اكسيل : (حرك ليها راسو بإيه او شد طليق لجيهة ديك ريسطو لي كانت عبارة على ريسطو عادية او محتارمة كطل على واحد لواد ، كيقصدوها لعئيلات حيت جات فبلاصة زوينة او مفججة)
لغالية : (كتشوف من شرجم) هاحنا وصلنا
اكسيل : (خرج بطولتو وعرضو من طونوبيل بعدما بلاصاها جنب طريق فين كاينة ديك ريسطو . كان شعرو راجع لور بعشوائية شي لي خلاه ايبان عفوي وانيق ، كان لابس سروال تاع توب زرق معا لفيسة ديالو لي كانو فيها جوج عقاد او لكول ديالها بلكحل ، كانو صدايفها محلولين مخليين تريكو لي لابس لتحت ايبان ولي كان لاسق عليه او طالع ليه لكول او بلون لكحل ، معا صباط كحل ، لغالية تا هي نزلات من طونوبيل او مشات حداه ، شابك يديه معا يديها او زادو داخلين لديك ريسطو لي كانت من لداخل كبيرة واسعة او مكالمية ، الوانها هادية فيها طبالي ضايرين عليهوم كراسيهوم لي كانو عامرين بناس)
لمودير : (كان كيضور على لخدمة ايشوفها كيف غادية تا باليه اكسيل هو يمشي قاصدو مبتاسم ) سي اكسيل مرحبا والف مرحبا زارتنا لبراكة (ستقبلو بحرارة حيت كان من ضيوف لكبار او دائمين تاع هاد ريسطو من مشحال هادي) تفضلو تفضلو
اكسيل : ربي يخليك كاينة شي بلاصة
لمودير : الله أودي لمحل محلك ويلا ماكانتش نحضروها ، شنو تبغيو لتحت ولا لفوق
اكسيل : (شاف فلغالية) شنو تبغي
لغالية : لفوق حسن هنا عامر
اكسيل : (رجع كيشوف فلمودير) شوفنا لفوق
لمدير : هي لولة مروان آمروان
مروان : نعام (جاي عندو كيجري)
لمدير : عفاما اولدي دي سي اكسيل او مرتو لفوق او شوف شنو بغاو
مروان : واخة ، من هنا (شارليهوم لطريق تاع دروج او هوما موراه تابعينو تا طلعو لفوق لي كان خفيف فيه لغاشي ، وصلهوم لواحد طبلة فلقنت ملاسقة معا لحيط تاع زاج لي كيطل علواد)
اكسيل : (جر لكرسي لغالية تا ݣلسات هوا يمشي يݣلس مقابل معاها ، حاط طيليفونو او سوارت تاع طونوبيل فوق طبلة)
مروان : شنو حب لخاطر آسيدي
اكسيل : انا جيبلي كيف لعادة ، وجيب ليها هي دجاج معا شلاضة عادية
مروان : (قيد داكشي فورقة قبل ميمشي) واخة واحد شوية او يكون واجد غداكوم
لغالية : (سهات فلما لي كيجري فلواد) شحال هادي ما خرجنا بجوج
اكسيل : (مد يديه شاد ليها فيديها) غا نسالي شي خدمة عندي او نخرجو
لغالية : (شافت فيه بعدما حيدات نضاضرها او بتاسمات ليه ابتسامة هادئة) إنشاء الله
مروان : (جا هاز فيديه شي طباسل حطهوم قدام لغالية واكسيل او دوا بصواب) تبغيو شي حاجة خرى آسيدي
اكسيل : لا صافي شكرا ، يمكليك تمشي
لغالية : ( هزات لفرشيطة او بداك كتاكل) احقا ماقلتيليش شكون هادي غيخطب سعد كنعرفوها ؟
اكسيل : غا تكوني كتعرفيها بنت لحاج قاسم
لغالية : واش داك لي موالف كتاخد منو سلعة دلبني ، لي عندو لوزين فدخلة تاع لمدينة
اكسيل : واه هاداك
لغالية : او شكون فبناتو لي بغا سعد
اكسيل : لي قبل صغيرة
لغالية : آه يسرى سميتها ياك ، الصراحة بنت ضريفة كنت كنشوفها شي مرات معا باها فلقيصارية ، نتا لي دويتي معا باها ؟
اكسيل : واه كان جا عندي سعد قالي بغيت نتزوج ضبرلي على شي حاجة معقول وحضرلي فبالي لحاج قاسم
لغالية : مزيان الله اكمل عليهوم بلخير
اكسيل : آمين
لغالية : (كانت كاتاكل او كضور تشوف فجناب تاع ريسطو ، تا طاحت عينيها على واحد جوج بنات كانو ݣالسين اونفاص معاهوم ، كيشوفو فاكسيل مابغاوش احيدو منو لعين او كيوشوشو بيناتهوم ، لغالية بدات كطلع ليها لقردة لسطح ولكن كتحاول تجاهلهوم او متبينش او كاتقول دبا يحشمو سعا والو) حياتي انا غنمشي لحمام او نرجع ( ناضت مخلية ساكها او طيليفونها تما ، ومشات قاصدة لحمام تقضي حاجتها او تبرد واحد شويا)
#عند دوك جوج بنات #
ماكانوش ݣالسين تم من لول ماجاو تا كان تحط لغدا لإكسيل او لغالية
لبنت 1 : ( كانت بنت طويلة اوصابغة شعرها بصفر ، لابسة سروال واسع مع تيشورت قصير مبين سرتها ، غا ݣلسات بدات كدور فعينيها تما تضربات فإكسيل لي كان كياكل بنخوة ، ما قداتش تبعد عينيها عليه وخابنليها ݣالس مع شي وحدة ، حسات بقلبها كيضرب فحلقها ) سلمى ، سلمى شوفي داك لي ݣالس مقابل معانا
سلمى : ( بنت زوينة وقصيرة شوي ، مبوكلية شعرها ولابسة كسوة مزيرة حد ركبة كتوصف منحنياتها ، ما كانتش رادة لبال لاكسيل تا قالتها ليها صاحبتها عاد نتابهات ليه) الله الله شهادشي كانشوف قدامي على زين على نخوة على ݣلسة ، ياختي كيحمق
لبنت 1 : ايوا شفتي زين على حقو وطريقو كبوريتو عاطياه لهيبه باينة فيه مرفح ياك ؟ ولكن هاه ديالي انا لي شفتو لولة
سلمى : (ردات البال لغالية) هههههه نوضي ابنتي على سلامتك ما ديالي ما ديالك ديال ديك لي ݣالسة حداه
لبنت 1 : ما شفتيهاش كتبان صغيرة عليه ما يمكنش تكون صاحبتو وزيد عجبني ما شغليش
سلمى : هدى يهديك الله شمن ما شغلكش اتخلقي لنا غير لمشاكيل راه كتشوف فينا من الصباح
هدى : (حضات لغالية تا ناضت من بلاصتها ومشات جيهة لحمام ، مدات يديها لصاكها جبدات منو واحد لكانيطة ودارت عند صاحبتها كاتشوف فيها بثقة) هاني غنمشي
سلمى : اويلي واش تسطيتي فين غتمشي بسلامة
هدى : غادة ندبر على راسي (قفات ومشات جيهة اكسيل مخلية صاحبتها غير كاتندب ، وصلات لطبلة فين ݣلس اودوات بصوت انثوي هادئ ) احن سلام
اكسيل : (حس بشي حد واقف عليه قبل ما يسمع صوتها هز عينيه فيها خطف واحد شوفة بانتليه بنت تكون فلعشرينيات ديالها ، رجع حدر عينيه بزربة مابغاش ادقق فيها ، عرف بلي هي نفسها ديك لبنت فاش كانت كتشوف لغالية قبل ما تنوض ، رد عليها بصوت هادي حتى هو ) وعليكم السلام
هدى : (لحظات بلي ما كيشوفش فيها كاع) واش واخا تحلية عافاك هذا لكانيطة ما بغاتش تحل ليا كاع
اكسيل : ( كان غيرفض حيث عايق بها شنو بغات ، ولكن ملي بانت ليه لغالية راجعة ترسمات على شنايفو ابتسامة ماكرة ، ومد يديه لكانيطة ) واخا اراي
هدى : (سهات فضحكتوا وقالت بينها وبين راسها صافي خلاتها ضمناتو ، كانت باغة تمد له لكانيطة تا حساا بشي حد نترها ليها من يديها بالجهد )
لغالية : (كانت راجعة لبلاستها بعد ما بردات شوية ، تا بانتلها صاحبة دعوتها واقفة على اكسيل ، اوزيد اكسيل مبتاسم ليها وماد يديه عندها ، شر بدا كيغلي فعينيها ما حسات براسها حتى مشات قاصداهوم ، نترات ليها لكانيطة من بين يديها قبل ميوصل ليها اكسيل ) انا غانحلها ليك
هدى : ( سترجعات نفسها او حولات تضبط راسها او ترجع لكانيطة لي خدات ليها لغالية) بلاما تعذبي راسك
لغالية : حاشا ماكاين تاشي عداب ، راجلي مفدوعة ليه يديه , او فايت فيها تهراس ما غيقدرش ايعاونك ، نعاونك انا (حلات لها لكانيطة ولكن ما مداتهاش ليها)
هدى : (حسات بلقمعة ولكن ما بغاتش تبين ، مدات لكانيطة باش تاخدها منها ساعة عبجاتها لغالية بيديها تا ترش سروالها) شهاد الزمر ، واش تسطيتي ؟ (كتحاول تبعد سروالها الفازݣ عليها)
لغالية : ( دوات بتأسف او حزن مزيف فيه لمسة من البرود والاستهزاء) اوپسي شدرت انا سمحيلي عاد تفكرت بلي تايدي مفدوعة مكنتحكمش فيها
سلمى : (جات بزربة عند صاحبتها كتجر فيها ) سمحولينا صدعناكوم او شكرا ، هدى يلاه نمشيو راه صوناو عنا صحاب دار
هدى : (شديها طرطق مشات زاعفة ) تفو على كلبة
سلمى : وانتب لي كلبة باغة دوري ليها براجلها تسكتليك ؟
اكسيل : (بغا يزاكرها) ايمتا تفدعت من يدي بسلامة ؟
لغالية : (طالعين ليها ، مشات جيهتو واقفة عليه مخنزرة ) كحاز نݣلس كحاز
اكسيل : راه هي بلاصتك لاش باغة تزاحمي معايا
لغالية : (لسقات حداه او كرزات ليه على يديه) زحام كاتعرفو غا معايا انا اما لقحبات لا
اكسيل : (شحطها بشوية على فمها) تخسار لهضرة لا
لغالية : تخسار لهضرة لا او تزلال على لبنات ايه
اكسيل : ايمتا شفتيني تزللت على شي وحدة بسلامة
لغالية : (كتحاول دوي بشوي باش ميسمعوهاش ناس) قوليا ماكنتيش ضاحك ليها ، قولي ماكنتيش اتحل ليها لكانيطة تاع لموناضة
اكسيل : (مخليها تخوي قلبها او هوا غا ساكت)
لغالية : (كانت باغة تزيد تدوي تا شافت فعينيه او حسات بيديه هازين يديها لشنايفو ، لي كانو سخان مقارنة بسطح يديها ، حسات بحناكها طلعات معاهوم لحمورية)
اكسيل : (باس ليها يديها وقرب لودنيها هامس ليها فيها) ضحكت ليك نتي ماشي ليها اهاد لمغيارة
لغالية : (حشمات) يالاه نمشيو راه تعطلتي على دراري
اكسيل : واخ (ناضو بجوج شادين فيدين بعضياتهوم او هبطو لتحت)
لغالية : سير نتا تخلص انا غنتسناك قدام لباب بغيت اضربني شوي لبرد
اكسيل : (حرك ليها راسو بايه او مشا يدفع لحساب)
لغالية : (خرجات كتسناه على برا مستمتعة بصوت لما او لمنضر ، ابتسامة خفيفة ومريحة ترسمات على شنايفها ، تا طاحت عينيها على واحد لمجموعة تاع دراري صغار كيلعبو ، سهات فيهوم او فصوتهوم ابتسامتها لي كانت مرسومة على شنايفها ختافات ، بريق عينيها مبقاش ، مافاقت من سهوتها او رجعات لواقعها تا حسات بيد على خصرها وصوت مألوف او دافء)
اكسيل : لغالية يالاه
لغالية : (رسمات ابتسامة مرة خرى على شنايفها او شافت فيه بحب) واخ يالاه
اكسيل : (ركب هو وياها فطونوبيل فسكات ، لغالية غاكتشوف من شرجم او ساكت تا وصل لڤيلة)
لغالية : وصلنا يالاه احياتي بسلامة او شكرا على ليوم
اكسيل : (غا كيشوف فيها بسكات مد يديه حاطها على حنكها بحنية ، او قرب عندها بايسها من فمها) تهلاي فراسك او سيري رتاحي إيلى حسيتي براسك ماشي تال لهيه صافي
لغالية : (حركات ليه راسها مبتاسمة ليه ، قبل متنزل من طونوبيل او دخل لدار ، اكسيل تبعها بعينيه تا دخلات لدار ، عاد تنهد او مشا بطونوبيلتو عند دراري)
كريمة : لالة رجعتي ؟
لغالية : واه جا شي حد ؟
كريمة : لا تا واحد
لغالية : مزيان سيري عافاك وري لدوك جوجات شنو يديرو لترضيضة قبل ماتمشي ، ربعة هادي واحد شوي غادي تشوفيهوم راجعين
كريمة : شنو نقولهوم إيديرو لترضيضة ؟
لغالية : لحرشة تاع زعتر او لفرماج او شي طرح تاع لمسمن
كريمة : صافي واخة محتاجة شي حاجة خرى ؟
لغالية : لا والو يمكلك تمشي أنا غنطلع لبيتي نبدل عليا
لغالية طلعات لبيتها تبدل عليها او ترتاح شوية حيت كانت باقي فيها لعيا ، غا لبسات ديك لبيجامة تاع قبيلة او صلات لعاصر حيت كان باقي عليها لوضو ، عاد مشات تخشات تحت لكاشة مغمضة عينيها
#عند اكسيل او دراري#
حبس طونوبيلتو قدام واحد لقيصارية تاع دهب او نزل منها غادي فتجاه دراري لي كانو واقفين فدخلة تاع لقيصارية كيستناوه
اكسيل : سلام عليكم
سعد : واعليكوم سلام عمي شهاد تعطيلة ممولفاش ليك
رضوان : سيد خرج يتغدا معا مرتو دونك عادي يتعطل
مجد : وانا كنقول مال عمي طالقها
اكسيل : (خبط لقرفادة دمجد بشوي او لاح على كتافو يديها جارو معاه) زيد زيد البجغوطو
علاء : فين غاديين دبا حنا
جود : غاديين نشريو دهب لمرة هاد لحتروف
سعد : حتارمتي شوية راني كبير عليك زعما ، عمي شمن
حانوت لمن غنمشيو بانولي بزاف
مجد : اواه عمك عند واحد من لحوانت لكبار او لمخيرين فهاد لقيصارية او باغي تمشي لبراني ماجاتش
اكسيل : (مشا قاصد لمحل لي كان عندو فهاد لبلاصة ، كان محل كبير او واسع فيه ڤيطرينات كبار دزاج اوسطهوم سلعة باينة وعاطية لعين ، ريحة لبخور او ند غا مطلوقة) عبد الرحمان
عبد الرحمان : هانتي الالة هاد دبليج راه من ذهب لقديم وازن او ساوي تمان (راجل خمسيني شعرو شايب او لحيتو تا هي ، لابس جلابة بيضة تحتها قميجة ، كان كيتحاسب معا واحد سيدة تا سمع شي حد كيعيطليه ) اهلن اهلن سي اكسيل زارتنا لبراكة دخل
اكسيل : كمل معا ديك سيدة أبعدا حنا غانشوفو راسنا
عبد الرحمان : الله أودي لمحل محلكوم (رجع كيدوي معا ديك سيدة) تامان لي قلتليك راه مناسب واخة ضوري رباط كاملة مغاتلقايش بحال هاد دبليج سلعة جاينا من لبعيد
سيدة : صافي على بركة الله (جبدات لفلوس من صاكها ورقة تنطح ختها ) ، راه الصراحة عارفة شنو كاين او ولفت ناخد من عندكوم ، منحلفش ليك على راجل ختي عندو ماحال على قدو ملكن لمعاملة او تيقة تاع هنا ماشي بحال
عبد الرحمان : بسم الله (شد من عندها لفلوس او مشا جاب ليها لباطة او روسي ديالها ودارهوم ليها فصاشية) بصحة و الراحة
سيدة : نخليك انا دبا الله ايعاون
عبد الرحمان : سي اكسيل لقيتو شنو بغيتو
اكسيل : شوفنا معا هاد لعريس شبغا
عبد الرحمان : مرحبا مرحبا بلعربس ديالنا شحب لخاطر
سعد : بغيت شي اوسونبلات ايكون فيهوم لخفيف او تقيل
عبد الرحمان : ماطلبتي غا لموجود (جبد شي باطات من لڤيطرينة فيهوم شي اسومبلات علشكال ) ها لجديد تاع هاد لعام فيهوم لي خفيف كيف طلبتي او فيهوم لوازن بحال هادا
سعد : دراري شنو بالكوم
جود : كيشوف معا مجد فشي ݣورميطات تاع نقرة ، شوفليك معا رضوان هو لي مزوج انفعك
مجد : تا هاداك زواج عندو راه محسوب علينا
رضوان : اديك جرانة قيلني عليك ، ونتا اسعد خود هادا أو لي حداه
شير ليه لواحد جوج اوصومبلات واحد كان فيهوم كان متكون من سنسلة رقيقة او قصيرة فيها واحد تعليقة على شكل وردة ، معا حلقات او ݣرميطة وخاتم بنفس زواقة تاع تعليقة ، عاد كاين لأوصومبل تاني لي كان باين عليه بلي وازن سنسلتو غليضة او مبرومة شوي ، معا تعليقة كبيرة فيها لحجر بلالوان ، او خاتم او طوانݣ كبار ، عاد براسلي مشبك او عامر حجر
سعد : جمعنا هادو عافاك اوشوفنا تامان
عبد الرحمان : واخة هي لولة ( هز دوك لباطات لي ليهوم لوصومبلات حطهوم فواحد ساشية ، وعمر الروسي بإسم سعد ) جاتك آسيدي جوج دلمليون او تلاتين الفريال
سعد : ( حرك ليه راسو بإيه وكان غيمد يديه لجيبو تاوقفو اكسيل )
اكسيل : عبد الرحمان قطع هادشي من ديك لمانة
عبد الرحمان : واخة هي لولة
سعد : ميحتاش اعمي راني درت بحسابي
اكسيل : خلي فلوسك عندك اتحتاجهوم من بعد ، راه باقي تابعك لفراش ددار او لعرس
سعد : (عنقو) الله اخليك لينا اعمي
اكسيل : لموهيم انا غنرجع لماحال باقي عندي شي خدمة نكملها نتلاقاو فلعشا إنشاء الله
علاء : صافي واخ تا حنا غنمشيو نيت دابة (خرج اكسيل هو لول ركب طونوبيلتو او زاد فحالو ، مخلي دراري غاديين فحالهوم تا هوما)
رضوان : (شاف جود او مجد باقين فلمحال) دراري سربيونا راه باقي تابعنا نمشي نتقداو شي مساءل لخطبة
جود : غا سيرو نتوما انا ومجد باقي كنشوفو فهادشي
سعد : ايوا صاف حنا انمشيو تا نتلاقاو فدار بليل (خرجو دراري مخليينهوم كيشوفو فلڤيطرينة)
مجد : (كيدوي معا جود) بانتلك شي حاجة ولا باقي اصاحبي واش انا لقيت مابغيت ونتا باقي
جود : عمي عبد الرحمان هاد لݣورميطات لي فيهوم جوج شحال ساويين
عبد الرحمان : هادوك اولدي 300 درهم
جود : واش لوحدة ولا بجوجات
عبد الرحمان : لا بجوج
جود : او مكيتباعوش مفرقين
عبد الرحمان : هادو جايين هاكدا كوپل
جود : (بقا كيشوف تا عيا هو ينطق) صاف آراهوم ليا بجوج
مجد : هاي هاي على لعازب لاخر شراوهوم تا لكوپلات بقيتي غا نتا
جود : (خلص على راسو او على مجد ، او دار لݣورميكة تاع رجال فيديه او لݣورميطة تانية طول فيها شوفة قبل ميخشيها فجيبو) شكون عرف لوقت آش تجيب
مجد : شكون عرف نيت ،(مشاو ركبو طونوبيل) ايوا فين نمشيو دبا ؟
جود : لبار (قالها بطنز)
مجد : مدكرش تا سميتو ، غا كنسمع كلمة لبار كطلع معايا تبوريشة وكنتفكر ديك سلخة لي كلينا ، تا راه داك باك ميمكنش
جود : هههههه لي بقا فيا كنا دمادم تفو كلينا لعصا باطل
مجد : (تفرشخ بضحك) واع فاش فكرتيني
#فلاش باك#
اوسط داك شاريع لي كان عامر بناس كانو دوك جوج قماقم تاع جود او مجد واقفين قدام واحد لباب كانو ضواو كيخرجو منو أو صداع على جهد
جود : (كان شكل ديالو باقي صغير كانت عندو ديك 17) واش نتا متأكد بلي عارضين عليك لهنا ، شوف ضواو او لموسيقة
