
يوسف: توحشتك
حنان:(بلاما تحس حطت يدها على مؤخرة راسو و همست بنفس طبقة صوتو) حتى اناااا….
يوسف:(بعد شوية حتى شافيها و رجع قال) مهدوووود و عيان و ملقيتش لك الجهد حمدي ربك وكان
حنان:(بقا فيها و شافت حتى حالتو كيفاش باين عليها العيا قالت بتردد) نوجد لك الدوش؟
يوسف:(كيشوف فعينيها بهيام) مكرهتش (خدا يدها باسها) اعمارة داري ❤️
ابتسمت ليه و رجعت للدوش بفوطتها نيت….. عمرت لبينوار بماء دافي زادت عليه خنيشة ديال ملح الحمام كيهدن و يحيد الطاقة السلبية مع بعض الزيوت الاساسية العطرية و شوية باندوش…..
شعلت ليه شميعات صغار لقاتهم تما و حطت ليه شومبانو و برودوياتو حدا راسووو….. خرجت لقاتو جالس بالبوكسور شاد التيليفون بين يديه كيقلب فيه عاقد حواجبو ما وعا حتى سمع صوتها…..
حنان: يوسف (هز راسو فيها) الدوش واجد دوش و خرج ندير لك مساج ترتاح شوية..
يوسف:(وقف بديك الطولة و العمورية و الهيبة غادي و عينيها تيحومو عليه كيبان شهوة منوووو حتى قرب ليها) لهلا يخطيك عليا احبيبتي (خدا شفايفها ببوسة حلييييلوة حتى خلاها كضحك موراه)….
مشات بالخف دهنت لحمها و لبست بيجامة ديال ساتان فالاسود….. نشفت شعرها و طلقاتو هكاك مبوكلي بعدما دارت ليه سيروم….. رشت بارفانها و دهنت يديداتها…. مشات لماريوه جبدت ليه بوكسور و بيجامة رجالية حطتهم ليه فوق الناموسية و رجعت جبدت واحد الزيت ديال المساج بخلاصة الورد…..
خرج لابس بينوار رجولي ديالو فالاسود و شعرو نازل على عينيه بالما….. من ملامحو باين انه حاس نوعا ما بشوية ديال الرااحة…
حنان:(توجهات عندو) بالصحة و الراحة ارتاحيتي شوية
يوسف:(جرها عندو بالحركة اللي ولفاتها يدو وحدة فخصرها و وحدة تحت ظهرها) اللي عندو بحالك يرتاح و يفوت الراحة
حنان:(بابتسامة) الله يزيدك راحة فراحة (جراتو من يدو) اجي لبس حوايجك و متلبسش الفوقي تانجي…
دخلت للدوش خلاتو غا كيشوف مشا لبس كيما قالت ليه و تكا فوق السرير كيتسناها هي اللي جمعت الدوش بالخف واخا لقاتو غسل كولشي غير نشفاتو و خرجت كتزرب لا ينعس حيت فات الحال لقاتو متكي على كرشو…..
مشات خداك داك الزيت دارت منو فيدها و سخناتهم مع بعضهم عاد حطت يدها على كتافو كتماااسي بالشوية و كتحاول دخل ليه داك الزيت باش يتهدن….. من كتافو لعنقو لضلوعو بالشوية مرة بريوس صباعها مرة بيدها كاملة كتمسد ليه و ديك الريحة ديال الورد اللي فالزيت تتزيد تخليه يرتاح…..
محسش براااسو حتى نعس تحت لمساتها الحنوووونة….. اي حاجة دارتها كديرها بحنان…. هضرتها حنينة….. ضحكتها حنينة حتى مساجها جاااه حنييين و خلاه يحس برااااحة لا مثيل لهاااا و ينعس بلاما يحس….. حبسات ملي حسات بيه نعس كتبتاسم و تشوفيه ناعس بحال شي وليد صغير و ملامح الارتياح ظاهرة على وجهوو….
رجعت داك الزيت لبلاصتو و غسلت يديها عاد تخشات حداه ترتاح تاهيا و تنعس ترتاح حتى هي……
دمت لي شيئا جميلا لا ينتهي! 🦋
بعدما كمل شغالو مع يوسف و الدرااري طلع للبيت ديالو مبرد شوية على قبل نفعاتو الخرجة ديال المحل حتى ريح دماغو شوية لكن مازال مقلق منها و معصب….
دخل للبيت ناوي يلقاها حتى كيلقا البيت كيما خلاه و هي مكايناش فيه…. استغرب و تسأل فين غتكون…. اذا كانو واليديها مشاو و الناس كل واحد قصد دارو و حتى اللي بقاو فالرياض كل واحد شد بلاصتو….
هز تيليفونو يصوني ليها لقاه طافي…. تأفف بملل و حس براسو بدا كيتعصب تاني….. قال مع بالو شنو تكون مشات مع دارهم ولكن شافهم ملي كانو غادين مكانتش معاهم…..
سد الباب ديال البيت و مشا لبيت مو يسولها واش شافتها….. دق جوج دقات و بعد احتراما ليها و لباه ايلا كان فالبيت….. دقائق و حلات كتسد فحزام بينوارها….
محمد:(تقدم عندها شوية باس على راسها) الوليدة بيخير
سميرة: الحمدلله الله يرضي عليك اولدي
محمد:(حط يدو على صدرو و كمل) الواليد مكاينش
سميرة:(بتنهيدة) ناعس فبيت المرحومة بوحدو مخلانيش نمشي عندو
محمد: ايوا خليه ماشي مشكل… واحد المدام مبانتش ليك
سميرة: اييييه فكرتيني (مدت يدها لوذنو بخفة) اجييي لهنا نوريك المدام اللي خليتيها نهار كامل ماسولتي ما سقسيتي فيها..
محمد:(ضحك بشوية) الله يهديك الواليدة راني بعقلي زعما و هانتي هاه (جبد التيلي من جيبو طافي) طفا ليا قبيلة و مشارجيتوش..
سميرة: ايوا غا علمها مسكينة بقا بالها معاك وهي مريضة (شافت فيه) ساااعف اولدي ساعف راه واللهما تلقا بحال هاد بنت الناس تهلى فيها
محمد:ربي يتهلى فالجميع (ضحك) وااا كلميييها اسميرة راني غنطيح ليك هنا بالعيا…..
دخلات للبيت فين كانت ياسمين جالسة فوق الناموسية باقا بجلابتها لايحة غير الشال بعيد عليها و كتفرج فتيليفونها الصفورية ديال وجهها بدات كتحيد و حاطة حداها قريعة ديال البارفان مرة مرة تترش منهاااا فالهواء اللي ضاير بيها….. هزت عينها فسميرة مبتاسمة….
سميرة: نوضي ابنتي لبيتك ها راجلك جا
ياسمين:(عقدت حواجبها) لا خليني نعس معاك عفاااك مبغيتوش
سميرة:(جلست حداها كدوي معاها برزانة) شوفي اياسمين غنهضر معاك كيما كنهضر مع احلام و نسرين نتي من نهار كتب عليك ولدي درتك وحدة من بناتي و منبغيش لية المضرة و الله اللي شاهد…
ياسمين:(عنقاتها بحنان) حتى انا اخالتي دايراك فمقام ماما و معزتك فقلبي ربي اللي عالم بيها الله يخليك ليا
سميرة:(دوزت على ظهرها) امييين ابنتييي و دابا سمعيني مزيان الله يرضي عليك الحياة الزوجية بحال شي باطو كبير و محمل و مجمل و داك الباطو تيسوقوه زوج الناس اللي كيسوقوه اللي هوما الزوج و الزوجة مرة كيكونو غاديين فنفس المستوى مرة كيطلع هو مرة كطلع هي و باش يتحرك هاد الباطو و يتماشى مع المواج خاص تكون المفاهمة كووولشي عليها….. ملي يكون هو طالع نتي تنزلي و العكس ملي طلعي نتي هو ينزل..ايلا جيتو طلعو بجوج و تغضبو بجوج شي مدرتوووه ابنيتي محمد ولدي راه مزيان و ضحوكي ولكن عندو التعصيبة على نقشة و فنفس الوقت كيتعصب بالزربة و يرجع بالزربة نتي ملي تلقايه معصب عطيه بربعة الشبورة ديال التيساع (حطت يدها على حكنها) سااااعفي ابنيتي راه هذا هو الزواج و راه واللهما تلقاااي بحال محمد ماشي حيت ولدي ولكن راه ولد الناااس و تيبغييييك….
ياسمين:(بعيون لامعة) حتى انا كنبغيه اخالتي والله راه عندي عزييييز
سميرة:(ضحكت) وا نوضي ابنتي راه واقف فالباب الله يرضي عليك…..
ناضت ياسمين بالشوية عليها هازة معاها القريعة ديال الريحة تا وصلت لقاتو بديك الكسدة و اللبسة جات فوقو كتحمق بقات غا كتشوف فيه حمقهاااا و مخلاش لييييها عينيها غير عليييه هو اللي شافيها و رجع شاف فمو…
محمد: يالله الواليدة تصبحي على خير
سميرة: الله يصبحكم بيخير و ديرو الما منين يدوز….
تمشاو تحت دعاويها هو غادي كيتعنگر وهي وراه مكمشة فراسها بالبرد و تتشوف فداك الظهر و حالها ماجاها غا عليييه كيبان ليها بحال السلطان فداك السلهام حمقها حتى مكرهتش تلاح عليه تعنقو و تشبع بوسان فشنايفو…..
دخل للبيت و تسناها تا دخلت حادرة راسها عاد سدو و دار عندها تيشوف فيها مرة مرة تتهز فيه عينها و حنيكاتها مزنكين….. طول فيها الشوفة مزياااتن عاد نطق بصوت ثقيل و باااارد….
محمد: اش عندك
ياسمين:(باستغراب) كيفاش مفهمتش
محمد:(تمشى تحت انظارها لفوتوي جلس فيه مقابل معاها ودوا بنفس نبرة الصوت) قلت اش عندك مالك لاش مقلقة و لا ماشية عند الواليدة
ياسمين: احم ماماليش مشيت عند خالتي حيت بقيت بوحدي شوف نتااا لاش مقلقة
محمد:(نهض فيها بصوت عالي) ياااااسمين (شافها قفزت) فعايل البراهش ماعندي ماندير بيهم ياااا قولي اش عندك يا هنيناااا
ياسمين:(بلعت الغصة و عينيها غرغرو) اشنو قلت ليك دابا تا غوتي عليا
محمد:(ضحك بفقصة) لا مدرتي وااالو انا اللي درت اجي لهنا (شافها متحركتش رجع غوت) قلت لك اجي لهنااا
ياسمين:(نزلو دميعاتها و تحركت جيهة الفوتوي اللي حداه غتعض فشنايفها باش تحبس البكية)
محمد:(شافها كتبكي) لاش كتبكيييي دابا واش بغيتييي نوض ندير ليك لاش تبكي ديال بصح نيييت
ياسمين:(مقدرتش مازال تستحمل دوات بصوت شبه عالي) علاش كتهضر معايا بهاد الطريقة شنو درت ليييك انا تا كتغوت عليا و تنهض فيا (مسحت دموعها بعنف)
محمد:(خنزر فيها بشوفة قااااصحة حتى تفافات و مد يدو ضربها على فمها بشوية) صوتك ميعلاش عليا ولا لسااانك نشويه ليييك الضسارة ديال والو مالنا ياك مكاين بااااس
ياسمين:(الضربة اللي ضربها كانت عاضة على قنوفتها عضت بحر جهدها حتى طوشت بالدم و تقصحت نزلو دموعها كثر و قالت بقهرة) مافهمتش مالك معايا لاش كدير ليا هكا شنو درت لييييك
محمد:(شاف فمها عمر دم و دموعها لكن حلف ما يحزرها عند بالو تيربيها و كيحيد منها الضسارة) ماا درتي وااااالو نحسبهم لييييك ادوي (شافت فيه و كمل) اللولة خارجة بلاما تعلميني شنووو انا رجل كرسي قدااامك ماعندي غرض فهاد الداااار (هز صبعو) هادي اللولة و الثانية خارجة تال معرت فين بوحدك كون تعرض ليك شي واحد وقعت ليك شي حاجة زغبك الله و خرجتي جري معاك شي واحد و الثااالثة خلاااااااص مشيتي جبتي بنت عمك هداك خونا اللي معاها اش بينك و بينو جاية تكركري معاه و معرفة قديمة ولا الخرا واش انا زا** قداااامك نشوف مرتي كتكركر مع واحد و نصفق ليك ملي ماخليتش عشة ملتك قدامهم لاباس….
ياسمين:(كتشهق بالبكا و تعطي لقلبها دوات بصوت متقطع) اهئ هئ هئ خ خرر جت قلبت عل عليك هئهئهئ مال قيتككش و خر جت نجيبها (سكتت كتنفس) و هذاك ر راه لوسها و انا هئ اهئ كنعرفو غ غير من ع عرسها ما بيني و بينو و وااو اهء اهء اهئ (كتمسح بكمايمها دموعها اللي خلطو وجهها)
محمد: ما لقيتينيش ريحي تا نجي علمي يوسف قوليها لواحد فالدراري يمشيو ماشي انا غادي نقضي غراض كنرجع تا كنلقى مرتي (بنبرة استهزاء) الدريويشة زعما خارجة بلا شوار و زايداها جاية هي واحد تيكركرووو ماهو خوها ما هو ولد عمها (شافها زادت فالبكا) دابا البكاااا لاش دايراها قد راسك و زايداها بالدموع خاصك قتلة نيت باش تلقاي علاش تبكي….
ياسمين:(هزت فيه عينها بشوفة مقهوووورة بعيونها الحمرين طايبين و شنايفها غرقانين دموع و دم صدرها كيطلع و كيهبط حتى عيات و ناضت و خلاتو)……
دخلت ياسمين للحمام خلات محمد غير كيشوف…. محملش الشوفة اللي دارت فييييه…. دخلت ليه بحال السم مع ضلوعو و ضراتو فخاطرها حس براسو زاد فيه و قهرها…..
كان جاي معول يهضر معاها بهداوة لكن غير شاف وجهها رجع عليه داكشي اللي دارت طلع ليه الدم و عطاها القاصح…. اما ياسمين دخلت للدوش و طاحت ورا الباب للأرض دافنة وجهها بين يديها و كتبكي بالجهد و تشهق و صدرها كيرتافع بشكل كبييير حتى كانت غتسخف…..
محملتش طريقتو فالهضرة معاااها و حتى الضربة اللي عطاها واخا هو مقصدش لكن هي بقا فيها الحال ديال بصح….. حز فخاطرها و شدات فيه من جيهتو…. قهرهاااا بهضرتو و تصرفاتو اللي تقلبو 360° حتى انها مبقاتش عرفاااتوووو…..
معرفاتش هاد النسخة من محمد اللي عمرها شافتها….. واللي زاد ضرها فخاطرها انها واخا دار معاها هكاك الصباح نسات كولشي و جاية معولة تعاود معاه شوية و تاخد جرعتها اليومية منو حتى كيصدمهااا بتصرفوووو…..
بعدما بكاااات و فشت قلبها ناضت بكل برود حيدت حوايجها كاااملين و دخلت للدوش كيتكب عليها ماء سخووون و كينزلووو معاه دمووووعها….. من جهة دموع الحزن على الموقف اللي وقع بيناتهم….. و من جهة الدموع ديال الشهوة اللي جاتها عليه و اللي واخا دار معاها هكاك مكرهتش تعنقوووو و تشم ريحتو تا تحيد شهوتها منو عاد تأنبو و تعاتبو…..
دوشت و كملت و ذاتها كتفوووور بالما سخووون اللي عامت بيه….. عينيها جغمة ديال الدم و الخضورية ديالهم كتباااان بوضوح حتى رجعو كيحرقوووها….. حنااااكها غيطرطقووو بالسخووونية و الحمووورة و فمها حتى هو كان حمر و شادة فيه زروقية وااااضحة فالجانب تحتي ديالوووو بفعل العضة…..
خرجت من تما لابسة بينوارها و دايرة فوطة على راسها لقاتو واقف فالبالكون كيكمي….. دار شافها خارجة و مدوشة بالزربة لاح الكارو و دخل و سدو لا يضربها البرد….. وقف كيشوفيها هاد الأخيرة اللي مشافتش گاااع جيهتوووو…. راسها كتحس بيه غيطرطق و عينيها حرقوووها حتى مقدتش تحلهم…..
مشات تحت انظارو لجيهة الماريو جبدت بيجامة سخونة مع ملابس داخلية….. رجعت للدوش لبستهم…. طلت فالمراية على عينيها خلعهاااا منظرهم….. منفخييين بشكل خاااايب و حمرييين من الداخل و من براااا و مقدراش تتحلهم….. جمعت شعرها بدرة حياتي ماكان فيها اللي ينشفو و لا يدهنووو…..
خرجت لقاتو حيد حوايجوووو و باغي يدخل يدوش حتى هو….. هزت فيه عينها و جاتها تاني حالتها عليه….. محملتش راااسها و هاد القلب اللي عندها و مفهمتش اش هادشي تتحس بيه…… هو بدورو شافيها و تخلع من منظر عينيها يله غيرمي عندها الخطوة يسولها مالها تا زادت خلاتو بلاكة….
عض على فكو بعصبية كيشوف انه هو اللي خاصو يتعصب معارفش حالتها ولا مالها اللي كيشوف انها جايبة عليه فشوشها….. دخل للدوش بعصبية و بقات هي وراه شربت دوليبران و زادت للسرير تخشات فيه و طفات الفيوز من جيهتها باغا غير تنعس راسها كتحس بجلدتوووو كتفوووور و عينيها حارقييينها…..
مكانش بزاااف حتى مشاااات و غطت فالنعااااس مع العيا و البكا و الدوش گاااع هاد العوامل اثرت فيها حتى مشات بلاما تحس كتنفس من فمها و نيوفها مخنووووقين…… خرج مدور عليه فوطة و الما هابط مع صدرو لقاها نعسااااات حالة فمها و كيتسمعو شخيرات خفاااف…..
بقات فيه و حس براااسو قصح معاها ديال بصح…. زاد شوية لعندها و تحنى طابع قبلة على شنايفها و أخرى فوق العضة و الثالثة فجبيييينها كأنه كيعتاااذر منهاااا….. لبس حوايجو و مشا حتى هو ينعس…. بالعيا ماحسش براااسو حتى بدا كيفيق على صوت انيين خفيف…..
دور عينو اللي بزز محلولين جيهة ياسمين لقاها كتنيييين و كتزير على سنانها وجهها مزنك و عرقان….. قفز بالخف جا جالس كيقلب ليها لقاها كتشوي بالسخانة و كتهترف بيييها…..
ياسمين: اننن م محمد د دعاء نننن خ خالتي راسي نننن كح كح (كتحكب بصوت مخنوق)
دارت بيه الارض معرف مايدير حيد عليها داك الزيف و نفس عليها الغطا شوية…. هزها شوية تا جلست شربها المااا دايخ و مشا للحمام فين كانت فارماسي صغيرة جبد منها دوليبران فيتامين سي صاوبها ليها بالزربة و مشا شربها ليها…..
معرف مايدير هز تيليفونو كيصوني لمو صونا جوج المرات عاد جاوبت صوتها ثقيل بالنعاس…..
محمد: الو الواليدة فيقي معايا فيقييي
سميرة: مالك اولدي ياك مكاين باس خلعتيني اش واقع
محمد:(حاط يدو على ياسمين اللي كتهترف) ياسمين طلعت ليها السخانة و معرفت مندير
سميرة: الله اكبر عطيها اولدي شي حاجة و هزها للدوش دوش ليها بالما دافي هانا طالعة…..
مشا دار داكشي اللي قالت ليه مو هزها عرقااااانة كولها داها للدوش جلسها بزز وهي كولها مرخية…. حيد ليها حوايجها بعدما عمر البينوار بما دافي مبرد شوية….. حطها حتى شهقت و تعلقت فيها غارسة ظفارها فظهرووو…..
بقا معاها بزز باش تهدنات عاد جلست فيه حتى بردت شوية….. سمع صوت الدقان غوت بصوت مرتافع باش تدخل….. هزها خشاها فبينوارها و خرجها فين كانت مووو هازة بول كبير شوية و فوطة و قريعة ديال الخل….. حطها فوق الفراش و دار عند موو…
محمد: الواليدة عفاك لبسيها شي حاجة متزيدش تسخنها نحيد هاد الكويطة تقيلة
سميرة: ايه واخاااا واخاااا…..
مشات للماريو جبدت ليها دوبياس و بيجامة طويلة قطنية لبستهم ليها و جمعت ليها شعرها فدرة ديال حياتي….. رجعها فوق السرير وهي مرة تفيق تهتهت مرة ترجع تنعس….. خدات سميرة تقاشر غطستهم فالخل و لبستهم ليها يجرو ليييها ديك السخونية…..
محمد:(دار عند مو) صافي الواليدة سيري تنعسي انا نكمل
سميرة: لا اولدي غا خليني نقابلها متعرفش ليييها نتاااا
محمد: لا لا غير سيريييي و سمحي ليا وكان فيقتك فهاد الوقت
سميرة: ششش متقولش هكاك هاني غنزل دير ليها دوك الكمادات و الصباح قبل ما تمشيو للمقبرة دوز عندي هو اللول
محمد:(باس ليها على راسها) ان شاء الله الواليدة الله يصبحك بخييير…
خرجت سميرة و رجع هو حداها كيدير الفوطة فداك البول اللي فيه الما و قطع ديال الثلج حتى كتسخن و يرجع يسردها….. الحال بدا كيبان و الفجر كيأذن الفراخ كيصفرو فالزناقي عاد بدات تتهبط ليها السخانة شوية….. حطت راسها و نعست مرتاحة…..
دا هو داكشي للحمام و رجع حداها عنقها ليه كيشوف فيها بندم و كل مرة يبوس ليها راسها ولا خدها ولا يدها ندم حتى ندم الزغب فراسو و مكرهش لوكان يرجع بيه الزمان اللور و ميقولش ليها ديك الهضرة….. عزت عليه و بقاااات فيه ديال بصح عارفها درويييشة و ماشي ديال ديك الهضرة لكن فعز عصبيتو و غضبو مقدرش يتحكم فلسانو حتى خرج شي هضرة مكانش بالأصل ناويها…..
يلاه غمض شوية حتى صونا ليه التيليفون اللي كان داير ليه لالاغم مع التسعود باش يمشيو للمقبرة….. على اتر رناتو فاقت ياسمين كتنفس من فمهاااا نيوفها مخنوقين و راسها ثقيل عليها….. مع بغات تنوض شدتها دوخة و ردة حتى مدات يدها بلا هواها كتزعزع فيه…. فاق طافج معرف مالها ماحتال يهضر حتى رضت علييه داكشي اللي فجوفها كااامل…..
بقات كتبوع حتى حست بمصارنها كيخرجو و هو مخليها و كيشوف فيها مصدوم حتى سالات و تلاحت على ظهرها و حاسة بالسخفة شاداها…… قلع التريكو بالزربة يحيد ديك التبويعة اللي روعت ليه خاطرو….. من طبيعتوو معيااااف لأقصى حد و واخاااا هكاك بقات فيه و عرفها مريضة نيت…..
ماعرف مايدير عمر كاس من الكوافوز اللي حداه و هز ليها راسها بالشوية…..
محمد:شششش حبيييبة (كيهز ليها راسها) هاكي شربي هاكي
ياسمين: م محممد عيط على خالتي عفاك (كتشرب الما بالشوية)
محمد:(قبلها فجبينها بقوة و قال) واخا واخا نوضي بعدا معايا نحيد هاد ليزار
ياسمين:(كابرت بزز و وقفت شادة فيه) نمشي للطواليط…..
داها للحمام و رجع هو حيد داك ليزار و بدلو بواحد اخور غير لاحو من الفوق حتى سمع صوت الباب…. مشا جيهتها و شد بيدها كيمشيها…..
شفاتو حالتها وهي سخفانة و صفرة…. ضرو قلبو عليها و ندم على الساعة اللي تعصب عليها….. عاونها حتى تكات و نزل كيبوس فشعرها بحنان…..
محمد: سمحي ليا احبيبتي سمحي ليا مقصدتش نقولك ديك الهضرة غير تعصبت (خذا يدها كيبوس فيها)….
