أنوار: (فاق بكري هاد نهار خرج من بيتو لقى الناس فايقة عاادي غير هو للي كيصبح ناعس خرج من الدار نيشان لدار لميمة دخل كانت الدعوة عامرة حيت بايتين عماماتو بولادهم ومن سوء حظو كولشي فاايق كتاشف انه هو النعااس فهاد العائلة الوقت مزاال 7 ونص وحتى سما ياله الشمش كتشرق وكولشي فاايق وكيفطرو تحرج حيت بنات عمو غوتو وناضو كيجريو باش يغطويه شعرهم.. خرج بالزربة) ق**** (مشا لدار زهير حيت عارفو فالوقت للي كيجيو خواتاتو مكيبقاش يبات تمااك مع كيحل لباب حل لاخر خرج لابس دجين كحل مع كويرة فلحكل وكاسكيط مكتوب فيها بالعربية 49 (وهو لماتريكيل ديال وجدة)) راك مزال هنا
زهير: (حرك براسو زعما شنو)
أنوار: غتمشي دابا للناظور؟؟؟
زهير: واه
أنوار: دوز معايا لطبيب نحايد هاد لخصاارة ونمشي معاك
زهير: ياك gلتي عندك شي صوالح وممساليش
أنوار: خووك متبوووع
زهير: هه فاطر ولا غتبقى تبكي علية عاود
أنوار: هه مزال.. نسيت ودخلت لعند لميمة حتى بداو واع متوااااع وخرجت
زهير: نتا عارفهم بايتين لاش داخل على لبنات هكااك
أنوار: مالي معشوق نشوف فيهم..(مشاو ركبو فالطموبيل للي كراها زهير دازو طبيب قبل لقا كولشي رجع عندو مزيان وحايد جبيرة مشاو فطرو فقهوة وشدو طريق) معرفت واش غلgى شي حد للي يجيب لي السلعة من تماك ولا لا
أنوار: كنعرف بزاف عندهم كاميونات صغار كيجيو ياخدو السلعة من عندنا فبني نصر
زهير: شوف معااهم دابا (كمل صوكانو وأنوار تافق مع شي واحد كان تماك نيت)
أنوار: (دوز نمرتها) اللوز.. (شاف فيه زهير وقلب وجهو بملامح ديال لااا حولة) صباااحو
أمال: ههه صباح لخير
أنوار: قارية؟؟
أمال: (حسابلها غيقولها نتلقااو وهي لابسة لباسها لقديم على حساب خوها) واه دابا غندخل وموراها غيجي خويا عندنا ويرجعنا لدار الطالبة
أنوار: (عرفها كتصدرو) اممم واش مزال غيطول؟
أمال: معرفت
أنوار: واااخ نشوفك لعشية؟؟
أمال: (تحرجات) معرفت
أنوار: وشنو عاارفة؟؟ (سكتات) ياله بسلامة مع 12 ونصوني عليك.. (قطع وموراها صونات شي نمرة ديال شي بنت من للي كان معاهم) ويييي
سهام: بغيت غير نعرف علاش تبدلتي معايا؟؟
أنوار: هههه واش تحنسرتي؟؟ تسالاو ليك لفلوس
سهام: (جرحها متنكرش كانت فاللول معشوقة فيه حتى على ود لفلوس ولكن كانت حتى هو بغيااه) حشوووومة عليك
أنوار: مهم دابا ممساليش ومغنساليش غير قلبي على *** (قطع حط التيليفون وحل الزاجة باش تخرج ريحة الكارو) هاد لبنات علااااام كولهم طماعات وبدالات
زهير: (ببرود كيكمي وعينو على طريق) كوولهم كاع؟؟
أنوار: أغلبيتهم والله مكان اخاي زهير جيبك سخوون ميضربو معاك الضربة
زهير: مزال بنات الناس
أنوار: وهي الا نضتي ضربتي لحديد محدو سخوون
زهير: (مع اخر نترة لاح لكارو صااطو على أقل من مهلو وتفكر منين كان محنسر فاش ياله مشا للخاريج ومع خدم فلفلاحة ولبني اي حاجة فيها تماارة وتكرفيس طرسات صحتو ونشفااتها مزيان كانت فينما كانت شي بنت لفشوش كيخدم عندهم كانت كيعجبها ونهار كيحس براسو غيتفركع كان كيلبي النداااء ولكن عمرو تمعشق ولا جرب الحب وداكشي كان ناافعو منين كيعرفوه على شخصياات للي يعاونوه حتى دار لورااق خدم ودمر مزياان حتى جمع لفلوس وبقا كيدخل لبلادو واهم حاجة رجع لدارهم وراسو مرفووع كمل لبني فدار مو وقادو سور للي جامع دوك لبنايات عاد بقى كيخدم داارو ولوقيتة للي كيجي فيها كيغرس شي حاجة حتى رجع جنان صغيير كياكلو منو شي مراات… نغزو أنوار)
أنوار: اسبحان الله اسمحمد
زهير: (شاف فلبلاكة) بقات شي 20 كلم
أنوار: مبقاش بزاف.. دابا منين غتستاقر هنا واش غتعمر دارك وتأثثها؟؟
زهير: دابا السفلي غندير فيه السلعة على منكمل شرا ديال المحال وصليح
أنوار: والطموبيل؟؟
زهير: راني كنgلب على شي وحدة بونوكازيو حتى نمشي المحال ونشري شي وحدة والدار معندي سوق فيها تعمر ولا تبقى هكاك بيتي للي كنعس فيه راه مفرش وأغلبية كنجلس حدا ما
أنوار: ومنين جاياك هاد السلعة؟؟
زهير: شي حاجة كنت كنشريها منين كنت فبلجيكا طحت على محال مولاه غيديو لمحال ديالو سيزي وحيت كان عارفني باغي نبدا هاد المشورع عيطلي وباعلي تقريبا ربع
أنوار: لبراني ازهير كان عارف شنو فدماغك وانا للي حزقتها كنgولهالك
زهير: راه هضرت معاك اصااحبي مكنتش متأكد 100% نهار باعلي دااكشي هو نهار الي سمعت فيه بلكسيدة ديالك وجييت
أنوار: واخا سيدي تقنااك
زهير: وكاااع لا.. (دخلو للمدينة ومشاو لبني نصر بوابة مليلية كيتسنااو حدا الميناء للي غيجيب ليه السلعة…)
أمال: (مع سلاو الحصة خرجت وجهها صفر والسخفة طالعة معاها شدت فذراع شيماء كتألم) بففف جاتني
شيماء: باينة فييك واش راكي دايرة اولويز؟؟
أمال: واه صباح هبط مني شوي دلوسخ (شادة كرشها) يا ربيييييي لحريييق
شيماء: ها هي شوية وتجي هند
أمال: (خرجو حدا لباب برا) لا لا لا مgاداااش منتسناوهاش نشدو تاكسي حسن
شيماء: واخا (شدو تاكسي وعلمو هند مدوزش عندهم ومن حسن حظهم مع حطهم التاكسي مع كان محمد واقف بطموبيلتو كيتسناهم تشاوفو بيناتهم كيحمدو الله حيت متسناوهاش نزلو مشاو لعندو كان واقف متكي على طموبيلتو بحال كيتسنااهم.. أول مرة غيشوفوه لابس دجين مع كابيتشو كحل محلول وسبرديلة من ديما كان مبهدل ومعندو سوق فلباس)
أمال: (ابتسامة موصلاش لعينيها) سلام خويا
محمد: سلام.. (كيهضر ويشوف فشيماء للي شافها لابسة فولار واخا باين فيه شي زغيبات وحتى من اللبسة للي لابسة مجيهاش مرخوفة كما كان كيشوفها زادت صحاحت هلى ككانت.. شاف فأمال) صاافي دخلي نتي
أمال: (قرنت حواجبها حاسة بحكرة منو دخلت حانية راسها كتقطع بلحريق على الاقل غير يسولها واش لبااس كتستغرب لييه وكتفكر الف مرة واش هي ختو ولا غير لاقيينها فالزنقة بزااف على هاد العلاقة الجامدة للي بيناتهم واخا هي كتحاول تهضرو الا هو كيعتابرها بحال مكينااش تفكرت أنوار لقات فرق كبييير ولد غرييب كيعاملها بحال الاميرة وخوها للي من لحمها ودمها ممعبرهاش ومعتابرها بحال شي حجرة وراسها كيقولها مزيياااان منين بعدا تعرفتي على أنوار للي زين ولون لييك حياااتك..)
شيماء: (شافت فوجهو غير حوايج وبدلووه اما الا تهلى فرااسو غيبان فشكل حتى من اللحية مطراسيها ومحسن شعرو للي كان مخربق كأنه خاارج فموعد غرااامي ياله كتحلل فراسها وتناقش اعجابها بييه حتى..)
محمد: غنباتو هنا ركبيي….
شيماء: (أفأفت وحلات لباب لقدامي ركبات حداه شافت فيه وهو غير مغوبش ديمارا وزاد)
محمد: (كان فصراع كبيير علاش خرجها وشنو بغا منها اول مرة يكون مع شي وحدة هاكا الراس فالراس حس براسو فشكل وماشي شخصيتو هادي توتر واش بالصح غيقولها شنو كيحس ولا شنو غيقوول جا يدوز كاتريام وهو يشوف فخاضها للي مطراسيين بالسروال دغيا هز راسو هااارب من شووفتهم ومكمل مع طريق) حم كماشية مع لقراية؟
شيماء: (كانت سااهية فيه كتحقق فيه مزيان) مزيان
محمد: (ضار يشوف فيها لقاها كتشوفو) هي غتفاليدي كولشي
شيماء: (محشمتش ومحيدتش عينيها.. تبسمت) مكرهتش
محمد: (قلب وجهو) حيت الا مدخلتوش كولشي غير ودعي هاد الحرية
شيماء: هه علاش ديما كلامك فيه التهديد؟؟
محمد: مكنهددش غير كنعلمك شنو غيوقع ياك لقرايا للي غربااتكم هنا (طانز) ولقرايا للي سبقتوها على زوااج دوونك خااصك تكوني مجهدة باش غتنجحي بمونسيو
شيماء: (بابتسامة) وغادي نجح بمونسيو هانتا غتشوف
محمد: دابا نشوفو.. امتى غتجي للدار عرس خوك مبقالو والو
شيماء: قالي وليد غيجي هو يدينا معاه
محمد: (ميق فيها) قالي!!!!!
شيماء: (باحراج) بغيت نgول gالي غير كنسى مع كنبقى نقرا شي روايات
محمد: ممكن.. مزيان (وقف الطموبيل ونزلو هي غير كضور عينيها ممتيقاش هدا محمد المعقد للي جابها هنا.. دخلو لبارك كان فيه حتى ناس كبار يعني القهوة لي غيجلسو فيها عائلية دخلو لداخل فين كاين ربيع جلسو) معمرك جلستي فشي قهوة؟
شيماء: عمرني.. مرة وحدة للي جا خويا وليد ومشينا للشوايات
محمد: اممم (متيقها) مزيان ولكافيتيريا للي فلفاك
شيماء: (تبسمت) مرة مرة كنشربو قهوة
محمد: قهوة غتوجعكم كنت نجلس تماك بزاااف انا ووليد (جلس هي غير كضور عينيها عجبها الحال ربيع وكيدورو حداهم حجل طاووس دجاج كتاكييت وهي كتبسم عاجبها الحال اما هو غير سااهي فييها واااخد راحتو فيها حتى نطق) نبقى نجي مرة مرة نخرجك
شيماء: (شافت فيه) انا من نهار جيت مخرجنا انا وأمال باينة وجدة غتكون زوينة (دايرة ابتسامة بلهاء وتاقنة دورها)
محمد: (كيشوف فيها) وجدة زيييييينة ومزال نوريك بزاااف…
أمال: (ياله بدلات حوايجها صونا أنوار تبسمت وسط لحرييق تخشات فبلاصتها للي كانت مزالة مفرشة من صباح.. حيدت شالها لاحتو وجوبات) سلااام..
أنوار: زيونات
أمال: (تبسمت) لباس عليك؟؟
أنوار: الحمد الله شنو تما؟؟
أمال: (مفهماتش) فين؟؟
أنوار: ههه زعما فين رااكي؟؟
أمال: جيت لشومبرة ديالي هند مزال مجات يمكن.. وشيماء حم (بغات تقج راسها منين لقات فمها كيسرسب)
أنوار: ياكما عندها شي موعد غرامي ههه
أمال: لا غير خويا كيهضر معاها حيت لبارح وقع بيناتهم شي مشكل
أنوار: خووووك!!! وااا داك نهار هند gالتلي كان بغاها لزواج
أمال: لا لا راه غير كيهضرو عادي بحال خوها
أنوار: كيهضر؟ مهم معاالينا اصلا مسوقيش فهاد لبلباالة للي كيهمني هو نتي اللوزة دياالي!!!
أمال: (تبسمت معوجة راسها ناسية حريقها) انا كنهمك؟؟
أنوار: وبزاااااااااف (كيشوف فزهير كيعمر السلعة فلكاميو مع جوج دراري من لحراكة للي كانو مساكن كيتسناو شي سلتة يدخلو فيها لمليلية.. دار رجل على رجل) مزال معرفتي هاد خوك امتى غيمشي فحالو؟؟ زعما توحشتك البنت
أمال: (عضت هلى شنافتها فرحانة) معرفت
أنوار: كتقتليني بهاد (كيعيبها) معرفت!!! ياو شكون يعرف اgليييع gلبي..
أمال: ههههه
أنوار: عجباااتك!! و Gولي احبيبة امتى
أمال: (فرحانة) مرانيش نكذب والله
أنوار: مصدقك العمر متكذبيش غير هو بغيت نشوفك هاد نهار زعما حايدت علية ديك جبيرة غير على ودك باش نجي عندك نشوفك
أمال: بالصح؟؟ على سلامتك فرحت ليك
أنوار: (جاي عندو زهير) صبري ازين.. شي حاجة؟؟
زهير: عطيني دوك لفلوس للي عطيتك (شدهم ورجع عند دوك دراري دور معهم 500 درهم للواحد) عنداكم تشريوهم غبرة ولا سيليسيون (بقا كينصح فيهم بحال كيعرفهم شكرووه ممتنين لييه حيت موالفين كيضبرو على راسهم ولكن هدا تهلا فيهم بزاايد عطاهم شي حوايج كانو عندو فلكوفر دياالو وشرالهم غدا ديالهم عاد التضويرة ومشا كيتفاهم مع مول الكاميون)
انوار: (رجع تيليفون لودنو) فين كنا؟؟
أمال: (زاد عليها لحريق محساات حتى خرجتها) ااااي
أنوار: (دارلو زهير اشارة باش يجي عندو) زين غنقطع بلاتي ونصوني عليك
أمال: واخا (قطعت فرحانة عنقت وسادة صغيرة كانت شراتها ودايرة تصويرتها فيها بلا فولار كتسنى يهدن عليها لحريق حتى خفاف وتغمضو عويناتها وتفكيرها غير فأنوار… أما فجهة اخرى كان محمد كيعاود لشيماء شنو داز عليهم فلفاك هو ووليد وكفاش كانو كيخدمو يا فقهاوي يا مكتبات مهم مكيتسناوش لفلوس من عند باهم وفالصيف كيخدمو فحانوت ديالهم حتى كبر نهار على نهار)
شيماء: واه كان وليد قالهالي هههه منين كيلقاني كنشتت فلفلوس بزاف كيبقى يgولي حاولي راه عرق كتافي تماك ههه
محمد: عندو الصح ديما خاصك تخلي احتياط عندك زعما نتوما لعيالات عندكم مع هادشي
شيماء: (محملتش كلمة عيالات) اممم
محمد: (جا السرباي) شنو تاكل؟
شيماء: (مكتعجبهاش طريقة كلامو كتجيها سلطوية بزاف) للي كان (خاصها تبين انها مكتعرف والو)
محمد: نتي لي بعيدة على داركم شنو مشهية
شيماء: اممم للي كان والله معرفت انا ناكل كولشي للي طلبتيلي مموالفاش نجي هنا ونطلب لماكلة
محمد: بففف (شاف فالسرباي لقاه شاف فشيماء وكانت شوفة عادية) آآآاااا بناادم شووف هنا (ضار شاف فيه) جيييب… شيماء بغيتي طاجين؟؟
شيماء: (فبالها… طاجييييين بففف) للي بغيت
محمد: سير اخويا نتا حتى نجي انا ندموندي (مشا السرباي وشاف فشيماء) متحشميش gولي شنو بغيتي ويجي عندك
شيماء: اممم (شافت فلموني للي كان محطوط وشحال تسناتو يقولها ختاري) شنو هدا؟؟
محمد: هزي شوفي شنو بغيتي تماك مكتوب كاع للي كاين هنا (بقى كيشوف فيها وشوية بشوية شكوك انهم كيخرجو يديرو مبغاو كيمشي شاف فيها) لgيتي؟
شيماء: (كانت مشهية بيتزا) هادي
محمد: زيدي شي حاجة اخرى هادي مغتشبعكش راه غير خبز مدهون
شيماء: (بابتسامة صفرا زادت معاها صلاد وفريت وعصير وهو طلب طاجين لحم بلبرقوق بقات كتعيب على هضرتو وذووقو وكفاش كيهضر وكدير مقاارنة بينو وبين أنوار ككيدير مع أمال.. بقاو ساكتين مدة) جيتي على قبل السلعة؟؟
محمد: وعلاش تسولي؟؟؟
شيماء: محمد ماالك كما نتا تسول فية حتى انا كنسول عاادي ماشي كولشي تفهمو غالط
محمد: (قرن حوابو) متغوتييييش
شيماء: مكنغوتش غير ديما كتخليني نحس نتا متيقش فية
محمد: نتي لي بغيتي هاكا نهار بغيت نخطبك ورديتيني علاااش ياك من ديما كنتي تبينيلي راك باغية؟؟؟ وgلت ليك فدرووج راه جاي نديك فلعشية ظحكتي ودرتي فية الظحك
شيماء: (ضربات الطم وشافت فجهة اخرى هي منين كانت كتلقااه الا تبسم معاها تردهالو ومنين كيحضيها كطل من السرجم كانت تبسم معاه وهو فهمها انها مايلة ليه كما هو مايل لييها.. وهي بكترة لقنط كانت محتاجة تحس بهاد المشاعر وتعرف راه كااين للي باغيها)
محمد: شنو كذبت؟؟ جات لوقيتة للي نهضرو وهي داابا
شيماء: (كتهرب) عفاك انا كنحشم منك
محمد: واش مبغيتيش تزوجي حيت كتحشمي؟؟
شيماء: (فضلات تسكت شي حاجة فعقلها كتقولها خليه سكووور باينة كيبغييك خلييه اخر حل ومتنفريييهش منك)
محمد: متحشميش غير هضري مستاعد نعاود نخطبك من عند عمي ونديييك (جا السرباي حط الطلبية ومشا.. شافها حنات راسها) زيدي تاكلي بعدا
شيماء: (مخلالهاش شهية للماكلة وخلعها منين قالها نرجع نخطبك قلبت وجهها وهو غير حاضيها)
محمد: يا كولي
شيماء: مفياش
محمد: وعلاش؟
شيماء: نتا كتبقى تغوت علية بزاف
محمد: اناا؟؟؟
شيماء: واه
محمد: مغوتش انا ابنت عمي كنgولك باغيك للحلال يعني باغيك تكوني مرتي وديالي شنو العيب فدشي للي gلت
شيماء: (توترت) راه كنحشم منك
محمد: منين غنتزوجو مغتبقايش تحشمي ولا نتي مباغاش؟
شيماء: (بففف على سؤااال حنات عينيها موقف زباالة فين تحطاات)
محمد: غير gولي مبغيتش مغتبقاش نضور بيك مرة اخرى ونعتابرك مكيناااش
شيماء: (شافت فيه) يعني دغيا غتنساني سااهلة عندك!!
محمد: (قوس عينو فيها للي كيبريييو) وكان عرفتي شحال كرهتك وكرهت منين مقبلوش وليديك يعطيوك لية متسولنيش كما هااك
شيماء: (تبسمت) كتحشمني (شدات فهاد لكلمة لي طظل تسمعها من عند أمال وفعلا حشمها)
محمد: (تبسم ولاول مرة) بغيتي وقت تفكري؟؟؟
شيماء: عفاك كتحشمني
محمد: (وهو هادشي للي بغا بغاها تكون ديما حشومية ومكتهزش الرااس) وكولي دابا (بقا هو كياكل ممسوقش وحتى هي كتااكل ولكن ماشي بشهوة كما هو للي تفتحاتلو الشهية وناااشط ولكن ممبينش…)
~~~~~~~~~~~~
زهير: (راجعين لوجدة وكيحك فعينو من قلة نعااس ولعيا اما أنوار جابد علييها بنعسة كلاكسونا بالجهد حتى زعزعو) عولت عليك بكري
أنوار: بفففف وا خلعتيينا ابنادم
زهير: (شعل كارو بيد) كان gالي باك بغيت شي سلاح؟
أنوار: (صحصح) مكرهتش
زهير: اش بغيت تgجدر بيه
أنوار: للي سمعك يgول نتوما كظلو تحااربو كما عندكم نتوما بغيتو حتى يانا
زهير: معندك مدير بزبل
أنوار: (بعناد) لا والو حتى انا بغيت
زهير: (حرك راسو بلا حولة وبقا ساكت حتى وصلو لوجدة) فين بغيتي نحطك
أنوار: صبر نشووف (دوز نمرتها دغيا جوباتو) زين
أمال: سلام
أنوار: نشوفك دابا؟؟؟
زهير: بففف وطلقنا
أنوار: (تحرجات) حم راه خويا مزال هنا
أنوار: بففف صافي صافي من بعد ونهضر معاك (طلعاتلو الدم) صافي غير زيد للدار (زادو ولكاميو تابعو وصلو للدار دخلات لكاميو وعطات بظهرها لدار زهير فتح لباب) خاصك دراري يهزو معاك
زهير: كاين نتا وخووتك (طانز) باك راجل كبير حشومة يجي يهز معانا..
أنوار: ها
زهير: هو.. (مشا للدار عيط على عبد الوافي وعبد الله كيهزو ويدخلو للدار مكرهين من هاد الخدمة للي خرجاتلهم من الجنب اما واحد أنوار كيمشي غير لبياسات لخفاف زهير ممسوقش كيهز علاش قد لمهم غيعانووه ومغيجيبش دراري من الزنقة يخلصهم…)
هند: أماال مااالك!!
أمال: (بحزن وتنهيييدة طوييلة) أنوار كاعي مني
هند: هه صافي بديتو
أمال: شنو بدينا؟؟
هند: من دابا احبيبة هو يتقلق ونتي ترغبي عاود نتي تقلقي وهو يرغب هاكا كتمشي ااقضية
أمال: ولكن انا خفت نخرج عندو وخويا هنا
هند: معليش تلقايه غير موحشك اهم حااجة متنفخيهش بزاف باش ميشوفش رااسو متولفيهش قاعدة ديال نتي تصالحييه خليه حتى يتفش على خااطرو ويجي يهضر معاك
أمال: هاا (مسحات لميساج للي كانت كاتبة كتعتاذر فيه وكاتبة جريدة فييه) واااه عندك الصح (اما هند رجعت كتخرب فانستغرام حتى طلعاتلها ابييل والمفاجئة كانت وليد وليد للي مولاتش جوبااتو تبسمت بجنب ناضت من حدا امال ومشات للسرجم بالزربة لي فينما جات شي ابيل لشي وحدة فيهم كتوقف فيه..)
هند: (بكل انوثة) ووووي…
وليد: (قوس عينو) على سلامة منين جاوبتي
هند: علاش صونيتي قبل ومجاوبتش
وليد: لا ولكن كتبت ليك فواتس ومجوبتيش
هند: خفت تقولي شي كلمة خايبة عاود
وليد: شنو سميتك بعدا
هند: ضروري؟؟
وليد: وهااا تبرهييش الا مبغيتيش تهضري دابا غنمسح نمرتك نتي باغا تهضري معايا وكتعرفيني حتى انا من حقي نعرف شكون نتي
هند: حم غيتة
وليد: اممم ومنين جبتي نمرتي
هند: نسى هاد الجزء خليه حتى لمن بعد واخا!!
وليد: (قاتلو الفراغ والملل حتى هو لا صحاب لا صحابات غير قاتل الوقت بالخدمة) واخا ساكنة فالمغرب ولا فبلجيكا
هند: باينة المغرب.. زعما نمرتي للي طالعة ليك دلمغرب
وليد: اممم مزيان اشمن مدينة
هند: (حست راسها عند لبوليس) وجدة
وليد: اممم (جاه شك خفيف ان هاد لبنت كتعرف ختو حيت مكيعرف حتى واحد تمااك وهاد لمرة للي خلاتو يبقى فيها غي فاش مشا عند ختو لدار الطالبة للي عامرة بناات..) مزيان هي سااهلة نجي نشووفك (بغا يخلعها باش تقولو شكون هي)
هند: (سكتات)
وليد: شنو كديري فحيااتك؟؟
هند: فرملية اشااف
وليد: (تبسم) هادي بعدا احسن مهنة كتجي مع لبنات
هند: زعما!! انا كيجيوني مبقاش لفرق اي خدمة كتليق للبنت وللراجل
وليد: عندي انا لا لبنت ديما خاصها تبقى فايطار الانوثة ديالها كاين الصحة كاين التعليم مهم تكون فبيرو ولا حتى اعمال حرة فنطاق المعقول ومتكونش عليها تماارة
هند: (عجبها تفكيرو) وداكشي علاش حتى انا ختاريت هاد الضومين
وليد: نتي ماشي وجدية
هند: (طرطقت عينها) لا لا وجدية غير كابرة فالسونطر
وليد: هههه واخا لالة مهم غيثة انا غنقطع دابا حيت خدمة شوية مزيرة فالليل ونعيط عليك
هند: واخا (قطع وشافت فالتيليفون متبسمة واستغربت لانه كيبان خاايب وقااسح ماشي دغيا نساجم وكيعطي افكاارو.. رجعت لشومبر لقات أمال جالسة شادة حق الله ودايرة يدها على حنكها وباينة فيها مقلقة) هههه مخلية لقوورع بلا عشا
أمال: هم..
هند: كتسنايه يصوني؟؟
أمال: مموالفش يغيب كاع هاكا
هند: عادي تلقايه مشغول فشي حااجة نوضي حفضي داك التلخيص للي لخصتي لبارح
أمال: (بتتهيدة) معندي خاااطر
هند: سمعي أمال نصييحة مني تبقاي تفرقي بين حفاظتك وقرايتك وبين الحب ومستقبلك راه الا فضلتي لقليب على لعقل غتبقاي ديما اللور اللور خاص يكون تواازن وخاص تحطي هدف بين عينييك نفتارضو مثلا تزوجتي بهاد أنوار وخلاك تخدمي خاص تكون عندك الإجازة دياالك فرق تكون مزوجة وغتخدمي على مزوجة وعاد باغا تقرااي ولمرا منين كتكون مستقلة ماااديا مغتخاافيش من الراااجل واش يخليك ولا لا زاائد وأهم حاجة داركم صيفطوك تقراي بالسيف علييهم خاصك تبيني ليهم انك بالصح باغا تقرااي وتجيبي كولشي بمونسيون
أمال: باالصح!!!
هند: ياله نجيبو بعدا باش نديرو كاسكروط ولا عشا
أمال: غير خليني خويا فأي وقت يبانلو يجي والا لقاني برا راكي عاارفة وضروري غيعيطلي باش يجي يشوفني
هند: صافي انا نخرج مشهية شي حاجة
أمال: (وقفات مشات جابت فلوس من بزطامها) بغيت طاكوس ويكون كبيييير ومعاه بطاطا مقلية وبغيت مونادا كوكا وبغيت شيبس للي طويلة بحال لي كتجيبي
هند: هههه وكاان؟؟؟ هادشي غير طالعالك… اححح شتي الميزة ديال تاكلي ومتبانش فييك انا بديت كنتريني خاص ماكلتي تكون صحية
أمال: (معندها نفس) اودي غير تgولي انا بعدا باغاها تباان فية هاد لماكلة ومبقاش كنبان بحال الجلدة على العظم…
شيماء: (خرجت من الطموبيل ووقفات حدا باب الدار حتى هو خرج ووقف حداها داير يدو فجياابو واخا هضرتو قاسحة الا هاد ستيل بينو واحد اخر.. تبسمت معاه) محمد انا ندخل
محمد: (متردد وشاف فجهة اخرى) متعاوديش ديري ديك الحالة فرااسك
شيماء: واخا
محمد: (شاف فيها) خاصك شي حاجة؟؟
شيماء: (تبسمت) لا وشكرا على هاد الخرجة دازت زوينة بزاااف
محمد: اممم صافي سيري دخلي فحالك
شيماء: (بففف) بسلامة
محمد: اجي هاكي (رجعت جبد 2 جوات من جيبو ومدو ليها) عطي هدا لأمال وهدا ليك واالا خصاتك شي حاجة عيطيلي وحتى الا مخصاتكش عيطيلي
شيماء: (معرفت ترفض ولا شنو دير شداتهم ودارلها اشارة براسو دخل دخلات من لباب لكبير وكلاكسونات عليها طموبيل حسابلها هو تابعها حتى لقاتها هند ضارت شافتو مزال كيشوف عطاتها طريق بحال شي وحدة مكتعرفهاش ودخلات غير غبرت هند وقفاتلها وركبات معاها) بفففف نهار دزبل
هند: (بقات كتشوف فيها) اربي واش هداك محمد خو أماال
شيماء: واه هو
هند: السيد مبوكص اصاحبتي معندك متقولي
شيماء: وراه حتى انا صدمني فيه عمري شفتو هاكا ولكن تعامل زيييرو
هند: اممم كولشي على التعامل وباين زيرو غير منين مخلي ختو ومخرجك نتي
شيماء: مكيعرفش يهضر حدو (كتعيبو وكتغلض صوتها) انا بغيتك انا بغيتك حلالي حقا نعطيك وقت تفكري لسقة تفووو
هند: (هزت حاجبها) بنيتك!
شيماء: واه
هند: (لوات شنليفها) عليها بقاو كيقولو مبقاوش بنات الناس
شيماء: مفهمتش
هند: بلعربية نتي باغا شي برهوش يمرمد مك وهدا للي لاسق فيك وباغيك لحلال جايك عروبي ومعاجبكش باااز بقاي كتقلبي على شي حاجة ماشي دياالك حتى تصدقي يد اللور ويد لقدااام (صاكت حطات طموبيلتها هزت لعشا للي جابت وجابت حتى ليها) تعشيتي بعدا
شيماء: اوا هادشي للي gلتلك مرجعني دابا حقا مشا الحال وخاصك دخلي يديني غير يعشيني فشي ريسطو زوين
هند: (زادت مخلياها كتهضر بووحدها جاتها مبرهشة دخلات عند أمال للي كانت كتراجع ولكن باينة فيها مقلقة) نبدل حوايجي ونجي (دخلت شيماء)
شيماء: سلام
أمال: (شافت فيدها كانت كتسنى يجيها لعشى بحال وليد للي ماشي خوها وتفكرها وهدا للي خوها متفكرهاش) سلام واش مشا محمد
شيماء: واه
أمال: (بحزن سكتات)
شيماء: (جمعات دوك جوايات لي عطاها دارتهم تحت حوايجها عاد حيدات شاالها) عييييت
أمال: فين مشيتو؟؟
شيماء: مشينا لواحد لبارك زوييين
أمال: مزيان وشنو بغاك؟؟
شيماء: بغاني للحلال هههه ولكن اصاحبتي صدمني منين جا مقاد هااكا
أمال: (بحزن بقا فيها الحال حيت مخرجهاش هي ختو خاصو يعاملها بهاد المنطق) واه جا زوين
شيماء: نحايد حوايجي (ناضت كتحايد حوايجها وكتفكر هاد نهار احسن حاجة منين قالها نعطيك وقت جات هند لابسة بيجامة حطات لماكلة فطباسل) جبتولي حقي
وهند: خلصي عاد كولي
شيماء: وغير هاري دابا نعطيك
هند: خلصي (جابتلها لخلاص عاد كلاو مجمعين مع شيماء للي كتعاود لييهم على محمد ومذكراتش جوا للي صيفط لأمال بجوجهم ومن خلال معاودتها علييه تافقو انه باغييها خاصها تعطييه غير وقت أما هي فراسها حوايج اخرييين…)
~~~~~~~~~~~~
أنوار: (كيلهت مفقوس) والله وكنت نعرف تابعني هاد تمارة حتى نخلي مها ديك جبيرة شهر فرجلي
زهير: (تبسم) وعاد مصدعلي ك** باغي نتريني باغي ندير العضلاو ونتا جوج كيلو خلاوك باغي تسخف
أنوار: اممم (جابتلهم لكاملة طبسيل ديال كسكسو طاحو عليه مخلاوش حبة عاد كل واحد تفرق جات لكاملة كتجمع) واش مي هي للي كطيب؟؟
الكاملة: لا لويساتي زعما خوتاتك للي كيطيبو
زهير: اممم (زاد مخليها كتعوج فمها من مور ظهرو مشا لدارو فين مرتاح بووحدو.. اما أنوار دخل ونعس فلبلاصة مهدوووود من تمارة ديال هاد نهار مخلي أمال جالسة كتسنى فيه يصووني عيات صابرة صيفطاتلو ميساج فيه *سلام* زعما اهيا صوني وتفكرني ساعة ملقات منو واالو منعست حتى عياات متسناااه….)
هند: (حلات عينيها بالزز على صونيط تيليفونها للي نسات مدارتش ليه سيلونص كان وليد هزت حاجبها وفلبلاصة صحصحت حطت يدها على جبهتها وجاوبت) الووو..
وليد: بفف عاد تفكرت غتكون عندكم 5 ونص ديال صبااح صافي صافي غير رجعي نعسي
هند: ها لا معليش اصلا كنت فايقة (كدور عينيها وملقات متقول من غير) اصلا كنت بغيت نصلي
وليد: اممم مزيان الله يقبل الالة خدامة هاد نهار؟؟
هند: وي مع 8
وليد: مزيان… براافو
هند: هه علاش؟؟
وليد: والو والو مهم بلا منشدك سيري صلي من بعد ونصوني عليك على منمشي للخدمة
هند: شنو خدام؟؟
وليد: (هز حاجبو) علاش معرفاش هادي ولا فلتات ليك
هند: تاايق فرااسك اسمييتك
وليد: هه بسلامة (قطع وهي معرفت واش ترجع تنعس ولا تسناه يصوني وفالتالي منين شافت راسها كذبات اللهم تنوض ديرها بالصح.. وصلات ديك الستة ونص والو مصوناش) خرا على مرض يقول منصونيش رجع نشبع غير نعااس تفوووو… (ناضت لبسات مونطو وعينيها كيتسدو بنعاس هزت طموبيلتها وكانت الشمش مزال مشرقات مزيان.. مشات تقلب على لمسمن شراتو هو وشي لعيبات ورجعت ياله طالعة فدروج وهو يصوني حنحنااات) هالووو
وليد: (شاد تيليفون فكتفو وخدام بيديه) وعليكم السلام فقتي؟؟
هند: (مفقوسة) وعلاه انا رجعت نعست
وليد: علاش منعستيش؟؟
هند: (طانزة) كنت شادة التسبيح كنذكر
وليد: (تعجب) واايلي
هند: اممم فطرتي؟؟
وليد: منين صليت لفجر هنا سابقك ب3 دسوايع
هند: مزيان بصحتك وراحتك انا عاد غنفطر
وليد: بصحتك ياله نخليك.. (قطع معاها وكمل شغلو اما هي مشات كتعمر اتااي لويسكي ديالهم للي ميقدروش يستغناو علييه سخنات دوك لمسيمنات سلقات بيضات وحطات الزيت والزيتون والفرماج مشات عند لبنات جبدات الساروت حلات وبدات كتهلل عليهم) واااااافييقو ابنااااااادم شيمااااااء أماااااااال وافييييييقوووو (ناضو مفزوعين على صووتها) انا قاديت لفطوور دابا كونو هنا والله منتسنااكم
شيماء: بففف شنو مفيقك على بونبير ازمرة الساعة ومزال مصونات
أمال: (كتفوه) انا منعساش بكري خليني نعس
هند: والله حتى تنوضو داابا فطرو محدو سخوون (ناضو كيتكسولو) أماال سبقي لفطور عاد صلي (مشاو غسلو وجههم وجاو لقاوها حطات لفطور محدهم كياكلو وهوما كيصحصحو كملو جمعو داكشي وناضو كيلبسو حوايجهم أمال طايح عليها الضيم حيت مرجعش أنوار هضر معاها واخا هكاك قداات راسها كما موااالفة احتمالية يجي عندها.. كانت شتا كطيح هزو مظيلات وخرجو كما العادة وحدة كتعاود وهاد لمرة شيماء للي كتعاود على محمد للي صونا عليها معطل وقالها راه وصل)
هند: يعني صافي تصاحبتو؟؟
شيماء: لاااااا
أمال: وشنو غتخطبو؟؟
شيماء: هو gالي نهضر مع بابا يعاود يخطب فية ولكن درت فيها حشومية كتر من لقياس داكشي للي كديري حتى نتي أمال منين كتكوني مع صااحبك
أمال: انا مكنتصنعهاش
شيماء: اممم مهم gالي نعطيك وقت هااا هو سكوور حتى يبان شي واحد كما باغاه أنا
هند: حشووومة هنا كتبيني راسك راك ق**** دوريجين
شيماء: اوا حشاااك
هند: ومالي كذبت عليك السيد باين طايح فيك قطعيها معاه اه ولا لا
شيماء: راه الا gلتلو لا يحطني فراسو ويرجعنا لتمااك
أمال: (غير ساكتة كتسمع)
هند: منظنش ولكن نتوما تعرفووه كتر غير هو مطمعيهش بزااف كما كان لحال دمو غيكون سخون ومغيبغيش للي ظحك عليه
شيماء: (شقلبت عينها) يمشي يق***
أمال: أحاااي كتgولي فلكلام لخاايب!!!!
