ملاك: (خرجت عينها بحال تشدت مع شي واحد ويمكن اكتر.. بلعت ريقها كتقلب شنو تقول وكفاش تقنعو راه الشوفة فعينو شارحة كولشي!!!)
جينا عند غيثة اليوم… حيت عاد سكنت هنا!!!
وفاء: (معجبهاش الموقف فين تحطت ملاك وعاد غيثة للي نفسها كيتسمع من هنا بحال كتجري العدو) مراد!!
غيثة: (بخوف كتشوف فيه ودغيا عينيها تغرغرو بدموع الشوفة فيه كتفشلها)
اورطيغا: (دخل عندهم كيدور فعينو.. بغات تمشي عندو ملاك) نتي بالظبط غتريحي ولا غنصمك مك
ملاك: خاصك تفهم
اورطيغا: غيثة دابا قادة تهضري؟!!
غيثة: (راه كولشي عرف وغيعرف غيعرف) أنا للي خديت طاتي حدا مرجان وادم كان بغا يقتلها
ملاك: (بعصبية) شرحي ازبل مزيان ماشي تلوحيها بحال شي قنبولة فوجهو!!! هانتا غير صبر وهي تفهمك
اورطيغا: خرجي نتي ت*** لدارك!!
ملاك: (مرضاااتش) مرااااد!!!
وفاء: هانتا خويا مراد هي تشرح ليك من اللول راه مدارتش هادشي غير تفهمك غتفهمها براسها هي غير مزط..
اورطيغا: وااافااااااا خليك بعيييدة على هادشي، راجلك خلاك فأمانتي اه ولكن هادشي بعدييييخ (شاف فغيثة) كفاش نتي؟! كفاش تقتلوها؟!!!
ملاك: نخرجو نهضرو برا حسن امراد
اورطيغا: (خنزر فيها) من اللول قلت ليك فيك عرق يهودي
ملاك: (استفزها) وراه بالصح فية!!
اورطيغا: (عصبااتو ملاك ماشي وقتها تم ماشي عند غيثة) مغتهضريش نتي!!!
غيثة: انا.. انا كنت.. مكنتش بغيت ندير هادشي ولا نوصل طاتي لهادشي هو للي بزز علية وهددني يقتل بابا ولا ماما ولا خويا وهي خديتها احدا مرجان عطاني باش نشللها شوكة باش ندݣها ليها ومنين مدرتش ضربها بتاك.. (جمع معاها بطرشة حتى دوخها بانت ليها ضباابة فعينها ودمعة طارت من عينها شدت فالحيط مفهمتش قوة هاد الطرشة!! دفعاتو ملاك)
ملاك: (بعصبية) مريييييض مكتشوفهاش حاملة!!!!!!
وفاء: (شدت غيثة حيت داخت) واش حماقيت امراد!!!!
اورطيغا: (شد ذراع ملاك مقسحها) سيري لداارك!!
ملاك: (مخرجة عينها فيه) كتعدا على بنت امراد؟! وحاملة ومقاداش تضارب معاك؟! كتعدا على بنت!!!!
اورطيغا: (هاد الساعة مكيبانلو لا حمل لا وبنت لا والو عقلو رجع لنهار الكسيدة وباغي يفهم كفاش غيثة للي عتابرها هي للي عتقات مو تكون هي سباب باش مو كانت غتموت!!!)
ملاك: (بقا كيغوت عليها وهي مقادراش حتى توقف وسادة فكرشها كتبكي وفمها غير سمحلي وقفت فالنص كدفعو) كنت غالطة فيك عمرني حسابلي كتستقوا على وحدة مقادراش حتى داافع على راسها!!! شنو وقع ليك امراد حضر عقلك راه الشيطان كيلعب بييك!!!
اورطيغا: دخلي سوق ***
ملاك: (مخرجة عينها) مندخلش!!!! نتا للي سير فحااالك حيت معصب مكتعرفش شنو كدير شنو فيها الا عطيتها فرصة تهضر تدافع على راسها فمها راه غير جيب يا كلمة وقووول!!! راه هي براسها مكانتش فوعيها فاش دارت هاكاك ونتا يدك غير سابقييينك تعلم تحااااااور
اورطيغا: (معجبوش الحال تكون ضدو وهي للي عارفاه كيف داير وشنو كان حاس!!!! شاف فغيثة)
كفاش عطاتك خاطرك تبغي تقتليها الق*** من ديما كانت دايراااك بحال بنتك!!!
غيثة: مبغييتش وا…والل (حست بالسخفة وكرشها قساحت)
وفاء: خويا مراد راه الحمل اصلا عندها قااسح غير صبر هي غتفهمك بشوية
اورطيغا: تمووووت ݣااع للي غلط تيخلص !!!
ملاك: مرااااد
اورطيغا: نتي بالظبط حسك ميتسمعش!!!
غيثة: (شدت تحت كرشها وغوتت حاسة بما هااابط منها) اااااااااااااااااااااه
اورطيغا: هضري ابنااادم وبراكة من تبوووحيط
غيثة: (كتبكي) غيخرج…. غيخرج!!!!!
اورطيغا: (ممتيقهاااش جا بغا يمشي عندها ووقفت ملاك فالوسط للي كتكره الحݣرة) كتحشي راسك بزااااف!!!
ملاك: مكنحملش الحݣرة امراد
اورطيغا: (بعصبية ووعروووق عنقو كيخرجو مع وجهو للي حماار) ومنين تحݣرت مي وكانو غيصفيوها ليها منين تافقو عليها رباااااعت الق**** ودوروووها وهي ماشية بنيتها!!! ولا غير نفاااااق منك (كيعيبها) بقات فية خالتي ونتي مخبعة عندك الكلبة للي كانت سبابها!!! من اللول شكيت وقلت لااااا مديرهاش هادييييك جمتي دياااالي مغتخبيش عندها الق***
ملاك: خفت عليك!!!
اورطيغا: موموووو يانا باش تخااااافي!!!!!!!
وفاء: اويلي واش غتولدي دابا؟!!!!
ملاك: حيت انا فهمتها حتى انا تظلمت بحالها وتظل…
اورطيغا: للي تيتظلم متيعاونش للي ظاالم وغتحايدي ولا نخلطك معاها
ملاك: قييس الا سميييتك (شدها من فكها مزير عليها) طللللق!!!! طلق !!!
اورطيغا: اوا سدي هاد **** وخليني راجل معاك !!!
ملاك: (جاتها لبكية) طلق مني!!! (غيثة كتزيد تغوت جات المساعدة كتعاونها توقف حتى كيشوفو الارض منقطة)
المساعدة: راه تتولد!!!!
وفاء: مرااااد اجي عاونااا (شاف فيهم بحقد كاملين طلق من ملاك للي كتشوف فيه بغضب كبير وعينيها مدمعين دفعااتو بكل قوتها متحركش ومشات عند لبنت للي كتبكي وتعصر خلعهم منين ركل لباب برجلو وهبط كيسب ويتحلف!!!….)
شكون يعاوناا؟؟!!!!
ملاك: (بقهرة) قادين بريوووسنا!!!!
يوسف: (كان فرحان بزااف بهاد الخبر نيشان خرجو تغداو واخا كيلقى البرود من عند خديجة دازو خداو لبيسة ديال لبنيتات غير باش يخلق الجو معاها ويبين اهتمامو وفرحتو) واش مفرحاناش حيت عندنا بنيتة!!!!
خديجة: (كانت فرحانة ولكن مكتبينش باش يفهم شحال هي مقلقة) فرحانة
يوسف: مبانلييش.. خديجة قلت ليك غنبداو صفحة جديدة وكنت تنعنيها متنكذبش عليك!!
خديجة: (حركت راسها بلا) ديما غتبقى تابعنا صاحبتك لقديمة غيجي نهار وغتبقى علينا ولدي ما ولدي وعاود نتخاصمو هي اصلا باينة عطاتنا سليمان على منولفووه وترجع ناخدو وهنا غتلوي ليك يدك
يوسف: تتشوفيني ولد صغير!! قضية الحضانة مسألة وقت انا خدام عليه
خديجة: غتحايد ليها ولدها؟!!
يوسف: علاش ماشي هي للي سمحت فيه؟! كانت غتعاملو بحالك مثلا!!
خديجة: كتبقى مو هي باغية تنتاقم منك متعاقبهاش بولدها
يوسف: علاش غتنتاقم مني شنو درت ليها فملك الله!! حيت كنت بغيت نتزوجها؟!
خديجة: انا معارفاش شنو كان بيناتكم ولكن تحرم سليمان من مو الحقيقية ؟! منتافقش معاك فيها
يوسف: انا غنحرمها هي ماشي هو.. نهار يبغيها ويبغي يشوفها مغنوقفش فطريقو ولكن باش ديرنا الشونطاج بيه هاكا!! لا حقا عطيهلي حقا هاكوه (حرك راسو بلا) لا هنا الولد مغيفهم والو وغادي غير يتعقد!!
الولد خاصو عملية اخديجة باش يقدر يتختن وهي مكلفتش راسها حتى تقولي الحالة الصحية ديالو يعني وكان ممرضش داك نهار مكناش غنعرفو مثلا وكان خديتو يتختن درت ليه ختانة تقليدية ماشي طبيب عرفتي شنو كان غيوقع ليه!!!
خديجة: شنو!!
يوسف: بزااف دلحوايج خايبين الله يستر أولها العقم
خديجة: الله يستر
يوسف: تنعرفها اخديجة هي ماشي شي أم للي مسؤوولة لوكان ساومتها بالفلوس كانت غتختار الفلوس
خديجة: معرفتش
يوسف: خديجة نتي نساي هاد المشاكل انا قاد بيهم انا بغيت راحتك فكري فالغزاالة للي غتنور حياتنا ان شاء الله
خديجة: (كتشوف فيه مزال فيها متلومو على الاهمال للي دار ليها هاد شهوورة)
يوسف: (شد يدها) عفاك احبيبة تيقي بية انا براكة علية غير هاد اللمة معاكم ولكن نتي ترجعي كما كنتي معايا من قبل (صونات المساعدة للي مخليها مع غيثة قطع الصوت مكمل حديثو)
خديجة واش تفاهمنا!!!!
خديجة: عطيني وقت باش نتيقك
يوسف: خودي الوقت للي بغيتي غير مطوليش.. شنو باغيا تسميها؟!!!!
اورطيغا: (مشا شد طريق عند مو خاصهم يفهمووه حيت فهم انه الوحيد للي معارف والو عكس للي ضايرين بيه وللي مرضو فراسو كتر هو ملاك للي حسابلو معاه ومعارفة والو صدقت هي للي مخبعاها وعاد كتدافع عليه بحضورو ومسمعاه كلام على الرجولة من الفوق!!!.. صونا على يوسف يتفاهم معاه وقف الطموبيل ورجع كيصوني عليه مبغاش يهجم عليه فدارو مجاوبش!!)
~~~~~~~~~~~~
ملاك: (خرجت قلبت عليه بعينين دامعين مكاينش لا هو لا طموبيلتو تقهرت منو بزاااف عارفاه معصب ولكن ردة فعل ديالو كانت قاسحة بزااااف بالنسبة ليها..
صاݣت طموبيلتها باش تقربها لحدا لباب وطلعت كتجري لقاو غيثة سخفت زادو خافو عليها كتر هي عندها 7 شهور ماشي حتى موعد الولادة وعاد معرفو ميديرو وزادت كملت عليهم فاش سخفت كيحسو بيها مبقاتش حتى كتنفس وطرشة ديال مراد مزال مرسوومة على حنكها)
وفاء: خاص للي يهزها نخاف نطيحوها فدرووج
ملاك: (دايرة التيليفون فودنها كتصوني على يوسف وخديجة للي تافقو يديرو تيليفونتاهم صيلونص يحلو المشكل للي عندهم)
حتى واحد مكيجاوب
(صونات على اورطيغا عاود الا كان قريب مكيجاوبش خلا تيليفونو فالطموبيل وخرج كيكمي..)
واش باقية كتنفس؟!!!
وفاء: (مقربة صبعها حدا نيفها) اه عيطي للوقاية معندنا حتى حل أخر
ملاك: (سمعت تيليفون غيثة كيصوني مشات شافت لقات حمزة جاوبت)
حمزة نتا قريب؟!
حمزة: ملاك!! علاش شنو واقع؟!
ملاك: تقدر تجي لدار غيثة راه سخفت يمكن كتولد ولا معرفت وخاص نديوها لصبيطار داابا
حمزة: انا قريب قطعي.. (كان غير تماك شي 5 دقايق طلع عندهم لدارها ملاك مقالتش ليه العنوان يعني ديجا عارف دار غيثو هزها بلا كترة الهضرة ولا التسوال)
وفاء: علاش خوها مكيجاوبش؟!
ملاك: (معصبة بزاف) معرفتش!!! (مشاو معاها بتلاتة ملاك شدت نمرة الغالية من المساعدة صيفطات ليها ميساج باش يعرفو فين يديوها صونات عليها)
الغالية: (بخوف) فااااينكم دابا؟!!
ملاك: حنا فطريق معرفتش فين نديوها بالظبط واش .C.H.U ولا لشي كلينيك كتمشيو ليه؟!
الغالية: مسيكينة بنتي لحبيبة!!! شوف سير لكلينيك***** انا ماجية عندكم دااابا…
ملاك: (عطات العنوان لحمزة للي جالسة حداه وصاݣ بالزربة تكات على الزاج ديال الباب وعقلها غير مع اورطيغا..)
أمينة: (وصل عندها للرياض دق فلبيت كان الحاج ياله كيوجد نعاسو منين شافو جاي هكاك خلاهم يتحدثو ومشا للبيت لاخر.. مع سد لباب بدا كيعرعر ويغوت وهي مستحملة ديك العصبية ديالو وغير كتشوف فيه)
كملت؟!!!!
اورطيغا: تَتْمَرَݣْنِي علية!!!
أمينة: شنو غيطرا دابا؟!!
اورطيغا: نعرف!! ماشي كولشي عارف وانا فدار غفلون ديك ل.. لكلبة شنو دارت ليك؟؟
أمينة: ياك دارت لي انا ودخل سوق راسك
اورطيغا: دورتوني دابا!!!!!!
أمينة: اولدي نعل الشيطان راه لبنت مكانت بغات ديرلي والو منين وصلت عندها سرسبت لية كولشي وقالت ها شنو كاين وها شنو كاين كما نتا محروق علية حتى هي كان ولد لحرام كيهددها بوااليديها وخوتها
اورطيغا: وااااا يموتو جملة ݣاع وانا مالي
أمينة: محدك معصب مغتفهم والو
اورطيغا: دابا تمشي معايا لعند لبوليس الا مبغيتيش ندير شي كارثة فيها
أمينة: نشكي بلبنت؟!!
اورطيغا: والكلب للي معاها
أمينة: لا ولدي زعما غيثة راه بحال ختك كبرت حدا عينك شنو هاد لقسوحية ماشي ديااالك
اورطيغا: لقسوحية هي فاش كنت غنجلس بوحدي بلا بيك ديك الساع شنو كنت غندير نتي تمشي لقبر وانا الحبس
أمينة: الله يرضي عليك اولدي يكون قلبك سمييييييح
اورطيغا: لاااااا وعاد لمرا للي معول عليها هي للي مخبعاها
أمينة: هي بقات فيها كما بقات فينا حنا كاملين بلا متدور عليها!!!
اورطيغا: كنتي عارفة حتى نتي فين كانت!!!!!!!
أمينة: (بقات كتشوف فيه) خلي بنت الناس بعيدة على هادشي متشركش شي فشي هي خبعتها فدارها وكانو خايفين تعرف غير باش مديرش شي حاجة للي ندمو عليها
اورطيغا: فدارها!!!!! (عاد فهم هي لبنت للي كذبت عليه فيها!!! زاد تجنن كان حداه كرسي ضربو حتى لسقو مع الحيط خرج معصب تبعاتو مو لحدا باب بيتها غير فاتو مولاتش عيطت ليه باش حتى واحد ميعرف شنو كاين مشات كتعرج لنموسيتها هزت تيليفونها صونات على ملاك مجاوبتهاش…
اما هو خرج وعينيه مظلمين عندو فلاش كيتعاود فراسو هو يخرج طبيب ويقولو مك ماتت علاش حتى واحد مفهم هاد الغضب لي عايش فيه اكتر جوج دالناس كيبغيهم مفهموووووهش….)
حمزة: (كيشوف فلمرايا غيثة كيتفكر أميمة نهار حتاجتو باش تولد ملقاتوش حتى ولدوها والولد مات عاد عرف تحسر على موت ولدو ومن ديما كيلوم راسو انه كان سبااب وفاة ولدو… لبنات لبنات كيحاولو يفبقووها) غنقرب نوصل غتنزلو
وفاء: علاش؟ خاص راه نبقاو معاها؟!!
حمزة: (شاف فملاك) ملاك حنا مزال قضيتنا فالمحكمة لبنت معايا متخافيش عليها ولكن الا الله يستر كتابت شي حاجة اخرى متبانيش نتي خليني انا نحطها تماك نتوما الا بغيتو لحقو عليها مهم متبانيش فالصورة
ملاك: (بخوف) تموت زعما؟!! (صوتها رجف) لا لا لا متقولهاش احمزة (شافت فغيثة للي كيحاولو يفيقوها والو دارو كما قال وهو مشا المستعجلات ملاك عاودت صونات على الغالية لقاتها جاية فطريق تسناوها ورجعو كيصونيو على يوسف)
مال هاد زبووولة مكيجاوبوش حتى هوما ؟؟؟
وفاء: يكونو كيتصالحو!!! متنسايش حتى ختك دايزة عليها
ملاك: (مشات زربت دخلت لقاو غيثة دخلوها وحمزة واقف كيهضر فالريسبشن خدات من يدو سوارت طموبيلتو)
نمشي عند خوها نجيبو ميمكنش ميكونش هنا!!
(حرك راسو بأه خرجت كتزرب علمت وفاء ومشات ركبت فطموبيلة دحمزة ماشية لدار يوسف وخديجة خاص كولشي يحضر مخاصش يتعاود نفس الخطأ…)
~~~~~~~~~~~~~~
اورطيغا: (متوجه لعند دار يوسف يمكن هو يقنعو كتر ميرجعش عند غيثة يسلخها خاص شي واحد يهضر.. وصل كيكلاكصوني على شي طموبيل شادة طريق معمراها طل براسو وهي تنزل ملاك منها ملقاااتش فين تحط الطموبيل وخافت تحطها بعيدة وتجي برجليها للعمارة راه كانت مور 12 دالليل رجع تحقق من الطموبيل عارفها ديال حمزة غير من اللون ولا منين غتجيها طموبيل بحال شكل ديالو؟!!)
ملااااك!!!
ملاك: (ضارت تشوف شكون هاد الطموبيل غير تفهمو شنو كاين الا بغا يرجع يمشي من طريق لوخرا لقات طموبيلتو مباينش مع ظلام ولكن حست غيكون هو بلعت ريقها ومشات جيهتو مغوبشة كيوضاح ويبان ليها، ربعت يدها) نتا!!
اورطيغا: (نزل زادح باب الطموبيل حتى تهزت هي) شنو تديري فطموبيلتو ؟!!
ملاك: (عاد نتابهت) خليتي البنت كتموت؟!!!! شنو هادشي ديالك امراد؟!!!! مشيت ومخليتناش حتى نفهموك!!
اورطيغا: (بعصبية) شنو تديري فطووووموووبيلتووووو؟!!!!!
ملاك: متغوتش!!! جيت بالزربة هنا نعلم يوسف ختو راه كتموت نتا خليتها فحالو خايبة ملقيناش شكون يعاونا جا هو عاونا
اورطيغا: (بقا مخنزر فيها) مكاين غير ***** على خوه!!!
(كمش يدو فوجهها مبعدها من طريقو دافعها جات تدفع ولا دير اي حاجة لقاتو طلع فطموبيلتو)
ملاك: (مقدرتش تخرج حمار من فمها بقات غير مخنزرة زاد فطريق ناجر طموبيلة دحمزة ومطير ليه لمرايا وكسيرا غلبوها دموعها لفين وصلت علاقتها معاه هاد الليلة دغيا كولشي تقلب مسحت على وجهها ومشات عند السيكيوريتي يحل ليها لباب وهي مقهورة مفقوسة من اورطيغا وصلت لباب دارهم وبقات كدق بالجهد حتى حل يوسف لباب)
علاش مكتجاااوبش!!! (عينيها عامرين دموووع)
يوسف: شنو كاين!!
ملاك: ختك!!! غيثة كتولد وسخفت..
الغالية: (بقات كتبكي ووفاء كتصبرها حيت دخلو غيثة دير سيزاريان اما حمزة واقف تماك حتى هو كيتسنى اخبار زوينة على غيثة وولدها بقات فيه حيت عاودات ليه بزاااف على شنو داز عليها كاين شي حوايج متافق معاها فيهم وجاتو مظلومة وشي مواقف كانت فيهم طائشة بزاف وكان باين ليها الغلط من الصح غير هي تعامات ولكن عمرو قال ليها نتي للي درتيها راسك ولا حكم عليها حيت داكشي داز وفات… بقا كيدعي معاها ومع ولدها من نيتو مبغاهاش تعيش ديك التجربة ديال موت ولدها من مور هاد المعاناة كاملة للي دوزت!!
عارف هداك الاحساس شحال بشع قاااسح كيبقى ملازمك حياتك كامل اكترية الا كانت عندك يد فموتو وهي هاد المدة كاملة كانت كتلوم راسها انها كانت عارفة راسها حاملة وخدات لادروݣ فاللول وحاولت تجهض ما مرة ما ما جوووج!! خرج من تماك وبقا برا حتى كيشوف ملاك جاية ومن موراها طموبيل وقفت وخرجت عندو كانت باينة صفرااا)
حمزة: بشوية عليك هي مزال لداخل فالعملية
يوسف: (سد الطموبيل جاي بالزربة) شنو دارت؟!
حمزة: مزال فالعملية (دخل كيجري شاف طموبيلتو منجورة)
ملاك: سمحلي انا غدا نصلحها ليك
حمزة: ياك نتي بيخير!!!
ملاك: (طرطقت كتبكي وكتحرك راسها بلا دارت يدها على وجهها ومقدرتش تحبس لبكى كانت حزينة بزااف مصدومة من مراد وتعاملو وبقا فيها الحال على شنو دار لغيثة وحتى عليه هو وكفاش كان كيهضر وباينة فيه محروووق)
حمزة: ان شاء الله يكون خير متخافيش عليها
ملاك: (عطاها كلنكس مسحت وجهها وحركت راسها باه)
شكرا عذبنااك.. مكانش كيحسابلي درتي عقلك (تبسم) انا ندخل
حمزة: تبغي نوصلك للدار؟!
ملاك: (حركت راسها بلا) حتى نعرفها بقات مزيان.. بعدا عائلتها راه جاوو
حمزة: غيكون حتى داك الكلب هنا طموبيل كليو من قبيلة كتجي وكتمشي
ملاك: (توݣضت) بالصح؟! علاش شنو يكون باغي منها؟! ياكما يسرق ليها ولدها!!! وباش عرفنا اصلا هنا
حمزة: على للي قالتلي غيثة هو معارفش بحملها اصلا وغيمون تبع مها
ملاك: يمكن معارفش!! معرفتش هاد تخربيق فين غيوصل عقلي مبغاش يستوعب واحد داير الحريقة فينا كاملين ومقادرينش نوصلو ليه وكان كان فلم كان غيكون الحل!! واش مصالحش نعيطو البوليس؟!!
