ونزهة تغامزو عليها وقلبت وجهها.. حتى ناضت لبيت اخر كترضع بنتها وتبكي على اش وصلات ليه…)
دخلت أمال لابسة ديك لغوب ومقادة راسها فرحانة شيماء غير كتشوف فيها
هند: هاي هاي هاي على تبوݣيييصة اليوم زهير يحواال
الحاجة: ههه خاص نبخرك ابنتي صبري نجيب الشبة ولحرمل
هند: هههه حلفات متضيع دوك جميرات للي شاعلة.. الحاجة راه غتبقى فيها ريحة لبخور دابا يرقيها زهير هههه
ليلى: ههههه بنت اللدينة
أمال: (فرحانة ضارت بحال شي بنت صغيرة) عجباتكم؟!!
ليلى: بانلي غنبقى نجي عندك نتي تخيطيلي
شيماء: نتي للي خيطتيها؟!
أمال: واه
شيماء: زوينة بزااف الله يعطيك الصحة كنت كملتي فداك المعهد (قالتها بحزن)
أمال: واه.. راه مزال كيسجلو الا بغيتي تكملي انا راه دخلت دابا كنتعلم لبلدي
شيماء: (تبسمت بحزن عارفة مغيخليهاش اشرف) ان شاء الله بصحتك
أمال: الله يعطيك الصحة… (هزت تيليفونها كان زهير كيصوني) انا مشيت
هند: بصحتك حبيبتي تصوري وصيفطيلي (باست راس الحاجة للي رضات عليها وخرجت لعندو للطموبيل شافها وتبسم هز يدها باسها)
زهير: امحااايني واش نݣد نصبر حتى يدووز لعشاا (حيت واعداتو غدير داكشي للي بغا)
أمال: ههه زووهير
زهير: ݣليييع ݣلب رووح عمر زهير
أمال: وصاافي ياله نمشييو… (زادو مشاو فجو الظحك براسو محتاج هاد لخريجة اما هي كتقلب وتسنى غير الكادو.. وصلو لريستو المأكولات الشامية.. جلسو كان كلاص وهاااادئ بقات كتشكى فلبلاصة وهو حاضيها محست غير جار الكرسي بيها موصلو لحداه)
زوووهيييير
زهير: مرانيش نسمعك مليح وانا باغي نشبع عيني بالزين ديالي هاكا راني غاااية
أمال: (فرحانة) كنبغيك بزااف
زهير: حتى انا نحبك ونعشق فيك حتى لمووت..
(طلبو الكاملة للي معجبتش زهير ولكن طمر مباغيش يخسر فرحتها وعارفها أمنيتها تاكل هادشي للي كتشوف فالتلفازة.. كلا شوية وكيجمع معاها حتى كملو جبدت بواطة فيها ساعة ختارتها هي وهند من شي مارك.. شافها وهزها) ياو بسم الله (حلها عجبااتو)
علاه كلفتي روحك احبيبي
أمال: تستاهل (كتسنى منو كادوها)
زهير: (حك فلحيتو) تسالي احسن كادو مني اكبيدة غير صبري معايا هاد ليام مزير شوية
أمال: علاه مالك؟!
زهير: شي سلعة حطيت فيها فلوس وكتر من 20 يوم معطلة والخدامة مهم متمرضيش رووحك فهادشي (شاف فعينيها مباشرة)
نتي عندي احسن وأغلى كادو فحياااتي (عض شنافتو) غير للي يدير مك فشي ربع خبز
أمال: هههه
زهير: روحو؟!!!
أمال: ناكلو الديسير
زهير: خرجي من جدي الكادو
أمال: ههه ياك صافي مبغيتش
زهير: كولشي ديالك الحمامة ديالي غير نزربو باش لݣا مول كراان هو للي يشبعني (بقات كظحك طلبت ديسير كان زوين كلات منو جمعو شوية خلاها على خاطرها عاد خرجو ظاحكين دازو تعشى هو وحتى هي عاودات كلات شوية عاد رجعو للدار بالموسيقى ولغنا ديالو….)
زهير: (شاد راس أمال للي كترد فطواليط) بشوي عليك احبيبي
أمال: (رجعت حمراا فوجها) كح كح (بحرا كتنفس) عفاك براكة ازهير
زهير: (حنا عندها) مزال مدرنا والو احبيبي
أمال: (وقفها كانو بجووج عريانين عنقها مبقا كحل فبلاصتو وشعر مشعكك رجع هزها شافت فيه كتمسكن) عفااك براكة والله مݣااادة
زهير: (باسها بوسة صغيورة فمها) متخااافيش (حطها فوق النموسية ورجع كيبوسها بشوية حتى نعس معاها بكل رومانسية مدايرش كوجاك للي متحملاتش.. بلعكس حس بيها متجاوبة معاه مزيان لدرجة خدات المبادرة وهي طلعت فوقو.. خلاتو عاجبو الحال ومستمتع فديك الليلة… )
~~~~~~~~
أصبحنا وأصبح الملك لله…
أمال: (جالسة مع الحاجة كتقرا بوليكوب، حتى دخلت ليلى هازة ولدها جاد ولولا بقات كتشوف فيهم
حطاتهم فوق الزربية شافت فيها لبنيتة وظحكت مع أمال) ههه شحال مزييينها هاد لبنية
ليلى: وااه بسلامتها سكوووتية خسااارة مها ماتت قبل متفرج بيها
أمال: الله يرحمها
ليلى: عمركي شفتيها؟!
أمال: لا (حبات لبنت حتى لعند رجليها حنات هزااتها الشوفة ديالها والظحكة غير انوار بقات لبنيتة متكية على صدر امال)
حنييينة غتكون بحال ماماها…
(بقات كتلمس على شعرها للي بوكلي بحال ديال مها.. باستها فراسها بقات كتمايل بيها حتى تكات حيت منعساتش مزيان تعانقو وتعانقو مشات ليلى جابت كاشة وغطاتها.. )
هند: (كانت عند انوار فالدار للي رجع كيوقف وكيتمشى شوية فلماشين للي فلكلينيك… كان معاها لكبير للي كيشوف ولدو كيتسند على عكاز ودار هاد نهار 10 الخطوات بوووحدو حيت محايدين ليه اي حاجة تقدر تعكلو)
براااافو أنوار راك تتبرا دغياااا
أنوار: (تبسم وزاد خطوة) خاص دابا غير ندير عملية على عيني
هند: اه كاين طبيب ففاس
أنوار: انا باغي رجع لفرنسا دارو معايا 6 شهور (هز راسو) باقي خاص رجع لتم
هند: اوكي لبلاصة لي ترتاح فيها
لكبير: لوحدك يمشي معاك زهير
أنوار: واش ابا زهير ديما مسالي يديني راه عندو محالو وفاميلتو
لكبير: باش تعاود تمشي وحدك اولدي لا (حرك راسو بلا) لا متمشيش الا بغيت رضااتي ربي بنتك هنا عاود تزوج ودير محالك مشرووعك معندكش لفلوس انا نعطيك ولكن باش تعاود تمشي لديك لبلاد لا براكة غير خسرتي فيها مك ومرتك وصحتك
أنوار: (حنا رااسو شحال محتاج يسمع هضرة من عند باه وفنفس الوقت ضميييرو كل مرة كيزيد يأنبوو للي غدرهم لقاهم فكتافو)
هند: حم مهم انوار غدا نحاولو نخرجو نتمشاو شوية
أنوار: واه شكرا هند بزاااف كنعييك معايا ونتي واحلة في روحك
هند: خدمتي هادي اخويا.. عمي بسلامة (هزت صوالحها وخرجت مشات عند امال نيشان لقات زهير حتى هو داخل عوداتلو على حالة انوار مع دخلو لقاو أمال وبنت أمال معانقين وناعسين)
ههههه باينة عطاوهالها تنعسها
زهير: (تبسم) نعاااسة (مشا عند مو سلم عليها ودخل توضى نوضوها وجلسو يتغدااو) أمال واش نوصلك لفاك؟!
أمال: (مدوخة بنعاس) واااخ
هند: الا كنت مزروب انا عندي شي شغال تمام نديها معايا
أمال: وااخ
زهير: مالكي؟!!
أمال: والو فيا نعاس مفيا للي يمشي لفاك
زهير: ملييحة رتاحي غدا ونديك لتم
أمال: واخ…
أشرف: (رجع فوقيتة ديال لغدا دخل للدار لقا التسيااق وروينة مشا للكوزينة كيشم ريحة لحراق طل فلبيت لقا شيماء كتبدل لبنتها وليكوش عااامر💩 فالارض محلول)
شهاااااد لعفن يا ديك الموووسخة الله ينعل ديل*** فهاد نهار
شيماء: راه من صباح وانا هاك لبنت كرشها جارية وغير تبكي
أشرف: ݣااابليها هي لاه نايضة تحدااااݣي ولغدا محروووݣ تفووووو
شيماء: (بقات كتبكي كملت ليها هو مشا للحمام عطاتها لهاية وحطاتها فنموسيتها بقوة الأعصاب للي ركبهم فيها مشات كتقلب عليه لقاتو خارج وباين موضي)
انا ماشي موووسخة نتا للي وسختيني (كتهضر والحروف مقجوجين واحلة ليها لبكية والاعصاب وبحرا كتنفس)
نتا للي جاي عندي نهار اللول وكان مت ولا قستيني
أشرف: وكان كنت عارف روحي نجيلك ديك الليلة وكان انا بروحي ن..
شيماء: (بعصبية كتغوت وعيبات كلامو) نننن… وااا سير تخرااا من التااالي حاااسب رااسك نتا للي ساااترني راااه انا للي ساترااااك ومݣلت وااالو على تكرفيس ديالك ودااايرني خداامة على بنتي وعليك نتا انا ماشي خداااامة (كنغوت وودنيها مسدودين حاسة براسها مزال باغا تغوت باش يسمع باش كتحس) انا بنااااادم واش كتفهم بنااااادم ماشي حيوااان كديرلها شّاا شّاا رّاا رّاا نتا ماشي ربي باش تعاقبني حتى نتا رااااك موووسخ والا انا غلطت وندمت ودرت شي حاجة مع أنوار حيت كنت بغيتو وكان خاطبني ومواعدني بجوااااج وكنت حاسباااه راجلي
أشرف: (جات فالتالي وعوراتها) سكتي حسن ليك متخلينيش نعصى ربي فيييك
شيماء: عصيييتيييه عصيتيه نهار جيت وتعديييت علية وخليتني وااااحلة معاارفة مندييير عصيتيييه منين خليتني يتيييمة وانا عندي واليدية عصبتيييه منين داايرني خداااامة على بنتي الاله مبغيتها فاللول ودرتها هي سباب للي انا فيه ولكن منين فهمت لݣيييتك نتا للي متسواااش نتا سباااابي فعذااابي (كترعد وبحرا كتقد تهضر) الله يااااخد فيك الحق أشرف
أشرف: (بقا غير ساكت كيشوف ويسمع ليها)
شيماء: عيييتني بزاااف اللهم الزنقة ولا هاد الدل للي وليت عايشة فيييه (كتمسح دموعها وكتشوف فيه ساكت كيسمع ليها…
مشات بشوية لبيت شافت داك ليكوش هزاتو جمعاتو بغات تمشي للكوزينة ولكن فاااشلة مقدرتش ومبغاتش تساطح معاه..
خرجت يدها وحطاتو حدا لباب شافها وهي كترجف سدت لباب صوت شهقاااتها وبكاها كيتسمع أي حركة كيبغي يديرها كيجيو قدامو تصاورها فيديوهاتها مع أنوار… مشا للكوزينة وراسو خدام عقلبو كلوشي فيه كيتناااقش محس براسو غير كيكمل التسيااق غسل دوك لماعن للي تماك لاح زبل خرج مشا جاب ليها طاكوس وعصير وصلاد.. حطهم فوق الطبلة مشا لحدا بيتها بغا يحل ورجع شد يدو دق جوج مرات)
أشرف: خرجي تغداي راكي كترضعي (بقا شي دقيقة كيتسناها دار هز سوارتو وخرج من تماااك….)
ليلى: (باستغراب) أمال واش راها فيك؟!!
أمال: لا راها معطلة وداك شهر هبطتلي غير شي نقطة طبيبة ݣالتلي عادي حيت راني كنشرب ديك لكينة
ليلى: اممم (شافتها بغات تغمس فالعسل) متاكليش
أمال: علاه؟!
ليلى: مكتشهاي مكدوخي؟!
أمال: كظحكي علية اليلى والو مكاين والو وݣلتلك (بشوية) كطيح علية كل شهر
ليلى: واخا هكاك صوني على هند تجيبلك معاها التيست باش الا مكان والو درك نمشيو عند واحد الكسالة تهزلك الوالدة
أمال: مفيااش اليلى
ليلى: ياك باغية لولاد
أمال: وحتى لغدا والله مدݣدݣة
ليلى: (شافت الطبعة من مور ودنها) كولشي عرفك مدݣدݣة غير تبعي كلامي
أمال: (زفرت) واااخ (صونات على هند للي قالتلها عندها جوج فالدار وهي جاية فطريق) ها هي جاية (بغات ترجع تاكل)
ليلى: اديييك لبنت هداي
أمال: علاش غير لعسل
ليلى: واش مشهية لحلاوة؟!
أمال: هههه (حطات الخبز) واااا ليلى انا جاني غير الجوع وصافي….
~~~~~~~~~
فتيحة: (كانت فالخطبة ديال ولدها علي ومحمد معاجبو حال حيت مو بقات عليه اجي اجي بوحدك منين مشا لقاهم كيوجدو ومشاو كيخطبو تحط امام امر الواقع وشوية من دمووعها وتبوحيطها مشا معاهم معاجبوش الحال على ختو اولا)
بحال الا عرفت غتجي تجي وانا كنكون فوجدة تيليفون هو التالي مكتهزو تسول فية
محمد: بااااز والله حتى دابا عرفتها علاه مكدوورش لجيهتنا كاملين حنا من بكري محاسبين لها حساااب لا تحسبو هي
فتيحة: ظحك اولدي ونعل الشيطان فرح لخوك كما فرح ليك هو (بابتسامة) الحمد لله يا ربي جوجت وليداااتي وتهنييت (قوست عينها فيه) دابا الا نعيش حياتي انا
محمد: سمو هو
فتيحة: مالك كسمعتيها
محمد: باغا تجوجي
فتيحة: اوا الا كتابا وربي رااادها علية منݣووولش لا
محمد: (خرج عينو) نتي شوية غنصيفطك العمرة
فتيحة: باش تقتلوني كما دارو ولاد الكاملة لا لا أخيّي نتوما تلهاو فديووركم وخليوني عليكم
محمد: ياااااااو الله لا تجوجتي (خرج من تماك نيشان الجردة كانت فيلا فخمة وعارف باها بزنااااااس عيا يعارض وعلي وفتيحة بفم واحد هو بغاها… جبد ݣارو وبدأ يكمي صونا على أمال والو مكتجاوبيش عاد صونا على مريم عاود ليها كولشي وبرر ليها الموقف انه مكان فخبارو والو على هاد الخطبة ديال الغفلة….)
أشرف: (كان عند احلام فلبيرو كتعاود ليه على حالة حنان من بعد مفسخ الخطووبة وتخلى عليها)
أحلام ختي نهار الخطبة كنتي كاينة وݣلتلها واش كاين بلاا كذووب
احلام؛ ونتا قاد تزوج جوج؟!
أشرف: كنت انا ووشيماء غنطلݣو ولكن منين فكرت مليح بغيت لبنت ترضع ماشي من اللول نطحن ليها مصارنها
أحلام: أشرف زعما بيك غير رضاعة راه عارفاك وشيماء من قبل كانت عاجباااك
أشرف: لا لا لا نسااي داك الاعجاب مكان منو والو
أحلام: اوا وشنو للي مخليك مطلقهاش ونتا كارهها هاك
أشرف: مكارههاش هاديك ماين بنتي علاه نكرهها.. مهم حنان شفت فيها شي خصايل معجبونيش وکولها الله يسهل عليها اما انا لا..
أحلام: اخر هضرة؟!!
أشرف: (وقف) هضري معاها متعاودش تجي عندي للمحال (جبد 500 درهم) عطيها هادي
أحلام: واخا سيدي… قولي شنو دارو صحابك داك نهار.. اه نسيت نساابك
أشرف: خلينا أحلام من هادشي نعرفك بعقلك ماشي بحال صاحبتك لاسقة فواحد مزوج
أحلام: امممم واخ
أشرف: (مشا من تماك رجع لخدمتو كلام شيماء عارفو ومتيقن منو انه صحييح ولكن حتى هو متفهمش ليهم راه لوكان كانت مع شي حد اخر ممكن يدير عين ميكة ولكن هدا راه أنوار راه كبرو بجوج اسرار بعضياااتهم عندهم يعني كان خووه واخا خصايل لاخر وعاد لكلام للي كان كيسممو بيه عليها منين كان فالمغرب ومنين مشا لفرنسا خلاااه حاااقد…)
~~~~~~~~~~~
زهير: (كان راجع هو وانوار للي داه معاه المحال يبدل الجو واخا مكيشوفش الا ميبقاش فالدار.. عتاذر الف مرة على السرقة واخا هكاك حس باحراااج كبير عكس زهير للي نسا ورمى داك الموضووع من شحال هادي… وصل وليد حطو حدا دارو وهو كمل.. وصلو لقا أمال فلباركينغ وهند كتعيط ليها تجي جات طلات عليه مع أنوار كان جالس اللور)
امووول (سكت الطموبيل)
أمال: انا حاملة (بفرحة كبيرة بقا غير كيشوف)
أنوار: (حتى هو هز راسو واخا مكيشوفش..)
زهير: (بقا مصدووم كيشوف فيها)
هند: (صبعاااتها وضارت عند ليلى) هضرة دييما غتبقى خضرة باش توحد شي مفاجئة وتقولهالو بطريقة فشكل مينساوهاش مشات تعرضاتلو بحال كتݣريسييه
ليلى: ههه الفرحة مسكييينة راه مكانتش عايقة حتى براسها
هند: وغير توجد مفاجئة
أمال: (بابتسامة عريضة خرج من الطموبيل) عاد عرفتها
زهير: (محس غير جبدها عندو عنقها عنااااق كبير وباس كتفها وهي باست عنقو) ابردييييييي….
أنوار: (حنا راسو وبلع ريقو.. حتى تبسم) مبرووك ازهير
أمال: (بعدت منو شافت فزهير والضوء ضارب فاللمعة للي فعينو.. تبسمت ومسحت على عينو شد يدها وباسها فالكف) عجبك الحال؟!!
زهير: (بشوية ولكن مسموع لانوار للي كاين اللور..) غفلتيني اما نوريك شحال عاجبني
أمال: ههه هند غتحيح علية ݣالتلي ندير ليك مفاجئة وانا راه بحرا صبرت مݣلتهالكش فالتيليفون
زهير: (قرس حنكها بلطف حيت معرف ميقول دماغو خدام كيتخيل عندو ولاد كيعيطولو بابا دار يدو على كرشها) نموووسة بحرا هازة رووحك كديري تهزي هنا مومو
أمال: هههه أحاااااااي
أنوار: (على هادي تبسم تفكر منين كانت كتقولها وهي حشمانة ولا مخرجة عينها.. قلبو ضرو جات فكرة وكان كان بقا معاها وتزوجها هي مكان غيوقعلو والو من هادشي… وكان هو للي فبلاصة زهير فرحان بحمل مرتو.. رجع فكر فدعاء نهار عرفو وكانت فرحتها كبيرة ودارت مفاجئة مع حفل كبيييييير… زفر وبقا كيدعيلها بالرحمة شاف باب الطموبيل تسد وصقير تكا وعقلو سااااارح فهاد صبر للي عطاه الله مو ومرتو وعينيه ورجليه فدقة وحدة…)
الحاجة: (للي بكات بالفرحة طلعو عندها وهوما كيظحكو لقاوه هند كتسناها غير حشمت تقلز ليها قدام زهير) ولدي (جر أمال ومشا عنق مو للي كتبكي باس راسها وهو شاد فيد أمال وهي معنقاه غمزلها)
فرحت فرحت فرحت اوليداتني ومݣداااتني فرحة
هند: انا ݣاع مفرحتيلي هاكا
الحاجة: ههه كيفك كييفها (معرفت كدير تعبر ليها ملقات غير) وكان مكان دا أمال كنت نديك نتي
أمال: (جمعت الظحكة زهير خرج عينو هند معرفت ظحك ولا شنو غير ليلى للي ظحكت عارفة الحاجة الا تأثرت كتولي تدخل وتخرج فالهضرة)
زهير: مّا يهديك الله هند من ديما كانت بحال ختي نتي باينة باغية نشبع صفݣ هاد الليلة من عند وليد
الحاجة: لا ماشي هااك (شافت فامال للي تقرست وجمعت الظحكة) ماشي هكاك ابنتي زعما راه حتى هند عزيزة علية كييفك كيفها ماشي مبغيييتكش
زهير: مّا غير سكتي شااااربة دواااك ولا!!!!
ليلى: انا نديها تشرب
الحاجة: ابنتي أمال لتديش علية والله مااا…
أمال: لا لا امّا عادي والله..
الحاجة: (مشات عنقتها وحتى أمال ظحكت ولكن باينة مغيرة شوية… مشات للبيت وليلى كتلوم فيها بقاو التلاتي وااقف)
هند: معرفت وليد مالو تعطل
أمال: جلسي تعشاي بعدا (مشات دخلت للكوزينة تبعتها هند هراتها فجنابها متحركتش) هيييييند
هند: واش تقلقتي اصاحبتي
أمال: ألاااااااا
هند: ههه شفتي كنا غنكونو ضريرااات ههه
أمال: هههه زعما هاد مّا ههههه
هند: متدييش عليها
أمال: واش انا عارفاني ندي على مّا
هند: ندمت علاش قلت هكاك ناااري زهير غيكون تحشم
أمال: (فكرت أن الحاجة كانت عجباها هند ضروووري شكون غتعجبو أمال الا مها هي اللولة كرهاها.. دخل زهير)
زهير: (شاف فامال) حماامتي روااحي عاوديلي (جارها من خصرها تكا على لبوطاجي وبقا داير يدو فجنابها بقات كتعاود ليه كفاش حتى عرفااات)
هند: صراااحة شكيت فصباح ولكن هي قالت لينا لاااااا
زهير: سبحان الله حتى خرجتيه من راسك عاد كتاب….
زهير: (جلسو كيتعشااو وحاضي أمال للي حسها تقرست وكان ماشي مو للي قالت ديك الهضرة وكان شخص آخر كان غيصبنو مزيان ولكن كولشي الا مو وحتى مرتو ميبغيش لي ينغص عليها تعشاو ب4 حيت ليلى وقتها رجع مشغول بين ولدها وحتى ليلى للي ولفاتها وحبااتها بحال وحدة من بناتها…
داها للدار معنقها بيدو حتى لكبير عيطلو)
مكااانش ليلة ينساو زهير
أمال: احااااي زهير حشوومة
زهير: (مشا عند خوه) اخويا!!!!
لكبير: واش بقا أنوار عند مّا
زهير: (طرطق عينو ضار بالزربة كتر من جوج سوايع وهو فالطموبيل حلها كان جالس اللور صاااقر)
أنوار
أنوار: هم نعاام
زهير: ياااا هضر اصاااحبي خليييتك وزدت
أنوار: ههه سمعتي لولاد ونتا تسمح فولد خوووك دغيا بنتي على حقيقتك
زهير: ههه (مشا حلو لباب عاونو وقف عطاه عكازو وطلقو) وكان مجيتش
أنوار: ههه كنت نبات هنا واش ندير واحد معدوم لا عينين لا رجلين واش يدير
زهير: (جمع الظحكة) ياله ترتاح راه باك اليوم يصبني (زاد معاه بشوية أمال غير شافتهم حلت باب دارها وطلعت تسنى زهير لفوق تبعها لقاها جالسة جلس حداها) مال حبيبي؟!
أمال: بالصح ازهير بغيت تجوج هند فاللول
زهير: أمل!! واش بيك اديك الطفلة عااود يهديك الله كنتي فاللول نتي وهند وانا جيت عندك نتي متبدايش دخلي شي فشي مّا ونݣولو عقلها فرفر ومشارباش دواها ونتي!!!
أمال: انا حاملة
زهير: هههه من دابا امحااااايني باقي 9 شهور ديال لبكى وتخنخيييين
أمال: زووووهيير واش مّا للي كانت بغات هند
زهير: هانتي نهار عرفناكم وليد كان ݣال لمّا نتي هاضر فيك ولد عمك حسابلها بغيتي ومخطوبة ليه داكشي باش ݣالت الا هي مخطوبة نديو هند عاد أنا فهمتها راك ممخطوباش وݣلتلها حتى وتكون مخطووبة مغتزططنيش هاد الكلمة ديك الطفلة لهبيلة (قرس نيفها وظحكت) تكون ديال زهير وباااااس
أمال: هههه كداااب
زهير: ديما علاه انا شي نهار ݣلت الصراااحة
أمال: (بقات كتفرنس واخا يكون كلامو مزوق شوية الا المعنى انه هو بغاها وهدا كااااافي وموفي ديك الليلة مقاسهااش خاايف عليها حدهم كيهضرو بفرحة على لبيبي وغيتسناو الاثنين باش يمشيو عند طبيبة….)
~~~~~~~~~
شيماء: من داك نهار معاود هضر معاها وحتى هي خرجت شنو كان فقلبها هاد الساعة محتاجة غير تفوج تخرج من الدار مكرهتش على الاقل تمشي عند هند اما حتى أمال كتعاملها ببرود يعني علاقتهم مستحيل ترجع… حطت سمعت الساروت كان هو دخل شاف بنتو جالسة كتلعب غير شافتو مدت يدها وكظحك
أشرف: هانا على الزيين ديالي كتسنا بابااها (هز يدو كان جايب نونوس) شوفي بابا واش جاب للأميرة ديااالو
شيماء: (بلا متحس تبسمت تعامل مع بنتو وكيف كيحماق عليها وعاد من ديما مهلي فرااسو ومبووݣص حتى من لون عينيه أول مرة ترد لبال عينيه ملونين مرة كيبانو عسلي مفتووح حتى كيميل لخضر نفس عينين مريم…
مشا عنق بنتو هزها كيعطيها نونوس شاف فشيماء)
أشرف: كاين شي غدا
شيماء: لا
أشرف: واش!!!
