الفصل 4

تعتالات تصفيقات الجمهور وخداو بريك مشات عند ماماها بدموع عنقاتها وقالت وهي وسط احضانها استقت لبكر ..مسحت ليها الدموع تتقاد ليها عينيها لي تخرمج ليهم كحلهم ورجعو عيطو عليها ..

_يمكن ليك تقولي ليا شي كلمات بالعربية المغربية.

_ يس اممم توهشتك توتحشتك بزاااف

_ اوووو جميل والمعنى .

_ I miss you

اوووف رسالة ادن !!!??

_ يس

_ لدالك الرجل العربي شنو اسمو بب ..تمتم اسمو وهي تقولو ليه بابتسامة جميلة

_ بكر

_ يس بكر اممم بكر توحشتك فتاة جميلة…شار لتلفازا باديه بجوج ممازح ومخاطب …تعلات التصفيقات .ابتسم المديع وقال

_ صفي لنا هدا الرجل الدي جعل حسناء جميلة تشتاق له تلفت لجمهور وقال

_ اضن انه رجل وسيم جدا….ابتسمت بخجل وحركات راسها بالاجياب

_ اوووووو جميلتنا عاشقة ..غمضت عينها مكمشاهم باتبسامتها الجميلة حركات راسها بلا مع ضحكتها بقهقهة ورنة عالية خلات المديع حال فمو وعينيه

_ جميلتنا مدهشة ربما سلبته عقله وتركته مجنونا بك…حركت راسها بالايجاب خرج عينيه كتر وتلفت الحضور وقال

_ يا الاهي .مسرح اديه لجمهور مديع مرح وبشوش متوسط العمر يحضا بشعبية كبيرة مديع متالق رجع سولها

_ بما يتميز العاشق ؟؟ تلفت الجمهور : متيم وحق له جميلتنا فاااتنة رجع شاف فيها وقالت مجيبة

_ يحب للخيول

_ اووو فارس ادن..حركات راسها بالايجاب ..عيون الكاميرة عليها وعلى عينيها وابتسامتها وكل مرة تشد عليها من جيهة تتخلي المشاهد منبهر بجمالها وضحكة عيونها ..

_ ادن حلقتنا الاتية ستكون عن مربي الخيول والخيول ما رايكم ايها الجمهور …الكل رحب بالفكرة

_ ربما سنستظيف فارس شلا صفق ووقفها حداه ماد ايدو ليها مسلم ومودع .. والشاشة لي وراه جاب المخرج فديو لخيول تتجري في البراري مع مسيقى جميلة شار ليها تلفت حطت اديها على فمها ظاحكة وفرحانة… تختمت الحلقة بنجاح باهر وانتاشرت في مواقع التواصل وتعاودت مرارات ومرات على شاشة التلفاز

اصبحت حياتها كمعزوفة كارل اورف على مسرح الاوبيرا وامامه مئات ليكوراليست يلقون اروع سيمفونية .ينقرونا الاوتار ويصاعدونا اصواتهم ياله من ابداع تقشعر له الابدان .. كارمينا بورانا …الوحة الفنية الخالدة مقطوعة ** او فورتنا** تعزف على روحها و حياتها التي لفت بوشاح سميك غليض مضلم ….جمال المعزوفة بين يدي المايسترو ولكن حياة شهلة بين يدي مجمتمعين يعيشان الصراعات والحروب مند الازل ..لطالم كان العالم الاروبي ينظر الى العالم العربي بالتخلف والرجعية ليلقي اليه نضيره اسوا مالايرغب في سماعه وهو الكفر العرب ينعت العالم الاوربي بما يليق بيه بلاد الكفار والاخر ينعت بين اصابعه بما يمكن تجاهل التخلف شيء عادي حت في مجتمعهم لا يمكنا ان نتستني العاقل والعالم من المتخلف والجاهل فهما على حد سواء ان اجتمعو في حانة ليلة راس الميلاد .. فلا يمكن ان انقول لشهلة انها تحت نقرات العازف فشتانا بين تلك المعزوفة الرائعة الخالدة او فورتنا تحفة فنية جميييلة خلدها التاريخ رغم تحفظ بعض الاشخاص عن كلماتها وترجمتها الا اني اقول اروع ماسمعت ابداع رائع .. قيل عن ملحنها عنه عظيم الا اني اقول الاعظم منه هو الخالق فسبحانه وتعالى يلهم من يشاء من عباده

وبين ظلال الجهل الدي خيم على عقل شهلة هاهي تنادي امها بالمتخلفة لي تنطق الاخرى بغضب وتنعتها بلا يمكن سمعاه الا ادا كان الشخص كافرا وانطق بلسانه حروف الكفر …لكن مايمجعها بين معزوفة اندري وشهلة هو مشاعرها التي لا تعلم ان كانت في المقام الاعلى او تنزل الى اقصاه ..عيرتها والدتها بما تخشى سماعه ستعشين بلا قيمة كحتاالة الرجال اقواهم يحرك رجله ليركلك من طريقه..ستعشين منبودة ومستعبدة لن يرحمك الله وتجدين نفسك في بئر ومستنقع الرديلة… لن تعيشي المجد ابدا وستكون حياتك خرافة فقط لن يرحمك ضميرك بعد اربعين سنة اولادك الدين رميتهم وهم في اشد الحاجة اليك..ستكنين عالة وعاهة حت جسدك سيتخلى عنك وتتفت خلاياه كي يهرب من نفس حقيرة وروح شريرة انت روح شريرة وصنع غير صالح كابن سيدنا نوح الدي غرق في الطوفان ونت ستغرقين بدموع الحسرة والندم سياكلك الندم وينهش ماتبقى من جسدك وهو قلبك المريض انت مريضة والعن نفسي ان كنت معكي واحببتك كابنة انت فاسدة تتغلفين بالدنوب والكراهية ستعيشنا بوهم ..ستفقدين السكينة ولن يغير القدر مصيرك قوتك هده تصبح ضعفا تنزل الى الحضيض لانك من تديرين عجلة حياتك .كم امقتك واتمنى ان اموت على ان راك تتوسلين الصفح مني ..كلمات امها جعلتها تدور وتدور في غرفتها كالحمقاء وكانك تراها تمشي مع سلم موسيقى ..او تترنح مع عصا الماسيترو.. كلام اليكسي جارح للغاية ولكنه المنطق لم يسعفها قلبها ان ترى ابنتها تواعد رجلا وهي متزوجة من اخر .اخبرتها بالحقيقة المرة والتي تتهرب منها انت ستصبحين كاحدى خالتك العاهرات الواتني يعبدن الجنس وبكين بين تحت ارجل الرجال…انت في منتهى الدل والهوان انت عاهرة ولن تحلمي يوما بطريق المجد ابدا فطريقه وطريق الساقطات متقطع النظير…كلامها لم يكن جارجا فقط بل كان سما شربته في ليلة كانت تنوي الخروج مع رجل في مقابلتها اللاولى معه لكنها اصبحت بلا عقل ليلتها صفعة طلقتها من اعز انسان عندها ..وضعت لها حياتها على طاولة من زجاج لطالم كانت تخاف من مصيرها لعينة حياتها ان رسمت متل خالاتها لطالم كرهت سماع قصصهم المقيتة لطالم حاربت لكي لا تصبح متلية متل شارول او سكيرة مدمنة متل دركالمن..لكن حياتها تجر اليه بحبال سميكة وهو تواجدها في مجتمع كل شيء فيه مباح حت صديقاتها يتدمرن من عدم شربها الخمر معهم وتناول ساجرة واحدة …لان نقل انها لم تجرب نبيدا لكنها جعلها في ورطة حقا لولا تدخل اليكسي لكانت بين جدران السجن.. يومها احتست مشروبا تحاول نسيان صورة طفل صغير دكرها بوليدها فشربت حت تملت فاصبح كل الحضور اطفال ظحكاتهم تمتلت لها صراخ اطفالها يوم ولادتهم الواحد تلوى الاخر .. فكرهت صراخ الاطفول حت لو كان دا عامين مما جعلها تمد يدها على فتاة ضعيفة كانت من بين الحضور فانقلب الحفل الى ساحة المعكرة كما انقلب اليوم الى مسرح الاوبيرا في معارض روما.. لم تترك زاوية الا وقد طبعت بعرق يديها وبصمات قدميها تجول وتجول لم تسلم من ارهاصات نفسها يخالجها شعور مريى وصراع مضني تريد ان تغير قدرها وتكتل مصيرها بعيدا عن ماعيرته بها امها… وانتهى بها المطاف جااسة يداها في شعرها .تلعن سداجتها وقدرها الدي وقع لها ورقة الدوران في مكان واحد وان مهما حاولت ان تفر منها ستلقى الدائرة لها عجلة متحركة لا مفر من انها انجبت تلات اطفال وتخلت عنهم شعور بلاختناق وهي تتدكرهم اول مرة ..بعد تمانية اشهر ..لربما احدهم مريض للغاية ولا تعلم عنه شيئا فقط حبل الوصال الخفي الدي يجمع بين الام ووليدها هو من يرسل احساسا كهدا لكن الحق من جعلها تتدكرهم هو قدرها المشؤوم الدي اصبح وصمة عار لدا امها ..

تلات ايام وتلات ليالي لم تغادر فراشها ..ولم تدق طعم النوم ..فقط اوتار الطبول تقرع فوق راءسها وكان احدهم وضع على سطح غرفتها الاف من محبيي الاوبرا يرددون مقطوعة او فورتنا

ساخبركم سرا ….. لطالم احببت الجو الكئيب الدي يخيم على السماء في فصل الخريف… اتعلمون كم هو جميل ان ترى منضرا بهدا الجمال والاجمل من دالك ان يكون فارسا على ظهر جواد قاتم الون بين الحقول الواسعة تخلو من بنات النباتاات اتعلمون ما السر في دالك ….احب رائحة التراب التي تحمله تلك الرياح الغاضبة المندرة بعاصفة جافة ستغزو انفك قبل ان تبلل تيابك.. ربما ستزعجك قليلا وتهرول الى الى جدع شجرة تحتمي بها لكنك لن تستطيع ان تهرب منها الى منزلك فانت الان في حقل واااااسع جدا وان حالفك الحظ ستكون هناك شجرة وحيدة ولبرمى ستكون عطية كريمة لها جدع يضمك .. لكن من يضم هدا الفارس الدي لم يختر الزمان ولا المكان … ربما في وقت ما غير هدا لكان يجري مهرولا مستعدا لفصل جديد كنملة تجمع حبوبا لفصلها البارد تسابق الرياح وتجمع مؤونة شتويتها كما الحال في سالف العمر ..لكن اي فصل واي زمان هدا الدي يتخبط داخل صدر بكر اي بركان واي لهيب هدا اي صقيع واي تلج هدا اي عاصفة واي اعصار هدا….اي لعنة حلت على هدا الرجل الدي لا يزعزع مكانه احد ولا يهز قدمه احد ..شامخ كجبل وفياض كواد به زرع ..لم يتخيل يوما ان مايحمله قلبه من صخور جوفاء ان تخرج للعلن كما انه لم يتخيل يوما انه يسخدل في كلمة كان سيلقيها لحبيبته ان وجدت ها هو الان يتوعد باشد العقاب الى التي جعلته يخرج معدنه الصلب.. لطالم كان حكيما في قراره لكن الان لا اتوعد لكم بشي ومعسايا الا ان اقول فيحالفه الحظ ويبتعد عند الطريق الجريمة ..ياألاهي الرحمة عيانه تندر بشرارة وعروق جبينه تشتعل حقدا وهو يرمق هاتفه الدي تكرر رنينه برقم كلما رأه بصق ارضا.. ..

..

تحرقت شوقا لتتصل به بعد عدة ايام من اتصاله وهو يدعي العزاء لها في فرسها لكن شوقها اطاااله هو لم يقم بحدر رقمها فهو حتما سيجيب لكن لتحترق اولا وحرقتها طال العهد بها الى التماني اشهر وعشرة ايام …….

اخيرا رشقها بكاس بارد واجاب عن هاتفه مسطنعا الود في كلامه

_ الو شادية لباس عليك.. ..طاح التلفون من ايدها من الفرحة مايسحبش ليها غدا يحل الخط.. هزاتو بالخف قبل مايوصل الارض و.بفرحة جاوبت

_ الو الو بكر… لاح شوفاتو السما كااااااره صوتها ..

_ سمحي ليا ماكنتش كنجاوبك هاد الايام…تنهدت (وقالت في سرها شهور عندو ايام )

_ معلش لباس عليك بعدة بخير

_ والله اختي الى بخير فين عمرك شفتي مول الخيل مابخيريش هه ..رمى ليها صفعة على وجها..كمشت عينيها

_ الحمد لله سعداتك

_ علاش مالكي نت…يله بغات تهضى وهو يقاطعها اصلا ماسوقوش فيها تموت ولا تجلس عاد يسمع لها ولخرايفها : عاد تفكرتك صباح ..ظحكت ولكن هجرو ليها: شريت واحد الفرس سبحان الله تتشبه لشدى غ شريتها على ود تتشبه ليها ساع لصقني عليها واحد السيد والله ماعرفت اش ندير معاه عطا فيها ضوبل التمن باش شريتها خلاني نفكر نبيعها ليه ..بالزربة نطقات من بعد ماطاحو دموع صدق على عودتها وقالت

_ بيعها ليا ..

_ لا بلاش غدا تفكرك في شدى وتازمي

_ لا غ بيعها ليا

_ ولا كنت غدا نبعها ليك هانطلب التمن ادن

_طلب لبغيتي

_ متلا الى كانت شدى مزاااااال حية وبغتي تبعيها غدا بشحال تبعيها ؟؟ ..حركت عينيها وقالت

_ خمسة المليون ..ظحك مقهق ساخر مطلع زاوية فمو لسما وقال

_ صافي بعتيها رخصية سحاب ليا غدا تبعيها بواحد وعشرين هكاك.. تقرست عطاها درس في حب الخيل وقال: ونت مربياها وصحبتك قلت ماغاداش تبعيها بالمرة … دفل في الارض وقال بسر: قتالة … حشمت قدامو وبدات تلف في الهضرة زادت صغارت وغرقت في حوايجها خلاها سرطات لسانها سكت لبرهة وقال

_ اوى جيبي ديك الخمسة وحلال عليك …ضكات وقالت بالزربة

_ ليوم نكون عندك وهو يصدمها .وغادي يلوحها بحرقة بوحدة اخرى شهر

_ لا ماساليش هاد الايام عندي سي شغل على برى نرجع نعيط ليك…

_ واخا ان شاء الله .قطع عليها كيف العادة بلا كلمات التوديع ولا ترحاب ..خلاها تاكل ظافرها وتحرق في بلاصتها شهر كامل باش تشوفو يالطيف قالتها بتنهيدة وحرقة ..وناضت بهوان كلامو خلاها تفكر شنو دارت في العودة وبنتها ولعنت راسها الف مرة كون خلاتها حية كانت غدا تخلق الف سبة باش تمشي تشوفو عن طريقها خاصة خوات ليها الطريق لعنت حظها وافكارها الشريرة الف مرة ومرة وكلاها الندم حت عضت في التراب

قطع معاها الخط ورجع بعودو تيجري ويسابق الرياح . والشتا تطيح ليه على كتافو ..تحلات ليه قميجتو بجوج صدايف وبان صدرو العريض منفوخ العضلات ولما وهو من يعمل في مزرعته بحالو بحال عمالو او كتر ..يحمل اتقالا كيسين او تلات من حبوب القمح او الشعير او الدرة واحيانا يروض خيلا تقيلا يحتاج الى رجل دو ساعدين يتبت بهم الفرس او الجواد ويروضه كقطة وديعة…..الرسان في يده المشدودة كانه يقبض غريمته بين يده وياخد روحها كمااخدت روح كبد رطبة … اول ماتسمع حوافر فجر في الباحة قفزت امينة من بلاصتها تتطلع حوايجها على صدرها في حين بقات سميرة ناعسة على رزبية بلدية مشعرة ..لعبات مع حنين وكريم حت عيات هي نعست وبقات امينة حاضياهم يله جات تفيقها باش تقاد حوايجها وتحشم في وجلستها حت دخل غ شافو كريم مد ايديه بجوج تيكحاز عندو بمخرتو حليم في ايد امينة وحنين ناعسة شبعانة حليب سميرة .. بصوت خشن قال

_ فين حنين…الشي لي خلا سميرة تنقز من بلاصتها وتنوض مخلوعة ماعرفت واش تجمع شعرها ولا تهبط حوايجها ولادو صعاب حركين بزاف ونعاسهم قليل مشطونين ينعسو ويفيقو. .زيد عليهم ولاد سميرة وولاد امينة…العيلات بجوج تهلكو مع الدراري لكن كل واحد صابر على لاخر… بكر نهار خرج ولادو من السبيطار قلب ليهم على مرضعة ماكفاتوش وحدة زاد لاخرى فمستحيل لرجل تياكل من صنع ايدو حرام يدخل فمو شي حاجة ماتصاوبتش قدامو يخلي ولادو يكبرو بحليب اسطناعي ابدا..الشي لي خلاه ماينعسش هديك ليلة وهو تيقلب في السبيطارات الولادة على مراة يله ولدت ومافي حالهاش يهزها هي ولدها شرط ترضع ولادو كيف ولدها.. لكنها تغلبت وزاد وحدة اخرى في اللاول جاب مراة صغيرة والدة حديتا شاف عينيها تيدورو وسط راسها رجعها لغد ليه سيمانا وهو يقلب ويستي في العيلات الوالدات هو ولالة خدوج حت طاحو في هاد جوج ضريفات ومادبات خصاصهم واحد وهي اافلوس فتوعد ليهم بكر الى رضعو ولادو مزيان كل وحدة طلب اش بغات وفعلا فاش شافو حياتو كيفاش دايرة والعز لي فيه ماكرهوش هو يولد وهما يرضعو اش خاصهم والو . غ يتساراو في ديك الفيرمة ولي طابت من فاكية ديالهم واكلات شاربات فابور ومخلصات من الفوق سيدات المكان ماتيعجنو مايصبنو ماينشرو ماقبلات الدراري ويتسناو رجالاتهم لي تفتحت ليهم كنوز مصباح علاء الدين ..فاش تيكون غايب راه الدار دارهم غ يحظر ترفع ملكيتهم…..

هز كريم مشا عند امينة عطاتو حليم فرحان بيهم قد حقو في الدنيا غادي ويبوس فيهم حت لعند حنين الجميلة الشقراء الوحيدة لي خرجات تتشبه لمها في كلشي حت في شعرها زعيعرة ميزة خاصة عندها خاصة انها سبقت الدراري في كلشي حبات قبل منهم ونوضت سنان قبل منهم ودابا تتعلم توقف على جناب اي حاجة واقفة على رجليها …وقالت بابا قبل منهم تيكون فرحان كتر فاش تتكون فيقة ودور عند رجليه وتشد فيه مستحيل تكون فايقة وتخلي كريم ولا حليم في حجرو تتعضهم وتنتفهم حت ولاو يخافو منها غ تعبس فمها ويهربو من عندو مكني عليها كليو باتارا.. اما الحاج داير ليهم حكام العسكر..حت حاجة ماتتفلت قدامو غ خارج داخل بعكازو عليهم ..ماتيتهناو منو العيلات حت تيمشي يصلي ولا يتلاها مع دانيال في شي حاجة معكسة ليه ..حت دراري والفوه بزاف غ يدخل يهزو اديهم بتلاتة ليه وهو فرحان بيهم صحة جديدة معاهم كسبها كريم..غ يشوفو يطيح بلعاني باش جدو يهزو من الارض ولاخر يجري يشد ليه من عكازو تيعحبو بزاف

..اليوم طاحت ليهم حنين على فمها حت تنفخت ليها الشفا العليا كان حداها جدها وهو هاز تلفون في اثصال هاتفي بالفيديو مع اليكسي كل اخبارهم عند بعضياتهم حت خصومتها مع بنتها في خبارو وهو تيتناقش معاها وعينيه فالتين باغي ينقز لشهلة من تلفون طاحت حنين على فمها الشي لي خلاه لاح تلفون وهو مزال خدام باكاها عند جداها وحت هي تتبكي بحال بنت بنتها …حاطة ايدها على فمها… بعد تلات ايام ديال العزلة بينها وبين نفسها حت ماماها تفادتتها وماسولاتش فيها هابطة بكسوة حد الركبة لاصقة محددة ليها جسمها بتفاصيلو توبها تيبري في الزرق حدها حد الصدر ماعندها كمام ماعندها سماطي هابطة زربانة تتسد في اسوارة في ايدها ..جامعة شعرها ديل حصان . هابطة قالبة وجها على مها وعلى العالم حت تسمع بكيان ..مجهد في تلفون ..وماماها تتبكي حت هي كانت غادية بلا موبلات حت وصلت الباب..

وصلت الباب ورجعت وقفت وراها تتمد بصرها فاش تتفرج ماماها كانت حنين هزاها سميرة وتراري فيها ودانيال هاز تلفون

_ ماما شوفي المسكينة اي مسكينة …تابع سميرة بتلفون والحاج عرق وفشل ..جلس على كرسي حاط اديه فوق راسو .. بقات تتشوف في بنتها اول مرة تشوفها.. حسات بيها اليكسي وراها وهي تقول

_ بنتي الزوينة جوزااال جوزال جززاال هاي بيبي اي لافيو اي لافيو ..هيه دنيال قرب بزاف تلفون نشوف القمر ديالي اي لافيو.ماي بيبي جوز … سكتت حنين ودميعات هابطين والقنينفة وارمة وتنخصص .زوينة بزاف عينيها غامقين بزاف على ديول ماماها كانها سحابة رمادية فوق بركة من الماء ارضيتها طحالب خضراء ..جمالها لفت انتباه شخص كان مقوس عينيه وتيشوف بتشكيك .. تتشوف فيها مسمرة حت قالت بنبرة مميزة منبتبعة من نبرة ام ربما تحركو مشاعرها الان

_ شكون هادي؟؟؟..ماجوباتهاش اليكسي وخلاتها في بلاصتها ..مدت ايدها تلفون تتشوف فيها بشك وقالت

_ واش هي البنت لي خليت في المغرب… دخل بكر وتسمع صوتو الحاد وهو تيعرنن ويعلي في صوتو فين كنتو حت طاحت حشومة ماتردوش البال لبنت صغيرة عرفتوها ولات توقف على رجليها نحضوها شوية اجي ابنتي اجي … شدها وخرج وتبعتو بعينيها لي لحظة كانت غدا تقول لدانيال سير تبعو نشوفو وهي تكمش فمها عطات تلفون لمها وتمات خارجة وهي توقفها عند الباب..

_ شنو غدا تجيبي كرش وحدة اخرى وتحطيها في بلاد وتزيدي وتخليها..تلفات ليها بعدم التصديق ورجعت عندها تتاكد من شنو سمعت

_ عاودي شنو قلتي ؟؟

_ سمعتيني بعدي من الرجال ..ضحكات باستهزاء ودارت عطات ماماها بظهر..وقفتها للمرة التانية

_ البنيتة لي شفتيها بنتك نت…وقفت سادة عينيها مكمشاهم : عندها تسع شهر وماعمرك فكرتي تشوفيها حت كيف شكلها ولا تسمعي صوتها ..حت القطط ماتترميش ولادها اضعف حيوان تيتقال باش يحمي ولادو ولو بجناح ريش ونت ؟؟ ماعمرو قال ليك راسك نشوف ولادي لي خلاقو في كرشي..اا ماعندك حت درة احساس ليهم… بقات واقفة تتسمع بدون حركة في الاول كاتت تتصرخ وتغوت بحاال المجنونة الى جبدت حسمهم ماماها .والاخيرة كانت تصمت ترأفا ببنتها وضنت ان كرها لولادها سببو معانتها وان اصابها اكتاب مابعد الولادة ولكن الامر طال ورجعت لحياتها الطبيعية بل احسن من دالك. فرق قلب اليكسي على االاطفال التالت وتعمى على بنتها لي ماعرفاتش كيفاش تعامل معاها ..

_ شهلة عندك تلاتة ديال الاطفال .. تلاتة ديال القلوب الضعيفة تلاتة ديال افواه صامتة ماتتعرفش تهضر ولا تكلم . شهلة مابغيتش ليك عقاب كتر من لي فيه وتخرجي مع شي راجل وتجيبي طفل اخر .. ..خطات جوج خطوات باش تهرب من كلام ماكاها وهي توقفها

_ وماتنسايش انت في نضر القانون مراة مزوجة ولتصورتي في شي فديو مع شخص اخر تعتابر خيانة شهلة غادي يجي اليوم لي تبغي تشوفي اطفالك ماتقدريش لانه يتقدر يتستعمل ضدك شهلة معاك تنهضر شهلة..خرجت بالزربة. وسدت من وراها الباب بغضب حت تهزو كتاف اليكسي .. ضربت رجلها مع الارض وحلات فمها تتصيح

_ ااااااااااااي ..كان هاتفها تيصوني ابسم ميشال ..وهي تقطع عليه .. شدات طاكسي ركبت وماقالت فين بغات تمشي سولها مرة وجوج حت وقف الطاكسي وقال

_ يمكن مغداش حت بلاصة

_ غدا الجحيم تتعرف مكانو…ضحك وقاال

_ الجحيم تمشي ليه مرتي غ ملوتة الارض بمخارجها .قلبت عليه وجها مابغات تسمع لحكايات وقالت

_ نادي الجليد …وصلها دخلت لبست حداء التزلج بحواف معدنية دات شفرة حادة في رجليها ..معصبة …ماعندها تفكير ولا عارفة شنو دير مخربقة وتالفة تتصول وتجول في القاعة غ تتدور تدور حت لواحد الحظة مابقا بان ليها والو وهي تجي خباط على ركابيها ..لحسن حظها كان مدرب..شافها اول ماحطت رجلها عرفها معصبة … مشا تيجري هزها حطها فوق خشبة طويلة تيستارحو فيها التمزلجين ..قلب ليها ركبتها زراقت بزربة ..وهي تتلوى بالصداع…من نهار رجعت لسويد رجعت لهوايتها المفضلة ..فرغات فيها طاقتها وحت الشهرة لي تعطاتها من الحلقة التلفزيونية وللفديو لي تناتشر خلق ليها شعبية في الوسط لي تكون فيه وتتخصص ليها معاملة خاصة هاد المعاملة اعتابرتها تعويض لفقد الجو العائلي المكهرب لي ديما تتهرب منو ولكن ليوم ماقدرتش تهرب من صورة حنين وهي تتبكي والدم في فمها وصوت بكر لي تيتعاود في ودنيها ماشعرتش براسها حت دورت اديها على الشاب وقالت:

_ انا سيئة

.هاز حنين وجها عند كتفو تتبكي وتنخصص.وتشهق جاتها الفواقة مع كترة البكا وهو تيمرر ايدو على ظهرها وتيدور بيها في بيتو ..كبير بزاف الطبقة التانية ديال دار نصها غ بيتو ..خرج بيها لبالكو ..لي فيه استراحة ربعة الكراسة ديال الخشب وطبلة ديال الحجر .تيطل البالكو ديالو على بالكو اخر في جنبو وتحت منو بطبقة وهو الجناح لي خدا الحاج بوشتة مع ولدو ..لقاه حت هو في االبالكو ..هز راسو لبكر لي تيمشي ويجي ببنتو ساكتة وعينيها تيتلسقو بالدموع بغات تنعس..كانت الشمس ساطعة ..مشا بيها لسارية دايرة وعاالية وتكا ضهرو عليها تبيوس في راس بنتو …البالكو عندو واجهتين الالوى تطل على الجردة بسور قصير متدرج من حجر الرخام في الكحل والدهبي والجهة التانية تتفصل بينها وبين البالكو ديال الحاج بسارية وعلو الطبقة لي فيها لكن فينما تحرك بكر تيشوفو الحاج والعكس كدالك .الحاج مابقاش بان ليه بكر يسحاب ليه دخل وهو يهضر مع اليكسي في تلفون

_ الو ..الحمد لله سكتت عند باها . فين مشات شهلة؟؟. تحرك حاجب بكر وباس بنتو..: اه اوى عبرتي على باباها ماتسكتيش ليها طلع ليك فوق راسك .ولايني غ خليها هاني جاي لباباها نوريها علاش تتقلب ..لا جاي دانيال باغي يعنقك ….لا مايمكنش تجي وتخليها تما. هديك راها مايليق ليها الحبل مطلوق ولايني غ بلاتي الى مجبتهاش في طيارة مربوطة من رجليها واديها …اتصال . بسلامة اليكسي رحيمو تتعيط عليا…. اول مرة يتيرو كلام الحاج وخا مافهمش وماعمرو دارها لكن اسم شهلة داز من حدا ودنو وبنتو على كتفو خلاه يلوح السمع عندو بالرغم انه سميتها ماتحرك فيه حت شعرة

_ الو رحيمو لاباس عليك… بخير قالها ليك الطيب بغيت نمشي شي يمات مع الولد مصدعني على مو….كلامو مفهوم هاد المرة ..لودن بكر : لا بخير عليها لا ماغاداش بيا هي …..ارحيمو نعلي الشيطان راك تتهضري على بنتي خيبة ولا زينة راه بنتي . ولا كحلت كحلت وجه باها اش دخل بنادم فيها ولا فيا رحيمو راه ديك المرة قطعت عليك بسباب لسانك اش هاد الهضور ..مال بنتي .. مابغاتش الراجل نربط ليها لحمها مع لحمو …شكون قاليك لاحت ولادها شدهم من عندها صحة فاش عرفها مغاداش ترجع معاه ولايني تتزيدو فيه ..يهضر بنادم لبغا يهضر…بنتي بخير وعلى خير مصدعاني على الدراري بغات تشوفهم قالت ليك تلفون مابردش ليها جوفها راه تتشوفهم في تلفون … رحيمو رحيمو …واااااشغلو هداك يتزوج حت عشرة.. .ونا بغيتو يتزوج باش تجي مهم ديهم… قوس بكر حواجبو وقال

_ ياك الحاج اوى هاني نجيب ربعة وقول ليها دوز جيهتي ..دخل حط بنتو في سريرو هو وتسرح حداها تيمسح ليها عريقات باردين من على نيفها ومرة مرة يهبط يبوسها ويلعب في اديها حت نعس حداها .. مزال كلام الحاج مع رحيمو لي طيبت ليه قلبو كتر ماهو طايب تيسلك معاها غ بالكدوب خت قالت ليه

_ خويا عندي ليك ش هضرة

_ ومن صباح كنت تتغني لعوة ولا شنو؟؟

_ خوتك تجمعو على كلام واحد

_ اما هو؟؟

_ قاليك ولادهم مابغاوش ليهم البراني وراه ختارو سارة تزوج بالمقدم

_ اوى الله يسخر ..كمش عينيه بحزن وتنهد وكتمها في صدرو وقال

_ هي بغات؟؟

_ بزمنها تبغي بقات في نسيبك هضر معاه نت ولا نهضر معاه انا

_ بعدوني من داك السوق ولاد بنتي لشفتهم معدبين مع شي وحدة راه غادي نحارب بسنية باش نديهم

_ لا سارة ظريفة ومعقولة ماشي .. عضت في لسانها وقرصت الكلمة

_ والله خليك اختي شوووكرا… حشمت منو بغات تلفها وهو يقطعها

_ وخا يتزوج عشرة بنتي كواتو وعلى قبلها ريب الحيوط والله وخا تجيبو ليه ملكة جمال ديال الهند لبرات كيتها غ تتخربقو واجي قولها ليه لبغيتي شي قرطاسة بين عينك انا ماااااشغليش يله طهلاي في راسك اااااختييي ..قطع عليها وبداو اديه يترعدو..مابغي بكر يتزوج بحت وحدة وغادي يوقف ليه في الحلق لي مشا حت نوى ..

قرع خفيف على باب غرفة بكر … ناعس بعمق ..حت دخل ليه صوت كريم وحليم عند الباب وهما تيعيطو.ببب ببب ابه ابه ..ويضقو بحال كيف تتدير سميرة..ظحكوها..يله باست كريم وبغات تبوس لاخر حل الباب بالخف هزت فهما على خد حليم…مدو ليه اديهم بجوج شدهم تيضحك.. هو دخل وهي رجعت يله بغات دور وهو يقول

_ سميرة اجي بغيتك…..دخلت لبيتو حشمانة ماعمرها دخلتو وهو فيه حشومية بزاف ..وتتسرا ديما بالبيجامات عراض وطوال والزيف على راسها هابط لنيفها ..دغيا تتحشم وتعرق..دخلت ..مشا لبالكو حط ولادو تيحبو حداه جلس مقابل مع حنين لتفيق ..بقات سمیره واقفة

_ جلسي اسميرة..جلست مكمشة رجليها عكسو لي مفرق بين رجليه واديه على ركابيه وراسو تيدور مع تحركات ولادو..واحد فيهم مشا وقف مع شقاق ديال الحيط لبالكو تيطل على الحديقة تيشوف في واحد الخصة تتطلع الما من دائرة رخامية حجرية وحجرة كبيرة مهزوزه بستة ديال الساريات تيخرج منها الماء لحت لفوق بخط مستقيم ويتفرق ويهبط على شكل شلالات … تيخوي في بركة كبيرة مصاوبها للببط والوز تيضلو فيها كريم اول مرة ينتابه كيفاش الما تيطلع لحت لفوق ويهبط مفرق على شكل شلالات ..ضحكتو بغا يصفق هو يجي جاالس ناضت سميرة تتجري لعندو ردت فعلها ناتجة عن حبها ليهم هزاتو ووقفتو وجلست حداه بقا حاضي الما ويشتف برجليه فرحان وهي شادة فيه لايطيح.. وعينيها على لاخر لي تيدور تابع نميلة باغي يشدها. بجوج صباع فينما دارت يتبعها حت عصبتو ونزل عليها بايدو …ابتاسم بكر لردة فعلها اتجاه ولادو وقال

_ بغيت نتزوج بختك .ماعندها حت واحد في حياتها.؟. تنزكت وحشمت .وفي نفس الوقت فرحت ..

_ الله يكمل بالخير

_ شكرا ..ختك ضريفة بحالك.؟.حشمها بهضرتو وقالت بتلعتم

_ احسن مني ..

_ سميرة نت راك موت ولادي راك رضعتيهم نت وامينة داكشي علاش بغيت نتزوج بختك امينة خواتاها مزوجين يعني المكتاب لختك قوليها ليها وردي عليا الخبار

_ ان شاء الله …تحنات على كريم باستو ومشات تتعطر في جلايلها والفرحة مغلفاها ..هي خارجة وهنية داخلة..باستها لاخرة وتعجبت منها هنية داخلة وتعيط حت قفزت حنين تتبكي..دخل تيجري عرف هنية فيقتها ديما تتفيقها عقابها تتبقى تلعب معاعها حت ترجع تنعس. هنية المحرومة من كلمة ماما..سمعتها من عند حنين اول مرة ودخلات ليها لقلبها كتر ..سمعتها طاحت وجات تشوفها مشات تقلب فيها ولاخرى اديها لفوق بغات هنية تهزها وماكان االا خاطرها وركبتها في ضهرها .ومشات عند المقدم تتسول فيه على الضحكة لي واصلة لسميرة لحد لحواجب بنبرة خشنة ومرتاحة حواجبو مبسطين وولظحكة على وجهو :

_ عجبها لحال فاش قلت ليها بغيت نتزوج بختك…شهقات هنية وبلا استعاب قالت :

_ وشهلة ؟؟؟؟؟

ميل راسو جنب باس حنين بوجه بشوش مرتاح وابتسامة عريضة حاط نيفو على نيف بنتو تيلاعبها وهي تتحاول تعضو في نيفو وظحك قال بصوت هادء محافظ على تعابير وجهو وقال

_ مال شهلة؟؟؟.. عجبتو الفكرة انه بتزوج بخت سميرة شايفها بنت مادبة قارية وضريفة زوينة تتقلب علة خدمة بحال اي مجازة تتدزو لي كونكور وتتسنى حظها..بحال ايها الناس..ومسنية رزقهة يجي سواء بزواج ولا خدمة بنت طموحة وتعتامد على راسها بزاف تتخدم باش تقرى ..شافت فيه المسكينة وراسها تيدرو فيه مطارق .كيفاش مال شهلة ..رفعت صوتها وقال

_ومانعرف ليك اوليدي وهي مزال في عنقك تزوج عليها ولا شنو

_ هنية انا راجل نتزوج بربعة شنو غادي نتسنى مواففقتها ولا شنو؟

_ وسامعة لبغيتي تزوج بالتانية خاص لولا تحط صبعها..ظحكتو بقهقهة وقال

_ لواه تحط رجلها …هنية مزال عاقلة على نجاة عتابو ولا شنو؟؟

_ وانا ديما المعطي يقول ليا يله حطي ليا صبعك باش نتزوج ونجيب علبك ةلضرة….زاد قهقه بنبرة جميلة و خامة رجولية

_ دايرك ظحكة هكاد المعطي اهنية ..تيضحك ومكمش عينيه

_ وشنو غادي دير معاها لاجات؟؟

_ وتشكون اهنية ؟؟

_ ومرتك النصرانية احاي المقدم

_ تعض في الطراب وهنية حلي داك المخ واش لجات غادي ندخلها مع الباب ؟؟

_ وشكون عرف

_ نت نت تعرفي ..شار ليها بصبعو مهدها والضحكة واصلة السما: وناري اهنية وتجي وتخليها دخل

_ ت داوي بصح بغيتي تزوج

_ ولا حول ولا قوة الا بالله واش خاصني لي مانتزوجش ؟؟

_ ونا قلت ماعمرني بقيتي تزوج ولا تفكر في المراة

_ وعلاش؟؟..