حمزة: مكاين حتى دليل عليه… ملاك نطلب منك حاجة ديريها
ملاك: ااااه
حمزة: بعدي من هادشي براكة المشاكل لي عندك نعرفك تدخلتي غنعيط لعمي رشيد وغنقولو كولشي ونتي عارفاه غيجي ياخدك بالسيف هو ماماك.. بعدي من هادشي!!! (حركت راسها باه هو زاد شوية القدام وهي دخلت لداخل تسنى حدااهم…)
اورطيغا: (كان بقا فراس الشارع حتى دازت ملاك بالطموبيل تبعها من لبعيد مشات المصحة بقا موقف طموبيلتو فوسط الشارع غير كيشوووف.. عوج طريق ومشا عند شريف كان غينفاجر ݣارو من ݣارو كيعاود غير يتحلف ويسب وصل عندو مع حل لباب بدا عليه بالتسواال….)
كنت عارف حتى نتا؟!!!
شريف: الا تسمع شنو عارف انا باش نعرف نفهمك!!
اورطيغا: كنت انا هو الطرنوون وسط منكم ياااك اشريف!!
شريف: واش عارف شنو داز عليها راه كانو كيجمعوها من الزنقة وهي مدروݣية
اورطيغا: هادشي مشغلي فهاد الدييسك!! واش تتفهم شنو هي برعوشة دلخلا تدي مك للموت برجليها غي حيت تاقت فيها!!!
شريف: متنقولكش غيثة مغالطاااش ولكن الحمد لله لالة أمينة بيخير
اورطيغا: واش نت**** علية!! اواا لوكان ماتت!!!
شريف: شوف المزيان اصاااحبي وحمدلله بقات حية حيت ربي هو للي مكتب كولشي (تم نايض يخرج وهو يوقف) غير سمع اصاحبي
اورطيغا: اش غنسمع ولا *****
شريف: جلس غير نفهمك ياك باغي تفهم
اورطيغا: غرجع ليها هي!! (تبعو شريف مبغاش يخليه بوحدو متيقش ملاك فاش قالت راها كتموت حتى وتبعها شافها مشات لطبيب قالت تكون تفششت عليهم حيت عارف غيثة كيف دايرة!!! وقال غيكونو رجعو مشا للدار دق محلوش لباب بقا كيدق بالجهد)
شريف: راه باين مكاينينش اصاحبي
اورطيغا: (هبطو من تماك مو غير كتصوني جاوب) نعام نعام
شريف: (هز ليه التيليفون من ودنو جاوبها) …صافي الالة أمينة انا نجيبو دابا.. كوني هانية.. (قطع)
بغاتك لالة أمينة (جا يهضر) راك خليتها مريضة (هادي نقطة ضعفو مشا شريف صايݣ وهو صااقر زاعف من كولشي ولكن من ملاك كتر!!)
~~~~~~~~~~~~~
ادم: (كيهضر فالتيليفون) بقا تماك حتى تعرف علاش!!
….: كولشي تجمع هنا والفررصة جاتك لبين يدك باباها بوحدو فالدار وحتى مرت خوه بقات بوحدها
ادم: (بقا كيفكر) بغيت نعرف بعدا علاش غيثة فصبيطار!
….: مبغيتش ندخل نبان
ادم: انا غنصيفط للي يبان نتا غير بقا حاضي باش هاد المرة متفلفتش من تحت عينينا!!!
حمزة: (طلع لطموبيلتو صونا على ليلا فداك الليل عرف انها فدارهم عادي مكاين والو يعني للي كيجي يرااقب ماشي هي كما كان متوقع.. خرج من الطموبيل مشا دخل لقا كولشي واقف على أعصابو توجه لعند يوسف)
خاصني للي يحضي واحد خينا
يوسف: (متوتر ومفهموش) شنو!!
حمزة: شكيت داك ادم مصيفط شي واحد هنا طموبيل من قبيلة كتمشي وتجي منين جات مك تقريبا
يوسف: (مفهمش هدا اصلا اش دخلو فهادشي!!)
حمزة: انا مباغيش نتورق الا كان شي واحد ثقة يحضي هداك للي برا
يوسف: ونتا شنو مستافد!!
حمزة: بّا مات بسباب هاد لكلب هادشي كافي!!
يوسف: (بقا غير كيشوف صونا على شريف مجاوبش رجع كيصوني عليه)
شريف: (كان وصل اورطيغا لعند مو وهو طلع لسطح) فينكم اصاحبي راه خليتوه صااعر؟!!!
يوسف: شكون؟!
شريف: اورطيغا راه فراسو لبلان واش مفخباركش؟!
يوسف: لا!!!! جبنا غيثة راها فالعمليات اشريف وداك الكلب مصيفط كلابو دايرين النوبة عليها حاضيينها خاصك تجي تحضيه تعرفو فين غيمشي
حمزة: عارفو فين ساكن!!
يوسف: (شاف فحمزة للي باين جدي)
حمزة: خاصكم تحضيو علاش هوما هنا باش تلقاو عليهم دليل تما الا تبعتوه لدارو معندكم مغديرو ليه وتصدقو نتوما لي ظالمين!!
شريف: شكون هدا؟!
يوسف: من بعد، اجي نتا تكلف اشريف
شريف: وهدا شنو ندير معاه؟!!
يوسف: فينكم نتوما جيبولي هنا انا نهضر معاه يمكن يشوف حالتها يبرد
شريف: مباليش حالة يبرد مهم هو عند مو انا غنجي عندك واش راكم ف*****
يوسف: اه (خرجت عندهم طبيب علمتهم غيثة ولداات وليد ولكن على 7 شهور حالتها مزيانة حاليا والولد ضروري يدخل للقرعة ويكون تحت العناية الغالية طارت عند بنتها تدخل عندها يوسف مشا يقاد الإجراءات ويخلص كيتسنى شريف وحمزة غير حاضي)
حمزة: نوصلكم؟؟
ملاك: (بعياء كبييييييير) غنشدو تاكسي غير بلا منعذبووك
حمزة: (حرك راسو باه خرج معاهم برا يشدو تاكسي وهو رجع لطموبيلتو وهوما مشاو للحومة..)
أمينة: (عاودت ليه كولشي للي عارفة هي) ….داك نهار دار لمها شي حاجة فالقهوة، ومنين وصلت انا عندما عاودت لية كولشي مقدرت دير والو يعني حطت حياة مها مع حياتي
اورطيغا: علاش متجيش عندي!!
أمينة: واش هي ممشاتش حتى عند خوها راه فقاع دارهم كان داير فيها مبغا ومقدرت لا تهضر لا تزعززع ونتاا كتݣول تجي عندك!!
اورطيغا: اوا وكان وقعت ليك شي حاجة
أمينة: مربيتكش تكون قاسح مع الناس ياك شريف بفمو ݣالك راها فصبيطار وعاد حالتها كيف ولات وغير هاربة وطاجة
اورطيغا: انا للي تيهمني هو نتي
أمينة: انا اولدي بيخير وربي معانا ها هو شحال يخطط ويفصل وربي كان معايا
اورطيغا: (عينيه خارجين)
أمينة: نعل داك الشيطان وخزيه اولدي هادشي دابا معندو باش يفيد متزيدش عليها حتى نتا ربي راه كيشوف متكونش حتى نتا ظاالم
اورطيغا: (حرك راسو بلا) كان خاصكم تقولولي
امينة: حيت كنت معمي حتى واحد مقدر يهضر معاك ها نتا شوف شنو درت!!
اورطيغا: اش درت!!! ( غير جالس كيخمم كيفكر فشنو داز ويشركو مع شنو كان عارف) تنكره لكذوووب!!!
أمينة: الله يرضي عليك اولدي نسا عليك هادشي
اورطيغا: وعلاش هادشي كامل
أمينة: وشكون عرف اولدي الله يرضي عليك خليك بعيد على هادشي انا راضية عليك دنيا وااااخرة اولدي بعد من هادشي!!
اورطيغا: راه خاص نعرفو علاش خاص الكلب يتشد هاد المرة تزݣلتي المرة جاية علامن غيكون الدور!!!!
أمينة: واش هو يقدر يعاود يطوف بساحتنا
اورطيغا: للي دارها مرة وهرب يديرها ميات مرة!! (بقاو كيهضرو مخلاتوش يتحرك من حداها فرشات ليه فسداري تماك واخا نعست بقا بالها معاها وحبساتو فبيتها والحاج خلاهم على خاطرهم هاد الليلة…)
ملاك: (فدارها ناعسة فنموسيتها ووفاء مفرشة فوق الفوتوي بقاو مجمعين) …بقا فية الحال بزااف
وفاء: متديش عليه منين كيكون معصب مكيعرفش شنو كيقول راه حس بينا بحال غدرناه زعما منين خبينا عليه
ملاك: يمشي ي*** اشمن غدر!!!! يضربني!!!
وفاء: مضربكش!!
ملاك: وفاش دفعني!! (جاتها لبكية) انا كنت خفت عليه شوفي شنو دار لبنت بسبابو كانت غتموت لا هي لا للي فكرشها كان غيهزها على رقبتو حياتو كاملة
وفاء: وااافهمتك ولكن حتى نتي متحكريش
ملاك: مشفتيش كفاش دفعني وعاود وطرشني؟؟
وفاء: طرشك!!
ملاك: بحال طرشني نيييت راه هاكا غتكون نيتو وعاد تخسار الهضرة منويتهاش فيه فمرة عمرني نسمح ليه
وفاء: خليه يبرد عاد هضرو
ملاك: (تكات على وسادتها مقجووجة مقادراش تهضر هي خبات عليه حيت خافت عليه وهو خاصو يفهمها ولكن باش يحݣر على غيثة وهي فهاد الوضعية محملاتوش!!!)
علم الله فين يكون دابا
وفاء: معرفت.. (جاها نعاس وهي تسد عينها عكس ملاك للي قلبها ضااارها وكيتعاود السيناريو للي داز هاد الليلة فراسها!!)
~~~~~~~~~~~~~
غيثة: (كانت مزال مفاقت من البنج ولكن صحتها مزيان مشاو شافو لبيبي فالقرعة طمئنو عليه ورجعو جلسو برا)
الغالية: شنو غنديرو اولدي دابا راه ميمكنش نقولو راه ولد غيثة حتى واحد مغيخليها بكلامو بين ليلة ونهار غيثة ولدت وانا للي كنت تنقول غيثة مشات دير سطاج باش تحل المشروع ديالها!!!
يوسف: هي تتقول تكرفس عليها راه ماشي بيدها
الغالية: واخا هكاك اولدي غيبقاو تابعينها بكلامهم المسموم وهي غادي غير تمرض شوف غير فاش مداهاش فيها داك صاحبك شنو دارت فراسها عاد منين تبقى الهضرة تابعها
يوسف: وعاود ميمكنش نديها للدار خديجة صعيبة عليها تقابلها
الغالية: كاين حل واحد نقولو نتوما فاش تعطلتو فالحمالة تبنيتو وليد..
يوسف: لا لا لا منعاودش ندخل خديجة فهادشي خليها بعدا تفيق والولد يبرا ونشوفو الحل
الغالية: وباك؟!
يوسف: (زفر) يحلها مولانا!!!
شريف: (جا عند حمزة للي بقاو حاضيين للي حاضي) منين عارف فين كاين راه ساهل الحال!!
حمزة: بأشمن دليل؟!
شريف: غيثة غتعتارف عليه
حمزة: هي قالتلي مكيخلي حتى شي دليل من موراه بلعكس ديما صورتو كان كيخليها مقادة عكسها هي زيد اي بلاصة داير عليها حجة انها ماشي فوعيها وكتدروݣا
شريف: (استغرب من كمية المعلومات للي عارف على غيثة يعني عاودت ليه كولشي) اوا هاكا عمرو يتشد!!
حمزة: خاصو يتحرك شي حد يتستافزو باش يتشد اما هاكا خليه هو حاضي وحنا حاضيين ونشوفو شنو غيدير
شريف: تتعاون غيثة ؟!
حمزة: وحتى راسي راه كان داير يد مع مرتي باش انا ضعت فخدمتي والواليد مات
شريف: ونتا فين تتعرفو؟!
حمزة: معمرني حتى شفتو!! حتى انا غير جيت فطريق
شريف: لا حول ولا قوه الا بالله العلي العظيم كفاش مات الاب ديالك؟!
حمزة: دارلي شوهة لي مقدرش عليها ومات قبل حتى متبان البراءة ديالي
شريف: ولد لحرام !!!
حمزة: ولد **** هداك…. شو خاصك تشوف شي واحد ثقة ويكون نزق كريه دور معاه مهم يكون مسااالي 24 ساعة على 24 ساعة ويحضي هاد خينا حيت نتا وجهك باين ومعروف عندو!! خاصنا نعرفوا شكون دخل وشكون خرج فين كيمشي شنو كيجي عندو للدار كولشي تعرفوه عليه هو راه بان فالمحضر ولكن لبنت كتأكد معارفاش سمية وحتى وجهو ممتأكداش منو حيت شافتو غير فظلام
شريف: اه هضرت مع واحد خينا حتى لصباح ويبان
حمزة: (حرك راسو باه.. دخل لداخل مشا قصدهم) كيف بقات غيثة؟!
الغالية؛ شكون اسيدي نتا للي تتسول؟!!
يوسف: هدا لي جابها بوليسي تيعاونا
الغالية: (عوجت فمها منين قالها بوليسي وقلبت وجهها حمزة طلعها وهبطها)
حمزة: مهم انا غدا رجع نشوفها
الغالية: وبصيفتك اش؟!! واش هاد الحمقة مبغاتش دير عقلها خلاص!!
حمزة: (معندو خاطر لهاد تخربيق!! راه ديجا غيثة عاودات ليه عليها!! مشا وخلاهم براسو رجع عصبي ومعندوش مع هاد الاشكال)
يوسف: السيد مبيناتهم والو حتى هو تيعاون وبسباب داك ادم خرج من خدمتو وباه مات حيت دارلو فضيحة ولي جامعهم غيثة كانت تتعطيه اي حاجة لي تسهل عليه يتشد داك الكلب..
الغالية: خياااار… (بقاو كيتسنااو وخديجة كتهضر معاه فالتيليفون كتسول على غيثة مصلاحش تخرج على حساب سليمان)
تصالحتو؟!
يوسف: هاحنا
الغالية: وانا متصالحنيش؟!!!
يوسف: تقادي معاهم بجوج وعفاك الوالدة متسمعيش شي كلام لغيثة خليها فالتيقار
الغالية: راه بنتي الا قلت شي حاجة غير من خوفي عليها
يوسف: بلاش داك الخوف حيت غير تتزيدي ما عليييها!!! وهادشي للي قلت ليك على هاد السيد ميخرجش برا
الغالية: انا شوفلي غير شي حل باش ختك متبقاش تابعاها هضرة بنادم وصاافي…
اصبحنا واصبح الملك لله..
اورطيغا: (مع تزعزع باش يفيق ناضت مو) باسم الله عليييك!!
أمينة: فين ماشي؟!
اورطيغا: سبحان الله اشريفة راه تابعني الخدمة!!! ولا حتى هي متخلينيش نمشي ليها!!
أمينة: الخدمة ولا ماشي عند لبنت؟!
اورطيغا: مبقى عندي حد نمشيلو من غير جيبي للي تابعني نعمرو هاد الساعة
أمينة: هكاك نبغيك الله يرضي على ولدي صفي خاااطرك
اورطيغا: اممم.. (مسح على وجهو هز من فوق الطابلة ساعتو دارها فيدو وتيليفونو وسوارتو)
أمينة: حقا راني هضرت مع سي رشيد
اورطيغا: (مشا باس يدها) مزروب شوية (خرج مخلاهاش حتى تكمل كلامها بقات مستغربة ولكن عارفاه دابا معصب)
أمينة: الحمدلله منين جات غير على هاكا وبعد من لبنت!!!
اورطيغا: (ركب فطموبيلتو نيشان مشا لبن سودة تماك عاد توضى صلا لبس حوايج الخدمة ودخل يخدم يفرغ كولشي فذبيييحة..)
~~~~~~~~~~~~~~
غيثة: (جاراها مها بالكرسي المتحرك طلعو فالمصعد) مسكين صغيييييييور ياكما انا للي آذيتو اماما؟!؟
الغالية: وفرحانة بيه؟!
غيثة: هو ملايكة علاش غنكرهو؟!
الغالية: باااز!! (تحل باب المصعد ودخلو الشومبر) خاص نعطيوه لشي عائلة يربيوه ونتي شوفي حياااتك كملي فالمشرووع ديالك ورجعي كما كنتي ولكن كولشي تحت عينينا
غيثة: (بصدمة) وا..
حمزة: (كان تماك كيتسناها سمعهم فأخر جملة وبقا كيشوف) غيثة صاڤا!!
غيثة: (مها صدمتها وخافت يكون قرار بالاجماع باش يسترو الفضيحة ولكن هي مساخياش بيه ومقادراش تواجههم راه هي المجرمة والظالمة فهادشي كامل)
الغالية: الا تتسول على يوسف مكاينش عاد مشا لدارو
حمزة: (مسوقش ليها) غيثة!!!!
غيثة: (سالو دموعها وهي كتشوف فيه ورجعت شافت فمها) مغنعطيش ولدي واخا نعرف نخرج نسعى بيه والله منسمح فيه!!
الغالية: سكتي دابا ماشي وقت هاد الهضرة
حمزة: (بقات فيه وهي كتبكي مشا عندها) نعاونك؟! خاصك الراحة دابا!!
غيثة: (مسحت وجهها مقتانعة بكلامها ولدها متسمحش بيه من غير الا قتلوها مدت يدها عاونها توقف ولكن مقدرتش حنا هزها وهي كتعاني من الألم كرشها مزال منفوخة وعاد الجرحة والدوخة للي فيها حطها بشوية وهي شادة فيدها سيروم ديالها حطها علقو فعلاقة السيروم وغطاها)
حمزة: ختي غيثة ردي البال لراسك راه صحتك هي اللولة!! انا غنمشي دابا من بعد ونرجع عندك..
خديجة: (قدات ليها الصوبا وخرجت هي ويوسف شرات ليها ݣاع لحويجات للي تحتاج وعاد مشات عندها لقات الغالية تماك جالسة فالفوتوي معوجة راسها ناااعسة لكثرة لعيا وغيثة حالة عينها فسقف باين عليها التعب)
يوسف خودها للدار ويبقى سليمان معاها شوية على منمشي انا..
(شافت فغيثة للي كتشوف غير فسقف) غيثة مالكي؟
يوسف: (مشا فيق مو) الوالدة!!
غيثة: هم!! والو والو..
يوسف: (خدا مو للدار وخديجة عاونت غيثة تلبسها حوايج جداد)
خديجة: تنفستي ولا مزال؟!
غيثة: مزال!! خديجة واش بالصح غيعطيو ولدي لشي عائلة تربيه!!
خديجة: شكون قالك هادشي؟!
غيثة: ماما قالتلي خاص نعطيوه لشي عائلة زعما على حساب الفضيحة وانا مصالحش نربيه حيت ممزوجاش وبابا غيمرض
خديجة: ونتي شنو باغية؟!
غيثة: نموت ومنعطيييهش واخا نضرب عليه الجفاف فديور عباد الله صافي انا باغياه هو دياااالي انا علاش ياخدوه مني
خديجة: وعائلتك؟! وباباك؟!
غيثة: صافي كتابت علية هو شنو ذنبو يعيش بلا بية ونعيش بلا بيه بابا خاصو يعرف حتى هو مغنزيدش ندير غلط بواحد كتر منو
خديجة: في حيت كتخافو عليه
غيثة: اه تنخاف عليه ولكن تنخاف دابا حتى على ولدي عرفتي مسيكين غير لحييييمة صغيييور هو تيتقاتل باش يعيش معايا وانا نوض لوحو!! منقدرش واخا نعرف نموووت نخرج نطلب عليه الا بغاو يسخطو علية غير يسخطو وهو مغنسمحش فيه
خديجة: (عجبتها) انا معاك واخا نعرف نطلق ونخرج نسعاو انا وياك وولادنا ههه غندخلو صرف صحييييح
غيثة: ههه ندمت فاش كنت بغيت نقتلو فاللول هبطي شوفيه زوييين
خديجة: والدااه هاد الزين كفاش بغيتيه يكوون شنو غتسميه
غيثة: معرفتش.. بغيتو غير يبرا شحال خاصو دالوقت
خديجة: يمكن شي شهر غمضي عينك حليها وها هو بين يديييك.. شنو درتي لبارح مع مراد
غيثة: عرف (بتنهيدة) وتهنيت الحمدلله جبل وزااال من فوق كتافي
خديجة: حسن..
ملاك: (نعست نعاس خفيف قلبها ضاارها بزااف بقات متكية فبلاصتها حتى لفطور مقدرتش تفطر تفكيرها كولو فيه لدابا مصوناش ومصيفطش ميساج لبارح بجوج دازو من موقف خااايب هي مقلقة منو بزاف وهو معصب منها واش هادشي كافي باش يخليهم يتفارقو؟!!! صونات مها مقدرتش تجاوب معندهاش الݣانة تسمع داك الديسك ديال رجعي لداركم ملات من هاد جوج كلمات تدق لباب فرحت بزااف حسابها هو ناضت لبست حوايجها دارت شالها مشات للحمام شللت فمها ومشات حلت لباب بوجه عبوووس لقات حمزة)
حمزة!!
حمزة: جاو عندك دوك ليهود أملاك؟!
ملاك: باش عرفت؟!
حمزة: واش جاو؟! (حركت راسها باه) راكي عارفة كانو بغاو يقتلو مك منحتاجش نفكرك بهادشي وعلاش مقلتي والو
ملاك: حمزة عفاك معندي ݣانة لهاد تخربيق ديالكم
حمزة: هوما راهم لتحت وفهمتهم راكي مزوجة تعاملي على هاد الاساس
ملاك: علاش شنو الفرق؟؟
حمزة: نتي غير سمعي وصافي هاكا باك بغاك ديري
ملاك: (ممسوقاش) صافي واخ
حمزة: مالكي بيك شي حاجة؟!
ملاك: فين وصلت مع ادم؟
حمزة: خرجي راسك نتي من داكشي ورجعي فحالك متبقايش بوحدك هنا غير على متخرج الورقة من المحكمة، صباح دفعنا ليك ورقة الضرر فالمحكمة
ملاك: ديالاش هاد الضرر؟!
حمزة: الخدمة والنفسية راه بحال والو تقدري ترجعي تخدمي
ملاك: هنا؟! حيت خرجلي الانتقال نهار قبل داكشي!!
حمزة: فين خرجلك غتخدمي وحسن نيت هنا باش مترجعيش تماك
ملاك: (تبسمت معاه حيت تفهمها) شكرا
حمزة: هي الا معاودتيش فتحتي ليهم لباب!! أملاك دوك الناس راه كيدخلو بلطاافة وحلاوة الكلام
ملاك:حمزة واش انا برهوشة؟!! مهم مشيت عند غيثة ؟!
حمزة: اه صباح
ملاك: ديك البنت راه زوينة بزاف ونقية من لداخل خاطيها التاحراميات والمشاكل باغية غير تعيش بلا مشاكل الا مكانتش عينك فيها غير عطيها التيساع متزيدهاش حتى نتا للي داز عليها خايب بزااف ومتخليهاش تبقى تبني شي حاجة مكيناش!!!
حمزة: الا كان شي جديد صوني علية (تم ماشي وهي بقات متبعاه هدا هو حمزة للي عرفت نهار اللول تنهدت وسدت لباب جاتها لبكية من بُعْدْ اورطيغا عليها معارفة دابا حتى شنو غيديرو ميمكنش يتفارقو غير على هاد السبب خاصهم يهضرو باش تفهمو علاش خباتها وهو خاصو يعتاذر على تصرفو الوقح معاه وتندمو على نهار للي مد يدو عليها ومتسامحوش دغيا…)
ادم: (تصدم) ولدت؟! علاش هي كانت حاملة؟! كفاش ولدت؟!!!
ليلا: هادشي للي حتى انا مفهمتش!! واش مكانتش قالتها ليك؟!!
ادم: يعني بالصح كانت بينها هي وداك الشمكار شي حاجة كانت تتكذب!!! ولكن!! كانت تحت عيني
ليلا: وهي تكون تتعرفو غير هو؟!
