نعيمة: ويلي عليك افتيحة هادي هي تعنقي لبنت وتشمي رييحتها مسكييينة راه شهر وهي غاابرة عليك بااااز اختي كنعيا نوصي فيك ونتي واالوو.. (رجعت شيماء وعنقات مامااها)
نعيمة: اوا هي للي خاصها تسلم ولا لا!! (جات أمال كدير الواااجب فقط لا إحسااس باست لمها يدها وسلمات عليها بلوجه وكتحس براسها مخنووقة وهي كتشوف شيماء وماماها كفاش العلاقة بيناتهم وكدايرة علاقتخا هي مع مها.. بقات فتيحة كطلعها وتهبطها) لباس!!
أمال: الحمد الله أماما ونتي بيخيير؟؟ مكنتش عارفاكم جايين
فتيحة: وعلاه بالسلامة باغية تعرفي
أمال: هاا غير زعما نقاد ليك لغدا
فتيحة: اممم على زين طياابك (خنزرت) اجي مال وجهك؟؟
أمال: (حطت يدها على وجهها متوترة)هممم مالو؟؟
غتيحة: (عصرت على فمها وعينيها خارجيين) اممم لا باينة كتقرااي (حطت صباطها ودخلات للشومبر للي مفرشين فيه موكيط على حساب لبرد وكان مرون بلحوايج) شهااد رويينة عايشين عيالات هنا ولا عزاارا
نعيمة: ياا لطييف منك افتييحة شحال فيك دنكييير مساكن جاو يقراو ولا يديرو لميناج
فتيحة: وغير يقادو بيتهم حشوومة هاد روييينة بنادم يجلس فنقا (جلست نعيمة وجلست حداها فتييحة كدور فعينها أما أمال باينة فيها ممرتاحااش)
أمال: ماما نجيبلك تشربي
فتيحة: جيبيي (شافت فشيماء للي كانت لابسة جليليبة) كنتو خارجين شتكم لابسين حوايجكم ياك ليوم حد مكاينة قراية؟؟
شيماء: واه لبسنا غير حيت مشينا حبنا الخبز ونيت مشينا صباح شرينا شي بوليكوبات من عند واحد لكوشك (عارفاها كغتفهم والو) وجيينا
فتيحة: اممم اوا جاااااات معاكم السكنة وحدكم قلت نجيو لقاوكم ضعافيتو ومساخيينش بينا ساعة صدق لعكس وااقلة تهنييتو منا
شيماء: لااا امرت عمي وانا بعدا نقد نسخاا بيكم ولا بمييمتي (رجعت عنقاها) شحال توحشتك عرفتي تعرفنا على واحد لبنت غزاالة غزاالة وضرييييفة بنت فاس
نعيمة: واه قلتيهالي هند ياكي؟؟
شيماء: واه شوية وتجي
أمال: (داخلة هازة صينية فيها جوج كيسان ديال لما للي غسلاتهم مزيان حيت عارفة مها موسوسة بشقا… مداتلهم هزو شربو وهي جلست فكرسي) ماما ترتاحي ياكما عييتي نفرش ليك هما
فتيحة: (جاتها بنتها تبدلات وجهها مكانش هكا لوخرا تهضر وهادي تحضي محست حتى نطقت) حسنتي لموسطاج يا بنت لحراام؟؟؟ (هاد لكلمة سمعاتها هند منين كانت داخلة بيجامة طويلة واخا ضيقة شوية استر حاجة عندها دايرة فوقها ريبيكا فلكحل ومدايراش المكياج فمرة وشعرها جامعااه سفنجة ولكن مشدات الظحكة غير بالسيف منين سمعاك ديك لكلمة.. دخلت مبسمة) حم سلام؟؟؟
شيماء: هند دخلي دخلي راه جاو موااااتنا داروها مفاجئة زويييينة بزاااااف
هند: (تبسمت) مرحبا بييكم (سلمات على فتيحة هي للولة للي غير مادة حنكها عاد سلمات على نعيمة للي متبسمة)
نعيمة: تبارك الله كدايرة بنتي لباس علييك؟؟
هند: الحمد الله اخالتي ونتوما كبقيتو مع سفر؟
فتيحة: (وقفت وهازة مناخرها) تبعيني نتي (خرجات وتبعاتها أمال محرجة قدام هند وقفو برا) شنو درتي لوجهك؟؟
أمال: (خايفة) مدرت والو أماما والله
فتيحة: (زادت مطرطقة عينيها) متكدبيش الحماارة زعما نتي ماشي بنت كرشي باش نعرفك؟؟ غير قولي شنو درتي منظربكش
أمال: كنن كنديير غير واحد لبومادة باش ميبقاليش لحبوب وصاافي
فتيحة: ولاش لاش كديريها؟؟ باش تعجبي رجاال؟؟
أمال: (حنات رااسها ولبكية فحلقها)
فتيحة: جلسي متبعالي نعيمة وبنتها راه غيخرجو علييك وكان بغيت نعلمك هادشي كنت طلقت ليك من شحال هادي ولكن مبغييتكش تخرجي مغلسة بحالهم
أمال: مكندير وااالو اماما غير كظلمووني
فتيحة: حسابلك فقسة ديال هاد لقراية والسكنة هنا غتنسى غير بالللاتي علييط هانتي راااجعة اللول للي يجي يخطب فيك غتجوجي بيه
أمال: (معندهاش الجرأة تجااوب ولا مها غتلقاها حجة باش تردها معاها وكل خوفها هو تعري ليها شعرها ولا صحتها )
فتيحة: وشكون هاد لكرطيطة عااود يعرف باك ولا خووتك كتمشاي معااها يورييوك هاد ضساارة للي كترات فييك (مكتجاوبش غير حانية رااسها) وتكلمي شكون دي؟؟؟؟
فتيحة: واا تكلمي خلاص شكون دي للي مرافgين معاها؟؟؟
أمال: (بصوت مخنوق) واحد لبنت أماما غير جارتنا هنا وصافي
فتيحة: جااارتكم (كتميق فيها) هه هاكااوا gالك جارتهم من امتى كانو عندنا الجيران باش تجي ديريهم هنا ولا ملقيتي لحكام عليك أبنتي
أمال: (مكمشة يدها على طرف من جلابتها كتفش فيه أعصاابها للي مخاصهمش يخرجو) ماشي هكاك أماما غير ساكنة حدانا وكنتلقاوها مرة مرة حيت عندنا كوزينة مشرووكة وحتى حمام وكنتش..
فتيحة: سكتييي.. (سكتات) منبغييكش تبقاي تشوفيها معندك مديري بصحابات راه غيخرجو عليك
أماال: واخا ماما (مافيها للي تقنع فيها.. جلست كطبخ لها راسها بأوامرها ونصائها للي منافعينها فواالو.. أما فالشومبر كانت نعيمة كتمرر صباعها فشعر شيماء للي رجع حرير وزوين بفضل لبروتين ولونو تبدل كانت ناعسة على حجر مها)
نعيمة: وحافضي عليه ابنتي باش يبقى ديما زوين هاكا
هند: (عجباتها نعيمة بزااااف) متخمميش اخالتي راه كنظلو نخلطو فشعرنا وفوجهنا
نعيمة: تبارك الله علييكم وحتى أمال رجعت على مزيناتها
شيماء: (تقرست وهزت عينها فيها) حسن مني أماما؟؟
نعيمة: واش حمقة بجوجكم زوينات غير هي مسكيينة تبلات بديك فتيحة لهبيلة
شيماء: حشوومة عليها والله تلقاها دابا كتسمعها خل ودنييها ولبنت مكدير واالو
هند: (شخصية أمال بقات كتوضااح لييها وعرفات شيماء علاش هي مطلوقة حيت مها ماشي بنفس العقلية ولكن للي كتسنى هو امتى ينزلو لتحت عندها فضول كبيييير تشوف فوليد للي من اخر مرة خلا فيها احساس فشكل.. ناضت مخلية لبنت تشبع من مها وتهضر معاها فخاطرها ومشات لبالكون ديالها كانت كتوقع غتلقاه تماك سااعة غير الشمش للي مطنطنة تمااك دخلات لشومبرتها فكرت حتى عيات ومشات تبين لحدااكة حطت 5 ديال لكيسان 3 بحال بحال وجوج مخالفين وجبدت عصير وحطاتهم فصينية وفطبيسيل شكلات باسطة مع بشكيطو وهي وشي بسكوياات)
نعيمة: بنتي ماشي حيت خليتك تقادي حاالتك تفكري راه راخياالك اللعب
شيماء: (ببراءة) اصلا مكنديرو والو أماما
نعيمة: حيت كنتيق فيك ابنتي منبغييش نسمع ولا نشوف عليك شي حاجة
شيماء: بحالاش أماما؟؟
نعيمة: دراري ديال داابا ابنتي غرااضهم غير يتفلاو غيعرفووك ساكنة بووحدك هنا وااليديك بعاد عليك غيستاغلو هادشي وي…
شيماء: يهديك الله أماما اشمن دراري ماشي حيت قاديت راسي تنظني فية هاكا انا دراري للي مستحيل نفكر نشوف فيهم
نعيمة: ابنتي انا وكان كنظن فييك غنجمعلك حويجاتك ورجعك معايا ونوريك الوجه التاني للي كفس من باك وخووتك
شيماء: (ضربات الطم وسكتات) حم بابا وخوتي جاو ياك؟؟
نعيمة: جا غير باك وعمك ووليد ومحمد مشاو يقضيو شي غرااض ومن بعد يجي خوك يشوفك باش يمشي فحاالو
شيماء: مسكيين كاع مكنسخاو بييه
نعيمة: (بحزن) ايييه على ولييدي وشحال كنتوحشو (هنا دخلات هند هازة الصينية فيها كولشي) علاش عليك ابنتي كتعذبي راااسك
هند: لا خاالتي مكااين عذااب بلعكس سمحوولنا راكي عارفة حياة الطالبات هههه
نعيمة: ههه دوزتها ابنتي (تفكرت أيامها) كولشي بحلاوتو داكشي علاش بغيت شيماء تجربها وتستااافد ماشي شي حاجة اخرى بغيت اجاازة بنقطة زويينة وراسها يكون عااااامر
شيماء: (مرضااتش) ح معرفت خالتي فتيحة وأمال فين زاادو…
فتيحة: عنداك تبقاي تلبسي بحال ديك شيماء هاديك راه بحال مها مكتحشمش الحمد الله للي بعد بلاها على بلاانا
أمال: (حنات عينها كتشوف راسها شنو لابسة وشافت فمها للي لابسة جلابة شبابية على للي لابسة هي) لباسها زوين أماما انا راه كنحشم نمشي هاكا لفااك راه يبقاو يظحكو علية منين كنبقى نعتر فهاد لعباية
فتيحة: ياااك ابنتي وباش بغيتي تمشي بشوميج دنعاس
أمال: (حنات رااسها وكل خوفها تنطق بشي كلمة للي تحول ضدها وترجعها مها للي كتقلب ليها على السبة)
فتيحة: اسمعي ادييك لهبيلة نهار تجوجي خرجي حتى عرياانة ديك السااعة نكونو وصلنا أمانتنا اما دابا راك مزال محسوبة عليينا
أمال: (هاد الجملة كانت بحال شي موس حااافي كيذبح فقلبها اه عاارفها قااسحة ولكن ماشي لهاد الدرجة كفاش هاد محسووبة علييهم ياك انا بنتهم لحمهم ودمهم كفاش محسووبة هاد السؤال بقا كيدور فراسها وهي كتشوف فعينين مها للي كيخلعووها..) كفاش محسوبة أماما عليكم؟؟
فتيحة: ها هي غتبدا تجبد وتمضغ علية فالهضرة زيدي دخلي (زادت ودغيا رجعات ضارت مقربة لوجهها لدرجة أمال خاافت وكحماية دارت يدها على وجهها كتحمييه حيت حسباتها غطرشها عاود) حاااااايدي هاد ليد (حيداتلها يدها وشافت فوجها) كتحيدي شعر من الوجه؟؟
أمال: (بخوف) لا غير ديك لبومادة دلحبووب هي للي كطيحو لية غير نقطها يعاود يرجع
فتيحة: (تاقت) اممم هاكا حسن اما كنتي مشييينك gاع بنات خالاتك حسن منك (زادت قدامها وأمال دارت يدها على قلبها للي كيزدح وتبعاتها لقات جو ديال الظحك مع نعيمة النشوطية وهند مطلوقة معاها غير دخلت فتيحة سكتت حيت حسااتها محملاتهاش)
هند: خالتي (مدت ليها كاس دلعصير)
فتيحة: (بنفخة) مكيعجبنيش هاد تخربيق للي تشربو هادا راه سم تقول معنكم دراع باش ديروه طبيعي
هند: (هزت حاجبها وشافت فأمال للي حنات راسها محرجة ودارت بوجهها) وغي حيت مع لقراية اخالتي مكتساليوش
فتيحة: اممم قرااية (قالتها بشوية) طفرتووه بكري
نعيمة: (صونا عليها وليد) ولدي راك لتحت.. واخ انا نقولها تنزل.. شيماء لبسي ولا راك لابسة حقا نزلي شوفي خوك وباااك حتى نتي أمال راه باك وخوك جاو
فتيحة: معندها لاش تنزل
نعيمة: اويييلي ويلا باها وخوها بغاو يشوفووها
فتيحة: يشووفوها على فعاايلها الزيينة نعييمة بحالا معارفااش هوما من اللول مبغاوهاش تجي هنا ومعاجبهمش الحال لبنت تجي تقرا وتخلي بلادها
نعيمة: لا حولة (ناضت ووقفات حتى بنتها اما أمال غير كتشوف بعويناتها مرضياش قدام هند مخنوقة باغا تبكي وتغوت ولكن مصبرة رااسها وحااسبة حساب كل كلمة تخرج من فمها وعارفة العقاب للي يتسااناها..)
فتيحة: حتى انا نهبط معاكم نييت
نعيمة: ولبنت تبقى بوحدها أمال زيدي أبنتي تهبطي
أمال: (شافت فمها باش تعطيها اﻹذن)
فتيحة: زيدي وكان ولكن رااسك متهزييييهش باش راه من صباح كاعي معشيسلعة بلا متكملي عليه نتي (باغا تبين لهند انها متحكمة فبنتها وان صداااقتها غير مرحب بيها مع بنتها.. ناضت أمال وفتيحة ماهنات حتى خرجت هند من تمااك فحالها وسدات بنتها لباب عاد مشات وحتى هند ماشي من لعاكزيين خلاتهم خرجو ورجعات لبيت هزت جلابة من ديال شيماء جاتها مزيرة بزااف رجعت هزات من حوايج أمال لقدام دارت فولار على رااسها للي لافخونش باينة فيه ونزلات مخبية ملقاتهمش فلهوول زعمت وخرجت لبرا لقاتهم تمااك مجموعين عاطيينها بظهر كتشوف فلوليد كفاش معنق ختو وحتى باها قريب ليها أما أمال وااقفة بحال ليتييمة حدا وليديها وخووها وهوما كيهضرو بيناتهم ألمها بزااف هاد المنظر وتفكراات رااااسها)
#فلاش_باك
هند: (دخلات كتجري لبيت فين لقات ماماها كتجمع حوايجها) ماما واش بالصح شنو قالتلي لميمة؟
أم هند: (كاعية) بنتي بعدي من هاد المشاكل الله يخلييك
هند: نبعد!!! انا راه عاايشة فوسطهم هاد المشاكل ولكن بعدا كنقول فالتالي كتصالحو وكنجلسو مجموعين بحال شي عائلة زعما
ام هند: هنننند هضرت معاااك
هند: (تجننات) راه عندي 20 عام واش فهمتي ماشي شي وحدة كترضع صبعها واش حتى دوزتو هاد العمر بيناتكم عاد بانلكم طلاق داابا!! وانا فين غنسكن ومعاامن معاك نتي ولا هو؟؟
أم هند: (بقات فيها بنتها ولكن هدا قرار لا رجعة فييه) تبغيلي ابنتي نعيش فالذل!! واش تب..(حتى بغات تهضر وهي تسكت) بنتي الله يرضي عليييك هاكا رااه حسن لية ولييك
هند: (كتبكي) وبابا؟؟
أم هند: غنبقاو عائلة ابنتي غير كل واحد غيعيش حياتو
هند: (مبغاتش دخل ليها لراسها) لا ماما عفاااك غير صبري انا معرفتش شنو دار ليك بابا ولكن معرفتش قوليلي غير شنو دااار
أم هند: (جلسات فوق السداري وجرات بنتها عندها) انا وباباك مبقيناش متفاهمييين
هند: صافي غير مبقيتووش متفاهمين غطلقو؟؟
ام هند: وباغاني نعيش مع واحد ممتافقاش معاه ممرتاحاش معااه
هند: (كتشهق) وسبحان الله الحاجة الوحيدة للي تافقتو عليها وتفاهمتو فيها هي طلاق؟
ام هند: بنتي انا راه غنبقى ماماك ونتي غتبقاي بنتي
هند: (وقفت كتمسح دموعها) عندمن غنعيش أنا؟؟
أم هند: (بتوتر) مع لميييمة
هند: كفاش مع لميمة كنهضر عليك نتي وعلى بابا
أم هند: هند نتي كبيرة مغتحتاجيني لا أنا لا بابااك
هند: ياااك!!
ام هند: اه وخااااصك تكوني متفهمة واش غترضاي تعيشي مع مرت باباك
هند: (شهقت) علاش بابا تزوج؟؟
أم هند: (كتحاول تكون قوية) فهمتي علاش مبقيتش مرتاحة معاه مكنتش بغيت نقوولك باش يبقى باباك ديما فعينيك مزيان
هند: (بقات غير مصدومة مكانتش متوقعااها حدها كانت كتقول يمكن حصلاتو كيهضر فالتيليفون مع شي وحدة ولا شافتو معاها جلسات وشافت فمها) كفاش تزوج
أم هند: عادي تزوج حيت هو ختار ميبقاش معايا بوحدي وحتى انا من حقي منعيش معااه
هند: و..علاش تزوج؟
ام هند: سيري سوليه ابنتي يمكن يقولك نتي الحقيقة ومنها يعرفك على خووتك (قالتها باستهزاء)
هند: (بلعت الفقصة) خوتي؟؟ علاش هو من فوقاش وهو مزوج
ام هند: (ربعت يدها وهزت حاجبها) معرفتش وياا ريت وكان عرفت مكنتش نقبل بشماااتة ندخلو لداااري انا عتييقة بنت القااع والباع يتزوج علية ويولد ويخليني فداار غفلوون
هند: (شافت فمها) فين بابا دابا؟؟
ام هند: معرفتش (رجعت كتستف حوايجها فشنطة كبييرة)
هند: (كتمسح دموعها بطرف تريكوها) وفين غتمشي؟؟
ام هند: بغيت نبقى بوحدي
هند: الا علية أنا راه اصلا مكنشوفكش ومكتجلسيش حداايا
أم هند: هههههند منقصاكشاااي أبنتي غتكبري وغتحسي بية
هند: (شافت فمها بحزن وغضب كبييير) مغنكووونش بحاالك باش غنحس بيييك حيت مغلموش غير هو بجوج بيييكم أماما مفهمتش اصلا كفاش تزوجتو وانا من نهار عقلت على راسي وكلها عايش حياتو بعيد على لتخر (خرجت من لبيت كتبكي ومخلية مها كتعيط عليها بلغواااات)
جدة هند: شنوو واقع ابنتي؟؟
هند: شوفي بنتك هئ هئ للي بغات تسمح فية فييك
جدة هند: لا حولة ولا قوة الا بالله العلي العظييم مصييبة هادي سيري ابنتي ترتاحي فليتك متعمريش راسك بهاد جووج ديها غير فقرايتك
هند: مبقيت باغا شي قرااية قبل متخرج بنتك قولها تحطلي لفلووس بعدا ينفعو بشي حااجة فحياااتهم (مشات للبيتها وشبعاات بكى وحتى مها استخسرات فيها تودعها ولا تعلمها غير فين ماشية وامتى ترجع من تماك وهي خاااوية كتمشي فقط تشوف لميمة زمرة مرة تصادف مع مها للي معندهاش مشكلة بنتها تعيش زووفري مهم كدير وااجبها وكل شهر كتصيفط ليها فلوس وباها كيثيفط الضووبل بلا تضاور ديال الجدة)…
#عدنا..
وليد: نبغييك تحضي راااسك
شيماء: وااخا خوويا حتى نتا تهللا فرااسك بزاااااف
محمد: (شاف فختو للي واقفة حانية رااسها ومبعدة شوية عليهم) نتي ماالك مبعدا!! زيدي قربي
فتيحة: (ياله بغات تقرب) فقصااتني هاد لبنت مكتسمعش لهضرة غير الله يحفظ معاها
محمد: (بحزم) علاش ياكما سخن علييها رااسها محدنا مديماريين تزييد معاانا (هنا دار وليد وشاف فأمال للي واقفة بحال شي يتييمة وضرااتو فخااطرو شاف فمحمد للي كيخنزر فختو اما باها كيشوف فالتسبيح ومها معجبها حاال غير كتشكي عليهم عليها)
فتيحة: وانا من داااك نهااار للي ترجع فحاالها
احمد: (أب أمال) هنيونا واش غنبقااو فهاد الشمش مصطفى ياله اخويا الغراض راه تقضى (مشا بلا حتى ميشوف فبنتو للي للي شافهم يحلف عليها دايرة شي ذنب عمرو ميتغفر لييها وهي ذنبها انها كرهات حبسهم وتمييزهم وتنمرهم… ولقات لقرايا هي الحل الوحييد باش تهرب من تمااك وياا ريت كان بالسيف علييهم هوما للي صيفكوها غير مرضاش قدام خوه للي غيصييفط بنتو وبنتوهو تبقى بلا علام…)
محمد: (مد يدو لجيبو وعطا لمو جوا) عطي لبنتك هاد لفلوس
فتيحة: اش غدير بييهم راه مزال يكونو عندها لفلووس
محمد: ميييييي عطي لبنت (عصباتو شدهم ومدهم لأمال) نهار تخصك شي حاجة عيطيلي( تم راجع يركب فالطموبيل حتى قشع هند واقفة كطل عليهم حنات رااسها وهو طلع ركب فطموبيل يتسنااهم وعينو على شيماء للي باين فبها التغيير لكبييير فوجهها وحنيكاتها للي بانو قلب وجهو لقا هند مزالة واقفة كتشوف فيه غير شافتو دخلات وهو مسوقش)
وليد: (باس لمو رااسها وتمعن فأمال) تهلاي فراسك الوالدة
نعيمة: (كتبكي) حتى نتا اوليدي
شيماء: وصاافي احبيبتي علاش كتبكي؟؟
مصطفى: وصافي انعيمة نعلي الشيطان مغيدوز شهر حتى يجي ياك اولدي
وليد: (دار نظاظرو وشاف فأمال) ومغنكملهاش كااع ونجي
مصطفى: ياله زييد انعييمة هاد الوقفة هنا معجباانيش شفنا لبنت راها بيخير وزيدي نمشيو
فتيحة: (لبنتها) هاحنا مشينا احبيبة فوقاش غتجي نتي؟؟؟
شيماء: (بصوت خافت باش ميسمعهاش وليد) معرفتش حتى لمور لامتحان
نعيمة: اممم .. اجي امال ابنتي نسلم عليك (مشات كتسالم مع مرت عمها) تهلاو ابنتي (باستها) تهلاو فبعضياااتكم رااكم خوووت
أمال: (حنات وباستلها يدها وهنا فتيحة وكان صااابت تشتف على بنتها تقتلها ومتبردش ليها) كوني هانية امرت عمي
وليد: (تبسم لا اراديا وشاف فختو) خاصكم شي حاجة؟؟؟
شيماء: لا خوويا مستوورة والحمد الله هههه
وليد: (ضربها ضربة خفيفة لرااسها متبسم) للي سمعك يقوول بنت باب الله ونتي لفلووس كتشربيهم ماشي كتصرفييهم تكاايسي ابنت بوويا راه عرق كتافنا هادووك مكيصدقوهمش علينا
أمال: هههه (ظحكها)
فتيحة: ماالكي نتي كضحكي؟؟ (دارت حركة براسها حتى جمعت أمال فمها) صاافي سيري طلعي
أمال: حم واخا ماما (باستلها يدها وراسها وكتسناها تقولها الله يرضي عليك)
وليد: (متبعها وكيجاوب مو على وصيتها باش يتهلى فراسو) واه واه كوني هانية
فتيحة: ياله سيري شنو مزال واقفة ديري هنا؟؟
أمال: (بغضب مشات بلا متشوف لا فيها لا فباها للي مستخسر حتى الشوفة فيها ولا خووها للي مسولهاش حتى واش لبااس اصلا ممحتاجاش رضااها ولا حنانهم.. مع دخلتت لقات هند فلباب جالسة فوق طروطواار غير شافتها وقفااات)
هند: ماالكي كتبكي؟؟؟
أمال: (كتشهق بلبكى) واالو والو هءء هءء تفووو كرهت حياااتي والله حتى كرهتهااا..
هند: بفففف غير الشوفة فداك خووك كتخلع انا خرجت غير كنطل خنزر فية بلا شعوور دخلت يخخ ركب فية لخووف
أمال: (دارت يدها فمها ومشات بالزربة كتبكي خلات هند من موراها كتعيط دارت عندها) عفااك اخييتي خليني نبقى بووحدي..
هند: (وقفات متأزمة من حال أمال) واش هادي بنتهم ولا مربيينها؟؟…
وليد: (محملش مرت عمو واصلا من قبل مكانش عندو معاها من نهار شافها كتحرش دراري على ختهم حيت بغات تقرا فلباك كرهها وشحال من مرة طيحات عليها لباطل وخلات محمد يزرق ليها لحمها هادشي كتعاودو ليه شيماء) مهم الوالدة سيري نتي راه مزال تباعكم طريق وانا حتى الليل عاد غنمشي
نعيمة: وغتبقى بووحدك اولدي؟؟
وليد: هه عادي امي غير هاد سويعات على مرجع باش نبقى تماك بوحدي كتر ههه
نعيمة: (عنقااتو) تهلا فرااسك اولدي (ضارت عند شيماء) حتى نتي ابنتي تهلاي فرااسك متاكليش فالزنقة وعفاا بنتي من قراايتك للهنا ديها فقرايتك قراايتك للي غتنفعك وغدير ليك قيييمة
وليد: علاش بالسلامة كتمشي لشي موضع اخر؟؟؟
شيماء: ها لا اخوويا عمري فحياتي مشيت لشي بلاصة
وليد: اممم على ربي ياله سيري راه أمال مشات متخليهاش بوحدها
شيماء: (رجعات عنقات ماماها وتباوسو وخدات من عندها فلوس عاد مشات باش فلعشية غتلاقا مع خوها باش يخرجها تقدا شنو بغات نعيمة مشات فحاالها وشيماء تماات داخلة مع لباب وقفات ليها هند وهو يقشعها وليد تكره حيت كان عندو أمل ختو متبقاش تعرفها ركب فطموبيلتو ومشا لوطيل يرتاح…)
هند: (تبعاتو حتى مشى) مال أمال دخللت كتبكي
شيماء: (حيدات لفولار واخا مزال مدخلات لبافيو (عمارة فين كاينة شومبر ديالها) ومبقاتش كتحشم من لعساسة للي كيدورو تمااك حدا لباب) يخخخ ديك مرت عمي دايرة بحال شي شيطان دوك العينين عندها غير مطرطقين (عيباتها) بحال هااك
هند: هههه لا بالصح أمال دخلات مسكينة كتموت بلبكى
شيماء: وفينها؟؟؟
هند: لحقتها بالصح قالتلي بغات تبقى بوحدها
شيماء: (مشات زربات عند بنت عمها مخلية هند تابعااها لقاتها ناعسة على كرشها ودايرة وسادة على راسها وكيتسمع غير صوت شهقتها.. طبطبات فظهرها) أمااال أمااااال براااكة عليك من لبكى اختي واش باغا تحمقي راااسك مع هاد العاائلة دزبل (أمال غير كتبكي) وااااا أماال برااكة وعفااكي ياك نهار اللول قلنا مبقيناش نديوها فييهم ياك كنا بيخيير قبل ميجييو وحتى داابا ها هوما مشاااو وتهنييينا
هند: (بقات فيها أمال ومشات لشومبر ديالها حطات ديك الجلابة وبقات بووحدها وتفكيرها فللي محملهااش) بففف وعلاش كنفكر فييه أنا عمر شي ولد**** مقمعني وهدا محاملش حتى الشوفة فية وانا كندير هاد تبرهييش غير باش نشووفو تفوو خزييييت علية (بقات مضااربة غير مع رااسها أما أمال كانت كتغسل وجهها وتستغفر الله)
أمال: استغفر الله.. (حيدات شاالها ودخلات لشومبر ديالها لقات شيماء كتشوف فشعرها فلمرايا وظحك) رجووع الله
شيماء: عينيك رجعو بحال شي gلتة ديال الدم رخفي على راسك شوية شوفي شعرك شحال جايك زوين
أمال: (بابتسامة خافتة) اودييييي.. (حيدت عبايتها وبانت طاايتها للي تبدلات شوية صدر بان شويييييييية والمؤخرة رجعات بااارزة على للي كانت وجاية مع طايتها للي صحاحت على نهار جات ولكن الا تعرات باقا عندها محرووقة ولحمها من تماك زرااق متبعة غير تريتموو باش يتوحد ليها اللون ومتبقاش ديك لبلاصة عايبة عندها.. جلست كتفكر حتى نطقت) واش باقي شي واحد فهاد العصر كيفكر هاكا
شيماء: (باستغراب ضارت عندها) كفاش!
أمال: اه عارفة حنا عايشين فمجتمع ذكووري ولكن ماشي باش لبنت تلغى فمرة ويبقى الراجل هو كولشي
شيماء: (جلست حداها) صرااحة خووك كتجيني مك للي كتعمرو علييك راك شفتي منين قمعها منين مبغاتكش تشدي لفلوس
أمال: مبغييتش لفلوس بغيتهم غير يحسو بية يعتابروني بنتهم وختهم يحتارمووني شوية انا راه بناادم ماشي حيوان وماشي عبدة عندهم
شيماء: وصافي هاني انا كنبغييك
أمال: (للحظة تفكرت أنوار منين كان تابعهم وتبسمت) شفتي هداك ككان تابعنا قبيلة
شيماء: ههه نتي للي كنتي متبعاه اما انا كانت فية سريسرة
أمال: والله مسمعتكم منين قلتو راه جاو هههه
شيماء: برااكة كنتي غير كتسمعي سي أنوار ديالك
أمال: أحااي مدياالييش
شيماء: امم قولي الصراحة عجبك؟؟ وحتى وليد بقا قبيلة كيشوف فيك وكتر من داك لاخر
أمال: أ..لااااا
شيماء: ههه كولشي كتعجبيه انا بعدا كاع ملقيت للي يبغيني
أمال: (بتنهيدة) نتي عندك احسن أم كاع متحتاجي شي حد اخر…
أمال: نتي عندك أحسن أم كاع متحتاجي شي حد اخر يدخل لحياتك وحتى خوك مهلي فييك بزاف ودايرك كيف بنتو ماشي حتى ختو معندك مديري بلبراني دخليه لحياتك يخربقك
شيماء: واه ولكن انا بااغا نبغي شي واحد ويبغيني ماشي ماما ولا خويا لا باغا شي حد اخر
أمال: دابا يجي رزقك
شيماء: كنتسناه هههه اجي نمشيو عند هند ونكملو هضرتنا عندها
أمال: واخ صبري غير نلبس حوايجي
شيماء: وغير ياله هاكا راه غير بنات بيناتنا
أمال: ألاااااا (هزات عبايتها وشاالها ولبساتهم بالزربة) زيدي
شيماء: قاعدتك هي قاعدتك عمرك طوري (أمال معجبهاش الحال وجمعات الظحكة وتبعات شيماء دخلو عند هند للي كانت كتنشف شعرها وباينة عاد دوشات) بصحتك ازيين
هند: الله يعطيك الصحة.. أمال شوية؟؟؟
أمال: الحمد الله اختي (جلست معجبهاش كلام شيمااء وحلفات متخليه كياكلها بوحدها) شيماء ماشي حيت لبست هاكا كتعني انا ممطورااش
هند: شنو واقع؟
شيماء: ويلي اصااحبتي واش تقلقتي؟؟
أمال: نتي ديما كتقولي هاكا
شيماء: ولا زعما قلتلك عادي الا بقيتي بحوايج لتحت زمرا عليك دغيا كتقلقي حتى نتي
هند: اولا نتي ماشي مكلخة وعندك شخصية قوية
أمال: انا عندي شخصية هه كظحكي علية؟؟
شيماء: غير كتبغي تنقصي من راسك وصاافي
هند: راه صعييبة تجي هنا وتعيشي بوحدك من بعد مكنتيش كتخرجي فمرة من دااركم.. وزيد جاية ناوية تبدلي من رااسك ماشي هاكا جيتي نهار االلول وباغا تقرااي ويكون عندك مستقبل
أمال: (عجبها لحال) غير مكانش عاجبني رااسي
هند: وهانتي تهليتي فيييه وحتى قشااوش لعرس منسيتيهمش هههه
شيماء: هههه هادي كاااينة قداات شغل لأنواار
أمال: (دارت يدها على وجهها حشمانة) أحاااي!! انا درت كولشي حيت انا بااغا ماشي على قبل شي حد
شيماء: امممم تقتك أنا نتي مدرتي هاكا غي حيت بااغا رجال تعجبيهم (قرساتها هند) أي حم زعما باش تكوني زوييينة كتر
أمال: (حيدت يديها) لا انا مبغييتش رجال يبغيوني
هند: متحتاجيش حيت بلا ميشوفو والو منك بغاوك وبالدليل أنواار للي بالصح بانلي طااح فيك طيحة ****
شيماء: وحتى وليد
هند: خوك؟؟
شيماء: واه قبيلة كيشوف فيها والا هضرات كيعجبو الحال ومنين مرت عمي غوتات عليها (هنا أمال قندشات) معجبوش الحال وقالنا صافي سيرو فحاالكم
هند: واش هو قالك أمال كتعجبو؟؟
شيماء: لا ميقدرش ولكن قالي الا كانت مكتابة لية أمال نبغي نتزوجها
أمال: واش بالصح؟؟
هند: متدييش على هاد الحمقة وليد راه يقدر تكون كتبقى فيه أمال وغتكون عزيزة علييه غي حيت هي ضرييفة وزيد راه بنت عمو بحال ختو
أمال: (غير كتفكر فهضرتهم بجوج)
شيماء: وزعما أنوار للي كيبغيها متعرفي حتى هو غير عزيزة عندو وصاافي
أمال: (بحال ضرب الضو فقلبها) زعما!!!