للحظة عقدت حواجبها كأنها تفكرت الواقعة و هزت فيه عينيها بنظرة مغايرة لنظرتها اللي قبل….. نظرة ضراتو فخاطرو و عرف انه قصحها بزااااف و تقصح هو كثر منها لتقصيحتها….. رخات راسها اللول وقالت بصوت عيان…..
ياسمين: عيط عفاك غي لخالتي
محمد:(بأسى) واخا غير رتاحي….
مشا بدل حوايجو بالخف وكل مرة يدور جيهتها….. خرج من البيت كيسمع صوت الحركة و الهرج فالرياض العائلة مجموعة و الفطور محطوط….. نزل التحت قاصد الكوزينة عارف مو غتكون تما…..
وقف قدام الباب كيتنسا يبان ليه شي واحد مابغاش يدخل احتراما للنسا اللي الداخل….. بانت ليه نسرين دايزة عيط ليها و خبرها باش تكلم ليه مو….خرجت عندو سميرة بقفيطين خفيف من اللي كتلبس فالدار فوقو فواطة ديال الشمال ملوياها على نصها….
سميرة:صباح الخير ياك مكاين باس
محمد:(باس ليها راسها) صباح النور الوالدة…. طلعي عفاك عند ياسمين راها عيانة و بغاتك…
سميرة:(خرجت عينيها) مااالها اش عندها باقا سخونة
محمد: لا فاتتها ولكن فاقت كترض و بغاتك غير نتي
سميرة: واخا واخا (دورات وجهها) حكيمة تكلفي تانرجع (زادت معاه) غير عوينة و صابت ديك البنت و ماعندها تا الخرقة للمرض
محمد:(دوز يدو على شعرو بغضب و حزن) اودي الوااااليدة زيدي غا زيدي
سميرة:(شافت فيه مخنزرة) مكاينش زيدي مازال عندي معاك هضرة طويلة نشوفوها بعدا….
معاودش معاها مازال الهضرة حتى دخلت لقاتها باقا متكية فبلاصتها هازة التيليفون كتشوف شي حاجة و البيت كيعطعط بريحة ديالها اللي كل مرة كترش منها فقنت حتى ولات كتخنق فالبيت….
سميرة:(تمشات عندها) الله يابنيتي مخنقاتش هاد ريحة حل اولدي داك الشرجم
ياسمين:(ضحكت بفرح ملي بانت ليها و دارت ليها بلاصة حداها) البيت كان زفر بغيت غا نحيدها
سميرة:(ضحكت بدورها شبه متأكدة من شكوكها و جلست حداها) احياااني علييك ههههه ياربي يحقق داكشي اللي فبالي
ياسمين:(ضحكت بغنج و عنقتها تتشم ريحتها و تمخشش فيها) الله بقااااي غا هكا اخالتي عفااااك متهبطيش
محمد:(مقابل معاهم فوق الفوطوي و كيشوف فيهم ملي دخلو و يستعجب) ملي متهبطش خالتك ندير انا ديك الفواطة و نهبط نغسل المواعن
ياسمين:(خنزرت فيه) دير اللي بغيتي المهم خالتي متهبطش و ايلا هبطت نهبط معاها مبغيتكش نتا بغيت خالتي
محمد: ياااااك دابا وليتي باغا خالتك (شاف فمو) نوضي اخالتها تكركبي فحالك نشوفووو هادي مالها
سميرة:(شافت ياسمين جمعت التگبيعة و رجعت شافت فيه كتغمز فيه يسكت) ويلييي تا سكت شوف راه تصحابها بصح(حظنتها) سكتي الهبيلة واش ديها فهاد الكيدار
ياسمين:(تفرغعت بالضحك) واهههههههاهههاههلهههلهلهلهل ناري هاهاهلخلخهههههههههههاههاها كيدار هاهاهلخلخهههههههههههاه
سميرة:(ضحكاتها ضحكتها) ههههههه الله يدومها ابنتي غا ملي ضحكتي
محمد:(شافيها مطول النظرة) بنت الحرام على ضحكة عندها تفيق الراگد…. كون نصحاب المعيور يضحكك كون جبتها هي تعايرني و نتيي ضحكي تتشبعي
ياسمين:(مسحت عينيها من الدموع و حنيكاتها مزنكين) الله يعطيك اخالتي الخير ضحكتينييي والله ههههههه
سميرة:بصحة بنتي و براحتها…
محمد:(صونا ليه التيليفون) الو وي يوسف…… بيخير يحفظك ليا…… لا موحال…… صبحت المدام عيانة اصحبي….. غا سمح ليا….. الله يعاون
ياسمين:(كدوي معاه فوق خاطرها) مالو
محمد: يوسف سولني واش غنمشي للروضة
سميرة: الله ياولدي و كون غا مشيتي ها أنا معاهاااا وقف مع خوتك
ياسمين: بصح خالتي معايا مجاتش متمشيش….
محمد: لا لا منقدرش نخليك هكا ماشي مشكل يوسف عارف(بغات تهضر) صافي اياسمين راه مغنمشيش و نتي فهاد الحالة….
سكتت و رجعت عنقت سميرة تتشم فريحتها و مرة مرة تهز عينها تمشط وجهها كامل بعينيها و تركز فكل تفاصلها مرة تسهى فعويناتها الخوضر…. مرة ففيمها…. مرة تشم ريحتها المهم مخشية فيها كلها…. حتى حيدت منها الترويعة و نزلت سميرة تقابل شغلها…..
بقات ياسمين فوق الناموسية و محمد فالبالكون كيكمي….. دخل لقاها بوحدها مشا للدوش غسل من ريحة الگارو و توجه عندها فوق الناموسية عينو عليها…..كتشوف فيه بنص عين حاضياه ملي دخل مشيتووو و ديك التعنگيرة….
ديك الطولة حمقتها و شنايفو اللي مرة مرة كيعض عليهم ولا يدوز لسانو خلاوها ذوووب و تمنى غير بوسة منهم….. ماوعات حتى كان حداها و قريب ليها لدرجة كبيرة…..
محمد: ياسمينتي شوية دابا (بقات ساكتة مجاوباتش) شنو مغدويش مع حبيبك (خشا وجههو فعنقها) هممم
ياسمين:(حسات بالتبوريشة بفعل انفاسو فوق عنقها و القبل اللي مرة مرة كيطبع دوات بلاما تحس) محمد ممم لاا
محمد:(هز فيها راسو بهيام) شنو اللي لا متعطيش لمحمد ديالك ديالو (طلع لوذنها و دوا بصوت هامس بحال الفحيح) سمحي ليا اروحي سمحي ليا
ياسمين:(شافت فيه بنظرة مكسورة) ضريتيني هناااا (حطت يدها على قلبها)
محمد:(ضراتو نظرتها فخاطرو و حس بغلطو نزل باس يدها فوق قلبها و رجع قال بنفس النبرة) يضرني انا و نمرض انا و متجيش فيك عمري
ياسمين:(حطت يدها على فمو) ششش متقولش هكاك الله يحفظك
محمد:(باس يدها) كنموووت فيييك واش كتفهمي انا مستحملتش الطريقة باش كان كيشوف فيك محملتوش يشوف فحاجتي و دياليي..
ياسمين:(نزلت راسها بأسى) هو هكاك انا مكنعرفوش هو غير هو راجل بنت عمي و عمري تلاقيت معاه غير فالعرس انا مظنيتش غيدير هكاك
محمد: انا عااارفك و حافظك و عارف كيفاش دايرا و مشكيتش فيك ولكن اللي يشوف فيك ولا يقرب ليك نعمي ليه عينيه (زاد قرب ليها) نتي ديااااالي ديالي (جرها بخفة واحد شفايفها بين شفايفو محقق ليها الأمنية اللي من ليلة الامس وهي كتسناها)…..
فلحظة نسات كولشي و عاشت اللحظة اللي هي فيها و سمحت لنفسها تحقق داكشي اللي باغا و مشهية….. قبلاتو بقوة و شره كأنها كتبوس و خايفة يديوه ليها حتي خلاتو غير مصدوم فيها لكن عجبو الحال ظنا منه انهاااا توحشاتو بقدر ماهو ديما موحشها……
بعدت من شنايفو كتنهج و عيووونها رجعت معسلة بلا خدودها اللي طلعتها الحمورية و ريييقو اللي مخلي منظر فمها كيلمع….. مخلاتش ليه الفرصة فين يدوي كانت نزلت لعنقو كتبووووس و تشم و خايفاه يتقادااا…. مقاطعهم على جهادهم غير صوت الدقان فالباب خلاها توعى على نفسها و تقفز…. بعدت منو مزنكة و طالعة معاها السخونية…. كتقول مع بالها صافي دغيا سمحتي ليه ببوسة سحتي المدودة…..
ناض هو حل الباب لقاها مو هازة بلاطو فيه فطور ياسمين….دخلو للداخل و داه حتى للعندها وهي غير تتشوف بعويييناتها و زامة فمها بحال النقطة….. من جهة عاجبها داك الاهتمام و اللي من ديما مبينو ليييها و كيخليها طيح و تغرق فيه بحيت كيهتم لابسط التفاصيل و مكيفلت حتى فرصة انه يبين ليييها حبوووو باهتمامو…..
و من جهة مازال شادة فقلبها عليه من الواقعة ديال البارح و كتقول مع بالها انها زربت باش تسمح ليه….. ماوعات حتى شافت يدو ممدودة كيشربها فالحليب….. حلت فمها بصمت و عويناتها محدورين مقادراش تشوف جيهتووو….. و بقاو على داك الحال كيوكلها و ياكل معاها……
الإهتمام يخلق الحب من العدم.. و إنعدامه يقتل أكبر حب…🍂
رجعو الرجال و النسا من المقبرة فين مشاو يزورو قبر حفيظة بما ان ثلاث ايام فاتت على وفاتها….. داو معاهم الحليب و التمر و الخبز صدقوهم و رشوووو قبرها بالما و الزهر….. قراو عليها ما تيسر من القرآن و دعاو معاها بالثبات و المغفرة و يجعل ربي مثواها الجنة……
بكاو بناتهاااا وحتى ولادها مصبرووووش….. فراق ميمتهم خلا فقلوبهم كية و جرح كبييير الزمن كفيل بشفائه….. و كل واحد فيهم كيقول كيف ندير ننسا مي و هادي اللخرة ليا و مي هي اللي متنساش….. لكن اكبر نعمة نعم علينا بيها الله هي النسيان….
احسن حاجة هي ان الواحد مع مرور الوقت كينسى و كيتقبل الحدث و كيتعايش معاااه و الحمد لله على نعمة النسيان اللي لولاها يتسطى بنادم….. موت حفيظة كانت عندو ميزة وحدة….. خلا اللي مواعيش بحقيقة الموت يوعى و يفيق و يضرب الفگد فراسو و يشوف افعالو و اخطاؤو و يصححهم….
رجعو من المقبرة للرياض و الدنيا مازال عامرة…. عائلة حفيظة كلها باقا من كبيرها لصغيرها…. و العزاية داخلين خارجين…. الصواني ديال اتاي مكيحبسوش…. دخلو الدراري بزوج مع خواتاتهم حتى وقف يوسف صوت شيماء مخاطباه…..
شيماء:(مهدودة و وجهها صفر كتقاوم بالزز باش توقف) خويا بغيت نهضر معاك يلا جات على خاطرك
يوسف:(دار عندها) واخا اجي نجلسو
شيماء: عيط لمحمد عفاك تاهو بغيتو بغيتكم بزوج
يوسف:(تنهد كأنه عارف فاش باغا تهضر معاه) واخا سبقيتي للبيت الصغير نصوني ليه و نتبعك (راقب تحركاتها المتعبة حتى دخلت عاد خرج تيليفونو مدوز رقم محمد) الو…. افين بيخير….. كيف بقات ياسمين…..الحمدلله على كل حال وصافي….. هبط لصالون لتحتاني بغيتك فشي حاجة….. غا نزل اصاحبي مالك….. يله حيد….
قطع معاه و تبعها لقاها جالسة و حاطة يدها على خدها…. كتبان مهمووومة و هازة حمل الدنيا و الدين فوق كتافها…. من الشوفة اللولة تبان ليك شحال تتعاني و كتقاصي و هادشي كولهم عارفينو لكن حد ما قد يهضر حيت فالاول و الاخير كان قرارها اللي خسرت بزاااف الخواطر على ودو…..
فين شيماء اللي راسها ديما مرفوووع و نيفها مينزلش….. شيماء اللي كولشي كيقول عليها المرأة الحديدية…. المرأة اللي مكيهزها ريييح….. جاتها الريح اللي هدتها و خلاتها تواطا….
حتى حال مكيدوم على حاالو…. جلس حداها كيخمم حتى هو…. قلبو عام بيه غير الله و الخاطر هو اللي معندوش….. من جهة فراق ميمتو مازال كينخر فيه…. و من جهة حياتو اللي مابقا فاهم فيها والو ملي رجعت اميمة و ولدو اللي تغير حالو و خايف يظلم ديك بنت الناس….
و من جهة حالة ختو اللي عارفها مقصحة و واصلة فيها العظم و معارف ما يقدم ولا يوخر…. بقاو على داك الحال كل واحد كيخمم فهمو تا دخل محمد لابس سورفيط سخونة و كاسكيط….
هز راسو معول يلقى يوسف بوحدو حتى لقا شيماء حادرة راسها فالأرض….. دور نظرو لعند يوسف لقاه كيشوف فيه….. حرك حواجبو بمعنى اش تما…. هز ليه يوسف كتافووو بإنكار…. تنهد و مشا جلس مقابل معاهم بزوج…..
بقاو ساكتين قرابة الخمس دقايق حتى خدات البادرة و دوات بصوت مبحوح كيبين كمية الحزن و الأسى اللي كتحس بيه….
فاقت من النعاس بتثاقل…. النعاس اللي جفى عينيها و غاب عليهم من نهار ماتت المرحووومة…. حتى حست براسها غتوقع ليها شي حاجة اذا منعستش…..
صيفطت نسرين لأقرب فارماسي خدات ليه حبوب منومة تتليق للحوامل….. فبلاصة الحبة خدات زوج…. ظلمت عليها البيت و تخشات محساتش براسها حتى غطت فنومة عميييقة…..
مفاقت منها حتى صبح الصباح…… حلت عينيها بزز شاداها الدوخة و فمها كيجري بالما و الحرقة ديال المعدة قتلاتها….. ضورت راسها ملي سمعت صوت شي تقرقيب جاي من الحمام….. عرفاتو غييكون غي هو….. و شكوون من غيرو….
اللي ضحات على ودو بالغالي و النفيس….. اللي ضحات بشرفها على ودو…. بولدها اللي لاوحاتو لباه…. ضحات بوجهها اللي خصراتو مع خوتها و كان سباب فقطيع اللغا بيناتهم….. كان عند بالها راجل و حتى يلا دارت عليه داكشي ميهمش….
لكن تصدمت و تصرفقت و رجعت لأرض الواقع لكن مرجعتش بوحدها….. رجعت هازة طرف منو كيكبر داخلها…. أفأفت بملل و جمعت شعرها….. كتلبس فجلابتها تا تم خارج مدور عليه الفوطة باين عليه عاد مدوش…..
كتلبس فجلابتها تا تم خارج مدور عليه الفوطة باين عليه عاد مدوش….. رسم ابتسامة خبيثة على شنايفو و قرب ليها بتثاقل حتى كان قدامها…. هزت ليه عينها بنظرة فارغة مكتحمل حتى لمحة مشاعر كأنها كتشوف فحيط قدامها…..
عنقها من خصرها و تخشى كيطبع قبل عميقة على عنقها…. بغات تبعد بنفور منووو لكن زير عليها بيدو اللي زاد غرسها فخصرها و رجعو بوساتو أكثر عنف…. غرغرو عينيها و كرهت روحها وهي بين يديه…. دوات بصوت مبحوح و مهتز فيه نبرة بكاء….
شيماء: أيووب حشوما عليك طلق مني
أيوب:(بعد شوية وهز فيها عينو) حشوما ههههه (بضحكة استهزاء) حشوما ماقلتيهاش ليا أمدام حتى ملي كنتي كتهزيه فالحرام
شيماء:(ضرب قلبها بعنف اثر كلماتو و تنهدت بندم) الله ينعل داك النهار اللي درت فيه ديك الفعلة لكن راني كنخل… (مكملتش هضرتها حتى كانت يدو قارمة على شعرها ناتفها بقوة وهي خرجت منها شهقة قوية)
أيوب: كتنعلي النهار اللي درتي فيه ديك الفعلة ونتي اللي لحتي عليا راسك الشايطة تا شبعتي من حليبو عاد ندمتي (كيديها يجيبها بين يدو)
شيماء:(ملامح الألم مرسومة على وجهها بلا دموعها اللي هوادين نطقت بصوت باكي) ع عفاكك طل ق ممنييي أي اهئ اهئ اهئ عفااا ك
أيوب:(لاحها بنترة حتى جات على حرف الطابل دونوي و كلات الدقة ففخضها) نسمع من عدو ربك بحال هاد الهضرة نملخ مك عصا الكلبة (بعدها بعنف كيشوف فالمراية سرعان ما تبدلو ملامحو الغاضبة للضحك كأنه مريض نفسي مصاب بانفصام الشخصية كيقاد فزغباتو) كنكووونو ناشطين تا كتجهلووو عدو ربيييي (كمل كيدندن) حبك نتي و جابني بالليييل…..
شيماء:(شافت فيه بنظرة مكسورة كتحمل جملة من المشاعر داخلها كلها سواد) كنتي مقصر مع شي وحدة عليها ناشط
أيوب:(دار شافيها راسم ملامح صدمة مزيفة على وجهو و قال وهو حاط صبعو على صدرو) أنااااا أحبيبة؟؟ كذووووب و باااطل نسيبتي عاد ميتة و نقصر (كمل بضحكة مستهزئة) غييير كويتها مقصرتش معاها…
شيماء:(شافت فيه بصدمة من وقاحتوو) يا أخي منااااش مصنوووع نتااا غير قوليا
أيوب: من داكشي اللي مصنوعة منو نتي (هز فيها حاجبو الأيمن) ولا نسيتي يامك و بغيتي توبي…. ضرب الحجرة تا ذوب و عمر الق+&# ما توب احبيبة
شيماء:(كتشوف فيه بصدمة ممتيقاش خبث هاد الإنسان اللي قدامها) واااش من الأول كنتي هكااا و انا كنت معمية ولا كنتي عاطيني وجه و دابا وجه مفهمتش مفهااااامتش (شدت فكرشها بعدما حسات بمغص فيها)
أيوب: كاااان عاميييك الحب و الحرام اللي زينتووو فعينيك و عشتي فيه و دابا فقتي على واقعك صباح الخير (قلب ملامح وجهو لتخنزيرة قاصحة و قرب واخد ذراعها بقوة حتى دمعو عينيها) متجيش دابا و ديري ليا حتى شبعتك از+ي عاد تفكرتك اربي (زير بيديه كثر) تجمعي معايا ولا نفنييييك
شيماء:(دموع القهر و الضعف نزلو مع خدودها و نطقت بصوت حاقد) طلقنيييي عطيني حريتي و سير عند الق+اب ديالك
أيوب:(ضحك حتى دمعو عينيه و طلقها كتحسس فذراعها) كتحلمي فاااايقة يمكن هههه هدااااك اللي عمرك تحلمي بيه و هذا (حط صبعو جهة دماغو) مازال ما قااالها ليا أووكي (شدها من فكها بعنف) مازال ماشفتي وااااالووو و الليلة نلقااااك موجدة ليا راسك ولا نهارك ما تشرق فيه شمش تفاهمنااااا (طلقها بالنترة)
شيماء:(بالأعصاب اللي ركب فيها هزت قرعة ديال البارفان شيرات بيها عليه) واااااش مريييض وااااش ماعندك احساس مي عاد دفنتها نووووض نوجد راسي ليك و نعس معاك واااش ضميرك ميت…
أيوب:(خوا على البارفان فآخر لقطة و فلمحة عين هز يدو و نزل عليها بطرشة خلات وذنيها يصماكو و الدوخة تجيها حتى كانت غطيح) رجعتي كضربي الواسعة الخاااانزة الضمير كتساااابيه ملي خليتي ولدك و راجلك و عائلتك و تبعيتيني الق+&ة… مك نتييي اللي ماتت ماشي مي يعني وقت اللي قالي راااااسي نح** غنح** و غتوجدي ليا رااااسك و بزز من المخير فتريييكتك تريكة الزو*** اللي كووون كانو أصلا رجالة ميخليوش وحدة بحالك كتنفس (زاد كيلبس فحوايجو بسخط)….
واقفة فبلاصتها يدها على خدها مكاااان الصفعة…. دموعها هوادين…. دماغها مسافر…. كطيح فيهم بصمت….صدرها كيطلع و ينزل بعنف…… هضرتو كتعاود فوذنيها….. ” مك نتي اللي ماتت ماشي مي”….. “خليتي ولدك و راجلك و عائلتك و تبعتيني”….. “خوتك ماشي رجال”……
هاد الجمل كانو كيتصارعو فداخلهااااا و دخلو مع اللاوعي ديالها….. لقطات من طفولتها….. مراهقتها…. شبابها…. زواجها الأول…. ولادتها….. معاملتها لأم زوجها الأول…. كيدورو احداث فراسها و وذنيها كيصفرو كأنها غرقااات فشي بييير مظلم…..
دموعها سايلين و عقلها غايب معرفتش شحال ديال الوقت حتى وعات على رنات التيلي ديالها…. فاقت بشهقة من شرودها….مسحت دموعها و غسلت وجهها محاولة تخفف احمرارو….
هبطت باش يمشيو للجنازة و اللي شاف وجهها و حالتها كتبقى فيه عند بالو كتبكي على مها….. معارفينش ان قلبها كينزف دم على كل الجهات…..
و تهوى الإنعزال و تخشى أن تبقى وحيداً…💔
شيماء:(كتفرك يديها بتوتر) أحم.. انا عارفة بيلا كارهيني و كارهين تسمعو هضرتي (حدرت راسها بأسى) و من حقكم حتى انا مدرتش علاش تبغيوني…
يوسف:(قاطعها) شيماء ختي راك مريضة و حنا كثر منك مكاين لاش ندويو فهاد السيجي دابا
شيماء:(بامتناع) بالعكس اذا مخرجتش اللي فخاطري عاد ما غنزيد نمرض (شافت ناحية محمد اللي كيشوف فيها ببرود) اكثر واحد ظلمتو هو نتا امحمد من صغرنا مكانش عندي معاك… كنت كنشوف معاملة الكل ليك اولهم جدي و بابا عزيز عند كولشي و انا كولشي كيقول ضاسرة متكبرة مكتحشمش (تنهدت) حقدت عليكو حسدتك و نسيت ان معاملتي و تصرفاتي هوما اللي خلاوني نبان هكاك و تقال ديك الهضرة فحقي و ماشي نتا… كبرت و كبر معايا داك الغرور و الضسارة.. كانت حتى حاجة مكتوقف فوجهي.. طغيت و كان عند بالي الدنيا دايما و انا هي الكل فالكل.. خسرت كرامتي و كبريائي و شرفي و ولدي و ضحيت برجل ذنبو انه بغاني… طيحت بوجهكم فالأرض اهئ هئ (كتشهق) تبعت واحد طمعني بالكلام الحلو و خلاني نشوف راسي انا اللي كنبان ليه مراة…. حتى هزني لسابع سما و رجعني مزدوحة لسابع أرض..و الاكثر اني بزز مني نرضى بيه و نعيش معاه و نتحمل مسؤوليتي….
محمد:(سمع ليها حتى كملت و مينكرش انها بقات فيه و حس بيها مضرورة) شوفي شيماء اللي فات مات و مهما كان كتبقاي ختي و من دمي و لحمي نهار دوييت حيت هزتني النفس عليك حيت كتبقاي شرفي ولكن ملي قلتي باغاه خليتك تحملي مسؤوليتك كاملة و دابا منقدش ندخل حيت النهار اللول قلتي قادة و كل واحد يتحمل نتائج أفعالو (هز عينو لقاها كتبكي)….