مجد : ( عندو 16) أوآه اصاحبي واش بنتليك مكنعرفش مقيد لعنوان قالك مقهى لقدس ها لقدس قدامنا ، او زايدون راه عادي يكونو ضواو او لالوان بزاف راه عيد ميلاد تاع واحد لبجغوط علامن عارضينا ، يالاه ندخلو يالاه
جود : (كيجر فيه مجد باش ادخلو) انا ممرتاحش قلبي مامهنيني
مجد : زيد زيد باركة من لملاغة
دخلو بجوجهوم معا داك لباب او ضو لبنفسجي مضوي داك لكونوار او مراهقين وكبار واقفين كيضحكو معا بعضياتهوم
جود : اداك زمر شهاد لبلاصة لاش جبتينا ، متأكد هادا عيد ميلاد تاع دري فعمرو 9 سنين
مجد : (مضهشر فدوك لبنات لي لابسين مينيات او لي شادة فيهوم شيشة ولي شادة لݣارو ، اما دراري خلاص ماندويش) خلينا ندخلو لداخل نسلمو ونخرجو صافي
جود : تخصر لوضو مانعرف أما شي سلام ماضنيتش
مجد : (حدو شاف لداخل تاع ديك لبلاصة طرطق عينيه ، بنادم ملاسق او لموسيقى على جهد شي يشطح شي يتلوى) ولد عمي شهاد شي
جود : شكاتقول اولد لكلبة مكنسمعكش فين جبتينا فين
صمك على خوه مضهشرين مفاهمين تاوزة اول مرة يشوفو هادشي ، تلفو ماعرفو مايديرو حدهوم ضربو صورة باش اخرجو دخلو فواحد لمݣلدم ، كولو وشام او طبايع لابس لباس سربايا
راجل : (داوي كاعي) شنو تشربو
مجد : (قرب اديرها فسروالو) آتاي
راجل : (شنق عليه تا مابقاوش رجليه كيفيسو لارض ) واش كطنز عليا البجغوط (حس بيدين انثويين تحطو على يديه)
لبنت : طلقو أمصطفى طلقو دري معايا (بنت تكون فلعشرينيات ديالها ضاربة لحمر او شعر زعر زعما تعكيرة دشيخات ، صدر سابقها بميترو لقدام او طرمة پلانشا) ياك ازين (دوات بتحلوين او لمسكة اوسط فمها)
مجد : (حرك راسو بإيه بغا غا يتفك)
لبنت : (بانتلها لهمزة فيهوم ) يالاه لديك طبلة نشطو شوي ، ونتا أمصطفى جيب معاك شي ڤودكا
جود : (تابعها هو و مجد فسكات)
لبنت : هاني غنمشي نجيب لوخرين او نجي
مجد : (كيقاد فحوايجو بعدما ݣلس ) يخ على بنادم قلناليه آتاي بغا يضربنا ، سيدة طلبات لاڤوكا قالها واخة لعنصرية كيف دايرة
جود : سكتنا ويالاه نمشيو فحالنا
مجد : تا شمن يالاه واش ماسمعتيهاش قاتلك تمشي تجيب لوخرين صحاب لحفلة مالك مرعود اصحبي
لبنت : هاني رجعت (تبعوها واحد جوج بنات حريم من لور نفس لمارطة غا لفورمة لي مخالفة)
مجد : شكون هادو ؟
جود : نسولك نتا
مجد : (قربات عندو ديك لبنت من جنب او لوخرة من جنب لاخر اما جود فمشات عندو وحدة خرى) لبنات صهد لا (شاداه لبكية او شداتو لخلعة عاود)
لبنت : (بضحكة مكحبنة ، مدات يديها كتحاول تلمس فيه او هو كيبعد فيديها) ياك فيك صهد خليني نبردك
لبنت 2 : (كانت لاسقة فجود) تانتا جاك صهد تبغيني نبردك ازين
جود : (زاعف) تبرديني فرفارة نتي ، جمعي عليا يديك الله يهديك
مجد : مول عيد ميلاد مغيجيش تعطل لا
لبنت : غنيليه باش ايجي
مجد : (على نيتو شد لميكرو وبدا يغني) “سنة حيلوة يا جميل سنة حيلوة يا جميل”
جود : (ماعرف يندب ولا يبكي ماحس براسو تا طبعها معاه بقرصة) مطالع من جدك غا لغنى
مجد : (حبس لغنى او بدا كيحك فبلاصتها تا سمع ضحك تاع دوك لبنات لي معاهوم)
لبنت : ويتك ويتك على سنة حيلوة هههههههه
جود : يالاه اصاحبي نمشيو فحالنا ماقادين على فضايح
لبنت 3 : آويلي على تمشيو (هزات طيليفون جود او خشاتو بين بزازلها)
جود : آراي زمر آزمر
لبنت 3 : ناري تعصب ، باغي تمشي خود جبد طيليفونك لراسك او سير (قربات ليه صدرها)
جود : استغفر الله العظيم واتوب اليه من كل ذنب عظيم ، شبغيتي عندي ياواسع طرمة شبغيتي عندي
مجد : جبد آصاحبي نمشي جبد طلقنا
جود : (ماجا فين ايسالي تفكور تا تسمعات صطافيط او لفريع دلباب ، دنية ترونات تاع لمعقول شي كيجري او كيبكي شي فشلوايه ركابي بحال جود او مجد) عتق عتق عتق
مجد : ناري كولشي تورق
جود : (ضار عندو مفقوص) تليفوني داتو بنت لهم
مجد : ماتخافش دابا نلحقو عليه غا تهنا إيلى منسبقوه عاد
لبوليسي : جمع عليا لحزاق كامل
ماهي إيلى تواني معدودة تا لقاو راسهوم فسطافيط معا شماكرية و لمسلݣطات ، وصلوهوم لكوميسارية وبداو كيحققو معا كل واحد فهادوك تا وصلو عند مجد او جود
لكومسير : لإسم ، النسب ، العمر ، البطاقة الوطنية ، سربيو غنباتو هنا
جود : جود آيت أوسُّو ، 17 رعام ، V****
مجد : مجد آيت أوسُّو ، 16 رعام ، V****
لكومسير : بعالك دلخلى شداكوم لدوك لبلايص
مجد : جود دوي نتا
جود : شكون غرقنا من غيرك
لكومسير : (تعصب تا خبط طبلة عليهوم) واش كنلعبو هنا
جود : مشينا لعيد ميلاد
لكومسير : عيد ميلاد كطنز عليا ؟
مجد : حاشا هانتا واحد صاحبي دار عيد ميلاد لخوه صغير
لكومسير : صبر يا ربي صبر نمرة تاع ولي الامر
مجد : (بغا يدير فيها مطور وبدا يملي عليه نمرة جود) 0672******
جود : (طرطق عينيه فيه او مجد ولا بغا يحشم) شكادير واش بغا تخرج عليا (دوا معاه بهمس)
مجد : متخافش اعشيري راه تيليفونك معا ديك صݣعة لي هربات
لكومسير : (ركب نمرة او بقا كيتسنا شي حد ايجاوبو تا بدا كيسمع صونيط) طفي عليا زمر (رجع كيصوني على نمرة تا بانتليه ديك خيتي كتجبد طيليفون من بين بزازلها) آجي نتي لهنا
لبنت : نعام أشاف
جود : (لما بردايه فركابي ملي سمع صوتها)
لكومسير : ديالمن داك طيليفون
لبنت : (كتندغ فلمسكة) تاع هادا أشاف
مجد : والله ما داكشي لي فبالك أشاف والله ما….
لكومسير : (تعصب نيت) كنت عوال نخليكوم تمشيو حيت باينة فيكوم ماشي ديال هادشي ، ولكن باش نبقا تيليفون واحد فيكوم بين صدرها أنا غنوريكوم مزيان ، جي هز عليا هاد زمر او نزلهوم لتحت اتݣلاصاو
جود : (جارينهوم لبوليس) عجبك لحال دبا
مجد : (دخلوهوم لسيلون ضاربي لخير كانو بوحدهوم تم) مالك آصاحبي غدا يطلقونا زيد تݣلس زيد (مشا ݣلس فلأرض)
جود : (مشا ݣلس حداه) تفو على زهر الله ادوز هاد ليلة على خير او صاف
مجد : مالك اصاحبي لي سمعك إيقول غتزيد تكفس عنا كتر من هاكدا تا راه قبح من هاكدا مكاينش
اكسيل : تبارك الله
جود : (معا ضلام مابانلهومش اكسيل لي واقف مور لباب) بحالا سمعت صوت لواليد لا ؟
مجد : ههههههه تمتلك آصاحبي وليتي مرعود غا بوحدك مناش غتجيه لخبار
جود : عمك هاداك وجرك عالله بحالا مكتعرفوش
مجد : تا واخة يكونو ساحرينا بشعر طرمة لفيل مايجيش
اكسيل : حل ليا هاد لباب
مجد : (قفز ملي سمع سوارت كيحلو فلباب ناض كيغوت او يندب) ماتحلش ماتحلش
جود : (مبقاوش كيحس برجليه) يا ربي غا متكونش شي إعاقة مستدامة ولا ارتجاج فلمخ ياربي
لبوليسي : سي اكسيل تفضل
مجد : (هنا تلفات ليه مشا تقنت ملي بان ليه اكسيل داخل عليهوم بطولتو او فورمتو ، واقف مقابل معاهوم) عمي حبيبي خليني غا نشرحليك
اكسيل : غا تشرح غا تشرح ماتخافش (حيد ساعتو حطها فجيب او حيد موراها جاكيطة ديالو لاحها لأرض وبدا كيطفي فلكمام دلقميجة ديالو)
جود : للوال…يد حسيتي بصهد ياك ، غيدربك لبرد
اكسيل : (دوا معا داك لبوليسي) سد لباب من برا
مجد : لا لا لا لعار ، عمي عمي حبيبي خليني غا نشرحليك بدا عيد ميلاد هو صاحبتي صاحبي صاحبي او …او
اكسيل : إيهيه كمل ، قرب شويا باش نسمعك عمك معا شرف ودنيها تقالو
مجد : (كيجهد فصوت) والله اعمي تغا عيد ميلاد داك لبجغوط جود دوي
جود : شغندوي سير سير كول حقك باش ناكل تا انا حقي ماحدني باقي شاد لوضو
اكسيل : عيد ميلاد بجغوط فلبار ، زيد قرب
مجد : غا خليني هنا
اكسيل : تقرب ولا نقرب
مجد : (شاف تا عيا دموع خانوه لخلعة شداتو قرب عند اكسيل جار رجليه) عمي أنا …. (لقا راسو فلأرض حنكو مايت عليه) فوت اعمي غا لوجه ها لعار
اكسيل : باقي عندك لوجه لي يدوي (هبط عندو هازة من شعرو او جامعها معاه بتصرفيقة خرا) على خر يامي وليت نضور فلكوميساريات على براهش دلخلى أدوي
مجد : عمي أنا انا والله ما
اكسيل : قطع حسك (عاود جمعها معاه) ايصونيو عليا يقولو ليا ولدك او ولد خوك هزاتهوم صطافيط من واحد لبار أدوي (وقف على رجليه وبدا يعطيه بركولة مرا مرا كروشيات تا سخف ليه فلأرض عاد طلقو وشا عند جود نيشن ضربو بكروشي تا رعفو) كان عند بالي والد راجل ونا والد غا شماتة (عاودليه بونية خرا تبعها بركلة) شقتلك انا اولد زبي شقتلك ؟ دير كولشي إيلى حاجة لحرام بعد عليها ، شدرتي نتا من لحمارة لطايرة نيشن لبار
جود : ( حس بركلة خرى فكرشو) كح كح كح بابا والله ما كنا عارفين
اكسيل : (مدهاش فهضرتو او كمل عليه سليخ) والد زامل انا أدوي ماكنتيش عارف او لقاو طيليفونك بين بزازل ديك لبنت درتيه ايتشارجا تم ولا شنو ، وهادا غا مكنتيش عارف ياوكون كنتي عارف شغاندير ؟ تكويها قدامي أدوي (رجع كيعطيه بركول تا عطاه حقو او حس بيه ترخا عاد بعد عليه ، مشا نيشن هز لفيسة ديالو او خرج داوي معا داك لبوليسي) متخرجوهومش دبا خليهوم ايزيدو يتبردو ، لما هوا لخر منبغيش توصلهوم قطرة منو
لبوليسي : كون هاني اسي اكسيل
اكسيل : (مشا خرج من لكوميسارية بعدما دوا معا لكومسير)
مجد : (دوا بصوت خافت) واش مشا
جود : باقي عايش مغيبتيش
مجد : تا الله يهديك كون ماسخفتش ݣاع ميسخا ، ولكن كنحس براسي مرتاح
جود : (جابليه ضحك) حمد الله خرجات طريفة
مجد : لي بقا فيا تا كليت هاد سلخة عاد تفكرت واحد لحاجة
جود : شنو تفكتي شنو
مجد : داك صاحبي قاليا ديك لعمارة لي فاش كاينة ديك لقهوة دلقدس لا لعيمارة لي حداها تما فين كاين عيد ميلاد
جود : (تفرشخو بجوج بضحك) هههههههه يخليك بلخلى هههههه كلينا قتلة على والو
مجد : ههههههههه كترت لهم كضحك ، نموت او نعرف داك عمك شكون صونا عليه
جود : قول ياكما هوا لي صونا لبوليس من لول مافيه تيقة
مجد : آح مابقيتش كنحس بصحتي زعما نكون تشللت
جود : ماتخافش لواليد خيبرة كيعرف اقصح بلاما يسبب إعاقة ، عندك غا واحد عشرين يوم تاع نعاس او راحة صافي
مجد : هانية هانية لموهيم حيدنا عنا لكريدي
جود : نعس نعس
مجد : وييه حلاوتها شي نعسة علبرودة نكمدو لعضام او نرضو لمزاج
#نهاية لفلاش باك#
مجد : إيه اليام
جود : يام تدمديم او لكلاخ
#عند لغالية#
لي واخة تكات نعاس مابغاش ايجيها يمكن حيت شبعاتو فصباح ، ولكن صحتها وخاطرها ماعطاهاش تنوض من فراشها ، بقات متكية تا فات لمغرب او رجعو لبنات و دراري من برا
لغالية : (ناضت من بلاصتها ومشات حلات لباب حيت سمعات دقان)
سهام : لالة
لغالية : بلا شك نتي هي سهام لي جات معا شيماء
سهام : واه الالة كنت بغيت غا نقوليك بلي صحاب ضار رجعو
لغالية : عارفة
سهام : او كنت بغيت نسولك شنو نديرو لعشا
لغالية : ديري ليهوم ليپاط بلاصوص او صلصة لبيشاميل ، غتلقاي لكتاب تاع لمعجنات فلمجر لتحتاني ديال لبلاكارات
سهام : صافي واخة الالة ، نخليك دبا
رجعات لغالية سدات لباب ومشات وقفات حدا لبالكو مخلية لبرد اضربها فوجها وساهية ، تا سمعات لباب دق مرا خرى
لغالية : دخل
رانية : لغالية (كانت باقة بحوايج لخريج)
لغالية : (بتاسمات ليها) رانية دخلي دخلي
رانية : (زادت قربات عندها وفيديها واحد ساشية ، ݣلسات على داك لفوطوي حدا لغالية) واش مكتحسيش براسك بيخير ؟
لغالية : لا راني بيخير
رانية : ايوا لحمد الله ، (مدات ليها واحد ساشية) دزنا لواحد لبوتيك او ملي شفنا هاد لكسوة مقلنا غا ديال لغالية
لغالية : ( شدات من عندها ساشية ) لاش عدبتو راسكوم
رانية : عدابك راحة
لغالية : (حلات ديك ساشية او جبدات منها كسوية بلفضي كتبري وقصيرة وغا سماطي ، داك نوع ديال ليسواغي لمفروحين) متأكدة شريتوها ليا ماشي لعمكوم
رانية : هههههههه ايوا آش نقوليك خديناها على حسابك ولكن لصالح عمي اكسيل مسكين
لغالية : واه مسكين هههههههه نخبعوها ماعرفنا لوقت شغاتجيب
رانية : هههههه تاهداك نضر ، عرفتي شكون خلص هاد لكسوة
لغالية : (بطنز) ياكما لحاجة
رانية : لا ݣاع مشافتنا ، خلصاتها صباح
لغالية : صباح صباح ؟ كي دارت ليها
رانية : لغالية نتي عارفة بلي صباح مخيباش تال ديك درجة او زيد راك عارفة لحاجة كتزيد عليها ، مساهلش عليها تولف على هاد لوضع
لغالية : راني عارفة متحتاجيش تقوليها ، اي وحدة فبلاصتها مغتقبلش تكون عندها مرت باها وزيد صغر منها ، راني عارفة هادشي مزيان
رانية : نتي غا ماديريش فبالك دبا دير عقلها
لغالية : ايوا على ربي على ربي
رانية : غتنزلي دابا
لغالية : لا باقي واحد شويا ، باقي تابعني نطوي لحوايج تاع عمك راه دكشي باش جابهوم باش بقاو من ول لبارح
رانية : (ناضت واقفة) ايوا الله اعاونك نخليك انا دبا ، نمشي نبدل حوايجي
خرجات رانية من عند لغالية لي ناضت عند دوك لباريزات لي جاب اكسيل معاه ، هزات وحدة فيهم حطاتها فوق ناموسية وحلاتها
لغالية : (قبل ماتبدا ردان تاع لحوايج هزات طيليفونها وشافت فداك تاريخ او طولات فيه شوفة ، داوية بصوت ضعيف)
4 فشهر واحد ،
(بدون متشعر لقات رجليها جارينها لواحد لقنية فلبيت تاع تبدال ، بضبط لباب صغير حلاتو وركبات كلمة سر تاع ديك لخزنة لي كانت تما ، مدات يديها بضبط لواحد الصندوق من لخشب لقديم منقوش او فيه لقفل ، لي ساروتو صغيرة كانت فيديها ، حلات داك صندوق لي كانو فيه تصاور قلال معا خاتم او حوايج خرا ، مدات يديها لي كترجف هازة بيها تصويرة تاع واحد دري ، دمعة حارة وسخونة خانتها هابطة معا حناكها ، دوات بصوت ضعيف او منغنغ)
عام آخر تزادليك فعمرك او عام آخر انا ماشي فيه معاك ، لوكان مسافرتيش ديك نهار واش كان يجرالي ماجرا واش كنت انا وياك غنبقاو مجموعين ولا كان من لمكتاب ندوقو مرارة لفراق
(دمعة خرى خانتها وغصة فقلبها حسات بيها ، لعافية شعلات فيها ولا هي قادة تبكي وتغوت وتفرغ مافداخلها ، ولا هي قادة تزيد تصبر و صبر ضبرها ، لقات راسها قافزة ملي سمعات لحس تاع لباب تحل بزربة رضات صندوق لمكانو وغطاتو عاد سدات عليه ، او بيديها مسحات دموعها وقادات صوتها ورسمات على شنايفها ابتسامة هادية ، عاد تمت خارجة برى لبيت دتبدال) حياتي
اكسيل : (بتاسم ملي شافها قدامو)
لغالية : (قربات عندو بخطوات هادئة عكس قلبها لهايج كيموج لبحر ، كيف دري صغير لي كيقلب على مو فضلام ليل ، عنقاتو خاشية وجها فصدرو او محاوطة خصرو بيديها)
اكسيل : (بادلها تعناق خاشيها فيه كتر من لول ، مستنشق عبيرها وأنفاسها لي كضرب فصدرو ، مكرهش ادمجها معاه ولا تا يخشيها لداخل ديالو ويخبيها على كولشي ، دوا بصوت حرش ولكن هادء كتستشعر منو الدفء والحنان) توحشتيني تال هاد درجة
لغالية : (هزات راسها فيه مقابلة عنيها معا عينيه)وكتر متصور
اكسيل : (دقق فعينيها مزيان آتار دموع كانت عليهوم او حمورية خفيفة فجنابهوم) ضاراك شي حاجة ؟
لغالية : لا
اكسيل : (مبغاش احكر عليها) شنو كنتي كديري ؟
لغالية : لقيتيني باغة نرد حوايجك لماريو
اكسيل : ميحتاش بلاما تعدبي راسك تابعني واحد سفار بعد ما دوز لخطبة تاع سعد
لغالية : (دوات بحزن) غتمشي عاود ، ياك يالاه رجعتي
اكسيل : واش انا كرهت راه ديك سلعة علاش وصيت تعكسولي فيها لأمور خصني نوقف على داكشي بيدي
لغالية : الله اسهل عليك ، نمشي معاك ؟
اكسيل : غا غدي تكرفسي فطريق
لغالية : (حركات ليه راسها بواخة ، او بعدات عليه بشوية ، ماشية لديك لباريزة عاودات سداتها و رداتها لبلاصتها)
لغالية : (عاودات رجعات عندو واقفة حداه او كدوي بدلع) حياتي
اكسيل : همم
لغالية : ݣاع موريتيني شجبتي ليا من سفر
اكسيل : شغانجيبليك ياكولشي عندك
لغالية : كفاش كولشي عندي
اكسيل : ياك سولتك قبل منمشي قتلك واش محتاجة شي حاجة شنو قلتيلي والو
لغالية : (عݣداتها) قتلك والو لقيتيها من الجنة والناس
اكسيل : (كيعجبو يشوفها طالع ليها دم ، طبعا ايكون هوا لي مطلع ليها دم ماشي شي حد آخر) فكيها ، سيري شوفي ديك لباريزة لكحلة لي فلقنة
