ناض محسن فصباح بكري كيف عادتو بدل عليه او صلى ، عاد مشا فطر على خاطر خاطر وهو كيتسركل فلانسطا تاع صباح ، سالا فطورو او غسل لماعن لي وسخ عاد لبس سبرديلتو يمشي لخدمة ، ولكن قبل ميحل لباب اخرج صونا ليه طيليفون هاز خبار معاه خبار فوجات عليه او فرحاتو ، قطع لاتصال او مشا كمل طريقو لݣاراج فاش خدام
محسن : هاواحد السلام عليكم
دراري : وعليكم السلام شفناك ناشط
محسن : فين لمعلم ؟
دراري : راهوا فمكانو
محسن : اوكي (مشا محسن عند مول شي أدوي معاه) سي حميد
حميد : اهلن ولدي محسن محتاج شي حاجة
محسن : محتاج شي واحد تلتيام
حميد : (باستغراب) علاش ياك لاباس
محسن : قبلوني فلبوليس او خصني نمشي نصايب شي وراق باش ندخل لأكادمية
حميد : مبروك مبروك اولدي خودليك سيمانة نتا ݣاع الله اسهل عليك
محسن : آمين اعمي
اكسيل : السلام عليكم (تم داخل عليهوم بطولتو)
حميد : وعليكم السلام سي اكسيل زارتنا لبراكة
اكسيل : (مشا سلم عليه سلام رجولي) كي داير لباس عليك
حميد : لحمد الله هاد ساعة ونتا اش خبارك
اكسيل : كيف لعادة وصاف (ضار شاف عند محسن) مغتسلمش نتا
محسن : (سلم على اكسيل سلام رجولي تا هو) عمي اكسيل لباس
اكسيل : لحمد الله كي غادي نتا معا شي خدمة مهلي فيك سي محمد
محسن : فايت مهلي فيا لهيه
اكسيل : مزيان مزيان عيطو عليك لأكادمية
محسن : واه هاد صباح
اكسيل : (ربتليه على كتفو) هاكداك نبغيك زير ولا والله تا نعلقك من كراوعك
محسن : (تبورشات صحتو ملي تخيل اكسيل كيطبق فيه هادشي لي قال) الله أودي مكاين غا تزيار
اكسيل : هاكداك تلاح دبا
محسن لقاها من لجنة وناس قال بسلامة او شد طريق خارج ، تعرض لواحد طاكسي ركب فيه او شد طريق لواحد الضاية كاينة فنواحي تاع كازا ، نزل من طاكسي او بقا كيتمشا على جنب ديك ضاية وهو كيتمنا كون اضور وجهو او يلقا ختو لغالية كتشوف فنعكاسها فلما ، ولكن معا لاسف ملي صور وجهو مالقاهاش حداه ولا فجنبو ، تنهد او كمل لمشية ديالتو تا بانتليه واحد لبنت واقفة على لحافة تاع واحد جيهة فلما غارقة ، تخلع او معرف ما يدير شدها بجرية لجيهتها كيغوت
محسن : وياك وياك ديريها ، آصݣعة وياك (ماجا فين الحݣ عليها تا طاحت اوسط لما بعدما غوتات)
#عند صباح#
لي فاقت شوية معطلة حيت سهرات لبارح ، دخلات لطواليط هي لولة قضات حاجتها عاد مشات خرجات عند جود او سناء لي كانو كيفطرو
صباح : (باست سناء من حنكها) صباح لخير ماما
سناء : صباحو
صباح : (دازت مور جود معنقاه من لور)
جود : شطاح عليك من جيهتي هاد صباح
صباح : (بعدات عليه او خبطاتو على ضهرو) تفو على زمر ماعندكش معا صواب
جود : صوابك كيخلعني أبنت بويا
سناء : ݣلسي تفطري أبعدا
صباح : (ݣلسات حداهوم او خوات لراسها كاس دلعاصير وبدات كتفطر) ايمتا غتمشي عند صحابك
سناء : ماشي انا لي غنمشي عندهوم هوما لي غيجيو عندي
صباح : بصح ؟ مزيان
سناء : (حطات لكاس من يديها او ناضت وقفات) غادي يجيو عندي ونتي سيري معا خوك خرجو الى مابغيتيش تبقاي فدار
صباح : لا عادي غنبقا فدار مافيا لي يخرج
سناء : مكنضنش انو عندك ماديري هنا فضار غيجيو صحاباتي ابغيو اݣلسو يتجمعو ، وغاتجيهوم ماشي تالهيه اهضرو بوجود لبراني
صباح : كفاش لبراني مافهمتش ؟ واش تا صحاباتك مقايلالهومش انا بنتك ولا كيفاش ؟
سناء : صباح راك عارفاني كيف دايرة حياتي شخصية مكنبغيش نشاركها معا شي حد
جود : (زعف تاع لمعقول ولكن مقد إيقول والو بوجود صباح ، خصوصا ملي شافها تزيرات مابغاش ايزيد عليها) صباح سيري لبسي حوايجك نخرجو دبا
صباح : (حسات براسها بدات كترعد ، غا قاتليه واخة طارت لبيتها سادة عليها ، مكانتش قادة تغوت ولا تبكي بجهد كتافات انها تنزل دموعها او تشد يديها بعضة كتبرد غدايها)
جود : (ناض تابعها لبيت خايف عليها) صباح ، صباح حلي لباب
صباح : (كتحاول دوي بصوت عادي مباينش فيه لبكا) راني كنبدل باش نخرجو
جود : (رتاح ملي سمع صوتها ، ودوا بحنية) غتلقايني كنتسناك لتحت
سناء : صافي غتمشي دابا
جود : ياك من صباح ونتي كتجري عنا على قبل صحاباتك
سناء : (قربات عندو حاطة ليه يديها على كتافو) جود ولدي ماتقولش هاكدا نتا عارفني مقصدتهاش بهاد لمعنا
جود : او حيت عارفك مزيان فهمت لمعنا لي قصدتي ، ربحي بصحاباتك اماما آه نسيت غتباني شارفة مادموزيل سناء حسن ياك (بعد ليها يديها او خرج فحالو)
صباح : (بعدما تهدنات شوي دخلات لحمام غسلات وجها او لبسات عليها واحد لكسوة واسعة وطويلة بزيتي معا فولار كحل ، هزات معاها غا طيليفونها وخرجات عند جود بعدما سلمات على سناء طبعا )
جود : صافي واجدة نمشيو ؟ فين تبغي تمشي ؟
صباح : بغيت نمشي لديك ضاية لي فلخرجة تاع كازا
جود : صافي واخة يالاه
صباح : (عضات على شنايفها بتردد) جود
جود : وي
صباح : بغيت نمشي لتما بوحدي ، راك عارف شويا انا بغيت نبقا بوحدي
جود : على خاطرك ولكن انا غنوصلك او أنا غرضك
صباح : واخ متافقين ، انمشيو نشدو طاكسي ؟
جود : لا ميحتاش انمشيو بطونوبيل
صباح : خلى ليك بابا طونوبيلتو
جود : لا مشيت هاد صباح كريت وحدة
صباح : مزيان حسن
جود : يالاه ركبي (مشا حليها لباب تاع طونوبيل) السيدات اولا
صباح : ههههه قاسك لجفاف لعاطفي عاود
جود : الله اسهل عنا لقاو شكون يسقينا
صباح : هههه لعفو
جود : (مشا ركب فبلاصة شيفور او ضيمارا طونوبيل) على بركة الله
شدو طريق لوجهتهوم او بلاصاو فين كاينين طونوبيلات لوخرين
صباح : انا غنزل هنا
جود : صافي واخة انا غنمشي نضرب واحد ضورة علاما نصوني عليا خلي طيليفونك مشعول او مجهدليه صوت
صباح : صافي واخة بسلامة
جود : بسلامة
كملات صباح طريقها لجيهة الضاية مبعدة على لبلاصة فين كاينين ناس ، قربات لجنب ديك ضايا كتشوف فانعكاسها فلما وساهية
صباح : وامي (فعز سهوتها قفزات بصوت تاع شي حد ، ديك ضورة لي بغات دير رجليها خوات بيها او زلقات فلما)
محسن : (شد راسو مصدوم) دارتها صݣعة دارتها (زاد فلوتيرة تاع جرى ديالو تا لحق عليها ومعا بغا يتسوطا عندها شافها شدعات فدوك لحجر او عاونات راسها تا خرجات)
صباح : (كانت كتنهج او حوايجها لسقو عليها ، محسات براسها تا ضارت عندو مطرطقة فيه عينيها) واش تصطيتي
محسن : انا لي خاصني نقولك واش صاطليك لبرد فمخك تا باغة تنتاحري
صباح : (وقفات على رجليها مقابلة معاه كترعد بلبرد او فمها زرݣ) نتاحر؟ واش من نيتك ولا مالك تفو بسبابك ، بلاتي فين (بدات كتشوف جنابها بخوف) لمعطي ياكما غرق آولي
محسن : (دوا مخلوع) شكون هاد لمعطي شي ولد صغير كان معاك طاح قبل منك تا لحقتي عليه (متسناهاش تجاوبو او قفز فلما كيقلب على نيتو ، تا عيا بلغوص او طلع الراس) صوني لبوليس ، جادرمية ، دقايقية ، زعتر لكحل راني مالقيتش لمعطي دري غيموت
صباح : (لي لقات طيليفونها من بعد ماتلاح داك دخش ، شافت فمحسن باستفهام) شكادير فلما
محسن : سربي عيطي ازمر ايجيو اجبدوه
صباح : شغيجبدو واش هبلتي
محسن : (باقي فلما) اجبدو لمعطي ياك قلتي غرق
صباح : (محسات براسها تا طاحت لارض كتفركل بضحك) وامي على لمعطي غرق هههههه هابط تعتقو راني كنت حاطاه هنا
محسن : (كيقلب بعينيه) فين دري
صباح : (شادة كرشها بضحك او عينيها دمعو) هههههه لا لا عافاك باركة كنموت ههههه لمعطي راه طيليفوني شمن دري صغير
محسن : (ماعرف يضحك ولا يبكي خرج من لما حالتو حالة كاملو فازݣ او غا مخنزر) منيتك ݣالسة عليا لمعطي لمعطي مقفزاني باطل على مشقوف
صباح : نتا لي فيك زعامة ايما آش داك تقرب لجيهتي ݣاع من لول
محسن : (مغدد) عندك لحق انا لي هبيل شفتك باغة تنتاحري قلت نسربي نعتقك
صباح : من نيتك باغة نتاحر ؟ بسبابك كنت على شويا غنموت مقفزني بغواتك
محسن : (كان بغا يدوي ولكن معا شاف فيها بان ليه صدرها لي لسقو عليه لحوايج ضور عينيه بزربة او حنحن داوي بتوتر ) احن صدرك لاس…
صباح : (حدها سمعات ديك صدرك نزلات عينيها لصدرها لقاتو كامل مطراسي ، محسات براسها تا جمعاتها معاه مغددة) حمار ، كلب جمع عينيك
محسن : (مكانش عوال على طرشة غفلاتو بنت لهم) واش من نيتك انا غا بغيت
صباح : (هزات رجليها راكلاه بين رجليه) سلݣوط حمار متحرش
محسن : (حس بضو بين رجليه تحنا كيتوجع او وجهو ولا حمر)
صباح : (خافتو انوض عندها باكشي علاش شداتها بسلتة تا وصلات لجيهة فين كاينين ناس هي درݣ كتسنا تنشف شويا) حمار ممربيش (جبدات طيليفونها كترعد دخلات لانسطا او بلوكاتو فلبلاصة)
محسن : (تسنا تا فاتو لحريق او ولا قاد يمشي على رجليه هو يشد طريق راجع لدارو ونادم على نهار لي قال اخرج فيه)
صباح : (بعدما نشفو عليها حوايجها شوي او دعقها لبرد صونات على جود ايجي يديها) الو فينك
جود : هاني قريب صافي نجي باش نمشيو
صباح : واه هاني كنستناك (ماهي الى دقايق معدودة تا وقف قدامها جود ، حلات لباب او دخلات ݣلسات)
جود : (بإستغراب) بنت بويا زاحمتي تا لحوت فلما
صباح : تا سكت عليا اهاد سرديلة زلقة فلما كاملي فزݣت
جود : (بحزن) تفو مكنتش معاك
صباح : (على نيتها) كنتي باغي تعتقني
جود : نعتقك ؟ كنت باغي نوتق لحضة او نشرها فليوتيوب تحت عنوان “سبحان الله بقرة تسبح”
صباح : (خبطاتو لكتف) الله اعميهالك ازمر
جود : اي واش يدين هادوك ولا خباطات فدعتيلي كتفي
رجع كل واحد لدارو او حيد عليه دوك لحوايج لفازكين او دوش ومشا ينعس
#عند لغالية#
بعد ديك لمهازة لي وقعات لبارح صبحات جامعة حوايجها وكتسنا من ياسمين تفيق باش تقولها بسلامة وتمشي عند اكسيل لوطيل تبقا معاه تم تا يمشيو فحالهوم بليل كيما تافقو
لغالية : (قربات عند ياسمين كتفيق فيها بشوي) ياسمين نوضي
ياسمين : (مقلوبة بنعاس او كدوي بتقالة) شنو فين غادية تا لابسة
لغالية : غنمشي فحالي
ياسمين : (قفزات واقفة على رجليها) كفاش غتمشي فحالك أدوي
لغالية : (قربات عندها باغة تعنقها) خصني نمشي راك عارفة انا محاملاش نݣلس هنا
ياسمين : متعنقينيش بعدي عليا بغيتي غا تمشي سيري شكاتسناي أصلن مكانش خصك تجي من لول
لغالية : ياسمين حاولي غا تفهميني راه غنعاود نرجع
ياسمين : غتعاودي ترجعي بعد عشرين عام ولا ميات عام كيما درتي من قبل غتغبري عاود
لغالية : سمعيني غا نقوليك راه ماكانش ساهل عليا نرجع أصلن ولكن رجعت غا على قبل باش نشوفك
ياسمين : (حسات بلخنقة) باركة متكدبيش عليا ماشي على قبلي علاش رجعتي رجعتي على قبل مك خفتيها تموت ونتي مشايفاهاش ، انا ماشي بنت صغيرة باش تكدبي عليا هاد لكدبة سمعتيني كون بغيتيني كون سولتي فيا شحال هادي ولكن نتي مسولتيش او دبا عاوتاني باغة تمشي ، لاش جيتي من لول لاش (خرجات من لبيت خابطة لباب او كتجري لبرا)
لغالية : ياسمين ، ياسمين (عيات تعيط عليها والو مكتسمعهاش ، تنهدات لغالية وهزات باريزتها هابطة لتحت)
كلتوم : بنتي (شافت لباريزة) فين غادة أبنتي
لغالية : غادة فحالي لضاري بالي طولت هنا
كلتوم : (بغات تحماق مشات بزربة عندها ودموع فعينيها) لا لا أبنتي نتي مغتمشيش او تخليني مرة خرى لا ، عفا أبنتي لما ماديريش فيا هاكدا سليمان دوي معاها
سليمان : علاش باغة تمشي همم
لغالية : حيت بكل بساطة عندي ضاري او راجلي وبلاصتي حداه ماشي هنا
فرح : عوام هادي ماشفناك او باقي تا مشبعنا شوفة منك
لغالية : ولكن انا تݣهمت من شوفتكوم ، نخليكوم دبا
كلتوم : (شدات فيها كتبكي) لا لا عفا بنتي متمشيش عفا بنتي لا تحرݣينيش بفراقك مرة خرى عافك أبنتي
لغالية : ديك لكية امي نتي لي ختاريتيها بيديك ماكاين لي ضربك على حناكك نهار لول ، او دبا طلقيني نمشي
كلتوم : (طاحت عند رجليها شادة فيهون او فرح كتحاول تنوض فيها) نبوسليك رجليك او يديك ما تمشيش راني منقدش على فراقك ابنيتي عافك
لغالية : (محملاتش تشوف مها مرمية عند رجليها ماعطاتهاش خاطرها ، داكشي علاش تحنات عند رجليها نوضاتها) إيلى ماخليتينيش نمشي دبا مغنعاودش نرجع نهائيا كتسمعيني
كلتوم : (توݣضات شويا) عافا أبنتي ما بقاي معا ميمتك سليمان
سليمان : (معندوش لوجه باش يدوي ضرب طم لا هوا لا ولادو)
لغالية بعدما طلقاتها مها دازت معا لباب نيشن ، وبلى تردد ركبات طونوبيلتها وكسيرات مبعدة لجيهة لوطيل فين نازل اكسيل ، خدات لبطاقة تاع لغرفة او طلعات ليها جارة باريزتها ، كانت لبيت خاوية حيت اكسيل كان مشا خرج اشري دوا لصباح او يقضي شي غاراض
#عند ياسمين#
بعدما خرجات من لبيت معصبة مشات نيشن ركبات موطورها مكسيرية ومنطالقة لوجهة غير محددة حارقة سطوپات او دايرة حالة
ياسمين : (وصلات لواحد لبار صغير دخلات ليه بتخبية وخداتلها واحد جوج كيسان شرباتهوم بزربة وعاودات خرجات وهي كتحاول تشد فدموعها ومتبكيش) متبكيش أياسمين تا حد ميستاهل دموعك ، كاملين بحال بحال كيتبعو غا مصلاحتكوم ، داكشي علاش ماليك غا كر*ك ماتبكيش ميستاهلوش دموعك كاملين او تا هي
مسحات دموعها بعنف او رجعات ركبات موطورها وكسيرات ولكن هاد لمرة مخلاها تشد لفران بعنف ، غا جود لي كان قاطع شانطي
جود : (كان خارج يتصخر وملي باليه ضو لحمر قرر يقطع عادي بحالو بحال ناس ، ولكن قبل ميكمل لخطوة سمع لفران عند رجليه ضار مصدوم او مخلوع)
ياسمين : (حيدات لكاسك كاعية) واش عور
جود : (ستوعب لوضع او شاف فمولات لفعلة لقاها مولات لمصايب) ونا كنقول شناقصني ، مال نهاري دايز بلا مصايب ، واش خرجلك لعقل مشايفاش سطوپ كنتي ادوزي عليا
ياسمين : (ماعندها ݣانة لملاغة او ترادان لهضور) ياك مقستكش ما متيش ايوا هنينا
جود : برهوشة
ياسمين : من لخر دبا شباغي فلوس ؟ (جبدات من جيبها 100 درهم) هاك شد او هنينا
جود : واش بنتلك ناقصيني لفلوس ولا حتى فوضعية كتسفحلي نشدهوم
ياسمين : (زادت بموطورها تا ولى جود بين روايض تاع لموطور واقف او مقابل معا جنبها ، شافتفيه شوفة مطولة قبل متحنا عند شنايفو)
جود : (تكوانسا ملي حس بشفايفها على شنايفو ، تلف او مستوعب تا شنو وقعليه دبا)
ياسمين : (كانت غا حاطة شنايفها فوق ديالو بلاما تحركهوم ، بعدات عليه بزربة مستدركة خجلها) بردتي دبا تخلصتي ايوا هنينا (قالت جملتها قبل متكسيري مبعدة)
ياسمين بعدما زبلاتها كسيرات لموطور راجعة لدار ، حدها بلاصات لموطور هبطات منو او طلعات لبيتها بزربة سادة عليها وغا كتلهت
ياسمين : (قربات عند لمراية شافت انعكاسها كان وجها كامل حمر تا من ودنيها ) شدرت انا شدرت ، آويلي بستو (نتفات شعرها بيديها وهي كتصوط) واش نتي قح*بة تا بايساه او زايداها بسنطيحة ، بردتي تخلصتي اوا هنينا (بقات كتجدب كي دري صغير او تشحط فمها) آشداك آشداك تقربي عندو (رجعات شافت فراسها فلمراية ودوات بهدوء كتحاول تكالمي راسها) اصلن شنو فيها عادي وزيدون هاديك مكتعتابرش بوسة غا ملاقية تاع شنايف ، او زيد انا لي خاصني نتقلق بوستي لولة مشات معا داك زا*مل لاش يخرج فطريقي لاش (عيات تصبر فراسها هي تنفاجر مرة خرا كطرش فراسها او كدوي معا راسها فلمراية بحال لهبيلة) كلاتني كلاتني ، ياسمين تهدني تهدني عادي موقع والو او زيدون هو غيكون موالف غينسا ولا تا ميكونش دار فبالو ، كفاش مايديرش فبالو ؟ علاقل خصو يبقا عاقل عليها (وجهات صبعها لمراية او خاطبات راسها بجدية) ياسمين تهدني موقع والو عادي حنا ناس متحضرين مقح*بنين ، داكشي علاش انتعامل معا لوضغ بكل رقي وطريق لي عمرها هو نخويها انا ، سمعتيني اراسي نخويها ماشي نلسقو صافي قررت