شيماء: عارفة و متحملاهم والله العظيم تا ربي خرج فيا ذنوب كل واحد ظلمتو و قهرنو أولهم منير و ولدي اللي لحتهم فلحظة ضعف و شهوة لكن اللي بغيت هو تسمحو ليا و نرجع نحس بيكم واقفين فظهري (خنقها البكية) اهئ ك هئ ك ننحس ببراا سي بوححدي والله اهئ اهئ…
يوسف:(ناض عنقها) شششش حنا معااااك شكون قالك حنا ممعاكش حنا ديما معاك و حتى اذا بغيتي تفكي من داك الز(حبس الهضرة ففمو بالزز) من اليوم رجعي لداركم تبقاي فيها معززة مكرمة….
شيماء:(بادلاتو العناق بضعف) الله يخليكم ليا و سمحو ليا بزاااف واخا عارفة مغدير والو لكن سمحووو ليا…
محمد:(تنهد محمد بحزن و ناض ناحيتها فين كنت جالسة و يوسف كيدوز على ظهرها حط يدو على خدها كيمسح دموعها و قال بصوت رخيم) عمر بنت من بنات تاج الدين مايطيحو دموعها على راجل كيما بغا يكون مسحي دموووعك و رفعي راسك و خوتك ديما معاك (طبع قبلة على جبينها)….
بكات شيماء بقوة لكن هاد المرة كانو دموع فرح مخلط مع ندم و احساس بالعار كتحس بيه…. فرحانة حيت خوتها رغم كولشي وقفو معاها و حسسوها انها ماشي بوحدها و عندها علامن تحط الراس….
ندمانة على اللي دوزت و داكشي اللي دارت…. و إحساس العار بسبب علاقتها مع أيوب اللي من اولها كانت بادية بالحرام و غلط و كملت فيها….
بعدما فطرت مزيان و عوضت شوية من داكشي اللي ردت…. خرج محمد مهبط معاه البلاطو و بقات متكية شوية كترجع نفسها…. ناضت بعدما ارتاحت قدات حاجتها و خرجت بدلت ديك البيجامة بأخرى قطنية سخونة….
جلست فالجليسة اللي دايرين فالبيت مدوزة لابيل لدعاء… اللي شغلت بالها من الهضرة ديال الامس و الحالة اللي كانت فيها…. مولفة على دعاء انها واخا يكونو عندها مشاكل الدنيا كاملة كتبقى ضاحكة و ضاربة الدنيا بطالون…. عمرها شافتها منهارة لهاد الحد و هنا عرفت ان ختها جمعات فقلبها حتى مابقا ليها فين تزيد…..!
📱ياسمين:(تسنات شوية حتى جاوبت) آلو صباح الخير… كيف صبحتي
📱دعاء:(بصوت مبحوح) انا اللي خاصني نسولك كيصبحتي…. الحمدلله
📱ياسمين: مال صوتك ياك لاباس صبحتي مريضة
📱دعاء: تغاوتنا البارح انا وياه جبدت ليه الجديد و القديم
📱ياسمين:(دارت على صوت الباب كيتسد لقاتو محمد شيرت ليه بيلا داويا) اويلي اصاحبتي علاش ياك قلت لك تنهضرو علاش زربتي
📱دعاء:(بحرقة) كيفاش زربت اياسمين واش واحد مشايفاهش ثلث ايام و عارفني راجعة البارح و ماجاي حتى للجوج فين كنتي افلان مع صحابي واش انا مزوجة بمو… الولد مشافوش شحال واللهما طل عليه تغاوت معاه بدا كينفخ الصباح خرج مع السبعة و دري كيسول فين بابا فين بابا
📱ياسمين:(تنهدت بحزن على حال ختها) لا حول ولا قوة الا بالله معرفت مانقولك واش غتمشي للدار دابا ولا شنو
📱دعاء: انا دويت مع مو صباح حطيت ليها كولشي قلت ليها اخالتي واش انا مزوجة بيك ولا بيه ايلا كنت كندور معاه ربعة السوايع لاش تزوجت… لا كلمة زينة لا معاملة ميخرجني ما والو… نقوليه نخرجو يقوليا هزي لاكارط و الطوموبيل و خرجي واش انا مزوجة بالطوموبيل… بدات كتبيض فعينيها و قالت ليا ايوا اش غنقووولك ابنتي ولدي راه ولا رااجل منقدرش نملي عليه شنو يدير… قلت ليها ولدك متمليش عليه حيت ولدك و انا غير بنت الناس و نهار جات بنتك باكية عطيتي لراجلها درس فالأخلاق و المعاملة… طلعت جمعت وراقي و ذهبي و حوايجي المهمين ففاليز و لبست أويس و دابا نتسناها غير تخرج نتزرگ انا للدار…
📱ياسمين:(بانفعال) واش هادي مريضة ولا مالها اذا مقالتش هي لولدها شنو الغلط و شنو الصح شكون غيقوووليه صافي هزي ولدك و سيري انا عشية انشوف ايلا قديت..غنجي(قاطعتها دعاء)
📱دعاء: لا اصاحبتي الدار عندكم عامرة مجاتش تجي و تخلي الناس
📱ياسمين: مهم راني غنشووف و ماتقولي والو لبابا حتى نجي و ندويو جميع
📱دعاء: واخا حبيبتي يله سيري راها خرجات نخرج حتى انا…. باي باي….
قطعت معاها كتنهد معاجبها حال…. فقصها ياسين اللي مابغاش يتقاد و غير ما كيزيد فتصرفاااتو اللي مابقاات دعاء قادرة تستحملهم…. و زادت فقصها مو كثر اللي باينة عاجبها الحال و إلا غتهضر و تنهي ولدها…..
فخضم تفكيرها فيقها صوت محمد اللي كان متكي فوق السرير شاد تيلي ديالو كيسمع و ساكت حتى سالات….
محمد: ياك لاباس ياكما كاين شي مشكل
ياسمين:(قلبت وجهها عليه) مكاين والو..
محمد:(شاف فيها بضحكة) شوف هاد البرغوتة كتقلب عليا فوجهها و تقطر عليا فالهضرة..
ياسمين:(قلبت فيه عينيها) بعد مني امحمد ماعندي خاطر لضحكك اصلا كلكم بحال بحال..
محمد:وايلي على كلكم بحال بحال مجربانا كاملين و ماعندي خبار… هضرة بنات الألفين و زيروات..
ياسمين: وا كتقتلني ببرودة دمك ياخووويا
محمد: يخوي ليك الجناب اللي عمرتهم ليك شكون كذب عليك اناااا سخوووون عافية
ياسمين:(وقفت داخلة للحمام) الله يعطيك عقل هذا مانقولك
محمد: الله يعطيني معاك غا شي بيت بلا بيبان بلا شراجم منطلق مك تا تهزي التوااام… (سمعها خبطت الباب غوت باش تسمعو) خبطي عليا الباب اقريدة العش تا تخرجي عندي…..
بقا كيضحك عليها كيعجبوو يشد فيها و يعصبها…. يخرج منها ديك الشخصية الثانية المتمردة و العنيفة…. يشوف تعصيبتها اللي كتحمقووو بحواجبها معقودين و فمها مزموم بحال النقيطة…
واقفة فالكوزينة كترد الماعن لبلايصهم و البنت حداها كتغسل و تحط يتسقطرو عاد تنشف شادين الحتيت بيناتهم كل مرة و علاش….
حنان: المهم كتجيبي طرف الخبز حلالا طيبا
البنت: واايه واخا حاجة الحلال قليلة ولكن زارع فيها ربي البركة ماشي بحال الحرام واخا يكون عندك جبل
حنان: ايوا الله يطعمنا حلال…
كملو هضرتهم حتى سمعو طقطيق ديال شي صباط فالأرض و الظاهر انه انثوي…. دارت حنان حتى كتلقاها اميمة بجلابة غير اللي جات بيها فالبلومارين مخزانية مع بوط قصير بطالون… طالقة شعرها ولايحة فوقو شال مطلوق….
كتشوف فيها باستهزاء…. كطلع و تهبط فيها وعلى شفايفها ضحكة غريبة…. كتجمع بين القسوة و الكره و الاستهزاء… حتى دوات بصوت شبعااان سم و غيظ….
اميمة: حنان لاباس شفتك واقفة فالكوزينة
حنان:(بتخنزيرة خفيفة) ايه واقفة علاش الكوزينة عيب
اميمة: (بضحكة مستهزءة) لا معيبش خصووصا عند اللي بحالك هههه اللي كيولفو يخدمو على سيادهم واخا كيعيشو فالعز كيبقاو ديما كيجرو للتحت و لدل
حنان:(عصبتها هضرتها) اذا كان بالنسبة ليك هادشي دل فراه خاصك تمشي تعالجي راسك حيت الدل هو تبعي واحد مزوج اما انا خدمت فهادشي بالحلال و تزوجت فالحلال و حتى اذا تزيرت نرجع نخدم فهادشي و راسي مرفوع
اميمة:(عصبتها هضرتها و فثانية قلبت عليها القفة و رجعت هي اللي فمحل ضعف و غلط) حتى بنات الكاريان تعلمو يهضرو بالحق الغلط ماشي عليك على اللي دخلوك وسطهم و كبرو ليك البعرة حتى رجعو الخديديمات كيحسبو ريوسهم شي حاااجة
حنان: بنت الكاريان و يتيمة و بنت الخيرية ولكن عشت بشرفي و خدمت بشرفي و خدمت فالحلال و هزيت راسي بالحلال و طحت فولد الناس اللي تزوجتو فالحلال و ربي مكمل عليا اما نتي خلييك غير فهمك و حالتك اللي فيك كافيك (دارت عند البنت) خديجة انا غنمشي نشوف خالتي سميرة و نرجع بينما خوات الكوزينة…
تمشات خارجة رافعة راسها للسما و عن قصد ضربت فكتف اميمة حتى مشات و جات… قاصدة تبين ليها انها مخايفاش منها… انها بحالها و حتى انها حسن منها و اشرف منها… محاولتش تسكت ليها عطاتها علاش دور….
و حتى لوكان تعاود نفس المشهد غترجع تعطيها نفس الهضرة و كثر اذا اقتدى الحال… قررات بينها و بين نفسها انها مابقات غتسكت لحتى واحد نقص منها ولا حاول يطاول عليها…. مشا زمان السكوووت و حنيان الراس….
عرفت بيلا قدما حنيتي الراس و قدما درتي بحساب بنادم…. قدما غتخشى تحت الصباط و غيعفطو عليك مزيااان…. وأول شخص كان خاصها توقف فوجهو هو اميمة….
هاد الأخيرة اللي بقات مصدومة فبلاصتها من الهضرة و عاد الدخلة اللي دخلت فيها حتى كانت غطيح…. صدمتها كانت كبيرة….
مكانتش ابدا متوقعة انها تهضر معاها هكاك ولا تخرج فيها عينيها و تعري على نيابها بداك الشكل…. هزت عينها مدوخة حتى لقات خديجة كتشوف فيها مرة مرة و ضحك فنفسها…. بسرعة حولت نظرتها لنظرة شيطانية ضربتها فالبنت حتى تفعفعت و تجمعت بسرعة…. غوتت بصوت رقيق غاضب محاولة تنفس غضبها فالبنت اللي لا حول لها ولا قوة….
اميمة: لاش كضحكي ياك مكاين باااس جالسة كتفرجي فالسيرك ولا شنووو…. ولينا كنوحلو غير مع الخدامات هادشي اللي بقا قابلي شغلك و (قاطعها صوت رجووولي عرفاتو من اول حرف و طبعا ميخفاش عليها)..
يوسف:(داخل مخنزر عند بالو كتغاوت مع حنان حتى لقاها كتغوت فوجه خديجة اللي كانت حادرة راسها فالأرض و مزيرة على الفواطة بيديها) اش كاين هنا اش هاد الصداع لاش كتغوتي
اميمة:(حولت نظرتها بسرعة البرق لنظرة حزينة مخلية خديجة مصدومة فهاد الحرباء اللي واقفة قدامها) مكنغوتش غير تعصبت شوية مع هادي قلت ليها صايبي ليا فطور امين و بدات عليا لا ممسالياش لا ماخداماش عندك…
خديجة:(تصدمت فيها و دوات بسرعة محاولة تبرر ليها موقفها) والله اسي يوسف ما قلت ليها شي حاج(قاطعها يوسف بنبرة غاضبة)
يوسف:(دار ليها اشارة بيدو باش تحبس) شششس بلاتي (دارت تخنزر فأميمة) خديجة ماشي عاد غنعرفها باش تقولي هاد الهضرة و حتى اذا كان اللي كان و قالتها راها مكذبتش ماكلة ولدك قابليييها راسك و هي مخداماش عندك باش تبداي تآمري و تنهي فيها جيتي ضيفة بقاي بكرامتك و دخلي سوق جواك حتى تمشي مناقصناش صداع الراس (بغات تهضر) تيسري ء اميمة قضي شغالك مناقصنيش صداعك حتى هو….
بقا حاضيها حتى خرجت وجهها غيطرطق بالحمورية من كثرة القميع اللي تعرضت ليه فهاد الصباح…. حتى انها مكرهتش تجي قدامها حنان تشنتفها و تعضها و تبرد فيها حرها كاااامل و شوووف واش تبرد….
بالخف طلعت هزت ساكها ممسوقاش لنداء ولدها اللي قهرو الجوع و مازال ما فطر…. خرجت بسرعة من داك الرياض تنفس غضبها و تجمع شتات نفسها….
فالكوزينة تلفت يوسف عند خديجة اللي كانت واقفة حانية راسها و خايفة لا يعايرها ولا يتيق هضرتها…
يوسف: بصح هادشي اللي قالت اخديجة..
خديجة: والله اسي يوسف حتى كذوب فكذوب جات لقاتني انا و ختي حنان…. (حكات ليه الواقعة كما أنزلت)
يوسف:(دوز يدو على وجهو بسخط) لا حول ولا قوة الا بالله الصبر من عندك ياربي (وجه كلامو ليها) اذا تعاودت نفس الحاجة متسكتيش ليها نتي ماشي خدامة عندها و ايلا تمادات جي عندي نيشان….
خديجة:(فرحت حتى ما قدت) الله يحفظك اسي يوسف الله يعطيك ما كتمنى فخاطرك و يرحم ميمتك…
يوسف:(بابتسامة باهتة) امين ياربي…
خرج من تما متوجه لبيتو عارف حنان غتكون تم…. بالو مشغووول كيفكر فهاد المخلوقة اللي حتى قال تفكيت من سمها و جا الوقت فين نشوف حتى انا حياتي مع ولدي و مرتي حتى جات تاني تخرب عليها راحتو و تنغص عليه حياتو….
دخل للبيت لقاها جالسة فوق السرير شادة التيليفون….سمعت سدة الباب شافت جيهتو بابتسامة دافئة….
يوسف:(قرب حتى جلس حداها واخد يدها عندو) اش كدير الزين ديالي
حنان: والو غير جالسة يله طلعت بغيت ندوش
يوسف:(حط يدو باردة على عنقها حتى طواتو مبورشة) اش درتي تدوووشي (قرصها)
حنان:(بعدت مقصحة) اويلي يوسف حشووومة
يوسف:حشووومة مالي مصاحب معاك راني راجلك (قرب ليها كثر طامع فالقرب) قربي عندي قربي نقولك واحد الحاجة
حنان:(كضحك بدلع) يوووسف حشووومة الناس
يوسف:(دور عينو فالبيت) فيناهوما هاد الناس مبانوش ليا
حنان:(عرفاتو طانز ضحكات) كضحك عليا حرام عليك خليني نزل نشوف شنو خاصهم
يوسف:اش غيخصهم راهم عرام شوفي زمانك اش خاصووو
حنان:(كتغنج عليه) ممم و اش خاصك
يوسف:(هايم فيها) خاصانيييي نتي ازين (قرب ليها كثر و طبع قبلة على فمها كيجر فيه بعنف مترجم فيها وحشو ليها و مشاعرو اللي كيحس بيها كاملة….)
قبلة لك و صباحي أنت 🤎
طلعت مهدوووودة خاطرها ضيق و وجيعات خفاف كيزاوروها بقوة الفقصة و الحزن و البكا اللي بكااات…. دخلت للبيت كتحل فالشال على شعرها ملقاتوش تنهدت براحة….
عمرها مكانت كتصور انها غتحكمها شي حاجة… عمرها مكانت كتصور انها غطوع على يد راجل…. عمرها مكانت كتصور انها غيجي شي نهار و تندم على تصرفاااتها….
تندم على هضرتها…. تندم على تعاملها مع خوووتها اللي رغم كووولشي اللي دارت فيهم نهار احتاجتهم لقاتهم…. تندم حتى على طلاقها من زوجها الاول…. اللي مشافت منووو غي الخير… من نهار تزوجت بيه و هو معاها مزيان….
باغيييها و كيعاملها بالتي هي احسن….رغم تصرفاتها الوقحة معاه و تكبرها عليه و معاملتها الخايبة مع مو اللي كانت لا حول لها ولا قوة كان كيصبر ليها…. لكن هي داكشي مزادها الا طغيان و تكبر….
كانت كظن انها وحدها مراة فهاد الكووون و قدمااااا دارت و دارت غيبقى بحال الخاتم فصبعها…. حتى شبع و عيا و مل منها و من تصرفاااتها…. و مع ذلك محستش و بقات هكاك حتى جا اللي نزلها من سابع سماء…. و طيحها لسابع ارض…. جا اللي ذوقها المرار و خلاها تكره و تندم على كل ما دارت…..
جا اللي يبين ليها انه لكل قوي وقت غيضعاف فيه…. غيطيح فيه…. غيتألم فيه… غيبكي فيه…. غيخسر فيه…. غيبقى بوحدووو…. غيعاني بوووحدوو…. غيخلص كووولشي داكشي اللي دار….. ربي مكيديرش لكريدي…. ربي مكيخليش الظالم بلا خلاص…..
الله يمهل ولا يهمل…. ربي مكيخلي حد يطغى على حد…. ربي حرم الظلم و توعد للظالم بالخلاص…. اللي دار شي حاجة يتخلص عليها بالثاني و المثني…. وهي اقرب مثال…. طغات و حسبت راسها مالكة الدنيا…. سوارت الدنيا و الاخرة فيدها…. نسات ان كل ظالم عندو ساعة ديال الخلاص وكل قوي غطيح قداشمااااا كان عااالي و طالع…..
بقات على داك الحال متكية فسريرها وحيدة لا من يسمع ليها ولا من تحط عليه الراس و هدشي كلو سبابو فعايلها اللي خلاو الكل ينفر منها…..
خرجت من الدوش لقاتو مكاينش لبست حوايجها بالزربة و نشفت شعرها…هزات مستلزماتها و قادت البيت بالخف وخرجت كتزرب باغا تمشي لدارهم و توقف مع ختها كيفما هي ديما تتكون واقفة بجنبها و متبخلش عليها….
هبطت لقاتو واقف مع يوسف ابتسمت لهاد الاخير و بادلها ابتسامة باهتة…. دخلت للكوزينة تشوف سميرة بينما كمل مع خوه الهضرة…. عنقها فالجهد كتشم ريحتها بطريقة هستيرية خلات سميرة غير كضحك….
خرجت لقاتو خرج للطوموبيل….ركبت معاه و الغريب انه كان حتى من طرفووو…. دورت قزيبة عينها بشوية ليه لقات ملامحو شاردين و باين انووو كيفكر فشي حاجة هي اللي شاغلة بالو….
حطت خمسة على فمها و دارت كتمنضر فالطريق حتى وصلو لشقتهم…. نزلت بينما دخل لوطو لباركينغ… تسنااانتو حتى يجي عندها كيفما ولفت متدخل حتى يكونو بزوج و مياكلو حتى يكونو بزوج و الفراش مايفرقو حد فيهم واخا يكونو مخاصمين الا في الشديد القوي….
دخلوووو كل واحد فيهم كيتنهد براحة… مكاين ما حسن للانسان من غير دارو…. دخلت كتزرب جمعت حوايجها قلال فساك جلدي صغير و مستلزماتها….
بدلت حوايجها بجينز ازرق فاتح و مونطو طويييل باج مع بوط قصار كحلين…. طلقت شعرها طوييل تحت المونطو و دارت فوقو كاشكول و بيرية كحلة….
حداها محمد دخل دوش بالزربة و خرج لبس بدورو جينز رزق تيشرط بكمام طويلة قطني فالرمادي و جاكيط سخونة كحلة…. دار فوق شعرو كاسكيط و رش ريحتو الرجولية مع باسكيط گري….
دارت لعندو لقاتو كيركب فساعتو… كطلع و تهبط فدييك الطووولة و التجرييدة اللي تتحمقها فيه…. كتحس بيه واااقف على الصح و عندووو هيبة و غير كتوقف حداه كتحس بأنووثة طاغية….
بلا شهوووبيتو اللي كتسطيها… كتشوف فيه بهيام حتى هز عينو فيها لقاها كتشوف فيه بديك الشوفة ديال اححح و نشدك….ضحك و قرب عندها حتى مابقا كيفصل بيناتهم والو و….
محمد:(جرها لعندو من خصرها حتى تزدحت فوق صدرو) اش دوك الشوفات امدام
ياسمين:(كتهرب عينيها منو بحياء) والو امحمد غا كنشوف
محمد: هادوك الشوفات كنديرهم فيييك غا ملي كنبغي نننن
ياسمين:(ضرباتو لصدرو بخفة) ناري واش كتحشم تء
محمد:(خشا وجهو فنحرها كيشم ريحتها الفطرية و دوا فوذنها) غا كوني هانيا الزين ديالي الوجه علاش كيحشمو الناس مكنكسابوش
ياسمين:(ضحكت بخفة و زادت وسعت عنقها مستحلية بوساتو و طامعة فكثر) هممم… محم-د اححح (طلقاتها بلاما تحس بحر النشوة)
محمد:(ضحك بصوت مرتافع) هعههههههههههههه اش هادشي اختي صافي نجلسو منمشيوش
ياسمين:(شافت فيه مخرجة عينيها تخلطت عليها حشمة و مرضاتش يضحك عليها حتى غرغرو عينيها و قالت بصوت منغنغ) مضحكش عليا امحمد صافي
محمد:(عند بالو غا ضاحكة زادت فضحكو اكثر) اويلي ياويلي هههههههه
ياسمين:(نزلو دموعها فوق خدودها و بعدت كتنتر منو) واااا مضحكش هئ هئ حرام عليييك
محمد:(تصدم من ردة فعلها) مالك اياسمين وايلي راحنا غير ضاحكين
ياسمين:(مازال دموعها تيسيلو تتبعد ماراضياش) صافي بعد م-اهئ مني ص صافي
محمد:(عنقها بحنان كيحك على ظهرها مستغرب من حالها مافهم والو) صافي حبيبتي صافي حقك عليا غير ضحكت معاك صافي….
بقا معاها كيهدن فيها حتى بردت شوية و فداخلها مازال كتقاوم رغبتها فأنها تلاح عليه و تبوسو حتى تشبع…. سرعان ماجا فبالها الموقف ديال ليلة الامس و الصداع اللي ناض بيناتهم و الطريقة باش دوا معاها و كيفاش تجرأ يمد يدو عليها (هي اللي قالت مد انا ماقلتش)….
غوبشت فالبلاصة و خرجت من البيت سابقاه مخلياه غير كيشوف…. تبعها هاز ساك متوسط دايرا فيه حوايجها و نزل تابعها فين كانت واقفة حدا الطوموبيل…..
فالرياض حطو لغدا للناس اللي كاينين و اللي كانو قلال بحكم الاغلبية مشاو… بقاو غي عائلة حفيظة و صحاب حسن غير تغداو و مشاو…. طلعت حنان عند شيماء باش تغدا لكن امتانعت…
عيااات فيها باش تنوض غي على وجه داكشي اللي فكرشها لكن مابغاتش…. نعست و استحلات ديك النعسة اللي خلاتها تغيب على الواقع اللي رجعت كارهاه…. ماوعات حتى كان المغرب اذن…. ناضت دايخة و سخفانة بحيت النهار كامل مطاحتش النعمة ففمها….
قاومت و ناضت واخا كل مرة كتبغي طيح و نزلت بشوية بشوية…. كانو جالسين فالمرح عائلة مها على صينية ديال اتاي قولها و ضحك عليها مناقصهم حتى خير… بحالا جالسين فعرس… تمشات بالمهل حتي وصلت عندهم…. غير وقفت كولشي سكتو و حولو ملامح وجوههم للحزن…
شافت فيهم بحقد لهاد الكمية ديال النفاق اللي دايرين….
