الكاملة: (مكلات مشربت بقات غير صاقرة مسعوووقة على اخر يااامها تشوهت اكبر تشويييهة فحيااتها)
عيشة: الكاملة مكليتي وااالو
الكاملة: دابا غير طلݣووني نمشي لديوااني
عيشة: وااها تمشي خلييك ݣالسة رااه حتى هنا ديواانك
الكاملة: (ناضت مشات لحدا لكبير للي غير كتجي كيضور عينو مكره منها بقات حتى هي حداه سااهية وساااكتة صونا تيليفون ها للي كان فجيب الطابلية) الووو
أنوار: كبقى الواليد
الكاملة: (شافت فلكبير) نݣولو الحمد الله اوليييدي
أنوار: مراهش يهضر
الكاملة: لا يا وليدي
أنوار: (وشحال خايبة عاارف راسو بسبابو طاااح) شوية ونصوني عليك (حط التيليفون وبقا ساااهي عينييبه مضببين حيت عاارف شحال كان بااااه مفششو وللي حل عليه يلݣااه شاف خوتو تماارة للي كانو كيضربو وهو كيجي يلقااها بااااردة واخا كان كيتشكى من النظام للي داير لكبير فالدار الا كان كيدير للي بغاا عاد كان عندو صاااحبو أشرف لمن كان يشكي ويحكي دااابا كاين صحاااب ولكن مبوووزقين والنفخة يعني ميمكنش يشكي خاصو ديما يبين عايش مرتاح وهاني دعاء مكتفهمش شي حاجة سميتها المشاااكل وحدة عايشة حياتها طوول وعرض قبل مطلب الحاجة كتوصلها ودلوووعة كتر لقياس ماشي مرا ديال زمان للي تحني عليها الرااس… بقا غير بوووحدو وهاد الاحساااس ولا مخليه منيييرڤي وغير محسوووس زائد مكيحس بطعم حتى حاجة واخا هادشي للي كان باغي يوصلووو.. تحطت يد على فخضو ضار كانت دعااء تبسم بلا خاطر وبلا نفس) حبيبة
دعاء: ماالك احبيبي؟!!!
أنوار: واالو احححم (كيسرح صوتو) واالو علاه راكي تسولي
دعاء: حيت كولشي كيسولني مال راجلك مالو مبقاش تيجمع معانا ويظحك
أنوار: الساعة الله ادعااء
دعاء: قولي انا مرتك
أنوار: الا ݣلت ليك تفهميني ادعاء؟؟ ولا غتمشي تجري عن(سكت لسااانو قبل ميقول كلام يخرج عليه وهو حاس بمستقبلو بين يدين مها)
دعاء: كمل
أنوار: واالو احبيبة وااالو (حط يدو فوق كرشها للي ممسوقلهاااش) لبيبي مزيااان
دعاء: (تبسمت) كنحس بيه تيقولي je t’aime
أنوار: (جاتو بايخة) بيان سييغ احبيبة براكة غير نتي مامااه
دعاء: نتا باغي ولد ياااك
أنوار: لا للي جابو الله
دعاء: نوووو باااغي ولد
أنوار: (موضوع تااافه غتغضب فيه) بلعكس عرفتي كنتمنى تكون بنووتة تكون تشبه لماماها زويييينة بحالها اما الا كان ولد غيكون خاااايب بحالي
دعاء: هههه لا لا غيكون زوين نتا اصلا غزااال
أنوار: (باسها فشنافتها وسكت شدت فذرااعو وتكات فوق كتفوو.. هو غصة وااحلة فحلقوو مكرهش ينفااجر ولكن كيفكر بعقلووو اللهم ياااكلها لداااخل ولا يبين ويصدق فشي حاجة للي يندم علييييها…..)
وليد: (كان محمد ركب معاه غير مريم، وادم هز الطموبيل لي كان جايب وليد معاه خدا شيماء ومو.. كان جالس هو ووليد فسطح ديال دار زهير كيهضرو حتى طلعت هند..) هودي
هند: وغير سمعني
وليد: أوالله لاااا شديتي شي طرييبݣ دااابا
هند: وراه مي لالة غدا غتجي
وليد: ياك حتى لغدا وتوصل سمووو حارݣݣ تمشي دابا
هند: (فهمت قصدو على ولد خالتها سعد) زهير خويا هضر معاه
زهير: معندها فين تروح اخااي فدلوقت
هند: ياااااك زهير
زهير: واشتاا اختي نصيفطوك فالليل تشدي طريݣ؟؟ انا للي راجل ومحملش سوݣاان الليل سيري روحي و غدا شدي طريݣ
وليد: (غير كيشووف شحال مجلسو بوووحدهم وعاد كل نهار كتزيد تغلغ فاعمااقو قد مكيكره عنااادها قد مكيعجبوو شافتو كيدير فيها هاد الشوفة للي حافضااها بقات كتشوف فيه)
زهير: انا نهود (هبط ووليد جالس فكرسي مفرق رجليه وكيشوف فيها)
هند: عقل فيها أوليد
وليد: واش بعقلك اهند
هند: راه خاص نشوف واش كولشي هو كدااك مي لالة تتبغي كولشي متول ومقاااد
وليد: اممم
هند: (مشات جلست حدااه متبعها ومع جلست بانو لفخيضات واضحيت وحتى تيشورت للي لابسة طلع ممنتابهاش لييه عكسو هو للي كيلاحظ تفاصيل ديال تفاصيييلها او بالأحرى كيݣلب بعينيييه على اي حاجة.. شافتو فين كيشووف هبطت التيشورت على فخاضها هزت عينيها فيه) فاش تتشوف
وليد: (بعينيه النايمين) فلهوى مشاالك شي حااجة
هند: هه والله حتى مسطي وانا دايرة عقلي فييك
وليد: بانلك كنݣطع فحوايجي
هند: (عيات تبعد عينها وممشات غير لتم شافها فاش شافت وشاف فحجرو قلبت عينها باخراااج بالزربة)
وليد: سمووو!!
هند: هااء واالو
وليد: (كان على سبة ولكن مباينش محاس بيه غير هو) سيري هودي تنعسي نمشي ياانا
هند: جلس تباات هنا
وليد: فين معاك؟!!!!
هند: وليييييد
وليد: سمو وليد هنيينا لبلاصة للي فيها نتي كنشد راسي غير بالزز عاد نبات قريب
هند: ههههه
وليد: جا معاك الظحك ابنتي نتي
هند: خود طموبيلتي
وليد: لا غيديني زهير
هند: غدا نشوفك قبل منمشي؟؟
وليد: وعاد راكي تسولي؟؟
هند: غنمشي بكري
وليد: 9 دوزي عندي المحال غنفطروو عاد غتشدي طريݣ (جات تهضر وقف) نوضي اهند هودي ماشي وقت ولا بلاصة الهضرة (بقات كتشوف فيها) واش تهودي ولا بالصح نݣطع حوايجي نوريك لهبيل بشحال طااالع
هند: (نااضت كظحك هبطت وصلت لباب درووج) جوتيييم بيبي
وليد: (حرك راسو) سيييير على الله…
زهير: (دخل لبيتو مكيهضرش مع أمال وهي غير متبعااه كانت جالسة متبعة مسلسل تركي مجات فعينو غير فالبطل عريااان من صدروو ضار خنزر فيها)
أمال: ولد لحرااام راه غير داابا تعراااا
زهير: (بعصبية) طفي علية لخصااارة
أمال: (طفااتها وبقات غير كتشووف لقاتو دخل للدوش شافت راسها كانت لابسة بيجامة خفيفة بساتان شورط حمر قصير بديباردوور وطالقة شعرها ودايرة بوندوو فلحمر تابع لبيجامة.. هادشي مخصووص ليه ولكن مكملش حتى الشوفة فيها.. رجع خرج مبدل حواايجو وتم خارج) زوووهيير
زهير: (ببرود ضار عندها) وي
امال: وعفاااك
زهير: (بغا يخرج وقفت وعاودت عيطاتلو ضار عندها واخا مبينلها داك لبروووك ولكن العمق ديال الاعماق باينة عاجبااه) وااشتاا!!!!
أمال: متخلينيش وحدي والله كنخااف
زهير: سيري نعسي حدا الكاملة
أمال: واش مابغيتش تفهمني
زهير: (دغيا كنتعصب) واش نتي للي مبغيتيش تفهمي وكان متي ولا وقعت ليك شي حاجة (شاف فرجليها فين كانت مجرووحة حيت تنجرت فاش هبطت وركابيها بجوج مجروحين) شووفي كولييتي وباغياااني نبقا عااادي
أمال: الله يسااامح
زهير: (بقا كيشوف فيها معصب) وكان كنتي حاملة؟!!
أمال: (فرحت باش تبرر ليه) لا اصلا راني نشرب فلكينة
زهير: اشمن كينة
أمال: ديال لهلال
زهير: واشتاااا؟؟ (كيقرب ليها شوية بشوية مخنزر)
أمال: حم ديااال هداك لحمل
زهير: باش متحمليش؟؟؟؟
أمال: (عرفت عاود ق****) همم اممم
زهير: (زاد مطرطق عيييينو وهو كيقرب ليها وهي بلعت ريقها) راكي تهضري بالصح؟!!!
أمال: (بقات ترغب) والله يحساابني رااك عاارف راني ݣلتهااالك والله حتى ݣلتهاالك داك نهااار… واش معقلتيش ازهير؟؟؟
زهير: (وصل حداها كتشوف صدروو تنفخ وعينيه مطرطقين فيها عااارفة هاد الشووفة مكيدييرها حتى كيتݣنوااا مزيان)
أمال: (بغات تطلقها على سرواالها) ياك نهار فاش دخلتي علية سولتيني وݣلتلك واه
زهير: يانا؟!!!
أمال: واه والله نتا والله غير تفكر…
أنوار: (باس يد دعاء) وصااالح احبيبة؟؟ على صحتك وصحة لبيبي
دعاء: غدا نمشي لطبيب ديالي ونسولو
أنوار: (جارها كيبووسها فرحااان بشنووو قاالت…)
~~~~~~~~~~
أمال: وااه والله نتا والله غير تفكر (بقات ترجع بااللور حتى تعكلت فالزربية باغية طييح شدها من يدها مفلفضها من تمااك) اااااح
زهير: ݣولي راكي غير تزروطي؟!!
أمال: (بقات كتبكي حيت بالصح بانت فيه معصب وبزاااايد) انا نحيدها اليووم
زهير: (حس براسو غيدير فيها شي حاجة خاايبة نفسو مبقاااش قاد يطلعها) نهار ݣلتيلي راك تشربيها ݣلتلك ݣطعيييها ولا لا
أمال: (حركت رأسها بلا) لا
زهير: لا!!!
أمال: لا زعما ݣلتيها ولكن حسابلي ماشي داابا حتى ل.. (عرفت راسها غير كتخربق وكتزيد تعصبوو حتى الشوفة مقدااتش تكملها فيه)
زهير: (كيغزز سناانو) داابا نبغي نفرݣع لمك ديك الوااالدة نفرݣعها ولكن نهار اللول كنت رااجل معااك داابا غبري من وجهي (طاارت من حداه دخلت للدوش هز التيليكوموند خبطها مع الحيييط حتى تفرشخت وخرج راادخ لباب مخليها كتويل على شنو داارت… غير خرج خرجت هي ياله مشات كتقلب على تيليفونها تصوني على هند شافتو داااخل)
زهير: حطي علية داك لق****
أمال: (حطاتو)
زهير: دوزي ترݣدي (تخشات فبلاصتها خرج غير كيغوت ويحيح مقدتش تعاود تنووض بقات غير كتويل وتندم فرااسها دازت شي ساااعة وهي هكاااك كتقلب غير كدير تصاالحو مكتبغييهش يتقلق منها حتى بان زادح لباب عاود سدو بزديييح دخل للدوش خرج لابس شورط وتيشوورت دخل لبلاصتو جار ليزار علييه وعاطيها بظهر صااااعر وخاصوو غير معامن.. ضربت الطم حتى) طفي علية ولا نوض لووح مها من شرجم
أمال: راك هرستي التيليكوموند
زهير: (ضار خنزر فيها هي بغات توقف وقف بدود جنون جر لبرييز حتى كانت غتنتر التلفاازة طفا الضو ورجع لبلاصتو مركب فيها الرعب ولكن الأهم كاين معاها حيت مكتقدش تبااات بووحدها…)
~~~~~~~~~~
أصبحنا وأصبح الملك لله
ام دعاء: منين مكاينش خطر عليك ابنتي مزيااان حتى انا فكرت فهادشي وقلت خاص نوقفو معاه
دعاء: عرفتي فرح بزااااف اماما
أم دعاء: مزيان باش حتى هو يبقى ديما مهلي فيك ويديرك فعينيييه..
دعاء: معرفت كفاش نتصرف غنعجب عائلتوو
أم دعاء: بيان سييغ بنتي دعاء كاااملة ومتعجبش ولكن قبل خودي معاك دي كادووو
دعاء: ويي غير يجي نمشيو
أم دعاء: ولكن ديما تبقاي شاعلة تيليفوونك وغير توصلي اول حاجة ديريها سيري عند شي طبيبة او طبيب وشوفي صحتك وصحة لبيبي
دعاء: اه اه ضرووري اماما….
هند: (فاقت بكري لقات الحاجة فاايقة تصدمت ب3 سطولة ديال الكعك مقادين باينة دوموندات عليهم عند شي وحدة باش تديهم هند معاها عنقاااتها فرحااانة تساالمو على موعد يجيبهم زهير باش يحضروو لدخلة ديال جدااتها من الحج مشات لدار صااحبتها كان لباب مسدود شافت طموبيلة ديال زهير كاينة مزعمش تصدعهم وهي عارفة بيناتهم توتر ركبت فطموبيلتها وزااادت نيشان لدارها كانت ديجا جمعات حوايج وفاش كانت كتخرج بوحدها شرات شحال من حاااجة كولشي كان مجموع ضربت 8 ديال صبااح صونات على وليد واالو مجاوبش سدت باب الدار هبطت لتحت وبقات كدق كدق حتى حل ليها لباب عينيه بحرا كيحلهم وشعروو معنكش شافها وحل عينيييه) وسيييينو على بيبي كيكوون كيوووت فالصوبوحات
هند: سمو راكي ديري هنا؟؟؟
هند: (دخلت) وراه خاص نمشي احبيبي ولا نسيييت وزايدون صونيت علييك ونتا (جارها مخرجها) شنو تدير
وليد: فين مدرمة داااخلة؟؟
هند: وليييييييد
وليد: ياك ݣلتلك 9 عاد اجي
هند: بففف بحال 9 بحال 8
وليد: (حك جبهتو وبيدو طلع حط شعرو) داابا سمووو اهند؟!!!!
هند: (فرنست) طلع هز ليڤاليييز ديالولي هبطهملي (شاف فيها شوفة ديال نشدك نقتلك) ويااااله باش نمشيو نفطرووو (دخل بغات تدخل وهو يهز صوتو كيحنحن خرجت كظحك طلعت لدارها ربع ساااعة سمعات دقاان فتحت دخل كان مبدل لابس تيشورت كحل مع سروال كيطمة فلكحل وسبرديلة بقا كيهز الشانطات هبطهم لتحت سدات هي لباب وهبطت عندو)
وليد: راااحلة
هند: وصافي غنبقى دابا فااس قراايتي ساليتنا
وليد: اممم مزياان
هند: ياك مزياان؟!! باغي تسووسني اوالله لا تفكيت معاك اولد نعيييمة
وليد: ههه لا حولة ولا قوة الا بالله العلي العظيم كتحجي وتفكي غاا وحدك
هند: المهم باش تعرفها يا تكون لية يا تكون لية نتا عندك الحرية تختاار (ركبت وركب حتى هو ديمارا نيشان لقهوة دخلو طلبو فطوور كومبلي)
وليد: غير باش تكوني على باااال لقصير ولمزير نسااااايه
هند: وراه مبقيتش كلبس داكشي من شحال هادي
وليد: الله يهديك اهند ها الصيييف جا وعراااك
هند: اويلي على عرااك ؟؟
وليد: ها يديك مزال عرياانين
هند: كلبس تيشورتاات
وليد: اااه سمحيلي مقاريش فالدين بزااف
هند: هههه الدرة غنديرها غير صبر علية
وليد: اممم
هند: شنو اخر ابيبي
وليد: فوكما صونيت اهند جاولي مكيناش القضية ديال كنت مشغولة تكوني فطواليط جااوبي ولاد خالتك عمتك طاسييلتك معندك لغااا معاهم
هند: (كتاكل) امم كمل
وليد: وجدي لوراق باش نديرو لاكط
هند: (شافت فيه) نديرو خطووبة بعدا اوليد
وليد: ياك خاطبك من عند حناك
هند: هانتا سمعني خطوبة من بعد بشي سيمانة نديرو لاكط
وليد: وااخا
هند: (تبسمت) يخليك ليلي
وليد: فطري فطري (حنا كياكل وهضرة فهضرة حتى نااضو وصلاتو للدار عيا معاها تشد شي فلوووس مبغات تشدهم حتى عصبااتو … توادعو وشدت طريق وهو هز موطوورو ومشا حل المحال…)
زهير: (كان متكي على لوساادة كيشوف فسقف حتى حسها كتحرك باش تفيق شاف فيها ورجع شاف فسقف عليها كان يطيح الرووح ودابا وغير داك نهار فاش شافها مليوخة فبير كان عقلو غيخرج لدرجة مو طااحت سخفاانة وهو لحق بأمال عرف راه كيموووت عليها وفنفس الوقت حاس براسو معصب منها بزاااااااااااف جوج مواضيع حساسين اول متشاورااتش معاه فحاجة للي كبييرة واخا عارف علاش موقفها ولكن جااه سبب تاافه قداام حياتها وتااتي موضوع لولاد من ديما كيقولها باغي لولاد على الاقل يولدو واحد ويصبر حتى تبغي هي ونهار اللول قالها تقطعها.. شافها كتنوض ببرود زول عليه ليزار وناض من حداها كان لابس حوايجو حيت منعسش مزياان بكترة مكانت كتنفض وتخلع فالليل ونيت صلا لفجر بقا لابس حوايجو وغير متكي)
أمال: زهيير
زهير: (مجاوبهااش دخل للحمام كيعاود يغسل وجهو وهي على صباااح بقات كتبكي خرج سمعها كتبكي شاف فيها زفر)
أمال: والله حتى ݣلتها ليك داك نهار
زهير: لا
أمال: والله حتى ݣلتها ليك
زهير: (شاف فيها شحال) لوكان كنتي تبغيني كنعشقك ياانا ابنت الناس كنتي تبغي تجيبي ولاد مني ماشي تشربيها
أمال: (ناضت وقفت جات حداه) والله كنبغيك بزاااف
زهير: مبانليش
أمال: (حنات راسها كتبكي)
زهير: ياك ݣلتلك نهار نكونو نهضرو فيه متبكيييش
أمال: (هزت عينها فيه) مكنبغيكش تغضب مني
زهير: كفرتيني أمل كفرتيني
أمال: والله منعااود
زهير: شغلك هداااك حتى انا مبقيت باغي واالو
أمال: (قلبها زدح) لا باااغي باغييني يانا
زهير: (قلب وجهو مخليها على اعصاابها حتى شدت فيدوو)
أمال: هانتا راك غير معصب وصاافي شوية تبرد وترجع تبغيني ياااك
زهير: (شاف فيها ببرود وكيحس بيديها كيرجفو)
أمال: علاش مكتجاااوبنيش
زهير: (جر يدو بشوية) سيري لبسي حوايجك ياله نديك حدا مّا (خرج من لبيت وهي بقات متبعاه بعويناتها ممتيقاش راه كعا عليها ورجع بااارد معاها لهاد الدرجة وحتى من دموعها مشفعوش ليها عندو… بقات وااقفة شحاال محساات حتى مشاات لسرااجم دوزات الريدويات ومشات لبلاصتها جارة لغطا عليها ناعسة وعطيااها لبكى… تحل لباب عليها لقاها ظلمات الدنيا كيسمعها كتبكي غوووبش)
زهير: مالكي دايرة في روووحك هااك؟!!!! (لا رد.. زاد حتى لحداها شعل الضو كتبان ليه مكمشة) غتݣعدي ولا غتزيدي تشعليني عليك
أمال: (بصوت باكي) نتا مبقيتش تبغيني
زهير: واااه دبا غير تݣعدي
أمال: لا
زهير: (بقا غير كيشوف فيها شحال هي كتغمض عينيها تبكي شوية كتحلهم كتلقاه باقي وترجع تبكي حتى ضار وخرج… بقات كتنخصص ضااارها قلبها حتى سمعت الحس خشات راسها بين لوسااايد حتى سمعاتوو)
زهير: نجي لݣاه مزاال نحش لمك ركااابي (مع خرج طلت بعويناتها لقات فوق الطبلة بلاطو مغطي بسربيتة…)
فتيحة: مال بنتك مناااضتش تهز
كريمة: يا ختي حااولي على لبنت مزال حتى مضورت العام وبديتي تنݣري.. فتيحة باغيا ديري شغل لعݣوزات مع بنتي ويااا حسرة بنتك حتى نتي
فتيحة: اوا راها بنتي ونهار اللول ݣلتلك بنتي ولكن واااه سنااا حملات بنت لالة فطيم حملت كولشي للي تجوج ݣدها حمل وهي كل شهر نݣولو هاد شهر
كريمة: اوا ربي مزال مكتب
فتيحة: انا راني غير خااايفة ومجربة حر الضرة
كريمة: لواااه لواااه ولدك وعمرو ݣالها بغيت ولاد غير نتي يا ختي للي حامية فيك البيضة
فتيحة: اوا انا للي راني والدااه ماشي هو هاااا ودني راه جنس بااااه
كريمة: (بقات صاااقرة مقرووصة كأي أم بنتها مزال محملات وخايفااها طلق.. هزت يدها كتكب أتاي وحطاتو حدا ختها) رفدي
فتيحة: (هزت جغمت) سمعي بنتك راها هي بنتي ونتي عارفة معزة مريم ݣداااش عندي واخا ولات هي وديك الباااخصة الراس على الراس
كريمة: اوا ولدك للي جابها يعيشها معااكم
فتيحة: وااخا جااابها عارفاني منحملها منشمها وتبقى غير تيو تيو معاها علامن يهضرو غيكونو غير علية ويااا حسرة انا للي خالتها وعݣووزتها
كريمة: درك نهضر معاها
فتيحة: ديري لبنتك لعقل راه مكاينش للي يبغيلها الخير ݣدي تبقى متبعا ديك الكلبة حتى تخرج عليها وراك شفتي انا نعيمة ككانت حاطة لعين علييه….
~~~~~~~~
شيماء: (كانت كتغسل لمااعن وسااهية وتفكيرها وكان مااات وكان تشلل وبقا معذب بسبااابها فين فكرت منين دارتها هي عجبها كيف شاف انوار وتصدم ولكن لكبير معمرو اذاااها تهزت من صوت مها)
نعيمة: شيماء سيري هزي وسط الدار مرت خووك متݣدش تهزوو
شيماء: (بهدوء سدت الروبيني مسحت يدها بلفوااطة ومشات كتنفض وتهز وعقلها خدااام الحل للي عندها هو هند هي للي عارفة فهاد المجال وغتفكها… طلع نبيل خوها هاز شي وراااق)
نبيل: هلا ورااقك تجلبيهم نذبحك
شيماء: (مجاوبااتش حدها بقات كتدعي فيه فخاطرها)
نبيل: بلݣي فية عينيييك (حنات عينيها كتقاااد لوسااايد شافت ليلى داخلة متنكرش كتخاافها تفرشها مناش عرفت منعرف ولكن حتى هي فرشت راسها)
ليلى: تهضري دابا
شيماء: معندي منݣوول اليلى راه غير نتي للي معرفت شنو عندك فراسك سييري بعديني راه عندك بنااتك ودابا يكبروو….
أنوار: (غير كيشوف فيها وهي كتهضر)
دعاء: انا حاسة بيك شهرين باش جيتي هنا وقنطتي وبغيتي تشوف باباك حيت مرض.. (تبسمت فرحانة) داكشي باش فكرت نمشيو للمغرب ومنها نيت نتعرف على عائلتك (حطت يدها فوق كرشها) ويفرحو معانا بولدنا ولا بنتنا للي غيتزاادو
أنوار: لا مصاالحش
دعاء: والله من قلبي
أنوار: احبيبة (سكت مدة كيشوف فعينيها وهو كيفكر غير فشنو يقول) فرحت بزاااف منين فكرتيلي هاااكا
دعاء: حيت تنبغيك
أنوار: حتى انا نبغيك ونمووت عليك ولكن الحمل فاللول ديالو منݣدش نغامر لا بيك لا لبيبي
دعاء: ولكن نتا ماشي هو هداك
أنوار: الساعة الله احبيبة غير تكوني مزيانة نهبطو بجوووج
دعاء: (فرحت) كتفكر فية بزااف
أنوار: بزززاااااف (عنقها وكيفكر مكرهش يمشي ولكن كاينة خطوووورة كبيييرة واولهم زهير غيقتلو الا شدو وأكترية مزاااال داكشي جديييد مدازت حتى عاام من جييهة باااه كيف غيدييير وهو سبااب حاالتو وعرف غير هرب سخط عليه اما دااابا شنو؟؟؟ ومن جهة أخرى أمال كفاش غيتقبلها انها مرت عمو)
دعاء: ولكن ماشي حشووومة متشوفش باباك وهو مرييض؟؟!