مريم : (حلات عليها لباب معجبة) شقررتي او مالك كدوي معا راسك
ياسمين : والو غا كنت كناقش راسي
مريم : مال وجهك حمر فيك سخانة ؟
ياسمين : (غا بغات تقيسها مريم لراسها خوات بيها) لا مفياش سخانة غا صهد
مريم : الى جاك صهد دخلي دوشي او غسلي حالتك راه ريحة لڤودكا غا كتعطعط منك
ياسمين : (تلاهت على مريم لي كانت قصر منها او رمات يديها على كتافها) هاي هاي على لوليدة ولات تعرف تا هي فنواع تاع شراب اراك مساهلاش امريم هادشي فخبار سي عبد الله ؟
مريم : (شحطاتها لطرمتها) الله اقل حياك قدي قدك تا تعيطيلي بسميتي وزيد نتي لي كل مرة تجيني شاربة نوع
ياسمين : آي وعتيني فطغمتي
مريم : سربي سيري دوشي ونزلي تعشاي
ياسمين : لا انا مابغيتش نتعشى
مريم : غنخلي ليك حقك تا تجي عندو ، لجو فدار كي زفت
ياسمين : على حساب لغالية ؟
مريم : واه تا ديك جداك الله يهديها مفهمتش شنو كتسنا منها تستقبلها بلاحضان يا وطني ، عندها راجلها قايم بيها او مهلي فيها ماعندها مادير هنا هناها الله
ياسمين : هناها الله او عقبان لينا تا حنا نخويو هاد دار دلويل
مريم : الله اسهل عليك تخويها تا نتي انا غنهبط دبا (ضارت باش تمشي)
ياسمين : نخويوها ماشي غا انا (كملات مريم طريقها لبرا مخلية ياسمين متبعاها بعينيها قبل مادخل تا هي لدوش دوش)
#عند جود
صباح : (كدق عليه فلباب) جود وا جود تا حل اصاحبي وقعات شي حاجة
سناء : مالو واش مابغاش احليك
صباح : منعرف مالو
سناء : يالاه حنا نمشيو نتعشاو و خليه هو تا يضرو جوع او يجي
صباح : واخ
جود : (منين رجع من برا او هو ساد عليه فلبيت او آتار صدمة باقة عليه) باستني لبرهوشة غفلاتني (بقا جالس فنفس لوضعية مودة وبلاما يشعر نزل على راسو بتصرفيقة لحنك ) توكض اصاحبي داير بحالا عمرك بستي شي بنت ، وا هو لحق اتقال عمرنا بسنا شي درية ولكن راه غفلاتني بنت لهم مكنتش معول (عاود طرش راسو) كفاش مكنتيش معول مالي كنت غنتلكا ليها بدقايقة بوسة ودازت ، سمحيلي امرتي كنت هاد لبوسة مخبيها ليك ولكن صرقاتها بنت لهم دارتها بيا لكافرة بالله (ناض جود خرج من بيتو ومشا يتعشا معاهوم)
صباح : على سلامتك تا قلنا واش ححبتي فلبيت
جود : غا غفلني نعاس او صافي (كلس حدا صباح)
صباح : (ردات لبال لودنيه لي كانت باقة حمرة) مال ودنيك حمرة ؟
جود : صهضات
صباح : هههه ايوا هي لاخرجتيها تبرد ، دويتي معا بابا ؟
جود : واه قبيلة ملي كنت على برا
صباح : وشنو قاليك
جود : قالك بلي غيدوزو عندنا بليل باش نمشيو
سناء : ايدوزو عليكوم هو ومن ؟
جود : هو و لغالية
سناء : (خصرات سيفتها) لحد لآن مقاداش نستوعد كفاش باك تزوج بديك لغالية
جود : شنو لي ماقديتيش تستوعبي بضبط
سناء : هو راجل كبير ماصغيرش مزوج ليه برهوشة صغر من بنتو عاد او مسايرها فهبالها وداير راسو براسها ، وتا هي مساهلاش قبلات على راسها تزويجة دل
جود : شكون قالك تزويجة دل لي مزوجة لواليد حاطها فوق راسو وهي دايراه بين عينيها حيت كيحتارمو بعضياتهوم او كيبغيو بعضياتهوم
سناء : كيحتارمها او كيبغيها متأكد كتدوي على باك ؟
جود : واه كندوي على بابا نفس الراجل فاش سمحتي
سناء : (تعصبات) ماتبقاش كل مرة تقول سمحت فيه بكل بساطة باك مقدرش افهمني او يستوعب احلامي ، بغاني نكلس فدار بلا قراية بلا خدمة ، كنراري بدراري او نضفر شيبي نستناه بلبانيو او لما نغسليه رجليه او زيد شلى حوايج ، ونا هادشي لي منقبلش انني نتخلى على احلامي وطموحاتي باش نوليلو خدامة عندو تال لهنا لا كرامتي فوق كولشي ، و طلاق كان هو سبيل لوحيد باش نحرر راسي من هاد لقيود
جود : بعد هاد لعوام كاملين باقة كتوهمي راسك بهاد لاكاذيب ، بحالي انا معارفش شدار بابا على قبلك او كفاش وقف معاك تا حققتي احلامك وشنو درتي نتي فاول فرصة ليك تخليتي علينا وعليه ، باش تولي سناء لي نتي عليها دبا ، باش تولي لمذيعة سناء المرأة المستقلة بذاتها تخليتي على داك راجل لي دار لمستحيل على قبلك باش تقرايليك دوك جوج حروف ، واش اعباد الله كاين شي راجل اخدم بليل او بنهار او يقابل دراري بوحدو باش مرتو تمشي تكمل قرايتها على برا ، كاين شي راجل كيعري راسو باش يكسي مرتو لي ممسوقاليهش ، ماينش ولكن بابا دار هادشي وكتر منو على قبلك
سناء : نتا معارف والو على علاقتي بباك كفاش كانت دايرة واخة نشرحليك مغتفهمش
صباح : (كانت ساكتة ساكتة تا دوات برود او هي كتشوف فطبسيل تاع لماكلة) نقولو بابا كان مقصر من جيهتك او مكيفهمكش وطلاقك منو كان هو لحل ، علاش حنا تخليتي عنا شنو درناليك همم
سناء : مناش كتجيبي هاد لهضرة باك هو لي معمرك عليا ياك ، او كيقولكوم انا سمحت فيكوم
صباح : بلعكس بسباب بابا باقة قادة نشوف ليك فوجهك او نتسنا منك شي حاجة طول هاد سنين لي دازو ، (حطات لفرشيطة من يديها او ناضت) لحمد الله انا شبعت غنمشي نجمع حوايجي
سناء : (شافت فجود مستغربة) مال هادي تاني
جود : ممالها والو غا كملي عشاك
#عند محسن#
بعد داك لبلان لي وقعليه فصباح دوز ليل كامل كيعطس او سخانة شاداه حيت ضربو لبرد ، بقا متكي هاكداك بوحدو لامن اطلع عليه ولا من اشوفو واش باقي حي ولا ميت ، منهار خوات لغالية دار ولا يحسب راسو يتيم مقطوع من شجرة ، سكن بوحدو ودمر على راسو جايب لقمة بدراعو او هاز راسو براسو مكيتسنا من حد احن فيه ولا يصرف عليه
محسن : (مد يديه لواحد لمجر فلكوافوز ديالو جبد منو تصويرة تاع لغالية و دوا بحالي مخاطبها) مابقا والو ونلقاك ابنت مميمتي ، غنولي بوليسي ونجبدك من تحت لارض كنتي حية ولا مية نجبدك نجبدك
رد ديك تصويرة لبلاصتها وتقلب على جنبو ليمن ونعس
#عند لغغلية فلوطيل#
كانت كالسة فلبالكو مخلية لبرد يضربها و هي كتشوف فلبحر لي قبالتها ، حسات باكسيل محاوطها بيديه من لور ترخات ليه على صدرو مستحلية لوضعية
اكسيل : فاش كتفكري
لغالية : فياسمين
اكسيل : مالها
لغالية : خليتها مقلقة مني حيت غنمشي
اكسيل : من طبيعة لحال غتقلق خايفاك ماتعاوديش ترجعي
لغالية : كبرات او تبدلات
اكسيل : من طبيعة لحال غتكبر راها مابقاتش بنت تاع حداعشر رعام
لغالية : انا مداوياش غا على لكبورية ملي شفت فعنيها بالي ضلام بالي طيش او تمرد
اكسيل : راها فلمراهقة
لغالية : كنتمنا تكون غا لمراهقة لي جاتها صعيبة وخلاتها تبدل ، طريق لي شدات طريق مسدودة مغتديها غا لهاوية ، تبدلات ميات الف درجة ديك لبنت صغيرة ولبريئة لي خليت مورايا ماشي نفسها لي لقيت ، بنت مختالفة بزاف كنت على شوية منعرفهاش
اكسيل : ماشي غا هي لي تبدلات راه تا نتي
لغالية : زعما
اكسيل : مابقيتيش بحال اول مرة شفتك فيها حشومية وهبيلة ونية بزاف
لغالية : وشكون عاجبك انا تاع مشحال هادي ولا تاع دبا
اكسيل : بالنسبة ليا لغالية هي لغالية سوا تاع دبا ولا تاع مشحال هادي
لغالية : اكسيل
اكسيل : همم
لغالية : دبا كون كان هاد لبحر لي قدامنا عامر بنات شكون كنتي تختار فيهوم
اكسيل : بديتي عاود الله اخرج لعاقبة على خير
لغالية : وا دبا غا جاوب
اكسيل : غنختارك نتي
لغالية : ولا انا مكايناش معاهوم
اكسيل : غنتسناك تا تجي
لغالية : ويلى ماجيتش
اكسيل : باغة تنكديها وصافي ، غنمشي نقلب عليك
لغالية : دبا انا وليت باغة نكدها عليك ونا لي على نيتي كنسولك اش غتختار منهوم ، اصلن شكون داك لبلاصة فيها غا لبنات ونا مامعاكش هي مشيتي تخوني
اكسيل : (شاف فطيليفونو لقاها خمسة فشهر) ونا كانقول قربات تجيك داكشي علاش بداو هاد لاسئلة جيني من لخر او قوليلي شباغة
لغالية : (مامفاكاش) هي كتعتارف بلي مشيتي لبلاصة لي فيها غا لبنات باش تخوني
اكسيل : (مسايرها ، لهورمونات او مايديرو) شتي تفو عليا مكنسواش مزوج بهاد زين او هاد شباب او نمشي نقلب على شي وحدة خرى خاصني لعصى
لغالية : مزيان ابعدا لي عارف راسك
اكسيل : يالاه ندخلو لداخل غيضربك لبرد
لغالية : (دخلات لبيت او سدات لباب تاع لبالكو وحيدات زيفها ولپينوار لي كانت لابسة تا بقات بسيفيطمة سماطي ، ولي فيها عاود ما هناها باغة تنكدها عليه هي باغة تنكدها عليه) اكسيل
اكسيل : (عرف بلي هاد سلسلة النكد عاد بدات باقي لفيلم طويل) روح اكسيل
لغالية : شنو كيعجبك كتر صدر لكبير ولا صدر صغير
اكسيل : لا هادا لا هادا كيعجبني صدر ديالك او صاف
لغالية : (لكاتبة : جابلك تمام فهادي سيري تكمشي دبا / لغالية : الى كان عند بالك بلي غلبني دابة فراك غالطة انا عاد غنبدا سؤال ديالي) ايهيه يعني كيعجبك صدري وقولي دبا صدري صغير ولا كبير
اكسيل : (سلم امرو لي الله) صدرك احياتي هو هاداك لعبار لي كيحمقني بصح
لغالية : مزيان ، هاد لهضرة كنتي تقولها تال سناء
اكسيل : شكنت كنقول لسناء ؟
لغالية : بلي قياس صدرها كيعجبك
اكسيل : شكون عقل مسولاني على 160 رعام هادي
لغالية : عندك صح شكون غيعقل على شنو كنتي كتقول ليها ، ولكن من طبيعة لحال غتكون عاقل على صدرها كيف داير ياك فلاخير راك دوزتي معاها سبع سنين دزواج ، شكون حسن صدري ولا صدرها
اكسيل : (بدون تردد) صدرك نتي احبي من طبيعة لحال
لغالية : ياك دبا وليتي كتقارن صدري معا صدر ديك لعقيسة تاع مرتك لولة بلا حشمة بلى حيا
اكسيل : (شد راسو بيديه او جرها مجلسها على رجليه) لغالية طايحة ليك نقشة عليا ليوم
لغالية : دبا وليت انى لي ضالمة شكون كيقارن صدري بصدر مرتو لولة
اكسيل : (دوز يديه تحت سفيطمة ديالها قايس ريوسة تاع بزا*زلها لي مكانت لابسالهوم غا ديك سفيطمة، وقرب من ودنيها هامس فيها) فناضارك انا نلقى حسن من هاد جوجات (عض ودنيها وباس لخر تاع ودنيها) دوي
لغالية : (تبورشات من لمساتو او ستحلات بوساتو على عنقها تا خرجات انين خفيف) آه معلوم مغتلقاش حسن منهوم
اكسيل : (حيد يديه من بزا*زلها وعنقها ساند راسو على كتفها) غتخرجيلي عقلي شي نهار فين ايبان لادروك قدامك آلغالية
لغالية : تا انا مبغا تا حاجة تبان قدامي عندك
اكسيل : (شاف فساعة لقاها لعشرة دليل) لغالية نوضي لبسي حوايجك باش نمشيو نشدو طريق
لغالية : واخة مغنتعطلش
ناضت لغالية بزربة لبسات عليها واحد سالوپيط واسع او دارت فوقو ريبيكة طويلة معا فولار ، خلات اكسيل اهز لباريزة بيد او يشد ليها يديها بليد لوخرة عاد تمو هابطين لتحت سجلو لخروج ديالهوم من لوطيل عاد مشاو لبلاصة طونوبيلات وكل واحد فيهوم خدا طونوبيلتو وزاد متوجه لفين كاينين جود او صباح
اكسيل : (حبس طونوبيل تحت لعمارة ونزل منها عاد لحقات عليه لغالية ودارت نفس شي )
لغالية : صونيتو عليهوم
اكسيل : غنصوني عليهوم دابا (دور لجود لاپيل او علمو ينزل دابة)
جود : (تم نازل هاز لباريزات ، وصباح او سناء تا بعينو من لور) لواليد
اكسيل : (خدا من عندو لباگاج او حطو فلكوفر تاع طونوبيلتو عاد ضار عند صباح معنقها) زين ديالي
صباح : بابا (مبادلاه لعناق مبتاسمة ليه فوجهو)
اكسيل : سلام
سناء : وعليكم السلام كي داير شخبارك
اكسيل : لحمد الله
سناء : (شافت فلغالية) لغالية لباس
لغالية : لاباس لحمد الله نتي آش خبارك
سناء : ايوا هاحنا كنعديو
اكسيل : نخليوك دبا تابعانا طريق
سناء : الله اعاون
اكسيل : (لاح لجود سوارت تاع طونوبيل) هاك سير نتا ولغالية فطونوبيلتها غنرحع انا معا ختك فطونوبيلتي
جود : صافي واخة مشات ، لغالية يالاه (ركب هو ولغالية فطونوبيل او شدو طريق لمكناس كيما دار اكسيل معا صباح) لغالية
لغالية : نعام
جود : نسولك ؟
لغالية : خود راحتك
جود : دبا نتي كاتبغي لواليد ياك
لغالبة : معلوم
جود : ملي كاتشوفيه واش مكتكرهيش تنوضي عندو تمرمقيها معا جدو ولا حتى تشديه تريشيه او تغرقيه فلما تا تزهق روحو عاد تشعلي فيه لعافية
لغالية : (طرطقات عينيها فيه) هادي سميتها محاولة قتل ماشي بغو ،لواحد ملي كيشوف لي كيبغيه كيبغي يتلاح عليه بتعنيقة ببوسة حوايج بحال هاكدا
جود : وشعيل لعافية تا هو ماكاينش
لغالية : (محسات براسها تا قالتها) تشعل فيه لعافية واه ولكن ماشي بليصانص بحاويج خرا ، هههه هادي شي وحدة لي بغيتي تسلخ
جود : واحد لبرهوشة دلخلى ديال لي يشدها يربطها ويبقا غا يعطي لجدها تا طيب
لغالية : لهاد دراجة حاقد عليها هههه حسن عوانها
#عند اكسيل فطونوبيل#
اكسيل : (رد لبال من لول لصباح لي بانتليه غا ساكة ومكتدويش ، داكشي علاش كان بغا يبقى معاها فطونوبيل)
صباح : (كانت متكية على زاج ساكة وساهية ، مافيقها من سهوتها غا ملي حسات باكسيل هز ليها يديها وباسها ليها)
اكسيل : صباح مالك ؟
صباح : (بتاسمات ليه كتحاول طمأنو) والو غا عيانة شوي يمكن لبرد لي ضربني
اكسيل : مالبستيش حوايجك ولا خرجتي عاود بلاما تنشفي شعرك
صباح : مشيت هاد صباح لواحد ضاية وبزكت تما
اكسيل : شربي دوا ابعدا
صباح : واه شربتو
اكسيل : مزيان الله يرضي عليك كي دازو لاجواء معا ماماك
صباح : عادي بحال ديما
اكسيل : ماديريش فبالك ولهضرة لي ماعجباتك دوزيها مور ودنيك
صباح : شحال قدني ندوز
اكسيل : لهضرة الى مشات تا دخلات ودنيك ديري قلبك بوصيار غربلي لكلام او خودي منو لي يفرحك ولوسخ لي طاح خلي بوك اجمعو
صباح : (بتاسمات ليه كتحاول متبكيش) الله اخليك ليا
اكسيل : (مد يديه كيربت ليها على شعرها عاد شعل لموسجلة تاع طونوبيل طالقلها لاغنية لي كتعجبها وكيغنيلها معاها تا رسم على شنايفها ضحكة من لقلب)
*خارجة تتماشى ما تسلم ماتسلم
*ولقوام حمامة لعين عليها ما تسمي وما تسمي
*والعار الحبابا جيبوهالي دابا وا داك زي
بعد ديك طريق كاملة اخيرا وصلو لدارهوم ، نزلات لغالية و جود هوما لولين منزلين لباريزات معاهوم او حالين لباب تاع دار ، عاد لحق عليهوم اكسيل لداخل هاز فيديه صباح لي كانت ناعسة
اكسيل : لغالية تبعيلي شي ما بارد او فوطة الله يرضي عليك
لغالية : واخة هاني تابعاك دابة (حيدات سباطها بزربة ودخلات لكوزينة هازة بانيو خاوية فيه المكعبات تاع تلج او خاوية عليهوم شوية ديال لما ، وهزات لفوطة وطلعات عندو لبيت) واش فيها سخانة
اكسيل : (طلع هاز صباح ودايها لبيتها ، سرحها فوق ناموسية وحيد ليها سباطها وزيفها ، ومشا جاب لميزان دلحرارة باش ايشوف شحال وصلات ليها) واه طلعاتليها سخانة ، عندها 38 درجة
جود : واش شربات دوا ولا لا
اكسيل : شرباتو فطونوبيل ، سير دبا نتا تنعس انا غنقابلها
لغالية : (قربات عندو مفزݣا ليه لفوطة وماداها ليه اكمدها لراس صباح) قبل مانجيو كانت زعما مزيانة
