فصل 1: تمرد أنثي
داز ما تبقى من رمضان بسلام هدنة على غير العادة كتجمعهم طبلة لفطور لا غير … كتفادى نورة وهضرتها وحتى شوفات حسام ليها ملهية فهمها وتخمامها لشنو غدير ورا الباك.. كتعاون نجاة فالرحيل ونفس لوقت كدفع لي كونكور على الله تهز فشي حاجة
نجاة: ايمان ياله معايا لطنجة مال راسك قاسح
حركات ايمان راسهاا بلا وقالت: ماشي داباا …دابا نجي
نجاة: شنو درتي فقرايتك
ايمان: مزاال معرفت والله غنعاود لبااك حيت هاد النقطة مغتجيبش ليا داكشي لي بغييت
نجاة: وشنو ديري هاد لعام
ايمان(كمشات عينيها من شمش): معرفتش …نقدر نمشي لفااك
نجاة: غير هنا نيت
ايمان: غير هناا
نجاة: كضحكي علياا ياك قلتي بغيتي تبدلي لمدينة
ايمان: وخلي كل حاجة تجي بوقتهاا (تنهدات) مقدرتش نمشيي ونبعد على قبر مي انجاة حاسة بحالا مربووطة حداها صعيب علياا لحال بزااف
نجاة: دابا تبرد الحرقة غير الصبر…لمهيم لعنوان تاع دار راك عرفتيه … جي كلسي معايا شوية وقت لي بغيتي
ايمان: عارفة لي كاين انجاة الله يسهل علييك
توادعات معاهاا وكملات طريقهاا لمقبرة زارت مهاا وبقات شحال كالسة حدا قبرهاا موسدة تررابها تبكي وتسكت تقرا شوية القران وكتنوض مساخياش تمشي …كل مرة كتجي تشوفها قلبها كيزيد يتزير عليهاا كيف كل مرة كتحلم بيها كتفيق خاطرها مضيووم وكتزيد توحشهاا
رجعات بادراجها وراسها فالارض ..بكثرة الحكرة والعيا والدموع لي بكات والسند لي معندهاش كتحط راسها بين كتافها وتزيد..دخلات للدار كان السقيل مكتسمع حد رجحات الامر انه خرجو.. مشات بدلات عليها بكسيوة مبردة حد الركبة فالاحمر والابيض بيتوتية كانت من الملابس لي شرات ليها نعيمة شحال هذا.. هزات شعرها شدة مهملة ..بانت لخالة فعنقهاا رشات شوية من عطرهاا لي اكتر حاجة كيعجبها فيه كيفكرها فنعييمة وفايامهم مع بعضياتهم
خرجات للجردة هازا كاس ديال الما وكتقلب فتيليفونها باهتمام على شي مدرسة او كونكور اخر دوزو بنقطتها…وفنفس الوقت دخل حسام لي شافها وتقرقشو عينيه .. رمضان لي كينعل عليه الشيطان مبقاش.. عنق بيض وشعر زعيعر باقي فتية كيف كيقولو ..اكيد حتى نورة زويينة وبشهادة الجميع لكن ايمان شبهات باها وجابت زينو الشهيب.. حط سوارتو ومشا مبسم متحمس ينفارد بها.. محسات غي بيديه تحطات على كتافها وتورك بطريقة لطيفة وهي تقفز من بلاصتها : هءءء خلعتيني
حسامجلس فكرسي مقابل ليها)غي انا
عدلات جلستها وقالت: فين نورة!!
حسامكيتفحصها بعيونو)خليتها مع نور كيتقداو وجيت..نتي مزيان؟؟شنو كديري هنا وحدك
ايمان: والو كنقلب على شي مدرسة!
حسام: ولقيتي!
ايمانبعدم اهتمام) ماشي داكشي لي بغيت
حسام: وشنو بغيتي!!!
ايمان: الهندسة
حسام: نتي غي طلبي واتا نفذ
ليمانهزات حاجبها )علاش زعما
بغا يجاوبها رن هاتفو وكانت نورة..جاوبها بهدوء : جيت للدار..انا وايمان اوك معليش
فنفس الوقت حديثو ستاغللت ايمان الفرصة وبدات كترمقو بنظرات مقرفة .. وفلحظة من الزمن طاحت فكرة جهنمية فراسها.. اكتيفات فهاتفها المسجل بحيث تسجل هضرتهم و حطاتو بهدوء بالاضافة لهدوء الجو فراه الصوت غيتسجل مزيان
قطع الخط وقال: نورة
ايمان: مزيان
خسامتبسم)فين خليناها!!
ايمان: خليناها فانني نطلب ونتا تنفذ!!علاش كتبغي تعاوني نتا ماشي بابا
حسام: كون غي كنت باباك نولد بنت زوينة بحالك
ايمانمشمئزة باغيا تستدرجو)عندك نور!!نور زوينة ونورة زوينة
حسام: مبقاتش فالزين..بقات معامن مرتاح
هزات حاجبها بذكاء وهزات رجل على رجل على بانت بيوضية سيقانها واكيد هو مغيفلتش حركة بحال هادي وقالت: ممرتاحش مع نورة
حك راسو من لور بحيرة وقال متردد: ماشي شي رااحة..نورة زوينة اه مي
ضحكات ايمان بغل وقالت: ههه مي خايبة فقلبها
حسام: نووو ماشي هاكاك غي ولات عصبية بزااف وكتنكر بزاااف مبقيتش منتحمل الجلسة معاها
ايمان: وشنو باغي نتا!!
حسامحس بها كدق عليه): باغيك نتيي
لاحها ليها فوجهها بصريح العبارة ..من داخلها راه كانت شرارة الغضب والكراهية شاعلة فيها لكن أبدا واش تبينها فوجهها.. بقات محافظة على ملامحها الباردة وفانتظار جوابها كان هو نااض من بلاصتو وجا حداها حتى خلعها للحظة قبل مايحط يدو على يديها قايل: عارفا راسك كتعجبيني ..لي بغيتها نديرها ليك.. اي مدرسة حليتي عليها فمك نقريك فيها.. اي ديبلوم بغيتيه تقراايه نتي غي امري
ايمان: (رجعات يديها لور)حممم حسااااام اش هاد الهضرة..واش عارف اش كتقول!!نورة مراتك وراها ماما
حسام: علامن كضحكي!!نورة عمرها حسباتك بنتها ومعمرها غتحسبك بنتها..نورة كتشوف غي راسها وصافي وانا بيني وبينك طلعات ليا فرااسي (شد يديها) باغيييك نتي ا ايمااان والله حتى نبرعك(باس يديها بحماس)
ناضت وقفات خايفة حيت الامور بدات كتحرج على السيطرة وجرات يديها مبعدة هازة تيليفونها قايلة: نتا تسطيتييي؟؟؟كتحرش ببنت مرااتك محشمتييش
حسام وقف كيسوط) ايمان خلينا نهضرو نفهمك..مكنشوفش فيك شي حاجة خايبة(باغراء) غنتهلا فيك وعمر نورة مغتسييق الخباار
قرب منها كثر شد يديها وقال: عفااااك راك كتحمقيني ا ايمان وليت كنشوفك فنوووورة
تنطرات منو ودفعاتو عليها..هزات يديها ضرباتوو لحنكو حتى دااار لجهة لخرى بغضب وعيونها فرمشة عين عمرو دموع ماشي عليها انما عليه هو لي طلع ميسواااش.. والى كانت حاقدة على الرجال راه حقدها تزاد اكثر
هزات تيليفونها ومشات لكوزينة كترعد هزات لكاس بغات تشرب حتى حسات بييه جره من ايدها تشهقاات وقابلها معاه عينيه تعمااو وهيا قدامو وقال:علاش كتهربي منيي علاش زعمة مكتحسي من جيهتو بوالوو
ايمان: غتبعد علياا ولااا
حسام(بعد شعرهاا على عنقها )ياله نمشيو انا وياك فينما بغيتيي ممم نكري لييك فشي مدينة خرا …نخلص علييك مدرسة لي بغيتتي
ايمان(بدات كترعد مضناتش لوضع يوصل هكا ): حساام عفااك بعد غيدخل شي حد
حسام(حاصرها بايدو ): مكاين حد غير انا ونتي
بغا يبووس عنقها وتنتراات لييه بغات تغوت دورهاا عندوو بغا يبوسهاا مزيرها كتنتر حتى بعداتو عليها كتبكي : واش نتاا مريض شنو كدير
حسام(تصدم بغا يقرب وغوتات): ششش شش سسمحيلياا ايماان سمحيلياا عفااك
ايمان: خرج عفاااك خرووووج هءهء خرووج…الشماااتة هءهءهءه (غوتات)خروووووج
كانت بغات تسجلو كيعتاارف بداكشي لي دار وانه كتعجبوو صدق السيد طايب كيتسنا غير لفرصة
كلسات على ركابيها فااشلة كل حاجة فداتها كتغزل تفكرات التيليفون وناضت كتشوف فجنابهاا لقات التسجيل مزال خدام سجلاتوو وطلعات لبيت كتجري سدات عليها بالساروت وكلساات فتحات التسجيل كتسمع ناض عليها خاطرها وهي كتسمع وكتفكر شنو بغا يدير كتنخصص و كتبكيي …للمرة التانية كتعرض لتح_رش وهاد لمرة من لمقربين راجل مها
سجلاتو فكارط ميموار حيداتو من تيليفون او دارتها فشانطة …بقاات كالسة فلفراش كتهزز فرجليهاا كتجي اللقطة فبالهاا وكتبدا ضرب فجبهتهاا مراراا باش على الله تمحى من بالهاا
هبطات من بعدما تهدنات ودارت مكاين والو خرجات لجردة وگلسات كتهزز فلارجوحة وساهية حتى دخلات نورة وبنتها دايرة ليها نضارات طبيية بقات كتشوفيهم حتى شافت حسام هز بنتوو ..بقات كتشوفيه حتى نتابه ليها وهبطات عينيهاا مشا عندهاا هوا ونور
نور: طاطا شوفي بدلت نضاضر درتهم غووز
ايمان(باتسامة باهتة)بصحتك
حسام: سيري بدلي حويجاتك ياله ماماك طلعات
هبطها ومشاات ..كلس حداها وبعدات وقالت: حسام عفاك خليني
حسام(بندم)والله معرفت راسي شنو كيوقع لياا ملي كتكوني حداياا …سمحيليااا عفاك هدشي يبقا بيناتنا عفااك
ايمان: حسام بعد مني عفااك بعد
حسام(باطمئنان)اخر مرة …سمحيلي … (كيهدن فيها)قلتي لياا بغيتي ديري لباسبور
ايمان: اه
حسام: صافي غدا جمعي لوريقات ديالك وندفعو ليك …ميم با 15 ليوم ايخرج …ولبغيتي تقراي فسونطر تاع المانيا اناا نخلص ليك لي فري ديالهم غير ضحكي
ايمان: واش بصح (تبسمات ليه ابتسامة صفرة)شكرا
حسام: بصح …غدا جيبي ليا تصاور ونسخة من لكارط وتامبر وداكشي انا غنتكلف بيهم
ايمان: شكرا
خلاتو مشا وجمعات الضحكة شادة فصدرهاا
*
فعلا جمعات وراقها وهوا تكلف ودفع ليها لباسبور كتعطيه ضحيكة مرة مرة وكتسد علييه كتحاول تفادا تكون معاه بوحدهم …
بدات فصونتر تاع الالمانيية ونفس لوقت دارت اللغة الايطالية كيخلصهم ليها بجوج تخبية على نورة لي عند بالها ايمان كتقرا فلفااك ولا مرة حاولات تعرف شنو كدير بلا خبارهاا
دازت شهر وشهرااين والامور غادية مقادة كيفما بغاات بعض لمرات كتمشي عند نجاة كتغبر سيمانة وترجع بنفس جديد تواجه بيه نورة ونفس لوقت حسام لي همو دابا غير متفضحوش …غير كتسبل عينيها فييه كيضحك بلهلا يطريهم ليه…تخلقو نقاشات بينو وبين نوورة شحال من مرة كتلقاه بايت فالصالون اولا مجاش لدار كااع
فاقت واحد نهار على صداع بليل حلات عليها لباب لي كان مسورت كتسمع نورة كتغاوت معااه
نورة: فين كتبقا تالنصاص الليل
حسام: نورة راه طلع لياا هاد لمرض ديالك فراسي
نورة: دابا انا مريضة
حسام: ااه مريضة وخاصك غير فين تفركعيي …سيري لطبيب ولا شوفي اش ديري متبقاايش تعصبيني معااك
نورة: ياك احساام
حسام: نتي بنتك و مكترحميهاش
نورة: وليتي كتجيي علييهاا ! بشنو ظالماها
حسام: سولي راسك ماشي اناا
نورة: تاني بغيتي تنعس فالصالوون ! حسااام كنهدر معااك حساام …تفو
دخلات لبيتها وردخات عليه لباب ..تبسمات ايماان ورجعات لبيتهاا نعساات
صباح صبح لجو مكهرب بينهم وفيمن غتبرد طبعا فايماان
فطبلة لفطور كالسين شي مكيهدر مع شي
نورة : ايمان
ايمان: شنو
نورة: بداي توجدي راسك …غنشوف ليك شي دار صغيرة قريبة لفااك كريها وسكني فيها
نورة حساات بالصهد وايمان علناات التمرد …
هز حسام عينو فيهم وقال: حسن ليهاا نيت
نورة: حسام خليني مني ليها
ناض وخلاهم وخرج
ايمان: عندي سميتيي …سماني باا ايمان …تانياا متقلة عليك عارفاها من زماان غير قولي لياا خرجي علياا كافية عطا الله لي فقلبهم الرحمة مغيخليونيش فالزنقة …بغيتي تخلصي علياا لكراا غير زيديه فيك وسيري تعاالجي
نورة: نتي راه غنووض غنضربها ليك بواحد النتفة نبرد جنوني فييك …بنت لحراام ولحرام ملي كيدخل لدار مكتبقااش لبركة …من نهار سكنتي معايا وانا وحسام فلمشاكل حتى لبيبي طيحتو بسبايك ..انا ماشي مريضة باش نخلييك ضيعي نص حياتي لاخرة …باركة غير داكشي لي دااز …خير مني غنكري ليك حتى تشوفي شي خدمة ولا سيري رغبي بااك هوا لي عرف راه جرا علييك نهار اللول شرا راحتوو ونتي مبقيتيش مومو باش نراريو بسك كرانك راهم ساكنين بوحدهم
ايمان (تبسمات ليها ) هازة فقلبك بزااف …شي مرات كنقول يمكن باقة كتبغي كريم وشاعلة فيك لعافية حيت تزوج وخلاك
محسات تناضت تحنات من فوق الطبلة طرشاتهاا وايمان متحركاتش
نورة: عندي سيد سيدو ومغنضيعووش بلمدابزة على ودك …جمعي علياا كمارتك …انلقا ليك دار وغتزيدي خلفة مع لباب
خلاتها ومشات هزات ايمان لعصير وقالت: غير كوني هانية عمرك باقة تشوفي كمارتي
وصل بلحقد لايمان لدرجة صافي قلبهاا مات من هدرت نورة …انسانة لي كتقلب ليها على ابسط حاجة باش تكركبها من حياتهاا
فعلا فنص نهار لقات ليها بارطمة صغيرة فسطح فيها بيت وكوزينة وطواليط قريبة لفاك لي كظن راه كتقرا فيها او مفرشة متحتاج تجيب غير حوايجها فقط …سرير لشخص واحد پلاكار للحوايج او فطوي حداه طبلة …فلقنت كاينة كوزينة بسيطة على قد لوقفة فيها شبكة بماعن قلال ديال شخص واحد
واقفة نورة لابسة كسوة حد الركبة بكعب عالي اسود او صاك كدالك شعرهاا طالقااه على راحتو كدور فالدار وكتقرقب بطالونها فالارجاء قربات لايمان لي كتشووف بسهوة فالدار …تبسمات لقدرهاا المكفس لي خلاهاا دالعة من دار لدار كي الطلابة كل مرة بوجوه جديدة فلاخير تلاتها لوقت فبيت فسطح باش نيت تكمل ليها الصورة انها
*يتيمة الحيين*
نورة(مدات ليها الساروت ) هاكي خلصت لييك 4 شهور …دوش حتى ناخد ليك شي شوفو بقاي ديباني تسخني لماا
ايمان: كتافي بارديين عمرهم سخنوو
نورة: باركة من لمعاني …كون كنتي بلااصتي اديريي كتر من هاكاا (سكتات شوي كتشوف فدار ) ملي كنت قدك كنت بغيت نسكن بوحدي ..ونعيش لحياة ولكن ملي ولدتك تحبست وتربط بمسؤولية مبغيتهااش …دابا هانتي …كنحقق لييك احلامي لي كنت باغية كون ماكنتيش نتيي
ايمان(ضحكات ) غنقولييك واحد لهدرة انورة فغيمون بغيتك تبقاي عاقلة عليهاا …غيجي واحد نهاار وانا متاكدة بلي قرييب …معمرك اتبقاي تشوفي وجهي فحيااتك ولكن عرفي واحد لحاجة محدي كنهدر معااك …لا نتي. لا كريم لا عبد الله …لا حساام
نورة(كمشات حجبانها مقاطعاها)عندك لوجه تقولي حساام هوا لي كيضل يدافع عليك قداامي وليني راك نكااارت لخير
ايمان: ايجي وقت وتعرفيي (تبسمات ليهاا )وخة تبقا بينكم وبين الجنة سمااحتيي …مغنسمحش ليكم والله ونزيدك غنصلي ونصليي وفكل صلاة غندكر سمياتكم واحد بواحد حيت ما ذنبي والوو ومادرت والوو وماديتكم فوالو ولكن …أديتونيي تكرهت راسي وتمنيت لمووت نهار والتااني والتالت ….داباا سيري الله يسهل علييك
نورة: عنداك تجي تبكي علياا تانيي فالدار والله هاد لمرة لدخلتك …
خرجات وسدات عليها الباب خلات ايمان مقابلة مع ديك دار السااكنة الهادئة مافيهاش حس الحيااة كتر من قلبها وحياتهاا
نعسات اول ليلة ليها فداك لبييت خايفة بوحدها و واحد السكاات رهيب ميحس بيه غير لي عمرو سكن بوحدو الضواو باتو شاعلين كل مرة تنوض تشوف لباب واش مسدود وتسمع يكما شي حس فسطح
مع فاقت هزات تيليفون صونات لحسام ..قطع عليها ياله بغات تعاود تصوني جاوبها وقال: ايمان كاينة لواليدة فدار من بعد ونهدر
بلخف هزات صاكهاا بدلات حوايجها ولبسات لمونطو كان بدا لحال كيبرد تقريبا شهر 12 لخر ديالو …شدات طوبيس حطها قريب لدار نورة تمشات بزربة ناوية على خزيت ومبقاتش قادرة تحن فشي حد …حيت هي ماحن فيها حد
عندها السوارت ولكن صونات حلات عليها المساعدة دخلات موقفات حتى لصالون فين كلشي كالس ..نورة وحسام تقادو فلكلسة حيت تفاجؤوا كان اب واخ وام حسام كالسيين فالصالون التقليدي لي غالب عليه طابع الفاسي بحكم حسام فاسي وعائلتو كدالك …تبسمات وقالت: السلااام
زكية: اهلا اهلا واللهيلا عاد جبدتك على لسانيي
ضحكات ليها وجات سلمات عليهم وسلمات على اخ حسم كالس جنبو مع باه .. كلسات حداهم وقالت: يسول فيك لخير اخالتي
زكية: عاد قالت ليي نورة راه تحولتي حدا لفاك جاك هنا بعيد
ايمان(شافت ف فنورة مخنزة الاخيرة فيها)ااه داكشي لي كاين عييت بطريق كل نهار اخالتي
زكية: مزيان ابنتي الله يسر ليك
وسيم : شنو تبعتي
ايمان(شافت فيه كترجع شعرها ورا ودنها ) الاقتصاد
الاب: مزيان اللهم يسر
زكية(مسحات على ضهرهاا )تبارك الله ماشاء الله لبنات كبرو ياك الحاج ههه نعقل عليها غير صغيورة كطل ورا لباب
الحاج: مكدبتي شااي
نورة: سعاد جيبي اتااي
كتشوف ايمان فنورة وتشوف ف حسام لي كيهضر معاها بعينيه حيت شاف نظرتها مكتبشرش بلخير …ياله بغات تهدر نطقات زكية
زكية: انا لييوم جيت نشوف نور كيف بقات لحبيبة ديالي …ولكن فنفس لوقت جيت نهدر معاك انورة فواحد لموضوع
نورة(تهز قلبها) فشنو اخالتي ! الله يسمعنا خير
زكية: وسيم بغا يكمل دينوو ابنتي
نورة: ههههه خلعتيني حسابني معرت اش واقع مبرووك عليييه توحشنا نيت شي عراسية
حسام(خبط على رجل وسيم حداه )الناس كبرات بغات تزوج هههه شكون هاد لعروسة
زكية: و داكشي علاش بغيناا نهدروو وجيناا …تيقولوو خيرنا ميديه غيرنا …واناا ايمان مقطرة ليا من عيني وربي شااهد بغيتهاا وتمنيتهاا لوسيم من نهار شفتها سبحاان الله
لحضة صمت فيها حسام تبهض او نورة صفارت …اما ايمان بقات كتشوف فزكية حتى طلعات معاهاا وقالت: انا اخاالتي هه
زكية:اها ومالك ابنتيي …ها لعريس قدامك كتعرفييه وكلشي واحد كتعرفيه حسن من واحد متعرفيه …اش قلتي ا نورة نتي دابا راه فبلاصة المرحومة نتي عاشرتينا وعرفتينا و كنظن اتبغي لختك فين تستااقر
نورة (بقات كترمش الى مشاو حتى تزوجو يعني غتعرف شكون مها غير فلكارط …بدات كتصفار محسات تنطقات ) ولكن ايمان اخالتي بغا يديها اميين تقرا عندو (حكات عنقهاا ) او صاحبوو بغا يجي فهاد الاياام
وسيم(شاف ف حسام ): علاش عمرك قلتيها
حسام(باقي فصدمة) ونتا علاش مقلتيش ليا بغيتي ايمان لزواج
وسيم : وشنو فيها!
ايمان(تكلمات ) انا صاحب امين مكنعرفوش …وامين براسو ملي ماتت مي عمرو هضر معايا …علاش كتكدبي !
نورة: ايماان !