شيماء: سيري تخراي نتي عاود.. (وصلو لفااك) بففف شتا مجهدة
أمال: (بقى فيها الحال خرجات دارت باي باي لهند ومشات تابعاها شيماء وقفات معبطة عينيها ونافخة حنوكها)
شيماء: عاااود تقلقتي اصاحبتي تعودي على هادشي زعما راه مبيناتناش هادشي وعاد.رجعنا ساكنين فلمديمة وديال رووسنا (شدت فذراعها)
أمال: متعاوديش تgولي لكلام لخايب هادشي مكيليقش للبنت
شيماء: هههه ييه نتعلمو منك…
أمينة: أمااا واش زهير مطول
الجدة: (بفرحة) واه ابنتي خييك رجع لبلادو
أمينة: (عوجت فمها) مزيااان (شافت فختها وباشارة بعينيها أكدات عليها أنه مزاال بااقي منين كيكون هو مكياخدوش راحتهم مزيان فدار مهم واخا مهلي فيهم بلكادوات ولكن مكيجمعش معاهم من اخر نقاش وقع بيناتهم على حقهم فالورث للي عبارة عن أرض للي مبنية فيهم دار مهم) اوااااا منين جاااا.. هو ولكبير للي واخدين حقنا خاصهم يععطيونا حقنا ياك رجع ومغيكون رجع غير الا كان جاامع فلوس صحيييييييحة وبحالا سمعت عوال يدير شي محاال كبير فسونطر
الجدة: (دارت يدها على راسها) ابرديييييي على هاد لورث للي تابعينو.. ابنتي واش نتي طامعة فهاد لحيوط للي ساكنة فيهم انا
أمينة: لاااا أمااا حااشا غير هو هاد الدار تكتب بسميتنا ب3 انا وخيتي ونتي ياك هوما بديوورهم سمحناالهم بثمن الارض تمرح فيها لكاملة وعريساتها على خاااطرهم ولكن هاد الدار راه ديالنا انا وختي وحتى نتي ياااك اعيشة
عيشة: يييه اما الحق حق
الجدة: اوا الا كان لحق حق راه دارنا لتحت اما هاد لفوقي خوك زهير للي بنااه
عيشة: بنااه لمووو حنا عطيونا الدار السفلية باش منين نجيو مع رجالاتنا منحشموش ونتي ها لفوقي وهواااه دياالك
الجدة: (مستغربة) اوييل لعدا ابنتي وعلاه فاش كتجيو ياك كتشدوها غير نتوما وبزكم فاش كتحشمو؟؟؟
عيشة: بففف واخا هكاك بغيناها مكتووبة لولاد مزال يكبرو وزهير غدا ولا بعدو يتزوج ويطمع حتى فهنا كاااع نسا واخدين شي حاجة من دار باهم الا لينا حنا
الجدة: (مكيتهناو حتى كيفقسوها وكترد لقلبها وكتبقى غير ساكتة حتى ناضت داايخة) نمشي لبيتي رتاح
أمينة: (صاطت) ونوووض انا عاود نطيب لغدا عيشة اجي عجني راه دوورك
عيشة: لكاملة للي غتعجن غير قادي لغدا صباااح هي ناضت وعجنات الخبز لكولشي
الجدة: غير خليه ابنتي انا نعجنو
أمينة: عاود تفgعتي أمااا ديما منين انا وختي نهضرو على حقنا تردينا خايبااات
عيشة: زعما راك حاافظة كلام الله أما الله يهديك الله يهديك
الجدة: يييه ابنااتي الله يهدييني (بتنهييدة مشات لبيتها وفقلبها غبيينة على بناتها طيبوها بهاد الهضرة وكان ماشي زهير ولكبير واقفين ليها غتكتب ليهم الدار وتهنى.. دخلت لبيتها ياله بغات تسد السرجم كيباناها ولدها كيحل السرجم تبسم معاها وعينيه مبوقين بنعاس) ولدي رواح تفطر
زهير: (عينيه باقيين مكمشين بنعاس) واخ (جر صندالتو مشا لبس مزيان خرج من بيتو من بعد مسورتو وحط سوارت فجيبو كيشوف فالدار طووب ديال مرونة ومعرف منين يبدااها نزل لتحت كان مكرفس كتر من لفوق.. حل لباب كانت شتا كطييح تمشى جنب تحت الدار دار قبو عاد قطع لدار مو للي بابها ديما محلول دخل كان لبز كيلعبو جاو سلمو علييه وحتى للي بعقلهم كيحتارموه جاو باسو ليه يديه واخا مكيبغييش ولكن نوع من الاحتراام منهم سولهم على الاحوال عاد طلع لبيت مو نيشان لقاها جايبة ليه صينية فيه خبز لمطلوع زيت زيتون وفرماج عسل سمن وبراد صغير ديال اتاي كتوجدولو ديما فصباح فيه نعناع وفليو من داكشي للي كيزرع فجنان.. وشي شكيلات ديال الحلوة كانو جايبينهم لبنات باسلها يدها عاد راسها عاد يدها) ما كصبحتي؟؟
الجدة: الحمد الله اولدي ونتا؟؟
زهير: الحمد الله.. الحمد الله هاد الساعة.. كبقاولك ركابيك؟؟
الجدة: (كانت كتقيس فيهم) نفعتني اوليدي ديك لبومادا للي جبتيلي
زهير: السيمانة جاية رجعو عند طبيب
الجدة: بلاش اولدي
زهير: نمشيو gلاك بلاش صحتك واش فيها اللعب أما
الجدة: فطر بعدا اولدي (جلس فالارض على الزربية للي مخدومة بيدها جر لغطا ديال طبيلة صغيرة ودارها فوق ركابيه وبقا كياكل من غير ميدير حتى فتاتة فالارض كمل داكشي فسكاات وناض هز ديك الصينية لكبيرة) نطلعها لفوg ورجع (حركات راسها باه حيت كانت كتسبح طلع لفوق فسطح فين كاينة كوزينا كبيرة كتستعمل حتى كيجيو لبنات وتكون الدار عامرة اما كاينة كوزينة صغيرة للجدة فيها غير داكشي للي كتحتاج منين كتكون بوحدها كانو خوتاتو كيهضرو غير دخل سكتو حدو قال السلام حط الصينية وخرج مخليهم كيجلدوها فييه ممصروطاش ليهم صغيير فييهم ومعطياالو هاد القييمة كااملة عندو مهم…)
أنوار: (مع فاق وحل عينو مع عيط لاجونص ديال لاسورانس للي مسؤولين يقادولو طموبيلتو للي تعنفجات فلكسيدة ومن حسن حظو تقادات) الله يحفظك.. واخا مرحبا.. اممم شي ساعة كاع ونكون عندكم.. الله يعاون (قطع عاد شاف فالساعة للي كانت 9 ونص تجبد على خاااطرو عاود قلب تيليفونو ودار نصف ابتسااامة منين لقا ميساج من عندها وظحكمنين لقاهاكاتبة كلمة وحدة وهي #السلام) شقييتي راااسك احنؤنتي وصيفطتيلي السلام كااه هههه والله مفهمت هاد لبنت واش كديرها بلعااني ولا اصلا ممسوقاااش لقبيلتي مكاينة حبيبي فيينك توحشتك مالك مصونيتي فين غاابر وااالو… (ناض خرج للحمام نيشان يدير روتينو وهبط لتحت فين حطاتلو الكاملة لفطور ورجعات طلعات للكوزينة حيت دايرين نفس الديكور للي فدار مو)
جهان: (كتحزرها) وا مي لكااملة وصااافي
الكاملة: (نافخة عليها) انا تشكيني لولدي وكان غير درت علاش
جهان: ههه (عنقاتها) وبحال ماما ياك نهار اللول قلتيلي انا بحال بنتك ونتي بحال ماما وديريني بحال سناااء منين كتكون كتوحم
الكامة: (منفخة) باين هاد لوحم غيطلع علية انا عااله غير تجيبيشي بمت فزيني
جهان: ههه وشكون بحاالي نجيب هاد الزييين
الكاملة: سيري سيري برااكة من لبساالة نمشي نخبز (خرجت ونزهة وجهان طرطقو بالظحك)
نزهة: كنتخيلك جبتي شي بنت ولا ولد بحاالها
جهان: الله يسترني وكان ماشي عبد الوافي للي قالي نطلب منها سمااحة والله متشوفها مني
نزهة: يخ كولهم ولاد مهم للي شافهم مرجلين والا مهم تقلقات مدوزش ليهم الدغمة
جهان: اوا من اللول بينو لينا كولشي وحنا قبلنا…
أنوار: (غير فطر خرج قبل ميبان لزهير للي عطاه الكلمة باش يجي يعانو فتمارة حتى هاد نهار.. سلت كيتمشى مساافة حتى لقى تاكسي كبيرة ركب فيها وصلاتو قريبة لاجونص خدا وراقيه عاد مشا عند لميكانيك خدا طموبيلتو من بعد مخلص الفرق وشي لاخر لاجونص للي غتكلف بيه ركب فيها وهو كيقلب فيها وفرحان بيها واخيييرا رجعااتلو كان حاس بالنقص بلا بيييها وصلات 12 وصونا على أمال) ارا نشوفو هاد لبنت (بقا كيصوني حتى بغا يقطع عاد سمع تنفسها) على سلامتك
أمال: (متوترة وشدها مغص فكرشها بلفرحة) حم سلام
أنوار: فيين الالة
أمال: هااانا هنا فلفااك
أنوار: نجي عندك نشووفك (طانز) زعما الا بغيتي وخوك مشا فحاالو
أمال: (باينة مقلق حيت من ديما كيظحكها ويقول كلام زوين) اجي
أنوار: وغتركبي معايا ولا غتخبعي من مور صحبااتك
أمال: (كتبلع ريقها) واخا
أنوار: أنا جااي (قطع وخلاها غير كتشوف موحشة تشوفو ولكن الا بقى مقلق منها مغتكونش مرتاحة ومغتعرفش حتى تشوف فيه.. شافت فشيماء)
أمال: غيجي انوار
شيماء: (تبسمت) مزيااان شحال مشفناه نيت
أمال: (مقدرتش تقولها راه بغاني بوحدي سكتت وخرجو لبرا حدا لباب فين كاين الداخل والخارج والوااقف وللي جالس.. شيماء حيدت شالها ودارت عكر مداتو لأمال للي ضارت للحيط ودارت شوية ودارت شوية من باغفانها وضارت متوترة مستحيل تخلي شيماء بووحدها متقدرش تخوي بييها ومغترتاحش الا كانو بووحدهم.. قشعت طموبيلتو وقفات وهو نزل الزاجة وهز تيليفونو) حم راه جا
شيماء: (تبسمت) ياله (جراتها بحالا هي للي صاحبتو ومشاو وقفو عندو.. دقت على بابو) أنواااااار..
أنوار: (شافها تبسم) شيماء (شاف فأماال للي كتشوف فييه ولكن مبعدة) أماال
أمال: سلام
شيماء: رجعتي طموبيلتك قادوهاالك ورجعوها جديدة
أنوار: واه (كيهضر او بالاحرى كيجاوب شيماء ويطل على أمال للي غير ساكتة وغير يشوف فيها تحني عينيها) طلعو (متبع أمال للي دايزة قدامو كيعبرها شنو لابسة حتى كيشوف فشيماء طلعات حداه مفهم واالو وأمال طلعات اللور شاربة الفقسة)
شيماء: ياك معليش ركب هنا اصلا امال مكتبغيش تجلس لقدام ومجاياش نجلسوبجوجنا اللور
أمال: (غير كتشووف معجبهاش الديكور ومفهمتش علاش سبقاتها لتمااك شافت فأنوار)
أنوار: لا الا هي مبغاتش مغنبززوش عليها (هاد الجملة خلات أمال بغات تبكي…)
هند: (صونا عليها وليد خرجت عيينخا ممتيقاش نمرتو طاالعة عندها شحال وهي كتحلم غير بشوفة منو ودابا كيصوني فرحت بزااف) وييينوو هاد السيد حنين دغيا كيولف (جوبات فرحانة) الوو
وليد: غيثة صافا؟؟
هند: الحمد الله ونتا؟؟
وليد: هااا حنا لخدمة كتييرة قرب راس العام وهنا لمغاربة كيبغيو يتقداو هادشي المغربي
هند: واش عندك شي محال تماك ديال هادشي ديال المغاربة؟؟
وليد: (جالس ومتكي على لكونطوار) وي كاريين انا وصاحبي محال كبيير ودايرين فيه كل ما هو مغربي
هند: (بانبهار) مشرووع غزاال صرااحة.. وتماك كيبغيو هادشي
وليد: وي القضية ماشية مزيان.. نتي خدامة؟؟
هند: (كانت نيت سطاج فصبيطار) وي ياله لقيتني غنمشي للدار
وليد: مزيان بعدا غتلقاي غداك موجوود ماشي بحالي زووفري الا مطيبتش نبقى بالجوع
هند: (نسات رااسها) اشمن غدا غدا قالاك الله يهديك ياله غنمشي نقادو باش رجع مع 2ونص
وليد: (لعب بلسانو فوسط فمو ساااكت) اممم انا من نواحي وجدة من تاوريرت بالظبط غتكوني ديجا عاارفة ولكن كنعرف لكنة ديال وجاادة اولهم وأهمهم مكيهضروش بالقااف
هند: (غمضت عينيها كتسمع ليه)
وليد: نتي ماشي وجدية ااغيييثة!! ويمكن ساكنة بووحدك وبحال والو ماشي فرملية ومغنتعجبش الا لقيت سميتك ماشي غيثة
هند: (بتنهيدة بقات سااكتة عاد نطقات) بالصح ساكنة بوحدي
وليد: وعلاش لكذوب؟
هند: (معندها حتى تبرير من غير مبغاتش تقولو انا هند حيت الا عرفها هي غيبلوكيها فلبلاصة وتقدر يخاصم على ختو)
وليد: فالليل نهضر معاك ولكن بغيت نهضر معاك ونتي كتgولي الصح والا معندها حتى فائدة هاد التعارف الا كان مبني على لكذوب
هند: (زيرها) واخا
وليد: غيثة يعني الا بالصح سميتك غيثة معندك علاش تكذبي علية بغيتيني نعرفك خليني نعرفك على حقيقتك متخلقيش شي شخصية اخرى حيت من بعد الا حصلت عليك لكذووب..
هند: واخا
وليد: بسلامة (قطع وحط تيليفونو..)
هند: تفووو على تحشييمة تفووووو خزييت (بلوكات نمرتو وطلعت لطموبيلتها كضرب فلفولون) تفووو تفوو ****** تفووو (طلعلها الدم مزيان مشات لأقرب سنااك تغدا جاها ميساج من عند خالتها كتعلمها بلعرس للي غيكون غدا مع 8 دالليل فاوطيل فسعيدية) سيري ت**** نتي وداك زو*** ديال ولدك تريكة ديال ***** تفووو الله يغرق لباباكم شقف كاااملين (بقات سااخطة حيت بانت برهووشة قداامو وهادشي محملاتوش…)
~~~~~~~~~~~~
شيماء: ( فرحااانة وكتلعب بشعرها شافتو غير سااكت.. دفعاتلو الهضرة) نمشيوو نتغدااو (حرك راسو باه) عرفتي أنوار مت بالجووع مع كنفطرو بكري والاستاذ كيبقا دودو دو دووو مكيسكتش كيجيبلي الجووع
أنوار: مرحبا فين تبغي تمشي
أمال: (باغا تموووت اللور من التجااهل ديالو ومن شيماء)
شيماء: معرفتش خودنا لشي بلاصة على ذووقك أي حاجة من عندك كتكون زوينة
أنوار: مرحبا (دار نظاظرو ديال الشمس وشاف فلمرايا لقا أمال كتشوف فيه محملش هاد لبلان وفهم أنها ممعبرااهش دماغو كل شوية كيقول يوقف يكركب زمر عليه ويمشي يخدم مع بااه للي محتاجو ولا يخدم تاكسي لبرهوشات وصلو قدام واحد سناك كبير شيماء الابتسامة عريضة فوجهها هبطات جا يهبط أنوار)
أمال: (تشجعت) أنواار حم
أنوار: (ضار عندها ببرود) وي
أمال: واش نتا مقلق مني
أنوار: (ضار كولو عندها) معرفت شوفي نتي!!
أمال: (طريقة وحدة باش غتصاالحو بركت على راسها وقالتها) أنا (حنات راسها بصوت خاافت) توحشتك
أنوار: (هز حاجبو وحيد نظاظرو) شنووو!!!
أمال: والو
أنوار: (قربلها واخا بيناتهم كرسيه) توحشتيني وكتبعدي علية هااكا
شيماء: (مفهمت والو علاش مزال منزلو حلات لباب ولقات أنوار ضاير عند أمال ومقرب) مغتهبطوش!!
أنوار: واحد 5 دقايق اشيماء غير سيري تسناينا لدااخل وجلسي فشي طبيلة ورتااحي
شيماء: (بحقد تبسمات محملاتوش يصدرها شافت فأمال للي وجهها كيحمار سدت لباب ومشات دخلات)
أنوار: أماال علاش مجلستيش حداايا ياك قبل صونيتلك وgلتلك بغيت نهضر معااك شووفي فية راك بالصح عصبتيني من صباح وانا كندور من قنت لقنت باش نجيب اللوطو ديالي نشووفك وفالتالي ديري هاك؟؟؟
أمال: (شافت فيه يترجي) غير سبقاتني شيماء
أنوار: مكتغيريش علية؟؟ (متيقش راسو سول بنت واش مكتغيريش نورمال كان كيشوف بنات كتغير عليه وكانت كتجيه الخنقة من هاد التصرفات ودابا!!!!)
أمال: (شافت فييه لقات عينيه بحال صقر علييها) مغنغيرش من شيماء
أنوار: (معجبوش جوابها) مكنهضرش على شيماء ولكن نورمال مغتبغي حتى وحدة تجلس هنا حداايا
أمال: (بلا متحس) وراه مغنبغيش حتى للي تشوف فيك..
أنوار: (تبسم) كتقطري علية باش كتحسي؟؟
أمال: (غير شافتو تبسم تبسمات وعاد رتاحت بحال حجرة كبيرة وتحيدات من فوق معدتها حتى قالت صافي الدنيا كحلة) غير كنحشم
أنوار: متحشميش وهاد لبلاصة بلاصتك نتي ماشي بلاصة ديال شيماء للي جاية كتسابق معاك فيها ردي لبال البنت (مفهمت والو واش بالصح كيلمح ليها شنو كيدور فعقلها!! شافتو نزل وحل بابها مد يدو باش يشدها (مشافتوش) خلاتو بلاكة وهبطت مخلياه جمعها) من نهار عرفتك ونتي كتقمعي فية شي دعوة هادي فية
أمال: ههه مدرت والو
أنوار: اممم شنو بانلك نخليو شيماء تغدا هنا ونمشيو حنا لشي قنت اخر
أمال: لاااا عفاك… حشوومة
أنوار: يااو بغيت نجلسو غير انا وياك الراس فالرااس ماشي ديما جايبالي لمحرم دياالك
أمال: ههه (حنات رااسها) مصالحش مرة خرى نخرج غير يانا
أنوار: وفوكاش صااالح؟؟؟
أمال: (تزيرات) معرفت
أنوار: خاصك تعرفي أمال الا بالصح كنتي كتحسي بشي حاجة من جهتي غتبغي تكوني معايا ديييما ولكن بوووووووحدناااااا
أمال: (بقات كتلون حداااه مغتعرفش تجاوبو وفبالها الا بغاني هاكا يمشي يخطبني)
أنوار: هبطتي الريدو عااود… قارية لعشية؟؟
أمال: واه
أنوار: نشووفك من مور متكملي ولكن بوووحدك
أمال: (شافت ملامحو مكشرين وهي خاايفة تخسرو) واخا
أنوار: نتي غير تيقي فية وهاد الخوف غيتحاايد (تبسمت معااه دخلو لعند شيماء للي كانت هازة تيليفونها وعاقدة 111) شيمااء دمونديتي
شيماء: (حطت تيليفونها) لا كنت نتسنى فييكم
أنوار: هنا اغلبية كيديرو طاكوس زوين (شاف فأمال) عاارفو عزيز عليك وكيعجبك
أمال: (تبسمت) واه
أنوار: شيمااء كيف تبغيبه
شيماء: جيبلي بحال للي غتجيب لامال (مشا وضارت شافت فأمال) خليتيني بوحدي وبقيتي معاه؟؟
أمال: هو للي شدني بغا يهضر معايا
شيماء: فاش؟؟
أمال: بغا يجي مع 6 يشوفني
شيماء: اوا منقراوش ونبقاو معااه
أمال: (سكتت كفاش تفهمها راه بغاها بووحدها.. وقفت) انا نمشي لطواليط راه تزيرت تمشي؟
شيماء: لا مفيااش (مشات أمال وجا أنوار كيشوف باستغراب فبلاصتها حتى جوبااتو) مشات لطواليط
أنوار: مزيان (جلس) اوا شيماء كولشي مزياان؟؟
شيماء: الحمد الله واخا قنطنا شحال مخرجنا فوجنا
أنوار: واايلي لبارح أمال gالتلي خرجتي مع خطييبك
شيماء: (بحال تضربات بطرشة) شكون؟؟
أنوار: لا والو (جبد تيليفونو محس حتى شداتو فذراعو باش يشوف فيها)
شيماء: واش أمال هي للي قالتها ليك زعما واش قالت ليك خرجت مع خطيبي؟؟
أنوار: (تعجب لردة فعلها) غير جات هضرة وصافي
شيماء: (محملاتهاش وجابلها باالها بحال بغاتو يعرف شيماء مخطووبة هاكا قالها عقلها) انا ممخطوباش هداك خوها يعني ولد عمي جا لبارح كان بغا يرجعها فحالها حيت شاافها بدات تخرج بلا فولار ووصلاتو شي هضرة متنااش
أنوار: كفاش!!!! هي مgالت والو من هاد الهضرة
شيماء: هي مغاديش تقول مكترضاش
أنوار: (ممتيقش) أمال كتخرج بلا فولار؟؟
شيماء: واش غير بلا فولار لقاها بشي حوايج متمااش ودايرة بزاف دلمكياج هي صراحة كانت غير خارجة تسخر للحانوت للي مقابل معانا مقالتش غيجي على غفلة ولكن هو مبغاش وبغا يضربها كاع وانا بقيت كنبردو حيت كيحتارمني راه اصلا على وجهي صيفطوها هنا تقرا اما مكيتييقووش فييها
أنوار: (غير سااكت كيستوعب هضرتها عطاتهوملو وحدة من مور..)
شيماء: سول هند كاع راه وكان ماشي أنا ميخليوهاش تجي لهنا هي بغات الحرية وهوما زامتينها تخيل لبارح خوها فاش بغا يمشي معيطلعاش حتى يشوفها خرجت غير انا عندو (شافتها جاية) عفاك متgولها واالو باش متحرجهاش راه واخا هكاك ضريفة (جلست حدااهم وفرحاانة بوجود أنوار) انا جاااية (مشات شيماء لطواليط وهي خاايفة يحطها بوجهها ولكن لامت أمال علاش تقولو خرجات مع خوها هي حمزة مبغاتش تصاحب معااه غير على ودو وفالتالي تقولو مخطووبة)
أنوار: (شاف فيها ولقاها كتشوف فيه دار باتسامة فوجهو) خوك مشا
أمال: واه مشا لبارح بالليل
أنوار: مزيان بعدا تكوني شبعتي منو
أمال: (بحزن تكلمات ببراءة حيت كتشوفو دابا هو أقرب إنسان ليها) مشا بلا حتى منشوفو
أنوار: علاش؟؟
أمال: معرفت (كترتاح ليه ومكرهاتش تعاود ليه شنو كيديرو فيها ولكن مزاالة محتافظة حتى يجي الوقت…)
أمال: مشا حتى بلا منشوفو…
أنوار: (زاد قرب كورسي حداها) ميمكنش خوك لكبير جاي من تاوريرت حتى لوجدة على قبلكم وفالنالي ميشوفكش قبل ميمشي واش نتي وياه مضاربين؟؟
أمال: (حركت راسها بلا) أنا من نهار عقلت على راسي وهو هاكا معايا
أنوار: علاش واش ديجا دابزتو؟ ولا شاف عليك شي حاجة معجباتو؟؟
أمال: لا عمرني.. اصلا معمرني حتى هزيت عيني فييه وحتى فخويا علي هاكا
أنوار: (بقا راسو ضاارو.. شاف فوجهها بان عليها الحزن قربلها وكلام شيماء فيه تناقض كبييير حيت الفلولار كان شافها هي بيه نهار اللول ومبقاتش ديرو عكس أمال للي مزالة دايرااه) يا لالة انا خووك وحبييبك وصااحبك وصااحبتك وبنت عمك وبنت خالتك وولد عمك وولد خالتك (تنهد بحال كيرتاح) غير سمعيني ديك ظحيييكة لغزااالة ديااالك
أمال: هههههه وبابا كااع
أنوار: ديريني رااجلك نتي كاع ههه معنديش مشكل
أمال: (جمعت الظحكة) أحااااي حشم
أنوار: نحشم من مرتي!!! حتى لهادي لاااااا.. صافي انا راااجلك مبقات فيها رجعة
أمال: هه (غطيير بلفرحة أي وحدة مرااهقة كيقولها صاحبها هااكا كتقول صافي السيد نوا على المعقوول خلاها كتفرنس وهو كيتغزل فيها هادشي داز قدام شيماء للي قالت غيكون شي صداع بيناتهم مفهمت واالو مشات جلسات حدااهم)
شيماء: ظحكونا معاااكم
أنوار: هاد الظحك غير ديالي انا وحبيبتي ومدامتي (ضار غمز أمال) ولا لا؟؟
شيماء: (تقرصات وتبسمت بحقد) بصحتكم (جا السرباي حط شنو دموندااو كياكلو ويهضرو أمال وأنوار وشيماء كدوزو غير بالسيييف حتى خرج أنوار كيهضر فالتيليفون)
شيماء: علم الله معامن خرج كيهضر
أمال: (كرهاها) معرفت
شيماء: اواااا نتي حبيبتو (طانزة) ومدامتو خاصك تكوني كتعرفي كولشي علييه
أمال: (انزاعجات من تلميحاتها) ماشي بالضرورة ومكيهمنيش معامن بغا يهضر حيت هو للي تابعني وباغيني
شيماء: ونتي زعما مباغاهش؟؟
أمال: (زفرات) باغااه وعااجبني وبحال واالو نكون كنبغييه ولا عرفتي بالصح نكون كنبغييه كااع وأي وحدة قربات علييه غرجع أمال وحدة اخرى
أنوار: (مع كانو عاطيينو بظهر جلس مستغرب) شكون كتبغي ازين؟؟
أمال: (تصدماات وبقات مطرطقة عينها)
شيماء: (شافت فيها وشافت فأنوار) نتاااا… كتبغييك نتااا ووو زعمااا… نتا نتا علاش كتهضر ياك أماال!! هههه (هضرت هاكا بحال كتحاول تخبع شي حاجة) يااك قوليلو قلتيلي على أنوار ماشي على شي واحد اخر ههه كتبغييك نتا..
أنوار: (عوج رااسو وشاف فأمال كيتسنااها تهضر هو ماشي حمار فهم شي تلميح من شيمااء) أموولة هضري كتبغييني؟؟ كتبغيني أنا هه ماشي شي واحد اخر كما كتلمح شيماء؟؟
أمال: (توتراات شافت فيه وفشيماء هي مداات مجاابت ولكن مبغاتش تقولو كنبغييك بعدا حتى يقولها هو رجعت حمراااا وحتى لماكلة وقفات ليها فحلقها وللي دااز كتحس بيه طاالع وغدير احسن تبويييعة عليه)
أنوار: (وقف) مهم ياله نوصلكم
أمال: (شافتو تقلب) مالك
أنوار: والو جاتني خدمة وخاصني نمشي
أمال: معليش الا كنتي خداام غير سيير حنا نشدو تاكسي
شيماء: بلا منمشيو نقرااو نمشيو لديك لبلاصة للي تافقنا عليها (غمزاتها)
أنوار: (غوبش) اشمن بلاصة؟؟ (كيشوف فأمال)
أمال: (توترات) غير مرت عمي بغات شي حوايج نشريوهم ليها من السوق
أنوار: (حرك راسو باه وشاف فشيماء للي حنات راسها وتبسمت ابتسامة بحال أمال قالت شي كذبة خربقااتلو رااسو بزاف ليوم.. جلس وشاف فشيماء) gولي اختي شنو عندك؟؟!!! فين باغا تمشي هاد أمال
أمال: والله أنوار غنمشيو للسوق شيماء مالك كتهضري بحال هاكا
شيماء: (غير كضور عينيها) مgلت واالو ماللكم تقلبتو ههه
أنوار: متأكدة؟!!!
شيماء: ماالكم؟؟؟
أمال: (كعات منها وشافت فأنوار) أنوار والله انا كنت غنمشي للسوق على حساب دهاز خو شيماء واصلا غنتلقاو هند تماك
أنوار: هوما غيمشيو للسوق ونتي غتبقاي معاايا
شيماء: (ببروود) لاااا عفاك أنوار ضروري خاصها تكون معايا
أنوار: هي تختار
أمال: (كعات) صافي غنمشي نقرا حسن
أنوار: (طلعلو الدم) نوضي نوصلكم (مشا خلص وخرج تسناهم غير خرجو شيماء عاودات نفس الديكور جلسات حداه استغلات أنهم مدابزين زعما.. هي للي ناشطة اما أنوار متكره وأمال مفقووسة من جهة شيماء…)
أنوار: (وصلهم لحدا لفاااك وقالب وجهو مكيشوف حتى وحدة فيهم وقف ومزال قاالب وجهو)
شيماء: بسلامة شكرا على لغدا كانت خريجة زويينة
أنوار: (مكيشوفش فيها) بالصحة (نزلات وشاف فلمرايا لقاها كتشوف فيه وكتمسكن بعويناتها) مغتنزليش نتي؟؟؟
أمال: (بلعت ريقها وقالتها بصوت خافت) نبقى معاك؟
أنوار: (ببرود) لا مشغول.. نزلي
أمال: (بحال صرفقها حنات راسها مستحييل تزيد تقول شي كلمة اخرى راه بالعربية طردها ومبقاش باغييها.. نزلات وكمل عليها مع سدات لباب ديمارا مخلي لعجاج من موراه اما هي لبكية واحلة فحلقها محسات غير بدموع فررررر ونزلو)
شيماء: (شافتها كتبكي وقربات ليها) واش كتبكي هه؟؟؟
أمال: (طرطقت عليها) علاش gلتيلو هكاك وجالسة كتبينيلو بحال معرفت فين ماشيين ومعرفت شكون كنبغي؟
شيماء: (ببراءة) انااا!! حشوومة عليك أماال
أمال: وهو هاكا فهمها (كتمسح دموعها) حرام عليك معمرني ظنيتفيك هاكا اشيمااء اي واحد بعقلو غيفهم راك كتلمحي لشي حاااجة ممزياناااش
شيماء: اويييلي علييك الحمقة واش بنيتك
أمال: اه بنيتي وبزااف
شيماء: الهبييلة دابا يتفش ويجي يهضر معاك مالو غيهرب وزايدون منين gالك بقاي معايا gولو واخا ماشي تgولو نمشي نقرا بحالا زعما غتولي طبيبة
أمال: (كتشوف فيها ممتيقاش وقاحتها وهي سباب فخصامهم) صافي عفااك.. بعديني اشيماء… انا نمشي فحاالي
شيماء: وتخليني بووحدي أمال؟؟
أمال: ياله تمشي اصلا نتي مغراضكش فشي قراية ولا سيري قلبي على شي واااحد ينسيييك فية انا للي كتنوضيلي صدااع
شيماء: انا أماللل ياك اختي
أمال: وكان عتاب تيني ختك مديريليش هاكا
شيماء: ههه اويلي شنو درت ليك الحمقة أماااال واااا أمال ههه أماااال (تبعااتها ولوخرا مشات للشاريع كتشد تاكسي ولفقسة كتاكل فيها ودمووع كينقزو على سبة وصلاتها شيماء كتبسم بشر ركبو ونيشان لدار الطالبة وقف نزلات أمال كتزرب بغات دخل غير لبيتها وتابعاها شيماء بشوية كتهضر مع ماماها فالتيليفون وكتكركر..)
أمال: (دخلات كتبكي مباغاهش يتفارق معاها هو نقطة الضو للي رجع فحيااتها وهو بصييص الأمل للي عندها وهو الوحييد للي كيتعامل معاها مزيان هزت تيليفونها مقدراش تصبر كتصوني عليه ومكيجاوبش حطاتو كتبكي وفبالها صاافي تفارق معاها ومبقاش باغيها تغطات وقلبات وجهها للحيط ومرة مرة تهز تيليفونو للي فيه تصويرتو كتسناه يصوني ولا يصيفط ميساج شعلات لكونيكسيون صيفطاتلو فلواتس) *””سمحلي مقصدتش نقلقك مني كنت بغيت ندير الخاطر ليك نتا وشيماء””* (شافت جوج شرطات ولكن مقراهمش حطات تيليفونها تحت لوسادة وغمضات عويناتها لمدمعين سمعات شيماء كتعيط عليها ولكن مبغاتش تجاوبها…)
شيماء: (عوجت فمها مشات للحمام كديماكيي مكياجها وكتغني.. صونا تيليفونها كان وليد) خوويا لعزيييز
وليد: النموسة
شيماء: هاهاها مبقييتش ضعييفة
وليد: هي وليتي بgرة
شيماء: ههه لا وليت غزاالة
وليد: مهم كتبقاي من فصيلة الحيوانات
شيماء: يااااك
وليد: مهم gالتلي الواليدة خاصها شي حاجة من تماك وغتخرجي تقداي
شيماء: واه يمكن دابا غنخرج ونمشي لداك المحال للي وريتيه لية داك نهار
وليد: وعاقلة فين جاي
شيماء: واه جاي باين
وليد: متمشيش بووحدك دي أمال معاك
شيماء: واه ضرووري علاه انا نقدرنخرجبلا بيها.. نتا امتى غتجي؟؟
وليد: شي سيمانة ونجي غندوز عندكم لقاكم واجدين
شيماء: ضرووري اخويا الله يجييبك على خير ويا ربي يحضرني فعرسك
وليد: امين الالة ولكن حتى نزوجوك نتي
شيماء: انا مباغاش
وليد: هنينا من ديك الهضرة دواالو اول واحد يخطب فيك غلقاه معقول غنكركبك لييه
شيماء: ياااااك وتسخااو بية
وليد: واايلي هدااك هو نهار لكبييير عدنا
شيماء: (تقلقات) منويتهاش فيك
وليد: هههه غير نوي ياله تلاحي..
