أي مدينة صغيرة كتكون بحال شي سبوورة كولشي كيتكب فيها ومكيتمحااش للي مشات عليه شي حاجة كتبقى لاسقة فيه فحيااتو ومماتو.. للي حزق شي حزقة كولشي كتكون فرااسو قبل حتى متكون فراس مول الفعلة.. اما لبااطل بحال بطااطا غير جييب يا فم ولسق فلبشرية يعني غير ديرها زويينة وطلب السلااامة.. شي حاضي شي وقليييل للي قاضي الغرااض…
فوسط لمدينة كاينة عائلة محاافضة فدار كبيرة السفلي فيه 3 ديال لكراجات كبااار كل كرااج فيه جوج ديال لهوت مشاركين وب 3 بيهم ديبواات للسلعة الطبقة اللولة متكونة من أب وأم بنت وجوج دراري وفوق منهم أب وأم بنت و3 ديال دراري والطبقة التالتة الجد ومرات الجد و4 ديال دراري اما لبنات كاين 3 مزوجين..
الطبقة الاولى كاينة بنت عاد دخلات فالعشرينياات جالسة وقنطاانة كارهة حيااتها بكترة الملل للي كتعييشو..
أمال: (جالسة فوق كرسيها للي كيخلي ليها مؤخرتها منملة ودايرة على خدها يدها واليد التانية كتنقي بيها العدس بملل تحايد حجرة وعشرة كتخليهم) مامااا ريحة الحووت
نعيمة: هادي متكون غير مرت عمك للي مطيبااه
أمال: (مشهياااه) الله على روييحة نقولها اماما تعطيني حوتة
نعيمة: (خنزرت فيها وبزقت عليها) تفوو على جيعااتة مكاينش للي غطيح الدل على بااك قدك عقلك غير فكرشك
أمال: (خيبت وجهها بصوت منخاافض) ومكاينش للي غيقتلني بهاد العقلية قدكم
نعيمة: (خرجت عينها) وزايداها بردان الهضرة
أمال: ومااما راه انا كنبغي لحووت الا نتوما مكتاكلوهش انا شنو ذنبي جيبولي غير نص كيلو سردين نقلييه ونشبع ونتوما ديرو غدااكم مرة وحدة فشهر شنو فيييها (شداها لبكية)
نعيمة: ياااااك وخووتك للي مكيبغيوش ريحتو دوور فالداار نطردهم باش نتي يعجبك الحال
أمال: واش هوما ولادكم وانا ساعييني (وقفات تخرج من لكوزينة قبل متبدا مها بنفس الاسطواانة ديالها ومشات كتسلت فدرووج وكتعيط) شيماااء شيمااااء وااااا زمرة شيماااااء (بعد تردد كبييير دفعات لباب للي كان غير مردود وطلات بروييسها قدات شاالها مزياان تحسبا الا كانو فهاد الوقت ولاد عمها حمحماات والو مكاين مجييب لكوزينة كانت قرييبة لباب دخلات نيشان ليها مكاين حتى وااحد لا شيماء لا مرت عمها شافت فطبسيل السردين للي مستف فوق ربيع وفوقو حامض مقطع وطباسل شلايض حداه ريووكها وصلو الارض للي كتبري مفكرااتش جوج مراات مشات هزت ميكة كانت محطوطة فوق لبوكاجي ودارت لحوت فيه كاامل وخبعت لميكة بشالها للي نازل على كتافها وخرجت مكتلفتش حيت تفكيرها غير فداك الحووت طلعات كتجري لسطح لقاتو محلول فرحت ودخلت نيشان لبيت الصابون وسدت لباب من موراها.. جلست كتنهج جبدت ديك لميكة لقات نصو تفرتت وشي مخلط مع ربييع جلست كتقصي ممسوقااش لشنو غيوقع كلات حتى شبعت ومقدرااتش تكمل ديك جوج كيلو بووحدها وقفت ومشات لمزهريات لكبار للي تمااك عمرات الحجر مع الحوت للي باقي فلميكة وقفات على لكرسي وراسها مزال موصل باش تعرف فين غتلوحو علات يديها وبقاات كتلوي لميييكة عاد صيفطااتها بعييدة من مور الداار لأبعد نقطة متأكدة غتجي فشي سطح ولكن مسوقهاش فين مهم تغبر اثاار الجرييمة نفضت حواجيها وربيع للي بقالها مضغاتو بحال شي بقرة وبزقااتو فلبابو عاد سوكت بلحاامض باش تغبر ريحة الحوت منها وهبطاات لدارهم كتسلت قبل ميجي بااها مشات لبيتها غسلات فمها بسينياال وكلات نصو هبطاتو لقرجوطتها باش تقضي على الريحة فمرة حتى سمعت مرت عمها داخلة كتنكر عند نعييمة قلبها بغا يسكت بلخلعة جا فبالها نيشان شاافوها)
نعيمة: فتيحة نعلي الشيطان راه يكون دايز راجلي ولا خوه يسمع صوتك علا بحال هاكا ينوض صدااع
فتيحة: ورااه خاصو يسمع شحال من رااجل هنا فالدار وفالتالي نتشفر من قلب دااري وبزااااف
نعيمة: (تخلعت) أحااااااي!! شنو تشفر لييك!!!
فتيحة: اودي للي قلتهالو يظحك علية وحتى متكونش هادي دار ضياافة والكرم ولكن لواحد يطلب وتعطاالو بلخااطر بففف تشفرلي السردين للي قلييت
نعيمة: هاااء لاه الشفاار خلا كار رزق للي عندك فدارك ومشفرليك غير السردين؟؟ ياكما غير شي واحد من لولاد هبطو معاه للمحل
فتيحة: لا لا انا ولادي كيعلمووني منين كيبغيو ياخدو شي حااجة بففف بقات فية غير بنتي للي شحال وهي تشها فييه
نعيمة: معرفت هادشي اختي راه عجب
فتيحة: عجب وسكتي راه فضييحة
فتيحة: اوا خاافي على رااسك ليوم سردين وغدا الله يستر يدوز ينح* شي واحد فيكم علمي سي مصطفى ولولااد
فتيحة: داكشي نيت كنتسنااهم يطلعو (بتنهيدة) ونمشييي يانا راه خليت بنتي بوحدها كتبكي فيين أماال؟
نعيمة: راها فبيتها
فتيحة: حيت سمعتها بحال قبيلة كانت كتعيط من دروج كنت كنحك لشيماء ظهرها فلحماام منين خرجت ملقيتهاش
نعيمة: لا لا بنتي مخرجاتش راكي عارفا هاد لوقيتة كيكونو فيها لمعزر مكطلعش
فتيحة: ااييه اوا مزيان حتى الليل ونطلعو نتبردو شوية فسطح
نعيمة: وسيري فكي حريرتك مع الشفاار عاد فكري فسطح هههه صفاات حتى الشفاارة مبقااوش بقييمتهم منين ولاو يهزو غير طباسل السردين ويهربو
نعيمة: اودي خلا الطبسيل دا غير السردين الله يوحلييه فركاابيه يا ربي خلا شيمااء بغات طيح بعظاامها الله يلكييها ليه كحلة زحلة
أمال: (كتصنت من بيتها وخيبت وجهها منين سمعات مرت عمها كتدعي) لباس علية لباس علية حتى السردين كيدعيو فيه الناس تفوو على قبيلة ديال الجووع… (حيدت شاالها وشافت فلمراايا شعرها للي رطب ولكن الزغبة مرولية شوية بقات كتحك فروة شعرها من لقداام) خاصني شي حنينية تازية عاود من دوك للي كدير مرت عمي لشيماء باش يرجع يبري شوية.. أحااااي ونحاايد هاد لفولار نرجع انا هي ابكص وحدة (بقات كدير حركات بوجهها قدام لمراية ها هي كتبسم كظحك كتغمز كتبووس صافي قضا علية القنط وقربات تبقى تهضر بوحدها حيدت من حدا لمرايا وجلست فوق سداريها كتشوف بعويناتها للي رجع فيهم الحزن معندها لا تيليفون لا بيسي بحال خوتها دراري.. ممنوع عليها الخرووج كتخرج مرة او جوج دلمرات فلعام وغير الا كانت شي ضرووري عمرها لبسات كيف بغات ولا كلات للي بغات حتى منين كتشهى سقااطة ممنوعة حيت غدارلها السوووسة وتمرض بالسكر وداك الخزعبلات للي كتفتي عليها ماماها كانت اول مرة يبغيولها دير شي حاجة فحياتها هي باك حر للي دوزااتو هي وشيماء ونجحو فييه وماشي حبا فيها خلاوه ديرو غي حيت شيماء رغبات بااها وخوتها بغاولها ومرضااوش يمنعو أمال للي 4 سنين وهي كترغبهم ديرو جات مها حلات لباب)
نعيمة: أمال رواحي تغدااي
أمال: (مgهومة) مفياااش
نعيمة: زيدي براااكة من لبساالة تجلسي مع بااك وخووتك فالطبلة ولا تبغي انا للي نتسخر علييهم.. (خنزرت فيها) ياله نووضي وجمعي علية ديك الشعكاكة (امال ففمها بزاف دلكلام ولكن الا مشات حتى خرجاتو فالليل ياكلو عليها كسكسو لبسات شالها للي خانقها حتى فالدار وواخا غير قدام باها وخوتها خااصها دييرو.. ناضت كتحط مع مها المرقة وشلايض وجلسات فالسداري حدا مها متبعة خوتها لبغاال للي حتى واحد ممسوقلها ولا يسول على أحوالها همهم غير لماكلة والظحك مع بعضيااتهم اما هي منفية جالسة كدعي وتخنزر فيهم حتى نطق وااحد)
محمد: اسبحاان الله اشرييفة
أمال: (تفافااات) هاااا
علي: ها هو هييي ياودي يا ودي على للي نجحات فلبااك
أمال: (فنفسها واااش جاب لبااك البغل لكلام)
الاب(احمد): هنييونا خليونا نااكلو
أمال: احم بابا بغيت نطلب منك طلب (قرسااتها مها حتى دمعو عينها باش متغوتش بقات كتحك فييها وكتشوف باها كيتسناها تهضر) بغيت نقرا فلفاااك
محمد: ههههه زيدي حلمي ابنتي
علي: هادشي للي ناقصك
نعييمة: هاد لبنت راه حمقااتني انا بعدا (أما الاب كمل ماكلتو بحال كاع مسمعها شنو كتقول بقاو كيتمسخرو عليها حتى ناضت كتبكي كما العادة ومشات لبيتها كتحلف فييهم وتبكي… منين كملو هبطو يكملو شغلهم وعيطات ليها مها تغسل لماعن غسلاتهم وهي كتفكر.. غير كملات مها دخلات تقيل شوية وهي مشات لبيت كل واحد من درااري عارفة فلوسهم فين مخبين وحيت لبانكا حراام كيحطو رزقهم كاامل فالدار وحتى فلوس السلعة وربح… من كل رزمة كتهز 200 درهم جمعات رزييمة وخرجات لبيتها على ريوس صبااعها وخبعااتهم فين مخبية لفوس لوااالة للي سارقة من عند بااها وخوتها) حتى انا عندي الحق فهاد لفلوووس كلااب شحال مكنحملكش الله يغبر ليكم شقف تفوووو…
شيماء: (كانت غضبانة مبغاتش تخرج تغدا مع باها حتى سمعات لاب توب للي فوسط الدار كيصوني عرفاات شكون كيصوني.. خرجات بشعرها مشعكك وجلسات قدام لبسي وكليكات على أوكي) خوويا
وليد: (شاف عينيها حوومر) شبييييك؟؟
شيماء: تشفرنا
وليد: (تصدم) كفااش!! شنو تشفر؟؟ وفين ميي وبا وخووتي؟؟
ادم: (ضربها على راسها بشوية وشاف فخووه) معرفت شكون هاد لمرضي للي دخل شفر لينا السردين من الدار وهرب
شيماء: اليوم السردين وغدا معرفت شنو يشفرو
ادم: ابربي متكوني غير نتي للي شافرااه وجالسة تهرنني علينا تgعدي من هنا خليني نهضر مع وليد ونعاود نشوفك جالسة هنا بوحدك نتفاهم معااك
شيمااء: (ناضت كتنكر ووليد كيعيط ليها)
وليد: شيماااااء شيمااء.. صاحبي 100 مرة كنgوولك متعااودش تقمعها هاكا
ادم: يااك ونخليها ضسر علية نتا راك معرفهااش gدي مهم خليينا بغييتك تصيفط لية ديك لعييبة مع السخرة
وليد: (ظحك) هههه مقاادش على زوااج متنووضش تزوج (ضرب فيد صااحبو للي حداه)
ادم: (مرضاش) وهنيينا ماشي غير مشييت لبرا غتبقى تفهم وتعييق علينا
وليد: حااشا سي ادم واش نفهم علييك.. مهم انا غنصيفط ليك لعييبة غتكون بومادا فلحكل سلخ حتى يرجع قدك فالطوول وارا برع مع لمداام هه
ادم: احم هنينا راه كولشي كيسمع
وليد: ياله سير فحاالك نمشي للخدمة زهير راه سبقني وخاص نمشيو بجوج… (قطع معاه ومشا جلس حدا بااه ونبيل ومو عاد لحقاات شيمااء وجلسات معاهم كياكلو الديسير ومها كتنقي ليها البتيخ التفاح وتعطيها)
شيماء: (كتنغز مها تهضر) وااا ماما واا هضري
فتيحة: احم كييييشتي اسي مصطفى شيماء ها هية خداات لبااك تبارك الله علاش متكملش قراايتها فالجامعة؟؟
ادم: وعلاش هنا كاين شي الجامعة؟
مصطفى: لا.. الجامعة كاين فلمديينة وهي مغتقدش على لمديينة
نبيل: مفهمتش انا علاش بااغا تقرااي ونتي اخرك فداار راجلك
شيمااء: ناخد غير الاجاازة بحاال خويا وليد والله منعاود نقولكم على شي قرايا
ادم: هي منوياش تزوجي باا راه الا صيفطتيها غادي غير تفلس كتر من هاكا ومغيقبل عليها حد زيد رجال مكيبغيوش لمرا تكون قاارية
فتيحة: علاش اولدي كتقول هاكا انا راه قاارية وباك بغاني حيت لقاني فاهمة وواعية وانا للي كتت شاظة ليه لحساب قبل متكبرو وتشدو بلايصكم معااه
مصطفى: وهي عندك الحق لعلام زييين ولكن تقرا فلمديينة وبووحدها وزيد معدنا حتى العائلة تماااك للي تجلس عندهم لا لا منصييفطش لبنت بوحدها
شيماء: خاصكم تيقو فية وزايدون ها بنت عمي أمال غتكون معايا
نبيل: (قفز) وعلاش بغالها عمي؟!!
فتيحة: اممم باك غيهضر مع خووه
مصطفى: ونتي ماالك فييها
فتيحة: ونصيفطو بنتنا بووحدها؟؟! وزيد حتى بنت خوك باغا تكمل قراايتها
نبيل: لا (لاح فمو طرف تفاح) خليوها حم راني بغيت نتزوجها معندها مدير بشي قرااية
مصطفى: تزوجها وكان ختك قبلات بولد عمك محمد ماشي حنا منبغيوش وهوما يبغييو
نبيل: اوا حتى دابا تقبل شنو نااقصو ولد عمي خيرنا ميدييه غيرنا والا بقيتو على ريها راه غتفرعن وتخرج gروون..
فتيحة: (كارهة هاد الموضووع) ولدي بعد دمك لا يطلييك خلينا عائلة مزياانة…
نبيل: بفففف حتى انا راني هضرت امال غنتزوجها
مصطفى: ولدي غير نسا عليك بنت عمك شوف غيرها ونمشيو نخطبوهاليك ونديرو عرس واحد مع خووك
نبيل: (خرج كااعي حيت عينو فأمال.. أمال للي قليل فين كيشووفها ولكن معششالو فبالو حيت كيشوفها غتكون مرا ديال زماان ومطيييعة ليه متكلممتهز الراس..)
فتيحة: سي مصطفى شنو قلتو؟؟ الجامعة بقالها غير شهر وكاين الحي الجاامعي ولا دار الطالبة نييت راه مأمنة ومرة مرة غنبقاو نمشيو نزورووهم
مصطفى: خليني نفكر ونهضر مع خوويا باش تمشي بووحدها لا
شيماء: راه حتى أمال بغات تمشي والله
فتيحة: (غمزاتها تسكت) صافي خلي بااك هو للي غيعرف مصلاحتك نوضي جمعي الدار ابنتي باش نعيطو نديرو كاسكرووط مع مرت حنيينك…
~~~~~~~~~~~~~
أمال: (غير سمعات عمها غيهضر مع بااها باش تمشي لفااك متيقااتش ضارت عند مرت عمها وعينيها كيبريو بالفرحة..) واش بالصح اخالتي فتييحة؟؟؟
فتيحة: (تبسمت) وعلاش غنظحكو عليك ابنتي لمرا حتى الا مكانتش خداامة بعدا تكون قاارية تقري وليداتها وتكون عارفة شلا حواايج
نعيمة: (تقرصت حيت هي مقريااش بحال فتيحة) ولواااه انعييمة هاني انا مقرياااش بزااف ولكن فاهمة شحال من حااجة فالدنيا
فتيحة: ولكن نتي قارية بعدا شوية
نعيمة: اوا حتى لبنات راهم قاارين بزااف كااع.. اش يكجدرو بشي جاامعة ويتغربو عليينا حتى لخطاب ميوليوش يجيوهم
فتيحة: اوا لبنات معشوقين يكملو قراايتهم نحرمووهم حنا؟؟ وربي اول كلمة قالنا هي إقرأ براكة غير جلسناهم 4 سنين عاد خليناهم يدوزو لباك
نعيمة: معرفت لهاادشي انا بعدا مقبلاش وبااها مغيبغييش
شيماء: حراام علييك امرت عمي علاش متبغييوش
أمال: عفااك اماما خليوني نمشي نقرا والله مندير شي حااجة خاايبة
شيماء: وحنا غنكونو موانسيين امرت عمي عفااك عفاااك
نعيمة: ابنتي حتى الا بغيت انا باها وخووتها والله ميخليوها تزطم الزطمة فيها والا جاات علية معندها مديير بشي علااام تعلم شغل للي يفييدها وتكنشحتى يجي للي يظيها
فتيحة: (تبسمت كطيب خااطر لبنات) غااايبغيييو وغنشري لبنااتي تيليفونات باش نبقاو نهضرو معااهم وغيقرااو وغيجييبو الاجااازة ومنين يرجعو غيتزوجو ونديرولهم احسن عرس (لبنات تبسمو فرحاانين عكس فنعيمة للي كتميق فبنتها ومتأكدة مغتمشيييش جابت مرت حنينهم كاسكرووط وبقااو مشاركين لحديث مع لويسااتهم للي جااو اما لبنات كيحلمو بنهار للي غيمشييو فييه حتى تقنتو بعييد عليهم)
شيمااء: عرفتي خوويا بغااك لزواج وبسبابو كان بابا مغيبغينيش نمشي وكيقولو (كتعيبو) تزوج محمد.. محمد ولد عمي وخيرنا ميدييه غيرنا
أمال: وياااك والله حتى تعقدي فحيااتك الا تزوجتي بييه
شيماء: حتى انا منبغيلكش نبيل معقد بحال خووك ولكن منكرهش ليك وليد خوويا
أمال: اختي انا باغا داابا غير نتفك من عاد لحبس وزوااج من بعد ونشووفوه
شيماء: انا بعدا مكرهتش نتزوج شي واحد يبعدني من هاد لمديينة ويعيشني قااايدة ويكون قااري وخدام مزياان وزويييين بحال زين تواركة ولا لهنوود
أمال: ههه اودي وكان عندي بحال مك كاع منفكر فشي زوااج
شيمااء: اوا وخووتي راهم بحال خووتك غير ماما للي شادة علية شوية الصهد وبابا كتعرف ليييه أما يحرروها فية بحاالك
اماال: اوا سعدااتك بيها…
~~~~~~~~~~~~~~~
دازت أيااام كان فيهم صرااعات بين يخليو لبنات يقراو ولا يزيدو يمددو ليهم فالحبس مصطفى خاايف على بنتو شيمااء تغرب ومتقدش تجلس بعييدة علليهم اما خووه احمد خاايف من كلام النااس وخاايف بنتو تهبطلو رااسو للأرض وعندو فكرة فبالو لمرا او لبنت بلاصتها فدار رااجلها لا غيير ولكن كاين استثنااء الا خوه صيفط بنتو تقرا فاا غتكون حسن من بنتو وهو كيتناافس مع خووه فكوولشي حاار فشمو يديير ومن جهة اخرى ولييد للي مقطعش الاتصاال لباه وعمو كيقنعهم ليل ونهار باش لبنات يقرااو وعلى ضماانتو…
هاد نهار كان أسعد نهار عند شيماااء وأماال فحيااتهم…
اليوم بكري غيشدو طرييق وغيديوهم للجامعة للي بعيدة عليهم ب 200 كلم او اكثر.. هادشي كان بالنسبة ليييهم حلم مستحيييل ولكن بفضل تدخل وليد للي كولشي كيحتارمو خلا مصطفى باه يبغي وهو قنع خووه احمد للي هو وولادو دارو لعصى فرويضة وعيااو يعكسو أيااام ومصطفى وولييد كيقنعو فييهم وباش قطعو معاهم ممنوع عليهم يخرجو الا للحصص ديالهم وغيكون زياارات سرية باش يخلعووهم ميتحركووش ولا يزييغ عليهم دماااغهم واافقو لبناات بكل فرح واخا أمال كلات لعصى من عند خوتها وباااها للي حسو براسهم تبزز وتفرض عليهم رأيه..
فبيت أمال دخلات مها عندها لقاتها كتكنل جميع حوايجها والابتسامة العرييضة فوجهها محسات وغير مها جبداتها من شعرها حتى طلقاات غوتة
نعيييمة: سكتيييييي حسك منسمعووش يا بنت لحرااام
أمال: (عينيها مدمعييين وشادة فيد مها) وعلاش دابا كضربيني مدرت وااالو والله
نعيمة: درتي يا بنت لحراام درتيييي بقاالك غير الجااامعة يا الشاايطة تمشييلها (كتديها وتجيببها من شعرها) كل مرة.. كل مرة جيتي لهننا ولا جيت انا لعندك غنبقى نقلب والديييك با الخاانزة
أمال: (كتحرك فرااسها وكتبكي) واخا وااخا غير طلقي أماما عفااك (طلقاتها مها ودفعااتها) علاش كدييري هااكا واش كاع مكتيقو فية
نعييمة: متبعاالي فتييحة فريها وانا للي مك جالسة تقاابحي وتخرجي عيينك فية ولكن سمعي والله ويجي شي حد يخطبك هادشي الااااا قبل عليك شي كلب غتجوجي وغتنسااي ديك الجاامعة للي غتخرج علييك وعليينا الله يااخد فييك الحق الله ياااخد فييك الحق ونسمع خبرك ونتهنى قهرتي بااك وقهرتيي خووتك وقتلتييني الله ياتخد فيك الحق للي ولد لبنات عمروو يرتاح ولا يهز الراااس
أمال: (قلبها كيتقطع) صافي نجلس معااكم الا غتقهرو هاكا منمشيييش
نعيمة: (بغات طرشها وهرباتلها) وظحكي فية فتيييحة!!! (دخل احمد عاقدهم) اش هاد صداااع
نعيمة: تاليتي الحبس وهاد لكلبة تردم بترااب
احمد: (شاف فبنتو بقرف) نسمع عليك (بقرن ظفر صبعو) قد هااكا يااا ويييلك وباش يحلقوو رجاال يا حتى *حرك والديييك
أمال: (بخوف) صافي مبغييتش نمشي هئ هئ
احمد: (شاف فنعيمة ومدلها شي فلوس وتيليفون ديال نوكيا قديم وكارت ناسيونال ديالها وتوصيل ديال الجامعة ودياال دار الطالبة الخاص فين غتعيش هي وبنت عمها وخرج.. شافت فيها مها)
نعيمة: بااك عمرو غيرضى علييك وعمرك تشوفي نهار سgد فحيااتك ومن نهار دوزتي داك لباك كرهك وكرهنااك يحساابلك بيك لقرااية نتي باغا تسلgطي
أمال: (دموعها نشفو وغير ساهية حركت راسها باه حتى جاتها طرشة من عند مها)
نعيمة: ممسوقااش لكلامي وكتهزي فرااسك
أمال: (شافت فمها) شنو بغيتي اماما نديير راه بقالي غير نعبدكم باش تبغيوني واخا حتى نكفر ونديرها مغتبغيونييش شنووو نديير
نعيمة: دااارلك يا الجييفة (سمعات فتيحة كتعيط عليها.. لاحت عليها شنو عطاها احمد) تهزي قادي شالك ونشوفك كتبكي قدامهم نقتلك (خرجت وسدات لباب بقات أمال بحال شي جمااد غير كتشوف تنهدت تنهيدة طويلة وناضت كتشوف فلمراايا حنكها للي حماار بقات كظرب الحنك لاخر بحال شي حمقة باش يحماار وتباان غير مزنكة قدات فولارها للي هابط على كتافها حنات للأرض جمعات داكشي فصاكها وشافت فالتيليفون للي زاد تشخشخ دارتو فصاكها وجرات لباليزة خارجة من لبيت للي كتكرهو كانت فتيحة معنقة بنتها للي لابسة مزياان حتى الشاال جاي مرخووف شوية عكسها هي دارت ابتسامة صفرا فوجهها)
فتيحة: باينة كانت كتبكي مسخاااتش بيكم ياااا نعييمة
نعيمة: حتى حنا والله كاع مبغييناها تمشب غير الله يهديها وصاافي
فتيحة: (مشات عند أمال كطيب بخاطرها ولوخرا كتحبس الدمعة متخرجش ليها حتى جاو دراري كيهبطو داك لحواايج هبطو لبنات وامال نسات كولشي وكتشوف فالزنقة كدايرة مضوية واخا كولشي سااد والمحاالات سادين الا جاتها زويييينة راها محروومة من الخرووج… جاو عمامها للي كتشوفهم من فين لفيين سلمو عليها هي وشيماء وضورو معااهم وتفكرات لفلووس للي خبعاات شهقت وطلعات للدار كتجري لبيتها سنين وهي كتشفر ليهم واخا دراري كيشكو ولكن عمرهم شكو فييها كيقولو مهم هزاتهم دكسااتهم فصاكها ونزلات وكان ماشي مجموعين يقتلها باها عصا حيت مكيبغيهاش تلفت الانتبااه قدام ولاد عمها ركبو فصطافيك ديال السلعة وسااك بيهم محمد وجالس حداه مصطفى واحمد ولبنات راكبين اللور وقلبهم كيضرب بالفرحة وهوما كيبعدو على الحبس للي كرهوووه…)
أمال: (بصوت خاافت) كنت غنسى دوك لفلوس للي شحال وانا نجمع فيهم
شيمااء: ههه ياا جدك وكان نسيتيهم وخليتييهم تقلب مك بيتك تشوفهم يخسرو علبك مركووب هه
أمال: ونتي جبتيهم؟؟
شيماء: (هزت كتفها) معلوووم كما تافقنا غير نوصلو نمشيو نحطوهم فبنك
أمال: ولكن البنكة حراام
شيمااء: (خيبت وجهها) لحرام هي لعيشة للي كنا عايشين فيها.. شوفي راه الا بقاو عدنا ولقاو هاد لفلوس كولها غيشكو فيينا اللهم فالبنكة مستوورين واصلا ماما قالتلي فتحي فلوس تماك باش نبقى نصيفط ليك
أمال: (بتنهييدة) عرفتي شحال شبعو فية عصا (بحقد) ولكن مغيتهنااو حتى نديرلهم شي شووهة عاد يقييلوني ولا حتى الا قتلووني غنكون شوهتهم وننوت وأنا بعدا مرتاااااحة
شيمااء: شوفي الدنيا غظحك لينا دابا (بفرحة) واشتا عرفتي 3 سنييييين شنوهووما
أمال: (تبسمت) غنتهنى من الحكرة والقهرة
شيماء: قالي وليد حيت انا وياك معدناش شي مستوى فلقراايا ولا شي لغة دارو لينا علم الاجتمااع هي للي فيها الحفااضة ونزططو راسنا فيها
أمال: أي حاجة المهم غير منبقااوش هنا (درت يدها على فمها شااهقة) ويلي على بنت الهم نسينا راسنا كنهضرو وهوما غيكونو كيسمعو فينا
شيماء: (ضربت الطم حتى بقاو كيهضرو فقنت اخر طريق مبغاتش تساالا ووجدة مزال مقربو لييها محمد كيصوك غير بشوية على حساب بااه وعمو..)
~~~~~~~~~~~~~
وليد: (فاق على صوت صااحبو للي ميخبط عليه لباب باش يفييق لنهار طوييل ديال الخدمة.. فاتح فبلجيكا هو وصاحبو سوبر مارشي صغيير ديال المنتوجات المغربية كيجيب السلعة من عند باه وعمو وكيشريها من عندهم بسلعة ديال بلجيكا وهاكا مدورين الحركة مزيااان… جلس وصونا على مو حيت عارف ختو شادة طريق… صونا على بااه) الوالييد بيخير؟؟ ياكما نااعس؟؟
مصطفى: لا لا فايق مونسيين ههه الحمد الله اولدي ونتا مزيان كدايرة اموورك مع الخدمة؟؟
وليد: الحمد الله الوااليد شيمااء لباس علييها؟؟
مصطفى: الحمد الله راه قربنا نوصلو انا وعمك ومحمد
وليد: اممم سلم علييهم انا من بعد ونصوني علييك على منوصل للخدمة اااه حقا.. شري لشيماء شي تيليفون يكون مزيان باش نبقى نشوفها بحال للي عند خوتي
مصطفى: راه شراتلها مك واحد مزيان نوصلو وتصيفط ليك النمرة
وليد: مزيان وشريلها حتى شي بيسي باش تقرا (شاف فباه سكت) زعما باش متكترش الخرووج وتقول نمشي لسيبير ولا شي حاجة
مصطفى: انا ولدي مكنعرفش فداكشي حتى يتكلف محمد ولد عمك بهاادشي
وليد: صافي مزيان محمد راه عارف فهادشي بلاتي ونولي نصوني عليك.. (قطع معاهم وشاف زهير للي دخل عندو) كبقات الواالدة
زهير: بيخييير.. نتا مغتنوضش تخدم على ***
وليد: بففف مسخسسسسسخ.. وبقيت مشوش على قضية ختي وقرايتها شحفوووني باش قنعتهم
زهير: هاكا عقلية لكبار.. مهم نتا خليتيهم يبغييو ختك تقرا
وليد: اه بغيتها تقرا والا شفتها معقوولة فقرايتها غنجيبها هنا
زهير: حسن مهم نخلييك غنمشي نسبقك نحل المحاال حتى تريح شوية نتا وقاد أموورك ولحق باش نمشي انا نقضي شي غراااض…
من بعد 5 دسواايع وصلو مسخسخييين كانت 8 دصبااح ونص دخلو لصطاسسون هبطو رجال بوحدهم كيفطرو عاد جابو لبنات ياكلو غير كملو..
