#بعد مرور اسبوع#
سبعيام على قدها لي دازت ، ولي كانت روتينية من غير لغالية لي حالتها متعجبش ، كولشي لا حضها فيها غا ساهية وكتخمم
جود : (دخل عليها لكوزينة لقاها غا ݣالسة شادة فراسها ومخليا لكاسرونة شاعلة فيها لعافية ورائحة لحريقة كتعطعط ، جرا لكاسرونة طفالها وحل شراجم) لغالية
لغالية : (عاد ضرباتها لفيقة) ويلي ويلي نسيت بطاطا فلكاسرونة
جود : لغالية مالك
لغالية : والو
جود : كفاش والو منتي سيمانة هادي ماشي تال بعضك ، تحت عينيك بدات فيه لكحولية واش مكتنعسيه
لغالية : راني غا مشطونة شويا وصافي
جود : شنو لي شاطنك واش على حساب لواليد
لغالية : سيمانة هادي مسمعتش خبارو ݣاع ، كنصوني عليه مكيجاوبنيش زعما تكون وقعات ليه شي حاجة
جود : كون وقعاتليه شي حاجة كون وصلاتنا لخبار ديرها زوينة توصل توصل ، صحاب لحسنات كتار
لغالية : لا لا قلبي مهنانيش من جيهتو (صوتها تخنق) ولا زعما يكون لقا شي وحدة تما داكشي علاش غبر
جود : هههه (ضحكاتو ، مد يديه أو خربقلها شعرها) ماديريش فبالك راه غا جابلك الله
لغالية : شمن جابلي الله شكون عرف ملي ماشي شي وحدة لي تلفاتو مالو غبر
صباح : (دخلات عليهوم لكزينة وسمعات لغالية كدوي) تي الله يهديك ياك نتي لي كتقولي لي لقا حسن من لعسل العقو ، إيلى لقا حسن من لغالية قوليه غا يمشي
لغالية : ولا ميمشيش واخة يلقا حسن من لغالية (نفاجرات ليهوم تما بلبكا)
صباح : (بدات كتشوف فجود او جود كيشوف فيها ماعرفو مايديرو ، هي دويليه بهمس) كي غنديرو نسكتوها
جود : (جاوبها بهمس) نسولوك نتي الحاجة لي بنت بحالها
صباح : هي كتبكي على راجلها ونا كي غندير نسكتها راني سنݣل
جود : زعما عمرك تصاحبتي مور ضهرنا وبكيتي على شي حد
صباح : تصاحبت ؟ او مور ضهركوم ؟ او داك سلوݣي تاع باك مساقش ليا لخبار من نيتك
لغالية : سلوݣي هوا باك اما راجلي لا
جود : معامن انا ياربي معامن انا
لغالية : (مسحات دموعها) انا غنمشي نعس بونوي (طلعات لغالية لبيتها ومشات تخشات فراشها تنعس)
جود : لغالية
صباح : خليها على راحتها ، نتا دويتي معا بابا فاهاد ليامات
جود : لا
صباح : تا انا راني ممهنياش من جيهتو عمرو دوز شي نهار بلاما يصوني عنا
جود : غيكون غا مشغول سيري تنعسي تا نتي راه تعطل لحال
صباح : يالاه بونوي (طلعات تا هي تنعس او خلات جود خارج لجردة يدوي فطيليفون)
جود : آلو
اكسيل : الو
جود : لواليد
اكسيل : وقعات شي حاجة
جود : لغالية مشطونة من جيهتك ليوم كانت كتبكي
اكسيل : (تنهد) صاف غندوي معاها دبا
جود : واش معدالكش تقولها والو
اكسيل : راك عارفها كيف دايرة ، غا غادي نخلعها وصاف
جود : نتا تعرف ، كي بقيتي نتا أبعدا
اكسيل : لحمد الله
جود : خرجتي من سبيطار
اكسيل : واه هاد صباح
جود : شنو قالك طبيب
اكسيل : سكار لي طلع ليا وصاف وكان خاصني نعس فسبيطار علاما يتريݣل ليا
جود : لحمد الله ، مديرش فبالك بزاف الواليد او متعصبش كوشي غيدوز
اكسيل : كتعرض عليا داكشي لي حفضتك ، يالاه نخليك
#عند لغالية#
كانت غادية اوسط واحد رباعة تاع ناس او صوت نواح او لبكا مالي لمكان ، لغالية مفهمات والو قلبها مقبوط عليها وخاطرها ماهناها ، عينيها غا كيضورو تما او لوجوه لي كانت لغالية حافضاهوم بحال سميتها كيغوتو ويبكيو تا هوما
لغالية : (بدات تجري فديك دار او كطلع درجة وتنقز عشرة تا وصلات لواحد لبيت ، حلات لباب ديالها بزربة ودخلات ، تكوانسات شوفاتها على ديك لمرا لي كانت مجبدة فوق ناموسية وقطرة دم هي لخرة مكيناش فوجها ، لغالية حسات برجيلها تقالو دموع فعينيها مبغاوش احبسو بدات كتقرب من ديك لمرا شوي بشوي تا طاحت قريبة ليها ، مدات يديها لي كترعد ليدين ديك لمرا لباردة ، وبدات كتحرك فيها او يديها لوخرة كدوز على شعرها) مّي . أمّي نوضي متنعسيش أمّي . هاني رجعت . هالغالية أمّي رجعات (بدات كتغوت او تنتف فراسها) مي نوضي مي
باها : دبا عاد تفكرتيها أدوي تا ماتت
لغالية : (هزات فيه عنيها لحمرين) سكان مماتتش مي مماتتش نتا سباب نتوما سباب تا هي ، هي سباب (ضارت عاود عند مها كتحرك فيها بجهد) نوضي نوضي باقي مسامحتكش ممنحقكش تموتي وتخليني ، هئ هئ هئ نوضي مخصكش تموتي باقي لغالية فاش سمحتي مسمحاتش ليك هئ هئ هئ مي (على آخر غوتة دارت لقات راسها قافزة من لفراش كتنهج او شادة قلبها) هاه . هاه . هاه . حلمة حلمة آه (مدات يديها لداك طيليفون لي كان كيصوني هزاتو ، وغا بانتلها نمرة اكسيل كحلات بلعمى وجاوبات)
اكسيل : لغالية
لغالية : (الصمت)
اكسيل : لغالية دوي معايا
لغالية : (بصوت مخنوق) لاش مصوني
اكسيل : توحشتك
لغالية : كتكدب متوحشتينيش (بدات كتبكي)
اكسيل : (نقطة ضعفو دموعها) متبكيش الغالية
لغالية : لقيتي شي وحدة حسن مني ياك هئ
اكسيل : فين غنلقا هادي لي حسن من لغالية فين
لغالية : تلقا علاش متلقاش
اكسيل : ولكن انا مبغيش شي وحدة حسن من لغالية بغيت لغالية ديالي لبكاية
لغالية : زعما زعما
اكسيل : علاه فيها شك ، قوليلي مالك
لغالية : والو غا توحشتك
اكسيل : لغالية متكدبيش عليا
لغالية : ماما
اكسيل : مالها
لغالية : هاد ليام كاملة مبغاتش تخرج من بالي خايفة أ إكسيل خايفة تجيني خبارها ونا تا شوفة مشتهاش
اكسيل : هي لامشيتي تشوفيها الغالية
لغالية : (دوات او هي كتبكي) مقداش أ إكسيل مقداش نعاود نشوف دوك لوجوه ، مقداش نمشي نشوفها غنضعاف قدامها وهادشي لي مبغيتش ، خايفة نشوف فعينيها ونسا مداز عليا بسبابها مقداش أ إكسيل
اكسيل : لغالية ستغفري ربك او سيري شوفيها لموت او لحيا هادي ماتعرفي سابق من لاحق ، راني خايف عليك من كية لميمة آلغالية
لغالية : (بقات ساكتة مودة عاد دوات بصوت خافت) صافي واخة
اكسيل : (تبسم) الله يرضي عليك يالاه سيري تنعسي دبا باش ترتاحي
لغالية : تهلا فراسك
قطعات معاه لاتصال او ناضت دخلات لحمام توضات او لبسات عبايتها وقامت الصلى
لغالية : (كدعي) يا ربي لحبيب نتا لي عالم مابيا وشنو جرا ليا ، ونتا لي عالم شحال صعيب عليا نمشي نشوف فعنين ميمتي بعد مادارت فيا ، ياربي لحليب راه ماشي ساهل عليا نمشي لديك لمدينة ونا لي عارفة بحرها وسم ناسها ، ياربي عاوني وريني فين نمشي ولا فين نصد ، راني خايفة من حر لموت او كية لميمة ياربي
ناضت طوات السجادة و مشات هزات واحد لبريزة فتحاتها ودارت فيها لحوايج لي غتحتاج ، وبقات ݣالسة كتأمل فلݣمرة تا ودن لفجر ، صلاتو هو لول عاد بدلات عليها وخرجات جارة باليزتها
جود : (كان راجع من جامع) لغالية فين غادة
لغالية : غنطلع لكازا عندي شي غراض تم
جود : ستنايني نطلع نبدل عليا باش نوصلك
لغالية : لا ميحتاش غنمشي الراسي
جود : (مبغاش ازيد احكر عليها) صاف لي عجبك على خاطرك
لغالية : بسلامة سلم تا على صباح او قولها ترض معاها لبال لدار ، بيتي راني سديتها وديت معايا سوارت
جود : صافي كوني هانية ، طريق سلامة
لغالية خرجات من دار ركبات طونوبيلتها ومشات لبونبة عمرات لمازوط او شدات طريق كازا مضيومة و مغمومة
#بعد 5 تاع سوايع#
لغالية : (لقات راسها فدخلة تاع كازا) هانتي يالغالية لمدينة لي حلفتي متحطي رجليك فزناقيها ولا ضوري بساحتها ، داخلة لها من جديد ، ولكن ماشي نفس لغالية ، لغالية لي خروجها من مدينتها كان بكا ودموع رجعات ليها ، لغالية لي مصورات من كازا غا تمارة ولمعيور ، نفس زناقي وديور ليكنت ندوزهوم ونا كنقلب على مناكل او نتوسد عتبتهوم باش نعس ، وليت ندوز بيناتهوم بكاطكاك او سراتل تاع دهب فيدي (ضحكات بسخرية) الله عليك يا دنيا مرة تزوي ومرة تعطي وشحال راك تخلعي
كملات لغالية طريقها تا وصلات لداك لحي نفس لحي فاش كانت دار ياسمين ولا نقول نفس تا دار فاش ساكنة تما بلاصات لغالية طونوبيلتها ونزلات بشموخ ، لابسة سروال واسع كحل معا طريكو طالع ليه لكول او من لفوق جلابمة مفتوحة مطروزين يديها وجيابها ، نضاضر فعينيها مغطيينهوم ، فعنقها دايرة سنسلة تاع دهب طويلة وفيها حجرة كبيرة ، وفيديها دايرة دبالج تاع دهب تقول غادية لفرح ماشي تزور واحد على فراش لموت ، دفعات داك لباب لكبير او زادت كتمشا فجيهت لباب تاع دار بالنخوة و نفخة وبريزتها مجرورة من موراها
لغالية : (كضور عنيها فديك جردة مفكرة دموعها ودمها لي سال هنا ، مفكرة طليبها ورغيبها فيهوم ارحموها ، كولشي مفكراه او منسياش منو والو ، كانت ناوية تقلب ضورة وترجع ولكن جزمات او زادت معاطريق) رجليك الغالية لي خرجوه من هاد دار باكية ومضلومة رجليك لي خرجوك من هاد دار محرومة بكية لغدر كي ليتيم لي ماعندو حد ، هوما نفس رجلين لي رضوك ليها ولكن هاد لمرة جابوك بلعز حيت نتي ماشي ديك لغالية بنت سي سليمان نتي لغالية مرة اكسيل ولد لحاج محمد
وصلات لداك لباب او هزات يديها دقات فيه
مريم : (ماين ياسمين) شكون آ شكون ماتكون غاديك لبنت لي عاد تفكرات ضارهوم او رجعات آويلي غدايدي على بنت (فتحات لباب بزعف) يالاه تفكرتي….. لغالية (دوات مطرطة عينيها ، طلعات لغالية ونزلاتها ممتيقاش عينيها) لغالية هادي نتي ؟
لغالية : (دوات برود) هادي أنا أمريم هادي أنا (دخلات لقلب دار بلا عراضة جارة باريزتها) فين مي
مريم : راهوم فسبيطار كاملين مشاو ايجيبوها اتخرج ليوم
لغالية : مزيان (كملات طريقها لفوق)
مريم : فين طالعة ؟ لبيتك نديك ليها ؟
لغالية : (بطنز) آجي يامي نوريك دار خولي (كملات طليعها لفوق مخلياها غتاكل جلايلها)
مريم : تفو شمرجعها تاني
لغالية مشات لبيتها حلاتها ودخلات كيما خلاتها كيما بقات دوك جوج ناموسيات لمكتب علاش كانت كتقراولماريو ديالها ، كولشي كيما كان هادي خمسنين متزاد غا حاجة وحدة تصاور ياسمين ، قربات لغالية عند واحد تصويرة هزاتها مبتاسمة
لغالية : كبرتي الحبيبة دعمتها كبرتي
بقات لغالية فبيتها واحد شوية تا سمعات تقرقيب لتحت عاد خرجات من لبيت
#لتحت#
مريم : (مشات حلات لباب ملي سمعات سرسار ) خالتي على سلامتك
عݣوزتها : (بصوت ضعيف) الله اسلمك
مريم : (شافت فمرة لوسها سعاد او غمزاتها)
سعاد : (قربات ليها) شنو
مريم : رجعات
سعاد : شكون هادي …. وايلي
ناصر : (راجل سعاد) شواقع
سعاد : والو والو طلعو خالتي ترتاح
سليمان : (باين لغالية) يالاه اكلتوم نطلعو
كلتوم : لا أنا غنݣلس شويا هنا قنط فبيتي
سليمان : على خاطرك يالاه نمشيو نݣلسيو فلبيت دتلفازة
كولشي هز عينيه مصدوم لجية دروج على اتر لخطوات لي سمعو او داك لجسد لي كان نازل معا دروج بفخامة
كلتوم : (ممتيقاش عينيها او صوتها مبغاش يخرج غا بدرع) للغا..لية بنتي
لغالية : (دوك لوجوه او داك صوت خلى قلبها يتزعزع من لداخل ولكن ملاميحها متبدل فيهوم والو ، مكملة هبيطها عندهوم)
كلتوم : (قربات عند لغالية بشوية بحالا خايفاها تخلع او تهرب ولا تكون غا خيال بحال كل مرة ، مدات يديها لوجه لغالية كتلمس فيه بتردد او دموعها غا كيسيلو) لغالية هادي نتي أبنتي هئ هئ هئ هادي نتي أبنتي وسمحيلي يا لحبيبة (كلتوم عنقات لغالية ولكن لغالية مبادلاتهاش حدها ربتات على ضهرها شوي وصاف)
لغالية : هادي انا امي (بعدات على مها بشوية ومشات عند باها قربات عندو وباستليه يديه) بّا
سليمان : (حس بروحو لي زهقاتليه رجعات بشوفتها قدامو مالقا مايقول بصوتو لي حامل بحة من لاشتياق) الله يرضي عليك أبنتي على سلامتك
لغالية : (هزات عينيها فخوتها لي كانو مصدومين تا هوما بدورهوم) عبد الله ، ناصر
ناصر : (قرب عند لغالية وعنقها) لغالية ختي
عبد الله : (مكانش موالف سميتو من فمها كان تمنا لوكان قالتليه خويا كيما ولفات ، قرب عندها تا هو وعنقها) لغالية
كلتوم : (عاودات قربات لغالية) بنتي ألحبيبة
سعاد : دخلو أبعدا لبيت دخلو راك عيانة اخالتي وخصك تݣلسي
مشاو كاملين لبيت تاع تلفازة لي كانت عبارة على ربعة دسدادر فيهوم طلامط تاع دوام او طبلة ضايرة ، ݣلسات لغالية فواحد جيهة او ݣلسات كلتوم حداها شادة فيها تقول خايفاها تهرب ولا تمشي تخليها مرة خرى
كلتوم : (كدوز يديها بحنية على وجه لغالية) شخبارك أبنتي ها
لغالية : (كتجاوب على قد سؤال) لحمد الله
ناصر : ايمتا جيتي
لغالية : هاد صباح
سليمان : جيتي بوحدك
لغالية : واه
كلتوم : كليتي شي حاجة لا غيكون فيك جوع مريم سيري عمري اتاي او سخني داك لمسمن تاع لعشوب لغالية كيعجبها
مريم : واخ
لغالية : لا ميحتاش انا غنطلع لبيتي نرتاح
كلتوم : كولي ليك أبعدا غا واحد شوية ياك كيعجبك بوشيار بلعشوم
لغالية : كان كيعجبني اما دبا لا (طلعات لبيتها ترتاح مخلياهوم غا كيشوفو فهاد لغالية جديدة )
سعاد : (خرجات هي ومريم لكوزينة) شتي ليك لغالية كي ولات
مريم : كاملها مسنسرة دهوبات تقول جاية لفرح ماشي باش تشوف مها لي مريضة
سعاد : تا نتي جات تشوفها على زين تعامل لي دارت معاها تقول مكتعرفهاش منفخة وحاسبة فراسها غا هي لي كاينة
مريم : تانتي شمن تنفاخ تقول خلاتها راه مزوجاه غا شارف ، آجي ملي جات جات باريزتها زعما يكون مات او خلاها الله كريم
سعاد : شكون عرف
كلتوم : شكتوشوشو تما
مريم : خالتي لاش نضتي راك باقة مريضة
كلتوم : انا ممريضة موالو ملي رجعات لي بنتي هاديك هي دنية ومافيها ، كاين شي دجاج ولا نصيفط شي حد فدراري يجيبو
سعاد : اخالتي راه كاين
كلتوم : شرملوه او دخلوه لفران او نصبو لدغميرة
مريم : واخة اخالتي كوني هانية
رجعات كلتوم لبيتها عند راجلها لي كان غا ساهي فسما
كلتوم : سليمان فاش كتفكر
سليمان : (شاف فيها وطول شوفة) كبرات اكلتوم
كلتوم : (تغرغرو عينيها) معلوم تكبر اسليمان راه خمسنين على قدهوم لي دازو ماشي شي حاجة قليلة
سليمان : داكشي نيت
كلتوم : حاساها اسليمان هازة فقلبها من جيهتنا تا شوفة مكتكملهاش فينا و لكن لحمد الله غا ملي رجعات
سليمان : لحمد الله على كل حال ، سيري رتاحي نتيا شويا وشربي دواك
كلتوم : (دارتليه براسها واخة ومشات شربات دواها وتكات تنعس)
#عند لغالية#
لي مشات فتحات باريزتها او جبدات منها واحد لكيطمة تاع دار لبساتها ومشات تكات فوق ناموسية تنعس او ترتاح شوي من سفر
لغالية : (كانت ناعسة تا ضرباتها لفيقة معا جوايه لمغرب ، ناضت من فراشها بتكسال مشات لحمام توضات او صلات داكشي لي فاتها ، عاد دارت عليها زيف او هبطات عندهوم لتحت لبيت فين كانو مجموعين على كويس داتاي)
كلتوم : بنتي فقتي ؟ آجي ݣلسي آجي تاكاي راك ماكليتي والو من لبارح
فرح : (داخلة عليهوم هي وراجلها ومرضاتش لبال لغالية) مي كيبقيتي
كلتوم : انا بيخير أبنتي شوفي شكون جا عندنا
فرح : (هزات عينيها فلغالية مصدومة قبل متنقز عليها معنقاها) ختي لغالية على سلامتك
لغالية : الله اسلمك
فرح ݣلسات حدا لغالية كتعنق فيها وتدوي
فرح : الله يا ختي تقطع خبارك ، سنين هادي ماسولتي
لغالية : (دارت راسها مسمعاتهاش او شافت فواحد دري صغير تكون عندو ديك عاماين شاد فجلايل فرح ، تحنات مقربة لداك لوليد جاراه عندها بشوية ) شكون هاد لفنيون ؟ (هزاتو عندها وحطاتو فوق فخاضها كتلعب معاه)
فرح : هادا ولدي نوفل الغالية
لغالية : (طولات فداك صغير شوفة) ولدك ؟ بالي تزادو بزاف تاع ناس مورايا (عنقات داك دري صغير او باستو فوجهو كامل وهي كضحك او تلعب معاه) حبيب خالتو هدا ، زين دخالتو
كلتوم : (طولات شوفة فبنتها وعنيها مغرغرين بدموع) فرح بنتي تشربي كويس داتاي نوض نعمرو ليك
فرح : منقولش ليك لا امي راني توحشت اتاي ديالك ، لغالية إوا شخبارك شكاتعاودي
لغالية : هاحنا كنعديو
فرح : (حسات بلغالية كتجاوبها غا من فوق شبعة كمداتها و سكتات واخة مرضاتش)
سعاد : (لي كانت مشات هي ومريم لكوزينة اعمرو آتاي ، حطو ليهوم صينية فوق طبلة او ݣلسو معاهوم)
كلتوم : (بدات كتخوي ليهوم فآتاي او تمد ليهوم) بنتي ها كاسك
لغالية : (شداتو من عندها او بدات كتشوف فجنابها مخلياهوم كيتجمعو تا سولاتها فرح)
فرح : (شافت لخاتم تاع زواج لي فيد لغالية ، ترددات شوي قبل متسولها) لغالية باقة مزوجة ؟
سليمان : فرح شهاد كترت لأسئلة
مريم : راه غا حيت شحال هادي مشافتها اعمي داكشي علاش كتسولها وصاف ياك الغالية
لغالية : واه باقة مزوجة
سعاد : (محسات براسها تا نقزات) بهاداك نيت ولا حد آخر ؟
لغالية : (ضحكات ليها بسخرية وشافت فباها) لاواه لاواه على لاخر ، علاه انا نقدر نفرط فالراجل لي ختارولي بابا براسو مجاتش ناخد سخط ياك
عبد الله : (كحب) كح . كح . كح فين دراري مبانولياش هنا ݣاع
مريم : راهوم خرجو يتسخرو منهنا شوي اتلقاهوم راجعين (سمعات صوت تاع لفتيح دلباب) غيكونو هوما نيت هادو لي جاو
لولد : (تكون عندو ديك 13 رعام) لوليدة
سعاد : جيتي دخل تسلم نتا وخوتك دخل
لغالية : (غا سمعات صوتو حطات ولد فرح او ناضت مبتاسمة تسلم عليه) أمين حبيب عمتو
أمين : (كان على وجهو آتار تاع صدمة او شك فنفس لوقت) عمتي لغالية
