الفصل 1

🥀 اقول لكل أبنت حواء على وجه لارض

🥀 جميلة انت كوردة الياسمين

🥀 حلوة انت كعسل الجحيم

🥀 هشة انت كورقة الخريف

🥀 صامدة انت كجنة النعيم

🥀 قوية انت كعاصفة الرمال

🥀 مؤنسة انت كالنسيم العليل

🥀 غالية انتي كمرجان المحيط

🥀 أيستحقك رجل وأنت الطيبة و الوئام ؟

🥀 أيبكيك ابن من ابناء التراب و الجنة تحت اقدامك تقام ؟

**** : لعار أبا لعار أبا لما قتلني ومديرش فيا هاكدا لعار أبا هئ

هئ هئ ، لعار أبا لاتقسحش كبدتك من جيهتي هئ هئ هئ

ياك أبا أنا لغالية لعزيزة سخيتي بيا أبا سخيتي بيا دغيا

(عينين كيف شلال إسيلو دموع او حناك باين عليهوم لآتار دصبعان ، فم كولو زرق ، يدين صغار شادين فرجلين داك راجل لي قدامها ، راجل لي مقصح قلبو جيهت كبدتو ، راجل لي ماراعا لدموع بنتو ولا لبكاها ونواحها ، الاب اللي شاف فيها شوفات لإشمئزاز تقول وحدة عاصية ماشي بنتو طرف منو و محنية عند رجليه)

لعار أبا لما قتلني ومديرش فيا هاكدا أبا أنا ….

(قبل متكمل كلامها حسات بشعرها تقلع من بلاصتو ، كانت ايد شخص تاني من الحضور اللي كيتفرجو في المسرحية دون اي شفقة لختهم لي من لحمهم ودمهم )

جرها بقوة من شعرها حتى وقفات على رجليها بلهلا يطريه ليها وبدون اي رحمة أو ذرة شفقة بقا كينزل عليها بطرش تا رعفها

…..: باقة زايدة فيه أدوي دايرة لينا فيها الشريفة العفيفة (فك يديه من شعرها وحكمها من عنقها وبدا يجيف فيها)

بغيتيه إقتلك ياك او يوسخ يديه بدم موسخة بحالك هاديك هي لي متكونش ليك سرك تعيشي معا داك شارف ملي بعتي راسك اوبعتينا معاك حتى تموتي ، عائلتنا ميشرفهاش وحدة فحالك موسخة وغتوسخنا معاها

عينيها قربو يخرجو من بلاصتهوم او نفسها بدا يتقطع بدراع باش قدات تخرج حروف مقطعة

*كح كح خوبا عفاك غير سمعني كح كح أنا والله م…*

مخلاهاش تكمل لاحها الأرض تا جات عند رجلين مها وقال نتيقك وضحك بسخرية

غتقولي ليا اه حقا مكنعرفوش عمرني هضرت معاه ، كاين لي

كيكتب على شي واحد مكيعرفوش كاين لي كيبغي شي واحد مكيعرفوش (ركلها لكرشها تا غوتات بأحر من جهدها) كاين لي كيبغي شي واحد مكيعرفوش ؟ حاسباني برهوش قدامك (عاود ركلها)

**** : (تكمشات فلأرض او بدرع باش باقة حالة عينيها ) هئ هئ هئ مدرت والو مادرت والو مي آمي لعار امي

مها :(منعات خوها من أنو يعاودلها ركلة خرا) صافي باركة

عليها دابا تقتلها

**** : (هزات عينيها فمها وشافتها بواحد نظرة فيها شوية

دلأمل) ، نتي عارفاني امي منديرهاش ياك أمي ؟ هئ هئ هئ أنا لغالية امي واش مكتعرفينيش ؟

مها : (ضورات وجها على بنتها لي مليوحة لأرض او دوات بحرقة) شحال قدي نعرف فيك تقتي وتربيتي ضربتيهوم ليا فزيرو ، ونا لي كنت نقول ݣاع لبنات خارجات طريق إيلى بنتي لغالية سعا هيهات ربيت لخلى

لأب : نوضي تهز عليا و لوحي عليك زيفك او سيري راه راجلك

سيفط لي يجيبك

وقفاتها ختها بدرع رجليها فشلو عليها من كلامو ، جهد لي يدوي مبقاش ، هزات عينيها لآخر مرا او دققات شوفة فخوتها و مها و باها لي تا واحد فيهوم مارضى يشوف فيها ولا

يعبرها ، وخرجات آخر جملة من فمها قبل ميجروها لبرا

**** : ها لغالية غتمشي ، ها لغالية لي قلتو جابت لعار غتمشي

وعنداكو متغرقوش فلعز ، ها لغالية لي قتلتوها وهي حية

غتمشي ها لغال… طوط طوط طوط

( بعد هاد صوت كسدة عرقانة قفزات من فراشها وهي كتلهت ، شعرها لي لونو مبانش فعز ليل طاح على كتافها ، ويديها لي كانو كيترعدو تحطو فوق قلبها لي شوية ويخرج من بلاصتو)

غا حلمة الغالية غا حلمة استغفر الله العظيم ،استغفر الله

(حيدات لغطا على رجليها و خرجات من فراشها ، وتمشات

جيهت داك لبالكو لي قدامها بعدما لبسات فرجليها ، محسات براسها تا هزات طيليفونها وركبات واحد نمرة على أمل تسمع صوتو او تهدن)

هو : (بصوت تقيل او باين فيه نعاس جاوبها) لغالية

لغالية كتفات برنة صوتو ملي نطق سميتها من فمو حسات بحالا كتسمعها لأول مرة ، تبورشة لي حسات بيها او قلبها لي رجع كينبض كتر من لول غا هاد لمرة كان نبضو مختالف اشد لإختلاف على النبض تاع قبيلة

هو : (عرفها ماشي تالهيه من سكاتها دكشي علاش بغا يخفف

عليها) ماجاك نعاس على فراقي دكشي علاش صونيتي

لغالية : (دوات بتوتر بحالي اول مرة تدوي معاه) نجوم مضوية ضلام سما ونتا مضوي حياة لغالية

هو : آخ ألغالية عييت معاك ماتقوليش بحال هاد لهضور ملي

منكونش حداك

لغالية : (بتاسمات) فيقتك من نعاس ياك ؟

هو : سيري تكاي فراشك عاود او حطي طيلي حدا راسك

لغالية : واخة (مشات رجعات تخشات فراشها وتكات على جنبها ليمن او حطات طيلي حدا راسها)

هو : تكيتي ؟

لغالية : واه

ملي سمع جوابها بدا كيجود لقرآن بصوت مخشع او كيريح نفس و يحيد لهم ولغم ، مخلي لغالية كترخا وترخا تا غفلاتها عينها ونعسات ، فحين هوا بقا مكمل تجويدو تاتقطع صوتها عاد قطع تا هو ورجع لنعاسو .

صباح جديد جا او شمس تدفي لجو او باشعتها تفيق لي ناعس من نعاسو ، فنفس لبيت لي كان ليلها هاز دموع الضعيف او لمجروح كان صباحها فرح علقلوب او جمع بين لحباب ، تسمع صوت دقان شي لي خلى بنتنا لغالية تفيق من عز نعاسها .

لغالية : بصوت ناعس جاوبات هاني جاية

(تكسلات او تجمعات شعرها لي كان طويل واصل نص فدهرها

او بلون لقهوي ، عاد لبسات عليها پينوارها وخرجات من لفراش متوجهة لباب باش تحلو)

لخدامة : (سميتها كريمة) لالة صباح لخير

لغالية : صباح نور اكريمة ماجيتيش ليومة شوية بكري

كريمة : ليومة غترجع لالة صباح من سفر او خاصني نجمع ليها

بيتها او نقاد لفطور

لغالية : ضربات راسها بيديها آخ نسيت ݣاع واش ليوم ، صافي سيري نتي لشغلك انا غنغسل او نزل عندك

كريمة : واخة الالة ، آه قبل منسا راه صوناو من لبلاد هاد صباح قالو بلي لعشية غيكونو هنا باش ايشوفو لالة صباح

لغالية : (خسرات سيفتها) اخ على بنادم ما يعلم ما يشاور ، كاينة أبعدا سلعة ولا خاص لي يجيبها عاود

كريمة : باقي ماشت شنو خاص دكشي علاش جيت نشاورك

لغالية : صافي غا سبقيني تانتبعك او نشوف شنو نديرو

رجعات كريمة لكزينة فحين لغالية دخلات لحمام دوش او طرف حالتها وماهي إيلى نص ساعة تا خرجات لاوية عليها واحد لفوطة وكتنشف شعرها بوحدة خرا تا سلات عاد مشات لبسات عليها واحد لبيجامة طروا پياس ، پينوارها نازل تال جيهة ركبة ، عاد جمعات شعرها على شكل سفنجة ، ولاحت عليها زيفها وهزات طيليفونها وهبطات لتحت عند كريمة

لكزينة

كريمة : كانت كتزيف فلكيسان ، لالة تبغي نحطليك لفطور ؟

لغالية : جرات واحد لكرسي من صالة كونجي وݣلسات عليه ، لا صاوبيلي غا شي كاس دلقهوة نصحصح بيه او مديلي داك لكارني او ستيلو نقيد دكشي لي خاصنا

كريمة : هي لولة ، مداتلها داكشي علاش وصاتها او صايباتلها قهوة بلعشوب كيما كتعجبها ، شنو غنديرو لغدا ؟

لغالية : غنديرو دجاج مشوي معا شلايض راك عارفاها غتكون عيانة من سفرة مغتبغيش حاجة لمرقة

كريمة : او لعشا

لغالية : داك لعشا فاش بقات نيت كترت تشراط لخاوي , انديرو لبسطيلة بلحوت او لحم بلبرقوق

كريمة : ايوا على هاد لحساب غتخصنا تقدية دلبسطيلة و لحم

لغالية : كانت كتقيد داكشي كامل تا سلات عاد قطعات لورقةاو طواتها ، أنا غنمشي نعطي هادي لراجلك باش ايجيبنا ديك سخرة ، ونتيا طلعي جمعي بيت صباح او دوزي معاك واحد تدوينة خفيفة لدار ، انا غنصايب لغدا

كريمة : على هاد لحساب شكون غيمشي اتعرض لالة صباح

لغالية : على حساب ماعرفت جود قالي هو لي غيتعرضلها

كريمة : علاه تا سيدي جود غيرجع

لغالية : واه راهوم كانو غيجيو بجوج سعا خرج ليه شي شغل من جنب او سبقها

كريمة : الله اوصلهوم على خير

لغالية : آمين

طلعات كريمة لبيوت تجمعهون فحين لغالية مشات تعطي ديك لورقة لعساس ، باش اتسخر ليها

لغالية : مصطفى عافاك سير لحانوت جيبلي هاد تقدية بزربة

مصطفى : حاني راسو مكيهزش فيها شوفة ، واخة الالة

رجعات لغالية لكزينة او حيدات زيفها محزمة بيه كرشها تطلعات لكمام على يديها ، وبدات تشرمل دجاج من جبهة او توجد لشلاضة من جيهة خرى ، تا تسمع صوت لاذان لغالية حطات دكشي لي فيديها او طلعات لبيتها نيشن ، توضات او صلات صلاتها ، عاد رجعات تكمل دكشي لي بدات

لغالية : كريمة آكريمة

كريمة :(هابطة من لفوق كتزربي) نعام الالة

لغالية : ساليتي جميع

كريمة : واه راني ساليتو غا دبا

لغالية : إيوا آجي ستفي معايا هاد شلاضة فطباسل راه تلاتة هادي غتلقايهوم دابة على لباب راه طيارة غتوصل معا جوج

كريمة : جبدات طباسل او لكيسان ، لمعالق ، لفراشط من لبلاكار وبدات تحط فيهوم

لغالية : فين حطيتي ديك مولينيكس ؟

كريمة : شوفيها فداك لبلاكار لتحتاني

لغالية : حلات داك لبلاكار او جبدات مولينيكس منو آه صاف لقيتها , باقي شي حامض ولا لا ؟

كريمة : معرفتش شوفي فلمجر تاع تلاجة

لغالية : على ربي ايكون باقي جود مكيدوش لماكلة بلا لعاصير ديالو

(بدات تقلب فتلاجة تا لقاتلها واحد جوج حامضات كبار)

لباس باقي ، غسلات دوك جوج حامضات او حطات قشرتهوم

فواحد زلافة ودارتليه سكار او لما ، عاد حيدات لعضام لدخلاني وطحناتو فمولينيكس ، ستاتو عاد زادت عليه لما تاع دوك لقشور بعدما صفاتو تاهوا ، او خلطاتهوم عاد خواتهوم فواحد لقرعة تاع زاج ها لعاصير نضيناه بقانا غا (تسمع سرسار دلباب ) غايكونو هوما لي جاو طلي على داك دجاج إيلى طاب طفيليه او بداي تحطي فوق طبلة أنا غنمشي نحل ليهوم

قالت كلامها او خرجات من لكوزينة قاصدة لباب وعلى

شفايفها ابتسامة هادئة

لغالية : حلات لباب مقابلة معا دوك جوج لي واقفين موراه مرحبا مرحبا

صباح :(بنت زوينة ملاميحها هادية لابسة حوايج واسعين او

دايرة زيف ، بادلات لغالية بشوفات عادية او دوات بصوت

تقيل قبل ماتكمل طريقها لقلب ضار) ارحب بيك لخير

لغالية :(دارت راسها مالاحضاتش برودة صباح معاها ، وضار عند جود مبتاسمة ليه)

جود : (بادلها لابتسامة ومد يديه ربت بيها فوق راسها) لغالية لباس

لغالية : حمد الله هاد ساعة دخل دخل غاتكون عيان من سفر

دخل تا هوا لداخل او حيد سبرديلتو مخلي لغالية كتسد فلباب أو تابعاه لصالون فين كانت صباح ݣالسة

صباح : كريمة آكريمة

كريمة : (داخلة مبتاسمة ) اهلن الالة صباح

صباح :(بتاسمات ليها او ناضت معنقاها) كيف دايرة لاباس عليك

كريمة : نحمدو الله او نشكروه هاد ساعة فينك نتيا كيدرتي معا شي سفر

صباح : لحمد الله واخا تسخسخة شوي ولكن في غنعس شوي غنرض لمجاج

كريمة : سيدي جود لاباس عليك؟

جود : لحمد الله هاد ساعة فين دراري كي غاديين معا شي قراية

كريمة : ايوا هاني كنزير فيهوم عالله اطفروها

جود : ايكون خير

لغالية : تلاهينا فلهضرة ونسينا لغدا غيكون فيكوم جوع ياك ايوا نوضو تغداو راه كولشي واجد (وقفو كاملين او مشاو لديك صالة مونجي لي فرحبة او ݣلسو تما)

جود : نغسل يدي او نرجع

لغالية : واخ (بانتلها صباح ماكاتاكلش او غا كتحرك فعينيها) صباح مالك مكاتاكليش ياكما ماعجبكش لغدا

صباح : شكون طيب

كريمة : لالة لغالية هي لي طيبات كولشي ملي عرفاتكوم جايين

صباح : آه مزيان ، (حطات لفرشيطة وناضت من بلاصتها) بصحتكوم أنا غنطلع لبيتي نرتاح

جود :(رجع ݣلس بعدما غسل يديه) مغاتاكليش

صباح : لا مفياش جوع

لغالية : (زيرات على لفرشيطة لي كانت فيديها ، او تبسمات) كريمة سيري جيبيلي شي طبسيل نقص ليها فيه تا يضرها جوع

صباح : ميحتاش إيلى ضرني جوع غنوض نصايب راسي بلاما تعدبي راسك

لغالية : على خاطرك ، (شافت فجود لي كياكل فسكات) نقول لكريمة تزيدلك لعاصير

جود : لا بلاش غنشرب لكاس دصباح

لغالية :(حركات راسها بإيه) قضيتي داك لغاراض لي كان عندك ؟

جود : لبارح فضيت معاه

لغالية : ايوا مزيان صوناو هاد صباح من لبلاد غايجيو ليومة فلعشية

جود : هانية ؟

لغالية : واه هانية غا توحشوك نتا وصباح او جاو باش ايشوفوكوم

جود : غيجيو كاملين

لغالية : والله ما عرفت دواو لفيكس جاوباتهوم كريمة ايما أنا كنت ناعسة

جود :(حرك راسو بإيه او كمل لماكلة) لحمد الله أنا شبعت الله يعطيك صحة ، غنطلع لبيتي نرتاح ملي ايوصلو عيطي عليا

لغالية : واخ كون هاني

طلع جود لبيتو يرتاح كيما دارت صباح ، اما لغالية بقات كتجمع طبلة معا كريمة لي كانت كتستف فسلعة لي جاب مصطفى

لغالية :(عمرات شي سوپيرات بدجاج مشوي وشلايض او

دارتهوم فواحد ساشية ومداتها لكريمة)

هاكي هادي ديه معاك او سيري رجعي لدار وقت لغدا هادا

غيكونو ولادك فيهوم جوع او كيتسناو فيك سخني ليهوم هاد

لحم

كريمة : لا لا ميحتاش

لغالية : شدي غتعطلي عليهوم إيلى جيتي طيبيلهون دبا

كريمة : او لعشا شكون غيعاونك فيه

لغالية : غا سيري أنا انضبر راسي تالفينما ساليت

كريمة : على خاطرك (خرجات من لكزينة ومشات لبسات عليها

جلابيتها او مشات عند ولادها)

لغالية : باش انبدا باش انبدا اربي إيجيو دوك لݣنوس عاود ،

ندير لحم هوا لول تصفر عليه لكوكوط واحد تصفيرة ليصدق

مشوهني معاهوم

(هزات لحم دارتو لفكوكوط او شدات طيليفونها وطلقات فيها

لموسيقى وبدات تشقى وهي كنغني معا لموسيقى وتشطح)

*يا صغيرة وزارة لوالي يانا ، يا وعزبة وصامت رمضان *

*يالي غادة بلعلالي يانا أنا وانا وزكارة فلعديان *

*يا صغيرة وزارة لوالي يانا ، يا وعزبة وصامت رمضان *

*يالي غادة بلعلالي يانا أنا وانا وزكارة فلعديان *

* او بان لغرار او صبح لحال انا مازال على غزالي عساس *

*جدي الغزلان مازال صغير وانا ، أنا أنا نخاف اطلقو عليه

لقرطاس*

بقات هاكداك طيب او تغني وتشطح تا دخلات عليها صباح

مبدلة عليها بواحد لپيجامة نص كوم او حد ركبة ، كان باين

بلي يالاه خرجات من دوش غا من شعرها لفازݣ

لغالية : (حبسات لموسيقى) بصحة رتاحيتي شوية

صباح : الله يعطيك الصحة ، شاك كتوجدي من صباح جاي شي حد

لغالية : غيجيو صحاب لبلاد باش ايشوفوك

صباح : فين كريمة مشات او خلاتك تشقاي بوحدك

لغالية : أنا لي صيفطها تمشي تكلس معا ولادها شوي

صباح : هاكداك كاين مانديرلك

لغالية : بلاما تعدبي راسك ، تقريبا كولشي درتو لحم طاب

غيخصنا غي نسخنوه او لبسطيلات تا يجيو او ندخلهوم لفران

باش اشدو سخونية ، او شلاضة هاني كنݣرض فيها

صباح : ايوا صاف انا غنصوني عليهوم نشوف فين وصلو

(هزات طيليفونها او دوزات واحد نمرة) آلو عمي

عمها : اهلن اهلن أبنت خويا واش سبقتينا ولا غنسبقوك

صباح : هههههه واسبقتكوم اعمي فين وصلتو

عمها : هاحنا فدخلة تاع رباط واحد قسماين نكونو عندكوم

صباح : ايوا الله ايجيبكوم على خير (قطعات لاپيل او ضارت

عند لغالية) واحد قسماين إيكونو هنا

لغالية : كانت سالات شلاضة او غسلات لماعن او بدات تمسح فيديها . صافي تا انا ساليت طعي لبسي عليك او فيقي معاك

جود انطلع تا انا نبدل عليا حوايجي عمرو بريحة طياب

بدلات صباح عليها بواحد لكيطمة طويلة او دارت فولارها عاد

مشات عند جود تفيقو

صباح : (مشات تفيقو سعا لقاتو خارج من بيتو مبدل عليه تا

هوا) فايق كنت ناوية نجي نفيقك

جود : ضرباتني لفيقة دكشي علاش (سمعو سرسار دلباب)