ادم: (كيتفكر) عليها كانت تتقولي منك وانا يمكن حاملة ومنين تنسول تتقول لا غير تنخربق
ليلا: ولكن نتا اصلا مااا… ياك داير احتياطك
ادم: (مصدوم) من ديما !!
ليلا؛ زعما يكون شي غلط؟!
ادم: علاش عمرو كان الغلط ولا غيثة هي اول وحدة فحياتي!!! وطبيب أكدها مرة وألف مرة انا مستحيييييل نولد
ليلا: صافي نساها ادم حتى نتا راك اذيييتها
ادم: فاش؟! ياك هي لي كانت تابعاني باش تدروݣا فاش اذيتها أنا؟! متنسايش راه باقية خطيبتي!!! وهي للي شوفي فين وصلاتني!!!
ليلا: ونتا لي ذوقتيها نهار اللول منو باش تبعك
ادم: (وقف عكازو باش يوقف…. بأمر) عاونيني
ليلا: طبيب قالك متفورصيش على راسك راك عاد درت العملية
ادم: (بعصبية) عاوينيني (عاوناتو وقف كيحاول يتمشى) صافي سيري
ليلا: ماما تتسناك
ادم: هضرت معاها قلت ليها مزال عندي شي خدمة
ليلا: هادشي للي تدير ممتافقاش فيه معاك (صونا حمزة) انا مشيت…
ادم: (بقا كيحاول يتمشى هادي تالت عملية كيدير داك الضرب بالفرشيطة قاستلو عروق فخاضو ونزف بزااف عاد *** للي رداتو كفتة وشحال هو كيعاني غير مع البول…)
~~~~~~~~~~~~~
ليلا: (لقات حمزة كيتسناها لتحت سلمت عليه بلبيز وركبت حداه) امتى رجعت من تونس؟!
حمزة: قبيلة.. مالكي؟!
ليلا: خويا!!! بفففف مكرهتش نمشي لفرنسا نرتاح شوية
حمزة: (صايݣ وداير فيها معلابالوش) مالو؟!
ليلا: عرف الاكس ديالو كانت حاملة وولدت!!
حمزة: اممم.. اوا؟!
ليلا: انا عارفة خويا مغيخليهمش فالتيقار هادشي الا مسالاش معاهم!!!!
حمزة: يقتلهم زعما؟! على اساس السيبة فلبلاد!!!!
ليلا: معرفتش حيت أنا خويا ومتنعرفش كفاش تيفكر متيهموش يخسر المهم يكون رابح كفاش وباش متيسوقش واخا على حساب حياتو!!
حمزة: اوا واليديك؟!
ليلا: ادم عندو عقل فشكل مكيناش شي حاجة سميتها واليديك ختك عائلتك نفسو ونفسو ونفسو عاد شي لاخر ملحووق فهمتني!!!
حمزة: مريض هدا!!!
ليلا: انا غنخرج من هادشي ديجا عيطت عليها وقلت ليها تخباي مكنتش عارفة حتى بحملها ودابا معرفت شنو غدير
حمزة: وسباب هادشي كامل ؟!
ليلا: حيت (سكتت منين تفكرت طيشها لي وصلهم لهادشي وهو ماشي حيت بغا يدافع عليها في حيت بغا يذلو وصافي حطو فراسو وصافي) قول تبرهيش حط واحد الانسان فراسو وبغا يبين انه قوي عليه ونسا راه دار حوايج خايبة لبزاف دالناس غير باش ينتاقم منو
حمزة: (حرك راسو باه) دابا هو غيلحق بالإكس ديالو ياخد ليها لبيبي
ليلا: (ظحكت) هه هو اصلا متيولدش من شحال هادي تيدݣ الشوكة باش ميولدش فمرة غيثة داك الولد مغيكونش من ادم
حمزة: وهدا.. ها!!! لا لا فهميني منين مكيولدش علاش باغي ينتاقم؟!
ليلا: حيت شاك فيها وعارفها تتبغي داك الانسان للي عندو معاه المشكل من اللول فهمت!!! هو غراضو غيثة تبعو هو ولكن هي من ديما كانت تتبغي اورطيغا
حمزة: شكووووون؟!
ليلا: مغاديش تعرفو
حمزة: ههه هادشي عندكم مشبك تصلاحو دارو فشي فلم
ليلا: (تبسمت وشافت فيه) تتخلي الواحد يعاود ليك بلا ميحس
حمزة: المهم هو تكوني نتي مرتاااحة
ليلا: ونتا معندك متعاودلي
حمزة: انا عايش نهار بنهارو معنديش مع المشاكل تنبغي نخرج نسهر ندوز نهار بيخير باش الغد ليه نعاود نفس نهار ظاحك ناشط وصافي..
انا تنقلب على راحة بالي كتر ما نفكر فالمشاكل وبيان سييييغ خدمتي شاغلة نص وقتي
ليلا: سعدااتك انا تنقول صافي نبعد من هاد المشاكل ونديها فراسي حتى تلقى راسي قدام باب دارو حيت وقعلو مشكل وكان مغيرجعش يتمشى دار عمليات باش ياله ياله
حمزة: معليش الاخت كتكون حنينة ونتي باينة فيك بنوتة زوينة وحنينة (تبسمت) فين تبغي ناخدك باش تنساي هادشي!!….
وفاء: (مشات مع غيثة لتحت فين كاين لي بيبي كانت غطيح ليها جيت معطاتش لراسها الراحة والوقت فين الجرح يبدا يبرا كانت صحيا ونفسيا مهلوكة بزااف ومع العملية كملت واخا لحريق وكولشي مكتقدرش تبعد على ولدها كل شوية كتمشي طل عليه خلات الغالية مفقووسة كانت كظن العكس كما موالفة بنتها ماشي مسؤوووولة… شدت غيثة فصدرها كتعصر بالألم)
مالكي؟!!!
غيثة: تيضرني صدري بزااف
وفاء: غيكون عمر بالحليب وخاصك تخوييه
غيثة: كفاش ندير ؟!!
وفاء: تيغ لي هو للي ينفعك اصلا خاصك كل نهار تخوي باش ميتقطعش منك لحليب ومنين ولدك يعطيوهلك يسهاال عليك فرضاعة ويبقى فيك الحليب المزيان ليه
غيثة: (حركت راسها باه وطلعو الشومبر جابو ليها تيغ لي عاونتها تجبد الحليب وهي كتعصر بالحريق)
يقدر فاش نخرج من هنا غرجع للدار لي كرالي يوسف
الغالية: سكت علية دابا!!
غيثة: هي غتقبلي علية انا وولدي؟!!!!
وفاء: غيثة عصري مزيان باش يخرج ليك
الغالية: خرج نتي نهضر مع بنتي
وفاء: معايا ؟!!!
الغالية: كاين شي متطفل غيرك فهاد الشومبر؟!!! من نهار بنتي جلست معاكم وهي تفكيرها بحال الويل بغيتو تردوها بحال دوك لعيالات لي تيبقاو جفاف!!
غيثة: مامااااا!!!!!!
وفاء: تكلماااي اشريفة انا جيت هنا عند صاحبتي وغ..
غيثة: ماما سيري فحاالك !!؟
الغالية: ياااك ابنتي؟!
وفاء: صافي اغيثة انا نمشي خليها معاك
غيثة: لا متبقاش!! هي اصلا غراضها غير داك الولد يتعطا لشي واحد وانا مغنفرطش فيه واخا نعرفك متبقايش معتابراني بنتك
الغالية: (هزت صاكها والدمعة فعينها وخرجت مراضيااااش من طرد بنتها ليها)
وفاء: قسحتي معاها اصاحبتي؟!
غيثة: انا تغتاصبت ممشيتش معاه بخاطري هو كان تيعطيني لادغووك ويدير فية مبغا اذا داك الولد معندو حتى شي ذنب ومغنسمحش فيه تقدري نتي الله يستر تسمحي فولدك للي بجوج بيكم تكونو مظلومين؟!!! (حركت راسها بلا) اوا حتى أنا هكاك وهي زعما أم وخاصها تفهمني ماشي تاخد مني ولدي وتلوحو لشي واحد يربيه وانا مزال حية!!!…
ملاك: (صونات عليها أمينة المرة اللولة التانية عاد جاوبت) وي خالتي صاڤا!!
أمينة: الحمدلله ابنتي فين غبرتي علية؟! مبقيتي لا تسولي لا تجي طلي علية!!!
ملاك: غير الدار وصافي
أمينة: انا فداري فالسعادة تقدري تجي؟!
ملاك: (فهمت مراد تماك وبغا يحل معاها المشكل)
واخا عندي شي غراض تماك نيت مهم شي نص ساعة ونكون تماك
(ناضت بالزربة لبست حوايجها قدات راسها شوية مبغاش يبان فوجهها الحزن يبان الغضب ولكن متبانش منهااارة!! هزت سوارت طموبيلتها وهبطت ياله ركبت كتسخن الطموبيل وقف عليها الراجل لكبير نزلت الزاج)
وي!!!
الجد: حفايدي بغاو يشوفوك الا بغيتي؟!
ملاك: داك نهار قلت ليك كما ماما عتابراتك ميت حتى انا وخوتاتي هكاك غير مضيعش وقتك ووقتي
الجد: هوما معندهم حتى ذنب
ملاك: (مكرهة) حايد من طريق مزرووبة
الجد: العرض ديالي مزال وغنتسنااوك حنا ماشي قباح كما فهماتك ماماك
ملاك: (صاݣت فطريقها لي كيهمها هو مراد ويتفااهمو وصلت للسعادة ضربت عليه فالمحال مكاينش وطموبيلتو غتكون لتحت قلبت فين تحط طموبيلتها وعاد مشات طلعت للدار كترتب أفكارها باش تكون مقنعة وفنفس الوقت تكون واخدة موقف فشنو دار معاها ميمكنش ليها تسمح ليه بسهووولة.. دقت لباب تسنات عاد تحل كانت أمينة سلمت عليها ودخلت كتقلب بعينها عليه حتى باب بيتو محلول ولكن ما فيهش)
أمينة: (جلسو فالصالة من بعد السؤال عند الاحوال) شنو واقع لبارح؟!!
ملاك: هو كاين هنا؟! باش زعما نهضر فخاطري
أمينة: مكاينش غير هضري راه لبارح وكان طلقتو على لبنت غيقتلها
ملاك: اممم.. كان قرب نيت يقتلها، راه ضربها بطرشة حتى حسينا بيها تزعزعت داخت حيط بقا كيضربها لحيط من تماك شدها الوجع وخديناها لطبيب
أمينة: اويلي على الجحموم كان بغا يطيح رواااح
ملاك: انا وبغا يضربني!!!
أمينة: شوفلك المصعووور
ملاك: بقا فية الحال بزاااف اخالتي من ديما كنبغي ندير الخير وكيرجع لي بالشر ولكن هاد المرة وحدة كانت لا حول ولا قوه الا بالله العلي العظيم معندها فين تعطي واش كنت نخليها؟!!!! مقدرتش وعاد كنعرفها!! اه هي غلطت معاك مع كوولشي ولكن البنت ندمت وكتموت كل نهار علاش حتى منسامحووش؟!!! علاش متعطالهاش فرصة وحدة أخرى شكون حنا اصلا للي نحكمو عليها؟!!!
أمينة: هادشي لي خلاني نشدو لبارح ونطلݣوش يرجع
ملاك: جاب الله لقينا ولد الجيران داها معانا لطبيب اما سخفت لينا مسكينة ومعرفنا شنو نديرو اكترية فاش شفنا الما نزل مع رجليها
أمينة: الله الله على بنيتي!! ودابا كيف راها؟!
ملاك: ولدت بكري والولد داروه فالقرعة وهي حاضيينها تماك حيت خايفين داك الكلب يرجع ليها
أمينة: لا حول ولا قوه الا بالله العلي العظيم الله يحفظها هي وجميع المسلمين!!
ملاك: مراد غلط بزاف اخالتي.. اه انا فاهماه بقات فيه الحرقة والشمتة ديالك كاملين بقات فينا ومبغيناكش تآذااي ولكن ماشي يضربها ݣاع!! ديك الليلة والله اخالتي واحد الطرشة خلاها كتشد غير فلحيوط وعاد شديناه عليها بقات كتغوت بلحريق مسوقش صدمني فيه كان قاااسح بزاف
أمينة: ولدي منين كيوصل لشي حاجة فيها انا مكيبقى عاقل على حتى واحد كنعيى نفهمو ووالو كنݣولو راه الموت جاياني جياني غير دير بحساب هاد نهار
ملاك: الله يطول فعمرك
أمينة: الله يكبر بيك ابنتي راه واحد لمرة ݣرد واحد فالسوق غي حيت تزايد معايا فالهضرة تشد فيها 15 اليوم مبغاو يسمحولو حتى داو فلوسو وخارج وكيحلف فيه ورجع ضربو غير الحاج دخل فيها
ملاك: (بقات ساكتة) فين هو دابا ؟!
أمينة: عيطتلو لقيتو مزال فالكوري برا فاس غيبات تماك
ملاك: كيهرب!!!
أمينة: حسن ابنتي حيت مغيبردش ويصدق داير شي موصيبة كتر اللهم يبقى بعييد على ميفهم شنو كيدير
ملاك: وانا علاش مدخلني فهادشي؟
أمينة: هو مبغاكش دخلي فيه من اللول ݣالي وكان غير جات عاوداتلي
ملاك: كذاااب!!! وتقتيه؟!!؟ راه فوقما جبدت ليه غيثة كيصعر ويبدا نديرلها ونفعلها ونقتلها غير نلقى بلاصتها.. صافي خفت عليها وعليه!!
أمينة: انا فاهماك ابنتي غير هو يبرد وغيفهم
ملاك: (مكرهة) عصبيتو قبيييحة بزااف اخالتي
أمينة: غير صبري ابنتي واخا هكاك راه حنييين ودريويييش
ملاك: (هي كتشوف غير أم كدافع على ولدها ولكن بالصح صعيييب دغيا تقلب شحال من مرة دفعها وحتى كيبغي يضربها وهادشي مغتقبلوش اه مقلق معصب منها ولكن العنف مغتقبلوش!!!)
خديجة: ختك مساخيااش بولدها ايوسف راه غديرو جريمة الا بعدتوها عليه
يوسف: قالتها لك
خديجة: اه وشادة فيه بيدها ورجليها كتهضر غير بولدي ولدي انا جاتني عيب وحشومة وعااااااار حط راسك فبلاصتها راه حتى نتا سليمان ماشي ولد شرعي (طلعت معاه) ومقدرتش تبعد عليه وعاد هي مسكينة لي تغتاصبات وتكرفس عليها واخا هكاك بغاتو وبغات تربيه وتكون أم ليه!!!
يوسف: وشنو الحل؟!
خديجة: الحل ه(صونا تيليفونو) شكون؟!
يوسف: هداااا حمزة!! باغدووون نجاوب (ناض حدا السرجم مجاوب) وي حمزة!!
حمزة: هو عرف ختك ولدت ومناوييش على خير
يوسف: باش عرف؟!
حمزة: عرف من شي واحد قريب منكم!! وداكشي للي وقع مع غيثة اخر مرة معاه بالصح هي ضرباتو وبزاف خلاتو مكيتحركش ودار عمليات ياله ياله باش يوقف على العكاز ولكن كفاش حتى عاونوه وجبدوه وشكون للي حط بلاصتو وحرقو مزال معرفت!!!! وحيت هو من فاميلتكم شوف شكون لي قريب منو باش تعرف شكون كيعاونو
يوسف: (بقا غير مشوكي اش هادشي فاش كانت عايشة ختو هدا راه مكون عصابة) معرفتش!!! ودابا وشنو بغا؟!
حمزة: عندو الغرض بيها وبالولد.. انا مشيت
يوسف: شكرا اخاي حمزة (قطع ومشا حدا خديجة عاود ليها شنو كاين) خاص نديكلاريو
خديجة: واش هدا حسابلو السيبة فلبلاد!!!!
يوسف: بغيتو غير يتواجه الكلب تيتخبى ومخلينا خايفين من خيالنا بغيتو غير يبان فالصورة
خديجة: وشنو الحل غيثة شوية وتخرج والبيبي غيبقى تماك
يوسف: حرت والله حتى حرت وحماقيت فهادشي وعاد الوالدة للي مبغاتش الولد كفاش غندخلوه للدار والواليد واشرف!!!!
خديجة: تبقى معانا
يوسف: شحال قد نخبعو هادشي اخديجة!!
خديجة: انا راه منسمحش فيها ايوسف ومبغيتهاش ترجع عند ملاك راه ناض ليها صداع كبير مع مراد
يوسف: هداك عاود حريرتو بوووحدها!!! شفتي شنو دايز علية!!
خديجة: دايز علينا كاملين ايوسف داكشي باش معذرتكش
يوسف: (حرك راسو باه) نمشي عندها
خديجة: انا نرتاح شوية نقاد ليها شنو تاكل ونجي بلاتي
يوسف: متخرجيش حتى نجي انا نجيبك ولا نصيفط ليك للي يجييبك
خديجة: صافي واخ….
ملاك: (ناضت أمينة كتقاتل دير ليها الݣوتي كانت سخرات الولد للي مخلي ليها ولدها حاب كولشي من باتيسري المالح والحلو.. وهي بقات فبيت الجلاس جالسة وغير ساااهية حتى كتفكر ان السيدة معطووبة، ناضت تبعتها للكوزينة كتعاونها) خالتي علاش شقيتي راسك؟؟
أمينة: مشقيتش ابنتي دخلتك عندي بكنوز الدنيا
ملاك: غير اجي ترتاحي
أمينة: وتبقاي بالجوع؟!!
ملاك: صافي غير خلي عليك انا نعمر أتاي ونجيب هادشي غي سيري ترتاحي (مشات أمينة وهي متبعاها حتى هي كانت طالبة عليها)
والله الا مشات!!!
(كان الما سخون فغلاي الضو بقات كتقلب على كل حاجة دارت أتاي السكر النعناع حطات داكشي مستف فطباسل كان كولشي فوق البوطاجي رجعت حطاتو فوق الطبلة وجلست)
ياكما خاصك تشربي شي دواا؟!!
أمينة: شوفي فبيتي ابنتي راه فصاكي فوق الطابل دو نوي
ملاك: (ناضت جابت ليها دوا وكاس دلما ورجعت جلست كبت أتاي مدت ليها الكاس)
أمينة: (شربت دوا تسنات 5 دقايق وعاد جغمت من أتاي) اه اه ابنتي حلو قاااطع
ملاك: (مخرجة عينها) دابا هو واش حلو ولا قاطع؟!
أمينة: ههه عليها كان يݣولها غير بوطة صغيرة وغتفرݣعي
ملاك: عصبني بزاااف مكلفش راسو حتى يطلب سمااحة
أمينة: انا نتفااااهم مع داك الجحمووم!! تبااتي معايا؟!!!
ملاك: ههه (ظحكتها الطريقة باش قالتها وبغات تقولها نتي ولدك دورو دورة وتقولو باتي معايا) ميصلاحش بغيتي زهرة تجي تنتفني!!
أمينة: متديهاش فيها هاديك غير مغيارة
ملاك: هههه راه نخوي بيك ونعاود ليها كولشي
أمينة: وديريني حتى انا بحال ماماك؟!
ملاك: الا مخرجتيش معايا العيب!!
أمينة: ياك لمك!!
ملاك: إلااااا طيبيلي راني زرݣة فيه
أمينة: (هزت كاس أتاي) راني شفت (قلبوها ظحك بيناتهم صونا مراد جاوبت وخلاتها ملاك دارت مكبر الصوت)
احبيبي!!!
اورطيغا: خاصك شي حاجة!!
أمينة: (ملاك عوجت فمها) لا احبيبي نتا مزال متجي؟!!
اورطيغا: عندي الخدمة هنا بزاايد حتى لغدا
أمينة: شفتي يا الكيييدار شنو وقع لغيث..(سمعت طيط طيط) مشا الريزو
ملاك: راه هو نيت للي مشالو، راه قطع عليك.. اه اه شحال كيشد فخاطرو..
(مشات أمينة طواليط ملاك جمعت داكشي غسلت لماعن مبانلها غير دخل لبيتو بقا فيها الحال بزاااااف على لفين وصلو جلست فنموسيتو مداير حتى تصويرة ديالو حلت القجر اللول كان مستف ولكن شافت حاجة ديالها هزاااتو كان تيليفونها للي ݣريساها فيه داك الشفاار فالحومة بقات غير كتشوف)
ولد لحرام ياكما هو للي صيفط الشفار يديلي تيليفوني!!!!!!
أمينة: (خرجت من الحمام ملاك دغيا ردت التيليفون وخرجت من لبييت) بنتي شنو نديرو لعشا؟!
ملاك: خالتي انا غنمشي دابا
أمينة: باتي معايا اليوم
ملاك: لا لا منقدرش
أمينة: جلسي غير تعشاي وݣصري شوية راه سخن الحال شوية والدنيا كتبقى عامرة
ملاك: (حركت راسها بلا) مرة أخرى اخالتي مبغيتش يجي يلقاني هنا
أمينة: نعلو الشيطان واش حتى قربتو لزواج؟!
ملاك: معرفتش اخالتي داكشي للي وقع ديك الليلة بزاف وعاد زايد غضبان اه فهمت كان معصب ولكن مكانش خاص يضرب
أمينة: انا نهضر مع الجحموم
ملاك: بلاش عليك راه هو خاص يفهم هادشي منو راسو!! مهم انا مشيت اي حاجة حتاجيتيها عيطيلي نمشي دابا نطل على غيثة وعاد نمشي لداري
أمينة: الا ماشية عندها صبري نمشي معاك
ملاك: وقادة؟؟
أمينة: واااه، انا نلبس (عاونتها ملاك تلبس أغلبية كتلبس العصري على حساب كتفها) بهدلني هاد لحديد ابنتي
ملاك: الله يشافيك صراحة قاسحة شحال عطاك عام؟!
أمينة: ݣالي ويقدر كتر.. هادشي للي مخلي ولدي غير شاااعل كنشوفها فيه غير نݣول اه ولا أي كيبدا يتݣنوا
ملاك: عارفة اخالتي وفاهماه غير لبارح راه كان غيخلطنا كاملين
أمينة: الله يهديه وصاافي واخا مجينين ولكن حنين ودابا يندم هو مموالفش يضرب لبنات غير مجاااه وصافي
ملاك: (تنهدت كتكمل معاها هاد النقطة خلاتها مجرووووحة علاش يضرب غيثة وحتى هي راه ضربها غوت خسر الهضرة سب… خرجو من تماك ومشاو المصحة الغالية غير شافتها تصدمت وكحلت بالعمى محملتهاش تجي ولا تعرف وقالت صافي أمينة عرفت كولشي عرف حيت اكيد كتكرهها وغنبغي تشوهها!!!!)
جلسو مع غيثة غير شوية حيت الغالية بقات غير كتصوووط!!! خداو معاهم وفاء للي كانت بقات معاها نهار كامل معاها ومشاو دازو يتعشاو عاد توصلها لدارها
ملاك: (صايݣة) خالتي واش تبقاي بوحدك؟!
أمينة: باتو معايا
ملاك: ها هي وفاء تبقى معاك انا خاص رجع راكي عارفة اخالتي
امينة: وتبقاي وحدك؟!
ملاك: معليييش اصلا كنفكر نهبط لصفرو غدا صباح هاكا كنت دايرة مع ماما
أمينة: (معندها متقول وصلاتها حتى كيبان ليها ياله وقف بطموبيلتو وهي وقفت من موراه) ها مراد رجع!! كان ݣالي يبات..
ملاك: (قلبها ماشي غير كيضرب كيخبط ويديها كيرجفو نغزتها وفاء من اللور) بلا منهبط انا راه طريق عامرة خالتي حتى نعاود نشوفك
أمينة: هبطي!!!
ملاك: نمشي.. خاص نمشي (شافتو هبط وملامح وجهو مكيتفسرووش قلبت عينها كتشوف فطريق زعما واش خاوية باش تزيد مع سدو لباب زادت مع طريق كان حاضيها بطرف عينو مشا هو سلم على مو)
ملاك: (بحرا كتصوݣ شوفتو خلاتها غير كترجف حتى تلفها على طريق)
أمينة: تلحݣهاا؟!
