أمال: (من بعد متعشااو مجموعين رجعو لمنار ولكن مشاااو جلسو فلݣاازو كيطلو على لبحر.. أمال كتشوف بعويناتها فضااو للي باينين بعااد منين قالولها هاديك اسبانيا وهي ممتيقااااش هاد القرب كاااامل كانو كيهضرو وهي تنطق) سااااااهل الواحد يحرݣ من هنا
زهير: لا حول ولا قوه الا بالله العلي العظيم واش ابنتي دمااغك نتي عاامر غير بهادشي
أمال: لا والله مكنفكر نهرب
زهير: لا غير فكري
أمال: ههه ولا غير جاتني فشكل كنهضر على لوليدات مساكن للي كيبغيو يحرݣو يجييو هنا لطنجة ويعوومو
وليد: وسهلتي العومان أموول (ضار خنزر فيه زهير) زعما ابنت عمي
زهير: (مخسر كمارتو فيه وكيݣمݣم)
أمال: ياك ݣلتو غير 14 كلمتر
هند: ههه وسهلتييها
زهير: ياز هادي للي راهي تهضر على لعومان كتعكلها غير لكشكوشة
أمال: ههه يديرو شومبرير
زهير: أموول هادشي مافيهش اللعب يا يموت يا يوصل اما العومان راه صعيييب لبحر محدك كدخل لداخل وهو كيزيد يبرد زيد عليها الموجات زيد غير رجلك تشدها كلاكاااج وشحااال غير الله يحفظ وصاافي
وليد: نتا حرݣتي على مليلية
زهير: وااه يامات الغفلة على واحد القادوس فبني نصر خرجت فمليلية بقيت فالخيرية شي يامات وكنخرج نخدم تعرفت على واحد سبليوووني (زفر) فايتو انا غير غير بشهاادة واحد الانسانيه اصاحبي بقيت فيه وشافني كندمر داني معاه لكاطالونيا بقيت كنخدم فلفيرما ديالو نغسلو اللوطو ديالو نݣادو لݣازو شجر وكان مهلي فية مسكين مات وهوما يجريو علية الورااثة كانو باقيين عندي شي فلوس وفلوس للي عطاتني مّا منين باعت ذهبها (تبسم وهو كيتفكر) شحال وانا نݣلب باش شريتلها خو داك ذهب
وليد: مسكيييينة
أمال: مّا كتبغيك بزااف نتا هو عينيها
زهير: من تماااك مشيت لبلجيكا اوا بديت نجمع شوية بشوية ولكن دوزت العذاااب (شاف فامال) الواحد خاصو يدوز البرد والجوووع باش يحس بلفلوووس
هند: وجات لالة أمال وفرتكاااتلك لحصيييصة
أمال: (خرجت عينها) لااااااااا
زهير: وتفرتك مها ݣاااع مال لفلووس حسن من أمال
أمال: (كتقلي السم لهند) ياله مووتي
هند: ههه حمقة
وليد: تما فين عرفتك ههه فخباركم كان بغا يضربني
هند: ههه عادي
زهير: واشتا عادي اختي غيثة
هند: ههههههه صافي صافي انا ساااكتة
وليد: ههه (شاف فهند بكل حب وحتى هي هاد الشوفة زعزعاااتها وبقات كتشوف فيه)
أمال: ولا يديرو شي فلوكة (پاطيرة) ويديرو زعما بحال كيتسرااو ويهربوووز
زهير: لاتزيدوووهاش
وليد: ههه أمال ختي صعيب لواحد يحرݣ كاين البحرية كتشدهم حيت كلش غيقطعو من مدينة لمدينة راه من دولة لدولة فهمتي الا مشدوهمش هنا فالمغرب غيشدوهم ديال اسبانيا ويردووهم
أمال: اممم
زهير: واشتا ااااخر باش منين نبغي نݣلب عليك نعرف منين نبدا
أمال: هههه وماشي يانا للي نهرب راه غير كنفكر وصااافي منين شفت دوك لولاد مساكن ݣدام المرصة بقاااو فية كيتسناو كاميو فشحاااااال باش يتعلکووو والله يݣطعو فلݣلب
هند: ويييه مساكن…
حسن: (بقا كيشووف فيها مكدير حتى شي ردة فعل مخلياااه يبووسها كبغى ممتجاوبااااش معاه باش تبين ليه مكتعرفش بعد منها شوية) مزاااال على وعدي
شيماء: (تبسمت حانية راسها ماشي حشومة ولكن اشمئزاااز من رااااسها شحال تباااست وبااست فلحراااام ومنين جا لحلال كتصنع شافت فيه باينة طاااايح فيها غير كفاش كيقيسها وكيبووسها)
حسن: انا نمشي نجيب لك شي حاجة تعشاي بيييها ولكن الا ديريها زيينة ياله تباتي معايا وبقاي مونساااني حسن متبقاي هنا وحدك
شيماء: (بلبااقة) حسن نݣوولك الصراحة (حرك راسو باه) كنحسم من خووتي غدا وليد يجي مغيعجبنيش الحال يعرفني مشيت بت معاك فالدار بعدا فالعرس راه معندي هروووب ههه
حسن: ههه وااخا لالة لحشووومية
شيماء: شكرا بزاف حيت كتفهمني
حسن: هضرتك زييينة
شيماء: (تبسمت حانية راسها وفبالها غير أنوار للي رجع)
حسن: سمو تبغي تاكلي
شيماء: للي جبتيلي
حسن: بيتزا؟؟
شيماء: واه كتعجبني
حسن: انا نمشي منتعطلش عليك (ناض هز سواارتو صونات عليها مها جاوباات وهي طاافية الضو ومشات كتجري للسرجم كتشوف واش باقيين)
شيماء: راه معايا
نعيمة: معاك؟؟ ياكما فدارو ابنتي؟؟
شيماء: لا لا عند وليد غير غيجيب عشا ويرجع لدارو مبغيتش نمشي معاه
نعيمة: اممم مزيان ابنتي الله يكملك بعقلك
شيماء: اوا بحرا نعجبكم كما عاجبااكم لالة أمال.. (قطعت معاها وبقات تخمم وتفكر مشات لصااكها جبدت التيليفون لقدييييم شعلاتو وصونات على اشرف للي شدها) شنو جيتو كديرو عندي
أشرف: واش معاودة لراااجلك
شيماء: (تنهدت) الله يااخد فيك الحق
أشرف: والله ياخدو فيك نتي ابنت ***** للي حلالي رجلك بحال راك مولفة بز***
شيماء’: وعلاش اصلا درتيييها ياك مكتحملنييش
أشرف: (مكره وهادشي للي مخليه غيهبل) واش معاودة ليه
شيماء: لا
أشرف: بفف واش راجلك فلميليتير
شيماء: يوطنو فلعسكر
أشرف: وحسباالك غديريها بيه حتى هو السيد باينة عليه ولد الناس ومعقوول لاش شداااه معاك الكلبة
شيماء: راه بززوووه علية (بقات كتبكي) شنو بغيتني نجي نرغبك وانا عارفة اخر واحد يتجوجني هو نتا
أشرف: (بعصبية) وجيتي عندي؟؟؟
شيماء: (صدمها)
أشرف: الله ينعل نهار للي فكرت حتى نشووف فكماااارتك
شيماء: واش كنتي غتجوجن (سمعت لباب تحل قطعت بالزربة ولاحتو تحت السدااري دلخشب.. دخل حسن هاز جوج بيتزات وجوج كانيطات وميكة فيها دانون وشي سقاطة) حم جيت؟؟
حسن: كنتي كتهضري مع شي واحد؟؟
شيماء: لا وااه ݣبيل هضرت مع ماما سلمت عليك
حسن: اممم مرحبا بسلامها اجي تاكلي محدو سخوون
شيماء: واه انا نغسل يدي (مشات من حداه وهو حاضيييها غسلت يدها ورجعت جلست وهو حدااها)
حسن: معاش غدا غتمشي لفاك
شيماء: 9
حسن: مزيان نكون ماشي للخدمة نيت وندووز عندك
شيماء: بلا متعذب راسك
حسن: اللهم نعذب راسي ولا نخلي مرتي كتعذب فالطاكسياااات.. مع الوقت ديري بيرمي ونشوف شي طموبيل على قدك حسن…
أصبحنا وأصبح الملك لله
أمال: (رجعت من طواليط شادة فكرشها من لتحت فيها لحرييق حسابها ليغيݣل ولكن مكان واالو.. رجعت لبلاصتها كانت 6 دصباااح بقات كتقلب حتى تغمضو عينيها..)
~~~~~~~~~~~~~
أنوار: (منعسش فخااطرو بااالو غير فاي لحظة يجي زهير واخا وصاا باش ميقولهالو حد ويخليهالو مفاجئة الا متااااقش وخصوصا من أشرف صاحبو ضار لقا دعاء كتفيييق) صباح لخير حبيبة
دعاء: (تنهدت بحال مكانتش نااعسة وجلست نوااتو جرها لعندو ونعسها فوق ذرااعو وهو كيشوف فيها) كنتي خاااطب؟؟
أنوار: (مدار حتى ردة فعل) واه
دعاء: كنتي خاطب منين تجوجتيني
أنوار: بعقلك ادعاء
دعاء: هاكا قالتلي عمك عائشة
أنوار: شوفي تيقي كولشي الا هاديك فخبااارك واشتا کالتلي
دعاء: شنو
أنوار: حتى دخلتي نتي ݣالتلي ها هي مرتك لفرنسا دي بنت عمك وتبقى فالمغرب
دعاء: (شهقت) اويييلي
أنوار: ههه واش للي عندو هاد لفرييزة يشوف شي وحدة أخرى
دعاء: حلف أنوار
أنوار: عاد نحلف ادعاء (تبسمت وباش ينقض الجو بدا فالمداعباات حتى ختموووها…. ناض مشا للدوش دوش وهو كيتفكر غير كفاش يدووز لشيمااء ميمكنش دوزلها بالسااااهل وعااد راجلها للي الا دارو فباالو غير بديكلاراصيووون صغيييرة ميرجعش لبرا.. كمل وهي تجي دعاء دوش هو هبط لتحت كانت مو وجدات طبلة متنوعة لفطووور ياله غيجلس دخلات الحاجة وبااه تصدم حتى وقف بحال شي ألف.. جلس باااه وهو مكيشووفش فييه)
الحاجة: هاني جبتو اوليدي وسمع كلام باااك
لكبير: (شاف فولدو) رد لفلوس
أنوار: كح كح كح (مشا عندو حنا كيبووسلو يدو باش يسكت) بّاااااا
لكبير: (جبد يدو مشمئز) عمرك تعاود تݣول بّا
الحاجة: لوااه اوليدي ولدك مزال صغيييير ومعارفش نتا شد بيدوو ماشي طلݣووو
لكبير: مّا راني عارف واشتا ندييير (دخلت الكاملة حتى هي تصدمت من وجود لكبير نفخت حنووكها على أساس جا يردها) براااكة غير السخط ورضا للي ݣلتيلي باش منطلݣش دلقتااالة
الكاملة: الله يسااامح الكبييير (كولشي تجمع أنوار كيحمد الله حيت دعاء كدوش ومحضراااش)
سميرة: لهلا يخطيييك علينا ابا
عبد الله: هاكا خيير ابا ماشي على عمركم تنوضو تطالݣووو
الحاجة: الله يكملك بعقلك اوليدي
لكبير: غير يرجع ولدي زهير غنجيب لمراااا (كولشي تصدم) وللي غتسكن هنا (تعلات نبرة صووتو) واللي معجبووو حال ولا يترع علية فمووو يخرج علية من داااااري
الكاملة: تجوج علية يانا؟؟؟ (جزء من التسريب)
لكبير: راني نخير فيك على حساب العشرة تبغي تبقااااي تݣااابلي ولادك للي مزال متربااااو ولا هزييهم وسيييري (وݣف هاااز رااسو.. وتم ماشي لبييتو مخلي كولشي مصدووم عاد هبطت دعاء كدندن…)
مريم: (كانت كتشقى فلكوزينة عادي ليلى مزال مرجعت من عند دارهم حتى دخل علي غير شافتو مبقاتش عاطية بظهر) خويا بغيت شي حاجة؟؟؟
علي: (مد يدو فوق كتفها مع قصيرة عليه حال الروبيني كيعمر الكاس بقات غير جامدة بعدت وهو يطييح ليه الكاس) ااااااااااه واش لبشاااار
مريم: (معرفت متقووول من شدة الوقااااحة للي فيه وزاايدها كيغوت) واش مكتشوفييييش
مريم: راه نتا للي جيتي هاك ݣلت لك سمو بغيتي
علي: واش فدااارنا ونݣووولك سمو بااغي
فتيحة: (دخلت كتجري برجلها العرجة) اماااااالكم
علي: شوفي مع دي للي فوكما دخلت لكوزينة تبقى علية سمو بااااغي ولا غي حيت راجلها مكتووب ليه كولشي دايرة فيها مرت مولات الشي
فتيحة: (بقات كتشوف فيه) شربتي وخرج
مريم: والله اخالتي مكاين دشي انا كنسولو باش نوجدلو هو سمو بغا
فتيحة: (فاااااهمة ولدها حيت ماشي اللولة….) شرب اولدي وخرج مرت خوك مݣاالت عيب والا بغيت شي حاجة ݣووووولها من تسع
علي:. ياك اما حتى نتي كتحݣريني
فتيحة: محݣرݣ حد اوليدي محݣرݣ حد… (لاح داك كاس دلما فالارض حتى تشخشخ داك الماس مخلي مريم كترجف.. فتيحة بقات غير كتشوف ومشات للصالة فين حفرات السدااري للي كظل جالسة فيه.. )
~~~~~~~~~~~~~
أنوار: (زاد ديك لعشية مريسكي جمعو حوايجهم من بعد مشراو لدعاء شلا تواب ليها وامها وشي كادويات طبعا هو مول نص الفكرة مشا والكاملة كتغرد بدموووع جهة على ولدها وجهة اخرى للي على تالي يامها غتولي ظحكة ودخل عليها ضرة وكان غير غتجي وهي بعزها غتجي وهي حانية الرااس وراجلها مکاااطع معاها ندمت على نهار للي فكرت تقرب جهة أمال…)
دعاء: وكان غير زدنا احبيبي
أنوار: مزال نوليو نجيو (فرحت وصونات على مها فرحااانة كتعاود على هاد لمجية للي جاو وتهلاو فيها عجبو الحال بعدا شي ضووسي عندو مقاااد… قرر يمشي لسعييدية حيت دعاء باغية وهو سميرة للي غتجيبلو ݣاع لخبيرات ونيت مزال مسااالا من شي حاجة…..)
~~~~~~~~~~~~~~~
شيماء: واخا خويا الله يجييبكم على خير (قطعت خرجت لقات حسن مكيخليهاش فين تنفنف ديما حاضييها ركبت معاااه)
حسن: كيف غادية مع لبريباراسيوون
شيماء: مزيااان (شافتو بلا لبسة) مخدااامش
حسن: لا تمشي معايا لتاوريرت؟؟؟
شيماء: علاش غتمشي؟؟؟؟
حسن: واااه با خاصينو شي وراااق وخاص نهود نݣاادهم
شيماء: اممم مزيان
حسن: تهودي؟؟
شيماء: لا مصاالحش كتنريباري
حسن: راه مغنخليكش وحدك
شيماء: وليد وخطيبتو راه جايين
حسن: يااك!!
شيماء: والله
حسن: اممم زعما متمشيش مونساااني فطريݣ
شيماء: (تبسمت) مكرهتش ولكن خاص نبقى وعاد بنت عمي لاسݣاااني باش نعطيها التلخيص للي درت ونوريها بزاف وعاد خاص نجمع الدار ديال خويا وحتى خطيبتو حيت ساكنة فوق منو حيت غيجيو عائلتها باش هاد اليوماين يضربو الكاغيط
حسن: اممم اوا لا هاااك وااخ
شيماء: عفاك متقلقش مني
حسن: (قرس حنكها وتبسم صااݣ نيشان موصلها قبل ميهبط مد ليها 500 درهم) الا خصاتك شي حاجة عيطيلي
شيماء: شكرا بزاااف (تبسمت معاه وسدت لباب طلات عليه) طريق سلامة توصل صوني علية
حسن: لا غنشد بيك طريق
شيماء: (بابتسامة صفرا) انا نتسناااك…
زهير: (صايݣ ولابس ديباردوور مبروونزي من كتاافو داير نظاااظر ومرة مرة كيطل على أمال للي حداه حالة فمها وكتشخر) يااامحااايني وكاان خرجت مّا معايا خييييرلي ( تحركت وراسها تعوج) يا والله لا ݣاديتو ليك.. (بقا صاايݣ محس غير بيدو شادة لڤلون ووحدة كيݣااد راسها هبط لمرايا باش يضرقها من الشمس ومكمل الصوݣاان ومرة مرة كيشرب قهوة نص نص وصلو لمحطة الاسترااحة فتازة.. دخل فبلاصة مظللة على حساب أمال خلاها ناعسة سورت الطموبيل ومشا يدخل طواليط.. رجع لقاها مزال نااعسة ظحك ركب مع سد لباب فاقت مخلوووعة) باسم الله عليك
أمال: (داايخة كضور عينيها) وصلنا
زهير: لا مزال تاكلي شي حاجة؟؟
أمال: لا ما فياااش
زهير: حسن هنا كيشوطو الواحد يندموو جدو على اللݣمة
أمال: هههه (شاف فلمرايا كان بيونضية حتى شنايفها بالخف مسحاتها وشافت فيه واش عاق لقاتو مدابز غير مع شي كاميو رجعت قداات شالها شافت لون وجهها رجع مبروونزي شوية وهي شحال وهي تبيض فيه.. انزااعجاات كملو طريق ولكن هاد المرة مونس معاها ظاحكين وكيتعاااودو ناااسي شنو عاودااتلو اصلا قنعاااتو صونا عليه وليد للي حط هند فاس وهو شد طريق حتى صوناالو حسن)
وليد: اخويا حسن صافا؟!!
حسن: الحمد الله اخويا.. ݣووولياا واش راك جاي لوجدة
وليد: واه راني فطريݣ
حسن: انا ماشي لتاوريرت الا بغيت شي حاجة؟؟؟
وليد: لا خويا الله يحفظك
حسن: (كمل معاه الهضرة قطع وبقا حدا دار شيماء حاضيها معرفش علاش متااقش فيها حس باحساس خااايب مبغاش هاكا تبدأ علاقتهم ولكن نوغشااااتو بدوك جوج دراري للي شاف فعينيها الصدمة وماشي صدمة ديال واحد مكتعرفووش.. لا كتعرفو وكتعرفهم بجووج.. بقا تماااك حتى شافها خااارجة طرطق عييينو حنااا باش ميباانش حيت بحال كانت كتقلب على شي تااكسي.. شدات واحد ركبت وهو تابعها من اللور…)
~~~~~~~~~~~
الكاملة: (كتغوت) والله ويجيبلي شي مونيكا هنا لا نكون ناااحراااها وداااااخلة عليها الحبس
سميرة: اماما بردي واش مسمعتييهش راه يجي يجري عليك
الكاملة: (كضرب فصدرها) بغاك بغا يردني ظحكة ݣدام العادي والبادي
سميرة: بففف دابا تهضر معاه مّا
الكاملة: مك هضراااات وانا للي عارفة بااااك من شحال دي وهو عينو فالتاااانية ولݣااا السبة
سميرة: يهديك الله اماما راك غطيحيييي لينا هنا (الحاجة مبقاااش بغات تزيد دخل معاجبهاش قرار ولدها ولكن مكتشوفش الكاملة مظلووومة حيت كانت نيتها تقتل أمال ومندمتش بقات فدارها موجدة جوج دجاجات محمرين بالدغميرة مع ديك 1 وصلت طموبيلة ديال زهير خرجو ظااحكين وأمال منوية غير مع وجهها طلعو للدار مكانش لكبير حيت خرج عند صحابو لقاو غير الحاجة للي رحبت وفرحت بيهم غير كيكونو كتكون فرحانة حيت كيعمروو عليها.. وهوما كيتغداااو نطقت الحاجة)
الحاجة: بالحݣ اولدي مجاش توااليكم انوار؟!!!
أمال: كح كح (وحلت ليها)
زهير: فين يجي (عمر كاس دلما لأمال مدو ليها) بشوية عليك ابنتي (شاف فمو) فين يجي امّا؟
الحاجة: ݣالي نمشي عندو
زهير: فين ݣالك
الحاجة: جا هو ومرتو شي يوماين هنا
زهير: (كمل كيمضغ صرطها وشاف فمو) جا!!!!…
الحاجة: واه جا وجاب معاه مرتو
زهير: (مقوس عينو) واش أنوار رجع لهنا وجايب مرتو
أمال: (غير كضور عينيها الماملة وحلات ليها)
الحاجة: (شافت ولدها غوبش) واه
زهير: ولاه مݣلتيهاليش امّا
الحاجة: هو ݣالي متݣوليش لزهير حتى نجي ونتلاݣاه
أمال: (تفكرت نهار فلبحر عيط عليها شي واحد لحمها تبوووورش واش يكون هو؟!!)
زهير: (بقا سااااكت شحال محتاج يعرعر يصعصع يغوت ولكن عينين مو كيسكتووه) اممم هو راه مزال فالمغرب
الحاجة: يمكن اوليدي
زهير: اممم
الحاجة: (شافت فولدها رجع كياكل ولكن زعف شافت فامال زعما بحركة مالو دارتلها إشارة ديال معرفتش كملو ماكلتهم فسكااات.. حتى ناض غسل يدو وخرج نيشان لدار عمو كان لباب محلوول كانو كيتغداااو غير شافوه بقاو كيتساوفو بيناتهم)
زهير: سلام (هز تيليفونو) نمرة أنوار!!!!!!
سميرة: علاش بغيتيها اعمي
زهير: غير نشووفووه وصاافي
سميرة: (ناضت) واخا (شدت تيليفونها وفتات عليه النمرة باغية ترد علاقتها معاااه حيت غتحاااجو وفنفس الوقت معارفااش شنو ضاااير للي فااهمة مقلق منو بحال كنا تقلق كولشي منو فاش زاد ومقالها لحد.. خرج زهير نيشان مدوز نمرة أنوار للي كانو فلبحر مجاوبش.. رد التيليفون لجيبو ركب فطموبيلتو وزاد….)
~~~~~~~~~~~
شيماء: (كانت فالتاكسي صوناا على اشرف) أشرف انا غنجي عندك للدار
أشرف: (خرج عينو) واش هبلتي لاه جاااية
شيماء؛ نكملو الهضرة ديال لبارح نتا للي خاصك تلݣاالي شي حل (قطعت وبقات ماشية منين ݣالها علاش مجيتيش عندي وهي كتفكر فيه وفكلامو….)
~~~~~~~~
مريم: (شادة فحنكها من تصرفيييقة للي عطاها علي)
علي: انا تصرفقيني يا الق*** يا والله حتى ن**** مك يا الكلبة
مريم: (مصدووومة كانت فلكوزينة كتقاد لعشا حتى حست بيد كتخورها مع ضارت جمعت معاه بتصرفيقة وردهالها فلبلاصة) والله حتى نݣوولها لمحمد (بقات كتبكي) الله ياخد فيك فالحق
علي: راه غير قستك الحماااارة
مريم: (قلبها كيضرب) سييير بعد والله حتى نغوت
علي: سمعي نتي عاݣرة مكتحمليش وحتى وكان نديرلك شي حاجة مغتهزيييش
مريم: (زادت تصدمت وبقات غير مطرطقة عيييينها)
علي: سمو ݣلتي ابنت عمي؟!!!
