أشرف: (جار مريم فبوسيت وشيماء دخلت لمحال كتبانلو بحال شي بنت صغيرة ملهووفة على لحوايج ضور عينو فمحال آخر كان مخرج ملابس داخلية سيكسي ليغوب دونوي بعد عينو) لاتفكرش… (تسناااها غير كطل براسو كيعرف خاصو يدخل يخلص.. ومنين كيشوفها خرجت متسناتوش يعني راه الثمن طااالع… مكيقلبش من موراها شنو شرات حيت حلفت ليه باغا تشري غير الضروري خلص جاب لميكات تمشات جارة البوسيت وصلت للمحال للي كان شاف)
شيماء: انا ندخل هنا
أشرف: سمعي ماشي حيت نشري ليك صافي راني طحت فيك هاد صواالح معندهم ميطيحو فية
شيماء: (بلعت ريقها) انا بغيت نشري شي حاجة معنديش وحيت صحاحيت شوية مبقاوش كيجيوني لقدام
أشرف: اممم (حرك راسو باش دخل… طل على بنتو ناعسة هز راسو واحد الدوبياس حمقو كاين تمااك… اما هي دخلت مكرهة واخا مبغاتش تبين شرات شي مكياج و3 دوبياس سامبل ديودورو سيروم شعر داكشي للي غتحتااج.. دخل هو خلص وهي خرجت طل لقاها مكيناش)
جمعلي داك دوبياس للي برا فلكحل.. واه داك للي فيه بينوار شبكة (مشا جمعو دارو بوحدو)
صافي دوزي نوصلك
شيماء: ديني للدار نبدا ونمشيو
أشرف: مجااكش الجوع
شيماء: (من نهار تزوجو عمرهم كلاو برا ولا تمشاو) فية
أشرف: رواحي نجلسو هنا (جلسو عند محلبة دخل خدا جوج زعزع ودموندا ليها كريب شكلاط وخرج جلس) شوفي هنا
شيماء: مشفت حتى فشي واحد
أشرف: منين تخرجي عينيك فلرض
شيماء: (سكتت حيت مافيها للي يدااابز.. بقاو ساكتين)
أشرف: 3 ايام بزااف انججلس 3 ايام كاملة بلا بنتي
شيماء: اجي للدار
أشرف: خوتك محاملنيش
شيماء: حتى انا محاملينيش
اشرف: (بقا ساكت) نبقى نجيبك بالليل
شيماء: عفاك ماما درت معاها نبات تم وحتى وليد
أشرف: وخوتك لوخرين؟!!
شيماء؛ (جاتها لبكية) راه تاافقو وداروني مت
أشرف: (شافت لقات ديك تفاحة آدم للي فحلقو كتحرك باين ممرتاحش… جات الطلبية ديالهم هي عجبها شنو طلب هزت معالقة كتاكل وهو حاضيها بطرف عينو حتى شافها لحست معالقة للي بقا فيها الشكلاط)
واش ار** راكي ديري
شيماء: ماالك
أشرف: (مخرج عينو) كولي مݣاد ولا روحو ن*** منهنا
شيماء: (مفهمتش مالو بقات كتاكل وهي حاضية راسها مقدرتش تكمل الكأس للي كان بلان بالفواكه والمكسرات عسل املو عصير افوكادو شكلاط كريم شونتي اما هو كمل كاسو غير كملو ناضو خلص ومشاو فحالهم طلعت للدار تفكرت معندهاش شانطة خرجت عندو عطاها باليزة صغيرة عمرت غير لحوايج جداد كولشي جديد من أكبر حاجة لأستيك ديال شعر دارت داك لبلاكيور للي شرات قفاطن للي خدات داك نهار جمعت حوايج بنتها للي كان دموندا ليها كتر من 2000 درهم من برا وجاو خرجت هز لباليزات وهي هزت بنتها وهبطو… كما العادة سكات سيد الموقف.. وصلو لتماك كان ادم وبباها برا واقفين حدا طموبيلتهم تكوانسات معرفت شنو دير أشرف خرج من تماك قال السلام للي رد عليه غير باها ولاخر قلب وجهو مرضاش ولكن طمر.. مشا للكوفر خرج لحوايج لقاهم ركبو وزادو فطريق زفر كولشي بسبابوووو… خرجت هي حس بيها مقروووسة… هزت بنتها وتبعاتو لباب محلول خرجت نعيمة بابتسامتها تعرضت ليهم وهزت لبنت)
أشرف: حم شيماااا رواحي (مشات عندو جبد فلوس من جيبو وعطاهم ليها وهو كيشوف فيها) عيطيلي نديك الا مݣديتيش تݣلسي
شيماء: (شدت لفلوس شافت فيهم وحركت راسها باه) شكرا.. (هزت عينها فيه) شكرا على كولشي ديال هاد نهار
أشرف: (بقا غير كيشوف فيهم ونعيمة كتشوف) حم ياله دخلي.. نعرف دين شرك خرجتي من هن
شيماء: (قبل ميكمل) لا معندي فين نمشي (مشات عند مها اما هو رجع باس بنتو وباس راس نعيمة ومشا واخا عيات تشدو باش يجلس يتعشى…)
أمال: مّا وااااا مّا (طلت عليها عيشة حيت كانت كتعيط تحت دروج جاتها الظحكة) حم خالتي عيشة واش مكيناش مّا
عيشة: هربتي لبارح وخليتي روينة لعباد الله يجمعوها!!!!!
امال: انا بغيت رجع وزهير مابغاش
عيشة؛ زوهير!!!! زهير ولا نتي معندك دراع للي تݣفضيييهم وتجمعي روينتك
أمال: لااا دابا اخالتي (مشات وخلاتها) هههه يخويلك جناب تفو تهنيت من فتيحة طلعتلي الكاملة تهنيت من الكاملة جات عيشة.. مّا وااااا مّا
الحاجة: أمال طلعي ابنتي مالك تعيطي من لتحت
أمال: الا طلعت مغتخلينيش خالتي عيشة نمشي
الحاجة: طلعي طلعي
أمال: انا نمشي عند هند
الحاجة: وحدك؟؟!
أمال: محد ظلام مزال مهبط نمشي دغيا راه غير فالدورة
الحاجة: لبس ونجي ومعاك متمشيش وحدك
أمال: وااا غير هنا امّا نوصل ونصوني عليك
الحاجة: واخا بنتي سيري ياك ݣلتيها لداك لمݣنوي
أمال: واه (شيراتلها باي باي) بسلامة (جرت لبوسيت وبقات ماشية كانت طريق خاوية مسافة 500 متر فضلت تمشي فلݣودروون على حساب روايض ديال لبوسيت.. حست بشي طموبيل من موراها ضارت لقات ميرسيدس فالكحل خرجت من طريق باش دوز مدازتش بلعكس عاد تقادات معاها بحال متمشيين بجوج.. خافت وبقات كتزرب والو كتلقاها فنفس الريتم ديالها…)
أمال: معرفتش اختي اصلا مكنعرفش كفاش داكشي ديالكم
شيماء: هو شاف كولشي للي كنت كندير
أمال: امممم مااااا منعرف اختي (مابغاتش تدخل معاها فهادشي) للي كنعرف ديري نيتك وربي ميخيبكش
شيماء: ونعمة بالله….
أمال: امم ياله نشوفو ديك لهبيلة (طلعو لقاو هند دايرة لابراي باش تحلب لولدها للي مابغاش يشد يرضع.. وهي عندها حليب قليل… وفنفس الوقت جالسة دايرة ماسك فوجهها وكتبرد ظفار رجليها)
يا ختي كتعجبني راسك مدوزيهش
هند: وشكون يقادلي راسي الا مقادينش انا جلسو جلسو وطليو راسكم (هبطت أمال وشيماء بجرا لسقو فنعيمة لبز وطلعو كيتسابقو فدروج مخليين لبنات كيتبجقو فيهم داز الليل هكاك تحط لعشا للي فارقو رجال ولبنات وكاين تشاحن حيت رجال عائلة هند اوووبن بزااف عكس لوخرين مبغاوش داك خيطي بيكي والظحك الباخص وليد تحط فالنص باه كيخنزر فيه وهو مكيلقى ميدير حيت مجااتش يفرض على شي واحد شي حاجة وهو فداارو… مفكها غير باها للي فهم نظرات اب وليد وطرح فكرة يدهم يباتو فسعيدية والغد ليه يجيبهم… جا زهير خدا أمال للي تناسات موضوع الطموبيل شافتو ماشي هو هداك مسولاتوش افتراضات ظغط الخدمة نعسات ولدها حتى لعشا مبغاش يتعشاااه)
أمال: زهير ماااالك
زهير: والو (جلس وشعل التلفازة)
أمال: متعشاش ميمكنش؟!!! واش واكل برا.. (حرك راسو بلا) نصاوبلك شي حاجة؟!!! زوهييير
زهير: (بعصبية) يااا صافي ار*** ݣلتلك لا هي لا لاش طرزي فالهضرة
أمال: (صدمها بقات غير كتشوف وهو ضار كيشوف دخلت للدوش وهو بقا صااااقر…)
زهير: (دق فلباب) حلي أمل
أمال: (بقات غير صاااقرة كتفكر شنو دارت باش يتعصب مدارت واالو)
زهير: حلي أمل
أمال: (حلت لباب بغات تخرج وشدها من ذراعها بجوج)
زهير: (جرها عنقها) متقلقييش روحك احبيبي غيير معصب شوية مع الخدمة
أمال: (حركت راسها باه) واش شي مشكل
زهير: لا… (شد وجهها بيدو كيشوف فيها) مكاين حتى شي بروبليم (باسها فجبهتها) سيري ترتاحي نتي
أمال: ونتا؟!! نمشي نديرلك غير شي حاجة تاكلها
زهير: (خلاها على خاطرها) واخا حبيبي (مخرجتش من دارها هبطت لتلاجتها جبدت افوكادو طحناتها مع البنان ولفريز والحليب وزوقاتو بمكسرات مهرشمين وفطبيسيل حطاتو حلوى ديال عقدة اللوز طلعت عندو لقاتو كيدوش وجداتلو شنو يلبس خرج لبس حوايجو شاف فالعصير وتبسم)
الزين راني شاد راسي بالسيف عليك حتى تكملي 40 ماشي تفهمي غلاط وتݣولي راجلي مناضلووش
أمال: أحاااااااي
زهير: نجبد نوريك؟!!
أمال: تأ اووف زوهير واش متحشمش
زهير: (قوس عينو فيها وهو كيمسح شعرو بفووطة) غير باش ترتاحي
أمال: (بغات تهرب ليها الظحكة) انا راه براسي مبغيااااش
زهير: واااااه تقتك
امال: زوهير تأ احاااااي بنااقص نمشي نعس (دخلت لفراشها بقا هو كيتفرج كياكل ويشرب العصير وهي مكونيكطيا مع هند حتى جا حداها حيدلها التليفون وجرها لعندو متكيها عليه حتى نعسووو….)
هند: (لبسات قفطان جوهرة منبت ودارت كاب من فوقها حلفلها وليد دارت شال عاد خرجت حضرت لذبيحة ديال بنتها وللي سماتها غيثة كانو الاقارب لي حاضرين منهم دار زهير كاملين من غير بشرى… بقاو رجال مع ذبيحة للي دبحو جوج حوالة اخرين على حساب سبوع.. دخلو لعيالات شيماء يد بيد معاهم وهادشي عجب نعيمة ماشي على ود شقا ولكن مبقاتش أنانية وكتفكر غير فراسها… قادو الضوارة على الطريقة الوجدية وعلى الطريقة الفاسية بقات شيماء كتجمع باش يتحط لغدا شافت جيهان ونزهة كيتغامزو عليها..)
شيماء: شي حاجة!!!!
جيهان: لا واالو احبيبة غير بقيتي فينا واش بالصح واش سمعنا
شيماء: (كتعيبها) وشنو عرفتي انا واش سمعتي
جيهان: مكرفسة فجواجك مع صاحب خطيبك اللول
شيماء؛ مكرفسة ولا لا الموهيم عايشة فداري وحدي ممحكومش علية نوض نترس على عيباد الله ونكون خديديمة حياتي كااملة
الحاجة: (صدمتها ياله كانت بغات دور فلوخربن ساعة معطلاتهمش) نعلو الشيطان أبناتي
شيماء: الشيطان هو بنادم الحاجة كتعيااي موقراه ويجي يوسوس عليك بنادم كاموني ولفو يسمعو الهضرة على ݣلبهم (مشات من تماك حيت بداو كينݣرو ومبغاتش تنوض صدااع… تغداو الناس
مكتحاولش صور بساحة رجال فين كاين باها وخوتها… كملو وداز نهار عادي فتوجيدات الغد ليه مع سبوع…)
~~~~~~~~~~~
امال: (كتشوف زهير واقف محيح معاه خوه وولادو.. عيات ترخي ودنها تسمع واالو شافتو جاي تخبعت ومشات كتجري لبيتها وهزت ولدها كتراري بيه سمعت خطواتو فدرووج طلع تبسمت ودخل متبسم بحال ماشي هو للي كان كيتغاوت)
زهير: متݣوليش رݣد؟!
أمال: لا بااقي عرفتي مسيكين مخليتوش ينعس لعشية كاملة باش نݣادلو نعاس فالليل
زهير: (هزو عليها) حسن باش متبقايش معذبة حتى نتي… (بقا كيلعب معاه وساااهي دخلت الحمام رجعت لقاتو كيبدلو ليكووش حطاتلو حويجات بدلاتلو وعطاتو كيرضع حتى شبع ونعس قداتو فنموسيتو وطلقت ليزار عليه مجات فين دووور وتغطي صدرها حتى شدها زهير منها)
أمال: ااااي (صدمها منين حط فمو تماك بغات تهرب وشدها) احااااي شكديير!!!
زهير: اممم فشكل حلووو
أمال: ههه واش هبيل راك غترجع ولدي
زهير: هههه شكون خرطها عليك؟!! (شد ذقنها) توحشتك موووووت
أمال: (فرنست كتذبل فعينها بقا كيبووسها حتى نساجمات معاه تفكرت ممقاداش المساائل) حم زوهير حتى لغدا
زهير: لعشية كملتي 40 يوم براااكة غير زدتك هاد سويعات
أمال: ههه راه مزال فية
زهير: (قوس عينو وهرب وجهو وهي كتشوف فيه محست حتى جبد لكولون عليها بسليبو كانت فيه بروطيج بيض حشمت) لكذوب لاش ابنت مّا
أمال: (متسرطتش ليها عاد داكشي مزغب) زوووهييييييير (كمل تحياد الكولون) صافي راك عصبتيني
زهير: (حيد سروالو) هانا حتى انا حيدتو ياله حيدي دوك ليدين واش أول مرة أموول ولا واش!!! (مكيخليلها فين تهرب رجع كيبوس ويرطب فيها كتر من ساعة حتى حس بيها ترخات معاها وخدا شنو بغا.. شاف فيها ودموع فعينيها)
بحالا تعدمتي احبيبي!!!
أمال: (غضبانة منو حيت منين تعدمت ݣاع مسولها)
زهير: (رجع باسها وهو كيرد أنفااسو) دابا تولفي احبيبي….
هند: (صبحت دات معاها شيماء الكوافيرة توجد راسها زوهير حتى لحق ليهم أمال…) على سلامتك الشيخة عاااد!!!!
شيماء؛ (كانت صبغات شعرها بكاجو وقطعاتو وكتقاد فلميكاب…) خليني ولدك مع الحاجة
أمال: واه بحرا كملت (حيدت عبايتها وجلست فكرسي موالفين هاد لكوافورة) راااوية ختي بغيت ندير لاسيغ طوطال
هند: هاي هاي هاي الجديد هدا؟!!
أمال: (غوبشت محملتش ليلة دلبارح موالفة ديما كتكون مقادة مع زهير ولا كيكون نايض شوية خفيف ومنين ولدت بقات بالرازوار ومنين هجم عليها كان نايض كيدݣ) اودي
هند: غتقلدي حتى نتي
أمال: ضروري ولكن ميكونش معيق
هند: بحال ديما (كولها كملت شغلها ظحكو على أمال للي غوتت بلحريق ولكن الفقسة وفكرت دير الليزر بدوك لفلوس للي جامعة.. خلات بنتها لبسااتها ام هند تكشيطة حتى هي فلبيض بحال ديالها مها للي خيطتها… سبقو للقاعة ووليد مشا يجيب لبنات… هند بدات مشيطة وميكاب ديال لعريسات كانت لابسة تكشيطة فالاخضر.. مع التاج والاكسسوارات دارت شال عليها خرجت حدا لباب تبسم كان لابس جلابة بالسوسدي فالخضر جاي تيتيز وصلها للطموبيل ركبت أمال وشيماء اللور.. حتى هوما لابسين حوايجهم دايرين ميكاب خفيف ومحجبات… بقا كيشوف فيها) التووووت جيتي تيتيز
وليد: ههه نتي للي قرطااااسة
أمال: (تشاوفات هي وشيماء بقاو كيفرنسو بحال ليهم كيقول هاد الهضرة)
شيماء: خويا الا بغيتو نمشيو حنا فتاكسي
وليد: ههه هي درك.. (هز يد هند باسها وتحركووو وصلو للقاعة الي جاية برا لمدينة شوية كيبانلهم زهير محيح بالرݣادة أمال خرجت عينها حيت قالها مشغول مصالحش نجي.. تحلفت فيه هبطو خرجو شي وحدين من العائلة ودوك لعيالات للي غيهزوها فالعمارية خرجت هند لاحت الشال منين خرجات المصورة بغات تخرج وهو يوقف ليها وليد مخلاهاش تخرج حتى دارت الشال للي كان فالذهبي وغير لاويااه عليها مابغاتش تغوبش على حساب تصاور شد فيدها خرجها… وتعلات صلا وسلام والزغاريت ودقايقية كيضربو ويغنيييو جلست هند فالعمارية للي كانت تموت وترمي فيها نسات حتى بنتها بالفرحة وتيقت انها عروس جديييدة وفرحانة براسها.. هزوها وهي كظحك ولبنات كيشطحو وحتى أمال كتصفق وتميل خصرها… وقف حداها زهير للي عيا يعيط حنا لودنها بتهديدات رومانسية بقات غير كتصفق رجع اللور حيت كانو لبنات كيلوزو ويشطحو دخل وليد قدام هند للي غير دخلت لقاعة زولت الشال وكولشي ناض كيصفق اصلا كانو غير لعيالات حشم كان مبتاسم وحاني راسو وصلو الكوشة فين شافت هند بلاصتها للي غتنقش فيها ولكن للي ضهشرها هو كان بحال جهاج ماشي كتير ولكن كانو بيجامات روائح صيكان جلابة طاالعة مع كولشي ديالها وعاد فطبلة مزوقة ومشيكة فيها ذهب.. معرفت تجمع فمها للي وصل لودنيها ولا لبكية دالفرحة… شافت نعيمة هازة بنتها ولاوياها فكويشة فالابيض والذهبي وكتشطح بقات كدير باي باي وقف وليد حدا مو وضارو بهند فالقاعة عاد جاو حطوها حداه مشا عاونها توقف والمصورة كتصور محست حتى عنقااتو بالفرحة ممسوقاش للناس اما هو تضهشر زربات عليه طبطب على ظهرها حيدت من عليه باسلها جبهتها وجلست عينيها مدمعين وباينة فرحانة… خرج من تماك وجات النقاشة كتنقش… اما هو خرج مزنݣ من تماك ومشا حدا دراري للي جالسين فقاعة صغيرة فيها غير رجال للي جايبين الغياطة…
أمال مشات باست ولدها للي لبساتو الحاجة لباس تقليدي حتى هو شطحت معاه شوية عاد مشات حتى هي نقشت صبع كما نقش كولشي بقات كتصور هند للي كتبوزا وفرحانة من هاد الكبرة للي دارلها وليد ومكانتش موقعها… كملت نقيش وبقات شوية كتمايل بلاصتها ام هند دات لبنت ترضع شوية من حليب فرماسيان لحقت هند بدلات التكشيطة ولبست للي كانت مخيطة بحال بنتها فالابيض والذهبي بدلت الاكسسوارات وخرجت هازة بنتها وفرحانة تصورت وليد دارلها خاطرها كان لابس كوستيم تصور معاهم ومع قلة من العائلة عاد خرج تحط لعشا تعشاو من بعد منشطو لعشية كاملة.. كاعد كل واحد مشا فحااالو….)
أشرف: (داز عند شيماء فالليل خرج عندو وليد للي غالبة عليه الفرحة حيت واخا ميبنيش كما لبنت كتفرح فعرسها هاكا حتى وليد حس… ومكرهتش وكان مكانتش هند نفيسة!! خرج عندو لقاه حدا الدار)
دخل
أشرف: بلاش
وليد: ݣبيل دغيا مشيت مجلستش بزاااف
أشرف: (كان سمع هضرة معجباتوش حتى من خوت أنوار ومبغاش يدير صدااع) غير عيطولي درت ولد جديد فالمحال التاني زباله كيعرف الأثمنة
وليد: دخل (بزز عليه دخل كان كولشي مجموع على كاس اتاي كيعاودو على سبوع وعند مقدااها فرحة قال السلام ودخل حدا رجال) با أشرف راجل شيما جا
احمد: مرحبا دخل (أول مرة يرحب بيه.. دخل جلس فالقنت محس غير بشيماء جايبة كاس اتاي وطبيسيل فيه حلاوي مداتو لوليد ومشات بقا متبعها وباها غير كيشوف داكشي للي حاولات نعيمة تخليه يركز عليه) كيف تم ماشي مع الخدمة
أشرف: (تضهشر) الحمد لله اعمي
احمد: ݣالي وليد عندك محالات ديال التيليفون
أشرف: واه (تلف)
ادم: (حاااقد عليه وعلى هاد التعارف للي جاي من مور مبنتهم كبرات نورمال خاص هاد التعارف يكون فخطبتهم هاد الفكرة مابغاش يستوعبها… ولكن وجود باه للي خايف عليه ووليد للي كيحتارم كلمتو خلاه سااكت)
احمد: مزيان… الله يسخر
أشرف: اللهم امين الحاج حم خليتكم على خير (ناض من حداهم وليد عيط على شيماء شافها مهبطة باليزة من دروج مشا جابها هبطها كما العادة حتى السلام ما بيناتهمش..) تمسووو بالخير (خرج نيشان لطموبيلتو سلمت شيماء عليهم هزت بنتها لاوياها فكاشة ومشات عندو قداتها اللور وتم وليد جاي عندهم)
خاي وليد مبرووك عليكم مرة أخرى
وليد: الله يبارك فيك مزال نتعرضو فسبوع بنتكم (تبسم ابتسامة جانبية خلا أشرف كيشوف)
أشرف: واه ان شاء الله (بقا سااكت) واااه صراااحة ندييرو
وليد: ݣاد امورك مع واليدين مرتك (غمزو ودخل.. ركب شاف فشيماء للي كتفرج ففيديوهات سبوع غير طلع جمعات التيليفون حيت فيه بنات كيشطحو)
أشرف: (صاݣ سااكت 3 ايام مصوناتش عليه شاف بنتو غير نهار ذبيحة فصباح) 3 ايام موريتينيش بنتي
شيماء: حقا معنديش نمرتك
أشرف: (شاف فيها كيلعب بلسانو فوسط فمو) ونمرتمن عندك
شيماء: (مصطانعة الغباء) ماما وليد هند أمال (كتحسبهم ليه)
أشرف: (اصلا عندو ابليكاسيون عارف مصارن تيليفونها شنو فيهم) امم
شيماء: (تبسمت) عطيني نمرتك
أشرف: كضسري علية!!!
شيماء: (تبسمت حيت نهار طلبلها النمرة أول مرة تشاوفوو هاكا جوباتو) الا بغيتي زعما
أشرف: نفكر (ظحكو بجوووج) حتى نوصلو للدار….
شيماء: (دخلت لبيتها مدخلة بنتها ناعسة فيها حطاتها واشرف حط لباليزة حدا لكوافووز وجودهم فالدار زول إحساس الوحدة للي كان رجعو هاد 3 ايام للي بقا وحدو جلست كتجبد فصباع رجليها حيت عيات بشطيح ولمعاونة فشقا..)
ههه عييت ( زولت شالها كيبانلو شعرها مسبسب واللون مبدل جاي معاها عض على لسانو مقوس عينو)
أشرف: مشيتي للزيانة!!!!
شيماء: واه
أشرف: ݣلتلك متعتبيش دار خوك
شيماء: حيت مشيت مع لبنات كاملين خويا للي داني ومجاتش نݣولو لا اصلا من تم للقاعة نتا مكنتش؟!
أشرف: كنت
شيماء: ااااه مشفتكش
أشرف: علاش ݣلبتي علية
شيماء: لا ݣلت مغتجيش يمكن
أشرف: اممم نعسي نعسي (خرج من تماك مشا للكوزينة سااااهي حتى جات كانت لابسة كولون بتريكوه فلغوز وشعر مطلوق شافتو تبسمت معاه دازت من حداه وشم عطرها هزت قرعة دلما عمراتها وخرجت مخلياه غير كيشوف فيها وكيحنزز فيها من شعرها لرجليها.. اما هي غير وصلت لبيتها ظحكت شحاال ودخلت لبلاصتها مخلية لباب مفجج طفات الضو كيبانلها واقف كيطل واش نعست عاد مشا)
شيماء: اااا صبر علية…
~~~~~~~~~~
أصبحنا وأصبح الملك لله…
زهير: (فاق دخل دوش صلا الفجر للي مفاقلووش بكترة لعيا.. كانت أمال ناااعسة خلاها حيت عارفها غتكون سهرت مع ولدها وعاد لعيا ديال سبوع… خرج مشا لعند مو للي شحال مجمع معاها دخل كانت ليلى ولكبير كيفطرو معاها)
السلااااااام عليكم (داز سلم على بنت أنوار للي رجعت كتحبو ومتعلقة بزهير وحتى جاد ولد ليلى.. جلس مع لبقية مغوووبش)
لكبير: زهير صلي على نبي
زهير: عليه الصلاه والسلام ولكن باش نتقبل ديك الفاميلة توطى فالارض للي تقتل فيها بّا لا
الحاجة: ولدي كما نتا مكان بيدك والو حتى هوما مكان بيدهم والو وكانو صغاار
زهير: انا كنت صغير عبد الله وعبد الوافي كانو صغار ياك حضرو وشافو بعينهم واخا هكاك بقاو صحااب مع ولادو
لكبير: ولدي راه كما باهم قتل بانا راه مخرجش حي من هنا وعمنا الله يرحمو قتلو
زهير: خويا خليني نفطر تابعني صوالحي نقضييهم وداكشي ديالكم الله يسهل عليكم فيه الموهيم يانا مندخلش فحاجة مداخلاليييش لمجاااج ديالي
لكبير: راها بنت خوك ونتا مربي معاهم بحال خووتك مجااتش ولدهم يخطب بنتنا ونتا محااضرش هادي منقبلهاش منك
زهير؛ يااو واخا ينوض بّا من لقبر منحطش يدي مع يدهم شتي ياو دين مّا حرااام علية الا شي نهار سمحتلهم نتا عاارفني اخويا مسمحتش هي منسمحش
لكبير: (بعصبية) واش شفتي لبنت كيف ولات عندي بحال شي هبيلة والا ݣلتلها لا على هاد جواج دير فرووحها شي حاجة طلݣت وولادها داهم الراجل وحتى ميريكان مغترجع ليها حتى لعام الجاي جات لݣات مها ماتت وتدفنت الوقت للي بغات غير تجي تحضر لمها كانت فالحبس
زهير: (كيعض على شناافتو بعصبية هاد الهضرة كان ممكن تأثر فيه ولكن منين داخلة العائلة للي قتلت باه وباغيين يتناسبو معاهم لا دخلت من ودن وخرجت من ودن مشعرش حتى خلا خوه كيهضر هز سوارتو وخرج معصب واخا بقاو كيعيطو علييه…
ركب فطموبيلتو ونيشان للمحااال….)