_ ومانعرف قالها المعطي. هز ولدو عندو ولاخر كان سبق لبيت تيلعب

_ اداك المعطي ماتيحشمش قولي ليه يدوز عندي في العشيا بغيتو

_ ربي المقدم ماتقول ليه والو

_ ع سيري ماقيل ليه والو نجبد ليه غ ودنيه ونخيط ليه فمو..المسكينة غادية تمتم وهو تابعها ويضحك ..هبطو لوسط الدار تجمعو على طبلة الغدا ..قبل كان باكل بوحدو دابا عندو فريق امينة ولادها وسميرة وولادو والحاج ودانيال لي مصاحب مع بكر فينما خرج معاه تعلم منو خصالو مابقاش تيهضر في اي حاجة عكس قبل ولا غ ساكت الى هضر يلعب مع حليم وكريم

….شدها من اديها وقفها وسندها على كتفو خرجها من حلبة التزلج …. عاونها حت بدلت الحداء بسبادريتها وخرجها باش يوصلها لدارهم مابغاتش بقات معاه في طموبيل هو ساكت وهي ساكتة شوفاتها على المارة .. حت دازت ربع ساعة ..كسر الصمت بكلام ممازح

_ كون كنت دمية كان الامر غادي يكون رائع بزاف دارت عندو تتسولو بعينيها فقط

_ باش تبقاي زوينة حياتك كلها بعيدة على المشاكل

_ ..ظحكت بقهقة ورنة في صوتها

_ديما كنت نتاخيل راسي دمية ونتحرك ببطء.. حراكات ادبيها بحال دمية ..ظحكتو

_شنو بان ليك نرجعو دمى .

_ فكرة زوينة….حرك الطموبيل وزاد بيها لواحد كلوب الالعاب تتصوري وضيفها لشاشة ووتحطي راسك في وسط كاسك بنضاضر عبارة على كاميرة..رجعت هي دمية متحركة في لعبة باب جي وهو معاها . حيدت لكاسك وضارت عندو وقالت

_ دمية سافلة..قهقه وقال

_ بل متيرة ..

_ تعلمت مانصارعش رجل بلا ملابس ماشي عدل في حقو . غمزتو بدلت لحوايج في دمية في شاشة لبساتها سروال بلاصتيكي تيبري في الكحل وبودي مشبك حت هو في ااكحل مع حملات تحتمنو ساترين ليها صدرها .. ورجعت الكاسك

_ اصبحت اللعبة عادلة …

_ماغديش نحن فيك

_ ولا انا… دابزو بالفرادا حت سخفو وقلبوها كراطي عطاتو نيت في اللعبة وهو تيطيح في الواقع لعبو حت سخفو ..لاحت الكاس من على راسها دارت عندو وقالت وهي تتضكك وترجع راسها لور واديها على جنابها

_صغير الماعز

_ انا؟

_ اه …خرجو تيضحكو وقال

_ قلتي ليا سيئة سحاب لي غ تتضحكي فعلا سيئة..فكرها وهي دور عندو

_ انا تخليت على تلات اطفال …كان حادر راسو تيعقد السيور سبادريتو حت شاف فيها بسرعة البرق مامصدقش شنو قالت ليه

_شنو؟؟؟؟

_انسى…تمشات هربانة وهو يتبعها بالزربة شد فيها من ايدها ورجعها عندو

_ تلات اطفال

_ قلت ليك نسى الموضوع. .شارت لطاكسي ومشات ..دخلت لدارهم نيشان لبيتها تلاحت على سريرها راسها هابط لصدرها وركابيها عند فمها …سريرها عامر حوايج وارضية البيت مرونة بالزبل .المجورة محلولين والببسي مرمي في الارض وكتوباتها شي فوق طابلة تلفازة شي فوق الارض شب محلول شي مسدود.. سبادرياتها وصنادلها تعكل فيهم في الدخلة والخرجة..جلست مكورة لساعات خت بدات الشمس تغربت وناضت لسرجم وقفت لساعة حت عياو رجليها وطلعت فوق الحافة سندت راسها لزاجة اديها مدورين على ركابيها لساعة او نصفها عاد تحرك راسها بدون ماتزيح نظرها على النقطة لي حطت عليها عينة في الول ماتتشوفش خت حاجة غ نضرها لنقطة معينة حت لو مر جار تيعرفها وعيط عليها او لوح باديه ليها ماغاداش تنتابه ليه…طاح الظلام وبانو النجوم في السما زهت عينيها ليهم لقات فاش تلاهي نضرها اخيرا لكن تفكيرها تيدور لنقطو وحدة ووجه واحد حنين وصورتها بعيون جميلة باكية ..كانها تسمع اغنية لاتينية اعجبها الاداء واللحن وايقاع المسيقى دون ان تعرف مع كلماتها. ..طال تفكيرها ووجه حنين بين عينيها حت صباح الحال لقات راسها ناعسة على الزاجة فيقتها اشعة الشمس لي ضربت ليها على ووجها .. دبلو عيونها ..تتحركهم بالنفس التفكير… وقفت بتتاقل ومشات لسريرها نعست على ظهرها وعينيها في السقف ومرة تقلب على كرشها مرة على جنبها لا اكل لي غادي يلعب في كرشها ويخليها تبدل المكان لا ماء فقط احساس تيتوسط صدرها بحرارة وتيخنقها….وقفت ورجعت جلست دوار شديد وصداع لكن متحساتش بيه ..مقهورة حقا .. غمضت عينيها ونعست ماعقلتش على راسها شحال نعست نهار اخر او يومين لكن ضعف جسمها وفشل رجليها خلاها تعيط بخفوت على ماماها لي غضبت عليها لدرجة غ تتطل عليها من فتحة الباب وترجع لبيتها .لكن قلب الام دائما يحين وقفت من بلاصتها تتجري غ ببنوار دنعاس ماسعمتش بنتها ولكن حسات بيها مريضة..دخلات عليها تتجري لقاتها طايحة في الارض فمها زرق ووجها شاحب … وتشت على ركابيها تتهز فيها. ..وتبكي تلفون شهلة لي تلات ايام تيصوني بدون كلل او ملل وقفت اليكسي تتجري تتجري جاوبت وقالت

_ اين كان بنتي تتموت عتقني ..خلات الطرف الاخر يجري ويقلب مايلبس صدق لابس كلشي مقلوب والتلفون في ودنو ..تياخد العنوان من اليكسي… جا المدرب بسرعة البرق وهزها ليها ريشة مستسلمة الموت عين وحدة لي تتدمع ولاخرة تتشوف بيها في ماماها ..تابعاها من الور تتعيط لحاج لي كان على الطبلة ناضت سميرة جابت ليه تلفون غ سمع باكاها وهو يوقف عرف شي مصيبة عند بنتو

_ مااال بنتي ..قالها بالعربية … طيح التلفون وطاح معاه. ناض بكر تيجري حت طاح الكرسي من وراه ..هز دانيال تلفون تيهضر مع ماماه وتابع بكر لي هاز الحاج كي الريشة حت هو تيجري بيه كيف ماتيجري المدرب بشهلة وبكر باباها ..دخلو بجوج لسبطار لكن كل واحد في دولة …تما الطبة غ شافو مريضة جراو بيها ودارو بيها وعجلات الكروسة تتسمع في الارض وكلشي تيدير ليه طريق بكر هاز الحاج وعروقو خارجين فين طبيب فين طبيب عتقوه عفاكم.. في نهاية اليوم كان الحاج ناعس مغيب وبنتو ناعسة ضعيفة ردت كلشي لقلبها حت جاتها كريز مابقات قدرات تنفس ولا طلع الروح…

وقف بكر مع الحاج وقفة الرجال ..داخل خارج عليه حت شد في صحيحتو..ورجع ليه الطونسيو لبلاصتو.. ..حت شهلة ولا ت بخير ولكن مزال في السبيطار ..تصالحت مع باها لانه جلس سيمانا مغيب وهي ومها في تواصل مع دانيال المسكين لي بقا بوحدو لولا بكر لكان غادي يتسطى على باه …خارج شادو بكر من ايدو داخل معنقو يمشي لدار يديه يرجع لسببطار مرجعو معاه..اليكسي ماعرفة فين تحط الرجل واش عند بنتها لي قالو ليها الاطباء ضروري تعمل واحد تحليلة صعيبة تهز الما من النخاع الشوكي ولا مع راجلها لاي مصيبة صغيرة ولا كبيرة تتطيح ليه الادين مع الرجلين..التحليلة صعيبة رفضتها شهلة رفض تام واعتابرت ان النقص الحاد في الكريات البيضاء ناتج عن عدم تناولها الطعام لمدة اسبوع ..الشي لي خلاهم ياجلو التحليلة حت تنظم ماكلتها.. سمع الحاج التحليلة وخاف على بنتو كتر ولا شاد معاها التلفون صبح وعشيا فينما دخل عندو بكر يلقاه تيهضر معاها واحيانا يجلس يسمع ليهم وهو اما واقف ومتكي على الحيط مربع اديه ومكروازي رجليه او جالس على كرسي مشبك اديه مسني حت يسالي هضرتو ويجلس معاه شوية..مرة يسمع صوتو ويعرفو شاد الهضرة مايدخلش حت يسالي ..الشي لي خلاه يستنتج علاش الحاج ديما مخلوع عليها ديما طايح ليه طونسيو عليها زعمة كاين شي اب يبغي بنتو الاقصى درجة ولغضب يغضب عليها على قدر حبو ليها ويكون العقاب قاصي …جوج سيمانات وهو ناعس مكسل في السبيطار وبكر مسكين كي ساعي البربد مع دانيال . بغيت نشوف بابا ديني عند بابا بغيت نرجع لدار عييت.. حت جاه الفرج وكتبو ورقة الخروج ليه وبين ايديه هاز ساكو وشاد فيه من جيهة الاخرة غادي الحاج ويعكز وبكر في جنبو .. حت وصلو لطموبيل ركب القدام حدا بكر وهو يبدا تلفونو يسرسر…. شاف في بكر بنص عين ظاحك وشد الخط كلامو بالعربية

_ المدام هااادي عاش من شافك…..وتعلمي العربية المراة راه طبيب منع عليا الانجليزيا قال ليا معكلة تتطلع ليك طونسيو حت هي .. ولهلا اري ليا بنتي لي تتعرفها…..دات ليها تلفون اليكسي نية ودغيا تيقتو…دقت على بنتها وقالت

_ باباك …تقلبت على كرشها حطت تلفون مقاد مع المخدة واديها تيقلبو في كتاب..لابسة دباغدوغ في الغوز مع شورط ديالو ..شعرها مجموع..حينكاتها حمرين والفم زهري ..يله فايقة من نعاس :

هاااااي بيبي .

_ الوردة ديالي لباس عليك

_ لاباس

_ اوى كولي مزيان باش تصحي ابنتي ..

_ حت نت كول مزيان

_ شنو لي في حنكك حمر.. قربات تلفون من وجها وهو يطبع بوسة في الشاشة: هاهي عاد وصلاتك ..ظحكات بقهقهة خالات بكر يهز حاجب ويشوف بنص عين في نسيبو لحمق

_بابا!!

_ نعام الفنون ديالي اجي عندي .. ظحك وقال

_ واجي عندنا نت ..شاف فيه بكر بنظرة من نيتك الحاج ..

_ توحشتك بزاااف ابابا

_ حت انا البنوتة ديالي شنو غدا ديري في التحليلة قررتي دريها؟

_ لا ..

وعلاش؟.. هضرتهم ماحركتش في بكر ساكن غادي مع الطريق بوجه مرتاح وعينين مبسمين . ماعرفو الحاج بوشتة واش فرحان حيت تيسمع لبنتو ولافرحان حيت خرج من سبيطار ولا شي حاجة اخرة.المهم بكر غادي سايق هادء

_ بابا عندي مسابقة ديال الرقص..تقرص الحاج بداو عينيه يدورو.. بدا بكر يطبل في الفلون حرك ايدو تيطلع في شاشة بورطابلو وقال

_تتعجبك فاطنة بنت الحسين .؟.قالها بهمس ..ابتاسم لاخر محاول تتليف هضرتها

_ باااااابا راه غدا نشارك في مسابقة دولية وخا طحت على ركبتي وضربتني شفرة الحداء لفخضي شوف…بكر تيدورو في عينيه والحاج مخشع مع الضربة لي فخظها وقال:

_ يالطيف وهانتي ابنتي راه صعيب الجليد راه تنخاف عليك ..ظحكات وقالت

ماما تتخاف عليا من الرجااال ونت من الجليد اوف..طلق بكر الاغنية وتلفت لحاج

ماشي مشكل تتسمع بنتك ؟؟ حرك ليه لاخر راسو وحلف هو لبغا يقطع مع بنتو بغا يدخل ليه صوتها لودنيه وربي كبير مسني من شهلة تسول على حنين كيف المرة لفاتت لكن هاد المرة مشغولة مع الكتاب تتقلب فيه .حت طاحت ليه فكرة في بالو وسيب التلفون تحت رجلين بكر كيف دار ليه الله اعلم.. تحدر بكر باش يهزو ويعطيه ليه..صادف شهلة نافخة مسكة وتتقلب في الصفحات شافت باها سكت هزت عينيها لتلفون وهي تلقى وجه بكر مع طرطقت المسكة وعمرت ليها فمها نيفها..ظحكت معاه..لكن ماعمل حت حركة عطاه لباها بلا مايشوف فيه وهو يسمع سميتو بصوتها

_ بابا نت بكر ؟؟؟

بابا بابا معاك بكر؟؟؟..حرك راسو بالايجاب…وهو يتسمع عندها الدقان في االبيت.. ..دخلو رباعة ديال البنات والولاد ..لاحت تلفون ناضت تتغوت وتنقز فوق المضربة وباباها تيسمع شلا هضرا…نقص الصوت وبقا حاضي التلفون..ساد الصمت في السيارة حت لباب الفيرمة…كلاكسون قوي خلات العساس يجري سابقو كلبو…تحل الباب على مصرعيه وتحتكو الروايض مع الحجر .. كل مرة يدور وجهو عند النسيب ولاخر مخشع مع تلفون بوجه معبس .جوج دراري بانو ليه وتالت تيهضر بعيد… رجعت شهلة هزات تلفون عملات بايباي لبابها وقطعت غ قطعت من هنا عيط لمرتو من لهيه يسب ويعاير وكشاكشو خارجين وقف بكر عند الباب هو نزل ولاخر مزااال حت دخلت اليكسي عند بنتها كيف العساس وتلفونها مقابل معاه… جاو عندو الناس لي تزادو في الفيرمة تيسلمو ليه ويطلبو ليه طولة العمر وهو غ يحرك راسو ماشاف فيهم ماهضر معاه…سميرة هازة حنين بقفيطين دياال المبرة في خضر ملكي . محنين ليها رجليها واديها ودمالج ديول الدهب مع حلقات . مشبعاها لالة خدوج دهوبات وحناني .. تعلقت في باباها مع ضحيكة وسنينات جوج لتحت ….هو ينعق ويبوس وهي تخرجم ليه وجهو بريقها من وحشها بغات تاكلو ولا تعضو شاركة ليه نيف مع الفم وكلمة ابا ابا في فمها..ودبها مكشمة ليه في قمبجتو .. هزها خاشي وجهو في عنقها يبوس ويشم فرحااان الظاهر ان هدؤو سماحة وجوهو خداهم من تواجد تلات توائم تلات شخصيات تلات ظحكات وتلات نغمات اروع مافي الحياة طفل صغير يحليها ويضيف طعم السعادة فمابالك بتلاتة فقد امتلء الفؤاد وارتوت المشاعر ….لصقو فيه كل من كريم وحليم ولكن غ تكاو على صدرو الظاهر ابو بكر رقم اتنين وتلاتة متواجدين حاليا.. هزهم بتلاتة بحاال الفلالس وسميرة وامينة تابعينو وهنية من وراه والمعطي وجوج رجال هازين ولادهم في جنبو عائلة كبيرة لان ال الرضاعة جمعت تلات عائلات وولادهم كلهم خوت ..مملكةالمقدم بكر دانيال تيتسارا بعود تابعو ابراهيم حت هو معاه بعود …صوت الحجل والطاوس وصهيل الخيول لي عرفو بكر جا حت من الابقار ماخلات طبلة في الودن ماطقبتها ..داخل فرحان ظهرو عريض وراسو هزاه عنقرة قد ظيال الحولي ..ماشافش الزايد حت نطقت هنية عاد تلفت لسمية الجديدة لي كاينة معاهم

_ فين وصال اسميرة …تلفت لهنية وهي تتقلب عى الضيفة حت جات عينو على بنت اية في الجمال بحروف مغربية عربية دكاالية طويلة وعامرة من كل جيهة الا الكرش لي غ سمعت المقدم بغا يتزوج وهي تقطع الخبز والرفيسة.. شاف فيها على غفلة كانت هازة عينيها فيه وهي تحدرهم بسرعة خلاتو تلفت قدامو وضحك

تحط الغدا .طبلة كببيرة ديال الخشب العرعار ..داير بيها عشرين كرسي… تاكية ديالهم طواال على راس كل واحد فيهم الا بكر لي فايت راسو شوية هو عبد الرحمن راجل سميرة حيت دكالي اما ماتبقى كلهم كاين لي قدقد مع الكرسي كاين لي مخصص ليه كرسي بوحودو بحال ولادو بتلاتة..وخا واكلين قبل الناس وشبعانين لكن يجلسو في الطبلة مع باهم وجودهم يحلي الجلسة باصواتهم وعيونهم لي تتراقب كل واحد وهمهماتهم وكلامتاهم الغير المهبة …ضيف جديد تزاد عليهم في الطبلة لسوء حظو كان كرسيه مقابل مع شخص اعتابرو غريمو يشوف فيها ويهندس حت جاب ليها الحشمة مابقات عرفت واش تاكل ولا تشرب ولا تربع ايديها حضاها بسم حت وحلها ليها ..وناضت من بلاصتها ..تتسوط على راسها ..دخلت الكوزينة كبر من لولا بتلات مرات دايرة كلها بالبلاكارات واابوطاجي غلى جوج جوايه عراض لون الباج غالب في هاد الدار هاد المرة لون حجري بامتياز الا الرخامات لي على البوطاجي والطبلة ديال الماكلة لي البيض سكري . ..جلست على كرسي مقرب لبوطاجي تتشرب في الما وتمتم.

ماعرفتوش شكون يسحاب ليها باه لانه ماعطاتهاش التفاصيل مزوج ومطلق وعندو تلات دراري خلاتهم ليه المراة.ونسيبو عايش معاه اشمن نسيب الله اعلم..فلتات ليها..هادي ماعندهاش مع الهضرة تيعجبها تبحت لراسها.. تمتمت في سرها ..يارب شكون دااك الشارف وحلها ليا كتر ماوحلتها ليها جلسة بكر .. عطات الباب بضهر تتهضر.. اوعدي زعمة هداك القايد غادي يكون راجلي لا مايمكنش شنو درت في حياتي زوين..واه ياك ماديك المشة لي كانت ولدات عندنا في سطح وقابلتها حت شدو في صحيحتهم دعات معايا.؟؟. يمكن..تتظحك غ بوحدها.. وخا ماشي قايد مرجع راسو قايد هادو هما الرجال التقييدت هي هادي اش خاصو المخازينية يدورو بيه هو براسو مخزني جلستو جلست قايد وهضرتو هضرت قايد وضحكتو لا لا اوصال ظحكتو بوحدها .شحاا ل من قايد غ الكرسي لي عطاه السمية اما بكر هو لي جاب السمية… عنقت راسها وقالت

_ غدا نكون مرت القايد ابو بكر اش كنيتو… يارب تيحمق تيحمق تيحمق يارب غدا نتسطى ..امتى نتزوج بيه… غ كملت الهضرة وهو يفاجاها بصوتو الرجولي لي تنغم مع ظحكة فاش سمع كلامها

_ سيري جيبي العدول…. تزنكت وحشمت..خلاتو واقف وهربت . تبعها بالعين تيضحك…وقال

_ بغات تخرج عليا هادي قايد !!!!!داكشي لبقا ليا ..وقفها بنداء كانت بعدات تتجري وهي يتسمع سميتها من عندو

_ وصاااال .. …بقات دور عينيها بحال البي وخايفة حمارت كتر وبغات تبكي ..لا راه بكات نيت… رجعت حادرة راسها لعندو ..سمراء حنطية وحروفها كحلين حجبانها ملاصقين مع شفارها جسمها باين معالمو وخا لابسة بيجامة طويلة بكمام في البيض موردة بالغوز والرزق لكن صدرها باين ومؤخرتتها تتلعب في البيجامة دكالية كلشي فيها كبير عينين كبااار ومبلوزين على برا النيف مواتي الخدود لي باينين والفم غوزي شنافيو بلا فيلر يشوفو فيك بدات ترعد غ بوحدها .. تقول خوها وحصلها مع صاحبها… رجع اديه وراه واقف تيشوف فيها من لفوق لتحت ..لابس لبسة رسمية كوستيم في الزرق غامق قميجة في الزرق مفتوحة عليه غ بدرجة مع سروال توب مفصل عليه..وصباط جلدي في البني مع ساعة جلدية في نفس لون السباط..مسرح شعرو لور وخا قصير بزاف ماشطو لور..عندو لقاء مع الباشا في مدينة جديدة .. جات عندو تتقلب حادرة راسها عينيها في الارض حت قربت عندو وهو يقول

_ سعدات النمل معاك ..هزات عينيها باكين وقالت

_ اا

_ اووو خايفة توطاي عليه راسك عند رجليك مالك حشمانة ولا شنو؟؟

_ لا لا لا .

_ ايييه اييه اييه .. نتوما العيلات لقابلكم الواحد تسطويه والله العظيم علاش تتبكي؟؟

_ لا لالا..

_ اييه اييه ايه ماعلنا ختك هضرة معاك ؟؟

_ اه

_ اوى انا سمعت هضرتك نسافر واحد سيمانا ونجي بغيتي نديرو العقد من وراها نديروه عندك مايتقضى قضيه ولا خاصك الوقت قوليها .. حركات ليه راسها بالايجاب

_ وصال كنت غادي نسمي بنتي وصال…ظحكت بلا ماتعري على سنيها وزاد كمل: انا زربان على الزواج بغيت ام لولادي نجيك من لاخر حركات ليه راسها بالايجاب : وربي غادي يرزقنا وليدات اخرين ياك اوصال..

_ بادن الله..

الله يتهناك …خرج ريحتو لي كان خاصها تشم وهاهي دخلت ليهامع النيف حت لجدارة العقل غ تفلفت من حداها تبعتو بنضرات اعجاب وفمها مجموع بابتسامة خلات جوج غمزات حرار تيرحبو بلي جاي تمتمت ظاحكة واندهاش على فمها وحنزكها مزنكين وقالت :

_ قايد وحق الله … قايد وباشا ..

داز شهر وماعيطش وتلفون في ايدها بهات من كترت ماحركتو هزتو وحطاتو وعينيها دموع وقلبها تيضرب لي سولها على فرحتها لي تتبان على وجها فاش تتفكر غادي تشوف بكر تتقول ليهم احساس بالسعادة ولكن سرعان مايطيح الظلام ويمشي نهارها بلا حت خبر تيرجع ليها ليل جهنم تصبح على تفاؤل وتنعس على حرقة…طيبها طياب الطنجية فوق الرماد ..حت جاها الفرج اخيرا واتاصل بيها في الجديدة وقال

_ الو شادية سمحي ليا ماعيطتش ليك راه مزاال مسافر عشمها كتر وكتر وعوض تشطح بدات تغوت وتنقز فاش سالة معاها نهار السبت راجع الحد تجي عندو لفيرما اووووف يله التنين ليوم …باست التلفون والإد لي هازة تلوف ومشات جامعة حوايجها ديال الحمام. تقول غدا تلاقا بيه ليوم ولكن خليوها كل نهار تمشي تحمحم حت طيب الجلدة ويتسلت ليها العضم على اللحم ..

ربطت شهلة علاقة صداقة مع المدرب ديالها وعودات ليه قصتها من الاول الاخر انداهش من قصتها العجيبة وايدها في قرارها وان حتى واحد ماخصو يعيش تحت تعاليم حد اخر… بكات وهي تتعاود ليه كيفاش حاربت الكل وان الكل ضدها وانها تحت رحمة ابوها كتر مابغاتش تزوج زوجها مابغاتش تولد ولدات عوض واحد تلاتة.. واخدا ليها حياتها تيحركها بالموحر لي بغا هو ويسوق دنيتها بعجلاتو هو .. مد ايدو ومسح ليها دمعات من على خدها بضهر صبعو…كانت فترة الاستراحة ديالها .جالسين فوق لوحة خشبية مغلفة بالجلد والبونج تيرتاحو عليها.. كل حصة تتعاود ليه جزء حت كملتها ليه وختمها بدموع وهو بسؤال

_ علاش خايفة من الاطفال ديالك.؟؟؟ تندهت

_ ماشي خايفة منهم ولكن مابغيتش يكونو محور حياتي او نستغلهم كيف تيستغلني بابا وماما …مابغيتش نفرض عليهم شي حاجة ونكون انا لي نعطيهم الامر انا تنحارب نعيش بحال الطاير وخفت الى جبتهم عندي نفرض عليهم شي حاجة وهما مابغينيش …تتهضر وعينيها لفوق ومرة لتحت فؤ الارض مع الراقصين لي دخلو يدربو تتشتت النضر هنا ولهيه

_ يمكن يعيشو معاك بحرية كتر وتعجبهم الحياة معاك

_ نو مابغيتش خليهم فينما كانو يكونو ونا متاكدة غادي يعيشو بحرية مع باهم….ظحك بقهقهة

_ علاش ؟؟ نت قلتي ليا كان فارض عليك شي حوايج شنو هما ؟

. شافت فيه بضحكة من عمق عينيها

_مايشوفنيش شي راجل عريانة نفر افر ….حط اديه على فمو

_ يا الاهي ..

_ حقاااااااا

_ علاه نت تتعراي قدام الرجال ؟؟

_ كانت ملابسي اكتر جراة

_ لا

_ يس

_ يحق له انت جميلة للغاية وحنا الرجال غيرتنا هي روجولتنا

_ ماتقولش هاد الهضرة

_ يس ليلي حت حبيبتي تنفرض عليها تلبس عليها اكتر مالبسة نت

_ عقلك فيه علكة .قابلة للمضغ وماشي لسرط..قققه بصوت عالي وقال .

_ نوضي عندي ليك رقصة تصميمها نسخة عن قصتك… وقفو بجوج خدم مسيقى …ودخلو لاسين..من جمال التصميم لي حط في بالو جلسو تيتدربو حت طلع النهار ….تقربلت عند الحاج لي ماتيمشي ينعس حت تيشوف بنتو في فراشها لكن ليلة كلاه الشك …مانعسش وماحطش الشفى على خوخ ..عند الفجر خرج سوط وينفخ… دار في الجردة حت طلع النهار وشرقت الشمس

ليوم نهار عامر عند وصال خاصها تمشي لدارهم توجد كلشي لخطبة وضريب صداق في نهار واحد ومن زهرها خارجة من باب الدار تتقلب في ساكها شنو تكون نسات لابسة جلابة مخزنية في المارو بطرزات في الباج مرشومة عند الدراع مع بلغة في الباج وشال في الباج خارجة كلها امل وتفاؤل حت خرج ليها الحاج من الجنب

.وسط الطريق لي ملبدة بحجر صم مختالف الاحجام مموج وسط اللاشجار من باب الدار حت اخر باب في الفيرمة تيمشو فوقو بالرجل…..قالت

_صباح الخير ردها عليها بالزعاف حست بيه هاز من جيهتها بغات تسارع الخطوة حت وقفها..

_ اجي ابنيتي نهضر معاك..رجعت عندو ووبقفت بخشوع امام هيبتو لي عاطيها ليه ااسلهام فوق الجلابة والطربوش ديال صحاب الطرب الاندلسي الحق يقال وقفتو فيها هيبة وحسنية وقفت قلبها تيضرب

_ نت شنو بان ليك في هاد الزواج ؟ قادة على تلات دراري باهم داير ليهم ك المنجم ديال الدهب حاضي من هنا ومن لهيه أ عند بالك فلوسو غادي تشفع ليك بهاد الزواج ولا شنو تقولي ماعلش وخا بولادو راه لباس عليه ولا شنو؟..الزواج ابنتي راه ماشي الفلوس كتيرة والدار عامرة خميرة لا ابنتي الزواج غادي دخلي ليه نت خاوية وهو خاوي نت تزبدي شوية وهو يزيد شوية ماشي نت داخلة كلك شباب وبغا تعيشي معاه وتسافري معاه وظحكي معاه ويكون معاك قبل ماتكوني معاه في المرض وفي الهم ..ابنتي اراجل عندو تلاتة ديال دراري لمرض ليك هدا ليوم غدا لاخر وبعدو لاخر وماتجي فين تنفسي حت يكبرو قدامك ويقولو ليك شغلك الى هضرتي معاهم ولا رضيتي هضرتهم ينوض ليك هو اش يسحاب ليك غادي يجي من جيهتك ولا شنو فكري ابنتي وسلتي بجلدك وقلبي على لي يكون في جنبك يابفلوسو ياحافي المهم معاك راجل ماشي معاك الضراير ونا راه مانضمنش ليك عيشة مزيانة معاه كون لقات بنتي الهنا كاع ماتهرب وتسمح في ولادها سولي ختك نهار طاحت ليه بنتو اش دار ماعقلش عليهم وخا مرضعينها حليبهم كان غادي يهزهم ويحطهم ..انا راه جالس هنا مع ولاد بنتي حاضي معاه ليكرهم في مهم ويقول عليها مامزياناش ايه بنتي انا ابنتي راه مدي وجايب في الدنيا الفلوس ابنتي راه ماشي كلشي…ما جا فين يكمل كلامو حت ولات تشق بالبكا وتمسح دموعها..كاع احلامها لبايتة تخيط فيهم معاه قطعهم ليها بمقص ماضي

..هزات كلامو بغصة في قلبها ومشات شادة في قلبها وتبكي

_ عندو الحق اوصال اش هاد قلة العقل حقيقة تلات دراري ماشي واحد

ولا جوح ومزال صغار شنو غادي تكوني ليهم ام وهما غادي يكونو ليك ولاد ا اوصال اا غ يكبرو شوية ويعرفو مهم يرجعوها هما لباهم اوصال ديري عقلك فين عمرك قبلتي براجل غ حيت عندو الفلوس فين احلامك فين حياتك ا وهو قالها ليك مباشرة قاليك بغيت ام لولادي عرفتي شنو قال اوصال ماشي باغي امرة وزوجة لا لا باغي ام لولادو يعني حظي وهزي وراري ودعي وفيقي ووكلي ولا مرضو سهرييي اوصال اوى لولدتي نت غ لظحكتي مع ولدك يقول ليك ولاخر فين حقو وصال هاد الزواج ماشي ديالك والفقر ماشي عيب انا بقرايتي باحلامي ..علاش غ هضرو ليا عليه قبلت مالي على حالتي ماعندي ماندير بفلوسو نمشي نديرهم ونعس وقت لي قالها ليا راسي ونفيق وقت لي قالها ليا راسي..وصلات لدارهم بعيون حمر مع الدخلة سولتها مها عاودت ليها على كلام النسيب وكلام المقدم ورايها من راي بنتها

_مناقص منو ومن فلوسو كلام النسيب صحيح ولبغا ام لولادو يرجع مرتو مالو جاري عليها كون فيه الرجلة يجمع الام مع ولادها فين عمرك شفتي المش هرب من دار العرس الا لكان ماليه واقفين ليه عند الباب بالعصا والهرواكا.. باين قبيح كون ماقبيح كاع مايجيب العيلات لي يرضعو ليه ولادو ومخلي مهم باين ابنتي فيه الحقد ليوم ولا غدا تناقشي معاه على شي حاجة يلوحك ويشد الدراري وحت باك سول عليهم مشا حت لسيدي سليمان قاليك راه حت مرات ولدهم لولا كانو جارين عليها وشاددين ليها ولدها ورجعت تحت صباطهم على قبل ولدها مالها اختي على حالتنا الفلوس حنا لي تنديروهم ماشي هما وسول عليه في السواق تما قاليك قبيح العود لي عجبو يطيرو من مولاه صحا ودراع لا ابنتي مالك فتي ربعين باش تقبلي على المطلق ولا الشارف مزال صغيرة نطقت وصال تتمسح نيوفها بمنديل

_ لا مامطلقش غ هربت ليه …ضربت الام على فخاضها وقالت

_ باين تيكرهم في عيشتهم ويحررها عليهم لا اختي مناقص….ختمو الحوار بالله يسهل على الجميع وكل وحدة ناضت لشغالها…..