أنوار: مرتي هي اللولة
دعاء: (تبسمت) يااا ربي يخليك ليا
أنوار: ياله حبيبتي متعييش راااسك سيري ترتاااحي شوية انا نرجع للخدمة وااخا فالليل نخرجو نتعشاااو على برا
دعاء: (باستو) باي بيبي…
أنوار: (ركب فالطموبيل وزااد داااايخ وكبتمنى نسييبتو ذكية تقتااانع ومتشكش انه عندو شي مشكل فالمغرب حيت الا مشا حتى وصل ودعاء عرفت هادشي مها غتحكم فيها وتخليها ترجع وهو يبقى تماااك ويبقى لا ديدي لا حب لملووك صونا على مو للي عاودااتلو زهير شنو دااار زاااد تأكد الا وطااا تمااك زهير غيكوون على القرص.. حدو رغبها حتى دات التيليفوون لباااه)
الكاملة: لكبييير ها ولدك أنوار بغا يهضر معاااك
لكبير: (حدو خنزر فيها فهمت جمعت يديها وهبطت كتهضر مع ولدها برا حيت الدار عمرااات والعرس قرب..)
الحاجة: ولدي مالك مع ولدك
لكبير: (مكيهضرش)
الحاجة: الله يحنن قلبك علييه غلط واااه ولكن ماشي ݣاااع تسخط عليه مشا بحالو بحال ݣرااانو يݣلب على دراااهم ويدييير علاااه يرجع
لكبير: (والو مكيهضرش حدو فهم خووه علاش مبقاش سول فأنوار فديك الليلة وغبر وللي كمل عليه مجاش ݣالهاالو وعلم الله شحال دااالو.. ندم علاش داافع حتى على لكاملة وخووه صغير ريتو خاارجة مرتو كانت غتمووت وهو مزاال مآمن ان مرتو ميمكنش تقتل….)
الحاجة: الكبييييير
لكبير: (حرك راسو باه ولكن باين ماشي هو هاااك..)
~~~~~~~~~
زهير: (دخل للمحال ووليد مشا للمحال للي غيفتح هو ومحمد باش غيحلوه هاد ليامااات وولي لقاو ݣراااج حدا زهير بينهم غير محااال كان ݣراج طوييل فيه غير الالكترونياتان.. بقا بالو غير مع أمال والوقت كامل كيحاااول يلقاالها شي عذر ليييها وميعمرش رااسو انها مبغاااتش لولااد منو… هز تيليفونو لقاها مصيفطة ميساج كيقراااه) **اجي عندي ازهير** (بقا كيشوف فداك لميساااج قوس عييينو) امحاااااينك نهار جا لميساج جا وانا مكشكش….
زهير: (غير رجع عندو وليد) صافي نضيتي صواالحك؟!!
وليد: وااه شي سيمانة ونحلووه
زهير: مربوووحة
وليد: تمشي
زهير: وااه روح داابا لغدا درك نجيبو معايا
وليد: مشاااات (هز تيليفونو شاف ميساج جاه من نمرة غريبة) مزال مسالينا أمور (هز حاجبو ردو لجييبو شاف فزهير كيشوف فتيليفونو) سمو تما
زهير: هاد بنت عمك شي نهار طيحني
وليد: ههه وراه طيحااتك
زهير: لا دابا بلفقاايس
وليد: هههه هادي للي منتييقش
زهير: ݣاااع لا اصلا كولكم سلعة وحدة غير للي يشعل فجدكم وقييدة يحرݣ لخرا كاامل
وليد: ههه برد كولشي يتحل بالتفااهم
زهير: (هز سوارتو ومسائيلو وتم هابط داز عند دروݣري خدا شي حاجة ونيشان لدارهم فين لقاها عمرات عااود.. مشا نيشان لدارو حل لقا أمال كتجفف وطالقة السيمو العيساوي هز حاجبو حسابلو غتكون كتبكي ولا مقلقة) حممم
أمال: (وقفت كتشوف فيه) جيتي؟؟
زهير: (مهضرهااش طلع لبيت نعاس وبقات متبعااه تنهدت كملت تجفيفة اصلا الدار كانت نقية غير مبقات مدير أما هو طلع بدل حوايجو لبس حوايج تكرفيييس قلب على لبلاطو مكاينش حيت الدنيا مجمووعة هبط مبانتلووش دخل للكوزينة كيقلب لقاها جالسة دار راسو بغا يشرب لما هز كاس شرب وخرج وهي غير متبعااه معرفااتش كيدير تهضروو تبعااتو حتى سد لباب وقفت غسلت داك الكااس حتى بانلها فجنان شوية وغبر طلعات لبيتها كتجري لبست جلابة خفييفة لوات شال على راسها وتمات هابطة مع خرجت تصاادفت مع الكاملة كتهضر ابيل فيديو مع انوار)
الكاملة: هااا لمتعووسة (قلبتلو الكاميرا.. أمال مفهمت والو شافت مبانلهاش شكون بالظبط اما هو بقا كيشووف فيها قلبت مو لكاميرا) راها تساارا كبغات
انور: ردي الواليدة التيليفون نشووف
الكاملة: (ردااتها متبعاها حتى ضاارت كتزرب فلمشية عاد دورات التيليفون وكتوريه ححنكها للي مزالة دايرة فيها الفاصمة وحتى ودنها) شتي يا وليدي
أنوار: بسلامة من بعد ونصووني (قبل متهضر قطع وبقا غير كيفكر وتفكيييرو هاد الأيام غير فيييها..)
أمال: (لقات زهير كيخلط السيمة حدا لبير مشات حداه حتى وقفت علييه) بغيتي نعاونك
زهير: (شاف فيها شحال) غير للي يعاود يلووح مك هنا
أمال: (فرنست) وتسخاا بية
زهير: (شاف فيها ورجع غووبش وحنا راسو كيكمل شغلو)
أمال: متݣدش تسخاا بية
زهير: رييتي وقربت ناكلها بسبااابك ياا جدك وتݣووولي نسخااا (شاف فيها) ݣطعي علية زبل نهار اللول ݣلتها
أمال: واخا حبيبي
زهير: (شاف فيها وتبسمت) يااا جدك
أمال: ههه شنو كديري
زهير: (زفر) كنسد لبيير باش لمرا جاية يلوحو مك نيشان فشي خلا
أمال: والله ميݣدو
زهير: اممم
أمال: والله حتى نوري هدا للي يبغي يدير شي حاجة مرانيش سااهلة
زهير: جيبي ديك لباالة (نقزت تجيبها جاتها تقييلة)
زهير: نتي غير بكييلهم وهوما يبعدووو
أمال: ههه (شدها من عندها) انا معايا سيييد رجال ݣاع منخااف…
التتمة بعد قليل منين يتجمعو لبنات
أمال: (بقات كتهضر وهو خداام مسكتاتش بالفرحة حيت تصاالح معاها هو كيسمع ليها حتى طلع داك لبير متر وحط فوقو حديييدة… كان زهير عمر بالسيمة) خاصك دوش
زهير: متعاوديش تݣربي من هنا
أمال: (حركت رأسها بلا) وحتى هاديك متهاودش دخل هنا
زهير: راه سمعتي سمو ݣلت لبارح.. ياله زيدي
أمال: واش غيبداو العرس؟؟
زهير: اممم
أمال: علاش راك مزال تهضر معايا هاااد
زهير: زيدي للدار وتماك نهضرووو (تبعااتو كانت دار الحاجة بداات تعمر زربت حدا زهير حل لباب ودخل نيشان للحمام لتحت) جيبي لبس شي حاجة (مشات طلعات جابت ليه تيشورت بشورط ديالو بيل صماطي وهي بقات بلبيجامة وزولت الشال وهبطت كتسنااه يخرج من الدوش..) أمل
أمال: هاني ازهير جبت ليك لحوايج
زهير: دخلي مديهملي
أمال: (طرطقت عينها هادي مكانتش على لبال) حم (حلت لباب مابغاتش يزيد يكعى كان الدوش مسخنو مزيان حيت كانت ضباابة لقاتو واااقف ملابس واالو وبالصدمة عينها كتمشي نيشان ل🍌 والمشكل كان وااقف رجعت شافت فيه زعما مشفت واالو) فوطة؟!!
زهير: رواحي
أمال: غيعمرو لحوايج بلما ويفزݣو
زهير: خليهم يفزݣو كيعجبوني فازݣين (مد يدو بغات تمد ليه لحوايج لاحهم وشد فيدها جارها لصدروو مخلياها مكالية بيدها) ياااو منااش خايفة ياااجدك مانييش مافياااا راه رااجلك
أمال: هااا لا غير هو…
زهير: شتتت بلعي شوية هاد لفم (سكتت كتشوف فعينيه كما هو) ݣطعتي لكينة
أمال: امم (حركت راسها باه) والله
زهير: بغيتي تساافري
أمال: واااه (حست بلبكية) تخنقت ازهير والله حتى تخنقت
زهير: (رجعت شوفتو للحنية) وعلاه متجينيش وتݣووليها
أمال: كنتي خدام وعارفة وليد مكاينش داكشي علاه
زهير: واشتا ݣلتيها وانا ݣلت لا!! لتعاودييش تفكري منك رااسك حتى منعرف شنو يركب فجدك بغيتي تحوسي رواحي لعندي وݣووليها
أمال: (حطت راسها على صدروو للي كان سخوون ومزال فاازݣ ولكن بغات تعنيقة ولقاااتو واجد….)
هند: (وصلت مسخسخة نيشان مشات الفيلا للي كانت سبقات ليها خاالتلها دخلات) saluuuuuuuuut
الخالة: لالة لعروووسة عاااد
هند: وي (تسالمو بليبيز ولكن حنك مقاايس حنك لوخراا) نتي بزااف هنا
الخالة: اممم جيت باش نتول هاد لبلاصة ونخايد لغبااابر
هند: امم مزيان انا نمشي لبيتي نتكى شوية
الخالة: ويلي استغفر الله العظيم على تكاااي لا جيتي تعاوني
هند: انا مجييتش نعااون والا بغيت نخمل غنجيب شي وحدة تشقلب الفيلا تردها تتشعل ونخلصها تمشي
الخالة: اوا وشكون يتقدى معايا
هند: خااالتووو فيا نعاس من بعد ونجي نهضر معاك (جرت باليزتها ودخلت صونات على وليد) بيبي توحشتك
وليد: مبقى واالو نخلي حبيبتي ݣاااطعة داك الوحش
هند: هههه (سكتت كتفرنس) وكان شفتي انا
وليد: ههه ياله رتاحي شوية شي جوج سواايع ونصوني علييك
هند: اوكي بيبي
وليد: اجي ياكما كاين داك خينا
هند: لا والله مكاين
وليد: اممم
هند: والله مكاين وحتى الا كان انا ماشي ساااهلة لييه
وليد: خليني من هاد الهضرة كانت شي حاجة ݣوليلهالي يااانا (كمل معاها الهضرة وقطع.. بقا جااالس حيت هاد لوقيتة دالقايلة قليل فين كيجي شي كلياان حتى دق احمد معاه وحدة.. شافها وليد عرفها) دخلي (دخلات ليلى المحامية.. كانت لابسة كلاص سروال توب جاي سليم مع شوميز فلبيض ولڤيست إيڤازي مع سنسلة طويلة وشعر كوب شوفال سبقاتها باغفاان ديالها جلست فكرسي كتشوف فيه وهو مقوس عينيه فيها…)
~~~~~~~~~~~~
زهير: (كيشوف فأمال وحط يدو على كرشها) خاص ضرووري احبيبي نمشيو لشي طبيبة
أمال: (كانت تقسحاات بزاااف حتى بقات كتبكي.. حركت راسها باه) ولكن نتا ݣاع نوݣف منين كنݣولهالك
زهير: مكنسمعكش
أمال: (غوبشت) كذاب
زهير: ههه واش ظني احبيبة توݣف وانا مكنبقى حتى عااقل واشتا كنت ندير (قرس جنبها) ياااجدك مكنشبعش منك
أمال: (عطااتو بظهر وهو يلسق عليها خااشيها فيه معنقها كيبوس فعنقها ومرة مرة كيشدها حريق خفيف وبكترة مكيلمس فيها محست غير عينيها كيتغمضووو وحتى هو جر لفرااش عليهم وبقا على حاالتو حتى نعسووو…)
~~~~~~~~
حسن: غدا ان شاء الله غنديرو لاكط
شيماء: ان شاء الله
حسن: مݣلتيليش شرووطك
شيماء: (بقات غير دايرة التيليفوون فوق ودنها ودماغها سااارح) معنديش
حسن: (عجبو الحال) كولشي ديالك ابنت النااااس
شيماء: (تنهدت) واخا نجي لوجدة احسن غنبقاو نتلقااو نخرجو ولكن شي حاجة اخرى حم.. حتى العرس
حسن: (فهمها) يكون خير
شيماء: لا واعدني
حسن: صافي يكون خير.. ياله واحد شوي ونصوني علييك…
شيماء: (قطعت وبقات شحاال جاالسة قلبها غيسكت بالخلعة كل نهار كيزيد التوتر الظغط الخلعة إحساااس خاايب كتعييشو شنو دير وكيف تصرف… دخلت مها عندها للي عجبها الهدوء ديال بنتها وفهمت انها بقات كدير عقلها وهادشي من نهار الخطبة جابت ليها الجلابة من عند الخياااطة لليدارتها باش تعقد بيها….)
زهير: (بحرا كيحل عينيه من صوت التيليفون لقا راسو معنق أمال وضاربي احسن نعسة عريانين.. مد يدو هز التيليفون كان لفكس ديال مو جاوب) امّا
الحاجة: وينك وليدي؟؟
زهير: انا فداري
الحاجة: رواح اوليدي تجيبلي شي صواالح الا كنتي مساالي
زهير: واااه الا راهي خديجة معاك كتبي فورقة وانا نجي نديييها
الحاجة: وامال؟؟
زهير: معندها مدييير تم امّا حتى الليل ونجيبها لحداااك
الحاجة: واخا وليدي (عيطت لحفيدتها وبقات تفتي عليها فورقة) سيري ديه ابنتي لدار عمك
خديجة: (كتلبس حوايجها) واخا امّا (هزت لورقة كانت الدنيا عامرة حيت عرس ختها ودايرين رجال والفقهاء فدار جداها كموالفين كيديرو فأي عرس.. دقت فدار عمها وهي تعيط ليها الكاملة) خديجة رواااحي
خديجة: (مشات عندها وسلمت عليها) فينها جيهان امرت اخالي
الكاملة: راكي ماشية عند دار عمك
خديجة: واه
الكاملة: اممم علاه مرتو متجيش لدار حنااك
خديجة: تجي.. تجي يمكن
الكاملة: اممم (شافت باب تحل) إوا سيري (مشات كتجري كان زهير خارج لابس فوقية فالأزرق الملكي سلمت على عمها ومداتلو الورقة)
زهير: العرس على حسابي ولا ههه
خديجة: ههه فينها مرت عمي؟؟
زهير: ها هي هاودة؟؟
خديجة: صافي باش تجي معايا
زهير: لا غير سيري ابنتي (جات أمال كانت لابسة جلابة خفيفة فلكريب مخيطة بلونها.. دار يدو على كتاافها) ياكما تخرجي معانا اخديجة
خديجة: (تسالمات هي وامال) خاص رجع اعمي راني نعاون فيهم
زهير: إوا سيري أمل ياله (سدو لباب وتمو خارجين ركبو فالطموبيل وهوما مقشبيين حتى خرجو هادشي تبعاتو الكاملة للي غير كتشوفها كظحك كتݣرض على 16…)
~~~~~~~~
وليد: انسة ليلى اش حب الخاطر
ليلى: كانو بقاو شي اجراءات مكملووش
وليد: سمو هوما؟!!!
ليلى: على سلاح كنت درت طعن فالحكم
وليد: وااا هو بلاش كون غير خليتيهم شادينو
ليلى: ولكن صاحبك زهير هو للي قالي بغيتو
وليد: اممم وشنو وقبل الطعن؟!!
ليلى: اه ومن دابا شي يوماين غتعاود الحكم فييه
وليد: ودابا جيتي تخلصي؟!!
ليلى: (بقات كتشوف فيه شحاال بحال متوقعاتوش يقوولها هو هز حواجبو زعما شنوو) مبغيتش نجي عندك
وليد: تجي عندي انا!!! علاه؟؟؟
ليلى: معرفت غير قلت
وليد: سمو كان جامعنا باش تجي عندي
ليلى: (حست باحراج كبير) خدمة
وليد: ودرتيها وتخلصتي عليها
ليلى: انا جيت قلت ليك مستجدات جداد
وليد: ماشي قضيتي انا سيري عند الشخص المعني نيشان ياك هكا كتݣولو
ليلى: تعاملي كان معاك نتا نهار اللول
وليد: ههه ولسقات فية غير انا
ليلى: انا ملسقتش فيك
وليد: مݣلتش هااك
ليلى: (جاتها لبكية شحال وهي كتوجد باش تجي تلقااه وتشجع فراسها وفالتالي لقات منو هاد التعامل جاتها قااااسحة وبانت فيها بنبرة مخلطة بلبكى) سمحلي (وقفت بغات تهرب تخبي دمووعها)
وليد: جلسي
ليلى: (كتجمع لوراق للي حطات فوق لبيرو ودموعها تسرسبووو)
وليد: تهدني وجلسي… (وقف حيت مكتسمعلووش وبقا حدا لباب) انا بغيت نفهمك حااجة (شافت فيه بعينين دامعين) انا للي بغيت نوصل ليك حنا جمعاتنا غير خدمة وصااافي
ليلى: اممم
وليد: وااخ انا نجيب ليك لمااا جلسي رتااحي (جلست كتحاول تخبع دموعها بيدها وهو خرج مشا يجيب قرعة ديال لمااا…)
زهير: (مشا عند لهري للي كيتقدا منو خدا كولشي خلص ودارهم فالطموبيل طلع وهو يحط يدو على فخض امل) اوا زين ديالي وين؟؟؟؟
أمال: (تبسمت) بغيت طاكوس
زهير: (قرسها من شنايفها) احح على التوت تشهى طاكوس
أمال: أحاااي (مشاو كلاو بجوج بقاو ضايرين بجووج وموسقين كيهضرو ويظحكوو حتى حس بيها فوجاات وتمو شادين طريق للدار) عجباااتني الخرجة
زهير: نعاودها لحبيبتي
أمال: ونتا عجباتك؟!!
زهير: نكون غير حداك الدنياااا كتكووون زااهية عندي (فرنست مشاو للدار هو دخل تقدية وهي مشات للدار لبسات قفطان جوهرة وقدات الشال وحتى وجهها واخا جاتها القنطة بلا هند مشات لدار الحاجة فين لقات زهير على برا طلعها وهبطها متكي على الحيط ديال الدار ودوك الشوفات للي كيحمقووها.. دازت من حداه كتفرنس دخلت تابعها محدها كطلع درووج وهو كيسرفق الترمة وهي كظحك وصلو ودخلو سلمات على للي تمااك وهي تلسق حدا الحاجة كوصاها زهير دازت الليلة على خير حيت الكاملة كانت فبيت مولاتش خرجات وأمال مدخلاتلوش كملو الفقهة تحط لعشا.. وكملو ليلتهم فسلااام…)
~~~~~~~~~~~~
أصبحنا وأصبح الملك لله
شيماء: (جالسة حدا باها وادم ومن الجهة الأخرى حسن وبااه عيطوولهم ودخلو عند لعدول كانت غتسخف حاسة براسها ماشي هي هاديك دخلات وهي بين عينيها غير منين فرݣعها اشرف جلسو من بعد لعدول خطب داك الخطاب ديالو تافقو على صداااق 15000 درهم بلا ذهبها ودهازها وهي غير ساااكتة حانية راااسها حتى سولها لعدوول)
….: شيماء بنت احمد*** واش قابلة ابنتي تزوجي السيد حسن ولد محمد**** على سنة الله ورسوله
شيماء: (شافت فلعدول شحال اصعب قرااار رمشت عينها جوج مرات وتنهدت بشوية شافت فباها للي كيتبسم وحتى خوها حنات راسها بصوت خافت) واه (حسن تبسم وكولشي بقا ميباارك ناضو سناااو وهي كتشووف شريط حياااتها بين عينيها وخصوصا من نهار مشاااو لوجدة بحال شي واحد ميت كيشوف كولشي قدااام عينو هكا حسااات حيت داااخلة الحرب يا غتغااااامر ياا غيوقف معاها الحظ… عطاها حسن جوا فيه لفلووس ماشي صوااب منها ولكن محساات حتى مدااتو لباباااها للي شدهم عندو بنية حتى يمشي للدار ويعطيهم ليها ولكن عجباااتو هاد الحركة خرجو من تماك وهي غير صااااقرة لبكية واحلة ليها شحال ندمت على حبها الاعمى لمريييض للي حباااتو لأنوار شدها من ذرااعها ضارت مخلووعة بحال عمر شي ولد لمرا حط يدو علييها)
شيماء: لا لا انا هضرت لبارح ݣلت ليك شنو كاين
حسن: (مفهمش) شنو؟!
شيماء: (دورت عينيها كتقاد فولارها بتوتر كبير) واالو كنت غير سااهية
حسن: مبرووك علينا اشيماء
شيماء: (بابتسامة صفرا) الله يبارك فيك
حسن: تبغي نمشيو لشي بلاصة؟!!
شيماء: لا لا نمشي للدار
حسن: خالتي نعيمة وكولشي راه فداارنا راكي عارفة غتغداو معانا ولكن قبل نخرجو انا وياك نهضرو شوية
شيماء: لا عفااك نمشي عند ماما
حسن: (شاف فرجال للي كيظحكو بيناتهم مجمعين) سبقوونا حنا بلاتي ونجيييو (بقات كتفتف مشا لطموبيلتو فتحت لباب حتى هي وركبت جلست كانت طموبيلة داسيا داستر زوينة) ديري الصمطة (دارتها) واخا خداام فلميليتير كنبغي نطبق القانون باش حتى واحد ميحل علية فمو وانا كنمشي مرتاح فراسي (حركت راسها باه زاد فطريق كيهضر على خدمتو ولݣراد ديالو للي كان يوطنو وفنفس الوقت كيقري les étudiants فالأكديمية وهي غير كتسمع حتى من دارو للي فوجدة عاودلها انها خاوية وغيبقاو يعمرها شوية بشوية حيت كان فيها داكشي غير ديال زوافرية وحتى من قرايتها هضر عليها انها تكمل وحتى الا بغات تخدم خدمة معقولة معندوش مااانع شي ساعة وهو كيهضر وهي غير مرة اممم مرة اه… كولشي للي قالو ما فيه ميتعاااد المشكل للي كاين هو هي…)
زهير: هز اصاحبي الطموبيل وسير حضر مع ختك وشوف واشتا خااصهم واخا بااك كاين خاص تكون حتى نتا
وليد: اودي لوراق للي دارووها
زهير: صافي خلي لي كارطا ديالك انا نمشي نجيبهم من المقاطعة بلاتي
وليد: اوا الا هاك نمشي بانا وغدا رجع مع حسن
زهير: (حطلو سوارت) ها سواارت اصاحبي
وليد: لا غرجع معاهم وزايدون خلي الطموبيل عندك متعرف سمو تحتاجها
(خدا فلووس حيت واخا صاحب زهير الا دايرلوو صالير ديالو وللي زايد على درااري مشا فطاكسيات نيشان لتاوريرت.. تفكر ديك المحامية فاش رجع ملقاهااش حس براااسو بحال توشااها ولكن فضل هكاك حسن ولا كل مرة تنقز حيت عرف انه عااجبها.. مدة وصل لتاوريرت مشا نيشان لدار حسن وللي كانت ڤيلا ماشي كبيرة ولكن مقااادة بحكم اب حسن كان بيلوط فلعسكر وخدم شي سنوات فالإماراات للي خلاه مرزق شوية.. دخل بترحيييب كبيير منهم وخصوصا وليد للي عزيز عند كولشي فالصالة الاخرى كانو لعيالات نعيمة شيماء سناء وماماها فتيحة ومريم وحتى ليلى ومرت حنينهم وشي عيالات من عائلة حسن والناس للي كيتسخرو عيالات خوت حسن حيت بيهم 6 دلخووت ومعندهم لبنات.. شيماء غير كضور عينها كانت الدار زويييينة ومفرشة فراش ديال لفريييع وكولشي كيتعامل معاها مزيان تخطبات لأنوار وحتى واحد مكان كيعاملها مزيان وكانت كتموت على ولدهم اما هادو دايرين ليها بحال لما لقليل ومعاجبها حاال ولكن ماشي حيت مباغاش غي حيت خاااااايفة من اكبر شوووهة غداار ليها.. تحط لغدا للي كان مضخم 3 دلماكلات وبكمية كبييرة عاد الديسير لحلاوي ولعواصر مخلاو محطو.. جات عݣوزة شيماء للي عطاتها وهي متبسمة 3 تفصيلات جلابة جوهرة وساري كولشي كان زوين عاد عطات انعيمة تفصيلة وسناء وحتى فتيحة لوخرين بلغة لوحدة)
ام حسن: كراها أمال بنتك ولفت شوية
فتيحة: الحمدالله الحاجة راها مزيانة فديواانها
ام حسن: ربي الا مسلمي عليها شحال عندي عزييزة بنتك
فتيحة: امم الله يسلم عليك الخير وربح.. (بقاو مجمعين حتى ناضو باش يمشيييو خرجو رجال ولعيالات كانت وااقفة مع ضارت عيطلها حسن ندمت علاش ݣاع ضاارت مشات حداه)
حسن: جلسي تباتي معانا الا بغيتي
شيماء: (تبسمت) مرة أخرى
حسن: اليوم لا؟!!