اورطيغا: خرجو عليك الافلام بزااف.. حتى نتي اوفاء صدقتي تتخبعي معاهم!!
أمينة: دوز حتى لمرت ولد خالتك عاود!! راه انا للي مخلبتهمش كاملين يهضرو زيد طلع يا الجحموم داكشي للي بقالك غير لقتيلة وضرب فلعيالات!!!!
اورطيغا: الوالدة!!
أمينة: حَنَّاااك لواااه!!! ضرب لبنت وهي كرشها لفمها؟!! هانتا كنت غتقتلها لا هي لا ولدها وعاد زيد مخليهم واحلين!!!
اورطيغا: تتقي فهاد رباعة!!!
وفاء: والله حتى بالصح راه نتا هبطت خرجنا من موراك قلبنا عليك حيت سخفت وديناها ولدت ودارو الولد فالقرعة صراحة مدرتي فيها ميصلاح اخويا مراد نتا عارف خبعنا عليك غير على حساب هادشي نيت
اورطيغا: انا عياااان غنطلع نرتاح ناويين تباتو فالزنقة.!!!!!!
أمينة: مشييييينك منين كتقسااح
اورطيغا: (مجاوبش طلعو للدار كيسمعهم كيهضرو وكيتفكر غير ملاك لي باش تجي تعطي المبررات زادت فطريقها ممسوقاش ليه!!
وصلو هو دخل للدوش وهوما دخلو وفاء مشات للكوزينة تقاد شي حاجة لاورطيغا ياكلها حيت مخلاتش أمينة تنوض حطت الماكلة جا كياكل ومنتابه مع شي مااتش واخا عقلو راه خدام فحاجة اخرى وودنيه طالقهم معاهم)
أمينة: اداك حكل العفطة ملاك غدا غتهبط لصفرو
اورطيغا: الله يعاونها!!!!
يوسف: (بقاو مع غيثة شحااال، هاد الليلة غتبقى معاها خديجة وسليمان غتديه الغالية وحتى يوسف غيمشي لدار مو مع كان خارج شاف حمزة داخل وقف معاه) حمزة!!
الغالية: (جاية عندو هازة الولد) ياك نتا مزوج؟! اش باغي من بنتي!!
حمزة: (هز حاجبو شاف فيها وشاف فيوسف زعما تهضر ولا نهضر)
يوسف: الوالدة سيري للطموبيل
حمزة: بنتك راه بحال ختي انا كنعاون حيت حتى انا مضرووور من داك خينا قلتها ليك داك نهار اشريفة
الغالية: شريفة!!
يوسف: الوالدة!!
الغالية: (طلعت وهبطت فحمزة ومشات) يتبقيييستر!!
يوسف: متديش عليها رجعنا كاملين تنخافو عليها
حمزة: خاص نهضر مع غيثة ضروري!!
يوسف: خاصك تعرف شي حاجة منها؟!
حمزة: اه.. مغنطولش شي 5 دقايق ويوسف متمشيش لدار ادم راه الا عرف حنا حاضيينو غيغبر من تماك خليه بعدا غير يبان فالصورة
يوسف: وميمكنش نديكلاريو بيه نديرو لغيثة عدم التعرض مثلا!!
حمزة: نديروها ولكن فين هو ومكاين حتى شي دليل عليه تخاف يكون هو مصورها كضربو انا راه داكشي للي عاودت لية مغتجيش وتدوز فيه بالساهل!!
يوسف: بالصح!! (مشا معاه لشومبر غيثة لي متكية وحداها خديجة كتهضر فالتيليفون ابيل ڤيديو مع ملاك.. خرجت برا تابعها يوسف)
حمزة: صاڤا هاد نهار!!
غيثة: (تبسمت بتعب) الحمدلله ونت؟
حمزة: الحمدلله.. مهم ليلا كتقول هاد الولد ماشي من ادم وهو ميقن انه مكيولدش (باستفسار) كفاش هادشي؟!!
غيثة: (باحراج) هاكا قالي ولكن متيقتوش
حمزة: غيثة متنسايش راك كنتي كتغيبي منين كتاخدي الحبة
غيثة: يعني!!
حمزة: هدا غير احتمال حيت توقعي شحال من حاجة!! هو راه عرف راكي هنا وولدتي وعلى للي فهمت تصدم حيت اصلا مكانش عارفك حاملة
غيثة: ياكما غيقتلي ولدي!!
حمزة: حاايد هاد الافكار مالو شكون يكون فملك الله
غيثة: اوا!!
حمزة: خاص نديرو التحليلة دالأبوة غير كفاش هنا معرفتش
غيثة: (باحراج) لا لا هو للي كان.. كان سبابي
حمزة: شنو غديري دابا
غيثة: (مغبونة) مغنسمحش فيه واخا يخيروني بيني وبينهم!!!
يوسف: (فصباح من بعد مرجع من خدمتو للي كيمشي غير كجسد مبقاش حتى نشيط واكتيڤ كيف كان، كيفكر فختو وشنو غيدير راه اليوم خاص تخرج من المصحة واخا ولدها مزال مطول تماك وصل للدار خديجة ديجا كانت بايتة معاها بدل حوايجو باش يدوز ياخد ليهم غدا ويمشي عندهم.. جاه أبيل من عند شريف)
…غير سمحلي هاد الايام تبرزطت بزاااف…
شريف: عارف للي كاين واخا ماشي وقتو غير باش تعرف العرس راه تحدد فنهار التاالت ديال العيد
يوسف: اواااا هدا خبار زوين
شريف: عارف ماشي وقتو
يوسف: علاش ماشي وقتو بلعكس احسن حاجة حتى نتا تستاقر وتجمع مع اسماء راه شحال من مرة اجلتوها
شريف: وي.. هضرت نتا مع أورطيغا؟!
يوسف: مااااا معرفت منقولو
شريف: قول للي كاين قول كولشي باش نتا متبقاش مزير هو ميبقاش مخربق وتصفا الخواااطر هاكا غادي غير يزيد يتكره بالعقل غيفهم كولشي
يوسف: نمشي عندو دابا؟!
شريف: ههه لا لا منصحكش دابا راه فذبيحة
يوسف: ههه منين تعرفو تحرك من تماك علمني
شريف: غنديروها زوينة غنعرفو فدارهم لالة أمينة كاينة تماك غنمشي انا ونتا نتسناوه فدارهم راه قدام مو تيكون مكالمي شوية
يوسف: مزيااااااانة.. انا دابا نمشي عند خديجة وغيثة حقا داك حمزة مقالك والو
شريف: لا، ولكن راه داير كتر من جهدو عرف البلاصة فين دار العملية الشوكة للي كان عطا لغيثة ودارتها ليه كما قالت واقلة ما فيها والو حيت متشلللش وهي قالت قالها هادي غتشللها
يوسف: كان بغا يجربها؟!
شريف: معرفتش مهم بدوك الضربات رجع الحلزونة يا مَّا الحلزونة
يوسف: يااااك!!!
شريف: الا بغا يرد راسو مرا دابا راه دايزلو ولد**** كان لاعبها علينا
يوسف: (كيتخيل راسو غير كيقتلو واخا كيبين العكس الا مكرهتش يرجع قتال ويقتلو…)
شريف: خوونا!!!
يوسف: انا معاك اوا وشنو اخر وقعلو؟!
شريف: دار شي 4 دالعمليات ياله رجع كيتمشى ولكن بصعووبة غيبقى غير كيعرج
يوسف: ولكن حتى حاجة مكاينة ضد غيثة
شريف: على مقال حمزة لا من غير الا كان مسجلها هو وعندو شي حاجة عليها…
ملاك: (صبحت معندها ݣانة واكترية فاش مجاش عندها فالليل ولا لحق عليها حست بالظلم وعاد منو هو جاتها قاسحة!! هي راه نوات غير الخير فغيثة وفيه هو نيت علاش كيتعامل هاكا!!! صونات على مها)
ماما!! انا غنجي اليوم..
زهرة: عاد تفكرتينا يوماين وانا نصوني عليك الكلبة
ملاك: (عاودت ليها باختصار ومقالتش على مراد وتجريحو ليها) هادشي للي وقع
زهرة: مسكينة
ملاك: اوا انا هادشي للي كان شادني وبغيت دابا رجع واخا كااارها محملاش نتلقا بدوك الجوج
زهرة: حشومة ابنتي جدك وعمك
ملاك: والله اماما محاملة الشوفة فيهم متنساليش شنو دوزو علية داك نهار
زهرة: وشحال قدك ابنتي تبقاي هااربة
ملاك: ماما خليني نزيد واحد السيمانة
زهرة: ياك عاد قلتي بغيتي ترجعي والعيد مبقى ليه والو فين عوالة تدوزيه؟
ملاك: ندوزو انا وفاء هنا
زهرة: ساعة لقاك هنا وفاء تجي مرحبا بيها.. صافي ابنتي الله يرضي عليك متزيديش تعيقي واش باباك معندو خاطر عندك؟!!!
ملاك: (بتنهيدة) صافي واخ.. (قطعت مقادراش تصوني عليه راه الا مجاش هضر هو، مغتهضرش هي!! جمعت حوايج قلال مزال عندها أمل تجلس غير شي يوماين وغتقلب على شي طريقة وترجع، هي بغات تجلس بووحدها تمنات وكان مشات قبل متفرش بعدا كانت عندها الطااااقة وكانت صافية مع حبيب القلب راه حتى الحب كيخليك ديري عين ميكة على شحال من واحد اما دابا منين تخاصمو كولشي كيبان ليها عدو وخايب..
خرجت من الدار ركبت فطموبيلتها صونات عليها خديجة مجاوبتش ومشات شدت طريق لصفرو وشحال جاتها تقييييييلة هاد المشية بحال ماشية عند أغراب ماشي عائلتها!!!)
~~~~~~~~~~~~
وفاء: بقات فية الصݣعة بغات غير دير الخير
أمينة: دابا نهضر معاه
وفاء: اودي الا هو مرطابش منو راسو معندك باش تفيدي اخالتي الا هضرتي وانا عارفة ملاك والله متنازل الا مرغبش ومزاوݣش
أمينة: راك شفتي لبارح مع كمل ماكلتوو بدل عليه مولاش حتى رجع للدار واش راه ساكن فالليدو؟
وفاء: (هي مخبارهاش هو مخبي على مو سكنتو تماك) من شحال هادي.. هو ݣاع للي عاوني نلقى الكرا تماك وعاون ملاك على شرا الدار كيقول هاديك حومتو ونيت حنا مكيقرب لينا حد غير على حسابو هو
أمينة: (حركت راسها باه) يااااك… هكااااك!!
وفاء: (صونات على ملاك مكتجاوبش) شنو تبغي لغدا اخالتي!!!
أمينة: (كتفكر وعقلها سررررررررح فهادشي للي قالت وفاء) للي درتي ابنتي الله يرضي عليك…
شريف: (كان هو ويوسف فالدار مع أمينة للي رحبت بيهم، دخل اورطيغا ضربو الطم تعرضت ليه مو فلباب) شوف بلا اعصاب بلا والو
يوسف: واش انا حمق!!
أمينة: (هزت عكازها بتهديد) غتجلس وتسمع الهضرة
اورطيغا: (مفاهمش) شي حاجة اعشيرتي؟!
أمينة: يوسف وشريف هنا سمع شنو كاين ولا والله حتى نغضب عليك نهز حوايجي نرجع للرياض
اورطيغا: (بقا كيشوف) غندوش ونجي
أمينة: لا دابا
اورطيغا: سيري الوالدة جلسي انا ندوش ونجي راه ريحتي بحال شي دوارة!! (بقات واقفالو تماك حرك راسو بلا حولة تبعاتو لبيتو وهو كيهز حوايج لي يلبس) اش تما!!!
أمينة: فراسك ملاك مشات لصفرو
اورطيغا: (هز دوك لحوايج عطاها فلوس) جمعيلي هادو مع لوخرين
أمينة: علاه ممحتاجهمش فشي طوبية ولا جليج؟!
اورطيغا : (مفهمهاش خسر كمارتو ومشا للدوش زاد كعا منين عرفها مشات حتى بلا متشااور معاه كتزيد غير تأكد ليه هو غير خضييرة فوق طعام!! كمل الدوش وراسو غير كيدور بين الافكار للي تجمعو عليه، نشف حالتو لبس حوايجو تيشورت سروال كيطمة خرج لاوي عليه فوطة فعنقو كيمسح من مور ودنيه خدا حوايج موسخين دارهم فلاماشين لقا وفاء تماك واقفة مكنوكطية مع عمر)
وفاء: مراد ياكما نحط ليك لغدا؟!
اورطيغا: (كب لما كيشرب وحط الكاس شاف فيها) وصلت لدارهم؟؟
وفاء: اه، مراد هي راه مكانتش بغات تخبع عليك ه..
اورطيغا: الله يحفظك حطيلي معاك نشوفو هاد خينا اش تحت راسو (حركت راسها باه مشا دخل عندهم بوجه بااارد دافن اعصااابو)
واحد السلام عليكم (خارجة من فمو بحال شرار)
يوسف: عليكم السلام صاڤا!!
اورطيغا: (جلس مقابل معاهم) قول ايوسف شنو عندك
أمينة: بشوية على السيد
اورطيغا: (بعصبية) مفهمتش هاد بشوية نوض نبوسو ونقولو خود راحتك ونتا تتخرحها من فمك حرف بحرف!! (شاف فيوسف) هضر اصاااحبي!!
يوسف: عقلت نهار جات عندك غيثة هنا ولقات ولد خالتك، هو لي كان جابها… داك الكلب لي كان بغا غير يغرقك
اورطيغا: إيييييوا شنو علاقتها باش تبغي تقتل هاد ختنا (ضرباتو مو بلعكاز) نوض الوالدة خلينا هانيين (حركت راسها بلا)
يوسف: كان تيعطيها فاللول لادغوݣ فالعصير من بعد منين خلاها تولف خرج ليها نيشان وهي كانت مكلخة وبقات كتاخد من عندو يعني كنا تنقلبو على واحد كان تيخرجها من تحت عينينا ويجي ويدخل للدار كيف بغا وعمر داكشي كان غيتقطع
اورطيغا: من اللول قلت ليك داك خونا مصافيش
يوسف: المشكل كانت فالوالدة امراد..
اورطيغا: عطيني المفيد ايوسف هادشي معندي مندير بيه!!!
اورطيغا: عطيني المفيد ايوسف…
يوسف: منين بغات تبعد رجع تيهددها فتصاور ڤيديوهات (مراضيش) كمل منين قالها على لكسيدة ديالي كان هو سباب معرفتش واش كذب ولا بالصح!! وعاد منين سمم الوالدة فالقهوة هنا خاافت كتر منين تلاقات بلالة أمينة
أمينة: مسيكييينة عاوات لية كولشي منين بغينا نرجعو جات التاكسي وحتى الشوكة للي عطاها داك المدار لاحتها حدايا
اورطيغا: وعلاش الوالدة من اللول توصلك تماك منين بغات تعاود وتهضر كان ساهل تجي عندك للدار وتقولك كولشي؟!
يوسف: عندك الصح انا هادشي لي ونعاود ماشي تنقول غيثة مغالطاااش
اورطيغا : اممم…
يوسف: داك نهار ماشي غير لالة أمينة لي كان عوال عليها راه فنفس نهار ضربك بيها وبملاك!! (شوفتو تبدلت منين ذكرلو ملاك) راه كانت يدو فيد مرت حمزة جارهم باش دارولهم داك القالب
اورطيغا: (بقا غير كيشوف حطت وفاء لغدا ليه) كفاش!!
يوسف: معرفتش كفاش تافقو بيناتهم شحال لي عارفين شحال وهوما تيهضرو ويخططو باش دارو داك لبلان ليهم هادشي قالو لغيثة قبل ميحساب ليها قتلاتو
اورطيغا: وعلاش انا؟!
يوسف: هوذ تيقول نتا سباب باش الواليد ديالو تشد فالمغرب
اورطيغا: (هنا بحال نزلت عليه الصاعقة!!) كمل!!
يوسف: هو ختار غيثة حيت عارفها طايشة ونتا عزيز عندها مهم دخل شي فشي كولشي تضر من جيهتو
اورطيغا: (بقا غير كيشوف) تخربيق هادشي!! الا عندو معايا شي حساب علاش ضار هاد الدورة كاملة من اللول كان غيقصدني انا
يوسف: حيت مريييييض!!! ودابا خايفين على غيثة كل مرة مصيفط كلب للمصحة حاضي وخايفين عليك حتى نتا للي دار هادشي كامل باش يآذيك توقع منو كولشي
اورطيغا: تخربييييق!!!! واخا هكاك متديهاش ليه برجليهاا!!!
يوسف: هي غااالطة وحتى واحد ما نكر ونهار تخبات عند ملاك تماك مكانش عارفها فين كاينة داكشي باش خليتها تماك وكنت مأمنها تماك
اورطيغا: كان عليكم مدخلوهاش فهادشي.. ملاك ياله خارجة من.. (سكت)
يوسف: حتى واحد مختار امراد يدخل فهادشي راه حياتنا كاملين تقلبت من موراه… غيثة انا ملاك حمزة لالة أمينة كولشي!!
اورطيغا: (سكااات هو براسو عاد كيستوعب مغيتيقش بسهووولة كفاش غير باش ينتاقم منو)
وفين هو؟!
أمينة: وعلاه راك تسول؟!
اورطيغا: كفاش علاش تنسول هو بغاني انا
أمينة: سمع اولدي وݣدام هاد وجووه الخير ها السخط ها رضى الا عرفتك طفتي بساحتو ما نتي ولدي ما أنا مك!!
اورطيغا: شناااااهواااااا
أمينة: كيف سمعت البوليس راه داير خدمتو (ناض كيعرعر حتى تقلبت الصينية لي فيه غداااه وخرج كاعي من تماك… شهقت وهي كتشوف الزربية لبيج وطبايع الطاجين) والله حتى تصبنها غير نتا هاد الزربية ولد الهم!!!!
شريف: (وقف يوسف) غير خليه انا نلحق بيه
يوسف: انا نمشي عند غيثة لالة أمينة شحال ما طلبت سماحة منك
أمينة: الله يهديك اولدي راه قلتها نهار اللول ربي الي مكتب علينا هادشي… والله يشافيك بنتي غيثة…
اورطيغا: (واخا تبعو شريف مسوقش ليه ركب فطموبيلتو كان غيضرب طموبيل لي جاية بقانونها، تم ماشي مكيضويييش قداامو كفاش واحد حاقد عليه ضرب ضورة كااااملة باش يوصل ليه وفين جات فمو وحتى ملاك!!!
وصل لبلاصة خاوية وقف الطموبيل وبقا غير كيشوف مغوووبش ميمكنش كولشي من تحت راس ادم وعاد غي حيت كان كينتاقم منو على حساب ختو للي مشات بخاطرها وعاد.مدار والو معاها بلعكس طردها!!!
يعني بالحرف هو سباب كولشي هز تيليفونو صونا على ملاك طافياااه بغا يعرف واش عارفة راه بسبابو وقع هادشي واخا متأكد غتكون عارفة ديمارا مزال خاص يعرف من غيثة مشا المصحة كيبان ليه يوسف حتى هو عاد وصل نزل وجا عندو)
يوسف: مراد الا كانت شي حاجة قولهالي انا.. غيثة دوزت كتر من حقها براكة عليها
اورطيغا: وتتشوف هادشي كافي باش تبغي تقتل مي!! حط راسك بلاصتي
يوسف: لا هي غالطة وبزااف ولكن خلصت والله حتى خلصت شنو باقي مدااوتش منو غير الموت والا قدرت اقولها طلع عندها
اورطيغا: انا مباغي نقتل حد خاص نهضر معاها!!
يوسف: مراد غيثو حالتها خايبة راه منين محماقتش راه لباس!!
اورطيغا: حيت حماااارة مكلخة لوكان قصداتني مكانتش غتوصل هادشي حتى حاجة مكانت اتوقع من هاد ***** كاااامل!! عرفت شحال من مرة كنت باغي نوقف معاها !!! شحال من مرة قلتلها نتي غير عاوديلي شنو كاين ورجعي اللور!!!!!
يوسف: عارف.. عارف هي بحال ختك وتتعزها بزااف وداكشي للي دارت تياكلها كل نهار ولكن شنو!!! فتي علية شنو غندير؟! ختي ضاااعت كولشي مشالها!! واش عارف شنو هي ضاااعت!!! غيثة لي كنت تتعرف ماشي هي غيثة لي كاينة هنا!!!
اورطيغا: شوووو بلا متبقى تبلبل علية باش تبقى فية حيت كما قلت غيثة ختي ومعجبنيش هادشي لي دازت منو… بفففف هادشي غير تيمرض
يوسف: هي دابا خايفة منك ومن كولشي ومبغاتش الوالدة تاخد ليها ولدها وفنفس الوقت ولدها اصلا فخطر ولداتو قبل الوقت بكترة الخوف والاعصاب
اورطيغا: (تفكر الطرشة للي عطاها ومتاقش فاش كانت كتغوت وتبكي حسابلو كتبوحط اصلا حتى فاش ضربها نسا حملها حيت فبالو غيثة هي غيثة لقديمة)
يوسف: الا قدرت سامحها غير فَوَّتْ…
اورطيغا: خاص نهضر معاها…. وكفاش انا سباب!!
يوسف: حتى واحد مقالك نتا سباب غيكون غبااااء منا ولا من أي واحد يقولك نتا سباب براسك تضريتي من هادشي نتا وملاك وكوووولشي
اورطيغا: وشنو غديرو؟!
يوسف: دابا غتبقى معايا فالدار على متبرا نتسناو على ميعطيوها الولد
اورطيغا: (بقا ساكت شحاااااال) منين تقدر تهضر قولهالي حيت باغي نعرف شحال من حاجة!!
ملاك: (مع وصلت دخلت لبيتها نيشان من بعد محلات ليها مها لباب مبغاتش تشوف حتى واحد…)
فوقاش غيرجع بابا وعلاش مقلتيلي والو!!
زهرة: وعلاش اصلا نقولهاااااالك!! ولا مكنتيش ناوية ترجعي منين تعرفي باك مسافر؟؟
ملاك: ماشي هكاك غير كنت جاية وخايفة من بابا وكنزجد شنو نقول راه كيخلعني
زهرة: راني هضرت معاه مغيقوولك والو.. اصلا منين هضرت معاه أمينة وهو مكالمي شوية قالي ترجع ويكون خير على حساب مراد
ملاك: امتى؟!.
زهرة: فسبوع
ملاك: شنو قالتللو؟!!
زهرة: حتى واحد فيهم مبغا يقول مهم خرجي شوفي جدك وحني الراس شوية
ملاك: نشوف لبعابع لواااه والله منشوفو
زهرة: (بجدية) خرجي تشوفي جدك!!!
ملاك: لا ماما ولا نوض نمشي فحالي (جمعت معاها بقرصة فيدها حتى غوتت) حشووووومة عليك!!!!
زهرة: وا نعاود نسمعها منك!! ودابا غتݣعدي تشوفي جدك (خرجت بالسيف عليها دخلت عند جدها كان كيسبح)
الحااااج ها ملاك جات تشووفك
(نغزت بنتها باش تحني تسلم عليه وتهضر)
ملاك: سلام اعمي ااا.. جدي.. لباس عليك (بغات تجر يدو تبوسها وهو ينترها)
الجد: خرجي علية اديك المسخوطة (ملاك معطلاتوش خرجت مزرووووبة وزهرة معجبهاش الحال)
زهرة: علاش درتي ليها هاكا!!!
الحاج: هاد المسخوطة منشوفهاش كدوووور بية!!!
زهرة: ومنين تنوضو كاملين بفم واحد ملاك مزويناش!!! الله يهديك وصاافي!!!! عيقتوووو عليها!!! (خرجت مشات لبيت بنتها لقاتها طرقاتو بالساروت ومشات لمي حلو تشكي عليها!!)