لغالية : (مشات عنقاتو كضحك) كباريتي و طواليتي خاصني نبقا نهز راسي فيك دبا ههههه خليتك قصر مني (ردات لبال لواحد جوج بنيتات ايكونو مقاربين فلعمر ديك 4 سنين او نص ، او دري صغير عليهوم تكون عندو شي 3 سنين مخبي مور أمين او كيطل غا من جنب ، قربات عند دوك جوج بنيتات) بلا شك نتي نهيلة ونتي يسرى ياك
نهيلة : (كانت قافزة شوية وكتشبه لياسمين) واه انا نهيلة ونتي شكون ؟
لغالية : أنا عمتكوم
يسرى : ولكن عمتي هي فرح صافي
كلتوم : (شافت فيهوم مبتاسمة) هادي عمتكوم لوخرة لغالية
نهيلة : (طولات فيها شوفة بدوك لعينين لعسليين مخلية لغالية كتعنق فيها وتبوس هي ويسرى) لكن انا عمرني شفتها
لغالية : (بتاسمات ليها) حيت أنا سافرت ملي كنتو فكرش مواتكوم
يسرى : بصح
لغالية : (جراتها من حناكها بشوية) بصح افنكيشة ديالي (ضارت شافت فداك دري لي كان مخبي) كاينة هنا نهيلة و يسرى و أمين و نوفل ولكن واحد لمشيش مخبي هنا معرفتش شكون
دري : (طل عليها بشوية ودوا واخة باقي مكينطقش لحروف مزيان) انا ماسي مس انا يوثف
لغالية : (جراتو عندها معنقاه او متهر فيه) وشكون هاد يوسف هممم
كلتوم : هادا أبنتي ولد خوك عبد الله
لغالية : بصح ؟ (ناضت هازة معاها يوسف فيديها) غتكون كنتي اطير بلفرحة اعبد الله ملي دزاد يوسف ياك ؟
فرح : ماشي غا فرح كان ميت بلفرحة ايضور ويقولهوم تزاد عندي دري (بتاسمو ملي تفكرو عبد الله)
لغالية : واه من طبيعة لحال غيفرح منين كان دراري كانوا عندو شي حاجة ياك
مريم : (فهمات حشيان لهضور لي دارتلها لغالية وجاوباتها معاجبهاش لحال) عبد الله كان فرحان او طاير بلفرحة تا فاش دزادو عندو لبنات
لغالية : (بتاسمات) الله أودي كون مكانش خويا كنت انتيق هضرتك أمريم ولكن دوماج كرش وحدة لي ولداتنا كرش وحدة
سعاد : (حسات بلجو تزمت) هه شنو بغيتو نديرلكوم لعشا
كلتوم : يالاه نوضو أبعدا لكوزينة وندويو فهادشي
لغالية : مكاينش لاش تنوضي نتي راك باقة مريضة انا غنعاون لبنات
كلتوم : لا لا نتي التي عاد جيتي
لغالية : (مشات هزات طيليفونها او سبقاتهوم لكوزينة)
مريم : (دخلات موراها منفخة وباغة طرطق ديك لقمعة مابغاتش تسرط ليها ، بانتلها لغالية خرجات لخضرة من تلاجة او بغات تبدا تنقية ديالها) غا خليها انا غنقيها
لغالية : ميحتاش أصلن بديت فيها
سعاد : ملي نتي غتنقي لخضرة نمشي انا نصب لحم ونتي امريم قادي شي زعلوك راه تقادا
مريم : واخة
لغالية : (بقات كتنقي فلخضرة ومكدويش) فين ياسمين شتها مكيناش
مريم : اتكون غا خارجة طبيعتها هاديك كتقنط فدار
لغالية : مزيان تبقا تخرج ماعندها مادير فدار
سعاد : واه مقلناش لخريج خايب غا هوا تكتار منو ممزيانش
لغالية : ياسمين كبرات او عارفة راسها شكادير
كملو نصيب تاع لعشا وخلاوه ايطيب ، لغالية مابغاتش تزيد تكلس معاهوم قالت بونوي او طلعات تنعس بلا عشا مخلياهوم هوما كيدويو
فرح : (كحازت عند مها ودوات بهمس) مي شت لغالية ماشي تال لهيه كتهضر بلݣرام
كلتوم : (بحزن) كفاش بغيتيها تدوي معانا افرح غا قولي ليا تبوس فينا وتعنق
فرح : امي راني عارفة ولكن صعيب عليا نشوفها كديرنا بحالا مكاينينش نتي مريضة وهي معلى بالهاش كي داك لمجعوف لاخر ، مسنسرة دهوبات او معلية راس او منفخة مبقيتش كنعرفها أمي ماشي نفس لغالية
كلتوم : يعلم الله شدات على بنيتي مسكينة كان ليها الله لا حنين لا رحيم
فرح : أجي أمي با معارف تا حاجة على راجلها
كلتوم : داك راجلها حرݣتو حرݣة خرى ماعرفناه ماشفناه ، لا كيدايرين طبايعو واش شمكار واش حباس او زوجناها ليه (دموع تحجرو فعينيها)
فرح : زعما تكون معيشاش معاه مزيان ولا وقعات بيناتهوم شي حاجة تا رجعات
كلتوم : معرفتش زيدي زيدي تعشاي ابدا ، أجي أبعدا اتباتي نتي وراجلك ياك
فرح : لا غا انا هو غيمشي عندو شي خدمة
كلتوم : مزيان اطولي ياك مغديريشنا بحال ديك نهار
فرح : هههه لا لا غنݣلس واحد سيمانة عندكوم
كلتوم : مرحبا بيك ابنيتي
#عند لغالية#
بقات متكية فراشها كتخمم او كتسنا نعاس اديها تا صونا ليها طيليفون
لغالية : اريازي إينو (راجلي)
اكسيل : قلبتيها شلحة
لغالية : هههههه نقلبوها تا شينيوية
اكسيل : كي دايرين لاجواء تما
لغالية : كي زفت
اكسيل : معليش كولشي غيدوز
لغالية : انا غنرجع غدا لمكناس
اكسيل : ماشي بزربة كنتي تبقاي شوي كتر
لغالية : لا لا راني شفت مي وغنرجع فحالي
اكسيل : شوفي نتي فاش ترتاحي
لغالية : ايوا ماتوحشتونا ما قنطتو بلا بينا ؟ همم
اكسيل : شكون حنا وشكون نتوما
لغالية : زعما معرفتيش شكون نتوما وشكون حنا هممم
اكسيل : هههههه ضسرتي
لغالية : شوف شكون كيدوي شكون علمني هادشي
اكسيل : علمناك باش طبقيه ملي نكونو حداك ماشي تا نكونو بعاد ، الى ناض دبا شكون غيبردو الحاجة
لغالية : الله أودي لما لبارد لاش كيصلاح الى مبرد سيد شيخ
اكسيل : عقلي على هادشي لي كديري وزيدي شعلي فجدي لعافية ، و ملي نرجع او بقاي عليا واش مكتعياش
لغالية : هههههههه صافي صافي غا ضاحكة معاك
اكسيل : فات لحال على ضحك صافي
لغالية : وغا يجي دغيا راه انا فاش شعلات لعافية بصوتك
اكسيل : (بقا كيدوي معاها بصوتو لحرش ولكن فيها بحة فشكال مغايرة على عادتها) بصح ؟ ايوا شتي كون كنت حداك دبا كون بردتك بطريقتي
لغالية : (سهات او غرقات فصوتو وحسات بحالا كيهمس ليها فودنيها) شمن طريقة
اكسيل : أممم كنت غنبدا من فمك أبعدا شنايفك لي كيكونو سخان بزاف (حس بيها مندامجة معاه او كمل) او صدرك لي كيطلع او ينزل معا كل لمسة مني ، ويدي نازلة معا كرشك شويا بشوية تال..
لغالية : (لقات راسها كتخايل داكشي لي كيقولها ، تفكرات شعور شنايفو وهي كتسارا على جسدها ممخلية تاشي قنت موصلاتش ليه ، صبعانو لي كيدوزو على تقاسيم صحتها ، لقات راسها بدات كتحس بلفزوݣية تحتها ، وصوتو غا مزايد ليها تا غوتات ) صافي سكت باركة
اكسيل : (ضحك ليها بشر) نوضي على سلامتك لما لبارد كيتسناك هههههه
لغالية : كترض صرف ايوا ديرها فين تجيك (قطعات عليه مخلياه كيضحك عاجبو لحال) تفو فزݣني ولد لهم كنتي تجي ماشي غا دوي (هزات راسها تال لحمام دوشات على سعدها او وعدها عاد لوات عليها لفوطة وخرجات بدلات عليها ودهنات شعرها ، ومشات تنعس نيشن)
#عند ياسمين#
كيف لعادة شادالها واحد لقنة فداك لبار كتكيف او تشرب على خاطر خاطرها مضاربة حساب ، تنوض مرا مرا تشطح او تغنيلهوم تما وهوما عاجبهام لحال
لولد : (مبوق معارف راسو من ساسو ، قرب عندها كيتمتيل او حط يديه على خصرها) زين بوحدو نونسوه
ياسمين : (تخالطات لها سكرة معا لاعصاب بعداتو عليها) متقيسنيش الحمار
لولد : ههههه قبيحة معا راسك ، زدتي عجبتيني (زاد قربها ليها بغا يبوسها ، تا حس بين رجليه عاكسه لحريق)
ياسمين : (ولات كيف داك لمجنون بقات كتنتف فيه او ضرب) حمار حيوان كلب ماتقيسنيش كتسمع ماتقيسنيش
لولد : (شدلها يديها او جمعها معاها بتصرفيقة تا طاحت لأرض) ق***بة بحالك تهز عليا يديها أدوي (عاود صرفقها) واش معارفانيش شكون انا أدوي
ياسمين : (بدا داك دري كيدوز ليها صبعو فوق شنايفها بجهد ، محسات براسها تا عضاتو ، او ناضت هربات منو وبقات كتجري كيف لهبيلة تا تزادحات معا شي بنات)
لبنت : واش مكتشوفيش تفو على ݣنس (ملي سكتات ياسمين او مجاوباتهاش زادت جعرات عليها او تحامات عليها هي وصحاباتها)
ياسمين مكانتش فوعيها او مبقاش عندها جهد باش دافع على راسها خلاتهوم دارو فيها مابغاو ، تا بردو غدايدهوم عاد طلقوها ، كاملها دمايات او ضرابي بقات جارة رجليها بدرع تا وصلات لواحد لكرسي ݣلسات عليه منهارة مكتبكيش ولكن محطمة من لداخل
#فصباح#
فاقت لغالية بكري معا ديك تمنية شافت لبياص لي حداها لقاتو خاوي عرفاتها باقي مجاتش ، ناضت من فراشها ودخلات لحمام توضات او صلات عاد هبطات لتحت لكوزينة توجد لفطور ، كانت هادي هي لغالية واش نفسها لي حارة ولا هي لي ولفات متبقاش ݣالسة منين عقلات على راسها وهي هاكدا تشقا وتسيق او تحمل او تقول معييت
مريم : (دخلات عليها لكوزينة) لغالية فقتي
لغالية : واه
سعاد : صباح لخير (تا هي دخلات عليهوم لكوزينة) لغالية شاك مبكرة هاد نهار
لغالية : نضت ندير لفطور
سعاد : غا خليه حنا انديروه غتكوني باقة عيانة من سفر
لغالية : معليش راني نعست مزيان
فرح : صباحو فقتو كاملين
مريم : واه (كانت كتحط لكيسان فصينية)
فرح : غنفطرو دبا
مريم : واه راه تسعة هادي
فرح : كاين مانديرلكوم ، فين ياسمين أبعدا ݣاع مبانتلي
لغالية : مشات عند صاحبتها تݣلس معاها
فرح : صاحبتها ؟ من ايمتا ولات عندها صاحبتها
لغالية : منهار بغات يالاه نفطرو يالاه (دات ديك صينية وتبعوها لوخرينات بطباس ، كان كولشي داير بطبلة كيتسنا وقت لفطور)
كلتوم : الله على ريحة لاش عدبتي راسك أبنتي
لغالية : معليش (هزات عندها نوفل كتلعب معاه) أزين العمر ، شهاد ريحة شهاد لحناك ، أ ناكلك أنا ناكلك (كملو ماكلتهوم او جمعو لبنات طبلة)
فعز داك سكات او لهدوء لي كان تحل لباب تاع دار داخلة معاه ياسمين ، كتمايل رجليها مهازينهاش حالتها حالة مضروبة او ريحة لݣارو منها كتعطعط
عبد الله : (كان خارج لبرا تا تصادف معاها فديك لحالة لاعصاب طلعو معاه ، لعروقة تاع يديه تنفخو ، بدون حتا كيشوف وجها شدها من شعرها ونزل عليها بتصرفيقة) واش باغة تخرجيلي عقلي آدوي واش باغاني نقتلك
لغالية : (بلغوات) زݣا (كانت فلكوزينة كتغسل فلماعن تا سمعات لغوات تاع خوها ، خرجات عندو كتجري هي ولوخرينات ، شافتو شادها من شعرها وكيغوت عليها وياسمين حالتها حالة ، قربات عندو او جبدات ياسمين لعندها مخبياها مور ضهرها)
عبد الله : لغالية خليك بعيدة (بقا كيتمد عند ياسمين)
لغالية : (زادت خبات ياسمين مور ضهرها او دوات بلغوات) كنقسمليك بلي خلقني و خلقك يديك تهز فوق كتفك او تحط عليها تا نجيبهوم اجمعوكوم كاملين واحد بواحد
مريم : (غفلات لغالية موشات عند ياسمين كتنتف فيها وتقرص) دوي الكلبة باغة تفقصيني باغة تشوهيني (جات كلتوم كتبعد فيها هي وفرح)
كلتوم : طلقي لبنت امريم حرام عليك شهادشي كديريلي
مريم : خليني نربي جدها خليني توريها تسلݣيط كيف داير
لغالية : بعدي عليها (ضارت عند مريم بجهد دفعاتها وطراسات ليها صبعانها فحنكها) جمعي يديك الخانزة
مريم : (ممتيقاش راسها) صرفقتيني ؟ باشمن حق كدخلي بيني وبين بنتي شمن حق
لغالية : غدي تسكتي نتي بضبط ولا والله تا نعاود لجدك ترابي ، كتعرفي غا تفرعي رجليك او تولدي اما لكبدة متكسابيهاش ، تفو عليك وعلى لي بحالك شايفة بنتك حالتها حالة حاملها دمايات او معا ذلك مخلياه يضربها ، الله يعطي لعمر للي بحالك
عبد الله : لغالية حتارمي راسك أو سكتينا
لغالية : (نفاجرات عليه) ويلا مابغيتش شغادير غضربني ولا غتلوحني لزنقة بحال ديما ، الى يسحابليك انا هي ديك لغالية فنبغي نقولكوم ديك لغالية ماتت او نتوما بيديكوم لي قتلتوها ، (رجعات كدوي برود) كان عند بالي هاد سنين غيغيرو فيك شي حاجة اعبد الله وطر على هادا لي سماك بهاد سمية حيت متستاهلهاش ، كنت نقول هاد سنين غيديرو ليك لعقل تحن فبنتك سعا خسارة ، عمر شيخة تنسا عزة لكتف او عمر عبد الله اترجل تفو عليك اعيفة رجال (شدات فيدين ياسمين او جراتها معاها لبيت)
كلتوم : (بدات كتبكي تا سخفات فيدين فرح)
فرح : مي مي فيقي
سليمان : (كان معصب قرب لعبد الله او صرفقو) مابغيتيش دير عقلك ياك عييت معاك تجمع يديك عندك ، عاجباك حالة مك دبا أدوي
سعاد : (عاونات فرح تا داو كلتوم لبيتها كيحاولو افيقو فيها) خالتي آخالتي فيقي
فرح : مديليا ريحة ولا سوارت سربي
سعاد : واخة واخة هاكي (مداتلها ريحة)
فرح : (شماتها لكلتوم تا بدات كتفيق) مي فقتي
كلتوم : (صوتها تقيل) لغالية فين لغالية وياسمين
سعاد : راهوم فلبيت اخالتي
#عند لغالية#
بعدما دخلات ياسمين لي كانت مواعية بوالو ، ݣلساتها فوق لبياص او بدات كتحيدلها حوايجها تا خلاتها غا بصفيطمة وشورط ، هزات واحد لفوطة فزݣاتها وبدات كتمسح ليها وجها بشوية
ياسمين : (بصوت تقيل) أي شكون نتي
لغالية : شكون دار فيك هاد لحالة هممم
ياسمين : (هزات فيها عنيها بتقالة) شكون عرف ههه
لغالية : شكون عرف نيت (كملات ليها لمسيح تاع وجها او تكاتها) تكاي تكاي ترتاحي
ياسمين : شكون نتي
لغالية : أنا لغالية أياسمين
ياسمين : ههههه كتكدبي لغالية باقة فلح…(لغالية سداتلها فمها)
فرح : (دخلات عليهوم لبيت) امضرا كي بقات
لغالية : راها ناعسة
فرح : (قربات من لغالية ودوات معاها بحزن) لغالية متبقايش شادة فخاطرك غا غتمرضي راسك راه والله تا تبدلو كاملين من بعد مامشيتي
لغالية : داكشي لي طالبا مني نسا دفعت تمانو دموع او دم او باقي لدابة كندفعو ، دموعي و دمي غاليين عليا أفرح غاليين عليا كتر تا متصوري ، داكشي علاش خليني ماحدي مبرد دمي ومقالباش دنية
فرح شافت تا عيات هي تمشي فحالها مخلية لغالية ݣالسة حدا ياسمين
لغالية : (قربات عند ياسمين او شداتلها يديها كابوس فيها او ليد لوخرة كدوز بيها على شعرها) حبيبة عمتها ، بنتي لي مولاي او غلى معندي (تحنات عندها باستها من حنكها) انا رجعت او غنهنيك من هاد عيشة لويل لي عايشة (قاداتلها لغطا او تكات حداها كتربت على ضهرها)
#فليل#
كانت لغالية كتدوي فطيليفون معا جود
جود : شخبارك
لغالية : حمد الله ونتا شخبارك شكاتعاود
جود : مكنعاود هاد ساعة غا صداع راس تاع صباح ايمتا يجي لواليد ولا نتي تهنيوني منها
صباح : (سمعاتو وجات كتشارع) مالك شدرتلك شوفلك لباطل
جود : دعقتيني فمعدتي الله ياخد فيك لحق فينما شافت شي وصفة طبقها وتجي توكلهالي ، جاني تسمم بسبابها
صباح : تا مالك راني دبا تعلمت درتليك واحد مولاتي سباكيتي
جود : لا لا شكرا ، لغالية هالعار لما رجعي راها حرقاتليك نص فطاوات حرقاتليك مولينيكس ، طراب ، لميكسور نزيدك ولا براكة
لغالية : (شدات راسها كضحك) الله على ميعناتي ، ولكن ايجي باك اخلص هههههه دارت فيا خير نبدل نيت دوك لماعن هههه
صباح : شتي راني نافعاك
لغالية : نفعا تا خوك دابا تبليسيه ههههه (بقات كتجمع معاهوم ، تا سمعات تقرقيب ضارت لقاتها ياسمين لي فاقت) يالاه نخليكوم دبا بونوي (قطعات معاهوم او مشات قربات لياسمين)
ياسمين : (شادة فراسها) أي راسي
لغالية : بلاتي نجيبلك دوا تشربيه
ياسمين : (قفزات ملي سمعات صوت) شكون نتي
لغالية : (شعلات ضو حيت كان طاح ضلام) هادي أنا
ياسمين : لغالية ؟
لغالية : (تلاحت عليها معنقاها) هادي انا الحبيبة ديالي
ياسمين : (وقفات مستوعباتش شنو طاري ، بدات تمشي وتجي فلبيت او تخربق فشعرها) كي درتي ليها ، ماشي مهم (رجعات عند لغالية معنقاها)
لغالية : لحبيبة دعمتها توحشتك (كدوزلها يديها بحنية على وجها وعنيها مغرغرين) كبرتي
ياسمين : كبرنا تا نتي مابقيتيش كي كنتي
لغالية : واه عارفة زيانيت (مداتلها دوا او بلاطو فيه لماكلة) شربي هاد دوا او كولي غيكون فيك جوع
ياسمين : (كان فيها جوع طاحت على لماكلة عمية تا سلاتها) ايمتا جيتي
لغالية : جيت لبارح فصباح
ياسمين : على قبل جدة ؟
لغالية : لا على قبلك
ياسمين : مكانش خاصك ترجعي هاد دار ماشي شبلاصة كيرجعو ليها ناس
لغالية : ياسمين
ياسمين : نعام
لغالية : (تكات حدا ياسمين فوق ناموسية او طفاو ضو) فين عمك شتو غابر واش مصافر
ياسمين : خالي مشا من نهار لي مشيتي فيه نتي الغالية
لغالية : شنو ؟ (حسات بقلبها ضرها او عينيها تغرغرو) شنو وقع لمحسن أياسمين
ياسمين : (تنهدات)
#فلاش باك#
قبل 5 سنين هادي محسن لي كان باقي دري صغير فأوائل مراهقتو ، لموسطاج عاد بدا كيبان ليه او صوتو كيغلاض ، داخل فرحان هاز معاه صاكو لي عامر حوايج او حداه خالتو منى
مريم : (حلاتلهوم لباب) مرحبا مرحبا خالتي منى دخلي
منى : ارحب بيك لخير
محسن : (دخل لدار فرحان او غا كيقلب بعينيه) لغالية وا لغالية (دخل عليهوم لصالون بلا سلام بلا كلام) فين لغالية
سليمان : (غا ذكرليه لغالية قندشها) قول أبعدا غا سلام
محسن : (كيضحك بلاهة) وايلي الواليد تقول غبرت عليكوم سنين غا شهر هههه ، وا طلقوني فين لغالية مي
كلتوم : (عنيها محجرين بدموع او غا ساكة)
محسن : ياكما خرجات واخة عارفاني ليوم غنرجع
عبد الله : (غوت عليه) متبقاش ذكر ديك قليلة لعفة فهاد ضار
محسن : تا واش من نيتك داوي كفاش قليلة لعفة جمع راسك الخوادري
منى : (شافت فكلتوم) ختي دوي شتك ساكتة تي فين لغالية
ناصر : لغالية تزوجات اخالتي
محسن : (طرطق ليهوم بضحك) ههههههه لواه ولدات عندك معا كنز اخويا
سليمان : كيما سمعتي تزوجات او سميتها تنسا فهاد ضار (خرج زاعف عليهوم)
محسن : (حس بدنية ضارت بيه طلع نيشن عند ياسمين لبيت ، لقاها ݣالسة كتبكي فلقنة) ياسمين حبيبت عمو قوليلي شواقع فين لغالية
ياسمين : (تلاحت عليه معنقاه) عمي لغالية هئ لغالية ….