لغالية : (رجعات كضحك) ايوا هاكداك نبغيك (مشات عند ديك لبريزة كتجري جراتها من يدها تا وصلاتها لفوق نموسية ، وحلاتها فلبلاصة ، لقاتها عامرة شوميزات دنوي او روايح صالحة لجميع المناطق ههه) الله ابقي ستر واش نتا نهار لي تجيب تجيب معاك شوميزات تاع نعاس
اكسيل : شبغيتيني نجيبليك سانيكروا ولحلفة ولا لبيجامات دلپولير تسالي منهوم او تقطعيهوم زيوفة
لغالية : (بقات تحسب فدوك شوميزات لقاتهوم شي ستة) وراه باقين عندي فلماريو محدين جداد زدتيني هادو شكون بغا يلحق البس هادو كاملين
اكسيل : هانتي لبسي كل ليلة واه ولا تا جوج نتي وخاطرك او هانتي لبستيهوم كاملين
لغالية : (صغرات فيه عينيها) ايه كل ليلة نلبس واحد او ضربلي نتا واحد طرح تاع لمسمن (رجعات كتقلب فلبريزة وكتشوف دوك لكساوي لي جابلها ولي كان فيهوم لقصير او طويل ، وسراول لموهيم تفكرها من كولشي تا من سليپات)
اكسيل : (قرب عندها وشحطها لطرمتها تاغوتات) لي سمعك إيقول مكتموتيش علمسمن (عضها فودنيها بلخف او زاد داخل لحمام ادوش)
لغالية : (تزنݣات) مكبوت كنتي ضرب أبعدا تا جيهة لوخرة قبل متمشي ماشي تحݣر غا على وحدة
اكسيل : (طالق رشاشة تاع لحمام او هوا تحتها سمعها شقالت وضحك) هبيلة
#فبلاصة خرى#
بعيدا على مدينة مكناس ، بالضبط فمدينة كازا لي كيف عادتها شوارعها عامرين بالناس من مختلف الأجناس والأشكال ، فقهوة من قهاوي درب ميلان حي من لإحياء الشعبية ، مجموعة ديال دراري ݣالسين كيقشبو او يضحكو على براد داتاي
زكرياء : توما ادراري راه مابلان هادا ماوالو صيف صيف او حنا ماخرجنا ما ضرنا بحال ناس
منير : واييه اعشيري شي سانك جوغ فلمالديڤ ولا تا خمسيام منقولش لا
عماد : (كيعوجو) لمالديڤ وجه لمالديڤ نتا راه سانك هي خمسة الفهامات
منير : راني كنت عارف
زكرياء : واه عارف ياك كنقولك عطي تيساع لفرونسي
عماد : دراري فين هوا داك لحتروف دمحسن شتو منين مشا لطواليط معاودش رجع
محسن : غا تحفالك قولهوم فين محسن
منير : تا ريح اعشيري مابقيناش نشوفوك ݣاع منهار بديتي تخدم فداك لماحال ونتا جري هنا جري لهيه
محسن : (شد كرسيه) شباغيني ندير أمنير نݣلس نتسناهوم اسرفو عليا
منير : راني عارف لي كاين اعشيري هادشي لي مكتب عنا الله
زكرياء : شدرتي نتا أبعدا فداك لبلان تاع لبوليس
محسن : هاد ساعة ما درت والو جمعت وراقي ودفعت وراني كنستنا
عماد : ماديرش فبالك ايكون خير راك دافع بلباك او زيك راك قارئ فمدرسة عسكرية غيقبلوك بجرى
محسن : الله ايدير لي فيها لخير
عماد : فين وصلتي فدكشي
محسن : نكدب عليك إيلى قلتليك درت شي حاجة ماعرفت مناش نبدا ولا فين نصد
زكرياء : صعيب اعشيري تلقاها بعد هاد لمودة كاملة خصوصا ملي تزوجات
محسن : هادشي لي حارقني فݣلبي معرفت حالها ولا تا كيف عايشة
عماد : محسن رخف على راسك متعرف تكون عايشة مزيان او فرحانة
محسن : فرحانة ؟ انا لي عارفها كون ماسافرتش مكانوش إيديرو فيها داكشي
منير : متبقاش آصاحبي تحمل راسك لمسؤالية ، خمسنين هادي ونتا كتلوم فراسك ، نسا شويا وخلي ليام تلاقيك بيها من جديد كيما فرقاتكوم فداك نهار
محسن : محاس بلمزود غالي مخبوط بيه ، ساهل عليك تقول نسا وخلي ليام تلاقيك بيها حيت محاسش بالجمرة لي هاز فقلبي سنين هادي ، هي ماشي أي واحد هي روح دمحسن
زكرياء : (ندمو ݣاع لاش فكروه فكيتو عارفينو على فراقها مقادش اصبر ، حاول اغير لموضوع) ايوا شتي اعشيري تا كنا غنساو عيد ميلادك شنو تبغي فلكاضو
محسن : انا خاطيني لكاضويات صرفوهوملي فلوس
عماد : نوض اولدي على سلامتك قالوليك مصاحب معا بنك السلام ، كبرتي عام شزدتيني انا لحزاق
محسن : ههههه الصحبة ديال لعبار نوض نخليكوم أنا هاد ساعة
منير : غنوضو نيت تا حنا نمشيو غدا تابعنا لفياق بكري
خلصو برادهوم او خرجو من ديك لقهوة كل واحد فيهوم شاد طريقو ، محسن داك دري لي كان شعرو كحل عندو واحد تقبة دالزين ملي كيضحك كتبان ، طويل ورقيق ولكن ماشي مقرقب مفصل على فورمتو ، دري كيشبه لديك تصويرة ، مكان فيه لي يمشي لدار نيشن دكشي علاش مشا لجنب لبحر لعلى وعسى قلبو يرتاح او لهم لي هاز على ضهرو يخفاف ، لقا راسو مقابل معا لبحر او صوت لمواج كيجيب معاه صوت ضحكتها ، مد يديه لعنقو مخرج واحد سنسلة فيها خاتم كيشبه لخاتم لي كان فصندوق لغالية
ذكريات جمعاتها بيه حضرات فبالو كلامها ، هدوءها وبكاها كلها كان كيعشقهوم فيها
#فلاش باك#
على موسيقى مواج لبحر النسخة لمصغرة من محسن كانت كتمشا على الرملة وبنت ابتسامتها كانت كافية تخليه انسا لهم ولغم ، شادة ليه فيديه او غا كتشوف فلمواج
محسن : مكتمليش من لبحر
لبنت : شكون امل من هاد زين
محسن : مناش جاه الزين او هوا كاملو ما
لبنت : مغيار
محسن : شكون ميغيرش او لغالية بشانها ومرشانها مخلية لݣمرة حداها وسايرة تغزل فلبحر
لغالية : (كانت صغيرة مقارنة بداكشي علاش هي دبا قصيرة ودايرة زيف ولابسة طويل) من ايمتا ولات لݣمرة تزاحم معا شمس فعز نهار
محسن : ههههه جوابك على لسانك (حبس ضاير عندها وجابد من يدو واحد جوج خواتم كانو من نوع لي يشعلو بليل حيت كانو من واحد نوع دلحجر ، ركب ليها فصبعها واحد او علق هو تاني فعنقو)
لغالية : (بتسامتها زادت كبرات بلفرحة نقزات عليه معنقاه) هههههه شكرا عجبني لخاتم بزاف
محسن : متحيديهش خليه فيديك تفكريني بيه ملي منكونش حداك
لغالية : علاه فين ناوي تمشي بسلامة نتا غتبقى معايا
محسن : غنبقا معاك ماتفرقنا غا لموت غا هوا ماتعرفي تجيني شي تسافيرة
لغالية : إيلى سافرتي وخليتيني غنمشي نضربها ليا بواحد مولاتي تزويجة فاعلة تاركة
محسن : (عقدهوم) حربش ناكل فسما
لغالية : (خرجات ليه لسانها) او مالك باغيني نبقا بلاش نستناك غنتزوج او نولد بزاف تاع دراري ولبنات ونتا معتقد دير والو
#نهاية لفلاش باك#
محسن : (بصوت مخنوق) درتيها يالغالية لعزيزة مشيتي وخليتيني وحداني نبكي على هبالي ، كان ماقديت ندير والو ، شحالك يا لغالية شمن بلاد هزاتك ولا شمن دار خباتك عليا
#عند لغالية#
بقات لغالية كتشوف فدوك لحوايج لي جابليها اكسيل فرحانة بيهوم ، واكسيل لي خرج من لحمام لبس عليه او صلى شي ركيعات ، عاد مشا هز ديك لبريزة تانية لي كانت حدا لبريزة تاع لغالية
لغالية : فين غادي بديك لبريزة
اكسيل : عند صباح
لغالية : (حركات ليه راسها بإيه)
اكسيل : خرج من بيتو ومشى هابط لطاج لي لتحت ولي كانو فيه لبيوتة تاع دراري وضياف ، مشا نيشن لقدام واحد لبيت دق على بابها وتسنا تحل ليه صباح لبيت)
صباح : (لي كانت يالاه سالات صلى بعدما بدلات عليها ، مشات تشوف شكون كيدق) بابا
اكسيل : كنتي كتصلي
صباح : واه لقيتيني يالاه ساليت دخل (دخل اكسيل لبيتها حاط فيها لبريزة) بابا تعاش هاد لبريزة
اكسيل : ديالك شي حوايج من الداخلة
صباح : (مشات عنقاتو) شكرا
اكسيل : (طبطب ليها على راسها ومشا هو وياها وقفو فلبالكو) رتاحيتي شوية من لعيا دطريق
صباح : لحمد الله
اكسيل : ملي غنرجع من سفر غنمشي لكازا نقيدك فديك لمدرسة لي قلتي ليا
صباح : ميحتاش راه دويت معا ماما قالت ليا بلي غادي تكلف
اكسيل : مزيان ، صيفطيلها دوك لوراق لي غتحتاج فلكار
صباح : كون هاني انا غنتكلف
اكسيل : ختاريتي شنو تلبسي لغدا
صباح : الصراحة تلفت ابابا تسنا نوريك ونتا ختار ليا
اكسيل : واخ
صباح : (مشات كتجري لماريو ديالها جبدات منو واحد جلابة عصرية مفتوحة من لقدام بلخضر او مطروزة بلوان معا سروال ديالها ، او فجيهة لوخرة كانت واحد لكسوة بزرق لملكي معا وردات صفرات) شنو باليك هادي ولا هادي
اكسيل : شوفي ديك لكسوة لونها غيجي معاك كتر
صباح : صافي واخة (مشات رضاتهوم لماريو ورجعات عند باها معنقاه) ايمتا غتسافر
اكسيل : من بعد لخطبة تاع سعد
صباح : فين غتمشي
اكسيل : غنرجع لداخلة
صباح : الله اعاونك متكترش على راسك فلخدمة غتشراف دغيا
اكسيل : راني شرفت شحال هادي شوفي شيب
صباح : الله يهديك الواليد انا لي كنبان والداك ماشي نتا شوف زين او طولة و تجريدة ولهيبة
اكسيل : (فرصها من نيفها مبتاسم ليها) شكاديري لسباغة ولا كتعطيها سلخة (غفلها ونزل يديه كيهر فيها)
صباح : (كضحك او كتغوت محاولة تبعد يديه باش ميزيدش اهرها) لا لا …. ابابا راك كتهرني هههههههه صافي عافاك
جود : (دخل عليهوم لبيت) قدك قد لبغلة وفيك هر
صباح : (حبس اكسيل من لهران ديالها ) بزاف عليك ادحش
اكسيل : ايوا حاشاكوم
جود : غا ضاحكين الواليد (بانتليه لبريزة) صباح ناوية تهانينا منك
صباح : في احلامك ياحبيبي ، هادو شي حوايج جابهوملي بابا
جود : شهادشي أ إكسيل شهاد شي فين باريزتي انا
اكسيل : (هز واحد لوسادة شير عليه بيها) قدي قدك انا
جود : هههههه الله يهديك راني غا ضاحك معاك ، اودبا فين حوايجي راه غنتقلق
اكسيل : نجيبلك كساوي تا نتا ولا شنو
جود : تعطيني واحد لقبية من دوك لي عندك ولا شنو
اكسيل : ولدي نتا ولا ضرتي تا حوايجي طامع فيهوم
جود : ونتا لي كتشرب ومكتفكرنيش حشومة ݣاع
اكسيل : حلم
جود : صافي على خاطرك انمشي نقولها لغالية غتمدلية لقبية ولي بغيت بلى صداع بلى والو
اكسيل : طلع دروج تاع لفوق نهرس ولدي من ضهرو الدحش لاخر
جود : صافي الواليد صافي غا متقلقش عنا هاني غادي
صبح صباح جديد بعد ليلة عادية بحال دوك لي سبقوها ، فيها حشيان لهضور او قليان سم على جهد ، جا نهار لي غيخطب فيه سعد بنت لحاج قاسم ، كولشي مرون معا توجاد جيب صينية ردها فين لحوايج لي جبنا لعروسة ، حطوهوم فطونوبيلات ، لا ماديروش هاكدا سيرو جيبو هادي … ، او غيرها من تحضيرات راكوم عارفين لخطوبة كفاش كدوز خصوصا انو هاد نهار ماشي غا مقابلة بين لعائلات انما عشا تقرا فيه لفتيحة او يحددو موعد لعرس او شنو غيخص ، داكشي علاش داو لكاضيات او شراو لورد او شكلاط او قامو بلخطوبة من جميع النواحي
ريحان : كون غا جبنة لعدول نيت راكوم دايين دهاز ماشي كاضويات
صفية : هاويلي على لهبيلة راه حفيد لحاج محمد آيت أوسُّو هادا لي غيخطب ماشي من والى
غيتة : تا انا بالي هادشي بزاف غا على لخطوبة
لحاجة : شنو بغيتينا نمشيو بيدينا خاويين ، او منكبروش بعروستنا وحنا صحاب لقاع او لباع ، راه مكتدخل عروسة لعئلتنا بسكاتي غالي ماشي من سهمنا و مراضيينش بيه ، سعد باقي غنديروليه عرس على قدو يدوي فيه لحاضر ولغايب حيت عروستو عزيزة ماشي برانية شايطة
لغالية : (عيات متصبر او تكمدها وتقول هاهي غتسكت سعا والو) جيني ملخر الحاجة دقان فلبيبان او لقريص تحت دف ماشي ديال عمرك
لحاجة : مزيان أبعدا ملي عارفة راسك غا شايطة داخلة لطسيلتنا بلا شوار ، لاحنا جينا خطبناك من عند باك هادا لاكان عندك حيت لي بحالك كيكونو ملݣطات
صباح : (معجباتهاش لهضرة لي قالت لغالية وخا هكداك) لحاجة يهديك الله شهادشي كتقولي
صفية : شوفلك لفليفلة كدافعي عليها ، مال مي كدبات ياك طسيلتها هي لخرة معرفناهاش يعلم الله مناش جابها خويا ولا كيدارت تا لسقات فيه
لغالية : (كانت غتنفاجر عليهوم ولكن ملي شافت اكسيل موراها ضربات طم)
اكسيل : شواقع هنا
لحاجة : والو لقيتينا غا كنشوفو واش باقي خاصنا شي حاجة
اكسيل : طلعو تبدلو عليكوم راه لعاصر فات يالاه توجدو راسكوم
دارو بكلامو وطلع كل واحد ابدل عليه
لغالية : (دخلات لبيتها ومراها اكسيل ، كتغلي من ساسها تال راسها) عاجباك ديك لهضرة لي كانت كتقول ختك او مك تا درتي راسك مسمعتيش
اكسيل : (شاف فيها صاعر) شدرتي نتي ملي سمعتي هضرتهوم ضربتي طم وكمدتيها لݣلبك كنتي تجاوبي شكون شادك
لغالية : واه عندك صح انا لي غالطة ايما كان عليا نضربها لختك بشي ترييشة فاعلة تاركة ياك
اكسيل : لغالية جيني من لخر وقوليلي مالك هاد ليامات حالك معاجبنيش شواقع
لغالية : مواقع والو يمكن غا حيت توترت شوي وصاف
اكسيل : (صغر فيها عنيه) بردي عضامك فاش غتجيبيها
دخل ابدل عليه مخليها كتحاول تبرد او تستغفر الله ، عاد مشات تا هي لبيت تاع تبدال ديالها جبدات منها واحد جلابة برمادي منبة بلعقيقة او مطروزة من ليدين او لفتحات او صدر
دارت معاها فولار بلكحل باش يتماشا معا صندالتها لعالية و صاكها ، مدارت تا حاجة لوجها حيت أصلن كانت غا غتعدب باطل او فلخر تعاود تمسحو ، او هي فأوج انشغالها فشنو تختار من ليكسيسوارات ، حسات بيدين محاوطينها وأنفاس كضرب جنب خدها
اكسيل : (بصوت تقيل دوا) باقة مقلقة
لغالية : لا ، مالك لابس هاد لحطة تقول نتا لي غادي تخطب ماشي ولد خوك
اكسيل : (كان لابس كوستيم برمادي ) شندير الى كنت زوين وعليا لقبول
لغالية : نتا ماتهنا تا نصيفط شي زمرة كومة بمسبتك أدوي
اكسيل : (مد يديه جابد منو واحد لخاتم بلݣورميط ديالو ، وشد يديها مركبهوم ليها) لمغيارة ديالي
لغالية : (كانت باقة زاعفة ولكن ملي شافت لخاتم لي كان عبارة على حجرة بيضة كبيرة ومربعة ضايرين بيها حجيرات صغار او لݣورميطة تاهي عبارة على مربعات متاصلين بعضياتهوم او مزينين بلحجر صغير بحال لخاتم ، ضارت عندو فرحانة وغا كضحك) شريتيهوم
اكسيل : لغالية شخصيا طلباتهوم او ميحضروش ليها حشومة
لغالية : وعلاش مبغيتيش تشريهوملي ديك نهار خليتيني تال دبا
اكسيل : لغالية مرة اكسيل مكتلبش لحاجة سواقية ، دهايبي هو لي تعطل فتصاييب ديالهوم
لغالية : (وقفات على صبعان رجليها تا باستو من حنكو) شكرا
اكسيل : هادا مصورنا منك بوسة فلحنك
لغالية : باغيني نشعل لعافية بيدي حجارك اشدوك راك دغيا كتهز لعلام نصدقو واحلين
اكسيل : ياشحال فيك (ركز عينيه على شنايفها وبدا يقرب منها تا سمع دقان)
مجد : عمي
اكسيل : (كارز على سنانو) لعمى تابعينا تا فلكوى (قاد وقفتو ومشا حليه لباب)
مجد : (حس بشحاجة مهياش) عمي راه كيعيطوليك لتحت قالوليك غنتعطلو
لغالية : صافي نيت هاحنا هابطين
هبطو بتلاتة لتحت لقاو دراري ضاربين لكوستيمات او لبنات ضاربين لكساوي وشراف جلالب ، خرجو نيشن لطونوبيلاتهوم ركبوهوم او شدو طريق لدار سي قاسم ولي كانت اوسط مكناس
طنوبيلات حبسو قدام واحد لڤيلة كانت فواحد شاريع راقي ، ونزلات طسيلت آيت أوسُّو بلورد او لكاضويات وحباب لعروسة مستقبلينهوم بلحليب او تمر عند لباب ، لوجه لمبشور او تاويل و لجود
لحاج قاسم : مرحبا و الف مرحبا نهار كبير هادا
اكسيل : لحاج هادا هو سي قاسم نسيبنا
لحاج : ههه متشرفين ارحب بيك لخير
مرة قاسم : (كتسلم على لعيالات) مرحبا مرحبا زارتنا لبراكة ملي تجمعنا معا نسابنا دخلو دخلو متبقاوش واقفين
لحاجة : ارحب بيك لخير
دخلو نسا لصالون او رجال لصالون آخر كان نفس فراش لاخر مخالط بين تقليدي ولعصري
مرة قاسم : ايوا شغانقولكوم نهار كبير هادا ملي شرفتونا
رابحة : تاحنا نهار كبير هدا لي تلاقينا بيكوم
خت قاسم : بلا شك نتيا هي ماين لعريس ياك
رابحة : هههه واه
سناء : (تمت داخلة عليهوم طالقة شعرها ومقادة راسها وكتبان صغر من عمرها) ياكما تعطلت عليكوم
صباح : ماما ؟
مرة قاسم : مرحبا بمرة اكسيل دخلي دخلي
سناء : (سلمات عليها من لوجه) ارحب بيك لخير ، صباح حبيبتي
صباح : (عنقات مها) مقلتيليش غتجي اماما
سناء : جابتها لوقت خالتي ، رابحة ، رقية صفية ، لبنات لباس عليكوم
لحاجة :انا لي عيط عليها ، بنتي زيدي زيدي ݣلسي حدايا توحشتك
سناء : تا انا اخالتي (هزات عنيها فلغالية) لغالية ياك ؟
لغالية : (شديها طرطق ديك ضحكة لي كانت مرسومة على وجها تكوانسات ملي شافة سناء ، ولكن دغيا ستجمعات نفسها) واه انا لغالية
سناء : صغيرة زيغ (كانت قاصدة تستفزها)
مرة قاسم : (مادات ماجابت) نوضي ابنتي الله ارضي عليك قولي لبنات ادخلو صواني دتاي مجاتش نخليو ضيافنا بلا ضيافة