شيماء: والله منتزوج ليكم حتى يجي داك للي باغا (سمعت طيط طيط.. عرفاتو قطع عليها عودات مكياج خفيف ومشات للبيت حيدات لغطى على أمال كانت حالة عينيها) أماال حبيبة نوووضي علاش كديري هااكا
أمال: (لا رد كتشوف غير فالحيط وكتفكر فجوج حوايج أولهم واش صافي مشا ومغيرجعش وتاني علاش شيماء دارت شي حوايج هاد نهار ماشي طبيعيين…)
شيماء: واا أماال رجووع الله هو راه للي مخلييه شاد فيك هو تعفار للي نتي معفرة عليبه
أمال: (شافت فيها ببرود) وحتى زيني وعقليتي والأدب ديالي
شيماء: ومgلناش العكس عرفتي الا عرفك كديري عليه هاكا والله حتى يزيد يتعفر مزياان نوضي نخرجو نحوسو ونضحكو ياك هاكا تاافقنا نديرو مني جينا هنا وحتى هند دارت معانا 4 تجي عندنا
أمال: (ضارت لجهة الحيط وعطاتها بظهر) لا منخرجش..
شيماء: وااا عفااك عفااك والله منقدر نشري شي حاجة بلا بيييك منقدرش نخرج بلاا اختي والله
أمال: (شافت فيها) gوليلي غير شنو بغيتي تبينلو gبيلة؟؟
شيماء: (مصطانعة بغباء) شكون
أمال: (بتنهيدة) لأنوار
شيماء: مبينتلو وااالو يعطيني لعمى اختي الا نويت شي حااجة (كتعصر فعينبها وتبكي) والله منويت شي حاجة هئ هئ والله أمال نتي كنحسبك بحال رااسي عمرني نفكر نااذييك
أمال: (كتشوف فبنت عمها يمكن بالصح منوات والو وعاد كتبكي ولكن!!!) كان علية نبقى معاه
شيماء: شووفي باش تعرفيه واش كيبغيك بلاتي غيهضر معاك اما الا كان على سبة الله يعرضو الخير ألف واحد يتمنى هاد الزييين ومن بينهم خويا ولييد
أمال: (بحزن وبلا متردد) انا راه كنبغييه هو
شيماء: (بقات كتشوف فيها معرفت متقوول) نهضر معاه انا نطلب منو سماحة انا والله مقصدت اختي شي حاجة راه هو للي مفهمتوش ماالو معايا مركز معايا فأي كلمة gلتها
أمال: لا صاافي (جلسات) انا غنصوني عليه (هزت تيليفونها صونات للمرة الخامسة حتى قطع راسو) مكيجاوبش
شيماء: دابا يبرد ويصوني واخا صراحة نتي مدرتي حتى شي غلط ولكن جنس رجال قصييييف كولهم هااكا.. (بغات تمازح معاها) وكان غير تشوفي مع خويا وليد حسن ههه
أمال: (تبسمت بلا خاطر) لا انا بغيت أنوار وليد بحال خويا
شيماء: هاد أنوار فقييهو صحيح ميكونش سحر ليك ههه
جأمال: (وقفت) حامضة.. انا نمشي لطواليط
شيماء: (تبعاتها حتى غبرت) مكاينش لحامض قدك (كتعيبها) انا بغيت أنوار (فنفسها) اوييلي اشيمااء واش حماقيتي شنو هادشي كديري فييه… (بقات فدوامة بين عقلها وبين قلبها…)
~~~~~~~~~~
أب أنوار: ولدي ماالك تغوت على خوك واش تخوشت فعقلك ولا شنو
أنوار: (مراشقالوش وبنبرة صوت عاالية) فيين غوت؟؟
أب أنوار: (طرطق عينو حتى لاخر حدرهم طلع فيه وهبط ومشا لبيرووه أما أنوار مكاانش فموودو دخل من مور بااه)
أنوار: با سمح..
أب أنوار: بللللللع.. (بحزم) سير تخدم مع خووتك (حنا عينو للتسبيح وأنوار خرج مكيقدرش يتنهنه قدام بااه خرج من المحاال ومشا جلس فطموبيلتو هز تيليفونو لقا دي زابيل من عندها وميساج قراه ولاحو فالكرسي لاخر وتفكيرو غير فكلام شيماء هي بنت عمها أقرب وحدة ليها وغتكون عارفاها مزيان وكتر من هند للي كظل تمدح فيها وتشكرها.. بانلو زهير داخل للمحال خرج ومشا تبعو كيعيط ليه)
زهير: (ضار عندو) وي
أنوار: واش صافي كملتي شغلك
زهير: مزال (كمل مشيتو ولاخر تابعو)
أنوار: هضرلي مع با راه الا عاود قطع علية لغاا مشيت فيها وغرجع نخدم فالديبو مع دراري
زهير: وانا مالي.. (دخل عند خوه وخلا أنوار برا) مبغااش يطيحلي من داك الثمن
أب أنوار: (كمل استغفارو حطو وشاف فخوه) زهير.. جلس بعدا.. (لاخر جلس) الثمن للي gالك السيد هو هدااك لوكان شفتو زاد علييك غنمشيلو برجلي المحل مصلوح وجوج طاجات وللي مهم هو جاي فوسط لمدينةوالعقاار اخويا راه طاالع مبقاااش طايح كما كنتي تعرف
زهير: (مسح على وجهو) خاص نشيط لصليح لكاب
أب أنوار: (متبسم) نتا gول شحال يخصك وانا نعطيك مالك هازها منين تقاالت
زهير: (سكت حيت عندو موقف مياخد من عند حتى واحد واخا يكون خوووه) غدا غنمشي نتكاتب فالمحال
أب أنوار: ان شاء الله دوز عندي نمشي معاك
زهير: (زفر) ان شاء الله (ناض بغا يخرج وهو رجع عندو) متبقاش اخويا تحكر على داك لبرهوش دولدك راه مزاال خضر ومعارفش شنو كيديير
أب أنوار: هداك راه بغا يخرج لgرون على خوتو
زهير: كيترووهق وصاافي رخف علييه (خرج من تماك نيشان لطموبيل للي كاري) وحتى هادي خاصني نرجعها ونجيب وحدة صغيرة بديك 100 درهم لنهار (عقلو خداام كفاش يبدا هاد المشرووع مع ركب وقف عليه أنوار نزل الزاح) شنو اصاحبي غتبقى فارعلي *** هاد نهار
أنوار: فين ماشي؟؟؟
زهير: (زفر) ماشي نتقهوا
أنوار: لديك لمعلوومة؟؟؟
زهير: واه
أنوار: صافي انا لحقك (لاخر زاد وتبعو أنوار مشاو لقهوة جاية فوسط لمدينة انسطالا طموبيلتو ومشا كيقلب عليه لقاه جالس كيكمي…)
هند: (جالسة فطموبيلتها كتسنى لبنات يجيو عندها فبلاصة باينة باش مبتلفوش وينعتو للتاكسي نيشان دايرة يدها على خدها مفقووسة ومهمووومة) نقولو شكون انا وللي ليها ليها اااش غيوقع كااع الا مشا نيت مافييهش الخيير نرجع لحياااتي معفرة على لحزااق كااامل… بفففف تفووو على وحلة كدايرة تفوووو.. (تدق فزاج طموبيلتها طلات شكون خرجات ووقفات حدااهم) على سلامتكم تعطلتو
شيماء: أمال مبغات تخرج معايا حتى هبلتني
هند: وعلاش
أمال: (مكرهة) غير مرشقاتليش
شيماء: تناقشو هي وأنوار
أمال: ماشي تناقشنا تفارقنا بسباابك
هند: (خرجت عينها) كفاش تفارقتو؟؟؟
شيماء: ومتفارقوش غير هادي متشائمة وصاافي ياك هو كيبغيها مغيخليهاش
هند: زيدو وعاوديلي نتي شنو وقع
أمال: حتى رجعو دابا والله مافية للي يهضر (تمشااو تقداو لفتيحة شنو بغاات وفطريقهم دازو لسناك كل وحدة شنو خدات لبنات كياكلو وأمال حاضية غير تيليفوونها مكانش كيغيب كااع هاكا هو مقلق منها ومعارفش هاكا كيزيد يعلقها بيه او بالاحرى عاارف لبنت فاللول تاخد بسياسة والدلع ومن بعد منين يطيحها يلعب عليها كبغاااا..)
هند: هاء مقلتش لييكم غدا حنا معروضين لواحد العرس
شيماء: (بفرحة) حلفي!!! عمرنا حضرنا لشي عرس ياك أمال
هند: اوييلي على عمركم حضرتو لشي عرس معندكمش فالعائلة لعرااس ولا حراام
شيماء: بحاال داكشي دابا حلفي غتدينا معاك لعرس ودياالمن؟؟
هند: ولد طااتي الله يغبر لييهم شقف كنا انا ويااه واحد لوقيتة اوا السيد جلس علية نشدك نمحنك نزعزعك نديرلك نفعلك ونتزوجووو وجالسة نبني معاه فالاحلام وكنا غنمشيو بجوج نكملو قرايتنا على برا قلت هدا هو الراااجل للي نعول عليه حيت جاني فواحد لوقت كنت مأزمة فيه بلمزيان ومتبعة مع طبيبة على حساب اكتئاب حتى كتوصلني الهضرة كيقول علية ق*** وبغا غير يدوز الوقت اصلا عائلتي كااملة معتابريني هكااك علاش (لوات شنايفها) معرفت
أمال: حشوومة علييهم زعما راكي من دمهم
هند: اوا اختي حتى لواليدين للي يدافعو عليك كيشوفوك هكااك وكتر يمكن (هزت كتفها ببرود) صاافي وليت كنتعامل معاهم بحال شي صوبيصة نييت مكاينش الرحمة فلوس يحضرو ومعندي غراض فيهم وهوما هكااك زعما دايرين الواااجب ديالهم وكيحضرولي لفلووس
شيماء: وووو (بتردد) ونتي مزاالة بنت زعما مزال عندك الشرف
هند: (هزت حاجبها فيها) قلبني وتعرفي
شيماء: (حشمت من راسها) حم غير مشيت معاك فالقصة متقلقيش مني
هند: الزين الشرف عمرو تربط بجليدة هاديك كتسمى بكرة اما الشرف هو متكونيش خبييثة فتصرفااتك كااملين متكونيش حقووودة متغذرييييش هداك هو الشرف ياما تزوجو ببكراتهم ولكن هازينو من قنت اخر
أمال: (حشمت ولكن عاجبها هاد الموضوع وأكترية منين ذكرت لغذر ونيشان عينها مشات لشيماء)
شيماء: كفاش؟؟؟
هند: يعني هازينو من اللور الفم صدر كااين الخيرر
شيماء: ابردييييييييي
هند: هه مهم غدا حيت مقاريينش غنمشيو صباح نكريو شي تكيشطات مق*** باش تكون الحطة هي هاديك
أمال: هه مكتحشميش اختي
هند: هه لا وغنقادو رااسنا باش نفقسو دوك العوجات عارفااهم كيتبعصصو بزااااف ومنين كيشدو شي طبلة وهوما كيعبرو الواااحد
شيماء: (فرحانة) يااااااي واخييرا غنحضر لشي عرااسية ولبس تكشيطة وندير بزاف لمكيااج غندير حتى داك سقلي للي فوق لعينبن ندير مشطة؟؟
هند: (ميقت فيها) ياكما ندخلوك نتي بلاصت لعروسة يدخل عليك نتي
شيماء: هاااااااء
هند: رزني اديك لبنت قالك سقلي ومشطة.. (بقاو كيتافقو كفاش يتقاادو حتى لقاوها 9 ولحال مشا حيت فصل شتا.. شافت فأمال للي مرة مرة كتشارك معاهم لحديث ولا تبسم) مزال مصونا؟؟
أمال: (مكرهة منها) لا
شيماء: حتى نتي دابا يتفكرك منين يبغي ينعس ههه
هند: أنوار ميقدرش يتفارق معاك الهبييلة راه هو للي شااريك وباينة طاايح على زناافرو معااك وهادشي طبييعي بيناتكم
أمال: بالصح؟؟
هند: شوفي وكان غراضو تفلية ميشدش فيك هاد المدة كااملة وشحال ونتي مجرجراه ودابا على مشكل صغير يمشي
أمال: ولكن هو بحالا شك فية
هند: (استغربت) شنو وااقع وصلتو للشك كااع
شيماء: غير بغيتو تعقدو الأمور انا نعاودليك دابا هو gالها بقاي معايا وgالتلو لا وكان باغيها تبقى معاه مسكين وتقلق وgالها فين باغا تمشي منين مبغيتيش تبقاي معايا
أمال: (كتشوف فكذوب شيماء وتسمع) لا هو gال نتي للي شككتيه
شيماء: ههه وراه غير دارني طريق باش ميgولش بالعبااارة الصريحة نتي كتخونيتي
هند: (عرفت شيماء دارت شي بلان هزت تيليفونها وصيفطات لأنوار ميساج) *أفيييين*….
أنوار: (كان فقهوة ديال الشيشة كيشيش وعينيه مضببين بقوة الدخان هز تيليفونو كيقوس مزيااان فلميساج يقرااه عاد جاوب) *فالفيليبيين.. فين للي نتي؟؟*
هند: هانا مع لبنات.. مالك نتا وأمال
أنوار: (غير قرا سميتها زاد غوبش) اودي شي حاجة متماااش فديك لبنت
هند: بحلاش
أنوار: والله معرفت نتي عشيرتي للي غتصارحيني واش هي مع شي حد اخر؟؟ واش بالصح هي فريفرة؟؟؟
هند: ههههه متأكد داوي على أمال اصااط؟؟؟
أنوار: جاوبيني اهند
هند: هادي راه إهانة اشريف فحق لبنت للي مكتهزش الراس فشي حد انا غنصيفط ليك تصويرة ديال حالة لبنت من مخاصمتكم (هزت تيليفونها حيداتلو الصوت ولفلاش وصورات أمال للي جالسة ساهية وباين الحزن على وجهها قداتها بأبليكاسيون عندها قداتها عاد صيفطتاهالو فلواتس وفلبلاصة طلعات جوج شراطي زورق خلاتلو الكورة عندو وناضو لبنات مشاو فحاالهم.. أما هو أول صورة ليها فتيليفوونو كيزوومي فكل ملامحها تحطات يد على فخضو زولها بالزربة وشاف فيها) سلمى هنييييينا
سلمى: هههه عارفااك دغيا كتسخن ههههه (بقات كتماايل على أغنية ديال الراي للي مطلوقة وتهز عصيرها كتجغم منو وفرحاانة حيت تلاقاات بيه اليوم وخلاها تجاس حدااه من بعد مرغبااتو شحاال.. أما هو كيشوف فالتصويرة يزومي ويبعد يزومي ويبعد مملش منها ولكن فاخر المطااف شافها ختارت تخرج مع لبنات ومتخرجش معاه هو طفا التيليفون ردو لجيبو ورجع كيشيش ويتنغم عليها…)
أمال: (بدلات حوايجها وصلات صلاتها وجلسات فوق نموسيتها شيطانها كيوسوس تصوني علييه وكتمنع راسها.. فالتالي دارتو تحت لوساادة وهزات بوليكوب ديال هاد نهار كتراجع فيه باش ميجيهاش صعيب تحفظ شي حاجة مفهماهاش فالامتحان وللي مفهماتهاش كتمشي لبيسي ديال شيماء فين وليد مصيفط الشرح ديال الدرووس متهنات حتى فهمت داكشي.. أما شيماء ناشطة بحالة أماال وفنفسها كتقول يا لعبو كاملين ولا نحرم ومدام بجوجنا حاطين العين عليه ميكون لحتى وحدة فيينا واخا هو يكون بااغيك دارت ابيل فيديو مع ماماها كتوريها تفاصل للي شرات وداكشي علاش وصااتها)
فتيحة: غزااال هادشي ابنتي الله يرضي عليك ولعقبال ليك نتي وأمال
شيماء: اميييييييييييين اماما
فتيحة: (ميقت فيها) على سبة ابنتي
شيماء: هههه خديتلها حتى مكياج حيت شاطلي الصرف
فتيحة: مزيان فين أمال لباس عليها
شيماء: لباااس (ضارت عندها) راها كتحفض
فتيحة: مزيان سلمي عليها وسيري حتى نتي تحفضي
شيماء: واخا ماما (قطعات) أمال مبغيتيش تهضري مع ماما؟؟؟
أمال: (بتنهيييدة) مبغيتهاش تشوفني هاكا وغتبقى تسول ومنعرف باش نجاوبها
شيماء: حتى نتي اصاحبتي كتزيدي فيه بحال راه ضارب بيك الكاغيط وهارب علييك
أمال: (حنات رااسها حينت الا جوباتها غيداابزو دخلات هند جلست حدااهم وشيماء مشات تصبن شي حاجة من حوايجها باش تلبسهم غدا)
هند: (معاودش جاوبها أنوار ووليد مولاش سول فييها)
هند: طلقيها شوية
أمال: (تبسمت بالزز) انا مزيانة
هند: نقولك سر
أمال: gولي
هند: انا كنموووووت على واحد ولد الق**** وهو مرمدني مزياااان ومعارفنيش حتى كنبغييه ولا شكون أنا.. وواخا هكااك مزال صااامدة يا نطيحو فية يا يطلعلي ف*** ونقلب علر الز***بووه ولكن دابا مزاال دايرااه فرااسي
أمال: هههه أحااااي متهضريش بلا تخصاار لكلام
هند: ولفتها وصاافي مهم نتي واخا تناقشتو متبينيش لبناادم كما بغا يكوون ومتعتابريهاش صافي الدنيا فناات ضحكي ونشطي ومتنسايش اهم حاجة راه هو للي تااابعك وباااغيك نتي ركزي فقرااايت داكشي راه ملحوووق
أمال: (كتريحها هند بكلامها) ونتي زوينة بزااف علاش هداك مبغاكش
هند: اممم حول يمكن يمكن مطربتووش من النظرة الاولى
أمال: كفاش؟؟
هند: ههه يمكن مزال مدخلتلو لدماغ ولكن غندخل ونعشش مسألة وقت ازيين
أمال: ههههه كتعجبيني بهضرتك مكرهتش نكون بحاالك..
هند: اوااا شفتي حاكرة رااسك على واالو انا للي مكرهتش نكون بحاالك
أمال: (بعدم تصديق) أحااي!!
هند: ههه مزاالة معارفة رااسك ومزالة متيقاش فييه شفتي الا بغيتي راسك كما نتي تيقييني غتعييشي بييس تصاالحي مع ذاااتك وتقبلي راسك كما نتي.. (هزت تيليفونها للي كان كيفيبري غير شافت سميت “الحقير” طرطقت عينها وقفات) زين نجاوب ونجي…
وليد: (حتى كان بغا يقطع وهي تجاوب حل باب الدار وتيليفونو كان بين كتفتو وراسو) عام باش تجاوبي
هند: مسمعتووش
وليد: مسمعتيهش ولا مباغاش تجاوبي اغييثة؟؟ يااك غييثة بعدا!!!
هند: اه غييثة
وليد: سمية زييينة منين نتي؟؟
هند: اممم من صفرو عارفها؟؟
وليد: وي حدا فاس!! كنت دزت منها طرييق كتبان زيينة
هند: اه زويينة بزااف
وليد: ونتي زوينة؟؟
هند: هه كنفتن هههه
وليد: (جلس مسخسخ) واايلي شوقتيني نشووف الزيين الصفرييوي
هند: (تبسمت ولكن هاد لكدووب معجبهااش)
وليد: شفتك سكتي؟؟ عنداك المصييبة تكوني ماشي من صفرو عااود
هند: هههه هو الصراحة انا من فااس وداابا والله مكذبت عليك انا عارفااك نتا مكتعرفنييش ولكن.. بفف مبغييتش نكذب عليك
وليد: نتمناها تكون اخر كذبة
هند: ههه منضمنش انا كذيذيبة شوية
وليد: ولااا انا مكنبغيش لكذوب لمرة جاية غنكعى منك ولكعية ديالي خاايبة
هند: (فنفسها.. عاد غتقوولي !!) واخا
وليد: مهم أنا غندخل ندوش تسخسخت مزياان هاد نهار
هند: وي باينة من صووتك عياان
وليد: الا كنتي باقية فايقة نصوني عليك.. امم ابيل فيديو؟؟؟
هند: (بلعت ريقها) هااا
وليد: واخا لالة غير أبيل واخا متشوق نشوف الزين لفااسي (قطع وخلاها كتفرنس مواالفة كتسمع غزل حسن من هدا بألف درجة ولكن هدا جايبلها تماام بقات شاادة التيليفون وكتفرنس)
شيماء: (شافت هند) ارجوع الله ابنتي
هند: (جمعت رااسها) اجي نتي (قرباتلها) هضر معايا أنوار كيرغب باش نخرج ليه أمال باش يشووفها ومبغييتش وحتى هي راكي عارفة مغتبغيش تشوفو فهاد الوقت
شيماء: بالصح؟؟
هند: والله علاش نكذب
شيماء: اممم مهم قوليلي امتى غنمشيو للعرس؟؟
هند: غدا مع ديك 8
شيماء: دصبااح؟؟
هند: ههه الليل ازمر اصلا لعراسات مكيبداوش بكري
شيماء: (بفرحة) واش غنقصرووو؟؟
هند: اييه الالة غنقصرو هه ياله تلاحي بعيت نعس عيييت
شيماء: وكان غير زدتي تسهري معايا شوية أمال قااالبة وجهها ومحملاش الجلسة معاها
هند: والله اختي فية نعااس وحتى نتي نعسي بكري حيت غدا تابعنا نهار طويييل
شيماء: (فرحاانة) واخيييرا غنحضر لشي عرس (دخلات لشومبرتها لقات أمال نعساات تكات حتى هي كتفكر فشنو دارتلها هاد نهار بقات فيها ولكن هاكا حسن.. أما هندمتكية فنموسيتخا شاادة الخط مع وليبد للي كيعاود ليها على نهارو كدااز ممتيقاش هداك للي كانت كتشوفو صعييب كيهضر معاها وعاد كيضحكها عكس شخصيتو للي شافت نهار اللول…)
~~~~~~~~~
زهير: (جالس كيتفرج فالصاالة ومرة مرة يتبسم مع ولاد خوتاتو.. جات مو جلسات حدااه وهي كتوجع بركابيها) علاش كطلعي دروج وكولشي عندك هنا
الجدة: وغيير طلعت نشوف اولدي خوتاتك
زهير: اممم الاثنين غنتكاتب مع داك السيد
الجدة: (بابتسامة) مبروووك اوليدي حياني الله حتى شفت وليدي رجع لية ولبلادو وغيفتح محاالو حدا مييمتو
زهير: (باس يديها) كولشي بالبراكة ديالك اميمتي
الجدة: وهي تقلب على عرووسة وتكمل ديينك اولدي
زهير: حتى نكمل هادشي امي وديك السااعة نفكرو فهادشي
الجدة: علاه اولدي متجيبها من دورك
زهير: (بدل الموضوع) تعطلو هاد الناس لا؟؟؟
الجدة: هه بنت ختك جايين فيها الخطااب ونتا مزاال حتى مكتفكر تجيبلهم مرت عمهم يهبلوها
زهير: ههه واا مي واش انا كنفكر نخدم مع الخداامة باش نوفر لفلوس ونتي كتقوليلي لعرووسة منين نبغي نجيب بنت الناس راه خاص تجي بقوامها
الجدة: نتا مترفد هم انا نتكلف
زهير: وتعطلوووو ياكما رجعو فكلامهم (هو كيهرب وهي كترجعو للموضوع حتى جاو الناس وتفرقو لعيالات ورجاال…)
اصبحنا واصبح الملك لله…
هند: (صابحة نااشطة وكيف لا وهي بايتة سهراانة مع حبييب قلبها حتى نعس وخلاها كتسمع فجخييرو تبسمت وصيفطاتلو ميساج) *جخييرك اشريف تسمع حتى لوجدة وماجا وراءها* (ناضت كتكسل وتجبد حتى جاها ميساج) *هادووك غبر ودنييك لمصديين أما أنا مي gالتلي مكنجخرش وعلى مزيني منين كنكون راgد* (غير قرااتو بقات كظحك وجوباات) *كل قرد فعين مو غزاال* (غير قرااه بقا كيظحك ياله غيجااوب حتى دخلو كلياان وبقا ملهي معااهم أما هي مشات نوضات لبنات للي كانت شيماء نااشطة وأمال ذبلانة غير كتصنع الظحك مشاو للحماام ضربووها بأحسن فركة كل وحدة شدات كساالة كسلاتها مزيااان وللي لاحظو مزال طبايع لحريق فترمة أمال ياله بغات تعقب شيماء وتشد فيها بداك الظحك البايخ قرساتها هند.. دازو فطرو بالرايب والحرشة سخونة مع جبن عاد رجعو للشومبر أمال بالزربة مشات لتيليفونها على أمل تلقى منو أبيل ولا ميساج ولكن لقات غير الرييح زادت حزناات)
شيماء: أمااال تنتفي حوااجبك
أمال: (بعصبية) لااااا واش حمااقيتي راه خوك مبقاالو والو ويجي يديينا واش نتي كولشي بغيتي دييريه
شيماء: بغيت نقص منهم غير شوية يبانو بحال ديال التوركياات منقوصين ومنتوفين غير من لفووق والله كيبانو طبيعياات
أمال: لا ختي انا منقدرش نديرها راكي عاارفة ماما وزايدون عاجبيني هااكا وحتى نتي خاصك تخافي شوية
شيماء: وغير شوية اصااحبتي
أمال: (غوتات) ولااا مبغيييتش ياااااء بالسييف؟؟
شيماء: ماالكي كتغوتي غير بشوية كاااع لا (خرجت كتنكر من الشومبر وأمال جاالسة على أعصاابها باغا تهضر معااه ومقدرااش خدات قراار حتى يصوني هو.. واخا تجلس عام متصونيش هي.. رتاحو شوية عاد مشاو للكوافوورة هند وشيماء قادو شعر ومكيااج أما أمال قدات غير لمييكاب ودارتو خفيف بزااف مبغاتش تكتر وشعرها غير مشطاتو اصلا مزالة شادلها لبروتين وباين رطب واخا ملوي شوية)
شيماء: وغيير قاادييه اصاحبتي تمتعي بيه شوية
أمال: لا مبغييتش
شيماء: وراه العرس ممخلطش
أمال: (بحال بقات كدورها فرااسها وهي من ديما أمنيتها تقاد شعرها وتصور بيه حركت راسها بااه وجات كتقادولها لبنت وهند كتوريها كديرلها صيفطو على سوندويتشاات من غير هند لي كتاكل صلطة ديال الداايت مشاو عند المحال للي كيكري كل وحدة وشنو كراات وغير لفريييع شافو الساعة كانت 7 دازت هند خدات كاادو ودازت لفرماسيان خدات شي حاجة وغلفااتها)
شيماء: شنو هدا؟؟
هند: (طانزة) كادو للمولاي السلطان (جاها ميساج من عند وليد) *الفاسية صافا؟* (تبسمت ومجوباتوش وهدا الإتيكيت ديالها خلاتو بحلاوة لسانها هو يبقى يسول واخا هي للي اللولة جبدااتو رجعو لكوافورة لبسو تكاشطهم ودارو روتووش خفيف عاد جوبااتو) *الحمد الله ونتا؟؟* أماال جيتي توووتة
شيماء: (نقزت) وانا؟؟
أمال: (تبسمت وتفكرت أنوار للي اصلا مغابش على بالها ولكن هو كان كيقولها توتة قلبها ضاارها وخاطرها مزير)
هند: نتي غزااالة
شيماء: هههه عاارفة حتى نتوما جيتو زويينات ولكن أمال بانت ضعييفة بزاف وكان غير درتي سوتيامات ديال لبونج يهزوولك صدر شوية وتلبسي شي شورط ديال لبونج
هند: (لكوافورة) حنان حبيبة الا كانو شي سوتيامات على قد أمال أما الشورط متحتاجوشغير باش تبان التكشيطة راكي عارفة صدر كيبين لبااس التقليدي (جابوه لأمال لبساتو وبان صدر والصمطة دايرة على الخصر صغيير جات طووب وكل وحدة كجاات فالزين لبسات زيفها.. ومع خرجو حتى كتصدم أمال بطموبيلة ديال أنوار تلفاات وغير مخرجة عيينها شافت فهند للي غمزااتها) هو غيوصلك
شيماء: (فجأة اختفت الظحكة وغير كتحنزز) وشنو جابو هدا؟
هند: صااحبها وجاي باغي يصاالحها ياله نمشيو حنا راه مشا الحاال
شيماء: ولكن… أمااال واش تمشي معااه؟؟
أمال: (دارت متبسمة) وااه (بلعت رييقها تمشات بشوية مكانتش لابسة طالون حيت معرفتش تمشى بيه ولبسات شربيل زوين.. بقات وااقفة مترددة بزااف وقلبها كيضرب ف100 محست بيه حتى هو نزل للي كان حاظيها من الطموبيل .. جاي جيهتها كيطلعها من رجليها لرااسها أول مرة يشووفها هااكا جمااال خااص بالقفطان المغربي وقف مقرب ليها وهي حانية رااسها مقدراتش تشووف فييه موحشااه ومقلقة منو لدرجة كترجف)
أنوار: (بإعجااب) اللوووزة ديالي…
أنوار: (بإعجااب حيد نظاظرو وعبنيه كباكلوها) اللوووزة ديالي اش هاد الزييين
أمال: (غير قاالها هاكا خلاها ترتاح جزئيا وهزاات عينيها فيه عينها للي كان كيشووفهم طبييعيين واليوم شايفها مقاااداهم بشرطة ديال الايلاينر ومجبدة رموش بمسكارا واي شادو خفيييف فلمارو..حتى دوخااتو) سلام
أنوار: ااااح أgليييع لgلب على هاد لويزااااات وشنيفاات للي يgولو السلام.. (جابلها الظحك والفرحة والحشمة مخلطة حتى سمعو لكلاكصون من عند هند باش يخويلها طريق قرب لأمال وهضر مع لبنات) غنخطفها أنا علمتكم
هند: هههه حتى لهنا ملاعبيينش
أمال: (فرحاانة ومقاداااها فرحة)
شيماء: (دايرة يدها على خدها) واش مغنتحركوووش
أنوار: (حط يدو على ظهر أماال وشاف فيها) تهربي معاايا
أمال: (أول لمسة خلاتها تاالفة حتى نقزت شوية معرفت تقولو واش يحايد يدو ولا يسكت متهناات حتى حل لباب ليها طلعات وهي ركابيها فاشلين دار بالزربة لجهة الاخرى طلع وشاف فيها)
أنوار: التيتيييييزة واش هادشي ياو غتهبليني هاد نهار وطيريلي الفرخ كتر ماهو طااير معااك
أمال: ههه وصافي كنحشم
أنوار: اممم (طلعها وهبطها وعينو لمحات صدر للي بااين منفووخ بهاد لبيسة) عندك علاش (هي كانت حانية راسها مدات مجاابت حتى شاافت فيه وحس على رااسو) شنو نتي نهار كاامل مسولتيش فية ولا متوحشتينيش زعما؟؟
أمال: نتا للي غبرتي انا كاع مgلت نعاود نكلمك كاااااااع
أنوار: كاااع ازين وتسخاي بية
أمال: وعلاش أنا شنو درت ليك
أنوار: (ديمارا) كفرتيني لبارح أماال نتي برااسك حسيتي ببنت عمك كتلمح لشي حاجة كان خااصك تبقاي معايا وقدامها تgولها لاش باغا توصلي
أمال: (نفخات حنوكها) نتا للي طردتيني
أنوار: (صايك وضرووري كيخطف شوفات فييها قرس حنووكها) وانا نقدر كنت معصب احبيبة ومبغييتش نكعى عليك داكشي باش gلت حسن تمشي
أمال: (غير كيقولها حبيبة كتسقل)
أنوار: (شاف فيها وتبسم) اول مرة ديري مكياج
أمال: (حركت راسها باه وجابلها الظحك منين مكيناتبهش هي ديما دايراه واخا خفيف) اممم
أنوار: صراحة جات معاك عرووسة
أمال: (تبسمت وقلبت وجهها كتخيل راسها جالسة معاه فالبرزة وكيلبسها الخااتم.. وغير حست بيدو حطها فوق يديها للي جامعاهم حدا كرشها خطفااتهم وشافت فيه بمعنى شنو كدير؟؟)
أنوار: حبييبك أنا ولا لا؟؟؟
أمال: امم.. مم..مكنقدرش
أنوار: عاادي تولفي معاايا.. و…صرااحة ونتي هااكا شدت اليد وممقنعااش
أمال: (تصدماات فيه)
أنوار: هههه مشاا باالك بعيييد
أمال: أحاااي مكتحشمش غنمشي..
أنوار: (بلوكا الطموبيل) نقزي من السرجم الا gديتي
أمال: هه (قلبت وجهها كتشوف فطريق ومستمتعة بوجوود حبيب لقلب معاها واكترية مسكتش من الغزل مرة تجاوبو مرة تبقى غير كتفرنس مساافة ساعة لاروب وها هوما فسعييدية القرية السياااحية الشرقية بقات غير مبلقة فدوك الاوطيلات للي واحد يتلفك على لاخر) أحاااااي وهادشي شحاال واااعر
أنوار: (تبسم) لمرة جاية غنجيو غير أنا وياااك
أمال: (غير كتبسم) ان شاء الله (شافت طموبيلة ديال هند للي كانت مورااهم) وصلوو
أنوار: (بقا كيسكاني فيها الشوفة عوج راسو ودار فيها شووفة خلاتها دووب) غنبقى نتسناااك هنا غتجي عندي؟؟؟
أمال: (بقات مبلقة عينيها فييه وفنفسها كتقول واش هاد الزين كاامل كيبغييني؟؟ ومختارني أنا من دوون لبنات للي حسن مني؟؟)
أنوار: (هاد لمرة شد يدييها وهي مرخية غير كتبع بعينيها وحضنهم بيديه بجوج) غتخرجي عندي؟؟؟
أمال: (بلعت ريقها وكتحس بملمس يديه سخونين أول مرة فحياااتها يشد فيها شي دري عمرها مسلمات حتى على خووتها بليد وهداا شدهم وزايدها بدوك الشوفاات شافت فشنايفو للي حوومر هي منين كتحايد لعكر شنايفها كيكونو بويض ومgشبرين عكسو هو للي وجهو منظم..) اممم طلق مني
أنوار: أنا غنتسنااك.. شوية وخرجي عندي
هند: (وقفات حداهم) رخي من السيدة اصااحبي وخلينا ندخلو
أنوار: ايااا روحي بعيييد خليني مع حنوونتي
أمال: ههه (بغات تجبد يدها وصدق مزير علييهم)
شيماء: (غير كتشووف ونظرااتها غير فأنواار ندماات على نهار الي شاافتو وعجبها عجبها عجبها بزاااف.. حنات عينيها للي عمرو دمووع كتحااول تخبي هاد الاحساس الخاايب لي معشش فقلبها…)
محمد: (جالس فالصالة كيتفرج فالتلفاازة وعقلو مع شيمااء معرفش واش يفاااتح عمو فموضووعو مع بنتو ولا يخلي شوية دلوقت حتى هي تقولو خطبني.. جلسات حدااه مو كتنقي فالجنجلان بقا كيشووف فيها وفمو كياكلو يقول شنو فخااطرو حتى نطقت)
نعيمة: اوا ولدي نتا متنوضدش ديير مرتك آدم صغر منك وجاب لمرا
محمد: (داير التيليكوموند حدا فمو) حتى يكتاب
نعيمة: نتا غير نعت اوليدي وانا نجيبها لولدي ولا شوف مع بنات خالتك زين ولحدااكة وصوااب ونتا تبارك الله بخييرك وخمييرك ميااات وحدة تمنى تكوون عرووستك
محمد: (جاها نيشان) مييي حتى لمن بعد وسيري هضري مع مرت عمي
نعيمة: (خرجت عينها) على شيمااا؟؟
محمد: اممم
نعيمة: اويييلعدا (هي اويلي) واش خرجلك لعقل ولااااش!!!! ياك مبغااوكش
محمد: صافي سدينا من بعد منين نgولك سيري هضري معاهم غتمشي وغنكون أنا قبل هااضر مع عمي فهادشي نتي غير غتعلمي مها
نعيمة: (سكتت حيت مافيها للي تنوض تبقى تغاااوت مع ولدها وتسمع فضيحتها لفتييحة للي تأكدات 100% ساحرة لولدها والا علاش محمد غيولي خطب فبنتها..)