صباح : غيكونو هوما لي وصلو يالاه نحلو لهوم لباب

جود : (حبسها قبل ماتمشي) ديري عقلك او تبتي غاتبقاي

تابعالي ري هادوك تا يخرجو عليك

صباح :(خسرات سيفتها) واخة

هبطو بجوج او حلو لباب مستقبلين حبابهوم

عمهوم : (عزيز سميتو) بنت خويا

صباح :(عنقات عمها وهي كضحك من ودن تال ودن) عمي

عزيز : (قرصها من نيفها وداز كيسلم على جود سلام رجولي)

راجل ديالنا غبرتي

جود : (بادلو سلام ) غبرنا

صباح : خالتي رقية (مراة عزيز)

رقية : على سلامتك أبنتي

صباح : الله إسلمك ، شتكوم غانتوما بجوج ، بَّا و مِّي ماجاوش معاكوم او عمي يحيى ومرتو او عمتي وراجلها ودراري ؟

عزيز : لا لا راهوم جاو غا سبقناهوم (بانولهوم شي

طوموبيلات غاليين وقفو قدام لڤيلة) هاهوما وصلت نيت

جود : دخلو لداخل متبقاوش برا

صباح غا شافت واحد لمرا كبيرة خارجة من طونوبيل بجلابيتها دلمليفة وراندة مشات كتجرب عندها معناها بايسة ليها يديها او معنقاها

صباح : مّيمتي على سلامتك توحشتك

لحاجة : اتوحشك لخير ابنيتي تا انا توحشتك

لحاج : ايه توحشتي غا جداك اما جدك لا

صباح : (باستليه يديه أو نقزات عليه معنقاه) حاشة أبا شكون

لي ميتوحش لحاج لمحمد لقد او لقامة ، زين او لهامة

لحاج :الله يرضي عليك

صباح : (مشات عند عمها يحيى و مرتو رابحة او عمتها صافية

سلمات عليهوم واحد بواحد) دخلو مرحبا بيكوم

دخل كولشي لداك صالون لي كان كبير او واسع اشمنك

ياطلامط دلموبرة لحرة آش منك ياخشب منقوش او ريدويات

او ريحت لبخور غا كتعطعط

رابحة : الله على راحة ماوصلنا تا قلنا بناقص

صباح : اتكونو تعدبتو فطريق

لحاج : طريق كانت زينة غا شمس لي حرݣاتنا

لحاجة :(بقات تضور فعينيها بحال حدجر) فين لغالية شتها

مابانتش ليا

لغالية : هاني اخالتي

(دخلات عليهوم بقفطان كحل قفازي تاع دار يديه طوال دايرة

زيفها او معلقة واحد سنسلة تاع دهب مبرومة وطويلة

هابطالها تحت صدر او دايرة فيديها واحد لخاتم ددهب لقديم

فيه حجرة كبيرة بلحمر ، مشات باست لحاج او لحاجة يديهوم

او سلمات على لوخرين) مرحبا و الف مرحبا

صفية : (طلعاتها ونزلاتها) ياكما غادية لشي عرش

لغالية : لا لا ماغادية لتاشي عرس غا هوا ناس لعزاز لي جاو

عندنا

لحاجة : (مادارتلها فين تحط قزيبتها فوق سداري تا دوات ) واه باينة لمعزة نوضي عمرينا شي كويس داتاي نبردو بيه عطش سفر

لغالية :(بتاسمات ليها) هي لولة بغيتوه بنعناع ولا بشيبة

صفية : أنا بغيتو بنعناع

رابحة : وانا بغيتو بشيبة

رقية : شاداني لحرݣة ماشكيت عليك ويلى شربتلها أتاي غا مغادزيد تشعل فيا لعافية دكشي علاش عمريلي أنا لحليب

لغالية : ونتا اعمي يحيى و عزيز

عزيز : بالاما تعدبي راسك لي كان نشربوه تا لما

لغالية : واخة هي لولة

( خرجات من صالون مخلياهوم كيتجمعو بيناتهوم او دخلات

لكزينة تعمر لهوم آتاي او لحليب او تسخن فلمسمن او تحط لكوفيتير او زبدة ولعسل ولحرشة وكل من ايتها حاجة ، فحين

لالاهوم صباح عاطياها لتجماعت)

لحاجة : ايوا يابنيتي كيدرتي معا شي قراية معا شي غربة

صباح : ايوا هاحنا كنعديو ماعندنا مانديرو

لحاجة : الله الله على بنيتي رقاقت او ضعافت تقول كانت

تبات بجوع ،ولكن ما نرجع لبلاد تا نعمر لبنيتي هاد لخويات

صباح : ههههه إنشاء الله (سمعات لغالية كتعيط عليها وبغات تنوض تا شداتها لحاجة)

لحاجة : ݣلسي ماعندك فين تنوضي خليها راها مولفة بتطراس

جود : (حمر شوفة فصباح او دوا مغزز على سنانو او كيحاول

ميبينش ) صباح لغالية كتعيط لك سيري شوفي آش بغاتك

صباح : (كحلات بلعمى) راها معاوداتش عيطات اتكون

ممحتاجانبش ولا قضات لغراض

جود : (ناض زاعف او مشا نيشن لكزينة لعند لغالية)

لغالية : (كان يسحابلها صباح لي جات) صباح وصلي معاك داك

لپلاطو داتاي علاما نتبعك آنا بهادشي لي بقا (ضارت عند

صباح تا ضربات فجود لي كان هز صينية ) جود ؟ يسحابلي

صباح ، صافي غا خلي عليك أنا غندخلو

جود : أنا غنديه (قال كلامو او مشا بصينية لداخل او لغالية

تابعاه)

رقية : (ملي شافت جود هوا لي مسخر او لغالية موراه قالت)

ايوا لاواه كنتي تعيطينا حنا نحطو او متخليش راجل اتسخر

علينا

لحاجة : لا لا مزيان تبارك الله عليك وليتي تخلي راجل اتسخر

عنا كيف لولية منسالكش

جود : لحاجة أنا لي بغيت ندخل صينية كاين شي موشكيل ؟

لغالية : (دارت راسها ماسمعات والو او ݣلسات بنخوة كتكب

فآتاي) لحاج ها أتاي مسوس ديالك نتا ولحاجة ، او ها لحليب

ديالك ارقية

صفية : شاك معمرة غا جوج برارد فين أتاي دنعناع لي طلبة او دشيبة لي طلبات رابحة

لغالية : ها أتاي صك او ها لعروشة دنعناع او شيبة لي بغا يزيدهوم

شربو آتاي او كلاو دكشي لي قسم الله وكل واحد شد بيت لي تابعاه شي صلى صلاها و تجبدو يرتاحو شويا علاما يتحط لعشا ، مخليين لغالية تغسل فدوك لماعن بوحدها وتقابل لعشا

صباح : (لي كانت فبيتها مجبدة وكتفرج فطيليفون سمعات دقان فلباب قبل ميتحل عليها) جود ؟

جود : (دخل أو سد لباب من موراه ومشا جر واحد لكرسي وݣلس مقابل معاها) علاش وصيتك انا قبيلة

صباح : (كضور فعينيها وتدوي براءة) علاه شنو درت

جود : لا مادرتي والو غا خليتي لغالية تبقا تصخر بوحدها على ناس

صباح : وشنو كنتي باغي نديرلها نقولها ݣلسي انا غندير كولشي ، سرها هي لي صيفطات كريمة لضارها بكري

جود : غا تبعيلي راي جداك لعوج تا تخرجي على راسك

لحاجة : (فتحات عليهوم لباب او دخلات عاقداهوم او ماعاجبها حال ، قالباها ليهوم شلحة)

هاي هاي عليخش ارثدوت سݣ طرف نيار لاصر

{شتك جاي منجيهة ديك قليلة لآصل}

جود : مي كندوي معا صباح خرجي هاد سوق

لحاجة : اقا قاق خف ممي اخاثر آليݣ ليطرا غف حناس اوار

{هاي هاي على وليدي كبر او بدا يرض لهضرة على حناه}

جود : ماقلت تاشي عيب لبنت مادارتلكوم والو نتوما لي جابدينها

لحاجة : ثقيم ذيكش اليݣ ثديث ارتصخارث غيفنخ أم ثيشراثين

{بقات فيك تا مشيتي كتسخر كيف لبنات}

جود : كون ما خليتوها تسخر عليكوم بوحدها كيف لخدامة

مكنتش غنتسخر او زايدون تسخار ماشي عيب لي جاتو ناقصة اضبر راسو

لحاجة : (قلباتها عربية) وشنو بغيتيني نوض نتسخر عليها انا ولا

جود : لحاجة تكايسي ولى داكشي لي غيطرا مغيعجبك مغيعجبني وراك عارفة علامن داوي ، ونتي اصباح غا كملي فهادشي ، تا ترجع جداك لبلاد او شوفي شكون افكك (قال هضرتو او خرج زادح لباب من موراه)

صباح : شتيه أ مي كيجي من جيهتها ديمة تقول منعرف آش دايرة ليه

لحاجة : دار ليها ان شاء الله بنت لهم ، او هاد صݣع غالاخر محطوط ، ولكن إيلى دوزتهالها منتسماش لالة يزة

صباح : (عنقات جداها) الله اخليك ليا العزيزة

لحاجة : آمين نخليك دبا نمشي نزل عندها نشوفها شسايرا دير

#عند لغالية#

لي بدعما سالات جميع تاع لماعن او رضاتهوم لبلاصتهوم ، شعلات لبسطيلة طيب او لحم اسخن ، عاد طلعات لبيتها جددات لوضو او صلات لمغرب او لعيشة لي تجمعو عليها ، عاد عاودات نزلات لكزينة تسنا فيها لعشا يوجد ، او ملي مالقات مادير جبدات طيليفونها تبقشش فيه او تشوف واش وصلها شي مساج فلواتساب من عندو ، تا مالقات والو هي تعقدهوم او دلات شنايفها قبل ماتصيفط ليه ميساج

°فينك ؟° متعطلش تا جاوبها

°قولي غا سلام بعدا °

°سلام ؟ على وجه تسوال لي سولتي فيا°

°شكون مقلقك ؟°

°تاواحد°

°زعما ؟°

°نتا°

°شنو درتلك بسلامة ؟°

°طولتي عليا ونا توحشتك°

°مزيان°

°كفاش مزيان ؟°

°مزيان حيت توحشتيني°

°دبا غا انا لي موحشاك نتا لا ؟ ولا قولي لقيتي ماحسن مني°

°شكون عرف°

°لي لقا حسن من لعسل العقو °

°أنا مريض °

°باش ؟°

°بلغرام°

°واش نديرلك انا راني سولت عليه قالو حرام°

°ايوا راني غارق فحرامك يالغالية من ساسي تال راسي°

كانت كتقرا فلميساج او تعاود او ضحكة شادالها من قنت تال قنت كانت كتخيل فراسها ملي ينطق هاد لعبارة بصوت لحرش

لحاجة :دخلات عليها لكزينة كيف رعدة هي وديك تابعة دبنتها) ضحكينا معاك تا حنا

لغالية :(قفزات ملي سمعات صوتها مادماتهومش ادخلو عليها لكزينة على غفلة قطعو فيها ضحكة) “يخ مايديرو تا لحس” خالتي بغيتي شي حاجة نمدها ليك

صفية : بغات تجي لعندك لكزينة متجيش

لغالية : (كتحاول تشد فتبسيمتها) الله أودي علاه انا نقدر نقول شي حاجة لحاجة (ناضت او كحزاتلها واحد لكرسي) ايوا ݣلسي متبقايش واقفة راه أيضروك ركابيك

لحاجة :(مرضاتش) ايوا كاين شي عشا و لا نوضو نطيبوه راسنا

لغالية : موجود أخالتي خاصكوم غانتوما تبغيو تعشاو

لحاجة : مزيان

صفية : شنو درتي أبعدا

لغالية : درتلكوم لبسطيلة او لحم لحمر

صفية : ايوا عنداك ايكون قاسح او شارف بحال تاع ديك لمرا

لغالية : ماتخافيش شريت لحم دلعجل او صفرت عليه لكوكوط بحال ديك لمرة غا هوا لي معندو سنان معلوم ايجيه لحم قاسح

لحاجة : باركة من كترت لهضرة او بداي لحطان راه لحاج كيبغي اتعشا بكري

لغالية : واخة (بدات كتخرج فطباسل او لكيسان من لڤيطرينا او تحطهوم فاق صلى مونجي ، عاد جبدات شلايض او زيتون بغات تحطهوم فيهوم تا حبساتها لحاجة)

لحاجة : بلاتي (دوزات صبعها على واحد طبسيل او شافت فيه) غسليهوم قبل متحطي فيهوم

لغالية : راني غا هاد صباح غسلتهوم مكاينش لاش نعاودلهوم

لحاجة : هاد تغبار لي فيهوم ديال لماعن لي تغسلو غا هاد صباح ، ولا قولي لعفن معشش فيك

لغالية :”صبر ياربي صبر” هاني غنعاودلهوم لغسيل غا تهناي

هزات لغالية دوك لماعن او عاودات ليهوم لغسيل من لول او جديد تحت نݣير تاع لحاجة وصفية

صفية : ياويلي تي كتري صابون او رغوي لماعن مزيان يالله تحيد منهوم لغبرة وزفورية ونتي خايفة عليه يتقاضا

لغالية : (كملات لغسيل تاع دوك لماعن بصبر ، او مسحاتهوم او عودات حطاتهوم فوق ديك صالى مونجي) دبا مزيان ؟ (حطات شلايض او زيتون فطباسل او خرجات لبسطيلات من لفران او حطاتهوم تاهوما فطتاسل كبار او زوقاتهوم بالكاشير او زيتون من لفوق ، عاد جبدات لمناضة من تلاجة)

صباح :(تمت داخلة تا هي لكزينة) سلام

لغالية :(لي كانت هازة فيديها لپلاطو تاع لكيسان او لمناضة ناوية تمشي تحطو فوق طبلة دصالون , تبسمات ملي شافتها ودوات) جابك الله هزي معاك دوك طباسل دشلاضة لي فلپلاطو باش نتعشاو

صباح : واخ (يالاه مشات باش تهز لپلاطو حنحنات جداها)

لحاجة : أح بنتي صباح سيري عيطي عليهوم اتجمعوا فطبلة باش نتعشاو

صباح : (لقاتها من لجنة وناس) واخة هاني مشيت

خرجات من لكزينة او مشات كتعيط عليهوم واحد بواحد تا تجمعو كاملين او تبعاتهوم تا لحاجة وصفية ، او موراهوم لغالية كتحط فشلايض او طباسل او لفراشط او لمواس ، تخوي فلمناضة او تمد لكل واحد فيهوم او هوما غا كياكلو

عزيز : الله يعطيك صحة الغالية لبسطيلة من داكشي رفيع

لغالية : بصحتك اعمي

رقية : كون كان فيها لحوت طري اتجي فضل

رابحة : تامن لملحة ناقصة فيها شوي

يحيى : ماعندكوم ماتقولو جات ناضية حسن من ديك لي كاديرو

لحاجة : سيري جيبينا لما نشربو ونتي حاطانا لكيسان دلما بلا قرعة

لغالية : نسيتها ݣاع (لي تا لݣلاس ماݣلساتوش بكترت تسخار مشات جابتلهوم لقرعة دلما ) صباح فين جود شتو باقي منزل اتعشا

صباح : منعرف فين مشا مكانش فبيتو

لغالية 🙁 جبدات طيليفونها وصونات عليه) °آلو جود°

جود : °الو لغالية°

لغالية : °راني حطيت لعشا مغتجيش تعشا°

جود : °غا تعشاو انا كاين دبا برا°

لغالية : °صاف واخة بسلامة°

جود : °بسلامة°

صباح : امضرى شنو قالك

لغالية : قالي غا تعشاو هوا راه خرج ، غنقصليه تايجي وياكل

(هزات واحد طبسيل او نقساتليه فيه حقو ، او تسنات تا سلاو لماكلة عاد جمعات طبلة او لماعن وصلاتهوم لكزينة ، ورجعات بلپلاطو عامر بطباسل تاع زعلوك او تاع خيزو مشرمل أو تاع سفرجل معسل ، عاد تبعاتهوم بطبسيل تاع لحم او لبرقوق)

يحيى : لاش عدبتي راسك غا ديك لبسطيلة كافية

لغالية : عدابكوم راحة اعمي يحيى (قطعاتلهوم لخبز او ناضت باش ترجع لكزينة)

لحاج :(دوا بصوت حرش ) مغتعشايش

لغالية : بصحة اعمي كولو نتوما انا مفياش جوع دبا

خرجات من صالون او مشات لكزينة جمعات شياطة لي بقات حطاتها فلباطات او بدات كتغسل فدوك لماعن تا سلاتهوم او حطاتهوم اقطرو ، عاد قادات ديسير فطبسيل او مشات تجمع طبلة عاوتاني حيت سالاو لماكلة ، حطاتلهوم طبسيل دديسير او رجعات ترض لحم لطاوة او تغس لماعن او تنشفهوم او ترضهون لبلاصتهوم ، تما بقالها غا داك طبسيل دديسير لي مكانش مقيوس بزاف دكشي علاش لوات عليه سولوفان او حطاتو فتلاجة ، عاد رجعات ݣلسات معاهوم فجردة بعدما عمرات ليهوم واحد لكويس داتاي

لغالية : (خوات آتاي فلكيسان او مداتو ليهوم واحد بواحد)

عزيز : بنتي صباح غتعاودي ترجعي لفرانسا ولا لا

صباح : لا اعمي غنكمل هنايا فلمغريب فرانسا ولاو كيزيرو شويا على زيف دكشي علاش قلت نرجع قبل منصدقو فشي حريرة

رقية : فيها خير أبنتي يالاه تقربي من نيت من عئلتك او حبابك

يحيى : مابقالك والو تشدي ديپلوم ديالك او ديك ساعة يحليك باك ماحال ديري فيه لعيادة ديالك او هانتي بيخير او على خير

صباح : داكشي نيت علاش تافقنا

صفية : لغالية شديتي لباك ولا باقي

لغالية : شديتو هاد لعام

صفية : ايوا على هاد لحساب غتبقاي غا ݣالسة فدار

لغالية : لا غندفع لجامعة

لحاجة : شباغة ديري بشي قراية باركة عليك غا لباك

عزيز : لاواه امي لاواه لقراية تاع لبنت زينة تنفعها وقتما وقفات عليها

صفية : وا مكيكمل قرايتو غالي ناوي يخدم بيها او لا

يحيى : كنتي تقولي نفس شي لبناتك مالك مخلياهوم اقراو او يخدمو ، او زيدون شكون قالك لغالية مغتخدمش خصها غا تشد ديپلومها وبحالها بحال بنات عئيلتنا حنا نلقاولها لخدمة ولا نفتحولها ماحال دير فيه مابغات

لحاجة : ضسرها نيت تا نتا بحال لاخر تا يخرجو رجليها شواري

عزيز : مي تعطل لحال مغتمشيش تشربي دواك او تنعسي

لحاج : نوضو كاملكون تنعسو

لغالية : راني وجدت ليكوم فين تنعسو وحطيتلكوم لكواش بزيادة مرا مرا كيتحرك لبرد

مشاو كاملين لبيوتهوم انعسو فحين لغالية رجعات لكزينة تغسل لكيسان داتاي او تسخن تا هي عشاها

جود : ( لي يالاه دخل من زنقا لقا ضواو طافيين من غير تاع لكزينة ومشا قاصدها لقا فيها لغالية محيدة زيفها و كتسخن عشاها) كولشي نعس ؟

لغالية : لقيتيهوم عاد شويا هادي باش طلعو ينعسو ، نسخليك معايا لعشا

جود : (حرك ليها راسو بإيه او مشا جر واحد لكرسي ݣلس عليه) صباح عاوناتك شوي ولا لا

لغالية : (كتسخن ليه حقو تا هوا) هي لي جمعاتلي لماعن دلعشا او غسلاتهوم

جود : (عرفها كتكدب) واه لعجب

لغالية : ( حطات ليه او ليها لعشا) مالك جاتك عجب تغسل لماعن

جود : جاتني عجب تكدبي ليا فوجهي

لغالية : مكاينش زعما نتا تيق لكدبة وتسكت

جود : (ضحكاتو) هاحنا ساكتين تا تجيبيها فعضامك

بداو كيتعاشاو او يدويو على سفر تاع جود او قرياتهوم بجوج تا سلاو او ناض جود جمع طبلة او غسل لماعن واخة لغالية مكانتش باغة تخليه اغسلهوم