شيماء: مع هبطات من التاكسي بانتلها بحال طموبيلة ديال حسن قلبها ضرب ودارت راسها مشافت واالو هبطت من التاكسي وهزت تيليفوونها صوناات عليه للي كان حاضيها مفهمش واش عاقت بيه ولا شنو! مجاوبش (رجعت التيليفون بلاصتو ومشات لباتيسري تمااك كانت كبيييرة دخلت شرات ورقة لبسطيلة وشي تخربيق اااخر وخرجت كتقلب على تاكسي وبعينيها كيشوفو واش كاينة الطموبيل تنوااااات واش بالصح.. ولات هزات التيليفون صونات عليه) الو حسن
حسن: (حاضيها) وي شيمااء
شيماء: من ݣبيل صونيت عليك مشدش ورجعت صونيت مجاوبتبش
حسن: خارجة؟!
شيماء: واه مشيت تقديت شي حاجة (وقفات ليها التاكسي) على حساب مرت خوويا
حسن: اممم
شيماء: هه عرفتي احسن عندك الصح خاصني طموبيلة تعنيني من التاكسيات
حسن: غير يصلاح تلݣاي وحدة
شيماء: لهلا يخطيك علية اراجلي (بقات معاه فالهضرة زوينة حتى رجع تابعها لقاها دخلات للدار مفهم والو واش ظالمها ولا شنو واخا هكاك لڤيس للي فرااسو مهنااهش حتى يعرف شكون دوك جوج دراري…)
~~~~~~~~~~~
محمد: (كان هو ووليد وراه كولشي وكيفاش تستف كان ݣراج طوييييل وكل بلاصة شنو مستف فيها ثلاجات من صغيرة لكبيرة ماكينات الصابون تلافز أي حاجة اليكتروونية للي حطو فيها فلوووس صحييييحة..) كجاااتك ابن عمي
وليد: (كيشوف داكشي عاجبو الحال وحتى من ضوااو للي كانو كتاار لاعبين على الديكوور) زييييييين
محمد: بعد غدا نحلوو ان شاء الله
وليد: وغدا نيت
محمد: حيت نتا معاك مرتك جاية معاك تݣوولها
وليد: هه اممم ݣوولي هكااااك
محمد: وسمو عاد
وليد: وااه غير داك لكلب دخوك امحمد ميبااانش عندي
محمد: (حرك راسو باه وبقاو مجمعين حتى بان عندهم زهير للي نهار كامل وهو غااابر دخل هو وأشرف)
زهير: سلااااام عليكم (دو السلام وأشرف كيشوف فوليد محاااملش رااسو واخا شيماء مفضحااتش ولكن هو عارف راسو فوق غاالط وبزاااف شافو المحال وبقا غير ساااكت شاف حتى فمحمد هو كان عاارفو مع شيماء وللي متأكد انه عمرو مسها بالعكس كان باغيها لزواااج هي للي لعبت بييه..)
وليد: (كانو بعاد عليهم) لکيتييه؟!!
زهير: مݣلبتش عليه تسنيتو يجااوب ولكن مجاوبش شمااااتة
وليد: واش باغي ترجع الحبس اصاااحبي
زهير: لا هاد المرة مغنخلي من موراايا واالو
وليد: علاش ناااوي ازهير؟
زهير: والو والوو.. مهم انا غنمشي منين خرجت کبيل موليت رجعت للدار
وليد: سيييير (تفرقوا محمد مشا مع وليد حيت شيماء للي موجدة العشا فدار هند ونيت هند رجعت من فاس…)
أمال: (كانت الحاجة نعست حيت دوا كيخليها تنعس بكري بقات بوحدها طلعت لسطح كتفكر كفاش هدا رجع واش مبقاش خايف هي ظنااتو عمرو يرجع لوجدة وحتى الا رجع من بعد شي سينييييين.. شدها حريق فكرشها كان بحال ديال ليغيݣل ولكن همها كتر سمعت باب الدار لتحت تحل طلت شافت طموبيلتو جاات هبطت من سطح تلقااو فالدار) جيت
زهير: فين كنتي؟؟
أمال: غير فسطح
زهير: مال وجهك صفر
أمال: فية شي حريق (رجعت كتألم وشدت فكرشها)
زهير: (قربلها حاط يدو فوق كرشها) بزاف هاد لحريق أمل لبسي نديك لشي طبيبة
أمال؛ حتى لغدا
زهير: (بعصبية) واش فوكما ݣلت ليك نديك طبيب تبقاي علية اليوم غدا اليوم غدا
أمال: علاش كتغوت علية
زهير: ݣلت ليك لبسي لبسي (دارت شالها وبينوارها عاقدة حواجبها وفنفس الوقت غير مكيزيد يجهااد شافها بحرا كتحرك شدها من ذراعها بشوية) جلسي احبيبة انا نمشي نجيب ليك جلابتك (بقات وااقفة وخرج مكره سيرة أنوار لعباات فدمااغوو واخا شحال وهو كيرووودي فرااسو انه صفحة وتقطعت.. جاب ليها جلابة وشال وتم راجع عندها لقاااهت كتبكي بلحرييييق هادشي غير كيندمو علاش كيتعامل معاها قااسح وااخا على ود صحتها.. بقا معاها حتى مبقاتش كتبكي هبطات بشوية مع درووج وركبت فالطموبيل وهو صايݣ بشوية…)
~~~~~~~~
هند: (كانت شيماء طيبات بسطيلة ديال دجاج مكانتش متقوونة 💯 ولكن دارت مجهوود وليد عيا مع محمد يطلع يتعشا مبغااااش مداابز غير مع تيليفونو باش تجاوبو مريم.. تعشااو وليد هبط وهند دخلت لبيتها ترتاح حيت شدات طريق وشيماء بقات كتجمع الدنيا وكتلهي راااسها .. بغااتهم حتى ينعسوو عاد تخرج…)
~~~~~~~~
مريم: (منين قالها هكااك بقات غير مصدووومة كتشووف محست غير بديك المقلة للي كانت كتشحر فيها البصلة هزااتها من يدها وعطااتهالووو الكماااارة خلاااتوو كيتقلى نيشان مشا لڤابو طاالق لما وكيعدغسل وجهو اما هي طاارت حلت لباب وطلعت لدار نعيمة فين كانت حتى فتيحة) عتقووووني غيقتلني خالتي نعييييمة عتقييني الله يرحم ميييمك
نعيمة: اويلي ماااالكي
فتيحة: تي مالكي؟
مريم: علي علي غيقتلني هء هء عتقووني منووووو
فتيحة: (عرفااااتو عااااود عاودها ولكن هاد المرة مع مرت خوووه) ابنتي بشوية وݣوولي سمو وقع اجي نهودووو
مريم: لا لا حتى يجي محمد منهودش
نعيمة: فتيحة مال لبنت
فتيحة: (مطرطقة عينها) كيشتي كنت معاااك براسي مفهمت واالو
مريم: عفااك اخالتي خليني نمشي ل
دااارنا
فتيحة: زيدي هودي
مريم: لا لا هء هء منهودش لتم
فتيحة: (هبطت معصبة لقااتو فالدار ونص وجهو حمر خبطت فرجليها) اويييلي مااالك
علي: معرفت لمريم كانت جاية لصاالة فين كنت جالس وتعكلت ݣاع لماكلة للي كانت هازة تكفحت علية بقات كتغوت خايفة لا نضربها يمكن….
فتيحة: (شداتو من لكوول) خوووك غيقتلك الحمار الا عرف دشي واش باغييني نموووت واش واحد يمشي لقبر واحد يمشي لحبس وتجي ليلى تفطحلي هنا
علي: راه مدرنا وااااه يااااااه مراكيش تسمعيييي
فتيحة: (كضرب ففخاضها وماشية حدا لباب كتعرج) اليوم تشوهك بنت كريييمة اليووم (طلعت وولا فيها الجهد للي يطلع بجرا لقاات نعيمة مجلساها فالكوزينة بووحدهم وكتشربها لماااا) ابنتي متخافيش هو براسو عرفك غير تعكلتي وتكفحت الماكلة علييه
نعيمة: سمو طاري
فتيحة: غير مريم كانت هازة لعشا تحطو تعكلت فالزربية وجا على ولدي تحرݣ من وجهو ولكن ݣالي راه تعكلت ومريم خافت يحسب ليها غيضربها واش هبيلة يضربك وهو بحال خوووك
مريم: لا لا هو بغا يتكرفس علية هو ݣالهااالي
فتيحة: (خرجت عينها) مريم عرفي الله يرضي عليك سمو راكي تبلبلي
مريم: والله اخالتي الا بالصح (شافت فنعيمة) والله امرت عمي مراني نكذب ولا نزيد شي حاجة
نعيمة: (تيقتها) استغفر الله
فتيحة: (مالݣات متݣول من غير كتخنزر فمريم تسكت.. طاحت عليها فكرة) هانتي نمشيو عند رااجلك انا بانلي توحشتي رااجلك وراكي دير دلبهلان علينا
نعيمة: اويلي على لبهلان واش سامعة لبنت سمو راهي تݣوول
فتيحة: راها تخربق واش علي يشوف فمريم للي بالسيف باش قبل بيها محمد.. سمعي امريم نتي عندي عزيييييزة ولكن باش تاهمي فولدي منقبلها وميقبلها حتى خوووه
مريم: (كتبكي) والله مراني نكذب
فتيحة: اوا مك مربااتكش انا نربيك ابنت ختي عرفي الله يرضي عليك (كتزيد تخرج عينها فيها) سمو راكي تکووولي واش باغية تنوض لعدااوة بين لخووت بغيتي واحد تصيقطيه لقبر واحد لحبس علاه يضسر عليك سمو فيك باش يجي يصير عليك ونت الجلدة على لعظم
نعيمة: نعلو الشيطااااان ونتي افتيحة هاد الهضرة مكتکاالش
فتيحة: صباح بكري نمشيو لوجدة هودي من موراايا وبقاي غير مشرݣة داك لفم (مشات. مريم بقات غير كتبكي وهي للي متأكدة حتى واحد ميتيقها من غير محمد…)
~~~~~~~~~~
زهير: (بقا صااايݣ بيد ويدو شد فيد أمال للي بلحريق كتزير على يدو مخليها واااخدة رااحتها وصلو لتكلينييك دخلو ليرجووونص ودخل معاها وطبيبة كتقلبها) واش حاملة اطبيبة (مكتجاوبوووش كدير ليها ليكوو) واش حااااملة
….: عفاك خليني ندير شغلي
زهير: (عصبااتو كفاش كتبعكك) حاولي بواه ولا لا مكنسولكش على شي حاجة مكايناش مرتي راهي توجع ونتي تنفخي هنا (بدا يعرعر) جييبونا شي طبيبة اخرى الله يرحم بيها الواليدين راه غنحطو فلووسنا هنا ماشي حجر
…: (بدات ترطب) اخويا انا كنديرها ليكو ومن بعد غنقولك شنو عندها
زهير: مكندخلكش فخدمتك ولكن سولنا وداكشي باين عندكم يا حاملة يا لا نعرفو منين جاايها هاد لوجع…
هند: (خرجت تشرب لقات لباب ياله كيتسد بالزربة مشاات حلتتو لقات شيماء لابسة جلابة وكتسلت باش تخبط دروووج بلا حس) شيماااااااااااااااااااء
شيماء: (بقات غير مبلوكية تمت طاالعة دخلت كتزرب مكرهة تبعتها هند لقاتها سدات لباب عليها مشات كدق عليها)
هند: شيمااااااء شيمااء حلي ازمر فين كنتي ماااشية؟!!!
شيماء: واالو قنطت وبغيت نخرج
هند: (صدمتها بقات غير كتفكر على بالها تزوجت ودارت عقلها سااعة يمكن عاد زادت تهورت كتر.. مشات لبيتها غير كتفكر ولكن لعياا للي فيها خلاها تغمض عينيها ولكن ممرتاحااااش…)
شيماء: تفووو تفووو تفووو (شحال وهي تسنى تنعس كولشي وتسلت ولكن هند… كانت بغات تمشي لأشرف لدارو أنوار ميقدرش يديرلها شي حاجة محد أشرف كيداافع عليها جلست محايدة شاالها كتفكر فأشرف من نهار تلاقاااو أول مرة حتى منين ݣاالها علاش مجيتيش عندي إذا كاينة شي حاجة وهو داكشي باش غير حاااضيها…)
~`~~~~~~~~
أمال: (من بعد مدݣات ليها 3 ديال الشوكات ووحدة منها سباسفوون كالمو ديال لحرييق.. همد عليها شوية وعينيها بقاااو كيتغمضوووو)
زهير: (جلس فلبيرو مع الدكتوورة) اممم حيت كانت حالتها بحال شي وحدة حاملة
طبيبة: وي موتطسيو أغلبية اعرااض ديال الدورة الشهرية بحال شي وحدة حاااملة غير لمدام دياالك دارت فوط منين مشربتش لا بيليييل فوقتها
زهير: صرااااحة مكنتش عارف
طبيبة: 3 شهور وهي كتشربها بلا انقطاع خلات الدم محبوووسة داكشي باش دارت ليها هاد لحرييق
زهير: (حس بيها فخطر واخا معندو حتى شي معلومة ولكن فهم الدم تحبسات ليها فكرشها 3 شهوور) واشتا داك دير شي عملية ولا واش!!
طبيبة: لا ماشي عملية غير غنعطيوها دوا واحد الشوكة غندݣها ليها وغتبقى تنزل ليها
زهير: اممم وهي تولي بيخير؟؟
طبيبة: ان شاء الله غتولي مزيان مع الوقت
زهير: ان شاء الله.. دابا نديها للدار؟؟
طبيبة: اه ممكن تديها
زهير: فهميها اختي كفاش هاد الكينة ووريها المخاطر ديالها عندي المداام متعرفش فهادشي بزاف
طبيبة: مرحبااا (ناضت ودخلت عند أمال لبلاصة ديال المعاينة لقاتها نعساات) مدااام اماال مدام امااااال
زهير: (دخل بانتلو ناااعسة وباينة غاارقة فنعااس.. مشا عندها كيفيقها بشوية حتى حلت عينها مقلووبة بنعاس وشحال كتجي ديك النعسة حلوة من مور لحريق كبييير ( متديوش علية ركزت فقضية لحريق ههه) )
زهير: روحو للدار ورتاحي
أمال: (حركت رأسها باه ووقفت بشوية معااونها وكان ماشي الدنيا عامرة يهزها شاف فطبيبة زعما من بعد ويجييبها داها الطموبيل ورجع لريسيبشن خلص وعطاوه كارت ناسيونال ديالو رجع لقاها نعست.. مشاو نيشان للدار وهاد لمرة مع وصلو هزها وصل حدا لباب كلاها مع لباب جبد سواارت وطلع نيشان لبيتهم حطها زول ليها جلابة والصبااط وغطااها واخا الصيف غير باش تسخن… اما هو دخل دوش لبس حوايجووو ومشا للصالة فين كاين بالكو كبيير جلس فالجلسة للي داااير رجليه على الطبلة وكيكمي غييييير بشوية ويفــــــــــــكّـــــــــــــــر مزيااااااان….)
أصبحنا وأصبح الملك لله
مريم: (كانت 6 دصباااح فتيحة شدت كورصة بتااكسي غير هي ومريم.. الليل كامل منعستش بقات فبيتها غير مطرطقة عينها وجالسة حاضية جنابها حتى جات فتيحة داتها وهي كتعاملها بحال لما لقليل ركبو فالتاكسي وهي غير ساااهية) خالتي
فتيحة: ابنتي حبيبتي
مريم: راه والله مكنت نكذب عليكم لباارح
فتيحة: مريم عاامتي غتخليني نغضب منك لبارح بارح واليوم يوووم واش حنا ماشيين نفرحو لراااجلك ونتي تݣولي هاااك نعرفك بعقلك ابنتي الله يرضي عليك
مريم: (بقات كتبكي) والله منݣد ندخل لديك الدار
فتيحة: اوا ابنتي كولشي بديك بغيتي تصيفطي رااجلك الحبس راك نيت متعاوديش دخلي ليها ونتي وضميييرك
مريم: (سكتت مبقاالها فين تهضر اما فتيحة كتشوف ردة فعل ديالها متأكدة وعاااااارفة مغتقد تݣوول والو لمحمد)
~~~~~~~~~~
أنوار: كان فاكادير هو ودعاء للي تسراو مزياااان كيجاس فاحسن الاوطيلات احسن ماكلة واحسن لباااااس مولاش صونا على داارهم ممسوقش لشنو واااقع عندهم فوجدة المهم دعاء مشااافت واالو من شنو دار باااه زوهير مكاااينش واهم حاجة متلاقاااش بأمال..
دعاء: أنوااااار شووف كرشي كبرت
أنوار: (مرض بهاد الديسك قاس كرشها للي عندها بلااااا) واااه احبيبتي كريشة بدات تكبر ولدي ولا بنتي غيكون صحاااح
دعاء: هههه
أنوار: (متبسم ظحكتها مستفزة كظحك على اي حاااجة تااافهة)
دعاء: مغنخرجووش
أنوار: وي بيبي وجديلي غير راااسك وانا معاك احبيبة
دعاء: (باستوو) يخليك ليلي
أنوار: (مشات متبعها بقرف انووثة عندها اوووفر كتكرهووو فيها.. )
~~~~~~~~~~~
محمد: (مكستم بلا كرافااطا فرحاان بالمحااال كيتسنى وليد يجي باش يمشي لتاوريرت يجيب الدار باش يجيبها مع لعشية حتى صونات مو كانت فالدخلة ديال وجدة) والله درتووها زيييينة فينكم درك؟؟؟… صافي مزيان ݣولو يجييبكم ***** (قطع تسنى وليد للي جا علمو ومشا ركب فطموبيلتو باش يمشي يتعرضلهم.. )
زهير: (ممشاش الخدمة بكري كان عند مو للي طمنها على أمال بلا ذكر التفاااصيل رجع لدارو لقا أمال فالحماام تسنااها على مخرجت.. غير بانت وقف مشا لعندها شد فيدها) شوية احبيبي؟!!!
أمال: الحمد الله
زهير: (جارها جلسو بقا شاد يدها فوق فخاضها) عارف مكانش للي ينصحك واخا وكان ݣلتيها لمرت خوك ولا مرت عمك ولا ݣااع ندى
أمال: ندى شكون ندى
زهير: هند زعما
أمال: لا ݣلتي ندى
زهير: يهديك الله ابنتي راني غير تلفت فسمية
أمال: حلف بالله والله منسمح ليك الا تفليت علية
زهير: ههه لا نتي بزااف خلينا فالمعقول احبيبة علاش كنتي تشربي لكينة بلا متحبسيها
أمال: (كانت عارفة ولكن مكانتش عاطية الأمر أهمية للي كانت كتفكر فيه هو اولا تخلي زهير يتمتع تانيا سامعة انها كتصحح)
زهير: واش فخبااارك كانت طرالك شي حاجة فالوالدة ديالك ماشي مليحة
أمال: راه حم راه صاافي جاتني
زهير: اوا على سلامتها تبقااي تفكري امول معرفتيش سوليني سولي صاحبتك سولي مّا والا کاع بغيتي نديك طبيبة وهي تݣوولك راه حتى واحد متزاد معلم الحاجة ݣبل منديروها نسولو عليها وأكترية الا كانت على صحتك
أمال: حم واخا
زهير: (قرس حنكها) فيك شي حريق؟
أمال: شوية
زهير: سيري فطري مع مّا انا نخرج للمحال وفلعشية نجي نوصلك لفاك تشوفي سمو خصك تم
أمال: (تبسمت) شكرا
زهير: شكرا صرفيهااالي ابنتي
أمال: ههه وراه فية
زهير: دابا نوريك كفاش (ناض مخليها تلبس حوايجها دااها عند مو وهو مشا ركب فطموبيلتو.. مع وصل كيبانلو محمد واقف مع مو وكاينة مرتو وحتى وليد واقف حدااااهم.. بقا شحال كيشووف جات نسييييبة لعزيييزة واش يعرض ولا ميعرضش يعرض ولا ميعرضش.. خرج مع قشعو محمد عيط مشا لعندهم جامع يديه) سلام عليييكم
فتيحة: (كتحنزز فيه مزيااان عكس مريم للي غير حانية راسها وكتحس براسها غطرطق) وعليكم السلام لباس عليك
زهير: الحمد الله ونتي مزيان وصلتو بيخير؟؟
فتيحة: الحمد الله اوا ولدي شوفنا شي موضع نجلسو بعدا غير رتااحو فيييه
زهير: حم علاش يشوفلكم راه كاينة دار بنتكم هنا
محمد: وااه فكرة مزيااانة
زهير: ندييكم دابا
محمد: غير خليك اخااي زهير انا ندييهم
زهير: حشووومة الخااوة راه فاميلا وحدة
محمد: (حط يدو فظهر مريم للي تزعزعت) سيرو رتاحو وبلعشية نجي نديييكم
مريم: (كتبغي تهضر وكتسكت حركت رأسها باه زهير حاول يحايد غير لغوباشة من وجهو ولكن الشوفة ففتيحة كتخلي لغوباشة تجي تجري حتى لحوااجبو وتجلس.. ركبو اللور هز تيليفونو وصونا على أمال)
زهير: وي أمووول صاڤا!!!… انا جاي.. لا جاي حيت جايب مك ومرت خوووك…(كانت كتويل).. صافي حتى نجي ݣوليها لمّا (قطع وبقا صايݣ السكوووت سيد الموقف اصلا معندهم فاش يتعااودو حدو فاش قرب يوصل)
زهير: حم أمال راهي عياااانة شوية
مريم: علاش مالها اخويا
زهير: غير شوية داكشي باش طبيبة ݣالتلها ترتاح شوي (شاف فتيحة عوجت فمها وقلبت وجهها للسرجم) مخاصش للي يصدعها ولا يدورونجيها
مريم: دابا نݣااابلها اخويا
فتيحة: (فيها متهضر ولكن الا هضرت غتسمع خل ودنيها من عندو وفنفس الوقت مريم خاص ديرلها الخاااطر… كانو وصلو طلعهم نيشان عند مو فين كانو مقادين فطور وجامعين الدار وطالقين العود)
زهير: أمل (مشا للصالون تبعاتو من بعد سلام باارد مع مها وحااار مع مريم) هنا نعرفك وليتي وحدة نعول عليها نجي لݣاك كتهرنني نحر والديك
أمال: ههه وااخا
زهير: هانتي هضرت
أمال: (شحال كيعجبها هاد الخوف عليها والاهتمام) راني ݣلت ليك عطيني فردي وكون هاني
زهير: باغية تيري فمك يا المسخووطة راني مبري منك نتي..
أمال: ههه (تعلات باستو فشنايفو وبقات كتشوف فيه)
زهير: وااااه المك دابا عاد حلات ليييك (قرسها من جنبها وخرج وهي رجعت كترحب بضياااف….)