شيماء:(بصوت مرتافع شوية) ضحكونا معاكم حتى حنا راه قتلنا الهم و الغم (بحاجب مرتفع)
ربيعة*خالتها*:(بدات كدمع بتمثيل) لا ابنيتي غير تفكرنا يامنا مع المرحوومة ختي
شيماء: و هاد اليام اللي تفركتي اشنو فيها كيضحك ولا كية اللي جات فيه
سميرة:(جات كتزرب محاولة تحد الصداع) لا ابنتي مكاين والو غا داوين تعالي ارتاحي ابنتي تعالي
شيماء:(بصوت مرتفع) مكاينش غير داوين يحتارمو غير الحرمة ديال الموت زعما راه ختهم و مي اللي ماتت ماشي مشة….
كلثوم: صافي اشيماا نعلي الشيطان ابنتي و سيري بدلي ساعة بأخرى….
حشمت من جداها و دارت بناقص من ديك الجلسة مشات للصالون فين كانو البنات مريحين و كاينا حتى اميمة…..
هاد الاخيرة اللي كانت مقابلة مع حنان كتهزها و تهبطها بنظرات تفحصية غيورة…. متنكرش انها زوينة و مسراااارة بهاد المعنى….يعني من داك النوع اللي مكتقدرش تهبط عينك عليه من كثرة السر و القبول اللي عاطيه الله…..
واحد البشاشة فوجهها و ملامحها الناعمة تتبين حنانها اللي اسم على مسمى…. على عكسها هي و ملامحها الحادة و المتغطرسة اللي كتبين قوة شخصيتها و حدتها…. جلست شيماء جنب حنان هاد الاخيرة اللي كانت ساكتة من غير بعض المرات القلال اللي كتشارك فيهم ااحديث بكلمة ولا جوج و تسكت حتى جلست حداها شيماء…
حنان:(تلفتت عندها) ارتاحيتي شوية
شيماء:(خرجت تنهيدة من اعماااق قلبها و قالت بصوت مكسور) مكاينا راحة احنان حتى نمشي عند الله
حنان:(بقات فيها خصوصا انها حاسة بيها من جوايه بجوج) متقوليش هكا دابا يفرجها ربي
شيماء:(شافت فيها بحزن) قدما بقيت غنسااا ولكن الشي لاخر واش غيتنسى واش جرحو غيبرا
حنان:(فهمت تلميحاتها) ربي يكون لك عوين غي خلي راسك ديما مرفوع و عرفي بيلا خوتك ورا ظهرك مهما كااان
شيماء:(مافهمتش قصدها لكن محكرتش) الحمدلله على كل حال حتى نتي عيتي ملي جيتي و نتي واقفة
حنان: هذا واجب اختي راه المرحومة كانت فمقام ميمتي اللي عمرني شفت
شيماء: الله يرحم گاع اللي مات
اميمة:(قاطعت كلامهم بنبرة مرتفعة مخاطبة محمد امين اللي كان فحضنها) غندي ولدي حبيبي ناخد ليه شوكولا و لي جوي و اللي بغا ياك امامي
م.أمين:(بسعادة طفولية) ياااااي يااااس مااااما نتي واااعرة
شيماء:(شافت حنان كتنهد بحزن مقابلاهم) ماماك اولدي واعرة حيت غاتخرج عليييك
اميمة:(تكلمت معاها بحاجب مرفوع) بااااش غنخرج على ولدي اختي شيماء
شيماء:(بتهجم) الولد شحال و نتي لايحاه مكتسولي ما والو حتى مشاااا فواحد السيستيم فشكل و تربا عليه تجي دابا تخرجي عليه بالفشوش و الضسارة و زايدة معرت اش كتعمري فيه…
اميمة:(ضحكت باستهزاء) ههههههههه والله حتى ضحكتيني واش كضحكي عليا ولا على راسك لا و جاية كتحاسبني و تنصح فيا على ولدي و نتي ولدك فين لايحاه….
تيسير:(بصوت مرتافع شوية) اميمة جمعي فمك من الهضرة هي مادوات الا و خايفة على مصلحة الولد اش هادشي كتقولي
اميمة:(غوتت مجننة) الالة تخاف على راسها الولد ولدي و ماعند حتى قندوح الحق يدخل فيه من غيري انا و باه اللي غنربيوه على داكشي اللي باغين ولا بغيتوني نربي ولدي على تربية الخدامات باش تبقاو على خواطركم
شيماء:(كتشوف فيها بصدمة) زيدي خرجي داكشي اللي فقلب يااااا المسمومة گاااع هادشي خازناه فين كنتي ملي كان الدري كيبكي ليل و نهار على مو و باه معارف مايدير ليه و الخدامات حسن منك كتسمعي…
اميمة: انا ايلا مشيت راني رجعت لولدي و عمرني كنت نخليه الكية كيتك نتي اللي لحتيه و مشيتي لعبتي على هواك تا قنعتي و هزيتي و تزوجتي و الولد مازال لايحاه و زايدة كتنصحي فيااااا نصحي راسك ولدي هذاااك ندير فيه اللي بغييييت…
شيماء:(بكره قالت و عينيها جمرات) كنقسم بفمي بالله كونما كانت جنازة مي و الناس مخلطين و قلبي مازال مقهور عليها حتى تولي فبلاصة الجنازة جوج و فبلاصة القبر يتحلو جووج الك(قاطعها دخول يوسف كيسوط معصب)…
يوسف: اش كااااين مالناااا فهاد الصداااع ياك لاباس ماعندكم لا حرمة ديال عزا لا راه الدار عامرة اش كاااااين
اميمة:(بملامح متهجمة) شوف ايوسف الله يرحم باك محمد امين ولدي انا حملت بيه انا و تمحنت عليه اما و كبرتو انا جاو ظروف و بعدت ولكن دابا رجعت لولدي فما عند حتى حد الحق يدخل فيا و يقوليا ها اش ديري و ها اش ديري الولد مو جات مابقااااس محتاج لواحد اخر….
يوسف:(عقد حواجبو بسخط و دور عينو لحنان مخنزر فيها بقسوة عند بالو هي اللي دخلت) الولد كيما قلتي ولدك مكاين اللي يدخل فيه ولكن الغوات و الصداع لاش…
اميمة:(شافت المنظر كيما انتابهو ليه لاخرين ضحكت فنفسها و قلبت بسرعة البرق ملامحها للحزن) غنغوت ملي غيجي واحد جا من اللول و يبدا يوريني كيفاش نتعامل مع ولدي و يبدا عليا غتخرجي عليه بالفشوش هداك راه ولدنااااا ايوسف اذا مفششناهش حنا شكون غيتهلا فيه…
يوسف:(زادت تغوبيشتو تعقدت و هاد المرة قصح الشوفة فحنان مباااشرة و قدام كلشي حتى تزنكت و حدرت راسها متلفة الشوفة فيه) بلا غوات بلا صداااااع ولدك ولدك ماحيدووو ليك حد و مادخل ليك فيه حد ديري فيه اللي بغيتي و اذا قالك شي واحد شي حاجة جي قوليها ليا متبدايش تغوتي و الناس مخلطين (بغات تهضر قاطعها بيدو) ششش صافي الهضرة حدها هنا من اليوم مايبقا حد يدخل ليها فولدها ولا يقرب ليه مو و ادرى بمصلحتووووو (بصوت مرتفع) كتسمعوووووو….
قال دوك الكلمات و تم خارج كيخنزر فحنان هاد الاخيرة اللي غي كتشوف بعويناتها مدمعين الباطل نزل عليها وهي مدارت لا بيديها لا برجليها…. كانو البنات كلهم ساخطين و غي خرج تكلمت شيماء بغل….
شيماء:(مخاطبة اميمة) وااااش نتي مريضة ولا مالك كنتي تقووووولي ختك قالت و قالت لاش كدوي بلاما تسمي واش هاد السم اللي فيك مابغاش يموووت
تيسير: راك واحد اللفعة گرطيطة مع رااااسك هاد التصرفات راه ديال الزنقة و ايلا عند بالك وصلتي لداكشي اللي باغا راه كتحلمي…
قاطعهم خروج حنان راسها فالارض و دموعها كيقطرو…. خنزرو فيها و خرجووو تابعينها….
هبط محمد تابع ياسمين اللي كانت كتسنى فيه حدا الطوموبيل…. يلاه غيقوليها طلع حتى كيقاطعو تيليفونو اللي كيصوني بنمرة يوسف…..
محمد:(جاوب على التيليفون) الو ايوسف بيخير…… وايلي اصاحبي شدهم واحد الساعة بينما وصلت ياسمين للدار و رجعت…… بفف مشكلة هادي صافي هاني غنشوف كيندير…… متخممش يلاه تلاح….. (قطع معاه و دار مخاطب ياسمين) جاو شي ناس معرفة قديمة يعزيو و سولو فيا خاصني ضروري نمشي..
ياسمين: و اش غندير دابا خاصني ضروري نمشي دعاء كتسنى فيا..
محمد:(بحيرة) متقديش تخلي تال العشية و نديك ولا غدا الصباح..
ياسمين:(بامتناع) لا لا منقدرش دعاء كتسناني و محتاجاني ضروري
محمد:(دوز يدو على وجهو و قال) عرفتي اش غديري سيري نتي بطوموبيل ديالك انا غنمشي فطاكسي و ملي تكوني راجعة نجي نجيبك ولكن ردي البال للطريق و سوقي بشوية…
ياسمين: واخا صافي حتى نتا رد البال لراسك
محمد:(قرب لعندها و عنقها نصف تعنيقة كيشوف فملامحها الرقيقة) متعطليش عليا عارفة بعادك اش كيدير فيا و تهلاي ليا فراسك احياتي..
ياسمين:(كتشوف فعينيه بهيام) كون مكانتش دعاء محتاجاني منخليكش..
محمد:(طبع قبلة رقيقة على جبينها) الله يحفظك ليا سيري بشوية فالطريق (خشا يدو فجيبو خدا شي بركة دارها ليها فجيبها) هادو خليهم عندك اذا احتاجيتي شي حاجة و اذا خاصك كثر راه حاط لك فالكونط و سلمي عليهم حتى ندير و نجي نجيبك و نشوفهم….
توادعو مع بعضهم بحرارة و بقا مقابلها حتى خرجت من الاقامة عاد خرج حتى هو ياخد طاكسي يمشي بيه للرياض من تما يهز طوموبيلتو اللي بقات تما….
فالطريق ياسمين غادة فجو مضبب و زوين على نغمات خفيفة ديال فيروز غادة بالمهل حتى وصلت لوحدة من المخبزات اللي كتقدا منها…. نزلت تاخد شي حاجة دخلها معاها….. وهي واقفة كتسنى فالبنت تسالي مع اللي قدامها باش تشوف معاها لفت انتباهها بلاطو منوع من حلاوي اللوز برستيج الظاهر انه محطوط باش يذوقو منو الناس اللي باغيين ياخدو منها….
ثارها منظرو و ريوگها سالو ماحسات براسها حتى وقفت حداه خدات الشكل اللول اللي كان ديال اللوز مزوق بالزنجلان و البيسطاش و الورد البلدي خدااات وحدة ذاااقتها…. لمعو عينيها بحب و خدات الثانية و الثالثة و الرابعة…..
محاساش براسها اش كدير الاهم ان ديك الحلوة حمقتها و مقدرتش تستحمل مذاقها بلاما تزيد…..مرضتش البال اللي ناس اللي دايرين بيها كيشوفو فيها بنظرات مختلفة…. كاين اللي كيضحك على حالتها و كاين اللي مستغرب فيها…. كاين اللي كيقول واش هادي عمرها شافت النعمة و كاين اللي فاهمها و عارف علاش كدير هكا….
ماوعات حتى لقات البلاطو اللي كان عامر بقاو فيه خمسة الحليوات بالحساب…خرحت عينيها بصدمة و دورت عينيها للناس اللي حداها تا لقات شي كيشوف فيها شي معلابالوش بيها من اساسو…..
تزنكت بالحشمة و حبستها البكية…. محملتش الموقف اللي تحطت فيها دارت شافت فالبنت اللي مقابلة داك البلاصة كتعتاذر منها…..
ياسمين: ناري سمحي ليا اختي واللهما حسيت براسي عجبتني بزاااف لدرجة محسيتش انا مستعدة نخلصووو كامل غي سمحي ليا
الموظفة: ماشي مشكل الالة هداك كانو حاطينو غي اذا بغا شي واحد ياخد شي شكل يذوقو هو اللول..
ياسمين:(كتجبد فالفلوس بالزربة و بالدعقة طاحو ليها من جيبها نزلت كتجمع فيهم حشمانة) غير سمحي ليا عمرها وقعت ليا معرفتش شنو وقع ليا ماحسيتش حتى ضربتو كامل…. (قاطعها صوت انثوي من وراها الظاهر انه صوت مرأة كبيرة فالعمر)
السيدة: غير الوحم هداك ابنتي
ياسمين:(ضارت عندها كتشوف قدامها سيدة فعقدها السابع بملامح بشوشة ردت عليها باستفهام) ولكن انا محاملاش اخالتي
السيدة: مايمكنش ابنتي نغلط وانا على يدي ولدوووو شلااا عيالات مايمكنش تخفى عليا الشوفة اللي عينيك و اللمعة اللي فيهم وانا شفتها فعينين شحال من وحدة…
ياسمين:(تلفات ماعرفت ما تقول) انا ماعرفتش والله
السيدة:(تقدمت و شدت ليها فيدها) ديري نيتك ابنتي و تيقي فيا راه مايمكنش بعد هاد العمر كامل نغلط نتي كتوحمي و هاد اللهفة اللي فيك على الحلوة مايمكن تكون غييير فالموحمة و اللي كيبان ليا من عويناتك شي خنيفيسة جاية تونسك….
ياسمين:(ارتاحت لكلام المرأة و ثاقت بكلامها معرفتش علاش الاهم ان قلبها نبض بعنف و غرغرو عينيها زيرت بإيديها على يدين المرأة و قالت) ياربي يكون كلامك صح اخالتي
السيدة: صح ابنتي بإذن الله صح غير ردي بالك لصحتك و لبنتك اخضرة العيون (تلفتت غادة فحالها مخلية ياسمين مبتاسمة و مراقبة طيفها حتى غبر و فداخلها كتمنى كلامها يصدق و تفرح محمد ببنية تعمر عليهم حياتهم)
تلفتت عند البنت الموظفة خلصتها فالبلاطو اللي كلات و خدات من نفس الاشكال جوج كيلو ليها عاد خدات لدارهم منها نيت و من الصابلي…خرجت مبتاسمة و داخلها فرحة كبيرة غامراها لدرجة مكرهتش فبلاصة متمشي تنقز و تشطح….
ركبت فالطوموبيل و هاد المرة بدلت اغنية فيروز الهادئة بأغنية شعبية شبابية تتبين فرحتها مقررة انها فالقريب غتمشي دير تحاليل و تشوف واش بصح حاملة ولا ولا….
خرج يوسف مكره من الصداع اللي نايض و اللي ماعندو عقل ليه و هو فغنى عليه عند بالو الصداع ناض بين حنان و اميمة و مقال ليه عقلو غي حنان بغات تدخل فتربية اميمة مفخباروش بيلا المسكينة ما دوات ما تكلمات كتشوف و ترض لقلبها دايرا بالمثل اللي كيقول شوفي يا عوينة و سكت يا فيم….
ولكن اللي لحمو مالح و تابعو الباطل واخااا معرت اش يدير كيبقا تابعو…. خرجت حادرة راسها و عينيها تايقطرو بالدموع تا لقاتو واقف فواحد البلاصة مدرقة و حواجبو مقرونين باين فيه معصب و معاجبو حال كي وقفت عليه دوا بصوت مغلغل….
يوسف: دابا علاش تدمعي غا قولي ليا واش قلت لك شي حاجة
حنان:(هزت فيه عينها بنظرة مكسورة و دوات بصوت متقطع) يوسف انا واللهما د… (قاطعها بصوت مرتافع شوية)
يوسف: واش انا قلت لك الصداع ماعندي ما ندير بيه ولا لا احنان راااه هاد الصداع ما عندي خاطر ليه نخليكم بجوج منكم لبعضياتكم و نزيد لشي جايحة..
حنان:(تصدمت من هضرتو) علاش كتقوليا هكا
يوسف: انا اللي خاصني نقولك علاش كديري هكا الالة الولد ولدها وهي حرة فيه تربيه كيما بغات عطيها شبرين ديال التيساع….
حنان:(قلبها تعصر من هضرتو) ياك كنتي كتقوليا هذاك ولدك اشنو تبدل دابا
يوسف: اللي تبدل هو مو جات و مو مسؤولية عليه تكلف بيه و باش نتفاداو الصداع بعدي عليهم قدما قدرتي احنان (قرب حاط يدو على خدها)
حنان:(بعدت بسرعة و فعينيها نظرة عميقة رسلت بيها اسهم لقلبو) عندك الحق محمد امين ولدها كااان ولدي ملي مكانتش اما دابا ملي جات انا غي دخيلة وسطهم
يوسف:(تنهد بتعب وقال بتبرير) انا مقصدتش داكشي اللي فهمتي
حنان:(بابتسامة باهتة) متخافش انا فهمت شنو قصدتي و عرفت بلاصتي عندك و بلاصتي فهاد الدار غير دير فبالك انني مادويتش اليوم و متكلمتش شيماء اللي تخاصمت معاها و انا ماعندي دخل (دارت غادة كتافها مهدودين)
يوسف:(تصدم و حس براسو تسرع بزاف عيط ليها محاول يوقفها) حنااان… حنان وقفي (موقفاتش و مكلفتش راسها حتى تلفت ليه تما فهم انه خورها بالمعقول و الهضرة اللي قال كانت قاصحة…)
مسح وجهو بعنف معارف فين يعطي الراس من نهار حطت اميمة رجلها فالرياض و علاقتو بحنان فتوتر دائم معارف كيفاش يتعامل معاها….
دار داخل للصالة اللي كانت فيها اميمة مبتاسمة بانتصار كتقلب فالفون ديالها معلابالهاش باللي واقع و حست انها مازال عندها مكانة عند يوسف…. اللي ماحسات بيه امتى دخل حتى سمعت صوتو الرجووولي كيخاطبها…
يوسف: تبارك الله عليك الالة مرحة ليا مناقصك حتى خير
اميمة:(هزت عينها فيه كيبان ليها واقف متكي بكتفو على الباب و رجليه مكروازين كيشوف فيها بغضب) يوسف مفهمتش شنو بغيتي تقول
يوسف:(ضحك باستهزاء) لا الالة اميمة نتي فاهمة و فاهمة مزيان و باش نختاصر عليك الطريق من الاخر قولي ليا شنو غايتك من هاد المجية و هاد التصرفات
اميمة:مفهمتش اشنو كتعني
يوسف:(ضحك باستهزاء) ماشي عليا هاد الهضرة ء اميمة عاجنك و خابزك و هادشي ديالك مغيمشيش عليا اذا مشا عليهم هوما….
اميمة:(بحدة مصطنعة محاولة تخفي وراها نواياها الحقيقية) ماعندي حتى غاية و هضرتك اساسا مفاهماهاش جاية نأدي الواجب و ندوز وقيتة مع ولدي لا غير شي حاجة أخرى راه مكايناش مايبقاوش يجبدو الهضرة من جنابهم و يسبو فيااا حيت مناقصني صداع…
يوسف:(بحدة مخنزر فيها بغضب) جاية تأدي الواجب جلسي باحترامك و تفكري راه غير ضيفة فهاد الدار احتارمي ماليها و نزييدك متعمريش للولد راسو بداك السم و الحقد اللي فيييك….
متسناش جوابها خرج و خلاها كتشوووف فيه بحقد…. داخلها شاعلة العافية اللي كون خرجتها تحرق الاخضر و اليابس…. لاول مرة تحدو ليها و ماعرفت مادير و قررات انها دير هدنة صغيرة و تخلي كولشي للوقت….
وصلت ياسمين لدارهم محملة بالحلوة و الديسير و الموناضا….. حل عليها اويس الصغيور تحنات عليه شبعت فيه بوسات عاد تعرضت ليها مها اللي سلمت عليها بالاحضان حتى هي و هزت معاها داكشي مطلعينو…..
وصلت لقات دعاء جالسة و باين فهمها الهم و الغبينة واخا كتحاول ماتبينش لمها لكن من البيجامة الكحلة اللي لابسة و وجهها اللي مافيهش داك البريق و الضحكة اللي مولفين فيه باينة عندها شي حاجة…..
ياسمين: الله ياختي مالك على هاد الكآبة وجهك مخطوف منو اللون
دعاء:(بتنهيدة خارجة من أعماقها) انا اللي يتخطف لوني اياسمين وانا كنشوف زواجي كيضيع وانا كنتفرج فيه
ياسمين: كون كانت بيدك شي حاجة كون درتيها ولكن (قاطعها دخول مها بالصينية ديال اتاي تابعها خوها بطبسيل ديال الحلوة مشكل منو ديال اللوز اللي جابت ليها ماحسات الا وهي مغوتة) وا لا ماما دياااالي
ثورية:(خلعتها ماعرفت مالها) هيييه صيحت اليهود مال گنسك كتغوتي طيحتي ليا الما فركابيا
ياسمين: وا دييك الحلوة ديال اللوز وا ديالي حطي من لوخرين
دعاء:(ضكتها) وا زوينة هادي ههههه على نتي جايبة الحلوة لينا ولا ليك
ثورية: نوضي خشيها فوجهك كاملة يعطيك غا العز ابنيتي اما الدل راك غارقة فيه
ياسمين:(خرجت فيها عينيها حتى حمارو و دمعو و فالبلاصة تكمشت مغبنة و دوات بصوت مقطع) حشومة عليك اماما (طاحو دموعها) انا هئ اهئ بغيت غا هاديك ديال اللوز….
دعاء:اويليييي استغفر الله العظيم كتبكي على الحلوة
ثورية:(شافت فيها مطولة) كتوحمي ابنيتي مايحيدهاش ليك الطبيب (هزت الطبسيل مداتو ليها) شدي ابنيتي كولي شدي لالة زينة و زادها نور الحمام
دعاء:(ضارت عندها ضاحكة) واش بصح كتوحمي
ياسمين:(هزت حليوة كلاتها كضور فعينيها) ماعرفتش مامشيتش للطبيب ولكن خالتي تاهيا شكات
دعاء: و ملاحظتي والو فراسك
ياسمين: هيييه وليت بحال عيشة دميعة و كل مرة نتشهى حاجة خصوصا داكشي الحلو و محمد مرة نافراه مرة باغاه و خالتي سميرة ريحتها كتحمقنيي رجعت غي معنقاها
دعاء:(بضحكة فرح قاصت كريشة ياسمين) يا مامي مبرووووك عليك مومو جاي فالطريق
ياسمين:(بعيون لامعة) بصح ناري محمد غيطير بالفرحة
ثورية:(حطت يدها على خدها) اودي يا ولاد اليوم ما تحشمو متستحياو
ياسمين: خاصني نمشي عند الطبيب ولا ندير التيست
ثورية: غدا و سيرو نتي و ختك ملي تكون غادة لدارها عند الطبيب و الله يسمعك اللي فيها الخير
دعاء:(ببرود) مابقات عندي دار هانا جالسة معاك
ثورية:(شافت فيها بصدمة) كيفاااااااش اختي
دعاء: كيما سمعتي اختي مابقات عندي دار مابقا عندي راجل هاني جالسة معاك ايلا قبلتي عليا..
ياسمين:(قرصتها و دوات بشوية) ششش ماشي هكا اصاحبتي الهضرة (دارت عند مها) ماما دعاء مخاصمة مع راجلها و هاد المرة القضية كبيرة
دعاء:(بغضب) ممخاصمينش اختي فييين مخاصمين فين اصلا كنشوفو باش نتخاصمو
ثورية:(بغضب زفت عليها بوسادة) شششش قصري صوتك المسخوووطة واش لعب الدراري الصغار هذا شوية نتجاوجو شوية نطالقو
دعاء:(زادت تجنت اكثر حتى رجعت كلها كترعد) متجاااوجتش معاااه اختي نتي اللي جبتيه ليا و زيدتيني للعاااافية وااا هاااا نتااائج ديااال فعااايلك لا تزويجة كي الناس لا راجل كي الناس لا عيشة كي الناس…
ثورية: دوري و رجعي ليا كوووولشي اش ناقصك مع هاد الراجل ولا نتوما بنات اليوم باغيين طيروو اش بغيتيه يريح تيتي نيني حداااك..