ملاك: ولد لحرااام خاصو تهريسة لداك الفم الشيباني لاااخر!! انا يطردني زعما الا مبستش ليه يديه مغيدوزليش نهاري!!
(بدلت حوايجها لبست بيجامة)
ااااح توحشت داري!! هنا ولا كولشي كيبان لي زبل…
(تنهدت ولات كتحس بالخنقة هنا تفكرت اورطيغا للي مغااابش على بالها معرفت هادشي فين غيوصل وفأعمااالقها مساخياش بيه راه ماشي غير كتبغيييه!! راه كتموت عليه…)
ادم: (عرف غيثة غتخرج اليوم وولدها غيبقى تماك جاه فضول كبير يعرف شكون غيكون باه واش زعما يكون منو واخا طبيب أكد عليه انه مستحيل يولد حيت داير احتياطو وكان حريييييييييص انه يتبع الجرعة فوقتها ومياخد حتى شي حاجة كتبطل مفعولها.. صونا على ليلا لي كانت مع حمزة)
فينك؟!
ليلا: مبعدة شوية!!
ادم: ليلا خاص نعرف واش هداك الولد مني انا ولا من داك الشمكار!!
ليلا: ياك نتا متأكد!!
ادم: هي كانت تتكون غير معايا!!! ولكن معرفتش ممكن تكون غفلاتني شي نهار وخرجت بووحدها!!
ليلا: (بملل من هاد السيرة) ادم مبغيتش ندخل فهادشي عفاك
ادم: هادشي دخلتلو بسبابك نتي
ليلا: لا لا عفاك هادشي نتا ختاريتيه اما ميات مرة قلت ليك انا كذبت على بابا وهو ضرب اورطيغا غير ظلم هو مدارلي والو انا للي غلطت ماشي هو واخا هكاك بقيت باغي تنتاقم منو غي حيت معجبكش ومحملتيهش!!!
ادم: (قطع عليها صونا على الدري للي تماك) شكون كاين تماك
….: حتى واحد متيخوي من عندها 4 ايام مبقاتش حتى دقيقة بوحدها
ادم: (كانو وصلوه تصاور عشوائية فاش كتكون فلكولوار) خاص نشوفها
….: صعيييييب كولشي هنا
ادم: فين غتمشي؟!
….: معرفتش انا غنتبعها نتا قولي الولد؟!
ادم: صعيب نوصلو ليه خاصو يكون عندها هي بحال والو تقولهم علية يعني كولشي عارفني غنتبعها مهم غير تخرج علمني..
(قطع وبقا كيفكر…. شنو واش عائلتها تقبلوها عارف هادشي صعيب يتقبلوه هوما ماشي ففرنسا باش يتقبلو ابن غير شرعي وهو متأكد كتقول ان ولدها من ادم بحكم كانت معاه وبغا يتأكد واش قالت كولشي واش كولشي عرف شنو كان بيناتهم خاصو يتحرك ميمكنش يبقى غير حاااير فبلاصتو!!!)
~~~~~~~~~~~~~
حمزة: دابا تكالمااي باش نفهم هو شنو بغا؟!!
ليلا: (كانت معصبة بزااف كنكره منين كيرد ليها اللومة) بغاني نلاقيه بغيثة
حمزة: شنو باغي منها!!!
ليلا: مريض معرفتش شنو باقي باغي منها!!
حمزة: شنو دارت ليه؟!!
ليلا: كما قلت ليك داك نهار هو ميقدرش يمارس حياتو عادي تنهضر على سكس صافي بكترة مضربااتو ونزف خلاو ليه غير منين يبو* راه باين غيبغي يرد ضربتو
حمزة: ياك قلتي دايرين عليها الحراسة
ليلا: يحسابلك غير دايرين الحراسة مغيكونوش كلابو وصلو لتماك!!!!
انا نفهمك ادم دغيا تيدير المعارف وتيعرف كفاش يتكلم ويداخل مع الناس عاد دوك لبراهش للي تيعرف واخدين هادشي لعبة ومغامرة مغيخافوش على روسهم حيت اي شكاية منهم باباهم وماماهم فالذمة
حمزة: يعني لباس عليهم
ليلا: اه
حمزة: وقلتي حتى هاد غيثة لباس عليها
ليلا: وهادي هي مشكلتهم حيت عارفين عائلتها حتى هوما واصلين… بفففف وكان غير يمشي فحالو لفرنسا غنتهناو….
اورطيغا: (رجع المحال ديالو كيفكر فكلام يوسف وهادشي لي عرف هاد نهار… رجع صونا على ملاك باقية طافية تليفونها معارفش اصلا لاش كيصوني وهو واخد موقف منها صونات مو مجاوبش صيفطت ميساج باش يطلع عندها.. طلع عندها مخيخ)
امينة: مال مك ݣبيل؟!!
اورطيغا: شنو باغية الوالدة؟؟؟؟
أمينة: جلس تاكل بعدا (كان محطوط فوق الطابلة طاجين عراه كان الكفتة بمطيشة جات وفاء جلست حداهم) كوول باش تطلع للزربية
اورطيغا: بنيتك؟!
أمينة: وشنو تضييع فيها انا ݣاع برقعتها بصفورية الطاجين!!!
اورطيغا: انا نعيط على الولد يديها لاڤاج
أمينة: متردها حتى تكون جديييدة
اورطيغا: شي حاجة اخرى!!
أمينة: ياك صافي عرفت كولشي مال جدك غير مݣنوي علينا ياك لباس!!
اورطيغا: واش مسمعتيش شنو قال يوسف جاك داكشي عادي!!
أمينة: معاديش اولدي ولكن لي وقع وقع
اورطيغا: برهوش دلخلا يدير فينا حنا كاملين هاد الحالة
أمينة: ربي كبييييييير اولدي كل واحد مكتب ليه يدوز من شي حاجة
اورطيغا: (حرك راسو بلا) هو حسابو معايا يانا لاش هاد الفتنة كاملة!! لاش طوف معاه أمة كل واحد فين ضيعو!!!
أمينة: اشمن حساب!!! علاه نتا فين تعرفو؟! واش بالصح درت لباه لحشيش؟!
اورطيغا: (قطع الخبز كياكل باين الجواب من سكااتو)
أمينة: عبرت على مو مكنحملهمش ولكن علاه؟! وعلاش بنتو من شحال هادي كانت لاسقة فيك؟!
اورطيغا: خلينا ناكلو!!!
…ناضت وفاء كتهضر فالتيليفون مع شي وحدة من لبنات معرفش واش ملاك ولا ختها!!! شاف فمو)
اورطيغا: شنو اخر!!!
أمينة: الدار للي فاالليدو ديالك؟!
اورطيغا: اشمن دار؟!
أمينة: للي ساكن فيها لي عطيت لعمر وفاء دارو فيهم كواغطهم؟؟ (كيشوف فيها) النمرة ديالنا لمن بعتيها؟!
اورطيغا: وايلي الوالدة واش نتي مزال تتهضري على داكشي!!
أمينة: واش ستافدتي من شي دار أداك الجحموم؟! كتخبي على مك يا الكيدار؟!
اورطيغا: نتي عمرك سولتيني؟!
أمينة: هي عندك دار ؟!!
اورطيغا: شوية
أمينة: كفاش هاد شوية؟ واش واه ولا لا؟!
اورطيغا: قلت ليك كاين شي حاجة، والنمرة مبعتهاش وشريت نوامر اخرين
أمينة: (مخرجة عينها) هاااااااه دابا عرفت فلوسك فين مشاااو وكيمشيو (جرت داك الطاجين) ولاه مخبيها؟؟
اورطيغا: حيت تديري البوووق وكان قلتها ليك غديريلي وززززززززززع للعالم
أمينة: (بعصبية) نوض تݣعد لمك من حدايا!!!
اورطيغا: منتغداش؟!
أمينة: (بلغوات) تݣعععععععععععد يانا تخبي علية!!!! مزيان تبارك الله انا نبقى هازة الهم ليك ونتا داير تحتك!!!!
اورطيغا: مخبعتش نتي مسولتيش!! (وقف) نسمعها خرجت من فمك هاد المرة مغنخبعش غير الحشيش غندير ما كفس!!!!!
أمينة: (كانت شاكة فيه ولكن تصرفاتو كانت كتبين العكس كفاش عندو أملاك وهي لي من ديما مفقوسة حيت مدار حتى حاجة فحياتو وماشي كيكبر ݣاع دراري لي قرانو دارو دار طموبيل وهو والو وحتى فاش بغا يتزوج خلاتو غير بالزز يشري ديك الدار حداها وعاد مكملها قاسم ثمنها كل مرة كيعطي شوية!!! معرفت تفقس ولا تفرحلو!!!
هزت تيليفونها بغات تصوني على زهرة وهو يوقف عليها زرب على تيبيفونها قطع لابيل)
طلق لمك داك التيليفون!!!
اورطيغا: عاد قلت ليك تبقى هنا!! عاد دابا ثلت ليك متخرجيش هضرتي!!!
أمينة: شكون سوق لييييك!!! (بجدية وقفت بصعوبة حيت بلا عكاز حتى مد يدو عاونها)
انا تخبي علية الحمااار؟!!!
اورطيغا: (جلس اونفاص ليها وهي جلست) واحد غير عاطف عليه راجلك وولادو باغين غير امتى يدوزو ليه من غير شريف!! الا سمع شي حد عندي ديوور شنو غيقولو؟!
أمينة: يݣولو حتى غدا العيد انا علاش متݣولهاليش؟!
اورطيغا: حيت مغتخليهاش عندك شحال عايروووك بية؟!!! كنتي غتصبري!!! كنتي غتبقاي ساكتة عارفك غتقولي شنو كاين!!
أمينة: ومالك دايرهم بالحرام؟!
اورطيغا: راكي عارفااني وكان بغيت لحرام سااااهل حالو فلوس صحيحة دالحاج تيدوزو على يدي
أمينة: وملاك عارفة؟!!
اورطيغا: حتى حد معارف ومبغيت حد يعرف مزال شي وراق تنجري من موراهم
أمينة: شحال عندك من دار؟!
اورطيغا: شي براكة (جات فبالو ملاك غوبش وجاه فمو رقم) 3
أمينة: 3 ديور؟!!!! ومتقول والو؟!
اورطيغا: الوالدة مبغيت حتى واحد يسيق الخبااار حتى واحد ملاك الا كتاب وكانت مرتي تعرف، دابا لا!!
أمينة: كفاش الا كتاب!!
اورطيغا: شنو راه كولشي بالمكاتيب ولا حتى هادي نقولو لا
أمينة: واش راكم مدابزين؟!!!
اورطيغا: خرجي سوق هادشي!! (باس راسها) ماشي تنخبي عليك كان غيجي نهار غنقولك كولشي ولكن حتى نريݣل أموري كولها.. منين خرجنا من البراكة عرفت من بعد غيعطيو بقع تماك مبغيتش نبيع النمرة
أمينة: هي ديور بسميتي!!
اورطيغا: لا خديتها لية منين درت ليه وشرا بسينياتور ديالك
أمينة: وزايدها بشفاارة
اورطيغا: ههه حتى دابا كولشي ديالك
أمينة: فين شريتهم
اورطيغا: تنبني..
أمينة: شنو مزال مخبع علية
اورطيغا: غير الخير… انا راجع للخدمة وهادشي يبقى هنا الوالدة الله يحفظك ماشي داكشي كامل للي شحال وانا نقاد فيه يضيييع راه بنادم متعرفيش كفاش ينويها وشنو اصلا تحت راسو راه غير محال فالسعادة كل مرة مصيفطني عليه المحكمة!!!
أمينة: (باس راسها ويدها بقات غضبااانة خرج من تماك وهي بقات غير كتفكر فهاد الولد مقنعهاش علاش خبع راه من حقها تفتاخر بيه شحال تعايرت بيه انه غير شمكار فلوسو كيمشيو فشراب والمخدرات وانه ماشي واحد مسؤووول!!! وفالتالي يكون كولشي كذوووب وصدق صاحب أملاك!!!)
ملاك: (متكية فنموسيتها كتشوف فالبيت كاين رسومات معلقين فالحيط وكاين نونوسات اذا البيت كتنعس فيه بنت عمها مهمهاش واش خداتولها ولا لا واهم حاجة عجبتها مفرغوش الماريو وحلوه حيت خلاتو مسوووت وبخاطرها بغات تعطيهلها متنساش وقفت سهام معاها فمحنتها!!!!
دورت عينها فسقف فكولشي مبقاتش مسوقة لهاد لبيت هي باغية ترجع لدارها لبيتها لحقيقي لي بغاتو وحباتو من قلبها اما هدا برد خاطرها من جيهتو كانت كتبغيه كما كانت كتبغي هاد الدار..
هزت تيليفونها شعلاتو معرفتش اصلا علاش طفاااتو اورطيغا منين كيبغي يوصل ليها راه كيصوني على مها.. تشعل وصلها انه صونا عليها جوج مرات قلبها ضرب حتى جلست)
شنو يكون بغا؟!!
(بقات حاطة صبعها على نمرتو ولكن مقدرتش تصوني داكشي للي دار ضرها فنفسيتها خرجت من تماك وبقات كتسنى لابيل ديالو حيت اكيد غيطلعلو ميساج انها شعلت التيليفون، تدق لباب)
ويييييييييي!!!!!
زهرة: ملاك خرجي تكلمي لباباك
ملاك: (دارت صيلونص لتيليفونها ودارتو فجيبها وقفت خدات شهيق زفييير وخرجت من تماك لقات باها وعمها لقبيح وعمها ضريف كولشي كان فوسط الدار وجدها متكي فوق السداري شاد التسبيح فيدو) احم سلام
زهرة: (خرجت عينها فيها باش تسلم مشات ملاك سلمت على باها عمها ضريف للي من ديما كيظحك معاها عاد عمها لاخر للي جبد يدو بطريقة مستفزة باش متبوسهاش حيت موالفين هاكا كيسلمو على عمامهم)
ملاك: (عصبها بزاااااف مقدرتش متهضرش) علاه زعما جبدت يدك؟!! حسابك غنرغبك ونقولك ها العار نسلم عليك ولا غنموت؟!!!!! شنو هاد العقلية عندك اعمي!! حاقد بحال تقول سرقت ليك ورثك!!!
رشيد: واش الحمارة مديريش عقلك؟!!
ملاك: واش مشفتيش كفاش كيحݣر على بنتك شنو زعما كيجبد يدو هاكا مالي شنو دايرة ليه فملك الله باش يدير معايا هاكا!!!!!!
العم: (هز يدو باستسلام) هادي راه قربت تصوطنا اخويا عييت تربي فبناتك ولدو ولادهم وهادي خرجت ليك من الجنب
زهرة: ونتا علاه تجبد يدك هاك؟!!!
رشيد: دخلي فحالك ازهرة
زهرة: لا مدخلش حتى نفهو خوك مالو مع بنتي الا البراءة ديالها بانت وهي لي كلاتها مسيكينة هو لاش حاطها فراسو ومطججها من دارهم
العم: أنا؟!!!!!! (بقا كيحلف وقف باهم بصعوبة جاي جيهتهم ولاخر حتى بقا كيبكي وهنا كيشوفو فملاك لي سباب هادشي)
ملاك: بنادم غير مكيلقى ميقول كيقلبها بكا!!! عندك معايا شي حاجة قولها وفاااريها نيشان!! (جرتها مها لبيتها)
شفتي شفتي علاش مبغيتش نرجع؟!!!؟
زهرة: يا بنتي بسلامتك حتى نتي مع وصلتي مع زندتيها!!
ملاك: وشنو نسكت على حقي (كتغوت) والله منسكت والله منعاودش نسكت على حقي صااافي ينساو ديك ملاك للي كانت حانية الراس!!
زهرة: وفين عمرك حنيتيه
ملاك: اواااااا حتى دابا عمري نحنيييه… انا اصلا بغيت نمشي لفاس اللهم نقابل ختي خديجة راه قوا عليها داكشي ورغبتني نبقى معاها!!!
رشيد: وعلاه تجبد يدك اخويا؟! ياك قلت صافي لبنت خاصها ترجع لدار باها
العم: دابا اخويا انا هو للي خايب وهي لي مكتحتارمنيش شنو؟! ياك غير قدامك عندها كلمة بكلمة بلا داكشي لي دارتلي انا وباك داك نهار
الجد: حتى يانا دخلت عندي قبيلة كتظحك علية اولدي
رشيد: علاش غظحك عليك أبَّا؟!!
الجد: بنتك مبقاتش تحتارمنا وخاص تعاود ليها ترااابي (ضارو فرشيد وهو غير كيسمع) زوج لبنت !!
رشيد: علاش نزوجها مالي لاقيها حدا الجامع!!! وبنتي هادشي كتر عليها حتى نتوما حنو فيها شوية واش مكتراعيوش لهادشي لي دازت فيه
العم: علاه حنا شنو درنا ياك الفضيحة ودخلناها لدارنا
رشيد: داركم؟!! راه دارهم هادي حتى هي اخويا اش كتقول ؟؟ واشمن فضيحة؟!!!
العم: سول أي واحد كما بغا يكون من مور ديك الفضيحة شنو كيديرو
رشيد: وريني شنو كيديرو؟! حيت أنا عندي بناتي حسن من هاد الناس علامن نتا هااضر
العم: دابا غير مدخلش حاجة فحاجة اخويا حنا كنهضرو معاك بالعقل
رشيد: لا لا نعرف حيت شتك حاقد عليها كاين شي كلمة حسن من القانون!!!
العم: حنا مقلنا والو
رشيد: هاد الدار كما داركم راها دار بناتي لي بغا ولي كره وهوما ماشي ضياف هنا والا تفضحت هاد لبنت انا نهزها واخا معرفت شنو دييير
الجد: واش حنا قلنا العكس!!
رشيد: هادشي لي سمعت منكم قالك زوجو البنت!! ساخي انا ببنتي باش نعطيها لأي واحد!!! (تم ماشي للبيت ورجع ضاير شاف فخووه)
بنتي جات تسلم عليك ونتا لي مقبلتش من هاد نهار مبقى سلام بيناتكم!!! شفتها دير راسك مكتعرفهاش ماشي انا باغيها ترجع ونتا كتزيد تهججها تخوي من هنا!!!! (شاف باه) ياك باغيني نبقى (باه حرك راسو باه) وخليني نبقى انا وولادي..
(دخل لبيت معصب لقا ملاك شادة أنير كتلعب معاه غير شافتو حنات راسها بقا كيشوف فيها)
شنو قالك داك الكلب!!!
ملاك: (بهدوء) بابا الله يخليك مراد ماشي كلب
رشيد: كنهضر على ليهودي يا الحماارة!!!!
ملاك: ااه (كانت مها فالدوش كتوضى) نقول قدام ماما؟!
رشيد: هضري!!
ملاك: هو قالي بغا غير يتعرف علية وماشي غير انا حتى لبنات كاملين وقال نيتو زوينة
رشيد: زيد
ملاك: انا طردتو والمرة التانية معطيتوش اصلا وقت صافي مشيت فحالي من تماك معاودتش شفتو
رشيد: (خرجت زهرة مخنزرة معاجبها حاال وهو عارف علاش ولكن ميمكنش يعزل وهي عارفة!!…)
اورطيغا: (مقدرش يصبر ضروري خاص يشوفها.. تسنى شي كليان باش يجيو يعطييهم التوصيل ديالهم للي شراو لحوالة وخلاوهم فالكوري.. مع اخر كليان وصا الدري باش يقابل ليه المحال ونيشان لدار يوسف دق حلات ليه الغالية محسابلوش غتكون تماك)
الغالية: مسينا على الله!!
اورطيغا: (دخل كانو جالسين كيتعشااو) واحد السلام عليكم
غيثة: (عينيها خرجو بان فيها الخووووف خديجة كانت كتوكل سليمان لي مجلساه فكرسي دلبيبي يوسف شاد الفورشيط بقاو مصدومين)
اورطيغا: مهم بصحتكم انا باغي نهضر مع غيثة
الغالية: اش غتقول ݣاع!!!! غَلَطْ ووقع غتبقى تتبعها حياتها كاملة عليه
اورطيغا: (شاف فيوسف) واش هاد مك متتهدش!!!
الغالية: اسمع نتا!!!
يوسف: الوااالدة!!! مراد جلس تعشا معانا
اورطيغا: انا برا على متكملو (خرج مخلي الباب مردوود مشا السرجم كيكمي)
يوسف: السيد كنا غنكونو سباب فموت مو وهو جاي غير يهضر ومزال نتي تتقابحي معاه
الغالية: اوا خلاااااص علية راها بحال العودة صحة سلام كيتي انا للي غنموت معاكم غير بالفقصة
يوسف: لا حول ولا قوه الا بالله العلي العظيم غيثة متخافيش هو باغي يعرف غير شنو وقع وكفاش
غيثة: (اللقمة بقات فحلقها مقدرتش تزيد تاكل) انا ندخل للصالون (دخلت للصالون يوسف خرج عيط على اورطيغا وخلاهم بووحدهم هي جالسة فسداري بيناتهم طابلة وهو فسداري كيشوف فيها)
سمحلي (بقات كتبكي)
معمرني فكرت ولا نويت نضرك نتا وطاتي انا تنبغيييكم بزاف..
اورطيغا: غيثة (مسح على وجهو) عاوديلي من اللول متنساي حتى شي حاجة!!!
غيثة: (شافت فيه كتمسح دموعها) انا راه معرفتش فاللول شنو باغي حتى بقا تيهددني..
اورطيغا: واخا.. غيثة عاوديلي من اللول باش حتى انا نفهم..
غيثة: (مع مكانش يوسف حاولت تعاود ليه كولشي حتى الاعتداءات لي عقلت عليهم باش تحطو فالصورة حتى فين ضرباتو كولشي عاوداتو بلا فرانات حدها مرة مرة كتبكي وهو عاطيها الوقت) …حسابلي مات حتى عرفت من حمزة مخبع
اورطيغا: علاش مجيتيش عندي من اللول اختي مكنتيش غتوصلي لا نتي لا غيرك لهادشي كااااااامل
غيثة: كان تيعرفني فين تنمشي وفين تنجي كان عارف كولشي علية براسي كنت حساااه بحال شي كاميرا فوق راسي، ونتا غير تنبغي نهضر معاك تيعرف كان تيديرلي شي حاجة قبيحة بزاااااف كنت تنخاف منو امراد
اورطيغا: وملاك كنتي عارفة شنو موجد ليها
غيثة: لا والله مكنت عارفة حتى داز الوقت عرفت من اخر نهار فاش شفتو كان فات الفوت ولكن مع الخوف نسيت مقلت والو لا ليها لا ليك، اصلا كنت تنتخيل راسي غير فالحبس كنت عايشة فالجحيييم
اورطيغا: (معرف واش تبقى فيه ولا شنو ولكن مينكرش انه اثرت فيه ومغيبغيش ليها هادشي..)
غيثة: مراد!! ملاك عاوناتني حيت هي زوينة بزاف وتتبغي الخير كانت خايفاك تقلق ولكن غامرت وتحكمت فيها الإنسانية عاود.. عفاك متخاصموش بسبابي
اورطيغا: شنو غديري نتي؟!
غيثة: ولدي دارو للي يحضيوه وانا مغنسمحش فيه هادشي لي عارفة هادشي دابا
اورطيغا: عطيني فين ساكن
غيثة: (حركت راسها بلا) منقدرش… عفاك امراد نسا هو هادشي لي باغي يوصل ليه تقلب عليه نتا حيت هو ماشي بوحدو معاه بزااااف…
اورطيغا: شكون معاه
غيثة: متنعرفهمش
اورطيغا: وباش تتجيبو أخبارو؟!!
غيثة: غنقولهالك غير بوحدك حمزة عارف كفاش يجند الهضرة من لي دايرين بيه واكترية ليلا
اورطيغا: دخلو بختو ؟! اممم شنوما كان اغيثة علميني..