وليد: (رجع للدار صونا على هند مجاوبتش باش يمشيو للمحكمة يحطو ورااقهم على حساب لعقيد صونا على ختو واالو… طلع للدار سمع غوات حيت لباب كان غير مردود دخل وهو يسمع)
هند: اش كنتي خااارجة ديري فنصاصاااات الليل اشيمااااء
شيماء: ماشي شغلك اهند واش بنيتك كدخلي فحياااتي نتي كان شي واحد يݣووولك فين كنتي خاارجة وفين كنتي سهرااااانة
هند: (عصبتها) من شحال هادي داابا نتي عندي
وليد: ششش سمو واااقع نتوما من لتحت غواتكم يتسمع
هند: (مضاارتش كتشوف نظرات شيماء كتبدلو لتمسكين)
شيماء: والو اخويا كنهضرو فشي حاجة وصااافي واش جات ماما وبابا
وليد: لا مزال علاه كنتو تغوتو.. هند واا هند (ضارت عندو كانت لابسة كسيوة طويلة بلكمام ولكن خفيفة) مالكم
هند: واالو
وليد: لا ݣوووولي
هند: شيماء لبارح شفتها كانت حدا لباب وكنت نسولها
شيماء: (تصدمت محسابش ليها غتݣولها) لا انا غير كنسدو
هند: وحتى انا غير سولت (مشات لبستها عارفة شيماء مزݣياااش ومخاصش ضرق عليها)
وليد: فوكاش هادشي
شيماء: من مور مامشيت راها داايخة حسابها بغيت نخرج انا كنت غير نسد لباب
وليد: اممم فين حسن
شيماء: لتاوريرت ولكن اليوم بلعشية يجي
وليد: (سكت شحال) ياله معانا المحكمة
شيماء: بلاش والله غير خليني نتوما تقضيو غرااضكم انا شنو ندير
وليد: لبسي انا نتسنااااكم (مشا للصالة جلس وهي ملقات مدير من غير تمشي وهي كتسب وتلعن فعند للي ضيعات عليها الخرجة خرجو مشاو للمحكمة كيتسناااو وليد للي مشا حط الملف ديالو فين كاين لوراق ديااالهم وبقاو كيتسنااوه)
شيماء: كتفرشيني اهند؟؟
هند: فين كنتي ماشية؟؟ واش عند محمد؟؟؟
شيماء: هبيلة راني مجوجة زعما
هند: قوليها لراااسك مزوجة هي تبتي متنسايش مع 1 رديييتك من درووج لتحت بلا متبقااي تكلخيني كما دايرة لعائلتك
شيماء: (,سكتت قالبة وجهها) بعديني اهند ودخلي سووق راسك
هند: دااخلة وماشي شغلي فيك ومنين تكوني فدار خوك ولا رااجلك خرجي حتى مع لفجر ولكن عندي لا (سكتووو وهند بقات غير كتشوف وليد للي جااي حتى وقفت قداامها شي وحدة طويييلة زعرة.. عاقلة على هاد لوجه تمشااات حداااهم ووقفت حدا وليد)
ليلى: واش محتاج شي حاجة فالمحكمة؟؟؟
هند: salut
ليلى: (شافت فهند طلعتها وهبطتها ديجا شافتها معاه مرة) سلام (مدت يدها) ليلى محامية صديقة ديال موسيو وليد
هند: (مدت ليها يدها) هند فرملية مرت موسيووك وليد ووليد المحامية معندوووش صديقات عيالات عندو واااحد سميتو با زوووهير
أمال: (لاحظات غير كتنوض مريم كتبعها فتيحة.. كتشوف بعينيها كفاش كتعاملها ومكاين غير حبيبة ما تحبيبة مغاااارتش ولكن فنفسها علاش انا كدير معايا خاااايب هاكا بقات غير كتسول رااااسها حست بلحريق بغا يرجع ليها شربت كينة خلاتهم لتحت وطلعت حدا الحاجة لفوووق فين مشات كطل على دجاج فلفراان) مّا سيري هودي لاش طلعي ونتي مݣادااش
الحاجة: ݣاادة ابنتي نتي للي راكي مريضة
أمال: (بهدوء) لااااا
الحاجة: انا نهود حدا ماماك باش متبقاش وحدها (هبطت وأمال بقات تماااك نقزت من سطح لسطحها هبطت للدار مشات جمعت بيتها حيت خلاتو مرون رشت معطر الجو وسدت سراااجم ورجعت لدار الحاجة ولكن من لباب لقات الكاملة طااالعة)
الكاملة: (حدها خنزرت فيها مقدرتش تهضر معاها دخلت لقات فتيحة مكانش حسابها كاينين وهي جاية ترغب باش ميديرهااش لكبير ويرد الظحك والشمتة فيها)
فتيحة: دخلي اختي الكاملة
الكاملة: (كانت كتسناها تغوت ولكن يمكن مفخبارهاش شنو وقع ناضت مريم للي شافت أمال دخلات ودخلو للصالون هنا فتيحة كتهضر مع الكاملة)
مريم: أمال موصيييبة اختي مرصيييبة
أمال: أحااي مالكي (سمعو الدقااان وشي حد طالع فدروووج) سكتي (شافو هند هي للي دخلت وتابعااها شيماء للي مكرهة حسن مخلاهاش تبقى بوحدها وخيرها تمشي عندو للدار ولا تمشي فين كاينة العائلة كاملة)
هند: نتوووما هنا
مريم: (باشارة) سكتي سكتي
فتيحة: (عاد بدات لبال) مريم مريم
أمال: راها فطواليط اماما (مجاوبااتهاش شيماء شكت ودارت راسها مشات حدا نسا وبقات برااا هند دخلت مفاهماااش مريم كانت كتبكي)
مريم: علي ولد لحراام ݣالي يدييرلي واصلا كيديرلي فالدار شي حوايج خايبيين
أمال: (طرطقت عينها مصدووومة)
هند: ولد الق**** (شافت فامال) صوري ماشي على مك
أمال: أحااااي امريم وشنو كيديرلك
مريم: (كتبكي وكتحاول تكتم صووتها) مݣديتش نݣوولها لمحمد خوووك غيقتلووووو واحد يمشي لقبر ولاخر لحبس
هند: بفففف موقف خاايب
الحاجة: (خرجو من الكوزينة لقات شيماء واقفة كتصنت) شيماااا بنتي دخلي حدا لبنااات
شيماء: لا لا اصلا بغيت ندخل للحمام (دازت من حدا لبنات للي مدا هاش فيها ومشات للحماام) هاااااااه….
هند: شوفي سكتي من لبكى باش نفهمووو شنو دار معاك امريم
مريم: بشوية هضري راه خالتي غير حاضيااااني
أمال: واش شافتكم؟؟
مريم: (كتشهق) لا ولكن ݣلتها ليهم وحتى حد مايقني من غير مرت عمي نعيمة وحتى ماما فاش ݣلنهالها ݣالتلي نتي غير هبيلة (بحرا كتبغي تهضر) ماما ݣالتلي تهضري ندبحك وخالتي ݣالتلي الا هضرت غنجبد غير صداااع بين لخووت وأنا ديك الدار مݣديييتش نعاود ندخل ليها
أمال: متمشيش الا مبغاوكش انا نشدك هنا معايا مدفنييش راسك تماااك امريم
هند: عندها الصح ميمكنش يتسكت على هادشي وترجعي عندو هداك راه حمااار (عرات يدها كانت باقية بحال هبيشة حيت كانت مهلية فيها بلبرودويااات) شوفي شنو دارلي هداك راه هبيل خطيييير يعيش مع بنااادم واصلا تنعرف حااجة نتوما تزوجتو صافي خاصكم تستااقرو بووحدكم حيت لا علي لا فتيحة غيخليوكم فخااطركم
أمال: متخافيش امريم دابا نشوفو شنو نديرو….
وليد: زهير مراااكش فبرجك؟؟
زهير: مزااالني نحوس عليه الخااااوة للي دارو مرااانيش ننسااه ولو للممات
وليد: أنوار!!!
زهير: (زفر ساهي) هوووو.. شتي والله مغاضوووني لفلوووس للي دا بکد مغااضني الحاال علاه
وليد: نسا عليك زبل راه على برهووش كنتي باغي تخرج على حياااتك فكر بعقلك لوكان تشدو سمو ديرلوو تقتلو؟!! ها حياتك زحياتك مك وحياة مرتك ضاااعو
زهير: (بقا سااكت)
وليد: فكر فمحااالك للي شحال ونتا مسوووفري وتعذب باش تجمع الأورو وتجي تحلو فلحظة يمشي كووولشي
زهير: بغيت غير لݣاااه
وليد: غتلݣاه كلمة منك ومنو غتقتلو عاارفك ازهير مغتحكمش فراااسك حسن دير بحال مكااان واالو وحتى ويجي دير راسك متعرفووووش
زهير: (شاف فأشرف جاي) من بعد ونهضر
وليد: (شاف أشرف دخل حدااهم بقا مقوس عينو فيه معرفش علاش منين غلطت ختو فسمية وݣالت أشرف جاه هدا فباالو)
أشرف: السلام عليكم
زهير: واش ابن عمي مريض ولا كفاش؟!!!
أشرف: لا لا غير لعيا وصاافي
وليد: لعيا ديالاااش؟؟؟
أشرف: (مكيقدرش يشوف فوليد) والو غير من محال لمحال
وليد: اممم مزيان.. (شاف فالساعة كانت 3 ونص) تعطلو الدار
زهير: وكان جاو مع راجل ختك
وليد: لا الواليد ميبغييش واخا نسيب وداكشي ولكن الواليد كيبغي داكشي ديالو يديرو هو ولا واحد فدرااري
زهير: حسن مضصرووهش (شاف فيه وليد) وانا غير شرحت واشتا ݣلتي
وليد: ههه باز ياا خويا
زهير: (هز تيليفونو مدوز نمرة أمال غير شدت خرج كيهضر برا) لكتكووت
أمال: ههه
زهير: شوية دابا؟؟
امال: مزيان الحمد الله ݣبيل جهادلي لحريق ولكن هند دݣاتلي شوكة ودابا راني مزيانة
زهير: الحمد لله ݣوليلي الامور مزيانة!!
أمال: لا لا بيخييير انا ولبنات راحنا ݣالسين وماما ومّا وهاديك جالسين لهيه
زهير: شكون هاديك
أمال: ديك زمر
زهير: اممم الكاملة
أمال: معرفت منين جا لباها الكاملة غير حشمت نݣولها اما هاديك متليق ليها غير واحد الكلمة
زهير: (عرفها) ايييه الآلة أمال من هادي لݣاارو
أمال: راه مݣلت واالو
زهير: ونتسناك عاد تݣووليها والله يا جدك شناايفك نݣطعهم ليك
أمال: بفففف
زهير: وكتصووطي
أمال: وا زووهير.. ياله باي باي نمشي رجع حدا لبنات
زهير: واخا لمك حتى نجي للدار وننفاهم معاك
أمال: واه واه ياله باي باي (قطعت)
زهير: (شاف فالتيليفوون) أحااااي كخلاتها مشااتلي الهييبة معاها…
جا وقت الافتتاح كانو غير رجال للي حاضرين جاو شي مسؤولين وشي ضيااف عيط ليهم وليد للي مهمييين منها تسوييق منها يقضي غرااضو دازت الامور كبغااو المحال حدا محال زهير شي داخل فشي أثث عند زهير وجهز عند وليد هاد الجملة بقاو كيضحكو بيها بدا البيع وشرااا زهير رجع لمحااالو للي بقا كيقاابلو ولوخرين فمحااالهم… وليد ومحمد كانو دوموندااو عند تريتوور عشا وااااجد ديال 4 طبااالي بكولشي ديالهم حيت هوما مالين الزردة..
زهير: واحد خويا غبر حدو يهضر مع ما كل نهار
وليد: ياك رجع مزياان تلݣاااه رجع للصيد مع صحاابو ككانو
زهير: مزيااان ولكن لاه ݣااطع مع كولشي لكلام مرتو فهمنااها وولادو لاه؟؟
وليد: زهير خوك كبير وعارف سمو كيدير.. خليك نتا فتيقاارك
زهير: (لوا شنااايفو متعجب سدو المحالات بكري كولها ركب فطموبيلتو ماشيين لدار زهير جلسو عند دار مو رجال بوحدهم كيف ديما ولعيالات بووحدهم… زهير كانو كيهضرو بيناتهم حتى دخل خوه ظاحك) خويااا (وقف ومشا عندو شافو وااقف الوقفة المقلدة ديالو بدراعية والشال للي ديما على عنقو ظاحك بحال عمرو كان مريض باسلو يدو كمواالف) فين كنتي
لكبير: مبرووووك مبرووك على وليدااتي والله شحال يعجبني الحال منين مسمعكم كديرو مشاريعكم وتكبرو فرااسكم ياك اسي احمد
احمد: كاااين اسي لكبير
لكبير: (كولشي وقف سلم علييه زهير وولادو للي مفهمو والو غبر كاعي رجع ناشط.. تحط لعشاا وكولشي تجمع كياكلو ناشطين وعند لعيالات مجموعين من غير الكاملة للي مبقا عندها منين يدووز ليها… كمل لعشااا محمد عيط على مريم للي تبعاتو حتى فتيحة)
محمد: مي هانتي باتي فدار الحاجة
فتيحة: (قبل ميكملها) لا نمشي توااليكم
محمد: فين تمشي؟
فتيحة: لفين ما مشيتو متخلينيش وحدي هنا
محمد: وااخا نمشي نشدلك شي بيت فلوطيل
فتيحة: علاه نتا متمشيش وتخلي مريم معايا هنا حشوومة الحاجة شحال وهي تشد
محمد: وانا مرتي فمدينة وحدة باه نخليها نبات فقنت اخر (شاف فمريم للي غير حانية راسها) نتي راه منين جيتي معاجباانيش كلمة مبرووك مݣلتيها أمريم
فتيحة: راها عياانة مسكييينة خليها ترتاح هنا وكاينة حتى مرت عمك.. كون تسمع كلامي اولدي
محمد: (شاف فمريم) سيري لبسي جلابتك هاني نساينك لتحت
فتيحة: (شافت ولدها هبط وحس رجال خارجين جرت مريم ودخلو للحمام) امريم نعلي الشيطان واش باغية ولدي يضيييع مني واش هادشي علاش جوجتك ولدي
مريم: مغنݣوول والو اخالتي غير تهناي
فتيحة: اوا ظحكي لغه مبينااالو كاين شي حاااجة
مريم: كدير الظحكة توصل لفمي اخالتي وانا فمصيييبة هو راجلي للي ولد خالتي وخويا طامع فية وغير خوه يمشي من هن هو يجي يتلمس فية من
فتيحة: اوييييييييل الشيطان بغات هادي تشوهنا
مريم: هاني سكت
فتيحة: ديري عقلك ابنتي الله يرضي عليك وانا كنوااعدك والله ميعاود حتى يشووف فيك.. سيري والله امريم كنسمح ليك الا خرجتيلي على ولادي ونوضتي لعجاج بيناتهم….
شيماء: منين شافت أشرف وهي كتقلب غير كفاش دير تلاقا معاه ولكن وجود حسن خلاها تكرم بلاصتها.. منين كمل لعشا هي بقات مع نعيمة حيت الا قالت تمشي غيقولها ياله معايا اما هو حس بهاد التهرب مبااااااالغ فيه وحتى الا مصوناش ومسولش هي مكدير واالو.. هادشي خلاه كاااعي وفنفس الوقت اعجاابو ليها ومااايل كتر وكتر… (صونا عليها وعلمها تخرج) بففف
نعيمة: سيري ابنتي خرجي عند رااجلك شوفي سمو بغا
فتيحة: شت بنتك مبقات بغات تخرج عند راجلها
نعيمة: فتيحة حنا عند الناس وبلعربية والتاعرااابت خرجي سوووق شيماء وݣااابلي غير لحريرة للي عندك
فتيحة: ياااااك انعيمة
نعيمة: واه افتيحة ونتي سيري عند راجلك
شيماء: (ناضت لاوية شال عليها وخرجت نيشان عندو لتحت قلبت بعينيها على طموبيلة ديال أشرف ساعة مكاينش.. لقات حسن واقف مع لوخرين) حم حسن (جا عندها) سلام
حسن: سمو دشي ديالك اشيماء
شيماء: (شافت فمحمد) شنو احبيبة
حسن: (كان باغي يهضر حتى سمع من عندها هاد لكلام)
شيماء: حسن ماالك
حسن: شوفي نتي للي مكتصوني مكتسولي مكتبغيو نتلقااو واش مبغيتيش تولفيني
شيماء: (تبسمت) انا مولفااك شوف نتا
حسن: (قوس عينو وحك لحيتو بساروت طموبيلتو) انا مولفك وباغي نزيد نولفك بزاف دلحوايج
شيماء: (تبسمت قالبة وجهها زعما حشمااانة..)
حسن: تمشي!!
شيماء: حسن!!!
حسن: اممم على باك وخوتك
شيماء: واه انا نحشم منك بلا هادشي عاد نمشي معاك وكولشي هنا
حسن؛ ههه وراك مرتي
شيماء: وخا هكاك وزايدون غدا غتخدم بكري
حسن: مخدامش غدا
شيماء؛ (كانت بغات تعرفو واش خدام ولا لا) هي غدا نخرجو بجووج
حسن: واخيرا جات من عندك (بقاو كيهضرو ويضحكو حتى خلاتو على خاطرو وصيفطها طلع هادشي كان حاضيه وليد للي نعل الشيطان من الوسواس فراسو.. اما حسن منين شاف أشرف فلعشا وهو غير كيقاارن واش هو ولا ماشي هو ولكن تيقن غير من صوتو ومن ردة الفعل ديالو نيت كفاش مكانش مرتاح منين كان كيشوف فيييه.. كان متأكد شيماء كتعرفهم وزاد تأكد…)
~~~~~~~~~~~
أمال: (شافتو مكيهضرهاش وغير مخنزر) زوووهييييير (لا رد) اجي ديرلي ماساااج فكرشي بحال لبارح (خنزر فيها مشا شعل التلفاازة وجلس كيتفرج بقات غير كتشوف ناضت كانت لابسة شي جوج كولوونات وعاد سليب اولويز وديباردوور مع سوتيامات بوونج كانت باينة لطاي ديالها زوييينة بقات كتمشي وتجي قداامو)
زهير: غتجلسي لرض ولا نجي لمك
أمال: ها لا غير خاصني نمشي نجيب شي حاجة ناكلها جاني جووع (خرجت بقات حدا لباب حتى حل لباب لقاها وااقفة) نجيبلك شي حاجة حتى نتا؟!!!!
~~~~~~~~~~
محمد: (وصلو لوطيل دخل دوش وهي بقات غير جالسة فبلاصتها خرج لقاها جالسة فين خلاها دخلاتلو لعجب) مريم (جلس حداها) مالكي
مريم: محمد بغيت نݣولك شي حاجة وخفتك تقلق مني…
أمال: نجيبلك شي حاجة حتى نتا؟!!
زهير: دخلي لبيتك
أمال: (حنات راسها ودخلات لبيت كضور فعينيها مكتقدرش يبقى زوهير هاز من جيهتها وهي عارفة لعشية فاش صدرااتو وقطعت عليه.. شافتو سد لباب وخرج بقات جالسة كتفكر جاتها مريم فلبال بقاات فيها حيت جربت داك الاحساس للي كانت مدوزاه تمااك وداك الاحساس متبغيييهش لعدووووك واخا فوسط مك وخوتك وباك الا كانت فاسوء أياااامها.. بقات كتشوف هزت تيليفونها وقررت تصييفط ميساج وهاد القوة للي خلاتها تصيفك ميساج هو زهير والقيمة للي دارلها) مريم عاودي لمحمد كولشي والا متاقكش ومسمعلكش دار ختك محلولة (صيفطااااتو متنكرش عندها مريم عزيزة كتر من خوها وعارفة حتى لميساج ممكن يقرااه خوها ممكن لا.. ناضت حلت لباب مشات للصالة شعلت الضو شافت زهير فلبالكو كيكمي طفات الضو وتمات ماشية عندو مع وصلت حدااااه خنزر ودفعها حيت كان عبد الله واقف مع خووه حدا الناافورة وهي كانت لابسة غير ديباردووووه ضار عندها بعصبية ولكن مكيغوتش) واش ار** عندك لعقل للي خارجة عرياااانة
أمال: مشفتهمش والله مشفتهم كاينين
زهير: (لاح لݣاارو بعصبية وهي كترجع اللور حيت مغزف عليها) والله يا م.. (طارت من حداااه مشات كتجري وهو سكت رجع طل لقاهم مزال كيهضرو غووبش رجع جبد ݣارو كيكمي كيحس براسو كيغير عليها بزاااف وهادشي طبيعي ولكن عفويتها كتعصبووو)
~~~~~~~~~~~
مريم: محمد بغيت نݣووولك شي حاجة وخفتك تقلق مني..
محمد: ݣووولي
مريم: (كتبلع ريقها وكتقلب على الكلمات.. وهو متبعها) بغيت نسكنو هنا فوجدة
محمد: علاش؟؟
مريم: (شافت فيه بخوف) بغيت نبقاو هنا عفاااك امحمد
محمد: (تعجب) دارتلك ما شي حاجة؟؟
مريم: (بحال) لا ماشي هي
محمد: وشكون؟؟
مريم: (بقات كتشوف فيه)
محمد: شكووون امريم هضري
مريم: (تسمعت طرن موسيقى ديال لميساجات.. مد يدو هزو بقا مخرج عينيييه وشاف فيها عرفت هي شي حاجة ماشي هي هاديك) شكوون
محمد: سمو كاين امريم؟!!!!
مريم: هم
محمد: سمو بغااتك أمال تعاوديهلي سمو كاين امريم اصلا منين جيتي ونتي وجهك صفر (ضورها فراااسو بالزربة) واش شي حد بسل عليك تم؟!!!!
مريم: (الطريقة والنبرة ديال صوتو للي تحولت خلاتها كترجف بلعت ريقها ياله غتهضر زاد هو مخرج عينيييييه بحال كيهيأ رااسو للصدمة شاافتو اليوم شحال كان فرحااان ودابا بكلمة منها غضيعلو كووولشي عاد الا تحول لغضبو لكتر ودار شي حاجة للي يندم عليها وهي تندم على نهار للي عاودااتلو…)
مريم: (كانت صونات على أمال عودات ليها شنو ݣالت لمحمد بالتفصيل.. تنهدت) كولشي غيجي ضدي
أمال: شوفي انا معاك ݣاع متخااافي
هند: (ميقت فيها) هاي هاي هاي
أمال: (دارت يدها على لميكرو) سكتي.. (رجعت هضرت مع مريم) ياكما ضربك
مريم: لاااااا (بحزن) بقا فية يا ختي
أمال: علاه؟!!!
مريم: واش هو شحال وهو يوجد لمحالو جديد وجيت يانا نكدتها عليه عرفتي ݣبيييل كيف خرج دااايخ
أمال: (معندهاش احااسيس بزاف جيهت خوها) اممم ومݣلتيلووش راه تبسل عليك
مريم: لا هو غير سمع انا وخوووه مكنتفاهمووش عينيه خرجو عاد نݣوولو داكشي لاخر
أمال: اممم حسن متݣوليش المهم يفهم يجي يسكنك هنا.. (تحمست) ونسكنو كاملين هنا
مريم: (تبسمت بلا نفس) ان شاء الله اختي واخا مك صعييييييبة
أمال: (سهات) صعييبة وسكتي
هند: (نغزتها باش متزيدش تخلعها.. كملت الهضرة معاها هند عاطيااها طاااقة ايجابيه قطعت وشافت فأمال وفرنست) بقات يوماااااااااين
أمال: هههه راه جواج خااايب
هند: اممم جواج خايب غير لية منين تكوني هازة رجليييك كيعجبك الحال
أمال: أحااااااااااااي
هند: أحاي عليك نتي نييييت
أمال: مكتحشميييش
هند: ونتي للي كتقولي زواج مزوينش وانا شحال وانا نتسناااه (تكات فوق النموسية) عرفتي شحال وانا كنتسنى ليلة الدخلة انا ووليد وناااااااااري غنغتااااصبو
أمال: هههه احاااي اول وحدة نسمعها تݣوول هااك
هند: (تنهدت) حيت انا للي شحال وانا صااااابرة اجي كتعرفي تقرمي
أمال: ههه شنو هادي عاااود
هند: تقرمي اصاحبتي
أمال: تأ وهضري واش لبوساان
هند: هههههه لبوسان ديال لتحت (هزت صبعها) بحال هاكا (دارتو فمها مدخلة النص فصبعها وباينة ولكن مزيرة بشنايفها على صبعها)
أمال: أحاااااي (خرجت عينها مغوتة) نمصوووولوووو (تدق لباب ودارت يدها على فمها)
هند: (قفزت وهضرت بشوية) لقوا لقواااا.. قولي شكون؟!!