خت لعروسة : واخة اماما (مشات تدخل معا لبنات صواني داتاي او لحلوة وبدات كتفرقهوم عليهوم)
رقية : ايوا شت عروستنا باقي مبانت منوياش تجي نشوفوها
مرة قاسم : هاني دابة غنمشي نجيبها
رابحة : (بقاو كيتجمعو بيناتهوم تا دخلات لعروسة معا مها ، لابسة قفطان خفيف بلبيض او طالقة شعرها فوق كتافها) بسم الله و مشاء الله
لحاجة : ها عروستنا جات
لعروسة : (بدات كتسلم عليهوم وحدة بوحدة)
رابحة : الله ارضي عليك أبنتي (ݣلساتها بيناتهوم) ولدي ختار وعرف شختار
لعروسة : (حشمانة) ربي يخليك اخالتي
غيتة : هانتوما حشمتوها ݣاع
لحاجة : هههه معندهاش لاش تحشم راحنا دبا ولينا عئيلة وحدة
مرة قاسم : الله أودي
لحاجة : ايوا دبا نتعارفو مزيان أبنتي هادي خلاص رابحة عݣوزتك ، او رقية ختها ومرة عم راجلك
لعروسة : متشرفين
لحاجة : وهادشي صفية عمت راجلك ، وخلاص صباح اتكوني عارفاه بنت ولدي اكسيل ، او لوخرينات خلاص بنات عمامو لوخرين (شافت جبهة لغالية ودازتها بزربة) هادي لغالية ، وهادشي سناء مامات صباح
خت قاسم : (كانت حاضية لغالية من صباح او باين بلي ، صوابها و سكوتها ورزانتها) قلتي سميتك لغالية
لغالية : (بتاسمات ليها) واه اخالتي
خت قاسم : ايوا هاد لبنيات مزوجات ولا مادين يديه م لحنة
صفية : من غير عروستي و بنت خويا نيت رانية تاوحة فيهوم ممزوجة
مرة قاسم : مزيان مزيان الله ايجيبلهوم لي فيها لخير
لحاجة : آمين الحبيبة
خت قاسم : ونتي الغالية مزوجة ؟
لغالية : انا …
لحاجة : (قاطعاتها) قالي اكسيل بلي راكوم من نواحي تاع مريرة
مرة قاسم : واه لا أنا لاراجلي من تما
لغالية : (فهمات بلان لحاجة داكشي علاش هزات طيليفونها طلقات فيه صوت بحالا شي حد كيصوني عليها)
صفية : شكون كيصوني عليك فهاد لوقت
لغالية : يهديك الله اصفية شكون غيصوني عليا من غير راجلي (حبسات صونيط او دارت سيلونص لطيليفون ايصدق مشوها) آلو اكسيل بغيتي شي حاجة ، لا راك معطيتيهش ليا تكون نسيته فلبيت ملي كنتي كتبدا صافي واخ
خت لعروسة : (بلاما تحس لقات راسها دوات بهمس مسموع) عمي اكسيل مزوج جوجات ؟
لغالية : (وصلات لمرادها وضحكات ضحكة وازنة) هههههه لا احبيبة ممزوش جوجات كاينة عندو غا ينا
مرة قاسم : او سناء علاه ماشي مرتو
لغالية : الله اخالتي عقلتي على يامات فاش كانو مزوجين راهوموطالقو هاد شحال ، ياك اسناء
سناء : (تقرسات) واه حنا مطالبين شحال هادي
خت قاسم : (خاب املها ملي عرفاتها مزوجة) ميسحابليش راك مرة اكسيل كتباني صغيرة
سناء : وراها صغيرة مالها كبيرة ، درتي عشرين عام الغالية ولا قريب ديريها
لغالية : (صغرات فيها عنيها) درتها
مرة قاسم : لعمر ماشي عيب لمعقول هو لأساس ياك الحاجة
لحاجة : واه داكشي لي كاين
خت لعروسة : (عجباتهوم لغالية) عندك شي دراري ولا لا
لغالية : (مخلاتش لفرصة لحاجة تدوي) هاد ساعة مكنفكرش فيهوم تا من راجلي كيقول بلي باقي لحال على دراري
خت قاسم : باقي لحال ابنيتي راك باقي صغيرة
#عند رجال#
لحاج : احح لموهيم راكوم عارفين لاش تجمعنا فهاد نهار لمبارك ولدي اكسيل
اكسيل : كيما قلتليك ديك نهار اسي قاسم ولدنا بغا يكمل دينو او كان كيقلب على شي بنت ناس ، او منلقاوش محسن من بنتك لولدنا بنت لآصل ولمفصل ايوا آش قلتي
قاسم : شغانقولكوم جيتو قاصدين لمعقول او نتا اسي اكسيل معرفة قديمة وملي قلتيلي بلي دري ولد خوك او فمقام ولدك منردهاش فولدكوم او منزيدكوم غا لخير والاحسان
اكسيل : سي قاسم شوار شوار لعروسة اولى
قاسم : ههههههه لوكان ماكانتش موافقة مكنتوش تلقاونا مجموعين فهاد ليوم لمبارك
لحاج : ايوا هي لهزيتو يديكوم او قريتونا لفاتحة
مجد : (كيهمس لجود) ناري آصاحبي سعد غيتزوج هههه او انا وياك بقينا بلاش
جود : تصاحبتي تا تصاحيب بقالك غا زواج
اكسيل : مجد شباليك تقرانا لفاتحة
مجد : الله اعمي قداش قلتيها نتقدم قدامك تال هاديك لا
قاسم : يالاه بسم الله
رجال قراو لفاتحة ولعيالات كانو متبعين معاهم من صالون فاش كانو ݣالسين
لحاجة : يالاه طرقونا زغاريت
مرة قاسم : صبتوني منعرفش
لحاجة : سناء بنتي
سناء : تا انا منعرفش اخالتي
لغالية : (مشاوراتهومش طلقاتها بواحد تلاتة تاع تزغريتات متابعات على حقهوم او طريقهوم)
مرة قاسم : تبارك الله عليك أبنتي ، ايوا الحاجة مبروك عنا
لحاجة : الله ايبارك فيك الحبيبة
سناء : (دوات معا خت قاسم) نتي ساكنة فكازا ياك
خت قاسم : واه
سناء : تا انا ساكنة تما
مرة قاسم : مزيان هي دراري ݣالسين معاك فكازا
سناء : لا ساكنين هنا ، ولكن غيرحلو لكازا معا باهوم هاد صيف ياك الغالية
لغالية : شنو ؟ (مفهمتش علاش كدوي)
صباح : (نغزات مها ودوات بهمس) ماما ياك وصيتك ماتقوليها لحد
سناء : يمكن اكسيل باقي مقالهاش ليك الغالية
لغالية حسات بشي سطل دلما بارد نزل عليها تكوانسات مرضاتش ، ضربات طم مالقات باش تجاوب بالها كولشي كان عارف من غيرها هي ، تحط لعشا كلاو دكشي لي قسم ليهوم الله و لغالية حاسة بلعافية تحتها كتقول غا امتا يسالي هادشي تمشي فحالها ، متهنات تا سمعاتهوم كيعيطو عليهوم باش يمشيو ، توادعو معا حباب لعروسة وكل واحد ركب طونوبيلتو ، ولكن حبسو فنص طريق توادعو تا معا لحاجة ودراري حيت كانو راجعين فحالهوم لبلاد
صباح : لميمة كون غا بقيتو كتر
لحاجة : منصيبوش أبنتي راه تعطلنا عاد
اكسيل : (رجع ركب فطونوبيل هو وجود او صباح او لغالية لي بانتليه مهياش ، حس بشي حاجة وقعات ولكن سكت تال دار او يدويو)
لغالية : (حدها وصلات دار طلعات نيشن لبيتها كتغلي تمشي فيها وتجي تا لحق عليها اكسيل)
اكسيل : لغالية مالك
لغالية : (بطنز) مالي ممالي والو غا شداتني لحالة بحال كل مرة
اكسيل : جي نيشان
لغالية : ايهيه واخة ، ايمتا كنتي ناوي بسلامة تقول ليا بلي ناوي ترحل لكازا
اكسيل : (غوبش) شكون وصلهالك
لغالية : هي فعلن كنتي ناوي ياكما كنتي باغي تخليهالي مفاجأة تا كولشي ساق لخبار من غيري انا ، تا ديك لخانزة دسناء ساقت لخبار
اكسيل : راك طالع ليك دم ملي تبردي ندويو
لغالية : (بانفعال) شغانبرد أ إكسيل واش انا غا زايدة ناقصة عندك ، قررتي ترحل او فين فكازا لمدينة لي فيها مرتك لولة ياك
اكسيل : شجاب فين ساكنة سناء لموضوع شايفاني غنرحل على ودها صباح قرايتها تما ميمكنش نخليها تمشي تسكن بوحدها
لغالية : ديك لهضرة قولها لشي حد آخر ماشي ليا ، لموهيم لي عندي قلتو انا مغنمشيش
اكسيل : لغالية كبري عقلك كازا غتمشيلها سمعتيني رجلي برجلك ، ونتي عارفة بلي ماشي سناء لي دارتهالك حيت ساكنة تما
لغالية : (عنيها تغرغرو بدموع او صوتها مخنوق) رغم انك عارف علاش ، باقي مصر تديني لكازا نتا عارف أ إكسيل بلي ديك لمدينة هي فاش مغنحطش رجلي فهمتي ، مغنرجعش ليها او مغنعيش فيها مرة خرى سمعتيني
اكسيل : (بداو لقرودة كيطلعوليه فراسو) مكنتشاورش معاك بسيف عليك غتمشي
لغالية : (غواتها بدا كيتسمع فلڤيلة كاملة) مغانمشيش هي مغانمشيش سمعتي ولي فجهدك ديرو قول اسماء ديالك تنفعك
اكسيل : (كيحاول أشد راسو) غتنقصي صوتك او تمشي تبدلي ساعة بخرى وغدا ملي يصبح لحال ندويو ليل هادا
لغالية : ممبدلاش ساعة بخرى سمعتيني (هزات ساكها ومشات خارجة من لبيت بزربة خابطة عليه لباب)
اكسيل : لغالية (نزل تابعها يسحابليه نزلات غا لتحت سعا لقاها هزات طونوبيل او خرجات ، زعاف طلعايه او متبعهاش حيت بكل بساطة عارفها فين غتمشي ، ويلى مشا تا تابعها دبا غا غيصي فيها لي خلقو)
#عند لغالية#
هزات طونوبيل او مشات جيهة واحد رياض فواحد زنقة دقات جوج دقات
لمرا : (حلات ليها لباب) لغالية
لغالية : سمعت بلي ليوم كاينة لحضرة دنسا خاص
لمرا : دخلي دخلي جيتي فوقتك
دخلات لغالية لديك لبلاصة فاش كانو لعيالات مجموعين كيجدبو او يتحيرو ݣلسات فواحد لكرسي وبقات كتشوفيهوم
لغالية : (تسناتهوم تا سلاو داك طرح)
لمرا : بنتيلي طالعاليك نقشة وماجيتي تا ضاقت بيك دنيا ، نرجعو ليام
لغالية : ( قادات ݣلستها وبدات تغني ليهوم بصوت قوي و حزين او ليالات اعاود موراها)
*بسم الله نبدا قولي بسلامو نسمي ونقول*
* لا الاه الا الله بها نموت بها نحيا*
* لا الاه الا الله ختمها رسول الله*
*لميما هادا حالي لميما واش جرالي*
* لميما هادا حالي فلغربة واش جرالي
*قالو با با قالو مات يا قالو فوراق لحياة *
*هادا حالك ياليتيم لا ميما لابو لحنين*
*قوالا قالو فينا بقوالهومم ماهموني ويلى صفيت معا ربي حساناتهوم زادونا *
خلات لعيالات اكملو لغنا وناضت هي كتحير ليهوم تما بشعرها وتحيد لهوايش
#عند اكسيل#
كان كيقول خرجات اضربها لبرد غنرجع دغيا ، سعا تعطلات مقادش يبقا راسي عيا يصوني عليها والو مكتجاوبش تسكن خرج قلب عليها وعاود رجع كيقول يمكن تكون رجعات لدار ملي خرج ، سعا والو تلاتة دليل هادي ولالاهوم لغالية باقي مرجعات ، كان غادي خارج لمرة تالة باش اقلب عليها ولكن قبل مشا داز لبيت صباح لي كان باقي مشعول فيها ضو
اكسيل : (دق وفتح لباب عليها بانتليه مكمشة فلقنة صوت تنخصيصها واصل تال مسامعو ، قرب عندها بخطوات كيطمانها بيها) صباح (قرب تا ݣلس قدامها كانو عينيها حمرين بلبكا او غا كتحك فعنقها ويديها)
صباح : هئ هئ هئ بابا
اكسيل : صباح متحكيش (كيحاول ابعد ليها يديها باش متبقاش تحك)
صباح : لغالية ابابا باقي مرجعات بسبابي ياك
اكسيل : شش ماشي بسبابك
صباح : (جهدات فلوتيرة تاع لبكا) بسبابي كون مقلتش لماما بلي غنرحلو لعندها ݣاع مكان غيوقع هاكدا هئ هئ هئ ليل هادا وهي باقة فزنقة ويلى وقعاتلها شي حاجة والله ما قصدت انكوم دابزو بسبابي
اكسيل : (عينيه على جرحة لي فعنقها ويديها بسباب احكام ، قربها لعندو معنقها ومزيرها فحضنو كيحاول اهدي فيها ويربت على ضهرها) ماشي بسبابك أبنتي انا ولغالية تهزينا على حوايج خرى ، وراها غتكون مشات عند واحد صاحبتها وصاف ، اهدني شوفي شنو درتي لعنقك او يديك (بقا على داك لحال تا حس بيها ترخات بين يديه عرفها نعسات ، دوز يد تحت رجليها ويد مور ضهرها هازها ودايها لفراشها ، سمع لحس تاع لباب تحل عرفها لغالية ، مشا جاب الخاصة دهن بيها لصباح عنقها ويديها ، عاد عطاها وباس ليها فوق راسها)
#عند لغالية#
بعدما بردات غدايدها جمعات شعرها ودارت زيفها وزادت معا لباب راكبة طنوبيلتها ، طلات لطيليفونها لقات كتر من 30 آبيل من عند اكسيل او تا صباح او جود ، شافت فساعة لقاتها 3 كسيرات بزربة راجعة لدار
لغالية : ناري مي تعطلت غيكون حيح ، احيح ݣاع هو لي خلا عليا وبغا يديني بزز (وصلات لدار او بدات كتمشا بلحس تا دخلات لبيت بانلها ضلام تنهدات برتياح) غيكون نعس
اكسيل : على سلامتك
لغالية : (قفزها) باقي فايق (شعلات ضو او دوات بتعفار)
اكسيل : كنت كنتسنا فيك
لغالية : مزيان ، دبا غتشرح ليا ولا تال غدا
اكسيل : شغنشرح ليك كتر ماهو مشروح غتمشي لكازا او ليوم قبل من غدا حوايجك مجموعين غتسبقينا نتي اتم واحد سمانة ونلحقو عليك
لغالية : كوا منيتك راني قتلك مغنمشيش لمدينة فاش كاينة مرتك لولة مندوزهاش
اكسيل : لغالية بلاما تمرضيني او باش نكونو مفاهمين هاد تصافير على حسابك علاش دارت راه مغالبنيش نصيفط صباح تقرى عند مها
لغالية : واه على حسابي داكشي علاش سيقتي لخبار تال مرتك
اكسيل : سناء صباح هي لي قالتها ليها واخا وصيتها
لغالية : شغلك هاداك لموهيم انا مغادياش (مشات متوجهة لحمام او عاطياه بضهر ممسوقاش ليه)
اكسيل : (دوا بصوت هادئ) لغالية مك مريضة او خاصك تمشي تشوفيها
لغالية : (تكوانسات فلول ولكن كملات طريقها لحمام ممسوقاش ، طلقات رشاشة وبدات تعوم تا سلات عاد نشفات راسها ولبسات واحد لكسوة حد ركبة ، وطلقات لمسيقى من طيليفونها وقربات عندو) يالاه نشطحو
اكسيل : (دايرلها لخاطر او حاط يديه على خصرها مخليها تمايل معا الحان لمسيقى)
*لو كان دا حب ياويلي مينو*
*لو كان دزنبي متوب عنو*
*لو كان نصيبي اعيش في جراح*
*لو كان دا حب ياويلي مينو*
*لو كان دزنبي متوب عنو*
*لو كان نصيبي اعيش في جراح*
*انتا إيه*
لغالية : (مدوزة يديها مور عنقو مستمتعة بألحان لمسيقى وكدوي معاه بهدوء) شمن غراض كان عند لحاج تا زربهوم امشيو
اكسيل : شكون عرف
لغالية : واه شكون عرف تكون نتا لي صدرتيهوم بشي طريقة ، علاش درتي هكدا
اكسيل : كون كنتي كدافعي على راسك ݣاع منطيحو فهكدا
لغالية : منين عقلت عليك ونتا هاكدا كتقرص تحت دف
اكسيل : ونتي منين عقلت عليك مبغاش ديري عقلك يسحابليك إيلى رديتيها لداخل غتنقصيهوم شي حاجة
لغالية : كتبغيني
اكسيل : من طبيعة لحال
لغالية : قولي بلي كتبغيني
اكسيل : (قرب لودنيها وهمس) كنموت على تراب علاش كتمشاي الغالية
لغالية : (حسات بتبوريشة طالعة معاها) إيلى جا شنهار او بغيت نمشي ونخليك شنو غدير
اكسيل : عطيتك من قبل خيار بين تمشي ولا تبقاي ونتي ختاريتي تبقي دونك خصك تحميل مسؤولية قرارك ، ولا ياكما ندمتي
لغالية : ولا ممكن ايجي شي نهار ندم فيه حيت ختاريتك أ إكسيل
اكسيل : لغالية
لغالية : روح لغالية (كتشوف فيه بهيام)
اكسيل : نخاف عليك من كية لميمة ، جمرة ماتبردها لا ويدان ولا بحور
لغالية : خلينا نساو شويا شنو ضاير بينا (دمجات شنايفهوم بجوج)
لغالية واكسيل كتفاو غا بلبوسان قبل ميمشيو يتخشاو فراشهوم انعسو
لغالية : (ناعسة على يد اكسيل او محشية فيه بحال شي مشى) اكسيل
اكسيل : همم
لغالية : انا مبغيتش نمشي لكازا
اكسيل : (شاف تا عيا ودوا) شغلك هاداك بغيتي تمشي سيري مبغيتيش بلاش داك لبلان تاع رحيل خرجلي من بعد
لغالية : او شنو غدير معا صباح
اكسيل : تافقت معا صباح من لول بلي غتمشي تقرا عند مها ولا تكري بوحدها تم
لغالية : صاف مزيان
اكسيل : لغالية سمحيليا حيت مشاورتكش نتي لولة او حيت غوت عليك قبيلة
لغالية : زعما غا حيت طلبتي سماحة غنسمحليك ؟
اكسيل : وشنو نديرو الالة باش تسمحينا
لغالية : غدا طياب على حسابك راه شحال هادي ماكليت مشكلتك
اكسيل : جاتك الالة
لغالية : ايمتا غتسافر
اكسيل : غدا معا لفجر انشاء الله
لغالية : غطول
اكسيل : معرفتش بضبط شحال
لغالية : تبقا تحك ليا فشعري
اكسيل : (مد يديه لشعرها كيلعب فيه بصبعانو او يحك فيه تا حس بيها ترخات ، قاد ليها لغطا ونعس تا هو)
#غدليه فصباح#
وصلات ديك 12 عاد بدات لغالية كتحل فعينيها ، مدات يديها لجيهة فاش ناعس اكسيل ولقات راسها بلي ناعسة بوحدها ، ناضت من لفراش كتكس تا سمعات دقان فلباب
لغالية : كريمة دخلي (يسحابلها كريمة)
صباح : (حلات لباب دلبيت او دخلات عند لغالية ) انا هادي
لغالية : (ضارت لقاتها صباح) صباح بغيتي شي حاجة
صباح : (كانت متوترة شوي) كنت بغيت نطلب منك سماحة على حساب لبارح مقصدتش دابزي معا بابا بسبابي
لغالية : غا تهناي راه ماشي بسبابك علاش دابزنا ، انا تقلقت حيت متشاورش معايا من لول
صباح : راه مكانش قاليا بلي غنرحلو قاليا بلي فشك خص تايشوف معاك نتي واش قابلة ، ولكن انا قلت لماما بلي غنرحلو يعني ديفو مني آنا ماشي من بابا
لغالية : (بتاسمات ليه) ماديريش فبالك راه صافي حلينا لموشكيل
صباح : فين مشيتي لبارح بليل عيينا نصنيو عليك
لغالية : كنت مشيت غا عند واحد صاحبتي (شافت لفاصمة فعنقها ويديها) مالك فعنقك
صباح : والو
لغالية : الله ايشافي ، باباك كاين لتحت
صباح : واه منعرف شحاف عليه كيوجد فلفطور
لغالية : ههههه مانعرف شحاف عليه نيت
صباح : نخليك دبا
لغالية : (خلات صباح تا مشات عاد ناضت هي دخلات لحمام قضات حاجتها و توضات باش تصلي ، متعجباتش ولا ستغربات من تصرف لي دارت صباح ، حيت عارفاها واخا شي مرات كتبان مسمومة ومكتسواش راها ضريفة ونية غا مها وجدتها لي كيعمروها ، لحاصول لغالية بدلات حوايجها وصلات عاد نزلات عندهوم بكسوة سماطي تحت ركبة) كريمة