لغالية : كون غا خليتيني انا غنغسلهوم

جود : معليش راك غسلتي دوك لي قبل أصلن راني مولف كنغسلهوم ملي كنكون بوحدي

لغالية : قولي ولفتي بلعزوبية

جود : هي لي ولفاتنا

لغالية : تسمعك عمتك صفية او لحاجة السقوليك شي بروصي من لبروصيات تاع دوار

جود : (حس بتبوريشة) الله احفض

لغالية : هههههه يالاه بونوي انا أنمشي نعس

جود : تا انا غنمشي نعس بسلامة

كل واحد طلع لبيتو او بدل عليه او تخشا فبلاصتو ينعس صبح صباح جديد على لغالية لي كان لقاها لحال فايقة بكري او مدوشة ومصلية صلاتها ، ولابسة عليها واحد لقفطان قفازي دلموبرة بلبرومالين ، او دايرة معاه زيف بلفضي ، او فيديها براسلي بيض او عامر بلحجر بلخاتم ديالو ، * طق ، طق ،طق*

لغالية : دخال

كريمة : لالة صباح لخير

لغالية : (بتاسمات ليها) صباحو ، يالاه جيتي ؟

كريمة : غا شوية هادي باش جيت

لغالية : لقيتيهوم فايقين ولا باقي ؟

كريمة : لحاج او لحاجة كانو ݣالسين فجردة ويلا لوخرين مبانوش ليا

لغالية : مزيان ، سيري دبا نتي ديري لما يسخن على حساب أتاي نسالي هادشي لي فيدي او نهبط عندك

كريمة : واخة ، واش نفيق لالة صباح ؟

لغالية : لا بلاش خليها تا تفيق على خاطرها

كريمة : صافي واخة هاني غنمشي

خرجات كريمة مخلية لغالية كدهن فيديها بلحليب او تسوط شوية تاع ريحة ، عاد حيدات طيليفونها من شارج او نزلات معا دروج لجردة نيشن

لغالية : (بانلها لحاج او لحاجة ݣالسين فلفوطويات تاع جردة) صباح لخير (قربات باست ليد لحاج او لحاجة)

لحاج : الله ارضي عليك

لحاجة : عاد فايقة ؟ شمس طلعات او لحادݣات صايبو لفطور او حطوه ونتيا عاد طفات عليك شمعة

لغالية : منعستش لبارح بكري داكشي علاش ، دابة غنوض نوجد ليكوم لفطور

لحاجة : إيه منعستيش بكري يعلم الله معامن باية ساهرة

لحاج : سيري أبنتي تقضي شغلك لحاجة غا داوية (مشات لغالية مخلياهوم غا بجوج )

لحاجة : ماك ياغن ايساش باينغ فق لعقل اينو ماذ ، آليݣ اورسينغ خفمي لاتساوارغ

{مالك ياكما بنتليك خارجة عقلي تا منعرفش علاش داوية}

لحاج : ( خبط عكازو معا لارض او عقدهوم كتر من لول) شم غاس سوسم او غاطحشامذ ، ثنغيث ثرباتاد ساوال اورامثيي اوذيميق ، ثرحب ايسم ثسرسام كوشي مايثريد ياظنين آليݣ لاتورزود خف لبلا

{ نتي غا سكتي مكتحشميش ، قتلتي لبنت او هي مادايرالك

والو ، رحبات بيك حطات ليك كولشي ، شباغة كتر تا كتقلبي

علبلا}

لحاجة : (شديها طرطق مارضاتش مارضاتش تسمع لهضرة من لحاج بسباب لغالية) ياش اوري ثيي والو غاس نكينين ايطورزون غيفس ، وليني اورغيفش طاويغ لا شيين لا نتا

{ياك مادارتلي والو أنا لي كنقلب عليها ، ولكن مانديش عليك لا نتا لا هو}

لحاج :(ناض بعكازو من حداها او خلاها ݣتݣمݣم بوحدها

ودخل لڤيلا)

لغالية بعدما خلاتهوم مشات نيشن لكوزينة تعاون كريمة

لغالية : عمرتي آتاي

كريمة : عمرت لمسوس لحاج او لحاجة او بغيت نعمر لاخر او

معرفتش شنو ندير فيه واش نعناع ولا شيبة

لغالية : عمريه صيك او حطي نعناع او شيبة فجنب لي بغا شي اغمسو فكاسو كترت تشراط ، (مشات لتلاجة وجبدات منها واحد جوج سانطرات او خواتهوم فلكاسرونة وشعلات ليها باش طبخ ، علاما جبدات طيرموس فاش ادير داك لحليب) كريمة باقي شي مسمن فلكونجيلاطور ولا لا

كريمة : بلاتي نشوف (مشات حلات لكونجيلاطور او بدات

تقلب فيه تا جبدات منو شي ميكات) كاين لمسمن او لبطبوط

شكون نسخن فيهوم

لغالية :(طفات لحليب او بدات تخويه فطيرموسة وكتحط

فلكيسان داتاي او لحليب فصينية) سخنيهوم بجوج نعمرو

طبلة

كريمة : واخ (جبدات لمقلة تاع لمسمن او حطاتها تسخن عاد

بدات كتحط فوقها لمسمن اسخن تا هوا)

صباح :(دخلات عليهوم لكوزينة بواحد لپيجامة دسروال

طويلة بلبيلج) صباح لخير

لغالية : صباح نور فقتي

صباح : واه فيقاتني ريحة لمسمن دكريمة

كريمة : هههه ماشي لمسمن ديالي هادا لمسمن تاع لغالية أنا غا

كنسخن فيه

صباح : مزيان ، كاين فاش نعاونكوم

لغالية : إيلى بغيتي غا حطي لكوفيتير او زبدة او زيت او

لعسل فطباسل او مسحي طبلة علاش انفطرو اتكون تغبرات

صباح : واخ (مشات لتلاجة جبدات منها لباطات او لقراعي تاع

زبدة او لعسل لحر او لكوفيتير خواتهوم فطباسل صغار ) شمن

قرعة فهادو لي تاع زيت ولا كيفكيف ؟

لغالية : لا شوفي ديك لي غطايتها حمرة فيها زيت جديدة من واومانة

صباح : (خوات زيت فطباسل غارقين) غنحط تا زيتون ؟

لغالية : (كانت كتشقلب فآتاي او كدوق منو) واه ، كريمة

مديلي دوك لباطات تاع لحلوة لي فلكونجيلاطور ، او ديك

غريبة او لفقاص لي فلپلاكار ،

(هزات واحد زيف صفر غسلاتو او عصراتو عاد مداتو لصباح

لي كانت يالاه حطات زيتون فطباسل او رضات لميكات ديالو

لتلاجة)

هاكي ها زيف باش تمسحي راني غسلتو (خداتو من عندها او

مشات تمسح طبلة)

كريمة : ها لباطات (مداتلها دوك لباطات تاع لحلوة معا طباسل

فاش غتحطها)

لغالية : (ستفات ديك لحلوة فطباسل ، او جمعات دوك طباسل صغار فلبلاطويات) صافي باركة وقيلة ها لخبز ها لمسمن ها لحلوة ها لبطبوط ، ها لعسل ها لحليب ها أتاي الله اجعل

لبراكة

كريمة : كتر من هادشي ماكاينش

لغالية : (قلبات عينيها) كون غا كانو اقنعو واخة نحط ليهوم تا

عينيا ايقولك باقي ناقص ، ولكن فوجه شي إيدوز شي (هزات

لبلاطو تاع آتاي او لحليب) آنا غنسبقك تبعيني بلماباقي

لغالية : (حطو كولشي فوق طبلة او وجدوه) صباح طلعي نتي

فيقيهوم إيجيو افطرو

جود : (دخل عليهوم لصالون صغير ، لي كان مفرش تفريشة

تقليدية ، زربية تاع صوفة حمرة منقوشة بلكحل او لبيض او

صفر ، 7 تاع سدادر عاليين بطلامط تاع توب لقديم ، فاتح

شراجمو لكبار على جرضة لورانية كاملو مشمش او مضوي)

ميحتاش راه كولشي فايق

لغالية : اهلن صباح لخير اتفطر معاهوم ولا اتخرج

لحاجة : (داخلة عليهوم لصالون مطلعة حاجب او منزلة لاخر)

ايفطر معانا عاد ماعندو فين اخرج باقي تا مشبعناش منو

شوفة

جود : هاحنا انفطرو معاكوم

عزيز : صباح لخير كولشي فاق بقينا غا حنا

لغالية : اتكونو عييتو من سفر دكشي علاش

رقية : (دخلات هي ورابحة وصفية ويحيى ، ݣلسو معاهم )

لحاج لحاجة صباح لخير

لحاجة : صباحو دويتي معا دراري هاد صباح ماقالولكومش

إيمتا إيجيو

رابحة : صونا ليا سعد معا ستة قالي بلي راهوم شادين طريق

لغالية : غيجي غا هوا

صفية : لا غيجي معاه مصطفى (راجلها) او دراري لو خرين

صباح : ياه شحال توحشتهوم غيكونو على حال اوصلو (ماجات فين تساليها كلامها تا تسمع سرسار دلباب) زعما يكونو هوما

لحاجة : كريمة وا كريمة

كريمة : (جاية بزربة وهي كتمسح فيديها) نعام الحاجة

لحاجة : سيري شوفي شكون عند لباب

كريمة : واخة (مشات بزربة حلات ليهوم لباب) مرحبا مرحبا دخلو

سعد : كريمة لباس عليك شخبارك

كريمة : لابس لحمد الله اولدي

مصطفى : فينهوم واش باقي مافاقو

كريمة : كولشي فاق راهوم مجموعين على طبلة فصالون صغير

رضوان : (مشا دخلو كاملين على لحاجة فصالون) من زهرنا جينا معا لفطور نيشن

صفية : (ناضت كتسلم عليهوم واحد بواحد) ولدي حبيبي على سلامتكوم ملي وصلتو زيدو تݣلسو ترتاحو

سعد : (سلم على كولشي تا وصل عند جود لي سلم عليه سلام رجولي) واش اولد لعم صاڤا

جود : مصبح عالى صوتك او نكون صاڤا

علاء :(سلم عليه تا هوا) هههه حلف بحلوفو قالك والو نفيق ولد عمي اتعرضنا

جود : نتعرضلكوم جايبين لهدية ݣلسو ݣلسو

لحاجة : باركة من كترت لهضرة وسيري جيبي لكيسان او طباسل ايفطرو دراري

رضوان : لحاجة ما زربانينش خليها غا تكمل أبعدا غا سلام

لغالية : معليش انا دابة غنجيبلكوم لكيسان

خرجات من صالون او مشات جابتلهوم لكيسان او طباسل او بقات مقابلاهوم غا تبغي تݣلس ولا تمد دغمة لفمها تقطعها فيها لحاجة تا دارت بناقص من شي فطور ، تسناتهوم تا سالاو لماكلة عاد جمعات طبلة هي وكريمة او وصلات لماعن لكزينة وخلات كريمة تغسلهوم ، انا هي فبدات تشوف شنو دير لغدا تا تلفات

مروى : ( بنت زوينة عندها شعر قصير مطبزينلها لحناك ، لابسة كسيوة تحت ركبة ، نقزات على لغالية بتعنيقة ملي شافتها) لغالية لباس عليك توحشتك

لغالية : اتوحشك لخير عاش من شافك لا نتي لاهاد سليحفانة تاع ختك

صفاء : (تويمية تاع مروى مخلية شعرها طويل عكس ختها) قلنا نغبرو باش توحشونا (عنقات تا هي لغالية)

لغالية : (بادلاتها تعناق) متو نتوما ماشي غبرتو

غيتة : ايوا بعدو تا حنا باغين نسلمو ، لغالية لباس عليك كي دايرة صحيحة

لغالية : لابس لحمد الله شكاتعاودي نتيا كي دايرة معا شي شغال

رانية : (دخلات عندها لكوزينة بعدما بدلات حوايجها وسلمات عليها) عاد صح ليا نسلم عليك ، خليناك واقفة هنا بوحدك كاين فاش نعاونك

لغالية : لقيتيني حاصلة غا فداك لغدا شنو ندير فيه

رانية : باقي لحال وقيلة على لغدا

لغالية : داكشي نيت لي كاين ݣلسي ݣلسي انا غنعمر واحد لبراد تاع لقهوة بلعشوب من داكشي رفيع

غيتة : (دخلات عليهوم هي وصباح او مروى و صفاء و ريحانة بعدما طلعو لبيت بدلو عليهوم بپيجامات تاع دار) الله لقضية فيها لقهوة حنا ماعليناش الله تشربو غا نتوما

رانية : زيدو زيدو تݣلسو ونتوما غا تابعيني

ريحانة : شكون حاشاها ليك حنا جايين عند لغالية

لغالية : ها هوما غيبداو عاود ݣلسو ݣلسو ، كريمة ايلى ساليتي دوك لماعن بغيتك طلعي عافاك لبيوت تجمعيهوم او تقادي لبيوتة فين غينعسو لبنات او يمكليك ترجعي ديك ساعة لدار

كريمة : واخة هاني غادية (هزات داكشي لي خاصها او طلعات لفوق)

لغالية : (هزات واحد لبريق حطات فيه لقهوة وخلطاتها معا شي عشوب او دارتها طبخ ، عاد مشات لمجورة جبدات منهوم تقاوت عمرات بيهوم زلايف ، او شدات تا زريعة لبيضة او لكحلة حطاتها تا هي فزلافو ، وحطاتهوم قدام لبنات او جرات تا هي واحد لكرسي ݣلسات عليه ) هانتوما آرا ماتنقبو

صفاء : عشنا وشفنا لغالية دايرة براسلي تاع نقرة تي كي درتي تا تفارقتي معا ذهب

لغالية : (بدات تدورليها يديها) هههه ويلي ياختي على نقرة ، هاد ذهب لبيض كامل تقولي عليه نقرة وهاد لحجر دلالماس لي فيه كاملين او تقوليلي نقرة

غيتة : ألا (حلات فمها فيه) تي مناش ضبرتي عليه شحال او أنا كنقلب على شي شكل بحال هادا ، ياختي شحال فن

لغالية : ايوا الحبيبة الله اخلف على لي جابو

ريحانة : هاي هاي على لغالية ديانا ولات تبان عنا زعما كتقولنا نوضو يالبايرات انا لاقية لي يجيبلي ذهوبات اما نتوما كتشريوه راسكوم

رانية : ختي دوي على راسك نتي لي بايرة اما انا بزماني لحمد الله

صباح :(ضارت عند غيتة وشافت فيها) ايوا شوفلك نتي سيدة ولات تعاير فينا بلعلالي ، ايوا نوضي نتي يالخانزة زوجيها خوك لقد او لقامة ، زين او لهامة

غيتة : انا نيت لي هبيلة ايما ݣاع مانخليها ضور بخويا

رانية : شوفلك شوفلك بنت عمتي قاتلك درت بخوها علاه شكون بقا لاسق فلاخر انا ولا هوا آدوي ، شكون تزعط فلاخر لول آدوي

لغالية : (سمعات صوت تاع لقهوة لي فاضت ناضت بزربة طفات ليها ) اخليكوم بلخلى ها لقهوة فاضت ليا

صفية : (دخلات هي ولحاجة عليهوم فلكزينة وتبعاتهوم

كريمة) ايوا تايكون عقلك معاك ديك ساعة كنتي اتحضي

لقهوة

لحاجة : شتك كاتجمعي او داك لغدا شكون بغا يديرو

لغالية :(كتحاول تشد فراسها) كنت كنستنا نسولك شنو تبغيو لغدا باش نديرو

لحاجة : تقاداو ليك ، ديرينا لحوت راه قالك عزيز بغا يمشي لمرصى إيجيب شي حوت هوا ومصطفى

لغالية : صافي واخة ، كريمة ساليتي دكشي

كريمة : واه

لحاجة : ايوا منوياش تولدي ولا لعام لي جا يلقاك بلى كرش

لغالية : (هنا طلعاتلها لقردة لسطح ولكن باقة كتحاول تحكم فراسها ، ضحكات ديك ضحكة صفرة) ونتي اخالتي لعام لي جا نعاودلك نفس لهضرة ، ماحابش الله

لحاجة : ماجابش الله ولا مكتقلبيش عليهوم ، ياكما يسحابليك راسك غادية وكتصغاري ، إيلى كان منك ديفو قوليها نيشن نقلبو ليه على شي وحدة كتولد ، ماشي نتي ماباغاهمش هوا يبقا بلاش

صباح : مي الله يهديك ماشي وقت هاد لكلام

صفية : وقتو عاد هادا لينتا غيتأجل

مروى : ماما

لحاجة : سمعيني مزيان نقولهالك ياكما يسحابليك صعيب عليا نخليه ابدلك راه ماكاين ما سهل منها ، شفت منك عاداد كيدخلو لديور ناس او يديرو ما بغاو لا آصل لا مفصل تا حد ماعارف مناش جاو ، (مداتلها واحد رزمة) شدي هاد لعشوب كبخيهوم او شربيهوم لعلى وعسى تهزي تولدي ياكما تسݣدي شويا.

لغالية : (حسات بشوكة واحلى ليها فحلقها شدات منها ديك لكموسة او مداتها لكريمة وهزات راسها بنخوة ودوات برود بحالي ماشي نفسها لغالية تاع قبيلة) كريمة لوحي معاك هاد لعشوب غا غيݣلسو اخنازو بحال لولين ، اصدقو دايرين ليا ريحة فدار ، آه تفكرت أخالتي كون كان ساهل عليك تجري عليا ݣاع ماتلقايني باقة واحلى ليك هنا كيف شوكة فحلقك ، ويلى عند بالك آنا نفسها ديك لغالية تاع هادي شحال غتلعبي بيا كيما بغيتي فراك غالطة ، بنادم كادار بيه مرة وحدة ، ويلى وصلتي ودنيك عضيها ، (دازت من حداها وحبسات تا قالت جملتها عاد كملات) ايلى بغيت دراري انا عارفة كيفاش نولدهوم عشوبك خليهوم عندك

لحاجة :(شافة فضهرها تا بعدات عليها) بنت لهم

صفية : شتيها امي قليلت لحيا نسات يامها ، تطراس او دمير ولا عند راسها دبا قطعات لواد او نشفو رجليها

لحاجة : من نهار لول ماحملتها ما قبلتها كون ماكان هو لي شد فيها شدت لعما فضلمة لا دخلات عئيلتي ، ماعرفنا ساسها من معدنها

ريحانة : مي و الله تا حرام عليكوم زدتو فيها مافهمتش مالكوم معاها

لحاجة : بقات فيك ديك بنت لهم نوضي تبعيها طريكة لقنب زيدوني على داك جحموم زيدوني

غيتة : لحاجة مكيدخل بين لحم او لعضم غا لوسخ سيد بينو او بين مرتو بغاو اولدو ولا يݣلسو او زايدون راه ماشي صغير عارف شنو باغي وشنو لا

لحاجة : الله اقل حياك هي دبا انا وسخ أدوي

صفاء : وا لحاجة ما شديتي من كلامها غا ديك لوسخ

صفية : نتي سكتينا شكاتعرفي لا نتي لا هوما

رانية : ماكنعرفو والو اعمتي غا هوا منكوم ليه ملي يجي او يعرف شنو قلتولها

لحاجة : ويعرف مالو غيخلعني لبرهوش لاخر

#عند لغالية#

بعدما تهازات معا لحاجة طلعات لبيتها قلبها باغي يطرطق او دموع شاداهوم غا بدرع

لغالية : ماتبكيش الغالية تاحد ميستاهل دموعك خصوصا ديك شارفة عند بالها غنبقا نشرب فداك لعجب بحال مشحال هادي ، ولكن والله مانفوتهالها تا يجي ونشوفو ديك ساعة دراري او لولادة كيف دايرة (سمعات دقان فلباب مسحات عينيها بزربة ودوات) دخل

كريمة : لالة

لغالية : باقي ما مشيتي

كريمة : غنمشي دابة كنت باغة غا نقولك بلي جابو لحوت واش نغسلو عاد نمشي

لغالية : لا صافي بلاش انا غنهبط دابة نغسلو يمكليك تمشي (خرجات من عندها كريمة وݣلسات هي تا قادات زيفها عاد هبطات لكوزينة، لي كانو لبنات باقين ݣالسين فيها كيستناوها )

مروى : لغالية لباس

لغالية :(بتاسمات ليها) لحمد الله (هزات دوك لميكات تاع لحوم لقاتو شاري واحد لحوتة كبيرة ، هزاتها وحطاتها اوسط لپوطاجي وبدات كتغسل فيها وهي كدوي معا لبنات) هاد لحوتة واش نعمرها بروز ولا شعرية صينية

