ضربت 9 صباح كانت أمال دايرة ريفيي باش تفيق على حساب المعهد بحرا كتحل عينيها حيت مكينعسو حتى لفجر للي كيكون مع 6 شافت فهند مغطية راسها لبارح ضرها لحريق دلغيكل بزااف مقدرتش تنوضها وقفت مشات للحمام على ريوس صباعها قضات روتينها توضات ومشات صلاة وفصلاتها كتدعي يكون موقع ليها واالو ولكن داك الدم هو للي محيرها والثقة لكبيرة للي عند أنوار انه بالصح دخل علييها كملت ومشات لبست نفس الكيطمة باش مشات لبارح كتجيها مريحة مدارت والو فوجهها لوات شال عليها واول مرة غتزعم تخرج بووحدها خداتها تحدي بينها وبين راااسها هزت مونطو فيديها وودارت صكادو فظهرها للي فيه داكشي باش كتقرا.. لقات الحاجة جالسة برا حدا لباب مفرشة بوشروييط طالقة رجليها وسادة التسبيح
أمال: (تبسمت وباست ليها راسها) الحاجة صباح الخير
الحاجة: (باستغراب حيت مكيفيقو حتى 12) صباح الخير ابنتي
أمال: لبرد عليك هنا الحاجة
الحاجة: يعجبني نجلس هنا مرة مرة فين ماشية نتي؟
أمال: المعهد
الحاجة: بوحدك ابنتي؟؟
أمال: نخرج نشوف شي تاكسي
الحاجة: موحال واش تلقاايه ابنتي وحتى دراري مزال ناعسين الي يوصلووك
أماال: لا لا الحاجة معليش اصلا نتمشى حتى انا شوية شحال مخرجت تمشيت
الحاجة: اوا سيري ابنتي وردي لبال لرااسك
أمال: (تبسمت) براك الله وفيك الحاجة بسلامة (مشات كتشوف فدار الكاملة فين ساكن أنوار وكانت اول مرة تشوف فالدار ولكن ماشي خاايفة حاايرة تاايهة فدوامة دالأسئلة ولكن ماشي مرعووودة منو خرجت من لباب لكبير كيبانلها لفياااااا قليل ديور بحال ديالهم ومتجي توصل لدار اخرى حتى ضرب على رجل مساافة للحظة خافت وبغات ترجع) نهار زعمت زعمت على الخلا أحااي نرجع لجااع يشدني شي حد… لا لا معندو ميوقع اصلا رمضان هدا شكون يفكر يآذي… ببفف تجمع عليها الخوف وكوولشي وفالتالي خرجت وعينيها كيدوورو وحتى من الطموبيلات غابرين بقات ماشية وجميع الكواابيس كيجيييو فبالها شافت فالساعة لقات دازت نص سااعة ومزال موصلت حتى لرونبوان باش يبانو التاكسيات وغير يدوز شي دري ولا راجل كبير ولا صغير من حداها كتكمش مكتبينش ولكن من لداخل ديالها كتخااف وجميع السيناريوهات كيطيحو فباالها حتى سمعت كلاكسوون مجهد ضاارت بالخلعة لقات وليد وزهير وقفت وباينة فيها الخلعة حتى تقابلو معاها…
وليد: علاش خارجة وحدك؟؟
أمال: كان خاصني نمشي للمعهد وهند مريضة مبغيتش نفيقها اصلا منعستش مزيان وݣلت لقى شي طاكسي
زهير: طلعي ابنتي واش كاين شي طاكسيات فهاد صبااح ومنين لݣيتي صاحبتك مريضة اجي عند ولد عمك
أمال: (اول مرة يهضر معاها هاكا.. حلت لباب طلعت وزاد بيها)
زهير: (كانت مو للي صونات عليه غير عرف نوض وليد بالسيف عليه ضار شاف فيها) هضر معاك شي حد؟؟
أمال: لا
زهير: اصلا الصحرا وحميد زااهير شكون هاد لمهبول للي يخرج فهاد صباااح
أمال: هه (قلبت وجهها كتشوف حتى سمعت وليد)
وليد: حقا مبروك على خووك وخا معلمناااش حتى لبارح فالليل عاد مصونيلي
أمال: ههه بحالي بحالك حتى انا عاد سمعتها لبارح وماشي حتى منهم (لحسرة) نتا بعدا حتى صونالك
وليد: وااايلي خاافك تعينييه
زهير: (ضاير كيشوف طريق على اساس ممسوقش وهو دماغو شاد ورقة وستيلو وكيسجل)
أمال: ههه معرفت
وليد: تݣلب ݣلبة وحدة
زهير: (هنا تفكر فاش كان فصبيطار فاش مرضت مو وكانو لبنات وشوية جا محمد اللقطة للي أمال ختو ركبت اللور وشيماء ركبت حدااه بيناتلو كانت شي حاجة بيناتهم ووليد كيتشكى من محمد للي تقلب هاد الايام للي شيماء تخطبت لولد خووه يعني المسألة داخل فيها تمعشييق وعاد كان عارف محمد ديجا خطب شيماء ومعطوهاالوش بقا كيحلل ويربط الامور حتى وقفت الطموبيل)
وليد: هنا؟
أمال: واه شكرا اخويا صدعتكم (هبطت من الطموبيل)
وليد: لا عادي ابنت عمي.. مرة اخرى انا نبقى نوصلك.. شيماء مكديرش معاك ليكور؟؟
أمال: لا كدير بحالي كنتعلمو لفرونسي بجوج وهند كتعلم الطبخ ووالإسبانية
وليد: وعلاش مكتجيش
أمال: ها.. كتعكز وصاااافي هه
وليد: اممم ياله سيري دخلي
زهير: سولها معاش خارجة نجيو عندها
وليد: اه معاش خارجة؟؟
أمال: لا لا معليش نشد تاكسي
زهير: (طل عليها) معاش خارجة ابنتي
أمال: 12 ولكن بغيت ندوز لسيتي نجيب شي حاجة غير سيرو والله
زهير: سير نتا مع 12 نكونو هنا.. تهلاي فراسك وعنداك تمشي وحدك
أمال: (حشمت) بسلامة… (دخلت مع لباب سمعت الطموبيل تحركت وطلت برويييسها كظحك بعدا لقات للي يجيبها دخلت لداخل اليوم قرات ساعة ديال لفرونسي عاد مشات لقسم لخياطة لقاتهم بداو كملت الحصة معاهم مخيطة الكسوة لي كانت فصلات هي عادية ولكن عجبها الحال وحتى للي كتقريها عجبها الحال كما البقية للي قادوها مزيان خرجت فرحانة صونات عليها هند للي كانت فاقت شرلت دوا وشي عشوب تبختهم ليها الحاجة وكانت مزيان)
هند: واش نجي نجيبك؟؟؟
أمال: (خرجت لقات طموبيلة ديال وليد) لا راهم كاينين
هند: ههه اييه الالة وكان غير نضت مشيت معاك صباااح…
وليد: (فيه لموت دنعاس ولكن زهير شادو معاه بالسيف) مشينا؟؟
زهير: مالك مزرووب الطفلة بغات تمشي لسيتي ياااك!!
أمال: (حشمانة) لا لا ماشي مشكل
زهير: سير لسيتي (وليد مقلوب بنعاس صااك حيت كان قرييب مكملاش جوج دقايق بغا يدخل بالطموبيل ومخلاهش لعساس) صافي دخلتي نتي هاحنا نتسناااوك
أمال: (تحرجت) معلييهش غير سيرو
زهير: يا صاافي سيري قضي شنو خااصك وهاحنا نتسناوك (خرجت أمال ووليد تكا على لفولون)
وليد: ييييه ابا زهير سخيخ والدية مزياااان
زهير: ونخليو الطفلة كضرب لكيلوميطراااج الرجلة دلكارطووون
وليد: حنيييين امسكيين وهادشي مع كوولشي ولا غير معاها
زهير: بلع فمك وهنيها.. كفاش بعدا قضية عرس خوها وهي مفخبارهاش
وليد: كيف سمعتي حتى نتا
زهير: هادشي فشكل عندكم
وليد: شتي محمد رااجل معقول مزيان غير دماغو راه مݣلوب هاد ليااام
زهير: اممم… (خلا داك التحليل للي دارو فراسو ليييه ميمكنش يكولو راه ختك كانت تخرج مع ولد عمك واصلا مسوقووش فهاد الموااضيع… أما امال مشات لشومبرتها لقديمة حيت مزال عندها سوارت قلبت على كارت كيشي حيت حتاجتها بزاف مبقاش عندها ريال واالو ملقاتهاش لدرجة زعمت وقلبت فحوايج شيماء راه ديجا سارقة ليها فلوسها كان عندها ساروت بلاكارها قلبت تحت حوايجها لقات جوج جواياات جبدتهم لقات واحد مكتوب فيه أمال واحد مكتوب فيه والو جبدات لفلوس لقات 2500 درهم فجوا عرفت داك للي كان عطاها محمد باش تعطيها وهي لهفت عليهم ردت جوايات بجوج مقدرتش تاخدهم حتى تاخدهم وشيماء كتشووف وكارت كيشي مبانتش مبقالهاش رياال وهند للي كتعطيها وكترت رجعت لبلاكار هزت جوا ديالها دارتو فصااكها هازة كتافها بلا مبالاة) اصلا فلوسي هادو هي للي سرقتهم لي.. (رجعت لشومبرتها عودات قلباات حتى فواحد صوييك حتى كتلقى دوك لحوايج ديال ديك الليلة ملويين بطريقة عشوائية قلبت فسروال دجين لي تماك لقات بزطامها صغير للي فيه كارت ناسيونال وكارت كيشي فرحت بزااف كانت شااكة فشيماء داتو لييها قلبتهم لقات غير كارت ناسيونالي وهي كارت كيشي مكتحيدهاش من تماك حتى منين كتيري لفلوس فلبلاصة كتردهم ليها لقات ورقة مطوية صغيرة حلاتها لقاتخا مكتوبة بستيلو كحل *بغيتيها اجي طلبيهالي* مفهمت واالو ولكن باين هدا انواااار.. هو للي سرقها!!!) هااء هو عندو لفلوس للي معنديش لاش يسرقهالي الله ياخد فيه الحق كولشي بغا يسرقوولي (ناضت معصبة جمعت داكشي للي مكتحملش تشوف غبرت الصاك تحت لبايااص وردت لغطا للي نازل حتى الأرض هزت شي حوايج وخرجت كدعي فانوااار مبفااتش كتحمل فيه الشعرة ندمت ندمت ندمت حيت عطاتو فرصو يدخل لحياتها ويقلبها سفااعا على علااها كتر مكانت مقلوووبة خرجت عندهم لقات زهير واقف متكي على الطموبيل غير شافها مشا عندها هز الصاك للي كان خفييف..) لا لا معليييهش
زهير: اري لهنا.. باقا محتاجة شي حاجة؟؟
أمال: (تبسمت مجاملة) شكرا بزااف صدعتكم معايا فهاد صباح
زهير: (مجاوبهاش مشا حط داكشي فلكوفر طلعت هي بانلها وليد جابد عليها بنعسة فوق لفولوون طرطقت عينها حتى زهير خبط باب لكوفر للي تعكس زعزع فيها وليد طلع ركب لقى لاخر مضهشر خرج ومشا حل لباب على وليد) هبط اخويا مزاال باغي نعييش وندير لولاد