دعاء:(ضارت عند ياسمين كضحك بفقصة) ههههه وا شوفي الهضرة شوووفي (شافت فمها) وااااا طليييتك بيه داااكشي لا غا الدار و الطوموبيل و الحوايج و الذهب طليييتك بيه نعيش مع واحد فبيت مع الجيران ولا عيشة الخرا اللي عايشة معاه (سكتت مزنكة و كلها كترعد)….
ياسمين:(خلعتها حالة ختها قرب معنقاها جنب مخاطبة مها بهدوء) ماما راه دعاء من النهار تزوجت بياسين وهي معذبة واخا كولشي كاين ولكن الاستقرار مكاينش
ثورية:(خلعتها حتى هي حالة بنتها) و فين كانت شحال هادي علاش مقالت والو قبلما دير الولاد تجي تال دابا و ضيعهم معاها
دعاء: كنت اختي مراعية ليكم كنت صابرة و كنقول مناش اللولة ولا اللخرة من ليلتي اللولة عندو قالها ليا بصريح العبارة اختي راه مباغيكش راه مي اللي تافقت معاكم وانا ماعيني فزواج دابا شكون هادي اللي تصبر على هاد الكلمة شكوووون دوزتها و قلت نصبر مانجيبش لواليديا الضحك يلاه جيت نرجع العدوزة من جيهة و الراجل من جيهة و لقيت السلاك مع العدوزة مالقيتو مع الراجل
ثورية:(شدت راسها كدي و تجيب فيه) الله ياااربي الله على مكتوووب واش المعمول دابا يجي و يدوي معاه بااااك غا متزربيش…
دعاء: راه تعطلت اماما ماشي زربت واش الراجل اللي سيمانة مكنشوفوش معايا فنفس المدينة و سيمانة وهو دالع نهار يجي يتفتف عليا بسنسلة ولا براصلي و يرجع يغبر…
الراجل اللي هاملني ما نخرج معاه ماندور معاه تا امور ولدناااا مكيحضرش فيها قالك نعطيك الفلوس و سيري فين بغيتي و ديري اللي بغيتي كيعرفني غا ملي كيحكو حجروو هذا رااااجل….
ياسمين:(حشمت قدام مها) حشووومة ادعاء…
دعاء: الحشومة هو هادشي اللي كنعيش ختي غا من مورايا تزوجت و ضربت ربعة تسافيرات و محسدتهاش ربي يكمل عليها ولكن (خبطت صدرها) بقا فيا رااسي و بقا فيا شبابي ضيعتو معاه وهو ماعلا بااالوش مابقيتش كنحس براسي مرأة معاااه العيالات فالجمايع يعاودو على رجالهم وانا كنسمع و نرد لخاطري…
ثورية: الله ياربي على مكتوب بنيتي الله و ماهيا دياااالك و ميستااااهلكش…
دعاء:(نزلو دموعها) هدني اميمتي هدني و كسر ليا جناحي قايمة بيه و بمو و بالدار كاملة و بنادم كولشي شاهد فيا وهو كيمشي يخوني مع الخانزاات اش ناقصني اش غااا قولي ليا فاش مقصرة معاه
ثورية:(عنقتها عندها) الله ياااخد فيك الحق يا ياسين يا ولد رحمة الله يجعل ربي يبين فيك علامة بنتي…
بقات دعاء كتبكي فصدر مها و كتخرج فحرقتها اللي عمرها خرجتها لشي واحد حتى فاض الكاس و مابقا ليها فين تزيد….. هي كتبكي فجيهة و ياسمين حداهم كتبكي حتى هي على زهر ختها و مكتوبها اللي متستاهلوش و اللي كانت كيف الوريدة مفتحة حتى تلاقات مع ولد الحرام اللي ماعرفش بقيمتها….
بكاو حتى شبعوووو و بكات معاهم حتى مهم اللي عند بالها دارت داكشي اللي مصلحة بنتها….. شافت الفيلا و الفلوس و المكانة الاجتماعية قالت هذا اللي غيتهلى ليا فبنتي حتى ثدق هو اللي معذبها و مخرج فيها الحر اللي ميخرجوش فيها غيرو….
خلاتهم جالسين و ناضت قلبت غذاها مخلية الخواتات حاطين الراس على الراس و ساكتين وحدة كتخمم فهمها و فالقرار اللي خدات و وحدة رافدة هم ختها و كتفكر ليها كيفاش غتقدر تعايش معاه….
ناضت ياسمين للبيت بدلت حوايجها و جمعت شعرها الفوق كتقلب فالتيليفون لقات محمد مصوني ليها سدت الباب و دوزت ليه لابيل بدورها…..
محمد:(كان جالس بالمكتب بعدما داز للرياض أدى واجبو مع الناس و مشا لخدمتو) الو حبيبة وصلتي
ياسمين:(بتعب وصوت مخنوق) اممم وصلت نتا فينك
محمد:(عقد حواجبو) انا فالخدمة مال صوتك
ياسمين:والو غا عيانة شوية و تلاقيت دعاء كاينة هنا و مع عندها شي مشاكل زدت تأزمت
محمد: علاش ياك لاباس ياكما عندها شي مشكل كبير و تبغي نعاونها متخبيش عليا
ياسمين: عندها مشكل مع راجلها
محمد:(بتفهم مابغاش يدخل) اااه يكون خير و نتي ايمتا غتجي
ياسمين: انا مازال ماكملت حتى ساعة و كتسولني ايمتا غنجي
محمد:(بضحكة خفيفة) اش غنديرو امدام مع هاد القلب اللي باغيك و مولفك فجنبو و ماكرهك دابا تكوني عندو..
ياسمين: صبرو ليا و قوليه دابا تجي عندك اللي حتى هي باغاك غي هو راك سمعتي دعاء عندها مشكل كبير و ضروري نوقف معاها مانقدرش نخليها فهاد الحالة..
محمد: بصح بقاي معاها و اذا احتاجيتو شي حاجة صوني ليا انا نقدر غدا اذا ساليت نجي نشوف الدار
ياسمين:واخا ان شاء الله
محمد: يلاه المدام سيري خليني نخدم على ولادي
ياسمين:(شدت على كرشها بابتسامة) نسيتي ماماهم..
محمد: منساهاش ماماهم راه هي انا واش كاين اللي كينسا راسو..
ياسمين: محمد..
محمد: روح محمد
ياسمين: كنبغييييك
محمد: وانا كنموووت فيك و عليك
ياسمين:(لمعو عيونها بحب) يلاه احبيبي سير لخدمتك حتى نتهاضرو…..
قطعو المكالمة وكل واحد مرسومة على وجهو ابتسامة حب مزينة ملامحهم المليحة…. دقت عليها دعاء و دخلت لقاتها متكية على جنبها فوق السرير تكات حداها كدوز يدها على شعرها….
دعاء: كنتي داويا مع محمد
ياسمين:اممم سلم عليكم و قالك اذا احتاجيتي شي حاجة مترديش
دعاء: الله يحفظو والله يجعل ربي يكمل عليكم بالخير و يبعد عليكم ولاد الحرام
ياسمين: امين ياااارب امين و الله يجيب ليك تانتي اللي فيها الخير
دعاء:امين (ردت البال للوشمة اللي مورا وذنها) اجي العفيريتة درتي الوشام سومي بيرمانون (مؤقت)
ياسمين: ماعرفتش دارو تا محمد و درتو ولكن امكن الدائم ماشي السومي
دعاء:(تقادت فجلستها حتى شافتها مزيان) لا هذا غير المؤقت حيت بدا كيبهات ليك رجع لونها بحالا گري و ال M بدات كتمسح
ياسمين:(عطاتها التيليفون) صوريها ليا نشوف (صورتها و عطاتها شافتها) لاهيلا بدا كيمشي انا كيصحاب ليا ديال ديما مع تقصحت
دعاء: تا السومي راه كتقصحي ولكن الخانزة بغيتي ديري الدائم راه حرام واش معارفاهاش و محمد تاهو دارو خاصكم عقل والله
ياسمين: معرفتش انا ديك الساعة ماعرفت لا حلال لا حرام عجبني درتوووو
دعاء: ناري والله نتوما و اللي بحالكم تا خاصاكم العصا هي دابا دوزو من حدا شي بار يعجبكم دخلو ليه تشربو شي كاس و تقولي مفكرتش اصاحبتي راه الحلال بين و الحرام بين يقدر محمد عارف راه غا مؤقت داكشي باش درتوه ولكن نتي مفكرتيش تسولي..
ياسمين:(بندم) واللهما فكرت انا فداكشي
دعاء: وا تخيلي كون كان دائم كنتي غدي اثم و دمك غيتوسخ لا دم تبرعي بيه واخا تشوفي وحديين قرااااب ليك محتاجينو لا وضوء دايز ليك..
ياسمين: ولكن راه كولشي ولا كيديرو
دعاء:(هزت عليها يدها) غنمرمقها مع جدك تا يعواج حنكك غا اللي داروها الناس نوضو نديروها راه هادشي اللي خارج علينا ولينا تابعين غا بنادم اللي دارها بنادم نديروها ولو تكون حرام حيت صافي دارها بنادم راها ولات حلال و بلا حرام راه غي من الجانب الصحي عندو بزاااف الاضرار تخيلي تهزي منو شي مرض لا قدر الله فين غتولي….
ياسمين: اويلي اختي نشبتيني گاااع ندمت
دعاء:(بغضب) يا على حمااارة هضرتي ضراتك و اش كنتي غتقووولي لمولاك كون درتيها يلاه بقاي تفكري عفاااك اختي راه الحرام زويييين و ساااهل و ملي كديريه كولشي كيضحك ليك و يبغيك ولكن كيبقى حرام و الحلال صعييييب و اذا بغيتيه كولشي بنادم تيعيب عليك ولكن مع الله كتكوني مصفية ذمتك و مرتاحة..
ياسمين:(بتأنيب ضمير) الصراحة عندك الحق الحمدلله صدق غي مؤقت و الله يهدينا و خلاص (سكتت شوية)
اشنو قررتي دابا..
دعاء: قراري راه قلتو ليك (تنهدت بعنف) مابقاش عندي فين نصبر عطيت كولشي و فالمقابل خديت المرض و الفقصة و الاعصاب هانتي (عرات على فخضها حتى بانو طبايع زرقين فلحمها) شوفي على حالة
ياسمين: اشنو هذااا واش هو اللي دار ليك هكا
دعاء:(لبست سروالها و ضحكت باستهزاء) فين كنشوفو اصلا باش يدير ليا هكا ولا غيرو هادو راه درتهم لراسي بحر الفقصة اللي فقصني نهار شفتو مع واحد الخانزة (غرغرو عينيها) تخيلي انا اللي مرتو و حلالو ام ولدو عمرو خرج معايا و الخانزات يدور معاهم من قهوة لقهوة خايفني نحشم بيه ولا معرت (رجعت بسرعة ابتاسمت) نهار نوا يخرجني رجع بالخطاب معاه جايين يخطبو فيا دوز عليا داك النهار كحل يعاير و يسب بالحق برد ليا خاطري من جيهتو..
ياسمين: لا حول ولا قوة الا بالله هذا راه حماق الصراحة كنت غنقولك صبري ولكن ملي القضية فيها الخيانة مكاين لاش تصبري طلقي و تجيبي سيدو…
دعاء: منكذبش عليك اياسمين كرهني فجنس الذكور مابغيت لا سيدو ولا لالاه بغيت نعيش لراسي و ولدي و نحقق ذاتي بعيد على ظل راجل يكفي اللي طلعني منووو..
ياسمين:(عنقتها بمواساة) الله يسهل عليك اختي….
دام عناقهم لدقائق كتستمد فيها دعاء قوتها من ختها حتى حست براسها ارتاحت شوية عاد ناضو…. غير شمت ياسمين ريحة الغدا كيطيب طلعت معاها الترويعة و مشات كترد حتى رجعت شرويطة….
الشيء اللي أكد ظنونهم و خلاها فقط تأكد عند الطبيب…. دخل باها من المحل متفاجئ بيها…. استقبلاتو بالأحضان و بقات منخشة فيه حتى ناض رجع للمحل….
دخلت حنان لبيتها و مرجعتش خرجت…. بقات متكية كتفكر فحياتها و فهادشي اللي كتعيش…. كتقول مع بالها واش ممنحقيش نعيش حياة زوجية طبيعية…. مامنحقيش نتهنى فحياتي مع راجلي و نرتاح….. مصيري نبقى معذبة و كل مرة خارجة ليا حاجة من الجنب…..
حرقتها هضرة يوسف و حست بالباطل طاح عليها…. ماطاحت من عينيها حتى دمعة لأنها عيات من الدموع…. عيات من انها تبقى ديما الضحية….. عيات من بنادم اللي كيضرها و كدخل لبيتها و تبكي….
فاش نفعوها دوك الدموع غير انها طيبت عينيها و قلبها…. قررت انها حتى هي غتشوف مصلحتها…. و دير اللي صالح ليها و اول حاجة بدات بيها هي محمد امين…. حطت حجرة على قلبها و قالت مدامو عندو مو فمكاين لاش تبقى تعذب راسها و دخل فيه…. مو تكلف بيه و فالاخير مغايعرف الا مو….
حتى تصرفاتها مع اميمة قررات انها غتبدلها…. قررات انها مغتبقاش تسكت ليها و تخليها تشم ضعفها و تركب فوق ظهرها…. علاش شنو ناقصها حتى تخليها تركب فوقها…. غترض ليها صرفها كيما هو و مغتبقاش تسكت لا ليها لا لغيرها…..
اما يوسف فقررت انها غتعامل معاه ببرود حتى يعرف الخطأ ديالو…. مبغاتش فكل مرة يجي يلومها و يسمغها الهضرة وهي تسكت و تبكي و تسامح فالاخير…. و مكيضرر غير قلبها وهي…. علاش تسكت ليه…. علاش مدافعش على راسها….
هي ما دخلت فعلاقة جديدة و تزوجت حتى تأكدت ان هاد الشخص مكايشبه لأيوب فوالو…. فعلاش غتصبر اذا قاصها و ضرها…. علاش تعاود نفس سيناريو و تعاود نفس العذاب….
دخل عليها يوسف وهي فخضم التفكير فهادشي لقاها ساهية…. تنهد معارفش لا باش غيبدا ولا باش غيسالي…. عارف راسو غالط و غيغلط مادام اميمة باقا معاهم و داخلة فحياتهم….
لكن شحال قد هاد الانسانة تصبر…. قدماااا بقات غتنفاجر…. فين العهد اللي عطاها نهار بغا يتزوج فيها…. فين الوعد اللي واعدها بيه…. نهار قاليها عمرني نضرك ولا نآديك….. هو ضرها و ضرها بزاااف….. فوقيتة اللي هي محتاجة ليه وهو محتاج ليها خلق فجوة بيناتهم بسبب كلامو و تصرفاتو….
قرب لجيهتها وهي محاساش بوجودو…. غايصة فأفكارها اللي خرجها منهم صوتو الهادئ….
يوسف: حنان
حنان:(نتابهت ليه بعد سهو و هزت عينيها فيه كإشارة انها كتسمع ليه)
يوسف:(حط يدو على وجهو) معرفتش باش غنبدا ولا باش غنسالي عارف راسي زبلتها (رجع شافيها كترمقو بنظرات باردة) من حقك ديري اي حاجة تلوميني تسبيني ديري اي حاجة الا البرود احنان متخليهش يدخل بيناتناااا و يدمر علاقتنا..
حنان:(بعد صمت تكلمت بصوت هادئ بحال صوتو) علاقتنا اذا كانت غدمر غتكون بسبابك نتا و تسرعك
يوسف:(حط يدو على رجلها) عارف راسي تسرعت و دويت لكن مظنيتش تكون شيماء قلت غتكون معا(قاطعاتو)
حنان: يوسف واش كتعرفني (شاف فيها باستفهام) حاس براسك كتعرفني مزيان و كتعرف كيفاش كنفكر (هز راسو بإيجاب) غالط ايوسف غالط نتا مكتعرفش فيا حتي قد هكا (دارت حركة بيدها كتعني شوية) كون كنتي عارفني بصح غتعرفني واش نقدر ندوي معاها….
حنان: يوسف واش كتعرفني (شاف فيها باستفهام) حاس براسك كتعرفني مزيان و كتعرف كيفاش كنفكر (هز راسو بإيجاب) غالط ايوسف غالط نتا مكتعرفش فيا حتي قد هكا (دارت حركة بيدها كتعني شوية) كون كنتي عارفني بصح غتعرفني واش نقدر ندوي معاها.. واش نقدر ندخل فيها ولا نقدر نجبد معاها شي صداع..
يوسف: بففق عندك الحق انا دماغي مشوش عذريني احنان اللي كنعيشو ماشي ساهل موت مي من جهة و التغيير اللي كيعيشو ولدي من جيهة و نتي من جيهة وهي من جيهة و مشكل شيماء من جيهة..
حنان: باش نكون واضحة معاك ايوسف انا عشت علاقة فاشلة اللي خرجت منها مدمرة معنويا و جسديا و الطاقة اللي كانت عندي كلها استنزفتها (بغصة) علاقة خدات مني كولشي خرجت منها جسد بلا روح و ماكنتش مقررة انني نعيش علاقة اخرى (بغا يقاطعها) ششش خليني نكمل ليك (كملت) كان اول و اخر همومي نجمع شتات نفسي و نعوض لنفسي داكشي اللي خسرت حتى شفتك بغيتك من اول مرة عرفتك فيها كيوسف الرجل الشهم الطيب و قلت هذا معامن غنكمل حياتي هذا معامن غنعوض داكشي اللي خسرت و معاه غنعيش حياة مزيانة و فعلا ماكنتش غالطة عشت معاك احسن لحظات حياتي لكن غير غنحس بالخطر ديال الماضي تابعني غنحبس (شافيها مصدوم) ماعنديش الطاقة ولا القوة باش نرجع نعيش داكشي اللي عشتو ولا حتى الربع فيه…. الكرة بقات عندك ايوسف نتا اللي غتقرر… كنتي باغيني غدير ليها حد و تخرجها من حياتنا و ولدها راه ولدها غنعطيه كيلومتر ديال التيساع حيت فالاخير مغايعرف غير مو ولكن نتا ممستاعداش نشاركك مع شي وحدة (وقفت) نخليك تفكر مع راسك و جوابك نعرفو الليلة كنتي باغيني بهادشي اللي قلت لك غنكون لك المرأة اللي كتمنى و عمرني غنسمح فيك.. كنتي مقادرش مازال تحد هادشي غنساحب فصمت ماحدنا مغنضيعو معانا حتى ولد ولا بنت…. (دارت خارجة مخلياه مصدوم وراها حتى وقفها صوتو)….
يوسف: جاوبي منحتاجش نفكر فيه حيت عارفاني باغيك و شاريك ولكن باش نخلي ليك حتى نتي فرصة فين تفكري جوابي غتعرفيه غدا و باش ترتاحي هاد الليلة غنبات عند محمد…
سمعت كلامو حتى للأخير و ابتاسمت ابتسامة صغيرة تسللت بين شفايفها… عارفاه كيفاش كيفكر و عارفاه باغيها و ميمكنش يتخلا عليها…. لكن كان لازم تقول ليه هاد الهضرة…. كان لازم تحطو تحت الامر الواقع و تخليه يقرر قرار واحد و يدير بيه باش تخرج اميمة من حياتهم و يعيشو هانيين….
عارفة انها عمرها غتقدر تبعد على محمد أمين لانها بغااااتو و ربات عليه الكبدة و جاها فالوقيتة اللي خسرت فيها ولدها حتى رجعت كتشوفو فيه و عارفة ان الزمن كفيل انه يصلح كلشي….
نزلت لتحت عند البنات و خلاتو فالبيت…. مخو مبلوكي و معارف مايدير… من جهة متأكد انه يدير اي حاجة الا يخسرها وهو ماصدق انه لقا اللي يعيش معاها الحب… و من جهة هضرتها قدمااا عجبااااتو ضراااتو….
ماشي ضراااتو بسبابها ولكن ضراتو بسببو حيت خلاها توصل لواحد الحالة تخليها تخرج ديك الهضرة ببرود…. هز تيليفونو مدوز مكالمة لمحمد….
يوسف: ألو فين الخو بيخير
محمد: الحمد لله هاد الساعة فين راك
يوسف: هاني غا فالدار بغيت غا نعلمك هاد العشية راني بايت عندك عندي شي حاجة باغي ناخد رأيك فيها و نصفي مخي شوية..
محمد: وا عليه نتعشاو برا ولا نتكلف نجيبو معايا…
يوسف: خلي العشا عليا ضبر ليا نتا غي فشي طريفة ناضية نقاد بيها المجاج(كيتريگل عليه)
محمد:(ضحك) احيد اصاحبي عفا علينا الله بغيتي ترجعنا تاني لداك الوسخ..
يوسف: معليكش حافظ دروسك العود يلاه حيد نتقاشعو عشية….
قطع معاه و ناض خارج من الرياض كامل مقرر يمشي للمحل هو اللول عاد يدوز عند محمد… لكن قبل علم البنات باش اذا كانت شي حاجة يصونيو ليه…
و قبل مايخرج خطف نظرة لحنان اللي حتى هي بادلاتو بنفس النظرة…. نظرة امل فأنه ميقطعش الخيط اللي مازال جامعهم…. تنهد و خرج مخلي ليهم الرياض و مافيه….
فاتت العشية على ابطالنا عادية…. من ياسمين اللي دوزت العشية فالحتيت مع مها و دعاء كيحاولو يخرجوها من المود ديال الحزن واخا هي مكانتش مقلقة قدما بقات فيها الشمتة ديال الوقت اللي ضيعت على واحد مكيستاهلش على قولتها هي….
و محمد اللي دوز نهارو فالمحل بين الخدمة و الكليان خصوصا انه كيوجد لكوليكسيون جديدة ديال الربيع و اللي كيفكر انه يشارك بيها فواحد من معارض المجوهرات المعروف ففرنسا لكن باقي متردد….
يوسف اللي بدورو خرج من الرياض دماغو عامر مالقاش بلاصة ينفس فيها غضبو و يصفي فيها دماغو غير البحر و فعلا مشا تقابل معاه كيحاول يرتب افكارو و أولوياتو…. شيماء بدورها مسلمتش من التفكير الزايد عن الحد خصوصا ان مصير علاقتها مع ايوب شاغل بالها و ولات فكرة الطلاق للمرة الثانية كدور فدماغها لكن هاد المرة عارفة انها مغادير الا الصح…..
خلاتها فيد الله و دارت بالمثل اللي كيقول غير سير و خلي و فعلا خلات كولشي للوقت….. اما الباقي فكانو كيدوزو روتينهم العادي من غير حنان اللي ماخرجتش من بيتها حتى فوقيتة الغدا امتانعت بحجة امها عيانة حتى طلعت ليها تيسير غداها فبلاطو…
رافضة انها تتقابل مع اميمة او تشرك معاها حتى الأكسجين خصوصا أنها فاهمة تصرفاتها… اميمة مراة و حنان مراة و مكيفهم المرأة غير المرأة و الراجل غير الراجل…. و طبعا حنان واخا ممولفاش بدوك التصرفات لكن فهماهم و عارفة غاية اميمة من هاد الفيلم كامل و رافضة انها تنولها مرادها و من المستحيل انها تخلى على يوسف بعدما لقات فيه الحبيب….
رفيق العمر….
الزوج الحنون….
الاب الحامي….
و السند اللي يشدها لا طيح.. فهي ممستاعداش تتخلى على هادشي كامل لوحدة كان عندها و معرفاتش بقيمتو…. كانت شبه متأكدة من قرار يوسف حيت كيما هي كتبغيه و متقدرش تخلى عليه….عارفاه حتى هو كيبغيها و مايقدرش يتخلى عليها خصوصا انه لقى فيها داكشي اللي مالقاهش فغيرها….