شيماء: لا عيانة شوية (شاف فيها زعما شنو) مضرني كرشي (نواتو انها ليغيݣل)
حسن: جلسي ونمشي نشريلك دوا
شيماء: (تبسمت) مرة أخرى والله ياك نتا غدا ماشي
حسن: واه نتي فوكاش تجي
شيماء: (بغات تݣجمو) الا بغيت نتا نجي السيمانة جاية باش نبريبااري
حسن: (عجبو الحال) واه لويكاند نجي نجيبك
شيماء: ولكن غنسكن مع خويا
حسن: ههه راه راجلك ابنت الناس
شيماء: لا لا حتى العرس ونسكن معاك (بقاو كيهضرو ووليد حاضيهم كيشوف حسن كيظحك وكيشوف فختو باعجاب كبير وباين متفاهمين من نهارى اللول عرف حسن ولد الناس ويليق لختو ودابا يقول تهنى عليها حيت مزوجة انسان معقول… توادعو معاهم ووليد وحسن دارو يتلقااو فالقهوة راه ولاو نسااب دابا… نعيمة فرحتها مقادة تعطيها لحد وعاجبها الحال اصلا كولشي فرحان من غير المعنية بالأمر حتى فتيحة عجبوها دوك الناس وكولشي شكر فيهم وشكرو حتى فرزااانة ديال شيماء للي ولات فيها.. وصلو للدار محمد ممشاش طلعو لعيالات وهو بقا مجمع مع وليد للي كيعاود لمحمد شحال حسن مزيان)
محمد: (غيير كيسمع حيت عاارف شنو كاين ما وراء الكواليس وهادشي زاد كرهوو فشيماء للي غتمرمد راس مها باها خووتها وحتى هوما فالارض بسبب طيشها وتبرهيشها.. الا ادا داارت شي حاجة وعارف شيماء بالمعنى الواااضح رجعت خبيييييثة وميتااقش فيها..)
هند: (من بعد توجيدات كبييرة جداتها غتجي فالليل فرحانة كتر من بزااف.. الدار كتشعل كولشي مقاد فبلاصتو كما كتبغي الطيابة قايمة بشغلها والدار بقات كتعمر بالعائلة والاحباب هند لبسات جلابة شراتها طاالعة عند وحدة كتعرفها كتخيط غير لفريع قدات شعرها مشيطة خفيفة وبقات هازة لكليب ديالها معنقااه حتى شافتها وطرطقت عينها فرحااانة مشات كتجري كظحك) كلبااااااااااااا
أمال: ههه شتي شتي
زهير: وكان يانا للي ݣلتها وكان راك نافخة علية دوك لحنوووك
هند: (بقات معنقااها) أحسن مفاااجئة والله علاش مجبتوش الحاجة..
زهير: والله من لعرس نيشان لهنا ومّا بقات مع خويا راك عارفة واشتا صاااير
هند: ااااه الله يشافي عمي لكبيير دخلو دخلو
زهير: ها هي معاك انا نخرج
هند: الاااا دخل راه كاينين رجال فالجردة
زهير: درك نولي (شاف فامال) خاصك شي حاجة؟!!
أمال: لا
زهير: الا بغيتي شي حاجة عيطيلي (خرج وهو كيتمنظر كانت فيلا راااقية ومسرووعة دخل لطموبيلتو وهو يدوز وليد) فييين اشرييف
وليد: هاني فالمحال.. كلݣيت الدنيا
زهير: زااااهية
وليد: ههه واه جات معاك ابن عمي يانا هنا محشي بين لفراش ونتا مساااري لا وفين عند مدامتي
زهير: ياك غدا غتجييو
وليد: اوا حضي راه كاين واحد ولد **** تما طال زمان ولا قصار غنفݣسو
زهير: نفݣسو والديه علاه واشتا راحنا نسااينو
وليد: على القرص ههه
زهير: ههه ياله سييير راه هضرت ليك مع أشرف غيجيب ليك الطموبيل حتى لعندك المحال وشد طريݣ لدوااركم
وليد: صاافي مشاات…
زهير: (جبد ݣارو كيكمي كيشوف للي داخلين بحال معروضين لعرس ماشي كيتسناو الحجاج ولكن مجاتوش غريبية بحكم عائلة هند للي منفتحة زيااادة على اللوزوم ولكن هند علماااتهم المظاااهر خداااعة والألوان كيغلبو فاللول… شوية صونات أمال للي كانت ظاربة قميص فوقو بحال شكل سلهام وفالهصر لاوية مجدوول كانت جاية خطيرة مع شديدة وشوية ديال لمكيااج للي فهم منو هو غير لكحل علماتو انهم غيمشيو للمطار خرجو عندو لحدا لباب فين كان كيتسنااها خرجو بنات قدامهم مشيكيين الحالة روائح وشعوور وجلالب إيڤاازي شاف شوفة عادية طرطقت أمال عينها وحمارت من حنيكااتها وقفت حداه ضارباه بكتفها)
هند: ياله مشيينا
زهير: واااه
أمال: الا زعما كنتي مساالي
زهير: (باستغراب) سديت الشركات للي هنا ولكن نشوفلك شي رونديفو
أمال: ياك ازهير
زهير: ههه امالكي ابنتي
أمال: والو والو
هند: (كانت ركباات هي حلت لباب وطلت) وياله
أمال: (زادت راكبة ناافخة هو بقا غير كيشووف)
زهير: يااا محياانك نص ميترووو محنة جد اصل مّا….
مشاو مطار سايس فاس بقاو تماك حتى جات طيارة ديال فرنسا حيت الجدة مشات من فرنسا ورجعت عند بنتها وجاو مجموعين.. من بعد عناق حااار وترحييييت هند كانت غير معانقة مع حناااها
زهير: (راجعين من المطار) أمااال جدك نتي ݣالبة وجهك
أمال: واالو… (ضربها لفخضها وهو كيصوݣ) احح (كتحط فيها) شوف نتا
زهير: مشت واالو
أمال: صافي والو (سكت حتى هو وصلو للدار دخلات أمال مع لعيالات وهو بقا مع رجال حتى تعرف بشي وحدين شد معاهم جموع.. هند فرحانة مرة مع جداها مرة مع أمال للي مخلاتهاش بووحدها تحط لعشا للي كان فااخر وبزاايد كولشي بقا كيمشي بقاو غير ملاين الدار.. تم داخل زهير)
زهير: أمال ياله نمشيو..
هند: اويلي على تمشيو جلسو تبااااتو (عياو معاهم واالو مبغااش)
زهير: الله يخلف غدا ونجيو نيت فالخطوبة
ام هند: علاش غدا الخطوبة
هند: راه قلتها ليك اماما..
ام هند: واش صاڤاپا نتي امتى قلتيها
الجدة: الله يهديك ابنتي غير انا شحال قلتها من مرة
ام هند: ضبر راسك اصلا نتي متتسوقي لحد متتشاوي حد
زهير: حم (خرج عينو فأمال باش تبعو وخرج.. هند ممسوقااش حيت للي عارفة غدا عندها فرحة مخاصش للي ينغص عليها تسالمات مع أمال ووصلات معاها الباب.. زهير وأمال مشاو لوطيل للي قبيلة فاش خرج بوحدو ريزيرڤا شومبر دخلو فالمصعد)
زهير: تعقلي؟؟!
أمال: (تبسمت) واه..
زهير: الله يسمح ليك داك نهار ضليت مق** عليك
أمال: أحاااااي (دارت يدها على حنكها)
زهير: مترقديش الهم اليوم نفدي غدايد ديال كل مرة شاد ليك شوومبرة وحدك وانا نظل محن…
~~~~~~~~~
شيماء: (منين كدخل بيتها او طواليط كتبقى عاطياها غير لبكى لماكلة غير كتنقب باش تبان عادية قدامهم وحتى من حسن عاطيااه صواابو فالتيليفون كتجاوبو وأغلبية غير كتسمع لييه هي مكتهضر مكتعاود…لدرجة قال هدا هو طبعها.. وجدو قوام الخطوبة للي خداوه موفيين وشحال من كادويات جابلها من بلجيكا معاه لبسو تقااادو وشدو طريق كولهم دارهم ودار عموو… اما عند هند بقالها غير طير بالفرحة وكتوجد وتقول موجدت ومعاها أمال كتعاونها لبست قفطان فلموڤ وقدات راسها كانت العائلة حاضرة وديجي فالجردة كولشي موجد حتى عرفااتهم قربوو وهبطت طلقت لبخووور للي جابت حداها من النوع لمزيااان…)
هند: ناااري أمال واش حتى نتي شدااتك الخلعة فالخطوبة؟!!
أمال: علاه انا تخطبت انا نيشان داني لعدووول
هند: ههه ويلي ويلي واش انا نسى داك نهار.. بفففف ههه الخلعة كنتسنى غير امتى يقراو الفاتحة باش نديرو الرئية الشرعية
أمال: ههه حمقة والله… (تبسمت وهي كتفكر داك نهار بقاو ذكريات زويينة سمعو صلا وسلاااام.. بقات هند فبيتها وأمال هبطت كتشووف….)
أمال: (مشات سلمات على كولشي وصلت حدا مها حست انها مكتعرفهاااش شافت فزهير للي دار إشارة براسو باش تسلم مشات حداها شدت ليها يدها باستها وتعلات سلمات عليها ولوخرا غير هازة زناافرها زادت بعكازها ومريم شداها من ذرااعها… استقبلوهم عائلة هند للي كيحنززو ويعبرو الواحد اما سي وليد كان لابس سروال لاطوال مع شوميز فلبيض وفيست فلكحل مقاد الحالة وهاز فيدو بوكي دلورد مأنتك)
زهير: (قرب حداه) حسييتك رطب ونتا هاز الورد
وليد: (شاف فيه هاز حاجبو)
زهير: هشييش ابيبي
وليد: هه (حرك راسو بلاحولة.. ددخلو رجال لصالون وهادشي هند علمات جداها انهم مكيتخالطووش اما هوما عندهم عادي ونسا فصالوون نعيمة متبسمة فرحانة لولدها والجودة كتهضر معاها اما ام هند غير كتشوف وكتعبرهم جاوها سواااقيين ماشي من التيفو ديالهم أكترية حيت لعيالات كاملين دايرين الإخوان ولكن ماشي بطريقة عصرية عاد لكبار الفولار نازل حتى لكتاافهم فوق جلالب وجاها مبلدن بزاااف.. ناضت مشات لصالون للي فيه رجال دخلت رادة لافخوونش من مور ودنيها زيد شادة بيه جلايل ديال تكشيطتها)
ام هند: واحد دقيقة اعبد الغافور (ناض لعندها للي حنا راسو وللي بقا كيشووف خرجات كتعوج للجردة للي مقادين طوابل فيها بتريتور والورد ولابسين نقي وكولو ضوااو وقفت وشافت فيه) كجاوك هاد الناس
اب هند: معقولين
ام هند: بففف جاوني فولݣييغ شوية لا؟!!!
أب هند: شفتي علاش تفارقنا دغيا تتحكمين فالحاجة قبل حتى متعرفييها
ام هند: سميتها علاش طلقتك انا ماشي تفارقنا وطلقتك حيت خنتيني
أب هند: ماشي موضوعنا امروى دابا
ام هند: وي ماشي موضوعنا حيت أنا مزوجة مهم انا هاد الناس مرتاحيتش ليهم معجبونييييش هند مولفة عيشة فشكل وهادو باينين معقدين
أب هند: هادو راه هي للي جابتهم وغتكون عارفاااهم
ام هند: حنا واليديها يعني حنا للي نختارو معاها
أب هند: واش جلستي مع الناس وعرفتيهم ولا غير مقاالك رااسك
ام هند: شفتي شنو لابسين ولا لا
أب هند: عادي لابسين محتارم كل واحد وذوقو كولها وكيفاش كيختار لباسو
ام هند: اوووف منك نتا وديك لبنت عاطيفتكم تتحكم فيكم شوف مستقبلا حفايدنا انا ويااااك كفاش غيكونو بحال والو هادو عندهم لبنت تجلس فالدار والدري للي يخرج يدير ما بغى حيت هو ذكر عندهم
أب هند: هادشي ناقشيه مع بنتك
أم هند: حتى نتا عندك المسؤولية
أب هند: هند بنت كبيرة وعارفة مزيان شنو تدير الولد قاري وعندو مݣازة ديالو فبلجيكا وحتى فالمغرب عاد كيبني دارو وهي غتخدم شنو للي مغيعجبنيش فيه..
ام هند: غيفرضو عليها بزاف دلحوايج متقدرش عليهم وانا مبغبتش بنتي طلق
أب هند: ههه هوما عاد غيتخطبو ونتي فكرتي فطلاق ديما عندك افكار سودوية تتسبقييها
ام هند: بففف يا خويا ديما مبرد ولكن فين عمرك سوقتي ليها ولا عرفتها فين كاينة ولا كيف عايشة باش تسوق داابا
أب هند: الا كملتي خليني ندخل عند الناس حشومة نخليوهم ونبقاو نهضرو فالتفاهااات هنا… (زاد داخل مخليها معصبة جلست فكرسي تمااك وبقات غير كتفكر…)
مريم: اوا امووولة كيف بقيتي من داك نهار
أمال: (تبسمت) الحمد الله
مريم: مولاتش هاديك زمرة هضرت معااك
أمال: لا عرفتي زهير ههه دخل فيها طول وعرض وحشمها گدام كولشي وخلاه تنوض وتطلب مني سماحة ݣدام فاميلتو كاملة
مريم: اويلي
أمال: ههه والله غزال فيها وݣالها متعاوديش تدخلي جناني ولا طوفي بسااااحة مرتي
مريم: حيييح فيييها حتى انا محملتهاااش من نهار اللول
أمال: اوديييييي (تفكرت منين كانت مع أنوار وكان كيعاود على مو الملااك وكانت كتسنى غير امتى تزوج لاش تلاقااها) الحمد لله على كل حال
مريم: حتى نتي متقربيش ليها
أمال: مكنقربش
مريم: حݣااا باركي لبنت عمك راه عقدت
أمال: (بكترة ممشات ليها من بالها مبقات كتعرف عليها والو وحتى هند مقالتهاش ليها حيت اخر مرة هضرو عليها قالت ليها متعاوديليش عليها) اممم مزيان الله يكمل بالخير
مريم: انا للي تهنيت منها تبعد من خوك شوية
أمال: ههه الله يهدي ما خلق وصاافي (شافت فيها غير حانية راسها كتخرب فتيليفوونها ولكن باش شوية الضعف فيها.. مهتماااتش بالأمر وفباالها ضبر لراسها… ناضت من تماك وطلعت لبيت هند فين كتلاقا مع بنات عائلتها ودخلت للبيت عندها ملقاتهاش هبطت كتقلب عليها لتحت كانت فلكوزينة كتوريها جداها كفاش تهز الصينية)
هند: ويلي راه تقيلة علية
الجدة: متقيلة والو ابنتي
هند: معرفتش حشمت نطيح قدامو
الجدة: قدامو؟!! ابنتي راه غدخلي الصينية لنسا ماشي رجال
هند: هااااء وراه خاص باش يشووفني وليد
أمال: ههه
هند: مالكي نتي كظحكي
الجدة: الله ارسوول الله هاد لبنت مغتهنى حتى تحمقني هزي الصينية ودخليها حدا نسااا ورزني ابنتي
هند: بففف من صباح وانا نتقاد باش ندخل حدا نسا….
~~~~~~~~~~~~~~
أشرف: (معجبوش الحال وحس براااسو ممرتااحش لهاد القرار حط كاس أتاي من يدو وتم خارج لقا عمو دااخل) عمي راه جاتني شي خدمة
عم أشرف: (كان حسااابلو جاي يخطب وحدة من بنااتو) بلحݣ؟!!!
أشرف: واااه مرة أخرى وندوووز
عم أشرف: (تلبك حسابلو مجيتتو كانت مقصوودة وهو غير جا يشووفهم) واااه اولدي ولي عاااود هاد لمجية
أشرف: ان شاء الله اعمي… (خرج أشرف ركب فطموبيلتو وعموا مشا للكوزينة محبس مرتو للي ناضت توجد كاسكروووط وحتى هي كان حسابها جاي يخطب واخا هو مقاال والو غير ظنها عمو من اخر مرة هضرلو على زواج وعاد منين بنتهم قالت لمها راه أشرف وقفني كيسولني ويهضرني… هو بقا فطموبيلتو مدة دقيقة ونص غير ساهي ديمارا وزااااد وفعلا كان مقصدوو هو يجي يهضر مع عمو على وحدة من بنااتو معلمهم بوااالو كان بغا يقولها فااااص ولكن منين جلس وهو ممرتااحش حس بأنه غير غيزرب يضيع رااسو ويضع بنت عمو واهم حاجة يضيع اخر علاقة عائلة عندو… شد طريق لوجدة وهو غير كيفكر وفكرة زواج بغا يزيد ياكلها شوية على متباان شي وحدة للي يرتااح معاها.. جات فباالو شيماء داك نهار لمكرووووه لدابا مزال ممتيقو كفاش حلات رجليها بسهولة حتى تصدم انها بنت وكان غير كانت شي ردة فعل قبل وبعد ولكن هي مولاتش حتى قلبااات عليه ولا جات عندو بحال غير خبشها فيدها ماشي تقبلها… اخر مرة تلاقا وليد للي عرفو ماشي يخطب حسن من راااااسو وندم اصلا من داك نهار هو وماكلتو ونعاسو اللور اللور…)
البنات راه كنبغي تعاليقكم على الاحداث باش حتى انا تجيني لݣانة نكتب كتر
هند: (دخلت الصينية وسلمت عليهم واحد بواحد حتى عيااات جلست حدا نعيمة للي فرحااانة بيها وطاايرة بقات جداها كتقدم افرااد العائلة للي منهم كيتبسم من لقلب وشي لاخر غير بالسيف حيت الجدة حيحات فالليل ووراتهم الا دارو حركة مهياااش شنو غيوقع رجال لدااخل هضرو وطلبو من أب هند يد بنتهم وهو رد عليهم هند مولات القرااار)
زهير: هي مولاي السلطان خاصووو هو يهضر معاها
أب هند: اه مرحبااا (ناض وخرج) هند اجي ابنتي (جات عندو هند) للي بغا يخطبك بغا يهضر معاك فداكشي ديال العرس والمواافقة
هند: اه واخا امم نخرجو للجردة؟!!
أب هند: واخ (دخل عيط على وليد للي خرج لقااها واقفة لابسة قفطان فلمووڤ مع مشيطة خفيفة ومكيااج زوين تبسم) سيروو للجردة وتفاااهمو على شنو غدير انا من عندي الله يكمل عليكم بالخير (وليد حرك راسو باه سبقت هند وهو تابعها كيشوووف فيها ويعبرها مزيان.. وصلو للجردة وجلست فالكرسي للي بحال الأرجوحة) توحشتك
وليد: (بقا واقف متكي على لحديدة ديال لكرسي مربع يدو) سمو دالزين؟؟!!
هند: (فرنست) رباااااني
وليد: هههه ماشي حسن وكان عقدنا نيشااان
هند: اممم صرااحة اه
وليد: وحتى دابا موقع واالو
هند: ههه على سبة
وليد: راه (قرن راس صبعو) بقا ݣد هاك ونتفرݣع عليييك (ظحكت وهو متبع ظحكتها) توحشتك
هند: (شافت فيه قليل فين كيقوولها حست بيها) جلس
وليد: خفت نطيح ونضيع الحطة
هند: ههه نجلسو بلاصة اخرى؟!!
وليد: لا خليك مرتااحة ندخلو فالمفيييد الدار غدا غيلوحو الظاالة التانية يعني شي سيمانة ونبداو لفينيسيوون حنا نعقدوو على متكمل ونديرو العرس
هند: مبغييتش العرس
وليد: وسمو بغيتي كاين شي وحدة مكتبغيش العرس وتهز فوق العمارية
هند: تأ بغيت شي شهر عسل مفرݣع
وليد: هههه يااك
هند: وييي بيبي فلوس العرس نمشيو لشي بلاصة زويييينة مثلا مثلا إندونيسيا ولا المالديف
وليد: المالديف ݣاااع
هند: وراه رخييص قلبت لبيي مغالياش بزااف وحتى les hôtels ماشي بزااف
وليد: اممم زيدي
هند: هههه الا زدت خفت تضور متعاودش ترجع لعندي
وليد: ههه ان شاء الله نفكرو لييها
هند: يخليك ليلي
وليد: اوا صدااق
هند: اقلهم معرفت شنو تيقولو ليها مهم اكترهم نعمة
وليد: صافي بلا متكمل الفقيه
هند: هههه شحال انا فرحانة
وليد: اممم!!
هند: والله بزاااف
وليد: الله يدومها
هند: انا ويااااك
وليد: هضرت مع بااك السكنة غنكونو بوحدنا الخدمة عندك الحرية تخدمي تجلسي نتي سمو باغية العائلة فالمناسبات الاعياد مرة مرة نخطفو عندهم شي نهار ولا يوماين ولكن للي مهم حياتنا غتكون مستقلة (حركت رأسها باه كتسمع ليه) غديري لفولار؟؟
هند: (شافت فيه)
وليد: غديريها؟؟؟؟
هند: اااه
وليد: (هز حاجبو) ولكن!!
هند: لا ماشي ولكن غير عفااك غير شوية والله حتى ندييرها
وليد: التقزاااب مبقاااش
هند: اوكي
وليد: سمو نتي باغية
هند: شي تعنيييقة
وليد: سمو باغية نتي!!
هند: شي تعنيييقة
وليد: (خرج عينو شاد التبسيمة) هيييييند
وليد: وصافي راه قرينا الفاتحة
وليد: (تبسم قالب وجهو ورجع شاف فيها حاني عندها شوية ومربع يديه) علاه انا باغي نعقد منظمنش راسي الا مشيت حتى شديت يدك عاد نعنݣك وندخلك فية (بقات كتشوف فيه متبسمة ماشي حشمت وقلبت وجهها وحتى هو نفس ردة الفعل)
هند: تبقى تبغيني ديما هاكا؟؟؟
وليد: (حرك راسو بشوية وعينيه نايمين فيها) فيا جهد نبغيك كتر من هاااك (فرنست وحنات عينها فرحااانة والفرحة طالعة من كرشها لعينيها) سمو بغات لالة لبنات
هند: نتا عارفني شنو تنبغي
وليد: حم (شاف راسو سها فيها بزاف قاد الوقفة ورجع ككان) يعني متفاهمين فكوولشي
هند: اه غير هو مشاكلنا اسرارنا أي حاجة بيني انا ويااااك منبغيش تكون فخبار شي وااحد معنديش مشكلة تعاود لزهير حيت انا غنعاود لأمال ههه
وليد: اممم
هند: نعاود داكشي غير سطحي مهم هي فباالك ضرووري الواحد يبغي يفرغ ويهضر يسمع اراء (كتهضر هو حاضي غير شفايفها) وليد كتسمعني
وليد: هم.. واه وااه
هند: (تبسمت) اوك
وليد: بلااك هاد لمكيااج متعاوديش ديريه فالزنقة.. هادي نتاافقو عليها وااه ميمكنش تخرجي هاااك
هند: متنعيقش بزاااف
وليد: (شاف فيها ديك الشوفة ديال بنيتك) وااه خرجي بييه وديك الساع كلام اخر
هند: صافي خلينا ناشطين ابيبي عجبك كيف وجدت الدار
وليد: (بنظرة زعما ممتيقش) نتي للي وجدتي الدار زعما؟؟؟
هند: اااه… تقريبا انا تنقولهم صاوبو هنا وهنا راه حتى هادي مساهلاش.. ههه يكون فباالك انا ربة منزل فاااااشلة متنعرف لا نطيب لا واالو
وليد: كولشي مع الوقت تعلميه.. المهم العقد للي راه نديرو راه يكون عقد نكاااح وهدا هو المهم
هند: (شافتو بدا يديماري) همم شنو داكشي لي جبنة معاكم
وليد: (حك عنقو) شي حاجة وصاافي.. حتى دخلي وشوفيها مهم اهند ݣوليلي سمو شروطك سمو باغية فحقوق ديالك
هند: مممعرفت منقول للي قديتي عليه واصلا منبغيش نزيرك عارفة عندك بزااف دلمطاااارق
وليد: واش نتي عندي قليلة نتي اهم من هادشي كامل (تبسمت) ݣوليلي سمو باغية وصيفطلي كونت ديالك نڤيرسي ليك هدا راه حقك ازيين دياليط
هند: اممم اوك
وليد: (بقا كيشوف فيها باعجاب ومن لبعد باين طااايح فيها بالجهد) غير للي يشد مك يبقى يبوس فيك حتى لصباااح (تبسمت) نوضي رجعووو راه الا زدت كتر من هااك منننننن…
هند: هه (نااضت زادت قدامو وهو حااضيها من اللور وهي عارفااه كيشووف لدرجة تلبكاات فلمشية حتى ضارت عندو) حم عجبااتك الجردة
وليد: انا عاجباني غير نتي
هند: (فرنست) حتى نتا عجبتيني
وليد: (عينيه نايمين فيها تبسمت وضاارت حتى دخلت فرحااانة… وهو حنحن زول لفيست وبقا بشوميز بيض هاز كمامو لذراعو وخرجو من سروالو وتم داااخل رجع حدا رجاال جلست حدا زهير)
زهير: واشتا هادشي ابن عمي!! صيفطناااك بحوايجك كاملين!!