غيتة : روز ايجي فضل ، لفاتيات نوضو ݣفضو على دراعكوم او نوضونا نعاونوها فتوجاد

رانية : فين لپلاطو فاش نقي لخضرة

لغالية : شوفي فداك لپلاكار طرفاني ݣاع اتلقايه تم

ريحانة : ملي رانية انني لخضرة انا غندير شلايض او غيتة تكلف بروز تاع لحوت

صباح : انا غنعصر لعاصير لدراري

غيتة : صافي واخة

بداو لبنات كيوجدو فلغدا او طالقين واحد طرح تاع شلحة على جهد او عاطيينها لشطيح او رديح او آحيدوس على جهد

* وازين آوا يازين شݣين آيي ينغان *

*وازين آوا يازين شݣين آيي يمحان *

* وازين آوا يازين شݣين آيي ينغان *

*وازين آوا يازين شݣين آيي يمحان *

فداك لوقت لي كانو لبنات محيحين فلكزينة ، لباب تاع لڤيلة تحل او دخل معاه راجل واشمن راجل طولة و تجريدة ولهيبة ، فين تبان لهيبة تاع لحاج قدامو ، شيب لخفيف لي فشعرو لقهوي او لحيتو لخفيفة كيخلي لواحد اياخد عليه انطباع تاع نضج او لوقار ، لابس سروال تاع لاطوال زرق مغلوق معا قاميجة بيضة او ݣرافاطة رمادية معا جيلي بيلجي ، او فيستة تاع دان من لفوق ، ساعة غالية مركبة فيديه ، لون بشرتو ليبين لبيض او سمر او عينيه لي لونهوم بين لون ضباب او لبحر ، تم داخل تال قلب دار بضبط فداك صالون فاش كانو باقين مجموعين

هو : (بصوت حرش او رجولي حنحن) احن سلام عليكم

لحاجة :(غا شافتو ناضت واقفة معنقاه او كتربت على ضهرو ، وعلى وجها ابتسامة عريضة ) ممي ممي ممي ايا عݣور ايا عݣور

{ولدي ولدي ولدي ، عزيزي عزيزي}

هو :(بادلها تعناق او باس لها راسها ويديها) يو ثهنا ؟

{مي لاباس}

لحاجة : لاباس اممي مايثعنيذ شݣ ثهنا غورش اذ لاباس {لابس اولدي كيداير نتا هانية عندك واش لاباس ؟}

هو : لحمد الله ثاساعتاد {حمد الله هاد ساعة} يبّا {با} (سلم على لحاج سلام رجولي)

لحاج : مايثعنيذ

هو : لحمد الله ، (دار عند خوتو او مصطفى سلم عليهوم)

عزيز : اوما {خويا}

هو : لباس عليكوم ، رقية رابحة لباس

رقية : لابس لحمد الله

هو : صفية لباس عليك

صفية : (ناضت كتعنق فيه او تبوس) خويا لعزيز

سعد : عمي (قال هاد لكلمة او تلاح عليه معنقو)

هو : ولد خويا (سلم على سعد او رضوان او مجد او علاء واحد بواحد تا وصل عند جود) مغتسلمش نتا

جود :(وقف مسلم عليه سلام رجولي) لواليد فين هاد لغبور

هو : (ضور راسو كيشوف فلبيت) فين لبنات شتهوم ماكاينينش

علاء : لعميم متأكد كتسول علبنات هههه

هو : ها ضسارة بدات

رضوان : راهوم كاينين فلكوزينة او كاملين

هو : نخليكوم دبا (خرج او خلاهوم بوحدهوم)

#عند لبنات#

لي كانت قربو اساليو توجاد ديال لغدا او باقين عاطيينها لشطيح او رديح ، خصوصا لغالية لي لقات داكشي لي بغات ، لقاها لحال حيدات زيف او حطاتو فوق طبلة او بدات تشطح او تغني معا لأغنية او لبنات غا كيشوفو فيها

صباح : غا طلقو لغالية هاد لأغنية كتنسا راسها

غيتة : ههههههه او كتحيح

*يا صغيرة وزارة لوالي يانا ، يا وعزبة وصامت رمضان *

*يالي غادة بلعلالي يانا أنا وانا وزكارة فلعديان *

*يا صغيرة وزارة لوالي يانا ، يا وعزبة وصامت رمضان *

*يالي غادة بلعلالي يانا أنا وانا وزكارة فلعديان *

* او بان لغرار او صبح لحال انا مازال على غزالي عساس * *جدي الغزلان مازال صغير وانا ، أنا أنا نخاف اطلقو عليه لقرطاس*

*يا صغيرة وزارة لوالي يانا ، يا وعزبة وصامت رمضان *

*يالي غادة بلعلالي يانا أنا وانا وزكارة فلعديان *

لغالية لي كانت مندامجة معا لجو ما تكوانسات غاعلى صوت تاع ريحان او تنقاز ديالها هي وصباح

ريحان & صباح : عمي اكسيل & بابا (غا بانلهوم اكسيل داخل معا لكزينة تلاحو عليه بتعناق او تبعوهوم لبنات)

اكسيل : (باس ليهوم راسهوم واحد بواحد) عمينو لباس

مروى : لحمد الله اعمي فينك نتا غبرتي غبرة وحدة او طولتي فتسافيرة

اكسيل : غي معا لخدمة اعمينو ، صباح لعزيزة (عاود عنقها او باس فوق راسها) كي دايرة

صباح : حمد الله ابابا كي داير نتا

اكسيل : لحمد الله (هز راسو او شاف فلغالية بشوفات فشكل) لغالية (قال سميتها ببحة روجولية او هادئة)

لغالية :(فين هي لغالية لوان كاملين دازو وجها لبلق ولي ولا حمر حمر او مزنݣ ، صوتها وحل فحلقها او كون لقات لارض تشق او تبلعها ولا هاد لفرشة داخل عليها او هي كتردح)

صفاء :(نغزاتها او هي كتحبس ضحكة غا بدرع) لغالية فين مشيتي عمي اكسيل كيدوي معاك

لغالية : آ (عاد فاقت من سهوتها او نزلات عينيها عليه او قالت بصوت خافت او متقطع بدرع باش سمعو) اهلن لباس

اكسيل : (صغر فيها عينيه او فلاها من راسها تال ساسها راقب حركاتها) لابس ، يالاه نخليكوم أنا غنطلع لبيتي نرتاح

صباح : صافي واخ ملي يوجد لغدا او نعيطو ليك

رانية : (تسنات عمها تا خرج او طرطق بضحك هي ولبنات من غير صباح) هههههههه واع على لغالية تلفاتلها لقبلة

ريحان : لواعرة هي غا شافتو كحلات بلعمى حمارت حمارت تقول اول مرة تشوفو

لغالية : (بغات تبدل لموضوع) ويلي ويلي نسينا لحوت فلفران غيكون تحرق (ناضت بجرى لفران)

مروى : واقلبك هاداك الغالية لي تحرق قلبك

لغالية : نوضو نوضو خرجو من لكزينة خليوني نوجد باش نتغداو

صباح : أنا غنمشي نمسح طبلة (هزات زيف او خرجات من لكزينة فحين لبنات بقاو كيحطو فطباسل)

غيتة : صافي واش غا نوصلو هادشي

لغالية : صافي غا حطو انا غا نخرج لمونادة من تلاجة او نجيبها معا لكيسان

تحط لغدا فوق طبلة او طلعات صباح تعيط على باها علاما اتجمع كولشي على صالا مونجي لي فرحبة

اكسيل :(تم نازل معا دروج بعدما بدل عليه بواحد لقبية كحلة او سروال دلكيطمة كحل ، لحق عليهوم هوما لي كان كل واحد فيهوم شاد كرسيه ، تا بقا غا واحد لكرسي ݣلس عليه هوا )

لحاجة : ولدي حبيبي رتاحيتي شوي ؟

اكسيل : حمد الله

لحاج : يالاه بسم الله

اكسيل : ( كولشي بدا لماكلة من غيرو هوا لي بقا كيضور فعينيه تما) فين لغالية

رقية : راه مشات غا تجيب لخبز (بانتلها لغالية جاية او جايبة معاها شبكة تاع لخبز) هاهي نيت جات

لغالية : ها لخبز (حطات شبكة تاع لخبز او بدات كتقطعو ليهوم او تمد)

غيتة : صافي دبا زيدي تݣلسي تا نتي تغداي

لغالية : واخة (بدات كتقلب بعينيها على فين تݣلس تا مالقات تاشي كرسي خاوي) مبقاوش لكراسة

ريحان : آجي ݣلسي فلكرسي ديالي انا راني شبعت (كانت غا تنوض تا وقفاتها لحاجة)

لحاجة : شدي بلاصتك او كولي راك ماكليتي والو ، لغالية ماكايناش ليك لبلاصة ماكايناش سيري زيدينا لملحة او لحامض راه قريب ايتقاضاو

لغالية : واخ

اكسيل : (دوا عاقدهوم ) لغالية آجي لهنا ، صباح نوضي تسخري لجداك

لحاجة : خلي لبنت تاكل لغالية راها واقفة واقفة

اكسيل : صباح يالاه اببا يالاه

صباح : واخ ( مشات تسخر كيما قالها باها)

اكسيل : (دوا معا لغالية) آجي ݣلسي فبلاصتي

لغالية : لا لا صافي غا ݣلس نتا راك عارف انا ماعنديش معا لحوت

اكسيل : صاف ݣلسي هنا (شير لفخاضو)

لغالية : ها

اكسيل : (جرها تا ݣلسات فوق فخاضو او قدام لعئيلة كاملة) هزي تاكلي

لغالية :(تزنݣات او مرݣات) اكسيل طلقني (دوات معاه بهمس)

اكسيل : (خوا ليها شلاضة فطبسيلها بيد او زير على خصرها بيد) كولي وسكتي

لغالية : (مالقات مادير او خشات وجها كاتاكل)

سعد :(همس لجود) هه داك باك خاطار

جود : سكت دبا يسمعنا او يورينا لخاطار تاع لمعقول

صباح : ها لملحة (ملي شافت لݣلسة تاع لغالية او باها كحلات بلعمى او طلع ليها زعاف تا قالت بهمس) تفو على زمر

صفية : خويا حشم شويا راه با و مي ݣالسين معانا او دراري

اكسيل :(هز عينيه فيها مطلع حاجب او منزل لاخر) علاش انحشم بسلامة ، لي بقا فيه لحال ايدير بحالي او يهنينا

لحاج : كولو كولو راه غتبرد لماكلة

بقاو كياكلو فسكات فحين لبنات غا كيتغامزو بيناتهوم او يضحكو على لفعايل تاع عمهوم ، غا سلاو لماكلة ناضت لغالية قافزة تجمع لماعن توصلهوم لكزينة او تمسح طبلة

اكسيل : صباح (كتفا غا بانو ينطق سميتها باش تفهم راسها او تنوض تعاون لغالية فلكزينة)

صباح : واخ ( ناضت خلاتهوم او مشات داخلة لكزينة عند لغالية ، او دوات بنفخة) كاين مانديرلك

لغالية :(لي كانت جمعات داكشي لي ساط او حطاتو فلباطات او دخلاتو لتلاجة ، عاد مشات كتغسل فلماعن غا سمعات نغمة تاع صباح ، ضارت عندها او دوات مكالمية) ميحتاش بقاليا غا نشلل هاد لماعن من صابون امكلك ترجعي ، انعمر غا واحد لكويس داتاي او نجي

صباح : ايوا صاف هاني غادية (خرجات من لكوزينة او مشات رجعات عندهوم هوما لي كانو مشاو خرجو لجردة اݣلسو فيها)

رانية : واش لغالية سالات جميع

صباح : واه راها غا كتعمر فآتاي او غتجي

سعد : يالاه حنا غنوضو نخليكوم

رانية : خارجين ؟

رضوان : واه محتاجة شي حاجة

رانية : لا غا سولت او صاف

رقية : ايوا سيرو او متعطلوش

مجد : كوني هانية

جود : لواليد سوارت تاع طونوبيل

اكسيل : (صغر فيه عينيه) بانتليك فلحديد ديالي

جود : ايوا ديالتي باقي تا ماساليتهاش فلخلاص

اكسيل :(جبد سوارت من جيبو او مدهوم ليه) هاك شد او حاول

جود : والا عاليك ، يالاه الله ايعاون

لغالية : (جاية او فيديها الصينية تاع آتاي) فين غادين ماغاتݣلسوش تا تشربو آتاي ؟

علاء : لا غنمشيو أختي لغالية دابة باش يالاه نرجعو بكري

لغالية : ايوا صاف الله ايعاونكوم (حطات صينية داتاي فوق طبلة او ݣلسات كتخويلهوم فاتاي او تمدلهوم لكيسان)

صفية : (داقت داك آتاي او خسرات سيفتها) الله الله يا لغالية شهاد آتاي غا لما او زغاريت

لغالية : (جابتلها شك تا عاودات داقتو) زعما هوا هاداك بحال تاع لبارح

لحاجة : كي شتي تاع لبارح كان زين غا دوزناه او صاف

لحاج : لي ماعجبوش مايشربوش ماكاين لي بززو عليه ، آتاي جا من داكشي رفيع

صفية : ايوا يابا حنا قلنا غا ليكان

مصطفى : صفية

عزيز : ايوا اخويا كي غادي معا شي خدمة

اكسيل : هانا كنقضيو

يحيى : داكشي لي كاين نيت مشيتي جبتي سلعة غا من هاد جوايه ولا بعيد

اكسيل : مشيت جبت شي سلعة من داخلة

لحاج : مزيان مزيان ايوا كي غادية لأمور فلمحلات

اكسيل : كانت لقضية تعكسات شوية فدوك ليام لي دازو ولكن دابة لحمد الله حسن من لعام لي فات

مصطفى : ايوا مزيان الله ايدير لي فيها لخير

اكسيل : (ناض وقف) يالاه نخليكوم غنطلع نعس شويا تال من بعد أو نكملو لهضرة

لحاجة : سير اولدي ترتاح غتكون عييتي الله ارضي عليك

اكسيل : آمين امميمتي

طلع اكسيل لبيتو هاز معاه لباريزات لي جاب ، او مشا خرج لبالكو اهضر فطيليفون ، فحين لغالية تسناتهوم تا سالاو شريب آتاي عاد جمعات لكيسان او غسلاتهوم او نشفاتهوم او رضاتهوم لبلاصتهوم عاد رجعات عند لبنات لي كانو طلعو ابدلو حوايجهوم باش اخرجوا

ريحان : لغالية متأكدة ماباغاش تخرجي معانا

غيتة : واه الغالية راه ماغاديش نتعطلو

لغالية : مانصيبش غا سيرو نتوما راكوم عارفين كريمة لي غتقابل لحاجة ماكايناش ، او زيد عمك اكسيل يالاه راجع من سفر خصني نستفليه حوايجو او نشوفو إيلى حتاج شحاجة ، او باقي تابعني ندير ترضيضة غيرجعو دراري ايبغيو ماياكلو

مروى : ايوى صافي تال مرة خرى او نمشيو مجموعين

صباح : لبنات ايوا طلقونا غنتعطلو

رانية : هاحنا هاحنا غاديين غا هنينا

خرجو لبنات فحالهوم او طلعات لغالية لبيتها توضى او تصلي

لغالية : (ضورات عينيها فلبيت تا بانلها كيدوي فطيليفون سهات فيه شوية قبل ما دخل توضى ، او تلبس حاويج صلى او تبدا كتصلي)

اكسيل : يالاه الله ايعاون تال غدا او ندوز لمحال نشوف كي غادية لخدمة تما

قطع لاتصال او تم خارج من لبالكو تا بانتليه لغالية كاتصلي ، بتاسم او هوا كيشوفها ، تسناها تا سالات صلى او مشى معنقها من لور ملسق ضهرها معا صدرو او محني لطولها و خاشي وجهو فعنقها

لغالية :(لي مادارلها فين تحيد زيفها تا لقاتو معنقها او مزير عليها) اكسيل

اكسيل : (مد يديه فكليها زيف او حيدو ليها او قرب لودنيها وهمس فيها قبل ميعضها ليها) روح اكسيل

لغالية :(طلعات معاها تبوريشة تا خرجات واحد صوت) آي

اكسيل :(لي كان كيشد راسو غي بدرع ، رجع خشا وجهو فعنقها او حط فمو على اوسط عنقها كيعض او يبوس فبشرتها ملي سمع صوت لي خرجات)

لغالية :(تكوانسات ملي حسات بلسانو سخون أو سنانو كيديرو مابغاو فعنقها ، بصوت ضعيف كتحاول فيه تحبس تأواه ديالها) إكسيل

اكسيل :(زاد لصقها معاه او ما حيد فمو على عنقها تا طبع فيه واحد رقعة حمرة صغيرة ، عاد دورها عندو) هم

لغالية : (لقات راسها ضايرة عندو او صدرها ملاسق معا تحت صدرو حيت راها قصيرة عليه بزاف ، مد يديه تحت لفك ديالها او هز ليها راسها تا قابل عينيه معا دياولها)

اكسيل : (عينيه تكوانساو على شنايفها او لابهام ديالو مستقر فوق شنفتها تحتانية كيحك فيها) لغالية آ لغالية (قالها بصوت مهموس قبل ميتحنا عند شنايفها تا ولا نفس ديالو كيضرب فوجه لغالية لي تزنݣات او حمارت ، عاد نطق بصوت حرش او حنين فنفس لوقت) توحشتك

لغالية :(انفاسو خلات شعر لي فصحتها اوقف او تبوريشة طلع معاها من صبعها صغير تال راسها ، حسات بسخونية طالعة معاها او قلبها ولات تسمعو فودنيها ، حسات بمشاعر مخلطة كتجتاحها ، ولكن صوتو او هوا كيقول توحشتك نزل عليها بحال لما بارد جمدها او فرحها تا ترسمات على شنايفها ابتسامة خفيفة)

اكسيل :(آخر خيط تاع صبر كان عندو تقطع ملي شاف ابتسامتها ، محس براسو تا دمج شنايفهوم بجوج كيبرد فيهوم شوقو او لهفتو ليها)

لغالية :(لي غمضات عينيها انفوا حسات بلبرود تاع شنايفو فوق ديالها ، روح رجعاتلها مستمتعة بلماسات يديه لي كايتساراو فصحتها ، او شنايفو لي مكطلقش ديالها ، اكسيل كيعض او يمص فشنايفها او هي مستحلياها كتماشا معا ريتم ديالو او تبوس او تعض تاهي فشنايفو)

اكسيل : (ستاغل لفجوة لي تخلقات بين سنانها باش ادخل لسانو او سط فمها ايزيد ايدوق حلاوتها او يتلذذ بماداقها ، زاد جعر او زيرها معاه ملي حس بيديها دازو مور عنقو او صبعانها صغار توغلو فشعرو)

لغالية : (نفسها بدا كيتقطع حيت اكسيل طول فلبوسة او تعمق فيها لدرجة كتصعب عليها تاخد نفس ، او زيد حسات بوستو غادية واكتجهد او تحراش او عروقو غاديين او كيتزيرو ، عرفات بلي إيلى زاد شوي غيفقد سيطرة على راسو او تا هي ماغتقدرش تمنعو احبس ، دكشي علاش فضلات تدفعو شوية عليها واخة قوتها ما حركات فيه والو)

اكسيل : (ملي حس بنفسها تقطع فرق شنايفهوم او هوا ماساخيش اطلقها ، بقا ملسقها معاه او حاط جبهتو على جبهتها ، مراقبها وهي كتاخد نفسها او كتلهت)

لغالية : هاه ، هاه (صدرها كيطلع او كينزل او صوت تنفسها كيتسمع ، ولكن حدها شافتو عاود كيقرب منها دوات بصوت مهدن) اكسيل صافي باركة

اكسيل :(غوبش ، او دوا بصوت فيه شوية تاع لغضب) علاش

لغالية : إيلى كملنا على هاكدا غنصدقو فحوايج خرى

اكسيل : او من بعد (زاد قرب لودنيها او همس ببحة روجولية) أنا باغيك او دابة

لغالية :(حسات بيه عاود خاشي راسو فعنقها باغي يبدا ، هي دفعو عليها بشوية او دوات ) اكسيل ماشي وقتو نهار هادا ، او زيد ضياف كاينين

اكسيل :(بعد عليها او قاد وقفتو حاط يديه فجيابو) شجاب شي لشي اد

لغالية : واراك عارف تابعني نمشي نسيق دار ماحد دراري ماكاينينش ، او زيد نوجد ترضيضة او نصب لعشا

اكسيل : او لاش جايبلك انا كريمة لاش مصيفطاها

لغالية : واراك عارف لعوطلة هادي كتبغي تبقا معا ولادها شوي

اكسيل : (عاود قرب عندها معنقها ) ايوا صاف ديري بناقص من تسياق او ترضيضة او بقاي معايا