محسن : (حدها سلات كلامها لقا راسو عند رجلين مو كيدوي او دموع نازلين ليه كيف شلال) ممتي قوليلي داكشي لي قاتلي ياسمين كدوي ، قوليلي مفرطيش فلعزيزة لغالية ، قولي لي ياممي بلي كضحكو عليا وماديروش هاكداك فلغالية (كلتوم غا ساكتة) دوي امي دوييي متسكتيش
محسن لي كان كيزاوك فميمتو تقوليه غا كدوب لقا راسو فلأرض او خوه من فوقو كيضرب فيه
عبد الله : سكت متبكيش على ديك لكلبة سمعتيني متبكيش راجل مكيبكيش
محسن : (بعد عليه عبد الله او ناض جاعر) بعد عليا ييه انا ماشي راجل غا رض ليا لغالية هئ خالتي شفتيهوم شدارو لغالية شتيهوم آش دارو لختي شتيهوم آش دارو يعلم الله حالها وشنو جرالها
منى : (نهارا بلبكا كدوي وضرب فسدرها) الله ياختي وشنو درتي فبنتك ، الله ياختي وشنو درتي فكبدتك ، الله ياختي واشمن وجه غتعطي لربك ونتي فرطتي فكبدتك ، الله ياختي وكي تنعسي وكي تفيق وبنتك دمها على عتبتك ، الله ياختي وخليتيها لا حنين ولا رحيم
محسن : (رجع زاحف عند مو) قوليلي امي راك ضحكي معايا قوليلي راك مخليتيهومش إيديرو فيها مدارو ، كدبي ياسمين او قوليلي بهاد ليدين منعتيهوم او قلتيلهوم لا تقيسوشاي بنتي انا عارفاها ونا متيقاها ، (ملي لقاها مدواتش او غا كتبكي بعد عليها او وقف) عطلتك خاطرك أمي ديري فيها مادرتي وهي لي كانت تحطك بين عينيها ، عطاتكوم خاطركوم ديرو فيها مادرتو وهي شوكة هي لخرة الى شكاتها تبكي تا يتنفخو عينيها ، عطاتكوم خاطركوم ديرو فيها مادرتو ، عطاتكوم خاطركوم تشوفو دموعها وتسيلو دمها (شاف فيهوم شوفات تا لحقد) سمحتو فلغالية روح محسن ، من ليوم لا نتوما تعرفوني ولا انا نعرفكوم
ناصر : لما وشطابة تال قاع لبحر سير تا ترجل أبعدا وجي
كلتوم : (غا سمعات كلامو ناضت عندو) هئ هئ هئ الله اوليدي لاديرشاي فيا هاكدا لاتحرݣنيشاي عليك راني محروݣة على ختك
محسن : حرݣتيني يامميتي فلعزيزة لغالية ، كنت نقولك قيسيني يامي فعيني ولاتقيسينيش فلغالية ، هئ هئ هئ كويتيني يامي وكيتي عمرها تبرا لانا قاد على صخطك ولا انا قاد على قربك اميمتي ، لغالية أميمتي لي ماتقد على برد ولا صيف صيفطيها عند لبراني وهي تا خوتها ماتهزش فيهوم لعين ، لعار امي لما قتليني وهنيني لعار امي لاتعدبيني بفراقها
كلتوم : برا ولباس عليك اوليدي هئ هئ هئ ماتقولش لموت على فمك ، نموت انا وليدي لا مشيتي عليا تا نتا نموت
محسن : كون تقتليني يامي وماديري فيا لي درتي لغالية يا لغالية مك او فرطاتفيك ، يا لغالية مك لي كنتي تقولي غلا مني ماعند مي ، ها هي باعتك برخيص آلغالية ، لعزيزة آ لعزيزة بفراقك قتلوني يالغالية (بعد عليها هاز ساكو وزاد فحالو) عزكوم غرقو فيه ماني منكم ولا نتوما مني
كلتوم : ختي دوي معاه عافاك
منى : (شافت فختها او ولاد ختها بشمئزاز) ماني ختك مانتي ختي لي تفرط فكبدتها ماتقربني ما تجيني ، خصارة دم لي جامعنا و خسارة لكرش لي ولداتنا (خرجات تا منى فحالها مطولاتش عندهوم)
#نهاية لفلاش باك#
لغالية : (دموعها سالو او لعافية شعلات فقلبها) الله عليك يالغالي واش جرالك واش جرالي
ياسمين : احسن حاجة دار ملي مشا (عنقات لغالية ودوات) لغالية
لغالية : حبيبة لغالية
ياسمين : عاوديلي شي قصة
لغالية : شمن قيصة نعاودليك ونا عارفة غا قصتي
ياسمين : عاوديها ليا
لغالية : آه على قصة لغالية قصة منين نبداها او منين نوخرها ، ولكن لكل قصة بداية ومنها نبدا حكايتي (تنهدات لغالية وكملات لهضرة)
حكايتنا كتبدا بعئيلة سي سليمان تاجي (65 عام) ، راجل حياتو كاملة دوزها فلعسكر داكشي علاش كانت لعئيلة معروفة بطسيلة لعسكري ، كان راجل قاسح او معندوش معا كترت تملاغ أهم حاجة عندو شرف او السمعة ، تزوج بكلتوم لمارا لقارية ولواعية لي صغر منو ب5 سنين ، لمرا لي تخلات على كولشي باش تكون معاه ، زواجهوم لي دام كتر من 41 عام او لي تزادو فيه ولادهوم ، كبيرهوم كان هو عبد الله لي فرح بيه سليمان حيت دري ولفرحة مقداتو عندو 40 عام تزوج مريم بنت جيران او ولد ماعاها ياسمين ديك لبنت طايشة ، او من بعدها جات نهيلة عاد سي يوسف واخيرا ترزق بالراجل ههه.
ناصر كان هو دري التاني لسليمان عمرو 38 عام مزوج بسعادة عن حب او والد معاها جوج أمين او يسرى ، عاد كاينة لبنت لولة تاع كلتوم فرح عمرها 26 عام بنت كتشبه لمها عكس دراري لي كيشبهو لباهوم ، بنت زوينة تزوجات براجلها مهند او ولدات معاه نوفل .
عاد كاينة بنتنا لغالية ضرافات او صواب عمرها 20 عام ، او موراها بعام جا خوها محسن ضاسر او لمشاغب مول تحراميات ، هو ولغالية بحال توام كانو يعيطولهوم غا قشبال او زروال إيديرو لمصيبة بجوج او ياكلها غا محسن حيت تا واحد مكان اقدر اقرب لغالية ولا يهز عليها ليد ، كبرو بجوج مشاو لمدرسة بجوج بكاو او شكاو على بعضياتهوم بجوج ، يمكن حيت كانو مقاربين داكشي علاش حنان على بعضياتهوم ولا يمكن حيت محسن مكانش بحال خوتو
من بعد ما عرفنا عئيلة سليمان جا لوقت لي نبداو فيه قصة لغالية
#فلاش باك (قبل 5 سنوات)#
فدار سي سليمان كانت لكوكوط غا كتصفر ، او لغالية مشغولة معا تسياق تاع دار كانت مراهقة رقيقة او دايرة لفولار او لابسة طويل تا فدار
كلتوم : لغالية وا لغالية
لغالية : نعام أمي
كلتوم : شكاديري
لغالية : أراني كنسيق امي
كلتوم : سربي أبنتي طفي لكوكوط دبا تحرق
لغالية : واخة (حطات سطيلة تاع لما او مشات بزربة لكوزينة طفات لكوكوط او طلقات عليها لما تبرد) الله الله على ربي متكونش تحرقات (حلات لكوكوط بعدما بردات شويا وبدات كتشوف داكشي لي وسطها)
كلتوم : (جاية عندها كتجري) ياكما تحرقات
لغالية : لا متحرقاتش ولكن على شوية
كلتوم : صافي رجعي ابنتي كملي ديك روينة تاع تسياق ليسدق زالق شواحد تما
لغالية : واخة واخة (رجعات لدروج كملاتو او جففاتو عاد دازت لباقي دار تا رضاتها كتشعل) ياسمين آ ياسمين
ياسمين : نعام الغالية (خرجات من بيتها وجات عند لغالية كتجري)
لغالية : قوليلي غا فين كتغبري خرجتي التمارين دياولك ، غيسولك خويا و يقربلها عنا عاود
ياسمين : راني خدمتهوم غا تهناي
لغالية : (بتاسمات ليها) هاكداك نبغيك ههه
مريم : لغالية ، ياسمين نزلو تغداو يالاه
لغالية : ها حنا هابطين (نزلات هي وياسمين لتحت اتغداو حيت كان كولشي ضار بطبلة)
سليمان : (تسنا كلتوم تا قطعات لخبز عاد مد يديه لماكلة هو لول) بسم الله بداو لماكلة
محسن : (كان ݣالس بين لغالية وياسمين) ها لملك دشن لوبيا عطيو تحية وبداو
لغالية : (حابسة ضحكة) سكت المصيبة دروك اينوض عندنا بلقنبول عاود
سليمان : شكاتوشوشو تما ياكما معاجباتكومش لماكلة حمدو الله أنا فاش كنت ف…
ياسمين : ها هوا بدا عاود ديك الاسطوانة ديالو
محسن : سبق باه او دوا ، كنتي فصحرة وتلج كطيح عليك مخالط معا رصاص ، كان فيكوم جوع لدرجة كنتو كتهزو رملة او تخلطوها معا زيت وتاكلوها بحال زميطة نسيت شي حاجة الواليد
لغالية : (مقداتش تحبس ضحكة وطلقاتها) هههههههه ناري حفضتيه
عبد الله : (خنزر فيها) كضحكي عاجبك لحال ، مكفاتكش ديك لفضيحة لي جبتي فلونݣلي
لغالية : (جمعات مسكينة ضحكتها عرفات واحد لمحاضرة على قدها أتبدا)
سليمان : مالك شحال جابت
عبد الله : مشيت سولت لاستاذ ديالها قالي جابت 13 فيه بهاد نقط باش باغة دخلي لكلية طب أدوي الحاجة مواتاك غا ضحك
سليمان : لغالية شهادشي أدوي ، نقصناك من شي حاجة
لغالية : (تزيرات او قريب تبكي ، حركات ليه راسها بلا)
سليمان : ايوا مالك مابغاش تا تقراي أدوي
محسن : لواليد شنو فيها 13 مخيرة ݣاع
ناصر : باك كيدوي معاها نتا سكت البجغوط
لغالية : (كمل ليها باها ديك لمحاضرة ودموعها بداو غا كيسيلو مقداتش تمنعهوم ، او مابقا عندها خاطر لماكلة)
عبد الله : كتبكي ؟ باش نافعك لبكا دبا أدوي
كلتوم : (دوات معاها بشوي) مسحي دموعك او نوضي لبيتك ماحدو مكعاش انوض اخلطك
لغالية : (ناضت طلعات لبيتها تبكي على خاطرها)
سليمان : (حدو شاف محسن بغا يتبعها زاد دوا) ݣلس كمل غداك
محسن : (مابقا عندو خاطر تسنا واحد شوي او طلع عندها لبيت ، لاقي عينيها تنفخو بلبكا ݣلس حداها او مد يديه كيمسح ليها فدموعها) متبكيش الغالية دموعك مخصهومش انزلو بسباب داك كحل لعفطة
لغالية : (قربات عند محسن او عنقاتو)
محسن : تا داك ولد الواسعة تاع مول لونݣلي نقطة هاديك لي يحطليك او أنا شخصيا لي معلمك لونݣلي
لغالية : طر عليك نتا وديك لونݣلي ديالك بقيتي عليا ألوڤ يو أ كيس يو ، كون عولت عليهوم كان احطلي سفنج
محسن : ههههه كون حطلك سفنج اتلقاي خوك شداتو كريز ايفيق ايبقا يقولهوم I love you او يرجع اتمغطلهوم تما
لغالية : ههههههه سكت مضحكنيش
محسن : يالاه نوضي تݣعدي مسحي عليا خناينك او لبسي نخرجو
لغالية : (كانت وصلات حدا لماريو) لبس لكحل ولا زرق
محسن : لعفو ضحكنا معاك هجرتيهنا
لغالية : فين غنمشيو هاد لمرة
محسن : انطلعو لغابة نشوفو توام تاع دوك جوج خوتك
لغالية : بصح انمشيو نشوفو سبع
محسن : شوف لفم لي كيقول سبع لواه لغزال ، انشوفو لحلالف او جرات قاتلك سبع
لغالية : مذكرش جران كيتبورش عليا لحمي
محسن : وايلي على كيتبورش عليك ملاحتهاش زعما متاكلي معاهوم عادي
لغالية : سكت دبا يسمعوك
محسن : سربي لبسي
ياسمين : فين غادين
محسن : (قفز) واش تي مكديريش لحس خالعاني
ياسمين : فين غاديين
محسن : لغابة تمشي معانا
ياسمين : لا غا سيرو نتوما
محسن : او مالكي فارعانا راسنا بلاسئلة إيلى مغاداش
ياسمين : لفضول او صاف
محسن : أجي نتي اسليحفانة شت هضرتك ولات مرزنة
لغالية : وراها كبرات عاد
محسن : (خربق لياسمين شعرها) دارت عقلها قبل مادير زين
ياسمين : بزاف عليك أنا زوينة
لغالية : (شدات وجها بين يديها كتعجن فحناكها) زين ديتيه غا نتي الحبيبة ديالي نموت انا فلعنين عسليين
لبسات لغالية عليها وخرجات هي ومحسن بسليت متوجهين لواحد لغابة كيݣلسو فيها ناس ، شافولهوم واحد لبلاصة فيها ضل او ݣلسو فيها
لغالية : (مستمتعة بلجو) الله على جو كيف داير كيفتح نفس
محسن : لغالية
لغالية : هممم
محسن : نسولك
لغالية : سول
محسن : كفاش باغة راجلك ايكون
لغالية : (طلعات معاها لحمورية) سكت الله امسخك شمن راجل
محسن : تي غا دوي باركة من ديك لحشومية
لغالية : لاش باغي تعرف ؟
محسن : وغا بغيت نعرف او صاف
لغالية : تيقتك تا تقولي عاد نقولك
محسن : وغا قولي ونقولك
لغالية : احم بغيت شي واحد ايكون كيبغيني ومكيشوف تا وحدة من غيري ، كيغير عليا ولكن مكيحبسنيش نقدر نحس بلخوف او لحشمة وضحك او لغضب ونا معاه ، شي واحد الغيني لمجرد ما أنا لغالية
محسن : إيهيه او زين او طولة
لغالية : معرفتش بضبط طويل كبير عليا فلعمر من طبيعة لحال زينو مغاير
محسن : صاف مشات لي تلاقيتو بهاد لمواصفات نساليها معا مو
لغالية : هاه ؟
محسن : مالك ياكما يسحابليك انا هو نسيم لحر نمشي نقلبليك عليه ، غنفضيها ليه باش تبقاي معايا وحدايا
لغالية : هههههه هبيل ، ونتا شنو لمواصفات لي بغيتي
محسن : هممم شي وحدة شي وحدة تكون عند باها على من روحو او يكون طحيح او كيتعصب ياختي كيتعصب
لغالية : وعلاش زعما
محسن : حيت بغيت الى جا ليوم لي غلط ولا قصرت فيه فحقها لقا باها قدامي املخ جدي عصا
لغالية : ههههههه بنتيلي طايح فباها ماشي بنتو
محسن : لغالية تقبلي تزوجي بشي واحد مكتعرفيهش
لغالية : موتي غتكون هونلي من اني نتزوج واحد مكنعرفوش ونتا تقدر تزوج شي وحدة كبر منك
محسن : مكنضنش انو لعمر كيشكل فرق عندي ، عادي تكون كبر مني فلخر غنكون تزوجتها حيت كنبغيها
لغالية : هاي هاي على محسن ولا عارف يدوي
محسن : تي راه حافضين غا هوا مكاينش معامن هادا مكان
لغالية : اوا الله اجيبليك معامن
بقاو ݣالسين فديك لغابة واحد شوي عاد رجعو فحالهوم لدار لغالية عاوناتهوم فلكوزينة قبل مطلع لبيتها تراجع ، او تنعس بكري حيت تابعاها لمدراسة
#فصباح#
فاقت لغالية معا ديك 7 وجدات راسها هي وياسمين وآمين او محسن فطرو ، وخرجو فحالهوم لمدرسة ، لغالية كيف عادتها دخلات معا محسن لقيسم حيت كانو كيقراو بجوج ، ݣلسات فطاويلة لولة بوحدها مكانوش عندها صحابات ديما بوحدها ، حيت بكل بساطة مكانتش حرة خوها عبد الله لي كيخدم استاذ تاع العربية فلمؤسسة ديالها ، ديما حاضيها وهادشي كيخلي لبنات ميزعموش عليها او هي حشومية ، لبنات كتبانلهوم متكبرة و مسمومة ، دوزات ديك لحيصة كاملة او تا دوك لحصص لي موراها منتابهة معا لاساتذة وشرح ديالهوم تا صونات ساعة لخرة ورجعات خرجات معا محسن
محسن : فين نمشيو
لغالية : نمشيو لقهوة ****
محسن : نموت او نعرف شكيعجبك فديك لقهوة
لغالية : ققهوة زوينة وصاف مالك نتا على كترت لأسئلة
محسن : صافي صافي يالاه (شدو طريقهوم لديك لقهوة كيف موالفين ، خداولهوم طبلة تما او جبدو كتوبهوم كيراجعو شوية او يشربو من لعاصير)
لغالية : (كانو عينيها غا كيضورو تا تحطو على واحد دري من دوك دراري لي كانو كيسربيو ، شاب زوين او بشوش لغالية حسات بحناكها كيحمارو او فعز اندواجها قفزها محسن)
محسن : لغالية مالك مريضة ؟ مال وجهك حمار (مد يديه كيقيس فيها)
لغالية : (شحطات يديه) يخليك بلخلى خلعتيني
محسن : (شاف جيهة فين كتشوف لغالية ورجع ضار عندها مبتاسم ابتسامة شيطانية) قول هادا هوا علامن كتبات لغالية فدفتار يومياتها ههههههه
لغالية : شمن دري ، آه قريتي لمذكرة ديالي مرا خرى المرض
محسن : لمذكرة ديالك بحال مذكرة لموت سمية لي تقيدات فيها كنبالي بيه ݣري ولا نعرض
لغالية : (كتهرب منو) شغتعرض
محسن : في بعض الاحيان كنت اتساؤل عن سبب وجودي في هذا لمكان هل هو لرؤيتك ام لرؤية لبحر ، انت ذلك الغريب الذي كنت ارغب في ان يبقى غريبا عني الى الابد ….