أمال: (غير كيقول لولاد كتفكر كلامو منبن قالها نوضي من لبرد راه مزال باغي لولاد كتبسم وتقلب وجهها)
وليد: (مشا ركب فالجهة الاخرى ولاخر صااك فجو ديال سكاات وليد ميت بنعاس وزهير مقطوع وأمال لكحت جاها لعطش وصلو أمال هزت صكادو ديالها وعطاها زهير صاكها)
زهير: منين تبغي تخرجي لشي قنت عيطيلي متعاوديش تخرجي هنا بووحدك
أمال: براك الله وفيك اخويا
زهير: لوااه بااك انا سيري خلينا نكملو صياامنا.. (شدت الشانطة ومشات من حداااه كطير….) ݣالك خويا من صباح وانا معاها ودابا خوويا (مع كان مقطوع) صبري نوري لجدك خوويا شحال تقاام علييييك… (مشا كينگر نوض وليد) نوض اخويا فالتالي ربحنا كلمة خويا
وليد: ههه مجات فية غير يانا.. (طلعو لدار زهير وكولها مشا جبد عليها بنعسة أمال امال لقات لبنات بداو يوجدو لفطوور…)
شيماء: (كتقاد فشهااوي وتقول مقداات ضرووري خاصها تخلي الكاملة تبغييييها) هند اجي ذوقيلي لحريرة
هند: بففف مرضتيني اهند شبعت قبل حتى مناكل معااكم (مشات ذاقت) مسوسة
شيماء: بفف خفت نزيد لملحة وتكون هي كتقلل الملحة
هند: وراه هي معرووضة لي عجبها تاكلو وللي معجبهاش تخلييه وزايدون طيااب زويين
شيماء: بالصح؟؟
هند: بففف شيماء اخر نصيييحة الكاملة مكتبغيكش بينتها ليك الف مرة انوار غير كيستااغل غباااءك وصاافي باغي يفقس أمااال لا غييير محدك فاللول متزيدييش تخسري راااسك
شيماء: (طلع معاها السم) انا عارفة شنو كندير
هند: نصحتك حيت ديجا دوزنا العشرة ودازت عشرة زوينة وبسبااب هادشي ديالك ضيعتي 3 ديال النااس متزيديش تخسري كتر
شيماء: كتهضري على محمد؟؟ ههه داتو غير مريم غبي ومع غبية لا هو كيحمر لوجه لا هي شي زيين راه كالوها الزبلة كتقلب على ختها فلبحر ومنين تلقاها تلسق فيها
هند: ههه هاد المثل راه عليك نتي اصاحبتي ههه بااز انا نقاد العصير راه بينا بزااف (خلاتخا ومشات كتقاد هبطت امال من سطح فين خبزت الخبز ورجعت طلعت كتجري جابت لاطة كبيرة ديال بسيطيلات صغار معمرين دخلت للكوزينة دردرت عليهم سكر كلاصي والقرفة وزوقاتو بوريدات منين بدا رمضان وهي كتعلم هاد شهيواات للي عمرها خلاتها مها طيبهم كملت وستفاتهم ف 4 طباسل جات هند قلات بغرير معمر بجبن غمساتو فلعسل ودردرت عليه بيسااش مطحون وستفاتو ف 4 طباسل شيماء بقات كتحط الزميتة وشباكية وبريوات وتمر والبيض وجبدت زلايف)
شيماء: انا نستف هادشي حيت انا للي كنعرف هادشي ديال التاويل (مشات بصينيتها وخلات لبنات كيضحكو عليها)
هند: عمرها تبدل
أمال: ههه وكان غير جات على هكا اوديييييي (شوية دخلت الكاملة) حم خالتي!!
الكاملة: سلااام تبارك الله عليكم (دخلت شيماء كانت ديجا تقادات حيت هدا وقت باش يجيو شعرها ديراه كوب شوفال ولابسة بيجامة زوينة ووجها ديجا مقدااه خفيف وخا عيات هند تحشيلها الهضرة راه رمضان هدا واالو… )
شيماء: خالتي لباس؟؟؟
الكاملة: لباس.. ونتي؟؟
شيماء: الحمد الله اخالتي اجي دخلي حدا الحاجة
الكاملة: اممم هادشي للي قاديتي لفطوور شيخك مياكل واالو من هادشي ضروري خاصو دوااز
شيماء: لا لا رااه مزال عاد كنحط
الكاملة: امممم (دخلت نزهة هازة جوج طباسل) الله يرضي عليك ابنتي (عرات على دوك طباسل كانو طباسل كبار عامرين ملاوي) جاب الله مرت لوسك طيبت دشي (شافت فلبنات) هههه كشتو ناس لقدام معزيش عليهم شهاوي دلوقت
هند: خاصهم يذوقو باش يعجبهم
الكاملة: اوا على الله بنتي شيماء سيري ستري شعرك راه رجال غيبقاو داخلين خارجييين (خرجت خلات شيماء كتغدد ولبنات غير كيشووفو)
هند: هدا راه غير الشونتيو اشيماء
شيماء: (الدخان خارج ليها من ودنيها ونيفها بكترة مكتصوط كملو لحطاان الطبلة كانت عاامر ومزوقة بلمزيان دخلت شيماء كانت مديراش الزيف كفتات عليها الكاملة جلسو وهو يأذن المغرب)
الحاجة: (بإعجاب كبير) تبارك الله على بنياااتي
الكاملة: (مكتقدرش دير تعاليق باايخة قدام الحاجة) الله يعطييهم الصحة
جهان: (كلات بسطيلة وزادت من داكشي كامل للي محطووط كتاكل بلهفة) هادشي زيين البنات
شيماء: ههه بصحتك احبيبتي الله يفكك على خير
جهان: العقبال لييك اختي
شيماء: (تبسمت) امين
الكاملة: وشووفلك بنات اليوم من شحال هادي يكولنا شي حد هكا نحشمو ودابا أمين ويلحنووها
الحاجة: وقتنا ماشي هو وقتهم كل جيل كيمشي مع وقتو هانتي شوفي غير شهااوي بكري كنا حدنا ملاوي بغرير بطبووط والا تهلينا نظيرو خبزة معمرة أما دابا عينك تشبع قبل كرشك
هند: فمك كيخرج منو غير لعسل الكببييييدة
الحاجة: ههه وكولو مرحبا بيييكم بنتي نزهة بنتي جهان مرحبا بييكم….
اب انوار: (كياكل وطالع ليه الدم كمل ودار اشارة بعينيه لزهير للي طلعو لسطح) سلاح تسرق منو
زهير: اشمن سلاح؟؟
أب أنوار: جويجات
زهير: ومعرفتوش شكون؟
أب أنوار: لا والمشكل وراقيهم مزال مخرجو من العماالة والا دار بيهم شي حااجة
زهير: انا للي غنمشي فييها.. فين كتحطو سلاح باش تهز هااكا
أب أنوار: سلاح مكيعرفو حد فين حاطيينو
زهير: اوا للي عارفو فين محطوط هو للي هزو
أب أنوار: وولادي لاش غيهزووه
زهير: اوا ولادك شوف لمن كيعطييو سرهم انا من شحال هادي كلتلك اخويا السر الا عرفووه كتر من جوج دالناس غير هلل بيه للدوار كااامل
أب أنوار: عبد الله وعبد الوافي نهار كامل وهوما يكلبو
زهير: غير يݣلبو انا شتهم كيفطرو معانا ناشطين بحال مخاصهم خييير
أب أنوار: تما..
زهير: سلاح خااصو يباان اخويا شوف مع ولادك لمن ݣايليين مرجعتش للمغرب اخويا باش نبقى طالع هابط فالمحكماات راه باغي نبدا مشروووع والسمعة هي للي غتخدم علية
أب انوار: (تلف) انا غنحرك التيليفون لصاحبي باش نݣولو واش نديرو شي سرتافيكة راه سلاح تسرق لينا
زهير: (غوبش حرك راسو لاه لاخر هبط منين سمع واحد من ولادو كيعيط.. هز باكية ديال لكارو جبد واحد شعلو كيكمي بشوية عاد كان ناااشط ضرووري متكوون شي حاجة تنكدها علييه ولكن شك عبد الله صاحبو من الجيران للي كان جدهم سباب فموت باااه… شم ريحة دلحراق طلع للكوزينة لقا الدخان خارج من لفراان حلو وهو الدخان دير بوووف بقا كينش بيدو وطفا الفران من لبوطة لتحت حتى سمع جرا جاي جيهتو كانت أمال شعلت الضو لقات دخااخن)
أمال: أحااااااااي (قربت شاااهقة وحشمانة دوك كرواساات رجعو حمووم شافت فيه لقاتو مغووبش) غير سمحلي عفااك والله نسيييتهم كنت هب….
زهير: (طلق التكشيرة من وجهو) هههه بعدا تعجبيني هاكا منين تبقاي مديماريا فلهضرة نحس برووحي عاجبني الحال
أمال: أحاااي (قالتها بشوية)
زهير: (خرج اللاطة) أبردي على هاد أحاااي دياالك
أمال: (بشالها ضرقات تفرنييسة شافت كرواسات للي رجعو جمر وهي تجمعها كتويل فنفسها.. شافتو حط اللاطة فوق لبوطاجي وكيهز دوك كرواسات للي كيخليو لحموم فصبااعو)
زهير: شي غوسيطا جديدة هادي؟؟
أمال: ههه ميحسابليش يتحرݣو
زهير: معلييهش غير مرة اخرى ردي لبال لبوطة ممعاهاش اللعب غير تكملي منها طفي البوطة عاد تحركي من حدااها
أمال: انا والله الا نسيت مكنتش بغيت نخليهم يتحرݣو
زهير: وراه خاايف عليك نتي ابنتي ماشي على لعجيين (شافها طرطقت عينها حنحن) سيري وكاان هبطي
أمال: (معوداتهاش معاه هبطت كتولول غاابو من بالها أما هو رجع كيفكر فحريرتو جبد تيليفونو وحتى هو حرك نماري لمعارف…)
أمال: (جلست حدا هند وخبراتها) لݣيتهم رماااد
هند: ههه الشووهة
أمال: الشوهة لكبيرة هي لݣيت زهير هو للي فلكوزينة كيتمنظر فداك لعجب
هند: ههههه (ظحكت مجهد حتى كولشي ضار عندها شافت فالتلفاازة) كيقتلوني بالظحك
الحاجة: الله يخليك ديما ظااحكة ابنتي
هند: اميين الحاجة ويخليك لييينا ويطول فعمرك
الكاملة: (غير كضور فعينها معاجبها حاال.. ناضو لبنات كيجمعو الدنيا امال للي غسلت لمااعن مسالاتهم حتى تهدات وعاد فايقة بكري)
هند: نطلعو لسطح؟؟
أمال: واه بغيت نيت نهضر مع مريم
هند: شتكم تصاحبتو
أمال: ظريييفة دابا تعرفيها وتبغييها
هند: ابدا نبغي وحدة كانت حاطة لعين على لكبيييدة ديالي
أمال: هادشي الا كان بالصح…..