طاح الليل… و الظلام خيم على الزناقي…. الحال بارد و الشتا كتصب رقيقة…. الزناقي اغلبهم خواو الا بعض السيارات اللي كيدوزو بسرعة مخلفين وراهم الما ديال الضايات كيطير…. و بعض المارة بمظل او بلاش كيزربو يقضيو شغالهم و يدخلو لديورهم من قساوة الجو و البرد اللي كيلفح اجسادهم….
بعدما صفى دماغو و رتب افكارو و بعد جلسة طويلة قدام البحر رغم الشتا اللي صبات عليه لكنو بقا جالس فيها مخليها تنزل عليه و تمسح معاها أحزانو و تهون عليه…. ناض بعدما حس بالبرد دخل مع عضامو توجه للطوموبيل كتافو مهدودين قاصد شقة محمد نيشان و فطريقو صونا ليه….
يوسف:ألو افين امعلم مشيتي للدار
محمد: هانا فيها غا اجي نيشان تا العشاا راه موجد ليك واحد الطويجين معتبر
يوسف: واعليه واحد ربع ساعة و نكون عندك….
فعلا مسافة الطريق و كان قدام الباب كيدق…. حل عليه محمد ببيجامة رجالية مقطنة و تقاشر بويض شعرو مخربق و طايح فوق عينيه كيبااان زوييين…. شافو بديك الحالة كلو سارد و قال كيضحك بطنز….
محمد: امالك احلوف الغيس شداتك الشتا فشي قنت مقطوع
يوسف:(سلم عليه و تحنى كينصل فصباطو حطو فبلاكار ديال الصبابط حدا الباب و لبس بانطوفة ديال محمد) لا كيشتي انا ملي تتصب شتا تيعجبني نخرج نشطح فيها دايز ليا شي عرق ديال الهنود
محمد:(ضحك و خبطو على كتفو) دخل اودي دخل جابك الله تونسني ملي المدام مكايناش
يوسف:(ضحك بقلة حيلة) غا وحدة مشات لدارهم و وحدة جرات عليا من دارنا نبقاو فالقلب
محمد:(من الكوزينة كيقلب فالطاجين) كتقول فيها بوجهك حمر ما جرات عليك تا زباليتي شي زبلة
يوسف:(تنهد) اودي خليييها على الله ايلا بقاو تا داروك العيالات فراسهم مشيتي خلا…
محمد: بربي ما ولد حسن نتا وا داير جوج اصاحبي و متشكاش بحالك
يوسف:(ابتسم بحزن) دابا بقات غا وحدة اما وحدة الله يرحمها
محمد:(قرب ليه بأسف مربت على كتفو) الله يرحمها و يوسع عليها مديرش فبالك و نوض دخل دوش لا تمرض انا نجبد لك ما تلبس…
فعلا دخل دوش بالما سخوووون حتى خفافو عليه عضامو خرج لقا محمد موجد ليه ملابس داخلية جديدة مازال فميكتهم مع بيجامة مقطنة بحال ديالو و تقاشر…. لبس و خرج كينشف فشعرو لقا محمد معمر براد ديال اتاي و حاط طبسيل ديال الحلوة و آخر ديال الفاكية…
يوسف:ماعليكش امعلم راك حادگ مع راسك حول ياسمين صابرة عليك
محمد:(زف عليه بوسادة ضاحك) ايوا تعلمي لك اختي تانتي شوية الحداگة باش مابقاش تجري عليك حنان
يوسف:(ضحك موراها تنهد مخلي محمد غي كيشوف) اوديييي ديك حنان والله حتى بنت الناس
محمد:(بطنز) مبروك ملي عرفتيها گر گر اش درتي ليها
يوسف: المشكلة اني معارفش واش درت ولا مادرتش مابقيت فاهم والو (سكت شوية و عاود ليه الواقعة من نهار جات اميمة لتصرفات ولدو اللي تبدلو لتصرفات اميمة نيت للحادث ديال اليوم لهضرة حنان) ايييوا هذاااا مكاااان..
محمد:(بقا غير ساكت كيسمع ليه و مرة مرة كيرشف من كاسو و بقا شحال عاد دواااا) العيالات كيشطحووووو اوليدي كيشاااااطحووو (حط كاسو و كمل) دابا اللي بان ليا انا تانتا راك غالط اصحبي و غالط بزاااف و حنان من حقها دير داك التصرف كون وحدة أخرى واللهما تصبر ليك..
يوسف: عارف راسي غالط ولكن فاش فاش مابقيت فاهم والو..
محمد: نتا عارف ديك الميكروبة كيفاش دايرة و كيفاش كتفكر واش غتمشي عليك نتا الكذبة ديال بغيت ولدي فين كانت شهوووور هادي ملي لاحت ولدها و زادت معارفاه لا واكل لا شارب لا مريض لا صحيح كون ماردت ليه البال ديك بنت الناس هاااا…. فجأة طاح عليها حنان ربي و حنان العبد و بغات ولدها واخااا اسيدي نقولو بغات ولدها غتنوض تحرش الدري تعمرو على السيدة اللي ماصرفات فيك و فيه غا الخير…. نتا كون رااااجل و فاهم غتشوف هكاك متنوضش ليها هي مالها اش دارت گاااع غتجر ولدك و تخرجووو و تشري ليه اللي بغا و تشرح ليه بالخوشيبات ها كاين و ها كاين و ماماك حنان راه تتبغيك و مغتخليكش و كذااا كيبقى دري صغير و سااااهل تأثر عليه…
يوسف:(هز راسو بإيجاب بعدما سمع كلامو كامل و قال) عندك الحق فكل كلمة قلتيييها انا اللي مني الديفو ماعرفتش نتصرف مشيت ليها نيشان و لمتها و قلبت معاها التصرف ديالي بعدما ولفتها الخاطر و الحنان…
محمد:(خبط يديه مع بعضهم) هااااا يعني كتعتاااارف يعني اذا جات شي نهار و تبدلت معاااك ولا بدلت حتى هي تصرفاااتها متلووومهاش و زيد من الفوق اميمة مناوشة مع ختك نضتي ليها هي مالها اش دارت شفتييي انا أعوذ بالله من قولة أنا ياسمين نشوف عليها شي حاجة بحال هكا بعيني و منتيييقش عيني علااااش حيت عارفها كيف دايرة و هكاك حنان انا كون كنت تما مكنتش غنتيق حيت عارفها كيف دايرة و ديك السيدة بعيدة كل البعد على دوك التصرفات و مكتعرفش ليهم اساسو ديال السيدة دايرة بحال شي مادة خام من الخيرية لعند داك الحمار اللي معرفش ليها لعندنا يعني معاشتش بزاف ديال التجارب يخليوها تقصاح و لا تعرف والو نية و خبز ربي في طبگو
يوسف: ملي سمعتها كتقول هكاك اول مطاح فبالي أنها هي خصوصا ان الموضوع كيتعلق بمحمد أمين مافكرتش جوج مرات
محمد:(بعصبية) حيت حماااار (خرج فيه عينيه) اه حمااار و بالگرون شفتي محمد امين اكثر وحدة شفتها كتحن فيه مورا خالتي حفيظة الله يرحمها و الوليدة هي حنان (حرك راسو) راه ميمكنش شحال ديال الحنان فيها و كيفاش كتعاملو على اساس انه بيضة خايفة لا تهرس… تخيل معايا كون كان عندها ولد ولا بنت مع طليقها و دارت نفس تصرفك اشنو غتكون ردة فعلك…
يوسف:(عض على فكو بغضب) خلينا هانين فمكرورنا اصاحبي لاش تتجبد ليا داك الز++امل فهاد الليل..
محمد:(بإصرار) لا جاوب شنو غتكون ردة فعلك حط راسك بلاصتها…
يوسف: كنت غنقتل عدو ربو بلاما نفكر….
محمد:هااااا تقتل عدو ربو گاع (ضحك) هههه حيت نتا راجل ياك نتا واعر نتا محاكمك حد و هي غييير ولية تسمع شي حاجة تمشي تسخسخها تجي تدوي مع الدري تمشي تسخسخها (بجدية و حدة) سمعني الله يرضي عليك ديك البنت النهار اللول قلت ليها راك فمقام ختي و اخت مرتي و معزتها من معزة احلام و نسرين و تيسير نهار اللول جبتها انا و دخلتها وسطكم و كون عرفتها متسواش مندخلش سوسة لقلب دارنا ولكن ديك بنت الناس معدنها صافي و قلبها حليب و نهار خطبتيها خطبتيها من عندي انا و عطيتيني انا الكلمة بأنك غتهلى فيها و تصونها و دابا اذا مابقيتيش قادر ولا حسيتي بدماغك داخ عليك طلقها و خليها تعيش حياتها وانا و ياسمين معاها عمرنا نتخلاو عليها….
يوسف:(بقا كيشوف فيه جامد لمدة طويلة و شاد الكاس فيدو مزير عليه حتى طرطق فيدو و تغرس جاجو فلحمو و دمو داز كيجري)…
يوسف:(بقا كيشوف فيه جامد لمدة طويلة و شاد الكاس فيدو مزير عليه حتى طرطق فيدو و تغرس جاجو فلحمو و دمو داز كيجري) عمرررررك باقي تجبد هاد الهضرة على فمك هاديك راه حياتي واش تتفهم شناهي حياتي ايلا مكانتش هي ماعندي ما باقي ندير غييير نموووووت اخرررر مرة نسمع منك هاد الهضرة ديال طلقها ولا بعد عليها نتخاسر انا وياك و عمرك باقي تعرفني…
محمد:(قفز عندو كيقلب فيدو كيحاول يحيد ليه قطع الزاج و يحبس الدم ببابيي كويزين) واش نتا مخور فكرك اصاحبي اش هاد الخرا درتي واش ساهلة عندك تفرع يدك نوض غسل نووووض…
ناض يوسف للدوش كيغسل يدو و لاخر تابعو كينگر على يدو وهو ماشي فهاذ العالم كيفكر فهضرتو و يزيد يترعد كثر مكرهش يشد شي حيط و يبقا غير يضرب فيه حتى يبرد….
هضرة محمد شعلات فيها العافية و جبدت منو الهضرة اللي عمرو قالها حركت فيه مشاعر عمرو حتى فكر فيهم…خلاتو يحس بناقوص الخطر كيضرب و يتخيل حياتو بدون حنان…. و غير التخيل خلا دمو يفور و مايحسش براسو عاااد تتخلى عليه بصح…..
عرف بصح بقيمتها و حس براسو قداش كيبغيها…..حس براسو منقص من جيهتها و مموفيهاش حقها…. حس انه خاصو يبين ليها على حبووو و يعتارف ليها بيه و بقدااش هي غالية على قلبوووو…
” برُوحِــي فـتَـاة بالعــَــفَــاف تجمّــــلَــت … “
” فقتـيــل حبك، سوى أموارثه، إنه يرضى … “
داوا جرحو حتى حبس الدم و دار فوقو فاصماااا و خرج عند محمد اللي كان وجد الطبلة ديال العصا مخنزر ندم گاااع حتى جا و هضرة محمد مازال كدوز فدماغو و كيزيد يغلي كثر و كثر…
محمد:(بطنز) زيد احنيني تعشى زيد واطرني تتحبها نيييت
يوسف:(عاقد سبعة فربعة و مابقا عندو خاطر لملاغة) بنت ليك كنضحك انا ياك
محمد: و مالي انا كنضحك راه داوي معاك بصح السيدة راك تتفنى على ودها تعشا دابا و نعس مرتاح و الصباح يير خود بخاطرها..
يوسف: الصباح غندوز معاك للمحل بغيت ناخد شي حاجة.
محمد: ايييه اسيدي نستفتحوووو معاك و نديرو ليك روميز گاااع يلاه بسم الله دابا تبرد هاد التحفة….
فعلا دخلو فداك الطاجين طول و عرض… خصوصا انه معروف على طياب الدراري تيكوووون بنين و بحكم السنوات اللي دوز بوحدو تعلم يطيب….. تعشاو فصمت مخلي محمد ليوسف وقت يفكر فيه و يرتب امورو… تهز العشا و كل واحد قصد مكانو يكمخ حتى يصبح و يفتح….
فبلاصة أخرى…. عينين اخرين مازال النوم مازار عيونها….كتفكر فمستقبلها و مصيرها… كتفكر فالخطوة اللي غتدير واش هي قادة عليها ولا لا…. واش غتقد عليها و على عواقبها…. مقابلة مع الشرجم كتسمع صوت الشتاااا كتنزل فغزارة….
فهدوء تااااام و حداها كيتسمعو شخيرات خفاف ديال ياسمين اللي كانت متكية حداها…. خرجها من هدوءها صوت تيليفونها اللي كيصوني…. للحظة استغربت شكون ممكن يصوني ليها فهاد الوقيتة حتى لقات سميتو طالعة….
دعاء:(بقات شحال تتشوف فشاشة التيلي حتى كان غيقطع عاد خدات نفس عميق و جاوبت بصوت بارد) ألو
ياسين:(بصوت غاضب دليل على قلة صبرو) فين كنتي لايحة داك التيليفون مخلياني كنصوني
دعاء:(بعدم اهتمام) كان غي حدايا…
ياسين: وملي غي حدااااك لاش مخلياني كنتسنى…
دعاء: ماكنتش باغا نجاوب اصلا
ياسمين:(كشكش ديال بصح ماحست بيه حتى غوت) اش هاد الخرا تتخرجي فيه مع فمك واش عارفة اش تتقولي ولا لا
دعاء:(ببرود تام كأنه كيغني ماشي كيغوت معصب) سي عارفة و من بعد
ياسين: واش باغا تصعري عدو ربي فهاد الليل ولا مالك و معامن مشاورة تا هازة ولدك و خارجة كنجي للدار مكنلقى حد اش هاد الفعايل..
دعاء: كون كنتي فالدار كون شاورتك..
ياسين: ماعندكش التيلي تشاوريني فيييه؟
دعاء:(بنفس النبرة المتسائلة ديالو) تتشاورني نتا فيه؟
ياسين:(تنهد) تسنايني تاااا نجي و عاد سيري و ماديريش بحالا ماعندك لا راجل لا حكام..
دعاء:باش عرفتك اساسا واش غتجي ولا لا ونتا عندك الدار بحال الفندق مرة فيها و عشرة لا راه لا جيتي تشوف ما عندي لا راجل لا والو مزوجة بمك و باك..
ياسين: دابا هادشي لاش هزيتي ولدك و حوايجك و زدتي لداركم غضبانة زعما..
دعاء:(استفزها بهضرتو) تت غلط هزيت ولدي و مشيت لدارنا ماشي على داكشي ولكن حيت كرهت العيشة كاملة معاااك و كرهتك و كرهت اي بلاصة تجمع بيني و بينك و دابا ان شاء الله مغايجمع بيني و بينك غير دار القاضي
ياسين:(ضحك بقوة) ههههههه شي نكتة جديدة هادي ياااك ولا مليتي و مالقيتي باش تعمري وقتك بانت لك غا هاد الطريقة ههههه
دعاء:(عصبها ما حست حتى غوتت بحنق) يا اخي واش نتا مكتحسش مناش مصنوع نتااا منااااش واش بنادم ولا حيوان نتا ايمتا غتفيق من هادشي ايمتا حاسب راسك مالك الدنيا..
ياسين: اه ماااالكها و مالكك حتى نتي معاها و نهار غنمل منك غنلوحك و نجيب وحدة أخرى نعمر بيها وقتي وهي غادة..
دعاء: لا يا روح مامي هادشي كاااان زمان دابا مابقيتش ديك دعاء النية اللي تكب عليها سطل ديال الزبل و تعطيها كاس ديال الما تغسل و تسكت لك دابا تبدلت و حيااااتي مابقيتش باغا حتى ريحتك فيييها حيت كنعييييفها..
ياسين:دابا نشوووفو كلمة شكون غتمشي فاللخر
دعاء: تسنى استدعاء المحكمة يجييك (قطعت عليه مغددة)….
بالاعصاب زيرت على التيلي بين يديها و حتى بغات تخبطوو مع الحيط و هي تفكر تسجيلات المكالمات و بعض الصور ديال ميساجات ديالو كيخونها فيهم…. حطاتو حداها و تقلبت على ظهرها كتنفس بعنف سرعان ما جراو دموعها مع خدودها….
كتبكي بصمت و مكاينش ما خيب من البكاااا بصمت…. كتكون زام فيك حتى ديك الشهقة اللي ممكن تخفف عليك…. بقات على داك الحال حتى غفات بيها عينها و دموعها على طرف عينها…..
حداها ياسمين سارحة عجول لاخرة ملي تعشات تلاحت نعست متململتش مخلية محمد كيصوني حتى عيا و نعس حتى هو….
صباح الخير للذين خدلتهم الحياة….
صباح جديد على ابطالنا ماعرفنا اش مخبي ليهم فطياتو…. كل واحد فيهم عندو احداث كثيرة غيعيشها فهاد النهار….
بداية من عند ياسمين اللي فاقت مع العشرة على لمسات دعاء كتفيقها بشوية…. حلات عويناتها الخوضر و رموشها مخبلين…. ابتسمت ليها بحب و نزلت باستها….
دعاء: ياختي ياختي على الزيييين و الحنيكات حووومر
ياسمين:(بصوت مبحوح كتجبد بخفة) صباحووو حبيبي
دعاء:(مشات كتحل فالريدو ديال الشرجم) صباح الياسمين الزينة نعستي مزيان
ياسمين: ممم ماحسيتش براسي ملي نعست ما فقت تاال دابا
دعاء: بصحتك الحبيبة ديالي يلاه نوضي تفطري امامي عندنا بزاااف مايدار
ياسمين: دعااااء (بصوت طفولي) بغيت البغرير بالزبدة و العسل
دعاء:(ضحكت عليها) هاكاوا على بعرير ههههههه واخا الالة انا غنمشي نصاوبو ليك دابا دخلي نتي دوشي ايلا بغيتي و اجي اويس اللي يصدعني لاصق فخليل صبح مقاريش…
ياسمين:(تلاحت عليها ببوسة) يخليلي الزين ديالي….
مشات دعاء مخلياها كتبتاسم و تجبد بشوية عليها طرطق عضيمااااتها حتى ارتاحت…. مدت يدها لتيليفون اللي كان محطوط فوق الكوافوز مع حلاتو لقات خمس مكالمات و ميساج من عند محمد….
عاااد تفكرت بيلا مدواتش معاه فالليل…. دخلت للميساج لقاتو كاتب ليها
” حبيبة صونيت ليك بزااف و مجاوبتيش غتكوني نعستي الصباح ملي تشوفي المسج ديالي صوني ليا بيزو😘”
ابتسمت بحب و جلست حاطة ظهرها على الكادر ديال السرير مدوزة ليه لابيل….
صبح الحال على الخوت بجوج…. فاق محمد هو الاول مع جوايه السبعة…. كانت باقا الظلمة شوية و الشتا رقيقة كتصب…..
تكسل فبلاصتو و ناض لبس سيرفيط مقطنة مع جاكيط دودون و سبادري و كاسكيط فوق راسو…. و خرج جرا شوية و دار شوية السبور فداك الجو و الشتا خفيف كتنقط عليه…..
دوز ساعة و نص عاد رجع للدار و فطريقو داز للمخبزة خدا كومير سخون و كرواسا و الحليب للفطور….. دخل للدار لقا يوسف لابس الحوايج باش جا و جالس فالصالون ساهي فالحيط و كيسف فالگارو….
حط داكشي فالكوزينة و خرج صبح عليه…..
محمد:اصباح الخير اوجه الخير
يوسف:(عاد نتابه ليه) صباح الخير العود كيفاش بلانك تريض غا بوحدك
محمد: مابغيتش نفيقك مانعستيش بكري و يدك مجروحة قلت نخليك ترتاح و تانا راه بدات الكريشة تتخرج ليا
يوسف: ايييه الزواج ايلا ماخرجش لك الكرش راه ما زواج متا لعبة
محمد:(طانز عليه) تا اللي ضارب شي ايطروات ديال راه مزوج على هاد الحساب
يوسف: و مال البيرة تقد علييها عندك خرقتها
محمد: دوزنااااا داكشي فضوووو الخوو ولكن دابا عفا الله بغينا نديرو وليداتنا
يوسف: ماعرفتكش يا خويا فهاد اللقطة ههههههه سير دوش ريحة صنانك قلبتني…
محمد:(كيشم فبيطانو) غا الريفدووور هادي اش تتعرف فهاد الريحة نتاااا دابا نجي نخشي لك وجهك فيه
يوسف: سير اودي دايخ بلاش سير
محمد: تهز قاد الفطور ندوش و نرجع اش باغي تبقى گالس فابور
يوسف: يخخخ على ميكروب سير سير….
ضحك محمد و مشا غاتجاه بيتو… حيد الحوايج المسخين حطهم فواحد الشبكة بوحدهم على ريحة العرق عاد دخل خدااا دوش سخوووون…
خرج منو كيفور و ريحة الباندوش عاطية منو…. لبس عليه ملابس الداخلية عاد لبس جينز ازرق و شوميز مقطنة سخونة فالازرق فوقهم كويرة كحلة…. نشف شعرو بالفوطة و دار كاسكيط عليه…..
خرج كيلبس فساعتو لقا سيدي يوسف الزين مفيض الحليب و حاط القهوة كحلة معصرة مع داكشي اللي جاب و الفروماج و داك التخربيق…. فطرو بجوج بيهم كتبادلو اطراف الحديث فجميع المواضيع من غير موضوعو هو و حنان اللي كان نهاه ليلة الامس ملي خذا قرارو…..
قبلما يخرجو رجع محمد كل حاجة لبلاصتها و حط الماعن فلافيسيل مخلب الدنيا منقية عاد خرجو بجوج كل واحد قاصد طوموبيلتو و الوجهة واااحدة المحل ديال محمد….
دخل محمد كيصبح على الموظفين بابتسامة بشوشة كيتعامل معاهم على انه بحالهم و ماشي الباطرون ديالهم و حتى هو عندهم عزيز….
دخل لبيروه و تبعو يوسف اللي جا موراه…. جلس و جبد ليه الكطالوغ باش يختار شنو بغا….
يوسف: من نيتك تانتا اصاحبي عاطيني هاد الدفتار بحالا غنعرف نختار
محمد: شوووف لا عجباتك بعدا شي حاجة واش نعطيك انا شي حاجة و متعجبكش…
حل الكطالوغ كيدور ماعجبوش الذهب الصفر حتى داز للصور ديال الذهب الابيض و دياموند…. استقر نظرو على اونسومبل خطيييييير من الذهب الابيض مرصح بدياموند الوسط و احجار بيضاء كتلمع دايرين بيه على شكل مستطيل….
كان مكون من حلقات و سنسال و براصلي و خاتم…. خفااااف بزاااف لكن فنفس الوقت كيسرقووووو العين و باينين فخمييين….
يوسف: هاااا بغيت هذاااا
محمد: هاي هاي على اللي قالك مكنعرفش نختار انا كون جيت نجبد لك شي واحد منجبدش لك هذا راه الذهب الابيض الخالص هذااا
يوسف: صافي جمعووو ليا بغيتو و قوليا الثم
محمد:(دوا فهاتف المكتب) **** جمعي لاونسومبل نيميغو 13 فاللوغ بلون (الذهب الابيض) مع لابواط بوغدو و ديريه فساشي المحل و طلعيهم عندي… (تلفت عندو) الثمن اعتابرو كادو من عندي اسيدي غاااااا تصالح ليا نتا و المدام قبلما تشرط لحمك..
يوسف:(قرن حواجبو) قووول اصاحبي من الهضرة العلاقة فجيه و الخدمة فجيه تعطيني كادو اليوم و سعيد غدا و امين بعد غدا راااه غدير فاييت قول الثمن قول خلي الكادو تانتصاااالحو
محمد: دابا تا مالك اصاحبي كادو باغي نصيفطو لختي حنان اش خشاااا كرموووستك
يوسف: محمد ماطلعش ليا الگناوية تا نوض ندير بناقص ماجيتش عندك باش ندي الفابور جيت عندك حيت عارف خدمتك و حاجتك منلقاهاش عند واحد اخوور وا عطينا المفيد…
محمد: ياخويا راسك قاصح (عطاه الثمن اللي كان ناقص بكثر من النص و بزز باش شدو من عندو) المرة الجاية على حسابي…
يوسف:(ناض ضاحك) باغي ضسر عليا نتا المرة مابقات مرة جاية اجمع و طوي..