ايمان(شافت ف زكية بابتسامة ) خالتي انا موافقة ولكن كاينة واحد لحاجة
هناا حسام فمو نشف ملي شافت فييه بقا غير يبوس ليها رجليها وهوا كايترجاها بعينيه …حولات شوفتهاا لنورة لي الالوان كلهم تبدلو فيها تبسمات وقالت: واش مسمووح زعمة حسام مزوج بنورة وانا نتزوج بوسيم ؟
الحاج : ايه ابنتيي مرخص ان اخ الزوج يتزوج بأخت الزوجة الاخ شيئ عادي
ايمان: ولكن انا راه ماشي ختها
نورة(محسات تغوتات قفزاتهم )ايمااااان سكتيي
ايمان(خنزرات فيها ): سكت 19 لعام هادي باركة تقادا جهدي … نورة راه ماما …او ولداتني ملي كانت عندها 17 لعام مع صاحبهاا وملي بغات تزوج نكراتنيي…شفتوو(لنضرة اشمئزاز لنورة)باش زوجتو ولدكم؟
لكل مصدوم كيستوعب اش تقاال …حتى من نور كانت كتلعب وسمعاتها بقات كتحلل فهدرتهاا …حسام شد راسو حيت لي خباوه تفرش
زكية: ايمان واش كدوي بصح
نورة: غير كتفلا عليكم …هادي راه بغات تخرج لياا على حيااتيي
ايمان: شكون خرج على حياة لاخر انا ولا نتيييي هاه شكوون
ناضت نورة كتجر فيهاا وكتغوت :خرجي عليااا من داريي خرجيي خرجيي
ايمان(بلغوات ): مخااارجااش حتى نكمل لي عندي
هنا ناض حساام بزربة كيطلب فيهاا وقال: عفااك ا ايمان بدلي ساعة بخراا …ايماان عفااك
الاب (وقف معصب وقال): اش هاد لمهزلة احساام شنوو كاااين
ايمان(تنترات لنورة )لي واقع اعمي هوا هاد المصونة قدامكم نكرااتنيي باش تبان ليكم فصورة زوينة …نكرات بنتها من دمهاا
جاتها طرشة من نورة و جراتها من شعرها بلا متحس وغادية بيها لجيهة لباب كتردد خرجي علياا بهستيرية مخلية كلشي مصدووم من افعالها
نورة: خرجي علياا ابنت لحراااام خرجي علياا عطيني التيسااع خرجتي ليا على حيااتي خرجيي دعيتك الله بغيت لييك شي كسيدة وتهنيني منك خرجااااي
لاحتها براا حتى تعكلات وطاحت من دريجات …جا وسيم كيجري هزهاا وقال: واش نتي بعقلك حساام شنو هدشي ؟
حسام: نوورة اش كديري
نورة(كتهز وتخبط فاي حاجة جات قدامهاا اما زكية من الصدمة مشات هزات نور كتبكيي وخرجات بيها لجردة ): اااااع اععععع وااااااع
ايمان ناضت شدات ايدها لي طاحت عليهاا شدها وسيم وتنتراات منووو وقالت: قول لخووك نوبتك جاية
وسيم (بعدم فهم) : كيفاش
ايمان: هو عاارف
خرجات شادة ايدهاا ماحدها كتبعد محد دموعها كيهبطوو سخان على خدودها لي قراب يتحفرو بالدمووع تبكي وتقول مبكييت …كتمسح على صدرهاا بحالا شي حاجة لداخل كتحرقها لعافية كتزيد تشعل فيها لدااخل …خافت تمنى لمووت ويكون موتها رحمة لييهم …بغات تعذبهم كيف عذبوها بغات دوقهم جغمة من لكاس لي غرغروه ليها فحلقها مر كيقطع
بغات ترميهم من حياتها واحد واحد وكل بدقتو لحاارة لي غتعطييه كل واحد موجدة ليه موس باش دوز عليه كيف دوزو عليهاا بلحافي مرة وجوج وعشرة
مقادراش تعاود تحسب شحال من مرة بعدوها لتيساع بحال شي شرويطة قديمة وبالية بحال شي اثاث قديم كل مرة فين كتخبيه حتى لنهار اللخر وتلوحوو ولكن هي كتافات من داك الدور جاا وقتهم يوديوو ويخلصووه غاليي
**
الكل ف لفيلا بقا مصدوم نورة حشماات مقدراتش تعطيهم بالرااس طلعات لبييت خلات حساام كالس شاد راسو وعائلتو كيجلدو فيه
زكية: صافيي هادي هي تربيتيي فييك احساام …8 سنين ونتا كادب عليناا ومخلي مرتك تردناا بهالل
حسام: لواليدة كون قلناها مكنتوش تبغييو
الاب: المبني على باطل فهو باطل اولدي شنو هاد لحالة شنو هاد لمهزلة عيشتونا فيهاا…كيفاش بنتها يا حسرة تسمح فيهاا وتلوحها ديك اللوحة هكاك …اشمن ذنب صرفات فيها
حسام(مسح وجهو ): السعاتو لله الحاج غير سمحوليناا
زكية(هزات صاكهااا ) هادي مهياش كدبة بيضاء اولديي …حشومة وعيب هدشي لي دارت نوورة متوقعتهاش منهاا …وخة نكون كنمو_ت على الرااجل تنعيا منلوحش ولاديي من دمي ولحمي …هادي مافيهاش لخيير ليك ولا حتى لبنتك …انا مبقاليش شوار فييك نتاا تعرف لي يوالمك
وسيم (تعصب )كنتي على الاقل تقولها ليااا
حسام(جعر عليه )شوف حنا فين ونتا فين كتفكر …بانت ليك غير هي عطا الله لبناات
وسيم :غنجي نتشاور معاك ! مولف كتشاور معاياا فشي حاجة …شنو درتي لديك لبنت بغيت غير نفهم حيت حااقدة على مهاا و حاقدة علييك
حسام: باش عرفتيهاا
وسيم : قبل متخرج وصاتني نقولييك نوبتك جااية
زكية(شاف فراجلها وشافو فحسام لي شد جبهتو): حسام …شنو درتي لبنت ؟
حسام: واالو واالو فف هاديك غير جرات عليها نورة صافي حقدات على كلشي
زكية: من حقهاا …الحاج ياله فحالنا مبقا كلاس
الاب: الله يهدي ويصلح …قول لنورة حشوومة هدشي لي درتي قبل متفكر لكلامنا تكون ام وتوقف ورا بنتها تشدها بسنانها راه عزبة تبارك الله مغتولدشاي قدها من جديد
قصدات الدار لي كراات جرات باليزتها ومخدتهاا متحلوش كيف بقااو سورتات وراها وخرجات ضرباتها برجل تعرقات كل مرة يكلاكصوني عليها طاكسي ولا شي طموبيل يبغي يوصلهاا يزيد يكمل حقدها على الرجال
كلاكصونا عليها شخص بسيارة حال شراجم كيتمزك وقال: زين مسافر نشد معاه الطريق ! …طلعي ونسينيي
شافت فيه لاحت الشانطة بجهالة ومشاات لجناب طريق كتهز فلحجر مجات فين توصلو لحجرة كان قلع خلا ليها لغبرة
وصلات لمحطة شدات لكار لطنجة وخدات بلاصتهاا مع حطات راسهاا كلس حداها شاب قال السلام وناضت مقروصة وقالت: عفاك بلاتي نخرج
وقف تخرجات وكلس بلاصتو كدور فعينيها على فين تكلس مشات لعند واحد الراجل وقالت: عمي نتبادلو لبلايص عفااك كلس نتا تما وخليني نكلس حدا لمرا
معتارضش بتاتاا عطاها بلاصتوو وكلسات حدا لمرا لي قالت: وفعلا ابنتي الزمان صعاب اللهم لواحد يحضي راسو
ايمان(بتنهيدة )كتحضي راسك من لبراني كيصدق لقريب عاضك
غمضات عينيهاا ساكتة مفتحاتش المجال لنقاش معاهاا حتى بدا تيليفونها كيصوني جبداتوو لقاتو حسام وتبسمات باستهزاء وصلوو السخون ولا كيصوني ويعاود يصوني نخلاتوو لمدة حتى وصلات لقات نجاة كتسناها ديجا علماتها
نجاة: والله تا احسن مدرتيي (عنقاتهاا ) زيدي زيدي يكما عيتي
ايمان(جرات الشانطة ) عييت من الدنيا كلهاا انجاة
نجاة(داعبات كتفهاا ) مزال لخير لقدام تيقي بياا …ربي كبير
بحكم نجاة معاها ركبو فطاكسي كبير وصلهم لشارع وهبطو جارين لباكاج فحي من احياء طنجة الشعبية دخلو لدار مصلووحة وخة بلدية لتحت كانو جوج ݣراجات ولفوق جوج طبقات دخلو لطبقة التانية مفرشة على حقها وطريقها كبيرة ومتيسعة وصوت الدراري الصغار فالزنقة داخل من السراجم
ايمان: الرواااج فهاد الزنقة
نجاة: متحسيش بلقنط.. منى عجبها لحال هنا ودارت الصحاباات هههه
ايمان: الاحياء الشعبية بحلاوتهاا
نجاة: فيك الجوع ؟
ايمان: بزااف
نجاة: نوجد ليك متاكلي ونجي عاودي ليا لجديد
حركات راسها باه ناضت لكوزينة خلات ايمان جبدات تيليفون لقات حسام كيصوني
جاوبات ساكتة خلاتو هوا يهضر
حسام: الو ايماان …الو كتسمعيني
ايمان: شنو بغيتي
حسام: شنو نتي بغييت علاش قلتي لوسيم ديك لهدرة لشنو باغة توصليي ؟ ياك الصونتر كنخلصو علييك اعتادرت منك مليون خطرة شنوو ا ايماان غلطة درتها غتروني ليا حياتيي معاهاا باركة غير الروينة لي خليتي فالدار
ايمان: مكان عندي معاك حتى مشكيل نتا لي لحتي راسك لياا …دابا سمعني بغيتي نوصلها لنورة معنديش مشكيل من دابا …بغيتي نساا ونمشي نعطيك بتيساع وعمرك تشوف كماارتي …غتوجد ليا 3 لمليون غدا لعشية نلقاهم واجدين
حسام(شداتو السخفة ): كيفاااش …ايماان واش كديري ليا الشونطاج
حطات ليها نجاة لما وكلسات حداها باستغراب تنطقات ايماان : بغيت 3 تاع لمليون كاش احساام شنو لي مفهمتيش ولا غندير ليك الشووهة …حيت مبقا عندي منخسر
حسام: فاش قصرت معااك باش ديري ليا هدشي
ايمان(بانفعال): النهار اللول متحطش ايدك علياا …يالمكب**ت باش حسيتي ملي كدخل تسلت عليا لبيت باااش …. مقلتيش حرااام مقلتيش بنت مراتيي مقلتيش عيبب وحشومة عرفتي شنو خليهم 5 كااش فوق الطبلة شنو قلتي ؟
حسام: ايمان طلبت سمااحة اولا ؟
ايمان: سماحتك مغتزيدني والوو بحالك هوما لي كرهوني فجنس الرجاال كيفاش بغيتيني نتيق فشي حد وراجل ميي تحر_ش بياا مرة وعشرة دووي …دابا بلا هضرة زايدة …بغيت 5 تلملييون ولا خبارك توصل لنورة و بالدليل
سمع الدليل وسرط ريقو مرعود :اشمن دليل ا ايمان شنو وصلنا لهدشي …بغيتي لفلوس غنعطيهم ليك عفااك على قبل نور ياك عزيزة علييك عفااك مديريش شي حاجة تخرج علينا كامليين
ايمان: واناا ! مبقيتش فييك هااه تيقول واحد المثل لي دارو من الزاج ميضربش الناس بلحجر ونتا عندك بنت وتعديتي على بنت وغيجيبب ربي لي يدوزك من عيين لبرا وخة انا مكنتمناش لخايبة لنور حيت كتبقا ختي لي مرتك حرماتني من كلمة ختي نسمعها منهاا …معليناا ملي نتاصل بييك بغيت نلقا فلوسي مجودين بسلامة
قطعات عليه مخلية نجاة ف حيرة كترمش وقالت: شنو وقع !
عاودات ليها شنو وقع ونجاة كتزيد صدمة على صدمة شدات حنكها وقالت : ونتي هاد لفلوس شنو غديري بيهم ! ومخفتيش يتبعك عليهم هااه معرفتيي يلوح عليك شي بااطل
اايمان: غنخوي لبلاد ا نجاة
نجاة(سكتات)كيفاش
ايمان: فكرت مليون مرة …يمكن الى بعدت على قبر مي نقدر نتعايش مع موتهاا (بالم ) كنموت كل ليلة انجااة…حالتي صعيبة ومعارفاش شنو ندير …زادوني هادو كرهوني فحياتي ..شنو بغيتي نكلس ندير نظفر لخيبات لي عيشووني …نحسب الهدرة لي سمعت ولا نحسب العصا لي كليت شنوو همم
نجاة: وفين حدك تمشي فين لوراق فين لفيزا فين لفلووس
ايمان: لحل لوحيد لي عندي هوا نمشي لتركياا هي بوحدها لي غير بلباسبور وراه قاديتوو …لفلوس غنضبر علييهم حيت مغنرحم فيهم حد ..حيت مرحمونيش
نجاة(شدات ايدها ): الغربة صعيبة ا ايمان گلسي هنا فطنجة ديري لافاك ولا شي ديبلوم عفا حبيبتي وكلسي معاياا هنا تيحن مولاناا
ايمان: لبلاد لي تجمعني معاهم غنخويهاا …غيبقا ديما قبر مي كيجرني باش نمشي لكازا وانا بغيت نبعد …بغيت نهرب ونعطي راسي لشي بلااد مكيعرفو اصلي من فصلي
نجاة(عيات متحاول ) : لي باان ليك ا ايماان منخافش علييك …ولكن عطيني عهد الله (شاف فيها ايمان )متغركش الدنيا وتبعي لحراام
ايمان: نجااة
نجاة(وقفات هزات القران ): حلفي لياا متقربي لحرام وتغرك بدييتو السااهلة ا ايماان متخليش فلوسو يغرووك
ايمان: والله وخة نبقا بجووع ونبات فالزنااقي منطووفش بيه انجاة …عندي حلم وخاصني نحقق حلم ميمتيي باش نرتااح …خاصني نخدم باش نوصل لحلمي ونجمع لفلووس باش نقراا ونحقق حلم ميي …تما بلفلوس كلشي سااهل
نجاة: ايجيب الله الرزق احبيبتي …شربي شربي اتااي نسيناه كاع
بقات ايمان ساكتة وعلى رف لسانها لهدرة انتابهات ليها نجاة وقالت: بغيتي تقولي شي حاجة …
ايمان:هادي 15 ليوم باش قطعت لبيي ل تركيا (سكتات شوية وقالت )غدا عندي لفول مع 6
حطات لكااس وقالت: اش غنقوليك الله يدير لي فيها لخيير وخة منسخاش بيك ابنتي
ايمان: الظروف قوى …بغيتك تمشي معاايا نقضي اغراضي ونتي شدي لياا حوايجي حتى نجي
نجاة: اشمن غراض
ابمان: نصفي لحسابات
بين خيوط الليل كالسة كترتب فلباليزة …نص حوايجها بلااتهم لياام وخة راه لا كريم ولا حتى نورة ضعااف يقدرو يوفرو ليها لبسة تاع لفريع فنهار ولكن هي مطلبش وهوما ولا وااحد فكر فيهاا …هدشي كلو لي قدامهاا خداتو ليها نعيمة نصهم كشف نصهم صغار …طاحت على لكسوة الصيفية فاللون لصفر بوريدات ..فكراتها فايام لمحمدية ..احسن ايام دازت مع مها كانت فرحانة بحال شي فرخ تهرس ليه القفص وطار لسما فرحان …هي ومها فقط
مسحات دموعهاا طواتهاا دارتها لتحت حيت كاين لبرد مبغاتش تخليها حيت عزيزة عليهاا …طاحت فلعباية تاع الصلاة ديال نعيمة عنقاتها وشحال بكاات تفكرات ملي نعيمة كتصلي وهي مقابلة معاها كتسناها تكمل وتقوليها “دعي معاياا ” تسمع لدعيوات وطلع ليها لݣانة وتفرح بلا سبب لمهيم دعيوات زوينين فنهار
جممعات الروينة مشات توضات وجات تقابلات مع القبلة مفرشة صلاية لبسات لعبااية ودارت زيفهاا وصلااة …صلاة والدمعة فعينيهاا مقهوورة …طلبات ربي وشكاات حتى مقداات دموعها على خدهاا وهي كتناجي الخاالق وكتحسبن على لي قهروها فعيشتهاا مخلات تواحد فيهم موكلاتش فيه الله ..حتى تهدات وناضت تكمل الجميع
الشانطة واجدة قداتها فلقنت وشافت نجاة دخلات البيت وقالت: طاطا نجاة …هاد لحوايج وهاد لمخدة بغيتهم يبقاو عندك حتى نرجع
نجاة(تبسمات ): الحمد لله لي غترجعي
ايمان: مصاب كون مشيت بلا رجعة ولكن مرة مرة نجي نزور ميي ولكن مغنرجع حتى نرجع وحدة اخرا
نجاة: الله يسهل عليك عنداك غير تنساايناا
نجاة: عمري نسااك انجاة وربي شاهد
طبطبات عليهاا فرشات ليها ومشات تكات نعاس مجهااش طار عليهاا وهي كتسنا اللحظة لي تقلع بيها الطيارة
الغد شدات الكار هي ونجاة وبنتها لكازا دارت معاها فين يتلقااو خلاتهم ومشات دارت مع حسام فقهوة ليمشي يدير فيها شي موصيية وصلات وقصدات لبلاصة لابسة كويرة من لبرد وخة هكاك هزاها الرعدة من داكشي لي ناوية علييه …بان ليها كالس وداير نضاضر شمسية شافها داخلة وحيدهم تقدمات لعندو بهدوء وكلسات مقابلة لييه بصمت
حسام: كان ممكن طلبيهم بلا هاد لفعايل كنت نعطيهم ليك
ايمان: كاينة شي حاجة فابوور ! غتعطيهم ليا فابور زعمة خير منك ولا تقولياا دوزي معايا شي ليلة زاهية
حسام: حتى دابا الى مبغيتش راه منعطيهمش …تقولي لي تقولي ل نورة مغتيقكش حيت كتيق فياا
ايمان(ببرود ): نتا تعرف …نتا حر انا طلبت ونتا بغيتي مصلاحتك اتعطيهم بغيتي الشووهة مجودة
حسام(لاحظ نبرة القوة فصوتها يعني مكتهدرش غير هكاك) : شنو عندك ؟ شادة عليا شي حاجة شكون ضمن لياا نعطيهم ليك وتقوليها لنورة
ايمان: الضامن الله ولكن جرب متعرف تكون فيا الرجولة عليك ومنهدمش ليك دارك
حسام: غنتيق فيك ونعطيهم لييك ولكن الى درتي شي حاجة عمري نخليك مرتااحة
ايمان(بابتسامة ): وخة عطيني (مدات ايدها ) معنديش لوقت شحال هنا ؟
حسام(حك دقنو كيشوف فجنابوو ) 4 لي عندي متنسايش شحال كنت كنعطيك
ايمان:كنتي كتغطيي على فعايلك ماشي مشكيل مليون مدات مجابت ….اه كيبقات نورة مسكينة ههه بردات ليها
حسام: غنمشيو عند لواليدة نهدرو معاهم ونطلبو منهم السماحة
ايمان: مزيان متخليش نورة تخليك ممسخووط هي اصلا معندها كبدة على حد كتبغي راسهاا وحبس …عطيني
حسام (مد ليها لفلوس بنضرة تحذير )ايمااان
ايمان(بابتسامة ) من عندك لكار متخاافش
مد ليها جوا منفوخ شداتوو وربعات وقالت: تمنييت كون مدرتيش هدشي …حيت مكنتش بغيت نوصل معاك لهكا …ولكن نتا صدقتي بحالك بحال كاع الرجال …لي شفتوها عندكم النص فيها تكون ختك عمتك جداك لمهيم تبع لي كان ودير لي بغيتي
هبط حسام راسو كيسووط وقال: ملي كتخلق فجوة كيبغي لواجد يعمرها باش ينساا
ايمان: لبنات ماشي ياجور باش تعمر بييه …دنوبهم ايخرجو فبنتك رد لباال
ناضت وخلاتو كالس ..مشات لمحطة الطوبيس شداتو و وقفات قرب لفيلات مراقبة لفيلا من بعيد …دارت لفلوس فلكارطابل …بانت ليها طموبيلة حسام وقفات وتخبات ورا الشجرة كطل بعينيهاا شافتوو كيحل لكوفر دار فيه شانطة وصاك سد ومشا لبلاصتو حتى خرجات نورة بجلابة ونضاضر شمسية وشعرها طايح على كتافها جارة نور كتنقز ركباتها اللور …ركبات حدا حسام من بعدا سد لباب ومشاوو …خلات حتى تقطعات الطريق او قطعات مشات لجناب لفيلا عارفة ملي كيسسافرو كيطلقو لكلب فجردة خصوصا معندهاش الساروت تاع لباب طلعات فشجرة توصلات لسور وقفات فوقوو …تجبدات تاني حتى بقات مسافة قصيرة ونقزات حتى جاي لكلب كيجري …غير شافها بدا كينبح وينقز ومشات كداعب راسوو
قصدات باب الدار حلاتو بالساروت كدور بجنابها ورجعات سدات بالساروت شافت الصقيل و السكاات طلعات بخطوات مزروبة لفوق مشات نيشان لبييت ديالهم دورات لبواني ولقاتو محلول تبسماات وهي كتحل فييه
بيت لي مفرش على حقو وطريق مرتب من غير شي صيكان فوق السرير ومكياج مبعثر حدا لمراية …بدات كدور على تصاور بملل صدق لي قال بليي الصور كاذبة يقدر لواحد يكون واصلة لييه غير يتقابل مع لكاميرا يمثل السعادة والضحكة تقول هادو عايشيين السعادة
قصدات لماريوو لي كبيير حلاتوو لحوايج معلقين بلوان وشكال …جيهة تاع سبابط بوحدهاا كمشات فمهاا وهي كتشوف فسبرديلتهاا دبالت بلغسيل شحال مبدلاتها..حلات جيهة التانية فيها حوايج حسام ..كانو مجورة وسط لماريو ولكن مسدوديين هبطات جابت موس من لكوزينة وطلعات خشات لموس فلححاشية تطلعات لعود لفوقاني وجرات لمجر…لقاو وراق كتار قلباتهم ولقات الحالة لمدنية ديالهاا..دارتها فلكارطابل ورجعات لوراق لاخرين …حلات لمجر التاني بنفس الطريقة كبيير ضاربات معاه تاتهرس لعود لفوق حلاتو ولقات فييها تستيفة تاع لبواطات الحمرة والكحلة كبيرة وصغيرة …بدات كتحل وتحط ..هدا خاتم هادي سلسلة هادي مضمضة حتى ستفاتهم قدامها …منهم دهب لي شرات بفلوس لي عطاها كريم باقة عاقلة عليهم بحال اليوم …كورميط …خاتم او سرتلة متكونة من 6 تاع دبالج 3 سامبل و3 مبرومين وكل واحد فيه الروسي بشحال تشرا …سدات لخرين رجعاتهم وحتافضات بهاد تلاتا سداتهم ودارتهم فلكارطابل
*الحقد يخلق منا شخصا لا نعرفه*
وقفات كدير فلكارطابل شافت راسها فلمراية مطلعة ومهبطة عينيها حلات لماريو تاع لحوايج لقات شي حوايج مزال بالتيكي ديالهم …جبدات كسوة سخونة رغم نورة ضعيفة راه كيلبسو بحال بحال
فاللون الاسود كيفما خلاو قلبهاا من جيهتهم لبساتها ومعاها سبرديلة كحلة طلقات شعرهاا مع بعض اللمسات من لمكياج قدات كول لكسوة لي بشكل V خلات السنسلة تبان فعنقهاا …حطات ايدها على لخالة لي فعنقهاا لحاجة لوحيدة لي كتجمعها بنورة مشاركين نفس لخالة فلعنق ومع هي بيضة كانت كتباان لاي واحد وكيرد ليها لبال…بهكا كتبان كبر من عمرها شوية زادت عليهاا كويرتها ودارت صاك ادو ديالهاا لتحت بقات لابسة سروالهاا لي كان بحال لكولون …ياله كتفكر كيفاش تخرج حتى كيبانو ليها سوارت نورة فبلاصتهم حدا لباب هزاتهم وخرجات هازة سبرديلتهاا
سدات لباب ومشات حلات باب الجردة شيرات لكلب ورجعات سدات لباب بالساروت حتى بعدات ولاحت الساروت لداخل مشات لاقرب بوبيل حداها رمات سبرديلة وكملات ايديها فجيااب قبل متوضع نضارات شمسية …ركبات فالطوبيس كيسحابوها غير كاورية مزعموش يهدرو حتى من لعيالات عجباتهم …حتى هبطات فلمدينة كتشوف هنا وهناا