هند: أبدا واش نبغي وحدة كانت حاطة عينها على لكبييييدة ديالي
أمال: هادشي الا كان بالصح!!
هند: كفاش زعما
أمال: (دارتلها اشارة بعينيها لشيماء) مبقيت نتييق فحد
شيماء: (عرفت المعنى عليها) زعما انا كنكذب ياك برااسك كنتي خايفة على وليد لا تهربلك بييه
أمال: (شافت فهند لقاتها كتقوس عينها فيها) يااا ختي سوووسة واش مكتمركييش أنا وليد مسكين مكان بيني وبينو غير الخير والإحسان
شيماء: واش علية امال؟؟
أمال: هه وااخا مرحبا بيك لعرسنا الصيف جاي مرتاحة!!
شيماء: اوا هكا نبغيك وكان درتيها من شحال هادي
هند: خاصك تشوفي طبيب اشيماء (خرجو كيضحكو وهي بقات كتقلى من ديما كيخليوها بوحدها بغات تبعهم حتى صونا انوار أبيل فيديو سدت لباب وطلقت تفرنيسة وجاوبااات لقاتو متكي فبلاصتو وغير ضو لفايوز للي شاعل مبين جنبو ليسر كتر)
أنوار: اححح على مك غير مكتزيدي تزيااني
شيماء: هه كتحشمني
أنوار: واايلي على كتحشمي راه رااجلك زعما.. بوحدك؟؟
شيماء: واه
أنوار: اوا غتبقاي خانقة راسك بداك لبنواار
شيماء: ههه (حيداتو مانت لابسة تريكو ديال بيجامة للي كانت كولوون)
أنوار: حطي التيليفوون نغم راسي بلطااي (دارت ككالها) دوري (ضارت كتعوجه وظحكختماتخا طلقت شعورها عايشة الجو اما هو عجبااه لطاي دياالها فالمقارنة كيلقى شيماء زوينة عليها بلطاي وحتى الزين أكترية لوخرا منين ضعاافت وعاد امال ضعييفة وكقالتلو شيماء على لكديرة وكتشرب بدوايات باش تصحاح جلست وشافت فيه)
شيماء: كتبغيني
أنوار: وشنو عااد خطبتك غير هكااك
شيماء: هند وامال كيكولولو خطبتني غير باش تفقسها
أنوار: هههه باش تعرفيهم غايرييين منك وحاسديينك
شيماء: (بدلع) نتا مكتعيطليش ومكتبغيش تخرج معايا كيكنتي مع امال
أنوتر: سيرة ديك الق*** متعاوديش تجبديهالي هادي اولا تاانيا واش نتي هبيلة خوك هنا فين غنخرج ونعيط ليك وهو ديما حدايا تاالتا ازيين رمضان هدا وانا مكنصبرش علييييك
شيماء: (مقتانعة) وحيت كنتوحشك
أنوار: اححح على مك نشدك نمحنك
شيماء: هههه امتى تافقتو لاكط
أنوار: مور رمضان هنا مكيبغيوش يطولو
شيماء: اممم غنولي مرتك
أنوار: وندير فر** مبغييت…
~~~~~~~~~~~~~~~~
أمال:(دارت برودوي فلاطة وخلاتو يكشكش باش تحكها وجلست حدا هند حيت كاينين جوج سداردر فلكوزينة للي فسطح مدات ليها الورقة) ها كارت كيشي عندمن
هند: (كتقرا) بغيتيها اجي طلبيهالي… ولد **** مجااش فبالي يا ربي تسمحلي كنت متأكدة شيماء
أمال: حتى انا شكيبت فيها ولكن كبيلة مشيت قلبت حوايجها وخديت واحد لفلوس ديالي للي كانت داتهملي
هند: للي عطاك محمد خوك؟؟
أمال: واه
هند: اوا على سلامة
أمال: اوا بديت نقلب واالو مجات فبالي نقلب فحوايج ديك الليلة لحكلة جبدتهم حيت راني مخبعاهم حتى كلقى فسروال دجين داك لبزطام للي كتكون فيه هي وكارت ناسيونال لقيت هاد الورقة
هند: هه حماار هدا من غدا غنديكلاريو لقديمة طاحت ويخرجولك جديييدة هدا يمكن حسابلو نتي عايشة تحت حجرة
أمال: (بفرحة) بالصح يعطيوني وحدة اخرى
هند: اااه علاش معرفاش هه؟؟
أمال: وباش نعرف اهند (بفرحة) كنت غنخليهالو الله يا ربي كولشي رجع يتقادلي
هند: اوا الحمد الله غير منين ظحكتي ليينا وفرحتي
أمال: (بتنهيدة مزال مبغاتش تقولها على تقاف حتى تأكد من مها واخا مكتقدرش تخبي على هند واالو)
هند: افين مشيتي!!!
أمال: مكلتلكش محمد غيدير العرس مور رمضان وانا خاص نمشي قبل
هند: وااايلي
أمال: (بحزن) معندي مندييير والله مباغيا نعاود نزطم تماااك
هند: ضرووري تمشي
أمال: ونتي؟
هند: غنمشي لفاس شنو نجلس ندير هنا الامتحانات حتى لشهر 6 وسطاجات هاني كندوز فيهم
أمال: ياله معايا نكملو العرس ونجيو
هند: ومك؟؟
أمال: محمد داك نهار دافع عليك وماما متقدرش تعاود من مورااه الهضرة غير ياله…
زهير: (طلعو لسطح) مزياانة بحرا ترتاااح مزياان وحتى نطاليا تعتااامد عليها
وليد: وااه كولشي عندها مظبووط ورقة وستييلو كتشد خلاصها والسلام عليييكم
زهير: اوا مزيان هانتا مرتاح ونيت حضر لعرس ولد عمك
وليد: ضرووري تجي
زهير: هبيل ولا شنوو!! نجي لعرس داك لبغل من داك نهار مبقات الشوفة طلع فييه دابا ولكيتو نخمج لمو كماارتو
وليد: هههه راه خوها اشريف
زهير: بزعطة غير خوها يضربها هكاك شماااتة يجي عندي ويشوف مع رجال ماشي يستقوى على طفلة
وليد: هههه لا باينة غتفااهمو
زهير: ومالي انا باغيه هو.. (نتر من لݣارو) ختو غندييها بغا ولا مبغااش
وليد: راه هو الكلمة فديك الدارش
زهير: على راااسو انا غير تݣولي وااه وتشوف الله يجعل نطيرو ركااابي فييها
وليد: (شافو بدا يسخن وتعصب) شوف محمد والله حتى جونتي راه غير جيتيه فبيريوود مكانش هو هداااك فييها
زهير: انا مكيهمنيش هو رله خاصك تشوف وجهها كمان وكترجف صفرة تكون يهودي دايز من كداامها وتمشي داافع عليها
وليد: راه مكندافعهش عليه راه بالصح كيتعداو على ديك لبنت ولكن نتا شفتي محمد شي يامات ككان كيبان فاللول
زهير: (نيشان) منااافق.. كاع ليعاملني مزيان الا مكانش مع ختو سكم
وليد: ههه شتي العرس والله حتى غتجي ليبه وماشي على قبل محمد
زهير: (نتر من لكارو) هنييينا اداك جغل…
(كانو متكيين كيطلو على النافورة وهوما كتحدثو بصوت عاالي لبنات للي مانو سمعو حسهم ضربو الطم وشمعو كولشي هند كظحك على تعابير أمال للي مصدومة فزهير وكلامو ودفااعوو عليييها)
هند: (بصوت خاافت) حبيبتو
أمال: ههه (معرفت متقول تفكرت أنوار لا علااقة بجوجهم شافوها هكاك غير أنوار ظحك علبها باستهزاء وهدادابز مع خوها ومزال كيحلف فييه من لفووق)
هند: (بصوت خاافت) والله حتى حبييتو
أمال: أحااي ووليد؟؟
هند: لا لا بغيت عمو زهير
أمال: (تفكرت راه عم أنوار وجمعت الضحكة) هو بالصح عم أنوار
هند: ومن بعد؟
أمال: نسييتي؟؟
هند: بفف (كتشوفها منطقيا واخا كان بالغصب عليها الا وقع للي وقع)
أمال: (مقدرتش تشدها عندها) انا مثقفة
هند: (باستغراب) كفاش؟؟
أمال: عرفت لبارح ماما تقفاتني فاش كنت صغيرة
هند: مفهمتش ازمر
أمال: (حشمت ولكن خاصها تشرح) للي كتكون مثقفةذ مكيدخلش عليها الراااجل حتى تفك ثقااف
هند: (تصدمت) بحال سحوور
أمال: معرفت
هند: (خبراتها فودنيها) اجي نهضرو لهيه هنا مصاالحش…. (دخلو للكوزينة طفاو الضو وبقاو كيتوشوشو) فهميني
أمال: راه كلتلك مريم كالتلي راه درنا لاكط شوية عيطاتلها خالتي وكانت حتى ماما مهم للي كالتلي حيدولها تقاف للي دارونا انا ويااها وشي بنات خلاتب اخرين.. سولتها كلتلها علاش غير باش نتأكد زعما كالتلي باش يدخل عليها محمد وأكداتلي الا محيدوش تقاف ميمكنش يدخل عليها
هند: يعني نتي!!!
أمال: شكيت بزااف حتى انا
هند: خاص نمشيو طبيبة
أمال: ضرووري (ظحكت باستهزاء) تخيلي يكون هاد لوقت كامل كيظحك علية ومعيشني فهاد الرعب
هند: هو وشيماء طاح الحك وصاب غطااه
أمال: غدا سبت وحد الاثنين نمشيو
هند: اوك غنديك عند صاحبتي
أمال: نااري نحشم
هند: نتي متهضريش خليني انا نهضر.. دابا كفاش قصة مك للي كتقلبك كل شوية وهي متقفااك
أمال: (زفرت) شنو ندير فتيحة هكا…
مريم: (كانت جالسة فبيتها كتقيد شنو خاصها فورقة) ماماااا أمال كالتلي لي بغيتو نكولولها تجيبولي معاها من وجدة
كريمة: هنا كولشي زين هي لباس ومتعرفش تلبسو بقالها غير تشري ليك جهاجك ابنتي
مريم: (بقات ساااكتة ميمكنش تقابح مع مها) واخا ماما (خرجت مها وهي شدت تيليفونها مسحت لميساج للي كتبت لأمال ومصيفطاتولهاش مسحاتو كاامل وجلست دايرة يدها على خدها كتفكر فمحمد للي مها سمماتتلها راسها علاش مكيهضرش معاك علاش مكيسولش فيك علاش مجاش يشوووفك علاش مخداش نمرتك دخلاتلها الشك فراسها واش بغاها من قلبو ولا بالصح منين شاف شيماء تخطبت تجوجها حست بإحساس خاايب متقدرش تكولو لشي واااحد ولا حتى لمها للي كتنوض فيها لفتييلة لداخل وفالتالي تختمها بعبارة والحمد الله بغاك نتي للي تكوني مولات دااارو كفاش من بعد راه تجوجك غي حيت شيماء تخطبت ويخليوها تحماق عاد يكولولها لا راه ختارك نتي تنااااقض كبيييييييييييييير)
~~~~~~~~~~~~~
اليوم الأحد….