رجع بكر لدارو مافي خبارو والو حت وصال طمرت على الموضوع قالت ليهم مابغتوش بولادو وسكت قال

_ الله يهنيها …ماشكش ولا حت تانية ان شي واحد عمر ليها راسها .. الحاج يدور قدامو تلفون في ايدو مع مرتو ومرة مرة يقلب الكاميرة عند بكر لي تيفضل يلعب مع ولادو بين العصر والمغرب ماتيبغيش يخليهم بوحدهم في هاد الوقت ..متكي على جنبو ناعس في الارض فوق زربية تركية في الباج مشعرة ايدو تحت راسو ولاخرة تيحركها لحنين وهي تتقلب مرة على ظهرها مرة على كرشها وكل ساع تنوض تبوسو وترجع تكا..كريم وحليم بوحدهم تيعحبوهم يدابدزو على ظهرو واقفين على رجليهم تيحاولو يوقفو مستقيم لكن تيطيحو ويبادو يظحكو غ بوحدهم. مرة يظحك على تصرفاتهم مرة يسكتهم…الحاج باغي يقول لبكر شهلة غادي تجي عند ولادها وماعرفش كيفاش يقولها ليه وهو حرق الدار وريب الحيوط على قبلها .. فكر حت عيا ومشا جاب مخدة و تكا حدا حنين وقال

_ شهلة بغات تجي تشوف ولادها تجي لهنا ولا نديهم ليها الدار؟ …ماشفش فيه بكر ولا حرك ساكن وقال

_ بني ليها خيمة قدام الفيرمة

شاف فيه الحاج مطولا..حت سولو بكر براسو مع تقويسة في عينو نحسبوها غمزة وهبط راسو باس بنتو وجر حليم حطو على راسو يتنفخ ليه في كرشو تيخرج صوت فقاعات تيضحكو عليه كاملين وينوضو يتجمعو ليه عند وجهز كل واحد باغي يعري كرشو… لاح الحاج شوفاتو بعاد وقال بكدب وحكاية مفبركة

_ قالت ليا فاش خلاتهم ومشات كان عندها اكتأب مابعد الولادة ..حيت اوليدي لي دوزتو في حمالتها راه ماشفتيهش نت .مشير ليه بصبعو كانه تيعاتبو: الناس راه غ واحد وتيمرضو بيه عساك تلاتة تبارك الله ماشاء الله الله يحفظهم ليها.. كلمة ليها خلاتو يهز راسو من عند حنين ويطول عنقو لحاج .ولاخر كمل هضرتو: عندها وراق ديال طبيب فاش ولدت مرضت تقرير الطبي مزال عندنا لبغات توصل معاك اامحكمة توصلها معاك الى نت تزوجتي ولابغيتي طلقها …جاه نيشان وفعلا لبغا يطلقها خاص الحضانة يعطيها ليها وهادشي علاش هو هو مخليها على سميتو..وانا مةندكبش عليك اولدي دخل شي وحدة لهاد الدار نهز ولاد بنتي بسناني مانخليهمش تحت رحمة مرات باهم..وشلا هضرة تتقال على مرات البو نت تحضي وهي تلكع هادي هضرة رحيمو اما انا عايش برة ماطينش لي يتسوق ليك… هز حنين بايد معليها لفوق وقال

_ وشنو انا نجلس بلا مراة ولا شنو ؟

_ ولبغيتي المراة كاينة مامحيدها ليك حد

_ اهاه الحاج بنتك ورقتها قطعتها من شحاااااال هادي والزواج من حقي والحضانة من حقي وهي لبغات تشوفهم راه الحل عطيتو ليك

…ناض جمع الوقفة وقال : السلام عليكم

…

من قدام باب الصالة مفتوحة على صالة اخرة غ هادي مخليها غ بالزرابي بلا ديكورات في الارض فيها لعب بزاف مخصصها لولادو تيضلو فيها شراجمها كبار من الارض لسقف تضل مشمسة ومهوية جات بواجهتين بجوج على الجردة لي ازهارها مفتحة طول السنة فيها اجمل الورود كاين بعد الغرسات سافر ليهم اميال واميال حت جابهم ..وقف تيعيط على سميرة.ىي نيوفها حمر ومخنوقة من قرار ختها وتقلبات الصفقة لجيهة تانية وكانت هاد المرة عند بنت اخت امينة لي غ سمعت باللامر عجبتها الفكرة وقالت يولد عشرة ويطلق عشرين. خاص غ الانسان يكون عندو عقل يخدمو وضمير يمشي بيه مايتعدى على حد ماغادي يتعدى عليك حد والراجل الى شافك نت معقولة وتتمخدمي قلبك قبل عقلك الكلمة لي تقول الزمر تقول التمر يحطك في عينيه ولكان بنادم معصب يستغفر الله وينعل الشيطان راه سالك سالك..غ هو الصبر مع كلشي والله مع الصابرين حوايجك الى ماصبرتيش عليهم حت نشفو ولبستيهم يمرضوك عساك بنادم لي بعيييد عليك دير حد مع الناس يحطو ليك حدود نت ماتقيسهمش باش مايعميوكش بوان فينال انا قادة نزهزو هو وولادو في قلبي اصلا قلبي قد البحر فينما كان شي واد يخوي فيه …..خدات حنين من عندو ورجع هز كريم والحاج بقا عندو حليم خلاه حت وصل الباب وقال:

_ كلامي معقول المقدم …..رد عليه بلا موبلات

_ حت الخيمة دغيا تشعل فيهة العافية

تداريب بزاف عند شهلة ..لقات علاش تتقلب من زمان ..مابقاتش تترجع لدار الا لبغات تنعس او تبدل عليها تفيق بكري وترجع معطلة ..بغات تفوز بالمسابقة باي وجه كان ..صممم ليها رفا المدرب ديالها رقصة استوحاها من قصتها على ايقاع سمفوني .رائع جمع كل حدت حكاتو ليه وربطو مع فصل من فصول السنة وخاصة انها قالت اتر فيا بزاف فصل الشتاء لي كنت تنحب لعب فيه كنت ناعسة في سريري مريضة ببطن منفوخ واصل لسما حاجب عليا الرؤية ..افستلهم رقصة جامعة لكل معالم الحياة من ارض خصبة لي هي بلادها ووطنها بسماها الصافية الى ارض جافا ريحة طرابها تتيستنشقها الفلاح مع اول قطرات المطر . فمكان عليها الا انها ترقص وتمايل مع نغامت موسيقة وسلم تيحكي كل ماعانتو في هاد الشهور. اروع لوحة فنية شاركت بيها المدرب رفا جمع كل من سمفونية اندري ريو والفنان انتوني هوبكنز وبدا العرض بموسيقى هادئة فكان الناي يبعت لنا صور ودكريات عن طفولتها ليتصاعد العزف على اصابع اابيانو مع دخول راقص يخيف شهلة تترجم قدومه الى غريم وتبدا الرقصة كانك ترى اشهر رسوم متحركة طوم وتجيري على الحلبة.. ليصعد النقر عبر طبول وهي تصارع اباها في فترة المراهقة حت توسط العرض وهي تدور على قدم واحد تحمل جسم مكور على نفسه…دارات ودارت حت خيل لمتفرج انها سافرت لاميال واميال .لتتصاعد الرقصة بوقوفها وهي تترنح كاحد يتخبط بين مشاعر الهروب والخوف من المجهول ليفاجأها الراقص مرة اخرة ويضيف الى المترج نوعا من الطمئمينة وهي ترقص بين احضانه تارة وتهرب منه تارة ليترك لها الساحة فارغةوهي ملقات فوق جليد بارد لا دفئ فيه الا حرارة جسمها الني مهما توارت الفصول وتعاقبت الا انها تضل متوجه كصهارة بركان . صراع داخل حلبة الجليد جعلت المتفرج ينبهر بدهول اي قصة هده واي ابداع هدا واي معانات داخل توب براق نحاسي حت اختيار لون الفستان كان في حكايته رؤية مشاعر راقصته الجميلة…..

ربحت المسابقة وخدات جوائز دهبية كان من بين المتفرجين مغني مشهور عجبتو شهلة كيفاش جسدت اللوحة الفنية بر قصها وبراعتها..وخدا رقم المدرب والمسؤول على المسابقة وكانت بيناتهم مكالمة فرح ليها كل من شجعها حت ماماها لي كانت حاضرة ومنباهرة باداء بنتها عجبتها الفكرة على الاقل شهلة لقات مستقبلها وغدا تغير حياتها من صراعات داخلية الى صراعات عمل ومسارح لكن الحظ دائما يخالف الرغبة والاقدار لها دور في درف الدموع او تعريض الابتسامات ….ربحت قلب الجمهور وهي طالعة لاكبر مسرح تشارك مغني …كانهم تيجسدو فديو كليب على المباشر .. تعالت التصفيقات والصفير .ومبين المشاهد انه غادي يكون لقطات كانه يقبلها ولكن المكروفون ديال المغني تيخبي خدعة القبلة وجات على الشاشة كانها قبلة طويلة دربو عليهت من قبل دون ان تلتقي الشفاف ب الشافاه وتختمها بعناق وهما بحوج تيشوفو في الجمهور هي قدامو وهو راها وايدو تتسرا على جسمها وكانه تيبحت على نقطة فك الخيط لملابسها الداخلية .المشاهد عبر الشاشة يفتح فاهم من تناسق هدان الفنان الاستعراضين ودالك ان كان المتفرج غربي بعقلية اوربية اما قي حالة معارف شهلة وبخصوص من يعتبر الوقوف قرب الرجال خطيئة ودنب لا يغتفر…

الجو هادء في الفيرمة قطرات الشتا بللت الاشجار دمعت ليهم الاوراق بلمعان مع اشعة الشمس الهادئة فصل الخريف بداية التغير حت حاجة ماتتبقى في بلاصتها الا الاحجار التقيلة ..حت ااسما تتبدل لونها مرات ومرات في الساعة الواحدة . رياح غاضبة تحمل الغبار واوراق الاشجار.. لا صوت في المكان الا صوت الرياح وخشخشة الاغصان احداها تنكسر والاخرى تتمايل جو هادء لدا شخص يحب هدا الفصل ..في سابق زمانه كان تيخلي السراجم مفتوحين وتيراقب شنو غادي يدخل لدارو متسلسل لكن مع وجود تلات رضع الامر تغير… هبطهم من بيتهم هازهم بتلاتة بحال الفلالس حطهم فوق الزربية وهربو ليه تيجرو كان السراجم محلولين سبقهم بالخطوات سراع تيسد في الزاج والرياح سخونة وباردة في نفس الوقت تتلامس شافرو لي مهبطهم تيحمي بيهم عيينه من درات الغبار سدهم بالخف ورجع عند حنين لي كانت مزال في بلاصتها اليوم على غير عادتها…..جاب مخدة حطها تحت مرفقو وقربها ليه جارها من تركوها من لور حنين تتعجبها هاد الحركة جالسة.. وتتفرج في خوتها لي تيتسابقو بالحبا ويضحكو ويقشرو في النقش ديال الزربية كل ماحطهم يتلاهو فيه ومابغاش يدخل لعلقهم راه تابت ماتيتقلعش ديما ظاحك عليهم واحيانا يخليهم ملاهين فيه وهو تيلاعب حنين..البنوتة دياا باها ومفضلتو تيعشقها عشق …دخلات سميرة بتلفونو .. عطاتو ليه وهو يجمع عينه وحجبانو…. وقال

_ جيتي تتقلبي على خلى دارك مرحبا .نطرق هاد المسمار معاك ..قشر فمو مزعف من الاتصال وكاره مولاتو لي كلاها الانتضار حت غلبت علىا وجها وعيطت ليه .. قبل مايشد الخط قال

_ اختي سميرة شوفي ليا حنين ماعجباتنيش ليوم..ظكحت بحياء وقالت

_ غ نياب دارين ليها ديك الحالة..تعجب وهو يحط تلفون بصونيتو وقلب ليها فمها

_ وايلي مفترسة ..ظحك بصوت عالي.. ناوية تحاربي بيهم.. حنين اش هادشي ابنتي سبقتي نت كلشي صافي خاصني نشوي ليك حولي تمضي فيه هاد نياب العجب .. حطات المسكينة راسها على دراع باها تتشوف فيه باستغاتة : اش ندير لبنتي الزوينة هادشي ماعندو حل..تتسمع ليه وقنينفاتها باغين يبكو زعل لزعلها وجابها لعندو حطها على صدرو تيطبطب عليها حت نعسات … سميرة واقفة عليهم رقت ل حال حنين انتابه ليها بكر وقال في سرو

_ الغريب حن ليك ابنتي ..تنهد وكمش عينيه بحزن رجع تلفون تيصوني وهو يقبط الخط بغيض لولا خطة ديالو ليها لكان سبها حت غرقت ولا ماتت ..ولكن باغيها تجي برجليها لعندو ..

_ الو شادية سلام اختي لباس وسمحيييي ليا نسيت ماعيطتش ليك…طاحو دموعها يكيفها يابكر نالت العقاب وعقاب التجاهل علقم لا يداويه اي ترياق واي عقاقير … بخفوت قالت الظاهر ان الشوق كلاها اكل وسلها ومرضها

_ مالعلش نت بخير ؟

_ والله ت بخير اختي الحمد لله ونت هانية صافا عليك بخير الدار وواحد السباعي شحاااال بيني وبينو شوية لاباس عليه.. ووالوليدة حت هي كي دايرة لباس عليها والخوت…تعجبت من استفسارو جمعهم كاملين معاها ماخلا ليها فين تقول اش ضارها..بوجه باكي قالت

_ الحمد لله كلشي بخير

_ واحد العودة ديالك مانوياش ديها ولا شنو؟؟..حلات عينيها ..ياك هو لي قال ليها نجي ونعيط ليك وهادي شهور باش لاحها ورماها في قائمة الانتضار في سرها قالت

_ ويلي انا حمارة كان عليا نعيط ليه شحال هادي …

_ الو واش سمعتني ااا ..مابغاش ينطق سميتها وهي خلاتو بلعاني باش يقولها ولكن هيهات هيهات .خلا تلفون دايز وقال

_ حنين نعستي ابنوتي.. يله نوضو بلاصتنا ياك ابنتي وهي تنطق بالزربة خافتو يقطع

_ قول ليا فوقاش نجي ناخد العودة..؟

_ اجي غدا في الصباح ولا ليوم لي بغيتي…

_ ليوم بغيتاها مابقيتش قادرة نصبر عليها..ظحكات

_ مرحبا بيك اختي اليوم غ في دار انا نيت….

_ وخا شي ساعتين وانا عندك..قطع كيف العادة قبل ماتقول بسلامة..خلاها تشوف في الخط ل تقطع..حت اعتلاها حزن كبير وناضت تتجري تلبس وتقاد من هنا ومن لهيه لبسة شهر وهي محددة ومعلقة بميكتها في البلاكار جا وقتها . تأنقات وتريحات ولي سولها فين غادية جوابها انا جاية ..خرجات بسرعة ولطموبيلتها سابقت بيها الرياح غادية لمصيرها وهي تتفكر الف جملة ركباتها في مخيلتها بغات تجبد معاه مواضيع طول بيها الزيارة غادية في طريق وتمتم وتفكر في احدات دازو وهما مع بعض ربما تفكر شي حاجة دخلها وتكون موضوع حديت باش اللقاء يكون عامر وفيه احياء الدكريات ..طحنت الطريق وحكت الروايض حت لعند الباب لي بعييد بكلمترات على باب الدار. وقفت تتقاد في حالتها قدام المرايا قبل ماتكلاكسوني على العساس ..

قدات حالتها مصات شفيفيها من بعد مازادتو عكر وكلوص يلمعو. رشات الريحة في فيهاوفي طموبيلتها وبين جنابها ..شافت في ظفارها لي مقداهم مع صباغة في البوردو.. تتشوف في اديها واش غادي يحس بيهم وملمسهم فاش يسلم عليها.. مزيانهم بخاتم كبير عاالي بحجرة في الكحل مع براسيلي رقيق.. استنشقت الهوا وطلقتو . حطات اديها بجوج على الفولا وطبلت بيهم .لتانية وزمرت بكلاكسون قوي مع ابتسامة . .ماتمسمعش عند العساس ورجعت كلاكسونات ..تسنات خمس دقايق ورجعت حت قالت ماتيسمعونيش..وشدات الكلاكسون مابقات طلقتو حت خرج العساس بكلبو معصب مشا بعصا في ايدو وهي طلع الزاجة حت بقا شوية باس تسمعو ويسمعها..وقال

_ اش تما اخيتي عندمن جايا؟؟؟ دورت عينيها في المكان..غ الخلا والقيفار والطريق فيها شجر الكالبتيوس وقالت

_ ماعقلتيش عليا ا

_ لا اختي عمرني شغتك….ضربها ليها بنكرة والظاهر ان بكر موصيه

_ هاد الفيرمة ديااال المقدم ابوكر ولد الحاج عيسى بو شكارة ؟

_ ايييه هو ملاها

_ اوى عندي معاه واحد الاجتماع الله يجازيك بالخير حل الباب…ضحك ودور العصا في ايدو والكلب فمو قد فم فرس النهر تيتعلى ويلهت عمر ليها الزاج بلعابو ومرو مرة يقفزها بنباح…

_وبلاتي اختي نعيط ليه حنا الى جا شي واحد ماعرش بيه انا خاصني ناخد الموافقة… جبد تلفونو وماجبدو حت شحفها يقلب في كا جيب ويقول ماقلبت حت جبدو من قاع رجلو هابط ليه مع سروالو في واحد الجيب عريض.. تيجبد في تلفون تقول تبحبد في ت*** خلاها دور راسها عليه حت قال

_ على الله يكون حداه تلفون… صونا تلفون وهو على نفس الهيئة لي هضر معاها فيه مقابل ولادو فقط ليوم مسالي ليهم خاصة حنين مربضة.. هز تلفون برقم العساس عرفها وصلت..حطو خلاه تيصوني حت سابع اتصال من ااسرجم عيط على هنية جاتو بمشيتها العوجة شار ليها تبقا مع الدراري ..في حضورو تيتخباو العيلات بجوج سميرة وامينة الا في وقت الماكلة ديالهم غير دالك ماتيبقاوش خيطي بيطي عليه ..خاصة الى كان في استراحة في الصالة لي معروفة ديال دراري ..خلاها وخرج وقف عند الاسطبل تيشوف في مكان شدى وروز حت جمع كمية الحقد والكره . كان تبعو المعطي

_ خويتي لي قلت ليك

_ اسخونا المقدم عاد فرغنا منها الغلة مزال قاعها مابان

_ مزيااااااان العيساوي مزيان

_ اش بغيتيها اوليدي ؟؟ راه سديتها بالقفل

_ اجي معايا بغيتك…. خرجو على برة وقال

_ توقف عليا خيتي صوني نت يله سير طلع لسطح حت نعيط عليك. مشا المعطي وجلس بكر عند الخصة تيغسل في ايديه ويقيها من الوراق ديال الشجر لي طاح فيها.. تلفونو في جيبو تيصوني. دازت ساعة الجو لي كان بارد تبعتو شميسة حارة حت سخنت عليها الطموبيل .من سوء حظها مافيهاش لاكليم ..وجلست تنش عرقت وتمسح العكر والفوندتان وعينيها بداو يسيحو تقاد فيهم ووتنش على راسها والعساس يمشي ويجي حت دار ليها الصربات ..بزعاف عيطات عليه

_ اشريف وحل لينا خلينيا ندخلو…شاف وراها وقال

_ نت ومن؟؟ معاك شي حد؟؟

_ لا حول ولا قوة الا بالله

_ سمحي اليا راه الى ماعيطش ليا هو راه مانهدخلكش

_ وسير قولها لو ؟

_ اوويي اوويي اوويي ت عرفتي شحال دياا الطريق ولا ت ديري راسك هاه …خور عقلو بصبعو ..قوست فيه فمها وشدت في فكها …هزات تلفونها تتصوني شاف نمرتها وهو يحطو جنب وكمل شغالو…دازت ساعة اخرة وهي منشورة…خلاها حت تقلات بغيضها وكلات جنابها وهو يعيط لعساس:

_ غادي يجي عندك المعطي الخبار في راسو..قال كللمتو وقطع .. شاف في شادية وقال

_ اختي سمحي ليا غادي يجي المعطي يدوز منها مسخر ولامنعرف ليه ولكان يعرفك هضري معاه سطات بعصبية جاها العطش وجلست تسنى . بغات تخرج خايفة من الكلب بغات تجلس طوبيل ولا سخونة توكوي. وتسنى في المعطي لي غ هضر معاه بكر كاع الامراض جاو ليه وتبتو عند رجليه..جاي على البيض والنصدالة خارجة منها صباعو…..وصل وهو يدير من راسو متفاجا وعند وجها وقف ليها بعيون شر وقال بغوات

_ ت اش جابا ديري هنا…ارى اديك العصا ارى…شدها منو واحد العصا غليضة منجورة وهي تكمش في بلاصتها مخلوعة وتترعد وتتقول

_ راه راه بكر

_ اشمن من بكر ولا الزمر ..سيري بحالك سيري سيري يله..

_ اسيدي الله الى ابو بكر عارفني جايا فين هو؟؟

_ مع مولادو نتكدبي؟؟

_ والله اسيدي ماتدكب …خرجها منها وبقا ساكت ويمشي وجي ويدور بديك الطموبيل حت كمل عليها لي خاص والكلب ينبح من جيهة خلاها طلبو غ بعينيها فمها شحف…زاد هو والعساس لواحد الجيهة زعمة تيتشاورو جلسو في الضل وخلاوها تتشحر في طموبلاتها..

خلاوها حت بانت فيها نيت بالفقصة وغصة شحال وهي تتسنى في هاد اللقاء ودابا منشورة نص نهار قريب يادن العصر وخاصها ترجع ..الوقت لي كانت بغات تهضر معاه فيها ضاع مابقا ليها وقت غ دخل عنظو تعطيه الفلوس وتخرج ماغاداش تشبع منو ولا تبين حس نيتها ليه هادشي فاش تتكر كل تانية ضاعت منها وهي تتشوف في دوك الجوج حلفو لبغاو يتحركو ليها وتلفونو ماتبجاوبش فيه.. كانت عاطيهم بجنب ماشفاتشهم حت وقفو عليها بجوج واحد من جيه حت خلعوها عاد قال المعطي

_ نزلي سيري معاه .

_ علاش ماندخلش طموبيلتي ولا شنو؟؟ حرك راسو بلا وهو يقول العساس

_ ممنوع منعا غ طموبيلة المقدم ولا طموليلة هي لي دخل مع هاد ااباب ..سرطت ريقها هزات ساكها وباانطرة حلات الباب وهو ينبح الكلب ورجعت سدوتو

_ وشد عليا كلبك..

_ غ خرجي مواصيه مايعضش الحمة المسمومة… قوست فيه عينيها وميلت وجها ..زعمت وخرجت دخلات مع الباب وهي تبان ليهة جبدة دياال الطريق مع واحد الطالون وسروال عريض في الباج كيف غادي يولي بالطراب غادية وتعطر ضروها رجليها الكلب يدور بجنابها مخليها تقفقف غ بوحدها رجليها فاشلين والرعدة كل مرة تكحز عند العساس ولا خر هربان منها..المعطي خلاها حت قربت وهو يصوني لبكر لي كان تيتسارا في الجنان بعيد على الدار ..شافو العساس وقال

_ وعليها ماتيجوابش المقدم لدخل العرسة ماتيخرجش منها تينسى راسو …قلبو الدورة كان حلمها دخل الدار وتشوفها كيف ولات خاصة من بعيد تتبان ليها بحاال القصور… قلبو الدورة وعينيها تيزمو ليها على بكر لي كات في كامل اناقتو لابس تيشورط في الگري ماركة مع سروال تجين رزق باهت وسبادرية اديداس في الكري مع كاسكيطة حت هي في الگري مع سيني ديال العود..ااساعة في ايدو تتتبري وخاتم كبير وعريض بلون بنفسچي غامق لون التوت البري ..جسمو العريض والمكسو بالعضلات ماخلاهش يحس ببرودة ديال الجو لي كان في صباح ولا حت بالشمس ديال وسط النهار غادية وتقرب عندو وتهندس فيه واكتر حاجة تتعحبها فيه اديه من الكف الكتف لونهم النحاسين والشعر الاسود الناعم تيخلي في قلبها اتارة مع رقبة عريضة بجوج شبورة . هي غادية وتتقرب والحرارة جسمها تتزيد..غ قربت عندو كان شافها ووقف في بلاصتو حت هي لي تجي عندو مدت ايدها مع تلفونو تيصوني خلا ايدها معلقة ودخل ايدو جبد تلفونو .بصدمة خلات جسمها كلو يترعد وعوض يقول سلام فلانة قال

_ الو ااسلام عليكم…شافت فيه بغيض كيفاش هو بعيد على دارو وتلفونو في جيبو وماتيجاوبش وشنو هادشي لي دارو دابا خلا ايديها معلقة…دار عطاها بالظهر العريض لي باين مقسوم على جوج نصاص مع طولة بارزة من الخصر حت لاخر نقطة في راسو … تيحرك في رجليه ويضرب بعض الحجيرات وتيقهقه مع المتصل عرفتوه شكون اكيد…..قطع الخط من بعد ماجمعت اديها عندها دار لقاها تتغلي بالسم بانت على فمها ونيفها لي تيسوط ..

_ لاباس عليك.. قبل ماترد شار لمعطي: اجي اجي تتغبر عليا نت هاه

_ هااااني السي المقدم .

_.سير جيب ديك العودة لي تتشبه لشدى بعتها لسيدة… تخنق قلبها وصغارت حت ولا تتحس براسها ماكيناش

_ انا عودة ؟؟ ماكين حت عودة تتشبه ليها حلمتي ولا ..حك رقبتو من قفاها وقال

_ ياك المعطي انا تنحلم ؟

_ ماكين حت عودة تتشبه ليها نت راه ولات تتبان ليك في كل عودة ولا عود من نهار قتلوها ليك…حسات الضربة جاتها لكرش وزواتها بغات تقيا طلعتها العافية مع حوايجها .

_ وت لي شريت اصاحبي مالك تفلة عليا تتفلى ياك ؟

_ اخر مرة شريتي عاود ومن زمان هادي شي عام وكتر ..حط ايدو على دقنو تيحرك صبعو والايد الخرى على دراعو وقال

_ علاه مابقيت شريت حت عود؟ خاااصني نشري شي عاود الخيل زين تيفاجي على القلب .واخيرا شاف فيها وقال

_ عندك شي عاود ؟؟..حركات راسها بلا تلجمت ومابقا ليها صوت حقا طعنها طعنات خلات عينيها عليه تتسول في راسها شنو غادي يدير فيا ..قلب شوفاتو من مزح لي جد حت تخلعت وتزعزت وسمعت خطوات وراها تلفتت براسها وعينيها عند بكر لقات جوج رجال بلباس رعاة البقر لكن بلمسة مغربية الترزات فوق روسهم عراض مع ليبوط ديال الميكة حت لركبة شافت فيهم وبدا قلبها يضرب تلفتت بسرعة لبكر وقالت

_ شنو كاين؟؟؟ ابتاسم ابتسامة حقد وشار بعينه ليهم وقال

_سيري معاهم يعطوك علاش تتقلبي!!!

شد فيها واحد من دراعها دورها عندو وقال

_ اجي معايا…شافت فيهم كلهم ومابقا ليها الا تزيد معاهم اش غدا دير غ هي والرجال في مساحة واسعة كلشي فيها ديال لي جات برجليها لعرينو… لاح دراعو على بكر وقال وهما غادين وراهم ..

_ فكرني المعطي في ديك الاغنية لي كنت نقول فيها لبارح ..

_ اناهي !؟

_ لي قلتي ليا كانت تتعجبك .. لبارح كنت نغنيها وليوم نسيتها يالطيف وليت تنسى بزاف المعطي.. خاصك تهز ليا كتاب انا نهضر ونت قيد صافي ..هي قداهم تتسمع فيهم وقلبها تيضرب بخوف وهما مامسوقينش كاع بكل اريحية

_ اه تفكرنتها ليك المقدم

_ اقول نسمع ..

_ يا طير السنونو سلملي ع عيونو وقولو اني… دندن معاه بكر

_ بحبو بحبو ….. وبعمري مابخونو …قلو وحياة الله …… عنو مابتخلا …. قلو انو نشالله انشالله …… مابخيبلو ظنونو …ياطير السنونو سلملي ع عيونو وقلو اني بحبو بحبو …… وبعمري مابخونو قلو هالخبرية على بعدو مافي ماهما يجن علي بتحملو جنونو بقلبي وروحي بعدو . لا قبلو ولا بعدو بعيوني بصونو ….غادين يدندنو بصوت جياش خشن رحولي لكن تيعرفو يغنو بجوج ..

_ ياطير السنونو سلملي ع عيونو وقولو اني بحبو بحبو وبعمري مابخونو ………..

حت وصلوها لواحد المستودع ديال الحبوب كبيييير عالي وفي جنبو واحد الحفرة غارقة تيخبي فيها الشعير سبولة باش مايخسرش حيت مافيهش الموبيدات فتيبقا سخون بزاف ممنوع تكون فيه شي حجرة ولا يخسر وليلة غادي دوز فيها شادية اقصى عقاب…. لانه الحفرة تتكون سخونة بزاف ومافيهاش الاكسجين مزموتة تتخنق الواحد وتقتلو في خمسة دقايق خاصة الى كان فيها الشعير…. بدات ترعد وتقفق وتلفت لبكر لي مابقا بان ليها فيه حت حس تعبير واش معصب لا ومقلق والا فرحان وكان العقاب لي غادي تاخدو ماماترش فيه ..تتشوف فيه وهما تيربطو ليها اديها تخلعت وتلجمت فقط دموع تسيلو ..جاب واحد الجدع ديال شجرة كبيرة منشور جلس عليه وهي تتشوف فيه بتوسل وقال

_ عندك شي حاجة بغيتي تقوليها ؟؟؟

_ خليني نمشبي لدارنا ….. بسط حواجبو وشفايفو ..هاز في ايدو عصيية صغيورة تيحركها بين اديه

_ بفف خيبتي ظني سحاب ليا غادي تعتقي راسك بشي حاجة …. دورو واحد الجرارة بحال ديال اابير حت تعلات شوية هنا بدات تغوت وتفركل برجليها وهبطوها لحفرة تتفور مع الهبطة حسات بجهنم

_ بكر عغااااك والله حت سمح ليا.. هبطوها حت لقاع وطلعوها بدات النفس تمشي وتزير عليها راسها وشدتها الدوخة ينزلوها ويطلعوها حت بدات تلوح عينيها في المجهول وتقيا طلعوها وخلواها معلقة صوت بكر جاها بعيد

_ دخلتي لداري ملتمة ؟؟؟ حركت ليه راسها باه .. مزياان وزدتي كفرتي وقتلتي جوج رواح .. فيها الموت بغات تشم الهوا حطوها الارض وهي تترعد والسخفة ديال الموت فيها قالت بخفوت

_ غادي نموت… جا عند راسها وقال

_ حسيتي بالموت ؟؟ حركات ليه راسها باه .. حرك عينيه لدراري رجعوها لحفرة بحال الى تيدخلوها لقرعة الزاج بلا اكسيجين في فران. دموع تسيلو والوجه صفر ..هبطها حت بقا غ راسها تيطل عليه مابقا ليها لا تفركل ولا تغوت مستسلمة لموت وماعليها الا تستسلم الموت البطيء بداها من رجليها لي بردو بكر ببرود تيهضر :

_ مزال ماتمتيش بحال شدى وروز .. قتلتيهم ياك؟؟؟ تيعدبها ببطء وبزمن متوقف ولكن هي تتحس مابقا ليها والو في هاد الدنيا ..

_ نت لقتلتيهم ؟؟؟ حركات راسها لي بدا يلوا ..وفمها زراق وقبل ماتغيب هزوها خرجوها لبرة رجليها مجرجرين مع الارض وحطوها ومشاو . صدرها تيطلع ويهبط عينيها تيتحلو ويتسدو..محتاجة فقط الهوا لي تتحسو مابقاش في الدنيا …بقا غ هو والمعطي

_ جيب اللبن خويه لمها في كرشها. جاب المعطي البن عتقها بيه حت بدات تحل عينيها وتوضاح ليها الرؤية .

_ الى قدرت توقف على رجليها وريها الطريق ..وجه كلامو ليها : حسيتي بالموت ومامتيش خسارة اما جوج رواح حسو بيها وماتو مساكن ..شكون نت حت تاخدي روحهم أ لفعة تتعض غ لقستيها نت فتيها لهيه…دفل في الارض وقال

_هاكيفاش تتباني ليا الى عندك ومزال عندك درة ديال الكرامة ماتنطقيش سميتي على فمك كرامة لك … جا العساس والمعطي بقاو حداها ساعة وهي مسرحة غي الارض حت ادن المغرب وقفوها غادين بيها وهي تترنح كيف السكران. غادية وتقيا والدوخة حلو الطموبيل ركبوها فيها وخلاوها..غ سدو عليها وهي تخنق بغات تحل الباب اديها تقال ولسانها تقيل وراسها تقيل بزز باش حلاتو وخرجت طايحة الارض .

صباح زوين عند شهلة عجبها الجو لي ولات عايشة فيه ….مقابلات وصحافة واستعراض وعايشة حب الجمهور كسبت شعبية كتر في مدراستها ولات هي اميرة وسيدة المكان تتغنج وتتمختر ودافعة كبير على الدراري والبناات لي كانو يتنمرو عليها وخا فاتوها بعام ديال الدراسة ودخلو معاها تلامد جداد ماتيهمهاش اهم حاجة عندها هو داك الاهتمام لي عاطيونو ليها الدراري وفرحانة بيه قد حقها في الدنيا لي عاطياها بركلة ولي بغا يربح العام طويل…المدرسة عندها ترفيه فقط لا حفاظة لا قراية تتهرب من دارهم لمدرسة نهار ومطال غ باش ماتسمعش نقير مها واتيصالات باها ..حضورها في القسم مسرحية ..بغات تنجح وتخرج من التانوية ولكن مابغاتش تحفظ تتقرب من اي واحد قراي تلصق فيه ولاخر كي الهبيل غ ظحك مع الواحد يجي يجري.لعندها .حمقات الاستادة كل مرة واحد عاطيها درس في الانتباه والمتابرة لكن هي ماكياناش في هاد العالم…بلاكار ديال كتوباتها فيه دفتر واحد فيه سطر مخطط بستيلو وهو تاريخ اول نهار جات فيه المدرسة والايام الخرى تجلس تشوف في الدراري وتقلب على لي يكون معاها ..باش تجبد هدا تخبي ستيلو وتعيط عليه وباش تجبد داك تجلس وراه وكل مرة ضربو برجليها ….لكن فراغ كبير في حياتها ..كانت ملهوفة على بلادها ساع ولات تتتجيها تتعاود بحاال الاعوام لي فاتو ان لي هضر معاه يزرب عليها باغي يعنق ويبوس ولكن شي حاجة تتخليها تروغ راسها وتكتافي بسلام عادي وتلويحة الايد ..غ فاتت فترة النجاح بشهر رجعت لحياتها صراعات مع السكيي ..حاجة وحدة لي عجباتها في هاد شي كلو هو رجوعها لتداريب في حلبة الجليد فقط شيء اخر مممل وتيخليها تنعس وتفيق الاف المرات مسنية يوم التدريب لي تقلص جدولو الزمني من بعد الحفلة وان تواجدها فيه مجرد متعة او تتلعب مع البنيات الصغار لي مزال في بداياتهم…..كيف العادة تتفيق قبل من ماماها وتخرج بسليت تتدور في عينيها لتحصلها وهي تتجري لنادي.لكن هاد المرة هي لي غادي تلقى مها سابقاها وجالسة تتسناها ..مع دخلة تتلبس في الحداء الجليدي شافتها تتهضر مع المدرب لي شافها وشار ليها..قربت بعيون فيها تشكيك شنو جات دير ماما هنا؟.