شيماء: (رمشت عينها خاايفة من ردة فعل ديالو لحمها مبقاش قاد على شي ضرب ولكن بغات تطبق هاد الفكرة للي قالتها ليها ليلى) كنت مݣاابلة مريم ومكفاش الوقت باش ندير لغدا
أشرف: اوا !!!
شيماء: (بلعت ريقها) اوااايواا
أشرف: كنتراادو حنا فلغاااا واش نديييرو درك راك كترضعي ابنادم
شيماء: نخرجو نتغداااو (كتمنى يقبل بغات تخرج شوية تحس براسها كتنفس راضية تخرج بدوك درااابل غير تخرج)
أشرف: (حط بنتو) نوضي ݣادي لمريم شي حاجة تاكلها وانا نخرج نجيبلك متاااكلي (خرج وبقات غير جالسة تأفأفت.. كانت ديجا مقادة لمريم ماكلتها للي كتكون صووبة خفيفة… عطاتها تاكل حتى رجع جايب معاه دجاج مشوي مع الروز فريت شلاضة ولاصوص جاب ليه منادة وهي صلاد فروي.. حطهم مشات بالفرحة حطااتهم مهم اللهم هاكا…. جلست كتاكل وحتى هو هاز تيليفونو كيخرب فيه وياما خلاها غير كتفكر معامن كيهضر اما هو كيحسب غير لكريدي للي عندو باش يعلم صحاابو يخلصووه ..)
أمال: (دارت ليها طبيبة ليكو وزهير واقف حداها كيشوف فالشاشة كيبانلو. غير تشاش حتى وقفت وبان هيكل طبيبة مفهمتش كتقلب) هههه هداك هو
زهير: واش ولد؟!
أمال: (شاف فزهير) معرفت نتا بغيتي ولد
زهير: لا للي جابو الله (شاف فطبيبة) واش هو ولا هي مزيانين
طبيبة: بغيتو تعرفو جنس لبيبي؟!!
زهير: لا (هاكا حتى وليد دار لهند)
أمال: واش نعرفو من دابا هند حتى كملت 4 شهوور عاد ݣلتليها راه بان شنو عندك ومبغاش وليد تݣوليلهم
طبيبة: أمال من امتى مجيتيش عندي درتي ايكوغرافي
أمال: درتو غير المرة اللولة شي 4 شهور هادي
طبيبة: كتر حيت ميمكنش لحمل مبانليش
زهير: شحال. هي حاملة؟!
طبيبة: 22 سيمانة طالعة ف5 شهور أمال نورمال كان تحسب بشي حركة حتى لكريشة معندكش
زهير: (بصدمة) 5 شهور؟!!!
طبيبة: 4 شهوور ونص واش متتجيكش مجيتيش قلتيلي والو
أمال: لا كانت كتجيني (طارت لبلاكة بالصدمة) غير مخربقة وغير نقاطي كنتي ݣلتيلي غير مع لكينة
طبيبة: ديك الكينة خاصك تقطعيها
زهير: واش غديرلو شي حاجة؟!!!!
طبيبة: (تحرجات واش لحمل مبانلهاش فأخر ايكوغرافي حست هملت خدمتها واخا الناس كيشكرو فيها.. ولكن متبعتش حالة أمال مزيان كما موالفة حيت حتى لوخرا كتقولها جاتني وصافي)
سمحوولي على هاد رويينة (بقات كتكمل كتشوف ليبوطون ديال القلب الراس لعظام زهير كيلمس فراس أمال للي بجوج مصدومين…
بقات كتقولهم ان كولشي مزيان وكتشرح بالتفصيل حيت تصدمو وفنفس الوقت خاافو من ديك الكينة…
وغير أمال شحال شربت عشووب وكلات مسااخن… خلات أمال كتمسح كرشها ومشات للبيرو ديالها فين لحق بيها زهير)
زهير: واش الحالة ديال ولدي مزيانة؟! غير ݣولي للي كان انا راضي بالي مكتابلي
دكتور: ان شاء الله كولشي فيكون مزيان معندك مناش تخاف غنعطيكم ديرو شي تحاليل امم رااقب ماكلة ديال امال حيت ناقصة شوية فالوزن على للي كانت غنكتب ليها شي فيتامينات التحاليل من الاحسن ديروهم دابا وردوهملي غدا باش نعطيها شي دوا لبيبي صحتو مزيانة الحمد الله ربي اموسيو زهير منين كيكتب شي حاجة راه كتكتاب
زهير: ونعمة بالله (شاف أمال جاية تبسم ناض عندها جلسها عاد جلس) ولكرش علاش معندهاش الكرش
طبيبة: (تبسمت) كل وحدة والجسم ديالها (شافت فامال) انا فولدي أنس مكانتش عندي الكرش حتى لسبع شهور وفأمين الكرش خرجاتلي من 3 شهور سبحان الله كل واحد وكفاش
أمال: (تبسمت حتى ظحكت) هههه كنت غير فاقسة راسي وانا حاملة
زهير: مكتحسي بوالو
أمال: لا هههه (شافت فطييبة) واش عادي
طبيبة: عادي عادي غير شوية وغتبداي تحسي بركلات خفاف وشي حاجة كتحرك فلكريشة (كملت معاهم الهضرة خرجو فرحانين نيشان مشات أمال دير تحاليل خرجو تغداو وزهير قرب يطلب لموني كاملة غير باش تاكل داها للخدمة فين كانت هند ووليد كيتغداو فلمكتب)
هند: أمدرا شنو قالت ليك طبيبة وشحال عندك
أمال: عندي 4 شهور ونص ههههه
هند: (عوداتلهم أمال شنو كاين وهي فرحانة حتى زهير ولكن لداخل ديالو خااايف متاااقش فديك طبيبة وخاايف من دوك التحاليل)
اويييلي على مشافتش فليكو؟!!!!
زهير: ياك كاين شي غلط
هند: لا بزاااف بحال أمال متيكونش باين ليهم لحمل (ناااضت) هانا على صحييبتي غنديرو سبوع انا وياها قد قد (عنقاااتها بفرحة) مقالتش ليك شنو عندك؟!
أمال: مابغاش زوهير
هند: (عنقاتها مخبراها) معقديين
أمال: هههه.. (بقاو كيتعاودو وكتعاود ليها شنو قالت طبيبة هبط وليد كيخدم وشاد فزهير للي لبارح عرف خبر الحمل واليوم عندها 4 شهور.. عيطولو مع 4 على حساب التحاليل مشات أمال ومشات معاهم حتى هند خداوهم وهند قرااتهم)
زهير: أمدرا هند؟!!!
هند: انا بانلي مزيان نمشيو عند واحد طبيب ݣاوري كاين فلكلينيك للي تنخدم فيه
زهير: طبيب!!! لا لا
هند: شي حاجة مزيانة ازهير ونشوفو فرملية هي للي دير ليها ليكوو متبعش معاه ديما غير يشوف
زهير: (شدت فيه أمال حس بيها خاافت) واااخ (داااخ مشاو… من حسن حظهم كان باقي تماك ولكن مبغاش يدخل شي حد اخر…)
صافي روحو لقنت اخر
هند: انا نهضر مع دكتور فيصل (خلاتهم ودخلت عند طبيب) دكتور كنت باغية نطلب منك شي حاجة (براسها تبرزطت حيت بانتلها شي حاجة ماشي هي هاديك..)
فيصل: وي!!!
هند: دكتور مانويل بغيت ندخل عندو ولكن مبغاش
فيصل: مبغاش يدخلك نتي؟!! (هو عارف الاختصاص ديالو) نتي حاملة؟!!
هند: ماشي انا وحدة من لفاامي (عطاتو تحاليل) هي ديجا كانت متبعة مع طبيبة ودارت خطأ كبيييير مفهمتش انا كفاش مردااتش لبال لحمل وعطاتها تخيتمون ديال 4 شهور وعاد لبنت عطاتها لعشوب ودوك لمسااخن
فيصل: اممم واخا تسناي انا نمشي عند
هند: شكرا دكتور
فيصل: ولو حنا هنا عائلة وحدة (تبسمت خرج وخرجت عندهم كانو مخلوعين.. شوية عيطلهم فيصل مشاو طلعت عند طبيب هند للي كتشرح وزهير حتى هو فاهم وكيهضر من غير أمال للي غير كدور عينها نوضوها باش دير ليكو هند شرحاتلو انه ميمكمش يقيسها تفهم جات فرملية المساعدة دياالو..
نعست أمال خايفة زهرات على كرشها وحداها زهير حاط يدو على كتفها وكاين فاصل ديال ليزار بينها وبين طبيب والفرملية هي للي كتحرك ليها كيف قالها طبيب…)
زهير: واش كولشي مزيان؟!!!
~~~~~~~~~
محمد: (فرحان منين صونا عليه زهير وقالوو على الخبر صونا على أمال والو مكتجاوبش صونا على مريم قالهالها وعلما تصوني عليها ولكن مجاوبتش)
لعجب (رجع صونا على زهير كان تيليفونو طافي ولا معندوش الريزو)
انا بلاتي نجي احبيبة ياك كولشي مزيان؟!!!!
مريم: كولشي بيخير خاصنا غير نتا
محمد: (دارلها بيزو وهي دخل مو وبدات تبجق) ياله مريامتي بلاتي ونتشاوفو… (قطع وشاف فمو)
أمال حاملة
فتيحة: وسمو نديرلها انا
محمد: (وقف) يا غتݣادي معاها ولا رجلي متعاودش توطى هنا (خرج وبقات كتعيط ليه ضار معصب) سمو؟!!!!
فتيحة: فين ماشي
محمد: غنعطيك سيمانة وغنجي نديك (جبد فلوس كانت 1500 درهم) تقداي ليها شي حاجة للي مزيااااانة اللي مزيانة اما نفرحووها شوية نبينوو للناس للي عندهم راه عندها فاميييلا ماشي مݣطووووعة من شجرة… سيمااانة امّا وجهك وكلامك يكون ظاحكين معاها ولا باللله العلي العظييييم رجلي متعاودش توطى هنا….
فتيحة: (ضربت الطم اصلا مخاصها صداع مع محمد شافت فعلي) سمو بانلك
علي: (بلا مبلاة) سيري غير لتبطااايش باش ندير الكاغط
محمد: وختك متحضرش؟!
علي: تحضر الا بغات ياله انا غنهود للمحال محمد راك تعطلتي علينا فالسلعة
محمد: غدا تكون عندك (شاف فمو) انا غنمشي لوجدة
فتيحة: بات الليلة هنا
محمد: لا منخليش مريم وحدها
فتيحة: راه باقي شهرين باش تولد ماشي الا بتي هنا ليلة اخرى غتنوض تولد
محمد: السيمانة جاية نجي نجيبك (خرج ركب فطموبيلتو مشا عند كريمة خالتو للي عيطاتلو باش يدي شي حاجة لمريم مطيباها خداها وشد طريق كيصوني على أمال للي مكتجاوبش ومفهمش علاش مبقاتش كتجاوبو.. )
~~~~~~~~~~
زهير: (متبع مع طبيب ومفاهم واالو)
واش كولشي مزيان؟!!
…: كولشي كيبان مزيان (نفس الهضرة للي قالت طبيبة لعظام كولشي مزيان مشا للبيرو وتبعو زهير وهند التحاليل كولشي باين مزيان عاد رتاح زهير)
زهير: الحمد لله
هند: تخلعت فاللول (أمال كتمسح كرشها وتقاد حوايجها كتب ليهم طبيب على شي دوايات حيت عندها نقص ف vitamine d وحتى لحديد مهم شي حاجة للي ماشي خطيرة جات أمال للي مفاهم ولكن ولكن من كلمة الحمدالله رتاحت شوية…
خرجو من تماك كيعاودو لامالللي مفهمت والو وحيت باحراااج كبير دار زهير يدو على ظهرها باش ترتاح شوية)
زهير: متخافيش كولشي مزيان
هند: (تبسمت) هههه فخبارك فاايتااني فالحمل ماتري يا الحمقة كنتي حاملة ومعاارفة واالو واقلة وكان ماشي ليلى للي دارت التيست متحسي بوالو
أمال: ههه (شافت داك طبيب جا عندهم وهي تجمع الظحكة وحنات راسها شكراتتو هند وحتى زهير على التدخل خرجو وزهير باينة طايرة ليه) مالك
زهير: كفاش مالك ديك طبيبة للي قارئدية فزحام دوزلها هكااك
هند: انا منكملش معاها
زهير: غنمشي لجدها درك
أمال: لا زهير صافي ياك عرفنا ولدنا بيخير علاش تمشي
زهير: واش نتي ديما تكوني هاكا نية راه غير حفظ الله وكان طرات ليك شي حاجة لا نتي لا للي فكرشك فين نوصلو راه دوايات ودوك لعشوب الا مقتلوش يخرجو بنادم مشوه ولا معااق ساااهلة تسامحي وتكون نية بحال هاك!!
أمال: (دمعو عينيها) واه انا نية وغنبقى نية وكنساامح ربي خلقني هاكا كما خلق واحد يكون قاااسح خلق واحد يكون كيساامح ونية
زهير: خاصكي تقسااحي
أمال: لا انا مكنفرض على حتى شي واحد يكون نية وزوين وظريف حتى نتا متفرضش علية نكون قااسحة براكة غير الحمدلله عرفت كولشي مزيان علاش نكد فرحتي عاااود ونمشي مداابز معاها ومنعرف فين توصل القضية راه طبيبة هاديك تقدر تكون غلطت وحتى ومنعرف فين يوصل دباازنا تعيطلي لبوليس وتݣول غلطت ديك الساااع فيديوها فية يانا ولا فطبيبة!!
أمال: (مشات للطموبيل خلاتهم واقفين) بغاوني نبقى نقتل بنادم عاد باش يسميوني عندي شخصية قوية…
هند: زهير امولة عندها الحق صافي عرفنا لبيبي بيخير الحمد لله صافي هاديك منعاودوش رجعو عندها حيت بالصح اخر حاجة تخسر عليك خطأ
زهير: انا خاايف عليها (زفر) معليييش راه عربطات علينا ههه
هند: هههه قنعاتني حتى انا ههه ياله نمشييو (مشاو لقاها نافخة حنوكها وهازة زنافرها بقا زهير شاد فيها داز خدا ليها دوا دوزها للسونتر شرا ليها بيجامة وبنطووفة عاد ظحكت ليه دازو لباتيسري خداو عصير وحلوة مخلي لبنات على خاطرهم دوزهم للمحال طلعو للبيرو ولبنات متشوقين باغيين يعرفو جنس ولادهم وحتارمو رغبة الازواج وزادو تشوقو لنهار لولادة وهدا هو الهدف…
طلع عندهم زهير جايب ليهم شكلاط والكاوكاو لقا أمال جالسة فلبيرو)
زهير: جا معاك ازييينة
أمال: ههه (كدور فداك الكرسي) خاصك تجيبني نخدم معاك
زهير: علاه!! ماشي حشومة شحال من واحد راه يترزق هنا
أمال: (جمعت الظحكة) علاه مالي يانا شنو نديرلهم
زهير: هههه لا واالو (جلس) ݣولي أموول خويا لكبير باغيني ندي أنوار لفرنسا غتمشي معانا حتى بشرى
أمال: (ضورت عينها) هانتا کلتيها ماشية بشرى
زهير: بغاني نمشي باش نجيب رزقو وحوايجو.. عائلة مرتو مباغيين أنوار ياخد والو وهو راك كتشوفيه معندو ميدير
أمال: معرفت ازهير
زهير: (منين جا أنوار حس بيها محملاتوش رجع هاد الاحساس ان مو دوزات عليها داكشي خايب وملقى منها حتى تعاااطف على حاالتو للي كولشي بقا فييه) واااخا أموول حتى للدار ونهضرو فهادشي مزيان…
هند: (غير خرج وسد لباب شافت فيها) محدو تيشاورك خليييه يمشي
أمال: واا غي حييت بغيتو يبقى معايا هاد ليامات وصافي زعما يكون تقلق مني
هند: شوفي هو موفر ليك كولشي. وتيبغيك بزاف وتيشاورك فصغيرة ولكبيرة مافيها باس يدير الخاطر لخووه… (طلع عندهم وليد حتى لحق زهير خرجو مجموعين مشاو يتعشاااوو… )
أمال: زوهييير
زهير: (جر لكرسي حداها وشاف فعينييها) هم
أمال: صافي غير سير
زهير: ههه صافي سمحات لية المدام وعطاتني الإذن
أمال: اييييه ههه علاش انا شوية فلبلاد
زهير: هههه نتي كوولشي العميييرة (كملو السهرة وتمو راجعين وصلو هند ووليد لدارهم وهوما كملو نيشان عند الحاجة للي مبغات تشرب دواها حتى يجيو فرحوها بالخبر وفهمووها كانت فرحة كبيييرة منها…
نعسو عندها فالدار معانقين وكيتعاودو على فرحتهم واش بنت ولا ولا ولد وحتى سميااات هضرو عليهم دازت لييلتهم هاكا حتى نعسااات وخلاتو باقي كيفكر فهاد الفرحة للي من شحاااال وهو كيتسناااها…)
زهير: (رجع عند طبيبة للي وراتهالو هند سخيخها وحتى هي حشمت على فعلتها جاب الضوسي ديال امال باش يمشيو عند طبيبة اخرى وحتى هند مبقاتش ترجع عندها…
رجع كمل شغلو حتى جات أمال وهند وقفو عليه.. مشاو عند طبيبة اخرى تبعو معاها اكدت ليهم ان لبيبي عندو 22سيمانة وزهير متحفظ مباغيش يعرف جنس لبيبي.. عطاتها شي دوايات كما العادة وحتى التحاليل كان كولشي عندها مزيان من غير شي نقص فبعض الفيتامينات للي كيتعوضو دازو لفاك خدات شي بوليكوبات واخا بغا يعتارض الا غمقو عليه بجوج بحجة اصلا مزال مكاين تقل ولا شي حاجة تخليها متكملش قرايتها والامتحان على الابواب… وصلهم لطموبيلة ديال هند هو بقا فخدمتو وهوما مشاو كيدورو لاعبين يشريو حوايج ولكن معارفينش اشمن لون خداو كولشي مشاابه للي يمشي مع لبنات ودراري كانت فرحة كبييييرة صحابات حبو صحاب صدفة وتزوجو وسكنو حدا بعضهم وكتاب لحمل يكون فوقت وااحد…)
الحاجة: (فرحانة قالتها لبناتها للي جاو باش يتعشاو مجموعين) عݣبال لبيااتكم
عيشة: وشوووفي ليك طالعة فالخامس ومݣالتها لحد
مينة: ويلي اعيشة استغفري مولاك هي تݣول بروحها مكانتش عارفة ونتي تݣولي مݣالتها حد!! شتك اعيشة دايرة عقلك فالطفلة
الحاجة: هانتي تشوفي ابنتي بحال راها ݣرينتها هاكا كانت المرحومة ظل حاطة عليها
عيشة: لهلا يحييهاا ندير راسي من رااسها انا للي باغية اما هو نعرف فوكاش نتكاتبو ماشي وحدة تجي لبارح وتدي كولشي
مينة: معندها متدي راجلها عندو رزقو بيناتهم هادي دار مّا ودارنا حتى حنا
الحاجة: (مقالات تهنات من هاد الموضوع حتى رجعو لو) واااخ
مينة: (ممتيقينهاش حيت خافو مهم اليوم ولا غدا تموت وميبقالهم حق فهاد الدار ويرجعو غير ضياااف)
نوض نشووف لعشا
عيشة: واه جوج عراايس ونجي يانا نخدم عليهم هه هوما للي صدقت ليهم
الحاجة: مرت خوك زهير حاملة تبغي نوضها طيب لفاميلة على ݣدها وليلى راها كدير للي عليها وكتر
مينة: مݣلت والو امّا انا نطلع نعاونها (طلعت للكوزينة للي فسطح حيت منين كيكون طياب كتر تماك كيطيبو لقات ليلى كتقاد الدغميرة وأمال كتستف دجاج فالاللاطة باش دخلو يتحمر فالفران)
نحي أمال نكمل عليك لاتعاوديش تطواي على كرشك هاااك
أمال: (وقفت) انا مزيانة غير خليك اخالتي
مينة: (حنات هي كتخدم أمال من ديما علاقتها بخوتات زهير فحدود مكتجمع معاهم موالو غير الاحترام وصافي… بقاو كيهضرو على لحمل وأمال مشات كتعسل البرقوق شافت فيها مينة حسابها مغتلقاهاش كتعاون ولكن للي عارفة مهلية بزاف فالحاجة وحتى ليلى دايرة فجهدها معاهم كاملين وزادت ببنت أنوار… واخا فكرة عيشة عليهم غالطة وكظل تعاود عليهم بالشر الا هضرتها كدخل من ودن وتخرج من ودن اخرى….)
ليلى: حݣا مرت خوك شحال عندها
أمال: تكون دابا شي 7 شهور مسكينة محنة شحال دي ممشيت شتها
ليلى: خاصكي تمشي غدا نݣولها لكبير ونمشيو عندها
أمال: ان شاء الله.. (كولشي تجمع لعشا طاااب كان دجاج محمر وبركوكش من طلب رجال تعشاو مفرقين وفرشو باش ينعسو زهير خدا أمال ومشاو لدارهم
كانت متكية على صدرو وكتلعب بصباع يدو وهو كيجبد فجنابها)
زهير فوكاش غتمشي؟!
زهير: الاثنين
أمال: بعد غدا!!!! وفوكاش ترجع؟!
زهير: شي يوماين وصافي مرانيش هبيل نجلس تمااك ونخليك وحدك والله وكان ماشي خويا مااانروووح
أمال: (زفرت) معليش غير مطولش….
زهير: متخافيش… ݣوليلي كتحسي بشي حاجة
أمال: (كضور عينها) لا ههه
زهير: ههه موسيقى معااك… واجي نخليك تحسي بشي حاجة اخرى
أمال: لا لا لا زهير حشووو… (غرقها بوساان حتى طاحو بجووج ولكن هاد المرة غير بشوية ومحايد بزاف دالحركات…)
وليد: هند هند (كانت كتفرج فمسلسلها للي متبعاه دارت pause وشافت فيه جاي بموسو والفواطة عليه) كفاش عرفتي دار أشرف داك نهار؟!!
هند: حم حبيبي باسم الله عليييك ماالك (شافت فيدو) حط لموووس ونهضرو
وليد: مكنظحكش اهند
هند: ولييييد غتسمع شي حاجة معاجباكش وغنصدقوو بلا عشا
وليد: (خبط لموس فالارض) مكنظحكش
هند: oh!! (شافتو معصب ديال بالصح ووقفت) وليد بففف كنا ديجا مشينا لتماك
وليد: (كيحايد الطبلية) كملي
هند: عقلتي نهار مشيت لعرس ولد طاتي جميلة للي كان فسعيدية
وليد: (كيتفكر) اممم
هند: كان مشا معانا أنوار بقا هو برا وحدنا دخلنا للعرس منين تمينا راجعين كان مشا الحال بزاف كانت شي 5 دصباح الا دقينا عليهم ودخلونا كانت لخبار غتوصل لداركم ولخوت أمال
وليد: ههه ياك المرضية ونتي معندك فاميلة يخافو عليك
هند: (معجبهاش الحال) لا مكانش عندي
وليد: كملي
هند: مبقالي فين نكمل
وليد: غتكملي اهند
هند: صافي راه باينة أنوار قالنا نمشيو معاه لدارو ودانا لتماك عطانا فين نباتو وهو مشا فحالو
وليد: دخلتو لدار لعزارة وبتو فيها؟!!!!
هند: قلت ليك حنا نعسنا وهوما مكانوش بلا متبقى تأول شي حاجة مكيناش.. وهادشي راه داز عليه عام أوليد
وليد: لهاد الدرجة كنتو غافلينا
هند: كفاش غافلينكم انا وياك مكناش اونصوبل ووو أمال مكانتش مع زهير
وليد: تباتو فدار دلعزارة وغادي راكي ظحكي عليا ولا على روحك
هند: وليد
وليد: كان عندكم لفلوس للي يديوكم تباتو فلوطيل.. عليها داك لق*** عمرو يحتارمني ختي مدوزة معاه لفضااايح لكحلة ومخلطاها بينو وبين صااحبو ومرتي باتت عندو فدارو
هند: متشركش أوليد
وليد: بتو فدارو ولا لا؟!!!!
هند: اه بتنا وأصلا حتى فاش مشينا مكانش انا مفهمتش متتقبلش الصراااحة وكتقلب على شي حاجة فااتت وماااتت
وليد: ماتت عندك
هند: (ضرها كلامو) يعني!!!
وليد: (جلس وبقا كيشوف قداامو)
هند: وليد خلينا نسدو هاد الموضووع هنا راه نهار بتنا عندهم مكانوش فالدار اصلا نعسنا حتى 8 دصباح 3 دسوايع ورجعنا فحالنا… (لا رد) وليد نعل الشيطان ميمكنش دابز معايا على شي حاجة للي تاافهة وداازت عليها قرن وزمااارة
وليد: (ضار عندها مخنزر) تاافهة؟!!
هند: اوكي متفهااش ولكن بففف ولييييد!!
وليد: سكتي اهند
هند: (تزيرت فخااطرها ضارت طلعت لبيتها وكان كذبت عليه ولا هاكا هو من اللول حساس من جهة أنوار واشرف.. هزت تيليفونها بغات تصوني على أمال ولكن خافت يكون حداها زهير….)