لغالية : صافي صافي سكت بلا فرشة
محسن : هههههه نضبرلك على سميتو نمرتو
لغالية : لا مابغيتش
محسن : شوفي وكان
لغالية : لا ماعندي ماندير بيهوم انا غا كيعجبني تعاملو وصافي
محسن : صافي أنا غنحضيهليك تا تولي كتبغيه او نزوجو ليك
لغالية : محسن صافي باركة راه قتلك مكنبغيهش
محسن : ملي مكتبغيهش يمكلي نبالي بيه
لغالية : (بقات صابرة صابرة تا عيات هي تنوض جمعات كارطابلها ومشات كتبكي)
محسن : (كان غا كيضحك معاها سعا دغيا مشات او خلاتو كتبكي ناض خلص بجرا وتبعها) لغالية ستناي (شدها من يدها)
لغالية : بعد عليا مبغيتش ندوي معاك
محسن : والله تا غا كنت كنضحك معاك (جرها لعندو معنقها) راني عارفك مكاتبغيهش غا ضاحك معاك ، اعجاب او صاف
لغالية : بعد عليا (كتحاول تبعدو عليها)
محسن : ههههه ايوا صافي راه مغنطلقك تا تسامحني ، سمحيلي بكيتك صافي (خدا وجها بين يديه أو باس ليها فوق عنيها وراسها)
لغالية : صافي واخة متعاودهاش ، او يالاه نرجعو فحالنا لدار
محسن : مسكون غا خاطرك الالة (مشا هو وياها رجعو فحالهوم لدار)
لغالية : (دخلات على مها لكوزينة بعدما طلعات لبيتها او بدلات عليها) مي
كلتوم : لغالية جيتي ابنيتي
لغالية : (مشات باست كلتوم فوق راسها) مي كاين ميتكال فيا جوع
كلتوم : راني خليت ليك من لوبية تاع لغدا سخنيها وكوليها
محسن : (دخل عليهوم تا هو لكوزينة) لوبية عاوتاني أمي
كلتوم : (بطنز) بلاتي ندير لوليدي لبسطيلة تبغيها بلحوت ولا بدجاج ؟
محسن : بغيتها بلبݣري
مريم : زعما تجي زوينة بلبݣري
لغالية : (كتدوي معا محسن بلهمس) واش تسطيتي كتدوي على لماكلة ونتا عارف بلي مريم حاملة وكتشهى
محسن : باش بغيت نعرف انا
مريم : (بدات كنحس بريوݣها هابطين) خالتي كاينة عندنا لورقة تاع لبسطيلة
كلتوم : الله يابنيتي ومتقوليليش تشهيتي لبسطيلة بلبݣري
مريم : (جاتها لبكية) زعما متجيش
لغالية : ماتبكيش ماتبكيش ها محسن غيمشي ايجيب ليا لورقة او نصايبها ليك ، محسن سير جيب لورقة ودابا
محسن : (ندم على نهار لي ذكر فيه لبݣري) هاني غادي هاني ، آمين يالاه تمشي معايا نتسخرو (جر معاه ولد خوه أمين او خرجو يقلبو على لورقة دلبسطيلة)
لغالية : مي كاينة شعرية صينية ولا نصوني على محسن ايجيبها معاه
كلتوم : راها كاينة شوفي فدوك لمجورة معا سلعة
لغالية : ايوا صاف انا غندير لبسطيلة ددجاج لعشا وندير وحدة صغيرة تاع لبݣري لمريم
كلتوم : نجبد ليك دجاج لي غديري فيها
لغالية : صافي واخة (ناضت بلاما تا تاكل و بدات كتقاد فلحشوة تاع لبسطيلة علاما رجع محسن بلورقة)
محسن : (رجع معا لورقة تاع لبسطيلة) ها صخرتكوم
لغالية : (شدات من عندو ديك لورقة وجبدات واحد صينية كبيرة دارت فيها لبسطيلة تاع دجاج او صينية خرى صغيرة دارت فيها ديك لبسطيلة تاع لبݣري ، دخلاتهوم لفران او مشات خرجات عند مها لبيت لݣلاس) مي هاني ساليتها وشعلتلها لفارن حضي معاها علاما نطلع انا نصلي لعشا راه فاتني ببزاف
كلتوم : صاف ابنيتي طلعي تصلي الله يرضي عليك
لغالية : (طلعات لبيتها لي مشاركاها معا ياسمين) ياسمين شتك ݣالسة بوحدك واقعة ليك شي حاجة ؟
ياسمين : (مكانتش تال لهيه ݣالسة فلقنت او غا ساكتة) لا والو
لغالية : (قربات عندها وݣلسات حداها مادة يديها لخدها) متأكد ؟ الى كانت شي حاجة مبرزطاك قوليها ليا متخبي عليا والو
ياسمين : (شافت فلغالية بفراغ) راه مواقع والو
لغالية : (مبغاتش تزيد تحكر عليها) على خاطرك الى جا شنهار بغيتي تعاودي تفكري بلي انا معاك ، غنوض نصلي انا صليتي نتي
ياسمين : صليت
لغالية : (كملات طريقها لحمام توضات او خرجات تصلي صلاتها ، عاد مشات هبطات لتحت طل على ديك لبسطيلة)
مريم : فين ياسمين ؟
لغالية : راها لفوق متكية فلبيت
كلتوم : مالها مريضة ؟
لغالية : بغات غا تكا شوية وصاف ، واش غا نطفي لعشا ؟
كلتوم : واه انزيدو شوية نيت او نتعشاو
سعاد : خالتي واش باقي شي تفاح
لغالية : راه باقي شوفي فشبكة لي فتلاجة
كلتوم : (تسنات سعاد تا خرجات عاد دوات) خصنا غدا نمشيو لسويقة نتقداو شي ديسير سعاد وحمها طاح غا على ديسير
لغالية : ههههه أجي مدويتيش امي معا فرح شتها منهار تزوجات مابقاتش كتسول بزاف
كلتوم : تي هاديك جاها زواج جديد ، تسالي ديك سبعيام دلباكور او تفكرنا
لغالية : ههههههه شكون قال فرح لهبيلة تزوج
كلتوم : فرح او تزوجات عقبان لبنيتي لغالية
لغالية : (طلعات معاها لحمورية) مي
كلتوم : هههههه اومالك باغة تݣلسي حدايا هنا تا تبوري غنزوج بنيتي ونغنيلها سعدي يلالة وفرحي يسيدي زوجة بنيتي وحيدت لومة عليا ، و عرسها يدويو فيه كولشي
لغالية : انا مبغاش نتزوج باقة صغيرة
كلتوم : (عنقاتها كضحك) تا انا مبغاش نزوج بنتي غنخليها حدايا نضفر ليها شيبها
لغالية : ماشي تال ديك درجة
كلتوم : ههههههه صافي صافي انزوجك قبل متشيبي
سليمان : كاين شي عشا
كلتوم : هاحنا غنحطوه دابة ضورو بطبلة
هزات لغالية لعشا حطاتو فوق طبلة وعيطات على ياسمين تعشا
عبد الله : (شاف فلبسطيلة لي كتاكل مريم) شتك ناقصة حقك بوحدك
كلتوم : مرتك تشهات لبسطيلة بلبݣري ودرناه ليها
عبد الله : كترت لفشوش
مريم : (تقرصات من هضرتو)
كلتوم : لاواه اوليدي متقولش هاكداك راك معارفش بحق لحبالة
عبد الله : الله يهديك امي باغة تولدلي لقايد خرتها بنت
محسن : او مالها لبنت بسلامة
كلتوم : (حمرات فيه او دوات بشوي) سكت دبا ينوض احيح عنا
محسن : احيح الى بغا يحيح بنادم تقول مقاريش نتا لي كتولد لبنات ماشي هي سير ضرب لفݣد فراسك
عبد الله : كتقلب على شي سلخة فهاد ليل
سليمان : محسن طلع لبيتك او دابة
محسن : (ناض زاعف) ها هوا نايض بناقص من شي عشا ، باغي دري تقول عندك لفدادن دزعتر
طلع محسن معصب لبيتو وماهي الى دقائق قليلة تا لقا لغالية تابعاه
لغالية : تا واش مابغيتيش دير عقلك بغيتيه تنوض عندك
محسن : (دوا مغدد) واش مشتيش داك ز**مل كفاش كيدوي قالك حݣا حاملة ببنت او مالها لبنت ، مراعا لمرتو لي متقلة إيقول غيجرحها ما قال بنتو قدامو كتسمعو شبغات تقول ياسمين ملي تعرف بلي باها مباغيش لبنات
لغالية : (كتحاول تهدنو) تكالما أمحسن راني باغة ندوي معاك نيت على ياسمين
محسن : مالها ياسمين
لغالية : (دوات حايرة) معرفتش ولات كتجيني فشكل غا ساكة ومكتدويش
محسن : متكونش زعما لمراهقة هاديك
لغالية : لواه شرف راه يالاه عندها 11 رعام
محسن : متكونش زعما عطاها لؤستاذ نقطة تاع لفرض او خافت تقولها راك عارفة داك باها
لغالية : زعما معرفتش
محسن : دوات معايا قبيلة خالتي منى وقاتلك نطلع عندها انا وياك ندوزو معاها لعوطلة
لغالية : مكرهتش ولكن راك عارف سعاد او مريم قريب يدخل شهرهوم اوتابعانا لحلوة وزميطة وديك روينة
محسن : نتي تعرفي
لغالية : ونتا غتمشي ؟
محسن : الى ݣلست فهاد ضار معا داك خوك غا غادي نطج بغيت نمشي نخيم فجبل معا شي دراري عاد ندوز عند خالتي نݣلس معاها شوي
لغالية : ميعادالكش تبقى بلاما تمشي
محسن : درت معا دراري ميعداليش نخوي بيهوم علاش
لغالية : معرفتش حاسة غتوقع شحاجة ملي تمشي
محسن : (ربت لها على راسها) ههههه شغايوقع ݣاع غتزوجي بلاما نحضرليك هههههه
لغالية : شكون عرف راني قتلك الى مشيتي وخليتيني غنتزوج او نخليك
محسن : ههههههه متقديش تزوجي بلا خوك
لغالية : وعلاش زعمة
محسن : شكون غيشطح فعرسك إلى مكنتش انا
لغالية : قنعتيني ههههه نخليك دبا انا نمشي نعس
محسن : تصبحي على خير
لغالية : ونتا من أهلو
محسن : لحاجة شاك غادية نيت
لغالية : (براءة) علاش محتاجني فشي حاجة ؟
محسن : ههههه طيليفوني اشطانة شتو فجيبك
لغالية : (شافت فجيبها) ياه سبحان الله كيدار تا جالجيبي
محسن : كان بغا يتشارجا ياك
لغالية : دير راسك مشتيهش
محسن : فاش محتاجاه
لغالية : راك عارف غدا اول نهار فلعوطلة يعني يمكلي نسهر شوي ، وبغيت نشد فيه راديو حيت راديو لي عندي فلبيت خسر
محسن : ههههه واخة واخة نتي وداك نسيم الليل شي نهار لقاك كتعاودي فيه نتي نيت
لغالية : كيعجبوني لقصص لي فيه او صاف
محسن : كون درتيلي الراي خليني نشريليك طيليفون خبيه مشافنا حد
لغالية : لا لا الى لقاه عندي عبد الله ولا ناصر غيقتلوني يقولو واش كندوي بيه معا شي حد أو راك عارف با كيف داير تا هو غيتعصب عليا
محسن : صافي ، فكريني غدا قبل منسافر نمشي نصايبليك راديو ديالك تلقاي باش تونسي
لغالية : (تلاحت عليه بتعنيقة) شكرا
خرجات لغالية من بيت محسن فرحانة ، رجعات لبيتها ومشات تكات حدا ياسمين عاطياها واحد لودن من ليكوط او واخدة هي ودن وبقاو كيسمعو فلقصة تا داهوم نعاس
#بعد مرور 3 ايام#
كان لقا لحال محسن سافر عند خالتو منى مخلي لغالية حاصلة معا مها وختها وعيالات خوتها ، فتوجاد تاع لحلوة ماكتخرج ما كدرج حيت أصلن محسن لي كان كيخرجها سافر
لغالية : (لي كانت مشغولة معا لغسيل دلماعن سمعات خوها ناصر كيعيط عليها بجهد )
ناصر : لغالية (عيط بلغوات)
لغالية : (بدات كترعد او غا كتقفقف معرفاتش تا شدارت دموع بداو كينزلو ليها)
كلتوم : شواقع لغالية درتي ليه شي حاجة
لغالية : (حركات ليها راسها بلا)
ناصر : (جا قاصدهوم لكوزينة او فيديه واحد دفتار) نتي هنا
كلتوم : ولدي شواقع
ناصر : شواقع ؟ نسولو ديك لمصونة دبنتك أدوي الغالية هادو هوما فعايل بنات لآصل
لغالية : (مجات فين تدوي تا لقات راسها مجرورة من شعرها لرحبة) خويا عافاك هئ هئ هئ مادرت والو اخويا والله
كلتوم : (تبعاتو هي وفرح او عريساتها) طلقها اناصر شكادير طلقها (كتحاول تفكها)
ناصر : (غوت تا جا عندهوم سليمان او عبد الله كيجريو)
سليمان : شواقع ؟
ناصر : لكلبة تاع بنتك ، لمصونة لعفيفة شوف شنو لقيتها كاتبة (لاح داك دفتار لعبد الله ، ورجع هوا كينتف فيها ويطرش) باغا تشوهينا باغا تمرمدي وجهنا فلأرض أدوي (عاود صرفقها) آدوي الكلبة
لغالية : (كتبكي وتزاوݣ فيه اطلقها) لعار اخويا مطلقني راني مدرت والو هئ لعار
فرح : (كتحاول تا هي تبعدو) الله يهديك طلقها
كلتوم : طلقها يا لمسخوط واش باغي تقتلها طلقها شدارت ݣاع
ناصر : شدارت ؟ قراي شكتبات او تعرفيها شدارت
عبد الله : (حد سالا لقرايا لقا راسو قاصدها بواحد لبونية لكرش تا طاحت مكوانسية وبقا عليها بركول ممخليهاش تا تدوي) باغة ترضيني ضحكة بين لي يسوا ولي ميسواش ، باغة طيحي بينا لارض الق**بة (لاح لمو دفتار) قراي شكاتبة قراي
لغالية : (شدات فرجل خوها كتبكي) عافك اخويا خليني غا نشرحليك هئ هئ هئ والله تا راك فاهم غلاط
عبد الله : (تحنا عندها شادها من شعرها) شغاتشرحي أدوي شغاتشرحي ، الق**بة شغاتشرحي ݣالسة كتمعشقي مور ضهرنا أدوي
لغالية : با آ با لغالية ماديرهاش أبا
سليمان : قطعي حسك منسمعكش (نزل عليها بطرشة) ديريها بيا البرهوشة آنا ديريها بيا ولكن ميفكك مني غا لموت (بلاعصاب لي شدوه نزل قاجها وهي كتفركل تحتو) ليوم نقتلك الخانزة ليوم نقي راسي من وسخك ، كاتعطبه بلفابور الكلبة
لغالية : (نفس بدرع باش كتاخدو زراقت او عينيها كانو غيخرجو من بلاصتهوم ، شافت فمها حتسنا منها تفكها ، سعا هيهات مها غا قرات دوك لوراقي تسمرات متحركاتش دموعها كينزلو وعقلها ممتيقش بنتها دير هاكداك) با ….. عافاك
سليمان : (طلقها) ماشي باك كتسمعي ماشي باك ماعنديش ق**بة بحالك كتسمعي (وقف معصب او مد يديه جارها من شعرها تا دخلها لواحد لبيت ، اكمل على مابدا هو ولادو)
لغالية : (لي تحاماو عليها خوتها فلبيت هالي يصرفق هالي يركل هالي ينزل عليها بصمطة وهي غا كتزاوݣ او طلب تا سخفات)
كلتوم : (شداتها دوخة وݣلسات شادة فراسها) الله واش درت أنا تا نتجازا بهاكدا الله ياربي ومناش خرجاتها هاد لفضيحة
مريم : (تخالطاتلها لخلعة معا لحبالة) شدارت ديك لموصيبة تا دارو فيها ديك لحالة سخفاتني غنطيح لي فكرشي بمسبتها
سعاد : لقضية فيها دري زبلاتها صݣعة
سليمان : (خرج من لبيت عرقان )
كلتوم : سليمان
سليمان : سكتي منسمعش حسك شتي تضسار ديالك فين وصلنا
عبد الله : شغانديرو معاها دبا
سليمان : بغات غا طيران انا مولاه
لغالية لي كانت باقة سخفانة بدات كتحل فعينيها بشوية ، حسات بيدين صغار شادين فيها عرفاتهوم تاع ياسمين
لغالية : ياسمين
ياسمين : (بصوت مخالط معا لبكا) لغالية فقتي
لغالية : (كتحاول تنوض من لارض ولكن مقداتش عضامها ماهزوهاش) آي
كلتوم : (دخلات عليها صاعرة) هادو هوما فعايلك أبنت كرشي
لغالية : (بدات كتبكي من جديد) مي سمعيني عافاك
كلتوم : سكتي متسمعينيش صوتك سكتي (كضرب فخاضها) درتيها بيا يابنيتي هادي هي تيقتي ، نوضي نوضي (مشات كتنوض فيها بزز او جراتها طلعاتها لبيتها سادة عليهوم لباب) حيدي سروالك
لغالية : هاه ؟ مي كضحكي ياك نتي ممتيقاش بلي انا غندير شي حاجة مورا ضهركوم ، هئ هئ هئ مي والله تا …
كلتوم : (شداتها بواحد لقرصة تا طيرات لها جردة) حيدي سروالك نقلبك نشوفك شمطرية ديك ساعة ندويو
لغالية : لا لا مغتقلبينيش انا مدرت والو هئ هئ هئ والله امي مادرت والو
كلتوم : مابغيتيش بلخاطر فرح (عيطات على فرح او عريساتها لي دخلو عندها بزربة شادين لغالية لي غا كتفركل)
لغالية : لا لا متقربوش مابغيتش انا ماشي ق**بة باش تقلبوني (حكموها مزيان او نترولها سروالها وسليپ حالين ليها رجليها بزز عليها ، وهي غا كتغوت او تبكي)
كلتوم : (بدات قتقلب فيها من لقدام او لور تشوفها واش باقة عزبة ولا لا)
فرح : امضرا امي
كلتوم : لحمد الله باقة طلقوها
لغالية : (انفوا طلقوها ناضت جامعة عندها رجليها كتبكي ، حسات براسها مكتسوا والو لدرجة شكو فشرفها او عفتها ، عطاتهوم خاطرهوم اقلبوها بحال لعا*رة ، نطقات لغالية بحرقة) هادا ما سويت عندك امي هئ هئ هئ
كلتوم : شكون هادا ؟
لغالية : ماعرفاش
فرح : كفاش معارفاش واش من نيتك
لغالية : ماكنعرفوش حيت مابيني وبينو والو
كلتوم : مابينك او بينو والو او كاتبة عليه أدوي (نقزات عليها كتفتفها وتعض فيها) كضحكي عليا حاسباني برهوشة (شداتها بعضة من حنكها تا طراسات فيها سنانها ، ورجعات مكنلاها نتيف او طرش) سيري أنا صاخطة عليك دنيا ولاخرة ماعنديش بنت بحالك بغيتليك لموت اهنيني منك الكلبة
سعاد : صافي اخالتي باركة عليها شوفي حالتها
كلتوم : بيتك متعتبيش برا عليها تا نشوفو شنو نديرو معاك (خرجو وخلاوها معا ياسمين لي حضرات لفيلم من لول تال لخر كاملها كانت كترعد او مخلوعة)
ياسمين : (قربات عند لغالية بشوية) لغالية هئ هئ هئ
لغالية : (جرات ياسمين عندها معنقاها تبكي عليها) شتيهوم أياسمين شدارو فيا تا واحد فيهوم متيقني هئ هئ هئ تا واحد فيهوم ماسمعني تا واحد فيهوم محاول اتيقني تا من ميمتي ، فينك امحسن هئ هئ هئ جي تشوف شدارو ليك فلغالية
ياسمين : صونيت عليه مكيجاوبش طيليفونو طافي
لغالية : (بقات تبكي فسكات مكمدا حرقتها لقلبها وياسمين داها نعاس حداها) ياربي راك عالم بلي بيا رحمني راهوم ضلموني ، ياربي صبرني على غدرهوم ياربي راه لعافية شاعلة فقلبي مادرت لا بيدي لا برجلي ، ما دويت معاه ما عرفت سميتو ولا بغيتو ، ياربي راك عارف لي جاري وعارف بلي ماتصاحبت معاه ما عرفني ما عرفتو راهوم غا ضاليمي وغالطين فحقي
كلتوم : (دخلات على راجلها سليمان لبيت) سليمان
سليمان : (شاف فيها عاقدهوم) امضرا شفتيها
كلتوم : واه قلبتها راها باقة عزبة
سليمان : متأكدة ولا غا كتغطي عليها
كلتوم : لا والله ما كنكدب عليك
سليمان : (بطنز) ايوا لحمد الله حصلناها قبل متعطيه
كلتوم : (قربات من سليمان ݣالسة محداه) شنو ناوي دير معاها اسليمان
سليمان : مقاتلكش شكون هاد ز**مل ؟
كلتوم : لا مقالتش كتقولك معرفتوش
سليمان : (زاد صعر) واش كضحك عنا ديك ابرهوشة كفاش معارفاهش او هي كتمشي عندو لقهوة وكاتبة عليه ، حاسبانا شماية ولكن الله لا دوزتهالها
كلتوم : (بخوف) شغادير اسليمان
سليمان : ليد لي تخوي بيا نقطعها ، ولبنت لي طيح بيا نزوجها
كلتوم : هاويلي اسليمان على تزوجها لبنت باقة صغيرة ، راه غا طيش دصغر هادا ، دابا دير عقلها
سليمان : طيش دصغر ؟ مالها غا هي لي شاداها لمراهقة ، عندها 15 او شوف شدارت الى خليناها تا كبرات شغادير تجيب لكرش
كلتوم : شوف اسليمان راك غا معصب نوض صليليك شي ركعات تهدن شوي
سليمان : خرجي نتي داك سوق بغات طير او ترضني ضحكة بين لي يسوى ولي ميسواش ، انا غنوريها طيران كيف داير
كلتوم : (بدات تبكي عليه او تزاوݣ) لعار اسليمان لما ستغفر ربك او ماديرش فيها هاكدا دروك دير عقلها
سليمان : راني قلت هضرتي صافي سدينا (خلى كلتوم كتبكي بوحدها وهز هو طيليفونو مصوني على واحد صاحبو) ألو حسن
حسن : شوف شكون مفكرنا فينك اهاد الراجل
سليمان : بغيت ندوي معاك ضروري
حسن : الله اسمعنا خير
سليمان : هاد لهضرة ماشي تاع طيليفون الى كانت عندك شي وقيتة هاد لعشية نتلاقاو
حسن : نتلاقاو دابا نيت راني فلقهوة لمعهودة
سليمان : هاني لاحق عليك دابة نيت بسلامة ( مشا بزربة هز سوارت تاع طونوبيل او زاد فحالو لديك لقهوة)
حسن : (راجل موقر او محتارم ، شادليه واحد طبلة مقنتة فديك لقهوة كيشرب فآتاي ، ناض وقف باش اسلم على سليمان ملي شافو جاي عندو) سلام عليكم
سليمان : وعليكم السلام (ݣلس حداه)
حسن : تشرب شي حاجة
سليمان : لا لا جيت غا نطلب منك شي حاجة
حسن : تفضل
سليمان : قلتيلي ديك نهار بلي كتعرف شي سيد او كتقلبلو على شي بنت لزواج
حسن : اييه وشنو ؟
سليمان : قوليه الى بغا يتزوج بنتي
حسن : شمن بنت عندك اسليمان لزواج بسلامة
سليمان : (دوا بقرف) لغالية
حسن : لغالية ، آشنو كيفاش لغالية واش تصطيتي راه هاد سيد لي قتلك فايت ربعين
سليمان : ايكون تا فسبعين مكيهمش لموهيم هوا يقبل بيها او يتزوجها نتهنا
حسن : (مافهم فيه والو) هدا هدا كفاش اتزوجها ، واخة تكون عندو تا ربعين ، تهنا ، شرح ليا راني مفهمت والو
سليمان : ديك صݣعة لقيتها كاتبة على واحد دري فلمدكرة ديالها
حسن : ايهيه كمل
سليمان : شغنكمل كتر من هكدا كنقولك كاتبة على شي حد المذكرة ديالها ونتا كاتقولي كمل ، بغات تشوهني بنت لهم
حسن : (صعر على سليمان) منيتك الشريف داوي حصلتيها معاه
سليمان : لا وهي كتقولك مكتعرفوش يسحابلها انا برهوش
حسن : او مالك مطير صافي غا حيت كتبات عليه علاه لواحد مابقا يكتب او زيد لبنت باقة صغيرة تكون غا شافتلها شي واحد فلمسلسل او كتبات عليه
سليمان : كنز عليا ليوم تكتب عليه غدا شغادير لبنات لي خارجين طريق ماعندي ماندير بيهوم ، او دبا غتدوي معاه ولا نمشي ندوي ليا معا شي حد آخر
حسن : لا حول ولا قوة الا بالله رسا رسا فين غتمشي هادا خر كلامك ندوي معاه
سليمان : واه
حسن : انا غندوي معاه ولكن ماشي على حسابك على حساب ديك لبنية لي متستاهلش تكون باها ، علأقل هو عارفو غيتهلا فيها وميفرطش
سليمان : راك غا داوي كون كنتي فبلاصتي كنتي ..