وليد: (ظحك ولكن من عينيييه باش ميعيقش…)
الكاملة: وعجبك هادشي الحاجة للي دار فية ولدك
الحاجة: سمعي الكاملة انا مشي كنت سااكتة حيت ولدي كان معصب وكيهضر لا اما معاه فكل كلمة ݣاالها ونݣولو حتى لوكان هو حشم ومݣال والو كنت نݣولو يااانا اش بينك وبين ديك الطفلة باش تقتييليها!! تقتليها الكاملة وليتي قتاالة رواااح وعلاه دشي كاااامل
الكاملة: انا كنت غنݣووول فينها
الحاجة: سمعي ابنتي نهار اللول جبتك عرووسة لولدي وعشرتنا كانت كتر من 40 عام ولكن بفعلتك هادي منعرفك متعرفيييني معندي منديير بوحدة بغاات تقتل عبااد الله
الكاملة: يااك الحاجة؟!!؟
الحاجة: واااه ابنتي محسبتك تكوني قتاالة (بقات كتبكي) ݣوليلي غير واشتا دارتلك لبنت باش تلوحيها فبيير وتجي تݣلبي معايا عليها بحال معارفة فين كااينة
الكاملة: (سكتت حيت معندها متݣول) الله يهديك الحاجة راني وحدة من بنااتك
الحاجة: بناتي يديروووها نحرݣ لكبدة للي تبكي عليهم
الكاملة: الله يسااامح الحاجة
الحاجة: وحق ديك لبنت؟؟؟
الكاملة: ولدك جابوولها ووفى
الحاجة: حتى انا مها نجيبو لييها (شافو لكبير جار لكرسي بيد وجاااي داخل عندهم) ولدي ديك الساااع عيطلي (دار يدو إشارة زعما غير وقفي شاف فلكاملة)
لكبير: (بحرا كينطقها) من هاد نهار راك حرمتي علية
الكاملة: (طرطقت عينها مصدوومة والحاجة بقات غير ساااكتة…)
~~~~~~~~~~~
ام هند: (مشات طلات على دوك لحوايج أغلبية تفاصل جلالب ولا قفااطن ووحدة تكشيطة من الساااري المحجر شي بيجامات وحوايج لتحت) خلي والديها يردها العصر الحجري.. ويلي استغفر الله اش هاد جحاالل (كتشوف هنا وهنا) شوهت بية قدام العااائلة عياات طير ودير فيها بنت الشيييكي والبخ وفالتالي جايبااالي عريبااااان (ضربت برجلها داكشي جابتو مزلع وخرجت من لبيت معصبة هبطت للكوزينة فين كانو كيوجدو لعشا كتشوف نص حولي للي معمر كيقاادوه بزواق وكولشي مقاد متول) اممم ديرو فيهم خييير جايبين حولي حولي وشوية ديال دجاج وجايين يجرييو (دخلت عندها ختها للي جاتها فشكل كفاش ناس محافضين جاو يخطبو هند لا ومن لفوق باين العائلة كاملة كتبغيها)
الخالة: مروى مالكي هنا مخلية الناس حدك سلمتي موليتي بنتي
ام هند: ماشي من مستواايا باش نجلس حداااهم واصلا معجبونيش (واحد من دوك الطيابات هزت راسها) كملي نتي شغلك حادݣين غير فالتصناااات
الخالة: الناس تجار كبااار اختي وكتقولي ماشي فالمستوى
ام هند: واش شفتي لباااسهم دابا هادو يحمرو ليك وجهك فالعرس عاد قضية متيتخالطووش واش مزال بحال هاد بنااادم عاايش
الخالة: وبنتك بغات هادشي
ام هند: مشغلييش ماشي من ديما تنصرف عليها باش ديما تبااان أبهة قدام الناس وفالتالي تزوج واحد يلبسها لخنااشي
الخالة: لواااااه ياكما حاملة ههه جاني فشووشك ماشي طبيعي
ام هند: خليني عليك
الخالة: ههه نعلي الشيطان ياك من ديما خايفااها تجيب شي كرش دلحرام ها هي جابتو فقييه ههه
ام هند: ظحكي نتي انا للي غنتشوه.. (كملو الطيابات وجاو السرباية كيحطو فلعشااا وهي حلفت متجلس معاهم فطبلة وحدة…)
فتيحة: فين مك اهند ݣاع مبانت
هند: (بهدوء مع ابتسامة) فلكوزينة هي للي واقفة تماااك
الجدة: (تقرصت من غياب بنتها ولكن مبينتش كملو لعشاا وهند كتسنى يلبسها الخااتم حتى كتصدم مغيلبسهاش تافقو على العقد للي غيكون من دابا سيمانة فوجدة حيت هاكا قتارحو على اب هند وهو مرفضش وجاتو من الجنة والناس باش يمشي لعند عائلة مرتو للي من تمااك تمو نايضيين رجال للي عرضهم اب هند للجردة باش يشربو قهوة خرجو رجال من حدا لعيالات وزهير لا اراديا ضار كيقلب على أمال للي تبسمت وهو تبسم من عينييييه)
…: وييينو على التيتيز الوجدي
أمال: (ضارت شافت شكون هضر كانو جوج بنات لابسين قفيطنات ولكن بلا كمام وللي زاد فقصها كانو زوينات شعور ولمكيااج ضورت وجهها مقرووصة حتى من هند مكانتش بقات رادة البال حتى شافتهم خرجووو وهنا راسها بقا كيدووور خايفة الراجل يطير.. مقدرتش تنوض تبعهم بقات جالسة على أعصابها)
فتيحة: نتي محملتيش
أمال: هم
فتيحة: (حتى واحد معاود ليها لبلان ديال لبير) واش محملتيش
أمال: (كانت حتى عائلة هند) لا مزال
فتيحة: ياكما مكتولديش
أمال: يمكن.. (سكتت قالبة وجهها حيت قشعت نعيمة كضور فيها بلفن شافت دوك لبنات داخلين كيظحكو ولوخرا كتشوف فالتيليفون شكت تجيب نمرتو ولكن زهير لااااا ميمكنش تنوااات جات هند جلست حداها) شكون دو؟؟
هند: بنات عمي
أمال: مجوجات؟؟
هند: امم لا وحدة ياله كانت تطلقات ولوخرا لا
أمال: مطلقة؟!!
هند: علاش قالولك شي حاجة
أمال: لا (حطو ليهم عصير مع لي صواغي كلاو ومن بعد وقفو لعياالات باش يمشيييو ورجال تمو جايين عاجبهم الحال كولشي وقف كيتساالم أمال واقفة حدا هند للي عيات كترغب فيهم يباااتو ومبغاوش بلباقة حتى قشعت أمال دوك لبنات حدا زهير طلقت من هند ومشات حدا زهير للي كيهضر مع رجال وشدت فذرااعو طل عليها مفهم واالو أما هي دايرة راسها بحال مدارت والوو بقات لاسقة فيه هكاك حتى من هند ممشات عندها حتى خرجو لبرا)
زهير: أمال مك اديك لݣراادة
أمال: ݣرادة على حبيبي عندك شي ماانع
زهير: (هز حاجبو) ياااك
أمال: واه وغنبقى ديما لاسقة فيك
زهير: ياااو جدك على دكلمة منحدووها حتى لطنجة
أمال: (حلت فمها) بالصح ولكن حلف بالله مخديتي نمرتها
زهير: (باستغراب) شكون دي
أمال: واحد لمونيكة
زهير: (بحال كيتفكر وهي كتزيد تغلي حتى ضرباتو بشوية لصدروو) ههه شكون دي؟؟
أمال: واا هضر لزهير
زهير: عشنا وشفنا امووول بدات تشعر
أمال: متݣوولش صافي منمشيش معاك لطنجة
زهير: صافي رجعو لوجدة اصلا من نهار حليت داك المحال وانا حاضر فيه غير بسمية
أمال: يااااك
زهير: ياااو مك بنتلك كورتي يشد فنوااامر طلعي ابنتي راك مزال متعرفي فية واالو
محمد: (كان حاضي من لمرايا كفاش ختو مطلوقة مع رااجلها حتى نغزاتو مو) هم
فتيحة: شتي لمها متحشم متستحيى
محمد: بعدي لبنت خليها تعيش حياتها راجلها هداااك دخليها لرااسك شوي.. (زاد مقلع)
زهير: (حط يدو على فخضها وشافت فيه) صافي مشيينا
أمال: حتى تحلفلي
زهير: أمل! هنينا الله يرضي عليك
أمال: وحلف شنو فيها إلا حلفت
زهير: الا حلفت معاناتها كراكيش تيقي فية امدام..
أمال: كنتيق والله
زهير: (شاف فيها شحال وهو ينطقها) شكون فيهم بعدا للي نحلف علييها (شافت فيه حاالة فمها وهو كيظحك عليها زاد بطموبيلتو حدا فين كان واقف وليد وهند كيهضروو) تمسووو بالخير…
هند: (بدلع) وكان غير بتو والله
وليد: معليش احبيبة بحال بحال وزايدون حسن نبدا نݣلب عليك فالليل
هند: ههه متقدرش
وليد: من شحال هادي واه داابا والله راني نتسنى غير فوكااش
هند: (تبسمت) قلتي ليهم العرس منديروهش
وليد: لا منݣوولش والعرس نديروه ان شاء الله
هند: بففف والله مباغاااه (شافت فيه) غترجع لوجدة
وليد: ضروري نتي شي 4 وتجي
هند: اه غنتوحشك
وليد: هه خليها تجي مني شي مرات
هند: نتا كنحس بيها نيشان (ميل راسو كيتبسم)
وليد: سيري دخلي على منوصل ونصوني عليك.. (ركب فطموبيلة للي فيها ختو شيماء كتسنى حيت غير هي للي غتركب معاه باش يمشيو نيشان لوجدة وكولشي مشا لتاوريرت سدت هند لباب وهو يزيد نيشان لوتورووت)
~~~~~~~~~~~~
الكاملة: (جالسة فدارها كتبكي خرݣاااادو بكى عمر تصورت هاد نهار يجي شحال وهي تسايس معاه وتقبل معيشتو باش يجي دابا يطلقها وهي رجعت جدة.. عيااو ولادو معاه حتى من الحاجة هضرت معاه دخل لبيت عند دار مو وسد لباب) اييييه على تاليتي طلݣت
جيهان: (غمزت نزهة للي كيجمعو الظحكة بالسيف) صافي اخالتي غير الشيطان حضر وصااافي
الكاملة: روحي رووووووحي علية من هن.. (خرجو بقات تبكي عيات تنتف راسها وتخبط جاها بحال قرار الموت راه تزوجاتو منين كانت عندها 16 عام عاشت معاه كتر معاشت مع واليديها سدت عليها لباب وبقات هكاك الليل كااامل…)
~~~~~~~~~~~~~~~
وليد: شيماء واش درتي مع راجلك تلݣااو
شيماء: هم موحال هو اصلا راه فاحفير
وليد: امم مزيان مهم انا نمشي نطل فالخدمة ونحلها نجيب فطور معايا بلا مديري شي حاجة
شيماء: مفياش اخويا بغيت غير نعس
وليد: كولي ونعسي شو شحال ضعافيتي..
شيماء: والله ما فيا نوض ونفطر (خلاها على راحتها عطاها سوارت مشات دخلات وهو كمل للخدمة…)
~~~~~~~~~~~~
أصبحنا وأصبح الملك لله
زهير: (كانو وصلو لطنجة ونيشان مشاو رجعو لمناار ولكن هاد المرة شوومبر وحدة بحال كيديها لأي بلاصة كانو فيها ممزوجينش ورجع ليها وهو مزوجها.. كانت داايخة بنعاااس مع وصلو دخلت لطواليط طرفت راسها لبست بيجامة سروال بتيشورت ديالو كان واقف غير بشووورط كيشوف فيها) زيدي بينوار راه لبرد عليك
أمال: هم.. لا لا مزيان هاك
زهير: لا غير زيدي
أمال: (مفهماتو واش بالصح ولا طانز ولا ظاحك.. دخلت لفراش وعينيها كيتلاسقو بنعاس دخل حتى هو غير عطاتو بظهر حست بيدو كيݣلعو السروال ضورت عينيها مطرطقاااهم بلا ميشوفها هو حس بردة الفعل ديالها)
زهير: بلا متخلعي غير انا (جابلها الظحك حيد السروال ومشا لتيشورت محاايدو دارت يدها فوق السوتيامات) اصلا هادوك منحايدهمش هوما للي مبينيلي راه عندك جوج حبوبات تمام شادينهم
أمال: (بكترة مكتفقس من هاد النقطة بكترة ما طريقتو فالهضرة كظحكها)
زهير: دابا مليييح هاك نبغيك ترݣدي حداايا (دور يدو على كرشها جارها ليه كتر.. بقاو يدو كيتحركوو هز راسو بشوية) أمل أموول (سقيير من تنفسها باين جبدت عليها.. رجع تكا حتى هو…)
~~~~~~~~~
شيماء: (كل ما كيقرب العرس كتزيد تخاااف كتر وكتر كتكل بوحدها ومقادراااش حتى تهضر شافت أمال كفاش فرحانة مع راجلها وفرحاانة وحتى هو كيعاملها بحال شي بنت صغييرة تفكرت نهار عرسهم فاش هو ضرب بلفردي وكولشي صحابو تبعوه بجويجة كيعلنو انه فض بكرة مرتووو.. تخيلت وكان هي لي كانت فبلاصتها وحسن دخل عليها وملقاهااش بنت طرطقت عينها وهادشي للي مطير نعاس من عينيها ومخليها غتموت بالخلعة صونا تيليفونها كان حسن هزاتو كتشوف مكتحس من جيهتو بواااالو من غير الخوووف والندم حيت مجاااش من شحال هادي حيت فيه شي مواصفات تمناها أي بنت.. جاوباااتو حيت مكيبغيهاش تعطل عليه وحسات بيه بدا يبغيها) الوو
حسن: لالة شيماء
شيماء: هم صافا؟!!
حسن: الحمدلله ونتي؟؟
شيماء: عياااانة لدابا مزال منعست
حسن: اجي عندي للدار وترتاحي مزيان
شيماء: (حست بالقرف اوتوماتيك كيجي أنوار وأشرف فبالها ومنين وصلت معاهم لمواصل خايبة حتى من محمد تعرااات عليه باش تغريييه)
حسن: شيموووم كتسمعيني؟؟
شيماء: هم مسمعتكش
حسن: انا نكمل شي خدمة ونجي نخرجو نتغدااو
شيماء: على منعس شوية واخا؟؟
حسن: واخا الآلة… (قطع وكمل خدمتو وهو مرتاح دارو غيبدا يفرشها شوية بشوية مزوج وحدة زوينة بزاف وعائلتها من اطيب الخلق وكيشوف راسو مغيكونش معاها مشااااكل..)
~~~~~~~~~~
ليلى: (من نهار شافت وليد وهي كتفكر فيه فرحت بزاااف منين دوك الايام خدمت معاه وكانت كتشوفو ليل ونهار بقا فباالها عجبها بصورتو وبشخصيتو ولبااقتو معاها حتى الصد للي صدها عجباااتها… جالسة فبيرووها وتالفة حتى صونات على أشرف للي كان وااسطة بيناتهم) وي أشرف صافا؟؟؟
أشرف: الحمد الله اساذة ونتي مليحة؟؟؟؟
ليلى: صاااااااااڤاااا.. ݣوليا أشرف
أشرف: واشتا!!
ليلى: صاحبك وليد (غمضت عين)
أشرف: ههه مالو وليد؟؟
ليلى: وهضر
أشرف: ليلى نتي بحال ختي وعزيزة علية وليد لبارح كان مشا خطب شي طفلة من فاس وللي فهمت حتى لعقيد شي سيمانة ويعقد عليها
ليلى: (تصدمت وبلعت ريقها.. بصوت خاافت) بالصح؟؟
أشرف: وي
ليلى: (قلبها كيرجف) اممم واخا بلاتي ونصوني عليك عندي شي خدمة مزرووبة (قطعت حيت صوتها بقا كيرجف واش نتي ي كتقلب كيف دير طيحو حتى عرفت انه كيتزوج نيشااان حطت التيليفون معصبة ودارت يدها على وجهها كتبلع الصدمة…)
أمال: (بغات تمووت بالحشمة أول مرة يدير معاها هاد لبوزاات كان كيحسابلها نعاس غير يجي فوقها اما على صباااح مخلا مشقلب فييها جة تعدماات كتر ولكن الحشمة وظظظظظظ زديح ظو زيزوونا بقات تحت لفراش وهو كيظحك دخل هو للدوش وهي خرجت راسها كتويل) احااااااي وسمو كان يدييرلي (بقات بحال شي وحدة مصدووومة حتى خرج لاوي على خصروو فوطة فلݣري وكيتبسم شافت فصدرو للي منفووخ ولا نافخوو.. غوبشت)
زهير: (جلس حداها وقشعت العضة للي فكااتفو ورجعت خبات وجهها تحت ليزار بطريقة ظحكاااتو) ههه عادي العمر عااادي ههه (بقا كيجرلها ليزاار وهي كتعفر حتى جبدو ولكن محسابلووش شادة فيه هكاك جابها مليووحة فالارض هز حواجبو شاد الظحكة حنا هزها) الله يهديك ابنتي راه عندي لعب لبناااية (وقفها لاوية ليزاار ودخلت كتجري للدوش متبعها كيظحك جلس فوق الناموسية وقشع نقطة صغيرة كانت باينة دم ولكن يمكن تخلطات مع الما ديالو باش عطا داك اللون للي كان دم بااهت هز حاجبو مقرب قاسو بصبعو كانت جديييدة.. ناض نشف راسو ولبس حوايجو مشا لباليزة ديالها هز ليها حوايجها ودق فباب الدووش) أموول حبيبة راكي ملييحة؟!!!
أمال: حم امممممم
زهير: هه وخلي البݣييرة ديالي
أمال: (كان بينوار تماك لبسااااتو وتمات خارجة دازت من حداه وهو كيتغزل بييها جابلها الظحك مدلها لحوايج بقات كتلبس عاطيااه بظهر لبست كسيوة صيفية الوانها بين الخضر والأصفر مهوية وشال فنفس الالوان عجباااتو)
زهير: ياو مك للي لبستيه جايك غاااية غير للي يدس والدييك فديك الشااانطة
أمال: (فزنست) هه
زهير: نروحو لبحر؟؟!!
أمال: (فرحت) بالصح؟!!
زهير: (عنقها من ظهرها مزير عليها حتى راسها فحنكها) مانيش نكذب عليك ارووحي (تبسمت طلق منها دورها عندو هاز راسها بجوج صبااعو) الا لݣينا شي بلاصة خاوية دخلي تعوومي..
أمال: ووووانا مكنعرفش نعووم
زهير: معليش غرقي باش لݣا السبة وندخل نجبدك من تم
أمال: ههه ومندخلش ݣاااع
زهير: لا غير دخلي (غمزها بقات كظحك شدها من يدها من بعد مهزت صااكها وخرجو كان الجو زويييين والدنيا عااامرة هبطو حدا لبسين للي فالمنار تماك فطروو عاد هبطو لبحر جلسو تحت باراصووول كانت الدنيا نقية مشاو بعدو بلاصة مافيهاش لݣجݣيييج وحتى لݣور للي مكاين غير دوبياس حيد تريكووه وهي بقات جالسة كتمنظر فلبحر دخل لبحر وهي متبعااااه كتشوف شوفة كولها حب كتبغيييه كتر من روووحها معاه عرفت الأحاسيس ديال بالصح.. بقات حااضيااه وهو كيعووم حتى خرج عندها تبسمت جلس حدااها كيهضرو ويظحكو هز تيليفونو صونا على وليد يعرف الأحوال) ديرها زيينة رواح لطنجة نحوسو شي يوماين وارااااك للخدمة (بقاو كيهضرو حتى قطع) حبيبة تمشااي شوي؟؟ (حركت رأسها باه) سيري هاني جاي لبس ونمشي نجيب مونادة.. هواي ياك؟!!!
أمال: ههه لا كوكا
زهير: هه القاااسح ابن عمي (ناضت هازة صندالتها كتنشى تما وكتشوف فلبحر للي كان نقييي وصاافي ومواج خفييفة والريحة كتخلي صدرها مفجج حتى سمعت سميتها بصوت رجولي)
….: أمال؟!!!
أنوار: (شاف ام دعاء بحال الا شكاات خصووصا منين عكس فاي طريقة ميمشييييش… عارف يدها واااصلة وخافها تحرك وتسول وتستفسر عليه وصوورتو ضييع واخا ضااامن دعاء الا كتبقى بنت مها.. شاف حتى عيا وصونا على عبد الله للي فرحة بخبر ان زهير مكااينش حتى عاود صونا عليه ان زهير غيكون شي يوماين فطنجة… كانت دعاء جمعت حوايجها ولي كادو للي غتدي اختاارو بوورش porche هي للي غيدخلوها ركبو من بعد مبقات ام دعاء كتوصي على صحة بنتها مداات ليهم شييك واخا عيا يرفض ولكن اصرااات عليه شافو كانت 20000اورو.. خرج عينو ركب ونيشان مشاو مساريين ختارو يمشي فلبااطو لمدة قليلة حسن من الطياارة باش ميغامروووش وصلو اسبانيا بالظبط Andalucía (الأندلس) رتااحو تمااك والغد ليه ركبو من tarifa (طريفة) ربع ساااعة كانو فاكبر ميناء فالقارة الإفريقية و35 عالميا ميناء طنجة المتوسطي للي أقل مايقال عنه راااائع كملو الإجراءات القانونية طبعو وخرجووو دايزين من الديوانة..
دعاء: (كتجبد) امممم جادوووغ المغرب (شافتو صاايݣ داير نظاظرو لمربعين وجهو وشعرو ديما العنااية وهادشي للي كيزيد محمقها)
أنوار: دعاء حبيبة غنهضر معاك ونفهمك شحال من حاجة
دعاء: ouii bb
أنوار: (هبط نظاظرو شوية) غنشوفو با وما مغنباتوش مغنجلسوش بزااف
دعاء: pourquoi.. علاش
أنوار: سمعي كلام حبييبك
دعاء: اه تنسمعك ولكن جينا باش نشوفوهم ويعرفوووني
أنوار: دعااء هوما اصلا فݣعانين مني نافييني نهار اللول مبغاونيش نتزوجك ونتي عارفة واشتا صرااا بغاو جواج من لفااميلة ولكن ݣلبي بغاك نتي ياك عااام باش كنت نعرفك نهار ختاريت نعيش معاك سمحت فييهم
دعاء: (تبسمت) وشنو ندير أنا؟!!
أنوار: ديري داكشي للي راه نکووولك فييه ندخلو متحسسيش من شي حاجة ولا من شي كلمة على وجه راااجلك كولشي يفووووت ولكن أهم حاااااجة (زادت كتسمع ليه) أي حاجة صرااات غتكون بيني وبييينك تفاهمنا
دعاء: اوكي
أنوار: دعاااااء أسراري الا خرجتيهم عمركي مزال تشوفي وجهي..
دعاء: (خافت) لا لا لا اصلا وااعدتك
أنوار: مزيااان درك تفاااهمنا… (كمل صوݣااانو فاتح طوا (سطح الطموبيل) مخليهم كيتمنظرو فجمال الطبيعة للي كتجمع بين الغااابة والبحر ومنعشييو بالهواء نقي، وبالغزل ديالو مخليها ناسية تهديدووو انه يخليها الا عاودات لمها على شنو غيوقع والمعنى الصرييح بينلها انه غيوقع بزاااف…) حبيبي شنو بان ليك ندوزو اليوم فطنجة وغدا عاد نمشيو لوجدة
أنوار: اممم (قبل الدخلة ديال طنجة زير على ليمن) انا جاي احبيبة (حركت رأسها باه مبعد مخلي نمرتو للي عندو برا اصلا كولشي كيتخلص لهيييه دوز نمرة ديال سميرة) سميرة صافا؟!!