لغالية : اكسيل (قربات عندو او بدات كتقاد ليه فلكول تاع لكيطمة) راك عارف خالتي غا كتقلب على سبة باش تشد فيا ، ولى بدينا دابا راه مانساليو تا تفوت لعشا ، ديك ساعة غتلقا لحاجة واقفة فوق راسنا

اكسيل : ماتزيديش فيه الغالية ماغنفوتوش تا ساعة

لغالية : (نفاجرات بضحك تا دمعو عينيها) ههههههه واع شوف شكون كيقولك ساعة ، آخر مرة قلتي ساعة ودن عنا لفجر او كنتي باقي ماقنعتي ، بلمزاوݣة او رغيب باش طلقتيني ، نزيد نفكر ولا باركة عليك

اكسيل : من لخر دبا شنو

لغالية : تا نتعشاو او كولشي يمشي ينعس ديك ساعة نشوفو

اكسيل : على خاطرك (طلقها او مشا كاعي لنموسية تكا فوقها او جبد طيليفونو كيخدم بيه متجاهلها)

لغالية : اكسيل ماديرش هاكدا (يالاه بغات تقرب ليه تسمع صوت تاع لحاجة)

لحاجة :(من ورا لباب) لغالية وا لغالية

لغالية : نعام اخالتي

لحاجة : نزلي لتحت بغيتك

لغالية : واخة واخة أخالتي هاني تابعاك

لحاجة : هي لاسربيتي

لغالية : (بقات كتشوف تا عيات حيدات عليها لعباية تاع صلى او حزمات فولارها فوق راسها مغطيا بيه شعرها او عنقها ، وتمت خارجة من لبيت مخليا اكسيل طافي طيليفون او متكي انعس ، او خرجات هي عند لحاجة او عيالات لوايسها او لوستها صفية لي كانو ݣالسين فوق لفوطويات لي فرحبة) خالتي بغيتيني

لحاجة : نوضي جيبي جفاف مسحي ديك زيت لي فلأرض

لحاجة : نوضي جيبي جفاف مسحي ديك زيت لي فلأرض

لغالية : خالتي شمن زيت ؟ (ضارت كتقلب بعينيها تا بانتلها طاپية لي حدا دروج او دروج براسو ، خامرين زيت او زيد رشات ديالها واصلين تال منعرف شنو) آويلي شكون دار هاد لحالة بزيت

رقية : غا لحاجة لي زلقات ليها لقرعة تاع زيت تم او صاف

لغالية : وآش بغات لحاجة لقرعة تاع زيت

رابحة : بغات تدهن بيها لصفية يديها تفدعات ليها ساعا زلقات ليها

لغالية :(شديها طرطق ، لخز طلع ليها لراس) ايوا من إيمتا ولينا كندهنو اخالتي ليد لبنادم بعشرة يطرو دزيت ، هادا ولا عومان ماشي دهين ، كنتي تعيطي ليا نخويليك شوية فزلافة والا هاد لفضيحة

صفية : نوضي جمعي ديك روينة او باركة من كترت لفهامات ديالك أقليلة ترابي

لغالية : ايوا هي لانضتي نتي جمعتي هاد روينة نيت امولات ترابي ، زيت ضرباتلي خطية لضار كاملة

رابحة : ويلي يالغالية راه مادارو فيك غا لخير يالاه تسيقي دارك شويا راه كاملها مغبرة او ريحة لغمولية ولخنز غا كتعطعط منها

لغالية : غالي شم ريحت بيطانو ايقول دار لغالية هي لي كتسكر

رقية : شوفلك لفليفلة كي ولات تحل عنا فمها ، نسيتي يامك ولا نفكروك

لغالية : لحمد الله ماناسياش ياماتي ، الله اخلينا فصباغتنا غا هوا كاينين لي مايليقش معاهوم صواب

لحاجة : إيه صواب تعرفي ليه

لغالية : نعرفليه عاد راني كابرا فيه او خير متال انني باقي لدابة دايرة بوجه ولدك ايما ايكون عندنا كلام آخر

(غا سلات هضرتها عطاتهوم بضهر او مشات ݣفضات على جلايلها ، او جابت تيد او شيتة او لكراط او سطولة عامرين بلما ، لوات ديك طاپية او داتها لحمام تحتاني لي كان كبير بزاف فزݣاتها او رقداتها فلما سخون او تيد او صابون ، عاد رجعات تجمع فلكراسا او طاپيات لوخرين باش تبدا تسياق)

خلاتها جداتي الله ارحمها وجه لحمالة حمالة او وجه شريط شريط ، كون غا خليتو اكويني ولا هاد لحالة كنت نحيد غا شوق ، ايوا ها شوق تاع لمعقول الغالية

لحاجة : شكاتبرݣمي نتي تما

لغالية :(ماجاوباتهاش ݣاع او طلعات تخوي لما لدروج من لفوق او دوزليه شيتة وتيد) الله على رخيمات دياولي الله ضربولكوم خطية بزيت

صفية : لغالية آ لغالية

لغالية : (سمعات تعياط ديالها هي تم جاية) آشنو

صفية : لخمسة تاع لعشية هادي لحاج او دراري غيرجعو او غيخصهوم ايلقاو ترضيضة موجودة ، سيري عمري آتاي او وجدي تدواز ديالو

لغالية : غا نسالي تسياق او نوجدلهوم ماياكلو

رابحة : ماتجي فين تسالي تسياق تا تأدن لعشا

لغالية : (همسات) كنتو ديك ساعة تشدو يديكوم عندكوم ماتقربوش لزيت

لحاجة : شكاتبرݣمي نتي تما

لغالية : والو اخالتي كنت غا كنقول واخة (خلات داكشي لي فيديها او مشات لكوزينة دارت لما يسخن لاتاي ، او دارت لبلبولة ترقد فلما ، ورجعات تكمل تسياق ، كرطات لما او جففات لارض بعدما حركات رݣاني بجاڤيل او تيد ، عاد رجعات لكوزينة عمرات آتاي او ستات لبلبولة وزادت عليها شوية تاع زعتر او سنيدة او لحليب او لملحة او زبدة وشوية تاع زيت ، عاد شعلات لمقلة تاع لمسمن او بدات كتكور فداكشي او تحطو يطيب ، تا سلاتو عاد مشات تخلط لحرشة تاع سميدة بزعتر او لفرماج ، من لخر دفعات ليهوم زعتر )

بقات لغالية ملاهية معا توجاد تاع ترضيضة و ماسالات تا رجع لحاج معا ولادو او راجل بنتو

لحاج : سلام عليكم

لحاجة : وعليكم السلام

لغالية : (مسحات طبلة علاش غياكلو ، او بدات لحطان نيت معا درجوع تاع دراري او موراهوم لبنات)

دراري : سلام عليكم جينا معا ترضيضة نيشن

لغالية : جبتوها لاسقة ݣلسو ݣلسو (خوات ليهوم آتاي واحد بواحد ساعا دراري ولبنات مابغاوش اياكلو حيت كلاو على برا ، اما لحاج او لوايسها شربو غا أتاي ماكلاوش) كون غا هزيتو شوية اعمي

عزيز : غا عدبتي راسك أبنتي لغالية راه باقي لغدا شاد فينا

لحاجة : شلى شدارت جوج حرشات ، فين اكسيل ماغينزلش اياكل

لغالية : راني خليتو ناعس او زايدون إيلى فاق دبا غيبغي غا شي كويس دلقهوة

اكسيل : سلام عليكم (كان داخل عليهوم لبيت بعدما فاق او توضى وصلى لاجر)

صفية : خويا فقتي لقيتينا يالاه جبدناك

اكسيل : (مشا ݣلس حدا صباح او لاح يديه مور كتافها مقربها ليه او داوي بصوت مكالمي كيف عادتو) تساريتو شوية

صباح : واه مشينا لداك لمركب لي تحل جديد

اكسيل :(كتفى بتحراك تاع راسو دلالة على مزيان)

رابحة : هي اتكونو شريتو شيحاجة

سعد :(بطنز) شيحاجة ؟ علاه بقات شي حاجة ماشراوهاش لماحلات دارو لاباس موراهوم

ريحان : شوفلك علمسموم حسدتينا ولا ، الله اخلف على عمي اكسيل ايما نتوما غا زقرام على خوه

مجد : ياك المرضية زقرامين حيت ماخليناكومش تخليونا على ضس ، عمك اكسيل عندو مناش اعوضهوم اما عمك مجد واخا يبيع كلاويه مايقدوكومش دوك لفلوس

مروى : (هزات واحد لمخدة او خبطاتها عليه) شوفلك جران ولا يدوي

مجد : (ماشي من لمعݣازين شد ديك لمخدة نيت او صمك بيها مروى) كاين شي جرانة كتر منك او نتي دايرة تما كيف لبطبوطة

مروى : بزاف عليك نكون بطبوطة اعود دسبسي شكاتعرف فلفورمة وزين

مجد : (شد عينيه) زين غا كيعطعط تعميت (وقف او داز من حداها وعيط عليها قبل مايمشي يسلت كيجري) بطبوطة

مروى : (ماحسات براسها تا شداتها بجرية موراه كتشير عليه بلي لقات)

يحيى : (شد راسو عاود بلاحول ولا قوة الا بالله) هاهوما بداو عاود

صباح : بابا تفكرت (هزات صاكها حلاتو او جبدات منو واحد لاكارط بونكيغ او مداتها لباها) ها لكارط ديالك

اكسيل :(شدها من عندها) خويتيها

صباح :(ضحكات ليه براءة) شوية

اكسيل : (بتاسم او ربت على كتفها)

لبنات : حنا انطلعو نبدلو

لحاجة : طلعو طلعو ترتاحو شوي (غا شافت لبنات خرجو من لبيت ، ضارت عند لغالية لقاتها يالاه باغة تمد لكاس داتاي) ايوا هاد طبلة مغاتجمعش اتبقى هاكدا

لغالية : “لغالية هي مترتاحش لا ، بناقص من شي “(صرطات هضرتها عندها او ناضت تجمع طبلة على سعدها وعدها ، وصلات لماعن لكوزينة او غسلاتهوم ، عاد دازت نصبات لحريرة فلبرمة او نقصاتلها لعافية تال لحد باش طيب على خاطر خاطرها ، وݣلسات هي كتفسخ لحمص لي رقداتو من صباح او كتفرج فلمسلسل لكوري ديالها ، دايرة بناقص من شي ݣلسة معاهم)

#عند لبنات#

لي بدلو حوايجهوم او بقاو فلبيت مجمعين او كيعاودو تقياس لدكشي لي شراو

ريحان : (كتقيس فواحد لكسوة كحلة مطروزة حد ركابي) كي جاتني هاد لكسوة

صفاء : جاتك فنة كتحمق قيسي تا ديك لحمرة

رانية :(شدات فمها) عرفتو البنات شنو نسينا

غيتة : شنو ياكما شي شاسية

رانية : آويلي لا ماخدينا لغالية والو علاش مفكرتونيش الله تا حشومة

ريحان : واييه وانا كنقول شي حاجة نسيتها تفو

صباح : مالكوم دايرين هاد لحالة كاملها تقول ماعندها ماتلبس راه بابا معمرلها لبيت على جهد

رانية : مابقاتش فواش عندها لحوايج ولا لا بقات فحنا ماتفكرناهاش بتا شرويطة ، ايما راه عارفين بلي عمي اكسيل مامخصصها من والو

صباح : عادي ماغاتقول والو

صفاء : عرفناها ماغاتقول والو ولكن حنا كان خصنا نتفكروها بشي حاجة كوميم

غيتة :(شافت فصباح تا عيات او دوات بشوي) باقي ماهداك الله اصباح تعاملي مزيان معا لغالية

صباح : شايفاني دايرالها عمرني آديتها

غيتة : لا ولكن راه باين بلي معندكش معاها

صباح : ايوا أختي داكشي لي عطى الله ماعنديش معاها شندير ندخلها بزز

رانية : انا مفهمتش علاش هادشي كامل واش زعما غا حيت هي مرة باك ولا شنو

صباح : ماشي على قضية انها مرة بابا ولكن انا ماعنديش معا لي بحالها ، اقدرو ايدورو كولشي على قبل لفلوس ، بنت صغيرة وزوينة بحالها مزوجة واحد قد باها او نزيدك ولادو كبر منها

ريحان : أختي لغالية بنت الله اعمرها دار ضريفة او مصواية علاش ولا شنو بغات من زواجها من باك داكشي ماشغلناش كاملين

صباح : الله ارحم باكوم ما قلبونا لموضوع مافيا لي يدي دنوبها ، لي فيا يكفيني

غيتة : نوضو نوضونا نهبطو لتحت نشوفو إيلى كان فاش نعاونو لغالية

رانية : (داكشي لي دارو نيت جمعو دوك شراوط لي شراو فساشيات ديالهوم او تمو نازلين لتحت عند فين كاين لحاج او لحاج ودراري ، من غير غيتة ورانية لي دخلو عند لغالية لكوزينة اعاونوها) زين خليناك بوحدك

لغالية : (لي كانت سالات لفسيخ تاع لحمص او لاحتو فلبرمة هو و لحم لي كانت قطعات طروفة صغار ، او جهداتلهوم شوية لبوطة باش ايطيب ليها لحمص او مايجيش قاصح) رتاحيتو شويا

رانية : شوية انا خاصني تا نمشي نشبع نعاس عاد نولي مزيان

لغالية : غاتكوني دايخين معا سفر إيلى مانعستوش ماغاتقادوش لمزاج

غيتة : شدايرة لعشا لحريرة

لغالية : واه

رانية : اح ريحتها كاتشهي كاين فاش نعاونوك

لغالية : معلوم راه أنا لي دايراها ، ماكاينش لاش أصلن راني غا حاطاها طيب او ݣلسة كنتفرج

غيتة : ياك الالة ايوا سعدات عمي اكسيل بيك

لغالية : ياك أبعدا ، ايوا غا عالله داك عمك اعرفها

رانية : معلوم عمي عارف علاه ماشي هوا لي قالهوم نون او كحل لعيون من غير لغالية تاشي مرا ماتكون

غيتة : هههههه علاه هوا دارلهوم فين ايقولو لا مشا دار اي تحت راسو او قالهوم ها مرتي بغيتو تبارك الله مابغيتوش شغلكوم هاداك

لغالية : نعقل على جداك جاتني خبارها سخفات ليكوم تما

رانية : تي راه لحاجة غا تحفاليها تسخف

غيتة : سعا لقات عمي اكسيل شاربها ما مشا تال فوق راسها وقال (كتحاول تقلد طريق تاع اكسيل فلهضرة) ملي تفيق لحاجة قولولها عنداك ماتجيش لصدقة لي داير نهار لخميس ، ويلى ضرها قلبها تحاول عليه

لغالية : ههههههه واع من ديما وهوا هاكدا لي على قلبو على لسانو ، غا هوا نقصو شوية فلهضرة دابا تسمعنا لحاجة يا وتكحلها عليا

رانية :(نقصات فصوتها) الله اهديها مابغاتش دير عقلها غا مازايدة فيه

لغالية :(تاهي كدوي بشوي) أختي جداك بعقلها موشكيلتها معايا مكنتصرطلهاش ، دبر راسها انا غا تعطيني شي شبر تاع تيساع حيت راه لخاطر باش غنساعفها بيه مابقاش ، بدرع باش كنساعف راسي

غيتة : ماديريش فبالك هضرتها دوزيها من ودن او خرجيها من لوخرة غا فوجه عمي اكسيل

لغالية : واداك عمك نيت هوا لي مصبرني على فعايلها ايما كون وا طرطقط

رانية : ايوا شتي عمي زين او دين او طولة ورجولة و لفلوس

لغالية : ايه او جهد او باركة ماتبقاي تعنبيلي على راجلي (ناضت عند لحريرة كتحركها ، او زادت ليها لفول او لعدس طابو)

غيتة : هاي هاي على لغالية كتغير

لغالية : معلوم آختي نغار وانا عندي راجل عاطي لعين طولة وتجريدة ندير غا هاه ولا هاه لقاهوم ضارو ليا بيه

لحاجة : (دخلات عليهوم لكوزينة عاݣداها) ايوا لحمد ملي عرفتي بيمن مزوجة أبعدا ، لآصل او لمفصل ولكن هيهات هوا بيمن مزوج لا آصل لا مفصل لا صواب لا طريكة بحال ناس

لغالية : واه انا بلا آصل ولا مفصل ولكن لي خصك ديري فبالك ولدك هو لي بغاني ، ويلى غاضك لحال على قبل طريكة ودراري ها ولدك سيري شكي عليه

اكسيل : شغاتشكي عليا ( دخل عليهوم لكوزينة عاݣداها تا هوا )

لحاجة : والو اولدي غا مرتك منعرف مالها عاود

لغالية :(دوات بهدوء) واه مرتو قاسها لهبال بحال ديما (شافت فاكسيل او دوات بشوية) لقيتي لحاجة كتقولك ولدي انا لآصل او لمفصل اما نتي لا مفصل لا صواب لا طريكة ، علاش ماباغاش تولدي

اكسيل : لغالية (قال سميتها بنبرة هادية بزاف ولكن صارمة)

لغالية : (عرفاتو ماشي فمزاجو داكشي علاش سقلات او ضربات طم)

لحاجة : مالي قلت شي حاجة ماكايناش داكشي لي عطا الله

اكسيل : (مشى حل تلاجة او خدا منها قرعة تاع لما صغيرة شرب من فمها تحت انضار لغالية لي كانت كتسناه ايدير شي ردة فعل سعى ماصورات منو لا حق لا باطل)

غيتة : لحاجة بغيتي شي حاجة تا جيتي لكوزينة

لحاجة : (تنفخ ريشها ملي شافت اكسيل ماحاشاهاش لغالية ݣاع) جيت نشوف لعشا فين وصل راه تسعة هادي

لغالية : (ناضت لبرمة دوراتها او شافت واش لحمص او لفول او لعدس طابو مزيان ، عاد مشات هزات شي طحين خلطات معا لما او خواتو فلبرمة وبدات كدور فلحريرة) بقاليا غا ايطيب طحين أو نزيد ليها ماطيشة وسمن او ديك ساعة نطفيلها

لحاجة : إيوا هي على هاد لحساب مغانتعشاو تا تفوت طناعش

لغالية : (لمالاميح تاع وجها تبدلو) غا خرجي هم لعشا نتي ماكاتعرفي غا معا لعشرة ايكون واجد لعشا ايوا صافي

اكسيل : (دار يديه على كتف لحاجة بعدما ديق شوفة فلغالية) يو يالاه انفغ سݣ لكوزينة

{مي يالاه نخرجو من لكوزينة}

لحاجة : واخ يالاه اولدي

جر اكسيل لحاجة لبرا تاع لكوزينة او مشاو تال واحد جيهة فجردة عاد حبسو ، او ضار عندها عاقدهوم

اكسيل : يو ايسول ربي اوريري اكمي اهدو خف لغالية

{مي باقي مابغاش اهديك الله على لغالية}

لحاجة : ماك ياغن ، مايي ثعليد لستݣاغ

{مالك شنو شفتيني كانديرلها}

اكسيل : واه اوغاستݣاد والو غاس تسحريذ غيفس دونيث {واه ماكاديريلها والو غا محررا عليها عيشتها وصافي}

لحاجة : لاواه لاواه ماتا لحر ندونيث ، ذغي غاس ليݣاس نيغ آرو ، ماذ اساس نيغ اعطل امنسي ؟

{لاواه لاواه شمن تحرار تاع لعيشة دبا غا حيت قلتلها ولدي ، ولا حيت قلتلها تعطل لعشا ؟ }

اكسيل : إس نيغام كثر نلمرت ايو لموظوع نثاروى فق سوق نس ، اي أذور غيفس تحݣارذ

{حيت ميات مرة كانقوليك اممتي لموضوع تاع لولادة خرجي سوقو ، او ماتبقايش تحكري عليه}

لحاجة : ذغي نكينين ايي غالظن إس ريخش اتݣد افراخ نش ام شي آم اقران نش ، ماذ انيي ناش اقسن ، إس اورثريد اذيسيول شانيوك غيفس

{دابة انا غالطة حيت بغيتك دير دراري تا نتا بحالك بحال قرانك ، ولا قولي لي ضارك هوا مرتك مابغيتي حد ادويليك عليها}

اكسيل : يو نك سيفراخ انو مشريخ اهنيذ زايدغ سنغ ماكاغاس نييغ ، ذلغالية ثامطوط إينو اي ثيا سݣ طبيعة لحال اوغاطيريخ اذي سقلقث شا نيوك

{مي انا بوالادي ويلى بغيت نزيدهوم انا عارف كيفاش نديرلهوم ، او لغالية مرتي او من طابيعة لحال مانبغيش شيحد اقلقها ليا}