اكسيل : (كيحط لفوطة فوق راس صباح تا تسخن او يبدلها بوحدة خرى) ضربها رواح
لغالية : (بقات ݣالسة حداه مودة تا بانلها شوية ماشي تال لهيه) اكسيل شنو بالك تمشي ترتاح انا غنقابلها
اكسيل : لا محتاجش غا سيري نتي تنعسي
لغالية : اكسيل راك مواكلش او ماناعسش من صباح او زيد دبا راه فيك سكار او مابنتيليش تال لهيه
اكسيل : (تبسم ليها) انا بيخير سيري تنعسي دبا نتي راه تعطل لحال
لغالية : (وقفات من فوق ناموسية وقربات عندو معنقاه من لور هو لي كان ݣالس او باستو من عنقو) رخف على راسك دبا تولي بيخير
اكسيل : (تبع لغالية بعينيه تا مشات ، عاد رجع كيشوف فصباح او كل مرة يقيس حرارتها ، تا شافها هبطات ليها عاد قدر اتنهد براحة ، ماد يديه كيلعب ليها بخصلات شعرها وليد لوخرة هاز بيها يديها كيبوسها ليها) نغنخليش شي حاجة تآديك بحال ديك لمرة ، حيت نتي هي مومو دعينيا (قرب عندها محنيلها عندها وبايس ليها فوق راسها ، عاد ناض مشا خرج لبيتو) باقة فايقة
لغالية : طارلي نعاس امضرا هودات ليها سخانة ؟
اكسيل : واه
لغالية : ايوا لحمد الله
اكسيل : (مشا دخل لحمام جدد لوضو او خرج صلى ليه شي ركيعات عاد مشا تكا حدا لغالية مدوز ليها يديه تحت عنقها او مقربها لعندو)
لغالية : (حطات راسها على صدرو مخلية يديها كتمشا فوق كرشو) اكسيل
اكسيل : نعام
لغالية : عاودلي شي حاجة
اكسيل : بحالاش هاد لحاجة
لغالية : متلن لقيصة تاع تيتريط
اكسيل : تيتريط ؟ علاه ماقريتيهاش بلفرونسي فسادس
لغالية : وا لمقرر مختلف او زيد بغيتك نتا تعاودهالي
اكسيل : باغة فيا لخدمة وصاف
لغالية : وعافاك
اكسيل : (بدا كيعاودلها قصت تيتريط)
” فواحد زمان كانو جوج دناس راجل بمرتو سنين وسنين او هوما باغين إيديرو لولاد ، او بعد صبر طويل جا لداك لفلاح خبار افرح او يفوج على لقلب مرتو وشريكة حياتو حملات ، او بكترت فرحت مرتو بحملها كانت تخرج كلى نهار تهز يديها لينا وطلب وتقول يالعالي بغيت بنية زينها يفتن او شمس منها تغير او تحقد ، دازو ليام وشهور او دزادت ديك لبنت او تسمات بتيتريت *النجمة* ، كانت زينة و جميلة تا ولا عند مها وباها ليفين بلي زينها حسن من زين شمس او بلي الى مشات تا خرجات من دار غتحرقها شمس حيت من زينها غارت ، او من خوف الواليدين على بنتهوم حجبوها فدار ماتخرج ما تشوف شمس ، او هاكداك دازو سنين او لعوام او تيتريت عمرها خرجات بنهار ولا شافت شمس ولكن مها لي كانت تخبيها تقاضا صبرها وداق بيها لحال بين دوك ربعة تاع لحيوط ، وفواحد نهار كان لفلاح خارج يدمر على رزقو كيفما موالف مخلي بنتو معا مها لي كانت فصلات او خيطات حياتها باش تهنا من بنتها ، شدات لم فيدين تيتريت او خرجاتها فعز شمس تا جلاتها فلخلى لخالي وراجعة عند راجلها تبكي عليه او تشكي وتقول بنتيتي خرجات بلى خباري و شمس غارت منها وحرݣاتها ، فحين تيتريت لي بقات مدرݣة بجدع تاع شجرة خايفة من شمس ، تا طاح ليل او تسمع صوت تاع لحوافر دلعاود فداك لفخلى ، كان واحد سيد لي راكب عليه او مݣيدو باين على حالو لخير نزل من عاودو مقرب من تيتريت او مخرجها من تحت داك جدع ، حدو شاف شعرها لمسبسب او زينها لي تلفو مالقا راسو غا مركبها فوق عودو ودايما معاه لمكانو وقصرو ، خلى مو تهلى فيها وترعاها او تعاودلها قصتها باش اعاونها تلقى هلها ، وفعلن دار ما فجهدو تا حضر ليها مها وباها قدامها ومنهوم طلب يديها لزواج وبهاكدا تكون خبيرتنا سالات
لغالية : (غارقة فسابع نومتها)
اكسيل : (حاوطها بيديه تانية وباس فوق راسها قبل ميغمض عينيه تا هو ينعس او يرتاح من عيا سفر)
بقات لغالية ناعسة تا وصلات ديك تسعة تاع صباح عاد فاقت ، مدات يديها كتحسس بلاصة اكسيل تشوف واش باقي تما سعا لقاتها باردة ، عرفات ديك ساعة بلي مشا لخدمة شحال هادي ، ناضت بتكسال من الناموسية ومشات دخلات لطواليط نيشن قضات حاجتها و طرفات حالتها عاد مشات هبطات لتحت ، ولكن قبل دازت عند صباح تشوفها كي بقات ولكن حيت لقاتها باقة ناعسة خرجات او خلاتها ترتاح
لغالية : (دخلات لكوزينة على لبنات) صباح لخير
كريمة&شيماء&سهام : صباح لخير لالة
لغالية : لفطور واجد ؟
كريمة : واه تبغي تفطري دبا
لغالية : انا مفياش جوع غا على حساب دراري
كريمة : لي عجبك
لغالية : (شافت فشيماء مصغرة عينيها فيها ، خصوصا فلباسها لي كانت لابسة فيه كسوة سماطي واصلة تحت ركبة ، مطلعة شعرها لفوق او مصايبة وجها) كريمة ليومة بغيتكوم تخملو ضار حسيت بيها توسخات خصوصا دوك زرابي تاع الصالون لكبير غتكون حالتهوم حالة خصهوم شي حكة فاعلة تاركة
كريمة : نبداو دبا نيت ؟
لغالية : نتي بقاي هنا علاما تحطي لفطور لدراري او لحقي علينا فسطح ، قهوتي موجودة
كريمة : واه بغيتيها
لغالية : تا طلعيها معاك
كريمة : واخة الالة
لغالية : (خاطبات سهام او شيماء) نتوما تبعوني نوريكوم زرابي لي غتغسلو فسطح
سهام : واخة الالة
لغالية : (سبقاتهوم لغالية بخطوات قلال او هوما موراها ، بدات كطلع فداك دروج لكبير او لي كاملو رخام درجة بدرجة أو بالنخوة) ملي كنت جيت عروسة لهاد الدار كانت حمقاتني بكبوريتها وشكلها وبديت كنقول بيني وبين راسي واش فعلن الغالية هادي دارك ولا غا كتحلمي ، دازو ليام او شهور او لقيت راسي باقي مفقت من حلمتي حيت من طبيعة لحال كانت هادي هي لحقيقة ديالي (طلعاتهوم لواحد لبيت كانو فيها شي زرابي مطويين) ها زرابي لي غتغسلو فسطح
شيماء : (طرطقات عينيها) هادو كاملين
لغالية : واه هاد 5 تاع زرابي جاوك كتار ؟
سهام : لا لا الالة ، شيماء زيدي هزي وسكتي
شيماء مشات على سعدها او وعدها كتعاون معا سيهام على دوك زرابي تا طلعوهوم لفوق فين كانت لغالية كتسناهوم دايرة رجل على رجل فوق واحد لݣلسة دايراها فسطح
لغالية : لما غتلقاوه فبيت الصابون لي تما هوما ولماطيرييل باش تخدمو
شيماء : (خدات النفس لي كان تقطع ليها بتقل تاع دوك زرابي ، عاد مشات خرجات سطولة والشيتات او التيد او الصابون حجرة)
سهام : (بدات تعمر لما فدوك سطولة عاد مشات سرحات وحدة من دوك زرابي مخلية شيماء كتخوي عليها لما باش تفزݣ)
لغالية : (كانت كتشوف فيهوم مبتاسمة) دوزو لهاد زرابي الصابون حجرة هو لول او دوزو الشيتة ولكن ماشي ديك لحرشة غا ديك رطبة ، عاد ديرو ليهوم تيد او جاڤيل او رقدوهوم فيه شوي قبل متعاودولهوم لحكان
شيماء : (كارزة على سنانها) واخة
لغالية : (بدا طيليفون كيصوني ليها خداتو من جيبها وجاوبات مبتاسمة) اهلن اهلن خالتي سمية
سمية : (بهجتها مخالطة معا الشمالية) لغالية نتينا هادي
لغالية : أنا هادي اخالتي
سمية : ايوا شني نقولك أبنتي غا الله امسخك
لغالية : حرام عليك اخالتي دعي فيا شدرتلك انا
سمية : شعملتي ؟ تعملك المغصوبة الى مدورتلك ما تسوليشي
لغالية : (عارفة راسها ورقاتها معاها) سمحيلي يا خالتي راه غا معا شغال تلاهيت
سيمة : شني شغال لي عندك حتى مكتسقسيشي فخالتك سمية الملعوقة
لغالية : صافي سمحيلي مانعاودهاش نتي باقة عند فطيمة فطنجة
سمية : لأ رجعتي من عندا سيمانة لي فاتت
لغالية : ياك اخالتي جيتي ومسولتيش فيا ، فين فطيمة كي خليتيها
سمية : كي غنخليها راها رجعات معايا
لغالية : بصح ايوا على سلامتها اخالتي ايوا هي لادزتو عندي نتي وياها وعريساتك
سمية : هادشي علاش دورتلك نشوفو واش راك فدارك هاد لعشية
لغالية : واه راني كاينة انا وصباح نتسناوكوم لترضيضة اخالتي صافي
سمية : ان شاء الله
لغالية : (قطعات معاها لاتصال او شافت فسيهام) سهام سيري هبطي لتحت جمعيه غيجيو عندنا ضياف او قولي لكريمة تعاونك
شيماء : او هاد زرابي نوحل فيهوم بوحدي ولا كيفاش
لغالية : (دارت راسها مسمعاتهاش وحضات سهام تا مشات خلطات لتحت هي تشوف فشيماء لي كانت كتحك الزربية بشيتة) دهني الزربية مزيان بالصابون خايفاه يتقاضا
شيماء : واخة (رجعات كدهن فزربية من جديد او تحك فيها)
لغالية : حكي مزيان تحيد لغبرة (خلات شيماء باغة تموت بلفقصة هي تمشي تقرب منها) مابغيتيش ديري عقلك ياك
شيماء : علاش شنو درتي
لغالية : ههه دايرة راسك معارفاش علاش كندوي ، معليش نفكرك فشنو قلتليك الى عند بالك بلي غدوري براجلي بلعكر تاع ربعة و عشرين ولا كسوة سماطي فراك غالطة
شيماء : ملي عارفاني مغنقدرش ندور بيه كيما قلتي مالك خايفة ياكما متيقاش فيه تال ديك الدرجة
لغالية : (طلقاتها بواحد الضحكة) هههههههه لا لا نتي عالام واش يسحابليك راني خايفة من وحدة بحالك تديلي راجلي ؟ مضحكينيش دازو قبل منك عاداد عشكال او نواع او فلخر ماصورو غا لحزاق عرفتي علاش ؟ حيت اكسيل مزوج بلغالية لي تريب سما فوق هادي لي هزات فراجلها لعين (شدات شيماء من حناكها مزيرة عليها) الى كنت مجريتش عليك تال دابا فراه غا حيت مابغيتش نقطع رزقك ونا عارفة بلي دنيا صعابت على برا ، داكشي علاش غتجمعي معايا ك*رك ولا كنقسمليك بلي خلقني و خلقك تا نسيفطك فين تعطيه بلفابور سمعتيني ، ايوا ديري عقلك او حكي على ݣلبك
طلقات وجها او هزات طيليفونها وزادت هابطة لتحت عند كريمة وسهام لي كانو كيخملو واحد من الصالونات
جود : (كان هابط هو وصباح معا دروج بعدما فاقو من نعاسهوم) صباح لخير
لغالية : صباح النور تفطرو ؟
صباح : واه انا فيا لموت تاع الجوع
لغالية : كي بقيتي أبعدا مزيان
صباح : واه
لغالية : ايوا لحمد الله يالاه نمشيو نفطرو راه لفطور محطوط فوق طبلة
جود : (مشاو ضارو بطبلة وخواتلهوم لغالية آتاي) لواليد مكاينش فالدار
لغالية : لا مشا لخدمة علاما كنضن
صباح : شفت كريمة كتخمل الدار جاي عندنا شي واحد
لغالية : غتجي خالتي سمية هي وبنتها و عريساتها
صباح : (فرحات) بصح ؟ ايمتا ايجيو
لغالية : ايجيو لترضيضة
صباح : (شافت جود بشر) غاتجي معاهوم تا نعمة ؟
لغالية : (فهماتها طايرة) معلوم غتجي
جود : (رد داك لما لي كان كيشرب) كح كح اش جاب ديك زمرة لعندنا ؟
صباح : ويلي على الزمرة حشومة تقول على مرتك هاكداك
جود : الله انجيني قالك مرتي
لغالية : حشومة عليك اجود لبنت كتبغيك من صغر ونتا معفر عليها
جود : (بطنز) واه كتبغيني من نهار لعبت معاها عروسة وعريس فصغر
صباح : مالك دايرنا فيها قاهر قلوب لفتيات ياك كتݣلس قاتلني باغي نتزوج ها لعروسة جابهالك ربي
جود : قتلك باغي مرا ماشي بروصي وزيد هي ماشي من نوع ديالي
لغالية : هاي هاي على جود ولا عندو النوع لمفضل تا قولنا باش تايلى صادفناها نزوجوها ليك
جود : معرفتش لموهيم شي وحدة عكس نعمة شي وحدة كتصدم او كتجيبلي تمام
صباح : ههههههه ايهيه زيد كتكمي كتشرب
جود : (ملي سمع هضرة صباح طاحت ياسمين فبالو ونفكر كفاش صدماتو لبارح)
لغالية : (تغامزات هي وصباح ملي شافو ودنيه ولات حمرة) احن صباح مدي لخوك شي كاس دلما بالي صهد
صباح : ههههه واخة واخة
جود : (كيتهرب منهوم) انا غادي نمشي عند لواليد لماحال بسلامة
صباح : (تسنات تا مشا جود خرج فحالو او قربات عند لغالية) هاد جرانة مخبية شي حاجة
لغالية : (لغالية زادت قربات ليها او همساتها) صباح انا شاكة بلي هاد جرانة ديال خوك فشكل
صباح : هاويلي على فشكل زعما لوبيا ؟
لغالية : ويلي وحدي لا لبارح فطونوبيل سولني على واش كتبغي بابا قتلو معلوم ، هو يقولي “ملي كاتشوفيه واش مكتكرهيش تنوضي عندو تمرمقيها معا جدو ولا حتى تشديه تريشيه او تغرقيه فلما تا تزهق روحو عاد تشعلي فيه لعافية “
صباح : ويلي ويلي زعما يكون من داك نوع لي كيربط
لغالية : تي واش بقات فربيط باك براسو وكيربط
صباح : ويلي على تا بابا كيربط
لغالية : حيدي دبا من باك او شديلي فخوك زعما يكون من داك نوع لي مكايكوي تا كيسلخ
صباح : ناري لاتقوليهاش زعما كيبان طبيعي
لغالية : راه الى كان سادي فعلن مكيسلخ غا لي بغا يكوي ماشي كولشي
صباح : (رتاحت) غا ميسلخنيش انا ويضبر راسو معا مرتو شغلو هاداك
لغالية : (بانتلها شيماء نازلة معا دروج) صافي سكتي شيماء جاية من بعد أو نكملو هضرتنا ، كملتي دوك زرابي
شيماء : واه
لغالية : جمعي هاد طبلة وغسلي لماعن او قادي لغدا
شيماء : شنو ندير لغدا
لغالية : ديري الطاجين بلكرداس
شيماء : (خصرات سيفتها) منقدرش مكنحملش نشم ريحتو لعساك نطيبو
لغالية : ديري لقطن لنيفك اذن
صباح : (حضرات لفيلم من لول وستنات تا جمعات شيماء الطبلة ومشات بحالها لكوزينة هي تشوف فلغالية) مالك معاها دارتلك شي حاجة
لغالية : بنادم هاز عليا خنافرو ونافخ صدرو تقول كيسالهوم ليا ، لي بغا لفلوس ادمر عليهوم
صباح : تفرجتي فديك لحلقة لي نزلات
لغالية : باقي ناوية نتفرج فيها دابا ونتي
صباح : تا انا باقي
لغالية : الى بغيتي تفرجي معايا انا غنديرو فتلفازة
صباح : واخة نتي سيري قاديه فتلفازة علاما نطلع انا نجيب طيليفوني من لفوق
لغالية : اوكي
ناضت لغالية لبيت فاش كاينة تلفازة تاع لويفي شعلاتها وركبات داك لمسلسل لكوري لي كتفرج فيه هي وصباح ، دارت لحلقة لي نزلات منو او ستنات تا رجعات صباح وبداو كيتفرجو
بقات لغالية و صباح كيتفرجو فتلفازة او كيقرقبو الناب معا الزريعة
صباح : دبا نتي كتقولي بلي شاكة بلي جود سادي
لغالية : شوفي وحدة من جوج يا كيعجبو للغة تاع لعنف ، ياطايح على زنافرو فشي وحدة كتعصبو وتخالطات عليه لفقصة معا لبغو ، انا كنقول تاني انا لول انا غا قلت
صباح : فاش كنا فرانسا زعما كان عاطيها غا لدار او لقراية ، ميكونش زعما فهاد ليامات لي طلع لكازا تعرف على شي وحدة
لغالية : يمكن شكون عرف
صباح : ولي بغا يعرف شيدير
لغالية : عليك بتيليفونو ، هداي هداي قلبي شهاد زين شهاد طولة هاد لممتل شي نهار اسكتلي لقلب
اكسيل : لهلى احوجك امرتي نهرسو بوها هاد تلفازة لي يقتلك لممتل ديالها (كان واقف عليهوم تما بطولتو وهيبتو عاقد حجبانو)
لغالية : (قفزاها) بسم الله الرحمان الرحيم مناش خرجتي نتا
اكسيل : (ماشا زاد دخل لبيت أو بضبط قدام تلفازة وقف مغطي عليها الشوفة) ياكما غطيا عليك امرتي التأمل جمعي عينيك ونتي غا طالقاها تسرح
لغالية : ياك الزين حبو مولانا او زايدون ربي وصانا نتأملو فبديع خلقو ، ايوا هي لاحيدتي من قدامي وخليتيني نتأمل خلق الله
اكسيل : (شديه اطرطق) كاتعرفي الله غا تأمل انا غض البصر عندك بدعة
صباح : (كتحاول ترقع لؤمور) بابا زيد تݣلس تفرج راه ديك لممتلة لي كتعجبك هي لي متلة فيه
اكسيل : (شاف فصباح بنص عين او سولها بهدوء) واش ديك لي متلات ف”لابأس ان تكون مريضا نفسيا” ؟
صباح : واه هاديك براسها
لغالية : (ماجات فين تدوي تا لقات اكسيل مشا ݣلس حدا صباح لايح ليها يديه مور عنقها او كايتفرج فلمسلسل متبع لأحداث) اسبحان الله اشريف ياك يالاه كنتي تدوي على غض البصر مالك مطرطق فيها عينيك
اكسيل : الزين حبو مولانا
لغالية : (كتبرݣم) بغيتلك حبوبة ، غتغدا معانا ياك
اكسيل : لا أنا جيت غا نبدل عليا ونرجع حوايجي تغبرو بطحين