قصدات دهايبي الاول جبدات الخاتم كتكلم بلبااقة معاه حتى قضات غرضها وخرجات فاتجاه دهايبي اخر كل واحد باعت لييه حاجة حتى لقات فلمجموع ديال ذهب او فلوس حسام انها جمعات 6 المليون
مشات لصرف لعملات جبدات مليون صرفو ليها ليرة جمعات كلشي ومشات
مشات لقبر نعيمة نقات ليها قبرهاا ..كان ناض فيه ربييع كبات لماا علييه ودمعتها كتقطر مع لماا
ايمان: عارفة هاد لما معندو باش يفيدك ولكن كيعجبني نشوف قبرك منور ونقي اميي (كتغسل الشاهد لي زلجوه وعلقو ليه رخامة مكتوب فيها اسمها ونهار اش توفات )
ايمان(كلسات كتبكي ) مبقا والو ويكمل عاام اميي ملي هجرتيني هءهءهءه عيييت فهاد الدنياا وعييت بووحدي بلا بييك (مسحات دموعها بضهر ايدها )ميي غنمشيي وكنواعدك غنرجع باش نفرحك بليي حققت حلمك و وليت مهندسة ههه عارفاك غتفرحي لياا (بفمها كيترعد )واش كتشوفيني اميي ؟ هءهءهء علاش مبقيتيش كتزوريني ونحلم بيك كيف ديماا …مرة مرة طلي علياا …غير حلمة كافيانيي الحمامة دياليي هءهءه (حطات يدها على الوشم)وشمتك فصدري ولكن مطفاتش لعافية امي تحاجة مبرداتني على فراقك ففففف (مسحات دموعها وايديه حمرين بلبرد ) غنمشي امي سمحيلياا الى مجيت زرتك …قلبيي وروحيي وحياتي كلشي بقا معااك
عطاتها بضهر وخرجات كتبكيي مسحات دموعها كتنخصص ضروها رجليها بكترت لمشي وكلسات فجردة معزولة ترتااح …حلات لكارطابل هزات قماش اسود كمشاتو بايديهاا كتخمم شنو ادير وكتسنا لوقت
وصلات الجوج ونص كتشوف بعيونها الزرقاء وسط الخماار مكيبانو غير عينيهاا مقابلة مع لعمارات لي كاين فيهم كريم عارفة كل واحد وقتو معاش كيخرج عارفاه مكيخرج من خدمتو حتى 4 اما نجمة عارفاها مشاركة مع مها فمحال ديال لحوايج كل وحدة فيهم كتحضييه نهار …دازت عليه فطريقهاا ولقات نجمة لي حاضياه دارت نضاراتها الشمسية ..كان لعساس مشغول بلهدرة مع شي عيالات دخلات لابسة لخمار لعمارة لملاصقة مع لعمارة لي فيها دار بحكم كانت سيدة تماا كدير لخمار كيف لبسات هي …ركبات فسانسوور دايرة قفازات سوداء طلعات لاخر طبقة وقصدات سطح نقزات الحيط لي فاصل بين العمارات بجوج وهبطات من الدروج بهدوء لطبقة لي فيها كريم حلات بالساروت لي كان بقا عندهاا من بعدما تاكدات بلي مكاين حد دقات جوج تلمرات عاد حلات لباب …دار مجموعة ونقية كتمشا بخطوات بطيئة فلكولوار كتمشي من هاد لبيت لهادا تدخلات لبيت نجمة وتفكرات لبااطل لي كتلووح عليها تفكرات التحرااش تفكرات الهضرة تاع كرييم وسباان ديالوو طرشات لي عطاوهاا حطمو ما تبقا من ايمان رجعوها انسانة اخرى كارهة راسها والمجتمع او هوما بالاخص ….سدات شراجم وهبطات الريدوات ديال الدرا كاملة قبل متجبد بريكي كتشوف فدار لي فرحانة بيهاا وكتفكر كلامهاا ” هادي داااري وكونما انا ميجيبكش بااك”
معرفات منين تبدا بحوايجها ولا بصالون لي فرحانة بيه كرهت وعافت العلاقة لي كتجمعها مع هاد الناس بدون ضميير مخلاوهاش تفكر بعييد …بركات على لبريكي وبدات بلبيت هوا اللول حوايجها بدات فيهم لعافيية ومشات لصالون حتى هواا قطرات علييه لميكة شاعلة باش تشد فلفراش بيت اسامة بوحدو لي موصلاتووش قبل متشعل ديال بصح خرجات من الدار وطلعات كيف نزلات كتجري خرجات كتزرب غير وصلات حدا لعساس تمشات بشوية مهبطة رااسها ما دا ما جاب حيت بزاف تلعيالات ساكينين هنا كيديرو لخمار ومكيسلموش علييه
خلات لعافية تشعل شوية بشوية فدار كرييم من طلامط لزربية لعود ديكورات طابلواتت حتى شدااات فدار كاملة وبدا دخان كيطلع ملي تهرس الزااج …اما ايمان حيدات الخمار دارتو فلكارطابل شادتها جرية وحدة وتقول مجرييت كانت 4 علاين توصل وخاصها توصل لمطار دوز الاجراءات لي كياخدو وقت
وصلات عرقانة وجهدها مشاا حتى لغدا مداقتووش لقات نجاة كتسناها فالشارع مع الشانطة
ايمان: تعطلت علييك
نجاة :لاا مالكي سخفانة (عطاتها سانديوش )محال واش تغديتي
ايمان(خداتو )مساليتش …مشيناا ياله نقاد اموري ف لمطار
شدات نجاة طاكسي خداهم لمطار دخلو بزربة
تحنات على لباليزة حطات فيها لورااق ديالها من اطيسطاسيون ف اللغات لباك الحالة المدنية ميدالياتهاا الذهبية شهاداتها التقديرية ونجاة غير كتشوف شادة بنتهاا
نجاة:ايمان ! فين مشيتي وعلاش ديتي لخمار
شافتها حطاتو فلباليزة حتى هوا ضحكات ايمان وقالت: ديتو ليك باش يبقا عندي سفونير نتفكرك بييه …ميهمش شنو درت لمهيم بردت قلبيي شوية وخة هادشي مكافيش (وقفات عنقاتهاا ) تهلاي فمنى غنبقا نتواصل معاكم ديماا …تهلاي فماماك والله متلقاي بحالها هزاتك بسنانها فلوقت لي شحال من واحد ضيع كبدتوو
منى : بقاي معاناا
ايمان(باستهاا )منقدرش
نجاة(بدموع )تهلاي ابنتيي وراك حلفتي ليا لحرام متوصلييه …ميمتك غتحركيها فقبرها ا ايمان
تزير خاطرها وقالت:لااا انجااة والله منقرب لييه طريق الرجال محرمة علييا انجاة كنحلف ليك …خاصني نمشيي
تعانقوو بدمووع …طلقات منها بزز مشات شادة لبيي وسط لباسبوور من بعدما دوزات الشانطة فسكان توجهات عبر لممر لفاصل بين لمطار و ممر الطائرة شافت ف نجاة لي كتبكيي ودعاتهاا عطاتهم لباسبور كاشاوه ليهاا عاد تنفساات وشدات مسيرتها …خرجات من لمطار لساحة الطائرة كان لبرد كيطير باارد كيجيب الرعدة وهي ملابسااش مزيان سدات لكويرة ومحدها كتقرب لطيارة قلبها كيضرب على جهدو …طلعات بصاك فظهرها شدات بلاصتهاا امام النافدة هزات تيليفونها فتحات لكونيكسيون قلبات على لواتساب ديال كريم لي عمرها هدرات معاه فييه حلات التسجيل كتهدر
ايمان:سلاام …جا لوقت باش نقوليك جوج كلمات واحلين فحلقيي قبل منقوليك بسلامة … مع الاسف مكنتيش اب بالنسبة ليا يستاحق كلمة بابا …بالنسبة ل اسامة واميرة فطبعا غتكون اب مثالي بالنسبة ليهم …بغيت غير نقوليك(تنهدات ) ذنوبي مغيفارقوكمش حيت ظلمتوني و عذبتوني وانا ماذنبي والوو …حملتوني مسؤولية تاع شي حاجة درتوها نتوماا … داباا الى كانت الرااحة هي عمرك تسمع ولا تشوفني ف غير رتاح حيت هادي اخر مرة. تسمع حتى صوتيي وكيف قلت لييك الظلم ظلمات يوم القياامة وتبقاا بينكم وبين جنة سمااحتيي منسمحش ليكم … خليت ليك الرااحة …رتاح مزياان
سيفطاتو لييه وسيفطات اوديوو كذالك ل نورة : فيين اختي الغزالة …حتى ختي مجاتش معاك عرفتي علاش ؟ حيت نتي انسانة متستاحق تكون لا اخت لا ام لا حتى خالة …نتي انسانة من نهار عرفتهاا وعقلت عليها انسانة كتفكر فراسها وكيغيشوفوها الناس …معمرك قلتي ايمان شنو خاصهاا ..تكساات لبساات شنوو خااصهاا …مراهقة فعمرها اتبغي حوايج تبغي صااك اقل حاجة ولكن نتي كنتي مشغولة ب صورة العائلة زويينة لي كتحاولي ترسمي فدماغك …بغيت غير نقولييك بليي راك كاالسة على لماا حيت معندك لا عائلة لا حتى حااجة …نتي انسانة كيفما خليتيني بوحدي فاصعب الظرووف …كندعي ليل ونهار باش تبقاي بووحدك محاملك حد كيفما خليتيني اناا …(مسحات دمعتها ) كنت بغيت حتى انا نحس بلي عندي ام كتخاف عليا وتببغيني ..الحمد لله هدشي عشتوو مع ميمتيي الحنينة اما نتيي مكتعني لياا والوو كيفما انا مكنعني لييك والوو …وخة هكاك بغيت نعطيك شي حاجة تفكريني بيهاا وخة اناا غنلوح اي حاجة كتفكرني بييك …كادو لعائلتك السعيدة بصحتك …
رسلات ليها لاوديو ديال حسام بالتفصيل تسنات حتا مشا داكشي كلوو شافت فتيليفونها مشخشخ بزماان جبدات لكارط هرساتهاا لكونط تاع لفيس بدلات ليه لكود بطريقة عشوائية لي متعقلش عليها ومسحاتو ومسحات تصاورهاا منوو ومن اي حاجة فيه ….حطات راسهاا على الزاجة طلعات تنهيدة من خااطرها وهي كتسمع نداء مضيفة الطيران كتعلن على ان الطائرة غتقلع بعد بضع دقائق من دابا
الطيارة عمرات و وصلات وقت تلوح دكرياتها السيئة وراهاا مع غمضات عينيها تنهدات وهي كتحس بالطيارة شادة طريقهاا باش تقلع فسماء وتودع دكرياات الزوينة واكتريتها خااييب تودع بلدهاا و19 لسنة دازت من عمرها فيه …
أشفَق على ظلي عنَدما يتبّعني،لماذا لا يهربّ
أما الآن فأنا لا أحمل في داخلي شيئاً أكثر من أسف عميق وهائل لنفسي التي أرهقتها بالركض في كل درب مأهول بالخيبة “..
#نهاية_الفصل_الاول
الفصل الثاني: حلم خلف المسافات
“إذا سقط حلم واحد وانكسر إلى ألف قطعة، فلا تخف أبداً من التقاط واحدة من هذه القطع والبدء من جديد”
نفس جديد …حياة جديدة خلات وراهاا كل واحد وروينتوو كل واحد باش لهاتوو
*
زكية بغضب لابسة قفطان بيتي وشعرها جامعاه لفوق من بعيد كتبان ليك فاسية ابا عن جد بتاويل او لكلسة بلا اثاث البييت لي كان فيلا كبييرة …حطات المساعدة ما تبقا من دواز اتااي كالسة نورة بجلابتهاا ورجل فوق رجل كتزاامن حماتنا ف الصواب ولكلسة بالصواب حداها نور شادة تيليفون و حسام مشابك ايدو كيسمع لتوبييخ مع نورة من باه وزكية
زكية: اش قالكم راسكم زعمة هدشي كيتخبع ؟ محشوماش علييك يكون لي يكون متنكريش بنتك
نورة( بحزن مصطنع)خالتي انا مخليتهاش …اناا كنبغي حسام وخفت الى عرفتو متبغيوش …وهو لي قتارح عليا هدشي
شاف فيهاا بمعنى لحتيني لعافية
الاب: هادو ماشي فعايل وحشومة فحق ديك لبنيتة لغزالة …ملي تقولها نور طاطا مفكرتيشاي شحال جهدها تسكت …نهار عيات راه قالتها فوجهنا …دابا فين راهاا
نورة: بغات تعيش بوحدها كريت ليهاا حدا لفااك
زكية : ونتا علاش ساكت !
حسام: والو الواليدة السعاتو لله لمهيم حنى جينا نطلبو منكم السماحة على كلشي
كاتقلب نور فتيليفون حتى طلع مساج من ايمان دخلات لعندها وهوما فحوارهم وصل لاوديو التااني بغات تبرك على اللول بركات على التاني متسمع ليها والو فاللول وزادت الصوت على حدو حتى تسمع صوت حساام كيقول : طلعات ليا فراسي
شافت نورة باستغراب فتيليفون و قالت:اش هادا
نور: طاطا سيفطات ليك اود
طيروو حسام من ايدهاا محس غير بنورة مطيراه لييه ولاوديوو مطلووق وقالت: ارا هنا نشوف اراا
حسام(وقف كيتجابد معاها ): معندك متسمعي بغات غير تعصبك تيقي بياا
طيرات ليه التيليفون وبعدات عاودات لاوديو حيت سمعات فيه لغوات رجعاتوو وهي كتسمع فكل كلمةة وعينيها كيخرجو بلاا رجليها لي ولاو كيترعدوو …زكية ضربات حناكها كتولول و الحاج شد راسو كينعل الشيطان …اما حسام حس بلماا تكب علييه وهوا كيسمع كل كلمة نطقها من فمو فلحظة ضعف غيندم عليه سنين عمرو
طاح التيليفون من ايدهاا كتبكيي وقالت:اش هدشي سمعت هءهءه حسااام هدشي كدووب يااك دوييي دوييي
مشات لييه كضرب وتقول مضربت كتغوت وتسب فيه بلي جاب فمها
نورة: دوي هءهءهء فقلب دارري …فقلب داري الحماااار الغدااار وتنقول علاش كدافع علييهاا علاشش كتشد ليها لخاطر قول عينيك فييهاا اااه …بنتيي احسام هءهء علاش حرام علييك
حسام: نورة(شدها من دراعها )الشيطاان
نورة(كتغوت وضرب)الشيطان هوا نتااا الكلب …الله اعطيك موصيية بغييت لييك موصيية اشماااتة بغيتي تخونيي مع بنتيي اااه بانت لييك غير هي وفقلب دااار باغي تعدا عليهاا الحمااار
حسام(بلغوات ): كلشي منك …اااه اه طلعتي لياا فراسي وفصحتيي بهاد لغوات والعصبية لي فييك كرهتيني فالدار وفكلشي …
زكية: ويلي ويلي الحاج دير شي حاجة
الحاج: خودي لبنييتة شو كيف كتبكيي هادو منهم لحرامهم ميستهلوشاي
نورة: ياااك دابا طلعت ليك فراسك وقلتي اجيي نتصااحب مع بنتهاا
حسام: غلطت نتي عمرك غلطتي ؟ بنتك باش ولدتييها بااش مريم العذراء نتي حتى حملتي بيها
طرشاتو كتغوت: سكوووت سكوووت نهار اللول عتارفت ليك بكلشي
حسام: نهار اللول قلتي ليا طللقتي بيها حتى ضمستيني بايدك عاد قلتي لي كااين خليتيني كامبوو معااك ودابا جاية تفرعني عليا اااه
زكية: الله اهديكم هدرو بلعقل …حسام هدشي لي درتيي حشووومة وعييب بنت صغيرة هدشي ربيناك عليييه ااه دويي تكون مرتك كيفما بغات تكون متلاااحش لربيبتك اقليل التراابي
حسام: لواليدة راه غير ساعة الشيطان
بقات نورة كتغوت وضرب فيه محدو كيقول ساعة شيطان وهي كتزيد تجعر علييه حتى لوات بلعصااب وطاحت مغمى عليهاا
بقاو كيرشو عليها لماا حتى عيااو مبغاتش تفيق فالاخير هزوها لسبيطار كيتجراو بييها حسام وزكية دخلوها ليرجونص …وزكية كالسة وتندب على وللدها لي فرتك شمل عائلتو بايدو فلحظة ضعف
كالس على اعصابو حتى خرجات الطبيبة من بعد مدة تاع لكشف وقالت:..المريضة جاها انهياار عصبيي قوي لي خلا نصفها يتشلل عليهاا
حسام(بصدمة ): كيفاش
_مع الاسف هدشي لي كاين
زكية: دكتورة واش هاد الشلل دائم راه عندها بنية صغييرة (سدات على فمها متأسفة )الله ياربي
_غادي دير حصص الترويض وتااخد الدواء مع الوقت ان شاء الله يكون تحسن ولكن خاص تبعد نهائيا على ستريس
مشات طبيبة وشافت فييه وهوا دايخة بيه لارض: واش لموضوع يستااهل هدشي احساام
كلس فلكرسيي كيبكيي بندم وكيضرب جبهتو مع ايدوو: اناا حماار حمارر
جاي فسيارتو من لخدمة حتى كيوصلو اوديو من نمرة ايمان ..حلوو فسطوب كيسمع لييه وملامح وجهو كيتكشرو مع هدرتهاا مع قالت الظلم ظلمات يوم القييامة كيوصلو اتصال من العساس تاع لموبل …عرف شي مصيبة واقعة
جاوب وهوا كيدور لجيهة دارو وقال: سي محمد ياك لباس
_عتق عتق اسي كرييم دارك خارجة منها لعاافية عتق
خرجو عينوو وغوت كيفااش …عفط على طموبيل دغياا حيت كان قريب دغياا حط طموبيل فبرا ودخل كيجري كلشي مجوق كيشووف فالعافية خارجة من شراجم تاع لبيوت ولكوزينة
كريم؛ نجمة …اساامة اميراااا
غادي بغا يطلع تحبسووه رجال مبعدينو وقالو: معندك فين طلع اولددي ها لبولييس ولبومبية فطريق
جاية نجمة كتجريي وكتغوت: كرييييم هءهءهءه داااري اكريييم مشااات مشى كلشي هءهءهءه وكرييييم
مشا عنقهاا وهي كتجدب فلارض ونسيبتو وراهم هازة اميرة وشادة اساامة حمد الله لي متقااسووش
بقات كتغوت ليييه تماا مشاو فلوسها وذهبهاا حوايجهاا كلشيي تشوط غير من ديك لعاافية لكثيرة لي خارجة من شراجم لي طرطقوو بلعافية كتبكيي وتغوت
جاو لبومبيا بعدو النااس وطلعو كيطفييو ديك لعافية لي كلات كلشي حتى من لباب تاع لعود وكانت حتى لارضييية عود فرااه كلااتها لعافية وسرحات فين بغاات ملقاو ميعتقو فالاثاث
شد كريم راسو وهوا كالسي وجوقة مجموعة عليهم شي كيقول الله يعوضكم شي كيقول يكما الشرجور ولا لبوطة كل يلغي بلغااه
وكريم كلمة وحدة شدات ليه فراسو “الظلم ظلمات يوم القيامة “
الليل طاح وهوما مزال كيطفييو فلعافية ويعاودو يرشو لماا لتسعا تاني
تكل الشرطي وقال: مكان حتى واحد فدار وقت لي شعلات العافية
كريم : كنت خدام ولمدام حتى هي .. كانت دار خاوية
نجمة: هءهءهء انا متاكدة مخلييت حتى شارجور مركب ولبوطة مسدودة هءهءهء شي حد دار فينا هاد لموصيبة
_شاكين فشي حد !
كريم:لااا
_ونتي امدام
نجمة:هءهءهءه معرفتش هءءه
_ونتا (موجه كلامو لعساس )بانت ليك شي حركة ماهيااش !
_لا اسيدي انا كنت هنا نهار كلو متحركش …وراه لكاميرات لبغيتوو تشوفوهم لي كيدخلو ديماا دخلو حتى ليوم مكاينش لبرااني ..
دخلو لكاميرا دوزوهاا وهوا كيقوليهم هدا فلاان وهادي فلانة …دازت بلخمار وقال: وهادي
_هادي مرت واحد الاستاد ..كدير الخمار مكتخرجش بزاف غير مرة مرة
لا بصمات لا دليل يخليهم يفتحو قضية فايديهم غير دار تحرقات فقط نطق موجه كلامو لكريم:الى كانت اي مستجدات او شكيتي فشي حد جي عندما لمركز
كريم:وخة الشاف
_اممم دكرني بالاسم ديالك ؟
كريم ***
_وجهك مخافيش علي …فايت مشدود لا ؟
كريم: 18 لعام هادي كان واحد لمشكيل
_ااممم نتا هواا داك خونا لي طاح مع بنت لمرحوم محمد ياااك مممم درتي عائلة تبارك الله …فين بنتك ؟
كريم: مع مهاا
حرك رااسو وقال: تهلا فيهاا …ذنوبهم واعريين اه …ياله بالعوض ان شاء الله
خلاه مشا هوا مشا لعند نجمة لي باقة كتبكيي ركبهاا فطموبيل كيشوف فدار ولاات كحلة من برا علم الله كيف دايرة لداخل …خسر عليها زبالة ديال لفلووس كل مرة نجمة مخرجة منوو عراام ونصها باقي كريدي كيتخلص …لفراش لبلكاراات تريات ديكورات زرابي كلشي لفرييع …
اما نجمة كتفكر حوايجهاا ..ذهبهاا فلووس لي جامعة وكتزيد تبكيي بقات الله كرييم وغتعاود من الزيرو
جاي فسيارتو من لخدمة حتى كيوصلو اوديو من نمرة ايمان ..حلوو فسطوب كيسمع لييه وملامح وجهو كيتكشرو مع هدرتهاا مع قالت الظلم ظلمات يوم القييامة كيوصلو اتصال من العساس تاع لموبل …عرف شي مصيبة واقعة
جاوب وهوا كيدور لجيهة دارو وقال: سي محمد ياك لباس
_عتق عتق اسي كرييم دارك خارجة منها لعاافية عتق
خرجو عينوو وغوت كيفااش …عفط على طموبيل دغياا حيت كان قريب دغياا حط طموبيل فبرا ودخل كيجري كلشي مجوق كيشووف فالعافية خارجة من شراجم تاع لبيوت ولكوزينة
كريم؛ نجمة …اساامة اميراااا
غادي بغا يطلع تحبسووه رجال مبعدينو وقالو: معندك فين طلع اولددي ها لبولييس ولبومبية فطريق
جاية نجمة كتجريي وكتغوت: كرييييم هءهءهءه داااري اكريييم مشااات مشى كلشي هءهءهءه وكرييييم
مشا عنقهاا وهي كتجدب فلارض ونسيبتو وراهم هازة اميرة وشادة اساامة حمد الله لي متقااسووش
بقات كتغوت ليييه تماا مشاو فلوسها وذهبهاا حوايجهاا كلشيي تشوط غير من ديك لعاافية لكثيرة لي خارجة من شراجم لي طرطقوو بلعافية كتبكيي وتغوت
جاو لبومبيا بعدو النااس وطلعو كيطفييو ديك لعافية لي كلات كلشي حتى من لباب تاع لعود وكانت حتى لارضييية عود فرااه كلااتها لعافية وسرحات فين بغاات ملقاو ميعتقو فالاثاث
شد كريم راسو وهوا كالسي وجوقة مجموعة عليهم شي كيقول الله يعوضكم شي كيقول يكما الشرجور ولا لبوطة كل يلغي بلغااه
وكريم كلمة وحدة شدات ليه فراسو “الظلم ظلمات يوم القيامة “
الليل طاح وهوما مزال كيطفييو فلعافية ويعاودو يرشو لماا لتسعا تاني
تكل الشرطي وقال: مكان حتى واحد فدار وقت لي شعلات العافية
كريم : كنت خدام ولمدام حتى هي .. كانت دار خاوية
نجمة: هءهءهء انا متاكدة مخلييت حتى شارجور مركب ولبوطة مسدودة هءهءهء شي حد دار فينا هاد لموصيبة
_شاكين فشي حد !
كريم:لااا
_ونتي امدام
نجمة:هءهءهءه معرفتش هءءه
_ونتا (موجه كلامو لعساس )بانت ليك شي حركة ماهيااش !
_لا اسيدي انا كنت هنا نهار كلو متحركش …وراه لكاميرات لبغيتوو تشوفوهم لي كيدخلو ديماا دخلو حتى ليوم مكاينش لبرااني ..