لحاجة : اسوراش ايقادا اسور تحميلخ اور تقبيلخ ، تزايد دغي لاذغيفي تفقت خف لقبل نس

{ماكفاكش انني ماحاملاها ماقابلاها زايد دابا كتخرج فيا على قبلها}

اكسيل : حملث نغد أذور تيحميلذ ، قبلث نغد اذور تقبلث لاتقيم ثامطوط إينو ذويا اوركمي خسا اتتوذ ، ايذ اوريغ من بعذ اذعاودغ اواراذ ، اثين تسنذ تقليقة نو ميمش ثيا

{حمليها ولا ماتحمليهاش ، قبليها ولا ماتقبليهاش كتبقى مرتي او هادشي ماخاصكيش تنسايه ، او مانبغيش هاد لهضرة نعاودها من بعد راك عارفة تقليقتي كي دايرة}

لحاجة : (لحاجة ضرباتها بسكتة مالقات ماتزيد عرفات لقردة طالعاليه لسطح او شاد راسو غا بزز ، ويلى زادت معاه لهدرة غا غيزيد يشعل تاع بصح)

مشا اكسيل طلع لبيتو مخلي لحاجة باغة تموت بلفقصة

لغالية :(لي كانت طفات لحريرة او خواتها فسوپيرة ، عاد مشات مسحات طبلة وحطات فوقها زلايف او لمعالق او طبيسلات تاع شباكية وتمر ولبيض ، او شبكة تاع لخبز عاد تمت جاية غيتة بسوپيرة تاع لحريرة) صباح سيري عيطي عليهوم إيجيو

صباح : راني علمتهوم (شدات ليها واحد لكرسي كيما دارت غيتة ورانية ، عاد تبعوهوم لوخرين)

لغالية :(بدات كتخويلهوم لحريرة فزلايف او تمد ليهوم) هاكو بصحة

سعد : (شد منها زلافة) يا بسم الله

مجد : ياك يالاه قلتي راك مݣهوم مغتعشاش

سعد : مكنتش ناوي نتعشا ولكن ريحت هاد لحريرة شهاتني

علاء : لواحد هوا لي يبقا فكلمتو

مروى : خليوه عليكوم راه معضور حريرة لغالية حاجة خرى

صفية :(خسرات سيفتها) إيه حاجة خرى لما ولملحة

لحاجة : فين ولدي اكسيل مغيتعشاش

لغالية :(عينيها قربو اتسدو بنعاس ، يالاه كتعافر تشرب لحريرة حيت تا جوع فيها) لا اكسيل مموالفش كيتعشا وزيد ملي طلع لبيتو اتكون عندو شي خدمة

لحاج : الله اعاونو هاد ليمات قالي لخدمة مزيرة عندو بزاف

عزيز : ماشي غا مزيرة لخر تاع شهر هادا غيخصو اجمع لحسابات

رقية : ولدي سعد غدا خاصك تفيق بكري باش تمشي معانا لمدينة نتقداو او تانتوما البنات سيرو تنعسو بكري باش تمشيو معانا

سعد : انا خاطيني هادشي غادي نوصلكوم او نتوما سيرو تقداو ولا شوف شنو ديرو شغل لعيالات هادا شغنعرف فيه انا

صباح : تقداو ؟ شغل لعيالات ؟ ولد عمي شواقع

رابحة : (ضحكات تا بانولها ضراسها) علاه ما فخباركش بعد غدا غنمشيو نخطبوليه واحد لبنت

صباح : هاي هاي على سي سعد كبر او بغا يتزوج

سعد : ايوا شنو راه غاديين او كنشرفو ماشي كنصغارو

رقية : مالك راك باقي صغير

مجد : (همس لدراري) تا راه لبرد لي قاتلو اخالتي شمن لعمر

دراري لي كانو حابسين ضحكة بدرع طلقوها على جهد ، او لحاج او لحاجة وولادهوم مافاهمين والو

لغالية : مبروك عليك اخويا سعد الله اكمل عليك بلخير

سعد : آمين عقبان ليك (نسا راسو تا زلقاتليه من فمو ، او ماعاق تا حس بجوج يدين تحطو على كتافو او زيرو عليه)

اكسيل : (لي نزل لتحت باش اعمر شي كاس دلقهوى مايجي غا معا هضرت لغالية وسعد ، مشى ناشن وقف على سعد بحال عزرايل) عقبان ليها لاش ؟

سعد : (هز فيه راسو او ضحك ضحكة صفرة) ههههه عمي جيتي

اكسيل : (طلقو) باقي

صفية : خويا آجي تݣلس تعشا معانا

اكسيل : بصحتكوم انا مفياش ، لغالية

لغالية : (فهمات شنو بغا منها ، داكشي علاش جمعات لوقفة او مشات لكوزينة تعصرليه لقهوة)

اكسيل : (بقا واقف تما كيتسنا لغالية ترجع سعا تعطلات داكشي علاش مشا عندها لكوزينة ، سعا لقاها ݣالسة فوق لكرسي او ناعسة على صالة مونجي لي فلكوزينة ، او لقهوة كاطيب فوق لعافية ، مشى طفا ليها قبل ماتفيض او خواها فلكاس او مشا عند لغالية مدوز يد تحت رجليها ويد مور ضهرها وهزها عندو مطلعها لبيت تنعس فوق ناموسية باش ترتاح ، غطاها وطفا ضو عليها وخرج راجع لكوزينة إيجيب قهوتو)

لحاجة : فين لغالية شتها سكنات فلكوزينة شكون بغا يجمع طبلة ، لغالية وا لغالية

ريحان : خيليها امي هاحنا كاينين انجمعوها

رابحة : تجميعي شايطين عليك يديك ، راك غا ضيفة مولات دار هي لي خاصها تسخر عليك ماشي نتي

رانية : شمن ضياف اخالتي دار عمنا هادي بحال تاع با إيلى متسخرناش شكون غيتسخر عنا

اكسيل : (جاي عندهوم هاز فيديه لكاس تاع لقهوة) صباح جمعي طبلة

صباح : واخة ابابا

صفية : علاش هي لي تجمعها مرتك فين مشات بسلامة

اكسيل : تصبحو على خير (دار راسو مسمعهاش ، قال هاكداك او مشا طلع لمكتب ديالو نيشن)

لحاجة : شوفلك لعݣربة خلاتك واحلة فلماعن او طلعات لبيت

عزيز : مي

رقية : شنو ماقالت لحاجة بو عيب ويلي حشومة ݣاع تخلي لماعن لبنت صغيرة تجمعهوم

عزيز : واه صغيرة او لغالية صغر منها واقيلة ، يالاه تصبحو على خير

لبنات : (عاونو صباح فجميع تاع طبلة او لغسيل تاع لماعن ، عاد كل واحد طلع لبيتو ينعس)

“ الأجزاء القادمة جريئة جدا “

#عند لغالية#

لغالية : (كانت ناعسة تا ضرباتها لفيقة قافزة ) لقهوة (شافت فجنابها تا لقات راسها فوق ناموسية ناعسة ، مدات يديها لنݣاصة تاع لفيوزة شعلاتها او شافت فساعة لقاتها جوج قل) پخ نعست فيها نيت

حيدات لكاشة عليها او ناضة كتشوف واش ضو تاع لمكتب مشعول ، حيت ملي شافت ضو تم او هوا ماناعسش عرفات بلي ايكون باقي خدام ، هزات راسها ومشات لحمام نصلات حوايجها كاملين او دخلات تحت رشاشة ، غسلات شعرها بشامپوان او دارت جيلدوش لصحتها ، محتاجتش تحيد شعر حيت أصلن محيداه بليزر هادي شحال ، خرجات من لحمام او نشفات صحتها او شعرها عاد دارت مسك طهارة لتحت ديالها ، ودارت شوية تاع ريحة مور ودنيها مابغاتش اكتر منها عاود ، ومشات من بعد لبيت تاع تبدال ديالها خدات منها واحد شوميز دونوب بصومو مغلوق فوق ركبة مشبك من صرة لفوق او سماطي ، عاد لاحت فوقو لپينوار ديالو كحل مشبك كامل او طويل تال لتحت ، كانو رجليها لي رقاق من لتحت او عامرين شوي من لفوق كيبانو ، لغالية كانت فورمتها زوينة ماغليضة ما مقرقبة صدرها ماكبيرش او عاود ماصغيرش بزاف ، ركبات واحد جوج حلقات كبار فودنيها او سنسلة خفيفة وقصيرة ، عاد رجعات لمراية بابيليزات شعرها لقهوي شوي ، او دارت ايلينر مجبدة بيه عينيها ، عاد تمت قاصدة لبيرو ديالو ، فتحات لباب تاع لمكتب ديالو لي كان مفتوح عندها لأوسط لبيت

اكسيل : (لي سمع صوت تاع لفتيح دلباب هز عينيه معا دخول ديالها ، شكلها وريحتها لي سبقاتها خلاتو من لداخل اتلف وينسا داكشي ݣاع لي كان كيدير)

لغالية : اكسيل (بلعاني نطقيات سميتو بتلحوين او هي كتقرب منو ، حيت عاقت بيه تلف ملي شافها واخة مابغاش أبين)

اكسيل : (دار راسو بلعاني كيخدم فلبيسي تا حس بيها حداه او مكحزة عليه لپيسي)

لغالية : (ݣلسات فوق لمكتب قدامو بعدما بعدات لبيسي ديالو ، او حطات رجليها على جناب دلكرسي ، شي لي خلى لپينوار ايطيح او فخاضها ايبانو مزيان ، تعمدات تحط رجليها مفرقين قدامو او هوا بيناتهوم) اكسييل

اكسيل : همم (لقا راسو متبع رجليها من صبع صغير تال لفوق تاع فخضها)

لغالية : (ملي شافت اكسيل في كيشوف بتاسمات قبل متجر برجليها داك لكرسي لي كانو فيه روايض مقرباه عندها)

اكسيل : (خلاها تجرو بالكرسي لعندها تا ولا وجهو مقابل معا صدرها ، حس بيديها تحطو فوق كتافو او ريحتها تغلغلات فنيفو وصحتو ، خرجات ليه لعقل او بدا كيحس براسو كيتزير)

لغالية : حياتي مقلق مني ؟

اكسيل : (هز راسو فيها او دقق شوفة ، فهاد لحضة تا راه واخة تكون مانعرف آش دايرة ليه غيقولها لا) لا

لغالية : زعما

اكسيل : شنو باليك

لغالية : بالية مقلق مني على حساب قبيلة

اكسيل : مزيان ملي عرفتي

لغالية : وا سمح ليا راك عارف شنو كاين ، غا خرجت من لبيت لقيت دروج او لاناپ خامرين زيت

اكسيل : ايوا شتي كون بقيتي فلبيت

لغالية : واه كون بقيت فلبيت كون عمت فلحليب خاتر ياك

اكسيل : (حط يديه فوق لخصر ديالها) شباليك تا دابة تعومي فيه (غمزها فلخر)

لغالية : الله أودي نعوم علاش مانعومش

اكسيل : (دورها وجرها تا ݣلسها فوق حجرو و لسق ضهرها معا صدرو مدور يديه على خصرها)

اكسيل : لحاجة عطاتك شي عشوب عاود

لغالية :(حركات راسها بإيه)

اكسيل : ياكما شربتيهوم

لغالية : لا لا راني لحتهوم ، علاه باقي نعاود

اكسيل : (دوز يديه فوق شعرها) هاكداك الله ارضي عليك (قرب تال ودنيها او عضها)

لغالية : (لغالية طلعات معاها لحمورية او ستحلات لعضة)

اكسيل : (شاف ودنيها ولاو حمرين) شتك ساكتة ولا خصني نصوني عليك باش نسمع حلاوت لسان همم

لغالية : (يالاه بغات تدوي سمعات دقان فلباب بلخلعة دازت تحت لمكتب مقابلة معا رجلين اكسيل)

اكسيل :(ضحكاتو لغالية بديك تخبيعة لي دارت ، مد لپيسي حطو قدامو او هضر) دخل

مصطفى : (فتح لباب او دخل) اكسيل

اكسيل : مصطفى دخل

مصطفى : (دخل لبيرو او مشا ݣلس مقابل معا اكسيل فوق لفوطوي ) باقي مانعستي

اكسيل : كيما كتشوف لخر تاع شهر هادا كنجمع لحسابات ، ونتا شباقي مفيقك

مصطفى : كنت باغي ندوي معاك على قبل ديك لارض لي بغيتي

لغالية :(لي كانت محروݣة كاتقول كون غا خرج هادا تا تبرد هي يا ويرجع ، عينيها تحطو على بين رجليه او واحد نسمة فشكال طلعات معا نيفها مخايباش او ممجهداش ريحة ديال اكسيل خاص ، ما حسات براسها تا قربات عندو او وجها تقابل معا ديالو)

اكسيل : مالها (عين على لغالية عين على مصطفى ، ملي بدا كيحس بانفاسها فوق فخاضو مد يديه تحت لمكتب او حط صبعو لكبير على شنايفها كيحكهوم بشوية)

مصطفى : دويت معا مولاها وقال بلي طالب فيها 400 مليون

اكسيل : (دوز يديه تانية على لفك ديالو) 400 مليون صاف قوليه تا ندوي معاه غدا

لغالية :(دخلات صبع تاع اكسيل فمها او بدات كتمص او تعض فيك ، ولكن داكشي غا مازاد جهلها وسخنها مقنعاتش ، بدات كتشوف تا عيات هي تمد يديها وبدات دوزها فوق ديالو ، او تكات راسها على فخضو)

مصطفى : او ماشي بزاف داك تامان على ديك لارض

اكسيل : داك تامان ديالها راها كبيرة بزاف (حس بيد لغالية كتلعب فوق سروالو ، خطف فيها واحد شوفة بانتليه واصلة فيها لعضم ، بتاسم عاجبو لحال اشعل فيها لعافية) شنو درتي نتا فديك لقهوة

لغالية : (عرفاتو بلعاني كيديرها ، وتاهي ماشي من لمعݣازين مدات يديها لاستيك تاع سروالو او هبطاتو هوا ولبوكسور ، تا بأن ليها مولاي شيخ) “باغي تشعلني ايوا ها حنا غنشوفو شكون غيتقاضا صبرو لول” (شدات ت&و بيديها بجوج او قربات عندو بفمها ، خرجات لسانها وبدات كتبزݣ راس ديالو بدفالها ، او كطلع او تنزل فيه بيديها)

مصطفى :(ماجايب خبار بداكشي لي واقع تحت طبلة) ايوا لحمد الله هاد ساعة غادية لقضية او كتزيان

اكسيل : مزيان مزيان (وصلات فيه لعضم كيحس بيها كتلحس بشوية وتخشي غا راس فمها وهوا باغي يطرطق ولا كيقول غا إيمتا يخرج مصطفى باش اخدم على ولادو فخاطرو)

لغالية : (ملي حسات بمسائلو كيتنفخ او يقساح بين يديها قادات لݣلسة بلحس او بدات كتخشيف فمها وتخرجو ، كانت كتوصليه نص حيت ماعندها فين تزيد تخشي داك لخير كامل ، كتهبط عاود تال لبيضات ديالو تمصهوم او تلعب بيهوم )

مصطفى : (شاف فساعتو وناض جمع لوقفة) تعطل لحال انا غنمشي

اكسيل :(تسناه تا خرج من لبيت أو سد لباب ، هو يجر لكرسي بعدو شوية وتحنا عند لغالية مدخل ليها صبعانو فشعرها وجارها لعندو دامج شنايفهوم)

لغالية :(حسات بشنايفها بغاو ايطيرو من بلايصهوم ، ماطلقها ماطلقها تا تقطع فيها نفس) اكسيل

اكسيل : ماكاين بو اكسيل كملي داكشي لي بديتي

لغالية : (ديك زعامة ݣاع لي زعمات قبيلة رجعات حمرة ، ولكن كان خاصها تكمل ماجاتش تخليه هاكداك ، قربات عندو عاود او شدات ت&بو بيديها وبدات لحيس من لبيضات ديالو تال راس ماشي مرة ماشي جوج ، عاد بدات كتخشيه فمها او كتعاون بيديها)

اكسيل :(زير على سنانو او دوا معصب) لغالية خشيه مزيان

لغالية : (خرجاتو من فمها وكملات بيديها بزربة) كي غاندير نخشي فمي كامل ونا كنتقج غا من نص واقلة يسحابليك عندك صغير ، شوف قداش

اكسيل : (ماعرف يضحك ولا يبكي ، تحنا عندها كيمص ويجر فشنايفها مخلي يديها خدامين)

بقاو على داك لحال مرة دير بفمها مرا بيديها تا جابولها اوسط فمها

لغالية : (تاحسات بيه خوا فمها عاد طلقاتو كتلهت)

اكسيل : (مادارتليه لغالية فين امد ليها كلينيكس تدفل فيه تا لقاها صرطاتو) صرطيه ؟

لغالية : واه

اكسيل : (طلع حاجب او نزل لاخر) ياك كانقوليك متبقايش تصرطيه

لغالية : (ضربات طم ، او وقفات على رجليها) اكسيل قالتها بغنج)

اكسيل : شعلات فيك لعافية مابقيتيش قادة تصبري

لغالية :(حركات ليه راسها بايه)

اكسيل : (غا عطاتو لاشارة ناض مرجع زمرو لبوكسور او هز لغالية عندو تا لوات رجليها على خصرو ، او يديها مور عنقو ، وهو يد مدوزها مور ضهرها وليد لوخرة دايرها من راسها باش يحكمها فلبوسان)

لغالية : (صعرات او لعافية زادت شعلات فيها ، بوستهوم كانت وحشية بمعنى الكلمة كاملها عضان او مصان لعاب ديالهوم ولا واحد ، زيرها معا لحيط او طلق فمها دايز لعنقها كيمص فيه او يعض مخلي فيه طبايع حمرين ، حل اكسيل لباب تاع لبيت أو دخل لغالية لاحها فوق ناموسية وطلع فوقها ، كيحيد ليها فلپينوار)

اكسيل : (ماطلقش ليها فمها تا حيد ليها لپينوار عاد داز لعنقها عاوتاني او كتافها)

لغالية :(مدات يديها لتوني ديالو كتحيدو ليه) عاوني حيد هاد توني يالاه

اكسيل :واخ (وقف ضهرو وحيد توني ديالو مخلي بشرتو لمبرونزية او عضلاتو يبانو)

لغالية :(سهات فصحتو تقول اول مرة غتشوفها ونطقات بصوت دايب او مغروم) مناش جايب هاد زين كامل غا قوليا غتقتلني شي نهار مافيهاش

اكسيل : ( رجع لعنقها كيبوس او يعض فيه او لغالية كتأوه) كاينة لعسل فدار

لغالية : واه علاش

اكسيل :(غمزها) غتحتاجيه غدا لخلقك

لغالية : هاه ؟ (مافهماتش شقصد تا حسات بيديه هابطة تال لتحت تاع شوميز او طلعها ليها تا حيدها ، وخلى صدرها ادفݣ عليه ، اكسيل غا شاف بزازلها تلفاتليه لقبلة تحنا عليهوم كيبوس او يعض فريوس ديالهوم ويديه دايزة تحت سترينݣ ديالها تا وصلات لديالها وصبعانو كيحفرو اوسطها ، واحد لغالية طلقات حلقها وبدات كتوحوح بشوي او تعض فشنايفها باش تحبس صوت) آي ، آي ، آح إك…سي…ل

اكسيل : بغيت نسمع صوتك الغالية زيدي غوتي مكنسمعكش (قرب لودنيها وهمس قبل مايخشي صبعانو بجوج فتقبتها وبدأ كيحركهوم بشوي)

لغالية : أي اكس…يل سربي مديرش بشوي آه اكسيل

اكسيل : (همس فودنيها ) كنموت عليك أنا (زاد صبع آخر فيها وبدا كيحرك شويا بجهد ، تا حس براسو تا هوا عاود تزير عاد ناض عليها ونصل سروالو وبوكسارو ، ورجع عندها مفرق ليها رجليها وحاط ديالو فوق ديالها كيفزݣليه راسو)

لغالية : اكسيل صافي دخلو حشومة عليك

اكسيل : هاني هاني (حط يديه على جيهت صرتها او ليد لوخرة بدا كيدخل بيها تبو) لغالية طلقي راسك معايا راك مزيرة خلوق

لغالية : واش نديرليك راه تبك هوا لي غليض

اكسيل : (دخلو فيها ولكن ماشي كامل وبدا كيحركو بشوية فلول ، عاد قاليها ) غليض او بحلاوتو اولا