لغالية : جود مرجعش معاك
اكسيل : خليتو فلهرية قالك غيشد بلاصة واحد دري مريض
لغالية : مزيان
كريمة : (دخلات عليهوم) لالة لغدا واجد
لغالية : مزيان قولي لشيماء تجيبو لهنا نتوما ساليتو الصالون ؟
كريمة : واه ساليناه او سيقنا تا تسياق
لغالية : دارتلكوم شيماء طاجينكوم تا نتوما
كريمة : واه
لغالية : غا تحط شيماء لغدا او هزو تا نتوما تغداو
كريمة : واخة (مشات تعلم شيماء)
اكسيل : (ناض جمع لوقفة بعدما سالات ديك لحلقة) انا غنطلع نبدل عليا ونمشي محتاجين شي حاجة من برى
صباح : الى دزتي انا من حدا لعطار جيبلي منو شي كوكاو معسل
اكسيل : صافي واخة ونتي الغالية
لغالية : هاد الساعة لا ولكن قبل ماتمشي حط ليا ديك لامنة فوق لكوافوز تا نطلع ليها
اكسيل : واخ خليتكوم على خير
طلع هو يبد عليه او خرج من بعد اما هوما فاحطاتلهوم شيماء لغدا و ݣلسو كيتغداو تا سلاو عاد جمعو لبنات طبلة ، فحين لغالية طلعات لبيتها وهزات دوك لفلوس لي خلالها اكسيل او هبطات عند لبنات لكوزينة
لغالية : تغديتو ؟
كريمة : واه
لغالية : مزيان (مدات لكل وحدة فيهوم 1000 درهم) ها خلاصكوم
سهام : ولكن راه باقي راس شهر
لغالية : هاداك خلاصو بوحدو اما هادو فاخلاص تاع تخمال دليوم
كريمة : الله يخلف عليك
لغالية : يمكلكوم تمشيو دبا ترجعو لدار انا غنتكلف بلماباقي
ماقالولهاش لبنات لا او مشاو لبسو عليهوم او شدو طريق لديورهوم ، مخليين لغالية مݣفضة على يديها او بادية توجاد تاع ترضيضة
صباح : (دخلات عليها لكوزينة) كاين فاش ناعاونك
لغالية : (بتاسمات ليها) باركة غا داك سربيس تاع لمقالي ولكيسان لي هرستي ، مكاينش لاش ترزيني فسربيس آخر
صباح : لا آويلي واش مكتعرفينيش دوك لكيسان كانو على سبة (هزات كاس توريها هو يزلق ليها من يديها وطاح تشتت فلارض)
لغالية : (شدات راسها) هالي قلنا ياݣلسي ياسيري تنعسي كاس آخر نطيحلك هنا
صباح : (قردات حدا لغالية ساكة)
لغالية كملات على توجادها قادات لبغرير او لحرشة دزعتر او لفرماج ، بوشيار معمر بلبصلة ولكبدة لخبيزات تاع الطون لموهيم ماخلات ما وجدات ليهوم ، من طبيعة لحال لغالية كأي امرأة مغربية كيعجبها تكبر بناسها وحبابها ، وتحط لي قدات عليه باش ماتخلي لحد إيقول عليها شحيحة ولا ماتعرف دير والو ، نفسها عزيزة ويلى ماكبرات بضيفها وخلاتو يدوي على جودها وكرامها متسماش لغالية مرة سي اكسيل ، لموهيم بعدما سالات روينتها عاوناتها صباح فغسيل لماعن عاد طلعات كل وحدة فيهوم تبدل عليها
صباح : (لبسات ليها واحد لكسوة مشنوقة من لفوق او مفرفرة من لتحت بالوان مداخلة فبعضها شي لي برز لون بشرتها كتر وكتر ، دارت فعنقها سنسلة خفيفة تاع دهب بلݣورميطة ديالها ، مشات عليها شوي دريحة ، وهبطات لتحت تحل لباب بعدما سمعات دقان
صباح : (حلات لباب بابتسامة) خالتي سمية مرحبا والف مرحبا
سمية : (مرا تكون فأوائل الخمسينات لابسة جليلبتها او عاملة فولارها ، شكلها او ملاميحها كيعطيوها لوقار ، عنقات صباح او هي كتربت على ضهرها) لحشيشة دألبي توحشتك
صباح : تا انا اخالتي وبزاف ݣاع دخلو لداخل دخلو ، ختي فطيمة ، نجاة ، فوزية لباس عليكوم (سلمات عليهوم وحدة بوحدة)
فطيمة : لا بس لحمد الله ونتينا كيف عاملة
صباح : لحمد الله فين نعمة ماجاتش معاكوم
نعمة : (نقزات من لباب) هانا توحشتيني
صباح : الله امسخك قفزتيني واش نتي هاد طبيعة مابغاتش تحيد منك ، دخلي دخلي لحقي عليهوم لصالون
نعمة : واخة هاني هاني غادة
صباح : (سدات لباب من موراها ومشات تبعاتهوم لصالون ݣالسة معاهوم)
سمية : (شدات فيد صباح) كيف عاملة نتينا ، شني خبارك كيف ماشّا معا شي قراية
صباح : مزيان اخالتي هاد ساعة انا بيخير مخيرة ݣاع
نجاة : على سلامتك أبعدا ملي رجعتي من فرانسا لغربة صعيبة
صباح : ايوا شنديرو جابتها لوقت
فطيمة : لغالية مكيناش
لغالية : هاني (دخلات عليهوم بقفطان قفازي خفيف برمادي ، مخدوم بالراندة ولعقيق من ليدين او لكول ، قربات عندهوم كتسلم عليهوم من لوجهة وحدة بوحدة تا سالاتهوم عاد ݣلسات حداهوم) ختي فطيمة على سلامتك ملي سخيتي بطنجة شوي
فطيمة : ياختي هاد الساعة هي لي سخات ، شخبارك أبعدا نتينا لاباس
لغالية : حامدين الله او شاكرينو هاد الساعة
سمية : فين داك لملعوق تاع راجلك ماكاينش
لغالية : راه فلخدمة وحشومة تقولي عليه اخالتي ملعوق ويلي ضريف
سمية : هزاتك النفس عليه يا جرانة بحالك بحالو ماتسولو ما تسقسيو
لغالية : قلنا نميمة شي يامات باش توحشونا
فوزية : ياك الالة شكون خاص اتوحش لاخر
سمية : مانديش عليك نتينا داك لمصعور هو لي ميسول هادا غا يانا بنت عمتو ومراضعة معاهوم ولكن هايهات
فطيمة : (بهمس) تا دوك جوج قطرات لي شربتي حاسباهوم على لحليب
نجاة : (نغزاتها) تي سكتي غتسمعك
نعمة : (بقات ضور فعينيها تا عيات هي دوي) فين جود
صباح : لي ضاربك ضاربك على جود راه كاين معا بابا
نعمة : من ايمتا ولا جود كيخدم معا خالي اكسيل
سمية : من نهار بديتي دخلي سوق راسك خلي عليك دري
لغالية : هههه خليها عليك اخالتي راها غا ضاحكة ، هاحنا بقينا فتجماعت تا نسينا نعمرو كويس داتاي انا غنوض نعمرو ونرجع
فوزية : مكاينش لاش تعدبي راسك أصلن غا تغدينا جينا
لغالية : لاواه لازاله لابد من شي كويس داتاي نرضو بيه لمزاج اولى اخالتي سمية (خرجات من عندهوم او مشات نيشن لكوزينة دارت لما يطيب علاما ستفات داكشي لي وجدات فطباس عاد تعمر آتاي)
صباح : (دخلات عليها لكوزينة لقاتها عمرات اتاي او حطاتو فصينة هو ولكيسان) غا نحط فوق الطبلة
لغالية : واه
هزو دوك طباسل تاع لمسمن او لحرشة و لحلوة ولكوفيتير او زيت او لعسل او رغايف وصينية داتاي حطوهوم فوق طبلة تاع صالون او ݣلسو
سمية : اباش كتعجبيني ابنيتي لحداݣة ونقا فيك طبيعة
فطيمة : معلوم علاه غا جا خالي اكسيل او طاح فيها طيحة لعما فضلمة
سمية : إيه فاش فكرتيني كنت نعقل ملي جا عندي لدار باش ايقولي بلي تزوج
#فلاش باك#
توقفات طونوبيلة اكسيل قدام وحدة من ديور تاع واحد لحي ، ترجل منها او مشا بخطوات تقال او مرزنين كيف عادتو قاصد لباب تاع ديك دار ، دقو بشوي وستنا صحاب الدار احلو ليه
سمية : (من ورا لباب) آشكون ؟ اكسيل ؟ مرحبا مرحبا بخويا
اكسيل : (عنقها) ختي سمية لاباس
سمية : لحمد الله اخويا ونتينا ؟ دخال دخال متبقاشي على برا
اكسيل : (دخل لعندها لداخل) فين مولا دارك هانية عندو
سمية : (ݣلسات حداه فصالون) لحمد الله اخاي هاد ساعة راه غا معا لخدمة وصاف ، ونتينا كيف عامل شني خبارك لعيال كيف عاملين
اكسيل : كولشي لحمد الله هاد الساعة
سمية : تشرب آتاي بشيبة ولا بنعناع
اكسيل : لا هادا لاهادا
سمية : هاواي على لا هادا لا هادا جاي عندي ومانعمرلك تا كويس داتاي
اكسيل : من بعد من بعد اسمية جيت ندوي معاك فواحد لموضوع
سمية : قادات حداه لݣلسة كنسمع لداكشي لي غيقول بتركيز) الله اسمعنا خبار لخير واقعة شي حاجة
اكسيل : هاد الساعة لا ولكن قريب توقع
سمية : شني واقع أ إكسيل تينا دوي
اكسيل : (دوا بهدوء) انا تزوجت
سمية : مبروك مبروك ، آشني ؟ تزوجتي ؟ ايمتا ؟ فخبار لعزيزة ؟
اكسيل : تما فين عواجت لفݣوسة مقلتلا والو أصلن نتي اول وحدة تعرفي
سمية : ايمتا تزوجتي ؟
اكسيل : ول لبارح
سمية : وشكون هادي بسلامة ؟
اكسيل : واحد لبنت مكتعرفوهاش
سمية : (قربات عندو ودوات معاه بهدوء) ياكما الملعوق
اكسيل : (غوبش) شنو كتقولي محاملة موالو
سمية : شحال فعمرا فايت فيها زواج ؟
اكسيل : (حنحن) لا باقة صغيرة
سمية : صغيرة شحال عندا ݣاع 30 سنة 25 سنة ؟
اكسيل : 15
سمية : (شهقات ودوات وهي كتندب) أيما لحبيبة قداش قالا 15 سنة (نزلات عليه بلخبيط) شني وصلك لعايلة وهي صغر منك الملعوق شني
اكسيل : دبا غتبقاي هاكدا كضربي فيا لي عطا الله عطاه
سمية : قلتيلي لعزيزة مفخبارهاشي ياك
اكسيل : واه
سمية : نتينا مول لعقل كيف عملتي هاد لمصيبة شني غتقول لعزيزة ملي تعرف
اكسيل : ماعندها ما تقول لي عطا الله عطاه ولبنت ميعداليش نرضها
سمية : فين غترضا فين لي عطا الله عطاه ولبنت صارت محسوبة عليك ، قولي فينا دبا
اكسيل : مسافرة
سمية : مسافرة ؟ فين ؟
اكسيل : صيفطها لتركيا علاما نقاد لأومر هنا
سمية : حسن (عاودات قربات عندو مصغرة عينيها) لعايلة كيف عاملة زينة ؟
اكسيل : (شافها بردات هو ياخد راحتو) شكاتعرفي عليا مكناخد لوكس دلوكس
سمية : ايه غا لوكس اوحق ديك لعقوبة تاع مرتك لولة
اكسيل : انا غنمشي نخليك دبا من بعد أو نكملو لهضرة
سمية : بسلامة الله اهنيك (سلمات عليه او مشات موصلاه تال لباب)
#نهاية لفلاش باك#
سمية : وا الصارحة تقال ملي عرفت عمرك الغالية قلت خاي اكسيل منهوم
صباح : شكون هادو
سمية : دوك لفيليين
نعمة : سميتهوم لپيدو*فوليين ايما
لغالية : (تخنقات باتاي لي شربات) ههههههه واع على لفيليين كضلميلي راجلي اخالتي
سمية : تي شكون عرف ، خلعني داك نهار منخبيش عليك
نعمة : لغالية
لغالية : نعام
نعمة : شكون طاح فيكوم لول نتينا ولا خالي اكسيل
لغالية : هوا
صباح : لغالية تي سايرة تكدبي علينا فوجهنا
لغالية : مالك ماشي هو لي طاح لول
صباح : ههههههه نوضي ابنيتي على سلامتك تا نكون مكنتش معاك فداك لوقت
فطيمة : تي غا عتارفي
لغالية : شغانعتارف سبقتو فزعطة بنهار
سمية : نهار او 6 شهور شدي لحساب مزيان
لغالية : وناري شادين لحساب كتر مني
نعمة : وليني راك مساهلاش ملي نتي لي طحتي فيه لول يعني نتي لي بستيه لولة ياك
لغالية : فين قارية لماط فين شجاب لبغو لبوسان ، او زيدوك كرامتي مكانتش تسمحلي نبوسو انا لولة
نجاة : ومنه نستنتج انك جففتي بكرامتك لارض او بستيه نتي لولة
لغالية : (هربات بعينيها) نخيولكوم لمسمن
نعمة : ناري الغالية زدتي صدمتيني فيك تا عاوديلي كي درتيلها شوقتيني
سمية : تي حشمي اهاد الطفلة ويلي حاي
نعمة : خلينا خلينا أمي نستافدو
لغالية : ههه تستافدي على ضهري نهار تزوجي وجربي
نعمة : ولكن غنتغفل
لغالية : حلاوتها فرض مفاجئ (كبات ليهوم آتاي فلكيسان وكملو تا جماعت ديالهوم وكلاو داكشي لي قسم ليهوم الله وناضو يمشيو)
سمية : نخليكوم دبا ابنيتي
لغالية : كون غا ݣلستو تعشاو معانا اخالتي والله
سمية : مانصيبوش أبنتي خلينا عمك بوحدو
لغالية : على خاطركوم تهلاو فراسكوم
سلمات عليهوم هي وصباح او ودعوهوم عاد رجعات هي وياها لطبة لجمعو ماعنهوم او وصلوهيم لكوزينة وحدة تغسل او لوخرة تنشف ، تا سالاوهوم عاد كل وحدة طلعات لبيتها ترتاح او تنعس حيت كانت فات تسعة ديك ساع ، او جود كان مغيتعشاش فدار او اكسيل مموالفش ميتعشا وهوما شربو آتاي او طلعو ينعسو
اكسيل : (رجع لدار معا جوايه ديك لعشرة حيت كانت عندو شي سلعة خاصو يشوفها ، دور عينيه فدار ماباليه تا واحد عرفهوم غيكونو طلعو ينعسو ، طلع تا هو فدروج مسبق بيت صباح لي كان باقي مشعول فيها ضو ، دق على لباب او تستاهل تحليه )
صباح : (حلات ليه لباب) بابا رجعتي
اكسيل : واه (مد ليها لميكة وقاس ليها راسها بيديه) هاد كوكاو ديالك
صباح : (باستو من حنكو) شكرا بابا لهلى يخطيك
اكسيل : (ربت ليها على شعرها) ما تسهريش بزاف زيدي شوي وسيري تنعسي
صباح : واخ تصبح على خير
اكسيل : ونتي من اهل لخير (قلب ضورة هاد لمرة لبيتو لي كانت فيه لغالية ݣالسة كتدهن فرجليها بعدما سالات صلى)
لغالية : حياتي رجعتي
اكسيل : واه (حط ليها الساشية تاع تقاوت قدامها ومشا دخل هو لحمام ادوش او يتوضى باش اصلي ليه شي ركيعات)
لغالية : (سالات دهين تاع رجليها ومشات تخشات فراشها هازة طيليفونها كتخدش فيه شوي)
اكسيل : (خرج من لحمام ومشا نيشن صلى عاد جا تكا حدا لغالية فلفراش)
لغالية : (شافت فيه بحزن) عييتي ياك ، كليتي شي حاجة ، عبرتي سكار
اكسيل : (طول فيها الشوفة) انا بيخير بيخير طفي طيليفون او نعسي راه ليل هادا
لغالية : واخة (طفات طيليفونها ومشات تسندات على صدر اكسيل كتسمع دقات قلبو او كتحسس الدفء ديالو) اكسيل
اكسيل : (عيان بلخدمة) همم
لغالية : عقلتي على اول مرة بستك فيها
اكسيل : شفكرك فيها فهاد ليل
لغالية : والو غا تفكرت لقمعة لي درتيلي اشلاهبي
اكسيل : تستاهلي نتي لي كنتي كتقلبي على شعيل لعافية
بعدما تعشاو كل واحد طلع لبيتو تا من لغالية لي مشات لبيتها بتردد ، حلات لباب او دخلات كدور عويناتها فلبيت تا لمحاتو ݣالس على لفوطوي كيشرب فقهوة كحلة ، سدات لباب من موراها وهي كتحس بقلبها باغي يخرج من بلاصتو باقي مولفات وجودو معاها رغم انو شهور هادي وهي معاه ، ماتكلمات ما دوات كملات طريقها نيشن لحمام غسلات فيه او مشطات شعرها عاد دازت لبلاكار جبدات منو واحد لپيجامة واسعة دنعاس ، كانت على شكل سروال بلفوقاني ديالو
اكسيل : (هز راسو فلغالية لي كانت دازت فديك الجيهة باش تاخد طيليفونها ، صغر فيها عينيه قبل ميدوي) آجي لهنا
لغالية : (قفزات من بلاصتها ملي سمعات صوتو ولوان كاملين دازو فوجها ، حسات بقلبها كيضرب فحلقها وجاوباتو بتوتر) ششنو
اكسيل : (شارليها لحداه)
لغالية : (قربات عندو بتوتر او ݣلسات حداه جامعة يديها بين رجليها)
اكسيل : (طول شوفة فعنقها) مال عنقك ؟
لغالية : والو
اكسيل : ملي والو هاد طبعة لي فيه ديالاش
لغالية : (عاد تفكرات) آه هاديك غا زيت لي طارت عليا
اكسيل : شقربك لقليان ولا زيت بسلامة ، ݣلسي هنا متحركيش (حط لكاس تاع لقهوة فوق طبلة وناض مشا جاب واحد لباطة فيها دوك الاسعافات الاولية او رجع ݣلس حداها) جمعي شعرك نديرلك دوا
لغالية : (مازادتش معاه لهضرة وجمعات شعرها لفوق )
اكسيل : (مد يديه لديك لباطة واخد منها واحد لپوماضة وبدا كيدهن ليها بلاصة لحرقة)
لغالية : (حسات بتبوريشة شاداها من صبع صغير تال لقلقولة تاع راسها ، اثر صبعانو لي كانت عليهوم لپوماضة لباردة ، حسات بأنفاسو سخان كضرب فعنقها حيت كان كينفخ ليها على لحرقة ، لغالية ولا وجها حمر بحال مطيشة ضورات عينيها بسر كتشوف فيه او ساهية فمو)
اكسيل : (لي كان ملاها معا داكشي لي كيدير مرادش لبال ݣاع لغالية لي كانت مفيكسية عينيها على شنايفو ، مفاق على راسو تا حس بأنفاسها كضرب فوجها)
لغالية : (لقات راسها مقربة ليه كتر من لول ، حدها شافت عينيه لي عمرها عقلات على راسها فهاد لمدة تاع زواجهوم كاملة بلي شافتهوم عن قرب ماقداتش تا تحدد لونهوم ، شنايفو لي خلاوها كتبلع فريقها وبلاما تحكم فراسها لقات شنايفها لاسقين معا شنايفو بدون حركة)
اكسيل : (حدو دوك جوج تواني لولة تاع لغفيل او الصدمة ، من بعدها بعد عليها مقاد ݣلستو ومغوبش) شكاديري
لغالية : (نزلات عليها لمرݣة ولفضيحة) والو
اكسيل : (شافها ولات حمرة قريب تبكي ليه تما) ماتعاوديش مرة خرى هاد والو ديالك ، لعافية لي متقديش على حريقها عطيها تيساع