كريمة : نعام الالة
لغالية : كاينة غا نتي دوك جوجات فين مشاو
كريمة : سي اكسيل قالهوم غا سيرو هاد نهار كونجي
لغالية : ونتي علاش مامشيتيش
كريمة : لقاني لحال يالاه باغة ندير لحوايج اتصبنو قلت تا نساليهوم او نمشي
لغالية : ميحتاش غا سيري من بعد أو نشوفو غسيل لحوايج
كريمة : صافي واخة
لغالية : اكسيل فلكوزينة
كريمة : واه ، يالاه نخليك دبا (مشات لبسات عليها وخرجات فحالها مخلية لغالية متوجهة لكوزينة)
لغالية : (دخلات على اكسيل لي كان لقاه لحال سالا ليكغيپ فطياب او عمر آتاي او وجد كولشي تقريبا) الضاوية ديالي ههه (باغة تشد فيه ، قربات تال عندو او شحطاتو فطرمتو) شهاد لحداݣة كاملة على صباح
اكسيل : شهاد تحرش على صباح
لغالية : ويلي علاه هادا تحروش (عاودات شحطاتو فطرمتو) انا غا نقرت ليك لغبرة
اكسيل : زغاي مابقيتيش كتحشمي
لغالية : شوف شكون كيدوي على لحشمة ياك نتا لي علمتيني ايما أنا كنت واحد لحشومية واحد درويشة مني ماكان
اكسيل : واه عقلت كنتي تنعسي تا بتقاشر او زيف ملي تكوني حدايا
لغالية : ههههههه تفو فاش فكرتيني هههههههه ولكن تا نتا كنتي مساهلش غدليه كنلقاك قطعتيلي نص فتقاشري
جود : (داخل لكوزينة معلا بالوش) لغالية نتي لي طيبت…. و
لواليد ؟ (طرطق عينيه ملي شاف اكسيل داير طابلية وكيشقا ،
بزربة هز طيليفون او بدا كيصورف فيه) هههههههه واع على
شاف مريم ديالنا ههههههه جات معاك تكون ربة بيت الواليد
اكسيل : مسح دوك تصاور ولا غنجي نخلي عشتك
جود : تا برب لا مسحتهوم انصيفطها لدراري نوريهوم داك صعصع تاع عمهوم شكايدير ملي مكيكونوش
اكسيل : (غوت) جود
جود : (جمع ضحكة)
اكسيل : هز دوك طباسل او تبعني نفطرو
جود : واخة واخة هي لولة اماما
اكسيل : (وجدو طبلة او جات تا صباح ݣالسة معاهوم)
صباح : (كتخشي فوجها) شحال هادي الواليد مطيبتينا تا توحشنا طيابك
اكسيل : قوليها لداك لحتروف لي حداك ، شكون كان كيطيبليك تا ربيتي لكتاف باش كتصورنا دبا
جود : الله الواليد غاضاحكين معاك غاهوا شحال هادي مشفناك درتي طابلية هههههههههه (شاف اكسيل ناوي يشير عليه بشي حاجة) صافي صافي راني غا ضاحك
لغالية : اهيا متبقاش تقلقلي ضاوية ديالي
جود : (وحلاتليه ضخمة بضحك تا دازليه آتاي من نيف) ههههههههه باركة باركة ههههههههه ضاوية هههههههه وامي كرشي
اكسيل : نوض تلاح عليا
جود : خليني غا نكمل فطورك
اكسيل : لهلا يطيح فمعدتك نوض تݣعد ، او تا نتي (دوا معا صباح لي كانت شادة ضحكة بزز)
صباح : شدرت انا الواليد راه عادي كي ضاوية كي اكسيل شنو فيها ههههههههه هاني هاني نايضة فحالي
كملو فطورهوم فضحك او تقشاب عاد ناضت لغالية تجمع طبلة او عاوناتها تا صباح ، جود طلع لبيتو ، فحين اكسيل خرج لجردة أدوي فطيليفون
اكسيل : آلو مي
لحاجة : هاوليدي لاباس
اكسيل : لحمد الله كي وصلتو
لحاجة : بيخير بيخير ، آشوف خالك داير واحد صداقة سبت جاي او قالي نعلمك
اكسيل : هاد خالي معندوش نمرتي ؟
لحاجة : وادبا غا قولي واش غتجي ولا لا
اكسيل : (دوا بسخرية) نجي ؟ على مزينة داكشي لي درتو هنا باش نجي
لحاجة : (كحلات بلعمى) شدرنا
اكسيل : لحاجة ياكما يسحابليك نسيت لقصة راه غا مجابتهاش لوقت بوحدنا ايما ندويو مزيان على عئيلة آيت أوسُّو لي مكتجي عندها لعروسة بسكاتي غايلى مكنوش قابلين بيها ، او زيد حشيان لهضور لي بلاما نحتاج نفكرك فيه
لحاجة : (مالقات باش تجاوبو)
اكسيل : صفية كاينة حداك
لحاجة : واه
اكسيل : دوزيها ليا
لحاجة : شبغيتيها
اكسيل : غا دوزيها ليا
لحاجة : هاكي خوك باغي يدوي معاك
صفية : آلو خويا
اكسيل : سمعيني مزيان اصفية وديري كلامي حلقة فودنك ، لبارح مدويتش معاك فغا حيت حشمت قلت إكسيل ختك كبر منك او ولادها كاينين مكاينش لاش تحرجها قدامهوم ، ولكن أبنت بويا راني مغندوزهاش ليك إيلى نسيتي يامات لخنونة وليبوط او ريحت لبحر لي كانت تعطعط منك ، انا مانسيتش عييت ندوي معاك او نوصيك ونتي مكتحشميش ولكن تا انا مبقيتش غنحشم
صفية : (مرداتش) وليتي كتهز عليا على قبل ديك لمجعوفة دمرتك
اكسيل : باقة زايدة فيه ، تفكرت ديك لارض تاع بني ملال غا نسايها مغاتاخديهاش
صفية : (غا سمعات لارض تاع بني ملال رجعات كتبلحس) ياك اخويا واعدتيني تعطيها ليا
اكسيل : واعدتك حيت قلت بلي درتي عقلك اما دبا والله لا شميتيها
صفية : خويا نتا شغادير بديك لارض انا محتاجاها عافاك
اكسيل : ديك لمجعوفة لي معاجباكش ديك لارض ولات ديالها ، يالاه بسلامة (قال هضرتو وقطع عليها متسناش منها ݣاع تجاوبو ، رجع دخل لدار اتفرج فتلفازة حيت غيبدا ليه واحد لماتش)
جود : لواليد معاياش غيبدا لماتش
اكسيل : واحد نص ساعة
جود : شنو بالك نمشيو نتفرجو فلقهوة
اكسيل : نتفرجو غا هنا تابعني لغدا
جود : (عاود تفرشخ بضحك) هههههههه لا لا هههههه نتا عشتي الدور
اكسيل : (شير عليه بواحد لوسادة) غبر من قدامي
جود : (ݣلس حداه معنقو) صافي صافي الواليد متعصبش
اكسيل : (محليه على خاطرو)
جود : احن انطلع منهنا واحد شوية لكازا
اكسيل : شغادير فيها
جود : عندي شي شغل خاصني نقضيه تما
اكسيل : الله اعاونك
صباح : (جاية كتجري وفيديها واحد لݣورميطة) جود جود هاد لݣورميطة ديالمن
جود : (حمرهوم فيها) ديالي
صباح : ديالك كطنز ديال لبنات هادي ياكما
جود : (نترها ليها من يديها وحطها فواحد لكتاب عندو) شتي ضسارة راه قتلك ديالي
صباح : عطيها ليا عجباتني
جود : نعطيها ليك على زينك سيري بعدي مني شداك دخلي لبيتي ݣاع
صباح : بابا دوي معاه
اكسيل : شحال من قزديرة عندك مبانتليك غا لݣورميطة ديالو (ناض مخليهوم كيدابزو)
صباح : شوف على مسموم ياك ممصاحبش لمن باغي تعطيها
جود : شضرك نتي ، ناوي نخبيها تا تجي مولاتها صافي
صباح : هههههههه صافي آسيدي خليها لمولاتها بعكاك لاخر
#فبلاصة خرى#
او بضبط واحد لبار من لبيران تاع كازا ، دنيا مخالطة و لموسيقا على جهد كترت ضواو و صداع متفرقش فيه صغير من لكبير ، بالضبط فلوسط تاع داك لبار كانت واحد لبنت و لا نقول مراهقة بسروال لاسق فلكل او توني قصير مخلي صرتها كتبان ، شعرها كحل او لقصير واصل ليها لعنقها ، وعنيها فمها ملاميحها ضحكتها و اندماجها معا لمسيقى رقصها و تمايلها ، كان كولشي كيشير لحاجة وحدة شخصيتها لي جامعة مابين الجرأة و البراءة ، حسات براسها عيات داكشي علاش هزات راسها وخرجات مخلية شمس كضرب فوجها ، توجهات لموطورها ركباتو ودارت لكاسك ونطالقات لواحد لحي لي كان جامع بين الطابع الشعبي او الطابع الراقي ، بلاصات لموطور قدام واحد الدار كبيرة فيها السفلي و جوج طبقات معا جردة صغيرة لقدام ، زلات من لموطور او بدات كتمشا عادي حلات لباب بسوارت او دخلات ممسوقة لحد
مها : هاويلي وحدي هاولي وحدي على عزري دوار (كدوي بهمس) تي فين كنتي اهاد لمصيبة فين خرجتي من لفجر ونتي دايعة
لبنت : تي الله يهديك الوليدة كنت كنصلي لفجر راني خرجت غا نتمشا
مها : (كضرب فخاضها) هاويلي وحدي على كتمشاي قربي لهنا
لبنت : مالك (بدات كتشم فيها)
مها : (شداتها بقرصة) ريحة لݣارو و شراب كتعطعط منك الكلبة واش باغا تخرجيلي عقلي
لبنت : مشربتش راه غا ريحة لي لسقات
مها : سيري يا بنت كرشي شبغيتليك غا لموت تهنيني منك ،
طلعي يالكلبة قبل ميجي يشوفك بهاد لحالة طلعي تا نتفاهمو
لبنت : هاني طالعة تا انا راني مميتاش نشوفو
طلعات ديك لبنت لبيتها فسكات ، دخلات لحمام دوشات او نقات حالتها عاد مشات تكات تنعس
بقات هاكداك ناعسة ناعسة واخة جات مها تفيقها تهبط تعداد مفاقتش تا فات لعاصر بشوي ، عاد ناضت لبسات عليها وتقادات او خرجات من دار بتسلات كيفما موالفة ، مكتحملش لكلاس فدار مجرد فكرة انها تبقا ݣالسة بين ربعة تاع لحيوط كديقها ، ركبات موطورها ومشات نيشن لقهوة فين موالفة كتمشي
~~~~~~~
فديك لقهوة لي كانت كطل على سويرتي فين جايبين ناس ولادهوم كلعبو ، كان جود واخدليه واحد طبلة او ملاهي معاكتابو بدون مايرد لبال لناس لي حداه ولا حتى يستارق سمع لكلامهوم ، ولا حتى يرد لبال لديك لمراهقة لي كانت داخلة معا لباب بصايا كحلة وقصيرة بزاف معا واحد ليبا مشبكة او بوط طالع ، عاد من لفوق لابسة تريكو بيض طالع ليه لكول ، شعرها هازاه لسما كتمشى ممسوقة لحد او فيديها عاصير كتشرب منو ، عينيها كيقلبو على شي بلاصة فين تݣلس متجاهلة الشوفان لي متوجهة نحوها
مرا : (لابسة جلابة معا زيف او حداها بنتها تكون قد ديك لي داخلة ، دوات معا بنتها ) شتي لبنات دايعات قلالات لآصل ولعفة كي كيكونو ، او كي كيشوفو فيهم ناس الله ينعل لي ميحشم
جود : (لي كان مكونسونطري معا قرايتو كلام هاد أمرا طاح على مسامع ودنيه او تار انتباهو ، ولكن فالأخير مهزش عينيه ايشوف علامن داويين)
….. : (كانت متاجهة لواحد لبلاصة تݣلس فيها تا حسات بيد تحطات على ضهرها ، ضارت ساخطة وناوية على خزيت) جمع يديك الخرا
لولد : (مرضاش) مالك راه غا قسناك سمحينا
….. : هاد لمرة جمع يديك عندك ماتخليهومش دايعين
لولد : (دوا بتزلال ) ايوا ماتعرفيناش على راسك القطيطة
….. : لا لا نتا بنتيلي باغي تلعب
لولد : نلعبو بجوج آشنو قلتي (غمزها فلخر)
…… : لعب لقحاب ديرو معا ختك ماشي معايا
لولد : (تعصب تاع لمعقول) دايرة ليا فيها قديسة بحالا راك مموالفاش
….. : ياكما قالوليك انا من طاسيلتك تا نكون موالفة
لولد : (هنا وصلات فيه لعضم شدها من يديها او زير عليها مخليها كتنتر) بزاف عليك بنات طاسيلتي راهوم فدارهوم ماشي كيديعو بلميني
…… : (عيات تنتر وتقول واش طلقها ، بانتلها واحد لقرعة دزاج كانت ناوية تمد ليها سعا ماحسات براسها تا لقات يديها مطلوقة او داك دري مليوح فلأرض او شي حد من فوقو)
جود : (جهل على داك خينا) واش اشماتا مابقاوليك غا لبنات صغار تحݣر عليهوم أدوي (بقا كيضرب فيه او ناس جاية تفك ، او جود غا مازاد جهل عليه تا برد لخاطر عاد ناض من فوقو كينهج ، مشا هز طيليفونو او سوارت تاع طونوبيل او زاد فحالو بعدما قاليه واحد لهضرة ) بقات فلحية خلاها لواليد تا طرمة لقرد مشعرة تفو
…… : (تبعاتو بجرا) وهاداك
جود : (ضار عندها من بعد مابرد شوي) سمعيني نقولك واحد لحاجة مغنضيعش عليك لهضرة ونقوليك تستري حيت داكشي بينك او بين لي خلقك ماشغل حد ، غا هوا لحمك شرف او غلى من أنو يشوفوه كلاب زنقة
لبنت : (طلعات جود او نزلاتو ساهية فصوتو او معاني كلامو ، ولكن وجها مداير تاشي ردة فعل كتشوف فيه برود) شنو سميتك
جود : ميحتاش تعرفيها (كمل طريقو مخليها كتشوف فيه)
لبنت : (رجعات دخلات لديك لقهوة وتوقف على طبلة فاش كان ݣاس او ناسي كتابو مدات يديها وهزات داك لكتاب فتحاتو من لوسط ، تارت انتباها ديك لݣورميطة لي كانت تما هزاتها و دارتها فيديها مبتاسمة ابتسامة مشاكسة) هاحنا ربحنا واحد لݣورميطة أبعدا هههههه جاتني زوينة بصحتي يا انا
رجعات خرجات من ديك لقهوة او ركبات موطورها ومشات لواحد زنقة مديقة او قديمة ، دخلاتها معلا بالهاش او طلعات معا واحد دروج بلاما تخاف ولا تخلع ، حيدات ديك لخامية ودخلات مدرمة لقلب ديك لبلاصة
لمرا : (تكون عندها ديك ربعين ، دايرة وشام فيديها او قاطعة شعرها بحال دري ) شجابك عندي أياسمين شحب لخاطر
ياسمين : بغيت نوشم ماتخافيش فلوسك عندي
لمرا : دخلي دخلي
ياسمين : (دخلات لواحد لبيت فيه واحد لكرسي بحال ديال طبيب تاع سنان او دوك لآلات باش كيوشمو حداه)
لمرا : شنو باغة توشمي او فين
ياسمين : (حيدات حوايجها لفوقانيين تا بانو بزازلها لي تقريبا معندهاش ههههههههه تنمر بغيت ندير واحد لوشام تحت لبزولة او وشام فهاد لبلاصة (وراتها تحت صرتها فجنب) ها لوشام لي ديري ليا فهاد لبلاصة (وراتها واحد نقش) ويلى لبزولة بغيتك تكتبي ليا فيها سمية منقوشة
لمرا : آجي تكاي هنا
ياسمين : (مشات تكات فوق داك لكرسي او خلات ديك لمرا كتوشم ليها تحت صرتها هي لولة ، كانت صابرة واخة كتقصح)
لمرا : (سالات لوشيم تاع ديك لبلاصة و غطاتها عاد دازت لبزولة) شنو سمية لي نكتبليك هنا
ياسمين : (مكانتش مركزة معا ديك لمرا لي كتوشم ليها ، حلات داك لكتاب او تهجات سمية لي مكتوبة تما) جود آجود ههههههههه هاحنا عرفنا سميتك اسي جود آيت أوسُّو
لمرا : (كانت مركزة معا لوشيم تا سالات) نوضي على سلامتك ساليت
ياسمين : شساليتي دغيا ؟
لمرا : باغاني نبات هنا
ياسمين : (ناضت تشوف لوشام فلمراية وهية كتعرج حيت كضرها لبلاصة فاش وشمات ، بدات من لوشام لي جيهت لكلاوي ، عاد هزات عينيها لوشمة لي كانت فبزولتها من لتحت او طرطقات عينيها ) ج…و..د شهاد سمية كاتبالي واش معارفاش سميتي
لمرا : راني سولتك ݣلستي عليا جود ما جود
ياسمين : بنتلك مسطية نكتب سميتو على بزولتي مالو هو مولاها مسحيها
لمرا : نمسحها مالها فيلطر عطيني رزقي هادشي لي كنعرف
ياسمين : (لبسات حوايجها بزربة او خلصات لما وخرجات كاعية) تفو على زهر مناش خرجاتلي هاد جود على لبزولة عاود تفو
#عند جود#
بعدما ضارب هو وداك ز**ل فلقهوة مشا داز نيشن لوطيل ارتاح حيت كان داز لقهوة نيشن ، غا دخل لبيتو تفكر بلي نسا كتابو فلقهوة
جود : تفو شكون غيرجع دبا لموشكيل داك لكتاب محتاج ضروري (خرج على سعدو او وعدو راجع لديك لقهوة ، قاصد صحاب لاكيس حيت ماباليهش لكتاب فلبلاصة فاش نساه) خويا ملقيتوش واحد لكتاب كنت نسيتو فاق طبلة قبيلة
سرباي : آه ديك لبنت داتو معاها او خلاتليك هاد لورقة
جود : (شدها من عندو مغوبش) “إيلى بغيتي كتابك خلينا نتلاقاو حدا لبحر لي مقابل معا لبلاصة لفلانية معا 8 ｡◕‿◕｡ ولا غتلقاني بعتو لمول زريعة” ها لعب لبراهش عاود
خرج من لقهوة كاعي تاع لمعقول طلع لبيتو ونعس بحوايجو
#بعد 3 تاع سوايع#
ملي وصلات ديك سبعة فاق جود او دخل لحمام دوش او لبس واحد لقبية كحلة (صرقها لاكسيل) او سروال دلكيطمة تا هو كحل دار كاسكيطو مرجعها لور ، هز طيليفونو او مشا على رجليه كيقلب على ديك لبلاصة
جود : (شاف فساعة لقاها تمنية قل قسم بقا كيتسنها تما ، واخة كان فلول مكانش عوال ايجي ولكن ملي تفكر تمارة لي دازت عليه باش يلقا داك لكتاب ، لقا راسو لابس حوايجو وخرج ، بدا كيصوني ليه طيليفون) آلو
سناء : ولدي جود
جود : (كيدوي عادي) وي لوليدة
سناء : ياك كنقولك ديك لوليدة كيقلوها شمكارة تبقا تعيطلي ماما
جود : وي ماما
سناء : قاتلي ختك بلي جيتي لكازا وصلتي ولا باقي
جود : وصلت قبيلة
سناء : وعلاش باقي مجيتيش لدار
جود : راني ݣالس فلوطيل
سناء : كفاش لطيل مغتجيش عندي
جود : ضروري غندوز نشوفك ولكن
سناء : نخليك دبا نتلاقاو فدار غنمشي عندي لخدمة (قطعات عليه)
ياسمين : هاد لكتاب مهم تال هاد درجة (كانت جاية جيهتو بتقالة بحالا كتستفزو)
جود : (مكانش كيدقق فيها شوفة كيشوف بعيد) عطيني زمري نمشي فحالي
ياسمين : اراك قبيح معا راسك
جود : اراك برهوشة
ياسمين : هاهو كتابك (مداتو ليه ولكن قبل ميشدو طلقاتو لارض) اوپس طاح ليا من يدي
جود : (تحنا عند لكتاب هزو من فوق رملة مخنزر ، نقرو وحلو كيقلب فيه) فين لݣورميطة لي كانت او سطو
ياسمين : (هزات ليه يديها) هادي
جود : آريها
ياسمين : شوف فيا
جود : جيبي زمري نمشي فحالي ها لعار
ياسمين : ويلى مابغيتش
جود : (عقدهوم) الله ياربي على نهار
ياسمين : شتك مكتشوفش فيا
مشا جود رجع لوطيل فحين ياسمين مشات رجعات لدارها ، دخلات بلحس ناوية طلع لبيتها تا شافت مها جاية عندها كتندب حناكها