فتيحة: (شادة الركنة وغير مغووبشة غير يبداو ولاد محمد يبكيو تبقى تغوت باش مريم تهزهم وتسكتهم واخا كتجيها صعيييبة ترضعهم بجوج فوقت واااحد)
سكتي علية هاد لخسااااارة
مريم: (نفاجرت) اااش بغيتي نديييرلهم نقتلهم باش ترتاحي
علي: (حتى هو شاد الركنة من بعد السلخة للي كلا من عند اشرف) تغوتي على ما يا لكلبة تحل ليك لفم
مريم: مكاينش الكلب ݣدك يا الجحش
علي: والله ومتسكتي حتى نوض نعطي لمك شي قتلة يا السلݣوووطة
مريم: (خرجت عينها بحرا كتنفس معصبة معصبة كانت الطبلة دلفطور مزال محطوطة قلبتها عليه ببرادها وزيتها وكونفيتير)
فتيحة: (تصدمت) ويييلي على بنت لحراااااام
مريم: (ضارت عندها معصبة) بعدي مني فرقيني عليك الله ياخد فيك الحق نتي وهاد السلݣووط ديال ولدك غير بديتو بأمال وبغيت تختموها بية (هزت ولادها للي زادو فحدة لبكى دخلت لبيتها وسدت عليها مسورتاه خايفة من أي ردة فعل ديالهم حيت مكتييييقش فيهم… حطت ولادها باغاهم غير يسكتو صحتها كترجع وعلى اعصااابها ضارت غوتت عليهم باش يسكتو وااالو عندهم 5 شهور مغيفهمو واالو جلست كتبغي غير تكالمي رااسها عطاات لواحد فيهم اللهاية وبغات ترضع التاني مابغاش يسكت ملقاات غير هزتهم بجوج رضعاتهم واخا لقات صعووبة الا غير باش يسكتو.. بغات غير تصوني على محمد ولكن يدها شادين لوليدات…
شي ربع ساعة ديال رضيع كملو منين ترخاااو حطيت لبنيتة عاد حطت لوليد حداها فوق النموسية مشات تهز تيليفونها من فوق لكوافوووز حتى سمعت الساقطة ديال لباب وصوت محمد عرفت سبقوووها واكيد قالو كولشي على هواااهم…
قربت للباب وحطت ودنها كتصنت مو كتبكي وخوه كيهضر وصوتو منخااافض اكيد باااطل تحط عليها وصوت محمد غااابر حتى سمعااتو كيعيط باسمها)
محمد: مريم مريم!!!!
مريم: نعام امحمد
محمد: خلي دلباب
مريم: لا منحلش هوما كذبو عليك متسمعهمش غير هوما
محمد: حلي باش نسمعك
مريم: (حلت وخرجت عندو) هوما راه حݣروني بزاااف امحمد (بقات كتبكي) انا تربية ديال ولادنا جاتني فتيحة وخالتي مكتبغيش تسمع حسهم ولا زݣاااهم فالدار خوك كيݣولي السلݣووطة واخا عمري آذيتو ولا سبيتو
محمد: (خرج عينو) سمو ݣال
مريم: (بشوية) السلݣووطة (شافتو ماشي لجهة خووه وهاد المرة مغتوقفووش… تبعااتو شافت فتيحة ناضت واقفة بيناتهم كتزاوݣ محمد للي باغي غير يوصل لعلي للي طلع فوق السداري هارب منو رمقاااتو بنظرات كولهم كره ممتحملوووش ومكتحملش تشووفو شافت راجلها للي معصب وباغي ياخد حقها ولكن ممكن يقتلو فلحظة غضب جراتو…)
غير جراتو مريم لبيت بقات فتيحة تبكي حتى دارت راسها سخفت جا علي حداها كيفيق فيها جا حتى محمد هزها حطها فوق السداري بدات كتفيق بلا حتى شي مجهود منو وهو غير كيشوووف ميمكنش يهز مو فهاد الحالة ويديها لدااارها ويخليها بوووحدها
محمد: تݣلع سير لتاوريرت
علي: كطردني اخويا
محمد: منين مقتلتكش راك بيخير خرج خرج قبل مندير شي حاجة نخلي ولادي يكبرو بلا باااهم
فتيحة: (كتلهت) مداااابززووش (بحرا كتهضر) متفاااارقوش راكم خوووت
محمد: خويا ميحتاارمش شراافي ويسبو من لفوق معندي مندييير بيه نوض تخرج
(ناض علي معصب لبس سبرديلتوو شاف فمريم للي كطل من لبيت صبعاااتو هز كرطاابو وخرج زادح لباب من موراااه… شاف فمو)
سمو خاااصك
فتيحة: (كتبكي) تحݣرت وانا فهاد لعمر تحݣرت
محمد: شكون حݣرك مريم!!!! مريم واخا نشوفها بعيني منتييقش نعلي الشيطان امّا انا للي غنݣاابلك هاد ليااام مزيان!!!!
~~~~~~~~~~~~
نعيمة: (حلت لباب لقات 2 بنات وراجل فيدهم ورد وللي فيدو كادو) سلام عليكم
فيصل: دار هند الادريسي
نعيمة: واه اولدي نتوما خدامين معاها؟!!
فيصل: اييه الآلة تنقدم ليك راسي دكتور فيصل ال بشار (مد يدو)
نعيمة: (باحراج حطت يدها فوق صدرها مشرفين ادكتور.. جمع يدو متبسم) دخلو مرحباااا بيكم (رحبت بيهم دخلو جلسو فالصاالة العصرية)
انا نطلع نعيط على هند حقا ان ام راجلها
فيصل: مشرفين لالة (طلعت وهو كيشوف فالدار للي كانت زوينة من لداخل وحتى من برا عكس شنو توقع وحتى عكوزتها بانت انسانة مثقفة ماشي أمية.. هبطت نعيمة متبسمة مستأذنة دخل للكوزينة.. شوية هبطت هند هازة بنتها ولابسة بيجامة فوقها عباية ولاوية شال..)
هند: مرحبا مرحباااا (رحبت بيهم شافو لبنوتة وحطو حداها جوج جوايات) شكرا عذبتو راااسكم
فرملية: (لمقربة منها) والله كنت باغا نحضر لسبوع ولكن الخدمة كانت مزيرة بزاااف
فيصل: كيف بقيتي؟!!!
هند: صاڤا الحمدلله يسول فيك الخير ادكتور
فيصل: نخلييوك ترتاحي (شاف نعيمة جايبة صينية ديال اتاي) عذبتي راسك الآلة
نعيمة: مرحبا بيكم (مشات لكوزينة وجابت بلاطو مشكل ديال الحلوى حطاتو)
هند: خالتي اجي جلسي حدانا… (جلست حداهم شدت لبنيتة وهند كتجمع مع لبنات دخل احمد وهند تصفار عارفة اعدى حاجة عندو هي يتخالطو رجال مع نسااا وأكترية الا مكانش محرم دياالك… وقفت)
حم عمي جيت كنقدم ليك دكتور فيصل خدام معايا نوض ادكتور جلس حدا عمي
فيصل: (مفهم والو مشا سلم عليه وجلس مفاتش 5 دقايق وقف بحجة غيرجعو للخدمة وغير جاو زيارة خفيفة لهند مشاو عاد رتاحت)
احمد: بنتي ياكما خاصك شي حاجة؟!!!
هند: لا عمي
احمد: نعيمة انا مشيت عند الحاج لكبير بغاني
نعيمة: علم الله اش كتخططو نتا وياااه
احمد: ههه (عرف قصدها مشا وبقاو نعيمة وهند حيت لبقية كولشي رجع فحاالو)
هند: (هزت دوك جوايات اللول كان مبلغ من عند شي 5 فرمليات وجوج طبيبات للي كتعامل معاهم هند صيفطولها زروور) خاصني نعرضهم
نعيمة: ضروووري
هند: (هزت التاني كان ديال فيصل حيت كاتب ليها بالشفاء العاجل ورجوعك للمصحة بالف خير ولكن مبلغ للي معاه كان كبير مقارنة بزرور ديال واحد من بعيد دارتهم فجيبها من بعد مهزت 500 درهم وعطاتها فنعيمة لي هي تحلف ولوخرا تحلف حتى شدتهم…)
أنوار: (هز يدو كيحاول يشووف كانت الشوفة فلوو مضببة ولكن مبقاتش الشاااشة كحلة ورجع شوية ديال الضو وعاد الالوان تبسم وقفت سميرة قدااامو)
سميرة: خويا واش راك تشوف فية؟!!!!
أنوار: (ضار متبع الصوت كيشوف ولكن فلوووو) لابسة لكحل
سميرة: ههه (فرحت) واااه ههه واش راك تشوفني (عمرو عينها بدموع)
أنوار: مممرااانيش نشوووف مليييح ولكن رجعت نشوف الضو
…: (فرح لانجازو) مع الوقت غتبدى تشوف مزيان (تكى راسو على لوسادة واخيرا من بعد عمليات وظغوطات نفسية وإرهاااق جسدي غيرجع يشوف) مخاصكش تجهد راسك
أنوار: (حرك راسو باه مرتااااح) اخييييرا غنعاود نشوف وجه ليلا… (نزلت دمعة حيت عمرو يعاود يشوف وجه دعاد ولا مو محس حتى غفا من تعب فكري وجسدي داااام لاكتر من 6 شهوور…)
~~~~~~~~
أمال: (عاد فهمت غضب زهير.. ولكن مقدرتش تدخل راسها فهادشي الا هو اصلا معاودش غي حيت مباغيهاش دخل فهاد المشاكل…
كانت اليوم الخطبة صغيرة بقات كتطل من لبالكو ديال دارها حيت هي بوحدها للي ممشاتش بامر من زهير… هو براسو منين مشا فصباح مرجعش للدار.. دخلو 2 طموبيلات لولة عاد لحقت ديك المرسيدس الكحلة هزت راسها كتشوف خرج منها واحد لابس كحل شوميز وسروال فلكحل تجمعو ديك العائلة للي شي وحدين هازين تقدية بقات متبعاهم باغيا تشوف غير وجه هداك للي ركب فيها الرعب داك نهار… ساعة دخلو للدار دغيا بقات غير كضور عينها واش هدا هو للي مكيحملش زهير وعاد لجيست للي دار معاها هدا داك نهار بيناتهم طااار ديال الدم والا قالت لزهير شنو وقعلها مع مول المرسيدس غيدير شي حاجة للي تخاف عليه… بقات بوحدها بدات شتا كطيح دخلت فحالها على حسب ولدها شعلت التلفازة بقات غير سااااهية… نعس ولدها حطاتو فبلاصتو وخرجت للصالة وطلت من لبالكو بصدفة شافت هاداك مول لمرسيديس واقف مع عبد الله كيكميو ويظحكو…
بقات كتشووف لاخر ضار وشاف فامال لاح لݣارو فجيهتها بقات كتشووف دخلو للدار مفهمتش شنو هادشي هزت تيليفونها للي صونا كان محمد جاوبااات عاودلها شنو وقع مع علي ومو حست بيه باغي يشكي سمعات ليه حتى كمل)
أمال: معليش اخويا مريم بنت الناس
محمد: لا إله إلا الله فين يوسف
أمال: نعس
محمد: زهير مزال مرجع؟!
أمال: مزال اخويا
محمد: الا خصاتك شي حاجة عيطيلي
أمال: واخا خويا (قطع اما هي بقات حااايرة غير مع هاد المشكل..)
زهير: (كان كمل الخدمة داز عند وليد لقاه سد المحال ديالو هو ومحمد ومشا فحالو ظحك حيت من نهار تزادت بنتو خاصو غير السبة باش يمشي… بقا كيشوف محملش يرجع للدار والا تصادف معاهم ميمكنش يشد راسو داز عند اشرف لقاه كيسد المحال)
صافي مروح!!!!
أشرف: واه حݣا الأمانة ديالك غدا تكون عندك
زهير: (حرك راسو باه) مزيان
أشرف: (بحيرة) واش باقي زعما ندير سبوع لبنتي
زهير: واه شحال عند بنتك دابا
أشرف: 9 شهور ونص
زهير: ودير سبووع فرح بيها وصفي لخوااطر الا حلات ليك العيشة مع مرتك
أشرف: (قاسو فالضبرة) تم فين بقات
زهير: صافي متعقدهاااش لبنت دخلت سوق راسها وكلاتها وضرݣت عليك كولشي ياااك لدابا مݣالت والو عليك مخلية صورتها خايبة ومخليااك نتا هو البطل اش بغيت كتر!!!
اشرف؛ (بقا ساااكت)
زهير: رووح لدااارك وطلݣها على مولانا (مشا من حداااه مباانلو غير محمد ومنها يسول على نسيبتو المكروهة.. صونا عليه هبط لتحت حيت مبقاش مشا للخدمة باش يحضي مو ويرخف تقل على مريم… مابغاش يطلع للفوق بقاو جالسين حدا طموبيلة زهير حتى بدا محمد كيعاود خصاايل مو للي مبغاش تهد)
جوج مك اصاااحبي
محمد: (طرطق عينو وشاف فيه مصدووم) سمو!!!
زهير: لمرا مزال فيها هاد الجهد كامل ومخليها هكاك الا كانت بغات تزووج ونتا خايف من الوحدانية زوج زمر الا اودي مك
محمد: (بقا كيشوف فيه حتى بقاو كيظحكو)
هي ولاو عندها لحفااد
زهير: سمع الا خرجتها من فمها غير زوجها حيت ربي حلل ليهم زواج فأي عمر ماشي نتا ولا شي حد للي يحدد للي بغا لحلال خليه يمشي ليه
محمد: (بقا ساااكت كيتصنت ليه جمعو شوية حتى بقات كتصوني أمال توادعو ومشا لداارو منين عرف ضياف الغير مرحب بيهم مشاااو.. دخل لدار مو للي حتى هي حزيييينة قال السلام سلم عليهم قلب على ولدو كان نعسااتو أمال فلبيت للي كينعسو فيه)
امال؛ نحط لعشا
زهير: ما فياااش
أمال: حتى انا متعشيش كنت نتسناااك (غمزاتو على حساب الحاجة للي بقا فيها زهير.. قبل يتعشى مهضرش فداك الموضووع حتى شربت الحاجة دواها ومشات تنعس زهير طلع لسطح وتبعاتو أمال من بعد مشافت ولدها لقاتو جااالس فكرسي تحت القزدير كيكمي وكيتصنت لشتا للي كطيح…)
زهير
زهير: (بقا ساكت شحال) اليوم حسيت بحال با ياله تقتل هاد نهار…
أمال: (جلست حداه وشدت فيدو معارفة متقول)
زهير: (ساهي) مفهمتش يانا كفاااه نساااو داك نهار للي يانا كنت صغير ومبغاااش داك الديكور يتنسى…!!!
(طرطق مخرج عينو كيتفكر داك نهار للي تقتل باه قدام عينو… محس غير أمال وقفت وعنقاااتو راسو فصدرها ولوا يدو عليها مزيرهم)
مفهمتش يانا هاد الناس فاش راهي يفكرووو…
لكبير: (كان خارج من دارو حتى شاف زوهير خارج من دار مو فصباح)
زوهييير زوهير
زهير: (منزااعج مشا لطموبيلتو نيشان حتى جا خوه وقف حدا السرحم.. نزل الزاج وهز راسو فيه)
لكبير: واشتا صاري ليك؟!!!
زهير: (ببرود) والو مزروب خاص نمشي للخدمة
لكبير: نعل الشيطان اولدي
زهير: انا خوك ماشي ولدك با راه مات ولبارح دخلتي للي قتلو لدارك
لكبير: (بقا فيه الحال..) دوك ولادو ولاد عمك باهم حتى هو خدا واش دار فبانا
زهير: اومزال معتابرهم من دمنا!!!
لكبير؛ زهير راك كدير فلولاد بنتي راهي ضيييع من يدي
زهير: وتنوض نتا تعطيها ابنادم غذاااار غدا ولا بعدو يصيفطوها فكفن عاود نوضو حتى حنا نبغيو حقها ونبقاو عايشين فالدم لاش دخلهم لدااارك اخويا
لكبير: (ملقى ميقول) سير لخدمتك اولدي دورك تكبر وتفهمني
زهير: عمري نفهمك (طلع الزاج ورجع ماشريال نيشان لعند وليد يدوز عندو ماشي وهو كينݣر… خرج عندو وجلس حداه وهو يتم دايز مول لمرسيديس)
وليد: هدا هو داك خونا
زهير: هو هدا الكلب
وليد: وعلاش كان قاني على الدار وشحال من مرة لݣيتو تم
زهير: معرفتش ومبغيتش نعرف (زاد فطريق مكره…)
~~~~~~~~~
بشرى: (جاوباتو) وي بيبي
حميد: متخرجيش؟!
بشرى: لا ما فيا للي يخرج واليوم داك الكلب غيصونيلي باش يوريني ولدي
حميد: اممم نبغي نشوفك فلعشية
بشرى: اممم نشووف بلاتي ونرد عليك (قطعت ودخل عندها عبد الله) شت بابا مشا يهضر مع داك لمݣنوي
عبد الله: خلينا منو.. ݣالتلك سميرة جاوبيها فالتيليفون
بشرى: منجاوب حد غتبدى علية فالهضرة لا ومتجوجيش داك وديك الهضرة دلوليل
عبد الله: جاوبيها راه بغات نوريك أنوار للي بدا يشوف شوية
سميرة: يمشي يموووت بسباابو ماما ماتت لاش داها تم (خرج من عندها حيت رجعت وحدة أخرى غير معصبة وكلمة جوج تبقى تغوت.. لبست حوايجها وهبطت تقلب على لفطور للي لقلت لبنات جمعو وبقات كتنݣر عليهم حتى حطووولها…
دخلت الحاجة)
مّا.. (ناضت باستلها راسها)
الحاجة: بنتي جيت نهضر معك
سميرة: بففف مّا دخلو سوق راسكم شوية حميد غتجوجو وغرجعو بجوج لميريكان
الحاجة: (تصدمت بقات غير كتشوف كلماتها لوخرا هزت كاس اتاي وملوية ومشات خرجت من الصالة…
دخلت جيهان)
جيهان: متديش عليها الحاجة راه هكا ولات
الحاجة: الله يهديها ابنتي
جيهان: حتى حنا مدوزاها علينا والله دايرانا خدماااتها ورجال يݣولو صبرو صبرووو معرفت لفين نصبرووو
الحاجة: درك نهضر مع لكبير ابنتي (بغات تنوض)
جيهان: جلسي امّا نحطلك غير كاس اتاي
الحاجة: لا ابنتي عاد فطرت مع أمال غير سيري بحرا تقضي شغاالك ابنتي (مشات الحاجة غير بشوية مكسورة الخاطر مالقات غير تمشي لجنان وجلست فكرسي تماك كتشوف والجرح للي تفتح لزهير حتى هي كان عندها نصيييب فيه…..)
أمال: (بقا فيها زهير بزااف خصوصا منعسش الليل كامل وغير كيزفر ويتقلب… ناضت جمعت الدار سيقتها وقدات لغدا عيطت على زهير يجي ومبغاش فكرت دير ليه لغدا وتوصلولو للخدمة وملقاتش كيفاش حتى من هند للي كانت كطير بيها حتى هي رجعت مشغولة مع بنتها… مكرهتش دير شي حاجة تخليه ينشط كيف كان دخلت الحاجة لي رجع وجهها كحل وباين عليها مضيووومة)
مّا مالكي؟!
الحاجة: (بحزن) والو وابنتي نمشي نتكى شوية
امال: تغداي بعدا
الحاجة: لا بنتي مافياااش بغيت غير نتكى
أمال: واش تشربي ام… (شافتها حنات الرأس ومشات لبيتها من نهار عرفتهم كانو ديما ناشطين أول مرة تشوف الحاجة وولدها بهاد الحزن… جلست وشافت فالتصويرة لكبيرة للي معلقة فالصالة ومكتوب فيها يا أيتها النفس المطمئنه ارجعي الى ربك راضيه مرضيه.. وكاينة تصويرة بيض وكحل ديال باااهم هي عمرها شاافتو ولكن هاد الحزن لكبير فيكون كان حنيييين.. تفكرت بااها للي مات علاش حتى هي مكتحزنش عليه هاكا… بقات جالسة حتى سمعت غوات ولدها مشات عندو رضعااتو وبقات شدااه.. طفات على الطاجين مشات لعند الحاجة لقاتها مغمضة عينيها مبغاتش تصدعها حدها ظلمت الدنيا عليها وردت لباب ومشات للصالة…)
~~~~~~~~~~~~~~
ليلى: (كما العادة رجعو هي وانوار عشران حيت يوميا صباح عشية ليل كيصوني على ليلى باش تعطيه بنتو للي على الاقل كيهضر معاها بسوايع.. صونا لقاتو حال عينيه للي حووومر)
شوية اليوم
أنوار: (دار نظاظر للي كانو تقريبا ݣاع الكاس باش بحرا يشووف وفنفس الوقت كيصححو ليه النظر شوية.. شافها بوضووح) دابا مزيان
ليلى: هههه ويلي على نظاظر ݣاع الكاس
أنوار: خلي داك جمل رااݣد اليلى
ليلى: ههه فين بشرى؟!
أنوار: خرجت مع شي صحابااتها كظل مسكينة محبوسة معايا
ليلى: مسكينة ومزال مدرتو فوكاش تجيوو
أنوار: شي سيمانة الا طولنا فين ليلا
ليلى: (مشات لبيت للي كتنعس فيه هي واحد ومقادينو ليهم.. طلت برويسها ورجعت خرجاتو) مزال ناعسين لبارح بحرا بغاو ينعسولي دارو يد فيد وحلفو مينعسو حتى يتفرجو فحلقة كاملة ديال ماشي
أنوار: (تبسم وبقا ساااكت تحرم من بزاااف ولكن القاسحة تحرم من بنتو مشافهاش كتكبر وهو فالحياة) سمحينا اختي ليلى
ليلى: وصافي خلينا من هاد لهضوور سير حتى تفيق ونصوني عليك
أنوار: خييرك عمرني نساااه
ليلى: وصااافي راك بحال خويا صغير…
شيماء: (كانت كتخمل الدار دخلت حتى لبيتو شافت لماريو مطوي مقااد معتارفة انه هو للي علمها التاويل والتنظيم بغات تسد لماريو بانتلها ساشي فلحمر جبدتها حلاتها كتلقى شوميز دونوي فالكحل طرطقت عينها تصدمت.. نيشان دماغها مشا انه كانت عندو وحدة فين مكانتش هي هاد 3 ايام… قلبها بقى كيضرب بالجهد جلست فوق النمووووسية كتحس بطعم الخياااانة للي كيكون قاااسح… رجعت شداتو بيدها للي كيرجفو وكتشوف فيه وكتخيل شكون هادي للي لبسااتو… سمعت الساروت بالزربة دارت داكشي فساشي ولاحتو فلمااريو خرجت من بيتو لقاتو كيهضر مع بنتو دخلت للكوزينة كتبزر فشلاضة…)
أشرف: واجد لغدا
شيماء: (بعصبية) ماشي خدامتك انا باش تهضر معايا هااك
اشرف: (باستغراب) واشتا!!!!
شيماء: (شافت فيه) شتي نتا ماشي را (شدت لسااانها وهو خرج عينو) حسن نطلݣو انا ويااااك لا نتا لا غييرك عندكم الحق ديرولي هاااك ربي هو للي خلقني هو للي يحاااسبني
اشرف: انا ماشي راجل!!!
شيماء: سمعتيها مني
أشرف: (كيقرب ليها بالخوف هزت لموووس دالخضرة ووقف كيشوف فيها مفااااهمش ماالها)
شيماء: بعدني أشرف مضربنييش (طاحو دموعها) والله وتقيسني حتى نذبح راسي
أشرف: (زرب شد لموس وبقا باارك على يدها مقرب ليها كتر كيشوف فعينيها مغوووبش) واش صاااري!!!
شيماء: شوف نتا (بحزن) شوف نتا شكون كتجيب لهنا منين مكنكونش
أشرف: (مفاهمش.. وغير كيزيد يقرب ليها حتى لسقت من الحيط) شكون!!!
شيماء: (حنات عينها) بنات
أشرف: فين شتيهم
شيماء: شفت شنو خلاو
أشرف: شنو خلاو (مرة عينيه فعينيها مرة فشنايفها)
شيماء: حوايجهم
أشرف: فينهم؟!
شيماء: (وترها كتر مكانت مخربقة) ماريوك
أشرف: اشمن بلاصة؟!
شيماء: (بلعت ريقها وشافت فيه كانو قرااب بزاااف شنايفها كياكلوووها باش تبووسو ولكن مانعة راسها شافت فعينييه ولووونهم للي بين عسلي فااتح مايل لخضورية) ها!!!
أشرف: (كيزيد يقرب ليها حتى رجع 2 سنتيم بين شنايفها وشفايفو) فين شتييهم
شيماء: (محست حتى غمضت عينها نسات الموضوع علاش كيهضرووو بحال استسلمت)
أشرف: (بقا كيشوف فيها وكان نفس احسااسو باغي يبووسها حتى حلت عينها ودفعاتو) مال دين شر مك هاد نهار!!!
شيماء: شكون هادي للي خلات وسخها عندي فالدار
أشرف: (شدها من ذرااعها لاح داك لموس معصب وجرها لبيتو طلقها حل داك لماريو معصب ونيشان جبد الساشي) هدا انا للي شاريه
شيماء: لمن؟!!
أشرف: شاريه لك** نهار كنزم* كنوض لبسو فالليل ونعس (لاحو فالارض) متلعبيش على صبري معاااك (خرج من لبيت ضورت عينها وهي تفرنس…)
أنوار: (شاف فلمرايا ودار دوك نظاظر للي داير جاوه كيظحكو تبسم.. زائد الضعف واللحية وشعر بحال ماشي أنوار للي وااقف زاد عرج وللي بدا يتقبل انه غيعيش عرج حياتو كااملة.. بقات فيه غير الطولة…
دخلت بشرى ختو تبسم) بشرى!!
بشرى: حبيبي شوية دابا!!!
أنوار: (ضار عندها) شديتك بزااااف معايا ابشرى
بشرى: هبيل!! واش انا نسمح فيك راك خويا صغييير
أنوار: راااجلك صبر بزاااف ههه
بشرى: محمد راك عاارفو قلبو بيض كان بغا يجي ولكن الخدمة
أنوار: عارفو مسكين انا للي كنت حمار وعمرني عطيتو وقت نعرفوو.. شتي سميرة واش دااارت انا مفهمتش ݣاع واش وقعلها فميريكان
بشرى: لقاها راجلها للي كان راجلها مع هاد خينا نيت حميد فشي قهوة مهم راك عارفهم بجوج معندهم عقل هضرة مني منك حتى تضاربو جمعووهم بتلاتة خرجو اوا ناضت سميرة مشات عند طليقها للدار بغات تدي ولدها وضااربو عيطلها لبوليس وتحبست 6 شهور
أنوار: واش من شغل عندها مع داك حميد منين كانت فالمغرب وهي مكتبغيش تفارق معاه مكفاهاش بسبتبو طلݣت ودابا دخلاتو صحة للدار وجالسة تهدد باّ تقتل راسها
بشرى: عييت معاها حتى مبقاتش كتبغي تجاوبني..
أنوار: معندك مديري بمشاكلها… (شافها كتجمع حوايجها) شحال باش ترجعي
بشرى: ماشي بزاف احبيبي شي شهر ونجي..
أنوار: حتى انا غنمشي حتى لمن بعد ورجع على شغااالي
بشرى: عفاك دير ليلونتي متبقاش بدوك نظاظر هههه
أنوار: ههه (تبسم) جيت على مزيناتي
بشرى: ههه واه هكاك ݣالووولك …
~~~~~~~~~~~~~~
زهير: (صونا على أمال كان العصر) وي حبيبة
أمال: كيف بقيت ازهير؟!
زهير: مليييح فين يوسف؟!
أمال: ياله نعس.. علاش متجيش تغدا حتى مّا مكلات والو
زهير: علاه ودواها؟!!
امال’ عييت فيها احبيبة اجي تاكلي والو شربت دواها ودخلت لبيتها بقات فية مسكيينة (بقا ساكت) متقلقش منها ازهير رااه حتى هي مسكينة محاس بيها غير للي خلقها
زهير: مݣلت والو… انا شوي ونكون عندكم
أمال: صافي مزيان انا نوجد لغدا باش نتغداو مجموعين… (مشات تفيق الحاجة كما خلاتها لقاتها جلست حداها ودارت يدها فوق يد الحاجة) مٌا… (باستغراب)
مّا!!
(تخطف قلبها دارت يدها حدا نيفها مكتحسش بيها كتنفس… بهستيرية غوتت)
مّااااااا وااا مّا…..
(تصدمت ميمكنش تمووت!!! بقات واقفة دايرة يدها على فمها ودموعها شلال..) ممممّا هء هء هء هء هء.. (بلغوات) مّااااااااااااااااااا…..
حميد: (كان خرج من الدار منيرڤي حتى هو نفس الموضوع معندك مدير ببنت لكبير للي كانو سباب فموت جدك.. جلس فطموبيلتو علاقة للي عندو مع سميرة كانت طويييلة سنييين كانو كيتبغاو مبغاوش يزوجوهم فاللول وهي تزوجت مشات لميريكان وحتى هو مشا لتماك خدم ورجع علاقتو معاها عاودااتلو شنو المشاكل للي عندو ومنهم أمال زوهير للي كانو سباب فموت مها للي مقدرتش حتى تحضر لجنازتها وبحبو لكبييير مبغاش يفلتها مرة أخرى من يدوو…
خرج كيصوني باش يتلاقااهاا وقف قدام الدار حتى كيبان ليه زهير باغي يدخل.. كيكرهوووو والكره متباادل بيناتهم)
زهير: (وقف بطموبيلتو مخنزر فيه) ق** علية من هنا
حميد: مواااقفش فأرضك
زهير: أرضي وهاد الارض كاااملة ديالي مرى اخرى نعاود نشوفك واݣف حدا باب أرضي غن*****…
(شاف فأمال جاية نصف شعرها مطلوق ولابسة بيجامة سروال بينوارو مفهمش خرج من الطموبيل معصب كتر)
مال دين شرك خا..