~~~~~~~~~~~
وليد: (صونا على هند للي جاوباات فلبلاصة) اش هاد صدااع عندك
هند: ههه معروضة لعرااسية عقبااال لعندك
وليد: مزياان الالة بصحتك واخا معلمتنييش
هند: (بنصف ابتسامة) غير منتابهتش ونيت جات عرااضة على غفلة
وليد: عرس دالعائلة؟؟
هند: اممم وي ولد خالتي
وليد: ولد خااالتك!! مزياان رد لبال لرااسك
هند: (تبسمت بمكر)
وليد: غيييثة كتسمعييني
هند: اه اه غير بصدااع مسمعتكش شنو قلتي؟؟
وليد: للي gلتو راك سمعتييه ياله بصحتك من بعد نقدر نصوني عليك (قطع خلاها غير كتفرنس مشات لحدا طموبيلة ديال أنوار)
هند: وياله ندخلو قبل ميجي شي واحد من العائلة لهنا يبقى يمرضني
أنوار: (طلق من يد أمال) ردي لبال لتيليفوونك ازيين (حركت راسها باه حلات لباب ونزلات معذبة مع تكشيطتها أما هو غير كيسكااني فييها ومع مزيرة الصمطة على على خصرها عاازلة لكرش وصدر وترييمة نزلات ووقفات حدا لبنات وضارت شافت فيه ودارت بيدها باي باي هبلها بشووفتو للي بااين أنها عاجبااه وعلى الجهد تمشاو لبنات جهة الدخلة ديال الاوطيل للي فيه القاعة.. دازو على الريسيبشن للي منو كيخرجو على الجردة للي كاينين فيه الغيااطة مكاين غير الركاادة والغييطة للي كتجذب دوك لكتيفاات يتحركو مع أنغاامها.. هي وطبل كيخلي قلبك كيرجف علييهم.. لبنات غير كيشوووفو واخا كل وحدة ومشااعيرها الا هاد المنظر طغى على الاحاسيس أما هند كتقلب بعينها واش تلقى ماماها للي شحااال ما شافتها حطاات لكادو لكبير للي مرفوق بسميتها حدا لكادواات للي كاينين فطبلة كببيرة ودخلو للقاعة للي مزينة بورد الياسميين وفدخوول تعرضولهم جوج سرباية لابسين لباس وجاادة مرفوق بالرزة فالراس وفالجنب ديايالهم عندهم خنجر مأنتك واحد فيديه طبق ذهبي فيه تمر معمر بأنواع اللوز والورد الكركااع بيسطااج… والتاني هاز بلاطو كبير فيه كويسات ذهبيين صغاار فيهم حليب منكه بماء زهر لمقطر.. هزو لبنات كلاو أما هند هزت غير تمرة.. دخلو لبنات مبهوضين لدرجة وحدة شدت فلووخرا حسو برااسهم كانو عايشين تحت حجرة عمرهم حضرو لشي عرس وحتى فاش كيكون شي عرس حدااهم وكيمشيو غير ماواتهم مكيعاودوش ليهم دااز هااكا.. تابعين هند ومطرطقين عينيهم فالناس للي جالسين فطبيلات ديال الزااج مزوقين بفااز كببير فالوسط عاد كاين طبيسلات كبار فوسطهم كبيسلات متوسطين وحداهم كيسان ديال لكريسطال)
هند: لبنات جلسو هنا نقلب على ماما ونجي (جلسو لبنات فطابلة للي خاوية ولايني الناس عاد كيجيو حتى بلاصة لعريس ولعروسة خااوية ولكن منظر الكووشة كتزعزع بحال كاين شلال ديال الورد من مورااها ولبرزة فاللون الأبيض للي كان عبارة عن كنبة غير هي كبييرة وحداهم جوج فيزان كباااار.. هند حنات عندهم) بنات متحشمووش السرباي غيجي عندكم ويجيب ليكم لماكلة انا مغنتعطلش ياله حايدو علية هاد تضهشييرة الكلبات ونتوما حليتو فمكم بحال الضبعات… (خلاتهم كيظحكو تمشا كتمييل كتقلب على مها…)
زهير: (كانو كيتسنااو أنوار للي عياو يصونيو عليه مكيجاوبش وغير صونا عليه زهير جاوب فلبلاصة) اداك لبغل واش نتا ديما مخلي بنادم يgلب عليك
أنوار: (جالس فكوان ديال الشيشة كاين فنفس لوطيل للي فيه العرس) اصااحبي عارفني منين مكنجااوبش كنكون مشغوول
زهير: مشغوووول.. كتصنع صواارخ انوووض اجدك بقا طير من كلبة لكلبة حتى تجيبها ف*** يا كبيييرهم
أنوار: ههه معقد لاخر
زهير: لمعقد هو للي مطفاش الضو ديك الليلة وضربها بنعسة (قطع عليه ولاخر ميت بالظحك حيت باينة زهير كان باغي يهرب من داك المجمع للي معندوش معااه وحصل تمااك.. رجع عند رجاال مكره من ديما هو للي كيغطي علييه حيت خووه فهاد القضية متزمت كما حرام على لبنت حتى الراجل حراام علييه وتاايق فولدو مكيديرش شي حاجة.. ملقى ميقول من غير…) صاحبو مريض وبقا معاه فصبيطار يونسو
أب أنوار: فيها خير غدا ونلحgو نطلو عليييه مسكين ياك حمزة!!!
زهير: امممم (جلس مطمر كيسمع فراجل ختو للي كيفتي شرووط على العريس وبااه وعقلو غير فكفااش يبدا تجهيز المشرووع للي من صغرو وهو يحلم يكون عندو محاال ديالو…)
~~~~~~~~~~~~~~~~
هند: (فطريقها كطيح فالعائلة كتسلم علييهم سلام الشيييكي للي متباادل بييناتهم ودووز حتى شافت ديك خاالتها تبسمت ابتساامة صفرا) طااتي
الخالة: حببيبت خاالتو (عنقااتها مخرجة قنانفها كدير بيزواات قراااب لحنيكات هند) نهار كبيير هدا احبيبة قلبي منين شفتك
هند: (نسات على هاد تبعصيص) اممم حتى انا… مبرووك علييك
الخالة: الله يبارك فيك الحبييبة ديالي مكرهناكش نتي تكوني جاالسة فديك الكووشة مع ولدي حببيييبي سييييدي سعد لغزااال ولكن المكااتيب كوولها كيخااد غير للي مكتااابلو
هند: (طانزة ومافيها للي يقربل هاد العرس) اوا شتي نصبر وصاافي مبيدي واالو داابا
الخالة: معليييهش غير هو قلبي على شي وحيحيييد راك قربتي لتلاتيناات الحبيبة
هند: (ياله حلات فمها باش تجاوب وهي تسكت لساانها مكااينش لاش) الا كان غير على وحيحييد ونجييبو راجل لينا بجووج بلاش اللهم سيليباطير
الخالة: اوا شبانقووليك الحبييبة نتينا تعراااف شفتي مامااك بعدااا ولا مزال
هند: عليها كنقلب واش مكينااش
الخالة: اويييلي على متكوونش معلوووم راها فبيت لعرووسة كشتي لعرووسة بنت صااحبتها وكتعزها كتر من بنتها
هند: اممم باينة
الخالة: (عطاتها رقم الشوومبر) وعفاا بنتي متنسايش كولشي بلمكااتيب
هند: (عصباتها بحالا غتنوض صداع فالعرس علييه) طااتي ولدك واخا يبقى اااخر وحيحييد فالدنيا مندخلووش حتى من شتا للي كطييح (ياله بغات تجاوبها خالتها) عاارفة عاارفة كل خنفووس عند مو عترووس زعما عريس ولا معرف اش كيقولو ليها ولكن تقبلييها ولدك راه أكبر لوبية
الخالة: كفااش هاد لوبية
هند: مع لوقت لعرووسة غتفهمهاالك هدا الا مدارتش ليكم الطر (فييها ميتقاابح وتعطييها لكلام لقااسح ولكن مبقااتش مسوقة مشات نيشان للشومبر مقلقة وفراسها سؤال علاش مها محولاتش حتى تصوني عليها وتقولها واش غتجي ولا اجي نشووفك.. دقت وحلات نيت مها لباب)
أم هند: حبييييييبة (سدت لباب وخرجات عند بنتها عنقااتها ولكن ماشي شي عنااق للي حماسي) مزياان منين جييتي نشوفك
هند: (شافت فيها) مقلتيليش على العرس وكان ماشي ختك كاع منعرفك جيتي هنا
أم هند: وحيت ابنتي مبغيتكش تأزمي وتعقدي راكي عاارفة العلاقة للي كانت بينك وبين سعد
هند: اشمن علاقة الله يهديك اماما واش حتى نتي معااهم!!!!!
أم هند: (بحال كاديها على قد عقلها) ايييه اييه مهم نتي صافا؟؟ خااصك شي فلوس؟؟
هند: (بقات شحال كتشوف فيها) لا جيت غير نشووفك
ام هند: اووووو حبيبتي حتى أنا توحشتك وحتى خووتك ديما كيسولوني علييك خااصك تجي تشوفييهم شي نهار غنصيفط ليك تجي عندي لفرانسا ومنها بدلي الجو دالمغرب
هند: ان شاء الله واش حتى بابا هنا
أم هند: ويييي حبيبتي راه مرتو هي صااحبتي وبنتها هي للي غتزوج ولد خالتك بحكم بنتو حتى هي
هند: (خسرت كمارتها) يعععع مفهمتش نتوما عندكم كولشي كووول هااكا
أم هند: ششششت بنتي حشوومة اش هاد الألفاظ.. مهم هبطي نتيا للقاعة شويش ونزل عندك واخا حبيبة.. اوووو زياانيتي احبيبتي خاصك حتى نتي ضربي لينا شي عرااسية غزاااالة وانا نقووم بيها
هند: اوا حتى نشوف شي رااجل مقاد حيااتي كاملة ضايرين بية غير الرعوانيين
ام هند: (دارت يدها على فمها) هءءء اش هاد الهضرة ابنتي رجعتي لهاد المستوى عااود
هند: أنا لتحت (مشات مكرهة واخا ولفت الا مكرهة منهم.. رجعت عند لبنات للي كتحسدهم على حياتهم للي مكيحملوهاش وخصوصا شيماء للي عندها أم مرااعية ليييها وأمال للي عندها خووتها رجاال واخا معقدين الا كيبقااو رجاال غيووريين عليهم….)
شيماء: (من بعد مجابو ليهم أتاااي وأشكل ديال الحلويات ومنهم الكعك كلاو وهوما كيتمنظرو ويبرggو فتكااشط ولوجدياات للي كيصطييو فاللبسة دياالهم أما ذهوبات وشعور ولمكيااج حدث ولا حرج وغير دخل شي وحدة من لباب كيوصلوها حتى لكرسيها بالشوفات ويرجعو لباب يجيبو شي وحدة اخرى بتبركيك) شوفي النااااس يا ختي وحنا كنا عاايشين فالقهرة
أمال: (هي بالها غير مع لكوشة كتحلم بعرسها مع أنوار يكون هاكا) بزاااف…. (ضارت عندها) دعي معايا اختي نتزوجو انا وأنواار دغيا وندير حتى أنا شي عرس بحال هااكا
شيماء: علاه هو gاالك نتجوجو؟؟؟
أمال: لا ولكن كيلمح (بابتسامة) يgولي جيتي بحال شي عروسة نتي دياالي وداك لكلام زوين
شيماء: امم اوا الا كان فالنصيب الله يجمع بين لقلووب
أمال: أمييييين (جات هند جلست حدااهم) واش جات لعرووسة؟؟
هند: بففف شوية وتنزل يمكن
أمال: (بانتلها عاقدااهم) ماالكي؟؟؟
هند: واالو (هزت حلوة وكلاتها) متشغليش رااسك… وكان كان عرس مخلط نعيطو لأنوار يجي يجلس معانا
أمال: (بابتسامة) وااه
شيماء: ولكن ممخلطش بلا متفرحي أمال
أمال: اصلا شوية ونخرج عندو طريق كاملة وهو يوصي ويعاودهالي خاصني نخرج عندو باش ميكعاش عاود
هند: هههه سعداااتك اختي والله مكرهت حتى انا نتحب بحاالك فهاد الوقت ويبقى يتسناني فينما مشييت
شيماء: (سكتات وقلبت وجهها كتأنب فرااسها على هاد تخربيق للي كدخل لراسها وتفيق راااسها أنوار باغي أمااال وأمال بنت عمها ختها وحبيبتها باغاااه..)
أمال: (غمزاتها) داابا يجي يا لحبيبة ودابا يجي هههه
هند: هههه غير نهار يجي غتغبري نتي
أمال: أناا!!! هه علاش؟؟؟
هند: هكاااك (شافت تيليفونها صونا وطلات أمال لقات مكتوبة #الحقير ) هههه احاااي شنو كااتبة علييه والله حتى هبيييلة علييها مرمدك
هند: ههه ياااك لمك (هزت تيليفونها وخرجت مبعدة على الهرج فتحات الخط باش ميقطعش) ألووووو..
وليد: (سمع صوت الغيااطة) الدنيا زااهية!!
هند: هههه عندك حتى نتا مع الركاادة
وليد: نموووووووت على هاد تgااصر وعلى لعلاوي
هند: سعدااتهم
وليد: (قوس عيينو وسكت شوية)
كاين شي برطياات ولا مزال مبدااو
هند: كفاش
وليد: داكشي دلعلاوي ولحسااب
هند: ههه معرفتش اصلا العرس ممخلطش
وليد: هكاك حسن.. اوا بيخير؟؟
هند: هااحنا الحمدالله ونتا
وليد: ماالكي؟؟
هند: (بتنهيدة وكانت محتااجة معامن تخوي وهو الأقرب لقلييبها واخا هو مكيعرفش حتى معامن يهضر ممنعاتش رااسها… بعدات من صدااع) عرفتي واليدية شحال مشفتهم ونهار شفتهم (بحزن) كما العادة أنا اااخر همهم
وليد: (طاحت فالسؤال للي محيرو كتر من 15 اليوم وهوما كيهضرو عمرها جبدااتهم فحديثها معاه) يمكن غير بانلك
هند: اوديييييي اش بانلي مههم نسااا…
وليد: (واخا هاد المدة لقصيرة دارت بلاصتها عندو وبااغي يعرفها) غيثة شرحيلي مزيان أنا باغي نعرف
هند: غنختااصر لييك بابا وماما تطلقو منين كنت كنقرا فلفااك وكل واحد ختار حيااتو وولدو ولادهم، اصلا بابا كانو عندو ولاد منين كان مزوج بماما وهدا سباب طلاق هو الخياانة.. مهم هوما كملو حيااتهم وحتى انا كملت حيااتي بووحدي للي كلقاها فجنبي منين كنبغيها هي مي لالا (بتنهيدة) الله يخليها لي
وليد: (هي كتهضر وهو كيكمل تفاصيل عليها فرااسو) مهم كاين انسان مهتم بييك وووليدينا اغيثة ماشي حنا للي كنختاروهم ولكن كنختاارو كفاش نسيرو حيااتنا ومعامن بغينا نعيشو
هند: وي..
وليد: معرفتش شنو نgوولك اغييثة ولكن مبغييتش تبقاي مقلقة
هند: سلاااك وصاافي متشغلش بالك
وليد: نتي وااجبك تسولي فييهم
هند: كنسول واالله حتى كنسول وولفووها غير انا للي نسول والا مسولتش ميسولووش من غير يعلموني راه لفلوس تصيفطو واصلا جيت لهاد لعرس دلوييل غير على حساابهم واخا كما قلتلييك اخر اهتماامهم راه كتر من عام متشاوفنا ومعلمونيش راهم جايين لوجدة غير انا للي جيت على قبلهم
وليد: (بقات فييه حيت كتهضر وتنهد) ياك شفتيهم صافي رجعي فحاللك لدارك الواحب ديالك درتيه مكاينش لاش تزيدي تحرgي أعصابك
هند: مزال مشفت بابا
وليد: اممم غير شوفيه روحي فحاالك
هند: جايبة صحاباتي معايا أما نمشي وهوما باين عاجبهم الحال مكاينش لاش نحرمها علييهم
وليد: لحنييينة يا لالة
هند: هه معلووم أنا الحناان شخصيا غير مزال مكتعرفني أما نغرقك فييه ههه
وليد: (تبسم) غنعرفك ونشوف هاد الحناان واش غيكفي واحد محروووووم (طولها وبقا كيظحك أما هي طيراات شنو قصد وبقات غير كتفرنس) سييري وكاان من بعد ونصوني عليك مزال مسديت المحال…
أمال: (كتحرك كتيفاتها مع الموسيقى وكتشوف شي بنات ناضو كيشطحو فرحااانة بزااف بدلات الجو وأجواء العرس كتخلي الوااااحد نااشط وبزياادة الا كان حتى لقلييب عاااشق دخلات هند غير شافوها بقات كتشطح بخصرها حيت مكتعرفش منين تجي للرgاادة بقاو كيظحكو عليها بغات تنوضهم وأمال مبغاتش حشمات وخا ممسوقلها حد أما شيماء ناضت كتشطح وصدقت كتعرف حيت كتشطح مع مها منين كيكونو يشقااو ولا بووحدهم أمال كتصفق وظحك بحال شي بنيوتة صغييرة فرحاانة تيليفونها كيصوني فوق الطبلة وهي مقابلة غير لبنات للي كيشطحو حتى جاو جلسو) شيماء: حايدي الزيف راه غير لعيالات نديرو تصيويراات (حيداتو أمال وهند قاداتلها شعرها بقاو كيتصورو حتى شافت تيليفونها شعل الضو هزاتو كان ميساج من عند أنوار) “يا جاوبي” (لقات 2 مكالمات من عندو رجعات صونات عليه مكتسمع واالو بصوت الموسيقى نسات راسها وخرجات برااا القااعة كتقول~~~ ألوو الوو انوار مكنسمعكش~~~ مشات للجردة عاد سمعاتو) كتسمعني؟؟؟
أنوار: (كان كيطل من قهوة ديال الاوطيل للي جاية لفوق حتى شافها هي خاارجة عرفها غير بتكشيطتها أول مرة كيشوفها بلا فولار جات فشكل شاف فدراري للي كانو لابسين كوستيم جالسين حدا القاعة وباينين من المدعوين) روااحي عندي!!
أمال: واخا واش لبرا؟ (نوغشها شعرها حيت كان شوية دالريح مع بغات دير خصلة من مور ودنيها طلعات معاها راها بلا درة ضارت لقات عزاارة بجرا دخلات بالزربة) انا جاية (قطعت ومشات قدات زيفها)
شيماء: ماشية عندو؟؟
أمال: وااه بفف خرجت بلا درة ولعزارا برا
شيماء: نمشي معااك
هند: نوضي ضبري على راسك راه كاين التيتيز هنا
شيماء: ههه نوصلها ورجع (ناضت كتقاد فشعرها وكتسنى أمال تلوي زيفها للي معرفاتش تقادو بحال كما دارتو ليها لكوافوورة فالتالي لواتو عليها واخا شعرها كيبان من جناب ولفوق هي كترجع تقادو.. تمشااو وصلو حدا الجردة وهوما عاطيينها لتكركيير حتى سولها واحد)
….: ختي واش مزال مدخلو لعرووسة
(ضارو بجوج) شيماء: هه مزال
….: خييس صافي سعد اليوم غيسلت (بقاو لبنات كيضحكو ومشاو دخلو لوطيل وأمال هزات تيليفونها كتصوني على أنوار للي كان حاضي من لفوق كولشي)
أنوار: أنا فلقهوة لفوق طلعي بوحدك (قطع وبقات كتبلق عينها.. شافت فشيماء)
أمال: gالي راه لفوق صافي غير سيري
شيماء: ياله نطلع معااك واش غطلعي بوحدك ونتي مكتعرفي والو زيدي زيدي.. (سكتات لوخرا وشيماء مشات سولات فين القهوة وطلعو فدروج حيت مكيعرفوش يخدمو بالمصعد وصلو وهوما كيلهتو قشعوه جالس هو وشي كور قلال أمال جاتها بيبي وتزيرات)
أمال: شوفي تسنايني نمشي دغيا لطواليط ونجي مبغيتش نبقى نشطح قدامو
شيماء: ههه وااخ (كانو نيت حدااها دخلات وشيماء بقات كتشوف فأنوار للي باين ساهي مشات عندو وكيتسمع صوت طالونها حتى ضار تبسمات وهو ردهالها وصلات وجلسات حداه) بقيتي بووحدك وكان غير دخلتي معانا
أنوار: ههه اش نgجدر حدا نسا؟؟
شيماء: لا كاين حتى رجال
أنوار: (بقا كيشوف فيها زعما واايلي) اممم لا هاكا مرتاح
شيماء: عرفتي أمال ههه مجريتها لعندك غير بالزز كتشطح مسكينة وتحير بشعرها ههه
أنوار: (كيلعب بلسانو فوسط فمو) اممم مزيان تفوج على روحها
شيماء: (شافت ردة فعل ديالو) داكشي مهم بلا منصدعكم انا قلتلها أنوار بغا يجلس معاك بوحدو هي للي جرااتني نوصل معاها
أنوار: (حرك راسو باه… ناضت والابتسامة العريضة على وجهها) بصحتك
شيماء: لهلا يخطييك.. (مجات فين تحرك حتى لقات أمال جااية بالزربة مشات وفالنص تلقااو وشيماء كظحك بحال قاالها نكتة) نخلييك اختي نهبط ههه خطير عندك هاد بوبناات (باستها فحنكها ومشات ولوخرا مفااهمة واالو تمشاات عندو وهو عينيه عليها بحال صقر حتى تبسم وعوج رااسو خلاتها تفكر التوتر وتبسم معاه وقفات باش تجلس فلفوتوي للي مقابل معاه حتى جرها وجلسها فلفوتوي للي جالس فييه للي نورمال غير ديال وااحد وهو خشااها حدااه)
أنوار: بلاك تعاودي تبعدي
أمال: (حشمها حتى حنات رااسها بغات تنوض ولوا يدو على خصرها وزير شافت فيه بمعنى شنو كديير باعت ريقها وبصوت خاافت) أننن..ننوار!!!
أنوار: (قرب لوجهها وشم كزيان ريحة بارفاانها للي ولفو) gليع gلب أنواار…
أمال: (ضربت الطم وهي كتشوف فعينييه أما هو شوفتو كتلعب بين عويناتها وشنايفها)
أنوار: يااااجدك شنو هاد الزين للي فييك
أمال: (فلتت ليها التبسيمة وحنات راسها) نمشي نجلس لهييه
أنوار: (زاد قربلها ولكم أن تتخيلو كرسي ديال واحد جالسين فيه جوج وعاد مكيزيد يقربلها… عينيها نايميين فيها) لا موضعك هنا
أمال: (مبقاتش مرتاحة وفضلات تحني رااسها حتى هزاها راسها بشوية وطبع قبلة خفيفة على حنكها شافت فيه ولبكية واحلة ليها بغات غير تمشي واخا كتبغييه ولكن هاد الاحسااس كبيير وهي رابطااه فقط بزواج)
أنوار: صراحة وليت نتوحش فييك وديما فباالي
أمال: (غير كتسمع ليه)
أنوار: (قاس حنكها بظهر يديه) من نهار شفتك عششتيلي هنا (هز يديها وحطها فراسو وهبطها وكمشلها يدها فوق صدرو) عجبااني وبالجهد (بغا يبوسها هاد لمرة فشنايفها وهي تقلب وجهها وهو دغيا رجع) مالكي؟؟
أمال: (حشماات بزااف وحنات راسها محسات غير بزيفها طااح تفافااات وبغات تهزو لقاتو هو شااادو من اللور) هءءء كيطيييحلي (شداتو من عندو ودارتو فوق رااسها كتقاد فييه أما هو كبشوف فيها شكلها تبدل منين شافها بشعر كأي إخوانية منين كتحايد لفولار)
أنوار: خليه شوية هاكا عاجبني
أمال: (خرجت عينها) أحااي رااه كندير الإخوان
أنوار: اممم ألإخوان!! Gاديه غير بشوية علييك انا ماشي براني (بغمزة) اولا!!
أمال: (مدابزة مع الشال منتابعاتش لكلامو) تفوو كيزلق
أنوار: رااه انا للي زااالق فييك
أمال: هههه تأ حشم.. من صباح ونتا تحشم فية
أنوار: يخليلي الحشوومية (هي كتقاد الزيف وهو كيحشي يدو من عنقها فاللور ويقيس فشعرها) رطووبية الالللة خليني نشد فيه شوي
أمال: (نوغشها معجبهاش الحاال) هااااااااااء (وقفااات خنزراا فيه وهي مزال كتقاد فزيفها) أحاااي علييك نتا (جلسات فلكوسي لاخر) متعاودش تقييس فشعري راه انا مكنعرييهش
أنوار: (غير بعينيه كيشير ليها ترجع) روااحي
أمال: الااااا
أنوار: (كيرمش عينيه بتقالة) روااحي ولا نجي
أمال: (جابلها الظحك) ههه لا والا قربتلي والله حتى نمشي
أنوار: ياااك أجدك راك تحلفي علية
أمال: ههه باسل (كل حركة منو كتعتاارها حب وكتسنى تسمع كلمة نبغييك وبغيت نتزوجك ونعيش معاك ونولد وليداتي معاك كولشي عاجبها الا يقيسها ولا يفكر يبوسها… قرب منها وشد يديها للي قالت ماشي مشكل هادي فسبيل الحب)
أنوار: داك نهار سمعتك كتgولي لشيماء كنبغيه وكنحبو شكون هو؟؟
أمال: (بقات كتفرنس وتهرب بعينيها.. تهرب يدها ويرجع يشدهم تعاود تهربهم ويشدهم بقوة حتى معندها كدير تهربهم.. لقات القهوة خااوية من غير شي جوج ديال لكوبل جالسين بعاد)
أنوار: يااا هضري ولا غنجي نgلس حدااك ونبدا نبووس فيك حتى تنطقيها
أمال: هه وصاافي gولها نتا
أنوار: مبينااش فية؟؟ مكنظلش تابعك من قنت لقنت مخلي عرس فدارنا وغدا با غيحيح مزيااان علية وجيت عندك نتي منشوور بوحدي غي حيت باغي نجلس معاك ونشووف هاد لويزات وهاد شنيفات.. تهضري ولا نجي نبووس واخا معرفنا هاد الحب ديالك لا بوسان ولا تعناق
أمال: حراااام
أنوار: علية انا محراامش تهضري ولا نجي
أمال: (غمضت عينها مكتشوفش فيه وحنيكاتها موردين) كنبغيك
أنوار: (تبسم) يا هزي عينييك وgووليها
أمال: (دارت يدها على وجهها) وصااافي عفااااك
أنوار: هههه (حايد يديها على وجهها هزهم لمستوى وجهو وعينيه فعينيها حضنهم وباسهم بجوج فدقة وحدة) كلمة نبغيك نورمال كتجي من موراها تعنيقة وبووسة
أمال: (طرطقت عينها فيه) ألاااااا
أنوار: واااه راه نgولك لكلام الصح
أمال: هههه سير سييير انا ماشي ديال داكشي
أنوار: زوينة عندك هاد سير سير مجيباش حوايجك تبدلي نمشيو لشي قنت اخر؟؟
أمال: وأنا بغيت نبقى فالعرس
أنوار: العرس حسن مني؟؟
أمال: لا لا والله غير أول مرة نحضر لشي عرس… وصاافي نبقى معاك
أنوار: ههه حمقة راه غير تمازحت معااك انا لمهم عندي هو تكوني فرحاانة وحتى تكملي هاد العرس ونشدلك شي شوومبر هنا ترتااحي وصباح نرجعك لدار الطالبة
أمال: (تبسمت لاهتمامو)
أنوار: تشربي شي حاجة؟؟
أمال: لا عاد شربت أتاي وكليت الحلوة (بحماس) عرفتي عرس وااعر والقاااعة فنة ومزوقة بالورد داكشي ففففن فن
أنوار: هههه (ظحكاتو طريقة باش كتعاود) زيدي
أمال: هههه صاافي وكاع مخليتني نشوف الدخلة ديال العروسة
أنوار: الا بغيتي نوريهاالك مباشرة كفاش
أمال: (مفهماتش) كفاش؟
أنوار: هههه (لعب بلسانو فوسط غمو) من بعد.. تبغي نخرجو نشوفو سعيدية يااك أول مرة تجي ليها؟؟
أمال: (بغات ترجع للعرس) هم…
أنوار: بالصح مجاياش تخرجي هاكا نخليوها من بعد (بقا كيشوف فصدرها كرشها أما شي لاخر مباينش مع التكشيطة) ضعافيتي لا؟؟؟
أمال: (أكثر ملاحظة كتكرهها ومبغاتش تجي من عندو كظل تسرط وتدهن فلحلبة وجاتو ضعيفة أما وكان شافها من قبل شنو يقول!!) غير مع الحفااضة ومبقيتش ناكل اما كنت صحيحة بزااف
أنوار: وتبقاي تاكلي
أمال: حم كتعجبك الوحدة تكون صحيحة؟
أنوار: كتعجبيني نتي غير بغيتك تبقاي تاكلي على قبل صحتك
أمال: (تزيرات) اممم
أنوار: يا صافي مبيناتناش احبيبة أنا غير سولت ولكن فوورمتك حبيييتها
أمال: هههه زااايغ نتا
أنوار: زايغ على لكبييييييدة…
أمال: (شافت من الزاج بانولها دراري كيشطحو على لعلاوي ودايرين برطية والغياطة كيضربو ويحسبو ليهم ها خاوية فعامرة ها حشيشة ها خمايسية… تبسمت حيت كيعجبها لحساب زكفاش كيكونو هازين لعصى ويخركو كتافهم بالزربة ورجليعم مع الحساب والراس للي كيمشي مع أيقااع الغيطة) راهم ناشطين
أنوار: (شاف فاش كتشوف ورجع شاف فييها) عائلتك عارفينك هنا؟؟
أمال: (باحراج شافت فيه) لا.. مكانوش يخليوني نجيلو اصلا كيكونو عراس دالعائلة نتاعنا شي مرات ومكيخليونيش نحضر اصلا مكاين الاختلاط
أنوار: حتى حنا فعائلتنا مكاينش الاختلاط راه غير أنا للي دماغي كوول فيهم ولكن غير شوية
أمال: كفاش
أنوار: بحاالكم ممنوع رجال يختالطو.. فالعائلة بنات عمي وخوالي كولهم دايرين الزيف ومحتارمينو يعني الاخوان بأصولو ومثلا فالمناسبات مكنتخالطوش واخا نكونو غير بيناتنا حنا العائلة
أمال: (هو كيشرح وهي كتخيل رااسها مرتو ومكتخاالطش عاجبها يهضر على عائلتو) ولكن كديرو قيمة لمرا
أنوار: معلووم كما عليها واجباات عندها حقووقها كما هوما يحتارمو فينا ودايرين لينا قيمة حنا هكاااك
أمال: (تبسمت) أحسن حاجة
أنوار: (شافها غير كتعوج راسها تفرج هز ساعتو كانت 11) تبغي ترجعي لوجدة نوصلك
أمال: ها لا مزال باغية رجع لداخل
أنوار: ضرووري؟؟؟
أمال: الا بغيتي نتا زعما
أنوار: أنا بغيت بزاااف
أمال: شنو بغيتي؟
أنوار: بغيتك تبقاي معايا هنا ومترجعيش للعرس ولكن مغنكونش خاايب ونشدك سيف عليك
أمال: هههه نمشي غير شوييييييية ورجع
أنوار: باغا غير تشطحي وكان ههه نشدو شوومبرة وشطحي لحبيبك هه بعدا أنا دايزة فيه
أمال: أحااي.. انا راه بعدا كاع مكنشطحش واخا كاينين غير نسا مكنوضش (شاف من الزاج دراري معرمين وكيدخلو من نفس لباب مناش خرجت هي وتبسم باستهزاء)
أنوار: يااك الالة العرس ممخلطش
أمال: والله
أنوار: تقتك.. هه تقتك العميييرة (دار رجل على رجل وبقا كيشوف فيها وسكات بينااتهم هي معرفاش فاش كيفكر وهو ساااقل حتى نطق) لويكاند جاي نساافرو أنا ويااك بالصح غير بجوج بينا
أمال: (بحزن) غنمشي لدارنا
أنوار: واايلي؟؟؟ علاش؟؟
أمال: كاين عرس ولد عمي
أنوار: لا معندك فين تروحي
أمال: (تفافات) راه تقتلتلني ماما الا ممشيتش
أنوار: حتى أنا هضرت معندك وين ترووحي
أمال: (معرفت متقوول.. بترجي) أنوااااار
أنوار: (شااف فيها شي حاجة فشكل منين نطقاات سميتو هاااكا) اامم
أمال: أنا أصلا مبغيتش نمشي والله مبغييت.. ولكن ماما gالتلي نجي باش نعاونهم وعاد شيماء غتمشي وهوما مغيخليونيش هنا بوحدي وشيماء مكينااش
أنوار: (تفكر منين قالتلو شيماء الا مكنتش هنا ميخليوش أمال تجلس حيت مكيتيقوش فيها) مفهمتش مبغيتيش تحضري للعرس متحضريش علاش رابطيينك مع شيماء
أمال: (بحزن) معرفت
أنوار: مهم غير عولي مغتروحييش
أمال: (سكتات معرفت متقول راه الا ممشاتش غيديرو فيها يديين ورجليين جاتها لبكية.. تشجعت ووقفت حداه وهو متبعها.. بصوت خاافت) أنا نهبط
أنوار: (هز حاجبو حيت حسابو غتجي ترغبو وتحلون عليه وقف وكان قرييب منها بزااف لدرجة توتراات) فين غتهبطي البنت؟؟ واش صافابا!!
أمال: (شافت فيه ولبكية واحلة ليها) راه الا ممشيتش غيجيو يردوني وعمرني نعاود نشووفك
أنوار: (حط كف يدو على حنكها بحنان) خايفة يبعدوك علية؟
أمال: (هزت عويناتها فيه وسخونية يدوو وصلات ليها الدفئ لقلبها للي كيرفرف بلفرحة) خاايفة مبغيتش نبقى معااهم انا بغيت نبقى معاك نتا
أنوار: (حط اليد لوخرا فوق كتفها) هي تبقاي تسمعي كلامي احبيبة
أمال: (بصوت خافت) أنا كنسمع
أنوار: (تبسم بصبعو ضرب راس نيفها ونزل باله بغا يبوس حنكها وهي تهرب دار حركة بفمو بحال غيعضها) ناااكل جدك
أمال: (هزت كتفها بحال كتبعد يدو من تماك وكتحك حنكها ) أنوااااااار
أنوار: اممم
أمال: متعاودش تقيسني راه عييب
أنوار: (حيد يدو) وااخا لالة راه غي حيت مكنصبرش.. (شاف فتيليفونها للي محطوط فوق الطبلة شعل الضو هزو ودخل للميساج للي جاها كانت هند ~~~التوتة أجي تعشااي~~~ رد التيليفون لفوق الطبلة) تعشاي معايا ولا تنزلي عندهم؟؟
أمال: (خافتو يتقلق) نبقى معاك..