أصبحنا وأصبح الملك لله
محمد: (صونا على وليد من بعد مكان مقاطعو شحاال حتى تهدن شوية عرف حتى واحد معندو ذنب ولا يد فهادشي من غير شيماء) فييين
وليد: اهلين اولد عمي
محمد: متجيييش؟
وليد: بغيتني نجي؟؟
محمد: وحتى نبفي نتا متجيش منك راااسك
وليد: هههه برد واش محتاجني فشي لعبة
محمد: صباح هدا اوليد الا كنتي تجي رجع معايا انا جاي باش ندي أمال
وليد: مفخباربش
محمد: ها هي فخبارك انا نيت داخل لوجدة
وليد: لبنت عندها امتحانات هاد الأيام واش فخبارك
محمد: ديالاش؟؟
وليد: فالمعهد للي كتقرا فيه دايرة فرونسي وخياطة
محمد: مكاتلي واالو معندها مدير بداكشي
وليد: واش بنيتك اصااحبي هضرنا فهادشي داك لمراات كواي فينك نتا نجي عندك الا فالدخلة راني قريييب ليك
محمد: ياله وصلت لبيااج
وليد: صافي انا غنخرج ليك فطريييق دار هاد الناس من هاد الجييه
محمد: اممم (قطع وكمل صوكانو)
وليد: (كان باقي فبلاصتو هو مكاين لا امتحان لا واالو معرفش علش كذب واش مسخاش بهاد الجو للي مع زهير ولا أكال للي بالصح كل نهار ماشية للمعهد مبغاهاش تمشي تكرفس تماك وهو عارف ومتأكد كفاش كتعاملها مها ولا شنوو!!!!…. ناض لبس حوايجو داز على بيت زهير كان ساد بيتو دق عليه والو حل لباب طل لقاه خااوي عرفو خرج هبط سد لباب حيت عاطيه الضووبل كان الجو زوين شميشة ولكن باردة شوية ركب فطموبيلتو ضرب الشوفة طموبيلة ديال هند فبلاصتها ديماارا وزاااد فين داير مع محمد حتى بانلو جاي بشوية على ليسر صونالو وحبس حداه هلط كما العادة بابتسااامتو ووقف على محمد للي ديما عاكدهم) فين اموولاي السلطان
محمد: (خرج وسلم علييه) لباس شنو عجبتكم الكلسة هنا جاتكم حسن من داركم
وليد: (حاس بيه غير كيدير عين ميكة) انا مع صااحبي زهيير
محمد: حتى ديك صحبة لكلب لاخر
وليد: علاش؟؟
محمد: راه كلتلك داك نهار
وليد: شنووف السيد ناوي المعقوول والله اخااي محمد متلقاو بحاالو
محمد: نبي عو باش ملقاش بحالو استغفر الله غير بحايد داكشي من بالو
وليد: وبرد اولد عمي
محمد: خليتو فيها شي ولد عمي ولكن معلييهش
وليد: داكشي مكتااب امحمد نتا عارف منقدر نعطيك منقدر نحايد لييك انا ولوكان تجي علية ختي منقدر نأمنها غير معااك ولكن لمكتااب هو للي كيتصرف
محمد: نسا هاد الموضووع انا دابا رااجل مجوج وعلى عنݣي مراااا
وليد: الله يسخر ليك اسيدي
محمد: كنصوني على أمال مكتجاوبش
وليد: 10 دصباح هادي راه غتكون مزالة نااعسة راك عارف لبنات بيناتهم كيسهرو
محمد: نمشيو نجيبوها
وليد: واش فري غتديها!!!!!
محمد: معرفت نشووووف
وليد: سيسبااانس زعما بعد من لبنت راه عندها امتحانااات خليوها تكمل بعدا غير هاد العام مضيعوهاش فييه راه والله حتى قراات وخدمت بذراااعها بزااااف
محمد: ياله نمشيو نجيبوها
وليد: (زفر) مضيعهااش امحمد (شافر ركب فطموبيلتو عصبووو ركب حتى هو وصاك قداامو باش يتبعو محمد صونا على زهير للي راه فالمشاكل ديال سلااااح) فييين
زهير: (معصب) وليد حتى روح للدار ونهضرو
وليد: صافي نيت راه ماشين لدار انا وخو أمال جاي يدييها
زهير: (زاد غوبش) يدييها فين يديها؟؟؟
وليد: ههه لدارهم.. ياكما تلفااتلك وحسابلك راك مجوجها
زهير: ولاش يدييها وكفاش يديها ناض صباح حلم بيها وجاي يديييها ولا كفاش!!! ولا جا يكمل عليها
وليد: نتوما مالكم هاد صباح غير لمعصب على خووه
محمد: (متبع طريق مع وليد وأمنيتو ميشووفش شيماااء….)
زهير: (حك فشعرو براس سارووت طموبيل) دابا شنو واش جاي فطريك؟؟
وليد: راحنا فداركم
زهير: بلاتي بلاتي انا جاي
وليد: بلا متجي الا كنتي غترونها اصااح (سمع طيط طيط زهير غير سمع حتى محمد جاي معصب جا فبالو غيضربها ولا جاي معصب عليها والا شنو باغيها مع 10 وحتى باش يجي يديها يكون قالها ليها قبل.. شاف فخوه) خويا انا مشييت
لكبير: خلي نشوفو شنو كاين
زهير: مكاين واالو عبد الله وعبد الوافي يردولي دوج جوج جويجاات للي مشاو حتى حد معارف بلاصتهم من غيرهم سولهم لمن عطاو سرهم ولا لمن باعووه (خرج ركب فطموبيلة ديال خوه نيشان لدارهم.. أما لوخرين محمد حلف ميدخل بقا برا حتى تخرج عندو ختو وليد صونا على شيماء هي للي كانت نسات مدارتلوش صيلونص جاوبات مكوخة بنعاس)
شيماء: امم الو خوويا
وليد: فيقي ءمال راه محمد خوها بغاها برا
شيماء: (غير سمعت محمد برا تضهشرت وخوفها منو يفرشها ولا يتلاقا هو وانوار) كفاش
وليد: كيف سمعتي فيقي أماال راه من صباح وهو يصوني علييها
شيماء: (وقفت كانت الطبلة بيناتهم مشات عندها كتزعزعها بشوية) أمااال أماااااال
أمال: (بحرا كتحل عينها) اممم
شيماء: خوك محمد كيتسناك برا
أمال: (فاقت مفزووعة) هااااااا
شيماء: خويا وليد للي كالهالي ها هو كيتسناك بغاك تهبطي عندو
أمال: (طيرت التيليفون لشيماء ودارتو فودنها بخوف) واش بالصح اخويا وليد
وليد: (مبغاش يعيق قدام محمد حس بخووفها..) اممم عادي انا معاك
أمال: (ردت التيليفون مفهمااش شنو بغا شافت راسها عيات تقوي فراسها ولكن الخووف منهم من ديما متكمن منخا وخووفها يرجعها معاه ناضت تحت انظاار شيماء جبدت عبايتها لكحلة موسعااش بزاف ولكن ممعيقاش دورت شال كحل عليها بلا متغسل وجها ولا فمها حتى طواليط ممشاتلهاش حتى تيليفونها مهزاتوش ياله جات تخرج وهند فاقت بصداعهم)
هند: (بصوت باح غالب عليه نعاس) فين ماشية أمال؟
أمال: (بخوف) محمد لتحت
هند: محمد!!! (جلست) اجي شنو جا يدير؟؟
أمال: معرفت (خرجت ناضت هند حتى هي لبست عباية بحال ديالها شراتهالها من فاس وخداو بحال بحال غير المقاسات للي مختالفة لوات شال عليها )
شيماء: فين ماشية
هند: نمشي عند لبنت مالي نخليها بوحدها
شيماء: راه ميبغيش يشوفك محمد
هند: محمد دم سنانو دابا هو نتي منصحكش تباني حداااه (خلاتها ومشات بالزربة تلحق بأمال…)
أمال: (خرجت لبرا لقات محمد واقف حدا طموبيلتو فظليلة كيهضر مع وليد حتى شافها بقات غير من لبعيد) سلااام
وليد: (خوها ومزعمتش حتى تسلم علييه هادشي للي كيكفرو على محمد)
محمد: جاتك الجلسة هنا حسن من داركم
أمال: (كضور فعينها وفنفسها ياك نتوما للي أمرتوني نجي هنا)
محمد: زيدي
وليد: فين غتمشييو (باتلو هند خرجت حتى هي لابسة بحال امال وفوجهها باين ممرتاحش)
محمد: ختي نشاورك اوليد فين غندييها
وليد: (مبغاش يضخم الأمر) لا غير بغيت نمشي معاكم
محمد: ياله مالي غنسمح فدمنا كدرتو نتوما
هند: حتى انا نمشي
محمد: (معندو حتى ضغيينة من جيهتها بلعكس هي للي حس بيها صاحبة أمال للي كانت معاها فدوك الأيام للي لدابا مزال تانيب الضمير كياكلو) مزال شي واحد اخر!!!
هند: (لسقت فأمال معارفينش فين ماشيين مهم ركبو معاه)
وليد: صبر نحد الطموبيل (مشا حطها كيظحك على هاد الموقف كولشي خايف على امال من خووها للي نورمال هو السند دياالها اما هو هاد الجست معجبووش وحتى خوف ختو منو خلاه غير كيزفر.. ركب وليد حداه وديمارا فطريق تصادف مع زهير للي جاي بسرعة كتر هو عرف محمد ولاخر ملاحظووش درب دوميتور وتبعو)
وليد: فين غنمشييو؟؟
محمد: لسوق الفلاح
وايد: باغي تقدا شي حاجة؟؟
محمد: (شاف فأمال من لمرايا للي باينة متبعة كلامهم مخلوووعة بابنة فيها صفرا من لبعد) أمال تشري لمرتي شي حوااايج (خلاهم غير كيشووفو فبعضيااتهم هند نغزت أمال كيتقرااو غير بعينيييهم وصلو لقاو الناس ياله كيفقتحو هو مولف بكري عندو هانية بحال رمضان بحال ليامات العاديين اصلا مولف كيصووم بلا رمضان ويخدم يشقى عندو عادي.. هبطو كولهم محمد مشا عند أمال وهند بقات لاسقة فييها)
محمد: مي مكاتلكش على جواج ديالي؟؟
أمال: (بلعت ريقها) لا كالتلي
محمد: اممم
أمال: مبروك علييك (مجوبهاش)
وليد: (دار اشارة بعينو لهند باش تجي طلقت من امال بشوية ومشا كتكحز حداه بشوية) متخافووش مغيديهاش
هند: (بشوية) قلتلك قبيلتكم قبيلة زانزااان
وليد: (هنزر فيها سكتت وقلب وجهو جامع الظحكة)
محمد: كاين شي حوايج غتكادهم ليها مي ونتي شري لي بانلك غتبغييه مريم
أمال: (بصدمة) واه هند ذوقها زوييين
محمد: للي بانلك دييريه
أمال: (مشات حدا هند اصلا مكتشوفش حتى فعينييه ومتساائلة واش فري عطاها هاد القيمة للي تشري لمرتو جهاج ومو زعما فتيحة عاارفة واش قبلات بهادشي وهي ديما كتعايرها بتبهديل زادو للحوانت ودراري من موراهم وزهير باقي فطموبيلتو كيفهم شنو واااقع) واش شتي للي شت
هند: بغالك تشري جهاج مرتو فتيييحة غتنتااحر
أمال: هههه نصوني على مريم نوريها شنو تبغي
هند: راه نسيتي تيليففونك
أمال: طلبيه لمحمد
هند: بنيتك!!! انا غنمشي عند خوك نكولو صوني على مرتك ونتي للي ختو تبقاي بعيدة
أمال: صافي بلاش
هند: لا لا بالصح قوليهالها باش مسكينة تختار للي تبغي
أمال: (ضارت عندو كتشجع راسها براااسها شافها بدوك لعينين للي كيخلعووها ومن ديما كتعيطلو بوعو بقات تسميها عليه من صغرها) حم نهضر مع مريم!!!