دخلو لكاميرا دوزوهاا وهوا كيقوليهم هدا فلاان وهادي فلانة …دازت بلخمار وقال: وهادي
_هادي مرت واحد الاستاد ..كدير الخمار مكتخرجش بزاف غير مرة مرة
لا بصمات لا دليل يخليهم يفتحو قضية فايديهم غير دار تحرقات فقط نطق موجه كلامو لكريم:الى كانت اي مستجدات او شكيتي فشي حد جي عندما لمركز
كريم:وخة الشاف
_اممم دكرني بالاسم ديالك ؟
كريم ***
_وجهك مخافيش علي …فايت مشدود لا ؟
كريم: 18 لعام هادي كان واحد لمشكيل
_ااممم نتا هواا داك خونا لي طاح مع بنت لمرحوم محمد ياااك مممم درتي عائلة تبارك الله …فين بنتك ؟
كريم: مع مهاا
حرك رااسو وقال: تهلا فيهاا …ذنوبهم واعريين اه …ياله بالعوض ان شاء الله
خلاه مشا هوا مشا لعند نجمة لي باقة كتبكيي ركبهاا فطموبيل كيشوف فدار ولاات كحلة من برا علم الله كيف دايرة لداخل …خسر عليها زبالة ديال لفلووس كل مرة نجمة مخرجة منوو عراام ونصها باقي كريدي كيتخلص …لفراش لبلكاراات تريات ديكورات زرابي كلشي لفرييع …
اما نجمة كتفكر حوايجهاا ..ذهبهاا فلووس لي جامعة وكتزيد تبكيي بقات الله كرييم وغتعاود من الزيرو
مشاو ساكتيين لدار مو تما فين يباتو
نجمة: كون ديتيني عند ماما شنو غندير هنا
كريم: راسي انجمة بغا يتفركع …بلا متزيدي علياا غنكلسو عند لواليدة تيحن الله فديك الدار
نجمة:هءهءءن كلشي مشا اكرييم كلشي هءنءهءن مشا ذهب لي كنااخد مشاو لحوايج مشااو شيكات تاع لكليانات باش غادي نعرف لي كيتسالني دروك
كريم(بلغوات): بان ليك غير تفتييف مبانش لييك لملاين لي تخسروو ولي باقين واحلين فوق ضهري كنخلص فييهم كل مرة هادي زربية شفتها عند صاحبتيي هادي تيرموميكس كيطيب زوين
نجمة: داباا كتمن عليااا ولا شنو لفرشتي فرشتي لرااسك بغيتي تعيش ف حصيرة او فراشة سير عيش فيها انا ماموالفاش بزلط
كريمبلغوات)داباا اناا موالف بيييه …متبقااايش ترفعي عليااا صووتك قدام دراريي …بغايتي ترجعيني ضحكة ولا شنوو
نجمة: كتغوت حتى انا نغووت
دراري اللور كيبكييو بلخلعة ولغوات محس حتى فرانا بجهد حتى غوتات كيتنفس بجهد ودراري كيبكييو ونجمة شادة قلبهاا بخوف كانو على وشك يديرو كسييدة خايبة
رجع لطريق ساكتيين منطقاتش مزال حتى كلمة توجهو لدار تاع مليكة طلعوو غير هوماا صونا فلباب وحلات لييه شافتهم هكاك وقالت:مالكم اولدي
دخلات نجمة شعرها باين وعينيها منفوخين بلبكا ودراري مخلوعيين
كريم: ندخلو ونعاود ليك
دخلو لصالون كيهدرو وعاود ليها اش وقع وهي كتندب وتولول
مليكة: مصيبة هااديي كلشي مشاا
نجمة: كلشي مشاا اخالتي كلشيي
بدات اميرة كتبكيي وقالت: تحوايجهم معندي والو داباا
مليكة: نوضي لبيت شي حوايج كانو صغارو على بنت اسية قالت ليا نعطيهم هوما او حوايج ولدها …بدلو علييكم تيحن الله
ساطت وناضت قالت: واخة
فطريقها قالت : وليت نلبس ولادي شياطتهم
دخلات لبييت بدلات ليهم بزز منهاا كلسات كترضع ف. اميرة تصونة تيليفونها ختها كطمن على حالهاا داتهم لهدرة وجابت
كريم؛ نوض نشوفهم ونرتاح اميي
مليكة: نوض اولدي راه لبييت رتااحو يصبح ويفتح
غادي محدو كيقرب لباب كيسمعها كدويي مع ختهاا
نجمة: يكما يكونو دنوبها خرجو فييا اصااحبتي …من نهار لحت عليها داك لبااطل ولمصائب كاينزلو عليا كي شتاا
تحل لباب قفزها حتى تخلعات وطاح التيليفون ناضت قافزة من بعدها حطات ولادها ناعسيين وقال عينيه عمرين بلعصااب : شمن بااطل
نجمة: ششش شمن باطل علاش كدوي ا كريم …
جرها من شعرهاا خرجها من لبييت غادي بييها لبيت لاخر كيغوت: دوييي شمن باطل …كدوي على لكورمييط لي لقييت عند ايمان دويي دوييي
نجمة(كتزاوك): هءهءهء كريييم مضربش عفاااك طلقنيي طلقنيي راك راك غتندم
مليكة : اويلي واش فينما جيتوو تنوضوها اش واااقع كريييم نعل الشيطااان
زيرهاا تكراات كتبكيي وقالت: هءهءهءه سمحلياا مكنتش ناوية
كريم: مكنتيش ناويية هاااه جريت عليها فنصاص الليل الكلبة بمسبتك ومكنتيش ناوية
مليكة: هااااا لي قلت اكريييييم ها لي قلت اولديي جمعتو سخطهااا اولدييي وكلات عليكم الله فين ديرو راسكم
مزال مكملاتها حتى بدا كيعطي ل نجمة فطريش ونتييف بلعصااب وهي كتبكيي وتغوت مليكة تفك فييهم واسامة كيبكيي فلباب
دخل لداخل كيبكيي حتى بال فسروالو وسد ودنييه
ليلة سودااء قلبة حياتهم رأسا على عقب
خدات انفاس جديدة فدولة جديدة …اسطنبول عاصمة تركياا…حطات اول خطوة ليها برا لمطار واحد لبرد كيطير سدات لكويرة لي لابسة وبقا لبرد هوا هوا كلشي كان مكبط وهي حوايجهاا خفاف بزااف …تمشات كدور بعينيهاا كتحاول تدكر بعض لكلمات التركية
ايمان:طاكسيي
توقف الطاكسي قدامها وقال: Nereye gidiyorsunuz hanımefendi? ( فين غادية امدام )
ايمان؛اااه (تلفات ليها اللغة )يو سبيك انغليش فرانش اسباان
اشار ليه بايدو وتحرك بقات كتشوف وقالت: الله الݣيها ليك
هي اصلا مكانتش بغات تركب بغات غير تسول على شي اوطيل تنزل فيه …. عارفة راسها اضربهاا عفطة تاني جارة بݣاجها فبلاد معارفة فيها ليمن من ليسر
ايمان: Lütfen efendim (وجهات هدرتهاا لواحد لولد داير لكيت واقف حداها توجه ليه بابتساامة وقال :بوروم
ايمان:ااا يو سبييك انكليش سير
_ بيتل
جاوباتو وقالت بالانكليزية :بغيت شي اوطيل هناا عادي ميكونش غالي بزااف
جوبهاا كيحاول يجمع كلمات مدققة وقال: اتمشي بطاكسي وغتسولي على نزل راية
ايمان:نزل راية
_إڤيت
ايمان:teşekkür ederim (شكرا )
اومأ راسوو وتحرك وهي كملاات قتلها لبرد بزااف ولارض فازكة يعني شتاا طايحة سماء وخة الظلام كتباان مغيمة نفسهاا كتخرج معاها دخاان نيفها ولا حمر …كلشي مكبط عاد مجاها لبرد ديال بصح
عينيهاا كيقلبوو هنا وهنا
طريق بعيدة على لمدينة وغير طاكسيات لي مجودين …رهابها من الطاكسيات كان كبير ومقدراتش تزعم ولكن لبرد كانت قتلهاا ومعرفات شنوو دير ..فراسها كانو بزاف تاع الافكاار
انا دابا مبقيتش صغيرة نقدر ندافع على راسي
*او لا كان قوا مني ! لا لاا نمشي على رجلي
*الليل ونتي فبلاد غريبة صعييبة
حارت حتى وقف قدامها طاكسي زيرات على لكويرة ضحكاات وهي كتشوف فلمراا ساايكة بحالا ربي كيقوليهاا اناا معااك♥️
تكلمات معاهاا بلونݣلي وحاولات تفهمهاا بلوجهة لي باغة ركبات اللور وبكاجها فلكوفر تكمشاات اللور بلبرد وحطات راسهاا على الزاج كتشوف فلاضواء حتى بدات شتاا كطييح من جديد
اواخر شهر 12 لمووت تاع لبرد والتلج طايح فأغلب المدن التركية منها فاسطنبول نيت يعني لبرد قااسح …لمدينة عاامرة واجواءهاا خاصة بيهاا مكتخوااش بالرواج فالليل …وقفات امام النزل شافتوو بعينيها وفلبلاكة لي كتشعل وطفاا …جبدات من صاكهاا ورقة نقدية مداتها ليهاا مزال معارفة والو على الليرة …ردات لييها الصرف كثير رجعاتو لصاكهاا وخرجات هازة بكااجهاا دخلات بزربة من لبرد امام كونطوار كيبين انه الاوطيل اقل من العاادي اضواء خفيفة كدور بعينيهاا حتى خلعهاا الشخص لي خرج من تحت لكونطوار رجل اربعيني رجعات اللور شادة على صدرهاا وقالت بلونكلي:بغيتيت غرفة
قرب لكونطوار مطلعهاا وهبطها بعيينيه وقال: يوم واحد ولا كثر
ايمان: مزال معرفت
_ممم مد ليها سوارت من وراه فيهم رقم لغرفة وقال: 960 ليرة
خلصاتو ورجع ليه الصرف ..ما يقارب 300 درهم مغربي.
تعافرات مع لباليزة حتى طلعاتهاا فدروج لحيوط كلاتهم لميديتي لي ريحتها ضرباتها مع طلعات فدرووج كتسمع الضحك وموسيقى تركييا كيغنيو معاها فبعض لبيوت وتكركير على جهد
قرات رقم لغرفة كان مجاور لغرفة لي فيها صداع حلاتهاا ودخلات كتكتاشف داك لبيت لي اقل من عاادي ..مصبوغ فلابيض سرير فلوسط بغطاء بيج حداه طبيلة فوقها ڤيوز مقابل مع السرير بلكار بجوج بيبان ديال لحوايج وحداه تلاجة صغييرة حلاتهاا خاوية حلات لمارييو دوزات ايدها علييه كان مغبر من لداخل …دورات عينيها بان ليها باب اخر مشات حلاتوو كان دوش وطواليط داكشي قدييم والنظافة قليلة …مشات لبالكون طلات منوو على شارع لكلاكصون وخة شتا طريق مزال عامرة وساعة متأخرة من الليل
مشات سدات لباب بالسارووت وصوت الضحك واصل لعندهاا
هزات الشانطة كترعد بلبرد حلاتهاا جبدات بيجامة سخونة لبساتهاا وتقاشر غلاض شوية تكمشات شادة قرعة تاع لما كتشرب ضمات رجليهاا تكات راسها عليهم كتشوف فلاضواء من لبالكون وقالت: يااربي عطيني بداية زويينة يااربي عييت من بناادم مقلل منيي وحاكرنيي دير فطريقيي ناس عندهم قلب (تنهدات )ساست لغطا فرشات زيف على لمخدة وحاولات تنعس وخة صدااع شوية ناضت قافزة على صداع فلكولواار مشات حدا لباب كتسمع حتى تخبط شي حد مع باباها وهربات كتقلب باش تحمي راسهاا واقفة هازة لاباجور …شويى بشوية دخل المسؤول على النزل حبس صدااع وهمدات لوقت
رجعات لبلاصتها مخلية ضو لفيوز شاعل مرة مرة تحل عينيها تشوف جيهة لباب وترجع تغمضهم حتى كتسمع اصوات حميمية من لبيت من جيهة لماريوو استغربات وناضت حطات راسهاا على لحيط كتسمع تاكداات من اش كتسمع خبطات على وجهها كتسووط تلاحت على لفرااش مغطية راسهاا بلمخدة وقالت :اويلييي فيين جييت ففف
داز اسبووع على قدومهاا لتركياا ..تواصلات فقط مع نجاة طمناتها بلي وصلات بخيير معمرها قالت شنو غيكون وقع ليهم من وراهاا صافيي بردات قلبها عليهم لدرجة كتحاول تنساهم
بنفس لكويرة دجينز او تيشورت بكول في دايراه فسروال …طالقة شعرهاا لاشقر كان لجو مشمس شوية …كلسات كتفطر حطو ليهاا فطور تركي مكون من اتااي جبن فرماج خيار مطيشة وبيض كيف بغيتيه مصلوق ولا مقلي وخبز شربات اتااي بحالا كتشرب فتشليلة …بعداتوو عليها وفطرات بداكشي لااخر ..وبدات كدير دورة استكشافية على لمحلات ومع قرب راس لعام كانت عاامرة بالاجانب معروفة تركيا فلبرد كدير تخفيضات مهمة فلحوايج ..دخلات لبوتيك كدور وتشوف بدات كتهز فلملابس الداخليية وهي فرحانة خدات داكشي لي كعجبها خدات مونطو طويل كساوي ديال شتا او قبيات بالوان مختلفة كولشي صولد
مكدبوش ملي قالو ان نفسية لبنت كتبدل امام بوتيكات تاع لحوايج ولمكيااج …دازت خدات لمكياج حتى هوا غير لي كدير مكتراتش ..خدات صاك نضارات شمسية سبرديلة …هزات صاشياات او. وقفات كتشوف فواحد الصاك على براا حتى كتسمع لهجة مغربية وراهاا كدور كتلقا جوج بنات قياسها تقريباا متردداتش وقالت سلاام
شافو فيها لبنات وردو السلام بابتسامة :السلااام مغربية !
ايمان:اه حتى نتوما
نطقات وحدة منهم: سبحان الله ههه عندك شي عرق ݣاوري ههه
ايمان: هههه شكون عرف سمحوليا بغيت نسولكم …نتوما ساكنين هنا ولا غير سياحة !
_لا احبيبتي اناا كنقراا …وهادي ختي خدامة هناا
ايمان: حتى انا جيت على وديت لقراية او الخدمة فنفس لوقت
_اشنو بغيتي تقرااي حيت دابا بدا راه نص لعام معندكش منحة جامعية
ايمان: لا مزاال
_غيخصك تسنااي حتى لعام جاي …ولكن غيخصك تسجلي حيت هنا فتركيا كيخصك تقرااي اللغة هي اللولة عاد كدخلي تقراي شنو بغيتي فهمتي
ايمان:اااه مفراسييش
_ااه انا نهار جيت باش نقراا وخة حتى قبلوني عاد جيت ولكن ديجا خاصك تقراي عام ديال اللغة وتشديها مزيان عاد كدخلي لجامعة وسوليي على راسك
ايمان: او السكن !
_كاين السكن لجامعي …ولكن انا ساكنة مع ختي …كتقلبي على لكراا ؟
ايمان:ااه اختي ملي جيت او انا فواحد لاوطيل مكنعسش بصداع
-هادي هي اسطنبول الزين ..شوفي حنا كارييان ابارطمون صغيرة .. وخصانا بنت الى بغيتي تزيدي معانا مرحباا
ايمان:غير هناا !
_لاا حنا كارين فالشارع اللور هنا عرفتي لكرا راه شيااط ..شنو سميتك
ايمان
_مشرفين اناا امينة وهادي ختيي سعاد
ايمان:مشرفين اختي (مدات ايدهاا تصافحوو )
مشات معاهم وراتها فين ساكنين ..كانو شقق صغار دايرينهم غير للكرا فقط وقراب للكلية و كيكريو فيهم الطالباات والمهاجرين السوريين الخ على قد المستطاع
عجباتها حيت نقية وقريبة لكلشي كانت جوج تاع لي شومبر كل وحدة فيها جوج اسرة و كل سرير بلبلكار بساروت ديالو غرفة لوسط فيها فطويات او تلفازة او طبيلة ..وكوزينة مفتوحة باواني بسيطة …حياة الطالبة
تافقات معاهم على الثمن لي غيتقسم على ربعة حيت معاهم بنت اخرى غير مسافرة كلسات معاهم ديك العشية كاملة كيعاودو ليهاا على اسطنبوول فين تقدر دفع باش تقراا وشنوو دير وفين تمشي …
سعاد: وفاش بغيتي تخدمي
ايمان:فاش خدامة نتي
سعاد: خدامة فرملية فكلينيك
ايمان: علاش ختاريتي بالضبط تركياا زعمة زويينة ؟
امينة: كانت مزوجة بتركي
سعاد(عيباتها )ننن مال جدك كتلاحي فلهدرة خاصك غير لوقت فين تشفااي ؟
امينة: مالي قلتها لبراني ايمان بنت بلادنا ونيت ترد بالهاا وصافي
ايمان: علاش
سعاد:شوفي ا ايمان نتي زويينة تبارك الله وعاطية لعيين فطريقك غتلقااي مع ولاد لحراام غير هوماا …ردي باالك وتواركة راه مكيحملوش لعرب وخة يديرو ليك ديك الضحكة الصفرة هيهيه جانم بينيم وديك الحلاوة لبايخة ديالهم راه اكتر شعب حكار هوما تواركة ..انا راه تزوجت بواحد التركي راه دوز علي العذااب اي بلان وقع ينوض يحطو ليا فسطل ..نتي هجرتي بلااادك كون لقيتي فيهاا لخير طاطاطاط
ايمان:اويلي ههه
امنية: هوما راه عنصريين وقبااح تهدري معاهم بشي لغة من غير لغتهم بحالا سبيتيهم..داكشي علاش ملي كتجي تبغي تقرااي تيسيفطوك تقراي لغتهم اولاا قبل متقراي عندهم فشكل …انا راه غير ختي مبغيتش نخليها بوحدها قلت اللهم نتجمعو بجوج
سعاد؛ممم شكون غيقبل عليك من غيري
ضحكات ايمان كتشوفيهم جوج خوتات مناكرين ولكن مفاتوش بعضياتهم فبلاد لغربة …تمنات حتى هي علاقة هكا …هي متاكدة بلي كانت غتكون احسن اخت لخوتهاا ولكن تاحد مخلاها تعيش دور الاخت فحياتهاا …تلغات ضحكتهاا
امينة:فيين مشييتي الزعرة
ايمان:لاا هاني ههه
سعاد:مقلتيش ليا فاش بغيتي تخدمي ؟ هنا بلا ديبلوم مديري والوو
ايمان:معرفتش فلي كاان غير نهز راسي باش نخلص لكراا ولمدرسة من بعد …هوا الصراحة اناا كنغني
امينة:حلفي …كتغني التركية !
ايمان:ضروري التركية ؟
سعاد:هههه والله ميتنغمو ليك هنا الى مخدمو تواركة اش كنعاود ليك من صباح
ايمان: صراحة مكنغنيش بزاف تركية ياله حافضة فيها شي جوج اغاني
امينة:الى كان صوتك واعر اتخدمي هناا كيعجبهم لي يطربهم ولكن هاد لخدمة راه صعيب.
ايمان: انا غير لقاها متخافيش علياا الاغاني نحفضهم حالهم سااهل
سعاد: سمعيني شي اغنية حافضااهاا لعاار
ايم :ممم نغني kalbimin tek sahibine
سعاد:ايي كتحمقني هادي
بدات كتدكر اللحن غمضات عينيهاا وسرحات فالاغنيية وهوماا سمعو لييها وكيرددو معاها بهمس ضاحكيين حتى سلات وقالت:تبارك الله علييك صوتك تحفة والله
ايمان: ربي اخلييك
طولت جمعتهم حتى قرب يضلام لحال وخرجات باش تمشي تجيب حوايجهاا لي بقاو اما لي تقداات خلاتهم فلمارو وسدات عليهم مشات معاها سعاد من بعد مطلباتها منها ايماان بلا متعيق انهاا متقدش تركب فطاكسي قالت انها مكتواصلش معاهم بلغتهم وفعلا مشات معاها وبقات كتسناها تهبطات حوايجهاا وخرجات
سعاد؛ناري باز ليك كنتي كالسة هنا
ايمان؛منقولش ليك كيدوزت هاد السيمانة كاع لي يطيح على بالك سمعتو
سعاد :هههههه شجاعة مع راسك هههه
ركبوو مشاو لدارر دخلات لبييت مسحات لبلكار وكلسات كتستف فيه حوايجها …مرتاحة نفسياا … انها مع بنات كيبانو ضريفين هيا صح مكتعرف لواحد حتى تعاشرييه ولكن مبدئيا بانو ليهاا مزيانين رغم دالك هيا انسانة مكديرش تقتها من اللول بقات متحفضة على اسرارها فلوسها وحياتها الشخصية كتخرج بيهم ودخل بييهم تنعس كديرهم تحت راسهاا فاتروس متوسط
بعدما استاقراات بدات البحت فيين تقراا نقطتها تحت المعدل لمطلووب ولبغات تدخل لجامعة لي باغة هيا الاختصاص الهندسة خاصها تعاود الباك وتجيب نقطة مزييانة غير هدا متقدرش تقراها
مخلااتش هدشي يأثر عليهاا ولتاجئات لحلمها التااني …مبغاتش تبقا كالسة حتى تسالي لفلوس لي بقاو ليهاا قدما طولو غيسالييو
ملي كيصبح لحال كتجمع بلاصتهاا كتلبس وتقااد وتخرج هازة صاكها فييه المهم عندهاا فدار كيبقاو غير لحوايج …لابسة لكاشكوول اسود مغطية عنقهاا دجيين وتريكو صوفي عريض وسخيخن تمشات لجيهت لبحر كلسات فلكرسي مقابلة معااه لجو مضبب كا اكثر الايام الشتوية …تنهدات استنشقات رائحة لبحر او ناضت مكملة جولتهاا مبقا ليها غير تشوف لاماكن لي عمرها وصلات ليهم …لبيران …رغم انها خطوة خطرة بالنسبة ليها هياا غامراات حيت مغتبقاش هكا لا خدمة لا قراية مغيسكنوهاش لبنات فابور وخة بنت بلادهم
تقابلات مع واحد لبار كان صبااح …دخلات كتشوف غير طوابل خاويين والسرباية كيشطبوو فلارض …لمكان شبه مضلم الوان بنفسجية وزرقاء كتشعل فبعض لقنات ….ريحة شراب ولكاروو كتعطي خصوصا ان لبار جا فطابق السفليي كيف كيسميو البعض فلمغرب ب *الحفرة * اي انه مبني لتحت فلكاف
مسحات نيوفها بايدهاا مزيرة على صااكهاا نتاابه ليها شخص من طيارة تعرفو تركي
هاز تسبيح فايدو لابس كوستييم وقميجة بيضة رجل خمسيين كالس فطاولة وقدامو شراب بلون ابيض وتقيوتات كيدوز بييهم …طلع ايماان وهبطهاا …شابة كتفوح منها رائحة الشباب والغنج …شعرهاا مموج على ضهرها …لباسهاا جاي مع جسمهاا الجميل ..ميل راسو كيتسنااها تكمل دورتهاا الاستكشافية بعينيها حتى شافت فيين وتبسم ليهاا
نطق بصوت غلييض :Günaydın günaydin güzel
ايمان :ginaydin
_gel gel (اجي)
قربات عندو كتحك نيفهاا ربت على لكرسيي لي قبالتوو كلساات حداه كدور فعينيها شافت فيه وتبسماات
_ما شا الله شوووك كوزيل
تبسمات لييه وكمل كلاموو وعينيه لاصقين فعينيهاا حرجوها كثر خلاوها تنسا على لهدرة ولات هي ساكتة وقال : كتقلبي على شي حد ؟
ايمان:لااا (سكتات شوي كتفكر لكلام)بغيت نخدم
_تخدميي
حركات راسها بااه وقالت:كنغني
_هااي ما شاء الله شنو سميتك
ايمان :ايمان
_ايمام !
ايمان:لا ايماان نن
_تمام تمام …نتي اشمن بلاد
ايمان:مغرب
هز حجباانوو كيضحك وقال:ماا شاء الله …كتغني قلتي (حك لحيتوو ) سيري لميكرو وغني …كتفهمي التركية مزيان
ايمان:ااه شوية
_كتغنيهاا ؟
ايمان:اه
ايمان:هدشي كافي هههه سيري لتما وغني
ناضت فايتة طبالي حتى لمنصة تما فيها ميكرو وكرسي او وراها الات موسيقية بحال الناي والكمان هادو اكثر لألات حب عند تواركة
جرات لكرسي كلسات …حيدات لميكرو شافتو واش خدام نحنحاات كتقلب فعقلها على شي اغنية تقدر تبدع فيها بنبرة صوتها لي كتعطي اكثر فالاغاني لي كيعلا ريتمهم شوية بشوية …(دارت تيليفونهاا على اغنية ) Aramam * ibrahim tatliss
بدات الاغنية بدون لحن لكن صوتها بوحدو كان كافي يجر انتبااه الرجل وحتى السرباية .كيميل بتسبييحوو ويتنغم بكاسو كانت مغمضة عينيها تحلاتهم شافتو جااي مفرنس اتجاهات وقال:bu ne ..bu ne اش هدشيي ) الله الله …انا صاافي صوتك عجبنيي ونتي كل على بعض زويينة ومريحة لنضر …اندير معاك اتفااق زويين …بغيتك لييوم فلعشيية تكوني هناا يتعرفو علييك الكلياان …الى كنتي عند حسن الظن ف ابتداءا من اليووم راك معاناا …تمام ؟
ايمان(معرفات تضحك ولا تهرب )تمام ههه
خرجاات كتفرنس وضحك ابووحدهاا ملي لقاات لخدمة تافقات معاه 8 تاع الليل تبدا الخدمة .. وفوق هدشي طلب منهاا تلبس لباس يناسب الغنااء …خاصها فهاد لوقت درب كتر على الاغاني والاكترية الاغاني الطربية دديالهم كيحماقو عليهم
مشات لاحد لمحلاات كتقلب فلكساوي لي صولد وبثمن مناسب ليهاا والاكتر من هدشي هوا بنفسوو “جميل ” الشخص لي ستقبلها فلبار عطاها تمن فستان السهرة وانه الى عجباات لكليان غتبقاا تغني ديما ليوم غير تيست ليهم
ثار انتباههاا غوب قصيرة طولها مكيتعداش فوق من الركبة بلكمايم طوال لكن فتحة الصدر عريضة …دخلات قيساتهاا …جاتها اروع من الرائع مع بعض اللمسات ديال لمكياج غتكون فلوك نهائي …خدات ليبة فاللون الاسود متماشية مع لون لغوب لي فلون الرمادي كيبري شوية …خدات كدالك سباط كحل عالي …مشات لدار فرحاانة لقات سعاد كتقاد فضفارها
سعاد:جيتي …امضرا لقيتي شي حاجة
ايمان (بضحكة )لقييييت …وخة ماشي كيف بغييت ولكن تقضي ليا غرااض
سعاد:هنياا عليييك وتقديتي مزال
ايمان:لباطرون عطاني لفلوس بااش نشري غوب لعشية
سعاد:و ردي بالك
ايمان: ماشي مشكيل الى خدمت بلبابيليز ديالك
سعاد:خودي راحتك الزين …انا خدامة هاد العشية ..شوية وتجي امينة من لفاك راه لغدا وجدتوو
ايمان:شكرا اختي
مشات ضرباتها بتدويشة فاعلة تاركة طالقة لموسيقى وكتردد معاهاا …تغداات ومشات كتقاد ضفارها وصبغاتهم بد_م الغزاال مع بياض ايديها كيواتيها …كلسات كتحلم بالشهرة والاضواء
جات امينة قادات ليها شعرهاا موجاتو ليهاا وقادات ليها مكيااج زوين …جمعات صاكهاا لبسات لغوب و السباط وفوق منهم مونطو مغطي لكسوة …صفرات امنية وقالت:وعاريتي الساطة هههه
ايمان: هههه خاص غير لفلوس
طيبات لامينة راسهاا بالأغاني ديك العشية توصلات السبعة طلبات منها باش تمشي معاها توريها فيين وترجع فطاكسي لبات طلبهاا ومشاات هبطات ايماان ورجعات هي فنفس الطاكسي ،ساادة لمونطو وشعرهاا كيديه الرييح بمكياجها ولبسها كتبان كبر من عمرهاا …كتقرقب بطالوونها وعينيها كيشوفو فالاضواء شي داخل شي خارج
دخلات بخطوات تاابتة وبمشية متمخثرة انثوية …حيدات بعض شعيرات على وجهها
العيون كلها توجهاات لييهاا …مكانوش غير الرجاال حتى بعض السيدات او بائعات الهوى مجلخات مكياج لباسهم عاري بشكل فاضح …بدات ابتسامتها كتلغاا بدات كتكلم بنفسها وقال :ويلي انا فين جيت
باغثها جميل بتسبييحو وقال:هوشكااالديين جاانيم ناسيلسين (مرحبااا الزيين كيف راك)
ايمان(بابتساامة غير مريحة)ايييم تشكر دريم (بخيير شكرا)
ابتاسم ليها وقال: geeel geel korkma (اجي متخافيش)
عرفها على بعض الرجاال وفهمات انه كيشكر صوتهاا مشا بيهاا لواحد لبيت وقال: هنا اترتااحي حطي مسائلك باش تغني مرتااحة
ايمان: عندي غير صاك ممكن نحطو حداياا ؟
بقا كيشوف وقال: تماام لي بغيتي …تقديتي اللبسة
حركات راسهاا باه حطات لمونطو وبانت وسط داك اللون فاتنة عينيه فاضحين اعجابو بييها وقال:وااو واووو
كانت فجنب واحد السيدة تماا الظفار طواال شعر اسود مبووكليي لابسة غوب لاصقة وقصيرة حد لفخااض كانو بعض التجاعيد فعينيها مخبياهم بمكيااج كثييف حتى ولات كتباان مرسوومة …شادة كااروو وكتمعن ف ايماان ونطقات موجهة هدرتهاا لجميل بصوت مشخشخ بلكارو متقوليش واش انثى لي كتكلم
_دغياا ضحيتي بسنين معااك اجميل
_لوقت بغات الجديد مرة مرة هدا مكيعنيش بلي جريت علييك
_(شافت فايماان لي شافت فيهاا ) شوفي فياا مزياان حييت غيجي نهار وتكلسي(ربتات على لكرسي )حداياا
ايمان(باستغراب كتشوف فيهاا فهمات كلماتها ولكن مفهماتش قصدهاا ) مفهمتش ؟
_غادي تفهمي الزعرة
بعد دقائق توجهات لبرا حطات الصاك قدامها فواحد لكرسي على مراى عينيهاا كلسات والفرقة اللور عطاتهم لائحة الاغاني لي ديجا طلب منها جميل درب عليهم هوما الاكثر طلباا ..بقات مديرونجية من لهدرة ديال السيدة انهاا غتفنا هناا
هزات عينيها كتشوف كمية الفسااد … شي حوايج مكيبينومهش لينا فالافلاام ….فينما مشيتي كاين واحد لجانب مضلم فاي بلاد … وجودها هنا مغيزيدها لا تعلم لا شهرة تقدر دخل قوت يومهاا ولكن غتشبه صفات سيئة وحياة كئيبة كثر من حيااتهاا …كتشوف جميل شاد طبلة جنبهاا مع رجال شلاغمية كانها كلسة vip بحال رجال العصاباات …تنهداات حيت معندهاش حل يا اما تخدم يا اما تشرد فبلاد مكترحمش
بدات كتغني باحساس ناسية لي قدامهاا كتحرك فوق لخشبة بدون حركات مايعين فقط كتحرك مع لموسيقى واللحن …غنات اغنية حماسية شوية كتشوف غير كرش رجال كتلعب …شي كيشطح شي كيدور بلكاس والشيشة عرفات راسها بلي طاحت فوكر خايب …كتقول فراسهاا اخر مرة نحط رجلي هناا تشد غير خلاص هاد الليلة وتمشي بلا عودة
كانو عيوون مارقبينهاا من بعييد واقف على لكونطوار …طويل القاامة وفورمتو. عاامرة بقميجة سوداء وسروال اسود دليل انه ڤيدور فهاد لباار ..شاد كارو فايدوو مرة مرةة كيتنفس اكسجيين النيكوتيين وسط لحيته السودااء الغاامقة …كاينفخ الدخاان فلهوااء … حجبانوو تݣرنوو فور مسمع صووتهاا …تقدم بعض خطوات تقابل معاهاا كيحرك فكتاافو لعرااض …طفا داك لكارو ورجع نضروو ل ايماان لي بانت لييه بداك الثوب وصوتهاا القوي بحال شي الماسة ماشي بلاصتها هناا …بقا مراقب الوضع بهدوء فقط …
فجأة شخص كيقرب بلكاس ديالو لجيهتهااا ولكارو فايدو …تجاوزاتوو كتغني وحاضية معاه ترجع عندها هزات عينيها فجميل كيغمض ليها عينيه بمعنى شطحي معااه لكنها معطاتوش اهمية
هزات ايدها كتغني حتى شدهاا. الشخص بغا يشطحها بزز ولبااس …نترااتنا منوو بغات تعطيه بالظهر وجرها بنتير وقال بتركيتو المايلة بشراب:شطحي معاااياا ازوينة
ايمان:لااا هبط علياا
_شنوو ؟
دفعاتو : هبط هبط
بغات تكمل لغناا وصاح فوجهها دافعها وقال:متقوليش لياا هبط اتشطحي معااياا
ماشي من لعاكزيين جراتوو من قميجتو ودفعاتوو طرشاتوو حتى لموسيقى وقفاات بغات تهبط تجرها من شعرها وغوتات ..