لغالية : آي ، آي (كلما داه او جابو فيها كتلهت او توحوح شي لي كيخلي اكسيل ايزيد اجعر عليها ، ويهبط عندها ايبوس او يعض فشنايفها ويعصر فبزازلها) اكسيل نقص شويا ماتزربيش

اكسيل : (كيحاول ايساعفها تا كيعيا ويرجع كيدخل او يخرج فيه بزربة ، شوية هو يقلبها على كرشها تا ولات مكوزة ليه ، عاد رجع خاشيه فيها يديه أو يجيبو ، او يشحط فطرمتها ، تا جابو فيها)

لغالية : (طاحت ليه شرويطة تما) وا اخيرا سالينا

اكسيل :(ضحك بشر) سالينا ؟ حنا راه يالاه بدينا اعمري (تلاح عليها عاود بلبوسان او لعضان)

لغالية :(كتحاول تحبسو) اكسيل ، اكسيل راه ساعة ونص هادي باش بدانا باركة

اكسيل : كون خليتيني قبلية نكويك كون خليتك تمشي بكري اما دابا والله ما نطلق تا يصبح صباح (رجع كيبوس فيها ويعض بحال لول ، بقا نازل بفمو على صحتها تاوصل لبين رجليها وخشا راسو تما صبعانو كيحفرو فتقبتها او لسانو كيلحس او يمص فيها )

لغالية :(زيرات يديها على لحاف تا بياضو صبعانها ، كتلهت او لهضرة فيها كتقطع) اكس….يل ، صاف…ي وقف آي إك…سي..ل بش….وية ، بش…وية

اكسيل : (زاد شوي هو يركبها فوقو او كمل على مابدا ، كيشد بزولة تا كيطيبها عاد كيدوز لختها)

لغالية : أمم (شعل فيها اكسيل لعافية من جديد ، طلعات بيديها شعرها لفوق شي لي خلى طبايع دعنقها ايبانو ، او طرمتها كتلوا وتحاك معا حجر اكسيل)

اكسيل :(شحط طرمتها تا غوتات او زير عليها بيديه كيعصر فيها او يعجن) لغالية

لغالية : همم

اكسيل : (نوضها شوية وطلعو معاها وخلاها تحرك فوقو ، وهو مكمل داكشي لي بدا فطرمتها ) حلاوتك مكاتقاضاش ولا كفاش همم

لغالية : لاء ههه (حطات يديها فوق صدرو ونزلات عندو تا باستو ورجعات كطلع او تنزل فخاضها مرة بشوية مرا بجهد ، تا جابتو هي)

اكسيل : (تكاها على جنبها وهز ليها رجلها بواحد ليد او خشى تبو فيها بليد لوخرة وبدا كيديه أو يجيبو عاوتاني)

لغالية : (حسات بتبو واصل تال معدتها ، او كترت داك تحراك خلاها تحس برضان) اكسيل بشوية متخشيهش كامل راه كيضر ، اكسيل غنتقيا

اكسيل : صبري غاشوي راه قريب نسالي

لغالية : اكس…يل دخلو كامل

اكسيل : لغالية تبتي واش ندخلو كامل ولا غا نص

لغالية : (واصلة فيها لعضم حاسة براسها فشكال نشوة خرجاتلها لعقل) آي اكسيل

اكسيل : (كيهمس فودنيها فوقها سمحات ليه لفرصة ) عمر اكسيل (بقا اكسيل على داك لحال اديه ويجيبو تا فاض حليبو)

لغالية : (طاحت كيف شرويطة ملي حسات بما سخون تخوا فيها ، و فرحات قالت صافي سالات ، سعا هيهات الغالية سي اكسيل حالف تا يفدي فيك ليام لي ماكانش فيها ، مادارلها تا فين تخرج تبو منها تا حسات بيه عاود تنفخ او قصاه اوسطها ) صافي باركة أ إكسيل

اكسيل :(عض ليها ودنيها) باقي ماصبح صباح

لغالية : ( جاتها لبكية وضارت مغوبشة فاكسيل ) واش ناس كيشرفو كيتقاضا ليهوم جهد نتا غا مكايزيد فيك ، راني عييت

اكسيل : (دار راسو مسمعهاش او كمل خدمتو)

نخليو اكسيل كيخدم على ولادو واجي نعرفكوم على عائلة “*آيت أوسُّو*” نبداو من لكبير تال صغير ، على راس دشجرة كاين لحاج ولا نقول سي محمد آيت أوسُّو ، امازيغي قح بضبط زياني من نواحي تاع خنيفرة ، لقد او لقامة ولهيبة شعر قهوي فياماتو اما دبا غطاه شيب ، راجل حقاني عارف بينو وبين لي خلقو عندو شلا بلادات وفدادن فنواحي تاع لاطلس لمتوسط ، لكسيبة على جهد ، كان بدا من لحفا من سراح عند الناس تال مول شي ، عافر او تقاتل باش ايدير بلاصتو بين الناس ،تزوج مرتو يزة شعر لكحل طويل لفورمة ولحداݣة صبر وتاحراميات هادي زمان فيامات زلط او لحزقة ، كيقولو بلي ضربها بحجرة شوية ميعميها صدقات هي لي عماتو وتزوجها ، لحق ايتقال تاهي عافرات معاه او صبرات على جوع او قلت شي ومسمحاتش فيه فلحزة ولقرح تا سهل عليهوم الله .

اول فرحة ليهوم كانت ولدهوم عزيز لي دبا فعمرو 52 عام ، خدا زينو من مو او لمعقول من باه ، غا هوا دغيا كيتعصب او دغيا كيبرد عزيز عليه تقشاب ، تربا على دين او لمعقول او بعيد تماما على تخلويض ، مكملش قرايتو حدو تانية وخرج كيعاون فباه على زمان ، تزوج برقية لي صغر منو بربعسنين بنت من بنات دوارهوم ، ملي كانت عندو كداو عشرين ديك ساعة كان حالهوم غادي وكيتيسر ، سكنها معا واليديه او خوتو حيت لفيرمة فاش كانو ساكنين كانت كبيرة بزاف ، ترزق بجوج وليدات علاء 28 عام زين او دين او طولة ورجولة شعر لقهوي صدر لمبندر ، مهندس معماري كبير ، قرا وخدم على راسو وفلخر عاونو جدو باش اولي مستقل فخدمتو ، عاد كاينة لالاهوم رانية نوارة سي عزيز قيسوه فعينيه او ماتقيسوليهش بنتو رانية شبهات لجداتها يزة شعر لكحل او لفورمة ولحداݣة ولبيوضة وزيد صواب من لفوق ، قراها باها ووقف معاها تا تخرجات من كلية لفنون او ولات مصممت ازياء ، فتح ليها بوتيك على قدها فطنجة .

عاد جا مور عزيز بعاماين خوه يحيى زين واخدو من يزة او نخوة من سي محمد ، بحالو بحال خوه صلى ودين او نفس غا هوا تقشاب او طنز فيه على جهد ، خدم ودمر فلبلادات تاع ناس بحال باه او خوه ماكتابش ليه اكمل قرايتو تا هو ، تا حاجة ماكتعصبو ولا تقلقو تزوج مرتو رابحة لي صغر منو بتلتسنين ، وهي نيت خت رقية صغيرة بحالها بحال ختها عزيز عليهوم راسهوم على جهد ، عطاها ربي تلاتة تاع لوليدات لي شبهو غا لباهوم ، لكبير سميتو سعد صغر من ولد عمو علاء بعام تاهوا مهندس غاهوا تاع ضو ، دري قشاشبي ومعقول ماعندوش معا كترت تخلويض طويل وزوين شعرو كحل وعينيه عسليين ، تبعاتو ختو ريحان نوارة سي يحيى لي تا حاجة ماتعصبو من غير لي قاسليه بنتو فعمرها 24 عام بنت ضحوكية ومصوابة لقلب لحنين او زين او صلى ودين ، باقة كتقرى على لماستر ، يحيى بغاها تقرا وتشد دكتورة ديالها ، داكشي علاش فاتح ليها ريسطو على قدها باش تقدر تقرى على خاطرها او تصرف على راسها ، عاد كاين آخر لعنقود لفليفة تاع دار عندو 22 رعام شد لباك ديالو او دفع لداكشي تاع لانفورماتيك ، عندو معا طنز او قلت مايدار فاتح قانات فيوتيوب على قدها باش يبقا يلعب لالعاب او يطلق لايڤات ويشتت زينو على ناس ، مايقد عليه حد راسو قاسح حجرة ولكن ضريف .

من بعد دوك جوج حتارف اخيرا تزادت عند سي محمد لبنت سماها صفية ، عمرها 49 عام لمخنتة تاع دار شحال فرح سي محمد بيها ملي تزادت ، خوتها وباها يدمرو ويخدمو فلبلادات ناس غا باش صفية متحتاش شي حاجة واخة غاعلى قد لحال لموهيم متكونش مخصوصة حيت كانت عزيزة ، هي لي فخوتها قرات بزاف وصلات تال سادس او حبسات حيت ماكانش عندهوم لفلوس باش تكمل قرايتها وكان لكوليج فلمدينة ماشي فدوار ، تزوجات على 16 بولد عمها مصطفى عن حب مابززو عليها حد ، او تما عرفات صفية تا هي بحق زمان او شنو كانو خوتها وباها هازين عليها راجلها كان الله اعمرليه دار راجل حقاني ومعقول طريقو صافية ، كان يتيم او عمو هوا لي تكفل بيه داكشي علاش كان بحالو بحال عزيز او يحيى كيعاون عمو ، اول فرحة ليه كانت ولدو رضوان قدو قد علاء ، دري واشمن دري تا هوا زوين وطويل قرى تا ولى طبيب تاع لعضام ، عاونو جدو تا هوا تا فتح لعيادة ديالو فطنجة حدا بنت خالو ومرتو رانية ، لي ماتزوجها تا قرب ايشيب بلعكس تاع خالو عزيز ، عاد تزادت لبنت تانية غيتة لي عندها دبا 26 عام شابهة لصيفية وجداتها تا هي شعرها كحل او طايح عليها سر مأدبة ومصوابة ، فتح ليها باها فرماسيان بعدما تخرجات ، او فلختام ختماتها صيفية بصفاء او مروى جوج تويميات علامزيناتهوم صغر من مجد عندهوم لباك هاد لعام .

او دبا وصلنا لآخر عنقود عند سي محمد و لالة يزة ، ولي لاعلاقة ليه بيهوم شخصيتو حاجة خرى وتا زينو ، سي اكسيل سمية امازيغية عتيقة كتعني نمر ، لون عينيه لي كان بين رمادي و زرق ماكانش بتاتا تاع لحاج ولا لحاجة ، كيقولو بلي خدا لون عينيه من واحد جد جد جدو ، تا هوا بحال خوتو تزاد يامات لحفا وزلط او ماكملش قرايتو بسباب لفقر ، ولكن هادشي غا مازاد خلاه راجل حار مكيرضاش بساهل او مكيآمنش بلمستحيل ، راسو حجرة ولي تحت راسو ماعارفو غا هوا ، من صغرو كان قليل لهضرة ويلى هضر كتكون هضرتو على قد سؤال ، مكيعجبوش ايداخل معا لبراني ويعطي راس خيطو لحد ، عدوه لي يبغي يديرها بيه ولا حتى يقلل منو ، عارف بينو وبين لي خلقو بالنسبة ليه لحية ماشي هي دين ، او رجلة ماشي هي تعنا بلكتاف ، كولشي كيحتارمو حيت مايجبد عيب ما يقيس حد ، كان دمو بارد من صغر ما يتعصب ما يتأتر ولكن إيلى مشا تا طلعاتليه لقردة لسطح مايخلي تا حاجة فبلاصتها ، كيقولو بلي ملي كان صغير شوية لاح دري فلبير حيت تبسل على صفية ، من لخر اكسيل كان اغاراس اغراس ، نيشن نيشن ولاد خوه كاملين عندهوم اكسيل شي حاجة حيتهوا لي وقف معاهم او عاونهوم ، ملي وصل 13 رعام طلعاتليه لخدمة عند ناس فراس داكشي علاش جمع حوايجو وقال ليها الله اعاون أنا غنطلع لمدينة ، لحاج ماقالوش لا حيت عارف بلي تا حد ميقد عليه داكشي علاش خلاه يمشي او يبني راسو براسو ، وداكشي نيت لي كان بات فزنقة و بجوع ولبرد ، تكرفص او تمحن او نفسو عمرها عطاتو يرجع عند ميمتو ولا حتى يمد يديه لناس ، بقا على داك لحال شوية بشوية تا وقف على رجليه او بنا ساسو بالصح او المعقول ، او ربي مخيبوش فلول فتح قهوة صغيرة ومعا لوقت كبرها وعاون تا باه او خوتو ، شوية بشوية تا ولى واحد من لكبار تاع لبلاد محلاتو تاع دهب او توب او لبوتيكات او لقهاوي ولمحلات ولهريات ولاو فكل بلاصة ، اكسيل مكانش قاري بزاف حدو رابعة مفاتهاش ، ولكن كان راجل عارف شنو باغي ، دبا عندو 46 عام رزقو الله بجوج وليدات من مرتو لولة سناء لي كان زواجو بيها زواج تقليدي بين لعائلات ، ولي كانت بنت خالو ، تزوجها وجابها معاه لمدينة سعا ماكملش زواجهوم او طلقو بعد سبعسين تاع زواج ربا وليداتو بوحدو ، جود لي كانت فعمرو 23 عام كيقرا لقانون ولد واخد رزانة او زين او دين من عند باه ، او ختو صباح عزيزة اكسيل بنتو وحبيبتو لي كتقرا على طب الاسنان ، وقريب تخرج و تفتح عيادتها بوحدها فعمرها 22 ، اكسيل ملي كبرو ليه ولادو شاءت الأقدار بعد دوك لعوام كاملين اعاود زواج بالغالية يا لغالية بنت قلبو صغيرة ديالو فعمرها 20 عام او قصتها هي وياه قصة وشمن قصة.

ونرجعو دبا عند لغالية لي ما طلقها راجلها تا قرب لفجر او فدا فيها شوقو ، عاد ناض عليها ومشا دخل لحمام اما هي ماقداتش تنوض على رجليها دعقها ولد لهم

اكسيل : (خرج بعدما دوش او توضى ولبس حوايجو ، بانتليه لغالية ناعسة فوق نموسية بلى حوايج او مغطية بواحد لكاشة ، مشا قرب حداها وبدا كيفيقها بشوية) لغالية آ لغالية

لغالية : همم (عيانة ومݣلوبة بنعاس)

اكسيل :(كيدوز يديه على شعرها) نوضي صلي لفجر راه ودن او عاودي رجعي تنعسي

لغالية : عييت غا شوية ونوض

اكسيل : نوضي دابة باش ميتهرش فيك نعاس

لغالية : (عينيها باقي مسدودين) واخ واخ

اكسيل : يالاه انا غنتسناك باش نصليو بجوج

لغالية :(ناضت بدرع من لفراش صحتها كاملها طبايع زرقين ، مدات يديها لپينوار ديالها لي كان مليوح فلأرض لبساتو ، وعكزات على لكوافوز تا ناضت كتعرج لحمام ، دوشات او توضأت مكمدة عضامها ، عاد خرجات او لبسات لعباية تاع صلى ودارت زيف من لفوق او مشات وقفات مور اكسيل)

اكسيل : صافي غا نبداو

لغالية : واه

اكسيل :(بدا كيقوم صلى تا سلى ، عاد بدا كيصلي بلغالية لفجر او هي مخشعة موراه ، تا سالى وسلم او سبح شوي هو يضور عند لغالية باس ليها فوق راسها) سيري تنعسي دبا باش ترتاحي

لغالية :(غمضات عينيها ملي تحطو شنايفو فوق راسها) واخ

اكسيل : آه تفكرت (مشا لمجر جبد منو واحد لكينة ومدها لغالية معا كاس دلما ) هاكي شربي هادي قبل متنعسي

لغالية : (عرفاتها بلي لكينة تاع منع الحمل ، للحضة ترددات انها تلخدها)

اكسيل : (شاف ترددها) لغالية ممزيانش تبقا لكينة مفتوحة لوقت طويل ياك

لغالية : (شافت تا عيات هي تمد يديها لعندو خدات منو لكينة وشرباتها) نتا ماغاديش ترجع تنعس

اكسيل : (رجع كيطوي فصلاية) لا أنا غنمشي نخرج خاصني ندوز لمحالات نشوف شخاصهوم

لغالية :(حيدات عبايتها وبقات غا بواحد لپيجامة بسروالها دنعاس) غا تمشي فهاد لوقيتة واراك مانعستيش مزيان

اكسيل : راني رتاحيت او زيد خصني ضاروري نمشي نسالي شغلي حيت غدا غيخصنا نمشيو نخطبو لداك لحتروف

لغالية : ههه الله اكمل عليه بلخير ، سير دبا نتا تبدل علاما نوجدلك انا لفطور

اكسيل : لا بلاش سيري غا تنعسي وترتاحي مزيان انا غنفطر على برا إلى ضرني جوع صافي

لغالية : ايوا على هاد لحساب (قربات ليه معنقاه او هازة راسها فيه) ملي تمشي تفطر سير فطر من شي قهوة كيطيبو فيها رجال ماتاكلش ماكلة شي مرا

اكسيل : (باغي أشد معاها زكارة )علاش راه لعيالات كيطيبو حسن من رجال طيابهوم كيكون بنين

لغالية : (غوبشات) بغيت هاد طياب لبنين اوحليك فركابي

اكسيل :(قرسها من نيفها) مغيارة

لغالية : لا

اكسيل : تيقتك

لغالية : شوية

اكسيل : (تحنا عندها او باس ليها فوق راسها عاوتاني او مزير عليها فتعناق) مغيارة ديالي

لغالية :(حناكها طلعاتهوم لحمورية) يالاه سير راك غتعطل (بعدات عليه بشوي او مشات رجعات تخشات فراشها تنعس ، مخلية اكسيل داخل لبيت تاع تبدال ابدل عليه باش اخرج)

بعدما صلات لفجر رجعات تكات واحد شوية تا وصلات ديك تسعة تاع صباح عاد ناضت خارجة من بيتها ، لقات لحاج كيشرب لقهوة ديالو او كيتفرج فناشيونال جيوݣغافيك ، ضورات عينيها مابانلها حد هي تمشي لكوزينة نيشن عاقداهوم

لحاجة : (معا دخلة ضربات فكريمة كتعمر لمقراش بلما) غانتي لي كاينة هنا

كريمة : واه الالة

لحاجة : او فين عروسة شتا دلغالية

كريمة : راها باقة ناعسة الالة

لحاجة : سيري فيقيها تنوض توجد لفطور

كريمة : سي اكسيل وصاني باش مانفيقهاش تا تفيق راسها

لحاجة : هاه ايوا شكون غيديرنا مانحنجرو او يجمع دار نتي ؟

كريمة : سي اكسيل قاليا بلي غيصيفط شي عيالات ايعاونو فلكزينة (تسمع سرسار فلباب) غيكونو هوما لي وصلو ، غنمشي نحل

لحاجة :(حضات كريمة تا خرجات من لكزينة او مشات هي ݣلسات حدا لحاج كتبرݣم) اييه على وليدي خلي ست لحسن ناعسة وجيب لبراني اتسخر على ميمتك

لحاج : (سمعها كتبرݣم) ماكم يوغن اليݣ لاتبرݣامذ غيفنخ

{مالك كتبرݣمي عنا}

لحاجة : ايسوراس تسليذ ؟ إنّاس ايكريمة أذور سفافا ثيݣديت نطامطوط نس تجيط اتجن ، اي ذغي يسيفظ شان ثعيالين حما آذ صخرن غيفنخ ، ايسثلى غيرس ثالقايت

{ماسمعتيهش ؟ قال لكريمة متفيقش ديك لكلبة دمرتو تخليها تنعس ، او دبا سيفط شي عيالات باش اتصخرو عنا ، حيت عندو لقايدة}

لحاج : (غوبش) لا حول ولا قوه الا بالله عنقغ زيݣم ، اعنق مميم ذشمينين اور ثريد اتحشمد

{لا حول ولا قوه الا بالله عنقت منك ، او تاولدك عنق منك او نتي ماباغاش تحشمي}

لحاجة : (تعصبات) ماك ياغن شݣينين دايمن لاتدود سݣ طرفنس

{مالك نتا ديما جاي من جيهتها}

لحاج : (خبط لعكاز معا لارض) اذ دوغ سݣ طرفنس عاد ثيسليت اينو ايثيا ، ثامطوط نومزان اينو ثعز غوري آم يلي ثمزانت ، اكوريد ثريد آكم آتجغ اذ غيفس تحݣرد شمينين ذياظنين آمي اورغيرس ماغاس ايحامان، اثين سورغ ليخ ݣلحيات او غاتاجاخ شانيوك آتيد اقلق لامنة نممي ثقطيط نولنس اينا