محمد: القرزاز اللي قالها لك خسر اصاحبي على مرتك و دوز خود ليها شي بوكي ديال الورد فرحها….
يوسف:(ضربت ليه طن فدماغو) اييه حتى هادي فكرة يلاه العشير تلاح حتى نتقاشعو
محمد: الله يعاون…..
ركب فطوموبيلتو بعدما خدا الساشي ديالو…. حل البواط المخملية و تصدم بجمالية الطقم و دقتو…. تخيلو بينو و بين راسووو ملبوس و ديك السنيسلة كتلعب فوث عنقها البيض…. و الخاتم مزين يديداتها الحنان….
ابتاسم و رجعو لبلاصتو قاصد شي محل ديال الورد…. مسافة الطريق و وصل للمحل…. لقا فيه ولد و بنت باين انهم كوبل من الانسجام بيناتهم و الحب الظاهر عليه…. لقا السلام و قال طلبو للولد….
يوسف: بغيت شي بوكي ديال الورد و مكرهتوش يكون على ذوقك (حك مؤخرة راسو) مكنفهمش فهادشي
الولد: مرحبا اسيدي تقدر تقوليا هاد البوكي لمن او المناسبة مثلا زواج خطبة ولادة ولا كادو للأم ديالك الزوجة ديالك…
يوسف: غناخدو لمراتي و مكاين حتى مناسبة
الولد:(زاد قدامو كيهضر) واخا تفضل معايا اسيدي (حتى وقفو قدام مجموعة من الورود) كاينين هاد لي غور أو الجوري فالالوان و من الاحسن تاخدو احمر بحيت كيرمز للحب و العشق
يوسف:(شاف فالورد و عجبو) واخا هذا عجبني غي هو اذا كان ممكن بغيت بوكي كبيير (الولد عقد حواجبو باستفهام) زعما يكون فيه بزااااف ديال الورد
الولد:(جبد هاتفو كيوريه بعض الصور) بحال هكااا
يوسف:(شاف فالصورة و ابتاسم برضى) اكزاااكتومون الله يرضي عليك…..
ضحك هو و الولد و تسنى شوية حتى جهز ليه طلبو اللي كان راضي عليه…. خلص مع تدويرة للدري و خرج هازو راشقا ليه و فقرارة نفسو كيتمنى يعجبها و ترضى عليه….. شد طريق الرياض اللي جاتو طويلة و مابطى عليها غي ايمتى توصل…
دوزت ليه لابيل هو اللي خرج يوسف مخليه ملاهي مع خدمتو…. جاوب فالحين مبتسم….
محمد: الزين ديال راجلو فاااق
ياسمين:(دوات بصوت غنوووج) صباحو حبيبة
محمد:(هز حاجبو) وايلي على حبيبة بنت لك سميتي سميرة اجمعي معانا ابنتي
ياسمين: صافي منقوووليك والو فينك دابا
محمد: فالخدمة فين غنكوووون يادلي
ياسمين: الله يعاونك احبيبي
محمد: اححح على هاد حبيبي اش كدييير فياااا فيقتيه ابنت الهم
ياسمين:(ضحكت بقوة) هههههه مالك فهاد المسخ
محمد: غا معاك احبي اش كديري نتي كيف بقيتي شوية
ياسمين: شوية الحمدلله عاد فقت غنفطر و نخرج انا و دعاء
محمد: وفين امدااام
ياسمين:(مابغاتش تقوليه على الطبيبة) بغات تقدا شي حوايج و قلنا نديرو خريجة بين الخواتات زعما…
محمد:مممم مزيان الالة خاصاك شي حاجة
ياسمين:لا راه مازال عندي (سمعت دعاء كتعيط) انمشي نفطر احبيبو حتى نهضرو ابخي
محمد:واخا الزين ديالي بصحة و اذا احتاجيني شي حاجة صوني ليا
ياسمين: واخا كبيدة باي باي…..
خرجت بعدما قطعت معاه و قدات حاجتها…. لقات الطبلة ديال الفطور محطوطة مزوقة من كرواسا و كيك و خبز الدار سخون لكن هي من هادشي كامل عينها غا على داك الطبسيل ديال البغرير بالزبدة و العسل دخلت فيه طول و عرض مع اتاي منعنع حتى كملت داك الطبسيل كامل و تبعاتو طرف ديال الكيك بالشكلاط خلاتهم غا كيشوفو و يباركو لله…..
لبست تريكو خيط رقيق اسود مع سروال فنفس اللون فوقهم كاب صوفي سخوون بوردو جاي طوييييل مع بوط جلدي طالع فوق الركبة…. طلقت شعرها مبوكلي فوقو بيرية فنفس لون الكاب و دارت ميكاب خفيف مع بارفان شتوي….
خرجت هي و دعاء اللي بدورها كان لابسة نفس الستيل مختلفين غير الالوان تحت دعوات امهم ليهم بالتيسير…. ركبو فطوموبيل ديال ياسمين سايقة دعاء و فنفس الوقت مدوزة لابيل بالهوت باغلوغ….
دعاء: الو السلام عليكم
……: وعليكم السلام الالة
دعاء: كابيني دوكتوغ حليمة هذا
الممرضة: وي هو هذا تفضلي امدام فاش نقدر نفعك
دعاء: بغيت نعرف واش كاينا دوكتوغ ولا لا سي وي بغيت ناخد رونديفو
الممرضة: وي كاينة امدام وقتاش بغيتي الرونديفو
دعاء:(اشارت لياسمين بعينها واش دابا) دابا اذا كان ممكن
الممرضة:(شافت فلاجوندا قدامها) كاينين طخوا باسيون قدامكم عاد نتوما مناسبك امدام؟!
دعاء: وي وي مزيانة سجليه بإسم ياسمين التازي
الممرضة: داكوغ مدام اتوتطالوغ….
دعاء:بون جوغني….(قطعت و دارت عند ياسمين) خاصني نشوف شي محامي
ياسمين:(بتفكير) ماشي محامية حسن تعرفي توصلي ليها الهضرة و تفهمك
دعاء: سي سي عندك الحق (سكتت مدة عاد كملت) فالعرس ديال صاحب ياسين قاضي تلاقيت مع واحد المحامية غزالة و مازال صغيرة لكن مكايناش القضية اللي خسرتها
ياسمين: مزياااان هكا ولكن تخافي تكون معرفة ديالو
دعاء: و تكوووون واخا منظنش راه انا انوكلها و نخلصها واخا تكون ختووو
ياسمين:(ضحكت) فهادي سكتيني
دعاء:(ضحكت حتى هي من فوق نفسها) سطلة ياختي وااا دابا فين نلقى النيم (هزت تيليفووونها و بقات كتقلب شحاااال بالكشايف باش لقاتها) هاهيا لقيتها….
دوزت ليييها الاتصال بقاااا شحال كيصوووني حتى بغات تقطع عاد جاوب الطرف الآخر بصوت رقيق رنان…
المحامية: ألو شكون معايا
دعاء: بونجوغ ميطخ ليلى معرفتش واش غتكوني عاقلة عليا ولا لا انا دعاء لا فام دو موسيو بنعباد تلاقيتك فعرس سي طاهر
ليلى:(خدات مدة حتى استعقلت) اااااه وي وي جو مو سوفيان دو طوا مدام دعاء (عقلت عليك) كيف دايرا لاباس عليك
دعاء: الحمدلله نتي امورك مزياانة
ليلى: سوبيييغ الحمدلله
دعاء: الصراحة محتاجاك و نتي اول وحدة طحتي ليا فبالي….
ليلى: ياك لاباس مدام دعاء كاين شي مشكل..
دعاء: اذا عندك شي وقيتة نتلاقاو و نهضرو مكنظنش انه هاد الهضرة ديال التيليفون..
ليلى: اه اذن شي حاجة مهمة واخا شوفي نتي الوقت اللي يناسبك و اذا بغيتي تجي حتى للكابيني مرحبا.
دعاء: شنو بان ليك فالبوز ديال الغدا نتلاقاو فشي غيسطو
ليلى: واخا حتى هذا نظر انا نصيفط لك مسج نخلي ليك فين و ايمتى…..
بعدماااا قطعت الاتصال شدو الطريق مباشرة لعند الطبيبة….. عطات المعلومات ديالها كاملة و شنو باغا دير و تسنات فغرفة الانتظار بينما دازو الناس اللي كانو قبل منها….
عاد دخلت معاها دعاء مسانداها…. تلقات ليهم الدكتورة حليمة اللي كانت فعقدها الثالث بضحيكة منورة وجهها اللي زايدو الحجاب نور على نور….
د.حليمة:(جالسة فالمكتب ديالها مقابلة معاهم) مرحبا مدام دعاء نهار كبير هذا
دعاء:(بابتسامة هادئة) ربي يخليك ادكتورة كبير بوجودك
د.حليمة: الوغ مدام ياسمين تقدري تقولي ليا شحال باش انقاطعت عليك الدورة الشهرية
ياسمين: شي عشرين يوم هادي
د.حليمة:(بضحكة)عشرين يوم كاملة راه البيبي يتزاد فيها ههههه (ضحكو كلهم) مافكرتيش ديري تيست ولا تشوفي الطبيب…
ياسمين: الصراحة مافكرتش و حتى الظروف ماكنتش فالمغرب و جيت غفلة بسبب واحد الوفاة تشغلت و نسيت
د.حليمة:(بأسف)اه البركة فراسك (خدات ستيلو كتكتب فأجوندا قدامها) و الاعراض اللي بداو كيجيوك بحالاش
ياسمين: اول حاجة ريحة الزفورية مكتحيدش ليا من نيفي و التبويعة مرة كتجهد مرة كتنقص و رجعت كنتشهى بزاااف و حتى المورال و الخاطر رجعو عندي فحال ديال شي بيبي..
د.حليمة:(هزت راسها بإيجاب) بالنسبة للعلاقة مع الزوج ديالك كانت كدوز عادية (جاوبت ياسمين بآه) مكتحسيش بشي حاجة كتحرقك فالتحت ديالك و لا شي افرازات جاوك
ياسمين:(كتفكر مع راسها مدة عاد جاوبت) الحريق كيجيني مرة مرة ولكن غييير خفيف و مباشرة مورا لا غولاسيون (العلاقة) اما الافرازات مرة وحدة كان جاني حريق البول و نزلو معاه افرازات بيضاء وانا قلت غي دي بيغت عاديين…
حليمة: ممم مسألة الحريق عادية يمكن الزوج ديالك يكون كيفورصي عليك او تكون عملية الايلاج كتم هابطة يعني نصحك تبقاي ديري شي وسادة صغيرة تحت ظهرك اما الافرازات فالحد الساعة مزيان (وقفت كتقاد فطابلتيها) تفضلي معايا نديرو ليكو و نشوفو واش كاين شي خنفوس ولا خنفوسة مخبيين تما…
حيدت البوط و الكاب و عرات على كرشها كاملة و هبطت الكيلوط ديالها شوية حتى تعراااات كرشها كاملة و منطقة الرحم حتى هي…..
دهنت ليها كرشها بالجيل و خدات جهار السونار و بدات كدوزو على كريشتها كاملة و باليد الثانية كتزومي فسوري حتى بدات كتوضاح ليها الصورة فالشاشة و بنات نقيطة بيضة كبيرة شوية وااااضحة مزيااان فكرشها ابتسمت بفرح و قبلما دور تقوليها الخبر سبقتها ياسمين بصوت مرعووود مخاطبة دعاء….
ياسمين:(عينيها مدمعييين) شفتييييه اختي شفتيييه انا عندي بيبي فكرشي (شافت فالدكتووورة) ولدي هداااك يااااك انا حاملة ياااك…
دعاء:(ضحكت فرحانة لفرح ختها و متأثرة بصورة الجنين) شفتووو احبيبتي الله يتبثووو ليك
د.حليمة: ايييه الالة عندك جنين كمل الشهر الاول ديالو كيما كتشوووفي
ياسمين: الحمدلله ياربي الحمدلله (دارت عند دعاء بسعادة غااامرة) محمد غيفرح بزاااااف بغا غير وقتاااش نحمل
د.حليمة:مبروك علية و عليك امدام تبارك الله الجنين فصحة مزياااانة و ثابت هاد الساعة (عطاتها بابيي تمسح كرشها)
ياسمين:تقدري تخرجي ليا ليكو
د.حليمة: طبعاااا قادي حوايجك و تفضلي معايا….
سبقتها هي و دعاء للبيرو مخلينها كتمسح و الضحكة مرسومة على وجهها مقاداها فرحة كتدوز على كرشها بحنان و طلب الله يثبت حملها و يفرحهااا بيه….. خرجت عندهم مزنكة و وجهها منوور بابتسامة عريضة….
د.حليمة:اذا كيفما قلت لك امدام ياسمين الحمل ديالك مزيان هاد الساعة و الجنين فصحة مزيانة لكن هذا مايمنعش انك تردي البال لراسك و لماكلتك حيت تتبقى هاد المرحلة حرجة..
ياسمين:(بخوف) علاش ياكما غتوقع ليه شي حاجة….
د.حليمة:(ضحكت على ردة فعلها) نو نو مغايوقع والو غير هو الحذر واجب.. تردي البال لصحتك و ماكلتك و حتى نفسيتك…. تبعدي من الحار بصفة نهائية و تنقصي من الدهنيات و السكريات (كتبت اوغدونونص) هاد التحاليل ديريهم فأقرب وقت و تجيبيهم ليا و تحاولي تبعدي على الأعصاب و أي حاجة تخسر لك مزاجك….
ياسمين:(هزت راسها بفهم) فهمتك ولكن انا ساكنة فالرباط فين نقدر نتبع معاك
د.حليمة: كنكون فكلينيك******* الاثنين و الأربعاء و الخميس فالصباح يكفي تاصلي بالكلينيك تاخدي موعد و تجي عندي تما و اذا كنتي هنا راه تجي لهنا لكابيني و كيما قلت لك التحاليل فأقرب وقت و هادو (مدت ليها اوغدونونص أخرى) بعد الفيتامينات تاخديهم بانتظام مع وجبات كاملة و صحية….
ياسمين:(خذات الوراق و ظرف فيه ليكو اللي خرجت) واخا شكرا بزاااف ادكتورة نتلاقاو فأقرب وقت
د.حليمة: مع السلامة مدام…..
خرجوووو من تما وحدة الفرحة كتحس بيها مطيراها لساااابع سمااااا و مكرهتش غير ايمتى تقولها لحبيبتها و تشاااارك معاه فرحتها و يطيرو بزوج لكن تتفكر أنها توصلها ليه بطريقة مميزة تخلي عندو ذكرى زوينة…. و الثانية فرحانة لفرح اختها و فداخلها كدعي لربها يتمم حملها على خير و يكمل فرحتها….
لكن جزء منها كيبكي الدم على سعدها و ميمووونها و كتفكر فالخطوة اللي غتخطي….. وهي كديماري طوموبيل فطريقهم لشي فاغماسي ياخدو الدوا وصلها ميساج فتيليفونها فيه لوكاليزاسيون ديال ريسطو فين غيتغداو اللي كان عبارة على ريسطو ديال الاكلات البحرية…..
خدات الفيتامينات من الفارماسي و شدو مباشرة الطريق للمطعم….. مع الدخلة رمات عينها كتحاول تلمح المحامية حتى بانت ليها….بنت فأواخر العشرينات اول ما تقد تلاحظ فيها هي اناقتها و شعرها الطويل اللي طالقاه براحة فوق ظهرها….
بشرة بيضاء و ملامح جد جد جمييلة تتخليك تسهى فيها و كيما كنقولو طالعهاااا السررر…. قوام رشيق بطاي بحال ديال العارضاااات و طول مقبول…. جالسة بكل هدوء كترتشف من فنجان قهوة قدامها بكل نعومة….
دعاء:(وقفت عليها ضاحكة) بونجوووغ ميطخ ليلى نهااار كبير هذا
ليلى:(بابتسامة جميلة) اهلا اهلا مدام دعاء (سلمت عليهت بلابيز) كبير بوجودك (دازت لياسمين سلمت عليها حتى هي) اهلا مادموزيل كيف نتوما لاباس عليكم
دعاء:(جلست هي و ياسمين فبلايصهم) الحمدلله ربي يخليك و نتي امورك على خير (شيرات بيدها لياسمين) هادي ياسمين ختي صغر مني
ليلى:(ابتسمت لياسمين) مشرفين حبيبتي ربي يخلييك (شيرات لسيرفور) نتغذاااو و يكون خير ياااك من هضرتك عرفتك باغا شي استشارة قانونية..
دعاء:(تنهدت بحزن كأنها رجعت لواقعها) واخا على بركة الله….
خداو طلباتهم و تغداو بجو حميمي كيتعارفو بينااااتهم حتى يكملو غداهم عاد تدخل معاها دعاء فالموضوع اللي بغات تكلم معاها فيه…
وصل للرياض و على غير العادة ديال الايام اللي فاتو كانت القضية مخففة و كاينين غي طوموبيلات الدراري قدام الباب….. دار لورا للرياض مفضل انه يدخل من الباب اللوراني باشما يتلاقا مع حتى واحد يحضيه ولا يدير معاه البال….
هاز الورد فيد و الساشية فيد و على وجهو ابتسامة جميلة…. حل باب البيت حتى ضرب فيه ا ق و د منظر يقدر يبدا بيه نهارو…… منشورة فوق السرير بكسيوة قصيرة طالعة على فخيداتها البويض و النص فصدرها عريان….
شعرها مفرق تحتها و حنيكاتها مزنكين بالنعس… للحظة استغرب كيفاش باقا ناعسة لدابا لكن محكرش…. تمشى حتي وصل عندها حط حداها الورد و تكا جنبها لاصق فيها…. ريحتها جدباتو حتى انه محسش ايمتى خشا وجهو فعنقها كيشم فريحتها الفطرية….
ماشي بارفان…. ريحة جسدها…. رائحة طفووولية و مع رطوبية لحمهاااا غرق و عرق و صهد و السخونية سرات فذاتوووو…. وهي ناعسة كتحس بشي حاجة فعنقها نغوشتها…. طواتوووو على وجهو حتى زاد غرق و كمشت وجهها كتستعد للفياق…
حلت عينيها مباشرة على داك البوكي قداااامها بداك العدد الكثير ديال الجوري الاحمر…. ظنت انها مازال ناعسة… عاودت حلتهم و لقات نفس المنظر و عاد عاقت بداكشي اللي فعنقها و من حركتوووو و الورد اللي قدامها تأكدت من جوابوووو و فرحة غاااامرة اجتاحت كياااانها….
تحركت بشوية كدور حتى تكات على ظهرها باش يتقااابلو عيون الحبايب….. شاف فيها بعمق كيكحل عينو بشوفتها كأنه غاب عليها سنة…. ملامحها الطفولية و نفسها الساخن كيضرب فوجهوو اللي فاصلو على وجهها انشات قليلة…. هي مكانتش حسن منووو… حشمت و فنفس الوقت متحدية داك الخجل…
مقررة انها تعيش معاااه بجوارحها خصوصا ان وحشها ليه بالدنيا و مافيهاااا…. بدوووون سابق انذاااار تلاح على شنايفها ببوسة عمييييقة و شبه عنيفة…. كيتفنن فتعذيب شفايفها و كيمارس عليهم طقوووس حبووو….
سرعان ما بادلااااتو القبلة رغم انها مقدرتش تسايرو لكن حتى هي جهدها دايرااااه و داكشي اللي تشهاتو و حست بيه نفذاااتو…. ماقطع القبلة حتى داقت نفس بجوج… بعدو بشوية بجوج بيهم كينهجووو و كيحاولو يدخلوووو اكبر كمية ديال الأوكسجين ممكنة…. نطق بصووووت مبحووووح فحال فحيح الافعى…..
يوسف: كنبغيييييك (حلت فيه عينها بصدمة) اه كنبغيييك و كنتسطى عليك و حيااااتي بلا بيك ماعندها حتى طعم
حنان:(صدمة عمررررها جاتها من هضرتوووو نطقت بصوت شبه عالي) كيييفاش ا اش كتقول ايوووسف….
جواااابو كان قبلة لكن ماشي بحال اللي قبل منها…. هاد المرة قبلة رقيييييييقة مفعمة بمشااااعر الحب الصادقة…. قبلة وصل ليها بيها اشنو كيحس بيه….. القبلة الرقيقة تحولت لأخرى عنيفة…..
و اللمسات تحولو من بريئين لأخرين منحرفين طاااالع مع كرشها يبديه باردين حتى كتقفز حتى استقرو فوق صدرها…. هز عينو فيها حمر كلووووو و عينيه معسلين مراقب عيونها بحال العاشق الولهان حتى هضر بضوت خافت كعادتو فهاد اللحظات….
يوسف: فخبارك نتي حمقة و ديال العصا (هزت فيه عينها) ااااه ديال العصاااا حيت طنيتي انني نقدر نخلييك على ود وحدة ثانية (خشا وجهو فعنقها و حتا عليها بعضة حتى قفزت) هادي حيت ظنيتي فيا هكاك
حنان:(عضت على شنايفها بألم و قالت) لاااا عرفتك مغدييييرهاش لكن كان خاصني نقولك هكاك باش نحدو المشكل من الاول
يوسف:(هز فيها راسو) من واحد الناحية عندك الحق كان خاص هادشي يوقع و دابا بغيتك تأكدي ان القلب عامر غير بيك و العين ماتشوف غير فيك عشتتي ليا فالكبدة ء الكبدة
حنان:(ضحكت بفرح و قالت) كنبغيييييك…..
جاوبها بقبلة اللي حلت باب الشهوة بيناتهم…. تبادلو قبلات و لمسات…. تجردو من ملابسهم و غاصو فالحب…. مارسوه بكل طقوسو…. كانت ممراسة عنيفة شوية من طرف يوسف…. بدون مايحس كيعض و يقرس و يزير…. شهوتو فأنه يشحطها حتى تنين….
و يعضها حتى يخلي السيكاترييس فلحمها…. حتى فعملية الايلاج كان كيدخلو و يخرجو بقوة حتى كتقلب كرشهاا…. لكن كلامو كان نقيض تصرفاتو…. كان كينطق بكلمات تتخلي قلبها يفرفر وهو كيتغزل بيها
” نتي ديااااالي”….
“كنبغيييك”….
“حبييييبتي”…..
“حلوة”….
“كنموت فيك”…..
و كلمات من هاد القبيل خلات قلبها يسيح…. علاقة مثيرة بالرغم من عنفها لكن الغريب ان حنان كانت مستمتعة فظل داك الالم اللي حاسة بيه… مكانش عندها وقت فين تفكر كانو مرفوووعين بزوج…..
ما سالاو حتى طاحو مهدودين….الحوايج مليوحين فالارض…. الورد مشتت شي فالارض شي فوق السرير…. التيليفون ديال يوسف كيصوني فشي بلاصة… السرير مخربق و هوما مليوحين كينهجووو مشاركين غطاااا واحد و اجسادهم باقا ملتحمة….
يوسف:(بصوت مبحوح كيشم فشعرها اللي فوق صدرو) خاصني ندير تحاليل
حنان:(هزت فيه راسها مخلوعة) علاش ماااالك مريييض؟!