لغالية : (قطعات نفس او شدات دموع فعينيها تا شافتو مشا دخل لبيرو ديالو عاد طلقاتهوم ، وبقات تبكي تبكي تا بردات لخاطر عاد ناضت تخشات فبلاصتها ونعسات)
#نهاية لفلاش باك#
لغالية ملي تفكرات داك نهار نفاجرات بضحك تا دمعولها لعيني
لغالية : ههههههههه ناري شنو تفكرت كنت هبيلة
اكسيل : مزيان بعدا ملي عرفتي راسك
لغالية : شوف شوف شكون كيدوي انا كنت هبيلة ونتا كنتي قبيح او كتقمعني
اكسيل : انا كنت نقمعك منتي كنتي كتشعلي فجدي لعافية ، ودبا نعسي خليني نعس
لغالية : (دوات بشر) ههههههه باغي تنعس ؟ وايلي من نيتك نخليك تنعس
اكسيل : (عرفها غدير شي بلان عاود) لغالية ديري عقلك ليل هادا ونا باغي نعس تابعاني غدا لخدمة بكري
لغالية : نعاس هو لي مغيكونش ليك نوريك لقميع كيف داير
مادارتلو فين ايزيد يدوي تا نطرات عليه لغطا او ناضت شاعلة ضو تاع لفيوزة او ݣالسة فوق حجرو
اكسيل : علاش ناوية ؟
لغالية : (دوزات يديها تحت توني ديال اكسيل وبدات كتحسس عضلاتو ) شنو ندير فيك دبا هممم
اكسيل : ديري فيا خير او خلينا نعسو الله يهديك
لغالية : (هبطات عندو وباستو جنب فمو او نزلات لعنقو كتبوس فيه او تمصو بلعاني)
اكسيل : (صبر عليها تا عيا هوا يمد يده لعندها دفعها تا طاحت فجنبو ، لاح عليها رجليه حاكم ليها رجليها او مزيرها بيديه وهي كتفركل باغاه اطلقها) زݣاي او نعسي
لغالية : ايوا غا طلقني منقدرش نعس هاكدا
اكسيل : الى طلقتك انا لي مغنقدرش نعس داكشي علاش زݣاي او نعسي
لغالية : ناري آصاحبي مابقا حد يضحك معاك
اكسيل : ضحكي معايا ماقتلك والو ولكن هو بعدي عليه عطيه تيساع او خليني نعس
لغالية : هانا هانا غنعس
اكسيل : (ملي حس بيها مكتكدبش رخف عليها بشوي)
لغالية : (عنقاتو او خشات راسها فصدرو ودوات بهدوء) اكسيل
اكسيل : (باغي غا ينعس مسكين عيا او فنفس لوقت ماباغيش اتجاهلها) نعام
لغالية : ايمتا غطلع لكازا تقلبنا على الدار
اكسيل : (تصدم ملي سمع هضرتها) فيك سخانة ؟ داوية بصح
لغالية : واه كندوي بصح معاك
اكسيل : علاش غيرتي رأيك
لغالية : فكرت مزيان علاش انا لي خاصني نبعد او نخوي لمدينة فاش كبرت على حسابهوم ، او زيد ياسمين محتاجة ليك
بعد ستة وستين كشيفة اخيرا لغالية نعسات او خلات اكسيل تا هو ينعس او يرتاح ، واخة مسكين مانعسش شي بزاف دغيا لقا لفجر قريب اودن ناض على سعدو وعدو دخل لحمام توضى وصلاليه شي ركيعات علاما يودن لفجر
اكسيل : (ملي سمع لفجر ودن مشا قرب من لغالية كيفيق فيها) لغالية نوضي
لغالية : (مدوخة بنعاس) شنو خليني نعس
اكسيل : نوضي تصلي و ديك الساعة رجعي تنعسي
لغالية : واخة واخة
اكسيل : دابا انا غنمشي لجامع ونتي نوضي تصلي (تحنا عندها باسها من حنكها ، قبل مايمشي لجامع هو وجود لي تلاقاه لتحت غادي تا هو)
لغالية : (ناضت من بلاصتها بزز دايخة بنعاس ، او دخلات لحمام توضات عاد مشات لبسات عبايتها وقامت الصلى تا سالات ، عاد حيدات عليها عباياها ومشات هبطات لتحت دارت لما يسخن باش تعمر لاكسيل اتاي لي كان غيمشي لخدمة بكري ، خلطاتليه بزربة واحد لحرشة مسوسة تاع نخالة ولبلبولة او سلقاتليه شي بيض او شي زيت بلدية )
اكسيل : (رجع هو وجود من الجامع دخل هو عند لغالية لكوزينة فحين جود طلع اكمل نعاسو) لاش عدبتي راسك
لغالية : ماكاين لا عداب لا والو ، غايلا كنتي ماباغيش تاكل ماكلتي ولا باغي تاكل ماكلة الزنقة
اكسيل : (خلاها تا سلات لهضرة هو يشحطها لطرمتها تا غوتات بشوي او قرب عندها مزيرها معا لپوطاجي) اوا الالة لغالية شندير فيك دبا على داك تقزقيز تاع لبارح همم ؟
لغالية : (عرفاتو غيفدي فيها داك صداع كامل لي دارت ليه لبارح ، تكمشات او شافت فيه براءة) زعما نتا مول لعقل واش غتديها فبرهوشة بحالي أدوي
اكسيل : اباش كتقتليني تبلحيس او تمسكين كتعطيهوم صلية
لغالية : شكون فحالك لقيتي لي تنكدها عليك او تبحلسك من لفوق
اكسيل : اعارفة راسك أبعدا
بعد عليها بشوي مخليها تحط لبراد فصينية ومشا هو هاز طباسل موصلهوم لصالا مونجي عاد تبعاتو لغالية بصينية خواتليه كاس داتاي او ݣلسات معاه
لغالية : ليومة ما غتمشيش لخدمة شوية بكري لا ؟
اكسيل : عندي شي خدمة برا تاع مكناس داكشي علاش
لغالية : شمن خدمة ؟
اكسيل : غنمشي نشوف ديك لارض لي كنت دويت فيها انا و مصطفى ديك نهار فاش جاو عندنا
لغالية : ديك لارض لي قالك ب400 مليون ؟
اكسيل : واه هاديك
لغالية : وماشي بزاف داك التامان
اكسيل : لارض جات فموقع ناضي او راها كبيرة بزاف لهكتارات تاع لارض فيها شلى بيار او شجر او إيلى مخفتش نكدب فيها تاشي فيلة كبيرة
لغالية : بصح او زعما علاش دارو ربها صحابها هاد التامان ملي ساوية كتر
اكسيل : هاد لارض تاع لواراتة بغاو ابيعوها او ياخدو فلوسهوم فأقرب وقت
لغالية : مزيان مزيان او فين جات هاد لارض
اكسيل : جات فلخرجة تاع مكناس
لغالية : هاكداك وشنو باغي دير فديك لارض
اكسيل : بحال خواتاتها غنديرها جنانات او فيرمة كبيرة وصاف
لغالية : وايمتا غادي طلع لكازا
اكسيل : واحد يوماين علاما نسالي هاد روينة تاع هاد لارض او نتكاتب معا مولاها عاد نطلع ، ولكن شنو بغيتو بضبط ڤيلة فسونط تاع كازا فلخرجة ؟
لغالية : احن قلت زعما علاش منمشيوش لديك لفيرمة لي عندنا فدخلة تاع كازا منها قريبة لكازا او فنفس لوقت مافيهاش داك صداع تاع كازا ، ولكن عاود نشوفو معا جود او صباح الى بغاو
اكسيل : لموهيم انا غنمشي دبا من بعد أو ندويو فهاد لموضوع (ناض من بلاصتو باس لغالية بوسة خفيفة من فمها وكمل طريقو طالع لفوق هاز سوارت طونوبيلتو ومشا خرج فحالو)
لغالية جمعات طبلة وغسلات لماعن عاد عاودات طلعات لبيتها تكمل نعاسها حيت كان باقي لحال يالاه ديك تمنية قل
#بعد 4 تاع سوايع
فاق جود معطل كانت ديك ساعة شي 12 دصباح ، ناض من بلاصتو كيتكسل دخل نيشن لحمام غسل وجهو او قضا حاجتو عاد خرج لبالكو تاع بيتو نيشن ، يتريني شويا بدوك لآلات تاع لحديد لي كانو عندو ، مطولش بزاف من بعد ديك ساعة دخل بدل عليه عاد هز طيليفونو وهبط لتحت ، لقا لغالية وصباح تا هوما يالاه فاقو او حطو لفطور باش افطرو
جود : صباح الخير
صباح & لغالية : صباح النور
لغالية : زيد تفطر زيد
جود : (شد بلاصتو وخدا لكاس تاع لعاصير كيشرب منو) بابا مشا لخدمة
لغالية : واه مشا فصباح بكري
صباح : أجي بابا واش مريض ؟
لغالية : (عرفاتها مفخبارهاش بلمرض تاع باها) على مفخباري لا علاش
صباح : معرفتش ولكن بالي بحالا عيان شوي
جود : معلوم غيعيا راه درك تاع لخدمة كامل عليه
لغالية : فكرتوني بغيت نسولكوم على حساب السكن ، سولني قبيلة اكسيل على واش نبغيو دار فسونطر تاع كازا ولا فلخرجة شوي بحال هادي فاش ساكنين دبا
صباح : بلاتي بلاتي علاه تانتي وبابا غتمشيو لكازا
لغالية : واه باك قالك مايخليكش بوحدك
جود : تا قلنا غنضبرو على راسنا فغيابو سعا هايهات ههه
لغالية : هههههه كان كيجيب خباركوم فرانسا لاعساك كازا ، خباركوم جايبها غا تهناو
لغالية : لموهيم كنت قتارحت على الباك نمشيو نسكنو فلفيرمة لي كاينة فطرف تاع كازا راها ملاسقة نيت معا كازا ، وشوفو عاود نتوما
صباح : الصراحة انا ديك لفيرمة كتعجبني بعيدة على صداع تاع كازا او فنفس لوقت قريبة لكازا
جود : قريبة تال لبحر او فيها جنانات انا عاجباني
لغالية : صافي تا نشوف معا اكسيل باش ميعدبش راسو بتقلاب على الدار ، نبدلو غا لأتات او صاف
صباح : احقا إيلى كنا غنرحلو فهاد ليامات لكازا ، الصدقة فين غنديروها ؟
لغالية : نديروها تما منها نيت الصدقة تاع الدار او تا الصدقة لي ولفنا كنديرو كل عام
جود : غترون عاود
صباح : غا سكت خصوصا لا عرضنا على حليمة بنت عمت بابا او جابت معاها ديك لقواسة تاع فاظمة
لغالية : غا سكتي الله احفض سكيكو
جود : ههههههه عمرني شت زرابي كيزلقو تا جات ، الصدقة كاملها دازت طيحان
لغالية : علاه غا الطيحان لي طحنا ديك نهار لماعن كاملين تشتتو هالي تجرح هالي تسلق
#فلاش باك#
روينة نايضة فالدار تاع سي اكسيل لغاشي داخل خارج ، ولغالية وصباح تالفين ماعرفو فين اشدو الراس
لحاجة : (دخلات على لغالية لي كانت واقفة فلكوزينة معا الطيابات كتعاونهوم) فين وصلتو
لغالية : هاحنا اخالتي درنا دجاج اتحمر ولحم كيطيب اوسط لفران اما كسكسو راه كيتفور ، بقاو غا لبسطيلات راني كنستناك جود ايزيدني لورقة ماكفاتنيش داكشي لي عندي
لحاجة : كون كنتي مرا وݣادة هادشي ضربيليه لحساب او تا طياب طيبيه ماتجيبيش لبراني اطيبليك لضيافك
لغالية : (تجمع عليها ستريس معا داك زعتر تاع لحاجة) لي قال لعصيدة باردة احط يدو فيها ، فيه كترت لهضرة اخالتي جي قادي هادشي وقومي بيه نتي نيت
صفية : (لحقات على مها) كاتعرفي غا تحلي فمك اما ليدين ݣاضيين
لغالية : ماقلت لحد ادخل فعضامي ناسي وضيافي انا عارفة كفاش نقوم بيهوم
صباح : لغالية كريمة كتسولك شمن طلامط نفرشو
لغالية : شوفي داك لخضر لملكي هوا لي ديرو وقولي لبنات احلو شراجم تا يقربو ضياف من جيا ، عاد اسدوهوم او يطلقو لبخور او عود الند
صباح : واخة
صفية : واش مخلية لبنات هوما لي كيخملوليك صالون علاه سكنتي نتي كاديري فهاد لايام لي دازو
لغالية : (طلعاتلها دم) كنت كنعطي لخوك لحلوة عندك شي مانيع ، او نزيدك الالة لفاهمة كون فرشت الصالون كانت اتلسق فيه ريحة طياب
لحاجة : الله اقل حياك بلى حشمة بلى حيا كتدوي قدامي وتقولي كنت نعطيه لحلوة
لغالية : (طلعات فيها حاجب او نزلات لاخر) شبغيتني نقولك متلن كنا كنقيمو ليل ولا كنقراو الدعاء ؟
جود : (دخل عليهوم لكوزينة هاز فيديك ميكة فيها شي تقدية) لغالية ها لكيلو دلورقة تاع لبسطيلة ولحامض مصير لي طلبتي
لغالية : (شدات من عندو لميكة) ياك جبتيها من لمخبازة لي فشوكة
جود : واه
لغالية : باك فين كاين
جود : بانلي كيدوي فطيليفون
لغالية : سير عندو قوليه اخرج دوك لباطات تاع لحلوة من لكونجيراطور ويجيبهوم ليا
جود : واخة
لحاجة : تي باغة ولدي ابقا يتسخر عليك ولا شنو
لغالية : واه عندك شي موشكيل كتبيه فورقة وحرݣيها (هزات ديك لورقة تاع لبسطيلة وبدات كتسرح منها شي حاجه فلاطة او تعمرها بلحشوة تاع لحوت او تسد عليها لورقة تاع لبسطيلة تا سالات داكشي كامل ، ودوات معا طيابات) ردو لبال لداك لحم ماتخليوهش اتحمر بزاف باش ميقساحش ملي نعاودوليه تسخان ، او ملي تزيدو واحد الساعة ملي نعلمكوم دخلو هاد لبسطيلات لفران لكبير باش اتحطو سخونين لضياف ، انا غنطلع نبدل عليا ونعاود نهبط عندكوم
طلعات لغالية لبيتها ممسوقاش لديك راس لحربة تاع لحاجة وبنتها ، دخلات لحمام دوشات او خرجات لبيت تاع تبدال خدات منها جلابة بلبرومالين مطروزة بالالوان من صرد او جيهت لفخض او منبتة بلعقيق او لحجر ، دارت معاهوم فولار بشيبي ، عاد مشات تسنسرات دهوبات براسليات تاع دهب لقديم معا سنسلة طويلة وتقيلة او خاتم خفيف ، لبسات فرجليها صندالة عاد هبطات لتحت ، دخلات نيشن عند طيابات
لغالية : ستفو لحلوة فطباسل راه ناس قريب اوصل ، ونتي اكريمة واش حطيتي لحليب او تمر فصينيات
كريمة : واه راه كولشي واجد تمر كنت عمرتو بلوز او لݣرݣاع او لحليب خويتو فلكيسان
لغالية : مزيان هزي معاك الصينية تاع لحليب او شوفي وحدة من لبنات لي جاو اهزو طبسيل تاع التمر ، او تبعوني نتعرضو لناس عند لباب
كريمة : واخة (هزات الصينية تاع لحليب كيما قالتلها لغالية وخلات لبنت لوخرة تهز طبسيل تاع تمر ، او تبعو لغالية واقفين حداها هي واكسيل كيستقبلو فضياف)
لغالية : (كترحب بضياف او هي مبسمة وكتكبر بيهوم واحد بواحد) مرحبا و الف مرحبا زارتنا لبراكة ، زيدو دخلو مرحبا ، خودو من تمر او لحليب
دخلو الضياف كاملين لصالون مخليين لغالية داخلة لكوزينة عند لبنات فحين لحاجة وعريساتها كيرحبو بالناس
لغالية : كريمة شوفي غا حطي آتاي فصواني هو والحلوى ودوروهوم على ضيافكريمة : واخة دابة نيت
لغالية : (دوات معا طيابات مخلية كريمة كدير داكشي لي قالتلها) امضرا طفيتو لداك لحم
طيابة : واه
لغالية : ياكما باقي ماطاب ولا فات فيه طياب ؟
طيابة : لا لا هوا هاداك
لغالية : او كسكسو هوا خضرتو او دخاجو طابو
طيابة : طعام بقاتليه واحد تفويرة او لمرقة خاصها غا تعقد شوي اما دجاج فسالا تحمار او طفيناليه
لغالية : غا تشوفو لبنات دورو الحلوة على طبلة دخلو لبسطيلات لفران اشدو شوي راسهوم او جهدولهوم باش دغية يتحمرو ، آه قبل منسا الله ارضي عليكوم لماكلة تاع صحاب لمسوس طرفوها باش ماتخالطناش معا لمالحة
طيابة : كوني هانية من ديك الناحية
لغالية : لموهيم انا غادية نشوف لبنات فين وصلو فضيافة منهنا شوي غنرجع باش نستف فطباسل ، (دارتلها طن فراسها) ويلي ويلي نسينا شلايض
كريمة : الله يهديك الالة نتي بيديك قاديتيهوم قبيلة بقا خاصهوم غا يتحطو فطباسل تا هوما
لغالية : (حطات يديها على راسها) مابقا عندي عقل معا هاد روينة راسي ماعرفتو فين جا
رانية : لغالية
لغالية : نعام
رانية : قالك عمي اكسيل جي سلمي على شي ناس من لبلاد
لغالية : واخة هاني جاية عندو ( خرجاتمن لكوزينة تابعة رانية تال عند اكسيل لي كان فدخلة تاع لباب) اكسيل
اكسيل : (كان واقف معا لحاجة وسمية و جوج عيالات خرين ) لغالية جيتي سلمي هادي ختي سمية راك عارفاها خلاص او هادي بنت عمتي لوخرة حليمة
لغالية : (مشات قربات من حليمة مسلمة عليها من لوجه) اهلن اخالتي مرحبا بيك
حليمة : ارحب بيك لخير ابنيتي
اكسيل : او هادي لي حداها فاظمة لوستها
لغالية : (سلمات عليها تا هي مبتاسمة) مرحبا بيك اخالتي عندنا
فاظمة : ارحب بيك لخير ابنيتي بلا شك نتي هي مرة اكسيل ياك
سمية : يهيه هي هادي
فاظمة : اوا تبارك الله زينة ، يزة تي واش ماتشوفيش قايلالي خايبة مناش جاها وهي سر طايح عليها
اكسيل : الله يهديك اخالتي واش تدير على كلام مي راه نقص ليها شوف فهاد لاواخر
لحاجة : اقل حياك اجهموم كاين شي عور قدك ، او زايدون مابقاتش فزين لوجه بقات فزين لفعال
لغالية : حمدنا ربي وشكرناه زينا و صوابنا مطيح ولد لحاج محمد على قدو و قامتو
فاظمة : الله احجبك ابنيتي زينة ومصوابة
لغالية : تلاهينا فلكلام او ماقلتلكومش دخلو لداخل عملية معا الناس راكوم ماشي ضياف مرحبا بيكم داركوم هادي
حليمة : ربي يخليك ابنيتي (دخلات معاهوم لحاجة لداخل فحين لغالية بقات معا اكسيل واقفين)
لغالية : (معا بغات تحرك زلقات ليها رجليها شوية ماطيح عندها زهر شدها اكسيل ) الله اربي
اكسيل : ردي لبال كنتي غاطيحي
لغالية : ربي حفض اوصاف ماعرفت شنو وقع ليا
اكسيل : قراي قل اعوذ برب الفلق دنيا مخالطة ماتعرفي دقة مناش جاتك
لغالية : واخة انا غندخل لداخل
دخلات لغالية عند لعيالات لي كانو لبنات كيسربيو ليهوم لحلوة وأتاي ، عاودات رحبات بيهوم عاد مشات لكوزينة عند طيابات ، ݣفضات على كمام جلابياها وبدات كتستف لبسطيلة فطباسل او كتزوق فيها بلمورصويات تاع لحامض او قيمرون