هند: (حست براسها ق**** مكانش عليها تعاود أكترية شي حاجة كتخص صااحبتها حست بخيااانة ليها.. لبست بنطوفتها وهبطت لقاتو مكاينش حلت باب الدار لقاتو جالس فالدرجة وكيكمي) ولييييد
وليد: (بعصبية) دخلي فحاااالك
هند: وليييد.. (لا رد دخلت مشات للكوزينة لقاتو كمل طياب الطاجين للي كان كفتة بمطيشة الريحة كانت زوينة نقصت عليه حتى التالي ومشات طلت عليه) وليد دخل نهضر معاك
وليد: مزال كاين شي حاجة اخرى
هند: اه (ضار مخنزر فيها) ودخل باش نقوولك (شافتو ناض وجمعت الظحكة) محسابليش فضووولي لهاد الدرجة
وليد: (دخل وسد لباب زادحو) سمو كاين اخر
هند: (شداتو من ذرااعو وتمات جرااه جلسو فوق السداري وجلست حداه مربعة رجل) وليد شوف فية (مابغاش يشوف فيها) ولييييد (ضوراتلو راسو وشافت فعينييه) علاش تتقلب فهادشي غيجبد لينا غير صداااع حنا ف.. غنى عليييه…
وليد: غلطتو بزااف
هند: وي غلطنا ولكن ربي للي فوقنا هو للي عارف نية كل وحدة فييينا
وليد: أمال مكانش خاصها تبعك لا نتي لا شيماء
هند: علاش مالي أنا
وليد: هي كانت بحال شي مشة مغمضة
هند: اه وباقية ماشي غي حيت هضرت مع أنوار ومشينا لدارو صافي.. هو براسو عمر امال سلمت عليه كان بالصح باغيها فاللول قبل ميتقلب بوحدو وخطب شيماء
وليد: يعني شيما للي ݣلبااتو
هند: وليد نسا هادشي (شافتو مصر) لا هو للي كان شمااتة حيت مكاينش شي راااجل كتقلبو مرا والحمد لله أمال ربي شاف فيها اما كانت غتعيش العذاب معاه وووو بالصح كان باغي أمال فاللول
وليد: وكان يحسابلي يوقع هاك منكونش سباب بعدا ديك لبنت تخرج من دارهم
هند: بلعكس خرجت وقسااحت عرفتي نهار سبت أنوار وخلاتو غير كيصووط عجبني الحال فيه ونهار واجهات شيماء كانت قوية لدرجة ركزت على قرايتها ودخلت une bonne note
وليد: وي حتى انا عاجبني الحال تزيد القدام ولكن كنتي نتي بعقلك على الاقل منمشيوش تباتو فدار لعزاارة (تعصب) دار لعزارة اهند!!
هند: ماشي شي عزااارة هه
وليد: نوضي من حدايا
هند: وليييد (تكات على صدرو) نسا أوليد هادشي الا بقى تيتجبد بزااف أمال للي غتاكل الدق براااكة غير لدابا متتهضرش معاك
وليد: هههه (كيلمس فشعرها حيت دغيا كتغمق عليه) انا كظحكني مكتشوف فية مكتهضر معايا بحال انا للي مزبلها
هند: ههه تتحشم مسكينة هي راه تتعزك كتر من خوها محمد
وليد: وي حتى انا (دفعلها راسها) ميحساابكش بتبحليس ديالك غنستاها لييك (ناض وخلاها كضور عينها)
هند: بربي حتى عشرة فعقل…
كان نهار الاثنين ودعو أنوار وبشرى وبنتو خلاها فالمغرب مع ليلى حسن حيت هو ماشي باش يتقد امورو زائد العملية على عينيه للي غتكون حاااسمة فحياااتو..
أمال كانت معنقة زهير مساخياش يمشي خافتو يطول كما المرة الفايتة وهي محتاجااااه مخلاهاش تمشي معاه للمطار بقات مع مو للي بقات كدعي معاهم كاملين.. خرج مشاو وبقاو فالدار غير ساكتين
أمال: منين خرجنا هاد أنوار عااود
الحاجة: معليش ابنتي بحال خووك حتى هو يمشي ويوکف معاه
أمال: راه ختو معاه
عيشة: ݣلبك شحال قااسح
أمال: مقاسحش غير صافي مشات معاه ختو راه كاافية
عيشة: ونتي مالك أنوار وزهير من قبل مكانوش يتفارقو حتى بنتي نتي وبنت عمك (قبل متكمل ناضت أمال من حداااهم) وشوووووفلك امّا
الحاجة: ها العاااار ما بعدي عليك مرت خووك
عيشة: (ضربت فمها بيدها) هاااني ولكن عقلي الا منوضت شياااط فهاد الدار
الحاجة: تنوض الي بغات ياك فدارها خليها دير ما بغات بعديها راها توحم ومبغات راجلها يبعد عليها
عيشة: كتوحم حاملالي معرفت باش
مينة: بفففف يا عيشة الجلسة حداك هنا ولات حااارة يا أمال يا ليلى غير تهناو من الكاملة جيتي نتي
عيشة: الله يرحمها وكان ماشي تقهرت مسكينة متهزش رحيلها تمشي لبلادات الناس حتى جات كفتة فصندوق الله يرحمها… (مجاوبها حد حيت طلع ليهم هاد الديسك فراسهم أما أمال طلعت لسطح وبقات جالسة قنطانة وكان غير كيخليها زهير تبات عند هند بعدا تبدل الجو صونات على هند مجاوبتش صونات على مريم جاوبها محمد.. توترت)
حم عليكم السلام
محمد: علاه مكنتيش تجاوبيني
أمال: والله اخويا غير من هادي لهادي
محمد: نمشي للدار ونجيو نشوفوك تيليفون مريم كان ضايع وديتو بتݣاد وبقا معايا واش خاصك شي حاجة ݣالي زهير راكي حاملة
أمال: (حشمت) شوية
محمد: ههه سمو شوية مهم هاني نكمل الخدمة ونجيو عندك
أمال: واخا خويا (قطع.. مجاتش تقولو زهير مكاينش حيت بحال كطردو.. هبطت مشات للكوزينة نيشان جبدت كتعجن بغات تقاد ملوي بالشحمة حيت كتبغيه مريم بزاااف.. محست حتى تبسمت منين كتفكر راها حاملة وفكرشها ولد ولا بنت سهات فأنها مكتوحم مكترد مكدوووخ)
كولشي عندي مݣلووب يا لاااطيييف… (دخلت عندها الحاجة كطيب خاااطرها قالتها على مجية ديال خوها وجبدت لحم من التلاجة)
يمكن ميتعشاوش امّا
الحاجة: وحنا نطلݣوهم بلا عشا؟!!
أمال: ههه بالصح… (بدات الحاجة كتنصب حيت بناتها جاو رجلاتهم داوهم.. جات ليلى من بعد مراجعات مع بناتها قرايتهم وبنت خالتها بقات مقابلة ولدها وبنت أنوار…)
ليلى فين غبرتي نهار كامل
ليلى: (تفوهت) مع لبز
الحاجة: ابردي تبخوولك راسك يا بنتي
ليلى: لا مساااكن.. شنو كديرو؟!
الحاجة: خو أمال ومرتو جايين يشوفوها
ليلى: حيدي عليك امّا انا نكمل… (جا محمد ومريم حطولهم كاسكروط وحتى هو مخلا مجااب لأمال سقاطة الكفتة الطيحال الديسير للي كاين فالسوق مكسرات فرحت بزاااف شدووهم لعشا عاد عرف زهير مشا لفرنسا مع انوار…)
محمد: ياله تمشي معايا هاد اليومين
أمال: امم (شافت فالحاجة) مصااالحش
محمد: علاه مصااالحش الا بغات الحاجة ياله تبدلي الجو شوي
أمال: (تحرجت) والله معرفت
الحاجة: سيري ابنتي مع خووك يوماين فوج فيها شوي
أمال: (بخاااطرها مكتقدرش تخلي الحاجة بوحدها عاد كلام زهير فاش كيوصيها على مو.. وشافت عاود خوها ومريم ولبقية كيلحو عليها تمشي)
مااا الصراااحة حتى يجي زهير هو ݣالي متخرجيش من الدار ݣاااع (لقاو كيظحكو بدلو الموضوع حطو لعشا تعشاو ومشاو فحاالهم واخا عياو يشدووهم حتى هوما يباتو…)
أنوار: (مع وصلو خاااطرو ضروو 5 شهور باش وقعت ديك الواااقعة للي عمرها تمحا من باالو ولاطراس ديالها غتبقى فيه حياتو كاملة… مشاو لوطيل رتاحو شي ساعة ونيشان خرجو للمحامي للي بقات علاقة معاه مزيانة تلقااوه فالمكتب ديالو اول حاجة سولو على حالة ام دعاء للي مزالة كومة.. عاد خبرهم على بوليصة تأمين ديال دعاء الي خرجت لانوار وبنتو… وكان فيها مبلغ ملييييح للي يديرلو مشروع مزيان اما الورث معطل حيت ام دعاء مزال مماتت.. وحتى هو خرج ليه فلوس عطاهم الشيك للي مع خرج عطاه لزهير)
زهير: واش هدا؟!!
أنوار: رزقك للي سرقت ليك
زهير: واش عارف شحال هنا؟!!!
أنوار: ميسواو ݣد هااك ݣدام واش درتيلي
زهير: (تبسم وشد يد أنوار) حتى تصرفو وردلي رزقي
أنوار: (تبسم) شدو ازهير
زهير: انا غنشدو على متحل عينيك ورواح نعاونك دير بيه شي حاجة للي تعيش منها نتا وبنتك درك غنمشيو لداك طبيب
أنوار: (شد تاكسي مشاو لطبيب عطاهم أمل والعملية كانت عندو من دابا 15 اليوم على ميدير شي تحاليل دازو على طبيب العظام شافو رجل التانية للي قطع الامل انها ترجع كيف كانت ديما غيبقى يعرج عليها ويحمد الله مقطعهالوش… رجعو لوطيل كيبغيو ينسوييه انه الحمد لله قلت بروحو بعدا وبنتوو.. )
بشرى: فوكاش نمشيو للدار نجيبو لحوايج
انوار: مباغيش دوك لحوايج انا باغي غير وراقي
زهير: حتى لغدا باش غيمشي معانا المحامي وبوليسي
بشرى: وشوف ولاد لحراام من قبل مكانوش يبينو هادشي
أنوار: انا بعدا كنت داااير عليها (تفكر دعاء الي كانت وقفات غوجههم كاملين وتزوجات أنوار للي ماشي من طبقتها ولا مستواها واخا هكاك كانت دايرة ليه قيمة كبييييرة تماك مقاادرش يدخل لديك الدار ودعاء مكاينااش مصبر راسو غير بالسيف…)
~~~~~~~~~~
أشرف: (كان متكي كيتفرج حتى بداه شي حريق جلس داير يدو على جنوبو وبدأ كيعرااق بوتيرة كبيييرة وقف حس بالووخة ولحريق غير مكيزيييد تحت سرة ديالو مفهم واالو حريق قااااسح حتى تعكف من ظهروو كانت شيماء خارجة من بيتها غير باش تقاد الرضاعة لبنتها حتى شاافتو رااااكع هز راسو فيها بانولها عينيه كيبريبو شعلت الضو كان وجهو حمر)
شيماء؛ أشرف!!!! ماالك؟!!
اشرف؛ (مقااادرش يهضر بالسيف اصلا شاد رايو ميغوتش بالحريق محس حتى بغا يزيد خطوة وركابيه فشلو عليه وطاااح كيتلوى وشاد جنبو)
شيماء: اويييلي اشرف (حنات على ركابيها كتقيس فكتفو) مااالك شنو وااجعك؟!!!
أشرف: لمووووت (حتى كيبغي يهز صبعو يشهد كتشدوو) لمووووت
شيماء: (تلفت.. صونا تيليفونو هزاتو كانت حنان قطعت عليها قلبت على نمرة ديال خوها وهي تصوني المرة اللولة التانية التالتة جاوب)
الووو الو خووبا عتقني
وليد: (كان متكي ومتكية عليه هند جلس وعند غير كتشوف) مالكي!!؟
شيماء: معرفتش أشرف لقيتو كيتعصر بالحريق حتى طاح على وقفتوو
وليد: هاني جااااي.. (قطع عاود لهند وهو طالع لبيتو يلبس لسقاتو تمشي معاه مابغاش قنعاتو الا كانت شي حاجة فاش تعاون.. عاد لبست مونطوها وخرجت معااه… هو للي صاݣ هاد المرة مسافة نص ساعة كانو عندهم هو لحريق غير مكيزيييد حتى فشلووو… حنات هند عندو يرويها فين كااين لحريق
هند: واش ديجا كانت كضرك؟؟؟
أشرف: (سخفان) لا
هند: (وقفت) وااقلة مصران الزاايد هو للي كيجي حريقو هاكا.. خاص ضروووري يمشي لصبيطار….
داوه لاكلينيك للي خدامة فيها هند دخلوه المستعجلات وبقاو برا
هند: دارو معايا لباس هنا للي مرض ونجيبو ليه
وليد: كديري لماركوتينغ بدلي الحرفة
هند: ههه ناري تخيلتها (شافت فشيماء للي هازة مريم معنقااها عكس كيف كانت كتهزها وهي مجبرة وشوشت عند وليد) رجعت تتبغي بنتها
وليد: (خنزر فختو حيت مكيقزل صافي مغنبقاش نسمع من عندها شي فضيحة حتى كيتصدم) بالزز على مها تبغيها
هند: (خرجت صاحبتها ومشات عندها) مصران الزايدة ياك؟!!
…: اه خاصو دابا يدخل يفتح
شيماء: يدير عملية؟!
…: اه نتي لمدام؟!
شيماء: (جاتها فشكل حيت عمرها محست انها مرتو بكترة النفوور من جيهتو) اه
وليد: انا نمشي نعمر ݣوليلي فين
هند: (شافتها بغات تمشي معاه) صافي اسماء غير سيري انا للي غنديه (وشوشت ليها) راجلي متيحملش للي تمشي معاه (تبسمت ابتسامة صفراا ومشات حدا وليد يشوفو شحال… سمعت الثمن وهي تخرج عينها)
وااااو تيغلييو
وليد: شتي على برطية هاد الليلة
هند: نتا عارف أشرف يفيق يردها ليك
وليد: مزيااانة جبتو لأغلى مصحة.. (هضر مع لبنت) صافي انا نمشي نجيب لفلوس
..: موسيو مغيبداو معاه حتى تخلصني
هند: وراني خدامة معاكم هادي ماشي ضمانة (شافت فيصل دخل ملابسش الطبلية) موسيو فيصل (كان جاي مقصدها.. عاوداتلو لبلان وهو يدور فالي تماك)
فيصل: كنعتاذرو منك اموسيو وليد راك عارف المبتدئين كيحشمووك مع الناس (هاديك للي تماك بغات تموت) انا غنمشي براسي نقولهم يبداو العملية… طهوورا ان شاء الله
وليد: شكرا بزااف دكتور (شاف فهند وشد ذقنها) خليك مع شيما مغنتعطلش غنمشي نجيبهم غير من المحال.. (مشا فيصل) نتي متأكدة روحك مزيانة؟!
هند: لا متخافش علية صوݣ بشوية (مشا وخلاها شافت فلبنت للي فالاستقبال) تتبغيو تجيبو لراسكم الهضرة (شقلبت عينها وزادت لقات شيماء باغية تهبط لتحت)
اجي نتي راه مغيخليوكش تنزلي وزايدون مريم غتشم ديك الريحة للي تماك
شيماء: بففف معنديش حتى لمن نخليها
هند: نديوها لمريم
شيماء: (قبل متكملها) لا..
هند: اوكي… (بقاو صاقرين جا وليد من بعد مخلص مكملاش ساعة حتى خرج طبيب علمهم ان كولشي داز مزيان والمشكل للي بقاتلو هو لقاو عندو حجر فلكلاوي…)
اووو مسكين
وليد: ياله نوصلكم للدار
شيماء: خويا هاكو ديو مريم (عطاتها الصاك) راه فيه كولشي يانا نبقى معاه
وليد: سيرز ترتاحو يانا نبقى معاه صباح واجي متخليش بنتك وحدها… (ياله بغات تجاوب مشا وخلاها جرتها هند ومشاو وصلهم للدار ووصاهم يطرقو عليهم.. وهو رجع المصحة…)
~~~~~~~~
أصبحنا وأصبح الملك لله…
زهير: (كانو واقفين فلباب كيتسناو يحلو ليهم معاهم المحامي وبوليسي فتحو كما العادة لابسين من غير هدوم… دخلو لا سلام لا كلام انوار كينعت ليهم هو بقا لتحت مقادرش يدخل لداك لبيت وبشرى وزوهير مشاو حيت موريهم فين كل حاجة…)
أنوار: (ساهي حتى تفكر كاين شي حاجة خااااصة للي مخصهاش تشااف تسعق.. زاد بعكازو مكرهش يطيير وممساعفاهش رجل وحدة.. )
زهير: (بشرى كتجمع على شنو وصااهم أنوار وزهير كيشوف فبيت نعاس للي عجبو تبلى بداكشي ديال الاثاث باغي يسول أنوار منين شراوه حيت شحال من كليان بغا هاد لموديل حل لقجر وهنا وصل انوار كان غيطيح ضار عندو) خلعتيني ياااديل شرك
أنوار: (كيلهت) جمعتو!!!!
زهير: واه كولشي تجمع (شاف فبشرى) ياك!!
بشرى: واه
أنوار: (مشا كيعرج ومسبق يدو حل واحد لمجر للي لقاه مجرور شوية يعني عاد تحل بشرى حيدت ليه يدو) شي حاجة هنا بغيتها
بشرى: تصاور دعاء هاني درتهم هنا
أنوار: (هو عارف تصاور من كانو تماك بقا سااكت لحوايج للي بقاو وهزهم غيرجع ليهم حتى يتعالج فعينيه ويرجع ليه الشووف… جراتو بشرى وزهير هاز جوج باليزات كبار حيت كاين حتى شي حوايج ديال بنتو للي اصرت تهزهم بشرى… خرجو كانت الفيلا خاوية مبغاوش يشوفو ولا يتحاكو معاه… هو مشا لوطيل وزهير كان مشا نيشان للمطار..)
بشرى: واش ويديرو تصاور مرت عمك عندك؟!!!
أنوار: (لا رد غير جالس شاد عكاازو) ياك مشافهمش زهير
بشرى: لا وكان شافهم كان غيكون كلام اخر تصاورها للي داي بلا حجابها أنوار!! واش أمال مرت زهير هي لبنت للي كنتي باغي تدي قبل شيما؟!!!!
أنوار: واه
بشرى: بفففف عليها مكتحملكش عليها الوقت كامل مكتشوف فيك مواالو الناس كاملها بقيت فيها الا هي واش درتيلها حتى نتا!!!
أنوار: والو اصلا هضرنا شي شهرين ولا 3 ماشي شي حاجة
بشرى: ماشي شي حاجة وهاز صوااالحها ولا كانت عاطياهم ليك
أنوار: هزيتهم…
بشرى: بعدها أنوار راها مرت عمك للي وݣف معانا وݣفة دالصح
أنوار: مرانيش نفكر فيها اصلا غير مبغيتش يشوف تصاور للي هزيتلها ياك بقاو عندك
بشرى: واه
أنوار: مزيااااان….
بشرى: ياك اخويا نسيتها مكتبغيهاش هانتا غير تبرى نشاعاللله ونشوفو شي بنت لزواج
أنوار: بشرى اخر حاجة نفكر فيها هي مرت زوهير وحتى زواج…
~~~~~~~~~~~
شيماء: (جاو عند اشرف لقاوه مزال ناعس شافت اخوها للي باين عيان عاد غيمشي من تماك للخدمة)
سمحلي اخويا عذبتك معايا
وليد: يا ريت وكان كان عذاابك هاك (مشافش حتى فيها خرج خلاها متبعاه والدمعة فعينيها.. شافت فأشرف للي وجهو صفر جلست فداك الكرسي ساااهية وكتسنااه يفيق.. من حسن حظها هند مخداماش اليوم وقابلت ليها بنتها… شي نص ساعة بقا كيحل عينيييه وقفت ماشية عندو كانت لابسة جلابة كحلة مشرية طاالعة وجد عااادية ولاوية فولار عليها ݣري ووجها شاااحب من قلة النوم)
شيماء: أشرف كيف راك؟!!!
أشرف: (كان فيه حريق العملية للي عاد رجع عليه طلعت معاه الردان كان غير الكشكووشة هزت كلنكس ومسحت على فمو وعنقوو)
شيماء: واش نعيط ليك لطبيب؟!!
أشرف: (بحرا كيحل عينيه حرك راسو باه شافها كتجري بداك الصابو للي ديال الشرف جات وتابعها طبيب وفرملية بقات من موراهم قلبلو الجرحة للي كانت تحت السرة يعني بقات سنتيم وبيان 🍌 تحت السروال قلبت عينها.. كانت الفتحة مزيان دݣو ليه اسفاارم فالسيروم باش يهدن حريق لفتيح ودابا كيتسناوه غير يتنفس باش يفطر..
خرجو وبقات شيماء حداه)
سيري للدار متخليش مريم وحدها
شيماء: راها مع هند مرت خويا… وليد بات معاك لبارح وانا جيت صباح باش هو يمشي يخدم….
زهير: (متحمس غير يمشي عند أموول للي بقات 4 شهور ويكون عندهم ولد… من ديما باغي يكون عندو ولد هو اللول ماشي عنصرية ولكن هاكا ديما كيرسم فبالو…
شد تاكسي نيشان للمحال حط لباليزات تماك طلع لقا وليد كيشرب قهوة وعينيه دخلو بلعيى)
فييين
وليد: هاني… صافي كملتو شغلكم
زهير: بقالو يدير عملية على عينيه شي 15 اليوم مهم مزااال جالس تماك
وليد: حسن
زهير: من اللول محملتيش جلستو هنا
وليد: حيت غيجبد بزااااف صداع واخا هو يكون مباغيش صداع حسن يستاقر تماك
زهير: فين يستااقر السيد وصل لفرنسا شداتو الخلعة وغير كيرجف واش ساااهل واش دوز تم راه مو ومرتو وصحتو كاين شي حاجة حسن من هاد تلاتة!!! انا كنݣول يجي هنا يستاقر يدير مشروع ويعاود يبني حياااتو
وليد: ضبر راسو هو وصاحبو كيجي من موراهم غير لبلا
زهير: واش دار عاود اشرف؟!
وليد: لبارح تشد وعيطتنا شيما ديناه دار عملية على مصران الزايد
زهير: وايلي!!! لا حولة وكيراه درك
وليد: جيت هنا وخليت شيما معاه للي ولات بحال شي طلابة كتحسها يا أخي بحال خدامتهم هو وبنتهم
زهير: (بقى ساااكت) انا للي نشوف ابن عمي ختك غلطت وخلصت براااكة من لعداوة وخليها تحط الراس علييك (بقا وليد كيشوف فيه) نوض سير لدواارك تنعس
وليد: راه نتا للي جا عياان
زهير: تݣعد اصاااحبي.. (ناض وليد مشا حيت بالصح عيان ولكن مقدرش يمشي هبط لاكاڤ ودخل لديبو اقرب نموسية بانتلو مشا جاب غطا نعس عليها وتغطا…
صونا على نمرة أشرف مكيجاوبش حيت بقا التيليفون فالدار صونا ابيل فيديو مع امال جاوباتو)
واش دالزين على صباح
أمال: ههه راها لعشية (شافتو فلبيرو) واش متجيش؟!
زهير: توحشتيني؟
امال: (تبسم) واه
زهير: ݣوليلي اجي ****
أمال: (شافت فالحاجة للي كانت كتذكر طرطقت كظحك دغيا قطعت.. ناضت من تماك وهو كيصوني جاوباتو من بعد مسدت لباب) حم الو
زهير: واش كانت مّا حداك
أمال: لا سمعت شي حد طالع فدروج ودخلت لبيت (بقات كتشوف فيه كان كيهضر مع الخدام على شي سلعة بقات كتشووف فيه مزعووطة دار ودعها على ميكمل شي خدمة وبقات شادة التيليفون وقلبها كيدق حااسة بكمية حب خطيييرة…)
أشرف: (كتوكلو الصوبا حيت فشلان شاف فيها) من ݣبيل ونتي هنا مكليتي والو
شيماء: مافياااش (هضرة وليد كتحفر فيها.. مسحاتلو فمو وشافت فيه كان كيشوف فيها عينيه عجبووها بان فيهم لون خضر مخلط بالعسلي) حم دابا شوية
أشرف: الحمد لله… (هزت لبلاطو وحطاتو فوق طبيلة للي لاسقة فالحيط وجلست فكرسي وهو متبعها غير كيحس بشي حاجة كيبدا شيطااانو باش يسممها بشي حاجة)
شيماا..
شيماء: هم
هند: (دخلت هي والحاجة وأمال للي خداو الاذن من عند زهير) سلام علييكم (جابت غدا لشيماء طويجين كيباتو أمال مع شلاظة)
شيماء اجي تغداي
أشرف: (متبسم كيرحب بيهم) عذبتو رااسكم
الحاجة: ااح على وليدي فين كانت مضرݣااا ليك.. كيف بقيت
أشرف: الحمد لله الحمد لله الحاجة
الحاجة: شتي الزريعة واش دير
هند: الحاجة نتي من صحاب للي تيحسابهم الزريعة هي للي تتنوض مصران الزاايد هههه
الحاجة: ولاه شنو؟!!