هند: انا كنعرف فهادشي وأنوار عجبااه أمال وبزااف ووليد مشفتش كفاش كيتعامل معاها باش نحكم ولكن الا كان بالصح كيفكر بعقلو مغيكونش كتعجبو أمال حيت أولا عارف خووه باغي أمال لزواج وتانيا مغيبغيش يجبد لعدااوة مع كولشي باش يتزوج أمال وتالتا راه هو الا تزوج أمال من هنا نتي غتزوجي بخوها من هنا والا غينوض الدم بين ولاد العم ونتوما قلتولي عائلتكم ممعهاش اللعب وكتهضر غير بلقتيلة…
أمال وشيماء بقاو غير كيتشاوفو بيناتهم وكيفكرو بجدية فكلامها وخصوصا شيماء للي غتاكلها أما أمال حتى الا تزوجات وليد غتعييش مزيااانة أما شيماء غتعييش الوييييل والجحيييم مع محمد.. فهاد اللحظة كانت هند كتمشط شعرها لفاازك وكتشوف ردة الفعل ديالهم غير من لمرايا وفنفسها كتحااول تقنع أمال بعمرها تفكر فوليييد للي حاسة برااسها مايلة ليييه بزاااف
شيماء: لا لا ميمكنش نتزوج داك لكيدار
هند: شفتو قبيييلة غير مخنزر يا ربي السلاامة ولكن منكذبش علييكم عندكم التيتيييز فالعائلة غير ممهليش فرااسو بحال خوك وليد وصااافي
شيماء: محمد زوين؟؟؟ ههه واقلة مشفتيهش مزيان
هند: لا لا فيه زيين حرش خاصو غير يتهلى فرااسو وصاافي
شيماء: اوا شووفي معااه باش يقييلني انا عليه (ضرببات بكتفها لكتف أمال) وأمال تزوج وليد ونصدقو فمعاادلة مرضية لجميع الأطرااف
هند: اهاااه (هزت حاجبها فيها) ونتي شنو غتربحي من هادشي كاامل؟؟؟
أمال: هي تربح أنوار ههههه هو للي بقا
شيماء: هاي هااي هااي تحلك لفم ههه
أمال: ههه وغير نظحك انا هند كاع منبغيلها بحال خوويا يقطع ليها جناحها ويكرهها فعيشتها
هند: (تبسمت مع أمال للي نية) ضرافاات يا لالة.. عرفتي أنوار محبسش من الصونيط
شيماء: وياله نخرجو نتغدااو ونيت نفرحو برااسنا (لمست على شعرها) كاع مخلاونا نفرحو بيه
أمال: واش نتي حمقة وخووك للي مزال مساافر؟ والا صونا عليك وبغا يتلقااك
شيماء: هيييء والله حتى نسيتو
هند: اممم هي غيجي هنا
شيماء: بحال واالو… هند غتخرجي نتي؟؟
هند: لفين؟؟
شيماء: ههه عند شي صاحبك من صحاابك
هند: عفا الله احبيبة (هزت تيليفونها كان أنوار كيصوني جاوبات) وي أنوار صافا!!!
أنوار: هند فين أمال!!
هند: (شافت فأمال للي باينة من عينيها فرحانة) ها هي حداايا
أنوار: دوزيهالي
هند: ول..
أنوار: هند!! ضروري بغيت نهضر معاها (هند مدات لأمال التيليفون للي مبغااتش وهي كتبززو عليها حتى ناضت ودارتولها فودنها) أمااال كتسمعيني،؟؟
أمال: (حست براسها غتسخف وكتعرق غير بوحدها منين سمعت صوتو وسميتها كفاش نطقها) حم امم
أنوار: (تبسم) شنو وقع قبيلة علاش مشيتو كتجرييو واش عائلتك غوتات عليك بقا بالي معااك
أمال: ها… ( شحال فرحات لسؤالو ولاهتمامو) لا مزيان موقع واالو
شيماء: (حطت ودنها على التيليفون كتصنت)
أنوار: نشووفك؟؟ (سكتات) بغيت نشووفك أمال
أمال: (بعفوية) لا
أنوار: علاش لا؟ غنتلقااو فبلاصة فيها النااس نهضرو ونرجعك للدار باغي نزيد نتعرف عليك أمال
أمال: (بحرا كتقدر تجاوبو) لا
أنوار: (معاها مكيقدرش يتعصب ولكن صبر بدا يتقاادا) واخا عطيني غير نمرتك راه صدعت لبنت كنصوني علييها كتر مكيصوني عليها صاحبها
أمال: (حشمت وحنات راسها بحال كتفكر واش تعطيه ولا لا) معرفت
أنوار: (كيحاول يرطب معااها) أمااال غادي غير نهضرو ياك مباغاش نتلقااو خليي على الأقل نهضر معاك فالتيليفون ميكونش رااسك قااسح
أمال: (تفكرت معندها للي يسول فيها وهو شايفة فيه اهتمام كبيير ليها) حم واخ
أنوار: ههه (حاسها كتخرج لكلام من فمها بالسيف) كتعجبيني ل… (سمع طيط طيط غوبش وشاف فالتيليفون لقاها قطعات بقا كيضور فعينييه مفااهمهااش رجع التيليفون لجيبو وهو كيفكر فييها وعلاش هاد الحشمة كااملة ولا هادي طرييقتها باش تخلي الواحد متعلق بيها.. شوية رجعات عندو سهام وجلسات) شنو اسهام جبتيني باش تبقاي تنوحي حداايا اختااصري راه مضيع هاد الوقت للي جالسو معاك هنا..
سهام: (شافت فيه كتحاول بعينيها تستعطفو على الله يحن) علاش كتعامل معايا هااكا واش صافي نسيتني؟؟ كتهضر مع شي وحدة اخرى ياااك!!!
أنوار: بفففف رجعتي كتعصبيني اسهام نهار اللول دوينا حنا كان بيناتنا هاك وأرا عطيتك وعطيتيني صاافي هنا حبسنااها متعاوديش ضوريلي حيت كتخصريلي مجاجي
سهام: كفاش كفاش هاد هاك وأرا واش انا بنتلك خارجة طرييق
أنوار: واه خاارجة لتورووت كاع سهااام!! (هز حاجبو) خوك راه مدوز ونتي رااااك مررقة ماشي غير مدوزة وفووتيني بلا متسمعي كلام يخليييك كتاكلي فرااسك
سهام: (الدمعة لسقات ليها فشفاارها وبربقات عينيها فييه مخلالهاش فين تزييد تهضر لاح 100 درهم فوق الطبلة دار نظاظرو وزاد مخليها متبعااه بعينيها ومصدوومة فالانسان للي كان كيبان ظريييف ودمدوومة فلحظة تقلب عليييها…)
أمال: (غير قالها كتعجليني حيدات التيليفون دغيا من ودنيها وبتوتر كتقلب تقطع حتى قطعات ومداتو لهند)
هند: ههه شنو قاالك باش قطعتي عليه؟؟
أمال: هء مكيحشمش
هند: ههههه ربي شنو قاالها
شيماء: مسمعتش مزيان هاد الزمرة دغيا قطعاات وهو كيهضر بشوية تحت لسانو
أمال: (فرحااانة وكتحس بكرشها كتفيفري ومكرهاتش تبقى ظحك وتعاود لكوولشي على فرحتها ولكن شي حاجة فيها لدااخل كتقمعها وتفكرها بخووتها وواليديها والمجتمع بحال راها غدير شي ذنب عظييم) مgال والو
هند: ههه لا بااينة قاال غير الله يهديك عليييه ههه شي نهار غتسطيييه
شيماء: (هزت تيليفونها كتخرب فييه وتلف الوقت ولفقسة للي فييها ان لدابا حتى واخد مسوق لييها صونات عليها ماماها وعلماتها بللي وصلات ووصاتها على رااسها قطعت وشافت فهند) من قبيلة ونتي كتزيزي ومخرجااش!!!
هند: حبييبة تعلمي واحد الحاجة الا قاديتي شي حاجة فييك وتهليتي فراسك خاص يكون على قبلك نتي ماشي على قبل شي حد اخر
شيماء: كفاش!!
هند: متسنايش تعجبي شي حد باش تقاديلو المهم تكوني تايقة فرااسك نتي وتعجبي برااسك وتبغيييه عاد شوفي الناس ويقولو للي بغااو متسوقيش مدام نتي عاجبك راسك
شيماء: (لوات شنايفها ممسوقاش ورجعت كتسييلفا أما أمال كتفكر فكلام هند)
أمال: أنا كنتgااد غير باش نعجب راسي كنت من ديما فاش كنشوف أفلام بتخبية كيعجبوني لبنات كنبغي نعري شعري ويكون مgااد
شيماء: والترمة لاش هههه ربي متكذبيش على رااسك وعليينا نتي درتيها باش تعجبي الناااس
أمال: ألاااا ياك نتي عاارفة ماما ديما كانت كتعايرني بييها وكتgولي طاي ديالك بحال ديال رجاالة وهي للي عقداتني بييها حتى درت هادشي وهانا باقا محروgة فيها انا درت هكاك غي حيت انا بغيتها وكان ماشي هند للي gالتها كاع منعرف راها كدااار
هند: سي أنا مولات الفكرة وأمال عندها الصح هي قداتها ليها وحتى حوايجها مستورين مكتبانش كااع باش شي واحد يلاحظها
شيماء: (خرجت عينه) كتباااااان فرق كبيير ككانت وكولااااات
أمال: (معجبهاش الحال) حم هند صيفطي لهدااك نمرتي
شيماء: هاااي هااي صافي بغييتي!!!
أمال: شيماء نتي كتحشيلي الهضرة من نهار درت ديك الكدرة ونتي هاكا
هند: (خنزرت فشيماء حيت عيقات على أمال)
شيماء: أناااا !!!! حشومة عليك أمال
أمال: نتي للي حشومة علييك زعما انا بنت عمك وكتعرفيني عندي غير نتي وعارفة من ديما كنت مقموعة معرفتش علاش نتي كديري هاكا بحاالهم تبدلتي
شيماء: (متوقعاتش أمال تنفاجر فيها هااكا مواالفاها كتحني الرااس) انا كنقمعك؟؟
هند: لبنات نعلو الشيطان
شيماء: لا بلاتي حتى نشوف هادي شنو كتعني
أمال: كفاش هادي؟؟
شيماء: شنو كتقولي زعما أنا كنغيير منك ولا داك سيهم أنواااااار نفخك
أمال: (تصدمت ناضت وخرجت بلا متجاوب شيماء)
هند: واش حمقة دوري دورة وتجبدي أنواار
شيماء: (جمعت يدييها عندها وقندشت) صافي اهند..
هند: (مشات جلست حداها) كلمة ديال الصح نتي للي فاالطة مكنبغيش ندخل باش منزيدش نشعل لعواافي بينااااتكم ولكن أشيمااء راه زدتي فييه لبنت نية وظرييفة وكتبغييك بحال ختها ونتي شفتها مها للي يا حسرة وكفاش كتعااملها أما خوتها وبااها كاع ممعتابرينها كااينة علاش حتى نتي تزيدييها
شيماء: ومسمعتيهاش قالتلك كنقمعها
هند: وراه بالصح كتقمعيها اكترية الا هضرت على انوار وعلى على شي حاجة فييها زوييينة حنا كاع كنبغيو ريووسنا ونشكرو فرااسنا وفشي حاجة عجبانا منك نتي ياك من صباح ونتي فرحانة بشعرك وهي تابعاك بحال النكاافة كتشكر فييك والا هي بغات تشكر وتفرح براسها كتقمعيها وتزيدي تقوليلها كديري هادشي غير باش تعحبي رجاال راه اهاانة هادي اصاااطة وحتى وحدة مغتقبلها حيت بلمعنى كنقوليلها نتي ق****…
شيماء: غير كنبغي نظحك معاها
هند: شيماااء علاقتك ببنت عمك حسن من أي علاقة حيت فاخر نهار هي للي غتجي ليها تشكي وتبكي وتفرحي وهي تسمعك ياا ريت وكان كانت عندي شي بنت عمي بحال أمال والله منحتااج شي صحابات ولا شي بو****
شيماء: هي انا خاايبة
هند: مخيباااش ازمر ولكن متقجريش على لبنت انا كتعز علية والله شوفي غير صباح فاش داازت (وقفت) انا غنمشي عندها (خرجت وخلات شيماء جالسة جامعة رجليها عندها وكتلعب بخصلة من شعرها ومعرفااش شنو للي مخليها معصبة وشااعلة غير بوووحدها وأكترية من موضوع أمال وأنوار….)
محمد: (كان كيفكر فشيماء وشحال زادت زياانت منين شافها وهو تفكييرو غير فييها لدرجة مغابتش على باالو فمرة.. كفاش كانت كظحك وكفاش كتهضر وباينة عليها فرحاانة ومرتااحة معرف ميديير باش ينساها مو عيات توريه تصاور لبنات باش يمشي يخطب وهو رااافض مباغي حتى وحدة ومن جهة اخرى رجوولتو متسمحلووش يعاود يمشي يطلب بنت عمو لزواج وهو ترفض من قبل .. هبط ريدو ديال لكرااج) دراري هو هدا غدا خاص السلعة تفرق على لهريااات.. (خلاهم وطلع للدار مسخسخ من بعد نهار طوييل لقا مو جاالسة عاكفة درة ديال حياتي على رااسها ودايرة جوج حامضات فنواظرها باس ليها رااسها) مي ياك لباس؟؟
فتيحة: عيااانة أوليدي مبقيت قادة على شي طريق نشدها الله يااخد فيها الحق بمسبتها وليت نشد عليها طريق من بلاد لبلاد
محمد: الله يهديك امي واش جاب لبنت للهضرة
فتيحة: احيااني اوليدي علاه وكان ماشي هي كنا غنشدو طريق
محمد: (جلس عيان حيت هو للي ساق بيهم ورجع نيشان للخدمة) على سااعة دلمكانة منين شفتيها وشي لاخر راه بيقيتو كضوروه فالسوق بحال هنا مكاينينش توااب ولمواعن وزايدون قلتلك متمشيش ونتي للي لسقتي بغيتي تمشي
فتيحة: (كترجعلو لسيرة ديال أمال) عرفتي يا وليدي تبدلات مبقاتش تحشم فمرة هنا بعدا حتى كنا حاكمينها
محمد: أمال ووو!!
فتيحة: هااااديك
محمد: لباسها باقي هو هو ولبنت مكتهزش عينيها من الارض ومشينا على غفلة وكانت فين خليتها مشفت حتى حاجة تبدلات.. ونييت اجي gبيلة عاطيك لفلوس تعطيهم ليها ونتي كتحشمينا gدام عمي وعائلتو منين بغيتيها تجييب لفلووس الا معطيناهم ليها حنا هااا!!
فتيحة: اش بغات دير بشي فلووس
محمد: كفاش اش غدير بلفلوس وباش بغيتيها تعيش وتقرا تماااك بحال كتgولها خرجي gلبي علييهم فجهة اخرى
فتيحة: شتك بحالا عاجبك الحال بداك الشوهة للي داارت ياك حتى نتا مبغيتيهاش تمشي تقرا
محمد: الشوهة للي دارت نتوما سبابها نهار gلت لا ممتقراش مسمعتولي ورجعت gلت متمشييش لتمااك gلتو لا واش نتحشمو مع عمك هو يقري بنتو وحنا لا وباش هوما فايتينا للي بنتهم تقرا وحنا لا شتي المعاااندة ديالكم
فتيحة: وشنو بغيتي نعيمة تشفا فينا
محمد: هضرة لعيالات (ناض مكره) كاين مناكلو ولا نمشي نركد
فتيحة: لوااه اولدي تبات بالجوع غير على ميجي باك وخووك ونحط راه طلعو غير عند عمك.. (مشا مخليها كدور فراسها وتفكر أمال للي جاتها تبدلات فوجهها وحتى لحنيكات خرجو شوية ومبقاش لعضيمات كيباانو خاافت غير من شي شووهة ولبنت المغبونة الا شماات ريحة الحرية كتدير مبغااات هزت تيليفونها ودوزات نمرتها الي 5 الثواني وجوبات) الو
أمال: (كتمسح دموعها) الو
فتيحة: كتهضري مع نعييمة؟؟
أمال: (تفافاات) مرت عمي؟؟؟
فتيحة: وشكون من غييرها
أمال: لا غير مرة مرة منين كيكونو كيهضرو مع شيماء ابيل فيديو كتسلم علية
فتيحة: هاااا ودني عنداك تبعيها هي وبنتها راه غير كرعة محزمة بفكوسة وجالت ليها زيدو نشطحو
أمال: (ظحكات على نيتها) هههه
فتيحة: تهجريييه (ضربات الطم) سمعي منبغييكش تبقاي مقابلة ديك لكماارة نهار تجوجي وديري مبغيتي مع رااجلك ولكن دابا لاااا
أمال: حم مكندير والو
فتيحة: وريني فيك انا للي كنت كنشوفك نهار ومطال ونتي حاضية لمراايا
أمال: واخا ماما
فتيحة: وحتى ديك لبنت منبغييكش ترااافقي معاها
أمال: واخا ماما
فتيحة: الله يهنيك (قطعت وناضت لكوزينتها توجد لعشا حتى خلطو تعشاو بكري ونعسو حيت عيااو….)
شيماء: (صونا عليها وليد) واخا خويا انا دابا نزل عندك ياك راك فلباركينغ؟
وليد: لا انا برا مخلاونيش ندخل هاد لمرة يمكن مشا الحال
شيماء: واخ انا نجي عندك انا وأمال
وليد: امم متعطليش (قطع وبقا كيتسنااها أما شيماء وهند مخلاو فين قلبو على أمال ومكانتش كتبغي حتى تجاوبهم فالتيليفون)
شيماء: هند ياله معايا نتي حتى رجعو نقلبو عليها
هند: (تفافات ولكن مبيناتش) واخا صبري لبس شي كيطمة (دخلات بالخف لبسات كيطمة كولون مطرطق ولكن القبية هابطة حتى لفوق الركبة مع سبردبلة عالية وسعر جمعاتو كعكة مقاادة منزلة شي خصلات منها وبالزربة دارت عكر مااط خفيف وفاغاجو رشات برفانها لخفيف وخرجت عند شيماء للي كتعبرها) شنوو
شيماء: يا ختي للي لبستبه كيجييك زويين ماشي بحالي ديما كنبان صفرة وشنايفي بحال لاحسة لكبص
هند: هههه وكان دابا نعطيك برودوي تخلي حنووكك وفمك حومر هههه
شيماء: ههه واخ.. بففف هاد لهبيلة معرفت فين زاادت
هند: زيدي وكاان راك نتي للي عيقتي علييها (خرجو مشادين لبرا وهند كتقلب بعينيها حتى بانلها واقف) راه
شيماء: (مشاو ووقفو حداه) خويا واش مجبتيش اللوطو ديالك
وليد: (محملش يشوفها مع هند) رديتها لاجونص.. (شاف فهند للي حتى هي محيداتش عينها علييه) ماالك كتشوفي نتي
هند: (حرجها متوقعاتش سؤال بحال هدا حتى طرطق عينها) ها لا عادي مكنشوفش..
شيماء: هه ويلي خويا غتحشم لبنت
وليد: غتحشم؟؟ هه (ظحك باستهزاء) مهم مزيان.. فين هي بنت عمك قلتي غتخرجي معااها
هند: (بحال شي واحد طرشها قلبت وجهها وهي تبانلها أمال قاطعة طريق) أماااال!!! (ضارو بجوج شافوها) أمااال
أمال: (غير شافت معاهم وليد تسعقات خافت يوصلها لخوتها ولا هو يقول هادي فين كاانت وصلات حدااهم وهي كترعد) كك ككنت غير هنا فواحد الجردة والله مكنت فشي بلاصة خاايبة
وليد: بشوية عليك!! (شافها كترعد) فين كنتي؟؟ وعلاش خرجتي فهاد الوقت
أمال: (بغات تبكي) والله كنت غير هنا
وليد: أمال متخاافيش انا غير كنسولك لوقيتة خاايبة 9 دالليل هادي مخاصكش تخرجي هنا ونتي مكتعرفيش وجدة مزياان
أمال: (عاد رتاحت) غير تخنقت ولقيت راسي تمشيت والله غير دابا شوية سول كااع لبنات متعطلتش بزااف والله
وليد: (بقات فيه) انا ماشي كلوومك غير حيت خفت علييك هاد لوقيتة كتكون خاايبة متعاوديش مرة اخرى
هند: (للي تمعن فمومو دعينيها غيلقى لعاافية فييهم وزادت تأكدت أن ولييد ماايل لأمال) حم خلعتينا عليك اصااحبتي عرفتي شحال قلبنا علييك
شيماء: أمال واش غير تقلقتي مني تمشي وتخليني كنقلب عليك بحال لحمقة
وليد: شنو وااقع؟؟ واش دابزتو
أمال: لا لا غير متفهمناش فلكلام عفااك اخويا متgول لحتى واحد لقيتني برا والله معادا كنت كنتمشى هنا غير هنا (كتشير بيديها لبلاصة)
وليد: لمن نgولها (حك ذقنو ومسح على فكو) متعاوديش تخرجي فهاد لوقييتة (شاف فشيماء) ونتي متبقايش داابزي مع بنت عمك راكم خواتات زعما
هند: ماشي داابزو غي
وليد: (دار فيها) انا كلامي معااهم هوما ماشي معااك نتي
هند: (فنفسها قالت ز***** لاااخر تفووو.. طلقات من ذراع شيماء ودخلات مكرهة)
شيماء: خويا حشومة علييك لبنت مقالت حتى شي كلمة ديال العييب
أمال: (حنات رااسها وخووفها غير يوصل لدارهم أنها كانت على برا فهاد لوقيتة)
وليد: شيمااء انا كلامي عليكم نتوما بجوج هضري علاش داابزتو؟؟
شيماء: (مشات شدات فذراع أمال) وراه غير تناقشنا وصاافي وأمال كانت مقلقة غير على حساب مرت عمي شنو دارتلها صباح قبل منخرجو عندكم
أمال: (شافت فيها) حشوومة سكتي
وليد: متعاودووش داابزو رااكم كبارااات
شيماء: (تبسمت وباست حنك أمال) منعااودش وصاافي ظحكي
أمال: (تبسمت ووليد كيشوف فيها) الله يسامح
وليد: خاصكم شي حااجة؟؟؟
شيماء: جيبيلي اخويا شي تيليفون وااعر من برا
وليد: ياك شريتلك واحد جديد وصيفطتو ليك
شيماء: مافيهش لفلاش من لقداام
وليد: هه واخا ونتي أمال بغيتي تيليفون
أمال: (فنفسها كتقول اااااااه) لا عندي
شيماء: اش عندك لعساااك (جبدات من جيب عباايتها…)
شيماء: اش عندك (جبدت من جيب عبايتها تيليفونها) الريزو وقليل فين كيشدو لعسااك اخويا خاصها شي واحد جديد
وليد: نعطيك ديالي!! (توgد) زعما الا بغيتيه وكنتي محتاجاه ضرووري انا غير نوصل لداري عندي واحد تمااك ولا تصبري نصيفط ليك شي واحد ولا الا بغيتي ياله نخرجو نشري ليك شي واحد (تلف وهو كيشوفها غير مكتزيد تحشم وتحني راسها)
شيماء: عطيييهلي أنا عفاااااااك
أمال: (حشمت) لا لا مبغيتووش
وليد: نتي سكتي راه عندك واحد من بعد ونجيبلك اخر
أمال: (تشجعت) شكرا خويا وليد
وليد: (باستغراب) علاش؟؟؟
أمال: حيت نتا ظريف معايا
شيماء: هههه وحتى انا ظرييفة معاك
وليد: (تبسم) تهلاو فراسكم وفبعضيااتكم ونتي أمال راك بحال ……. بحال شيمااء
أمال: (تبسمت وشافت فيه) ياك متgولهمش لقيتني خارجة؟؟؟
وليد: ههه اه gولي كترشييني بنتا ظريف وكدا باش منشكمش بيك
أمال: (ظحكت حتى بانو سنانها) هههه لا والله
وليد: هه واخا لالة غير متعاودش مرة اخرى هنا الدنيا خايبة كلامي ليكم بجوج ماشي كولشي تييقو فيه (شاف فختو) ماشي كووولشي
شيماء: اصلا مكنخرجو مكندرجو
وليد: حسن ياله دخلو فحاالكم راه لبرد تحرك
أمال: الله يدييك على خير اخويا
وليد: (تبسم معاها) شكرا
شيماء: حم خويا حشومة شنو درتي مع هند
وليد: (تعصب) ندخل نبوسلها يدها باش تسمحلي ونتي تبردي!!
شيماء: هييء مقلت واالو (مشات كتعلق فيه وتباوسو بلحنك قبل مبقول شي حاجة اخرى أما أمال عبات صابرة وبقات كظحك بشوية) غير توصل صوني علية اخويا الله يديك على خير وطريق سلامة
وليد: ياله دخلو (تشادو لبنات ودخلو تحت انظاارو بقا وااقف حتى غبرو وهي تخرج هند من مور الشجرة للي حدا لباب وخرجات لقاتو تحرك على رجلو والدنيا خااوية كيتسمع غير صوت الريح للي كتلعب بشجر.. لحقات بيه حتى وصلات عندو)
هند: وليييد
وليد: (ضار مستغرب لقاها هي دار يدو فجياابو وجوبها) وي
هند: (بغيرة) ماالك معاايا
وليد: شكون نتي؟؟
هند: (غززت سنانها كتشوف فيه وهي كااعية وهو مبررررد) انا ماشي خاايبة كما كتفكر فية
وليد: بنت الناس انا اصلا معلاباليش بييك باش نظن ولا منظنش فيك ولكن شوفتك مع ختي مهيااش
هند: انا لبنات راه بحال خوتاتي للي معندييش
وليد: هوما ماشي بحاالك ونتي عاارفة من الاحسن بعدي من طرييقهم
هند: (بعصبية) علااااش كتقول هاكا شنو الفرق بيناتنا علاش كتحكم علية ونتا اصلا مكتعرفنييش
وليد: (حنا عندها مقرب لوجهها وعينيها نايمين) صووتك ميعلاش.. اول…. واخر مرة تعاود
هند: (تبسمت باستهزاء) هادشي باش كتقولي بعدي من طرييقهم خفتي حتى هوما يبقاو يهضرو على حقهم وميبقااوش بحال لعبييد عندكم
وليد: (هز حاجبو) عبيد!!!
هند: (عاد طلعات معاها شنو قاالت) ماشي هاكا ق..
وليد: (ببرود وقف منتاصب وقلب وجهو جهة اخرى) عمرني ضربت ولا فكرت نضرب شي مرا بعدي من طريقهم
هند: ضربني أنا!!!!
وليد: (شاف فيها شوفة ديال استهزاء من راسها لرجليها وضار ماشي حتى رجعت قداامو واخا معرفتش علاش كديير هاكا ومتحااربة مع رااسها باش توقف علييه) من اللخر اش باغا؟؟
هند: (معرفت متقوول وحست بكواريها نزلو بزااف وهدا غيحدهم لييها مواالفة هي للي كتكون فبلاصتو وتعفر على كوولشي شافت فعينييه ملقاتش ذرة ديال الإعجاب من جهتها عكس ككان كيشوف فأمال وعاد حساات بشيماء ككتحس منين كيكون أنوار باغي أمال.. فنفسها مرضااتش على شنو كديير ولكن شي حااجة لدااخل كتخليها دير هااكا يمكن حتى هي متشوقة شي واحد يعاملها كما كتعامل شيماء وأمال شي واخد يخاف عليها ينهرها الا دارت الغلاط محسات بيه حتى زاد وخلاها قلبها كيضرب ف 100 مخلالهاش لوجه للي يخليها تمشي توقف عليه مرة اخرى مشات جلست فوق طروطوار وجمعت رجليها لعندها ودخلات راسها فيهم محملاش هادشي للي كدير وفتفس الوقت كتحس بغيرة خاايبة وكرامتها تمرمدات مزيااان فالأرض وصراع كبييييير بين قلبها وعقلها وكرامتها وقليييل فالأقلية فين كانت جربات هاد الإحساس كتحس بالضيااع وممتقبلاش ان وليد ممسوقش لييها)
وليد: (رجع ووقف عليها… بقا كيشوف فيها) وعلاش باقا لداابا فالزنقة منين نتي ماشي كيف كنظن؟؟؟
وليد: وعلاش باقا لداابا فالزنقة؟
هند: (هزت رااسها لقاتو هو قلبها ضرب فل100 وعينها كتشوف فوجهو للي كيشوف فالجهة الاخرى رجع شااف فيها ببرود) هم علاش تبعتيني؟؟؟؟ (وقفت ونفضت جنابها وشافت فيه زعما راني تقلقت) بسلامة (تماات ماشية فحاالها وكتسنااه يوقف عليها ولا يعيط عليها مهم باش ترجع ولو جزء صغيير من كراامتها للي تجرجرات.. كتمشى بشوية وكتقول ها هو كيشووف فية ها هو تابعني بكترة التوتر كتحس براسها مكتعرفش تمشي قداامو ورجليها كيعواجو وهي متأكدة كيشوف فييها والا علاش غيرجع عندها وصلات لباب الدار مستغربة كضوور كتلقى غير لهوى ديال شجر وبوطو ديال الضو ولعساس كيشوف فيها ويفرنس بحال شي كاامبو وكيتسناها دخل باش يك*** عليها وعلى داك الطرف… حلت فمها ممتيقاش) والله حتى مشى (ضحكت على رااسها) هه فشكل هاد خينا ولكن دارتك لفاسية فرااسها وتجييبك تجييبك… (دخلات وهي كتفكر غير فييه وكفاش داز هاد اللقاء المحرج للي خلالها اكبر VU فحياتها ومشا ممعبرهاشا وممكن يكون كيفكر فيها)
وليد: (غير وصل للشاريع شد تاكسي لوطيل هبط الشنطة ديالو ونيشان للمطاار تفكييرو فخدمتو ولجييست للي وقع مع هند وعاد أمال للي شهد على الحكرة للي حكراها مها وعائلتها واخا هو كيشووفها بحال شي ملااك مفهمش علاشمها كتعاملها خاايب وهي العكس.. تبسم منين تفكرها كتزاوgو باش ميشكمش بيها عرفهاطووب ديال البراااءة…)
~~~~~~~~~~~~
أنوار: (مل من كل مرة يصوني على هند ويبقا يرغبها على أمال باش تهضر معاه كمل خدمتو للي عطاه باه وركب فطوبيلتو نيشان لدار الطالبة صونا على هند للي كانت مزال مدخلات وجالسة غير فالجردة كترتب أفكاارها) هند مسالية؟؟
هند: اممم وي.. علاش؟؟؟
أنوار: انا حدا لباب واخا تخرجي عندي شوية
هند: واخ انا قريببة (قطعت معاه وخرجت لقاتو كيتسناها دارلها اشارة براسو باش تركب ركبت معاه وشافت فيه) مالك!!
أنوار: (باينة فيه كاعي) طايرالي بالجهد وفكعاااان من هاد صااحبتك
هند: ههه أماال
أنوار: (كيشوف قدامو) علاش كااين من غييرها؟؟
هند: (بتنهيدة) عرفتي أماال داكشي للي كتعيشو خاايب
أنوار: (باستغراب) كفاش
هند: عائلتها قااسحة بزااف جاو هاد نهار مها كتلومها على واالو السيدة حوايجها مستورين مكتهزش الراس فلواحد سوا راجل ولا بنت كلمة العيب مكتسمعش منها محتارمة صلاة والعبادة واخا هكاك مقيلينهاش باها مسولهاش حتى كبقيتي ولا شنو كديري ابنتي.. مسلمش علييها كاااع انما واحد خوها غير معفر كيشوف فيها غير بنص عيين
أنوار: وعلاه؟؟ واش ديجا دارت شي زبلة
هند: للي كنعرف لا ولكن مبغاوهاش تجي هنا تقرا بحكم زعما مدينتهم بعيدة على هنا بزااف وراك عاارف دوك لمتزمتيين
أنوار: ومنين مبغاوهاش علاش صيفطووها
هند: ههه حيت مرضااوش بنت عمها بغات تقرا حتى هي خاصها تقرا بحال لمعاندة وصاافي
أنوار: (عوج شنايفو مستغرب) ميمكنش عائلتها يديرو معاها هااكا غير هكاك
هند: حيت محافظيين بزااف ونتا سييتيها هادي كتر من 20 يوم ولا كتر.. كلمة مكتسمعهاش من عندها وكان كانت شي وحدة خفيفة دغيا طييح
أنوار: كاينة ومحدها كتعكس وانا لاسقها حتة نعرف حرييرتها ولكن الا عرفتها مباغاش هادشي للي كندير غنكيتي…
هند: واااا هو الصراااااااااحة (تبسمت بحال بغات تقولو شي خبر زوين)
أنوار: (غمزها) شنو
هند: هي قالتلي قبيلة صيفطيلو نمرتي راه بغااها
أنوار: وماشي حشومة عليك مخليااني بوطو كنتسناها حسابلي غير مصدراني
هند: هههه وراه فكرت، حتى لغدا على متشري شي تيليفون مقاد وشي نمرة مسكينة دارهم عاطيينها تيليفون مخرشش زيد ممنوع عليها تعبئ وعاد حاضيينها بزااف يلقاو غير الخط مشغول يجيو يهزوها يرجعوها راه قلت لييك ممصيفطينهاش بخااطرهم كيتسناو ليها غير خطأ بسييط ويجيو يهزوها نيشان للعدوول
أنوار: كفاش لعدول
هند: حيت خاطبها ولد عمها
أنوار: هي مخطووبة؟؟؟؟
هند: هههه واخا سرسبت ليك كولشي مجاتش على هادي ونسكت اسيدي أمال وشيماء ساكنين فدار وحدة اممم قول بحال موبل ديال العائلة مجموعين بيناتهم خو أمال بغا يتزوج شيماء وخو شيماء بغا يتزوج أمال منين شيماء مبغاتش خو أمال حتى عائلة أمال عائلة مبغاوش خو شيماء لأمال باش ميبقى العيب حتى من وااحد (زفرات كترتاح) فهمتي؟؟
أنوار: (حرك راسو باه ولسانو كيلعب فضرووسو) اممم
هند: عاودت لييك كولشي وبالتفااصيل لبنت راه بنت داارهم مربية ماشي بنات كيليميني والريح للي جا تدييها
أنوار: (غير كيحرك رااسو وكيفكر فكلام هند.. ضار شاف فيها) بغيت نشووفها!!