حسن : كنت غنتيق بنتي ويلى غلطات توريها طريق ماشي نتكرفس عليها او نبيعها برخيص , انا غنمشي دبا غدا نرض عليك لخبار (وقف حسن وزاد خلفة معا طريق بلاما يدوي ݣاع معا سليمان ، ركب طونوبيلتو او مشا متوجه لواحد لهرية كبيرة جات على شاريع) السلام عليكم
اكسيل : (لي كان كيعاون دراري فتستاف سلعة ، سمع صوت حسن او ضار عندو) حسن
حسن : مسالي ليا ولا نجي فوقت آخر
اكسيل : كملو تستاف تاع هاد لكراطن علاما نرجع(حط داك صندوق لي فيديه قبل ميمشي عند حسن) مرحبا
حسن : (سلم عليه سلام رجولي) فين هاد لغبور
اكسيل : غا معا تمارة وصاف
حسن : بغيت ندوي معاك فواحد لموضوع
اكسيل : زيد نݣلسو لهيه او ندويو (مشا بيه لواحد لبيت فديك لهرية فيها شي كراطن دسلعة او شي فوطويات كيݣلسو عليهوم لخدامة باش يرتاحو) شنو تشرب
حسن : لا بلاش جاي غا ندوي معاك
اكسيل : الله اسمعنا خبار لخير
حسن : ديك نهار قتلك انقلبليك على شي بنت لزواج
اكسيل : هههه اصحبي كنا غا ضاحكين ديك نهار درتيها بصح
حسن : شوف هاد لبنت لي لقيتليك مغتلقاش حسن منها
اكسيل : شكون هاد لبنت بسلامة كنعرف باها ؟
حسن : لا هادي بنت واحد صاحبي
اكسيل : بنت صاحبك ؟ علاه شحال عندها بسلامة
حسن : (دوا بشوي) 15
اكسيل : شنو قلتي عمرها
حسن : احن 15 رعام
اكسيل : (طرطق فيه عينيه) شنو ؟ 15 ؟ كضحك لا ؟ قلبتيلي على مرا نتزوج بيها ولا على بنت نتبناها
حسن : خليني غا نشرحليك
اكسيل : دوي هاني كنسمع
حسن : (عاودليه كولشي) بغا يزوجها وقلت منلقاش حسن منك ليها
اكسيل : (شد راسو بيديه) لبنت كتبات فدفتارها ناض بغا يزوجها واش مريض فك*رو لا
حسن : سليمان منين كان سمعتو عندو فوق كولشي ، بناتو كانو تا لخريج ميخرجوش بلاما يمشي معاهوم شي حد قالك باش ميجيبوش ليه لعار ، لا طيليفون لا صحاب ما عند ديك لبنت حشومية وداخلة سوق راسها ، كنت نزوجها لولدي ولكن ميستاهلهاش ، داكشي علاش جيت قاصدك تقرى حسنتها تزوجها وخرجها من دارهوم
اكسيل : كطنز عليا احسن لا لبنت صغر من بنتي ، مشفتيش شيب لي فراسي وكتقولي نتزوجها ، لي نفريض درت دكشي لي قلتي ديك لبنت باش غتحس ملي تلقا راسها مزوجة واحد كبير عليها او عندو ولاد كبر منها غا قول ليا ، كي غتعيش او هي عارفة باها وطسيلتها باعوها برخيص
حسن : راني عارف ولكن راه الى متزوجتيهاش نتا غيتزوجها واحد آخر
اكسيل : (بقا ساكت ساكت) شكون قلتيلي باها
حسن : سليمان
اكسيل : (صغر عينيه) داك عشيرك لعسكري ؟
حسن : واه او لبنت سميتها لغالية هي صغيرة فلبنات
اكسيل : (رجع سكت مودة عاد دوا) غنرض عليك لخبار هاد ليلة
حسن : تا هادا كلام نخليك دبا انا غنمشي (ناض حسن من بلاصتو سلم على اكسيل او مشا فحالو)
اكسيل : (بقا ݣالس شويا كيفكر تا حس براسو زند عليه ، او ناض غادي لجيهة لبحر اضربو شوي ريح) الله ياربي شغاندير دبا فهاد لغالية (بقا مودة كيفكر او يخمم تا طاح ليل ، مافيقو من سهوتو غا صونيط تاع طيليفونو) الو
جود : لواليد
اكسيل : همم
جود : ياكما راك شاد طريق
اكسيل : لا أنا باقي فكازا
جود : بصح ؟ ياك قلتي اتجي ليوم بليل
اكسيل : خرج عندي شي غراض داكشي علاش انبقا هنا شي يمات
جود : شمن غراض
اكسيل : باقي ما كملو دراري تستاف تاع سلعة فلحوانت داكشي علاش
جود : الله ايعاونك
اكسيل : رد لبال لراسك او لختك علاما نرجع يالاه بسلامة
جود : بسلامة
اكسيل : (قطع معا جود او رجع لدار لي كاري ، دوش او توضا وصلاليه شي ركعات عاد هز طيليفونو وصونا لحسن) الو
حسن : (جاوبو بزربة بحالا كان حاضي طيليفون) اكسيل امضرى
اكسيل : (تنهد) غنتزوج بيها ولكن بشرط
حسن : آسيدي شرط لي بغيتي غدا نلاقيكوم بجوج
اكسيل : لا بلاش قوليه منهنا تلتيام ايجي عند لعدول لفلاني
حسن : هاء ؟
اكسيل : كيما سمعتي
حسن : مغدويش معاه ؟
اكسيل : هضرتو اخليها عندو مكنعمرش سوق معا شمايت نخليك دبا (حدو قطع طيليفون مشا تكا ينعس)
#بعد مرور 3 ايام#
لغالية لي كانت باقة مكمشة فلقنت كتبكي على حالها و محسن لي مكانش جايبلها ݣاع لخبار ريزو مشادليهش لا هوا لا خالتو ، دازو دوك تلتيام بحال لعوام على لغالية لي محبوسة فبيتها مايدخل عندها حد ما شوفها حد بحالا فيها جدام تبكي وتقول شي مبكات ، تغمض عينيها وتبقا راسها فايقة مفزوعة ، وعلى غير عادة ليوم كانت شتا خيط من سما تقول كانت تبكي على لغالية ، لغالية لي مسايقة خبار لكتابها لي تكتب ولا لراجل لي ولات منو وفيه وعلى ذمتو ، باها لي مشا فصباح بكري لعدول او هو كيقول فخاطرو حيدت لعار من على كتافي ، لقا حسن كيساينو تما
سليمان : فين داك صاحبك
حسن : جبتي لاكارط تاعك
سليمان : واه
حسن : متأكد بلي مغتندمش
سليمان : ماعندي لاش ندم او دبا فين لعريس
حسن : راه فلبيت تاع لعدول او قبل ميتزوج بنتك عندو شرط
سليمان : شمن شرط
حسن : ماتشوفو مايشوفك او بنتك حدها تولي على ذمتو عمرك تشوفها ولا تسول فيها نساها
سليمان : واخة
حسن : (حس بلخنقة) ماباغي تعرف تا لمن زوجتي بنتك كيداير مزوج مطلق قبيح مزيان ، ماباغيش تشوف بنتك من بعد ؟
سليمان : ملي قبل بيها ماعندي مانشوف فيه او هي ملي نتهنا منها على لفضيحة لي دارت ليا قولها تموت ماشي غا متبانش قدامي
حسن : لا حول ولا قوة الا بالله هادا منقولك الله يهديك جيب لاكارط ديالك واجي وقف مور هاد لخامية تقراو لفتيحة او تكتبو لكتاب
سليمان : على بركة الله (تبع حسن او وقف مور واحد لخامية قراو لفاتحة بيناتهوم او قيدو لعقد وسناو فيه او بهاكدا ولات لغالية مراة اكسيل على سنة الله ورسوله) ايمتا غيديها
حسن : شوف نتا
سليمان : ليوم ليوم تروح عند راجلها
اكسيل : (لي كان على طرف لاخر مزير على يديه)
حسن : حسن ليها نيت
سليمان حدو لكتاب تكتب مشا لدار كيجري ماهاماه شتا ولا برد
كلتوم : سليمان فين كنتي
سليمان : طلعي عند ديك لخليقة وجمعيلها حوايجها غتمشي
كلتوم : فين غتمشي
سليمان : عند راجلها
مريم : راجلها هاويلي
سليمان : كيما سمعتو انا زوجتها او من ليوم مابقات عندي بنت لي سول عليها قولهوم تزوجات او سدينا
كلتوم : الله يا سليمان زربتي او معلمتينيش تا نقولها لها
عبد الله : باغة تشاوري معاها ولا شنو طلعي عندها امي وقوليلها تجمع حوايجها تمشي عنا
فرح : واش هادشي فخبار محسن
سعاد : لا كون كانت فخبارو كون شعل لعافيا فدار كاملة
كلتوم : (حسات برجليها فشلو عليها بقات تطلع درجة بدرجة تا وصلات لبيت لغالية او حلات عليها لباب) نوضي بدلي عليك علاما نجمعلك حوايجك
لغالية : (بصوت باكي ) علاه فين غنمشي
كلتوم : (قربات عندها عاصرة على يديها وداوية مخنوقة) غتمشي عند راجلك
لغالية : راجلي ؟ شمن راجل امي لا لا متقوليش با دارها عافك امي متقوليش با دارها
كلتوم : (بقات صابرة صابرة محسات براسها تا تلاحت على لغالية كتنتف فيها وتعض او تبكي) عجبك لحال دبا أدوي رتاحيتي ملي ضيعتي حياتك بيديك أدوي ، هاهوا زوجك او يعلم الله لمن ، هادي هي تربيتي الغالية أدوي هادي هي تربيتي
لغالية : (كتبكي او ترغب فمها لي دارت فيها دعقة بتصرفيق او لعضان ) و الله امي مادرت والو واش مكتعرفينيش امي علاه انا نقدر ، لعار امي متخليهش ادير فيا هاكدا عافك امي ، متخليهش ايدير فيا هاكدا مابغيتش نتزوج هئ هئ هئ
كلتوم : (بعدات عليها بعدما بردات فيها لغدايد) كنتي تفكري فهادشي قبل اما دبا فات لفوت نوضي تهزي عند راجلك
لغالية : (ديك كلمة راجلك كضورلها فمخها ممتيقاش غادي تسطا) محسن هئ هئ هئ جيبولي محسن مكنتوش ديرو فيا هاكدا كون كان هئ هئ هئ خويا جي تشوف شدارو فختك ، انا مغديش نتزوج والله ما نتزوج بيه (ناضت كيف لهبيلة كتجري لتحت وترمات عند رجلين باها) لعار أبا لعار أبا لما قتلني ومديرش فيا هاكدا لعار أبا هئ هئ هئ ، لعار أبا لاتقسحش كبدتك من جيهتي هئ هئ هئ ، ياك أبا أنا لغالية لعزيزة سخيتي بيا أبا سخيتي بيا يابا
(عينين كيف شلال إسيلو دموع او حناك باين عليهوم لآتار دصبعان ، فم كولو زرق ، يدين صغار شادين فرجلين داك راجل لي قدامها ، راجل لي مقصح قلبو جيهت كبدتو ، راجل لي ماراعا لدموع بنتو ولا تحزارها ، راجل لي شاف فيها شوفات لإشمئزاز تقول ق*بة موسخة هادي لي محنية عند رجليه) لعار أبا لما قتلني ومديرش فيا هاكدا أبا أنا ….(قبل متكمل كلامها حسات بشعرها تقلع من بلاصتو ، بفعل يد عبد الله لي جرها لعندو)
عبد الله : (وقفها على رجليها بجهد او بلى رحمة ولا شفقة بقا كينزل عليها بطرش تا رعفها) باقة زايدة فيه أدوي دايرالي فيها بنت ناس (فك يديه من شعرها وحكمها من عنقها وبدا يجيف فيها) بغيتيه إقتلك ياك او يوسخ يديه بدم موسخة بحالك هاديك هي لي متكونش ليك سرك تعيشي معا داك شارف تا يدي مول لأمانة امانتك عائلتنا ماعندها مادير بق*بة بحالك
لغالية : (عينيها قربو يخرجو من بلاصتهوم او نفسها بدا يتقطع بدرع باش قدات تخرج شي كلمات) خويا عافاك تيقتي
عبد الله : (لاحها الأرض تا جات عند رجلين مها) نتيقك (ضحك بسخرية) غتقولي ليا إيهي حقا مكنعرفوش عمرني هضرت معاك ، كاين لي كيكتب على شي واحد مكيعرفوش كاين لي كيبغي شي واحد مكيعرفوش (ركلها لكرشها تا غوتات بأحر من جهدها) كاين لي كيبغي شي واحد مكيعرفوش ؟ حاسباني برهوش قدامك (عاود ركلها)
لغالية : (تكمشات فلأرض او بدرع باش باقة حالة عينيها ) هئ هئ هئ مدرت والو مادرت والو مي آمي لعار امي
كلتوم :(منعات عبد الله من أنو يعاودلها ركلة خرا) صافي باركة عليها دابا تقتلها
لغالية : (هزات عينيها فمها وشافتها بواحد نظرة فيها شوية دلأمل لعلى وعسى ترحمها هاد لمرة) نتي عارفاني امي منديرهاش ياك أمي ؟ هئ هئ هئ أنا لغالية امي واش مكتعرفينيش ؟
كلتوم : (ضورات وجها على بنتها لي مليوحة لأرض او دوات بحرقة) شحال قدي نعرف فيك تقتي وتربيتي ضربتيهوم ليا فزيرو ، ونا لي كنت نقول ݣاع لبنات خارجات طريق إيلى بنتي لغالية سعا هيهات ربيت لخلى
سليمان : نوضي تهز عليا و لوحي عليك زيفك او سيري راه راجلك سيفط لي يجيبك
لغالية وقفاتها ختها بدرع رجليها فشلو عليها من كلامو ، جهد لي يدوي مبقاش ، هزات عينيها لآخر مرا او دققات شوفة فخوتها و مها و باها لي تا واحد فيهوم مارضى يشوف فيها ولا يعبرها ، وخرجات آخر جملة من فمها قبل ميجروها لبرا)
لغالية : ها لغالية غتمشي ، ها لغالية لي قلتو جابت لعار غتمشي وعنداكو متغرقوش فلعز ، ها لغالية لي قتلتوها وهي حية غتمشي ولكن لي خاصكوم تعرفو قان سمطة ضور او كل واحد ياخد جزاءو
ياسمين : (جرات عند لغالية معنقة رجليها كاملها كترعد او تبكي) عافك اعمتي متخلينيش عافك اعمتي ديني معاك مابغيتش نبقا معاهم الى مكنتيش نتي ها لعار
لغالية : (تحنات عند ياسمين معنقاها بجهد او هامسة ليها فودنيها) عمرني نسمح فيك الحبيبة ديالي ، دابا نرجع عندك ويلى جا محسن قوليه قالتلك لغالية متنسانيش وتسنا رجوعي هالعار اخويا
( وقفات على رجليها مرة خرى و لاحت عليها زيفها او مسحات دموعها وتمت خارجة معا لباب جارة باريزتها لي جمعات ليها مها فيها لحوايج ، مخلية ياسمين بدرع باش مانعينها من انها تبعها)
ياسمين : (كتغوت باحر من جهدها) عمتي لغالية عافك متمشيش
لغالية : (شافت اخر شوفة فديك دار او كملات طريقها راكبة ديك طونوبيل بسكات)
#نهاية الفلاش باك#
هنا حبسات حكاية لغالية لي غلبها نعاس هي وياسمين فداك ليل ، او مافاقو تا صبح صباح
لغالية : (كانت فاقت قبل من ياسمين او دخلات لطواليط طرفات حالتها ، او توضات او صلات او لبسات ليها واحد لكسوة سماطي نازلة فوق ركبة بشوي ، هزات شعرها لفوق او دارتليه سفنجة مخربقة ، عاد هزات طيليفونها تشوف فساعة لقاتها ديك ل10 دصباح) نمشي نهبط لتحت
هبطات لغالية لعندوهم لتحت ، تفطر معاهوم فصالون
فرح : ختي فقتي صباح (تصدمات ملي شافتها شنو لابسة خصوصا انها ممولفاش ليها تشوفها بداك لباس) صباح لخير زيدي تݣلسي
لغالية : (مشات ݣلسات فوق سداري او بدات كتفطر فسكات)
عبد الله : احن (اول مرة ايشوف لغالية لابسة هاكداك قدامو او قدام باه ) فين ياسمين
لغالية : (شافت فيه برود) ناعسة
مريم : (معجبهاش لحال من لباس لغالية لا هي لا مريم) لغالية بحالا كاين لبرد لا
لغالية : بصح ؟ محسيتش بيه
فرح : (قربات عند لغالية وهمسات) شهادشي لابسة قدام خوتك ويلي حشومة مالبستيهش تا فاش كنتي صغيرة
لغالية : واه ملبستوش ملي كنت صغيرة داكشي علاش غلبسو ونا كبيرة
سعاد : (حاولات تغير لموضوع) خالتي مغتهبطش تفطر معانا
فرح : راها مريضة تزير عليها لحال بسباب لبارح
مريم : ولدي آمين سير عافاك فيق ياسمين تهبط تفطر
لغالية : ميحتاش خليها تزيد تنعس او ترتاح راها عيانة
مريم : (مارضاتش) انا لي مها وعارفة مصلاحتها تفيق تفطر باش تشرب دوا
لغالية : (بطنز) واه عارفة مصلاحتها داكشي علاش كنتي لبارح باغة تاكليها
عبد الله : لغالية خصكي تفهمي واحد لحاجة ، داكشي لي كدير ياسمين راه ماشي فمصلاحتها الى ضحكنالها فهاد لهبال غا مغاتزيد فيه
لغالية : عند بالك لعصى هو لحل زعما راك قاري او استاد من لفوق ، ولكن معضرهوم مبقاتش فلقراية بقات فواش بنادم واعي ولا غا مدرم
عبد الله : يصحاب ليك ممشيتش معاها بسياسة راه هي لي مابغاتش تقاد واش كاين شي واحد كيبغي اضرب بنتو
لغالية : واه كاين نتا اعبد الله ، دويتي معاها بسياسة ؟ علاه أصلن فين عمرك كنتي كدوي بيها ديما يديك سابقاك ، او نزيدك بنتك منين كانت عمرك دويتي معاها لانتا لا مها يعني من طبيعة لحال غيجيها غريب تدوي معاها بسياسة
مريم : لغالية خرجي سوق ياسمين حنا لي واليديها مغنبغيوش لبنتنا لمضرة
لغالية : مغاديش نخرج سوقها ويلا نسيتي نفكرك شكون رباهاليك ، مغنخليكمش ديرو فيها مبغيتو كتسمعونو ، او ليسحابلكومشاي رجعت بعد هاد سنين كاملة باش نشوفكوم آخر حاجة نفكر فيها هي كمامركوم ، جيت على قبل ياسمين او خويا محسن لي يعلم الله فين هو او شنو طاري ليه ، (حطات لكاس داتاي من يديها او وقفات) نخليكوم دبا انا خارجة)
سليمان : فين ؟
لغالية : عندي شي غراض نقضيه (طلعات لبيتها نيشن بلاما دوز عند مها ݣاع ، فتحات لباب دبيتها ودخلات) ياسمين فقتي
ياسمين : (لي كان دم برد فيها شي لي خلى وجها فيها طبايع زورق مايلين لكحل) واه
لغالية : لبسي عليك غنخرجو
ياسمين : فين ؟
لغالية : انمشيو نضورو شويا او نشريو شي حوايج عاد نرجعو هاد ضار قنطاتني
ياسمين : (ناضت دخلات لحمام دوشات او بدلات عليها بواحد سروال تاع دجين معا قميجة بليدين او طلقات شعرها ، و دارت لكمامة او نضاضر كوحل باش ميبانوش ضرابي لي فيها) انا واجدة
لغالية : تنا قريب نوجد (حيدات لغالية عليها ديك لكسوة او لبسات طريكو طالعليه لكول معا صاها او ريبيكا طويلة من لفوق عاد دارت زيفها وخزات ساكها وسوارت تاع طونوبيل) صافي يالاه نمشيو
هبطو بجوجات لتحت ناويين اخرجو تا تلاقاو ناصر فرحبة
ناصر : غتمشيو دبا
لغالية : واه
ناصر : تسنايني نلبس باش نوصلكوم
لغالية : ميحتاش غنمشي بوحدي
ناصر : كفاش غتمشي بوحدك فين عمرك خرجتي بوحدك
لغالية : ناصر دوك ليام فاش مكنتش نخرج بوحدي كانو مشحال هادي نساهوم
عبد الله : لغالية ديري عقلك او خليه اوصلك
لغالية : راني بعقلي حكامكوم ديروه على عيالاتكوم اما انا عندي لي يحكمني (متسناتهومش ايزيدو يدويو كملات طريقها لطونوبيل معا لغالية)
ياسمين : (دخلات لطونوبيل كتحقق فيها من لداخل) طونوبيلتك هادي ولا كارياها ؟
لغالية : (ضيمارات طونوبيلتها وزادت فطريق) ويلي على كارياها ؟ لغالية بشانها تكري طونوبيل
ياسمين : شكون شهالك راجلك ؟
لغالية : معلوم هو لي شراهالي كاضو ملي شديت لباك
ياسمين : يعني خلاك تكملي قرايتك
لغالية : هوا لي بزز عليا نكملها او رضني ليها ، نتي عندك سانكيام هاد لعام ياك
ياسمين : (هربات بعينيها لشرجم متكية عليه) لا
لغالية : ضوبلتي ؟
ياسمين : لا خرجت من لقراية
لغالية : شنو ؟ (محسات براسها تا فرانات واحد لفران خلات روايض طونوبيلتها اتحكو معا لارض) عاودي شقلتي خرجتي ؟
ياسمين : ماشي قضية خرجت ، هوما لي طردوني
لغالية : (رجعات ديمارات مصدومة) طردوك شدرتي بسلامة
ياسمين : بغاو نقولهوم علاش
لغالية : (شافت فيها عاقداهوم) غا جاو او طردوك مضلومة امسكينة غتݣري ولا تا تجيني خبارك
ياسمين : (دوات بعدم اكترات) لقاوني كنكمي فطواليط
لغالية : (عاودات شدات واحد لفران تا تزعزعو بجوج) هاويلي على كتكمي
ياسمين : شوف الى كنتي غتبقاي معا كل كلمة تفراني عليا نهبط راني مابغيتش نموت
لغالية : (رجعات كتصوݣ مرة خرى) اجميلك فلهضرة ، لبارح شراب او ليوم لݣارو غدا لوشام او بعدو لحشيش او لاضروݣ
ياسمين : (ضرابت طم)
لغالية : ولكن قانا نتفاهمو اشريفة على هادشي كامل خصني غا نقاد اموري
ياسمين : غتستقري هنا فكازا
لغالية : الله انجيني قاتلك نستاقر هنا
ياسمين : فين غنمشيو دبا بضبط
لغالية : غنمشيو لفرماسيان هو لول اخرجليك شي حاجة لديك لكمارة لي عندك ، عاد غندوزو عند لحوانت نشريو شي حاجة
دازو لفرماسيان كيما تافقو شراو دوا او دازو لواحد سناك فطرات فيه ياسمين عاد مشاو ليبوتيك اتقداو شي حوايج ، لغالية شرات لولاد خوتها لحوايج او الألعاب عشكال او نواع او غا ليماغك
لغالية : (حطات لحوايج فلكوفر) صافي سالينا بقانا غا مول طيايفونات او ذهايب
ياسمين : واش ماعييتيش
لغالية : زيدي قدامي زيدي (مشاو دخلو لطونيبيل او شدو طريق عاود ولكن قبل مشاو دازو لݣيشي باش تيري لغالية منو شي فلوس ، عاد كملو طريقهوم عند مول طيليفونات) السلام عليكم
دري : وعليكم السلام تفضلي الالة شحب لخاطر
لغالية : بغيت ناخد واحد 6 تاع طابليطات او جوج پيسيات او جوج طيليفونات
دري : نعام ؟