أنوار: ههه عارفك باغية تهبطي غير سيري أنا نتسنااك
أمال: (تبسمت وهزت تيليفونها ودارتلو بيدها باي باي)
أنوار: متعرفيش تبووسي؟؟
أمال: (خرجت عينها) أحااي (عطات بظهر ومشات حتى قربات لدروج ضارت لقاتو كيشووف فيها مقوسهم غير ضارت تبسم معاها عاد تبسمات معاه هبطاات بقا واقف حدا الزاج كيشوف وصلات للجردة وهزت راسها كانها كانت متأكدة غيكون كيراااقبها دارت باي باي ودخلات حانية رااسها من لمعزر للي كانو تماك دخلات للقاعة لقات كولشي جالس وحدا الكوشة كاينة طبلة جاية طوييلة ومزوقة مزياان و كاين 3 ديال رجال واحد جوون و2 كبار فالعمر وفالمقابل 3و دنسا وباينة وحدة فيهم هي العرووسة حيت لابسة تااج ومقاادة مزيان عجباتها بزااف برككت مزيان عاد تمشات حدا لبنات للي كانو مخليين ليها بلاصتها غير شافوها كحزت هند للكرسي لاخر وجلسوها فلوسط)
هند: أنا قلت مغيطلقكش
أمال: هههه داكشي للي gلت حتى أنا جاب الله تفهم شوية هه
شيماء: مكتفرضييش رأيك حتى نتي بغيتي تهربي من عائلتك طحتي فواحد حتى هو كيحكم فييك
هند: (شافت أمال تسعقاات) ولكن لحكام فيه وفييه وحكاام أنوار حلووو جاي عسل على لقليب (قاستها بكتفها) ولا لا هه
أمال: (ببراءة) ههه وااه ولكن زاايغ شوية
هند: (هزت حاجبها) بااسك؟؟
أمال: (خرجت عينها) لاااااا أحااي واش حمقة أنا يدي ومكنخليه يقييسها غير بالسييف ومكيعجبنيش الحال اوا صاافي لهلا يحييه باش يبووسني داكشي للي بقا نييت
هند: ههه عااارفااك مسهلاش.. وحتى هو مساهلش ههه (شافت فشيماء) اشنو كتصوري اديك الحمقة
شيماء: (دغيا حطااتو) صورت لماما بغات تشوف الديكوور وتشوف حتى امال
هند: اممم مزيان (شوية تقلبات الابتساامة وبقات غير كتشووف.. كتشوف باها جالس مع لعرووسة كأنه هو بااها كيعنقها وفرحان بييها ومجموعين كانهم عائلة حقيقية وهادشي مكيديروش حتى مع بنتو للي من لحمو ودمو وكان ممشاتش هي قبيلة وقلبت عليه مكانش غيسوق وكملها كيقولها كولشي بلمكتاب بحال كولشي متافق على هاد الجملة.. حطو لعشا للي كان مظخم أمال وشيماء غير كيتشاوفو عمرهم شافو حولي كامل مشوي زيد بصطيلة الحوت ودجاج الديسير.. لكلاص كلاو حتى مقدو أما هند غير كتنقب كملو وأمال تيليفونها صوونا شافت نمرة معرفاتهاش جاوبات) السلام
….: افين الغزاالة
أمال: (باستغراب) شكون نتا أخويا؟؟؟
….: ههه خيس دغيا نسييتي أنا للي عطيتيني نمرتك
أمال: لا لا راك غاالط اخويا انا معطيتك والو عفاك متصوني عندي
….: واايلي دغيا نكرتييني عاد شي سااعة عطيتيني نمرتك وقلتيلي سميتي أمال
أمال: لا لا خويا رااك غاالط عفاك متعاودش تصونيلي (قطعت وباستغراب مفااهمة واالو وكفاش عارف حتى سميتها) شي واحد كيgولي عطيتو نمرتي وعارف حتى سميتي
هند: (شكات فشيماء) غير كيغلطو
شيماء: اوا هو عارف حتى سميتها؟؟
هند: (بنظرة فيها زعما راه عايقة بييك) كاينة ابليكاسيون كطلع النمرة بسمية.. اري نبلوكيه باش ميعاودش يصدعك والنمرة للي معرفتيهاش متجاوبيهاش (بلوكاتو وردات ليها التيليفون مفهمااش شيماء فين بااغا توصل بهاد لخصاايل وكان كانت كديرهم معااها توريها فعايل ل**** ولكن جات فأمال للي دمدوومة وطيبة كتر من لقياس…)
شيماء: أنوار مغيعجوش الحال الا عرف
هند: وعلاش غتقولهالو أصلا ماشي كولشي كيتقاال.. مهم أمال صورت ليك الدخلة ديال لعرووسة عارفك كنتي باغا تشوفيها (وراتها لفيديو وبقاو مجمعيين حتى صونا تيليفون هند تبسمت بلا متحس)
شيماء: امم كتخبعي عليينا؟؟
هند: ههه ماشي سووقكم (هزت حجبانها كتقلي ليها السم وهزت تيليفونها وخرجت) مزاال فاايق؟؟؟
وليد: (ميت بنعاس وصوتو فيه بحة ديال نعاس) رجعتي فحاالك؟؟
هند: لااءح مزاالة
وليد: بزاااااف غتسوgي بووحدك فهاد الوقت مشا الحال
هند: مولفة.. وكاينين صحباتي مونسيني
وليد: (سكت مدة) كولشي مزيان؟؟
هند: صاافاا
وليد: وااخا انا غرجع نعس منين تسالي صوني علية عندك تنساي عاود
هند: (عضت على شنافتها مبسمة) واخا (قطع وبقات كتشوف فسما مع تنهيدات خفاف وعينيها كيبرييو زائد الابتساامة حتى سمعات شي واحد كيعيط عليها ضارت لقات لعريس تبدلات ابتسامة الفرح لابتساامة صفرا ومبينااها) ويي..
هند: (مكرهة) ويي
سعد: صراااحة مقلتش غتهي لعرسي ههه
هند: (طانزة) وشنوو ندير مقدرتش نفوت اخر ودااع
سعد: (نافخ ريشو قدام صحاابو) كولشي بلمكتااب ابنت خاالتي دابا يجيب ليك الله للي يسترك
هند: (طلعت ليها هاد الجملة فرااسها) بنيتك اسعد بقيتي غير نتا نطمع فيه لزوااج نتا حدك لواحد يحطك فجييبو يدير بيك الشوبينغ ويرجعك لماماك طبطب عليييك
سعد: (هز حاجبو باستفزاز) متأكدة كنتي كديرني غير فالجيب
هند: لا كنت كنديرك حتى تحت صبااطي ولا نسيتي
سعد: ههه حااس بيك صعيببة عليك تجي لعرس وااحد بغاك غير فتفلية
هند: شنو مثلا هاد تفلية للي تفليتيها علية؟؟
سعد: صافي داكشي كان من ماضي دياالي واليوم عرسي مع بنت داارهم
هند: (زفرت.. وشافت فولاد عائلتها للي كيظحكو عليها ضرها خااطرها كولشي كيعتابرها ق*** غي حيت هي متفتحة وكتلبس للي بغات وخاوية الدار وعايشة بوحدها وللي هضر معاها كطلييه.. شافت فسعد للي واخا عرسو منكرش أنها مزال تعجبو حلت بوشيطا ديالها وجبدت منها كرطونة صغيرة ديال دوا قربات عندو ودارتو ليه فجيبو للي فجهة صدر) كادو مني لييك ومرة اخرى متبقااش تكذب الكذبة وتيقها متحطتش راسك فوقف زباالة غير باش تبان وااعر ورااجل والله حتى الرجلة هااربة من العائلة كااملة ( هز لكرطونة عرفها دوا لفييجرا.. شاف فييها ووجهو حمر طلعات فيه الشوفة ونزلاتها بقرف) جربو فك** عاد شوف واش يخدم مع لعروسة باش متحاشمش.. ولا شوف مع شي واحد من هاد النكافات للي كيصفقو ليك راكم موالفين.. (خلاتو كيدور فعينيه ولوخرين كيستوعبو القرطاس للي عطاتهم… دخلات مفقووسة مكرهتش غير تمشي فحاالها من هاد العرس للي مصبرها عليه غير لبنات للي مفوجين ومبغاتش تحرمها علييهم أما متزيد حتى تانية فيه… دخلات عندهم لقات القاعة ناشطة عااود ولعيالات كيشطحو تفكرت وليد وتبسمت جات مها ووقفات عليها وجراتها من يدها وخرجات بيها من الجردة لفوسط لوطيل حتى خرجو لبرا كااع) بشوية مالك جراني هااكا هه
أم هند: (مفقوسة حيت ختها جات عندها ووراتلها بنتها للي واقفة مع ولدها ونبهاتها باش مينوضش صدااع) شنو كنتي كديري مع سعد؟؟
هند: (ببرود) باركت ليه وصاافي
أم هند: بففف شفتي شفتي علاش مبغييتش نعيط عليك للعرس باغا تشوهيني أنا وباباك وضيعي لعرس
هند: واش بنيتك ههه لا واش بنيتك؟؟ وعلاش غنشوهكم راه هو للي جا عندي وبقا كيتهز علية ومقلت واالو غير على وجهكم أما نحط لمو وجهو قدااامو
أم هند: الله يا ربي شنو عملت فحيااتي.. اش بيينك وبين لعرييس اليوم عرسو ونتي مزالة كدووري بييه؟؟ علاش مكديريش قييمة راسك ابنتي واش معندك كرااامة؟؟؟
هند: صافي عفااك أنا غنمشي
أم هند: مكنطردكش أنا كنبهك ولا ممنحقيش
هند: لا ممنحقكش (صرت الفقسة وقالتها بحزن) لا ممنحقكش (خلاتها وااقفة ودمووعها فعينيها وقلبها كيتعصر بالفقسة وصلات لوطيل وقلبات على لحمام دخلات تماك وفشات قلبها مزيااان كتبكي حتى روحها بغات تخرج خرجت من بعد ممسحت عينها للي بقاو حومر وخرجت لبرا تبرد دخلات لطموبيلتها بقات غير مبقلة عيينها مقدراتش تدخل شافت فالساعة كانت 2 ونص خرجت من طموبيلتها ولبرد كيزبر صافي غتعيط ببنات يمشيو وجوودها غير مرحب بييه.. دخلات دغيا لوطيل لقات أنوار ناازل دغيا دارت ابتسامة باهتة فوجهها) الحب ومداار فيك
أنوار: ههه راه نصوني عليها زمتجاوبش…؟؟؟
هند: الحب ومدار فيك ههه
أنوار: هههه راه نصوني عليها ومتجااوبش؟؟؟
هند: 100% غير مع الموسيقى مسمعاتوش
أنوار: (رجع صونا ياله حطو فودنو سمع شيماء~~حشوومة اصاحبتي السيد هنا ونتي كتفلاي~~ غوبش) ألو شيماء!! (مسمع والو وهند قلشت ودنيها مني سمعاتو قال شيماء.. ياله غيهضر سمع أمال)
أمال: (للي كانت فطواليط وجابتلها شيماء التيليفون) أنوار
أنوار: معامن كنتي؟؟
أمال: (كتهضر عادي) حتى واحد كنت فطواليط والله علاه؟
أنوار: (سكت مدة شاف فهند للي كتقولو شنو واقع؟؟) صاافي خرجي فحاالك أنا كنتسناك برا (قطع وشاف فهند) واش العرس مخلط؟؟
هند: لاااااا ياك نتا عارف هنا وجااادة نورمال عراسمم مكيكونوش مخلطينش
أنوار: ماشي كولشي كاين للي يديرو مخلط وانا كنسولك على هاد زمر واش مخلط واش فيه حتى رجال
هند: (شافتو معصب) تهدن اصااحبي العرس ممخلطش رجال فبلاصة ولعيالات فبلاصة اخرى راه غير الدخلة للي وحدة
أنوار: اممم.. وعلاش شيماء gالتلي مخلط
هند: هاديك ديما تالفة
أنوار: تلف على راسها ماشي تgول حوايج مكينينش… مهم مالكي نتي خاارجة
هند: أهيااا حكم غير فأماال أما أنا (بابتسامة) عندي للي يحكم فية
أنوار: وااااه راك تgوولي شكون دا معرفتيناش بلموسيو
هند: ههه مع الوقت بففف صطااني ياا خويا ياا ربي غير يتشد
أنوار: هاد الزين كامل وميطيحش غير الا كان عمى
هند: (بتنهييدة غير كتفكرو كتنسى أزمة واليدييها برااكة غير بان مهتم فحين المقربيين ليها ممسوقيينش) أنا ندخل باش حتى شيماء تخرج
أنوار: واااخ وgول لأمال تجي عندي (دخلات لقات أمال جااية مشات عندو كان برا غير شافها دارلها اشارة تبعو.. تبعاتو كتقفقف بالبرد حيت لابسة غير تكشيطة على ديباردور وشوورط والبرد كيزدح موصلات لطموبيلتو حتى ولات كتشطح الرgادة بالسيف علييها دخلات وجلسات كتحاول تسخن) مكنحملش نصوني عليك ومتجااوبييش ماشي أنا جاالس هنا غير على قبلك ونتي ممسوقااش
أمال: (مفهمت والو عاد كان نااشط وظاحك معااها) والله غير مسمعتوش
أنوار: خااصك تسمعييه منين أنا نصوني خاصك تسمعيه
أمال: (بحزن) واخا
أنوار: (حل السرجم كيضرب فيه لهوا للي كان باارد وهي مقالت بدات تسخن شوية حتى ترع السرجم شاف شيماء وهند خارجين وجاو لعندهم) صافي مشيينا
هند: اه صاافي وواصلا شوية وغيكمل لعرس
أنوار: تمشيو لدار الطالبة ولا نشوفلكم شي دار تكريوها هنا ترتاحو وغدا عاد سيروو
شيماء: واه واه نجلسو هنا ياك غنكونو مجموعين؟؟؟ زعما حتى نتا غتبقا؟
أنوار: (هز حاجبو فيها) ضرووري مانيش حمق نخليكم بوحدكم
أمال: (مغتقبلش فكرة يكونو فدار وحدة بلا زوااج واخا جانب فيها باغا تبقى معااه أطول مدة) حم نمشييو حسن باش حتى نتا غدا تخدم
أنوار: (معجبوش الحال ترفض شاف فشيماء للي ماشي صاحبتو وكفاش فرحانة يبقى معاهم وحتى هند معتارضااتش وهي للي صاحبتو وكتبغيه مبغاتش) هاحنا قداامكم (هند.د حركت راسها باه وشافتو كسيرا مشاو لطموبيلتها وهي كتسمع نgير شيماء)
هند: واش حمقة باشمن صفة غيبقى معاانا وزيد الا بتنا فبلاصة وحدة غيبغي يتقرب من أمال ولا ينعس معاها
شيماء: لا هو مفكرش كاع هااكا
هند: الله يهديك أي واحد كيكون باغي شي وحدة ويلقى الفرصة غيبغي يتقرب منها واخا غير يبووسها
شيماء: وهي للي معقدة منين مباغاش يبوسها تفرق علييه هو مسكين كيفكر فرااحتنا وهي كتنقز بوحدها تفوو راه عيينا مفينا للي يضرب طريق (مجاوباتهاش هند وصااكت وقفت دقيقة حلات لواتس وكتبات لوليد ~~ أنا شادة طريق لداري~~ كملت صوكانها تابعة أنوار الي منرفز وأمال ضااربة الطم حتى)
أمال: حم أنواااار واش غضبان مني؟؟؟
أنوار: (ببرود) لا
أمال: وعلاش مكتهضرش ومكتشوفش فية
أنوار: (شاف فيها) بغيتي نقلب ديلمها هاد اللوطو باش نشووف فييك يااك gلت نبقاو هاد الليلة مجموعين ونتي مبغيتيش دوونك متسولييش هاد السؤاال
أمال: أنا راه كنحشم منقدرش نبقى معااك فدار وحدة (شاف فيها زعما انا ممسوقش) أنا والله كنبغييك ونتا كولشي زوين فحيااتي والله منبغيك تفgع مني
أنوار: (شاف فيها) يا جدك غير ديال يgلب بمك هاد اللوطو باش نرتاح متgولي كلمة زويينة حتى تعصريها مني
أمال: (تبسمت) سمحلي قلقتك ولكن قلت تمشي ترتاح وغدا تخدم حيت تابعاك خدمة مع عمك
أنوار: يخليلي الزين ديالي للي يفكر فية ولكن خاصك تفكريلي فكوولشي
أمال: بحالاش؟؟
أنوار: بحال باغي نجلس معاك فبلاصة بووحدنا غير أنا ويااك ناخد راحتي معااك وتاخديها حتى نتي
أمال: (غير قال هاكا قلبها زدح وفهمات أنه باغي يديها لفراش) لا لا أنوار أنا ماشي ديال داكشي؟؟
أنوار: بحالاش داكشي؟
أمال: (جاتو نيشان وخا جاتها عيب تهضر فهادشي ولكن باش تبينلو راها عندها شخصية) أنا ميمكنش نجلس معاك فبلاصة معزوولة عييب راه خاص نكونو مزوجيين
أنوار: ديريني رااجلك الالة
أمال: أنواااااااااااار نهضر بالصح
أنوار: هههه عينيين أنوار أنا قصدت غير منين تخرجي معايا متكونش هند ولا شيماء..
أنوار: عينيين أنوار أنا قصدت غير منين تخرجي معايا متكونش هند ولا شيماء (جا يشد فيدها ونتراتها جمع رااسو مولاش قااسها فقط كيهضرو حتى وصلها لدار الطاالبة بقاو فالطموبيل على متلحق هند شافو فباب فلباب كان مسدود)
أمال: (معرفتش علاش عاد طلعات معاها… عقدت حواجبها بتوتر وهو كيشوف فييها حرك براسو زعما شنو كااين) شكون غيحل لينا لباب
أنوار: نورمال لعساس
أمال: لعساس غيحل لينا ديال برا ولداخل؟؟ والا حتى تحل خويا محمد غتوصلو لخبار جينا معطلين
أنوار: (هو حاجبو) هي وكان سمعتي كلامي (شافت فيه) وكان بقينا فسعيدية حتى لصباح ونجيو (وصلت هند بطموبيلتها ووقفت مقابلة معاه وباينة عياانة أما شيماء الابتسامة الخفيفة على وجهها نزل كيتجبد ومشا عند هند) لباب مسدود وأمال خاافت الا دقيتو وحلوليكم توصل لعائلتها
شيماء: (شهقت بكل أنوثة) واااه بالصح خوها حط نمرتو باش أي حاجة توصلو عليينا هءءءء كاع مفكرنا فييها
أنوار: وشنو الحل الالة شيماء
شيماء: (عجبها الحال بزااف وفرنست) معرفتش
أنوار: نضبر ليكم فين ترتاحو؟؟؟ (هند معندهاش مشكل ولكن عاارفة أمال مغيعجبهاش هاد الحل وعارفة أنوار للي باينة باغي غير امتى ينفاارد بييها… أما هو بعد صونا حتى شبع عند حمزة صااحبو حتى جاوبو لقااه فالدار النيت للي كيكرييو ) داابا غتخوييها
حمزة: واش نتا مريض ف*** ولبنت للي معايا
أنوار: ضبر راسك شهر كامل ونتا فيها وضرك راني باغيها
حمزة: ***** على صباح (قطع أنوار عارف صاحبو غيخوي ليه الدار رجع عند هند حيت عارف الا مشاو لبنات حتى أمال غتمشي…)
أنوار: صاافي نتي تبعيني الدار مبعيداش بزااف من هنا (مشا عند أمال للي طلعات معاها صفورية جلس حداها) صافي احبيبة خوك مغيوصلو واالو غتباتي فالدار وغير ترتاحي غترجعي لهنا (حركت راسها باه بابتسامة صفرا وزاد مكسيري وحيت طريق خااوية صباح ومزال مطلع وصل قدام واحد العمارة هبط وهبطو لبنات وشيماء هازة صاك فيهم جلالب لبنات للي كانو لابسين قبل ميمشيو لكوافورة بقاو كيشوفو فالعمارة أنوار سد الطموبيل وجاي هو وأمال للي معجبهاش الحال) هنا كنكون منين كنبغي رتااح من صدااع
هند: (بابتسامة صفرا وفبالها كتقول هادا هو البرتوش دياالك وكان..)
أنوار: شيماء هاري نهز عليك (مداتو ليه وهي مبسمة دار يدو فظهر أمال) ياله (بعدات ظهرها بلا ميحس وتمشاو تابعينو طلعو لدوزيام ايطاج ومشا للباب رقم 12 مع حل مع ريحة الشيشة خاارجة هند عرفاها أماا لبنات قالو ريحة سانيك روا مجهدة دخلو عاد شعل الضو كانت مفرشة اصلا مكرية بفرااشها أمال غير كضور عينيها فبالها داارو وفراشو وكتخيل راسها هي مولات هاد الدار جلسات فين جلسات شيماء وهند فالصالون للي كاين مع الدخلة وعندها إحساس فشكل) مرحبااا بييكم
هند: مزيييونة الدار
أنوار: ماشي شي حاااجة
شيماء: لا لا بلعكس غزااالة بزااف ذووقك زوين
أنوار: (شاف فامال) زيين وقيلة معجباتكش
أمال: (تبسمت) لا فننة
أنوار: نتي للي فنة
أمال: هههه (كيحشمها قداام لبنات)
أنوار: أجي نورييك فين ترتااحي راك عييتي بشطيح (فرنست مأكدالو أنها شطحت واخا هي متهزتش من بلاصتها وقفت وشافت فلبنات زعما أنقدووني.. تبعاتو كيوريها ها لكوزينة ها الحمام وصل لبيت نعاس) وهنا كنجي رتااح
أمال: (شافت النموسية للي مروبلة شوية ولوسايد كولها فجييه وشافت فيه بابتسامة صفرا) زويين بيتك
أنوار: للي ديالي ديال حتى حبيبتي (بغا يقرب يعنقها ولا معرفت وبعدات) ماالكي
أمال: حم والو
أنوار: (قربلها) مباغاش تبقاي مع حبيبك
أمال: ها.. لا نبقى
أنوار: (دار يدو على الحيط مختاصر المساافة) وعلاش كتبعدي ياك كتبغيني
أمال: (هزت عينها شافت فيه) ونتا؟؟؟
أنوار: شنو بانلك
أمال: معرفت
أنوار: أنا كنبين أنا أفعاال ماشي غير هضرة بحاالك ونتي شنو غتبينيلي؟
أمال: (حنات راسها) أنا بينتلك تيقتي لكبيرة فييك وجيت هنا معاك وخرجت معاك وهضرت معاك الحاجة للي مكنت نقدر نديرها مع حتى واحد
أنوار: (هز حاجبو) مجيتيش حيت كنتي باغية جيتي حيت ملgيتيش منين دخلي لشومبرتك
أمال: (تحرجات وممرتاحااش حتى بانت فوجهها بلي عبست)
أنوار: (هز وجهها بسبابتو وقنا على شناايفها يبووسها بقا مقرب شوية بشوية وهي كتهرب عينيها وترجع تشوف فييه احسااس فشكل جااها تشوف وتعاود تهرب محساات غير بيديها كدفع فيييه بكل قوتها مع كان مرخي ساهل باش تدفع خنزر فيها) ماالك!!!!
أمال: (كترجف مقدراش تشوف فييه) نمشي نعس
أنوار: (شدها من ذراعها) فين؟؟؟
أمال: مع لبنات
أنوار: (لعب بلسانو فوسط فمو دخل للحمام للي اونفاص مع لبيت وخلاها واقفة تماك متبعالو لعين حطات يدها فوق قلبها للي كيزدح تنفساات عاد مشات حدا لبنات)
هند: كنموت بنعاس معرفت فين حاطين لكواش
شيماء: فين أنوار؟؟
أمال: دخل لطواليط.. أنا نشوف فبيت نعاس
شيماء: هاي هاي مولات الدار زعما (مسوقاتش ليها مشات لبيت نعاس حلات لماريو للي فيها حوايج قلال جبدات 3 دلكواش هزاتهم بصعوبة وتكشيطتها معذباها فلمشيان وججها مضرق ياله خارجة تسطحات مع أنوار هزهم من عليها مخنزر لاح وحدة وخدا غير جوج حطهم لبنات وزرب عليهم)
أنوار: تصبحو على خير الا بغيتو لكوزينة راه هي (مشا متبسم قبل متهربلو وتجي حدا لبنات.. خلاهم كيضورو فعينيهم وسؤال فبالهم واش أمال غتنعس معاه ولا شنو؟؟؟؟؟)
أمال: (بقات واقفة فبلاصتها عقلها مبلوكي حتى رجع أنوار دخل لبيت وسد لباب بلا متحس) لااااا لا لااا حلوو عفااك حلوووو
أنوار: (ببرود) لا
أمال: (بصوت كيرجف) عفااك
أنوار: شنووو مالك كترعدي تمااك!!! مغنااكلش ولا خفتي ندووز فييك مغندووش ماشي بوهالي باش غنعس معاك صحة أمااال
أمال: (تحرجات وحنات رااسها معرفت فين تعطي وجهها)
أنوار: (جلس كيشوف فيها واقفة ومكنززة لدرجة وجهها صفاار) اجي تجلسي (حركت راسها بلا) بانلي متيقاش فية مزيااان.. أنا لوكان بغيت غير نعاس لبنات على الجهد عطا الله كيلوحو راسهم علية ولكن أنا بغييتك نتي
أمال: (متحرك راسها بلا خاايفة بالجهد) لا لااا أنا مغندير معاك واالو
أنوار: (بلعها) عاارف وحتى أنا مغندير والو معاك أنا نيتي غير نجلسو شوية مع بعضيااتنا وصاافي ولكن (وقف مكره) كيبانلي مشيت غاالط فييك
أمال: (خافت بزاف يتفارق معاها وقفات فطريقو) لا أنا والله حتى كنبغيك وبزاف والله ولكن..
أنوار: (شاف فيها) مبانليش أنا على قبلك الليل كامل نتسنى فيك باش ربح غير 5 دقايق نكون معاك فيها ونشوفك ونتي حتى الثقة فية مكيناش (بغا يخرج ومحسات غير شدات فذرااعو)
أمال: عفااك أنوار
أنوار: (شاف فعينيها بحال بغات تبكي) شنوو؟؟
أمال: (بكل صراحة) أنا غير جاتني عيب نبقاو بجوج فبيتك دنعاس وصافي
أنوار: (ببروود) عاادي أنا لي هامني هو نتي تكوني معايا مكيهمنيش فين ولوكان تيقي فية ميهمكش فين حنا
أمال: (مخلالها شنو تقول) راه حتى أنا كنتيق فيك
أنوار: امممم انا غنخرج نعس فلبيت لاخر باش متوليش تخافي ناكلك وانا جبتك هنا غير باش تنعسي مرتاحة كنت غنهضر معاك غير 5 دقايق ونمشي (خرج مخلي تأنيب الضمير كياكلها شافتو خرج وسد لباب بقات كتشوف فلبيت ومشات جلسات أما هو تكره دخل لكوزينة شعل الضو حتى كتبانلو شيماء عاطية بظهر وشعر مطلوق ولابسة شورط قصير وديباردور ديالو مزيرين على طايتها وطالبة شعرها للي ترولا ضارت بحال مخلووعة) سمحيلي معرفتكش هنا
شيماء: (حطت يدها على صدرها للي كان باين نصو) هاا كنت غير بغيت نشرب (حيدت يدها من فوق صدرها وتبسمت) نكب ليك حتى نتا؟؟؟….
~~~~~~~~~~~~~~~~~
أصبحنا وأصبح الملك لله…
زهير: (فاق بكري لبس حوايجو وخرج ديمارا وزاد نيشان للمحال للي غيشريه وحيت خلالو مولاه الساروت دخل شعل الضو جايب معاه باش يعبر بقا كيعبر تمااك ويكتب فورقة ويحنزز مزيان فكل ركن وبالو مشغول كمل حتى وقف عليه مول لمحاال وحتى خوه جا باش يمشيو لعدول مشاو مجموعين كملو الاجراءات وزهير عطا شيك لمول المحال وكولها تفرق لشغلو وأول حاجة مشا زهير للمحال ديالو وسد عليه كيشوف لوراق واسمو كاين تماك بالخط العريض.. ماالك المحال.. دار ابتسامة للي تقلبات ظحك بحال شي مجنون لمعة الفرحة داازت فعينييه واخيييرا حقق الحلم دياالو ورجعات عندو قيييمة فبلادو ورجع صااحب مشرووع جلس فالأرض ولوراق فيدو وكيشوف فلحيوط سااهي تفكر نهار مات باه برصاصة طاايشة من جارو على أرض صغييرة خلاه صغير فعمرو 6 سنين تصدم حيت كولشي داز على عينو خلاه شي 3 سنين مكيهضرش وهادشي خلا حتى مدرسة متولي تقبلو وتحرم من التعلييم.. فهاد الوقت كان لكبير هو للي خدام على كوولشي وكان لحمل تقيل عليه بزااف وولادو مزال كيقرااو وأنوار كانت عندو عام خلا لكاملة معجبهااش الحال مخليها كتكمل شهر غير بلكشاايف كتشوف لويسااتها عايشين ويجي يفوحو علييها وهي مقااتلة مع الوقت وللي صورو راجلها فنهار كيقسمو على جوج ديور مو وخوه صغير للي تزييزن وهي وولادها.. تعصباات بزااف وكانت كترد فقايسها فزهير للي مكانش كيهضر وعمرها فكرات أنه كيسمع وكيفهم غير الصدمة للي مخلاتوش يهضر نهار على نهار حتى صبح واحد نهار كيخدم مع لبناية يهز الطوبية السيما الرملة يكمل من هنا ويمشي للسوق يشري الديسير ويبيعو هاكا دوز مراهقتو رجع كيهضر ولكن كلامو قلييل جمع شي برااكة من عند مو للي هناها من نgير لكاملة حتى لواحد نهار بات ما صبح عيط على مو بنمرة ديال برا وتحديدا اسبانيا حرg من بني نصر دخل لمليلية وحالفو الحظ حتى وصل لبلاد لمهجر ومن تمااك بدات حرب اخرى ولكن كانو تسهيلات أن عرق كتافو مكيجيبش جوج درياال جمع لفلوس وحرم رااسو من كولشي حتى بدا يصيفط لخوه ورجع كما دابا حط فلوس صحيحة فلوس تعب سنين فهاد المشرووع… ناض خرج من تمااك ونيشان مشا لعند مو باش يفرحها حيت كيعتابرها الوحيدة هي وخووه وحتى أنوار للي كيفرحولو من القلب…)
هند: (فاقو حتى 12 شبعانين نعااس وشحال كتكون نعييسة حلوة من بعد ليلة عرس دازت كولها نشاط… نساو رااسهم راهم ضيااف عند أنوار زعزعات شيماء للي غاطسة راسها فلفراش) شيماااء فييقي (تجبداات مزياان) بففف شيمااااااااء (ناضت كتحك فرااسها وتزيرات بغات دخل لطواليط ناضت بلحفا كتقلب فداك لكولوار فين لحمام للي باين بابو بيض لقات صندالة كبيرة لبساتها ودخلات قضات غراضها وغسلات وجهها دارت سينيال لقاتو تماك فصبعها وحكاتو على سنانها حتى تعاود تبروصيهم منين تمشي لبيتها جمعات شعرها سفنجة وخرجات وسؤال فراسها شنو داارت أمال بغات تحل شي باب ولكن خاافت تلقا أنوار ناعس حداها واخا هي متأكدة أمال مغتجيش حتى لدقيقة 90 وتخورها رجعات لبلاصتها كتفيق شيماء للي ناضت مضهشرة مشبعاش نعاس) واش أمال نعسات مع أنوار؟؟؟
شيماء: (كتكسل) لا لا أمال مديرهاش
هند: واش عارفة فين هي ناعسة
شيماء: معرفت اختي نتسناو الأميرة ديالنا ومولات الدار تجي تحط لضيافها لفطور هههه
هند: نوضي قالاك لفطور عندي سطاج فلعشية ومخاصش نتعطل (هزت تيليفونها لقات 10ليزابيل من عند وليد طرطقت عينها وقلبها زدح فرحت بزااف شافت فشيماء) مهم أنا نمشي لطواليط (ناضت بالزربة مدوزة نمرتو دخلات وسدات عليها والو مجاوبهاش حتى جاها ميساج من عندو)~~شوية ونصوني عليك واش نتي بيخير؟؟؟~~ عضت على شنايفها كتقرا لميساج وتعاودو حتى كتبت ليه (~~صباح الخير~~) تبسمت وبغات تخرج حتى جاها ميساج من عندو (~~صباح لخير النعاسة شوية ونصوني عليك~~) ظحكت بلفرحة وخرجت لقات شيماء كتحل بيت للي فيه أمال) عندااك نتصدمو
شيماء: ههه (حلاتو لقاو أمال ناعسة بفولارها للي تعوج وباقية بتكشيطتها ومغطية… ضارت عند هند) الحمد الله شرف العائلة ممشاش هه
هند: الله يمسخك عاارفة أمال شرييفة وعفيفة ومستحيييل ديرها
شيماء: اممم (مشات كتزعزعها) أمااااال واافيقي اصااحبتي
أمال: (ناضت مفافية أصلا منعساتش على خااطرها خايفة من أنوار يتفارق معاها وعاد مشا وهو كاعي واخا صونات عليه وصيفطاتلو ميساجات مجوبهاش ولكن مبغاتش تبعو لفين مشا ينعس شافت راسها مغطية عرفاتو هو للي غطاها) نتي للي غطيتيني؟؟
هند: ههه باسم الله علييك عاوديلنا شنو وقع لبارح
أمال: (بحزن) والو غضب ومشا
هند: مبغيتيش تبوسيه هههه
أمال: (بغضب) هنننند
شيماء: وعلاش غضب
أمال: أنا معجبنيش الحال يبقى هنا معايا فلبيت وهو معجبوش الحال gالك مكنتيقش فيه ومشا غضب يمكن نعس فلبيت لاخر
شيماء: لا قلبت مكاينش يمكن خرج
هند: وياله حنا نمشيو 2 خاص نمشي أنا وحتى نتوما خاصكم تحفظو لامتحان مبقا ليه واالو
شيماء: منخرجوش اليوم؟؟
أمال: وااه نحفظو واخا مبقاتلي كانة ݣاع ولكن خاص ندخلو ݣاع لمواد
شيماء: بففف رجعتو مملين نتوما والله
هند: راه نتي للي رجعات فيك الدوودة ولا باالي قريب تودعي وجدة وترجعي لدااركم
شيماء: الا رجعت غترجع معايا حتى أمال ههه
أمال: (بخوف) حشومة عليك اشيما وقراي باش منرجعوش عفاااك
هند: (كتعز عليها أمال) الا مقرااتش حتى هي غتحرم من هاد الحرية وشعوور وسباايغ ولخرووج ومنها نيت نجي نحضر ليها فعرس محمد
شيماء: ااااجي مرحبا بيييك وألف مرحباااا اصلا هو كيبغييني وكيمووت علية ماشي مشكل نتزوجو بحال والو يتبدل
أمال: (بخوف كبير وفنفس الوقت استفزااتها ومتوقعاتهاش تقول هاد لكلام) الا هو كيبغيك أنا خوك نبيل مكيبغينيش حرااام عليك كتgولي هااكا
شيماء: اصااحبتي اصلا منزوجوكش نبيل غنزوجك بخويا وليييد
هند: (هنا جبداتها) شنو كتخوري نتي على صبااح كوني متأكدة هي الا مشات تمااك عندها واحد كيبغيها غيتبعها ويرجعها هنا
شيماء: (نايضة حرب باردة بيناتهم) داابا نشووفو واش يتبعها…
أمال: (كعات) وااه غيتبعني حيت هو يبغيني ولقاني بنت الناس ماشي شي وحدة فريفيرة
شيماء: اممم حتى انا مݣلتش العكس
أمال: (وقفت) ياله اهند
شيماء: كفاش غير هند وأنا منمشيش معاكم
أمال: (مجاوباتهاش مشات لطواليط جاها كلام شيماء قاسح بقات تبكي وخلطات غضبة أنوار للي معرفاتو فين زااد ويمكن كاع يتفارق معاها.. خرجات من لحمام غاسلة وجهها وكان باقي حمر لقات شيماء كتجمع فالدنيا حدرات منها لعين ومشات حدا هند للصالون حتى جات شيماء كما العادة كتبحلس وتبووس فييها)
هند: (هزت حاجبها فيها) الله يعطينا نص فرحتك
شيماء: انا ديما هااكا
هند: لا نيييت ولا ضبرتي على راسك لبارح غير gري
شيماء: ههه انا جيت هنا نقرا ماشي نتصااحب
أمال: لا نيت منين حطينا رجلنا ونتي كتݣولي بغيت راجل بغيت نتزوج بغيت…
شيماء: هههه وراه غير نظحك ونتوما على سبة تقلقو gاع ميظحك معاكم لواحد
هند: (عوجت فمها كتشوف فالتيليفون كتسنى وليد يجاوبها….)
أنوار: (كيشوف فالمحال) هادشي زييين وكان غير خليتني ندخل شرييك معااك
زهير: هه وعندك فلوس ولا غير لسان كيديما
أنوار: نضبر شنوو ندخل شرييك ونشري معاك السلعة
زهير: لا بغيت يكون ديالي أنا وولادي باش نهار يكبرو ونخطااهم يلݣااو باهم مخليلهم شنو ياكلو (خوت أنوار دارو قرب وسكتو أما خوه معجبوش الحال)
أب أنوار: أش هاد لهضوور أزهير
زهير: غير gلت وصاافي أنا غدا غنجيب شي معلملية على حساب لكااڨ باش يردوه بحال هكا وغنقسمو النص لكبير غنخلي فيه سطوك ولاخر غنديرو للأثاث رقيق ونعاود صبااغة ولفوق غندير مكتب دياالي بففف باقيلي شلا صوااالح هنا نgاد فيهم
أب أنوار: غير بشوية علييك
زهير: لا لا خاص نبدا حطيت فلووس ومزال نحط خااص باش نبدا رجع للي حطيت
زهير: أنا مكرهتش شي مشروع ديال sport
أب أنوار: ان شاء الله ولدي معليك غير تجمع فليساتك ومتبقاش تخسرهم فلخوا الخاوي
أنوار: مهم أنا غنمشي
عبد الله: معندك فين تمشي السلعة داخلة وخااصك تعاون ولا ولفتي يكونو كتافك باردين
أنوار: (بغضب شاف فباه) هضر نتا معاه ابا
أب أنوار: عبد الله ولدي راه خوك حتى هو كيضرب تماارة معايا فلحساب
عبد الله: وحتى انا وكان خليتني نقرا بحالو وكان منتعدبش هااكا ونخرج على صغري نضرب تمارة على الناس
زهير: (كيسكت منين لخوت كيبقاو يتقابحو ولكن باش يمعني عليه الهضرة ضار خنزر فييه) علية زعما أنا ومٌا؟؟ متيق رااسك ضربتي تمارة عليية!!! وكان ماشي فلوسي أنا للي طورووك وهزوك وكان راك مزال تضرب فيها وفلكرفي
أب أنوار: (معجبوش الحال وخرج من لمحال)
زهير: جمع رااسك معايا اعبد الله الا حاسب راسك خدمتي علية راك غير تخور وتبني فداك الطنطون عندك..