هند: بلاش هاد نهار راه دازت عليها مسكينة راه غير شوية باش لقييناها خرجت كتبكي ولا معرفت
أنوار: (بنظرة ترجي) شوفي كفاش ديري
هند: موحال تبغي انا عاارفة عقليتها كداايرة ال بغيت نعطيك تهضر معاها منين ندخل واخا
أنوار: وااخا.. (بغات تنزل) شكرا اهند
هند: (تبسمت) عزييييز (دخلات وتفكيرها فولييد مشات عند شومبر لبنات نيشان دقت عاد حلات لباب) نسيتووني….
أنوار: (صاايك بيد ويد مخرجها لرييح وتفكييرو فكلام هند على أماال وكفاش داايرة وربطها مع عقليتها للي مزاال مبغات تفهملو انها ترفضو ومتبغيش حتى تشوفو ولا تسمعو نيشان صااك لداارهم للي جاية فاخر لمدينة وجاية دار حدا دار حدا دار غير كل داار كبيرة وشادة مساحة كتكون من جنان صغير و3 ديور ملاسقين على شكل U جوج ساكنين فيها ووحدة خاوية ومسدودة.. فتحلو باه لباب دخل الطموبيل للوسعة فين كيحطو الطموبيلات نزل ومشا سلم على باه باسلو يدو وكتفو) بااا هانتا مزال لتحت لبرد علييك
أب أنوار: كنت مع خوتك عمك صيفط شي سخرة ومشاو جابووها
أنوار: امم مزيان كتافقو غير بوحدكم انا مخرجييني من هادشي
أب أنوار: ولدي نتي براكة عليك بيموات وزيت وداكشي دلحوانت خلي شي لاخر لخووتك لكبار
أنوار: اممم انا غير مومو فهاد الدار عاطييني لهااية ونتوما داخلين فالصح (زاد كااعي حيت مبغاوش يدخلوه فداكشي ديالهم)
أب أنوار: لا حولة ولا قوة الا بالله العلي العظييم (دخل تابع ولدو للي كيعربط) اولدي نعل الشيطان الا جيتي نتا تخدم فهادشي شكون يقابل داك دييبو؟؟
أنوار: شوف عبد الله ولا الواافي
اب أنوار: (كيساسيو وجرو مشاو للصالون للي كبير ومفرش بطلامط البهجة والخشب محفر وكولو ضوااو بتريات كريستال نازلين) جلس اولدي.. هوما مقريينش بحاالك مكيفهموش فلحساب مزيان ونتا اولدي صعيبة عليك هاد الخدمة جيب سلاح وسير للعمالة ديرلهم التراخيس وعاد يفرقوه براكة نتا نافعني فلحساب ديال الديبو
أنوار: واخا ولكن حتى انا باغي سلاح
أب أنوار: (خرج عينو) اش بغيتيه؟؟؟؟ خوتك ومعندهمش وزايدون سلاح ديال الصيد باش ينفعك نتا
أنوار: با راني عاارف كتجيبو لبيسطولي (سلاح صغير) وكتعطيه لدوك التجار لكبار وحتى نتا عندك واحد وحتى خووتي عندهم
اب أنوار: (وقف معصب) وهانتا عاارف نتا معندك مديير بهادشي خدمتك بعييييدة على هاد تخربيق قريييتك باش ترجع قطااطعي انا الا عندي كنمشي نصيد بييه ونتا لاش بااغيه؟؟؟ (منين كيكعا كولشي كيحني الراس) ياله نوض تعشا
أنوار: (خرج كاعي من تمااك حيت باغي واحد بحال خووتو وداكشي للي كيجيبو كيغبروه وكيكون بلحسااب مشا جلس حدا خووتو شوية وتحط لعشا فالطبلة…)
~~~~~~~~~~~~~~
هند: نسيتوني الطحبااات منين كنغبر مكيناش فيكم للي كتسول ولا تحاشيه لية
أمال: لااا ختي كاع متgولي هاد الهضرة
هند: اوا عليها سولتو فية ياك شي ساعة ولا كتر باش دخلتو
شيماء: انا حسابلي خرجتي تعشاي برا مع شي واحد حيت اليوم الاحد
هند: ياك شحال من مرة قلتلك مبقيتش كنخرج.. أمال صافا؟؟؟؟ (كتشوف فيها وكتفكر غير فوليد ككان كيهضر ويشوف ويظحك معاها)
أمال: الحمد الله اختي
شيماء: متبقايش تدي على هضرتي أمال ومتهاوديش تمشي هاكا وتبكي انا راه غير هبييلة مكنعرفش شنو كنخرج مع فمي
أمال: ههه واخا حتى نتي متبقايش تجرحييني
شيماء: ويينو على تجرحيني يخليلي نعيمة سمااااح الحساسة
هند: هههه سميتخا سمييييح (سهات) واخا حساسة كولشي كيبغييها..
شيماء: فين كنتي حقا السلكوطة
أمال: أحاااي حشووومة
هند: (قوست عينها) ككنبان ليك أمال بلا نفااق كتبان علية سلكووطة
أمال: لا ختي انا كاع مكنشوفك هااكا والله نتي بنت الناس ظرييفة وحنييييينة
شيماء: امالكي ابنت عمي هاد نهار ها الاحساسيس ها الحناان ها تجرحيني ههه
هند: سكتينا اشيماء شحال فيك ديال لفرييع
شيماء: يااااااك
هند: اااه وسيري قادينا منحنجرو راه دوورك اليوم وبلا متبقاي تغاباااي نهار كتجي نووبتك كيجيك زهاايمر
شيماء: (عوجت شنايفها وناضت كتشطح بشعرها للي فرحانة بييه دازت هزاات شنو خاصها ومشات للكوزينة اما هند بقات كتشوف فأماال)
هند: أنوار كان هنا وبغا يشووفك…
هند: أنوار كان هنا وبغا يشووفك
أمال: (توردو حنيكاتها) أحاااي لاااااا
هند: داكشي للي قلتلو ولكن فالليل بغا يهضر معااك
أمال: (بلعت ريقها) معرفت
هند: (تبسمت) ككيجيك ولييد؟
أمال: هانتي بلا متقلقي نتي عارفة كدايرين ووليد كان نهار اللول شاافك وحكم عليك غلاط ولكن نهار يعرفك غيندم ويجي يطلب سماحة منك
هند: يطلب سماحة ههههه مستحييل هداك يتنازل ويدييرها ولكن بالصح بقا فية الحاال
أمال: حسيت بيك وحتى انا معجبنيش الحال ولكن غير صبري
هند: انا مكنصبرش أمال
أمال: (سكتت معرفت متقوولها وفبالها غير أنوار للي كل نهار وكل سااعة كتجبد سبرتو بكترة ما كيلح باش يهضر معاها)
هند: نتي ككتعتابريه
أمال: (طرطقت عينها) حتى حااجة..
هند: ابااار زعما ولد عمك
أمال: حم (حسابلها كتهضر على أنوار) اه وليد هو ولد عمي وبحال خوويا وكل مرة كيكبر فعييني ظريف ومتوااضع وحنييييبين بزاااااف
هند: عاوتاني حنين ههه
أمال: انا راه للي غير ظحك فوجهي كنعتابرو حنين هههه
هند: اممم وشنو اخر ككتعتابريه حيت شيماء كتقول نتي كتعجبيه وكدا
أمال: هاديك راها حمقة هو بفمو قالي كنعتابرك بحال شيماء
هند: ويمكن بالصح تكوني كتعجبيه
أمال: (غوبشت) انا ختي مكنعمرش راسي بهضرة شيماء حيت راه غينوض صداع كبيير وعاد بين لخووت والشيطان يحضر وبحال والو خوتي يقتلوني حيت انا سباب لبلا
هند: ويلا هو تقااتل علييك
أمال: (حركت راسها بلا مكتبغيش دخل هادشي لراسها) لا لا لا وليد بعقلو مغيفكرش فهادشي
هند: باش عرفتي
أمال: معرفت ولكن كما كنفكر انا غيفكر هو
هند: ونفتارضو حتى نتي بقا كيعجبك وكان داكشي متبادل بيناتكم
أمال: ههه لا انا كنشوفو بحال خوويا وكيعجبني حيت كنشوف ككيدير مع ختو مكرهتوش وكان كان خويا حتى أنا وحتى هو راه قالي نتي بحال شيمااء وكان كانت شي حاجة غيقولهالي هههه ونتي دغيا رديتيه كنعجبو
هند: كولشي ممكن
أمال: لا ماشي ممكن هو راجل متاقي الله مغيبغيش وحدة خوه كان باغيها تكون ليه مرا
هند: وكان ماشي هاد الحاجز كنتي ممكن تفكري فييه
أمال: (تبسمت) معرفت
هند: وهنا غنات أم كلثووم منين كتقولي معرفت كتعني عندك هي اه
أمال: ولا ولاااا عفااك مدخليليش هادشي لراسي ونبقى نفكر فييه
هند: اخر وحدة تبغييك تفكري فهادشي كوني هاانية انا غير كنت بغيت نعرف باش كتحسي منين كتشوفيه وباش كتحسي منين كتشوفي أنوار
أمال: (هاربة ليها الظحكة) نقول؟؟
هند: قولي
أمال: منين كنشوف وليد كنشوف فيه بحال خوويا وكنتمنى محمد يكون بحاالو يخاف علية يظحكني ويديني نفوج ويشريلي لحوايج ويحن علية بحال ككيدير مع شيماء ومنين كنشوف هداااك (مزال مكتقدر تنطق سميتو) كنفرح وكنخاف
هند: هه الفرحة فهمناها والخوف لاش؟
أمال: يكون غير كيكذب ياك كتقولي رجال ولاد لحراام كيبغيو حاجتهم ويسلتو
هند: ماشي كولشي هانتي بفمك قلتيها وليد رااجل ومتاقي الله
أمال: وليد راه ولد عمي وكنعرف أخلاقو مزياااان أما هدا مكنعرف عليه واالو معرفت واش باغي يتزوجني ولا لا
هند: زواج؟؟ كتفكري فزواج دغيا
أمال: هاااء وعلاش كيتبعني منين مباغيش زواج غير الا كان كيتفلى
هند: ونتي حيااتك رخييسة عندك باش تزوجي أي وااحد خااصك حتى تكوني نتي مقتانعة بييه وعارفة عقليتو عاد فكري فزواج
أمال: زعما نتصاحب؟؟؟
أمال: وشنو زعما الا مبغاش جواج نتصااحب معاه؟؟
هند: اممم سميها تعاارف حسن.. انا كنعرفك ماشي ديال تفلية والحدوود نتي للي غتفرضيييهم على أي وااحد بغا يتجرأ يفووت الخطوط الحمراء
أمال: (بتنهييدة) راه صعيييب ندير هادشي لا ختي مبغيييتش
هند: اوك ديما ديري للي غيريحك
أمال: (قلبت وجهها كتشوف فلبالكو) صافي انا مبغييتش صدااع الرااس براكة غير هاد الحرية للي غنعييشها انا الا عااقو بية هضرت مع شي واحد غينحرووني وانا نخاااف من بنادم اخيتي
هند: وباش غيعيقو انا مكنقلكش دخلي وخرجي معااه لديوور ولكن على الأقل سمعيه شنو بغا بحال والو ترتاحيلو وتلقاي شنو كنتي كتقلبي علييه للي هو الحنان الااااالة هه
أمال: هه (دارت يدها على وجهها كنوع من الحشمة) احاااااي حشمي…
هند: ههه لا ختي انا مكنحشمش انا مقزدرة
أمال: اممم صافي
هند: (كتعيبها) شنو صااافي
أمال: وااا حم عطيتيه نمرتي صااافي؟؟
هند: لا
أمال: (مزعمتش تقولها علاش؟ وياك هي للي قلتلك عطيه..) اممم
هند: (عرفتها فاش كتفكر) معطيتوش ومغنعطييهش حيت فكرت هاد النمرة فأي وقت مك ولا خوك محمد يقوللك نشوفوها ولا يصونيو يلقاوها مشغولة قلت حتى تشري تيليفون للي مشهية وشي نمرة اخرى
أمال: واه بغيت تيليفون gبيلة وليد بعا يعطيني دياالو مسكين
هند: (هزت حاجبها) وغيير بغا يدوزها عليك
أمال: لا لا لااا والله حتى بغا يعطيهلو جبدو كاااع
هند: ههه شنو هو
أمال: (ببراءة) التيلييييفون
هند: امممم اوا وكان شديتيه
أمال: لا يا ختي حشووومة انا غدا نخرج ونشريه (فرحانة) راه مزال عندي لفلووس قلبانكا (قالتها مع ابتسامة عرييضة)
هند: (غمزتتها) الااالة جاااك وفاابور
أمال: (مفهمتش) هه كفاش فابور لا هند راه عندي فلوسي متشريهش لية عندي والله
هند: ههه ماشي انا وميغلاش عليك ازين… غير هو نشوفو السيد واش سخي ولا مكرزز على الحبة
أمال: والله مفهمتك
هند: (بدلات الموضوع) يااله نشوفو ديك لفريفرة شنو كتقااد ليينا وهي سكنات فديك لكوزينة
أمال: هه نصلي ونجي
هند: وييلي انا نسيت كاع مصلييت اليووم
أمال: اوا سيري توضااي واجي تصلي معايا.. (مشات هند وبقات امال بووحدها كتفكر فكلام هند ) ولكن هادشي ممزيانش أمال (قلبها: وشنو غتبقااي هاكا بووحدك.. دااركم ومحملينكش ولكن هدا كيهتم وبااغي يتعرف علييك وحتى منين غبرتي بقا مشوش علييك واخا نتي مباغاهش هو مزال لاسق فييك… هادو اسباب كاافية باش تخلي أي بنت محرووومة من حنان عائلتها تقلب فبلاصة اخر..
عقلها: لا ماشي كاافيين برااكة غير هوما تايقين فيك ومصيفطيينك هنا
قلبها: ههه فين عمرهم تاقو فية هوما صيفطوني هنا وقبلو غي حيت كيتعاندو ومرضااوش ولا نسيتي لعصى وتبهديل وللي ناض ليك يمسح رجلو فييك
عقلها: (كان كاافي باش حضر ليها لقطات معاملة ماماها الخاايبة وخووتها للي مكيكملوش الشوفة فييها وهادشي عند باالهم باش يربيوها ومتفكرش تزيييغ))
هند: أماال مزال مصليتي؟؟؟
أمال: (قفزاات) هاا لا لا gلت نتسنااك
هند: (كتقاد فولارها) هاد زمر كيزلقلي
أمال: ههه (وقفت وقداتولها) هاكا مزيان
هند: وكفاش كتسنايني ونتي تابعك غير لعشا انا راه من الصبح
أمال: اااه اوا صافي انا غنصلي ونتي صلي للي علييك (صلات صلاتها عاد هند بقات كتصلي مشات أمال للكوزينة لقات شيماء دايرة ليزيات وكتهضر مع مها وتظحك حست بنغزة فقلبها هي مها بقات كتهددها قبييلة ولكن نعييمة عكسها كظحك مع بنتها وتشكر فيييها وتزييدلها من المعنوياات) حم كملتي
شيماء: وااه نحطو؟
أمال: خلي هند تكمل صلاتها
شيماء: هاي هاي سبحان مبدل الأحوالمن سلكووطة لمسلمة
أمال: راه ماشي عمرها صلات غير كتقطعها بزااف حشومة تgولي عليها هاكا
شيماء: اممم ودابا تولفها ومتقدرش تبقى تقطعها بحالنا … (حطو داك الطاجين وسخنو الخبز وتجمعو علييه كملوه جمعو الدنيا أمال مشات تغسل الطاجين مع جاات لقات هند عطياها التيليفون)
أمال: (عرفاتو أنوار مسحات يديها لفازكيين فبابي والظحكة هاربالها بصوت خاافت) نحشم
هند: وغير هضري راه كيتسناك
أمال: (عضت على شنايفها شدات التيليفون ودارتها فودنها) سلام
أنوار: (متبسم وهو كيسمعها وشحال كان باااااااغي يسمعها….) وأحلى سلااااااام لأغلى أموووولة..
وليد: (راكب فالطياارة للي غترجعو لبلاد للي مكيحملهااش وكتجييه خاااوية ومخلي دفئ عائلتو للي مكيسخااش بيه.. وفنفس الوقت فكر فأمال للي ليوم شافها مقلقة وشافها خاايفة وشافها كظحك.. كره مرت عمو للي مكتعاملش معاها مزيان وكره رااسو للي كيفكر فييها خصوصا من بعد ما سمع نبيل خوه مزاال كيعااود يقول انه باغي يتزوج بأمال وخاص ختو تقبل بمحمد.. ندم علاش مفكرش فيها من قبل يمكن مكانتش كتباانلو وقلييل فين كيتلقها بحكم ممنوع الاختلاط فالعائلة عكس هاد المرة شافها مزيااان كل تفصيل فوجهها عجباااتو ااه عتاارف بأنها عجبااتو يمكن بكترة مبقات فييه ويمكن بكتر ما سمع محاسينها من عند شيمااء ويمكن أول مرة يشووفها ويتمعن فيها مزيااان.. قلب وجهو كيشوف فسما للي كولها ظلام فظلام واااعد رااسو ميفكرش فييها وخاص يشووفها كما كيشووف ختو شيمااء.. من ديييما كيخدم كوولشي بعقلو مجااتش على احسااس رهييف ياله بادي بداايتو.. غيتحكم فرااسو ومغيخلييش شي حااجة للي تنوض الفتنة بينو وبين خوه صغيير…)
~~~~~~~~~~~~~
أمال: (تزنكاات وغير كدور عينها وكتشوف فلبنات بحال كتقولها عتقوووني.. أول واحد من الجنس الخشن غيقولها أموولة مواالفة يا سمييتها يا هاديك ولا يعيطو ليها بأنواع الحيوانات…)
أنوار: (سد باب بيتو) أماال كتسمعيني؟؟؟
أمال: اممم
أنوار: لباس علييك؟؟؟
أمال: حم (بصوت خافت) لباس الحمد الله (بعدات من حدا لبنات للي كيظحكوها وخرجت لبرا ياله غتبعها شيماء كتهر فيها حتى شدتها هند مجلساها حداها أنا أمال كتزرب ووصلت لسرجم كاين فاخر الكولوار كيطل على الجردة) و…ونتا؟
أنوار: منين سمعت صووتك راني طووووووب دلباس
أمال: ههه
أنوار: يخلييلي ظحيييكة اححح يا جدك شحال باغي نشوفها
أمال: (كتنش على رااسها واخا لبرد الا حااسة بالشووم والعرق والصهد)
أنوار: ولفتي هنا شوية؟؟
أمال: شوية
أنوار: شنو راكي تقرااي فلفاك؟؟
أمال: دايرة علم الاجتماع
أنوار: مزيان كنعرف صحابي بزاف كانو دايرينها الا احتاجيتي شي حاجة فالتلخيصات gوليهالي
أمال: (بحرا كتقدر تهضر) شكرا
أنوار: (سكت شحاال) علاش مبغيتيش تهضري معايا من قبل (مجوباتش) أمااال
أمال: هم… هي كنحشم
أنوار: (تبسم) هند عوداتلي بزاف علييك ولكن هادشي باغي نشوفو ونعرفو راااسي (والو مكتجاوبوش) نتلgاو غدا
أمال: (بسرعة) لا
أنوار: الله يهدييك اديك لبنت واش دييما لا فكري غير شوية عاد جاوبي راه شهر وانا تابعك
أمال: هه حم أنوار
أنوار: اووو صدقتي عارفة سميتي
أمال: هههه نgولك؟؟
أنوار: (مع ابنسامة) كنسمعك
أمال: انا راه خوتي وعائلتي قاسحيين معندهمش لبنت للي تلاقا رجاال وتبقى عاطياها لدخول ولخروج وانا براسي ميعجبنيش الحال ومنكونش مرتاحة
أنوار: مباغيش ناذييك ابنت النااس بغيت نتعرف علييك كتر وصاافي
أمال: (زعمت) علاش؟
أنوار: واحد باغي يتعرف على وحدة للي شحال وهي قامعااااه وواخا هكااك صمم يبقى حتى تحن وتهضر معااه علاش فنظرك
أمال: انا منفهمش فهادشي
أنوار: واخا نخلييوها للأيام؟؟
أمال: (كانت كتسناه يقولها بغيت نتزوجك.. هاكا مقالها رااسها)
أنواار: أماال كتسمعييني
أمال: امم
أنوار: كتغبريييييييي واخا انا نسولك؟؟
أمال: واخا
أنوار: نتي باغا تعرفييني؟؟ عنداك تغبري عااود ههه
أمال: ههه عفاك كنحشم
أنوار: واه ولا لا؟؟ ضرووري نعرف
أمال: (كتعرق بوحدها) معرفت
أنوار: نعتابرها وااه؟؟
أمال: (لا رد غير كضور عينيها وتبسم)
أنوار: اذا نعتابرها وااااه
أمال: ههه
أنوار: وشنوو منشووفكش؟؟
أمال: راني gلتلك
أنوار: وااخا لالة المهم قبلتي وتكرمتي تسمعيني هاد صويت لغزاال (بقات كتفرنس) براااكة… معاش داخلة غدا؟
أمال: 8
أنوار: مزيان تبغي تجي ندييك (هو استغرب من رااسو منين قال هاكا حتى حك جبهتو)
أمال: لا
أنوار: هههه (طانز) سبحان الله متوقعتش منك تgولي لا
أمال: هههه (صافي مبقاتش قادة) بسلامة
أنوار: اهياا فين بسلامة عاد حنا كنهضرو
أمال: نمشي نعس ونرد التيليفون لمولاتو جاع تكون باغاه
أنوار: اممم واخا لالة
أمال: بسلامة (حيداتو من ودنيها وقطعت مخلياه كيبربق فعينيه ياله باغي يتغزل ويودعها بطريقتو باش تلين شوية حتى سمع طيط طيط مفهم واالو.. اما هي كانت فرحاانة كتفرنس بووحدها مشات لشومبر ودخلات مدات لهند تيليفونها وهي شادة التبسيمة) شكرا
هند: هاي هاي على التزنيييكة عاوديينا شنو تقاولتو
أمال: (جلسات) والو
شيماء: كفاش والو هو شنو gالك
أمال: بقا كيgولي بفيت نشوفك وباغي نتعرف عليك وتعرفي علية
شيماء: (بالزربة) ونتي شنو gلتيلو
أمال: gلتلو لا انا ماشي ديال لخروج ودخول وعائلتي صعييبة
هند: براافو علييك
شيماء: مباغاهاش تكون معاه؟؟
هند: (هزت حاجبها) لا باغاها تعزها اكبيدة…
هند: (هزت حاجبها) لا باغاها تعزها أكبيييدة..
أمال: (تبسمت) هو ظرييييييف
شيماء: (معرفتش كفاش غتسمي هاد الاحساس للي حاابسلها دمووع فعينيها واش غيرة واش حسد.. ناضت بالزربة) نمشي طواليط… (ناضت بجرا هااربة منهم وقفت فاخر الروااق كاين سرجم كبير فين كانت واقفة أمال (كنحاول نوضح ليكم الصوورة ديال لبلاصة فين عايشين حيت هاد لبلاصة داخلة فالأحداث جاية…) طلات منو ودمعة نزلات لييها مسحاتها بجرا) اوييييلي شنو كدييري واش حماقييت؟ بفففف تفوووو علاش كنحس هااكا أمااال كتعزني بزااااف وانا كنغير منها على شوية دلفرحة للي فرحتها فحياااتها لا شيماااء ديري عقلك أمال راها ختتك وكان كانت هي بلاصتي غتفرحلي ماشي تغير مني متكونيش برهووشة اشيماااء هو راه ممعتابركش مطيعرفكش حتى باش ديري هادشي… (بقات كتصاارع فرااسها ووتلومو وصورة أنوار محيدااتش من باالها… رجعت للشومبر لقات هند مشات وأمال كتقاد لشيماء بلاصتها) نتي لحووب
أمال: (كتفرح منين يتقالها هاكا) مدرت والو
شيماء: (دخلت لبلاصتها وحتى أمال) تصبحي على خير يا أحلى اخت
أمال: هه تصبحي هلى خيير اخيتي
~~~~~~~~~~~~~~
أصبحنا وأصبح الملك لله….
أمال: (لبسات دجين سليم وفوقو كابيتشو طوييل فلموطارد فيه كتابة فلمارو تحت الركبة مع ميني بوط فلمارو وقفات قدام لمرايا وهزت شال كحل مورد بلمارو ولموطارد لواتو عليها كوراتها شيماء.. شافت رااسها وعجبها الحال اول مرة يعجبها رااسها وتلبس بحال هاكا شافت راسها جاو لحوايج معاها)
شيماء: (كانت لابسها بحالها غير الألوان مختاالفة ولكابيتشو مطويلش وواسع بحاالها وشالها غير لاوياه عشوائي مخلية شعرها باين شوية.. ودايرة فوندوتان فاغاجو ومسكاارا) جيتي زويينة أمال
أمال: حتى نتي تهبلي والله.. عرفتي اول مرة لبس دجين وهاكا فشكل
شيماء: ههه الحياااة اختي ديري لمكياج
أمال: لا بلاش
شيماء: (بقات كتعكر عكر خفيف) هاكي غير عكري شوية شنايفك راهم بوويض
أمال: (فكرت وشدات من عندها ودارت صبعها فلعكر قاستو بصبعها عاد طلسات فشنايفها باش ميجيش معيق مصات بشنايفها وشافت فلمرايا زاد عجبها رااسها بزااف شافت شيماء كدير لعطر.. تفكرت)
#فلاش_باك
أمال: (جالسة فوسط الدار كما ديما مكاين ميدار مشات تستأذن من عند مها باش طلع عند شيماء دخلات لقاتها كترش العطر عليها ولابسة جلابتها جديدة للي مخيطة اخر موديل ولابسة صابو) ماما فين ماشية؟؟
فتيحة: وجدي لغدا لخووتك انا معروضة عند خاالتك بنتها عندها لملاك ليوم
أمال: بالصح مبروك علييها
فتيحة: اوا لعقبة لييك
أمال: (تبسمت) امين.. ماما خليني نمشي معااك عفااك راني قنطت راه شحال مخرجت
فتيحة: داكشي للي بقاالك غير لعرااسات كاع لاليااتك صغاار تزوجو ونتي بقيتيلي هنا فراااسي ندير ندير الظحك فراسي وفيييك يبقاو عليك علاه متجوجتيش علاه مخطبوكش
أمال: (غوبشات وقلبات وجهها)
فتيحة: (بفقصة) كاع بنات لعايلة تجوحو على 16 ونتي فتي 24 عام ولا كتر وباقالي هنا محدك تكبري ونتي تخياابي يخخخ معرفت ربي لاش سلطك علية
أمال: نتي للي مكتخلينيش نتهلا فراسي بحال شيماء ومكتبغيش تشري لية داكشي للي يزيني
فتيحة: (ميقت فيها) سيري جيبيلي صباااطي بقالك غير الزين وني فصاالتك منعرفوك جاية ولا ماشية ييييخ على سييفة
أمال: عفااك اما ما ديني معااك والله تقهرت فهاد الدار
فتيحة: (طنزت عليها) اوا خرجي شكون منعك هه gالك تقهرت سيري جيبيلي صبااطي وردي لغدا لخووتك بقالك غير لخرووج ونتي متشوف فيك لا موحمة ولا شادة
أمال: (فنفسها…حيت كنشبه لييك…)
#عدنا
شيماء: (كتزعزع أمال) وااااااا لبنت ديري لباغفان دياالك
أمال: ها واخا (مشات لاتروس ديالها وجبدات عطر مبدل على ديال شيماء la belle vie رشات جوج دلمراات على شاالها.. وشماتها) زوييينة
شيماء: ولكن دياالي حسن هه
أمال: واه ديالك زويينة بزااف (خرجو مشادين لقاو هند فاخر شياكتها لابسة كلاس كولشي مقااد فييها خلات شيماء غير كتشووف فيها) مكرهتش نحايد هاد الزييف
أمال: أحاااي!!
هند: نتي بزااف زيدو راه مشا الحال (كما العادة مشاو فطموبيلت هند خالقين الجو بالظحك ولموسيقى لمجهدة وصلاتهم حدا لفاك وهي مشات للكلية ودارو يتلقااو مع 12 يتغداو مجموعين..)
مع 12 جات هند عندهم لقاتهم واقفين مجمعيين هبطات زاج الطموبيل
هند: هييييييييه (ضارو عندها) واا طلعو دغيا
شيماء: (ركباات حداها) نااري مت بالجووع هاد نهار بقا داك لبرووف تيو تيو تيو حراام واش بغا يسكت
أمال: حتى يانا جعت بزااف
هند: ههه صفاريتو بالجوع كتشفو… انا غنديكم بلاصة واااو زويينة (كسيرات وزادت شافت شيماء جبدات عكر وبقات كتعكر وهاد لمرة عكرات مزيان) هاي هاي لالة شيماء مبقيتيش سااهلة بقالك غير داك الزييف تحايديييه
شيماء: هي للي متعاودش (حيدات شاالها وطلقات شعرها والريح كيظرب فييه مخلييه واخد رااحتو دوزات صباع يدها على فروتها) كجييبتك
هند: ههه تووتة غير ردي شاالك
شيماء: لا يا ختي مشهيااه هااكا (مدات لعكر لأمال وشداتو عليها بحالا مدوزالها جوان) ديري شوية راه تمسح لييك
هند: جالسين كضورو جوانات هه
أمال: هه (دارت شوية فشنايفها وبلا متحس دارتو حتى لحنوكها شوية باش بتحمرولها شوية ورشات حتى من عطرها للي محمقها) وضورات وجها كتشوف فالدنيا كيف عاامرة كتمووت على هاد الاجواء للي شحال وهي محروومة منهم حطات راسها على الزاج متبعة النااس للي مزروبة للي كيظحك للي ساكت للي كيهضر للي كيداابز دراري رجال بنات عيالات طموبيلات مااتر طوليسات كولشي كتشووفو وتخيل رااسها كتمشي بكل حرية لابسة شنو بااغا تكون مستقلة مخايفة حتى من شي واااحد.. مفيقها غير سبان هند للي ولفات بييها منين تسوك وهي تسب وتعرق.. حبسات الطموبيل ونزلو
أمال: هند مقرياش لعشية؟
هند: لا حتى نتوما ياك؟؟
أمال: لا (شافت فين رااهم كانت قهوة كبيرة)
شيماء: وكان غير مشينا لداك سناك للي حدا لفاك عندو سوندويتشات زوينة
هند: حتى هنا عندهم ماكلة زويينة ونقية وجليسة زويينة
أمال: (عاجبها الحاال محدها كتستكشف لمديبنة وهي فرحاانة دخلو كانت كافي زويينة تبعو هند طلعات للطبقة التانية كانت مختاالفة على للي تحت جلسو ففتويات ضايرين) وااو زوينة هنا
هند: (غمزتها) ونيت كنتسناو ضيااف
شيماء: شكون؟؟
أمال: (بحال عاقت تبسمت عاضة شناافتها وقلبات وجهها حتى نيت كيبان ليها طالع مع درووج لابس كويرة فلكحل وتريكو بيض سروال دجين وكاط كحل مع نظاظر كووحل طلعاتو من رجليه لرااسو وقلبت وجهها شافت فهند للي كظحك)
أنوار: (وقف حدا أمال) واحد السلاام عليييكم
شيماء: (غير شاافتو بقات حالة فمها) سلام
هند: وعلييكم جلس
أنوار: (شاف فأمال) لا لا غير خلييكم على خااطركم اما غرااضي ف(شافت فأمال لي حانية راسها) أموولة تجي معاايا؟؟
أمال: (صم بكم مكتجاوب مكتشوف حتى ركلتها هند تحت الطبلة)
أنوار: (حنا قريب شوية) غنكونو حداااهم مغنسرقكش
أمال: (تبسمت عقلها كيقولها لا وقلبها كيقول اه.. محست غير وقفت دار حركة كان جنتل فيها بمعنى نتي اللولة مشات لطبلة قريبة)
أنوار: رواحي هنا حسن (تبعاتو كانو فطبلة بوحدهم بعييييدة على شيماء وهند للي مكيبانوش ليهم مزيان جلست وهو جلس اونفاص لييها.. حط نظاظرو وتهجا الكلمة) وااااااخييييرا…
أمال: (هبطت راسها بحال نعاامة هاربة من شوفااتو)
أنوار: أماال هه أماااال (هزت راسها فيه) باقا غتفكري هاد الحشمة من هنا لقدام وظحكي على راااسك مزيااااان
أمال: هههه
أنوار: (سهى فظحكتها واخا مبيناتش حتى سنانها) لباس علييك؟؟
أمال: الحمد الله (هزت عينها فيه) ونتا؟؟
أنوار: (ربع يديه فوق الطبلة) فوg فgييg
أمال: ههه
أنوار: بوون أنا أنواار اممم 28 عام اجازة مهنية فالاقتصااد مدفعتش مع الدولة حيت شديت لاكيس ديال خدمة العائلة.. امم باغا تعرفي شي حاجة اخرى؟؟
أمال: (حركت راسها بلا.. سرقت الشوفة فيه لقاتو كيشوف فيها)
أنوار: (حك فحنكو) ههه انا صغير فخوتي مفشش شوية (امال غير كتفرنس) عندي 2 خوتي ولا 3 عندي واحد عمي كان خطأ تقني من جدة وجدي هه
أمال: (حشمت وقلبت وجهها)
أنوار: وووووانا مكنحشمش بحاالك..
أمال: (تشجعت) انا كنحشم ومكنقدرش نهضر مع شي واحد مكنعرفووش
أنوار: (زاد مقرب ليها) هانتي عرفيني باش طلقي معاايا (قوس عينو فيها ) صراااحة بااغي نبقى معااك ابنت النااس..