مها : (مشات عندها كتقرص فيها) فين كنتي أدوي فين واش باغة تقتليني واش باغاه اقتلك من صباح او هو كيسول فيك
ياسمين : (بحالا مكتقرصهاش) خرجت اضربني لهوا
باها : (كان باين على وجهو تعصاب) على سلامتك ملي دخلتي لدار ، ماشي بكري
ياسمين : كنت غا (نزل عليها بواحد مولاتي تصرفيقة جمع ليها بيها لحنك معا لفم)
باها : (غوت) قطعي حسك ، باغة ترضيني ضحكة أدوي (عاود صرفقها او شدها من شعرها) مبغيتيش تحشمي وديري عقلك تا نقتلك أدوي
ياسمين : (بلاما تحس لقات راسها كتشوف فمها لي واقفة ساكة وضاربة طم ، ابتسامة سخرية خرجات من شنايفها) هه
باها : (زير ليها على شعرها وبدا عليها فطرش) كضحكي ، كضحكي مكفاكش انك كنتي دايعة فزنقة من صباح دبا زايداها بضحك شوفي شنو لابسة شوفي (هزات فيه راسها واشافت فيه بهدوء و تقول واش شي دمعا نزلات من عينيها ، باها حدو شاف فعينيه حس بقلبو تزعزع هو يطلقها) مكنبغيش نهز عليك يدي ولكن نتي لي كتجبريني طلعي لبيتك او ديري عقلك
مها : تسناي تا تعشاي
ياسمين : بصحتكوم انا باغة نعس (طلعات معا دروج او دخلات ليبتها ، حدها سدات لبيت طاحت منهارة مكمشة رجليها عندها او غا كتبكي تا شبعات هي تمسح دموعها او بدلات حوايجها وتكات فلفراش ، جابدة طيليفونها كتخدم فيه او كتشوف فديك نمرة تاع جود لي كانت خداتها من كتابو حيت كان مقيدها مور لكتاب ) ماشي وقتو (طفات طيليفونها بعدها طلقات منو موسيقى هادية وغمضات عينيها)
#فصباح#
فاق جود بكري هاد لمرة و مشا لمقاطعة خرجليه شي وراق او قضا شي غراضات كان محتاجهوم ، عاد رجع لوطيل او صونا على اكسيل
جود : آلو لواليد
اكسيل : آلو عاد مفكرني
جود : وا مكنتش بغيت نصدعك لبارح عرفتك اتكون مشغول معا لكوزينة ههههه
اكسيل : كلاتك عاود
جود : ههههه غا ضاحك
اكسيل : قضيتي لغاراض
جود : قضيت منو شي حاجة وشحاجة خرى خصني نتسناها شي يمات نتا سافرتي
اكسيل : راني فطريق حبست نرتاح شوي او نكمل طريق
جود : مزيان
اكسيل : واش راك عند مك
جود : (حك جبهتو) لا راني فلوطيل
اكسيل : (غوبش) مالك ممشيتيش عندها او ݣالس فلوطيل
جود : راني مرتاح هاكدا الواليد
اكسيل : مكاين بو مرتاح جمع قشك او سير ݣلس معا مك شويا راك منين رجعتي من فرانسا مݣلستي معاها
جود : مكاينش لاش نعدبها معايا
اكسيل : جود راني دويت معاك كون تسمع
جود : وا لواليد راني مموالفش او زيد راها خدامة غا غنݣلس بوحدي وصاف
اكسيل : واخة هاكداك كفاش بغيتيها تحس ملي تعرفك جيتي وݣلستي فلوطيل عواض تمشي عندها ، كون تسمع
جود : صافي واخا انا غنقطع بسلامة
اكسيل : بسلامة
بقا جود هاكداك متكي كيفكر فشنو يدير شاف تا عيا هو ينوض جمع حوايجو كاملين او هز طونوبيلتو ، غادي لدار تاع مو ، لي كانت عبارة على پارطمة كبيرة فواحد لعمارة راقية ، طلع لدار او صونا كيتسنا شي حد ايحليه تا عيا هو يجبد نمرة مو دور ليها
جود : لوليدة
سناء : عاوتاني هاد لوليدة
جود : غا كنسا
سناء : بغيتي شي حاجة
جود : واش مراكش فدار من صباح او انا كنصوني
سناء : واه راني فلخدمة تسناني غنرجع معا ديك جوج
جود : (تنهد) صافي واخة بسلامة
سناء : بسلامة (قطعات عليه)
جود : كون عرفت هاكدا ݣاع منخلي لوطيل ، نمشيو دبا نتسركلو فلقهاوي عاود
#عند ياسمين#
لي كانت ناعسة تا فات ضوهر بشحال عاد فاقت معا وقيت لغدا نيت
مها : (دخلات عليها لبيت لقاتها يالاه خرجات من طواليط باقة پيجامتها لي كات عبارة على توني معا سروال واسع) فقتي ايوا على سلامتنا
ياسمين : صباح لخير أبعدا
مها : شمن صباح هادا معا جوج ، هبطي تغداي راه كولشي كيتسنا
ياسمين : واخة غا سبقيني هاني هابطة
مها : (شافت فوجه بنتها لي كان عليه شي زروقية جنب لفم من سلخة تاع لبارح) قبل متنزلي شوفي باش درݣي ديك طبعة الى شافها جدك غا غدي ينوضها عنا
ياسمين : (ضحكات بسخرية) هههه كيف لعادة
سبقاتها مها فنزيل او تبعاتها هي ، كانت لعئيلة كاملة ضايرة بطبلة ، ياسمين خدات بلاصتها تم او بدات كتاكل فسكات او كتشوف فتيليفونها
باها : (دوا كارز على سنانو) حطي داك طيليفون او ديها فماكلتك
لجد : عبد الله خليها عليك
عبد الله : ولكن أبا راها
لجد : دويت معاك قتلك خليها عليك داك كترت تحكار مكاينش علاش
عبد الله : (ضرب طم)
عمها : با فين مي مغتنزلش تغدا معانا
مرة عمها : لا راها باقة عيانة بغات غا ترتاح فبيتها مريم طلعتيلها لماكلة
مريم : (ماين ياسمين) واه
لجد : كلات أبعدا شوي
مريم : بدرع باش نزلاتو
مرة عمها : تا خالتي الله يهديها راها كضر غا فراسها
عمها : عيينا معاها والو
ياسمين : بحالا غتبدل شي حاجة ، أنا شبعت غنطلع لبيتي
عبد الله : كملي مكلتك قبل متنوضي (كملات طريقها ممسوقاش ليه)
لجد : عبد الله راني دويت معاك لا مك مريضة ونتا باغي تنوضها عاود
عبد الله : واش مشتيهاش أبا كيولات متسوق لحد كدير غا داكشي لي فراسها
مريم : راك عارف عقل صغر
عبد الله : عقل زمر مال ولاد عمها وخوتها مداروش بحالها ، غا هي لي خارجة فشكل لا قراية لا صواب لا دين غا لخروج او دوران
عمها : برد اخويا دبا دير عقلها هاد تزيار غا غيزيد اخليها تعند
مرة عمها : ولكن اناصر ياسمين راه إيلى متسكداتش دبا يعلم الله آش غدير خصو يزيرها باش تخاف شوي ديك طريق لي شادة ممسلكاهاش
لجد : سدو عنا هاد لموضوع وحلتوها فينا
كملو ماكلتهوم هاكداك فسكات ، فحين ياسمين لي ملفات مادير او حسات بلقنط هزات تيليفونها او ركبات نمرة جود
ياسمين : مكين ميدار مكين ميدار اللهم نشدو فيه شوية (بدات كتصوني عليه)
جود : (لي كان ݣالس فلقهوة كيتسنا فمو لي تعطلات) آلو شكون معايا
ياسمين : (مشات تكات فوق الناموسية) وايلي على شكون معاك معرفتينيش
جود : معرفتش شكون (مداش فبالو ݣاع بلي لبرهوشة تاع لبارح قال صافي تسد لموضوع)
ياسمين : غنتقلق عليك دغيا نسيتيني ؟
جود : لبرهوشة ؟
ياسمين : مالك نتا وديك لبرهوشة فينما ندوي معاك
جود : (شاد راسو) “هادشي لي كان ناقصني نيت” مناش جاتك نمرتي
ياسمين : ماشي مهم مناش جبتها
جود : مزيان (قطع عليها)
ياسمين : شوفلك علحمار قطع فوجهي (عاودات صونات ليه)
جود : (شافها عاود كتصوني) الله ياربي لحليب شدرت انا تا تبليني بهاد لمصيبة واش زعما حيت صرقت لواليد قبيتو ؟ (خلاها كتصوني تا عيات او مجاوبهاش)
ياسمين : (طلع ليها زعاف) داير ليا فيها صعب المنال ولكن والله لا دوزتهالك ، غتجي عندي كتجري غا صبر
جود بقا ݣالس فلقهوة كيتشمش ، تا صونات ليه مو او مشا عندها لدار
سناء : (حلات ليه لباب او عنقاتو) و لدي حبيبي صڤا تعطلت عليك ياك پاغدون ماشي لخاطري
جود : معليش (دخل باريزتو معاه)
سناء : دخل حط لباريزة ديالك فديك لبيت ، علاما ندومونضي انا على شي حاجة من برا
جود : ميحتاش غنوض نطيب لراسي
سناء : تا هاداك نضر
جود : (دخل لديك لبيت حط لباريزة تما وعاود خرج عند سناء ، لي هي براسها مشات بدلات عليها وحيدات لماكياج لي كانت دايرة ) مغترجعيش لخدمة
سناء : لا كنت خدامة غا صباح
جود : (بابتسامة) هي غنتعشاو ليوم بجوج
سناء : انشاء الله
جود : (دخل لكوزينة او بريكولا راسو بواحد لپيتزة ودار لسناء شلاضة حيت دايرة ريجيم قالك ، وݣلسو بجوج كياكلو)
سناء : شتك جيتي غا بوحدك لكازا باباك ختك مغيجيوش
جود : صباح اتلحق عليا منهنا شي يمات إيلى بابا مكنضنش واش غيجي لكازا ݣاع
سناء : مبغاتش ليه لمرا ولا شنو
جود : منعرف
سناء : أصلن اكسيل منهار عقلت عليه مكيحملش ݣازا عزيز عندو لخلى ولقفارة
جود : لواليد كتعجبو راحت لبال او كازا هو لي عارف بحقها
سناء : ماعلينا ، انا غندخل لبيتي نعس شوي حيت عييت خود راحتك فدار متحتاش نعرض عليك
جود : (حس بلجو فشكل داكشي علاش ناض جمع لماعن او غسلهوم عاد رجع لبيتو جدد لوضو او صلاليه شي ركعات وتسنا تا ودن لعاصر عاد خرج لجامع صلى فيه ورجع لدار ينعس شوي)
#بعد 4 تاع سوايع#
كان جود باقي ناعس مافاق غا على صونيط تاع طيليفونو ، جاوب بلاما يشوف شكون
جود : (بصوت تقيل غالب عليه نعاس) آلو
ياسمين : (كانت كتبكي وكتغوت او صوت تاع تهراس دزاج) هي هئ عافاك عاوني
جود : (ناض مفزوع معرف باش تبلى) هادي نتي شواقع لاش كتبكي
ياسمين : هئ هئ عافاك والله ما نعاود لا (عاود تسمع صوت تاع تهراس دزاج) جود هئ
جود : (تخلع او ناض بزربة لابس توني ديالو وكيطلع فسبرديلة) فينك نتي دبا وشنو واقع ، غنصوني لبوليس
ياسمين : (بصوت كيرجف) لا لا غيضربوني آجي غا نتا عافاك أنصيفطلك لعنوان دابة
جود خرج كيجري نسا تا واش عندو طونوبيل حدها صيفطاتليه عنوانها طفا ليها طيليفون ، تقطعات فيه او ولا كيطلب غا سلاك ، بعد مودة تاع جرى وصل لواحد لحي خاوي وزناقيه مهجورين كيطل على لحجر لي فلبحر، زاد تخلع او هو كيفكر بلي بنت صغيرة وبوحدها فهاد لبلاصة يعلم الله شغيوقع ليها ، بقا كيضور فعينيه كيقلب عليها وهو سخفان بجرى تا سمع صوتها وصار عندها بجهد
ياسمين : (واقفة قدامو صحيحة فصيحة او غا كتفرنس فيديها زرواطة ) جيتي
جود : (مقدرش استوعب) شواقع هنا
ياسمين : والو غا كنت كنلعب (هزاتليه ديك زرويطة لي فيديها)
جود : (بانتليه طونوبيلتو لي حداها كاملة مشخشخة عاد فهم دوك صوات مناش جاو) كطنزي عليا لا
ياسمين : لا حاشا
جود : (سعر تاع لمعقول) واش باغة تجهلي دين مي خالعاني يسحابلي واقعة شي حاجة ، ونجي لقاك غا كتلعبي واش مسالي لهبالك انا
ياسمين : (نفاجرات بضحك أصلن هادشي لي كانت باغة) ههههههههههه تيقتي (حبسات لهضرة وقربات عندو كتشوف فيه بهدوء عملية هو لي بحال تور عروق بانو بكترت لاعصاب) انا مفهمتش علاش غتجي تعاون بنت تا سميتها مكتعرفهاش غريب
جود : (مكرهش اينوض اقجها على هاد زعتر لي دارت ليه) استغفر الله العظيم ، واه عندك لحق انا لي كلاتني خلاها لواليد ، حمار انا لي يسحابلي راك فموشكيل او جيت نعاونك
ياسمين : شكون عطاك التقة تا فكرتي انك غتكون اول واحد غنصوني عليه ملي نكون فموشكيل
جود : نتي لي آش باغة عندي باقي مفهمتش واش بنتليك قرينك باش تلعبي معايا
ياسمين : انا هكدا كيعجبني نلعب معا بنادم
جود : (كيحاول اهدن راسو) شوفي نقولك غتقلبي عليا راه لخاطر باش نساعفك مبقاش عندي
ياسمين : جري
جود : كفاش
ياسمين : واجري راه غيشدونا
جود : (مستوعب شنو طاري تا سمع صوت تاع سطافيك من موراه ، لقا راسو شادها بجرية وتابع ديك دوبيرمان لي علقات)
ياسمين : وا جري
جود : (لحق عليها) سيري آش بغيتلك
ياسمين : ونهنا (تخبات هي وياه مور واحد لحجرة كبيرة وبداو كيلهتو) واخيرا تفكينا
جود : (صافي مابقا عندو جهد ݣلس سخفان لخلعة وجرى او لفقصة ، يالاه كانت بغات ياسمين دوي سكتها) حسك هو لخر منسمعوش
ياسمين : (ݣلسات حداه) مالك اعشيري تا راه عادي
جود : شدرتلك أبنت الناس عمرني آديتك تا حالفاها فيا
ياسمين : (قربات عندو كتر) معرفتيش آش درتي ليا ، والو غا مكنحملكش من عند الله
جود : ملي مكتحملينيش ديري بحال ناس لي بعقلهوم او عطيني تيساع
ياسمين : تأ . تأ . تأ داك لعقل هو لي مكنكسابش ولواحد ملي مكنحملوش كيعجبني نسخسخو معايا
جود : (خصر سيفتو) شندير باش تعطيني تيساع خصك تبغيني ولا شنو
ياسمين : (بتاسمات ليه بغباء)هههههه هاديك كفس من لي قبل منها حسابك نكرهك او منبغيكش أ جود آيت أوسُّو
جود : (شد راسو بيديه) معامن كندوي انا
جود : (ناض من لأرض مقر حوايجو ودوا بصوت هادئ) حمليني ولا متحملينيش كيبقا شغلك هاداك لموهيم عندي انا هو تبعدي عليا مناقصينيش لمشاكل فحياتي
ياسمين : (جبدات واحد بحارة وحطاتو فمها جارة منو واحد نترة) ايهيه زيد شحب لخاطر عاود
جود : (ضار عندها وشافها كتكمي) شكاديري
ياسمين : (بطنز) كنضرب لبندير كنكمي ، ولا ياكما صدمتك فيا او خيبت ضنك (بقات كترمش فعينيها بحال لمونيكة)
جود : (قرب لعندها ونتر ليها لݣارو من فمها وعفط عليه)
ياسمين : لاش طفيتيه معامن تشاورتي
جود : مقدوش عليه تا دوك لي كبر منك غا تقدي عليه نتي ، يالاه نوضي تݣعدي نمشيو
ياسمين : فين نمشيو ياكما باغي
جود : منيتك
ياسمين : من ريتي راه مافيك تيقة كنت عارفاك من لول طامع فلجسد ديالي
جود : زيدي زيدي مضحكينيش ها لعار
ياسمين : وفين غاديين
جود : غاديين لداركوم
ياسمين : غا سير نتا انا باغة نبقا هنا
جود : تخركي قدامي البجغوطة يصدق شادك شي حد فهاد لخلى
ياسمين : شكون قاليا هاد لحد هو نتا
جود : الى كان على حسابك نتي فغا نقطو من جدر ولا نحصل فلحباسات زيدي تحركي
ياسمين : (تبعاتو فسكات تا وصلو واحد شاريع كبير او عامر بناس)
جود : (غادي فجنبها) فين ساكنة
ياسمين : (كدبات عليه) دارنا غا هنا
جود : (حرك راسو بايه ومشا وخلاها)
ياسمين : (غفلاتو ومشات تابعاه تا عرفاتو فين ساكن) قولي ساكن هنا مزيان مزيان
قلبات ضورة ومشات راجعة لدار فحالها لدار ، مالقات تا واحد فيها عرفاتهوم غيكونو هزو جداتها لسبيطار بحال كل مرة داكشي علاش مشات طلعات لبيتها نيشن تنعس
#غدليه فصباح#
نمشيو عند محسن لي فاق كيف عادتو فدوك ربعة دلحيوط تاع ديك لبيت لي كاري توضى و صلى عاد مشا عمرليه واحد لكويس داتاي معا لبيض فطر على خاطرو و لبس حوايجو ، عاد مشا لداك لمحال فاش خدام ميكانيك
محسن : (دخل عليهوم) ها واحد السلام عليكم
لوخرين : وعليكم السلام خاي محسن
محسن : (مشا لبس عليه واحد سلاپوط ديال لخدمة باش ميضربش خطية لراسو بلاݣريس) جاب داك دري طونوبيلتو
لولد : واه راه وصانا نقولوليك تكلف بيها ويلى كان ممكن لعشية تكون واجدة
محسن : نشوفو أبعدا شطاري فيها عاد ندويو على لعشية (جروه رجليه تال ديك طونوبيل حلها وبدا كيشوف مالها وشنو خاسر فيها ، عاد بدا كيصايبها لعشية كاملة عاد سلاها)
مول لمحال : ولد محسن ساليتي ديك طونوبيل
محسن : (رجع حالتو حالة) واه
مول لمحال : الله يرضي عليك ، كنت بغيت نقوليك بلي صوناو عنا من مكناس
محسن : على حساب ديك سلعة
مول لمحال : واه ، مكرهتكش تمشي معا دراري تجيبوها بيديكوم مكاينش لامين
محسن : ايمتا غيمشيو دراري
مول لمحال : ليوم بليل باش اصبحوا غدليه تما
محسن : صافي ايكون خير
مول لمحال : الله يرضي عليك سير دبا رجع لدار جمع حوايجك او ترتاح شوي باش تشد طريق
محسن : الله ايعاون (مشا حيد عليه ديك لحالة او رجع لدار دوش او صلى وجمع حوايجو عاد مشا ينعس ، فاق معا ديك 3 لبس او خرج عند دراري لي كانو كيستناوه فلكاميو) صافي مشينا ؟
دراري : على بركة الله
شدو دراري طريقهوم لمكناس لي موصلولها تا صبح صباح ، مشاو نيشن لواحد لوطيل رخيص خداو فيه شي بيوتة انعسو فيهوم
#عند صباح#
ناضت معا ديك لوحدة حيت مكانتش نعسات بكري ، هبطات لتحت فطرات بوحدها حيت تا لغالية براسها كانت باقة ناعسة ، ملي سلات فطورها طلعات لبيتها تبدل عليها وتخرج ضرب ضويرة بطونوبيل شحال هادي مصاݣت نيت ، لبسات ليها واحد سروال واسع معا قميجة وفولار او سباط پلا ، هزات سوارت تاع طونوبيل او مشات صايݣة فطريق
صباح : شتي أبنتي هاحنا خارجين نتساراو انا وياك راس فراس واع (بقات كيف لهبيلة غادة وكدوي معا طونوبيلتها تا غوتات ليها واحد لغوتة او شدات واحد لفران بجهد ملي شافت نحلة اوسط طونوبيلتها , ديك طريق لي كانت خاوية لحد ما تسمع صوت تاع زديح ، او خرجات لالاهوم صباح مخلوعة من طونوبيل او بدات كدوي بصوت منغنغ او مخلوع) الله الله على بنيتي تقصحتي ياك أدوي اميمونة
محسن : (لي كان مجبد فلأض او حاس بتقصاح فيديه وقف مفقوص معرف يبكي ولا يضحك) وا ميمون ولا ميمونة واش شويا صڤا
صباح : (ضارت عندو وداك لعرق تاع تكلاخ مرة مرة كيسني عندها) لابس لحمد الله اخويا انا موقعلي والو غا ميمونة لي حسيت بيها تقسهات تقول دخلات فبهيمة