محمد: (معندوش نمرتها ولكن عندو نمرة ديال خالتو بعد من حداهم وصونا دغيا جاوباتو) الو
كريمة: (باستغراب) سلام ولدي محمد لباس عليك
محمد: الحمد الله اخالتي هاري مريم نهضر معاها
كريمة: (فنفسها وأخيييرا) واخا ولدي (مشات عندها لبيت لقاتها ياله كتفيق عطاتولها وكديرلها باشارة) محمد راجلك
مريم: (حشمت بزااف) حم سلام عليكم
محمد: سلام مريم (تبسمت أول مرة تسمع اسمها بصوتو) خودي نمرتي وصوني علية ابيل ڤيديو دابا
مريم: ها
محمد: صوني علية أبيل ڤيديو من تيليفوونك دابا
مريم: واخا (قطعت وشاف فمها حشماانة وفرحاانة وحااايرة) بغاني نهضر معاه من تيليفوني (هزت تيليفونها كتركب نمرتو تحت فرحة مها)
كريمة: واا شتي ݣلتلك نتي للي ختارك تكوني مولات داارو
مريم: اممم (هزت شال ودارتو عليها وصونات وهي ميتة بلحشمة واخا كتبغيه ولكن كتبغييه فسرها بلا حتى متشوفو طل عليها مغوبش) سلام
محمد: سلام ها أمال بغاتك (دوزو لأمال للي شدت تيليفون وبعدت)
أمال: (بابتسامة) لالة لعروووسة
هند: (كطل عليها مزالة هضرت شيماء فودنيها ديال كانت حاطة العين على محمد ووليد)
مريم: (حشمانة) هه نااااري
أمال: ههههه
محمد: اهياااااا (ضارت أمال حيت طلقت ظحكة مجهدة نسات رااسها دخلت لمحال وتبعتها هند)
وليد: بشوية عليها
محمد: ومال شنو شتتي كنديرلها ياكما كنعصييها
وليد: الا مزال فيك الجهد ضربها كضربتيها داك نهار
محمد: عاودلك داك الرعوااني
وليد: مالك معاه؟؟؟!
محمد: (حس براسو زاد فييه سكت) انا داك نهار مكنتش باغي نضربها جات فطريق وحتى هي كتزيد توقف خلاني مكنقشعش حدايا
وليد: غير باش تعرف زهير غيهز ختك فوق راااسو
محمد: ݣاد بختي منتسناش للي يهزها فوݣ راسو
وليد: الهضرة ولات عقييمة معاك امحمد
محمد: حتى نتا أوليد
وليد: نتا عارف معزتك كعندي وحتى زهير عشييري وخوويا نعيى نحسب ليك شحال من جيست دار معايا ونسى واخا داكشي للي كيديرو مكيتنساش وميتبعك ميحااسبك يبغييك غير طلع رااجل معاه
محمد: ويتحداني بختي؟؟
وليد: هو غير شافها هك
محمد: شااافها يعني بيناتهم شي حاجة؟؟؟ بربي حتى نحر والديبها واخا تهرب لطرف الدنيا
وليد: (عصبو) متأولش هضرتي لقنت اخر اش غيكون بينو بينها ختك الشوفة فيك للي نتا خوها ومكتهزهاش فيك احرااك تهزها فواحد اخر عقدتوووها ومزال تهدد فيها
محمد: سد هاد سيجي الله يرحم بيها الواليدييين وربح بهاد زهير للي عاد بان لبارح
وليد: ههه مغيااار راه حتى نتي عشيري
محمد: (شاف فيه مقوس عينيييه) نمشي نخلص
وليد: سييير من دابا ونتا تخلص
محمد: وسموووو عااد مرتي تلبس لمخير فالدنيا براااكة غير طلعت معايا بنت الناااس (رجع عندو) فلوس صداقها مبغاتش تشدهم ݣالتلي نتا أولا بيييهم أما أنا غير نضيعهم شكون ولات دير معااك هاااك….
أمال: (كتوري لمريم هي كتحشم ولكن طلقات معاها خداولها شنو بغات وحتى هي ثااقت فذووقهم مكانش عندها شي مشكل الا هوما للي شرااو ولكن هاد الخطوة من محمد خلاتها تحايد بززاف ديال الشكوووك فزواجها من ولد خالتها.. ومع هند مكتحشمش تقداو حتى داكشي ديال الملابس الداخلية وليغوب دونوي) هند جبتي كارت كيشي ديالك؟؟
هند: (ديجا هي هزت بزطامها) اه جبتها
أمال: حم (بصوت خافت) سلفيلي نشري ليها كادو على منجيب ديالي ونرد ليك كاع لفلوس للي تساليهالي
هند: ههه مرحبااا نمشي نتيري ونرجع حيت مهزاش بزاف.. واش بغيتي تاخديلها هدا للي عجبك
أمال: (تبسمت) اممم (كان غوب دونوي فلبيج شكلو راقي بزااف فلحرير طوييل مشبك فجناب بخويطات رقاق فلكتاف مشبك فظهر كامل وفيه فتحة فالوسط حتى للفخظ وبينوار ديالو) باقي خاصك شي حاجة اخرى امريم المكياج كامل غتاخدو ليك هند صاحبتي كادو
مريم: براك الله وفييها مسكينة عنداك متجيبيهاش معاك..
هند: (خرجت كتقلب على شي بانكة كانت دايرة تيجاري مالقاتش بانتلها غير الشعبي دازت من حدا دراري حتى تبعها وليد)
وليد: فين ماشية؟
هند: غير لبنكا كنت باغا نتيري
وليد: شحال خاصك
هند: لا لا راه الشعبي (مشات وهو تابعها وقفت وتبسمت) شي يهودي مات منين محمد دار مع ختو هاكا
وليد: (تكا اونفاص معاها وربع يدو) اودي هادشي سبابو داك الوسط فاش كبر
هند: (ركبت الرقم ديالها) حتى نتا كبرتي وتربيتي وقريتي هنا وتما (شافت فيه كتسنى يخرجولها لفلوس) وعقلك بعييييد على عقلهم (خرجو لفلوس شدتهم دارتهم فبزطامها وهو كيشوف فييها وخصوصا اخر جملة قالت)
وليد: (تمشاو حدا المحال) كفاش عقلي زعما بعيد عليهم؟؟
هند: (شافت فيه متبسمة) محمد وخوتو وخوتك نتا وديك العائلة كااملة نتا عكسهم (زادت دخلت وخلاتو برا متبعها رجع عند محمد للي هاز تيليفونو نوكيا صغير كيهضر مع مو وحلقها بح بلغوات)
محمد: يااا صاافي مرتي غنشريلها لي بغيت يانا
فتيحة: (لكحت) ياااك اولدي جهااج مرت ولدي لكبير للي خاص نكون حاضرة عليه حاجة بحاااجة تعطييه للبز
محمد: (زفر مخنووق) بسلامة دابا (قطع وشاف فوليد) هاد لعياالات والله حتى سوقهم خاوي
وليد: ههه سلااك وصاافي (شوية شافو لبنات جايين محملين مشا وليد هز عليهم داكشي) مقضيين السوق كامل
هند: كول لصاحبك يدخل يحط رزقو
وليد: كولشي عندكم سااهل الراجل يدمر عواام ويخسرهم فسااعة ديال التسوااق
هند: ههه نستاهلو
وليد: ههه جااات فينا حنا وفالتالي كولو ممزيانيينش
أمال: ههه (وصلت حدا خوها وجمعت الظحكة كانت جامعة كدوها خلاتو عندها حتى تعطيهالها بينها وبين راسها وحتى هند.. رجع ليها الخوف واش غيديها اليوم ولا شنو عندو فراسو)
وليد: رجعو للدار؟؟
محمد: اشمن دار؟ تاوريرت؟؟
وليد: لا الناس يتسنااو فيينا حشوومة
محمد: اش بينو وبينهم باش نمشي غنجلس مع فتااح هاد الليلة بعدا ونشوفو غدا شنو نديرو (شاف فختو) حتى نتي عرضااك مرتو
أمال: (مباغاش تكون معااه بغات تكون مع هند والحاجة راحتها لقاتها تمااك بزاف) خويا الحاجة اليوم بغاتني نكادلها شي حاجة ورغباتني علييها
محمد: ومن بعد!!
أمال: عقااك خليني نبقى حشومة نخليها عفاك اخ اخوويا
محمد: اممم (لاح داكشي فالكوفر وشاف فوليد) ها النيليفون بيناتنا غنمشي نكاد شي وراق
وليد: (حرك راسو باه) واه (ركب وزاد وأمال متبعااه فكرت مخسرش عليها حتى هاكي 50 درهم ولكن مسوقااتش مبغات لا فلوس لا اهتمام لا واالو منهم بغات غير تبقى بعييدة عليييهم وهادشي للي مخلي فكرة لهرووب تكبر ميمكنش ترجع لدااك الحبس مرة اخرى…)
وليد: (شاف فأمال) مغيديكش
أمال: بالصح؟؟؟
وليد: نتي تعرفي محمد لوكان بغا يديك مكااينش للي يحبسو
أمال: (بتنهيدة) والله عيييت اخويا منو ومن كوولشي تماااك
وليد: (قوس عينو) موليتش شفتكم مع شيماء
هند: شيماء مخطوبة داابا ميمكنش تخرج معانا كيف كنا.
وليد: (زاد قوس عينو فيها كتر) كيف كنتو؟؟؟
هند: زعما كنخرجو لقراية المعهد ترشق لينا نتغداو برا نخرجو نشريو حوايج مرة مرة هااكا
وليد: (كتعجبو صراحتها) وشنو داك خينا كيمنعها
هند: صرااحة معارفينش كفاش العلاقة بيناتهم شيماء مكتعاودش لينا ولكن كتحاول تفدا الخرووج وهكا حسن
وليد: علاش مشيان المعهد عييب هي اصلا لاش جات هنا باش تقرا وطور رااسها ولكن
هند: لمكتااااب
وليد: اممم ركبو (طلعو ركبو بجوج اللور رجع ماشريال من بعد مخلص لباركينغكانت باقا طموبيلة ديال زهير تماك تقابل معاه) هههه اسبحان الله
زهير: (حرك راسو باه وشاف فأمال) نتلقاو فالدار (وليد زاد كيظحك على زهير اما لبنات مصدومين من وجوودو وحتى هو رتاح نسبيا حيت مدااش امال.. صافي قتاانع هو غيهضر فموضوع امال رسميا.. رجع لبلاصة للي كان فيها قبل لقى خوه مزال كما خلاه)
لكبير: امدرا!!!!