عبد الله: بحال لا نسييت نهار مات جدي حنا خرجنا نخدمو علييكم بغيتي ولا كرهتي
زهير: (تبسم بسخرية) درااهمك نتا وخووك رديتهم بالضوبل لمضوبل من طبعي مكنمنش شنو كنعطي ومتخلينيش شي نهار نحسب حيت الا تgرعت علييك منستايش ااااااا أولد خوويا وغيكون الصرف عليكم كتييير (عبد الله خرج وأنوار ممسوقش لهاد الحواار ضار عندو) ونتا شنو مزال دير هنا
أنوار: وانا مالي فدوك لمعقدين.. دابا بالنية شحال يتقام علية شي محاال وندير فيه حتى أنا مشروعي
زهير: بيع ديك الطموبيل هي اللولة وزيد عليها شي بركة وأنا نعااونك ولكن نعرفك معقول ماشي ديرو لزهو وتخلويض
أنوار: وزهوو علاش طاالع لفيلم ههه نسا اصاحبي خاصهم درااهم وباش يتبعوك ويعبدووك خاصك تكوون كتفوورني الصرف صحيح
زهير: (حرك راسو بمعنة لافائدة من لهضرة معاك طلع فدرووج كانت ميساحة ديال 50 متر تقريبا مبنية تمااك وكطل على المحال كيخمم ياله ضار عند أنوار باش يعطيه شي اقتراح لقاه خرج هز كتفو وبقا كيبلاني بوووحدو وفبالو غير كفاش يخلي خووه ممقلقش منو حيت جوج مكيقدرش عليهم مو وخوه لكبير…)
~~~~~~~~~~~
أنوار: (حل لباب بالساروت مع دخل كيلقى لبنات بجلالبهم مبدلين عليهم عينيه مشات نيشان لأمال للي كانت لابسة جلابة زوينة شراتها اخر مرة طالعة عصرية ولاوية شال ووجها مافيهش لمكيااج ولكن كانت ياله 12 ساعة باش كانت دايرة سوان لوجها من داكشي رفييع حط لميكات فوق حويط ديال الصالون) كنتو خارجين؟؟ (أمال فرحاانة بشووفتو وكما العادة حنات رااسها منين تفكرت لبارح فاش كعا عليها)
هند: ااه أنا عندي سطاج وخاص ضرووري نمشي ليييه ولبنان تابعهم يحفظو
أنوار: بعدا فطرو ونوصلك فين بغيتي تمشي؟؟
هند: اممم لا بلاش والله مخاصش نتعطل
أمال: (كتشوف كفاش هند لباس عليها ووحدة بحال لقرايا اخر همها ولكن لا مكتحملش تغيب ولا تعطل دارت فيها النفس والحماس تمشي تقرا وتحفظ ولكن قلبها ظاارها من جهة أنوار للي لدابا مزال مدواهاا… ساهية فيه حتى هز عينو فييها وهاد لمرة كتشوف فيه حتى قرب عندها)
أنوار: شنو حتى نتي يغيتي تمشي؟؟؟
أمال: (بقات كدور عينها) هم لا
أنوار: مزيااان
هند: لبنات انا غنمشي بيناتنا التيليفون
شيماء: واخا حبيبة (جلست كتفرج فأمال للي واقفة وحداها أنوار) فية جوووع
أنوار: أمال اجي نقادوه انا وياك فطباسل
شيماء: لا بلا متعذب رااسك انا نمشي معاها نقادوو
أنوار: (حرك راسو باه ومشا جلس كيخرب فتيليفونو مشات أمال للي مكتهزش فخاطرها بزاف من جهة شيماء ولكن واخا هكاك مهضراتهاش حطو داكشي فطبيسلات وحطوه فوق الطبلة جلسو بتلاتة بييهم)
أنوار: أموولة رتاحيتي شوية؟؟
أمال: (غير منين نطق أمولة رتاحت وعرفاتو مبقاش مقلق) الحمد الله ونتا؟
أنوار: بيخيير صباح مشيت لعند زهير شرا داك المحال
أمال: (ديجا كيعاود ليها) بالصح مبرووك علييه
شيماء: شكون هاد زهير
أمال: عم دأنوار
شيماء: اممم اوا مبرووك…
فطرو على خاطرهم وهضرتهم قليييلة كملو وناضت شيماء مبينة حداكتها ومع الجلابة مزيرة تجي حتى لحدااه وتكوز وترجع وهي كتمختر أما أمال تفكيرها فجوج كفاش هي مع حب قلبها فدار وحدة ويمكن من هنا لقدام تكون دارها حتى هي ويتزوجو فيها وتعيش لامووغ معاه.. والتانية كتفكر خاصها ترجع باش تحفظ حيت نهار ترجع لدارهم مغتحفظش ومها مغتخليهاش على خاطرها.. شافت فأنوار للي كان كيخرب فتيليفونو جلست مقابلة معاه
أمال: حم أنواااااار
أنوار: (حط تيليفونو) نعام احبيبة
أمال: حم توصلني لشومبر ديالي زعما لدار الطالبة؟؟
أنوار: (ببرود مزال شاد تيليفونو كيخرب فيه) لا هاد نهار غتخرجي معايا
أمال: (سكتت خايفة من زعلو)
أنوار: نوصلك غير باش تبدلي حوايجك (شاف فيها) هاد نهار غنخرجو شوية وحتى الا بغيتي تبقاي بالجلابة ماشي مشكل واخا معنديش أنا مع هاد ستيل بزاااف ولكن جيتي زوينة بيها
بزاااااااااف
أمال: ها… حم وااخ (جات شيماء للي ملامحها كيرجعو هادئين وديما ابتسامة خفيفة فوجهها وقفت شافت فأمال للي باينة ممرتاحاش)
أنوار: شيماء تبغي تمشي معانا ولا نوصلوك لدار الطالبة؟؟
أمال: (نطقت) ياله معانا
شيماء: اممم واخا نمشي معاكم
أنوار: (هو غير دوزها عليها… طمر كان باغي يكون بوحدو مع أمال حنا كيخرب فتيليفونو ناضو منين كملو وصلهم للمسكن من سكات خرجت شيماء وهو يشد فذراع أمال) شوفي كديري تصدريها وخرجي بوحدك
أمال: هاا حشوومة ياك نتا للي ݣلتلها ياله معانا غتقلق والله
أنوار: مشغليش مهم خرجي بوحدك عيقي شوية ولا مكتشوفيش شنو كيدوور بيك
أمال: (عرفاتو عااق بتصرفات شيماء المبالغ فيه) كفاش
أنوار: من بعد
أمال: (بقات سااكتة حتى طلت على شيماء للي كتسنى شافت فيها ببرود) شيمااء نمشي مع أنوار يقضي شي غراض وندوزو عندك
شيماء: (عوجت فمها) واااخ..
أنوار: حسن نيت متبدليش أنا نشري لحبيبتي على ذووقي
أمال: لا عندي بزااف دلحوايج
أنوار: (استغرب حيت عمرو تقالتلو لا مبغييتش) معايا زين حايدي كلمة لا نبغي نسمع غير وااه حبيبي
أمال: (فرنست عاجبها الحال زاد مكسيري كيهضر وهي كتسمع وفنفس الوقت مستمتعة بالجو للي مغيم ومبرد شافتو خارج على لمدينة وقلبها ضرب) احااي فين غاديين؟؟؟
أنوار: هه خاطفك شي مانع؟؟؟
أمال: ههه وفين خاطفني
أنوار: نوريك شي حاجة محد مزال الحال ومطاحش ظلام
أمال: (حركت راسها باه وضارت كتشوف فالدنيا وفطريق وكتنهد بعمق عكس هو للي كيخطف الشووفة فيييها مفهمهاااش ومتسرطاتلوش مواالف فهاد المرحلة لبنات كيبقاو يتلسقو فييه ويشوفو وهو للي ناافخ صدرو عارفها خبز ربي فطبgو ولكن شي مرات كتجييه صعييبة وشنو هو للي صعيب فيها معرفش باش يعرفلها)
أنوار: حايدي فولارك الا بغيتي
أمال: أنا؟؟؟
أنوار: معانا شي واحد تالت أحبيبة؟؟؟؟
أمال: هههه حيت صدمتيني نتا عارفني دايرة لفولار مكنحيدووش
أنوار: غير حبيبك أنا
أمال: (غوبشت) لا عفاااك منقدرش أنا منحايدوش قدام الناس
أنوار: (شاف فيها) متأكدة؟؟
أمال: واااه واالله
أنوار: عندك لحلوف بحال شرييب لما
أمال: (سكتت وتفكرت مها ديما كانت كتقولها هاد الجملة منين كانت كتحلف ليها مدارت شي حاجة وتاكل عليها لعصا حتى لمن بعد كيبان شي واحد من خوتها للي دار ولا هز.. لاحظ وجهها للي تقلب)
أنوار: مالك؟؟
أمال: لوكان كنتي تبغيني تيقني ماشي تgولي عندك لحلوف بحال لما أنا بالصح مكنحايدش الدرة ݣدام رجال.. علاش تكذبني وكما ݣلتي لبارح تيقني باش تكون مرتاح ياك هاكا ݣلتي ليو حتى أنا…
أنوار: يا صاافي مديريناش منها قصة بغيتي تحايديه حايديه مبغينيش شغلك
أمال: (صدمها أول مرة يهضر معاها هاكا قلبت وجهها وهو كمل صوكانو.. على مسافة 28 كلم شافت ناس قلال جالسين على سور وحداه رايات بزااف دالمغرب باركا الطموبيل ونزل متكي على الطموبيل وهي بقات حيدات الصمطة بهدوء وكتحس بالذنب حيت قلقااتو نزلت ومشات وقفت حداه) حم أنا والله منقدر نحايد لفولار
أنوار: (ببرود) وحتى وتحايديه مالي غناكلو ليك عادي أنا وياك مبقاش بيناتنا حشومة
أمال: (فلسانها باغا تقول حتى نتزوجو ولكن هند نبهاتها متقولهاش باش ميعتابرهاش كتلوح راسها عليه)
أنوار: اجي معايا وكان (مد يدو بدون تردد شدات فيه كيعجبها يشد فيديها كتحس بيه دياالها بقاو كيتمشاو حتى وصلو حدا الناس) هاد لبلاصة سميتها لحدادة (زوج بغال) وهاديك (شير بيدو لجهة الاخرى الي فارق بيناتهم واد وسياج كبير كانو رايات بزااف ديال الجزائر) وهاديك الجزائر
أمال: (بفرحة) يااااه قراب بزااف وعلاش دايرين هاد السيااج
أنوار: هه واش نتي عايشة تحت حجرة؟؟
أمال: (مرضاتش) علاه؟
أنوار: معرفت شوفي نتي.. بين أي جوج دولات مكيتفاهموش كاين سياج هاكا (شافت الناس كيديرو باي باي وحتى من الجهة الاخرى كيديروها بقات كتشوف وفبالها مستغربة كانت كتمنى تشوف غير شي مدينة ها هي دابا كتشوف دولة هي مهاماش داكشي السياسي ولكن عاجبها الحال وهي كتشوف جزايرين مقابلين معاها منظر خاااص)
أنوار: عندي بزاف صحابي جزايرين يجيو لعندي مرة مرة
أمال: ونتا كتمشي؟؟
أنوار: لا منحبش نرووح لتمااا وزييد منين نحب نساافر يعجبني نروح للشمال والا كتاب باغي نمشي لبرا…
أمال: (شداتها لبكية) تحرg!!!!
أنوار: (عنقها بيد) ههه عارفك متسخايش بية
أمال: حم (بقات كدور عينيها.. شافت الناس حداها ومرتاحتش لحركتو للي مزير على كتفها بيدو) أنوار حايد يدك…
أمال: (كدور عينيها غمضاتهم عاد نطقات) حم أنواااار حايد يديك عفااك
أنوار: (كعا) زدتي فيه لا (جمع يدو) مالي مخرج معايا رابعة العدوية ولا شنو؟؟ راه انا صاااحبك ابنااااادم من حقي نحااادي فييك كبغيييت وفينما بغيييت
أمال: (فلبلاصة نزلو دموعها وكتهضر وكتحاول تجمع شنايفها باش مديرش شي بكا للي شووهة وترع فمها مع صوت القهرة) لا ممن…نحقكش نتا عارفني نحشم وشحال من مرة gلتلك متقيسنييييش ونتا بغيت بخاااطرك انا ماشي رابعة العدوية انا أمال وانا محتااارمة ومتقيسنييش
أنوار: (طلعلو الدم مشا قدامها وهو كيتكتم) ***** (مشا مبعد مخليها بوحدها واقفة كتبكي بوحدها.. بعد عليها شوية دورات عينها غالي حداها كانو شي كوبلات كاين للي متقارب كتر من لقياس وكاين للي واقف عاادي والا زدتي بعدتي كاينين فاميلات.. بقات متكية على داك السور لقصير غير تهبط الدمعة تمسحها بكمها ومتبعة أنوار للي مشا بعيد قاطع الشانطي وقف حدا واحد بحال لgيطوون وكل مخاويفها يمشي ويخلييها فهاد لخلا ضاارت كتشوف فالجهة المقااابلة وكل مجاها فعقلها هو تشوف كدير تقطع هاد الوااااد.. هنا فالمغرب غير مقبلوولة ومرفوووضة من نهار كبرت وعقلت على راسها وديما هادشي فبالها عائلتها للي محسسينها لاقينها فطاارو حتى من علاقتها مع شيماء للي رجعات كتخنقها وكل نهار شيماء كتحس بيها بعييدة عليها وحتى من علاقتها مع أنوار حكمت عليها غتكون فاااشلة غير من خلال تقليقتو حيت فبالها هو حسن منها وكما كتقولها شيماء ديما يجييبها بلارة عليييها وموحال يبغي يتزوجها زيد أنها هي فشكل وهو فشكل بقات كتبكي حتى كيتهزو كتافها فينما كانت شي سيناريو خايب فحياتها طاااح على باالها هزت عينيها وشاافت قدامها ضارت لقات داك لكوبل للي قريب ليها كيشوفو فيها) خيتي واش ساااهلة نعبر نمشي لجزائر (شيرت بصببعها للجهة الاخرى) ؟؟؟!!!!
~~~~~~~~~~~~~~~
شيماء: (مزالة كتسنى يدوزو عندها بقات غير فالجردة حتى هي مستمتعة بالجو للي كان دااافي وباينة تباعاها شي رعدة مجهدة) بنت لحراااام شووو فين زااادو وخلاوني كنتسنى يا ربي يتقلبو فين راهم تفووو مصدريني بحال شي برهووشة
.. (قتلها لملال بقات كتخرب فتيليفونها حتى صيفطات ميساج فلواتس لمحمد) سلام (فإيطار مكاين ميدار)
محمد: (جالس فالمحال كيتفرج فشتا للي كانت مجهدة غير سنا تيليفونو هزو غير لقاها كتباتلو وقف بالزربة بحال كان كيتسنى فيها) نبيل حضي معاك هانا راجع
نبيل: واخا خويا
محمد: (لبس جاكيطتو دار لقب ومشا لطموبيلتو للي هي كونغو فلgري جلس وسد عليه لباب والزاج هز تيليفونو زفر مطلع نفسو باش يتشجع صونا عليها ديريكت أبيل فيديو…)
شيماء: (غير طلع ليها ابيل تفافااات جاب الله كان الصاك مزال حداها فيه لحوايج للي كانو لابسين زائد الشيلان للي خرجو بيهم من دار الطالبة لكوافورة حيت كان شعرهم فازg جبدات شاال كحل ولواتو عشوائي مخلية لافخونش باينة شوية وكانت دايرة مكياج خفيييف.. قطع ورجع صونا دغيا جاوباات متبسمة ومعوجة راسها بشكل طفولي) سلااااام
محمد: (مع مقادة كانت زوييينة) حم راك براااا
شيماء: واه ولكن غير فدار الطالبة خرجت كندوور هنا عجبني الجو وجلست فالجردة (كدور تيليفونها كتوريه ورجعات لكاميرا لوجهها)
محمد: (حاضيها) مزيان
شيماء: (حسات بيه كيشوف فيها شوفات ديال الإعجاب وتبسمت) لباس علييك
محمد: (حرك راسو كيحك فشعرو) لباس لباس فين أمال؟
شيماء: (فيها متبيعها باالساااهل ولكن ترجعات فاخر لحظة حيت حتى هي غضر وزيد هي كتحاربها غير على ود أنوار أما هي عزيزة عليها) دوشات وتكات حيت صباح قرينا وعياات مسكييينة
محمد: اممم فوكاش تجي تتتجيو؟؟
شيماء: ههه مبقا واالو غير يجي خويا غنجيو شي يوماين هكا
محمد: (عندو نيشان) واش نهضر مع باك
شيماء: (بقات محافظة على ابتسامتها وحنات راسها بحالا حشماانة وهو متبعها عندو بزااف دلكلام فقلبو ولكن معارفش يخرجو ومعارفش الكلمات للي يقول)
محمد: شيماااااا واش نهضر؟؟؟
شيماء: حم ماشي داابا
محمد: علاه؟؟؟
شيماء: (كتحلون) وعفااااك أمحمد كتحشمني هاكا صبر غير شوية
محمد: (زفر) واه نصبر.. كطيح شي شتا؟؟
شيماء: لا بالصح مغيمة
محمد: (باغي يتغزل وفنفس لوقت حشماان معمرو تغزل بشي بنت وشيماء كتعجبو وكل مرة كتزيد تزيان) وسيري دخلي جاع تمرضي
شيماء: (وقفات مخلياه يسقي عينو فطايتها حيت كانت لابسة جلابة ايفاازي) نيت نوض نمشي نعس حدا ختك رتاح شوية
محمد: اممم (حك عينو مبعدهم على لكاميرا) صافي سيري بلاتي ونصوني (قطع قبل هي متهضر جابلها الظحك هزت صاكها وطلعات للشومبر…)
هند: (جالسة فوق لكرسي كتسنى يجي شي مريض وباينة مسخسخة مزال مشبعات نعاس ياله كتفكر تهز تيليفونها حتى صونا مع شافت سمية تبسمت جاوبات محلونة بحال ديما) salut
وليد: وعلييكم الالة.. بيخير؟؟؟
هند: الحمد الله ونتا؟؟
وليد: مسخسسسسخ بلمزياان
هند: ههه انا كتتتتتتتتر منك والله مكرهتش غير نحط راسي نعس
وليد: باقا مطولة فلخدمة؟؟
هند: (هزت يدها شافت فساعتها) شي ساعة لارب ونخرج ونتا؟
وليد: مزاال أصلا مكنسد حتى الليل زيد راس العام غدا يعني الدعوة مزيرة
هند: اووو عرفتي نسيييتو خرج من باالي
وليد: علاش!! ياكما حتى نتي كتحتافلي بهادشي؟؟؟
هند: (مقال هاكا الا هو ضد هادشي) ماشي حيت كنحتافل ولكن مجاش فبالي واخا كنقرا تاريخ اليوم مكنحققش مزيان ومنين كنت فاس كنت كنحتافل بيه مع دارنا هه زعما منين كنا مجموعين
وليد: اممم مزيان شفتي باباك لبارح
هند: (بحزن) وي
وليد: اممم قلقوك؟؟؟
هند: (تبسمت بحب) بزاااف (عينيها غرغروو) ولكن مزياااان هادي اخر مرة غيشوفوني فيها قريبة نتخرج ونخدم وغنعتامد على ك (شوية وتخسر الهضرة) على راسي حتى فلووسهم معندي مندير بيهم
وليد: لا لا انا ممتافقش معااك اغييثة فهاد النقطة الواجب دياالك هو تسولي فييهم نتي كبيرة وعاارفة هادا راه واااجب عليك وهوما ضبر راااسهم
هند: لبارح راه شفت منهم شي حوايج خايبييين
وليد: نساااي متركزييش فهاد التفااصيل هوما واليديك خاصكي تسولي فييهم وتعاونيهم الا طلبوها منك تسمعي لييهم وفنفس الوقت… ربي فوق كوولشي
هند: (بقات ساااكتة كتسمع فيه كيعطييها موعضة على واليديها وخا عيات تبين ليه انهم خايبين جرحوها بزااف بتجاهلهم ليها ولكن بقات لاسقة فمو هادوك واليديك شنوما داارو تغمضي عينييك من غير الا بغاو يقلبوك على ديينك نص سااعة وهو كيهضر معاها حتى صافي مبقاتش تجبهات معاه)
وليد: بقات ليك غير ربع سااعة
هند: هههه مركز معايا
وليد: gولي دقييييييق فهادشي شوية
هند: هه مزياان
وليد: اممم تخصص ديالك gلتي هو الترويض؟؟
هند: (عضت شنافتها التحتانية) اه
وليد: اممم ظهري كيضرني بكترة لاكليم نجي عندك… غتفيديني بشي حاجة ولا غير كتحفي صبابطك على واالو
هند: هههههههه
وليد: هه وشنووو مبغيتش نتزوج وانا ظهري ظارني
هند: (جمعت الظحكة) غتزوج؟؟؟
وليد: (تكا على لكونطوار) اوديييييي للي بغيت نديها صعيييب.. غتنوض الحرب عليها
هند: (لونها تخطف حيت مبااشرة فهمات لكلام على أمال حسات بالنار شااعلة فيها حسابها كلام شيماء غير باش تبعدها على أنوار صدق بالصح حاط العين عليها) معمرك عاودتيلي
وليد: اصلا مفخبار حتى واااحد وحتى دابا ديري مgلت واالو صعيييب ككقلت لييك
هند: (زعمت وقلبها كيضرب) كتبغيها؟؟؟
وليد: لا.. ولكن عزيزة عندي بزاااف
هند: وعلاش متزوجتهاش وشنو هاد الحرب للي غتنوض عليها
وليد: صافي نسااي اصلا هادشي عمرو غيطرا
هند: (كتأكد) عمرو؟؟؟
وليد: ههه وعلاش باغا تعرفي
هند: وصاافي اوليد قوولي حيت هادشي كيهمني بزااف
وليد: هه فاش كيهمك
هند: اوك على خااطرك
وليد: (ببرود) اوك اوا نتي مكاينش شي واحد؟؟
هند: (فنفسها بنيتك وكان كان شي واحد مغنكونش كنهضر معاك ولكن حسااتو بغاها هي تهضر) كاين فباالي
وليد: مزيان الله يكمل بالخير
هند: (فقسها) أميييييييين
وليد: ياله سيري تمشي.. اجي واش كارية بوحدك؟؟
هند: (بفقسة) اه
وليد: بلاتي ونصوني عليك ردي لبال لراسك (قطع وخلاها مفقوسة كل مرة شنو كيبان لييها فييه ولكن منين جبد سيرة أمال حساات بالخطر ناضت كتنكر غير بوحدها وللي دوا معاها كتشعل معااه لبست حوايجها ونيشان لدار الطاالبة قبل حتى متكمل وقتها… دخلت لبيتها بدلات حوايجها ظلمات الدنيا ما فيها للي يهضر مع شي واحد وجبدت عليها بنعسة أما شيماء غير وصلت 5 مشات لبييت هند عارفاها هدا هو وقتها فاش كتجي حلات الشومبر حيت ديجا عندها سوارت لقاتها ناااعسة مبغاتش تفيقها مشات لبيتها كتخرب فتيليفونها بين لفايس والأنستغراام للي عجبووها بزااف وهادشي أكيييد هند للي وراتهم ليهم….)
أمال: خيتي واش سااهلة نعبرر لواد ونمشي للجزائر؟؟؟؟
داك لكوبل بقا غير كيشاوف بيناتهم حتى طرطقو كيظحكو
لبنت: هههه ابرديييي واشتا باغا ديري فدزاااير
أمال: (بحزن) نمشي وصافي
لولد: خاييتي نعلي الشييطان ورووحي لداركم لخير ملgيتيه حتى فبلاادك عاد تلgايه فبلاد كلها مدمرة راه بحال تما بحال هنا نعلي الشيطان ورووحي لدااركم اخيتي
أمال: (تخلعت وكحزت من حداهم ضارت كتقلب هلى أنوار والو مبانش لييها زادت تخلعت كتر حتى بغات ديرها على حوايجها تمشات جيهة فين حط طموبيلتو حتى تصعقات بيه مكااينش بحال شي واحد طرشها بقات وااقفة مصعووقة دورات عينها مزيان مكذبة عينيها ربما تكون هنا ولا هنا ولا لهييه متااقتش مشات كتقلب كل وحدة بووحدها وكتبكي وفمها كلمة) لا ميمكنش يمشي ويخليني هنا (كتقلب وتعاود الجملة وتبكي شافت فالدنيا بدات تخوى والناس كتمشي فحاالها والشمش كتغييب عقلها بغا يخرج من بلاصتو هي ثاااقت فيه بزااف ومشا وخلاها كغدير تيق فشي واحد يوصلها لمدييينة صافي كتشوف الدنيا كحلة اليوم غتموووت اليوم غيتكرفس عليها شي واحد يقتلها ويلوحها شوية وهي تفكر تيليفونها ولكن للأسف خلاتو فطموبيلة دياالو ندمات علاش سهاات ومبقاتش حاضياااه قلبها كيبكي كتر على الحب والتقة للي عطااتو كفاش طاوعو قلبو يخليها فهاد لخلا بوحدها.. جلست فواحد الحجر مقردة كتبكي وتعض فظفارها وتويل على لفضاايح للي غيوقعو ليها ومحد الدنيا كظلم ومعرووف ففصل شتا 5 ونص كتبدا الظلمة الطيح زائد لبرد والريح مجهدة فديك لبلاصة لي كولها فيااا بقاو طموبيلات قلااال وضو قلييييييل خاص تمشي حدا السور عاد كاين الضو تماك.. كتبكي وتقول مبكاات حتى شافت طموبيلة جاية مكسيرية محدها كتقرب وقلبها يزيد يزدح حتى لقاتها متطاابقة مع ديال أنوار خلا ضواو مشعولين وقفت بالزربة وهو وقف حدااها نزل بالخف ومشا لعندها.. حط يدو على كتفها)
أنواار: مااالكي لاش لبكاا واش سراااالك شي حاااجة؟؟؟ (كيزعزع فيها وهي كتزيد تبكي) تكلمييييي شنو وقع لييك واش شي حد بسل علييك ولا شنووو؟؟
أمال: (كتهضر وكتشهق بلبكى) جبتني هنا وخليتني فلخلا
أنوار: (مزال شادها فكتافها) مشيت نجيب غير سوندويتشاات حيت عارفك ممغديااش ول**** ديال طريق كانت مبلوووكية والله مبغيت نخليك وحدك هنا أمال اماااال شوووفي فية أمااااال (غير كتبكي وتشهق هزت عينيها فيه ولقاتو كيشوف فيها كيحااول يقنعها) والله احبيبة مبغيت نخليك هاكا كنت غنسمح فهاد لق**** داللوطو ونجيك عفاااك صاافي براااكة من لبكى شووو هانا هنا حداااك موقعلك وااااالووو هانتي رواااحي معايا (شدها من يدها وداها جلسها فالطموبيل جرا لكوفر هز منو قرعة ديال لما وجابو حلها) أمال براااكة من لبكى (عطاها كتشرب شربت جوج جغمات وحبسات) سمعي انا مشيت غير نجيب شنو تاكلي أما منخلييكش وحدك واش عمرني درتها حتى نديرها دابا منين انا باغي نجلس معاك
أمال: (تااقتو فلبلاصة والا علاش غيكذب وكان بغالها الشر ميرجعش لييها وغير من خوفو باينة قال الصح بقات كتنقص من بكاها وهو واقف حداها) خفت مترجعش
أنوار: بففف وكان يحسابلي يوقع هاكا منمشيش والله منخلييك راه غير هنا قريييبة
أمال: (رجعت كتشرب) عفاك نمشيو
أنوار: حتى ترتاحي شوية نعطيك تاكلي؟؟
أمال: (حركت راسها بلا) مافياااش
أنوار: (سد عليها باب الطموبيل ومشا هو لبلاصتو زاد بيها القدام وبلاصاها ووقف) شفتي وكان ماشي عصبتيني ݣبيل منمشيش بلا منݣولها لك واخا صرااحة تستاهلي نخلييك وحدك هنا
أمال: (شافت فيه خاايفة) حشوومة عليييك
أنوار: (ضار عندها مقابل معاها) ومحشوماش عليك نتي؟؟
أمال: (حنات راسها كتأنب فرااسها هو كيبغيها وغير حط يدو بكل نية زوينة وهي مكتبغيش بقات فصراع مع رااسها كتبغي دخل ليها هاد لفكرة وزيد مخاصهاش تقلقو حيت هو الوحيد للي كيبغيها فهاد العالم خاصها تحاافظ علييه) سسسمحلي
أنوار: خاااصك تييقي فية أحبيبة
أمال: (حركت راسها باه) كنتيق والله
أنوار: هههه لا باينة غبت عليك نص سااعة لقيتك غتهبلي بلبكى تعرفيني أموولة غنمشي ونخليك وفييين فهاد لخلا؟؟؟
أمال: (كتمسح رموشها للي مزال فازكين) ههه وخفت والله مموالفاش نكون فشي بلاصة مافيهاش النااس وزيد هاد لبلاصة فالليل كتخلع
أنوار: (قرب وطلق ذرااعو باسط ليها صدرو باش تكى مفهماتش جرها بيدو متكيها فوق صدرو ومدرعها بيدو للي محطوطين فوق كرشها) متخافيش وانا معاك…
أمال: (بقات مطرطقة عينها على هاد الحركة الجريييئة منو كفاش مقبلاتش منو يحط يدو فوق كتافها قبيلة ودابا بكل جرئة منعسها فوق صدرو!!!.. غمضت عينيها كااارهة الموقف وفنفس الوقت خاافت ترفض ويمشي ويخليها مليوحة هنا فلخلا بقات بحال شي خشبة باينة ممرتاحااش وفنفس الوقت مكانش منها الرفض للي يخليه يوقف.. فقط ريحتو للي تغلغلات فنييفها وصلات لحلقها… حط يدو على يدها كيلعب بصباعها مرتاح ومرخي معاها)
أنوار: هادشي عادي احبيبة بين جوج كيتبغاو ديجا gلت ليك مغنحاديكش ونظرك
أمال: (بلعت ريقها وحركت راسها باه هادشي غير مغيدير واالو!!!)
أنوار: أول مرة نجلس معاك على خاطري متعاوديش تخرجي صحاباتك معااك
أمال: ها.. ولكن هوما عزااز علييك
أنوار: وااه ولكن بغيت نكون معاك نتي بووحدك نوريك شنو لحوايج للي يعجبوني وللي منحبش باش منتقلقش منك
أمال: (غير كتحرك رااسها وممرتاحاش فالبوز للي فييها.. لا إراديا قفزت واقفة حتى غوبش كيسول شنو واقع) ها.. بغيت ناكل.. جعت بزااف
أنوار: (تقاد فلجلسة وشعل الضو) اييييه مرحبا (مد يدو جبد الساشي للي فيه خبيزات ملويين فالأليمينيوم فيهم ريحة لكفتة كتعطعط وجوج كانيطات ديال كوكا مد ليها سوندويتش ديالها وهو كيشرب غير كوكا ومتبعها فماكلة نمل للي كدييير باينة الجوع غير هرووب من حضنو للي مزاالة ممولفاااه عارفها ممرتاحاش معاه وهادشي كيديرونجيييه.. أما هي كتاكل بالزز وخايفة فشنو يدير فييها حتى نطق وشافت فيه) نمشيييو احبيبة؟؟
أمال: (هزت راسها فيه بفرحة حتى طلعت معاها معرفت واش سؤال فخ ولا كيسولها ڨري فكل الأحوال خايفة من تقليقتو) ااممم نن……ننبقى معاك
أنوار: هههه أنا نوصلك غير لمرة جاية تبقاي ديري حساابك مكاين هرووب مني
أمال: فاش
أنوار: غنبقاو ندوزو وقت كتر (قرسها فحنكها) مكنشبعش منك الحلوة ديالي
أمال: (تبسمت وحركت راسها باه) واااخ
أنوار: هكا نبغييك تسمعي كلامي (تبسمت من كلامو هكا كيبغيها يعني كيبغيها بزاف… مشاو من تماك وقلبها عاد بدا يرتااح شحال كانت خاايفة منو وأكترية منين نعسها علييه ندمت بزاااف حيت خرجت معااه هي كتبغيه ولكن كتبغيه بلا ميقييسها فقط الا تبسم معاها كاافية شافتو طلق الرااي وبقى كيغني تبسمت حتى بقات ظحك عليه وهو طالق حلقو مع الراااي ويميل رااسو من الموسيقى) لمن كيعجبك تموسقي
أمال: (تبسمت بحب) ليك
أنوار: (شاف فييها والابتسامة على عينيه حدو حط يدو على حنكها بحنان وعاود رجع كيصوك عاد تبسم تبسيييمة من لقلب) كتغلبيني شي مراات
أمال: هههه (وصلها نيشان لدار الطالبة ياله بغات تخرج وهو يشدها)
أنوار: فوكاش نعاود نشوفك؟
أمال: اممم معرفت
أنوار: غدا فصباح؟؟
أمال: غدا الجمعة صباح قارية والله
أنوار: حتى تكملي وصوني علية غنكون نتسنى فيك
أمال: اممم واخا ولكن منتعطلوش بحال اليوم حيت خاصني نحفظ شوية
أنوار: داكشي انا لي نقرر فيه
أمال: ها واخ (حط صبعو على حنكو باش تبوسو.. هي مفهمت واالو) مالك كضرك الضرسة؟؟
أنوار: هههه سيري وكان وولمرة جاية تعلمي تبوسي قبل منݣولها ليك أنا (بقات كدور فعينها هبطات مدارتش حتى لعندو نيشان دخلات كتخلييه فااݣس بهاد الحركات حتى كيقول صافي طاااحت فية كتجي لحظة كتبين ليه العكس زاد مديماري لدارو ….)