مصطفى: خاص نديو لبنات يرتاحو شوية راه عيااو
احمد: هوما للي بغاو هاد العذااب على كبرنا خلينا بنات هاد الجييل يحكمو فيينا
محمد: انا هادشي معاجبنييش اعمي ولكن وجهك لعزييز خلانا نقبلو بااقي كنعااودها انا ماباغييش هاد تخربيييق
مصطفى: راه هضرنا اولدي لقرايا ماشي حرااام
محمد: اه ماشي حراام (هز حاجبو وقلب وجهو) وحتى زوااج ماشي عييب
مصطفى: (عرفو كيهضر عليه حيت معطاهش بنتو) ربي هو للي كيجمع اولدي للي مكتابلك غتوصلك
محمد: (مراضيش) اممم (صونا عليه وليد كحز من حدااهم وجاوب) فيين
وليد: غتكونو وصلتو
محمد: من وااهلي فطرنا ودرك غنديو لبنات لدار الطالبة
وليد: واا صافي برد اصاحبي راه غيقراو ماشي غيديرو شي حاجة خاايبة وكان كانت شي حاجة متلقانييش كنداافع عليهم كتحسسوني بحال معرفت فين جايبيينهم
ممحمد: نتا عاارف اوليد عقلي فهاد **** صافي داو لباك يتكمشو حتى يتزوجو (باستهزاء) هادشي زعما الا بغااو ورضااو برجاال
وليد: واايلي باقي مقلق على موضوع زوااج وراه هضرنا ابا محمد اللهم تجيبها مكتعرفهاش وتمشيها كبغيت نتا اولا كولشي يبقى يتحكم معااك يوقع مشكل صغير بيناتكم يكبر فالعائلة كااملة وتفرتك
محمد: اممم مهم نتا امتى غتجي؟؟
وليد: مزال شوية على منجمع السلعة مزياان حيت عمي وصااني على شي حوايج مكينينش هنا كاينين ففرنسا وخاص لقا الوقت باش نمشي
محمد: وعجل اولد عمي عماامك راهم حاطينا فالرااس وكيتنافسو معانا لقاو للي يجيبلهم السلعة ومطيحين السووق
وليد: لااا حولة عااود بداو فهاد لخصاايل
محمد: زادو شgووو لهيييه مهم نتا روااح وتشوف بعيينييك
وليد: انشاء الله مهم ختي خاصها بيسي ونتا كتعرف فهادشي ديال الإليكترونيات الله يحفظك جيبلها شي واحد خود لفلوس من عند با
محمد: اممم واخ ياله تهلا.. (قطع معاه ورجع عندهم كان لباب محلول على لبنات شاف فشيماء للي حانية الرااس وشحال كتعجيو ولكن رفضها خلاه يحس باحسااس خاايب من جيهتها قلب عينو لختو للي كارهها بهادشي للي دارت فيهم شاف فباه للي كيهضر مع خووه على الخدمة وعلى خووتو للي كيضربو ليهم السووق وغيخليولهم سلعتهم كضييع) نمشيو؟ (خبط على لبنات باب صطافيط حتى زعزعهم وطلعو هوما لبلايصهم)
أمال: (بشوية) الله يعطيك الهرس
شيمااء: تفوو شحال مكنحملووش لمعقد لاااخر.. معرفت علاه كيعاملنا خاايب هاكا تقول قاتليلو مو
أمال: حتى نعرف انا للي ختو والله دايرني بحال عدوتو ماشي بنت بوه ومو ييخ منو
شيماء: قرييب نتهنااو (بقاو صاقرين فداك ظلام كيحسو غير بيها كتوقف وتولي تزيد حتى تحل عليهم لباب بحال الغنم هزت راسها فباها) احم وصلنا ابابا
مصطفى: واه ابنتي هبطو باش طلعو ترتاحو (وقفو غير بالزز حيت تنملات عليهم رجلهم غير حطو رجليهم فالأرض بقاو كيدورو عينيهم فالدنيا كيف زااهية وباهية طلعات الفرحة فوجههم وهوما كيشوفو فين غيجلسو هبط محند شوانط ديالهم و عطا لمصطفى بيسي ديال بنتو ومفكرش يشري لختو واحد ولا يشري ليها غير تيليفوون دخل للمؤسسة لداخل عطاهم التواصييل ديال لبنات وخدا نمرتهم وعطاهم نمرتو باش هو يسول عليهم وهادي فكرتو دار الطالبة خااصة فيها بنات قلال ماشي كتار بحال الحي الجامعي وممكن يسول فيهم ويعرف فين كاينين.. مهم ختار غير باش يرااقب ويتمنى يحصل عليهم شي حاجة جاو طلعو ليهم الشانطاات مصطفى بقا كيودع بنتو ويوصيها وأمال بقات كدور فعينيها بحزن وكتخبع دموعها حيت مخسرو عليها حتى كلمة زوينة ولا غير تهلاي فرااسك والا خصااتك شي حاجة عيطي خسرو عليها غير نسمعو عليك ولا نشوفو شي حاجة *حرووك حياتها كااملة كت*دد بالذ*ح زعما شي نهار تموت مذبوو*ة؟؟؟! لدرجة ديما كتحلم براسها م*بووحة ولا غتذ*ح…)
أمال: (شافتهم مشاااو وغير عمها للي بقا مدور يدو على شيماء داير ليها نص تعنيقة قلبت وجهها وخرجت تنهيدة طويييلة.. وباش كتبرد على قلبها كتبقى دعي فييهم مفيقها من دعاويها غير عمها عيط عليها بسميتها) أ.. (مشات عندو) نعام اعمي
مصطفى: (باسلها جبهتها كما دار لبنتو واول مرة شي واحد يسلم عليها هاكا اوطوماتيك نزلو دمووعها باستغرااب فوجهو) تهلاو ابنتي فبعضيااتكم وقرااو مزياان نتوما جيتو هنا على ود لقرااية.. (حركت راسها باه هي وشيماء)
أمال: شش..ششكرا اعمي
مصطفى: (لبنتو) بنتي للي احتاجيتيه عيطيلي فالتيليفون ونكون عندك
أمال: (انساحباات بهدووء برااكة غير شي واحد قالها تهلاي فرااسك وسلم عليها رجعات كدعي فعائلتها) منين محملينيش لااش واالديني تفوو شحال كنكرهكم حتى أنا والا عندي شييي زهر ودعوة عندك يا سيدي ربي مبغييتش نعااودش نشووفهم ولا نعيييش معااهم…
شيماء: وااخ ابابا (بقا كيوصيها وخايف علييها حتى مشا ولبنات طلعو لشومبر ديالهم رقم 22 للي عطااوهم بقاو كيتشاوفو بيناتهم حتى بقاو كيغوتو بلفرحة وينقزو على ناموسيااتهم نزلت أمال كتلهت كتشوف فشومبر وفلباب ديال الزاج للي كيطل على بالكو صغير فيه جوج محابق ديال الورد ممسقييش كيطل على الجردة وعلى باركينغ ديال الطموبيلات وكيبان شوية من طريق شحااال مشاافت شي شرجم محلول حيت فداارهم ممنوع وحتى الا تحل باش تهوى الدار يااااويلها الا طلاات منو او دازت من حدااه ودابا ها هي وااقفة والشمش ضااربة فييها غمضت عينها وطلعو حنوكها مبسمة لهاد الرااحة للي حست بيها بعيد على دارهم ضارت شافت فشيماء كتهضر من تيليفون كبير وزويين وكتقول مااما عرفت مها للي كتهضر معاها تفكرت الزgليزة للي عطاوها ظحكت على رااسها ومبغااتش تسوق هي مكتقول تهناات منهم حيدات شالها ولاحتو فوق النموسية للي فيه صاكها ومشات كتشوف الشومبر فيها 4 دبلاكارات كباار وواحد القنت فيه بحال بوطاجي صغيير واخا فهموهم كل طاابق فييه كوزينة مشرووكة للي بغات طييب طيب تمااك وحتى طواليطات مشروكين فرحات كتر وكتر بهواء الحرية للي كتنفسو.. شومبر ياله 5 دقايق باش جلست فييها حسات بالرااحة فييها عكس داارهم للي عاشت فيها 24 عام وكتجييها حبس أو أكتر.. خرجات برا فلكولوار مشات كتستكشف هاد العاالم للي دغيا حباااتو ورتاحت لييه الرااحة للي ملقاتش حتى فلبلاصة للي تولدات فيها شافت الكوزينة للي كبيرة وفيها حتى تلاجة وبوطا وشي مااعن تمااك قلال حيت كل وحدة خاص يكون عندها مااعن حلات التلاجة كانت عامرة بشي ميكات قلال للي كل واحد مكتوب فيه اسم بنت سداتها دغيا حشماانة بحال حسات حلات تلاجة ديال الناس وهي تلاجتهم كانت مكتقدر تحلها حتى كتمشي مها لعند مرت عمها حيت ديما متهوومة كتهز ليهم حق ديال خوتها واخا هي للي كانت كتاكلهم حيت مكتشبعش من حقها للي كيجيها فالحلوى كانتقاام كتاكل للي قدات عليه وللي مقداتلوش كتلووحو تااكل لعصى وتولي تعاودها مرة اخرى باش كتنفس من الحكرة للي كانت كتحكر منهم كانت كدير للي فرااسها من جهة كرشها.. مشات للحماام مع الدخلة ليه تبهضات بوحدة لابسة لباس زويين واخا معيق سروال كولو مقطع من جهة ركابي وشوية من لفخااض وباين لحمها تيشورت الا هزات يدها شوية يبان خصرها وسرتها شعر مجمووع على شكل كوب شووفال ولكن بطرييقة زويينة شافت فلوجه كانت كدير فارجوو وحاطة حدا يدها شلا مكيااج ولكن فوجه لبنت بحال دايرة غير عكر يعني من النوع للي كيتقن المكيااج بقات حاالة فمها حيت هي لا تفقه شيء فهادشي ديال لمكياج من غير لحكل والعكر وللي كيحمر لحنوك والالوان للي كيكونو فوق لعينين غير شافتها ديك لبنت وتوكداات هربت لشومبر ديالها بحال شدااتها كتسرق وهدا كيتسمى نوع من الرهااب من النااس بحكم المحيط للي ديما عايشة فييه محكوورة وكتحس بالوحداانية زائد الحقد والكره للي من خووتها والغيرة للي كتحس من اتجااهم منين واليديها معتارفيين بذكوورة وهي للي البنت الوحييدة منفية واخا مداارت حتى ذنب فحيااتها ديما سكاات ومطييعة ليهم…)
هند: (هزت حاجبها) ماال هاادي؟؟ (خرجت راسها من لحمام تابعااها حتى شافتها دخلات لشومبر لوات شنايفها ورجعت جمعت دوزانها ومشات لشومبر للي حداهم ودخلاتو)..
أمال: (لقات شيماء مزالة كتهضر مع مها) سلمي علييها
شيماء: ماما سلمات عليك أمال
فتيحة: سلمي عليها احبيبة وتهلاي فرااسك انا نقطع نمشي نوجد لخوتك لغدا وخا مبقالي فين ناملو خليتي الداار علية خااوية
شيماء: حتى انا أماما توحشتك من داابا
أمال: (غير كتشووف فيها وكتجيها لهضرة بااسلة حيت هي ممجربااش حنان الأم للي يخليها تقول لمها توحشتك ولا كنبغيك كااع متقد سلام من لوجه وكتجيها فشكل.. ومتأكدة الا هزت التيليفون وصونات لمها غتبقى غير تسبها اللهم تريح ودنيها ويبردو من دعاوي والسبان ونكييير.. قطعات شيماء وحطات تيليفونها يتشارجا) عرفتي شفت واحد لبنت زوييييينة وكتقاد المكيااج يمكن ماشي لشي عرس
شيماء: راه المكيااج ولاو كيديروه فالزنقة عااادي منين كانت ماما كتخرجني مرة مرة معاها كنت كنشوف بنات دايرينو عااادي
أمال: (دارت يدها على فمها) أحاااااااي
شيماء: هنا فلمديينة غنشووفو العجب المتعجب ولكن حتى حنا خااص نكوونو بحالهم أمال
أمال: هههه أربي واش تشوفي وجهنا حاالتو ونوليو بحالهم كدرتييلها
شيماء: كداارو هوما نتهلاو فرااسنا يا جدك ونولييو خير منهم
أمال: منزططوووش أشيماء بنات لمديينة رااه فشكل
شيماء: علاه باش فايتيينا غير بالسنطييحة وصاافي هانتي غنبدلو حوايجنا ونحل لبيسي
أمال: سعدااتك بعدا عندك بيسي انا كااع محشاوهلي (حلات صاكها وجبدات تيليفون) شو على تيليفون عاطيينولي حاالتو حاالة
شيماء: كاع مترفدي لهم نخرجو ونشريييو خير منو ولبيسي ها هو ديالي ديريه دياالك حتى نتي. نخدمو بيه بجووج… (فتحااتو حيت عندهم واحد فالدار كتلهى بيه شوية منين كيخرجو خووتها الا مداوهش وعاارفة كفاش تخدم بيه دارت فيوتوب كفاش العنااية برااسك وأمال غير مبلقة عينها بحال كانت سااكنة تحت حجرة بقاو متبعين مع شي يوتيبوورز حتى بقات كتكتب شيماء ليهم وأول حاجة نصحوها بيها دير شي صوان ديال الوجه على حقو وطرييقو شافت فأمال) قالو نديرو تنظييف البشرة ونعتاانيو بيها
أمال: نمشيو عند الزياانة زعما؟؟
شيمااء: لكواافورة الحمقة ههه
أمال: هههه وبحال بحاال
شيماء: شوفي بعدا غنمشيو لبنكة وغندخلو نديرو كوونط لوحدة نخبعو هاد لفلووس عاد نمشيو نقلبو على كوافوورة ولا عرفتي غنقلب على شي صالون وااعر فكوكل
أمال: نااري ياختي راكي مجهدة باغا تزياني من نهار اللول
شيماء: (قوست عينها) ايييه وشحااااااال كنت نتسنى نشد هاد الحرية وندير مبغييت وزييد غدا عدنا نمشيو لفااك بغيت ديما نكون زوينة وأنييقة فحوايجي ونكووون غااااية فالجمااال
أمال: ههههه فرحتييني يعني وجهي مغيبقااش هااكا ديما صفر ومgشبر ونشريو حتى لحواايج انا راه عندي غير جلااب بحال هاكا (لباسها هو جلابة كبيرة عليها بتلاتة دلمرات وديما فالالوان الغاامقة وزيف كبييير هابط على كتافها وعلى جبهتها وصبابط موكاسان) راه مكنحملههوووش
شيماء: صرااحة اختي نتي راه خااصك بزاااااااااف دحوايج وعاد حاالتك وجهك محبب ومشعر
أمال: (بحزن) وراه حتى نتي فيك زغب
شيماء: اييه ولكن مفياش لحبوب
أمال: اودي كنت نعيا فماما تديني غير طبيبة دالجلد مكتبغيش.. للي شاف حنا لباس علينا للي شاف ككيديرولي يقول با مكيكساب حتى عشا ليلة
شيماء: صافي نسااي عليك الهم رراه حتى انا وكان ماشي ماما للي كتوقف فطريقهم وحتى وليد خويا وكان راه جوجووني لخوك منين كانت عندي 16 عام…
(معطلووش رااسهم كل وحدة هزات لفلوس للي عندها فصاكها غير خرجو بانت ليهم بنك ديال CIH اونفاص معاعم دخلو لتمااك مفافياات دافعين غير الجبهة وخايفين يسولوهم منين جاوهم لفلووس؟؟؟)
(موظفة فالبنك) : (بقات كتسنى وحدة فيهم تجي ولا يجيو بجووج) احم مرحبا (ناضو بجوج جلسو فلكراسة للي فلبيرو ديالها بقات كتشوف فيهم وبجوج حانيات الرااس) بغيتو تفتحو كونط؟؟
شيماء: (نقزت) واه بغيت انا وبنت عمي نفتحووه ونحطو فلوسنا فيه
….: مرحبا انساات انا غنشرح ليكم كاين حسااب سيدتي للي مغيكونش فيها اقتطاعات ياك نتوما مزال كتقرااو
شيماء: واه واه كنقراو فلفاك
أمال: (غير كدور فعينيها ومزعمااش تهضر بحال بنت عمها للي حتى هي بصعووبة كتداخل مع النااس)
….: مرحبا عطيوني كارت ناسيونال ديالكم (بقات كتقااد ليهم الإجراءات بدات بشيمااء هي اللولة عاد كملات مع أمال للي كل وحدة دارت كود ) شيمااء عندك شي مبلغ غتحطييه؟؟
شيماء: اه (جبدات من صاكها ميكة فيها 4 ديال الرزماات كل رزمة وشحال فيها المجموع كان 5 دلمليون ونص)
….: سيري لداك لاكيس وعطيه لفلوس وغيعطيك توصيل على متخرج كارت كيشي وتبقاي تجبديهم فوقما بيغيتي
امال: (كانت خايفة تسولها منين جبتي لفلوس مشات شيماء وضارت عند أمال كتكمل معاها ومشات حتى هي تحط لفلوس للي كانو مضوبليين على شيماء معمرها حسباتهم ومنين قالتلها عندك 10 تصدماات واش كاع معااقو بييها ولكن راه سنيييييين وهي كتسرق ليهم بحال كانت متأكدة غتخرج شي نهار من تماك وتحتاجهم حطاتهم وخداو التواصيل على مدوز 48 ساعة ويجيبو كارت كيشي خرجو فرحانات من هاد الخطوة للي دارو) دابا شنو ندييرو؟؟
شيماء: شوفي هادي للي دخلنا عندها زوينة سيري سوليها شنو الصالون للي كتمشيلو وتنعتو لينا نمشيولو
أمال: أنا لا لاااا لااا أحاااي على الحشمة منقدش اختي لاااا
شيماء: صافي ونتي غير مرعوودة خااصك طلقي رااسك
أمال: وطلقييه نتي انا منمشييش نحشم اختي
شيماء: هههه وبراسي كنحشم مهم نطلي زبلة على وجهي ونسولها (دخلات شحال ترددات عاد سولات وحتى لوخرا كانت ضرييفة معااها ونعتات ليها فين تمشي تاخد تاكسي وغيحطها قداامو صالون كبير تابع لاوطيل مشهوور شكراااتها وخرجات حنوكها مزنكيين ولكن هاكا بغاات خاصها طلق راااسها باش تحرر فرااسها.. بقاو واقفيين كيتسناو تاكسي يوقف لييهم ولكن مكيشيرووش لييه فكرتهم غير غيوقفو يجي التاكسي عندهم والشمش كطحطح فييهم) قالتلي غير غتخرجي غيوقف ليك تاكسي يدييكم
أمال: بففف راه الشمش ضرااتني فرااسي مموالفااش بيها صافي غير نمشييو فحاالنا
شيماء: والله مندخل لداك لبيت حتى نكوون جدييدة (كتشير بيدها وكدير باي باي عاد وقف وااحد) هييييء خاصنا نبقاو نشيرو ههههه (ركبو كيضحكو على رااسهم حتى وصلو نزلو ومعرفوش منين يدخلو البنااية كوولها زاااج ومرسوم فيها لوحة ديال بنات مقاديين)
أمال: أخيب احساس كنحس بحال كنت عايشة تحت حجرة
شيماء: ويييييه شوفي أمال الا مدفعناش الصنطييحة فهاد لمديينة غيرجعونا تحت صبااطهم
أمال: (بتنهييدة) اصلا انا كنت عاايشة تحت الصبااط (قشعات باب ديال الزاج تحل وخرجات منو وحدة مزيزة) اجي راه من تمااك كيدخلو يمكن (مشاو دخلو لقاو علام اخر تمااك استقبلوهم استقبال فرنسي العربية مكدوورش حتى نطقات شيماء)
شيماء: احم سلام بغينا نديرو تنظيف لوجها انا وبنت عمي
….: (شدات الظحكة بالسيف) مرحبا تفظلو معاانا (جلسو وعطااتهم الاسعاار حيت شكلهم باين معربن وخصوصا أماال خلصو قبل حتى ميديرو عاد لوخرا ارتاحت وعطات تعليمات باش يبداو لييهم….)
أمال: (شافت راجل تماك كيخدم دورات وجهها لشيماء) أحااي حتى رجاال كيخدمو زياناات؟؟
شيماء: (لوات شنايفها كطلع وتهبط فيه وهو كيطرطق المسكة ويظحك مع لبنت للي كيقادلها) انا وملبسش دوك لحوااايج هه
أمال: (شافت فلبنت للي تماك) اختي حنا راه محجباات منقدروش نصايبو عند رجال ويل الشووهة حشومة كاااع
….: اممم واخا انا نعيط لجوج بنات يقادولكم (جاو خداوهم لبلاصة اخرى حيدو شيلانهم ولبسوهم جيلي ديال لميكة وجلسو فالاماكن المخصصة لسواان..)
شيماء: ختي رحم مييمتك صوريينا نبقاو عااقليين على وجهنا قبل
أمال: هههه
…: مرحبا زييين (شدات تيليفون شيماء صوراتهم وحطاتو.. مدو ليهم وجوههم يجلخو ويخلطو فييها ولبنات غير كيتسنااو النتييجة النهاائية.. أمال غمضت عينها ساارحة فعائلتها للي لداابا مسولووش فييها اصلا قرار تكمل لقراايا كان بالزز منهم وكعقااب نفااوها من حيااتهم كأنها داايرة جر**مة زاائد معااملتهم للي ديما كانت أسوء فأسوء وفكرة ذكوورة للس حسن من لبناات عندهم معششة فدمااغهم وفدمااغ أغلب سااكنة داك لفيلاج… كانت ديما مبهدلة والا شي نهار قدات شي وصفة من وصفات العنااية بلبشرة كانت كتلوحها مها وكتكملها بعبارتها المشهورة نهار تزوجي وتقادي لرااجلك اما هنا حشومة قدام باك وخووتك صففارت غير بكترة لخلاعي زيد نيفها وجبهتها عامرين بلبوان نواار تحت عينها كحل بقلة ميداار وسهييير شنايفها مقشبرين وقربو يبيااضو حع اما شعرها مكدوز فيه المشطة من الدوش للدوش حيت الحمام حرام.. حلات عينها وشافت فلبنت للي متبسمة فوجهها)
….: شنو هاد الضربة حدا عيينك
أمال: (حشمانة ومقداش تقولها خوها للي ضربها بسوارتو كان غيعورها منين كانت نازلة من عند شيماء وتصادفات مع نبيل ولد عمها للي وقفها كيسلم عليها ويسول على اخبارها) حم طحت وأنا صغيرة
….: واخا هكااك جات مع وجهك هههه مخيباتكش
أمال: (تبسمت) شكرا (كانو ملامح وجهها زوينين بنت عادية عندها حقها من الزين كأي بنت.. من بعد مدة كملو ليهم وناضو لبنات كيشوفو راسهم فلمرايا عاجبهم الحاال خصوصا أمال للي أول مرة تعتااني ببشرتها حيت شيماء كانت هي ومها كيقادو هادشي مرة مرة) هههه بان لفرق
شيماء: هههه بزااف وااو كنحس بوجهي كيتنفس
أمال: (بفرحة) حتى انا (بقاو كيشوفو فحنوكهم للي تزنكو وحتى لبشرة تفتحاات على للي كانت عندهم. نيفهم مبقاتش ضايرة بيه لكحولية حتى زغب مبقااش فدوفي شكرووهم خلصو وخرجو فرحانات) شنو نديرو دابا؟؟ راه فية لموووت تجووع
شيماء: ااام نمشيو لشي قهوة
أمال: (خرجت عينها) وييل الشيييطان شيمااء ماشي ديالنا هادشي
شيماء: اممم وشنو عاد نطيبو راه معدناش لماعن
أمال: (بفرحة) نشريو سقااطة (مسحت حدا فمها للي كيتشهى)
شيماء: ههههه سقااطة مزالة ناكلووها حتى طلع لينا فرااسنا انا فية جووع صحييح ديال دجاج والكفتة
أمال: (بقات سااكتة حيت معرفت متقول وهي مكتعرف واالو على هاد لمديينة وجاتها عييب ياكلو فالزنقة مع رجاال ولكن بركات على رااسها حيت هادشي للي باغيا تجرب كوولشي قبل مترجع للحبس تمشاو هي وشيمااء كيخططو شنو يدييرو ويشكرو فوجههم للي عاجبهم واخا بلا مكيااج الا باان فيهم بزااف دازو من حدا صنااك كانو بنات ودراري كياكلو تشاوفو بيناتهم وهوما يدخلو جلسو وكيسرقو نظراات فشنو الناس كيااكلو كان محل ديال طاكوس وهوما فالمعرفة سوندوييتش من أيام الليسي فاش كانو كيشوفو دراري كياكلوه منين كانو خوتهم يوصلوهم ويردوهم وممنوع يخرجو بوحدهم… وقف عليهم السربااي)
….: انسااات
شيماء: (أمال غرقت فحوايجها وحنات عينيها أما شيماء بقات كتبلق فييه) سلام!!
….: (بابتسامة) سلام لباس عليك؟؟الله يكبر بييك
….: (بابتسامة) سلام لباس عليك؟؟؟
شيماء: (حشماانة بحال كتجمع مع خطييبها) الحمد الله
….: (موالف جموع مع لكليان) شنو حب الخااطر الأنيسات
شيماء: امم بغينا سوندويتشات
….: اممم هنا كاين غير طاكووس
شيماء: (مفهماتش شنو هو طاكووس) واخا جيب لينا عفاك جوج
….: ديالاش؟؟
شيماء: هاا.. شنوا هو عفااك هاد طاكوس (حشمانة)
….: هو بحال سوندويتش غير هو حسن كاين دجاج كفتة ميكس نجيبلك لموني؟؟
شيماء: لا واه صاافي جيبلي انا كفتة ونتي أمال؟؟
أمال: (بصوت خافت) حتى يانا
شيماء: حتى هي بغات (شافت بنت كتشرب عصير) وبغينا عصير ديال اللتشين وحتى بطاطا مقلية (تبسم معاهم معلقش على كلامهم للي باين معارفيينش.. مشا عاد تنفسو) نااري يا جدك خاصنا بزااف منتعلمو
أمال: تحشمنا ههه هادي كاع معلماتهاالك خالتي فتيحة
شيماء: هههه لا هي اصلا gالتلي مناكلوش فالزنقة ولكن وصاتني نعنااو براسنا شفتي ماما متفتحة غير طاحت فهاد العائلة المعقدة
أمال: معقدة وسكتي ييخ شحال كنكرهمم كنحس بحال خرجت من شي حبس ممتيقااش انا هنا وجالسة على خااطري كنشوف الناس ويشوفووني… gاديت وجهي راه هدا كان حلم مستحيييل وزايدها كنااكل فالزنقة (شهقت) أحاااااااااييي!!
شيماء: ماالكي؟
أمال: تخيلي يكونو مزال هنا فوجدة؟
شيماء: (خنزرت فيها) ييييه على هضرة!! متخافيش ماما قالتلي بابا gالها راه شادين طريق
أمال: انا راه كنمووت بالخوف منهم نتي بعدا راه عندك مك تحامي عليك وحتى خووك وليد اما انا ماما هي للي كتحرشهم علية والا شافتهم مظربونيش هي كظربني (غرغرو عينيها) ظهري كولو ظراابي حساباك مجيتي لهنا مخلصتش علييها (سكتو منين جا السرباي وحط ليهم لماكلة اما أمال ضورات وجهها لطموبيلات للي كيدوزو بالزربة وكتحااول متبكيش)
شيماء: واااا أمااال راه جينا هنا خرجنا من داك لحبس وأي حاجة بغيناها غنديرووها ونسااو ديك العائلة
أمال: (هزت راسها وشافت فطاكوس للي كبير ومقسوم على جوج ولفريت هزاتو وكلات منو ) امممم بنييين ماكلة الدار طلعاتلي فراسي
شيماء: كنا محرومين اختي هههه (بقاو ياكلو ويتبننو ويحسبو شحال من حاجة مزاال يديرو يبنيو ويخططو ولقراية للي جاو عليها اخر همهم.. كملو مكلتهم على خاطرهم جا السرباي خلصوه ومشاو كان كيتسنى تدويرتو ولكن هوما معارفينش هادشي بقاو كيتمشاو ومرة مرة يتزللو عليهم)
أمال: (حشمات) ويييل الشووهة
شيماء: (عاجبها تسمع الزين واكليع القلب وكلام لحلو ديال وجااادة للي كيكوون حرش وكيتوشيو الاحاسيس) أماال وااقلة غرجعو مزوجيين قبل العطلة هههه
أمال: هههه واا زعما غير الا قالو لينا كلمة بحال هاكا صافي راه باغيينا يتزوجونا؟؟
شيماء: لا ولكن بعدا راحنا زوينين ومزال نزيدو نزياانو ولبسو لمخير وديك السااعة رواحي تشوفي لعرسااان يبقاو يضاااربو حدا لباب
أمال: انا مبغيتش نتزوج دابا بغيت نعيش شوية حيااتي ونحس راسي بناادم كلمة جوواج كترجعني لداك لحبس دعائلتنا
شيماء: صافي نساي دابا راه جينا لوجدة وراه بعاد 5 دسوايع على دارنا راحنا غير انا ويااك لي هنا وحتى واحد فعائلتنا مساكن هنا واش عرفتي على نعمة دابا فين راحنا
أمال: اييه ولكن مبغييتش نتزوج
شيماء: (فقصاتها) ربي لما سكتي زعما الخطااب راهم شادين الصف على عتبت داركم انا غير قلت منين كيضسرو علينا داابا راحنا زوينات
أمال: (سكتت كتشوف فالدنيا شحال زوينة وتبع لبنات للي كل وحدة شنو لابسة ها مولات الخماار ها مولات الجلابة ها العصري ها لمزير ها لمقزب وفقرارة نفسها كفاش خلاوها دارهم تخرج بهاد لبس شافت حاالتها لابسة جلابة كحلة واسعة بتريبل عليها وصبااط ديال جدا وفولار كحل هابط على كتافها حشمت من راسها عكس شيماء للي لابسة كسوة واخا واسعة عليها شوية ولكن جاياها زوينة وصاك بالجنب وصبيبيط وشال مورد ومع قدات الحاالة جات زويينة نفخت شنايفها معجبها حال وهي تقول لشيماء للي عينيها طايرين مع الطموبيلات) شوو أنا شنو لابسة!!
أمال: شوو أنا شنو لابسة!!
شيماء: عييت فيك نعطيك شنو تلبسي ومبغبتيش
أمال: بففف خاصني نخرج نشري حواايج بحال هادو ديالولك
شيماء: صاافي غير نلقاو شي محل وندخلو (غير زاعمين وكيتمشااو واخا أول مرة يحطو رجلهم فهاد لمدينة ولكن هدا هو الغرض يمشيو ويحفظو لمديينة ومنين يعيااو يشدو تاكسي يرجعهم للدار الطالبة لقاو كارفوور دخلو وهوما مبهووظين كيشوفو الناس جارين الشاريويات ويتقدااو هادشي أول مرة يشوفووه بحكم كانو فمدينة صغيرة فيها غير لهرياات شيمااء جابت شاريو وبقاو كيظحكو بيناتهم ويهزو شنو مشهيين مخلاو شكلاط سقااطة أي حاجة تشهاوها تبعو الناس شنو ديديرو ومشاو خلصو مع الخرجة كاين تاكسيات ركبو ونيشان لمحل إقامتهم دخلو ناشطين ومحققين إنجاز كبير منين بقاو فالزنقة حتى أذن المغرب عليهم طلعو لبيتهم وجلسو كيرتاحو) الا بغات الموت تجي غير تجي داابا
أمال: هههه لباس عليك ابنت عمي
شيماء: (طلقت شعرها للي بحال ديال أمل مزوين مخايب ونفظاتو بيدها وتلاحت على ناموسيتها) وأخييييرا درت داكشي للي بغيت أنا
أمال: (تكات حتى هي راخفة الشال عليها) حتى انا خرجت وكليت برا وتساريت شفت الدنيا والناس وأهم حاجة ودني رتاحو من لغوات ونكيير ولحمي تهنا من الضرب للي ماما كل مرة تلقى غير السبة باش ضربني (بتنهيدة) يا كما نكون ماشي بنتها
شيماء: هههه ماماك من نهار تزاديتي محملاتكش قالتلك هي بغات غير لعزارا لبنات كيجيبو غير الدل
أمال: اوا وهي للي كانت بنت مشافتش رااسها
شيماء: عقليتها هكااك مخرية بحال كوولشي
أمال: (هزت المشقوف للي عطااوها) والله مسولو فية
شيماء: عيطيلهم نتي
أمال: يااا كيتك راه ممنوع الروشاارج ولا غنكون أنا ضااسرة
شيماء: واش محمد هو للي قالك هاكا
أمال: لا ماما ولكن هوما للي وصااوها بففف كنتخيلك مرت محمد عتعيشي العذااب الألييم
شيماء: يععععع شلا مذكرتي انا صراحة منبغييكش لنبيل ولكن وليد وااه
أمال: لا ختي هم هم
شيماء: تأ وليد بوووحدو وكان ماشي هو الالة الفااهمة راحنا مزال مكمشين فداك الحبس
أمال: معرفت اختي انا خوك راه من (كتحسب فراسها) من وااااهلي مشفتو
شيماء: الا شفتيه غيعجبك
أمال: أحاييااي حشمي اهاد لبنت (سمعو الدقان.. شهقت وشافت فيها) شكون للي غيدق علينا
شيماء: (ردات شالها ومشات حلات لباب كانت نفس لبنت للي شافتها أمال كتقاد وجهها طلعاتها شيمااء بنظرة استغراب كانت لابسة بيجامة صيفية بشورط وديباردور وشعر مجموع كعكة) نعام اختي!!
هند: (مدات يدها معوجة راسها بطفولية) هند جارتكم هههه
شيماء: هه (سلمت عليها) مرحبا دخلي (دخلات هند) أنا شيماء وهادي بنت عمي أمال
هند: الهراابة صباح مخسرتي علية حتى السلاام
أمال: (حشمت) سمحيلي مم..