{غانجي من جيهتها عاد عروستي هاديك ، مرت ولدي عزيزة عليا بحال بنتي ، ولا ياكما بغيتيني نخليك تحݣري عليها نتي ولوخرينات بحالا ماعندها لي يحامي عليها ، راني باقي فلحيات مغنخلي تاحد اقلق لأمانة تاع ولدي ، طرف من قلبو هاديك}

لحاجة : نكينين دمي لاتساوالغ آم او رياز آم مميس طاسلة ايثيام ، اورس ماياوي ثيا مثحريا ين آليݣ ثعز غورون ، اكّا ممي ييور زين ذصواب ذلاصل اورلي مايث ييفن ، واليني ممي اوريسين اينعمث يدجا أليس نخالس مايس نيفراخ نس ييور ثاربات ثوݣرثيد اليس

{معامن انا كندوي بحال راجل بحال ولدو ، ماعرفتش شنو دارتلكوم ديك سحارة تا عزيزة عليكوم ، كان ولدي مزوج زين او صواب او لاصل ماكاين لي حسن منها ، ولكن ولدي انا ماعارفش لنعمة خلى بنت خالو ماين ولادو وتزوج بنت عندو لبنت كبر منها}

لحاج :(دوا بطنز) ايه اوريلي مايث ييفن ، ثزري ممي ذيفراخ نس ذاي ثدا اتعيش لحياة احق اور ثرضي زيكس ، اوريكي ماياس يا ثانݣاروت تثر اولوف ، اما لغالية فبزاف خف اليس نوماام ثنا ، ثحرش ثيا زين ، ثحظا دين نس ثرا لبال اورياز نس اوغا تسوفوغ لعيب نميدن ، لاتهلا ݣفراخ نمميم ثكشم سوق نس ثرا غاس لوقر ، اوردجين يا لعمر لعيب اخص بنادم غاس اذي لمعقول

{ايه ماكاين لي حسن منها ، خلات ولدك او ولادو ومشات هي كتعيش حياتها حيت مرضاتش بيه ، ماخلى مادارلها فلخر طلبات طلاق ، اما لغالية فبزاف على ديك بنت خوك ، حادݣة ودايرة زين ، حاضية دين ديالها او رادة لبال لراجلها ، عمرها خرجات لعيب دناس ، كتهلى فولاد ولدك او داخلة سوق راسها او باغة غا تيقار ، او عمر لعمر كان عيب خص بنادم غا يكون معقول}

لحاجة : (مالقات باش تجاوبو هي ضرب طم عارفاه بدا كيتعصب مابغاتش تزيد تحكر)

كريمة :(جات عندهوم لبيت لݣلاس) لالة تبغيو تفطرو راه لفطور واجد

لحاجة : واه راه لعشرة هادي سيري فيقيهوم ايجيو افطرو راه تابعنا نمشيو نتقداو لخطوبة

كريمة : واخة الالة (خرجات كريمة من عندهوم او طلعات كدق على كل واحد فبيتو مخليا دوك جوج عيالات كيحطو لفطور فوق طبلة)

رقية & رابحة :(تمو داخلين لبيت معا رجالاتهوم او لوخرين لاحقين عليهوم من لور) صباح لخير

لحاج : صباح نور

لحاجة : زيدو زيدو ضورو بطبلة راه انتعطلو على شغلنا

صباح : الله يهديك الميمة شمن غنتعطلو راه يالاه لعشرة هادي مالنا باغين نحرتو لارض

صفية : راه زواج كتر من لحرت ابنيتي وليوم غنمشيو نشوفو حباب لعروسة او نرصيو لأمور

صباح : (شافت وحدة من دوك لعيالات لي سيفط اكسيل كتخوي ليهوم فآتاي ، كانت بنت تكون فأوائل لعشرينيات ديالها ، زينها عادي او تا فورمتها ماشي شيحاجة ، رابطة شعرها لور على شكل سفنجة او لابسة سروال تاع لكيطمة بلكحل معا قبية بيضة) شكون نتي ؟

لبنت : انا شيماء لخدامة جديدة

صباح : خدامة جديدة علاه فين كريمة ؟

لحاجة :سيري زيدينا لخبز راه تقضا (حضات شيماء تا خرجات او دوات معا صباح وهي مخصرة سيفتها) باك هو لي جابها هاد صباح هي وحدة خرى ، قالك باش اهزو شقى تاع دار

صفية : هاه ؟ ياوديك لي مكوغط محنية يديها

لحاجة : (دوات بطنز) آويلي على هاديك تسخر عنا راها قايدة حنا خصنا نتسخرو عليها

رابحة : احقا مابانتش ليا مغتجيش تفطر

لحاجة : غا فطري نتي اما هاديك فراها باقة خامرة

رقية : وا من ناحية قايدة راها قايدة نيت لي خلات ولد لحاج محمد لي كولشي كيضربليه الف حساب وحساب ، سخار عندها لي طلباتها تحضر

لحاج : سكتينا نتي وياها ، مرتو هاديك ولي مادار لخير فمرتو وراعاها مافيه لا خير ولا رباح ، ونا والد رجال ماشي شمايت و راجل هوا لي كيعرف بحق مرتو لي تقالت عليها خفافت عليه ، ولي قلقاتها ماتعاودش ، ولا قولولي نتوما رجالاتكوم اتهلاو فيكوم ولغالية طرس عليكوم ولا شنو ؟

رابحة : ما قلناش أعمي لعكس غا هو …..

يحيى : (دوى كارز على سنانو) رابحة

رابحة : ها هي ساكتة

سعد : (ناض وقف او قاد حوايجو هو وعلاء) أنا غنطلع مع علاء نبدلو علينا ، فطرو بزربة نوصلوكوم فين بغيتو ، باش نمشيو تا حنا نقضيو شي شغال عندنا

لبنات : هاحنا طالعين نيت دابة نبدلو ، أصلن سالين لفطور ، او نيت نفيقو تا لغالية تمشي معانا (ناضو لبنات طلعو لبيتهوم ابدلو عليهوم او يقادو راسهوم)

لحاجة : ماعندكوم فين تمشيو تفيقوها غا نمشيو غا حنا

غيتة : ولكم امي علاش

صفية : غيتة سمعي لجداك او طلعي أبنتي تبدلي طلعي غنتعطلو

رابحة :(ضارت عند سعد) شمن غاراض هدا لي عندكوم راه خاصك تمشي معانا نختارو لحوايج او دهب نتا لي عارف دوقها كيف داير ، ماشي نمشيو نختارو او فلخر مايعجبوهاش

سعد : ها لبنات معاكوم ايتكفلو بلحوايج اما ذهب غا خليوه عليا انا انتكلف بيه

رابحة : ايوا نتا تعرف اولدي نوضو تاحنا نبدلو عنا

رقية : كريمة وا كريمة (بدات كتعيط على كريمة تا جات عندها كتجيري)

كريمة : نعام الالة

رقية : جمعي هاد طبلة معاك راه سالينا لفطور

لحاجة : (ناض كل واحد ابدل باش اخرج لحاج او ولادو مشاو اتمشاو جنب لبحر ، اما دراري لوخرين فامشاو لقهوة يتقهواو علاما يلحق عليهوم سعد او علاء من بعد) حنا غنمشيو نخرجو ملي تفيق ديك لخامرة ليا لفوق ، علميها بلي خرجنا وقوليها توجدنا ماناكلو راه غنجيو فينا جوع او عيانين

كريمة : واخة الالة

مشات لحاجة لبيتها بدلات عليها وهزات معاها شي فلوس بزيادة ، وخرجات عندهوم لقاتهوم كيتسناوها فجردة

لحاجة : صافي مشينا

علاء : على بركة الله نص يركب معايا نص لاخر اركب معا سعد فطونوبيل

رانية : واخة

سعد او علاء قسموهوم بيناتهوم او شدو طريق لوسط لمدينة حيت لڤيلة تاع اكسيل كانت شوية برا فبلاصة خضرة ومكالمية قريبة لبحر ، وصلوهوم لبلاصة لمحلات دلحوايج او حطوهوم تم

سعد : لوليدة فاش تساليو عيطو عنا نجيو نديوكوم

رابحة : واخة اولدي الله يرضي عليك

سعد : آمين هاحنا مشينا (خلاوهوم تما او مشاو دازو لقهوة اݣلسو معا دراري شوي)

# عند لغالية #

كانت خامرة فراشها تا سمعات صوت لآدان ، ماعرفات باش تبلات ناضت مفزوعة شعرها مرون

لغالية : (مقلوبة بنعاس او كتدوي بتقالة او صوت مبحوح) الله اكبر وصل ظهر (بغات تنوض من لفراش سعا حسات بعضامها تقيلة عليها ، لحم لمقوع ليها فصحة كاملة ، تا من حلقها مسلمش ) الله الله اربي (بدرع باش ݣلسات شادة راسها بعدما جمعات شعرها بلبانضة) قطع فيا لحم ، دݣدݣ ليا لعضام

مدات يديها لطيليفونها شافت شحال فساعة ورجعاتو لبلاصتو ، عافرات تناضت من افراش ومشات لحمام قضات حاجتها وطرفات حالتها ، وغسلات وجهها وسنانها وتوضات ، عاد خرجات عاود لبيتها تاع تبدال جبدات منها واحد لبيجامة ديال لبولير طروا بياس بلكحل او لبلون كاسي ، سروالها كحل طويل من النوع لي كيكون مطلوق ماشي كولون ، وتريكو ديالو لي كان بلبلون كاسي ما طويلش بزاف يلاه واصل لفوق لفخذ ، فيه شي نونوسات خفاف اوسامبل بلكحل ، عاد بينوار ديالو بلكحل ولي كان نازل تال جيت ركبة عليه شي نونوسات حتى هو خفاف بلبلون كاسي في جنب لتحتاني ديالو ، حيدات لغاليه عليها ديك بيجامة دنعاس بعد ما مشطات شعرها ودهنات لحليب لصحتها ول كانت فيه ريحة تاع لفواكه خفيفة ، عاد لبسات ديك لبيجامة ودارت زيفها وقاداتو مزيان باش ميبانوش خصلات شعرها ، ومشات نيشن لجيهة فين موالفة كتصلي ، لوات عليها ليزار مغطية بيه رجليها او قامت صلى وبدات كتصلي فظهر لي ودن عليها ولحقاتو بشي ركعات دلآجر تاسلات ، هي طوي داك ليزار او هزات طيليفونها ، وتمشات ناوية تخرج من بيتها تا تحل عليها لباب

شيماء : (لي دخلات بلادقان ضربات فلغالية وشهقات) هاء (كانت هازة فيديها لفريݣونة معا شي پرودويات تاع مسيح زاج )

لغالية : (غوبشات) شكون نتي ؟ وآش جاية ديري فبيتي ؟

شيماء : (كانت مصدومة ، شوية هي تسترجع وعيها) انا لخدامة جديدة

لغالية : ( مستغربة) لخدامة جديدة ؟

شيماء : واه جابني اكسيل ليومة باش نخدم هنا

لغالية : (طلعاتها ونزلاتها) هاكداك ؟ جابك اكسيل ؟ باغة شي حاجة مني تا جاية لبيتي ؟

شيماء : لا أنا صيفطاتني كريمة باش نجمع لبيوت محد مالين دار خارجين

لغالية : ماقاتلكش كريمة بلي انا هنا ؟

كريمة : (ملي شافت لباب تاع بيت لغالية محلول او سطل حداه دارتها طن فراسها ومشات كتجري تحبس شيماء) شيماء ديك لبيت بلامات… (ضربات فلغالية) لالة فقتي ؟ صباح لخير

لغالية : صباحو

كريمة : سمحي ليا الالة نسيت مانقولها متجمعش بيتك

لغالية : ( بتفهم ) معليش اكريمة معليش ، (ضارت شافت فشيماء) يمكليك تمشي بحالك

شيماء : (كانت ساهية فلبيت لكبورية ديالها وديكورات لي فيها تا سمعات صوت تاع لغالية) آهاء او لبيت مغنجمعهاش

كريمة :(نغزاتها ودوات معاها بهمس) سكتينا هادي لبيت تاع لالة لغالية هي بوحدها لي كتنقيها تا وحدة من لخدم ما كيدخل ليها

شيماء : (بهمس تا هي) هاكداك وعلاش ؟

لغالية : (سمعات لهمس ديالها) لحقاش

شيماء : أنا غنمشي (هزات داكشي لي جابت معاها او سدات لباب مور ما خرجات )

لغالية : ( بقات حاضياها تا خرجات مصغرة فيها عينيها) شنو سميتها ؟

كريمة : شيماء الالة

لغالية : جابها اكسيل بوحدها ؟

كريمة : لا جات هي وحدة خرى

لغالية : تا لوخرة سنان لحليب ولا شنو ؟

كريمة : لا لوخرة تكون عندها ديك ستة وتلاتين عام سميتها سيهام

لغالية : مزيان ، هاد لمرة ماتعاوديش تصيفطينا تنقي لبيوتة خليها غا لتحت لا هي لا لوخرة

كريمة : واخة الالة

لغالية : آه او متنسايش تعلميها ، راه بانتلي ماموالفاش بلخدمة تاع ديور ، مقادة شعرها ووجها تقول جاية لعرس

كريمة : هي لولة ، غنتكلف بيهوم بجوج

لغالية : واش كولشي خرج ؟

كريمة : واه لحاج او سي عزيز او يحيى و مصطفى مشاو اتمشاو جنب لبحر ، ودراري خلاص خرجو لقهوة ، ولي بقا مشاو خلاص اتقداو من لمدينة

لغالية : هي على هاد لحساب انديرو لغدا غا لحاج او دراري

كريمة : يالاه لقيتي لحاج صونا لدار ، او علمني باش مانديروش بحسابو لغدا حيت عارض عليهوم واحد سيد من لمعارف ، ويلا دراري ماعرفتش

لغالية : صاف تا نصوني انا على جود نسولو او نرض عليك

كريمة : واخة هاني هابطة لتحت الالة نكمل داكشي لي بديت

لغالية : صاف نزلي تا نتبعك (تسنات كريمة تا خرجات من لبيت هي تمشي لبالكو او جبدات طيليفونها وضورات لاكسيل

اكسيل : (كان فواحد من لمحلات كيدقق فشي وراق ، تا صونا ليه طيليفون من نغمة تاع صونيط عرف شكون حيت كان دايرلها نغمة خاصة بيها ، هز طيليفونو او جاوب بصوت هادئ) الو

لغالية : (حسات بقلبها اوسط حلقها) راك فلخدمة ؟ (كانت كتعض واحد فضفارها)

اكسيل : حيدي صبعك من فمك هو لول ، عييت معاك مابغيتيش تحيدي هاد طبيعة منك

لغالية : (بدات كضور بعينيه) ياربي سلامة تا حاجة مكتفلتليك

اكسيل : محتاجة شي حاجة تا صونيتي ؟

لغالية : لا كنت غا بغيت نسول واش اتجي لغدا ولا لا ؟

اكسيل : ميعداليش تال لعشا ، عندي لخدمة مزية او ملي غنسالي غيخصني نمشي معا دراري نقضيو شي غراض

لغالية : اتمشي معا دراري ؟ على هاد لحساب تا هوما ميدوزوش لغدا ؟

اكسيل : واه

لغالية : (دوات بحزن بلعاني) دبا انتغدا بوحدي ؟

اكسيل : ( غوبش) علاه فين لحاجة ولبنات

لغالية : خرجو باش اتقداو لخطوبة تاع سعد

اكسيل : وعلاش مامشيتيش معاهوم ؟

لغالية : مرشقاتش ليا نمشي عارفني معݣازة (مابغاتوش اتقلق

داكشي علاش ماقالتايهش بلي مشاو بلاما يعلموها)

اكسيل : هاه (تنهد عارف لحاجة وفعايلها اتكون ماحاشاتهاش ليها ݣاع) معا جوج لقاك واجدة

لغالية : هاء وعلاش

اكسيل : غا نمشيو نتغداو بجوج

لغالية : هاويلي او خدمتك راني غا كنت كنضحك معاك

اكسيل : سيري لبسي بزربة علاما نكمل هاد لوراق لي فيدي ونجي ندوز عليك

لغالية : (ضحكة شادالها من لقنت تال لقنت) هههه واخة ، موح كنموت عليك أنا

اكسيل : (تبسم على هضرتها وقطع عليها ، راجع لدوك لوراق باش ايساليهوم دغية او ميتعطلش عليها)

لغالية قلبات طريقها عواض ما تهبط لتحت مشات لبيت تاع تبدال ، بضبط جيهة لكساوي مدات يديها لوحدة فيهوم ، ولي كانت عبارة على كسوة طويلة بلكحل ملبسة بواحد شبكة مطرزة بشي وريضات بلحمر ، حيدات بيجامتها بزربة او لبسات لكسوة بعدما طلعات ليبة كحلة ، جاتها ديك لكسوة زوينة معا فورمتها او توب لي كان مكفح شي لي خلى صحتها تستر ، دارت زيف بلكحل او بوط قصير او عالي شوي بلحمر بصاك ديالو ، بنسبة لماكياج فكتافات غا بمرطب شفاه حيت حسات بشنايفها ضروها او بغاو اتقشرو ، ركبات نضاضر دشمس او دارت ݣورميطة خفيفة بصفر او فصبعها دايرة خاتم تاع زواج عادي بزاف او سانپل مافيه لا حجر لا والو بحال لي كيديرو دراري غاهادا عريض شوية وديال لبنات ، خشات طيليفونها فساك بعدما طلات على ساعة لقاتها جوج قل قسم ، او شدات لهبطة لجردة تسنا فاكسيل ايجي ، فطريقها تلاقات معا سهام او شيماء او كريمة

كريمة : لالة خارجة ؟

لغالية : واه غنمشي نقضي شي شغل او نرجع مغنتعطلش (خرجات لغالية مخلية موراها شيماء او سهام غا كيحنززو اما كريمة فرجعات لشغلها)

سهام : ( بهمس ) واش هادي هي علامن دويتي

شيماء : واه شتيها كيف دايرة مهلية فراسها او مبرعة فهاد لخير

سهام : شي عطاتو او شي زواتو ، وشكون تكون زعما

شيماء : ماتكون هادي غا بنت سي اكسيل ، راني سمعت بلي عندو بنت

سهام : هاكداك يمكن او فين مرتو مابانتليش

شيماء : ايلى قتلك شي حاجة كدبت عليك اتكون خارجة ، لعيالات تاع هادو مكيݣلسوش فدار اغملو فيها بحالنا

# عند اكسيل #

سالا خدمتو بزربة او هز سوارت تاع طونوبيل وزاد خلفة معا طريق تاوصل لقدام لڤيلة ، كان غيصوني على لغالية تا بانتليه جاية قاصداه او هي مبتاسمة

لغالية : (حلات لباب تاع لكوسان لي حدا شيفور او دخلات) حياتي ( باستو جنب فمو )

اكسيل : (طلعات معاه ريحتها صحتها لخفيفة او نزل عينيه لفمها) شنو دايرة لفمك

لغالية : والو

اكسيل : (عقدهوم) والو ؟ اومالو كيبري عليا تم

لغالية : آه درت غا مرطب

اكسيل : (مدليها كلينيكس او دوا غا بشوية) مسحيه

لغالية : شنايفي ضروني أ أكسيل داكشي علاش درتو ، ونتا سباب تا ضروني لاهوما لا صحتي

اكسيل : (مالقا باش اجاوبها عارف بلي هو لي حردهوم ليها ، خرج يد من شرجم او زاد مكسيري بشوي )

لغالية : مقلق مني

اكسيل : (ربت ليها على راسها) لا ممقلقش ، ديري لكمامة

لغالية : راها كتخنقني

اكسيل : لغالية ، عارفة راسك عندك لمناعة ضعيفة داكشي علاش ديري لكمامة غنتخالطو معا ناس

لغالية : (هزات لكمامة كادير فيها وكتبرݣم) قول لقيتيها سبة باش تغطيلي فمي

اكسيل : قلتي شي حاجة ؟

لغالية : نتا مغاديرهاش ؟

اكسيل : نسيت ديالتي

لغالية : احقا ماقلتيليش كي جيت زوينة ؟

اكسيل : (شاف فيها بهدوء او مد يديه ليديها هازها عندو وبايسها ليها ) نتي ديمة زوينة

لغالية : (طلعاتها لحمورية) فين انتغداو ؟

اكسيل : فين تبغي نتي ؟

لغالية : صراحة مكرهتش نمشيو لديك ريسطو لاش مشينا آخر مرة عجباتني مكلتهوم

يتبع