سميرة: (مفقوسين بشنو واقع فالدار) وي خويا
أنوار: بغيت نسولك
سميرة: امم كنسمعك
أنوار: زهير كاين تم ولا باقي مسااافر
سميرة: لا مساافر سمعت حتى من عند مّا مزال مطول شي يوماين ولا كتر
أنوار: بوحدو
سميرة: معرفت لكلب للي فهمت مشا خطب مع صاحبو داك وليد كتعرفو
أنوار: (بصدمة) تزوج هند؟!!
سميرة: ݣولي راك تعرف هاد لكليكة
أنوار: (كولشي كيزيد يتوضح انه كان حمار وتلعب عليه من شيماء) مهم هو وووو (مقدرش ينطقها) وومرتو كاينين
سميرة: لا داها حتى هي باه هو بتفرق معاها تݣول غير هو للي تجوج ابردييي ياكما يحسابلك زهير للي نعرفو مع أمال يا محاينك معاها واحد اخر
أنوار: اممم (تعصب) انا فالمغرب
سميرة: (فرحت) بالصح؟!! على سلاااامتك اخويا وفين نتا دابا
أنوار: جيت من اسبانيا وركبنا فلبااطو لطنجة ودابا نباتو اليوم هنا وغدا نجيييو
سميرة: معاك دعاء؟
أنوار: اممم
سميرة: مزيان منين علمتي قبل غير هو علاش مجيتوش فالطيارة لوجدة ولا فلباطو على مليلية
أنوار: مصاالحش وصافي مهم التيليفون بيناتنا للي عرفتيه على داك خينا ݣوليهلي وغير عرفيلي كتر
سميرة: وااخ خويا الله يجييبكم على خير (قطعت وهي شاكة فخوها عندو شي مشكل مع زهير ولكن تعرفو تعرفوو….)
هند: مي لالة هضري معااااها
الجدة: لا حول ولا قوه الا بالله العلي العظيم
ام هند: انا قلت شنو غتعيشي وشنو شافت عيني واش نتي غنخلي هاد العز وتمشي تعيشي معاه
هند: ههه راه الا جينا نهضرو على لفلوس راه هوما لباس علييهم راه غي حيت نتي جاتك السترة موضة قديمة انا وكان كانو مقزبين بحالك كان يعجبك الحال
ام هند: ڨوااالا هادشي غير لقليييل اماما اما مزال تشوفي منين تزوجو كفاش غتولي تهضر معانا
الجدة: هند حتارمي ماماك ابنتي
هند: محتارمااها وحتى هي تحتاارم راااجلي وعائلتو للي رجعت عائلتي
ام هند: ههه ويلي حياني الله حتى سمعت هاد التفاااهات ومن عندمن من عند وحدة متتحتارم حتى عاىلتها
هند: فينهم هاد عاىلتي؟!!!! انا معرفت العائلة حتى عشت معاهم واخا فيهم ديفوات ولكن عائلة أبسط مثال ماين وليد تحطيها على الجرح يبرااا مرا قااارية مجااازة كتعرف تهضر مع لكبير وصغيير طيبة بزااف علاقتها مع ولادها علاقة ام مع ولادها واهم حاجة متاقية الله
ام هند: (متصرطاش ليها) انا بنت ليك *****
هند: ههه بالظبط هاد الكلمة متتقاالش عندهم
ام هند: (تعصب) من هاد نهار ريال متعاوديش تشوفيه من عندي
هند: واخا نموووت منقبلوش من عندك
ام هند: سيري عيشي الفقر معاهم
هند: ههه معرفتش علاش حݣرتيييهم هكااا
الحاجة: ابنتي الناس مكتقانش بالفلوس واش مشفتيش كيف تيبغيوها
ام هند: شفت الشوووهة للي بلاتنا بيها هاد لمسخووطة وصاافي
الحاجة: (شافت هند تزيرت) هند سيري لبيتك ابنتي
هند: (حست براسها تعصبت بزاف) لا غنخرج
ام هند: خلييييها تخرج اصلا هادشي للي تنهضر معاه كلمة جوج تخرج هادشي للي متقدرش ديرو مع ديك العائلة
هند: (طلعت لبيتها معصبة معصبة جبدت باليزتها صغيرة الفرحة كاع للي كانت فيها طفالتها ليها.. هبطت لقات مها جالسة ببرود كتشرب أتاي) مي لالة انا ماشية
ام هند: لعندو؟!!!
هند: (لاحت ديك لباليزة) سمعي اماما وليد (هزت يدها) حتى يدي مقاسهاااش بلاصة معزوولة مكيبغيش يبقى معايا فيها محاافظ علية تيبغيني كولشي فيه تيبغيني تصرفاتو رجووولية (شافت مها ظحكت باستهزاء) وي حيت معارفااش معنى الرجولة غنجيك بيزااااغ هاد الكلمة ولكن انا لقيت واحد باغي يسترني بسبااابو وليت نصلي وليت نعرف شحال من حاااجة وهادشي كافيني انا لفلووس الحمد الله كبرت فالعز مع مي لالة ماشي بنت الجوع للي نبقى نقلب على رجال للي لباااس عليهم (هنا شعلت مها حيت الهضرة تلاحت عليها)
ام هند: خرجي
هند: هاني خاارجة (شافت جداتها كتبكي) يوماين ونجي باش غنمشيو لوجدة ندير لاكط (تنهدت ومشات باست حناها.. خرجت وهي شاااعلة بقات واقفة حدا لباب مكانتش فلبال تخرج من دارهم كانت مزالة باغا تجلس وكاي بنت توجد لاكط ديالها تشري حوايج كما كان الحال راه كتسمى عرووس طلعت لطموبيلتها صونات على وليد والو مجاوبش صونات على أمال مجاوبااتش حتى رجع صونا وليد) الو
وليد: وي حبيبة
هند: (مكتبغيش تعاودلو)
وليد: وي هند
هند: فينك؟؟
وليد: فالمحال ديالي جا محمد وحليناااه نسيتي
هند: (بالصح نساتو مع مشاكل مها) سمحلي نسيتو
وليد: مالكي اهند؟؟؟
هند: (طرطقت كتبكي وكانت أول مرة كتبكي هاكا لدرجة خلعااتو بقا كيعيط وهي واالو قطع ورجع صوونا جمعت راسها شوية وجاوباات) غنمشي لتطوان واحد اليوماين
وليد: علاش كتبكي
هند: مقادااش نهضر
وليد: هضري باش نعرف مالكي
هند:: عفاك أوليد مقادااش نهضر غ(جات تهضر وسكتت حيت الا عاودات غيديها لوجدة وهي مزال باغا تجلس مع حناها شوية)
وليد: سمعي (فكر فكلام زهير) شي جوج سواايع غنسدو المحال حيت غنصاوبو فيه شي حاجة وغيبقى شي 3 أيام هكاك ومحمد هنا غيقابل المحال التاني صبري انا نجي عندك ونطلعو لطنجة
هند: (بقات كتفكر شحال) وااخ
وليد: مالكي احبيبة؟؟
هند: غير … غير غنتوحش مي لالة
وليد: ههه حمقة راه غنصيفط تشوفيها مرة فالعام
هند: (تبسمت بلا خاطر) مرة فالعام بزاااف ندير معاها غير ابيل فيديو
وليد: وبااااااركة راه ضاايع فحقي معاك بزاااف…
سميرة: (دخلت لبيت عند مها للي كانت عاكفة درة حياتي وجوج دواور دلحامض فنواظرها وجالسة فالارض من بعد مخبطت وندبت) حم ماما
الكاملة: (شافت فيها بعينين مكمشين بلبكى) هم
سميرة: أنوار رجع
الكاملة: (بحزن حركت رأسها باه) فين يجي ولدي على هاد المصييبة
سميرة؛ هو معارف واالو وجايب حتى مرتو
الكاملة: (شافت فسقف كتنهد) يااااا ربي يااخد حقي
سميرة: مكانش عليك اماما ديريييها
الكاملة: (بعصبية) سكتييييييي علية
سميرة: هاني سااكتة حتى نجية (ختها للي مزوجة فامريكا) مݣلتلها واالو
الكاملة: متݣوووليش… بااك مراااهش فرووحو منين ݣالها باك ميݣدش يسخى بية
سميرة: حݣا راه كان عندو فرملي وتمشى اليوم مزيان
الكاملة: وكان غير مات ݣبل ميݣولها
سميرة: لباس عليه اماما حشوومة علييك
الكاملة: وانا للي قتلني محنيتوش فية
سميرة: الساعة الله اماما دابا يتراجع (الكاملة حركت رأسها باه حيت عارفة راجلها قااسح) غنمشي لفيلاج نتقدى
الكاملة: جيبي ووفي مزياااان وجيبي شي حاجة لمرت خووك عيطيلي لنسا خوووتك
سميرة: علاش ناوية اماما؟
الكاملة: مرت خوك هازة خووك معيشاه فوݣ فݣيݣ بغيتها دوز وقتها زين هنا
سميرة: وبابا؟؟؟
الكاملة: باك راه عند حناك منبغيش مرت خوت يوصلها لخبر
سميرة: اممم اصلا هو غيجلس غير نهار
الكاملة: الله يحد لبااااس وصاافي (شافت فيها مخنزرة) داك الجحموم مراهش هنا؟!!
سميرة: زهير؟.
الكاملة: وشكون من غيرو
سميرة: لا غير هو لاه نتي وانوار كتسولو على زهير بزااف واش راه شا
عليه شي حاجة؟!!
الكاملة: باش هاد لمرة نقتلو هو الا ولدي
سميرة: فهمت ولكن لاااه؟!!!
الكاملة: مكاين بو ولكن سيري بدااو تجمعو الدنيا
سميرة: واخ (وقفت وخرجت عارفة غتعرف سوا دابا ولا غدا مشات علمات جيهان ونزهة وبداو كيجمعو الدنيا اما لكبيير كان جالس مع الحاجة للي عيات تهضر معاه فموضوع الكاملة وهو مكيجاوبش وفبااي شنو غيدير…)
~~~~~~~~
أمال: (رجعت سمعاتو كيعيط عليها ياله بغات ضوور)
زهير: أمل (رجعت شافت كان زهير جايب ليها كانيط بلباي ديالو وحتى هز جايب ليه دار يدو تحت ظهرها) مليح؟!!
أمال: امم (حركت رأسها باه ضارت تشوف بلاصة ديال الصوت للي سمعت ملقاات والو اصلا كان بحال شي جرف ضاارت لزهير للي تمشااا وبقات متبعاه كتشرب وتمنظر)
زهير: كاين بحورة كيكونو خاويين فطريق لفنيدق نمشيو لتمااك ودخلي عومي شوية
أمال: ههه انا نعووم!! (هز حاجبو) عرفتي من شحال كنت نحلم غير فوكاش نشوف لبحر كنت نݣول نموت وعمر خوتي يخليوني نخرج من تاوريرت (تنهدت) وخرجت
زهير: خوتك وباك كانو يخاافو عليك عارف ديك العقلية للي كانت شحال دي وهوما تربااو هكاك صعيب لواحد يتبدل بالزربة
أمال: ماشي كانو خايفين علية هوما كبرو المرا تكون مقموعة معندها صوت معندها ري
زهير: حتى حاجة مكلݣاوها كبغينا أمل ولكن كتكون واحد الحاجة زينة (قرسها من جنبها) حنا كنختارو للي يكمل معانا طريݣ (تبسمت) عند زهر
أمال: علاه؟!
زهير: حيت لݣاااك ربي بية
أمال: ههه نتا للي عندك زهير
زهير: واه من دوك جوج حبوبات للي لݣيت نهار لعرس عندي زهر وانا للي حياتي كاملة طااامع فيدي يعمرو ويشيط لخير
أمال: حمممم
زهير: حنحني ابنتي مزيان
أمال: أحاااي…..
هند: (كانت هي وجدتها كيهضرو فالجردة ديال لفيلا.. تبسمت بلا خاااطر.. جرت يدها باستها) ربي يخليك لية امي لالة
الجدة: متديش على ماماك احبيبتي نتي عارفاااها هاكا دااايرة
هند: (تنهدت) عييت امي لالة شي مرات كنحس براسي عندي لعقل عليها شفتي أمال داكشي للي هاشتوو مع مها انا عشتو مع ماما ولكن بطريقة حضارية زعما ههه
الجدة: نتي بنتي أااانا
هند: (عود باست ليها يدها) ونتي ماماتي اناااا ههه.. عجبوني لحوايج للي جبتي بزاف مخليتيلي منولي نشري
الجدة: باقي داكشي دياالكم
هند: ههه عرفتي امي لالة.. وليد نهار نتزوجو غيفدي لقديم وجديد ههه
الجدة: ههه اوييلي استغفر الله العظيم
هند: ولكن هادشي للي دار معايا معمرني نساااه يدي متيبغيش يشد فيها
الجدة: ولد الناس حبييتو من نهار وريتيهلي (بقاو كيتحدثو ومهاوكطل عليها من لباالكو حتى جاو صحاباتها باش يشوفو الحاجة للي جات من الحج وهند بقات تماك حتى صونا عليها وليد للي كان حدا الدار خرجت عندو كانت لعشية كان باقي بالطموبيل للي كرا)
هند: بيبي
وليد: (سكت الطموبيل وهبط) حناك لداخل
هند: اجي فين ماشي باليزتي فالطموبيل
وليد: واش نديك بلا منݣولوهالها
هند: قلتهالها واصلا الدار عامرة عفااك بلا متمشي نمشيو بحرا نوصلووو
وليد: (مسمعش ليها وتم دااخل لحقت بيه خافت مها تقولو شي كلمة بقات فلباب كتشوف الترحيب لكبير من عند مها معلوم حيت كانو صحباتها علمهم وتم خارج تمشات حداه جاب شانكة ديالها دارها فلكوفر وهي ركبات.. ركب وزادو مع طريق) منين باغية تسافري ݣوليهالي لبارح منبقاوش خدامين غير على لوتورووت
هند: (تبسمت) متتشوفش راسك خاصك شوية ديال الراااحة
وليد: مكرهتش احبيبة ولكن معنديييش الوقت
هند: ها هو عندك يوماين
وليد: مالكي اهند وتݣوليش غتوحشي حناك
هند: مي لالة راه عندي شي حاجة أوليد
وليد: مݣلتش العكس ولكن راكي مولفة تعيشي وحدك بلعكس دابا غتعيشي معايا يعني غيكونو هانيين من جيهتك
هند: معرفت هكا حسيييت
وليد: (مابغاش يزيد يحكر يمكن هدا هو السبب وحيت هو راجل جاه سبب تافه.. بدلو الجو بالموسيقى مبغاوش يعلمو لوخرين حتى يوصلو تماك… قربو يوصلو حبس الطموبيل على جنب ومع كانت ساهية ضارت مفهمت واالو لقاتو كيشوف فيها)
هند: وليد علاش وقفنا؟!!
وليد: (شاف فيها وتبسم) بحال خفتي مني؟!!!
مريم: (كانت كتشوف فداك التيست للي دارت بحرقة كبيييرة حيت محلات مشربت مدارت حلات عشوب بخرت بيهم توضات بيهم عفطت على الحشمة للي فيها وخلاتها تقرب من راجلها مرة وجوج فنهار باش تحمل وفالتالي طلعت ليها شرطة وحدة خبعاتو فوق الماريو لبست بيجامتها طويلة لوات شال عليها ودارت فواطتها وخرجت لشقا اليومي لقات غير علي فالدار)
علي: واش مكاين فطووور
مريم: امم واه نديرو اخويا غير هبط المحال يوجد ونعيط ليك تديه
علي: اليوم الجمعة مكنخدموش وسربي راااسك باش نرجع نجيبهم من لقبور
مريم: (مشات للكوزينة كتكره طريقتو السلطوية للي كيهضر بيها معاها منين مكيكونش محمد.. بقات كتوجد أتاي حتى لقاتو جلس حداها فلكوزينة.. (كانت فاقت معطلة حيت كانت عيانة وحسابلها حاملة داكشي باش رخاو عليها لقاتهم موجدين كسكسو) شافت فيه وشافت فين كان كيشوووف تكرهت) انا نجيب ليك لفطور فلبيت غير سير تفرج
علي: كوزينة دباااك باش راكي طرديني
مريم: مطردتكش انا غير ݣلتلك
علي: ݣادي ݣادي
مريم: (مرتاحتش فمرة اصلا علي غير محبوووب وخصوصا طريقتو المعنفجة فالهضرة مع كووولشي من غير مو الوحيييييييدة للي كيحني ليها الراس وميقدرش يتنهنه قداامها اما حتى باه مكانتش علاقتهم مزيانة وبدليل الورث للي حرمو منو.. حطاتلو صينية فوق الطبلة وتمت خاارجة نيشان مشات لبيتها وسدت عليها حلفت متخرج حتى يجيو واخا فتيحة غتسمعها الهضرة وحتى من محمد مشا لوجدة على قبل المحال….)
~~~~~~~~~~
نعيمة: تلݣاي الخير الحاجة (قطعت وهي متبسمة شافت فسناء) خااااااص نوضو نجمعو الوݣفة حسن ݣال غير تكمل شيماء الامتحانات بغا يدير العرس باش يديها معاه
سناء: على مزيناتها عيييلة اخالتي شيماء ربي طيحها فناس زينييين
نعيمة: واه ابنتي خااصها غير دير عقلها
سناء: راه دارتو اخالتي مبقاتش تهضر ݣااع
نعيمة: علاه ابنتي هداك هو لعقل عندك (تنهدت حاسة بنتها فشكل مبقات تامل ولا تشرب كتقول غير ستريس ديال زواج أكترية فاللول منين مقبلتش..)
~~~~~~~~~~~~
شيماء: (شافت فلمرايا عكر هو التالي مبقاش عندها الخااطر ديرو هزت صااكها وخرجت الحاجة الوحيدة للي دارت باغفااان ديالها لقاتو حدا لباب تبسمت وطلعت الطموبيل دارت الصمطة كان متبعها)
حسن: مريضة اشيماء؟؟؟
شيماء: هم… لا (عاد انتابهات للزي العسكري للي كان لابس فكتافو جوج بوطونات كان زوين بييه) نتا عسكري؟؟
حسن؛ هههه عاد عرفتيها
شيماء: (تبسمت) كانو كيݣولو يوطنو مكنتش فاهماها
حسن: يووطنو هوما هاد جوج خبزات للي فكتافي
شيماء: اممم مزيان
حسن: نمشيو للدار نبدل حوايجي ونخرجوو
شيماء: (بلعت ريقها وعينيها واسعين) للدار؟!!!
حسن: (طلع لدارو بوحدو من بعد مشافها خااافت معجبوش الحال ولكن طمر حيت مزال ممنحقووش ياخد حقوقو منها الاشهار للي كيكمل الزواج مزال وعطا الكلمة لواليديها وخوتها ميكمل زواج حتى تكمل السنة الدراسية ديالها ويدار العرس طلع يدوش ويبدل حوايجو حيت ممنوع يتنقل بالزي العسكري فامامن ترفيهية او مطاااعم او او خارج نطاق الدوام ديالو….)
شيماء: (بقات فالطموبيل وقلبها كيضرب صونات عليها ماماها مجوباتهااااش اصلا مبقااتش كتحاول صونا وليد) وي خويا
وليد: (سمع كلاكصون) خارجة؟؟؟؟
شيماء: واه مع حسن
وليد: اممم مزيان الا خصاتك شي حاجة هزي لفلوس راه فلماريو خليتهم ليك تمااك وحتى لعشا بلا مطيبيه فالدار جيبي شي حاجة معاك من برا
شيماء: (فهماتو) داكشي نيت للي ندير ياله بسلامة (قطعت وبقات غير ساهية كتنهد شحال كظل تقلب فݣووݣل ابسط حاجة خاص تمشي تقلب راااسها ممكن شي معجزة تخليها مزال بنت حيت دارت غير مرة.. شافتو جااي كان لابس تيشورت بولو مع سروال لاطوال وسبرديلة جلس وعطات لبارفان ديالو ماشي شي واحد للي خااايب بلعكس مقبوول ومبشوور فوجهو عندو ميتقاال والد مثقف فرااسو الا ناقشتي معاه تستاافدي وتعمري راسك) بالصحة
حسن: الله يعطيك الصحة واخا كنت بغيتك طلعي تشوفي دارك فين غتسكني
شيماء: (تبسمت حانية راسها مصطانعة الحشمة تفكرت أمال …. أماااال وشنو داز عليها وكيفاش حسات منين كان داير يمشي يخطبها وخطب شيماء بلاصتها داك الاحساس الخااايب.. هزلها راسها بيدو)
حسن: نتي راك مرتي
شيماء: حم كنولف أحسن
حسن: حتى انا بغيتك تولفيني… (زاادو مشاو لمطعم) صراحة مشهي كسكسوو ولكن نتي طلبي لي بغيتي (كالعادة هضرتها قليلة وغير كتنعم مشاو لريسطو قلبها ضرب جات هنا ماشي مرة ماشي جوج بغات تهضر ولكن هدا حسن غيطيرها فسمااا تفكرت محمد للي شحال كانت تنقص وتعفر عليه وتشرط فين تجلس المصااااحبة بعيدة كل البعد على زوااااااج… دخلت وللي جات عينها فعينو هو أشرف للي جالس بوحدو كياكلو كسكسو حست بالخنقة وقلبها كيضرب وتنفسها ماشي طبيعي خااافت منو بزااف هو هز راسو تلقااائي حتى شافها هي حانية راسها هز حواجبوو بجووج تقريبا جلسو اونفااص معاه بقا متبع للي معاها جاالس فخااطرو قشع خاتم فصبعو عاارفها كتمشى مع للي مزوجييين شوية نااض داك لاخر خرج برا وقف أشرف وشيماء شافت فيه داز من حداها)
أشرف: تبعيني لطواليط (بلعت ريقها رجع حسن للي مشا يتأكد واش سد الطموبيل)
شيماء: حم حسن نمشي طواليط
حسن: واخا غير سمو نطلب ليك
شيماء: للي بغيتي
حسن: تاكلي كسكسووو
شيماء: وااخ (خلاتلو الصاك حداه باش تبعو فيه التيليفون ولكن للي جايبلو ومشات للحمام كان أشرف كيتسناااها شافت فيه) شنو؟!
أشرف: واش تق**** للي فيك مكيساليييش
شيماء: (خرجت عينها) هداك راجلي رااااااجلي
أشرف: (خرج عينو) رااجلك؟!! واش هبييلة
شيماء: (طرطقت كتبكي) بسبااابكم بسبااك غنتشوه ولا غنتقتل
أشرف: (مخرج عينو مصدوووم) وتنوضي تجوجي؟!!!!!؟؟؟؟ ولا معاودالو ولا واااشتا؟!!!!!
شيماء: (هربت دخلت لطواليط حيت شافت خيال جااي بقا فبلاصتو حتى رجع جلس فبلاصتو وهاد المرة رااد لبال حتى جات هي وجلست بكل هدووووء وهو غير حاضيهم…)
هند: نو مخفتش علاش نخاااف ههه
وليد: مثلا مثلا نتعدى علييك
هند: ههه عفاك تعدى علية أولييييد الا كنت عزييييزة عندك تعدى علية
وليد: ههه بااااز الالة راكي تجبدييني
هند: (قاستو فجنبها وهو يتهز) ويلي تتهر؟! ههههه
وليد: (خرج عينو) هييييييييييند
هند: (عاود قاستو تماااك وبعد) ههههه ويينووو على بيبي
وليد: ندمتيني علاه وݣفت
هند: (بدلع) وعلاه وقفت
وليد: معقلتش (ديمارا بغات وقيسو وصار مخرج عينو ولكن فعينيها ديما كيووووت حتى طلق التبسيمة) وصاااافي
هند: هههه والله تنكون فرحانة غير معاك.. (تكاات فلكرسي وضارت كتشوف فيييه) جبت باش تعووم؟؟
وليد: شورط قاضي الغرااض
هند: اممم نتوما رجال كولشي عندكم سااااهل
وليد: حتى حاجة مساااهلة اهنوودة
هند: علاش؟؟
وليد: غير ݣلت
هند: انا هضرت زعما مثلا تجيو خارجين ساهلة عندكم تلبسوا للي كان الا تقاديتوو غديرو جيل وباغفااان وتمو خارجين اما حنا الا بغينا نخرجو خاص اولا تكون النية
وليد: هههه کاااع
هند: ويييي مكيناش شي حاجة على غفلة غير الا كانت شي حاجة للي urgent
وليد: امممم وسمو اخر
هند: والو غير تنعلمك على تيساااع وصافي
وليد: ااااه ههههه ݣولي داكشي لية انا احبيبة من دابا نݣولها نو مكياج نو تقزاب نو خروج ودخول.. كولشي ب
لعقل ازين ديالي
هند: اوا والخدمة
وليد: مكاين خدمة
هند: (خرجت عينها) شنااااااااا هووواااا
وليد: بحاالا كتشرملي علية
هند: دابا تتهضر بالصح؟!!!
وليد: (شاف فيها وهز حاجبو) دابا الا طلبتك متخدمييش مغتبغيش؟!!