هند: (جلست بأريحية) هاانية زيين بعدا الحمد الله منين جيتو كنت قنطاانة فهاد لموبل مزال مسكنات حتى وحدة
شيماء: واه حتى انا شفت الدنيا خاوية
هند: مزال تعمر وتزهاااا.. اممم دايرين لفاك؟؟
شيماء: واه درنا علم الاجتماع حتى نتي لفاك؟؟
هند: لا أنا كنقرى على التمريض ا العام التالي فالترويض
شيماء: سعدااتك غتولي فرملية
هند: ههه انشاء الله
أمال: (مزال مكتقدرش تداخل مع النااس غير كتسمع وعينها غتاكل هند فشنو لابسة وكفاش كتهضر ومكرهااتش حتى هي تولي مطلوقة فالهضرة بحالها)
شيماء: هاااء سمحيلي كاع مضايفتك (مشات حلات صاك كبير من دوك للي كيقولو ليهم صاك الناظور وجبدات ميعنات جايبينهم معاهم 3 كيسان ستفاتهم فصوينية وكبات عصير للي شراتو وحطو شي بسكوي فطبيسيل وحطاتو) مرحبا ختي هند
هند: عذبتي راسك احبيبتي (هزت كاس عصير) اوا لبنااات بيخير
أمال: (بصوت ممسوعش) الحمد الله
شيماء: الحمد الله اختي نتي ماشي من هنا
هند: اممم قولي تقريبا من هنا ولهييه ولكن الأصل الأصل فاسية وجيت لهاد وجدة يمكن تعطيني
شيماء: (بعدم فهم) شنو تعطيك
هند: تعطيني حقي من هاد الدنيا ههههههه (بظحكة عاالية خلات أمال مخرجة عينها من ظحكتها)
شيماء: حتى أنا وبنت عمي كنقلبو على حقنا هههه (صونا تيليفونها كانت مها ناضت) سمحولي نجاوب ماما (دخلات لديك لكوزينة صغيرة كتهضر مع مها وفرحانة حتى زعزعها باها كيحذر فيها اما خوتها كتسمع غير من لبعد كيحذرو حتى هوما)
هند: (دارت رجل على رجل وشافت فأمال) اوا زيين صاافا
أمال: (بصوت خافت) الحمد الله اختي ونتي
هند: صافاا هاد السااعة (سكتات معارفاش فاش تهضر أما هند بقات كتخربق فتيليفونها ومرة تبسم حتى جات شيمااء للي كتهضر وتجمع عكس أمال حيدات شالها وحطات لكسوة بقات غير بشورط وديباردور باش تبين لهند زعما حتى أنا متفتحة) عيينا هاد نهار منين جينا وحنا نحوسووو
هند: بصحتكم مرة اخرى نخرجو مجموعين وانا نزيد نساريكم وجدة مزيان الا مكنتوش عارفينها
شيماء: (رحبت بالفكرة) لا مكنعرفو فيها والو صاالون ياله ياله لقيناه اليوم (باغا طلق زينها) كشتي درنا صوان لوجهنا
هند: اه وجهكم منور بصحتكم لمرة جاية نديكم معايا لواحد زويين وحتى من شعركم الا بغيتو تقادوه ولا تصبغوه داكشي عندهم غزااال كاينين صحاباتي بوفيسيونيل فهادشي
شيماء: (جاتها على لكاانة) واه واه نمشييو ياك أمال
هند: (جغمت من عصيرها وشافت فأمال) واقلة أمال معندهاش مع هاد العالم
شيماء: ههه أمال حشوومية شوية وغادي تطلق معااك
هند: حتى انا دغيا كندااخل مع الوااحد ولكن رتاحيت ليكم ومنين غنسكنو مع بعضيااتنا نكونو صحاباات…
شيماء: لا بلعكس انا عاجبني نكونو صحابااات يااك أمال؟؟؟
أمال: واه حم
هند: مرحبااااا وبهاد المناسبة نعرضكم لعشا
أمال: بلاما نعذبووك اختي معانا (على بالها غتنوض طيب لييهم)
هند: مالي غنطيبو راه غيجينا حتى لعندنا ولاش **** صالحيين هههه (دوزت نمرة فتيليفونها ولبنات مخرجين عينيهم كيشوفو فيها حتى نطقات بدلع) اااااالو (وقفت دارت لبنات باشارة هانا رااجعة وخرجت من عندهم بقاو كيتشاوفو بيناتهم)
أمال: هييييييء سمعتي شنو قالت
شيماء: سماااااعت وحنا ماالنا هي صاحبتنا و..
أمال: وحتى نعرفوها مزيان عاد نقولو صاحبتنا جاع تكون من دوك للي خارجين طرييق ونتي دغيا بغيتي ترديها صااحبتنا
شيماء: (بعتاب) حشوومة أمال متقوليش على لبنت هااكا وعندها الصح رجال هاكا للي يصلاحلهم الا مكانوش ينفعو شنو نديرو بييهم
أمال: اختي انا نخااف تخرجني طريق
شيماء: هههه حمقة علاش معدناش العقل وحنا دغيا سبينا فلبنت ممزياناش هي عرضانا وحنا كنهضرو فيها بلخاايب نوضي نوضي بدلي حواايجك شوفي غير هي شنو لابسة وشحال فنة وسنانها بوويض (ناضو كيبدلو ومع أمال بيجامتها كاملين طواال مكاينش بيجامة دو بيااس سراول و شورط داكشي ممنوع عطاتها شيماء بيجامة سروال وتيشوورت وشحال فرحات بييها واخا ديجا ملبوسة الا عمرها لبسات بحال هاكا ومع طايتها ضعيفة بزااف جاتها شوية كبيرة عكس شيماء للي صحيحة شوية عليها)
أمال: (تبسمت مع شيماء) شكرا بزاااف اختي خاصنا نشريو شي مراية كبيييرة باش نبقاو نشوفو راسنا
شيماء: بصحتك الحمقة ها حوايجي للي عجباتك لبسييها (بغات دير بحال لمشيطة ديال هند ومبغاتش تقادلها وفالتالي دارت سفنجة عادية وجلست) يا ختي شحال زوينة هاد لبنت غزاالة بزااف
أمال: وااه.. غتبقاي عريانة هاكا
شيماء: ومشفتيش هي شنو لابسة (شافت راسها) وانا لابسة غير ديباردور وشورط عادي
أمال: أحاااي لحشوومة والله
شيماء: حشومة خلييتها فدار باا هنا غنعيش كما كاع لبنات عايشين
أمال: (بقات كتشوف فبنت عمها شحال وهي تهضر) ماشي زربنا بزااف منين هضرنا مع هاد لبنت
شيماء: مزربنا والو حنا اصلا جيران موانسين وفصباح هي راه غتمشي لمدراستها وحنا لفااك يعني عاادي وزايدون بحرا لسقو فيها باش نرجعو بحالها (تبسمت) بخال والو نحايد مو هاد الاخواان ونعييييش
أمال: (بخوف) لااااا لا اشيماااء واش حمقة لاااا اصاحبتي الا لفواار حشوومة
شيماء: وغيييير كنهضر بحال زعما غنحاايدو غدا
أمال: خلعتيني نلبسو ونتقادو ونتسرااو وناكلو فالقهوة ولكن باش نحايدو لفولار لا حشوومة والله حتى يقتلوونا (سمعت رنة ديال التيليفون تلفتات لقات تيليفونها كيصوني هزاتو ونمرة ممسجلاش اصلا معندها حتى شي نمرة مسجلة) معرفت شكون
شيماء: غيكون غير عمي ولا مرت عمي جاوبيهم
أمال: (بدات كتقاقي بحال شي فرووج) نااري ياكما عاقو بيينا
شيماء: ولهبيلة جااوبي ولا غيشكو ديال بالصح
أمال: (كتموت بالخوف منهم بركات على اوكي) ااا ألووو..
نعيمة: على سلامة منين جاوبتي لاش تعطلتي
أمال: هاا (وقفت بحال شي عسكري متوترة وكتحك فجبهتها) لا غير مسمعتووش كان تحت لوسادة وبقيت نقلب علييه
نعيمة: اممم مرة جاية ديما يكون فيدك باش نعرف شنو كديري
أمال: أنا مكندير واالو غير جالسين انا وشيماء فبيتنا
نعيمة: (كتعيبها) بيتنا!!! ورتاحيتي داابا منين طجييتي من الدار!! وديري معلييك باش نشاعالله طيحي فيد خووتك ينحرووك ونتهنااو من فضاايحك
أمال: (شركت حواجبها معجبهاش الحال وسكتت)
نعيمة: هاكي خووك
محمد: أمال غدا غتمشي لفااك سيري لمصلحة ديال الطلاب وعطيه سميتك هو غيعطيك التوصيل ومنين تعرفي استعمال الزمان قوليهلي
أمال: واخ خويا
محمد: منين تبداي لقرااية غنجي لتمااك الا لقيتك مكتقرااي والو غردك معايا
أمال: (شتفتو كيهضر مهدن) لا لا اخويا والله حتى غنقرا انا اصلا جيت هنا باش نق.. (سمعت طيط طيط طيط شافت فالتيليفون ورجعاتو لودنا) ألووو (مسمعت والو وشافت فيه) الله يعطييكم غبااارة كاملين
شيماء: هههه ويلي كدعي على مك المسخوطة غنgولها لمرت عمي نعييمة
أمال: (بخوف) لا لا والله ما هي انا مفهمتش مالهم معاايا عفاك متgوليهالهاش راه تقتلني
شيماء: وراه كنظحم معاك ههه عرفتي شحال بقيتي تلوني وتعرااقي
أمال: (حطات التيليفون فوق نموسيتها وجلسات كتنهد) شتي نهار نمووت غنموت غير بالخلعة منهم…
هند: (دقت فلباب برجليها حتى دفعاتو باش دخل وجايبة 3 ديال لكراطن معاها وفيد ساشية) شيمااء عاونيني احبيبة (جات شيماء هزت من عندها لكراطن للي باينين ديال بيتزا وحطات الساشية فوق الطبلة وجلست كترد نفسها) سخفوني فدرووج
أمال: الله يعطيك الخير اختي عيينااك
هند: مكاين لا عيا لا والو غير هبطت ليهم لتحت
شيماء؛ (خرجت عينها) خرجتي هااكا!!
هند: (ببرود) زعما واش تلاقيت بصاحبي بهاد لبيجامة؟؟؟
شيماء: (كملت عليها) صااحبك!!!
هند: هههه اماالكي اهاد لبنت
شيماء: متدييش علية انا فهادشي مكنفهم وااالو
هند: حسن لييك معندك مديري بهادشي الخااوي تسناي رزقك حتى يجي عندك اما هاد الطيران خااص دمااغك ديما يكون خداام باش مداارش بييك
شيماء: (متلهفة لهاد المواضيع) كيفاش زعما
أمال: (غير كتسمع وتحلل فدمااغها ومكتشاركش معااهم لحدييث حيت هاد المواضع راه طابو بالنسبة ليها)
هند: (حلات لكراطن ديال بيتزات وجبدات من الساشية 3 ديال لبواطات ديال كنتاكي وفريت) نعتققو المعدة ونكملو لبنات منحتاجش نعرضكم (قربو للطابلة بحكم كاين غير جوج كراسا أمال بقات كتاكل فوق نموسيتها عاجباها لمااكلة صباح تعرفات على طاكوس ودابا بيتزا جاتها هادي هي الحيااة… اما شيماء كتبغي تقلد هند حتى فطريقة ماكلتها للي كتاكل شوية وتوقف ماشي بلهفة كشافت أمال كدير وكفاش حتى جاالسة وشادة تيليفوونها كتخربق فييه حطاتو وشافت فييها) باينة نتي ممصاحبااش!!
أمال: هااء ويلي (غوبشت وحنات راسها)
شيماء: هههه لا ممصحباش وعمري تصااحبت اصلا حنا عائلتنا صعيييبة ومعقدة بزاف.. باش خلاونا نجيو هنا راه بلكشايف مكناش كنخرجو والا حتى خرجنا خوتنا كيديونا ويجيبونا
هند: اممم اوا غير كيخافو عليكم
شيماء: لاااا ماشي خووف حنا لبلاصة فين عايشين ذكووري بزاااف لمرا بلاصتها لكوزينة لا غير والراجل هو كوولشي الأفضلية ليه فكوولشي
هند: اهااااه (شافت فأمال)هاداكشي علاش نتي أمال حدودية؟؟
أمال: (ببراءة) لا غير ممولفاش كنهضر مع لبرااني
هند: (تبسمت) عتابروني صااحبتكم حتى انا معنديش صحاباات وللي عرفتها كتكوون باغا غير حاجتها فية وحتى انا كنبغيها غير فالمصالح… صراحة مليت من صحاب المصلحة اللهم وحدات بحالكم متاقييين وقلبهم بيض ومفيكمش الخبث تفيدوني ونفييدكم
شيماء: حنا راه مكنعرفو واالو ههه معدنا باش نفيدووك
هند: لوااحد غير الا عطااك ودنو وسمع ليك اشيمااء راه حسن من تعطيني ولا تنافقيني
أمال: كااينة انا مكرهتش غير للي يسمع لية
هند: هانتي احبيبة خوي قلبك
شيماء: امال مسكينة كانت عايشة محكوورة بزااف كتر مني داكشي علاش حدودية تربينا فعائلة بففف لبنت غير معترف بيها وكان ماشي ماما وحتى واحد خويا كاين على برا وكان انا وبنت عمي مزال محبوسيين عمرنا نحلمو نجيو هنا ونكملو قرايتنا فلفاك
هند: (تبسمت) سبحان الله انا كاارهة هاد الحرية الزايدة للي عندي ومكرهتش للي يتحكم فية ونتوما العكس
شيماء: علاش كاين شي واحد كيكره الحرية؟؟
هند: الحرية الا بقات المعنى ديالها ديري للي بغيتي ومكاينش الاهتمام من اقرب الناس ليك كتولي كاابوس
أمال: (بحسرة) وكترة الاهتماام للي كترجع كتخنق كتولي دمااار نفسي.. لبنت راها رهييفة غير كليمة زوينة من واليديها تخليها فرحاانة ماشي ضروري الضرب والسب باش منعوجااش ونحشموهم
هند: لهاد الدرجة!!! لا لا خاص تعاودولي مزيااان….
التفاعل واالو صرااحة
وليد: (دخل للدار مسخسخ من بعد مرجع من الحدود جلس مهدود وهز تيليفونو للي كيصوني) ويييي محمد
محمد: واش هانية ابن عمي؟؟
وليد: وي واخا تسخسييييخ السلعة شوية نااقصة هاد العام
محمد: علاش
وليد: معرفت اخااي حتى التصريح مزال مغيخرج
محمد: هنا شي وحدين راهم واقفين على السلعة وشحال وانا كرد فيهم ومبغيتش نبان معندي كلمة gداامهم
وليد: اممم انا هضرت مع شي وحدين سلاح صغير مزال مغيوجدووه ولكن لكبير غدا يوصلني وشي 2 سيمانات نهبطهم معايا
محمد: وااايلي!!
وليد: والله ابن عمي الا درت كتر من جهدي وحتى صااحبي عطاني النص من داكشي للي عندو باش يصوفيني حتى يجيب هو
محمد: واش الوجدي؟؟
وليد: واه
محمد: الله يكتر خيرو غير هو عاود قلب راه الناس وقفو عليينا وهاد **** دعمامك حطونا فالراس ومعرفتش منين كيجيبو السلعة
وليد: السلعة زعما سلاح؟؟!
محمد: لا غير المواد الغذائية.. مشاااطش الا بداو يتجراو معانا حتى فسلاح
وليد: ميطفروهش وكاان مهم انا السلعة غنصيفطها ليك من دابا 4 أياام وشي لاخر راك عارف خاص نجيبو برجلي
محمد: الله يحفظك…
~~~~~~~~~~~~
هند: (من بعد معودات ليها شيماء المعاناة للي كيعانيوها مع خووتهم ذكوورة وحتى بواتهم بقااو فيها) بزااااف هادشي او مزال عايشيين معانا بحال هاد العقلية دلخرا
أمال: (عاد نطقات) مزال وبزااف
هند: ونتي أمال علاش متهضريش مع ماماك وتقوليلها شنو كيضرك وراه كتحكرك هكاك
أمال: (تبسمت بألم) ماما راه مكتفهمنيش خاص نكون بحال شي صمة معندي حتى رااي ومندير حتى شي ردة فعل ندسها فقلبي ونحني الراس
هند: (هزت حاجبها بمعنى بزااف) نتي بعدا اشيماء حتى لقيتي ماماك وخووك فجنبك
شيماء: ولكن منين بابا كينووض راه ماما براسها تولي تخااف منو هي غير عندها حلاوة لساان وقاارية وكتاكلو دمااغو شي مراات
أمال: وبعدا كتخرجك فليلة العيد تشريلك لحوايج انا الزنقة راه مكنشوفهااش وحتى فلقرايا راه غير ماماك للي بسبابها قريت اما والله منقرا (تطلقات فلكلام) وراه بعدا مكنمشي نقرا حتى كتنتفني ماما ولا طرشني حيت زعما كندير داكشي للي مباغبينش ااه وشعري ممنوع نعريه فالدار
هند: وراه غير خووتك ولاباك ولاغير يمكن على ولاد عمك
أمال: لا ولادي عمي ميدخلو للدار حتى يعلمونا وانا منخرجش من لكوزينة حتى يمشييو يعني مكنشوفهم مكيشوفوني
شيماء: وحتى درووج ولاا سطح نطلعو فلوقيتة للي كيكونو خدامين
هند: (كتبغي تخفف عليهم) غي حيتااش محافظيين وهاكا تربااو حتى هوما وربااوكم نتوما هكااك
أمال: ولكن راه القهرة (صوتها بقا كيرجف) بزاااف راه كرهتهم مبقييتش كنحس براسي بنتهم ولا ختهم كنصلي غير باش ندعي فييهم واش هاكا هوما بغااوني نكوون الشوفة فوجههم مكنقدرش نكملها حيت كلقااهم كيشوفو فية ديال الكره وانا منقدرش نتجرأ ونشوف فيهم هكااك ماما للي خاصها تكوون قريببة لية كتنفرني حيت أنا مزويناش بحال بنات ختها وعاد كل مرة تgولي علاش متزاديتيش دري وكان بااك راافع رااسو وعندو غير رجاال
شيماء: (بقات فيها بنت عمها ومشات عنقااتها)
أمال: (كملات هضرتها) وكان ماشي خالتي فتيحة للي عمرات لعمي رااسو باش شيماء متزوجش بخويا محمد وكان راه محكوم علية مزوجة بواحد مكنعرفوش واخا هو ولد عمي ولكن راه نفس العقلية كان غير الحبس غيتبدل وصاافي
هند: واخا هكاك متكرهيش واليدييك
أمال: مكرهتهمش (مسحت دمعتها) ولكن مكنبغييهمش مكنحس بوااالو واااااااالو بلعكس كنكون مخنووقة وأنا حدااهم
شيماء: وصاافي ازماايرة يااك انا ويااك خواتااات ومغتفرقنا وااالو وظحكي
أمال: (كتمسح دموعها بكفها وشافت فيها متبسمة) نgولك
شيماء: شنو
أمال: انا للي سرقت ليكم السردين داك نهار (بقات كتسنى ردة فعلها حتى طرطقات كظحك عاد عودات كداارت وخلاتهم كيظحكو علييها….)
هند: (بقاو فيها وكملو سهرتهم حتى 1 دالليل شافتهم كيتفوهو) مموالفيينش بسهيير
شيماء: (كتفوه حتى دمعو عينيها) كنعسو مع 10 هههه
هند: هههه وييينو النعااسات ولكن غير ودعووه معايا غنبقى نشدكم معايا حتى للفجر
أمال: هههه نصليوه عاد نعسو
هند: اهاااه هاديك الا خليتوني نديرها غنبقى ندعي معاكم حتى نمووت.. (ناضت هند مخلياهم ينعسو ومشات لبيتها تكمل سهرتها مع شي فلم وكتفكر فحكاية لبنات للي منين شافتهم داخلين سوق رااسهم رتاحت لييهم وقالت هادو للي غينفعووني من بعد مدوزاات بنات مكاين غير للي كتكمل علييها وتزيد تعواااج.. محست حتى نعساات… فاقت صبااح وراسها ضاارها بكترة نعاس هزت تيليفونها كانت 1) بفففف خمرت (ناضت بشوية عليها دايخة لبست صندالتها وحلات السرجم ولبالكو باش يتهوا لبيت هزت لاتروس ديالها خارجة من شومبر ديالها نيشان لطواليط لقات فيه أمال وشيماء كيقادو الزيف ديالهم) صبااااااحو
شيماء: (تبسمو معاها) صباح الخير عاد فقتي؟؟
هند: تعطلت فنعااس لبارح (دخلات لطواليط قضات روتينها وخرجات كتشوف فلبااس أمال للي كان فضفاض بزااف ومجرجر فالأرض عكس شيماء للي كان مستيلي شوية شوميز واصلة للركبة وسروال وصبيببط)
شيماء: مغتقرايش؟؟
هند: لا غندخل مع 2
شيماء: هييييييييء ورااه مشا الحاال مزال خاصك تفطري
هند: مفيااش أغلبية مكناكل صباح وااالو (حطت لاتروس وبدات كتجبد مكياج باش تقاد وجهها من بعد مغسلاتو بشي مستحضرات وخلاو وجهها كيبري اما لبنات نساو راسهم وبقاو كيتفرجو فيها ها كفاش كتعكر وكفاش كحلت وحتى من شعرها دارت شدة زوييينة وجات فيها كيوووت عجبتهم بزاااف) اسبحااااان الله اشريفات هههه
أمال: (حشمت مبعدة وجهها وعينيها فسقف زعما انا مشفتش كااع)
شيماء: هههه علمييني كندير نقاد وجهي
هند: نتي هاكا زويينة اش بغيتي بشي صباغة
شيماء: لا بلعكس لمكيااج كيزيديزين لبنت
هند: لأ مكيزين واالو أنا غير ولفتو وللي زويين كاع ميحتاج شي مكيااج
شيماء: (بإصرار) لااا هو للي كيزين غير ورييهلي..
هند: اممم اوكي وعندك بعدا
شيماء: نشريييه
هند: هه وااخا لالة واخا معندك مدييري بزبل مهم ياله بحرا نوصلكم للفااك راه طريقي هادييك
أمال: (معجبة) عندك طموبيلة؟؟؟
هند: اه.. لبس ونلحق عليكم دغيا (مشات من حداهم مخلية لبنات كيتشاوفو بيناتهم كفاش عندها طموبيل وكتسووك عااادي هادشي جاهم غريييب ولكن بنات لمدينة ماشي هوما بنات للي كولشي ممنوع عندهم مشاو لبيتهم هزو الصيكان ديالهم وشيماء مكرهتش على الاقل دير غير عكر بقاو كيتسناوها حتى جات خارجة وزادو حلو فمهم لابسة سروال مقطع من جهة ديال لفخاض والركبة وديباردور فالابيض مزير من جهة صدر وهابط مفخفخ الا هزت يدها تبان كريشتها)
هند: (شافتهم حالين فمهم فيها فهمت لبلان) انا هي السلكووطة فييكم غير زيدو هههه
شيماء: هههه لا بلعكس جيتي زوينة بزااف
أمال: (فنفسها متويل على قلة لحيا ديال هاد لبنت… تبعوها وغير وصلو لتحت بانولهم بنات قلال كولها وستيل ديالها مشاو تابعينها لباركينغ وقفو شافوها ركبات فطموبيل حمرا (ميني كوبر) حمقااتهم جات حتى لحداهم ونزلت الزااج دارتلهم اشارة باش يطلعو ركبات شيماء حداها وأمال الللور متعجبة وفنفس الوقت معجبة بهاد هند للي عايشة حياتها طول وعرض ممتيقاش بنت كتسوك بيهم حتى وصلتهم لفااك هبطو كيشكرو فييها)
هند: بنات ردو لباال هنا راه ماشي دوااركم دابا راكم غتخلطو مع لبشاار متييقو فحد
شيماء: (هزت راسها) شكرا اختي هند
هند: معاش خارجين؟؟
شيماء: لا لا بلا منعذبووك
هند: وتي قولي معااش خارجيين
شيماء: مع 6
هند: اري نمرتك نصوني عليكم (امال غير كتشوف بعويناتها شيماء جبدت نمرتها للي مسجلها فورييقة وفتاتها على هند للي قيداتها دارتلهم باي باي ونيشان للكلية ديالها اما دوج جوجات بقاو متبعينها حتى غبرت تشاوفو بيناتهم وطرطرقو كيظحكو)
أمال: ههه أحااااااي علييها مكتحشمش ويل الشيطاان شنو كانت لابسة
شيماء: انا بعدا عجبااتني (تمو داخليين من لباب لكبير…)
شيماء: أنا بعدا عجباتني (تمو داخلين من لباب لكبير وهوما يتظهشرو من كمية الطلبة للي كل واحد وفين الاتجاه ديالو وقفو كيشوفو فين غيمشيو ولبناية كبيييرة.. شدات فأمال وكيمشيو بخطوات بطييئة وفين كانت شي بلاصة كيضحكو فيها بالجهد كيدورو يشوفو ويتبعو جيهة اخرى تلفو شافت فأمال للي من المستحيل تعولي علييها تشجعات ووقفات بنت لابسة لفولار) احم ختي
…: (وقفت) وي
شيماء: عفاك اختي فين كاينة مصلحة الطلبة؟؟
…: ياله معايا انا ماشية لتماك (تبعووها من سكات وفنفس الوقت كيشوفو فهاد العالم للي غيدخلولو حتى وصلو لتحت البناية كان سهات شوية عكس السااحة كانو طلاب قلال) هنايا تسناو دوركم ودخلو
شيماء: الله يرحم ليك الواليدين اختي (تبسمت معاهم ومشاات.. شافت فأمال) حسيت بالخنقة
أمال: حتى انا كرجف كااع ياله نمشيو فحاالنا
شيماء: هنيينا اصاحبتي.. (كتجمع قوتها باش دخل تهضر حيت واخا حاجة للي عادية الا هوما جاتهم قاااسحة وبزااف وصلت نوبتهم ودخلو كيدورو فعينهم حشمانين من الناس للي اصلا حتى واحد مكيشوف فيهم ولا مسوق لييهم غير دماغهم شنو قالهم مع الدخلة كيتصدمو)
محمد: (كيصكانيهم من فوقهم لتحت واش شي حاجة تبدلات من لبارح اليوم شاف فختو للي حانية رااسها لباسها باقي هو هو ولكن وجهها حمر أما شيماء قليل فين كان كيشوفها وعارف لباسها ماشي بحال ختو) لباس علييكم (تمتمو بفمهم بصوت غير مسموع) لباس
رئيس مصلحة الطلاب: محمد راه صديقي من أيام الجاامعة
محمد: (ضار عندو بامتنان) داك الوصل اخاي منصف
منصف: مرحبا (جبدهم حيت وجدهم منين جا محمد ووصاه على لبنات) أمال الغازي وشيماء الغازي شعبة علم اجتماع (مدو خداه محمد ووقف) باقين فقهوتنا
محمد: ضروري نتسناك حتى تكمل شغلك ونيت انا نكمل غراضي للي جيت عليه (خرجو لبنات حانيين راسهم وألف سؤال فراسهم وخصوصا أمال للي كتخاف منو بزااف وقفو تسناوه جا بحال ديما معفر) شدي نتي (شدات أمال الوصل.. ومدو لشيماء كيشوف فيها وأول مرة كياخد رااحتو فالشووفة فييها خداتو من عندو بلا متشوف فيه بقا سكات حتى هزت عينها فيه لقاتو كيشوف فيها ومغوبش قلب وجهو ببرود) تبعوني نورييكم القاعات فين غتقرااو (تشاوفو بيناتهم وتبعووه كيسمعو غير نكيرو) على اخر أيامي جاي عند برهوشات نوريهم فين يقرااو بقا لباااكم غير لقراايا بففف.. (وصلو لزحاام وبقا غير سكاات ورااهم فين يقراو أغلبية المواد وشي وحدين غيقراوهم فلونفي وكاينة مادة وحدة للي مغايرة هي الإحصاء بلاصتها فقنت اخر مفهموش علاش جا كيورييهم وعلاش هو هنا وعاد لبارح هضر معاها وكان فدارهم مع مها وباها؟؟ واش هادي حملة تفتيشية سرية ولا شنو؟؟ واش ديما غيبقى يديرلهم هااكا؟؟ وقف فوسط السااحة وهوما حدااه بحال شي مجرماات شاد عليهم شي جريييمة مكتغفرش) هنا متعارفو مع حتى شي واحد قرايتكم ونيشان للدار (ظحك باستهزاء) ونتمنى ديرو شي حاجة باش نرجعكم للدار ونتهنااو من هاد تبرهييش للي دايرين رااسنا فييه (حتى وحدة مقادرة تجاوبو وهو كيشوف غير فشيمااء للي رفضااتو وكيكرهها على رفضها ليه.. ختو اخر همو للي مهم راه لابسة خنشة وفولارها فراسها وراسها محني شافت فيه شيمااء ومع شعا ديال الشمش للي ضارب فعيينو بانت فيه لمعة فشكل مفهماتهاش ولكن نظرتو ليها جاتها فشكل مغوبش ولكن ممقلقش هي عارفاه باغي يتزوجها ولكن عمرها ظنات انه يكون معجب فييها حتى صدمها) بقاااي مطرطقة عينييك فية (حنات راسها كتدعي فييه وكمل زابوورو) غدخلو تقرااو داابا وعيني راها علييكم وكنتسنى غير امتى تفاالطيييو ياله تحركوو من قدااام وجهي (مشاو بلا حتى ميشوفو فيه وفلداخل ديالهم كيدعييو عليه بجميع المصااائب اما هو متبعهم حتى غبرو ومشا خرج باش يجيب تقدية للي موالف كيجيبها من وجدة وختار هو يجي فبلاصة للي كيجي يجييبها غير باش يجي يشووفهم على غفلة ويبين ليهم راهم محضيين كتر مكاانو محضيين وهوما فدارهم…)
أمال: (دخلو دايخيين لونفي وجلسو فأول المقاعد وبقاو كيهضرو بيناتهم) اش جابو هنا؟!!!
شيماء: يخخخ شحال حااسب فرااسو محملتوووش
أمال: (خايفة كترعد) غيبقى ديما يديرنا هااكا حتى يهججنا نرجعو بحاالنا
شيماء: والله مرجع وغنحضي راسي منهم
أمال: (كتر الهرااج وهي ضوور لقات لونفي عمر كاامل طرطقت عينها من كمية بناادم وهي مواالفة غير 34 فالقسم نغزت شيماء وضارو بجوج كيشووفو وللي زاد صدمهم هو للي جالس على طبلة للي معنق شي بنت دراري فيهم للي مطول شعرو ومشعكمو للي داير بانضة لبنات شي لابسين من غير هدووم للي دايرة مكياج ديال لحضور للي زوينات وللي متحجبات انوااع واشكاال شافو فبعضيااتهم عاجبهم هاد للاختلاط ويزيدو يعرفو النااس دخل لبرووف وبدا يشرح شي شدوه كيكتبوه شي مفهمو منو والو كملو قراايتهم وراسهم ضرهم بالجوع حيت غير فطرو بسقاطة وصاافي.. مع الخرجة كتصوني عليهم هند) الووو ختي هند
هند: توتاات خرجتوو؟؟؟
شيماء: ههه واه حنا عاد راه كنخرجو ونتي
هند: حتى انا الدنيا عاامرة غير تسناوني حدا لباب
شيماء: واخا ختي… (قطعت معاها وشافت فأمل) هند غتجي ترجعنا
أمال: حسن نرجعو بوحدنا محمد غيكون حاضينا
شيماء: اااه كفاش مفكرتش هااكا (مكملاتش الهضرة حتى وقف عليهم بصطافيط ديال السلعة للي كيجي بييها هبط الزاجة)
محمد: ياله تحركو (جات تطلع أمال وهو يخنزر فييها مفهماات والو ونطق بين سنانو) طلعي نتي اللخرة (بلعت ريقها وخرجت شافت فشيماء باش طلع حركت راسها بلا)
أمال: لا شتي انا كندوخ عفااك
شيماء: (بهمس) لا أمال متخلينيش نجلس حداه
أمال: عفاك غير طلعي ولا غيردنا فحالنا
شيماء: (طلعت واخا محملاش لبلان غير جلست وهو كيصوط وقالب وجهو غير سمع لباب تسد قاد لمرايا القدامية من جهة شيماء وتحرك كيسب فطريق بسباب زحام وشيماء محكوم عليها تشوف غير فطرييق قدامها اما أمال خدات راحتها كتشوف هنا وهنا.. اما محمد مرة مرة كيهز عينو للمرايا يشوف نص وجهها للي كيبان وحتى كتزعزع عاد كيبان وجهها كامل وللي كسر هاد سكاات هو تيليفون شيماء للي كيصوني وهي عارفااها هند مجبداتوش اما هو زاااد غووبش كيتسناها تجاوب رجعات كتصوني)
محمد: جاوبي ولا سكتي داك زبل
شيماء: هءء (هزاتو مكتوب فيها هند شافت فيه لقاتو كيطل رجع شاف فيها)
محمد: شكون هاد هند (أمال سرطت لسانها ورجعت راسها اللور كتسنى شي صدمة) هضري شكون هااادي
شيماء: ص صصاحبتي
محمد: من امتى؟؟؟
شيماء: ساكنة حدانا فدار الطالبة
محمد: (خرج عينو) واااش انا كنقوولكم متعرفو حد ونتوما غير وصلتو بديتو تفرقو نمااريكم واش مكلخاات لهاد الدرجة تفوووووو (ضرب فلفولون… ولبنات ضاربين الطم ميقدرووش يتجاوبو معاه ولا حتى يهزو فيه العييين اما هو مباغيهمش يعرفو شي بنات للي ممكن يخرجو عليهم عاود هند صونات على شيماء ودغيا قطعت عليها قبل ميهز تيليفونها يلوحو مع السرجم وصلو لدار الطالبة وأمال حلات لباب وهو يقفزها) سديييييييييه!!! (رجعت سداتو بالخوف) اخر اااااااخر مرة لقااكم كتهضرو مع شي واااحد صحاابات مرفووضين هاديك (شير لأمال) هي صاحبتك ونتي صاااحبتها كلامي ميتعاااودش
شيماء: (محملاتوش وغير كتسمع تهديدو للي عارفااه غيقدر يأثر على بااها وغير هو فيه الكافية باش يرجعهم الا لقا عليهم شي منتييف..)