أمال: (كتجري عندو كتبكي) مّا مّا مااااتت
زهير: (تصدم بقا واااقف كيشوف وعينيه فلبلاصة تحجرو فيهم دمووع)
وااااش!!!
(بحرا كيتنفس محس حتى مشا كيجري بطريقة سرييييعة لدرجة عتر طاااح ورجع ناااض مقادرش حتى يتنفس اما هي بقات واقفة كتبكي وزربت رجعت للدار.. سمعت غوات زهير كيعيط ياله طااالعة وكتفكر كولشي زوين دوزت مع الحاجة حتى كتشوووفو هاازها مقاااتل معاها بغات تعاونو كان زرباان)
روووحي روووحي حلي الطموووبيل
أمال: (كتبكي) فين داايها
زهير: (بعصبية) روووووحيييي (مشات بالزربة تاالفة حتى غوت) ضرقي علية داااك شعر (ماالقات قداامها غير لبينوار دارتو على راسها ومشات كتجري حلاتبو لباب اللوراني دخل مو)
أمال: واش هي بيخير
زهير: (سد لباب على مو وهو شاف فيها)
حشوومة عليك تفشليني هاااك
(ركب وزاد مكسيري طااااير… بقات هي غير كتشووف وكطلب الله تكون غير مزال حية مشات كتجري لدار القات ولدها كيبكي ويغوت عطاتو كيرضع وهي كترجف غير شبع هزااتو ومشات عند ليلى قالتلها شنو كاااين حتى هي تخلعت على الحاجة عيطو لكبير)
أمال: ليلى الا مكنتيش تمشي نخلي عندك يوسف ونمشي لحݣ بيهم
ليلى: خلي يجي لكبير وسيري معاه سيري لبسي حوايجك (مشات أمال لدارها لبست جلابة ولوات شالها لقلت لكبير جا ركبت معاه ومشاو يلحقوه للمصحة للي خدامة فيها هند تماك بغا يديها بحكم هند كتعرف الاطباء وتنفعو..)
زهير: (واقف على أعصابو مسح دمعتو دغية للي فاتت من عينو للي كيحجرهم باش ميبكيش يموووت الا ماتت مو هي كولشي فحيااتو… كيعيى يوجد روحو لنهار للي غتودع فيه حياتو ولكن والو… وصل لكبير أمال حتى وليد لحق وباه وهند وولاد لكبير حتى هوما.. )
هند: فين دخلووها
زهير: هنا هنا اختي (دقت ودخلت طل ساعة دغيا تسد لباب.. تعصب وبقا مربع يدو وليد ففمو مقدرتش أمال تمشي عندو وباينة حالتو كدايرة)
لكبير: واش بيها؟!!!
زهير: (خنزر فيه ميقدرش يغوت عليه وفوسط الناس بقا شاد لسانو حتى خرجت هند) امدراااااا اختي؟!!!!
هند: متخاافوش نوبة سكر نزل ليها بزااف ولكن قادوه ليها
احمد: (هنا فتاخر بهند للي كيعتابرها بحال بنتو وشحال كان تمنى شيماء وكان داتها فقرايتها ورجعت بحال هند خدمة شرييفة من ملائكة الرحمة…)
زهير: الحمد لله يا ربي الحمدلله…
أمال: (مشات حدا زهير للي شاف فيها) الحمد لله على سلامتها
زهير: ماتت أمال مرة وحدة ݣلتي ماتت ولكن مزال على مك…
~~~~~~~~~~~
شيماء: (شافتو ممشاش يخدم نعست مريم ومشات كتجمع الدنيا وغير كتفكر كلامو وداك الغوب دونوي كتبسم بانلها مشا للدوش دازت شي 10 دقايق وهو يعيط ليها)
نعااام!!!!
أشرف: جيبيلي لفوطة (هزت حاجبها مشت جابت بينوارو دقت حل لباب اسنان يخرج يدو والو.. دخلت يدها)
دخلي
شيماء: (قلبها ضرب.. دخلت لقاتو فوسط الدوش كيبان غير وجهو من الزاج حجات لبينوار فالعلاقة اما هو واقف كيشوف فيها.. حنات راسها وخرجت مع سدت لباب بقات وااقفة قلبها كيضرب صونا تيليفونها مشات تجاوب كانت معا عاودات ليها شنو وقع وحتى هي الحاجة عزييزة عندها محست غير دخلت للدوش لقات أشرف عاطيها بظهر باغي يلبس لبينوار كان عريان ضار لبس لبينوار خلاه محلول جرها من يدها وسد باب الدوش)
أشرف: واش صايرلك!!!
شيماء: (تدهشرت بقات غير كتشوف فعينيييه ونقاطي ديال لما للي نازلين من شعرو) هم!!!!
أشرف: (زاد قربلها) علاش دخلتي!!!
شيماء: الحاجة
أشرف: الحاجة!! شكون الحاجة
شيماء: عݣوزة أمال داوها لصبيطار
أشرف: (بعد عليها ولوا احزان ديال لبينوار) علاه مالها
شيماء: غيبت وداوها لصبيطار (شافتو حل لباب خرج تبعاتو) نمشي معاك
أشرف: مكنبغيش مريم دخل لصبيطارات الا كانو دايينها للدار نجي نديك لتم (مع بغا يحايد لبينوار خرجت لبس حوايجو.. داز كانت فالصالة) درك نصوني عليك
شيماء: راه معندكش نمرتي (خرج من تماك نيشان للمصحة)
هضرت هند خلاتهم مطمئنين شوية على الحاجة بقاو كيهضرو فيما بيناتهم وكاين شي ناس قدامهم حتى هوما جايبين جداتهم وبنات قدهم كيتسناااو مشات هند عندهم هي وأمال للي مابغاش زهير بهضرها
هند: شنو عندها اختي؟!!!
…: كانت مريضة فالراس ودابا تشلل النص فيها
هند: ااااه مسكينة
أمال: حتى حنّا مسكينة كان طراالها هاك مات نصها كامل
…: وبرات اختي
أمال: لا ماتت (بقاو كيشوفو فيها هند بحرا شادة الظحكة)
زهير: كح.. أمل (ضارت عندو) روااااحي اليوم نتي حالفة تصيفطي الواااغش جملة
أمال: (مشات حداااه) عدوالله مكنت بغيت نفقسك
زهير: احسن حاجة غديريها هي تسكتي….
هند: (خلاتها أمال بالظحك ولكن مقدرتش ظحك براكة غير خلات بنات ديك لمرا كيظحكو.. مشات حدا وليد محست غير احمد جارها معنقها بيد عمرو دار معاها هاك تصدمت)
احمد: تبارك الله عليك ابنتي شحال كتزيدي تكبري فعيني
هند: (تبسمت فرحانة) علاش شنو درت؟!
وليد: (تبسم وقرس نيفها بشوية) طبيبة ديالنا
احمد: مزيان ابنتي الله يرضي عليك خدمتك كتاااخدي منها بزااف دالحسنات
هند: (بقات ساااكتة عاجبها الحال.. وصل أشرف جا عندهم)
أشرف: أمدرا كيف بقات الحاجة
وليد: الحمد لله نݣزتها راه زهير
أشرف: (مشا عند زهير) خويا الله يطول فعمرك الحاجة ويخليها ليكم ويعطيها الصحة
زهير: (بعياء) الله يحفظك
أشرف: واش دخلتو عندها؟!!
زهير؛ لا مزال طبيب عندها (شافو أشرف ماشي هو هداك رجع اللور وبقا واااقف.. جا حداه لكبير ياله بغا يهضر) خويا معدنا كلام درك
لكبير: نعل الشيطان اولدي
زهير: (بقا سااكت حيت غير غينفااجر عليه براكة غير وااقف على أعصابو باغي غير يشووفها حالة عينها وكتنفس… خرج طبيب خلا زهير يدخل من بعد معلمو راه ولات مزيان تخرج دابا ولكن عطاه شي تحاليل على حساب القلب وحذروا من الظغط والاعصاب… فرح دخل هو وامال لقاها متكية حالة عويناتها.. محس غير دمعو عينييه)
مّا
الحاجة: (عارفاااه كيموت عليها وتفكيرها فاش غتموت كغتكون حالتو كتر مكتخاف من قبرها) ولدي انا مليييحة
زهير: (مسح دموعو دغيا وأمال كتشوف فيه بقا فيها بزاااف وتانيب الضمير كياكلها.. مشا حدا مو حنا رااكع باسلها يدها وراااسها)
واش طراااالك؟!!
الحاجة: غير كليت حلاوة
زهير: (حرك راسو بلا) واش طراااالك امّا
الحاجة: بنتي امال فين خليتي مروان؟؟!!
زهير: مّااااا واش طرااالك
أمال: زهير بشوية عليها راها عياانة مّا كيف بقيتي؟!!
الحاجة: الحمد لله اوليدااتي راه مزال ربي ولاد ولادكم الا كتاب وربي طولي فعمري
أمال: (باستها فيدها) الله يطول فعمرك امّا ويخليك لينا
الحاجة: (تبسمت) اميين ابنتي…
داو الحاجة لدارها وجاو بناتها للي خاصمو عليهم مقالولهم واالو كولشي تجمع أمال مع رضعت ولدها حطاتو حدا هند فلبيت ومشات كتجري ها لمسمن ها اتاي وحتى ليلى نعيمة معاونينها جا محمد ومريم وفتيحة أشرف مشا جاب شيماء للي حدانا بنتها حدا هند ودخلت للكوزينة تعاون للي بدا يصاوب لعشا وللي كدير كسكرووط… رجال مجموعين فالصالون والحاجة وزهير فبيت للي جا كيطل عليها يلقى زهير تماك ويمشي يجلس..
الحاجة: نوض اوليدي سير حدا الناس
زهير: قنطتك؟!
الحاجة: ههه مالك مع مرتك
زهير: راني مخيخ منها دارتلها انها واحد الخلعة كنت غتموت قبل منوصلك
الحاجة: سمع اولدي للي دارتو ديك الطفلة متلام علييه
زهير: راه سكتت لي لݣلب خرجت عندي ليرا تزݣي وتݣول راه متي
الحاجة: معرفتش.. الا كنتي مقلق عليها على حساب هاك نوض علية
زهير: كتحمااااو بعدا
الحاجة: ولدي نتا كبرت بلا بااك ولكن من ديما كنت يانا وخوك لكبير معاك هي راه كبرت حدا باها ومنها وهوتهت وفاميلتها ولكن واخا هكاك كبرت يتيمة واش مكفياااش
زهير: مݣلت والو ولكن متنطق الحاجة حتى تكون ميقنة منها
الحاجة: مزالة صغيرة وباش تعرف معدنها نقي للي جا ففمها كتݣولو مكتخطط مكتفكر
زهير: (زفر) يصاوب الله
الحاجة: سير اولدي حدا الناس انا نتكى شوية
زهير: غااا خليني حدااك
الحاجة: (خلاتو على خاطرو كانت عيااانة محست حتى غفاات اما هو كل شوية كيشوف نبضها فالعنق تنفسها..
دخل لكبير حدااهم)
لكبير: نعست؟!!!
زهير: واه
لكبير: دابا هاكا ظل ݣالب وجهك علية
زهير: خويا نتا عارف بلاصتك عندي وعارفني شحال نحتارمك خلييك كما عرفتك ومتحطش يدك فيدك دوك الناس.. (ناض من بلاصتو وخرج يعني قرار حاسم يانا يا هوما…
خرج دخل للكوزينة كانت عامرة عيالات شاف فأمال للي كتعمر اتاي..) امال فين يوسف؟!
أمال: راه فبيتنا مع هند (مشا يشوفو لقا هند قربت تنتف شعرها ݣاع لبز حطوه حداها)
جيهان: كولشي بسباب سميرة الله يعطيها كندية مبغات حتى تجي تشوف الحاجة وخرجت مع داك خطيبها
أمال: كفاش بسبابها
جيهان: (لاحت الصنارة) جات الحاجة تهضر معاها بشوية وتݣولها معندك مديري بدوك العائلة حتى ناضت سميرة كتغوت وتݣولها دخلي سوق راسك ماشي شغلك فية وشكون نتي للي تحكمي فية (تنهدت) وبزاااف دالهضرة
أمال: بنت لحرااام
شيماء: ݣاع تريكة وحدة مها ماتت وخلات الخليفة ديالها السلامة ربي نجاني منهم
جيهان: (سكتت حيت غتنااوض بيناتهم وهي غرضاااها تقسم شوكة سميرة للي دايرة فيهم مبغااات…
تحط لݣوتي وتحط لعشا وللي مشا فحاالو وللي جلس يبااات… الحاجة تعشات شوية بماكلة الريجيم طيبتها أمال شربت دواها ونعست.. دخلت ترضع ولدها كان زهير فالقنت كيبدل حوايجو حتى سمع لباب تحل)
عيشة: أمال كملي لولدك ودوزي للكوزينة
أمال: (شافت فزهير للي كان بالشورط باغي يلبس سروالو)
زهير: خلي مهم دوك لماعن تم بغيتي تغسليهم راه ݣدامك مبغيتيش لوحيهم
عيشة: (محسابلهاش زهير تم) هادشي شغال نسا
زهير: (بالاعصاب خرج بشوورطو) واش هي من ݣبيل وهي واݣفة وطير طيب وتݣااابل مّا وتجي نتي تهضريها بحال راني جايبها خدامة ليك… روحي روحي اعيشة قضيلك حاااجة روووحك (بقات مخرجة عينها) ياااو روووحي قبل مااا نبلع لباب علييك خليونا نحتارموووكم شوي.. (مشات معصبة ضار شاف فأمال)
غدا حدك طيبي لمّا ماكلتها انا نجيب للي طيب ديها في روووحك وولدك ومّا
أمال: (كتمسكن) واخا حبيبي
زهير: حبيبي!!! واخا على مك باغا تسكتي لجد مّي لݣلب
أمال: وراه سكتو ليك نهار شفتني غير مرديتيش لبال
زهير: حسييت بيها دابا راني عايش معاك عذاب القبر
أمال: (جمعت الظحكة وقلبت وجهها)
زهير: واخا على مك غير قيدييها وعقلي عليها….
سميرة: (جالسة معاه فالطموبيل كانو قراب من الدار) وكان داك نهار منين كانت بوحدها طاوعتيني ووضهسنا فالكلبة
حميد: نقتلو اسميرة؟!
سميرة: راه ماما للي ماتت احميد وهي سبابها بففف جاتها الفرصة حتى لبين يدنا
حميد: الا السرقة دصاحب زوهير متشديناش فيها غنتشدو فلقتيلة يرحم باااك نساي عليك هاد تخربيق نمشيو نتكاتبو ونرجعو لميريكان
سميرة: يااااك احميد شحال وانا نشكي عليك باش تجي دابا ونضيغو كولشي
حميد: شعندك نتي مهم حياتنا حنا ولا نضيعو حياة الناس
سميرة: بجوووج باش نعيش معاك مرتاحة وتلݣى سميرة للي بغيت خاص نرد حقي بيدي
حميد: بففف شحال راسك قساااح
سميرة: ݣلبي للي قساااح… ياله وصلني مݣااادة على نݣير بّا (مشا وصلها قريبة خرجت وتمت داااخلة كان لباب محلول ممسوقاش حيت باها كينعس فدارو لفوقانية ياله بغات تدخل تجرت من شاالها منتوووفة) اااااااي (ضاارت لقاتو زهير) طلݣ منييييييي
زهير: (مغدد عليها حيت أمال عاوداتلو كولشي) نتي يا لكلبة تهزي صوووتك على مّا وتصيفطيها كوووومة
سميرة: (كتغوت ربي للي خلقها) وطلݣ مني الحماااااااااار وبعدنييييي
زهير: مكاااانش اللفعة ݣدك (بقوة خبطها مع الارض حتى تزدح راسها) لووووكان طرااات شي حاجة لمّا بلااااابز عينيك نجبدهم ليييك (كولشي خرج للي تماااك )
عبد الله: لاه راك ضربها
زهير: (حنا لعندها) ااااااخر نوبة لݣاااك تردي على مّا الهضرة وداك الكلب دلخلا الا عاود وطاااا هنا نذبح مو ونزيييدك علييييه
سميرة: هداك راااجلي وغيدخل لهنا ياكما حسااابلك هادشي كامل ديااالك براااكة غير وااكل عماماااتي فحقهم
زهير: وناكلك حتى نتي
لكبير: (هبط كيجري جا عندهم مخلوووع ولكن سمع كولشي من السرجم فاش طل) دخلي فحاالك نتي
زهير: هي سباب باش مّا كانت تموووت علم بنتك اخويا تهضر بادااب مع حنااها ولا نعلمو ليها يااانا (بلغوات) مّا خط حمر ديرو ما بيغيييتو ومّا خط حمر
سميرة: حتى انا ماما كانت خط حمر وبسبابكم مااتت
لكبير: (بلغوات) دخلييييي.. وهاني حتى انا نعاودهالك ولاد عمي مبقاااالهم دخووول لعندنا
سميرة: واااشتااا!!!! واش غتخلي خوك صغير يتحكم فيك
زهير: خوويا كلامو سيييف يمشي على رݣبتك ورݣبتي
عبد الله: بّا حشووومة درنا مع الناس وعطيناهم الكلمة واش حنا كلاب للي نبداو تجربة على الناس من داارنا ولا تصغرناااش حتى نتا
لكبير: درت فيكم عقلي وكانت مّا غتموت فقستها وحتى يانا مفكرتش ملييح فكرت غير فبنتي
سميرة: اوا ودابا واش تبدل واش ابا كما لحتي ماما ساهلة غتلوحني حتى انا
لكبير: غلوووحك ابنتي الا جوجتك بناس بيناتنا بحر ديال الدم
زهير: (ارتاح نسبيا)
عبد الوافي: (بعصبية حيت صحاابو بزااف) نتا باغي اردنا برااهش
لكبير: (بحزم) دخلوووو علية (جرو سميرة للي كولها غل وحقد ودخلو شاف فزهير) روووح تنعس
زهير: (مشا من حداه كيشوف فخواتاتو وبناتهم للي هبطو طلع حاني رااسو مشا لبيتو لقا أمال كتراري بولدها) ياكما فاااق
أمال: معليش انا كنعسووو
زهير: (تكا على كرشو فوسط النموسية طالق يدو) منين تنعسيه طلعي شتفي على ظهري
أمال: كما شتفت على قلبك نهار اللول
زهير: (حرك راسو بلا حولة.. حطت ولدها وطلعت فوق ظهرو كطرطقو ليه) باش كتحسي درك
أمال: مسيطرة همشيييك مسطرة ههه
زهير: والله يا ر**
أمال: ههههه
زهير: ياااو لمك نقصي من داك الظحك والدار فيها الوااغش
أمال: (تكات فوق ظهرووو) سمحلي (باستو فعنݣرة ديالو)
زهير: (تبسم وهو يقلبها تحتووو) مّا هي كووولشي احبيبي نهار تموت خلي اخر يݣولهالي ومتجيش منك نتي
أمال: الله يطول فعمرها وفعمرك
زهير: (بقا كيشوف فيها حنا باااسها ومشااات معاه من بوسة لباقشطاااق…..)
أنوار: (غير سمع الحاجة شنو وقع ليها قطع للمغرب جاب الله كان شاري الهدايا… ودع ختو للي عندها الطيارة من بعد ساعات قليلة غتمشي لأمريكا.. مقالها حتى لواااحد وصل للمغرب فصباااح شد تاكسي كورصة حتى لدااارهم وصل بدا مول التاكسي كيعاونو فلبݣااع للي جاب شافوه لبز للي كانو كيلعبو وجاو عندو كيعنقوووه ويعيطو باسمو بداو كيخرجو لقاوه هو لكبير كان تم فرح بزاااف خرج طااير عندو عنقوو جاو كيعانو كيهزو ليه حوايجو نيشان طلعو لدار الحاجة… كان زهير خرج باش يتقدا للي خاص حيت الدار غتعمر بزااف نيشان حلو على الحاجة بيتها كانت أمال كتلبس للحاجة تقاااشرها لابسة غير كولون وتريكو ديالو وشعرها فااازݣ مطلوووق ضااارت حتى هي لقات أنوار قدااامها.. للي دغيا جر لباب وسدووو)
لكبير: بالدهشة نسينا مدقيناااش ههه
أنوار: (بقا ساااكت) ياك مّا مليحة درك؟!
لكبير؛ الحمد لله اولدي ونتا عينيك ملاح
أنوار: ههه متشوفش هاد ݣاع لكيسان للي راني دااير
لكبير: هههه شرفووك اوليدي
أنوار: ههه (حلت أمال لباب كانت لابسة بينوار طويل حتى لرجليها ولاوية شال عليها قالت السلام حانية راسها ومشااات…
دخل أنوار عند الحاجة للي عزيز عندها فرحها بزاااااف حتى وقفت وعنقاااتو واخيييرا شافتو واااقف وكيشوووف بعينيييه…)
~~~~~~~~~~~~
شيماء: (كالعادة كتجمع الدار دخلت لبيت أشرف للي رجعت كتفرح تجمع حوايجو ودير لباغفان ديالو عليها وتشم ريحتو ورجعت كتفرح منين بقا كيخلي فراشو مطلوق هي تجمعو جمعاتو وقداات لفراااش مخلات حتى عيب ولا تكميشة.. بانلها لبيسي هزاااتو مع قاستو تحل كان بايت مشعول ومديشارجي.. بقات كتقلب فضوسيات للي فيه حتى طاحت فضوسي فيه تصاورها لقدااام ووحدة للي لقات فيها هي وانوار عرفت باقي مخبي فيديوهات المشبوهين ديالها فكرت مرة وجوووج وقفت هزت لبيسي ما علاها وخبطاتو مع الارض حتى تهرس على جوج والشاشة تفرݣعت.. بقات كتشووف تخطاتو بحال موااقع واالو ومشات كملت شغلها… حافظة توقيت رجووعو مشات هزت بنتها)
ياااا ربي تسمحلي…
(عطات لبنتها لعبة ديالها حتى بغات تلعب بيها وزولتهالها خلاتها كتبكي دخل على بكى مريم حط شنو جايب فيدو)
اشرف: ماالها؟!!
شيماء: (دايرة راسها تالفة كتقلب ليها يدها وحيدت ليها تقاشر) كانت كتلعب فبيتك وجرت لبسي دياالك وتهرس عليها ناااري عندااك تكون تهرست
أشرف: (تخلع حطو لبنت فوق السداري للي باغية غير لعبتها تشدها وكيقلبو رجليها للي ديجا شيماء دارت بيهم طبايع حوومر من لعكر) نديوها لصبيطار
شيماء: (جابت ليها اللعبة وهي تسكت) يمكن ممقسحااش ولا مكانتش تسكت بلاك انا نعيط لماما (مشات مخلياه تالف حيت روحو فبنتو.. بقات كطل دارت ابيل فيديو مع مها وقالت لها شنو كاين وكتوريها لبنت للي كظحك وتلعب)
مريم: هااام هااام
شيماء: فيها الجووووع حبيبة ديالي نمشي نݣاااد ليها ماكلتها رد ليها لبال أشرف جاع تمشي لبيتك راه مزال لبيسي مهرس تماااك…
أشرف: (هز مريم مشا طل على لبيسي مفرتك.. هز حاحبو كيشوووف حتى جات شيماء… تبعها ومشا كيوكل بنتو)
شيماء: واش تديني عند دار الحاجة؟!
أشرف: …. واه
شيماء: (تبسمت) نحط لغدا؟!
أشرف: واه حطي باه نوصلك ونرجع للخدمة…
أمال: (كانت فلكوزينة سااااهية من وجود أنوار المفاجئ… عاد شافها بلا فولار ولابسة كولشي مزير دخل زهير متبسم لشفاء مو مدخل فيدو بزااف دلميكات) سلاااام
زهير: (حنا باسها فمها) ااااح على رب*
أمال: استغفر الله
زهير: ههه كيف بقات مّا؟!
أمال: راها بيخير الحمد الله معاها عمي لكبير وولدو دااك.. داك أنوار
زهير: أنوار!!! جا!؟! مفخباريش
أمال: وااه حتى دخل علينا لبيت انا ومّا مكنتش لابسة مزيان غير شافوني خرجو دغيا
زهير: اممم تبقاي تلبسي مزيان أمال الدار مخلطة
أمال: راه مكنتش عارفة كاين وزايدون هو للي خاص يدق لباب قبل ميحلو
زهير: (حرك راسو باه) مهم نتي هنا الا بغيتي تبدلي دخلي لبيتك وبلعي عليك.. انا نمشي نشووفهم (مشا بقات كتشوف تنهدت ومشات تشوف شنو فلميكات حطات داك دجاج غسلاتو ورقداتو فالملح والحامض واسكنجبير ولهريسة جبدت لحم وهي دخل عيشة) بففف
عيشة: واش غتنصبي؟!!
أمال: حم مزال معرفت اخالتي ياله كنشوف تقدية للي جاب زهير واغلبية نطيب لحم
عيشة: اممم ديري كسكسو
أمال: مكانش خضرتها
عيشة: ديريها بتفاية
أمال: (بقات كتشوف فيها وتسب فخاطرها) حݣا مّا مغتاكلش طعام
عيشة: ديري مالكتها وحدها
أمال: مغلحقش حيت عندي ولدي كنبقى كل مرة رضعو ولا نبدل ليه وضياف تبارك الله كتاار خاصني لعوين
عيشة: علاه نهار تجوجتي مݣالتلكش مك ولا علماتك طيبي بلكترة!!!
أمال: (بقات كتشوف فيها) ها لحم ها سميدة بغيتي طييبيه ها هو ݣدااامك راه داركم هادي قبل منجي يانا.. (عطاتها بظهر بقات كتشوف فلميكات هزت الخضرة للي وصات زهير باش تسلقها للحاجة.. دخلت ليلى ومينة كيهضرو ويظحكو)
عيشة: رواحو تشوفو هاد الجدرة للي متحتارمني ما توقرني
ليلى: شنو واقع؟!
عيشة: ݣالتلك مطيبش مكتعرفش
ليلى: بلعكس أموول طيابها شهوة منو راه هي للي هازة الدار
عيشة: حلفت لطيباتو (أمال غير كتشوف) وطرطݣي فية عينيك
مينة: لا حول ولا قوه الا بالله العلي العظيم واش الطفلة عندها تربية وبغيتيها اختي طيب ل4 ولا 5 طبالي
عيشة: واش فيها بنتي صغر منها وطيب ل10
مينة: يا لالة كولها ربي واش عطاااه…
أمال: (ضارت كتكمل شغلها جاو بداو يطيبو… كملت وخرجت لقات زهير جالس شاد مروان هو ولكبير وعمها وانوار هاز بنتو للي معنقاه.. شافت نيشان فزهير) زهير عطيني مروان نمشي ننن (حشمت تقول رضعو)
زهير: وااه.. (مدو ليها للي حنات تعلقت فيها بنت أنوار حتى بغات تجي فحجروو غير زهير للي شدها من قب بينوارها) ااااهاااا
أنوار: (توتر) ليلاااا حشومة بنتي كنتي غطيحي طاتي امال
امال: ماشي مشكل (شدت ولدها ومشات لبيت كتعاود السيناريو فبااالها نهائيا ممرتاحاش فاش كيكون أنوار….)