(وقف وخرج من تماك مهضرش حتى مع لوخرين نيشان توجه للباب ومشا فحاالو خرجت عندهم كتمشى بشوية شادة فبلاصة الجرحة حست براحة نسبية منين هضرت مع اورطيغا..)
تصبحو على خير…
اورطيغا: (ركب فطموبيلتو ومشا لدار الليدو تماك كاين بوحدو وكيعرف فاش يفكر وفشنو يدير وحاط كلام مو بين عينيه مغيوليش يتهور ولكن مغتبقاااش فيه الشمتة ويهرب!!! تفكر ملاك لدابا معاتباتوش على انه سباب حتى واحد مقالو شي حاجة حتى ملاك فاش خبعت غيثة غتكون خافت عليه ولا علاش غتخبعها هو متأكد من حبها ليها غلطت منين خبعت عليه ولكن عندها أعذاار جبد تيليفونو صونا عليها وهو كيكمي جاوبت حتى كان غيقطع)
مكنتيش عوالة تجاوبي!!
ملاك: شنو باغي؟!
اورطيغا: نجي نشوفك!!
ملاك: مفخباركش انا فدارنا!!!
اورطيغا: (سكت كيصوط الدخان) كان خاصك تقوليلي غيثة عندك… واش متتفهميش نتي الوحيدة للي متنبغيهاش تخبع علية شي حاجة!!
ملاك: نقولك باش تقتلها!!!
اورطيغا: تنبان ليك قتال املاك؟!!
ملاك: مزال بين عيني الطرشة للي عطيتها وهي حاملة مخليها كتوجع!!
اورطيغا: وانا مبقيتش فيك منين عرفتها بغات تحرمني من عيني باش تنشوف طريق، لوكان كانت مك هاكا كنتي غتشوفيها!!!
ملاك: (دقت مها فلباب) غنقطع كيدقو علية!!
اورطيغا: خلي الخط مشعوول… (حطت التيليفون تحت لوسادة وناضت حلت لباب…)
زهرة: (دخلت جلست معاها فلبيت ملاك عرفت غيكون موضوع حساس هزت عباية صلاتها وهزت التيليفون لواتو مزيان ورداتو تحت المخدة) انا هضرت مع باباك وخديجة زادت حتى هي هضرت معاه باش تمشي تجلسي معاها هاد ليام
ملاك: هاكا حسن اماما ولكن غنبقى نبات فداري
زهرة: عاود!!
ملاك: نبقى معاها نهار كامل نقابلها ولكن نعاسي فداري حسن اصلا وفاء كاينة معايا ماشي بوحدي وهي تجلس مع راجلها فخاطرها يقادو امورهم
زهرة: علاه مخاصمين
ملاك: ماشي مخاصمين ولكن كانو راكي عارفة خديجة عاودت ليك
زهرة: اممم… (كتهضر بشوية) كيف داير بابا؟!
ملاك: كيف زبل واحد الكمارة مشييينها!!! صراحة مع تشوفيه تعرفيه منهم
زهرة: هههه وشنو قالك؟!
ملاك: ديك الهضرة للي قلت ليك قبيلة ماشي شي حااااجة مهمة
زهرة: اممم مهضرش علية
ملاك: حدو قالي مديريش بحال ماماك للي حسباتني ميت وانا ظريف وولد الناس وناوي غير الخير
زهرة: ههه اودي.. بحال ماشي هو لي بغا يقتلني! مهم جدك وعمك اخر مرة اخر مرة تعاودي تردي عليهم الهضرة يقولو للي بغاو نتي عليك الاحترام باك راه قام بالواجب معاهم
ملاك: علاش مترحلوش وتهنيونا؟!!!
زهرة: نهار جا جدك باش يرجعنا لهنا…
#فلاش_باك
الجد: (من بعد 5 سنين وولدو بعيد عليه كان كل مرة كيبغي يهضر معاه كيرفض حتى غير عماين مجاش عندو مقدرش على البعد ديالو مشا سقسا عليه فين كاين كان أب حمزة عارفو فين حيت هو لي كان كيوصل ليه الاخبار مشا عندو لقا رشيد خادم على راسو شاري شي أراضي عندو بنيتة صغيرة كان موافق يرجع رشيد للدار واكترية منين فقيه الدوار عاود ليه كفاش سلمت زهرة وقرات شنو خاصها تعرف فالدين سمح ليهم وقبل برجوعهم واخا هوما مطلبوش ولكن زهرة بغات ترجع على حساب بنتها باش تعيش فالمدينة وتقرا وعلى حساب رشيد باش يتجمع مع عائلتو اما هي فينما كانو هادو الجوج غتكون فرحانة وعارفة رشيد مغيدوزهاش!! ولكن دخل رشيد للجامع وحلفو عمرو يعاود يخوي الدار ويعزل عليه!! رشيد كان فرحان بعودة الاب ديالو ورجع هو ومرتو ونيت متبقاش مكرفسة بقا خدام بين هنا ولهيه باه فتح ليهم مشروع قهوة هو وخوه باش العائلة تبقى مجموعة وزهرة دخلت للدار ودارو ليها حفلة وعاودو سبوع لمريم ومن ديما كان كيأكد عليهم عمرهم يعزلو عليه وميخليوهش!!!)
#عدنا
ملاك: ولكن داكشي راه فات ودازت عليه اعوام وسنين
زهرة: فااااات اه ولكن باك داك الحلوف فالجامع مقدرش عليه!! وزيد باه مكيقدرش يفرق باباك ابنتي…
ملاك: (خرجت مها وهي متأكدة اورطيغا مغيكون سمع والو حيت كانو كيهضرو بشوية وعاد الللوية لي دارت لتيليفونها… هزت التيليفون كان قطع لابيل قلبت امتى قطع كانت دقيقة من مور مخلاتو باين مكان كيسمع والو، مبغاتش ترجع تصوني عليه مدام هو معيط الا عرف الغلط ديالو وخاصو يعتاذر ويقنعها باعتذاارو مع شروووطها..)
~~~~~~~~~~~~~
اصبحنا واصبح الملك لله..
الغالية: (فاقت من نعاسها مشات تشوف الفطور واش وجد حتى كتشوف ام آدم داخلة معاها مفتاحة ومرات سعد.. استغربت من زيارتهم المفاجئة)
مرحبا مرحبا زارتنا الخير والبركة
ام آدم: شنو هادشي سمعت الالة الغالية!!
الغالية: (كظحك) شنو!!
مفتاحة: هادي تربيتك فغيثة كفاش حبلت ووولدت ومعامن!!؟؟ وبلا زواج؟؟!
الغالية: (مصدومة كتشوف فيهم)
ام آدم: وهي مخطوبة لولدي؟!!!! شنو هادشي؟!!
مفتاحة: عيييب عييب هادشي!!! هادي للي كنت تنقول عليها مربية وشريييفة!! (خرج اشرف وباه من الصالة فين جالسين كيتسناو لفطور منين سمعو الغوات) ديرو غير بوجه هاد الراجل لكريم لي مرغتو وجهو فتراااب
الغالية: (بخوف) نخرجو الجردة نهضرو
ام آدم: انا مبقالي كلام خليتو حالة ولدي حالة مصدوووم وهو لي مشا يخدم باش يجي يتفرغ لبنتكم للي طلبات ديااامو والڤيلا والمشرووع!!! انا تصدمت فيكم بزاااااف
اب غيثة: شنو واقع؟!
مفتاحة: لا حول ولا قوه الا بالله العلي العظيم هادي هي تربيتنا فيك الغالية باش تقابل بنتك وتربيها!!
الغالية: اشرف سير نتا وباك لخدمتكم
ام آدم: مهم انا جيت نفسخ هاد الخطوبة ولدي ممستاعدش يربي ولد ماشي ولدو!!
الغالية: (انفاجرت) هداك الالة راه ولدو وبالسيف عليه غيتحمل مسؤوليو منين جاية تفرݣعي هنا سمعي ولدك شنو عمل لبنتي لالة غيثة للي كان تيدروݣيها فقلب داااري وبغا يقتلني حتى انا!!! لااااا وداير فيها مربي وولد عائلة ولدك الالة قتاااااال وملحد وموووووسخ كلب والكلب بزاااف عليه وكان باغي يقتل شحال من واحد الله ياخد فيه الحق ولكن كوني هانية حق بنتي غيرجع ليها وولدك للي مخبي غير فدارو هنا غياخد جزاء ديالو ومرة أخرى منين يعيط ليك قولو حق بنتنا مغنسمحوووش فيه ونتبعوه فينما كااان شماااتة الحيوان
اب غيثة: اش هادشي تنسمع!!
الغالية: ونتي الالة مفتاحة عارفة سيدي عبد الكريم مريض منين تبغي تجي تقولي هاد الفضيحة اجي عندي بيني وبينك ماشي قدامو!!!! (مشات لعند راجلها وولدها) نطلعو لبيتنا ونشرح ليكم كولشي…
ناااااادية (بعصبية) نااااااديااااااااااااا وصلي مع ضياااف لباب الدار ومتبقاي دخلي حد حتى تعلميني!!!
أشرف: (مصدوم) فين غيثة!!!!
الغالية: (مفقوسة ومقهووورة من صحابات لي جاو فرشوها وشكها الوحيد أمينة تكون هي لي قالت ليهم هادشي حيت مكاينش شي واحد براني عارف من غيرها ولكن خاص يعرفو…) شنو بغيت غيثة
أشرف: (بعصبية) كفاش حاملة!!!
اب يوسف: (بصدمة) لالة مفتاحة قالت ولدت ݣاااع!!!
الغالية: سمعو نفهمكم (شافت فراجلها) بنتنا تكرفس عليها ادم وداكشي باش كانت هاربة!!
أشرف: كفاااش!!!!
اب يوسف: (شد بيدو فوق صدرو) بنتي!!!
أشرف: فين هي واش نيت ادم ادم ؟!
الغالية: اه ادم نييييت ادم لي دخلناه لدارنا وتقنا فيه
أشرف: (بحال مكيسمعش) ادم لي كان خاطبها؟!!!!
الغالية: تكرفس عليها بزاااف مسيكينة الله ياخد فيه الحق!! بداها كان كيدروݣيها ويضربها وكملها تكرفس عليها وكان تيهددها باش تقتل ݣاع
أشرف: (بعصبية) اشنو تتقولي!!!!
اب يوسف: (داخ معرف كفاش حتى يوقف شدووووه) فين بنتي؟!!!!
الغالية: عند خوها الحااااج عند خوها!! متخافش عليها راه مهلي فيها بزاف هو ومرتو
أشرف: واش هادشي كامل وحنا مسايقين خبار كفاش القتيلة وتكرفس ولادرووݣ!!!
الغالية: واش متتشوفش حالة الحاج كيف دايرة!!!
أشرف: وحالتي انا؟!!! بغيتي تقولي هاد الهضرة ومندير والو؟!!
الغالية: (مشاو دايينو لبيتو كيحسو بركابيه كيخواو سكتو بجوج كيحاولو معاه بالهضرة حتى رجع مشالو التنفس) عيط عيط دغيا على طبيب!!!
أشرف: علاش قالوها قدامو؟!
الغالية: حيت ظنييتهم حبيباتي وصحباتي
أشرف: (كيصوني على طبيب قالو باش يجي دغيا رجع عندو لقا الغالية كتحايد صدايف الشوميز ديال باه)
الغالية: (كتبكي) الحاج هي دابا راه بيخير وعلى خير ويوسف دايرها فعينيه متخافش عليها
أشرف: انا نصوني على يوسف
الغالية: الحااااج الحااااااج… شوف فية حل عينيييك (حل عينو مخرجهم كيحاول غير يتنفس) متخافش بنتنا راه بيخير وداكشي لي وقع ليها ظلم والله حتى ظلم نتا تتعرف بنتك… (عينيه بداو كيتقلبو) الحااااج الحاج….. اشررررررررررررف…..!!!!
مفتاحة: (معجبهاش الحال تطردها من دارها اول مرة تعامل بوقاحة معاها وعاد فضيحة بنتها)
وااااااا شوفلك البنت كيف طلعت!!!
ام آدم: انا بقا فية غير ولدي مسيكين تيعيط لية وباين مهمووووم
مفتاحة: يشوف غيرها بنات الناس عطاهم الله
ام آدم: علاش هو كان باغي زواج من قبل راه غير منين بغا غيثة قلت الحمد الله غير منين بغا زواج اما دابا غيكون كره زواج ومايجي من جيهتو
مفتاحة: خلاص علية كما ربي خلقها هي خلق غيرها ولكن هي كانت تتقولي الغالية داخلة خارجة معاه غير هو ميكونش هو!!
ام ادم: زعما يكون ولدو؟! ختي مفتاحة ولدي اصلا متيولدش
مفتاحة: ياااااااك!!!!
ام ادم: هو متيبغيش لولاد فمرة
مفتاحة: وعلاش كان باغي يتزوج غير باش يسخن فراشو؟!!
ام آدم: داكشي بزوج تافقو عليه قالي حتى هي مكانتش باغية هاكا فهماتو، حتى غدرااتو وهانتي قلتي غيكون هادشي كدوب وفاش جينا هنا الغالية أكدت بنتها شنو دايرة
مفتاحة: وهادشي لي خلاني مصدومة الله يغصبهم ولاد هاد الجيل ردو كولشي عادي
ام آدم: يا ربي غير ولدي ميديرهاش فبالو…
~~~~~~~~~~~~~
ملاك: (فصباح بقات فبيتها حيت باها ومها مبغاوهاش تخرج باش متصادفش مع لوخرين كانت مزيرة بزااف بغات تدخل طواليط)
زمر تفوووووو
(بقات كتجي وتمشي فبيتها للي فيه 3 متر)
ليهووود وميديروش فية هاد الحالة
(دخلت مها عندها وانفاجرت)
بزااااف بزااف هاد *** مزيرة غنطرطق وحتى صلاتي مصليتهاش!!!
زهرة: سيري دابا راه خرجو
ملاك: باش زايد ليهودي ديال باك على هادا للي هنا
زهرة: سير لمك ولا ن.. (خرجت ملاك كتجري لطواليط وهي جلست فوق النموسية معاجبها حااال فهاد اللحظة مكرهتش بنتها لوكان تزوجت بمراد كانت غتكون مهنية عليها كتر ماشي فدارهم ومغبووونة ومع حتى ملاك كتحشم وتسكت!! جابتها معاهم نيشان… جبدت من فواطتها الضوبل ديال سوارت ماريوها حطت ليها شي حويجات دخلت كتنݣر من طواليط)
ملاك: ماشي عيشة هادي ولينا فوسط دارنا محݣورين واش هاد جدي وعمي نساو بابا للي صلح الدار وحط فيها فلوس صحييييييحة باش رجعها هاكا راه ماشي غراضهم يبقى معاهم باش تبقى العائلة مجموعة راه غراضهم فدوك الاراضي
زهرة: اسكتي!!! جمعي شنو تحتاجي فدار ختك
ملاك: منمشييييش هنا باقية باش كل واحد يعرف حدو..
زهرة: راه نحلف عليك نييت تبقاي هنا
ملاك: حلفي!! (خافت مها تحلف وتبقى فهاد الخبس) والله والله لوكان ماشي خديجة ختي مسكينة محنة والله منمشي لشي قنت ونجلس ليهم مسماااار فحلقهم..
اورطيغا: (كينسا راسو فالخدمة بقا من واحد لواحد فلبيع وشرا وحيت عندو نسبة فالبيع كيحاول يبيع اكتر..
كان السوق عاااامر مسالا حتى العصر طلع للكاميو وريحتو غير غنم بقا كيحسب فلفلوس كيهز النسبة ديالو كيديرها فصاك الي ديما معلقو فكتفو بحال زماݣرية وعاد فلوس الحاج كيجمعهم فجوا كبير نزل من تماك ولكن ديما كيهز فلوس معاه معندو ثقة فحد
دخلو لݣيطون كانو ديجا طلبو طاجين هو ودراري للي معاه مع تحطت النعمة طارو بيها بكترة الجوع خلاو الطاجين مزال طالق الفواار وهو خاوي رجعو للكاميو طلعو لحوالة لي متباعوش بوحدهم وللي تباعو ومخداوهش حتى ليلة العيد دارهم الفوق يرجعوهم الكوري..
نزل هو دخل للدار للي فالكوري غسل حالتو بلما بارد لبس حوايجو تيشورت وسروال بارا مشا عند الحاج لجنان لي كان مع شي صحابو عطاه فلوسو لي ديما كيديرهم فصكادو دالجلد والكارني ديال شحال خرج وشنو تباع…. ومشا من تماك مهلوووووك ولكن خاص يرجع المحال باش يكمل شغلو هز تيليفونو صونا على مو كانت مشات للرياض حيت عندها جلسة ديال الترويض وجا شريف هو لي خداها)
شريف: نتي عارفة الحاج الالة زهرة ضروووري خاص التقاليد ديالنا يكونو حاضرين
أمينة: بلعكس اولدي هاد التقاليد هوما لي كيحليو العرس حتى حنا فݣرسيف والشرق عندنا تقاليد زيييييييينة
شريف: هي فعرس مراد تديرهم لينا
أمينة: ههه ان شاء الله اولدي ندوزو بعدا عرسك، نتا غير ݣولي شنو تبغي وانا نوجدو ليك
شريف: لهلا يخطيك الالة أمينة..
~~~~~~~~~
ملاك: (تسنات باها حتى رجع مبغاتش تمشي بلا متشوفو اكترية منين سمعت انه داافع عليها قدام باه وخوه يعني تاني مرة كيوقف فوجه باه المرة اللولة على مو ودابا عليها وهادشي فرحها وريحها.. دخل مشات باست ليه يدو وعنقااتو)
رشيد: (مستغرب من هاد لبنت كل مرة كتكون فمزااج)
ملاك: (شافت فيه) انا غنمشي عند خديجة نجلس معاها غير على متولي شوية ورجع فحالي وكان ماشي طلبت ورغبت والله منمشي
رشيد: (بشك) عند خديجة؟!
ملاك: (خرجت عينها) والله!!!
رشيد: هاحنا نشوفو.. صبري ناااكل ونوصلك
ملاك: انا نمشي صايݣة طموبيلتي اصلا مزال الحال وفاس غير قريبة
رشيد: متعاوديش طردي حمزة هو راه بحال خوك بغا غير يعاون وغير يوقفو عليك داك لحلالف قوليهالي
ملاك: (تبسمت) واخا!!! شي حاجة اخرى اكبيدة!!!
رشيد: بحالك بحال مك دغيا كتصرطووني بهضووركم!!!!
ملاك: ههه نتا لي هشيييش ودغيا كتكااال
رشيد: (تبسم خرج معاها برا) مقالكش نعطيك فلوس ولا شي حاجة
ملاك: هم!! قالي نعاونك وتعوضي فالخدمة مهم بقا كيخربق
رشيد: التعويض دفعناه ليك غتعوضي غتعوضي غير متعمريش راسك
ملاك: هاد الناس بحال كيعرفونا بزااف ابابا!!!
رشيد: ضرووري غيجمعو علينا المعلومات عاد غيجيو
ملاك: وعلاش زعما راه باين اصلا مغنعطيهش وقت
رشيد: هوما فالقاموس ديالهم معندهمش شي حاجة سميتها صافي نسا ولا يستسلمو ولا يخليو شي حاجة فالنص داكشي باش الواحد ميتأمنش ليهم
ملاك: مسااليين.. (رجعت باست يد باها وركبت فالطموبيل) انا مشيييت…
رشيد: ردي لبال لراسك..
يوسف: (واقف حدا شومبر باه فلكلينيك دغيا قلبو تضر ومتحملش الصدمة كتبان ليه غير يمشي يحيح على هاد مفتاحة وجماعتها غير موو للي ماانعاه)
وعلاش مسكتيهمش!!!!!!!
الغالية: مكذبو فوالو باش نسكتهم بنتي كانت حاملة وولدت
يوسف: ونسيتي واحد الكلمة تكرفس عليها تتعاودي هادشي بحال مشات بخاطرها؟!!!!!!
الغالية: مقلناشاااااي ولكن اولدي الناس ماشي غندورو عندهم واحد بواحد باش نفهموهم هادشي للي تيهم هو صحة باك من بعد عاد نحتاجو نفهمو العائلة
يوسف: وممحتاجينش هاد الساعة ولا من بعد حتى واحد ميتسنى منا نقولو ليه كفاش وامتى وعلاش!! للي محتاجينا هو الواليد غيثة وولدها نكونو معاهم
الغالية: واش ختك قد مسؤولية تربي شي واحد؟!
يوسف: الا هي قادرة وباغية علاش حنا منكونوش فصفها الولد ندخلوه معانا
الغالية: اش تتخربق وهي يبقى تابعها كلام الناس واش حسابلك انا قلبي حجرة ولكن انا تنفكر ليها هي وحتى داك الولد لي من صغرو غيتسمى عليه ولد لحرام حتى يكبر
يوسف: وحتى سليمان!!
الغالية: كاين فرق نتا طلعت راجل ودخلتيه بسميتك اما هو فين بااه؟؟
يوسف: انا باه انا نكون باه الله يجعلني ندخلو مع سليمان ومنحرموش من مو انا نسول الفقيه هو لي يفكلي هاد المنامة غير باش نلوحوه لا
الغالية: تديرو غير ما بغيتو!!!!
~~~~~~~~~~~~~~~
ملاك: (صايݣة فطريق وكتفكر غير فاورطيغا لدابا مصوناش من لبارح فالليل فاش قطع لدابا!!!)
هاد ايخان كيخليني غير كنفكر فيه علاش مصوناش!! انا اه منصونيش غضبانة وهو علاش؟!
ياك لبارح صونا اذا راه فهمني!!! علاش ميدووزش المهم.. (هزت تيليفونها صونات على وفاء)
وفاء: افين البنت!!
ملاك: انا جاية لفاس قوليلي راكي مع خالتي امينة
وفاء: لا انا فالدار علاش جاية عاود ياكما هاربة شنو درتي؟!
ملاك: زمرة عليك انا ماشية عند خديجة
وفاء: اوا لباس
ملاك: حسابلي راكي فدارهم بغيت غير نعرفو واش تماك
وفاء: لا صباح مع فطرت جيت هنا حيت خالتي أمينة رجعت للرياض عندها الترويض اليوم
ملاك: اممم اوا صافي الا كنت غنجي نبات فالدار غنعلمك…
ملاك: (مشات لدار خديجة لي كانت كتسناها باش تخلييلها سليمان وتمشي طل على اب يوسف شيخها حيت عزيز عندها بزااف.. وصلت لتماك) واش هاد البرهوش ناعس بعدا
خديجة: شوفي هو راه مكالمي بزااف الا حتى فاق حطييه غير فرولاكس ديالو وراني موجدة ليه ماكلتوو مبدلة ليه منقياه كولشي
ملاك: صافي غير سيري كوني هانية!! الا فاق غنصوتي عليك تقولي شنو نديرلو
خديجة: ملاك ختي زوينة لكبيييييدة ملوووووكة لوليد فآماااانتك
ملاك: مالي غنقتلو؟!
خديجة: لا هو انا عارفة لقتيلة مغتقتليهش غير هو وسعي خاطرك شوية معاه وصافي
ملاك: سيري سيري شحال كتزيدي فيه نتي عاود راني انا للي مربية أنير!!
خديجة: نعام!!
ملاك: فينها غيثة ؟!
خديجة: مشات حتى هي قبيلة راه ولدها فنفس المصحة فين كاين باها.. (لبست كسيوةة بانت ليها لكريشة رشت بارفان ديالها هزت سوارت فصاكهاا ومشات.. ملاك دخلت شافت سليمان ناعس خلات لباب محلول باش تسمعو مشات للكوزينة حلت التلاااجة جبدت حلوة لي خلات ليها خديجة وكبت العصير وبقات كتاكل وتفكيرها غير فيه)
واش هاد ززمر مغيصالحنيش!!! ياكما كيمارس علية الصمت العقابي!!! معامن جا والله حتى نمارس عليه الغيرة لعمياااا نخليه كيتركل!!! انا نوريه علاش قادة!!!