أمال: ززوووهير!!!!
زهير: (هز حاجبو) هاني فالصالة أمل
هند: بففف انا نمشي
أمال: لا لا جلسي باتي معانا عفااك اهند سيري لبيت فين كتجلسي
هند: (ناضت خرجت مشات لبيت للي فالقنت لاخر وأمال بقات تويل وتندب لبست بينوار ساتان ومشات للصالة لقاتو متكي وداير ذرااعو فوق راسو.. حنحنت ومشات جلست فوق فخضوو خااايفة من ردة فعلو وعارفاااه مكيحملهاش تهضر فهاد الموضوع مع شي وحدة اخرى)
أمال: زهير!!!
زهير: (هز ذرااااعو طل عليييها) امممم
أمال: حم نعسو؟!!!!
وليد: (كيشوف فمحمد للي جالس ساااهي وباين معصب تكى براسو على الحيط كيشوف فيه حتى بداو كينعسو عينيييه محمد خبط فالطبلة حتى تهز وليد) سموووو!!!!!
محمد: علي غيهبلني اخويا غيهبلني
وليد: علاه سمو دار الكلب عااود
محمد: (عض على شنااافتو مغدد) مهبل مريم يدااابز معاها ميحتارمها ميوقرها
وليد: (دابا عاد فهم المشكل حيت زهير مݣالو والو)
محمد: هي حلفت مترجع لوجدة وأمال فوݣ راسها كتݣووولها الا مسكنكش هنا اجي سكني معايا ونوقف معاك
وليد: ههه هادي أمال
محمد: كظحك!!!!!
وليد: ههه (كيبغي كيخبع ظحكتو) كنت عارف فيجب شي نهار تنوض لحزاق كاامل
محمد: واش حسااابلك بقا فية الحال حيت كتعمر مرتي المشكل راه عندها الحق مريم من نهار موت با وهي اللور اللور معايشة بيخير معاايش معاها بيخييير
وليد: كتبان درويشة مسكينة
محمد: راه الخااايبة هي تركب على الدرويش حيت درويشة عارفة كتاكلها وتسكت
وليد: اوا دير للي يريحكم
محمد: بفففف داكشي فاش راني نفكر غنكري شي دوييييرة على متبااع واحد لبلاد ونشري شي دار هنا
وليد: اوا هدا كلام المعقول
محمد: كلام المعقول هو الا كلام مريم حد هنا
وليد: كفاش
محمد: دابا نعرف
وليد: اوا ومك
محمد: واااا هنا بيت القصيد.. مي نتا عارفها مزياااان غير نجبد ليها حس نسكن بوحدي كتݣسم على سطاااش
وليد: الا بقيت متبع ري مك اصاحبي متهزش الراااس
محمد: (زفر محرك راااسو)
وليد: علاش باك كتبلك كولشي غير نتا واش هاد علي عندو عداوة مع كولشي
محمد: (لوا شناايفو) براسي معارفش حتى كنشوف لوصية للي خلا لعمي عبد القادر كووولشي بسميييتي وممحيدش غير علي محايد هو وأمال ومي انا حتى ليلى كاتب ليها الدار كاملة
وليد: أمال فهمنا مكانش يبغيها وعلي؟؟ حيت هو كان يبغي غير لمعزر
محمد: (حرك راسو بلا) ليلى كتعاود كان كيبغي بناتو كيقريهم كان كيسفرهم منين كان يݣول كيمشي للصيد
وليد: يااااك
محمد: هادشي للي عرفت ولكن انا مباغيش كولشي لية كولشي غنعطيييه حقو حتى وكان با غلط نصلحوووه حنا
وليد: كااينة اصااحبي
محمد: (رجع سهى فكلام مريم) شي حاااجة تم اوليييد راسي داااخ
وليد: فاش؟
محمد: معرفت انا مشيت خليك تنعس
وليد: جلس
محمد: راه خليت مرتي وحدها فلوطيل
وليد: اااه اوا سير (باغي غير ينعس.. ناض محمد خرج مع سد لباب سورت حيد تيشورت ديالو.. مشا تلاح فنموسيتو وجبد عليها)
أمال: حم نعسو؟!!
زهير: مشات هند؟؟؟
أمال: دخلت لبيت للي كتنعس فيه اممم نمشيو
زهير: (بغمزة خفيفة) واشتا كنتو تݣولو نتي وصااحبتك؟؟
أمال: (خرجت عينها) واااالو
زهير: سمعت مصان ما مصااان واش هدا امول
أمال: أحاااي (نااضت وهو يضربها بمؤخرتها.. بقات كتحك فيها) ااااي
زهير: داكشي نبغيه يتطبق
أمال: (خرجت عينها فيه وزادت مشات نيشان لبيت فين كاينة هند لقاتها مزال منعست جلست فالسداري لاخر) أحاااااي وتعرفي زهير سمو ݣااالي
هند: هههه اويلي متقووليش سمعنا
أمال: بففف سمعنا ݣالي خاصو نطبق داكشي لي سمع
هند: ههههه من حقووو واخا هضرت على لقريم ماشي كوجااك قلت زعما نوريك كفاش
أمال: هاا العار الا مسكتي اهند عاود يسمع يݣولي ديربي دشي
هند: هههه حتى نكونو بوحدنا نوريك هاد لقريم راه تخصص ديالي يعااونك حتى فلعيبة تبقى ديما مزيرة
أمال: سكتيني اهند (ناضت من حداها خرجت مشات لبيتها لقات زهير تماك طافي الضو لابس غير شوورط متكي فنموسيتو وشاعل التلفازة كيتفرج فناشيونال جيوݣرافي… دخلت سادة لباب مشات للحمام بدلت اولويز طرفت راسها وخرجت مشات لبلاصتها هو متبعها غير بطرف عينو تكات فبلاصتها عاطيااه بظهر نزغرها بتيليكوموونك وضارت عندو)
زهير: كملي
أمال: شنو نكمل؟؟؟
زهير: داكشي للي كنتو تݣوولو نتي وصاحبتك
أمال: وعلاه كتصنت
زهير: والله ما فنيتي نتصنت غير ربي كيجيبني فهاد المواااقف
أمال: اممم (بغات دور تنعس وهو يجرها) شنووو ازوهير
زهير: واااكملي
أمال: أحاااي والله راك تحشم فية
زهير: عادي عادي ديريني بحال ختك وهضري
أمال: هههه لا
زهير: وهضري ولا يا جدك غتنوضي طبقييه
أمال: ههه وا زهير هي كانت تهضر على ل(شدت لساانها بالسيف وضاارت صورها وهي كتعاند بقا كيهرها وحلفت متهضر خلاها على راااحتها واخا كيعجبو الحال يهضرو فهادشي على الاقل يعرف غير شنو كيعجبها وشنو مكيعجبهااااش…)
أصبحنا وأصبح الملك لله…
نعيمة: (كانت كداابز مع الكاملة ماشي بلغوات على حساب الحاجة للي راهي فسطح وفتيحة غير جاالسة بحال هاديك ماشي بنتها للي لاختها فلبير) ياكما تسحااابي لبنت والدتها شجرة لبنت بنتنا موراها فاميلة ݣد لخصااارة وتجي نتي بلباارد تلوحيها فبييير وعاد زايدة دابا تعاايري فيها ݣدااانا بلا حيا بلا حشمااا
الكاملة: ايييييييوا حدك تم وعرفي واشتا تخرجي من فمك
نعيمة: عاارفة كيتك نتي للي دايرة راسك من رأس وحدة ݣد بنتك ولا حفيييدتك
الكاملة: شهدي افتيييحة نتي والدااها وعارفة شنو والدة
نعيمة: (قبل متهضر فتيحة) وانا للي مربيااااها وعارفة سمو مربية أمال بنتي بزاف عليك
الكاملة: ربي غير بنتك
نعيمة: بزااف عليك بنتي راها براااجلها كلمة أخرى منظمنلكش راسي الكاملة عرفي هضرتك معايا (ناضت من تمااك معصبة طلعت لسطح ودخلت شيماء كتمضغ المسكة وكتشقلب فعينيها وتمايل بخصرها)
شيماء: جبدتيني عااود الكاملة (كتلعب بشعرها)
الكاملة: سيري تبعديني نتي عاود
شيماء: سمعي اديك الشااارفة تعاودي تجبدي لالاااااك شيماء والله حتى نجبد ليك حنووكك
فتيحة: اويييلعدااااا سكتي يا بنت لحرام
شيماء: انا ببابا وبماما حتارمي راسك حتى نتي وسيري فكي غير حريرة ولد لحرام للي عندك فالدار مع مرت خووه
فتيحة: (دارت قرب مخرجة عينها)
شيماء: ونتي اديك الكاملة فوتي ساااحتي راني مرت الراااجل ورااجلي خدام فالصمطة تجيبديني مرة أخرى ديك الصمطة غنزوق لحمك بييها اااااه وبلا منخرج فضيييحة ولدك الشفااار (حتى لوخرا سكتت وخرجت كتماايل وكظحك ظحكات ديال الاستفزاز والشر.. مشات لبيتها كتصوني على اشرف والو مكيجاااوبش رجع تفكيييرها غير فيييه مخلات كتصوني عليه فواتس مسنجر ابيل واالو مكيجاااوبش.. صونات على حسن للي قرب يجي باش يخرجو يضوورو رغبت مها حتى بغات تخرج معاهم وحسن مكانش عندو مشكل حيت عزيزة عندو نعيمة… حتى محمد جا خدا مو من تمااك مشاو لوطيل دخلت وهي خااايفة مريم تكون عاودااتلو حيت باينة فيه ماشي هو هدااااك)
فتيحة: خلعتووني سمو وااقع
محمد: مهم امي انا ومريم صافي درنا نجيو نعيشو هنا
فتيحة: (طرطقت عينها) علاه؟؟ (شافت فمريم كتخنزر) علااه
مريم: (حنات عينها مركبة فيها الرعب)
محمد: حيت انا بغيييت محالي شكون يݣاابلو
فتيحة: وليد
محمد: وليد واش عندو ميات يد وراه مرة كيكون فالمغرب مرة كيرجع لبرااا وزيد هاد المشروع راني حاط فيه 60٪ وانا للي خاص نݣابلو
فتيحة: هااااا بغيتي تلعب علية
محمد: واش لعب عليك راني نكبر فراسي ياك هاكا كنتي باغية
فتيحة: خلي مريم عندي ونتا اجي مرة فشهر
محمد: العسكري ورجع يدي مرتو معاه لصحرا وانا للي بيني وبينها جوج كيلو متر نخليها ولااااه نخليها مالها مجوجة بيك نتي ولا بية يااانااا….
فتيحة: شتك راك تخرج عينيك فية
محمد: راني نݣول غير الصح
فتيحة: (شافت فمريم) صاافي اديك اللفعة عرفتي تلعبييها عييتي تراري بية باش نجوجك ولدي ونتي تلوااي عليه باغية تديه على مو والدار للي كبر فيها
محمد: مااا مريم بعيدة على دشي
فتيحة: من لهييييه وهي تحلف متعاود ترجع وها هي جات وظحكت عليك وغلبااتك
محمد: واش انا غظحك علية مريم؟؟؟ راه انا للي شحال وانا نݣولها نعيشو وحدنا وهي للي كانت لاسݣة نعيشو مجموعين
فتيحة: (متااااقتش) الا خرجتي من ديك الدار ما نتي ولدي ما انا مك غنهز حوايجي متعرفوني فين زدت (حلت لباب وخرجت معصبة غتاكل ريتها مريم بقات كتبكي ومحمد بقا واقف معصب منساش كلام مريم وحتى الخوووف باين فيها وعاد مو للي واقفة عصااا ليهم مفهمش لاش هاد لعناد كامل باش تشد مريم عندها.. حط يدو على كتفها)
محمد: لبسي حوايجك انا شوية ونجي نخرجك
مريم: (بقات كتبكي بشهيييق جلست فوق الناموسية وهو خرج تبع مو للي معارفة فين تزييد لقاها حدا لباب غير شافتو بقات كتبكي وقف حدااها وهي عنقاااتو كترغبو باش ميتفرقش عليها ويسكن بوحدو…)
~~~~~~~~~~~~
هند: (فاقت نيشان مشات لدارها فين جابت مرا للي خملت ليها الدار حيت لعشية غتجي حناها حتى تلحق مها واصلا باها راه فوجدة عند عائلة ديال مرتو… مشات تقداات حيت حداها عندها ريجيم خاااص واخا كتزيݣزاݣي فيييه.. اما نعيمة وشيماء خرجهم حسن للي داهم لاحسن ريسطو ومن بعد بغات نعيمة تمشي تخليهم مخلاوهاش)
نعيمة: اولدي هانتا مع مرتك كملو مسارية ديالكم انا مزال تابعني شحال من شغل نديرو
شيماء: واش على حساب هند!!!
حسن: کولي فين نديك الميمة ونديك
نعيمة: لا وليدي منعييكش معانا
شيماء: ماما خاصها تقدا لمرت خويا حيت غدا غيديرو لاكط هنا
حسن: واه ݣالهالي وليد.. صافي انا نديكم للقيسارية نجلس فقهوة على متساليو
نعيمة: الله يكبر بيك اوليدي (دارهم لفين بغاو دخلو يتقدااو ومخلات نعيمة متقدااات خرجو محملين كولشي شراتوو ووفات الا ذهب للي خلات حتى تخرج هي معاهم وتشوف شنو عجبها وشنو بغات.. وصلو كان كيتسنااهم دار داكشي فلكووفر) ولدي بلا منمحنك معايا
حسن: دابا يانا للي نمحنكم وباله نوريكم الدار للي كنوجد بنتك حلفت متجي معايا
نعيمة: (تبسمت وعجبها الحال بعدا مطلعتش خفيفة فهادشي.. ركبت معاهم وزادو شيماء حست بالخنقة مباغيااش تشوف هاد الدار وصلو كان حي زوين وحتى العمارة كتبان زوينة ونقية طلعو وهوما كيشوفو كان ليطاج اللول فتح لباب وهي تطرشهم ريحة ديال صباغة كانو سطولة تمااك)
حسن: سمحوولي راه ياله كنجري نݣااادها قبل من العرس
نعيمة: (كتشوف عجباتها الدار) تبااااارك الله اوليدي غزااالة الله يدخلها عليكم بربح
حسن: اللهم امين
نعيمة: (شافت فبنتها مدارت حتى ردة فعل حشمت حيت شافت فحسن كيشوف فشيماء كيتسنى منها شي كلمة)
حسن: من الخدمة نيشان لهنا
نعيمة: (تبسمت) علاه نتا للي كتصبغ؟؟؟
حسن: الحرفة لقديمة (شيماء غير واقفة) حم اجي نوريكم (كانت appartement فيها صالون كبير سيجور بيت كبير وجوج بيوت صغار كوزينة حمام ودوش فيها بالكو صغير فالكوزينة جاي طول هي غير سااكتة حتى نغزتها مها تهضر)
شيماء: زوينة…
حسن: (حس فخااطرو مزير معجباتوش ردة الفعل ديالها كيدير مجهووود بغا غير ابتساااامة منو انه عاجبها الحال وعاجبها شنو كيدييير وصل لدااارو مبقاش عندو حتى الخاااطر باش يكمل الصالون للي بقا دخل نيشان لبيت فين عندو ناموسية جوج كوافوزات قدام وماريو فين كاينين حوايجو حيت من ديما كان عايش فالقشلات وعادة شراهم غير باش يديباني على ميشري كولشي جديد غير قضية يشري. من عند زهير خاص يكون كيشد الخلصة ف 10 ممكن يشري ليها بيت نعاس شي لاخر مستحيل يوصلووو ومباغيش للي يعاونو ففراش دااارو…)
~~~~~~~~~~~~~
الكاملة: (مدت لبنت ختها شي حاجة فيدها بإشارة زعما سيري مشات ديك لبنت للي كانت عندها شي 19 عام جلست حدا أمال دارت يدها على شعر أمال)
….: عندك شعر غزااااال شنو كديري ليه
أمال: (تبسمت) واالو (ظحكت من اعماقها محلات بروتين محلات طيران وسوانات وزيوووت)
…: وريني الشابان للي كدير
أمال: واخا
….: شكرا نتي ظريفة (عاود لمسااات وأمال محست غير بتهربها منها بلباااقة.. ناضت من حداها ودخلت للكوزينة فين صونات على زهير للي لدابا مزال شاااد فيها على الموضوع للي سمع قطعت وهي ظاااحكة.. صونات على هند واالو مكتجاوبش خرجت وبقات فالصالة بوحدها حيت منين كتجي الكاملة هي كتخوي لبيت للي هي فيه وعاد منين دابا مجموعين هي ومها الحنووونة.. صوناا على ليلى)
أمال: واش بالصح؟!!!
ليلى: ههه بغيت نديرها مفاجئة لمك
أمال: هههه الله يفكك على خير واش غدا نيت؟؟؟
ليلى: واه ان شاء الله
أمال: وفوقاش تجي لتاوريرت
ليلى: ماشي بزااف غير نولد ونوقف على خير ونجي…
~~~~~~~~~~~
هند: بكرة!!! واش حماقييتي وعلاش تزوجتي؟؟؟
شيماء: بززو علية والا زدت تعكست ليهم كانو يشكو واصلا حتى واحد مكان كيتيق فية
هند: حيت عندهم الصح
شيماء: هند حتى نتي مدوزتيش قليل
هند: متجبدينيش على فمك اشيماء
شيماء: والله مجبدتك اختي انا بغيتك غير تعاونيني غقتلني حسن وحتى الا مقتلنيش خوتي مغيحنووش فية وانا ديك الشوووهة للي مبغييتش وحتى وكان نهرب عارفاااهم يلحقو بية
هند: بففف وانا مالي فهادشي علاش غدخليني فهادشي
شيماء: عفاك اهند نتي غتكوني كتعرفي طبيبات
هند: بففف (مبغيااااش وليد يتحط فهاد الموقف ولا يعرف عارفااه باش غيحس..) الطيااراان دياالك خوج علينا كاملين
شيماء: (كتبكي) خرج علية غير انا اما أمال ها هي واخا كانت مصااحبة معاه مشات ضبرات على راسها وتجوجات أحسن تجويجة
هند: أمال حسن منك متجبديهاش فهاد تخربيق ديالك
شيماء: نجبدها هي للي دخلت أنوار وسطنا
هند: ههه كتهضري بنيتك واش هي نهار جا يخطبها موجدة كولشي خطبك نتي وخليتها بحال شي هبيلة ودابا جاية تلومي فيها
شيماء: (غير كتبكي) عاونيني اهند
هند: (جلست كتفكر كيتسمع غير صوت شيماء كتبكي وتشهق) اوووووف منك اشيماء اووووف.. انا نشوف مع وحدة طبيبة…
الجدة: (فرحااانة) والله يا حبيبتي نعيمة مقداااني فرحة باش نزوج الغااالية قبل مياخد مول الأمانة اماانتو
نعيمة: والله الحاجة الا الفرحة ديال وليد مضوووبلة غير مكتبغيش نبين لولادي هههه مرضيييييي الله يرضي عليه دنيا وااااخرة
الجدة: (شدت فيدها) من نهار حط رجلو فداااري وانا كنقول هدا هو للي يصون بنتي ويتهلى فيها
نعيمة: يتهلى ويوفي بكلمتو ولدي وعارفاااه شحال يبغي هند للي عزييييزة عندها كاملييين
الجدة: (زادت فرحت كتر وكتر وتهنات من جهة هند للي شحال وهي هازة همها بقات كتوريها شحال من حاجة جابتها لعند حيت احتمالية ديال 99,9٪ وليد مغيتسنااش حتى العرس..) غير هو انعيمة محيراني نتوما تبارك الله ناس معقولين متاقيين طريق الله وانا عارفة بنتي هند لا فولار لا صلااا
نعيمة: لا يا الحاجة كتصلي
الجدة: اوا والحجاب والحوايج؟؟
نعيمة: اش نݣوولك الحاجة داكشي بينها وبين للي خلقها ولكن للي نعرفو كاملين على هند مزيااانة ومربية وحنييييييينة هادشي شي مرات راه متلݣااايهش عند للي يبانو فيها غير لعينين
الجدة: نتوما راكم شفتووها من اللول ومكذبت عليكم فواالو
نعيمة: سمعي الحاجة وصلي على نبي
الجدة: عليه الصلاه والسلام
نعيمة: هند غتكون مرت ولدي وغتكون فمقام بنتي شيما وبحالها بحال مرت ولدي سنا منفرقش بيناتهم انا للي علية نحتارمها نبغيها ونوقرها وللي بقا بينها وبين راااجلها ووليد وكان شي حد متعصب من نهار اللول كون يا دارت درتها يا كولها مشا فطريقو
الجدة: (تبسمت عاجبااها هاد العااائلة ومهنية من جهة بنت بنتها….)
~~~~~~~~~~~~
هند: اووووف منك اشيمااااء اووووووف… انا نشوف مع وااحد طبيبة (هزت تيليفوونها كتصوووني مجاوباتهاش شافت فشيماء) متتجاوبش غتشوف لابيل ديالي وتصوووني
شيماء: عمرني نسااالك هاد الخير
وليد: (شاد راااسو بيديييه كيستوعب شنو كيقوولو مشا حتى لباب برا هاااارب ميدير واالو رجع عاود ميمكنش هادشي كااامل الي كيهضرو فيه ولكن للي شد من هادشي كامل هو ختووو… تنفسوو مكااانش عادي ولكن فرصة باش بسمع كوولشي ݣاااع للي مخبع وشحاااال كيتمنى هند متزيييييدش حتى هي تخياااااب.. غير سمع غنعيط لطبيييبة تكره وزاااااد خاارج مع طريييق مكيضويييش قداااامو…)
هند: هدا ماشي خيير (كتحس بإحساس خااايب) تفووو علاش حطيتيني فهااادشي علااااش راه هنا كنتفلاو على وااااحد
شيماء: (كتبكي بشهييق) راه عائلتي غيتشوهوو
هند: (خرجت عينها) قتلي رااسك باااش ميتشوهووش (تمات خااارجة مكرهة خرجت برااااا غير تنفس حيت عارفة موصيييبة غتكووون….)
أنوار: (كان وصل هو ودعاء لفرنسا معاهم بزاااف دلكادويااات لام دعااء للي مصيفطينو من وجدة وللي جايبو هو كيتبحلس على نسيبتو لعزيزة) عجبك الحال..
دعاء: (فرحانة) وي بزاااف غير ندير 6 شهور نعاودو نهبكو يااك
أنوار: ان شاء الله
دعاء: هانتا شتي احبيبي كولشي استقبلنا مزيان ورحبو بينا وشدووونا نݣلسوووو كتر کااع غير نتا للي مبغييتش
أنوار: (كيلعب بشعرها) انا بغيت نحوس حبيبتي
دعاء: (باستو فحنكو) يخليك ليلي (كملو صايݣيين كتعاود للي كانت كتعاودو هادي شي سيمانة وهو كيسمع كأنه كيسمعو اول مرة مع كلامو المعسول للي كيخليها كتحس انها غير هي للي مزوجة فهاد الدنيا.. شي ساعات وصلو لفيلا ديال مها للي كانت كتسنااااااهم بفاااارغ الصبر حيت مكتقدرش تبعد على بنتها.. عنقاااتها بحرااارة وحتى هو عندو حقو شافت بنتها شحال فرحانة ومرتاحة وهدا هو المطلوووب دخلو كانت موجدة غدا مضخم بقاو مجمعين كيظحكو ودعاء كتعاود على ناسها للي فرحااانة بيهم حيت كانت كتسنى معاملة خايبة من داكشي للي كان كيوصل ليها أنوار ساعة لقات العكس.. وهادشي خلا أنوار يزيد يعزاز على مها.. خرج من حدااهم مخلي ليهم وقت يهضرو فيه على خاطرهم وصونا ابيل فيديو لسمييرة للي كانت فدار الحاجة جاوباااتو من بعد مدارت كيت بلوتوت فودنيها)
سميرة: وييييي خويا وصلتي؟؟؟
أنوار: الحمد لله
سميرة: كبقات مرتك!!!