كريمة : (داخلة لكوزينة بصينية تاع آتاي ) غنحطو دابة ؟
لغالية : واه ، راه لعيشة فاتت هادي شحال الناس شربو آتاي خصهوم اتعشاو
صباح : لغالية
لغالية : جابك الله هزي زيف مسحي طبلة معاك انلحقك انا وكريمة بطباسل
صباح : واخة
لغالية : كريمة سبقيني نتيا بلبلاطو تاع شلايض او لموناضة علاما نسالي انا تزواق او نتبعكوم
كريمة : واخة
لموهيم تحطات لبسطيلة او تبعها لحم من بعد ، الناس كياكلو او يشكرو فلي طيباتو
فاظمة : نتي ابنيتي لي طيبتي هاد لحم ؟
لغالية : واه اخالتي ياكما ماعجبكش
فاظمة : لا لا ابنيتي تبارك الله عليك جا شهوة منو الله اعطي الصحة لليدين لي طيبوه
لغالية : بالصحة اخالتي
فاظمة : (ضارت عند صباح لي كانت كتسخر على لعيالات) واش هادي هي بنت اكسيل صغيرة ياك ؟
لغالية : واه هي هادي
فاظمة : تبارك الله كبرات او زيانة
سمية : معلوم راه سنين هادي دازو على آخر مرة شفتيها فيها
فاظمة : واه منين كان اكسيل مزوج بسناء
لغالية : (ما كانش عندها لاش تقلق عادي ، هزات طبيسيل او صباح تابعاها من لور تا هي بطبسيل ولكن ماجاو فين اوصلو لكوزينة تا تسمعت زدردلاف فلأرض مصحوب معا لغوتة تاع صباح ، لغالية ضارت مفزوعة عندها لقاتها طايحة لارض طبسيل متهرسش ولكن لحم وصل لأرض ، بزربة مشات لغالية حطات لغالية طبسيل فلكوزينة او رجعات عندها كتجري) صباح نتي بيخير فلتي
صباح : (ناضت واقفة على رجليها) انا بيخير بيخير غا هو معرفتش آش وقعلي بضبط
لغالية : الله احفض او صاف دوز هاد لعراضة ونرقيو دار لعين دارت فينا مابغات
صباح : ديك فاظمة ياربي سلامة
لغالية : ماعرفناش ، يالاه يالاه تكمدي عضامك بتلج
صباح : (مشات معا لغالية لكوزينة تكمد عضامها فحين لغالية سقات كسكسو وستفاتليه لخضرة مخاية كريمة توصلو)
لغالية : (ستفات عاود شي ديسير فطباسل او كانت باغة تݣرض سويهلة ديك جرة لي جرات لموس فسويهة صدقات مدوزة على يديها ، صباح حدها شافت دم كيشرشر غوتات او قربات عندها كتشوف ليها يديها او كتعيط على باها) بابا ، جود
اكسيل : (جا كيجري وجود من موراه دخلو لكوزينة مخلوعين) شواقع لغالية ؟ (مشا عند لغالية بزربة شادها من يديها ومخسر سيفتو خصوصا ملي شاف بلي جرح غارق بزاف ، لوا على يديها زيف او جرها بزربة لطونوبيل)
جود : (شد راسو) ياربي تحفض شهادشي
صباح نفاجرات بلبكا ودنيا تقلبات سفاها على علاها ولكن قدرو اطمأنو الناس او يكملو لعراضة ديالهوم على اكمل وجه ، فحين لغالية واكسيل كانو فسبيطار كيخيطو ليها يديها
#نهاية لفلاش باك#
لغالية : كانتفكر ديك لعراضة كتبورش صحتي
صباح : واييه ربي خرجها طفيفة
اكسيل : (تم داخل عليهوم) السلام عليكم
لغالية : وعليكم السلام رجعتي بكري لا ؟
اكسيل : قضيت داك لغاراض دغيا داكشي علاش
لغالية : ݣلس تعاود لفطور
اكسيل : لا ميحتاش
لغالية : احقا شنو بغيتوني نديرلكوم لغدا تلفت ماعرفت ما ندير
صباح : (شافت فباها براءة) بابا
اكسيل : (صغر فيها عينيه عارف بلي غتبدا تبلحيس ديالها) شنو
صباح : ملي راك مخدامش دبا ، شباليك نمشيو نخرجو نتغداو على برا
اكسيل : (قرصها من حناكها و خربق ليها شعرها مبتاسم) مايكون غا خاطرك ، نوضو قادو راسكوم نمشيو
جود : مانردوهاش فوجهك الواليد
اكسيل : (خبطو على ضهرو) دايرلي فيها عزة نفسي نوض تلاح
جود : (طلع معا دروج تا حبسو اكسيل)
اكسيل : ايمتا ناوي ترد ليا حوايجي بسلامة
جود : شمن حوايج هادو
اكسيل : دوك لقبيات لي ديتي معاك لكازا لا وكتلبسهوم او تسارا بيهوم بكل تقة
جود : ههههه عادي الواليد أصلن حوايجك هوما حوايجي وفلوسك دياولي مابيناتناش
اكسيل : دݣ لبيتك الحتروف تا حوايجي ما قلتيهومش عليك
لغالية : (خلات تا طلعات صباح او جود كيتسابقو فدروج ، هي تهز يديها تال سما او نزلات على طر*متو) خلي عليك دري
اكسيل : خلي عليك طر*متي
لغالية : هههه وايلي ويلي على طغمتي طر*متنا اشريف
اكسيل : واحد مشاركني فحوايجي ونتي مشاركاني فصحتي
لغالية : (طلعات هي وياه لبيت ابدلو ، او حدها حيدات پيجامتها وبقات غا بدوپياس قربات عندو هو لي كان صدرو معري حيت يالاه حيد لفوقانيين ، مدات يديها وبدات كتحسس صدرو) شنو بالك لعبو شي ماتش قبل مانمشيو
اكسيل : (قربها لعندو مدوز يد مور ضهرهرها ويد حطها فوق طغمتها كيعجن فيها) حلاوتها شي ماتش بالاشواط لاضافية ولپيلانتيات انا لماتش تاع 10 دقايق ما عنديش معاه
لغالية : بلعكس حلاوتها هي زربة
اكسيل : (باسها جنب فمها) خلي تا نرجعو وناخدو راحتنا
لغالية : بوسني
اكسيل : (تحنا عند فمها كيبوس فيها بشوية وملي قرب احس براسو بغا يتزير بعد عليها) باركة علينا سيري لبسي عليك باش نخرجو
لغالية : واخ
مشات لماريو ديالها جبدات منو واحد لكيطمة عصرية ومستورة وخلات تا اكسيل البس بحالها حيت كانو شاريين كيطمات تاع التنائيين ، عاد خرجو عند صباح او جود ركبو فطونوبيل او شدو طريق لواحد لبلاصة فيها لخضورية والطبيعة كيقصدوها العائلات بزاف بعدما مشاو دازو تقداو داكشي لي غياكلو ، بلاصاو فواحد الجيهة او نزلو من الطونوبيل غاديين لواحد لكراسة اݣلسو عليهوم
صباح : (بقات ݣالسة كتصور او تصور معاها اكسيل او جود او لغالية بطيليفونها وفنفس لوقت كتجمع معاهوم او كتمنضر فلمنضر) ايمتا ابابا غنرحلو لكازا ؟
اكسيل : خصني غا نأتت لفيرمة وندير فيها شي اصلاحات او نقلب على شي عساسة خرين او مصايب لكاميرات ، يعني على لاكتر واحد تمنيام
صباح : مزيان
جود : لواليد يالاه معايا نجيبو لحوايج من الطونوبيل غيخصنا لپاراسول شمس غتحرقنا
اكسيل : واخ يالاه
ناض اكسيل هو وجود مشاو لطونوبيل لي كانت بعيدة عليهوم بشوي ايجيبو لباݣاج ديالهوم ، او فهاد لانهاء لي كانو غايبين فيه او لبنات ݣالسين بوحدهوم ، واحد كان حاط لعين على لغالية منين شافها ماحيدش عليها عينيه نهائيا
صاحبو : (باليه عشيرو ساهي) فين ساهي اعشيري ؟
دري : ديك لبنت لي ݣالسة لهيها
صاحبو : شكون فيهوم
دري : ديك لي لابسة كيطمة بلكحل
صاحبو : وشنو ناوي دير
دري : (ناض من بلاصتو بتقة) غنمشي نضبر على راسي
صاحبو : واش من نيتك ماشفتيش بلي كانو معاهوم واحد جوج رجال
دري : شكون داك الشارف ولا داك لبرهوش ؟
صاحبو : دير عقلك اعشيري
دري ما دارش بكلام صاحبو ومشا بكل سنطيحة واقف على لغالية وصباح
دري : السلام
لغالية : (هزات فيه راسها مستغربة) وعليكم السلام شحب لخاطر اخويا
دري : احن لموهيم نعرفك براسي انا زهير من مكناس ونتي
لغالية : مكنضنش انك محتاج تعرف سميتي
دري : (زادت عجباتو بشخصيتها) كنت ݣالس انا وصاحبي فطبلة لي حداكوم او شفتك صدفة هنا عجبتيني او مكرهتش نتعرف عليك
صباح : خويا سير منهنا راه ماتصلاحليكش لمراة براجلها
دري : (متيقهاش) هههه شكون فيهوم راجلها داك لبرهوش ولا داك الشارف
اكسيل : داك لي غيكويك الى مقودتيش منهنا
دري : (هز عينيه فاكسيل لي كان واقف عليه بحال ملك لموت) شكون نتا
اكسيل : راجلها
دري : كطنز لا لاواه ولدها
جود : راه قالك دݣ منهنا باغيه اهرسلك لعضام
اكسيل كان ناوي اخليه يمشي حتى سمع لهمس ديالو بواحد لجملة “قلنا بنت الناس بقات فزيف او لك*ر عند الشايب” ، تما ماحس براسو تا شنق عليه او ضربو بݣنݣ تا رعفو مطيحو لارض او طالع فوقو كيكروشي فيه او جود او صاحب داك لخطية كيحاولو إنوضوه عليه ، لغالية تقطعات فيها ولما فشل ليها فركابي اما صباح عطاتها غا لبكا او ترعاد
اكسيل : (ماقد تا حد احركو من فوق دري كان باقي كيضرب فيه ، ماتقولش هادا نفسو اكسيل لهادئ او لمكالمي ولا واحد آخر) زا*مل بحالك إيقول على مرتي أنا طحبة ، شماتة بحالك اتزللي على مرتي او يقلل عليها لحيا وزايد كيتاهمها فشرفها ، ليوم نصفيها لجدك
لغالية : (جرات عند اكسيل كتحاول تهدنو يطلق دري لي كان قريب اخرجو عينيه حيت اكسيل شدو بقجة) اكسيل يرحم باباك ما خليه راه غتق*تلو
اكسيل : غنق*تلو عاد نوري لطاسيلتو كفاش اضسر عليك
لغالية : لعار احياتي ما عطيه التيساع الى قتلتيه او مشيتي فيها لمن غتخليني
اكسيل : (ملي حس بدري تحتو كان قريب ازهق ليه الروح طلقو وناض كينهج) جمع عليا صاحبك مانشوفش كمامركوم هنا
صاحبو : (هز صاحبو لي ولا كيف شرويطة ومشا بحالو مخلي اكسيل كيغلي)
لغالية : (عاد قدرات تنفس من جديد قربات عند اكسيل) نتا بيخير
اكسيل : لغالية من بعد (ماشا اكسيل بعد عليهوم شوي كيحاول اهدن راسو او يبرد شوي)
جود : (كان معنق صباح لي عاد بدات كتسترجع انفاسها) صاف تهدني ماوقع والو (مد يديه أو ربت على ضهر لغالية لي كانت كتشوف فاكسيل من بعيد) خليه واحد شوية وغيبرد راك عارفاه ملي كيطلعليه دم مكيبغي يدوي معا حد
لغالية : هالي مشوشني ماشي من عادتو اتعصب ولكن ملي كطلعليه لعجاجة كدوز
جود : (رجعو ݣلسو) كي والو راه ملي مشعلش لعافية فيه ولا لاحو فشي قنت راه ممعصب ما والو
صباح : ناري كون دارليه بحال داك دري لي تبسل على عمتي صفية
لغالية : (بغات تنسا شوي) عاودو ليا
#فلاش باك#
فالنواحي دمدينة خنيفرة بالضبط فجوايه آجدير كان واحد دري يكون فأوائل مراهقتو حالتو حالة بلغيس او لعرق او علاش لا وهو من صباح كيخدم فديك لارض تحت ديك شمس ، عينيه لي كانو بين رمادي وزرق لمحو من بعيد جسد انثى ماتخفاش عليه كانت ختو صفية لي متخفاش عليه ، ولكن لي خلاه احط داكشي لي فيديه او يجري عندها هو شوفتو لدري آخر جنبها وهي كتحاول تنتر منو او كتشارع
صفية : {واكواك اعياد الله ، بعذايي أيقزي ياذ} (واكواك اعباد الله ، بعد عليا اهاد لكلب)
دري : وغا سمعيني نتي كتعجبيني وباغيك
صفية : تبغيك حمارة يا لعتروس عطيني التيساع راه غيجيو خوتو ومايعجبك حال
دري : ويجيو نقولهوم بلي انا كانبغيك (ماجا فين ايزيد كلمة خرى تا لقا راسو شي حد شانق عليه او كيعطيه بركول)
اكسيل : (كارز على سنانو) واش اولد الواسعة ماناويش تعطي أختي بتيساع ولا كيفاش
دري : (كيتوجع) خليني غا ندوي معاك غا نشرحليك انا كنبغي ختك
اكسيل : (زاد سعر عليه) وا ماتبغيهاش تشكيت عليك قتلك بغيها ، عطيها شي شبر تاع التيساع راني نصفيها ليك (معا زادو شي ركولة خرين دفعو فلبير ليكان عامر ما او من زهرو كيعرف ايعوم) ليوم لحت بوك فلبير غدا مايلقاو مايجمعو فيك ، بناتكوم جمعوهوم عندكوم او بنات الناس حلو عليهوم قادوسكوم
دري : (تعصب مارضاش منو) واش عارفني شكون اولد لخماس عند بالك ختك بلارا ، خلاها جدي واخة لكسكاس اولي برمة عمر لق*حبة تولي عزبة
اكسيل : او خلاتها جداتي واخة التفاح اولي سفرجل عمر ولد لق*حبة اترجل (ماعقلتش على لمتل مزيان فكروني فيه الى عرفتوه)
شد اكسيل فيد صفية ومشا تا وصلها لدار عاد رجع اكملو خدمتو
#نهاية لفلاش باك#
تسناو اكسيل حتى عياو ولكن هو بقا واقف تما بعيد عليهوم بشوي ، جبدو ساكاضو فاش دارو لماكلة او حطو لغدا ديالهوم لي كان عبارة على كاسكروطات او دجاج محمر تط
صباح : بابا مغياكلش معانا ؟
لغالية : (نقصاتليه حقو) ها حقو نقصتو ليه ملي يتكالما غيجي ياكل
صباح : تعصب فيها نيت
اكسيل : (بعدما حس براسو برد او مبقاش معصب قلب الضورة او رجع عندهوم ݣالس معاهوم)
لغالية : (مداتليه حقو من صدر دجاج) ها حقك
صباح : بابا نخويليك لموناضة
اكسيل : لا أبنتي مارشقاتليش عليها
صباح : على خاطرك ، بابا
اكسيل : نعام
صباح : كتعرف آسيا خت صاحب جود
اكسيل : شكون فصحابو
جود : عماد
اكسيل : ايهيه
صباح : دبا هي دايرة حفلة هاد ليلة او عارضة عليا شهر قبل
اكسيل : شهر هادي باش عرضات عليك عاد تفكرتي تقوليهالي
صباح : هه وانسيت خرجاتلي من لعقل كون معاوداتش صونات ليا كون ݣاع منتفكرها
اكسيل : ايمشي معاك جود
صباح : تا هو معروض تما أنمشي معاه
اكسيل : (حرك ليها راسها بتفهم او مدواش)
صباح : احن بابا راك عارف لحفلة خاصها كاضو و منه نستتنتج انه خاصيني فلوس
اكسيل : (كان مصغر فيها عينيه) وبالتالي اكسيل اكحبهوم ياك
صباح : شتي هانتا كتفهمني
اكسيل : ان شاء الله
صباح : هاد إن شاء الله واش ديال لمسلمين ولا ديال لمغاربة
اكسيل : ديال الباك
كملو ماكلتهوم او ݣلسو شوي كيدويو تا قرب لمغرب عاد ناضو جمعو قشهوم او زادو معا طريق ، تا وصلو لدار بلاصا اكسيل طونوبيلتو نزلو منها كاملين او مشاو دخلو لدار ، لغالية طلعات تلبس پجامتها اكسيل مشا يدوز واحد لاپيل ، جود او صباح مشاو ابدلو عليهوم باش يمشيو لحفلة
صباح : (لبسات ليها واحد لكسيوة سانپل او واسعة بلبرومالين عاد دارت الزيف ديالها وهبطات هي وجود عند اكسيل) بابا
اكسيل : من بعد أو نكملو هضرتنا (قطع لاتصال او ضار عندها ، مدخل يديه فجيبو جابد منو واحد لاكارط بونكيغ) هاكي ايوا خويها
صباح : ههه الله أودي متحتاجش توصيني
اكسيل : (مد سوارت تاع الطونوبيل لجود) هاك الطونوبيل الى كنتو غتعطلو علموني (قرب عندو داوي معاه بهمس مستاغل انشغال صباح بطيليفونها) منوصيكش لي ضسر عليها بدو من لغاشي وكرمو وصيفطولي من بعد
جود : ماتحتاجش توصيني كيف لعادة الواليد
اكسيل : لموهيك بغيت خدمة نقية
جود : كون هاني قتل بلاما تسيل دم
اكسيل : يالاه سير تلاح عليا
جود : الله اهنيك (ودعو او زاد فحالو هو وصباح لطونوبيل راكبينها وغاديين اتقداو شي كاضو قبل ميدوزو لحفلة)
فهاد لأتناء لغالية لي كانت بدلات عليها بواحد لكسوة مصيفة واسعة وقصيرة شوي تمت نازلة معا دروج
لغالية : مشاو دراري
اكسيل : (كان دخل لدار بعدما مشاو دراري وقرب جيهة لغالية لي كانت نازلة فدروج) واه
لغالية : (كانت واقفة فوق شي درجات شي لي خلى طولها اوصل لإكسيل ، مدات يديها او لاحتهوم مور عنقو) هي على هاد لحساب بقيت غا انا ونتا
اكسيل : والشيطان تالتنا
لغالية : هههههه علاش لا (قربات عندو بايساه من فمو بوسة خفيفة)
اكسيل : شتك هاد ليامات جهلتي
لغالية : ههههه كلاتني خص لي يحكهالي
اكسيل : عليك بلمشطة
لغالية : عليا بتبك الى تكرمتي عنا اساعدة الزوج
اكسيل : (دور يديه مور ضهرها جارها لعندو او ملسقها معاه) حياني الله تا وليت كنسمع لغالية كطلبو
لغالية : حرنا معاك ماعرفنا نطلبوه ولا نتسناوك تا تفهم راسك
اكسيل يد كتحسس ضهرها ويد طلعات لمور عنقها مخلية شنايف لغالية ايزيدو يقربو من شنايفو تا تدمجو معا بعضهوم فقبل كانت بدايتها قبلة بريئة وآخرها قبلة فرنسية عاطفية جامحة بمعنى الكلمة ، شنايف اكسيل كانت كتلتاهم شنايف لغالية تبوس او تمص او تجر فيهوم بلخاطر ، لسانو كيتعمق او سط فمها ، وهو طامع ايزيد يتذوق من حلاوتها ، يديه لي كانت مستقرة فوق ضهرها نزلات لطغمتهو كتحسس او تعجن فيها ، وماهي الى دقايق قليلة حتى هز رجليها محاوط بيهوم خصرو ، تمشا بيها شوي بدون ميقطعو سلسلة لقبل لمتتالية ديالهوم ، حط لغالية فوق واحد السارية مهبط يديه لفخضها كيتحسس فيه او يرسم دوائر ، لغالية لي كانت مستمتعة بشنايف اكسيل كيتساراو على عنقها او لمسات يديه ففخاضها ولكن معا لاسف سرسار تاع لباب كطع عليهوم لكوية