هند: سي بالصح منعرفش حسن منك (حيت تعيا تفهمها غتنفي.. بقاو كيظحكو)
أمال: على سلامتك اخويا
زهير: (حنا عينيه كنوع من الاحترام) الله يسلمك اختي
شيماء: (بحرا كتاكل دخل لكبير وولادو وعيلاتهم وليلى حيت أشرف عزييييز عندهم واخا بقى استفهام على زواج من خطيبة صاحبو السابقة… غير شافتهم وحلت ليها وأكترية كتشوف راسها طوب ديال تبهديل بعكسهم.. أمال شافت داك الديكور معجبهاش الحال وجاتها النفس مشات وقفات حدا شيماء مضرقة الشوفة فيها)
أمال: كولي راه انا للي مطيباه ليك
شيماء: (حانية راسها) شكرا اختي الله يعطيك الخير
أمال: حيت عارفاك كنتي كتبغي طواجني
شيماء: (هزت راسها متبسمة) لحريرة بزاف
أمال: ههه كتوحمي
شيماء: (جمعت الظحكة) لا
أمال: لا زعما واش توحشتي ماكلتي غير يبرا راجلك واجي عندي
شيماء: نشاعالله اختي
أمال: مالكي غير حانية راسك فينها شيما لمسمومة للي متخلي حتى حد يشوف فيها هاكا وتحنيلو فقستيني خرجي عينك فيهم
شيماء: (حابسة لبكية بالسيف وشدݣ ديال خبز واحل فحلقها حتى بقات كتكح ودموعها هبطو شاف فيها أشرف كان وجهها فيه اثار لبكى.. وقفت وهي كتشهق حنات راسها وخرجت قبل ميشوفو دموعها….)
دازت سيمانة والامور كما هي أشرف شحال من واحد جا يشوفو وللي كيجيب مدامتو للي كيجي بوحدو حتى من عمو جا هو ومرتو للي محملوش شيماء هي وبناتها وزادو تعجبو من حاالتها نفس الجلابة ونفس الشال بقات بيه حيت وقتها رجع عامر كتر كتمشي تقابل بنتها ترتاح شوية وترجع عند اشرف للي كيتزاد الحال عليه بسباب لحجر للي فلكلاوي..
شيماء: (دخل عليها وليد كتلبس) خويا
وليد: واش نتي عندك غير هاد الجلابة فين حوايجك نديك تبدلي
شيماء: غير نسيتهم فالدار ومكلقى وقت نمشي نبدل
وليد: ممهليش فيك؟!!
شيماء: لا… غير مجبتهمش وصافي راك شفتي كل نهار مزروبة (دخلت معا للي جاو باش يشوفو أشرف وحتى باها جا للي بغات تسلم عليه ودفعها بحال شي جرثومة..)
ياله نمشيو؟!
نعيمة: علاه مدايرة حتى خاتم فيدك
وليد: حتى تلݣى متلبس شاااكة يكون كيوكلها فبيت لما (خرج مكره)
نعيمة: سمو شاد عليك باش راه يديرلك هاك؟!!!
شيماء: (عيات من لكذوب بقات كتبكي) شاف تصاوري مع انوار وو..
نعيمة: (باينة ماشي تصاور عاديين) خصااارة تربيتي فيك ابنتي… (خرجت مكسوورة مشاو كاملين تخنقت بزااااف كتحس براسها كتر من منبوووذة.. وصلو طلعو لعندو كان كيتمشى وفرملية حداه كظحك يعني كان شي حديث بيناتهم شافت شيماء فلفرملية غير بارفانها معمر الشومبرة عاد وجهها مرااية ومقادة الحالة وشعر كوب شوفال وصباايغ فالظفران غير شافتهم بقات متبسمة)
…: ان شاء الله غدا يخرج سي أشرف
شيماء: سولك شي حد؟!!! (لوخرا مرضاتش وخرجت.. بقات اللور غير كتشوف فيه اما هو تحرج من نسابو للي مبغاش يفهمو غلاط حيت كانت غير كتهضر عادي وكتعاود على شي مريض هبلهم باش يدݣو ليه إبرة)
أشرف: (شد جنبو) دخلو مرحباااا (معرف ميدير حنا باس يد احمد للي جبد يدو) دخلووو
نعيمة: كيف بقيت اولدي؟!!
أشرف: الحمد لله اخالتي داازت (بقاو كيسولووه مشا يجلس شاف فشيماء للي بقات حدا لباب مبعدة) شيماا كيف راها مريم توحشتها
وليد: مرتك راها قاسمة روحها عليك وعلى بنتك حالتها توريك
احمد: ولييييد (خرج عينو فيه باش يسكت.. وقفو) شفنااك على خير (عيا فيهم يجلسو مبغاوش باش ميطولوش على لمريض بقات شيماء)
أشرف: شيما!! واش خاصك شي فلوس؟!
شيماء: اصلا مكانوش عندي
أشرف: (بقا كيشوف فيها هو حااس بيها وحاس بشحال من حاجة زائد الاهتمام لكبير للي عطااتو)
تمشي للدار وحدك؟! تجيبي كارت ݣيشي خليها عندك وشري واش خاااصك
شيماء: (شافت فيه حيت كان ديجا حلف درهم متشوفوش منو.. )
خرج أشرف مشاو لدارهم مفهمش علاش مخدات والو من كارت ݣيشي.. غير وصلو مشات غسلت معدنوس ودارتو فإبريق كبير مع لما وخلاتو كيتبخ مشاو هو للبيت تكا حيت حريق لكلاوي بداااه وصعيب باش يحايدو بالليزر حيت عاد دار عملية ونعيمة قتارحات الوصفة للي كتوجد نعيمة.. جات عندو
أشرف: شيما بغيت ندوش
شيماء: واه انا نوجد الدوش (مشات من حداه حيدات جلابتها بقات بكولون وتريكو جمعت شعرها سفنجة شافت فلمرايا كانت زادت ضعاافت.. تأفأفت مكتحملش الضعف.. شعلت الدوش شمت الريحة كانت شوية دلغمولية رشت سانيكروا لقاتو من مورااها) شوية دلغمولية
أشرف: حيت مكناش فالدار
شيماء: (شافتو بغا يحيد تريكوه وهو يعواج عوناتو حايد حوايجو كاملين بقا غير بالشورط شعلت الرشاشة وقداتها وهو غير متبعها.. شافت فيه) تبغي شي حاجة اخرى؟!
أشرف: شكرا اشيما
شيماء: (بقات شحال كتشوف فيه..) انا برا.. (خرجت وهو دوش وجداتلو حوايجو حطاتهم فوق نموسيتو.. سمعت الصونيط كانت هند وأمال ونعيمة وليلى جايبين مريم وجايبين لغدا واجد.. جمعو معاها شوية كانت نعيمة جابت بيجامة وجلابة جديدة لبنتها.. خرج أشرف كيعرج بالحريق سلم عليهم ودخل يتكى وعطاتو شيماء كتشرب داك لما ديال المعدنوس جاه ابيل من عند انوار..
تغداو خلاو مريم ومشاو فحالهم… اما هي دخلاتلو لغدا ومريم للي فرح بزااف بشووفتها خلاتو يتغدا ومشات كتجمع الدنيا)
~~~~~~~~~~
دازت #شهر الحال بقات كما هي أشرف هبطلو داك الحجر بعدة معاناة كبيرة وكان لشيماء دور كبير حيت المعدنوس نفعو بزااف باش هبط داك لحجر وبدا يرجع لصحتو أمال وهند لكريشة بدات كتبان ليهم شوية ووليد وزهير فرحانين كتر من بزااف…
أمال: (صونا عليها محمد مع 5 دصباح تخلعت) الووو
زهير: (قلش ودنيها وفاق ضار بالزربة شاف فيها) شكون؟!
أمال: بالصح مسكينة.. واش درك؟؟؟ انا نوض زهير نجيو عندكم هاك ݣولو اخويا فين (مدات التيليفون لزهير) مريم داها لصبيطار تولد مسكينة وراها محنة…
(زهير مقلوب بنعاس ولكن مستحيل يخلي شي واحد ناضو لبست كيطمة ومن لفوق مونطو وحتى هو لبس مزيان مشاو للطموبيل نيشان لصبيطار.. وصلو لقاوه مخلووع كيسنى شي خبر شي ساعة خرجو جوج فرملية هازين ترابي)
…: مبروك علييكم عندكم وليد وبنيتة
محمد: والمدام؟! كيف راها؟!
.. : تمحنت شوية مسكينة جوج تبارك الله مساهلاش
أمال: واش ندخلو عندها؟!!
…: دابا يطلعوها للشومبر (شدت لبنيتة ومحمد شاد الولد) مبروك علييكم (جبد فلوس وعطا كل وحدة 200 درهم) لا لا ميمكنش
محمد: ماشي رشوة هادي حلاوة الفرحة (شاف فولادو وزهير شد لولد باغي يأذن ليه) زربة شيييينة هادي ابن عمي
زهير: ههه كنتعلم (بقا شاد لولد حتى كمل من لبنت وعطاه لولد لي شدهم بجوج) الله يصلح أخاي محمد (داوهم لفرمليات وهو فرحان باغي يبكي غير شاد دموعو بالسيف مشاو يتسناو مريم حتى جابوها صفرااااااا مسخسخااااا)
ها واش تاابعك
أمال: احااي (خرجت عينها) حشوومة
زهير: ابردي واش راني نساااين داك نهار …
أمال: (داخلة للصالة سمعت زهير كيهضر مع أنوار لاحت عينها كانت داير فاصمة على عينيه)
زهير: وفوكاش يبان؟!
أنوار: مزال حيت کالي شحال صبرت شحال لعينين ياخدو راحتهم يبرااو غير هو (زفر) نظر مغيرجعش كيف كان
زهير: الله يجعلك دير ݣاع الكاس غير تعاود تشووف نظااظر وليلونتي مخلاو بنادم فغبينة
أنوار: ههه كاينة
زهير: (شاف فامال للي لبسات) أموول نمشيو؟!!!
أمال: واه انا نتسناك لتحت راه مّا هودت
بشرى: (هزت التيليفون لانوار) عطيني أمال نبارك ليها على خوها (مد لأمال التيليفون) سلام أمال لباس عليك
أمال: (تزنݣت حيت مبيناتهمش شي حديث وكلام) سلام ختي بشرى انا الحمد لله ونتي لباس عليك؟!
بشرى: لباس ازين مبروك على خووك يترباو فعزو
أمال: امين اختي شكرا
بشرى: لعݣبا ليك تفكي على خير ولكن صبري حتى رجعو هههه
أمال: ههه واخا
زهير: واش للي واخا غتبقاي دساا ولدي فكرشك
أمال: احااي وزايدون بنت ماشي ولد
زهير: (وقف نافخ صدرو وكيخبط فيه) ولد انا للي عاارف
أمال: ههه هاد عمك والله الا هبيل بلا وراق
بشرى: هههه ان شاء الله تكون الصورة مكمولة ولد ولا بنت بحال بحال
أمال: امين اختي شكرا حم كيف بقا خوك
بشرى: صاڤا الحمد لله دار العملية اللولة باقي وحدة وبين اللولة والتانية شهرين
أمال: (فنفسها مكرهتش ميرجعش) الله يشافيه (هو صااقر كيتصنت)
بشرى: امين احبيبة ياله بلا منشدكم واقلة خارجين
أمال: واه ماشيين عندهم لصبيطار… (قطعو من بعد متوادعو هبطت كانت الحاجة كتسنااهم داو فيدهم بركوكش والحمام لبلدي بلمساخن ومشاو ناشطين كما العادة وصلو مع قربو كيبان ليها علي.. يااااه وشحال هادي مشافت علي من لݣنازة حيت فعرسها مكانش حنات عينها وحتى هو غير شافهم جر شي وحدة لابسة العصري وطالقة شعرها وزادو دخلو كان كولشي تقريبا مها كريمة وبناتها حتى مرت حنينها.. عماماتها للي شحال مشافتهم محمد كان عزيز عند كولشي واكيد غيفرحولو زهير كتفى بالسلام عليكم وأمال محست حتى تخبعت من موراها معرفت واش تسلم ولا شنو حتى شافت الحاجة مادة حنكها كتسلم عاد مشات حتى هي كتسلم للي كيبرݣݣ فيها لباس لبارفان الوجه للي صفا وذهوبات للي باينين وصلت عند مها للي مدت يدها باستهالها وهي كتحس براسها غير كتنييفق هبطت عينها لكريشتها حيت كانت لابسة مونطو كلاص وباينة شوية حطت يدها على كرشها عاد لاحظهت كولشي)
فتيحة: مزال متولدي؟!
أمال: حم باقي (شافت فزهير بحال كتقولو انقذني.. دارها إشارة بعينيه زعما تهدني خرج وتبعو محمد… ياله بغات تسلم على مريم وبداو عليها بالأسئلة للي كتجاوب على قد السؤال… قمعات بنت خالتها للي سولاتها واش معاودتيش زرتي قبر باك وخلاتها بلاكة مدات لمريم داكشي للي جابت ليها.. حلات بزطامها جبدت 2000 درهم وحيت عارفة لعينين عليها كانت 500 درهم باقية زادتها وحطاتها تحت كويشة ديال لوليد اما لبنت كانت فيد كريمة.. جات الحاجة حتى هي حطت 1000 درهم… خلاتهم كيتغامزو من المبلغ للي تحط.. شافت الجو ممربحش خبرت مريم للي تفهماتها وواعداتها تولي ترجع)
الحاجة: نخليوكم درك
فتيحة؛ ويلي يا الحاجة عاد جيتو
الحاجة: نمشيو حتى لغدا ونعاودو نطلو عليكم ياله ابنتي
أمال: واخا امّا (كاين للي تعجب كاين للي ظحك على هاد مٌا) بسلامة
الحاجة: مرحبا بيكم عندي فالدار ولا فدار بنتي امال
العمة: علاه مسكناش معاك؟
الحاجة: لا هي بدارها وداري دارها ههه تمسووو بالخير (خرجت أمال مفرنسة والحاجة شادة ذراعها بحال شي صحابات غير فاتو لباب)
ياااا محاااينك معاها
أمال: العاااار امّا متݣوليلوش على لفلوس للي زدت ديال خلاص لويفي
الحاجة: ههه انا نعطيهم لبنتي عجبتيني منين زدتيهم
أمال: كنت عارفة الرضارات حاطين علية
الحاجة: اوا الحمد الله منين كان غير داكشي للي عندك فلبزطام هههه
فتيحة: (تصرف للي دارت أمال عجبها فقسات عمماتها وبانت ريحة لفلوس فيها عاد الاناقة باش جاية بقات مجمعة مع مريم حتى جبدت دبليج ذهب وعطاتولها فرحانة بولاد محمد…)
معرفت فيها آسيا
كريمة: خرجت هي وعلي
العمة: وهادي للي جاية معاكم بلا عقد كيف خلاوها واليديها
فتيحة: اوا راه عرفو معامن تنانسبو مجاوش وطلݣوها تجي معانا غير هكاك
العمة: واخا هكاك حشووومة وكانت غير دايرة الكاغيط
فتيحة: دايرة الفاتحة وهادشي مافيها وزايدون بغاو هي وخطيبها يتسراو ويشريلها جهاجها
العمة: يشريلها ونتي محاضرااش
فتيحة: ولاد اليوم هوما هادو ضتي يانا بنتي امال هي وعݣوزتها شراو جهاج عاد جات دارت العرس
العمة: اوا الله يرحمك اخويا وكان كان حي مكان يقبلها لا على بنتك لا على ولدك
فتيحة: اوا محد مهم كاين انا قاابلة على كولشي غير يكونو ولادي فرحانين
كريمة: (طاحلها العجب كفاش كتفتاخر ببنتها) هاكي رضعي الولد
فتيحة: خاصنا نسمييوهم مجاتش كل شوي نݣولو لبنت والولد.. محمد محمااااد!!! (دخل محمد)
مکلتوش سمو نسميوهم
محمد: للي تمحنت عليهم تسمييهم
فتيحة: (تقرست) ايييه هادا هو المنطييق کولي ابنتي مريم
مريم: (تبسمت) سفيان وصوفيا
فتيحة: (ضارت شافت فمحمد للي متبسم يعني عاجبينو يعني اقتراحات ديالها تخليهم عندها باش متسمعش شي ردة فعل وأكترية محمد للي خرج من طووعها ونيت تزيد تفقس اللوسات) مزييينااهم سمية هانا على وليدي سفياان وبنتي صفية
محمد: صووفيا اما ههه
فتيحة: ههه بحال بحال الله يكبرهم على طالعة الله…
كريمة: (شوفتها غير مصدومة من ختها للي جاية فطريق كتقول انا نسميهم وكتعطي اللائحة) الله يخليهم ليكم
محمد: امييين وياله نوصلكم للدار
فتيحة: انا نجلس نبات مع مريم نݣابلها
كريمة: غير سيري اختي انا نجلس براكة نتي تراعي للضيوف
محمد: بالصح اما
فتيحة: اوا عيط لختك وراجلها وعݣوزتها يجيو يتعشاو
محمد: واه راني ݣلتها لهم.. فالليل يجيو
عاد دخلت نعيمة واحمد ولدك ومرتو وولدهم دارو الواجب حتى هوما لحقت هند ووليد… شافو مريم زرروها نعيمة واحمد غيمشيو لدار محمد وهند ووليد حتى يلحقو فالليل
فتيحة: فينها شيما؟!!
نعيمة: (خرج احمد) حتى الليل ونݣولوها راجلها يجيبها هي وبنتها
فتيحة: (مصدومة) بنتها؟!!
نعيمة؛ من بعد افتيحة نمشيو دابا….
أمال: (كان رجعهم زهير ومشا لخدمتو.. رجعت للماريو كتقلب على شي لبسة زوينة تلبسها واحسن حاجة هي الكسوة للي خيطت اخر مرة دخلت دوشت توجد راسها بحال عندها موعد غرامي مع حبيب قلبها ولكن هادو كتر راه العديان العائلي… صونات عليها هند للي رغبتها باش يقولوها لشيماء تجي حيت توحشت مريم وبغات تطمائن حتى على بنتها واخا مكتقولهاش… احمد حالف ميمشي لدار بنتو ومرتو تابعاه ومحتارمة رأيو.. )
اوا ݣوليهالها
هند: معرفت موحال واش تبغي راكي عارفة قصتها مع مريم.. مهم الا بغات قلت نمشيو انا وياك نجيبوها
أمال: نکولها لزهير ونرد عليك
هند: واخا زين انا نتسناااك (دازت مدة بغا زهير دازت علمات الحاجة عاد مشاو عند شيماء للي معلموها بوالو رحبت بيهم جات مريم عندهم كتحبو تعلقت فهند للي هزاتها شافت فكريشة ديال امال)
شيماء: واش حاملة امال؟!
أمال: (تبسمت) واه
شيماء: بجوجكم تبارك الله واقلة بحال بحال فشهور
أمال: انا فيتاها
هند: (كتعيبها) ننننن.. بزعطة مهم انا عرفتها قبل منك
شيماء: ههه دخلو مرحبا الدنيا مرونة كنخلي مريم حتى تشبع لعب عاد كنجمع
هند: مزيان هكاك.. مكاينش راجلك؟!!
شيماء: لا
هند: شوية دابا؟!
شيماء: (تنهدت مبقاش عندها تخوف فامال تشمت فيها) هو فبيتو وانا فبيتي كتجمعنا غير مريم
هند: اممم اوا جبديه عندك
شيماء: هند أشرف شاف علية كولشي ههه سبحان الله ربي طيحو فتصاويري مع داك الكلب دانوار كنتباوسو معنقاه وانا ملبساش مزيان شافني مع شي وحدين
هند: مقلتيلي والو وزايدون هداك ماضي
شيماء: أشرف انا فاهماه من هادشي كامل هامو علاقتي مع أنوار للي ݣلتلك شاف حوايج مخاصش يشوفهم.. مهم انا جاية
هند: شوفي بلا متنوضي ديري شي حاجة حنا معروضين وليد غنقولو يقولها لأشرف باش تمشي معانا لدار محمد هو أمال مرتو ولدات توام والعائلة مجموعة
شيماء: لا لا لا
أمال: (اول مرة دخل) حسن متمشيش
هند: علاش راه خالتي نعيمة باغية تشوفهم؟!!!
أمال: تماك غير لبعكاكة وحتى واحد معارفها ولدات غيبداو يسولو على حسن وكفاش طرا وتطلقتي وتجوجتي دغيا ويحسبو معاها كفاش ولدتي وحتى وتݣول عاد ولدت بنتها تبارك الله راه كتحبو عائلتي وكنعرفهم بلاش ݣاع خالتي نعيمة غتعشى وترجع لعندكم للدار وشيما تفيق صباح وتجي
هند: (بقات كتشوف فأمال للي قنعتها.. رجعت شافت فشيماء للي كتشوف فأمال) شنو!!
أمال: انا غير ݣلت وصافي
شيماء: (بحزن) عندها الحق أمال…
أمال: متفهمينيش غلاط انا راه غير ݣبيلة مشيت كلاوني بهضرتهم راك عارفة عماماتي ومرت حنيني وعاد بنات خالتي كريمة للي معاجبهم حال حتى من حاجة
شيماء: بالصح.. انا جاية (مشات للكوزينة غير كتنهد)
هند: (قرستها) منين عارفة هادشي قوليهلي فالتيليفون منجيوش حتى لهنا
أمال: (كتحك بلاصة القرسة) وعاد فكرت ازمرة (جات شيماء جايبة عصير وحلوى كلاو ودعوها ومشاو مخليينها مغبووونة منبووووذة وخصوصا منين تعرفي العائلة كولها مجموعة الا نتي….)
أصبحنا وأصبح الملك لله..
شيماء: (كتقلب فلماريو على شي حاجة زوينة تلبسها باش تمشي تشوف مها داز أشرف لابس مأنتك باش يمشي للخدمة لقاها حالة لماريو وجالسة فوق النموسية اونفاص معاه حااايرة دخل شافتو قلبت وجهها لمريم للي لابسة كسيوة فلكوير وبوط حتى هو جاية زوينة حنا باسها)
حم غنخرج نمشي عند دار خويا
أشرف: معامن تشاورتي
شيماء: هاني كنشاورك
أشرف: لا
شيماء: غنمشي
أشرف: (شاف فيها لا خرجت غير باش يخليها تهضر معاه) واخ سيري وخلي لبنت هنا انا نجلس نݣاابلها (جلس ضارت شافت فيه والدمعة باغية تزلق من عينها)
شيماء: منين محاملنيش هاك طلݣني أشرف بنتك مغنمنعكش عليها
أشرف: اممم باش ديري ما علييك
شيماء؛ الا بغيت ندير غندير واخا نكون على رݣبتك
أشرف: (خنزر فيها) واشتا!!!
شيماء: بغيت نمشي نشوف ماما راه بابا ممخليهاش تجي عندي راه كولشي بسبابك نتا وفالتالي دير فية هااااك واش انا جيت ݣلت ليك تجوج بية ولا نفضحك راك نتا للي بززتي علية راسك من نهار اللول
أشرف: (بقا كيشوف فيها) حتى الجلسة معايا بالزز.. امم واش شااادك لباب راك تعرفيه حلي خرجي وبلعيه من وراك
شيماء: جالسة غير على حساب مريم
أشرف: (مكانش متوقع هضرتها حط لبنت من بعد مباسها) من شحال دي ݣلت ليك منعاودش نتغاوتو ݣدام لبنت ونتي راكي تسممي فية باش نغوت ونخرجها معقدة
شيماء: انا ݣلتلك بغيت غير نمشي عند ماما تخنقت (بصوت مخنوق) فهاد الحبس
أشرف: مضربك حد على يدك
شيماء: لا غير شديتني بالسيف علية
أشرف: واش ار** تبلعي داك الفم ولا يا دينك نجي نهرسو ليك
شيماء: (سكتت وشافت فمريم للي شادة لعبة ديال سنان كتغزز فيها وتريݣ)
بغيت نمشي لدار خويا
أشرف: غنخليك حيت واليديك غيكونو باغيين يشوفو مريم ولكن حسابي معاك مسالاش يا مك نوريك واخا معايا ديري ماعليك (بقات ساكتة وسكاتها مجننو) لبسي حوايجك
شيماء: معنديش
أشرف: عندك وغتلبسي دوك شرااوط حيت الواحد ميتييقش فيك ياله تحركي (وقفت مكرهة لبست كيطمة واخا واسعة عليها موديل قديم الا فيها شوية ديال الضو قدات بليكخون للي عاطياها هند دارت فولار وقدات صاك مريم للي فيه لوازمها وشي لعاب وخرجت لقاتو جالس طلعها)
مزيرة
شيماء: (خرجت عينها السروال وكان تحشي رجليها بجوج فرجل وحدة غتجيها صاية واسعة)
دابا ندير ريجيم
أشرف: سيري بدلي علية ديك الحالة راك خارجة مع راجل ماشي واحد بلݣرن
شيماء: حشومة عليك راه رجعت بحال شي جفاف بدوك شرااوط لبارح مݣديتش نمشي عند ماما لدار محمد حيت حشمت
أشرف: (ذكرت محمد قلش ودنيه ووقف ماشي عندها حيت عارف حتى قصة محمد وأكترية فاش كانت كترغبو يتزوجها) ياااك محمد باغا تݣادي وتشيكي باش تمشي عندو
شيماء: راه عندو سبوع
أشرف: ايييه سبووع يعني مغينعسش مع مرتو ونتي بحال ديما البديل (بغات تضربو وشد يدها مزير عليها) زيدي ݣدااامي باك كااارهك انا نزيد نكرهو فيك.. (دفعها بشوية)
انا نوريك محمد تفووو ݣوليلي شي واحد مشافش لحمك فهاد وجدة حماااارة الدولة للي جا ركب علييك…
شيماء: (كمدتها فقلبها وسكتت أكترية منين جبد حس باها فتح لباب وخرج تبعااتو سد من موراها وخرجو جلست هاد المرة اللور حدا بنتها وغير كتمسح دموعها وحاسة براسها مقجوووجة غطرطق وهو غير كيسمع تنخصيصها…)
وصلو هبطات شاف فيها هي والو حانية عينها طايح الضيم عليها زفر دق فتحاتلو نعيمة لباب رحبت بيهم عادي هزت لبنت للي توحشاتها وبقات تبوس فيها هو مشا فحالو وشيماء دخلت بحال شوية ديال الهم لقات باها للي غير شافها قلب وجهو جات عندها سناء مرت خوها جايبة ولدها للي كبير على بنتها ب4 شهور شداتو باستو تحرجت معندهاش درهم تعطيهالو عاد الوجه معندهاش باش تشوف فهاد مرت خوها للي شحال حݣرااتها ودابا ها هي عندها كولشي بعزو لبيحامة للي لابسة واعرة وعاد ذهب.. نعيمة بقات كتشوف نظرات بنتها وكتقطع عليها.. وحمدت الله مكاينش ادم
نعيمة: شيما رواااحي (خلات احمد كيسبح معاجبو حال شاف فبنتو للي شحال خنتها والحاجة زوينة ليها وكان كيحلم يديرلها احسن عرس فتاوريرت مع حسن ولا غيرو.. زفر) بنتي سنا جيبيلي نشرب..