مامشاتش عندهم مباشرة دخلت الساحة وبقات تتلعب ودور وعقلها تيدي ويجيب حت عيات ومشات جلست في الجهة المقابلة جات ماماها هي لولا وبزعاف قالت

_ تابعاني حت لهنا شنو بغيتي؟؟؟

_ بغيت نشوف المدرب ديالك على زمن المسابقات…شافت فيها بتشكيك

_ بغيتك تهبطي معايا المغرب….طلعت حاجب وهبطت لاخر..بغات تنوض وهي تشد فيها مامها ومع ناضت وفي رجليها الشفرات ااحادة وماماها شدات فيها بالخف . زلقت زجات خباط على قاعها..حت غوتت جا كل ماشفها طاحت تخلعت اليكسي وبدات تقفقف وتنوض فيها ولاخرة لقاتها من جناتي والناس وطلقت حلوقها تتلوة حقيقة مقصحة ولكن صراخها زادت فيه شوية ..خداتها دريعة هربات من مها لاسبوع اخر ولكن هاد المرة مغدااش تفلت من هضرتها …دخلات عليها النادي وجلست راقبتها الموسيقى عالية صدعت ودنين اليكسي ولكن خاصها تهضر مع بنتها . الشي لي خلا شهلة تلعب ودور كيف الاحمق لهات راسها مع بنيات صغار حت شحفت نيت ومابقا ليها الا تستارح هبطت عينيها ومشات تتلهت حداها خدات الما تتشرب وتنفس بالزربة ولاخرة ماعطلتهاش

_ عجبوني البنيات لي تدربيهم اممم ماكرهتش جوزال حت هي تعلميها….قالت ناسية الاسم

_ هدا جمهوري هه ظحكات مع البنيتة لي جات حداها تتبين ليها مهاراتها كانت في عمر الرابعة بلبسة تتبري في الغوز وصباط جليدي ..قربت حت لعندها ولكن طاحت وقفت شهلة ساعدتها ورجعت عند مها

_ عندك جمهور ظريف. حركات راسها بالايجاب

_ علاش ماتجيبيش بنتك تعلميها حت هي…دارت عندها مخنزرة

_ماما الى بغيتيها سيري لعندها

_ مافهمتش الى حبتيها لعندك شنو غدا تخسري

_ مابغيتيش

_ لا بغيتي وتكون صديقتك الصغيرة خاصة نت مزال تتبغي تلعبي علاش ماتجيبيهاش وتلعبي معاها؟

_ غادا نضربها

_ علاش؟؟ شنو دارت ليك وباش عرفتي راسك غدا ضربيها؟

_ حيت عندي احساس غدي نضربها الى ماسمعتش كلامي

_ وانا تنضربك ؟؟

_ اه تتضربيني بصمتك وبعقابك وتتخليني بوحدي وخا نبغي نهضر معاك نت ماتتبغيش وهدا اسوا عقاب بابا وخا كان تيضربني لكن كان تيهضر معايا من بعد ساعة نت لا تضربيني بايام من الصمت والقهر ماما نت تتهناي مني حيت تتسدي عليا الهضرة ولكن انا تيضرني قلبي وصدري نت تتعاقبيني كتر من بابا ..بدات تبكي قربتها منها اليكسي وعنقتها ولاخرة مابغاتش وكحازت منها

_ الى عاقبتك انا بصمتي وباباك بالعصا راه من مصلحتك ابنتي اناضعيفة معاك وبقدر حبي ليك تيكون زعلي منك اشهلة مابغيناش مابغيناش ليك تمرضي بشي مرض خايب متل الايدس

شافت فيها ليلي وعيونها حمرين..كمالات اليكسي كلامها: نت الى تعرفتي على ولد في الصباح ودرتي علاقة معاه بليل ونت ماعرفاش واش مريض بشي مرض الي هو اصلا ماعرفش واش هازو كيف غدا تكون صحتك من بعد شهر او شهرين ليلي حبيبة ديالي نعاقبك انا ولا تعاقبك الحياة بشي مرض يجيك ماعندو لا دوا ولا طبيب ونت تتشوفي بزاف ديال الشباب مراض هادو غ لي واجهو مصيرهم وماحشموش بمرضهم ومابغاوش ينشرو العدوة في الجتمع لو جود ضمير حي بداخلهم اما احبيبي كاين بزاف لي تيبغي ينتاقم من الناس السلمين وينشر المرض باش مايبقاش بوحدو في دائرة المعانات. ..بنتي انا تنخاف عليك كتر من روحي والدليل هانا معاك في البلاد لي نت تتبغيه ومخلية خوك وبابااك عايشين بوحدهم ودابا تزادت فتاة فائقة الجمال وطفلين رائعين ليلي عائلتنا الزوينة كاينة في المغرب ماشي هنا قولي لي شكون عندك هنا اهم ليك من باباك وخوك؟؟ حركات راسها وكتافها ..ليلي نت مزااااال صغيرة وزويببنة بزاف خاصك تاخدي الحياة وسط ايدك وتعيشيهازوينة حت لامتى غدا تبقاي تهربي من اطفالك هما جاو الدنيا خلاص .خاصهم يشوفو الكائن لي جابهم لدنيا وعطاهم الحياة …شهلة نت قوية بزاف والدليل ان الله منحك واختابر قوتك في انجابك تلاتة ماشي واحد نت اقوة مني وربي عالم داكشي علاش اختارك نت من بين الف مراة او مليون مراة لي تجيب تلات توائم …خوفك منهم لا مبرر له نت فقط كوني معاهم لي مرة وحدة يتعرفو عليك ويشوفو الكرش للي كانو فيها واكيد غادي يقولو واو كرش صغيرة كانت موطن لينا حت تلاتة شي عجيب ياك ابنتي؟؟ ظحكت بدموع وقالت:

_ دائما تنقولها.

_ صح حت انا تنقول علاش الله خلق تلات اجنة في كرش صغيرة واش باش نعرفو القدرة ديالو وانه قادر على كلشي او باش نقولو هاد الفتاة الجميلة سخية ومعطاءة عوض تولد لينا واحد جابت تلاتة في دقة وحدة انا اليلي مزال مامصدقاش القصة وبغيت نمشي نشوفهم باش نتاكد ونلمسهم بايدي باش نزيد نتاكد انه فعلا كاينين تلات اطفال وانا ماعيشاش في حلم …هبطت راسها لعند راكبيها وهي تتقول

_ ماشي حلم ومستحيل يكون حلم لانو عدابهم وهما في بطني مابغاش يتنسى ليا وخلق عندي هاجس الى قرب مني شي راجل نخاف نحمل ونرجع نولد وربما هاد المرة اكتر لانه كرشي ولات كبيرة ..ظحكات اليكسي باستها في شعرها وقالت

_ مشتاقة نشوفهم

_ سيري عندهم

_ ونت معايا؟!

..حركات ليها راسها بلا وناضت ..بدلت الموسيقى ودخلت الساحة غ تتدور وقليل فاش تتفكر تبدل حركتها ..حت ملت اليكسي ومشات بتنهيدة… راقبتها حت خرجت بدلت حوايجها…الجو بارد لبست تجاكيطة ديال الكوير قصيرة مع سروال كحل قطني وسابدرية فيها جميع الالوان بخطوط متعرجعة طالعة …على عنقها شال دياال الخيط بنفس الوان سبادرية…محفظة فوق ظهرها جلدية بلون بني ورسمات ديال ابراج روما .. غادية في الشارع اديها في جيابها ديال التجاكيطة راجعة لدار على رجليها..المسافة بعيدة والشتا تتقطر حبيبات على كتافها والاخرة متناترة على نيفيها شعرها لمخبي داخل من التجاكيطة…بتتاقل تتمشى في طريق لي جا يوفتها ببكالتو او غادي على رجليه..دخلات من وسط حديقة واسعة خضرا فيها شجر كبير..غادية بلا عقل ولا تفكير….حت عيات وجلست في كرسي فازك ماحساتش بيه مافكتش اديها من جيابها ولا جاوبت تلفون الي حماق وسخن كيف ماحماق الحاج لي رجلو في بلادو وعقلو في بلادات الناس.. جلسات حت طاح الضلام وشعلو الضواو وناضت بنفس النضرة ونفس المشية . لكن هاد المرة تحت انضار الشباب كل مرة يوقف ليها واحد يهضر فاش ماتتديهاش يسب ويمشي . السويد فيها الامان على باقي البلدان الى ماعبرتيش الواحد يزيد مايحكرش عليك…. وهي غادية في الشارع..اتاصلت اليكسي بالمدرب تسولو واش خرجت علمها ان النادي مسدود وضواو ديولو هو لي طفاهم …خاف عليها لانه راقبها وهي تترقص وعرف انها مبرزطة او ان كلام ماماها الطويل معاها خلاها ماترجعش لدارهم ..خلا حبيبتو في المطعم وخرج تيجري تيلبس في مونطو ديالو هز طموبيلتو وخرج تيقلب في الشوارع ..شارع بشارع حت بانت ليه غادية حادرة راسها دور طموبيل ووقف عند رجليها خت قفزها..خرج تيجري

_ ماماك تتقلب عليك فين كنت؟…حلات الطموبيل ركبت ..سندت راسها لزاجة بلا ماتهضر معاه ….ركب وبقا ساكت حت سمعها تتبكي وتشهق ..كحاز لعندها عنقها.. في نفس الوقت دورت اديها عليه تتبكي وهو تيهدن فيها وايديه على شعرها وضهرها…شاب تلاتيني .وسيم بحروف جدابة ….عطووف وحنون .. لكن وجود رجل غربي وامراة جميلة في عناق فاكيد ستتولد حرارة جسدية بينهم . طال العناق حت حس رفا ان العناق هدا تولد عليه مشاعر غرائزية وتحركت معاها اديه تتسارا هبطت من على راسها ودازت لخدودها تيحاول يزيح الوشاح لي داير بعنقها……

الحاج استعان بكدبة اخرة وهو تيشوف بمكر في فتاة دات شخصية قوية ..قالو ليها الراجل والد قالت ليهم ربي لي خلقهم…قالو ليها مزال المراة الولى على كتافو قالت ليهم الشرع عاطيه ربعة .قالو ليها ماتقديس على صداع تلات توام قالت ليهم نحرط ليهم قبيلة بالشعير والزرع ..ونحرك اناويهم فوق الخيل لقالو هما تلاتة انا نقول يزيد حت عشرة بغااااااايتو وربي كبير…..فكر الحاج حت عيا وهادي جابت ليه التمام .. ماشي شي زين لكن ربي عاطيها حقها في كلشي حت المزاح هي مولاتو صغر من بكر غ بشي ربع سنين قامتها القصيرة هي مشكلة ليها عقدة في حياتها وكانت سببها في رفضها من طرف بعد الزيجات حت حاب ليها الله رجل بخيرو وخيميرو وقامتو وهيبتو ماباغي والو من المراة غ تكون حنينة على ولادو فقط …يومين وهي تسارا مع خالتها امينة في المزرعة.. فرحانة دور وتقلب فيها وماحدتهاش…خلات الحاج ياكل الطراب ويعض في كفوف ايدو حس براسو انه هو رحيمو والحاج بوشتة لاحو لتوش. خلاها حت جلست تحت ضليلة في الجردة مصاوبة من القصب بشكل رائع دائرية وعالية مع تقيبية فوق عاطية الظل على كراسة دايرين بطبلة كبيييرة حجرية رخامية بنية …هز تلفونو…كان ناوي يصلي العصر لكن فضل يهضر ويلوحها ليها ويعاود الوضو تيقول حت الكدوب من مبطلات الوضوء

_الو بنتي لابس عليك اش خبارك الحمد لله بخيييير ولادك اللهم لك الحمد…اوى نت تبقاي غ تسولي من بعيد ماتجيش تشوفيهم….ا خصك تجي ابنتي خصك تجي الراجل طولتي عليه الغيبة راه ولا يقلب على المراة اوى شنو نكدب عليك لا لا ابنتي ماكدبشاي عليك اوى نت ليوم نجي غدا نجي وهانت جلسي قابلي شغلاتك تما وخالي الراجل لعيلات سحاب ليك هما هي نت لا لا بنتي قااااااااااابلين ..عليه قالاك ماقبلين…. ا لا مافي راسهمش كون في راسهم غيقبلو بيه حت يضرب بيهم الكاغط عاد يتسيف عليهم … اوى اش غدا نقلك ابنتي مالك تتبكي ؟؟؟؟ ..بقاو فيك ولادك ورجعي عندهم و عند راجلك .لاش هاد العناد ابنتي لاش ..ولاماقالش ليك سمحي ليا مافيها باس راه ولادكم جامعينكم وقت مارجعتي غ هو ماشي حت يعرس بالمراة عاد تجي ايييه اييه عرفتك غيجبوك وهو زعما يلقا احسن منك لا لا ابنتي والله مااحسن منك ..فيين نت وفين هي .لا ونت مسطية ابنتي نت غ عينيك شافهم داخ وانا نقول ليك وسمعي مني …عارف بكر عزيز عليه الزين ولايني هدي مسكينة ماعندوش لاش يشوف فيها انا راجل وماعجباتنيش مانكدبش عليك ابنتي نت احسن منها بالف درجة نت كون رجعتي ليوم اغدا يجري عليها .. حتت بنات ليوم باغيين على الفلوس راه يعطيهم ليها ويتفك .. مالها علاش غدا تقبل عليه على فلوسو ااسيدة شافت الفيرمة نسات راسها ..ابنتي ماكينش بحالك ماهمك لا فلوس لا مال صرفقك نضتي زدتي بحالك غ تصرفيقة وصلاتك سويد…هو تنادم معاه الحال وقال ليا اسمعني ابنتي و سمعيني الله يرضي عليك قال ليا ندمت علاش ضربتها ولكن هزيتي عليه ايدك لولا ….كاين شي مراة ضرب الراجل…وكونت غدا ضربيه اولا اوى نويتي … ههه تاكليه كاع بسنيك يالطيف منك حربية عفريتة مانسالكشاي ولايني هاهو دارها ليك على فمك وغادي يتزوج… ولا تزوج باقي غاد تجري عليه ههه وعليها ايييه الالة نت هي ابو لهول والفيرمة من حق ولادك والحمد لله ماعندكش غ واحد بسلامة تلاتة تلات وتاد عندك هنا وتي غ جي الله ابنتي مابتبانش قدامك ت راه اابنت بحاال سراق الزيت .. واحد المكيمشة وواحد القليولة واحد القريدة بريغيتة صافي. تقبط قلب نوال وهبط ليها الرجلين وهو غ مازايد فيه: تقول مرضعينها الزئبق ماشدش لليها في كرشها يالطيف…. لا زين لا مجيان بكري انا تنشوفها وتنقول سبحان الله على خليقة ولله في خلقه شؤون وبسلامة ابنتي. بسلامة وشدي الطيارة واجي راه ولادك تيتسناو فيك وحت هو براسو مشوق ليك تيعرف خبارك من عند خوك انا مانحشيهاش ليه سولني مرة عليك ماجوبتو.. كان باغي نمرتك ماعطيتهاش ليه وهو شد الزكير وباغي يتزوج باش يحرق قلبك لا لا باغي غ يحرق قلبك وصافي . ابسلامة ابنتي … قطع مع مرتو لي كانت غ تدور في عينيها ومرة مرة تلوح كلمة اشنو تتقول وهو غ طالق حبل خيالو حمقتو بنتو ولا يجمع الدنوب بلا حساب… زاد تيعكز ويتمتم : خاصين العيلات جايب بو فرطوطو هو مقدم كبير العايلة يتزوج بكميشة. مشا من حداها وبدات المسكينة ضرب في فخاضها على زهرها وتقول

_ فين معلقة نوال فين بغيتي تشدي انوااال. مرتو باينة غ من بنتها لي متحدريش عينك عليها فين انا وفين هي هو لي شاف بنتو يقول علم الله كي دايرة مرتو وانا ا بغيتي تحشمي براسك قدام السويدية ماهي حت مغربية لي زايد عندي ناقص عندها ولا زايد عندها ناقص عندي هزي رجليك انوال وخلي راسك مرفوع اللهم عيشة الدرواش وفي الهنا ولا في القصورة ونعاسي فيه غبينة لا لا فعلا ماشي من سهمي….

وكان سيطرته الاشعورية جلعتها وسط فقاعة كبيرة تحجبها عن فيروسات الحياة وكان مايشعر به خلق قانونا جمد الدم في عروقها وامات كل خلية تنبض او تريد حب رجل اخر وقبلات رجل اخر وجسد رجل اخر وكان روحا ما خدرت واقتحمت خلايا التفكير بالجنس الاخر ايعقل ان يكون بكر يسلط افكاره وقيمه عبر قانون الجدب والتخاطر وقوة تعاويد الجلب كي لا تحرك غرائزها الا لجسده وروحه ونبضات صدره ايعقل ان تلك الروح التي تخبطت وصارعت كي تلقي بكل ماعاشته مع شهلائه تخبئ حبوبا فتية تحت التراب ستنبت وتنمو مع اول قطرة مطر او حبة ريح باردة تحمل نسائم ورائحة شهلائه اي يعقل ان هناك شي دفين بين خلايا صدره هو الدي يمنع ويحرص كلى الحرص على كيان امراته ان كان الامر هكدا والمسالمة مسالة عشق قوي يرسل خيوطه عبر اميال الكيمترات كمكالمة لا سلكية تخبرها ان بكر يمنع عنك كل يد رجل اخر وكل لمسة رجل اخر وكل شفاه رجل اخر .. فاين هدا الحب واين هدا التجادب واي هدا الوصال……حركات اديها بالزربة من على كتافو وشدت اديه بجوج ورجعتهم بالخف عندو ودفعتو …وشافت قدامها تترجع طرف الوشاح لي تحيد…مد ايدو باغي بمس خدها وهي ضربها بظهر ايدها وقالت

_ وصلني لدار ولا نهبط نشد طاكسي…رجع لبلاصتو تنهد ..تيتقاد في الجلسة وقال

_ ماشي مشكل وقت اخر باين نت مقلقة من ماماك …دارت عندو وقالت

_ مقلقة من راسي يمكن ليك تحرك من هنا…وصلها لدارهم لقات مها عند الباب . فاتتها ودخلات والخرة سدت بتنهيدة ومشات تبعتها …

_ صاوبت ليك طورطا تتعجبك

_ مابغيتش

_ علاش؟؟

_ سممتي ليا معدتي بهضرتك ولا عندي تسسم خليوني في حالي

_ لا اليلي لا واش بغيتي حت بكر تاخدو مراة جميلة وتاخد ليك اطفالك وتفيقي من القلبة وماتلقاي حت واحد معاك؟؟؟

_ ماما انا تنسمع اطفالك تنتخنق بعدي مني ماشي اطفالي ماشي اطفاااالي … تلاحت فوق كنابي جيلدي في البيض تلجي ناصع …فيه بعض نقط ديال لمداد هي سبابو ….مشات عندها وجلست فوق طبلة صغيرة قبالتها وحطت ايدها على دوك النقط والخطوط وقالت

_ نت سباب في هاد العلامات… حركات فقط عينيها بنعم ..لاحت سبادرية ودارت عطات الكانبي بمؤخرتها وهبطت راسها الارض تتحاول تزيد تقلو ..رجليها مليوحين فوق الحاشية ديال الكابي ..

_ شفتي شحال كان زوين نهار جبناه ..حت نت كنت زوينة فاش تولدي هكا كانت حياتك بيضة وناصعة .وحنا لي حطينا فيك دوك النقط السوداء وخربت معالم الجمال عندك بحال هاد الكنابي… شافت فيها بلا موبلات ..كملت اليكسي كلامها ؛: كدالك اطفالنا تلات هليم كريم وجوزال ..حياتهم مزال بيضة مافيها حت اطياش والمحيط لي غادي يكبرو فيه هو لي غادي يسرم ليهم حياتهم ماشي نت وماشي بكر. لا االمحييط كامل هما مزال صفحة بيضة اي واحد قال ليهم شي حاجة زوينة ولا خايبة غدا تعلم عندهم وتبقا راسخة ليهم في عقلهم ويبكبرة معاها سواء كانت عقد او كود مان مساعدة يد فانا حبيبتي دائما تنفكر الى شي واحد حكا ليهم ان عندهم زوينة بزاف غادي يتمناو يشوفوها ولكن الى واحد اخر قال ليهم ماماكم خايبة خيت تخلات عليكم او جرا عليها باباكم لانه شافها تتقبل ولد خالتها كيفاش غادب يكبرو هاد الدراري… وقفت بالخف وتعصبت بل جنت

_ انا ماقبلت حت واحد فقط سلمت عليه وماعرفتش باش سلمت عليه ولا سلم عليا…ماما نت شفتيني هداك النهار كنت منهارة من مسالة الحمل وجا براون كنت محتاجة نشوف منقد ليا من داك المكان…تتهضر وترعد وهي توقفها ماماها

_ شووش دبا حنا غ افترضنا فقط…عرفتي علاش بغينا نمشو عند تلات اطفال بريئة قبل مايسمم ليهم شي واحد عقولهم ويقول عليك هضرة خايبة حت بكر خاصو يمحي من بالو انك نت فتاة سيئة…..فركات جبهتها لي تصببت عرقا .وجلست تتاكل في ظفارها…….

**** في دار الحاج عيسى مجموعين كاملين في جو عائلي في نفاس سليمة لي ولدت ولد تاني …بكر متوسط الحضور وولادو بتلاتة تيدورو الحاجة خدوج دايرة بالهم مع ولاد العزيز الغالي وحت منصيف وهبة تتلات توائم فرحة كبيرة للحضور كل واحد تينعت بصبعو شوف اشنو دار حليم ولاخر شوف كريم وبكر جالس باريحية ..تريكو كول في ديال خيط رقيق في الكحل مطلع كمامو نص في مرفقو .. مع سروال دجنيز زرق . تقاشر بيضين حاضي باعجاب وظكحة مع حنين لي مشات وقفت عند سيراج تتمد ايدها ليه باش تاخد تلفون ولاخر غارق كلشي نتابه ليها وهي تتعلى وتبكي..هضرت لالة خدوج

_ اداك الصغيور نت عطيها تلفون…هي تتبكي ووهو ماكينش حت بدا كلشي اعيطي عليه سيراج اسيراج ت مالك غارق؟…وهو ماكينش هنا حاضي واحد السيدة واقفة بتياب شبه عارية سروال لاصق شفاف وبراق طالع حت لكرشها ومشدود مع خيوط متشابكة من عند البطن حت لصدر لي تغطى بتبطينة ديال التوب والضهر عريان ففقط سيور باش جامع لخيوطة لي في الكرش باش مايطيشح داك طريف دياال التوب مع السروال كلو شفاف الا جزء صغير عند الكيلوط.. جسم متناسق ادين والعنق باينن تيفتنو الناضر مع صدر بارز تتيتحرك مع الموسيقى وحركات ايد المغني وكانه باغي يفتح السيور لي في ظهر باش يطيح التوب ويبان ليه علاش تيقلب… الكل تينادي على سيراج لي غرق في بلاصتو اولا من جمال شهلة تانيا من جراة المشهد …وقف بكر بظحكة وقال وهو في إتجاه بنتو

_ اجي الحبيبة ديالي اجي.. تكا باش يهز بنتو ولاخر تصدم فاش شاف بكر عند رجليه تخلع وهويطيح تلفون الارض على وجهو…هزو بكر قدق مع هز حنين وقلبو عند وجهو وهو تيقول

_ فاش مخشع نت؟؟؟..

هز التلفون لعينيه ..كانت الكاميرة على الجمهور تدور .. شاف بكر في سيراج ماد ليه تلفون في تانية جات على بالو تيتغرج في مغني لي صوتو مسموع جياش ورائع وهو يمدو ليه ..سيراج قلبو وقف وتفكيرو طار خرج عينيه في خوه بلا مايرمش… وهو ماد ليه تلفونو وعقلو تيحلل في عينيه لدكو فيه رجع شوفاتو لتلفون على اساس شد تلفونك اسي حت تتتبان ليه الزوينة ديالو معنقها واحد من لور وايدو عند بوطها وراسها مرجعاه ورا كتفو وراسو عند عنقها والمكيروفو مهزوز بيناتهم..من صدمتو رجع تلفون لي كان ناوي يشدو سيراج وبقات ايدو في السما معلقة…تقوسو عينيه تيتاكد منها حت تقادت في الوقفة وسالات اللاغنية سلمات عليه من الوجه والكاميرا عليها وعلى جسمها لاخر شاد في ايدها تيحي الجمهور معاها باش تخرج من لاسين ..ماشافش المشهد من لول ولكن لي شافو كافي باش عروق خدودو يتحركو وجبهتو تبرد وصدرو يحما..حنين تتفركل على التلفون واديها ممدوةد ليه ..معصبة تلفت ليها بزعف

_ اش بغيتي في الزمر عامر عامكروبات ….وهو يلوح بالجهد حت ضرب مع جنب الحيط وتشخش قدام عينين الكل لي حل فمو وماكان في ضنهم الا ان سيراح تيتفرج في الافلام الخايبة من ردت فعلو ..مشا عند مو عطاها حنين وقال بنبرة حادة

_ تبعني…. خرج مع الباب وتبعو لاخر تيفرك في ايديه مخلوع تيغزل.. ركب في الطموببل تيطلب في الفولا معصب محروق اعصابو مشنجة غ ركب حداه هز عينو في السرجم كانت الالة خدوج تطل هي و منصيف وهو يكسيري حت تسمعت بحاا الى شد الفران على شي واحد … داه حت لخرجة لمدينة في سمط فقط ريحة حوايجو عطات تقول دوز عليهم مصلوح سخون ..غ وقف الطموبيل .. وهو ينزل عليه بضهر ايدو لفمو . وعطاه صلية حت تقسمت ليه الشفا وهو يغطي وجهو باديه بجوج …

_ نزل …نزل سيراج وهو عارف اش مسنيه..جا عندو بالخف وشد ليه من حوايجو عند كتفو وقال

_ : علاش مازال تتهبش عليها؟؟؟ ااا علاش وتقلب ؟؟؟؟ ب

_ ماقلبتش…غ يقول ليه ماقلبتش وهو يعيطه بونية لكرش حت جا على ركابيه.. بنبرة تحمل كل انواع العداب لي داز عليه وماعرفو حد : عرفتي اسيراج شحال باغي نعطيك قتلة ديال العصا وماعمرها جتبتها فرصة حت ليوم ونت قلبتي عليها ..: علاش حاطها في راسك ؟؟ ااا ماقالش ليك الحمار ديال راسك راها كانت مرت خوك… اااات .فمو شاحف وصدرو فيه حرقة من جوج جوايه شهلة لي حرقتو حرقة عمرها تنسى وخوه لي طامع في لحم مرات خوه ولاخرة اصعب من الولا .كره سيراج كره العمى وعطاه قتلة مابردت ليه جمرتو : تكون ميتة وفي الكفن وحطينها في الارض باش يصلو عليها نت ماتهزش فيها عينك ااا ياك اخوياا تتفرج في مرات خوك . ااا مشات ولا بقات تتبقى مرات خوك عرفتي شنيا مراااااات خوك ؟؟؟ بحال الى مرضعاها مك الحمااار.. عطاه عصات كلب ومابرد …وقفو عند عينيه ولاخر تخرمز ليه وجهو : نقولو طلقتها ومشات بحالها مافكرتيش انه لي تتفرج فيها موت ولاد خوك ااااا موت حنيين .. جاوبني الى طامع فيها قولها ليا باش نفرقو الوجاه.. تلاح عليه سيراح بتعنيقة وبكية مسموعة

_ والله اخويا غ خرج ليا فيديو ديالها وحق الرب مانوي فيها شي حاجة ….دفعو لاخر حت جا على الطموبيل خباط تقصح في ظهرو

_ لا طمع نيت غ طمع وزيد . هز صبعو عندو تيحدر فيه : اخر مرة اسيراج لاقدامنا ولابينك وبين نفسك لحم تخاوا بيناتكم جمع عينك ولا كنت تتفكر في شي حاجة ماتلووم الا راسك.. تلفون تيصوني لداخل في طموبيل…..حل طموبيل طلع وردخ الباب وقال بغوات

_طلع…..جاوب .وهو تيدور في الطموبيل راجع بيه

_ نعام الوليدة

_ افينك بنتك ماسكتاتش لينا

_ هاني جاي….شدو طريق في سكات..حت تسمعت قدام الداى طلت هبة بان ليها سيراج واكلها وهي تحط ايديها على فمها ومشات تسنى فيهم عند الباب وحنين في دراعها تتراري بيها…دخل سيراج وطلت هي على بكر .. كان مزال في طموبيل…شار ليها تجيبها ليه…حطتها ليه في الكرسي ديالها قال بنبرة مريضة

_ ردي البال لحليم ولكريم حت لغدا ونرجع ليهم…قال كلمتو ماتسناش تستفسر على العشا ولا على فين غادي وهو يحك الروايض…طلق اغنية ديال الاطفال لي موالف تسمع ليهم حنين .. وساعة كان في دارو . تلفت للبنتو كامت ناعسة فمها تيتحرك بحال الى تترضع بكل هدوء وجمال ناعسة ..هبط وهزها من بعد مافك الحزامات عليها ..بين دراعو مدخلها مسندها عليه من البرد حاضنها بكل حب امتصت غضبو…تحل الباب من طرف سميرة لي سمعت صوت سيارتو قالت

_ نصاوب ليها ماتاكل ؟؟..حرك راسو بلا ومشا طالع مع دروج كبار حاني راسو عليها …حت لببتو حطها في سريرو وتكا حداها تيشوف في هاد الملاك لي قاهرو كتر من دراري اي بنت تتبغي مها تكون جنبها . فاش تكبر شوية وتبدا تحشم من باها من لي محطين بيها وتبغي تعاود على شنو تيضرها فكر ليها لتولي ضرب في حجرها او تجيها شي حرقة او مرضة لتحت وتبغي تقولها لمن غادي تقولها او فاش تكبر وتبلغ ليمن غادي تقولها البناات تربيتهم صعب من الدراري بالنسبة ليه مرر ايدو لخدها اول مرة يبوسها وهو تيتمنى ان كاع لي لطرا يكون مجرد حلم مزال مافاق منو.. …بقا تيشوف فيها حت تملمت باغا تبكي جرها لعندو كتر وكتر حت خشاها في صدرو جر الغطا عليهم بجوج ونعس تيحاول يمحي ليلتو السيئة من بالو لكن غ نعس شافها بنفس اللبسة ونفس الوقفة ..عكرت نومو كيف ماطار عليها هي النعاس وبقات تتقلب في فراشها وتلغونها في ايدها تتدور فيه بصباعها ورقم بكر مكتوب فقط خاصها تورك على زر الاتصال…

انتابها شعور حميمي . وهي تتبدل حوايجها بغات تنعس .حضن رفا حرك ليها مشاعر الرغبة ولكن ماشي معاه ولا مع شي واحد اخر اول ماجا على بالها وهي تتطلعها رغبة ممارسة العلاقة الحميمية هو بكر ..لبسات كسوة ديال النعاس بتوب خفيف..ماشي شمويز دو نوي غ كسوة عادية خضيضرة فليو موردة باوراق الخربف خضر خزي نص كم لابساها بلا ملابس داخاية لكن لي ماشي عادي هو حلمات تديها لي بارزين مع صدر مشددود بارز …لقطات حميمية راسخة ليها في عقلها وهي في الفراش مع بكر ..خلاتها تحس اكتر واكتر برغبتها بممارسة الجنس ..قبل شهور اول ماجات من المغرب خدات دورات مع كوتش في حصص تتسمى التصالح مع النفس والرضا. تتكون الحصة مجموعة من الناس مرو بمأسي او حوادت خلاتهم يهربو من افكارهم فتيلتاجؤو الى هده الدورات النفسية ومن بين الحضور كان رجل كبير شوية قال جمل بقات راسخا ليها في الدماغ ..^^هل تعلم انه عندما تنتابك مشاعر الاحباط فانك تتستطيع ان تبدلها في لحظة ؟..استمع الى مقطوعة موسيقية او إبدا بالغناء سوف يغير مزاجك . او تتدكر شيئا جميلا. فكر في طفل رضيع او شخص تحبه حبا صادقا وركز عليه بعض الوقت احتفظ بتلك الحظة في عقلك واجعل كل ماعاداها خارجا اضمن لك انك سوف تبدا في الاحساس بشعور طيب…لكن ماشعرت به شهلة وهي تحاول التركيز على صورة بكر وهي مشاعر الرغبة بل واي رغبة …رغبة تبادل القبل والعناق الحار والمدابعة …غمضت عينيها وهي تجي في بالها اديهم وهما مشابكين..بقات مغمضة عينبها حت حست بانفاسو حقا على سائر جسمها حلتهم بسرعة باش تشوف واش كاين حسات بنفسو قرب عنقها …تقلبت جنب تتدور في عينيها رجعت الجنب الاخر. تتقلب في فراشها واحساسها بوجود بكر مغليف المكان وهي تفكر تهضر معاه…طولت ايدها هزات تلفون من جنب السرير وحركات اناملها حت طلعت ليها اسم بكر فقط خاصها ضغت على رز الاتصال….. ناعس في صراع داخلي خلاه يتقلب في فراشو. لكن تركيزو على ان حنين ناعسة حداه خلاه كل ماتقلب يحل عينيه حت تعرق وحما عليه جسمو ماوالفش ينعس بحوايجو وناض لاح تريكو بقا عريان نصو.. وخرج لباركو وسد من وراه غادي حفيان فوق ارض باردة والريح تيدخل ليه لصدرو لكن ماحسش بيه تكا على حايط نتاع البالكو باديه بجوج تعصب من شنو دار مع سيراج وفي نفس الوقت ماحملش يشوف شهلة بداك الوضع في الاخير تتبقا ام ولادو.. هبط عينيه لطموبيلة لي كانت في الباحة تيشوف اللوان تتغير ركز مع الالوان حت جات على بالو تلفونو في الطموبيل…. رجع دخل لبس تيشروط بسماطي في البيض وصندالة ديال الصبع سد وخرج هابط بخفة ..حت وصل طموبيل تفكر السوارت ..رجع طلع جابهم عاقد حواجبو…حل طموبيل تكا باش يهزو وهو ببان ليه رقم طويل اجنبي تيعيط عليه ابيل فيديو واتساب … هز نص في خدو وحجبانو وصلو لمنبت الشعر في راسو.. شك في المتصل وقال

_ وصلها ليك نعم الرجولة …دخل الطموبيل وسد عليه وبصبعو الكبير ورك على احد الازرار

معصب مكره مشنج ماحملش جد بات شي واحد خيب سيفتو وقعر عينيه حت ولا الديب خاصو غ نياب ……فتح الخط وهو يخلعها بشوفاتو..ماعرفتش واش ظحك ولا تقول سلام ولا طفي تلفون اول مرة تشوف وجه بكر خايب .. قبل ماتمتم وهو يلوحهم ليها في وجها …

_ تفو على دين جد مك ….بصدمة خلاها تشوف وزاد كمل كلامو وصبعو تيشر ليها عند وجها : قسما بالله كون كنت حدايا دابا ياتنفرع مك كيف مافرعتو وصلها ليك الرويجل؟؟ شكا عليك؟؟ .. حك جنب نيفو ونيفو كلاه ..هنا عرف انه وصلات فيه الجدارة ديال المخ العصاب عندو تيخليه يحك نيفو بجهالة تقول فيه الحساسية هدا ناتج عن تنفسو الحار لي تيخرج من نيفو ..كمل كلامو من تحت سنيه ولسانو بين ضارسو: اا اا بقا فيك جايا تسبي ولا طلبي نحن عليه ؟؟؟؟..حركت صبعها لفهمها وقالت

_ :شووووووش ماعرفتش اشنو تتقول بالاساس اولا تانيا ماااالك ؟؟؟.

_ غادي نقطع على جد مك دابا ونهار اي تعيطي ليا …مد ايدو لتلفون : نطقب لمك العينين….يله بغا يورك وهو تقول

_ تسنى تسنى …رجع ايدو وهي تجمع الدفلة وطلقتها على تلفونها لكاميرة .. قشر فمو زقال

_ حيوانة

_ حت نت

_ بربي وتباني ليا قدامي حت نفسخ لمك الجلدة على العضم..خرجات ليه لسانها. ونعست عينيها كيف كان تيميلهم وهو في قمة النشوة معاها…. ميل راسو . وحركو كرز على عنقرتو بالعصاب حت مابقاتش قادة تهزو ليه

_ معصب عليا كنت باغي تمارس الجنس ومالقيتينيش حداك ونت تسب براون ..قالتها بدلع خلات نص عينو يترعد غ بوحدو . كملت هضرتها : لانه لي خلاك تسبني بهاد الطريقة فهو اكيد لي خلاني نتاصل بيك في هاد اليل هو. هو ….خرجت لسانها تتدورو على فمها وبعيون معسلين ووجه مشحون بالايتارة خلاتو يقول هادي شاربة ولا شنو ؟؟ .

_ هاااااي بيبي ..غمزتو وصيفطت ليه بوسة ..خلاتو ياتاكد انها فعلا سكرانة

_ نت حمارة… قهقهات من قلبها وبدلع

حركات راسها بالايجاب ..نيفو مصدعو وقالت:

_ ريحتي وصلاتك شفتك مبرزط مع راسك. نقربك شوية تزيد تشم ..قربات تلفون لصدرها بعدو هو بالخف عند بالو غادي تقرب ليه نيت..ظحكها بتصرفو وهي طيح ليه في بالو خاصو يطلقها لقاها من يشدها باش ماتهضرش على الحضانة

_ سكرانة؟؟..تتلعب عليه..حركات ليه راسها بالايجاب

_ الله ينعل اصل مك

_ على راسهم الخالة ديلكارمن اسوء شخص عرفتو في حياتي

_ والله ابنت بوشتة حت تندمي. ميلت راسها ..تفكو خدودو شوية وقالت:

_ بغيت نعس معاك ولكن باستعمال الواقي الدكري. .. لاح تلفون من ايدو.. بلا مايفصل الخط وبقا صوتها تيتسمع عندو …وهي تتشوف في سقف طموبيل وتقول

_ محتاجة قوة عضوك الدكري يارجل اجي عندي ..خرج من الطموبيل اديه تيترعدو ونيفو فيه الهران تيفركو بكفو وصباعو في جبهتو ما مصدقش شنو سمع ولا شنو شاف ..لي لحظة فكر ان بهاد الحوايج لي هضرت معاه بيهم هضرت مع خوه او كانت تتهضر مع خوه من قبل . طلع صدرو وتخنق حل فمو وهز راسو لسما باش تتمد ليه رقبتو . صوت العنقرة بحال ااباب العاصي ..مشا وجا ايديه فوق راسو …في هاد الاتناء كانت نوال تتشوف فيه من السرجم من الفوق وحاضياه .. رجع هز تلفون لقاها مزال تتهضر..خرج تلفون وشاف فيها غادي جاي وقال

_ سمييبتك مراة اجي عندي سمعتيني….ردات عليه بضحكة وقالت:

_ انا مراة زويييينة .