أمال: (توشاها بالغزل ديالو محسات حتى نطقت) علاش انا؟؟؟
أنوار: (هز حاجبو) القلب هو للي كيختار منين كنسولو علاش هي؟؟ ياك مبغاتش حتى تهضر ولا تشوف فيك؟؟ مكيجااوبش حدو كيقولي من لحشوومية ممراطيش
أمال: ههه
أنوار: اممم ونتي أمال هضري لي علييك
أمال: حم ياك هند gالتلك
أنوار: فهاد اللحظة مكنعرف حتى وحدة من غييرك.. باغي نسمع منك نتي
أمال: (حنات راسها كتلعب بصباعها) انا أمال
أنوار: (بنفس نبرة صوتها) وأحلى أموووولة
أمال: هه ساكنة فتاوريرت كتعرفها؟
أنوار: الا كتاب نعرفها معاك نتي
أمال: (بقات كتفرنس مقال هاكا غير الا كيفكر فزواج يعني يعرفها معاها هي يمشي يخطبها ويتزوجها)
أنوار: كملي كانت gالتلي هند عائلتك…
أمال: (مبقاتش كظحك) واه عائلتي صعييبة وبزااااف
أنوار: بحالاش؟؟؟
أمال: (نسات رااسها وبقات كتهضر) مكيبغيونييش نخرج فمرة حتى هاد لقرايا للي جيت على قبلها لهنا مبغاوهااش
أنوار: وعلاش؟؟
أمال: معرفتش واخا خوتي بجوج وحتى ولاد عمي قرااو غير لبنات للي مكيخليوهمش يقرااو
أنوار: اممم مهم نتي هنا داابا
أمال: (خاص غير للي يجبدهاباش تفضفض وأنوار واخا هاد شهر للي تبعها فيه مبغاتش تهضر معاه الا شد موضع فحيااتها) ولكن كنحسهم كرهوني (غرغرو عينيها) من اللول gلتلهم منمشيش الا مبغيتوش ولكن هوما مكيسوقوش للري ديالي مداام عمي صيفط بنتو تقرا الا خاص يصيفطوني باش حتى واحد ميفوت وااحد
أنوار: (شد فيدها كنوع من المواساة.. دغيا هربتها.. حك فجبهتو) سمحيلي كنسى (شافها سكتات من بعد محس بيها تطلقات شوية) كملي
أمال: (مبغاتش تحكر وطلعات معاها مخصهاش تعاودلو هادشي) عمرني هضرت مع شي راجل غريب علية
أنوار: أنا أول واحد؟؟
أمال: (حركت راسها باه) وهادشي عندي عييب بزااف ممرتاحااش فمرة والله ممرتاحة
أنوار: عيب الا درت معاك حوايج خايبيين أما انا مغتشوفي مني حتى حاجة غتخسر خااطرك غير تيقي فية وغتكوني مرتااحة حيت انا باغيك على طبيبعتك متحتاجيش تصنعي معاايا كما شفتك نهار اللول
أمال: (متبسمة) معرفت
أنوار: (شاف السرباي جاي) شنو تغدااي بعدا؟؟
أمال: ها والو شبعانة
أنوار: (ظاحك) الا شبعانة شري كار (ضار عند السرباي وقالو شنو يجيب وضار عندها) حتى لماكلة غتحشمي فييها ازين؟
أمال: (خرجت عيينها بهاد لكلمة ضورت وجهها كتقلب على لبنات لقات غير شيماء بوحدها دايرة يدها على حنكها وكتشوف فييهم) هيييء شيماء بقات بووحدها
أنوار: (هز حواجبو) نعام؟؟
أمال: بنت عمي بقات بوحدها معرفت هند فين مشات
أنوار: (لعب بلسانو فوسط فمو معجبوش تجاهلها لييه قلب وجهو لحيط ورجع شافها كتشير لشيماء) أمال
أمال: (ضارت عندو) ها
أنوار: (بقا كيشوف فييها شحاال وجها زويين حواجب دوريجين كوحل عينين فقياسهم مكبار مصغاار تحتهم هالات خفااف ولكن ممعيقينش نيف هو هداك شنايفها مطبيزين شوية ومتأكد هي معندهاش مع زواق يعني هدا الجمال للي باغي اما الا تقادات غتكون واااو وترها بشووفتو) مبغيتيش تبقاي معايا؟؟ بغيتي تمشي حدا شيماء؟…
أمال: (تقادات فالجلسة معاه وحنحناات) حمم انا غير شفتها
أنوار: (قوس عينو فيها) علاش انا نااسي كوولشي وانا معااك
أمال: انا غير شفت والله
أنوار: خلييك معايا أموولة عرفتي شحال تسنيت هاد نهار باش نشووفك راه بحال شي واحد كان محبوس وتطلق سراااحو
أمال: (ملقات متقوول ونيت جا السربااي وحط صلاد غيش لكل وااحد هي غير شاافت حلات فمها صلاد كبييرة متنوعة من كل حوت او جبن او فواكه او خضر أنواع حط عواصر وبيتزا ومشا هي بقات غير كتشووف وكتحسر جيعاانة وهادشي كيشهي ولكن مغتقدش تااكل قداامو على خاطرها.. شافت فييه لقاتو هز فرشييطة وبقا كيااكل)
أنوار: اموولة معجبكش هادشي؟؟ نطلبلك شي حاجة اخرى؟؟
أمال: ها لا زوين الله يخلف علييك
أنوار: (قوس عينو فيها بحال فهمها) مغنشوفش فييك غير كولي على خاااطرك
أمال: (تبسمت هزت فرشيطة هزت كروفيطة معرفاتهاش ولكن شافتو كلا منها دارت فمها مضغاتها وهي كتبنن.. بلا متحس) شنو دي؟؟
أنوار: شنو؟؟
أمال: (باحراج حنات رااسها وبقات كترون فداك لبلا) ها واالو والو
أنوار: (تبسم هز كروفيطة من عندو بفرشيطة وقربها لييها باش تحل فمها يوكلها وهي غير كتشوف مفهمااش شنو كيصنع) هاكي كولي
أمال: (حشمت بغاتتمديدها افرشيطتو هربها ودارلها اشارة باش تحل فمها.. حلاتو غير بشوية دخلها ليها لفمها صرطتها بلا مديغ بلحشمة) حم شكرا
أنوار: هدا حووت سميتو كروفيط (كيوريها هدا كلمار هدا… بقا كيوريها كل حاجة محطوطة تمااك وهي متبعة معاه.. فجهة اخرى شيماء غير متبعاه ها هو كيهضر ها هو كيظحك ومنين مد ليها تااكل بقات غير متبعااه رجعت هند حيت خرجت كتهضر برا ورجعت لكرسي فبلاصة فين كانت جالسة)
هند: رجووع الله
شيماء: وكان غير قلتيلي اصاحبتي غيجي
هند: شكون؟
شيماء: أنوار زعما نخليوهم يجيو بووحدهم وحنا نمشي بلاصة اخرى
هند: ونتي تعرفي أمال تمشي معاه بوحدهم!! راه درنا هاكا غير باش ياله يهضر معااها
شيماء: اممم معرفت شنو يكون كيgوولها
هند: بينااتهم كولي قبل ميبرد
شيماء: (بتنهيدة بقات كتااكل وتهز عيينها كتلقاه كيشوف فأمال كيهضر ويظحك وهي مكتبالهاش مزيان ولكن باين تطلقات معااه..)
~~~~~~~~~~~
أنوار: (تيليفونو صونا فوق الطبلة مسح يدو وهززو شاف شكون كيصوني وحطو قاطع الصوت) لالة أموووول مسخييتش نمشي ولكن با كيعيطلي على قبل شي خدمة
أمال: (حركت راسها باه) واخا
أنوار: عارفك سااخية بية انا للي مزاال باغي نبقى معااك هه
أمال: (تبسمت ووقفت)
أنوار: اهيا فين ماشا؟؟
أمال: ياك gلتي غتمشي؟
أنوار: ههه (ظحك ساارط الفقسة وبيناتلو كانت على سبة وكتسناه غير امتى يمشي ولكن هو حطها فراااسو.. وقف حتى هو) اولا غتجلسي تاكلي مزيان حيت مكليتي واالو ويمكن حتى فطور مفطرتييش مزيان (قرب منها وستنشقات لعطر الرجوولي للي تلفها وبقات غير حالة فمها فيه.. جبد من جيبو تيليفون (ريدمي 10) وهدا تيليفون فيه puce مسجل نمرتي فيه (فجيبو التاني جبد شارجور بيض ولكيت ديالو) هادو الا عياو يدين لالة اماال ديري ليكييت باش متلقايش لية السبة حقا يدي عيااو ولا كندير شي شغل حيت مزاال هضرة طويييلة بيناتنا (ياله جات تمتانع) غير نكمل لخدمة نصوني علييك (بنظرة اعجاب) الا مجاوبتينيش (ياله باغي يهدد وهو يتبسم) غنجي عندك فينما كنتي (بابتسامة) انا مشيت.. (مشا زربان ممخليهاش حتى فين تهضر داز من حدا شيماء غمزها عاادي مع نص ابتسامة ومشا زربان حيت الخدمة واقفة علييه وكولشي كيتسنااه..)
أمال: (تبعاتو بعينيها حتى مشا عاد طلقات تفرنيستها شافت فالتيليفون هزااتو حتى بوشيطة للي فيه ديال لبنات فلغووز فيها ودينات مذهبين.. شعلاتو لقات داير فالشاشة الخلفية تصويرتو كان جاي فيها زوين بزااااف وكانت حركة مقصوودة منو باش يخليها فوقما نسااتو التيليفون يفكرها بيه جلست فرحااانة عندها باش تشري تيليفون ولكن كمبادرة منو عجبها الحاال وكان أول كاادو غتشدو فحياتتها شافت فلمااكلة شهيتها تحلات مزياان طلات على لبلا ديالو لقاتو واكل منو النص معرفت كدار كلاها وهو مسكتش من الهضرة بقات غير كتخشي فمها وتبنن حتى جلسو لبنات حدااها)
هند: (هزت التيليفون) هاي هاي هاي السيد فاااهم… معندي ميتساالو
شيماء: شرالك تيليفون؟ (قالتها بحزن)
أمال: (فرحانة) ظريف بزاااااف ابنااات عرغتو ككيهضر معاايا
هند: بصحتك الالة تستااهلي
شيماء: بصحتك
أمال: الله يعطيكم الصحة كولو معاايا
هند: كليت احبيبة حتى حنا طلبنا بحاالكم شيمااء نتي مكليتيش مزيان وها لبيتزا للي كتعجبك
شيماء: مفياش (شافت فأمال كفاش فرحاانة.. قلبها ضرها تبسمت معاها مشركاعا فرحتها) سعدااتك أمال مكرهتش لقا شي واحد نعجبو بحال هااكا يبقى يدير لبلانات معاكم غير باش يشوفني ويشريلي كادوات
أمال: دابا ربي يجييبلك شي ولد النااس اختي راكي فنة وتستاهلي أحسن واحد فالدنيا
هند: وااا لحمقة تسنااي رزقك غيجي وزايدون نتي للي سادة على شحال من واحد بغا يهضر معاك ومكتبغبش
شيماء: وحتى أمال سادة على شحال من واحد وهو بقا لاسق غير فييها هاكا بغيت حتى يانا…
أمال: (كتاكل وكتسمع ليهم ويزيييد بعجبها الحال منين كتسمع أنوار معجب بيها قد هاكا للي لبنات عاجبهم الحال…)
هند: على اساس لقيتو انا صبري الالة شادة النوبة معااك ههه
شيماء: هااحنا نشووفو نتي تجيبيه غير بصبعك صغيير
هند: لا حبييبة مااتلي الحوت حتى انا غير هني ***
شيماء: امم علية.. (هزت فرشيطة وبقات كتنقب وكتحااول تخوي دمااغها للي أيام وهي فصرااع معااه شافت أمال كتاكل وتخرب فتيليفونها جديد حتى فافاها منين صونا) باسم الله عليك
أمال: هيييء هدا أنواااار
هند: وجاوبي السيد
أمال: (بقات كتبغي دوز الخط ومعرفاتش حتى وراتها هند حطاتو فودنييها)
أنوار: زين دياالي
أمال: (فرنسات)
أنوار: ههه حمق كنتسنااك تجاوبيني مهم غير باش زعما متشوشيش علية انا وصلت لخدمتي عاارف لماكلة مغدوزش ليك الا مهضرتيش معايا بدليل دابا مكتاكليش
أمال: (وقفهالها) كح كح كح هههههه
أنوار: هااااديك علاش كنقلب ياله بسلامة بلاتي ونهضر معاك (قطع معاها وهي بقات كظحك)
هند: يا لالة ولاالة مزيان منين بقيتي كتجاوبيه بعدا
أمال: (شبعات) الحمد الله عجبني بزااف هادشي واكترية الحووت اول مرة ناكل بحال هادشي
شيماء: بصحتك الا كملتي ياله نمشيو
هند: انا نهبط نخلص
شيماء: شحال جايانا حنا؟؟؟
هند: لا انا للي عرضاكم هاد لمرة (مشاو هبطو جات هند تخلص لقات أنوار مخلص طبلتهم وطبلة ديالو ومخلي 3 ديال قطع تشيز كيك اومبوغتي.. شدو فأمال مزياان وخلاوها غير كتكركر أول مرة يشوفوها كظحك لهاد الدرجة مشاو نيشان لدار الطالبة وكل وحدة حيدت حوايجها وطرفت رااسها ودخلات تكمشات بلاصتها.. هند مشات لشومبر ديالها أمال كتخرب فتيليفونها جديد ولا حت لقديم فصاكها.. وشيماء كتشوف فيها وتفكر لغمزة لخفيفة وشيطانها كيأولها كما بغات فأعمااق أعمااقها..)
أمال: شيمااااااااء فين سهييتي
شيماء: لا واالو.. gوليلي عجبك أنوار؟؟
أمال: (تقدات معاها) ومتgوليها حتى لواحد
شيماء: ههه زعما نgولها لمحمد
أمال: عارفااك مديريهاش هه.. هو زيين.. زييييين بزااف وظرييف ولكن مكمعرفش نهضر معاه مكلقى منgول والا هضرت كنبقى نسرسبلو كوولشي
شيماء: معرفتش اختي للي كنعرف للي بغاك يبغيك كما نتي بلا تصنع
أمال: (بحماس) وهو هاكا gالي gالي مبغيتكش تصنعي وعرفتي شنو (بفرحة) gالي نتمنى نعرف تاوريرت وانا معااك شنو كيقصد
شيماء: (نفس عقليتها) زعما يتجوجك
أمال: هه معرفت
شيماء: وتكااي راه عيني بداو يتغمضو (ضارت للحيط مخلية أمال فرحانة بتيليفونها ما فيه لا اغاني لا والو ياله تصويرة ديال أنوار للي كاينة ونمرتو شنو كتخرب فيه منعرف كدخل وتخرج فلباراميتر حتى عيات عينيها وغمضااتهم..)
أنوار: (كان غاارق فالخدمة ولكن هاد لمرة خداام نااشط ومسااعف مع الخداامة وكيعاون حتى فتقل للي عمرو دارها معااهم)
عبد الوافي: اش داكشي تمااك أسمحمد؟؟؟
أنوار: (ببرود) واشتا؟؟
عبد الوافي: والو غير كتعاون بلا متشحف شي واحد فينا
أنوار: (حط كرطونة) مزياان منين فكرتيني (مشا دخل للمكتب فين كاين بيرو فيه بيسي ووراق وفاكتورات وفيكس وشي سلعة باقا تماااك لقا باه كيشرب قهوة ديالو) الحاااج مزيان؟ (باسلو يدو)
أب أنوار: (فرحان بولدو) تبارك الله عليك اولدي..
أنوار: مدرت واالو ياك ديما كنخدم هاكا (باه حرك رااسو كيظحك حيت من دييما مشيبو فخدمتو كمل شي خدمة دخلها فلبيسي شاف فالساعة كان تعطل الوقت 😎 واواااااااوووو وخددددمت معاكم هاد نهار
أب أنوار: (تبسم) هااا شنو gال طبيب اولدي ههه
أنوار: ههه بففف مشا الحاال (حايد ريدو لسرجم لقا ظلام وشتا كتصب)
أب أنوار: كيطيح النو؟؟
أنوار: (ببرود) اممم مهم ياله نوصلك معايا للدار راه عرقت وبغيت ندوش
أب أنوار: ياله وخوتك يكملو ويلحgونا
أنوار: (ناض أنوار شاد تيليفونو كيكتب لأمال ميساج) *امولتي ياله كملت كنت باغي نجي نشووفك ولكن عاارف مغتبغيش تخرجي عندي شوية ونصوني عليك* (طلع ركب وتسنى باه يركب وكسيرا للدار وكلامهم غير على الخدمة وصلو أنوار طلع نيشان لبيتو صونا على أمال مكتجاوبوش هز حوايجو ومشا لدوش..)
شيماء: (حطات تيليفون أمال من بعد مقطع أنوار وهي كتشوف تصويرتو.. شافت أمال للي مكرشخة بنعاس لبسات صندالتها ومشات لشومبر هند دخلات لقاتها ناعسة حتى هي) هنننننند وااااااا هننننننننند نووووضي
هند: (بحرا كتحل عيينها وداايخة) اممم
شيماء: نعسنا بزااف 8 ونص هااادي
هند: (شدت فرااسها بصوت غاالب عليه نعاس) خمرنا ماشي نعسنا اااح ارااسي
شيماء: (بحزن) هند علاش حتى واحد مكيبغيني
هند: (شافت فييها) رجووع الله!! واش نتي فرااسك غير هاادشي قرااي وخدمي وعيشي حيااتك وهادشي راه كيجي مع الوقت
شيماء: وها أمال دغيا جااها.. كولشي كيبغييها وحتى من خوويا متأكدة كيبغييها
هند: (سكتات ونعاس ماشي غير طاار.. غبر) كتخربقي لا!!!!
شيماء: نتي مكتشوفيش انوار ككيشوف فيها وككيدير على قبلها؟؟ وهاكا حتى خويا داك نهار بغا يسمح كاع فتيليفونو للي عمرو حطو من جيبو
هند: كنهضر على خوك ازمر برااكة متزرعي لبنت افكار على وليييد
شيماء: (فنفسها وكان غير بغاات خوويا) وليد كيميل لأمال انا للي عاارفة خويا
هند: بففف (عصبتها وجلست مقابلة معاها) زدتي فييه اشيمااء الا بقا فيك الحال على أماال متنسايش زمر للي كانت عايشة فييه والا بغيتي تعيشي فيه حتى نتي قولي لأمال خويا راه كيبغييك وباغيك لزواج
شيماء: (سكتات كتغزز فسنانها وباين معجبهاش كلام هند)
هند: (شافتها تقسحات بهاد لكلام) يااك محمد قلتي كيشوف فيك وباينة كتعجبييه وجا خطبك ورديتيه
شيماء: وعلاه محمد بحال أنوار (طلعات معاها) زعما مكيديرليش بحال ككيدير أنوار لأمال
هند: نساي عليك أنوار نهار اللول شافكم بجوج ولكن هو ختار أمال وكما كتشوفي أمال من نهار تابعها وهي فرحانة وكظحك الا كتهمك مصلاحت بنت عمك فرحي معااها وخوي رااسك من هاد الافكار للي نتي باغا دخليهم لراسك بالسيف (ناضت مشقلبة عينها مخلية شيماء غير مغووبشة لبست صندالتها ورجعات لشومبر ديالها لقات أمال كتمسح وجهها) فقتي؟؟
أمال: أحااااااااي جخرنا هههه
شيماء: ويييه معرفت ليلنا شكون غينعسولنا
أمال: ههه منها نصايبو داك البحث للي خاصنا نعطييوه
شيماء: ااختي نتي راشقة ليك بعدا
أمال: عادي زعما غير نعسنا بزاف ومغنعسوش بكري اللهم نحايدوه علينا..
نعيمة: تبااارك الله على مزيناتها هاد لبنية.. بنت ختك حادة ياك؟؟؟
فتيحة: وااه (فرحاانة) حتى انا عجباتني وبغييتها لمحمد
نعيمة: اوا داابا معندوش السبة باش يgول لا لبنت زوينة ومن العائلة منكم وفييكم
فتيحة: على ربي هاد لمرة يقبل معرفت شنو عندو فداك الراس باش ميبغيش يتجوج
نعيمة: كولشي بلغوات الا زوااج راه زواج ليلة تدبيرها عااام نهار يبغي يتزوج غيجي ويهزك تخطبيهالو نيشان
فتيحة: (مصمصت شنايفها وقطبت حواجبها) اوا نهار جينا عندكم رجعتونا
نعيمة: حم اوا زوااج راه نصييب لبنت عندي مزالة مكتفكر فييه
فتيحة: (فقستها) اربي الا سكتي كتكفريني منين كتgولي مكتفكرش فجواج علاه من امتى حنا كان عندنا شي ري قدام رجاال بشلاغمها ولد عمها شنو نااقصو باش متبغييهش ولبنت نهار تبلغ خاصها تجوج هادو راه شرفو عدنا
نعيمة: (كتكره تهضر فهاد الموضوع) فتيحة انا ماشي بحاالك
بنتي دايرااها بناادم مكنبزز عليها والو وزايدون بنتي واخا ظفر الشيب غتبقى صغييرة فعيني
فتيحة: علاه انا بنتي دايراها حيوان ولا للي خاف وزير مع بنتو راه عتابرو حيواان
نعيمة: مgلت والو.. شوفي فين كنا كنهضرو فزواج ولدك وشوية نقزتي لبنتي
فتيحة: ومالي gلت للي مكاينش
نعيمة: يهديك الله افتييحة واش زواج بالزز راه نهار يكتاب غتزوج ومحمد الله يسهل علييه ولا نفكرك راه حتى نتوما مبغيتوش نبيل لأمال
فتيحة: ههه يييه نعطيوكم بنتتنا ونتي بنتك خبيها عندك خلعييها
نعيمة: اوا الالة خلي بنتي تبوور عندي انا بغيتها تبقى غير معايا حتى دفني (قلبتها ظحك باش تسد هاد الموضوع) ودابا امتى غتوري لودك التصويرة
فتيحة: والله معرفتلو خفت نحطهالو فبيتو ويجي يغوت عوتاان الالة مبغيت زواج نهار نبغي عاد سيرو gلبو
نعيمة: هههه وخليه على خاطرو انا مننين جا وليد هاد لمرة gلتلو واش نقلب ليك اولدي ضار فية مبقيت زدت معاه هضرة وبانلي معصب بزاف وغير كيتنااكر مع خوه نبيل
فتيحة: والله معرفت لهاد الجيل رجالنا قدهم راه عندهم لبكر وكانو ملهوفين على زواج اما هادو غير يهربو منو
نعيمة: غير معرفوش حلاوتو ههه
فتيحة: (حشمت) ههه الله يمسخك سكتي دابا يدخل شي حد ويسمعنا
نعيمة: وداكشي باش gلت ليك طلعي معايا ونيت نشوف منين نبدا فعرس ولدي ادم
فتيحة: ياك gلتو مزال مديروه
نعيمة: صافي ولدي عيا وبغا يجيب عرووستو ههه
فتيحة: اوا هنيا عليه مبارك ومسعوود عgبال لولادنا وبناااتنا
نعيمة: ان شاء الله
فتيحة: (بتنهيييدة) منكذبش عليك كنتسنى غير امتى نزوج أمال ورتاح
نعيمة: وعلاش؟
فتيحة: كفاه علاه!!! علاه جلستها فوجدة مريحااني نعاس كيطير من عييني منين نتخيلها دارت شي زبلة ولا ظحكو عليها ولاد لحراام هاديك راه مبووهلة الريح للي جا يديييها
نعيمة: اعووذ بالله لبنت مربية وراسها مكتهزوش من الارض وغير مرعودة مسكينة اشمن زبلة غدير؟؟
فتيحة: لبنت عمرك تعرفي شنو تحت رااسها انعيييمة
نعيمة: لا لا بناتنا مربيااات غير نعسي على جنب الرااحة مشاو يقرااو وغيجيو فحاالهم والا كتاب يخدمو شي خدمة محترمة علاه نتي كرهتي بنتك تخدم شي معلمة
فتيحة: نهار تزوج بينها وبين رااجلها ولكن محدها معايا مكاينة خدمة
نعيمة: (طانزة) علاه منين غتزوج مغتبقاش بنتك؟؟
فتيحة: بنتي ولكن حسووبة على رااجل وهو للي غيعرف ليها
نعيمة: (فقستها) واا نووووض انا حتى نشوفو مع الناس وقيت ونبداو فالتوجااد
فتيحة: ومنها نعيطو لبنات يجيو
نعيمة: ضرووري راه عرس خووها.. (طلعات لدارها حيت مبقى والو ويطلعو دراري ورجالاتهم…)
أنوار: (كيهضر مع عمو) وشنووو اصاحبي عام باش مشيت موليت جيت ماشي بزااف؟؟
….: (بصوت نعسان) واش مسلطك علية اولد خويا
أنوار: (شاف فالسااعة كانت 10) عاد عندكم 1
….: أنوار غدوا ونهضرو دابا عيااااان (قطع وعينيه مغمضيين ورجع لنعاسو..)
أنوار: (بقا كيظحك حيت من ديما مفيقو من نعاسو ياله غيطفي الشاشة بانلتو نمرة مسجلة عليها أموولة عاود صونا عليها للمرة 7 ياله غيحطو فودنو تحل الخط وسمع نفسها) افيين آنسة؟؟
أمال: ههه كنت ناعسة
أنوار: واايلي هادشي كولو نعااس
أمال: معرفت شنو وقع باش نعست بزااف
أنوار: يمكن بكترة مرتاحيتيلي نعستي ونتي فرحااااانة
أمال: هههه (حشمت) لا غي لبارح منعستش بكري وليوم فقت صباح بكري داكشي لاش..
أنوار: (سكت مدة كيشوف صرااحتها القااتلة للغرور ديالو) اهاااه اوا والليل شنو غديري فيه
أمال: ههه معرفت
أنوار: نونسك أنا
أمال: (سكتات كضور فعينييها)
أنوار: أموول!! غرقتي عااود
أمال: ههه
أنوار: هه مهم انا غنزل نتعشا ونطلع نهضر معااك وبقااي تجاوبي ولا غنجي لعندك حتى لتما اجدك
أمال: ههه واخ.. حم بالصحة
أنوار: الله يعطيك الصحة الالة (قطع لبس قبيتو من لبرد ودار لقب على شعرو.. ونزل لقا كولشي مجمووع جلس حداهم) با gادولي الدوش للي فبيتي
عبد الوافي: نهار تزوج نgادوه ليك ههه
أنوار: ها ها ها بااا جيب لمعلم وgادلي دووش ماشي كندوش وومنين نجي خاارج نبقى نتسلت باش ميشوفني حد (على عيالات خوتو) كاع خوتي عندهم دوش فبيتهم الا أنا
أب أنوار: وااخا ولدي غدا نجيب لمعلم
عبد الله: غيصغار ليك لبيت اصاحبي بزاف
أنوار: معليش اصلا لبيت واسع بلا فاايدة غير يتgادلي الدوش راه كنبغي ندوش يوميا
عبد الله: (غمزو) دوووش اخااي يوميا نقا زييين (أنوار قلب وجهو من تفاهة ديال خوه)
أب أنوار: واخا ونيت غنشوف شي فويت كاين فدار عمك نصلحو قبل ميجي
عبد الواافي: فييوك غيجي؟؟؟
أب أنوار: هضر معايا gال فهاد لياام
أنوار: ايييييه انا كنظل نسولو فوكاش تجي ووالو واش يعطيني راس الخيط
أم أنوار: (دخلات عندهم للصالون) اجيو تعشاااو (ناضو تبعووها.. أنوار كلا بالزربة وطلع لبيتو) مال هااد لولد
عبد الله: ممالوش هاد نهار راه خدم مزيان وبعد من لفشوش وطلع يرتاح
أم أنوار: ولدي ممفشش بلعكس راااااااااجل (كدفع لهضرة لمرت لوافي للي تشكات من تصرفات أنوار)
أب أنوار: (مكيبغيش لهضرة فوسط المااكلة) ااااحم هنيونا (كولشي سكت وكملو ماكلتهم…)
~~~~~~~~~~~
أنوار: (صونا على أمال حتى كان غيقطع وهو يسمع نفسها) التوتوووز ديااالي…
أمال: (مفهماتوش) ه..م!! (شافت فلبنات)
أنوار: التوتووز ديالي مفهمتيهاش؟؟؟
أمال: حم ههه لا
أنوار: هي لغزاالة ديالى التووتة ديالي الزين ديالي (سمع طيط طيط شاف فالتيليفون لقاها قطعاات) واايلي هادي كلمة جوج كتقطع (لاح تيليفونو فوق النموسية مكره هز قرعة ديال لما خاوية وهبط لكوزينة يعمرها.. أما أمال بحال متوقعاتش كلامو)
هند: مالكي؟؟
أمال: بااسل ضسر علية
هند: هههههه (تكرشخات بالظحك لدرجة حنات شادة فكرشها كظحك وحتى شيماء كظحك وهي غير كتشوف فيهم.. وقفات كتمسح دمعة من عيينها) ناااري قتلتيني بالظحك
أمال: علاش كظحكو ونتوما كاع مسمعتوش شنو gال
شيماء: وراه صااحبك عادي يضسر ويخسر الهضرة كاع
أمال: (طرطقت عينها) مصااحبيش
هند: شنو قال وكان ههه؟؟؟
أمال: gالي لغزالة ديالي زوينة ديالي وداك لكلام لباخص
هند: (هزت حاجبها حيت هي مشا دماغها بعيد) واش قالك هادشي وقطعتي علييه؟
أمال: راه ممولفاش للي يgولي هااكا وعاد كيgول نتااعي انا منتاعتووش
هند: هادي زدتي فيه بزااف شنو بغيتيه يقوول خويا؟؟؟؟
أمال: وراه نحشم وميعجبنيش الحال يgولي داك لكلام وحنا مابيناتنا واالو
هند: بفففف زواج عااود.. تناقض مكترتاحيش فكلامو ومباغاهش يقول كلام زوين وفنفس الوقت باغاه لزواج
أمال: (كتفكر لكلامها وشافت فتيليفونها) معاودش صونا
شيماء: نتي مغتعرفيلوش
أمال: (بغيرة) نعرف… انا هير كنحشم وصافي
هند: هي الا صونيتي لييه ولا عرفتي خلييه يتشوا ودابا يرجع يصووني
شيماء: مووووحااااااال راه عيقات علييه اااااو كل مرة قاطعة عليه غيطلعلو هادشي فراسو
أمال: (شافت فشيماء) زعما!!!
شيماء: وجربيها منك راسك وشوفي واش غيعجبك الحال ولا لا كل مرة قاطع عليك ومباغيش يجااوبك غيخلييه يقلب فقنت اخر
أمال: (بتنهيدة كتفكر فكلامها) صافي حتى انا مخاصني بشي صداع الرااس معندي مندير بيه…(هزت كتشرب من أتاي وحلات واحد لبوليكوب حدااها هند حتى هي بقات كتحفظ حيت عندها اكزام وشيماء كتشوف فأمال وفنفسها كتقول جا لحتى بين يدييك وكتكبري عليييه ايييييه وكان كنت أنا للي فبلاصتك…… أما أمال كدير تلخيص ومرة مرة عينها كتمشي لتيليفون ووالو مصونااش وتصووط.. فواحد اللحظة شافت فالساعة كانت 1 ونص ديال الليل خاافت كلام شيماء يصدق وهي متيقات شي وااحد محسسها بأنووثتها واهتماامو لكبير هزت تيليفونها باغا دوز نمرتو وترجع تحطو حتى تشجعات ودوزات نمرتو حطااتو فودنيها وتسمعات) رصيييدكم غير كاافي لإجراء هذه المكاالمة… (تفكرت اصلا هي ممعبئاش واخا عطاها نمرة جديدة الا مفيهاش الصولد.. حطاتو معوجة فمها)
هند: اووف عيييت وتخنقت بجو لحفااظة
شيماء: حتى انا
أمال: نتي كاع محفظتي والو غير كتحيري بداك شعر
شيماء: (عودات نفس الحركة) عاااجبني ومحمقني
أمال: ههه وييه جاك زوين ولكن اجي تحفظي غدا لبروف غيبقى يسولنا ومتعرفي متجاوبيه
شيماء: بففف (هزت لورقة للي لخصات فيها) ياك تافقنا نجيو نعيشو حيااتنا ماشي نقرااو
هند: اوا والا مدخلتي واالو وقالولك خوتك رجعي فحاالك
شيماء: اصلا مغيعرفونيش واش نجحت ولا لا
هند: هههه كولشي موجدة ليه
أمال: ولااا محمد غيسول علينا ولا نسيتي داك صااحبو للي خدام فمصلحة شؤون الطلبة
شيماء: اييييه… (هادي فلتات ليها حنات كتشوف فلبوليكوب جات حداها أمال وبقاو كيراجعو بجوج ضربت 4 دصباح)
هند: صافي دخت غنمشي نعس
أمال: حتى انا عيييت (شافت فتيليفونها وماشي غراضها الساعة باغا تعرف واش هو صونا ولا صيفط شي ميساج) مشا الحال
هند: بنات تصبحو على خير (مشات من حداهم دخلات للبيتها للي بسباب رااحتها خلصات جوج بلايص باش متجيش شي وحدة للي تصدعها.. طلقات لغطى حيدات بينوارها وبنطوفتها طفات الضو شعلات لبيل ومشات لبلاصتها مكمشة من لبرد غطات حتى راسها وشعلات تيليفونها ومشات لواتساب وطلعات تصويرة ديال وليد زومات تصويرتو كتشوف فيها وكتزيد تغووبش من اخر حوار دار بيناتهم.. معرفت واش تصيفطلو ولا.. طفات الشاشة حيت 100% الا بقات كتشوف فتصويرتو غتصيفطلو وهي مزال ملقات شي دخلة كدير ومبغاتش تبان برهووشة يكفي سرقات نمرتو لختو بتخبية…
أما أمال تحشات فبلاصتها وتفكيرها غير فأنوار للي مرجعش يصوني عليها وباينة زعف منها شافت فشيماء) شيمااااااء هداك كااع مولا صونا
شيماء: ههه صوني عليه
أمال: أحاااي حشوومة
شيماء: وهي الا حشمتي ونعستي وغدا وصوني عليه gوليلو تطفالي تيليفون ولاطاح وتطفا ومكاانش عندي التعبئة
أمال: (فرحت لاقتراحها) واااه مزيانة هاد لفكرة
شيماء: (تبسمت) تصبحي على خير (بكترة لعيا جبدو عليها بنعسة وكل وحدة فيهم فاش كتفكر..)