سناء: واخا عمي.. مصطفى تبغي تلعب مع مريم (حطاتو حداها ومشات للكوزينة…)
نعيمة: (طلعو لبيت لفوق حلت باليزتها وجبدت بيجامة جديدة بميكتها حطاتها فوق النموسية) لبسيها متبقايش بجوايج الخروج
شيماء: (طرطقت كتبكي حتى طاحت على ركابيها وهم الدنيا فوك كتاافها) سمحوووولي عفاااكم الا مسمحوووولي (نعيمة دغيا دمعت حنات عند بنتها وعنقاتها راه بنتها وطرف منها واخا تقتل راه بنتها… بقاو على ديك الحالة حتى وقفتها)
بابا مكيشوفش فية
نعيمة: مع الوقت ابنتي.. (طبطبت على كتفها) لبسي وهودي نحطلك لفطور… (هبطت ووجها حمر حاسة بنتها فعذاااااااب واخا أشرف كيبان مساالم الا باينة الأمور بيناتهم معقدة وأكترية منين عاودات ليها شنو عارف وشايف… لبست شيماء لبيجامة للي كانت من 3 قطع تريكو سروال بينوار كانت زوييينة فلون الغوز دارت يدها فالجيب وهي تجبد سنسلة.. كانت سنسلتها ديال ذهب للي شراتلها مها فعرس وليد جاتها لبكية دارتها فعنقها وباستها لوات شال عليها.. مكرهتش دخل لبيت هند دير غير مسكارا ساعة فكرت متعاودش دير هاد لبلانات…)
~~~~~~~~~~~~~
هند: (كتخدم مع شي مريض كملت وجلست فلكرسي فارقة رجليها) واش باقي شي حد
…: اه باقي واحد السيدة
فيصل: (دخل وشافها باين لعيا فيها) هند صاڤا!!
هند: ويي الحمد لله غير عييت شوية
فيصل: صافي الا مقدرااش سيري
هند: ولكن باقية واحد السيدة
فيصل: واخا هكاك حشوومة نعذبو وحدة حاملة وانا عارف دعوتك مقبوولة
هند: هه نو نو متندعيش
فيصل: نخااف على راسي
هند: حاشا
فيصل: ياله سيري ترتاحي الا مقدراش تصوݣي نعيطلك التاكسي
هند: لا صاڤا
فيصل: اوكي.. (خرج وهند شافت معاملتو تبدلت كيحتترمها ومكاينش ديك لبسالة الخاوية ويهضر فحدود وهادشي خلاها مرتاحة.. حطت طبليتها هبطت جابت صاكها ولڤيست وخرجت كانت باغية تمشي تشوف مريم ساعة مقدرتش حتى امال متقدرش تسناها حتى تخرج من لفاك مشات نيشان لدااارها حيت عياانة وباغية غير تنعس…)
شيماء: (جالسة مجمعة مع هند للي متكية حتى دخل ادم ووليد جلست .. اول ماشاف شيماء للي مشافهاش من نهار لاكط ديالها حتى هي بقات كتشوف فيه)
ادم: واش راها دير هاد الوسخ هنا
نعيمة: ااااادم
وليد: راه هضرنا معاك زعما
ادم: (بلغوات) اييه هضرتو معانا باش منجيوش نݣلبو هنا في وجدة ونقتلوها ماشي نجي لهن وانا عمري مجيت انا ومرتي ولݣاها هنا
نعيمة: سكت ادم
ادم: مساكتش اما ياك من ديما تݣولو شا شا را را دابا منين لݣاها ݣدامي ندير راسي مريييوة ونبقى مربع يدي (شاف فبنتها) علامن راكووو ظحكو بنتها تحبو!!!! (بقا مخرج عينو بحال كيفكر) حسن طلݣها حيت لݣاها حاااملة!!!!!!!
شيماء: (تمنات الارض تبلعها)
نعيمة: دخل خوك أوليد
ادم: ونتا ساااكت ههه وليد واش ساكت ومخليها دور عادي وهي جايبة حرااامية
هند: نو متقولش على لبنيتة هاكا
ادم: (بعصبية) خليني موقرك امرت خوويا نتي على راسي ولكن (بلغوات) راه هادشي ميدخلش للعقل (شاف فشيماء بحقد ماشي ليها جروو غير وليد اما هي كتبكي ودايرة يدها على راسها مطاااكية محست غير بونية جاتها للعين منين قلت من وليد وضربها جات مزدووحة على السدااري)
هند: اويييلي واش حماقيييت
نعيمة: (كضرب ظهر ادم) خرج خرج داااباااااا
ادم: (شير بصبعو لشيماء) غنقلتك (دفعو وليد خرجوو من لباب جاب الله باه جا لكبير وخرجو… خرج برا ممتوقعش هادشي من ختو جلس فالدرجة ودار راسو فوسط ركابيه ممتقيش.. غير قبل بشهر تلاقا حسن فالقهوة ومنين عرفو خطب مخلالوووش بشماتة وانواع السبان جاياااه النفس على ختو وهو مهضر مجااوبو تأسف على حالة مو للي عاد فهم بكاها ومرضها كان مقسح معاها غير باش ميلقاش هاد النتيجه وقف حداه وليد وشاف فيه)
شفتي قرايتك الزينة فين وصلاتنا
وليد: (زفر) مكتشوفش حالة مك كدايرة
ادم: (ظحك باستهزاء) والله حتى نقتلها جايبة لبنت وحطاها حدانا بحال مخااصها خيير (بعصبية) انا للي صدمني هو ونتا وبا كفاش متقبلينها
وليد: وسمو نديرو لوحوها نقتلوها باش تهنى نتا وتحس براسك ر.. ( سكت) اااخر مرة تعاود تضربها
ادم: (وقف متواجه معاه) فين هي الرجلة ديالك أوليد
وليد: (بقا مخنزر شاد أعصابو) الرجلة هي نسب ملاك بلحرايمية؟!!!!
ادم: واه حرايمية وعلم الله شكون باها
وليد: عندها باها ختك طلݣت من حسن الغد ليه تجوجت حملت وولدت هدا اخر كلام تيقو متيقوش خلي راسك وااجعك وشيطااانك غاالبك مݣالك حد سير عنݣها وبوسها ديرها مكيناش ولكن باش ضربها براااكة
ادم: وحسن!!
وليد: مانا فحسن حنا غنفضلو لبراني على ختنا نفكرك أنصر أخاك ظالما او مظلوما وحسن وفى وبزاف فسمو دارلها
ادم: من حقو يقتلها
وليد: دابا نتا معارفش سمو كتݣوول غير للي نبغيك ديرو متعرفهاش ديرها ميتة نتا ݣاع
ادم: هاد لفشوش ديالك هو للي خرج عليها وعلييينا واش اصاااحبي مكتشوفش فين وصلاتنا!!!
وليد: يحسابلك متعذبتش هي
ادم: لا محدها فوسطنا راه متعذبت والو
وليد: رواااح (جرو ركبو فالطموبيل وخرجو من تماك حيت عارف كيكب الما فالرملة وباه الا سمع هادشي يا يطيح يا يطيح روح…)
هند: (كانت موصلة شيماء فطريق بقات فيها) صافي اشيماااء مع الوقت حتى هو غيساامح وغيهز بنتك
شيماء: (معنقة بنتها) حتى ونبغي نطلݣ وليد بابا ݣالو ها السخط ها رضا الا جبتيها تعيش معاك ووليد مغيخلينيش نعيش بوحدي دارنا مستحيل يقبلوني انا ولا بنتي أشرف اصلا الا طلݣني غيدي لبنت
هند: نو الحضانة تتبقى معاك نتي
شيماء: هو ݣالي غيدي لفيديوهات وتصاور يعطيهم للقاضي ويحايدوهالي
هند: واايلي غنقولها لوليد
شيماء: (كتمسح نيفها) غتݣوليهالو غيدابزو وبجوجهم دمهم حامي (شافت فيها) مبقالي حد
هند؛ عندك بنتك تقاتلي عليها
شيماء: هي للي مصبراني باش منقلتش راسي (دارت هند يدها فذراع هند كطبطب عليها شافتها دايااها لقهوة) فين نمشيو
هند: نجلسو شوية هنا
شيماء: (بخوف) مغيبغيش أشرف ديني للدار حسن
هند: (تفهماتها مشاو للدار طلعت معاها ودخلت حطات مريم فنموسيتها حيت نعست.. ورجعت حدا هند) حاولي تكسبيه بالفن اشيماء… (بقاو كيهضرو شحال وكتشوف فعين شيماء للي حمرااا وقربت تسد ليها.. صونا عليها وليد ودعت شيماء ومشات لدارها….)
~~~~~~~~~~
أمال: (كانت كتخمل بيت نعاس وحايرة فين دير نموسية ديال ولدها فكرت ديرها انوفاص معاها وفالليل منين تبغي تنعس تجر النموسية تلاسقها معاها… لدابا مشرات والو حيت كتسنى السلعة للي جاية وطالب فيها جوج نموسيات وماريو صغير وفوقها فين تبدل ليكوش… صونات عليها مريم جاوبات) ويي مريووومة
فتيحة: الووو
أمال: (وقفت فبلاصتها) الو ماما!!
فتيحة: اممم متعرضيش عماماتك لعندك راه محضروش لعرسك وبغاو يجيو يباركو ليك
أمال: معرفت
فتيحة: غدا نجيو نتغداو (قطعت عليها من بعد مزربت عليها على هاد لعراضة المزروبة.. جلست مفقوسة لبست بينوارها وجرت بنطوفتها نيشان عند الحاجة تشاورها وتݣوولها شنو وخصوصا عارفة هاد الايام زهير مزير شوية….)
أشرف: (دخل للدار لقا بنتو كتحبو ودفع كورة تصدم حسابلو مكاينينش تبعااتو بنت دخلات شيماء خرجت من لكوزينة جايبة طبسيل ديال مريم فيه سيريلاك شافت أشرف معاه شي وحدة كيخرجها)
شيماء: شكون هادي؟!!!
أشرف: والو (خرج دغيا وسد لباب دغيا تبعااتو حلت لباب لقاتو كيهضر مع لبنت للي دايرة كاري لابسة حوايج عادي وميكاب قليل… محملش راسو) دخلي
شيماء: (تصدمت بقات كتشوف فيهم هز عينو بانتلو عينها كولها زرقا وقربت تسد جا يهضر شاف دموعها)
…: ختي حنا جينا هنا غير نهضرو وصافي متنويش راه جاي ينعس معايا
أشرف: سكتي نتي ولا ق*** فحاالك (جاه طبسيل للراس ومن حسن حظو ماشي ديال الزاج غير بااستيك وداك سيريلاك تخو على راسو وكتاافو ضار بالعرض البطيئ وداكشي دافي وتقيل هابط عليه…)
شيماء: غير على ود بنتك الحمار متجيبش الموسخات للدار فين كتعييش
….: اييييوا حدك تم كفاش مووسخة بزاف عليك يا لحمارة وكان كنتي معمرة ليه العين مكانش يشوف من غيرك ويجيبها لدارك (شافت فيه وهو مزير على ذراعها) راك كتعدمني
أشرف: تكركبي ولا نكركب مك مع دروج (دفعها بقات كتنݣر تسمع لباب تزدح ودوزت الساقطة من لداخل مشا كيدق) حلي دلباااب ولا نفرع مو والله يا جدك حتى نفرعوو.. حلي (زدحو برجليه وتفكر بنتو تخاف هبط مع دروج كااااره راسو…)
شيماء: (ندبت ضربت راسها فخاضها نتفت شعرها بكاااات حتى شبعت وبقات صاااقرة وطبقت عليها مقولة مبقالها لا حنين لا رحيييم… جات بنتها كتحبو عندها خوتها وعنقتها بالجهد معندها فين تمشي ولا فين تجي متقدرش تغامر وتخرج تخدم وتخلي بنتها حيت اصلا وجووودها فهاد الدار غير مربية لبنتها متقدرش تهرب لشي قنت معندها لمن تخلي بنتها وتخرج تخدم مبغاااتش بنتها تعييش العذاب حيت هي دارتو لراسها…
وكانت كانت ديال راسها ممكن تهرب وشحال من حاجة ولكن دابا معاها تربية الحاجة لمخيرة ليها واخا على حساب تعاااسة مها ناضت عاودات قدات ليها مكلتها عطاتها رضااعة حيت مبقاش ليها لحليب فصدرها بدلت ليها ونعستها وبقات هي جالسة كتخيل وكان مكانتش وكان راه وااخد رااحتتو هنا عرفت علاقتهم مستحيل شي نهار تقااد ولا تزيان…
تخنقت معندها معامن تهضر ولا تشكي وتبكي ولا حتى للي يحامي عليها…
سمعت الدقاان فلباب بقات غير ساهية حتى سمعت صوت خوها ناضت مشات حلات لباب كان خوها حلات لقاتو هو ومها واشرف من مورااهم.. تلاحت على مها معنقاها وكتبكي وليد شاف ختو شعرها معنكش وحنوكها حومر وفيهم طراس ديال ظفار)
أشرف: دخلووو (دخلو ونعيمة معنقة بنتها جلسو وجلست حداها مابغاش تفرق منها… جلس هو اونفاص كيشوف فحالة شيماء من ناحية حمد لله للي كانت فالدار ومدارش شي حاجة كان يندم عليها واخا متحصلووش..)
وليد: داري غتبقى محلولة ليك
نعيمة: متديش على خوك ابنتي راه حتى هو محرووݣ
أشرف: علاه ضربها
وليد: على فعااايلكم الشيينة ولكن انا بانتلي غير ختي للي راها تخلص
شيماء: (شافت فأشرف بكره معرفتش علاش مبغاوش تفضحو حيت مزال عندها أمل تصلح شي حاجة بيناتهم…)
أشرف: للي حكمتوه علية نديرو
وليد: تهلى فيها راه من اللول ݣلتلك ماشي شياطة هي ماشي خدامة ديالك وديال بنتك هاديك راه بنتها وهي للي تعذبت عليها راه هي للي تعادات مع واليديها وخووتها هي للي حسن كان غيقتلها نتا فاش جاتك عادي
أشرف: انا للي تعديت على ختك
وليد: (مفهمش قصدو مزيان) كفاش؟!
أشرف: انا للي تعديت عليها باش حملت
شيماء: (خافت على خوها) لا لا خويا مشييت معاه بخاطري (ضارت عند اشرف معصبة) خويا راه يمحييك متخليش عمرو يضيع فلحباسااات ݣالك تحمل غلطك مدخلش وتخرج فالهضرة خويا راه عندو واليديه للي يهزو ذبيلة عليه ماشي بحال مݣطوع من شجرة الا متي حتى واحد ميعرفك فين كاااين…
أشرف: (بقا كيشوف فشيماء وحتى هي غير كل واحد وشوفتو.. حك جبهتو) داكشي باش باغي نربي بنتي نبغيها ونهار نموت هي تجي ترحم علية
شيماء: (قلبت عينها وشافت فخوها) انا للي غلطت من نهار اللول حتى لدابا والله اخويا الا ندمت وبزاااف وديما كندعي ربي يسمح لية وحتى نتا تسمح لية غدرت وطعنتك فظهرك ورديت لك الخير بالشر (اشرف تكا على الحيط وحنا راسو)
وليد: كفاش قضية تعدا عليك
شيماء: عفاك نساو هاد الموضووع راني كرهت راسي وروحي عليه
أشرف: (مفهمش علاش مفرشاتوش)
نعيمة: ولدي صافي
شيماء: عفاك عتقني اخويا واخا متسامحنيش دابا غير عن(جرها عنقها وبقات كتبكي بحال شي بنت صقييرة صقييير وصوت بكاها كيتسمع حتى بدأت بنتها كتبكي هزها أشرف كيراري بيها ويشوف فشيمااا للي مخشية فصدر خوها وحتى نعيمة جالسة كتبكي وليد دمعو عينيها وكان فصراع كبييير مقادرش ينسى ومقادرش يسامح ولكن رجعت عندو رغبة باش يساااامحها…. جرااتها مها ودار عند اشرف)
وليد: غتعاملها بحال بنادم ولا لا!!!
أشرف: (سكت وحرك راسو بأه خرجو من بعد مودعوها بقات جالسة فوق السدااري وهو هاز بنتو للي رجعت نعست ووجها فوق كتفو)
شيماء: سير حط بنتي فنموسيتها متهزها حتى تنقي راسك.. مبرووووك داكشي باش كنتي كتعايرني درتي كفس منو
أشرف: (مشا حط بنتو خرج عندها لقاها مكيناش سمع صوت الحمام الا بقا غيتزايدو فهضرة وهضرة غتكون خااايبة خرج وهي خرجت نيشان مشات تنعس من بعد نهااار كان قااسح عليها…)
`~~~~~~~~~~~~
أمال: (زهير معتارضش على لعراضة مشا جاب شنو خاص للي ليلى حمراا ليها وجهها وطيبات داكشي متول ومقاد أما أمال جمعت الدار مزيان وريحتها وصلت 12 جا محمد وصل عماماتو ومو وحتى بنات خالتها ومرت حنينها اما كريمة بقات مع مريم… رحبت بيهم الحاجة وهوما كيدورو فعنقهم كيزوميييو لقنوت الاثاث الدار)
العمة: تباااارك الله دارك زينة ابنت خويا
أمال: (حطت خلاوي مشكلين بلاطو حلوة صابلي بريستيج ولاخر لوز والتالت حلويات سورية من الكنافة بقلاوة حطت اتاي وطبق فيه تمر کرݣاع وبلاطو كبير بين الفقاص والكعك عمرات جوج طبالي)
فتيحة: نوضو نوريكم الدار (أمال غير كتشاوف هي والحاجة.. ناضت كدير بيهم جولة بحال الدار ديالها جات طلعهم للفوق)
أمال: لفوق غير بيوت نعاس
فتيحة: راني عارفة ياكما مجامعاش فراشك عاود
أمال: ماما هادي عام متشاوفنا باش عرفتي مكنجمعش لفراش فبيتي (مداتهاش فيها طلعو تابعين فتيحة وهي تفقست تبعتهم مشات لبيتها سورتاتو ودارت سوارت فجيبها مخلياهم كيتشاوفو وهبطت.. جات نعيمة وهند وسناء حتى هوما لحقت ليلى وعيالات ولاد لكبير للي مجاتش تقصييهم… الصالون عمر وفتيحة قااارنة على ليلى للي ملقاتش منين دوز ليها وحتى الا هضرت كتعطيها لوخرا علاش تقلب.. حطت شلاظة كبيرة وعاد دجاج محمر 4 فطبسيل لجوج طبالي من موراها لحم بالبرقوق والمكسرات عاد حطت ديسير تشيز كيك ورفوقة بأنوار الفواكه.. غسلو يدهم وأمال فيها العافية مكرهتش غير ينوضو يمشيو.. صونا محمد باش يجي يديهم حيت مريم دابا غتخرج من صبيطار جلساتو أمال يتغدا وعجبو الحال بزااااف اما حتى رجال حطاتلهم ليلى فدار لكبير… زوهير ووليد جا دا حقو..)
أشرف: (الليل كاامل منعسش مقدرش ناض هز لبيسي من لمجر شعلو تسنى شوية مشا نيشان لدوسي للي مخبع.. اول تصويرة طلعاتلو ديال شيماء لابسة ديباردور وفرقة صدرها باينة ولمشكل ظاحكة باينة أنوار للي مصورها بقا كيدوز كاين للي معانقين هو وياه وكاين تصاور بوش ابووش وحتى فيديوهات فيهم 3 ديال الثواني شوية مصورها باين غير شعرها وحانية على حجرو مباينش داكشي ولكن التصويرة للي من موراها فين هو مشقلب عينو باينة بقا كيڤيبري برجلو وهو كيتفرج عاود شاف فيديو فيه كتلبس ديباردور وظهرها كان عريان… خبط داك لبيسي وبقا غير جاالس.. ناض خرج لقاها فلكوزينة كتعقم الرضااعة شافت فيه ورجعت شافت فلكاسروونة.. دخل هز كاس عمرو من الروبيني)
غدا مريم عندها الجلبة ديال 6 شهور
شيماء: واه عارفة..
أشرف: غنديها يانا (شافت فيه) باش بلا مطيحي علية لباطل ويݣولو راجلها منفخ ليها العين
شيماء: انا اصلا دايرة راسي معنديش الراجل
أشرف: (دور لسانو فوسط فمو) اممم (حط كاس دلما فلبابو وغسلو وحطو فالشبكة)
شيماء: بنيتك كنتي جايب ق*** للدار
أشرف: عادي
شيماء: معاديش منين نطلݣو وجيب حتى مك
أشرف: (شدها من عنقها مزير) التالتة… تعاودي تجبديهم مرة أخرى نݣطع لمك لساانك (طلقها وهي كتكح)
شحال باش مجوجك فين هي حقووقي زواج مخليتونيش نتزوج نتي كنعييفك واش ندير انا
شيماء: (بلعت ريقها وشاف فيه) غتموووت وتقيسني ولكن مݣادش باش متݣولش صافي راني استسلمت ليها (قربت عندو) من ديما عاجباااك واخا وقع للي وقع مزاالة معششة ليك فالراس (هزت الرضاعة للي عمرت فيها لحليب وخلاتو واقف مخرج عينيه…)
~~~~~~~~~~~~
داز سبوع مريم وشيماء الوحيدة للي محضرتش واسئلة فتيحة على ولادة شيماء بقات معلقة حيت ملفات حتى جواب من عند نعيمة..
أمال دوزت الامتحان ديالها للي بقات ليها 4 ديال les matières وخلاتهم حتى العام جاي….
أشرف رجع كيحاول ميتصادفش مع شيماء لدرجة كيمشي لدار عمو ب3 أيام وهي بدات كتزيد تعلق ببنتها وتديها فراسها للي ونسها هو التيليفون للي عطاها وليد مخبياه على اشرف….
#بعد_شهرين
هند: (جالسة بحرا مطلع النفس حيت خدمتها مع تقل رجعت قااسحة حيت خاصها تحني وتعاون الواحد يتمشا او يجلس.. دخل عندها فيصل ووقفت كتدخل شعرها)
دكتور…..
فيصل: (جلس فلبيرو ديالو) جلسي اهند
هند: ميرسي
فيصل: علاش متاخديش كونجي
هند: مزال على لولادة ديالي
فيصل: ولكن عييتي.. حم هند واش ناقصك فلوس
هند: (باستغراب) لا
فيصل: وعلاش تتجهدي راسك هاكا خودي كونجي وانا غنوقف معاك باش تخلصي فيها
هند: دكتور فيصل راك غالط انا الحمد لله عايشة بيخير مخاصني حتى شي خير مع راجلي
فيصل: (كيسمع محال من راجلها غير كيديباني) الا خصاتك شي حاجة انا موجود عادي بحال لخووت واخا تنعرف عائلتك ميسورين
هند: (بابتسامة) راجلي كتر عندو محل فالمغرب ومحال فبلجيكا عاد شي حاجة داخل فيها شرييك..
فيصل: اممم مزيان الله يقوي الخير
هند: اميين
فيصل: مهم انا غنسني ليك على كونجي
هند: دكتور اما مبغييتش نضيع كونجي حيت باغياااه حتى السمانة الجاية
فيصل: واخا لالة.. (جاها اتصال) خودي راااحتك…
زهير: (كان جالس كيتفرج حتى كيسمع أمال كتعيطلو شاف فمو للي كتسبح.. ناض كيجري لقاها مغطية وكتوجع)
مالكي احبيبة؟!!!