أنوار: (خرج عينو) بفف ݣولي كبقاو ودني
سميرة: هههه بريهييشة متديش عليها ولكن تبان كتبغيك
أنوار: علاه خوك قليل
سميرة: اممم مزيان (حطات أمال بلاطو.. سكتت كتشوف فيها)
أنوار: فين سهيتي
سميرة: (دورت لكاميرا شاف أمال لابسة فراشة جياها زوينة ومع صحااحت شوية بانت كتبتها زوينة فيها عاد شعر للي كانت عاد مقاداااه بلبروتيين وشداه غير شدة خفيفة من اللور مع ميكاب خفيف كتستف طبيسلات الزيت عسل حلوة فرماج باش يحطو كاسكروووط بقا غير حال فمو دورت سميرة الكاميرا)
أنوار: (بلا ميحس) خلي خلي
سميرة: (باستغرااب جاوباااتو بلونݣلي) واش حمق
أمال: (هزت راسها فيها بلا متحس منين بدلت لغتها.. ولكن دغيا رجعت كتكمل شغلها تفكرت لفرونسي الي مزال مكملنا ليكوور والديبلوم ديال لخياااطة للي مبقاش بزااف وتشدو وغير العرس للي دار ديكالاج وحتى لفاااك تهاونات فييها والمشكل ان زهير نعاونها غير هي للي عݣزت ولكن داابا صافي خااصها تكمل شنو بدااات بقات كتقاد لوساايد ناضت سميرة جلست فكرسي حيت من داك نهار عطاتها التيقاار حيت مها هي للي غااالطة…)
أنوار: وصاافي اسمييرة بغيت نشوف شي حاجة
سميرة: (ضورت لكاميرا كانت أمال مكوزة كتقااد لوساايد.. كملت بلونكلي) كتقاد حيت كاينين ضياف وعلى لي فهمت صاحبتها غتزوج بصاحب عمك
أنوار: (فهم على هند ووليد) اممم (بقا غير حاضيها حتى ضارت باينة صحااحت فرق كبيير كفاش خلاها وكداايرة دااابا غير شوفتها بلا فولار جاتو فشكل… ناضت من تماك لبست شالها ومشات للكوزينة للي فسطح تشوف دجاج للي فلفران…)
زهير: (عيا كيصوني على وليد والو مكيجاوبش قال غيكون مع هند… شوية هند صونات ليه) لالة غيثة
هند: هاهاها قولي وليد حداك؟؟
زهير: لا
هند: اممم معرفتيش فين مشا حيت خالتي نعيمة كانت دايرة معاه باش يجي ياخذها لعندهم
زهير: معرفتش اختي انا نمشي لمحال ديالهم نشوفو تم والا نلݣيتوش انا نجي ندييهم
هند: واخا (قطعو بقات غير صااااقرة منين قالتلها شيماء المشكلة وهي غير سااهية اما شيماء بقات لتحت عاطيااها غير لبكى وحتى أشرف مكيجاوبهاااش للي ظنات انه غيعاونها..)
~~~~~~~~~~
زهير: (مشا للمحال كان غير محمد) مجااش وليد
محمد: (باينة طايرلو أكترية منين شاف فالمكتب لداخل مريم مرتو) لا دار معايا يجي ومجااش
زهير: نصيفطلك واحد من درااري يݣاابل
محمد: لا لا معلييش (زهير عارف شنو وااقع مبغاش يزيد يحكر.. خرج زهير شاد تيليفونو كيصوني على وليد للي لقاه طااافي مموالفالووش ولكن للي عارف انه مكاين حتى مشكل بلعكس اكتر مرة كان فرحان فيها حيت غدا غيعقد على وحدة كيبغيها وكتبغيييه.. هز طموبيلتو ومشا عند نعيمة هزها هي وبنتها للي غير سااهية وصلهم مدخلش للدار رجع فلبلاصة للخدمة.. داز الليل وليد مزال غااابر متصرطااتلوش شنو سمع حس بواحد الخذلان خاااااايب من جهة ختو وحتى من جهة هند للي بغات تعاونها باش يتفلاو على وااااحد غيحماااق طريق وحدة كتبااانلو يكمل اياااامو فالحبس ولكن شنو غيدير من للي خلقووو..)
هند: (صونات عليها شيماء مرة جوج تلاتة شيماء للي ولات كتحس غير بشي واحد عاطيها بصيص امل كتلسق فيييه.. جاوبااتها مكرهة) وي شيمااء
شيماء: جاوبااتك هاديك طبيبة
هند: بففف لا
شيماء؛ عاودي اختي صوني علية لفلوووس ماشي مشكل شحال ما كان
هند: عفاك اشيماء خرجيني من هادشي
شيماء: عفاك اختي نبوووسلك رجلك متخلينيش وحدي الله يرحم مييمكت اختي
هند: (زفرت) منين رجع هنا علاش ملسقتييش فيه؟؟؟
شيماء: (تفكرت نهار جا وشدو حسن) نتي عارفاااه شمااااتة
هند: عارفااكم بجووج شيماء والله منقد نتفلى على شي واااحد
شيماء: (بقات كتبكي) انا مزاااوݣة فيك اختي لمييييييمة الله يخلي ليك الحااااجة متخلينييييش وحدي والله غيقتلوووني ومبغيتش خوتي بابا وماما يتشوهووو
هند: (شقلبو عينها زااافرة.. تخنقت الوقت للي خاصها تكون فرحااانة فيه دخلتها شيماء لدواااامة خلاتها تااالفة ممكن تهز يدها وتبعد ولكن عااارفة وليد شحال غيتضر من هادشي وكلامو ديما ديال “”نموووت على الشرف ديالنا…”” قطعت على شيمااء بكاااها كيخليييها تعاطف معاها حيت اي وحدة غتبقى فيها رجعت كتصوني عليها وهي تاالفة غير شنو دير مشات كديماكيي وجهها حتى صونا تيليفونها كان وليييد تهز قلبها جاوباات) وي بيبي..
شيماء: (صيفطات اوديو لاشرف) “”عفااك أشرف جااوبني راني غنموووت بالخلعة العرس كيقرب نهار على نهار وانا معااارفة مندييير خويا وليد غيقتلني وكولشي غيتشوه بسبابي انا للي غلطت عاارفة غلطت انا للي سلمت راسي ليك ساااهلة عفااك أشرف شووف معايا شي حل..”” قطعت الاوديو وهي كتموووت بلبكى واخا عندها بصييص أمل من هند ولكن خاااايفة.. شافت غير شرطة وحدة تزااادو لميساجات للي كانت صيفطاااتلوو قبل ومقرااهمش حيت مبلووكيها زاادت نهااارت بلبكى.. سمعت خطوات حدا لباب بقات كتمسح عينيها بالزربة حتى تحل لباب كانت أمال.. غير شافتها تعصبت….
(بعصبية) ..خرجييي علية….!!!!!!!!!!!!
أمال: أحاااي واش راكي طرديني من دار باااك
شيماء: (كتمسح نيفها للي تخنق) صافي انا نخرج
أمال: واا غير جلسي انا دخلت غير نݣلب عليك باش تجي تعشاااي
شيماء: (محملتش تشوفها كتبكي كترمش بالزربة باش تفادااها) مبغييتش مبغييتش
أمال: (بقات كتشوف فيها.. خرجت وسدت لباب بشوية مشات وقفت فلكوزينة كتحط وكانت حتى سميرة كتعاون حطو لعياالات وكتمد لزهير كيحط لرجال.. أمال جلست تاكل حيت الكاملة مشات فحالها بقاو كيتعشاااو وكيشكرو طياب أمال.. كملو كولها فين شد بلاصتو ينعس اما أمال مسحت اخر كاس للي رداتو لبلاكااار عياااانة وعاد ليغيݣل زادت فشلتها.. وفنفس الوقت ميمكنش تنعسلها راه عائلتها للي جات وعاد ميمكنش تخلي الحاجة كتخبط بوووحدها.. وقف عليها زهير)
زهير: (حنحن حيت لعيالات مزال مجمعين) أمل!!
أمال: (مسحت يدها من لما وخرجت عندو) نعااام (جات عينها فمها للي ميقت فيها.. مداتهاش فيها) نعام ازووهير
زهير: مزال احبيبي مسااليتي
أمال: (فرنست) غير شوية ونجي
زهير: صافي انا فسطح نساينك
أمال: (كتفرنس) غضرب جوج جوانات
زهير: (غووبش وهي تجمع تفرنيسة) واشتا!!
أمال: هاا.. نمشي نكمل جميع (ضارت مشات هو حرك راسو بلا حولة وتبسم نهار كتبغي ظحك معاه كترونها طلع لسطح بقا مجبد تماك داير يدو تحت راسو كيشوف فسماااا كيصفي دماااغو من ستريس ديال نهار فالخدمة وفكوولشي… اما أمال بقات حتى كملت شغلها مشات كتوري فين ينعسو عطات الحاجة دواها للي منوضتها من جمووع غير بالسيف.. عاد طلعت لزهير لسطح مشات حداه كان متكي ساد عينيييه بقات كتشوف فيه جبدت تيليفونها صوراااتو عجبها مشات حداه.. وحنات حيدت شالها قلبت شعرها شدت خصلة بقات كتلعب حدا نيفو حتى خشااتلو شي شعيرات فتقبة ديال نيفو محست حتى جاتها خبطة للراس جابتها مزدوحة فالأرض ناض جلس دغيا كيحك فنيفو غير شافها هكاك دغيا ناض حداها لقاها شادة فرااسها)
زهير: واش يا جدك مخبوطة فشي فردي خااوي (مزال مصدوومة والضربة صمكاتها مزيان.. زفر وحط يدو فوق يدها) تعدمتي
أمال: انا غير بغيت لعب معاك
زهير: (شاف فيها ديك الشوفة ديال بنيتك وتبسم) ها لعبي كدااير تݣدي عليه
أمال: (غضبت وتمت نايضة بغات تهبط شدها ودااهاجهة السور ديال سطحهم هزها مطلعها وطلع هو هبط وهبطها شاادها وهي طالع ليها الدم وهو كيظحك حل باب سطح بالساروت هبطوو وهي كتنفخ دخلت للدوش وشدت عليها لباب)
زهير: ههه أمل حلي.. حلي ابنتي ونفرع مو هههه…
أمال: لا
زهير: (تبسم) مكنتش عارفك احبيبة واش انا نبغي نضرب حبيبتي.. أموول هانتي تنعسي تمااك ونصدقو فارعين لباب راه طايح علية ب2000 درهم (ظحكت وهي كتشوف فلمارايا دغيا حمارت ليها الجبهة…)
هند: وي بيبي
وليد: (بقا ساااكت زاااااعف مزيااان لدرجة يقتل فيها بلا ميحس)
هند: راني مقلقة منك اشريييف انا كنفكر فغدا وجاتني تبووريشة باش تهضر معايا غبرتي.. عرفتي مي لالة وخالتي نعيمة لقيتهم قبيلة تيبكيييو بالفرحة ظحكوووني
وليد: راها معاك!!
هند: خالتي نعيمة؟؟ نوو مشاات جا زهير هو لي هداهم اجي نتا علاش مجيتيش كانو تيساينووك
وليد: هاديك معاك!!
هند: (حطت لقطن حيت بانت ليها النبرة ديال صوتو ماشي هي هاديك) وليد واش كولشي صاڤا!!!
وليد: (بفقسة لي دايرة ليه غضة فحلقو) بيخييير
هند: اممم معرفتش بانلي العكس قولي ماالك؟!!
وليد: هند (لعب بلساانو فوسط فمو) من بعد ونهضر معاك (قبل متهضر قطع مفهمت واالو دماغها نيشان مشا لمشكله ديال محمد كملت مشات طلات على جداها كانت نعست مشات لبيتها وبقات كتسناااه يصوني عليها….. اما هو كان فالتييرا كانت قريبة لدار زهي بقا كيصوني على مو للي جاوباات) هاني برا خرجي توالية اما (قطع ناضت لبست جلابتها كانو مزال منعسو هبطت حسابلها فالساعة ساعة كان برا حيت سينا عليها لفار ديال الطموبيل خرجت مفاهمة واالو) ركبي اما (ركبت شافت فيه مخلووعة)
نعيمة: مالك اولدي؟!!!
وليد: (شاف فمو جاتو رغبة باش يبكي ݣاااع مصيييبة ومصييبة كبييرة طااحت فوق راسهم.. شاف فعينيها فقرارة نفسووو متستااهلش متستااهاش بنتها تمرمد بيها الأرض ومتستااهلش نشد الصف فلحباساات باش تجي تشوفو.. مكرهش غير يهز مو يمشيو بلجيكا ميعاودوش يضربو الضربة فالمغرب ولكن لوخرين حتى هوما شنووو ذنبهم.. هي بقات غير كتشوووف فيه مفااهمة واالو)
نعيمة: اوليييد اولدي ماالك؟!
وليد: حم معرفت اما منين نبدااالك (تفكر عند للي بغات تعاونها تمشي لطبيبة باش تعاونها وهادشي فحد ذاااتو خيااانة ليه كيف ما بغات تكون الاسبااااااب) مممم انا وهند مغن.. صافي نبقى لا عقيييد لا وااالو
نعيمة: (بغات تسخف ليه) اويييل الشييييطان
وليد: تكالماااي صاافي درك نهضر معاها وقعو شي حوايج مممم اللهم نبقااو بعااد عارف رااسي وعارف نفسي كداايرة
نعيمة: سمو دارت؟؟؟
وليد: (قلب وجهو) شي حاجة
نعيمة: وليد كنعرف اولدي بعقلك ديك بنت الناس متستاهلش ومتلݣااش مرا كيفها ومن امتى اولدي نلعبو لبنات الناس وانا عاد جوج سوايع مخليااها طايرة بالفرحة
وليد: براسي امِّي كنت ماشي غير طااااير (زفر مقدش يݣوولها شنو عرف) صافي انا من طريݣ وهي من طريݣ…
محمد: (بقا متكي فلفراش عرياان معنق مريم للي عريااانة فحظنوو) غترجعي مع مي على كنشوف شي دوييييرة
مريم: (تنفضت) لا لا مرجعش
محمد: مريم!!! فين غتبقاي هنا براسي يا فلوطيل يا مع وليد وغدا وليد غيعقد غيسكن معاه مرتو فين بغيتي نحطك خلي غير لݣى شي دوييرة ماشي بزااف
مريم: عفاك امحمد مرجعش والله متخليني خالتي نعاود نولي نجي.. نبقى مع أمال
محمد: واش هبيلة بغيتي نجلسو عند نساب؟!!!
مريم: نبقى معاك فلوطيل
محمد: احبيبة انا ماليش هنا فهاد لوطيل انا جالس فلوطيل مزوينش والفلوس للي تبقاو فيهم هنا نݣلب على شي دويرة هنا قريبة ونجييبك 10 أياااام منفوتهاش ونجي تجيبك برجلي ونيت نتي تكوني جمعتي حوايجنا
مريم: (جاتها لبكية) الا رجعت لديك الدار والله ان نقتل راسي ولا نهرب بحال أمال…
محمد: (مفهمش هاد ردة الفعل ديالها المبالغ ماشي ديال وحدة غير كيتنااݣرو معاها) سمو وااقع تما امريم!!!!!!
~~~~~~~~~~
نعيمة: (قلبها غيسكت) لا اوليدي الا هادي واش عارف اوليدي سمو راك تݣوول ولا غير معصب
وليد: (شاف فيها مغووبش براسو مقادرش يتفارق معاها)
نعيمة: سمو دارت هاد بنت الناس؟؟
وليد: (بغا يجااوب ولكن جوائز فيكون هو بغات تعاون ختو فموصيبتها وهادشي للي مخليه مقادرش يهضر مع هند ويفاريها داكشي باش ختار اقرب انسانة عندو انساانة للي غتفهمو شنو يدير)
نعيمة: سمع اولدي وعمرني فكرت حتى نکولها ولا نخرجها من فمي ها السخط ها رضا الا ضيعتي ديك بنت الناس معاك ماشي شحال وهي تحلم وتخبط وتجي نتا ليلة لعقيد وتݣ لها الله يعاون اشمن وجه يبقى مع مووولاك راه مزال دير ولا دك ويكون عندك بنات
وليد: (مسح على وجهوو بحال كانت كيتسنى هضرة مو توݣضو ولكن بااقي نفس الاحساااس غاااضب مقلق..)
نعيمة: سمو وقع اوليدي عاودلي ونلݣااو شي حل
وليد: صافي امي موقع واالو سيري تنعسي ديري بحال مکلت وااالو
نعيمة: ولعقيد؟!!
وليد: كولشي غيمشي كما هو ولكن من بعد منبغيش للي يدخل فسمو غيوقع
نعيمة: (خلعها بكلامو عاد فلعشية كان غير كيظحك شنو غيرو لهاد الدرجة) متعاودليش اوليدي؟؟؟
وليد: (حرك راسو بلا) مكاين ميتعاود امي (هز يدهاا باسها) غير راني نخربق ديري مکلت والو
نعيمة: بالصح؟!!!
وليد: والله واقلة غير لمعقول خلعني (تبسم بلا نفس)
نعيمة: (تبسمت) الله يهديك اوليدي هند بنت مزيانة وبزاف وقلبها كبير وبيض وغير كتعاون فالناس (ضار كيسمع مزيان) واخا مزال مدارت داكشي للي باغي ولكن مسكينة مدير جهدها باش دير داكشي للي باغي نتا مضيعهاش اوليدي راك متلݣاااش كييفها
وليد: (زفر) ان شاء الله… (وصل مو كيحاول يكالميها حيت شاف الخوف فعينييها وصلها شاف فدار زهير مكرهش يقولو خرج يعاودلو ولكن هادشي مافيييه ميتعاااود عاد كلام شيماء للي مسمعش مزيان على داتلها شي حد كان باغي يخطب أمال ديك اللقطة مفهمهاش ومهتمش للي مفهوم وباااين هو خيااااانة ختو ليهم كاملين وعاد باغية ضحك على انسان اخر تزيدو معاهم فالقاااائمة وهادشي للي مغيكووونش.. سمع كلام مو مغيظلمش هند حتى يعرفها شنو غدير….)
محمد: سمو واقع تما امريم؟!!!
مريم: للي واقع بغيت نجي نعيش معاك هنا واش صعيييبة ولا نتا للي مبقيتش باغيني
محمد: نعسي دابا غدا ويفتح… (غمضت عينها وهي مقررة غتصمم على ريها رجوع لتاوريرت مكااينش خصووصا من مور ابيل مها للي سخطت عليها وبالحرف كتقولها الا مشيتي حتى تطلقتي مبقالك رجووع للدار.. اما هو حاااار كيشوف مرتو معكسة ومو قالتلها متعرفي وااالو فالعكاااااس….)
هند: (تسنات ابيل من عندو واالو مثوناتش حيت معارفااش ماالو طفات الضو ونعست… اما هو مقدرش يرجع للدار بقا غير فالجردة كيفكر ألف مرة ومرة فالمصيبة للي طاااحت على راسو وعمرها كانت تجيبو فلبال ختو صغيرة ديرها…)
~~~~~~~~~~~~~
أصبحنا واصبح الملك لله
نعيمة: (7 دصباح كتصوني على وليد للي مزال منعس.. زفر وجاوبها حيت عرف راسو زرع فيها الخووووف)
صباح الخير اولدي
وليد: مي سمو نفيقك دلوقت
نعيمة: راه فقت نوجد اوليدي ياك اليوم لعقيد واخا معرفت لاه بغيتو ديبوه هنا كنا فتاوريرت فداارنا حسن منهجمو على الناس
وليد: راه باها للي بغااه هنا باش فاش نعقدو نمشيو لدارو للي فسعيدية
نعيمة: مااالك اوليدي والله خليتني بلا نعاااس
وليد: والو بيييييخير غير كيبانلك غير لبارح بغا يهربلي وصاافي راه ݣالوها جواج كيخلع هه
نعيمة: ههه كاااااايخلع ولكن ان شاء الله كولشي يدوز هو هداااك
وليد: (بلا نفس) ان شاء الله.. ياله رتاحي حنا مغنمشيو لمحكمة حتى ل10.. جيبي معاك شيماء ضرووري
نعيمة: ضرووووري عقيد خوها ومتحضرش حتى هي شحال راها فرحانة
وليد: (قطع اخر حاجة يبغي يسمعها ويتناافق فيها.. كان فدارو ناض مشا دخل دوش توضى وبدا كيصلي بلا ميحبس بحال كيقلب على شي حل فصلا مكانش مخشع فصلى 100٪ كان كيصلي وفنفس الوقت عقلو خدااااام كيطرد شي تطافكار وكيقلب على شنو يدير… سمع دقااان ناض مشا حل كانت هند مهبطة بلاطو لابسة كسيوة موردة وشعرها سفنجة.. متبسمة) هند!!
هند: سميتها صباح الخير (تمت دااخلة وهو متبعها حطات لبلاطو فوق الطبلة) هربت لمي لالة هه
وليد: (تبسم بلا نفس) شكرا الآلة
هند: ولييييد!!
وليد: (بقا كيشوف فيها متمني تعاود ليه على الاقل تكون هي فصفو) اممم
هند: شنو للي مقلقك؟؟
وليد: اممم والو
هند: لا حاسة بيك ماشي هو هداك هه غير منين خليتني ندخل عندك هنا وتسد لباب
وليد: عادي شحال بقات (شاف فالساعة) ساعة باش تولي مرتي
هند: ولبارح؟!!!
وليد: لبارح سمعت شي حاجة معجبتنيش (قوس عينو فيها) وكتنسنى نتأكد من شي حاجة وصاافي
هند: شنو هي؟؟؟
وليد: متشغلييش رااسك داابا سيري عند حنناك وجدي راااسك باش نمشيو
هند: متعاودليش؟؟؟؟
وليد: باقي ݣدامنا عمر ارااا متعاااودي وونعاود ياله سيري طلعي لبسي طويل وهزي شال معااك تعودي عليه اهند…
زهير: (فاق من نعاس مكيناااش أمل حداه تعجب مموالفاالهاش هز تيليفونو كانت 9 صباح شوية شافها خارجة لاوية فوطة عليها ولابسة بيجامة) زييينة
أمال: (غضباانة) صباح الخير
زهير: ههه مزال غضباانة
أمال: اجي نجرب فيك الضربة وشوف واش يعجبك الحال
زهير: والله يا مك نݣطع ليك يديك
أمال: حلال عليك غير نتا
زهير: هه (كيتجبد) رواااحي بعدا (حركت رأسها بلا) واشتا اجدك ترواحي ولا نجي لوالديك (جات كتجر رجليها منفخة وصلت حدااه جارها من يدها ونعسها تحتو) دوشتي هي لقوااادس خوااااو
أمال: هههه لا
زهير: ومااا مك على هاد الظحكة باغياااها فية
أمال: ههه
زهير: (ضرب نيفو بنيفها). على مزيينك بنية
أمال: (تبسمت كيعجبها الحال ولكن مزااللة متحشم مكتقدرش تشوف فيه بزاااف)
زهير: كراها مك معاك؟!