هبطو مكرهين من صطافيط محملينوش بقاو واقفين منين شافوه نزل ومشا حل لكوفر خرج صاك كبير وحطو حدا رجليهم وشاف فختو هاد لمرة
محمد: نلقاك كتضري مع شي وحدة غنقتل مك (حانية راسها وحركاتو باه) ياله طلعي هادي (حنات تهز الصااك للي كان تقييل ولكن ارحم من تبقى حدااه) ونتي (وجه لكلام لشيماء للي لا اراديا ضارت حتى امل كتشوف خنزر فيها) ياله غبري (مشات امال كتجر فالصاك وشيماء وقفت) صحابات معندهم باش ينفعوك
شيماء: (جمعت قوتها) سمع اولد عمي صحابات ولا غيرهم غنبقى أنا هي أنا والا حتى تعرفنا على بنات راه مافيها وااالو
محمد: فييها ابنت عمي (رد طانز على كلامها) راه انا ساابقك لهادشي وعاارف الناس نيتهم شحال خاايبة (شافت فيه حيت لقاتو كينصح عادي بلا غوات ولا سبان ولا نتير) نتوما نيات بزااف متخليوش شي واحد يخسر هاد النية للي فيكم قراو قرايتكم للي جيتو على قبلها ورجعو فحاالكم
شيماء: (مفهمت والو اول مرة تعرفو كيهضر بحال البشر) ءء
محمد: (دور وجهو لجهة اخرى) خاصك شي حاجة؟؟؟
شيماء: لا كولشي عندنا
محمد: (حرك راسو باه) سيري طلعي ومتخرجووش راه عيني علييكم
شيماء: (زعمت) احم واش غتبقى هنا هاد نهار (شاف فيها مخنزر ناوي كلامها عوج) واااه بااقي وبربي شي وحدة تخرج حتى نحر والديها يالله غبري (بان فيها الانزعااج ومشات كتزرب مخليااه كينكر مع بغا يركب كتبانلو وحدة داخلة لابسة حوايج مقطعة خنزر فيها كيلعن فييها وطلع فصطافيط ومشا لدار صاحبو يرتاح عاد صباح يشد طريق.. كلام شيمااء دخلو الشك علاش سولاتو واش غتباات واش كيخرجو فالليل ولا حيت طلقات معاه هضرات هكاك وكان سؤال عفوي منها…)
~~~~~~~~~~~~~~~
هند: (لقات باب شومبر لبنات محلول ومشات مغوبشة عندهم) شنو هاد هاد خصااايل للي درتو لي؟
أمل: (كانت مقردة كتشوق شنو كاين فالصاك غير دخلت هند وقفت حشمانة منها) غير سمحيلنا اختي
شيماء: (مكرهة) جا زمر دخووها تفوو دارنا الرعب هاد نهاار
هند: (حب الفضوول) كفاش جا ياله لبارح كان هنا
شيماء: (لاحت شالها وجلست فوق نموسيتها) هانتي تشووفي تفوو يعصب واالله
أمال: علاش شنو gاالك؟؟
شيماء: gاالك منخرجووش ومنديروش صحاابات (شافت فهند) منين كنتي كتصوني علية داارنا هاد الحاالة
هند: اهاااه مبغااكمش ديرو صحاباات؟؟
أمال: هو ديما داير هاكااك
شيماء: بففف غيبقى يمرضنا كل شوية غيبقى ينقز لينا هنا
هند: اممم اوا منين هااكا بلا منمشيو لكوافورة اليوم اشيماء
شيماء: لااااا باغا نمشي لعشية كاملة ونا نتسنى نمشي
أمال: لا لا بلا منخرجو راه يقتلنا وميحنش والله اختي عفااك منمشيوش
هند: علاش كاينة السيييبة فلبلاد
شيماء: وشنو الحل معااه
هند: خرجي عينك فييه مالو هو عايش حياتو ونتوما ينكدها علييكم
أمال: احااااااي بغيتيه يقتلنا (بخوف) لا لا شيماء متخرجيش عينيك فيه
هند: نااري يا أمال شحال خوااافة
أمال: اه خواافة وبزااف حيت انا للي عارفة شنو يديرونا راه الا gال ينحرنا راه مكيتفلاش راه معندهم ميخسرو ومستاعد يدخل عليك الحبس مهم متجيبيلهمش العاار والذل
هند: ولكن انا مقلتش تخرجو طرييق غير هو تخرجو تسراو شوية تلبسو حوايج زوينة ومستورة تغداو برا شي حوايج للي عادية وكديرها أي بنت
شيماء: هاد لحوايج العادية عندهم هو خرجان طريق يمكن نتي مفهمتيناش منين gلنالك حتا كنا عايشين غحبس راه ممنوع نخرجو او حتى نطلو من سرااجم على الزنقة ونتي كتقوليلي تخرو وتمشيو لقهوة..
تفااعل محبط وبزااف 5 سنين وانا كنكتب فالقصص مكلقاش تفااعل للي كيفرح ولكن كنكتب لبنات للي كيبغيو قصصي ولكن دابا نكاينش فمرة.. القصة كنكتب فيها بزااف وباغا كل نهار نحط بزاف دالاحزاء ولكن على الاقل نعرف راه كاينين بنات متبعين معايا مكنبغيش نفرض التفاعل والارقام ولكن باغية لقا عدد ملييح متبع معايا
شيماء: واش انا نgولك الا شافونا غير نطلو من السرجم ينحروونا ونتي تgولي نمشيو نحوسو وندخلو لقهااوي!!!
هند: (لوات شنايفها) صرااحة هادشي للي كتقولو كيجيني بيزاااغ وصعييب لواحد يستوعبو زعما راحنا ف 2020 وباقا هاد العقلية عاايشة
شيماء: (كتحك فروة شعرها من لقدام) كااين ما كتر خزيييت (شافت فأمال) على شوية كنت غنgوول خوك محمد حنين وضريف عرفتي راه هضر معايا مزيان حتى زلقت وسولتو واش غتبات هنا ولا غترجع فحاالك وهو يتسيف يا خوووتي تفوو
هند: تكلختي فهاادي اصاااطة صرااحة قولي راك دخلتيلو الشك
أمال: (ممسوقاش لكلامهم حنات كتشوف شنو فالصاك لقات صقااطة للي كانت غير كتسمع بيها وكانت ممنوعة فالدار… فقط مرة مرة شيماء كذوقها منها عينيها زاادو تحلو كتجبد تشوف هادا بيسكوي هادو عواصر هادو برانكس… صاك مصطوووكي فرحانة بيهم ولاغية حاسة السمع للي لبنات كيتافقو امتى يمشيو لكوافوورة باش يصبغو شعرهم ويقطعووه شيمااء حاالفة حتى تعنى براااسها وربي كبيييير.. خرجات هند وناضت أمل) ممتيقاش محمد جابنا هادشي
شيماء: (لاحت عينها فدااكشي) تجييه فالرااس غير ميعاودش يجي وحنا نجيبو هادشي لرااسنا
أمال: زعما يبقى يجي كل نهار
شيماء: كل نهار لا ولكن مرة مرة غيخطف لا هو لا دوك لجنووس للي تمااااك خزيييت منهم (معنات النظر فأمال وهي كتبدل حواايجها) أمال خااصك تصحاحي شوية اصااحبتي
أمال: ههه وانا كرهت
شيماء: عرفتي رااك مسلووتة بحالة مضروبة بمقلة هههه
أمال: (بقا فيها الحال وبقات كتبدل حواايجها وبقات بسروال بيجامة وديباردور بلا سوتيمات حيت اصلا ممنوع عليها تلبس ديال لبونج كتلبس بحال ديال الشرف للي كيزيدو يبنو معندهاش)
شيماء: والزمرة راه غير كنظحك معااك (مجوباتهاش) وأموووولة رااه حتى انا معنديش اللور غير شويكيكة للي خارجة
أمال: وبعدا عندك أنا أنا شنو بغيتي نديرلها!! نجيب فونسووز ونخرجها
شيماء: هههه مكرهتش انا بغيت تكون عندي لاطااي للي عند هند كتحمقني يااا ختي
أمال: هي راها عايشة حياتها طوول وعرض بالسيف متربي الصحة اما انا ونتي راه كانو غيقتلونا غير بلقمييع ونتي بعدا راك صحيحة علية
شيماء: انا راه كنوزن غير 52 نتي غتكون فيك ديك 40 خخخخ
أمال: لوااه 30 متزيدييش فيييه (طلات على رااسها فعمرها 24 عام وحتى صدر معندهااش ياله نايض غير شوية بحال المراهقين للي كتكون عندهم 14 عام حطيت يدها فوقو) تفووو الشوووووهة
شيماء: (تزلعات كظحك) ههههه هاااا مقلت رااك بحال شي وصلة هههه لا قداام لا لوور (دخلت هند مدرمة ببيجامة فلكحل كولوون لاسق وديباردور X فلحكل وظافرة شعرها جنب وباقي فيعا غير شوية دلمكيااج والريحة ديالها ديما ساابقة) شكوون هي للي وصلة
أمال: (حشمت ودغيا لبسات تيشوورت بحال دخل عندها شي رااجل وهي هاكا طبيعتها متقدرش تعرا قدام حتى شي جنس جلست فكرسييها قالبة وجهها)
شيماء: هههه انا وهاد الاخت فالله لا صدر لا ترمة (أمل خرجت عينها فالمصطلحات للي قالت شيمااء)
هند: لا لا زويينات
شيماء: كظحكي عليينا لا!! هه
هند: والله مكنظحك بلعكس الواحد خاص يتقبل برااسو ويبغييه وميبنش عيووبو والتاس حتى مغتلاحظس بغيي رااسك باش الناس يبغيووك ككتبغي راااسك
أمال: (كتشوف فيها بحال كطنز عليهم وفنفسها كتقول ~~ميحس بالمزود غير للي مخبوط بييه~~)
شيماء: لا ختي نهار تكون عندي بحال نبغي رااسي أما دابا لا واكترية أمال ولكن راه مستحييل نرجعو بحاالك
هند: ههه حتى نتي فهاد الوقت كولشي رجع ساااهل شوية ديال صبوور والماكلة وهانتي مترترة
شيماء: داكشي فيه الخدمة بزااف اختي ومغتبانش النتيجة دغيا
هند: (هزت بيسكوي من الصااك) لا انا هو للي كنديير
شيماء: غي حيت من شحال ونتي ديريه
هند: (كتاكل) بااينة معيgيييزة.. كاينة لكدرة ولكن يا تصدق يا متصدقش والا كانت عندك الحبة 10 ايااام ديال التجميل تكون عندك
شيماء: شنو هاد الحبة عاود
هند: عوومااار احبيبتي
شيماء: (شافت فأمال فهمو الحبة بقا غير عوماار)
هند: زعما لفلووس ازمر (شافت فأمل للي كلامها قليل) أمال شحال كتوزني
أمال: (فنفسها مالهم مع وزني هاد نهار) معرفت اختي
هند: اطط أنا نجيب ميزاان ونجي نعبركم (مشات كتعوج وأمال شافت فشيماء)
أمال: مكتحشمييش…
شيماء: ههه الحمقة راااه عادي ها هي ضبر عليينا ونرجعو بنات حتى حنا (دخلات هند وحطاتو فالارض ونطقت شيماء) انا لولة نعبر ((وقفات عبرااات وطلات)) 52 هههه مكنزييدش يا ختي علييها واخا نااكل بنااادم ههه
شيماء: خاصك تزيدي غير شوية طاايتك زويينة
شيماء: لا لا انا باااغا نعمر نولي بحاالك
هند: هههه حمقة راه مبقاتش فالشحمة راه خاصك تكوني خفييفة.. أمووولة اجي توزني
أمال: لا لا معلييش
هند: واللله حتى تنووضي عادي اصااحبتي حنا غير بناات بيناتنا (ناضت أمال محرووجة وطلعات فوق لميزان حتى حبس الرقم ف 44) هههه صاافي فلووسة
أمال: (بابتسامة صفرا) غير مكنتش ناكل مزيان أما كنت صحييييحة (جلست وهند جرات لميزان لحدا لباب)
شيماء: هههه واه لباب مكانش يدخلك ابنت عمي
أمال: هاهاها
هند: كنهضر معااكم الا بغيتو تقادو لاطاااي نورييكم فيين
شيماء: شنو ديك لقدورة للي gلتي
هند: ههه لكديييرة هي طبيعية غير واحد لمرة كتخرجهالك بشي قلة
شيماء: اممم يعني هادي غتكون مزيانة
هند: اه بزاف دلبنات داروها صدقات لييهم مكتخرجهااش معيقة بزااف بحال لقويلبات
شيماء: قوييلبات أنا بغيت لقويلبااات
هند: نتي خاصك غير ماكلة صحية وترجعي مزيااان والله طايتك زوييينة
شيماء: (شافت فأمال زعما سمعي أنا راه طايتي زوييينة) وفين كاينة هاد لمرااا
هند: اوا شنو نقوولك حتى تزيد أمااال تصحاح شوية ويعمرو شوية لفخيضات باش متجييهاش معيقة
شيماء: اوا وصدر؟؟؟؟
هند: هههه نهار تزوجي واااري ميجبدو لييك
شيماء: هههه ويييلي على لمسخووطة (أما أمال سطل وتخوا علييها معرفت ظحك ولا شنو ديير حتى فلتت ليها ضحيكة صغييرة)
هند: هههه أربيييييي واش بااقي شي بنات بحاالكم فهاد الدنيا.. مهم نووض انا نخرج
شيماء: خاارجة برا؟؟؟
هند: اه اختي مزاال الحاال ومنها دايرة انا وحبقلي نتلقااو
شيماء: شكوون؟؟
هند: صاااحبي (مشات كظحك بالجهد هزات ميزانها وخلاتهم ميبرقو عينييهم ويتشااوفو)
شيماء: سعداااتها ياا ختي
أمال: لا لا حشوومة تخرج فهاد الليل ومع رااجل ويلي ويلي متمااا صحبة غادي غير تخرج عليينا
شيماء: اوااش حشوومة مالها غيقتلها ولا شنو خارجة عاادي بفففف حنا للي مكتوب علينا الحبس لهييه وهنا.. (وهاكااا دوزو نهارهم حتى تعشااو عاد نعسو دازت 10 اياام هند سافراات لفااس لغرض عاائلي ولبنات بقاو من لفااك لدار الطاالبة قليل فين خرجو ياكلو برا وحتى لحوايج أجلووهم حتى تجي هند للي كل نهار كتسول فييهم عاد تخرج معاهم يتقدااو.. بانت فييهم الراااحة فهاد الايااام للي محمد ونبيل جاو عندهم على غفلة لقاوهم كما جاو نهار اللول ومشااو..)
~~~~~~~~~~~
وليد: (كان جالس فالمطاار كيتسنى وقت ديال الطياارة دياالو فين غيساافر هز تيليفونو وصونا على ختو للي دغبا كتجااوبو) شيموووم
شيماء: اهلا خوويا ولييد فين غبرتي سيمانة مكنلقااكش حاال فسكاايب
وليد: مكنتش مساالي كدايرة مع لقرااية؟؟
شيماء: صعيييبة اخويا ولبروف كيفتي دغيا كااع مكلحق نكتب شنو كيقول وعاد شي كلمات صعااب
وليد: هههه منيين جاتك ابنتي هاد قلت وقال وكيقول رجعتي فاسية ولا شنو؟؟؟
شيماء: هههه وغيي كنا كنظحكو بيها أنل وأمال على شي بنات ولسقات فيينا
وليد: امممم واه الالة مهم لبوليكووب هو للي غيعااونك متقيديش كولشي حيت غتلقاي كاع المحاضرة فلبوليكووب ولكلمة للي مفهمتيهاش سولي لبروف علييها
شيماء: ههه مكنقدرش راه كنحشم
وليد: ههه (طانز عليها) قولي لأمال هي تسول
شيماء: (شافت فيها مبسمة) هي راه مرعوودة كتر مني انا بعدا كنهضر شوية مع الناس اما هي واالو غير حانية رااسها
وليد: (تبسم) اممم.. محمد راه كان ديجاا علم الاجتمااع هو يعاونكم
شيماء: ربي اخويا واش كتهضر بالصح هو راه محملناش حتى نقرااو عاد يعااونا وهو كل مرة كيتمنى غير امتى يرجعنا فحاالنا
وليد: وااخا صيفطيلي وانا نسولو ونرد عليك مزيان هااكا الالة شيماء؟؟
شيماء: هههه والله يا خويا بلا بييك منعييش
وليد: (سمع ندااء لطيارتو) ياله انا نقطع من بعد ونصوني عليك اه عندك شي حصة فلفااك
شيماء: واه عاد لقيتني غنمشيو
وليد: واخا بسلامة (قطع معاها وجر باليزتو صغييرة اما داكشي للي كبير راه حطو باش يتشاارجا ولبنات لبسو حوايجهم نبشان لفااك…)
أمال: واش وليد للي جاي؟؟
شيماء: (بابتسامة) وااه وسول فييك ياا ربي يطلبك من عند عمي
أمال: (حشمت) أحاااي واش مكتحشمييش
شيماء: عرفتي الا مشيتي وتزوجتي وليد غتعيشي ملكة والله
أمال: ألااا اشيماء انا كنحشم منو
شيماء: وفزواج مكاينة حشمة
أمال: زيدي زيدي براكة من تخربييق دياالك شفتيه غير بغاني هو
شيماء: هاي هاااي هااااي الطفلة باغاااه ومخبية
أمال: ههه الاااا زعما غير قلتلك انا وليد معقلاش حتى علييه كدااير
شيماء: شهوا منو خوويا الزين ولعقل وتباااتة وظحووكي يااا ربي يخطبك هاد لمرة وميعكسلووش نبيل
أمال: امبغييت حتى واحد فيهم خليني بعدا نتفس غير شوية عاد نشوف زواج
شيماء: ولكن خويا عقلو زوين ماشي بحال دوك لمعقدين للي هنا وعاد فاش ازوجييه غتمشي تعيشي معااه فلخارييج
أمال: ههه صافي حكمتي عليه غيخطبني ونتزوجو ونعيش معاه برا
شيماء: هه حيت مكرهتكش لخويا والله (شافتها خرجاات طرقات باب شومبرتهم بالساروت وتبعاتها كتهضر على وليد طريق كااملة حتى طبخت لأمل رااسها بييه)
أمال: أحاااااي علييك اشيمااء
شيماء: ماالكي
أمال: كتعمريلي رااسي بييه وفالتالي مغيكونش عارفني حتى شكوون أنا
شيماء: مفهمتش
أمال: انا عارفة وليد فشكل على كولشي فديك الدار واخا كاملين قراو لفااك وكملوها الا هو عقلو ماشي بحاالهم وهو للي وقف معانا باش دوزنا لباك ليبر وجينا هنا لوجدة نقرااو ولكن الا زدتي تمدحيلي فييه كتر غنعمر راسي بييه وفالتالي يكون داير شي وحدة فرااسو لزوااج وانا نبقى نتسنااه وزيد أشيماء ونفتارضو بغاني راه نبيل بغا يخطبني قبل منو راه خووه واش بغيتي لعداوة تنوض بين لخووت وهوما كاملين كيهضرو ولاسقة فمهم غير نقتل فلان نقتل فلان
شيماء: (لقات كلامها صحيح) بففف واخا هكاك مكرهتش يتزوجك
أمال: هههه شوف ربي شنو مكتب لية وزيدي ندخلو راه مكنحملش هاد لماتيير
شيماء: هاي هاي على لماتيير رجعتي فرنساوية
أمال: ههه وماالها غتخلعني هه
شيماء: هههه عفااك مندخلوش
أمال: هء ويقيدولنا الغيااب
شيماء: هههه مسمعتييش هند قالتنا مكاينش الغياب الله يجعلك كاع لدخلييه العام كاامل المهم امتحان دوزييه
أمال: وفين نمشييو؟؟
شيماء: نحوسو شوية
أمال: نتلفو؟؟؟
شيماء: فينما تلفنا نشدو تاكسي يردنا للسكن
أمال: اممم زعما؟؟
شيماء: وزييدي بحرا بحرا نشريو شوي دلمكيااج ولا لحوايج
أمال: لا هادوك تاتجي هند هي ذوقها زويين وكتعرف لهادشي حنا منعرفوولووش
شيماء: وفين نمشيو؟؟
أمال: ههه معرفت نتي للي بغيتي مندخلوش نقرااو
شيماء: بنااقص باله ندخلو ولا عرفتي نمشيو نتغدااو
أمال: أحاااي عاد تغديينا
شيماء: بففف منك أمال مملة نتي
أمال: (بقا فيها الحال) أنا؟
شيماء: وفينما قلتلك نمشيو كتعكسي
أمال: صاافي ياله نشريو للي بغيتي (فرحات شيمااء وتحركوو تحت شمش وجدة للي كتكوون عااافية واخا لخرييف قرب يخرج ويدخل شتا) غنكحاالو
شيماء: يخخ ندمت علاش جيينا وتقول تاكسي واش باانت (بانتلها قهوة مخلطة فيها حتى لبنات جرت أمال من يديها) اجي ندخلو هنا
أمال: (خرجت عينها ونترت يدها) قهوة قهوة اشيمااء واش هبلتي؟؟
شيماء: وراه كيدخلو ليها حتى لبنات هانتي شووفي (شافت أمال لبننات واخا هكاك مزعمااتش جراتها من يدها) راه قتلاتنا الشمش أمااال ندخلو الا معجبناش الحال نخرجو راه عادي هادشي هنا (مكان عندها مدير من غير تبع بنت عمها دخلو عرقاانين مع حطو رجلييهم هواء لاكلييم ضرب فييهم بقاو كيدورو عينيهم الاغلبية كانو ليكوبل شباب وكما كاين دراري كاين بنات جلسو فأول طابلة بانتلهم وبقاو كيرتاحو من الشمش وفنفس الوقت كيدورو عيينهم فللي جاالسيين….)
أمال: (كضور عينيها وترجع تحنيهم) كولشي يشوف فينا
شيماء: (هزت راسها ودورت عينها فالكل) حتى واحد ممسوقلنا راه غير حنا كيجيبلنا راسنا كيشوف فينا شي واحد
أمال: (بتنهيدة) شحال زييينة هاد القهوة
شيماء: بزااف (شافت كتاب مصور فيه عواصر والاثمنة ديالهم) جبتي لفلوس معااك
أمال: واه جبت 200 درهم
شيماء: الا مكفاناش نمشيو نجيبو راه شفت بانكا هنا قريبة
أمال: (هزت لكتاب كتفرج وتشووف وشيماء حدااها كتخير شنو تاااكل حتى وقفات عليهم سربااية ورااوها شنو تجيب ليهم ومشاات) تزيرت
شيماء: ياله نمشيو طواليط
أمال: حشوومة؟؟
شيماء: الاااا هنا عاادي غير زيدي
أمال: وعارفاها فين؟؟
شيماء: انا نسول الالة غير زيدي (وقفو هازين صيكانهم معاهم وهي تجي عندهم السرباية سولاتها شيماء وراتهالها وطلعو لفوق فين لقاو لي كووبل منعازلين دخلو فين كاينة الاشارة وعجباتهم طواليط كمقاادة كل وحدة دخلت تقضي غراضها وخرجو لمرااية) بففف لبنات هنا على مزيناتهم وحنا حاالتنا
أمال: (كتشوف فلمرايا) قاديلي لفولار بحاالك اشيماء (دارت عند شيماء قداتلها لفولار حيت كانت كتقادو بحال شي شاارفة وتعقدو تحت ذقنها وتخليه نازل.. شافت شيماء جبدات عكر وبقات كديرو فشنايفها) أحاااااي على صكعة ليااام واش هبلتي؟؟ منين جبتيييه
شيماء: (شقلبت عينها) عطااتولي هند وزاايدوون غندير غير شوية
أمال: (بقات غير كتشوف فيها ضارت عندها مجاش معيق حيت مبركاتش عليه) جاك زوين ولكن راه حشوومة
شيماء: وراه درت غير شوية (نفس العكر دارت 2 نقيطات منو فحنوكها وبقات تماصيهم حتى تحمرو حنوكها) خاصنا نعاودو نديرو داك سوان للي درنا داك نهار ونحايد زغب
أمال: (شافت وجهها فلمرايا) وجهي باقي بيض ورطب وحتى لاتراس دلحبوب نقصو يااك
شيماء: وااه خاصك متقطعييش داك لماسك لي جابتلك هند ديال ما ورد
أمال: لا
هند: انا عجباتني ديك لبومادا للي كندير معاها فالليل خاصني نعقل على سميتها ونشري منها
أمال: حتى تجي وتقوولك سميتها
شيماء: احح على ديك هند فوقاش تجي توحشتها
أمال: حتى انا ضرييفة (دورات عينيها) حم عطيني ندير حتى انا شوية من لعكككر
شيماء: امممم مبقاش حشوومة!!
أمال: صافي بلاش
شيماء: وهاكي ازمرة راه غير ظحكت معااك ولا اجي انا نديرلك باش متعيقيش (قربات امال مادة قنانفها قداتلها غير شوية وراتها كدير تماصي فمها ودارتلها فحنوكها وخرجو فرحانين عاجبهم مكياجهم مع جلسو السرباية جابت ليهم الطلبية وحطات لفاتورة بقاو ياكلو فلاكلاص للي طلبو ويتلذذو عاجبهم الحاال مقدروش يكملوه حيت طلبو كمية بزااف ناضت شيماء خلصات ومشاو خلاو السرباية كتعوج فيهم حيت معطوهااش بقشييش ديالها شدت شيماء فأمال) بففف هاد سيور سبرديلة غيهبلوني (نزلت كتعقدهم وغير وقفات صونا تيليفونها وبعدات من صداع كتجاوب… أما أمال كتشوف فلحديد لواااعر مشات لرانج فلكحل حمقاتها بقات كتشوف فيها زادت قربت ليها بانلها وجهها فلمراايا تبسمت ودخلت شعر للي بغا يبان بصبعها ورجعت دارت باتسامة عريضة مصات شناايفها وقربت كتر تشوف واش باقي لعكر لقاتو طاار مع بغات ترجع اللور وهو ينزل الزاااج وبقات حاالة فمها…)
شيماء: واااا أماااااال ياله..
أمال: (مصدووومة من الشخص للي كيفرنس فوجهها حسات برااسها مبلووكية ولحمووورية
تطلات على وجهها معااقت غير منين سمعت صاحبو للي جالس حدااه)
…: حشمتي لبنية اصاحبي
….: (غير هضر صاحبو بغات تهرب وهو يشدها من ذرااعها عوج وجهو جنب محافظ على الابتسامة) صافي ديري موقع والو وكملي أنا نولي نسد الزاج (جبدت يدها وهرباات لعند شيمااء للي كانت كتهضر فالتيليفون وباينة فيها متوترة.. ضارت هي كتشوف لقااتو مخرج رااسو متبعها زادت سرعات خطواتها وهربات وجهها شادة فشيماء وقلبها كيضرب ف 180 عمر هاد الموقف موقع معااها عمر شي ولد شدها فيدها عمر شي حد مشاافها هااكا عن قرب كولشي تخلط علييها ورونها)
شيمااء: (قطعت) ابردييييي خويا وليد راه هنا
أمال: (مرفووعة) اممم
شيماء: وديييك لبنت مكتسمعييش راه خويا جا
أمال: ش شششكون
شيماء: لا نتي دوخك داك لكلاص للي كلينا واش مكتسمعيش راه وليد جا من برا ولييييد رجع من براااا.. قالي ياله حطاتو الطياارة غيكمل داك تخربيق ويجي يتلقاني فدار الطاالبة
أمال: (مزاالة مرفووعة ضارت تشوفو واش بااقي مبانلهاش حيت بعدو ولكن الطموبيل باقيا نغزاتها شيماء وقرساتها) ااااي ماالكي
شيماء: ماالك نتي نهضر معاك ومتجاوبيش
أمال: (عودات ليها شنو وقع بالحرف) تشوهت (جاتها لبكية ومزال كطل مرة مرة على الطموبيل)
شيماء: وكدااير زوين؟؟؟
أمال: (عودات تفكرات وجهو) معرفت
شيماء: اممم وعلاش معيطتيش علية
أمال: أحااي نقوولهم بلاتي نعيط على بنت عمي تشوفكم راه تشوهت وبقا كيظحك علية هو وصاحبو (ضارت وشيراتلها لطوموبيل) راه فين كانو راكبين
شيماء: (ضارت تشوف الطموبيل) واااو زوييينة وكبيرة باينة مولاها غيكون لبااس علييه
أمال: هاا (غير كتفكر الموقف كترون) ياله ياله نمشيو.. واش وليد جااي غيجي عندنا لدار الطالبة؟؟؟
شيماء: واه وشنو من قبيلة كنخطب عليك ولكن غيتعطل وقالي يمكن غيدوز لوطيل هو اللول يدوش عاد يجي عندي
أمال: قتلتيني بهاد قالي قلتلو ازمرة راك ماشي فاسية باش تgولي قالي
شيماء: لا هاكا عجباتني وحتى نتي تبقاي تgوليها
أمال: هههه واخا وياله نمشيو
شيماء: ههه مالكي كترعدي دابا غير قولي واش زوين
أمال: (سهات مع تنهيدة) صراااحة زوين بزاااف
شيماء: هههه وياله نشوفو واش دخل للقهوة
أمال: الااااااا واش هبلتي انا والله منتبعو
شيماء: وغير نشوفوه من لبعد
أمال: واش هبلتي راه بقا هو وصاحبو يتملغو علية بغيتي نمشي يgول هادي مصدقت لا لا
شيماء: بففف منك تلقاايه معااقلش حتى علييك بهاد الدربالة للي راك لابسة زيدي زيدي (مشاو مشادين وأمال عودات ليها عاود شنو وقع وشيمااء كتصنت ليها شدو تاكسي ومشاو لشومبر ديالهم أمال دخلات دوش فالحمام وشيماء بقات كتسنااها تخرج وهازة نتااف كتنتف شي زغيبات عاد كينووضو فلموسطاج حتى كملت ودخلت شيماء دوشت وخرجت لقات أمال عمرات قهوة وحطوها كيهضرو على القهوة للي مشالها وأمال اوطوماتيك رجعات كتعاود شنو وقع معااها)
شيماء: وناااااري شحال عاودتيها راني حفظتها حفظتها تلقاايه هو معارفكش كااع
أمال: ههه وراه عمر شي واحد شاف فية هاكا
شيماء: ول (تيليفونها صونا مسحت يدها بسربيتة وهزاتو) الو خويا وليد
وليد: انا لتحت.. نزلي متعطليش (قطعت وشافت أمال)
شيماء: جا خويا ياله تهبطي معايا
أمال: الاااا حشوومة
شيماء: حشومة هي الا مهبطتيش معايا
أمال: لا لا شيماء غير سيري انا خوك نحشم منو بزااف
شيماء: (ناضت لبسات ربيكا طويلة ولوات شال عليها جرت صندالتها) هبطي شوفيه غير من لبعييد
أمال: زعما
شيماء: مغيضعكش ازمر غير هبطي والا سول عليك نصوني عليك واجي (مشات شيماء هبطاات وفرحاانة بلقاء خووها للي عندو فضل كبيير فحيااتها وبسباابو بعدات من داك الجحيبم وحتى هو عزيزة عندو بزااف مباغيهاش تكرفس بقات كتقلب عليه مشات لفين كيكونو الطموبيلات وقفات كتسنااه يباان حتى هرها شي وااحد ضارت مفاافية شافتها) هند!!!!!!!