أمال: (كتوجع) طرطقاتلي سقية وخرج لما
زهير: (زرب عندها وحايد لفراش من عليها كان ليزار لݣري عامر) مّااااا وااا مّا
الحاجة: (جاية كتجري بحال شي بطريق) الله الله على بنيتي نووض ندييوها لصبيطار
زهير: كان باقيلها حتى لبعد غدا
الحاجة: نووض نديييو الطفلة
أمال: ظهري ظهري امّا (كتبكي) فية لوجع بزاااااف
زهير: (كيتلمس فشعرها) متخافيش احبيبي (هزها والحاجة كتجبد ليها حوايج اما الشانطة ديجا قادووها صونات هند مجاوبوهاش… بدلها زهير حوايجها لبسها كسوة سخونة بلا سليب وهي كتعوج ومونطو خربق ليها الشال ولكن زغبة مخلاهاش تبان.. لبسها تقاشر جات الحاجة لابسة جلابتها وكتلهت بحرا كتقدر تمشا وزهير كيمسح دموعها ويبوس فجبهتها مخلي الحاجة جارة الشانطة ظحكت على حالتو سدو لباب وخرجو ماشيين بشوية على ود أمال هبطو فلاسنسوور… نيشان للطموبيل كانت كتقطع بالحريق هو صايݣ وكيضوور يشوف فيها وصلو من بعد مدة حيت طريق عامرة نيشان المستعجلات هضر بالبلجيكية 5 الثواني كان البيااااص حدا الطموبيل خرجوووها وهو كيعاونهم وحاضي مو من موراه دخلوها كشفو عليها وقلبوها كانت على وشك الولادة نيشان هبطوها لغرفة الولادة.. عطا الشنطة لفرملية للي طلباتلو لحوايج وكانت عطاتو القائمة شنو يحتاج بقا فلكولوان هو ومو)
يا ربي ولد يا ربي ولد
الحاجة: استغفر الله زوهير واش راك تݣةل اولدي
زهير: مّا انا للي عارف يا ربي نوضها على خير ويكون ولد.. ولد ولا بنت بحال بحال ولكن ولد راه الا مشييت عليها يبقى راااجل فظهرها
الحاجة: (تصدمت) نعل الشيطان اولدي للي جابو ربي فيه الخير
زهير: (هو مٱمن بفكرة يكون عندو ولد باش حتى واحد ميطمع فرزق أمال الا مات ويكون معاها رااجل معندوش مشكل فلبنت… بقا كيدعي معاها تنوض على خييير سمعو غوااتها وقلبو تزير عليه بزااف والحاجة كتبكي ودعي.. )
~~~~~~
هند: مال هاد الزمرة متتجاوبنييش (ياله بغات تولي تصوني صونات عليها ماماها) وي ماما
ام هند: فاااينك ابنتي جينا للدار مجبرنا حد
هند: انا حاجة من لاكلينيك واش جات حتى مي لالة
ام هند: اه راه عيات بطريق شوية
هند: شوفي الساروت راني مخليااه تحت تراب لڤاز لكبير للي على ليسر
ام هند: مزال تتقيي اهند يهديك الله داك نهار تشفرتو ودابا مخلية الساروت
هند: راه الدار كولها كاميرات دخلو انا شوية ونكون عندكم… (دازت لمحال عند وليد حيت حست بارهاق خلاتو يصوݣ بيها اما نقدية كانت شارية كولشي حدها دازت لتريتور للي كانت موصياه على غدا داتو معاها فطريق…)
خرجت فرملية جايبة لبيبي فكويشة جهه زهير ومتبسمة (بلغتها)
زهير: كيبقات مرتي؟!
….: (كتوريه لبيبي للي بحرا كيحل عويناتو مزال حمر) المدام راها بيخير شوية وتجي عندكم لتحت
زهير: حمد لله (شاف فولدو مغوبش) تريكت باااه
الحاجة: ههه (ضرباتو لذرااعو بغات تهز وهو يهزو زهير)
زهير: نشوفو بعدا (قبل ميشد الكاشة)
…: عندكم وليد زوييين
زهير: (نفخ صدرو وشاف فمو فرحان ومتبسم وعينيه كيبريو) رااااجل امّا
الحاجة: بحال بحال اوليدي
زهير: (بفرحة حنا لولدينه أذن ليه باسو فجبهتو وشاف فيه بحال شي كنز للي حيااتك كاملة ونتا كتقلب عليه ولقيتيييه فوقت كنت محتاجووو عينيييه بقاو كيبريو شاف فمو ومدو ليها باستوو من جبهتو.. عطاوه للفرملية وتعانق هو ومو.. بقا معنقها بيد وهبطو لتحت صونا عليه وليد جاوب)
ويي وليد
وليد: فيين هند شحال وهي كتصوني على أمال مكتجاوبش وتخلعنا عليكم
زهير: راها ولدات (تبسم) كنتسناوها يطلعوها
وليد: اوا مبروووك اسيدي (هند قلشت ودنيها وكيسمعها واش ولدت واش ولدت) واه ولدت بقيتي غير نتي
هند: (خطفاتلو التيليفون) وكيف راها وشنو ولدت
زهير: ولدت راجل هههه لعقبا ليك اختي راحنا نتسناو فيها
هند: مسكينة غتكون تقسحت
زهير: واه شحال وهي تغوت وتبكي بالحريق وحتى فاش دخ(خطفلو وليد التيليفون) هههه
وليد: اصاااحبي واش مضروب بفردي خاوي
زهير: هههه هاكا دارت ليها منين بغات تطلع للطيارة أول مرة ههه ݣةلعا متخلعش واا صراحة راه غتقسح راه ولادة هاديك ماشي كيهرووك
وليد: لا حول ولا قوه الا بالله العلي العظيم.. اسيدي مبارك ومسعوود
زهير: الله يبارك فيك (شافهم جاريه لبايااص) ݣطع بلاتي ونصوني عليكم ابيل فيديو (مشا كيطير كانت صفرا وشنايفها بوويض وبحرا كتحل عينيها وصل معاهم لباياص وهو كيهضرها الحاجة كانت كتصلي)
أمال جاوبي احبيبي
أمال: عييييت.. فية الجوووع
زهير: ههه شنييولة اش داك لشي ولادة ݣلتلك جوجيني نتي نبغيك وهي نجيب ولاد منها
أمال: زوهييييييير…
زهير: (باسها فجبهتها وفيدها) نحبك يا جدك
أمال: تعدمت ازهير بزاااف
زهير: معليش احبيبي دابا تبرااي وتنساي كولشي (رجع باس يدها) شفتي ولدنا
أمال: كنتي نتا باغي ولد اصلا
زهير: لاااا استغفر الله للي جابو ربي مليييح بحال الولد بحال لبنت
الحاجة: (كملت صلا) الله يمسخك عاد كنتي لتحت غتسخف ونتا كطلب ولد
زهير: (شاف فمو مقوس عينو) بدينااا نورقووو الوراق الحاجة….
بشرى: لا منݣدش نخليك اخويا
أنوار: سيري غير نهار حشومة هنا حنايا فاوروبا وميمشيلو حد
بشرى: متأكد؟!!
أنوار: واه اختي بلڤري غير سيري راه حتى للسيمانة جاية عاد نبدا التحاليل
بشرى: (باستو فجبهتو.. وخرجت عينيها جايبين بلبكى حيت سميرة ختها عاد جات للدار ودارت ݣناازة على مها للي تدفنت عاد فهمو كانت ممنوعة تغادر لبلاد حيت وقع مشكل مع طليقها وضااربو بجوج فشي قهوة منين شافها مع شي واحد مهرسين كراسا ومااعن… بكات سخفت ندبت وكولشي تحيى ليه الجرح وبكا من حالتها..
جبدت تيليفونها كتقلب فيه على شي طيارة لبلجيكا وبالظبط لمدينة فين كاين زهير… لقات وحدة من بعد 5 دسوايع دازت لوطيل فين جالسين دوشت بدلت حوايجها هزت وراقها باسبور كارت ݣيشي دازت خدات كادو لبيسة كاملة مع حوايج ديال لتحت كويشة غليضة ووحدة رقيقة ونونوس فنفس اللون الشيبي… ومشات للمطار كتفكر غير فمها للي كانت فالمطار فرحانة باش تمشي للعمرة ووقع للي وقع…)
~~~~~~~~~~
محمد: (فرح منين عيطلو زهير وقالو على ختو للي تفكت مشا للدار فين كانت ياله جات كريمة وفتيحة بنهار)
راه ولدت أمال
كريمة: اوا مبروك عليكم
فتيحة؛ سمو ولدت
محمد: ولد
فتيحة: انا بغييتلها لبنت باش تعرف سمو دوزت علية
محمد: حتى تكون فقسوحينك وشيونيتك امّا عاد دعيلها بلبنات بااااز مسولتي كيف بقات ولا كراها
فتيحة: كيف غتكون شكون بحالها داها راجلها شهر لتماك اييييه شكون ݣال تمشي تولد فبلجيكا وشوفلك بنت النيفر ݣاع مݣالتهالي داك نهار فلعراضة باينة غيبقاو تم
كريمة: اوا منين دا حتى مو غيبقاو تم
محمد: هو داها على حساب الولد باش يدير وراقو
كريمة: وعلاش ممشيتش حتى نتا ومريم وودات تم
محمد: زهير بوراقو عندو الجنسية تم دغيا يطلعو وراق جنسية الولد وحتى أمال دير وريقاتها
فتيحة: درك حتى وليد يدي مرتو
محمد: لا هو معندوش الجنسية والا مشاو خاص يجلسو بزااف تماك على الاقل شي عماين ولا كتر عاد باش يطلع لوراق لمرتو وولدهم
فتيحة: هانتا على زهر لمشلݣ
محمد: ههه انا اما كتجيني بحال حسداهاا
فتيحة: (خسرت وجهها) لهلا يحيييك شوك من صباح ونتا دك فية الهضرة للي تصلاح وللي متصلاحش
محمد؛ حيت كنشووفك ݣاع مبغيتي تبدلي
فتيحة: اسيدي خليني بيني وبين للي خلقني وهاديك بنتي نبغيها نكرهها حد مشغلو فية
محمد: واه حتى هداك كلام (خرج مكره من حداهم دخل عند مريم للكوزينة حيت لولاد كيعناو بيهم لقاها كتمسح التلاجة من تقدية لي جاب صباح.. صوناو ابيل فيديو على زهير للي جاوبهم وظحكتو مشرݣة من لودن لودن باركو ليهم أمال كانت نعسات والحاجة لوات عليها درة حياتي وعاد شال غليض وغطاتها مزيان مخليها زهير دير مبغات…)
فوكاش تجيو؟!!!
زهير: حتى تݣد أمال شي 15 اليوم
محمد: اوا الله يجييبكم على خير أمال كيف راها
زهير: راك عارف حر لولادة مسكينة ولكن راه قايمين بالواجب هنا
محمد: داكشي.. سمو تسميوه
زهير: وهدا علية تفيق شنيولة وديك الساع نشوفو
محمد: انا للي نسمي ولد ختي
زهير: مرحباااا نهار لكبير
محمد: (عجبو الحال) الله يكبر بيك ابن عمي
زهير: ختي محمد شوية ونصوني كيصوني علية المحامي.. (قطع وحاول المحامي حيت فلبلاصة بدا إجراءات لوراق للي مكيطلبوش وقت ولا وراق بزااف…)
هند: (دايرة ابيل فيديو مع امال وكظحك عليها على الحالة للي دايرة ليها الحاجة ومخلياها دير مبغات وراتها لولد للي جابوه باش ترضعو قطعت وشافت فوليد)
وليد مزيييونة هاد الفكرة ديال تولد برا
وليد: ويي بزااف دوماج الجنسية باقيا معطلالي
هند: اممم
وليد: حتى للولدة التانية
هند: باسم الله عليييك اشريف مالك نتا للي تتهزهم
وليد: واه
هند: فين
وليد فقل****
هند: (خرجت عينها) نتا راك خسرتي
وليد: ههه.. (جات ماماها جلست حداهم كتعي رأيها فسبوع كغيكوم وشكون يعرضو هو غير كيشوف حيت سبووع مدوووغن وعائلتو ماشي ديال هاد الشيكي ولكن متكلمش مخلي هند ومها كيهضرو على خااطرهم وعارف حتى مو معندهاش مشكل مساااالمة ولكن بااه لا اول حاجة غيعتاارض عليها وبشدة ممنوع الاختلاط للي براسو مع هاد الفكرة..)
~~~~~~~~~~~
أشرف: (خرج من الدوش مكره بكترة الاحتلام للي ولات كتجي فيه شيماء الهضرة بيناتهم مقطوووعة ولكن لاااحظ منين رجعت كتهضر مع خوها وحتى مها كتصوني عليها فالتيليفون للي جاب وليد تبدلت حتى صحتها زادت فالوزن شوية ومبقاش وجهها كحل بالاعصاب.. عاد شافها موااااضبة على صلاتها ولا فاش يجي فالغفلة يلقاها طالقة القرآن مرة الأدعية وشحال من مرة كيلقى فيوتيوب مكتوب الرقية الشرعية للمحبة بين الزوجين… مشكلاااتوو ورجعت كل تفكيييرو شم ريحة كسكسووو للي ياله كتعلمو دقة بدقة مشا لبس حوايجو وصلا وهز المصحف بقا كيقرا القران وبنتو حداه كتلعب ختمها ببنتو للي رقااها عاد هزها كيلعب معاها…)
شيماء: مرياااااامة اجي احبيبة ديري منمن
أشرف: (دخل للكوزينة لقاها عافسة ليها بطاطا مع خيزو وقرع أحمر هز الطبسيل ومعلقة صغيرة ومشا للصالة كيوكلها غير بلخاطر حتى كملت شم ريحة كاكا فيها دخلها لبيت بدل ليها لكوشة وحتى لحوايج مشط ليها شعرها للي خرج زعر شوية اصلا هي كولها نسخة مصغرة منو للي كيخليه يزيد يتأكد انها بنتو… عاد رجعها لبلاصتها فين مفرشة طابي ولوعابها مزلعين جات شيماء هازة قصرية صغيرة فيها كسكسو حطت معالق بلول وجوج كيسان لبن..)
أشرف: باسم الله (داق لمعالقة اللولة مكانش بنة كبيييرة فيه هز عينو فيها بحال كتسنى يقول كدااير حنا عينو مبغا يعطي حتى شي رد مزعج كمل ماكلتووو على غير العادة منين مكتعجبوش الحاجة مكياكلهاض وكيبقى ينݣر عليها…)
أمال: (شافت حتى عيات زهير مابغاش يخرج وتخرجت قدام الحاجة)
زهير: يا جبدي خلاص رضعي لولد
الحاجة: بلع ازهير راك تحشم فلبنت
زهير: (بعد خدا مو وغمزها) نجي نعاونك (تبسمت خرج جبدت صدرها للي تنفخ شوية بلحليب ورجع كيبان صدر مكرهتش تعيط لزهير يجي يشوووف راه عرض حصري..
جاتها صعيييبة رضاااعة أكترية معندهاش الراس كبير واخا هكاك كابراات والحاجة معاها بشوية حتى رضعاتو ودموع فعينيها بلحريق.. دازت نص ساااعة حتى مبقات قادة جا زهير مدخل بشرى للي مشا يتعرض ليها لقا أمال خارجة من الدوش لابسة بينوار غليض وجوج تقاشر غلاض وبيجامة غليضة وجوج درات ولكن منسااتش عكر وماسكارة وقرست حنوكها يرجع فيها الدم.. رشت بارفان لقات بشرى سلمت عليها عطات ليها لكادو شكراتها مشات شافت لولد للي شبهاتو بزهير)
زهير: من زهرو يطلع يشبهلي
أمال: انا غير يطلع راجل فحالك هاديك هي الدنيا
زهير: اوووو (تبسم) توشيتيني ابنت مّا عندك شي هضوور شي مرات كدخل فلعظام
أمال: ههه حمق.. (مشات جلست فبلاصتها) مّا تعطلت..
زهير: شوي ونمشي نجيبها.. كيف بقا انوار؟!!!
بشرى: الحمد لله مبقا واالو على العملية التانية خااايفة بزاااف ازهير
زهير: نشاءالله ميكون غير الخير… (مشا تكا حدا امال حط يدو على كرشها للي مزال منفوخة شوية… تحرجت) ياكما تعوجك
أمال: حم لا
زهير: ولتحت دوك لغرااز
أمال: زهير
زهير: (دار يدو على كتافها) عادي احبيبي هادشي مافييهش لحشمة انا راه رااجلك حبييبك باااك خووك ومك صاحبك
أمال: ههه راني مزيانة
زهير: اممم (خبرها) مكرهتش نبقى غير نبوس فييك ونشلقم
أمال: زوهييير (شافت فبشرى للي تبسمت معاها وكتشوف هاد الحب للي بين هاد الزوج)
زهير: بشرى ياكما نديك ترتاحي الدار مبعيداش (صونات عليه مو) ها مّا كتصوني (وقف) خليك مع أموول نمشي نجيب مّا راه جايبة لعشا
أمال: (بقاو بوحدهم كيهضرو غير فلولادة ومرة يسكتو جاوبت هند هضرت معاها شوية وقطعت احتراما للبنت للي معاها شوية دخل زهير هاز قفة حطها فوق الطابلة خرج سوبيرات ديال الزاج وحدة فيها حمام بلمساخن والتانية فيها المرقة فين طايب معاها عشوب ومسااخن بزاايد وجبد مول الزاج مغلف بالاليمينيوم حلو كانت رفيسة.. عاد طويسة فيها البيض بلدي مسلوق)
زهير: والله يا مّا هاد القنابل لي جايبة يديونا لمور الشمس
بشرى: هههه رفيسة ديال مّا مكاينش بحالها (قرب لأمال الطابلة كتاكل داك لحمام وتشرب ديك المرقة والحاجة واقفة عليها وزهير وبشرى كياكلو رفيسة..)
زهير: امووول واش درنا فسمية
أمال: ألاء
زهير: دابا ماشي حشومة ولدي يكون راجل بشلاغمو ويجي واحد يعيط ليه الااء
الحاجة: خليها تسمي واش بغات
زهير: عبد الباسط
أمال: (غوبشت) لا
زهير: ههه هانتي ختاري يوسف ولا مروان
أمال: (اصلا هي كانت موجدة سمية لبنت) للي بغيتي ازهير بحال بحال
زهير: واش ݣلتي امّا
الحاجة للي درتو اوليدي سمية راه مسمي عند الله
زهير: يوسف مروان ماالها ݣاع
أمال: ههه عجباتتي
زهير: يا ݣلييع لݣلب نتي للي تعجبي وتفوتيها لهيييه…
امال: (غير شادة ولدها فرحانة بيه غير كيبان زهير كتمدو ليه يبقى هازو وفرحتو مضاااعفة وراه لكبيير وليد محمد مكرهش الريبيرطوار كاملة للي عندو فالتيليفون يصوني عليهم يقولهم تزاد عندي ولد وانا أب مبقيتش وحدي… دازت 3 ايام خرجت أمال على خير مشاو للدار والحاجة كتغبن باش يرجعو المغرب ويديرو سبوووع ويكونو الاحباب مجموعين راه فرحة كبيييرة وخاص تشاااركها مع كوولشي… دازت سيمانة أمال رجعت مزيانة وحتى لغراز برات منهم فرحانين بولدهم وسهير ديالو عسل على قلب زهير حدو كيفيقها ترضعو وترجع تنعس وهو مينعس حتى ينعسو وغير بأذن الفجر الحاجة كتشد المناوبة…
أمال فمرة محستش بغياب مها للي اي وحدة والدة كتبغي مها اول وحدة تكون قريبة ليها توريها تعلمها تفهمها على الروووح للي تكونت فكرشها وخاصها تكون مسؤووولة عليها.. لدرجة حتى فاش صونا محمد ودوز مو هضرت معاها دقيقة ودارت السبة بطواليط بقات مخبعة حتى حملات الابيل عاد خرجت…
زهير كان فمحال ديالهم هو ووليد للي كان مرة مرة كيمشي ليه صونا عليه المحامي وعلمو ان لوراق تقادو وأمال عطاوها عام باش يعاود يجددو ليها الإقامة… مشا جاب باسبور ولدو للي كان جنسية بلجيكية وجاب وريقات أمال من تيليفونو قطع للغد ليه للمغرب.. داز تقدا شي تخربيق ياكلوه حيت الا تبدا غتبقى غير شاايطة ومشا عندهم علمهم باش يجمعو حوايجهم وبوجدو رااسهم لرجوووع..
الحاجة مقدتها فرحة شاف فأمال)
زهير: امووول نخرجو شوية
أمال: ويوسف!!!
زهير: مع مّا حلبي شي قرعة منتعطلووش
الحاجة: واه ابنتي خرجي تفوجي شوية (عجبها الحال مشات حلبت قرعة حطاتها وخلاتو مع الحاجة.. خرجو غير على رجليهم كيتمشاو ويتفكرو عاد كانو بوحدهم ودابا معاهم ولدهم)
زهير: ولكن خاصك تجيبيلو ختو ولا خوه
أمال: أحااااي صافي غنسينلك تجوج
زهير: ههه يا تسخااي؟؟!
أمال: وااه
زهير: اممم ماشي دابا حتى دوز عام
أمال: 5 سنين
زهير: 5 سنين غتكوني ولدتي فيها 5
أمال: ݣالولك علية قنة
زهير: لقنينة ديالي
أمال: ههه (وقفو حدا محال لحوايج شافت فيه)
زهير: وايلي نجيبك حتى لهنا ومنكسييكش.. ماشي ديالي (فرحت حتى ظحكت دخلت خدات جوج لبيسات مشات كتبدل وعاد نتابهات للموسطاج وزغب خفيف ناايض وحواجبها تشركوو خرجت وراتهم ليه عجبووه خداوهم دازت خدات 3 بيجامات وحدة ليها وحدة للحاجة وحدة لهند.. دازو حدا صالون رغبااتو وبقى كيتسناها هاز الساشيااات مشا لقهوة اونفاص مع الصالون ساعة لا روب عاد خرجت كتقلب جا عندها)
واش دخلتي تبدلي الجلدة!!!
أمال: كان عامر (دخلت دارت سوان فيزاج)
زهير: (كيشوف فوجهها للي بان الفرق) شي حاجة نقصاات
أمال: واالو.. ياله ياله راه تعطلنا على يوسف (بقا غير كيشوف مشاو رجعو للدار دوزو آخر ليلة فبلجيكا كيجمعو حوايجهم وزهير كينݣر على تقل للي غيخلص عليه… الغد ليه فاقو نقاو الدار خرجو زبل ومشاو فطرو فالمطار وصلت وقيتة ديال طيارتهم ركبو ونيشان لمطار وجدة…..)
أشرف: (كان فالخدمة حتى دازت عندو حنان) حنان صاڤا!!
حنان: ملباسش اأشرف مݣديييتش نساك
اشرف: (زفر) مع الوقت
حنان: نتا دغيا فرطتي فية
أشرف: مكاتيب
حنان: نتا للي بغيت تبقى حيااتك معذب نتا للي حكمت على راسك وعلى حتى مريم
أشرف: مريم عايشة بيخير
حنان: ونتا؟!
أشرف: الحمد لله
حنان: (قتلها بلبوروود) دغيا نسيت واش كان جامعنا
أشرف: حنان من التالي
حنان: نبقاو على علاقة ومتعرف الوقت واش جايبة
أشرف: راني مزوج..
حنان: حتى فاش عرفتني كنت مزوج
اشرف: روحي احنان انا وياك منصلاحوش وبلاش كاش مرة تجي منقزاالي هنا هضرما على زواج تفاهمنا وعمرني حاديييتك باش متلومينيش على شي حاجة مكتاااابش كل واحد يشووف صواالحو
حنان: اخر كلام!!!
أشرف: الله يعاونك (ضار مخليها مشا لبيسي ديالو مشات فحاالها.. سد لبيسي كان كيشوف مستقبل زوين معاها ولكن كان مستقبل بشبح شيماء منين غتبقى تابعاه تابعاه اللهم يبقى فداك العالم دخل لابليكاسيون ديال التجسس للي دار فتيليفونها كيراقب الواتس الفايس الانستغرام مكاين حتى شي خلل بلعكس هو كيصيفط ليها بفوكونت وكتبلوكي فلبلاصة… كمل شغلو وقيتة ديال لغدا للي ولف يتغدا فالدار.. مشا لقاها كالعادة مقادة الدار مريم كتلعب وهي فلكوزينة تعلمت اي طبق رئيسي يكون معاه شلايض واخا تكون غير البصلة ومطيشة… لا سلام لا كلام.. نيشان عند مريم كيلعب معاها بقات هي كتحط)
شيماء: الواحد منين يدخل يݣول غير السلام عليكم راه السلام ديال الله ماشي دالعبد
أشرف: وليتي فقيهة تعرفيني فالدين
شيماء: ماشي فقيهة ولكن عارفة انني مخاصنيش نزني وانا مزوجة
أشرف: وقبل هانية!!!
شيماء: ربي للي كيحاسب كما غنتحاسب يانا حتى نتا غتحاااسب ربي مݣالش حلال على رجال
أشرف: يا ديلمك ومتستيش حتى نجي نهرسو ليييك
شيماء: (ببرود) شكون هو؟!!!
أشرف: (عض على شناافتو ولف هاد المهاوشة ديالهم هز مريم مشا غسل يدو وغسلها حتى هي حطها فحجرو وشنو كلا كيوكلها ولا يعفس ليها الخضرة….)
الله يخلف
شيماء: (بتعالي تبسمت.. جاوبت كتعوج) بالصحة (ناضت كتجمع الطبلة وهو غير متبعها رجعت لقاتو حط مريم وغيسد لباب)
جيب معاك شي حاجة لعشا
أشرف: وديك لكوزينة لاش صاالحة
شيماء: عيييت أشرف وطلعتلي الكاملة ديالي فصحتي مهم بغيت تجيب جيب مبغيتش غنبقى بالجوع وشوف بنتك شكون يرضعها (بقا كيتمتم بشنايفو ساد لباب وهي ظحكت حتى صونات عليها مها باش تقول لراجلها يجيبها راه جات أمال وولدها وعݣووزتها..
بقات كتخمم معندها متلبس واكيد غيكونو مجموعين عندها.. ضرها خااطرها وبقات غير صااقرة….)