أمال: بحال ديما
زهير: اممم مهم متكونش تݣولك شي كلام مزينش
أمال: صافي ازهير مبقاش كيݣر فيه نݣيرها بحال هضرت بحال سكتت
زهير: اممم ولكاملة؟!!
أمال: كولشي نحتارمو الا ديييك والله وتهضر ولا تݣول شي حاجة حتى ننننن
زهير: هاكا نبغييك من غير واليديك خرجي فلوااشون
أمال: ههه
زهير: اييييه يا مك تخراج لعينين ماشي معايا والله نݣلعهم ليك نحطهم حداااك
أمال: (تبسمت) متݣدش
زهير: هه واجربييها.. (تكا على جنبو) واا نوضي داابا ما فيييك فاايدة
أمال: ياااك
زهير: لبسي باش لحݣو ولييد
(ناضت كتلبس صونات عليها هند ابيل فيديو هو دخل يدوش بقات كتوريها شنو لابسة وفرحااانة وحتى أمال فرحااانة ليها خرج وليد وقطعت معاها كانت لابسة جلابة من جهاج ديالها كانت جوهرة ديال مكة مخيطة بالراندة حصيرة للون التوب شال مع صبيبيط حيت مكتعرفش تمشى بالطالو مسافة بعيدة وزهير مكيبغيهاش تلبسوا.. مشاو لدار الحاجة فين كانو كيفطرووو دخلو فطرووو ولوخرين كيلبسو جمعت أمال داكشي ونعيمة زربت عليه غسلاتو حيت مبغاتش أمال تكرفس كولشي لابس مقاااد خرجوو ركبو فالطموبيلات فتيحة ركبت مع الحاجة اللور وأمال وزوهير لقدام حيت محمد مجاااش زاادو وزهير يد فلفولون ويد شاد بيها يد أمال وحتى منين كيدوز كيدوز بيدها مخلي فتيحة غطرطق بحال ضرتها… وصلو حدا دار وليد للي كان لابس سروال لاطوال فلبيج مع تيشورت فلبيض لاسق عليه من صدر مبين فورمتو صباط ماشط شعرو مع بارفاان زوين تبسم منين شاافهم هنا هبطت هند كانت لابسة جابادور من لفوق طوييلة مع سروال دجين لاسق كانت جاية زوينة واخا حناها كانت موجدة ليها جلابة ولكن هي بغات تلبس هااكا شافها وليد عارفها كتحماااق على لباااس وميعجبها تفنن فيه ومعندووش مشكلة مدااام مستوور كانت الجابادور طويييلة ولكن شعوور مطلوقين تبسمت وشافت فيه)
هند: جيتي زوين
وليد؛ (قوس عينو فيها شاد التبسيمة) وهاد شعووور مزال مهضرتي مبغات تسمع
هند: راني دايرااه فالصاك نوصلو ونديرو…
هند: (دارت شالها وركبت مع طموبيلة ديال باها للي جا عندها بميرسيديس كلاص وركبت حناها معاها اما وليد كان كرا طموبيلة ركب فيها بووحدو مشاو لعدووول دخلو غير هو وزهير وباه وهي دخلت هي وباها وأمال بقاو كيتسناو نووبتهم)
أمال: خايفة؟!!
هند: ههه نو امم شوية
أمال: ههه ضرووري.. ها هوما كيعيطو ليكم (دخلو المكتب من بعد مفتى عليهم عطااهم يسنييو حيت هند مبغاتش تهضر فصدااق ووليد عطاا كما زهير عطا لأمال سناااو تحت مباركة الأهالي خرجووو ووليد دار الريسي ديال العقد فبزطاامو مشات حدا حناها للي كولشي كيبارك ليييها وحتى ليه عاد نعيمة رتاااحت وتيقات انه غير تخربق فدماااغو… وليد ختو مبانتش لييه وحتى حسن مغيجييش حيت مشا لفيݣيݣ ميسيون)
وليد: هند اجي (جات عندو كتفرنس) نمشيييو
هند: (قبل ميكمل) اويلي أوليد حشوومة على الأقل نمشيو بعدا نحضرو لغدا
وليد: ههه (مكانتش نيتو اصلا) سمعي سيري نتي مع بااك انا وشيمااء غنمشيو لعند حسن ونجيو مجموعين
هند: هاء غتخليني بوحدي؟!!
وليد: راه ݣلت ليك غنجي مالي هاارب
هند: مالك أوليد
وليد: والو غير تابعني شي غرااض شي سااعة نكون جاي
هند: (بقا فيها الحال حيت حتى كلمة مبروك مزال مسمعتها كانت كتوقع منو ردة فعل اخرى) واخا (ضارت ماشية عيطلها مجاوبااتش مشات ركبت فطموبيلة ديال زهير هو مشا عند باها علمو بلي غيتعطل واحد الساعة باش يجيب راجل ختو من لقشلة عاد مشا الطموبيلة للي فيها باااه كانت شيماء جالسة ممسوقاااش مخرجتش حتى عندو تبارك لييه فتح لباب عليها)
وليد: خرجي اشيما
شيماء: هاء خويا مبروك
نعيمة: فين تمشيو اوليدي
وليد: عند حسن القشلة نجيبووه معانا حشومة نسيبنا الوحيد ميحضرش
احمد: عندك الصح اولدي
شيماء: انا تسبق حتى تجي نتا ويااااه
وليد: لا.. خرجي
نعيمة: سيري ابنتي مع خووك (خرجت كتأفأف مفهمتش اصلا علاش يديها وعارفة حسن مغيحضرش هاكا كان قالها شنو تبدل داابا هند متبعة من السرجم مشاو ركبوو صاك ماشي عكس اتجاه ديالهم)
شيماء: وكان غير خليتني نمشي معاهم مفهمتش لاش دايني وهو الا بغا يجي معندوش الطموبيل
وليد: (لا رد)
شيماء: (مفهمتش هاد السكوت بقات غير كتصووط محست حتى وقف شافت فيه وشافت لبلاصة فين جاو) هو هنا؟!!!
وليد: (ضار مخنزر فيها) ختاري تعاودي الحقيقة ولا نطلعك لطبيبة تݣلبك…
هند: (جالسة بغات تاكل راسها محملتش الوضع وحيت الحاجة كاينة مبغااتش تهضر ضارت عندها أمال تبسمت معاها ولكن لقاتها عقداااهم)
أمال: هند مالكي
هند: والا
أمال: لاااا بيك شي حاجة غير ݣوولي
الحاجة: مالكي ابنتي حتى يانا معجبتنيش
هند: اودي معجبت حد حتى لعريس مضارش حتى يشوف فية
زهير: (شاف فطريق زعما راني مركز فطريق ولكن ودنيه تقلشو براسو مفهمش وليد للي شحال وهو ملهووف ودابا مخليها)
هند: مقاليش حتى مبروووك مفهمتش من لبارح وهو هاكا نورمال اليوم خاصو يكون فرحان والله حتى نكدها علية
أمال: (بغات تشد فيها) هدا هو جواج (ضار خنزر فيها زهير) غير نظحك
زهير: راه شفتي ظحكك فين وصلك لبارح
هند: عفااكم مدابزووش بمسبتي عارفة أمال ظحكها كدااير
زهير: شوفي هو راه فيكون مشا يجيب راجل ختو ويلحݣ متكبريش الأمور وخليك عايشة فرحتك
هند: معاجبنيش الحال اخويا زهير مااااا مكنتش معولة على هاكا
أمال: لااا هند نتي عارفة وليد شحال يبغيييك غير هرجتلو هاد لمشية من الجنب
هند: (حسات بحتى واحد مفااهمها وكولشي باغي يضرق على وليد.. اختارت تسكت ولكن مغتفلتهاااالوش….)
~~~~~~~~~~~
شيماء: (تصدمت حتى وسااعة عينيها وبؤبؤ ديالها صغااااار) شنوووو
وليد: عمرني فكرت فيك ديري هاااك اشيماااا داابا هضري
شيماء: (فلبلاصة جاها ان أنوار نتاقم منها انا حتى هند متقدش تقولها لوليد.. شداتها لبكية) خويا واش عارف شنو كتݣووول متنسااش راني مجوجة
وليد: (خرج عينو) يعني راجلك دخل عليك
شيماء: (حنات راسها موقف زبااالة باااايخ تحطاااات فيه) واه
وليد: (بقا كيشوف فيها توسلاتها داك نهار ماشي ديال وحدة داخل عليها راجلها وحتى وكان يقلبها عند طبيبة غتبقى لاسقة فأنه راااجلها محس حتى شنق عليها مقربها ليه) غندييير راسي تقتك حتى غنعرف بطريييقتي طلع راااجلك ديري فية للي بغيتي أماااا الا…. والله يا مك حتى ندفنك ونتي حية
شيماء: (كتحاول غير تفك منو) والله اخويا مكاااين شي حاااجة
وليد: حتى انا درت معاك خدمة رجال وخيرتك تهضري عرفتي يا شيمااااا كولشي ندوزو ليك الا تستحمرييينا وتخرجي على فاميلا وتمرمدي وجهنا
شيماء: (بخوف وحاسة انه عااااارف كولشي يعني غير مسألة وقت) حشوومة عليك اخويا تشك فية هااكا
وليد: (زاد صاااايݣ كيشد أعصاابو وصلو لسطووب محس حتى خمجلها وجهها مع الزاج ديال السرجم) هضري الكلبة (بقات كتبكي وتحلف بالله مفيقووه غير كلاكسونات الطموبيلات زاد معصب.. معااارف ميدييير دخلاتلو ٪1 من الشك انه يكون راجلها ولكن خلاتو مݣلوووب اما هي غير كتبكي شد طريق لسعييدية بجرااا سكااات حيت مكاين ميتݣال وهي سكتت خايفة تزيد تشعلو وصلو كان زهير صيفطلو لوكاليزاسيون وصل تمااك قبل ميخرج شاف فيها مخنزر اما هي مسحت وجهها وهبطت بشوية هبط حتى هو خرج زهير للي متبسم دخلت شيماء حانية راسها اما وليد مشا الكوفر هز بوكيه دلورد كان موجدووو وصونا على هند باش تخرج عندو)
زهير: الا عوال ابيبي على شي حلوة هاد نهار غير نسا وضربو مع حييييط…
أمال: واا خرجي عندو اصاحبتي
هند: (معصبة) لا
أمال: هانتي شوفي الناس كيشوفو فييك بلا متخليهم يعرفو شنو عندكم خرجي عندو وهو غيفهمك (شافو شيماء داخلة وباينة فيها باااكية اصلا حتى من لونها صفر جلست فالقنت هازة تيليفووونها) هااااا هي جات راه بالصح مشا يجيب راجل ختو
هند: امااااال!! (سكتت ناضت كتمشى بشوية وتبسم مع للي كيتبسم معاها.. خرجت برا كان هو واقف مع زهير هاز بوكيه ديال الورد وقفت مربعة يدها) ويييي
وليد: (شاف فيها حك حدا نيفو) خارجة بلا زييف عااود
زهير: بشوية على لبنت راك نتا بروحك للي غاالط ماشي شحال ونتوما تسناو عاد نهار وفالتالي حتى مبروووك متݣولهالها (وليد خنزر فيه) وبلݣ في عينيك (تم دااخل كيظحك مخلي وليد متبعو مغووبش شاف فهند)
وليد: بعدا هو كتعاوديلو كولشي
هند: عادي راه بحال خويا
وليد: اوا وانا
هند: هادشي علاش مخرجني؟؟؟
وليد: هند كملنا مشيت نجيب راجل ختي باش يحضر معانا وميحسش برووحو غريب
هند: تتفلى علية؟!!!
وليد: (هز حاجبو) كفاش؟!!
هند: (زاد غير غصبها حيت كتحس بشي حاجة ماشي هي هادييك.. قلبت وجهها مكتشوفش فيه) علاش باغي تكرهني فهاد نهار أوليد لي شحال وانا تنتسناااااه
وليد: مباغيش نكرهولك
هند: (عضت على شنافتها وشافت فيه بغضب) وااقلة زربنا
وليد: (غوبش) عاوي ݣوليها وغنوريك الزربة كدااايرة
هند: (زفرت كتجس بالخنقة واقلة كولشي فرحان عليها هي اما هو معرف شنو يدير شد يدها وكانت أول مرة ولكن تعصبها خلاها تجبد يدها لعندها للي متقبلووش) خليني عليك عفاااك (تمت دااخلة لقات مها فالجردة وبالظبط من مور الصور فين كانو كيهضرو ظحكت باستهزاااء)
ام هند: هادا للي نفختي لينا راسنا علييه هه لا وبنيتك كنتي عواالة تعيشي الرومانسية معاه والحب والغرااام
هند: ماشي شغلك بالعربية والتاعرااابت خليني نعوووم بحري انا باغيااااه كما كان واخا يكون إرهااابي معند كانو حتى احساس انا للي بغيتو دخليييها فراااسك.. (زادت معصبة كتر مكرهتش تمشي غير لشي بلاصة مكاين فيها حد متقبلاتش منو هاد لبوروود اما هو سمع حوارها مع مها حيت كان داخل باش يتبعها حتى رجع مكره مشا لطموبيلتو وجلس حتي براسو باغي غير يدخل يقتل ختوووو وبتهنى من هاد الاحساس للي غيخليييه واحد اخر …)
محمد: (فالوقت للي كولشي مشغوول كان هو كيقلب فنفس السيكتور للي غيسكن فيه وليد ولكن ملقااش مشا لقنت اخر مبعيدش بزااف على بعد جوج شواارع وللي أهم ميكونش بعيد على محال الخدمة بزاااف.. كان كيسمع اسعار طاالعة شاف وحدة كانت صغيرة فيه بيت نعاس سيجور كوزينة ولكن مفرشة مابيهاش ب 2500 درهم بقا كيدور فيها فراش زوين عصري واخا صغيرة ولكن قاضية الغرااض حاليا تفكر كلام مو ولكن… مشا عند مولات الدار)
زوينة ولكن 2500 درهم ماشي بزااااف
…: متنساش بلاصة ملييحة فوسط السونطر
محمد: اممم واخا
(جبد بزطامو عطاها 1500 درهم باش ميتراجعش)
هدا التسبيق على منجيب حوايجي انا ولمداااام
….: مرحبااااا حتى انا نكون وجدت ليك لكونترا جبدتي فوطوكوبي ديال كارت ناسيونال
محمد: واااه (مدها ليها تفاهمو وتم خارج داير يدو من مور ظهرووو.. متأكد خدا قرااار صحيح ياله برد على المصعد يطلع بقا كيتسنى شي 1 دقيقة حتى خرج منو حسن بقاو كيتشاااوفو) حم سلام عليكم
حسن: (كانت ديجا غبالو محمد خطب شيماء ومبغاتش ولكن معندو معاه حتى ضغييينة حيت كيعرفو رجل معقوول) اهلان اهلان سي محمد واش خباارك
محمد: الحمد الله اختي حسن نتا مزيان؟؟
حسن: الحمد الله (باستغرااب) شي عائلة هنا؟!!
محمد: (طلعت معاه) لا.. جبت كريت واحد دوييرة هنا بينما نشوف نشري
حسن: مممممم مزياان الله يسهل الامور حتى انا دااري هنا ياكما كريتي الدار الخامسة
محمد: هااااااديك
حسن: مزيان بعدا نكونو جيرااان
محمد: ان شاء الله (حتى واحد ما مرحب بهاد الفكرة) ممحضرتيش لعقيد
حسن: (كان مزال بلبستو) ماساليتش ياله جيت ندي شي وراااق ورجع
محمد: اوا مزيان ياله نخليك اختي حسن
حسن: محمد بغيت نسولك فشي حاجة
محمد’: واه
حسن: للي كان خاطب شيما سميتو أنوار زعما ولد هو راجل ختك؟؟
محمد: خويا علاش كتسولني انا
حسن: عادي غير بغيت نعرف
محمد: واه ولد خوه
حسن: صافي هادشي للي بغيت نعرف
محمد: (حرك راسو باه) كانو مخطوبين متفاهمووش هو مشا لبرا وهي تزوجت بيك نتا
حسن: (اذا للي كان داك نهار معاه وللي شافو فدار زهير ماشي هو للي كان خاطبها.. اذا شكون هداك للي نكراااتو واخا كان ممكن تقول كان خاطبني ويقلب الورقة كذووبها فيه شي إن بلا البرووود للي فيها وكان فاهمو فاللول حشمة) واه انا غير ݣالهالي شي حد وكنت بغيت نسول وليد وكنسى حتى شفتك
محمد: امم الله يعاونك (مشا من تماك هابط فدروووج داير بناقض من شي مصعد للي يتسناااه معرف واش يمشي يجيب فلووسو ولا شنو وعارف فلوس لعربون مكيرجعوووش ندم ݣااع علاش جا هنا…)
هند: (حست بالخنقة ملقات غير هزت شالها دارتو على راسها بشكل عشوائي هزت صاكها ندمت على طموبيلتها للي مجابتش.. خرجت من الدار بلا متعيق ضربت الدورة وزااادت كانت الشمس قاسحة زادت عصبتها كتر وكتر ياله جات تقطع وقف فطريقها طموبيل ضارت تشوف باغية غير دااابز… لقاتو وليد بقا فبلاصتو كيشوف فيها)
…شي حاااجة!!!!
وليد: (طل براسو من السرجم) ركبي اهند
هند: لا
وليد: (خرج بشوية كانت زادت تابعها شدها من ذراعها) هند (شاف فيها بلا ميرمش) عفاااك طلعي
هند: وليد نتا للي عافااااك بغيت نمشي لشي بلاصة بووحدي
وليد: واخا انا نوصلك فين بغيتي.. (عارف راسها قاسحة) عفاااك اهنووود
هند: (حكت حنكها) قولي غير شنو وااقع علاش هادشي كااامل مبغيتيش زواج كونوقلتيها صباح كون فرقناااه ولا ديرلي هاكا
وليد: وتسخاي؟!!
هند: منبززش راسي عليك أوليد اه انا للي هضرتك فاللول وجبدتك وكذبت عليك ولكن نتا كونتي عاارف وعرفتيني شكون انا يعني محطيتش السيف على رقبتك
وليد: اش دانا ابنت الناس على هاد الهضرة
هند: حيت هادشي للي بينتيلي أوليد نهار للي كنت تنتسنى نفرح فيه جيت نتا ضيعتيهلي
وليد: حيت مݣلتش مبرووك ومبقيتش معاك ديري هاكا ياله جوج سوايع باش تجوجنا دغيا حكمتي هاد لحكاام ومزاال حتى نهار متسالة.. (قلبت وجهها) دابا اجي طلعي نركبو ونهضرو على خااطرنا
هند: (كانت الشمس قااسحة طلعت وركبت دارت يدها على جبينها كانت عرقاانة طلع هو سد سراجم وشعل لاكليم.. شاف فيها وهي مربعة يدها قالبة وجهها شاف فرقبتها كان شعر ملصق عليها بلعرق.. زفر وزاااد تفكيرو مشارجي راسو غيطرطق مشاو فطريق لبحر ولكن بلاصة تكون خاوية من الناس وقف على جرف كاين فيه طموبيلات قلال الشمس من مورااهم فتح سراجم شوية دخل هواء لبحر كان منظر زويييين حيد لاسنتير وشاف فهند.. لي ضارت وشافت فيه)
وليد: دغيا ندمتي علاش تجوجتي؟؟
هند: (تنهدت وقلبت وجهها لاعبة على اعصااابو بحال كتأكدلو انها ندمت)
وليد: ڤري ندمتي؟؟؟
هند: سمع انا نبغيك وندير للي بغيتي ولكن منين ملقااش معاملة للي نستاهل كنتسيف أوليد
وليد: (هز حاجبو) تهديد هدا
هند: متنساش نتا للي شحال ونتا تتقول نديرو لاكط نديرو لاكط ونهار درناه قلبتي وجهك لا وليد غير عتابرو تهديد
وليد: يمكن تكون عندي شي حاجة
هند: شنو ما بغا يكون متخلطش لورااق انا بوحدي وشي لاخر بووحدو هادي فرحتي وهدا نهااااري خاص نكون طاايرة بلفرحة كما كنت قبل هادي جوج سواااايع انا من اللول قلتلك عقلي غيييييير مباغيااش ندخل لدوك مشاكل زواج والقهرة لا باغية شي واحد يفهمني نعيش الحيااااة طول وعرض ولكن تيبااانلي من ساااعتنا اللولة.. (سكتت) للي فقلبي غنقوولو حيت أنا متنخبعش عليييك
وليد: متأكدة؟!!!!
هند: (بكل ثقة) وي متنخبع واالو صريحة معاك لاقصى درجة
أب هند: فين هند
ام هند: سمعتها كدابز مع راجلها ههه قلتهالكم نهار اللول عقلنا ومستواانا بعيييد عليهم بزاااف
أب هند: ومالك كتقوليها بحال فرحانة فبنتك
ام هند: مقلتش فرحانة ولكن بغيت غير كأكد عليك
أب هند: لا حولة نتي هي نتي.. (سرباو لغدا للناس للي تفرقوا رجال بوحدهم ونسا بوحدهم نعيمة عيات تقلب عليهم ملقااتهمش) بنتي مشفتيش فين هند؟؟؟
أمال: لا خالتي ولكن صونا عليها وليد وخرجت عندو
نعيمة: (صل ي ضربو الطم عرفووهم بغاو ينعازلو.. تغداو فجو الظحك والنشاط كولشي كلا ونشط من غير وحدة نقطة ديال لما مابغاتش دوز ليها صونا تيليفونها) اوليدي
وليد: مي منين تكونو راجعين دوزي حطي شيماء فداري لقديمة
نعيمة: واخا (قطع حتى هوما ناااضو على ميتعالمو فوقاش العرس حيت لا عائلة هند ولا عائلة وليد ممتناولين على العرس من غير العرسان للي مبغاوهش.. ركبو فالطموبيلات وكولشي تم راجع لوجدة)
فتيحة: فين محمد
مريم: براسي معرفتش اخالتي راكي شفتيه جابني عندكم ومشا
فتيحة: عنداااك تعاودي تݣوليلو نبقاو هنا فوجدة
مريم: (سكتت حيت الهضرة والاقناع ماشي معاها… مسااافة ديال طريق دخلو لوجدة…)
وليد: (كانو وصلو هوما قبل وسكااات هند متشوقة تفهم علاش تقلب بقاو فالدار شحال كيتسناااو هي مفاااهمة واالو ولكن باغية تفهم.. هو هبط لتحت حدا لباب غير شاف طموبيلات رجع من مور لباب حتى كيشوف شيماء كترغب مها تمشي معاها)
نعيمة: واش هبلتي خوك مبغاك تكوني هنا غير الا تݣاديلو المواضع ويااله ابنتي وريني راكي مراااا ونص وواݣفة مع خووها
شيماء: عفااك اماما عفاااااك
نعيمة: واش تمشي ولا ندحييلك (نصيفطليك) باك
شيماء: (كتحس بالسخفة وقفت والطموبيل ديال مها مشات هزت تيليفونها ياله بغات تصوني على أشرف للي ممسجلاش سميتو فقط غير النمرة للي حافظة وهي تهز بصوت خوها)
وليد: شيمااااااا (ضارت بالعرض البطيئ) زيدي (مشات عندو حانية راسها خنزر فيها وطلع الفوق تبعااتو وجميع الاحتمالات فراااسها دخلت لقات هند فالدار جالسة ديك الجلسة ديال واحد ممرتااحش خرجت عينها)
شيماء: نتي للي ݣلتيهالو؟!!!
هند: شنو قلت؟!!! (شافت ردة فعل ديالها وبلعت ريقها دخل وليد زادح لباب)
وليد: شنو الآلة هند درتي مع طبيبة للي غتديها باش ظحكو على السيد
هند: (تصدمت) هااا!!!!