يا رب: أشرف: (وصل شيماء لباب الدار وبقا فالطموبيل) بغيتي شي حاجة عيطيلي
شيماء: واخا واش نتا مغتجيش
أشرف: حتى الليل ونجي مورااك (خرجت بنتها هازاااها وهزت الصاك المرافق ليها.. شاف فيها) بلا قفووزية
شيماء: ماااا..كندير واالو
أشرف: (حرك راسو باه) بسلامة (قبل مترد كسيرا بقات غير كتشووف بعدا هاد المرة قال بسلامة دخلت واااحلة بين بنتها للي باغية تهبط وبين الصاك.. وصلت لباب الدار الدنيا عامرة حتى كتصاااطح مع باها بقات وااقفة جامدة حدا لباب سادة طريق غير وصل حداها بغات تجد يدو تبوسهالو وهو ينترها ودفعها شوية محيدها من حدا لباب خلا راسها محني غارقة فالحشمة والخزي للي كتحس من راسها… مشافتش أنوار ولكبير للي كانو اللور…)
لكبير: (طب طب فكتف شيماء واخا مكانش فاهم القصة الا للي فهم مبغاش بنتو تزوج باشرف حيت كان عاطي الكلمة لشي اخر وغضب عليها ورجع الفكرة تكون انها حيت كانت مع أنوار صاحبو ومدخلاتلوش فكرة تزوج من واحد كان صاحب وقريب بزاف لخطيبها لقديم…)
الله يصلح الحال ابنتي (ظحك مع لبنيتة وحنا باس ليها يدها وزاد…
هزت عينها للي كانو عمرو دمووع شافت قدااامها أنوار واقف متكي على عكاازو بقا حتى هو كيشوف فهاد المنظر مفاااهم واالو…)
زهير: شيماااا طلعي
شيماء: (هزت عينها فزهير أنوار عرج على عكازو وخرج من لباب وهي طلعت دروووج)
سلام عليكم
زهير: وعليكم السلام (شافها باكية) مالك؟! (ظن يكون انوار)
شيماء: (طرطقت كتبكي وصوتها كيرجف وكيتقطع) بابا لدابا مبغاش يسمحلي
زهير: (زفر) عذريييه راه اي أب غيدير هكاك هو غير خاص ينسى ويعرف راك نااادمة
شيماء: (كتبكي) والله حتى ندمت وبزااااف
زهير: يصاااوب الله روحي جلسي ويكون خير
شيماء: بسلامة خويا… (مسحت وجهها ودخلت حسابلها مها جات ساعة كانت مزال جلست حتى جات أمال عاد دخلتها لبيت تبدل حوايجها)
فوقاش جا انوار؟!!
امال: (خنزرت فيها) بعقلك مزال كتسولي على داك زبل
شيماء: مسولش غير مكنتش عارفااه هنا اما كاع منجي
أمال: (سكتت شحاال) حتى دخل علينا صباح مݣالها لحد تفووو
شيماء: كرهتيه
أمال: (خرجت عينها) بلا متبداي الموضوع
شيماء: عرفتي بابا جيت نسلم عليه دفعني حسيت بيه كرهني بزاااااف
أمال: علاش اشيماء درتي هاكا؟!!
شيماء: (جاتها لبكية) هو للي دار (حست بالخنقة حتى بقات كتبكي وتعاود) بقا كيتبعني بزاف ويسب فية حيت كل مرة معامن كان كيلقاني مصااحبة حتى لواحد الليلة ركبني معاه صحة و راني تصاوري وشي فيديوهات كان مصورني لحمار ديال أنوار معاه كانو خايبين بقينا كلمة منو ومني سبني سبيتو مهم حتى حسيت بيه تعصب بزااف وقفني فواحد ظلام… محسابليش فيضيعني ݣلت غير من لفوق وهو حسابلو انا مرا (بقات كتبكي بقوة) هكاااك باش حملت براسي مكنتش عارفة وهو مݣلتلو والو وموليتش رجعت عندو حيت عارفة ضواسا عندو خايبين وعاد شايف كولشي علية اشمن جواج غيكون
أمال: (بقات غير كتشوووف) وعلاه مݣلتيها لحد
شيماء: شنو نݣووول راني حليتلو رجلي واخا ماشي بخاطري ولكن طيراني كان غيجيبها فية والله وكان أنوار فاش كنت معاه وطلبها كنت نديرها صافي كنت وصلت لواحد مرحلة من تق*** بزااااف… (تنهدت فوسط بكاها) الله يسمحلي وصافي مݣلتخاش حيت انا للي غلطت فحق راسي وفحق عائلتي نستاااهل شنو كيديرو فية…
أنوار: (بقا واقف مع رجال حتى جا زهير رجع شوية اللور) زهير بغيت فشي حاجة (كحزو بجوج اللور) كفاش وقع جواج شيماء واشرف
زهير: (شاف فيه) ونت مالك!!
أنوار: عااارف ماشي شغلي هو كارهني من جيه وباها شتو كيف دارلها بغيت غير نعرف
زهير: سمع ديها فراسك وفبنتك وباك لاااا غير بغيت تجوج شوف شي بنت الناس وسير توجها ولكن باش تبقى تݣلب وتبحث من مور عيالات رجال لا..
أنوار: راه كنت مزال خاطبها ومجوج دعاء حتى نعرف بنتها ݣد بنتي
زهير: لا تنيرڤينيش عليك نصدق عاااطبك من شي قنت
أنوار: انا باغي غير نعرف وباها واش مباغيش أشرف
زهير: يااااا على مرض ونسى ابنادم وانا باش نعرف للي جاي تسولني
أنوار: صافي هاني سكت
زهير: غنخرا معاك الا عرفتك مزال تبحث فشي حاجة بعيييييدة عليك…
~~~~~~~~~~~~~~
داز نهار مشارجي بين لغدا ولعشا والناس كتجي طل على الحاجة موصل الليل حتى تهدو..
هند: (عيات وشادة بنتها للي نعست.. صونات على راجلها) ولييد اجي وصلني للدار عييت بزااف… (قطعت) عييت
نعيمة: سيري ابنتي يوصلك وليد ياكما تبغي نمشي معاك
هند: لا لا اخالتي غير خلييك (جا عندها وليد هز لبنت) بسلامة عليكم
أمال: (خرجت من لكوزينة كتمسح يدها) صافي مشيتي؟!!!
هند: عييت اختي والله منعستش مع غيثة لبارح حيت باقية تضرها بلاصة الجلبة
أمال: مسيكينة اوا صافي غدا ورجعي ولكن اجي بكري
هند: واخا حبيبة بسلامة (مشات هبطت حتى كتشوف أنوار واقف للي شافها جا حداها) سلام كيف بقيت
أنوار: الحمد لله اختي شكرا بزاااف على للي درتي معايا
وليد: خدمتها هاديك
هند: (شافت فوليد بمعنى حشومة) الحمد لله على سلامتك
أنوار: شكرا اختي (ركبت فالطموبيل وجا عندو وليد)
وليد: بلا متبقى كل مرة تنقز راك زعما معرفة قديييمة
أنوار: (معندو ميقول غير كيشوف)
وليد: عيني عليك بعد من لبنات.. (ركب مخلي أنوار منوي كفاش لبنات جمع واش عارف شي حاجة واش هند عاودات ليه كولشي.. رجع حدا دراري حتى كيبانلو أشرف داخل بطموبيلتو نفس الطموبيل للي دوزو بيها لعجااااب.. خرج منها داير التيليفون فودنو باينة صونا على مرتو بقا حاضيييه… حتى كتبانلو هبطت من دروووج مشا شد عليها لبنت للي كيلعب معاها بنتو للي كانت نسخة مصغرة منو.. مع ضار ماشي كيقشعو كيشوف فيهم)
أنوار: (هز يدو متبسم) سلاااام
أشرف: (مشا جيهتو وفنفسو كيتحلف فشيماء) سلام جيت!!!
أنوار: هاد صباح
أشرف: رجعت تشوف؟!
أنوار: هههه (حايد دوك نظاظر للي من غيرهم كيشوف ناقص) غير بلڤيترينات
أشرف: (تبسم نص ابتسامة) على سلامتك
أنوار: الله يسلمك نديرو شي قهوة؟!
أشرف: نشاءالله.. الله يعاون.. (مشا من تماك كانت شيماء ركبت حط بنتو فبلاصتها وركب هو زاد فطريق شاف فشيماء) علاه مݣلتيهاليش
شيماء: وعلاش غنسوقلو اصلا باش نجمع بيه متنساش راني مجوجة بيك نتا ماشي غادي نجي نجمع بيه معاك
اشرف: ومعامن غتجمعي بيه؟!
شيماء: خاصك تكون تايق فراسك شوية
أشرف: راسي واه نتي لا
شيماء: (بقات ساكتة للي بداه باها غيكملو هو ..)
زهير: (شاف أمال مسخسخة ياله حطات ولدها فنموسيتو وتكات فالنموسية طالقة يدها) حبيبي
أمال: (مغمضة عينها) زوووهير قنطت
زهير: (جرها حتى حط راسها فوق فخضو) فين تبغي نمشيو (كيتلمس شعرها)
أمال: (مستحلياها) فينمااااا… (حلت عينها) رجعو لبلجيكا ياك عندنا لورااق
زهير: (تبسم) ومّا نخليوها حاارݣة
أمال: ديرلها لوراق حتى هي
زهير: على بااالك بلجيكا خلاهالي با فالورث (نفخت شنايفها وقرس حنكها) ورزقي ودارنا والمحال
أمال: (كتفكر بنيتها) نبيعو كولشي
زهير: كولشي؟!!
أمال: واه نديرو محال تم وانا نخدم وولدنا يقرا فبراا
زهير: اممم وهادشي فوكاش فكرتي فيه
أمال: من شحال دي؟!
زهير: العيشة جاتك حارة هنا لهاد الدرجة
أمال: ها… لا غير ݣلت وصافي
زهير: ݣوليلي امووول شحال مهضرنا بجووج
أمال: واالو والله غير فكرت وصافي
زهير: كنعرف للي يفكر يخوي لبلاد كتكون واصلة ليه لعظم وعيشوو رجعت حاارة..
أمال: (سكتت شحاال) تمنيت لزهير نعرف ماما وبابا علاش كرهوني لديك الدرجة كنشوفك نتا كتفكر باك ترحم عليه وغير دشي للي وقع خلاك كتبكي علاش انا كان يكرهني وحتى فالورث للي كتب حرمني انا نݣولو ميبغيش لبنات حتى بنات ليلى راهم بنات وخلالهم حقهم فالورث
زهير: نتي ممحتاجاش فلوس
أمال: (حركت راسها بلا) خيرك مغرقني ولكن كنت محتاجة يكون عندي بابا
زهير: انا باك مكافيش
أمال: (تبسمت)
زهير: واخا كنظل نح*** مني كولشي
أمال: زووووهييير
زهير: الدنيا أموولة مكتعطبناش كولشي للي بغيناااه حتى انا مشبعتش من با راه مات وانا عندي 6 سنين
أمال: ولكن كانت عندك مّا
زهير: (معرف ميقول بقا غير كيشوف فيها ويتلمس فشعرها.. غمضت عينها بقا سكااات حتى حس بيها نعست هزها وحدها بلاصتها وبقا متكي حداها.. ناض مشا حدا مو طل عليها وشاف تنفسها عاد خرج برا جبد ݣارو كيكميه…)
دازت الايام الحاجة رجعت لحالتها أمال متبعة معاها دواها والرجيم ديالها غير كيدخل أنوار كتخرج من الدار حتى كتشوفو من دارها مشا عاد كترجع وقتها بين الحاجة شغل الدار ووولدها ورضاعتو وروتين ديال الجلبة سخانة زهير حتى هو بين عائلتو وبين خدمتو.. سافر لكازا ودا أنوار معاه باش يجيبو السلعة جديدة على حساب رمضان
أمال وهند مبقاوش كيخرجو كيف كانو وأكترية هي سالات 4 شهور ديال لكونجي ودخلت تخدم كتخلي بنتها مع أمال غير كترجع كتديه وتمشي للدار وتقسم راسها بين توجاد الماكلة وبين بنتها ورااسها…
شيماء حتى بغات تقاد علاقتها رجوع أنوار خلا أشرف ممرتاااحش قطع لغاااه معاها ولكن مبقاش كيجرحها بكلامو..
فتيحة كتوجد عرس علي وكل نهار كترغب محمد يجي لعرس خوه للي كرهو بأفعااالو…
فتيحة: ولدي (كيسمع وعرفت شنو للي يخليه يجي) حشوومة عرس خوك صغير متحضرلوووش
محمد؛ واش اما كل نهار نفس الهضرة
فتيحة: (كتبكي) ختك أمال غير نݣولها تجي تجي ونتا مبغيتش
محمد: واش ݣلتيهالها
فتيحة: ومالي منعرضهاش هي والحاجة وراجلها راه ضرووري نعرضها غير مݣلتلها والو حيت عارفااها مشطونة مع ولدها ومعندها فين تعااون
محمد: (سكت شحااال.. وهي فرحت بدا يقتااانع) يكون خير
فتيحة: صيفط مريم راني توحشت لوليدات
محمد: راها عيااانة شوية تبرا ونجيو فوكاش العرس؟!
فتيحة: السبت ولكن اجيو قبل
محمد: الجمعة الا كتاب نجيبو (قالت اللهم هكا ولا بلاش) صوني على أمال ݣوليهالها
فتيحة: واه ضروووري انا نعيط الحاجة نيشان باش متݣولش مكبرتش بيها (قطع.. حتى هي قطعت واخا هو قطع) بحالو بحال باااه عشقووو فخوتو (كانت دموندات الحلوة تصايب شافت فلعيالات كينقيو دجاج منهم نعيمة للي كتعاونها ولويساتها اما كريمة مقابلة لكوزينة وطياب دخلت لبيتها كان علي متكي شاد التيليفون)
ها خووووك غيجي هااااا ودني منك
علي؛ وااا يعطيني غير رزقي
فتيحة: اشمن رزق باك كتبلو كووولشي
علي: اوا بفمو داك نهار كيعيق ݣدام ولاد عمي ويݣول لا نعطييي لخوتي حقهم مشتنا واالو اما حتى ديك الحمارة راها برزق رااااجلها
فتيحة: حتى نتا برزقك ومرتك فااتتنا لهييييه
علي: هو للي مشا زرب تجوج ديك المعواقة ديال بنت كريمة وكان تجوج ختها حسنلو
فتيحة: اااسكت يا الجحمووم مها هنا وتسمع
علي: تمشي ت***
فتيحة؛ جداااام يا لكلب مبقيت تحشم (خرجت طلت على بيت علي للي رداتت فبيت محمد لي كان قادو مزيان عاودلو صباغة كيف بغات لعروسة وشرا شي تواشا هي وصاااتهم يديرهم ليها… عاود طرقااتو ومشات رجعت حدا لعياالات…..)
أمال: (حاطة ولدها حداها جالس فوق طابي ديال الروسووم (كتكون من لكواتشو) باش الا طاح على راسو ميتعدمش.. كان جالس كيلعب باللعاب ومرة مرة يغززهم بسنانو للي كياكلووه.. حنات مسحااتلو ريوووݣو وشافت فليلا للي مكتبغيش تفرق عليهم كانت عندها عام و3 شهور… عطاتها أمال التفاحة للي قشرت ليها وقلت كتاكل)
كولي احبيبتي
ليلا: (ظحكت فرحانة دخلت عندها ليلى هازة ولدها جاد وحطاتو حدااه)
ليلى: اشنو درتي تمشي؟!!!
أمال: والله معرفت مّا ݣالتلي نمشيو حيت ماما لاحت عليها العار وراكي عارفة مّا
ليلى: سيري فوجي ولكن بقاي لاسقة فالحاجة والا معجبكش شي حاجة اجي
أمال: مبقيتش حاملة نطوف تماك
ليلى: معليش غير سيري اصلا تبدلي الجو
أمال: الجو مجا نبدلو غير تماااك والله مكرهت نساافر لشي بلاصة
ليلى: حتى امور رمضان وسيري نتي وزهير لشي بلاصة
أمال: مصاااب… (ولدها شد ليها فسروالها) اكبيدة شنو بغيتي
ليلى: بغا يرضع
أمال: (هزااتو مشات لبيت ترضعو… حسات بالروتين وحتى علاقتها مع زهير رجعت روتينية حيت يوسف خدا بلاصة كبيرة رجع الاهتمام لكبير ليه هو.. صونا تيليفونها كان زهير وحيت ولدها نعس مقدرتش تحرك بقات شي 5 دقايق حطاتو فوق النموسية ودورات عليه لوسايد حيت كيتحرك عاد هزت تيليفونها صونات المرة اللولة التانية عاد جاوب)
الووو كنت كنعس يوسف
أنوار: وي أمال
أمال: (بقات ساكتة) عطيني زهير
أنوار: خرج يخلص شي وحدين بقاو هو ك.. (سمع طيط طيط عرفها قطعت شاف فالخلفية ديال تيليفون زهير كانت فيه أمال وولدها ركز فملامح أمال للي زادو بانو مع الصحة ووجها رجع منور كتر وكتر غير شاف زهير طفا التيليفون وحطو طلع للكاميو)
راه عيطت مرتك وجاوبتها
زهير: ݣول مرت عمي
انوار: واش لبنت صغيرة علية ونݣول مرت عمي
زهير: صغيرة فلاج ولكن قيمتها كبيييرة هههه
أنوار: (تبسم زادو فطريق) كفاش عرفتها
زهير: بمسبة هاد خونا نيت للي عطانا لكاميو شفتها فلكار كانت راجعة من دارهم وكان عرس خو وليد داك ادم الا تعقل عليه
أنوار: (تفكر حيت كان فداك العرس.. قوس عينو حيت ديك الوقت كانو بجوج وكان متأكد انها كتبغيه) فالعرس نيت
زهير: لا من مور العرس شفتها ومن تم وانا تابعها كيلهبيل من قنت لقنت ݣلبتلي ݣنتي عاد باش هضرت معايا
أنوار: مزيان مكنت عارف والو
زهير: حيت مكان واالو من موراها خطبت نتا بنت عمها انا تماك عاد عرفتها بنت عم وليد داك نهار كنت غنقتل خووها
أنوار: نهار خطبت بنت عمها؟!
زهير؛ واه لݣيت خوها عاطيها قتلااا دلعصى
أنوار: علاش
زهير: برد جنونو فيها راك عارف قضيتو مع شيمااا
أنوار: ااااه انا كان يسحابلي هي مخطوبة بولد عمها وليد
زهير: لاااا لا هو من شحال كان حاط العين على هند وكانو يهضروو
أنوار: اممم
زهير: اوا هدا مكاااان
أنوار: مزيان كتبان عليها ضريفة
زهير: ضريفة ولا شينة داكشي لية يانا
أنوار: ههه مكتقشرش…
زهير: اوا ونتا متنوضش تجوج
أنوار: (زفر) بشكوون؟!!!
زهير: شغلك داك علاه انا عمري فتيت ولا رييت عليك شكون تدي حدي خت وليد للي كنت نݣولك بعد طريݣها
أنوار: والله معرفت حتى بّا فالدخلة والخرجة يݣولي تجوج
زهير: ههه خويا لكبير مكرهش كولشي فديك الدار يعاود يتجوج
أنوار: (تبسم) يكون خير واخا باش نتجوج بنت عمتي جاتني فشكل
زهير: بشوية عليك وفكر…
سميرة: (كانت متكية على صدر حميد وكتلعب بصباعها فوق كرشووو) عييت احميد
حميد: مناش احبيبة
سميرة: من شوفت بابا فرحان مع ليلى بحال كان محبوس مع ماما عيلات خوتي حلو فمهم علية ومبقاوش حانيين الراس اما واحد أنوار من نهار عرفني درت الكاغيط نبقى يهضرني الكلب لاخر قاتل ماما وزايد بتفرعين لعور لاخر
حميد: نتي للي بغيتي تصعبيها علينا ݣلتلك رجعو لميريكان نعيشو حياتنا ماشي نبقاو نتلݣاو هاكا وفالليل ترجعي لداركم وانا لدارنا
سميرة: مزال مبغيت بابا يعرف
حميد: وشكون مظمنش ليك يݣولها أنوار ليه
سميرة: داك لعرج ميݣد على والو فيه غير النفخة الخاوية.. (هزت راسها فيه) كتبغيني احميد
حميد: عاد كتسولي
سميرة: هي غتعاوني….
~~~~~~~~~~~
شيماء: (جالسة كتلعب مع بنتها حتى دخل أشرف فالليل شاف فشيماء للي لابسة كسيوة ربيعية ودايرة ظفيرة جنب ناضت منخلاه) انا نحط لعشا
أشرف: (بقا متبعها وحنى عند بنتو مخرج من جيبو لعبة صغييورة عطاهالها.. ناضت مشا لبيتو وبنتو تابعاه برجيلاتها) دخلتي الكتوتة ديالي
مريم: با….باااا
أشرف: ݣليع ݣلب بّاك (هزها كيهرها حطها فوق النموسية بدل حوايجو لبس سروال مع تيشورت وخرج كيلعب معاها لقا شيماء حطات لعشا جلس) باسم الله (بقاو كيااكلو فصمت حتى صونا عليه عمو وعلمو باش يجي على حساب الذكرى السنوية للي كيديرو كل عام على موت واليديه قطع)
وجدي روووحك غدا نروحو لبندرار
شيماء: لا
أشرف: كفاش لا؟! مالي كنتشاور معاك
شيماء: طلقني الله يرحم واليديييك
اشرف: (بقا كيشوف فيها)
شيماء: شنو بحال شفتك تصدمت بحال حنا عايشين بيخيير شنو هاد لعيشة دلخرا حتى بقينا نتقادو شوية ونتا ترجع كفس فيييق اشريييف راك ماشي ملاك نازل من سماااااا ولا خديييتك بالسيف عليييك الغلط ديالك نتا وصلحتيه وانا للي حياتي تعذبت وتخربقت اما نتا موقعلك واالو الا حاس براسك مجوج شيااااطة ديال صاااحبك انا حاسة مجوجة واحد اصلا ماشي رااااجل
(هربت وجهها من تصرفيقة وبقات مبعدة دايرة يدها على وجهها)
العيشة بيناتنا حاااارة وعمرها تقاااد الا انا للي تكرفست علية المزيان تكرفست علية فصحتي ونفسيتي وعطيت لجواجنا فرصة وݣلت نبقاو بجوج ونعيشو حياتنا حلاااال نتا جيتي حتى للتالي وقلبتي علية
أشرف: (بعصبية) سكتي
شيماء؛ مغنسكتش انا عييييت (طرطقت كتبكي) عييييت ابنااادم الله ياخد فيك الحق واش نتا هو سيدي ربي باش تحاسبني استغفر الله وبعدني سير حاااسب غير رااااسك
أشرف: شكون ݣالك انا كنحاااسبك
شيماء: (بهستيرية كتغوت بحال صوتها موااصلش لودنيها) كتحاااااسب وكنتحااسب غير انا بسباااابك بابا لدابا مبغا يشوف وجهي ونتا زايدها كتعفر
أشرف: سكتي راكي خلعتي لبنت (شايفها كترعد بغا يقرب ليها وهي كتهرب وتحامي على وجهها حتى شدها جلس وعنقها وهي كتبكي) شششششت غير سكتي دااااابا….
أشرف: ششششت غير سكتي دااااابا..
شيماء: (كتبكي بهستيرية) ضيعتييييني فكوووولشي
أشرف: (بصوت هادئ) مضيعتك واالو ياك كتبغي بنتك ااانا انا غير عاونتك تجيبيها (شاف راسو غير كيخربق)
شيماء: (سكتت عاد شافت راسها فحضنو بعدت منو كتجمع شعرها ديرو من مور ودنيها جات بنتها وعنقاااتها)
أشرف: شيمااااا انا غلطت بزاااااف معاك عااارف للي ممتقبلوووش هو داك ل.. محملتوش يعاود يباااان
شيماء: (بصوت مخنوق) وانا شنو ذنبي
أشرف: الغيييييرة…. (شافت فيه) الغيرة تهضر الغيرة تعمي.. (زفر) عماااتني الغيرة حتى مبقيتش نعرف من الكحلة ومن لبيضا معرفت واش راني ندير الصح ولا راني غير مزااايد نعميييها
شيماء: (بقات غير كتشوف فيه)
أشرف: اقسم بالله وكان نهار اللول روحتي لعني وݣلتيلي نتجوجو نديرو شي حاجة نحس بيك باغياااني مكناااش نوصلو لهاد لمواااصل
شيماء: مكنتيش غتجوجني
اشرف: ورااااس ما وبا للي فااقبر كنت نتسنى فيك
شيماء: (رجعت كتبكي وتفكر ݣاع للي داز عليها) تعذبت بزااااف
أشرف: (زفر) عااااارف
شيماء: (بقاو ساكتين مدة حتى حست بنتها ترخات عليها من التعنيقة ونعست بغات تنوض حبسها هز لبنت عليها داها تنعس وبقات غير كتشوووف فديك الماكلة عينيها منفوخين بلبكى وغير كتنهد وعقلها ساااااااهي حتى رجع جلس حداها)
أشرف: شيماااا… (شافت فيه) غدا انا غنمشي لبني درار انا كل عام كنمشي لتم كندير صداقة على با وما عمرني فلت شي عام تقريبا هادي 17 العام..
مكرهتش تكون بنتي معايا… (بقاو كيتشاوفو) وحتى نتي نبغيك تمشي معايا ونواااااعدك من موووراها نديك تحوسي فينما بغيييتي
شيماء: سفر زعما؟!
أشرف: واااه الجو ربيعي وقبل كيدخل رمضان نديك نتي ومريااامة فينما حبيتي
شيماء: (وقف) يكون خير
أشرف: جلسي تعشاااي
شيماء: مافياااش وجعني راسي وبغيت نعس.. (مشات وبقا كيشوف فيها.. مكان غير يتعشى وراااسو خداااام فالافكااار…)
شيماء: (تكات بلاصتها وكتفكر مزيااااان وترجع هضرتو تعنيقتووو وفكرت السفر للي ماشي غير جا دابا وقاالها باينة كيخطط ليها… فكرت مزيااان محدو رطاااب خاصو تجبدو ليها وتكون هادي ااااااخر محاولة منها….)
زهير: (وصلو لوجدة كانت 5 دصباااح جاب لكاميو معاه للدار هبط أنوار مصخسخ.. كان صقيييير) ياله تنعس فالدار بلا مدق عليهم..
أنوار: حسن (مشا كيعرج) خاصني ضرووري العكاز
ززهير: نتا للي كتبقى نجبد وتݣول انا بيخير… (حل لباب ديال الدار وطلعو حلو الباب التانية) دخل لداك لبيت راه لفراش فلكوان
أنوار: نتا غتنعس درك
زهير: واش بانلك؟! نمشي نسخن عظيماتي راه فرعني لبرد
أنوار: (تبسم فمهما بمفهوم باقشاااط وتخيل.. نفض راسو دخل لبيت تفكر يمشي يشرب شعل الضو ومشا للكوزينة حتى كيسمع صوتها.. رجع للبيت من نهار جا كيحاول يتفاداااها فمرة… فرش بلاصتو سد السرحم وجبد عليها بنعسة)
~~~~~~~~~~~
زهير: والله مساااليت عرفتي باش نجي صايݣ من لكازا لوجدة تماااارة
أمال: واخا هكاك علمني
زهير: وصوني نتي احبيبة
أمال: صونيت وجاوبني هداك للي معاك
زهير: (باستغراب) علاش مكتحمليش فيه الشعرة
أمال: مكنعرفو مكيعرفني
زهير: حبيبي مالك معصبة؟!!!
أمال: واالو تبغي نجيبلك شي حاجة
زهير: متخرجيش راه يقدر يكون فلكوزينة
أمال: (سكتت خرج زهير مشا عمر قرعة دلما ورجع عندها.. كتحاول متبينلوش كرهها لانوار وتصرف عاادي…
رجع تبسمت)
توحشتك
زهير: يااا ݣليع مّا وشحاال هبييلة خاصني معاك طبيب يشرحلي حاالتك كل دقيقة
أمال: وااا غير حيت توحشتك وصاااافي (باسها فشنايفها) والله ازهير حتى وليت كنحس بيك بعيييد علية ماشي بحال اللول
زهير: مكاين وااالو فاللي فراااسك (نقر بصبعو فنواظرها) غير كترو مشااغيل وصافي ولكن كنواعدك كولشي يرجع كيف كان
أمال: ان شاء الله…
زهير: رواحي عندي (تبسمت تكات فوق صدرو دغيا حست بيه نعس ناضت من فوقو باش متعذبوش فنعاس.. وبقات كتفكر فهاد أنوار للي مكتحملش حتى سيرتو تذكر قدااامها اعساااك تشوفو…)
~~~~~~~~~~~~~~
هند: وليد واش غتمشي للعرس
وليد: لا وحتى نتي لا
هند: بيان سييغ انا منمشيش غير نتا الا كنتي باغي دير الواج…
وليد؛ مكاين لا واجب لا خراااا انا داك بنادم مكرهتش ديلمو نفلعسوووو بقالي غير نحضر لعرسووو
هند: أمال غتمشي
وليد: وكان دير الراي متمشيش تضرب على ديك الفاميلة دوااالو لا مها ولا داك نص رويييجل
هند: الحاجة لسقتها وملقات مدير وحتى زهير يقدر يمشي
وليد: اودي غير ميجيدوش شي صداااع كولشي تم دمو حامي وعلى نقشة….