أمال: بفففف (قنطت بزاااف شافت فشيماء للي فرحانة تغني وتحرك شعوراتها حلات الزاج ديال الطموبيل كتفرج فالنااس ولبرد كيضرب فوجهها رجعت شافت فشيماء بحزن لقاتها ناااشطة وحتى هند يد صايكة بيها ويد كتشالي وتشطح بييها سولات رااسها علاش انا هاااكا وعلاش هو بعد ياك gالي بغيت نبقى معااك تنهدت تنهيدة طويييلة حيت خلا فراااغ كبييير دغيا ولفاات اهتماامو زوين.. سيمانة كاااملة مسول فييها ولا بحتى ميسااج محست غير بالشاال رخفااتو عليها سدت الزاج ديال الطموبيل للي كان فيمي.. عاد حيدااتو فمرة وطلقت شعرها من سفنجة للي كانت كديرلو بقات كتحير بيه حتى تطلق مزيان كان مرولي شوية بكترة سفنجة للي كظل ديرلو ولكن جايها زويين شافتها هند من لمراايا)
هند: هاااااديك الالة امااال
شيماء: (ضاارت وشافت فيها) هاي هاي على بنت عمي جيتي غزاااالة هاكا نبغييبك تعيشي الحيااة
أمال: (تبسمت) رااكو تحشمووو فية
هند: يشووفك أنوار يدووخ ههه
شيماء: اوا أنواار بااح دابا يجي مااااا حسن منو للي يستاهل بنت عمي لغزاالة
هند: (زاادت فالصووت ودارت الشلحة كتحرك كتافها مع الايقاع وشيماء كتحير غير بداك شعر للي كان مصطيها.. من وهي صغييرة وكانت كتمنى غير امتر يرجع مسبسب ودابا منين رطبااتو مكتزكل حتى فرصة باش تمتع بييه أما أمال غير كتشوف فيهم وتظحك من غير نفس.. خللات وجهها للبرد ولهوا كيطير خصلات من شعرها من السرجم للي حالة شيماء… وقفات هند وشاافت فيههم)
أمال: علاش وقفتي؟؟
هند: صطووب…(ضارت عندها) واش مضركش راسك تعرفي علاش أنوار مولاش سول فييك وغبر هاد السيمانة كاملة؟؟
أمال: (بوجه حزين) هو للي غبر (هزت كتفها) صافي على رااحتو اصلا انا معاجبنيش هو بااسل
شيماء: عندها الصح علاش حتى يغيب هاد المدة كااملة وكان كانت عاجبااه ميغبرش هاكا وكان راه مشا خطبها نيشان
هند: (ميقت فشيماء وشافت فأمال) الغايب حجتو معااه
أمال: معرفت انا بعدا منقدرش نصوني علييه
هند: نصوني أنا؟؟
شيماء: (صاطت وقلبت وجهها) واش بالسيف بغيتوه يجي صافي مبغاش
أمال: عند شيماء الصح صافي على على خااطرو اصلا انا مكنبغيش نخرج معاه
شيماء: (ضارت عندها) حشومة هاد الزين يمشي للبراني خويا وليد للي يستاهلك
هند: (تعصبت وطلع السم معاها) بالصح يجي معاها خووك وحتى خوها يجي معااك
أمال: (هي كاع ممسوقة للحرب النفسية للي بين شيماء وهند وكل وحدة كضرب على راسها)
شيماء: دابا لاش وقفتي هنا؟؟
هند: والو غير تشهيت لبوبووش هو للي كيسخن فهاد لبرودة
أمال: واه حتى انا بغيتو
شيماء: ييييععع شنو كيعجبكم فدوك لمصاارن
هند: تما فين ماينة لبنة احوبي هه نجيبلك كاران؟؟؟ هنا كيصرعووه اصلا هو ديال وجااادة
شيماء: انا نهبط معاك (هبطات شيماء بشعوراتها للي سيمانة مجا الزيف من فوقو.. أمال هزت تيليفونها اخر مرة صونا هي مع 11 دالليل ديال السيمانة لفايتة عاود رجعاتو لصاكها.. دارت رجل على رجل وجبدات خصلة من شعرها كتلويها على صبعها وتفكيرها فأنوار تمناتو يصوني ولكن باش هي تصووني مستحيييل.. دخلات شيماء راسها من سرجم هند ومدات ليها زلافة ديال بوبوش وهي خدات كران بلا خبز) معرفت فين ندير هاد لبوبوش
شيماء: (فمها عامر) هند وسخيلها حوايجها ومتقيسيلهاش طموبيلتها
أمال: هاكي شدي ندير فولاري نخرج ناكل حداها
شيماء: حتى نتي خرجي هاكا جيتي زويينة
أماال: أحااااي واش حماقتي؟؟؟
شيماء: وراه مكيعرفك حد هنا اصاحبتي تطلقي شوية وتفتحي
أمال: لا لا منقدرش شدي شدي ههه نتي شادة التفتح من هههه (دارت فولارها غير لواتو خرجات وطلات على شيماد عطاتها زلافة ومشات حدا هند بقات كتاكل من سكاات)
هند: هاد أنوار نفسو خاااايبة…. (شافتها حركت راسها باه) مباغاش تهضري معاه؟؟؟
أمال: (حركت راسها بلا) لا
هند: اممم (كملت مكلتها وحركت راسها) براافو الالة.. (كتاكل وخاايفة من حاجة الا حيدات أنوار من رااسها شيماء غتعمر ليها راسها بوليد وهي باغا وليييد بزااف..) صافي احبيبة غير سيري أنا نخلص ياكما باغا تزيدي
أمال: هه لا لا صافي حار بزاااف هه
هند: (بابتسامة) وتما كاينة لبنة (مشات أمال وهند جبدات تيليفونها للي غير دوزات نمرتو دغيا جااوب)
أنوار: وييي
هند: أنوار صاافا؟؟؟
أنوار: صافا واش هند؟؟؟
هند: علاش معندكش نمرتي؟؟ ولا بغيت تقلب على كولشي ومسحتي حتى نمرتي
أنوار: (عاد رتاح) الله يهدبك اش غنمسح.. عرفتي شحال وانا نتسنى شي وحدة فيكم تسول فية وفيين أمال؟ واش لباس عليها؟؟
هند: (مفهمت والو) شنو وااقع؟؟
أنوار: (صااط) حداك أمااال؟؟
هند: لا انا بعييدة شوية عليها
أنوار: عطيني غير نمرتها ضروري بغيت نهضر معاها سيمانة وهي مطيرة نعاس من عيني (سكت شوية) واخا معطوب ومساقلي حد خبار
هند: (قرنت حواجبها مفاهمة والو) شنو وااقعلك؟؟
أنوار: كنت درت كسيدة غير ربي حفظ أما تاكلو مورايا طعام
هند: (دارت يدها على فمها) اويييييلي واش نتا بيخير
أنوار: الله يحفظك بغيت نمرتها
هند: اه واخا غنصيفطهتلك غير قولي واش نتا بيخير ووووتيليفونك؟؟؟
أنوار: تيليفوني تفرشخ جبدت كنو غير النمرة للي بقات صحيحة ولكن نماري للي فيه مبقاوش كولشي مسجل فالتيليفون ووياله خرجت لبارح من طبيب واكلها شوية فعنقي وتشقلي لعظم فركبتي…
هند: الله وأكبر
أنوار: صيفطيلي نمرة أمال
هند: ههه كتبانلك غير أمال
أنوار: خاص ضروري نهضر معاها صيفطت صاحبي لمكلخ للدار ساعة جراو عليه معرف يوصل ليكم خبار ولا يجيبو
هند: هههه واخا سيدي
أنوار: هند… حم واش هي تشوشات علية زعما واش فكرات فية شي حاجة بحال هاكا تحفظ ليا ما تبقى من كراامتي راه ديك بنت العبد معرفت منين نشدها
هند: ههه حيت عزيز علية غنقوووول امممم … ااه ههه
أنوار: (تبسم) لععععععز صيفطيلي نمرتها
هند: واخا (قطعت مبسمة ومشات ركبات فالطموبيل برااسها مفهمات والو منين غبر هاد لمدة كااملة وهو متيق عطاتو وجه.. قبل مديماري) أمال أنوار دار كسيدة
أمال: (بشهقة) أحاااااي ومااات؟؟؟
شيماء: واش بالصح ماااات
هند: اويلي على مات نتوما دغيا رديتوه مات.. بالصح كلاها فصحتو وتيليفونو ضاع ومشاولو كاع نوامر (شافت فأمال) داكشي علاش مولاش صونا عليك وياله لبارح خرج من صبيطار هادشي للي قالي
أمال: (عضت على شنافتها ومن جهة رتااحت عرفات علاش غبر وأهم حاجة انه ماشي مشا وخلاها ومغيرجعشش غير دار كسيدة هه)
شيماء: وباش عرفتي واش صونيتي عليه نتي؟؟؟
هند: اممم.. وبغا نمرتك عاود انا غنصيفطهالو (شافتها مدارت حتى ردة فعل صيفطاتلو نمرتها فميساج ياله بغات تهضر وهو يتسمع صونيط ديال أمال) السلااامة ههه
شيماء: (من بعد مرتاحت وقالت صافي مشااا ومتبقاش تشوفو ولا تسمع عليه وتنسى داك الاعجاب الممنوع ومتبقاش تحس بداكشي لخاايب اتجاه أمال للي كان ضميرها كيعذبها… ها هو رجع وغيرجع العذااب النفسي معااه..)
أمال: (فرحانة) حم سلام
أنوار: نgولو غبرت بزااف منستاهلش تسولي فية؟؟
أمال: (تحرجات) هم معرفت
أنوار: ههه وشنو كتعرفي الغزاالة (سكتات) تعاودي تقطعي علية يااا جدك نقطع ليك دوك صبااع للي فرحانة بييهم
أمال: هههه (بصوت حشمان وكترققو) كبقيتي؟؟
أنوار: (تبسم لنبرة صوتها) طووب ديال لباس منين سمعتك ومكرهتش حتى نشوفك ممكن!!!
أمال: حم شنو وقع ليك؟؟
أنوار: (دخلت مو هازة بلاطو فيه أتاي وشي مسيمنات فرماج عسل زبدة زيتو وكعك) بلاتي شوية ونصوني.. عندك متجوبيش عاود (قطع وشاف فمو للي كتتصغر عينيها فيه) مالكي؟؟؟
أم أنوار: (ميقت فيه) شكون هادي للي مكتجاوبكش؟؟
أنوار: (هز حاجبو) حتى حد
أم أنوار: حياني الله حتى شفت بنت لمرا مطيحايلك زناافرك
أنوار: لوااه نبg ماشي بديك الدرجة كااااع
أم أنوار: (حطت لبلاطو فوق كوافوز وجلست حداه) شكون هاادي؟؟
أنوار: حتى حد أمي خليني ناكل بغيت نعس راه شحال منعست على خاطري
أم أنوار: وغيير gول اوليدي واش كاين شي معقول ولا غير كتفلى على بنات الناس
أنوار: (تبسم) مييييي تصنتي لعظامك وترتاحي حتى نتي
أم أنوار: أحياااني علييك غير فرحني وgولي شي وحدة من بنات خولاتك
أنوار: حتى نكون هبيل ولا مضرووب بياجورة
أم أنوار: (دارت يدها على حنكها) وعلاه؟؟
أنوار: واش غنتعاطاو الكااملة هنا راه لا هي لا نهار يكتاب غنهزك وندييك تجيبيلي الطفلة داابا باغي غير نبرا ورجع ككنت
أم أنوار: وحتى نقبل أنا علييها عاد تديني نخطبهالك
أنوار: اممم غير عولي (هز لبلاطو وحطو على فخاضو وبقا كيااكل تحت نظرات مو للي مصغرة شوفتها فيييه كان ديما أملها يتزوج وحدة من بنات خواتاتها ولا خوتها حيت هو الوحيد للي مزال فيه الأمل كاع ولادها جابوهم برا من العائلة.. شافتو ممسوقش لكلامها وخرجات سادة لباب من موراها غير حس بيها بعدات مسح يدو وهز تيليفوونو دوز نمرتها للي دغيا جوباااتو فرحااانة) أمووولة
أمال: (عاجبها الحال) حم أنوار
أنوار: (هز لبلاطو وحطو بعيد) توحشتك
أمال: (تبسمت) كبقيت؟؟؟
أنوار: الحمد الله منين غير رجعت نسمع صوتك راني طوووب والله كنت موحش فييك
أمال: حم مهم تكون لباس
أنوار: تخلعتي علية؟
أمال: واه (وغمضت عيينها)
أنوار: (تبسم) نجي نشووفك؟؟
أمال: أحااااي ياك مريض وعاد مهرس
أنوار: هه يخليلي أحاااي ديالي.. أنا ممهرسش غير لعظم مشقق وهادي سيمانة وانا كنداوا غير شي أيام قليلة ونبرا
أمال: ايييه الله يشافيك
أنوار: وا شنو نجي نشوفك؟؟
أمال: معرفت
أنوار: خايف غير نجي وتخليني منشور عاود برا
أمال: ههه داكشي
أنوار: هي معولة ديريها اشنيولة؟
أمال: هههه غير خليك مرتاح حتى لمن بعد
أنوار: هي غدا؟؟؟
أمال: (تكات على الحيط كتفرج فشتا كطيح وكتلعب فشعرها) واش ضروري؟؟؟
أنوار: ضروري ومأكد ااحح امتى يجي نهار للي حتى نتي تبغي تشوفيني (سمع ظحكها) هااااديك الالة.. أمولة غدا بغيت نشوفك ضرووري
أمال: غدا غنقرا
أنوار: حتى تسالي ازوينة ديالي
أمال: امم غدا انا مخااارجة حتىىىى ل6 (طولاتها زعما راه معطلة)
أنوار: هههه واخا تgولي للي بغيتي غدا غنشوفك يا جدد هي غنشووفك
أمال: (تبسمات ومحمقها الاهتمام ديالو للي عمرها لقاتو من أقرب المقربين) معرفت
أنوار: (عايش معاها وكيفرنس حتى تدق لباب) حم أمولة شوية ونصوني عليييك واخا
أمال: واخا (قطعات وبقات متبسمة عاجبها بالجهد مشات رجعات للشومبر لقات شيماء كتغوت بحر لاصير للي كديرلها هند) ههه اش داك
هند: للي داها هو للي غيديك ازين غير نكمل لهاد لقردة غيجي دورك الغوريلا
شيماء: ااح صافي عفااك برااكة تماك كيقسح بزاااف
هند: (بحال كتنقي شي هندية من الشوك) اه اه تحلفي حتى كتنجري هاد زغب..
أمال: (جلست فرحانة بحال كتنشوا على كلامو زوين معاها وباين عاجبااه بالجهد والا علاش هاد الاهتمام كاامل ومكيلقى فالمقابل غير التصداار منها ناضت شيماء كتمشى بحال شي بطريق وأمال كظحك عليها) دوري؟؟؟
هند: (من قبل هند كانت ترغبها تحايدلها بلاصير ودابا كتسولها واش دوري) الحب كيدير فبنادم خداااايم!!!
أمال: ألاااا ههه
هند: أييييه زيدي وكان زيدي ونتوما بجوج تحلفو الا رجاال كتبقاو دgو لواحد بحال شي شوك ديال الهندية (بداتلها بلبيطان وتبعاتولها باليدين والرجلين واخا كانت كتعدم كانت صباارة دغيا كملات ليها ومعذباتهاش بحال شيماء)
أمال: (دهنات بيافين وقفات لبسات شورطها بقات كتقيس يديها للي رطاابو) اللللله رجعو رووطب وحتى اللون تفتح فيهم مبقاوش كوحل
هند: هههه سكر وحامض يقضي الغرااض غير نتوما كتسابقو مع خووتكم لجيليت
شيماء: هههه والله مكذبتي انا أكترية غير يجي خويا وليد كنت نسرقلو جيليت ديالو كان زويين وكيخلي لبلاصة رطبة
أمال: حتى انا كنت كناخد ديال محمد ههه.. (شافت هند كتنقي غير شي زغيبات بالنتاف) ناي كاع معندك بزااف
هند: انا احبيبة من نهار عقلت على راسي وانا كنديرها حتى زغب مات وقلييل فين بقى كينوض
أمال: سعدااتك باينة ماماك كانت مهلية فييك
هند: (جمعت الظحكة) اممم
شيماء: معمرك عاودتينا على عائلتك كتجبدي غير حناك
هند: اش غنعااود مكيناش شي حاجة مهمة للي غنعاود عليها (بقات كتنتف من رجليها أمال ناضت كتجمع روينة شوية ناضت هند من تمااك ومشات لبيتها.. شيماء هزات تيليفونها حتى كيطلع ليها أبيل فيديو من وليد خرجت عينها كانت غير بديباردور وشوورط دغيا ناضت لبست بينوارها ودارت لقب فوق شعرها وجاوبات معوجة راسها) اهلييييين
وليد: (متكي فنموسيتو وباينة مسخسخ) جنية لباس علييك
شيماء: الحمد الله اخويا ونتا لباس؟؟
وليد: الحمد الله كغادا مع لقرايا؟؟
شيماء: هاا حنا ولينا كنديرو انا وأمال تلخيصات ومع دوك التلخيصات للي عطيتينا بقينا نفهمو
وليد: نبغي لمونسيو
شيماء: هههه يا ربي غير ندخل كولشي
وليد: والله يا مك ومتنجحي أقرب كاار يوصلك لدواركم
شيماء: هه لا لا نجح
وليد: لعرس مبقالو والو خاصك تنزلي تعاوني الوليدة
شيماء: واه ضروري غنزلو كاملين.. ونتا غتجي؟؟
وليد: ضرووري واخا راني وليت خدام غير على الطيارة
شيماء: هههه ممشاش فزبل مشا غير فخووتك
وليد: وليتي تعرفي تهضري
شيماء: هه وغير شوية زعما راني كنكبر
وليد: اممم دابا نشوفو راكي بوحدك؟؟
شيماء: أمال مشات غير لكوزينة (وقفات ومشات لبالكون) عرفتي شتا محبساتش هاد نهار
وليد: هنا ديما
شيماء: معنديش معاها
وليد: لا بل..بلعكس (بقا كيتفتف فالهضرة منين شاف أمال داخلة من لباب حيت لكاميرا واخا فوجه شيماء الا جزء منها مبين جهة لباب.. بانتلو داخلة شبه عريانة لابسة ديباردور وشورط فوق الركبة فكحل وفصالتها زوييينة موالف كيشوفها غير بلعبايات لواسعين اول مرة يشوفها هااكا وعاد شعر للي مجموع ولكن مبينها فشكل حنات هزات شي حاجة وخرجاات معرف ميقول عينو بقات مفيكسية معرف يحايدهم ولا ينتاهز الفرصة ويشووف مجات فين خرجات حتى دخلت هند بلبسة مفضوحة وماتكتر وعاد هي عندها المقومات مزياان لهونش ولخصر ضعييف وصدر طاالع كانت لابسة شويرييط قصير مع ديباردور فنمر معرفت باش تبلى)
شيماء: (شافتو سهى ولا تبلوكا) وليييييد كتسمعني
هند: (مع كلمة وليد هزت عينها لشيماء لقاتها دايرة ابيل فيديو معاه)
وليد: (قطع حط التيليفون وبقا مطرطق عينييه مدة 5 الثواني عاد مسح على وجهو شاف ختو كتصوني هزو وجاوب) متأكدة عندكم شتا ولبرد؟؟؟؟
وليد: متأكدة عندكم شتا ولبرد؟؟
شيماء: (كتقاد قبها) لموووووت يا خويا
هند: (دارت نصف ابتسامة على وجهها وبعدات شوية وبحال نزلات تجيب شي حاجة من الأرض ودارت احسن تكويييزة ومتأكدة غيكون كيشوف فيها.. وقفات بكل براءة حتى سمعات)
شيماء: وليييد.. واا ولييد بفف كونكسيون مزبلة هاد نهار غير يهضر شوية ويقطع
هند: ههه يمكن مشالو الريزو
شيماء: يمكن انا بعدا طالعالي 4G ولكونيكسيو مزيانة عندي
هند: ههه.. نمشي لبيتي لبس راه لبرد كيضرب فية وحتى نتي دوزي بلانجيت ولبسي
شيماء: واخا (دارت شنو قالتلها لبسات بيجامتها وهي كتحس بأنوثتها وكيف لا وهي محايدة 2 كيلو ديال زغب.. دخلات أمال ولبسات حتى هي مزيان وعقلها طاير غير مع أنوار ومع بشرتها للي رجعات رطبة.. أما وليد صافي تقادااو ليه وندم علاش صونا على ختو كان بااغي غير يسول فيها وينعس أما دابا النووم هرب علييه وجات صورة أمال وهند ولكن الاخيرة زعزعاتلو صونتيمو خصوصا أنه مكيدير وااالو من غير مرة فشحااااال كيكتافي بالاكتفاء الذااتي باش يتغلب على شيطانو.. ناض غسل وجهو ورجع لبلاصتو غير كيغمض عينيه كيجيوه كيجريييو بجووج يتسابق…)
أمال: (صايبات تشيشة وحطاتها لبنات للي كياكلو ويتبننو فيها) واش بالصح زوينة؟؟
شيماء: (فمعا عامر) تهبل
أمال: بصحتكم ماما مكانتش تحملها تقولي غير تخربقي
هند: غير باش متزيغيش عليها كنعرف أمهات تيديرو هاكا لبناتهم غير باش يشجعوهم ويزيدو يتعلمو طياب
أمال: (عجبتها هند فكلامها) يمكن (بقاو كياكلو ويهضرو حتى صونا تيليفون أمال)
هند: جا للي ياااخدك
أمال: (وقفات متبسمة)
شيماء: ويحاااه كملي غير عشااك هو مهاربش
أمال: معرفت (جلست وبقات كتاكل وعينها غير على التيليفون مبغاتش تبين لبنات انه عاجبها وتقدر تضحي بكرشها على ودو وفنفس الوقت باغا تمشي تهضر معااه باش يسمعها لكلام زوين.. زربات على ديك زلافة وشيماء غير حاضيااها عاود صونا مرة اخرى وهي توقف هزات تيليفونها وخرجات من حدااهم)
شيماء: شنو فيها الا هضرت حدانا
هند: (راشقالها) وا لبنت كتحشم مزال متطلقات معاه مزيان
شيماء: لا لا أمال مبقاتش تحشم
هند: علاش
شيماء: وكانت تحشم منين مكانتش كتبغي تجاوبو أما دابا لا
هند: عادي رجع كيعجبها ومعندها علاقة بلحشمة ولا بغيتيها حياتها كاملة تحشم
شيماء: اوا مزيان… انا هضرت غير باش ترد لبال (رجعت أمال جلست حداهم وكتسنى منهم يسلوها لاش تعاود ليهم ومعرفاش شيماء للي مبتة بلفضول.. عيات صابرة) شنو قاالك
هند: (كتقلب فتيليفونها كيبان ليها وليد مزال اونلاين)
أمال: (فرحانة) عرفتي بغا يتلاقاني وربي كبيير عييت نقولو لا وهو يقولي نشوفك نشوفك واخا مهرس والله
شيماء: (تبسمت) هي غدا غنتلقااوه
أمال: (كتفرنس) واه
شيماء: وااا هي غدا خاصك تزووزي مزيااان
هند: على هاد كلمة تزوزي غينفر ويهرب هههه
شيماء: وشنو نgولها
هند: غير كنظحك معاك ازيين شنو مولاش خوك صونا عليك؟؟
شيماء: لا صونا ومجاوبش باينة غيكون نعس
هند: طلعلك اون كوغ منين صونيتي؟؟؟
شيماء: (مفهمتش) هاا
هند: والو والو من بعد ونوريك واحد لعيبة.. أمووول شتك نااشطة
أمال: (باينة لفرحة من وجهها) غدا بغا يجي يتلقااني
هند: مزياان الالة وهي الا نضتو تنعسو باش نفيقو بكري… (جمعو الدنيا وكل وحدة دخلات لبلاصتها من بعد مدارو ماسكاات لوجهم (ماء لخيار مع نشا غسلوه عاد نعسو…)
أصبحنا وأصبح الملك لله…
أنوار: (كان جابد عليها بنعسة ورجلو ليمنية فوق مخدة باش متعقروش وداير على عنقو ديك لعييبة حيت واكلها تمااك شوية حس بشي حاجة كدغدغ نيفو وخلاتو ينزاعج تعاودات مرة وجوج وتلاتة حتى خلاتو يفتح عيينو بعصبية للي زاد طرطقهم منين شاف داك الشخص قداامو) زهيييير؟؟
زهير: (حيد الريشة) سمييتي عمي البغل
أنوار: (فرحان بغا يوقف ومقدرش يتحرك بالزربة)
زهير: خلييك خلييك كبقييت
أنوار: إمتى جييت؟؟
زهير: (عاونو جلس وجر كرسي برجلو وجلس) من تم لهنا gالي خويا درتي كسيدة كملت شي شغل وجييت.. نتا مزيان؟؟؟
أنوار: صافا الحمد الله راك عارف شتا اللولة وكنت مكسيري وزلقات بية جاب الله طريق كانت عامرة ولقيت للي داني لصبيطار
زهير: باقي كتهور اصاحبي كديما معمرك دير لعقل
أنوار: لا لا غير gليساج كتوقع مع كولشي
زهير: اممم رد لبال اولد خويا (وقف) نمشي عند ما نشوفها ونرتاح من بعد ونتلgااو
أنوار: ولميمة عارفك جيت؟؟
زهير: لا (خرج وخلا أنوار فرحان بمجية ديال عمو وللي عمرو قالو عمي حيت بيناتهم غير 4 سنين ديال الفرق هو الانسان للي كيفهمو فالعائلة يدافع علييه ويسمعلو ويحضرلو داكشي للي بغا.. أما زهير طبعو حدودي شوية كيجاوب قد السؤال وصعيب تعرف شنو تحت رااسو ولا فاش كيفكر همو يجمع لفلوس باش يرجع للمغرب ويكبر المشروع للي مشاركو مع خووه ولpار ديالو كتجمع كل شهر فلبانكا .. مرة كيكون نااشط فوg السلك ومرة كيكون بحال فيه النوحد هاصو يبقى غير بوحدو عندو داار ديالو بووحدو قد دار خوه غير هي خاوية من غير بيتو فاش كينعس ولكن الهندسة ديالها غير دار خوه للي اونفاص معاه وعاد كاينة دار مهم للي جاية بيناتهم كانت بيناية على شكل U غير كل وحدة وبابها ولكن سطح تقريبا بحال مشروك من غير حويطات صغار قاسمين بيناتهم.. وأغلبية فاش هو كيجي كيجلس مع مو منين مكيكونوش لبنات ورجلاتهم فالدار.. نزل بسكات لقا خوه فالصالون حركلو راسو ومشا خرج نيشان عند موو للي كان استقبال حمااسي منها بخصوص توحشاتو بزاااف)
الجدة: (انسانة دات وجابت فزمان طيبة بزااف لدرجة كولشي كيبغيها مكتفرقش بين ولادها وكولها عطياه حقو أي مشكل عند شي واحد كيلتاجئ ليها باش تعطيه حلول او نصائح وتختمها بالدعاء مع الجمييع.. تزوجات على بكري وأول ولادها هو أب أنوار للي سميتو لكبير وكاين 3 ديال لبنات كولها وفين مزوجة عاد زهير اخر العنقود او كما كيقولولو خطأ تقني تولد مع لحفايد للي كاين للي كبر منو.. من بعد العناق ودموعها) الله اولدي مشيتي هي هاديك المشية موليتيش ضرتي من مورااك
زهير: (رجع باس ليها يدها وراسها) لمشاغيل اما وصاافي عييت معاك ياله معايا ونتي مباغاش تخوي من هنا gلتلك غير تجلسي معايا على منكمل ونرجع أنا وياك
الجدة: أويلعدااا (هي أويلي هههه) على نمشي معااك لبلادات النااس ونخلي بلادي على مزينها
زهير: هه غتكوني مع ولدك
الجدة: حتى هنا كاين خووك وخوتاتك وحفايدي
زهير: ومهليين فيك شوية؟؟
الجدة: الحق يتgال اولدي دايرين جهدهم وكتر ميدوزش نهار الا مجاوش يعgبو علية
زهير: اممم مزيان كاين شي فطوور؟؟
الجدة: (فرحانة بولدها) نوجدو لوليدي
زهير: بلا متعيي راسك اميمتي انا اصلا عيان بزااف وباغي غير نعس
الجدة: كول ونعس
زهير: (باينة مسخسخ مزيان.. بنظرات ترجي) حتى نفييق (باس رااسها وناض مشا نيشان للبيت للي موالف كينعس فييه لقااه نقي كيشعل واخا ديما كيجي على غفلة كيلقى بيتو مقااد دخل حيد حوايجو بالزز ودخل جبد عليها بنعسة….)
أمال: (فاقت بكري فرحاانة وكيف لا واليوم غتشووف للي مطير نعاس من عيينها هاد الأيام معرفت واش تسمييه الحب ديالها ولا مزال الحال على هاد لكلمة.. ناضت توضات صلاة عاد فيقات شيماء مشات كتقاد اتاي قلات البيض وحطات معاه زيتون زيت فرماج والكعك للي مكيخطاهمش حطاتو وشيماء مزالة مدوخة) غسلي وجهك دغيا واجي تفطري باش ميبردش
شيماء: شحال من مرة كنgولك متقلي لبيض حتى نكون فقت بففف (ناضت مخلية أمال كتفكر غير فشنو تلبس خاصها تجي زويينة جات شيماء ياله بدااو كياكلو دخلات هند لقات الطبلة واجدة)
هند: لهيوش!! مكتعقلو على حد فلماكلة (جلست كتاكل معااهم) أمال سربي باش نقادلك وجهك راه مشا الحاال
شيماء: وحتى انا
هند: واخا الالة غير سربيو (مع اخر دغمة ناضت أمال غسلات سنانها ووجها ومشات لعند هند مخلية شيماء كتجمع الدنيا جابت لأمال شنو تلبس..) اه هاد اللبسة كتجييك غزاالة (أمال غير كتفرنس قداتلها وجهها وكان داكشي خفييف ولكن باينة مصوبااه ودازت لشيماء للي رجعات كتخرج بلا فولار صيبات حتى شعرها عاد هند صيبات لراسها بالخف لبسو حوايجهم وشيماء حاضية هند للي كانت لابسة شوميز وباينة شوييييية لفرقة ديال صدرها شافت فراسها المؤهلات ممسموحينش يقلدوها طمرت أما أمال لبست جينز معاه بوط سامبل وشميز طويلة حد الركبة فلبوردو وشال من نفس اللون وكل وحدة دارت لعطر ديالها خرجو بحال ديما التقشاب والنشاط دوزو نهارهم فلقرايا تغداو غير بشي حاجة خفيفة من لكافيتيريا أمال غير مراقبة تيليفونها وخاايفة منين قالها صباح لخير معااود صونا)
شيماء: واقلة رجع فكلامو مبقاش باغيييك
أمال: (شداتها لبكية) لا ميديرهاش
شيماء: اويييلي واش غتبكي هه
أمال: (بصوت مخنوق مرضياش) لا مغنبكيش غير علاش كاع مصونا
شيماء: وصوني نتي
أمال: (شافت بحسرة فتيليفونها وكتشوف تصويرتو للي فونديكخو) معندييش
شيماء: هاكي تيليفوني وصووني بحال والو تكون وقعات ليها شي حاجة الله يستر هاكي هاكي
أمال: زعما؟؟ (بتردد) حشومة مكنبغيش نبيلو زعما راني ميتة باش نشوفو
شيماء: (بإلحاح) وغير صوني ازمرة راه عادي
أمال: (قلبها كيزدح) وااخا (طبات النمرة ديالو فتيليفون شيماء للي حضيااها)
شيماء: هه حفظااها؟؟
أمال: هم.. غي حيت انا دغيا كنحفظ
شيماء: دابا نشوفو فالامتحانات هه
أمال: (دارتو فودنيها وقلبها كيضرب مجاوبش عاودات المرة التانية حتى تفتح الخط قبل متهضر)
زهير: (بالزربة) أنوار مشغول دابا (قطع قبل حتى متجاوب ولاحو شوية داخل لابس بينوار فلكحل لاوي ميكة على رجلو باش ميقيسهاش لما ومرجع ديك لعيبة على عنقو) مفهمتش علاش باغي تخرج داابا ونتا باقيمعطووب
أنوار: ضروري ازهير ولكن منتعطلش باش غندوز موراك للقهوة للمعلومة
زهير: (خرج ممجاوبوش أما أنوار نشف راسو وشعرو وبقا كيلبس بصعوبة شاف فالساعة كانت 6 وربع هز تيليفونو مكاين حتى ابيل من عندها.. دوز نمرتها مجوباتش عاود وهي تجاوب) زييين
أمال: (كانت غضبانة ولكن غير قال هاد لكلمة فرنسات)
أنوار: ألوووو أماال
أمال: هم أنا كنسمعك
أنوار: شوية ونكون عندك المعطي
أمال: ههه أنا مشيت للدار تعطلتي
أنوار: ولا راه غير كنت مشغول والدار واقفين على راسي مصلاحليش حتى كيف نعلمك احبيبتي
أمال: (طرطقت عينها على هاد لكلمة)
أنوار: واش vري مشيتي؟؟
أمال: (دارت يدها على فمها كتستوعب لكلمة) امم انا مزالة حدا لفاك
أنوار: بقاي مع لبنات مغنتعطلش عليك واخا (مجوباتش قطع ناض دار اخر اللمسات مع بارفان كيدوخ هز عكازو وخرج كيعرج والتيليفون بين ودنو وراسو) حمزة واش جيت؟
حمزة: هانا ياله دخلت لداركم
أنوار: صافي بقا لتحت انا نازل بلا مدخل باش ميعصروش علينا (نزل لتحت فين كاينة العائلة غير شافتو مو وقفات كتعيطلو وهو كيزرب باش يخرج حتى وصل لبرا) ديماري ديماري
ام أنوار: (الكاملة) أنواااار أنواااار
أنوار: (حتى حل باب الطوبيل) غنقضي شي غراض وغنتلاقى زهير فلقهوة (ركب وزاد بيه صااحبو لعند لحشومية ديالو…)
الكاملة: (تبعت الطموبيل حتى غبرت) عمرك دير عقلك خزيييييت…. (دخلات للصالون فين مجموعين العائلة للي جاو كيطلو على أنوار يا حسرة خلاهم وزاااد..)