هند: (غوبشت وربعت يدها)
وليد: (تبسم) هييييند (لا رد) واااااا هند (شاف فيها نافخة حنومها) هند
هند: شنو
وليد: أنݣوووولك حاجة.. خدمتك على عيني وعلى راسي وانا عاجبني الحال تكون مرتي حبيبتي فرملية (شافت فيه وتبسمت) نكمل خدمتي ونجي نديك بطابليتك لبيضة ونغني عليك “”…مولااات الطابلية الهضرة عليك الخارجة بشوية… مولات الطابلة طبيبة نتي ولا فرملية”””
هند: هههه فرملية
وليد: ههه دفعتي لشي مصحات؟!
هند: اممم مزال حتى رجع هاد السيمانة
وليد: تزيدي تصبري علية احبيبة وغنفتح ليك عيادة ديالك بداااي بوحدة صغيرة على متݣاد الأمور وربي يفتحها علينا وديك الساااع نشوفو سمو نديرو
هند: (تبسمت فرحانة) ربي يخليك لية أوليد
وليد: (تبسم.. بقاو كيهضرو فالخدمة حتى كانو وصلو لطنجة.. صونا على زهير ابيل داير مكبر الصوت) افين ابا زهير
زهير: هانا ابيبي
هند: ههههه
وليد: هنيينا ابنااادم
زهير: ههه راكم بجووج عنداااكم تخليونا وحدنا انا ومدامتي
وليد: بلا عيااقة اصاحبي فين رالكم
زهير: فالمنار ولكن دابا خرجنا
وليد: صافي على منبدلو حوايجنا ولحݣو عليكم (سمع طيط طيط قطع عليه) ياله من لبارح وهو فارعلي راسي رواح متروااح ودابا كيتجبد
هند: هههه تيقتلني بالظحك زهير
وليد: (تبسم) علاااااااااام…
شيماء: (مقادااش تامل غير كتنقب المعلقة كما كتديها لفمها كترجعها للطبسيل هزت عينها شافت فاشرف للي كيشوف فيها متيقهاش تزوجت ولكن علاش غتكذب تفكر عاد ماشي بزااف حصلها كترغب فولد عمها للي كانت مصااحبة معاه يتزوج بيها ويدرها مرا التانية دااااخ براسو مبقاش قاااد يااكل مكرهش يضرب راسو بفردي خااوي الراس يفقدو الذااااكرة على داكشي للي دار فيها شاف فراجلها الجلسة للي داير كياكل مكيهضرش يعني انسان بعقلو ومعقوول وهي حداه بحال شي جماااد شكون يقول هادي هي شيماء وعاد بان فوجهها الضعف وحوايجها مستورين.. بقا تماااك حتى شافو كيهضر معاها)
حسن: شيماء مكليتيش
شيماء: لا لا ملين غي حيتاش عاد فطرت داكشي علاش
حسن: اممم واخا الا بغيتي شي حاجة اخرى طلبيها
شيماء: لا والله كليت.. شكرا
حسن: (تبسم.. دار إشارة لسربااي جا خلصو ووقفو حتى أشرف خلص ووقف خرج معاهم كاي انسان مكيعرفهمش) منين مبغيتيش تمشي للدار مع راجلك شنو نديرو هاد لعشية
شيماء: معرفت
أشرف: (واقف حداها كيخرب فتيليفونو داير ممسوقش)
حسن: انا ݣلت ياله تمشي للدار تشوفي سمو ناقص فيها باش نبداو نتقدااو لحوايج وشحال من حاجة حيت ماشي ديما كيكون عندي الوقت خااوي راكي عارفة خدمتي وقتي ساعة يعيطولي فالأكديمية ولا القشلة (أشرف هز راسو عرفو فيكون من الصمطة)
شيماء: عفاااك منمشيوش
حسن: (شد فذراعها مبعدها وقف حدا طموبيلتو) نتي راك مرتي وأصلا انا مباغي ندير معاك وااالو اشيماء تيقي فية
شيماء: (بلعت ريقها خايفة وبقات كتشوف فيه)
حسن: نهضر مع خوك نݣولهالو
شيماء: لا لا كنحشم منو
حسن: وسمو اشيماء ندير باش تيقي فية
شيماء: (تنهدت) نمشي للدار اصلا حاسة براسي عياااانة
حسن: اوكي نمشي معاك حتى تماك متعرضيش علية
شيماء: (حنات راسها مبقا متقولو ركبت شافت قدامها كان أشرف متكي حدا لباب مخنزر ركب حسن وديمارا نيشان لدار خوها…)
أشرف: (معرف شنو يدير ندم على نهار للي بغا يربيييها) واش هي بنتي ولا ختي ولا اش كتجي لجدك باش تبعها تربيييها (تكره وفباالو حاجة وحدة ماشي هي للي غتشوه قد مغيتشوه عائلتها للي ميستاهلوووش…)
~~~~~~~~~
زهير: (كانو كلاو زعزع خداالها ݣلاص كتاكلو بمعلقة صغييرة فرحااانة وهو ماشي حداها) حبيبة بغيتي شي حاجة اخرى
أمال: (حركت راسها بلا فرحاانة)
زهير: شوفي لجاع تكوني توحمي
أمال: ههه انا عاد ݣطعت لكينة ونحمل
زهير: (تقلبت ملامح وجهو) وفرحااانة
أمال: (جمعت الظحكة) وراه خاصك تعرف علاش شربت لكينة
زهير: علاه شربتي لكينة الفقيه؟
أمال: حم باش فنهار عرسنا متجينيش هاديك
زهير: (صغر عينو فيها) غير للي يدير مك فربع خبز وياااكلك
أمال: هههه (بقات كتاااكل وقفو حدا بنكة علمها تسناه ومشا يجبد فلوووس.. وقف حداها وااحد شافت فيه وطرطقت عينها…)
شيماء: (فتحت لباب وحلاتو دخلت وحسن دخل من موراااها دخلت لبيت فين كتنعس للي كان مرون فتحت السرجم بيهوااا حتى لقات أشرف واقف حدا طموبيلتو.. تصدمت واش تبعها ولا شنو؟!!!)
حسن: شيماء!!!
شيماء: (خلعها نسات راه معاها فالدار ضارت متبسمة) حم موحد ليك أتاي؟!!
حسن: مكرهتش نشرب كويس من يديك
شيماء؛ واخا انا جاااية (مشات للكوزينة كتقاد فاتاي حتى وقف حداها كيضور عينو فالدار)
حسن: فوقاش عندك الامتحانات؟!!!
شيماء: شي 2 سيمانات
حسن: كتبريباري ولا جيت انا فدقيقة 90 وخرجت عليك ههه
شيماء: هه لا انا غنبدا نوجد من الليلة
حسن: هاد الليلة؟!!
شيماء: واه
حسن: اممم مصرة متبقايش معايا
شيماء: حم حسن عفاااك
حسن: (قرباها جارها عندو دار يدو فوق راسها باغي يرجر الشال وهي توقفو) شيماااااااااء
شيماء: (حيدت يدها وهو حايد الشال كانت جامعة شعرها بكش عشوااائي مخبل شوية ولكيراتين بدا يهرب ليها ولكن شعرها كان مزياان)
حسن: كتبااني زويييينة بلا شال (تبسمت ابتسامة صفراااا للي كيترجمها حشمة) الا بقيتي كتطلقي معايا مغتبقاش الحشمة
شيماء؛ (سمعت الغلاي كيصفر عطاتو بظهر وبقات كتعمر اتاي.. كان وليد جاب ليها تقدية خفيفة غسلات نعناع ودارتو فلبريق)
حسن: علاش مديراش الخاتم؟؟
شيماء: هم غير خفتو يطيح
حسن: الا طاح نشري ليك واحد اخر غير ديريييه متبقايش تحايديه
شيماء: واخ (مشات كتحط باسطا وشي حلوة جابوها معاهم من للي عطاتهم هند جابت طباسل وهو لحق بصينية صغيرة فيها 4 كيسان… بقاو كيهضرو وخي ممرتااحش من تقربوا ليها وكيفاش كيقيس يدها ومرة يحط يدو فوق فخضها حتى بعدت من حدااه) صاااافي
حسن: (شاف فيها) سمو صافي؟!!!
شيماء: عفاك متقيسنيييش
حسن: (حس بالاهانة وقف هز سوارتو مزادش معاها الهضرة وقف حدا لباب وضار معاجبووش الحاال) هادشي معاجبنيييش (فتح لباب وخرج بقا واقف شحال حدا لباب ركب فطموبيلتو وزااد كان أشرف مزال تمااك اما شيماء رداتها غير على عينيييها وهدا غير الشونتيووووو…)
~~~~~~~~~~~~
أمال: (تصدمت وبقات كتشوف اه غتعقل عليييه شافت فجهة زهير عاطيها بظهر)
طاريق: تعقلي علية
أمال: واه
طاريق: شنو درتي داك نهار بقااا بالي معاك بزاااف
زهير: (جاي جيهتهم ولقط اخر 3 كلمات)
أمال: زهير
طاريق: (ضار شاف فيه كان مخنزر) سلام عليكم
زهير: كمل بقا بالك معااها….
مريم: (سمعت فتيحة جات.. دارت شالها عليها وخرجت)
فتيحة: (جاية مسخسخة حيدت درتها حطاتها فوق السداري) الله يا سيدي ربي وكان غير دار علاه يترحم
نعيمة: اعوذ بالله افتيحة
فتيحة: وكذبت شتي ديك لمطيرة ككانت تفقس فية (هزت كفوفها لسما) يااااا ربي يااا ربي لهلا يتمم ليها داك لحمل شي موتة ليها ولييه
نعيمة: (هزت يدها) لا حولة (تمت ضايرة ماااشية فحالها.. ورجع تفكيرها غير فعرس بنتها..) مريم واااا مريم
مريم: نعام اخالتي
فتيحة: امدرا درتي ديك لخصااارة
مريم: (حنات راسها) اممم
فتيحة: بااااينة الفرحة من وجه الطراااح
مريم: (بقات غير وااقفة وحابسة البكية كتسمع لفتيحة) واخا خالتي
فتيحة: ولدي كل صباح صااابح مدوش لاااه محملتيش كيف نسا لاااااه؟!!!
مريم: معرفتش اخالتي
فتيحة: وسمو عاااارفة ياك نهار اللول ݣلت لك هزي من لييلتك
مريم: راه محمد للي مبغااش
فتيحة: انا الي نعرف ماشي هو شوفي كيف يدير لولاد ديك الجحمووومة ولدي يبغي لولاد
مريم: (طرطقت كتبكي) واش انا كرهت اخالتي
فتيحة: هادشي فاش حادݣة غير طيحي علية دوك دموووع سمعي ابنت ختي انا ولادي كولهم كوووم ومحمد وحدو وبقيت صااابرة غير باش نشوووف ولادو
مريم: ياك اخالتي هادي هي عزييييزة عندك
فتيحة: عندي عزيييييييزة ونفضلك على كولشي ولكن ابنتي ولدي من حقو يشووف راسو يولد ولادو ياك هادشي كلاااامك عمك منين مرتاحش معايا مشا تجوج كريمة وݣلتووو ما فيها عيييب
مريم: (كانت ڤري کالتها) انا نمشي نسݣي طعاام
فتيحة: إوا سيري ابنتي (ناضت لبيتها بدلت حوايجها وخرجت لقات علي جا من الجاامع) ولييدي (باسلها يدها) الله يرضي عليك
علي: مكان طعام؟؟!
فتيحة: ها هي مرت خوك تحط
علي: كيبانلي نوض نتجوج امي
فتيحة: بلفرحات اوليدي
علي: اوا ݣلبي على شي وحدة ولكن تكون زيينة
فتيحة: هههه جااتك اوليدي
علي: ونجي نسكن هنا؟؟
فتيحة: (باستغرااب) وعلاه فين تسكن؟!!!
علي: وااا معرفت با الله يسمح ليه ݣلع لينا كولشي وعطاه لولدك
فتيحة: ولاه داكشي للي شاف عليك ݣليييل
علي: عقل صغر
فتيحة: اوا لا نتا لا (سكتت منين مريم جابت الکصعة حطاتها وتمت ماشية) جلسي تاكلي؟؟
مريم: مݣديتش اخالتي
فتيحة: (بأمر) جلسيييييي.. (جلست مريم حانية راسها ممرتاحااش) ابنت ختي الا هضرت معاك راه هضرت على مصلاحتك ولمرا بلا ولاد بحال الخيمة بلا وتاااد انا بغييتك دووکي وتاادك مع ولدي وتفرحيينا معااكم
مريم: حم ان شاء الله اخالتي
فتيحة: اوا كولي ابنتي كولي راني خاالتك نغوت عليك ونسمع هضووور ومنخلي للي يقلل منك والا هضرت راه غي حيت دايراااك بنتي
علي: سمو واقع
فتيحة: والو اولدي كوول… (بقاو كياكلو ومريم غير كتنقب وصافي باش متحكرش عليها فتيحة…)
زهير: كمل بقا باااك معاهااا واشتاا يااااخر؟!
طريق: (شاف فأمال وشاف فزهير) سلام
زهير: دخل معايا نيشان منين تعرفها باش تݣوول بقا بالي معاك
طريق: (شاف فلخااتم فيدو) واش نتا راجلها
زهير: (معصب) بااها يانا
أمال: (بخوف) زهير هدا داك لبوليسي
زهير: (شاف فيها مخرج عينو) مشرفين
طريق: سمع انا كنت عرفتها ف
زهير: عرفتيها! زيد فين عرفتييها
أمال: زهيييير راه عاوني داك نهار فطنجة فاش هربت
زهير: لا نتي عاودي قصة حيااتك حسن
طريق: مكنتش عارفك هربااانة
زهير: (نفخ صدرو وااقف حدااه) هضر معايا اشريف انا.. عاونتيها شوووكرا شي حاجة اخرى دير راسك متعرفهااااش ماشي تجي توݣف عليها
طريق: سمع اخويا انا وقفت عليها حيت حسابلي بووحدها مكنتش عارفها مزوجة وهاربة منك (أمال طرطقت عينها شدت زهير من يدو كتجر)
أمال: اخويا انا مكنتش هربانة من راجلي كنت هاربة من ماما
زهير: (ضار مخنزر) واشتا تسكتينا ولا ننن..
طريق: مهم انا غير بغيت نعرف شنو وقعلها من داك نهار حيت شفتها كيف كانت وعاد خليتها فلكوميساريا وكنت
زهير: واااا شريف مرتي ها هي مزيااانة بلا متجي تخبر علية درتي خييير الله يربحك
أمال: (معرفت كتقول من غير غير كتشوف حيت هضرت غير كتزيد تكفسها)
زهير: (شد فذراع أمال) ياله (ضار لعندو) اااخر مرة توݣفها فشي قنت ومرة أخرى شفتيها دير رااسك متعرفعاااش (طلعو وهبطو) ݣالك بقا بالو معاها.. جيتيني دااير عقلي وكان (تم ماشي وجارها معاه ولاخر بقا غير كيشوووف مقوس عينو فييهم وفيها…..)
أمال: زهير.. وا زهير راك عدمتيني فيدي
زهير: (طلق منها كيهضر مكيشوفش فيها) متعرفيش يوݣف عليك تݣوولو متهضرش معايا
أمال: هو ياله بدا كيهضر نتا جيتي
زهير: ياكما ݣطعتها عليك
أمال: لا
زهير: لا غير شوفي وكان
أمال: تأ وااا زهير والسيد غير دار معايا داك نهار الخير
زهير: جوج كلمات تسكتي ولا متسكتيش؟؟ (نفخت حنوكها وشاف قداامها بقاو كيتمشااو حتى وصلو لصور لمݣازين بقا كيشوف فالبحر ومارينا ديال طنجة وهي كتسنااه يرغبها.. دازت شي ربع ساعة شافها لقاتها جلسااات) ياله نمشيو لشي قنت
أمال: لا
زهير: لا؟! تبقاي هنا؟!
أمال: نبقى حتى يجي ولد عمي هو يديني
زهير: ولدك عمك؟!! ومال ولد عمك هو للي جابك هنا ويحوس بيييك
أمال: نتا غير كتغوت علية
زهير: ولد عمك امل؟!
أمال: وعاود تقلق حتى فهادي انا اصلا للي ݣلتو مكيعجبكش ماشي غير نتا حتى واحد فهاد الدنيا مكيخليني نهضر غير سكتي سكتي سكتي فوكاش انا نهضر واخا منكونش نݣول هضرة زينة غير سمع وفهمني بشوي
زهير: (كيشوف فيها جاه ميساج هزو بالزربة صيفطلو لوكاليزاسيون)
أمال: سكتي أمل مديريش أمل نتي مكتفهميش نتي مكلخة واااااه بزااف والله شي نهار حتى نطج
زهير: تعاودي تحلفي نعلݣ مك
أمال: علݣني ولا علݣها دير للي بغيت…
دعاء: علاش احبيبو مبغيتيش نجلسو هنا.. الجو غزاااااال
أنوار: حبيبة متنسايش جيت على حساب با نشوفوووه غدا وديك الساعة ندي لحبيبتي فينما بغاات
دعاء: اممم اوكي
أنوار: ولكن قبل ستري روووحك
دعاء: مفهمتش
أنوار: (شاف ففخاضها) باغية تمشي تشوفي فاميلتي هاك؟!!!
دعاء: نوووو انا شريت جلابة
أنوار: ديري حتى شي حاجة على شعرك
دعاء: اممم وااخ (تبسم معاها وضاار كيشوف فطريق منين قشع زهير وقلبو كيضرب مشافش أمال معاه حيت حدو شافو مبقاش قاد يزيييد تممماك دقيقة… ندم ݣاع علاش سرقووو مخليه غيبوول على سرواااالو..) حبيبتي الا عييت ندخلو لشي سااحة استراحة
دعاء: واخا حبيبي….
~~~~~~~~~~~
وليد: (منين صيفطلو زهير لوكاليزاسيون كان قريب منهم قلب غير فين يباركي الطموبيل تمو جايين هو وهند) فييين
زهير: بلاتي ابن عمي بنت عمك راهي تسخسخ فية
هند: هههه واايلي
أمال: (سكتت معصبها جات عندها هند كتسلم عليها وجلست حداها)
زهير: أمل انا معجبنيش الحال يجي عندك (لا رد) هضري معا صاحبتك اختي هند
وليد: (جرو وزهير عاودلو كولشي ولكن بطريقتو) لا سمحلي اخاي زهير نتا للي غااالط السيد بالصح دار معاها لمزيااان وعادي يوقف يهضر معاها ويسول فيها عاد نتا تݣولو شكرا وكان ماشي هو كنتي تلݣاها فطنجة
زهير: لݣاها نفني حياتي هنا ونلݣااها
وليد: خلينا من هاد الهضرة اصاحبي وتحكم فغييرتك شوية نتا عارف أمال تقيييلة ماشي شي وحدة للي خفيفة
زهير: (شاف فيها) لهلا يوريك شحال سخسخات جدي بلهضوور
وليد: ههه من حقها (شاف فالجنة كان مزموت شوية) عرفتي مكرهتش شي عوومة
زهير: ياله نمشيو حتى انا باغي نغطس كاين مووضع مكيوصلوش فيه بزااف (مشاو أمال مكتشوفش فيه ركبت معاه وحتى لوخرين ركبو.. بقا معاها يسايس ويدلع حتى تطلقت معاااه)
أمال: وصافي صافي ازهيير هههه
زهير: (كيهرها من فوق ركبتها.. صااݣ ومن تمااك شدوووها لمنار هبطت لبحر ولكن بعدو شوية دخلو كيعوومو وأمال جالسة هي وهند للي لابسة كسيييوة كيهضرو وعاطيينها للظحك.. خرج وليد وجلس من موراهم فالرملة وزهير مزال لدااخل خرج دخل أمال ووليد مشا جلس فبلاصة ديال هند للي كانت كتحك فعنقها)
وليد: مالكي؟؟
هند: ديك التيكية للي تتكون فلحوايج.. (شافت فيه) متزولهاليش؟؟
وليد: ماااامممم
هند: وعفااك راه كلاتني
وليد: (وقف ماشي من موراها كيشوف قلبت لكسوة وهو يقشع طاطواج على شكل 3 ديال طيوور كبير متوسط صغير خرج عينو) واش دايرة طاطواااج
هند: هممم (عاد طلعت معاها) اه
وليد: بنيتك؟!!
مريم: الو محمد (حست براسها بغات تبكي) لباس عليك
محمد: لباس احبيبة ونتي بيخير؟
مريم: (بحزن) الحمد الله درت التيست هاد نهار (بتنهيدة) مطلعوش جوج شراطي
محمد: هههه غتحمقيني اديك لبنت انا مبغيت ولاد امريم انا مزال باغي نعيش معاك نسافرو نوسعو لمشروع وديك الساااع الا نديرو لبز
مريم: (تبسمت) بالصح؟!!
محمد: واا غير نتي باغيا تشرفينا ݣبل الوقت وصاافي
مريم: (كترتاح شوية منين كتهضر معاه) سمو راك دير دابا؟!!
محمد: (تكسل) واالو ݣاديت شي حاجة فالمحال ومساليش بكري راك شفتي ݣاع معيطت
مريم: معليش… كليت شي حاجة؟!
محمد: وااه
مريم: فوكاش ترجع؟؟
محمد: هي توحشتيني
مريم: هههه ضرووري
محمد: تبغيني نجي
مريم: (بلا متحس) نجي يانا؟!!!
محمد: هاي هاي على بنت خالتي بغات تجي وحدها؟
مريم: ههه نجي فلكار
محمد: واش باغية تجي؟
مريم: ها امم لا غير نظحك
محمد: لمرة جاية نجييبك معايا والا عجبااتنا العيشة هنا نتحولو هنا ولا حتى هاد المرة تݣوليلي لا
مريم: (بالزربة) لا لا منݣوولش
محمد: هههه اوا دابا تفااهمنا.. ليلى مزال مجات؟
مريم: (تنهدت) مزال.. توحشتها والله
محمد: ههه تواالفتوو انا توحشت لبنات
مريم: (بحزن) نتا كتبغي لولاد
محمد: عاد مولييت ولكن مزال مبغبت يكونو عندي ولاد باش بلا متحسسي
مريم: (تبسمت بلا خاطر) مزيان
محمد: راكي فبيتك؟؟؟
مريم: واه
محمد: متݣوليش غتنعسي دابا؟؟
مريم: لا مزال نطلع حدا خالتي نعيمة راها توجد على حساب عرس شيماء
محمد: (زفر تفكر مشكل ديال شيماء وهي هاد الزفرة ساافر بالها بعييد) اممم مزيان
مريم: واش بقا فيك الحال هي تجوج
محمد: كفاش؟!
مريم: لا لا واالو
محمد: واش بعقلك لاه يبقى فية الحال
مريم: صافي مݣلت والو امحمد
محمد: لا ݣلتي نتي مزال مبغيتي ديري عقلك شيماء راها كانت مليوخة حدااايا ومفكرتش حتى فيها اعساااك داابا عرفتي امريم سمو راكي تخرجي من فمك
مريم: والله مقصدت شي حاجة
محمد: واش هادشي عاد فيه قصدت مقصدت هاد الموضوع هضرنا فيه ألف مرة ݣلت ليك راه مكاين واالو منو ونتي كل مرة جابدااااهلي (ياله بغا يقطع عليها ورجع لودنو عارفها حساااسة وزادها حتى موضوع لحمل) مريم الله يرضي عليك نساااااي هاد الموضوع شيماااء واخا نكون حتى متجوجتكش نتي مكنتش نتجوجها
مريم: (تبسمت)
محمد: ياله نوضي سيري حدا مرت عمي منين تكملي نصوني عليك ونساااي عليك تخربيييق
مريم: وااخ
محمد: ياله بسلامة
مريم: كنبغيييك
محمد: ههه هبييلة…
وليد: واش بنيتك اهند (ضارت شافت فيه) طاااطوااج؟؟؟؟
هند: (حطت يدها على طاطو) ماااممم من شحال هادي
وليد: عرفتو من شحال دي بغيت نعرف غير علاه درتيه؟!!