هند: (ضرباتها فمؤخرتها كما موالفة كدير) افييين ازيين هانتي كتكبريييها وطبيييعي هه
شيماء: (خرجت عينها فييها حتى كيبان ليها خوها خارج من واحد زيبرا بيضا وجاي قاصدهم ملاقي حواجبو قلبها ضرب ف100 خايفااه يكون سمعها زائد خوفها لكبير يشووفها مع هند للي مااسخة فلباسها وعاد ممياجها وشعوور ورواايح) خخ..خويا
هند: (عضت شنافتها وضارت تشووفو)
وليد: (كيشوف فهند للي لابسة جيب فوق الركبة كحلة ووتيشورت فلكحل مزير) شكون دي؟؟
هند: (توتراات) حم ( مدت يدها) انا هند جارتهم هه حتى انا ساكنة هنا فدار الطالبة
وليد: (عطاها أكبر vu ودار عند ختو مخنزر اما هند جمعت يدها غارسة ظفاارها فكفها وكتبرد الفقسة على قلبها) شيماء شكون هادي؟؟
شيماء: صص.. صاحبتي (طرطق عيينو) عادي اوليد شنو فيها الا درت صحااباات
هند: سي وليد راه كيجمعنا غير..
وليد: (دار مخنزر فييها) كنعرفك باش تجاوبيني؟؟؟ لا!!! وقلبي الدوورة وبلعي فمك معايا
هند: (هزت حاجبها فيه وشافت فشيماء للي كترغبها باش تمشي ضارت كتعوج فمشيتها ومخليااه مفقووس كتر حيت ختو كتعرف اشكال بحال هادو.. ضار عندها) داابا غتجمعي حواايجك وغردك معاايا
شيماء: (صدمها) وليد؟؟
وليد: مكاين لا وليد لا استغفر الله متخرجينيش على طوعي كتر اشيمااء واش انا جاي واقف فوجه با وعمي وولادو وخووتي باش لقاتك مع هاد (سكت)
شيماء: (بخوف) ولييد متحكمش عليها هااكا
وليد: (هز صوتو) وتزيدي داافعي علييها!!!
شيماء: لا هانتا غير سمعني اخوويا هند حدانا كنشوفوها ديما انا وأمال بالصح غير هنا برا لا والله هي كتقرا على فرملية وحنا فلفااك
وليد: (سكت مدة) شيمااء حيت عاارفك مزيان هاد لمرة غدووز لمرة جااية غيكون حسااب اخر.. عرفتي لمرة جااية غرجعك نيشان لعند ولد عمك وغنزوجك ليه بيدي
شيماء: (صوتها تزير بلبكى) لا نتا ماشي بحالهم
وليد: (زاد غوبش) كفاش ماشي بحاالهم علاش الالة شكون هوما وشكون انا وشكون نتي؟؟؟
شيماء: خويا ولييد عفااك والله مدرت شي حاجة خاايبة
وليد: هااا ودني منك اشيمااء نتي هنا باش تقراي صحاباات راه عندك وحدة متحرمييش رااسك من هاادشي ولا زوااجك غيكوون على يدي ومحمد للي نتي معتابرااه وحش غيكون هو ارحم مني انا الا حصلت عليك شي حاجة مغتعجبنيش متلوومي غير رااسك
وليد: (صدمها هي عارفااه خايب ولكن كفاش كيداافع على محمد قداامها معمرها شاافتو هاكا.. خلاها متسائلة منين هو عزيز عليه هاكا علاش كان من اللولين للي عتارضو زوااج محمد بيها.. شافها كتبكي قلب وجهو كيبرد على رااسو تنهد وهز رااسو لسما كيستجمع انفااسو حتى كيلقااها هي نيييت كتطل علييه زاد خنزر اما هي بقات وااقفة كتشووف متحديااه وهو محيدش عييينو) ختي عطيها التييساع (هزت شيماء وجهها فيه تبعاتو فين كيشوف حتى لقاتها فلبالكون)
هند: انا ختك عمري اذيتها ولا نفكر نتا للي دغيا حكمتي علية واخا معمرك عرفتيني
وليد: (بظرة تقزز) وماباغيش نعرفك (رجع شاف فختو) ركبي (مشات ركبات وهو ماشي بتتاقل ركب ولقاها مزال وااقفة ديماارا كيكمكم محملهاااش زاد مخلي هند غتاااكل رااسها من معاملتو ليبها وللي شدها هو خوفها على شيمااء أما تسمعو مزيان وفينما بغات توصل.. اما واحد أمال قربات تبول على سرواالها بلخلعة وغير وااقفة تصنتات على كوولشي ندباات حنوومها حيت مبااشرة مصييرها غيتقرر منين شيماء ترجع حتى هي غترجع والا تزوجات محمد حتى هي تزوج بنبيل بحال شي معاادلة… طلعات ولبكية وااحلة فحلقها دخلات لشومبر تبكي حيت معندها حتى حل من غير لبكى حتى دخلت هند بحال لعجاجة)
هند: داك لقو** ديال ولد عمك غير ديال لقتييلة خزييت
أمال: (مسحت دموعها بكووعها وشافت فييها) غيرجعنا للحبس
هند: (شافت فيها) متخاافيش مغيرجعك مواالو فيه غير لهدا وصاافي.. بففف دابا عااد فهمتكم عائلة ديال لويييل
أمال: هدا راه ظريف فيهم
هند: دابا هدا ظرييف؟؟ حااسب فك** تقول هو شي دااعي إسلامي تلقاايه تماك ممقصرش وجاي هنا يفتي علييكم
أمال: ختي هند راك نيت لابسة لمعيق وهو فهم نتي من هادوك
هند: صافي غي حيت لابسة هاكا انا خاارجة طريق عقلية ديال لخرا.. صوني على شيماء شوفي فين خدااها
أمال: (بخوف) لا لا غيدور فية ولا شي حاجة
هند: هاد ولاد عمك وخووتك ديال لواحد يخرج عينو فيهم اما هاد حنيان الرااس كيطلعلهم كراااد ويخليهم هوما كيتبوردو عليييكم…
وليد: (صاايg وكيحاول يبرد رااسو كيطلع حواجبو ويرجع يغووبشهم عاود يطلهم ويرجعو لطبيعتهم حتى قفزها منين غوت) فففف منعاودش اشيماء نشووفك معااها منعاااودش
شيماء: عفاك اخويا وليد غير سمعني
وليد: (غوت) لا ومغنبقااش نااقش معاك هاد الموضوع دزبل صاافي كاينة بنت عمك أماال برااكة عليييك
شيماء: هي راه ماشي صااحبتي راه غير بحال تكون جاارتنا وصاافي (شافتو سكت) خويا وليد انا منقدرش نخبع ولا نكذب علييك هند والله حتى بنت زويينة (رجع خنزر فيها وحنات رااسها) هي بالصح لباسها خاايب وولكن كتgول مغنبقاش لبس هااكا ولكن والله حتى ضرييفة وكتنصحنا
وليد: (باستهزااء) تنصح غير رااسها الالة وتبعد من ختي
شيماء: (فكرت تمسكن عليه) دابا خويا انا هادي عام مشفتك ونتا غضبان مني شحال وانا نتسنى غير تجي وفالتالي يوقع هاكا
وليد: (غير كيدور فلمدينة) وكان كنتي كتسنايني مديريش للي يكعيني علييك تسمعي كلامي ماشي تمضي تصاحبي مع ديييك…
شيماء: والله اخويا الا كنسمع كلامك واش حيت جات لبنت تسلم علية صافي راه قلقتك
وليد: (هنا زادت شعلاتو) وهداااااك سلاااام؟؟؟؟؟
شيماء: (حنات راسها حشمانة حيت تفكرت هند ضربتها لمؤخرتها وهدا هو سلامها ديما معااهم.. صقلت معوداتش تكلمات حتى وقف شافتو نزل عاد رتاحت جبدت تيليفونها من جيب سروالها لقات ابيل من عند امال عودات صونات عليها) الو
أمال: (لخوف) واش صاافي غيردنا؟؟ صافي غرجعو لعندهم😧
شيماء: الااا متخاافيش
أمال: وشنو gاالك وفين دااك راه خلعتيني عليك جااع يضربك
شيماء: لا لا وليد ميضربنيش غير هند عصبااتو وراكي عارفااهم كفاش عقليتهم صافي صافي ها هو جااي انا نقطع بلا متخاافي المرعوودة (قطعت معاها وبقات شدااه اما هو غير مخنزر جايب معاه جوج عوااصر ركب مد ليها واحد وهو بقا كيشرب حتى نزل عليه كامل اما هي كتشرب بشوية حتى سولها)
وليد: معاكن كنتي تهضري؟؟
شيماء: اماال حيت شافتني تعطلت
وليد: امم (هضر وهو مبرد) كلامي منعاودوش معاك اشيماء
شيماء: (باغا تقنعو بيها وربي كبير) علاش راه كنهضرو معاها غير فالشومبر (بغا يهضر وهي تسبقو) راه منبغبش اخويا ندير شي حاجة متبغيهاش انا نفهمك هند راه غير ساكنة حدانا ومرة مرة كنجمعو ومنكذبش عليك اخويا شي مرات كنتعطلو كتدينا بطموبيلتها لفاك
وليد: (منين قالتلو هااكا عرفها مغتبغييش تخبع عليه) واش مبقيتيش بااغا تكملي فقراايتك؟؟
شيماء: باغا
وليد: هي الا بلعتي فمك (بقا ساكت شحاال حتى نطق) انا نهبط نجيبليك شي حاجة تعشاي بيها نتي وبنت عمك (خرج اما هي مقدراتش تقنعو بصحبة هند وفنفس الوقت مبغاتش دير شي حاجة هو مباغيهاش وهي باغا صحبة هند بزااااف تسنات شي ربع سااعة عاد جاي هاز بلاستيكة فيدو دارها اللور وطلع ركب شافها مقلقة) راه انا للي غنعرف مصلاحتك اختي
شيماء: والله اخويا وكان كانت خايبة منزيدو معاها حرف راك كتعرفنا انا وأمال
وليد: (كيلعب بلسانو فوسط فمو) حيت كنتيق فييك اشيمااء وكنتيق حتى فأماال جبتكم لهنا
شيماء: (تبسمت وهزت يدو باستها) نتا احسن واحد فهاد الدنيا
وليد: (تبسم وحط يدو على راسها كنوع من الرضى) رجلك متوطاش معاها برا لا فلفاك لا فالزنقة
شيماء: واخا خوويا منخرج معاها غير للضروورة
وليد: (هز حاجبو فيها) واش بااغا تهبليني ابنتي هاد نهار
شيماء: هههه وعفااك راه نهضر معاها غي حيت جاارتي صاافي
وليد: مرضتيني بهاد جارتي جاارتي
شيماء: هههه وراه بالصح جارتينا
وليد: سمعي راه الا حتى بغيت انا محمد ولا نبيل للي كيجيو هنا على غفلة غيلقاوكم معاها غيرجعووكم بجووج بلا حتى ميتناقشو معاكم اللهم خلي وجهي نقي قداامهم ومتحطيش راسي فالارض حيت انا الوحيد للي دافعت عليكم والا لقاو داكشي للي بغااو مغتبقاليش كلمة فالعائلة
شيماء: (فهمات موقفو) واخا خويا كلامك للي غيمشي
وليد: ياله باش منخليوش أمال بوحدها
شيماء: (تبسمت) كانت بغات تجي تسلم عليك غير حشمات
وليد: نتي للي تلفتيني كنت باغي نسول فيها مهم غدا غنجي ناخدك صباح نساريك شوية
شيماء: وأمال؟؟؟
وليد: (شاف فيها شوفة ديال بنيتك) لبنت كتحشم لا!!!
شيماء: اممم ولكن حشومة منخرجوهاش
وليد: يصبح ويفتح (وصلها لداخل نزلات من بعد توصيات وعطااها صااك كبير) ياله سيري (حك عينو) هادشي ليك ول….أمال (مشات وبقا متبعها حتى هز عينو للبالكو فين كانت هند ملقاهاش كمكم ففمو ركب ورجع لوطيل يرتاح من بعد نهار متعب….)
شيماء: (مع طلعات لدروج وهي كتلهت مع الصاك للي تقييل تعرضات ليها هند دايرة يدها على خصرها ومطلعة حاجبها شافتها شيمااء) وزيدي عاونيني
هند: (عوناتها فالصاك حتى دخلوه للشومبر وقفات) مشات داك روومبو ديااالك
شيماء: نتي عيقتي قبيلة اصااحبتي زعما فهمناك كفاش دارير الجو فالعائلة
هند: باش عرفتو أنا جاي تفووو شحال محملتش داك خووك
شيماء: غنتقلق منك اهند راه هو سباب باش جينا هنا وهو عندي عزيييز بزاااف
هند: وانا ماالو محملنيش؟
شيماء: ونتي مجاك ضربيني فترمتي غير قداامو وياك تافقنا فاش يشوفونا معااك تكوني لابسة شوية دلحواايج.. المااسخة
هند: كيتوووو تلقاايه فبلجيكا كل ليلة منعس معاه وحدة فشكل وهنا داير فيها سي الاخلاق
أمال: (شهقت) لا لا ولييد محتارم ميديرش لحراام
هند: نتي بالظبط منين نكونو كنهضرو فهادشي غير سكتي
أمال: (نفخت حنوكها وسكتت)
شيماء: راه بالصح خويا ماشي ديال هادشي نتي مكتعرفييهش
هند: حبيبة انا للي نورييك فنوع رجاال هو غير بغا يستقوى علييك
شيماء: هند بالصح غتقلق منك الا وليييد هضري فينما بغيتي الا هو.. (هند شقلبات عينها وتلاحت فلفراش عطيااها النخال)
أمال: وشنو gالك اشيمااء وفين مشيتو؟؟
شيماء: واالو كلامنا على هاد السيدة للي كانت كتخرج عينيها فييه والله مكتحشمي غالطة وزايدة فييه
هند: (خرجت عينها وكتشالي بيدها) فاش زدت فيه فاااش؟؟؟ هو للي غير شافني محملنييش بحال سرقاالو لورث
أمال: لا هو حيت شافك لابسة معيق
هند: بففف اشمن لبااس مالو ولدني وخلاني انا هدا لباسي وهو ماشي شغلو فية حدو يحكم فختو
شيماء: واش نتي مبغيتيش تبقاي صاحبتنا؟؟؟ راه الا جا خوها ولا خوتي ولا با وشافونا معااك غيرجعوونا راه وليد مزال هضر وقالي منشوفكش معاها برا اما هوما غيديونا نيشان ويزوجونا بلا شوار منا
هند: امم (طانزة) مسكيين قولي خلاك تهضري معايا لدااخل
شيماء: بطليييع الرووح باش خلاني
هند: (عوجت فمها) لحكام الخاااوي وصااافي
شيماء: وزايدة كطلي عليه من لبالكوو باز
هند: وا غي حيت بوكووص ولكن خصاارة داير فيها سي السيد على ختو وهو تلقاايه عايش الحياااة
شيماء: عجبك خوويا؟؟
هند: (لوات شنايفها كتفكر كان رااجل عادي زينو زويين عندو حقو ولكن ديك الهبة الرجولية هي للي زايدااه نغزة)
أمال: انا شحال مشفتو
شيماء: اوا وجدي راسك غدا تشوفييه يا ريت يشوفك ويمشي يخطبك من عند عمي نيشاان
هند: (هزت راسها فيها) شنو بلان هاد الخطبة عاود
أمال: هاد لحمقة باغا تنوض الفتنة راه ميمكنش يخطبني
شيماء: دابا تشوفي براكة غير شحال سول فيك قبيلة وصيفطلك عشااك وقالي للي فالصاك كما لية ليك حتى نتي
أمال: (حشمت ودارت يدها على وجهها) الااااااا
هند: هاي هاي هادشي مفخباريش
شيماء: اوا مرحبا بيك للعرس ههه
هند: هههه قوليلي هااكا خيركم ميدييه غييركم…
هند: اممم قوليلي هااكاا خيركم ميدييه غييركم.. منصحكش اختي أمال غتعااني مع هاد العقلية
شيماء: هند عيقتي راه خويا وكنعرفو نتمنااه لأمال حيت نبغييها ونبغيلها لخيير
هند: وحسو بيا انا علاش غير شافني دارلي هكاك بقا فية الحاال والله
أمال: (كتبغي تخفف عليها) راه حيت معرفكش وصاافي
شيماء: (جلست حدا هند وشافت فخااضها للي كيبرييو وباينة رووطب) ازمر انا للي بنت وكتلفييني (هند هزت وساادة وضرباتها لوجهها) هههه وصاافي دابا غير سمعي وليد خاايف علية نتعرف أنا ولا أمال على شي وحدة ونخرج طريييق من بعد موقف فوجه كوولشي على قبلنا هو شافك قبيلة لابسة هكاك وزيد كلام للي قلتي وفين ضربتيني قال هادي غترد ختي بحاالها
هند: كفاش بحاالي
شيماء: لباس زعما كنهضر على لباااااس
هند: بفف عقلية متخلفة
شيماء: هادشي ما عطى الله حنا هاكا عائلتنا شفتي هاد لباس عييب تلبسيه حتى منين تكوني بووحدك
هند: اوا وفاش يزوجووكم
شيماء: هادشي علاش وليد وقف فوجه كوولشي وصيفطني هنا نقرا باش ميكونش مصييري زوااج وانا ممقتانعاش بييه شفتي عقلو كدااير وحتى من أمال مبغاهاش تزوج نبيل للي خوه حتى هو باش متزيدش تعذب
هند: (هزت حااجبها وشافت فسقف) اممم
شيماء: (ناضت عند أمال) شنو تلبسي غدا
أمال: لا لا منخرجش معااكم حشوومة
شيماء: لا غتخرجي
أمال: أ والله منمشي نقد نهبط نسلم عليه ولكن نخرج نهار كاامل نحوس معااكم لا غنحشم بزااف
هند: صافي أمال نتي غدا ياله معايا نمشيو لعند ديك السيدة
شيماء: ولاااااا متكونوش مسمووماات حتى انا بغيتها تكبر
هند: الا زدتي كبرتيها كتر من هااكا غادي تجبدي نحل على رااسك اما أمال ترمتها راها مضروبة بمقلة خاص تخرج شوية للوجوود (أمال قلبت وجهها حشماانة وفنفس الوقت فرحاانة شحال كانت كتمنى تكون عندها حيت من ديما مها كانت كتعايرها بيها وبان طايتها مرجلة غتخليها بلا زوااج وهاكا تربات فعقلها للي عندها مسعوودة راها هي الأنووثة وللي بحاالها ضاربهم تران..)
شيماء: (حيدت حوايجها وبقات بديباردوور وشورط وبقات كتعوج قدام لمراايا للي شرااوها كببيرة وعلقوها حدا باب لبالكون) زعما صحاحيت
أمال: (بإعجاب) واه والله جيتي فنة فنة
هند: ويي بان لفرق بزااف على نهار جييتي
أمال: (بلا متسول على راسها حيت بانت غير فحنوكها اما صحتها لا جديييد.. هاكا بقات لهضرة حتى ناضت شيماء حلات الصاك لقات خوها جايب ليها كادوات حوايج وشكلاط وشي برودويات ديال الصحة… )
~~~~~~~~~~~~~
أصبحنا وأصبح الملك لله..
ناضت شيماء على صوت تيليفونها كيصوني كان خووها جوبات بصوت نعسااان حيت باتو قسارين حتى للفجر عاد نعسو
شيماء: خويااا
وليد: نص ساعة نلقااك لتحت متعطليش اشيماء وووو……. إلا بغات أمال تجي قولها تجي (قطع)
شيماء: (طرطقت عينها وغوتت) اماااااال أمااااال
أمال: (ناضت مفافية) ماالكي
شيماء: ولييد بغا يشووفك
أمال: (تزعزعت كدور عينيها) هاااا كفااش يشووفني (مسحت على وجهها بيديها) كفااش
شيماء: قالي قولي لأمال تجي نخرجو مجموعين
أمال: (بغات تهرب ليها الظحكة) واش بالصح لا لا انا كنحشم
شيماء: عفااك اأمال خلي الحشمة ديالك لمن بعد
أمال: شوفي منقدرش والله
شيماء: بففف قولي باغا تمشي تخرجي لمستخبي (ضرباتها لترمتها)
أمال: هههه لمسخ… (ناضت شيماء فرحاانة غتخرج مع خووها وأمال لبسات جلابتها لواسعة ولوات شالها وهبطات معاها لتحت) بففف على حوايج شحال كرهتهم
شيماء: (شافت فيها) قلتلك لبسي كسوتي وزايدون نهار اللول قلتلك تبقاي تلبسي من حوايجي ولوحي عليك هاد دراابل
أمال: لبس شنو شاريلك عائلتك حشوومة (مكملاتها حتى وقف عليهم لابس تريكو خفيف فلكحل وسروال لاطوال فبلومارين وداير نظارااتو لكووحل مع لحية خفييفة وقف حدااهم وحيد نظاظرو.. شافتو أمال من بعد مدة كبيييييييييرة ديال الانتظاار من ديما كان فاارس أحلامها ورسماتلو صورة خااصة بيه فعقلها بكترة مكتعاود عليه شيمااء ومواقفو لمرجلة مع ختو للي كتنفعها حتى هي حنات راسها متبسمة من بعد مسلم على ختو بالوجه وبقا معنقها بيد اما أمال اكتفى غير بالسلام من لبعد) وعليكم السلام
وليد: أمال لباس عليك؟؟
أمال: (كتفرك صباع يديها للي مشابكاهم) الحمد الله.. حم على سلامتك
وليد: الله يسلمك.. عجبكم الجو هنا؟؟
شيماء: (كتفرج فيهم وعاجبها الحاال)
أمال: (بابتسامة ومزال وجهها حانيااه) زوييين
وليد: (بابتسامة) كنتو باغيين غير تهربو ولكن قرااو نبغي كولشي فهاد سوميستر يتفاليدا بمونسيوون
أمال: (بابتسامة خجولة) ان شاء الله
وليد: (شاف فيها كفاش حشمانة وكتلون وتعصر باش تخرج كلمة وهادي هي صوورتو على أماال للي مرة مرة كبتعاود عليها من طرف ختو ولا مو.. شاف فختو للي متبسمة بحال شي بوهالية) ياله نمشييو.. أمال تبغي تمشي معانا؟؟؟
وليد: أمال تبغي تمشي معانا؟؟؟
أمال: (شدت فطرف من جلابتها كتجبد فيها) حم بلا منصدعكم اخويا
وليد: اشمن صدااع؟؟؟
أمال: (محرجة حركت راسها بلا وهي حانيااه)
وليد: وااخ على خااطرك تبغي شي حاجة؟؟
أمال: (تبسمت) برااك الله وفييك مخاصني واالو
وليد: (بابتسامة ودعها ومشا ركب خلا ختو معاها)
شيماء: وكان غير تمشي معانا أموولة شوفي خويا ككيهضر معااك باينة عجبتيبه
أمال: احااي علييك سكتي غيسمعك (طلات عليه بنص عين سارقة الشوفة فيه) ممتيقاش هدا من العائلة واش شفتي كيهضر معايا ويشووف (عينيها لمعو) والله ممتيقة
شيماء: : هههه دابا تيقتيني وسيري بلا منخليه يورينا الوجه التاني راه عدووه التعطاال (تسالمو بالوجه بحال غيتفاارقو عاام هي طلعات ولوخرا مشات مع خووها يتعاودو على الدار وعلى كوولشي..)
~~~~~~~~~~
أمال: (طالعة فدرووج وكتفكر فوليد أول واحد كيهضر معاها مزيان هااكا حسداات شيماء على خووها وتمنات محمد ولا علي يتعاملو معاها هااكا ولكن لا حياة لمن تناادي مشات لطواليط قضات غراضها ورجعات لشومبر ديالها كتجمعو من رويينة للي فيه قدات فطوور وتسناات هند تجي تعطلات عليها وهي تشجع مشات لعندها دقات عليها وبقات تسنى حتى فقدت الأمل وبغات ترجع وهي تحلها لباب مضهشرة بنعااس)
هند: خاصني نعطيكم سواارت (رجعت نعسات على كرشها) مشات شيمااء مع خوها
أمال: (جلست على كرسي وهي فرحاانة) واااه
هند: (ميقت فيها) وماالك نتي فرحاانة
أمال: وحيت ضرييف عمر شي واحد مهضر معايا هااكا
هند: (خسرت وجهها) بعدا أنا محملنيش
أمال: هههه معرفت
هند: يمشي ي***
أمال: واشتي علاش محملكش نتي بنت زوينة بزاااف وكضيعي رااسك
هند: (جلست وشافت فيها) خاصني نتبدل؟
أمال: شوية فهضرتك متبقايش تخسري لكلام وفلباسك ههه وراه شي مرات كنحسك خارجة عريااانة ونتي كولشي فيك زوين وغيطمعو فييك ذيااب
هند: واخا لالة انا غنعاونك تقاادلك لفورمة وشعر ولحوايج ونتي عاونيني منقطعش صلاتي وحتى لحوايج نبدا لبس مستور
أمال: ديري الإخوان
هند: ونبداو بعدا بصلاة هههه ابإخوان صعييب داابا حيت الا درتو خاص لتاازم بيه ماشي غير زيف محطوط فوق الراس باش نتسمى إخوانية
أمال: واخا واجي بعدا نفطرو راه من قبيلة وأنا كنتسنااك (مشاو فطرو كيتعاودو على كولشي وأمال كتعاود ليها كفاش تصرف معاها ولييد ممتيقاش تعاملو اللطيف معااها وهي شخصيتها بحال شي بنت صغيرة الحاجة للي كتفرحها كتبقى تعاودها بزااف حيت قلال اللحظاات زوين للي عااشتهم من ديما عايشة فرعب مع خووتها وخصوصا فالاواخر منين قرات وجات هنا زادو صعرو علييها وحسساتهم ان كلمتها فوق كلمتهم واخا هي مهضرات متكلماات…)
هند: انا وكان كنت بلاصتك وكان هربت شحااال هدا
أمال: نهرب!! والله حتى يلقاوني وينحروني من لودن لودن ويرميوني لذياب وعقلي يا غنموت مخلوعة يا مذبووحة
هند: بففف مهم هانتي هنا وخااصك تبروفيطي هاد الوقت باش (كتطنز) حتى الا تزوجتي سي الأخلاق تكوني دوزتي شي حاجة فحيااتك
أمال: زعما على ولييد
هند: وي
أمال: صعييييب ومن المستحيل
هند: (هزت حاجبها) علاش ياك كتقولو ضاركم خاصهم غير السبة باش يزوجووكم
أمال: (بتنهيدة) منبغييش نضر شيماء اولا الا تزوجت خوها فالمفروض حتى هي خاصها تزوج بخويا محمد للي عينو فيها من شحال وخطبها وصدووه ومزال عينو فيها.. زيد قبل خوها نبيل بغا يتزوجني وهنا غينوض صداع كفاش قبلو بوليد وميقبلوش بنبيل غينوض صدااع ومتعرفي كفاش يفهموها واش فهمتي
هند: اممم خالوطا جالوطا عندكم وصاافي
أمال: كما كتقول خالتي فتيحة مامات هند بعد من دمك لا يطلييك وااخا ولييد باينة فيه بنادن واعي ومثقف وألف بنت تمنااه وحتى أنا من دوك لبنات (بتنهيدة) إلا صعيييب..
هند: أمال الا بغاااك هاد خينا غيدير على قبلك المستحييل كما دارو كنين بغاكم تجيو تقرااو.. وداابا نوضي باش لحقو السيدة راه عليها الطلب ودي معاك فلوسك (نااضت أمال فرحانة حيت بدات نهارها بمعاملة خااااصة واخا كانت عادية الا هي جاتها كبيييرة… جمعات الدنيا بالزربة لبسات وخرجات عند هند للي قدات حالتها كما ديما ركبو فطموبيلتها وزادو عند مولات لgديييرة..)
بنات أرائكم فالاحداث ماشي up..
هند: (تبسمت مع لمرا للي بدات كتسخن فالgلة) واش هادشي فيه غير جلسة وحدة ولا ترجع مرة اخرى
….: نشاعالله ابنتي هاد لمرة كااافية وتشكرني حياتها كاملة
أمال: (حشمانة تعرا وهي للي عمرها تعرات حتى قدام مها)
هند: امل حبيبة خاصك تهزي جلابتك وتعري على تر***
أمال: حم ضروري؟؟؟
….: وعلاه ابنتي بغيتيني نقرا عليها وتكبر هههه
هند.: هههه غير كتحشم مموالفاش هادشي
….: (فنفسها وللي يحشم يجي هنا) متحشميش ابنتي ديريني بحال مك
أمال: (كااارهة تعرا ولكن كان ضروووري وقفات على ركابيها وهزت جلابتها حد كرشها وهبطات لكولون حتى لركابيها بقالها سليب شافتهم ظحكو نعست على كرشها وهي تجبدو ليها لمرا حتى لحدا ركبتها وأول منتابهات هند هو زغب خفيف للي عند أمل وباينة مكتحيدووش من رجلها مكان حتى شي ردة فعل حيت وحدة مربية مقمووعة من كولشي وخصوصا نبع الحنان اخر حاجة تفكر ديرها هو الاهتماام بذاتها.. شافت لمرا رشات شي حاجة فلكديرة وهي تشعل العافية فيها وكانت نار مهييييلة وزرقااا بقات كتحركها وهي تحطها على طرف من مؤخرة أمال للي غوتااات حتى نقزو دموع من عينيها)
أمال: تحرقت تحرقت تحرقت…
….: صبري ابنتي راه سخونية للي تخلي لكديرة تجبد ليك لحم
هند: (غير كتشوف وكتحمد الله على الطبيعي للي عندها ولكن بقات فيها أمال للي كتبكي.. المفعول كيبان منين كتجبد المرا القلة وكتبان المؤخرة خرجات مكورة وحمراااا عاودات فنفس لبلاصة وأمال مقدراتش تصبر لحريق دازت للجهة الأخرى وأمال كتغوت بلحريق وللي مصبرها غير كلام هند وتشجيعها وأن الأمور صدقاات كما بغاات بقات تجبدلها وكملات بيديها وفالتالي دهنات ليها بيافيين حيت تحرقاات ناضت أمال ووجها حمر هزت كولونها بصعووبة حيت كلاتها مزياااان وهبطات جلابتها)…
…: بنتي حيدي سرواالك راها غتنبل ليك
أمال: ها لا لا معليش مفياش لحريق بوراااكة الله وفيك اخاالتي (حلات بزطامها ومدات ليها الثمن للي قالتلها هند تعطيها)
….: (دارت فلوسها فصدرها) شري ابنتي شي حاجة دلحرااق ودهنيها 3 ايام وهانتي ناضية
هند: مكاينش شي حاجة لصدر راه واالو متكسابوس
….: (شافت فصدر أمال للي باين مكيدوورش) كاين والا مكانش نكونوووه هههه
هند: هههه لهلا يخطييك الالة حورية
أمال: (غير كدور عيينها ولكن فنفسها كتشكر هند للي فهماها بالا متنطق بشي كلمة تخيلت فمخيلتها طايها كغتولي ولا إراديا طلعات ابتسامة على وجهها)
….: (جابت لمرا واحد لقرييعة ديال زيت الحلبة الحايلة معاه حبة حلاوة) هدا للي خداتو من عندي شكراتني فييه زيت الحلبة راه عمرها 8 سنين
هند: ياك دغيا يخرجو ليها لبنت عرسها قريب وراكي عاارفة
….: واشتا نقولك بلكديرة غادي غير يتحرق ليها لحمها حيت لحيمة للي فصدرنا ماشي هي للي عدنا لتحت ماعليها غير كل ليلة تماصيه بهاد الزيت وتجبد فيهم بداك للي كيجبدو نسا حلييبهم غير تبدا تصحاح شوية غيبان
هند: تيغ لي؟؟؟
…: ايييه
هند: واخا لالة حورية لهلا يخطيك بشحال هدا
….: هدا كاادو من عندي لالة لعروسة حضرينا غير فعرسك
أمال: (كتفرتس بحال بالصح راها عروسة) مرحبااا خالتي
هند: لهلا يخطييك ولكن راك كترزقي من هادشي غير قولي
….: (تبسمت) واا لي جا من عندك ابنتي
هند: (بغات أمل تجبد لفلوس وهي توقفها هند كمشت ليها 200 درهم واخا عارفة الزيت مسوياش حتى 50 درهم ولكن بغات تعاونها كما موالفة كدير مشاو وصلو للطموبيل وأمل مقدراتش تجلس حتى قلباتها منااحة بدمووع) راه صعيب ترجعي لدار على رجليك راه جبدة طريييق غير صبري احبيبة
أمال: (صبرت وجلست عليها مقسحة ولكن حسات بيها تنفخات شوية للي برد علييها لحرييق دازو فرماسيان خدات شي دوا دلحريق وسيكاتريس عاد مشاو للدار وأمل واخا لحريق قاتلها الا بغات تشوف النتيجة غير وصلات لدار الطالبة هند مشات لشومبر ديالها ولوخرا لشومبرتها حطت جلابتها تبعاتها لكولون ووقفات قدام لمرايا وحلات فمها بمؤخرتها للي خرجات وبدل شكل جسمها كليا حتى من سليب بان عاامر على ككان كيبان كوزت وبانتلها ظحكت على راسها فرحاانة كانو شي بقع ديال الدم خفييف مسوقااتش.. ترسمات ابتسامة عريييضة على وجهها فرحانة بييها ولكن باين محرووقة حيت جسمها لونو خمري وجا لديك لبلاصة وكانت حمرا مايلة لزرووقية لبسات بيجامة طويلة عريضة وحيدات سلييب رشات شي حاجة دلحريق دهنات بيافين وعاد كملاتها بسيكاترييس ونعسات على كرشها ترتااح شوية وفنفس الوقت فرحااانة برااسها وبمؤخرتها جديدة….)