هند: شنو بانلك اشيماء نمشيو لشي قنت على متسالي أمال ونجيو عندها
شيماء: (عنقت أمال) ونخلي بنت عمي بوحدها نو نو نوووو
هند: (حركت راسها زعما عايقة بيك) الله يعطينا وجهك هوما باغيين يترومنسااو ونتي لاش حاشية *** بيناتهم
أمال: ههه حشوومة
هند: سري أنا للي باغاك تجلسي على خاطرك معاه
شيماء: ولا ماشي غنجلس معاها غير مجاتش نخليها بوحدها هي كتحشم يا أمال (حىطت راسها باه مفرنسة بحال شي بهلة)
هند: اممم (شافت فتيليفونها وظحكات على راسها هاد التيليفون عمرو سكت من ليزابيل ولميساجات والغزل أما دابا بلوكات أي قندووح تسالا وقتو وبقات غير حاضية وليد ها هو اونلاين ها هو خرج محسات حتى صيفطات ليه) coucou (طلعات ليها شرطة وحدة تبسمت وبقات مجمعة مع لبنات حتى وقفات طموبيل حداهم بانلها أنوار راكب تماك) ها هو جا
أمال: (حنات راسها وتفرنيسة هربالها وقلبها ف100 محسات حتى تحل لباب وسبقات رييحتو تكا على لباب كيشوف فيها) زييين
أمال: (مفرنسة بصوت رقيق مقربة شوية) سلام
أنوار: زيدي روااااحي (قربت شوية ولوخرين بقاو مبعدين ) توحشتك يا جدك
أمال: ههه
أنوار: (علا صتو وشاف فيهم) لبنات مزيان؟؟
شيماء: (ضارت عندو) الحمد الله ونتا كبقيت خلعتينا عليييك
أنوار: واشنا شيماء هادي هههه كتبدلو بلا فولار كتسيفوو
هند: ههه وي بالصح
شيماء: (فرحات) كبقيت؟؟
أنوار: الحمد الله اختي بعدا نتي كتسولي شي ناس هبطو الريدو منين شافوني
أمال: حم كبقيت؟؟
أنوار: كشتك راني فوg فيgيg.. وغير اجي قربي بعدا خايفة مني!!!
أمال: (زادت قربات عندو وكتزيد ريحتها تغلغل لو فنيفو وهو كيشوف فيها باعجااب)
أنوار: كل نهار تهبليني ابنت…
أمال: سبااااعي
أنوار: ههه ابنت سباعي.. زعما كفاش بلانك نتي
أمال: (مفهمتش) شنو
أنوار: (زاد قربلها) نمشيو لشي كافي (شافها كتردد وكترجع اللور) راه دايين حومة معانا ها صحباتك ها صاحبي معندك مناش تخافي وزيد معطووب
أمال: هههه
أنوار: اجي ركبي حدايا زعما فطموبيلة صاحبي
أمال: لا معليش
أنوار: الله يهديييك ركبي (جات بغات تمشي تركب عند هند للي ركبو وسبقها بعكازو مسبقو ليها بحال شي برااج وقفت شافت فيه وحل ليها باب طموبيلة صاحبو… شافت فيه)
أمال: نحشم
أنوار: ديريه بحال شيفور ديالنا وزايدون عادي غادي غير يوصلنا
هند: إيييهوووو حنا غنضربو دورة منين تكملو صونيو علينا
أنوار: واش باغا تهربيهالي غتصبرو معايا وغتمشيو للقهوة للي غتختارها لالة أمال
هند: هههه واخا حنا موراكم
شيماء: (كولشي داز حدا ودنيها وحتى من ريحتو تغلغلات فريتها مشات أمال حدا أنوار للي كيعرج فتح ليها لباب دخلات جلسات حشمانة من صاحبو)
أمال: حم سلام خويا
حمزة: سلام اختي
أنوار: (جلس ودخل عكازو قال لصاحبو اقرب قهوة حيت سولها وجوبات مكتعرفش.. ونيت داها فين تلقاو أول مرة… ضار عند أمال للي حانية راسها وحشمانة فقط تبسم مكملاش 5 دقايق وصلو هبط وهبطات من موراه تقادو فطريق ودخلو جلس وجلسات حداه وهي تم هند وشيماء داخلين ومشاو لاتيراس للي برا) تبغي نجلسو فلاتيراس
أمال: معليش غتكون عييت ولبرد علييك
أنوار: يخليلي للي كيخاف علية
أمال: حم كبقيت
أنوار: ماشي شي حاجة سيمانة وترجع رجلي ككانت وحتى من عنقي (كيحركو شوية) راه مزيان
أمال: الحمد الله
أنوار: علاش مكتصيفطيليش ميساجات ومكتجاوبينيش
أمال: معنديش التعبئة
أنوار: (فهم أنها كتقاتل مع الوقت حيت زعما راه طالبة وبعيدة على دارهم يعنيمغندهاش درااهم) واخا بلاتي ونصيفطلك روشارج
أمال: لا لا راه عندي لفلوس
أنوار: الالة غير خليهم راه غينفعوك
أمال: ولا راه عندي لكونط كاع وعامر بلفلوس
أنوار: هههه هي الا ضورتي معايا
أمال: (بنيتخا) بالصح؟؟
أنوار: احح عليك ازقيريمة عاد كتسولي
أمال: هههه ولا راه عندي والله
أنوار: واخا البورجوازية اوا شنو كتعاودي
أمال: والو
أنوار: هاد السيمانة دازت فشكل واخا مكنتش كنهضر معاك الا ولفتك ولفتك ديال بالصح أمال واخا غير نسمع اخبارك من عند هند
أمال: (تجرأت) انا مكنتش عارفك علاش غبرتي gلت صافي راه مل ومشا فحالو
أنوار: (عينيه مفيكسين فوجها) وأنا نقدر…
أنوار: (تبسمت وهبطت راسها)
أنوار: ولا متهبطيش الريدو خلي دوك لويزات يشوفو فية (شافت فيه بدون فهم) عينيك بحالشي جوج لويزات (تبسمت حتى بانو سنيناتها) كوولك زوييينة (ظحكت وهاد لمرة ولكن ظحكت حيت تفكرت نهار للي جات فيه لوجدة قبل متقاد ها لموسطاج ها لحبوب ها لوجه للي مزغب ومطبع عاد لحوايج للي لعبو دور وكان ماشي الصالونات وقوت لماسكات للي كل نهار كديرهم مكانتش ترجع هاكا)
أنوار: فين سهيتي؟؟
أمال: (هزت راسها) هم… فوالو
أنوار: بقات سيمانة ونحايد ها زبل من رجلي
أمال: الله يشافيك
أنوار: غير تكمل هاد السيمانة نخرجو من صباح حتى الليل (ياله جات تهضر وبانت فوجهها غترفض) الله اودي وشيماء وهند معانا وانا هبيل نخرجو بوحدنا اعووذ بالله
أمال: هههه (ظحكات حتى تغمضو عينها وحتى هو ظحك جا السرباي دوموندا ليهم بجوج بلا ميسولها حيت عارفعا غتبقى تفافا ومشا)
أنوار: ياك تغديتي؟
أمال: (ميتة بالجوع) واه
أنوار: مزيان.. اوا كغادا مع لقرايا
أمال: مزيان الامتحانات حتى لشهر واحد
أنوار: وحنا دابا فشهر 11 ردي لبال غمضي عينيك وحلييهم ها الامتحانات جااو وموديل واحد فيه عذاب ديال لباك يعني بحال غدوزي لباك 7 دلمراو
أمال: اصلا انا للي قريتو كنبقى راجعو هاكا gال لينا ولد عمي باش متجيناش لحفاظة صعيبة
أنوار: شكون هاد ولد عمك؟
أمال: ولد عمي وليد (بافتخار) كاين فبرا
أنوار: اهاه مزيان (حط ليه السرباي قهوة صيك وهي طلب ليها باناشي وكريب نوتيلا.. دار السكر فالقهوة وحرك بالمعلقة وهو كيهضر بلا ميشوف فيها) كتهضري مع هاد ولد عمك بزاف؟؟
أمال: (بكترة الجوع دغيا شربات من لبااي غير شاف فيها وقفت) حم لا هو كيهضر غير مع شيماء حيت خوها ومنين كيجي من برا كيجي عندها وكنهبط معاها شي مرات نgول السلام ونطلع اصلا كنحشم منو وحتى منين كنكون فتاوريرت مكنشوفووش كاااع
أنوار: اممم gلتيلي اصلا عائلتكم صعيبة ياك؟
أمال: واه بزااف راه غير باش نتلاقا معاك راني خايفة بزاف
أنوار: (جغم وحط لفنجان) هي كنعني ليك شي حاجة فحياتك باش ديري هاد المخاطرة كاملة على قبلي؟؟
أمال: (الجغمة للي شربات وحلهالها وداتلها الحرقة فالمعدة.. علاش كيسولها اسئلة هااكا توترات بزاف كضور فعينيها)
أنوار: (بنصف ابتسامة جالس مرتاح) أماال باغي نسمعك.. واش انا كنعني ليك شي حااجة واخا غير صغييرة؟؟
أمال: (حرك راسها باه وطمرت)
أنوار: انا كتعني لية بزااف واقلة من نهار شفتك كتقادي الزيف ديالك فطموبيلتي gلت هادي للي غتمحنك اولدي أنوار
أمال: ههه أنا ظرييفة
أنوار: هه واقلة ظريفة ولكن مع كولشي إلاا انا
أمال: لا واالله ظرييفة
أنوار: وهي تعودي تجاوبيني
أمال: واخ
أنوار: عندك واتس فايس انستغرام؟؟
أمال: (سامعة بهادشي) لا
أنوار: مزياااااانة ولكن غير قادي لواتس باش نبقاو نديرو ابيل فيديو ونشوف الزين ديالي قبل منعس
أمال: هه واخا
أنوار: عاارفك كتنعميلي داابا غير غتخرجي من هاد لباب مكتوليش تعقلي علية
أمال: هههه لا لا (كتشوف فالخير للي قدامها وهو مسكتش ولا خلاها غير تنقب وكرشها كتغرغر بالجوع مفرحت غير بمكالمة جاتو دور وجهو كيهضر وهي شربات شوية ديال العصير وهزات شوية من لكريب غير كمل حبست زعما راه مكليت واالو.. محس غير قرب لييها وبإبهامو مسح ليها شكلاط حدا شنايفها بعدت وجهها بالخف)
أنوار: صوري كنسى غير كان شكلاط حدا شنايفك (الشكلاط للي فإبهامو كلاه تحت انظارها)
أمال: (زادت توترات وعينيه فيها مد ليها مشوار مدات يدها ومسحات حدا وجهها محسات غير) عفاك انا راه كنحشم متبقاش دير هاك
أنوار: (حافظ على الابتسامة ديالو) واخا أموولة…
أمال: (غوبشت) متعاودش
أنوار وصافي وعد منعاودش
أمال: واخ
أنوار: (تسناها تسولو شكون صونا عليك ومعامن كنتي تهضر شي سؤاال علييبه ووالو..) جا داك عمي صغير للي كنت عاودت ليك عليه تقريبا شي عام مجا
أمال: مزيان
أنوار: انا وياه بحال صحااب
أمال: الله يخليه ليك
أنوار: (كيلعب بلسانو فوسط فمو.. كتجاوبو فقط) ويخليك ليلي
أمال: ههه (شافت فبرا كان شجر كيتحرك وباين الحال بارد) نمشي
أنوار: هههه باش كتعجبيني كتحطيني نيشان معندكش تمهييد حاولي علية شوية راه… ههه
أمال: وانا gلت غتبغي ترجع لعند عمك وتجلس معاه حيت شحال مشفتيه وهو باين عزيز عندك
أنوار: (تبسم) وحتى نتي عزيزة عندي ومكنسخاش بشووفتك.. مكنشبعش منك ابنت الناس والله تا حلوة على قلبي
أمال: (فرحت بزاف حتى توردو حنيكاتها)
أنوار: نفهم من سكاتك حتى انا عزيز عندك
أمال: (حركت راسها باه) امم (دارت يدها على وجهها زعما راني حشمت)
أنوار: (ظحك حتى تغمضو عينيه متوقعش منها هاد ردة الفعل وعمرو لقا شي بنت راه دوز السخط ولكن بهاد البراءة لا) هه ياله نوصلك
أمال: (وقفت حشمانة وفرحانة بهاد لكلام للي قالها) نعيط لبنات
أنوار: انا نصوني بلا متعذبي راسك (هضر مع هند وهي حاضية كل تفصيل فيه وملامحو لكووحل باينة مهلي فراسو غير قطع شاف فيها لقاها كتشوف فيه غمزها بالخف) غنتوحشك
أمال: (تبسمت ودورت وجهها ولقات لبنات جايين مع حمزة وباينة تعارفو وصلو لحداهم)
هند: لعشااق!!!
أنوار: المتفرجين
هند: ههه والله مكذبتي
أنوار: سيرو سبقو انا غنجيب أمال
أمال: معليش نمشي مع لبنات
أنوار: عارفك غتشوفي صحاباتك غتبيعيني
أمال: هه بسلامة
أنوار: جاوبنيي.. انا مزال هنا غيجي هاداك للي gلتلك
أمال: واخا
أنوار: (بغمزة وكيشوف فيها باعجاب) بسلامة
شيماء: بسلااااامة أنوار على سلامتك
أنوار: (بابتسامة) بسلامة شيماء (
هند: وا السيد باااينة مزعوط ديال بالصح فيك أمال
أمال: (بحماس ومفرنسة) gالي مكنشبعش منك وgالي نتي زويينة وعينيك بحال اللوز
شيماء: (كطنز) لواه بحال لبقوق gالي gالي قولي قاالي
أمال: لا حنا نgولو gاااا القاا دبال فاااسة ههه
هند: ههه بحال بحال.. تعشيتي ياك؟؟
أمال: لا يا ختي يظل حاضي فية مكليت واالو دوزيني ناخد شي طاكوس راني جعت بزاف
شيماء: هاي هاي على أمال وطاكوس من لحمارة لطياارة
أمال: (عيقت عليها) علاش مالي؟؟ ياك ولفنا ناكلوه وعادي نحفظ سميات لماكلة
شيماء: هه والو غير نظحك معاك هه حنا كلينا قبيلة داك حمزة يقتل بالظحك
هند: بزاااف لدرجة قطرت على سروالي ههه
أمال: (مستمتعة غير بتفكيرها بأنوار دازو خداو ليها عشاها اونبوغطي ومشاو لدار الطاالبة شيماء وأمال دخلو لشومبر ديالهم وهند مشات لشومبرتها هزت تيليفونها وشعلات 4g وهو يطلع ليها ميساج من عند
وليد: 《c’ki》تبسمت وحطاتو بدلات حوايجها وطرفت راسها حيدات مكياجها وظفرات شعرها ولوات عليها بينوارها عاد جلست مركنة شادة تيليفونها وكتباتلو) 《علاش نتا هاكا؟؟》(تسناتو يجاوب والو وشراطي بجوج مزال كوحل حطااتو وهزات لاب توب كترااجع ومرة مرة تقلب فتيليفونها كتلقاه مزال مشافو.. أما شيماء كانت دايرة ابيل فيديو مع مها وكتوريها شنو تشريلها من وجدة فتواب وشي حاجة خاصة دهاز لعرووسة خوها ادم.. أما أمال من بعد مصلات جاالسة كتاكل بشوية وكترجع السينتة وتفكر كل كلمة وكل شوفة وكل تبسيمة من عند أنوار تفرنس وتمضغ… اما فبلاصة اخرى وفالقهوة جالسين أنوار وزهير من بعد ممشا حمزة صااحبو)
أنوار: (بحماس) يعني مغترجعش!
زهير: لا غرجع غير هو مغنتعطلش بزااف أغلبية لوقت غنبقى هنا
أنوار: مزيااااااانة تماك الغربة معندك مدير فيها
زهير: فيييها ميدار gلاك وكان محرgتش لتمااك وكان راني مشومر هنا.. انا غير مغنبقاش نطول بزااف وصاافي كما فاتح هنا مع بااك راه فاتح تماك مع صاحبي محل صغير كنبيعو فيه هادشي دلمغرب
أنوار: وي عندك الصح.. حالف حتى نجي لديك لبلاد نشوفها
زهير: (نتر من لكارو) عييت مع بااك تمشي معايا ومبغااش
أنوار: حيت انا للي هاز شغل صحيح راه ميخلينيش ندير هاه ولا هااه خوتي ميعرفوش لهادشي ديال لحساب للي يعرفوه يخدمو وفالتالي ديال شهر يجي يديو رزقهم
زهير: اممم… خوتاتي مزال كيجيو يطلبو حقهم
أنوار: هههه كل تالي شهر واخا مخاصهم خير يطمعو فدوك جوج دورو
زهير: وااجي نتا زرع ليهم فداك الراس هداك ماشي حق لواليد هاديك خدمتي وخدمة بااك لواليد خلا الدار وديك الارض
أنوار: عيا با معاهم كيخسرو عليه بيع حقنا فالدار وعطيوهنا كما حتى نتوما مستافدين فيها
زهير: هادشي غير باش يفقسو ما ومنين نجي انا يبداو فتبحليس الله يعميها لشي وحدة فييهم توقع لما شي حاجة خنخرج فييهم
أنوار: الله يهديهم وصاافي مكنبغيش ندخل انا كاع لداك سوق لعيالات
زهير: (حط لكارو طافيه) منين توقع شي حاجة لما غنولي اكبر مرييوة معااهم (مخزز منهم) باش يجيو يطلو عليها مرة مرة ويفوجو عليها يجيو يطلبو حقهم فالدار للي ساكنة مهم فيها تفووو على كنووس والله اخااي أنوار وكان كانو محتاجين مكنتش نخليهم مخصوصين ولكن رااه ميسوورين وحتى رجاالهم الله يعمرها دااار شنو ناقصهم مفهمتش!! حقهم فدار باهم حتى واحد مغياخدو ليهم
أنوار: هادوك عماماتي ناقصهم لعقل
زهير: (قلب راسو مكره من هاد الموضووع حتى رجع شاف فيه) اجي سمعت gبيل مرت خويا كتgول ضبراتلك فشي عروسة وقربات شي عرااسية..
أنوار: والله حتى ديك مي مغتهنى حتى تزوجني بشي بنت ختها وانا لبلان ديال زواج العائلة مداخلش لدماغي ومن أصلو مباغيش نتزوج ومكنفكرش فيه
زهير: هضر وgولهالها نيشان انا للي فهمت باك gالي راه خطبات بنت خالتك gبيل هه
أنوار: كفاش؟؟؟
زهير: كسمعت
أنوار: (هز تيليفونو وصونا على مو فلبلاصة غير جاوبات) واش خطبتي شي بنت خالتي لية؟؟
الكاملة: (بفرحة) ماشي خطبت غير رشمت بنت خالتك هضرت مع خالتك باش تخلينا لبنية
أنوار: وتجوجيها نتي انا والله منحط يدي فهاد لخرو للي باغا ديري (قطع) زوينة هادي
زهير: (ببرود) حتارم مك البغل وهضر معاها بالهداوة
أنوار: خلات فيها شي هداوة منين نفيق وانا فهاد الموضوع وهي همها الوحيد ماشي نتزوج ونستاقر لا همها الوحيد تكون هي للي ختارت لي لعروسة
زهير: بيناتكم
أنوار: والله شي مرات نفكر نخوي داك لقنت ونمشي نكري دار بوحدي نعيش تازوفريت ولا هاد حرب لعيالات للي كاين فديك الدار….
وليد: (من بعد نهار طويل هز تيليفونو لقا ميساج من نمرة ديال المغرب فتح لقا علاش نتا هاكا؟ استغرب شاف فالتصويرة كانت تصويرة ديال بنت صغيرة لابسة الحجاب وكدعي رجع كتب) 《مفهمتش شكون نتي؟》
هند: (كانت شدااه ووصلها لميساج تبسمت ودغيا جاوبت) 《باش عرفتيني بنت؟》
وليد: 《منين جبتي نمرتي؟》
هند: 《اسهل حاجة هي النمرة》
وليد: 《وشنو باغا؟》
هند: 《نتا》
وليد: 《كتعرفيني؟》
هند: 《باغا نزيد نعرفك》
وليد: 《مكيعجبنيش لبنت تلوح راسها كيدل غير نتي وحدة فالجوج يا برهوشة يا مدلولة》
هند: (غير جاها لميساج حلات فمها ووساعو عينيها وقلبها كيزيد يضرب.
بغل كتعاود تقرا ديك الجملة حطات تيليفون معصبة فعلا عمرها تحطات فهاد الموقف موالف هي للي كتنخل البشار تسب وتعاير وبيييس ودابا كيتقال ليها هاد لكلام زعفات مزيااان حيدات لكونيكسيون وبقات مطرطقة عينها وهي مفقوسة ناضت وخلات تيليفونها تماك ومشات حدا لبنات تنسى لفقسة شوية لقاتهم كيوجدو بلايصهم باش ينعسو) صافي غتنعسو؟؟؟
شيماء: تسخسخت هاد نهار وغدا عاود 8 بففف بنااقص يخخخ
هند: (تبسمت بلا خاطر) ثمن الحرية غاالي ههه بغيتي حريتك قرااي
شيماء: بناقص يا ربي يجيني غير شي راااجل يكون ساكن هنا
هند: والا لقيتيه كفس من باك وخوتك؟
شيماء: لا لا من اللول غنعرف نختار
أمال: كفاش غتختاري؟؟
شيماء: شنو يحساب ليك انا راه كنفتن بالزين غير مزال مبغيت ندير راسي فلمصاحبة ونربط رااسي قلت حتى نتمتع بالحرية
أمال: ااا مزيان
شيماء: هند حقا ماما عرضاك للعرس
هند: (باستغراب) انا؟؟
شيماء: واه غير هو غتحجبي هههه
هند: لا بلاش غير عفيوني واخا تغلفوني غتزلقلي شي كلمة ونصدق مكفساها عليكم ومجوجيني لشي معقد معاكم
أمال: ههه موحاال واصلا رجال كيجيو غير جوج مرات وقيتة دلغدا ووقيتة دلعشا وحسن متبانيش ليهم يصدق شي واحد باغي يتزوجك فيهم دبصح ههه
هند: هههه معرفتش
شيماء: وعفااك غير ياله معانا راه وليد للي غيجي يدينا وغرجعو فترونسبور
هند: مستحيل نركب مع هداك خووك
شيماء: واعااافاااك أمال هضري حتى نتي
أمال: هند انا عارفة وليد عيق فالهضرة معاك ولكن والله قلبو زويين وغيندم حيت gالك هكاك وانا بغيتك تمشي تحضري معانا للعرس راكي وليتي وحدة منا
شيماء: واه والله حتى وليتي ختي
هند: معرفتش والله مهم من بعد نفكر ونجاوبكم
شيماء: بقات العرس شي شهر وخاصنا نهبطو قبل
هند: معرفت نفكر.. مهم نعسو نتوما انا غنمشي نعس تصبحو على خير
أمال: تصبحي على خير اختي
شيماء: بونوي.. (مشات هند ودارت عند أمال) ماما وصاتني على شي حوايج نتقداوهم ليهم
أمال: شنو هوما؟؟
شيماء: غتكتبهملي فميساج غدا
أمال: مزيان لعقبة ليك حتى نتي
شيماء: (بتنهيدة) امييييين
أمال: ههه من صغرك ونتي هابلة تزوجي
شيماء: وشي عريس مقاد مباان
أمال: دابا يجي (جاها ميساج فتحاتو) 《حبيبة عاد دخلت للدار نتعشا ونصوني عليك》
شيماء: (شافتها كتفرنس ناضت طيرات ليها التيليفون وقراتو بجهد) هاي هاي على حبييبة صاافي!!!
أمال: وا شيماااااء
شيماء: (ردات ليها التيليفون) غير قولي كيعجبك ولا بقيتي تبغيه كاع؟
أمال: معرفت
شيماء: وا قوولي انا صاحبتك زعما
أمال: كيعجبني وظريييبف
شيماء: وشكون ميعجبوش داك الزين السيد باينة مهلي فراسو مزياان وباينة لبنات كيدورو بيه وأي وحدة يجيبها
أمال: (بخوف) لا لا باينة مرزن
شيماء: ومgلتش حاجة خايبة نتي باينة عجبااه وبزااااف غير حتى نتي خاصك ديما تكوني مهلية فراسك
أمال: واش عقلتي على اول نهار جينا هنا وكرجعنا دابا هههه
شيماء: انا متبدلتش بزاف ههه
أمال: شيماء تصاورك راه مزالين
شيماء: مسحت كوولشي معندك دليل ههه وزايدون نتي للي تبدلتي بزااف ها الترمة للي جبدتيها حتى خرجات بلهلا يطريها ومنين بديتي ترقعي شوية حتى صدر بان عندك شوية ولوجه صفا من داك لحبوب وشعر وتقابي للي كانو فيه وقاديتي الترطيبة لشعرك
أمال: وحتى نتي بدلتي فراسك مالي غير انا حتى نتي كتشربي ديك لفانيد باش تصحاحي
شيماء: وزمر ماشي كنتعايرو غير كنفكرك
امال: ومالي gلتلك نسيت انا كنت هاكاك حيت مكنتش مهلية فراسي ونتي شفتي ماما مكانتش تخليني نقيس فوجهي اما من صغري كنت نحمااق نتهلى فراسي
شيماء: اوا والترمة
أمال: (رجعاتهالها) وعندك الدليل مكانتش عندي؟؟
شيماء: هاي هاي على امال تمجهدتي
أمال: معرفت ككنجيك ونتي كل مرة تgولي تمجهدتي راه انا وياك كنا بحال بحال واي حاجة عرفناها عرفناها بجوج (سكتات شيماء وبقات غير تفرنس كتقلب باش تجاوبها وملقاتش) واش درت ليك شي حاجة اشيماء مفهمتش علاش كل مرة كتنقصي مني؟؟؟
شيماء: (شهقت) اناااااااااااا حشوومة عليك امال تgولي هاكا تأ حشووومة عليك اختي والله
أمال: معرفت
شيماء: شنو معرفتيش انا بلعمى مكنقلل منك بلعكس نتي راك كتر من ختي وكيعجبني ديما نشوفك لفوق لفووق
أمال: (غير كتشوف فيها) ياك نهار اللول جينا تافقنا نتهلاو فراسنا ونديرو اي حاجة كنا نتمناوها وهاد الترمة راه كنت نظل نتعاير بيها وكنت باغا تكون عندي باش يجيو معايا حوايج ياك مدرت ايباري مدرت والو راه جبداتهالي لمرا غير بلgدرا وتحرgت كااع شي حاجة كنت نتمناها حيت ديما كنت نحس بالنقص بلا بيها
شيماء: (مشات حداها كتبحلس) وراني عاارفة الهبيلة انا والله مقصدت شي حاجة
أمال: نتي وكان كنتي فبلاصتي كنتي ديريها وتكتري انا مكنتش كرضى نتعرا غير بهادشي ماما عقداتني بيها ودرتها شتي وكان ماشي ماما للي ديما تعايرني بيها كاع منتابه ليها ولا نسوق شحال من وحدة غتكون معندهاش وممسوقينش ليها حيت بلا الجسم دلمرا كاين حواايج أهم كاين شنو عندك فدماااغ وكداير داك القلب
شيماء: وصاافي اصاحبتي.. (بغات تبدل الموضوع) هاحنا ماشيين لدوارنا داك نهار مك كانت غتسخف غير منين ملقاتش لموسطاج اما الا لقاتك هاكا غتصيفطيها نيشان كومة هههه
أمال: (جابتلها الظحك) هه اصلا مولفة نلبس الواسع ومعنديش كبيرة لديك الدرجة للي تبان
شيماء: لا عندك عادية هند للي عندها الا مشات غتخلي با وباك يتخاطفو عليها ماشي غير خوتنا هههه
أمال: ههه مسكينة تمشي تفوج هادشي الا مكانش غير لقمع بففف مكرضاش gدامها منين كيعاملوني خايب ولا ماما تعايرني وتبقى تنكر
هند: حتى نتي منين يهضرو نتي فكري غير غنوليو نجيو ونعيشو حيااتنا (سمعت الصونيط هزاتو ومداتولها) كيصوني عليك انوار
أمال: (شداتو وفرنسات.. دارتو فودنها) سلام
أنوار: اللوز ديالي
أمال: ههه لباس؟؟ (شيماء كتقولها ديري مكبر الصوت.. ودارتو)
أنوار: راني طووب رتاحيتي شوية؟؟
أمال: ياله كنت غنعس
أنوار: ومكنتيش غتسنايني؟؟ (مجاوباتش) وغير gري مكنتيش غتسنايني؟؟
أمال: هه لا كنت نتسنااك
أنوار: حبيييبة نتي
شيماء: (تبسمت)
أمال: حم انا نمشي نعس غدا غنفيق 8 واليوم عييت بزااف
أنوار: واخا حبيبة غدا ونصوني عليك تصبحي على خير
أمال: تصبح على خير (قطعت وشافت فشيماء وعينيها كيبريو بالفرحة)
شيماء: (بتنهيدة) سعداااتك اختي مكرهتش حتى انا للي يقولي حبييييبة (جبداتها) هه
أمال: هه ماسخة
شيماء: مكيناش الماسخة قدك نعسي نعسي غدا عاود لفياق بكري بففف وكان ماشي هاد لبروف كما قالونا كيحضي شكون كيدخل عندو نهار الامتحان وشكون لا والله منمشي نصبح غير شابعة نعاس بعدا
أمال: حتى انا والله معليش نصبرو نخرجو ل10 ونجيو نجبدو عليها بنعسة
شيماء: ويلا جا أنوار لعندك عاود
أمال: زعما؟
شيماء: بحال والو خاصك ديما تكوني مقاادة ومأنتكة ولا غيهرب منك وحتى داك لفولار حايديه وريه شعوور
أمال: (بخوف)لااااا حماقيتي… شيماااا واش انا خايبة بلا مكياج؟؟
شيماء: شوفي نتي ختي وحبيبتي وغنبغييلك غير الخير عمرك تخرجي معاه بلا مكياج
أمال: ففف خاصني نتعلمو
شيماء: هند تعلمنا انا gلت ليك هاكا غي حيت كنخاف عليك راك شفتيه هو كدااير
أمال: هو زوين علية؟
شيماء: (تبسمت) وميبقاش فيك الحال؟؟
أمال: ههه صافي فهمت هو زوين ياكي
شيماء: ههه ونتي راكي عاارفة ولكن مزال نتهلاو فراسنا نعسي نعسي غدا ونكملو هضرتنا (نعست مخلية أمال طاير ليها نعااس وفكرة هو حسن منها بدات تدخل ليها لراسها..)
وليد: (فاق صباح.. شاف فالتيليفون دخل لديك النمرة للي صيفطاتلو وطلاها ندم على ديك لقسوحية كتب واكترية منين معودااتش صونات ليه) 《ماشي مدلولة كنعتذر على هاد لكلمة غير بغيت نعرف منين جبدتي نمرتي؟ وشنو باغا؟》(حط التيليفون ومشا لطواليط قضى غراضو توضى خرج صلى وعاد قاد فطورو على حقو وطريقو شبع كرشو عاد خرج لخدمتو…)
~~~~~~~~~~~~~
أنوار: (فاق على صوت لغوات على صبااح) تفوو **** فهاد الدار الله ****** (رجع تكا ودار وسادة على رااسو فقنت اخر)
نزهة: هئ هئ صاافي غنمشي فحالي
الكاملة: جلااااا ياكما حسابلك غنبقى شادة فجلايلك ونطلبك تبقااي ولدي نحييبلو لاااالة لبنات وباقا عزبة ماشي وحدة قدااامت وحتى فطورو متgادولووش مزيااان تبارك الله انا ولدي يمشي بلا فطوور ونتي تبقاي مجبدة بحال سلوووكي وريييحة بوولك واصلة عندي حتى لتحت
نزهة: (دوزات نمرت راجلها ولوخرا كتكر فوق راسها) عبد الوااافي (كتشهق بلبكى) اجي دااابا ديني للمحطة نمشي فحاالي
الكاملة: (ضربت الطم حيت أول مرة تشكي لراجلها مواالفة دوز عليهم الدكاكة ومعمر مخاصمتها وصلات لرجال)
نزهة: هئ هئ لا منبقاش هنا هادي راها مك نتا ماشي انا وكان كتعتابرني بحال بنتها مدوزهاش علينا ويا حسرة برااانية
الكاملة: انااااااا؟ الله ابنتي فين عمري طرفت لجيييهتكم (بغات تنتر ليها التيليفون وبعداتو) عطيني نهضر مع ولدي واش طيحو علية لباطل وانا نسكت ولا صاافي بغيتي حتى ولدي منهضرش معااه
نزهة: (كتمسح دموعها) عبد الواافي اجي داابا (قطعت.. شافت فيها) بعدي مني
الكاملة: (خرجت عينها) رجعتي تشكيني لولدي هااا وسمعي اش يجييك ملييح عبد الوافي ولدي ونتي راك غيير مرتو الأم مكتبدلش ولكن تجي مرا وتمشي مرا (دارتلها علامة فلحيط) هادي مغتبقااش فيك يا لبوجنيبية
نزهة: (رجعت غير كتبكي عمرها تقهرات بحال هاد لمرة عام ديال زواج ولفات فيها نgير لعكوزة ولكن هاد لمرة مقدرتش كانت باغا غير تنعس وتفيق على خااطرها خرجت لعكوزة ودخلت جهان كتواسيها)
جهان: عرفتي ديك لغوتة طيرتيها مني مموالفالكش اصاحبتي
نزهة: (كتشهق) بغيت غير نعس غير نعس مالي انا على هادشي كااع كنت مهنية فدار بااا نعس وقتماش بغيت ونفيق حتى يقولها الطنطوون درااسي
جهان: ها وييلي تي ماالكي بلبكى كااع ياك موالفين هدا وقتنا فين نفيقو
نزهة: مبغييتش عقلي قالي منفييقش داابا
جهان: سمعي واخا لكاملة قااسحة ولكن راه حنيينة خاصك غير متكعرريش معااها
نزهة: تمشي ت*** جهان عفاك خليني نعس اختي
جهان: واخا (خرجات كتشقلب فعينها وهمها لكبير واش شقا غيبقى غير ليها هي!!!..)