شيماء: درتك ختي وصاحبتي (كتبكي مجات فين تكملها حتى نزل عليها وليد بالصمطة للي حايد من سرواااالو بقا غير كيظرب ومهمووش فين جات الضربة هند كتبغي تجروو)
هند: وليييد عفااك غير بلعقل (شيماء كتغوت وتبكي ودايرة يديها على وجهها اما هو مكيقشعش كيضرب بحال شي واحد هاز شي سوووط وكيضرب بكل قوتو هند كتحاول تفاااك ومع قريبة كتجي فيها الضربة توزوز وتبعد وترجع تبغي تفك.. لاح الصمطة ونتاقل لحركات يديه جارها من شعرها كيضرب راسها مع الخيط ويسب ويلعن وكانت هادي أول مرة يضرب فيها ويسب ختو.. هند حتى بقات كتبكي) وليييييييد غتقتلها اوليييييييد طلقهاااا….
حسن: (دخل كيدور فعينيه هدا علاش جا هنا حتى قال هو معروف علاش جا يسكن حدا للي خطبها مبغاااتوووش ميمكنش تكون صدفة واش بيناااتهم شي حاااجة وعلاش تكون ياك كان قدااامها علاش جا سكن هنا واش ندم حيت ورب وتزوج وحدة أخرى وبغا يرجعها بروووودها كيعني غير ان دمااااغها عااامر بشي واحد لخر راااسو داايخ لدرجة عيط فالتيليفون علمهم براسو ضرو باش ميرجعش بدل حوايجو ودخل يدوش حيت ضرووووري خاصو يتلاقى بشيماااء عاد لاخر للي خدام فالتيليفونات مزال يفك قضيتو والشوقات للي كتكون بيناتهم..)
~~~~~~~~~~~~~
هند: وليييييد هء هء (عمرها تحطات فهاد الموقف تشوف شي واحد كيتضرب قدامها هكاااك ودابا ماشي أي واحد راجلها وختو.. كتشدو من يدوو)
…عفاااااك عفاااااك أولييييد….
(وقف بحرا كيطلع النفس…)
وليد: تقت فيك الكلبة من نهار تزااديتي درتك بنتي وكتر باااا الا غوت علييك كنت نهض فيييه خوووتي ݣطعت لغاااهم غير باش يقيييلوووك ومتعذبييش كتعذباااات بنت عمك اللي طلبتييها للي طلبتييييها كنت نجيبهااالك سمو كان نااااقصك سمووووو
شيماء: (كتغوت وتبكي بلحريق وبتأنيييب الضميير)
وليد: (وجهووو كان باين فيه فووق الحزن وتانيب الضمير والحسرة والانكسااااار هند غير كتبكي جلس فالأرض بحال شي واااحد تغلب فأنرو ويدييييه تربطو مبقى عندووو وااالو باش يداااافع…) ولكن انا للي حماااار انا للي حبتك هنا وحليييتلك عينيييك
هند: (مشات عندو تحناات كتبكي) ماشي نتا هي للي كانت طاااايشة
وليد: (شاف فيها) كنت كنݣول نتي للي غتخرجيها طريݣ وتبليها ولا معرفت ساااعة ختي هي للي كانت السووووسة فوسطكم
هند: (مبقاش فيها الحال حيت كانت عارفة هادي هي نظرتو ليها فاللول) وليييييد عفااك متقهرش راااسك
وليد: (بعياء وعينيه ذابلين)
واش عارفاها سمووو داارت؟؟
هند: (حركت راسها باه) نقلبو على شي حل
وليد: (ظحك باستهزاء)
مثلا نديوها ترقع ونظحكو على السيد باشمن وجه نکااابلو مولانا وداك السيد الا مسمحنااااش واش ميعرفش
هند: (كتشد فيدو زتزير عليها)
لا نشوفو حل اااخر
وليد: كاين جوج يا غتدفن يا غطلݣ وترجع لتاوريرت مكاين لا دخول لا خروووج ولكن انا من دااابا
(هز صووتو)
مااا هي ختي ما انا خوووووها
هند: وليييييد
وليد: هند!! (زفر)
مكااااتش خاصك تخبعي علية
(جات تهضر)
نفهم باغية تعاوني وباغية شحال من حاجة زوينة ولكن ماشي كضرݣي عليها شحال جابت فلبااك ولا شي حاجة عاااادية هدا راه شرف شرف ديالي وديال با وديالنا كااااملين فهمتي!! انا للي عمري بغيت نقيييسك ولا حتى نشد فيديييك كنݣوول كما نعامل بناات النااااس حتى انا نبغي ختي تعامل هاااكا
(كيتفكر كيجهل حتى ناض بالخف ركلها فركبتها حتى غوتت ربي للي خلقها)
شكووووون الكلبة شكوووووون!!!!!!
فتيحة: نعيمة سمو درتو داابا؟!!!
نعيمة: والله يا ختي معرفت وليد علاش راه ناوي
فتيحة: وياااااو على سمو نااوي يمشيييو براكة من لبساالة وعرضي النااااس سمو دزواااج دهااد الوقت مبقى حد يحتارم حد
نعيمة: فتييييييييحة دخلي سوق راااسك انا ولادي مكندخل فيهم مواالو تجي دخلي نتي؟!!!!!!
فتيحة: لا….
راه ݣلتلك ولينا نسمعو لكلام على ݣلبنا
نعيمة: افتيييحة يهديك الله ولدي راه راجل وقفت معاه حتى عقد دابا يدير مبغى بغا يمشي درك يمشي بغا يبقى مع مراااتو حتى يلحݣ مرحبااااا لاش الزربة
فتييحة: بااااااز بهاد لفعاايل راكي ضسريييهم علييييك
نعيمة: هه الآلة خليهم يضسرووو انا قااابلة بضساارتهم غير نتي خرجي داك السوووق ونهار نجي نتشكى فرحيييها فية
فتيحة: راه ݣلبي عليك ماشي باغية نفرحها فييك (ضورت وجهها) فينها هادي داااابا مجاتش تجمع حوااايجها
نعيمة: ياك غتبقى مع رااجلها
فتيحة: راجلها هو يجي يلحݣ بيييها (دخلت أمال عندهم للبيت) كيعيط ليكم عمي باش تمشيييو
نعيمة: واخا بنتي.. فتيحة اري نجمع ليك حواايجك (فتيحة ملهية غير مع تيليفونها كتصوني على مريم للي مزالة طافيااااه..) زبيدي
فتيحة: لعجب
نعيمة: زيدي خلي لبنت مع راجلها تبرد حتى شوية (صونا تيليفونها جاوبات) الوو السلااام عليييكم
حسن: سلام خالتي نعيمة لباس عليك؟؟ معاك حسن
نعيمة: الحمد لله اوليدي (باستغراب) ونتا لباس عليك؟!!!
حسن: الحمدلله على كل حال مبروووك مداار وليد
نعيمة: الله يبارك فيك اوليدي كنا باغيينك تحضر وحتى وليد مشا يجيبك سااعة مصالحش ليك
حسن: (باستغراب حيت مجا عندو حد) معلييش نحضرو العرس ان الله… ݣوليلي كنصوني على شيمااا لعشية كااملة مردتش وتيليفونها طااافي راها حداااك
نعيمة: بقات مع خوها ومرتو فالدار
حسن: اممم مزيااان صافي درك نمشي عندها
نعيمة: واخا وليدي
حسن: ياله بسلامة خالتي (قطع.. مشكش بزااف فالامر حيت قالت مها عند خووها ولكن للي مرضو هاد محمد للي جا يسكن حداهم.. صونا على وليد تيليفونو طااافي استنتج غيكونو فشي بلاصة ما فيهاش الريييزو.. واخا هكاااك لبس حوايجو وتم غادي لدار وليييد….)
وليد: شكووون الكلبة شكووووووون؟!!!
شيماء: (كتبكي ربي للي خلقها مهمهاااش ركبتها للي فيها لحريق بقد ما كلااااامو وضمييييرها للي فكرها شحااال من حاااااجة داارتها)
هند: (كتبغي تجر وليد) ولييد عفااك اجي معايا نجلسووو ونفكروو
وليد: انواااار انواار الكلبة للي تحديتينا كااااملين وخرجتي عيييينك
شيماء: (بحرا كتقد تهضر) هو ظحك علية
وليد: (بعصبية زاد ضربها وبكترة معارفش فين كيضرب ضربها لصدرها حيت كانت تكوراات على ركبتها كانت ركلة صعيييبة عينيييها خرجووو حتى مقدرتش تنفس)
هند: وليييييييييد (حناات عند شيماء للي عينيها بداو يتشقلبو ومومو ديال عينيها كيغبر بقات كضربها فوجهها) شيمااء شيمااااء (ضارت عند وليد) واش باغي تكمل حياااتك فلحبااسااات
وليد: نكمل على ر** حتى فصندوووووق (بقات كتحاول تفيقها)
هند: نديوها لطبيييبة
وليد: (مخرج عينو) ااااااوالله لا تݣعدت من هنااااااا بغاااات تمووت تموووت
هند: أولييييد (شافتو خرج ملقاات مدير تحسين نبضااا قلبها كان كيضرب خرجت لحقت بيه لقاااتو جاالس فالارض مقرد) اجي غير هزها معااايا (لا رد.. بقات بين نارين ضميييرها وإنسانيتتها وقلبها.. دخلت صونات على طبيبة صاحبتها للي كانت ساكنة فالعماااارة لي حداها وقطعت.. ولات خرجت عند وليد) عفاااك أوليد غير اجي هزها معايا ندخلها
وليد: (وقف) خرجي داك السوق اهند انا الا دخلت غير غنكمل على مها
هند: والله معطاااني خاااطري انا عارفااها غااالطة وغالطة بزااف ولكن عفاك أوليد دير غير وجه خالتي نعيمة..
وليد: علاه يحسااابك وجهك عندي رخيييس؟!! سمعي ابنت النااااس براااكة غير مضيع ليك نهااارك وفرحتي وفرحتك
هند: (كلام قليل عنا ليها لكتيييييييييير تنهدت) عفاك أوليد انا عيطت لصاحبتي تجي تشووفها
وليد: وعلاه؟؟؟؟؟
هند: عفاااك أوليد تفهم حتى انا خايفة علييك وحتى عليها هي الخل غلقاااوه خاص غير نجلسو ونفكروو بالهدااوة (شافت صاحبتها طااالعة) سكينة!!! صافا طلعي (طلعت وقفت حداهم) هادي سكينة صااحبتي طبيبة وهدا راجلي وليد
سكينة: تزوجتي؟!!
هند: (تبسمت) امم ياله اليوم
سكينة: مبرووك مشرفين اخويا
وليد: (مكيقشعش اصلا قداامو) شكرا اختي (دخل مكره لقا ختو مزال طااايحة مشا بلفقسة هزها دخلها لبيت للي كانت فيه أمال لاحها محاااملش القرب منها دخلت هند وسكينة اما هو خرج براا هند مبغااتش تعيق)
هند: تجي معايا اسكينة
سكينة: هادي هي خت راااجلك
هند: وي مهم عارفااك صاحبتي كان شي خصام وجات فيها ضربة بغيتك تشوفيها
سكينة: واش هرس؟!!
هند: مهم قلبييها وااخا (جابت ماترياال ديالها كتقلبها وكتصدم باثاار الصمطة للي مخلي الدم ياابس على دوك جروووج كولها مطبعة) حم شوفي فصدرها (عرااتها كانت ضربة حمرااا بقات كتقلب بدوك الصناطات.. خرجت هند مخلياها تقلبها لقات وليد عاود دااخل غير شاافها بقاااات فيه تما حدااها)
وليد: دخلت فهادشي صحااا المشاكيل وتخربيييق
هند: (تبسمت) هدا هو زوااااااج…
هند: (تبسمت) هدا هو زواااج
وليد: (ياله جا يهضر سمع صوت حسن غوبش وقلب وجهو لباب)
حسن: وليييد!!! (لاخر تكره مبااااغي يشوف حتى وااحد واااااخرهم حسن خرج عندو..) افييين اسي ولييد شحال وانا نصوني عليك نتا وختك ووالو
وليد: كان طاااافي
حسن: (سلم عليه بالعناااق) اسيييدي مبااارك ومسعووود والله يكمل بالخير
وليد: امين خويا حسن الله يحفظك
حسن: (شااافو غير عااادتو الظحك وديما الابتسامة فوجهوو) اݣعد حتى نديرو عرس وااحد
وليد: هه انا والمدااام مبااااغيين عرس
حسن: واش ݣاع لفااميلة هااك حتى ختك مباغيااااهش
وليد: ياله نضربو شي قهييوة
حسن: وااه فين بعدا شيماااا؟!!
وليد: لدااخل مع المداااام راك عارف الجلسة ديالهم ياله نمشيو حنا
حسن: (فهم ان غير مرحب يدخل يمكن دخل على مرتو وختو بقات مع مرتو مهم هو هكااا فهمها خلا حتى يرجعو من القهوة ويجي عندها…)
~~~~~~~~~~~
فتيحة: واش ركب ونخلي مريم وحدها
احمد: راها مع رااجلها افتيحة ركبي الله يهديك باش منشدووش طريق فالليل
فتيحة: (مبغاتش تسرط ليها حتى شافت طموبيلة ديال محمد دااخلة) هااا هو جا الله على ولييدي (هبط محمد فتيحة غووبشت كان غير هو وصل حدااها) فين مريم
محمد: سمعي اما انا راني كرييت هنا دار حتى نشووف واش نشري ولا سمو ندييير مهم هاد شهر غنجلسو فواحد دوييرة بغيتي تجلسي معانا على منديك وتشوفي الدار ياله
نعيمة: (بشوية) ها هي غتبدا
فتيحة: (بقات مصدووومة)
محمد: ولا عرفتي سمو خلي عمي يمشي انا غدا نديك لتاوريرت
فتيحة: باغي تفرق علية اوليدي
محمد: (حنا عند عمو) سير اعمي انا غدا ولا بعدو ونجييبها
احمد: حنا منتعرضووش
محمد: ههه يا ودي حسن ليك تمشي ولا اليوم غيبقى رااسك غير واااجعك
نعيمة: ههه مبرووك اوليدي (مشاو ضار عند مو لقاها كتبكي)
محمد: اما راه فوكما لݣيت وقيتة غنجي تواليك انا ومريم
فتيحة: الله يااخد فيها الحق بعداااتك علية يااا ربي يبعدها علييك
محمد: زيدي اما لحݣک بعمي زيييدي
محمد: (بعد رغييب وبكى خلاااها معاه.. كانو شادين طريق لداااو صايک هز تيليفونو صونا على مريم للي كانت اكبر بلفرحة)
مريم انا جاي انا وما….. (قطع)
مريم: (جمعت الظحكة ) ياااا ربي تجيييها فالراااس (جلست) استغفر الله مبغيت ندعي فحد .. بغيتها غير تبعدني ناااااري غتبدا دعي فية عاااود ببفففف يا ربي فوكاش رتاااااح.. (شي ساعة لاروووب على محيدت حوايجها ولمكياااج جلست كتسنى انا حتى لماكلة موجدااها شوية تفكرت علاش تحيد لمكيااج هي دابا فداااارها ناضت بجنووون رجعت مكاات وجهها ولبست بيجامة تيشورت وسرواال وهادشي للي كانت محروومة منو طلقت شعرها للي طويل ودارت بوندووو.. سمعت لباب كيتحل جاها الخوووف منها ولكن بركت على راسها وخرجت من بيت نعاس متبسمة)
فتيحة: كظحكي يا وجه لبووومة
محمد: مااااااااااا
مريم: حم خالتي دخلي (مشات تسلم عليها لخرا دارت ليها سلام ناااقص) دخلي
فتيحة: راني داااخلة دار ولدي هادي
محمد: بففف استغفر الله العظيم مريم حطينا شي حاجة ناكلوووها
مريم: واخا (مشات للكوزينة وفتيحة غتاكل ريتها متصرطتلهااااش كفاش مريم السكوتية غلبتها وداتوليها واجد كما فباالها.. خرجت من لكوزينة) محمد راني گلت لأمال سكنا هنا وکالتلي بلاتي تجي هي وراجلها
محمد: واااه ݣولييلي سمو نتقدا نجيبو لعشاااا
فتيحة: شفتك مجيتيش تشاوريني يااانا.. وشتك نتا منضتيييش توريني الدار ومنين جبتي دلفرااااش واش غير جوجتك بغيتي تلووحني ولا بغيتي ترجع عبييييد مرتك
محمد: وعندك قرطااااس فداك لفم امّا نعلي الشييييطان واش نتي ضييفة باش نوريييك الدار نوضي دوري على خاطرك اصلا الدار مع كدخلي من لباب مع كتسالا بيت وهاد الصالون وكوزينة انا كريت هنا هاد شهر وغنبقى نݣلب
فتيحة: وعلاه مخليتيناش رجعو لدارنا حتى تلݣا علىىى خاطرك ولا لالة مريم مبقاااتش حاملة العيشة معانا (مريم فلكوزينة كتعيبها)
محمد: واه معجباهااااش واش بالسيف تعجبها…
~~~~~~~~~~~~~
هند: (منين مشا حسن عاد رتااااحت اما كانو غيدخلو فأسئة في غنى عنها تكرهت بزاااف صونات على أمال)
ألوووو
أمال: (فرنست) تقبك
هند: (عيبتها) تقبك!! لق**** لواااه وكان شفتي على فضيييحة فين راااحنا
أمال: أحاااااي واش وااقع؟!!!
هند: (سمعت صاحبتها كتعيط) امول بلاتي ونعيط لييك
أمال: واا ݣوليلي بعدا وجعني رااسي
هند: بلاتي أمال انا ماشي بووحدي (قطعت.. دخلت مع ابتسامة كانت شيماء حالة عينيها) امدرا
سكينة: ممهرساش ولكن اصاحبتي شنو هادشي وهاد الضرب؟!!
هند: شي حااجة شخصية شوية
سكينة: واش السيدة مزوجة
هند: اه علاش
سكينة: اممم مهم هي خاصها ضرووري تمشي لشي طبيبة نسائية
هند: علااش؟!!
سكينة: كفاش علاش راها حااملة… ونورمال خاصها تبع عند شي طبيبة مختصة!! (شافت الصدمة فوجههم)
مكنتوش عارفييين؟!!!
شيماء: (بقات مصدووووومة وكتحس براسها الدم جمد فيييه ولبرودية طالعة مع رجليييها)
هند: (بلفرونسي) امم مكانتش باغية تحمل حيت عندها شي مشاكل مع راجلها
سكينة: وي شفت لحمها كفاش مزوقو بغيتي ندير ليها شي شهاادة دفعها عند لبوليس؟!!
هند: (داخت) لا.. لا لا بلاش غيكبرر صدااع بزااف
سكينة: اممم الله يصااوب وصاافي
هند: متأكدة راها حاااملة
سكينة: هند!! هه زعما كتعرفي خدمتي؟!!
هند: (عضت على شنااافتها حانية راسها كتفكر واش أنوار بالصح!! هو راه شي كتر من 5 شهور باش مشا)
سكينة: هند هند!!!
هند: هم سمحيلي سكينة كنا دايرين حل ودابا مع لحباالة غتكون معقدة الامور شوية
سكينة: (ضارت عند شيماء للي دايرة يديها على وجهها وكتبكي) ختي راه الا الواحد كيعيش مرة وحدة مبغيتيهش طلقي وعيشي حيااااتك
هند: عفاك اسكينة بلاش هاد عيشي حياتك اجي معايا (جمعات معاها دوزانها وخرجت برا جبدت فلووس)
والله حتى تشدييهم الخدمة خدمة والصحبة بوحدها
سكينة: ياا ختي هادشي باش كتعجبني
هند: ههه اوا تكركبي خلي تيليفوونك حدااك بحال والو نعاود نعيط عليك
سكينة: مرحباا.. بالشفاء… (خرجت من تماك لدارها وهند دارت يدها على راااسها دخلات عند شيماء معصبة محست غير شداها من شعرها كتديها وتجييبها)
هند: شكووووون مووولاها هاد الكرش الحماااارة شكوووون منييبن نتي هااااكا علاش تجوجتي وحطيتينا هااااااااكا (طلقت من شعرها للي لوخرا مدااارت حتى ردة فعل غير كتبكي)
حتى نهااااري مفرحتش بيه كيمااا لبناااات
شيماء: هء هء بغيييييت نطيحوووو
هند: (طرطقت عينها) واش تصطييييتي عاد خوك عطاك قتلة ديال لعصا على الترقيع وداابا باغية تقتلي روووح
شيماء: راه الا مقتلتش هادشي للي فكرشي راه انا للي غنموووت (بقات كتيووني فكرشها) موووووت موووووت (كتبكي ضربتها هند بطرشة حتى ضااااااارت) ضعت وضاااعت حيااااتي
هند: وضيعتيلي حتى فرحتي وحيااااتي معااااك (جزء من التسرييب كان لشيماء وهند….)
فتيحة: (بقات كتحسر على ولدها للي كيضيع من يديييها مسخياااش بيييه كما كتقول هو للي مسخن ليها كتاافها ها هو غيمشي ويستااقر بعيييد عليها كانت بغاات تربطو كتر ببنت ختها سااااعة وقع ليها العكس وطاااار.. عقلها مبغااش يستوعب ولدها مغيبقاااش ساااكن تفكرت وكان زوجاتو شيمااااء خيييير..)
مريم: خالتي
فتيحة: يخوييييلك جناااب يا بنت لحراام ولكن غااااا صبري يا بنيتي مريم كتلعبي بين الخوووت يجي نهار ونفرݣع باباها هاد الرماااانة
مريم: (طرطقت عينها) انااااا!!!
فتيحة: غيييييير صبري علية ابنت ختي باغية تشتتي شملي مع وليدي
مريم: خالتي ولدك راه هو للي دارلي هادشي فرااسك من نهار جواجنا ݣالي نبقاو فبلجيكا يانا للي ݣلتلو منتفااارقش مع خاالتي ولكن نتي ظااااالمة ظالمة وبزااااف واش هوووه بغاا يتكرفس على مرت خووووه وبغيتي رجع عندووووو
فتيحة: فين تكرفس عليك عندك قواااام بعدا باش يتكرفس عليك ونتي كرشك لاسقة فظهرك
مريم: الحمدالله عاااجبني راسي وعاجبة ولدك
فتيحة: غيييير صبري وݣولي خالتي مݣالتليييييش الا مجوجتوووش مرة أخرى منتسماااااش فتييييحة…
(دارت صبعها فمها ودارة علامة إكس فالحيط)
..وعقلي عليييها مزياااان…
(سمعت الهضرة برا) غير لتنسيهااااااش
(تحل باب كانت أمال داخلة كظحك وزهير ومحمد.. أمال مكانش فخباارها فتيحة كاااينة تصدمت اما متجييييش دخلت سلمت على مها للي بالسيف عليها كتسلم قدام محمد وزوهير وسلمت على مريم بحراارة)
مريم: (مبغاتش تركز بهضرة فتييحة باش متخسرش فرحتها) حم محمد نسيت مݣلتلكش على الخبز
محمد: درك يحضر
فتيحة: (طرطقت عينها متساااائلة واش هدا محمد ولدي ولا محمد المسحووور فلبلاصة شكت فختها تكون سااحرة لولدها باش يبقى كيشوف غير مرتو ويدير برااااايها.. خرجو هو وزهير مع كانو فالسوونطر مشاو جابو خبز ووقفو حدا باب العمارة كلها جبد ݣااروووه)
محمد: الله يعفو عليك
زهير: (قوس عينو فيه) الغربال مكايشووفش زك*
محمد: هههه.. ݣولي ازهير راني طااايح فواحد لبروبليييم مشييينوو
زهير: (هز حاجبو) على مك!!