_ والله ابنت الحاج تندمنك غ اجي الى كلاك جلدك هبطي بيه المغرب….

_ نهبط بهادو حت هوما؟ ..حطت ايدها على بزازلها …عصبتو بالمعقول

_ اجي الى ماعلقت مك من هنا..شد في حلاقمو : في ديك الشجرة ..شار لجشرة الرمان كبيرة . جاوباتو بضحكة

_الى ماشدتيك من هنا .. شدات في شفافيها : ودرت ليك…لاحت ليه بوسات سراع .. خلاتو كارز على سنيه وتيحرك في راسو مغزز

_ شاربة يابنت الكلاب ؟؟…حركات ليه راسها بالاجياب

_ شاربة توحشتك

_ نت حمارة والله حت حمارة

ونت ززين زوييبن …

_ حيوانة نت حيوانة الحمد الله شديت ولادي عندي يالمكروبة.. باغي يقطع عليها وباغي يسبها هي ماهمهاش …مولوعة بالنعاس معاه تتشوفو غ عليها . كل حركة دارها بوجهو ..زادت شعلتها …

_ اووووف … تنهدت : كون غ كنا بجوج على السرير .باغي يدفل عليها ماغداش توصلها ..باغي يضربها بعيدة عليه غ تيسب وينعل كان خاصو فين يفجر غضبو جابها ليه الله

_ الله ينعل زبور مك ..يا****** يا******… نوال سمعت لي سمعت وهربت منو خافت وكلام الحاج تاكد تقول كان عارف… خاصهم غ اتصال وينفاجرو على بعضياتهم ويبان غضبو هو منها ولكن كيف قال كون مابغيهاش علاش مطول معاها تلفون..مرض تفكيرها المسكينة كتر وكتر …جات بدعوة من خالتها باش تعرف على المكان وتلوفو بحكم هي بنت المدينة ساع رزقها ماشي في هاد البلاصة ولا معاه ..

…. حطات تلفون جنب مقابل معاها وقالت

_ غ هضر بناتنا بحور باش ضربني او نبوسك انا… دك عينيه فيها مزيان على مدى جراتها غمزتو وكملت هضرتها : بغيت نبوسك .. مد ايدو قطع عليها ولاح تلفون في الطموبيل وجلس مخرج رجليه برة وايده ورا راسو مهبطو عصبوه ليوم وركبو فيه الغدايد

..مسح على راسو بزعاف وناض وقف ورجع جلس بحال مانواش ينوض …مد ايدو تلفون كانت مزال تتصوني بلوكاها وسد الطموبيل ..طلع ..يتغزل بالعصاب ..وتيسب جوج الناس سيراج وعروقو وشهلة وحياتها …حل البيت رمة عينو لبنتو ناعسة بحال الملاك.. خرج الباركو طال الوقوف فيه ليلة بيضا اخرة تزاد في رصيدو . ينفخ ويسوط وعضام فكو تيتيسمعو كلا لحمو اكل ….سمع حنين مع ادان الفجر تتقلب عليه ..بصوتها كلماتها الغير مفهومة .مشا عندها هزها وخرجها تتسمع الادان تفوه وتقلب على دفا حضنو…كل ماكان معصب تيكون حضن بنتو هو العقار المهدئ … حس براسو تقيل عليه وودخل تكا على ظهرو حطها علة صدرو ونعس حت فيقتو مرةاخرة لاكن كان النهار طالع …مدوخ بالنعاس ماشبع النعاس ولا راحة … هابط تيعيط على امينة ..لقاها هي وسميرة وسط الدار تيفطرو …وقفت امينة شدات حنين باش تبدل ليها لكوش وسميرة تتسول على كريم وحليم …بابتسامة..رد جوابها غادي يجيبهم سول على نوال ..وقفت امينة وطلت عليه من الفوق ..كان القاسم مابين الفوق التحت فاصل دياال الزاج تيوصل نص في وقفة بكر

_ مشات اسي المقدم

_ مزيان الى عندك شي خبار قوليها باش نوجدو روسنا ماكينش لاش ناجلو ..حدرت المسكينة راسها باسى من الفجر وهي تتقنع في البنت لكن عينيها الوارمين قالو كلشي…مع هضرتها دخل الحاج بعكازو تيتقرقب مع الرخام ويزيد يقرقب فيه كتر عن قصد

_ قالت ليك الله يسهل عليك وعليها…تقويسة حواجبو ترسمت من كترة ما استعملهم ..

_ كيفاش.؟؟..حاط ايد على جنبو ولاخرى على كرسي

_ الله اعلم ماكتابش ليكم مع بعضياتكم وصافي…دار عند سميرة وقال

_ انا لي خطبتها تزيد بحلاتها واش ساكنين معايا العوارض ولاشنو؟.لولا هزات راسها حت لعند وليدها عاد معيطة حقا ماحقا مابغيتش التانية باتت ماصحبت اش هادشي.؟. جلس الحاج طالق اديه كيف جنواح النسر وتيعيط على على دانياال مامسوقش لي بغا يمشي را الطريق… فرحان حت اتاي غادي يشربو زايد سكر بقا ليه غ يطبل ويغيط …. بريبة شاف فيه بكر…قاطع شوفاتو صوت مو وباه مبكرين عليه ..ميل راسو مطولو تيتاكد وفعلا جاو على ود سيراج لي مانعسش ليهم باتو دايرين بيه وهو تيغوت وماقلبت على حد ماهضرت مع حد..غ شافهم وهو يكعا عارف غادي يدوز من بحت واستنطاق ….قلالت الهضرة مابين الحاج بوشتة والحاج عيسى مابقاتش الصحبة كيف كانت والسبب الحاج بوشتة لي كان ناوي ياخد الدراري عن طريق المحكمة وقال ليه عيسى جيب بنتك تحضر ولبغاتهم نعطوهم ليك..حس انه ضربو لقلبو وخا عندو الحق سي عيسى لكن تقالت بطريقة ماعحبتوش ..بنتك لاحت ليه الدراري وزادت نت ماشي شغلك…من تما هز عليه الحاج بوشتة حقد غ يشوفو يبدل البلاصة ..عيا مايهضر فيه لاخر لكن راسو قاصح وقلبو فيه الحقد الى بغا الواحد يبغيه من قلبو والى كره الواحد يكرهو بكل جوارحو….جالس ليهم تما صحة ودراع وعلى قلوبهم بفلوسو وبملكو ولي عندو يتحرق مايتمم وماخسرش منهم ريال ….

. وقف تيعكز ومشا تيتمم

_ حسبي الله ونعم الوكيل اللهم فرجها من عندك..مشا حت لعند لباب ودار عند بكر وقال

_ بنتي عيطت ليك لبارح باش تشوف ولادها خليها تشوفهم الله يرحم جدودك لي ماتو وماداو معاهم دنب.. سرط بكر ريقو . شنو زعمة مافي راسهاش قضية سيراج..حرك ليه راسو ..زاد لاخر وهو يتلفت لولديه .تيسول بتشكيك…مشاو لصالة عريضة مفتوحة على وسط الدار بفراش ملكي السدادر منقوشين بالكحل والدهبي مع فراش في الباج والخضيضر توبو مبرة حرة ..جلست لالة خدوج ماعجبهاش الحال عاطية لولدها بجنب والحاج عيسى تيهز راسو في السقف ديال الدار كل ماجاليها تتعحبو في العلو وفي النقش لي محفور بالنحاس والزاج باللوينات ….

_ شنو كاين فين حليم وكريم؟ .حت واحد ماجاوبو مو حاطة ايدها على خدها .. لابسةجلابة كحلة ديال جوهرة تحتها قفطان في الصفر وشال مورد بجوج و لوان قابطاه عند دقنها زوينة بحال بكر في شفارو وخا كبرت وولدت مزال عاطية العين… وقف عليهم حت عيا ..عاد نطقت معزفة منو

_ ولادك تسول عليهم وولدي فرقعتي ليماه عينو اشنو دار بااسلامة حت تنفخو نفيخ البطانة اا يا ابو بكر ماعز عليك ماحنيتي فيه وشوهتيه قدام الناس كلشي نواها فيه خيبة ااا فاش حصلتيه تيتفرج اا كاع الرجال تيشوفو العجب نت سالك زعمة ااا تقلب على المراة منها ومن لهيه ….الحاج عيسى مامسوقش لهضرتها هي لي جابتو..يدور في الدار ويتفرج تتعجبو بلونها ونقشها ووسعها تيترتاح فيها…

_علاش جايا عندي ؟؟ معصبة تتعرفيني اوليدة ..داك الموضوع طويه

_ ماطاويهاشاي ..(قراوها بلا ماتعكلو ههه) فاش بغايكون كاع تيتفرج ااا خليتيه يغوت ربي لخلو ويحلف ويعطي لقلبو ماشافش شي حاجة خيبة بايت لعلعل عليا نوضي دابا سيري عندو وقوليها ليه اش غادي نقول ليك ولا ليه..بسط حواجبو وشفايفو وقال كلمة وخلاها وراه

_ مسكين….

.. خلاها تهضر وتفرغ اعصابها وهو خرج بعودو تيدور وكلام نسيبو تيتعاود ليه في ودنو ..

_ بغات تشوف ولادها تيجاوب عقلو : اشمن ولاد عندنها تجي نحرقها هي وباها وكل واحد جا من جيهتها قالاك ولادها هديك البرهوشة ماتصلاح لوالو مخها دايب .تسرا على ظهر شرف بكل نخوة وكل فخامة خلاتا وصال قايد على ظهر العود ..قايد وباشا غادي تيحرك فوقو والطراب مبلل تيطاير وراه حت وصل على المعطي لي كان شاد دفتر هو ابراهيم وتيقيدو الاسماء ديال الناس لي غادي يخدمو عندو هاد العام مع بداية كل خريف تيجيبو ناس يخدمو باديهم كاين لي تيوصل الموسم ديال الحرت وجني الزيتون عند بكر تيجي وكاين لي اول مرة يخدم عندو رجال وعيلات اسر بولاداتهم . تيبنو قياطن حدا المحاصيل حت يساليو ويرجعو لديروهم ..كل سنة بكر تيقرر يزرع ارضو نوع اخر من المحاصيل من الخضرة ولا الفواكه الارضية ..هاد العام قرر يزرع الشمضر والفصة ..لانه مزال عندو الحبوب في المطامر فقرر يرزع الاكل الخضر ديال الدواب ويزرع البطاطا وليشو والخص..وخيزو .دخلو صفوف كتيرة ديال العمال ولي شك فيه عينو زايغة ولا ايدو خفيفة يبحتو منين نت ومنين اصلك…كل عام تيرجعو وجه مالوفة يرحب بيهم ووجوه جديدة ياخد نسخ من بطاقة تعريف. ومين بين الناس كان رجل ومراتو وبنت ولدهم لي كل عام تتجي معاهم تتخدم على راسها باش تشري الكتوبة وكل مايخص الفصل الدراسي عام لي قبل ماجاتش كان عندها امتحانات عكس هاد العام لي عندها سطاج في مدرسة التمريض مزال ليها تلات اشهر او ربعة باش تبدا… سمعت سميتها من المعطي عزيزا عليه تتخدم بنيتها وتتبعد على الخطوطة لي فيهم الرجال ..

_ اجي هنا اجي ..مشات هناء عند المعطي وابراهيم : نجحتي؟؟؟حركات ليهم راسها بادب وحشمة : مزيان غدا تخدمي هاد العام في الساهل جاوبت بصوت ناعم وخافت

_ لا ماشي مشكل

_ مشكيل راك غدا تولي شي حاجة في البلاد.

_ ان ساء الله ..ظحك معاها المعطي حت هو عزيز عليها في نهاية كل محصول تيوصلها لدارهم محملة ومجملة باكياس الحبوب القمح وقناطر من زيت الزيتون زيادة على الراتب ديالها الشي لي تيخلي باها تيقبل بخدمتها في الارض والفلاحة وحت صمعتتها التابتة سابقاها .. تزوعو الخدامة على الخيام وهي تبعت جداها وتتلوح عينيها لدار لي جاتها تتبدلت وخا تتشوف غي الفرسادات وعمرها دخلت ليها لكن الأخيرة عجباتها بزاف تابعة جداها وتقول وهي هازة كفوفها لسماء

_ ياربي ياربي مابغيت منك والو هاد العام غ نحط رجلي في ديك الدار .. بقات حاضيها وتنهدت حت سمعت صهيل العود عند رجليها من ورا ظهرها ..دارت مخلوعة تتشوف في العود ومولاه .رما السلام لجميع ومشا تيدور وسطهم وتيقلب على لي نبهو لعام لي فات مايحطش رجليه عندو وفعلا كان من بين الحضور شاب في مقتبل العمر لكن ضاسر بزاف وتيتبسل على العيلات وعندو عليه شكاوي غ شافو وهو يعيط عليه عارفو حافظ سميتو لاخر موجد صفحة ديال الدعاوي وكتاب ديال الشكاوي

_ والله اسي المقدم الى تبت والريال الكحل ماعنديش ومي جاها السكر وبا فيه بوزلوم وانا راني خدام عليهم وعليا ماكين لي يعتقني ولا صنعة لا حرفة من الفلاحة تنترزقو الله والله يحفظك ويحفظ ليك ولديك راني كبرت ودرت عقلي وعرفت بحق الفلوس لخطاوك تولي مشموت غ خليني نهز الفاس والعتلة الله يرحم ليك الوليدن ..حك عنقرتو وهز جوج صباع عند عينيه ولاحهم لشاب

_ راني حاضيك وتلاح على عودو وزاد خلا لي يشوف فيه باحترام يشوف ولي يشوف فيه باعجاب لمقامو ولي يشوف فيه بغيرة حت غاب عليهم بين س

شجر ديال الجنان…

وصل لاسطبل لقا الزغبي ديال الحاج ودانيال تيتفرجو فيهم وتيهضرو بيناتهم على الفيرمة لي شرا قبل مايجي من السويد ومع المشاكل نساها وانه خاصو يصلحها ويشري لولدو لعود لي عجبو دانيال عجبو الحال حت هو باغي غ الارض والفلاحة والخيل بحال بكر ..مابغاش يرجع المدرسة لكن الحاج توعد ليه لمستقبل زوين الى كمل قرايتو…تسمع حوافر شرف فوق الحجر لي مبلطين بيه ارضية الاسطبل .غمض عينه ماضنش غادي يرجع في هاد الوقت لاح ليه بكر شوفات طلق العود رجع لبلاصتو وقال

_ دانيال سير تبعو سد من وراه ..صدرو باش يهضر مع الحاج الراس ..عاق الحاج وهو يدور باغي يسلت لكن بكر وقفو بصوت هادي جدا

_ بنتك معيطة ليا مع تلاتة ديال ليل وسكراااااانة وبغات تشوف ولادها الى عندها العقل ماتعيطش في داك الوقت

_ ماتتعرفش توقيت وصافي

_ اهاه مكلخة مسكينة مابعيدش عليها من جايباه اوى والشراب؟ .. انا وجه نقي غدا تشوف بيه حنين ولا كريم وحليم .. تحرك خدو مع تقويسة عينو ليمنى… ظحك الحاج باستهزاء وقال

_ الواحد فاش تيبغي يخسر شي واحد اخر تيزين راسو مزيان

_ كيف ماكنت ..انا شاد ولادي بسناني

_حيت شارف سمعتي نت ماشي قد بنتي صغيرة بزاف عليك قراناتها مزال تيلعبو حبل وكاري وانا من خوفي عليها رميتها ليك زينها خلق ليها مشاكيل مع دياب ساع طيحتها في ديب عايش مع ضباع حت ولا بحالهم

_ تتسب؟؟ مزياان سبني حيت انا ضبع بصح بضع لي تسترت على فضيحة بنتك وهي تتباس قادم باها وراجلها …تزير قلب الحاج وبدا الطونسيو يطلع ليه مالقا مايقول ولا باش يجاوب دار بكر عطاه بالظهر حت وصل لنص في طريق وهو يقول ليه

_ بنتي دنبها عاشت مع النصارا هد هو دنبها المسكينة اما كون عاشت كيف ماعشتي نت ماتهزش راسها من الصلاية بنتي ماتتكدبش وماتتخونش ولقالت ليك الحاجة درتها ولامادارتهاش مادرتهاش بنتي كان غالب عليها الوحم وحننا حابسينها هنا ماعقلتش على راسها فاش شافت ولد خالتها وزايدون هو لاباسها ماشي هي هي اعتابرتو غ تيسلم عليها. ماتوقعاتهاش منو ومع هو گاوري نصراني زايد ناقص عندو كيف الفم كيف الودن مزال بنادم ماواعيش .دار عندو وقال

_ ماربيتي والو الحاج ..زاد وخلاه ولاخر تيلوح ليه الهضرة بصوت مسموع

_ نت لحتيهم في كرشها وهي لاحتهم ليك في الدنيا بحالك بحالها نهار لي يكبرو يعرفو. تيغزل بالفقصة بالزز باش جبد تلفونو وقال:

_ الو اليكسي ..انا غدا نموت وقولي لبنتك تحضر لعزايا.وتحضر لقبري .دخل مع بكر في حرب على ود بنتو يا ربحة يا دبحة …قطع عليها وخلاها مفقوصة شافت شهلة هابطة مع دروج قالت ليها مساج باها ولاخرى قالت

_ ممتل بارع ..

كلام الحاج تسمع في ودنو هزو بغضب في صدرولي خلاتو فيه مو كملو ليه النسيب.. الشخص الي كان بعيد على المشاكل والقيل والقال ماتيبغي يدخل في حت واحد ولايدخل فيه اة الواحد عايش بسلام متصالح مع راسو .مع داتو متقي الله في افعالو واقوالو . شخصيتو وتفكيرو بعيد على الاحاديت الخاوية والنميمة كان فيما بداو جوج يجبدو التالت يغير المجمع ماعندو فائدة في كلامهم ماغاديش يصلح الغايب ولاغير المغتب النمام لانه كل شخص باني شخصيتو من مجتمعو ومحيطو لي عايش فيه فتيخليه ياما مريض بالنميمة او الكدوب والبهتان او لاصقة فيه شي بلية او شي عقد نفسية مخلياه مبرزط مغ راسو وباغي يكونو الناش بحالو دائما تيهرب من الجمع لي فيه كترة الهرج وان صادف مرة مجمعم فهو لي تيكون جامعهم على هدف ياما السربة والتبوريدة او شي عرس حضورو رد الواجب وغالبا تيختار بصلاتو حدى شخص دو عكاز وعمامة على راسو او قب جلابة وسلهام ميال الى كبار السن عزيز عليه يسع قصص الجدود الحية.. تيلقا نفسو انه ميال بزاف الاشيب الراس تيعجبو الواحد يكون عبرة ليه وخا هوماعاش في داك الزمان ولا غادي يعيش فيه لو كان قصة احدهم ااشيوخ كان غادي يخليها هكاك بصراعاتاها وماسيها بحلاوتها وسعادتها كيف تيقولو اصحاب العمامات والبلاغي والشكرات وخا دازت علينا ودوزناها بالكشايف ايام الجفاف وايام القحط وايام العدو وحضي من هنا وحضي من لهيه لكان ناتمناو نرجعو ليها وحنا ظاحكين ومسنين الي تبكينا وتفرحنا ..لانه كلشي بالاقدار وداكشي لي شافو ليك الله زوين تيكتبو عليك كيفما كانت وكفما ترسمات المهم كاين سبب من ورى تخطيط الله و الله هو لي تيقول وكل شيء خلقناه بحسبان..ادن الله ضارب الحساب كلشي…حت هاد الصراع لي فيه هو مخلي نهايتو لمكتاب الله ..رغم التصدع لي تياكل الشخص من لداخل سواء حب او كره فتيبقا عندو سبب وانك دوز من هاد المشاعر لي تتحرق او تروي بيها الفؤاد هو كيانك الداخلي وشخصيتك لي غادي تعامل مع داك الشعور ياما بالتبات او يتخلل ليك العقل وتولي كيف الحماق لماضريتيش راسك ضر الناس…..وصل على باه ومو لي كانو تحت الضلليلة ديال القصب حاطين فطور العشرة ونص خلاها سي عيسى اجي تفطر فطور الظحى تيربي الصحة ماعلى بالوش وماهموش الصراع لي بين ولادو ومابغيش يعرف مدام ابو بكر بخير ..ولي دارها عندو فيها الحق بعقلو وبشخصيتو مايتعدى على حد مايضلم حد …قرب من الالة خدوج وهو باغي يجلس حداها باس ليها راسها..اول مرة يديرها ..تلفت ليه معجبة ظحك معاها وباس ليها ظهر ايدها وقال

_ سمحي ليا الوليدة قهرتك… ربعت ايدها وقالت

_ وقهرتي خوك عارفهم تيحتارموك ويعزوك ويقدروك ماتيبغيوش يهزو فيك العين فمضصارش عليهم . ومابغيتكش دخل راسك في جلابة الكيبر وتشوف راسك عليهم انا راه عندي نت بحالك بحال خوتك كاملين هزات اديها مفرقاهم بحال هاد الصباع نت ضربتي ليا هظا ..وراتو الصغير فضرني هنا .حطت ايدها على قلبها .. فرضتي علينا احترامك احترمناك وقدرناك ولكن باش نطلبو منك تكون ولدنا وتحن علينا لا اولدي مانبغيهاش لا ليا لا خوتك يحسو براسهم قلال قدامك… حرك حاجبو ليها ساكت وتيسمع : تعديتي على خوك والله العظيم كنت جالس ظاحك حت نضتي ليه ..شخشختي ليه تلفونو وديتيه الخلا وكليتيها ليه مابقيتش فيك انا لي غادي يضرني خطاري عليه فاش نشوف عينو مفرقعة دير غ بوجهي انا ..اشمن دنب دار اا گاع الدراري في عمرو تيتفرجو في العرا ويفتوه لهليه نت معقول يسحاب ليك كاع الناس بحالك ؟؟ كبرتي مع البهايم حت وليتي بحالهم عينك تشوف غ السما والارض.. سيراج من صغرو عزيز البنات زوينات والعرا هو راجل نقتلو فيه هاد الرجلة ا ولا نبقاو عليه ماتشوفش ماديريش اوى فين يصد وهو راه كبر كون ما القراية كون زوجتو ونخليه يتبورض كيف بغا.. لاح شوفاتو لباه لي تيعمر الرغايف بالزبدة بلدية والعسل ويخشي في فمو ماهموش كلام مرتو تقول لي بغات كل واحد عاطيه حريتو يشرق ولا يغرب تقول ما ضربو حد في صغرو ماهز عليه عصا خلا ولادو هكاك نهار فرض على بكر حاجة رجعت ليه بومزوي

.. فضل مايهضر مع حد كل واحد يهزوه رجليه هو صافي كبر وشبع من الدنيا كافيه دنوبو لي هاز في كتافو يهز دنوب اخرين لا . هادشي لي قالو لالة خدوج فاش قالت ليه حشومة على الحاج بوشتة يجلس مع المقدم وهو باغي يتزوج رد عليها بكل واحد يعوم بحرو . فكانت ليلتهم قبل ليلة سيراج وبكر حامية وهي تهضر وهو طالع وهابط في التلفون تيشوف مناسك الحج باغي يزور مقام النبي لمرة لتالتة ولا رابعة لكن لالة خدوج كان بقا فيها بكر على الزواج لي ماصدق ليه مشات البنت وبقا الراجل تقول مزوج بيه هو داخل خارج في الفيرمة ويتبورض الغدا بشهوتو هو والعشا بشهوتو هو ولي قالها هي لي كاينة ولي ماعحبو الحال راه الحيوط ديال الدار عراض وكبار يختار لي عجبو يهرس راسو معاه..تصرف الحاج بوشتة جلس الالة خدوج في الحلق لكن اليوم حطتهم لولدها وردت ليه الومة: كون كنتي مزيان معاها ماتهربش عليك وتخلي في عنقك تلات ولاد لي سمعت بيهم تهرب منك يسحاب ليك البنات غادي يشوفو العز يقبلو بيك ااا شكون هادي لي تقبل بيك ونت لي لحتي المراة في سبيطارات بتلات ولاد ماعرفتي كي دايرة واش خاصها نعست بيهم في الوحم ونعست بيهم في السابع وماحطتهم حت شافت جهنمم اش بغيتيها دير معاك تركبك في هضرها ودور بيك اا المراة ماحنيتيش فيها وهي حاملة وبغيتيها تعقل عليك وعليهم ها اش غادي تقول الله يقطعهم ويقطع غرسهم نت اسباب ابكر لي شهلة خلاتك مع الدراري حيت مافيكش المحنة سمع الهضرة ماحركتش فيه ساكن لانه حت واحد ماعرف شنو السبب. كملت كلامها: ومحقاد ودايرنفس الطاوس هاز مناخرك وناشر ريشك .حرقتي الدار شنو زعمة الله ينعل بوك وبو ريحتك ولا شنو اا هاهي خلات ليك تلات دراري نهار تجي تشوفهم حرقها عاود تاني غالبين عليك فلوسك حت مابقيتي تشوف لا حق لا باطل هاد المراة وخا تكون حصلتيها في الفراش مع شي واحد ماديرليها هكا تلفت ليها مغزز شفايفو داخلين وسط فمو . اخيرا نطق الحاج عيسى

_ المراة غ تترگعي في الهضرة شفتك فقصت داك البرهوش بغيت تخرجيها فيه اش تتقولي

_ مالي كدبت ها وعلاش مانع عليها ولادها؟؟.

_ شكون قالها ليك؟

_ باينة يديرها ويفوتها لهيه. وصلتني الخبار تيهدد فيها وحلف تيعلقها من الحلاقم الى جات هاد ولدك راه مزينشاي باين عيبو .. جالس حاط راسو الارض شكون سمع هضرتو وشافو غادي جاي في نص ليل .. هز عينو في ااسراجم لي مقالبيبن مع الباحة الطموبيل كانت واقفة قدام الباب تحت من البالكو ديالو .. بقا هاو راسو تيشوف في السراجم حت طلت امينة هازة حنين تتعلب معاها وتتنعت ليها في باها ..تنهد اعدى حاجة عندو الواحد الواحد ينقل الهضرة . دور راسو باش مايزيدش يغلغل من امينة حت جاه الحاج بسلهام رماضي مغلوق وجلابة گرونه وبلغة بيضة…وطقية دايرة مخدومة بالكروشي ملابسو تتعطيه وقار واحترام .كان غادي لبيتو لكن فاش سمع الالة خدوج محيحة وخا كلامها كان بغيد عليه ومامفعومش قرب عندهم حت جات كلمتها الاخرى عند ودنو وقال تيتحلف عليه

_والله ياولد بو شكارة..وتجي بنتي عند الباب وتنمعها تشوف دراري حت نتيري فيك .سمع الحاج ولدك سب ليا بنتي وسبني قاليك انا ماربيتش وبنتي مامربياش بنتي مربية احسن منك ولجات غادي تربي ولادها احسن منك ..ظحك بكر باستهزاء

_ على الله تجي اسي سير جيبها لاش تتسرا حدايا بجلايلك نفكرك باش باش جبيتها نهار لولا ؟؟؟ ..

_ جبتيها ليك سحاب ليا راجل ولد راجل وغادي نتحزم برجال وعطيتكم البنت صغيرة تبورضتي عليها وشبعتي منها وجلستي تخير في البنات ها الدكالية هاالموابية وحدة داخلة ولاخرى خارجة تقول نت هو سلطان سليمان.. جاوبو بكل برود

_ هو هدا . ..ضحك سي عيسى

_ رجوع الله اوليدي

_ اش ناقصني سلطان راسي وحيدها ليا من فمي ….حرك ايدو

_ شفتكم درتوني وسطكم شي شرق عليا في الهضرة وشي غرب اسبحان الله انا راني في داري مازطمش ليكم في بلاداتكم ولي تيحس بالنقص حدايا يمشي بدل لبلاصة واش انا هربان من صداع الراس تجيبوه خت لفمي ودخلوه ليا المعيلقة ولا شنو ؟؟ .. ضرب الحاج بوشتة بعكازو على الطبلة وقال

_ الهضرة بيني وبينك كتييرة وديك النفخة الخاوية غادي ترجع على ولادك ليوم صغار وغدا كبار بغيتي تشربهم هضرة بنادم اا حگا مكم سمحت فيكم ااا نكم خايبة مامزيناش اا مكم هربت عليكم اا كيف غادي يكبر حليم وكريم وكيف غدا تعيش حنين مع مرات باها اا تبغيها ليها اا الى نت ماتافكرش ليهم في كبرهم انا راه معاهم وحرت غادي نقولها ليك ولاد بنتي تقال على باهم خايب وياقبلوها ولكن باش تقال على مهم ويدوزها لا المراة ديما دير لي دارت خطا بسيط تتسنى مامزيناش ومامربياش انا راه مايغيتش ولادها يعيشو في مجتمع مفكك ويكبرو بعقدة تحت اسم الطلاق اولدي ماتيحرهمش الداري اولدي شفتي يقولو عليه مسكين اتيم ومايقولش عليه ولاد المطلقة ياغدي تجيب مرتك تعيش مع ولادها ومشاكيلكم فكوهم بيناتكم ولا غادي تعطيني الدراري نعيشهم وسط معم وجداهم اما باش تجيب ليهم مراة يقولو ليها ماما حت يكبرو ويتصدمو لا …تيعلي صوتو خلا لي في الدار بعيد يخرج راسو يسمغ: انا راه مابغيها لا لحنين ولا لكرييبييم ولا لحليييم ياغدي تعطيني ولاد بنتي ياغدي ندير معاك نهار كحل نهار تجيب شي مراة ةهاودني منك المقدم .. دك العكاز في الارض ومشا تيترعد ..كلشي سكت بردت حرقة لالة خدوج من جيهة سيراج وبانت وحدة اخرى ..

وقفت قدام راجلها وقالت

__هدا شفتو يفصل ويخيط يحرت ويدرس ات هدا هو صاحبك الحاج ؟؟ ت هدا هو سي بوشتة لي كون ماتناسبتي معاه كون حرقتي اسية وسليمة ؟؟؟؟ وت هدا خرج ليك اولدي من الجنب. شافت في بكر حار فيها عاد كانت في صفو .. نطق الحاج عيسى

_ المراة ماديش عليه راه طالع ليه الطونسيو وهمو كبر من هم هاد الولد لي ماعندو زهر .

_ شفتو يتشرط عليك هدا !!… ناض تيتكسل تقول واش دخلت ليه شي كلمة مع ودنو وقال

_ سيراج عندو شي تلفون واحد اخر؟؟؟ ربعت ايدها بزعاف

_ ماعندوش شري ليه تلفون .