هند: (بحرا كتمشى هي ومها وجدااتها حيت كيشجعوها على لمشي بزاف هاد الايام من دارها لدار أمال للي كانت فدااارها.. كان الصالون عامر خوتات زهير وبناتهم وشي جوج عكوزات ديال بناتهم عيالات ولاد خوه لكبير ليلى مها وختها وبنت خالتها فتيحة وكريمة مريم نعيمة ومرت ولدها.. والحاجة هازة لوليد والظحكة فوجهها كانت الطبلة عاااامرة بانتلها أمال لابسة قفطان بيج موبرة مخيط بالذهبي وفوقو كاب فلبيج غير شافت هند ناضت كتجري)
مشااات لكرش ياك قوليلي مغنبقاش الكرش
أمال: (عنقتها كظحك) هههه لا باقيالي شوية وصافي
هند: توحشتك الكلبة فين مروان
أمال: ههه غتهبلوه مسكين كولها واش كيعيطلو
هند: ههه (سلمت أمال على ام هند للي جايبة كادو وزررت الولد وجداتها زرراتو حتى هي.. هند هازة لوليد كظحك وتشووف فيه وتهضرو وهو غير مخنزر)
يا ختي مجبتيهاش من بعيد غير باااه فتخنزييرتو شوية يبدا يربب علينا
أمال: ايييوا بعديلي من ولدي
الحاجة: واخا فيك اشنيولة (مشات عنقات الحاجة) فوكاش نهارك ابنتي
هند: (خبراتها حيت من ديما كتخاف من العين) قالو غدا ههه
الحاجة: نشاعالله ابنتي الله يعطيك الوݣفة الساااهلة
هند: اميييين الحاجة.. الا كانت بنت غنتناسب معاك اختي السيد راه بلجيكي قبل ميكون مغريبي
أمال: (بتعالي متبسمة) نفكر ههه (للي ظحك بالنية وللي ظحك بالفقسة وللي جاتو فشايرية دخلت سميرة لابسة مونطو كحل ولاوية شال كحل جايبها لكبير بالسيف عليها دخلت حااااقدة كفاش هي حازنة على مها وهوما هنا كيحتافلو وفرحانين حتى سلام مسلمتش جلست مطرفة.. بقات غير كتشوف فيها أمال حتى نغزتها هند وبقاو كيتعاودو حتى هند حست بنغيزات فظهرها صبرت ولكن كل 5 دقايق كتعاود حتى نزل منها ما داافي وجاها حريق واااعر غوتت كولشي ضاار عندها مخلوووع )
امال: مالكي
هند: غنولد غنولد (شافت فجداها وفنعيمة) طرطقتلي سقية
أمال: احااااي طلامط جدااد
هند: (بعصبية) ياااك لمك انا تنتوجع ونتي فطلامط
امال؛ هههه غير كنظحك معاك عيطوو على وليد ولا شوفو شكون كاين هنا يدييينا
ام هند: انا نوضي احبيبتي (امال معاوناها توقف خواولها طريق كولشي كيشوف للي مسوق راه بقات فيه ووناض معاها وللي معلابالوش راه جالس يد شاد بيها انتي واليد التانية شي حلوة..
خرجو معاها لبرااا أمال صونات على وليد للي سبقها لكلينيك بقات شادة فأمال للي عطات سوارت الحاجة وبعينيهم تقراااو ركبت معاها وحتى نعيمة ومشااو هند كتغوت ربي للي خلقها وأمال كتحاول تهدأها ونقرأ عليها القران… حتى وصلو كان وليد تماك.. دخلووها واخا سقية طرطقت الا الوالدة متحلتش بقات هكاك كتعاااني حتى بدات تحل شوية بشوية عياااوها غير بالتقلاب دازت ساعات داز زهير خدا أمال للدار باش ترضع ولدها حلباتلو جوج قراعي ورجعت مع زهير هند لحريق تمكن منها وجهدها قلال)
هند: (عينها كيتشقلبو) تنمووووووت
وليد: (خلعااتو وخرج عينيييه شاد فيدها والفرملية كتقلب)
…: تحلت غير 3 ديال صباع
وليد: وسمو نديرو دخلوها تولد سيزاريااان
هند: (بحرا كتقدر تهضر) لا لا (نصحووها تمشا والجهد والو ناضت كتكااابر غير باش متݣزرش عاودو قلبووها لما ديال لبيبي كينشف بقات كتبكي وحتى وليد طاحو دموعو وهو كيصبرها.. زادت تمشاات حتى دخل فيصل مشا عندها حاول يدير حركات وتبعومعاه حتى واحد مكان فعقلو جاب ليها بالون كتجلس فوقو للي قالها كديرو ووليد كيعاونها تكات وجات فرملية قلباتها وبقات الوالدة بدات كتحل)
…: دابا اختي حاولي دفعي (دخلت طبيبة وتكلفت بقات شادة فيدو وليد للي من نهار عرفو الحمل حلف ميكونش معاها فغرفة الولادة وها هو دابا بلا خااطرو خرج فيصل منين شاف استغراب من نظرات وليد للي عاد توݣض بقاو معاها وهي كتعصر وتغوت شرݣوها بمقص بلا متحس حيت غالب حريق لولادة حتى سمعو الغوت وهي فشلاات وركابيها مبقاتش تحس بيهم وريقها نشف ويدها كترعد مغمضة عينيييها)
…: تبارك الله بنووتة غزييولة فحال ماماها….
وليد: (داخ من داك منظر لمقص للي هزت طبيبة وداك دمايات شاف هند عرقانة بزاااف وسخفت حتى شنايفها بياااضو وعينيها كيتشقلبو… حنا عندها محس حتى باسها فجبهتها)
هند هند
هند: اممم بغيت بنتي (جات لفرملية وحطاتها ليها فوق صدرها صغييييورة شاف وليد فيها وتبسم رغم الصدمة للي كان فيها..
اما هي بحرا هزت راسها كطل عليها)
صوريني
وليد: فين اتصورك
هند: (بحرا كتهضر) عفااك (بقا سااكت صورتها لفرملية باستها فجبهتها بغا يهزها وليد ومخلاوهش حتى ينقيو لبنت.. خرجوه من باب اخر على ميسوانيوها وتغرز… بقات ديك الصورة فعينيه ولكن وجه بنتو جاتو ملاك نازلة من سما روووح كيجري فعرووقها دمو وجيناتو.. تبسم وهو كيشوف كولشي وااقف كيتسنى وحتى زهير)
نعيمة: كبقات هند
وليد: لباس الحمد الله (تبسم) هي و بنتي
ام هند: هه كانت حاسة مبرووك عليكم ولدي
وليد: الله يبارك فيك امداام (عنقااتو مو بلفرحة.. كمل مشا عنق زهير كانت حداه أمال بالفرحة كان غيعنقها)
زهير: بانلي ندحيك حدا مرتك تغرز
وليد: وسمو فيها راه ختي
زهير: انا للي ختك رواح عنݣ فية كيف بغيت هادي نحر مك (شاف فنعيمة للي كظحك جر راسها باسو) نحرو هو
نعيمة: ههه الله يدوم محبتكم
أمال: (حشمت بقات غير أحاي متأحااي.. بقاو كيهضرو مشاو كيتسناو فالشومبر للي مريزيرڤيا هند لحقت ليلى جابها لكبير.. شوية جابو هند لابسة بيجامة فلغوز ودايرة بانضة ومقادة وجهها وليد وتصدم عاد كانت لموت داخلة ليها كدااارت عارف هند كتهتم بالمظهر ديالها بزاف لدرجة شرات بيجامة فلغوز وبيجامة فالشيبي غير باش تكون هي هاديك…. ولكن باش تقاد هاكا راه عاد شافها بينها وبين الموت خطيييوة… كولشي تبعها وعاد جاية فرملية جارة النموسية ديال لبنيتة فلغووز تبسم شدها من عندها وتم جارها داخل بيها تحت ذكر اسم الله من عند الكل..
وصلها حدا هند للي متبسمة وباين من عينيها لعيا)
وليد: على سلامتك الآلة
هند: الله يسلمك (تبسمت) عطيهالي
وليد: (هزها بشوية)
هند: غير بشوية عليها
وليد: راه يانا للي مربي شيماا (طفات ابتسامتو للحظة ورجعت منين دارها فحضنو كيشوف عوينااتها باسها فحنكها وجبهتها قرب شنايفو لودنها وام هند كتصور.. ياله جا يهضر..)
زهير: موضي؟!!!
وليد: هههه وااا لبلا خليني عليك
زهير: غير ݣلت راه مدايزش ليك الا كنتي مموضييش
أمال: احاااي زوهييير
وليد: لا حول ولا قوه الا بالله العلي العظيم (رجع هز بنتو أذن عليها وهو ظااحك عطاها لموو للي فرحت بيها وهي عطاتها لام هند شداتها أمال باستها هي وليلى عطاتها لهند للي عاد وصلاتها النوبة شبعت فيها بوسان وغير كتشوف فيها بغات ترضعها خرج زهير جار أمال)
زهير: منجيبوش حتى حنا شي بنييتة
أمال: (خرجت عينها) راه الدم ومزال مصفيت منها
زهير: لا حتى تصفاي
أمال: (كتاخدو على قد عقلو) ومروان نحرموه من رضاعة حيت الا حملت مغنبقاش رضعو تبغي من دابا مسيكين نهلكو معييدتو بحليب الغبرة
زهير: (بقا كيشوف فيها وحرك راسو بأه بحال تقنع) ودابا شكون للي راه يرضعو
أمال: ههه غير 10 دقائق
زهير: أمال
أمال: وعفااك احبيبي
زهير: ااااح أبردييييي زعما مزال مماااا
أمال: (دخلت الشومبرة كظحك لقات هند كتبكي بلحريق وكولشي كيتعاون فيها باش ترضع…)
كولشي فرحان بزيادة ومنين كتجمع مريم وأمال وهند للي معندو صبر كيهرب من غوات لبز….
كولشي مجموع فدار وليد حيت هند خرجت من صبيطار عائلة وليد وزهير وحتى عائلة هند جاو..
أمال جالسة مع الحاجة كيهضرو فسمية للي غتكون غدا وسبوع للي من بعد…
شيماء: (غير الايام الي كانت كتمشي فيهم لصبيطار كانت كتحس بالنقص من دوك للي كيجيو مقادين هي مباغاش شي حااااجة ولكن على الاقل تكون لابسة شي حاجة مزيانة وهي مرتاحة فيها… عارفة العائلة مجموعة وخصوصا فتيحة للي خافت تسمع شي كلام للي يقلق مها أو خوها او باها…
دخل أشرف للدار كانت معصبة شافت فيدو ساشي كبيرة ووحدة صغيرة…)
أشرف: لبسي نمشيو لدار خوك.. (حط فوق الطبلة شنو جاب) لبسي مريم هادشي
شيماء: (حلت الساشي كانت لبسية وااو كسيوة مزينة بلعقيق ومونطو كارويات ديالها مع ليبة غليضة والسياسي التانية فيها صبيبيط وتواشي ديال شعر)
زوين هادشي بزاااف
أشرف: بنتي تلبس احسن مكااان
شيماء: (تبسمت وشافت فبنتها) بالصح.. (جلست) نتا تمشي مݣاد و حتى بنتي وانا!!!!!
أشرف: (بقا كيشوف فيها) طلبتي شي حاجة وحيدتها ليك
شيماء: ضروووري نطلب على الاقل خاصني غير فطياب للي كنجيب ليك ونجمع ليك
أشرف: (لعب بلسانو فوسط فمو… معرفش شي حاجة لداخل كيتسنا منها شي هضرة وكيلقى هضرة اخرى كيتعصب مباغيش يهبط كواريه باغي ديما يديرها هي الغالطة..)
لبسو دغيا الا بغيتي تمشي ولا غنجلس نتفرج فماتش
شيماء: (بعصبية) حيت ماشي خوك للي واالد معندك غراااض فشي مناسبات حيت مݣطووع من شجرة معندك للي يسول فيك ولا للي تفرحلو
أشرف: (رمش بعصبية) روحي لبسي الا فيك متمشي
شيماء: (طرطقت كتبكي) راه مبقيتش نرضى نمشي واخا غتموت ونمشي غدا أمال عندها سمية وعاد سبوع وخويا شوية ويدير سبوووع كنكون بحال شي خديديمة وسطهم محشمة براسي ومحشمة حتى بيهم
أشرف: علاه ناوية تمشي عند امال نعرفها دم سناانك
شيماء: (بقات كتشوف فيه وهي كتبكي) مغتنساش!!!!
أشرف: كولشي بيدك نتي…
(وقف ماشي للحمام وقف حداها)
عندي عائلة اشيما ماشي مݣطوع من شجرة حيت منايضش مع بطاطا بلرض
متعنايش بفاميلتك حيت جا نهار ولاحوووك وانا للي هزيييتك ودخلتك لداري دخلتك وانا متيقك للي كان فكرشك مني..
(مشا وخلاها سمعت التيليفون كيصوني كانت مها مجاوبتش جلست كتبكي وتحسر على راسها جا كيلبس مريم وكيشوف فيها)
لبسي ندوزو نشريلك غير بلعي من داك لبكا
(شافت حتى عيات خاص تمشي مشات لبست عباية ولوات شال عليها.. كملت لمريم هزت ليها دوزانها ركبت معاه داز للسونطر وقف قدام محال ديال لبيسات بلديين.. وهي غير كتشوف كان محال زوين خرجت خرجت هي هازة مريم شد عليها مريم مكيشوفش فيها)
دخلي هزي واش بغيتي
(ياله بغات تمشي شدها من ذراعها)
شي حاجة مقزبة ولا مزيرة حرام دين ما حتى نݣطعها على لحمك
(حركت رأسها باه ودخلت داااخت شحال مشافت ولا شرات ولا لبست شي حاجة مزيانة مها كتصوني بقات كدور عينها مشات لجلابة دو بياس مع العباية فلون خزي وفيه وريدات فلصفر ومجدول فالخصر حمقاتها عطاتها للي خدامة تماك دخل تقيسها وطلبت منها تجيب شال ستان للي يجي معاها وبلغة فلبيج منبتة لبستها كانت جاتها زوينة وهمة.. خرجو لابسها نيت شافت جهة لقفاطن خدات واحد فلݣرونة طالع موبرة مطروز بالذهبي ومنبت فجهة صدر والدين جاي على شكل بلوزة جزائرية.. حتى هو فيه مجدول خدات شال ليه سولت واش كاين قياس بنتها عطاوها قفطان جوهرة عجبها بزااف خدات ليها حتى هي مع شربيل فالذهبي وحتى لبنتها وشال مشاارجي بين لبيج والذهبي وصلت لاكيس كانو كيبيعو داكشي ديال بلاكيور خدات 3 براسليات وخاتم ديال زواج بقاو كيجمعو وهي كتخمم ردة فعل أشرف بقات لابسة ديك جليليبة طلت براسها شيرت لأشرف للي كيلعب مع بنتتو ومشات عند ديك لبنت للي فلاكيس وراتها لبياس للي دات مع دخل شاف شنو لابسة كيقلب على شي تعليق هزت مريم)
حم خلص راه خويا من ݣبيل وهو يصوني راه تعطلنا ويتسنانا غير حنا.. (خرجت حتى لعباية باش جات لاحتها تماك هزت غير لبنطوفة.. مشا لاكيس مقلبش غير تصدم من 5300 درهم.. رد لفلوس للي قال متفوتش 1000 درهم وجبد كارت ݣيشي خلص هز دوك الساشيااات خرج كانت كتهضر مع مها طريق كاملة كيضور راسو واش كملت باش يهضر والو حتى وصلو جا يهضر خرجت هااربة هازة بنتها وخرجت دخلت نيشان فرحانة بشنو لابسة واخيييييييييرا……)
شيماء: (دخلت نيشان فرحانة عند مها للي بانتلها مبدلة سلمت عليها وشوية دلفرحو تعكس على وجهها شدت نعيمة مريم كتعنق وتبوس فيها) فين هند
نعيمة: راها كترضع غيثة لفوق
شيماء: ههه صافي سماتها غيثة (كان وليد باغي يسميها خديجة ولكن هند خرجت فيه ومن غيثة مبغاتش تفاااك دار فيه باااه باش يخلي هند تسميها كيف بغات وهنا سناء تقرست علاش هي فرضو عليها اسم مصطفى وهند سمات على خااطرها… طلعت لقات أمال كترضع وحتى هند سلمت عليهم وشكرو فشنو لابسة وهي فرحااانة)
شيماء: دبا أمال ولدك يتناسب معايا ولا مع هند
أمال: ههه هو يختار
هند: (ميقت فيها) يختاااااار عندو الشرف بنتي تشوف فيه وتعطيه دقيقة من وقتو
أمال: حتى ميكونش ولد زهير (كتقلي ليها السم بحواجبها دخلت مريم سلمت على شيماء) فينهم ولادك
مريم؛ (كانت ضعاافت) تقهرت اختي تقهرت
هند: صراحة حسن عواانك ولكن محدهم كيكبرو ويعجبووك محمد تيعاونك؟!!!
مريم؛ كيعاون مسكين ولكن منين كيمشي للخدمة انا للي كنبقى محنة
أمال: معليش درك يكبرو غير صبري (جات نعيمة عندهم باش يهبطو يشربو اتاي هبطو لتحت كانت الدنيا عامرة جلست حدا الحاجة للي هازة ولدها ونااعس مهنياها بزااااف… حتى نطقت)
فتيحة؛ مبروووك العزبة اشيمااا بغيت نزرر ساعة ݣولي لبنت قربت تمشي تقرااا
شيماء: (حمارت وصفاارت وحمت الله مكيناش مها) لوااه قربت نروحها عرووسة
فتيحة: اوا وكان ماشي حضرنا لدشي مكناش نعرفو سمو مخبية علينا
شيماء: لااااا لا ممخبية واالو حيت عارفااك معندكش مع زيادة لبنات وكتكرهييهم ݣلنا بلا منصدعوووك عارفة لبنات كيعصبوووك
فتيحة؛ (خرجت عينها) الله يعطيك لعمى يا بنت لحراام منين جبتي هاد الهضرة
شيماء: ههه خلي غطانا مستور امرت عمي (جات ليلى حطات الصينية ناضت) افين ازيونات (سلمت عليها) لباس عليك
ليلى: الحمد لله احبيبتي هانا على مريوومة لغزييولة الله يحفظها ليك من العين
شيماء: اميييييين ويخلي ليك جااد ولبنيتات فينهم نحط مريااامة حداهم كتبغي تلعب معاهم
ليلى: سيري لبيت للي حدا لكوزينة حطبها تماك راه بنت خالي تراعي ليها
شيماء: لهلا يخطييييك اليلى ديما عندك الحلول (باستها) نتي راك حلوة نتي (ليلى فهماتها مشات شيماء كتعوج وظحك دازت من حدا صالون رجال واشرف كيضور فعينيه من ظحكها صوتها المسموع حطت مريم وفضلت تجلس فالكوزينة حداهم…
تعشات معاهم تماك وبداو يتفرقو مشات عند اشرف ترغبو تبات تماك مهضرش معاها هز بنتو مشا حطها فبلاصتها فالطموبيل هي ملقات غير تركب زاد بلا هضرة..
بقات كتشوف فسما للي كانت صافية ونجوم باينين حيت المنطقة للي ساكنين فيها بعيدة على الأضواء دالمدينة فرحت شوية هاد نهار حست براسها بدلت الجو شوية تبسمت وبقات ساااااهية…)
أشرف: (وصلو ماش يهز مريم دار عليها لكاشة ديالها حيت نعست اما هي مشات للكوفر هزت الساشيات ديالها كتفرنس سدت الكوفر لقاتو كيشوف مخنزر فيها جمعت الظحكة طرق الطموبيل وطلع فدروج وهي تابعاه.. وصلو دا نيشان مريم بلاصتها بالزربة خرج لقاها جاية كتشالي بدوك الساشيااات)
رواحي نتي
شيماء: ها!!! بلاتي نمشي نبدل لمريم لحوايج وليكوش راه يعذبوها فنعاس (تسلتت ودخلت جا يتبعها ووقفت حدا لباب)
حتى يانا غنبدل حوايجي (بقا واقف سدت لباب بشوية دارت لحوايج فلماريو بدلت لبنتها بشوية للي فاقت مكرهة بقات غير بكولون وتريكوه دخلت لفراش جرت بنتها كترضعها سمعت لباب تحل غمضت عينها مخلية بنتها كترضع لقاهم بجوج ناعسين ومرة مرة مريم كترضع.. تكره طفا الضو ومشا لبيتو…)
~~~~~~~~~~
أصبحنا وأصبح الملك لله…
زهير: (كان لابس جلابة مخزنية فالاخضر الملكي ولحكل مقاد الحالة وحداه أمال لابسة قفطان موبرة منبت وتقييل فالاخضر هازة ولدها للي لابس جليليبة بحال ديال زهير كيسمعو لفقيه كيدعي معاهم جات الحاجة زهير عنق بيد أمال ويد الحاجة.. لكبير هو للي ذبح الاول والتاني وتسما يوسف مروان.. دخلت أمال وزهير مشا يجمع مع صحابو وحبابو تغداو وجات القاعة باش تقاد حيت فالليل زهير عارض رجال والفقهة وجايب تريتور..
وصل الليل جا أشرف بكري باش يعاون الا بغاو شي حاجة وزوهير كما العادة كولشي كيخدمو سخرو شنو يجيب وأكد عليه يجيب مرتو للي حيح عليها على الظحك ديالها اما لحوايج مقدرش يهضر عليهم … لعيالات تجمعو فدار أمال للي كضور وتشوف كانت الكوزينة ديالها كيتعمر فيها غير اتاي وتستف فيها الحلوى للي عطاتها لشي مرا تقادهالها 7 شكال ربعة لوز و3 صابلي عاد الفقاص وغريبة.. اما الكعك والزميتة (سلو) فوق الطبلة مع الفاكية وتمر فتيحة كضور حتى هي فالدار طلعت لسطح متلاقا غير بشيماء للي مكتحملش تبقى هي وخواتات أنوار فطبلة وحدة)
فتيحة: سمو ديري هنا؟!!
شيماء: بففف عاود نتي امرت عمي قيليني عليك
فتيحة: منين جبتي ديك لبنت اشيما؟!
شيماء؛ من ط***
فتيحة: ماشي بنت حسن؟!!!
شيماء: (طرطقت عينها خافت تمشي عند حسن وتشوهها تݣولو بنتك ما بنتك وتزيد الخل كان عارفها متقوبة وزادت كانت حاملة سترها فاللول اما دابا الا عرف قضية لحمل يشوه عائلتها للي تماك.. ضارت عندها)
متبعدينيش ياك؟!!!!
فتيحة: من نهار تزاديتي عرفتك غدخلي لحرامي فكرشك هههه ظل مك تعنا بيك وتݣول لااااا بنتي وبنتي ههههه اوا شكون صدقت تربيتو انا ولا مك
شيماء: (عرفت غتسممها) نتي اكبر بنت الق*** عرفت فحياتي
فتيحة: هههه اييه ولكن مجبتش لحرامي فكرشي (خنزرت شيماء فيها والاعصاب كياكلووها جات ضايرة تمشي كان كرسي دالحديد مجموع (للي كيكونو فلعراسات) هزااتو وهي مخرجة عينها بغات تضربها الراس وفكرت فمريم مها خوها نعلت الشيطان حطاتو ضارت شافت نسخة للي طلت على القاعة شافت فشيماء وظحكت باستهزاء ماشية لجهة لباب تهبط رجعت شافت فيها)
الحمد لله للي مداكش ولدي واخا حتى هو غمس فيك كيف شبع هههه (جات شيماء جيهتها بعصبية فتيحة بغات تزرب تعكل صباطها فدريجة صغيرة وتكركبت مع درووج دارت غوت وحدة مع المقرأ والصونو مسمع حد…
شيماء تصدمت هبطت بشوية فداك ظلام جبدت تيليفونها دارت لبيت كتبانلها فتيحة ووججها على الدرجة وبقعة ديال الدم صغيرة خرجت عينها… تخطااتها فكرت وفكرت طفات لبيل بقاو 3 ديال الدرجات هبطتهم حلت لباب وهبطت للصالون فين جالس كولشي كترجف ومصطانعة ان شيئا لم يقع…
بقات شيماء جالسة بحال جالسة على الشوك مقادرة تجمع ولا حتى دير خاطر لبنتها ساااهية ومرفوووعة ميمكنش حتى شدت طريق الله وتمووت روح كما كانت خايبة ولا مزيانة على رقبتها ميمكنش شحال دارت قيام الليل باش ربي يسمح ليها وفالتالي ضييييع وعلامن على فتييحة!!! جاتها لبكية كفاش تصلح هادشي الا ماتت مشكلة والا بقات حية غتݣولهم شيماء سباب…
لمن تهضر ومعااامن تفكرت الا بقات هكاك ولقلوها مليوحة غينوض صداااع وفرحت أمال للي شحال وهي توجد غضييع راسها داااخ فكرت حتى عيااات ناضت توجهت لباب لقات محمد فالقنت مقرد فكرت وفكرت مشات حداه…
حم محمد
(وليد زهير واشرف ضاروو كيشوفو للي عطيل بظهر)
محمد: (وقف شاف فيها وهي حانية الراس شاف فراجلها للي مخرج عينو بحال شدها شنو كدير وليد جا من موراها) و!!!
شيماء: راه لݣيت مرت عمي فدروج طايحة (توترت.. شافت فيه) راه فدروج والدم
محمد: (خرج عينو) سمو راك تݣوولي؟!
وليد: سمو واقع اشيما؟!
شيماء: (بلعت ريقها شارت تشوف فخوها ولبكية فحلقها حيت غتلسق فيها ولكن ميمكنش تخليها تموت.. شافت أشرف عض على شنايفتو بعصبية حنات عينها) طاحت من دروج
(مشا محمد بالزربة تبعو وليد زهير حتى هو.. أشرف جاي بشوية جهة شيماء شدها فذرااعها وداارت يدها على وجهها كتحمي راسها حتى طرطقت بلبكى)
شيماء: (كتبكي) غيسبيو فية عااود كوولشي
أشرف: اش عندك هضرة مع داك محمد
شيماء: (دارت يديها على وجهها كتبكي وهو غير كيشوف)
أشرف: (الناس داخلين خارجين مبقاش كيف يدير معاها حدو جارها القنت فين كتبكي وكترعد)
مالك!!!!
محمد: (جاي طااير عند شيماء شدها من يدها ويدو عامرة دماياات)
سمووو وقع
أشرف: (جر محمد من ذراعو) متحاديهاااش
زهير: اييه اييه تكلماااو الفقهة والقراان للي راه يتسمع..
شيما واش طرا!!!
شيماء: (كتبكي بشهيق شافت وليد وادم ومحمد مشا يعاونهم) كنا فسطح هبطت من دروج وتعكلت وطااحت (كتشهق)
والله حتى تعكلت بوحدها والله ما يانا للي دفعتها
زهير: شششت أشرف دي مرتك للدار ولا تبغي تبقاي هنا!!!