~~~~~~~~~~~~~
هند: (فاقت قارنة حواجبها وكلمة مدلولة كتعاود فرااسها واخا غير قراتها الا كتحس بصوتو كيعاودها فراسها) بففف (هزت تيليفونها شافت فالساعة عاد ناضت قضات روتينها لبسات حوايج كاجوال وشعرها جمعاتو كوب شوفال دارت كلوص وماسكارا معندها خاااطر وفنفس الوقت مكتبغيش تبين.. مشات لشومبر لبنات لقاتهم واجدين) رجعتو تقادو حسن مني
شيماء: علاش مقاديتيش راسك
هند: مرشقاش لية
أمال: ياك لباس اختي هند
هند: وااالو كاين شي فطوور؟؟
شيماء: موجوود انا نمشي نجيبو
هند: لعز.. (جلسات طلقات كونكسيون حيت متقدرش تجلس بلاش وهو يطلعلها ميساج وصلها 4 سوايع ومن نمرتو للي مسمياها *حقير* قرات لميساج وبدات تغوبيشة كتغبر شوية بشوية) اممم السيد كيعتاذر (طفات لكونكسيون ورداتو لجيبها) ولكن انا للي بنت **** محشيهاااالك
أمال: نعام!!!!!
هند: والو والو.. كبقى أنوار
أمال: (على سبة تبسمات) لباس
هند: مكيبسلش عليك؟؟
أمال: لا ظريف
هند: خلييك فارضة أخلاقك علييه حتى حاجة مديريها فوق طااقتك للي ترتاحيلو ديريه
أمال: واه (دخلت شيماء هازة صينية كييرة فيها خبز مسخن زيت فرماج وقهوة كلاو وناضو خرجو لبنات دخلو يقراو وهند مشات لكلينيك دايرة فيها سطاج جالسة وعقلها ممعهاش وتفكيرها علاش هو علاش تابعاه وهو مباغييكش ياما كنتي مع حسن منو وخدمتهم وااو وزين وفلووس وتهلية وطحتي غير فواحد منين كيشوفك كيكحل بلعمى.. جات نوبتها ودخلات كتخدم لشي مريض… وصلات 10 خرجو لبنات وعينيهم مقلوبين بنعاس مع خرجو وهو كيتوعدو غير امتى يوصلو لشمبرتهم يجبدو عليها بنعيسة لقاو هيونداي30 غير شافوها عرفوها ديال حمزة أمال طرطقت عينها رجعت دغيا نور باب دلفاك وتخبعت من مورااه جبدت من صاكها عكر قلبت وجهها لحيط دوزاتو بلخف ومصات شنايفها دارت العطر ديالها وخرجات لقات شيماء وقفات حداهم تمشات ببطئ حانية راسها محست حتى هو اختاصر المسافة كيعرج ووقف على راسها)
أنوار: أمووولة (بغا يمد حنكو عاد تفكر جاب الله حانية راسها اكتفى غير ب) صباح النوور
أمال: صباح لخيير
أنوار: هه لباس ازيين؟؟
أمال: الحمد الله ونتا كبقيت؟؟
أنوار: طووب احبييبة فطرتي؟
أمال: (هزت عينها فيه كتبركك فيه) واه فطرت صباح بكري
أنوار: (حنا على عكاازو حيت هي قصيورة) انا مزال مفطرت
أمال: (تبسمت حاشية صبعها كتدخل شي زغيبات خارجين من فولارها) علاه؟
أنوار: (كتعجبو بهاد الدلال) انا فطططططرت داابا
أمال: هههه (ظحكت حتى دارت يدها على فمها مخبعة سنيناتها)
أنوار: الله وأكبر شنوو منمشيوش نفطرو بجووج؟؟
أمال: (ياله جات تقبل وتفكرت كلام هند) عياانة والله كنتسنى غير امتى نعس
أنوار: (مكانش متوقع رفضها بقا محافض على الابتسامة) مريضة؟؟
أماال: (حشمانة منو ولكن خداتها تحدي باش تعرف راسها معامن واش بالصح غيصبر علييها) لا غير هادي 3 ايام وانا كنفيق 7 ومكنعسش بكري (بعياء) وكنبقى لخص شي مواضيع كنعيااااا
أنوار: انا نعاونك نتي تبقاي تعطيني المواضيع.. كولشي يجيك واجد وانا نبقى نفهمك كولشي نتي غير هضري
أمال: (تبسمت) منبغيش نعييك
أنوار: (كيدوب فابتسامتها) عذاابك رااحة احبيبة غير عييني نشوف…
شيماء: (راجعين فتاكسي وكانت زعفانة وحواجبها مgرونييين) مفهمتش علاش مبغيتيش نمشيو نفطرو معاهم والله مفهمت ظاك لعقل شنو عندك فيييه
أمال: (ببرود) علاش كنتي باغا تمشي معاهم؟؟
شيماء: (زاعفة) ماشي علية كنهضر علييك نتي.. دابا يتقلق منك ويقلب عليك راه كترتي هاد لا لا لا معاه
أمال: (ببرود) لا لا ميتقلقش
شيماء: ومخليتيهش حتى يوصلنا؟؟؟ زدتي فييه
أمال: راه حشمت اصاحبتي نركب معاهم عاود
شيماء: عادي شنو غيوقع راه صاحبك
أمال: (حشمت من مول التاكسي للي كان راجل كبير) احااااي شيماء حشمي (دارتلها اشارة بعينها للراجل)
شيماء: (شقلبت عينها وتكات) اوا صاااافي… (وصلو للدار نزلت مكرهة) ضيعتي علينا فطوور فهاد صبااح معشوقة تجي لهنا لهاد لحبس دلخرا ولكن راك ولفتييه
أمال: (فرحانة من جهة أنوار بزاف) انا نgادلك لفطور الالة
شيماء: زمرة.. لحيوط طلعلونا فالراس أمااال خلينا نكتاشفو الدنيا
أمال: (شدت فذراعها) gالي غدا نمشيو لبلاصة زوينة
شيماء: فين؟؟
أمال: معرفت gالي بلاصة مغتكونيش شيفاها وgلتلو منمشيش بلا شيماء وهند
شيماء: هو للي gالك نجي انا
أمال: هو عارفني منمشيش بلا بيكم ههه
شيماء: اييه هو للي gالك يمشيو!!! انا راه الا معرضنيش منمشيش
أمال: (بنيتها) ولااا هو ديما كيوصيني عليك وكيgولي تخرج معانا والله (كتقنعها بنيتها باش تبغي تخرج معاها حيت ميمكنش تخرج بوحدها معاه وفنفس الوقت باغا تشووفو وتجلس معاه)
شيماء: صافي صافي وزيدي نطلعو راه دخت بنعاس
أمال: وتمشي معانا؟؟
شيماء: ههه وصااافي نمشي غير زيدي نعسو ياك نعاس للي مخلينا نرجعو لهاد زمر وزيدي تسهطي..
أمال: ههه (طلعو بدلو عليهم كلاو شي حاجة خفيفة وجبدو عليها بنعسة..)
~~~~~~~~~
حمزة: با با با على لالة أمال خلاتك بلاكة وزااادت هههه مظنيتهاااش توقعلك اخااي أنوار شي نهار
أنوار: هههه شتي واخا حرgااتني ومشات (حط يدو على صدرو) خلاتني عااجبني الحااال
حمزة: اهااه gولي جيتي تصيد لحجل ساعة سبقات وصيدااتك
أنوار: (غوبش) ااااسيمحمد اشمن حجل ولا نعاام
حمزة: ههه تكلالما مgلت والو
أنوار: اوا بلع.. حطني هنا
حمزة: علاش
أنوار: (مجاوبوش وقف دخل أجونص إنوي قاد أبونمو بنمرة ديال أمال وللي لكونترا مزالة عندو خرج وصلو حمزة للمحال وهو مشا) فين زهير
أب أنوار: مشا اولدي يقضي شي غراض علاش نتا خرجتي من الدار
أنوار: وصداع تماااك
أب أنوار: الله يهدي ما خلق ويهدي مك تبعد من عيالات خوتك
أنوار: اودي كاع متعرف شنو كيدور فداك السوق (حرك رجلو) بففف قنطني هاد لخلا
أب أنوار: شي يوماين وتحايدو
أنوار: (تفوه) غنgول لزهير نمشي نعيش فداارو بعدا غير نصبح شابع نعاس
أب أنوار: (بصرامة) خروج من ديك الدار مكاينش
أنوار: وبا راه مكيخليونيش نعس وعاد كيبداو يجمعو ويهضرو ديما مصدعيني دوك عيالات خوتي
أب أنوار: وعود تفيق بكري وهادوك راهم بنادم منا وفييينا بغيتيهم يتزيزنو باش نتا تنعس على خاطرك
أنوار: بففف رجعنا لهاد الديسك (جبد تيليفونو صونا على زهير مجاوبوش وجلس فكرسي كيتسناه حتى دخل) فين ابن عمي
زهير: راه انا عمك البغل خويا لكبيير هضر مع ولدك يحتارمني شوية
اب أنوار: هه راه نتوما بجوج ولادي.. مهم انا نمشي عند سي علي (خرج وخلاهم)
زهير: (جلس مفرق رجليه) مزال مغتحيد هاد لعكاز
أنوار: كنحس بيها مزيانة غير تفوت يوماين ونمشي رجع لطبيب
زهير: مزيان.. غدا تمشي معايا لناظور؟؟
أنوار: اش غدير تما؟؟
زهير: شي سلعة دمونديت عليها
أنوار: زهير برجولة اجلها غدا داير شي بلان اخر وميمكنش نgردعو (نرفضو)..
زهير: واخ
أنوار: صافي بعد غدا نمشيو
زهير: واش نتا شوية؟؟ نgولك جاياني شي كموند ونتا تgولي أجلها باش تمشي تمعشقلي
أنوار: (ملقى ميقولو وسكت حتى شافو وقف خارج) فين؟؟
زهير: هنا (خرج من تماك قطع الشاريع ومشا لواحد لكراج كبير مكتوب فيه للبيع صونا على مولاه) انا للي هضرت معاك هادي يوماين بغيت نشوف لمحال الا كان ممكن.. واخا انا كنتسناك (قطع وبقا كيتسنى مدة ربع ساعة حتى وقف عليه راجل كبير فلعمر من بعد دردشة قصيرة دخل ساروت فواحد لعيبة وبدا كيطلع الريدو بوحدو بان باب ديال الزاج حلو بساروت اخر ودخلو كان عامر جورنالات وبقايا ديال نجارة باش الزليج ميتوسخش هز عينو لسقف كان مقاد بلكبص وحتى لحيوط نقيين)
….: كما كتشوف اولدي لمحال نقي وعمر شي مشروع تقاد فيه مكنتش باغي نبيعو ولكن وجدة مبقالي فيها جلاس
زهير: (كيلعب بلسانو فوسط فمو) فيه لكاف؟؟
….: اه كاين وقد هنا فالمساحة
زهير: مصلوح؟؟
….: امم ماشي بحال هنا (شير بصبعو) كاين دوزيام إيطاج ولكن غير صغير لفوق
زهير: (كيبلاني غير فراسو داير يديه من مور ظهرو كيشوف فكل مساحة) شحال من متر هنا؟
…: 300 متر
زهير: اممم.. نقدر نهبط
….: واه (مشا معاه قبل ميهبط بانولو جوج بيبان والرجل بحال فهمو باب فيه طواليط رومية صغيرة ولباب التاني فيه بيت صغير تكون فيه 5 متر على طول المحاال عاد كاينين دروج هبطو كان دروج عاديين وللي عجبو لكااف غير محرش شافو قنت بقنت ورجع طلع للفوق كيشوف ومشا وقف حدا الراجل) كجاك المحل اولدي
زهير: مزياان غير باقي خاصني فيه الخدمة الا كتاب وشريتو
….: شنو المشروع اولدي للي بغيتي دير فيه؟
زهير: داكشي ديال الأثاث
….: مزيان مشروع هائل الله يسخر اولدي
زهير: أمين الحاج غير هو تصايب معانا فالثمن
….: انا ولدي مبغيتش نبيعو ولكن الظروف كتخلييك ترجع لبلادك وتسمح فكاع للي بنتيه فبلاد الناس
زهير: حتى هادي بلادك (معندو غراض فالتفاصيل ويدخل فمواضيع مغتنفعو بوالو) احم شنو gلنا الحاج
…: شحال جهدك نتا اولدي؟؟
زهير: اش غنgوولك الحاج لمحال مزال خاصني نقادو واكترية لكااف للي خاصو يكون حتى هو بحال هاد ليطاج جهدي (قوس عينو) 200
…: لا ولدي هو انا طاالب 300 (تبسم) ميمكنش 100 كاملة وهادشي راني قلتو
زهير: (هو داير على 300 ولكن بغا يجرب حظو) كاينة ولكن صااوب معايا
….: واش نقولك اولدي 295 اخر ثمن راه حيدت ليك 5 حيت حتى انا ولدي قدك وكنشجع رجال بحالك للي كيكاافحو
زهير: (معندوش مع زواق لكلام) شكرا ولكن غير زيد gاد معايا انا لمحاال هندستو فراسي ومزال تابعني شلا صوالح فيه
….: (بقى ساكت شحال) انا ولدي غندير لمزيان معاك 292 وبلا متزيد تحرجني اولدي
زهير: (عرفو جلدة كينقصلو واحد بواحد.. مد يدو) الله يسر فلوسك سيمانة ويكونو عندك
…: (مد ليه يديه) الله دخلو عليك اولدي بالصحة ورزق
زهير: امين
….: انا بايع ليك وعاطيك كلمة ديال رجال غير توجد نتلقاو عند لعدول بلا متحتاج تعطيني شي عربوون لعربون راه باين فوجك اولدي
زهير: (اصلا مناويش يعطي العربون) شكرا (خرج من تمااك وفراسو ألف مطرقة مشا نيشان لمحل خووه قالولو مشا للديبو لكبير شدها رجل حتى لعندو للمحال على ميشري شي طموبيل حيت موالف غير كيكري ولا كيهز طموبيلة ديال أنوار للي مخلصلو النص فيها لقاه تماك عاودلو على لبيعة والشرية)
أب أنوار: تبقى تشاور اخويا
زهير: لgيتها همزة مبغيتش نفلتها وحتى المحل عجبني بزاف كما كنت باغي غير هو مزال نصلح فيه وحتى الثمن هو هدااك وعاد جاي فوسط لمدينة..
أنوار: وعلاش مديتنيش معاك اصاحبي؟؟
زهير: يا صاافي قضينا غراضنا وجينا مالكم كتبقاو تمضغو فلهضرة
أنوار: وغير gلت نمشي نشوف معاك.. واش غدا غتمشي تجيب داكشي؟؟
زهير: امم (شاف فعبد الله) هضر مع داك صاحبك يكريلي شي حديدة على منشوف شي وحدة نشريها فمرة
أنوار: وgولو حتى ديالي واش مزالة كتصااوب؟؟
عبد الله: هو عرفناه غيصوكها برجليه ونتا باش؟؟
أنوار: (جا يجاوبو وشاف باه كيشوف فيه وسكت)
زهير: مهم انا غرجع
أنوار: تسنى حتى نمشي معاك
زهير: انا عندي رجلي باش نمشي ونتا باش
عبد الله: هههه جا للي يحدهم ليك وجااوبو
أنوار: ها ها ها ياله نمشيو نتقهواو ديك الدار فيها غير صداع (عطاه باه احسن تخنزيرة) حم ياله
زهير: (خرج وتبعو أنوار كيعرج شوية.. هز تيليفونو دوز مكالمة وقطع شاف فأنوار للي واقف بعيد وشاد تيليفونو) وطلقنا اصاحبي
أنوار: (كتب ميساج لأمال ورجعو لجيبو) مالك ديما كاعي
زهير: مكاعيش بيخير
أنوار: ومااالك
زهير: (كتعصبو هاد لكلمة شاف فيه ولاخر طرطق كيظحك) تبرهيش
أنوار: هه وظحك شوية وطلقها على مولانا الا خاصك شي فلوس مرحبا (لاخر غير كيكمكم) ههه عائلة مكتقبلش تلظحك
زهير: أنوار غتهنينا ولا غنخليك بوحدك هنا كتعرج
أنوار: يااك اخااي زهير كتعايرني الدنيا راه دواارة هه
زهير: بففف
أنوار: دابا بلا ظحك واش غتشري داك المحال
زهير: واش جاب الظحك لمحال عطيت لمولاه لكلمة والمحال عجبني
أنوار: وعلاش مgلتلي واالو؟؟
زهير: مجابتهاش لهضرة
أنوار: (سكتو قاطعين الشاريع) شووف شحال ونتا تخمم فهادشي ومبلانيه فراسك وانا موليت تعلمني والو
زهير: مفكرتش فيه بزاف ولكن gلت الا رجعت للمغرب مغنبقاش عاطيها لجلاس خاص نلgى مشرووع نخدم فيه
أنوار: اممم وكان غير gلتيلي ندخل معاك فهاد لبيعة وشرية
زهير: غنجيك نيشان أنوار انا مبغيتش نتشارك فهدا.. برااكة غير مع بااك واخا غير ب 25% بغيت مشروع لية بوحدي
أنوار: (هو عارف طبعو هاكا قاسح حسن من كذاب.. وصلو لقهوة دخلو ليها) كفاش 25 كنتي كتر؟؟
زهير: تفاهمت مع باك يعطيني الفرق للي بقى..
أنوار: مزياان حتى انا غندير بحاالك نجمع على راسي وندير شي حاجة لية
زهير: ودابا فكرتي بحال بناادم فلوسك خاسرهم على ***** اللهم دير بيهم مشرووع
أنوار: (جلس) ههه وحيت مكيبغيوش لواحد المعقول نهار اللول خاصك طمع عاد باش توصل لاش باغي
زهير: (حرك راسو بلا حولة)
أنوار: هه انا مزال مفطرت مزيان
زهير: نفطرو نيت بجوج حتى انا من 8 وانا برا
أنوار: (طلبو فطور وبقاو كيهضرو وكلامهم اغلبية على مشروع زهير للي كيفكر فيه وشاغل ليه بالو أما فالدار لكبيرة عبد الوافي مفهمش مال مرتو للي غير تبكي أول مرة دير بحال هااكا ودماغو مشا ان مو مدوزة عليها الدكاكة وليوم تفركعات اما لكاملة هربت عند عكوزتها محلفة على لعروسة)
الجدة: لا كلام الحق متنوضيهاش
الكاملة: راه هداك هو وقتها فين كانت تفيق
الجدة: وياكما الطفلة مشبعاش نعاس؟؟
الكاملة: معرفتلها ولكن صافي هادي هي اللخرة لية معاها.. وااااه تهضر معايا وتفهمني ماشي تشكيني لولدي وتصغرني قدامو بحال نظل نسلخ فييها
الجدة: متgوليش هاكا راه بنت من بناتك
الكاملة: وكان دايراني كمها متجبدش صداع فالداار هاديك عينها فلفرااق
الجدة: نتي لكبيرة الكاملة خلي لما منين يدووز راه الا درتي شغل لعكيزات معاها عرفي غير ولدك للي غيااكلها
الكاملة: ولدي يجيب لالاااها هادا راه رااجل بشلاغمو ماشي واحد يخلييها تنكدها علييه قد مكان يبغييها ينفرها
الجدة: لا حولة اش وصلكم لهاد لموااصل كااع.. انا نوض نشوفها
الكاملة: (عاوناتها توقف وخرجو لكاملة مشات للكوزينة تشوف لغدا واش واجد والجدة دخلات للصالة للي غير شافوها سكتو كنوع من الاحتراام وناضو سلمو علييها بقات تهضر وطبطب على جهان وفهم منها لقاتها غير كدخل وتخرج فالهضرة وتشكي ان المسؤولية بزااف علييها والجدة ملقاتش المشكل فين كااين شافت فعبد الواافي للي باينة طيراالو)
الجدة: سير اولدي جيبلي غراف دلما.. (خرج وهي شافت فيها) بنتي ياكما راك توحمي؟؟؟
أمال: (فاقت على ريفي للي دارتها مع 1 شافت فشيماء كانت مزالة نااعسة) شيمااااااااء شيماااء
شيماء: امممم
أمال: (كتفوه) مشا الحااال انا غنوض نوجد لغدا نوضي نتي (ناضت كتجبد وتمطg هزت تيليفونها للي مكتحايدوش من يديها كان جوج ميساجات واحد من اينوي مسوقاتلوش واحد من أنوار《حبيبة شوفي شي وقيتة نتشاوفو فيها هاد لعشية وغير تفيقي صوني علية راه درت ليك ابونمو》حلات فمها) ييييه ابونمو كاااع (مزعماتش تصوني مشات للكوزينة حلات التلاجة فين دايرين خضرة ولحم نتاعهم ولكن معلمينهم باش لبنات للي ساكنين فنفس الطبقة ميهزوهش والاغلبية ممحتاجينش يهزو معرفت كدارت لداك الطاجين رداتو يطيب ومشات للسرجم فين موالفة كتوقف وهزت تيليفونها كتبات نمرتو بقات كتشوف شحال عاد دوزاتها وبالصح سمعات كيصوني عضت على شناافتها وغير سمعت صوتو غمضت عينها دغيا جاوب)
أنوار: امووول (جالس فكرسي فجنان وزهير بعيد عليه كيضرب بلفاس فالأرض)
أمال: لباس؟
أنوار: لباس.. انا راه كنولي لباس غير منين كنهضر معااك
أمال: هه (كيفرحها بكلامو حتى كتبقى تفرنس بحال لهبيلة) كبقات رجلك
أنوار: مزيان مبقى والو ونحايد هادشي مرضني والله
أمال: (معرفت متقولو) صبر
أنوار: حبيبك صبااار ياك حبيبك بعدا؟
أمال: (تبسمت ودارت يدها على فمها وعينيها كيبريو مستحيييل تجاوبو)
أنوار: مشاات عااود هه أماال وااا أماااال يهديك الله البنت راه غتصطييني العايلة كاملة قربت تعرفني داوي مع بنت سميتها أمال ومحمقاااني
أمال: ههه راه نحشم ممولفاش نسمع ولا نgول هادشي
أنوار: واا تعلمييه احبيبة انا راه يعجبني نسمع منك كلمة حبيبي.. حياتي.. عمري.. توحشتك هاكا زعما
أمال: (تزعزعات معارفة متقول) مخدامش؟
أنوار: ههه هانا خداام كنعلم فحبيبتي ترومانسة معايا
أمال: هههه عفاك متبقاش تgولي هاكا
أنوار: عمرني عرفت شي بنت مكتبغيش تسمع من عند حبيبها (كيتفادا كلمة صاحبها) كلام زوين
أمال: (تبسمت) انا
أنوار: وانا بااغي (بكل ثقة) وحتى نتي مع المدة غتزيدي تولفيني وترجعي تبغيني ومغنبقاش نسمع هاد أنوار غنبقى نسمع هير حبيبي
أمال: ههه حلم
أنوار: انا مكنحلمش ازين نتي ديالي
أمال: (سقرااات)
أنوار: (جغم من الدكة وحطها فالأرض) نتي دياالي وغتكوني غير ديال أنوار
أمال: (دخلت شيماء ولقاتها كتفرنس بوحدها) حم
أنوار: شنو باغا تكوني ديال أنوار؟؟ (لسقات فمو كلمة ديالي)
أمال: (تحرجات بزااف) ها!!!
أنوار: ههه واخا هادشي نخليوه حتى الليل.. شنو كيعجبك ديري من غير لقرايا ولماكلة ونعاس شنو لحاجة للي كديريها ولا تبغي ديريها
أمال: هه (خرجت من لكوزينا مخلية شيماء متبعاها بعينيها) ديما كنت نحلم نكون خياطة نبقى نخيط نخيط نخيط
أنوار: (هز حاجبو مخسر وجهو) خيااطة؟؟
أمال: (منتابهاتش لصوتو للي قالها بنبرة ديال استغرااب مخلط مع استهزاء) واه كنت نحلم نخيط اأي لبسة تمنيت لبسها ونبقى غير كنخيط ولبس
أنوار: (لوى شنايفو مستغرب.. طبيعي واحد بحالو كيسمع من لبنات السفر السبااحة نغني نرسم ماشي نخيط حوايج) مزيااان
أمال: (تبسمت) ونتا؟؟
أنوار: (طانز وهو كيشوف فزهير كيحفر بنيتو وطالق أغنية ميمون الوجدي) فلاح
أمال: بالصح؟؟ زويينة
أنوار: هه الله يهديك أماال انا مكرهتش وكان كنت شي بزنس ماان كبييير
أمال: (مفهمتهاش) مزيااان
أنوار: عرفتي واحد عمي هداك عمي صغير للي عاودت ليك علييه من gبيلة وهو كيحفر معرفت لملتو اش كيصنع
أمال: ههه سير عااونو
أنوار: لا حبييبة انا معندييش مع هادشي برااكة غير خدمة للي كنظل نهار كامل فييها
أمال: واه بالصح الله يحسن لعوان
أنوار: شنو نشوفك بلاتي
أمال: هه معرفت
أنوار: (شاف فمو جااية) مهم بلاتي ونعاود نصوني علييك (قطع مخلاهاش حتى تقول بسلامة مفهمت واالو رجعت للكوزينة لقات هند تماك) هند جيتي؟؟
هند: كاين شي غدا ازييين كنتقطع بالجوع (راشقة ليها)
أمال: هه (حلات على الطاجين للي كان ديال دجاج وبطاطا وخيزو) عطيني ربع ساعة ونحط جبتي لخبز معاك
هند: بففف والله حتى نسيتو انا نخرج نجيبو شيماء مزال ناعسة؟؟
أمال: لا راها فايقة
هند: (خرجت مشات عند شيماء للي غير جالسة) التوت خرجي معايا نشري خبز (ناضت لبسات مونطو مع سروال ديال لبيجامة وخرجات جابو خبز وعصير للي مبقاش ودخلو لقاوها كتوجد تحط عوناتها هند وتغدااو بسكات حيت فيهم لهيمري..)
زهير: (من بعد مغرس شي ليمونات وقف كيمسح لعرق بيدو تمشى فاتجاه أنوار كان لابس سروال بارا وتيشورت وبوط ديال لميكا مشا فاتجاه أنوار للي ياله لكاملة جاية وهازة صينية فيها اتاي وشوية ديال لفاكية فطبسيل وكعك)
الكاملة: (تبسمت لزهير) تبارك الله عليك اولدي كل مرة كتجي هنا كتزيد شي حاجة ولمنظر يزييد يزياان
زهير: (حرك راسو وجلس فكرسي كيشوف فهاد الارض للي عندو معاها ذكرياات بزاااف)
أنوار: (مشات مو) شحال عزيزة عليك تمااارة
زهير: فين هي تماارة الله يهديك؟؟ لفاس والارض راه خدمت رجااال
أنوار: (سكت كيااكل) تبغي تخرج معايا؟؟
زهير: لفين؟؟
أنوار: نتسركلو شوية مع حمزة
زهير: لا عندي شي خدمة فالدار ديالي خاصني نقاد شي حاجة على حساب السلعة
أنوار: اممم كنت باغي نعاونك ولكن..
زهير: (شاف فيه وتبسم باستهزاء) يااك اولد العبد!! من امتى نتا عاونت شي بني ادم؟ باش نجي انا نطمع فيك
أنوار: هههه كنبغي ندير معاكم صوااب وصاافي
زهير: هه وااخا تيقتك..منين تجي فالليل دوز نعطيك شي حاجة؟؟
أنوار: جبتي شي شكلاط هاد.لمرة؟؟
زهير: ضروووري
أنوار: شي 2 بكيات للصاطة ديالي
زهير: (زفر) باغي **** على ظهري.. للي باغي يتزلل خاصو يكون gاد عليها
أنوار: وايلي زعما شكلاط غنتغلب فيه غي حيت لبنت عزيزة عندي وزايدة نغزة وانا عاارف لبنات كيبغيو الشكلاط gلت نديلها هداك للي كتجييب كيكون زوين وممخلطش
زهير: اممم وااخ.. وشنو تمشي غدا معايا؟؟
أنوار: برجوولة غدا داير معاها ومصالحش نgردعها
زهير: (حرك راسو باه وقف)
أنوار: فين ماشي؟؟
زهير: ندخل ندوش ونيت لبرد تحرك فية (تمشى وعينيه فيهم نظرات فااارغة ولكن روحو كتر مكيحس بوااالو فقط الفراااغ همو يجمع لفلوس ويعوض نفسو على الإهانة للي شحال عاشها منين كان شموور من مرت خوه الكاملة من خوتاتو وحتى من ولاد خوه للي كانو كبار علييه وكيعايروه باش ينوض يخدم وميبقاش معول على بااهم للي كان معتابرو بحال واحد م ولادو.. هادشي دار فيه النفس وخلاه يحرg من فلوس ذهب للي باعت مو تخبية على لبنات وحرg عاش لاميزيير الجوع والبرد والقهرة واخا هكاك خدم ليل ونهار جوع رااسو وعرا رااسو وجمع الاورو على خووه تعرف على نااس مكانش عندو مشكل كيخدم فكوولشي حتى رجع من بعد 3 سنين بطموبيل زعزعاتهم كاملين وفلوس للي جمع عطاهم لخووه لكبير باش يكبرو المشروع من هري لديبو سلف خوه وهو دهل بنسبة على مجمع خوه وردلو كولشي بدا كيخدم فسلاح وهنا تزادلو لفلوس بتريبل وحيت عارف هاد طريق ممخرجاش بزاف باغي يخرج منها بأقل الخسائر حاضي رااسو وكيتسنى غير يوصل لاش باغي ويهرب من تمااك… دوش لبس حوايجو سورفيط ناك كحلة وفرجلو بنطوفة رجولية وعلى عنقو فوطة مزال كيمسح شعرو وقف حدا باب لكوزينة متكي بكتفو) علاش كتعذبي فراسك
الجدة: (خلعها) خلعتني اولدي هه.. مكنعذب راسي مواالو خوتاتك جايين يلقاو غير باش يديرو كاسكروط
زهير: كاسكروط يجيو يديرو هووما راه قشلة بيهم شحال قدك طيبي
الجدة: (عارفاه مكيبغيهاش تعذب) حشوومة اولدي واش فاش يجيو رجالهم ميلgاوش حتى مياكلو نساابنا اولييدي حشوومة
زهير: (دخل عندها مكره مكيحملهاش تشقى على لبنات للي كتوصلو الاخبار فاش كيجيوها مكيشقاوش معاها وهي كتبدا طيب وتحط) حايدي انا نصاوب ديك الحرشة اه اه دايرة وليييمة هنا
الجدة: هه زيد عارفاك رااسك قااسح ونيت كتعجبني حرشتك اولدي
زهير: هه حرشة نطيبها ليك نتي أما ماشي لشي حد اخر
الجدة: وراهم خوتاتك حتى نتا
زهير: (كيكمكم بالبلجيكية مخليها مفاهمة وااالو ولكن بااينة كيسب تبسمت عارفااه هو حنييين فييها ومعندوش مع خوتااتو للي واخا يظيرولها متقدرش تغوت عليهم ولا تنهرهم حيت غيمشيو مغيوليش يشوفوها ولا يسولو فيها مرة اخرى…)
عبد الوافي: صافي امي مديش عليهااا
كاملة: (مقندشة وجالسة فوق ناموسيتها هازة التسبيح ومربعة رجليها..) مالها تضرب بلحجر راها عاارفة شنو كدير باينة بغات تفرق وطلب السكنة بوحدها
عبد الوافي: وزعما حتى وتبغي السكنة بوحدها غتمشي لدار باها وتسكن حتى مع جنون ياك هي عارفة نهار اللول مكاين فرييق وبغات بخاطر خواطرها.. آآآمي جييهااان راها بنت الناس وهادشي معندهاش فراسها هي غير راها عياانة وصافي غدا غنديها لطبيب
الكاملة: (هازة شوكتها ومصمصت شنايفها) بيناتكم
عبد للوافي: وصاافي امي مكنبغيش نشوفكم هاكا وخليني نمشي مرتاح لخدمتي
الكاملة: سير واش انا للي جبتك هي للي خلاتك (كتميق فيه) تسمح فخدمتك وتجي جاري لعندها
عبد الوافي: (كعا) مرانيش بز صغير باش تgولي هاكا
الكاملة: اوا لاش جاي؟
عبد الله: خفت ينوض صداع بيناتكم
الكاملة: ومن امتى رجال يدخلو فسوق لعيالات ها خوك عبد الله سابقك لزواج وعمرو دخل ولا جا يلومني على قبل مرتو
عبد الوافي: انا لمتك؟؟ الله يهديك امي انا جيت نشوف شنو واقع هنا بففف بربي حتى ندمت لاش جاي (وقف وخرج من بيتها لبس صباطو وركب فلبارتنير وزاد مكره بلا حتى ميمشي عند مرتو للي كتسنااه…)
~~~~~~~~~~~~~
شيماء: هند مبقيتيش تخرجي بزااف؟؟
هند: (كتجمع الطبلة ديال لغدا) فين نخرج؟؟
شيماء: (هزت معاها للكوزينة) تلقاي بصحابك
هند: (عوجت فمها) اوا عفا الله
شيماء: مزيان.. عرفتي نتي اول وحدة غنقولها هادشي حمزة صيفطلي ميساج صباح عرفتي صدمني.. gالي عجبتيني
هند: (هزت حاجبها) اوا هاانتي الالة
شيماء: (بحزن) ولكن انا معجبنيش بزااف وزيد ملباسش عليه بحال (سكتت عاد نطقتها) بحال ككنت بااغا
هند: (عرفات على أنوار) اوا السيد مزال صغيير وياله كيكون راسو واش عارفة بعدا فين خدام
شيماء: لا ولكن طموبيلتو ماشي كبيرة
هند: هههه ماشي كولشي كيعجبو داك النوع انا كيعجبوني غير الطموبيلات صغار بحال ديالي
شيماء: انا بعدا كيعجبوني لكبار وبعدا هو ملاسقش فية بزااف صباح حدو صيفط ميساج وصاافي
هند: ماشي كاع العلاقات فالدنيا بحال بحال راه كل واحد وكفاش كيتعامل وكل واحد وطريقتو
شيماء: معرفتش مهم معجبنيش
هند: اوا متجاوبيهش حتى يجي للي يعجبك الالة… والا على اللسقة راه محمد لاسقك
شيماء: ييييع شو يانا فين نهضر ونتي شنو تgولي
(مشات وخلات هند كظحك عليها.. غسلات لماعن ولحقات على لبنات كانو غير جالسين وأمال شادة مرايا كتشوف فوجهها)
هند: اش بانلك فيه عااود
أمال: (حالة فمها وكتشوف فسنانها) أنوار سنانو بويض على دياولي ومستفيين مزيااان
هند: ههه
أمال: وحتى سنانك نتي بويض
هند: غي حيت مهلية فييهم حتى نتي عندك مستفين
أمال: (مزالة حالة فمها وكتقلب)
شيماء: أماال ماما وصاتني على شي حوايج بغاتني نشريهم لمرت خويا ادم
أمال: وااه.. نخرجو بلاتي ولا دابا كاااع قبل مطيح علينا شي شتا..