لغالية : (قفزات او حاولات تبعد عليها اكسيل لي مكانش مسوق ݣاع لسرسار) اكسيل بلاتي راه لباب كتدق
اكسيل : (بعد عليها مغوبش) خليه اتفرع ݣاع انا مالي
لغالية : سيري جيبها لماكلة عاد رجع كمل شكون حبسك
اكسيل : نتي لي طلبتي لماكلة ؟
لغالية : واه انا
مشا اكسيل حل لباب او شد من مول التوصيل لكارطونة تاع لپيتزا عاد خلصو ورجع لداخل عند لغالية
حط لكارطونة تاع لپيتزا فوق طبلة او مشا مقرب للغالية من جديد دامج شفايفهوم كيبوس فيها ويعاود تا كيتقطع فيها النفس عاد كيحبس لاواني قلال او يرجع ملاسقهوم
لغالية : خلينا نكملو فلبيت هنا مغناخدوش راحتنا
اكسيل مجاوبهاش ، حدو دوز يديه تحت رجليها وهزها عندو طالع بيها فدروج تا وصل لبيتهوم دفع لباب برجليه او دخل بيها لداخل لاحها فوق الناموسية بشوية وحيد لفوقاني تاع لكيطمة تا بقا غا بسروال وطلع فوقها يكمل على مابدا ، خشا راس فعنقها او دوز يديه تحت كسوتها محيدها ليها ومخليها غا بدوپياس بيضين ، صبعانو بداو كيدوزو على بشرتها السمرة او كينزلو معا فخاضها تا تحطو فوق نقطة ضعفها
لغالية مستمتعة بكل لمسة وبكل بوسة منو دفعاتو بشوية وناضت قالبة لوضعية اكسيل متكي بضهرو على لحيط ، مدات يديها لسروالو تا جراتو ليه عاد مشات ݣلسات على فخاضو ، مقابلة معاه جمعات شعرها لي كان تفك او قربات من اكسيل بايساه من فمو او مخلياه واخد طاحتو فطر*متها ، بعدات على فمو ودازت لحناكو قبل متهبط عند عنقو كتمص فيه او تجر
اكسيل : بشوية دابة تخلي فعنقي شي طبعة
لغالية : (غا مازادت فلعضان تاع عنقو تا خلات فيه طبايع حمرة عاد بعدات عليه مفتاخرة بشنو دارت ليه) غانتا لي طبع حنا منطبعوش
اكسيل : معامن كندوي انا
لغالية رجعات كتبوس فيه ولكن هاد لمرة نزلات لصدرو كدوز لسانها على دوك جوج ريوصة وكتعاود طلع لعنقو
اكسيل : (لاسق لغالية معاه او خشا وجهو فعنقها مطلع صبعانو معا ضهر ديالها تا وصل لكتفها منزل عليهوم دوك جوج سماطي تاع السويامات او باس بلاصتهوم عاد حل ليها السوتيامات معري صدرها ومقابلها معاه ، مد يديه أو دوز ليها بعض خصلات شعرها مور ودنيها وباسها من جنب فمها قبل مينزل عند صدرها كيمص فيه او يعجن)
لغالية : آي (تسرحليها لحلق ملي حسات بلسانو سخون فوق وحدة من بزا*زلها) آي اكس….يل دوز تال تانية آي متبقاش غا فوحدة
اكسيل زاد جهل ملي سمع آهاتها ، ستغل فرصة انها فاتحة فمها وحط ليها جوج صبعان فيه مخليها كتمص فيهوم ، او كمل هو على شغلو ، واحد لمودة قبل ميدفعها تا تكات على كرشها فوق الناموسية ، ورجع كيوزع قبلاتو على ضهرها او فخاضها وطر*متها عاد مد يديه محيد ليه او ليها آخر قطعة تاع لحوايج كانت فوقهوم ، او حل ليها شويا رجليها مخلي منطقتها لحساسة كتبان ، بصبعانو بقا كيدوز فوقها او كيغطس فأعماق سائلها
لغالية : (وصلات فيها لعضم او مبقاتش قادة تزيد تصبر هزات راسها مدوراه جيهتو او دوات تصوت ممزوج بالنشوة والشهوة) اكس…يل خشيه مابقيتش قادة (اكسيل معطلهاش تا هو خشا تبو لي كان هاز لعلام هادي شحال بزربة) آح . آي إكس…يل
اكسيل : (تحنا عندها دامج شفايفهوم او فنفس لوقت كيديه و يجيبو او سطها مودة قبل ميقلب لوضعية عاود او يولي فوقها مقابل معاصدرها كيبوس فيه او يعصر ولغالية ماشي فهاد لعالام ݣاع)
لغالية : (لي كانت منغامسة فنشوتها كانت كتحس براسها طايرة فسما تا جابتو هي لولة للمرة التانية عاد لحق عليها اكسيل خاوي فيها)
اكسيل : (بعدما خوا فيها خرج تبو منها او هزها عندو غادي بيها لحمام ، او ماحطها غا تحت رشاشة طلقلها شعرها ، مخلى لراسو لحق بالاستمتاع بمنضر لما الدافي نازل على منحنيات جسدها ، قرب عندها من جديد ملاسق صدرو معا ضهرها ، او واخد الصابونة من يديها) خليه انا غنديرلك الصابون
لغالية : (راخية صحتها عليه او مسندة راسها بكتفو مخلياه كيدهن ليها صحتها بالصابون) متأكد غديرلي غا الصابون
اكسيل : (الصابون مخلي يديه كيتحركو فوق منحنياتها بسهولة ، ملي سمع هضرتها ستقر بيهوم فوق بزا*زلها شاد ريوس ديالهوم بصبعانو كيلعب بيهوم) باغاني نديرليك شي حاجة خرى من غير الصابون همم ؟
لغالية : ههههه راك بديتي شغلك أصلن (ضورات راسها عندو مبتاسمة ليه او مادة يديها لمور عنقو جاذباه ليها او دامجة شفايفهوم فقبلة وعاطياه لحرية يدير مابغا فجسدها ، او بهاكدا كانو بداو طرح جديد)
لعبولهوم بجوج شي اشواط إضافية قبل ميدوشو او يتوضاو بجوج عاد خرجو ينشفو راسهوم او يلبسو عليهوم ، لغالية بعدما لبسات عليها پيجامتها خلات اكسيل لي سبقها فلبيس يمشط ليها شعرها او ينشفو ليها
لغالية : شنو تبغيني نديرلك لعشا ؟
اكسيل : ميحتاش انا غنبريكولي راسي
لغالية : نتفرجو فشي فيلم ؟ قالو واحد لفيلم سبليوني جديد نزل نتفرجو فيه ؟
اكسيل : لي عجبك انا معنديش موشكيل
بعدما سالا ليها شعرها هبط معاها لتحت اتفرجو فداك لفيلم او يتعشاو فنفس لوقت ، او حيت كان لفيلم باقي ممترجم كان اكسيل هو لي كيترجم ليها حيت هو كان كيعرفلها من يامات ماخدم فمليلية وسبتة
#بعد اسبوع#
محسن لي كان طيلة هاد لاسبوع مريض برواح او بدرع باش كان كيتحرك او يجمع لوراق لي غيحتاج ، اخيرا سهل عليه الله او كمل ݣاع داكشي لي خاصو وجمع تا حوايجو باش يمشي غدليه يلتاحق بلأكادمية ، ولكن قبل ميمشي لقا راسو شد طريق لدارهوم بجرى ملي وصلو لخبار بلي شي حد شاف لغالية رجعات ، ماقداتو فرحة مسكين او معرف تا كيدار وصل لقدام بابهوم كيدق
سعاد : (كانت واقفة فلكوزينة ماعليها مابيها تا سمعات الدقان فلباب حطات داكشي لي فيديها ومشات تحلو تا ضربات فمحسن او شهقات مصدومة) محسن ؟
محسن : (داخل مدرم لا سلام لا كلام) فين لغالية ؟ لغالية
كلتوم : (حدها سمعات صوت ولدها هبطات كتجري ممتيقاش) محسن ولدي (حدها شافتو دموع ولاو كيف شلال على حناكها قربات عندو كترعد شادة ليه فيديه) ولدي حبيبي رجعتي ؟
محسن : (مقدس ايشوف ليها فعينيها ودوا بصوت فيه لمسة من لحنية) فين لغالية بغيت نشوفها قالولي رجعات فين هي
كلتوم : ولدي شوف فيا ودوي معايا هالعار سنين هادي ماشفتك هئ هئ هئ لعار اولدي ما دوي معايا
محسن : فين لغالية ؟ لغالية وا لغالية
عبد الله : (خرج من الصالون هو وباه ملي سمعو صوت محسن) قول غا السلام أبعدا
محسن : (دار راسو مشافوش او مسمعوش) فين لغالية ؟
سليمان : (طول الشوفة فولدو ، داك دري لي خرج من الدار فعمر 14 رعام يالاه بدا يربي لكتاب او يغلاض ليه الصوت ولكن دبا لعكس ولا دري مغاير طويل او زوين بحالا وافقاتو لعيشة بعيدة عليهوم) ولدي محسن
محسن : (عقدهوم فيه داوي معاه كارز على سنانو) وياك ثم وياك تعاود تقولي ديك ولدي ميشرفنيش نكون ولد مجرم بحالك كتسمع او دبا قولولي فين ختي لغالية
كلتوم : (زاد بكاها ملي سمعات كلامو) متقولش هاكداك اولدي باك هادا امحسن باك
محسن : مباش انا با مات زماني هادي سمعتيني
كلتوم : لا لا متقولش هاكدا اولدي لعار لما متقولش هاكدا هادي علئيلتك هادا باك ونا مك او هادو خوتك ماديرش فينا هاكدا
عبد الله : واش نتا باقي مبغيتي دير عقلك سنين هادي ماكليتي عنا ودبا جاي كتسول فينا على حساب لغالية
محسن : (بطنز) ويلي نسيت خصني نسول فقليل لعفة دايل خويا لي دار فختو الديرة تاع لكلاب ، كي داير أخاي صڤا الضمير عندك باقي فغيبوبة ولا مات أما باش افيق مكنضنش
سليمان : دير عقلك اولدي او دخل تݣلس ندويو بلخاطر
محسن : (محسو بيه تا نفاجر بضحك او بدا كيسفق) هههههه واع على لعسكري سليمان ولا كيقول ندويو بلخاطر واش قربات تفنا دنيا شي علامة هادي (تقلبو ملاميحو فلبلاصة) داك لخاطر كنتي ديرو معا بنتك لي من لحمك او دمك قبل مادير فيها دوك لفعايل اما انا مادوي معايا لا بخاطر ولا بزز ، او دبا فين لغالية
كلتوم : رجعات اولدي لدارها مخلياني مكوية عليها هئ هئ هئ مشات او خلاتني
محسن : شنو بغيتيها تبقا معاك تعنقك او تبوس فيك نتي مها لي بغيتيها برخيص او سمحتي فيها
كلتوم : (كتبكي كتر من لول) عارفة عارفة متحتاش تفكرني بكيتي
محسن : محسن كيتك نتي لي درتيها لراسك او ممنحقكش تنسايها سمعتي ماحد لغالية منساتش داكشي لي دوزتو عليها خاصك تبقاي تفكري شنو درتي فكبدتك تا يدي مول امانة امانتو ، ودبا فين مشات ؟
كلتوم : معرفتش مقالتناش فين مشات ݣاع
محسن : (خاب لأمل ديالو ، وبعد على مو مكمل طريقو لفوق)
كلتوم : (رجليها فشلو عليها كونما سليمان لي شدها كون طاحت) تكويت فولادي اسليمان تكويت بنيتي لي قتلتها بيديا او ولدي لي تبعتو ليها ، غا قولي اسليمان شدرنا فولادنا اسليمان
سليمان : تهدني تهدني راك باقة مريضة (عاونها تا دخلات لصالون او تكات فوق سداري)
محسن : (طلع لبيت لغالية وياسمين داق على بابها قبل ميدخل مقابل معا ياسمين لي كانت حالة شرجم كتكمي فخاطرها) ياسمين
ياسمين : (حسات بقلبها تخض ورجع لبلاصتو ولكن بقات هادئ ، ضارت عندو بلعرض لبطيء او شافت فيه برود ) شكون نتا ؟
محسن : (قرب عندها معنقها عارفها مقلقة منو وعارف راسو غالط معاها) حبيبة عمها
ياسمين : (بعداتو عليها مضورة وجها عليه او كتحاول متخليش دموعها يخونوها ، نترات نترة خرى من لݣارو ديالها) انا ماعندي بو عم سميتو محسن
محسن : ياسمين نتي عارفة فين مشات لغالية لعنوان ديالها ؟
ياسمين : ههههه قول ممرجعك غا شوفتها معا لاسف معرفاش او مكيهمنيش نعرف ، او دبا إيلى ساليتي خرج باغة نبقا بوحدي
محسن : متقوليش هاكدا عارفة راسك عزيزة عندي
ياسمين : واه بقد معزيزة عندك حسبتيني ميتة بحال لغالية ومشيتي وخليتيني (صوتها تخنق) كنتي عارف كفاش كنت عايشة معاهوم او رغم دالك مفكرتيش فيا ولو مرة خرى عطيتيني بضهرك او مشيتي معاودتيش رجعتي
محسن : عارف راسي غالط معاك
ياسمين : ملي عارف راسك غالط لاش راجع عندي غيكونو قلوليك بلي لغالية رجعات فحالها ولا جيتي تسولني عليها ماعنديش عنوانها وهي بيخير عايشة حسن من عيشة دل فاش كانت راجل مهلي فيها ممخليها مخصوصة من والو ، صافي تهنيتي لي عارفة قلت ليك او دبا سير بحالك ماباغاش نشوفك
محسن : (مشا هز واحد ستيلو او ورقة من فوق لمكتب قيد فيهوم واحد النمرة او مدهالها) انا غنمشي دبا باك ها نمرتي الى لقيتي راسك مستعدة تدوي معايا صوني عليا صافي
خرج او خلاها متبعاه بلعين من شرجم تا بعد على الدار فمرة هزات طيليفونها وقيدات نمرتو لي أصلن كانت عندها او من مشحال هادي طول هاد سنين كانت عارفاه فين كاين او فين خدام او ساكن ولكن عمرها قدرات تمشي عندو ، شعلات ليها ݣارو آخر تقاد بيه لمزاج
#عند لغالية#
روينة نايضة فالدار صباح او لغالية تشغلو معا جميع لحوايج ديالهوم فلباريزات اما جود أو اكسيل تلاهاو معا تستاف تاع لباريزات فطونوبيلات
لغالية : دبا شنو غنديرو فطونوبيلات واش انديوهوم كاملين ولا انديو غا شي وحدين
صباح : شوف ابابا انا راه منتفرقلكش على ميمونة رجلي برجلها تال كازا
اكسيل : الله ياربي تا على ديك ميمونة ولينا نضربولها لحساب ، كل واحد فينا غيهز خرخاشتو ويزيد قدامي هاد ليلة بغيت نتعشاو لهيه
لغالية : صاف واخة شفتينا أبعدا شي خدامات ايعاونونا تما
اكسيل : كوني هانية لهيه كاينين جوجات زائد جوجات لي هنا ربعة كافيين
لغالية : (طلعات حاجب او نزلات لاخر) شكون هاد جوجات لي هنا
اكسيل : سهام اشيماء
لغالية : علاه ايمشيو معانا قابلات ؟
اكسيل : أصلن راهوم من كازا يعني فرصة مزيانة ليهوم
لغالية : واه مزيانة على هاد لحساب غنوصلهوم انا بطونوبيلتي
اكسيل : لي عجبك ، لموهيم واش غا هادشي لي كاين
لغالية : واه كاينين غا حوايجنا اما لأتات منحتاجوش نديوه الدار مفرشة يعني صافي غا هدشي لي كاين
اكسيل : مزيان يالاهو على بركة الله
لغالية : (خلات تا كولشي مشا ركب طونوبيلاتهوم عاد مشات عند كريمة سلمات عليها تا هي كيما دارو لوخرين) الله ايعاونك اكريمة تا نعاودو نتشاوفو
كريمة : غتخليو بلاصتكوم والله
لغالية : ايوا ماعندنا مانديرو جابتها الضروف ايما ݣاع مسخينا تاحنا ، لموهيم منحتاجش نوصيك الدار فأمانتك مرة مرة طلي عليها هويها باش متغملش ، ايما لفراش خلاص او لأتات راني غلفتهوم انا وصباح بلميكة
كريمة : كوني هانية متحتاجيش توصيني
لغالية : يالاه نخليك دبا
كريمة : طريق السلامة
خرجات لغالية من الدار او ركبات طونوبيلتها لي كانت فيها شيماء او سهام ݣالسين اللور ، او شدات طريقها لكازا تابعة طونوبيلات تاع اكسيل او دراري
#بعد 5 تاع سوايع#
بعد ديك طريق طويلة اخيرا وصلو لكازا او بلاصاو قدام ديك لفيرمة لي كانت عبارة على دار قدها قداش فيها سفلي ولفوقي شادة جزء كبير ، كانت دار مخالطة جزء فيها تبنا بلخشب او جزء عادي ولكن محافضة على لفصالة تقليدية فجنابها كاينين لفدادن او جنانات تاع لخضرة ولفواكه ضايرين بيها من كل قنة ، او لاپيسين كبير من جنب حداه شجرة كبيرة وطويلة ومن برا ضاير بيها واحد الصور حداه الدار تاع لعساسين ، عاد كاينين لكوارة تاع لبݣر او لغنم
اكسيل : (نزل او نزل معاه لباريزات) يالاه ندخلو
لغالية : بسم الله بسم الله
اكسيل : (دخلو لداخل مجموعين او واخة كان طاح ضلام كان باين بلي بلاصة زوينة) كي جاتكوم الدار
صباح : واعرة ابابا فنة
جود : واخيرا شي دار مخالطة بين لعصري ولبلدي
لغالية : عندك الدوق تا من لفراش زوين
اكسيل : يالاه سيرو كل واحد فيكوم اشد بيتو
لغالية : واخة شيماء او سهام ها سوارت تاع الدار ديالكوم غتلقاوها ولاسقة نيت معا الدار ياك اكسيل
اكسيل : واه راهوم ملاسقين عندها باب من برا او باب من لكوزينة
شيماء : فين جات لكوزينة ؟
اكسيل : سيرو نيشن غتلقاوها
كل واحد فيهوم شد طريق لبيتو ، صباح لي كانت بيتها كطل على لاپيسين ديكورها عصري وسانپل كيما بغاتو الوان هادية مخالطة معا شوي تاع تقليدي ، فحين بيت جود كانت فطرف لاخر تأهيل بحال بيت صباح عندها واحد لحيط تاع الزاج ديكورها مخالط بين تقليدي ولعصري زربية تاع الصوف بالالوان فلبيت ، عاد كاينة لبيت تاع اكسيل تاهي فالطابق لول بحال بيوت دراري غا هي كطل على جيهة جنانات لي فلور تاع الدار ، بيت من لخشب طاغي عليها الطابع التقليدي ، لغالية اب كانت كتشوف من الزاج ساهية فسما لي مضويينها نجوم
اكسيل : (حاوط لغالية من لور مدور يديه على خصرها) كي جاتك لبيت
لغالية : كتحمق حسن تا من لي تخايلتو
اكسيل : هادا هو لموهيم عندي تكوني مرتاحة وعاجباك الدار
لغالية : لهلى ليخطيك عليا احياتي ، اكسيل
اكسيل : نعام
لغالية : دبا لي نفريض كل شجرة من هاد شجرات كانت ببنت
اكسيل : غتبداي عاود
لغالية : ههههههه غا ضاحكة ماشي وقتها دبا من بعد أجي شنو دكشي لي مبني لهيه ؟