صافي هنا عرفات بليي غدوز اكفس ساعة فحيااتهاا
جرها عندهااا ولبنات كيضحكوو ورجال متعيين نطق الشخص وقال: غتشطحييي غتشطحيييي (هز ايدوو وصرفقهاا مع بغا يعااودها شدات ايدوو لوااتهاا لييه بكاع جهدهاا وعطاتو برااس لنيفوو تغوت هزات رجلهاا ودفعااتو كلشي كيشهق اش هاد الجرأة حتى من جميل وقف عينيه خاارجيين فييها …بقات كتشووف فلاخر حتى نااض كيمسح الد_م من نيفوو كيضحك وقال: مزال متروضتيي ؟ جميل اش هاد السلعة زويينة هممم
كلشي ضحك رجعات بخطوات اللور حيت عرفات راسهاا مكاينش لي يعتقهاا ..جاي الاخير كيقرب ليهاا وقال: خلاصك غااالي
بغات تهبط لكنو شدهاا من شعرهاا حتى غوتات بغات دور لكن حكمهاا كيجر فيهاا لجيهتوو وهي معافرة معاه مقدر تاحد يدخل حتى سمعاتت زدااف وراها او وصلهاا لعود لي تهرس قداامهاا
رخا الرااجل من وراهاا دارت بالزربة بصدمة حتى كتشووف…مغطي بكسدة رجل عاامرة بلباس الاسود كيدخل فاللكماات لرااجل بوحشيية
هزوو بعصبيية خشا لييه وجهوو فلكرسيي هنااا تروناات الدنياا دخلو جوج رجاال من طرف الرااجل
نطق الشخص موجه هدرتو لايمان بصوتو الخشن غالب عليه الغضب: شنووو كتسناااي خرجيي من هنااا
كانت ليه سمعا وطاعة من الخوف خلاتو مضارب مع جوج تاع الرجال وهي هرباات بغا يحبسهاا جميل خبطاتو بالصااك وهربات كتجري بلا مدروو وراهاا كتنهج وكل مرة دور وراهاا عكلها السبااط وحيداتو ولبرد كيسمر فيها من كل قنت …تخبات على لباار و وقفات كتشوف فايديها كيترعدوو ….طاحو دموعهاا كتبكيي بخووف حيت فلحظة ظلامت الدنياا فعينيها …عاد طلعات معاها ان لي دافع علييعا مغريبي وصوتو وخة وسط الغضب كتاكد فدماغها انها فايت سامعااه صوتو مميز …ياله كتحاول تفكر سمعاات صوت وراهاا لجوج ترجال بلبااس موحد بحال لي كانو فلبار كوستيمات كحليين او وجههم كيخلع
_اووو فين هربتييي …حصلتي
تقدات فلوقفة كتشوف فيهم دارت حركة الدفااع وقالت: متقربش
ضحك واحد فيهم كيقرب وجبد موس من ورااه وقال: نلعبوو شويية ! الشاف ديالي تقييل وامرنا باش نخسرو ليك وجهك حيت خسرتي ليه وجهوو
قلبها غيسكت هي بحركاتها وهوما بمووس ! معمرها عاشت صراع حقيقي من غيرر فالامتحانات تحت اللجنة هدشي معمرها عاشتوو …كتمسح دموعها ملتازمة بلقوة : غتندمووو الى قرببتوو
باغتاتها يد من ورااهاا جرها من خصرها مرجعها اللور و قدامها بظهر عرييض معرفات باش تبلات حتى لقااتو مغطي عليهاا الرؤية …دار ايدو رواه وجبد موس من حزام السروال وهي مصدومة غير كتشووف…سرح ايدوو وحل داك لمووس لدوك جوج لي قداموو وقال بتركية: شكون يسبق فيكم ؟
(ميل راسوو فجنب لايمان وقال:هادي هي هربيي !…قطعي طرييق وتخباااي فواحد الزنقة بين جوج ديوور
رجعات باللور منفدة كلاموو بغاا يمشي ليها واحد منهم ولكن معرف امتى لقاا راسوو مجرور من عنقوو مقجوج ضربو بلمووس لفخضوو تغوت ومشاا لتااني كيلعب ب لموس قدام عينوو وقال: تجرب !
بقا محاصرهم بجوج اما هي دارت شنو قاليها قطعات الطريق حفيانة كتجريي تدخلات وسط ديوور زناقي خاويين زلقات على ركابيهاا وتحردات ليبة تقطعاات وناضت كتعرج حتى بانت ليها زنقة مظلمة و دخلات وقفات فالظلمة كتنهج سادة فمهاا من لبكاا والخوف
سمعات لحس مقطووع دازت 5 دقائق على حالتهاا تنفساات بدات كتقرب جيهة لقنت تاكد ان الدنيا خااوية حتى كتجرها ايد اللور قبل متغوت تسد ليها فمهاا وتجمعاات مع لحيط وجسم صلب قدامها قبل مدير اي حركة دفاعية قال:ششش متحركيش راه باقيين كيقلبوو علييك …(بصوت غضب )واش عاارفة فيين لحتيي راااسك ولا لا شنوو جااب ديلمك لهااد لخنز شنوو
خرجو عينيهاا وهي كتفرز شكوون وخة وجهو بالظلام مبااينش ولكن ميخفاش عليهاا صوتو الجوهريي خشن وجسموو الرياضي وطولو الملفث …شافها سقلات بدا كيبعد ايدوو خلا ابهاموو على شفايفها تبغجهم وقال:غنحيد ايدي ومتدوييش (بهمس)وخة
حركات راسها باه …جر صبعو جار معااه شفايفها لي لصقوو عليه نطقات معلية راسها تشوف ملامح وجهوو وقالت: ولد المحمدية
سكت شوية ورجع صبعو لفمها كيسمع خطوات فالزنقة ونطق بهمس قريب لودنها بورش احاسيسهاا واوتارهاا: بان لياا راسك قااسح ومكتسمعيش لهدرة …ا ايمان
بقات ساكتة مغمضة عينيهاا محاصرة من الخلف بلحيط وقدامها محاصرة بجسمه لي مغطيها كاملة لتازمات الصمت وجيوبها الانفيية تدوقات ريحتوو لي ممزوجة ب رائحة لكارو ..
بعد شوية مكيديرش لحس خلاها فوضعيتها لاصقة فلحيط غادي تموت غير بلبرد ولخلعة هاد نهاار …متبعا خياللو فالظلام حتى طل فضوو ورتاحت نسبيياا ملي شاافت وجهو …حتى صوتوو منسااتوش لهاد الدرجة انسان عادي الى دار معاناا جيست زوين مكيتنسااش حجبانو عراض كحليين ..لحية سوداء كثيفة ..عيونو البنيية ليي لونهم طاغي وسط شفارو لكحليين وبشرتو الخمريية …مزيج من الرجولة تشكل قدامهاا فمواقف كانت محتاجة لي يجرهاا
رجع عندهاا شد ايدها وقال:اجيي
تحسس ايدهاا لقاهم كيف التلج طلعها وهبطهاا وهوا كيحيد لافيست عطاها ليهاا لبساتها كترعد بلا كلمة شدات صاكهاا تابعااه ورجلها كتعطيها لحرييق …كيتمشااو بشوية مرة مرة تهز عينيهاا فييه …مزال مجات عينها فعينوو ملهيي كيشوف هنا ولهيه
_خاص مك غير لمافياا تبعك
ايمان:مافياا ؟
_لاا اختي بغاو يلعبوو معاك شوية لقاوك ناقصة حمااس
خاصو يقطع الشانطي باش ياخد طاكسي لديك جيهة …فعلا جرهاا بخفة حتى من بعد موقف ليه طاكسي فجيهة لخراا
غادي كيجري بييهاا حل ليهاا لباب حتى كيسمع جوج كيجرييو قاطعين طريق تلاح حتى هوا فطااكسيي وديماراا مول طاكسي قبل ميوصلوو علييه كطل عليهم من شرجم حتى وقفوو مليي هربو علييهم
نطق مول الطااكسيي موجه هدرتوو ليهم وقال :Her şey yolunda mı (واش هانيا لوقت
نطق الشااب بهدوء : Herşey yolunda Allah’a şükür (كلشي بخير الحمد لله)
غير نطق تفكراتوو ودارت عندوو لقاتو حاط راسوو على القنت تاع الزااج حيد لكاسكيط كيمسح وجهو وقالت:شكرا بزااف
تقلب عندهااا وضو فاصل بيناتهمم …بعيون زرقاء بااكية كتشوف فعينيه بتوتر من هاد لعين لتاانية مسلوببة بنضرتو القاسحة وخة ملامح وجهو مرتاحيين …كتحس انه معصب و باغي يغوت من حجبانو لعرااض و عينيه لمدورين بشفار سوداء كانه مكحلهم بالليل …اما هوا فعلا كان معصب …لانه لا يمكن بنت بحالها تلاح لداك لقنت وهي عارفة شنو كيوقع تماا
تجاوز شكرهاا وقال : شنوو مشيتي كديري تماا ؟
ايمان:محسابلييش غيوقع هكا
_شنو كيحسابلييك غادي تغنيي ل فقها ولا ؟
ايمان: عاونتيني …شكرتك …علاش كتغوت علياا بالسلامة …وقف هنااا وقف
وقف الطاكسي وهبطات كيسوط فيها لبرد نسات راه لابسة لفيست ديالوو داز من حداهاا طاكسي حساب ليهاا واش مشاا حتى جرهاا اللور من ايدها وقال: فين غادية فييين
ايمان(خلعهاا )واش حماقيتي غير نتاا غتركب فياا لخلعة هوما كيجيو فاص نتاا كتغفل
شافييهاا عض على لسانوو كيضحك وقال:سمحيلياا …ولكن راه تعصبت …منبغيش نشوف بنت بلااديي وسط دوك شمايت فدوك لبلاايص لمشبووهين
مسح على لحيتوو وقال:اجي نحيدو من طريق
تبعاتو من داز اختاصر طريق من فوق لكازو حتى توجهو لكرسي …حداهم جريدة او قدامها كورنيش كيطل على البحر لي ندى ديالو واصل ليهم …كلساات كترد النفس ولبرد مرة مرة يطير شعرهاا …بقا هوا واقف مدة شاد جنبوو حتى تهدن وكلس وقال:
ايمان: ونتا شنو كنتي كدير تماا
_ كنت خدام …دابا جراو علياا
ايمان: بسبابيي …سمحلياا
_(سرح ايدو فوق لكرسيي وكيربت برجلوو اشار ليها بايدو بمعنى هاانية وقال: حتى نتيي الراجل كي لفاس فينما كان يحفر …ولكن نتتي لاا ماشي بلاصتك ..ابدا
ايمان: ملقيتش
_نتي صوتك زويين مضيعيهش فبلايص مسخيين بحال هكاا …
ايمان(تنهدات )مخليت فين قلببت وخاصنيي نخدم باش نخلص لكرا
_(شاف فيها وقال: شنو جيتي ديري فتركيا !
ايمان: جابتني لوقت وصافي ونتاا
نطق وقال: جينا نخدمو على راسناا
ايمان: ودابا خرجت ليك على خدمتك (باسف )سمحلياا
_هاديك غير معدي بييهاا واصلا خدام خدمة اخرى بنهاار ماشي مشكيل خيرها فغيرهاا…حم شوفي ايماان
ايمان: عاقل على سميتيي
تبسم ليهاا وقال : كاينين حوايج مكيتنسااوش بحال الطرشة لي عطيتيني وسط لبحر
ضحكات بخجل وقالت: ههه الى بقات فيك رجعها وتنهاا
_حاشاا …سمعينيي الخددمة بليل وهناا بالضبط ا ايمان راه خاايبة …سوليني اناا ليي سكنت فيها شهور هادي …قلبي ليك على شي خدمة تنااسبك كتقرااي ؟
ايمان(بتنهيدة ) طلبو مني نقرا اللغة عام …باش ندخل لجامعة هناا
_قراي فبلادك حسن ليك منهناا …الغربة صعيية علييك بزااف ا ايماان
ايمان(بسهوة)حتى فبلادي راني مغربة شنو لفرق كيف تما كيف هنا راني بووحدي
سكت شوية وقال: مكاين تا شي حد فعائلتك هنا
ايمان(بابتساامة هازة وراها حزن كفيل )هادي لي قدامك حسبها مقطوعة من شجرة من نهار ماتت مي
_الله ارحمهاا…(مبغاش يدخل فتفاصيل كتر شاف نبرة صوتها وملامحها تبدلوو) شي مرات دنياا كتكون قاسحة عليناا ولكن مخاصناش نتلاحو فاشما كان باش نتسماو عايشيين
ايمان: هادي اخر مرة ندور جيهة هدشي (بخوف)واش غيقلبو علياا
_حاولي تبعدي من لبيران دابا عرفوك كتغني قلتي ليه سميتك (حركات راسها باه ) نتي بعدي من هاد دومييين
ايمان: ولكن راه حلم حياتي نغني
_مقلتش لييك بعدي من حلمك ..صوتك زويين سيي يستااهل يباان ولكن فتلفاازة وقدام العقوول الرااقيية والنااضجة ماشي واحد سكراان يسمعو ليوم ينسااه غداا
ايمان(هدرتو مقنعة لدرجة ملقات اش تقول ) خاصنيي بزااف باش نوصل فين قلتي
_طريق لي كتكوون غادية بشوية ا ايماان …كتكوني عارفة فين حطيتي رجلك حتى الى رجعتي اللور مكطيحيش كتعاودي تزيدي لقدام الى خدمتي على راسك …اي واحد فدنياا عندو حلم باغي يحققو …وكيف ديما كاين طريق سااهلة وكاينة طريق عامرة شوك ولكن فاللخر كتوصلي انا نفضل ندوز لكرفيي ندوز تمارة باش نوصل لشنو بغييت نكون واقف على الصح ماشيي الى طحت نريب كلشي ..فهمتيني
ايمان(عجباتها هدرتو مرزنة وتايق فراسسو تبسمات ليه وقالت )فهمتك والله …حتى انا مبغيتش هاد طريق هاديي …غير خاصني نخدم
_بغيتي تخدمي …غادي نضبر ليك على خدمة تستااقري بيها فهاد لبلاد …تعرفي منين دخلي منين تخرجي تعرفي نااس …وهنا يجي وقت تحققي شنو بغيتي
ايمان: شكراا ربي اخلييك
..انتابه لرجليهاا ملابساش والوو من غير الليبة او ركبتهاا مجرووحة ..تلغات ضحكتو وقال: واش طحتيي و حفياانة من قبيلة
ايمان: طحت ملي كنت هاربة وسباط مخلانيش نجري ضبرنيي
_(جبد كلينيكس من جيبو جديد ومدو لركبتها حطو عليها تقالت اي وقفزات )نديك لسبيطار ! يكما مقسحة بزااف
ايمان(بالم حطات ايدها على ركبتهاا )لا لا انا بخير
_ كتلعبي شي صبوور ؟
ايمان(ضحكات)عندي لا سانتيغ نواغ فتكوانضو ولكن دوك لهيووش خاصهم هيوش بح (ضحكات كتشوفو كيشوفييهاا )مقصدتش نتاا هيش زعمة …لمهيم (غطات وجهها كضحك وسدات فمها )سمحلياا عفاك هههه مقصدتش
_ضحك كيشوف قدامو قوال: هانية اسندريلا
ايمان:هههه
ضحكات وقالت: نسولك سؤال !
_مرحبا
ايمان: واش نتاا بصح زووهري !
سكت شوية وقال: شكون قالها لييك
ايمان: مي الله ارحمها نهار شافتك فلبحر قالت لييا هداك لولد يمكن زوهريي …
_الله ارحمهاا … معرفتش كيقولو زوهري وهدشي علاش طجييت من لمغريب فخطرة اصلا
ايمان: علاااش
_مرة خرى كنجبد الموضوع كنتعصب
ايمان: على خاطرك
لقاتو كيشوف فيهاا وتبسمات لييه .. مكتقدرش طول الشوفة فعينيه بزااف اما هوا قال: سبحان الله عينيك زوينين و لونهم زوين (شافت فيه بابتساامة خجولة مجاوباتوش )
تبسم ليها ولدوك لعيون لي كيبرييو بضو لبولة فوقهم وقال: هاكي (حط سبرديلتو وبقا بتقاشر بويض )غرقي فيهاا ههه
ايمان: لا لا ههههه غير خلييك بيهم
-ماشي مشكيل سخني رجليك بييها مشافك حد هههه
لبساتها سخوونة وقالت : شكراا شحال كتلبس ههه
_44
ايمان: شو كيجاتني انا 37
شاف فساعتوو وقال : مشاا لحال اجيي نشد ليك طااكسيي
تبعاتوو ساكتة كتفكر فلمسافة والليل وبوحدها فطااكسي بقاو مدة واقفين حتى بان ليه طاكسي شير ليييه او وقف جنبهم حل ليها لباب اللور وقالت بتردد : غنمشي على رجلي
استغرب وقال: فين ساكنة !
ايمان:***
_ كضحكي علييا راه بعيد لحاال طلعيي
ايمان: والله غير خليني
_ركبي ا ايمان من لهضرة …راه مغنخليكش تمشي بوحدك فهاد الليل
ايمان: و الطاكسي ماشي بووحدي
_شكون قالييك غتمشي بوحدك غنبقا معاك تنوصلك وتعطيني سبرديلتي اشريفة
ضحكاات وقالت : وخة
ركباات وركب هو لقدام عطاه لعنووان وركبات مرتااحة حتى وصلوو لحدا فين ساكنة هبطو وخلص وقال: يكما عارف لعنوان تاع دارك !
ايمان:لاا لا مقلتهاش
حرك رااسو بااه تمشاا معاها توقفات وقالت: صاافي وصلت
بغات تحط سبررديلة وقال :خليك لبساهاا راه لبرد انا راه ساكن قريب لييك غير غادي نتمشاا
ايمان(حيدات لافيست مداتها لييه وخة امتانع عطاتها لييه وقالت :صافي عطيني نمرتك نغسلهاا ونجيبها لييك
_ مرحبباا
جبدات تيليفونهاا كتقيد نمرتوو وشافت فيه كضحك وقال: مالك
ايمان: شحال من مرة تلاقيناا عمري عرفت سميتك كنقوليك غير الزوهريي
_يااك الالة مجاتش لفرصة نتعارفوو
ايمان : فعلاا …مجاتش لفرصة نشكرك على داك نهارر (بحزن )فلمقبرة …درتي معايا جيست زويين عمري نسااه لييك
_اي واحد يدير معاك لي درت
ايمان: تيقنيي بليي اقرب النااس مداروش معاياا شوية من لي درتي فجوج مرات فاش تلاقيناا …شكرا قليلة فحقك
_ متحتاجيش تشكريني ا ايمان
ايمان(كدور عينيها على شفارو حمقوها )هادوك شفارك ؟
_لاا ملصقهم ههه
ايمان: زوينين ههههه
_بديتي كتحرشي بياا الانسة وهدشي غندعيك علييه
ضحكاات بخفة وقالت: قلت ليك لي كااين
_والى قلت ليك انا عينيك عمري شت بحالهم
صقلات بحشمة ورجعات شعرهاا ورا ودنيها وقالت: شكراا ههه
_هههه ياله سيري طلعيي
ايمان: تصبح على خير
رد عليها كداالك حلات لباب وسداتوو بغات ترجع التيليفون لجيب وتفكرات سميتو مقالها رجعات حلات لباب لقاتو عطاها بالظهر غاادي وقاالت: مقلتيش ليااا شنو سميتك
تقلب عندها كيضحك كيدير فلقب وقال: حذيفة ….(غمزها مع ابتسامة ومشاا …مخليها مبتاسمة لطيفو
**
يرتدي الأسود لوني المفضل ..فيتساوى لون شعره ولحيته وعيناه مع سواد قميصه ..
وجهه يتوهج نورا من بعيد ويشع بين الارجاء.