~~~~~~~~~~~~
غيثة: (كتبكي معنقها يوسف) انا سباب انا سبااااب
يوسف: هي حتى انا سباب حيت قبلت بداك الكلب فاش دخل بيناتنا
غيثة: نتا كنت ضدو!!
يوسف: ولكن خليتو داخل خارج معاك كيف بغا
غيثة: خويا يوسف اش جابك لية غير بلا متقولي انا مظلومة شوف شحال بيكم لي تآذيتو بسبابي
يوسف: خوي راسك اغيثة (طبيب خرج ولكن منع عليهم الزيارة حيت مزال فوضع حرج اما الغالية واقفة بوحدها باين فيها حزن كبييييييير وصلت خديجة عندهم مشا عندها يوسف جار غيثة لي مدرعها بيد)
جات ملاك؟!
خديجة: اه خليتها مع سليمان كيف بقا عمي؟! مدخلتوش عندو؟؟
يوسف: ممنوع.. (مبغاش يعاود ليها على لمطايفة لي ناضت مع اشرف على حساب غيثة شاف فمو) الوالدة
الغالية: همم
يوسف: (مشا عندها كيواسيها عكس اشرف للي لامها على لعيالات لي كانو صحاباتها وكانو هوما سباب مرض باه للي من ديما كيحاولو عليه باش ميسمع حتى حاجة تأثر فيه)
غيبرا ان شاء الله نتي غير ددعي معاه…
مفتاحة: (وصلهم لخبار الحاج مرض بزااف عاود كان كولشي غيمشي حيت هو عزيز عندهم جا عندها خوها باش تمشي معاه حيت أمينة كانت عيانة شوية بكترة الحركات للي دارت)
غير سير اخويا
بنسليمان: (باستغراب كبير) متمشيش؟!
مفتاحة: علاش ماشي صباح الغالية لي كنت حسباها بنتي طردتني من دارها
بنسليمان: وعلاش؟!
مفتاحة: هضرة جابت هضرة شي فضيحة مشيت نبهها عليها ورجعت انا الغالطة
بنسليمان: اشمن فضيحة؟!
مفتاحة: فضيحة بنتها للي ولدت حرامي
بنسليمان: صافي سكت علية نتي عارفة تنكره لي يهضر فهاد تخربيق!!!
مفتاحة: مسمعتنيش حتى شنو كنت بغيت نقول!!
بنسليمان: وانا مالي فهاد هضرة ديال نسا واش غتمشي تشوفي السيد ولا لا؟!
مفتاحة: غير سير حتى لغدا ونمشي مع أمينة
بنسليمان: (خرج من بيتها مشا هو وولدو سعد شفيق اما حتى شريف كان تماك…)
اورطيغا: (كيهضر فالتيليفون) بالصح!! ياكما على حساب مشكل غيثة….
اممم.. داك السيد ميستاهلش…
واخا هكاك اخااي يوسف كان خاصو يعرف اليوم ولا غدا كانت غدوز فودنو راه ماشي براني اللهم يعرف بكري…
انا مزال فالمحال من الفجر وانا تنخبط…
لا لا نجي نتا مزال تما؟!
صافي شي نص ساعة نكون تماك…
(قطع راس كيقولو غير يمشي لصفرو عندها ولكن مزاال.. كمل شي خدمة عندو تماك ومشا لتماك غيشوف السيد ومن تماك يمشي عند مو يشوف كيف بقات حيت دوزت نهار عيااانة..
طلع عندهم الطابق فين كاين تقريبا كولشي تماك بعد جا عندو يوسف عاود ليه لبلان بالظبط شنو وقع عرفو الزيارة ممنوعة عليهم حتى هوما لي ولادو ومرتو!! مشا فحالو حيت عيا حتى سمع)
الغالية: مراااااااد (ضار مستغرب حيت موالف منها غير بالشمكار وصلت عندو)
كنت قلت داك نهار نتاا قادر تحل دار وعندك خيرك وعارفة غيثة عزيزة عندك
(وقف كيسمع ليها) نتا شفت شنو داز عليها وحيت ولادي وكولشي كيعزك قلت نتا تستر بنتي
اورطيغا: (هز حواحبو مصدووم عمرو نوا ولا تسنى ولا توقع الغالية تقول هادشي للي كيسمع دابا) بغيتي نتزوج غيثة؟؟؟!!
الغالية: (خرجتها من فوق قلبها) هي تتبغيك ونتا عارف هادشي وبسباب هادشي خرجت على راسها وعلينا كاملين، انا عارفاك نتا عمرك درت ليها شي حاجة قبيحة ومن ديما كانت عزيزة عندك وهاد المشكل خلا باها كان غيموت خوتها دابزو شفت حالتنا
اورطيغا: (تصدم بقا غير كيسمع راه جامي جات فبالو الغالية تخطبو لبنتها) ماااامـ….. ما
الغالية: فكر مزيااان ونتسناك ترد علية (مشات قبل ميجاوبها اصلا زربت عليه حتى فاش كتهضر عينها حانياااهم مرضياش بقا غير متبعها تلفاتو بهاد الهضرة..)
اورطيغا: (بقا غير متبعها كلامها مزال كيتعاود فودنو.. دخل لطموبيلتو شعل ݣارو راد راسو اللور ماشي كيفكر فكلام الغالية ولكن واش لهاد الدرجة وصلت بيها كيعرفها مزيان نافخة وحاسبة فراسها وكتكرهو وباش توصل بيها تخطبو لبنتها تخطب واحد مكتحملوش كان دم سنانها راه القضية صعييييبة عندهم!!! ديمارا الطموبيل وكسيرا شاد طريق لصفرو عارف ملاك غدير المستحيل باش تخرج عندو واخا مبغاش ليها صداع ولكن ضروووري خاص يشوفها واخا يعرف يدخل عندها..)
~~~~~~~~~~
الغالية: (طلعت الفوق أغلبية غيمشي فحالو من لي جاو بغاو يطلو عليه وتمنع عليهم الزيارة جلست فكرسي مهمومة نقطة ضعفها راجلها.. شافت فبنتها كفاش تبدلت وعاد حالتها وهاد الخطوة للي دارت على قبلها، من ديما كانت كتحماق على اورطيغا واخا السؤال علاش كانت كتبغيه حيت كان كيجيها معيوب من جميع النواحي ولكن هو دار العكس ماشي هو لي كان شمكار الراجل لي ختارت لبنتها كان هو الشمكار ولي شمكرها معاه كانت كتقول مزلوط بين ليها العكس وعندها احساس قوي مكيكذبش وان بالصح عندو أملاك وداير علاش يرجع فهاد زمان، كانت كتقول خايب كحل جحموم باش نفع ادم لي زوين وديما لابس لكلاص خلا بنتها مجرمة باغية تقتل ناس عمرهم أذاوها عاد حملها ونكر..
لامت راسها بزاااف بنتها كانت كل ليلة كتبكي على اورطيغا لي حتاقراتو وكانت كترغبها انها مترتابطش بادم وهي كانت كتشوف هادشي غير مراهقة وعناااد… عيااات بزااف شوفة ولادها لي كيلوموها انها أم قاسحة وهي هادشي كامل كانت دايراه كنوع من حماية ولادها حست بخنقة وغصة كبيييييرة وهاد المرة ملقات حتى واحد فجنبها حتى ختها مقدرتش تعاود ليها….)
~~~~~~~~~~~~~~
ادم: (من بعد مقال لمو شنو كاين باش يورط غيثة وتخرج تهضر انها دارت شي حاجة ليه وتحسب عليها حيت عارفها مكتفكرش قبل متهضر عارفها مكلخة ونيت يعرف شنو قالت عليه باش يعرف شنو غيدير وجد وراقو حوايجو وخرج من الدار مع صحابو نيشان للمطار صونا على ليلا تماك)
انا غنمشي لفرنسا
ليلا: (كانت مع حمزة) واش فمرة!!!
ادم: لا غندير عملية وغرجع
ليلا: وعلاش معلمتنيش من قبل؟! وشنو داكشي للي مشيت قلت لماما على غيثة
ادم: بغيتك تكوني حداها باش نهضر معاها
ليلا: راه قلت ليك هادي للي منديرش
ادم: غدا نصوني عليك باش تعطيهالي.. (قطع وبقا كيتسنى موعد طيارتو..)
ليلا: بفففف واخيييرا غيمشي
حمزة: (باغي يوصل ليه قبل ميمشي) الا بغيتي نوصلك عند خوك !!
ليلا: لا
حمزة: حسن شوفيه حيت باينة غتبقاي مديرونجية كنعرف لي كيكون حنين بحالك غيبقى تأنيب الضمير كياكلو واخا نتي مدايرة والو!!! ولكن معليش ودعيييه كما قلتي هو دابا بوحدو واخا دايرين بيه دراري!!
ليلا: ( جاها كيفهمها) بالصح؟!
حمزة: ياله نوصلك سيري نتي للطموبيل انا جاي!!
ليلا: (خدات سوارت من عندو وباستو فحنكو وهو مشا يخلص واخا كان ممكن يعط غير على السرباي لطبلتو ويخلص.. مع خرجت هز تيليفونو)
حمزة: (صونا على يوسف) ادم ماشي لفرنسا…
عرفت منين عرفت..
مهم انا علمتك..
اه غنمشي باش نتأكد واخا هكاك خلي عينك على ولد ختك.. (قطع خلص ولحق على ليلا ونيشان للمطار كيتفكر انه غيشوفو واش يقدر يتحكم فراسو ولا لا ولكن باغي يعرف أهم معلووومة حاليا لي كيبحث عليها فين هي أميمة؟؟!!)
~~~~~~~~~~~~~
اورطيغا: (قبل ميوصل لصفرو صونا عليها مرة جوج مكتجاوبش… صيفط ليها ميساج)
جاوبي ولا غندخل على مك!!!
(صونات عليه جاوب قبل ميهضر)
ملاك: سمع اولا انا صونيت ماشي حيت خايفة منك باش تبقى تهددني ولا..
اورطيغا: خرجي عندي!!
ملاك: فين غنخرج؟!! ميمكنش نخلي الولد بوحدو
اورطيغا: جيبيه معاك مالها أول مرة تجيبيه؟!
ملاك: (سمعت صوت طريق، باستغراب) فين جاي نتا؟!
اورطيغا: تلقايني فبلاصة فين موالفين تنتلقاو
ملاك: واش نتا ماشي لصفرو؟! انا راه كاينة ففاس
اورطيغا: شنااهوا!!! (وقف فجنب طريق) كفاش كاينة فاس؟!
ملاك: جيت قبيلة عند خديجة
اورطيغا: (بقا ساكت مدة) شنو هاد **** ديالك نتي!!
ملاك: (قطعت عليه) اوا ياله!!! باش يصالحني مزال كيخصر الهضرة!! (رجع صونا عليها جاوبت) شنو!!!
اورطيغا: (صاااعر) غير نوصل لتحت الدار خرجي عندي
ملاك: لا… حتى تعلم تهضر معايا باحترام الله يخليك!!!
اورطيغا: انا جاي لجد مك نوريك الاحترام!!! (قطع ومشا مكسيري على ميلقى شي رومبوان باش يضرب الدورة يرجع لفاس…)
ملاك: (معجبهاش الحال طريقتو رجعت مستفزة باش يعتاذر ويحس بالغلط ديالو كيزيد يكفسها معاها!!
بقات كتراري بسليمان واخا اصلا مكيبكيش وماشي حيت كتبغي دراري صغار ولكن هدا مساااالم حتى بكيتو خفيفة حدو بكا شوية وجدات ليه مياكل عطاتو وهو يصقر خلاها تهزو بلا هواها وزايدها بحروف كيخرجهم من فمو مثلا كيغاغي ودادادا…. دازت نص ساعة صونا تيليفونها كان هو مجاوبتش كتبت ليه ميساج)
“يوسف وخديجة مخلين ولدهم منقدرش نخليه ونهبط عندك “
اورطيغا: (جنناتو.. حط طموبيلتو فشي بلاصة خاوية ومشا باش يطلع ملقاش لي يحل لباب حتى من العساس مكاينش صونا على دار يوسف جاوبت) حلي لباب
ملاك: شنو باغي امراد واش غتكمل شنو بديت داك نهار؟!
اورطيغا: غنبقاو نهضرو هنا؟!!
ملاك: انا شادة الولد
اورطيغا: حلي لباب
ملاك: واش غطلع ومكاين حتى واحد؟!! والا تعديت علية؟!!
اورطيغا: (كتزيد تعصبو) حلي لباب املاك!! (بقات شحااال كتفكر)
ملاك: سير امراد مغنحلش ليك نتا معصب وانا معصبة مغنوصلو حتى لشي حل (حطت لانتيرفون وجلست عارفاه غيزيد يتقلق ولكن خاصو يفهم هادشي للي دار معجبهاش وهي واحدة موقف منو خاص حتى يصلحو عاد يرجعو كيف كانو.. صونات على خديجة عرفت ان يوسف غيجي يوصلها هي وغيثة ويبقى مع مو لي بايتين تماك..
اما اورطيغا مرجعش صونا عليها وهادشي كيزيد يأزمها.. حست براسها مرضت نفسيا بهادشي حتى كتفرح وترتاح شوية كتخرج ليها شي حاجة من الجنب!!)
~~~~~~~~~~~~
خديجة: (طالعين هي وغيثة من لبلاصة فين كاين ولدها)
متخافيش راه طبيبة قالت ليك الامور ماشية مزيان وهانتي شفتي شحال من وحدة بحال الحالة ديال ولدك
غيثة: (بتنهيدة حزن) بقا فية هو وبابا مسيكييين لي بسبابي راه هنا (تسالاو دموعها وباين فيها لعيا والارهاب والقلق كولشي تجمع فيها)
خديجة: مكيناش شي حاجة سميتها بسبابك هدا مكتاب الله
غيثة: قاسحة اخديجة والله حتى قاسحة عرفتي شحال هادي مفرحت!!! ولا جلست غير مرتاحة شوية!!
خديجة: غيكون خير ان شاء الله احبيبتي.. مصوناش عليك حمزة؟!!
غيثة: (حركت راسها بلا) مبقاش تيهضر معايا بزاف (وصلو عند يوسف ومشاو دازو خداو عشاهم وصلو للدار طلعو يوسف بدل حوايجو ورجع للمصحة من بعد موصااهم على راسهم باش ميخرجوش والا بغاو شي حاجة يعيطو ليه غيكون فايق الليل كامل…)
اورطيغا: (شاف فيوسف للي مشا، كان جااالس فالطموبيل غير يهضر معاها رجع صونا عليها وجاوبت)
متنزليش دابا؟!
ملاك: (حسابها غضب ومشا) مزال لتحت؟!
اورطيغا: نزلي املاك
ملاك: (عجبها الحال يتسناها عاد زادت فرنست ولكن مباينتش) مراد خلي حتى لغدا
اورطيغا: دابا غير تنزلي ولا انا للي غنطلع!!
ملاك: كولشي عندك بالتهديد؟!
اورطيغا: (كيرطب بالسيف عليه) متنهددش.. نزلي املاك
ملاك: (عوجت فمها) مزيدش على خمسة دقايق مبغيتش نتعطل!!
اورطيغا: واااخ غير اجي!!
(قطعت دخلت لبيت لقات غيثة كتلبس حوايجها بشوية على الجرحة لي فكرشها لبست هي كيطمة واااسعة) مقلتيليش شنو غتسمي ولدك؟!!!
غيثة: محمد
ملاك: بالصح!!! زويييينة!!!
غيثة: علاش جاتك عجب!!
ملاك: حيت نتي كيليميني قلت غتسمي شي سمية ديال دااااك تخربيق ههه
غيثة: ههه يا ملاك تتعطيهالي فوجهي ههه.. لا بغيت نسميه محمد عزيزة عندي هاد سمية
ملاك: مزياان والله يشافيه ليك ويخليكم لبعضياااتكم..
غيثة: اميييين.. شوفي انا عارفة انا لي درت ليك المشاكل مع مراد وقف..
ملاك: نتي مدرتي واالو!! (دارت شالها) وحنا ممخاصمينش غير مناقشين وصافي.. انا مشيت (دارت بارفانها ودارت عمر خفيف علمت خديجة هزت ساروت الدار ونزلت لقاتو حدا لباب سدت لباب بشوية متقلة فلمشية.. زادت القدام وهو تااابعها مشات لحدا طموبيلتو ربعت يدها وبقات واقفة)
شنو امراد؟!
اورطيغا: تتشحفيني املاك باش تنزلي؟!
ملاك: (قلبت وجهها راسمى ملامح الجدية مع الغضب)
اورطيغا: (حل ليها لباب مطلعتش) طلعي نمشيو لشي بلاصة نهضرو
ملاك: حتى هنا نهضرو ولا ناوي تاخدني لشي خلا و تبقى تغوت وتضرب!! حيت بانلي نتا هاكا تتناقش
اورطيغا: هاكا ديما تنهضر معاك املاك؟؟!!
ملاك: (شافت فيه) منين خرج منك داكشي داك نهار يعني اصلا فيك غير مجاتش الوقت باش يخرج!!
اورطيغا: محطيتيش راسك فبلاصتي!!!
ملاك: حطيت.. داكشي باش نزلت دابا، أمّا مكنتش غنزل… سمع امراد كولشي نقبلو منك الا العنف ماشي انا لي تقبل على العنف
اورطيغا: والكذوب نقبلهم انا منك هانية؟؟!!!
ملاك: انا مكذبتش ونتا عارفني علاش خبيتها!!!
اورطيغا: دابا طلعي املاك نمشيو لشي قنت ونهضرو فخاطرنا
ملاك: (دارت راسها بحال كتفكر وهي ميتة باغا طلع معاه.. عاد طلعت سد لباب بشوية عارفها خاصها غير فين تغضب ومشا طلع ديمارا وتحرك من تماك)
فين غنمشيو؟!
اورطيغا: وليتي تتخافي مني املاك!!
ملاك: مكنخافش ولكن… تصدمت فيك
اورطيغا: تصدمتي فية ݣاع!! على اساس بقيت تنقتل فيكم وحدة بوحدة
ملاك: يعني الضرب عندك عادي!!
اورطيغا: متحكمتش فراسي وحدة تتقولها بفمها انا لي خديت مك لتماك باش تقتل شنو تتسناي مني ندير!!
ملاك: وانا؟!
اورطيغا: نتي ضربتك!!! امتى؟!
ملاك: راه اصلا مشكلة الا معقلتيش!!!
اورطيغا: واش داوية بنيتك امتى ضربتك ابنادم؟!
ملاك: تطنز!!!
اورطيغا: نتي لي طانزة علية هاد الساعة!!! (مجاوبتش) اخر وحدة نضربها هي نتي
ملاك: وداك دفيع؟!!؟؟
اورطيغا: علاش هداك تيتسمى ضرب؟!!! واش نتي متتقوليش داك بنادم الله يحسن عوانو!!!
ملاك: الا دوزت ليك دفيع حتى الضرب نقول لا مسكين مكانش واعي محسش على راسو سمع امراد انا تضربني ميفكوني معاك غا البوليس!!!
اورطيغا: ههه ياااك
ملاك: والله منعقل عليييك قلبي نشدو نزطم عليه ومنتافكش معاك الا لحمي وكرامتي عزاازين علية
اورطيغا: (بقا كيظحك وهي كتعصب) البوليس ݣاع املوووكة!!!
ملاك: جرب!!
اورطيغا: (وقف الطموبيل شافت كانت جريدة نزلت قبل ميهضر زادحة باب الطموبيل شد لسااانو غير بالسيف.. تبعها الجردة كان باقي فيها شوية دالناس جلست فكرسي لحق عليها وجلس كحزت من حداه)
علاش رجعتي من داركم!؟!
ملاك: على حساب خديجة
اورطيغا: متأكدة!!!
ملاك: واش جايين نهضرو فهادشي؟؟؟
اورطيغا: تي مال مك غير تتخرحي فعييينك!!
ملاك: هااااااا….. هاااا نتا هو نتا الا مغوتش وعرعرت متقدرش تهضر بشوية!!
اورطيغا: انا هاكا وعمري كنت مرسوم بحال شي نونوس اي واحد كفاش تيتنيرڤا!!! وداك نهار معجبنيش الحال تكوني وحدة من لي خبعو علية الا قستك ولا شي حاجة غير مااا.. مغتفهميييش!!!! حيت صافي فبالك انا ضربت والسلام!!!
ملاك: انا ديما كنفهمك ولكن نتا كنت قبيح بزااف معايا وهادشي كنشوفو فالقدام!!! تضرب وحدة حاملة!! وتدفعني وانا للي كنت خايفة عليك!!!
اورطيغا: ونتي مااالك فيها!!! زعما خايفة نهار تكوني حاملة نبقى نشبع فيك عصى
ملاك: انا ماشي غيثة لي نتضرب ونحط يدي علىى خدي ونبقى نتغبن ونبكي انا حقي منسمحش فيه واخا تطيح الروووح
اورطيغا: (تبسم وهو كيشوف فعينها) هي نخاف على *** معاك
ملاك: كنهضر بالصح!!!
اورطيغا: اليد لي تمد عليك تقطع قبل متقيييسك
ملاك: مشفتش
اورطيغا: انا مضربتكش امليكة غير متحمقينييش!! (شافها نايضة وهو يوقفها جلسها) عمر كانت نيتي نضربك هو صراحة شي مرات تتكون داااايزة فيك ولكن باش نضربك لا
ملاك: ضربتني وطيحت مني!!
اورطيغا: اوا وباش تحكمي
ملاك: معندي مااانحكم غير هي مغتعاودش حيت اسهل طريقة تكرهني وتعيفني فيك هو هادشي
اورطيغا: اممم.. (عارفها شي وحدة لي متقبلش لعصا راه خوات دار باها غير على هادشي ولكن هو معاقلش حتى واش ضربها كما كتقول مكان حاس بواالو بقا سكاات بيناتهم هي كتشوف اونفاص ليها وهو كيشوف فيها)
علاش رجعتي من داركم عاود عمك؟
ملاك: لا
اورطيغا: متخبيش علية
ملاك: هوما مزال مبغاو يفهمو وبابا دابز معاهم على قبلي وخديجة طلبت منهم ورغبتهم باش نونسها هاد ليامات صافي قالي سيري عند ختك هاد اليوماين
اورطيغا: متأكدة!!
ملاك: وعلاش غنكذب !!؟
اورطيغا: نهبط نهضر معاه باش نفضيو هاد المنامة
ملاك: مغنتزوجش باش نهرب من تماك هاديك دارنا ودار بابا بغاو ولا كرهو
اورطيغا: وأنا؟! انا باغي نتزوج باش نهرب من ***** كااامل لعندك… راه الا هربتي عندي مغتنقسيش من قيمتك وداك الكرامة لي تظلي تطبخيلي مخي بيها راه تتعني ان راحتك معايا هاكا انا تنفهمها
اورطيغا: …واخ انا عارف شنو غندير حيت صراحة الهضرة ماشي معاك الهضرة مع رجال نيشان!!…
(بقاو ساكتين مدة مزال كيحسها مغيرة) علاش مجيتيش تقوليلي على غيثة!!
ملاك: نتا غير تفكر شحال من مرة كنت كنبغي نهضر عليها ونقولك شنو كاين ولكن نتا غير كتسمع سميتها كتصعر.. تفكر خاصك تفكر
اورطيغا: كان خاصك تقوليلي املاك
ملاك: شنو غنقولك امراد!!
اورطيغا: مثلا الكلب بسبابو حفرلك هو وديك ال**** باش دارو ليك داك القالب
ملاك: داكشي داز ومكنبغيش نهضر فيه
اورطيغا: مدازش حنا مزال فيها مشاكلك مع عمك وجدك باقي كولشي بسباب هادشي
ملاك: نتا لي درت لحشيش لباه؟!
اورطيغا: اه
ملاك: وعلاش؟!