ياسمين : واش ضربوك بوطة نتي ولا شنو
لغالية : مالك باغة نشري
ياسمين : عندك لفلوس ولا غا مدرمة
لغالية : تخالطليك معا باك ولا شنو
ياسمين : ماقلت والو منك ليه
لغالية : شوف ليا اخويا عافاك شي حاجة تكون مزيانة مكيهمش تامان
دري : واخة (مشا جابلها شي نواع من طابليطات او لبيسيات او طيليفونات او خلى لغالية كتختار بيناتهوم)
لغالية : (بدات كتشوف فدوك طيليفونات) ياسمين شمن لون عجبك ذهبي ولا لكحل
ياسمين : خوديلي ذهبي
لغالية : او فلبيسي او طابليط
ياسمين : لكحل
لغالية : صافي واخة عطيني ستة تاع طابليطات بلكحل او عطيني معاهوم جوج پوشيطات بلوردي او جوج بزرق او جوج بلكحل ، عاد عطيني جوج طيليفونات واحد كحل او واحد دهبي معا پوشيطات او جوج پيسيات كحلين ، وجمعلي لحساب
دري : متأكدة (كان شاك واش قادة تخلص)
لغالية : كنتمازح معاك
دري : (جمع ليها لحساب كامل) جاتك الالة واحد 4 دلمليون او خمسين الفريال
لغالية : (حلات صاكها او جبدات منو رزمات تاع لفلوس سيدة جاية واجدة تكحبهوم) ها فلوسك اخويا
دري : الله يخلف
ياسمين : (غا حالة فمها)
لغالية : (جمع ليها دري داكشي لي خدات فساشيات ، هزاتهوم او زادت) ياسمين هزي معاك داكشي لي بقا وبالله
ياسمين : واخة (هزات دوك لكراطن لي بقاو او تبعات لغالية لي كانت حطات داكشي فلكوسانات لورانيين او ركبات فطونوبيل)
لغالية : صافي بقانا غا دهايبي او نمشيو نديرو كاسكروط
ياسمين : عمتي
لغالية : (كاتسوݣ) وي زين ديالي
ياسمين : كتبيعي لحشيش ولا لكيف
لغالية : ههههههه كانبيع زين
ياسمين : كندوي معاك نيشن هاد لفلوس كاملة مناش جاتك
لغالية : الله يخلف على لكواي ديالي ، فكرتيني نيت (مدات يديها لطيليفون او صونات على اكسيل)
اكسيل : الو
لغالية : (دارت اوط پاغلوغ باش مبرزطش معا طيليفون او هي صايݣة ، ودوات معاه بغنج ) حياتي
اكسيل : وي
لغالية : راني كاينة على برا ياك كناخد شي تقدية
اكسيل : شحال خاصك
لغالية : باش كتعجبني كتفهمني
اكسيل : باش كتقتليني كتبلحسي
لغالية : مخاصنيش شي بزاف واحد تلاتة
اكسيل : مصونيا عليا على قبل تلتالف ريال
لغالية : هههههههه ماشي تلتالفريال تلاتة تاع لمليون
ياسمين : (كانت كتشرب فلما غا سمعات تمان رداتو كامل مخنوقة)
اكسيل : شباغة تشري بسلامة تا مكفاتكش ديك 6 دلمليون لي حطيتلك فلبنكة ديك نهار
لغالية : (كتبحلس عليه) وا خديت شي طابليطات لدراري او شي حوايج راك عارفني شحال هادي ماشتهوم او دبا بغيت ندوز لدهايبي او ملقيتش باش
اكسيل : (شد فراسو) صافي واخة
لغالية : نموت فيك انا
اكسيل : باينة ، بسلامة
ياسمين : راجلك هادا
لغالية : ياس
ياسمين : يعني هوا لي كيبيع لحشيش
لغالية : اويلي لا الله يستر
ياسمين : او فاش خدام
لغالية : عندو محالات او قهاوي
ياسمين : واش هوا نفسو تاع ديك نهار
لغالية : شمن نهار
ياسمين : هادي ربعسنين كان تا هوا تم
لغالية : (غيران لموضوع) هاحنا وصلنا
ياسمين : غيكون باقي ماسيفطلك لفلوس
لغالية : راني عارفة غنشري من فلوسي تا يسيفط ليا
ياسمين : وليني راك مساهلاش عندك لفلوس او باغاه ايزيدك
لغالية : معلوم بغيتيني نخسر فلوسي ، أصلن فلوسو هوما فلوسي
ياسمين : واه فلوسو فلوسك او فلوسك ماشي فلوسو
لغالية : (غمزاتها) هانتي فهمتي
مشات لغالية دخلات عند دهايبي خدات منو واحد تلاتة تاع سنسلات مضفورات او تقال عاد مشات هي وياسمين كلاو او تقداو شي سقاطات و رجعو لدار ، دخلو معاهوم داكشي لي جابو او طلعو بيه عند كلتوم حيت كانو مجموعين عندها فلبيت
كلتوم : (بصوت ضعيف كان باين بلي تزاد عليها لحال) بنتي رجعتو كح كح كح
لغالية : واه غنطلع نبدل عليا ونرجع (طلعات لبيتها وحيدات عليها حوايجها ولبسات ديك لكسوة تاع قبيلة ، وقبل مترجع عندهوم صونا ليها اكسيل كميرة) زوجي
اكسيل : راني سيفط لفلوس
لغالية : بصح صيفطي غا لفلوس كنتي تسيفط معاهم شي قبلات شنو زعما حنا منصورو منك والو
اكسيل : شكون خاص أسيفط لاخر
لغالية : ميبقاش فيك لحال (سيفطات ليه بوسة فلهوى) ها واحد لبوسة من عندي
اكسيل : شدي بوستك عندك تا نجي
يسرى : عمطي (دخلات على لغالية برجيلاتها صغار او لݣرينات)
لغالية : زين دعمتو (طارت عليها كتبوس فيها وتعنق) ناكلك أنا
يسرى : (بالها اكسيل من لكمرة) سكون هدا
لغالية : ههه هادا عمك اكسيل
يسرى : بݣوش
لغالية : شمن بوݣوس شوفيه كيشارف
يسرى : لا بوݣوش واخة سارف
اكسيل : الله ايجيب لي يقول لحق
لغالية : ستحليتي تعناي ، ونتي باركة عليه من لعنب
يسرى : انا معطيتوس لعنب
لغالية : ههههههه (قطعات على اكسيل او هزات يسرى عندها كتبوس فيها) يالاه نهبطو عندهوم نوريك شنو شراليك عمك اكسيل
هبطو عندهوم لبيت أو خدات لغالية كتوري لدراري لحوايج او لالعاب لي خداتلهوم
لغالية : (مدات ليهوم دوك طابليطات لي شراتلهوم) هاد جوج طابليطات تاع يوسف او نوفل تايكبرو شوي عاد تعطيوهوم لهوم ، او هادو ديالك أ أمين (عطاتو لبيسي وطيليفون او طابليط)
أمين : (عنقها فرحان) شكرا اعمتي
لغالية : زين دعمتو (مدات يديها لساكها او جبدات منو دوك سنسلات عطات وحدة لياسمين او وحدة ليسرى او وحدة لنهيلة)
نهيلة : (مشات عند مها ضاحكة) ماما سوفي سنسلة تاع دهب
مريم : (باستها) شفتها أبنتي بصحة سيري بوسي عمتك او قولي ليها شوكرا
نهيلة : شركرا
لغالية : (بتاسمات ليها) لعافو احبيبتي
يسرى : (قربات عند لغالية ) عمتي
لغالية : نعام
يسرى : واس عمي سيل هو لي سرالي ذهب (مكتعرفش تقول اكسيل)
لغالية : ههههههههه اكسيل سميتو ماشي سيل
فرح : شكون هاد اكسيل بسلامة
لغالية : راجلي
يسرى : لاجل عمتي بوݣوش
سعاد : شوفلك بنيتي علاه فين كتعرفي زين أدوي كبرتي
يسرى : كنعلف عنيه زوينين او سعلو فيه لبيض
كلتوم : (تقرصات او جاتها لبكية ملي سمعات ديك لقضية تاع شعرو بيض تأكدات ديك ساعة بلي شارف)
بقاو ݣالسين شوي معا كلتوم عاد ناضو خرجو تا بقات غا لغالية و كلتوم راس فراس ، هاد لاخيرة لي مقداتش تزيد تصبر او نفاجرات بلبكا شادة لغالية فيديها
لغالية : (صغرات فيها عينيها) لاش كتبكي دبا
كلتوم : سمحيلي يابنتي انا سبابك ، فرط فيك سمحيلي ابنيتي
لغالية : مسي دموعك اميمتي مسحي راك غا كضري عينيك باطل
كلتوم : سمحيلي الغالية ابنيتي راك منهار مشيتي عليا وانا اوسط لعافية لانعاس ايجيني ، سمحيلي ابنيتي موقفاش معاك او خليت باك ايدير فيك مابغا او يزوجك لداك شارف
لغالية : (مدات يديها او مسحات دموع لمها) عرفي امي كون كانو دموع او طليب او رغيب انفعو كون نفعو لغالية قبل منك ، كون نفعو لغالية ملي كانت كتبوس فرجليك باش تيقيها ، بغيت نسامحك او ندوزها بجغيمة تاع لما ولكن امي مقدرتش ، لكية لي درتيلي جمرة فحلقي لوكان نشرب ليها لوديان او لبحور ماتبرد ما تهدا ، لغالية امي لي سمحتي فيها ماتت فداك نهار داكشي علاش مكاينش لاش تزيدي تعدبي راسك كتر من هكدا
كلتوم : (رجعات كتبكي كتر من لول) سمحيلي ابنيتي ضلمتك او متيقتكش او موقفاش معاك ، لعار أبنتي ما سمحيلي بغيت نموت ونا مصافية معاك
لغالية : تموتي ؟ باغة تموتي ونتي ماعوضتيني بوالو ولا ياكما بغيتي نسامحك باش تمشي عند ربك مهنية ونا لي تعدبت او تمرمدت نخرج سلة بلا عنب ، الى كنتي مغتهلايش فصحتك غا باش تموتي او نسامحك فغا نسايها ، محدك ماتعدبتي كتر متعدبت متحلميش نسامحك اميمتي نخليك دبا
كلتوم : لغالية
خرجات لغالية من عند مها من برا تبالك صامدة او من لداخل بحال شمعة دايبة ، طلعات لبيتها وتكات فيه
#عند ياسمين#
جراتها مريم لبيت عندها او ݣلساتها فوق لبياص ومشات جابت واحد لپومادة مدهنات ليها دوك طبايع
مريم : (جاتها لبكية ملي شافت طبايع تاع بنتها ولكن مبيناتش) عاجباك حالتك هاكدا سكرة وشراب او تكرفيص ؟ أدوي عاجباك حياتك هاكدا ؟
ياسمين : مالها حياتي مزيانة
مريم : الله يهديك هادا منقولك ، الله يلطف بيك
ياسمين : (تسناتها تا سلات ليها دهين او مداتلها ديك سنسلة تاع دهب لي عطاتها لغالية ) هاكي هادي
مريم : خليها عندك لكاضو تاع عمتك
ياسمين : كيعجبك دهب انا مكيعجبنيش غا غدي تبقا محطوطة وصاف
مريم : (خداتها من عندها) غنخبعها ليك تا تبغي ديريها (قربات عند ياسمين او عنقاتها بسكات او بدات كتبكي) سمحيلي ابنتي على لبارح كنت معصبة خصوصا ملي شفتك رجعتي لدار سكرانة ، مقديتش نتحكم فراسي
ياسمين : (بادلاتها لعناق فسكات) راني عارفة
بعدما خرجات ياسمين من بيت مها طلعات لبيتها نيشن باش تبدل
ياسمين : نعستي ؟
لغالية : لا راني غا متكية
ياسمين : (مشات حلات لماريو او جبدات منو واحد لپيجامة لبساتها ومشات هزات طيليفونها وتكات كتخدم فيه)
لغالية : كنتي معا ماماك
ياسمين : واه
لغالية : ياكما قاتلك شي تخربيقة عاود
ياسمين : لا مقالت والو (سكتات مودة عاد دوات) لغالية
لغالية : نعام
ياسمين : ماما راها ماشي كيف كتخايلي
لغالية : احياني على ديك مك راني عارفاها لي عاشر باك مايبقا عندو عقل
ياسمين : (دوات بحزن) بعد هاد سنين كاملة باقة كتخاف منو الغالية
لغالية : (تنهدات) تخاف منو علاش متخافش راه داكشي لي دوز عليها ماشي قليل ، ولكن لي ماقديت نفهم شباقي مصبرها عليه
ياسمين : شكون عرف
لغالية : شكون عرف نيت (مدات يديها لطيلوفونها او دورات لاكسيل) الو
اكسيل : (كان صوتو عيان شوي) الو
لغالية : اكسيل واش راك مريض
اكسيل : لا راني غا عييت ليوم او صاف
لغالية : متأكد قبيلة ملي دويت معاك مكنتيش تال لهيه واقعة شي حاجة
اكسيل : لا مواقع والو غا لخدمة لي كانت مزية شوي وصاف
لغالية : واش تقادو لأمور ولا باقي
اكسيل : واه راني رجعت لمكناس
لغالية : بصح ؟ رجعتي ؟ ايمتا
اكسيل : هاد صباح شديت طريق ملي دويتي معايا قبيلة كنت قريب نوصل
لغالية : مزيان كي لقيتي ضار ، جود او صباح مزيان عندهوم
اكسيل : الدار بحال ديما ، ويلى جود لقيتو قريب اطج
لغالية : صباح بوشاتليه لمعدة بطيابها
اكسيل : راني كنقولها لها لكوزينة تعطيها شي شبر تاع تيساع
لغالية : شيماء او سيهام باقين كيجيو
اكسيل : واه معا كريمة
لغالية : (غوبشات) اهيا ياكما ستحليتي لݣلسة فدار ونا مكيناش
اكسيل : علاه انا نقدر
لغالية : ايوا هاكداك
اكسيل : ايمتا ناوية ترجعي
لغالية : والله ما عرفت بضبط
اكسيل : انا غنطلع غدا لكازا نقضي شي غراض او نرجعو بجوج
لغالية : شمن غاراض هادا لي عندك هنا
اكسيل : غنطلع نقلب على شي دار تما على حساب صباح
لغالية : علاه مادرتيش معاها تبقا عند مها
اكسيل : قالتلك بلي دار مها بعيدة شوية وبغات تسكن بوحدها
لغالية : ايوا هي تعرف مصلاحتنا غا هوا نتا ماديرش فبالك او رخف على راسك
اكسيل : يالاه نخليك دبا غنمشي نݣلس معاهوم شوي تال غدا ونتلاقاو إن شاء الله
لغالية : بسلامة
ياسمين : (بقات ساكتة تا عيات هي دوي) لغالية مرتاحة معاه
لغالية : معامن
ياسمين : راجلك
لغالية : من طبيعة لحال مرتاحة معاه
ياسمين : كتبغيه ؟
لغالية : (بتاسمات ليها) كنموت على جدو
ياسمين : كيعاملك مزيان
لغالية : حاطني بين عينيه
ياسمين : مزيان
لغالية : ايهيه ونتي اشريفة
ياسمين : مالي أنا
لغالية : زعما مكاينش شي صاحب شي كراش
ياسمين : (عطاتها بضهر) الله انجيني
لغالية : هههههههه احياني عليك اسليحفانة شحال كنت كنقول ديك الله انجيني نهار شفت اكسيل طحت على زنافري
ياسمين : وانتي هاديك اما انا مكانطيحش
لغالية : واه نتي مريولة كتميلي ومكاطيحيش
ياسمين : بحال هاكداك (قبل متغمض عينيها باش تنعس لقات راسها كتشوف فديك لݣورميكة لي فيديها تا داها نعاس)
#عند اكسيل#
بعدما قطع معا لغالية ناض غسل يديه أو عبر سكار لقاه طالع ليه شوي ، دݣ لانسولين او نزل يتعشا معا ولادو
جود : (كان هو لي مطيب ليوم) لواليد هبطي نتعشاو
اكسيل : لي عجبكوم
صباح : (تلاحت على اكسيل معلقا ليه فضهرو) نتعشاو راه فيا جوع
جود : نزلي عليه راك تقيلة دبا تهرسيه
صباح : محساد لاخر انا خفيفة ياك الواليد
اكسيل : (باقة معلقاليه فضهرو) الله أودي خف منك ماكاينش
جود : (حط ليهوم لعشا فوق طبلة او ݣلس حداهوم ، كيخويلهوم فطبسيل)
صباح : هاحنا عاوتاني على لازانيا ، احداݣيتي الحتروف
جود : من ديما ونا حادݣ
صباح : واه من ديما تصلاح تكون ربة بيت ، لواليد هاد لحادݣة عندك خصك تزوجها
اكسيل : (شاف فجود) ايهيه علاش لا
جود : (غا سمع حس زواج فرح ) زعما زعما الواليد تزوجني
اكسيل : من طابيعة لحال خصك غا تخدم او دير ضار او تلقا لي تقبل عليك
جود : او نشرف او نموت او نمشي عند ربي او نختار من حر لعين ياك عاد تزوجي نتا
صباح : حر لعين ؟ على زين فعايلك خرتك تجمع نتا وفرعون فبلاصة وحدة
جود : شوف وجه لحبس ، شكون غيقبل بيك ونتي هاكدا
صباح : هههههه عاداد هوما لي كيتسناوني نقول باغة نتزوج
جود : واه عادا اولهوم ملك لموت
صباح : (لقاتها سبة) شتيه ابابا ديرهاليه على قد فمو او زوجني صافي
اكسيل : (لاح يديه على كتفو) انا بنتي منزوجهاش غتبقا حدايا
صباح : ولكن ابابا
اكسيل : شباغة بشي زواج راه غا صداع راس
صباح : (دوات بهمس) آسيدي داك صداع الراس هو لي بغيت
اكسيل : قلتي شي حاجة
صباح : لا والو ماقلت والو
جود : (كيضحك عليها) ههههههه غادي ضفري الشيب حدا باك اصباح هههههه
صباح : (ركلاتو من تكت طبلة)
جود : متقلقيش غنسيفط ولادي اعاونوك فضفير
اكسيل : تا نتا اولدي مغنسخاش بيك اتݣلس حدايا زواج معندك مادير بيه
جود : (جمع الضحكة) لا لا غا سخا بيا زواج عندي ماندير بيه
بقاو كيتعشاو او يتجمعو تا سلاو او ناض اكسيل هو لي جمع طبلة او غسل لماعن ، فحين جود مشا خرج عند صحابو ، وبقات صباح كتفرج فتلفازة
اكسيل : (بانتليه ݣالسة بوحدها) صباح
صباح : نعام ابابا
اكسيل : طلعي لبسي عليك نمشيو نتمشاو
صباح : (فرحات) واخة دابة (طارت لبيتها لبسات كيطمة واسعة او دارت شال او سبرديلة ، عاد هبطات عند باها كتجري) صافي انا واجدة نمشيو
اكسيل : يالاه
صباح شداتليه فيديه او خرجو بجوج كيتمشاو معا طريق لي كانت قريبة لواحد لغابة صغيرة تما حيت ضارهوم كيما سبقة قلت كانت شوية فلخرجة
صباح : بابا صورني (يالاه دارت يديها فجيبها هي تشهق) ناري نسيت لمعطي فدار
اكسيل : هاه ؟ (شد راسو ملي تفكر بلي طيليفونها مسمياه لمعطي) واش أبنتي هاد طبيعة تاع تسمية دلحوايج مابغاتش تحيد منك
صباح : اماشي هاكداك دبا طيليفوني عزيز عندي الى قلتليه طيليفون غيبان بحال طيليفونات لوخرين ولكن الى سميتو غيحس براسو فشكال
اكسيل : لعفو (جبد طيليفونو هو او صورها) غدا أنمشي لكازا
صباح : بصح ؟ وعلاش
اكسيل : باش نشوفليك شي دار
صباح : ميحتاش انطلع لراسي
اكسيل : غنطلع انا ، كازا كبيرة بزاف الى مشيتي غا غادي تلفي ماتعرفي فين تقلبي بضبط
صباح : لغالية ابابا واش هي من كازا ؟
اكسيل : واه
صباح : عمرك سكنتي نتا فكازا ؟
اكسيل : سكنت فيها 10 سنين
صباح : بصح ؟
اكسيل : واه فاش خويت لبلاد جيت ليها
صباح : وعلاش مابقيتيش فيها
اكسيل : ملي تزاد خوك جيت معا مك لمكناس حيت كنت حليت واحد لقهوة فيها
صباح : كي دارت ماما تا قبلاتليك تجي لمكناس او هي كانت كتموت على كازا
اكسيل : مجات غا بسة وستين كشيفة او تا عرفات بلي لمعيشة غتكون حسن فمكناس من كازا
صباح : من ديمة هي هاكداك لبلاصة فاش عندها لمصلحة فاش كتعمر
اكسيل : ماتقوليش هاكداك كلى كيشوف شنو لي مسلكو
صباح : واه
اكسيل : باقة كتشربي دوا ولا قطعتيه
صباح : (توترات شوي) باقة
اكسيل : صباح
صباح : مرا مرا
اكسيل : صباح
صباح : مابقيتش كنشربو
اكسيل : وعلاش بسلامة ياك وصيتك تبعي دواك
صباح : واراه عييت ابابا من داك دوا شحال من عام هادا ونا كنشربو او زيد راه مابقيتش بحال لول
اكسيل : مابقيتيش بحال لول حيت كنتي كتشربي دوا ، اما دبا فراك غادية وكترجعي لحالتك عنقك كاملو خباشي او يديك
صباح : راه غا كنت معصبة شوية وصاف
اكسيل : شنو لي معصبك
صباح : غا معا لقراية وصاف
اكسيل : (ممتيقش هضرتها) دويت معاك شحال من مرة قتلك ماتبقايش ضغطي على راسك ديري سبب او ربي غيكتبلك داكشي لي قسم ليك ، غا ملي نطلع لكازا غطلعي معايا كاين واحد طبيب تما غنمشيو نشوفوه
صباح : ولكن
اكسيل : ماكاين بو ولكن غتمشي هي غتمشي مكنتشاورش معاك كون تبعتي دواك ݣاع مانطيحو فهادشي ، راك واقلة ملاحضتيش بلي غادية وكترجعي لداك لوقت
صباح : (تزيرات) انا مرجعتش لحالتي انا بيخير
اكسيل : (حس بيها باغة تبكي داكشي علاش عنقها ، خلشي ليها وجها فصدرو او محاوطها بيديه) لمرض اصباح ماشي عيب ، داكشي علاش خصكي تعالجي أبنتي ماش متبقايش تآدي راسك
صباح : (نفاجرات بلبكا اوسط لعناق تاع باها) مابغيتش الى عرفاتني ماما مريضة ادخلني لسبيطار بحال ديك لمرة ، مابغيتش انا ماشي هبيلة
اكسيل : (شد وجها بيديها او بدا كيمسح ليها دموعها) متبكيش أبنتي مغنخليهاش نديك بحال ديك لمرة ، ياك تا فديك لمرة باباك مخلاكش تبقاي فسبيطار ، غادي غا نمشيو عند طبيب عادي يعطيك دوا او ترجعي لدار عادي صافي
صباح : (نيفها ولى حمر) زعما
اكسيل : عمرني كدبت عليك (باس ليها راسها) يالاه نرجعو لدار دبا يضربك لبرد
صباح : يالاه
رجعو بجوج لدار او كل واحد فيهوم طلع لبيتو جمع حوايجو او تا من جود صدق جامع حوايجو تا هوا او غيمشي معاهوم ، حيت كانو خاصينو شي وراق
#فصباح#
فاقو بتلاتة فصباح بكري بدلو عليهوم او فطرو عاد شدو طريق لكازا
صباح : بابا واش غادي نطولو فكازا
اكسيل : لا مغنفوتوش يوماين هادا لا وصلناها علاش
صباح : غا حيت ميمونة خليتها بوحدها
جود : ماتخافيش ديك لبرويطة لي عندك يالاه اترتاح منك
صباح : بزاف عليك قالك عندي برويطة
اكسيل : بديتو عاود