اكسيل : هاديك بلاصة لخيل
لغالية : (ضارت عندو متحمسة) او فيها لخيل ؟
اكسيل : لا مافيهاش
لغالية : هاكداك مزيان
اكسيل : شكون يسبق فينا فتدواش انا ولا نتي
لغالية : غنسبقك انا باش ملي تكون نتا كدوش انا نمشي نوجد لعشا
اكسيل : واخ
لغالية : احقا خصك تشرح لصباح على حساب لمرض ديالك او تعلمها ديك نهار سولات مالك بنتيلها عيان
اكسيل : غندوي معاها دبا
لغالية : حسن (هزات لغالية فوطتها او دخلات نيشن لحمام مخلية اكسيل غادي متوجه عند صباح)
اكسيل : (خرج من بيتو او مشا عند بيت صباح لي كانت بعيدة على بيتو حيت الدار كانت كبيرة بزاف ،وقف قدام بابها او دق عليها كيتسناها تحليه)
صباح : (كانت يالاه خدات ليها واحد الدوش او لبسات حوايجها بلاما تنشف شعرها ، ملي سمعات دقان فلباب متعطلاتش او دغيا مشات تحلو) بابا
اكسيل : بصحة
صباح : الله يعطيك الصحة دخل متبقاش برا
اكسيل : (دخل تابعها لداخل او ݣلس ليه فوق واحد لفوطوي كبير عندها فلبيت) شعرك باقي منشفتيهش غيدربك لبرد
صباح : هههه كان كيستناك تنشفو ليا (لاحت ليه لفوطة ولمشطة وݣلسات قدامو عاطياه بضهر)
اكسيل : (مد يديه واخد ديك لفوطة وبدا كينشف ليها شعرها) سمعت بلي سولتي عليا لغالية ديك نهار واش مريض
صباح : واه حيت بنتيلي ماشي تالهيه بحالا كشفتي
اكسيل : مكاين والو غا معا لعيا تاع لخدمة او السكر
صباح : (ضارت عندو بزربة) السكر ؟ ماتقوليش ابابا تصابيتي بالسكر
اكسيل : واه
صباح : ايمتا هادشي ؟ وعلاش زعما نتا مكانتش عزيزة عليك لحلاوة ولا زعما من تقلاق تاع لخدمة ياك ابابا عييت معاك ماتبقاش تجهد راسك فلخدمة بزاف
اكسيل : (قرصها من نيفها باش تهدن) صباح ابنتي الله يهديك راه السكر فعئيلتنا وراتي او زيد راه عادي نتصاب بيه فهاد لعمر راني كبير مابقيتش صغير
صباح : (مابغاتش تزيد عليه داكشي علاش سكتات او رجعات دارت عاطياه بضهرها اكمل ليها لمشيط)
اكسيل : كي جاتك لبيت
صباح : واعرة وكبيرة عجباتني غا هو
اكسيل : غا آش
صباح : (خلاتو تا جمع ليها شعرها عاد ضارت عندو مبتاسمة ليه) غا هي كبيرة بزاف بالنسبة لوحدة ساكنة بوحدها
اكسيل : ايهيه وشنو لمعمول نبدليك لبيت بوحدة صغيرة راه لتحت كاينين صغار
صباح : لا لا لاش نتعدبو فهزان رحيل عاود انا عندي ليك لحل او ساهل
اكسيل : (مصغر فيها عينيه) اما هو ؟
صباح : شنو باليك تزوجني وديك الساعة راجلي غيجي يشرك معايا لبيت أو منها يونسني او منها يعمر هاد لبيت لخاوية
اكسيل : (طرطق عنقو) شنو بالك أبنتي نجي نونسك انا ولا حتى الى بغيتي نجيب لمكتب ديالي لهنا ولا حتى طبلة تاع لماكلة باش ناكلو حداك
جود : (كان جاي عند صباح حدو سمع ديك كلمت زوجني فرع عليهوم لباب بلاما يسمع حتى باش جاوبها اكسيل ولا حتى يسلم دخل زربان كيدوي) تا انا الواليد زوجني راني كبر منها ونا لي عندي الأسبقية
صباح : عندك لاسبقية مدوزلي لپيرمي خرج خليني نضبر على راسي
اكسيل : (طلع جود او هبطو من راسو تال ساسو قبل ميشير عليه بواحد لوسادة) شوف لفم لي كيدوي على زواج ، واش نتا جدك باقي كتلبس حوايجي وباغي تزوج
جود : لا لا الواليد فهمتي النوايا ديالي غلط خليني غا نشرحليك
اكسيل : معندك ماتشرحلي
لغالية : خلي سيد يشرح (دوات من حدا لباب قبل مدخل او تمشي تݣلس حدا اكسيل)
جود : شوف دبا الواليد هاد الدار كبيرة بزاف ونتا غادي وكتكبر ليوم ولا عدة اتبغي حفايدك ايكونو ضايرين بيك او كيلعبو حداك ونتا باقي قادر تهزهوم او تلعب معاهوم ، داكشي علاش زوجني نولدليك الواليد من لعام لول
اكسيل : تشكيت عليك قتلك انا باغي لحفايد
لغالية : (خبطاتو على يديه) سكت نتا ، ماباغيش لحفايد انا باغاهوم زوجو
صباح : ونا ؟
لغالية : ناوية تانتي تولدي دغية
صباح : معا مبروك زواج معا يتربا فعزكوم
لغالية : صافي زوجها تا هي ديرو عرس واحد
اكسيل : نوضي تجمعي عليا لانتي لاهوما قاتلك زوجهوم اولدو مربيلي لغنم
جود : تا كفاش بلانك الواليد نتا مزوج او حنا لا
اكسيل : نتا هو انا ؟
جود : لا
اكسيل : ايوا تكمش
لغالية : ناض سير تدوش علاما نقاد لعشا باش نتعشاو
اكسيل : هاهو غادي (ناض خارج مخليهوم غا هوما بتلاتة)
صباح : (هبطو مجموعين لكوزينة ايقادو لعشا) لغالية تي دوي معاه
لغالية : شغاندوي معاه واش مكتعرفيهش ، خصوصا على حسابك نتي راه غا كيفكر بلي شي حد معنقك كيجعر سيري نتي قوليليه سير جيبلها لي يعنقها او يبوسها قدام عينيك اهرسو من ضهرو وحنا ماقادين على ذنوب شي ولد الناس
جود : نقولي هي مربي عليها لكبدة ونا يطلق سراحي 23 عام تا شدان ليدين عمرنا درناه ماشي حشومة
لغالية : هههههه نتا خلاص راه فعايلك هوما لي داروهاليك
جود : انا ويلي شمن فعايل انا راه ضرافات
لغالية : واه ضرافات تال لحد ݣاع خصوصا ملي كتجمع نتا ومجد الله أودي تبغيني نفكرك ؟
جود : غا كضلموني شدرت ݣاع
صباح : نفكروك بجديد ولا لقديم مناش نبداو ليك
#فلاش باك#
فداك لخلى لخالي كانو دوك ياجوج او مأجوح تاع مجد او جود كيما كيسميوهوم ، واقفين قدام واحد لموطور مشخشخ او غا كيشوفو فيه
مجد : (شاد راسو) شغانديرو دبا
جود : الدار لينا شوف لموطور كي رجعناه قالك بغا يديماريه بلمازوط مخالط معا ليصانص هاهو طرطق
مجد : دبا ولا كولشي عليا ياك انا كنت باغي نديماريه بلمازوط او لما شكون قالي دير ليصانص أدوي
جود : الي لي مفهمتش هوا آش باقي مخليني كنتلاقا معاك
مجد : شوف دحش شوف متنساش راني ولد عمك او خوك برضاعة نموتو بجوج الخوادري
جود : ينعل بو ديك جغمة تاع لحليب لي شركت معاك
مجد : شوف شوف نكار لخير قاليك جغمة بليمرة دكنتي تشد بزولة ونا نشد بالزولة ، هادا بلاما نذكر ليطرويات تاع لحليب لي رضعنا من ضرع تاع لبݣرة بجوج
جود : ونا كنقول مالنا ممطفرينوش رضعنا كولشي
مجد : رضعنا كولشي من غير مولات شي
جود : خلينا من لحليب او قولي دبا شنو غنديرو لموطور ماشي ديالنا غا كاريينو
مجد : مابقاتش فكاريينو بقات ففلوس لخطية لي معندناش او زيد لموطور كاريينو تحت سميت بابا اكسيل (مجد مولف يا كيعيط لاكسيل بابا ولا عمي حيت كيما قال تراضع معا جود او صباح او تربا معاهوم)
جود : تما فين عواجت لفݣوسة الى مخلصناش لموطور لمولاه كيما تافقنا غيمشي يرفع دعوة على لواليد
مجد : مناش غنضبرو على لفلوسك فناضارك
جود : راك عارف تا واحد فديك الطاسيلة مغيبغي اسلفنا داكشي علاش خصنا ناخدو شي شيك من عند لواليد
مجد : وايلي علاش مفكرتش فيها نمشيو عندو تقولو ليه لواليد كتبليك تما واحد مليون او نص ماشي شي حاجة غا واحد لخطية من نيتك
جود : بنتلك مزعزع حنا خاصنا شي حد اقدر يدخل عند لواليد لبيتو ياخد من عندو الشيك مسيني ، ونا عارف شكون غتفكنا بلاما لواليد ايديرلها شي حاجة
مجد : شكون صباح
جود : ديك لمسمومة ݣاع متعتقنا او زيد راها مݣردة انا كندويلك على لغالية
مجد : صافي مشات دابة نكونو عندها
جود متعطلش صونا لواحد مول طاكسي باش ارجعهوم لدار ماحد اكسيل ماكاينش فيه ، نزلو قدام الدار بعدما خلصو مول الطاكسي او مشاو كيجريو عند لغالية لكوزينة
مجد : لغالية زينة لبنات لقلب لحنين ، لحداݣة والتاويل
لغالية : ياداك لبانضي تا جيني من لخر هاد فاتحة ديالك حفضتها خوي لمزيودة
جود : محتاجينك فواحد لبلان ضاروري أختي لغالية
مجد : لقضية فيها حياة او موت لا هي لقضية فيها غا لموت ولكن بطرق مختالفة
لغالية : آهيا شلاهبية وشنو درتو ، لقضية فيها اكسيل عاود
جود : واهوا لموشكيل بضبط ، مشيت انا وهاد زعتر كرينا واحد لموطور بنسخة تاع لاكارط دلواليد ، ولكن درنا بيه كسيدة او تشخشخ او دبا خاصنا نغرموه لمولاه
لغالية : هاويلي على ياجوج او مأجوح شدتو
مجد : كحلناها عاونينا پليز راه والله تا يعلقنا
لغالية : شنو لمطلوب مني دبا انا لفلوس ماعنديش
جود : عارف بغيناك تمشي لمكتب تاع لواليد تاخدينا منو الشيك مسيني وصافي
صباح : ايهيه زيدو كملو اشلاهبية باغين تشفروه
مجد : (كان شاد قلبو بلخلعة) يخليك بلخلى قطعتيها فيا تا قلت واش لواليد لي رجع
صباح : زبلتوها عاود
لغالية : خوروها عاود
جود : صباح ديري فينا هاد لخير يام انا وهاد لحتروف الخوتك
صباح : لالة تال بابا اوهو
مجد : عقلتي على داك لمغني لي غيجي السيمانة الجاية لواحد لحفلة
صباح : مالو
مجد : مول لحفلة صاحبي او عارض عليا انا وجود عاونينا نديوك معانا
صباح : بصح ؟ تا حلف
جود : والله
صباح : صافي مشات كون هاني سركوم فبير
مجد : (شاف فلغالية براءة)
لغالية : متشوفش فيا هاكداك عمك ايخرج فيا
جود : (شاف فمجد بيأس او عرف بلي صافي مابقا عندهوم تاشي حل من غير هاداك) على خاطرك غا هو الى طار لواليد من بين يديك ماشغلناش
لغالية : شكون بغا يطيرو بسلامة
مجد : دوك لي غيشركو معاه لخدمة كنا عوالين نمشيو نحضيوه ليك ولكن نتيا مابغيتيش
جود : شحال من بنت قلتيلي امجد عند داك سيد بلا زواج خمسة ياك
مجد : واه خمسة وحدة تنسيك فلوخرة الزين او زعورية
لغالية : (كانت كتݣرض لحم للموس او كتسمع فشنو كيقولو وهي غطرطق) سكتو عليا اكسيل مكيعحبوهش زعرات
مجد : سبحان الله داكشي لي كان كيقول داك حميدة عرفتوه جارنا فلبلاد مشا مرة وحدة لواحد لخدمة جابها شهبة تشالي بلبيوضو ، مسكينة مرتو واخة كانت زوينة فين تبان قدام ديك شهبة كان غيطرطق ليها لݣلب
لغالية : (محسات براسها تا طلعات كتجري لمكتب تاع اكسيل او لموس فيديها ، خدات واحد الشيك خاوي ولكن مسيني او هبطاتو ليهوم صاعرة) ها شيك ولكن رجليكوم برجليه ايدير هاه ولا هاه باليو بجدو
جود : الله أودي كوني هانية ايدير هاه ولا هاه تلبسي عليه حق الله ميحيدولكش طبيب
مجد : دبا ها لفلوس ضبرنا عليهوم بقاتنا لخطة باش ميعيقش بينا
لغالية : سيرو خلصو الراجل بزربة قبل ميرجع انا غنتكلف بلماباقي
جود : صافي مشات (خرجو طايرين عند الراجل خلصوه او عاودو رجعو لدار بزربة ، معا دخلو بقاو لغالية مفرشة واحد لميكة او حاطة لمطارق او قدامهوم)
مجد : شواقع ؟
لغالية : ختارو باشمن مطرقة بغيتو
جود : هاء ؟ علاش ناوية
لغالية : شوفو دبا الى سولكوم اكسيل على لفلوس خاصكوم شي عصر او ماكاين ناحيه من لكسيدة كعضر فلوسكوم مشاو عند طبيب او مريضنا ماعندو باس ، يالاه ختارو كون جات عليا هاد لمطرقة لوسطانية ناضية ومناسبة دقة بطلة
مجد : لغالية اهدني بنتيلي تحمستي بزاف
جود : (شدليه واحد لمطرقة ودوا معا مجد بجدية) أرا يديك سربي زربانين
مجد : واش تخورتي فدماغك لا ؟ مريض نتا حط من يديك او خلينا نتفاهمو
لغالية : الى مابغيتيش تهرس دير لݣبص بلاما تهرس
جود : هادي فكرة ولكن شكون هاد طبيب لي غيديرنا لݣبص
صباح : الله أودي اخويا ختك غتدفع لطب لاسنان او باقي كتقلب على طبيب آخر ماشي حشومة
مجد : شجاب طب لاسنان لتهراس
صباح : تانتا كولشي على زعامة نص فلأطباء دياولنا لفرمليات هوما لي كيتكلفو بلمرضى ديالهوم توكلوا عالله او تبعوني راني وجدت كولشي
لغالية : بصح سيرو معاها لجرضة تݣبصكوم يالاه ينشف لݣبص
جود : وكلنا امرنا لله
تبعوها دوك جوج لجرضة فين كانت مخلطة داكشي فواحد سطل
مجد : (واتليه ليديه شي زيوفة كيما دارت لرجل جود عاد بدات كطلي ليهوم فوقها شي حاجة) صباح مبانلكش هاد جير لونو فشكل بحالا سيمة لا ؟
صباح : (بتقة) لا آويلي انا تخفا عليا السيمة هادا غا جير ݣلس فشمس تا تبرونزا
لغالية : (خرجات عندهوم لجردة وحدها شافت شنو دارتلهوم صباح شهقات) ويل الشيطان شدرتي ياصݣع فدراري كطلعي الصور تا ضاربالهوم لمرطوب ؟
صباح : هههه تا نتي الغالية مكلخة بحالهوم راه هادا ݣبص غا حيت تبرونزا معا شمس
لغالية : تبرونزا معا شمس ݣاوري هو ، هادي كاملة قراية فيك ضاربالهوم السيمة وكتقولك لݣبص مبرونزي
صباح : كحلتها ياك
لغالية : عيميتيها
مجد : (عاد ستوعب هو و جود شواقع) شوف لكلبة ضاربالي السيمة ياجورة انا كي غنحيد هاد لخرى أدوي
لغالية : ما عندك ماتحيد لي عطى الله عطاه خليه تا ينشف او نسبغوه ليكوم بلبيض ، او نديرولكوم تاشي فاصمات لوجه
#فليل
كان لمغرب ودن وناس صلات او طونوبيلت اكسيل وقفات قدام الدار نازل منها السيد خاشي يديه فجيابو او كيتمشا بنخوة ماعلابالوش بدوك لي تقطعات فيهوم ملي شافوه
لغالية : (ستقبلاتو عند لباب بابتسامة) حياتي رجعتي توحشتك
اكسيل : تا انا دراري كاينين فدار
لغالية : واه بغيتيهوم
اكسيل : لا غا سولت او صاف
لغالية : (بدات عليه التمتيلية ديالها) كون تشوف شوقع ليهوم دݣدݣو فيها مساكن بغيت ربي ياخد لحق فلي كان حيلة وسباب
اكسيل : (غوبش) شوقع ليهوم ؟
لغالية : دارو كسيدة
اكسيل : كفاش ؟ كسيدة ؟ (مشا مسرع فخطاويه عندهوم ، هوما لي كانو ݣالسين فصالون) جود مجد
مجد : لواليد رجعتي
اكسيل : (قرب عندهوم كيشوف ليهوم فبلاصة تهراس) نتوما بيخير ؟
جود : (داير راسو مقصح) بيخير بيخير غا شويا رجلي عاطياني لحريق
اكسيل : بصح ؟ نوضو نديكوم عند طبيب
صباح : ميحتاجش ابابا ماعندو مايدير ليهوم
اكسيل : صاف واخة نوضو نتمشاو فجردة راه مزيان اضربهوم لبرد
لغالية : ولكن راهوم عيانين تا يوليو شوي او يخرجو يتمشاو
اكسيل : لا لا ليوم او تا نتوما بجوجات خاص لبرد ادربكوم
لغالية : واخ
مازادوش معاه لهدرة لاحو عليهوم زيفهوم او خرجو تابعين اكسيل او دراري تا وقفو فالجردة
اكسيل : ليوم خرج من لحساب ديالي مليون او نص مكرهتش نسولكوم او تجاوبوني فين مشاو فلوسي ؟
لغالية : وايلي احياتي راك عارف لمصاربف تاع سبيطار داكشي علاش
اكسيل : لمصاربف تاع سبيطار ، باقين كتخبيو ولكن بنتي حبيبتي غتجاوبيني فين مشاو فلوسي ياك
صباح : مشاو عند طبيب ابابا حيت كلينيك لاش مشاو
اكسيل : بصح ، أجي مابانلكومش لون هاد جير فشكل
صباح : هههههه تا انا كان يصحابلي فلول واش ݣبص مبرونزي تا جات لغالية قاتلي بلي سيمة هادي ههههه
لغالية : (محسات براسها تا عفطات ليها على رجليها تسكت عرفاتها نسات مخها) ههههه كتنكتي اصباح كنتي معا طبيب هههههه
اكسيل : مصرين ياك مزيان (تحنا هز واحد لحجرة ودوا) عرفتي أبنتي الى شيرت بهاد لحجرة فين غتجي
صباح : فين ؟
اكسيل : فوق الراس تاع ميمونة بضبط او دبا تكري ولى نرزي بنتي فبنتها
صباح : لا لا عافاك انا غنقولك جود او مجد ممهرسينش انا لي سيمتهوم او صاف
اكسيل : وعلاش
صباح : معرفتش
اكسيل : مزيان (لاح ديك لحجرة او جبد واحد لبراسلي تاع دهب من جيبو) كنضن بلي مرتي حبيبتي هي لي عارفة شواقع خصوصا انو لفلوس خرجو بشيك مسيني
لغالية : معرفتش واش فناضارك كون كنت عارفة شي حاجة نخبي عليك ؟
اكسيل : الله أودي او حيت أنا شاربك ما غتقولي لي كاين ولى نعوج دينمو هاد لبراسلي
لغالية : (لقضية فيها ذهب) لا لا لعار باقي تا ملبستو انا غنقولك غنقولك ، انا لي خديت شيك من لمكتب ديالك او عطيتو ليهوم صافي
يتبع
التعليقات 0