**
يارباه هل خلقت قمرا أخر يسير بيننا ؟
ضحكاات وسدات لباب وراها طالعة شادة فايديهاا سبرديلة …طلعات بجريي لدار حلات بشوية بالساروت ودخلات لقات كلشي نااعس …حطات سبرديلة فبلكار سبابط وتوجهات لدوش حيدات الليبة وكبات على رجليها لما سخوون لقاتهم حمريين بلبرد
تقابلات مع لمراية وهي تشهق كضرب فراسهاا على حالة وجهها كي داير
اي بنت مكتحملش يشوفها شي حد مجرتلة اما ايمان راه كان لكحل مزرق ليها تحت عينيهاا بدموع …كتشوف فلمراية وتفكرات كيفاش دافع عليهاا بديك الطريقة …تدكراات ملي وقف قدامهاا محامي عليهاا…شي حاجة لي عمر دارها شي حد
هي انثى وخة تقدر حاليا دافع على رااسها ولكن ديما كتبغيي لي يكون فجنبها قوا منهاا …كيبان سنو صغير ماشي تلاتيني رغم اللحية الكثيفة مزال كيبان صغير ولكن صوتو القوي وهيبتوو الحاضرة قوتوو هدشي كافي يبينو مهيب فنظرها
ضحكات وهي تفكر ملي بلاا متحس سماتو هيش عضات على فمها كضحك وتفرنس …معمر شي حد قرب ليهاا لهاد الدرجة تدكرات ايديه على شفايفهاا ..تبسماات بخجل انثويي وتوردو حنيكاتهاا
فداخلها طفلة محتااجة لحنان وخارجها انثى محتاجة الاهتمام ولكن هدشي مكيعنيش انهاا تغرمات بييه ولكن من طبعهاا الى عجباتها لحاجة كتقول عجباتنيي وساليناا
غسلات وجهها بالصابون مزياان وجمعات شعرهاا
مشات لبييت حلات بشوية كتنعس حداها امينة اما سعاد واخدة لبيت لاخر بدلات عليهاا حتى فاقت امينة مكمشة عينيهاا فايمان وقالت: جيتي ؟
ايمان: يكما فيقتك
امينة(تاوبات)انمشي لطواليط ونجي
مشات خلاتها لبسات سورفيت سخونة بيتية وكلساات مربعة فوق السرير كتنهد …حتى دخلات امينة شعلات الضو بدل لفيوز لي كان شاعل وقالت: ايمان ؟ مالك
ايمان(شافت فيهاا ): كان عندك الصح …ديك لبلاصة مافيها ميدار
امينة: اش وقع !
ايمان: عرفتيي واحد لحالة تشوفيها تهربيي …لبنات كيتلاحو على الرجال …الشرااب ولمسخ …هدشي كلو دوزتوو …كنت كنغني حتى تلااح علياا واحد قاليك شطحي معاياا بزز دفعتوو وجرني بزز ملي طرشتوو …وهوا يجرنيي من شعريي طرشنيي …تلاحيت علييه ولكن غفلني الحمار وشدني من شعري
امينة:اويلي الصكعة وشنو فكك
ايمان: تدخل واحد لولد فيدور فلبار هلكو عصا هوا وجوج رجال ديالوو
امينة: وااش معقوول …اويييليي على شوهة ناريي داكشي تاع العصاباات واش فرااسك بليي تواركة الحراار خلي عليك لبراهش …سلاح عندهم كي شريب لما
ايمان (خافت )قالها ليا حتى داك لولد قاليا طبعهم خايب بزااف …معمر يحساب لييا تواركة هكاا عدوانين لهاد الدرجة
امينة: فينما مشيتي اختي كاين لخيب وزوين غير هادو حكارة مكيبغييوش لعرب كتر …بزاف تاع لبنات كيجيو يخدمو هناا فلبيراان تيقوليك حوتة كتخنز شواري داكشي علاش لي خدمات تما كيحسابهم صافي راه جات تخدم وتعراا
ايمان(سهات )الله احسن لعوان ا امينة وصافيي تاحد مكيبغي ديك طريق غير هكاك
ايمان: المهيم حفضك الله
ايمان: عرفتي كونما كان داك لولد والله حتى نشابكو انا وياه ليدين ولموصيبة كلشي كيشوف ويضحك عجبهم لحال
امينة: درتي ليهم الروااج …ايماان راه مبغيتش نقولها لييك ولكن اختي هاد الدومين لي بغيتي نتيي وخصوصا فلبيراان راه مغتاخدي حتى تعطيي …خاصك تولي بحالهم…تشربي وتسكريي وتزيدي تعطيهم
ايمان(تبورشات )وخة نبقا بجووع
امينة: كون شفتي شي برنامج تاع الغناا دوزي فييه
ايمان(تنهدات كتلعب بصبعها فلفراش ) قبل منجي كان تيبان لياا كلشي غيتقااد السعاتي مبان ليا والوو
امينة: حتى واحد مكيوصل دغياا ضروري من الحجر فطريق …المهيم خرجات طريففة وبعديي من هدشي كااع …لولد حتى هوا تركي
ايمان: لاا مغريبي يا ختيي هههه جاب الله كان …هاد لولد كنعرفو من لمغرب
امينة :حلييفي ياااه سبحان الله ياختي …المهيم نجاك الله وكتاب لييك عمر جديد ابنت الزطااط هههه …نعسي نعسيي يصبح ويفتح
طفاو ضواو وبقاات متكيية شادة التسبييح تاع نعيمة..غير طيح فبالهاا عينيها تورموو بدمووع وقلبها يتيزر عليهاا
…
صبح لحال مشاو لبنات لشغلهم وهي ناضت جمعات الدار فطراات وغسلات سبرديلة وحطاتها فشرجم تنشف كانت داخلة شميشة دافية من شراجم كالسة حداهم كتنهد ..ناضت لكوزينة تلها شوية دارت لبنات لغدا طاجين والعصير وبقات مقابلااه
فلعشية خرجات كتقلب على خدمة فينما كااان لمهيم تعمر جيبها تيحن الله والوو واش لقاات مكيعطيوها حتى وقت
رجعات ادراجهاا لدارر لقات سبرديلة نشفاات كلساات جابدة نمرتوو …ياله بغات تصوني طفا التيليفون سااطت بغضب وقالت: ماشي وقتك ازبل تفوو
جابت الشارج بزز خدم ليهاا تسنات حتى شعل وجبدات نمرة حذيفة ودارتو فودنهاا كيصوني
تسنات مدة حتى جاوبها بصوت هادئ قال: الوو
ايمان(تقدات فلكلسة )الوو حذيفة !
حذيفة :ويي …ايمان
ايمان:ااه …صافا.
حذيفة:قطعي نصونيي لييك
حيدات التيليفون من ودنهاا قطعات باستغراب وقالت يمكن مامسالييش ياله بغات تحطو رجع صوناا …جاوباتو وقالت: الوو
حذيفة: صافا ايمان اش خباارك
ايمان: لبااس الحمد لله ونتاا
حذيفة :اللهم لك الحمد …مشات لخلعة
ايمان: هههه مشااات هاد السااعة .. مساليي بغيت نعطييك سبرديلة ديالك راه نشفاات
حذيفة : واحد شوية ونجيي عندك
ايمان:صافي وخة
ناضت لبسات عليها سورفيت مشطات شعرهاا لبسات سبرديلتها وهزات الصااشية وهبطات بقاات واقفة حدا الدار حتى بان ليهاا جايي لابس حتى هوا سورفييت كحلة هاز ليها لكمام شوية …لابس تقاشر بيضين مع صندالة اديداس كحلة …كيحك فعنقوو شعرو كان مخربق طويل شوية من لقدام ومرجعو اللور قاد شعرو ورجع لكاسكيط كحلة..لحيتو المبعثرة سوداء كيف الليل .. كيتمشا لنااحيتهاا ..تبسم ليهاا وقال:سلاام
ايمان(من صوتو كان باين ناعس )يكما ديرونجيتك
حذيفة: كاين شي حد غديرونجيه نتيي
ايمان:هههه معرفت (مدات ليه الصاشي ) شكرا على لباارح …مرجعتيش لخدمة
حذيفة (حرك راسوو بلا ) لاا …نتي شنو درتي !
ايمان: والوو لي مشيت عندو كيقولي خاصك ديبلوم خاصك خاصك وانا هد الساعة معندي والو
حذيفةحك لحيتوو كيشوف فجنابو وقال ): تبغي تخدمي فواحد السنااك مولاتو مغربية
ايمان: واللغة راه مكيبغيو يتواصلو حتى بلغة خرا قليل
حذيفة: شوية بشوية غتعلمي …هي كتعاون المغاربة صراحة وخة سناك على قد الحال
ايمان: معنديش مشكيل لمهييم نخدم
حذيفة(شاف فيها كيخربق فتيلي)وتكون حلال
ايمان: ضروري
حذيفة: صبري شوية تجاوب…الوو …الوو مدام فاطمة صافاا …الحمد لله بخيير ..امورك مزياان …لا لا كوني هانية وصلت لييك السلعة تالباب دار كوني هانية …قولي لياا خصاتك شي بنت فسنااك …سيي مغربية …شوية ماشي بزااف عاد جاات مزال تالفة شوية فاللغة ولكن تعلم ماشي مشكيل …(شاف ساعتوو ) تجيي هاد لعشية ؟ وخة وخة صافي
ايمان(بترقب )شنو قالت
حذيفة:خاصها بلاصة سرباية …
ايمان:نخاف غير نروونهاا والله
حذيفة: مخفتييش اناا معااك
تبسمات بلطف وقالت: نتا غتكون تماا !
حذيفة: كنخدم تما بنهار
ايمان: وفلعشية كتخدم فداك لبار
حذيفة(تبسم ليها ) كنت خدمت فيه غير شهر
ايمان: جيت انا جرااو علييك …تخاف غير تديني ويجرييو عليك تاني ههههه انا راه تابعني النحس باش تكون فبالك بلا ما نجرك معاياا
حذيفة: تت متقوليش هكاك …الرزق بيد الله …الى كنتيي مسالية ياله نمشييو …نلبس عليياا ونلقااك واجدة صافي
ايمان: وخة
طلعات بزربة بدلات السورفيت بدجيين وتريكو فوقو كويرة ظفرات شعرهاا .. رشات شوية من ريحتهاا دارت كلووز و ماسكارا شوية فغاجو وخرجات كتلقاه واقف داير إيديه فجيااب زاد عليه غير سبرديلة وكويرة كيتسناهاا
ايمان: مشيناا !
حرك راسو بااه وشدو طريق حتى شدو طاكسيي وقفو وسط لمدينة قدام سنااك من قهوة برا وسناك لداخل …مكتوب اكل مغربي وعالمي
دخل حذيفة لداخل وبقات ايمان واقفة كدور عينيهاا فالناس تعيط لييهاا تبعاتوو لفووق ..شافتها فاطمة المغربية سيدة مقيمة بتركياا ملي تزوجات بتركي من شحال هدا …فتحات سناك شوية بشوية كتكبروو وكتحل بابهاا لمغاربة بالاكثر
فاطمة: لمهيم غتبدااي معانا ليوم ومن بعد الى عجباتك الخدمة وملقيتي حتى مشكل نتفااهموو على كلشي
ايمان : ؤك
فاطمة: حذيفة غادي يوريك اشنو ديري
خرجو من عندهاا دوزها لفيستير عطاهاا جيليي خاص بسرباية مكتوب فييه اسم سناك
خلاها كتلبس ورجع عندهاا ب بلوزة بيضة وقال: واجدة
شافت فييه وضحكات وقالت: كد_بح الدجاج هههه
كيجمع فلكمايم وكيضحك : كنطيبوو ههه …صافي واجدة انعيط لييك على لولد لي غيوريك شنو ديري حيت انا حدي لكوزينة صافي …طارييق طارييق
ايمان: واش طارق لمصور
طارق جاي بجيليي شاب فاواخر لعشرينات داير نظارات تاع الشووف و لي بااݣ لسنانو لفووق وقال: ايمان !
ايمان : سلاام(مدات ايدها ليه سلمات )لباس
طاريق: الحمد لله اش خباارك …شنو كديري هناا
حذيفة: ماشي وقت لهدرة داباا وريها شنوو دير
فعلا تمشات قدامو وراها تمسح طبالي وتحط لموني وتقادو وداكشي لي دارت كتستقبل لكليان بضحيكة وكتحاول تدخل راسهاا بزز …كتعلم والى معرفاتش شي حاجة كتعيط ل طارق اما حذيفة كتشوفوو لدااخل كيقطع وكيطيب مشغول فجيهة طياب ..كتشووفو. غير لبغا يعطيها شي طلبية ديال لماكلة
حذيفة: يكما عيتي
ايمان: شوية
حذيفة: غتولفيي (تبسم ليهاا وكمل خدمتو وحتى هي وصلات الطلب
مرة مرة حذيفة يهز عينو فييهاا يتبع حركاتهاا وضحكتها مع لكلييان …بانت لييه انسانة زوينة قلبا وقالبا دغيا كدخل لخاطر ودير بلاصتهاا مغاديش تمحن فحياتها بزااف على ظنو
مامطالعش على ماضييهاا الاسود ليي معارفو حد من غيرها
مرة مرة يدور معاها شخص تلوحهم فجيب لبلوزة وتكمل …لحال بدا كايظلام …عيات بلوقفة ولكن معندها مدير خاصها تخدم باش ياله تقدر تعيش لفلوس غادين كايتقاداو ولغربة هي هادي …مكترحمش
نهار على نهار بدات كتفهم وتوالف الخدمة ..ولكن احلامها مزال كتسنا تحقق
فصباح احد الاياام تسيفطات مع لبناات لي عندهم عرس خوهم وجات مع العطلة عندهم …بقات فدار بوحدها طاحت عليهاا كآبة الدنيا كلهاا …تكمشات فبلاصتهاا كتبكيي وتنخصص علاش لا واليوم اول دكرى لموت نعيمة
” بعض المواجع تفطر القلب دون أن يشعر بك أحد، فتشعر كأنّ روحك قد خرجت من داخلك، هكذا عندما فقدتُك.. لقد مرّت سنة.. ولم يتغيّر شيء أبدًا “
طيبات عينيهاا بلبكا حتى مقداات …كانت كتحاول ما امكن تلهي راسها بلخدمة لخروج مع البناات باش غير تنساا هاد نهاار ولكن كيتصادف مع عطلتهاا فلخدمة و سفر لبنات مكاينش لي يونسهاا
نهار كلوو دوزاتوو بكاا قدام دكرياتها وتصااورهاا وفيديوواتهاا مع نعيمة …رجعت لقوقعتهاا كان جرحها تحل من جديد رجعات سودوية داك نهار الكئيب فحياتها نغالقات على رااسهاا لمدة من الزمن تيليفونها محاولاتش تهزوو ولا تفوج بييه شوية ..
من بعد نهار على نهار بدات كترجع طبيعيية وخة غير من براا كتمشى حدا لبحر كتخرج مرة مرة مع لبنات لي رجعوو من السفر ..مقادراش تولف جو غربة تركيا بالأخص جاتها فشكل …كانت كتسمع انها ولافة ولكن هي لعكس جاتها تقييلة على القلب ولكن معندها مادير من غير تهز راسهاا
داز على قدومهاا ل تركيا شهراين …لييوم 14 فبراير كل وحدة من لبناات خرجات رفقة شخص معين كيعني ليهاا …اما ايمان ف نفاردات مع نفسهاا قدام امواج لبحر …كتفكر ان هاد التاريخ لي كيعني الحب بالنسبة للعشاق …هوا كيعني لييها تزادت بدون رغبة فغلطة عملوهاا تحت مسمى الحب
نيفهاا حمر بلبرد مكمشة فلمونطو وكتشوف لورد قدامها غير كيتشااير فينما داز شي كوبل تمشي مرة تعطيهم وردة من السلة بقات غير كتشووف …لاحظات بلي عمرها تمناات شي شخص يكون فحياتهاا
عمرها فكرات انها ممكن شي مرات تبغي شي حد حتى هي وتعيش قصة حب كيفما الافلام والروايات لي عامرين بييها …معمر مكان بين احلامها راجل …ولكن علاش كتشوف معظم البنات كيقلبو على الحب ويقلبو على الرجل المثالي ..واش شي حاجة مهمة فحياة البنات
سؤال معرفاتش جوابوو فقط متبعة بعيونها الزرقااء جوج غادين جوج جايين وهي فبلاصتها كرمات بلبرد
تنهداات بحزن انهاا تااني بووحدهاا فيوم بحال هداا وقالت فنفسهاا …واش غنبقاا حياتي كلها بوحدي ؟
هبطات دمعة من عينيها خلات بياض عينيهاا يحمار دغياا ..ميلات راسهاا كتمسح دمعتهاا حتىى كتجي من وراهاا ايد رجولية ب براصلي اسود فلمعصم باصابع نضيفة ودراع مزغب شوية هاز فراحة ايدوو كيك صغير فوقو شمعة وردية شاعلة وداير بييه ورود صغيرة فلبيض …
جاها صوتوو الرجوليي لي فيه بحة انه مروح كينطق بكلمات حدا ودنهاا بلا مدور وجهها لييه عرفاتوو
حذيفة: سنة حلوة يا إيمااان …سنة حلوة يا إيماان …سنة حلوة ياا إيماان
نقز من فوق لكرسي لعندهاا داير كاسكييط لابس كويرة وسروال كحل …بقات كتشوفيه وترمش وقال: دغياا الشمعة غادي طفاا
طفاتها ومد ليها معلقة بيضة وقال ؛ بطولة العمر ان شاء الله … وبلي تمنيتي فحياتك (تبسم ليهاا ) دوقي
ايمان (كلات منهاا و البكية شاداها عينيهاا عمروو دمووع مبغاتش تبكيي
حذيفة: معجباتكش ؟
ايمان(بصوت مخنزوق )زويينة (مسحات عينيهاا ) شكرا بزااف …ولكن باش عرفتي غتلقااني هناا
حذيفة: شحال من مرة كنلقااك هناا …قلت هنا فين غتكووني (مد ايدو لمعلقة تانية داق من لحلوة )
ايمان: معمر شي حد تفكر عيد ميلادي من غير ميي (كتاكل وعينيها عامريين دمووع وحمريين ) باش عرفتي عيد ميلادي اليوم (تفكرات نهار طفا معاها الشمعة لعام لي فات )بقيتي عاقل
حذيفة:(بجرأة حبس دمعة هابطة من عينيها بصبعوو مسحها من خدهاا ونطق بحنية )راه قلت ليك شي حوايج مكيتنساوش دغياا …دعي معاها بالرحمة متبقاايش تحرقيها بدموعك (بغا يفوج عليهاا ) نتوما لبنات عزيز عليكم هاد تويشيات ديال عيد ميلاد و لكادوات يااك
ايمان(كتاكل )معرفت عمر جاني شي كادو. من غير ميي مسكينة
حذيفة: نتي …انا عمري عرفت شنوو هي حلوة العيد ميلاد تصايبوها ليك داباا
ايمان (حبسات لمضيغ)واش نتا لي صايبيتيهاا (سرطات )وااعرة
حذيفة: بصحتك
ايمان: بشنو صايبتيها
حذيفة: درت فيهاا تبيخة
ضحكاات وسط دمووعهاا وسدات فمهاا وقالت: ماشي مشكييل لمهيم تفكرتيني هههههه …اعلاش عمرك احتافلتي بييه …عمري سولتك شحال فعمرك
حذيفة: يمكن 28
هنا انفاجرات بالضحك وهوا كيشوف فييها ويتبسم مع ضحيكة خفيفة
ايمان: كضحك علييا عمرك معارفووش هههه
حذيفة (حك دقنو كيضحك وجبد لكارط شاف التارييخ )عندي 28 نيشان
ايمان: علاش عمرك احتاافلتي بييه
حديفة: اااه لواليد كان محرم علينا هدشيي … حيت ماشي فديين وزيد وزيد
اييماان:اااه
حذيفة :نقوليك بلاان !(هز لكريمة بصبعو كلاها )
ايمان: شنو ههه
حذيفة: حتى انا عيد ميلادي ليووم
ايمان: هههه لا ميمكنش ههههه
حذيفة: علاش ميمكنش عاد اكتاشفتهاا كنت ناسيها والله العظيم
جبد ليها لكارط وراها ليهاا تصدماات وضحكات فنفس لوقت وقالت:اش هاد الصدف ياله حتى نتاا خاصك طفي الشمعة
ايمان: سنة حلوة
حذيفة: قدي قداش وتغني لياا سنة حلوة
ايمان: ههه وشنو بغيتي
حذيفة: شي محمر ومجمر شي قطباان ولاا شي زردة دايزها لكلام لكيكة كوليهاا نتي
ضحكات وهي مربعة مقابلة معاه كتاكل فلحلوة …تكدب انها فرحاانة وبزاف لي تفكرها شي حد
ضربات النص فلحلوة عجبااتها وقالت: كتعرف تقاد هدشي سعداتك
حذيفة: قرايتنا مامشاتش غير هكاك بعدا قدرنا نفرحو شي فتاة
ايمان: شكراا احذيفة (تبسمات لييه ورجعات كتااكل ) ممم واش عندك ديبلووم
حذيفة: مم شاف كويزيني و قريت حتى لباتيسري (جبد من جيبو بريكي وقال) ماشي مشكيل الى كمييت
ايمان: كتكمي !
احذيفة: سييي
ايمان: الصراحة مبينااش فييك …خود رااحتك
جبد لكاارو شعلوو وسااط دخان بعيد عليهاا وقال: علاش زعمة
ايمان : كاتبان سپورتيف
حذيفة: سپورتيف و كمااي الله اجيب غير الصحة والسلاامة
ايمان: شحال ونتا هناا فتركياا
حذيفة: على حسب مرة كنكلس شهر مرة شهرااين
ايمان: وكترجع لمغريب
حذيفة :ممم
ايمان: ياك مزال مطول هناا
شاف فيهاا كينتر من لكارو وقال: كنتسنا الثلج يدوب
ايمان: هههه بغيتي تجمعو
حذيفة: بحال هكاك …نديك لواحد لبلاصة زويينة هناا !