يوسف:(شاف فيها مطولا كيلعب على صبرها عاد دوا ببرود) حلاوتك غطلع ليا السكر ابنت الناس
حنان:(حلت فيه فمها حتى عاقت عاد ضحكت بخجل) خلعتيني ايوسف
يوسف:(بصوت حنين) تتخافي علياااا (كيطل عليها من الفوق و راسها فوق صدرو)
حنان: اذا ماخفتش عليك علامن غنخاااف راه نتا اللي عندي
يوسف:(هضرتها قاصتو) و ديما غنبقى معاك حتى دفنيني ولا ندفنك
حنان:(حطت يدها على فمو بسرعة) شششش متجبدش حس المووووت عفااااك
يوسف:(باس صبعها مقرر يسد الموضوع عارفها حساسة من هاد الناحية) نوضي ازين فوق الكومود جيبي واحد الساشي كحلة
حنان: واخا انلبس حوايجي
يوسف:(قاااطعها بسرعة) ممنوووع الحوايج غتنوضي كيما نتي تجيبيها و ترجعي
حنان:(بصدمة) اويلي ايوووسف حشووومة
يوسف: ششش حشومة مراة الشيطان كتشطح ليه عريانة و كتجي ضحك عليكم نتووووما نوووضي ازين نوضي…
حنان: ولكن
يوسف: مكاين ما ولكن دابا غتنوووضي زبطة تجيبيها و تجي ولا هادشي اللي دوزتي عاد دابا شوية غتعاوديه متريبل
حنان:(بالخلعة و الالم اللي عاد بداااا كيطلع معاها حتى برد الدم هزت راسها بايجاب و ناضت هكاك عريانة جابتها و رجعت بسرعة تغطاااات و حنيكاتها غيطرطقوو)…
يوسف:(ملي ناضت تمعن فمفاتنها الظاهرة قدامو على طبيعتها و يكذب اذا قاال ماطيراااتش ليه العقل ديال مخوووو و العروق ديال راسو قربو يتحرقو) حارماني من هاد المنظر الطبيعي مابغيتيش ندير الترويض لعينيا ازين
حنان:(حشمت حتى ما قدت) وا صاااافي ايوسف عفاااك
يوسف:(رقق صوتو معيبها) وا صافي ايوسف عفااااك (ضحك لضحكتها و كمل) غا ضحكتك قتاااالة خلي الشي لاخر ههههه (خدا الساشي حيد منو البواطة و عطاها ليها) هادي ديالك
حنان:(خداتها من عندو مقطبة حواجبها بفضول) شنو فيها
يوسف:(شير بعينيه) حليها و شوفي راسك…
حنان:(حلتها و تحلو معاها عينيها شافت فيه مصدومة و قالت بصوت مرتجف) د دياليي هادو و
يوسف:(حرك راسو بابتسامة) دياااالك و اذا عجبوووك نزيدك وحدين اخرين
حنان:(ماحستش حتى تلاحت معنقاااه كتدوي فتحت عنقو) كيحمقوووو ايوووسف واااعرييين شكراااا شكرااا
يوسف:(نفسها اللي كيضرب فعنقو بورشوووو) ششش مابيناتناش شكرا حاجتي هي حاجتك و اذا بغيتي عينيا نعطيهم ليك
حنان:(تقابلت معاه عينيها مغرغرين) هادشي بزاااف عليا ايوسف والله و غيكونو غالين
يوسف:(خدا وجهها بين يديه) حتى حاجة متغلى عليك ولو طلبي عمري نوهبو فداااك و تستاااااهلي كثر احبيبتي…..
كانت المبادرة من عندها هاد المرة بقبلة رقييقة…. قبلة انثى عاشقة…. قبلة انثى رقيقة…. قبلة عكس قبلاتو هو هادئة و فحال شي موجة خفيييفة هزاتو من حلاوتها…..
كانت بمثابة اشارة لبداية علاقة حب ثانية خرجو فيها شهواتهم و مشاعرهم…. غير مباليين بالعالم الخارجي…. لا تيليفونو اللي كيصوني سمعو…. ولا النسا اللي لتحت تسوقت لأش غيقولو عليها ولا واش غيسولو….
نساو العالم كاااااامل و بنااااو ليهم عالمهم الخاص بيهم داخل غرفتهم…. كيشبعو من بعضهم و يفديو فبعضهم وحش الايام اللي كانو بعاد فيها…. الايام اللي خلاو الوسواس يدخل فيها بيناتهم….. الايام اللي سمحو للشيطان فيها يشغل بالهم….
حتى جا يوم الفرج و رجعو المياه لمجاريها…. بل اكثر من ذلك كان هاد النقاش فال خير عليهم…. بحيت خلا كل واحد فيهم يعرف قيمة الثاني…. كل واحد فيه يعرف مشاعرووو نحو الاخر…. و كل واحد فيهم يعرف ان حياتو بلا الثاني ظلام…..
إنكِ الأول في تفكيري والأحبٌ لِقلبي❤️
بعدما تغداو فجو حميمي بيناتهم…. تعارفو اكثر و حيدو الرسميات بيناتهم…. لقاو ليلى شخصية ظرييييفة بزااااف و سيغفييابيل او كيما كنقولو كتبعي تعاون واذا قصدتيها تأكد أنك مغتخيبش….
بلا طيبوبتها الظاهرة على وجههاا و هدشي اللي خلا دعاء ترتاح ليها…. تهز الغدا و خداو ديسير للتحلية…. ذاقت ياسمين التيراميسو و حماقت عليييه صدقت واخدة زوج اخرين و هوما غير ضاحكين عارفين الوحم مازال يهبلها كثر…..
بدات دعاء كتعاود للمحامية القضية كما أنزلت…. من الاول حتى للاخير…. تصرفاتو معاها و الخيانة اللي كتحصل عليه بالدلائل…. كووولشي قالتو و مانسات حتى حاجة و ما سالات حتى كانو دموووعها جراو فوق خدودها….
دعاء:(بصوت منغنغ بالبكا) هدشي اللي كاين و انا مابقيتش قدرت نصبر
ياسمين:(تتبكي مع ختها أثرت فيها) صافي اختي متبكيش عفاك
ليلى:(بوجه مصدوم) لا حول ولا قوة الا بالله مايمكنش هادشي والله كتشوفي بنادم من بعيد او من شي تعامل خفيف كتقول راه خير النااااس حتى كتصدمي من بعد..
ياسمين: حتى حنا اختي مكنذبوش كيتعامل معانا مزياااان و بابا و ماما كونما حكات ليهم الواقعة البارح مكااانوش يتوقعوها تجي منو
دعاء: ديييما مع الناس مزياااان و لكن انا اللي كنت عارفة اش مورا داك الماسك
ليلى: اذا كنتي مصرة على فكرة الطلاق غنعمرو الرابور بالخياااانة المشروعة مع دوك الدلائل و العنف اللفظي و النفسي و نشوفو شي طبيب نفسي يكتب لينا شهادة بأن النفسية ديالك مريضة…. نعمرو التقرير و ندفعم مع دعوة ديال الطلاق و نتمناو دوز عند الاستاذة نعيمي احسن قاضية فهاد المساطر….
دعاء: ملي هكا واخا نعرف نعطي الفلوووس باش دوز عندهاااا انا ماباغة واااالو نتنازل على حقوقي كاملين يصرف غي على ولدو
ليلى: لا لا مكاين لا فلوس لا والو واش الفلوس غتحركيهم على وكيل الملك اصاحبتي اصلا غي كيكون شي ضوسي مخيخ كيتلاح ليها نيشان عارفينها صارمة فهدشي..
ياسمين: نتمنااااو خير ان شاء الله (عيطت للسيرفور) عفاك واحد التيراميسو مع الحساب..
دعاء: غيطلع لك السكر نتي واش هذا الثالث اللي غتاكلي
ليلى: هههههه خليها راه الوحم هداااك باينة غتجيب شي كتكووووتة كتشبه ليها
ياسمين:(حبست الماكلة) باش عرفتيها
ليلى: كيقولو عيالات زمان اذا توحمتي على الحلو غتولدي بنيتة و اذا توحمتي على المالح و الحار غتولدي ولييد ههههه ولكن داكشي كيبقى غي تقدييير….
ضحكو على كلامها و ناضو بعدما خلصت ياسمين واخا اعتارضو لكن سبقت و خلصت بالكارط….. شدو طريق الدار بعدما دارت ليلى موعد مع دعاء من هنا ليوماين باش يبداو فأمور الطلاق….
فطريق الرجعة ساقت ياسمين بطلب من دعاء اللي مقدتش تركز فشي حاجة…. عقلها مسافر بيها لايامهم الأولى و نهار جات مو تخطب….نهااار مابغااااتش و غوتت و جدبت لكن فالاخير استسلمت…
و كيما كيقولو ماعند الميت ما يقول قدام غسالو…. مو و مها حكمو و هي نفذت…. دارت أملها فالله وقالت ممكن يكون رجل مزيان نبني معاه حياتي و ندير وليداتي اللي يدومو ليا…. دوزو الخطبة وهو غير ساكت وهي كثر منووو…
فسرت داكشي على انه حشمة من الطرفين…. المدة بين الخطبة و العرس عمرها دوات ولا خرجت معاه و قالت ماشي مشكل السيد وكيل الملك مشغووول واش غيسالي ليا….
كانت مو ديما فالواجهة…. خرجو يتقداو تتخرج مع مو…. خرجو يشوفو النگافة و التريتور تيخرجو مع موو…. حتى للعرس اللي كان اسطووري تحلم بيه اي وحدة….
فرحت براسها و قالت الليلة ليلتي…. كمل العرس و مشاو لاوطيل…. و تما تلقات اول صدمة…. السيد جاي منغم و مثقل الراس بكويسات….
🔙🔙فلاش باك🔙🔙
على غير العادة دعاء من القاعة وصلوها واليديها للاوطيل…. بغوب بيضاء بسلهام فنفس اللون مغطي شهرها الحريري الاسود مع ماكياج مثييير و شفايف حمراء كدم الغزال…. مكاينش اللي مشافهاش و ماسماش الله و متفتنش….
طلعت للجناح ديالها بوحدها و دماغها مشغوووول بيه….شكون من غيرو راجلها اللي مكتعرف عليه غير سميتو و خدمتو…. خرج مباشرة مورا العشا بحجة شي خدمة عندو…. مخلي عروستنا المغبونة تتخمم فدوك جوج لبسات اللي بقاو ليها حتى قررت تلغيهم ولا تولي بارزة بوحدها و ضحك فيها الناس….
دخلت للجناح اللي كان كيبهر بديكووور للعروسين….. فراش ابيض ناعم مزين بورود حمراء و شموع صغييييرة معطرة لكن مطفية حتى يشعلوها هوما….. تنهدت و جرت فاليزتها بنفس مخنووووق و قلب مقبوض….
بدلت كسوتها بصعوبة بشوميز بيضاء عبارة على كسيوة حريرية حد الفخاض دايرا بدونتيل مغطي صدرها…. و بينوار فوق منها فنفس اللون واصل لعند ركابيها حتى هو فيه تفاصيل ديال الدونتيل….
مسحت ماكيااااجها اللي تمنااااتو يشوفها بيه و غسلت وجهها…. جمعت شعرها و ضخلت توضاات تتسنى فزمانها يجي… دازت ساعة و زوج و ثلاثة… الفجر قال الله اكبر وهي تتقاوم النعااااس و عينيها حمرين….
ناضت صلات و دعات الله يشوف من حالها و يحن فيها…. وهي كتحيد العباية دخل سلطان زمانو…. الزوج ديالها اللي اول ما جدبها ليه وسامتوووو…. بعيونو الزرقااااء الطياحة شافيها بعمق….
لكن على غير العادة كانو عيونو مخلطييين بحمورية شدييييدة…. جلس فوق الفوتوي كيشوف فيها حيدت العباية و جلست حانية راسها كتسنى فيه يهضر…. طال انتظارها حتى عياااات عاد سمعت صوتو ثقييييييل كيهضر….
ياسين: طلعتي زوينة و عندك ما تقولي
دعاء:(اكتفت بالابتسامة ظنا منها انه مدح من طرفو ليها)
ياسين: تت ولكن منغمتينيش (هزت راسها فيه بصدمة) شربت كويييسات باش نصرطك ولكن (اشار لحنجرتو) متصرطتيييش ليااا واخا الزين راك زييييييينة (طولهاااا) و الفورمة قتاااااااالة (ضحك باستهزاء) ولكن حاجة بزز مكندوزهاش
دعاء:(تلقات صدمة عمرها حتى حست براسها غتغيب من فرط الصدمات اللي تلقات… جمعت شتات نفسها و دوات بصوت مرعود) ولكن ع علاش ش قبلتيي
ياسين: خاطر الواليدة فوق گاع الخواااطر ابنت الناس
دعاء: شنو ذنبي انا (دمعة يتيمة نزلت فوق خدودها)
ياسين:(كأنها رمات وقيدة على المازوط شعل معاها ببصوت صارخ) ذنبك انك قبلتي فين كنعرفك ولا كتعرفيني باش تقبلي تزوجي بيااااا فيييين بانو لك الفلوس و قلتي فينما كان جيب عامر نغامر….
دعاء:(نزلوووو دموعها و قلبها كيبكي الدم ماحست الا وهي كتغوت بنفس نبرة صوتو) كذوووووووب علاااااش غنبغي فلوووووسك وانا عايشة فخير بااااا علاااش نتاااا شمااااتة بزااف عليك تكووون را++جل…
ياسين:(تجمعت النفس فصدروو و وجهو تزنك وصلت بيه درجة لأعصاب لمرحلة خايبة هز يدوووو و صرفقها بجهدووو كامل حتى دار وجهها و دوا بصوت حاقد) راا++جل عليك و على ترييييكتك الق+=ة بزااااف على اصل مك اتريكة القح وب…
دعاء:(ديك الصفعة كأنها فيقتها دورت وجهها بصعوبة على شاااافت فيه بحقد) كون كنتي رااااا++جل كون تزوجتي بحال سياااادك و صنتي مرتك بحاااال سياااادك و اديتي وااااجبك بحال سياااادك تريييكتي حسن منك و متوصلهمش الخننننز سير قلب ليييك على اللي ياخدك الرعواا++ني…
جرهااا من شعرهااا بحر جهدووو حتى حسااااتو غيطير من بلاصتو…. رماها على السرير بقوة و تلاح فوقها…. اغتصبهاااا بعنف لفظي و جسدي…. افتض بكرتها بقوة حتى خلاها غارقة فدمهاااا….
وقف كيلبس فحوايجووووو و يشوف فمنظرها فوق السرير عرياااانة كيما ولدتها مهاااا و تحتهااااا فيضاااان ديال الدم…. وهي كتهدي مكايناش فهاذ العاااالم….
خرج من السويت مخيخ و فطريييقو صونا للاسعاف عطاهم العنوان و رقم السويت و خرج من الاوطيل كامل…. غادي فالطريق و قلبووو و عقلووو مقسومين….
قلبووو كيقول ليه قسيتي عليها وهي مدااارت والو اي وحدة بلاصتها غدير هكاك…. و عقلو كيقول تستااااهل علاش تتزوج بواحد مكتعرفوووش كونما الطمع….جاو الاسعاف موراه بشي 15 دقيقة دخلو للاوطيل كيسولو على الغرفة….
الاستقبال مافهموو والو و جا الجيرون كيسول حتى طلعهم للجناح….. دخلو لقاوها كتحاول تلبس حوايجهاااا و حالتها يرثى لها…. السرير فيه بقعة كبيييرة ديال الدم و وجهها مسقوط منووو و صفر….
هزوها بسرعة و فحالة طارئة…. فاقت الصباح لقات راسها فالكلينيك معاها فالبيت ياسمين و مها و رحمة….. هزت عينها فياسمين بنظرة منكسرة و دوات بصوت مبحوح حتى نتابهو ليها….
دعاء: ياسمين ختي
ياسمين:(تلفتت عندها بسرعة هي من جهة و مها من جهة ورحمة خرجت تعلم الطبيب) حبيبة ديالي كيبقيتي باش كتحي
ثورية: ابنتي اش هاد المكتوووب تصرف عليك
دعاء:(هزت عينها فمها مطولة الشوووفة حتى نطقت بالكلمة اللي دخلت لقلب مها بحال السيف) لا سماحة ليك اميمتي….
🔚🔚نهاية الفلاش باك🔚🔚
فاقت من هاد الذكرى الاليمة اللي رجعتها سنين اللور على إثر صوت ياسمين كتبلغها بالوصول….دخلو للدار بعدما دازو للمحل جابو اويس من عند جدو…. مع الدخلة لقاو امهم جالسة فالصالون تتبكي و تعطي لقلبها و دمووووعها هواديين….
تخلعو ومااا عرفووو مالها مشاو كيجريييو عندها….
ياسمين: ماما عللاااش كتبكي اش واااقع
ثورية:(غي شافتهم و زادت كتبكي و تشهق) اهئ هئ هئ ب بننت ي هئ اهئ
دعاء:(معنقة اويس اللي مخلوع وهي كثر منو) اماما قولي لينا غير ماااالك واش مات شي واحد…
ياسمين:(شادة على كرشها بخوف) الله يخليييك اماما دويي (هزت تيليفووونها كتصوني لباها) ابابا طلع…..ماما كتبكي معرفناش مالها….
ثورية:(دوات بشهقات) سمح اهئ سمحي ل ليا ا هئ هئ بنتي (تحنات على يد دعاء بغات تبوسها)
دعاء:(خطفت يدها بسرعة و دموعها حتى هي نزلو) اعوووذ بالله من الشيطان الرجيم الله يهديييك اماما (حطت اويس و مشات عنقتها) نتي ما عندك ماااا درتي اماما الرزق بيناتنا تقطع الله يخلييك لاش تتقتلي فراسك دابا
ثورية: النهار اللول اا بنتي بغيتك غ غا ديري دارك و وليداتك و تعيشي مرتااحة و داكشي اللي ماعشتوش تعيشيه مانويتهاش خايبة ابنتيييي راك كبدتي
دعاء:(تتعنق و تبوووس) عارفة والله حتى عاااارفة اماما و عمرك كنتي تنويها خايبة مكتاب الله تصرف ماعندنا مانديرو الطلاق حللو الله…
بالسيف باااش سكتت وهي كتلوم راسها فكل دقيقة على ما وقع لبنتها……بعد نهاااار طوييييل دخلت ياسمين للبيت كتعگز و داااخلها فرحة كبييييرة….
تذكرت ملي خبرت مها و باها بالحمل ديالها و شحاااال فرحووو ليها و تخليت ردة فعل محمد كيفااااش كتكوووون…. كبحت نفسها بالزز باشمااااا تخبروش فالتيلي ملي دواااو مقررة انها دييير ليييه مفاجأة باش تقولها ليييه….
بعد مرور خمس اشهر…..
خارجة من الشقة اللي كرات فواحد من احياء مدينة الرباط مااا راقي ما شعبي بين و بين… لابسة جينز ازرق مع قميص ابيض طويييل واصل حتى لركابيها مفضفض على كريشتها اللي مكورة قدااامها… و شال فوق راسها مشدود بإحكام ما خارجة منو حتى زغبة….
كتمشى على رجليها و مسرحة عويناتها كتشوف هنا و هنا حتى وصلت لمقر العمل ديالها…. اللي كان عبارة على حانوت متوسط كتبيع فيه ملابس نسائية و مواد التجميل و العطور….. حلاتو بالمساعدة ديال الشاب اللي فاتح محل حلاقة حداها….
شكراتو بابتسامة و دخلت رادة الباب الزجاجي بعدما قلبت اللافتة من مغلق الى مفتوح…. حطت ساكها و بدات كتقاد من هنا و هنا…
بينتها ضعااافت على من قبل الشي اللي باين من عظومة وجهها اللي بانو بشكل وااضح… رخفت الشال على عنقها و جلست كتسنى فالكليان يجيو ملاهية بالتيليفون حتى صونا فيدها بنمرة مسجلة تحت اسم ” ماما سميرة”…
شيماء: صباح الخييير
سميرة: صباح النور ابنتي كيصبحتي
شيماء: الحمدلله اماما بيخير و نتي و بابا شوية الطونسيو
سميرة: الحمدلله ابنتي ناقصانا غييير نتي
شيماء:(تنهدت بحزن) مكرهتش ولكن هادشي اللي خاصو يكون
سميرة: عندي ليك خبيرة غتفرحك
شيماء:(بابتسامة صادقة) الللله و الله حتى محتااااجة نفرح
سميرة: البارح سولني عليك قالي كيف دايرة مع العيشة بوحدها و ياكما محنها الحمل
شيماء:(بفرح و صوت ممصدقش) بصصصصصح ناااري عنداك تكوني كضحكي علياااا
سميرة: ويلي على الهبيلة علاش غنضحك عليك والله حتى سولني و قالي محمد سولو حتى هو ملي داز عندو للمحل…
شيماء:(حطت يدها على قلبها) الله يااااربي على خبررر (رجعت نبرتها للحزن) بغيت غي فوقاش يسمح ليااا و يرجع يهضر معايا (نزلت دمعة يتيمة على خدها) عيييت بالوحدانية و محتاجاه معايااا بزاااف
سميرة: كولشي عند الله قريب ابنتي ولا تقنطو من رحمة الله المهم تردي البال لراسك و لبنتك و متجهديش على نفسك واخا كون ساعفتيني تجلسي من داك المحل ياك كولشي كيوصلك
شيماااء: و نعم بالله… ماشي مسألة كولشي عندي هاد المحل راه كندوز فيه الوقت كندوي مع الناس كنتلف فيه نهارات اما كون بقيت بوحدي كون حماقييت….
سميرة: ايوا ابنتي نتي تعرفي يلاااه نخلييك ردي البال لراسك و تهلاي فراسك ابنتي حتى ندوييو من بعد
شيماء: بسلامة اماما سلمي عليهم كاملين….
قطعت مع سميرة بعيون لامعة بالفرحة…. علاش لا وهي سمعت الخبر اللي ليها شهوور و هي كتسنى فيييه واخا مكاملش لكن مدام سول فيها الا وا راه قلبو حن من جيهتها و دماغو مشغول بيها…. للحظة زارتها الذكرى الأليمة اللي كانت السبب فهاد القطييعة ديال شهووور….
🔙🔙فلاش باك🔙🔙
من مورا اخر لقاء بيناتهم اللي سالا بالدفاااال غبر 15 يوم تهناااات فيهم شيماء من صداااعو و تمناااات كون تقطع عليها فمرة…. كدوز نهارها غير فالريااااض مع الوحم اللي مازال شاد فيها واخا قفلت ثلاث اشهر لكن مازال المعدة محناااهااا و اللي كلاتها تردها…. اذا جاو شي عزاية كتعطيهم صوابهم و ترجع لبيتها حتى خفافو عاد ارتاحت….
الحياة فالرياض رجعت إلى ماهي عليه…. شافت ولدها مرة وحدة جابو ليها منييير حطو فالباب و مشاااا بعدما خسر عليها السلام عليكم…. مخليها متحسرة عليه و على اياااامو و عاااد حست بقيييمتو…. و هادي هي طبيعة الانسان مكيحس بقيمة الشيء او الشخص حتى كيفقدو….
عنقت ولدها بفرح و نقدرو نقولو انها كانت اول مرة غتعنق ولدها بدااك الشكل…. درعااااتو بحب و حنان و حشات وجهها فعنقووو كتستنشق ريحتو الطفوووولية اللي حمقها…. جراتوووو مطلعاه لبيتها و اللي داز عليه يبوووس و يعنق حتى هوما توحشووووه و تأسفووو لحالو….
دازت ديك جوج سيمانات مزياااانين عند شيماء لأنها تهنات من خليقة ايوب و مو و كأنها تناسات انه يقدر يرجع شي نهاااار…. و فعلا وصل داك النهار….
كانت جالسة مع البنات فالمرح مع شميشة خفيفة ضاربة فيهم كيجمعوووو و يضحكو خالقين السعادة حتى جات عندها دادا محجوبة…..
محجوبة: ابنتي شيماء تكلمي لراجلك هاهو حدا الباب
شيماء:(سمعتها و تأفأفت بملل) واخا ادادا (ناضت كتخلف حتى وصلت عندو للباب) على السلامة
ايوب:(كيطلع فيها و يهبط) لهلا يسلمك… ديك الدار مناوياش ترجعي ليها عند بالك مزوجة بنعيوة
شيماء: اشمن دااار علاش كتهضر (ضحكت باستهزاء) راك نعيوة نيت اللي مقادش دير دارك بوحدك متجلسش عند واليديك
ايوب:(تكا بكتفو على الباب كيشوف فيها بعمق هاز حاجب و مهبط الثاني) ايييييه امدااام زيدي اش ثاااني
شيماء:(مكرهة) مكاين لا ثاني لا ثالث الرزق بيني و بينك تقطع اولد الناس دار القاضي بيناتنااا
ايوب:(شاف فيها حتى عياا و طلقها بضحكة هستيرية) هههههههههههههه لا والله حتى كوووميك مع راااسك اييه الالة و ملي غطلقي فين غتمشي بااانت ليك فشي فيكتيم جديد
شيماء: داك الوسخ خليتو ليك اما انا دااار بااا ديما محلولة فوجهي ديماااا
ايوب: متنساااايش احبيبة داك الوسخ عشنا فيه بجوج و شبعنا فيه بجوج ماتجيش دابا ديري ليا فيها الشريفة العفيفة و ايلا عند بالك خوتك غيقبلووووك راك غالطة ازييين…
يتبع
التعليقات 0