زهير: نتوما للي امدرا (شاف فعبد الوافي للي كيتصرف ببرود) بغيت غدا صباح سلاحي يكون كولو حيت الرخسة غدا غتخرج
عبد الوافي: وانا منين نجيبو
زهير: (نفخ صدرو ووقف حداه قريب منو وعينو علييه بحال صقر) جيبو من عند ولد المعطي
لكبير: اش داه لولد المعطي؟؟
زهير: سول ولدك
عبد لوافي: راه نتا خو با ولكن انا راه كبر منك وحتارم لكبير علييك
زهير: لكبييير هو الله اولد خوويا تعيا تكون كبير وجيتي لهادي وتبرهشتي (تم خرج وضار) غدا نبغي قشي هنا (خرج خلا بااه غير كيخنزر شاف فولدو وشيد بعكاازو لضدر ولدو حتى طلعوولو لرقبتو)
لكبير: اش كيدير سلاح عمك لعند ولد القتاال
عبد الوافي: (بتوتر) راه غير يخربق
لكبير: يخربق؟؟ زهير لوكان ميكونش واااثق من كلامو ميكولوش
عبد الواافي: انا للي عطيتوولو على حساب شي صياادة ويرجعو
لكبير: (غوت حتى خرجو كشاكشو) وملكيييت غير ولد القتااال تعطيلو سلاح عمك
عبد الله: ولد القتال ولد القتاال ياك لاخر صفيناها لييه وتهنيينا وردينا حق خووك.. ولدو شنو دخلو ففعايل باااه
لكبير: دم خوويا مشا على يدوو ونتا تهضر وداافع على ولدو وتزيد تغاان معايا بحال لعياالات
عبد الله: ماالكم صوتكم من برا راه يتسمع
لكبير: دابا نبغي سلاح يرجع ونتا عمرك تعاود دخل فهادشي (خرج كاااعي مخلي عبد الوافي كااره زهيير أما لكبير خرج لقا زهير مودزال وااقف عاكدهم) وصلني للدار
زهير: (فتحلو لباب ردلاخر ركب وباينة فيه عياان ركب زهير خداه) نديك لطبيب
لكبير: ديني للدار
زهير: (ماهنى حتى دوز خوه للمستعجلات لقا الطونسيو طايحلو عااود وكولشي لاخر مقااد داه للدار) خويا انا مبغيتكش تعرف ولكن عبد الوافي عصبني لاش يعطيهم سلاح ولمن لهادوك راه فوكنا شفتهم كنشوف غير لغذر فعينييهم
لكبير: (حتى هو حار) عييت منفرقو اولدي علييهم والو واش بغا يتفرق عليهم
زهير: يتفرق واش نسا شنو وقع لبا لعمو ياك بسباب موت باانا كولشي تعذب داونا رزقنا وحتى ديك الأرض للي فيها هوما نصها ديالنا
لكبير: لا إله إلا الله حتى هو تعذب ولكن فراسو لعجين ميفرقش بين الصح ولي ماشي صح
زهير: مهم عرفنا بعدا راه موقع والو بداك سلاح يرجعو غدا نديرلو الترخيس ونبيعوه نتهنااو من هاد لحرييرة.. دحل نتا اخويا ترتاح (مشا وقفو لاخر مكيبغيش يبين الضعف فيه دخل لظارو نيشان لبيتو أما هو محدها حتى لجنان بقا جاالس تماااك…)
وليد: (راجع بيهم من الدار من بعد مشا تقدا تقدية محترمة مع لبنات للي عارفين شنو ناقص واخا حشمو منو ولكن عاونوووه) زوييينة يكون عندكم شيفور بحالي ضرييف
هند: هههه (هو كان ديجا قالها مكيحملش يكون كيوصل شي واحد ويركب اللور وهو بحال الشيفورعندو شافت من السرجم وفبالها واش درت بلاصتي عندو طريقة كلامو معايا ماشي هي طريقة كلامو معايا اول نهار حتى الشووفة شحال من مرة هزت راسها فيه لقاتو كيشوف ويهرب عينيييه وصلو للدار هوما هزو كادوياتهم وهو مشا للموفر لقا شي 4 ديال الصيكان كبار ديال مرجان دار يدو على جنابو لاكح شو من فوقاش فيقو محمد وهو تابخلو رااسو معااني وبزاف دار عيين ميييكا دوز نمرة ديال شيماء) هبطي عندي لتحت
شيماء: واخا خويا (لقات لبنات داخلين محملين كيظحكو) فين كنتو
أمال: كنا كنختارو شي حويجات محمد باغي يشرييهم لمرتو
شيماء: شنوووووو!!!!
هند: منقولكش شي بياسات خدا والله حتى طلع هاد محمد كيفهم خلينااه مشا يقاد لفيزا ليهم يمكن بغا يديها لبرا فشهر العسل
شيماء: هااااااااا (عاقدة حواجبها) محمد هدا!!!!!
هند: ويييه
شيماء: نتكلم لخويا ونجي عاودولي (لوات شال عليها مفهماش شنو تعاود ليها)
أمال: علاش كذبتي عليها ههه
هند: منعرف نفقسووها شوية ههه
أمال: ههه هبييلة
~~~~~~~~~~~
شيماء: (هبطت لقات خوها خاشي راسو فلكوفر كيجمع شي تخربيق طاح من الصيكان) خوويا وهادشي
وليد: (غوبش) عمر محمد جا عندك لوجدة وخرجتو؟؟
شيماء: (طرطقت عينها) ها
وليد: (زير عليها فذراعها) واش خرجتو؟؟؟
شيماء: أي اوليييد
وليد: (زعزع ليها ذراعها) هضري
شيماء: لا واش تكول اوليييد نتا عارف محمد معقد
وليد: كفاش معقد!!
شيماء: وليد شنو ندير يانا مع محمد واش امال للي كالتلك هاك
وليد: مزال نعرف حكااية أمال منك ولكن كفاش معقد واش كان بيناتكم كلام؟؟
شيماء: (شافتو زاد تعصب) والله اخويا مكان والو من للي فباالك نتا عارف محمد كان باغي يتجوج ومنين مبغيتش واكترية يمكن فاش تخطبت مرضاش ومشا تجوج ديك بنت خالتو
وليد: مكنكولكش عرفيني بييمن تجوج كنسول سؤاال واااضح واش كنتي تهضري معااه
شيماء: دابا غير طلق يشوفنا شي حد عفاك اخويا متشوهنييش هنا
وليد: (طلق منها) رجعت نشوهك اشيماء؟؟
شيماء: غير فهمني تشوفني شي وحدة تكول هادي معرفت شنو كدير باش خويا يضرب فيها
وليد: شيماء نعرفك كنتي تهضري معاه قبل نتفاااهم معاك مزياااااان وغنعرف غنعرف
شيماء: (بلعت ريقها وكتفكر فمحمد مستحيل يقوول راني خرجت معاها حيت حتى هو غيجبد على راسو صدااع…) مخرجت مهضرت معاه زعما كتيق فية
وليد: مزال غنغمض عيني وغنتيق فيك نتي ولكن نلقاك مخلوضة فشي حاجة متلومي غير راااسك
شيماء: ياااك اخويا (كتعصر دموعها) رجعتي تكولي انا كنخلوض
وليد: (غير كيشووف فيه حيت المباالغة للي فمحمد هاد الايام ماشي عادي بحال شي واحد شااارب شي شمتة ناااشقة) سيري طلعي
شيماء: (مشات كتبكي غير وصلت حدا لباب مسحت دوك دميعات للي شحال عصراااتهم وطلعت فدرووج كتحلف تعاير وتسب أما هو شاف زهير جاي جيتو هااز عصى وبحال معكز عليها دار باتسامة فوجو واصلا ظحكو المنظر ديالو)
وليد: با زهير!!!! سمو دلعصى
زهير: هادي باش فنعطي لداك خونا الا مبعدش من ختو
وليد: ههه واحد وختو ونتا اش دخلك بيناتهم
زهير: (حط يدو على قلبو) دخلني هاد لكافر بالله..