جود : واشوف نتا معا بنتك كتسمي لحوايج طيليفون سميتو لمعطي طونوبيلتها ميمونة ، لپيسي ديالها مسمياه لمهدي
صباح : (شحطاتو) لاش كتكدب المرض لپيسي ديالي سميتو توفيق لمهدي سميت لكاصك
جود : من نيتك أبنت لعبد ، بقاتليك غا سمية محسن
صباح : (بغات تشعل اكسيل) ههههه لا هاديك سميت راجلي
اكسيل : (شد واحد لفران او ضار عند صباح عاقدهوم) شكون هاد ولد لق*حبة لي سميتو محسن
جود : وايلي الواليد على شكون هاد محسن نسيبك
صباح : شوف شعال لعوافي
اكسيل : الله يعميهالك أبنتي راني قلتهالك اتبقاي حدايا زواج ماكاينش
صباح : (لقات راسها نفاجرات عليه) كفاش مكاينش زواج بغيتيني نبور حداك
اكسيل : (باقي مغوبش او لواحد لحضة تخايل بنتو لابسة لاغوپ او معنقة واحد دري ) لا
جود : (قفزو اكسيل ملي غوت) لواليد
اكسيل : شوفي نتي نقولك زواج ممنوع او سدينا
صباح : (جاتها لبكية) كفاش زواج غا نساه
اكسيل : راني دويت معاك (عاود كسيرا وزاد معا طريق)
صباح : (همسات لجود) شت هاد باك بغا يخليني حداك
جود : غا خليها عالله نخاف ضور ليه فلخوا او نعز عليه او يقولك تا نتا ، هاه منهنا و الله لاصبرتليه باركة عليا غا لبرد كلى عام ايزيدني باك
صباح : هو مزوج او حنا نبقاو بلاش
اكسيل : آدوك جوج حلاقم شكاتوشوشو عليا تما
جود : والو غا كنت كنقولها بلي هاد لعام غيجي لبرد مجهد
اكسيل : ماتخافش اولدي لكليمة كاينة او تا من لكواش راهوم عندنا على جهد
جود : واه على جهد
صباح : بابا قربنا نوصلو
اكسيل : واه راها دخلة تاع كازا كتبانا
صباح : واخيرا حيت فيا لموت تاع جوع
جود : غنزلو فلوطيل
اكسيل : غنزل غا انا نتا وصباح اتمشيو عند مك
جود : ميحتاش تا حنا غنزلو فلوطيل
اكسيل : غتمشيو تݣلسو معاها وصافي
صباح : واخ
اكسيل : (بلاصا حدا واحد ريسطو) يالاه نزلو نفطرو يالاه
نزل اكسيل هو ولادو او مشاو شدولهوم واحد طبلة او طلبو لماكلة ياكلو
لغالية : (صونات لاكسيل) الو
اكسيل : الو
لغالية : وصلتي ولا باقي
اكسيل : رانا كنفطرو
لغالية : شكون نتوما جاو معاك دراري
اكسيل : واه
لغالية : غتنزل فلوطيل
اكسيل : واه
لغالية : صافي مزيان نخليك دبا غنمشي نفطر تا انا
اكسيل : بسلامة
صباح : لغالية معامن كنتي كتدوي
اكسيل : واه
صباح : اترجع معانا ؟
اكسيل : واه
كملو لفطور ديالهوم او وصلو جود لفين بغا وكملو هوما بجوج عند طبيبة نفسانية ، لي كان اكسيل خدا موعد عندها لبارح على حساب صباح ، وصلو بجوج لعيادة كانت نوبتهون نيت دخلات غا صباح عند طبيبة او بقا اكسيل كيستناها على برا
طبيبة : (كانت طبيبة تكون عندها ديك 35 عام ݣالسة فوق واحد لكرسي قدام لفوطوي) سلام مدموزيل صباح تفضلي
صباح : (مشات ݣلسات فوق داك لفوطوي قدام طبيبة) سلام
طبيبة : (بتاسمات لصباح) خودي راحتك او ݣلسي مرتاحة ، تشربي شي حاجة ؟
صباح : لا شكرا منحتاجش
طبيبة : غادي نسولك شي أسئلة ونتي غتجاوبيني بكل صراحة ، انا درست لملف طبي ديالك من قبل او عرفتك بلي كنتي كتعالجي هادي ربعسنين ولكن علاما قالي باك حبستي لعلاج ديالك هادي ازيد من 6 شهور ، بغيت نسولك باش كتحسي دبا
صباح : عادي
طبيبة : (كانت كتقيد شي حاجة فلورقة لي فيديها) الى سولتك شنو تغير فصباح قبل ماتبدا لعلاج او فاش كانت كتعالج
صباح : (مابغاش تدوي معاها) عادي بحالا كتشربي دوليپران او صاف ماكاين تاشي تغيير
طبيبة : (باقة كتقيد) لا حضتي شي فرق بين صباح هادي عام او صباح تاع دبا
صباح : انا ملاحضت تاشي تغيير بالنسبة ليا انا هي انا
طبيبة : او باش كتفسري لإيذاء تاع راسك ، لخبيش او لجرح هادشي كامل شنو تفسيرك ليه
صباح : لواحد فاش كيكون معصب من طبيعي أنو يبغي افرغ لغضب تاعو فشي حاجة
طبيبة : واه ولكن ماشي من الطبيعي نفرغو لغضب ديالنا فصحتنا اولى ، صباح نتي راك كبيرة وانا عارفة بلي هادشي لي كدوزي منو صعيب عليك بزاف ، ولكن تيقي بيا الى محاولتيش تعالجي راسك دبا راه غتعاني كتر من بعد ، شنو لحاجة لي مخلياك اصباح متبغيش تعالجي
صباح : (لقات راسها مسندة ضهرها على لفوطوي او مرخية) حيت بكل بساطة تا حاجة مغتبدل كيما عمر شي حاجة تبدلات من قبل
طبيبة : شنو هي لحاجة لي متبدلش
صباح : كولشي
طبيبة : شناهي لحاجة لي مخلياك على هاد لحالة باباك مكيعاملكش مزيان ؟ بارد من جيهتك ؟
صباح : بابا حاطني اوسط عينيه لهوا هوا لخر كيخاف عليا منو ولكن هي ماشي بحالو
طبيبة : شكون هي ماماك ؟
صباح : عرفتي ادكتورة ملي كانت عندي 12 رعام او كيف كلى نهار كان بابا كيخرجني ، كان صيف داكشي علاش لبست سالوپيط بلبيض ، ركبنا فطونوبيل او مشينا لواحد لقهوة كانو كيديرو فيها واحد لݣلاص كيعجبني بزاف ، دخلنا وݣلسنا فواحد طبلة كنتسناو ايجيبونا داكشي لي طلبنا ، قلت علاما يجي غنمشي ندخل لحمام ، مشيت او بقيت تما مودة وملي كنت باغة نخرج حسيت بشي وجع خفيف او ما سخون نازل معايا ، تخلعت ملي شفت دم نازل مني او ماعرفتش ماندير ، حشمت نخرج عند بابا او مالقيت معامن ندوي ، بقيت فلحمام مودة كنبكي تا سمعت صوت بابا كيعيطلي ، خرجت عندو مترددة او حانية راسي ، كنت كنتسنا منو اتقلق ولا حتى يغوت ولكن ملي هزيت عينيا فيه لقيتو مبسم ليا بارتياح ، واول حاجة دار هي سولني واش كنحس بشي حريق ملي حركت راسي بلا ، سمعتو تنهد بارتياح او عنقني وهو كيقولي بلي عادي موقع والو او مخاصنيش نتخلع ولا نبكي حيت أنا مادرت والو ، كان أصلن فايت شرحلي هادشي ولكن انا مكنتش فهمت . منين عقلت على راسي كان هو لي كيوريني كولشي ، مد يديه أو حيد لفيستة ديالو لواها عليا ورجعني لديك طبلة وبقا معايا تا كليت داك لاݣلاص عاد خرجني ، ورجعني لدار دخلت دوشت او ملي خرجت لقيتو بلي شرالي اولويز او وراني تا كفاش نلبسوا ، ديك ليلة ادكتورة ونا متأكدة بلي كانت عندو لخدمة بزاف شربني لقرفة ولما سخون ، نعس حدايا وليل كامل او هو كيمسدلي كرشي تا داني نعاس ، كان هادا هو بابا
صباح : (دموع خانوها وهي كدوي ولكن كملات هضرتها) ولكن عرفتي ماما شنو دارت ، كنت مشيت عندها باش نݣلس معاها شي يمات تكيت فوق لفوطوي او غلبني نعاس ، تا بدات كتفيق فيا بجهد او تقولي شدرتي شوفي كي وسختيلي لفوطوي او انا يالاه شارياه او بلي غيجيو عندها شي ضياف ويلى شافو هاد لحالة شنو غيديرو ، كانت هاديك تاني مرة تجيني فيها مكانتش منضمة من بعد تلت شهور عاد عاودات جاتني ، داكشي علاش كنت باقة مخلوعة او ماموالفاش ، بقيت كنبكي وهي غا مزايدة فيه كنت نعقل بلي بقيت فبيتي داك نهار كامل ماقديتش نخرج عندها ، كان هدا هوا لفرق بين مما وبابا ، بابا لي وسخ لفيستا ديالو بدمي باش اغطيني غسلها هي وحوايجي بيديه بلاما يعيفني او باقي كيلبس ديك لفيسة عادي ، او ماما لي لاحت داك لفوطوي حيت توسخ او خلاتني كنفرك حوايجي بيدي كان هادا هو لفرق بين ماما و بابا ادكتورة
طبيبة : (مابغاتش تزيد تضغط عليها كتر) نوقفو حد هنا هاد نهار غتكوني بلى شك حسيتي براحة شويا ملي عاودتي دابا اولا
صباح : (مسحات عينيها) واش يمكلي نمشي دبا
طبيبة : وي تفضلي
صباح : (خرجات عند اكسيل) بابا
اكسيل : صافي ساليتي نمشيو
صباح : غنمشي عند ماما
اكسيل : صافي واخ يالاه نوصلك
صباح : بغيت نمشي بوحدي
اكسيل : على خاطرك (خلاها تمشي عند مها لدار على رجليها وبقا هوا تابعها من بعيد تا وصلات عاد رجع عند طبيبة يدوي معاها) امضرا ادكتورة
طبيبة : شنو غنقولك اسي اكسيل بنتك صباح قبل تا منبداو لعلاج ديالها ، خاصنا نقنعوها تعاود او تقبل مرضها ، لام ديالها فين كاينة ؟
اكسيل : هنا فكازا
طبيبة : ونتا فين كاين
اكسيل : انا فمكناس
طبيبة : مناويش تستاقر هنا
اكسيل : هاد ساعة لا صباح بوحدها لي غتستقر هنا علاش
طبيبة : كنضن أنو من لافضل انك تكون جنب بنتك فهاد لفترة تاع لعلاج او تا من مها خصها تكون معاها
اكسيل : او هادشي يقدر اخليها تعالج دغيا
طبيبة : فترة لعلاج لمريض كيبغي ايكون شي واحد واقف بجنيو او بلاخص ناس لمقربين ليه ، لمساندة ديالك نتا ولام ديالها ليها فهاد لوقت غيعاونها بزاف او يشجعها تبغي تعالج ، انا غنخرجلها هاد لمهدئ تبعو فهاد لايام علاما يوصل لموعد جاي
اكسيل : ان شاء الله شكرا ادكتورة
خرج اكسيل من عند طبيبة و هو محاسش براسو مزيان مشا خداليه واحد لبيت كبير فواحد لوطيل مزيان ، حط باريزتو فلبيت او مشا عبر سكار لقاه طايح ، دار مورسو تاع سكار فمو او مشا ينعس
#عند لغالية#
بعدما وصل اكسيل لوطيل صيفطلها لوكاليزاسيو ديالو ، لغالية ناضت من طبلة تاع لغدا و طلعات لبيتها دوشات بزربة وبدلات عليها بواحد جلابة وشال او مشات هبطات لتحت
ياسمين : فين غادة
لغالية : (همسات لي ها فودنيها وهي كضحك) غادة عند لكواي ديالي ههههه
ياسمين : لعفو
خرجات لغالية من دار او مشات نيشن شداتلها طاكسي وتاجهات لداك لوطيل ، خدات الرقم تاع لشومبغ فاش ݣالس اكسيل او طلعات عندو وحلات لباب بديك لاكارط لي عطاوها فلاستقبال حيت اكسيل كان موصيهوم على لغالية الى مشات تا جات ، دخلات لبيت لقاتها خاوية وسمعات صوت تاع رشاشة فلحمام عرفات ديك ساعة بلي اكسيل كيدوش ، لقاتها لالة لغالية من لجنة و ناس ناضت بزربة حيدات عليها ديك جلابة وشال ، او بقات غا بشورط قصير او ديباردور ديالو وݣلسات فوق ناموسية كتسنا سي اكسيل اخرج من لحمام
اكسيل : (دخل لحمام ادوش بعدما نعس ليه شوي ، بلاما يجيب خبار لغالية ݣاع واش جات ، خرج من لحمام لابس غا بوكسور او كينشف شعرو بلفوطة قدام لمراية ، ومعا ضار ضرب فلغالية) لغالية جيتي
لغالية : (سيدة عينيها زايغة سرحات شوفاتها فصحتو مطلعاه من ساسو تال راسو) واه جيت توحشتيني (وقفات مقربة منو)
اكسيل : (عنقها اكسيل او باس ليها فوق راسها) بزاف
لغالية : (قندشات) ماتبقاش تبوسني فوق راسي انا ماشي مك
اكسيل : ههههههه او فين نبوسك بسلامة
لغالية : زعما ماعرفتيش فين تبوسني
اكسيل : لغالية خصنا ندويو
لغالية : ماشي وقتها دبا هممم
اكسيل : لا وقتها دابة
لغالية : شنو
اكسيل : احن شنو باليك نجيو نستاقرو هنا فكازا
لغالية : اكسيل دوينا فهادشي من قبل او قتلك لي عندي
اكسيل : شوف لغالية غا فكري صباح او جود يالاه رجعو من فرانسا عاماين هادي ونا ممعاهومش او دبا فاش رجعو لمغريب نخليهوم اسكنو فمدينة خرى بوحدهوم
لغالية : ياك مهوم كاينة هنا
اكسيل : مهوم هنا ولكن باهوم ماشي هنا
لغالية : اكسيل ولادك هادوك اييه ولكن انا راه مغنجيش نسكن هنا فكازا بدرع باش جيب هاد تلتيام او مناوياش نعاود نرجع
اكسيل : شوفي الغالية الى مابغيتيش تمشي معايا غنرضك لمكناس او نبقا نقسم سمانة حيت دراري مغنقدرش نخليهوم بوحدهوم هنا فكازا
لغالية : لي نفهم منك دبا باغي تخليني انا فمكناس بوحدي او تݣلس هنا فكازا ياك اسي ايهيه او تجيبليك شي مرا تونسك ولا ترجع ݣاع لمرتك لولة باش تعيشو عئيلة وحدة
اكسيل : (شدها من يديها بشوي او كيدوي معاها بهدوء) حاولي غا تفهميني شوي الغالية صباح محتاجة ليا فهاد لوقيتة خصوصا ….
لغالية : (نفاجرات عليه ممخلياهش اكمل لهضرة او ناترة بيديه مبعدة عليه ) ماتقوليش ماعندي مانفهم ماشاغل بالك غا ولادك ، باغي تخليني انا بوحدي باش تݣلس معاهوم ، لا لا ولمزيانة قالك نجي نستاقر معاك هنا باش تبقاي نتا حدا بنتك ونا نتسطا نموت ياك ميهمكش
اكسيل : لغالية نقصي صوتك او خلينا ندويو بلعقل
لغالية : شمن عقل باغيني ندوي بيه أدوي
اكسيل : (قرب عندها كيحاول اهدن فيها) بردي باش ندويو بلى تبرهيش
لغالية : (طلعاتلها لقردة لسطح تا مابقات كتعرف ماتقول) دبا وليت انا برهوشة ياك ، هاني غنوريك تبرهيش كيف داير
تقول هزيت بنت او حطيتي فبلاصتها مجنونة ، لي لقاتها قدامها هرساتها وهي كتغوت بلي مغترجعش لكازا تسكن فيها
اكسيل : (ولا طالب غا سلاك لقا راسو كيحاول اشدها لاتصدق عافطة ليها على زاج أو تجرح ، داز من موراها او حكمها لايحها فوق ناموسية بجهد او مغوت عليها) صافي باركة واش جهلتي
لغالية : (لي كانت كيف تور غا كتهرس تكمشات بحال لقنية ملي لاحها فوق ناموسية وغوت ، عرفات راسها زبلاتها معاه او تعصب نيت) مالك كتغوت عليا (الالة باز ماكتمرݣيش)
اكسيل : (طلعليه دم نيت تاع لمعقول) زميه منسمعش حسك والا وبرب لكعبة تا نريب هاد لوطيل فوق راسك، دصارة تاع والو من صباح ماني كندوي معا طاسيلتك مكتسمعيش
لغالية : ولكن
اكسيل : راني قتلك سديه زيدي كلمة خرا رجلك مغتحطش برا دكازا كتسمعيني ، انا لي مخ*ور فدماغي كنتشاور معا طاسيلتك او كنحاول نقنعك انا ديالك لي يجيبك بزز بلهلى يݣزيه ليك
لغالية سقلات مازادتش دوات ، وحضاتو وهو كيجمع فديك روينة او كيلقط فزاج ، بقات متكية فوق ناموسية تا بالها مشا دخل لحمام عاد زعمات تحرك او تنوض تبقشش فحوايجو ، فضولية هههه بقات هاكداك كتبقشش تا طاحت على دوا تاع اكسيل
لغالية : تعاش هاد دوا بسلامة (بقات كتقرا لاش كيصلاح) لا نسولين شبغاه اكسيل (ماجات فين تكمل هضرتها تا شهقات او تجمعو دموع فعينيها ، رضات داوا لساك او مشات رجعات ݣلسات مصدومة)
اكسيل : (خرج من لحمام او مشا قرب عندها مغوبش) بردتي ولا باقي
لغالية : مادويش ماعايا
اكسيل : (كان ماد يديها لوجها اهزو حيت بنو ليه دموع فوق حناكها ، سعا مادارت ليديه فين توصل لعندها تا شداتها بعضة غارسة فيها سنانها ويابسة عليه) أي لغالية طلقي واش تسطيتي
لغالية : (طلقات يديه أو بدات ضربو او تخبسو على صدرو وهي كتبكي) حمار كلب هئ هئ هئ علاش خبيتي عليا بلي راك مريض هئ هئ علاش مقلتيهاليش أدوي مابغيتينيش نعرف ياك منستاهلش نعرف
اكسيل : (حار معاها ماعرف السقها معا لحيط على قبيلة ولا يمسح دموعها تلفاتو ، جمع ليها يديها او ربت فوق شعرها ݣالس حداها) صافي صافي غا متبكيش عافاك
لغالية : (مدات يديها معنقاه كتبكي تا شبعات عاد شافت فيه بعينيه لي ولاو حمرين بلبكا) فيك سكار ياك
اكسيل : واه
لغالية : فاش مدويتيش معايا ديك سيمانة كنتي مريض ياك
اكسيل : شوية وصاف
لغالية : علاش مقلتيهاليش على أصلن مرضتي ونا ماشي حداك علاش مارجعتيش لدار وبقيتي تما ونتا عارف راسك مريض علاش (عاودات نفاجرات بلبكا) نتا مريض ونا قلقتك خايبة انا
اكسيل : عارفة راسك خايبة
لغالية : (ضرباتو لصدرو) ماتيقش أنا زوينة
اكسيل : (مسح ليها دموعها او باس ليها عينيها) نتي زوينة وعلى هاد دموع مقلتهالكش
لغالية : نتا بيخير دبا
اكسيل : واه غا هوا خصني نبعد علحلاوة
لغالية : بص حسن عوانك
اكسيل : واه حسن عواني خصني نبعد علعسل
لغالية : (بتاسمات ليه بلاهة) لعسل سكر طبيعي او مزيان لصحة خصك تكتر منو خصوصا نوع تاع لغالية دقة بطلة
اكسيل : هههه واه دقة بطلة لقبر نيشن
لغالية : الله انجيك ، مقلتيليش علاش جاو معاك دراري
اكسيل : جود عندو شي وراق اخرجهوم او صباح على حساب طبيب
لغالية : طبيب علاه مالها مريضة
اكسيل : لا قطعات دوا مودة هادي
لغالية : (شدات فمها) وشنو قالت طبيبة
اكسيل : خصها تعاود لعلاج من اول وجديد
لغالية : (بحزن) يعني هي محتاجاك تبقا معاها فهاد لوقت
اكسيل : واه ، او حرت بينك او بينها الغالية بنتي محتاجة ليا نبقا فجنبها وعاود نتي مغنقدرش نبزز عليك تجي لهنا ونتي ماباغاش
لغالية : (جاها تأنيب الضمير عارفاه دار لمستحيل على قبلها ويلى زادتو تا هي على لمرض تاع صباح خصوصا انو هي عارفة كيف دايرة علاقتو معا ولادو ، او بلي ميمكنش اخلي بنتو وهي محتاجاه) صاف عطيني شوية تاع لوقت نفكر
اكسيل : على خاطرك
لغالية : (قربات عندو) سمح ليا على قبيلة
اكسيل : (زاد قرب منها) شفوي ماعندي ماندير بيه ، لهضرة ما تشري خضرة انا بغيت تطبيقي
لغالية : ههههه وليني راك شلاهبي
اكسيل : باقي تا ما درت شرع يدي ونتي كتشكاي (مد يديه كيتلمس فخضها لي معري او كيطلع تال كتافها يرسم دوائر او يرجع هابط لفخاضها) شنو ندير فيك دبا هممم
لغالية : (كانت كتبورش من لمساتو خصوصا انو يديه كانو باردين) ياك طبيب قاليك بعد علحلاوة
اكسيل : هههه حلاوتك الغالية واخة يحيدوهالي ݣاع طبة ماتفرقني عليها غا لموت
لغالية : (تكات ليها فوق ناموسية ومدات يديها كتلعبليه فشعرو)
اكسيل تحنا عند لغالية مدوز يديه مور عنقها او مقربها منو ، او مخالط انفاسهوم بجوج متأمل عينيها لي نهار على نهار كيلقا راسو غارق فيهون ، متأمل لحمورية لي طالعة فحناكهو تقول اول مرة غيقرب ليها ، هاد تفاصيل لبساط كانو كيخليو اكسيل ايزيد يبغيها او يتملكها ، زاد قرب عندها ملي حس براسو مابقاش قاد يصبر قدامها ، دمج شفايفهوم مخلي لراسو لحق أنو يدوق حلاوتها نغامس فرحيقها ، يمص شنفة تا ينفخها و يدوز لختها تا هي ولسانو كيجوب اعماق فمها يستكشف جوهرها ، لغالية لي كانت فعز اندماجها فلقبلة لي كانت بدايتها مسالمة ونهايتها شرسة مصان او عضات ، حتاجت تفصل شنايفهوم ملي حسات بلهواء نفذ من ريتها ، ولكن اكسيل ماعطاهاش لوقت بزاف او رجع دامج شفايفهوم فسلسفة قبل أعمق من لي سبقوهوم ، يدين لغالية ستاقرو مور عنقو كيلعبو فشعرو او يتحيسو ضهرو
لغالية : (حسات باكسيل مدوز يديه تحت ديباردور ديالها وطالع لسوتيامات ديالها كيعجن فبزازلها او يعصرهوم) آي آي اكسيل
اكسيل : كتوحوحي من دابة (ناض ݣلس على رمابيه مقابل معاها او حيد ليها ديباردور او نص ليها تا شورك تا بقات قدامو غا بدوبياس ، عاد رجع هبط عندها كيبوس ليها فعنقها او ويعض ليها ودنيها ) لغالية
لغالية : هممم
اكسيل : (عاود همس ليها فودنيها) لغالية
لغالية : (معالم بيها غا الله واصلة فيها لعضم) نعام
اكسيل : مبقيتش قاد نصبر كتر
لغالية : تا انا
اكسيل : ههههههه (حيد ليها سوتيامات ديالها او تلاح على بزا*زلها يبوس او يعض فيهوم او لغالية غا كتلوا تحتو او تشد فشعرو)