_ ماعنديش باش…خلاها مطرقة فيه عينيها وزاد …

في هاد اللاتناء كانت شهلة اقطانعت بكلام ماماها وانه كلشي يخدم فيه الألاعيب الا ان يدعي المرض تيخاف يقول انا مريض ويصدق مريض تيامن بكلمة حت حاجة ماتتنطق غ هكاك..داكشي علاش داير في بالو بنتو غدا ترجع لولادها وحاط تريكزو كلو على هاد المسالة .كان تيخدم بيها بزاف فاش كان خدام وتيحط صفقات كبار ويقول غادي نربحهم وتيبقا خدام عقلو على ديك الحاجة حت تتصدق ديما عندو الاسرار والعزيمة في كلشي فمن البدايات حط في بالو بنتو خاصها تزوج اللهم تسمى مزوجة ومطلقة حيت عن علم عارف بنتو ماتقدرش تعيش مع الرجال تحت اسم زوجة ..فصدقت ليه ولكن حاليا تركيزو كبير وعالي على ولاد بنتو الي عزو عليه وباغي يجمعمهم مع مهم سواء بقات مزوجة ب بكر او طلقت منو هو ماتفرقش على الدرار…غادي جاي يقول فيها جالس يقول فيها حت ولا تيشوف ولاد بنتو مع مهم حط الحاجة في راسو خاصها تنفد والا داك الدماغ عندو ماخدامش مزيان ويرجع يبلاني من الاول وجديد خدام على بنتو بالطوبيحيت وعلى بكر بالقوة والصلابة غ يدور بعكازو وينش بيه حت ولا يتحلف بيه على بكر كل ماجات عينو فيه مرة يضحك ليه مرة يرجع ليه الحلفة ولا خالق ليه مسرحية الجم مابقاش تيتسوق ليه ولكن حاضي معاه ليسرق ليه الدراري يبات مايصبح خاصة ان عندو الفلوس قد بكر ولا كتر منو ..شرط على بكر يجيب ليه عود الولدو صدق شادو هو ويتفطح ك القايد سي عسيى ايام السيبة …دازت ايام وهو بكر في حرب باردة لكن ربح فيها بوشتة حت اسم شي عروسة مابقات دارت في الدار تلاها بكر مع الخدامة وكتر عليه الشغل الفلاحة في الخريف تيكونو يوجود لفصل الشتاء باش يتسغل مياه الامطار حت قطرة ماضيع …تحرتو الفدان ولي تزرعت تزرعت ولي خاصها تقلاب بحال بطاطا خدام عليها صفوفة ديال الرجال والنسا في جو مرح واغاني شعبية بيناتهم وكل ماشافو الفطور ولا غدا جاي ليهم في البيكوبات تيصلو على النبي ويعشقو عليه عادة عندهم وفرحانين وطالبين الله دومها نعمة ويحفظها من الزوال ..في هاد اللاتناء تيتزادو الطيابات مع هنية وعوض وحدة ولا جوج كاية عشرة رجالهم في الحقول وهما في الكوزينة ورقاقص الصغار تيمشو ويجو بيناتهم وفي العشية كل اسرة تتدخل لخيمتها بحال الاجئين فلوس صحيحة تيدو من عند الفلاحة الكبار خاصة الى كانو اديهم سخية بحال بكر خاصك غ تكون معاه معقول يكون معاك جيب وبزطام .. تغامزو شي عيلات على هناء قدام جداها لي ولات غ حاضية الدار وساهية وفينما قالو ليها تكاي اهناء خدمي اديك تقول ليهم ضرني ضهري حت سماوها بو جنب غ تلوى حداهم وكل مرة خارجة ليهم بمرضة ومع هي فرملية تتقول ليهم تكايسو على ظهركم خاصة المراة ماشي بحال الرجال عضمها طري دغيا يعواج..دايرين ليها خاطرها .ومخلينها في حالها عارفين فاش غادي تخدم في شي سبيطار غادي يوقفو عليها..داكشي علاش تيخلوها واقفة بسوايع وهي حاضية السراجم وتحلم تطل منهم وتحلهم ديما تتقول واش هدوك السراجم تيسدو ليمن ولا ليسر واش هداك العود لي فوق الساريات قدام الباب واش ديال الخشب ولا ديال الحجر وكل مرة دور وتقول ليهم شكون تمشي معايا لدار المقدم ..يضحكو عليها البنات والعييلات ويقولو ليها

_ تجلبي ليه ولا تختنيه….تتحشم وتزنك وتسد فمها وهي حلمها دخل لديك الدار حت جا النهار لي يتفتحو ليها البيبان على غفلة

كانت الجلبة اليوم عند التوام ..خداهم بكر وسميرة …دخلهم جلب ليهم كيف العادة ولكن ديما تيبقاو فيه بزاف تعدب مع الول والتاني والتالت لكن حنين جابت ليه التمام خلاتو يهزها ويدور بيها وسط السبيطار ويسكت فيها وهي ماما ماما ماما… دموعها بللو ليه تيشروطو الخزي مشا وجا بيها حت خرجت ليه سميرة حليم وكريم بكاو شوية لكن قوين دغيا حكوها وسكتو حنين لا فيها الفشوش. ماتاكل حت تحمقو ومااتنعس حت تحمقو وفي الجلبة ديما مخمم ليها تتطلعها السخانة وتنغخ ليها ايدها او رجلها وماتبرا حت ضعاف وتشوف الويل هي وباها . تعجبو العيلات في السيد قامة وهامة وشان حوايجو هو لي لابسهم وجاو معاه بطولتو المجردة ومشيتو التابتة وريحتو الرجولية ..بتلات توام مع مراة بلدية جلابتها غوزية مخيطة بالصفر اش جاب لغوز لصفر وفولار كحل وصندالة مشبكة جلدية في الباج..فرق كبير ماحستش بيه سميرة انسانة قانوعة وجلابتها مخيطاها بالتمن وصندالتها ديال الخرجة . خلات العيلات الشابات المتولات لي جاين بوحدهم يتحسرو على زهرهم العوج لي ماجا لا بزين ولا تنسيق الحوايج هاهي عروبية ومكلخة في لبساها وفي شد زيفها جايبها الراجل كيف الامير…خدا الاطراء لي غاب على المسكينة وشنو دنبها راضية بكلشي وقفت حداه تتقلب في دراع حنين وباست ايديها وهو بدورو سول على ولادو واش تقصحو ظحكت وقالت لا لا هادو ماتخافش عليهم اليلة حنين لي غادي تبيتنا فايقين معاها

_ غ الله يحفظ مرضها خايب ..خرجو والعين تابعاهم .وخلاو وراهم اصحاب الاتام …وصلو النص في الطريق بانو ليهم جوج ناس غادين قاصدين طريقو…دار معاها حت تيبان ليه جد هناء وهناء شادين الطريق على رجل. غ شافوه وقفو تيسلمو عليه وقف وشار ليهم يطلعو…طلع الجد حداه وهناء لور مع سميرة لكن هبط حيد كرسي واحد ديال حنين رجعو لكوفر وخلا هناء تجلس فيه…شدات حنين عندها وهي تقول بلا ماتشعر

_يالطيف شحال سخونة…واش مريضة؟؟؟..جاوبتها سميرة

_ درنا ليها الجلبة…. تلفت بكر تيشوف في بنتو لي حنيكاتها تزنكو بزاف دغيا تتطلع ليها السخانة سولو الجد اول مرة يتجرا في السؤال وقال

_ سمعنا عندك وليدات هما هادو ظحك بكر وقال

_ اه حنين وحليمم وكريم

_ ماشاء الله ..الله يحفظهم… تلفت لحنين لي تتطلع النفس من فمها وعينيها مشقلبين وقال

_ كاين دولبران اسميرة سمعتي الفرملية اش قالت

_ اه كل تلات ساعات قالب نطقت هناء

_ لا ربعة ساعات وتتععبري الحرارة ماشي غ اجي وركبي ليها واحد حيت حت الدواء راه مصيبة الى ماعرفش ليه الانسان.. ركز مع هناء وقال

_ تتفهمي في الدوا؟؟ وميزان الحرارة قال جدها بفخر

_ راه تلات سنين ديال تمريض تبارك الله عليها..فرح بكر نسبيا وقال وعلاش خدامة في الفلاحة .. سكتت وحشمت وتزنكت دخلو مع باب الفيرمة نزل الجد وكانت بغات تنزل لكن بكر جاب ليه الله علاش تيقلب

_ غ خليك مع حنين …لوح ليهم الجد بايدو ومشا طريقو ولاخر زاد بالطموبيل هي غادا وتتقرب وهناء تتزيد طلعها فرحة وتقول في نفسها واخيرا …وقفت الطموبيل عند الباب نزل هز عليها حنين عندو وهي هزات كريم بكوص بزاف غليوض ونعيعيس على خوتو حنيكاتو غ ديال البوسان غ هزتو وعجبتها ريحتو وحوايجو صولبيط قطيفة مع قويمة بالكروات وصبيبيط في زرق ضمتو وباستو تقول ولدها من عند الله الوليدات الصغار دغيا تيدخلو الخاطر.. دخلت بيه تتدور راسها في الدار لي خلاتها حلات فمها. تتشوف فيها وتبوس كريم تابعة سميرة وتعطر في مشيتها وتوبوس في كريم تقول ماعمرها باست شي وليد صغير فرحانة وقلبها مخطوف وعحبها الحال جاها كلشي رائع كلشي مدهش حمقوها تلات وليدات بنفس اللبسة مع اختلاف لون حوايج حنين فقط والدهب لي دايراه ليها جداها ..تبعوه لبيت دراري تلات اسرة في البيض مع جناب ديال الخشب حت هو في البيض حط حنين في فراشها الزهري . تيقلب فيها حطو هماا التوام كل واحد في فراشو وعيط عليها بكر

_ ا سميتك اجي شوفيها واش خاصني نشربها الدوا ولا شنو…مشات بكل تبات بحال الى خدامة في سبيطار وتتقيس الحرارة ديال مريض مقابلاه

_ فين الميزان هو لي يجيب لينا الحساب صحيح ؟؟مشا لمجر خاص بالادوية خرجو من واحد الحافظة ديال الزاج نتاعو..حركتو ووركت ليه على زر حت عطا ايشارة وحطتو ليها تحت دراعها وبقات تسنى حت سمعت نقرات انه وصل لحد ديالو بكر تيمرر ايدو على شعرها ومرة مرة يهبط يبوسها ويقول

_ بنتي الزوينة… نطقت هناء

_ طالعاها السخانة خاصها قويلب… تنهد بكر وساط اعدى حاجة عندو هما القويلبات تيعطاو لولادو غمض عينيه وخرج

_ سميرة هانت معاها هاني راجع ..هبط مكيل من مرض بنتو تيقلب على الحاج بوشتة

..دخل بسرعة لجناحو كان باب لول عاد كولوار طويل وعريض ..فيه جوج بيبان بلون لسود واحد دوش وطواليت ..مقابل معاه باب اخر بيت متوسط فيه تلفازة كبيرة محطوطة على طابلة خشبية مقابلة مع فطويات بلون ترابي وززبية مزغبة فوقها طابلة ديال الزاج فوق جوج دوائر نحاسية شادين في بعضياتهم… البيت فيه سراجم كبار من لتحت لفوق محلولين تيدخل منهم الريح تيحرك ليه خواميه البيضين.. اغلب الوقت تيقض فيه الحاج وقتو …. ..حلو بكر بغضب حت ضرب الباب مع الحيط مالقا فيه حت واحد … رجع ادراجو مشا خطوات سراع وحل الباب بيت النعاس كان الحاج تياخد قيلولة ..ناعس على جنب الراحة بسلام كانو ماهز حت هم .. اديه مشبكين على صدرو..وراسو مرفوع لفوق وفمو محلول.. رجل على رجل ..ناعس تيسوط الريح من فمو..بسروال قندريسي في البيض وتيشروط بيض … مافيقتوش الدخلة لي دخل عليه بكر..لانه شارب الدوا … بصيحة غوت بكر لكن الحاج جاتو في ودنيه بحال الى هرو ..

_ افيق الحاج….تهز بغيت نهضر معاك. ..ماتحرك فيه حت ساكن وهو يقرب منو بكر ومد ايدو فعفعو من كتفو ..عاد لاخر حل عينيه وخدا وقت باش انتابه انو بكر… تممتم بلا حول ولا قوة الا بالله..بان ليه من تعابير وجهو غادي يدخل معاه في مشادة كلامية الله يستر وصافي…بقا على وضيعتو الممددة وقال

_ ياك شي باس ماكاين؟؟؟؟ حرك ليه بكر راسو مغزز

_ الباس درتيه نت وبنتك…. حرك الحاج فمو وبسط شفافيو حت بانو سنيه المقادين ..وقال بتعجب

_ اااا

_ ااه درتو دنب كبيييييير ماتيتغفرش ونت اول واحد غادي تحاسب عليه فهمتي ..دابا عيط ليدك البرهوشة عندك وقول ليها لبغات تجي تشوف ولادها ولا تسكن معاهم ماشي مشكل… تحرك خد بوشتة بسرعة ماتوقعش منو هاد الهضرة وهو غ تيكدب عليه ب بنتي بغات بنتي تشهات… لكن حافظ على تعابيرو الاريحية بصعوبة وكانه مابقاش هامو

_ عاد تتقول فيها حت شدت معاك الضد وقالت ليا خليهم ليه دابا كيفاش غادي نقننعها انا… .وقف من بلاصتو يالطيف هاد الحاج تيعرف يمتل ويراوغ الخصم…: شغلك معاها دابا …وبنتي ملي عرفتك قلتي عليها شي كلام غضبت عليك ماعندي ماندير لك…ربع بكر ايدو وتيشوف فيه بكره

_ شنو دابا تتضحك عليا ولا شنو؟؟؟ اا راه ماجايش طالبك

_ وعلاش جيتي ؟؟؟ باغي بنتي تربي ليك ولادك اا ؟

_ اهاه دابا ولاو ولادي مابقاوش ولاد بنتك ؟

_ ولادهها حت يكبرو ويمشو عندها لبغاوها

_ اييه اسيدي ومن زينك اوى كيفاش غادي يكبرو هاد الدراري بعدة ا

_ شغلك هداك انا عييت معاك فاش كانت هي باغا دراري دابا نت لخرج فيهم شي عيب منك ماشي منها نت لي قلتي على مهم مامربياش…

_ اايبه دابا نت درتي ليا العصا في الرويضة حيت قلت عليها ماربياش ؟؟

_ قلتيها عليا انا هو لول

_ شنو دابا هزيتي نفس بنتك ولا نفسك

_ هزيتهم بجوج .. اه اه بنتي عزيزا وعز البنت باها وخا يكون خوها شيخ القبيلة وراجها سلطان بنتي عزيزا بنتي عزيييزا مانفوتش بنتي لو بخنزها تجيب عشرة الكروشة انا مسندها بنتي عزيزا وعلى قبلها جالس معاك وجهي يحرقني الكبدة مافيها عضام وبنتي هي كبدتي ماتبقاش تسولني على بنتي بنتي فتي معها العيب

_ اييه فتناه شنو بغيتي نطلب منها السماح

_ ومني….ضحك بكر ظحكة من قلبو يمكن الحاجة الوحيدة لي ظحكتو من لقلب في هاد الايام كلها ..

_ الله اكبر…سبحان الله .الشريف .

_ اوى شنو بغيتي منها ؟؟

_ تجي عند بنتها بنتها محتجاها دابا ومن بعد حنين ماشي بحال حليم ولا كريم

_ ااهاه ياك نت حالف عليها ولجات تبني ليها خيمة من ورا الفيرما ولا نسيتي؟؟

_ نبني ليها دار

_ وفين؟؟

_ كيفاش فين ؟؟ نت عارف الحيط لي حطت فيه ايدها انا مامسوش

_ ومالها فيها جدام اسبحان الله اسيدهم راه الله سبحانه وتعالى تيقبل التوبة الله لي احسن مني ومنك

_ واحسن منك حت نت ولكن ماتيغفرش اي دنب ودنوب الكبار راه عارفهم نت

_ اوى من بعد خليني مني ربي هو لي غادي يحاسبي

_ دابا شنو؟؟ غادي نعطيك ونعطيها ارض بعيدة على داري وقريبة من ولادها

_ اييه حت هد ا نضر خليني نقولها ليها ونرد عليك

_ بزز منها تجي نت عارفك اش كتسوى … خرج فات الباب بجوج خطوات ودار عطا لحيط ب بونية.. عصبو الحاج كان تيدور حداه بحال الترومبية وهو تيعشمو ببنتي بغات ولادها دابا تيحط شروط شنو زعمة …وافق في الكوروار ارضيتو براقة نزل راسو تيشوف في صورتو

_ بربي ومايجيبها لولادها حت نهبط ليه راسو في الما ونشوف كدوبو فين غادي يوصلوه ..معاها غادي يبغوها بززومنهم ومنها ومعاهم هو اكيد غادي يبغوه لحبو ليهم اي قلب هدا يابكر مشا ..مقهور على حنين …

دار الحاج في بيتو تيضرب ايد مع ايد شهور وهو تيبني هاد الحيط حت تعلى وغطا على بكر ووافق على ان يتقاسم ولاد بنتو معاه ولكن الطامة الكبرى كلشي وهم وكلامو احلام وشنو غادي يعمل مع راس الحربة والعقربة كيف مسميها…. مشا وجا وشد الخط ديال اليكسي

_ سمعيني االيكسي وحلي ودنيك

_ الو اليكسي .توحشتك …ضحكات وقالت

_ سنة يا بو مطرية ماشميت ريحتك ولا ضميتك لحضني حن عليا واجي لعندي قتلني الشوق ليك…

_ حت انا ياشقرائي… فين شهلة ؟

_ في غرفتها رجعت من التداريب بكري وراها ناعسة

_ علاش مريضة ولا شنو؟؟

_ ماعرفتش هاد الايام هادية وكلامها قليل .

_ يا قلبي اخ بنتي الحب ديالي

_ وانا؟؟؟؟

_ شداتك الغيرة اليكسي نت حبيبي وهي حبي الوحيد اكتاشفت ان دانيال ماشي بحال شهلة ماعرفتش حسيت بي حبها قوي في قلبي

_ لا يا رجل دانيال بحال شهلة

_ لا ماعرفتش ماعرفتش علاش حسيت هاد الاحساس واش قربت نموت انا او غادي توقع مع شهلة شي حاجة خايبة

_ غ خوفك عليها وعلى ابناءها وتفمكيرك بيهم ديما خلا تفكيرك غ عليها حت مابقيتش تتتحس بحت واحد حت انا نسيتني يا زوجي هه

_ المهم بغيت نجيبها لهنا باش تشوف ولادها وخا غ ايام قليلة

_ وكيفاش غادي نحققو هاد الحلم حت بغيت نبوس جوزال وهليم وكريم احبائي

_ شحااال زوينين بزاف وريحتهم ريحة الجنة يا اليكسي وظحكتهم بحر صافي ونظرتهم روعة اشجارالتفاح اقسم لك اني ماقادرش نبعد عليهم ولاتانية وعلى يقين شهلولتي غادي تحبهم اكتر فاش تشوفهم بتلاتة تيلعبو

_ سعداتك…بكات اليكسي…

_ قنعيها تجي الاسبوع الجاي

_ خاصني ليها خطة اول حل رافضة رفض تام

_ شنو بان ليك نخطوفها مرة اخرى

_ تتضحك عليا يا بو مطرية

_ لا ولكن الحل الوحيد

_ ماقلتش ليك تفاصيل حديتها مع بكر..

_ لا امتى هضرت معاه

_ شحال هادي يمكن اكتر من اسبوع

_ شنو هضرو حشومة عليك ماقلتيهاش ليا

_ لانه الامر فاش هضرت معاه قليل الحياء …ظحك بوشتة وارتاح نسبيا

_ هضرت معاه اممم داكشي علاش هو باغيها تجي والحجة ولادو يااااك اسي المقدم

_ بنتك تحرشت بيه

_ سرو نيت غ تحرش بيه هدوك الدراري غ حلمو بيهم راه كانت بيناتهم علاقة يا زوجتي العزيزة

_ عجبك الحال ماتقلقتيش عليها

_ لا اصلا مازال راجلها علاش هنتقلق عليها

_ وهو يمكن خدا منها فكرة حساسة

_ ياخد عشرة هو راجل نزيييه االيكسي ونت شفتي شنو دارت بنتك قدام عينيه ومع دالك حافظ على صورتها قدام الكل.

_ بنتك لي مغداش دير عقلها

_ دابا ديرو كنت كتر منها واحد الفعايلي واحد البوهالي عيبها مابعيدش راه غ حنا كبرنا وعشنا مع هادي حرام هادي حشومة وسكت باك جاي نوض جلس مقاد عمك داخل كبرنا وتغلغلت صور الحشمة والاحترام فينا اما بنتي راه الخبار في راسك

_ المهم قولي ليها غادي تكون حفلة طهور ديال حليم وكريم

_ واااااو غادي يتختنو احفادي؟

_ اشمن واااو ت غ وهميها وصافي

_ عطيني يوم محدد نحطها فيه ونبقا نقربو ليها بالتشويق

_ من عندك

_ مامركرهتش غدا هه

_ زربتي توحشتنيني بزاف يمكن

_ ااااااه …

_ سيمانا واجي ولكن بنتيجة

_ اتمنى اتمنى…قطع عليها وهي تتدور الفكرة في راسهها عحبتها

.. طلعات اليكسي تتغني عند بنتها لقاتها ناعسة على ظهرها موقفة ركابيها وتفرج في حفلة المغني لي طلعت معاه لاسين عيط ليها باغيها تمشي معاه في جولة غنائية عجبتها الفكرة لكن صدمها فاش قال ليها موازين ديال المغرب وانه اكبر حفل غادي يكون عندو..ماقدرتش تقول ليه لا من بعد ماوافقت على العرض لكن صدمها باسم اكتر دولة هربانة منها…سولتها ماماها على شرودها وجاوبتها اللخرى ظحكات اليكسي حت لودنين وقالت ليها

_ احسن حاجة وعندي ليك خبر رائع غادي نسافرو انا ونت المغرب نحضرو حفلة طهور ديال التوام وعرض علينا بكر قال مناسبة مهمة حضرو ليها نتوما…غمضت عينيها وزففرت ريح سخونة

_ انا ماغداش المغرب نهائيا

_ علاش مدة تلات ايام ولا اسبوع ونرجعو

_ اه نرجعو تتضحكي عليا

_ لا علاش اصلا قطعي بيبي الطيارة دهاب واياب وخليهم عندك

_ ماما

_ عفاك توحشت سرير زوجي…حلات شهلة عينيها وفمها..ضربتها اليكسي بكتاب بشوية وقالت: حت انا عندي جسم تواق لجسد رجلي الوسيم

_ ادن نوضي سيري عندو سربي سربي تدفع في ماماها ولاخرى تتدور ليها وتبت في جلستها

_ ونت ماتحوشتيش امممم الفارس ديالك؟؟

_ شوية قلت ليك

_يله نخطفو لينا ليالي رومنسية ونجيو تنحس بجسمي تقلص بزاف خاصة منطقتي الحساسة ..تظحك مع بنتها

_ حيت كبرتي ..تتهضر معاها وتتشوف راسها كيفاش تتشطح وتفكرت نهار لشطحت فيه لبكر ومن بعدها تصالحو وهما في السرير من بعد ماخربو الكوزينة ولي بداوه فيها كملوه في جهة اخرة ..تاه تفكيرها حت بدات تحس براسها غدا تسخن من جديد قالت بالزربة

_ ماما سدي هداك الموضوع .تغاابات اليكسي وكملت كلامها:

_ تنضن ان بكر اقوى من باباك ..علات ضحكتها : لانه انجب تلات توام في حمل واحد مستيحل على رجل الا لكان في كامل الفحولة..مامها تتهضر وهي تتحمار وتتحس بجسمها تيقلب عليه

_ قولي ليا اليلي وجاوبيني بكل صراحة لربما نطبقعها مع باباك… حطات تلفون من ايدها ووقفت شداتها من اديها تتخرجها برى ولاخرة تتحظك عليها

_ ماما خرجي جاتك الحمى . سدات الباب من وراها تتنهجه وتتحاول تنسى احساسها وتفكيرها بيه….. داز النهار عند بكر بحال نهار لول في غشت كلو يغلي دمو سخون وراسو يوفر ..كل مامرضت ليه حنين لو واحد من توام تيجعر ويسخط حاس براسو بوحدو في هاد الدنيا .. الحدود لي حاطو مع عائلتو بانت بخط احمر غليض قليل فاش تيهزو تلفون ويعيطو عليه الا لكانو باغين فلوس ولفهم هاد القضية ولكن فاش احتاجهم جنبهم مع تلات توام لقا فراغ كبير …ماعندو لمن يشكي حال حنين وهي تتوجع بالسنان والنياب ولا حال كريم او حليم فاش تيمرضو هنا حس بالنقص كبير رغم الي ضايرين بيه ولعددهم الكبير لكن فراغ كبير تيحس بيه وهو تيبات فايق كل مرة ومعامن تلات وليدات ماشي ساهل عليه خاصة فاش بدات تقلال رضاعتهم من عند امينة وسليمة وبداو ياكلو ماكلة طبيعية..تيعشيوه وينعسوهم وكل وحدة في بيتها الشي لي تيخلي بكر نعاسو متقطع ….هاد الايام عمرت هناء الفراغ لي كان قبل واعتابرت وجودها معاهم خدمة نقية ومريحة . ..اعتامد عليها بكر من اول ليلة باتت مع حنين واعتنت بها مزيان لي درجة خلات بكر يفرح لوجودها ديك اليلة مانعستش حت نعست حنين بهدوء اعتابرتها هي تمام لخدمتها في حين اعتبرها بكر كرم منها ..الشي لي خلاه يخدمها عندو حت تبغي تمشي سطاجي وديك الساع الله يسهل عليها ..ولفات التوام بزاف وغ مقابلاهم وتصور فيهم عجباتها العيشة معاهم ولباغت تمشي تشوف جدها وجداها..ديهم معاها وتخليهم يلعبو في التراب وتصورهم فيدو لكن حنين ماتخليهلاش هنية تهرجها الا وهي معاها ولسولتها تقول ليها بنت الغالي ..اليوم .كانت تتصور حنين وهي مقابلا تلفاازا وتشطح بمؤخرة ديال ليكوش ..وكسيوة مفرفرة من لتحت وبسميطات من الكتاف سمطة غلض من سمطة بلون زهري مايل البرتوقالي مقابلاها وتظحك بسوط عالي فراحنة بحنين ماانتابهتش لبكر لي كان واقف في الطبقة التانية وتيشوف فيه بجوج وهما وسط الدار.. هناء جالسة الارض رجل مسرحة ورجل مرجعاها لور ببيحامة تركية زوينة نص كم وشورط هابط شوية على الركبة ..شعرها مطلوق بني بلا صبباغة بلا سيشوار ..حاضية حنين وتتمايل معاها ولاخرى مخشعة مع الاغنية وتولي في مؤخرتها من جمال المنضر وقفت هناء تتجري هزات حنين باستها مرة وجوج وتلاتة في عنقها تتدور بيها ولاخرة تتظحم صوتها واصل السما عاجبها الحال شطحات معاها وهما تيتفرجو في تلفازا حت سلات الاغنية وجلست بها الارض تتيضحرجو وصوت السعادة والفرح معمر الدار . انتابه ليهم كريم وحليم وجاو تيجرو تيحبو وهي تهرب ليهم بنفس الطريقة خلاتهم تابعينها وهي تتراوغ عليهم حت تيوقفو ويعلو تكركيرهم غ توقف يمشو يجرو تهرب عليهم يوقفو يظحكو حت سخفو تسرحت على ظهرها طلعو عليها بتلاتة كل واحد اش باغي يشد كريم نيفها بعضة وحليم شعرها وحنين جلست فوق كرشها تتقلع في صديفة بصبعها الصغير. هناء صوت ظحكاتها مسموع عند الحاج لي بدا يتحسس من وجودها على قبل فينما شافها ولا سمعها تيقرقب بعكازو… شافو بكر داخل مع الباب وهو يهبط تبعيط على هنية الشي لي خلا هناء تنوض بالخف والدراري معلقين فيها تلفت ليه وعينينها مخبين تحت شعرها ولعاب الدراري على وجها..تتغزل بالحشمة والخلعة الحاج من جيه وبكر من جيه ماعرفتش باش تبلات وتمات هربانة وهو يوقفها بكر

_ هناء.. وقفت تتقاد في حوايجها وتجمع في شعرها ..دارت عندو بحشمة

_ نعام

_ اجي معايا بغيتك

هزو الحاج بوشتة بشوفات منوية من لتحت حت لفوق ..دخل واحد البيت مقابل مع وسط الدار ..بابو عريض على جوج غالبا تيكون مفتوح كبير جامع فيه بكر كل ماهو نحاسي من اصغر حشرة ديال النحاس ولي هي من القرون الوسطى الى اكبر جرة منقوشة.. واقفة في زاوية كبر من طولة بكر وعلى قبلها بكر على باب ديال هاد البيت…. فينما دخل ليه بكر تيمرر نضرو على اللاواني والدكورات تيقلب عليهم من للمعارض والاسواق حت انه تيتسارا في الجوطيات ديال المدن فينما كانت شي نحاسة ياخدها بلا مايطشطر مع مولاها حت ولاو البياعة تيعيطو عليه فقما طاحت في ايدهم شي حاجة ….هناء عمرها تجرات دخلت لهاد البيت وديما عينيها عليه فاش تيكون محلوو هنية داخلة ليه لكن من شوفة الاشياء لي مقابلة معاها تتخلي عينيها مدقوقين ربمى حت هي عزيز عليها النحاس ولكن واش غدا تكون بحال بكر محالش واش كاين شي واحد ملوع به بحالو ….تبعتو فرحانة بغات دخل البيت بحال الطفلة صغيرة وهو يوقفها الحاج عند الدرجة ديال العتبة

_ اجي ابنتي هناء بغيتك حت انا الله يرضي عليك خرج بكر عندو

_تسنى الحاج واحد شوية.

_ لا اسي بوبكر تشوف ليا لباراي ديال طونسيو واش خدامة راه بغيت نعبرو باش نفطر

._ واخا ماقلنا عيب غ سير هاهي تلحق عليك.. رفع الحاج صوتو بشوفات قاصحين

_ اانسيب راه المرض هدا واش بغيتني نطيح ليك بكريز هنا ها شوف كي كنترعد مد ايدو ليه ..زيدي ابنتي قدامي الله يرحم ليك الوليدن..هو صحيح فصيح كي التور سحاب ليه گاع الناس بحالو

_ بسم الله الرحمن الرحيم..دكر الله اسي الحاج

_ وهي لخلیتي البنت تجي تشوف ليا الطونسيو باش مانبقاش نغير من صحتك .

_ والله حت نت فيك نغزة ديال العيلات

_ معلوم مي مراة ولداتني مراة حرة ماقلتش ليك الوليدة الله يرحمها كانت تتهز المكحلة وتخرج في العدو ايام الاستعمار ماتعقلش عليه نت غا ولد اليوم.

_ اهاه مابقیتش شارف

_ لا انا لي شارف وهارف مزيودفي عام البون . ماتعقلش على ايام اسيبة وايام بربرش وايام الوحش الوليدة كانت تهزني في ظهرها والمكحلة في ايدها والخنجر تحت منها اا لوليدة كانت ماتحير ماتخاف ماتحشم خرجت ليها سبحان الله العظيم بحااالي وخرجات ليا بنتي. مامات هديك البينتة شفتيها اهناء هديك راه بنت بنتي ..حنين بنت بنتي باينة غدا تخرج لمها.. زفر بكر وتنهد وقال

_ الله يستر مع الله يحفظ .

_اجي اهناء هداك مسالي قبو ضرب بعكازو.. لوح بكر لهناء بايدو تمشي عندو..تما خارج والبنت وراه نطق بكر بصوت عالي باش يسمعو

_ شوف هناء تلفت الحاج قبل البنت عاد تلفت هي : فاش تسالي معاه طلعي لبسي حوايجك باش نخرجو…ترعد خد بوشتة ومشا بتتاقل خواو ليه ركابيه.. هو غادي وهي وراه وتتشوف في الحيوط وتهز عينيها لسقف جناحو بعيد على الدار لكن مامفصولش عليها بينو وبين الصلات جوج طرقان كولوار عاد ساحة صغيرة وكولوار عريض وطويل جيهة سراجم وجيهة حايط عالي منقوش .. دخل البيت ليى تيتسارح فيه ومشا جلس ..وهناء تتدور راسها في البيت ..مختالف على البقية لمسة عصرية بقات واقفة عاد هضر

_ سيري لبيتي.

_ فين هو؟؟

_ حلي البيبياان لي كاينين هنا حت تلقاي بيت فيه جوج نموسيات وحدة فراشها رماضي هداك مشاي ديالي ديال ولدي دانيال خو مرات المقدم..ولاخر لي كبير راه هو ديالي فراشو بيض هداك حداه واحد المجر ياك ابتي انتابهي ليا هداك المجر فيه لباراي نت راكي فرملية غدا تشوفيها وتعرفيها او لا.؟؟ للمهم بلا مانعدبك راه بحال المگانه ديال اليد غ هي كبيرة شوية في العمر بحال هاد الشارف لي ك

قدامك .. عرفتيها دابا؟؟ حركات ليه راسها بالايجاب ومشات تتقلب في البيبان تسد هدا وتحل داك حت لقاتو اخيرا قالت في خاطرها: كون قالي لي مقابل مع الباب الكبير صحاب الطونسيو مسااااكن

دخلت البيت عينيها مشاو نشيان فين صيفطها قلبت المجر وقلبت واحد اخر حشمت تقلب البلكارا وهي ترجع عندو. وهو يرجعها شار ليها بلاصة اخرى شحفها عاد قال ليها ااااه نسيت …حط ايدو على راسو وجبدها من مجر ديال لبلاكار ولدو.. وخرج

_ اجي ابنتي نمشو لبيت لجلاس هدا حشومة نجلسو فيه خرجو برة شوية : رجعي سديه الله يرضي عليك..رجعات سداتو وتبعتو

_: سمعي نقول ليك ابنتي نت راه بحال بنتي عمرك ماتجلسي ولا دخلي شي بيت النعاس ديال شي واحد وخا يكون تيصلي الفجر في بيت النبي مامزيانش الواحد يناقش المواضيع ولا متلا واحد مريض بحالي يمشي ينعس في السبيطار وديك الساع خدمي على خاطرك. مافهمت منو والو ..

_ اجي ها نجلسو جلسة شريفة ونقية ولي جا يقلب عليك ولا عليا راه حنا في امان سالمين من هضرة الناس فهمتني اهناء ..حركات ليه راسها بالايجاب..حشمت ..مد ايدو عبرات ليه طونسييو

_ مقاد الحمد لله

_ وراه داكشي علاش قلت ليك شوفيها ليا مالها انا ديما طالع ليا طونسيو شفتو ليوما ساوي

_ الحمد لله على سلامتك

_ رجعي عبريه ليا ابنتي. عبرتو لمرة التالتة حت حن عليها

_والحمد لله جيبي ليا دوايا . جابتو ليه. وماجابتو حت وقف ليها شعر راسها .. شربو

_ وااااري يابنتي داك المقص ديال الظفار الله يرضي عليك لماحيدي ليا هادو راه قتلوني…غمضت عينيها وحلاتهم وجلست حداه مقصات ليه ظفرانو حت ديال رجليه حيدتهم

_ الله يرضي عليك..تمات خارجة وهو يوقفها

_ اجي ابتتي..اري ايدك ..بسم الله كمش ليها خمسمية درهم ..

_ شكرا..

_ الله يرضي الله عليك راني بحال باك لخصتك شي حاجة قوليها ليا ..حركات ليه راسها بالايجاب . وخرجات وهي تحل ايدها وظحكت من قلبها

_ الله لبسة جديدة ندخل بيها لسطاج الله يرحم ليك اوليدين الحاج ويحفظك ليك بنتك وبنتها غادية ووليداتها …فرحانة . وتتحسس في الفلوس دخلت مع باب الصالة وهو يوقفها صوت بكر

_ طعلتي اهناء ..مشات طالعة تتجري

_ دغيا نلبس جلابتي ونزل

_ هاني في الطموبيل.. خرج لابس وماناق قميجة على شكل جبادورة بكول في في الزرق غامق مخيطة بالكري بسفيفة دلحرير داير بالكول مع سروال تجين رطب زرق مغلوق وريحتو سابقاه وساعة جلدية في الكحل وسبادرية كحلة خارج عند المعطي لي تيغسل ليه طموبيلة وتيهضر معاه

_ شكون غادي معاك في النسا؟؟

_ هناء

_ بوحدها…طلع فيه بكر حاجبو ودخل لطموبيلتو لي حلق عليها المعطي مزيان وعطرها لكن ديما صباعو تخربقو ليها النظام الاليكتروني والكمبيوتر غ يطلع بكر مع بسم الله عينيه نيشان يفلي ويقاد .. بقا في طموبيل تيتسنى وفي هناء وفي النفس الوقت تيصوني لمو يعلمها بالمجية ديالو…. سالة معاها وقطع الخط..دور وجهو قدقد مع هناء لابسة جلابة عادية جدا توب رخيص مع خياطة بالعقاد وسفيفة خفيفة…جامعة شعرها ديل الحصان .لكن لي غطا على قبح جلابتها جسمها المتناسق ووجها البريء وعيونها العسلية مع حجبان خفاف مصاوبين من عند الله وجها خالي من درة مكياج حت واقي ااشمسي ماتديروش فقط تتغسل وجها بصابون الطاوس وتنقي ظفارها وتقادهم مزيان عندها في ساكها فقط ريحة وتللفون سامسونگ وبشیطه ديالو وحلقات ديال النقرة وحدة مهرسة وحدة صاينة ..اديها غلاض مع تفليحة وشقاق ديال الخدمة ..جميلة وبراءتها ولطافتها وحسن نيتها عطاها الله القبول في الوجه وحت في الصوت ….جلست تتصاوب في جلابتها باش تغطي بيها جناب رجليها وخا لابسة كلون كحل لكن ميز تتحسو عيب … تلفت ليها وقال

_مشينا مانسييتي والو..حركات ليه راسها بلا وهو يضحك وقال

_ نسيتي حنين…تلفتت ليه ظاحكة من قلبها وعينيها تيبرو وفرحانة ..بغات تحل الباب تهبط تجيبها وقال

_ لا غ ظحكت معاك…. حشمت وفركت اديها

_ ولفيتيها يمكن …

_ اه بزاف وحت حليم وكريم مشاء الله

_ حليم وكريم غادي ياكلوها مساكن هاد الايام…حرك الطموبيل .. حت وصل لعند الفلاحة وعيط على ابراهيم

_سول لي خاصو شي دوا نجيبو ليه … بصوت عالي علم الفلاحة جوج عيلات مشاو يجرو لخيمتهم وجاو ..عطاوه الكارتونات ووحدة فيهم حشمت وهمست في ودن هناء

_جيبي ليا كينة ديال الولادة…حمار وجه هناء وخرجت عينيها ..حركات ليها راسها بالايجاب وشداتها لوقة وجلست مركنة مجموعة بحال الى تملكها شعور بالخوف..انتابه ليها بكر وبصوت رجولي خشن قال

_ مالك؟؟

..قالت بشحمة بليغة وصوت خافت كانو غ الريح لي خرج .. شاف فيها من المرايا كيفاش حمرا حمرا

_ والو… سككتو حت وصلو لدار لوليده .. هزات عينيها في الدار انسانة طموحة واي دار زوبنة تتقول غدا نخدم وندير بحالها همها هما الديور وتقادهم على دوقها …. طل سيراج من السرجم غ شاف طموبيلة بكر وهو يسد عليه في البيت مقلق منو وحت لاخر مابقاش سول عليه فينما جا ماتيلقاهش عارفو مخبي منو .دخلو بجوج .رحبت بيهم الالة خدوج في حين سليمة تقرصت وبانت فيها….

_ فين الدراري شفتك غ بوحدك

_ في دارهم

_ توحشناهم

_ اوى يله عندهم ..قالها بضحكة عاالية..خرجات سليمة بولدها .باسو وهو واقف وقال

_ لبغيتو حت سيف الدين يطهر مع ولادي مرحبا…شهقات الالة خدوج وحطات اديها على فمها وفرحانة

_ هي بغيتي دخلهم الاسلام

_ اسنغقر الله اوليدة الانسان تيتزاد مسلم بالفطرة

_ اوى هنيا عليهم وامتى

_ داكشي علاش جاي انا نيت وهناء يمكن تتعرف شي طبيب قالت ليك بروفسيونال كان تيقريها مانعرف

_ اوى كاينين الطبة والحجامة حت هما ماشاء الله عليهم ..

_ المهم وجدي راسك نقضي هاد الغراض ونرجع نديك معايا..نطقت سليمة بفرحة

_ حت سيف دين نختنوه محدو صغير

_ يله وجدو روسكم . ..دخل الحاج عيسى من صلاة الظهر تعاودت ليه الحكاية وقال

_ اوى الحفلة خاصها تكون كبيرة تلات صوابا غادي يطهرو. .تكا بكر على سارية

_ ماحالش الوليد بلاش

_ لا اشمن بلاش ضروري…

_ والمهم يبراو وديك الساع نديرها ليهم..عنقتو لالة خدوج بفرح

_ حت هدا راي زوين . هناء واقفة جنب سليمة لي كلاتها بعينيها حت بخرى بدات ترعد وتخنقت وقالت بهمس

_ عفاك كاس الما. سمعتها ومن ودنيها دازت ةمادخلات مشات جلست وخلاتها مصدومة حت انتابه ليها بكر وقال

_ هناء بغيتي شي حاجة.. بزز باش طلع صوتها

_ كاس الما ….شار ليها لكوزينة وقال

_ الدار داركم اهناء .