محسن : ايوا حاشاك ، كطنزي عليا لا كتشوفي طونوبيل واش مزيان او هاد لخليقة لي ضربتي مكفاكش
صباح : (عاد تفكراتو) سمح ليا والله راني غا تخلعت ملي شفت نحلة عندي فطونوبيل محسيت براسي تاشديت لفران او ضربتك ، مقصدتش سمح ليا مقسح بزاف نديك لسبيطار
محسن : (حنحن) معليش موقع والو لمرة جاية ردي لبال ليوم خرجات طريفة غدا متعرفي شنو يوقع
مطولش معاها فلهضرة خلاها ومشا فحالو مكمل طريق على رجليه ، اما هي فركبات ميمونة ورجعات لدار دايرة بناقص من شي خريج
بعدما رجعات صباح لدار لقات لغالية فاقت او ݣالسة كتفرج فتلفازة
صباح : سلام
لغالية : (كان باين عليها لعيا) سلام كنتي خارجة ؟
صباح : واه خرجت انا و ميمونة
لغالية : هه درتي فيها خير راها كانت قنطانة
صباح : نتي بوحدك لي فدار
لغالية : لا راهوم لبنات كيخملو دار
صباح : مزيان انا غنطلع لبيتي باقي عندي ميدار فيها
لغالية : الله اعاونك
طلعات صباح لبيتها بدلات عليها بواحد لپيجامة رقيقة او جمعات شعرها لفوق قبل متحل لپيسي ديالها تقرا فيه ، فحين لغالية بقات ݣالسة تا حسات براسها ملات من تفراج عاد طلعات لبيتها ، وفطريقها سمعات لحوار لي دار بين سهام او شيماء
سهام : دبا لي نفهم منك هو ديك لغالية مرة سي اكسيل ماشي بنتو
شيماء : واييه بنتو هي ديك لوخرة ، داك نهار لي مشاو اخطبو فيه بانو ليا حوايجو فبيتها
سهام : شوفيليك شارف واخدها قد بنتو
شيماء : (بطنز) شارف لاواه لاواه زعما راك مناقصش ليك شوف ، او زيدون واش مشتيهاش باينة فيها مسهلاش قدات تخلي راجل بخيرو وخميرو وزينو يتزوج بيها
سهام : ياختي زهرها شنو جابلها سعداتها
شيماء : تي نوضي على سلامتك قاتلك زهرها نحلف ليك عليها فرعاتليه رجليها تا شبع هي تلسق فيه من بعد ، ماشتيش مو كي محاملاها مقابلاها
سهام : حنا مالنا أختي جينا نديرو خدمتنا ونشدو طرف تاع لخبز ونوضو نايضين
شيماء : لخبز لحافي خليتو ليك انا باغة لي طاغط
سهام : واه لي طاغط حلمي
شيماء : او مالي منيتاهلش باش حسن مني هاد لغالية ݣاع
لغالية : (كملات طريقها لبيتها كضحك بطنز) كريمة آ كريمة
كريمة : نعام الالة (كانت كتجمع لبيوتة تاع لفوق)
لغالية : هبطي عند شيماء قولي ليها طلع تجمع ليا بيتي
كريمة : ياك يالاه جمعتيها
لغالية : كريمة ديري داكشي لي قلتلك
كريمة : واخة هي لولة (هبطات كريمة تعيط لشيماء فحين لغالية دخلات لبيتها)
شيماء : عيطي عليا (دخلات على لغالية لي كانت جالسة فوق واحد لكرسي)
لغالية : (طلعاتها ونزلاتها) خرجي
شيماء : كفاش ياك نتي لي بغيتيني
لغالية : خرجي دقي لباب قبل مدخلي يالاه مغنباتوش هنا
شيماء : (خرجات على سعدها او وعدها كدق فلباب) طق طق
لغالية : دخال
شيماء : (حاسبة ك*رها شي حاجة) هاني يغيتيني لشي حاجة
لغالية : معامن كدوي ؟
شيماء : معاك نتي
لغالية : مقامي من مقامك تا تخاطبيني بهاد طريقة بغاني نجري عليك
شيماء : لا الالة
لغالية : (بتاسمات) هاكداك ، هزي ديك لكسوة لي فوق نموسية وسيري قيسيها
شيماء : (فرحات ومشات كتجري تقيسها ، كانت عبارة على كسوة حمرة مشبكة وقصيرة ، حدها شيماء لبساتها فرحات او خرجات بزربة عند لغالية لي كانت كتسناها) هاني لبستها
لغالية : (ناضت من كرسيها او قربات عند شيماء مقابلاها لمراية) فناضارك كيف جاتك ؟
شيماء : (بعجرفة) جاتني كتحمق
لغالية : هه واه عندك صدر او فورمة زوينة لكرش مكيناش ، بشرتك مزيانة ولكن (دوات برود) رغم هادشي كامل مجاتش معاك عرفتي علاش ؟
شيماء : من اشمن ناحية (عند بالها لغالية غارت من فورمتها)
لغالية : هههه مجاتش معاك حيت بكل بساطة ماشي ديالك ، او فاش مكتكونش لحاجة ديالك مكتجيش معاك بتاتا ، إيلى عند بالك أبنتي صغرك او زينك هوما لي غيخرجوك من زلط او عيشة لقهرة فراك غالطة ، ويلى قلتي ندير مادارو لي قبل مني نحل رجليا ونعطي ط*رمتي لعلالي فراه تا ديك لق*بة دربعمية فكرات فنفس لحاجة (مشات جابت واحد تصويرة كانت فيها هي و اكسيل) شتي هادا لي قدامك مجبتوش بحلان رجلين ولا تلواز ، كان يكفي أنني لغالية باش أجي عندي ، كيموت على تراب علاش كنتمشا ، و انا بغرامو مكوية ويلى كان عند بالك غتقدري تخليه ايشوف فيك ولو شوفة وحد يمكليك تحاولي ، ولكن منضمنش ليك شنو غيوقع ليك من بعد (مشات هزات مقص او بدات كتقطع فديك لكسوة بشوية عليها وشيماء غا مبلقة عينيها) يمكليك تلبسي حوايجي او تاكلي ماكلتي و تنعسي فراشي حيت فلاخير كيبقاو حوايج بإمكاني نبدلهوم فأي وقت ولكن راجلي حاجة خرى ، دوزت منك عاداد او تا وحدة مفلتات من شري ملي قرباتليه ، ديري عقلك او مطمعيش فشي حاجة ماشي ديالك خصوصا حاجتي ، حيت أنا لغالية مرة او حبيبة اكسيل انا لي كاينة ومن بعدي مكاين حد ، سيري لبسي حوايجك
شيماء : (شديها طرطق مرضاتش مرضاتش خصوصا لغالية
ردات لكسوة خرقة فوق صحتها ، عاودات لبسات حوايجها او
نزلات لتحت مغددة)
لغالية : (هزات طيليفونها تجاوب حيت سمعات صونيط ديالو)
آلو
لحاجة : آلو على سلامتنا ملي جاوبتي
لغالية : شباغة تا مصونيا
لحاجة : دوي معا اكسيل أجي لصدقة لي داير خالو نهار سبت
لغالية : اكسيل مسافر او عندك نمرتو صوني عليه نيت
لحاجة : مكفاكش دخلتي كيف سوسو بين دري وختو وزايداها دبا باغة تفرقي بينو وبين خالو
لغالية : لحاجة بالي مشارباش دواك انا غنقطع
صفية : (نترات طيليفون لمها) وجهك هاداك ولا كفاك الفعة محرشة خويا عليا
لغالية : (دايرة راسها معارفاش) آنا ؟ ايمتا هادشي لباطل هادا
صفية : داير راسك متعرفيش بسبابك خويا حيدلي ديك لارض لي فبني ملال او كتبهالك نتي رديها ليا
لغالية : ههههههههه صفية يا صفية كون درتي عقلك ݣاع مكان يطرالك هاكدا بسلامة (قطعات عليها وبدات كضحك) ههههههه مسكينة اصفية ديك لارض كيوالو قدام لي جاي ههههه يسحابلكوم سكتلكوم باطل
#عند محسن#
بعدما ضرباتو صباح بطونوبيل كمل طريقو لداك لمحل فين كيشرجيو دراري سلعة ، مقدرش ايعاونهوم حيت كانت يديه تفدعات دارلها غا لبانضة
دري : خاي محسن راه سالينا لمشارجية تاع سلعة واش غا نشدو طريق
محسن : (تنهد) ان شاء الله ، واخا حسيت بهاد لمدينة ولافة
دري : بلعكس مقناطة أخاي
محسن : يمكن انا لي فيا شي حاجة حسيت براسي فيها قريب نلقا شنو بغيت
دري : و شنو بغيتي نقلبو معاك
محسن : لي مشالي صعيب يرجح روحي علاش كنقلب ، يالاه نمشيو باش يالاه نوصلو تما فلوقت
او هاكدا كانت رحلة محسن لمدينة مكناس سالات ، الرحلة لي حس فيها بشعور غريب يمكن حيت كان قريب لروحو او يمكن حيت تلاقا واحد لغريب شكون عرف ، طريق كامل دوزها ساكت او غا كيخمم كيحس براسو هاز هم دنيا و لاخرة ، محبس من تخمامو تا حط رجليه فكازا ملي فات لمغرب بشوي مشا نيشن لدارو ولا نقول لبنيقة ديالو ناعس فيها بحوايجو مكان فيه لي يبدل
#عند ياسمين#
لي هاد نهار كامل دوزاتو غا فدار مكانت عندها ݣانة لخريج تا فاتت ديك لعيشة عاد مشات خارجة كتسلت من دار ، ركبات موطورها و مشات لواحد لبار كانت موالفة تمشي ليه او عارفة ناس لي فيه مكيسولوهاش ݣاع لا على لعمر لا على والو ، دخلات لداك لبار او طلبات داكشي لي موالفة كطلب مقنة ليها فواحد لقنت تسكر وتكيف على خاطرها ، عاد تنوض تحيح كيفما موالفة ، ياسمين بقات على ديك لقرعة غا هاد لكاس غا لاخر تا مبقاتش عارفة لقبلة فين جات ، ناضت كتمايل او تفرنس غا بوحدها ، تحشات اوسط دوك ناس كتشطح او تلوز تا بردات لخاطر عاد خرجات ، طبعا بعدما دابزات معا شي ز**مل ، بقات غا دية على رجليها جنب لبحر تا وصلات لقدام لعمارة فاش كان ݣالس جود وهي مصاحياش جبدات طيلوفونها وركبات نمرتو
جود : (كان ݣالس كيتفرج تا شاف صونيط ديالها قطع عليها جوج مرات او فتالتة جاوبها) شباغة عاود
ياسمين : (كتدوي بثمالة) ننزل عندي
جود : (لاحض بلي صوتها مهواش ولكن خاف تكون بحال لبارح) سيري تكمشي ممساليش ليك
ياسمين : ههههههه إيلى منزلتيش أنا غنطلع عندك
جود : (ستغرب من هدرتها وقال اطل من شرجم تا بانتليه لتحت واقفة مشاداش راسها كتنوض او طيح ، تنهد بسخط او هبط عندها مقاد على شوهة ، بلخف وصل عندها) شهاد لحالةةد
ياسمين : هههههه جيتي
جود : (شم فيها ريحة شراب او خسر سيفتو) شربتي ؟
ياسمين : لا
جود : (جرها مبعدها من طريق او هي لاسقة فيه لسقة لعمى فضلمة)
ياسمين : (مدلية شنايفها) هزني
جود : ياك مسكراناش ايوا تمشاي
ياسمين : هزني ولا والله
جود : و الله آش
ياسمين : تا نجمع عليك قوم ربي العالمين (بدات كتغوت) واعتقوني
جود : (دغيا سد ليها فمها بيديها) سكتي المصيبة سكتي فضحتينا
ياسمين : هزني
جود : واخة واخة (تحنا وعطاها بضهرو باش تركب او يهزها)
ياسمين : (تعلقات فضهرو بحال لقرد او حطات راسها على كتفو) جود
جود : هممم
ياسمين : ريحتك
جود : مالها
ياسمين : كيف ديال لماعز
جود : (وقف لمشية) هبطي عليا
ياسمين : (زادت شدات فيه) لا لا
جود : هي لازݣيتي
ياسمين : (باقة شاداها سكرة حيت تقلات تاع لمعقول) عرفتي علاش مكنحملكش
جود : شياطين عمرهوم بغاو لملائكة انا عاضرك
ياسمين : (شداتو بعضة تا بدا كيغوت)
جود : طلقي المجعوفة طلقي ضريتيني (وصل بيها لواحد لكراسة جنب لبحر حطها تݣلس او باقا واقف هو كيتسناها تفيق شويا)
ياسمين : ناس جوج نواع داك لي مكيحملكش او مكيخبيهاش، او نوع تاني لي بحالك
جود : مالو لي بحالي شنو كيديرو
ياسمين : كيديرو راسهوم كيهتمو ليك ولا ممسوقينش ولكن لداخل ديالهوم كيحتاقروك بكل بساطة منافقين ونتا اكبرهم
جود : راك غالطة انا مكنحتاقركش غا
ياسمين : (هزات فيه عويناتها)
جود : (كتافا بسكات) شحال فعمرك
ياسمين : 16
جود : (زاد قلبو ضرو من جيهتها) علاش كديري هاكدا
ياسمين : معرفتش يمكن انا هاكدا
جود : (تحنا على ركبتو مغطياها رجليها بلفيسة ديالو ) تا واحد مهاكدا
ياسمين : ( عنيها تغرغرو وماهي الى تواني قليلة تا طرطقات بلبكا بحال شي بنت صغيرة) هئ هئ هئ
جود : علاش كتبكي
ياسمين : حيت بغيت
جود : (غوبش) متبكيش راكي غا كتزيدي تباني خايبة
ياسمين : (قربات تال عندو ودوات بصوت باكي) انا خايبة ؟
جود : (وتروه دموعها) واه
ياسمين : كنت عارفة بلي راك مكتشوفش (رجعات كضحك او تبكي بحال لهبيلة)
ياسمين : عاودلي شي قيصة
جود : وقت لقصص هادا وريني فين جات داركوم نوصلك ليها راه تعطل لحال
ياسمين : انا ماعنديش دارنا هاديك مبقاتش دارنا ، عاودلي شي قيصة
جود : مكنعرف تا قصة
ياسمين : (قربات وجها لعندو محنية حيت كان ݣالس لأرض) انا غنعاودليك واحد لقيصة ، كانت واحد لبنت زوينة و ضريفة لدرجة مكتصورهاش كولشي كيبغيها ، كانت نية بزاف او حشومية مكانتش تقدر تا تحيد زيف قدام خوتها ولكن عرفتي شنو وقع ليها فلخر ، قتلوها بلا رحمة ولا شفقة داكشي علاش انا ياسمين مغنكونش بحال ديك لبنت لي ماتت انا هي النقيض ديالها
(زادت قربات لعندو تتبدل كيحس بانفاسها فوجهو تشاركو هواء واحد مكان كيفصل بين شنايفهوم والو)
جود : (جود لي صدماتو الاقتراب دايالها منو ، زادت صدماتو ملي تقيات على صدرو) يخليك بلخلى (معرف شنو يدير معاها واش ازدح مها معا لحيط ولا شنو يدير ، وكل امرو الله تستاهل تا سلات فوك فزݣ ، حس بيها ترخات تكاها على لكرسي او حيد سبرديلتو غادي لبحر اغسل حالتو على سعدو وعدو) ملي مقاداش على شراب لاش تشربيه
(رجع من لبحر كاملو كيقفقف بلبرد ݣلس حداها مخليها تكا على كتفو ، طول الشوفة فلبحر او فيها وتنهد)
ياسمين : (كتمتم فنعاسها) متشفقش عليا
جود : آودي شكون شفق عليك لي دارها ليا هو كتفكريني فراسي ماعلينا نعسي
بقاو فداك لخلى تا فاتت 3 عاد بدات لالهوم ياسمين كتصحص من سكرة
ياسمين : (شادة راسها) آي راسي (قادات ݣلستها وضارت عند جود لي كان كارم بلبرد) مالك
جود : خاص مك شي طرح على هاد لعذاب لي دايرالي خارجالي فعودي
ياسمين : (وقفات على رجليها واخة باقي سكرة متحيدات منها مزيان) انا غادة فحالي بسلامة
جود : زيدي نوصلك
ياسمين : لا بلاش
جود : مكنشاورش طسيلتك زيدي قدامي ولا نݣرض جدك
ياسمين : مالك كتغوت عليا
جود : وا حمدي الله معلقتكش من كراوعك قالك تغوت عليا ، ولكن من زهري غدا انرجع فحالي او نتهنا من صداع راس
ياسمين : (بطنز) لا ماتقولهاش غنتوحشك هه لما وشطابة تال قاع لبحر
جود : (يبثها فلخطاوي وبقاو غاديين تا وصلها لحي فاش ساكنة هاد لمرة مكدباتش عليه) دخلي فحالك او متبقايش ديري بحال هاكدا حيت ماشي هوما لي كتعاقبي كتعاقبي غا راسك
ياسمين : (دخلات لدار بلاما تجاوبو أصلن كانت باغة غا توصل لدار تنعس)
بقات طالعة بتسلات تا وصلات لبيتها تلاحت ففراشها بلاما حتا تشوف تبدل حوايجها ، بقات هاكداك متكية كتشوف فلݣورمطة لي فيديها تا داها نعاس ، أما جود مشا نيشن لدار دوش بلما سخون أو لبس عليه مزيان قبل ميتخشا تا هو فبلاصة ينعس او يرتاح قبل ميشد طريق لمكناس
#بعد 5 دسوايع#
جود ضرباتو لفيقة معا ديك 9 دصباح ، ناض مهواش حاس براسو مريض شوية غسل وجهو وسنانو او جمع حوايجو عاد خرج عند سناء
جود : صباح لخير
سناء : (كانت لابسة لحوايج باش تمشي لاصال ، كولون مزير معا سدرية وفيسة قصيرة من لفوق) صباح لخير ولدي ݣلس تفطر
جود : (طلعها ونزلها مغوبش من شنو لابسة ، خدا ليه واحد لكرسي وݣلس) غادة لشي بلاصة
سناء : (حطات ليه قهوة معا ليكغيپ) واه غنمشي لاصال من بعد لفطور
جود : لاصال كاين غا هنا فلموبل ؟
سناء : لا بعيد شوية ديك 5 دقايق على رجلين
جود : (صبر تا عيا هو يدوي) غتمشي ليه هاكدا
سناء : (شافت فراسها) وي علاش مجاوش معايا
جود : مكتحسيش بيهوم مزيرين شوي
سناء : بلعكس هادو مزيانين لسپور
جود : علاش متلبسيش عادي تا توصلي تما وبدلي مجاتش تمشي هاكدا اولى
سناء : جيني من لخر
جود : الصراحة الوليدة ، اماما حوايجك معيقين او دنيا مخالطة على برا يصدق شايفك او عابرك لي يسوا ولي ميسواش
سناء : جود زعما راك قاري واعي منحتاش نبقا نقري فيك باغيني نلبس لخنشا ونبقا نضور بيها او كوا
جود : مقلتش ليك لبسي لخنشة علأقل شي حاجة واسعة شوي راك ماشي صغيرة اماما
سناء : سمعني نقوليك ديك لعقلية لمتخلفة تاع باك خليها عندك ، انا باقة صغيرة ونلبس لي بغيت مغتجيش توريني شنو لبس سمعتيني
جود : (بدا دم كيطلعليه) واه صغيرة إيلى مخفتش نكدب راك قفلتي ربعين شحال هادي
سناء : (عدوها لي يفكرها فعمرها) الله ياربي على دري عندي ، هاكدا كان باك محرر عليا عيشتي متلبسيش هاكدا ماديريش هاكدا وباغي تزيدني نتا
جود : بابا مكانش كيبزز عليك تا حاجة ، او من حقو يغير ولكن نتيا لي منعرف مالك منين عقلت عليك ونتي هاكدا تا حاجة مكتعمرليك لعين
سناء : جود سد عليا هاد لموضوع حياتي وندير فيها لي بغيت
جود : (ناض من طبلة كيحاول اتملك اعصابو او ميرفعش صوتو عليها) واه حياتك هاديك أصلن من ديما كانت حياتك بوحدها ماشي تال دبا ، أنا غنمشي دبا
سناء : اتمشي دبا علاه ساليتي لغاراض لاش جيتي
جود : واه قضيتو (مشا خدا باريزتو ولبس سبرديلتو) يالاه اماما بسلامة (باس ليها يديها وراسها)
سناء : بسلامة
جود : (معا حل لباب باش اخرج ضرب فواحد سيدة تا هي لابسة حوايج سپور)
سيدة : سناء أ سمحلي يسحابلي سناء
سناء : (خرجات عندها) اهلن سمحيلي تعطلت عليك كانو عندي ضياف
سيدة : (شافت فجود مبتاسمة) بلا شك هادا هو حفيد خالتك لي قلتيلي جا عندك ياك ؟
سناء : (توترات شوي) واه هوا هدا لقيتيه بغا يمشي
جود : (شاف فسناء واحد نضرة ممفهوماش جامع فيها خيبة لامل او تا لاعتياد ، دوا معاها بصوت بارد) بسلامة اخالتي سناء صدعتك معايا
سناء : هههه معليش بسلامة سلملي على جداك