اورطيغا: (عاود ليها فلاش ديال ليلا) منين دارو هكاك مبغاتش تصرطلي كفاش يتجمعو علية!!! واحد خونا فتا واحد الري مفكرتش جوج مرات درتو ليه وتسعت بعييييد
ملاك: (بغضب) تستاهل داك لعصا وكان حسابلي هكاك ݣاع منقااابلك ديك الليلة غزا فيك لقاك مع بنتو مالو غيتعرض ليك بالاحضان
اورطيغا: يااك!!! انا بعدا من ديك الليلة بديت كنستحلاك
ملاك: (عوجت فمها كان عندها شك دازت بيناتهم شي حاجة هو وليلا، ولكن مكانتش بغاتو يأكدها ليها واخا ماضي ولكن شعلها)
اورطيغا: سمعت داك ولد جيرانكم تيعاون غيثة
ملاك: بزااف اكترية منين عرف ادم كان متافق مع مرتو يعني حتى هو حفرلو وللي فهمت راه حاطين عليه
اورطيغا: منعاودش نشوفك تتهضري معاه
ملاك: حمزة راه بح(خنزر فيها وهي ملات من هاد السيرة) بففف مراد خالتي أمينة خايفة عليك من هادشي بغاتك تبعد باش تكون هي مرتاحة
اورطيغا: ونتي بانلك انا غنبعد
ملاك: لا… (تشاوفوو مدة) غير هو ضرب وقيس
اورطيغا: ههه مزيااااان دابا تتفهميني…
شافو الساعة كانت 1 دالليل هضرة جابت هضرة لي خلا ملاك ممرتاحاش هو البرد لي تحرك شوية اما محسوش بالوقت وهاد الجلسة كانت خاص ضروووري تكون..
اورطيغا: تاكلي شي حاجة قبل متدخلي؟!
ملاك: لا لا مافيهاش الجوع
اورطيغا: متأكدة عارفك جويعييينة
ملاك: مرااااد!!! انا اصلا مزال مقلقة منك يحسابلك دغيا غنسى داكشي للي درت فية بجوج كلمات!!
اورطيغا: حتى انا مغنساش !!
ملاك: وتفرݣع!!
اورطيغا: غترجعي لدارك ولا دار ختك؟!
ملاك: لا عند خديجة بحال والو بابا يصبح على صباح يجي ومبغيتش نضيعها معاه عاود
اورطيغا: تصالحتو مزيان؟!
ملاك: على داكشي لي دار اه وقالتلي ماما خالتي أمينة هضرت معاه من تماك وهو مرطب الجو
اورطيغا: الوالدة!! شنو قالت ليه؟!
ملاك: معرفتش.. (وقفت) ياله نمشيو بردت بزاف
اورطيغا: (وقف حتى هو عارفها غير مسألة وقت وترجع كيف كانت معاه ركبو وصلها قبل متنزل شد لباب بيدو مقرب بقات كتشوف فيه بوجه جامد) غتبقاي هاكا؟!
ملاك: انا معجبنيش الحال واخا انا معاك فشي حوايج ولكن انا شنو درت نيتي كانت غير الخير وعييت كنتجازا بالخايب امراد
اورطيغا: راه مشعرتش براسي املاك
ملاك: اوا حس بيا حتى انا!!! لي كنهرب من كولشي لعندو فأول مشكل وعصبية شنو دارلي
اورطيغا: صافي ضربتي كولشي فالزيرو وركزتي غير على هادي
ملاك: مقلتش نتا متسواش غير انا هاكا بقى فية الحال وهادشي راه عادي نورمال باش تعاتبني علاش انا هاكا خاصك دير شي حاجة باش منبقاش هاكا
اورطيغا: (بقا كيشوف فيها) تتغمقي علية بقرايتك؟؟؟
ملاك: (تبسمت) تصبح على خير
اورطيغا: صبري نوصل معاك (هبط وصلها حدا لباب مخلاتوش يدخل معاها حيت غتوقع شي حاجة واخا غير بوسة وهي غتستسلم اللهم من اللول متقبلش.. رجع للطموبيل صونا عليها حتى عرفها دخلت للدار عاد مشا لدارو من بعد تعب ديال نهار طويييييييل….)
حمزة: (كان غيتجنن منين عرف طيارتو مشات كان غيتواجه معاه يعرف غير فين أميمة لي عندو شك كبير عارفها فين كاينة وبحال والو عاونها تحرݣ مهم غير يقولو فين هي)
مقالش امتى يرجع؟!!
ليلا: شفت على تبرهيش اجي عندي ومنين جيت لقيتو مشا!!!!!
حمزة: ومقالكش امتى يرجع؟!
ليلا: لا مصاب ݣاع ميرجعش كولو غير صداع ومشاكل
حمزة: (براكة غير هاد الاعصاب للي بانو مخاصوش يبين كتر)
ليلا: غنبقى معاك هاد الليلة معصبة بزااااف ومبغيتش نبقى بوحدي
حمزة: (شاف فساعة يدو) خاص نمشي لبلاد باش نسالي شي شغل وغدا نجي بكري نشووفك
ليلا: مقلتيلي والو!!
حمزة: هانا قلتها ليك دابا خاص نمشي.. فين نوصلك؟!
ليلا: حمزة مالك؟!
حمزة: شي حاجة فالخدمة خاص نريݣلها قبل متكبر المشكل
ليلا: اااه صافي… واخا…. غدا متأكد نتلقاو؟!
حمزة: اه اه غير نسالي نجي عندك مهم انا غنصوني عليك نعلمك.. (بانت فيه معصب.. وصلها لدارهم وهو مشا لفين جالس كيلوم راسو لي تعطل كان ممكن على الاقل يعرف بلاصة أميمة…)
~~~~~~
اصبحنا واصبح الملك لله..
اب يوسف كانت الحالة مستقرة نسبيا دخلو شافوه ولكن ممنوع يهضرو معاه
يوسف: الوالدة سيري للدار نتي راك الليل كامل مرتاحيتيش
الغالية: (حركت راسها بلا) انا نزل نشوف ولد ختك
يوسف: (بقا كيشوف فيها الليل كامل منطقات حتى بشي كلمة غير ساهية حتى الماكلة ولا الما مبغاتش تشربو عارفها فاش كيكون باه مريض كتكون حالتها خايبة راه هو نقطة ضعفها!! جا أشرف جايب ليهم فطور)
أشرف: فين الوالدة
يوسف: هبطت لتحت تشوف ولد غيثة
أشرف: علاش غيهرب تبقى مع الواليد لي كانت سبابو
يوسف: سعداااتك اخويا محضرت على والو محرقت اعصابك وومرضتي فهادشي وزايدها منفخ ومعاجبك حال
أشرف: حيت نتوما تتخبيو
يوسف: على هادشي نيت الا عندك باش تعاون اما نتير والغوات راه كامل تنعرفو ليه.. انا نمشي لداري وبعد من الوالدة براكة داكشي لي فيها كافيها….
ملاك: (صوناو عليها من الخدمة باش يتصنتو ليها يعني قربت تدخل… لبست دغيا بالفرحة حوايجها وخرجت بلا فطور مشات لعندهم وهي خااايفة متوترة ولكن حاولت تبين العكس كما العادة صونات عليها بريڤي جاوبت) وي!!
حمزة: واش عيطو ليك فالخدمة؟!
ملاك: حمزة!! اه عيطولي ونتا؟! باش عرفت؟!
حمزة: لا حيت حاط لاديميسيون ديالي واخا مزال متسنات قالهالي باك
ملاك: وعلاش احمزة ضيع راسك ونتا باغي ديك الخدمة راه ماشي ذنبك لا نتا لا أنا
حمزة: صعييب املاك رجع لتماك ديك الدخلة داك نهار عمرها تنسالي
ملاك: دفع ميطاسيون حتى نتا لشي مدينة اخرى
حمزة: منخليش الوالدة بوحدها وحتى رزق الواليد انا نتكلف بيه ومباغيش نخوي صفرو
ملاك: ولكن نتا مكتبغيش داكشي
حمزة: معلييش، مهم راني هابط لفاس داير مع عمي رشيد باش يرجع معايا وغيجيب شي وراق من المحكمة غتحتاجيهم مهم نتي متضهشريش وخرجي عيينك
ملاك: واخ.. (قطعت وكملت الصوݣان معرفت واش تصوني على اورطيغا تقولهالو ولا لا محست حتى دوزت نمرتو كتصوني مجاوبش كملت الصوݣان صونا عليها باها كان مع مها كيأكد عليها عاااود باش متخافش.. وصلت لتماك حطت الطموبيل مبغاتش مشكلتها تناقش هنا فالبلاصة لي غتبدا خدمتها فيها باش تبقى صورتها نقية وميكون حتى شبهات عليها من قبل الزملاء فالخدمة ولكن..
دخلت سولت على سمية لي قالو ليها ومشات لبيرو فين نعتو ليها كتسنى… كتبت ميساج لاورطيغا وهي متوترة بزاااف داكشي رجع عندها بحال غير لبارح وقع ليها داك المشكل)
“مراد عيطولي فخدمتي وانا فيها دابا”
صيفطاتو معرفت متكتب فيه ماشي بحال الهضرة لي كيخرج من فمها شنو عندها فقلبها.. بقات شي 5 دقايق وهو يجي واحد وقفت
…: تفضلي مدام ملاك
ملاك: (بلا متحس تابعاااه) أنسة (عضت لسانها ندمت علاش صححت واش هي دابا فمدام ولا أنسة!!)
…: (شير ليها تجلس وجلس) باغدون كانو قالولي مزوجة
ملاك: (بنصف ابتسامة) ماشي مشكل عيطتولي قبيلة!!!
….: (كيقرا شي وراق) سمحيلي نصحح المعلومة حيت عندي هنا مكتوب مزوجة بالسيد حمزة ****…
ملاك: (باستغراب آش جاب قضيتها لخدمتها لشكون راجلها وسمييتو مداروش معاها هاكا حتى فنهارها اللول دالخدمة..) سمحلي ولكن معرفتش اش دخل هادشي فالخدمة!!
…: غير اجراءات شكلية باش نعرف على حساب الوليدات الا كاينين
ملاك: هه مزال معرفت شنو العلاقة!!! مهم واش غرجع نخدم؟!
….: ضرووري.. انا هنا تنعمر الإجراءات المالية باش تاخدي التعويض ديالك
ملاك: (تحلو عينها) شحال؟!!
….: 40000 درهم
ملاك: (نسات التساؤلات ديالها و دغيا فدماغها عرفت لمن تعطيها السمسار باش تسالي كريدي ديال الدار وتهنا)
…..: بالنسبة للخلصة ديالك مزال مرجعت… في حالة هاد شهر متخلصتيش غتجمع ليك راپيل على مترجعي للخدمة
ملاك: (تبسمت) وامتى رجع للخدمة؟!
….: غيبقاو معاك على اتصال وغيعلموك هاد الايام
ملاك: نتا فالادارة المالية علاش كتسول على زواج ديالي؟؟!
….: غير اجراءات شكلية وصافي
ملاك: اممم (سنا الشيك وعطاه ليها) دابا؟!! غتعطيهلي دابا؟؟!
….: راك نتي لي تضررتي أنسة ملاك وكاين ناس مبغاتش هاد الضرر يزيييد كتر
ملاك: شكون؟!
….: (دار الفكس فودنو) باغدون (بقا كيهضر وهي كدور عينها مد ليها الشيك تلفها بقات كتقرا وتعاود واخيييرا غتهنى من كريدي ديال الدار حتى الا تعطلت خلصتها ماشي مشكل المهم متزيدش تحاااشم ومتخلصش طريطات راه مراد خلص وحدة وبقاو ليها 3 و4 فطريق تبسمت حتى طلعو حنوكها سارحة بعقلها فهاد المدة خدات دار وطموبيل ودابا عندها زيرو كريدي مكاينش شي حاجة احسن من هادشي غيوقع ليها يمكن هدا هو التعويض لي صيفطو ليها الله ومتأكدة انها تستاهلو حيت مغلطتش وربي كبيييييير.. وقف على اساس تابعاه شي خدمة)
الإدارة غتاصل بيك هاد الايام باش ترجعي (عطاها ورقة) خاصك تجيبي معاك هاد لوريقات وحتى الانتقال ديالك من صفرو..
ملاك: اه… (شافت فالورقة ورجعت شافت فيه) شكرا (خرجت كان كيحسابلها غيهضرو على حساب المشكل ولكن هاكا احسن.. خرجت برا غطير بالفرحة ركبت طموبيلتها ونيشان عند السمسااار….) الله على راحة اللللللللللللللله…..
ملاك: (طلقت الموسيقى كتشطح برويسها عجبها الحال رزق وجا عندها حتى لبين يدها وهي مدايرة عليه!! وصلت للحومة مشات لمكتب السمسار مخرجة داك الشيك للي صوراااتو وعطاتوو ليه باش يعطيه لمول الدار دار معاها الإجراءات انها عطات فلوسها وداتها للمقاطعة ورجعت عندو بقا غير يجاوبها منين يقولها لمول الدار خرجت وقربت تنقز بالفرحة صونات على مها وخوتاتها قالتها ليهم.. صونا عليها مراد جاوبت ناسية حتى واش مقلقة منو) الووووو
اورطيغا: فينك؟!
ملاك: رجـــــــعــــــــــــت من الخدمة
اورطيغا: شنو دارو معاك؟
ملاك: خلصوني ههه
اورطيغا: مال مك واكلة شي حاجة كفاش خلصوووك؟!!! (مبغاش يقول ليها كفاش قضية داك الشيك)
ملاك: انا خلصت داري ونتا لااااا!! ههه
اورطيغا: واش واكلة شي حاجة من غير الخبز!!!
ملاك: اغييير الفرحة خلصت الكريدي للي بقالي فالدار
اورطيغا: اممم.. هي غتخلصي معايا دارنا
ملاك: ههه
اورطيغا: منين جاوك فلوس!!
ملاك: راه بالصح شديت التعويض ديالي والخلصة غتجمعلي حتى هي راپيل الا كانت شي لعااقة نعاونك
اورطيغا: ياااك… ماشي حطيتي فلوسك كاملين للي عندك؟!!
ملاك: ورتاحيييييييت امراااد كنت باغا نسالي هاد لكريدي راك شفت مسكين مول الدار غير صاااابر معايا (باها كيصوني عليها) مراد بابا كاين فاس وكيصوني علية
اورطيغا: أنا ندخل لفاس ونجي عندك
ملاك: انا مزال مقلقة منك
اورطيغا: حتى نجي نبوسك وتنساي
ملاك: اممم مسكييييين مهم انا نجاوبو.. بسلامة (علمات باها فين هي وبقات كتسناااه وبقات مستمتعة بديك الورقة للي كتقرا ان مبقاش عليها كريدي فرنست بفرحة كبيييييرة)
الحياااااااااااااة….
~~~~~~~~~~
حمزة: (كان كيعاود لرشيد كولشي حتى علاقتو مع ليلا على شنو ناوي.. اصلا من ديما موالف كيعاود ليه) وهرب من بين يدي الكلب
رشيد: وقلت هادشي فخدمتك
حمزة: ضروري اي حاجة كنعلم بيها الشاف ديالي هوما مراقين وانا مراقب ولكن الا مكان حتى شي جديد غيبداو يتراجعو حيت مكاين حتى شي دليل ضدو وحنان معارفاااهش فكمارتو
رشيد: موصيييبة هدا وعلاش هادشي كامل
حمزة: معرفتش كما قلت ليك راه ماشي غير انا وملاك راه بزاف للي تقاسو… (معاودش على مراد وليلا كفاش حتى تبدا هادشي وشنو أصل المشكل.. بانت ليهم طموبيل ملاك مشاو وقفو حداها خرجو وخرجت مفرنسة مشات عند باها عنقاتو)
ملاك: خلصت لكريدي
رشيد: هههه ها ربي نصرك علييهم
ملاك: وييييه تصدمت قلت غيتصنتو لي ويبداو علية بالاسئلة ولا شي حاجة هاكا!! حتى كنشووف الشيك وكيهضرو معايا غير على الإجراءات المالية
حمزة: ماشي هاد الشيك خاصك تاخديه من المحكمة!!!
ملاك: مسموووم هوما بغاو يسهلوها علية اش داني لشي محاااكم
حمزة: ههه بصحتك…
ملاك وباها مشاو يشوفو باين يوسف وكتعاود ليه فطريق على غيثة لي عرف بقصتها
رشيد: شفتي علاش مكنتش نتيق فالزنقة الدنيا خايبة ابنتي
ملاك: بالصح!! ولكن هدا راه كان خاطبها
رشيد: واخا خاطب ابنتي مخاصش نتيقو فأي واحد الخطوبة راه غير وعد بالزواج مكيعنيش ندخلو معاه ونخرجو ونتيييقو
ملاك: (عارفاه كيمعني عليها) بالصح
رشيد: هاد الوقت صعاابت ابنتي.. (وصلو المصحة دخلو كان أشرف تماك وعمامو رشيد حدو شافو تمنى ليه الشفاء حيت الزيارات خاص تكون قليلة سول ولدو عليه وتمو ماشيين خارجين حتى كيشوفو يوسف وغيثة داخلين تسالمو معاهم)
غيثة: شفتو بابا كيف بقا؟!
ملاك: مزيان الحمدلله هضر معانا ݣاع مسكين
غيثة: تمشي تشوفي محمد؟!
ملاك: بابا انا جاية (مشات مع غيثة شافو الولد وهي رجعت عند باها ولوخرا طلعت عند باها..)
رشيد: فين غتمشي دابا؟!
ملاك: نرجع عند خديجة (وصلها لتماك وهو خدا طموبيلتها مشا يتقدا شنو بغا.. طلعت لقات خديجة كتقاتل باش توجد غدا لباها يكون زوين شدت عليها الولد وخلاتها تكمل شغلها صونا عليها مراد)
هدا حسابلو دغيا سمحت ليه!!!
(مجاوبتش مشات حدا خديجة كتذوق من طياب ويتعاودو)
خديجة: الغالية من لبارح وهي ضاربة الطم اكترية فاش جاو العائلة
ملاك: مغيرضاوش يقولو شنو وقع لغيثة
خديجة: مستحيل تخرج من فمها ولكن على للي فهمت من خالتي امينة منين طردت مفتاحة راه ساهلة ضور حتى فعائلتها
ملاك: خاصها توقف مع بنتها صراحة
خديجة: ويييه على الله دير العقل
ملاك: والولد علامن غيتسجل؟!
خديجة: على للي فهمت غيدعيو ادم هادي اخر هضرة تافقو عليها…
حمزة: (تأكد ان ادم بالصح سافر وتطبع فالباسبور ديالو حيت ميمكنش يتيق فيه..
مشا للمصحة بقا كينتاضر شحااال منين مبانتش ليه هبط و دخل لفين ممكن يلقاها وتماك لقاها كطل من الزاج كتفرج فيه بلا ملل)
غيثة!!
غيثة: (ضارت لقاتو) حمزة؛! (تبسمت) صاڤا!!
حمزة: الحمدلله كيف بقيتي؟! (شاف فولدها) ووو كيف بقا هاد لولييييد
غيثة: محمد بغيت نسميه محمد ان شاء الله
حمزة: (تبسم معرفش علاش حس انها سمات على سمية ولدو للي مات وكان عاودلها عليه) الله يخليه لييك ويشافيه
غيثة: امييييين، شنو درت؟!
حمزة: (حرك راسو بلا) مزال معرفتش فين هي
غيثة: مثلا الا طلبت سماحة منك ترجع ليها؟؟
حمزة: هه غيثة وكان غير معاودتش ليك التفاصيل ديال التفاصيل فين غرجع الله يهديك انا كنتمنى غير منلقاهاش بوحدها باش منقتلهاش
غيثة: متخرجش على راسك احمزة هي غتشد غتشد
حمزة: مهم.. نتي كيف غادا؟!
غيثة: تنبرا ولكن معرفتش هو امتى يبرا عييت تنتسناااه تنحلم بيه كل ليلة مكرهتش يعطيوه لية قالولي مزال 20 يوم بزاااااف
حمزة: قريب قريييب ان شاء الله خاص…
أشرف: (جرها من شالها حتى تحايد) اجي نتي !!
حمزة: اسبحان الله اشريف شنو هاد الجرة داير ليها
أشرف: هادي راه ختي ابنادم!!!!
حمزة: وغير ختك تزول ليها حجابها من راسها قدام البراني!!!! بقات فختك!!
غيثة: (بقات واقفة كتشوف فحمزة هي غير ولفت الفولار ماشي دايرة الحجاب ولكن توشاااها بهاد الكلمة شافت فأشرف كترد فولارها) شنو بغيت مني اشرف!!!
أشرف: شنو!!! هادا الجديد ديالك مزال حتى مكملتي شوهتك وباغية تزيدي شوهة اخرى!!
حمزة: لا حول ولا قوه الا بالله العلي العظيم واش كولكم دايرين هاكا (كيقصد الغالية) !!!
غيثة: بعدني أشرف يوسف قالك بعدني
أشرف: تحركي زيدي قدامي!!
حمزة: خونا اجي نهضرو بالعقل شوية دابا راك غير كترݣع فهمناك مقسح من جهة ختك ومراضيش ولكن راه هي للي واكلاها من هادشي كااامل…
أشرف: (طلعو وهبطو مكره مراضيش) شكون نتا اصلا باش نهضر معاك!!!! (مشا من تماك مقصد يوسف يتفرݣع عليه..)
حمزة: متسوقيش ليه غير مراضيش ومفاهمش
غيثة: هادشي مبقاش تيهمني احمزة انا باغية غير ولدي وبابا يبراو اما لي بغا يتقلق والا ميفهمش شغلو هداك!!
حمزة: غيبرااو.. نوصلك للدار؟ راكي عاد خارجة من عملية وخاصك ترتاحي ونيت باش تكوني فصحتك مزيان منين يعطيوك ولدك
غيثة: (حركت راسها باه دارت باي باي لولدها وخرجت معاه كتقاد فشالها ركبت معاه دايرة الصمطة شدت فبلاصة الفتحة) مقدرتش نديرها
حمزة: زوليها ماشي مشكل
غيثة: والبوليس؟؟؟
حمزة: غير زوليها.. (حيدتها) شنو تبغي تاكلي؟!
غيثة: مقدراش والله وصلني غير لدار خويا
حمزة: كنتي تتقولي منين تولدي بغيتي تاكلي حاجة كنتي ديما كتشهياها (تبسمت) واخا معرفت شنو كيعجبكم فداك العجب
غيثة: هه السوشي زويييين
حمزة: حوت خضر وصافي!! (بقا موضوع فموضوع مشاو ريسطو جلسو طلبت لي بغات وهو خدا طاجين لحم بالبرقوق) خوك أشرف من ديما هاكا معاك
غيثة: (حركت راسها بلا) بلعكس هو كان هاااادئ مكااااالمي تيخليني ندير لي بغيت يوسف لي كان قاسح معايا ودابا لقيت العكس
حمزة: متحكريش بزااف راه حتى الصدمة كتلعب دور
غيثة: واش ضرووري كل واحد خاصني نفهمو!! حيت تنبقى انا الغالطة للي ضرني فقلبي هو بلاصتي فالدار غتبدل 180 درجة كفاش كانو تيعاملوني ويشوفوني انا عاذرااهم ولكن… (حط السرباي غداهم)
حمزة: فكري غير فاليوم غدا حتى واحد معارف شنو غيوقع فيه… (بغا يهز ياكل) معطانيش خاطري!!
غيثة: ههه جرب جرب مغتخسر والو..
حمزة: غنحس براسي كيليميني!!
غيثة: ههه بلعكس والله زوييين نعطيك من المقلي حسن باش ميجيكش السومو قاااسح
حمزة: خليني اغيثة الله يحفظك مع لي كنعرف طويجييين بعقلو
غيثة: ههه راه حتى انا تنبغي طواااجن
حمزة: اممم تيقتك..
يتبع
التعليقات 0