شيماء: والله ما يانا
زهير: تقناك اختي
شيماء: (شافت فزهير وسكتت من لبكى مصدومة دغيا تاقوها شافت فأشرف حرك راسو بحال متخافيش)
والله ما يااانا
أشرف: جيبي مريم نديك للدار
زهير: حتى تعشا هنا مكاين للي يݣوولك شي حاجة (مشا رجع للقاعة حنات راسها ودخلت قلبت على هند مكيناش مشات لبيت أمال دقت قالولها دخل لقاتهم بجوج كيرضعو دخلت جلست وهي بدات تبكي)
هند: اويلي مالكي؟!!
شيماء: فتيحة طاحت من دروج وداوها لصبيطار بحال والو تموت (أمال تصدمت وهند بقات كتشوف) غيݣولو غير انا
أمال: واش نتي بالصح؟!
شيماء: والله اختي أمال ما انا منكرش كنت مكرهتش نديرلها شي حاجة ݣالتلي كلام كولو سم ولكن شديت راسي….
محمد: (كان واقف على أعصابو حتى خرج طبيب كانت غرزت فراسها وتفدعت من كتفها وشي طبايع ديال الطيحة.. هادشي للي قالو طبيب عارف شيماء مساهلاش ولكن مو كتر بقا غير سااكت ووليد كيشوف فيه)
وليد سير باش تبقى مع زهير
وليد: الا أمال ݣالت مطيحتهاش راه مطيحتهاش
محمد: حتى انا مݣلت والو غير سير مكانش علاش ضيع فرحت أمال (مجا فين يكملها حتى دخلت هي وزهير)
علاه جايين
زهير: كيبقات مك؟!
أمال: حم كيف بقات؟!
محمد: (قالهم شنو قالت طبيبة) دابا غير سيرو انا غنجلس معاها هاد الليلة أمال ها مريم تبقى معاك
أمال: واه ضرووري ياك كولشي مزيان؟!!!
محمد: كولشي مزيان غير رتاحي وسيري قابلي فرحتك (باسها فجبهتها وزهير غوبش عمرو منين عرفها مشاف شي واحد عنقها ولا باسها من غيرو.. طمر جات أمال حداه دار يدو على كتفها رجعو وحتى وليد رجع ادم بقا حداه…)
داز لعشا كاين للي قلب على فتيحة منهم كريمة ختها عيطلها محمد ݣال داها لطبيب حيت طاحلها طونسيو بقات حتى هي باتت فدار الحاجة شيماء داها أشرف للدار فجو سكات… وصلو دخلت غير ساااكتة شاف فقفطانها تتار يد محمد للي تحطت على ذرااعها وكان فيه الدم..
أشرف: مبانلك غير محمد للي تمشي تشكيلو انا مبنتش ليك
شيماء: (فافااها بهضرتو) ها!!!
أشرف: ها هو هي لاش ماشية عندو هو نيشان
شيماء: حيت خفت راه مو
اشرف؛ او من بعد ماشي حيت طالݣ ليك اللعب تبقاي تجمعي مع رجال وانا نشوف بعيني بحال لولية
شيماء: راه خفت واش مفهمتش راه خفت تلسݣها فية
أشرف: هضرتك متكونش مع رجال
شيماء: اما فين نهضر ونتا فين؟!!!
أشرف: انا للي يهمني نتي متهضريش مع رجال (بصوت عالي) ااااخر مرة نشووفك تهضري مع ولد عمك محمد ااااااخر مرة
شيماء: صافي صافي واخا مريم ناعسة مكاينش علاش نخلعوها
أشرف: هاني هضرت دخلي تنعسي ومتبقايش تفافااي مكاين للي يحاديييك… (مشا من حداها بقات كتشوف فيه دخلت لبيتها لقات عكس شنو توقعت تاقوها ومتلامتش شنو السر رتاااحت حيدت حوايجها جرت بنتها عندها عنقتها حتى نعست…
شعل بيل تيليفونو فيهم وطل عليهم من شق لباب كفاش ناعسين.. طفاه ومشا لبيتو نعس)
أمال: (من بعد جميع وعطي بعدا فين يبات ولكواش وللي تفرق كانت ناعسة فالحضن ديالو مسخسخة وهو كتر كيلعب بصبعو فكتفها) تخيل تموت
زهير؛ مك!!!
أمال: واه
زهير: نديرلها لݣنازة هنا محد القاعة موجودة والطيابات كاينين واايلي على زهر جوج فخيط متحتاج هز حط موالو حتى من الفقهة موجودين غير ݣولها توكل على الله
أمال: (هزت راسها شافت فيه مخرجة عينها) ولوااااه
زهير: ههه غير ظاحك الزين مك راه بحال المش عندها سبع رواح
أمال: زوهييير
زهير؛ هاني ساااكت
أمال: نتا شفتي فكاميرا ديال سطح شيماء بالصح مدفعتهاش
زهير: ولكن كانت غتعطيها بداك الكرسي حتى يطير خراها (بغات تنوض من عليه شدها كيظحك) ههه مك راها بخير نعسي باش غدا تفبقي مزيان ومصحصحة
أمال: ونتا غدا شنو دير؟!
زهير: غنوݣف فلباب للي عجبتني نخطبها تم تم
أمال: باش نفرعك
زهير: هههه بهاد شوي تفرعيني (كتبغي تنوض وكيشدها بالزز) مال دين شرك
أمال: مكيعجبنيش هاد الظحك
زهير: اوا نتي للي ݣلتي مسامحة
أمال: ونتا على سبة
زهير: واش للي عندو هاد لغزال مزال يدور وجهو لجهة أخرى (فرنست) باش تعجبيني دغيا تيقيني (جمعت الظحكة) ههه نعسي احبيبي راه يوسف ينوض ويحرمها عليك عاود (تكات دغيا نعست قادها فوسادتها ياله حلات ليه النعسة ناض ولدو ملقى غير هو ينوض يراري بيه شافو مابغاش يفيق عاد نوضها رضعاتو وهي ناعسة وزهير كيشوف فيها)
انا شي واحد يلعبلي فقل*** ونعس!!! والله منݣد
امال؛ (حلت عينها مخنزرة) زوهير
زهير: بكترة رضاعة غيمشي ليك الطاكتل من صدرك يااا محاينك!!! من تم كنت نديماريييك حوجي يانا نݣلب على قنت اخر نديماريك منو
أمال: (ظحكت وغمضت عينها تكا هو لايح يدو مدورها على كرشها حست بامان كبير راجلها وولدها ضايرين بيها بحال كل واحد محتاجها وميقدرش يستغنى عليها…)
أصبحنا وأصبح الملك لله…
أشرف: (ناض على دقان مجهد فلباب تخلع وقف مفزووع شاف فالساعة كانت 7 شاف فالسرجم مزال مشرقات الشمس… خرج من بيتو لقا شيماء واقفة حدا بيتها مخلوعة)
شيماء؛ شكون
أشرف: هاحنا غنشوفو (طل بعينو معرفش شكون هداك بعد وجهو عاود خبط بالجهد حل لباب معصب) يا *** مال ديل شرك على هاد الدقان
علي: فين ديك الق*** ديالك
أشرف: (خرج عينو) الق*** ديالي!!! (جرو من كول عنقو مدخلو بحال شي خنشة دقيق ودفعو مع الحيط قااجو جات شيماء كتجري)
شيماء: (شهقت) علي!!!!
أشرف: (ضار مخنزر فيها كانت لبست حوايجها ودارت درة… رجع شاف فيه) شكون دلكلب عاااود
علي: والله يا لكلبة وطرا شي حاجة لما حتى نذبحك
أشرف: (عاود خبطو مع الحيط مجنن) شكون نتا يا ولد **** للي جاي عندي برجليك
شيماء: (مصدومة منين عرف الدار) ولد عمي
علي: (شاف فراجلها) طلݣ اشماااتة ضاربين ما مكركبينها مع دروج وجايين مخبيين هنا
أشرف: (دخل فيه براس) عرف واش تݣول يا لكلب حرام دين تعاود تغلط فية تدفن مك ونتا واݣف
شيماء: (شدت فذراع اشرف) خلي زبل يمشي متوسخش يدك فيه
علي: تحل ليك لفم ابنت نعيمة حݣل حسن هرب منك كونتي جايبة ليه لحرامي فكرشك
أشرف: (محس حتى نعسو فالارض وبدأ عليه بلبونيات لاخر كيبغي يضرب حتى هو ولكن أشرف زرب عليه وحدة من مور وحدة فشلو فرݣع ليه نيفو وفمو بدمايات شيماء جات تجرو دفعها… موقفو غوات بنتو ضار شاف فشيماء للي ضربها بكوعو لفمها خلا شنافتها مجروحة… شاف فعلي للي مقادرش حتى يتحرك وقف من عليه يديه كانو مجروحين نفضها من دم علي)
خرج ت*** علية
شيماء: (هازة مريم كتراري بيها مخلوعة من هاد الموقف)
أشرف: (بجهالة حتى طار ريقو) تلݣععععععععععععععععععععععععععععد ق** من داري (حنا عندو) تعاود تجبد حس بنتي ولا مرتي على فمك فنح**** ر** نتا ومك
شيماء: (كتبكي) نعيط لوليد يجي
أشرف: (خبط كرسي حداه هرسو) ديري واش يريحك المهم دلبغل ميبقاش عندي (مشا للحمام كيحاول يهدأ أعصااابو.. شوية تفكر شيماء متبقاش حداه مشا دخلها لبيت هي وبنتو سد لباب وبقا فلكوزينة حيت الا رجع لعلي للي مكسل فالارض غيقتلووو….)
وليد: (كان جاي هو وادم وحتى نبيل معاهم.. وصلو طلعو بتلاتة ووليد كيقريهم يشدو أعصااابهم صوناو وهو يفتح أشرف ادم كان شافو ولكن نبيل أول مرة حيت كان جا هو وعلي ومحسابلوش غيجي هنا… شافو رجليه دخل وليد كيلقى علي مزال مكسل ووجهو ممفسرش شاف فأشرف)
سمو دار
أشرف: هز دلكلب ومرة خرا عاودها ودين ما لاخرج حي
نبيل: بريسلي مع راااسك ياكما حيت مجوج هادي صافي غنديروك حسن من ولد عمنا
أشرف: شكون دا عاود؟! (مقدرتش تواجه مع خوتها بقات فلبيت)
نبيل: خو مرتك ولا جواجكم نتوما كان غير بيناتكم
وليد: نبييييييل
نبيل: واش نضرݣو الشمش بالغربال شو كيف مكرفس على ولد عمنا وكيتهز علينا من لفوݣ
أشرف: انا معندي حتى مشكل معاكم
ادم: حنا عندنا حيت لدابا مصلحتي والو
أشرف: (هدا كيهضر بعقلو) للي بغيتو نديرو ولكن باش يجي دلكلب يتطاول على مرتي ويبغي يضربها فدارها ݣدام راجلها وحتى بنتي منقبلهاش
وليد: سمو ݣال!!!
نبيل: (بعصبية) واش نتا متيق دا ودا للي مليوح ممعبروش
وليد: انا راه جيت هنا باش راجل ختك ميتحبيش على هاد الرعوااني لكلب للي فينما كانت شي ولية يمشي بحݣر عليها (خنزر فعلي) مزال لمك عندك لوجه تحکر على لوليااات!!!
علي: (باغي غير ينوض مشاو عندو نبيل للي هوما صحاب بزاف كيعاونو)
ولد عمي ولبراني علية
وليد: ونوض ت*** ختي تعاود تجبدها على فمك نخرج فيك مناسيش واش دوزت على ختك وهند وحتى مريم دابا بانلك لبلان فشيماء
نبيل: سكت أوليد حسن
وليد: ايييه اخر مرة تهضر معايا هاااك (زقل رجل علي للي كيغوت بحال شي بنت) عاود وطااا هنا
ادم: (كيشوف غير فأشرف للي غضبان منو ومن ختو بزااااف)
أشرف: (حشم من نظرات ادم) ها شيما توجد لفطور
ادم: راه ݣلتلها داك نهار ختي دفنتها شحال هادي (كانت كتصنت بقات غير كتبكي..)
وليد: ادم زيد (خرج ادم علي جارو نبيل واحل فيه بقا وليد شاف فأشرف) ياكما حاداها؟!!
أشرف: باش نقتل مو
وليد: (حرك راسو باه وخرج ساد لباب من موراه) نبييل نبيييل (بعصبية) جيتو بجوووج نفهمكم حاجة شيمااا اخر مرة شي واحد يقييسها للي بغا يسمحلها يسمح للي مبغاش ميهضرش معاها
ادم: (كان عاودلو وليد شنو داز عليها واخا هكاك مقدرش يسمح ليها مخليها الوقت…)
علي: (غير كيتحلف تفكر نهار نعيمة كانت فسبوع محمد خرجت تهضر مع شيماء فالتيليفون تصنت عليها عرفها ماشية لعندها خلاها حتى داتها هند وتبعهم وعرف الدار….)
محمد: (على أعصابو منين لمو لكشكوشة جات طبيب قلبها كانت مزيانة ولكن غتبقى تحت عينييييهم…. جا عمو ونعيمة وكريمة حيت عرفو خبرهم بحالتها بقات كريمة معاها وهو مشا للدار يبدل عليه… كانت مريم بايتة مع أمال صونا على خالتو باش متقولش لمريم على حالة فتيحة ويضيع سبوع أمال..
صونا عليه وليد) أوليد
وليد: فيراك؟!!!
محمد: ياله وصلت لداري
وليد: مزيان راحنا تحت الدار خوك مشا يدير فيها صعصع عند شيما وراجلها وكلا سمو كان مكتبلووو
محمد: (بقا ساكت شحال) طلعو (قطع بقا حال لباب كيتسنى حتى طلعوه باقي بدماياتو وليد حلف لداه لدارو ولا شي صبيطار)
داك لفم وضسااارة غيديك لقبر
نبيل: (مفهم والو علاش كولشي ضدو واخا مسمعو منو والو.. ولكن ميقدرش يتغان قدام محمد حيت عندو عزييز بحال وليد.. دخلووه وهو كيتوجع)
وليد: هاني مشيت كيف بقات مرت عمي؟!
محمد: مزيااان الحمد لله کاع فلعشية تخرج
وليد: على سلامتها رااه شفت لكاميرا ديال سطح مع زهير راه بالصح شيما مدفعتهاش
محمد: وانا سولتك؟!
وليد: وا غير ݣلت اصاحبي
محمد: خلينا من داكشي أوليد وسير قضي شغلك (خرج وليد وادم ومحمد ضار سخسخ علي بالهضرة ودواه هو ونبيل ودخل لبيت ينعس وحتى محمد دخل يتكى شوية…)
~~~~~~~~~~~~
أمال: مّا…. وا مّا دخلي (دخلت سميرة شافت فيها أمال للي لابسة تكشيطة كراتها كانت خطيرة ساري حمر كولو منبت وتقييل لاوية شال عليها حيت عاد جات من لكووفورة مقادة مكياج وشعور وضاربة تعكيييرة ورواايح كانت كتلبس ذهبها)
سميرة!!!
سميرة؛ لابسة ومزيزة
أمال: (بابتسامة صفرا) فعوينااتك
سميرة: مݣلتلكش جيتي زينة
أمال: متحتاجيش (شافت فلمرايا وتبسم كتلبس نباالة) عارفة راسي
سميرة: (ظحكت باستهزاء) من لحمارة للطيارة هادي هي دياالك
أمال: الخايبة هي الا رجعت من الطيارة لحمارة… واقلة مشا الحال سيري بحرا تبدلي عليك
سميرة: فرحانة بموت ماما
أمال: فرحانة بزيادة ولدي (زهير على حسابهم مبغاش يجيب الغياطة خلا أمال دير فلعيالات ديجي)
شوفي اسميرة من التالي مكتبغيني مكنبغيك مفهمتش لاش جاية عندي دابا ونتي مكتحملي حتى الشوفة فية بقات فيك مك وتوحشتيها من حقك سيري لقبر زوريها
سميرة: كتعناااي درك يموت ليك شي حد عزيز عليك
أمال: فمك يلحسو كلب الحماارة ودابا خرجي من داااري
سميرة: كبرلك الشام ووليتي تکولي داري
أمال: غير الا كنتي باغا دخلي ضرة معايا هاديك حاجة اخرى
سميرة: معذر مك فيك
أمال: بصحتي والا معجبكش الحال نزيدك معاها فاالليستا
سميرة: (جات تهضر أمال ضارت لمرايا زولت الشال كتركب لحوالق) نهار اللول ݣلت درويشة
أمال: تأ بفففف مغتساليش مفهمتش شنو المعنى من هضراك معايا دابا انا درت معاك المزيان وݣلت ليك سيري تفوجي حسن مجالسة كتاكلي فراسك بووحدك.. انا وياك مجامعنا والو لاش هاد الكره كااامل
سميرة؛ وكان ماشي نتي ماما متمشيش ݣاع لديك فرنسا
أمال: لا حول ولا قوه الا بالله العلي العظيم شوفي اختي هداك سميتو قدر الله لا انا لا نتي غنعتارضو عليه تانيا.. عرفتي شنو ممسالياش (كملت شغلها كدندن حاضية بطرف عينها لوخرا للي غير مخنزرة مشات من تماك تبعتها بشوية ممأناهاش حتى هبطت لتحت فين كاين لعيالات)
أحاااااااي على طااسيلة نجاني الله منها….
داز سبوع ناضي أمال شطحت عرضت على الناس حست بقيمة كبيرة كبرت ورجعت كدير مناسبات وتعرض على الناس… هند نشطت حتى هي وجالسة مع نعيمة وماماها للي كل واحد كتفتي ريها كيفاش يدوز سبوع للي قررو هي وليد يكون كبير بالقاعة العمارية اللي مدارولهاش عرس غيعوضو ليها فسبوع..
الناس كلاو وشربو وداو حلوتهم معاهم وبداو فجميع واخا عيشة حلفت متجمع وحلفات حتى لعريسات الكاملة ميحطوش يدهم ولكن وجه الحاجة عزيز على بزااف كولها باش عاون أمال جايبة للي تغسل لماعن كملت صيفطات مع زهير للي جاب هوندا زرابي ديالها وديال الحاجة يتصبنو خلات ولدها معاها وݣفضت كتجمع الدنيا حتى هي مجات وقت العشا حتى ديور بجوج تجمعو بحال مدازت حتى شي مناسبة دخلت دوش لقات راسها صفات لبست حوايجها دخل زهير وهي كتنشف شعرها
زهير: لغزااال
أمال: عييت هاد نهار بزااااف؟!
زهير: عجبك الحال؟!!!
امال؛ (تبسمت) بزاااااف.. زهير ديك سميرة كتبانلي فشكل جات ݣبيل كتݣول ولاه نتوما كتشطحو وماما عاد ماتت وکالتلي نتي سباب
زهير: درك نهضر معاها خوي راسك منها
أمال: هي للي تخوي انا معلاباليش بيها ݣاااع
زهير: انا ندخل ندوش احبيبة الاوطان شي عشا سيري وجديهلي تابعني فياق بكري
أمال: واخا كبيدة
زهير: (ضرب ترمتها منين دازت من حداه) تکادو لقوادس ولا مزال
أمال: (ضارت عندو كتقاد شالها) اممم منعرف
زهير؛ نجي نݣلبك انا؟!!
أمال: هههه (خرجت كظحك اما هو دخل للدوش مشات لعند الحاجة لقاتهم كيتعشااو دخلت للكوزينة كتسخن لعشا ليها ولزهير دخلت عيشة مغوبشة) الله يسمعنا خير
عيشة: واشتاااا
أمال: والو اخالتي
عيشة: شتك كتخلي تربية لما وهي معندها جهد
أمال: انا دابا نهزو
عيشة: (مكتشدش ليها) هي دابا ومنين تكملي دوزي تجمعي الدنيا راه والله واحد لا جمع من موراك
أمال: واخا خالتي (مشات كتنݣر كملت تسخان.. مشات عند الحاجة عطاتها دواها وداتها لبيتها باش تهز ولدها خلاتها ترتاح بالسيف باش كطلقو ليها لواتو فكاشة ودازت من حدا عيشة وجماعة)
عيشة: فين تاني
أمال: ندي مروان لباه بغيتي شي حاجة (هزت حواجبها زعما غتتجمعي الدنيا) انا درك نجي (هبطت ولدها داتو للدار كان زهير جالس غير شافو جا عندها هزو يظحك ويلعب معاه)
زهير: نعست مّا
أمال: واه عطيتها دواها عاد جيت
زهير: مطليتش عليها الدار عامرة بزااف
أمال: واه باقية انا نمشي نجيب لعشا… (مشات كتحنقز دخلت للدار كانت عيشة فلبيت الدخلاني كتفرش لشي وحدين من العائلة بانت ليها ومشات للكوزينة دارت نصف دجاجة فكوكوط مع الدغميرة ديالو سدتها مزيان قرعة مونادا وجوج خبزات تحت بينوارها ضورت عينيها كولشي مشغول وللي كيهضر طلعت لسطح بالزربة كما العادة كرسي طلعت داك لحويط حطات ديك الماكلة فوقو حتى نقزت عاد هزتهم جبدت ساروت سطح للي كانت هزاتو معاها حلت وهبطت من بد مسداتو مشات للكوزينة عاودات تسخينة خفيفة حطت فطبسيل ودخلاتو لبيت لقات زهير كيراري بولدو حطو فوق النموسية عاطيه اللهاية وجلسو كيتعشاااو وتعاودلو شنو وقع فسبوووع مابغاش يحكى على موضوع مو للي بانلو نسااات راه مها فصبيطار… كملو داك داكشي للكوزينة غسلت لماعن لقاتو دخل لبلاصتو حاط ولدو على صدرو مشات غسلت فمها عاد جلست بلاصتها رضعت ولدها من بعد مبدلاتلو ونعس عاد ضارت نعست على صدرو معنقاااه…)
امال؛ زوهير
زهير: (فيه نعاس) اممم
أمال: نعست؟!!!
زهير: اممم
أمال: راه مبقاااتش فية
زهير: (حل عين وبقا ساد عين شد بيدو ترمتها وهي ظحك) ودسااها علية ابنت اللدينة….
أمال: عاد اليوم ههه والله…
زهير: (خورها حتى نقزت) كملتي 40 يوم احبيبي!!!
أمال: شي 36 يوم
زهير: اممم ونتي بغيتي ن**** بالعربية والتاعرااابت
أمال: (خرجت عينها بغات تنوض مقلقة) طلݣ من اززووهير
زهير: هههه جلسي لمك.. راه حبيبك انا عادي هاد الهضرة بيناتنا واخا نݣولو بغيتي نديرو سانديكا متحركة
أمال: بعدني
زهير: (باس راسها وبقا ساااكت مدخلها تناوي ماالو مناض دار والو ولكن بقا مشوش هو للي عرف وللي زاد تأكد منو مؤخرا فالدين خاص أمرا واخا تصفى خاص حتى تكمل الاربعين عاد ممكن راجلها يقيسها واخرين كيقولو لا حدها تصفى صافي… معرف ميدير واخا موحشها بزاااف الا شد راسو غمض عينييه…
بقات غير كضور عينها حاس بيها..)
حبيبي!!!!
أمال: امممم
زهير: ديريلي شي مسااج لضهري وعنݣي!!!
أمال: وااه (ناضت وهو تقلب على كرشو عراسو فظهروو وبقات كتماصي ليه حتى حست بيه تطلق وترخى… رجعاتلو حوايجو وتكات حداه ضار جبدها عندو بحال معنق شي وسادة ونعسوا…)
~~~~~~~~~~~
أشرف: (دق ودخل عندها لبيت مشا عند بنتها نيشان هزها وشاف فشيماء للي كطوي لماريو…) نديك لدار خوك؟!
شيماء: (دغيا ضارت عندو) بالصح!!!
أشرف: واه سبوع مبقالو واالو
شيماء: عائلة هند لباس عليييهم خاصني بزااف دلحوايج
أشرف: دوك لحوايج للي شريتي داك نهار!!!!
شيماء: صافي بلا منمشي نبقى محشمة براسي تماك حتى لنهار سبوع ونمشي بحال بحال لمعروضين راه ماما ضورات معايا نكري شي تكشيطة
أشرف: (خسر كمارتو) وااااشتااااا!!!
شيماء: (كضور عينها عاطياه بظهر) ما فيا للي يتحااشم
أشرف: (بعصبية) شحااال خاصك ددراهم دابا نحطهم لك وهاد الهضرة كوليها والله يا دين شرك وتعاودي تݣوليها هاد لخرطي للي ݣلتي دابا حتى نشرݣ لمك داك لفم…
(حط بنتو وخرج معصب… شقلبت عينها وتبسمت صومات عليها هند باش تجي علماتها باش غتجي…)
~~~~~~~~~~
محمد: ما كيف بقيتي؟؟؟؟
فتيحة: (عينيها حواالو بحريق الراس وسنتها لفوقانية تهرست وجنبها ليسر دوجهها كولو زرق وتفدعت من كتفها ورجلها ودارت غرزات فراسها وحدا جبهتها)
شيما للي دفعتني اولدي
محمد: يهديك الله اما راه شداتكم الكاميرا فسطح
فتيحة: ها!!! (بقات ساااكتة) ديني لدااري
محمد: غدا عاد تخرجي (وكلوها شوية خرج بقات معاها ختها وهو مشا للدار كيخمم فهاد مو للي مݣر فيها حزن ولا كبر ولا حتى بعدو هو مندمتش حتى على تعامل بنتها العالم كيكبر وكيدير عقلو الا هي وعاد كملتها باغيا تزوج بصاحب باه لي جا يخطب فيها وجرا عليييه… ماشي ضد لحلال ولكن كفاش هدا للي جا يخطب وكان صاحب باه الرووح بالروح… وهي باغيا عاااادي)
يتبع
التعليقات 0