ايمان: فين
حذيفة:نووضيي …ليوم الالة ندوزو عيد ميلاد زويين
ناضت بحمااس تبعااتوو كضحك واصلة لييه لكتفوو كتبان ضعيفة قداامو واخة راه وزنها مثالي مع طولهاا لي مكيتعداش 1.65
دار ايدو فجيب كينتر اخر نترة من لكارو لاحوو وطفاه برجلوو وهزوو رماه فزبل وقال ملي كانو كيطوالوو الناس فين كنتيي
ايمان(هزات عينيها لييه كضحك )متكونش نتا لي شفرتيه لياا شحال فيك فطول
حذيفةميل راسوو كيتاكد) 1.90
ايمان: تبارك الله مسابق مع الليل شكون يكون طول
ضحك حتى بانت حفيرة ف حنكوو و وقفاتوو : كتنتر وينوو عندو حفيرة الزييين هههه
حذيفة: وينوو(جرها من القب كضحك)شتك ضسرتي يكما انا حنان ! هههه هاديك مسميتهاش حفيرة الزيين هاديك سميتهاا اعاقة
ايمان(غتموت بالضحك )ههههه مرضيتيش تكون زويين الزوهريي
حذيفة:هانتي خسرتي ليا الهدرة
ايمان:واش بصح
حذيفة:شوفي دوزت واحد لمعانااات كي الزفت مع هاد لكلمة …ابخي نعاودها لييك داباا نهاارك منخسرووش لييك سمعتيني
ايمان(قدات لقب)صافي
ركبو فطاكسيي موقفها الا امام مدينة الالعااب …كان لجو خراافي مع الالواان و لوليدات صغاار سبقاتوو كضحك وهوا وراهاا معرفش علاش كتجيه طفلة باغة تلعب كيشوف واحد البرااءة فعينيهاا كتخلييه يشووف فييهم ..هازين ورا ديك اللمعة الزرقااء هم اسود باينة فعينيهاا …تيقولو ليه انه كيقراا العيوون وكيفهمهاا ولكن عمرو فهم شي عيون كثر ماحس انه يقدر يخرج ديك الطفلة المسجونة فزرقة عينيهاا
كان ملاحظ هاد الايام عينيهاا البااكية سهوتهاا وخموولهاا فلهدرة قرر يصنع ليهاا شوية الفرحة ربماا تنفعها وفعلا مكاانش غالط كانت محتاجة دفعة تخليها ضحك
تبسم ليهاا وهي كتنقز فرحانة رجعات عندو وقالت: هدشي فين كان مخبي
حذيفة: عنداك تبدااي تغوتي وتخلعي ههه اندير راسي مكنعرفكش
ضحكات داخلة معااه كانو بزااف تاع الالعااب وقالت: باش غنبداا. ! (كدور فعينيهاا ) نركبوو فطموبيلات لي غلب يخلص على لاخر ݣلاص
حذيفة: ݣلاص فهاد لاكلاص
ايمان: احسن حاجة هههه
بداو بطموبيلاات ركبات فوحدة و هو فوحدة ضحكات حتى دمعو عينيها حيت بقاو رجليه شايطيين
ايمان: لا ميمكنش هههههههه
ضحك كيقاد فلكاسكيط اللور وقال: وريني حنة ايدك
كانو غير هوما تلاتاا رااكبيين مع كانت شتاا كانت الدنيا خاوية شوية كل مرة منين ساطحها حتى كتغووت ترجع تسطحو حتى غلبهاا هبطو كيقاد فالسروال مشااو لعبة لي كتنيش على شي حاجة بلبندقية
عطاها ليهاا مجات حتى فحااجة شدها من عندها يلعب دوروو فلت وحدة وجابتهاا فجوج وعطاوه يختاار شنو ياخد
حذيفة: ختااريي شنو بغيتي
ايمان(حطات صبعهاا على فمها كتفكر فنونوسات لي قدامها …بان ليها دب ابيض صغيير )هدا ههه
مدو ليهاا شداتو بحال شي طفلة صغيرة فرحانة بييه ضماتو ليهاا رطب وهوا كيميل رااسو كيضحك وقال: شنو داباا
دارت نونوس فصاك ادو ديالهاا وكملو جولتهمم من بعدما خدات غزل لبناات كتاكل فيهاا كيدورو واكتاشفو مدينة الالعااب كل مرة يلعبوو فلعبة دخلو لالة الصور كتاخدي صور صغار فلبلااصة كاينين قبعاات و نظاظر بهلوانية …صور لذكرى ترفيهية
دخلوو بجوج كاع لحماق دارتوو لييه
خرجو صوور ميمكنش تشوفهم ومضحكش اما هوا رضاتو ضحكة فتصااور من حݣلهم كيقولو لشفتي طويل هارب عرف لقصير تابعو
خرجو من تما من بعدماا لعبوو فبزاف تاع الالعاب نهار قرب يساليي خرجو من تماا كياكلو فساندويش حيت جاعو
سالا مسح ايدوو وجبد صاشي زرقة صغيرة وقال : تقبلي مني هاد لكادو لبسيييط
ايمان(كتشوف فالساشية )حشمتيني دابا خاصني ناخد ليك كادوو
حذيفة:غير ملي ضحكتي لينا الالة هداك هوا لكادو لكبيير
ايمان (حشمهاا) ربي اخلييك
جبد سنسلة مبرومة بحجيرات ملونين كل حجرة فلون كتوسطهاا جوهرة زرقاء وهابطة بقلب صغير بنقرة
تبسمات كتمسح فمها وقالت: زوينة والله
حذيفة:ماشي شي حاجة واو ولكن جيست …نركبها ليك ؟
ايمان: اهاه
عطاتو بالظهر دور ايدوو قدامهاا وهزات شعرهاا اما هوا حمقووه الشامات لمفرقين فعنقهاا زغيبات زعريين فعنقهاا ..حيد ايدو بلا ميقيسهاا وقال: بصحتك
حتى هي محسااتش بلمسة من ايدو على عنقهاا حتى تلاحت السنسلة على عنقهاا تبسماات ودارت عندو قالت: شكرا احذيفة على هاد نهاار والله ….عمري نسااه
حذيفة: مزال تشوفي ايام زوينة …راك مزال صغيرة … حتافلنا بعيد ميلادك وانا معارفكش شحال كملتي هههه
ايمان: هدا سؤال تسولو لبنت ههههه
حذيفة: باش نعرف راسي يكما غادي. مع قااصر ههه
ايمان: كون هااني فوق قاصرة باعوااام ههه
حذيفة: وزيدي الشاارفة راه شتاا غطييح
شدو طاكسيي حطهم قراب لدار ..كانت لابسة غير قميجة سخونة وكان محرك لبرد ..حيد القبية ولاحها ليها فوق كتاافهاا…جمعاتها عليها وشكراتوو ..كملو الطريق ساكتين كتنهد براحة من كثرة الضحك لي ضحكاتو لييوم
وصلها حدا باب الدار وقال:ميعادنا غدا ان شاء الله
ايمان:ان شاء الله …شكرا على الحلوة وااعرة خاصك تعلمني نصايبهاا
حذيفة: بصحتك و نعلمك فاي وقت مرحباا …ياله سيري طلعي راه لبرد
حيدات لقبيية رجعاتها ليه وطلعات فرحاانة بحال شي بنت صغيرة …شد القبية سدات الباب عاود لبسهاا كطلع معاه ريحتهاا ..هز لقنت تاع القب شموو وتبسم لطيفها لي جاه فبالو
طلعات لدار تقابلات مع لمراية شافت لعقد فرحانة بيه وفرحانة لنونوس لي رجعها لطفولتها لمسلوبة جبداتو كدوز ايدها علييه …كأنها اول مرة تعيش سعاادة بحال هاادي …غمضات عينيهاا من التعب واللعب على صوت الشتااء لي على براا غفاات معنقة النونوس وتصويرة جداها بحال شي بنت صغيرة
**
الايام كدووز والشهور كدالك …وصل شهر 3 …بدا التلج كيدوب فأغلب المناطق التركية وبداات الشمش كطول ولحال كيدفا وربيع كيدخل …ايمان تشغلات ب لخدمة مرة تخدم بنهار مرة بليل وديما نوبتها مقارنة مع طارق و حذيفة شي مرات كيجيو على رجليهم من تما خلقو معاها صداقة بريئة وزويينة معمر شي واحد فيهم قلل عليها الحيااء او لمح ليهاا بشي حاجة
راجعيين بليل كيضحكو على طارق
حذيفة: تلقاها بعدا معارفاكش واش عايش فهاد الدنياا
طارق جبد صورة لشاابة زويينة بشعر مجعد وعيون عسلية بيضااء وزويينة وقال: شوفي شحال زوينة
ايمان: غزاالة …شنو سميتها
طارق: نوار
ايمان: حتى سميتها فنة
طارق: الصراحة مبيناتنا والوو ولكن كتعجبنيي..كنشوف تصاورها فانسطاا تراه ميمكنش شحال زوينة …كتقرا الصيدلة فايطاليا
حذيفة: ضسرتي البرهوش
ايمان: تبارك الله
سكتات من وراها مخلياهم كيهدرو فموضوع اخر …تخلصات شهر لي فات وهاد الشهر ولكن خلصة ياله كتكفيها فلكرا لي غالي والمصاريف لي كتقسم كيشيط ليها شوية هوا باش كتسالي شهر …كان طموحها كبر من هادشي وماشي على هدشي علاش هرباات وجاات
وصلوهاا حدا باب دار وكملو طريقهم مكمليين حوارهم
طارق: ايمان ظريفة ومربية تبارك الله
حذيفة: يكما عينك فلتوو تاني
طارق: لا لاا بان لييا شي نااس اخريين ليي تلفهم الزيين
حذيفة(شاف قداموو ) دخل سوق رااسك
طارق: علاش !
حذيفة: بان ليا مربات فييك الدنيا والوو اصديقي …مزال معرفتي البناات وعرفتي باش كيفكرو
طارق: شنو فهمتي اسي الفاهييم
حذيفة: لبنات فيهم نواع …كاينة لي باغة دوز لوقت وكاينة لي باغة تزهاا …كاينة لي كتقلب على غولاصيوون زوينة وكاينة لي غير بغات تعمر لوقت
طارق: و ايمان شمن نوع
حذيفة: ايماان (سكت شوية ) غير فهاد شهور لي عرفتهاا …البنت مقسحة بزااف …وموت مها مزال لدابا مأتر عليها
طارق (تنهد)لواليدين دقتهم صعيية اباا حذيفة
حذيفة: بالنسبة لببنت عندها غير مهاا حيت كون عندها شي حد اخور كانت غتمشي مع لوقت ولكن ملقاتش لي ينسي ديك الحرقة لي فيهاا …ايمان من داك النوع لي كضحك معااك ولكن قلبها عاامر ومامساليااش لمصاحبة
طارق: ولكن ملي كتكون معاك كتبان ليا ناشطة وفرحانة عكس ملي كتكون بوحدهاا يعني نتا كتفيدهاا
حذيفة: كنفيدها حيت كنخرجهاا من تفكيرها وشحال من حاجة ولكن راه عمري نزعم نقوليها شي كلمة لي تخليها تفقد ديك التقة وتقول بلي كنضحك معاها غير على حاجتي منقدرش نديرها وخصوصا فبنت مجرووحة ويتيمة بحال ايمان
طارق: عزيزة علييك السااط
حذيفة(شاف فييه وضحك ) عزيزة وغالية اعشيري
طارق: غتقوليها على لبلاان !
حذيفة: نقاد اموري ضروري نعلمهاا وغنوصي عليها فاطمة ديك السيدة مغتخليهاش
طارق: اللهم يسر
“
اما هي طلعاات بتتاقل عياانة بجري …لقات لبنات نعسوو مشات هزات حوايجها مشات لدووش خدات دوش خفيف وخرجات كتنشف شعرهاا …مشات لكوزينة هزات دانون ومشات كلسات حدا تلفازة مشعلاها وناقصة الصووت …عينيها فتلفازة ولكن عقلهاا تالف وحااير ..خصوصا ملي بدا برنامج المواهب الغنائية …بقا فيها لحال حيت مزال لقاتش ديك الفرصة لي بغاات
كتقلب حتى تعياا فلكروبات على شي فرصة بحال هكا والوو مبان ليها تحاجة
ناضت لبلاصتهاا نعساات في الغد خرجات تقدا شنو خاصها كان لجو مشمش لابسة لكسوة المفضلة عندهاا صفرة بوريدات لوينات مفتوحين مشدودة لفوق بسميطات رقاق طولها حد الركبة لابسة فوقها تجاكيط دجيين ..دايرة العقد ديال حذيفة وحلقات دائرية فودنهاا شعرها دايراه بوكليي و نظارات ف عيونهاا …دايرة لكيت وجاية كدندن حتى بان ليها طارق جاي جيهتهاا
عيطات ليه وقالت:السلام
طارق: فيين صافاا
ايمان(شافتو هاز شي تقدية فايدو )غادي لشي بلاصة
شاف شنو هاز شرا صاك ادو كبيير تاع لي تريب دايرو فظهرو
طارق: ااه كيعجبني نخيم مرة مرة هههه
ايمان: مزياان …فين حذيفة
طارق: فداار
ايمان: صافيي بسلامة
بقات متبعاه بعينيهاا مشات كلساات فقهيوة شدات قهوة كتخربق فتيليفون لقات راسها مقبولة فواحد لكروب سميتو مهاجرين تركياا …كانت كتقلب على لكروبات لي فيهم لمغاربة وكتأجوتي كل مرة كيقبلها واحد
دخلات كتقلب باش حتى هي تحط بوسط وتسول على شنو باغة ..حتى كتصاادف فايس طارق كاتب بوسط ومطاݣي فييه حذيفة
كتشووف وتقرا وتعاود تقرا شنو مكتووب …مامتيقااش شنو مكتووب
صونات بلخف لطارق لي جاوبها وقالت: فينك
طارق: مزال غير حداك هانية الوقت
ايمان: اجي نهدر معااك دغيياا انا فالقهوة
كلسات كتعاود تقراا والامر و ما فييه مكتووب
{السلام عليكم العشران اموركم بخير وعلى خير …بما ان الجو تقريبا ولا مزياان فقررنا ان شاء الله نخرجوو فهاد الاياام بما ان التلج بدا كيدووب كتكون الدنيا مقادة شوية …هاد لمرة غنمشييو بلا حراك بلا تسلييمة غتكوون الحرݣة بقيادة (مطاݣي فيس حذيفة) شكون لي عاد مشا اولا نازي يقولينا طريق واش خفيفة ولا عامرة بلغار }
طارق: عيطي علياا !
هزات راسهاا فييه وقالت: كلس
كلس كتشوف فلكارطابل وقالت: فين غادي بهاديك اطاررق …حارݣ
طارق: هدر معاك حذيفة ولاا
ايمان(وراتو لبووسط ديالوو ) داكشي علاش مبقيتوش كتجيو لخدمة بزااف كتخططو باش تمشييو …داكشي علاش قاليا حذيفة كيتسنا الثلج يدووب …فين غادين
طارق: مزال معرفناش كنقولو اسبانياا ولا ايطالياا ان شاء الله
ايمان: بغيت نمشي معاكم
طارق(جاه الضحك )ههه واش احسابليك غادين فطيارة ولا فلوكة حتى لفلوكة راه ممكن …ايمان حنا راه غادين غير وسط لغابات…حذيفة ميبغييش ا ايماان وديك الطريق ماشي ديال البنات
ايمان : فين حذيفة
**
كان كالس فالطبلة قدامو مجموعة من التصاميم موديلات رجالية ونسائية ..مرسومة بدقة و اهتمام كل موديل فالصورة ينسييك موديل لي قبلوو …
كالس بملابس بيتية شعرو فازك عاد مدوش قداموو طفاية فيها لكاروو و واحد مزال فايدو وحداه قهوة كحلة كيرتاشف منها مرة مرة
صونا باب الدار وناض كيجر بطراف صباعو لبانطوفة كيقاد فتيشوورت
حط ايد على لقنت تاع لباب والتانية حلو حتى كيتفاجئ بيها واقفة قدام لباب…تقاد فلوقفة وقال: ايمان !
ايمان : نقدر ندخل !
حذيفة(حل الباب )دخليي مررحباا
دخلات كتحيد صاكهاا توجهات لفطوي فاش كان كالس شمات ريحة لكارو قوية …تجاوزها وحل سرجم وقال: تشربي قهيوة
ايمان: ممم
كدور فعينيهاا حتى كتشوف دوك التصاميم خداا عينيهاا واحد الموديل بفستاان ازرق سماوي بايدين مرصعيين حتى لجيهة الصدر وموديل بعيون زرقاء وقلادة بحال لي دايرة هي تلمسات سنسلة ديالهاا حتى حط حداها طاس تاع القهوة
ايمان: هدشي زويين شكون رسموو ؟
حذيفة: عجبك !
ايمان(باعجاب )حمقنيي ههه بحالا انا لي لابسااه هههه
حذيفة: اصلا الالوان الفاتحة كيجيو معاك كثر داكشي باش اتيغاك هدا كتر
ايمان: بصح …شنو لوان لي كيجيو معاياا !
حذيفة:لزرق …لغوز …لخضر بارد …واكتر حاجة هي لبييض
ايمان: ولكن اناا كيعجبني لكحل …وحتى نتا كتلبس لكحل بزااف
حذيفة: لكحل زوين كيجي مع كلشي ولكن كنفضل تلبسي لالوان كيعطيوك واحد لبغيوونص زويينة ماشي غامقة
ايمان: دونك نتاا لي راسم هدشي
حذيفة(جغم من قهوتو شوية) قلت لييك شكون هدا لي عايش بلا حلم …وانا هدا حلميي
ايمان: مصمم ازيااء
حذيفة: ان شاء الله
ايمان(بتردد )داكشي علاش باغي تمشي ل اوروبا ؟
هز عينو امامو ورجع هبط عينو فلكاس وقال: طارق لي قالهاا ليك ؟
ايمان: شفتو كاتب بوسط فواحد لكروب ومطاكيك
حسات بييه باغي يسب من تمتمة شفايفو ورجع برد وقال: هدشي لي كايين كنت نيت غنقولها لييك غير نقاد اموري
ايمان: كنتي بغيتي تسيفط معاياا
حرك ليها راسو باه وقالت: ولكن اناا بغييت حمم بغيت نمشي معاك…مبغيتش نبقا هنا ديني معااك
هز فييها حاجبوو وقال: فين بغيتي تمشيي
ايمان: اي بلاصة لمهيم دينيي معااك
نظف حلقوو وقال :ايماان اا (حك حاجبو )شوفي هدشيي خطر علييك
ايمان: نتا مخطارش علييك ؟
حذيفة: انا رااجل
ايمان: شتك حݣرتيني احذيفة …
حذيفة: شوفي مبغيتش نغوت ولا نتعصب علييك عفااك …ايمان هانتي هنا فتركياا غنوصي علييك فاطمة من بعد اوت
ايمان: واش انا جيت باش نولي سربااية …حتى نتاا بقاا هناا ياك تقدر تحقق حلمك حتى هنا علاش اتغاامر وتمشي لبلاد اخرى باش تحقق لي فبالك
حذيفة(وقف شاد جنبوو )ايماان
وقفات حداه كترجاه بعييونهاا وقالت: سمعنيي انا باقة مخبية شي فلووس الى بقيت هنا انخسرهم ونكلس على الضس
حذيفة(رفع صوتو حتى رجعات اللور ): واش باغة تسوطيني ولا شنوو …حسابليك غادين فجردة مردووخ راه غاباات بلغاريااا ا ايمااان فكري معاياا بنت بحالك معندها مدير وسطهاا …انا لي دايز من تماا 2 تالمراات ومدزتش وبغيتي داباا نقولييك ياله فلخر يمشيو فلووسك تمشي خدمتك تمشي صحتك باش انا نبقا هاز عداب الضمير من جيهتك حياتي كااملة
ايمان(غرغو عينيها ): انا مستااعدة نتحمل المسؤولية ديال اي حااجة غير تيقني والله منكوون تقيلة علييك …انا قادة ندافع على راسيي
حذيفة: ولكن انا مقاادش ا ايماان مقاادش نعيشك ديك طرييق
ايمان: وخة وريني شي حراݣ نمشي معاه
حذيفة: نتي هرب لييك باغة تهربييه لمي هاد نهار يااك (صعر عليهاا )ايمااان غتكلسي فتركيا وغتكمشيي
ايمان: واش بغييت نمشي ونخلص من فلووسي نتااا مالك
حذيفة(زاد غوت)خااايف عليييك المرض خايف عليييك ا ايمان ديك طريق صعييبة كتكرفص كتمرض لڤيس ديالها مكيحيدش
ايمان(هبطو دموعها): لوكان تعرف لمرض لي فقلبي غتعرف بلي داكشي لي كتعاود عليه مبقاش غيضرني (بشهقة)عفاك احذيفة عاوني بغييت حتى انا نحقق حلميي وحلم ميميتيي عفاااك ….مبغيتش هناا ومعجبنيش انا من ديما باغة نمشي لبرا ونكمل قراايتيي …قارية كاع اللغاات الاسبانية الايطاليية الفرنسية حتى الالمانية قريتهاا اي بلاد حطيتيني فييها غنعيش فييها ولكن تركياا ولييت محاملاهاش (مسحات دموعهاا )ولا مشيتي وتلقاو لييا دوك ديال لباار !
بعد عليها ليضعف وقال: الله اهدييك الله اهدييك اهاد البنت راه ماشي لعب دراري صغاار
ايمان: انا ماشي صغيرة عندي 19 العام
جبد تريكو معصب وقال بفقصة 19 وماشي صغيرة …شنو عندك صغر نتي هوا سنان لحليب …راه مغنديكش ا ايماان نقطة رجع لسطر
بقات كتشووف وهوا مشا شعل كارو وكلس شاد جبهتوو …رجعات كلسات مقابلة معااه ساكتة كتمسح دموعها مرة مرة
ايمان: امتا غنمشييو
دور وجهو لجيهة لخرى كيقول :لا حول ولا قوة الا بالله (شاف فيهاا ) واش منيتك …عمرك شفتي لفيدوات او لهدرة على هاد طريق يمكن
ايمان: شفتها …صعيبة ولكن بحالي بحال الناس دازو سوريات منها شنو وقع ليهم
حذيفة: الاكترية ديال السورين كيقصدو المانية كيديرو لجوء وكيصايبو ليهم لورااق
ايمان: نمشييو لالمانية
حذيفة: معنديش وجهة محددة نقدر نمشي لايطاليا نقدر نكمل لاسباانية غنشوف لي يناسبني باش نقاد وراقي دغياا و نقراا على هاد الدومين …انا مغاديش باش نلعب
ايمان: حتى اناا باغة نقرا ونخدم على رااسيي مغتعاونيش …واعدتيني غتعاوني و واعدتي حتى مي قلتي ليها غنديرها فعينيي ونتا بغيتي تمشيي !
حذيفة: كيفاش ؟
ايمان: مي داك نهار غتموت حلمات بييك قبل متصلي الفجر …بلي كانت كتقلب علياا وقلتي ليهاا بلي متخافيش هاهي معاياا وقالت لييك تهلا فييها قلتي ليهاا متخافييش و تاني لقاتك فالسوق وعطاتك ثلاثة تاع التمراات
حذيفةغادي معاها فكلامهاا شاد حنكوو)اوى اش درت بيهم
ايمان: كليتيهم معرفتش
حذيفة: كضحكي عليا دابا بهاد لحلمة !
ايمان: والله مكنضحك علييك ..غير قالتها ليا ونعسناا وصباح صبحات ميتة
حذيفة: فففف بغيتي ديري لياا حمل تقيل على كتافي ا ايمان والله…خليني نفكر منواعدك بوالو
ايمان: الى مشيتي وخليتيني
حذيفة: حنا رجال ماشي دراري صغار ا ايمان نفكر ونرد علييك نحسب حسابي ونشوف دراري لي غادين معايا واش تيقة ولا يغدروني وسط الطرييق
حركات راسها بواخة وناضت هازة صاكها خرجات من دار
بقا كالس كيسووط هز تيليفونو وصونا لمو كاتب ليها لحنانة فسميتها …صونا حتى كان غيتقطع وجاوبات بصوت حنين
_وليدي لبااس
تبسسم ورطب صوتوو لي تشنج بلغوات مع ايمان وقال: لباس اميمتيي …اش خبارك صحيحة
_لباس اولدي لكنتي نتا لبااس ..اش خبارك اش كتعاود
حذيفة: الحمد لله امي …مي بغيت نسولك على واحد لحلمة
_خير وسلام
حذيفة : واحد السيدة قبل متموت الله ارحمها كنت شفتها فلبحر شي عام داباا ولا كتر مهيم …حلمات بحالا بنتها تالفة لييها كتقلب عليهاا شافتني وجات سولاتني قالت لياا واش شفتيهاا قلت ليهاا هاهي معاياا متخافيش عليها قالت لياا عفاك رد ليها لباال قلت ليها حتى انا كوني هاانية …عاودتانيي لقاتني فسووق كي قالت بنتها و عطاتني 3 تمراات
_اوى
حذيفة: هدشي لي فراسي
_هادي اولدي راه حلمة زوينة لمرا امناتك على بنتهاا وبنتها كتعرفها
حذيفة: اه كنعرفها اميي
_البنت يمكن معندها حد تهلا فيهاا اولديي و رد ليها لبال يجازيك الله
حذيفة: او 3 تمرات
_تمر حلاوة وحلاوة الدنيا لوليدات هدشي لي علمني الله علييه والله اعلم حنا غير كنفسرو والعلم لله
حذيفة (بمزاح)ميكونوش فلوس امي
-ههكلشي زيين
حذيفة: داكشي لي كاين …ياله امي تهلاي فرااسك وردي لبال لتيليفونك ليلقاه عندك ويبدا يغوت علييك
_(بحزن)عفا ولديي هضر مع باك وشرح لييه لي كاين الله ارضي عليك اميمتي راه غاضب عليك
رجع لتغوبيشتوو كيمسح نيفوو وقال: ليبغا يغضب غير يغضب امي انا عييت منوو
_متقولش هكاك راه باااك
حذيفة: وتاهوا خاصو يعرف يخلي كل واحد يعيش حياتوو ..ماشي هوا لي غايرسم حياتي اميي (ساط )لمهيم خليت ليك الراحة تهلاي ليا غير نتي فصحتك اضو عينيا
_الله ارضي علييك ويسر لييك امرك ويبعد علييك لحراام و ناسوو
حذيفة: امين اميي …دعي معااياا ورضي علييا اميي
_نتا مرضيي ورضايا معاك اولدي الحبيب الله افتحها علييك فهاد نهار
حذيفة: اللهم اميين يارب
قطع معاهاا وتسرح على داك لفطوي كيشوف ف لورااق ويرجع يهزهم بين ايدوو
حذيفة من عائلة متديينة جداا حدا …اصل الاب من سوس اكادير كان إمام فالجامع و راقي شرعي من بعد حل محال ديال العبايات والخمارات ولباس التقليدي لرجال
حذيفة مكانش طفل عادي بالنسبة لبااه ملي تزاد ورا 4 لبنات كان بالنسبة لاب هوا الابن لوحيد وسط لبنات عكس الام عندها ولد من زواجها الساابق جابتو صغيير كبر معااهم عمرهم فرقو بيناتهمم حتى الاب كان كيعاملو كابن ولكن حذيفة ابن بالد_م والاسم … خصوصا ملي ولا كيشووف فيه علامات كدل على انه زوهريي بؤبؤ عينيه واسع ونضرتوو حادة شفاار كتاار منذ الصغر خلاه محبوس فالدار كيخرج كيديه لمدرسة ويجيبوو معمرو عقل على راسو لعب فالزنقة مع دراري قدوو او سافر مع دراري حتى فلمراهقة ديالو عاش محبووس واحد لخوف والهبة والتشدد كان معيشهم فييه …لا تيليفون لا تلفازة لا عطل لا سفر العطلة كيدوزهاا قدامو كيحفضو القران هوا وخوتو بدون استتناء ولكن حذيفة كان داك الطفل المشااغب الطفل ليي كيعجبو غير يرسم كلا العصاا مرة وجوج عشرة ولا بغا يتردع لبااه ويشد طريقو
الاخ الاكبر تعيين فالتعلييم استاد التربية الاسلامية و خوتاتو تزوجوو لرجال ديين بلحية ولخمار …الزوجة كدالك كانت محجبة فدار كتخرج معاه ودخل معااه حتى تيليفون دارو ليها غير حذيفة بتخبية كتهضر مع ولدهاا
قطع تفكيرو طارق لي حل الباب هاز فايدوو تقدية كتيرة …خنزر فييه حذيفة وقال: الله انعل لي ميحشم
طارق: والله اصااحبيي معرفتها داخلة لداك لكرووب اصلا …شنو قررتي غتمشي معاناا
حذيفة(تنهد) واش كضحك علياا ! واش ديك طريق غتقد عليها ايمان
طارق: خليها تمشيي معاناا …حنى غنردو ليها لبال وحتى دراري راه عشراان ديالناا …تخيل تمشي عند شي حرااݣ ؟ النصاابة ا حذيفة
بدا كيتخبيل اش غيوقع وقال: شنو جبتيي ؟
طارق: تقديت لي خاص فلماكلة داكشي لاخر حتى تمشي تشووف
حذيفة: صافي شكراا
ناض جمع دوك لوراق دخلهم فجوا باش يحافظ عليهم مع اقلام من نوعية جيدية ملونة بحال صامصونيط صغيرة بألوان عديدة سدها وخشاها مع لورااق …زاد علييه قبية دار لكاسكييط لي ولفها ميقدرش يخرج بلا بيها ڤيس ركبو فيه باه من الصغر
صحيح ان كل واحد فينا عندو دكريات زوينة وخايبة …شي لحظات مكيتنساوش وشي لحظات كنتمناو كون تمسحاات من داكرتناا
مزال مخبي ورا الغضب من جيهة بااه بزاف كيحاول ميتفكرش حتى طفولتو كيف دازت ..