أصبحنا وأصبح الملك لله…
مريم: والله محاااملة نمشي… وغير خليها على الله… عارفة كيوقف معايا انا داك الديكور للي مبقيييتش حاملة… تفووو داك علي الشوفة فيه مكنقد نشووفها الله يعطيه مصيييبة (سمعت الساروت) أمال بلاتي ونصوني راه خوك جا.. (قطعت)
محمد: مريم صافي جمعتي لحوايج
مريم: وااااه صافي غير هودهم حݣا ݣاع مشرينا لكادو لبارح منين خرجنا نتقدااو
محمد: نعطيهملوو فلوس راه مغرق رااسو…
مريم: فاش مغرقها!!
محمد: اودييييي حتى لطريݣ ونتعاودو (هبط لبݣاااج عاد طلع هز لبنت وهي هزات لولد (فكروني فسمياتهم ههه) هبطوهم ركبوهم اللور كولها وكرسيه وهوما كيلعبو بيدهم ودايرين اللهاية..)
مغرقها الآلة مع العروس للي طلبت ليه شي طلبات ضربااات لجدارة لودن
مريم: اوا لكذاااب ميقضي عليه غير الطماع
محمد: نيشان… اوا هاحنا نشوفو حريرتهم فين توصل
مريم: بيناتهم نتا مدخلتيش راسك فهادشي اويلي ملقى غير بنت داك لبزناس راه كيعاودو عليه خاااايب
محمد: يعومو بحرهم هداك سرو دوك الناس يعاودو فيه ترااابي
~~~~~~~~~
شيماء: (فاقت من نعاس خرجت توضات صلات عاد دخلت للكوزينة لقات بلاطو فيه براد اتاي معمر وكاس حليب وحداه كرواصة فيها كريم وكرواصة صغيرة وحرشة فيها املو وورقة)
“”وجدي راسك نتي ومريم””
(تبسمت.. أول مرة يدير هاااك كانت حركة عجباااتها بزااااف
سخنت لبراد كلات بلواقفية وهي مفرنسة وكتعاود تقرا ديك الورقة للمرة الألف… فاقت مريم للي جات عندها مسندة بالحيط غسلت ليها وجهها وهي كظحك معاها ولمووود دغيا تبدل ورجعت حيوية… فطراااتها ودخلت البيت معرفت شنو تجمع مهم جمعت حوايج مريم للي دارت ليها 5 التبديلات ودارت ليها 2 بيجامات ولبست العباية جديدة للي كانت مستيلية قدات وجهها بإكخون خط ايلينر خفيف فراجو مسكارا وعكر ماك فلون شفايفها.. سمعت الساروت لوات الشال على الطريقة الخليجية.. خرجت من الحمااام وبقا غير كيشوف فيها)
حم سلام
أشرف: دايرة لمكياج
شيماء: غير بومادة دالشمش (قرب عندها كيشوف فعينيها خط لكحل مكاااينش غير حرووفها للي زادو كحالو ولكن مفرقش رجع اللور) مالك
أشرف: كتسيفي
شيماء: مهم واش نمشيو دابا
أشرف: (باقي كيحنزز فوجهها) واه جمعتي حوايجك
شيماء: واه.. شحال نجلسو؟!!
أشرف: سيمانة
شيماء: سيمانة انا درت غير بيجامة وحدة
أشرف: بلا متزيدي راه لحوانت تم وشري للي بغيتي
شيماء: (طرطقت عينها شرا!! وشحال كتحماق على كلمة شرا.. خرجو من تماك وشدو طريق)
~~~~~~~~~~~~
أنوار: (بقا كيدق عند بيت زهير) زهيييير
أمال: شكوووون
أنوار: أمال نوضي زهير بغيتو ضروووري
أمال: تفو على خرا… (عز عليها تنوضو رجعت حدا لباب) سير تمشي راه ناعس
أنوار: ضروووري أمال فيقيه (رجعت عند زهير دار يدها على حنكو بكل رقة)
أمال: زهير زهييير عوييييناتي كبيدة
زهير: اممم (جرها حتى بقات كظحك) مال ر**
أمال: احاااااي على صباح نوض راه كيعيطوولك
زهير: شكون
أمال: (محملاش تذكر سميتو) أنوار
زهير: واش بغا
أمال: معرفت كيݣول ضرووري ما ضروري مبغاش يمشي
زهير: (حل عين رجع غمضها وحلهم بجووج كيحك فيهم) فينو؟!
أمال: برا
زهير: (جلس عاد وقف مشا لباب خرج ورجع يدو لقا أنوار واقف على اعصابو) واش تم!
أنوار: رواح معايا (خرج وتبعو زهير مفاهمش وصلو حدا لكاميو كيبانلو لبيبان محلولين قلبو تهز عاد شاااف لدااااخل)
نعيط لبوليس؟!!!
زهير: (غير مخرج عينو) واشتتاااا!!!!
أنوار: سمعت شي حاجة طليت مجيت نهبط حتى هربو..
زهير: (دار يدو على جبهتو مغمض عينووو)
زهير: (بقا كيشوف فداكشي) بلع لباب
أنوار: (حتى هو مصدوووم) راه خاص نعيطو لبوليس
زهير: واش نعيطو لبوليس باش مّا طيحلي هنا
أمال: زوهيييييير
زهير؛ (بعصبية مبغاهاش تنزل وتشوف هادشي) روووووحي فحاااالك
أمال: (مرضاااتش طلعت باغية تمووت بلفقصة)
أنوار: لا حول ولا قوه الا بالله العلي العظيم
زهير: (قرب شاف داكشي بقرف كانو 3 دلكلاب مذبوحين والكاميو كولو دم.. شاف فلباب للي كان كانت الساقطة مهرسة.. خبط داك لباب وبقا غير ساااااقر فلداخل ديالو بركاااان دالغضب الا بانلو دابا مول الفعلة ممكن يقتو…)
أنوار: زهير واش نديرو درك راه ميمكنش تسكت
زهير: (مشا لداارو أنوار بقا تماك حيت السلعة للي مشرية بالثمن محلول لباب عليها… نسا سوارت رجع لدار مو لقاهم جالسين دخل لبيتو هز سوارت الدار وخرج مكيهضرش وحتى هوما مهضرووهش… مشا لدارو نيشان لبيت نعاس جبد لبسي للي فالماريو كيقلب فالكاميرات.. بقا عاااصر كيشوف حتى شاف جوج نقزو الصور زوما واخا بقات مضببة الا الجثة ديالهم بانت باين جوج ذكووور الطولة والعرض.. رجع الزوم مبانلوش الوجه للي متأكد غيكونو ملتمين شافهم قضاااو الغرض حتى طل أنوار كيغوت رجعو خرجو كما دخلو… بقا غير كيشوف شكون هادو عااود ولمن تابعين حيت هادو مصيفطينهم وحتى منين دازو من حدا كاميرا ديال برا عطاو بظهر… دخلت أمال لقاتو هكااك)
أمال: مالك ازهير؟!
زهير: (بقا كيشوف فيها) وااالو
أمال: لا بيك شي حاجة غير ݣولي عفاااك
زهير: والو والو غير شي حاجة فالخدمة (ميمكنش يخرب ليها الامان للي كتحس بيه فدارو)
ݣولي غتمشي العرس ديالك
أمال: نتا مبغيتش
زهير: لا غير رووحو نتي ومّا درك لحݣ عليكم نجييبكم جمعية حوايجك نتي ويوسف
أمال: (تصدمت فيه حسابها ميخليهاش تمشي باش متفقسش) واخ… نمشي نݣولها لمّا
زهير: درك نݣولهالها غير جمعي حوايجك باش نديكم ونلحݣ رجع (خرج معصب معصب بزاااف ميمكنش هادشي يدوووز مرووور الكرام اليوم الكاميو غدا عائلتو شكون هدا للي تجرأ ودخل الوسط دااارو ودار مبغى…)
زهير: (علم وليد بشنو وقع هز لكاميو دارها من مور الدار ديال خوه وبقا جالس تماك حتى جا عندو وليد)
شتي هاد ولاد ل***
وليد: ميكونوش هوما نيت للي سرقو داري
زهير: بحال واالو
وليد: اوا غتبقى جالس عيط لجدارمية اما حتى لبوليس مكيوصلوش هنا
زهير: كنتسنى مّا وامال يخرجو راس كيݣولي نصيفطهم فشي تاكسي
وليد: انا نديييهم نتا خليك هنا وعيط الجدارمية
زهير: (زفر) سير عند مّا الا سولاتك علية ݣولها جاتو شي خدمة شي تخربيقة (بقا معصب مشا وليد عندهم للدار جاتهم فشكل وبقاو كيتشاوفو مشاو معاه واخا صوناو على زهير مجاوبش مشا هز طموبيل ديال هند ونيشان شد طريق أمال غطرطق جاتها لبكية والحاجة كتخمم مال ولدها من سفر مشافتو ماشي من عوايدو….)
~~~~~~~~~~~
أشرف: (كانو طالقين موسيقى baby shark للي كتحماق عليها مريم وكتنشط بيها شاف فشيماء متكية على الكرسي وساااهية)
مالك؟!!!
شيماء: هنا حبتني داك نهار
أشرف: حم (بقا كيشوف فطريق وسكتوو حتى وصلو لدار عمو للي كانت بعيدة على لفيلاج كانو دايرين لخزانة والداخل والخارج شاف فشيماء) هنا كنت ساااكن قبل منهبط لوجدة
شيماء: مع دار عمك؟!
أشرف: لا هنا كانت دارنا كنعقل عمي كان جا سكن معانا بموت با وما بربعين يوم هبطت لوجدة نخدم
شيماء: (حركت راسها) الله يرحمهم
أشرف: اميييين (خرج ومشا يهز مريم)
شيماء: ماشي حشومة ممدخلين معانا واالو
أشرف: هادي سيمانة صيفطت لعمي فلوس باش يدير هادشي
شيماء: ااااه.. (مشات حداه شافت مرت عمو جات تسلم عليه باقية عاقلة عليهم من العملية للي كان دار على مصران الزائد… وصلت حداها دارتها سلام نااااقص بقات غير كتشوف جا عمهم سلم على أشرف بالحضن اما شيماء باستلو يدو)
عم أشرف: الله يرضي عليك ابنتي
شيماء: الله يجعلها صداقة مقبولة اعمي
أشرف: (تبسم) رواحي اشيماااا
مرت عمو: وعلى رقبتي متقيس شي حاجة كوووولشي بتكلفو بيه لبنات هي غير تجلس معززة مكرمة راها ضيييفة عندنا واول مرة تجي
شيماء: (تبسمت) لهلا يخطيك امرت عمي راه دارنا نتعاونو جمييييع (مشات حدا أشرف دخلو جاو بنات عمو سلمو عليه باليد وسلمو على شيماء وتناوبو على لبنت من باهم بقات غير حاضياااهم شيماء كردة فعل طبيعية من أي أم… كانو عائلة تماك بقا العم كيوريها وهي كتسلم جلست غير خرج أشرف وعمو مشاو للكوزينة وبقات هي كضور عينها غير للي تماك للي مدو ليها كاس اتاي والكعك للي محطوط.. بقات كتقلب بعينها على بنتها متهنات حتى ناضت واخا معارفااش الدار متبعة غير فين الناس كيمشيو دخلات للكوزينة ووالو شافت فلبيت مكينينش كان بيت مسدود حلاتو لقاات لبنات تماااك شادين لبنت)
وحدة منهم: واش متعرفيش دقي راك ضيفة ولا نسيتي رووحك
شيماء: ضيفة فداري كيف درتي ليها (جرت بنتها) شنو كنتو ديرولها
…: بزااف عليك ولها يحيييك للي تفكرينا سحاراات ولكن جمل ميشوفش حدبتو ويعاير فالقرد
شيماء: اوا سمعي القردة تعاودي تقربي من بنتي نخرج فمك
مرت عمو: هاي هاي هاي لا هزي عصى ورواحي دݣدݣينا نيت….
شيماء: الا ݣلبتي عليها تلݣايني
مرت عمو: (خرجت عينها) لهلا يحيييك يا الخااامجة يا السااايبة
شيماء: (ياله جات تجاوب سمعت صوت أشرف.. بدلت نبرتها لصوت باكي) حشووومة عليكم انا ياله عرفاكم ونتوما نزلتو علية سبااان اما غير معرفتش فين بنتي وجيت نقلب عليييها والله مكنت عارفة امرت عمي هدا بيييتك (وقف أشرف كيشوف ومعاه عمو) والله مكنت عااارفة ها هو أشرف يݣووولك انا اول مرة نجي لهن مكتعرفش الدااار
أشرف: واش صاير
شيماء: كانو لبنات مساكن فرحو بمريم دخلووها انا جيت نݣلب عليها دخلت بلا مندق عليهم
….: كذااااابة
شيماء: اقسم بالله اقسم بالله العلي العظييييم (كتبكي ووجها رجع حمر) والله منكذب عطيوني القران نحلف ليكم الا غير كنت نݣلب على بنتي
أشرف: (دخل عندها) علاش راك تبكي تيقنااااك مرت عمي!!!!
مرت العم: والله يا وليدي الا راها غير تكذب
شيماء: انا كنكذب؟؟! (شافت فبنتها) واش ماشي انا دخلت عليكم بلا دقان وسولت فبنتي
….: واه ولكن بقيتي تهزي علينا
شيماء: حشووومة عليك انا عارفة راسي غلطت انا غير ضيفة وممنحقيش ندخل بلا مندق لديور عباد الله
أشرف: راه داااارك حتى نتي
مرت عمو: (تقرصت وشافت فبنااتتها) موقع واالو
أشرف: صافي حنا نمشيو
شيماء: لا معندنا فين نمشيو الصداقة ديال لمرحومين شحال ونتا تسنى فيها باش نمشيو معليش نسااامح فحقي يانا ݣلع متشغل بااالك نتا غير سير شوف ضيااافك
العم: الله يرضي عليك ابنتي ويكملك بعقلك ونتوما حسابي معاكم فالليل منين يخويو الناس…
أشرف: عطيها اعمي الساروت دخل لبيت ترتاح وتبدل عليها
مرت العم: (داك لبيت رداتو ليها وتم فين مخبعة ذهبها وشحال من حاجة) تجلس هنا
أشرف: خلي مرتي امرت عمي تمشي لبيتي صافي الناس يتفرجو كولها يجلس فموضعوو
عطاه الساروت ومشا باش يستقبل الناس
مرت عمو: راه رديت داك لبيت لية اولدي
أشرف: وعلاش درتولها محاضرة منين مدقتش فلباب ودخلت ونتوما واخدين بيتي ومݣايلينهاش (بقات كتعلثم) صافي صافي جلسي هنا اشيماء رتاااحي شوية راه خلاتك مريم لبارح بلا نعاااس
شيماء: لا نعاونهم
اشرف؛ معندك متعاوني جلسي (شاف فبنات عمو) صافي خلينا المشكل (فهمو راسهم وخرجووو مشات مرت عمو سد لباب وشاف فشيماء) عارفك بخبييييزتك حتى نتي
شيماء: (كتمسكن) لاااااااا لا
أشرف: أحييييييي..ي عليك مهم هانتي مرتاحة هنا سدي عليك بالساروت الا بغيتي خطينا من صداااع والمشاكيل اشيماء وخلي الصداااقة محسوووبة
شيماء: انا نعس حتى يتحط لغدا وجيبلي حقي (هز حاجبو) صافي نخرج ناكل مع الناس
أشرف: حتارمي للي كبر منك بلا منبداو من الزيرو ونديرو تفو على لغشاااش… (خرج جابلها شانطتها سدت من موراها بدلت حوايجها ظلمت الدنيا عنقت بنتها كترضها حتى نعست وجبدت عليها بنعسة…..)
الحاجة: معرفت ابنتي حتى انا تلفت فيه هاد صباااح
أمال: ياكما يكون مجوج علية
وليد: (محس حتى ظحك) ههه أمال واش راكي تݣووولي
الحاجة: ولدي نتا متكذبش علية ݣولي مال زهير هاد صباح مكانش فبرجو عمرها كانت ميجيش حتى يشوفني
أمال: وغوت علية
وليد: غير مع الخدمة الحاجة
الحاجة: واش شي مشكل كبير
وليد: يتحل ان شاء الله
أمال: (بقا فيها الحال) منين يتحل لاش ميعاودناش ولا حنا يعرفنا غير فالنشاااط وفالمشاكيل يدير راسو بوحدو بحال معندو حد… حتى ولدو مجاش يشوفو
وليد: أمال راكي مولات لعقل
أمال: والله بقا فية الحال حتى نتي امّا ياااك!!!
الحاجة: الله يهدي ماااا خلق ابنتي غير ميكونش عندو شي مشكل… (وصبو لتاوريرت أمال غير كتشوف مجاملة حتى قنت فهاد لمدينة وزيد معصبة وصلو للدار كما اجواء العرس الداخل والخارج بزاااف… طلع وليد شوااانط نيشان لدارهم حيت تماك غيجلسو أمال هازة ولدها ومسندة عليها الحاجة.. جا محمد كيستقبلهم وتبعاتو فتيحة ونعيمة كيرحبووو… سلمو عليهم وشدت فتيحة ولد امال)
فتيحة: ها لالي هاااا لالي بوليدي كبر تبارك الله غير بااااه نتي غير مسخرة
أمال: (بابتسامة صفرااا)
فتيحة: دخلو دخلو مرحباااا بيكم
أمال: (دخلت الحاجة وكولشي وبقات كتشوف فهاد الدار للي تطردت منها ماشي مرة ماشي جوووج.. تنهدت على شنو دار زهير حتى التيليف ن مصوماش ومسولش وكفاش اصلا خلاها تجي وهو مكاااينش)
محمد: دخلي
أمال: والله محاملة ندخل لهاد الدار
محمد: دار خوووك دابا
أمال: الا هاكا ندخل هههه
محمد؛ هههه (دار يدو على كتافها واخا جاها موقف تقيل ولكن حتى هي بغات تسامح وتفتح صفحة جديدة معاه) فين زهير
أمال: جاتو شي خدمة
محمد: مزيااان هو اصلا محاملش علي (بان علي لابس جبادو داز بحال شاف حجرة ماشي ختو)
أمال: مدارش علاش يتحمل ولا يتبغى
محمد: انا وكان ماشي عرفتك تجي حتى نتي مكنتش نجي
أمال: (جاتها فشكل) علاش
محمد: (زفر) اش غنݣوولك اختي حتى انا مدوزتش هنا ايام زيييينة
أمال: (باستغراب هو كان عايش قااايد كفاش مدوزش ايام زينة.. وصلو للصالون لي كانت فيه العائلة.. صونا زهير بلا متحس) انا نجاوب زهير
محمد: واه سيري لداك لبيت
أمال: (مشات لداك لبيت جاوبت) الو
زهير: الووكبف وصلتو
أمال: على سلامتك منين تفكرتينا
زهير: (بعد من حدا الجدارمية) كيف وصلتو امال؟!
أمال: لباس مالك معانا هاد صباح وكتبقى هاد تغوت علية ݣدام اللي يسوا وللي ميسواش
زهير: (كيهضر مع الجدارمي) اننا جاي اخويا… بلاتي ونهضر معاك أمال (قطع خلاها غتااااكل ريتها بالفقسة….)
أنوار: (عطى شهادة ديالو شافو الكاميرات داوهم عندهم لكبير تخلع وللي فالدار مفاهمين واالو للي عند زهير المهم هو مو ومرتو ميتخلعووش….)
جاني بحال شي حد كيعرفنا
زهير: زعما من الدار
أنوار: كفاش تخلع من الكاميرات مجاتكش غريبة قفييل للي عارف عندنا كاميرا فلبولة (لبولة لكبيرة للي كضوي على ديك الساحة صغيرة)
زهير: مبغيتش نشكل فخووتك صراااحة
أنوار: خوتي!!!
زهير: وشكون للي من الدار أمال!!! ولا مّا!!! خوتك للي عندي معاهم المشكل وخصوووصا سميييرة
أنوار: سميرة!!!!!
زهير: تطلب الله متكونش هي وبربي منحن فيها… (سلمو على الجدارمية زهير هز دوك لكلاب مشا دفنهم بعيد جاب كيغسل تماك جاب الله السلعة كولها مدورة بالسولوفان والكارطووون.. مسح داكشي ونقاه بجافيل… ركب فلكاميو)
انا نمشي للمحال
أنوار: صبر نمشي معاك
زهير: رووح نتا رتاح شوية براكة تمارة للي ضربت
أنوار: (ركب معاه) زييييد .. (مشااو المحال دخلو السلعة للكاڤ مكانش عندو ݣااانة الخدمة رجع للدار دخل لبيتو ظلم جبد ݣارو كماااه ودماغو غير خدااام فشكون وعلاش!!!)
~~~~~~~~~~~
مريم: (كانت اليوم الحنة ديال علي هي وامال جالسين على الشوووك حتى وحدة محاملة تجلس) فوكاش غير نمشي
أمال: حتى انا
مريم: (تشاوفو وظحكو) شفت خالتي فتيحة غير طايرة بيك ياكما سحرتيلها
أمال: ههه يمكن… احااااي وكيف طارت بولدي تݣول كظل تسول وتبغيه
مريم: وكان شفتي انا
أمال: لعجب يمكن هاد العرس غيبدلها
مريم: نوضي على خير مك راه من مور عرس خوك غتجوج
أمال: هههه وايلي احاااااي وش بالصح
مريم: والله مفخباركش
أمال: الله يهديك امريم بحال كنعرف كولشي عليهم جات على هادي
مريم: خوك غيتفرݣع
أمال: اييييوا منين طلبت جواج خليها تجوج ولا تمشي دير شي فضيحة
مريم: هههه الله يمسخك وعرفتي شكون بعدا
أمال: مسوقيش شكون يكون
مريم: صاحب باك عمي سعييييد
أمال: أحاااااااي
مريم: ايييييه…
~~~~~~~~~~~~~~
شيماء: (ناضت على الدقان قداات شاالها وحلت لباب كان أشرف) أشرف
أشرف: من ݣبيل وانا ندق
شيماء: والله مسمعتو نعست محسيتش براسي يمكن فية سخااانة قييييس
أشرف: (دار يدو على جبهتها) شوية
شيماء: قيس بشناايفك بحال كيف كندير لمريم
أشرف: (طالب عليها قرب ليها حط شفايفو فوق جبتها طلعت معاه ريحة زوييييينة وكملها دار يدو فخصرها خلاها مغمضة عينها.. بعد عليها شوية شافها مغمضة) واه
شيماء: (حلت عينها وشافت فيه) معرفت مااالي
أشرف: (كيشوف فشنايفها) يمكن ضربك لبرد
شيماء: يمكن (عضت على شنااافتها التحتانية من الجنب)
أشرف: (برد بيدو على جنابها مقربها كتر حتى تزدت صدرها معاه) واش بيك بانتلي سخانة لعبت على كولشي
شيماء: (بغباء) مفهمتش
أشرف: (شد بيدو وجهها جرها هبط لشنااافتها باسها لمدة 15 ثانية وهي غير كتشوف رجع شاف فيها) حتى هاكا نعبر سخاانة
شيماء: هاااء!!
أشرف: (طلق منها) نوريك باش نعبر اااخر!!!!!
شيماء: (بغباء حيت ميمكنش تسلملو راسها بسهولة كما اللول راه تعلمت درس ودرس كبيييير) هااا.. راه عندي باش كنعبر لمريم
أشرف: امممم (كيشوف فيها وفشنايفها) انا غير ݣلت زعما
شيماء: لا لا متشغلش راسك.. حم غير سير لضيااافك
أشرف: (بعد كيحك راسو محايد عينو عليها) متغدااايش
شيماء: مافياش الجوع
أشرف: الا ما فيكش لبسي نخرجو تقداي الا بغيتي شي حاجة حيت غدا صباااح نمشيو من هنا
شيماء: (بفرحة ولكن مبيناتش) ياك ݣلتي نݣلسو 3 ايام
أشرف: نتي مكملتيش حتى دقيقة دابزتي مع الدار كاملة وباغيا تجلسي بااااااز على داك لكماااارة عندك
شيماء: (غير كترمش..) واخا نفيق مريم ونخرجوو (خرج والابتسامة عريضة فوجهها نوضت بنتها بشوية رضعتها بدلات ليها حوايج مشطت ليها شعر للي مسبسب وزعيعر بحال باها لبست عبايتها وجمعت حوايج فالشانطة خرجت جارة لباليزة متيقاش تخلي شرويطة من موراها وأكترية بدات العداوة بيناتهم… جا أشرف هز بنتو مشافش لباليزة خرج جات دازت من حدا بنات عمو كيحنززو فيها)
…: واش صافي غيمشييو
…: نسولووك نتي للي قريبة غتكوني مرتو (فلبلاصة ضارت شيماء شافت فيهم.. تبسمت) مفخبااااركش واااقلة هههه (بقاو كيظحكو خرجت شيماء كتغلي كفاش عاود هاد القضية تفكرت فاش كان كيمشي لدار عمو بزاااف تخلعت وقلبها غيوقف لقاتو ملاهي مع شي رجال مشات للكوفر لقاتو محلول دارت الشانطة ركبت وبانت فوجهها مغيرة.. جا هو ركب بنتو اللور وطلع ركب)
أنوار: فالليل حاولي تخرجي تجلسي حداهم راه بزااف من الفاميلة يسولو عليييك وعلى مريم
شيماء: (كتشوف فيه واش عاود ناوي الغذر؟!!!)
أشرف: مطالب منك لا تجمعي معاهم لا والو عطي غير صوااب راه ناس كبااار ونحتارمهم بزاااف تافهمنا
شيماء: واخ… (زاد مع طريق) واش عمك د(قررت فديك اللحظة تخلي الامور تمشي كما هو مخطط ليها ميمكنش تشدو بالسيف عليه الا كان باغيها راه غيبغيها غير هي فحياتو… كولشي مع الوقت غتعرفو باش متضلمش راسها ومتضلموش واهم حاجة متضلمش لبنت…)
أشرف: مال عمي؟!
شيماء: والو غير سمعت لبنات كيݣوولو هو كل عام كيتكلف بمصاريف الصدقة ونتا ݣلتيلي نتا للي كتكلف
أشرف: (باستغراب حيت عارف عمو مزيان مغيقولش هاكا الا هو براسو داير شهرية ليه) مهم الصدقة تقبل هدا هو المهم
شيماء: الله يجعلها صداقة مقبولة انا عارفااك نتا لي مكلف واليديك مكتبخلش عليهم من جبهة الصداااقة بلعكس كيعجبني الحال فاش كل جمعة كتصدق عليهم باش ما كان ونقرأ القرااان عليهم شنو ديك السووورة
أشرف: (عجبو الحال تمدحو وتركز فتفاصيل ديالو) الرحمان (تبسم) كانت هاد السورة ديما ما كتحفضهالي ونساها وترجع تحفضهالي كانت عزييييزة عندها بزاااف
شيماء: ايييه فخبارك دابا هوما كل جمعة كيبقاو يتسناو فيك
أشرف: وااه
شيماء: والله حتى تبارك الله عليك كتعجبني فيك هاد القضية شتي هوما وكان كانو عايشين وكان راك دايرهم فوق راااسك ولكن الله بغاهم هو حسن ليهم من كولشي
أشرف: بالصح
شيماء: الله يرحمهم فهاد نهار ها نتا ربي عوضك بمريم
أشرف: واخا مكانتش عاجباك سمية
شيماء: والله مكنت عارفااها سمية مك وغير كنت مريضة راك عارف
أشرف: مّا سميتها مريم وبّا سميتو قادر
شيماء: لااااا مريم واخا.. قادر شوية صعيييبة اااو يبقاو يدلوع يݣولولو قوييدر
أشرف: هههه خايبة حتى لمعاودة (وقف حدا الشوايات ودخلو للسوق ديال طرباندو شافها حلات عينها تبعها كانت أول مرة تشري لماااعن لداارها وهي ادرى بشنو نااقصها…..)