تحمست اليكسي للسفر وفي دماغها ركبت غ داخلة خارجة عند بنتها من نهار لي قال لیها راجلها عدا تکون حفلة طهور وهي تتشطح بالفرحة والخلعة والخوف بالرغم انه غ كدبها لكن قانون الجدب تيخدم معاه …زادت من حناننها لشهلة وفينما شافتها تتمشي تعنقها وتبوس وطلبها والاخرى راسها قصح من حجرة في فمها لا لا لا . تلفون بين الحاج واليكسي بالسوايع .. قولي ليها وقولي ليها .. وتجاوب لاخرى راه درت وفعلت والو…حت تشجعت اليكسي ومابقا قدامها حت حل وهي تقول ليه بنتك عندها عرض مع مغني في موازين ديال المغرب خاصني نشعجها تمشي معاه…تصعق وجاتو الحمى ولا شاد الفراش مابقا حضا هناء ولا دار بيها وهو لي كان داير ليها الملك الحافظ بل اكتر من دالك تصاحب مع جدها وولا يجيبو لدار عندو ولا هو وياه داخلين خارجين بكر ماقال والو لانه بنتو كاينة عندو ومهلية ليه في ولادو البق مايزهق معاها. عحبتو بحرصها الشديد عليهم وخا تيكونو مع المرضعات لكن غ تيرضعو تشدهم هي ضل معاهم تحت مراقبتها.الشي لي خلا الحاج يجيب جدها. باش مايزيغش عليها راسها وتمادا في لبسها او تعلي ظحكاتها حت انه راقب جلوسها ..لكن من نهار قالت ليه اليكسي بنتك مع فلان الفلاني بالاستعراضات …تازم ودخل في حالة اكتاب شديدة مابقا عندو باش يدافع عليها ولا ييزين وجها قدام بكر وعائلتو الى مشاو حت شافو الفيديو وهي بحال شاكيرا وسط لاسين. وحوايج شبه عارين ..مستيحل يتقبلها بكر ولا ولادها من بعد حطمتو بنتو وشد الفراش..وعلى قبلو تاجل حفل الختان حت ينوض شوية لكن هو غ مازايد ويمرض ويضعاف تقول خرجو فيه دعاوي البنات لي جرا ليهم على رزقهم والخايبة في الكبائر هي تعيب في خليقة الله وتنسى ان الي خلقو هو الله .. شد مرضو عندو وماقلها حت لمرتو لي ولا تيتجاهل اتصالاتها . كلاه المرض لدرجة بكر تيجي يطل عليه ويمشي بلا صداع بلا مشاكل…ضرو قلبو من جيهة بنتو ..لي مامسوقة حت لواحد لبغا يطرطق تعطيه برة ولا فنيتة .. صراعات ومشدات كلامية معها والرابح شهلة لي ولات تهرب من مها عند صحبتها للبنانية تعرفت عليها في النادي عايشة غ بوحدها …لكن علاقتها زوينة مع وليدها وديما هي ابيل فيديو معاهم تتطيب ولا تقرا ولا غ تفرج تتخلي طابليت خدام ابيل مع دارهم وحت هما نفس الشي بحال الى مخدمين تلفازا عجبتهم شهلة لانه فاش تتكون عندها تتكون ساكتة وماتتحركش بزاف . حماق عليها اخ ميس وعجبتو كتار فاش عرفها من اصل مغربي…معاهم تتجبد ليهم الكلمات بالمغربية بز منها وعلى قلبها فاش تيكونو جماعين مع بنتهم وهي جالسة تيجبدوها باسم يامغربية ياحلوة..تكتفي فقط بابتسامة ..وفاش تتشوف داك التفاهم والوئام بين ميس وعائلتها تترجع عند مها لكن سرعان ماترجع تهرب حت شداتها مها وسورتت عليها واتاصلت بدنيال ابيل فيديو ووراتها باباها لي تصدمت من منضرو في الفراش …دانيال تيبكي وتيهز ايد باباه لي ولات بحال الهيكل العظمي وعينيه دخلو امتانع على الاكل مسني الموت فقط …بغضب قالت اليكسي

_ انا غدا مع العشرة غانمشي المغرب وهاد اخر مرة تشوفي فيه وجهي صافي اشهلة نت مزال صغيرة وقدامك الحياة ولكن راجلي مابغيتش نودعو مانشمش ريحتو ..بقاي هنا وعيشي حياتك ولكن افسم لك بالله الى مشيت المغرب بوحدي عمرك تحلمي تشوفي خوك داني ولا باك الى بقا على الحياة… شدات منها تلفون وطلعت تتجمع حوايجها وتتغوت في سما انا حمقا انا حماقا . بقات شهلة ساكتة ودموعها تيسيلو غ بوحدهم …….

بكر من نهار قال ليه الحاج بنتي غدا تجي عزل ليها طرف من الارض صغير حيدها من السور ورجع طلع السور على ارضو والدار لغادي يبني ليها بقات على برة منها لخلاى والشجر ديال الكلبتوس لي فارق الاراضي عبى شكل طريق بنا ليها دار صغيرة فيها بيت واحد وطواليت ووسط دار مقابلة معاه كوزبنة مفتوحة…جاب ليها فراش جوج فوطويات واحد يشوف في لاخر في الكحل ديال الكوير ونموسية صغيرة ديال واحد وبلاكار من جوج ببان فقط ..والمعان ديال الكوزينة طباسل كيسان ومعيلقات وفرشيطات فقط وبوطة بالضو ..نقولو بنا ليها قفص ديال الدجاج او كوخ باش نهار تمشي منو ساهل يشعل فيها العافية.. حقد عليها حقد عجيب

طولات الوقوف حت حسات بالنمل طالع مع رجليها وهي ترجع حطات صاكها وجلست فوق كرسي واديها في شعرها تتطلعو من الجبهة وترجعو لور ….تتغغرس صباعها في فروتها وتخليهم مشدودوين كيف ما تتشد عروق عيونها ..وهي تتحاول تمنع دموعها من السقوط …راسها تيدور بحركة لا ونفسها تتهمس مستحيل يموت ماغديش يموت دائما تيعمل هاد الحركات… جمع الوقفة وهزات صاكها وخرجت … هبطات من وراها ماماها تتجري طلت شعرها الاشقر على عينيها تكات على حافة الدروج بسرعة حت كانت غدا طيح منهم وهي تتغوت

_ليلييييييييي…. هطات تتتجري تابعها .حلات الباب .. هزات عينيها في الطريق يمين ماكيناش ..دورت عينيا لجيهة لاخرى كانت ليلي غادية تتجري وماماها تتعيط عليها

ليليليييييي بغات تبعها وصلت لشارع تفكرت شعرها عريانة وسيقانها عريانين.. رجعت باسى وجلست في طرف الدرجة…مسنياها ساعة وجوج وتلاتة..طاح الظلام .وجا ليل…وتوسط …بكل الم طلعت لبيتها هبطت شوانطها .. ورجعت جلست عند الباب محلول والشتا تطيح …دموعها تتحاكي قطرات فصل الشتاء… على حالها بقات جالسة ..مسنية بنتها لعل وعسى تغير رايها…. شرقات الشمس…جا الطاكسي لي غادي يوصلها المطار… نزل السائق هز الشوانط وحطهم في الكوفر وهي ملهوفة على بنتها تشوفها جاية من الطريق لمشات منها ..لكن للاسف لطريق مشات معاها مارجعت .. حكاية اخرى تنضاف الى ريصدها الاسود ماعندها اول ولا اخر… طارت طيارت اليكسي…بدموعها لا ببنزين غالي التمن . خلات وراها قصة حب مشعبة ولدتها من رحمها لا هي قادة تقطع الوصال ولا قادة تخلي الحبل موصول. اخ يا اليكسي بقهر ودموع الحصرة عنقت الحاج لي على فراش الموت ….بين سنتين تغير حالو ولبس توب الكهولة لا عاد قادر يهضر ولا يتحرك …..لكن رجوع الكيسي خلاه يرجع ياكل شوية تحت تهديدها هي وتحت دموعها هي وتحت توسلاتها هي …حت بدا يجلس ويعاتب ويخاصم ..لكن هضرتو كيف ماكانت تتظحكها وتخليها فرحانة بيه لانه بدا يرجع صحيحتو بشوية … من نهار ماجات وهي معاه في بيتو ..حت انها مانتابهت لشكون تزاد في دار المقدم ولا شنو تغير….غشاوة الدموع كانت سادة ليها عينيها من دارها لحت لنهار لي جلس فيه الحاج على كرسي متحرك ..وبغا يخرج يشم الهوا ويحس بالشتا تتطيح ليه على راسو….كان طلبو بمتابة عيد…عند اليكسي…لبست منطو كحل وشال ديال الخيط كحل..جاها زوين مع شهوبية وجها ولون شعرها لي باين منو شوية… لبست الحاج سلهام في القهوي بالقب …. دفعت بيه الكرسي.. وخرجتو الباحة والشتا طيح ورقصات حلزونيةمن قطارات المطر على الارضية تتخلق فرحة كبيرة ….في نفسو ….وقفو تحت من الشتا وهي خيط من السما…. حرك ايدو خرجها من تحت السلهام ومدها مخلي الشتا طيح عليها …في هاد الاتناء كان بكر هاز حنين تيتفرج في الشتا حت هو فرحان بهاد الخير….طلعت هناء بحليم وسميرة بكريم ووقفو حداه…تعلق فيه كريم وشدو حت هو عندو خلاتهم سميرة بجوج ونزلت بقاو مقابلين الشتا وتيضحكو ..بكر تيمد ايدو حت تتعمر بالما ويغسل بيها وجه كريم لي تتجيه باردة ويطلق ظحكة السما وتبعو حنين لي جربات شنو تيدير بابها في خوها …وهما تيظحكو هبط بكر عينيه .لارض ومشات لباحة لي كان فيها الحاج وهو تيحيد القب من على راسو ..ملقي وجهو لسما. خدودو داخلين وعينيه مغورين . بقا تيشوف فيه بتركيز وهناء تتظحك

_ ههه واخييييبرا الحاج خرج واخييييرا الحمد لله …. وقفت اليكسي قدامو وهبط باست ليه جبهتو وخلات فمها على جهبتو تتبكي معاه وهو دموعو كتر من الشتاء لكن مخبيها بماءها عرفتو تيبكي من فمو لي تيتحرك….عنقتو ومشات بيه وجات وكانها تتراقصو…حضاهم بكر بعيون احترام لي بيناتهم .هناء تظحك عاجبها حال الحاج… تساخرت اليكسي منو وبدات دور وايديه مطلوقين وهي تتدور وتترجع تشد في ايدين راجلها تتحاول توقفو ولكن تتختمها بعناق حت حرك ايدو ليها توقفو ووقفتو بعناق وبقاو واقفين والشتا تطيح عليهم ..هناء من فرحتها بوقوف الحاج بكات حت بداو يترعدو ليها شفافيها. شاف فيها بكر وهي تتخبي وجها براس حليم..لكن قشعها تتبكي من ايدها لتتمشي نيفها وقال

_ هناء دوري عندي .

بقات واقفة مجمدة ولكن جسمها لي تيترعد فاظحها …ماحكرش عليها حت سكتت وتنهدت وقال

_ دخلي حليم جاه البرد..حدرت راسها ومشات تبعها بالعين..حت كانت غدا تخرج وهو يتبعها : اريه خليه معايا ..رجعتو ليه ..دخل حط ولاودفي الارض وسد البالكو ..حطت حليم مع كريم وحنين..تمات غادية خارجة وهو يوقفها

_ اجي اهناء .. جلس على طرف الكرسي موسع بين رجليه…واديه تيتحركو بتوتر : جلسي ..ساد الصمت بيناتهم . هز فيها عينيه يتمعن في ملامحها ونيفها لي ولا حمر من البرد والبكا ..ابتاسم وتشجع من بعد ماسول راسو وجاوب. غادي نتزوج بيها على احترامها واخلاقها الرائعة مستحيل هاد البنت ماتلقاش واحد يستاهلها وهي فيها جميع الموصفات ديال البنت العفيفة ..الطاهرة النقية واضافة الى انها زوينة وطييبة ومعقولة حت في خدمتها نعم البنت علاش مانكونش انا هو لي ستاهلها وحت هي تستاهلني..ظحكتو كلمة تستاهلني .جايب العز لراسو ظحك حت هزات فيه عينيها مستغربة شنو لي ظحكو بهاد الطريقة ظحكتو خلات ولادو تيشوفو فيه باندهاش..جات عندو حنين مدت ليه ايديها. هزها حطها على فخظو بقات تاشوف فيه وهي تتحرك صبعها لدقنو باسها في راس صبعها وقال

_ بغيتي تعرفي علاش تنظحك ؟؟ نجاوب بنتي : بغيت نتزوج… سرطت هناء ريقها وحلات عينيها وخا مازال ماعرفاش بيمن ولكن صدمها بطريقة لقالها بيها كلمتو وهو تيشوف في بنتو وتيظحك ..حط ايدو على خدو وعينو ظاحكين وقال

_ شنو بان ليك حنيني نتزوج ابابا

. حول شوفاتو من حنين من بعد ماطبع قبلة على راسها ومرر ايدو على شعرها الحمر حطات راسها على صدرو…. لهناء وقال

_ زعمة كاينة شي بنت تقبل بأب حنين بحالي ؟ يعني تقدر يكونو من بعد مشاكل بساط ماتقلقش مني الى ملت لكفة حنين او حليم كريم..جاوبت بتقافتها هي لا بكونها عاشت معاهم وعرفتو كيفااش دايار

_ الى كانت الكفة غدا تميل بحق وبلا نفخ حاجب وتغاضي على الحق فاكيد ماغديش تكون اب حنون ولكن زوج قاصي..وتقدر المحنة تكون محنة ونقمة لانه حت الصرامة في بعض الاحيان نعمة وتتخلي الولد ولا البنت يتشبع بقيم اخلاقية بعيون ظاحكة قال

_ متلا؟

_ لانه مستحيل تشوف بنتك او ولدك ماتيحتارمش مرات باه وهي عاطياه كل الاحترام والتفاهم ومعتابراهم ولادها فاكيد ضروري يكون حضور اللاب قوي وعطف الزوج حاضر

_ ومتلاا الى كانت هي ماغاداش تحتارم ولادي وعكس كلامك هو لي كاين؟؟ شنو حكمك في هاد القضية؟

_ حكم باين شنو لي غادي يخليك معاها ؟؟ اكيد ولادك غادي يكون معاك فينما كنت وكيف ماكانو سواء قباح او ضراف ولي فيه شي طبع مستحيل يتغير مهما قريتي فيه وعلمتي فيه حت يبغي هو يتبدل او تبدلو ظروف معين ولكن المراة كيف بنات حياتها معاك يسهال تبنيها مع واحد اخر بنفس طباعك او كتر منك او قل منك .ظحك ببرضى وقال

_ متلا الى كنت نت هي مراتي ؟؟ تلجمت وشهقت مامتيقاش شنو قال بقات غ تتدور في عينيها بحال الطرومبية …

_ اوى جاوبي مالك سكتي؟؟ سرطت ريقها وقالت

_ شنو هانقول ليك

_ الى طلبت منك الزواج ترفضي ولا تقبلي بلا ماتنساي انا اب حنون ظحك وقهقه ..

_ حت انا عندي طيبة لدراري لصغار .باس حنين في جبهتها وهي غ حاضية ليه فمو وعينيه قال بنبرة سعادة

_ شفتها …اوى شنو قلتي ؟؟

_ فاش؟؟

_في عرضي ليك؟؟

_ نت قلتي الى طلبت منك زواج ..زاد ظحك وعينو مغرزين ..جالسين في جو هادء ونقاش ظريف …

_ هنااء

كانت حادرة راسها وهزاتو بخدود حمرين وحرارة مع جسمها تغلفت صدرها… شافت فيه

_ تزوجي بيا؟؟.. وقفت بالخف ..بحال الى قرستها نحلة .تلفتو ليها الدراري كاملين وقالت

_ اااا

_ مالك تصدمتي ؟ حت نت غدا ترفضي بحال لي دازو قبل ؟؟

_ لا ولكن

_ ولكن عندي الدراري مستحييييل هادشي ..زعمة حت وسامتي ماشفعت ليكم البنات.. زادت تزنكت وقالت

_ لا ماشي هكاك خاصك تهضر مع با وجدي…

_ اوووكان؟؟

_ اه

_ علاش لا نهضر مع قبيلتكم كاملة وحت جيران معاهم شنو بان ليك.؟؟

_ لي بغيتي..قالت كلمتها وخرجت تتزرب خرجت وتكات على الحيط مخلوعة ومصدومة ماعمرها فكرت فيه ولا حت حلمت بيه مصدومة هابطة مع الدروج بلا مانتتابه لضيوف لي وسط الدار …هزات اليكسي عينيها في هناء وشافت في وجها حمرة مافسرتهاش ديلاش ولكن الخلعة لي فيها خلات اليكسي تشك في حاجة اخرى ….ولي زاد كمل عليها انها خرجت زربانة مع الباب بلا ماتقول حت كلمة وهي لي كانت تتجي طل على الحاج يوميا ويبقا فيها من وجها كانت تتبان عليها ولكن هاهو خرج من بيتو وتحرك في الدار فين سؤالها عليه…بقا الحاج تيشوف في اليكسي وهي لاخرى متبعة البنت حت غابت عليها وقالت

_ ابو بكر مع هاد البنت.

هبط من وراها بكر من بعد مانعس ولادو.. صوت الشتا والرعد خلا اليكسي والحاج في بيتهم مقالبين نزلو على الزاج ديال السراجم من بعد مابدلو عليهم ودوشو بجوج كانت بيناتهم علاقة حميمية خلات الحاج يسترجع شعورو بالحياة ويفكر في زواج بكر الي لا محالة منو خاصة فاش شاف البنت هابطة مزنكة والحشمة على وجها ماهزتش راسها فيهم….. دق عليهم بوجه بشوش حلات عليه اليكسي ..دخل خطوة فقط رجلو في البيت ورجل برة وقال بكل سعادة

_ على سلامتك الحاج… حرك ليه الاخر فقط راسو : اوى نوض وقف على رجليك باش نديرو شي حفلة بالتبوريدة لعزارا ديالانا او لا .. تمتمت الحاج وقال

_ ان شاء الله….

_ الله يتهناكم وعلى سلامتكم والله يطول في عمركم ..

_ امين اوليدي امين .سد من وراه الباب وخرج ..بمونطو كحل جلدي بقب كبير هابط حت لركبة مغ سروال تجين وبوط بلاستيكي طالع عند الركبة… خرج وداز على السرجم دياا الحاج جنب الحيط ..مغطي راسو بالقب غادي ملحق لهناء لي شاففها من البالكو مشات مع طريق الحقول والشتا تتصب عليها خيط من السما… ..وصل عليها وعيط من ورا خيمة جدها لي قال نعام ادخل اوليدس .سبقت ليهم هناء الهضرة غ لقا السلام لقا الجواب منةعند الجد

_ مرحبا اوليدي بيك وبعيلتك هنا هضرت معناا وقالت لينا لي درتوها انا معاكم فيها

_ وشنو قلتو نتوما نتمى من الله مايكون شي رد ماهواش ..ظحك المسكين وخايف يرفضوه بحكم هو السيد وهما غ خدامة وقال ملطف الجو: انا راه بحالي بحالكم من طراب ابونا ادم وامنا حوا نسل واحد ماانا زايد عليكم مانتو ناقصين عليا ولي بغيتوها انا معاكم فيها وهناء تشرط عليا كيف بغات غ ماتنسان راه انا اب ديال تلات دراري..كملها بضحكة رجولية غطات المكان… جاوب الجد بكل احترام ومعزة لبكر ديما تيشوفو قدوة لجيلو ديما تيضرب بيه المتل في حوومتو ووسط احفادو ..

_ ماقلتي عيب وراه حنا موافيق والله يسر الامور

_ اوى مبروك علينا….كمل الجد كلامو وقال

_ السي المقدم لجات على خاطرك تمشي معاها جداها تجمع حوايجها وماترجع لدارك حت دخل ليها بطياح العقد

_ اه ماشي مشكل..انا ليوما مسافر دابا نيت لبغيتو كلكم تمشو معاها تجلسو في الدار حت نرجع مرحبا مابغيتش نخلي دراري بوحدهم خاصة ولفوها معاهم وراه غ نرجع نطيحو العقد

_ لبغيتي المقدم الله يجعل كلشي مبارك مسعود..

_ راه هضرة مع الوليدة خاصني غ موافقتكم باش توجد كلشي ودابا هاهي عندي..سيادنا الله يتهناكم….. خرج هو من الخيمة وبقا طيفو عند هناء لي لحظة حساات انه لي قدامها فارس احلامها ريحتو بقاات تعلمها انه راه ماشي حلم وانما حقيقة عنقت جداها وباركت ليها وجلست تتسمع الشتا لي تجهدت فوق راسها وهي فرحانة….

حوار طويل بين اليكسي والحاج على زواج بكر وكيفاش خلا جوج بنات يهربو منو لكن هناء مالقا فيها حت عيب من يشدها بتنهيدة قال

_ هناء غلبتيني هي وهاد المرضة.. كان ساهل عليا نخلي وصال ونوال يمشو بحلاتهم اصلا كانت تقتهم فس نفسهم ناقصة بزاف عكس هناء تتبان ليا مستحيل يقنعها شي واحد بشي حاجة رغم ان الكمال تيتنزه به الله سبحانه وتعالى لكن هناء ماعندي باش نجبدها ربما عيبها مخبي او ربي عما عينيا عليها كيف ماعماهم لمقدم حت دخل الدار على اساس مولاتها او هي فعلا ممن احبهم الله وقال لعبادو احببو فلانة عكس بنتي الي خرجت عليا وعلى صحتي لولا اني عارف ان النفس امارة بالسوء والشيطان عدو الانسان كنت غضبت عليها الى يوم الدين ولكن تتبقى بنتي ووتتبقى من خلق الله ولله في خلقه الشؤون .السعيد والشقي وبنتي شقية بزاف ماقدرت نتحكم فيها وفي رغباتها صلبة وعنيدة ماتتجيش بالامر بنتك اليكسي خاصها حيلة غريبة

_ بحلاش انا راه خفت تكون دارت شي علاقة في هاد المدة وهي لي خلاتها رافضة تهضر معاك..

_ لا ماديرهاش لبغات غدا تجي طلب الطلاق بعدة ..هز صبعو لمراتو وقال: بنتك اعدى شخص عندها وهي خالتها وهي الى شبهتيها بيها تقدر تموت بالفقصة وعارفة انها لدارت علاقة جنسية مع شي واحد غدا يقتلها التشبيه ليها من نفسها فمغاداش ترضى انا نقلك ..

_ وشنو نديرو؟؟ يا حاج .

_ هضري مع شانيل وصيفطيها عندها وتجبد معاها شي مشادة كلامية وتشبها بخالتها الشريرة

_ لالا لا بغيتي شانيل يطيرو ليها سناناها

_ ادن خلينا حنا نقولولها ليها ونسبوها بخلاتها وشوفي كيفاش غدا تجي غدا تجي ياليكسي غدا تجي..

تحضيرات الخطبة كملات جرات فيها الالة خدوج وهبة في غياب بكر لي مشارك بشرف في استعارض اجمل الخيول العربية على الصعيد الوطني….عشرين يوم وهو في مدينة لجديدة في تداريب مع عودو كيفاش يمشي وكيفاش يوقف وكيفاش يتعلى ويهز رجل وحدة او جوج او يجلس او يجري كل هاد التداريب خدات من وقت بكر سعات وليالي لانه المنافسة كبيرة وداخلين مشاركين من الخليج العربي بخيول عربية اصيلة تحتف الناضر وتسلب له القلب بكر فوزو هو عينو لي تكحلت بجمال الخيول ماتيهموش يربح او يخسر لي همو هو ان شرف يتشرب من طباع اصلو وهو محيط بارقى السلالات خاصة ان شرف حياتو من قبل كانت في عداب وقصتو تنشرت في واسائل الاعلام خاصة فاش طرحت عليه اسئلة منين جاك هاد العود قال ليهم شيرتو من سوق البغال فناضت ضجة كبيرة مين اصلو وشكون عندو باه ومو؟؟ ..اصلا هو جاوب بهاد الطريقة باش يتشهر شرف ويبانو ماليه ربمى تسرق وبقا يتباع من سوق لسوق حت وصل عندو باغي باي طريقة يوصل لمولاه لي شافو فاش تولد واكيد ماغيديش يتولد من عودة هجينة..لا لا اصلو عربي اصيل …فنسج ليه قصة تعجبو منها عشاق للخيول وانتاشرت على ننطاق واسع…جمالو عجيب خودود عراض ونضرتو تاقبة ولونو الاشقر البراق ووقفتو الهماوية بالنخوة والنفخة تيمشي على البونج غادي ويتعلى كانه راقص صالصا.. سلب عقول الحكام والمربي الخيول وبدات المزايدة عليه حت وصل لميتين مليون رفض بكر رفض تام .شراه امير سعودي لكن سلطان زمانو بغاه ليه هو في كلمة لصحافة : عيوني احق بجمال هدا الابداع الرباني..ولي بغا يشريه اناني وانا سيد النرجسية ..فجاوب الصحفي كنتمنى مايتغرمش بيه سيدنا فجاوب

_ اكيد غادي يتغرم بيه لانه عيونو تتعشق الجمال لكن مانضنش ياخدو ليه فشعبو احب ليه من نفسو …خلا الصحافي يسرط ريقو ويتصدم من رسالة بكر .. تحددت يوم الخطبة في دارو وتحولت اسرتو كلها ليها مسنيو يجي وتنسجت فيه حكايات ان كل مابغا بكر يتزوج خاصنا نتسناو نهار خطبتو ونتسناوه حت هو يجي ..حضر قبل الخطبة بنهار الشي لي خلا الحاج بوشتة ولدو ومرتو يسافرو حت تسالي الخطبة ويرجعو .لكن من المغرب ماخرجش واتصالات مع شهلة معدومة حت طفح الكيل ودازت الخطبة …بكل ماتتحمل صمعة بكر من تراء وكانت تتوازي خطبة شهلة …تركبو الخواتم وتعلات الزغاريد . واللاهازيج الشعبية والشرقية وعوض تكون خطبة كانت بمتابة عرس .تيزنيت العروسة ولبس بكر اجمل التياب وحنين معاه بقفيطين حت هي مبرة زرق ملكي واالدمالج والسناسل والحلقات .. وكريم وحليم بجبدورات وسلاهم زرقين عمات الفرحة والبهجة في جيه واعتلات غمة وحزن في جيهة اخرى..تحدد العرس وجات في مسمع الحاج اول ماحط رجلو في الفيرما الشي خلا وجهو يسود ..دخل مغزز على الكيسي لي مابغات تهضر مع ختها وقال.

اري ليا نمرة براون واولا شاينيل ولا ماجابتش نتيجة نمشي نجيب مها في تابوت الى مانجيبها جيفة من تما حت لهنا وتحيى راني مسخوط للوليدين

بفلوس صحيحة تشرات هاد المسرحية لي تختارو ممتليها بعناية .. عشاق العملة النقدية وماعندهم حت مشكل في دموع المتفرج كيفما كانت مالحة او مرة او لها طعم الدماء…ميشال وبراون تختارو باش يكون كلامهم صفعة …وقفت ميشال بتياب الساقطات المعتاد على جسمها سروال مقطع وتيبري لاسق وبوط عند الكعبة مع بودي مشروط كلو بمؤخرة كبيرة وصدر بارز وابشع وشم في كتفها مقزز ومخزي وهو عضو دكري مبتسم …مع مكياج ليلي والشمس شارقة اكسسورات بزاف في عنقها واديها بل حت في لسانها مقزز منضرها… وقفت على شهلة في النادي وباسمها عيطت بصرخة تلفت ليها لاخرى غادية عندها وترنح….جات شهلة مدات ميشال وجها باش تبوسها لاخرى بعدت وحبستها باديها

_ توحشتك ليلي اري بوسة

_ لا مابيساكش شنو بغيتي

_ بغاك برراون علاش ماتتجاوبيهش في تلفون

_ مابغيتش…تتدور في رجليها تتلعب بالزلاجات

_ مابقيتوش حبيبين …شهقات ليلي ووقفت مستقيمة

_ انا …وبراااااون !!.. هبطت دقنها حت بان عندها دقن مزدوج ..

_ يس نت وياه حبيبان

_ نووووو

_ وهو قالها لصحابو لبارح كانو مجمعين وتيتفرجو في فيديو ديالك وقال ليهم هده حبيبتي

_ حقييير انا ماشي حبيبتو

_ ادن قوليها لو…. تعصبت ليلي وخرجت من حلبة الرقص .بدلت حوايجها بالزعاف وتتوعد ليه بقتلة ديال العصا…خرجت وشدات طاكسي ولاخرة تبعتها بمطور كبير ولكن هابط الارض.. وصلت مغزة لدار جداها لي حرمتها على قبلهم…كان لاخر مسنيها مع صحابو تلاتة الشراب في الطبلة والدنيا خانزة كارو ..دخلت مغزة عليه قربت عندو وهو ماد ليها اديه باغي يعنقنها وتيقول لدراري

_ شفتو هاحبيبتي جات وعوض تعنقو عطاتو بصاكها لوجه مع ركلة في الركبة جابتو جالس…..ناضو صحابو شدوها عليه دخلت من وراها ميشال ودلكارمن ..وهي تتغوت

_ طلقوووني عليييه… خلاهم شادينها وقال

_ مالك مارضيتيش نت حبيبتي ماعقلتيش شنو درنا لفوق ..خرج لسانو تيفكرها في القبل ولحيس الصدر شنو نسيتي؟!

_ حيواااان نت انا مشي حبيبتك

_ ادن عيشقتي تيضحك مع الدراري ..اممم عشيقتي خائنة خنتيني انا مع داك العربي… تلفت لميشال وقال : وبسنا بعضياتنا بوسة روعة قدام عيننيه يس يس داق طعم الخيانة حت هو…غوتات . وبكاات وضربت الدراري ظحكات دلكارمن عصبتها تلفت ليها وقاالت

_ حقيرة نت ولدك جاوبتها الاخرى

_ ونت بنت اختي دمك من دمي… صرخاات عالية

_ سكتييييي سكتيييي …نطق براون

_ عللاش مرضيتيش اصلا تتشبهي ليها وغدا تولي غ دلللللللكااااااارمييييين يس بيبي …جات عندها ميشال وقالت

_ نووو هاد الجمال تيشبه لمييشال.تيشبه ليا .. تتسوط بحال التور … جاتها دلكارمن

_ نووو بحالي . لا لا ماشي بحالي على الاقل انا كنت مع ماما في مرضها حت ودعت الدنيا اما هاد الشريرة لا…

_ فعلا شريرة.. اماما.. نت شريرة ..حقيرة كنت غدا نموت بسابابك لولا عطف داك الرجل لكنت عند المسيح . .

_ طلعت اسوا منا كاملين.. كلشي ظحك عليها وهي وسط منهم تتبكي

_ بل احقر انسانة تخلات على باباها ولا ابناءها وعلى ماماها وبغات تبقى بوحدها هي واصحابها ومابغاتش تكون بحال دلكارمن؟؟؟ …غوتات

_ لا ماشي بحالها…شداتها دلكارمن من شعرها

_ نت هي انا وغدا تكبري بحالي وتقلبي على قضيب رجل قوي ….ظحكات هي ولدها ..والاسف نت احقر مني على الاقل انا مع زوجي ماشي بحالك تتسكعي مع الولاد وانت مراة مزوجة اه مزوجة وتتخون راجلها …

_ ماخنتش حت واحد انا ماشي بحالك .

_ ادن بحال ميشال …تتعشق الفتيات .نطقت ميشال

_ الجميلات …حسات بقي في معدتها من قبح هضرتهم وقالت

_ نموت ومانكونش بحالكم

_ الحل الوحيد لتبتي لينا انك افضل منا انك تاخدي صور مع التوام ديالك وتصيفطيها لينا ..تلفو لبعضياتهم تيشوفو في بعضياتهم وتياايدو كلامهم

_ يس يس يس في هاد الحالة نعرفوك انك ماشي بحالنا وماشي منا وانك نت بحال الملائكة الصغار . قهقهو كاملين وهي وسطهم تتموت بالفقصة

_ هادشي مستحيل عليك حيت حت حنا مستحيل نكونو ملائكة ….نطقت باسى وغوتت

_ مستحيييل عندكم لانكم حتالة المجتمع وشياطين مقززة ..نطقت دلكارمن

_ ونت جباااانة ..بغات طير على خالتها بنتفة حبستهاميشال.. نطرت منها وقالت

_ ماتشديييش فيا ماتلوتينيش بعدي مني بعدي مني… نتفت شعرها .. جاوبتها لاخرى

_ علاش مقدسة راسك علينا اقل حاجة غدا ديريها تفيقي من على فراش رجل غريب .. يا قدير شحال مسكينة ……طلقوها الدراري وبعدو منها خلاوها بحال المصعوروة وسطهم وكلمة لا ماشي بحالكم يا اندال ولاخرين تيضحكو عليها…هزات صاكها وخرجات ..جلس براون متاسف وميشال حزينة ودلكارمن سعيدة وتتضحك وهي دور فيها ختها

_ فعلا هي ماشي بحالنا وانظف منا .خلاتهم وتبعتها .لدارهم ….بقات مقابلاها واش غدا تخرج ولخرجت شنو غدا تكون هازة في ايدها وكان توقع الحاج في محلو ..خرجات هازة باليزا كبيرة وسكادو ابتاسمت ميشال وعيطت لختها تعلمها .

وصلت المطار ..تتجري وكان غدا تلقى اعتبار وجها وكلامها عند الباب … عند بالها المغرب غدا تمشي ليه ساعتين ..ضربهم بصورة مع ولادها ومع ماماها وبابها وترجع تلوحها ليهم عند وجهم دخلت بدموعها تتقطع البيبي ..اديها تيتفتفو على الكارت بونيكر تجبدها مابغات تخرج ليها من البزطام …تبعتها ميشال مع حطت المطور شافها واحد خاينا عحبتو غمزها كانت فايتاه وهي ترجع عندو باستو في فمو وهزت كاسكيطة من راسو وقالت

_ نقضي بيها غراض ونرجعها ليك مع جوج بوسات …ظحك وتبعها دورت عينيها تتقلب على بنت ختها حت شافتها قدام صف ديال الناس منسنينها دوز وهي معطلاهم تجبد حاجة تلف حاجة معصبة وتتغوت على لي وراها وتتهضر مع لي قدامها .بزعاف.. تلفت لراجل لي وقف تيشوف فيها باعجاب..شدات ليه في ايدو تقول حبيبها

_ زيد خبيني من ديك الحسناء بغيت نشوفها ان دولة غدا تمشي ليها قال بضحكة خشنة مدعدة

_ تيعجبني لونكيت ازين نمشي نقضي ليك هاد الغراض ونت توعدي ليا بليلة جامحة…ظحكات ليه وقالت

_ يس اوف كورس .مطلعة شفتها لفوق ..ماكنش من العاكزين ومشا وقف حداها ماموسقش لناس لي ساعرة….عاونها وتيهدن في الناس لي من وراها وتيقول..