عند شيماء…
شيماء: (سراها مزيان وجدة لدرجة وراها حتى لمحالات الا بغات تقدا وشحال دلوقت خاصها من الدار للمحال وصاها على صحابات للي مديرهمش حيت محملش هند ومدخلاتش لدماغو ختو تكون عندها صاحبة متبرجة بحال هند وهاد لمرة متجابهاتش معااه عطاها فلوس وشرالها للي عجباتها وللي حطات عينها علييها تقدا ليها تقدية محترمة حيت عارف كفاش كدووز الحياة الطلابية واخا من قبل هو وولاد عمو دوزو لاميزييير الا ختو ميبغيش يخصها وااالو….
كانو كيتعشاو فالشواية تسناو دومووند وبقا وليد كيخرب فتيليفوونو حتى نطقات ختو) كجااتك أماال؟؟
وليد: (هز حاجبو) مالها؟؟
شيماء: هي كتحتارمك بزااف
وليد: (ببرود) طبيعي
شيماء: اممم وهي زويينة وحشومية وضريفة بزاااااف
وليد: كتعرفيني على بنت عمي ولا؟؟
شيماء: لا.. بففف وليييد زعما نتا اخويا محاط العين على حتى وحدة تزوجها
وليد: (رجع تيليفونو لجيبو) عاد كنتي تهضري على أمال ودابا زواج جيني كوود ابنت بويا
شيناء: (غمضت عينها) مكرهتكش تزوج بأمال (حلاتهم بشوية لقاتو مزال مبرد) والله اخويا حتى تمنيتها ليك، فشكل هي وغتكون مرتاح معاها وحتى هي دازت عليها بزااف مع مها وخووتها ونتا هو للي غتكون حنيين فييها
وليد: (بقا ساكت شحال حتى شككها فراسها وخافت من سكااتو.. اما هو كتشوفو كيلعب بلسانو فوسط فمو تحط لعشا وهو ينطق مع السرباي باش يزيد يشويلو رابعة من كل انواع اللحوم للي خداو هوما وشاف فيها) تعشااي بانلي الجووع لعب على عقلك
شيماء: بففف علاش كتقمعني أمال بنت عمنا وحنا كنعرفووها
وليد: شيماااااااااااااااء خلي نهار يكمل على خيير مفهمتش نتي شنو دخلك فهاد الموضوع بنت عمك راه كنشوف فيها الا بغيتها غنمشي نخطبها.. ودابا غتاكلي ونتي ساااكتة
شيماء: (لوات شنايفها) انا بغيت ليك غير الخير اخويا ومكاينش للي يستاهلك فالدنيا قد أمال
وليد: (تبسم باستهزاء كان ممكن يعطيها القاصح ولا يقمعها ولكن رااه ختو صغييرة ومفااهمة واالو تكلم معاها مبرد) شيماء انا مكنفكرش نتزوج داابا والا كانت مكتابة لية أمال مغلقاش حسن منها ومتحتاجيش تشكريها لية (قوس عينو وجات صورة أمال وهي حشمانة ومتبسمة فبالو) كنعرفها واخا انا بعييد
شيماء: (بفرحة) يعني عجباتك؟؟
وليد: (غوبش) يا مال مك مبزكلة فلكلام كولي الا غتاكلي ولا نشقلب مو هادشي فوق راسك
شيماء: صافي صافي ها هي سااكتة (بقاو كياكلو فجو سكاات حتى جاه اتصاال جاوب وسمعات غير سمية ديال زهير وشي لاخر كولشي بلفرونسي مقشبلت واالو..) خويا مكليتي واالو
وليد: (حط يدو على كرشو) الله يخلف مبقيتش ناكل بزاف فالليل
شيماء: (كملات الماكلة حتى جابلو السرباي بواطة فلبيض فيه للي وصاه علييه كملات شيماء للي واخا شبعانة ولكن رجات كتاكل بهستيرية بسباب فاتح الشهية للي كتاخدو كملو وشدو طريق للدار هبطات وهبط حتى هو واوطوماتيك جات عينو فلبالكو للي كان ظلام فيه شاف فشيماء) شيماء منحتااجش نوصييك اخييتي راه كنتيق فييك
شيماء: (عرفاتو داوي على هند) مغخرجش معاها اخويا غير كوني هاني
وليد: انا صباح بكري غنمشي للدار تبغي تمشي؟؟
شيماء: (بالزربة) لا خويا
وليد: متبسلييش راه واليديك
شيماء: ماشي هكاك والله راه غير لقراايا وصاافي العطلة ديال 1 غنهبطو
وليد: (هز حاجبو) حنا مزال فشهر 10 (شافها حنات رااسها) واخا لالة مهم انا غنمشي دابا باش نعس. خااصك شي حاجة؟؟
شيماء: (عنقاتو) لا خويا كولشي عندي الله يخلف علييك (طبطب فظهرها)
وليد: ياله سيري طلعي (جبد ليها لمياكي للي شراات وجبد بوااطة) هدا لعشا ديال أمال (تبسمات زعما أمااااال) يا براااكة من تبرهييش ابنتي
شيماء: هههه مقلت واالو نتا للي تفكييرك هكااك هههه ولكن مزيان تفكر فيها (شدات من عندو كولشي) شكرا بزااف اخويا من ديما نتا للي كنحس بيك عندي فهاد الدنيا نتا وماما للي كتحنو فية (جاوبها ابتسامة) خويا منين تكون راجع اجي عندي
وليد: (هز حاجبو) متعرفيش امتى غنجي! ولا نجيو عندك!!! (جمعت الظحكة وبدلاتها بابتسامة صفرا يعني غتبقى عايشة فرعب أي وقت يجيو يقلبو فييها وهي مزال باغا ديير بزااف دلحوايج فباالها.. تودعات معااه طلعات وهو مشا فحاالو ولحسن حظ هند كانت داخلة بطموبيلتها غير بانتلها طموبيلتو تخبعاات تحت لفولون حتى داز هزت راسها بشوية وفبالها معرفااتش علاش دارت هاد الحركة…)
هند: (غير مشا هزت راسها) تفوو لمعقد لاااخر (خرجات من طموبيلتها وطلعت لشومبر ديالها.. أما شيماء دخلات للشومبر كان سهاااات حطت صباطها ولبست مشاية وحطات لميكات فداك لبوطاجي صغير للي عندهم ودخلت قاطعة الحس بانتلها أمال مجبدة وناعسة على كرشها وأول حااجة لحظاتها هي المؤخرة للي منفووخة شوية عكس فاش كانت كتنعس على كرشها كيبان بحال ظهرها بحال تحتها خط مستقييييم تبسمت فرحانة ليها حيت من ديما أماال كانت كتحلم هااكا وكانت مخليااه حلم مستحيل… زعزعااتها من كتفهها)
شيماء: أماااال أمووولة بالصحة الترمة ههههه (واالو مفااقتش) أماااااااال وااا أمال واش هادشي كااع نعاس فييك (رجعات زعزعاتها فيدها وهي تلقاها سخوونة دارت بالزربة يدها فحنكها وجبهتها كتلقى شياااط.. تخلعت عليها) أماااال أماااااااااااال
هند: (كانت بدلات حوايجها ببيجامة دخلات من بعد مسمعت شيماء كتغوت) اهياتا ماالكي؟؟
شيماء: معرفت أمال ماالها يمكن سخفاانة وفيها سخانة بزااف (دخلت هند بالزربة حطت يدها على حنك أمال لقاتها طايبة هزت لبيجامة علييها للي تجبدت معاها الجلدة لقاوها منبلة ومطبعة بجوج دوائر كانت حرقة خاايبة غير تشوفيها لحمك يبورش كانت مبجغة )
شيماء: (شهقت) ابرديييييي ماالها؟؟
هند: بففف تحرقت بزااف خاص ضروري نديوها لوبيطال
شيماء: أمااااال (كطرشها بشوية) أمااال متخلعينييش علييك
أمال: (بحرا كتحرك عينيها وصوتها كيخرج ممسموعش وغير كتأن) لح لحرييييق… ف..يااا لح.. رييق
هند: غير صبري اختي هاحنا نمشيو لطبيب
شيماء: واش نعيط على وليد
هند: معرفت.. يمكن.. عيطيلو… ول بلاش تخاافي يشوفك خارجة معايا ميبغييش بلا منجبدو صداااع…. ولا حسن عيطيييلو عو يمشي معاكم تخافيه يكون كيضور هنا ويلقااكم معاايا
شيماء: (جبدت تيليفون من صاكها ودوزات نمرتو بقات كتصوني علية ووالو مكيجاوبش) صونيت 10 دلمراات
هند: صاافي هزيها معاايا مغنخليوهااش تمووت سخاانة راها صعييبة (هزووها وهي كتأن لاعبة عليها سخاانة وركابيها ممعاونينهاش وبكترة مضعييفة مجاتهمش صعييبة لبسوها عبااية للي واسعة عليها بتريبل ودارولها شال خفيف فوق رااسها وهند هزات عباية من حوايج شيماء للي فيهم الضو ولبساتها بلا متسدها.. هبطووها عاونهم سيكيورتي للي ياله بغا يسول التفاصيل باش يعلم الادارة غمزاتو هند وقالتلو يسكت ومنين تجي غدور معاه.. دخلوها لطموبيلة ديال هند رافضين يتسنااو لومبيلونص حيت غيتفرشو فشنو داارو وشنو سبابها.. صايكة بيد ويد شادة الايليفون) ويي شيغي صاافا؟؟…… قلتي غترجع لاكلينيك…… صاحبتي مرضات بزااف…… اوكي بيبي أنا جااية ميغسييي (قطعت وركزات فسوكان حتى وصلو صوناتلو مكملاش 5 دقيقة حتى خرجو بيااص حطو أمال فيه للي توجعات منين نعسوها على ظهرها ودخلووها مشات هند مع طبيب عودااتلو شنو وقع باش يفهم الحاالة ورجعات عند شيماء) بعدا مغنتشوهوش مع هدا
شيماء: شكون هدا واش من العائلة
هند: بنيتك اشيماء كتسمعيني كنقولو شيغي ماتشيغي ويكون من العائلة هدا الالة وااحد مخليااه سكور لهادشي
شيماء: كفاش؟؟
هند: هو باغي يمووت ونمشي نبات معااه وانا معطيااهش وقت داكشي علاش كيديرلي الخااطر باش نرطااب فهمتي
شيماء: هييييييء ولد لحرااام
هند: كااملين احبيبة الا من رحم ربي مهم يقضينا هاد المصلحة وغنقلب عليه حيت من دابا غيفرعلي **** بالطلباات
شيماء: سمحييلنا اخييتي ويلي على الزغبية بقاات فية عمر شي فرحة مكملات ليها
هند: لا ان شاء الله تدااوا راه لمرا بقات كتعاود بزااف داكشي باش تحرقات
شيماء: (بقا كيصووني وليد على ختو) ولييد
هند: (شافت رااسها لقات راسها كانت لابسة عباية من حوايج شيماء سدااتها وسترات لحمها) هههه غير قولو يجي
شيماء: (جوبات) خويا علاش مجاوبتنيش قبيلة
وليد: (مخلوع عليها) ماالكي شنو وااقع؟؟
وليد: (مخلوع عليها) ماالكي شنو وااقع؟؟
شيماء: أمال معرفت ماالها لقيتها ناعسة مكتفيقش وفيها سخاانة بزاف
وليد: (تخلع) انا جااي عندكم
شيماء: لا راحنا فصبيطاار جابتنا ختي هند الله يرحم ليها الواليدين (باش تقنعو) قالنا طبيب وكان مجبتوهاش فلوقت كانت غتمووت
وليد: علاش ماالها كانت صباح مزيان فيينكم انا نجي؟؟
شيماء: حم هند شنو سميت هاد لبلاصة
هند: كلينيك ***** (غير سمع هند شنو قالت قطع هز سوارت طموبيل وخرج زربان عارف وجدة وحاافظها مزياان مشا نيشان تمااك صونا على ختو)
وليد: خرجي انا برا
شيماء: (لهند) انا نخرج عندو.. اه ويلا دخل عفااك متجبديش صدااع معااه راه مgنوي غير بوحدو
هند: (عوجت فمها) اممم ولكن الا جبد شي حاجة مسوقوش فيها والله حتى نسمعهم لييه
شيماء: وعفاااك اهند غير على وجهي ووجه أمال (خرجت عندو متوترة غير شافتو سلمات عليه بلوجه) علاش مجاوبتينيش مكنتش غلقى للي يعتق أمال وكان ماشي هند مسكيينة جابتنا بطموبيلتها
وليد: (طنز) مسكينة.. مهم مالها بنت عمك؟؟
شيماء: (بلعت ريقها) سخاانة
وليد: ضربها لبرد ولا شنو!!! (لوات شنايفها زعما معرفت.. قوس عينو فيها) قلتلك لخروج مع ديك خيتي مكااينش
شيماء: وااا خويا لبنت راه قلتلك كانت غتمووت ولقينا السيدة دارت فينا خيير ماشي خرجت نحوس معااها
وليد: امم زيدي دخلي (بقات لاسقة فييه كتعاود شنو وقعلهم حتى وصلو لهند للي كانت وااقفة مسندة على الحيط غير شافت وليد بقات كتحنزز فيه اما هو قلب وجهو لختو حتى وقفات حدااهم)
هند: راه طبيب خرج وقال راها مزيانة شوية ونديوها
وليد: انا نمشي نخلص اشيماء وعاوني بنت عمك على منجي
هند: راه خلصت
وليد: (دار عندها مخنزر) سيري رجعي درااهمك (مشا بخطوات طواال مخليها كتعبرو وتعض لحم حنكها م لداخل)
شيماء: علاش خلصتي اختي نزيدو نتقلو علييك
هند: (عبارها حتى مشا) عادي أمال راه بحال ختي.. (ضارت عندها) أجي ندخلو عندها (دخلو عندها لقاو لفرملية كتعاونها فلبااس) صافي اختي انا نكمل معاها
فرملية: الله يجيب الشفااء
شيماء: براك الله وفييك اختي.. أمال خلعتيني علييك (تبسمت) بصحتك الترمة لمحرووقة
أمال: أحاااااي على شووهتي لا تركة لا سترة وزيد راجل للي دواني
هند: عادي
أمال: عادي؟؟ أحاي حاااي على عادي راه عيييب وحشوومة وعاد تمااك (شهقات) الشوووهة الشوووهة
هند: (كتعاونها فلباس) بففف بدلي هاد العقلية الخامجة للي عندك.. من غدا تبعي دوا باش متبقاش ديك لبلاصة معيووبة وراه كتبلك على شي بومادات مغيخليش سيكاتريس دلحرتق تمااك
شيماء: راه جا وليد
أمال: (خبطت فحنوكها) أويييليييي
شيماء: مالكي ازمرة (تبسمت) راه تخلع علييك
أمال: (بعنين ذابلين) حشوومة عليك علاش عيطتيلو يجي بغيتي تشوهيني معااه
شيماء: هيييء راجلك المستقبلي وميجييش حشومة حتى لمعااودة
هند: (كتهاونها) واايلي هادشي مفخباريش
شيماء: عرفتي قالي قبيلة واخا أمال بعييدة علية عارف كولشي علييها اذا (دارت صبعها فوق فنواظرها) اذا راه على بال بيها
أمال: (بابتسامة) مااسخة
هند: هاا نتي الالة مستر أخلاق طلع مسااهلش هههه ياله نمشيو راه كيتسناكم برا
شيماء: ونتي
هند: انا غنتبعكم هه فنظرك غيركبني معااه هه (خرجو مع أمال للي بحرا كتمشى وهند غير وصلو حدا لباب سبقتهم متعمدة دوز من حدا وليد للي واقف حدا طموبيلتو دازت هازة رااسها نيشان لطموبيلتها للي حدا طموبيلتو كسيرات خاايفة يتبعها طبيب وتزيد تكحال صورتها مزيان.. أما هو غير شاف أمال مشا عندهم كما العادة ممنوع سلام غير من لبعيد كيهضر) أمال شنو وقعلك؟؟؟ وفيين طبيب بغيت غير نهضر معااه واش مزال لداخل!!!
وليد: أمال شنو وقعلك؟؟؟ واش طبيب مزال لداخل بغيت نهضر معاه؟؟؟
أمال: (قفزت مخلوعة) لا لا هو مشااا والله واصلا انا بيخير
وليد: (استغرب لرظة فعلها) وسخانة منين جااتك؟؟
أمال: (حنات راسها) غير شوية سخانة ماشي بزااف يمكن ضربتي لبرد وصاافي
وليد: (هو فهمها العادة الشهرية) اممم واخا لباس عليك انا غدا غرجع #لتاوريرت تبغي تمشي معايا زعما نمشيو كولنا؟؟
شيماء: (غير سمعت نمشيو قرصت أمال ومجات لقرصة غير فبلاصة لحريق حتى غوتت بشوية) ماالكي؟؟
وليد: (قرب حتى بغا يمد يدو ورجعها) ماالك شنو كيضرك؟؟
أمال: هااا والو غير رااسي.. لا لا انا نصبح مزيانة عطاوني دوا إبرة ونصبح مزيان غدا والله
وليد: معرفت منقدرش رجع ونخليكم هااكا انا نزييد غدا الا تزاد الحال علييكم غندييكم معايا (بغا يرجع يشدها يديها للطموبيل ورجع سحب يدو كينسى رااسو) حم عاونيها (عوناتها شيماء وهي كتفرنس من ردة فعل ولييد أما أمال احااسيس متضااربة فعقلها ولكن للي طااغي هو فرحاانة بهاد الإهتمام للي عمرها لقااتو فأقرب المقربيين ركبات اللور بصعووبة مقدراش تجلس عليها وفنفس الوقت مخاصهاش تبين ليه جلست معذبة على ورك واحد وكتبدل مرة مرة أما شيماء حدا خوها وصاك بيهم للدار ومرة مرة كيطل من لمراايا عليها بلا ميعيق.. وصلو نزلات أمال ونزل حتى هو) شيماء الا وقعات شي حاجة صوني علية #أأأناااا (برك على أنا)
شيماء: وااخا خويا
أمال: (بصوت خافت) شكرا خويا وليد عذبتك معاايا سمحلي عفااك
وليد: بحالك بحال شيماء ياله تصبحو على الخير أمال الله يشافيك
أمال: أمين تصبح على خير (عنقاتها شيماء وتمشاو اما هو بقا حاضيهم حتى غبرو عاد ركب فطموبيلتو للي ياله غيديماري حتى تشعل الضو وبان فلبالكون بقا متبع حتى خرجت هند دغيا صااك ومشا فحاالو أما هي متأكدة انه شاافها عرفها تماااك تبسمات على هاد النفخة للي عندو مستغربة كمية الكره للي كيحس بيه اتجاهها.. مشات تلقاات لبنات للي دارو بأمال بدلولها حوايجها ولبسوها بيجامة خفييفة مشات شيماء كتسخن ليها لعشا فمقلة وجابتولها كيولكلوها بالزز وهند كتنقب حتى كملو شربوها دوا وبقاو ضايرين بييها)
شيماء: تطور كبيبيير بان فوليد
هند: حيت زعما منgرش منين شافني؟؟؟
شيماء: لا لا ماشي علييك (غمزتها) حيت تقرب من أمال
أمال: مااسخة
شيماء: هههه عرفتي ياله كيبغي يقيسها يعاونها وكيتفكر راسو ورجع اللور أما فالطموبيل حاضيها غير من لمراايا
أمال: سيري خليني نعس عفااك بساالة هو راه بحال خويا
شيماء: ننننن (كتعيبها) هههه ضيعتيها غير منين كتقوليلو خوويا خويا خويا
أمال: وشنو بغيتي نgول
شيماء: قوليلو اكليييع لgلب ههههه
هند: ههه حمقة بعدي من السيدة راه كتحشم وكدخليلها شي حاجة مكيناش
شيماء: لا لا كااينة اوا ختي الله يجمعكم فالقريييب
أمال: هي بغيتي حتى نتي تجمعي مع محمد
شيماء: (جمعت الظحكة) واش جاب لجااب
أمال: بحال زعما معاارفة واالو شيماااء وليد راه صعييب يمشي يخطبني دخلي لطنطوونك
هند: علاش؟؟
أمال: حيت الا خطبني حتى خويا غيخطب شيماء للي حاط العين علييها وردوووه
هند: مفهمتش
أمال: نفهمك محمد خويا مشا يخطب شيماء من عند عمي ونبيل خوها gالهم منين نعطيو شيماء لمحمد حتى انا بغيت نتزوج أمال ختو
هند: اممم ومحمد ترفض واوطوماتيك نبيل حتى هو ترفض باش يديرو الخاطر لكوولشي وايلا رجع وليد خطبك
أمال: (قطعاتها) ميمكنش يخطبني راه خووه هو اللول بغاني واش باغيين تنوض الفتنة بين لخووت؟؟؟
هند: وي هادي عندك معقوولة
شيماء: شتي خويا وليد الا بغااك والله حتى يديييك بالسيف علييهم
هند: وي بالصح الا نيت بغاك غيتحدا كولشي واخا حتى خووه ولكن نتي اشيماء غيزوجووك لمحمد باش محمد ميحسش بالشمتة ويقولو ختي تزوجات منهم وانا مبغاوش يزوجوني ختهم بفففف حريرة مشقلبة عندكم
شيماء: (ضربات الطم كتفكر فكلام أمال….) ألااا واخا هكاك ولييد الا حط فراسو شي حاجة غيديرها ويسفرنا بجووج معااه لبرا
هند: هههه باغا تزوجك ليه وربي كبييير ياله شيماء خليها ترتااح شوية
شيماء: واخا.. أمال انا نمشي مع هند لشومبرتها باش منصدعوكش (تبسمت ليهم أمال بامتنان على للي داروه معاها خلاو الضو مشعول عليها حيت كتخاف فظلام ومشات هند دير حصص كتعلم فيه شيماء طرق المكيااج للي لسقااتها عليها… أما أمل غير مشاو ناضت بالسييف كتعوج هزت صاكها وحلاتو هزت منو الزيت ديال الحلبة وتيغ لي ورجعت بلاصتها عرات على صدرها ودهنااتو كتجبد فييه بتيغ لي مغددة عليه باش يكبر خبعات الزيت تحت النموسية ومسحات يدها غير بليلانجيت للي حدا رااسها عاد تكااات ترتاح من نهار داز صعييب وزيييين…)
وليد: (غير فاق صونا على شيماء ختو ولكن مكتجاوبش) بففف باينة مزاالة نااعسة غير قطع صونا باه.. السلام عليكم
مصطفى: عليكم السلام ياكما فيقتك اولدي
وليد: (كبحط فروة راسو من اللور) لا لاااا لاا انا فاايق من وااهلي
مصطفي: وومغتجييش؟؟
وليد: امم والله معرفت يمكن بلاتي نشد طريق يمكن حتى لعشية ولا غدا مهم باشما كان غنعلمك والسلعة راه للي صيفطتها معااه بقالتلو شي (شاف فساعة للي قداامو) شيي سااعة تقريييبا ويوصل
مصطفي: واه راني فيه نتسنى
وليد: خلي محمد ولد عمي للي يتكلف هو عارف شغلو
مصطفى: وااخا ولدي الله يجيبك على خير.. اه شتي ختك؟؟
وليد: واه
مصطفى: ياكما ضسراات؟
وليد: ياك تgوول هي تربيتك علاش غضسر.. با الطفلة جاية تقراا وراها داخلة سوق رااسها
مصطفى: اممم وعلى الله تعوااج.. وسير اولدي الله يرضي علييك
وليد: أميين بسلامة (قطع ورجع صونا على شيماء مكتجاوبش وصونا على محمد علمو بالسخرة للي كاينة فكراطن ديال لفرماج ميتحلوش قدام عمامو باش ميعرفوش أن سلاح عندهم حيت هاد التجاارة كيديروها غير من تحت الدفة.. قطع معاه ورجع صونا على شيماء للي جاوبااات) ماال ملتك مكتجاوبيش؟؟
هند: حم انا هند
وليد: (غوبش وبقا شاد التليفون ومحملعهش) علاش تجاوبي نتي فتيليفون ختي
هند: حيت هي ناعسة وانا شفتو كيصوني بزااف وعزات علية نفيقها وجاوبت باش متخلعش عليها وصاافي
وليد: (ببرود) فيقيها
هند: حم واخا (بعدات عليها التيليفون وتبسمت زعزعات شيماء للي غارقة فنعاسها بكترة سهيير) شيمااء نوضي راه خوك بغااك
شيماء: (دايخة بنعاس) شكون خوويا
هند: (بصوت خافت) وليد (هو غير كيسمع ويزيد يشرك فحواجبو … دارتلها اشارة فالتيليفون) راه فالخط (مداتلها التيليفون ومشات تكمل حوايجها باش تمشي تقرا)
شيماء: (جلست كتحاول تواكض) خويا!!
وليد: (مغدد) تهزي من تماك بايتة عندها لمك؟؟ هادشي علاش وصيييييييتك؟؟؟ تgعدييييي
شيماء: (تفافاات) لا راه هند للي باتت عندنا
هند: (شقلبت عينها كتبسم من خوف شيماااء وباغا تكتااشف علاش هاد الخوف كاامل!!!)
وليد: شيمااااااااء g لتلك بففف (سكت مدة مكيبغيش يغوت عليها ومبغاش يكبر الموضووع) استغفر الله العظيم كبقات أمال؟؟
شيماء: (بلعت ريقها) أمال .. أمال مزيانة راها مزياان
وليد: متأكدة؟؟
شيماء: والله اخويا هانا كنشوف فيها كااع راها غير نااعسة حيت فالليل منعساتش مزيان حتى فااتها لحريق شوية داكشي باش تعطلنا
وليد: متخلينيش نردك لداركم اشيماء ديري عقلك.. انا غنشد طريق دابا للدار خاصكم شي حاجة؟؟؟
شيماء: لا خويا الحمد الله كولشي كااين
وليد: بسلامة (قطع وناض لبس حوايجو هبط فطر وشد طرييق… أما شيماء حتى قطع عاد تنفساات وشدات فراسها)
شيماء: أجدك سهرنا بزااف
هند: أنا مولفة سهيير
شيماء: شحال فالساعة
هند: 8 مهم انا غنمشي للكلية الا بغيتي تبقاي هنا بقاي الا خرجتي سدي وخلي الساروت عندك ياك مغتقراوش؟؟
شيماء: لااأ وراك شفتي حاالة أماال
هند: حسن وبلاتي الا قدات نخرجو نشريو لحوايج
شيماء: (فرحت) واه واه نيت خويا راه مشا فحاالو
هند: (تبسمت) راه غيرجع ويحصلك المسخووطة
شيماء: هههه لا لا مزال ميرجع وحتى الا رجع ماما غتقولي كوولشي
هند: يااا ختي تخاافي ومتحشمييش (مشات لكليتها وشيماء مشات حدا أمال للي كانت مزال نااعسة وجدات ليها لفطوور ونوضاتها بدلات لفاصمة ودوات رااسها عاد بقات وااقفة كتفطر حيت مكتقدرش تجلس…)
شيماء: (جالسة كتمشط فشعرها) أمال كنفكر نصبغ شعري
أمال: كيفاش بغيتي ديريه
شيماء: بحال هند فلقهوي واخا كنت باغا نصبغو بزعر باش نجي زوينة ولكن الا جاو على غفلة دوك زمر ولا مشينا غيقتلوني الا لقاوه زعر
أمال: حتى أنا بغيت نصبغو بحاالك وقالتلي هند غترطبولي بشي حاجة
شيماء: هههه غرجعو فناات يا بنت عمي
أمال: هههه غير منوليش نتحرق مرة اخرى يا ختي معندي زهر
شيماء: هههه منحوسة نتي.. وووو نتفو حواجبنا؟؟؟
أمال: لا لاا لاا الا هاديك منديروهااش
شيماء: نتي نفختي الترمة بقات فلحوااجب
أمال: لا واخا هكااك وزايدون حواجبنا زوينين هااكا
شيماء: شوفي هند كيفاش جايينها ناتفاهم وجايينها فنين
أمال: وعلاش للي دارتو هند غنديرووه وزايدون هند باغا تبدل من رااسها مكتسمعيهاش بغات تبت وترجع شادة طريق مزيانة
شيماء: بففف مهم خلينا فشعر بعدا (دوزو نهارهم غير فشومبر ديالهم مع ماسكات عطاتهم ليهم هند حتى جاات تغدااو بللي كااين ولبسو باش يخرجو واخا امال فيها السخفة الا شوقها للحوايج مخلي فيها الحمااس باش تبدل ستييل ديالها وتلبس بحالها بحال لبنات… اول حاجة كل وحدة سحبات من لكيشي فلوس للي يقدووها ونيشان لمحل كبييير فيه حوايج غير لفريييع خلا لبنات بلا عقل هند معاوناهم بذووقها وهوما كيشريو لدرجة أمال خدات 10 ديال لبسيات حجابية ولكن ستيلها زويين وسورفيت وشيماء خدات 4 دلبيسات بحكم هي ديجا عندها وهند مخدات والو هي مواالفة كل سيمانة تقدا لييها… قبل ميخلصو أمال لبسات وحدة منهم كانت فلمارو سروال لطواال فلقهوي مغلوق وشومييز قهوي مفتوح شوية من جهة صدر مزير وشوية فليدين لتحت فيهم شريشفات صغار.. خلصو ومشاو لمحال اخر فيه ملابس داخلية وبيجامات وهنا شيماء طرطقات عيينها)
هند: غبشوية عليك احنينتي
شيماء: ههه كنحمااق على هادشي
هند: نتي داركم خاصهم يزوجووك الدودة للي فيك راه رجعات حنش
أمال: هههه (بقات كتشوف حتى هي ومتبعة شيماء للي كتصطوكي بيجامات بحال هند حتى أمال خداات ولكن بيجامات مستورين ودات دوبياساات حيت مكانتش كدير سوتينات بحكم مها عمرها فكرات تشريهم لبنتها حيت مكانش عندها اصلا صدر ولكن ديما كانت كتشوف شيماء عندها وكتبغي بحاالها وخدات كولونات وديبردورات وتقاشر أي حااجة كتحتااح فلبس شرااتها وبذووقها خرجو محملين عاود خداو السخرة للطموبيل ورجعو يكملو بلاصة ديال صبابط والشيلان وهنا امال لبسات شال جاي مع لبيسة ودخلات بالزربة لبسات سوتينات للي هزو شوية صدر وجا مع لبيسة.. واخر محطة هو محل كبيير فيه انوااع ديال ميكاب وروايح ليبرودوي كولشي مجوود فيه وكانت هند للي مكلفة خداتلهم كولشي للي يبغيوه وهوما غير تابعيينها اخر حااجة وراتهم ريحات زوينين وخلات كل وحدة تختار ريحة للي ممكن هي تميز بييها حطو فلووس صحيييحة وخرجو من تمااك نيشان لاطموبيل ستفو السلعة ومشاو لشي كاافي يرتاحو وشيماء نعتات لهند لكافي للي مشاولها اخر مرة وعجبااتهم قبل ميهبطو)
شيماء: ندووشة قاديلي وجهي شوية شوفي ككنبان صفرة
هند: لا نتي زويينة
شيماء: وعفااك غير شوية
هند: واخا لالة (قداتلها داكشي خفيف فوندوتان فارجو عكر خفيف جات زويينة وعجبها رااسها شافت فأمال) نقاادلك؟؟
أمال: واه ولكن ماشي بزااف
هند: ها شيماء مباينش فيها (قدات لأمال وجهها وبان زوين ومورد وحتى من لعكر كان ماط وخفيف كأن لون شنايفها هكاااك عجبهم رااسهم وخرجو فرحانين مع دخلو للكافي لقاوها بلان عاامرة) اجي نجلسو فالتيراس حسن من هنا مخنووق
شيماء: كفاش!!!