زهير: (كان فالطموبيل ديالو تفكر شي حاجة خرج بالزربة لبلاصة فين كانت واقفة الكاميو كيقلب على نقاطي ديال الدم حيت لكلاب باينة متذبحوش فوسطها وااالو مكاينة حتى نقطة ديال الدم… خرج برا تبع طريق دار عمو (للي قتل بااه هو نفسو جد حميد) واالو مكاين حتى نقطة معرفتش علاش جاي دوك 3 دلكلاب مقصوود هو ومرتو ومو حيت هوما الوحيدين للي كانو ضد الصلح وضد داك زواج… تم راااجل قطع للجهة الاخرى فين كانو اراضي اخرين ديال الناس بحال شكل دياالهم وصل بقطعة أرضية مزال متبناات دخل فترااابها كيشوووف حتى بانلو بقع كحلة دم قدييم ولكن مباينش واش ديال لكلاب وغيكون غبي الا عيط الجدارمية معندو حتى ذليل انهم دوك الناس عندو منافسة فالخدمة ولكن ماشي بهاد المستوى ياله داخل للدار كيقشع سميرة هابطة من طموبيلة ديال حميد مبعدين على الدار بشوية زرب وهو مغزف منها كانت مكوزة ككل على لاخر من الزاااج ومدخلة راسها شوية جارها من شااالها للي غير لاوياااه)
لا نتي دخلي للدار ݣااااع
سميرة: (شاافتو بكره) طلݣ مني ابنااااادم وعطيني التيييقار
حميد: (خرج من الطموبيل) ممنحقش ضربها شكون نتا باش ضربها
زهير: رواااح قرب باش نخلط **** وانا عمها الا مرااااكش تعرفني
حميد: سمع ازهير هادي مرتي حتى واحد مشغلو فيها
زهير: مرتك!!! (لاحها عليه بكل قوتووو حتى جات مزدووحة فيه وطاحو بجوج قرب لعندهم) دي خلااااااك وسكنها عندك لاه مزال مخليها هنا
حميد: نتا عارف لعداوة للي كاينة وانا وهي معندها حتى شي ذنب فهادشي كان ساهل نتزوج بيها ونبقاو فميريكان هي للي ختارت تزوج وباها عااارف
زهير: الا بحال هاد زواج ݣاااع لايعرف
سميرة: (وقفو) بعد مني لزهير اما اصلا عمرني عتااابرتك عمي باش تجي دابا ودير فيها عمي
زهير: عمك بالسيف على دي***** بغيتي كرهتي عمك (مقرب عندهم وهوما راجعين اللور) بقاااالكم شوي وحتى ديك ميريكان غطييير وتجلس تااااكلو لعدس هداااا الا متغداااش بيكم الدووود قبل (بقاو غير كيشوووفو زاد باغي يدخل ورجع شاف فيها)
نتي حسااااابك معايا طوييييييييييل (دخل ضارب لباب حتى تهزو معاه)
سميرة: علاش ݣلتيلو تجوجنا
حميد: هادشي للي هاااامك مسمعتيش شي لااااخر
سميرة: (مفقوسة) سمعت
حميد: 3 ايام اسميرة نمشيو من هنا
سميرة: كفاش
حميد: (مشا لطموبيلتو) كيف سمعتي 3 ايااااااااام…..
أمال: (جالسة بحال بحال أي معروضة كتشوف وصافي عقلها وكولشي بقا فوجدة مع زوهير للي تبدلت علاقتو معاها من الروتين زادها بالاهمااال واللامبلاة… شوية هوما فالصالون جات عمتها ناضت سلكت عليها سلام بااارد) لباس عليك اعمتي
العمة: لااباس شتك جالسة بحالك بحال ضياااف
أمال: (معصبة) تقلت عليك فشي حاجة
العمة: اييييه تحلك الفم يا وجه الغريبة ولا نسيتي راسك
أمال: اش بغيتي من التالي جاية تسلمي ولا دااابزة
العمة: (مرضاااتش) لحمارة نسيتي راااسك راني عمتك
أمال: وااا سيري تلعبي اما بابا وممعتافاش بيه بقالي نعتابر ختو سيري سيري خلي وسخنا مجموع منفرتكوووهش قدام الناس
العمة: (تصدمت جات تسمعها هضرة صدقت محشمة) ممربياااش
أمال: (تفرݣعت عليها) علااااه اختي فين عمركي شفتي خووه هازني ولا حتى حااامل يشوف فية باش عاد يربيني حسابلك غتݣوليلي ممربياش وتدخل نبكي ونمرض فراسي اااااه انا ممربياااش حيت ملفين لا اب لا لم يربيني الا شي واحد شايفني مربية راه ربيت راسي براسي ولا كما كيݣولوها كاين للي كيربيوه واليديه كاين للي كيكون مربي من عند الله
العمة: (شافت كولشي كيشوف فتيحة كطل مزعماتش دخل) سري يا بنت خويا اللي جاية نهضر معاك
أمال: الآلة متجيني منجيك براسي غير جايبيني… خرا (جلست والحاجة كتقرس فيه) كيعصبوووو امّا
العمة: اوا الحاجة سمو نݣوولك الله يصبرك على هاد الكارثة
أمال: واش غتمشي من حدايا ولا نوض ندير فيك كارثة تفووو على ماااركة انا للي كنطلب ربي ليل ونهار يسمحلي حيت تزاديت فهاد العائلة ديال 10 فعقل (خرجو العمة شي عيالات من العائلة وبقات أمال كتنݣر…)
الحاجة: أمال هادشي للي درتي معجبنيش
أمال: (بصوت منخفض) والله امّا حتى كيكفروووك وكان تعرفي هاد عمتي وشنو دوزت علية بعدا هي سباب باش مكنتش نخرج
الحاجة: واخا هكاك ابنتي كبيرة عليك خليها تݣول واش بغات وتمشي
أمال: معصبة امّا من زهير بزاااااف
الحاجة: ولدي صايراالو شي حاجة
أمال: ياله نمشييييو امّا فحااالنا
الحاجة: غدا صباااح نمشيو نديرو الواجب ونمشيو
أمال: (جالسة على اعصاابها) تريكتي وانا عارفاااهم فعند الواجب مااايݣر فيهم… (دفعو لغدا تغداو ولدها شدااه طلعت لدار عمها كانو الليل غيمشيو للقاعة واخا معندها خاااطر خرجت كرات تكشيطة دايزها لكلام دخلت للدار قدات وجهها مزيااان الشال غير لواتو عليها دارت سيلفي متبسمة حطاتها فسطاااتي مسحت ديك التعكيرة قدات شالها مزيان خرجت عند الحاجة للي لابسة وجدية ودايرة كاب لفوق للي تماك كيشوف فيها زياااانت صحااحت ولاطاي كيف رجعت وذهوبات أمال تبدلت 180 درجة مشااااو مع خوها محمد طلت على التيليفون للي صيلوونص كان زهير او كما مسميااااه “My soul” “”روحي”” رداتو لصويييك للي ماشي مع صندالة الطااالو.. تبسمت لاحت قنبلة وخلاتو…)
وصلو للقاعة للي كانت كبيرة مضوية وغير مع الدخلة كاين الغياطة والدخلة التانية كاين عيساوا أمال غير كتشوووف واش بصح علي عندو فلوس لهاد العرس!!! استقبلو المعروضين بالحليب وتمر معمر
الحاجة: زيييين هادشي ابنتي
أمال: وييه (شافت القاعة مخلطة ضارت عند الحاجة للي عاد نتابهات ووقفت) مالكي امّا
الحاجة: يا بنتي من نهار حليت عيني عمرني حضرت لمجمع مخلطين فيه رجال وعيالات
أمال: (ضورت عينها) هنا كاين للي يخلط
الحاجة: حشووومة (سلمت امرها لله)
أمال: (محمد خوها كيشيرلها) رواحي نجلسو حدا خويا راهم فطبلة بعيدة (هازة ولدها للي ملبساه جبادور فالخضر الملكي ولبيج والحاجة شادة فذرااع أمال مشاو لديك الطبلة للي كاين فيها نعيمة ومرت ولدها محمد ومريم وجلست أمال والحاجة)
محمد: (كيهضر فالتيليفون بصعوبة حيت كاين صدااع خرج برا القاعة حتى كيجمد من تحلاف زهير) امااااالك
زهير: ياو براس مّا حتى نجي نݣطع ليها الراس والله يا رب** هاد نهار لا خليييتها صحيييحة
محمد: سمو طاري؟!!
زهير: فينها ختك
محمد: فالقاعة
زهير: مخلطة ياك؟!!
محمد: (كيجاوب على نيتو) واه
زهير: (شعل) ݣطع ݣطع درك نكون عندكم والله يا ر** حتى نݣطع لحمها على عظمها (قطع… تم خااارج كيسمع غوات فدار خوه حتى شاف أنوار خارج كيعرج) واش صاااري عاود يا دين**** مكاين نهار للي دوزووه مݣاد يا ولاد لكبير
سميرة: اسيييير العرج ديها غير فصحتك تفوووو على عور على اخر يامي يجي واحد معوااق يتحكم فية
زهير: (طرطق عينييه شدها جرية وحدة لعندها جبدها من شعرها وخووتها كيفاااكوه حيت الا موقفوش فالنص يقتلها حتى لكبير كيجبد زهير للي كيربب ويغوت عليييها جيدة لكبير وبقا واااقف وهي كتبكي… كيلهت)
الا ناقص *** التربية انا للي نربيييييك
سميرة: (فمها كيجري بالدم دݣدݣ وجهها مقادراش تهضر غير كتبكي اما هو كينقي بعصبية صباعو للي تلوى شعر فيهم)
زهير: (شاف فأنوار لاحلو الساروت) طلع نتا ل الطموبيل… (مشا عند خوه)
بنتك اخويا الا عرفت عندها يد فواش وقع صبااااح مرااااطيهاااااش ولو تطياار رݣااااابي (كولشي ضار شاف فسميرة)
(مشا معصب.. مكيحملش يضرب لعيالات ولكن هادي كيشوفها إبليس فصفة إنسان…
طلع للطموبيل وحط تيليفونو)
للي بداااتو هاديك بالتصويرة تكملو هاد الجيييفة… (تفكر بزطامو) نمشي نجيب بزطاامي (جاه ميساااج شافو أنوار قراااه)
“”راه التصويرة درتها فسطاتي ممشيتش هكاك”””
أنوار: (جاه فضوول هز تيليفون زهير نيشان سطاتي مشا “حبيبتي” حلها كطلعلو تصويرة أمال كانت فيها خطييييييييرة عمرو شافها بهاد الجمال… خرج منها دغيا ورد التيليفون بلاصتو تم جاي زهير بلا كلمة شد طريق وانوار صاااااقر….)
أمال: (تخلعت وغير كضور عينها الا قال غيجي إذا غيجي تفرق الحلوى والعصير معندهاش منين يدوووز بقات غير كتراري بولدها كتخفيف من الخلعة والتوتر.. هزت تيليفونها مولاش صوونا حتى باش تخرج برا تصوني الدنيا عامرة عزااارا تفكرت يجي يديرلها الشوووهة وݣاع للي محملينهاش يتشفاو مزياااااااان فيها…)
حم مّا عييتي نمشيو؟!!!
الحاجة: (جالسة كتفرج فالعروسة فالعمارية) لا بنيتي
أمال: خاصك تشربي دوا باش تنعسي
الحاجة: بلاتي شوي ها زهير جاي ويدينا
أمال: امّا راه غيجي يتݣنوا هنا ويديرلي الشوووهة
الحاجة: ميدير وااالو غير متخافيش
أمال: منخافش!! بحال مكتعرفيييهش (بقات على اعصابها صيفطات فلواتس مشاعلش كونكسيون سلمت امرها لله ساعة ويكون عندها…)
~~~~~~~~~~~~~
هند: (شافت الساعة كانت 9 دالليل والخدمة مزال مزيرة ووليد بوحدو شاد لبنت بقات على اعصاابها) بففففف بزاااف هاد نهار
فيصل: هم قلتي شي حاجة هند
هند: لا لا واالو
فيصل: (خدام مع لمريض) تعطلتي على الاميرة غيثة
هند: (تبسمت بالزز) وي بزاااف
فيصل: معليش بقات نص ساعة وتمشي وعندك يوماين روبو
هند: اممم (هي الا طلباتو غيخليها تمشي ولكن مبغاتش هاد ضيارة للي هي حدااتها نهار اللول معاه… صونا تيليفون ها كان وليد)
وليد: عيقتي درتي معايا 8 ودابا ماشية لل10
هند: والله أوليد الا الخدمة بزااف اليوم فيها غيثة
وليد: غيثة خاصها مها حداااها لا لا هادشي ديال الليل معاجبنيش
هند: (مظغوطة) وشنو غندير الخدمة هي هادي مرااااا فشحال
وليد: مكاين لا مرا فشحال لا جوج مرات من نهار اللول تافقنا الخدمة متكونش من مور 6 دلعشية
هند: بففف عيقت حتى نتا (قطعت.. مشات كتعاون لمريض ينوض عقلها ماشي معاها.. خرج هبطت بالزربة مشات لڤيستيير بدلت حوايجها لبست ڤيست هزت صاكها مشات لطموبيلتها ركبت ياله زادت 10 متر كتحس بالطموبيل ماايلة ورويضة فشلت هبطت كتشوف كتلقى رويضة مبليسية)
ويلي على خرااااااا تفووووو تفو تفووووو (جاتها لبكية داز من حداها فيصل بطموبيلتو ونزل الزاج)
فيصل: ياك لباس
هند: رويضة
فيصل: (حط الطموبيل فالجنب وخرج عندها) عندك السوكور
هند: لا بفففف (شعلت تيليفونها كانت 10 ونص) تعطلت بزاااااف
فيصل: نوصلك؟!!!
هند: وصلني بلاصة التاكسيات
فيصل: تركبي فتاكسي حتى لديك لبلاصة لاااا اجي نوصلك نخليو الطموبيل ديالك هنا وغدا ديها لمعلم
هند: (بقات كتشووف هزت تيليفون ها صونات لزهير الا يعتق الموقف مكبجاوبش.. خاصها تمشي) واااخ شكرا دكتور (رجعو الطموبيل لباركينغ سداتها ركبت معاه واخا ممرتاحااااش.. وشد طريق.. حتى هو مجمعش معاها حيت باينة على اعصابها مسافة نص ساعة كانو حدا دارها) شكرا دكتووور بزااااف
فيصل: العفو مبيناتناش
هند: ميغسي بزااف والله بسلامة (حلت باب عاد مشا لاخر دخلت للباب التاني حلاتو كان صقيير نيشان طلعت لبيتها دخلت الضو كان خااافت.. ووليد واقف حدا نموسية بنتو للي نعسااات) صوووري والله
وليد: (خرج من لبيت مهضرهاااش….)
شيماء: (جالسة كتعشا مع ضياااف وكضرب فكسكسووو وتوكل بنتها.. تاقت تاكل مع ضياف ولا يعطيوها بوحدها تصدق بلا عشا حيت مغتيييقش فيييهم… كملو لعشا معالقة هي التالية مهزنهاااش.. دارت السبة ببنتها ومشات لبيت للي عطااوها ولا للي خداتو صحة عليهم جلست تفكرت الشانطة خرجتها ومن نصائح مها متخرجش تقلب على راجلها وهو فوسط رجاال… تحل لبيت كان وحدة من بنات عمو زوينة فييهم)
شي حاجة!!!!
…: أشرف كان باغي يتجوجني هادي شي عام حتى جيتي نتي وݣلبتيييه
شيماء: هههه ارزااق
….: ايييه أرزاق وربي حللو التعدد
شيماء: استغفر الله وانا غنحرمو عليه معندك ميدااار سمعي نصيحة مني الدل كيجيب غير الدل مغتربحي منو واالو نصييحة بحال ختك
….: الا عشتي نتي فالدار انا عشت فالخير
شيماء: ههه واه عشتي لخير رااجلي للي رجع خيرو هو رزقي ورزق بنتي سيري تمشي قبل منسمعك شي كلام يخليه كيذبح فيك
….: إوا ها هي فبااالك حيت كولشي عارف بيناتكم مشاااكييييل
شيماء؛ سيري ابنتي راك معارفاش معامن طحتي (خرجت ديك لبنت للي أغلبية عندها شي 20 ولا 21 عام.. تبسمت وهي كتفكر راسها كيف كانت كدير مع امال) نااااري حتى انا كنت هاكا ويلي على شوووووهاااا
(جاتها فكرة الا أشرف نعس فالصالون غيأكد ليهم انه بيناتهم شي مشكل… هزت تيليفونها صونات عليه مجاوبش دازت دقيقة صونا هو… حنحنت ورققت صوتها)
الووو
أشرف: واشتا!!!!
شيماء: عفاك أشرف جيبلي الشانطة حيت بقيت عريانة ومعنديش مااالبس انا فلبيت كنساينك
أشرف: واخ هاني جاي… (استئذن من الناس مشا للكوفر للي عمراتو شيماء بالماعن وشي كوااش هز الشانطة داها ليها دق كانت بكولون فلبيج مع ديباردووور وشعر نصف مطلووق مطوزة للباب وكتبدل لبنتها ليكوووش دغيا سد لباب وهو كيشوف فيها) درك يشوووفك شي حد
شيماء: (ضارت عندو بحال كتقلب على شي حاجة تلبسها دارت شالها فوق كتافها) داكشي باش ݣلتلك جيبلي الشانطة
أشرف: اممم (مشا عند بنتو باسها) مريووومة عييتي احبيبة هاد نهار
شيماء: (جبدت حوايج مريم كتلبسها) حم أشرف فين تنعس اليوم؟!!
أشرف: فشي سداري
شيماء: حشومة شنو غيݣولو دار عمك
أشرف: (طاالب عليها) اوا نجي نعس هنا
شيماء: واه حسن انا نفرش ليك فالارض
أشرف: علاش الارض النموسية متهزناااش
شيماء: هاااااء
أشرف: انا شوي ونجي (خرج وخلاهوم كتبسم وتحلف فيييه….)
زهير: (عطاه محمد موقع القاعة جابو حتى لتم فين لقا محمد كيتسنااااه على برا) سير كلمها
انوار: (مهبطش… سؤال فراسو واش زهير ممهليش فأمال واش هاكا ديما معاها!!!)
محمد: رواح بلعقل ݣول سمو طاري؟!
زهير: (جبد تيليفونو لقاها مزال حاطة الصووورة للي خلاتها إكسبري دابا انا مرتي تحضر لعرس مخلط وهي دايرة فروووحها هادشي)
محمد: (شاف فالتصويرة) الله يهديك (رجع شاف فيها) واش انا للي هزيتها من الدار وبقات معايا ولا نتا
زهير: (بعصبية) سير كلمها
محمد: وااا صاااحبي انا تخرج معايا هاك نݣطع ليها رجليها ياكما حسااابلك حنا نقووووش للي نخليو نياما يخرجووو هاك راك واخا راجلها راه غتبقى ختي
زهير: (تاااقو اصلان مناقش أمال تخرج هكا) روح كلمها ولا ندخل برجلي
محمد: حتى تبرد لبنت خااايفة درك عاد فما علاه مكلات مشربت سمع برااااكة الله يرحم ليك الوالييد ديالك داكشي للي داز علييييها هي هربت منا حنا كاملين وجات لعندك بلا متخليها حتى نتا تخاف منك
زهير: شتي ختك (مد.يدو) صباااعي نشعلهم ليها باش تشووف ولكن باش تنيرڤيني ودير للي منحبش لا
محمد؛ نتا عارف أمال واش هي تݣد تخرج هاك باش عاد تجي للعرس
زهير: دابا غي رووح كلمها
محمد: دخل نتا
زهير: ندخل انا عرس داك نص رويييجل والله لا كانت…
محمد: وعلى وجهي يانا دخل (بقا معاه محمد حتى دخلو هو وانوار للي كانو بحال دراري للي كيسخرو حيت لابسين صبووور.. دخلو نيشان الطابلة فين كاين أمال للي بالخلعة مسحت وجهها من كولشي حتى الماسكارا والشال مقاداه هابط لنص جبهتها وصل حداهم باس راس مو وجلس حدا أمال للي كيحنزز فوجها)
أمال: يااااه زهير جيت
زهير: عند مك زهر
أمال: (نفخت حنوكها) حقا بعد مني ومتهضرنيش
زهير: يااااك!!!
أمال: واااه (قلبت وجهها مخلياه غير كيشوف شاف لبنات ناضو يشطحووو)
زهير: وااا عرس زيييين هدا ياك امّا
أمال: (شافتو فين كيشوف قرنت حواجبها) مّا نوضي راكي عيااانة
الحاجة: هاااحنا بنتي هنا
أمال: (وقفت) لا واالو نمشيو خاصكي تشربي دوااا
زهير: (طالب عليها) ياله نوضي امّا راه تابعنا طريݣ….
~~~~~~~~~~~~~
شيماء: (دخل أشرف كانو كافيين الضو شعل بيل تيليفونو كتبانلو شيماء معنقة بنتها ونااااعسة حيد جاكيط وبقا بكيطمة.. حست بتلماس فوق ليهووونش ديالها خرجت عينها بقات مغمضة حتى حست بيه نعس حداهم فالنموسية فااارقة بيناتهم غير مريم مزعمتش تحل عينها… حست بيدو كتلمس فحنكها بشوية بالفرحة معرفت تظحك ولا تحل عينها ولا تحزق زاد قربلهم حيت حط يدو على خصرها)
أشرف: (بهمش) شيمااااا
شيماء: (حتى التنفس قطعااااتو… ميمكنش تسلم راسها بسهووولة… بقاو على ديك الحالة حتى ترخااو غطاها مزيان مدوز يدو على المؤخرة ديالها تغطا حتى هو ونعسووووو)
فتيحة: (تعرضت ليهم وهوما ماشيين) لوااه يا الحاجة بعدا تعشاااو
زهير: معليش مرة اخرى باقي تابعنا طريݣ
فتيحة: لا وااالو اوليدي حشوومة ݣاع نسابنا للي عندنا يمشيو بلا عشا الحاجة واش عمري جيت عندك ومشيت بلا ماكلة (بقات كترغب حتى بقات الحاجة)
زهير: رواحي نتي معايا (جر أمال للي خلات ولدها مع الحاجة للي رجعت حدا نعيمة تجمع وتحنزز… خرجو لبرا شافها رجفت بلبرد بلا مقدمات حايد جاكيطتو حطها فوق كتيفاتها)
أمال: لا راه تانتا غتمرض
زهير: نمرض ياما ومتمرضش الحنووونة ديالي
أمال: (فرنست ورجعت جمعتها) علاه كنتي معايا خايب هاد اليومين
زهير: (زفر دار يدو على كتافها ماشيين فطريق فاتجاه الطموبيل) طراز شي مشاااكيل
أمال: مشاكيل فاش!!!!
زهير: دوك لكاميونات ديال السلعة لقيتو مليوحة فيهم جيفة ومعرفتش شكوووون
أمال: أحاااااااي وشكون؟!
زهير: معرفتش ولكن مترفديش فبااالك يتعرف يتعرف
أمال: وعلاش متݣولهاش انا ويااااك واحد ياك نتا ݣلتي منعاودو نخبيو والو على بعضياتنا
زهير: مبغيتش نخوفك لا نتي لا مّا مهم نساااي (وقفو حدا الطموبيل) توحشتك يا ر**
أمال: هههه حتى انا يا جدك
زهير: هااااااانا على الحرشة دياالي (تحل باب الطموبيل خلع أمال حتى بانلها انوار) دخل تعشا!!!!
أنوار: (شافهم على وفااق مفهم واالو) ماااازالنا منروحو؟!!!
زهير: شدو مّا تشعااا دخل حتى نتا
أنوار: لا لا بلاش… أمال لباس؟!
أمال: (مشافتش فيه) الحمد لله
زهير: (شاف فامال) روحو نتعشاو فشي قنت؟!!
أمال: نرجع نجلس حدا مّا
زهير: واخا (قرس حنكها) حنوونتي ولكن غير نصوني عليك وجدو رووحكم عاود خليني هاااابل وحدي والله يا مك حتى نݣلب عليك هاد العرس
أمال: ههه وعاد تݣووولي
زهير: معرفة ههه
أمال: (تبسمت بحب) وأحسن معرفة فحيااااتي
زهير: (تبسم عاجلة الحال فالقليل فين كتقولو شي حاجة بحال هاكا) ياله نوصلك حدا لباب (مشاو بجوج ظاحكين وصلها رجع ظاااحك)
أنوار: عاد كنت غتفرݣع
زهير: الله يذوقك مناش عاااايش وتعرف
أنوار: (زفر) اميييييين….
هند: (لبست بيجامة كولون بتريكو مزير شافت فلمرايا لكريشة تهنات منها بالصبوور والرجيم… شعرها خلاتو مطلوق من بوندو رقيق ݣلوص روشت ريحتها هبطت كان وليد جالس كيتفر فشي إعادة ديال ماااتش)
حم تعشيت؟!
وليد: حقك راه فالكوزينة
هند: وحقي فيك؟!!!!
وليد: (ضار عندها طلعها وهبطها ورجع كيتفرج مشات حداه حطت يدها على كتفو) سيري اهند
هند: (بهدوء) فين نمشي؟!
وليد: سيري نعسي ولا شوفي سمو ديري
هند: بغيت غير نجلس حداااك
وليد: (لا رد حاس براسو معصب بزااااف منها)
هند: (مجبدتش موضوع النقاش حيت غير غيزيد يشعل.. حطت راسها على كتفو) نمشيو هاد اليومين لتاوريرت خالتي نعيمة وعمي احمد توحشو بزاااف غيثة
وليد: (سكت شحال) ان شاء الله
هند: نمشيو حتى لفاس؟!!!
وليد: وحدة فيهم تاوريرت ولا فاس
هند: توحشت مي لالة بزااااف وحسيت بيها عيااانة علاش مندوزوش ناخدوهم من تاوريرت ونمشيو لفاس
وليد: دابا نهضر معاهم
هند: (شدت يدو وحطاتها فوق صدرها) خايفة على مي لالة بزااااف
وليد: (بلا ميكس لمس على شعرها) ان شاء الله ميكون عندها واالو غير راكي موحشااها
هند: ويييي بزاااف عرفتي مكرهتش تجي تعيش هنا ولكن مبغاااتش
وليد: شكون يݣد يخلي موضعو للي كبر وعاش فيه
هند: ولكن بقات بوحدها فاس بابا دار مشروعو هنا واغلبية كيعمرو سعيدية وهي بقات بوحدها
وليد: معرفت خاص يقنعووها تعيش معاهم
هند: اه منين غنمشي غنقنعها حتى انا وحتى نتا اوليد
وليد: نݣووولها الا بغات تجي حتى تعيش معانا مرحبا بيها
هند: (قفزت وشافت فيه) بالصح
وليد: والله مرحبا بيها مالي غنكرهها اهند
هند: (تبسمت حتى تغمضو عينيها شداتو من وجهو جارااه باستو فشنايفو) تنبغيييييك بزاااف هي مغتبغيش ولكن عجبني الحال ترحب بالفكرة
وليد: (كيشوف فيها شافها رجعت بقات تبوسو) هند راه مهضر
هند: (حطت شنايفها فوق شنايفو كتهضر) شششت… (بهمس) تنبغيييييك بزااااف (باستو فشنايفو..عاود رجعت شافت فيه) نتا حياااتي (باستو فحنوكو بجوج ولكن ماشي تشلقيمة غير بييييسة خفيفة.. عنقااتو بحرارة لاعبة على اكتر عنصر كيديماري فيه هو همساتلو فودنو)
توحشتك احبيبي…..
وليد: (كانت رعشة من مور هاد الكلمة خلاتو يجرها من شعرها بشوية باش يشلقمها وحتى هي كانت تتبعاااه كيحايدو لبعضياااتهم لحوايج حتى بقاو عريااانين ودارتلو احسن بووز كيبغي معاوناه بالإثارة للي كدير وتحركاتها الأنثوية….
مع كملو بقا ناعس على ظهرها فوق الزربية ولوسايد مشايرييين وكيلهتو)
فكريني غدا نهضرووو
هند: حتى لويكاند
وليد: (ناض هزها وهوما عريانين) اجي نهضرو فالدوش شوية
هند: هههههه….
زهير: (خرجو عندو ركبو اللور دازو باش يجيبو حوايجهم من دار نعيمة وتمو شادين طريق) واش خوك تزوج بنت داك الغبار؟!
أمال: (لا رد)
زهير: (عاود عيطلها واالو حتى ركز فلمرايا لقاها متكية ولدها على صدرها ونااااعسة وحتى مو) ههه هادو موحال تعول تشد بيهم طريق
أنوار: ( ضار شاف فامال كانت ناعسة.. رجع شاف قدااامو وذكرى جات على باالو)
#فلاش_باك
أنوار: شنو تشربي احبيبة؟!!
أمال: اممم بلاش غير ݣولي سمو باغي خاص رجع
أنوار: (شاف فساعتو) وايللي على ترجعي مزال موصلات حتى 6 واخا نورمال تبغيني تبقاي معايا حتى لفوقاش
أمال: انواااار نتا عارفني براكة غير كركب معاك الطموبيل
أنوار: وعادي
أمال: عادي عندك اما انا لا
أنوار: عاود نداابزووو.. (وقف بالطموبيل) انا نجيبلك شي حاجة تشربيها تبغي شي حلوة
أمال: لا بلاش (هبط تعطل شي 5 دقايق جابلها عصير الحامض للي كيعجبها وهو جاب ريدبول شداااتو ونيشان شربت من لاباااي) صافي وصلني
أنوار: واخا احبيبة مبقى والو اصلا تولي مرتي ومنبقش رغبك تبقاي معايا.. نتي للي غنولي طلبيني نبقى معاك
أمال: (فرنست وبقات كتشرب من العصير)
أنوار: بديتي بديت نوجد فيه ياك معندكش مشكل تسكني مع الدار (حركت رأسها بلا… بقا كيبلبل عليها نديرو ونفعلو ونعيشو والاحلام الوردية حتى سمع كاس العصير طاااح شافها كانت نااااااعسة مغيبة… بنظرااات بااااردة جغم شنو بقا فداك ريدبوول دار رومبوااان وعوج على طريق سعيييدية ظلام بدا كيطيييح دخل فلبيست وووقف.. سد الطموبيل شعل الضو ديالها وبقا كيشوف فيها.. اول حاجة حيد ليها شاالها كانت جامعاااه سفنجة عادية طلقوولها… حنا لمجر حلو جبد مقص حطو حداه حل سنسلة ديال السورڤيت كان تريكو تحتو قطعو بالمقص وبقات بديباردوور وبان صدرها للي كانت بالسوتيمات… رجع اللور كيشوف فيها عقلو خدام فيه حاجة وحدة ينعس معاها وصاااافي….