محمد: اهياااا حتاارم الوالدة.. (لاخر كيظحك) ڤري كريت هنا عطيت التسبيق وجيت خارج حتى كلݣى حسن هنا.. حسن راجل شيمااا ساكن هنا اونفااص مع الدار
زهير: واش نتا مزال تابع لبنية راه كنت كنشوف كولشي بعيني
محمد: اش تابع راه براسي مفهمتش بغيت غير نشووف وعاد زاد كيسول على ولد خووك
زهير: ولاه كيسول
محمد: معرفت كيسول واش هو للي كان خاطبها
زهير: فشكل!!!
محمد: انا غنكري هنا غير دشهر
زهير: صاحبي جيب مرتك ورواح لدار ختك جلس شحال ما بغييت حتى تلݣى الدار وحتى الا ملݣيتهاش راك فدااارك
محمد: الله يعزك ابن عمي ولكن بغيت ناخد راحتي ونتوما تبقاو على رااحتكم
زهير: امحاااايني وكان ݣلتيلي واه كنت نرمي روحي فلبير
محمد: هههه دابا سموو
زهير: سمع الخااواا نتا نيتك زيينة معندك مناااش تخااف هو الا تنوااا يعاودها لروووحو ولكن نتا كمل شهر ديالك ورووح لشي قنت اااخر باش متبقااش محسووس…
حسن: (بقاو مقهويين ولكن سكااات شاف فوليد غير سااااكت ومن عينو باين ظلاااام) كاين شي مشكل!!!!
وليد: هم لا لا علاه؟!!
حسن: (باستغراب) معرفت بنتيلي فشكل
وليد: لا لا مزيان
حسن: (شاف فساعتو شي ساعة ونص وهوما جالسين وليد منطق بحتى كلمة.. مرض فراسو وقف)
خااي وليد مرة أخرى ونتلݣاااو خاص نمشي نشوف شيماااا باش نمشي لداري
وليد؛ غير خلييها راها مع المداااام
حسن: (سكت مدة) وااااه
(ناض وليد بلا عقل مسلمش حتى عليه لاخر مفهم واالو بقا غير كيشووف خلص القهوة وزاد مع طريق رجع صونا على شيماء والو تيليفونها طااافي معجبووووش الحال حس براسو توحشها بزااااف بغا يشوووفها بغا يهضر معاها مكرهش غير ليلة تبات معاه ميدير وااالو غير يشبع من كلامها وشوفة فيها يخلقو جو زوين يهضرو على بزاااف دلحوااايج… ركب فطموبيلتو ونيشان لقهوة اخرى حيت محسش براسو مزيان باش يدخل للدار….)
~~~~~~~~~~~~~
هند: (من بعد بكى وغوااات شيماء هند خرجت لوسط الدار غير ساااكتة كتشوف بعينيها حتى سمعت لباب كيتحل هزت عينيها فيييه حتى هو كان ماشي حسن منها بلعكس كفس شافها حس بالخزي من راااااسو ومن إهمااالو ليها جلس حداها) صاڤا!!!!
وليد: (شاف شحااال وقال وجهو زااافر) عيييتونݣلب كيف نکولهاالووو ملݣيييتش
هند: معرفت منقووول أوليد
وليد: خاص يطلݣها اليوم قبل غدا السيد معقوول اهند حااس برووحي انا اللي غاااادورو
هند: وي باينة فيه تيبغيها
وليد: (غمض عينو ورجع راسو اللور حتى حس براسها محطوط فوق صدروو حل عينيه شاف فيها عنقها بيديه بجوووج حاااط ذقنو على راسها وكيشم ريحة ديال شعرها للي كتعجبووو باسها) سمحيلي احبيبة
هند: (هزت راسها فيه وباستو فحنكو بشوية وتبعت يدها كتمسح لعكر زعما تبسمت) ما فيها تقيييب هاد الليلة؟!!
وليد: هههه (ظحك ولكن عينيه العكس بحال عيااانين مهضرش اصلا مكتخلييه فين يهضر ولكن هي بغات غير تهدنو شوية باش يعرف كفاش يفكر اما العصبية غتلوحو بجوج بلايص يا الحبس يا القبر.. رجعت تكات على صدروو وهو كيتلمس شعرها.. بقا كيفكر فهادشي ديال شيماء حس براااسو رجع شعل) هند نخرجو؟!!
هند: (وقفت) اه (ناضت) دابا حسن والله
وليد: ياله سيري ديري شال انا نساينك لتحت (هبط هي مشات جمعت شعرها دارت سال ولكن بطريقة عشوائية باينة لافخوونش ديالها رشت بارفاان مفكرتش تعكر حيت عارفة القضية حاامضة لبست طالون ديالها وهبطت لقاتو فالطموبيل طلعت ركبت حداااه) سديتي لباب بالسااروت؟!!
هند: اه وکاع سوارت الدار عندي باقي واحد عند أمال
وليد: أمال معندها فين تجي داابا دوونك الكلبة خاصها تبقى تم حتى نعرف يموو ندير
هند: (حركت رأسها بااااه ميمكنش تقولو ختك حااملة وهو هااكا) تبغي تعيط لزوهير ونتلقاو مجموعين؟؟!!
وليد: (شاف فيها) بغيت نبقى معاك غير نتي…
دازو تعشاااو برا فريسطو زويين كيف ما كتبغي هند دازو لمحل ديال ديال ذهب خداات خاااتم من للي كتبغي ديااامون مع حجيرة صغييرة وحتى هو شرا خاتم نقرة ساااامبل لبساتوولو ولبسها هي فرحااانة كتحاول تستاااغل هاد سويييعة تعقل على زواااجها واخا باينة فيه طايراالو ولكن كيبغي يفوجها عليييها.. ركبو فالطموبيل وزاادو للدار وصلو وتمو داخلين وقف وقفت شافت فيه
هند: شنو؟!!
وليد: غندخل نعس هنا
هند: ها!! امم.. اه اه واخا سير ترتااح
وليد: (زير على يدها وهزها باسها ليها) متنسايش شحال نبغيييك
هند: (تبسمت)
حتى انا والله…
(باس جبينها وهي طلعت ليلة غير متوقعة ولكن عاذراااه اصلا براسها معندها خاااطر ولا کاااانة وخصوصا هاد اللقطة فحيااتها بغات دوزها وهي عااقلة عليها وفرحااانة ماشي غير قضي وعدي.. دخلت للدار كان صقييير فكرت شيماء غتكون دارت فراسها شي حاجة تفكرت انها حاااملة دخلت كتجري للبيت فين ناعسة لقاتها كما خلاتها.. هزت راسها فيها) اووووف تخلعت قلت درتي فراسك شي حاجة
شيماء: (بصوت مخنوق وكيجف) مݣدييييتش نقتل رااسي
هند: انا نبغيتكش تقتلي راسك بغيتك تمشي عند باين هاد الولد للي فكرشك وتعلميه فكري شنو الحل للي ديري باش طلقي من حسن
شيماء: باباه هو أنوار
هند: (باستفزااز) عفااك متقوليليش معاقلاش على مول لفعلة
شيماء: (كتمسح دموعها بخنونتها)
هند: محمد؟!!
شيماء: (فكرت شحال حنات راسها اما هند تاكدت انه محمد)
هند: لااااااااا مريم مسكيييينة متستااهلش تفووو اشيماء تفوووو عرفتي نتي بحال شي مرض كيعدي للي قربتيلووو كتطلييييه بهاد المرض واش عاااجبااك حيااتك هكاااا (لوخرا غير كتبكي) فاللول أمال خوك مك باك انا ودابا مريم تفوووو الله ينعلها حااالة ندمت والله حتى ندمت على نهار عرفتك… إنساااانة مريضة انااانية كتفكر غير فرااسها زيتا ريت وكان درتي الطااايلة وااالو حتى واحد معرفتيييه مكان فيه الضو كديري زحااام وعزيييز عليك تشركي فالحااجة (عصبتها وخرجت صونات على أمال للي صدعاتها كانت رجعت من دار محمد وملقات غير عودات ليها كووولشي)
أمال: أحااااااااي اواااا
هند: (زفرت) والله اختي معرفت محلات لينا خاطر لواالو وليد حاالتو حاالة
أمال: مسكيييين انا كنت عارفة هاديك معندهاش العقل ولكن ماشي لهاااد الدرجة
هند: وكتر کااع عصبااتني والله مهم قبل ميجي زهير غدا الا صلاحلك اجي عندي
أمال: واه اصلا غيوصلني لفاك صباح ناخد بوليكوبات وندووز المعهد نجيب شي حاجة ونجي لعندك
هند: صاافي مزياان انا نتسناااك…
غنتعطل فالحطان شوية
أصبحنا اصبح الملك لله..
وليد: (ممشاش لا لعند محمد لا لعند زهير بقا فبلاصتو فين حط راسو فوق المخدة فالليل وعينيه محجرين حتى لصباااح كيفك ويحاااجي بوحدو كفاش يجبد الهضرة مع حسن باش يطلقها منو بلا مشاكيل بلا أسئلة وفنفس الوقت يكون جواب مقنع الحل هو ختو تنفرو منها ومنها تجي باش يديها لتاوريرت وممنوع لخروج ودخول ولكن الشمتة ديال أنوار عمرها تنساااااالو.. سمع الدقان عرفها هند للي غتجي عندو ناض بلا نفس حل لباب حتى كيلقاااه زهير) فيين؟!
زهير: واش وحدك
وليد: (طلق من لباب وتم داخل) دخل اصاااحبي شكون غيكونو معايا جنون
زهير: (استغرب دخل وسد لباب) مالك مكتباانش فبرجك
وليد: لا صاااڤاااا محليتش المحال
زهير: خليت دراري فيه على متجي كان عيطلي أشرف على شي حاجة
وليد: (غير قالو أشرف تفكر ختو نهار غلطت فسميتو وقالت أشرف فالمحكمة) اجي هاد أشرف سمو كتعرف عليه
زهير: علاه؟!!
وليد: وجاااوب اصااحبي
زهير: كان صااحب داك الكلب وشحال من مرة تقوينا وحا للدار عندنا وراك شفتييه كيوقف مع الواااحد هادشي للي كنعرف عليه
وليد: اممم (زفر ناافض أفكااارو شيماء كان عارفها طايحة فانوار ولكن متوقعش يكونو وصلو لهاد لموااصل)
زهير: اسبحااان الله اشريف طايح عليك الضيم بحالا الموطووور مخداامش
وليد: (مكره) زهيييير!!!
زهير: هضر **** مالك؟!!!
وليد: واالو عرفتي سمووو انا نبدل نمشي نخدم نبدل الجو شوية
زهير: واش مع هند؟!!
وليد: واا مكااين والو غير منقش مع الدار على حساب العرس وانا مبااغي عرس فلوس للي تخسر زائدة فية فديك الدااار راه لفينيسيوون كتاكل بزااف وعاد فراااشها
زهير: ڤري ولكن خووك راه معاك اي حاجة بغيتها متحتااجش تفكرلها
وليد: عاارف اخويا عاااارف (بقا كيشوف) سبحان الله للي شافت نتا وخووك ميݣووولش داك الق*** دولد خووك طااالع ولد ****
زهير: (بقا غير كيشووف كيعرف وليد مكيخسر الهضرة غير الا وصلاتلو العظم.. مهضرش حيت شك تكون شي حاجة بينو بين مرتو شي حاجة ميقدش يقولها داابا خلاه على خاطرو حتى خرج عندو لابس حواايججو مشا معاه بعدا رد الطموبيل لوكاليزاسيون وكمل معااه طريق دخلو بجوج المحال لقاوه عامر شوية وليد طلع المكتب فين كيحط كولشي فلبيسي من دفتر للي دخل وللي خرج كيلهي وقتو وصلت 10 صونا على هند للي مجاوبااتش عرفها مزااللة نااعسة…. بقا خدااام حتى صونات هي هضر معاها ولكن ماشي بديك لحلاوة للي كانت قبل باغي يتبدل ولكن مقاادرش وهي عذراااه وفنفس الوقت مقلقة منو.. ناضت كتجر فرجليها دخلت لبيت شيماء مالقااتهاااش قلب زدح بقات كتقلب فالدار كاملة هزت تيليفونها كتصوني لقاتو طااافي طاح منها النص….)
نعيمة: مباااارك ومسعووود احبيبتي فوكاش تجي
ليلى: شي سيمااانة ونجي حتى بناتي توحشتهم بقاو غير مع جداااااتهم
نعيمة: واه كنمشي مرة مرة نطل وحتى محمد كان يمشي يشوف سمو خاااصهم
ليلى: مزينووو داك لولد معرفت لاش كان خايب مع ختو فاللول
نعيمة: معليش معليش ربي كيصلح الواحد ودابا راه دار عقلوو
ليلى: محدو عايش مع ديك فتيحة عمرو يدير لعقل ولا يهز الراس لا هو لا مريم
نعيمة: (حتى هي طلعت ليها فراسها خصووصا على شنو دارت لمريم وقضية علي) حݣااا مݣلتلكش هز مرتو ومشا يعيش فوجدة
ليلى: بلحݣ؟!!!
نعيمة: اييييييه دارهااالها على قد فمها اودي الله يهدي مااا خلق وصاااافي معرفت الواحد منين كيجيب هاد قصوحية لݣلب
ليلى: حتى يكون عندها شي ݣلب مهم بغيتك فشي موضوع موهييييييييم انعيييمة….
~~~~~~~~~~~~~~~
الكاملة: (كتشوف راجلها غير مكيتقاااد وصحتو كترجع وحتى الصيد رجع كيمشيلو مع صحاابو ولكن من نهار هضر ولاح ديك القنبولة على وجهها مهضرها ولا حتى جلس معاها فبلاصة وحدة.. فراسها غير واش تجوج ولا مزال تمنات حتى الا تجوج ميجيبهااش هنا للدار ولا تشوف كماااارتها غنست ليزااار ديالها ومشات عند الحاااجة فين لقات بناتها كيتغااوتو) اماااالكم تاااني
عيشة: يا ختي واش ما مزال نهداها الله تكتب لينا السفلية انا ومييينة
الكاملة: خاااااصها تكتبها
الحاجة: لااا حولة ولا قوه الا بالله العلي العظيم ابنتي راه نهار مات باااك راه خلا هاد الدار السفلية الا جينا نديرو شرع السفلية راه من حقكم كااااملين
عيشة: علاه حقهم زهير لدارو ولكبير بدارو واش حق بقالهم
الحاجة: بااااااز ابنتي وكان ماشي غير بخيييرك وزايدون نهار نموت واحب. تناااتفو على عاد الدار
عيشة: ياااك امي
الحاجة: الدار من لتحت لفوݣ ديالي يااانا ومنكتبها لحد هاني ݣلتلك نهار نموت واجيييو ترايشو عليها ولا قتلو رواااحكم عليها (بقات كتشرب أتاي مفقووسة حتى حست بالدوووخة ناضت مشات لبيتها شربت دوا وتكاات فبلاصتها.. أما هوما بقاو غير وش وش وش….)
~~~~~~~~~
أمال: ههه محسابليش تجي والله
زهير: (كيتغدااو) والله معرفت سمو كيعجبك فهاد السندويتش واش ابنتي نطلب ليك شي حاجة اخرى
أمال: والله كيعجبني طاكوووس بزااف
زهير: واااااه!! (هو كان طالب طاجين لحم بالبرقوق) أمووول مزال احبيبة فيييك!!!
أمال: حم واه
زهير: ماشي بزاف كتر من سيمانة؟؟
أمال: معرفت
زهير: غير عليك نتي احبيبة!!
أمال: (هزت حواجبها زعما بنيتك)
زهير: من نهار تجوجتك ونتي مفووورية من ****
أمال: أحاااي
زهير: ابردي وحوجي يااانا اما نتي جاية على ݣلبك عسيييلة..
ولييد: صافي خود معاك شي حاجة لهند
زهير: وااااه أمال تعرف واشتا تبغي تاكل.. (قطع معاه شاف فأمال) خودي لهند شي حاجة
امال: حتى هند كتبغي طاكوس وراه حتى شيماء معاها حم وحتى انا بغيت واحد اخر
زهير: تبااارك الله على مرتي لحبيبة ربييت الريش معاك بكري (شافها تصدمت) ههه غير كنظحك معاك
(عطاها بظهر جامع الظحكة) 4 طاكووس باش نشوفها ظاااحكة امحاااايني..
(تسناو الماكلة توجد حيت حيت خدا حتى لوليد ركبو فالطموبيل ونيشان لدار هند..)
~~~~~~~~~~~
شيماء: من بعد متسنات أشرف شحال مباااانش وحتى فالمحال التاني مكاينش رجعت للدار منكااااسرة شنو غدييير وفين تمشي فكرت تهرب ولكن دابا حااااملة هي متقدش على المسؤولية تفكرت لبنات للي كيولدو ويلوحو ولادهم لحمة مقدتش عليييها مطاوعهااش قلبها ديييرها… وفنفس الوقت معندهاش الكتااااف باش تخدم على هاد لكرش.. طلعت درووج مع دخلت لقات هند لابسة جلابة باغية تخرج غير شافتها وقفت
هند: فين كنتي
شيماء: (مقدرتش تهضر اصلا بالزز باش كتحرك)
هند: خضري ازمر فين كنتي واش باغية تحمقيني اشيمااااء عندااااك تقوليلي مشيييتي لحسن وقلتيلو راني صدقت حاااملة من شي واحد ومنقدرش نتزوجك نتا
أمال: (طرطقت عينها حيت كانت طلعو درووج هي وزوهير للي ودنيها ديما طااالقهم ماشي كيبغي يتصنت ولكن برابولات ديالو ديما شادين الرادااار)
حم صافي غير سييير نتا…
زهير: (متفااااجئ فشنو سمع..)
هند: دخلي اشيمااااء براامة غير حالة خووك لبارح منين سمع بفضيييييحتك حتى انا مسلكتش منك (زدحت لباب)
أمال: صافي انا نمشي
زهير: (جارها من ذراعها بشوية) سمعي أمل نتي جاية تشوفي صاحبتك وترجعي (حركت رأسها باه شدت من عندو الساشي وباينة الصدمة فوجهو.. طلعت وهو بقا منبعها بقات كدق وكنشوف فيه بحال كتقولو عفاااك سير هبط وففمو لا حول ولا قوه الا بالله العلي العظيم… حلات ليها هند ودخلات)
هند: تعطلتي
أمال: حيت وليد ݣالنا نجيبو ليك لغدا انا ندخل نسخن
هند: (بتنهيدة) دخلي دخلي (شيماء غير سمعت أمال جات بقات غير كتبكي شافت حالتها فين وصلات وشافت بنت عمها فين وصلااااات مقدرتش تخرج وهي متأكدة هند غتكون عاوداات ليها… دخلات ليها هند لمااكلة)
شيماء: ما فياااااش وعلاش جايبة هاديك باغيين تشفااو فية
هند: شكون فااقلك اشيماء باش نتشفااو كولي داابا راه أمال حتى هي غتعااون علاه ماشي خوها مولاها
شيماء: مبغيتهاش تعاوني
هند: مزال مبغيتي تنعلي الشيطان!!!
شيماء: (قلبت وجهها هند خرجت وجلست حدا أمال للي بحال ݣاع متغدات جلست حداها كتاكل)
هند: معرفت واش نقولها لوليد ولا شنو ندير
أمال: هند (حطت لماكلة) واقلة زهير سمع غواااتكم
هند: اويلي
أمال: والله
هند: صافي كملااات ولكن كنعرفو هو مووول لعقل يااك
أمال: (بتنهيييدة) وااه مبغييتش عمي ومرت عمي يتشوهو هوما ناس مزيانين غير الله يستر وصافي وحتى هاديك بقات فية… شوية
هند: اوديييييييي….
زهير: (راجع طريق كووولعا وهو ساااهي كفاش هاد لبلان ديال شيماااء كفاش حاملة ومتقوبة من شي حد ومزوجة لاااااخر متقوووبة وليها دوا شوية ولكن حاملة!!!! وليد عارفها حاملة ومخليها تزوج واحد اخر راااااسو تخربق ماشي ديال وليد وفنفس الوقت عرف علاش من لبارح ماشي هو هدااااك عذرووو حوايج بحال هادشي مكيتقااااالوش.. وصل للخدمة مباغييش أمال دخل فهاد تخربيييق صونا عليها جاوباااات)
فين نتي؟!!!
أمال: امم عند هند
زهير: داكشي للي سمعت نتي تكوني بعيدة عليه
أمال: (حشمت هند تسمعو) واخ ياله باي باي
زهير: أمل هضرتي منعاودهاش جوج مراات بقاي مع صاحبتك حتى الليل ونروحو للدار بزوج
أمال: واخا (قطع وشافت فهند) علاه متݣولهاش لهداك للي حملها تطلق من عند حسن ويتجوجو
هند: عرفتي شكون مولاها؟!!!
أمال: ششكون؟!
هند: خوك محمد ياله فكييها داابا
أمال: محمد خويا؟!! شوفي انا شيماااا راني مبقيتش نتييييق فيها من واااااهلي
هند: زعما تكون كتكذب
أمال: وعلاجه لكذوب شي حاجة جديدة عليها؟!!!
هند: معرفت اختي تلفت
شيماء: (خارجة صاعرة من بيتها محملتش الموقف فين تحطات وعاد أمال للي كتشفا فيها) شكووون نتي للي دخلي فشي حاجة دياااالي طوااال زماان المسخووطة حتى هي ولات تفتي
هند: (وقفو بجوج) واش نتي خاصك غير فين تغااااوتي معاها
أمال: (ببرود) خليها تنبح تمااااك حتى تشبع
شيماء: والله حتى نقتل مك شي نهار
أمال: هههه صرااااحة كظحكي والله فكي حرييرتك وعاد اجي قتليني شتي انا وكان كانت عندي أم بحال مك وخو بحال خوووك والله حتى نديرهم فعيني ونسد علييهم حتى جواج منفكرش نتجوج
شيماء: (بعصبية) ودخلي سوووووق *** ال*****
أمال: سمعي ساااهلة نتعاير معاك ونسكتك… والله حتى نسكتك من اول معيااارة.. ولكن رااعيت وجه عمي ومرت عمي وخووك وحتى مسكين داك الراجل للي مزوجاااه لا وعاد كتكذبي على خووويا
شيماء: ههه خوويا دابا عاد ولا خوووك نهار كنتي دعي فيه بلكسااايد مكانش خووك
أمال: لا مكانش خويا حيت كان متبع واحد المسخووطة واحد المووووسخة ونهار تجوج بمريم لاااالة لبنات ودار عقلو عاد رجع خووويا قااتلاك مريم بالفقصة باغية ضيعيييها عليها كما كنتي ديريلي ولكن انا هاد المرة للي نوݣف لييييك
شيماء: وݣفي باش ضوسييك الخانزة كوووولو يكون عند راااجلك
هند: سيري دخلي لداك لبيييييت ازمر
أمال: لا لا خليها تݣوليها لراجلي ههه نصوني عليه يجي ولا نديك نتي عندو ولا ندوزو ليك فالتيليفون
شيماء: (شافتها كتهضر بكل تقى يعني معاودة ليه كولشي) معاودالو حتى على السرقة
أمال: (ببرود) الا عندك شي دليل جبدييييه
شيماء: (بكترة العصبية) والله ونمشي فيها حتى نجرك معايا
أمال: كووردا يااانا باش تجريني انا نݣولها ليك من درك للي فجهدك ديريه مخيفاش منك سيري فكي راااسك وعاد دوري عند أمال للي واحلة ليك (دارت صبعها فعنقها) هنااا…
يتبع
التعليقات 0