وليد: (صونا على هند المرة اللول والتاتية واالو مكتجاوبش استغرب حيت ممولفاش ليها متجاوبش شاف فالساعة كان مشا الحال عندو صونا على ختو أبيل فيديو كانو عينيه نايميين وباين عياان) فييين ابنتي؟؟؟
شيماء: هانا.. خويا وليد ماالك؟؟
أمال: (غير سمعات سميتو هزت شال دارتو على راسها متبسمة حيت عزيز عندها) سلمي عليييه
وليد: (سمع صوتها وغووبش ماشي كرها فيها ولكن كيحااول يهرب من الشيطان لي كيوسوس ليه عليها) لباس عليكم؟؟
شيماء: الحمد الله اخويا (ضوراتلو لكاميرا كتوريه لبوليكوبات للي كيحفظو شاف أمال حتى هي وسط لوراق بلخف منين شيماء ضورات لكاميرا)
وليد: مزيااان هكا نبغييكم زعما جيتو على لقرايا قراااو
شيماء: اوا هاحنا نتا معاش غتجي اخويا؟
وليد: بعد غدا خاصكم تكونو موجدين راسكم
شيماء: واه غير هو هند غتمشي معانا اخويا
وليد: (غوبش) لا
شيماء: عفاااك اخوويا راني ݣلتهالها متحشمنيش معاها وحتى ماما عرضاتها وعاودت
وليد: ضبري رااسك اشيما متزيديش تعصبيني تا نتي ياله حتى نولي نصوني عليك (قطع ولبنات بقاو كيتشاوفو)
شيماء: باينة معصب بزااف
أمال: واه باينة
شيماء: (هزت حاجبها) فين مشيتي نتي وداك أنوار دياالك
أمال: (بحماس) عرفتي داني لواحد لبلاصة كتبان الجزاير فيه
شيماء: اممم وعلاش مبغيتوش تديوني ولا نتي للي gلتي ليه نخليوها عارفك المسمومة ديريها
أمال: هههه أنا مسموومة؟؟
شيماء: ههه وااه هانتي شوفي رااسك مكتصحاحيش بكترة السم للي فيك (كتقولها وظحك)
أمال: (بقا فيها الحال) نتي للي مسمومة
شيماء: وعاود تقلقي راه غير كنظحك ازميييرة عرفتي محمد خووك رجع فشكل معايا
أمال: (قلبها زدح حيت من ديما كتلمح ليها غتقبل بخوها وهنا اوطوماتيك خاصها تزوج بنبيل) واش بالصح؟؟
شيماء: واااه باينة كيبغييني غير هو مكيعرفش يهضر معايا
أمال: دابا يبغييك ويبقى يgولك غير لكلام زوين
شيماء: (باستغراب) ومتخافيش الا قبلت بخوك حتى نتي تجوجي بنبيل
أمال: (بلا متحس) غنمووت وأنا حية.. ولكن على الأقل شي وحدة فينا تكون فرحانة فينا وزيد غنكونو جيران انا لوستك ونتي لوستي ههه ووماماك تكون ماما بعدا غتعاملني زوين بحال ككدارلييك ههه غنربح من نور هاد التزويجة شي حاجة
شيماء: (بحال تسعقات وخا هكاك كملات) شكون تبغي نتي وليد ولا نبيل؟
أمال: هههه الا غير غنتزوج من ولاد عمي اللهم وليد
شيماء: هههه كنت عارفاااك مزعوطة فييه وكطيحييه فيك كما كطيحي أنوار اختي داك لفقيه عندك صحييييح (حطات تيليفونها فوق لوساادة)
أمال: واش كتهضري بالصح؟؟
شيماء: وغير كنظحك معاك أمال واااه زدتي فيييييه واش كل مرة نظحك معاك تغضبي ونبقى عليك كنظحك كنظحك
أمال: واا غير حسابلي هضرتي بالصح أما انا ختي كنبغي غير أنواااار واخا يجوجوني للي بغاو أنا عمري نبغيه
شيماء: وهو كيبغيك؟؟
أمال؛ (حيدت فولارها) وااه وبزاااف
شيماء: (تبسمت) الله يخليكم لبعضياتكم كتجييييو زويييينييين
أمال: (بفرحة) بالصح
شيماء: وشنوووو كنكذب.. معرفت فين غبرت هند
أمال: معرفت ياله نفيقوها (وقفو مشاو لشومبرتها حلو حيت عندهم سوارت.. دخلو لقاوها مزالة ناعسة) احاااي 10 هادي اليوم تبات فايقة هههه
شيماء: (مشات لوذن هند وغوتات) وااااااا هيييييينننننننننند
هند: (ناضت مفافية كتعربط على لبنات غير من الصمطة لتحت بقاو كيظحكو عليها حتى ناضت من حدااهم مشات لطواليط شافت فتيليفونها بعينين منفوخين بنعاس لقات من عندو 2 مكالمات وميساج من عندو كاتب *هادشي كولو نعاس!!* ) غير عصب فية وقولي واش نااعسة.. (رجعت لعند لبنات بقاو مجمعين شوية وعطاوها لحفاظة حتى نعسو هوما وبقات هند مطرطقة عيينها مبقالها متحفظ حيت هي كولشي حافظااه ناضت كتنتف شي زغيبات عندها قاتلة الوقت حتى دارت فلم وبقات كتفرج فيه وتفكيرها فوليييد وشادااها نخصة فقلبهت بقات ليها يوماين ويجي ومتأكدة غيقولها نتلقااو وفنفس الوقت خاايفة من إعجاابو بأمال طفات تيليفونها وبقات كتفكر حتى اذن لفجر لأول مرة غتنوض منها راسها توضات وجات صلات محست غير بقات كتبكي كولشي تخلط علييها مها وباها للي ممسوقينش ليها وعاطيينها حرية للي خلات مسافة كبيييرة بيناتهم وليد منين غيعرف هاد المعجبة السرية هي أكتر بنت كيكرهها ومحاملش ختو تصاحب معاها زائد إعجابو ببنت عمو للي واخا تكون علاقة بيناتهم غتبقى جرح عندها زائد بزاااف دلحوايج… ظلمات الدنيا حيت بدات الشمس تشرق ورجعات لبلاصتها ياله هزت تيليفونها باش تحل لفايس تقتل الوقت بيه وطيب نعاسها طلعات ابيل من عند وليد بقات كتشوف فتيليفونها حتى جاوبااات)
وليد: معوالاش!!!!!
هند: (منفخة) عاد شفتو
وليد: علاش مجاوبتيش لبارح؟
هند: وليييد
وليد: وي!!!
هند: خفت نزيد نتعلق بيك ونتا بانلي معمر راسك بديك للي قلتيلي عليها
وليد: جامي gلت انا معمر راسي بشي وحدة
هند: لا لبارح قلتيلي غي صعييب تزوجها اما وكان راك مزوجها
وليد: صباح هدا اغيثة الناس مكيبداوش نهارهم هاكا
هند: (تبسمت.. علاش منعرف يمكن تلميح طفييييف أنه باغي يبدا نهارو بيها هي..) صباح لخير
وليد: (تبسم) نتوما نسااااا!!!! هه
هند: ههه
وليد: مغيارة
هند: (خرجت عينها) انااا!!!
وليد: وي.. وبزااف بففف لخايبة هي نتي باينة عارفاني مزيان وانا عارف غير سميتك وخدمتك
هند: نو مكنغييرش غير مكنبغيش زحاام
وليد: بنتلك حمام؟؟؟
هند: (ها هو بدا فلكلاش) تأ…
وليد: شنوو مخداماش اليوم بنتيلي مزالة ففراشك
هند: صليت لفجر وبقيت مخشية ففراشي اليوم بااين غيكون الصقيييع فييه
وليد: (هوما كلمات عاديين ولكن كلامها ديما كيخليه يحس بالجانب الماسخ كينوض علييه) اممم لبسي مزيان
هند: معنديش مع لحوايج بزااف
زليد: امم.. فطرتي؟
هند: عكزت علييه والله اما فية جوع لبارح من لغدا موليت كليت
وليد: هي مفيديكش مع لماكلة؟؟
هند: ههه صراحة لا
وليد: كي وااالو
هند: هههه هي نتا بوكرش
وليد: نمووووت على زرووود
هند: (تبسمت) سعداتهم
وليد: … سيري يا جدك خليني نبدا نهاري (كيحل باب المحال) ونوضي تفطري بلاتي ونصوني عليك (قطع حتى بلا متجاااوب.. خلاها كظحك عليييه)
هند: ههههه وييينو على لحشووومي دياالي (زادت كتخشا مزياان ففراشها عاجبها الحال واخا غير كتفكر نهار يبغي يتلاقاها قلبها كيتكمش…)
~~~~~~~~~~
زهير: (تصدم من ثمن لمعلم للي بغا يصلحلو لكااف او بالأحرى متوقعش داك الثمن حرك راسو زعما حتى نولي نصووني عليك لاخر مشا وهو بقا وااقف كيفكر حتى خرج من المحال سد لباب وزاد مصمم هو يخدم مع الخداامة باش يكفيوه لفلوس للي خصص لصلييح.. ركب فطموبيلتو كيعاود لحسااب فراااسو وكل حاجة كيخصص ليها مبلغ ماالي باش يعرف يجيري رااسو…)
داز نهار عاادي للكل لبنات ظلو نهار كامل كيحفظو وأنوار جا من لخدمة داز على أمال للي كان عالمها اليوم بدوزو لعشية بجوج خرجات معاه لقهوة بحكم شتا كطيح جلسو مجمعين كيهضرو
أمال: (كتنقب من لماكلة) غدا يمكن غنمشيو؟؟
أنوار: غير كتجبديلي هاد السيرة كنتعصب بلا متمشي خليك معايا
أمال: (بترجي) راه ميخليونيش حتى ومنبغيش نمشي مع ولد عمي يجي خويا هو يديني
أنوار: وزايداها ماشية مع ولد عمك!! لا لا معندك فين تمشي
أمال: راه بحال خويا وظرييف
أنوار: (غوبش) كفاش هاد ظريف عاود
أمال: زعما يعاملني بحال ختو راه بسبابو جينا هنا هو للي كيدافع علينا
أنوار: شنو كتزعتري علية هنا كيدافع ما كيخرا بقالك غير تبوسي فيه قداامي
أمال: (خرجت عينيها فيه ورجعت حناتهم من حشمتها)
أنوار: هاني ݣلت ليك مكاين مشياان وغدا غدوزييه معايا وزيد غنمشيو نسافرو
أمال: (قلبها تكمش ومعدتها ترونات علييها.. ضروري خاصها تقنعو) عفااك غيضربوني الا ممشيتش
أنوار: لا معندك فين ترووحي بلا متصدعيني يرحم والدييك
أمال: (بغات تبكي) أنوار عفااك
أنوار: بففف عرفتي ديما نبغي نجي عندك نبدل نهاري للي يدووز مكفس فصباح ونتي غير متزيدي طيريلي مجااجي
أمال: (كتمسح دموعها للي على سبة) صافي صافي هانا سكت
أنوار: (كااعي) يعجبك لحال نجيو هنا لقهااوي ولكن ميعجبكش تبقاي معايا غير بووحدي
أمال: (مفهماتش اش جاب لمسافرة للقهوة لكلامو دابا) هم!!
أنوار: زدتي فييه عييت نديرلك فلخااطر وانا شنو من هادشي؟؟؟ قربنا نكملو 4 شهور يديك هي التالية كتخليني نقييسها؟؟
أمال: أنوااااار
أنوار: خرا هدا ماشي أنواار ولا عرفتي تحركي نديك وديري لي بغيتي سافري ولا كاع لا (وقف مخليها كدور عينيها والدمعة لاسقة فشفارها مسحاتها بلخف ضارت لقاتو بالصح كيخلص باش يمشي وقفت هزت صاكها تبعاتو للي كانو هو خطواتو طواال ودغيا وصل لطموبيلتو وقفت وهو مديماري نزل الزاجة وشاف فيها للي كانت تبكي) وا طلعي!!
أمال: (صرطاتها طلعات وهي كتمسكن فشوفاتها فيه) سمحلي
أنوار: (صايك كااعي) بانلي غير انا للي باغييك اما وكانت كنتي تبغيني تسمعييلي توحشييني ديما تكوني قرييبة لية ماشي بيني وبينك كيلومتر
أمال: أنا كنبغيييك والله
أنوار: بينييلي؟؟
أمال: (سكتت حيت معرفاش كفاش تبينلو كتر من هاكا راه غير لخروج معاه راه كاافي سكتت قالبة وجهها حيت معرفتش شنو تبينلو)
أنوار: (شافها لقاها قالبة وجها زاد مرض فراسو ونيشان قلب الدورة فين كان باغي يمشي وداها لدار الطالبة مكسييري مخلي قلبها غيوقف بلخلعة والخوف من خساارتو وقف حااك رواايض مع الأرض وكيشوف قدامو.. شافت فيه)
أمال: أنوار غير ݣولي شنو درت لك؟؟؟
أنوار: (حنا لصندوق جبد منو ساشي صغييرة مأنتكة مكتوبة عليها اسم ماركة مدها ليها شداتها ورجع شايف قدامو مغوبش) بسلامة
أمال: (شافت فلكادو وشافت فيه) واش غنتفارقو؟؟؟
أنوار: (زاد خنزر فيها وقرب لوجهها وسنانو كيتحاكو) هبطي ودخلي فحاالك
أمال: (هبطت من سكاات وهادشي مكيعجبوش كيتسنى منها تجلس تبقى معااه كما كيعاملوه لبنات من قبل بلا ميحس حيت هي هابطة بشوية كتسنى منو يوقفها حتى جر لباب يسدو بالزربة بقات شادة فلقنت محسات غير جابد ليها صباعها مع لباب مخلي صباعها معلقين وغواتها لفين وااصل غير شاف داك الديكور حل لباب بالجهد للي زاد دفعها حتى طاحت فالأرض.. نزل بالزربة ماشي عندها حتى كيشوفها شادة فيدها للي كولها دم نزل على ركابيه شد فيدها) ابردييييي شنووو درت.. (شاف فيها كتبكي بالجهد) سمحيلي احبيبة مشتكش بربي مشتك أماال أماااال (غير كتبكي محس غير هزها هكاك تحت أنظار لبنات للي كيشوفو فيها حطها فالطموبيل وزاد للمستعجلات بيها هي تبكي وهو هابل مع طريق وبكااها.. وللي ملاحظو هو الكادو للي مزالة شاداه بليد التانية..
غير وصلو دخلها وقالهم شنو وقع دارولها شي 8 ديال الغرزات حيت صبع كانت فيه الجرحة مفلحة سواناو ليها الجرحة وبقات متكية كتبكي حتى دخل عندها شاف يديها ملوية عليها لفاصمة وهي غير شافتو جلسات) خلييك ناعسة (حركت راسها ب لا.. جلس حدااها) رااسك لقااسح هو للي كيجيبها ليك
أمال: (رجعت كتبكي)
أنوار: (بقا كيمسح ليها دموعها بيدو) والله مكانت فنيتي ناذييك راك عصبتيني على الجهد (دار يدو من مور ظهرها) عفاااا الزييين ديالي برااكة من لبكا واش كتقسحك بزااف؟؟
أنوار: تقسحتي بزاف احبيبة؟؟
أمال: (غير بكلمة منو كتنسى شنو وقع حنات شافت فصبعها للي مدورة عليه لفاصمة وجوج صباع للي حداه زوورق شوية وباينة فيهم الضربة.. رجعت شافت فعينيه للي كان وجهو قريب بزاف) واه تقسحت
أنوار: (مكرهش يبوسها ولكن دغيا هبطت رااسها عض على شنافتو) شفتي رااسك لقااسح وكان راحنا محتافلين وناشطييين زعما راس والعام وبنادم كيبدا عام اخر ونتي كتعصبي فر**
أمال: راه براني يدي
أنوار: (شد ليها يديها وباااسها خلاها مطرطقة عيينيها شافها هكاك مصدوومة وعاود نفس الحركة فكف يدها وطول هاد لمرة عاد هز عينو) كنت باغي ندوزو نهار كامل بجووج داكشي باش تعصبت عليك أموولة
أمال: (جبدت يدها وهو شدها حتى عقرها فيدها) ااااااااااااااااي
أنوار: (طلقها) كتعصبيني هاكا معمرك تعاودي هاد الحركة متعاوديش تجبدي يدييك
أمال: (شدت فيدها للي كظرها وبقات كتبكي أول مرة كيجيها مكيحسش بيها شو هي شنو واقعلها وهو فاش كيفكر شافتو وقف هزت عينها فيها حتى دخلت طبيبة كتقلب ليها سخانة وصباعها بجوج عطاتها اذن تخرج (عيادة خاصة) وقفت جامعة كتيفاتها بحال شي محكورة وتمشات مخليااه غيطرطق فيه شي فيييس بهاد النخال للي كتعطيه بغير قصد خرج من موراها كيشوفها من اللور كانت لابسة سروال بيض معاه قبية طويلة من اللور وقصيرة شوية من لقدام يعني مباين والو.. لحق عليها مكيهضرش معاها داز خلص خرج كيقلب ملقاهاش سخط حتى مشا نيشان لباركينغ كيسب لقاها كتسناه حدا طموبيلتو) ݣلت مشيتي فحالك؟؟
أمال: (بحزن) نمشي بوحدي؟
أنوار: (مشا حداها كيغوت) وراه تعصبي فر** هاكا ماالك بااااردة!!!
أمال: (تفافاات شافتو جاي كيغوت محست غير دارت بيدها حركة كتحمي وجهها من الضرب حيدلها يديها بنتير) شنو درت شنو؟؟
أنوار: مواالف نضربك باش ديري يدك هااك ماال *** (جلس كيربب عليها وهي غير كتشوف بعويناتها عمرو كان هاكا حدو يقول يا جدك أما هاكا لاا واوطوماتيك ردات اللومة لييها.. مشا طلع لطموبيلتو وهو يزيد وكان محيداتش يدخل فيها زاد مخليها متبعاه بعويناتها ممتيقاش أنه مشا هاد نهار كامل مزاجو كيتقلب حدها بقات كتبكي وشادة فيدها للي كضرها وكتحس بيها متقلة عليها حتى صاكها بقا عندو معندهاش حتى باش تشد تاكسي غير كتشوف الدنيا خااوية معلوم للي مكمش فدارو من هاد لبرد وللي كيحتافل بلبوناني حتى من لبنات خرجو يحتافلو فشي كاافي.. بقات كتمشى من نفس طريق للي مشا فيها وعندها أمل يرجع معرفتش حتى فين هي كااينة بقات غير كتمشى وللي داز من جنبها وخصوصا الا كان شي راجل او دري كتخااف عقلها غيهبل من كترة التخيلات للي طاحت فباالها دازت من حداها تاكسي محست حتى وقفاتو ودموعها فعويناتها) السلام عمي عفاك وصلني لدار الطاالبة
…: (شاف فيها كتبكي وشاف فيدها للي ملوية بلفاصمة) واخا طلعي
أمال: (بفرحة طلعات) الله يرحم الواليدين (مسحت دموعها باليد التانية) غير نوصلو ندخل نجيبلك لفلوس (وقف الطموبيل ودار مخنزر عندها حتى تخلعت)
…: يا ر** معندك حتى دراهم باش تركبب ومضيعالي وقتي **** علية من هنا *** كترتو يا لموسخاات **** ضاربة يدها وجاية **** (أمال هبطت كتجري من تمااك وبلخلعة شداتها بجرية مخلية حتى لباب محلول نزل سدو كيسب ويعرعر ويربب على هاد لبلان لمكفس.. وقفت فواحد لقنت كترتاح والضو خاافت كتويل وتبكي والخلعة غتسكت ليها القلب ندمت على نهار الي جات فيه لوجدة.. تمشات كتقلب على الشاريع للي فيه الضو كتزرب فمشيتها وغير للي تزلل عليها كتبقى تجري خايفة منو ومن للي غيوقع لييها تلفت ومعرفتش فين هي غير كتمشي فشواارع وللي ريحها هوما الناس للي مزال كيتحركو شوية مرة تبكي مرة لا عيات بزااف جهد كتر من 2 سوايع ولا كتر… الساعة وصلات 12 والدنيا خواات وهي كتدور محست بالفرحة غير منين شافت بانكا البانكا للي أول مجاو حطو لفلوس فيها فلبلاصة عرفت فين هي وتمشات نيشان لدار الطالبة واخا كان ظلام الا مفكرتش المهم قرباات.. لقات لباب مسدود دقاات حل ليها لعساس ياله بغات تدخل ووقفها)
…: ابنتي دخول راه مع 12 ودابا راها 1
أمال: (حلات فمها) الوحدة؟؟ اعمي راه غير تلفت وكنت فصبيطار (رجعت كتبكي) والله اعمي غير تلفت ومعرفتش طريق رجوع
….: المديرة مانعة علينا واكترية اليوم نحلو لباب
أمال: وفين نمشي انا عمي معندي عائلة هنا ومكنعرف حد عفااك اعمي حلي لباب والله منgولها لشي حد
….: ممنوع ابنتي متخرجيليش على خدمتي والا بغيتي نعيط لييها وديري التزام
أمال: (غير سمعت التزاام سكتت وحتى دموع حبسو.. التزام هي غتوصل لخوها محمد بعدت وجهها من تماك ومشات وقفات حدا واحد الشجرة فدماغها كتحسب الا دابا راها الوحدة الستة لباب كيتحل خاصني نصبر هاد 6 دسواايع دغيا رضاات بلمباتة فالزنقة وقلبها حااارقها على أنوار للي سمح فييها وزاد….)
هند: (كتفوه وفنفس الوقت كظحك من كلام وليد للي كيعاود ليها فلواتساب كدوز نهارو وشي لقطات كيكون فيه كومييك بلا ميضسر علييها.. ومرة مرة تنقب من سقاطة للي مدورة علييها أما شيماء غير طالعة هابطة فالانستغرام بين النجووم كتشوف لمكياج ولباس ولعرا.. محست غير بيه سكت مدة وهو يصوني ابيل فيديو خلاها تفافا)
شيماء: ماالكي؟؟؟
هند: ها (شافت فلابيل) والو والو (بلعت ريقها شوية وقطع وشافتو كيكتب)
وليد: تحمست بزااف نشووفك عارف ماشي وقت لكلام وربما تكوني ملبساش الزيف ديالك
هند: (صاااطت) حتى تشوفني مبااشرة
وليد: ههه باينة خيبوووعة
هند: متأكدة نهار تشوفني غتحل فمك هه
وليد: اه اه الثقة يا جدك
هند: هههه والله حتى غتحل فمك غير نتمنى متحكمش علية
وليد: بالصح نهضر معاك واش كنعرفك اغيثة؟؟؟
هند: معرفتش نهار تشوفني وحكم
وليد: كوولك ألغااز
هند: تشوييق ههه
وليد: ههه واخا لالة انا غنعس
هند: اوكي
وليد: تصبحي على خير وحتى نتي براااكة عليك من التيليفون
شيماء: (كتشوف فهند للي غير كتبسم وشي مرات كظحك كااع صونات على أمال للمرة التالتة مكتجاوبش كولشي عاايش الحياة الا هي) ظحكيني معااك
هند: (هزت عينها فيها وهي متبسمة) بنت ليك كلوون ديري يوتيووب وظحكي.. (كتبات لوليد) وي حتى انا عييت كنت سهرانة غير على ودك نتا
وليد: (تبسم) تصبحي على خير
هند: وإنتى من أهلوو.. (شافتو خرج وحتى هي طفات لكونيكسيون وشافت فشيماء للي كتحنزز فيها) مالنا
شيماء: كتخبعي علية نتي باينة مصااحبة ومكتعاودي واالو
هند: ههه لا والله ممصاحبة غير مع ليزامي
شيماء: كذااابة
هند: ههه وݣاع لا تيقي… (كتاكل شكلاط) أمال موحال واش تجي هاد الليلة
شيماء: ݣلتلك داك نهار راه خرجات طريييق
هند: لواااه يقدر تكون مزالة فشي كاافي اليوم لي كوبل كيحتافلو.. جيبي جيبي ديك لطاغط لي شرينا ناكلووها هي راه غتاكل برا نخليولها حقها حتى تجي وتاكلو
شيماء: شحال وانا نصوني والله مبغات بنت لحرام تجااوب
هند: بلاتي نصوني انا (صونات واالو مكتجاوبش) واالو يمكن بعيد عليها
شيماء: (طانزة) تلقاايها حالة ليه رجلييها وحنا مفقوسين علييها
هند: بنت عمك زعما ونتي كتهضري فيها هاكا وكان غير مكنتوش بحال لخواتات بااااااااز
شيماء: (بعصبية) واا الجووج هادي وهي مزال مدخلات هادي هي بنت داارهم للي كانت جات بعينيها مغمضين ومكتعرف والو فالدنيا رجعات بحال لق**** كتسهر فزناقي حتى لصباح
هند: تكلماااي الالة كفاش لق*** حتى انا غير لعام للي فات سهرت حتى 4 دصباح لبوناني عادي بنادم يتعطل فيييه
شيماء: مكندوييش عليك اهند كندوي على هاديك للي كولشي كان عندها حشومة وكتمثل علينا حشومية
هند: نفتارضو وكان كنتي نتي خارجة مع أنواار والله مدخلييه داابا
شيماء: (ضربت الطم وقلبت وجهها حيت طاحتلها على الجرح)
هند: (هزت تيليفونها وصونات على أنوار للي تيليفونو مطفي حطااتو وأفكار خايبة فرااسها عارفة أمال بنت مزيانة ونية وشحال من حااجة متبغيهاش طييح فهادشي وتنعس معاه كاع الظحك ولفرحة للي كانت فيها تقلبات علييها) صوني على داك حمزة بحال والو يكون معاهم
شيماء: انا غنصوني على أنوار نيشان
هند: صونيت عليه تيليفونو مطفي
شيماء: اوا صاافي باينة نيت شنو كيدييرو اودي يا ودي على الإخوانية للي كتحشم
هند: صوني على حمزة
شيماء: منصونيش خليها تعوم بحرها
هند: (هزت تيليفون شيماء بنتيير خدات نمرة حمزة وصونات لييه حتى جاوبها وكتسمع الزدحة) الو حمزة
حمزة: (كيظحك) وييييييي
هند: انا هند صاحبت أمااال
حمزة: واه عرفتك لباس علييك بوناااااا ني هههه
هند: (عرفاتو شاارب غير من طريقة هضرتو) ميغسي كاين أنوار وأمال حداااك
حمزة: لا زين مكاينينش اصلا متلاقيتهمش هاد نهار
هند: اه اوكي خويا باي (قطعت) مكينينش معااه
شيماء: نمشيو نهجمو عليهم فالدار للي كان دانا ليها داك نهار من ورا لعرس؟؟؟
هند: مغيحلوناش الباب 12 كيطرق
شيماء: هههه هاكاوا هي مبقالها دخوول باينة غتبان معااه
هند: (غوتات) وهااا هي باااتت نتي ماالكي راها كبييرة وعارفة شنو كدييير ونتي خاصك غير فين تبينيها ق*** ديها فك** شوية (وقفت وحلات لبالكو للي صاط فيه السم دلبرد كتعاود تصوني على أمال للي والو مكتجاوبش حتى سمعت غواات شي بنت من على برا عيات طل مكيبان واالو) باينة شي واحد شاد شي وحدة سيف عليييها…
زهير: (كان فداارو كيحل لكراطن غير بشوية خاايف يتهرسلو شي ديكوور للي أغلبيتهم كريستال مغلف بالجورناال.. وقف ومشا لكرطونة لوخرا حتى حلهم كاملين لقى شي جوج ديكورات مهرسين حيدهم وحطهم بعيييد شاف فشي اثاث مزال ممركب) مزااااال خااص بزااف موووحال واش نgد على هااادشي (جلس فوق كرسي شعل كارو وبقا كيشوف فهادشي للي ديبريمااه معرفش منين يبدا كل همو هو يفتح المشروع اليوم قبل غدا… بقا سهراان ونعاس هرب ليه من عيينو وكيرسم الخطوات باش يبدا وأهمها هو يكمل صليح للمحاال عاد يشوف شي لاخر…)
~~~~~~~~~~~~~
هند: بففف لغوات كتر
شيماء: (ناضت من بلاصتها ومشات لبالكو كتعلى على ريوس صباع رجليها) مكتبانش اااح لبرد
هند: (رجعت جلست فوق نموسية ديال أمال ورجعت كتصوني على أمال للي مكتجاوبش وعلى أنوار للي تيليفونو طاافي)
شيماء: هادي ملݣات للي يفكها مسكييينة
هند: (كتفكر غير فأمال.. بتنهييدة شافت فالساعة 3 دصباح وحتى غوات ديك لبنت مبقاش.. شافت فشيماء كتقاد بلاصتها ودخلات فيها) غتنعسي؟؟؟
شيماء: (كتفوه) واااه لعروسة للي كنتسناوها معلباهاش بييينا هي كتبرد الدوودة وحنا مغبنين عليها
هند: (ببرود) مزيان (وقفت هازة تيليفونها وشارجورها وماكلتها) انا غنمشي
شيماء: نعسي هنا ونسيني
هند: لا.. تصبحي على خير
شيماء: بففف مووحال واش يجيني شي نعااس وديك مبيتاش هنا
هند: انا غنخرج نقلب عليها
شيماء: (حيدت لغطا عليها وجلست) فييين غتمشي واش لدار أنوار؟؟
هند: يمكن بعدا غير نعرفها راها بيخير اما شي لاااااااااااااخر هي كبيرة وعارفة شنو كدير
شيماء: تسناي نجي معاك
هند: ياك كنتي باغا تنعسي
شيماء: لا كنت غنتكى من لبرد وصاافي صبري صبري لبس
هند: انا فبيتي لبس مونطو ونهز شي مظل راه شتا بددات كتنقط (تكبطو مزيان وخرجو بلا حس كيتسلتو حتى نزلو لتحت حلو لباب بشوية شيماء مشات دخلات لطموبيلة ديال هند كتسناها وهند مشات كتقلب على العساس لقاتو فلبيتة ديالو كيتصنت لراديو بقات عليه بتحلوين والهضرة والابتسامات عطاتو 100 درهم وحلهم لباب اللوراني حيت هدا العساس ديال لباب لاخر.. خرجات منو بطموبيلتها ونيشان مشات للدار للي كان فيها أنوار وللي بقات عاقلة مزيان عليها حيت جات فالسونطر والعمارة على الشاريع وصلو شوارع خااوية من غير لبوليس وطموبيلات قلاااال فلبوناني ديما كيكونو اجراءات أكتر صراامة.. والمشكل لكبير للي لقات هي العساس للي عيات كتقولو أنوار كيتسناني وعطاتو حتى الطابق ورقم الدار وواااالو مبغاش حدو كيقولها الا كان كيتسنااك غيقولهالي وممنوع شي واحد يطلع الا بإذن صاااحب الدار… بقات تماك مفقووسة رجعت صونات لأنوار والو طاافي مشات كتقلب على سميتو للي معرفتش كنيتو بين سكان العمارة باش تصوني عليه واالو العساس كيجي يطردها بلبااقة محست غير بقات كتسبو ومشات لطموبيلتها مكرهة ومعارفة فين غتقلب عليها)
شيماء: مخلاكش دخلي؟؟؟
هند: (مكرهة) بحال حاضيلي تمااك قصر عابدييين صوني على داك الز*** ديال حمزة
شيماء: (شافتها معصبة مبغاتش تزايد معاها صونات لحمزة مرة وجوج عاد جاوبها) الو حمزة أنا شيماء
حمزة: (صدعوه) واه عرفتك
شيماء: بغيت نسولك على أنوار؟؟
حمزة: معرفتش فين رااه وحسن تفرقي علييه هو كيبغي صااحبتك ولا بنت عمك ولا شنو كتجييه ونتي لاسقة ف** الله ينع… (قطعت مصدوومة متوقعاتهاش فمرة وزايدها بالسباان)
هند: شنو قاالك
شيماء: ها.. معرفت مالو كيدخل ويخرج فالهضرة
هند: تلقايه سكراان تفووو (طرطقت صباع يديها) الله يا ربي فين غتكوون
شيماء: (فودنيها غير سبان ديال حمزة والهضرة للي قاال) يمكن مشاو لشي اوطيل
هند: وعلاش هي مطفاتش تيليفونها غير هو للي مطفي لا لا أمال مستحييل دييرها غير ديك لمرات مقبلاتش يبقى معاها فلبيت غير باش يهضرو اعساااك تخليه يقييسها لاااااااا…
أمال: (من بعد مشاجرة مع الشفاار ولا الشمكاار عزات على لعساس للي غزاتها واصل حتى لعندو وكتعيط ليه اعمي اجب فكني منو وعتقني خرج زروااطتو وهد على ظاك الشممار للي فالأصل كان سكراان دخلها حداااه لديك لبيتة كانت كترجف كوولها وكتبكي بالشهييق) عفاااك اعمي (كتشهق) خليني ندخل
العساس: لا ابنتي غتخرجيلي على خدمتي براااكة غير فكيييتك
أمال: (بغات تبوسلو يدو وخطفها) الله يرحم ميييمتك اعمي
العساس: ابنتي راه غير غيمشي داك الشمكار غنخرجك راه الا جات لمديرة ولقاتك هنا غنصدقو فمواصل خاايبة
أمال: (سكتات كيتسمع غير صوت شهقتها مظناتش غيولي يخرجها غمضت عينها كتفكر غير داك الشمكار للي بغا يكريسي ومنين مالقا والو بغاها هي كوولها هو يجر وهي تجر لاسقة فبوطو ديال الضو بحال العلقة ضربها نتفها وزول ليها الشال والو لسقات فلبوطو مبغاتش تزيدلو كان منظر ديال الرعب حلات عينيها لمدمعيين كتشوف فلعساس على الله تكسب شوية ديالو عطفو ويخليها تمشي لشومبرتها هاد السااعة باغا غير دخل لفراشها وتنعس بحال موااقع والو تفييق صبااح ناسية هادشي تفكرت أنوار وضرب قلبها موجعها هو سبااب كفاش سمح فييها ولكن فبالها كتقول وكان غير مزربتش وبقيت نتسناه هو كان غيرجع انا للي زربت وجيت.. دماغها كيحلف عمرها تعاود تشووفو وحطاتو هو سباب هادشي للي كيوقع ليها يدها عطياها لحريييق مهزلها قلبها غير صوت لعساس)
العساس: ياله ابنتي خرجي
أمال: (رجعت كتبكي) عفااك اعمي خليني حتى لصبااح الله يرحم مييمتك عفااك اعمي متلوحنيش برا كاينين شماكرية بزااف هئ هئ الله يرحم ليك الواليدين الله يخلي ليك مااا عز عندك عفاااك اعمي (كيجرها) عفااك اعمي هئ هئ نتخبع غي تحت ديك الشجرة عفاااك اعمي (ياله قرب لباب وفتحو حتى تنتراات من عندو وشداتها جرية وحدة وحيت مخاصش يدير صداع ويفيق كوولشي تبعها وهو سااكت كانت سباااقة عليه وجراات بكل قوتها حتى وصلات لباب العمارة فين سااكنة حلات لباب ولكن لعكس دهاد الليلة خلاها منحووسة فكوولشي حيت كيتحل من لداخل ومن برا ضروري خاص السااروت وقفت وشافت فيه جاي مغزف علييها) حلي اعمي عفااك فين غتلوحني فهاد الليل
العساس: انا ديريها بية الق***
أمال: (وسااعو عينيها أول مرة شي واحد ينعتها بهاد الوصف جرها من لكول باغي يخرجها وهي تغرس ظفارها فيديه ودفعاااتو بكل جهدها وطرطقت عينها بحال شي مجنونة) والله ومتحلي لباب حتى نݣول للمديرة كتعدا علية ومخرجني هنا ومشغلييش توصل لعائلتي ݣاااع
العساس: (خاف على رااسو) درت فيك الخير يا الموسخة وهادشي باش ترديهلي
أمال: (بلعت ريققها كتجمع القوة) حلي لباب وكمل خييرك ولا والله حتى نغوت
العساس: (معندوش حل حيت خايف على خدمتو طييير جبد سوارت من جيبو فتح ليها لباب) ديريها فين تجيك ابنت **** انا غنوريييك (دخلت فرحااانة سدت لباب علييه خايفة من نظرااتو للي بغاو يقجوونا مكانتش بغات توصل لهادشي ولكن المهم لباب تحل ليييها طلعت كتسلت وكولها كترجف ضو خفيييف فدرووج للي مخليها كتشوف شوية متكية على لحيط للي مخليها مزالة وااقفة وطالعة بلا حس وصلت للطابق التاني فين كاينة شومبرتها حلات لباب باليد للي ممجروحاش كان مسوورت بقات كدق بشوية وحاطة شنايفها على التقبة ديال لقفل وبصوت خاافت) شيماااء حلي انا أمال شيماااااء (كدق وتعاود ووالو مشات لشومبر هند عيات دق وتعيط ولا من موجييب تنهدت وبداو دموعها كينزلو حمدات الله حيت بعدا دخلات من داك البرد وداك الشر للي كاين برا.. مشات لاحمام وسدات موراها لباب عاد شعلات الضو وشافت فلمرايا كان الشال مخربق على راسها ولكابيتشو فيه طبايع ديال الدم أما السروال عمر دم من يدها وحتى نيفها مسلمسش من الضربة للي ضربها لاخر بطرشة حتى رعفاات شافت فصباعها فين واكلة لعصى وتفكرت أنوار بكات بحرقة حتى فشاات قلبها حساات بيه خاان ثقتها وميستااهلش حبها نفي.. شافت رااسها عينيها تنفخو غسلات وجهها واليد لوخرا مقدرااتش تقيسها بلما ومشات تفنتات فواحد لقنت جالسة على الأرض للي نقية وجامعة ركابيها عندها حاطة راسها وساااهية دموع نشفو وعينيها كيتقاالو بغات غير تنعس وتنسى كووولشي للحظة تمنات وكان مجاتش هنا وتجرب هاد العذااب وكان ماشي العساس للي حلها لباب فين كانت غتوصل شنو كان غيدير ليها الشمكاار ولا غيرو تفكرت وليد نهار قالها متعاوديش تخرجي بوحدك ونتي مكتعرفييش وجدة الناس هنا خاايبة وماشي كولشي نيتو زوينة بقات فديك الحالة غير سمعت الحس فلكولوار ناضت بصعوبة حيت برد عليها الدم وقتلة لعصى للي كلات من عند الشمكار ولمشي بين صبيطار لدار الطالبة عاد بان فييها.. طفات الضو وطلات برويسها حتى بانتلها هند وشيماء ياله غتخرج حتى سمعت)
هند: مغيجينيش نعاس حتى لقاااها أمال ماشي ديال داكشي واللله
شيماء:بففف مشكلة….