حط يدو فوق عنقها وتم نازل بيها لديباردووور نيشان السروال جرو حيت كان سروال كيطمة عاد ناض حداها هبطو وهبطو حتى لكولووون لمس على فخااضها كانت مشعرة شوية… مركزش فهاد النقطة حيت عقلو غير فحاجة وحدة زائد خايفها تفيق فاي لحضة وفالاعماق تأنيب الضمير والغضب لكبييير وداكشي للي عاودات ليه شيماااء والبرود للي كانت معاه فيه أمال وتهديداتها انها غتفارق معاه مخلاهش يركز واش مزغبة ولا مقادة…..)
أنوار: (حط يدو فوق فخاااضها وشاف فوجهها) ݣلتلك غنجيبك سوا بالسيف سواااا بالخاااااطر… وانا عارف من دابا غتبقاااي تابعاااني….
حلفت نهار اللول ندير الاماااارة فيك وهاني اليوم غنطبق كلامي….
(كانت حاالة فمها شوية حنا بااااسها كانت بوسة صغيرة ورجع كأنه مراضيش بشنو داير ولا كيدير… حط يدو فوق سليييب وغير مكيزيد يتعمق خاااطرو كيهرب.. بد يدو مكره شاف فيها بغضب)
كولشي بسبااااابك كنت مااااشي معاك بالنية يا بنت **** ولعبتيها علية (غير كيزفر ويغمض عينو ويرجع يحلهم مكره بحال بالسيف عليه هادشي…)
بغيييييتك وعليك كنت باغي نرجع واحد ااااااخر… ولكن متستاهليش بحال بحال غيييييرك رخييسة وغنخليك رخيييسة حتى فعيييينيييك ماشي يانا للي يتلعب بية ماشي يانا للي ديريني سكوووور على ولد عمك…
(كيشوف فوجهها حبط ليها سلييب ومع الضو ديال الطموبيل خفيف مفكرش اصلا حتى يشوووف ولا حتى يقيييسها حتى من 🍌 كان منتااااصب ولكن ممطاوعوووش…
الوقت كيمشي قربت تنوض والمعمة غتكون اصعب حيت اكيد غتقاااوم ويضظر يخدم العنف معاها رجع شاف فيها ولكن بنظرااات كيلووومها بنظرااات كولها حزييينة وتساااؤل واش بالصح بغاااتو كما بغاها.. شاف قدااامو وضرب على لفولوووون مقدرش يديييرها ملقا غير هز تريكو من على يديييه شد داك لمقص بدوووون شعوووور ومراضيش على أنه غير يوهمها حيت كان باغي ينتاااقم يتلذذ بانتقااامو جبد الجرحة للي محسش فيها قاس باليد التانية الدم ومسحو فسليبها ورجع قاس فالدم ودارو بين فخااااضها ومسح يدو فالكرسي فين جالسة… رجع المقص وبقا كيشوف قداااامو… هنا عرف راسو باغيها بزاااااف وشنو فيجب من بعد واش بالصح غيكمل معاها وجواب واحد اه غيكمل معاها ولكن حتى يعذبها…
بقات كتفيق…)
#عدنا
زهير: اسبحاااااااان الله اشرييييف
أنوار: (دااخ) هاااااا !!!!!
زهير: ميتعولش عليك
أنوار: مناعسش ملييييح (وقفو فلبياج) دغيا وصلنا
زهير: عقلك سررررح
أنوار: (زفر) بزاااااف… (زادو مكملين فطريق ضار لقا أمال فاقت غير شافتو خنزرت قالبة وجهها محملاهش وصلو للدار) انا نعاون مّا ونعس معاها غير سيرو نتوما
زهير: (هاز ولدو.. شاف فامال) نهزك ازين
أمال: احاااااي
الحاجة: تمسو بخييير اولادي
زهير: تصبحي على خير امّا… (جار أمال معنقها بيد) عييتي احبيبي..
أمال: لموووت دنعااس
زهير: اوا حتى نعسو هدا
أمال: مروان؟!!!!
زهير: لا ز**
أمال: لا لا لا انا فية نعاااااااس (تابعها غير بشوية عاارف للي فبالو هو للي غيكون….)
أصبحنا وأصبح الملك لله…
محمد: (ناض صباح بكري بغا يهبط للمحال يعرف لحساب وفين واصل شغل دخل للكوزينة لقا مرت علي فيها حنا عينيه دغيا قاالب وجهو من شنو كانت لابسة غوووب دونوي بلا سلييييب!!!)
واش مريييضة خارجة هاك
مروى: اوووو محسابليش لوسي لعزيز غيفيق بكري حيت كيف عاارف انا لدابا وخوك مزال منعسنا ههههه
محمد: (خرج من ظحكتها ممصروطالوش هاد التصرف للي دارت دخل لبيتو لقا مريم ناعسة وحداها ولادها… النار شعلت فيه عااارف دارهم غيضربها لخلا كتر مكانت مضرووبة… عاود رجع دار بنااقص من شي كاس اتاي هبط حل لمحال ودخل كينݣر)
مروى: علي علييييييييي
علي: امممم
مروى: واش غتنعس
علي: عيييت احبيبة
مروى: انا ݣلت وكان سافرنا دابا حسن معنديش مع دوك الاجواء ديال لعراس
علي: مݣادش نصووݣ
مروى: بفففف (تكات حداه كتفكر فمنظر محمد كفاش طول وعرض وملاميحو الحوورش) خوك مغيرجعش يسكن هنا
علي: لا
مروى: امممم وكان غير يرجع الدار عامرة حسن (مجاوبش كان نعس حتى هي نعساااات…)
~~~~~~~~~~~
أشرف: (كان مكره وهو كيدوش حيت استحلم بشيماء.. كفاش مجوج بيها حلالو ومكيقيسهاش… خرج من الدوش لابس حوايجو لقا بنت عمو شافت شعرو الفازݣ..)
صباح الخير
…: صباح الخير أشرف كيف صبحتي رتاحيت شوية؟!
أشرف: الحمد لله اختي عمي راه هنا
…: واه يتسناك
شيماء: (وقفت حداهم لابسة كولون وتريكوه وبينوار محلول وشعرها مطلوووق) صباح الخير
أشرف: سدي بينواارك ولبسي فولارك راه كاين هنا رجال معانا (خنزر فيها باش تمشي)
شيماء: (مرضاتش يغوت عليها ومكانتش عارفة الزايد معاهم هي غير سمعت صوتو حيت لبيت حدا الدوش.. مشات غتاكل رااسها أكترية من ظحكت لوخرا…
لقلت مريم فاقت بدلاتلها رضعااتها لبست حتى هي عبايتها لوات شالها من بعد مكحلت عينيها ودارت ميكاب خفييييف… خرجت هازة بنتها نيشان للصالون لقااتهم كيفطرووو..)
أشرف: رواحي تفطري
شيماء: (شافت الطبلة غير لفتات للي بقا وشي شيااطة) غير بالصحة
أشرف: (مدا مجااااب وحتى واحد مسوق واش تفطر ولا لا… بقاو مجمعين جات وحدة حنات بغات تهز مريم وهي تقمعها شيماء)
شيماء: دوري تق*** تعاودي تخطي يدك عليها نخرج فمك
…: (تصدمت بعدت ومشات تقولها لخواتاها.. شيماء جالسة على النار غير مرغوب فيها فديك الدار وختارت متكونش ضعيييفة… وقف أشرف)
عم أشرف: جلس اولدي غير دنهار وغدا سير (شيماء قلبها كيضرب مقاداش تزيد تجلس كتر)
أشرف: معليش اعمي ها رمضان جاي ونبقاو نجيو نشاعالله دابا درت ريزيرڤ فلوطيل
مرت عمو: ضياااعت لفلوس اوليدي تتبعك بزاااف لاش راك تشتت فيهم
أشرف: وعلاش حنا نديرو فيهم غير باش نخسرهم على بنتي ومرتي (كولشي تبسم وكلها وتبسيمتو الا شيماء تفرنيستها وصلات لودنيييها… خرجو هي سلمت طايرة ومشات تسناه فالطموبيل حتى لحق بيها ركب وزادو)
والله ياو تعاودي تخرجي بديك الحال مزال ݣدام شي حد حتى نذبح مك
شيماء: فية جووع
أشرف: وعلاه مفطرتيش فالدار
شيماء: ناكل لفتات ولا صافي ولفتيني بحال شي خدااامة
أشرف: شراك تخرطي وتخوري كولشي كان محطوط ݣدامك
شيماء: والله مكان شي حاجة فقت صباااح فية لموت دالجوع عطلاتني بنتي رضعتها ولبستها مجيت نلحق حتى لقيت مكان فطووور
أشرف: (مردش لبال ولكن معجبوش الحال وجاتو النفس عليها.. داز لقهوة فطريق وعوج ليها دخلو طلب ليها للي كاين مسمن حليب بلويزة وللي كيجي معاه……)
مرة أخرى هضري على حقك بلاصتك تم من بلاصتي….
زهير: (مفاقش بكري لقا أمال مزال نااااعسة حتى منين سمع ولدو كيبكي مقدرش يفيق طل عليه لقاه فاااايق وكما العادة داير يدو ففمو وجالس *غغغغ…* تبسم ناض ومشا حداه غير وقف وشافو بقا كيظحك ويحرك يدووو باش يهزو ) هانا على بابا لغزااااال نهزك (هزووو باسو معنقو) فوكاش تكبر وتبقا دااافع على بااااك وللي هضر تطحن مو…
أمال: (مغمضة عينها) هادشي شنو كتعلمووو
زهير: ههه ياك اولدي غتكون ݣابض!!!
أمال: (مزال فيها نعااااس) زوووهير عفاك احبيبة فية نعاااااس
زهير: انا لبسو ونديه عند مّا حتى تفيقي على خاطرك (لوا ولدو فكاشة سد سراجم وخرج ساد عليها باب لبيت.. مشا لدار مو لقاها فايقة مجمعة مع ليلى جلس حداها جات بنت أنوار كتجري عندووو جلسها فحضنوو وبقا كيلعب معاها)
ليلى: زهير بعد اخويا من سميرة
زهير: عارفة رووووحها واش دااايرة
ليلى: الله يهديها وصافي لبارح هودناها من سطح بالسيف
الحاجة: علاه؟!
ليلى: بغات تلوح راسها عرف باها راها دايرة الكاغيط
الحاجة: (تخلعت) معامن؟!
ليلى: مع ولد هدااااك
زهير: (كياااكل) حتى خويا ربي تلاه بولاد غير لمسخووط على لاخر
أنوار: (كان جاي سمع هاد الهضرة تقرص بقا فبلاصتو تفكر الشفرة للي كان دار لزهير كيبغي ياكل ريتووو…)
الحاجة: الله يهدي ماااا خلق وصااافي .. نمشي نوض أنوار يفطر معانا
زهير: خلييه امٌا راه عيا لبارح بزاااف (جلسو كيفطرووو حتى دخلت أمال جلست شادين فيييها جبدت كترضع ولدها وهو يدخل أنوار زهير دار يدو على صدر امال ولاخر دغيا رجع نيشان للكوزينة)
نوضي دخلي لبيت
أمال: محسابليش راه هنا
زهير: (حرك راسو بمعنى عارف… رجع أنوار جلس غير بغا يبدا لفطور)
للحاجة؛ ولدي نوض تجوج
أنوار: عاود امّا
الحاجة: عاود وتأتي وتااالت زهير هضر مع خوك
زهير: نوض تزوج كاين شي حد يكره زواااج
ليلى: ههه لا
زهير: اوا نوض تزوج وختار راسك قبل ميختار ليك خويا
أنوار: ان شاء الله (جات أمال جلست حنا راسو مكيشوفش فيها.. حتى امال جلست كتفطر وكتشوف زهير جالس فالزربية كيلعبو معاه جاد وليلى ويوسف غير كيشوف…)
أمال: (تبسمت من حب ليلى لكبير لزهير وحتى هو عاد منين كيعلمها تشطح الرݣادة جلس حداها كيصفق وليلى كتبغي تشطح من موسيقى الغياطة للي طلق ليهم زهير)
بحال كتبغي لبنات
زهير: لبنات هوما حلاوة الدنيا انا مكرهتش يكونو عندي 7 دلبنات ندخل الجنة نيشان
الحاجة: لااا يا وليدي كنتي هاابل يكون عندك ولد
زهير: نتي امّا غير بلعي غير تشوفينا ناشطين شوي كتشعليها
الحاجة: هههه ونكذب
زهير: لا ولكن دخلي بخيط بيض.. (شتف فامال للي كظحك) بلعكس لبنات زينين ولمرة جاية نشاالله تكون طفلة
أمال: ان شاء الله
زهير: (بهمس) ودابا الا بغيتي (أمال تبسمت بحيااااء باينة علاش كيهضروووو)
شيماء: (بفرحة كبيرة وهي كتشوف طريق ضارت بغات تقول لبنتها تشوف ساعة كانت غااارقة فنعاااس… كانت بحال شي بنت صغيرة عطاوها الحرية من بعد مدارت شي كارثة للي تعاقبات عليها… بقات متبعة طريق وكتشوف فدوك الاشارات الزورق للي كيعلمو كل مدينة وشحال بقات ليها من كيلومتر قرات) “سبتة 6كلم” (شهقت) سبتة سبتة!!!
أشرف: هههه ݣلت لك ماشيين لمارتيل
شيماء: وسبتة قريبة بزاااف…. يااااه فشكل
أشرف: (بقا صااايݣ) شوفي هاديك الجهة راه سبتة كتبااان
شيماء؛ (كتشوووف فشكل جاها إحساس غريييب زائد السياااج للي تمااك) دابا كنشوف سبليون
أشرف: يييه الآلة
شيماء: سبحاااان الله…. ولكن عادية ديوور عاديين
أشرف: هههه وكفاش بغيتيهم يكونو
شيماء: راه أوروبا خاص يكونو فشكل غير لڤيلات شوف شوووف والله عاديين
أشرف: سبتة مليلية شكون ساكن فيهم راه 90٪ مغاااربة
شيماء: وعلاش ميردوهاش للمغرب
أشرف: وليتي سياسية اشيماااا خليك فقيهة حسن
شيماء: ههه لا بالصح (دازو من حدا باب سبتة) قريييييبة راه ساهلة ترجع
أشرف: ههه وراه ساااهلة غير دوااار يرجعها ولكن كاين معاهدات داكشي ديال الدولة.. والصح حنا كنستافدو منها هاااك اما الا رجعو ماااا حسن هاكا كولشي كيستافد
شيماء: كفاش زعما
أشرف: سبتة و مليلية كيدخلو منها سلعة اوروبا يعني الدوريجين لباس لغطا لمتريال الماكلة كولشي… هنا ناس فنيدق وتطوان الناظور بني درار راه كيدخلو لسبتة ومليلية فوكما بغااو الناس الداخل بحالنا للي خاصنا لڤيزا اما هوما غير باسبور والإقامة ويدخلو وكاين بزااف ناس كتسترزق من تمااا هوما كيبيعو وحنا كنشريو الا وقفنا شرا وقفلهم البيع… انا نوريك السووق باينة غتخلي دار بويا تما غير خليها على الله
شيماء: هههه راه خاصني لكواااش ولكاشميرات وبزاااااااااف ههه
أشرف: (تبسم) مرحباااا
شيماء؛ ساهلة الناس يحرݣووو من هنا
أشرف: اودي اوروووبا شكون بقا يحرݣ ليها الا الناس الاوروبيين براسهم كيحرݣو لميريكان حتى حاجة مبقات زييينة
شيماء: (بقات غير كتشوووف كانت لفنيدق زوييينة ولكن ديك طريق الساحلية بحال الجنة) واااااه عمر حسابلي الدنيا زوينة هنا (بقات مستمتعة وهي كتشوف ديك طريق للي كولها ربيع رملة وبحر صاااااافي وجبال اسبانيا كتبان بوضوووح.. وبين كل مدينة كاين 14 كلم كل وحدة وكيف كتسهاااي فجمالها فنيدق المضيف تطوان مارتيل وهنا مشاو لاوطيل على لبحر…
شيماء الابتسامة واصلة لودنيها دخلت كتشوف أشرف كيدير الاجراءات ديالو حتى فرنست من كلمة قالها)
أشرف: واه انا والمدام
شيماء: (بظحكة غبية) انا هي لمدااام…
سميرة: كفاش احميد صافي قررت وخططت بوحدك ودابا جاي تعلم
حميد: نسيتي روحك راك حاملة
سميرة: منسييتش
حميد: واش راك تسناي؟!!!
سميرة: بففف غير صبر علية شهر شهر ولحݣ عليك
حميد: واش ديري فهاد شهر سمعي اسميرة داكشي لمريض مغنخليك ديري منو وااالو.. صافي عرفتي راسك حاملة غدا غنمشيييو
سميرة: حميد عفاك
حميد: واش مزال كتسناي؟!! واش الا قتلتيها ݣاع مك غترجع غتحياااا
سميرة: (عمرو عينيها بدموع) انا غرتاح
حميد: مبغيتش نكون قاسح معاك ولكن نهار جيتي تشكاااي ݣلتي مك كانت بغات تقتلها فبييير انا كنشوفك دابا نتي للي كتعدااااي وانا ماباغييش صداااع مع داك لهبيل ديال زهير
سميرة: انا للي كنتعدا دابا
حميد: غدا لݣاااك واجدة اسميرة (ركب فطموبيلتو وزاد مخليها كتبكي.. موت مها كل نهار كيخليها تاكل فراااسها تمنات وكان حضرات لدفينتها ومنين جات مكانتش غتكون حاقدة لهاد الدرجة بقات كتمشى حتى وصلت المقابر هزت راسها كيبانلها أنوار تماااك كيرش لما على قبر مو وبنتو كتلعب حداااه)
سميرة: هادشي فاش حااادݣ
أنوار: (كيحاول يتجاهلها) لييييلا ياله ابنتي
سميرة: حسن خوي من هنا مكاينش لاش النفاق يوصلها حتى لقبر
أنوار: (لاح داك لبيدو بعصبية) اشمن نفااااق
سميرة: كتحلس على زهير ومرتو وهوما سباااب
أنوار: ههه نتي راه خاصكي تعالجي
سميرة: ااه وشكون غيعالجني نتا العرج… سير سير وكون كلب طاارح راسو لزهير ومرتو
أنوار: (تبسم) سمعي زهير مغتݣديش توقفي فوجهو حيت غيديرك تحت صباااطو اما مرتو الا عاودتي درتي داك لهبال عليها انا للي غنخرج فيك هاد العرج والعور هو للي غيخرج فيك باش تلحݣي على مك وبقاي تباكاااي عليها كيف بغيتي
سميرة: (بقات كتشوف فيه)
أنوار: ياله ليلاااا (هز بنتو وهو كيعرج حيت مكيقدش يهزها بزااف حطها شد فيدها وخرجووو مكره من تصرفات ختو…)
سميرة: (بقات متبعاااه) الله يعطيك مووووتة دلكلاب الكلب…..
وليد: (شاد طريق لتاوريرت وكيسمع فعند كتغني مع الموسيقى وتصفق لبنتها…
كيحس بالشمتة كان ممكن ياخد موقف منها يتقلق يكبر الموضووع باش تجبس من الخدمة ولو لمدة عااام ولكن بحال ديما جوج كلمات كينسى كولشي…)
هند
هند: وي بيبي
وليد: حلقي مساحرااالي
هند: هههه ونحلف على لكذوووب
وليد: (خرج عينو فيها) هااااااه إذا كاينة شي حاجة
هند؛ حواااايج هوووما اولد نعيمة ههه
وليد: هضري
هند: نبدا اوكي… الزين لعقل تباااتة لطاااي وغييير بوسة كدوووب بين يدي عاد تتعرف ن
وليد: صافي كملي غناااك
هند؛ هههه زييينو… زمتك فهااادي
وليد: (بقا كيظحك.. كملو جمووع وصلو لتماااك طلعو لقاو فتيحة حدا لباب بحال كتسناااهم) مرت عمي
فتيحة: علاه خليت فيها مرت عمك ولا كنتو تجيو غير على قبل عمكم منين مات ما بقيتو كتعرفو ولادو
وليد؛ محمد!! محمد راه ولد عمي وخويا وأمال راه ختي صغيرة
فتيحة: اوا وعلي
وليد: علي حمدي الله مذبحتوش داك نهار عاد باش نحضر عرسو (جر يد هند وعينيه بحال صقر فوجه فتيحة ووراها) بانلك لاطراس ولدك للي غرز ليها يدها
هند: (جبدت يدها) صافي أوليد ياله نطلعو
فتيحة: كان صغير مكانش عارف ونتا كنتي علاش مشا بحال لهبيل كيݣلب على ختو
وليد؛ ختو!! (تبسم باستهزاء) فين عمرها كانت ختو امرت عمي
فتيحة: وليد نعل الشيطان اولدي ياكما الشمش ݣلباتلك راسك أمال خت علي
وليد: اممم (شاف فيها شوفة ديال بنيتك وكيظحك باستهزاء ضار طااالع خلا هند كتشوف وتستفهم من عاد الحوار للي كان وليد فشكل فطريقة كلامو.. طلعو بقات غير كتشووف)
ݣول لمحمد يطلع عندي…
نعيمة: (خرجت فرحااانة حيت كانت اول دخلة لحفيدتها) تبارك الله وصلا على نبي اريلي بنتي نشوووفها (عطاتهالها هند رحبت بيها وغير كتعنق وتبوس دخلو وبقات سناء كتحط فشهاوي كما العادة نعيمة غير يجي شي واحد من ولادها ولا يغيب مدة مكتخلي متوجد ليه… وخصوصا الا كان وليد…
تجمعو ظحكو طلع محمد تغدا معاهم)
محمد: نمشي يانا بحرا نشد طريݣ
وليد: حتى حنا غنشدو طريݣ ان شاء الله لفاس
هند: ياله معانا عمرك جيتي عندنا للدار
محمد؛ (معطلهاش حيت عارف مرتو شحال قنطت) واااه
وليد: واه ڤري؟!!
محمد: ومشتيش شحال لاحت علية العار وتزاوݣ وتبكي
هند: هههه اه اه بالصح غنفرح بزااف تمشيو
محمد: شتي
وليد: يا خويا خليها غير تݣولها المرة التانية
محمد: (تبسم) انا نهود نعلم المدام اااه بلا متݣولها لمّا
وليد: كون هاني (تعجب ولكن عجبو الحال منين كتكون العائلة مجموعة جا ادم جمعو حوايج غيجلسو مدة يوماين كولشي مشا مخليين فتيحة غير كتشوووف…..)
لكبير: ها بنت عمك اولدي زينة ورزينة وتهلا فيك وفبنتك والا بغيت تسكن معايا ولا تخرج
عبد الله: من فوكاش للي تجوج يخرج برا هاد الدار
لكبير: مخيرتكمش حتى نتوما نهار اللول
عبد الله: واه ولكن هو فين غيمشي بحالنا بحالو يجلس فرزق باااه
زهير: (مطنش) الا بغا يسكن حتى فالدار التحتانية راها مسدودة يصلحها ويسكن عارف ختي عيشة مغتݣول فهاد لبلان واالو
أنوار: (معندو غراض اي وحدة حيت باش يعاود يبغي ويتصااحب لا) للي بانلكم
لكبير: خسرنا ميدييه غيرنا بنت عمك وشحال وهوما كانو باغيينك ياك اخويا كما ݣالو جدودنا خسرنا ميديه غيرنا
زهير: امممم وݣالو حتى بعد دمك لا يطلبك
لكبير: زوووهير
زهير؛ ههه غير ظاحك أمال درويشة مكتشبهش لمها
أنوار: (تبسم بلا نفس… دخلت أمال هازة الصينية هز عينو.. حطت الصينية وتبعاتها الحاجة هازة طبسيل ديال لفاكية) يكون خير
لكبير: غدا روحو نخطبووها
أنوار: وااا با حتى نسولوا لبنت واش باغية
لكبير: ومها وباغية
الحاجة: ههه راهم يݣادو الحلوة هدا الا مشدوكش غدا دير الكاغيط
زهير: زربة شيييينة
لكبير: خرج نتا
زهير: (هز لووزة وناض) ها هو (خرج) امووووول (كانت جالسة فالصالة هازة ولدها) مال حبيبي جالس قاااانط
أمال: شحال ممشيتش لفاااك
زهير: غدا ندييييك
أمال: غدا الجلبة ديال مروان
زهير: (جلس حداها هزها بولدها وجلسها فوق حجرو) بعد غدا
أمال: (بغات تنوض وشادها بالسيف) زوووهير درك يجي شي حد
زهير: طلݣيييها امووول مكنبغيش نشوفك منيرڤية هاااك
أمال: قنطت
زهير: غير يجي وليد نشدو شي 3 ايام ونديك لفين بغيتي
أمال: كازا!!
زهير: كازا واش كازا كيتسراو فيها الناس راه عامرة
أمال: مكرهتش نمشيلها عمرني شتها
زهير: حتى يانا منعرفش فيها بزاااف ولكن نمشيييو
أمال: (تبسمت وباستو فشنافتو) يخليك لية
زهير: (رجع باسها) الرشوة يا جدك
أمال: (ناضت من عليه قبل ميجي شي حد حتى كتشوف حجرو تنفخ) دغيا دغيا
زهير: (دار وسادة) رواحي
أمال: ههه والله لا جيت داك نهار عمرتلي يدي
زهير: رواحي يا جدك (مشات عندو ليلا كتلعب وباغا تحايد ليه لوسادة)
ااا محاايني اديك الطفلة
أمال: ههه لعب معاها (كتعوج) حشومة متعلبش معاها…
الجدة: مرحباااا وألف مرحبا بلعزاااز الغااالييين (مخلات موجدات واخا كولشي جابو تريتور للي دارت معاه لغدا ولكوتي ولعشا لمدة يوماين…
جات حداها هند متكية على عليها)
بنتي توحشتك
هند: حتى انا امي لالة بزاااف
الجدة: (كتشوف فغيثة للي ناعسة) الحمد لله للي عشت وشفت بنت بنت بنتي
هند: (شافت فيها بحال كتلوومها على هاد الهضرة) ومزال تشوفي حتى بنتها
الجدة: ههه براكة علية ابنتي قنعت من هاد الدنيا وبغيت نمشي عند ربي
هند: (جلست معصبة) غير كتخربقي امي لالة (ناضت من تماااك وخرجت حاسة بشي حاجة ماشي تا لتماك عمر جداها متمنات الموت وعلاش حتى بغات تستاقر معاهم فسعيدية شوية لا رجع لداري ونبقى فيها… خرجت برا حتى كتلقى محمد ووليد جالسين حدا بيسين كيكميو طرطقت عينها مصدووومة عمرها عرفت وليد كيكمي للي كانت عارفة انه كان ضد زهير فاش كيكمي وعاد كيعطيو دروس.. رجعت دغيا الحيط وقلبها كيضرب..
كفاش مرتو ومعارفاش عليه انه كيكمي شنو معارفاش اخر!!!! وكفاش خبع عليها وعمرها بانت حتى فنفسو.. رجعت للدار قلبها شاعلة فيه العافية بين جداتها وبين وليد…)
~~~~~~~~~~~
أنوار: (من بعد مضارو بيه ودوخووه بالهضرة ميمكنش يرفض طلب باااه ومعندوش مشكل يختارلو لعروووسة براكة غير شنو دار قبل والسخط للي حس انه هو سباب فاش مشانلو صحتو ومو ومرتو… كانت اقل حاجة يدير هو يسمع كلامو ويفرحو كما راه فرحان دااابا… شاف فبنتو للي كتشبه بزااف لدعاء تبسم ممكن هاد أمال تعنى بيها واخا لاقية عناااية كبيرة من الجمييييع….
دخل باه)
لكبير: صافي ناضي؟!!