وليد: هههه زيد زيد تعاااون (هزو داكشي طلعووه للدار)
زهير: (حنحن) السلااام عليكم
الحاجة: (كانت فالصالة ناضت) دخلووو مرحبااااا
زهير: وليد تقدا باش نزيدو نخليوه شي يامات معانا
الحاجة: (حشمت) ابرديييي
وليد: هههه هانية الخاجة ولفت هاد جغل وهضرتو
زهير: اهياا حتاارم رااه كنزينو منظرنا (دارلو لشارة لبيت لبنات)
وليد: هههه لا حولة (وصل حدا الحاجة باس ليها يدها وراسها)
الحاجة: علاش علييك اوليدي كولشي راه موجوود
وليد: مدرت والو الحاجة راه داارنا حتى انا
زهير: (دخل للكوزينة لقا لبنات تماك كيبداو شنو يديرو فلفطوور) السلام علييكم
الكل: وعليكم السلام
زهير: (شاف فامال نيشان) خاصكم شي حاجة
أمال: (كيجيبلها الظحك دارت شالها على فمها)
هند: كولشي كاااين اخويا
شيماء: (شافت وليد بان اونفاص معاها ولكن مدخلش.. حنات راسها ودخلت ديك لكصة للي مخرجة.. خرج زهير ودا معاه وليد ومشاو لجنان ديالو كيقادو فيه شي ضو باش يضويوه أذن المغرب دوزو نهارهم مزياان الا شيناء للي بقا فيها الخلعة ديال وليد للي بين ليها غير شوية من الأعصاب للي فييه)
وليد: (كيصوني عليه محمد) انا غنخرج عند محمد تمشي
زهير: (كيشرب اتاي) بقالي غير داك خينا
وليد: واش نتا باغي تنااسب ومن اللول م*** معا خوها
زهير: سيير سيير عندو (خرج وليد وزهير حتى هو تبعو ياله بغا يخرج ووهو وصل لوسط الدار كيسمع فظحك لبنات مبانش ليهم حنحن من لبعييد) راه قاديت لجنان الضو الا بغيتو تخرجو تسرو رجليكم فيييه أما (سكتو سمعوه خرج كيهز فسرواالو كيف عادتو واخا ميكونش طايح مشا نيشان لدار خووه لقا الجو مكهرب زفر ودخل لعندهم) السلام علييكم
لكبير: دخل اولدي
أنوار: فين نتا مبقيتش تبان من نهار بان نسيبي ونتا هارب
زهير: وهانتا كلتيها نسييبك سول فيه نتا وزايدون هو جا حيت صااحبي قبل ميكون نسييبك
أنوار: اممم شنو غتخرجو عاود
زهير: (شاف فعبد الوافي للي مطيح عينو) فين داكشي ديالي
عبد الوافي: ياك درتي معايا فصباح
زهير: اييه حتى دا كلام
لكبير: جلس بعدا
زهير: غنمشي نصلي ترااوح
لكبير: وا صبر نمشيو بجووج
زهير: نتا راك عيان اخوويا
لكبير: لا لا راه شربت دوا مزيان صبر لبس بلغتي ونجي لكااااملة جيبيلي سلهاامي (جابتلو الكاملة السلهام بلا حتى متهضر مع زهير للي ممسوقش ليها وفااااخر اهتماماااتو مشاو يصلييو اما لبنات ناضو جمعو الدنيا صلات غير أمال اما جوجات غيكلي والحاجة كتصلي جالسة كملو جميع الدنيا قادو فلو وطويجين لدراري حيت كيبغيو يتعشاو خلاو منقوووووووص عليه لبسو عليهم مزيان وخرجو لجنان شعلو الضو وبقاو كيدورو كان قاد الدنيا مزيان وداير حتى داك لخيط ديال الضو للي فيه بولات صغااار بالألواان فالأرض وكانو 4 دلكراسا تمااك)
هند: احححح الله على جليسة شحال كتحمق
الحاجة: (عاجبها الحاال اصلا أي حاجة كيديرها زهير كتعجبها)
امال: بزاااااف
شيماء: انا جااني لبرد
الحاجة: سيري لبسي أبنتي واجي
شيماء: نمشي بوحدي؟؟
هند: بزاف اختي باش رجعو معاك حتى للدار من لهيه قلتلك لبسي عليك مزياان
شيماء: بفففف خرا
الحاجة: (غير كتشووف بعينيها مكيعجبهاش تصرفات شيماء شي مرات ولكن كتحسبها مزال عقلها صغير بقاو مدة حتى ناضو لبنات كيمشااو ويتصورو شافت شيماء زهير جاي من لبعييد امال مشافتوش كانت كتبوزا ككتوريها هند وتصورها)
هند: تبوزاي ازمر ونتي بحال شي وصلة
أمال: ههه كندير
هند: نقزي هه
امال: ههه (دارتها ليها على قد فمها نقزت دارت حركة برجليها تعكلها خيط الضو برجليها جابها طايحة على ركبتها والضو طفااا)
هند: هههه ويلي على بغلة دارتها بالصح
أمال: (كظحك من قلبها) هههههههه (حتى هند وشيماء كيضحكو وقفاتها شيماء)
شيماء: (شافت فزهير للي كيشوف فيهم ويتبسم وشافت فلبنات) هند صحيبك جا (ضارو لبنات بجووج هند خرات بالظحك وأمال حشمت حتى غرقت وقفت وجرت هند تابعااهم شيماء)
زهير: درك تسمعيها تݣول أحااي مات أحاااي هههه
الحاجة: ههههه مسيكينة حشمت
زهير: هه رووح نݣادو
الحاجة: ديني معاك اولدي راه جاني لبرد وخاصني نشرب دوا نتكا شوي (جا وقفها وتسندات عليه ماشي معاها شوية بشوية شافت فيه باينة باغي امال وحتى هي رجعت عندها عزييزة كانت بغاتلو هند حيت عفوية ولكن حتى أمال محبوووبة) صلي اوليدي صلاة الاستخارة
زهير: (باستغراب) كيف!!
الحاجة: على أماال
زهير: ههه سااخية بوليدك الطالبية
الحاجة: ههه علاه صلا فيها شي عيب
زهير: هههه (تفكر من نخار شافها وهي يا تهرس يا طيح يا يدابز… جابلو الظحك) خفت نصلي صلاة الإستخارة ويطيح علية شي سݣف هه غيير خليني هاكا مزيان تكون زيينة ولا ما زينااش داايها داايها…
شيماء: (تابعاهم كتمووت بالظحك) هههه منرضهاالكش كيشوفك صاحب للي كيبغيك هكاا هههه انا بغيت غير نفهم واحد الحاجة زهير شحال كان يتبع فيك فاللول ودابا رجع مع هند
هند: ههه بحال أنوار فاش كان مع أمال ولاحتو ودابا معاك
شيماء: هاهاها نتي غير كتقرطسي فية ولكن معليش كنبغيك
هند: وݣاع لا
شيماء: كنهضر معاك بالصح واش أمال متݣوليهاش لخويا؟؟
أمال: (فيها لفقسة ديال الطيحة) شنو نݣولو بالظبط واش على راجل ختو ولا على صاحبو؟؟
شيماء: كفاش على أنوار وتقدي؟؟
أمال: وشنو ترضايها على خوك يتجوج وحدة كانت مصاحبة مع راجل ختو وكان يتبع فيها صاحبو؟؟
شيماء: ونتي اصلا كنتي معقدة مع جوج
أمال: شكون ݣالها ليك نتي عارفة فاش كنت نخرج مع أنوار شنو كنا نديرو؟
شيماء: (بغيرة) انا عارفاك متقدي حتى تبوسيه
أمال: اوا راك معارفة فية وااالو
شيماء: كفاش دابا؟
أمال: سكتيني اشيماء
هند: هههه عادي ازبل
أمال: معااادي والو اهند
شيماء: عادي حيت اصلا نتي مدرتي مع أنوار والو ومتصاحبتيش مع زهير
هند: (شافو فيها بجوج وتشاوفو بيناتهم) قربتي تعبديييه
أمال: ههه
شيماء: (بتنهيدة) كنبغييييه بزااف كنتمنى غير نهار للي نتجوجو فييه نتسراو بطموبيلتو نخرجو على برا نمشيو فينما بغييينا
أمال: (نفس هاد الجملة كانت تقولها لشيماء على أنوار.. تحسست نبضات قلبها مكيتهز بحب ولا بغييرة فقط بشمتة من كلب كانت حاسبااه رااجل تبسمت وشافت فشيماء) بصحتك بيه اشيمااء من قلبي والله
شيماء: يعني سامحتيني؟؟
أمال: مااااا صراحة مكتعنيلي والو باش نسمح لييك
شيماء: وليد ݣبيلة ولبارح سولني عليك ݣالي مال لبنات مكيعاملوكش مزيان
أمال: (بتنهيدة) متستاهليش أخ بحال وليد وأم بحال خالتي نعيمة
هند: لبنات سدو الموضوع غيجي شي وااحد ويسمع هادشي
شيماء: رجعتي قاسحة أمال
أمال: وشنو نفعني داكشي قبل بنت عمي للي كنت معتابراها كتر من ختي طعناتني فظهري
هند: ها الضو رجع (كان قادو زهير) صافي هنييونا السيد يقدر يجي عند مو وبراسها الحاجة تسمعنا.. أماال هاد الموضوع ساليناه داك نهار منين شيماء دارت الخاتم ديال داك لكلب
شيماء: متكوليش عليه كلب
هند: واخا ماشي كلب حيت الكلب ومعرووف عليه وفي ومكينساش صااحبو نقولو عليه شماتة مزياان!!!
شيماء: كولو للي بغيتوو انا بغيت دابا منكم رجعو كيف كنا
أمال: لا
شيماء: عفااك امال على الأقل قدام وليد ياك هو عزيييز عندك بزاف
هند: (سمعات شي حد كيهضر) ألبنات هنيبونا امال صافي او موان حدا الناس نديرو موااقع واالو
أمال: (مجوباتش الصوت بدا كيقرب حدااهم وحتى هوما خرجو من تمااك كانو من مور شجر حتى بانلهم أنوار وزهير محملاتش تشوووفو أصلا غير غتشد ديك الشهادة من عند طبيبة غتخبطهالو على كماارتو مصااب غير يوقف معاها الله فهادي.. شافتو قرب حدا شيماء)
انوار: لباس عليك؟
شيماء: (تبسمت) لباس الحمد الله ونتا؟؟
أنوار: الحمد الله اجي نورييك شي حاجة
زهير: فين؟؟
أنوار: هه وراه غير هنا اصااحبي وااايلي حتى خطيبتي منتمشاش معاها شوية ونهضرو مغنبعدووش راه جنان كولو لامبااات وضاااوي (تمشات حداه شيماء ولبنات بقاو كيشوفو وأمال همها غير فشوهة ديال الطيحة والضو لي طفا شافت فيه لقاتو متبع أنوار بعينيه وشافت فهند لقاتها كتميق)
زهير: (ضار لقا أمال كتشوف فيه مع قشعها مع قلبت وجهها) جلسو رتاحو
هند: (قطعات داك سكات ومشات جلست باش تزعم امال وتجلس) تسخسيييخة هاد نهار دوزها علينا خووك أمال
زهير: (شاف فيها جلست حتى هو هز كرسي بعدو من حداهم شوية وجلس) معلييهش بغا ختو تقداالو وتختار معااااه ياك امل؟
أمال: (شافت فيه) واه
زهير: قليل شي واحد فاش كيدير مع ختو هكاك
أمال: (هو عاد كان كيهدد فيه داك نهار ودابا كيدافع علييه شافت فهند)
هند: محمد باغي يتقرب منك ولكن معارف كفاش طريقتو مستفزة ولكن النية كاينة هههه
زهير: ههه (شاف فأمال وجمع التبسيمة) ولكن انا عندي النية والطريقة والنتيجة وللي بغيتي نتي غير كولي واه..