هند: تبعوني (دخلو للكافي وخرجو من باب اخر وهنا حلو فمهم لقهوة من الجهة الأخرى حاجة اخرى جلسة فربيع وبيسين صغير مزوقينو بلورد وضواو مشغولين فيه حيت بدا ظلام يطييح عجبهم بزااف تبعو هند للي ديجا جات هنا وجلسو فطاابلة قريبة لابيسين وامال ماشي فخااطرها بلحريق) أمال واش مقدراش تجلسي؟؟؟
هند: أمال واش مقدراش تجلسي؟؟ نمشيييو؟؟
أمال: (من وجهها باينة ممرتاحاش جالسة ودايرة رجل على رجل غير باش متوعتش بزااف) كضرني شوية ولكن نصبر الجو هنا غزاااال
هند: (تبسمت) وي الأجواء فالليل كتبدل شي نهار غنديكم لسعيدية تماك علام اااااخر وفين يباان هنا لبحر والرملة والقمرة يا سلااااااااااام
أمال: زعماا نسااافرو؟؟؟
هند: قريبة مبعيداش بزااف كندير فيها سااعة حتى لساعة ونص كااع الا مشيت غير بشوية
شيماء: (متحمسة) واه واه نمشييو
أمال: (بقات كدور فعيينها) والا عااقو بينا سافرنا
هند: ميجيو فين يعييقو حتى رجعو ومنها تشوفو لبحر
أمال: وااااااه نموت ونشووف لبحر يا ختي
هند: لحال بقا كيبرد أما ندي ختي تعووم كاااع
أمال: هههه لا لا نغرق (بقات هضرتهم هاكا يتعاودو ويضحكو وشخص جالس قباالتهم كيشوووف وواخد رااحتو فيهم حتى صاحبو مد ليه الشييشة خداها من عندو نتر منها وكيبخ على أقل من مهلو وغيير بشوية كيدير بحال الذييب كيهز راسو لفوق يصووط بالعرض البطييئ ويعاود يشووف فيها)
….: ألعفووو اخووونا
….: (قوس عينو بعصى ديال الشيشة شير لبلاصة فين جالسين لبنات) عقلتي على ديك لبنية
….: (شاف فيهم بتلاتة) لا معرفت حتى وحدة فيهم ولكن للي بلا زييف قرطاااااسة يا خويا
….: (صااط الدخان) هااديك وااه هاديك هي للي داك نهار صوبات فولارها فالجاجة ديال اللوطو دياالي
….: (رجع كيشوف مزيان) لا مبقييتش عااقل عليها مزيان عقلت على غير لبلان ولكن لوجه لا..
….: حسن متعقلش على لوجه براكة تعقل غير على لبلان
….: هههه وغتبقى شوف فية نشوف فييك
…..: (تبسم منين شافها كظحك) زيييينة (وقف وتمشى بنخوة لعندهم شاف فأمال) ممكن نجلس
هند: (طلعاتو بنظرة وهبطااتو ولكن للي استغرباات واحد مبووكص مشاافش فييها لا نظرااتو كانو لأماال للي حنات رااسها) مرحبا اش حب الخااطر اسيدي
….: (مد يدو لهند) أنوار
هند: (بابتسامة) هند وهادي صاحبتي شيماء وهادي أمال
أنوار: (مد يدو لأمال) متشرفيين لالة أمال
أمال: (كتحك فيديها ومبلوكية مهزاتش رااسها وخلات يدو معلقة حتى كمشها)
هند: حم (تبسمت) أمال وشيماء مكيسلمووش
أنوار: (تبسم بلبااقة) سمحيلي مكنتش نعرف
أمال: (هزت راسها بشوية وبصوت خافت) ماشي مشكل
شيماء: (كاع مشافش فيها نظرااتو غير لأمال ومرة لهند للي كتهضر وهادشي زعجها ودارها فخانة اللامبلاة هزت كاسها دلعصير للي طلبات وبقات كتشرب وقاالبة وجهها ومرة مرة تحنزز فيه)
أنوار: بون بلا مندير إحراج وإزعااج ليكم كتر من هااكا أنسة أمال ممكن نمرة ديال تيليفونك؟؟؟
هند: (شافت أمال للي حانية راسها وحشماانة بحال كيتسناوها تقول واش موافقة على زواج حتى نغزتها هند وهضرت تحت لسانها) جاوبي السيد
أمال: (بإحراج وبصوت خافت) لا
أنوار: (هز حواجبو كأنه ممنتاضرش هاد الجوااب أما هند راه كتندب من لداخل وشيماء فرحاانة فيه حيت معبرهااش وكان مد يدو يسلم كانت غتسلم عادي.. تبسم بلباقة ووقف) سمحوولي على ديرونجمو (رجع لبلاصتو..)
شيماء: عبرتي على مو
هند: ضيعتيه اصاحبتي السيد كيبان ضريف وجنتل ومبووكص واش معجبكش
أمال: (تحرجات) راه عييب
هند: اش عيب طلبلك نمرتك ماشي قالك نمشي نعس معااك
أمال: أحاااي واش تgولي اهند؟
هند: زعما هو طلبلك غير نمرتك ومبسلش كااع
شيماء: (حطت لعصير وشافت فين جالسين دراري لقاتو كيشوف جهتهم) وباينة عجبتيه وهو زوين ولكن هي معجبهااش
هند: ممكن هه الأذواق تختلف ولا قوليلي وليييد للي فلقليب هههه
شيماء: وراه خويا حسن منو
هند: اممم شكاار لعرووسة
شيماء: قولي الصراحة اأمال شكون زوين وليد ولا هدا شنو سميتو
هند: أنوااااار
أمال: (وجهها حماار ودارت يدها على وجها) وصاافي حشموووو (هو عارف الهضرة غتكون علييه وغير دارت هاد الحركة ظحك حتى بانو سنانو بركعلى راسو ومحس حتى رجع ناض لعندهم وهوما محسو حتى لقاوه جالس حدااهم شاف فشيماء للي حظاها كتخنزر فيه) شيماء ياااك؟؟؟؟!
أنوار: شيماء ياك؟؟
شيماء: (توترات منين هضر معاها) امم واه
أنوار: (عمق الشوفة فيها ورجع شاف فأمال للي راسها قرباات تغرسو فالارض) كتشابهو
هند: (دارت رجل على رجل) بنات العم
أنوار: امم باينة الدم كيجر.. (رجع شاف فأماال) أمال (هزت راسها بشكل عفوي فيه وهنا شافها على خااطرو عحبااتو.. وزينها جا على كانتو) مرتابطة أماال؟؟ (تعطيييه كلوتها ومتجاوبوووش)
هند: شوف نجيك للصراحة أمال حنا للي بنات وبالزز باش تناخدو منها شويش دلكلام
أنوار: وعلاش
شيماء: (تشجعت) حيت هي حشوومية وممولفاش كتهضر مع شي واحد مكتعرفووش
أنوار: نتعارفو.. أماال (مزالة حانية راسها جابتلو الظحك) هههه وااالو كااع
هند: (كتشوفها وججها رجع حمر) هه لبنت كتحشم واش بغيتها ذووب
شيماء: هههه هي هااكا داايرة راه من العائلة ومكتهضرش معااهم
أمال: (كطلب الله فوقاش غير ينوض من حدااهم)
أنوار: (معرف ميديير اه عرف بنات حشومياات ولكن هادي راها حجرة حتى راسها مهزاتوش فيه وكلمة وحدة مربحهاش من عندها نوعا ما مرضااش من هاد الجموود للي فييها يعني معجبهاش ومحملاتوش وتأثيرو جا لعندها وتبخر) أمال واش نمشي؟
هند: حم لا خلييك الا بغيتي
أنوار: بعدا هي محملاتنيش
هند: لا لا هكا هي طبعها
أمال: حم انا نوض ل.. (وقفات وحيت عارفة لحمام فين كاين مشات بالزربة.. وقف أنوار بغا يتبعها)
هند: أنواار (شاف فيها) أمال وحدة حشومية بزااف تربات فواحد الوسط للي هادشي عندهم عييب
شيماء: واه يعني هادشي كيجينا غريب واحد مكنعرفوهش يجي بحال هاكا ويهضر معانا
أنوار: مفنيتييش نآذي غير بغيت نتعرف علييها
هند: واش ديجا شفتيها شي نهار؟ حيت هي ماشي من هنا غير جات تقرا فلفااك
أنوار: (هز حاجبو) مسكنينش مع عائلتكم؟؟
شيماء: (عجبها الحال تهضر معاه) لا ساكنين فدار الطاالبة
أنوار: (لعب بلسانو فوسط فمو) مزياان انا يغيت غير نتعرف عليها شفتها عجباتني وجيت قااصدها
شيماء: (شافت فيه كان زوين بزااف عينيه كووحل رمووشو مخليين عينييه حرشيين ويجذبووك تشوفي غير فييهم لحيتو كحلة وبشرتو بيضة الجسم ديالو باين سبورتييف واخا ضعييف ولكن طاي مقاادة ولابس تواشي قلال فيدو.. الطريقة باش كيهضر ويتبسم كانت تزييد تخليه زوين)
هند: شوف راها تعطييك كلوتها بجوج ومتجاوبكش
أنوار: هه وشنو لمعموول؟؟
هند: (تبسمت بجنب) داكشي كيبقى ليك
أنوار: (رجع شاف فالمدخل واش تباان ووقف) مبغيتش نزيد نصدعكم
شيماء: (متبسمة) لا لا مكاين حتى صداع
أنوار: شكرا نخلييكم على رااحتكم (ورجع شاف فلمدخل) ونيت لالة أمال متبقالش واقفة من مور الزااج بزااف هه (رجع عند صاحبو كيتبسم اما لبنات شافو فين كان كيشوف ولقاوها كطل برويسها شيرولها وهوما كيظحكو عاد تمات جاية عندهم جلسااات وهي محملاش هادشي)
أمال: (ممنتبهاش ليه جاالس قباالتها من الجهة الاخرى) بففف
هند: هههه والله حتى نتي بزااف
شيماء: (كتشوف فامال) واش زعما معجبكش؟؟ منين جلس وهو كيهضر غير علييك
أمال: (كعات) صافي نمشي أنا
هند: تي ماالكي السيد مقال حتى عييب بغا يتعرف عليك وصاافي مغيااكلكش
أمال: وانا مبغيتش
هند: من حقك وحتى هو راه فهم رااسو ومشا وااخا كيباانلي حطك فرااسو وأحسن طريقة باش تخلي الرااجل متعلق بيك هو تطلعييلو أكبر Vu حبيييت هاد الفكرة
شيماء: كفاش؟؟
هند: زعما ماشي غير يقولك عجبتيني تذووبيلو لا بلمهل كيتكاال بودنجال
أمال: (شربت شوية من العصير وحطااتو) حم هدا هو للي قلتلك عليه داك نهار اشيماء حصلني كنقاد فولاري
شيماء: اممم واااااه عقلت صراحة أمال زوييين بزااااااااف
هند: بانلي نتي للي طحتي فيه الزغبية
شيماء: لا لا لا لا هو جاي لأمال علاش نطيح فيه أنا
هند: اممم (شافت قبالتها كان وقف هو وصحابو وباينة غيتحركو ولكن ملامح وجهو مبقاوش مرتاحين كما شافتو فاللول دازو من جهة الاخرى ديال بيسين وخرجو) السيد كعا
أمال: (كتشرب لعصير وهزت كتافها زعما يعاود لمخو.. حطات لكاس) الحمد الله بنييين
شيماء: هههه نتي بووحدك
هند: لبنات فية جووع شنو بانلكم نمشيو ناكلو بيتزا (حركو راسهم باه اصلا للي قالتلهم نمشيو ليه يمشييو.. هوما غير متبعيينها وصلو لطموبيلة ديال هند ووقفو وأمال ضورات عينها غير شافت أنوار تكمشت حدا شيماء بحال كتخبا منو هاد الحركة خلاتو يزييد يكعا عمر شي وحدة دارتلو هكا حتى ليها ركبو وزادو وهو بقا غير متبعها…)
أنوار: (سايك كيشوف فطموبيلة ديال هند للي سابقاه وكيفكر فهاد لجيست للي وقعلو فالقهوة) فشكل هاد خيتنا
حمزة: لبنت يمكن بنت داارهم
أنوار: وهادشي للي باغي حتى أنا وحدة بنت داارهم ماشي معايا وحدة تقسم بيني وبين ز**** سواايع ونتسنى نووبتي هادي بعدا باينة الا كانت غتكون ديال وااحد
حمزة: هي نااوي تزوج
أنوار: الا كانت فالنصيييب وكانت شي وحدة معقوولة منكرهش وداكشي علاش بغيت نتعرف علييها
حمزة: تعرف سيف علييها
أنوار: (حط صبعو فراسو) حطيتها هنا ودخلات لدمااغ بهادشي للي داارت معايا
حمزة: وصلني أخويا لدوااري وسير نتا دير شنو يريحك
أنوار: (وقف فسطوب) راه التاكسياات اخويا انا عندي شي شغل
حمزة: هههه (نزل حيت عارفو مغيتفاكش مع أمال.. أما لاخر تبعهم فين يمشيو شاف غير هند وشيماء للي نزلو من الطموبيل تسنى أمال تهبط ووالو.. نزل من طموبيلتو ومشا كيدور كيشوف حتى قشعها متكية اللور تبسم ودق عليها الزااج غير شافتو جلساات وعينيها كيدوور دارلها اشارة باش تهبط الزااج ووالو لا حركة منها بغى يحل لباب لقا هند مسورتة طموبيلتها زاد تكره ولكن مخلي ابتسامة خفيفة فوجهو ياله غيبعد حتى سمع طموبيل جاية وروايضها كيتحكو بالجهد وباينة مولاها ممتحكمش فصوكان الناس بعداات ولكن الطموبيل جااية قااصدة لبلاصة فين واقف هو والطموبيل شاف فامال للي تخلعات وكتحااول تحل لباب مشا كيجري يشوف واش يحلو بقوتوو حتى تسمع زدااااااح مع الطموبيل للي قباالتهم ورجعات شوية اللور ضربات فطموبيلة ديال هند للي تخمجات شوية من لقداام.. أمال غتهبل بلكبى بلخووف وأنوار باان تخلع علييها دخل بجرا لدااخل غير قشع هند وشيماء خارجين يشووفو هاد الصوت لقريب منين حتى كيشوفوه قشع الساروت فيدها طيرولها وخرج بالزربة كليكا عليه وهوما يتفتحو لبيبان خرجات أماال مفزووعة ووقف حداها أنوار) واش بيخييير؟؟؟؟
أمال: (كترعد) الحمد الله (كتشوف الطموبيل للي تضربات وكان كانت هي للي فيها وكان كلاتها الناس دغيا تجمعو وهند وشيماء وقفو حدااه)
هند: أمال واش بخيير؟؟
شيماء: واش هادي كسييدة ويييييااااي
أنوار: أمال واش نتي مزياانة شووفي موقع واالو ( هي غير كتشوف دغيا البوليس للي فرومببوان حضرو وبعدو الناس على ديك لبلاصة)
هند: أمااال هضري اصاحبتي واش بيخير؟؟؟
أنوار: أختي وكان غير مشيتو دخلتو فحاالكم لبنت راها ترعد خلي لية نمرتك وانا نجيبلكم عشااكم
هند: شكرا خويا رااني خلصتو قالي داابا يوجد
أنوار: (بغا يشد أمال وهي تبعد بطريقة جمع يدو مكمشة) أجي غير جلسي (مشات جلسات فكرسي تمااك والخلعة قتلاها هي ممولفاش هاد الجو زحاام والدنيا عاامرة جااتها الرهبة وغير كتشوف وكتخيل راسها الطموبيل دخلات فيها هي.. حتى لقات أنوار نزل على ركابيه ومد ليها قرعة ديال لما) هاكي شربي
أمال: (مدت يدها متوترة خدات لما من عندو وشربات جغمة من مور جغمة وحبسات مسحت شنايفها بظهر يدها وسدات القرعة.. بصوت شبه مسموع) شكرا
أنوار: (وقف) متعاوديش تخليها وحدها فالطموبيل راه الكوارث متعرفيلهمش فوكاش ينزلو عليك
هند: حنا غير مبغيناهاش تعذب حيت عياانة شوية وقلنا رجعو دغيا بفففف هاد لحمار مال جد بووه واش كان سكراان ولا شنو!!!! تفووو
أنوار: طموبيلتك خاصها تgااد الا بغيتي خليهالي نقادها هاد الليلة وصبااح تكون عندك
هند: (بشك) بلا منعذبك
أنوار: مكاين حتى عذاب نوصلكم لفين بغيتو وصباح بكري تلgاي اللوطو دياالك عندك متخافيش مغنسرقهاش غير مبغيتكمش تمحنو الا خليتيها هنا غدا مغتلقايهاش
هند: وكفاش غديرلها نتا
أنوار: مترفديش الهم انا نعرف شنو ندير
هند: أوكي (دخلات مكرهة على حساب طموبيلتها للي تبجغات وفبالها كتقول هو ماشي شفاار للي غيسرق ليها طموبيلتها شو غير الراانج لللي عندو جابت عشااهم وخرجات لقاتو كيشوف فأمال ولوخرا ممسوقاش جابلها الظحكة طااح طيحة وحدة وقفات علمات لبنات انه غيوصلهم مشاو طلعو لطموبيلتو من بعد صراع مع أمال للي مبغاتش ووقفقات بالسيف عليها حيت مكاينش حل وحتى من التاكسيات هند قالتلها كيقلالو فالليل… ركبت هند لقدام ولبنات اللور أما هو متحرك حتى علم صاحبو للي صيفط ديباناج هز الطموبيل صوراتهم هند فيديو باش تخليه عندها عاد هو تم جاي ياله ركب)
أمااال: (بلا متحس تفكرت) أحااااااي كاااع حوايجنا بقاو تماااك…
أنوار: (مصدق سمع من فمها الهضرة وديك أحااي شحال طرباتو فودنيه… ضار عندها) حوايجك؟؟
أمال: حم واه
شيماء: صاافي راه مشااو كاع مكملت فرحتنا ابنت عمي بففف
أنوار: (غير سمع شيماء ديمارا وتبع ديباناج للي هاز طموبيلة أما هند متبعا بعينيها وعرفااتو غيدير فيها بطل ويجيب لحواايج تبسماات وقلبت وجهها لقاتو مضارب مع لمراايا يقادها باش يشوف أمال هزات يدها وقداتهالو غير شافتو غمزااتو زعما راني عقت بييك أما هو ركز بين الصوكان وبين لمراايا وكيشوف فأمال للي مقدرااش تجلس وغير كتعوج وصلو للكراج فين غتقاد الطموبيل نزل هو وبقاو لبنات للداخل هنا هند عرفاتو نيت غيقاادها ماشي غيشفرها ضارت عند أمال)
هند: يا لااالة السيد طاايح فييك
شيماء: ههه سعداااتك يا أمال
أمال: حشمووو
هند: هههه (هزت حاجبها) شكون قاال (ضارت كتشوف فيه حتى نزلو طموبيلتها ولقاتو كيتفاهم مع السيكلييس عاد جا عند هند مدااتلو الساروت حل لكووفر ولقاه بلااااان هبطات من الطموبيل كتعوج بكسيوتها لكحلة للي مبينة طايتها ومشات عندو) نعاونك
أنوار: لا معلهيييش غير سيري ارتاحي (بقا كيكمش فدوك لميكااات ويعمر لكوفر حتى كمل رجع للطموبيل.. كيحااول يهضرها بالسيف) أمال مقدية السوق كاامل؟؟
هند: ههه كتوجد للعرس
أنوار: (شاف فهند ورجع شاف فأمال) غتزوجي؟؟؟
هند: هههه وينووو لا لا غير كنظحك زعما حيت تقدات السوق كاامل هادشي للي قصدت
أنوار: حساابلي (وهنا أمال هربت ليها ابتساامة وقلبت وجهها هاربة لتحصل.. ومقشعها غير وهو داير اماارش تبسم معااها وكمل صوكاانو وسكااات) واش دار الطالبة للي حدا مصحة البستان؟؟
هند: وي (وصلهم لتماك من سكاات ونزلو خرج ليهم لميكات ديالهم ووقف حدا أمال كيحك فقرفادتو)
أنوار: مزال مهداك الله تعطيني نمرتك مغنااكلش غير غنتعاارفو
أمال: (حنات راسها متوترة من قربو) لا لا غير سمحلي (ومشات)
أنوار: وااخا لالة الا مكانتش اليوم تكون غدا.. هند غدا غتكون طموبيلتك هنا صاحبي قالي ماشي شي حاجة للي تشد اليد
هند: مزيان انا نيت غدا مقريااش فوقما جبتيها هاك نمرتي ومنين تجي هنا صوني علية وسمحلي صدعتك معاايا
أنوار: نو نو مكاين حتى شي برومليم ولا تبرزييط على الله شي نااس يحنو فينا وصاافي
أمال: (هربت من حدااهم ودخلت مكرهة) خخخ سلكوط…
هند: ههه هي هكا داايرة كتحشم بزااف
أنواار: أحسن حااجة.. ياله بلا منشدكم غدا نصوني علييك شيمااء تهلاي فبنت عمك راها خاافت قبيلة بزااف
شيماء: هه واخ (مشا هو فحالو عاد خرجت أمال باينة معجبهاش الحال) ههه أمالكي هربتي ياك شحال ونتي كتقولي مكرهتش للي يبغيني ويهرب بية
أمال: بففف هضرتو باسلة ميحشمش
هند: مقال حتى حاجة خاايبة شوفي غير كفاش خااف عليك وعلى ودك شنو كيدير
أمال: (هزت كتفها) ومالي gلتلو دير على حسابي شي حاجة هو للي لاسق فينا كي لعلك
هند: ههه بااااز شنو معجبكش فيه الحمقة
أماال: كوولو.. كاع مكيحيدش عينيه علية
هند: هههه وشنو بغيتيه يشوف فشيماء ولا فية
شيماء: (مرضاتش) وعلاش يشوف فية أنا؟؟
هند: غتهبلوني نتوما هزو هزو وياله نطلعو ونكملو هضرتها فلبيت راه عييت وقتلني الجوع…
أنوار: (رجع لدار وتفكيرو فطريق فهاد الحشوومية للي غتاخد وقت معااه وباين طويييل… صونا تيليفونو غير طلعات سميتها طفا الشاشة ورجعو لجيبو مع دخل لقا بااه حتى هو ياله دااخل.. باسلو يدو ورااسو) الواليييد عاد دااخل
أب أنوار: هههه الا بغيت اولدي
أنوار: ههه لا زعما حيت اليوم مكيناش الخدمة وكنعرفك الجمعة كظل فالدار
أب أنوار: غير خرجت أنا مك طلقنا رجليينا وروحنا شوية
أنوار: اممم اوا مزيان لوالدة بقات عند لمييمة
أب أنوار: واه.. متنساش غدا سير شوف مع سي السبعاوي راه بغا الزيت
أنوار: علاش جات السلعة
أب أنوار: واه جات وداوها دراري لديبو لبارح عنداك تنسى انا غدا عندي شي شغل ميمكليش نمشي عندو
أنوار: واخا (دخل أنوار لدار ونيشان طلع للطابق التاني فين كاين بييتو.. أنوار فعمرو 28 عام عندو باك مع ديبلوم ديال التسيير غير شد الديبلوم خرج يخدم مع بااه فالتجاارة للي كيتميزو بيها فوجدة وفالمنطقة الشرقية ككل عندهم ديبو كبيير فين كيوزعو السلعة على لهريات لكباار مكانوش لباس عليهم فاللول ولكن بإصرار باه وولادو و #خوه كبرو ورجع عندهم اسم وسمعة بين التجاار… حيد حوايجو ودخل خدا دووش توضى وخرج صلى صلاة ديال نهار كاامل عاد جلس فوق نموسيتو مكره من الصونيط للي مبغاش يحبس جاوب مكره) وي
….: علاش مكتجاوبننيش
أنوار: بنيتك اسهام عاد كنا نهار كامل بجوج
….: اه كنا ولكن غير قضيتي غرااضك موليتيش دويتي معايا
أنوار: هانتي قلتيها صافي الغرااض تقضى علاش نولي نصوني علييك
….: يااااااااك!!!!
أنوار: سهام واش تخلصتي ولا لا؟؟
….: (بانفعال) واش حمق واش حسابلك أنا ق****
أنوار: (ببرود) لا
….: وعلاش كتقول هااكا
أنوار: داابا شباغا؟؟؟
….: صافي بنتي على حقيقتك
أنوار: (ببرود) مفهمتش واخدة خلاصك وبالدووبل وكتشكاي مgلتها حتى أنا للي تصيدت
….: واش تصطييتي أنوار واش راك شاارب شي حااجة أنا هادي سهام حبيبتك
أنوار: أنا كاع للي شقتها حبيبتي ازييين.. وغنجييك نيشان دوك روشارجات وحقا واقفة على 1000 درهم حبيبي بغيت 2000 درهم حقا تيليفوني تهرس ونجيبلك وااحد جديد مكنتيش تحلمي بييه بلا لباس منين نخرجك راه ماشي فاابور وحقي خديتو هاد نهاار واخا راه كما خديت أنا خديتيه حتى نتي وكنت بااغي نكمل ولكن داكشي دياالك مقنعنييش ومعجبنييش بغيتي دخلي لهاد الدومين خااصك تخدمي على **** مزيان باش لكلياان ميهربش منك (هاد لكلام خلاها مصعووقة وممتوقعاش منو هاد لكلام.. تصدماات فييه حتى لسانها تربط عاد صباح كان فرحان حيت غيتلقااو فمكان معزوول على العاالم ويماارسو الحب كما رسمهالها ودابا شو لكلام للي كيقولها محساات بصدمتها حتى سمعاات طيط طيط منين قطع عليها شافت فالتيليفون ودموعها شلال عاد تكات فوق السدااري منهاارة كتبكي على حلم ضااع وهي للي كان على باالها غيتزوجها وينقدها من الفقر… أما هو صونا على صااحبو) شوو غدا نبغي لقى ديك الطموبيل واااجدة… لا لا بغيتها صبااح حدها 11 نجي ناخدهاا… الله يحفظك ابن عمي.. (قطع وبقا كينشف فشعرو وغير كيتفكر سهام للي شحال وهو مشهي فوقاش يجيبها للبرتوش كما كيقوولو.. عاافها ومع هو واخد احتيااطو ومكيقربش للمكان الخطير للي ممكن شي وحدة تربطو بييها عاافها حيت ملقاهااش كما مواالف مع للي قبلها.. تفكر أماال) بايلي نتي غتكووني مبدلة على كوولشي وراااك وراااك الحشووومية…
هند: (كتطوي مع لبنات لحويجات للي شراو وهوما فرحانين بيهم وفبالها غير طموبيلتها للي خايفة ميرجعهااش لييها ويقلب علييها..) لبنات شوميزات متطويوهمش علقوهم باش ميتكمشوش ليكم
شيماء: (كتطوي وعقلها مرفوووع) واخ
أمال: (صونا تيليفونها من بعد 20 يوم مصوناو مسولو. توتراات وتخنقاات حطات داكشي وخرجات لبرا الشومبر خايفة من شي احراج فوسط لبنات) حم السلام
أب أمال: وعليكم السلام لباس الالة أمال؟؟
أمال: (بداو فطنيز) لباس ابابا ونتا بيخير كدايرة ماما وخوتي
أب أمال: وكان كنتي حداهم غتعرفي كرااهم وااايني نتي باغا طييري ولكن من بعد علييك حساابك غيكون طويل
أمال: (تقجات) علاش شنو درت أبابا؟؟
نعيمة: (مد تيليفون لمرتو ومشا كينكر) اديك التاايهة
أمال: (كتنش الهوا بيديها على وجهها) ماما لباس عليكم؟؟
نعيمة: لباس نتي رتاحيتي شوي منا؟؟ بردتي من واليدبك وخووتك يا لمسخووطة؟؟؟ خليتي مك محنة بوحدها فشغل الدار ومشيتي تييهي ودابا تنفعك فتيحة وبنتها
أمال؛ علاش اماما كتgولو هااكا انا عمرني درت ليكم ولا درت شي حاجة خاايبة
نعيمة: ونتسناك عاد ديري والله تاليتك على يدي كتقراي بعدا ولا عطياها للدوران؟؟
أمال: (بقلة نفس) كنقرا
نعيمة: يقراو عليك طنااوش اه اه ضساارة ديال هاد الجيل باش غتنفعكم هاد لقراية؟؟
أمال: لا رد.. واخا فقلبها بزاف متقول
نعيمة: ياله سيري (قطعت عليها وبقات أمال كطل من واحد السرجم كبيير على لهوول ديالظار الطالبة فين كاينين بنات جالسين.. اما لداخل شيماء غير عرفات أمال غبرات شافت فهند)
شيماء: نسولك وجاوبيني بصرااحة
هند: شنو؟؟
شيماء: ولكن خليها بيناتنا عفااك
هندد: وهضري ازمر ماالكي؟؟؟
شيماء: اممم شكون زوين أنا ولا أمال
هند: بجوجكم
شيماء: وغير قولي منتقلقش
هند: لا بالصح بجوج بيكم وكل وحدة وزيينها علاش كتسولي هاكا؟؟
شيماء: ها لا واالو غير بغيت نعرف
هند: (هزت حاجبها فيها) واش زعما حيت أنوار عجباتو هي ومجاش عندك نتي
شيماء: معرفت واخا مبغاتوش بقا لاسق فيها غير هي
هند: وهادشي للي غيخليه ميبعدش منها أمال زوينة زينها هادي زعما ولكن مقبوولة بزاااف وكتخلي لواحد يرتاح ليها واخا حشومية كتر من لقيااس ولكن هاكا كتجذب لوااحد يرتاح ليها
شيماء: واااه عندك الصح ووو أناا؟؟
هند: ههه حتى نتي زويينة وألف واحد يتمنااك غير صبري على رااسك وغيجييك الإنسان للي غيبغييك
شيماء: عرفتي حتى خويا وليد كيدير فيها هاد الشوفات للي دار فيها أنوار
هند: امم مزيان
شيماء: انا كنت باغياها لوليد ولكن الا غطلع هضرتها بالصح صاافي بلاش مبغيتش نتزوج خووها
هند: شوفي ربي للي كيلاقي ماشي العبد وحتى نتي زوينة وبزااف.. وميغركش نوع أنواار راه بااين من دوك الناس للي غير كيزهااو
شيماء: مفهمتش
هند: يعني ديال صحااب حاجتهم
شيماء: زعما؟؟
هند: كنعرف هاد النوع ولكن الا بقات أمال كديرلو هااكا غيطيح فيها طيحة م****
شيماء: هههه لا من هاد الناحية كوني هاانية غتبقى دير هاكا
هند: دابا نشووفو… واخا هكااك أمال مسكينة نااقصة حناان
شيماء: واه مسكيينة دازت علييها مهم عفااك متقوليش لأمال شنو قلتلك
هند: هههه واخا لالة لفاسية
شيماء: ههه فير كيعجبني نgول قققق..