أنوار: بّا حاسك نتا للي ماشي تخطب
لكبير: هههه.. سمع اولدي انا مبغيت نيوز عليك واالو نتا غتشوف بنت عمتك خطبها جلس معاها دي وجيب فالهضرة وشوف واش يبانلك…
أنوار: (بقا كيشوووف حيت فالعائلة مكيناش شي حاجة سميتها فسخ الخطوبة) زعما الا مرتاحيتش ليها
لكبير: ها… لا لا بنت عمتك زينة ورزينة ترتاح نشالله ترتاااح
أنوار: هههه توكلنا على الله
لكبير: ياله نوض اولدي بحرا لحݣو (خرج كان عطا لليلى والحاجة خرجو تقدااو وبالتضخييم حتى من ذهب شرااوه… ركب الكل للي كان فرحان من غير جوج دالناس أمال للي ملزوم عليها تمشي وهي محاملاهش والا قالت لا خاص مبررات وهو للي رجع كيخاف من الارتباط… مشاو لدار عمتهم للي كانت أمال أول مرة تمشي مع دخلو كان بحال شكل ديالهم مجمع عائلي غير هوما كانو بتي فيلات وزايدين شوية دخلو بالترحيب لدار عيشة للي مكانت قدااها فرحة كما العادة تفرقو رجال بوحدهم العيالات فالصالون للي اونفاص معاهم… تحطو الحلويات اتاي ملاوي (مسمن) خرينݣو (بغرير) كل الوصفات المغربية ديال الترحاب… كان انوار غير راخي راااسو كيسمع لكلام رجال للي كان على السياسة وعلى احوال لبلاد شوية رجعو كيهضرو على المشاريع هز راسو كانت أمال خارجة من الصالون هي والحاجة للي كتوريها الدار… تبعها حتى غبرت من نهار تفكر شنو دار معاها والذكرياات طايحة على راسو بحال شتا….)
#فلاش_باك
انوار: (كان بغا يبوسها وهربت راسها) مكتشوفيش راسك عيقتي
أمال: حشووومة
أنوار: واش للي حشومة راه صاااحبك ومن حقي نبوس ونعنق باش نحس بيك قريبة لية ولا نبغيك غير بالفم
أمال: (مصدومة منو شافتو قلب وجهو محست غير هبطت من الطموبيل)
أنوار: طلعي أمال
امال؛ (مشات كتجري مبعدة بقا كيشوف فيها حتى ديمارا وزاااد.. زادت تصدمت كتر فين خلاها بوحدها ومعاارفة حد (الليلة للي كان خلاها ورجعت بوحدها لسيتي من بعد متلفت وتهجم عليها شماكري))
أنوار: (تعصب بزاااف 4 شهور وهو معاها حتى يدها مكتخليش يقيسهم بقا كيدور فالشاريع.. رجع يديها من لبلاصة فين خلاها ملقاهاش بقا كيقلب واالو مكيناش تمااك تسنى شحال صونا فالتيليفون حتى سمعو كاين فطموبيلتو طلع كيقلب واالو لا اثر تيليفونها صونا كانت مرة هند مرة شيماء تماك عرف راه موصلتش لعندهم خاف عليها بزاف وجميع السيناريوهات جات فبالو رجع لفين خلاها واالو مكيناش تسنى شوية باش تبان هز صاكها حلو كيقلب بزطامها كانت فيه شي 87 درهم كارت ݣيشي وكتبت ناسيونال للي بقا غير كيشوف فتصويرتها وكانت وريقة مكتوب فيها ربعة ديال الارقام… رجع كيقلب عليها كيمشي فطريق لفاك واالو حتى جاه ميساج من عند شيماء ف5 دصباح راه دخلت أمال وكانت مع شي واحد زاد تعصب كتر وكتر هو كان خايف عليها وهي فين كانت!!! فطريقو بانتلو نفس البنكة للي عندها فكارت ݣيشي بانتلو جرب دوك الارقام 2468 ودخل لكونت ديالها للي تصدم بداك المبلغ للي عندها…..)
شيماء: (دخلت الشومبرة كتشوف عاجبها الحال وشادة بنتها للي حطاتها كتمشى..) وااااو هادشي زوييين
أشرف: (دخل الشانطة ديالها وصاكو وسد لباب) اممم
شيماء: (شافت كانو جوج ناموسيات.. حلت لبالكو كان ظلام ضرب فيها هوا لبحر) اللللللله على رويييحة
أشرف: عنداك يضربك لبرد
شيماء: (تبسمت.. سمعتت تيليفونها كيصوني جبداتو من الصاك جاوبات كانت مها) الو ماما …
أشرف: (هز مريم وتكا على النموسية حاطها فوق صدرووو) مريووومتي عجبك الحال؟!! (كتجاوبو بصوت لبيبي) فيك الجوع احبيبة؟!! شيمااااااااا ياله نخرجو ناكلو
شيماء: (فرحانة كتعاود لمها على كولشي) ياله إماما بلاتي ونصوني عليك دابا غنخرجو ناكلو… واخا ماما… (قطعت ومشات عندهم) نخرجو!!
أشرف: واه (خرجو وهي غير كتشوف دوك الاجواء هواء ديال الشمال كيكون بوووحدو كيعطي راااحة وانتعاااش الروووح… دخلو لريستو دموندا فريتورة ولا سوب على ميجي الطلب بقا كيشوف فشيماء للي مضاربة مع مريم باش مضيعش زواق ديال الطبلة….)
حم واش بانلك نبدلو الدار
شيماء: وفين نمشيو
أشرف: (طانز) نسكنو مع دار عمي
شيماء: (تصدمت حتى قلبها بغا يسكت) كفاش
أشرف: نمشيو نكريو فقنت اخر اصلا كان خاص من شحال هادي نديرها
شيماء: ولفت ديك الدار
أشرف: (فطرف لسانو يقول شي حاجة وسكت) حم اصلا غنمشيو منها غنمشييو حيت باغي نشري
شيماء: شريها هي نيت
أشرف: واش انا لكرا ومبقيتش باغي نكري فيها ونتي تݣولي شريهان اش عاجبك فديك الدار بفمك كتݣولي مشتي شي
شيماء: (سكتت ولات كتخاف منو وكتخاف من تقليقتو )
أشرف: (بهدوء) مصالحش نݣلسو فدار كنت عزري فيها وكانت مخلطة فهمتي
شيماء: (حركت راسها باه حتى شافت السرباي حط طبق مشكل جاب لاسوب عمراتها لمريم فالرضاعة وعطاتها كتشربها بقات كتاكل بشوية اما هو مرة يقشر ليه مرة لشيماء ويحط حداها… هي داخت ووقفت من الماكلة وهو كلا حتى غلق مزيان وتفكييرها ان هادشي كيزيد يهيج الراجل ياكما ناوي عليها…
طلبلها عصير مونݣ شرباتو وناضو فسكااات هز مريم حطها فوق راسو ورجيلاتها مدليين على كتافو وشيماء حداااه… تمشاااو حتى وصلو لوطيل)
أشرف: طلعو نتوما ترتاحو
شيماء: ونت!!!
أشرف: نضرب دوورة ونجي .. على متنعس مريم (وسااعو عينيها فيه) تبغي شي حاجة
شيماء: ها!! حم لا.. لا (هزت مريم عليه طلعات وهو مشا لقهوة… حطت مريم فوق النموسية وراسها زند عليها ياكما نيت معول.. معرفت مدير مشات لطواليط مكانتش حتى مقادة راااسها مزيااان ومعندهاش حتى شي موس للي تزرب على داك الشوووك .. ملقات غير بدلت حوايجها لبست كولون وتريكون من بعد مدهنت راسها بكريمة بريحة فخومبواز دارت ݣلوص جمعت شعرها ودخلت تنعس مريم وترضعها… نعست وهي بقات كتفكر حتى سمعااتو دخل غمضت عينها كنسمع غير تحركاااتوو والتلفاز للي شعل ونقص الصوت حست بيه قريب قريب قريب حتى نطق حدا ودنها)
أشرف: عارفك فاايقة نوضي نتفرجو شوية
شيماء: (حلت عينها كان وجهو قريب ليها ب5 سنتمتر شافت فيه) ها واااخ
أشرف: (كيشوف فشنايفها) درك نيت معندها معنى نبقى وحدي
شيماء: هم (ناضت بشوي عاد وقف قرب ليها بحال باغي يعنقها ولكن معنقهاش هز وسايد ودورهم على مريم وهي غير كتشوف وسخونية طالعة معاها)
أشرف: رواحي (كان لبيت بحال مقسوم ولكن بلا بيبان مشاو للجهة الاخرى فين كاين تلفازة و2 فتوي شافت فوق الطبلة ساشيات لوز كاجو بيسطاج وباكية ديال الشكلاط وكانيطات)
تبغي شي حاجة اخرى
شيماء: (عرفت اليوم معندها هروب) الله يخلف عليك…
لكبير: (خطب وسالا وانوار غير حاني راسو مرة يتبسم مرة يسرح بااالو لبعييييييد… )
هههه واه من حقهم انوااار
أنوار: (ببرود) ها… نعام ابّا
لكبير: نوض تشوف خطييبتك راه من حقكم الشوفة الشرعية
أنوار: (كولشي كيظحك) بلا متحشمو لبنت
لكبير: غير نوض
أنوار: بنت عمتي واش معارفهاش (شاف فباه خنزر) واه انا غير مبغيتش لبنت تحشم (خرج من تماك والاعين عليه داتو عمتو للي فرحانة وصلاتو للصالة صغيرة كانت بنت عمو لابسة قفطان جوهرة ودايرة لفولار حانية راسها وجالسة حشمااانة جلس فالكرسي بعيد عليها حطاتلهم عمتو طبسيل فيه الحلوى وجوج كيسان اتاي)
أمال (غير قال سمية قلبو ضرب) حم لباس عليك؟!!!
أمال: (حشمانة وبصوت خافت وحنيكات موردين) الحمد لله ونت
انوار: الحمد لله
أمال: (تبسمت مقدرتش تهز راسها حاسة بيك كيشوووفها وكفاش ميشوفهاش وهي أول مرة تكحل عينها فرحانة غطير بالفرحة كان حلم ديالها حتى من ختها خديجة كان عاجبها قبل متزوج وبنات خالتها لوخرين حيت كان مهلي فراسو وتبوكيصة)
أنوار: معندكش مشكلة حيت رجعت عرج وعور وعاد عندي بنت من لفوق
أمال: (متبسمة.. بحياء حركت راسها) لا
أنوار: (كتحرك ديك تفاحة آدم للي فلحلقو.. شاف لقا عمماتو كيطلو ويفرنسو) كتقراي؟!
أمال: خرجت من التاسعة
أنوار: وااه نسيت… (معندو ميقول) صافي بلا منحشمك بزاااف انا نوض رجع بلاصتي (عاد هزت عينها فيه لقاتو وقف تبسم معاها ومشا بقات كتفرنس جات عندها مها وخالتها وهو دخل جلس تحط لعشا تعشاو ودارو صداق السيمانة جاية على ميتجمعو لوراق والعرس من مور رمضان ولكن باها مابغاش حيت معندوش فكرة لبنت تعقد وتبقى فدار باها…)
أنوار: صافي حفلة بيناتنا والصلاة على النبي
لكبير؛ بلا عرس!
أنوار: مݣادش ندير العرس ومّا عاد ماتت بنت عمتي الا بغات دير العرس منمنعهاش
زهير: عندو الحق مݣال عييب (خلاهم ساكتين كانت اول مرة يهضر وكانت هضرة جدية من عندو..
صافي تافقو ناضو خرجو مجموعين باش يركبووو أمال غير متكية على الطموبيل خاصها غير امتى تمشي باش تنعس حيت عيااات)
أنوار: فتح ليها لباب راه عياات
أمال: لا لا انا مزيااانة فين مّا
زهير: جلست تبات تخلي معاها يوسف (غمزها وباس ولدو وهو كيشوف فيها)
أمال: (تبسمت قلبت وجهها… أنوار حاضيهم بلا خاطرو كيلقى راسو حاضيها وحاضي ادق التفاصيل بحال كيقلب على شي حاجة دياالو فيها….)
شيماء: (جلست فالفوتوي للي مقابل معاه ضار طفا الضو وبقا كيشوف فيها وهو كيحل دوك الساشيات.. توترت) حم عيييت
أشرف: واش عياااك
شيماء: غير طريق
أشرف: طريݣ انا للي كنت صايݣها ولبݣاج انا للي شارجيتو
شيماء: واخا هكاك غير لجلاس يعيي
أشرف: اوا ديري شي حاجة رووحك باش متبقايش عياانة
شيماء: هم!!!!
أشرف: عيااك لجلاس ديري حاجة ياخرى مثلا رواحي جلسي حدااايا نتفرجووو
شيماء: (عضت على شنافتها وشافت فيه دارت ابتسامة لعدم الارتياح ناضت جلست فالفوتوي الوسطاني ت يدها لشكلاك (فيريروو) حلاتها وحشاتها كولها فمها باقات صعوبة فلمضيغ وبقات كتعوج وتعوق فمها حتى سرطاتها)
أشرف: (قشرلها اخرى ومدهالها) يعجبك!!
شيماء: (شدتها من عندو) بزاااااف (عاود كلاتها كاملة فجو التوتر) حم زيد فالصوت
أشرف: (بحركات بطيئة زاد الصوت وحط التيليكومووند حك فموسطاجو وهو كيشوف فيها جالسة بحال شي تلميذة عينيها على السبوورة مكتلفت لا يمين لا شمال… تفكر أول نهار شافها فين كانت موال فيها شوية ديال الحشمة غير جا أنوار فبالو دار كاجو فمو كيلهي راسو اخر حاجة باغي يفكر فيها هو الماضي.. رجع شاف فيها راه تبدلت ماشي غير تبدلت تحولت حتى من صلا بوقتها خداها من عندها للي بغا وصلو باينة كتبغييه وكتحتارمو كتخاف منو وهادشي مريحة وكيشوفو فتحركاتها وتصرفاتتها حتى ضارت لقاتو ساهي فيها هاد النظرة مغريباش عليها..)
شيماء: نجيب لما..
أشرف: (هز قرعة دياال سيدي علي من تحت الطابلة وحطها) ها هو
شيماء: ههه
أشرف: واش ظحكك
شيماء: كولشي ضارب حساابو
أشرف: علاه حنا شوي فلبلاد
شيماء: ههه باسم الله.. (شربت وهو متبعها مقدرتش تغيط على رااحتها مبعدة فم القرعة وكتكب على فمها للي محلول مخلياااه كيتحرق من لداااخل كتر حطت القرعة سداها ومسحت بيدها حدا فمها) الحمد لله
أشرف: (حنحن وشاف فالتلفاازة كانت لقطة ديال البوسااان شاف فشيماء كانت حانية راسها.. ناض جلس حداها هز التيليكموند) وكان غير كيݣطعو هاد المسخ
شيماء: (شافت فيه كفاش هدا عاد كان جالس لهيه ودابا حدايا… شاف فيها بنص عين تيليفونو شعل الضو كان حداها تكا عليها مفهمت والو يد شدها من تحت ظهرها باش مطيحش ويد مدورها يهز التيليفون) ااااااشرف
أشرف: صبري (كان ميساج من عند الدري للي خدام عندو قلب التيليفون وبقا كيشوف فيها) نعام
شيماء: (معرفت متقول كان قريب ليها بزاااف.. النفس ديالو هي كتستنشقها… قرب ليها كتر حتى حط شنايفو على شنايفها بلا ميبووسها هكاك خلاهم 15 ثانية للي دازت دقااايق… عاد جبد شنافتها التحتانية باسها بشوووووويييية خلاها مغمضة عينيها اول حاجة جات على بالها ديك الليلة للي تكرفس عليها حلات عينها خااايفة عاود يقول كتسلم راسها ويدووز عليها عذااب كتر من الأول حس بيها جبدت شنافتها وسدت فمها بعد منها كيشوف فيها وعينيها مطرطقين)
أشرف: مالكي؟!!
شيماء: ها… واالو علاه
أشرف: (عينيه نايمين فيها كيهضر مثبت) مالكي اشيمااا؟!!! (قاس بيدو شنافتها التحتانية للي ميجبدها لذقنها)
شيماء: (لا رد معندها منقول وكتخاف تقول شي حاجة للي متعجبش…)
أشرف: (حس بيها مغيرة رجع اللور وجلست مبعدا شبر منو) نديرو شي فلم؟! واش يعجبك تفرجي
شيماء: حم للي بغيت
أشرف: للي بغيت نتفرج فيه مكاينش هاد الساعة يمكن (خلاها كدور عينها.. دار فلم مصري كوميدي وطلقو) غتبقاي معكووفة تم!!
كولي…. (حفنت فيدها وبقات كتاكل حتى نطق كيعاود نهار تفرج فهاد الفلم أول مرة وشنو الحدث للي وقعلو داك نهار….)
أشرف: (بقا متبع لفيلم ضار يشوفها لقاها جالسة حانية راسها طل براسو كانت ناااعسة… تبسم عجبو الحال وعجبو هاد الخوف منو حط التيليكموند هز من يدها الشكلاط هزها كانت فاقت ولكن دارت راسها ناعسة حطها حدا مريم من بعد مقاد ليها لوسادة.. غطاهم بجووج ومشا سد السرجم وبقا هو مقصر مع الفلم وتفكيرو كولو فشيماء ..)
*أصبحنا وأصبح الملك لله…*
أنوار: (كان سااهي حتى عطاه طبيب العدسات للي غيعوضو دوك نظاظر دارهم شاف فلمرايا كانو حسن بزاااف خلصو خرج مشا نيشان لمحال زهير كانت الدنيا خاوية طلع عند زهير وحيت كولشي زاج بانتلو أمال تماك كان بغا يرجع فحالو ولكن قشعووه وزهير قالو دخل.. دخل كانت هي جالسة فكرسي زهير وزهير جالس على لمكتب)
زهير: دابا مليييح
أنوار: امم.. (شاف فأمال لقاها حانية راسها كتشوف فشي وراق) الا بغيت سير وصل مرتك
زهير: لا هي مزال ترجع لفاك
أنوار: اااه مليح بقيتي فلفاااك!!! (هزت عينها مخنزرة فيه) لقراية زينة
زهير: أموول ياله نتغداو زيد معانا اداك الدحش (حرك راسو باه وللي خلا أمال محملاش هاد الموقف… هبطو تسنااوه واقفين بعاد جاو تمشاو على رجليهم لأقرب سناك)
أنوار: هنا كنت نعرف يديرو طاااكوس زين
أمال: (زعما حيت كان كيعرفها كتبغي طاكوس) حتى انا بغيت دجاج..
زهير: نتا أنوار
أنوار: بحالكم… (بقاو مجمعين) هادشي للي ݣالي بّا وهاحنا معاه فواش ݣال
زهير: درك تواتاااو مع الوقت
أنوار: شكون بقا مسوق ديما للي نبغيهم ميبقااوش فحيااتي
أمال: (خرجت عينها ودغيا دارت بحال مسمعت واالو …)
زهير: شوف ربي واش دااير… (جات لماكلة كلاو) نوصلك لفاك
أمال: لا نشد تاكسي غير رجع للخدمة
زهير: انا رجع باش نطلݣ دراري يتغداو غير تكملي رواحي لعندي
أمال: واااخ.. (مشات من حداهم حاضيينها بجووج شدت تاكسي ركبت وزاد بيها رجعو للخدمة بقا معاه كيخططو شنو يدير واشمن مشروع يدير وفكرة زهير باش يبقى يمشي لفرنسا ويشري شي دار واخا تكون صغيرة عجبااتو..)
أمال: (جابت المحاضرات للي بغات وطلعت التلخيصات والشرح من عند لبنات خرجت صونات على هند) مرضتي والله وليت عايشة مخنووقة فداري مكنحملش نشووفو ولا حتى نسمع سميتووو
هند: مديريش هاكا قدام زهير راه يقدر يعيق
أمال: عرفتي ݣبيل قدام زهير كيݣول للي كنبغيها كامشي وتخليني معرفت واش كيحشيلي الهضرة وعاد كيبين انا كنبغي طاكوس لحمار لاخر كنكره داك الكلب الله يعطيه شي غبااارة
هند: (زفرت معندها خاطر) متديهاش فيه ومتبينيش لرااجلك راه عندك داك زهير كيفهمها وهي طاايرة فسماااا صافي ديريه بحال مكتعرفيهش بحال أول مرة تشوفيه ولبلاصى للي عمر فيها خويها
أمال: وراه داكشي للي كندير ولكن خفتو هو يمشي يشوهني
هند: علاش يشوهك مالك شنو درتي فملك الله تعارفتو 4 ولا5شهور متفاهمتوش وكلها شد طريقو راه هو للي يخاف على راسو يتشوه
أمال: (وصلت لمحال زهير) انا وصلت ݣوليلي كيف بقات حناك
هند: الحمدلله… الحمد لله
أمال: الحمد لله وفوقاش ترجعي؟!
هند: غدا ان شاء الله..
أمال: ان شاء الله سلمي عليها بزااف اختي.. انا غندخل يا ربي غير يكون مشا فحاالو…. (قطعت معاها دخلت كيبانلها هو اللول واقف كيظحك) تهجرو يا ولد لحرااام….
شيماء: (كانو خرجو سراهم مزيااان داو مريم لعبت دازو كلاو للي حطت يدها عليه كيشريه ليها.. كانت الفرحة غتنقز من عينيها بعد معاناة طويلة راجلها رجع كيحسسها انها مهمة وصوتها مسموع بنتها للي متعلقة بيها بزااف معا للي كيرجعو شوية بشوية هي وخوها بقالها غير باااها… كانت 8 دالليل) عييييت
أشرف: مزال نسهرو بحال لبارح
شيماء: (بقات غير الابتسامة مرسومة على وجهها والخلعة شدااها) وااه… واااه
أشرف: (باس يد بنتو للي جالسة فوق رجليه وكتاكل طبسيل فريت على ميجي لعشا) الا خصاتك شي حاجة ݣوليها قبل ميسدووو
شيماء: لا كولشي كاين الحمد لله
أشرف: كولشي؟!!
شيماء: (شافت فيه) وااه
أشرف: درك نشوفو فالليل
شيماء: … بحالاااش!!!
أشرف: رااجل ومرتو واش للي مفهمتيش فيها… (خرجلها نيشان تحط لعشا بقا كياكل شاف فيها لقاها كتشووف) كولي
شيماء: همم واخ (بقات كتاكل شحال كان كيعجبها الحال يقول مرتو ودابا شدااتها الخلعة… كلات النص ناضو كما العادة هي طلعت ومعاها بنتها وهو كيخرج يدور…
صونات على هند والو مكتجاوبش حشمت من مها بقات متوترة صونات على امال فأخر لحظة جاوباااها منين طلعت لسطح…) الو أمال لباس عليك كداير مروان يوسف
أمال: الحمد لله اختي ونتي بخير مريم لباس عليها
شيماء: الحمد لله لباس لباس .. بففف شداتني الخلعة أشرف كيلمحلي باش ن…
أمال: (فهمتها ولكن مفهمتهاش علاش مخلووعة) وراه عادي راجلك ونتي حلالو
شيماء: منݣدش وليت نخااف
أمال: لا لا معندك مناش تخاافي باش هاكا نبداو صفحة جديدة
شيماء: معرفت بففف (تفكرت مشراتش موس لحسانة وهو كان كيأكد واش خاصك شي حاجة.. عاوداتلها وبقات تولوول)
أمال: شوفي صاكو دلحوايج يقدر يكون جايب معاه الطوندووز (مشات نيشان كتقلب لقاتو)
شيماء: كاين كاين…
أمال: (بتعالي) شتي… وليت نعرف
شيماء: ههه شكرا أمال
أمال: شيماء.. اشرف راه راجلك نسااي شنو دوز عليك داك شماااتة بدلي صفحة جديدة مع راااسك ومع راااجلك ديري بحال ياله تولدتي متفكري فحتى حاجة دااازت
شيماء: (جاتها لبكية كتاخد نصيحة من اكتر وحدة كانت كتكرهها وتحفر ليها قبر ديال لهموم والمشاكل…) شكرا بزاف أمال
أمال: راحنا دم والدم عمرو يرجع ما اشيماء ياله سيري راني كنحط لعشا مع ليلى.. (قطعت ضارت كان أشرف من موراها متكي على الحيط وداير يدو فجيابو) باسم الله الرحمن الرحيم اش كدير هنا
أنوار: (بقا غير كيشوف فيها مقتدى ينطق بحتى حرف)
أمال: (غوبشت جات ماشية بغا يشد فذرااعها محست غير بتصرفيقة طلعت معاه مكانتش قاسحة حيت يدها مبعدا على وجهو… خرجت عينها كتهددو بصوت غااضب)
ااااخر مرة تفكر تكون قريب لية هااااك مغنتسناش زهير هو يفكها بيدي غنقتلك
أنوار: (هز يدو بحال مستسلم)
مكنت غندير والو
أمال: (طلعاتو وخبطاتو بشوفتها)
اصلا مغتقد دير واالو
(زادت بالزربة خرجت وهو بقا ساااهي… اما هي وصلت للكوزينة قلبها كيضرب مسحت بيدها على وجهها وكملت شنو كانت بادية….)
هند: (كان الجو مكهرب بزااف فالدار عاد جات لبارح جداتها ستقبلاتهم دابا شادة فرااش شوية عيات جا طبيب كترغبهم غير يديوهة لصبيطار والجدة نون كلمة فمها نموت فداري… دارت يدها على راسها حتى كتسعها كتأن ناضت بالزربة شدت فيدها والبكية واحلة فحلقها) علاش راسك قاسح امي لالة ياله نمشيو لصبيطار
الجدة: (بحرا كتقدر تهضر) بنتي تهلاي فراسك وفبنتك وبغيها كما كنت نبغيييك باش تكون تايقة فراسها وفيك… (بحرا كتهضر) متخليش ماماك وحدها…
هند: (كتبكي) علاش كتقولي هاكا داليا حشووومة عليك امي لالة
الجدة: بنتي انا عشت حقي من هاد الدنيا وقنعت عيشي حياااتك حتى نتي ومنسمحش ليك الا غبنتي راسك… (بقات كتشقلب عينيها والتنفس كيدياق عليها)
هند: (مصدومة) مي لالة!!!! (شدت يدها ولوخرا كتحاول تشهد) مي لاااااالة (دخلو بناتها ورجلاتهم منين سمعو هند كتعيط خطفلها باها يد الحاااجة شافتو كيشهد ليها بقات غير مخرجة كتكذبهم فهادشي للي كيوقع… كولشي كيدووز بالزربة هي كتشوف غير جداااها او بالأحرى هي ماماها هي للي رباتها وكبراتها وصدقاتها منين العائلة كذبوها.. هي للي وقفت معاها فكوووولشي… وليد زعزعها بالجهد شافت فيه ولكن صووورتو مضببة فعينيها حتى سمعاااتو)
وليد: الله يرحمها اهند..
هند: (رمشت بالعرض البطيئ سمعت غوااات ولكن كان فودنها بحال تخرشيش صداااع شافت فجداها كانو دارو على وجهها لغطا ميلت راسها) عاد لبارح جينا وكانت عادية
وليد: (عرفها ماشي طبيعية ومصدوومة عنقها كانت بحال شي خشبة… شاف فيها) هند… حبيبة
هند: (طلقت منو ومشات حدا حناها عرفات لغطا ودخلت تكات حدااها)
خالتها: نوضي من تماك نتي
وليد: اشريييفة واش مكتشوفيهاش مصدومة!!!!
سعد: هضر مع ماما مقااد
وليد: رواح وريني كيف ندير نهضر (مو باه خوه محمد كانو خرجو كولهم تحت إصرار هند للي شافت راسها جابتهم وبقاو مهولين معاها…
شاف هند حتى هي غطت وجهها مشا عندها حيد لغطا من وجهها لقا تعابير وجهها كتبكي بلا صووت)
حبيبة مديريش فروووحك هاكا
هند: (طلقت بكاها بلغوااات وكتعيط على *مي لالة*…
حس بقلبو تزعزع عارف جداها المكانة للي عندها فقلب هند….)
وليد: لا حول ولا قوه الا بالله العلي العظيم انا لله وانا اليه راجعون (جر هند جلس ودار راسها فصدرووو كيطبطب عليها..)
اب هند: (كان متأثر بزااف عاد خرج مرتو سخفانة داوها لبيت اخر وكيشوف بنتو للي كتقطع قلبووو)
هزها اولدي
(وليد حنا هز هند لقاها شادة فيد جداها مابغاتش تطلقها… حنا على رجليها كيطبطب فوجهوبنتو للي كتبغي وعينيها مطرطقين)
بنتي الفقها غيدخلو يقرااو على جداااك (شافت فيه بوجه حزييييييييييين) عفاك ابنتي… (خشات وجهها فصدر وليد كتبكي هزها وليد خرجها من تماك خداها لبيتها لقديم… مع حطها خشات راسها راسها فلوسادة كتبكي عيا يهضر والو وقف هز تيليفونو صونا على للي برا باش يجيووو….)
يتبع
التعليقات 0