_ شوفو غ دموع جميلتنا كيفاش تيطيحو وغادي ستكتو شوية …لعلى الامر سيء للغاية … بقا معاها حت قدات وراقها واكاشا الباسبور ورافقها تيسول فيها وهي بكل عفوية تتجاوب ..جلس معاها في الكراسة تيسنا حت هو اش تيتسنى ليلة مع ميشال ودعتو شهلة عند الباب الفاصل بين المسافرين والمرافقين… بقا واقف جات عندو ميشال حضاو الطيارة حت قلعت وطارت. صورتها وصيفطتها لختها مع توقيت جرينيش ..تلفت لراجل مد ليها ايدو شدات فيه وخرجو عند المطور..قالت

_ للأسف انا متلية… ظحك لسما ..يله بغات ديماري وهو يشدها من شعرها وجرها عندو

_ ولكن مستحيل ماناخدش حقي…طلع مافيوزي من الطراز الرفيع وهو لي غي يكرها في البنات ومنين يجي منهم …..وصل الميساج لبوشتة واليكسي وهما ينوضو من فراشهم تيجرو كل واحد تيقلب على مايلبس غ لي جات في ايديهم تيلبسوها تيضحكو ويصفقو دارو حفلة مع العشرة ديال الصباح .الفرق بين المغرب والسويد ساعة فقط .. كانت الحداعش صباح والشتا تطيح والجو زوين خرجو تيجرو بلا مطاريات ..تيقلبو على بكر يوصلهم لمدينة ….كان بكر لابس جلابة بلاستيكية القب على راسو والبوط صفر بلاستيكي في رجليه …الظاهر عندو فرحة جديدة تنضاف ل لفرحة عرسو لي تيوجد ليه بكل سعادة هو هناء…بقرتو الحلوب ..ولدات ليه عجل ..

تيمسح العجل وينشف فيه والمعطي عند راسو واقف وشاد فيه

_هناء ديالي هي لي غدا تفرح ليوم كتر من هناء ديالك…ظحك بكر وقال

_ حت هناء ديالي تيعجبوها الوليدات الصغار

_ لا هناء ديالي تيعجبها كووولشي حت الكبار… هز فيه بكر عينيه وقال جامع الظحكة وباغي يطلقها

_ كون تشحم شوية شوف غادي نبقاو صحاب الى نت جمعتي فمك

_ سعداتنا المقدم عيلاتنا عنهم نفس السمية

_ فييين ومنين؟؟ علا هناء هي هنية ولواه اسي مرتك سميتها عروبية.. قالها في ودن هنية لي دهلات فرحانة بالعجل تكات عليه باستو وقالت

_ هنية ولا هناء الله يجعل كلشي مبارك ومسعود وماتبدلكش علينا..ويكون قلبها بيض بحال …جمعت فمها وكرزت على سنيها ..شاف فيها بكر ظاحك

_ كمليها راه مايسمعك حد من غيرنا

_ بحال شهلة . ..نطق المعطي بغضب وقال

_ ااااالمراااا جمعي فمك ..هزات كتافها وقالت

_ انا مابغيت لحنين مرات لبو … قالت كلمتها وجلست تتبكي .. قال بكر بسعادة ماهموش اش تتقول هنية لي في راسو في راسو

_ حت هناء دابا تعجبك وبكر عمرو يتبدل اهناء… لا اهنية زعمة..ظحك وخرج وخلا المعطي مع هنية في مشادة كلامية من اللول كانت عجباها شهلة خاصة فاش عنقتها وبكات عليها اما هناء عمرها ماسلمت عليها بوجها وهاد المسالة خداتها هنية بحزازة …خرج نن الحضيرة تيسمع سميتو من عند نسيبو بصوت عالي ومشا عندو فرحان وقال:

_ افين الحاج هربان راه واحد البقرة ولدات

_ مبروك عليك اسي المقدم . والله الى فرحت ليك ..وخلي ليا حقي من اللبا

_ وداكشي علاش سولتك راه خليت هنية تتحلب فيه ولطاب مانعقلش عليك…سعيد للغاية .لكن الاسعد هو الحاج واليكسي لي فرحتهم وسعت الدنيا ومافيها

_ بغيتك توصلني لمدينة ولا شي واحد من خدامة يوصلني؟؟

_ لا حت انا غادي نجيب هناء

_ ايييه اسي هناء … ويله هاحنا تنتسناو فيك..

…دخل لدار تعطل في لباسو وداز عند ولادو ضروري يشوفهم قبل …هبط عندهم بطاقية رمادية على راسو هابطةةغلى ودنيه .. مونطو كحل بحزام مخلي صديفو محلولين حت لركبة وتركيو ديال الخيط غليظ كول في مع سروال تجين كحل وسباط گاط في المارو..جلدي .. وصل عندهم وقال

_ مشينا… كانو وسط الدار وتيوشوشو بناتهم

_ غادي نجيبها لباباه لهاد القصر ونشوفو شكون يغلب هي ولا هو

_ الله يهديك ابييغ واش بغيتي هاد التحفة الفنية تولي رماد

_ اوى لقد يحرقها من جديد راه بنتي واصلة ليه الحلاقم وتما من غادي نشدو

_ لي تيهمني انا كلو هي بنتي والحمد لله لي جايا المغرب وهدا دليل انه مابقاش تتكرهو…قهقه الحاج وقال

_ غطا عليه كرها لخواتاتك ..سكت وكمل كلامو: يالطيف شارين جهنم بشفارهم وظفارهم..ضربتو بكوعها

_ شوش هاهو نازل… خرجو معاه قدقد في الباب . حل ليهم الطموبيل.. لقاو دانيال سابقهم وتيسول فين غادين..جاوبو الحاج بفرحة

_ نشري فييلا بنتي جايا عندي … شاف فيه بكر ماتيتيقوش بالمرة .. زاد بيهم في سمط حت لخرجة وشافو كلهم في القفص …تمتمم بكر وقال

_ وغادي تجي في العرس ولا ناوي تهرب بحال كيف درتي في الخطبة صراحة ماشي ديالك وعيب في حقك . نت معايا عام هادي وتدير هاد الفعايل

_ ونت ماشي عيب في حقك لي باني لمرتك عشة ديال الدجاح في الخلا ؟؟؟ ..شاف فيه مقوس عينه وقال

_ زعمة غادي دشنها الحاج بلا مانغطيو الشمس بالغربال بنتك الى ماجبتها الموت راه ماتجيش ..ظحك الحاج حت تقب سقف الطموبيل وقال

_ وانا لله وانا اليه راجعون… تنهد بكر وقال

_ اودي الحاج ماعندك زهر.. تلفت المرتو وقال

_ عندي المنبع ديالو غ مخبيه لراسي ووللادي..

_ اوى بيع لينا شوية راه حنا داخلين على زواج زعمة وبغينا الله يسر فيه

_ والله يسخر اسيدي حت انا ماحسدكش وماحاقدش عليك ماكتابش ليك مع ضو عينيا ماشي نهاية الحياة وحت انا راه غ يدوز عرسك ونجمع عايلتي ان شاء

_ لا ماتقولهاش نت غادي تبقا ساكن معايا ومع حفايدك حت يهز ربي الروح من عندو وعيب عليا لهزيت فيك الهين لا انا ولا مراة

_ الله يكبر بيك ولكن ماجاتش نعيش مع مراتك المقظم راه نت خشاااب بلا قياس وانا مانبغيش نجبد العيب

_ لا لا هناء هزيتها وحطيتها نعم اللاخلاق وزايدون الدار كبيرة وحت حاجة ماغدي تغير بادن الله انا.. شاف فيه بريبة والظحكة على وجهو خلا بكر غ تيسول فيه ولاخر مطمر ليه على خلا دارو ويتحلون عليه في الهضرة….وصلو المدينة وشدو طاكسي لمحطة ماعرفهنش فين غادين ولا علاش غادين ..وخلال ساعتين كانو في المطار تيتسناو في نزول الطيارة لي سولو على توقيت الهبوط ولقاو مزال الحال شي خمس سوايع هكاك ..دنيال غ تيسول واش غادين لسويد ولا شنو…. ماقابلين باب الدخول بلهفة … اديهم على قلوبهم خاصة الحاج … غ بانت ليه داخلة جارة باليزتها .ماتوقعتش تلقا شي واحد ..داخلة تتقلب في باسبورها ووراقيها باش ترجعهم لساك حت تسمعت في قلب المطار

_ بنتيييييي شهوووووولتي ..تفاجات ولاحت الصاك والباليزا ومشات تتجري والجاج تيجري هاز جلابتو والبلغة مامسعاداهش في الضس تيزلق ويضرب في هدا وفي داك والكسي تابعاه شادة في زيف راسها ودنيال مسعوق بقا في بلاصتو ….تلاقاو بعناق حاار تيحاول يزهزها وماقدرش والدموع ..بيناتهم تتبكي بصوت مسموع ماعرفاش علاش ولكن كيف ظحكتها كيف بكاها عندها رنة في صوتها ..وصلت عليهم الكسي عنقتهم بجوج وتتبوس في راس بنتها…شي ناس هزو ليها شانطتها جابوها ليها هي والساك قالو على سلامتها ومشاو وهما العينين عليهم

. خرج معنقها ويمسح ليها دموعها ركبها في الطاكسي وهو معنقها حت دخلها اللاطيل. وهو معنقها .. وهي غ تتدور في عينيها وتنخسس عليهم وتعاود ليهم شنو دارو فيها وتوعد ليهم للحاج يرد ليها دموعها وهي تا

شوف وحلفها فيهم يالله حلوفو باطل …عنيدة وعصبية وماارتاحت حت سمعت بودنيهما ميشال وبراون تيتعايرو من عند باها وماماها ويتحلفو عليهم.. عاد تكات على ظهرها فوق النموسية وقالت بتنهدية

_ دابا انا في المغرب؟؟؟ ..اووف ظحك الحاج وقال

_ اعتابريها سياحة ورجعي بحالك ..

_ بغيت نشوف الاطفال …قالتها وهما يتصدمو كاملين…بقاو تيشوفو فيها ويدورو عينيهم : شفت حنين في منامة زوينة فاش فقت لقيت ريحة في حوايجي وعبجتني حيت ماشي ديالي وتفكرت الحلمة ولقيت حنين كانت ناعسة على صدري اعتقد ريحة حنين .نطقت ماماها بفرح

_ اكيييد ريحتها زوييينة بزااف وحت حليم وكريم تيحمقو ..نرتاحو ليوم هنا وغدا نمشو اوكي حبيبتي ظحك الحاج وقال

_ لا ماشي ليوم ولا غدا بغيت نشري حوايج ليا ولدانيال وشي روايح وشي مسائل ونت حت نت خاصك حوايج ابنتي ..ماعرفتش اش هازا معاك تما ولكن حوايجك مايليقش دوري بيهم تما خاصة بكر ولات عندو مراة ..شافت فيه بتشكيك..

_ كيفاش ولات عندو مراة

_ اوى غادي بقا يتسناك راه قريب عندو العرس… بسطت حجبانها وشفايفها وقالت

_ شنو سميتها …جاوبتها ماماها بحزن ولخرى ماتسوقتش لامر….. باتو قشابين ويضحكو ماورهاش تصاور ولادها خلاوها حت تشوفهم. عاودت لباباها على شنو دارت سمع ليها بوجه بشوش لكن القلب يغلي قرر ياخد بنتو على قد هواها اللهم يشدها في صفو هاد الايام ولا يعاتبها ويبين ليها للغلط لي تدير فيه….

فاقو الصباح قضاوه كلو في التسوق .وهو باغي يشري لبنتو لحوايج اما هو خداها غ سبب ..لي عجبتها ياخدها ليها ويزيد عليها حاجة ولا جوج من ختيارو ومنساش ليها قفاطن وجبدورات وجلالب غالين التمن وعاطين العين تقول تيجهز فيها تروح عند راجلها حت من الاكسسورات ديال الشعر خداهم ليها بالعرارم بنوضوات تيبرو وعراض ولا رقاق بالعقيق ولا بالحجر مع لي بوكل ديالهم وبزاف ديال البيرياات باللوان باردين او غامقين .تيعجبو يلعب ليها بشعرها ويجمعو ليها هاد المدة لي غبرات عليه فيها رجع حنين ديال بنت عندنها عامين ..هو تيشري لي باينين واليكسي الحاجة الغابرة وتتفنن فيهم ليها ولشهلة اما شهلة لي نساتها ماهزاتهاش معاها خداتها روايح ماكياج خاصة في هاد الاونة اللاخيرة ولات تلاها في راسها بالماكياج عملت طوطواج ديل القرش بنفس الشكل لسنسلة لي عطاها بكر في الفرقة نتاع صدرها مع حروف سميتها على شكل خيط سنارة بالكراشة ديالو اما دنيال حماق وسعر يله تهنى منها حت رجعت ليه ……رجعو اللاطيل محملين مجملين تيقيسو الحوايج ويسوطو الروايح ويماكيو هي وماماها وبابها تيشوف في بنتو ويصلي على النبي في سرو ..حت سلاو وخرجو تعشاو وكملو السهرة تيساري فيها ويوريها المغرب شحال زوين داها البلايص لي تيعجبوها لي فيهم لونبيونس والحركة كتيرة خلاها غ حالة فمها وتضحك … رجعها بزز باش ينعسو ويشدو طريق لفيرمة….

فاقو الصباح جمعو الحوايج ..لبست شهلة سروال دجين بتقاطع عبى شكل بونطاكور وتجاكيطة ديال دجين قصيرة تحتها بودي ديال الخيط عريض طايح من الكتاف مهوزو بخوايطات مع كونفيرسا بحروف لاتنية في لويناات طالعة حت فاتت الكعبة على راسا طقية كبيرة وعريضة متنية ..في السومو..رشات ريحتها وزادها بابها تيسوط عليها فرحان ببنتو .نلزو شدو طريق سيدي سليمان ومن تما لفيرمة غ بدات تبان لحاج وبدات الخلعة تتركب فيه من صباع رجليه عكس شهلة لي تتدور في عينيها وتتسول ماماها واش هادي هي دار بكر ولا حنا جاين بلاصة اخرة ..جاوبتها اليكسي بالايجاب بلا ماتحل فمها شعورها من شعور راجلها …طاكسي تيقرب وقلب بوشتة باغي يخرج من بلاصتو ..حل عليهم العساس ..زادو تيشوفو في بعضياتهم حت دانيال تيشوف في باه وفي اللاخير هضر

_ لالاسف ابابا ماكانش عليك تجيبها لهنا

…وصلو الباب وهي تفاجا بالتغير لي وقع نزلت تتعلي راسها في الحيوطة وشكلهم .الجو ليوما مشمس والسما فيها غيوم لكن عقيمة… كان الباب الكبير محلول على مصرعيه دخلت بعيون الدهشة تتدور عينيها كلشي تبدل باحة كبيرة بارضية حجرية عبى شكل مربعات وملسة فازكة من شتا ديال ليل .. دارت عند بابها بغات تسولو واش دار بكر حت شافت هنية جايا من بعيد من جيهة الجردة بقات تتشوف فيها حت تااكدت وهي تقول بصوت عالي واديها على فمها

_ هوووووني .. مشات تتجري عندها ولاخرة مصدومة ماتوقعتش تشوفها بالمرة… تلاحت عليها بتعنيقة ولاخرى مدهشرة وتشوف هنا ولهيه واش تتحلم ولا مضروبة بشمس قوية لراس .. بعدتها منها شهلة وبقات شادة ليها في كتافها وتتقول بضحكة زوينة مع سنينات شادين في بعضياتهم

_هوووني ..يس هوووني.. لاخرة مسعوقة …رجعت عنقتها تتحرك فيها وتقول

_ ماعقلتيش عليا نوووو هوووني نوووو .. قرب منهم الحاج ومرتو في اديهم الشوانط قال كلمة بصوت ظاحك

_ وهنية ت زغرتي ..ظحكت المسكينة…تحل باب دار كانت سميرة هازة ولدها هبطت تشوف شكون جا ماعرفتهاش…عنقت هنية جنب وداتها معاها .. شافت في المراة مدت ايدها ليها وقالت

_ انا شهلة ..سلمات عليها المراة وشبهتها لدراري خاصة حنين…واخيرا نطقت هنية وقالت

_ مرات المقدم لولا .

.تجمع فم سميرة وضربت عليه بايدها… فااتتهم شهلة وعيونها على المكان لي تبدل ولا تحفة فنية حالة فمها وايدها على الحيوط تتسارا وتلمس في الحجر ناعم وبراق هنية تابعاها وتولول وضرب في حنوكها ..وتقول

_ويلي حطت ايدها هنا وهنا ويلي وهنا ولهيه صفارت وخضارات صوت حنين تمسع ببكاء لفوق هزات شهلة راسها وقالت صوت ديال؟؟ نطقت سميرة

_ حنين . ظحكت شهلة بوطلعت تتجري تتحل في البيوتة تابعةالصوت حت لقاتها في بيتهم مع خوتها وهي لي فايقة جالسة الارض تتحك في عينيها وتتبكي .. مشات عندها وكلشي تبعها حت اليكسي والحاج .. بقات تتشوف فيها ولاخرى سكتت تتدور عينيها فيهم كاملين حت بدات تغبن ومدات ايديها لسميرة وهي تهزها شهلة وعنقتها وباستها تلفت عند ماماها وقالت

_ يس هي تتضحك.. مدتها لسميرة ومشات عند دراري باست واحد بواحد.هبطات سميرة مع هنية تيقلبو على المعطي ويسولو على بكر فين هو من صباح وهو غابر….لقاو المعطي وتعاودت ليه الحكاية ضرب راسو وفخاضو وجلس مقرد عند الباب مسني بكر يجي …شافو الحاج من لفوق وحس باحساس غريب وهبط جمعهم كاملين وقال

_ المعطي هز سميرة وامينة وولادهم ومعاكم حت الطيبات .ديهم لمدينة هاك المعطي. شري ليهم ليي عجبهم ولا عرفتي شنو..هاك نت شدي نت شدي نت…. عطاهم الفلوس وخرجو بالزربة تيتغامزو مع بعضياتهم هنية والمعطي لي عارفين شنو كاين خرجو العلايات والحاج تيشوف فيهم حت وصلو الباب الكبير التاني وهو يعيط على المعطي

_ شوف ماتهضر مع المقدم ماتقول ليه شكون عندك في الدار يجي ونفاريوها انا وياه حبيا فهمتي الى كانو الناس ماغاديش يرضى ونت عارف اشنو دار من قبل…كانت هنية معاه وقالت

_ والله يهضر حت نتولاه انا كون هاني اسي لحاج… ركبو في كيبوب مع ابراهيم لي تيسول علاش خواو الدار وحت واحد ماجاوبو كلشي كمش فمو ومربع اديه….داز النهار وشهلة تتسارا في الدار كلها .حت ادن العصر ..الحاج في اخر طبقة في الدار تيطل من السرجم وحاضي الطريق حت بانت ليه طموبيلة بكر جيب ورنجلير الفضية دات الفخامة والقوة بحال ملاها…تنهد الحاج وقال

_ ليوم تبان ليا بنتي في الكوفر ورجليها مدلين… بقا واقف تيشوف فيه حت قرب… خرج من البيت ومشا تيقلب على شهلة…. قلب البيوتة تيعيط.. اليكسي مع الدراري جمعتهم بتلاتة عنقتهم ..سمعت سميتها بغات تخرج من البيت تمشي عند بابها حت تيبان ليها بكر من سرجم داخل مع الباب هاز في ايدو سرج ديال الجلد تيفلي فيه باغي يزينو بشي لعبة من النحاس.. ..انتابه لانعدام الحركة والضجيج لموالف لكن ماتوقعش تكون دارخاوية…داخل مع الباب وعينو على السرج مشا لبيت الكبير لي فيه النحاس يله حط رجلو في درجة البيت .حت تيسمع صوت ماغريبش عليه . تلفت في دهول لصوت لي سمع حت جات العين في العين قالت بضحكات عالية ديالها الخاص فيها

_ بكر بكر ..ظحكاات ومشات تتجري عندو من صدمتو وقفت ليه عنقرتو معنجة وعينيه خرجو بلا حركة ..دار دورة كاملة مامتيقش شكون تيشوف قدامو حت ضرباتها ليه بتعنيقة كرزات ليه اديه مع جسمو وتعلات معلقة فيه باستو من خدو ..ماجا يتااكد ان لي عنقتو وباستو هي شهلة حت رجعت طبعت قبلة على الخد لاخر .

عقلو مرفوع…تعابرو وجهو تمحاو لحظة الاستعاب غايبة تساخرت منو تتشوف فيه وتضحك عكسو هو لي تبنج مزال مامتيقش شكون قدامو…دور وجهو تيقلب على شي شخص يلحمو من غيرها ماكينش.. ظحكها بتصرفو ورجعت ضربتو بونية لصدرو وقالت

_ هاااااي صديق ..بقا تيشوف فيها وبداو مملامحو يتبدلو بشوية حت ولى وجهو مسطتيل وبان شيطانو وجنو مع مدت اديها لصغار لوجهو مع لاح السرج وشد في اديها بجوج لايحا الارض حت تقصحت..كان الحاج واليكسي مخبين غ تيسمعو وهما يجي يجرو وهي تتحاول تنوض… هبط عندها بكر وشدها من شعرها موقفها بيه وبها تيغوت عليه

_ طلقها الحمار طلقها وهو جارها من شعرها مخرجها مع الباب …شدات باديها بجوج اديها ودكت رجليها في الارض جاه الحاج شدو من الايد لخرى حت وقفت واديه ماتو مع شعرها وكلام قبيح غادي يخرجو مع فمو

_ اش بغيتي عندي*** خرجي بحالك سيري *** الله ينعل **** بوك ابنت***** بالغوات مخرجها وهي غ سمعت الهضرة فكرتها في كلام خلاتها وجنت وسعرت ودارت دورة كاملة حت تسلتت ايدو من شعرها ورجعت لو تتحلف عليه وهو كي التور ماشدو حد جايها تيجري وهي تتجري ماعرفة فين دخل حت وصلت البيت لي كان ناوي يدخل ليه …دخلت وهزات حسكة ديال النحاس مع الدخلة شيرت عليه بيها طاكاها بايدو حت ضرتو وهزات بلاطو لاحتو ليه وهو جايها مغدد … تلفت شاف باها باغي يدخل وهو يدفعو وسد الباب بعراض من لداخل ديال النحاس حت هو ..مع تلفت جاه تمتال ديال الغزال لوجه حت قسمت ليه حاجبو ولا تيقطر بالدم ..تخلعت وشدات في فمها وهو جايها تيجري وهي تتدور وتغوت وباها تيغوت برة ويضرب في الباب… .حت شدها من ايدها لولاها ليها

_شنو جيتي ديري عندي ابنت* **** . باها من برة والله حت نشعل فيك العافية لقستيها والله حت نحرك لضربتيها ….خافت منو ومن عينيه الحمرين وجهو لي عامر دم ..ماقدت ضربو بكوعها يرجعها ليها ماقدت تهضر…وهو عينيه فالتين منها ليه تيقلب على باش يضربها لراس ..هز واحد ديكور ايد واقفة بدراعها مع غادي ينزلها عليها مع قالت

_ جيت نشوف ولادي بغيت نشوف ولادي بعد مني بعد مني بغيت نشوف حنين بعد مني بعد مني بعد مني …باها محيح

_ والله حت نجيب ليك البوليس.. دراري تيغوتو بتلاتة جابتهم اليكسي حطتهم وسط الدار غ سمعو الغوات وحماوها حت هما..دفعها حت طاحت على طابلة كبيرة على حنكها وزراق وقفت تتشوف فيه بلا دموع مغززة عليه عيرها وسبها بحال خلاتها وهادي لي ماتتحملش .

_ انا اشرف من مك. وضربو بطرف ديال النحاس على شكل ورقة الشجر .. وهو غ جبدت ليه مو زاد سعر ولي قدامو تتلاح والحاج برى

_ الا شهلة لا تجبديش ليه مو سبيه هو وضربيه هو اليكسي تتسكت فيه وهو تيشوف فيها ويتحلف على لي لداخل …

_ مي ماتجبديهاش على فمك يا للحمارة

_ نت حمار لي قالها ليها ترجعها ليه والحاج برة

_ هاهي دخلت لقلب دارك يله شعل في دين مها العافية حت هي وريبها الجاهل ..غ تسمع شهلة باها شنو قال وهي تجمع الاحدات وقالت

_ بدلتي الدار على قبلي؟؟..

_ على قبل ريحتك ..شد في نيفو سادو… ظحكت بلؤم وقالت

_ اووووف ودابا بدل هدا هزات واحد ديكو لاحتو وححطت ايدها على لاخر دفعتو جا الارض .. تتضحك بحال المجنونة مفقوسة دارت عليهم كاملين شدات فيهم وفي الاخير ربعت ايدها وقالت

_ بستك وعنقتك يله دابا موووت الهيوان ضربتني في راسي اااي .. بغضب قال

_ خرجي .لاح لي في ايدو ضرب بيه الارض حت تسمعت بووم ولي جات عند ليدو تضرب وتهرس وهي تتدور وتجري وتقول

_ ماانخرجش ماغاداش نمشي من هنا وموووت نت ..حل الباب ومشا تيجري ليها شدها من ايدها جارها وراه وباها شادها من ايدها لخرى والكسي تتغوت

_ طلقوليا بنتي غدا تقسموها ليا . خاف عليها الحاج وطلقها ولاخر جارها وهي تتعض فيه ماحسش بيها حت لاحها برة ورجع لباها حت هو دفعو برة وقفو عند الباب بقات اليكسي عند الدراري تتسكت فيهم وهما غواتهم لسما وقف تيسوط ك التور حما عليه جسمو وتعرق جبينو وتغزززو سنانو تيهضر وايدو تتشير في السما لاليكسيي

_ نت لي لي مزيانة في هاد الناس غدا تهزي مسائلك ومسائلهم وغادي تمشو بطيبة خاطر… كيفاش حت حل الحاج الباب ووقف عليه هو وشهلة وقال

_او ولاد بنتي معانا ..دار عندو بكر وعنقرتو تتكيط وتزيت ومن تحت سنيه قال

_ عاود اش ققلتي الضريف ؟؟

_ كيف سمعتي الخريف ..

_ والله لاتبعوك ..جاوبو الااخر ببرود

_ والله لمشينا من هنا …. لاح مونطوه وشد في راسو :: ياك بغيتي غ الضد انا مولاه ياتعطيني ولاد بنتي يانجلسو كاملين هنا اش بان ليك

_ نت مريض

_ عندي الطونسيو والسكر ومريض بحب هاد الدراري ..عند بالك كنت نكدب عليك فاش قلت ليك بنتي مريضة بالاكتاب مابعد الولادة وبسبابو بعدت عليهم . هاهي برات ورجعت ليهم عندك ماتقول …بغيض قال

_ سيرو ت***** لا

_ اوى طلقها اش كاتساين؟؟

هي لولا

_ اوى قول لقاضي بغيت الحضانة الله ياولد عيسى حت نخليك تابعهم لسويد ومخير في عودك سرجو وركب عليه

_ بغيتي المحاكيم ياك الحاج..تينهح ويهضر مفقوص ومقهور شدو من ايدو لي ضراه ولواها الحاج هادا

_ مابغيت والو منك بغيت ولاد بنتي فقط

_ والله لا ديتيهم وخا يبقا عرق واحد فيا

وقف تيطلع النفس ويهبطعا بصعوبة ماتيقش شنو طرا باغي يمحي من بالو وجودها ولكن كاينة حاضرة….دازت من وراه قشعها في واحد الزاجة فيها اية قرانية معلقة في الحيط .وهو يدور بالخف عندها زربت تتجري عند مها وجلست على ركاببها مرجعة رجليها لور ..بحال كيف تتدير حنين وكريم الا حليم لي تيرجع غ رجل وحدة ولاخرى تيسرحها وقالت

_ هنين..تتعكل ليها بعد المرات الحاء فاش تتكون متوترة ..شافت في بكر وقالت

_ فين حليم وفين كريم ؟؟ بقا تيشوف فيها بغرابة يله كانت بيناتهم شاعلة .ماجاوبهاش..اصلا ماستوعبش حضورها عصبتو رجليه مابقاوش قادرين يهزوه مشا لواحد الدرجة وجلس مقابل معاهم حمقوه وعصبوه ونساو شنو طرا في تانية وجلسو مجمعين على اسماءهم اليكسي تتقول

_ ها هليم ماتتخرش ليها الحاء حت تتسطى تتخلي الحاج يضحك عليها وضربو بشوية لكتفو : وها كريم .دغيا فلاتهم شهلة وعرفت باش تيميزهم بكر وقالت

_ كريم عندو في دقنو شامة بحال ديالي شوفي اماما مدت ليها دقنها ولاخرى كانت ناسية هاد القضية وقالت:

_ يس اوفكورس….بقات تتقلب فيهم وهما متعجبين منها وخايفين منها وفينما شدت فيهم تيهربو منها اديهم ..دارت عند بكر وقالت

_ كاملين تيتشابهو ماكينش الفرق ابدا حت حنين تتشبه ليهم واش ماكدين انها بنوتة . قالتها وهي تتظحك ..بغضب وعلى نفس الوجه لي تكمش وخسر قال

_ جمعي فمك ..

_ غ بغيت نعرف

_ اوى كون بغيتي تعرفي كون .. جمع لسانو وناض طلع لبيتو ..تيدور فيه ويمسح على وجهو ماحسش بالضربة جلس على طرف النموسية تيفكر رجلو تتحرك بتوتر ..وايديه تيترعدو ..مابقا عارف مايدير غلبوه في هادي وماعندوش الحق يمنعهم من شوفتهم ولا حت العيش معاهم والى وقفت ليه هي بين ولادو هي لي رابحة..حس بالضيق في صدرو وغمة كحلة طلعتو كحال البيت وخيم الضلام ماسمع تلفونو لي تيصوني ماسمع عياط عليه حت طلت عليه هنية تتسول عليه هي والمعطي وقفو مساكن عند الباب تيشوفو فيه وهو عينيه حمرين ونيفو حمر . حس بالخوف لياخدو ليه ولادو بالقانون والقانون في صفهم الا لتبتت عليها تهمة صحيحة وهي الخيانة فكر فيها لي لحظة هز عينو تيشوف في هنية والمعطي هما لي كانو حاضرين لمسرحية داك العام لكن هاد الجوج حاسين بفقد الاهل والاولاد خاصة هنية تحرمات من طعم اللامومة والمعطي من الولدين..يطلع بكر حت لسما ماغاديش يشهدو ليه ويفرقو الدراري على مهم هنية كسبت حب شهلة وماعرفش انا شهلة حطت نقطة حليب بيضة في قلب هنية لي بغات تحس انها كاينة في هاد الدنيا ومن عند بنت تمنات تكون عندهابنت قدها ولا كبر منها ….شاف فيهم وتنهد وقال

_ علاش جيتو ؟؟ نطق المعطي وقال

_ مناش خايف شحال هادي ربي بغاك تهنى منو ..كملت هنية على كلامها وقالت:

_ وحياة البنت مرهونة بمها وخا تجيب الف والفين راه محنة الام ماكيناش عند شي وحدة اخرى والمراة لحنت وعزت تتعز ولد كرشها نت كبير في عقلك خلي المراة على كتافك وولادها معاك ومعاها

_ هنية سيري تصبحي على خير دارت عطاتو بالظهر وجرات وراها المعطي ..هابطين مع الدروج تللاقاو شهلة طالعة وهي ضحك معاها هنية ولاخرى ظحكت معاها وصيفطت ليها بيزو في السما ..تبعت سميرة واميمة لي تيرضعو في الدراري شادين جوج والتالت تيتسنى نوبتو غ شافتهم في داك الوضع وهي تشهق

_ شنووو تديرو؟؟؟؟

…هز حليم راسو من صدر سميرة وتلفت ليها تيطل عليها شافو العيلات في بعضياتهم ….وصلت عندهم …هزات مخدة من واحد السرير كل مرة شكون تينعس فيه واغلبية تينعس فيه بكر فاش تيكونو ولادو مراض وتيقابلهم…. حطتها الارض وجلست وسطهم ..قريبة منهم بجوج كريم تيلعب في الارض بلعب ملونة ..مرة يحطها في فمو مرة يلوحها ويرجع يهزها.. ..ظحكت امينة وقالت

_ تنرضعوهم الحليب خلاها المقدم الحليب الطبيعي تيكبر الدراري بخير ماشي بحال ديال الفرماسي تيكبر الدري مكوانسي ….حركات راسها جنب قالبة وجها عند حنين لي تترضع وتزمزر .

_ ماعرفتش

_ وحت انا اخوتي ماعرفناش هادشيي كان زمان شي رضع ولاد شي حيت ماكانش حليب اسطناعي والدراري تيموتو بالجوع دابا ..الخير موجود …ضحكات سميرة وقالت

_ اوى راجلك عقليتو مزال قديمة….كان على برة باغي يدخل عند ولادو حت جات على ودنو راجلك عقيلتو قديمة..ظحكات معاهم .وهما حاضيناها وحاضين عينيها …وهي تتحاول تجمع معاهم

_ كبرو بزاااف.. غ لبارح كانو قديد هكا.. صغرت فرق بين صباعها جوج مع تقويسة عينيها .. قالت امينة

_ اوى العمر تيجري نهار بدينا نرضعو فيهم كانو غ لحيمات فليلسات صغيورين ودابا ماشاء الله عليهم كبرو ولادنا اسميرة…ظحكات وقالت لاخرة

_ عندهم تلات الامهات ….

_ مافهمتش … مدات ايدها لعبة رجعتها ل كريم مع كلمة

_ هاي بيبي …. قالت سميرة تتحسب بصباعها

_ عندهم ماماهم انا وماماهم امينة وماماهم الالة خدوج وماماهم ماماك وماماهم نتي واووو ..سكات تتشوف امينة..

_ امينة. وزيدهم هناء العروسة الجديدة… حت هي غادي تولي ماماهم …وقفات تتكسل وقالت

_ فيا الجوع فين الماكلة ؟؟ ..نطقات امينة

_ ماطيبوش ليوما والو يله اسميرة نشوفو مانقضيو حت انا فيا الجوع ونطيبو لدراري ماياكلو ليل طويل وبارد.. تمات خارجة وهي تعيط عليها سميرة

_ ازوينة اجي هزي في ايدك ولدك .. مزال ماناوينش ينعسو هاد البعالك…تلفتت لكريم لي كان في الارض ومطلع راسو فيهم .. يله بغات تهزو وهو يطلقها بغوتة ورهرب تيحبو خايف .ظكحات وتفكرت دانيال كان تيهرب منها وهي هزاه صحة ودراع ونفس الشي دارتها لكريم وهو تيلعلع ويبغي يتقلب لتحت وهي شاداها مهبطاه مع دروج …شد ليها في شعرها تيجر وينتف وهي تتضحك الدار كبيرة تتسمع ….حت بداو يتجمعو عليها وهي وسط الدار شاداه صحة قربات منها هنية واليكسي …والحاج وسميرة معلق فيها حليم وامينة حنين..وكريم عندها عقلو باغي يخرج وهي تتقول

_ نااااري تيغوت باطل انا ماضربتوش وماقستوش كاع وهو تيغوت .. تتظحك وشوفو هو لي تينتف ليا شعاري وتيغوت من لفوق باز على برهوش ظحكتاتها لسما ..بكر حاضي الكل من الفوق تيطل عليهم وسنيه قشرو شنايفو… وهما مخلينها مع ولدها وتيضحكو حت عصبو بكر ونطق من بلاصتو بصوتو الخشن خلا كلشي يجمع كتافو

_ تشطحي في القرودة تما الولد باغي يخرج ليه عقلو ونت تتظحكي….هابط غ بتقاشر في رجليه.. مشا شدو من عندها ولاخر ضرب طم تينخصص ويشهق جاتو الفواقة راسو في عنق باه ..: باز الوجاهكم اسيادي .. كون كان ولدك اسميرة كون شديتيه من عندها ..حمارت المسكينة وهو ينطق الحاج

_ البكا تيكبر الصدر وزايدون غ بوحاطي حت هو وجايب علينا البخ مالو ضربتو بماسوطة هاي هاي على مغنان ..مشا بيه بكير لصالة فين تيلعب معاهم اغلب الوقت .. تبعوه العيلات ولادو حطهم حداه وتكا على ظهرو مخليهم يلعبو وتيتجراو ..طاب العشا وتحط تجمعو عليه الا هو لي مابغاش..طاحت فيه شهلة عمية هي والحاج اما ماتبقى شدو اديهم عندهم حت سلاو وتجمعت الطبلة وكل واحد تخشى في بيتو وساد الصمت في الدار حت في الصالة لي فيها هو نعسو عليه الدراري بتلاتة طال جلستو على نفس الهيئة ..عينيه في السقف وعقلو مع الوضع الي تهز هزا وحدة لسما ..حت كسر السكون لي فيه راسها لي طل بشعكاكتو من الباب ..هز راسو طل بيه على الزائر وهي ظحك معاه واديها تتقول

_ هاي

يتبع