لغالية : آح آي آح اكسيل …. اكسيل (صبرات عليه تا عيات هي دفعو او طلعات فوقو ، كتبوس ليه فعنقو او صدرو دايزة لعضلاتو او ترجع لفمو مرة خرى ، مخلية طر*متها كتلوى فوق ت*بو لي منفوخ من تحتها او هاز لعلام)
اكسيل : (حس براسو غيطرطق مابقاتش قاد يصبر هو يمد يديه مقطع ليها سليپ او قالبها على ضهرها ، نص لبوكسور ديالو او شد سيد شيخ حاكو معا تب*ونها تا فزݣو مزيان عاد طلعو معاها)
لغالية : أي أي أي اكسيل (محدها كتحسبيه كيطلع او ينزل فيها وهي غا كتلوا او تستحلاها ) سربي شويا
اكسيل : (داكشي نيت لي كان باغي بقا كيديه او يجيبو فيها بزربة ، وملي حس براسو قريب ايجيبو فيها خرجو وخوا حليبو فوق كرشها ، مخليها كتنهج مد يديه لكلينيكس هزو ومسح ليها ومسح لراسو عاد تمغط على ضهرو حداها)
لغالية : (بقات مودية متكية حداه ياتا عاناضت عندو) صافي غتنعس
اكسيل : (ضرب ليها راسها بشوي) كلاتك عاوتاني
لغالية : هههههه كلاتني وخاص لي يحكهالي
اكسيل : جي تكاي آصݣعة متجبدينيش
لغالية : وايلي على لكواي ديالي ياكما شرفتي زعما لموطور عندك باقي نحيلة مطرطرش
اكسيل : لغالية
لغالية : (تحنات عند شفايفو كتبوس فيهوم او يديها تمدو لديالو كتمسد فيه تا حساتو هز لعلام مرة خرى) لا لا باقي شاد راسك ههههه
اكسيل : شهدو نتي لي جبدتيني
لغالية : آنا ؟ لهلى يطيح عنا شي باطل مجبدتكش هو لي ناض بوحد ، ولكن ماتسالني غا نعاود نهبطو (غمزاتو فخر لكلام قبل متكوز ليه بطر&متها او تقابل ديالو معا كمارتها ، مدات يديها تب*و شاداه او مقرباه لفمها كتفزݣ راسو بلسانها)
اكسيل : (شحط طرمتها تا غوتات)
لغالية : آي (ضارت عندو عاقداهوم) حشومة كضرب فيا ونا باغة نبردك
اكسيل : (عاود شحطها لطرمتها) كملي كملي
لغالية : (خشاتو فمها كطلع فيه او تنزل او ترجع تمص فيه او تمص فلبي&ضات ديالو)
اكسيل : (لي كان مقابل معا طرمتها عاود شحطها فيها او مد يديه لتبونها كيدوز عليه صبعانو ، او ملي حس براسو زاد تزير دخل فيها جوج صبعان وبدا كيلعب او سطها ، مخلي لغالية كتقلب فعينيها)
لغالية : آي اكسيل (سيد جهلها تا مابقات تصبر خرجات صبعانو منها او ݣلسات فوق حجرو مطلعاه معاها ، طلع او تنزل او اكسيل داير ما بغا فبز&ازلها بلعجين او لعصير او مرة مرة اشحطها فطرمتها)
اكسيل : لغالية سربي شويا
لغالية : هاني هاني كنسربي
اكسيل : (مرة خرى تسنا تا جابتو لغالية هي لولة او قرب هو يجيبو من بعدها هو يخرجو خاوي حليبو على ضهرها)
لغالية : (باست اكسيل من فمو او تكات حداه كتاخد نفس)
بقا اكسيل او لغالية ناعسين تا طاح ضلام عاد ضرباتهوم لفيقة
اكسيل : (كان سبق لغالية لحمام دوش او توضى)
لغالية : متبداش صلى ستناني نصليو بجوج (ناضت بزربة دخلات لحمام تا هي توضات او خرجات عندو لابسة ديك جلابة باش جات) صافي انا واجدة
اكسيل : (قام صلى وبدا كيصلي بلغالية دوك ركعات لي دازوهوم ، عاد سلمو او جمعو سجادة علاش صلاو)
لغالية : (شافت فساعة دطيليفونها لقاتها ديك تسعة) خاصني نمشي دابا
اكسيل : بقاي تال غدا ورجعي
لغالية : غيخصنا نجمع حوايجي هاد ليلة باش غدا نرجعو كيما تافقنا
اكسيل : (حرك ليها راسو بإيه) يالاه نوصلك ليل هدا
لغالية : اوكي (هزات صاكها بزربة ولحقات على اكسيل لي كان سبقها بشوي ، ركبات حداه فطونوبيل او مشاو مضيماريين تال قدام دار لغالية عاد حبسو) غتنزل معايا
اكسيل : لا
لغالية : وعلاش مابغيتيش تعرف عليهوم
اكسيل : معرفتهوم بالنسبة ليا تضياع تاع لوقت
لغالية : على خاطرك انا غنخليك دبا بسلامة
اكسيل : (قرب عندها مامخليهاش تمشي) بسلامة هاكداك حرفية
لغالية : (حشمات) ويلي لا غيشوفنا شي حد
اكسيل : ويشوف مابقا حد ايبوس مرتو
لغالية : بوسها فدار ماشي فزنقة
اكسيل : (دوز هضرتها من ودن او خرجها من ودن ، او قرب عندها كتر من لول دامج شنايفهوم بجوج)
لغالية : (ملي حسات بشنايفو محطوطين فوق دياولها غمضات عينيه وبدات كتجاوب معاه)
اكسيل : (بتاسم بجنب او زاد فلوتيرة تاع لبوسة ملي عينيه لمحو سليمان قريب منهوم)
لغالية : (بعداتو عليها ملي حسات بانفاسها تقطعو او اكسيل غا مزايد فيه) صافي باركة كليتيني
اكسيل : (مد لابهام ديالو كيمسح بيه على شنايفها ، وكيشوف فسليمان بشوفات ممفهومينش)
لغالية : (تبعات عينيها لفين كيشوف اكسيل ، هي تشهق ملي شافت باها سليمان لي كان واقف حداه عبد الله ، قادات راسها مزيان او خرجات من طونوبيل ممسوقاش) انا مشيت تا ندويو من بعد (صيفطات لاكسيل بوسة فلهوى قدام باها بلعاني)
اكسيل : (كسيرا طونوبيل بجهد او مشا فحالو)
سليمان : (لي مكان قاشع فديك طونوبيل تا حد من غير لخيال تاع لغالية ) لغالية ؟
لغالية : لواليد ؟
عبد الله : (فهم لبلان لي واقع ، او ستنتح بلي ديك لي كانت كتجلقم فطونوبيل هي لغالية ، زير على يديه كيحاول اتحكم فاعصابو) شكون هادا ، او اش مخرجك فهاد ليل ؟
لغالية : (طلعاتو ونزلاتو) مكنضنش اني محتاجة نفسرليك
عبد الله : (دم بدا كيغليلو فراسو) كفاش مغتفسريليش ونتي ݣالسة كتجقلمي ليا حدا ضار
لغالية : او من بعد شدخلك نتا ، لزم حدودك او حتارم راسك راني مغانسكتليكش
عبد الله : واش …
سليمان : عبد الله سكتنا
عبد الله : ولكن أبا
سليمان : دويت معاك مشغلكش فيها راها كبيرة وعارفة راسها شنو كادير
لغالية : (دخلات سابقاهوم لدار او طلعات نيشن لبيتها بدلات عليها عاد عاودات هبطات عندهوم) سلام عليكم
كلتوم : (كانت تا هي نزلات تݣلس معاهوم) بنتي رجعتي آجي تݣلسي آجي غتكوني عييتي
فرح : (كان قاتلها لفضول) لغالية شكون هادا لي وصلك بديك طونوبيل
لغالية : راجي
سعاد : راجلك ؟ وعلاش مجاش دخل غا وصلك او مشا كان ايدوز اشرب غا شي كويس داتاي
لغالية : راجلي ماعندوش معا لبراني
فرح : عندك منو شي دراري ولا لا
لغالية : (سايراتها باغة تعرف شتحت راسها) باقي هاد ساعة
فرح : (فرحات) ايوا لحمد الله ماغاديش تمحني فطلاق ، (مدات لغالية واحد لاكارط) هادي واحد صاحبتي محامية كنت دويت معاها انا ومي لبارح او شرحنالها حالتك او قالتنا بلي طلاق فهاد لحالة مضمون او ساهل
لغالية : (بدات لقردة كطلعلها لسطح) عاودي عاودي شقلتي طلاق شكون غيطلق بسلامة
كلتوم : ابنيتي ختك كانت فكرات فيك او قالت تسهل عليك لأمور باش دغيا طلقي
لغالية : (شدات ديك لاكارط قسماتها ولاحتها على فرح) هاد لخ*را ديالك سيري شوفي علامن ديريه ، قاتلك طلاق شكون قالك انا باغة نطلق تشكيت عليك طلبتك تا داخلة شبوقات لي مكيعنيوكش
فرح : (مارضاتش منها) ييه نستاهل انا لي كنفكر فيك قلت نعاونك تهناي من داك شارف او تعيشيليك حياتك تا نتي معا شي حد صغير
لغالية : (غوتات) الالة شارف ونا باغاه تشكيت عليك قتلك بغيت صغر ، لا نتي لا هادو باشمن حق كدخلو فحياتي نطلق ولا نتزوج ولا نموت باشمن صفة كدخلو فحياتي
كلتوم : لعار ابنيتي لما غا تهدني حنا غا فكرنا فيك او فحالتك مغتكونيش فرحانة معاه اللهم طلقي ماحد مابيناتكومش دراري
لغالية : واش نتي مريضة فمخك شويا لا ، كتفكرو فمصلاحتي مضحكونيش شكون زوجني ليه نهار لول باش احيد لعار ادويو ، شكون باعني ليه برخيص نهار لول ادويو شتكوم سكتو ، شتو داك لغريب لمن بعتوني هو لي حن فيا ومخلى مادار على قبلي ، هي لي تاق فيا وعاوني نوض على رجليا بعدما غدروني اهلي وناسي داك شارف لي معاجبكومش هو لي عطاني لقيمة او دارلي لعز , او هوا لي بزز عليا نجي نشوفكوم انا راني ݣاع محتملة تا نلوح عليكوم سلام حيت ماتستاهلوهش ، او داك شارف لي معاجبكومش منو نخلاق او على ذمتو انبقى
بعدما خوات شوية من قلبها او تبوعات عليهوم طلعات لقيتها معصبة او مغددة مجرد فكرة انها تفارق على اكسيل ولا حتى تبعد عليه كتمرضها فصحتها او ضرها فخاطرها
#عند جود #
بعدما خرج دوك لوراق لي عندو مشا عند مو كيما وصاه باه ، دق فلباب هي تحليه صباح
جود : (بانتليه عيانة) زين صڤا
صباح : حمد الله دخل متبقاش برا ، تعطلتي بزاف
جود : راك فلمغريب الحاجة إلى مشحفوك عليها متشمهاش ، (سد لباب من موراه او حيد سبرديلتو) لوليدة كاينة لداخل ؟
سناء : (خرجات عندو من لبيت دايرة لماسك لوجها) عاوتاني ديك لوليدة واش انا غنبقا نقوليك ديما عيطلي بسميتي ولا بماما
جود : صاف غنبقا نعيطلك بسميتك او نتي عيطيلي عمي جود باش تباني صغيرة
سناء : او مالي ماشي صغيرة وزوينة او سپوغتيف
صباح : (عنقات سناء) راه كيغير منك حيت كيبان هو لي والدك ماشي نتي
سناء : الله ايجيب لي يقول لحق
جود : تحاميتو انا غندخل لبيتي نبدل
صباح : متعطلش باش نتعشاو
جود : اوكي (دخل لبيتو ونصل حوايجو هوما لولين عاد مشا جبد كيطمة تاع دار من لباريزة ولبسها خارج عندهوم) هاني رجعت
صباح : (كانت حطات لپيتزا لي كومونضاو فوق طبلة هي ولمناضة ودارت فيلم فتلفازة تفرج فيه) زيد تاكل بزربة غتبرد لپيتزا
جود : (تسرح فوق لفوطوي كياكل او هو متكي) ماما
سناء : نعام
جود : خدامة غدا
سناء : لا
جود : يعني نمشي نخرجو مجموعين غدا ، نتغداو على برا
صباح : (فرحات) واه اماما شحال هادي ماخرجنا
سناء : مكرهتش ولكن ميعداليش درت معا صحاباتي نمشيو نخرجو مجموعين
صباح : ميعداليكش زعما تأجليها حنا راه غدا بليل راجعين او شحال هادي مادوزنا لوقت معا بعضياتنا ، عافاك
سناء : صباح راك ماشي بنت صغيرة باش تلسقي هاد لسقة وزيد راك غا واحد شوية وغتجي لهنا وآرا ديك ساعة مانخرجوا ، دبا درت معا صحاباتي
صباح : (كمداتها لداخل ديالها وسكتات) واه مرة خرى ونخرجو
جود : (معا تاع لمعقول ناض بتفنطيز هز طيليفونو او خرج معصب) خلي زمراتك انفعوك
صباح : جود آجود (تبعاتو بجرى قبل مينزل فدروج) ستنا فين غادي
جود : غادي يضربني لبرد لانصدق قايلها شي هضرة ماهياش
صباح : حشومة راه مك هاديك
جود : هاد لخضرة قوليها ليها هي عند بالها باقة برهوشة
صباح : دبا غا برد او يالاه دخل ليل هادا
جود : لا أنا غنمشي نتمشى شوي يالاه معايا تا نتي
صباح : لا أنا عيانة بغيت نمشي غا نعس
جود : (مد يديه قايسلها راسها) سخانة طالعة ليك شوي دخلي شربي دوا ونعسي
صباح : واخ
عطاها جود بضهر او زاد فحالو قاصد لبحر فحين هي دارت داكشي لي قالها خوها او نعسات
#عند ياسمين#
على الحان مواج لبحر لهايج مجموعة من لمراهقين او شباب لي ݣالسين على شكل دائرة كتوسطها لعافية لي شعلو باش دفي ليهوم لجو ، شي مكيعرف شي ولكن شغفهوم او طيشهوم خلاهوم اتجمعو هنا اشطحو ويغنيو تا يصبح صباح ، او من بين دوك ناس كاملين كانت ياسمين ݣالسة او فيديها مصاصة كتمصها ساهية فلبحر او مستمتعة بلجو ، ولكن خطوات تاع رجلين لي تسمعو قربها خلاتها تهز عينيها فمولاهوم ، لمحاتو او لمحات كسدتو او لحظة من الثانية حسات بهيجان او امواج قوية ضربات قلبها او حركات كيانها ، سهات معا كل خطوة دارها هو لي مكانش منتابه لوجودها قرب عند واحد من دوك دراري سلم عليه سلام حار يمكن كيعرفو شكون عرف
جود : (لي كان كيتمشا فلبحر بلى هدف بانوليه مجموعة تاع ناس مجموعين تما قرب عندهوم او لمح واحد لمعرفة قديمة تما) لفين العشير
دري : (وقف كيسلم عليه سلام رجولي) افين العشير صڤا
جود : (ݣلس حداه) حمد الله هاد ساعة فينك نتا
دري : هاحنا أخاي جود كنتسركلو او خالقينها بيناتنا وصاف
جود : ههه تا هاديك مزيانة لواحد هو لي يفوج على مخو
دري : واهي نيت لا فوجتي عنا بحال دوك ليام (مدليه واحد لݣيطار)
جود : تا نتا علاش عاقل راه زمان هادي ماضربت شي وطار
دري : فورصة مناسبة ، دراري (سكت كولشي او شافو عندو) هاني ضبرتلكوم على شكون اضربنا لݣيطار لقاولي دبا شكون تغني معاه وآش اتغني
لبنت : (نقزات من اوسطهوم حاطة عينيها على جود عجبها) اغنينا بس عاشانك
دري : (شاف كولشي متافق معاه) صافي مشات مكاينة تا وحدة اتغني معاه
لبنت : اغنينا غا هو
جود : (ممسوق لتاشي حد باغي غا يفوج شوي على راسو ، شد داك لݣيطار او بدا كيضرب فيه على الحان ديك لؤغينية وبدا كيغني بصوت هادئ)
*متيم انا فيك ياكل كلي
*مؤبد حبي ليكي ياحلوة مري
*بالمسة من ايديكي هاقد حل امري
*سلمتك قلبي فيا حلوة مري (كمل على غناه ولكن هاد لمرة تسمع غنى بنت معاها ، للحضة جود لقا راسو سها فغناها ويديه كأنها مجبورة تعزف ليها ، تبع مجرا صوت او شافها نفس لبنت لي شحفاتو او كرهاتو فكازا نفسها لبنت لي حركات فيه شي حاجة هو براسو معارفهاش ، ياسمين لي مستحملاتش تبقا صابرة وهي موتها لموسيقى لحاجة لوحيدة لي كتخليها حرة وبلا قيود بدات كتغني معاه بلاما تشعر ولكن على غير عادتها لاغنية لي مكانت كتيق فكليماتها تا حاجة ، فلحضة لقات راسها كتردد جملها وكأنها كتآمن بصدقها)
*صرت اشوفك كلشي لاتتروكيني هون
*لحالي بمشي بس اتكوني للعون
*ضايع بلكون شوفي حالي لليوم
*بس عاشانك بنزل لنجوم بنزل سما
*بعملك لغيوم ماسك كفك أنا
*وبعتمت هليل كوني انتي سنا
وبهاكدا كانت هي حبسات لغنا مخلياه كيغني هاد تلاتة تاع سطور كأنو كيعطيها لوعود
بعد ماسالات ديك لأغنية موراها بدقائق معدودة تفرتكات ديك جماعة شوية بشوية تا بقات غا ياسمين او جود او ديك لبنت تاع قبيلة معا واحد صاحبتها خرى
لبنت : (منين جا جود او هي حاطة عليه عينيها ، تسنات تا خف لغاشي او دارت بادرات فلهضرة معاه) صوتك زوين تبارك الله عليك
جود : هادا من دوقك
لبنت : نتا ماشي منهنا ياك
جود : (ماباغيش أدوي معاها او فنفس لوقت ماباغيش اخرجها) واه
لبنت : هه معرفتينيش على راسك انا اسماء
ياسمين : (محيداتش عينيها على ديك لبنت او غا مصغرة فيها عينيها او كتبرݣم) مدلولة باين مباغيش أدوي معاك (صبرات تا عيات هي تجمع لوقفة باش تمشي ولكن قبل دوات معا ديك لبنت) غتبقاي لاسقة سميتو مروان بردتي دبا مدلولة (غا سلات هضرتها مشات او خلاتهوم)
لبنت : ياعلى برهوشة ، شنو بالك نمشيو لشي بلاصة نكملو فيها سهرتنا
جود : لا شكرا انا غادي نمشي (هز لفيستة ديالو فيديه او زاد معا طريق مخليهوم بوحدهوم كيتقلاو بلفقصة )
ياسمين : (كانت شادالها واحد لقنت او هازة فيديها ݣارو ممشعولش) عندك شي بريكة
جود : (قفزاتو) ديري لحس المرض ديري لحس
ياسمين : عندك بريكة طلقني
جود : (غوبش) لا مكنكميش
ياسمين : ماتنفع فتا وزة حيد عليا
جود : واش انا فينما نمشي خاصني نلقاك
ياسمين : شكون خاص إيقول هاد لهضرة لاخر ونتا خارجلي فعودي ، ياك قلتي سافرتي مالك رجعتي (سدات على فمها ودوات بهمس) ياكما
جود : ياكما آش
ياسمين : (بدات دراما ديالها) ياكما اصݣع طحتي فيا وماقديتيش على فراقي داكشي علاش رجعتي ، لا لا ماتقولهاش سمح ليا غنضطر نرفضك
جود : (طول فيها شوفة قبل ميزيد خلفة معا طريق) لا حول ولا قوة الا بالله
ياسمين : (تبعاتو ناوية تهججو عاود) واهيا وا اوسو
جود : (حبس او ضار عندها مغوبش) شباغة عندي البرهوشة بريكة ماعنديش
ياسمين : شتي زربة شحال خايبة عندك شي صرف فجيب
جود : من لخر جيني شبغيتي
ياسمين : فيا جوع ديني عشيني على حسابك
جود : من نيتك والدك انا وناسيك
ياسمين : دبا مابغيتيش
جود : ماتصوري مني تا درهم
ياسمين : على خاطرك أصلن اسماء ملي نعطيها نمرتك ماشي غا لعشة لي غتشريلي تقدر تا تبناني شنو بالك
جود : زيدي زيدي البروصي غا الله اخرج هاد ليلة على خير
ياسمين : (قلباتهاليه هضرة تاع لمشرملين) تشا راه بنادم غا ديال تشخراج لعينين
جود : صبر يا ربي صبر
داها جود على سعدو وعدو لواحد سناك خدالها منو واحد جوج كاسكروطات تاع لكفتة او قرعة تاع لموناضة
ياسمين : جوج ݣاع راك سخي معا ك*رك
جود : صلحي فمك
ياسمين : داير ليا فيها فقيه
جود : انا ماشي فقيه انت ولد لق*حبة حيت تسلطات عليا وحدة بحالك كانو ناقصيني لماشاكيل فحياتي
ياسمين : الى زهرك مكوز شنديرلك انا
جود : كولي كولي
ياسمين : (كملات ماكلتها على خاطر خاطرها مخلية جود هي لي يخلص عليها) يالاه بسلامة
جود : فين بسلامة داركوم ماشي من ديك جيهة
ياسمين : باقي مغانمشي لدير
جود : زيدي قدامي لداركوم زيدي
ياسمين : ضسرتي لا مخلص عليا رابعة دلحم وليتي تشرك او تآمر مزيانة هادي
جود : زيدي لداركوم بلا فضيحة باش نمشي تا انا نق*ود فحالي
ياسمين : (شافت تا عيات هي تسرسب قدامو فسكات)
جود : (كانو فطريقهوم لدارها) شكون دار فيك هاد لحالة
ياسمين : (الصمت)
جود : دابزتي باينة
ياسمين : ملي عارف لاش كتسول
كمل بيها طريق تال دارهوم وصلها او زاد فحالو
#عند صباح#
كانت كتقلب فراشها من صباح ولكن ماداهاش نعاس بتاتا داكشي علاش شعلات طيليفونها او دخلات كتسركل فلأنسطا ، بقات دخل لحسابات تاع دراري تخضر عويناتها تا طاحت على لحساب ديال محسن كانت بغات تشوف تصاور لي لايح سعا عندو لحساب خاص
صباح : نصيفطليه لا لا غنبان مايتة عليه ولكن راه شادني لفضول ناري شغاندير شغاندير ، صافي لقيتها اجردة مالحة فين كنتي سارحة آش كليتي آش شربتي غي تفاح يا بونفاح ، جات فغنصيفط ليه يعني صافي (لكاتبة : اسبحان الله اشريفة جات فماتصيفطيش لاش مسيفطة ، صباح : ناري ياختي والحضية لحضية شوفي شوفي شوية لهيه)
محسن : (لي كان متكي فراشو كيطيب نعاسو مودة ولكن شي نعاس ماجاه ، خدا طيليفونو او دخل لانسطا معا لوقت لي سيفطاتليه صباح طلب لمتابعة دارلها قبول او رد لمتابعة ، وبقا مودة كيفكر واش اصيفطلها ميساج ولا بلاش ، بقا مودة هاكداك تا عيا هو يطفي طيليفونو ونعس)
صباح : (بقات كتسنا فيه ايسيفطلها ميساج بعدما قبل طلب ديالها او دارتها رد لمتابعة تا عيات والو مسيفطش ، زعما او دخلات لحساب ديالو تشوف تصاور لي ناشر ، لقاتو ناشر أغلبية تصاورو فجبال او لبلايص لخاوية ولا مصور غا طبيعة ، لحاصول او مافيه صباح ما نعسات تا شافت ݣاع تصاور لي ناشر)
يتبع
التعليقات 0