هند: مغيجينيش نعاس حتى لقااها أمال ماشي ديال داكشي
شيماء: بففف مشكلة
أمال: (خرجت من تماك ووقفت حداهم حتى تخلعو غير شافتهم مخلوعين بقات كتبكي) هئ هئ
هند: (مع ظلام مكانتش باينة مزيان كتسمع غير بكاها.. مشات حداها كتزعزع فيها) أمااال ماالكي شنو واااقع
شيماء: (شافت فبنت عمها ككتبكي وبكاها بحال شي بنت صغيرة بقات فيها مشات حتى هي عندها) اويييلي أماال ماالكي كتبكي؟؟؟ وفين كنتي؟؟
أمال: هئ عفاااكم حلووولي لباب هئ عفاااكم راه بردت بزااف (مشات شيماء كتحل بالزربة وفبالها أن أنوار تكرفس علييها هند حتى هي بالها مشا لهااكاك فتحات لباب مع شعلات الضو شهقو بجوج وتشاوفو.. دخلات أمال بان دمايات للي فيدها ووجها وحدا نيفها وباين ياابس وشي نقااط وفلكابيتشو وبزااف فسروالها لبيض بجوج بقاو مطرطقين عينيهم مفاهمييين وااالو)
هند: اوييييييلي أمال شنو وقع؟؟؟؟؟
أمال: (بعياء وكترجف وعينيها عيااو بلبكى) بغيت غير نعس عييييت بزااف
شيماء: كفاش تنعسي شنو وقعلك وشنو هاد دمايات وفين أنوار واش هو للي دارلك هادشي وفين كنتي حتى لهاد لوقت
أمال: (حطت سبرديلة ديالها ونيشان ماشية لنموسيتها)
هند: (وقفاتها) أمااال هضري واش أنوار تكرفس علييك؟؟؟
أمال: (حركت راسها بلا وشافت فيها بعينين ذابلين وجلست فوق فراشها) سمح فية
شيماء: كفاش سمح فييك؟؟ هضري امال راك خلعتينا شنو واااقع
أمال: (بتنهيدة) معرفت مالو معايا بقا غير يغوت مفهمتووش والله مافهمت كاع شنو بغا خلاني فسبيطار ومشا ومعرفتش طريق رجووع بقيت غير كنمشي وحتى واحد مبغا يعاوني حتى وصلت ومخلانيش العساس ندخل جا واحد الشمكار بقا يضرب فية منين ملقى عندي والو وبقيت نغوت فكني منو غير لعساس للي حتى هو بغا يخرجني هربتلو وطلعت هنا
هند: واش نتي للي كنتي كتغوتي برا؟؟
شيماء: كفاش سمح فييك
هند: (شافتها كانت صفرا شافت فيدها شداتها كتشوف الجرحة للي تخيطات وتحلات) شنو وقع أمال واش أنوار للي ضربك وكفاش خلاك فسبيطار مبغاش يتفهملي هادشي
أمال: هند (بعنين ذابلين) خليني نعس اختي الله يرحم ليك الواليدين
هند: كفاش غتنعسي (جرات ليها يدها) وصبعك مفتوح هكا راه خاصها تخيط ابنتي بففف (شافت فالساعة كانت 4دصباح) بدلي حوايجك لبسي بيجامة
أماال: (بترجي) عفاك
هند: بلاتي خاصني نفهم داك شماااتة شنو دار ليك ولكن يديك خاصها تخيط (كعات للي عارفة أنوار سباب هادشي واخا مفهماش شنو القصة مشات لليتها جابت بيطادين وقطن مسحتلها الجرح ونقاتلها حتى نيفها للي كان مزال لاسق فيه الدم يابس مسحاتلها وجهها ولوخرا غير كتشوف قلبها كيضرها كتر من هاد جرووح وتفكيرها علاش خلاها؟؟ بدلات لبجامة وجابت كاس لتخاتو مع الارض حتى تشتت)
شيماء: أويلي مالكي نتي عاود
هند: غنقولو طرطق الكاس فيدها
شيماء: (شافت فأمال وتنهدات مفاهمة واالو بقات فييبها وتمنات تكون هادي هي نهايتها مع أنواار مشات هند دقات على المسؤولة ديال لبافيون (العمارة للي ساكنين فيها) عوداتلها شنو وقع باش يجيبو اسعاف ليهم ويمشيو بطريقة قانونية باش حتى الا وصلات لخوها يعرفو السبب.. طلعات عند لبنات كيتسنااو وسكات الانظار متاجهة لأمال وأمال غير سااهية وكتنهد كل واحد
وشنو كيفكر)
هند: شنو كنتو كديرو فصبيطار وكفاش يديك تجرحات
أمال: هبطت من الطموبيل جا يسد لباب مشافش يدي وسدها عليها (كتعاود بنيتها) خاف علية وبزاف داني لواحد كلينيك خيطولي ودواوني ولكن دغيا تقلب ااه وجابلي حتى كادو ولكن مفهمتش علاش بقا كيغوت انا مكنبغيهش يقربلي مكنرتااحش وهو مكيفهمنيش حتى ملقيتوش مشا وخلاني (رجعت كتبكي) كان علية نتسناه هو كان غيرجع وكان تسنيت تماك كاع منتكرفس هاكا ولكن داابا صافي بان كولشي
هند: (سكتات فهمات بغا يبوسها وهي مبغاتش ولكن عصبيتو ممقبولاش وعارفها ماشي بنت لمدينة شوية دخلات لمسؤولة غير هند للي كتهضر مشاو هزو أمال داوها لصبيطار عاودو خيطو ليها الجرح رغبات لفرملي ميقولش للمسؤولة ان الحرح كان ديجا مخيط عطاوها شي كينات ورجعو كان لفجر كيأذن دخلو من سكاات أمال تكات ففراشها وشيماء كتغطيييها.. هند طار نعاس من عينيها مشات لشومبرتها منين شافت أمال غمضات عينيها بتعب.. شيماء تكات فبلاصتها ساكتة وتفكريها واش تفارقو ولا شنو.. وأمال تفكيرها مغتبقاش تشوفو واخا تكون كتبغيه حيت بين ليها مكيبغيهاش… )
هند: (ضرباتها لفيقة كانت ه8 ونص تجبدات فبلاصتها وراسها ضاارها هزت تيليفونها من تحت وسادتها لقات 4 ليزابيل من عند وليد تبسمت دخلت للواتس كتباتلو) صباح لخيييير (عينيها مزال مدوخين بنعاس طلعات ليها غير شرطة وحدة ناضت كتجبد حلات لبالكو كانت الدنيا مغيمة وباين الجو باارد معندهاش مع هاد الجو دغيا سداتو مكمشة لبست بينوارها دارت لقب لبست لبوط الخاص بالدار ومشات عند لبنات مع حلات لقات أمال واقفة فلبالكو وسادة غير لباب دالزاج وشيماء مزالة ناعسة.. مشات عندها نيشان دخلت حداها) لبرد عليك واش منعستييش؟؟
أمال: (حزنانة) كيعجبني هاد الجو.. وكيعجبني نتمشى وشتا كطيح علية
هند: (شافت فيها) أمال شنو وقع لبارح راسي ضرني ونعاس هربلي من عيني
أمال: راني عاودت ليكم
هند: علاش معيطتيش علية
أمال: (ساهية) داه معاه
هند: (شافتها كتهضر ببرود وهي كتحس براسها غتفركع) وعلاش مشااا واش هو هبيل يمشي يخلييك بووحدك
أمال: معرفتش علاش مشا وخلاني واالله مدرتلو واالو تفرݣع ومشا
هند: مقاسكش؟؟؟
أمال: وحيت مقاسنيش غضب انا أهند مكيعجبنيش يقيس فية وهو بغاني نبقى نبوسو ونعنقو انا مكيعجبنيش ندير هادشي راه عيييب مكيشوفش شحال كندير على قبلو
هند: يعاود لمو معندك مديري بزبل الا كان هاكا متعقليش عليه
أمال: هو ظريف معايا وحنين فية ولكن مبغبتوش يقيسني ومبقيتش باغا نكون معاه
هند: محملتش الز*** بوه كفاش يمشي ويخلييك بووحدك تفووو
أمال: يمكن كان غيرجع وكان غير تسنييت
هند: (شافتها باينة فيها طاحت فيه بلمزياان حيت واخا عارفااه سمح فيها الا كديرلو اعذاار معرفت متقول شافتها غير مدخل وتخرج فالهضرة) والشمكار للي تعرض ليك؟؟
أمال: وكان ماشي العساس وكان معرفت شنو دار فية ولكن انا ضرت فالعساس (عاودات ليها شنو دارتلو)
هند: ههه عبرتي على لق*** شماااتة مزال نتلقااه ونوري لموو
أمال: انا مبغيتش نتعايب معاه
هند: لا تعاايبي وخرجي عيينييك وللي دار معاك لافووت ورييه أماال الخاايبة متبقايش ضريفة كتر من لقيااس بنادم يطلع فووقك ويديرلك لجااام يتبورد عليييك متكونيش دمدوومة فييقي وحلي عينييك
أمال: منقدرش منقدرش نكون بحاالك
هند: كووني وفوتيييها وكان مدرتيش للعساس هكاك فين كنتي غتوصلي
أمال: (غير كتفكر داك الشمكار كتخاف وكترجف بوحدها) كنت غنمووت
هند: اوا ديما ديري فرااسك سبقي مصلاحتك على كوولشي (دقت عليهم شيماء للي مزال عينيها مغمضين.. حلات باب الزاج) عاد فقتي الشيييخة
شيماء: (كتفوه) علاه أمال خلاتنا نعسو تخلعنا عليك الزبلة لبارح كصبحتي
أمال: (بهدوء) لباس
شيماء: معيطلكش داك أنوار
أمال: لا ومبقيتش نهضر معاه (دخلت لداخل وجلست فوق فراشها)
شيماء: حسن لييك (بابتسامة عرييضة) نوضو تلبسو راه خويا غيجي يدينا دابا
هند: (قلبها ضرب حتى عينيها بغاو يدمعو) كفااش؟؟؟
شيماء: وليد ركب هاد صباح وgالي غير يوصل لوجدة ميرتاحش غيدينا نيشان حيت غدا الحنة ديال خويا (كتفوه)
هند: (بحرا كتبلع ريقها هزت تيليفونها لقاتو مصوني فصباح مع 6 قلبها غيسكت كفاش غتشوفو وغتقولو انا هي غييثة تلفت بقيت غير واقفة بخال شي حجرة وعينيها مفرgعين كتفكر وتخمم لنهار للي مبغاتوش يجي وها هو جا على غلا ومقرااات حسااابو..)
أنوار: (سمع دقان بالجهد حل عينو غير بالسييف شد فرااسو وهز رااسو شاف فقدامو كانو شي 5 ولا6 دالناس ضايرين بطموبيلتو الطريقة باش ناعس على لفولون شكو يكون ميت ولا سخفان.. برك على بطونة تحل الزاج وشاف فيهم باستغراب وحجبانو مشروكين) ويي
…: حسابنا أولدي واقعة ليك شي حاجة
أنوار: (مفاهم واالو ياله كيتوgض سد الزاج حيت لوخرين تفرقو واصلا معلبالوش بيهم حك عينييه منرفز خرج من طموبيلتو مكره محاملش رااسو دار يدو فوق قرفاادتو كيحكها بكف يدوو) نهار د*** لله ينعلها حااالة (شاف فالمصحة للي جاب ليها أمال لبارح وخلاها تمااك بوحدها من بعد تأنيب الضمير بغا يرجع ليها حتى كيتصدم ملقاهاش دخل لداخل والو عيا يدور بطموبيلو فلونتوراج مكيناش بغا يصوني لقاه مطفي وعاد شاف صاكها تكره الليل كامل قلب عليها لدرجة وصل حتى لحدا دار الطالبة والو مكيناش.. رجع عاود كيقلب عليها قنت بقنت على برا ممكن تكون مخبعة تمااك هي خوااافة ومكتعرف دير واالو ومتقدرش تزيد خطوة وحدة بوحدها قلب بحال شي حمق تحت شجر ولكرااسة سول لداخل مولاتش رجعات لدرجة طلب حتى تسجيل الكاميرا ولكن مبغاوش حيت ممنوع وداكشي لبوليس هوما للي منحقهم يشوفو لكاميرات وعاد بإذن من المحكمة.. بقالو حل واحد وكان صباح كيتسناه باش يديرها هي يمشي عند لبنات كاين شي احتمال تكون مشات لتماك.. رجع ركب حك عينييه للي عياااو رجع هز صااكها حلو وجبد تيليفونها للي فيه كتر من 40 ابيل من عند هند وشيماء.. دوز نمرة ديال هند للي دغيا جاوباات قبل ميهضر)
هند: هادي هي تحاافظ على لبنت خلييتها تكرفس فزنااقي محسابليش غطلع..
أنوار: (تسعق) بلاتي بلاتي شوري شوية واش هي لباس؟؟ كفاش تكرفسات؟
هند: (كتهضر بلغوات ومعصبة) شوف نتا سامح فلبنت ماشي حتى من هنا وزيرو درهم ومعارفة حتى فين تمشي عرفتي شنو بعد من طريقها وقلب علييها.. (قطعت عليه معصبة رجع صونا والو مجوبااتش خبط التيليفون فلكرسي مكره من راسو ومن أمال للي متسناتوش هو رجع متعطلش وملقاهاااش كان خاصها تسناه.. مشا نيشان لدار الطالبة وبقا عااصر تماك كيصوني على هند والو مكتجاوبووش بقالو حل واحد هو يصوني على شيماء للي جاوبات دغيا)
شيماء: (بفرحة حيت أوا مرة يصوني ليها) ألوووو
أنوار: شيماء واش أمال مزيانة؟؟
شيماء: مزيانة ونتا؟؟
أنوار: (صوتها فيه نبرة فرح) دوزيهاالي
شيماء: اممم راها كتجمع حوايجها غنمشيو لتاوريرت غيجي خويا دابا عندنا
أنوار: (خسر كمارتو) شيماء عطيني أمال
شيماء: (عوجت فمها) واخ (تمشات ببطئ كتشوف فتيليفونها وأبيل أنوار دايز فيه تبسمت بحال شي مجنونة.. دخلت لشومبر كانت أمال كتجمع حوايجها وملامح الحزن باين فيها) أمااال هاكي أنوار بغااك
أمال: (طرطقت عينيها) كفاش
شيماء: راه بغا يهضر معاك
أمال: (وهو كيسمع.. عمرو عينيها بدموع) لا
شيماء: (دارتو فودنيها وخرجت) مزالة مقلقة منك
أنوار: (زفر) شكون وصلها لبارح عندكم
شيماء: يمكن بوحدها والله معقلت علاش ماشي نتا للي هبطت من طموبيلتك؟؟؟
أنوار: عاد gلتي بووحدها شنو راك كتزعرطي تم
شيماء: (تفافاات) والله معقلت
أنوار: شيما خرجي عندي انا حدا لباب
شيماء: واخ (مشات خرجات حيت كانت ديجا مقاادة حيدت الشال ودارتو على عنقها ولواتو تحسبا الا جا وليد وخرجت كتجري والتبسيمة فوجهها شافت طموبيلتو من الجهة الاخرى قطعت ووقفت حداه نزل حداها وباينة طايرة لييه وخاااسر ليه لمجاج) أنوار لباس؟؟
أنوار: (شاف من مورااها بحال كيقلب عليها) غتمشيو دابا؟؟؟؟
شيماء: واه دابا خويا غيجي
أنوار: بففف (سكت مدة هو داك نهار قالها متمشيش) واش هاد خوك للي غيجي دابا هو لي حاط لعين عليها وبغا يديها؟
شيماء: (بلعت ريقها) واه
أنوار: (زادت شعلاتو حل الطموبيل وجبد صاكها) عطيها هادا وݣولها ضرووري تجاوب ضرووري ولا غتلݣاني عندها فدارهم (طلع ركب مخلي شيماء غير كتشوف) طريق سلامة (قالها بلا خاطر)
شيماء: الله يسلمك (مشا من تمااك معصب بزااف نيشان لعند باه للي غيسمعو خل ودنييه حيت عارف غيكونو تنوغشو علييه زيد بااه مكيقبل حتى شي عذر باش هو يبات برا الداار ممنووع لمباتة برا الدار..)
أمال: (مشات لشومبرة ديال هند لقاتها تاالفة برغييب باش بغات ليهم تمشي معااهم وحشماتها أم شيماء للي عودات صونات عليها وعرضاتها.. جلست أمال وطلقات تنهيدة) شيماء خرجات عند أنوار
هند: (باستغراب ضارت عندها) كفاش
أمال: (بحزن) هي بنت عمي وكتبغيني أنا وكتبغيلي غير مصلاحتي يااك اهند؟؟
هند: هضري ازمرة شنو كااين وعلاش خرجات عند داك لحمار
أمال: (هزت كتفها ببرود) هو عيطلها وهي خرجات عندو
هند: واش صافاباا راك كتهضري على أنوار
أمال: واه أنوار الولد للي كنبغي وشيماء بنت عمي وكتبغيلي لخير هي خرجت تصالحني معاه حيت هو صونا عندها وݣالها دوزيهالي وانا مبغيتش ندوي معاه
هند: حتى انا صونالي وسمعتو مزيان قلتلو قلب عليها
أمال: شيماء بعدا خرجت فرحانة عندو هههه هي عزيز عندها أنوار بزااف ياك؟؟
هند: (قوست عينيها فيها) من لخر كتشكي فيها
أمال: (بتنهيدة حركت راسها بلا) معرفت (حركت راسها بحال كتنفضو) غير كنخربق شيمااء كتبغيني وكتعزني بزاااف غير الشيطان شي مرات كيلعب فدماغي وفيها.. مهم كملتي جميع حوايجك
هند: (شافت فيها بعطف) كبقات يديك
أمال: (حركتها) مهمانيش قد مخالعني رجع للدار (غير كتنهد) مكرهتش نبقى بووحدي والله محتاجة بزااف نبقى وحدي هنا
هند: غتفارقي مع أنوار؟
أمال: علاه بقالنا شي رجوع هو سمح فية اهند عرفتي شنو كان غيوقعلي اصلا راه شفت الشونتيو داكشي زوين للي كنت نشوف فيه مبقااش واصلا انا ماشي ديالو
هند: وي مصدقش صرااحة فهادي انا فاللول قلت كيبغيك
أمال: زعما مكيبغينيش؟
هند: معرفتش اختي ولكن ما خصلة ما تاوزة هادي للي دار معاك الواحد يكون مكيحملكش وميديرش هاكا
أمال: (قرنت حواجبها) كرهتو واصلا مغنتافهموش سوا غدا ولا بعدو هو كاع مهضرلي على زواج بغا غير يبقى يقيس فية ويبوسني انا عارفاه هادشي للي خلاه يخليني فصبيطار ويمشي
هند: جلا نتي منين نرجعو ديها غفقراايتك
أمال: (بتنهيدة) اوديييييي
هند: مكاين بو اودي هانتي كتقراي فلفااك وديري شي حاجة اخرى تعمر ليك الوقت نتي باغا تعلمي لخيااطة دخلي لشي سونتر وتعلمي وانا ندخل معاك باش نونسك
أمال: (تبسمت) بالصح،؟
هند: والله لواحد شحال ما عمر راسو شحال ما ستاافد اما الا بقيتي دايرة يدك على خدك غتبقاي تفكري غير فييه وغتصدقي راجعة لييه
أمال: (بتنهيدة) انا بغيتو بزاف وعمرني نسااه
هند: داكشي خليه للوقت.. الوقت للي كينسينا ويعرفنا بناس.. مهم هاد داركم خاصهم غير طويل وانا طويل معنديش بزااف
أمال: هههه ديري فبالك لخروج مكاينش والتيليفون عندو وقت وغتبقاي دخلي للبيت بزاف على حساب دراري وسبايغ ولعكور وشعور نساايهم
هند: (كتقليلها السم) انا زوييينة بلا هادشي
أمال: هههه (دارت يدها على فمها) كنتخيل وليد نتي وياه فدار وحدة ههه
هند: (جمدات ليها لما فركابي) بففف متفكرينيش وااقلة غندير بناقص
أمال: لا لا عفااك والله نتي للي مصبراني على هادشي للي كيوقعلي
هند: اربي سكتي راني غير صنطييحة غنتسنى زمر دشيماء تعطيني حوايج
أمال: حتى انا عندي شي حاجة واسعة دابا نعطيها لييك ومترفديش الهم راه أغللبية رجال مكيكونوش فالدار وحتى ويكونو راه مكنتخالطوش معاهم
هند: اممم شحال قلتيلي وليد غيجلس
أمال: هه معرفت اختي انا كاع مكنسول فداكشي
هند: حرييييييرة محرحرة نيييت
أنوار: (من بعد باه مسمعو الهضرو على لمباااتة فالزنقة خلاه وزاد أما لاخر غير حاني رااسو معصب.. معصب بزااف من راسو ومنها هي بالظبط ومن باه للي غوت عليه قدام شي كلياان شاف فزهير جاارو من تمااك) رخيي ازهييير
زهير: (جرو خرجو لبرا وشاف فأنوار للي عينييه دخلو وباين مناعسش وحواجبو مشروكين باينة طايرة ليه بالجهد) شنوو؟؟
أنوار: بغيت نروح غير نرݣد
زهير: واش عندك شي بروبليم؟؟
أنوار: لا لبرومليم للي عندي درك هو بغيت نخرج من ديك الدار بزاف على لحكاام راني رااجل وݣاد برااسي ماشي بز للي يجي يغوت علية ݣدام الناس
زهير: واش جاب الرجلة لخروج من الدار
أنوار: زهييير بربي طيرااالي مانييش ملييح وباغي غير نروح
زهير: (شاف فيه) زيد نوصلك
أنوار: بلاش مافيا للي يرجع للوطو
زهير: اصلا اللوطو للي كنت كاري رديتها وغنحتاج دياالك (لاخر حرك راسو باه هو دابا خااصو غير ينعس ميفكر فواالو وزيد حتى بااه زاادو اخر حاجة يبغييها هو باه يغضب عليه.. وصلو وفطريق سكااات زهير معارفش أنوار ماالو وللي عارف هو غيمشي يهضر مع خووه باش يرخف عليه شوية ويعطيه شي سبب علاش بات برا..)
~~~~~~~~~~~~~~
شيماء: (جالسة كتفكر فأنوار منين قالها الا مجوباتنيش أمال غنمشي عندها واش كيبغييها لهاد الدرجة؟ وعلاش مكيلاحظهاش هي واش مباينش اعجاابها بييه وهي بيناتلو بزااااف.. تنهدت وكل مرة هاد العشق للي من طرف واحد كيدمرها ويحسسها بإحساس خاايب تفكرت أمال لبارح كفاش لقاوها مخبية فطواليط كترجف بلبرد وكولها دماايات.. قطع أفكارها غير وليد للي صونا عليها باش ينزلو حيت وصل وغيدوز عندهم دابا) واخا خويا تلقانا لتحت
وليد: وااخ (قطع ودوز نمرة ديال غييثة للي جوبات على شحال) فيين الالة هادشي دياالك
هند: (متوترة وخاايفة) شنو؟؟
وليد: فير غبرتي هاد صباح.. واش خداامة؟؟ شنو المصحة للي ݣلتيلي خدامة فييها؟؟
هند: (شدااتها اللقوة وطرطقت عينها النفس حبس مبغاش يخرج لييها)
وليد: الووو غييثة!!
هند: حم مسمعتكش صدااع كاين حنا حدايا حيت شديت طريق لفااس ووقفت كندير ليصانص
وليد: فاس؟؟ فينك دابا بالظبط؟؟
هند: (بتوتر) انا كنت بغيت نعيط عليك نقولهالك شحال صونيت لقيتو مطفي وووووقبييلة شديت طريق مي لالة قالتلي دابا اجي يمكن كاين شي مشكل ولا معرفت
وليد: اممم (كان بغا يخليهالها مفاجئة) صوݣي غير بشوية
غيثة: وي وي كنصوݣ غير بشوية اصلا لبارح سهرت ومشبعاش نعاس وهي خلعاتني عليها
وليد: مهم بلاتي وغنهضر معااك (قطع باينة معجبوش الحال علاش؟ حتى هو معرفش.. ميمكنش يبغي شي وحدة بلا حتى ميشوفها ولا يعرفها وصل حدا دار الطاالبة حتى كيشوف 3 دلبنات واقفين مع شوانطهم وقف حدااهم حتى كيشوف ختو حلات لباب مع ابتسامة عريضة خرج متبسم وهي طير علييه معنقااه كتعلق فييه بحال ديما جات عينو فأمال للي كانت متبسمة دور عينو لهند للي كانت غتسخف منين خرج من الطموبيل قلبها وقف والسخفة طلعات معاها عينيها مقدراتش تشووف فيه فقط مدورة وجهها.. طلقت منو)
شيماء: توحشت اخوويا بزااف
وليد: حتى انا البرغوتة دياالي (هنا هند شافت فييه شحال كانت متشوقة لهاد اللقاء وشحال كانت متمنية يكون عارفها هي غييثة الفرملية للي كان غيمشي يتلقاها ويديرلها مفاجئة فلبلاصة للي خدامة فييها شافتو سلم على أمال من بعييد كيسول على حاالها حتى شااف فيها وهاد لمرة رد لبال لشنو لابسة جينز فلكحل مع مونطو فلكري وكاط فلكري ولكحل وشال غليظ ملوياه على عنقها وشعرها دايرة ليه سفنجة مهبطة شي خصلات منو مخليها زوينة اما لميكاب كان قليل بحال مديرااهش) سلام
هند: (بلعت ريقها) سلام
وليد: (هز شانطة ديال ختو) اه اه سارقة شي واحد هنا
شيماء: هههه ماما وصاتني على شحال من حاجة (قادها فلكوفر ومشا يهز شانطة ديال أمال)
أمال: (بغات تمنعو) لا لا خويا انا نهزها
وليد: (مباشرة عينو مشات ليدها للي ملوية فلفاصمة بلا ميرد لبال شد فيدها للي دغيا هرباتها) مال يدييك؟؟
شيماء: (نقزت هزت شانطة ديال أمال للي خفيفة) طرطق ليها كاس ديال اتاي سخون فيدها ودارت شي 12 لغرزة مسكينة
وليد: (غوبش وشاف فأمال للي بانت متوترة وغير كتهرب فعينيها أما هند راها فوق الشواية غير كتشوف ومقادرة لا تهضر ولا والو.. نار الغييرة كلاتلها عينيها) امتى هادشي
أمال: (بلعت ريقها) لبارح بالليل
وليد: امممم ردي لبال.. ياله طلعو
شيماء: وليد مالقيت فين ندير شنطة ديال هند
وليد: الا مديرونجيكمش حطوها حدااكم (شاف فهند للي كتشوف فيه) معليش؟
هند: (سهات على راسها وبقات غير كتشوف فيه حركت راسها باه) حم الا بغيت نتبعكم بطموبيلتي!!!
وليد: (حيد عينو من عليها) لا بلا متعذبي طريق طويلة… ( مشا ركب طلعات أمال لوسط وهند حداها والشانطة من الجهة الأخرى وشيماء حدا خووها)
وليد: غندوزو نفطرو عاد نمشيو
شيماء: حتى حنا كاع مفطرنا بقينا غير كنجمعو حوايجنا
وليد: (حرك راسو ومشاو لقهوة قريبة وهي القهوة للي أول مرة تلقات فيها أمال بأنوار ضرها خااطرها اصلا منساتوش هي غير كتنااسا وقف تماك نزلو لبنات وغير ساقرين غير عادتهم.. نزل هو وتبعوه جلسو غير على برا.. هند ممتيقاش وجوودو معاها فطبلة وحدة بكل وساامة فعينيها جاالس كيهضر مع ختو ومرة مرة كيشوف فأمال ويظحك للي كتبادلهم ابتسامة صغييرة فكرت فبالها هو جذباتو أمال حيت هي هااكا قليلة فالهضرة حشوومية و.. مقطع أفكارها غير منين صونا تيليفونو) انا جاي (ناض معبد جاوب) فيين العشيير… ههه ياله حطاتني الطيارة ودابا انا مع ختي وشي عائلة… اممم عرفتي قهوة ديال ****… بعيد؟؟.. صافي تماك غتلقااني دايز اصلا طريقي هادييك… نتقااشعو.. (قطع ودغيا دوز نمرة ديال غيثة)
هند: (ديرالو صونيط خااص ديال موسيقى تركية.. تفافاااات هزاتو دغيا قاطعالو الصوت طرطق عينها منين لقاتو كيصوني يعني ناض باش يصوني عليها اذا داارت بلاصة واخا صغييرة فقلبو تبسمت بفرحة ولكن متقدرش تجااوبو واكترية القهوة دايرة موسيقى ويمكن يشك.. خلاتو حتى قطع وصيفطاتلو ميساج *راه موقفيني جوندارم كيشوفو لورااق* قرا لميساج وتبسم رجع حدا لبنات) الا جا السرباي خودو للي بغيتو وخودولي اشيما فطور معااكم (دخل للقهوة لداخل مشا لطواليط ورجع حداهم شوية السرباي جايب فطور ديال 4 دالناس فطرو من سكات أمال غير كتنقب بكترة الحزن للي كتحس بيه هند فرحاانة وحتى هي غير كتنقب وليد قرب يدخل ففطور ختو للي حتى هي كلات مزيان.. كمل مسح يدو وهز تيليفونو كتب ميساج) *شنو درتي خلصتي ولا بقيتي كتزاوگي*
هند: (جاها ميساج ومع لاخر مرادش لبال وغير شافتو هز تيليفونو دارت سيلونص قرات وتبسمت كتباتلو *ههه مزال وااخلة شي دعوة هادي صيفطتيهالي* شافتو كيتبسم وبدون شعوور لقلوبة ترسمو فعينيها كتخيلو منين كيكون كيهضر معاها هاكا كيكون كيتبسم وكتر حيت شحال من مرة سمعات ظحكتو)
شيماء: ظحكنا معااك اخويا
وليد: هي بنت ليك كلوون.. كليتي ونوضي نشدو طرييق وهبطي داك لفولار راه شعرك كولو كيبان (جمعو الوقفة وخرجو تابعينو أمال غير الكسدة للي معاهم أما عقلها غاابر ومساافر ركبو وزاد بييهم.. ضار عندها) أمال كضرك يدك؟؟
أمال: (بصوت شبه مسموع) لا الحمد الله مزيان
وليد: (حرك راسو باه ومشا سايك أمال غير كتشوف بعويناتها فهاد لمدينة للي عاشت فيها الخاايب وزوييين.. حسات بالطموبيل وقفات طلات حتى شافت شيماء ضارت مخلووعة كدير اشارة لأمل وهند يشوفو طموبيلة ديالمن للي وااقفة ووليد ماشي لعندها!!!!!)
أمال: (شافت فالطموبيل بقات ياابسة وحلقها نشف خووفها يكون أنوار يجي هابط من ديك الطموبيل للي هند أكدات ليهم من لماتريكيل أنها ديال أنوار..) لا ميمكنش يجي باش عرفنا هنا ومنين كيعرف وليد؟؟؟ (شافت وليد كيهضر فتيليفون وكيزيد يقرب من الطموبيل حتى وقف حدا باب الشيفور كيظحك تحل لباب ونزل واحد ماشي أنوار حيت هادا مفورمي عليه شافو غير ظهرو نزل سلم على وليد بحراارة وباقي الخوف يكون أنوار هو للي جالس معااه بقاو على اعصاابهم ومقدرينش يهضرو.. ما رتاحو حتى لاخر ركب ووليد جاي عندهم وباقا الابتسامة فوجهو وصل)
شيماء: خويا شكون هداك
وليد: صاحبي
شيماء: شكون صااحبك؟
وليد: (خنزر فيها بغا يهضر وتفكر مبغاش يقولها شي حاجة قدام لبنات زاد مكسيري مخلي لبنات معوجين رقبتهم كيحاولو يشوفو شكون راااكب ساعة بان هداك غير بووحدو ومبانش حتى فكمارتو وممعاهش شي واحد اخر… زاد مكسيري دخل لوتورووت شيماء ووليد مرة مرة كيهضرو على الدار وعلى لقرااية حتى وصلو لكرسيييف حيت لوتوروت حدها كرسيف وغيكملو بطريق الوطنية لتاوريرت) خاصكم شي حااجة؟؟
شيماء: جعت
وليد: السلامة عاد كليتي باغا تولي فيلة
شيماء: هه كيعجبني ناكل فطريق اخوويا
وليد: اهاااه (وقف هبط لحانوت جاب ليهم ميكة عامرة تقااوت مدها لشيماء عطات لبنات للي مافيهم مياكلو وهي بقات كتاكل غير خرجو من كرسيف)
شيماء: وقف وقف اخوويا (وقف مخلوع نزلات شيماء دخلات صبعها فمها حتى تقيات شنو كلات مشا حداها وليد وحتى لبنات نزلو كب عليها لما وغسلات فمها ووجها)
وليد: ݣلت ليك متاكليش بزااف
شيماء: (شدت فكرشها بألم) خلطت بزااف بففف (تسندات على ذراع هند وتمشات ولوخرا حتى هي تمشات معاها تبعوها حتى شافوها ركبات اللور) أمال ختي غير ركبي نتي لقدام انا دخت بزاااف (دخلت جلساات هند كتصبر فرااسها حيت عارفة شيماء فين قصدها ولكن متقدرش تهضر.. وأمال حشمات بزااف غير كضور عينها شافت وليد ركب طلعات هي ركبات دارت الصمطة وزادت سقلات كتر مكااانت هي كتحتارم وليد بزااف وكتحشم منو بزااف لدرجة مقدرتش تجلس حداه.. هند اللور غير كتشوف وشيماء هزت تيليفونها كتخرب فييه حتى كسرات سكاات وبقات كتهضر وتحاول ظحكهم هاكا دوزو وقتهم حتى دخلو لتاوريرت.. أمال تزير علييها قلبها وهادشي لاحظو ولييد)
وليد: أمال مالكي؟؟؟ (هند قلشت عينها وودنيها)
أمال: والو وااالو
وليد: (فهمها ممرتاحش تجلس تماك) شيماء رجعي جلسي هنا
أمال: (شافت فيه وتبسمت) شكرا (بادلها الابتساامة تبادلو لبلايص هند غير كتشوف مننحقها دير حتى شي ردة فعل واخا عاارفة أمال ممسوقاش لوليد الا ممتأكداش من مشاعر وليد ساݣ بيهم للدار هند منين وقف دارت الشال على راسها هنا فين قشعها وليد نزل هو الاول حيت جا عندو محمد ونبيل كيسلمو علييه)
شيماء: (خبرات هند) بدينا ههه (خرجت هند تبعاتها شيماء عاد خرجت أمال شاف فيهم وليد)
وليد: انا غنطلع ليكم لحوايج
محمد: (كيشوف فشيماء عاد نتابه للبنت التالتة للي معاهم) شكون دي؟؟
هند: (حنات راسها مولاتش هزااتو اكترية منين سمعاتو قال شكون دي وفوجهها مكاين غير نيشان)
وليد: صاحبة لبنات
محمد: (عاد شاف فختو للي كانت غير حانية راسها مشا جيهتها شاف فيها حيت المديرة ݣالتلو شنو وقع وحتى سباب) لباس؟؟ كبقات يدك
أمال: (بصوت خافت) سلام خويا.. لباس
محمد: مي راها كتسنااك طلعي
أمال: (حركت راسها باه هو مموالفش يسولها ولا يهضرها لدرجة معرفتش تهضر معاه حدها بالتلفة ضارت وطلعات فدروج تحت أنظارهم كاملين تبعوها لبنات)
هند: ههه ناري هادشي كيخلع أمال فهمتك اختي علاش ديما حانية راسك معاهم
أمال: هههه شتوه جا سولني واش لباس؟؟ ههه واش شفتوه؟؟ (بقا كيظحكو مع وصلو للطبقة اللولة فين ساكنة أمال حتى خرجت مها على ظحكهم المسموع)
فتيحة: اللقوة….
يتبع
شاركنا رأيك في هذا الفصل 🌹