هند: (معرفت متقول الطاطو عندها قديم شي كتر من 5 سنين)
وليد: علاه محيدتيييهش
هند: متتيتحيدش
وليد: (هنا صعر ووقف) غتحيدييييه ابربي لا بقا فلحمك
هند: متغوتش اوليييد تكااالما
وليد: ممكالميييش الآلة كفاااش مكيتحيدش ياكما حسااابلك قاااري تحت حجرة باش تݣوولي مكيتحيدش
هند: راه لحم كيتشوه الا تحاايد
وليد: ودابا لحمك ممشوهش بداك زبل للي داايرة
هند: وليييد عرف شنو تتقول كفاش مشوه
وليد: كيف سمعتييها مشوه الطاااطو عندي انا كيشوه لحم ومعنديييش نيقاش فهاد تخربيييق ونزيييد نصدمك الآلة (خرج عينو كيحرك يدو) لوشاااام حرااااام
هند: (بقات كتشوف فيه)
وليد: وااقلة مقرياش فالدين
هند: قاارية وعارفة
وليد: لا بااااينة غير من داك لوشااام شحال ونتي داايرااه
هند: فاش غيفيد نقوولك
وليد: لا هضري فوكاش درتيه شحال كان فعمرك
هند: (زفرت) منين كانت عندي 22 عام ولا 23 كنت مزال صغييرة
وليد: 22 عام راااك باااالغة وعارفة للي عليك وللي عندك ماشي صغييرة صغيرة هي 15 عام نتي كنتي طاااايشة
هند: وليييد متغلطش فية
وليد: نغلط مراكيش راسمة بطابااشير باش نسكت وندير فيها نعيييييوة
هند: (سكتت قالبة وجهها لبحر فين كان زهير دخل أمال لبحر)
وليد: شوفي فية وانا نهضر معاك من غدا غتشدي رونديفو باش يتحااايد
هند: (غووبشت وشافت فيه) لا لحمي غيتشوه
وليد: اصلا لحمك غيتستر ومغنشوفو غير انا وانا عاجباني هكااك مشوهة
هند: لا
وليد: (زادت صعرااتو) كفاش لا والله حتى تحااايديييه غتولي مرااتي وعندي حق عليك نبهك على أي حاجة خاارجة طريق
هند: رديتني خاارجة طريق اوليد؟؟
وليد: (هز حواجبو بجوج مطرطق عينو بحال مغزف عليها) غيتحيديه هي غتحيديييييه بغيتي ولا كرهتي بربي لا بقاااا داك تخرمييييز فظهرك
هند: (حست بالاستفزااز كانت نسااات قضية هاد لوشااام والمشكل كانت كتقول غيأتيريييه ويعجبو الحاال.. شافت فيه) مغنتفاهموووش ونتا معصب هاكا
وليد: هادشي مفيييهش مفاااهمة كاين ك ل وكاين بيض مكاينش ݣري غتحاايدييه وسداااام مدااام…
أمال: (من بعد مشربت شي 5 لتر ديال ماء دلبحر) صاافي مبغييتش نتعلم
زهير: هههه صبري شوية
أمال: (بغات تبكي عينيها كيحرقووها زميلها كيسيل) عفااك مبغييتش نتعلم غير ياله نخرجووو
زهير: واايلي امول جينا حتى لهنا والدنيا خااوية ونخرجوو هكااك
أمال: (خرجت عينها) أحاااااي باغي دير لكلام هنا؟!!
زهير: هههه (تكرشخ بالظحك من كلاااامها) ههه مفكرتش فيها صراااااحة ولكن عجبني تفكيييرك ههه
أمال: حم ولاه شنو باغي دير
زهير: تعوومي ابنتي تعوومي ههه من نهار تجوجتي ابنتي ونتي عقلك فزرق
أمال: شنو هاد زرق
زهير: واالو اجي ترخااي معايا
أمال: ااااا هاكا كتبدااها معايا (كتعيبو) غيييير ترخااي معايا مندير واالو
زهير: هههه يهديك الله ابنتي راني باغي نعلمك تعووومي
أمال: (مسحت نيفها) وووو متخورنييش
زهير: هااا لبساالات دابا انا نخور مرتي (شافت فيه ديك الشوفة ديال بنيتك قربت حداااه وهزها) هانتي ترخاااي ديري بحال ناااعسة (غمضت عينها) غير بحاال ماشي نعسي (حلت عينها) ترخااي مزيان احبيبي ومتزيريييش طلقي يديك بحااال هاكا بقا داير يدو تحت ظهرها تنفسي مزيااان (تبعت كلامو بالحرف) نساااااي كولشي شوفي غير فسمااا وحسي بحال راكي طاااايرة فسمااا ومعندك حتى حاااجة شاااغلاااك فكري غير فية (تبسمت محست قلبت وجهها شااافتوو كان بعيد بشي متر يعني بوووحدها كانت تخلعت بقات تخبط حتى وقفت) علاه وقفتي
أمال: أحاااااي علاه طلݣتني واش بغيتي نموووت
زهير: يهديك الله ابنتي روااحي (عاود قاادها وهاد لمرة مخاافتش بقات هكاك وهو تاابعها عااجبو الحال تستمتع…) داك لبوليسي هو للي عاونك داك نهار؟؟
أمال: اممم
زهير: متبسلش عليك
أمال: (بقات مغمضة عينيها) لا اصلا مسكين كان ݣالي وكان كا ساكن مع دارهم يديني معاه حتى تجيييو وحتى فاش وصلني للكوميسارية لكبيرة وصا علية تماك شي بوليس عرفتي راه بزااف للي خرجووهم بقيت غير انا وااحد لمرا تاالفة مسكييينة
زهير: اممم منين يوݣف عليك شي حد أمل باش منعصبش عليك ݣولو انا مع راااجلي سولو هو
أمال: واااخ
زهير: متعاوديش تهضري مع شي حد متعرفيهش
أمال: واااخ
زهير: متعاود
أمال: زهيييير خليني عااجبني الحاال صافي منعاود نهضر مع حد للي هضر معايا نتيري فيه عطيني غير شي فردي وكون هاني (رجعت غمضت عينيها وهو مقوس عينو فيها…)
محمد: (من بعد خصومات عليه شيماء مرة وجوج وتلاتة) سمو اشيماااا سمووو
شيماء: (كتبكي) عنداك امحمد تݣوولها لشي واااحد
محمد: (زفر) اش نݣول واش نهضر واش خليتي فيها ميتݣاال ابنت عمي عائلة ݣد لخصااارة مرمدتي بوجهها فالغييس
شيماء: هء هء ظحكوو علية امحمد
محمد: نتي ابنت عمي للي تغرييتي بالدنيا وطلعتي لفوووووݣ حتى هانتي شووفي حالتك والله مراكي تهميني نتي للي بقا فيا هو خوتك باك مك سمووو يديررو
شيماء: (كتمسح دموعها) انا غنقاد كولشي غير نتا متفرشنيش عفااك
محمد: مدخلينيش فهاد تبرهييش دياالك اشيماااا
شيماء: والله ممدخلاك عفااك غير واعدني متݣوولها لحد (سمعت طيط طيط طيط عرفاتو قطع.. بقات كتبكي حتى مبقاالها جهد… ناضت للكوزينة كبت أتاي وبقات كتشرب وندوز بخبيز حاافي غير باش تبقى واقفة على رجليها وكتفكر غير فردة فعل حسن منين خرج طالعاو الدم غي حيت مخلاتوش يقييسها)
~~~~~~~~~~
زهير: (بقا غير حاضيها مخلاتلو شنو يقول ولا شنو يفتي بقا كيشوووف فيها هي بنت متقلة ومرزنة بزااااف مستحيييييييييييل شي نهار عقلها يقولها خفاااافي.. بقا كيرش عليها لما وهي كظحك حتى خشاالها وجججها تحت لمااا فين وقفت كتفاافااا وكتكح) هههه دغيا تشربي فلما
أمال: كح كح كح زهييير كحح لما ماالح
زهير: نردو لييك حلو
أمال: (دارت يدها فجناابها) وكيف ديرلو
زهير: (شاف فيها وتبسم ابتسامة شريييرة خلاها تنوااا ولكن مفهمتش قصدووو مزيان)
أمال: صافي مبغييتش نعرف
زهير: شووفي وكااان رااه حلو
أمال: (عاارفة شي حاجة داااخل فيها🍌 ولكن شنو!!) لا لا معرفت ومبغيتش نعرف
زهير: (كيهز لما بيدو وخويه على ذرااعو) للي بااانلك أموول
أمال: (فبالها حتى تسول هند باش ماشي ديما تبان غبية ومكتفهمش رجعت نعساات فوق لما عاجبها الحال هو دخل كيعوووم وهي قلبت وجهها كتشوف الغروب متأملة وفرحاااااانة حاااسة براسها عايشة اجمل لحظات حيااتها وهاد اللحظات ميتعوضووش بكنووز الدنيا حط يدو على خصرها ووقفها بشوية)
زهير: مشينا احبيبة؟!!!
أمال: (تبسمت) شكرا بزااااف ازهير
زهير: (تبسم فرحتها وصلات وقاااست قلبو) كولشي ديالك اکليييع ݣلبي غير هو هاد شكرا واش كتشوفي ماشي ناااقصة
أمال: (كتفرنس) وشنو نݣوولك
زهير: دوي معنديش فيه بزااف بغيتك نمشيو لشوومبر وديري هاد نعسة ديال لميت وخليني يانا ندير مبغيت بلا اخ بلا اي ولا غير ݣوليهم حيد غير ديك (كيعيبها) حشومة عليك واش مكتحنش فية (ظحكت) كنتكرفس عليك يا جدك رااه غير كنكون نبين ليك شحال نبغيييك
أمال: ههه (زادت قداااامو وكيبقا يعكلها طيح وترجع توقف يعكلها وتعاود طيح حتى وصلو لبراا كانو وليد وهند بعاد عليهم… شافت لكسوة لسقات عليها وحتى هو خارج وكيتمنظر فيها)
زهير: خليها تنشف شوية عاد نتحركو لعندهم (عنقها بيد فوق كتافهو وهي دارها يدها من مور ظهرو وبقاو كيتمشااو بشوية وفنفس الوقت كيهضرو وحاضيين الغروب…)
أنوار: (وصل لدارهم من برا كولو كيرجف ولكن مصطااانع الهدوء شاف فدعاء للي وقفو فبوتيك بدلات حوايجها خدات جليليبة قصيرة شوية من الطول وحتى لكمام جاية مشيكة مع صنيديلة ديال الطالو ودايرة زييف مبين الفرقة ديال شعرها كوولو.. تبسم معاها) ديري راسك مشفتي ومسمعتي ومتݣولي وااالو
دعاء: ههه خلعتيني بحال داخلين عند ناس تيكرهووك راه واليديك احبيبة هادو
أنوار: بااا ديري راسك مكتسمعيش واشتا يݣوول (هزت كتفها متبسمة.. دخل بالطموبيل كولشي هو هو من غير دار زهير للي قشطع مبدلة سبااغة ديال براااا.. بلع ريييقو وتفااحة ادم كطلع وتهبط خرج طالق زفرة ديال الخوووف حتى شاف فمووو للي بانتلو ضعاافت شوية لابسة بيجامة ومع الفواااطة للي مكتحاايدش مقربة وكول ا كتقرقب من ذهولات للي لابسة فاتحة ذراااعها عنقاااتو بحراارة وحتى هو ولكن ماشي نفس درجتها)
الكاملة: توحشتك توحشتك أولييييد مشيتي وخليتي الدنيا كحلة علية
أنوار: (باس يدها) حتى انا امي
الكاملة: كرااك اوليدي علاه مشيييت علاااه (شافت فدعاء للي كتشوف بعويناتها) حم الحمد الله على سلااامك اوليدي بنتي (أنوار حل لباب ديالها) اجي ابنتي (هبطت دعاء كتبسم عنقاااتها الكاملة.. ودعاء كتشوف لبنات للي جايين عاد وحدة هازة بلاطو فيه جوج زلايف حليب وطبسيل تمر.. بقات غير كتبسم وتجااوب بأدب.. مفهمتش كولشي فرحااان ووكلوشي ظاااخك علاش هو كيوصي ويعاااود غيوقعو مشااااكل…)
~~~~~~~~
هند: (بقاو مدة سااكتين) انا نمشي
وليد: فين بالسلامة
هند: لشوومبر دياالي انا فاش عيطت عليك صباااح كنت باغية نبدل الجو ماشي تجي ديرلي هاااكا
وليد: مكنت باغي ندير وااالو ونتي عارفة شحال بااااارك على راسي ومخليد على حريتك اولهم شعووور ولعراااا ودابا منين هضرت على وشااام دايرة فيها الصحية وماعرفت سمو ݣلت
هند: كفاش لعرااا واش شفتني جالسة بدوييااااس
وليد: جلسي بييهم ومتعرفيني منعرفك ݣلبي نزطم علييه.. سمعي اهند سميني متخلف مجلج للي بغيتي ولكن بربي كلمتي مطييييح
هند:: اوووووووف (هزت شاابو دياالها بنتييير وزااادت وهو متبعها مغووبش معاااجبوش الحال كفاش مسمعااتش الهضرة منو تبعهاا)
وليد: واش مكتعرفييش لوشااام حرام
هند: عاااارفة
وليد: (تجنن) ولااااااه دااايراااه؟؟!!
هند: (ضارت عندو) قلتلك قبل منعرفك ومن شحاااال هادي واش مبغيتيش تفهم من شحاااااال هادي
وليد: وانا مالي من شحال هادي ولا لبااارح الموهيم يتحااايد واش نتي باغية تكوني قدوة لولاااادك بداك لوشااام
هند: (كيزيد غير يستافزها) كون هاني مع يكبرو مع نديروولهم
وليد: (زاد غووووبش.. هي شافتو هكااك زاادت كتزرب طالعة دروووج لووطيل.. اما هو تم ماشي نيشااان على لبحر… أمال وزهير جايين ظااحكييين طلعو بشوية نيشان لشومبرتهم فين دخلو دوشووو بجووج خرجو من الدوش وأمال مشات هزت تيليفونها للي كيصووني) الوو
زهير: شكون؟؟
أمال: (بشنايفها) هند.. شنو اختي؟؟… احااي مالكي.. انا جاااية (شافت فزهير وقطعت) واخا تخليني نمشي عند هند
زهير: مالها
أمال: معرفت عفاك خليني
زهير: ومالي غنمنعك على صاحبتك لبسي حوايجك وسيري (لبست دغيا كيطمة خفيفة لوات عليها شاال وخرجت كانت الشومبر ديالها اونفاص ليهم دخلت عندها وخلات زهير كيصلي)
أمال: مالكي خلعتيني عليك؟؟؟
هند: تخارينا انا ووليد
أمال: (حيدت الشال حيت شعرها فااازك وحيدا لفوقاني ديال لكيطمة) علاه مالكم
هند: شاف داك لوشام وبقا كيتهز علية تماااك (شاافو لباب تحل كان وليد أمال بكترة الصدمة هربت مور الريدو ديال السرجم وهو دغيا خرج كيلقى زهير خارج يقلب عليه)
زهير: مالك؟!! (شاف فلباب للي مزال شاد فلبوانيي ديالو) كنتي لداخل
وليد: كنت بغيت نهضر مع هند ساعة لݣيت أمال ملبساااش
زهير: وااشتا؟!!!!
الحاجة: (من طيبة قلبها هبطت حتى هي منين لقات جماعة وشافت أنوار فرحت ومشات حتى هي كتسلم عليه واخا دار ليها سلام ناااقص للي كولشي لاحظوا الا هي..) على سلاااامتك اوليييدي (شافت فدعاء) مرتك هادي
أنوار: اممم.. دعاء سلمي على الحاجة (جات دعاء سلماات عليها والحاجة كتعنق) بشوية عليها امّا راها حاملة
الحاجة: بالحݣ؟؟؟ (بابتسامة) الله يكمل عليك ابنيتي على خييييير
دعاء: امين الحاجة
أنوار: ااا زهير مراااهش
الحاجة: لا وليدي روح هو ومرتو ساافرو ولكن درك نعيطلو يجي توااليكم ويشوووفكم
أنوار: لا لا لا بلاش انا غنمشي انا ودعاء حدااهم بغيييت نديرهالو مفاااجئة
الكاملة: واه الحاجة عنداكي تݣوليهالو
الحاجة: واخا وليدي (تمو داخلين بدعاء للي كيرحبو بيها بقات غير سميرة واقفة مع خوها للي عاود لاحظاات تصرف خوووه)
سميرة: مزال مطولين اخويا
أنوار: غدا صباح نمشيو
سميرة: لوااااه سيمانة عاد سيرو
أنوار: لا لا تابعني الخدمة
سميرة: وغير يوماااين بعدا
أنوار: دابا خليني مني نتي واشتا درتي مع داك لبغل ديال راااجلك واقلة هنا حتى حد معرف لخباار
سميرة: (بفقسة) لا وسكتني كتبلي كوولشي لهيه وحتى الجنسية تقادات لية.. درنا طلاق اتفااقي هنا كولها مشا فحاالو
أنوار: حسن (كان راجلها تشد فالفسااد والمشكل مع رااجل وتصور ليهم فيديو هو وصااحبو وكانت ورقة راابحة ليها باش تلوي ذرااعو حتى جاو المغرب وطاالقو حبيا..) فين بّا؟
سميرة: راه فدار جدة عبرتي عليها ݣبيلة فقصاااتتي تݣول غير هي للي جوجت ولدها (كتعيبها) بنتي أمال بنتي أمال يييخ مها ومكتݣوولهاش فيها زييينة
أنوار: بلاتي وغتعاوديلي مزياااان هاد لبلاان
سميرة: غطلع عند با؟؟؟؟
أنوار: (زفر) الدار خاوية؟!!
سميرة: انا نطلع نشوووف (مشات طلعات وجاو خوتو درااري للي ساقو لخبار حيت لكاملة وبنتها مقالوها لحد حدهم قالو جايين ضياف عندنا… رجعت عندو)
سميرة: انواااار
أنوار: انا جااي (قلبو بقا كيضرب حس براسو غيسخف قبل ميوصل عند بااه طلع دروووج ضار لعند ختو) صافي سيري نتي
سميرة: حسن نبقى معاااكم
أنوار: لا غير سيري نتي اسميرة الا كانت شي حاجة غنعيط عليك
سميرة: متأكد؟!!
أنوار: وااه سيري وحظي معاك دعاء متخليهاش وحدها
سميرة: واخا خويا
أنوار: (طلع للدار سد لباب بالزكرووم من لدااخل ودخل لقااه فالصاالون جالس شاد القراان.. باه صدمووو منين وقف علييه) با
لكبير: وݣف تم…
سميرة: (دارت ودنها على لباب وبقات كتحاول تصنت…)
لكبير: وݣف تم المسخووط
أنوار: بااا سمعني بعدا وحكم
لكبير: (تضببو عينيه) معندي منحكم ياك زدتي ولحتي كولشي من موراااك لااااه نسمعك جيتي تشاااورتي وهادشي كاااامل ونݣولو ولدي صغير عقلوو طااايش ودرك يفهم غلطو ولكن باش تسرق عمك تسرقووو يا المسخووووط
أنوار: مسرقتش
لكبير: (بعصبية) سكككككك..
أنوار: هاديك راه كانت شادة حسيفة هية حيت متجوجتهاش ودااارت هكاااك
لكبير: وانا كنکوول مال خويا مولاش جبد سميييتك فمو لا وعاد كنزيد نلوومو ونݣوول خويا ممزياااانش شحال سرقتيلو الشفاار وهو منين مشا لبرا يخدم فلكرفي وهو هااازك وهاز هباالك وللي جالس ليتي فمك عليها تحضر حتى من الطموبيل هو للي شراها ليييك
أنوار: انا مسرقتوووش واش هو ݣالك شي حاجة
لكبير: (بقا كيبكي) حيت خااف على خوووه خويا رااجل بميااات راااجل ونتا غير شمااااتة خرج علية المسخووووط راني سااااخط علييك اليووم الدييين الا مت بلا متجي عندي
أنوار: (شداتو لبكية حيت واخا مفشش الا كيبغي باه بزاااف وعاد عمرو شافو كيبكي حتى لهاد نهار) ابّا غير سمعني
لكبير: (شد فيدو للي كتعطيه لحريق وكتحجر ليه) خرج المصخووط خرررررج (أنوار حنا رااسو وتم خاارج قلبو كيبكي الدم حل لباب لقا سميرة فاخر درجة هاربة طلع لسطح مخنووووق باغي يبكي ولكن مقااادش بقا تماااك غير كيشووف شاف فسطح دار عمو تخيل أمال كطلع لهنا وتصرف بأريحية لبلاصة للي كان على باللو حرمها منها وحلف متجيلها عرووسة جابها عمووو ورجعت مولات الدار نيشان ماشي غير مرت ولد مول الشي.. وهادي فقسة اخرى.. (شاف تيليفونو كانت ام دعاء كتصوني عليه زفر وهو يهضر بنبرة صوت كأنه فرحان) ويييي خالتي.. صافا كولشي بيخير… ههه دعاء خداوهاالي رااهم فرحانين بييها وكيسريوها لفيلا عندنا… لا لا عاااجبها الحال.. ضرووووري المرة جاية تكوني معانا.. لا لا مخااصنا واالو ݣوليلي غير نتي شنو تبغي نجيبولك من المغرب…. ههه ضرووري علاه نتي عندنا قلييلة راه نتي الكل فالكل… ياله بسلامة (قطع وخسر كمااارتو.. صونا على اشرف بريفي) أشرف انا أنوار بلا متقطع باغيك غير فواحد لبلاان
أشرف: وسير **** نتا وبلانااتك
أنوار: غير سمعني نتا رجعتي صااحب وليد وزهير راه كنشوف سطوريات ديالك شي مرات كتكون معاهم بغيتك غير تعرفلي الق*** ديال شيماء واش راها فوجدة
أشرف: (سمع شيماء تقلشو ودنيه)
أنوار: راني فالمغرب اخويا راه هي سباب با باش طاح وهي للي ورااتلو لفيديو
أشرف: مرة جاية غتصوني غنديكلاري بيك ولا بغتني نصوني على زهير نجيبو ليك المرة اللولة سكت حيت حسابلي فيك ريحة الرجلة شوية ولكن دابا ياااا دينك والله منسكت (قطع وبقا غير سااااهي…)
أمال: (طلت براسها) أحاااااي
هند: معرفكش هنا واخا هو عمرو اصلا مجا عندي لشي بيت لوحدي
أمال: واش مدابزين بزااف؟؟
هند: وي مناقشين بزاااف أمال كنعرف راسو قاااسح وعارفااه هااضر على مصلاحتي ولكن طريييقوو (كتزير) كتعصب كتعصب
أمال: (مزالة حشمانة غير من وليد للي دخل عندهم وهي هكاك) شوفي خلييه يبرد وحتى نتي بردي وهضرو غير بشوي (جلست حداها)
هند: المشكل مابغاش يتنقااش بشوية كولشي غوااااات وكيأمر فية بحال شي وحدة موووسخةة ووانا هادشي منقبلووش واخا نكون كنمووت على تراب رجليه (هزت كاس دلما تشرب بكترة الأعصاب يديها كيرجفوو مطاح غير على رجلين امال) اووو سمحيلي امووولة
امال: اعاادي عااادي
هند: حيديه نعطيك سروال على متمشي لشومبرتك (ناضت مكرهة كتقلب فباليزتها وأمال ݣلعت السروال.. هنا زهير دق جوج مرات ودخل لقاها شادة سروال فيديها ولابسة ديباردوور وسليب حمر وشعرها طالقاااه مزال فااازݣ.. تصدمت وتصدم وهند جلست فالارض)
زهير: مال جدك مك معرية
أمال: (بالتلفة) ممعريااش
وليد: عنينا اصاااحبي والله حتى مريض راها ختي بحال بحال شيمااااء
زهير: (عند بالو هاكا شافها وليد) واش يا ر** هبلني ولا ضهسك تراان باش راكي معرية هااااك
هند: (وقفت) خويا زهير راه منين دخل وليد كانت معرية غير شعرها دابا تزلع الما على حوايجها وانا (كتوريه الشانطة للي محلوولة) تنقلب ليها على حوايج ولا نيت نمشي نجيب ليها حوايج
زهير: (تاقها) اممم لبسي درك يضربك لبرد (خرج وسد لباب بالجهد وسافوفوليد للي طايراالو)
وليد: عيقتي
زهير: ونتا للي عرف واشتا تخرج مع فمك (جبد كارو)
وليد: (مديرونجي خاصو يهضر مع هند)
زهير؛ زيد نخرجووو زييد بنااادم تبقى تعرف واشتا تݣوول
وليد: راها ختي البشار
زهير: وتكون معرفت حتى اش بغات نكووون (خرجو لاتيراس) ݣول واشتا عندك؟!
وليد: (مغووبش) والو
زهير: هضر ابنادم
وليد: واالو ازهير واااالو (شافو زهير جاه معصب ديال بالصح.. هز تيليفونو صونا على هند والا 🙈الجزء 745🙈
أمال: (طلت براسها) أحاااااي
هند: معرفكش هنا واخا هو عمرو اصلا مجا عندي لشي بيت لوحدي
أمال: واش مدابزين بزااف؟؟
هند: وي مناقشين بزاااف أمال كنعرف راسو قاااسح وعارفااه هااضر على مصلاحتي ولكن طريييقوو (كتزير) كتعصب كتعصب
أمال: (مزالة حشمانة غير من وليد للي دخل عندهم وهي هكاك) شوفي خلييه يبرد وحتى نتي بردي وهضرو غير بشوي (جلست حداها)
هند: المشكل مابغاش يتنقااش بشوية كولشي غوااااات وكيأمر فية بحال شي وحدة موووسخةة ووانا هادشي منقبلووش واخا نكون كنمووت على تراب رجليه (هزت كاس دلما تشرب بكترة الأعصاب يديها كيرجفوو مطاح غير على رجلين امال) اووو سمحيلي امووولة
امال: اعاادي عااادي
هند: حيديه نعطيك سروال على متمشي لشومبرتك (ناضت مكرهة كتقلب فباليزتها وأمال ݣلعت السروال.. هنا زهير دق جوج مرات ودخل لقاها شادة سروال فيديها ولابسة ديباردوور وسليب حمر وشعرها طالقاااه مزال فااازݣ.. تصدمت وتصدم وهند جلست فالارض)
زهير: مال جدك مك معرية
أمال: (بالتلفة) ممعريااش
وليد: عنينا اصاااحبي والله حتى مريض راها ختي بحال بحال شيمااااء
زهير: (عند بالو هاكا شافها وليد) واش يا ر** هبلني ولا ضهسك تراان باش راكي معرية هااااك
هند: (وقفت) خويا زهير راه منين دخل وليد كانت معرية غير شعرها دابا تزلع الما على حوايجها وانا (كتوريه الشانطة للي محلوولة) تنقلب ليها على حوايج ولا نيت نمشي نجيب ليها حوايج
زهير: (تاقها) اممم لبسي درك يضربك لبرد (خرج وسد لباب بالجهد وسافوفوليد للي طايراالو)
وليد: عيقتي
زهير: ونتا للي عرف واشتا تخرج مع فمك (جبد كارو)
وليد: (مديرونجي خاصو يهضر مع هند)
زهير؛ زيد نخرجووو زييد بنااادم تبقى تعرف واشتا تݣوول
وليد: راها ختي البشار
زهير: وتكون معرفت حتى اش بغات نكووون (خرجو لاتيراس) ݣول واشتا عندك؟!