او بهاكدا كان مشا جود ركب فطونوبيل او شد طريق لمكناس معصب او مريض
فدار عند لغالية لي كانت فايقة هاد لمرة بكري على غير عادتها ، ولا نقول فين شافت نعاس أبعدا باش تفيق ليل كامل او هي كتقلب نعاس مبغاش ايجيها وليلى مشات تا غمضات عينيها كتفيق مفزوعة ، توضات ليها وصلات وهي مطلب لي خلقها فكل سجدة افك عليها هاد لغمة ولخنقة لي شاداها ، طولت السجادة و نزلات لتحت تشغل راسها بشي حاجة فلكزينة ، فكرات تا عيات هي تقول دير كيكة افطرو بيها ، جبدات المقادير لي غتحتاج وبدات كتصايب فيها وتزوق تا سلاتها عاد خشاتها فتلاجة تبرد ، ومشات هزات شيفون او بماء معا سانيكروا ، وݣلسات على داك دروج درجة بدرجة تا سلاتو ، حيت ليومة مكانوش لبنات غيجيو لخدمة
صباح : (نازلة معا دروج بكسوة كحلة قصيرة ضافرة شعرها لجنب) صباح لخير
لغالية : صباح نور ياكما فيقتك
صباح : لا أصلن كنت فايقة ، جود باقي موصل
لغالية : علاه ايجي ليوم ماشي تال نهار تنين
صباح : صونا عليا لبارح بليل قالي غجي ليومة ، كريمة مكيناش
لغالية : لا لويكاند هادا مكيجيوش ، لقيتيني ساليت هادشي لي كندير نفطرو فلكزينة ولا فصالون
صباح : نفطرو فجردة حسن
لغالية : ايوا على هاد لحساب مديليا داك زيف لي لهيه ونتي هزي لعباية ديالي راها فصالون لبسيها
صباح : واخ (مشات مدات لغالية زيف او لبسات هي ديك لعباية)
لغالية : (خرجات لكيكة و طباسل مخلية صباح لاحقاها بلعاصير و لكيسان) الله على جو شحال زوين
صباح : قالو لبارح بلي غطيح شتى سعا مطاحت تا قطرة
لغالية : الله ارحمنا وصاف هاد لعام شتا قليلة بزاف ناس كيتشكاو او زيد سلعة مخلات لمسكين مايدير
صباح : الله ارحمنا نيت مابقا ميعجب
لغالية : دويتي معا باك فهاد ليامات
صباح : صونيتليه ولكن مكيجاوبش
لغالية : منعرف شواقع طيليفونو طافي من ول لبارح غامتكونش واقعا ليه شي حاجة ودنيا هانية
صباح : نتسناو تايجي جود او ديك ياكما يكون دوا معاه
لغالية : على ربي (كملو فطورهوم مرا يسكتو مرا يدويو تا سلاو لماكلة وجمعو طبلة) انا غنطلع لبيتي نبدل عليا باش نخرج
صباح : فين غتمشي
لغالية : غيخصني نمشي ندوز عند مول زليج نخلصو فسلعتو ونوصيه على شي سلعة ، راك عارفة باك ماكاينش او زيد تا جود ، او منها نيت ندوز لديك لپاتيسري نشوفها كيف غادية
صباح : (حركات ليها راسها بإيه) الله ايعاونك
لغالية : ملي يوصل جود او صوني عليا إيلى تعطلت
صباح : صافي واخ
طلعات لغالية لبيتها حيدات حوايجها ولبسات واحد جلابة كحلة سامپل معا زيف كحل تا هو ، دارت كمامتها ونضاضر دشمس ، عاد مشات لديك صامصونيط هزات منها واحد جوج جوايات او خرجات لطنوبيلتها ركباتها وزادت فحالها ، لعند مول زليج
لغالية : سي حميد
حميد : اهلن اهلن الالة لغالية تفضلي مرحبا
لغالية : ارحب بيك لخير اسي حميد
حميد : تشربي شي حاجة ؟
لغالية : لا لا شكرا لقيتيني زربانا جيت غا نوصليك امانتك لقيتي راجلي مسافر
حميد : بسم الله (شد منها جوا)
لغالية : لموهيم اسي حميد بغيت نوصيك على شي فايونص على حساب لفيرمة لي فبجعد
حميد : مرحبا مرحبا (مدليها واحد لكاطالوݣ) هاكي شوفي وختاري على دوقك
لغالية : الصراحة بغيت شي حاجة مزيانة او ميكونش كيبان فيها لوسخ دغيا راك عارف لبلاد لغيس او تمارة دغيا كتوسخ دنيا
حميد : الله أودي ، إيلى بغيتي تسناي واحد ليوماين غتجينا سلعة مزيانة وجديدة وديك ساعة رجعي تخيري فيها
لغالية : صافي واخة تا هدا نضار ، نخليك دبا باقي تابعيني شي شغال
خرجات لغالية من عندو ومشات نيشن لواحد لپاتيسري جات على طريق ، متوسطة ماكبيرة ماصغيرة ولكن مقومة ، دخلات عليهوم لغالية ولاحت سلام
لمرا : اهلن مرحبا زارتنا لبراكة
لغالية : (مشات دازت عندهوم لداخل او سلامات عليهوم) كيف غاديين معا شي تمارة شي خدمة
لمرا : ايوا ها حنا كنعافرو
لغالية : داكشي نيت ، محركة شوية لقضية ولا عيانة
لمرا : لحمد الله حسن من قبل
لغالية : مزيان مزيان جيت نجمع لحساب او نخلص لبنات راس شهر هادا ونشوف شنو خاص
لمرا : (مشات جابت ليها دفتار تاع لحسابات او خلات لغالية كتحسب لراسها)
لغالية : (كملات لحساب ديالها بعد مودة ، طرفات ليها فلوس سلعة و لخلاص دلبنات او دلما وضو واداكشي لي بقا حطاتو فصاكها) شوفي هادو فلوس سلعة إيلى كان خاص من بعد صوني عليا ، وهادو فلوس لبنات راني حطيت فوقهوم شي زيادة إيلى بغاو اشريو شحاجة
لمرا : (شدات من عندها لفلوس) صافي كوني هانية الله اكتر خيرك
لغالية : (تسالمات هي وياهوم او كانت غتخرج فحالها تا بانتلها واحد لبنت صغيرة حوايجها مبهدلين شوية كطل من زاج ولكن مداخلاش ، لقات لغالية راسها غادية عندها معا ابتسامة وصوت مطمئن) فيك جوع ؟
لبنت : (خافت شوي ولكن فلخر حركات ليها راسها بإيه)
لغالية : وعلاش مدخلتيش لداخل
لبنت : (بصوت حزين) معنديس فلوس
لغالية : (حسات بقلبها ضارها ، ولكن مبيناتش مدات يديها لديك لبنت ) يالاه دخلي معايا نعطيك متاكلي
لبنت : ولكن
لغالية : (شدات ليها فيديها او دخلاتها لداخل ، متسوقاتش لدوك ناس لي كانو كيشوفو فديك لبنت هالي بقات فيه او هالي عافها) ݣلسي هنا تسنايني نمشي نجيبلك متاكلي
لبنت : (حركات ليها راسها بإيه)
مشات لغالية عند لبنات يعطيوها شي منعيش اوشي مسكوتات دلاكريم ، عاد رجعات عند لبنت حطات داكشي قدامها وكليات حداها مبتاسمة
لغالية : (بصوت حنين) يالاه كولو
لبنت : هادشي كامل (عينيها ضواو)
لغالية : ههه هادشي كامل او نزيدك عاوتاني
لبنت : (بحزن) ولكن ماما قاتلي مناكلش من شي واحد مكنعرفوش
لغالية : انا صاحبة ماماك داكشي علاش غا كولي
لبنت : بصح ؟
لغالية : واه
لبنت : (بقات مسكينة كتاكل او تعمر كريشتها ولغالية غا كتشوف فيها مبتاسمة على حركاتها طفولية ويديها صغار ، كون تلقا تلاح عليها تعنق فيها وتبوس او تبرد حرقة دراري لي معطهاش الله)
لغالية : (مداتلها كاس تاع لما تشرب منو) هاكي شربي غتخنقي
لبنت : سنو سميتك
لغالية : انا سميتي لغالية ونتي
لبنت : سميتي خديجة
لغالية : زوينة سميت خديجة بحال ملاتها ، كتقراي اخديجة ؟
لبنت : لا
لغالية : فين ماماك
لبنت : (تفكرات مها وناضت مخلوعة) تعطلت عليها
لغالية : كملي مكلتك أبعدا
لبنت : لا أنا غنمشي
لغالية : ستنايني هنا هاني جاية (رجعات عند لبنات عطاوها داكشي علاش وصاتهوم او داتهوم لديك لبنت) هاكي هادي واحد سخرة وصاتني عليها ماماك
لبنت : شكرا (خدات من عندها لميكة ومشات)
لمرا : درتي واحد لخير فهاد ليتيمة مسكينة
لغالية : مها كتخدم
لمرا : لا مالقاتش فين راك عارفة لوقت كيف دايرة راجل مات خلالها ربعة دليتامة و طسيلة راجلها كلاوها فحقها وخلاوها الله كريم
لغالية : كتعرفيها نتي
لمرا : الله أودي
لغالية : بغيتك تمشي عندها وتقولي ليها بلي خاصاكوم شي مرا تعاونكوم فلباتيسري الى بغات تخدم
لمرا : تبغي وعلاش متبغيش بلفرحات عليها
لغالية : (جبدات من صاكها شي فلوس او مداتهوم ليها) هاكي عطيها هادو الى سولاتك قليلها بلي كتخلصو عاد كتخدما ، ولى لقيتي شي دراري صغار تبقاي تعطيهوم او قيديها عليا
لمرا : كوني هانية
لغالية : يالاه بسلامة نخليك انا دبا (خرجات لغالية ركبات طونوبيلتها وزادت راجعة لدار ، بانتلها طونوبيلة جود تما عرفاتو رجع ، بلاصات تا هي طونوبلتها ودخلات لدار)
صباح : لغالية رجعتي
لغالية : واه ياكما تعطلت ، جا خوك
صباح : واه راه لفوق فبيتو ولكن بالي ماشي تال لهيه
لغالية : مالو
صباح : والله ما عرفت
لغالية : غنطلع عندو نشوف مالو (طلعات لغالية لبيت تاع جود دقات عليه وستناتو تا حل ليها)
جود : (بصوت مبحوح) لغالية لباس
لغالية : لحمد الله (كان باين عليه لمرض) مالك مريض
جود : غا معا لعيا تاع صفر (بدا كيعطس)
لغالية : لا لا لعيا تاع لبحر مكيديرش هاكدا لبرد لي غيكون ضربك ، ستنا نمشي نطيبليك لحامض وسكار وزيت لبلدية
جود : لا لا بلاما تعدبي راسك
لغالية : كون تسمع راه مزيان ليك باش متشدش فيك لكحبة
جود : لي عجبك
لغالية : (هبطات لتحت تصايبليه داكشي قبل مطلع تبدل تا حوايجها)
صباح : امضرا مالو
لغالية : ضاربو رواح
صباح : لا شي حاجة خرى من غير رواح
لغالية : خليه فراحتو يمكن مباغيش يدوي دبا ، أنا غنمشي نطلعليه هادا ونتي تبعيني بديك لفوطة وتلج
صباح : واخة (هزو داكشي وطلعو عندو لبيت)
جود : شتكوم هاجمين
لغالية : شرب هادا وتكا تكمدليك صباح تلج باش تنزليك سخانة
جود : شعند لميت ميقول قدام غسالو وكلت امري الله (شرب داكشي لي دارتليه لغالية وتكا على ضهرو مخلي صباح كتكمدليه راسو)
صباح : جود
جود : نعام
صباح : نسولك
جود : لا
صباح : دبا صراحة تاع صراحة واش دابزتي معا صاحبتك تا مرضتي هاد لمرضة
لغالية : سكتي شمن دابز معاها فين عندو أصلن
صباح : شكون قالهالك شتيه شكيصنع ، كاين لي كيضربو لبرد فصيف تي واخة يكون عام فلبحر بحوايجو معا 2 دليل
لغالية : غا نتيا فناضارك كون كان مصاحب مكانش داك باك اعيق بيه او يعطيه واحد طرح تاع لعصى
صباح : لا بابا ميضربوش على هاكداك
جود : (بطنز) مكتعرفيش داك باك معقلتيش على داك طرح لي كليت بمسبتك نيت
صباح : بمسبتي علاه آش درتلك
جود : لغالية تا فكريها
#فلاش باك#
بعدما صلى اكسيل لعيشة فجامع رجع لدار
لغالية : (داوية معاه او حناكها حمرين) رجعتي
اكسيل : واه فين دراري
صباح : بابا (جات تلاحت عليه)
اكسيل : متبقايش تجري دبا طيحي
جود : كون غا طاحت نتهناو من تحنقيز ديالها واحد لمودة
اكسيل : (مشا ݣلس فلبيت تاع لݣلاس او تاهوما دارو نفس شي) نتا مهداكش الله تبقا تجمع كارطابلك منهنا لانتا لاهادي (هز لكارطابل تاع جود او لاحو عليه ومن زهرو كان محلول كولشي طاح أو نزله لارض ، هبط جود كيجمع فلكتوبة غافل على داك جوى لورضي لي هزو اكسيل ايشوف شهادشي ، ومعا كل سطر كيقراه من ديك لبرية كيزيد اتعصب) شهاد شي
جود : (مفاهم والو) شداك شي ؟
اكسيل : كون عطاك هاد لبرية ؟
جود : (فاهم غالاط يسحابلو واش داك لبروصي) شوف راني عارف راسي خبيت عليك ولكن الواليد غا بلعقل
اكسيل : (كارز على سنانو ) شمن عقل ونتا دايرها قد راسك
جود : شوف الواليد راه كنا غا ضاحكين بناتنا وصاف
اكسيل : ضاحكين ، دبا ولاو بنات ناس ضحك بيناتكوم ياك هادشي علاش ربيتك انا
جود : لا ماشي هاكداك حنا غا مدوزين لوقت مالقينا مانديرو ، بلاتي شمن بنات…(مجا فين يستوعب او يشوف فصباح لي من صباح او هي كتشير ليه مور باها ، تالقا اكسيل كروشاه)
اكسيل : بنات الناس اولد لكلبة ماشي لعبة الى ضحيك على لبنات (كان صاعر عليه تاع لمعقول)
لغالية : (شافت طرح حما تخلعات) اكسيل
اكسيل : لغالية خرجي ، صباح تبعيها
صباح : ولكن ابابا
اكسيل : قلتلك خرجي ، نعاود لجدو ترابي نوريه كنا غا كلعبو ، ارضا لي يلعبليك على ختك أدوي
جود : لواليد شرح ليا أبعدا شمن بنات علامن داوي راني مفاهم والو
اكسيل : لبرية لي فكارطابلك ، *انك كالنجمة تضيء سمائي ، كالعاصفت تخربق مشاعري * نزار قحباني لي والد انا أدوي (شنق عليه) فين عمر مك شتي العاصفة كتكتب بتاء مبسوطة مقاريش تا غالط فيها وديك تخربق باشمن لغة هاديك أدوي
جود : دبا يالواليد شد غا فوحدة واش راك تخاصم علبنات ولا على تاء مبسوطة وديك تخربق
اكسيل : (زاد صعر) عليهوم بجوج يا لحولي
صباح : (صبرات تا عيات او ملي شافت اكسيل باغي يضرب جود دوات بجهد) ديك لبرية ديالي
اكسيل&جود : هاه
صباح : (كترعد) ديالي ديك لبرية ليا لمن تسيفطات
اكسيل : (طلق جود لي كان غيديرها تحتو ، وقادليه حوايجو) مابقا حد اضحك معاك اصاحبي هههه آجي نتي لهنا كفاش لبرية ديالك ؟
صباح : دبا ابابا لقيتها عندي فلكارطابل شي واحد لي سيفطها وانا بلخلعة من أنك تلقاها حطيتها فكارطابل جود
جود : (كان غينقز عليها) واش لمك باغا تهبليني مخلياني كنسرسبليه بلخلعة على لكسيدة
اكسيل : شمن كسيدة
#نهاية لفلاش باك#
جود : (بقا كيضحك تا دمعو عينيه) ههههههه ناس كياكلو شحط فلكسيدة انا كليتو من مور لكسيدة ههههههه
لغالية : هههههه باك كان مهور نيت غا كيسمع جود او لبنات فنفس لجملة كينوض اعطي قتلة لجود
صباح : هههههه كليتي حقك قبل تا مادير علاش
جود : ههههههه لواليد او فعايلو
لغالية : (بدا طيليفونها كيصوني كميرة) غا دكرتوه صونا
إكسيل : سلام
لغالية : (ضورات لكميرة تا بدأ كل من صباح او جود كيبانو معاها) سلام
اكسيل : تجمعتو عاود على شي مصيبة
صباح : تجمعنا على ضهرك الواليد
اكسيل : شادين فيا نميمة
لغالية : كنا كنفكرو جود فلقتلة لي كل منك
اكسيل : قتلات هوما لي كلا
جود : ديما ضالمني الواليد
اكسيل : واه ديما ضالمك كنسلخك على شي حاجة نلقاك مدايرهاش ولكن داير مكبر منها
جود : صافي بلا شوها ، تبنا
اكسيل : ايوا لحمد الله تا حنا مابقا فينا لي يسلخ حد ، شتك كتكمد راس كازا موافقاتكش
جود : لا كازا لا ناسها وافقوني
اكسيل : صافي قاديتي امورك
جود : واه
لغالية : (بقات كتجمع شوي معاهوم ، عاد ناضت خلاتهوم ومشات تكمل تجماعت معا اكسيل فلبيت)
صباح : (تسنات لغالية تا خرجات او سدات لباب موراها عاد دوات) شواقع ليك
جود : والو غا عيان شوي ضربني لبرد يمكن
صباح : ديك لهضرة قولها لشي واحد آخر ماشي ليا انا ، دابزتي معا شي حد تما فكازا
جود : لا
صباح : مشيتي عند ماما
جود : واه (دار يديه على عينيه)
صباح : تخاصمتي معاها
جود : لا
صباح : ايوا مالك ؟
جود : غا طالعلي دم او صاف ، شدرتي نتي فدوك لوراق
صباح : قاديتهوم او غنصيفطهوم لماما غدا فلكار باش تسجلني
جود : هي غطلعي فلخر تاع لعوطلة لكازا
صباح : لا غنطلع منهنا سمانة
جود : علاش
صباح : باش نقلب على شي دار لكرا
جود : (قاد لكلية مغوبش) علاش غتكري ياك قلتيلي غتݣلسي معا ماما فدار
صباح : لقيت داك لبلان ممسلكنيش
جود : ممسلككش ولا مبغاتش تݣلسي معاها
صباح : لا ماشي هاكداك راك عارف ماما ولفات تسكن بوحدها مابغيتش نصدعها معايا
جود : واه مابغيتيش تصدعيها معاك خفتي يبقاو ايقولولها علاش هاد بنت ختك طولات عندك
صباح : جود ماما راك عارفها كيف دايرة مكتبغيش ناس اعرفو حياتها شخصية
جود : مك الالة ماشي حياتها شخصية لي مبغاتش تعرف ، مكترضاش تقول لناس انا عندي ولاد كبار او راني شارفة مكترضاش تقول ليهوم كنت مزوجة واحد كان ميكساب ميعلام خدام تيغراضو او مخرجني لقيفارة فاش كنت ساكنة ، تعاوني تا وصلت لهادشي لي فيه انا او فلخر سمحت فيه
صباح : (تغرغو عينيها) يمكن عندها اسبابها مخصناش نحكمو عليها
جود : شمن اسباب هادو اصباح خلينا منكدبوش على راسنا مابقيناش صغار منين كانت مكترضاش بينا وصافي
صباح : (نفاجرات بلبكا) عند بالك آنا معارفاش هادشي ولكن شنو بغيتيني ندير ليها ، مندويش معاها منمشيش نشوفها ، راه كتبقا واخة هاكداك ماما
جود : متبكيش (تكا على ضهرو وجرها عندو خاشيها فيه او محاوطها بيديه ، تبكي على خاطر خاطرها)
#عند لغالية#
كانت باقة كدوي أپيل معا اكسيل
اكسيل : مالك عيانة
لغالية : لا غا مشابعاش نعاس او صاف
اكسيل : بقيتي سهرانة
لغالية : واه ، ايمتا غترجع
اكسيل : باقي شويا علاش محتاجة شي حاجة
لغالية : محتاجاك نتا
اكسيل : نموت او نعرف هاد حلاوت لسان فين كتمشي ملي كنجي ، ياكما كتصرفيها ليا دقايق
لغالية : هههه بحال هكداك
اكسيل : الالة جمعيهوم عندك تا نرجع او ديريلي بيهوم لمباشر
لغالية : هههههه صافي واخة (زادت معاه شوي عاد قطعات هي وياه لاپيل او مشات راجعة لعند دراري ، دقات او حلات لباب لقاتهوم ناعسين هاكداك ، صوراتهوم او غطاتهوم عاد خرجات كافية ضو او سادة لباب ، او مسيفطة ديك تصويرة لاكسيل)
يتبع
التعليقات 0