هند: ههه بصحتك
شيماء: اوا فوقاش نمشيو للزيانة؟؟
هند: شكون
شيماء: زعما الصالون باش نصايبو شعرنا
هند: خلي السيمانة جااية فلويكاند نمشيو ونيت أمال تبرا من ديك لحرقة
شيماء: واخا وعلميني لمكيااج
هند: هههه واخا لالة نعلمكم كوولشي غير نبغي منكم تبقاو بهاد البرااءة متغركش الزنقة اشيماء راه الخايب فيها كتر من زويين
شيماء: (بلا مبالاة) واه واه… وو نديرو حتى لاصير
هند: هههه لا نتي بزااف
شيماء: بغيت نتهلى فرااسي ونرجع زوييينة وبغيت نصحااح
هند: لا كتر من هاكا لا
شيماء: نزيد غير شوية بحاالك هاكا
هند: انا هاكا وباغا نضعااف ابنتي
شيماء: لا لا ويااك نتي زوينة هاكا بزااف.. تعطلات أمال ياكما عطات نمرتها لهاداااك ومقلتهاناااش
هند: هههه كول.. (صونا تيليفونها وطلع سمية أنوار) اذا مكتهضرش معااه.. (جاوبات) ألوو…)
أنوار: (متكي فبلاصتو وداير يدو مور راسو) هند صافا؟؟
هند: الحمد الله اسيدي ونتا؟
أنوار: صافا كبقات أمال بقا باالي معاها
هند: ههه باينة
أنوار: واايلي باينة فية!! كفاش طريقها هاد خيتي؟؟؟؟
هند: انا صااحبتها ماشي صاحبها باش نعرف كفاش توصلها
أنوار: اممم معندها حتى شي واحد فحيااتها
هند: لا
أنوار: هادي مزياانة.. هي حدااك بغيت نسولها كبقات
هند: هههه (شافت فشيماء للي كتحاول تسمع شنو كيتقال) مبغاتش
أنوار: ههه (ظاحك شاارب الفقسة) عمر شي وحدة دارتلي هاكا
هند: وياله نهار اللول باش عرفتيها ياكما بغيتها تجي تقولك كنبغيك ومنقدرش نعيش بلا بيك
أنوار: لا ولكن على الاقل غير تسمعني تكلم معايا هي ساادة علية
هند: اممم أنوار أمال بنت ملتازمة ومحتارمة ومن التالي هي بنت داارهم وهادشي خاطييها
أنوار: (تبسم بجنب) وهادا هو المطلوب
هند: معندهاش مع دخول ولخروج أنا كنعلمك
أنوار: باغا تهربيني هه
هند: هه لا لا غير تكون عندك فكرة هي ماشي ديال تفلية
أنوار: علاش باينة فية ديال تفلية
هند: مقلتش نتا هاكا حيت انا مكنعرفكش ولكن كنعرف أمال وكنعرف عقليتها والوسط للي تربات فيه هائلتخا وطاسلتها كربااوها وكدايرييين
أنوار: اممم نتلقاو؟؟ (صدمها حتى سكتات) الا بغييتي تعاوديلي عليها شوية بغيت نتعرف عليها
هند: اممم نشوف
أنوار: واخا لالة.. سلميلي على لحشومية ديالي (قطع وبقا متكي وتيليفونو محبسش من لميساجات بلا ميقرااهم دار مسح ليهم كاملين وصونا) سهاام واش نتي شوية؟؟ راه طيرتيلي لمجااج ديااالي
سلمى: (كترجف) انا تردني ق*** شكون نتا للي تعامللني هاكا
أنوار: (ببرود) وكفاش نعاملك؟
سلمى: ألف ألف واحد يتمناني وفالتاالي منين نتيق فيك ونمشي معاك للدار للي شحال ونتا طلب وترغب فية باش نرضى ديرلي هاااكا
أنوار: هادوك الألف الا لقاو داكشي للي لقيت انا غينفرووك
سلمى: (غير كيزيد يشعلها) الله ينعل ***** ***** ******* (سمعات طيط..طيط.. رجعات تصوني وهي كتبكي كتلقاه مشغول عرفااتوو بلوكاها مشات للفايس ديالو كتكتبلو ميساجات ديال السبان طواال وهو محاالش.. هبط للدار لتحت لقا باه جلس حداه) غدا مع 11 ولا ديك 12 غنخرج نقضي شي غراض
اب أنوار: أشمن غراض اولدي؟؟؟
أنوار: غير شي حااجة مييي وااا مي واش مكااين عشا
أب أنوار: خلي خوتك يجيو بعدا
أنوار: عييت الواليد شفتي هاد نهار فقت بكري وخاصني نعس بكري على حساب السلعة
أم أنوار: (الكاملة) ولدي نحط ليك اتاي على ميوجد لعشا
أنوار: علاش باقيين معطلين بزااف
ام أنوار: ها هوما اولدي عيالات خوتك عاد يgادو فيه كانو شي ناس gبيلة وتلاهينا معااهم وزيد خوتك مزال مدخلو من برا
أنوار: بففف 10 هادي
أم أنوار: (بغات تمازح معاه) وهي الا نضتي تزوجتي ومرتك طيب ليك
أنوار: انا فوكما طلبت شي حاجة كتربطوها بزوااج
أب أنوار: علاه اولدي متجوجش؟
أنوار: بناقص من شي عشا انا نطلع لبيتي
أم أنوار: ههه انا دابا نطلع ليك تاكل فبيتك منين مافيك ميتسنى
أنوار: واخ (طلع لبيتو وتبعاتتو من بعد ربع ساعة مطلعالو فيها دجاج مصوطي مع بصيلة وعصير ديال فروي حطاتو فوق كوافووز ديالو وجلست حدااه.. باسلها يدها) لهلا يخطيك علية الوالدة
أم أنوار: أولدي راه للي هرب من جو..
أنوار: لو تكملي كلامك بربي لمعبود مناكل
أم أنوار: بففف منك كاع خوتك تزوجو قدك معرفت نتا شنو باغي دير
أنوار: باغي غير نعيش حياتي ونهار يكتاب نgجدر غيكتااب
أم أنوار: وهاني فين gلتلك عام منزيدكش علييه (خرجات مخلياه كيقصي غير كمل حط الصينية حدا باب بيتو حتى يجيو يهزوها غسل يدو وفمو ومشا تجبد مكونيكتي…)غرف
أمال: (جالسة فلهوول (لهول هو بحال صالون كبييير في الهواء الطلق كيكون فالمجمعات..) جالسة مطرطقة عينها بحال كتفكر فشي حااجة وهي كل همها علاش عائلتها كارهينها علاش كيعاملوها خاايب لهاد الدرجة قفزها تيليفونها للي كيفيفري شافت كانت نمرة ديال هند.. تنهدت ووقفات راجعة لشومبرا ديالها وصلات لقات لبنات جمعو روينة ديال لحوايج وهند كتفرق ليهم لمكياج وتستف ليهم دهاني كلها وديالها.. دخلات بابتسامة بااهتة فوجهها) سمحولي خليتكم مع روينة
هند: لااا متقوليش هاكا انا راه قاديتلك ديالك فهاد لاتخوس وديال شيماء فهاادي اصلا شاريين بحال بحال ولكن حسن كل وحدة بدياالها ومتشاركوش فيه فلمكياج حيت كل وحدة وبشرتها
أمال: (تقرصات حسابلها كتمعني عليها حيت فيها لحبوب) اممم شكرا اختي.. فين مشات شيماء؟
هند: خرجت حتى هي كتهضر فالتيليفون مع دارهم (شافت فيها مهمومة) مالكي؟؟
أمال: والو
هند: (جرت أمال من يدها وجلساتها فوق نموسيتها) داركم عاود؟؟؟
أمال: (بصوت مخنوق) معرفت مالهم معاايا لا ماما لا بابا لا خوتي حتى واحد فيهم مكيبغيني كيشككوني واش انا بنتهم والله ألف مرة فنهار نشك فرووحي واش بنتهم
هند: يمكن هوما هاكا ولفوو كما كيتعاملو مع دراري كيتعاملو معاك حتى نتي
أمال: (حركت راسها بلا) راه خوتي هوما الري وشوار فالدار راه فرق كبيير ويا ريت ويهدعاملوني غير ربع كيف يعاملو خووتي
هند: (كتبغي تخفف عليها) شوفي راه أغلبية الناس كيخافو على بناته وكيعاملوهم هاكا وحتى خووتك غي حيت خايفين عليك
أمال: مخايفيينش هوما بالصح يكرهو فية شوفي غير وليد كيدير على ختو
هند: حنين؟؟
أمال: فوقما تصوري لدرجة تقولي يا ربي نعيش غير مع خويا م
هند: ههه لا لا غتبغي تزوجي وشكون ي****
أمال: (حلت فمها) أحااااي على ماسخااااااا
هند: هه شوفي عائلتك ميمكنش تبدليهم هوما هاكا دايرين وسيف عليك غتقبلييهم حيت الا تقلبتي علييهم غتجيبيها فرااسك وداكشي للي كتعاودلي لقتييلة عندهم عادي اكترية الا لقااوك باغا تتت ااام شنو كيقولولها زعما تمردي علييهم زعما تعصاايهم
أمال: وشنو الحل راه هاكا شي نهار غنقتل رااسي أنا قبل حتى ميقتلوني هوما
هند: دابا ربي يفكها من عندو متعرفي منين ترجعي ترجعيلهم بشي رااجل يهنييك من هاد تماارة
أمال: هههه ميمكنش
هند: علاش راه عليك الطلب الالة ها وليد ها خووه ها أنواااااار (جبداتها)
أمال: (تبسمت حشمانة) حشمي
هند: لا منحشمش راه السيد عاد قطع معايا بغا غير يهضر معااك وزيد منين قلتلو مبغاتش قالي نتلقااك باش تهضريلي علييها انا عارفة هاد النووع قاافز اه ولكن باش يشد فيك هاكا راه نيت عاجبااه
أمال: (عضت شنافتها) واش انا زوينة؟؟
هند: ياااااا دي النيييلة على بنات سبااعي وهاد السؤاال
أمال: (بغير فهم) سموو!!
هند: زوييينة.. زوييييييينة وفنة ومسراارة وغزاالة وهاد التبديل للي درتي هنا بدلك 180 درجة تريمة يا لالة وصدر للي راك تجبدي ووجهك تنقااا من طراس دلحبوب وداك جوج كيلو دزغب للي الزاايد مبقاااش
أمال: (عجبها الحال وبلا شعور دارت يدها على حنوكها) حلفي؟؟
هند: غنضربك
أمال: هههه (حشماانة وكتهرب عينيها) شنو gاالك
هند: وييينووو غير قوليلي واش عجبك
أمال: ورااه كااابض مع رووحو
هند: كابض زعما هي زوين؟؟
أمال: (حركت راسها باه) ولكن مااسخ
هند: هههه يا لالة نتي كولشي عندك مااسخ ياله نوضي تعرااي (خرجت أمال عينيها) ازمر باش نديرلك لاصيير ونتي كتعاندي مع خووتك ذكوورة
أمال: هههه (مشات لكوزينة صغيرة وحطات حوايجها وبقات غير بديباردور وشورط)
هند: الصنطيحة غتخرجلك اسمييتك
أمال: وشنو ندير؟؟
هند: قبل مديري لفولار ديري لفرقة ومتزيريهش بزااف باش ميهربش ليييك..
..اصبحنا واصبح الملك لله.. فلهري لداخل مجمعين دراري بيناتهم…
وليد: واش نتا مرييض باغي تزوج لبنت صحا
نبيل: ياكما فية شي عيب اخاي وليد وانا مفراسيش
وليد: العيب فداك لعقل صافي غي حيت نتا ولد عمها خاصها تزوجك نتا
نبيل: واش فيها؟؟
وليد: للي فيها لبنات عطا الله وقيل عليك بنت عمك راه حتى ختك غيخصها تزوج بمحمد ولا نسيييت
نبيل: وعلاه متزوجووش رااجل ويجببها من فم سبع
وليد: بففف واش انا نفهمك من هنا ونتا تبزgل علية من هنا عرفنا محمد راجل وكدا ولكن ختك مبغااتش وعمك مغيزوجكش بنتو وولدو مباغيينوش
نبيل: بعني لبرهوشة للي دايرالنا لعصا فروييضة وزايدة محرضة لبنت ومخليين عشهم وماشين لمدينة يديييعو
وليد: نشك فيك واش قاري والله
نبيل: غي حيت نتا مشيت لبرا ووليت كتعامل بمنطق ليهوود أما كااع قرينا وشفنا بنات الجامعة كخارجين طريييق
وليد: عقل دل **** عندك واش نتا مريض فرااسك واش كاين شي زواج بالزز ألي عارف فالدين (دخل محمد مسخس وحوايجو عامرين بدقيق بقا كينفض من على كتافو)
محمد: وجلللللس ابن عمي وانا نخدم علييكم
نبيل: هههه وخويا معندي صحة لدوك لكيلوات للي ظلو تهزو
محمد: وتهز طلع لدار جيبلي شي دكة
نبيل: هي اللولة (ناض خرج ووليد متبعو كفاش كيسمع لمحمد وكيمجدو ضار عند محمد)
وليد: رااسو ياابس ولكن كلمة منك تخليه يحني الراس
محمد: نبيل مزال صغيير خاص لوااحد ميبينوش مكلخ وغيتعامل ويسمع لهضرة
وليد: اممم مزيان محمد عمرك خرجتي فوجتي نتا الوحييد فينا للي كتخدم تاكل وتنعس
محمد: وبييييخييير
وليد: لا اصااحبي خاصك ديفولا شوية هز اللوطو ديالك وسير حوس شوية
محمد: معنديش ابن عمي ديك لكاانة
وليد: لمرة جاية فاش نجي غنغبرو من هنا
محمد: انشاء الله.. حم دزتي لوجدة شفتي لبنات؟؟
وليد: وي
محمد: كيقراو شوية
وليد: كيقرااو شيماء ديما كتوريني شنو كتقرا وعاد خاصني نهضر معاها دير شي سونتر لفرونسي ولونكلي عندها واكلين لعصى
محمد:راك كتحلهم عينيهم كتر من لقياس اوليد براكة غير لفاك
وليد: واش فيها الا تعلمو الا الله اول كلمة وصانا عليها هي #إقرأ نجي انا نقول لا
محمد: داكشي فداك زمان اما داابا كولشي كيخرج طرييق
وليد: لا لا لااا بناتنا مربيااات
محمد: اممم مزيان حتى انا بغيتهم يقراو ويبعدو من المشاكيل…
~~~~~~~~~~~~~~~
أنوار: (غير وجدات طموبيل ديال هند عيطولو مشا خدااها وداها لبنات بقا على برا حيت معندو حتى شي حجة باش يدخل صونا على هند للي دغيا جوباتو) اجي خودي اللوطو ديالك
هند: شكرا اخويا انا نازلة
أنوار: جيبي معاك أمال
هند: هههه نحااول (قطعت معاه لبسات صندالتها ومشات عند لبنات لقات أمال كتصبن) زيونات صباح الخير
أمال: صباح لخير عاد فقتي؟؟؟
هند: قبيلة شوية مهم دابا غنزل عند أنوار
أمال: (غير سمعت سميتو زلقات ليها تبسيمة) مزيان
هند: وطلبني تهبطي معايا
أمال: أنا لا لا لا أحااي مكيحشمش تفو
هند: هه وصاافي متيبسيش راسك
أمال: الاا ختي نحشم
هند: وغير زيدي اصاحبتي
أمال: لا لا (كتكمل تصبينها) هو مساالي gولو انا مبغيتوش يفهم راااسو يبعدني
هند: اهااااااه وااخا…
هند: (هابطة فدروج بمشيتها المتغنجة وبصبعها كتلعب بلفخونش ضارت عند) وسربي اصاحبتي
أمال: بففف معرفت كيف درت تبعتك فريك
هند: هههه حيت نتي ببساطة باغا تشوفييه
أمال: (جات ضايرة باغا ترجع فحالها وهي تشدها هند كظحك عليها) انا جيت غير معااك ماشي حيت بغيت نجي نشوف هاد زمر
هند: امم واخا واخا ههههه دابا غير زيدي السيد داير معانا بليزير حشومة نتعاملو معاه خاايب
أمال: دايرو معاك نتي أما انا منعرفو ميعرفني (سكتات من نكيى وغير قربو محساات حتى قدات لفولار وشافت فراسها كانت لابسة سورفيت جديدة زوينة مستيلية مع سبرديلة زوينة وشال ماشي معاهم ودايرة كريم واقي للشمش هادشي مخلييها حااسة انها داارت إنجاااز فحق نفسها مع خرجو كيلقااوه متكي على طموبيلة ديال هند كان داير نظاظر فلكحل مدورين ولابس كابيتشو خفيف فلgري وسروال جينز وسبرديلة مخلياه مستيلي ومبووكص غير شافهم وقف باستقامة ودار ابتسامة صغيرة من بعد ما فقد الأمل فأمال تنزل مد يدو لهند) نهار ملييح منين شفنااك (أمال قلبت وجهها شادة التبسيمة باش متفرشهاش)
هند: ههه.. شكرا بزااف (ضارت على طموبيلتها كتشوفها لقاتها عاد زادت تنقات مزيان) وااو رجعت جديدة
أنوار: (عينيه على أمال) زوينة بزاف
أمال: (هزت عينيها فيه باغا تسرق الشوفة فيه حتى لقاتو كيشوفها) حم (حنات راسها)
أنوار: (قربلها) علاش تحشمي بزااف
أمال: حم هييييييييند (كضور عينيها)
أنوار: هههه هند اجي عتقي صااحبتك
هند: ههه (جات حداهم) شكرا أنوار بزاف قولي بشحال؟؟؟
أنوار: (هز حاجبو فيها) بنيتك؟؟
هند: ضروري اخويا مكنبغيش نعيق على شي واحد
أنوار: حسبيها من خوك
هند: (تحرجات) لا لا مجيااش وماشي حتى نتا للي ضربتيهالي غنضسر والله ههه
أنوار: (شاف فامال) حسبيني انا ضربتها.. أمال معليش نتغدااو بجوج (هزت عينها مطرطقة عينها) ههه حتى صحاباتك يجييو
أمال: لا لا غير سمحلنا ميصلاحش
أنوار: أمال متيبسيش رااسك غادي غير نتغداو مجموعين ونرجعكم لهنا ياك اليوم الاحد مقاريينش
هند: أمال مافيها واالو نديروها جلسة تعاارف
أنوار: وي (بنظرات ترجي) عادي مغناكلكش
أمال: (حنات راسها كتحسبها فرااسها وبانت فيها ممرتاحااش)
أنوار: (بقا كيشوف فيها عرفها مغتبغييش) وااخا لالة تخليها مرة اخرى!!!
أمال: (عاد رتاحت) واخ (جات حداها هند وشدات فذرااعها)
هند: قلتلك لبارح شنو كاين
أنوار: بوون بلا منزيد نشدكم هنا عطيني غير نمرتك
أمال: (تبسمت وحركت راسها بلا بغات تمشي وشداتها هند) صافي ياله نمشيو
أنوار: (لعب بلسانو فوسط فمو) قوييسحة بزاااف (شافت فيه بنظرة بريئة) وزيييينة كتر من بزااف (تبسمت مكرهش يعاود يعرض عليها ولكن عاارف طريق مزاال طويل) بلا منزيد نشدكم غير طلعو هند الألوو بيناتنا..
هند: شكرا بزااف خويا (تبسم معاهم وتمشى بعيد حيت جا فطموبيلة ديال هند لبنات طلعو تحت نكير هند لأمال للي متعاملاتش مع أنوار مزيان حتى نطقت)
أمال: هند انا هااكا داايرة وميمكنش نتبدل غير حيت نتي منفااتحة خاص نكون بحاالك
هند: ولكن السيد عرضنا على لغدا عاادي
أمال: علاش يعرضني خويا راجلي با علاش نمشي معاه وانا منعرفو ميعرفني؟؟
هند: والا بغيتيه يكون رااجلك خاصك تعرفي عليه مبقاتش ديك العقلية ديال غير يشوفك تعجبيه ويمشي قاصد باب داركم ويخطبك خااص تعرفي دمااغو ويعرف عقليتك مزيااان راه كوولشي تبدل الالة الفاهمة…
أمال: الا كولشي تبدل أنا لا متبدلتش وعقليتي للي كبرت بيها ماشي بين ليلة ونهار غترجع اخرى فهميني راه غير باش كنهضر معاه هاكا مكرتااحش مكيعجبنييش الحااال
هند: اذا معاجبكش
أمال: (وجهها تزنك) معرفت ولكن معرفت والله مكنبغيش هادشي انا بغيت غير نفوج من داك لحبس فاش كنت عايشة وصاافي
هند: سمعييه شنو بغا يقوول انا براسي منبغييلكش الضر ولكن هو كيبان بااغي يتعرف علييك راه أي واحد درتيلو هاكا ميوليش يضرب الطلة فيييك
أمال: لا منقدرش راه الا خرجت معااه ودارنا عرفو يذبحووني وانا مزاال باغا نعييش ونشووف ونفرح ولبس ونساافر
هند: هااء ولكن داركم مكينينش هنا باش غيعرفووك
أمال: وإلا جاو على غفلة؟؟ راه فأي وقيتة يبانو هنا
هند: معرفت والله انا غير بانلي السيد جونتي وبااغي يعرفك قلت مافيها باس تعطييه وقيت وكنأكد عليها مقلتش ديري شي حاجة خاايبة غير سمعييه على الأقل فالتيليفون علاش متعطيهش نمرتك؟؟
أمال: امم مكيسمعش هاد التيليفون مزيان
هند: هههه وكاااان!! راه عندك فلوس وخرجي شري تيليفون جديد
أمال: والا شافوه عندي؟؟ راه gالولي الروشارج مديريهاش حنا نعيطو عليك
هند: بففف على معقدين شري تيليفون زوين خليه عندك ومنين تبغي تمشي لداركم خليه كاع هنا ولا غبريه مزيان وديما بينيلهم ديك لخرشاشة للي عطاوك
أمال: معرفت نخااف (وصلو للشومبر وحيدات شالها) والله معرفت
هند: اوا للي بان لييك صافي الا هضر معايا مرة اخرى نقولو متبقاش تصوني ونسانا علييك كما كان الحال لواحد راه عندو كرااامة ميمكنش غيبقى لاسق ونتي مباغاهش
أمال: (مزعماتش تقولها لا حيت واخا هكاك عاجبها هاد الإهتمام من هاد لغريب.. حنات راسها وضربات الطم وهند كتقرا ملامح وجهها شنو كيعنييو) حم شيماء تعطلات فالدوش نمشي نشوفها واش خاصها شي حاجة
هند: هههه سيري (هاكا بقات على هاد الحالة سيمانة وأنوار كل مرة مصوني على هند يا يطلب نمرة اماال يا يحااول يقنعهم باش يخرجو مجموعين وكل صباح كيقول صاافي قلب على زمر واش غير هي للي كاينة بنت كيلقى رااسو كيفكر فييها وبااغي يزييد يعرفها هاد الجموود للي من جهتها مخليه حااير وتفكيرو غير فييها عمرو دار على شي وحدة هاكا ديما الإعجاب كيكون متباادل وعلاقاتو ديما كيتسالاو بالفراق من طرفو ولكن حتى كيااخد للي بغا تحت ما يسمى بالحب وفالتالي كيقلب منين كيبغي الجديد.. أما أمال حتى شوفة مقاادة مكتكملها فييه هادشي كيزرع فلداخل ديالو الشك واش نقصات الجاذبية للي فيه ولا صافي ماتلو الحوت مبقاش كيعرف يصيد.. أما هي غير كتسمع هند كتهضر معااه كيبداو الألوان يتبدلو فيها عارفة الهضرة علييها ولكن باش تزعم وتهضر معااه مستحييييل وديما عقبة خوف من دارهم ومنو هو كيحضر فعقلها وكيخلييها خاايفة من واالو…
فاقو لبنات اليوم وبروكرام ديالهم يمشيو لكوافورة للي خدات ليهم هند موعد معاها باش يعناو بشعرهم وكل وحدة شنو ختارت أمال قطعاتو محايدة لمحروق من بعد جلسة ديال سوان فييه وعطااها طلة زوييييينة شعر بدلها أما شيماء كولشي دارتو بحال هند…)
هند: (من بعد مكملو هند دارت غير بروشينع..) ويينو على الزاااز وعارييتو ابنات سبااعي
شيماء: (زعمت وحيدات لفولار فوسط الطموبيل وشافت فلمرايا ديال لباب) بالصح جيت زوينة؟؟؟
أمال: واه جيتي فنة فنة أشيما
شيماء: (تبسمت ودارت عند أمال) حتى نتي ابنت عمي جيتي تهبلي عجبني لون شعرك كاع مكان يبان كحل هااكا وورجع كيبري منين قداتولك وحتى التقطيعة جات معااك
هند: خاصني لكااادو راه بدلتكم لافيشااج بجوج
شيماء: هههه والله مكذبتي ولكن للي زين راه زين
أمال: هههه وووااه
هند: التواااضع يا ختي كتعطيه صلية شنوو دابا نمشيو نتغدااو؟
شيماء: واه نمشيو و..حم عيطي على هدااك تأ أنوار يااك أنوار واه
أمال: (غير سمعت سميتو تبسمت حتى توردو حنوكها وقلبت وجهها للسرجم كتفرج فالدنيا وهي كتبان ليها زاااهية وزوييينة وقلبها كيدق مخلي احساس زوييين واصلها حتى للمخيخ)
هند: هادشي رااجع للالة أمال هي للي تقرر واش نعيطولو ولا لا (شافت فشيماء بنص عين) كما كان الحال الا كان غيجي غيجي غير على قبلها هي أما حنا معندو ميديير بينا
شيماء: اممم عارفة (رجعت شافت فلمراايا ودوزت صباعها ففروة شعرها كتلمس فشعرها للي رجع رطب بفعل لبروتين للي دارو هي وأمال وعاد عناو بيه مزيان شافت فوجهها للي كان شحال هادي شااحب والمسام كبار بحال شي بغريرة وكرجع دابا صااافي ورططب.. تنهدت من أعمااقها متساائلة واش مزال مغنعجب شي وااحد بحال كما أنوار تعجب بأمال خااطيها للي يزلل بكلمة ولا جوج ويزييد بحال كيتسناوها هي تبعهم.. لا هي بغات للي يرغب ويطلب كلمة منها بحال أمااال للي نهار اللول جات بفكرة أنها حسن منها.. كتبغييها ومكتحقدش عليها ولكن حسدااتها على حب أنوار للي متنكرش أنها حتى هي عجبها.. وقفو فسطووب وبقات كتحرك راسها مع الموسيقى للي طالقة هند وهي تسمع هند معوجة راسها)
هند: أنوااااااااااار
أنوار: (شاف لقى لبنات تبسم ومباشرة شاف فاللور بلاصة للي مواالفة كتركب أمال فيها لقاها كتشوف جهتو تبسم وحرك راسو كنوع من السلام شافها تبسمت) واخيييييييييييييرا (هند كانت متبعا شنو كيوقع وهي تفرشخ بالظحك أما شيماء كتشوف فيه بإعجااب وكتسائل واش منتباهش اللوك للي كانت بلا فولار ولكن عينيه كانو غير على أمال وباش كملها رجع ماشرياال شوية وتقاد معاها فالشوفة ونزل الزاج وهند نزلات لأمال الزاجة وتكى على لباب بكوعو وحط راسو عليه) زويييييينة.. لباس عليك؟؟؟
أمال: (زلقات ليها التبسيمة حتى بانو سنانها مهربة وجهها للجهة الأخرى وعاود رجعات شافت فيه بنص عين)
أنوار: (كيحقق فوجها للي زاد تنقى بحكم عاد خارجين من لكوافورة ولكن هو حاسبو جماالها الطبيعي حيت رجال مغينتابهوش لهادشي زيد هو مشافهاش فاش ياله جات من ديما شايفها مقاادة.. غير تبسمت تحلاتلو) وهاد التبسيمة للي مخلية جدي هابل باش نسمع منك غير نص كليمة
أمال: (كتر عليها حتى معرفت واش تشوف فيه ولا تحل الطموبيل وتهرب ولا تسخف ولكن منقذتها زادت بالطموبيل هزت رااسها مفاهمة واالو وطلات عليه لقاتو مزال واقف فبلاصتو جابلها الظحك) هههه
هند: غتصطي السيد اديك لبنت ههه
شيماء: (لوات شنايفها وهزت تيليفونها للي كيصوني لقات ميساج من عند مها بلا 20 ابيل للي مشافتهمش) “”علاش الكلبة مكتجاوبيش راحنا دخلنا لوجدة وجايين لعندك”” (شهقت وخرجت عيينها ممتيقااش) ويييييل الشيييييطااان راهم هنا
هند: شكون؟؟ (أمال راها عايشة الجو مع أنوار للي تابعهم وكتشوف غير بنص عييين..)
شيماء: (خايفة) ياله دغيا دغيا نمشيييو ويلي ويلي ويييلي الا ملقاوناش تماااك (لوات الشال على رااسها بالزربة مخبعة أي زغبة كتبان) راهم جااييين ماما وباينة بابا وخوتي
هند: (خرجت عينها) ووليد؟؟
شيماء: (كتقرب ليها حيت الموسيقى مجهدة ونساو ينقصوها) وااه غيكون هو للي جابهم تفوو تفوو سربي اهند عفاااك اختي سربي
هند: واخ واخ انا غنزرب نمشيو من جيهة الاخرى على الله ميكونش فيها هاد زحاام للي هنا
أمال: (مع مطلووقة الموسيقى على جهدها كاع ممسوقة ليييهم عقلها غير مع أنوار للي كيحاول يتبعها ومنين كيبعد كطل بروييسها حتى كتلقااه جاي وترجعو بحال لفاارة…)
أمال: (كانت عاايشة فرحتها وكتشوف أنوار تابعهم حسات بالطفلة للي لداخل خرجاات وكظحك بنيتها محساات حتى وقفو بالطموبيل حدا دار الطالبة شافت لبنات هبطو بالزربة هبطات حتى هي مستغربة من زجههم للي بابن ممرناحش) ماالكم؟؟؟
شيماء: (بلغوااات) بااااااز حنا فمشكييل قدو قد لخلااا ونتي جالسة كتمعشقي لينا هنا (وقفات حتى طموبيلة ديال أنوار قريبة ليهم)
أمال: (تصدماات كفاش تسيفات عليها وزادت وخلاتها ومرضااتتش قدام أنوار للي جاي وغيكون سمعها كتغوت علييها وطيحاات منها.. معرفت مدير حتى سمعت هند وقفات بين أنوار للي قرب لأمال)
هند: أنوار خويا عائلة لبنات جايين ودابا غيكوونو هنا
أمال: هىىىىىى كفاااش هنا وقتااش وفووكاااش جاااااو واش رااهم هنا!!! (دخلات كتجري وبقات هند كتشرح لأنوار للي مستوعبش ردة فعل أمال وخوفها لكبير وكفاش دارت منين سمعت عائلتها جاايين)
أنوار: وااخ ولكن عطيني بعدا غير نمرتها
هند: أنوار عفاااك متحطنيش فهاد الموقف منين تبغي هي غنعطيهالك
أنوار: (حك فلحيتو) وااخ بسلامة (مشا ركب وهي مشاات كتجري لحقات بلبناات للشومبر لقات كل وحدة فيهم كتلبس أمال لبسات لعباية لواسعة ديالها وشيماء لبسات جليليبة وجالسة منفخة وغير كتصووط على قدووم هادو المفاااجئ أما أمال معجبهاش الحال تغوت عليها بهاديك الطريقة وخصوصا كلمة كتمعشقي معجباتهاش فمرة وحسات بروحها رخييسة بهاد الكلمة)
هند: حم بلا متخلعو دابا غيجيو غيلقاوكم هنا وغتقولو مشينا جبنا باش نتغداو وهاحنا مزال بحوايجنا
أمال: (مغوبشة وحانية رااسها مكتهضرش)
شيماء: (هزت عينها فأمال) وييه خفنا وكان جاو لقاونا برا وبديك الحاالة والله حتى يردونا معااهم ياك أمال؟؟ (لا رد)
هند: اممم أمال عطيني جلابتك باش ميلقاونيش بهاد الحالة ويلقاو منين يشدوكم يخخ ركبتو فية الخلعة حتى أنا
شيماء: هههه الا لبستي حوايج أمال غيقتاتعو ههه نتي رااك بااينة من لبعيييد وعاد وليد عارفك ههههه
هند: شنووو زعما كفاش باينة من لبعييد بنتلك اختي دخل خرج فرجاال ولا شنو؟؟
شيماء: ولا بفف متدييوش علية راه غير مكنعرفش نهضر زعما وليد داك نهار تشاديتي معاه وشاف لباسك كدااير
هند: اوا ختي ربي للي كيهدي ماشي بناادم
شيماء: (مشات عنقات هند) وزمر ماشي هكااك تأ.. فهمي زعما خويا راه ديجا شاافك
هند: انا داوية على عائلتك أما خووك يعاودها ل***
أمال: (وقفات ومشات لطواليط شافت فلمراايا كان وجهها صاافي من غير شي حبيبات صغاار مزالة متبعة تريتمو ديالهم) قالك تمعشييق بساالة…
هند: عيقتي اشيمااء على أمال
شيماء: والله معرفت كفاش وقعلي غير تخلعت
هند: بانلي هاد أنوار غيبين فيك شي حواايج مخااصهمش يبااانو اشيماء (مشات لشومبر ديالها وشيماء بقات سااكتة كتلووم فرااسها كفاش متحكمااتش فرااسها وهي عاارفة أمال كتعتابر شيماء هي كوولشي فحيااتها سخطت على رااسها… سمعت صووت مها كيقرب ضاارت حتى كتفااجئ بماماها ومرت عمها واقفين ولمديرة ديال الدار كتوريهم الشومبر.. دارت ابتسامة عريييضة منااافقة على وجهها مع نغيزة ديال الصدمة) ماماااااا!!!! امتى جيييتو (مشات كتجري عنقاات مامااها) توحشتك توحشتك توحشتك (كتبوس فيها)
نعيمة: (معنقة بنتها ورتاحت منين لقاوهم كاينين حيت عارفة بنتها كانت غتمشي لكوافورة اليوم وتسافيرة جات على غفلة محست حتى قالهم وليد يالهو) حتى انا بنتي توحشتك كرااكي ابنتي.. فين بنت عمك؟؟
فتيحة: فين هي أمااال؟؟؟؟؟
شيماء: (طلقات من مها ومشات كتسالم مع مرت عمها للي كتعبرها وجاتها صحاحت) لباس عليك اخالتي فتيحة
فتيحة: لباااس!! نتي بيخير (كدور عينها فبيتهم) فيين ديك لبنت؟؟
أمال: (قلبها راه واصل لفمها من صوت مها للي سمعاتو من الحمام كانت كتمووت بلخلعة منهم تشجعت ودخلت بصوت خاافت) سلام
فتيجة: (ضارت عند بنتها وهي تزيد طرطق عيينها ماشي هاكا صيفطاتها تبدلات فهاد شهر بزاااااف) فين كنتي؟؟
نعيمة: ويلي عليك افتيحة هادي هي تعنقي لبنت وتشمي رييحتها راه شهر وهي غاابرة عليك مسييكينة..
يتبع
شاركنا رأيك في هذا الفصل 🌹