لبس فرجلو اديداس بيضة مع سورفييت سوداء دار لقب فوق لكاسكييط وخرج كيتمشاا حتى وصل لزنقة لي فيها ايماان
جبد تيليفونو دار نمرتها باسم إيمان صونا ليهاا كيتسناها تجاوب حتى جاه صوتهاا الخافت …تقول ديال بنية صغيرة
ايمان: الوو
حذيفة: كاينة فالدار !
ايمان:ااه
حذيفة: هبطيي انا كنتسنااك …ولبسي مزياان راه لبرد
كلمة بلسانوو وبطريقتوو خلات شعر ايديهاا يوقف وتحس برعشة خفيفة فقلبهاا …ملي نطقها بلسانوو تبسمات كتلعب بايدها وقالت: تانا متحملة كاع لي غيوقع من بعد احذيفة سوى خايب سوا زويين انا قادة بييه
حذيفة: شنوو غنقولييك ا ايماان …ملي نتي باغة تمشيي غنقوليك الله يسخر
ايمان: اناا باقة عندي جوج تاع لملييون واش كافية ؟
حذيفة: فلوسك غيبقاو عندك وقت لي حتاجيناا راه كل واحد كيعطيي لي علييه فهمتي …غير هوا غيخصك تحوليها لاورو
ايمان: صافي وخة ولكن معارفاش فين هنا
حذيفة: وقت لي كنتيي مسالية نمشيو معنديش مشكيل
ايمان: و ايمتى غنمشييو !
حذيفة(شاف فتيليفونو ) كنتسنا جوج صحابيي غيجيو غداا و الحد ان شاء الله غنتحركو
ايمان: صافي واخة …انقوليك واش نتاا مراكشي !
حذيفة: لا علاش ؟
ايمان: حيت عندك لهجة مراكشية
حذيفة: لا انا سوسي ولكن كبرت فمراكش …كازا لمحمدية
ايمان: سعداتك كل مرة مبدل لمدينة ههه
حذيفة: بزز مني ..كان لوليد امام
ايمان: امام فجامع ؟ ونتا كتكميي زعماا ههه
حذيفة: انا هوا هداك لي خارج ليه من الجنب
ايمانضحكات ) هههه مباينش فييك خارج جنب
حذيفة: خاصك تسوليه هوا علياا
ايمان؛ اييه مزياان انا عمري فت المحمدية
حذيفة: دابا غتفوتي ليونان ان شاء الله
ايمان: هههه ان شاء الله …متحمسة ليها
حذيفة: خفتك غير توصلي لغابة ويمشي الحماس
ايمان: هههه كون هاني راني كباابل واخة نبان ليك هكا
حذيفة: علاش مالك هكا كيف كتباني
ايمان: معرفت كيفاش كنبان لييك
حذيفة(تبسم حتى بانو كميشات حدا عينيه وقال) كتباني لياا ماشي ديال التكرفيص زينك ديال لي پرانسيس فعلا الارزاق مامقادااش
ايمان (عجبها الاطراء وضحكات )اوى الاميرة خاصها تقلب على مستقبلها شنو نبقا نتسناا فالامير يجي هههه
حذيفة: فعلاا ..خاصني نقوليك شنو تقدااي..
ايمان: تمشي معاياا باش نعرف شنو نااخد
حذيفة: ايه وخة مسالية داباا !
ايمان: ااه نمشيو داباا
فعلا وقفوو شدو طاكسي وقف قدام محال كبيير كيتقداو منو اغلبية المهاجريين مخصص بلوازم الرحلات شكاير صبابط ليكات ماكلة معلبة ادوات الرحلة يعني اي حاجة تبغيها موجودة
بقات كتشووف كانو غير الدراري كيتقدااو جرها حذيقة لناحية الليكات عطاها كتقيس ناشطة وفررحانة بحالا غادية فرحلة مدرسية
ايمان: مغناخدوش لاطونت ؟
حذيفة(كيقلب فواحد الليكة تاع الخيط سخونة ) : غادية تخيمي
ايمان: وفين غنعسوو
حذيفة: فلغابة (قرب ليهاا ) متعرفي شنو يخرج ليك فداك الليل
ضرباتو بقبضة ايدها لكتفوو وقالت: ياك غتموت قبل منموت
حذيفة(غمض عينو ): ممم حصلتيني
ضحكات ورمات راسها على كتفو بعفوية ..هبط راسو ليهاا وتبسم ليها وقال: جربي هاد ليگات
ايمان: زوينين ولكن غلاض بزااف
حديفة : اناخدو جوج حيت كيكون لجو بارد شي مراات
هز ليها وليه كاسكيط حتى هوا كان مزال متقدااش
خداو كارطابل كبيرة لواحد فيها غطاء پلاستيكي بلقب ادا كانت شتاا …معلباات جاهزة من طون لوبية وفول بيموات باحجام كبيرة كتصبر …علب ديال لفاخر صغير وباش كيشعلو لعافية…مواس كيتطواو خداو قنااع كيبان فقط لعينين
ايمان(بهمس ): واش غادين نشفرو
حذيفة: نشفرو الذياب ههه. هدا على لبرد وحتى باش متعرفيش (شاف فيهاا ) دوك لعينين براسهم خاصهم يتغطاو
تقابلات معاه كدير فلقناع بقاو غير عينيها كيبانو وقالت: دورني بسولوفان وديرني فلكارطابل
حذيفة: ممكن هههه
تقداو جميع لمستلزمات خلصو لي عليهم خرجو هازين لي كارطابل و لاطونت صغيرة فوق لكارطابل قصد كل واحد دارو يوجدو راسهم …في حين حذيفة قلب طريق ومشا فين داير مع واحد التركي لقاه كيتسناا جبد ليه لفلووس وعطاه فردي ديال الضو تحسبا لاي خطر …حالف حتى يدوز هاد طريق …كان باغي يمشي فلبحر ولكن موو حصلاتوو ورمات عليه السخط الى حاول يمشي حارك فلفلوكة …فقرر تكون هادي وجهتوو
وصلات لدار مع حلات لباب جات قدامها اييد امينة فيها خاطم خطوبة وقالت: i sed yeeees
ايمان: مبروووك ههه (باستهاا )
امينة : فرحااانة هههه
سعاد (گالسة كتصبغ فظفار رجليهاا ) لي سمع هاد لفرحة يقول مزوجة بمولاي الحسن
ايمان(بضحكة ) كل قرد ف عين حبيبتو غزال ههههه
امينة: الله امسخكم هوا ماشي مولاي الحسن ولكن كنحبوو يلالة …ايمان ياك غتهبطي معاناا فاللخر تاع شهر …غادي ندير خطبة وعقد
ايمان (كلسات قبالتهم وصاكها على ركابيها كتشوفيهم وساكتة معرفات منين تبدا)
سعاد(شافتها سكتات وهزات عينها فيها ) ايمان ! مالك
ايمان: بغيت نقوليكم شي حاجة …اناا انا قررت نمشيي لبرا
امينة(كلسات حدا ختهاا ): وكيغاديري ليها ..ضبرتي فشي كونطراا ولاا دافعة لفيزاا …ولا شي ݣاوري هدا !
ايمان: فالصراحة حتى وحدة
سعاد(حطات صباغة ) : متقوليش ليا لي فبالي ؟ واش تسطيتي
امينة استوعبات وقالت: كنتي صحة سلام شكون عمر ليك راسك واش باغة تحرݣي ؟ اويليي واش سخيتي بروحك ولا ماالك
ايمان: تواحد معمر لياا رااسيي …ولكن احلامي جاوني صعاب يتحققو هناا
سعاد: وفنظرك تما غتلقااي لي بغيتي واش نتي حمقة ا ايماان
امينة: راه كي هنا كي تماا
ايمان؛ كنفضل نمشي تماا …نجرب حضي تركيا معطاتنيش
سعاد: نتي ياله ربع شهور هنا صبريي لعام قريب يدوز
ايمان: الوقت لي كيدوز وداكشي لي بغيت كيفما كان لحال خاصني نعاود لبااك هناا غيضيع ليا عاام ديال اللغة عاد نزيد عام ديال البااك عاد نشوف شنو ندير …مزال تماا عارفة اللغة مزيان مغنوحلش فرنسا ولا اسبانيا ولا ايطالياا مغاديش نوحل …هنا بنادم معجبنييش كيحتاقرك غير حيت عربية وجيتي تخدمي فتركياا
سعاد: هدشي شرحناه لييك من اللول
ايمان: نتوما اصلا مغتبقاوش هناا …شنو غنبقا ندير …نتي جاتك خدمة فلمغريب …وامينة غتزوج فالامارات وبقا ليها غير هاد شهورة قلال باش تكمل …نبقا عوتاني بووحدي
امينة: بغيت غير نعرف علاش حقدتي على المغرب
ايمان: حاشاا هاديك بلاادي كيفما كان الحال ديما كنبقاو نحنو باش نزوروها …ولكن مبقا عندي حد فيهاا ولعزاز علياا دفنتهم تحت الترااب هدشي لي عطا الله
سعاد: اش غنقوليك نتيي دااايرة بلانك فراسك هدرتنا زايدة نااقصة …معامن بغيتي تمشي
ايمان: دراري مغاربة وكنعرفهم من المغريب ماشي عااد عرفتهم
امينة: لحاجة لوحيدة باش نعاونك ا ايمان الى بغيتي تمشي لايطالياا راه كنعرف واحد البنت تماا تستقبلك معاها بينماا وقفتي على رجلييك
سعاد؛ اييه فكرتيني فيها رجااء من العائلة ونفس الوقت صاحبة امينة الروح بالروح …تقدر تعاونك هي كبرات تماا ودرويشة متلقايش معاها مشكيل
ايمان (بحماس ) صافي واخة …هدري ليا معاهاا … الدراري مزال معارفيينش فين يستاقرو ولكن غالبا اسبانياا وانا ديك لبلاد مابغيتهاش مزاال من كترت ما كنت متشوقة نمشي ليهاا صافيي مليتها …كاع البلدان لي فيهم اتر منيي مبقيتش بغيتهم ..
امينة: غنهدرو معاها بليل وتعطيني العنوان على الاقل تمشي عندها
ايمان: شكرا البنات والله …لهلا يخطييكم
من بعدما هدرو مع البنت ابيل فيديو رحبات ب ايماان وعطاتهم العنوان ..سجلاتو فالتيليفون وخرجات تقدا شنو خاصها لهاد الرحلة كيفما قاليهاا حذيفة خاصها سبرديلة سوكور تجاكيط مكيدخلوش لماا خدات لانجييت وملابس داخليية سورفييت فاللون الخزي كيف قاليها حذيفة باش ميكونش اللون مشعشع وسط الغابة مبغاتش تزيد تخسر لفلوس كتر لتحتاجهم فطريق
رجعات لدار كتستف داكشي ف لكارطابل لكبير من سقاطة وتمر اي حاجة تصبر بزااف
امينة: ولجاتك ليغيݣل وسط الطريق ههه
ايمان: فكرت ناخد لبيليل ومنقطعهاش تانوصل
امينة: نتي اصلا مكضركش بزااف
ايمان: ولكن مغنرتااخش لكانت فياا …لعشية ونخرج نتقداهاا
امينة: الله يسر ليك
ايمان: امينة بغيت نطلبك طليبة …هادي الشانطة دياليي غيبقاو فيها لحوايج منقدرش نديهم معاياا وعندي عزاز بزااف …واش نعطيك عنوان فطانجة وتدييها
امينة: مكاين حتى مشكيل اختي …غير عنداك ملي تولي شي مغنية كبيرة مديريش لينا ديديكاس هههه
ايمان: نتي اللولة هههه
تغداو معطليين وبقاو مجمعيين والموضوع هوا زواج امينة و رحلة ديال ايمان كل واحد فيهم بغا يعيش مغامرة فشكل
لبساات تيشورت نص كوم قصير مع دجين مقطع شوية من جيهة الركبة لبسات صنيديلة و صباعها مصبوغيين بلكرونة …طالقة شعرهاا ومريحة
هزات صاكها وقصدات الصيدلية لي قريبة لحي
كان برد خفيف دغدغ جسمهاا ..كتشوف فسما غادية كظلم …دخلات لصيديلية طلبات شنو بغات خدات باكيات خلاتهم فوق لكونطوار كتجبد لفلوس حتى هزات عينيها فييه …جراتهم دغياا لصاك و حطات الصرف …هضر مع الصيدلي وهبط عينو فيهاا وقال: زعيبيلة اش كديري هناا
ايمان: زعيبيلة هههههه شنو هادي
خدا شنو بغا كيضحك وخرج معاهاا كيحيد فلكاسكيط وقال: شفتك جات فباليي
ايمان: هههههه واللهيلا ضحكتييني وغير تسناا حتى اناا نعطيك شي سمية مضايراش
تبسم ليها و نظراتو نظرات اعجااب كيرمش فجمالها البريئ وقال: لي جات منك عسل
ايمان: شفتك خديتي دوا بزاف …تجرحتي
نحنح جامع راسوو وقال: هاد دوى ضروري يكون معانا ملي نشدو طريق …تقديتي لي بقا لييك
ايمان:ااه تقديت كلشي
حك جبهتو وقال: بهاد لمنااسبة لي ماشي مناسبة …تبغي دوزي نهار زويين ف تركياا
ايمان: مكرهتش(ضحكات ميلة راسها جيهتوو ) فيين !
حذيفة: تبغي نمشو دابا ولاا تالغدا ؟
يمان: انا معندي مندير داباا اتخلي راسي ضارنيي ههه نمشيو من داباا
حذيفة: صافي ندي هدشي لدار نبدل علياا ونلقااك واجدة !
ايمان:صافيي
حذيفة:ياله زيدي قدامي …مجاكش لبرد
ايمان:لا عادي
حذيفة:ولكن طريق غيكون لبرد …لبسي حوايج دافيين
ايمان:مسولتكش …شحال تقريبا تاع طريق
حذيفة: الى مشات الامور كيفما بغينا …شهر
ايمان(شهقات )اويليي شهر على رجليناا
حذيفة:لاا غادي نشدو اوطيل نرتااحو مرة مرة او نفوجوو مع دياب او لكلاب ديال لبوليس
ضرباتو لكتفوو وقالت:مالك طنااز
حذيفة: واش انا كنقوليك ضاربينها رجل ونتي كتقوليي شهر على رجليناا …ضروري غنرتااحو فشي فيلاج ولاا المدن لي جات فلخط فاش غادين كاينين بزااف لبوسنة او هنكارياا وعطا الله …
ايمان:ان شاء الله …تسناني نلبس علييا ونجيي
مشات لدار بقا متبعهاا بعينيه حتى مشاات وكمل لداارو
فعلا لبسات عليها ملابس دافئة حيت كيتحرك لبرد لبسات كسوة كحلة مع ليبة و كويرة فوقهم وخرجات كتسنااه حتى بان ليها جااي …تبسماات لييه بعفوية
مبغاش تفسر انجذابها ليه بطريقة اخرى …مبغاش تفتح قلبهاا ولا حتى تعطي فرصة لراسها تفكر تفكير اخوور …فرحانة هكاا …كتحس بنوع من الالفة …نوع من الاماان وهوا معااهاا بمواقف كثيرة وقعات بيناتهم …منجاذبة ليه كرجل حاسة برعشة فقلبها كتشدها كل ما شاافتوو …صوتوو …هضرتو المرزنة ..مشيتوو …هيبتو لي فارضهاا بطولوو او بهضرتوو وبافعالو …خلات اعجابها ميبقاش مختاصر غير فعينه ولا كيعجبها كشخص ..ولكن هدشي ماعندو ميبدل رافضة رفض تام …علاقة حب …حيت عارفة بلي اي علاقة راه كتبدا زوين ولكن ماشي ديما كتكمل زويين وهي فغنى انها تفقد شخص اخور وتبقا بوحدها من جديد
قاطع شرودهاا وقال: تعطلت علييك ؟
ايمان(هزات عينيها فيه بابتسامة)لا لا عاد خرجت
تمشاو لشاارع كل واحد فيهم داير ايدوو فتجاكيط ديالو ساكتيين …كل واحد فيهم مضارب مع موجات الاحاسيس لي كتهبط علييهم ملي كيكونو حدا بعضياتهم
شدو طاكسي وهبطوو فالشارع لي ميمكنش تجي لتركياا ومتهبطش فييه وتاكل لكناافة وتاكل فطيرة الجبن المعروفة عندهم
تمشااو فزقاقهاا وسط نااسهاا كيتبادلو لكلام وضحكات …كتلوح يدها لدراعو ملي كضحك ..وكيتبسم ل شدتها اللطيفة …بحال شي طفلة صغيرة
كلسو فكافي مقابلين مع اضواء الشاارع وقال:شنو تشرب زعيبيلة
ايمان :راه غنختارع شي سمية مغتعجبكش هههه كظلمني الزوهري
حذيفة: لي معرفني زوهريي ايعرفني داباا هههه
خداو كافيي وخدا ليهاا تشيز كيك بلفرماج … مجمعيين كيجبدو اي موضوع يشاركو بييه هدرتهم
ايمان : واش غتمشي ل سبانياا ؟
حذيفة: علاش نتيي مبغاش تمشيي لسبانياا بالضبط
إيمان: غنبقا فايطالياا حسن …اسبانيا ضربت عليهاا هي والمغرب هد السااعة هههه
حذيفة: اسبانيا باش زوينة مسهلة شوية فلورااق
دغيا كطلعهم الى استاقريتي فلخدمة الصراحة حتى ايطالياا زوينة بالنسبة لياا اناا على ود التصميم وداكشي ..مزال حااير هاد الساعة …ايكون خير
ايمان:ان شاء الله هاد لمرة تصدق لييك
حذيفة: ملي غادية نتيي راه غتصدق
ايمان: اوهوووه غادية معاك اكبر منحووسة حذيفة(حك لحيتو مبسم فيهاا ) قابلين بنحسك امولات لخالة
ضحكات حاطة ايدها على عنقهاا وقالت: مخديتيش من تشيز كيك
حذيفة: معنديش بزاف مع لحلاوة
دوزو امسية زويينة تمشاو جنب لبحر جنب الى جنب ولكن كل واحد واخد مساحتوو …ضاحكين وناشطين فحدود والقلب ربي لي عالم بييه
وصلها لدار مساخييش بيهاا ولا حتى هي دوزات امسية زويينة توادعو بيهاا مع تركياا
تنهدات واقفة قدام لباب بغات تطلع وقالت: تصبح على خير
تبسم ليهاا وقال: تصبحي على خير
دخلات البيتهاا مبتااسمة بدلات عليها ودخلات لفراشها شادة نونوس كدوز ايدها عليه
اما حذيفة مشا لدار لقا 3 دراري مغاربة مع طارق شافووه وناضو سلمو علييه واحد منهم عنقوو عناق رجولي وقال : عشيري
حذيفة: عثمان صافا اش خبارك …حميد بخيرر
عثمان: واللهيلا بخيير …هداا ناصر ولد دربناا نييت هوا لي غيكمل المجموعة
طارق: ان شاء الله
حذيفة: مرحباا … ملي تجمعتوو نهضروو فلمهيم
حميد: لولد السادس ؟
حذيفة: ماشي ولد بنت
عثمان: حذيفة واش بعقلك داباا ؟
حذيفة: انا لي مسؤول على هاد الرحلة ومسؤول على البنت …راه بنت لبلااد الى موقفنتش مع بعضياتناا مكاين لاش نمشيو فديك طريق من اللول
حميد: حنا تايقين فييك ا حذيفة ولكن ديك طريق راه صعييبة و الخطاف ملي كيعرف معاك البنات راه مكيبغيش يهزك
حذيفة: مكاينش غير خطاف واحد …انا هدرت مع لي غيوصلناا لحدود بعد غدا ومن بعد سوا نكونو ايد وحدة …سوا نفرقوها هنا نييت …اش قلتوو ؟
ناصر: انا معنديش مشكيل لمهيم عندي نوصل
عثمان: الى كانت تحت ايدك الله يسر
طارق: انا ديجا عارف رأيي
حميد :اللهم يسر
حذيفة: حاجة اخرى منبغيش شي واحد يبسل عليهاا الهدرة باحتراام لنصدق دافن فيكم شي حد قبل ميوصل لاوروباا
طارق: هههههه ريلاكس اعزيزي انا بعدا الله اعطيني العما
ضحكو الدراري وكمل حذيفة كلامو وقال: جبتي ليا لي قلت لييك
حط طارق قدامو كارطونة صغيرة مكتوبة فيها باور بانك
حلو وهزو بايدوو كيقلب فييه هو شارجور ب 5000 واط كتبرونشي فييه شارج تيليفون وتشارجيي وخة متكونش حدا الضو كيحتاجوه الناس لي كيديرو التريب فجبال ولي كيكونو بعاد على منطقة فيها الضو
حذيفة (دار فيه التيليفون )نااضيي (شاف فدراري )تقديتو المسائيل لي غتحتااجو ؟
ناصر: غيكون لبرد اخااي حذيفة !
حذيفة: لبرد ..شتاا ويقدر حتى التلج راه جبال هادووك لمهيم ديو لي يخصكم …
عثمان : بشحال درتو مع لخطاف !
طارق:100 اورو لواحد
عثمان: ياكما داك تطواني ؟
حذيفة: لا لا ضربت على هداك ..بسبابوو رجعنا ديك لمرة …هدا تركي نييت خدمو معاه صحابي تيقة وخة مغليي
حميد: ماشي مشكيل لفلوس غير تكون الطريق تمام
حذيفة: شوفو هادي راه بلغارياا منين غندوزوو …كونو رجاال وردو معايا لباال …راه ماشي تسليمة عفطة برجل تال النمساا الخوت …20 يوم ولا شهر معنديش مشكيل لمهيم نوصلوو منبغيش شي واحد يبدا علي تعطلناا ولا البنت معطلاناا … منهنا كنقولها ليكم قبل متخسرو فلووسكم
عثمان: كون هاني اخوياا والله واحد فينا ميهدر
حذيفة (مد ايدو لوسط )الله يسخر ؟
الكل حط ايدو فوق بعض وقالو :الله يسخر
تشغلو على بعضياتهم مشافووش بعض ايمان ضرباتهاا بتحميمةة رخات اعصاابهاا غسلاات وجمعات شنو خاصها وجدات حوايجهاا وفلوسهاا ولباسبور ولكارط كلشي فالصاك
هي كتلبس وامينة واقفة حداهاا
امينة: واش زعمة متراجعتيش وخفتي ا بب
ايمان(ناضت مصطانعة القوة كضحك كتلبس فلقبية كحلة وفوقها دارت تجاكيط سخوونة بلقب ) غامر او غادر هههه…بغيت نعيش مغامرة وحياة جديدة
امينة: اش غنقولييك الله اوصلك على خير ومتنساايش ملي توصلي تعلميني …شوفي راه بلاصتك مغنكريوها لحد حتى تقولي ليا راه وصلتي
ايمان: صافيي (جمعات شعرها ودارت طاكية تاع لخيط دايرة سنسلة تاع مهاا و ديال حذيفة دارت كاشكول ولبسات كاط طالع سداتو مزيان ودارت لكارطابل تقيلة شوية
امينة: عنداك تنساي الماا …هزيتي كلشيي
ايمان:منسيت والوو هزيت كلشي
عنقاتهاا وقالت: شكرا على كلشيي
توادعات معاها تقريباا 12 تاع الليل توادعات مع سعاد وهبطات فقلبهاا خفاقان من الحماس و دغدغة الخوف
لقات حذيفة واقف حتى هوا لابس علييه من لبرد وهاز صاك فظهرو داير طاكية حيت تحرك لبرد قربات عندو وهز ايدو هبط ليها الطاݣية لي هربات اللور مع شعرها رطب وقال:صافيي ؟ متاكدة
ايمان: صافيي
حذيفة:على بركة الله …فين ليݣات ديالك
ايمان:عندي فالصاك
حرك راسو بااه وشدوهاا برجل حتى لفين دايرين غيتلاقااو وسط جردة معروفة باكترية المهاجرين كيكلسو فيها خصوصاا السوريين
لقاو لكليكة واقفة مشااو عندهم عرفهم على ايمان وسلمات عليهم بايدها واحد واحد
حتى وقفات سياارة سوداء كبيرة كتهز ستة الاشخاص اللور …حل حذيفة الباب وطلعو دراري …طلعات ايمان وطلع وراهاا..
شدو طريقهم لحدود التركية باش يبداو رحلتهم المجهولة ….
#يتبع
شاركنا رأيك في هذا الفصل 🌹