وليد: (مغووبش) والو
زهير: هضر ابنادم
وليد: واالو ازهير واااالو (شافو زهير جاه معصب ديال بالصح.. هز تيليفونو صونا على هند الاّ مجاوباااتش..) زهير هضر مع أمال خرجو انا خاص نهضر مع هند ضرووورري
زهير: واش شي حاجة ماشي مليحة
وليد: (زفر) واه تݣالو بزاف دلهضور مكان خاص يتݣالوش
زهير: صاحبي غير للعقل واش نݣووولك شي حاجة (لاخر حرك راسو باه) هند بنت مزيااانة هانتا واشتا خديت من شحال من بنت جربتها قال الله وقال الرسول اغلبيتهم منافقاات مكنعممش ولكن هند نهار اللول عرفتها كيدايرة ومتبدلتش واخا هي للي لسݣات فيك وعارفة دماغك ككيفكر
وليد: مݣلتش العكس
زهير: معارفش واشتا بيناتكم ولكن لي عارف مضيعش ديك بنت الناس من يديك صعييب تلݣا وحدة بحال فهاد الوقت…
زهير: معارفش واشتا بيناتكم ولكن لي عارف مضيعش ديك بنت الناس من يديك صعييب تلݣا وحدة بحالها فهاد الوقت
وليد: (شاف فيه) بنيتك تݣولي هاك ونتا ݣبيل على شوي كنتي باغي تريب علينا وانا بنت عمك لوطيل بلا سمو درتيها على ود لبوليسي الله يرحم ليك باااك الا مخلينا ساكتين
زهير: (بقا كيظحك وكيكمي)
وليد: سير ازهير خرج مرتك ساريييها راه بغيت نهضر مع هند
زهير: شحال تعطيني ونخرجها
وليد: واش بنيتك اصااحبي
زهير: شحاااال!!!!
وليد: والله حتى ش(شاف أمال كطل من شومبرتها) زيدها ف*** (تم ماشي بالزربة وزهير كيظحك شاف أمال لاح لكارو من يدو)
زهير: اموووول (طلت برويسها) لبسي وروااااحي
أمال: (على سبة خاص غير للي يخرجها) داابا نجي…
وليد: (دق فباب هند للي كانت جااالسة وغير ساااهية)
هند: دخلي أماال (دخل وليد وهاد لمرة سد لباب كانت جالسة فلبالكو دايرة رجلها فوق السور للي كطل منو وساااهية.. قربلها جر كرسي وجلس حداها كيشوف فااص شاافت فيه) شنو أوليد
وليد: مزال مكملنا
هند: اه بالصح مزال نتا مكملتي شنو كنتي كتقول
وليد: نتي عارفااني منين كنكون معصب مكنعرف منݣول (شاف فيها) هند واش نتي مشايفاااش داك لوشاااام ماشي فمحلووو
هند: (لا رد)
وليد: عارفااك درتيه فوقت مكانش للي يݣوولك هادي زينة وهادي لا
هند: درتو صغيير ملاااينش
وليد: (مكالمي أعصاابو بالسيف) فخبااارك الا وقعتلي شي حاجة الله يلطف ولا لولادنا الله يستر متقديش تبرعي لينا بالدم
هند: (شافت فيه واش بالصح هاكا كيفكر ولا غير عناد منو)
وليد: بنتك منين تكبر تجي تݣوولك ماما شفت ديك المغنية ولا الممثلة دايراااه بغيت نديرو نتي بيان سييغ غتݣوليلها لا باش غتجاوبك هي
هند: (منفخة) نتي دايراه حتى انا بغيت نديرو
وليد؛ متفامين داابا اهم حاااجة شنو تݣوولي لربي؟؟؟
هند: اوووف أوليد بحال قاتلة شي روووح
وليد: حبيبة ديالي (شافت فيه اوطوماتيك) كتبغيني (لوات شنافتها زعما واش سؤال هادا) يعني كتبغيني (عيبها ودار نفس حركتها) هادي كتعني هي كنبغيك
هند: وليييييييد
وليد: انا والله معجبني
هند: ومنين غنحيدو وتوسخ ديك لبلاصة
وليد: تأ مكنشوفهاش هاكاك كنشووفها مرتي غدير شي حاجة للي مزيااانة مع ربي ومع نفسها ومعايا حتى انا
هند: (لا رد)
وليد: (بقا كيشوف فيها) شنو ݣلتي احبيبة
هند: اصلا كنت غنحاايدو ولكن انا لي فكرت فيها من شحال هادي ماشي حيت نتا أمرتيني
وليد: (تبسم) مزيان
هند: بغيت نبقى بوحدي أوليد
وليد: مزيان (بقا جاالس كيشوف فين كتشوف رجعت شافت فيه وشقلبت عينها شادة التبسيييمة) شحال خاايبة كنا فالدرة صدقنا نرغبو على وشااااااام….
أمال: (بقاو جالسين فالقهوة كيتعاودو على بزااااف دلحواايج)
عمرك بغيتي ازهير؟؟؟
زهير: قبل منك؟
أمال: واه
زهير: حتى انا عجبوني بنات هضرت ولكن باش نشوف وحدة ونبغيها لجواج ديريكت هي نتي
أمال: (تبسمت) مزيان
زهير: ونتي
أمال: (بالزربة) عمرني
زهير: ههه امم زعما؟!!
أمال: كتشك فية ازهير؟؟؟
زهير: ههه دغيا ابنتي رديتيها شك غير سولت عادي راك مرتي دااابا وعارفك معدنك مزيااان
أمال: (بقات كتفكر شحاال) كان واحد بغا يتجوجني
زهير: (هز حواجبو بجوج) اممم اوا
أمال: صدق ولد لحرام
زهير: (هز حاجبو) ولد لحرام؟؟
أمال: واه اصلا ربي نجاني منو وصاافي
زهير: داكشي علاه مبغيتيش تهضري معايا فاللول
أمال: (خرجت عينها) لااااااااا
زهير: اممم (سكت مدة وهو يعاود يهضر) وعلاه كتعاودي عليه واش زعما ديجا هضرت وكفااه هاد ولد لحرام؟!!
أمال: (بلعت ريقها وبقات كتشوف فيه وكترمش دغيا ندمت علاش تحمست وعاوداتلو) حيت سولتيني انا اصلا ݣاع منعرفو
زهير: كفاش مكتعرفييش ونتي كتعاوديلي عليه
أمال: حيت انا كنبغي نݣوولك ݣاع داكشي للي كنعرف.. داكشي باش كلݣى راسي كنعاود ليك كولشي بلا منفراني ولا نحسب فكلامي
زهير: (سكت مدة) واه هاكا نبغيك اصلا تكوني معايا انا بغيت غير نفهم كفاش ولد لحرام
أمال: ولد لحرام هي ولد لحرام
زهير: اممم دابا شرحتيلي كتر
أمال: ههه معرفت شنو نݣولك ولكن هو كان يبغي يحوس ويلݣى بنت محلولة وانا مكنتش نبغي دشي مكنتش نعطيه ݣاع فرصة وصاافي
زهير: (حرك راسو باه) اممم (بدلو الموضوووع حتى جاو لكوووبل التاني وبقاو مجمعين…)
~~~~~~~~~~~~
أنوار: حبيبة هانتي هنا انا نخرج ونرجع
دعاء: (عجبها الأجواء تماك والترحيب الملكي للي ستقبلووها وحتى هي جابت كادويات من لكبير لصغير) اوكي بيبي
(خرج من بعد موصى عليها مزيان.. ركب طموبيلتو وزاد نيشان لمحال أشرف للي لقاه غيركب فطموبيلتو بقا تاابعو على باالو غيمشي لدارو حتى شافو ماشي لبلاصة اخرى بقا تابعو شافو وقف وحتى هو وقف بغا يعرف غير شنو حااضي شي ربع ساااعة بانتلو شيماء خرجت من شي دار طرطق عينو ممتيقش واش صااااحبو مزال عاجبااااه شيمااء ولا شنو ولكن للي دارت معاه شيمااء عما عينيييه.. عارف مكاين فوجدة لا وليد لا زهير خرج من طموبيلتو كانت مشات الحانوت للي حدااهم شوية خرجت حتى شدها من ذراااعها زااادحها من الحيييط)
شيماء: (ضااارت مخلووعة حتى كيبان ليها أنوااااار زادت خرجت عينيها منين جبدو وااحد من عيليييها دااافعو)
أنوار: يلعن دي* *** يا الق****
شيماء: (بصدمة حتى حلقها نشف وحكمتها الوخة) حسن!!!!!
سميرة: مرحبااااا بمرت خووونا لغزاالة ياا ختي شحال مزييبنك ياك اماما
الكاملة: مزييينها مرت وليدي الزييين دا الزييين
نزهة: (عوجت فمها وشافت فجيهان زعما سمعي على قلبك اما الحاجة غير جالسة كتخمم فحالة ولدها للي متقبلش ولدو ولا يشوف حتى فمرت ولدو للي حاملة..)
عيشة: (حتى هي معجبهاش هاد المدح لكبييير) وفين مك ابنتي؟؟
دعاء: ماما بقات فرنسا ولكن المرة جاية ضرووووري تجي (كتحاول مدخلش كلمة بلفرونسي فهضرتها احترااااما للعائلة ولنسا لكبار للي جالسة حدااهم)
عيشة: اممم وباك؟!!
دعاء: لا بابا معنديييش
الكاملة: الله يرحمو ابنيتي
عيشة: وفين تجوجتوو؟؟
الكاملة: عييييشة!!
مينة: ماالها راها غير تسول فمرت ولد خوووها
دعاء: معليش اخالتي.. حنا تزوجنا هنا فالمغرب وانا مشيت لفرنسا ولخق علية أنوار
عيشة: ايييه تجوجتو بلا خباار حد
الكاملة: فخبااااااري يانا وخوتاتووو
الحاجة: (غير كتشوف بعويناها) عيشة بنتي علاه تسولي فشي حاجة للي بعيدة علييك
عيشة: اوا منين لكاملة كانت عارفة شحال دي ومݣلتنا والو راه نيت بعيدة علينا وااخا جات حشوومة يتجوج وهو كان خاااطب بنت لالة نعيمة
دعاء: شكون!!
الكاملة: عييييشة
الحاجة: (بصوت وااحد) عيييش
عيشة: ههه مالكم؟؟ ويحاااه خلتووني كبيييييش لباااقي شوي دتااااي انزهة….
~~~~~~~~~~~~~~~~~~
زهير: (بقاو مجمعييييين وهو غير حاضي أمال كفاش كظحك وتجمع.. محس حتى جبد ݣاارو نسا رااسو شعلو بعد لكرسي غير شوية وبقا كيكمي.. كلامها كيتعاودو من فباااالو مبغاااش يتهضم لييه من نهار قرر يتزوجها مكانش بغا يطيييح اصلا فهاد السؤال ويسولها على شي حاجة كانت فالماااضي ولكن منين سمع بالصح كانت شي حاااجة جااتو فشكل.. ضربو وليد فرجلو هز عينيييه للي كانو نايمييين شاد لكارو بين صباااعو) ويي
وليد: ماالك
أمال: (شافت فيه) زهير؟!
زهير: رواحي أمل بغيتك (حطت معلقة من يدها وقفت فلبلاصة) نتلݣاااو بالمرصى تماك نتعشاااو
أمال: (مزال كان عينها تاكل داك لگلاص)
وليد: نمشيو مجموعين
زهير: (حط يدو فظهر أمال جارها بشوية.. خلص على كولشي وتمو هابطييين تابعااه وهو مكيهضرش حتى مشاو لبارك فين كاينة الطموبيل ركبووو فجو سااكت حتى نطقت حيت خلعها سكاااتو)
أمال: حم زووهير
زهير: (شاف فيها) امم!!!
أمال: زووهيييير مالك
زهير: كفاش ولد لحرااام مكنتش بغيت ندقق فهادشي أمل ولكن راسي داااااخ وكولشي ندسو فݣلبي وندير معلاباااايش الا شي حاجة ديااالك مخليااالي (ضرب راسو بشوية) دباانة كتزنزن هنا
أمال: (خلعها وطرطقت عينها)
زهير: (شاف هاد الخوف) مبغبتش نخلعك (شد يدها) انا عارف راسي بغل هاد الساااعة (حركت راسها باه) بغل انا؟؟
أمال: لا لا لا لا مݣ..
زهير: ههه (ديمارا الطموبيل) انا بغيت نفهم غير ديك ولد لحراااام
أمال: كتيق فية
زهير: كتر من راسي
أمال: هو (جا فباالها أنوااار) كان ديما بغا يهضر معايا وانا مبغييتش (زهير كيصوووك ولكن كوولو من شعر راسو لرجليه كيسمع ليها) بقا لاسق شحاال ولكن انا عرفتو كان بغا غيير يتفلى
زهير: باش عرفتيه (شاف فيها) عاارف معندكش خبرة فرجال داكشي باش راني نسول
أمال: لا معنديييش وانا كنعرفك غير نتا ازهير
زهير: أمال انا ماشي كنشك فيك
أمال: عفاك ردني نمشي نعس
زهير: (صدماتو شاف فيها لقااها كتشوف فالجهة الاخرى.. زفر ووقف على لييسر ديالو حط يدو على يدها وجبدتها حس بيها تقلقاااات ويمكن هادي أول مرة شاف قدااامو.. اما هي جاتها لبكية حتى كتبغي تعاود ليه على أنوار ولكن كتشوف فورقة طلاق بين عينيها وهي ممكن تسمح فالعالم الا زهير)
زهير: أمل (والو مضاارتش.. ندم علاش جبد معاها الهضرة غوووبش)
أمال: (ضارت شافت فيه) نتا الوحيد للي هضرت معاه وانا باغياه من قلبي نتا بوحدك للي تقت فيه وكنت كندعي ليل ونهار باش تكون مرتاح معايا وفرحااان نتا الوحيد للي حسيييتك رااجل فحياتي ونتا عارف شنو كنحس معاك وعارف مزياااان شكون انا غير الا بغا عقلك يوسوس فيه الشيطان
زهير: مقصدتش داكشي أمل انا غير سولت وصاافي
أمال: واخ شنو باغي تعرف وانا نݣولك كولشي
زهير: صافي للي بغيت نعرفو نعرفو (باغي يلطف الجو شد يدها) أمل ياو راني ݣلتلك مرانيش نشك فيييك وعمرها تكوون انا للي كنت عارف معمرك هضرتي مع شي حد
أمال: واش عمرك سولتيني قبل جوااج
زهير: ومخااصش نسول حتى من موراااه
أمال: لا نتا شكيت فية
زهير: يهديك الله ابنتي شكيت فيك هي جبت جنوية وشرݣتك ݣدااامي
أمال: (خرجت عينيها) حتى نتا علاش هضرتي من شحال هادي مع لبنات
زهير: ههه أمل حبيبة انا للي خربقلي عقلي هو ديك ولد لحراام کلت مکلتي هكاك غير الا دار شي حاجة معاك خاايبة
أمال: واه داار ݣالي نتجوجك وانا باغي غير المعقول ومشا تجوج وحدة أخرى داكشي علاه ݣلت ولد لحراام
زهير: (لعب بلساانو فوسط فمو… خوفو من حاجة وحدة تكون مزال كتفكر فيه قلب عينو للي شعلووو بالغيييرة بمجرد تهيأ)
أمال: صافي منين لݣيتو تجوج (دازو فعينيها دوك الذكرااايات ومنين ضربها محمد حتى بغا يقتلها على شيماء) مسوقتش عرفت راسي اصلا مكنت لا نبغيه لا واالو غير جاني فضول واش بالصح كان باغي المعقول وصاافي حمدت الله حيت عمرني عطيتو شي فرصة (ضار شاف فيها محتاج فالداخل يسمع هادشي منها) ولكن منين عرفتك نتا (بحال بغات تجيها الظحكة) حسيييت بكوولشي برهووش ونتا ليبوحدك للي راجل فهاد الدنيا
شيماء: (بصدمة) حسن
حسن: (كيخنزر فأنوار) شكون نتا الكلب للي تمد يدك على مرتي
أنوار: (براسو تصدم من كلمة مرتي شاف فشيمااء دفعو حسن بيديييه للي عطاهملو لصدروو حتى زعزعوو)
حسن: (لشيماء) تعرفييه؟!!
شيماء: (بقات غير كتشوف وزاد صدمها الطرف التالت للي جا)
أشرف: (كيجر فانوار) سمحنا الشااف هو حسااابلو واحد السيدة اخرى
أنوار: (شاف فأشرف ورجع شاف فلاخر للي تکااالتلو كلمة الشاف ومع عندو فيييه دغل خااف على رااسو ظن منه انه بوليسي.. شاف فشيماء بشر ورجع لاخر دفعو)
حسن: وجمع عينيييك وتحرك علية من هنا (شاف فشيماء) دخلي نتي لدااارك (الصدمة للي فيها خلات رجليها فاشليين)
أشرف: (شاف فشيماء) سيري اختي دخلي فحاالك
حسن: اهياااااا شكون نتا للي تهضر معاها (شاف فيها متسيف عليها) دخلي (بقات ديك السخرة للي جابت مليوحة فالارض ودخلت كترجف ومتأكدة أنوار يخوي لمزييييودة كاملة للي تشجع ورجع المغرب مخايف لا من بوليس لا من باه لا من زهير للي شفر مغيخااافش ويبقى سااااكت محست حتى سخفت حدا لباب مبينااش ليهم…) نعاود مرة أخرى لݣاااك كضوور بساااحتها نخرج فعدو ***
أنوار: (مهضرش جرو أشرف وحسن بقا متبعو بعينيه للي كيغلييو شاف دوك 4 بيرلي وشي طونيطات ضربهم برجلو جاو مخبوزين فالحيط… مشا يدخل لقاها مكسلة حدا لباب.. بالزربة هزها كتبغي تفلتلو ورجع هزها دخلها للدار للي كان لباب محلوول…)
أشرف: (جار أنوار غير غبر حسن دفعوو) واش ار** هبلني ولا تكلختي لاش جاي من موراااها
أنوار: ق*** لعبت ف*** حتى عيااات وناضت تجوج (جاتو بووونية من عند اشرف)
أشرف: الناس يفرحو بدرااهم جابوها بعرق كتاافهم ونتا (شاف فيه باشمئزاز) تبلبل بشي حاجة مكنتيش حتى ݣاااد ديرها
أنوار: درتها وكانو عندي تصااورها واش عارف الق*** للي ضربني على جاالها واشتا دااارت لبااا
أشرف: بااك نتا للي وصلتييه لهكاااك واش مشفرتييش عمك للي شحاال وهو يمد ليك درااهم وغير الصرف صحيييح
أنوار: (بعصبية) ونتا ماالك من هادشي
أشرف: (زفر وبقا كيطلع ويهبط فيه) بغيتي ترجل ياله سييييير سير عندها وهي مع رااجلها وترع فمك مزياااان عرفتي واشتا تݣوولو كان خاطبني وسمحت فيه والفقسة هضرااااتو تݣوولو فرݣعتيها ياله بين ليها ݣدام راااجلها
أنوار: (هو عارف عمرو نعس معاها من غير ليبيز كوجاك وشي مرا كان خدام بزاف صدرها ولكن لتحت كان عارفها لفعة وكان داير احتيطااتو الا تماااك واخا شحال من مرة تعارااتلو)
أشرف: بقات فتقبت هادي وتقبت هادي وأمال ههه (بطريقة استفزازية) أمال مرت عمك (لاخر قلش وطرطق عينو) حتى هي تقبتيها ولعبتي بيها شحال ولحتيييها (هز يدو) بيدي هزيت جويييجة وضربت فسما منين هو دخل عليها.. للي ظحكتي عليها تجوجت ورااسها مهزوووز لسما
أنوار: (زفر وقلب وجهو)
أشرف: هه دايرلي فيها كازانوووڤا والبنت للي شديتي كدووز فيها واااقفة هوما للي كانو يدوزو فيييك…
زهير: (من بعد كلامها بقا غير كيشووف فيها حس براسو ڤري غبي للي يجبد معاها هاد الموضوع اصلا وكان فكر امال الا جرحها غير شي موس كتقول عليه ولد لحرام.. جارها عندو حاط راسها فوق صدروو وباسها)
أمال: (بدلع) لا بعدني
زهير: ونوضي من فوݣ مني
أمال: (استحلات النعسة تماك) نتا للي شادني
زهير: ههه (زير عليها معنقها) متديش علية منحملش نبقى منووووغش ديري بحال عمرنا هضرنا فدشي
أمال: لا
زهير: وصاافي أموول
أمال: وااا لااا
زهير: وهنيينا ولا نتعرا على مك هنا أمال: (وقف راسها مبعدة) نتا ݣاع مكتبغيني
زهير: ابنتي حنا نعرفو نبغيو وكولشي ولكن متعاوديش تݣوولي بعد مني والله يا جدك شناايفك نݣطعهم ليك تكفيني فيهم شدݣ دلخبز…
~~~~~~~~~~
حسن: (كيطرش فيها بشوية) شيماااا شيمااااا (بقات كتشقلب وتخاااازل تحل عينيييها) نوضي نمشيو لشي صبييطار
شيماء: (كتحرك راسها بلا) لا لا انا مزيااانة
حسن: نوضي نمشيو لشي صبييطار (شافت فيه تفكرت أنوار واشرف كولشي تجمع عليها بقات كتنووض شوية بشوية وهو عاونها لقات وجهها وشعرها وعنقها فااازݣ باين رشها بلما شافت فيه) شكون هداااك؟!
شيماء: (بقات كتشوف فيه بلا مترمش) معرفتش
حسن: وعلاش جا وقفك
شيماء: راك سمعتي داك صاحبو شنو ݣال احسن
حسن: سمعت ومتيقتش
شيماء: حم الا متيقتيش نتا تعرف
حسن: اخر مرة نسولك وغنحاول نتيق فيك نتي ماشي فواحد مكنعرفووش
شيماء: مكنعرفوش انا خرجت نجيب شنو نااكل براسي مفهمت والوو واصلا نتا حضرتي لكولشي
حسن: (بقا كيشووف فيها طبعو العسكري مخلاهش يتييق ولكن علاش غتكذب وهو كيعرف عائلتها مزيان.. غيتنااسا ولكن غيبحث.. شافت فيه فاهمة مزيان هاد الشووفة للي كدار فيها من عند كولشي اصلا حتى واحد مكيتيق فيها وهي عارفة هادشي مزيان…)
شيماء: الا مكنتيش تيق فية ونتيق فيك بلا منكملو احسن
حسن: (هز حاااجبو) ياااك
شيماء: (شافت فيه) أول مرة شي حد غيديرلي هاكا نتا غتشك فية شنو نسميها هادي خووويا للي كيفهمني وعااارفني سااافر وخلاني بوحدي فالدار علاش حيت كيتييق فية ونتا للي رااجلي لا!!
حسن: (معرف ميقول حيت ضمصااتو ولكن غيسول ويعرف هداك للي باين كيتعارفو ومغدووزش عليه.. لمس على شعرها) نعلي الشيطان اشيماء هاد الهضرة مكتݣاالش
شيماء: عصبتيني (شدت فراسها للي داخ شد يدها وبقا كيشوف فيها متبسم عكس دمااغو للي خدام ومن طبعو مكيبينش شنو عندوو)
حسن: معليش نديرو مكاااين واالو
شيماء: (بغات تقلب عليه كولشي) لا عصبتيني بسبااابك سخفت حيت خلعتيييني بحال معرفت انا شنو داايرة
حسن: لا حبيبة منبغييكش تغضبي مني
شيماء: لا غضباانة
حسن: وشنو ندير باش متبقايش غضباانة راه انا للي كنت ناوي وطامع
شيماء: (دارت راسها مكلخة) مفهمتش
حسن: من بعد
شيماء: (بغات ترد الشال وهو يسبقها حايدو من فوق السدااري) حم حسن
حسن: امممم…
يتبع
التعليقات 0