هند: اهاه نيت حتى انا معندي ميداار.. (لبسو حوايجهم وهند واقفة عليهم كتشوف طريقتهم فلمكياج للي شحال وهي تعلم فيهم.. قادو مزيان أمال كتركز تخبي ليسيغن وشي حبيبات باقيين أما شيماء كترات شوية ولبسات لبيسة زوينة بينات طايتها دارت نظاظر فوق شعرها)
هند: بففف نسيت سوارت شومبرتي فالطموبيل باش نبدل حوايجي
شيماء: انا ساليت نهبط نجيبهم ليك ونتي بداي تقادي (لبست ليبوط ديالها وخرجت مخلية شعرها مطلوق خارجة كتمايل كتموت وتعييق قدام لبنات واكترية منين تحل دابا الطموبيل ديال هند.. مع دارت لجهة ديال لباركينغ بمشيتها لعوجة وماشية جيهة الطموبيل لقات محمد واقف كيشوف جيهتها ويتأكد واش هي ولا لا؟؟؟)
شيماء: (بقوة الصدمة والخلعة بقات جاامدة كتشوف فيه وهواء خفيف كيداعب شعرها أما هو مزال ممتأكدش واش هي قطع من الصونيط على أمال للي مكتجاوبوش تمشى والاستغرااب على وجهو مكيرمشش وقف حداها قريييب وريحتها ضربات فيه)
محمد: شيماء!!!!
شيماء: (بلعت ريقها وشبكت يديها مع بعضياتهم وعينيها تفيكساو فييه وهو كتر ممتيقش هادي شيماء)
محمد: شنوا هادشي دايرة فروحك؟؟
شيماء: (لبكية واحلة فحلقها وغير كتبربق عينيها فيه شافت فعينيه لقاتو مخنزر بحال شافها فوق شي واااحد محست حتى شدها من ذراعها زعزعها بحال شي شروييطة ودفعها مع الحيط وكلاتها فذراعها رجع شدها من فكها)
محمد: شنووو هادشييي!!!!!!
شيماء: (بخوف) طلق مني امحمد عفاك
محمد: (طلق دافعها) مزيان منين باقا عاقلة على سمييتي وعارفة عندك عائلة وخووت للي غطيحي بييهم وبينا كااملين هادشي لاش جايين هنا؟؟؟ (صوتو تسمع فالأرجاء)
شيماء: مدرت واالو والله مكندير وااالو هئ هئ انا لابسة هاكا غير هنا وهنا كاينين غير لبنات داك لمرات gالونا حتى واحد مغيعاود يدخل هنا هانتا سول خويا وليد (كترعد) والله مدرت وااالو
محمد: (غير كيشوف فيها ممتيقهاش كتعرف لهادشي من ديما فرااسو هي ديك لبنيوتة للي عينيها مغمضين على كوولشي.. طلق منها وشاف فيها مخسر وجهو كاز على سنانو) فين التعريجة لوخرا؟؟
شيماء: (عارفة الا هضر محمد بحال الا هضر وليد وغيرجعو للحبس عااود.. رققات صوتها الباكي) محمد والله مدرت شي حاجة هانتا عفاك غير سمعني
محمد: شنو غتgولي ابنت عمي (طانز) حالتك راه مبينة كولشي دابا غطلعي تجيبي لكلبة التانية وزيدو نردكم لدواركم
شيماء: (أمال هي الكلبة التانية يعني انا هي الكلبة اللولة.. ) علاش؟؟ انا راه فوسط غير لبنات
محمد: (معرفش علاش بقا فيه الحال ولكن معجبوش الحاال يشوفها مزوقة هااكا) وهانتي فوسط لبنات علاش دايرة فراسك هاد الظحك
شيماء: (مرضاتش عارفاه عجباااه وكان باغي يتزوجها) محمد عفاك غير سمعني
محمد: (قلب وجهو مكيشوفش فيها) سيري فحاالك
شيماء: (مفهمتش) فين غنمشي؟؟
محمد: (بحال كيطردها من رااسو) مزيان منين شفتك هااكا باش حتى انا منمشيش غاالط!! (خلاها مشوكية)
~~~~
هند: بفف تعطلات عارفاها كتمووت على لعيااقة غتكون جالسة تسيلفا ومخليانا كنتسناوها (ناضت أمال طلات من لبالكو كتقلب علييها زادت خرجت راسها من الجهة التانية كتبانلها شيماء واقفة مع شي واحد زادت كتجبد كتشوفو غير من اللور قلبها ضرب حتى بغات ترض شافت بالزربة فلباركنيغ لقات طموبيلتو كاينة دخلت راسها كتندب فحنوكها)
هند: ماالكي ازمر كتندبي…
أمال: خوويا خويا محمد كاين هنا وموقف شيماء بديك الحاالة (بالزربة مشات للحمام كتغسل وجهها وجاب الله مكانتش مكترة واخا لمسكارا جلخات ليها وجهها دخلات للبيت حطات حوايجها كتندب وتبكي وهند كتبردها لبسات عباية من دوك لقدام ودارت شالها لكبير عاد ديماكيات وجهها مزيان ومشات كتقلب فلبلاكار ديالها على التيليفون القديم…)
محمد: (مولاش شاف فيها غير كيسمعها كتبرر ليه وعقلو مضاارب مع رااسو للي تيقها منين gالت كندور بيه غير هنا شاف فالارض وهربات عينو لسروال دجين اللي لابسة وسيقانها للي مطراسيين.. تبسم باستهزاء وقلب وجهو) واقلة كنبان ليك حماار مجلج يااك؟؟
شيماء: (بخوف) لا لااااا والله
محمد: (شاف فسما كيمسح على وجهو بحال كيطفي غضبو علييها مباغيش يضربها واخا رغبة كبييرة فيه لداخل باش يضربها وكان كانت أمال بلاصتها وكان دفنها حية ولكن هي… شاف فيها) فين كنتي خارجة؟؟
شيماء: والله مكنت خاارجة قسما بالله مكنت خاارجة واش انا غنخرج بهاد الحاالة عفااك تيقني امحمد والله معمرني فكرت حتى نخرج هاكا وبلا فولار (قرباتلو كتخدم ورقتها الرابحة) والله مكنت خاارجة غير كندور هنا قنطت وبغيت نفوج كاع لبنات بحالي كيتهلاو فرااسهم وانا كنتهلى غير لراسي واش انا نخرج هااكا راه كنفكر فللي خلقني كتر منفكر تحصلوني
محمد: (شاف فعينيها للي كانو مكحلين ولمسكارا مقادة دوك الشفران نزل لشنايفها كانت دايرة عكر غوز وشعر للي مسبسب وطويل شوية فها فييها وطمر غير كيشووف شنايفها للي كيتحركو وعينيها للي كيرغبووه ومجات قدامو غير وكان كانت خارجة تلاقى مع شي زلال قرن حواجبو مخليها سااكتة عاد كان ساهي فيها وكيشوف بنظرات الاعجاب شوية تقلب بوحدو جبد تيليفونو وهي غير كتشوف وميتة بلخوف حطو فودنو قالب وجهو..) منين مشيتي لعند ختك واش مخلاوكش دخل لباركينغ؟
وليد: هههه اماالك اولدي gول غير السلام
محمد: كنهضر معاك راني حدا دار الطالبة باش نشوف لبنات
وليد: اممم مزيان منين مشيتي.. لا راه مغيخليوكش دخل ممنوع تماك (سمط طيط طيط مفهمش مالو ردو لجيبو وكمل مع لكليان للي عندو… )
أنوار: (كما العادة لبس وتقااد وقف على رجلو مزيان لحريق قليييل يصبرلو الواحد مهزش العكاز هاد لمرة وخرج من بيتو نازل فدروج وتيليفون فودنو كيصوني على حمزة باش يجي عندو)
الكاملة: ولدي خارج عاود؟؟
أنوار: وااه
الكاملة: ومتعطلش اولدي راك مزال مرييض
أنوار: (باس راسها) واخا (خرج كان لبلاصة للي كيحطو فيه الطموبيلات عامرة وتفكر اليوم الجمعة واليوم كيتجمع فيه العائلة دار نظاظرو وخرج كيتمشى بشوية وشي مرات كيعرج حتى سمع شي وحدة كتعيط عليه ضار كانت عمتو تبسم ابتسامة صفرا ووقف جات لعندو هي وبنتها للي لابسة حجاب شرعي)
العمة: (أمينة) سلمات عليه بلوجه… كبقيتي اولد خوويا؟؟
أنوار: الحمد الله اعمتي نتي لباس عليك؟؟ خديجة بيخير؟؟
خديجة: (بنتها) الحمد الله اولد عمي لباس عليك
أنوار: شكرا (شاف فعمتو) مي راها فالدار نخليكم انا مزروب شوية
أمينة: فين ماشي؟
أنوار: (معندوش معاها) مسخر نجيب لحليب (طانز)
أمينة: (تيقات) امم وا مزيان اوا بان ومتغبرش عاود زيدي ابنتي (تأفاف وكمل طريقو حتى وقف عليه حمزة ركب وزاد)
أنوار: تعطلتي اصاحبي
حمزة: واش غير نتا مهرس ومحروم تحرمها علينا
أنوار: واايلي كنتي مع شي ****
حمزة: وق*** لاش؟؟
أنوار: هههه عندها شي سمية اخرى أي وحدة كتخرج ضبر على ك*** راها هكاك (كملو على كلامهم ومشاو لقهوة انوار كيصوني على أمال مكتجاوبش) معرفت لهادي ماالها
حمزة: شتك بحالا شاد طرق معاها ياكما عولتي عليها
أنوار: ديها ف*** اجمي شحال من مرة gلتلك هادي متناقش معايا عليها
~~~~~~~~~~~~~~
محمد: (قطع مع وليد وتمشا جيهت طموبيلتو (بارتنير كبيرة) وتسمعت بااااااق هي جمد ليها لما فركاابي مفهمتش شنو واقع حتى لقاتو ضرب برجلو لباب حتى تلم شوية فالطموبيل… خاصها تقنعو ندمت ندمت علاش خرجت هاد نهار كااع هزت راسها للبالكون لقات أمال وهند كيطلو ندبت فحنكها حتى هي كإشارة ديال “زبلنااااااااها”… مشات تبعااتو لقاتو واقف عاطي بظهر شافت فباب الطموبيل باين ضربها برجلو قرباتلو) محمد عفاك متظلمنيش
محمد: هادشي علاش مبغيتيش تزوجي بية باغا تحوسي وتزللي على خااطرك باغا تكوني منهم متحررة وديري ما فجهدك
شيماء: (غرغرو عينيها) حشومة علييك واش ظن فية هاكا؟؟
محمد: (عاودها) هادشي علاش مبغيتيش تزوجيني حيت عارفة ياا جدك نحرك ومنخليكش تمرمدي شراافي فتراب
شيماء: (ضربت الطم)
محمد: (كيهضر وهو مغزز) عرفتي حتى يانا منرضاش ندخل مرا لداري كيفك
شيماء: (هنا دموعها دارو سرووو كان كلامو قااسح معاها مسحت عينيها) شنو درت حيت لبست وتقاديت؟؟ صافي حكمتي علية
محمد: (غوت فوجها حتى طار بزاقو على وجهها) نحكم علييك ونفوتها لهيييه (وقف حداه العساس وهضر معاه بالادب باش يخرج حيت ممنوع يدخلو العائلات هنا من غير لعيالات) ونتا شgالس دير هنا وسط لبنات
العساس: (فافااه) انا اسيدي خدمتي هادي
محمد: (محيح) خدمتك حدا لباب ماشي تحوس حدا لبنات وتgول انا خداام
العساس: (معرف باش تبلى) راه ممنوع يدخل شي واحد ومكتوبة على برا وانا مشيت غير نجيب قهوة
محمد: (شاف فشيماء) وهدا شنو تسميه حتى هو بنت الي كيدور هنا؟؟ سير نتا تحرك واخر مرة ضوور حدا لعياالات (جبد تيليفونو غير صونا جوباتو) هبطي حتى نتي الكلبة وجيبي لهادي باش تستر روحها (قطع وشاف فشيماء ودفل بعيد حدا رجليها خلاها كتغلي) خارجة مزينة وكاع لحمها يبان وتزيدها بلبكى تفووو على قبييلة غير للي يشعل فمكم وقييدة نتهنااو منكم (هي سااكتة كولشي يهون مقابل حريتها بقات واقفة هكاك وهو كينكر ويكمكم صاك طموبيلتو كينكر على لعساس للي مزال وقف متهنى حتى خلاه يتبعو قشع أمال كتزرب فخطواتها وديك لعباية كتعكل فيها دايرة راسها كتقلب عليهم ومقصدة لباب بلعاني حتى سمعت سميتها بلغوات ضارت لقاتهم فالجهة الاخرى حنات رااسها كتدعي وتقرا فالقران وكترجف وكفنفسها هنا غنطيح هنا غنتعكل غير نوصل عندو غيقتلني صاافي عرف كولشي وعرفني كنهضر مع أنوار غير وقفت حداه)
أمال: سس.. سسسلام (وقف الموبيل نزل ونتر من بين يدها كااب لاحو فوجه شيماء للي شدااتو ولواتو على رااسها وجا نازل على كتافها)
محمد: تحركو ركبووو نوري لمكم….
أمال: (بقات كتبكي منين شافت شيماء كتبكي عرفت القضية ق*** هي خوافة وزاد كمل عليها ركبو اللور وطلع هو كيخبط فلبيبان ومحاملش راسو ومحاملهمش وقف حدا باب الدار هز باكية ديال بابي للي حداه ولاحها لشيماء جات لاسقة فوجهها حتى حمارت جبهتها)
محمد: مسحي علية ديك لكمارة.. (شاف فأمال) خرجي نتي (أمال شافت فشيماء للي كتبكي مرضياش بهاد الوضع خرجت كتقفقف وفكرة ان خوها عرف أنها مصااحبة وحتى هي كتماكيي وجهها وتلبس حوايج بلا العبايات.. تأكدات منها وقفت وجا هو حداها كيشوفها ويحنزز شنو لابسة كان لبسها ديال ديما ولفولار نازل على كتافها كما خلاها أما وجهها معندوش اصلا فكرة واش كان زرق ولا بيض ولا فيه حبوب ولا خباش..) فين كنتو خارجين؟؟
أمال: (مهزتش راسها فيه) والله اخويا مخارجينش حنا خرجنا مع 10 ولعشية مقاريينش
محمد: ووو ديك الكلبة علاش دايرة فراسها ديك الحالة واش هكاك ولات كتخرج؟؟ (باغي يلقى ليها عذر)
أمال: (متصنعة.. مطرطقة عينها) لااااااااااا مكتخرجش هكاك
محمد: اوا اش لgيتها كدير فبلاصة ديال الطموبيلات
أمال: (كأنهم متافقين) غير كضور وصاافي (رجعت حنات رااسها مخليااه سااكت لمدة 10 دقاايق)
محمد: (دق بالجهد فالزاج حتى شافت شيماء للي متمسحش ليها لمكياج مزيان ودارلها اشارة باش تخرج.. خرجت لاوية لكااب فوق راسها ووقفت حدا أمال قوس عينو فييهم) هادي غدوووز ولكن راه عيني عليييكم بربي المعبوود بربي لمعبوووود ونلgاك لا نتي لا نتي خارجين هااكا بحال كلوون مغرجعكمش لهيه!! قبركم مغيعرفو حد (هز يدو) معندي منخسر 30 عام دلحبس نضربها على والديييكم ومنخلييكمش تزييغو كبغيييتو
شيماء: (محملاهش ومكتشوفش فيه واحل فحلقها بزاف ديال السبان ليه ولكن متزعمش تخرجو)
محمد: تحركي نتي دخلي (قالها مكيشوفش فيها وحتى هي مشافتش فييه دخلت ودموعها فعينيها وضار عند أمال) سمعي نتي انا هادشي لقرايا مداخلييش فرااسي ومباغييكش اصلا تقرااي ومغطفرييهش من التااالي حيت واخا غتجي اللولة غترجي لداركم يعني غير كتكبي لما فالرملة ويااااويييلك أماال لقاا راااسك سخن عليييك رااسك نحيييه لييك (هي غير حانية كتسمع فالتهديدات للي مولفااهم ماشي شي حاجة جديدة.. تبسم باستهزااء شاف فلباب) بقالي غير دي ندخلها لدااري
أمال: والله اخويا شيماء مكتخرجش هكاااك راه غير هنا فدار الطالبة لداخل وصاافي
محمد: (خنزر فيها) بلعيييييي
أمال: (ياله غتحني عينيها كتبانلها طموبيل ديال حمزة وقفات قريبة عينيها تضببو ودغيا حنااتهم وقلبها كيضرب ف1000)
محمد: غبري من كمااارتي (هزت راسها شافت أنوار نزل زربت ودخلت كتجري كانت خيفاه يعيط عليها ولا يجي عندهم شداتها كعطة وحدة حتى لشومبرتها مع دخلات سمعات شيماء كتبكي وتسب فمحمد مشات لنموسيتها هزات وسادتها وجبدات تيليفونها كان أنوار مصوني بزااف)
هند: ماالكي نتي عاود؟؟
أمال: (مخلوعة) أنوار شافني واقفة مع خويا وكان بغا يجي لعندنا غير انا هربت
هند: ويييلي مانا هاد لعشية على هاد لمشاكيل
شيماء: الله يعطيييه مصييبة بغييتلو هزة لسما شي كسيييدة ميلقاو مكيجمعو فييبه
أمال: (بخوف) واش نصووني خفتو يكون واقف مع خويا؟؟؟
هند: لا متصونيش خليه يعاود يصوني هو
شيماء: (مفقوسة كولها وهمها) gالي كنت غنتزطم ونتزوجك.. انا انا لمgشر بن لمgشر لاخر يgولي هكااا؟!
أمال: راه حسابلو كنخرجو هكاا
شيماء: وهو شغلو خويا ولا با ولا راااجلي؟؟
هند: سكتي ها لعاار ياك صاافي مردكمش وهنينا من جهة غتعذرييه واااه السيد كيشوفك غير بطويل ودابا شاف هاكا قال صاافي لبنات تفلسو…
شيماء: واش مريضة كدافعي على داك لمريض
هند: مكندافعش ولكن كنفهمك عقلو فاش فكر ويمكن غير من غييرتو عليك قال هكااك
أمال: (تنهدت كتفكر غير تهديداتو مسولهاش حتى واش بيخير ولا خاصك شي حاجة غير كيهددها ويسول واش شيماء كتخرج هااكا ياك انا لقاني مستورة لاش يجمعني معاها) هو غاار علييك
شيماء: بقالي غير داك لحمااار تفوو تفوو على عائلة انا بغييتهم ميبقاوش يعرفووني يتبرااو مني يتهنااو ونتهنى حتى انا
أمال: (جالسة على نار حتى جاها ميساج 《شكون هداك خينا؟؟》) لبنات أنوار صيفطلي ميساج
شيماء: (نسات راسها) شنو gاالك (كتمسح عينيها من لبكى)
أمال: (ياله جات تهضر وهو يصوني جوبت) حم سلام
أنوار: شكون هداك؟؟
أمال: (بلعت ريقها) خويا
أنوار: (بقا ساكت شحاال كيقارن ككيشوفها هو وككانت مع خوها فرق حتى فلحوايج وهادشي اول حاجة لاحظها.. سكت بزااف حتى وترها) واش عندكم معاه شي مشكيل؟؟
أمال: لا
أنوار: وعلاش شيماء كانت كتبكي؟؟
أمال: (شافت فشيماء يعني منين خرجو وانوار تمااك) غي توحشات دارهم
أنوار: (زفر) أماال…. بففف مكنحملش لكذووب بسلامة (قطع وبقا فالطموبيل كيشوف فمحمد للي متكي حدا طموبيلتو مربع يديه وساهي فسما) وصلني للدار
حمزة: مغتخرجش عندك
أنوار: (بغا يخرج) صافي انا غنشد تاكسي
حمزة: هه وز** غير تسنى بحال والو ينوض شي صداع ولا يضربهم مشفتيهش كواقف تماك..
أمال: (صدمها منين قال بسلامة وقطع جلست وعينيها مغرغرين) قطع علية؟؟
شيماء: واش تفارقتو؟؟؟
هند: (خنزرت فيها) عاد كنتي كتبكي حيت ولد عمك قالك مبغيتكش لزواج وحيح علييك وطيح من قيييمتك
شيماء: (شافت فهند) ولكن صافي راه تاق انا مكنخرجش هكاك
هند: وبحال والو يرجع فكلامو ياك كتقولو عقليتو مخرية
شيماء: (شافت فأمال للي كتبكي) علاش كتبكي واش تفارقتو؟؟ (ناضت أمال من حدااهم خاايفة من الأمل الوحيد للي عندها فحياتها يطج ويخلييها هي صافي دغيا ولفاااتو وربات عليه الكبدة كفاش بسلامة!!!@)
هند: وبااز دغيا رديتهم مفارقين؟ غيكونو غير تناقشو وصافي
شيماء: بففف على نهار (جبدت تيليفونها) غنصوني على محمد
هند: شنو غتقوليلو
شيماء: غنحاول نكالميه خفتو يرجع كي gلتي مبغييتش اهند رجع للدار منحملش والله حتى لوح راسي من سطح
هند: الا عندك نمرتو صوني ليه
شيماء: (هزت تيليفون امال لقديم جبدات نمرتو وصونات عليه جاوب) حم محمد
محمد: وي…
شيماء: (بتوتر) انا شيماء
محمد: (ديجا عندو نمرتها… كان مبرد) عرفت
شيماء: باقي مقلق مني؟؟؟ (كتسمع غير زفيرو دارت مكبر الصوت..) محمد مبغيتكش تاخد علية فكرة خاايبة وتظلمني انا والله مكنخرج هاكا ولا عمري فكرت نخرج هااكا والله وكان (سكتات وشافت فهند زعما شنو هادشي كتبتي)
هند: (كتوشوش) وغير قولي (كملت لكتابة وشيماء كتقرا وكتعوج وجهها) والله وكان مكنت عزيز عندي مغنبررش لييك ماشي خايفة منك ترجعني لدارنا ولا تقولها لبابا وخوتي ونحبس قرايتي.. انا مبغييتش نتا ظن فية شي حاجة خايبة
محمد: (كيزيد يبرد) وعلاش درتي فراسك هكاك؟؟
شيماء: (كتهضر متقلة) مدرت واالو والله
محمد: هي كتكذبيني!!
شيماء: ماشي هكاك ولكن انا غير قاديت راسي حم راني حشمت منك نتا موالف كتشوفني بالزيف ودابا شفتني هاكا حشمت والله
محمد: حتى انا مكنتش باغي نشوفك هاكا انا جيت باش نشوفكم ونشوف واش خاصكم شي حااجة حتى كلgاك هاكاك بحال شي كلوون (مقادرش يصارحها ويقولها زوينة)
شيماء: (شقلبت عينها) عفاك متخادش شي فكرة للي مكيناش انا مرة مرة كلبس ونتقاد ولكن فوسط لبنات والله
محمد: (بلا ميحس) متعاودييش ديريها
شيماء: (تبسمت ومقراتش من عند هند شنو كتباتلها) علاش؟؟
محمد: راه كاينين عساسة رجااال تمااك ولا عورة مشفتيهمش
شيماء: (كانت كتسناه يقول حيت جيتي زوينة ولا شي حاجة هكا عوجت فمها وهند كتموت بالظحك) لا مكيدخلوش للداخل ممنوع عليهم
محمد: (سكت شحال كتعجبو ومكيبغييش يبين واخا عرفها لاحظات هاد الاعجاب وهادشي كيزيد يشعل العافية فيه ولا منين غتجيها الشجاعة تعاود تهضر معاه وغير منين موصلهاش لعمو راه باين شنو كااين) غدا قارية؟
شيماء: (بلعت ريقها ومقدرتش تكذب) لا
محمد: غدا غنصوني عليك وخرجي عندي
شيماء: وأمال؟؟؟
محمد: (مكره) ماشي أمال للي شفتها عرياانة نتي للي خاص نهضر معاك
هند: (كتبسم وهي كتميق فيها)
شيماء: حم واخا
محمد: خاصك..كم شي حاجة؟
شيماء: لا جنا بيخير
محمد: بسلامة غدا مع 9
شيماء: ديال صباح؟؟
محمد: وعلاش غنجي نجي نشوفك فالليل ابنت اعمي؟؟ ولا ياكنا مواالفة كتخرجي بالليل؟؟؟
شيماء: حم واخا (سمعت طيط طيط) اوووف ييخ على لسقة
هند: زعما نتي معاجبكش الحال
شيماء: يمشي يخرا تفووو مكنحملووش
هند: واا شووووفلك المعقد حلال عليه وحراام على ختو للي داير ليها الحصار ههه
شيماء: شفتي على عقلية عندو
هند: ماشي غير هو راه الاغلبية رجال الشرقيين هاكا على بالهم كاع بنات الناس كيتصاحبو الا ختهم وللي غتكون مراتهم
شيماء: بففف فين مشات هادي نشوفوها شنو دارت مع داك خينا
هند: نتي ديها غير فحريرتك وهي غتفك حريرتها راااسها
شيماء: يا ختي دغيا بغات تقلبها بكى
هند: اوا راه ولفااتو وعاد.يكون عاجبها الا مرجعتش تبغيه
شيماء: دغيا دغيا؟؟
هند: راه كتر من شهر وهو تابعها اي وحدة غتبغي داك الاهتمام عاد زيد بوكووص ومهلي فرااسو ومحتارمها واخا داك النوع غير ديال حااجتو
شيماء: انا نشوفها فين مشات
هند: (جبدت تيليفونها حلات لكونيكسيون لقات ميساج من عند الحقير) “واقلة اعتذاري ممقبولش؟؟؟…” (تبسمت سدت لكونكسيون وبقات جالسة كتبسم بشر وكتفكر واش تجاوب ولا لا…)
أنوار: (كان فقهوة قريبة لدار الطالبة فين حطو حمزة ومشا فحاالو.. شاف فالساعة كانت 8 وقف حط فلوس لقهوة للي شرب هز تيليفونو من بعد متكالما وصونا جاوباات) أمال واخا تخرجي عندي
أمال: (مكرهاتش تخرج عندو ويتصاالحو) لا أنوار خفت من خوويا
أنوار: (ديجا كان متبعو حتى مشا من تماك) خوك مشا
أمال: (بترجي) عفاك خليها مرة اخرى
أنوار: أنا كنتسنااك حدا لباب متعطليش (قطع وبقا وااقف كيفكر فهاد العلاقة وكان واخد قرار الا خرجت عندو غيكمل الا مخرجتش صاافي غيعتابرها مبغاتوش 15 دقايق ياله بغا يمشي حتى شافها خارجة ولكن باينة فوجهها خاايفة اول حااجة لاحظها هو حوايجها للي بدلاتهم كانت لابسة جلابة ولكن مبينة طايتها عكس شنو كانت لابسة مع خوها.. ممنعش رااسو يشوف طايتها للي مع الريح ككتبااان تبسم باعجااب غير وقفت حداه وكما مواالف كيستقبلها بابتساامة) وااااقلة نتي ساااااحرة لي
أمال: (بتوتر) هاا
أنوار: ههه غير ظااحك معاك ازين.. مالك صفرة واش عيانة؟؟
أمال: (بعدت خطوة اللور منين قرب) عفاااك خويا gبيلة جا هنا وبقا كيغوت خليني ندخل فحاالي
أنوار: قبل بعدا غنتفاهمو لكذووب لا اخر مرة تعاودي تكذبي علية
أمال: (مرضاتش) مبغيتش نشطنك وصاافي
أنوار: شطنيني ومتكذبيش علية أماال.. كولشي نتقبلو الا لكذووب و(هز حاجبو) والخيانة
أمال: (مرعودة وكل لحظة كتقول هنا غيوقف خوها محمد) عفاك خليني ندخل
أنوار: واخا.. (قرب وهي بعدات وقف) مهم خرجتي وهدا كيبين انني مهم عندك
أمال: (بلا متحس) واه خفتك تقلق مني… واش صافي نمشي؟؟
أنوار: (حل السنسلة ديال لكويرة جبد ساشي ومدو ليها) غير نوصل للدار غنصوني عليك (شدات الساشي مترددة) وا صاافي شدي احبيبة ولا غنشدك هنا حتى الليل
أمال: (فلحظة نسات كووولشي اول مرة تسمعها منو هاكا مباشرة بشكل عفوي شداتها وهي متبسمة) شكرا
أنوار: (بنظرة اعجاب) رووحي دخلي وكاان (حنات رااسها ودخلات كتزرب وهو متبعها) لعفووو (تمشى حتى لراس الشاريع شد تاكسي ومشا لدارهم أما امال داخلة غير بشوية حلات الساشي لقات 5 باكي دالشكلاط.. تبسمت ودخلات للشومبر ديالها كانت خاوية) فين مشاو هادو؟؟ (جلست حيدت الجلابة ديال شيماء للي قتلات ليها جنابها بلبرد باش تبان زوينة حطت الشورط للي مركب فيه ليهونش لبست بيجامتها وزادت بينوار سخون دارت لقب وجبدت الشكلاط حلاتو كتاكل وتبنن كان خطييير وزاايد نغزة حيت حبيبت القلبللي جايبو ليييها.. تاكل وتفكر شوفتو ومنين قالها حبييبة نسات خووها وداك الغم كاامل مقطع أفكارها غير صوت ظحك لبنات للي داخلين وحدة هازة طاجين والتاتية صينية فيها براد اتاي وكيسان وشبيكة ديال الخبز حطو داكشي)
هند: الا بقيت متبعاكم غرجع بحال شي بقرة
شيماء: انا بعدا مكرهتش نولي بحااالك
هند: اش بغيتي بشي صحة انا غدا غرجع لريجيم ديالي ونكمل فلاصاال باش نقص هاد لكيلوات كتعجبني لطاي من لفوق تكون نااشفة
أمال: (حلات الطاجين كانت لكفتة بمطيشة) فية جوووووع
شيماء: شفتك رااجعة فرحانة
أمال: (وراتهم الساشية) جابلي الشكلاط
هند: بصحتك الالة حتى ذوقيني
شيماء: عاد كنتي باغا ضعافي
هند: نتي بهاد السم للي فيك مغتزيدي حتى gرام
شيماء: هههه مgلت وااالو اري نشوفو داك الشكلاط (مداتو ليها أمال جبدت ذااقت) امممم زوييين بحالو وليد كان كيجيبو لينا
هند: (خطفاتولها وذاقت) اممم هادشي زوييين بفوووو عليك أمال غتزيديني شي كيلو فهاد الليل
أمال: (خطفاتولهم) هادا ديالي بووحدي ذقتو والله يجعل البركة
شيماء: (ميقت فيها) ابزعطة
أمال: (قلات ليها السم بحواجبها) وبصحتي… (بقاو مجمعين حتى صونا أنوار عليها خرجت لسرجمها فين مولفة كتهضر وبقات مجمعة معااه مرة يحشمها بغزلو مرة يعاود على حيااتو وهي متحفظة على حياتها مبغاتش تعاود ليه حيت اصلا معندها متعاود ليه بمقارنة معاه للي حيااتو عاامرة مغامرات وتساافير… اما هند كتحايد لكونكسيون باش ميعيقش بيها ودخل تقرا شنو كتب ليها ولييد مرة تبغي تجاوبو مرة كتحبس حتى تفكر مزيان حيت اكيد غيبغي يعرف شكون هي.. ياله غتطفيه باش تنعس حتى صونات عليها خالتها تأفأفات تسناتها حتى تقطع ولكن رجعات صونات) وييييي خاالتو
الخالة: وباااز اهند متجاوبي حتى تسخفي لواحد
هند: (كتشقلب عينها) وهيييي متنسمعوش وصافي اخالتو
الخالة: اممم مغتحضريش لعرس ولدي (طولاتها)
هند: مفخباريش تزوج!!!
الخالة: وعلاش الحبيبة دقلبي غيبقى بلا زواج راه ألف وحدة تمناااه ولكن هو وشنو ختاار..
هند: (عوجت شنايفها) ااااه اوا مبروك باركي ليه
الخالة: اوا جي وباركي ليه نتي يااك كنتو قرااب (كتمعني عليها حيت كانو مصاحبين)
هند: بفففف (سمعاتهالها) واخا ان شاء الله
الخالة: اوا عنداك متجييش العرس راه دايرو فوجدة حيت خدا وجدية غزااالة محتارمة وبنت دارهم
هند: (هزت حاجبها) واخا حتى تصيفطيلي ميساج فيه اشمن قاعة ياك بعدا داير شي قاعة
الخالة: ههه معلووم مالي غنزوج ولدي حبيبي سوكيتي
هند: بسلامة (قطعت كتلعن فهاد العائلة للي كتكرهها من الطرف للطرف وديما محسسينها أنها وحدة غرييبة عليهم وممربيااش…)
يتبع
شاركنا رأيك في هذا الفصل 🌹