أمال: أحااي (قلبت وجهها)
زهير: أمل (قوس ظهرو وشاد وضعية ديال راني كنهضر بجدية معاك)
هند: حم انا نوض نشوف هنا
زهير: لا خلييك مجاتش نجلس معاها وحدها اصلا هاد لجلسة ومليقااش أما الا نظتي غتلݣايها سبݣاتك
أمال: عفاك راني نحشم
زهير: بغيت غير نسمعها منك
أمال: مصاالحش
زهير: سمو للي مصالحش؟؟
أمال: (وقفت) صافي نمشي
زهير: (بهدوء) جلسي أمل (جلست) بغيتي وقت باش تفكري؟؟ معايا مغيخصك خير.. (دار صبعو بإشارة مورااه) جوج ديور ختاري فين تبغي تعيشي فراش ختاري للي بغيتي للي طلبتييه يحضر لييك (شاف فيها مقوس عينو كيلعب بلسانو فوسط فمو عاد كمل كلامو..) عجبتيني نهار اللول وكملت منين عرفتك شكون نتي منبغيش نكتر معاك كتر من هااكا فلكلام حيت كل كلام وقتو، الخلاصة فكري مزيان ابنت الناس شاريييك وباغيك تكوني حلالي اليوم ݣبل غدا ولكن ضروري نعرفك نتي بااغية
أمال: (غير حانية راسها مقدرتش تشوف فعيينيييه حتى سكت حسابلها ناض هزت عينها لقاتو مزال كيشوف فيها رجعت حنااتو شنو غتقوول راه ميمكككنش وهو تماك بقا عااصر عليها حتى نطقت هند)
هند: سمحلي نتدخل واخا ممنحقيش
زهير: الا تنفعيني دخلي بلا صباط
هند: ههههه أمال والله حتى حشمانة متقدرش تقولك شي حاجة راه نهار عرفتها انا للي بنت وكانت تحشم تهضر معايا لداابا باقا هكااك مع الناس
زهير: الحشمة زييينة ولكن انا باغي المعقول ميمكنش نخطب بنت الناس للي عارف غيعطيوهالي بلا شوار ولكن هي مباغاش
أمال: (بقا فيها الحال وغوبشت)
زهير: وسمو امل نخبطك بلا منشاورك؟؟
أمال: لا
زهير: ردي بالك راه التالتة دلمرات للي كتݣولي لا نفهم لا نيشان
أمال: (ضربت الطم)
هند: (تبسمت شافت فيه غياكلها بعينييه ديك الشوفة للي كيشوفها فيها ديال واحد وااكل جواانط علييها.. تمنات وليد يكون حتى هو كيبغيها هكاا تموووت معاه فأي حااجة غير يبغييها) ماشي شي لاااااا غير لا ديال الدلع
زهير: (صاحبتها وعارفة مشاعيرها) ياااك!! نتي غير قبلي ودلعي حتى تشبعي عمرني نعيى منك بلعكس غير هو نبغييك تكووني كما شفتك نهار اللول
أمال: (حابسة التبسيمة.. نهار اللول شافها فلكار كتبوس فالجاج ديال لكار)
زهير: لا ماشي داكشي للي فباالك انا بغيت غير نشوفك ظاحكة ونااشطة اصلا غير كنشوف ديك ظحييكة كتزهى الدنيا عندي
أمال: (واالو مكتجاوبش)
زهير: يا ختي وشحال مقشااشة فلكلام.. (وقف) خاصكم شي حااجة
هند: براك الله وفييك اخويا
زهير: هانية أختي.. أمل خاصك شي حاجة؟؟
أمال: (حركت راسها بلا) شكرا أخويا
زهير: (غوبش) عااود خوويا!! من صباح وانا نخطب عليك حلقي نشف معاك ونتي تكمليها بخوويا
أمال: (بلا متحس) وحتى نتا ݣلتيلي ختي
زهير: (هز حاجبو) هاااااه ݣولي هكاااك (رجع جلس) زيدي شنو اخر مبااغاش وسمو مكيعجبكش؟
أمال: (رجعت حنات راسها وطرطقت هند كظحك للي مجلسها زهير سيف عليها تفرج وحتى هي عاجبها الحال تشوف صاحبتها للي تكرفست بزاااف فحيااتها وجاءها الفرج عبارة عند زهير رجولة وشهااامة خاصها غير تفكر بعقلها هاد المرة)
هند: ههههه داابا اخويا زهير تعطييك كلوتها ومتجاوبكش
زهير: هههه الله يخليها بصحتها أنا بغيت غير تشوف فيينا
أمال: (تبسمت وشافت فييه) عفاك راك تحشمني
زهير: واخا لالة نخلييك تجلسي مع صاحبتك وانا نمشي نطلع لسطح نجلس بوحدي
هند: (بلا متحس) فين وليد
زهير: (وقف) مشا يتلقا مع خو امال (شاف فيها) هاني مشييت (تبسمت وقلبت وجهها مشا من حدااهم حتى شافو تعكل بغا يطيح غير شد رااسو هند دارت يدها على فمها كاتمة الظحكة امال امال تصدمت مع جامعة الظحكة ضار عندها متبسم وكمل طريقو جامع الظحكة)
زهير: ݣالك نصلي صلاة الإستخاارة لوح راسي من سطح ومنصليهاش…
—————————–
محمد: شتكم نيشان عجبااكم الجلسة تماااك
وليد: (عاودلو على المشكل للي وقعلو وكفاش صوفاه زهير) طلعلي كولشي تماك فرااسي وجيت بغيت نرتااح وانا زهير عشيييري متفاهميين بزاف ونتا ماشي ف موورالك للي نجلس ندي ونجييب معااك
محمد: فموراالي وطووب كاع
وليد: واخا فموراالك
محمد: (جبد كارو كيكمييه) انا نعطيك شي حاجة من لفلوس ردهم ليه
وليد: مبغاش يشدهم داابا وبسبابي المحال مغيفتحو حتى لمور لعيد
محمد: نجيك نيشان كنت عارفو راجل مزيان ولكن باش يتزلل على ختي منقبلهاش
وليد: ختك بغاها لجواج ابنادم وبكترة معقدتوها مبقات تحمل جنس رجال
محمد: كالتها ليك؟؟
وليد: وعلاش عاد تحتاج تكول كولشي بااين ابن عمي شوف غير صباح مقدراش حتى توقف حداك تسلم عليييك بحال شي حد برااني واش هادشي مكيضركش فخااطرك
محمد: (سكت بقا غير كيمكمي حتى كمل الكارو وحطو فالطفااية)
وليد: شنو قصة الكارو للي من لفاك محطيتو فمك
محمد: دابا سموو فوكاش غترجع متكلش غتمشي ومتحضرش العرس
وليد: الله اودي عرسك ومنحضرش نحضر ونشطح كاااع
محمد: اممم مرحبااا
وليد: غدا غترجع؟
محمد: لا مزال هنا كنكاد شي ورااق
وليد: وياله تمشي معايا
محمد: لفين؟؟
وليد: عند صااحبي راه واخا هكااك كالم واالو تجي
محمد: ابربي منزطم تمااك بقالي غير تمااك نمشي
وليد: رااسك قاااسح اصااحبي
محمد: (وقف هاز سوارتو وحتى لاخر وقف) هاني مشييت
وليد: لوطيل؟
محمد: واه اوطيل ****
وليد: غدا صباح نضرب ضويرة عندك
محمد: (حرك راسو باه ومشا اما وليد غير تبعو ركب فطموبيلتو ومشا تبدل بزاف مكاانش هكااك كان كيعاود يهضر أما دابا كتحسو غير معصب ركب وليد فطموبيلتو داز خدا لبنات كوفر ونيشان للدار…)
~~~~~~~~~~~~
أنوار: (مسح حدا شنافة ديال شيماء) هانتي تعلمتي تبوسي
شيماء: هههه كنحشم
انوار: ههه لا باااينة فيييك ونتي قربتي تغتتصبيني هنا
شيماء: تءءءء أنوااار
أنوار: زيين دأنواار.. سمعت داك خينا جا صباح هنا وهز ختو
شيماء: واااه مفهمتش انا مبغااش ينسى ولا كيتبووهل
أنوار: ياكما زلل عليك؟؟
شيماء: لهلا يحييييه باش خويا يذبحو وأصلا عرفتو كاين مبغيتش نهبط عندو
أنوار: ونتي لاش كنتي تخرجي معاه
شيماء: امتى؟
أنوار: واحد نهار
شيماء: اااااه داك نهار فين كالتها ليك أماال باز والله مكتحشم انا فكيتها منو وبقيت معاه غي حيت كندخل بخيط بيض باش تبقى وشو هي شنو جات تكولك
أنوار: ونتي تجلسي معاه وعارفااه كان باغي يخطبك
شيماء: اوا نيتي كانت زوييينة حسابلي نساا وحاسبني ختو
أنوار: مبانلييش هو عينو فييك وخوك عينو فختو مشابكة عندكم دايرين فيها حجابي عفتي ونتوما للي عرفكم مكاين غير الله يعطيك صحييحتك
شيماء: حتى أنا؟؟
أنوار: نتي مرتي وحبيبتي كنهضرعلى التباااقي
شيماء: خويا وليد راجل الا دار شي حاجة مع امال جات معاه
أنوار: معندييش مع داك خووك
شيماء: علاش هو مدار ليك والو
أنوار: بلا ميدير ممقبوولش عندي وصاافي وحتى هاد الجلسة للي جا هنا شنو معنااتها حاضييك؟؟
شيماء: لا هو جا على حساب زهير
أنوار: اممم زيدي نمشيو حدااهم بلا ميجيو هنا انا غنمشي نضرب شي دويرة حدا دراري
شيماء: بقا معايا محد خويا مكاين
أنوار؛ وصاافي ازين راه جلسنا هضرنا غدا ونتشاوفو وفالليل هاحنا كنتميسجااو راه مساخيش بيك ولكن منبغيش لكلام على الزين ديالي
شيماء: (كتفرنس) واخا….
هند: ههههههه (كتموت بالظحك هي وامال داز من حداهم أنوار كملو ظحكهم للي بقى منوي) ناري غنموووت
شيماء: (جلست حداهم) مالكم كظحكو؟؟؟
هند: هههه غير شي حاجة
أمال: ههه أنا نمشي جاني لبرد
هند: اممم لبرد
أمال: باااز (وقفو ووقفت حتى شيماء)
شيماء: غيرشفتو ني جيت بغيتو تنوضي
هند: ياله حتى نتي (مشاو مع وصلو لديور دخل وليد تلاقى انوار خارج بطموبيلتو وقفو اوطوماتيك نزل ومد ليهم الساشية بابتسامتو المعهوودة.. وهي كتشوف فيه)
شيماء: اممم جبتي لي كيعجب امااااال (هو عارف عاد الطريقة متخفااااش عليه خنزر فيها مبغاش يغوت عليها حدا لبنات)
شيماء: سعداتك الالة أماال
وليد: براااكة من تبرهييش نتي
شيماء: (مرضااتش وخرجت عينها)
وليد: سيري طلعي (مشات بالزربة من تماك مرضيااش)
أمال: (حشماتها حدااه ووجه وليد للي خلاها متجاوبهاش) حم شكرا خوويا
وليد: (طلعلو الدم) ماشي مشكل (شاف فهند للي كتشوف فيها ومن عينيها كتحسها فرحاانة مكيعرف ميقوول حدااها) قاريين غدا؟؟
هند: اه
وليد: مزيان الا بغيتو نوصلكم
أمال: لا معليهش اخويا نمشيو بطموبيلة ديال هند
هند: (خنزرت فيها) ضااعت يااك قلتلك لبارح ضااعت
وليد: (تبسم) شنو ضاع فيها؟؟
هند: لموطور سكت مبغا ينوض
وليد: هه (ظحك قالب وجهو) واخا غدا نشوف معاها
هند: (بابتسامة) اوكي
أمال: (غير كتشوف)
وليد: ياله سيرو راه برد الحال
هند: بسلامة (هزت الساشية) وشكرا (تمشاو غير وصلو حدا دروج) سمعي اديك لبقرة باغا تخسري زهير وتخسريني حتى وليد
امال: شنو درت؟؟
هند: منين يكوون وليد كيهضر سكتي خليني نهضر أنا واااه واش انا كنتسنى غير الفرصة ونتي كتجي الوسط
أمال: هههه صافي انا ساااكتة غير مكانش كيسحابلي طموبيلتك ضايعة
هند: (شافت فيها زعما بنيتك)
لا حولة (طلعو للدار لقاو شيماء معصبة مسوقولهاش كلاو داكشي تسحرو كما العادة وكولها مشات تنعس)
~~~~~~~~~~~~
أصبحنا واصبح الملك لله
هند: (مضهشرة بنعاس ناضو لبسو حوايجهم وشيماء ناعسة بصوت خافت) هزي كارت ناسيونال معاك عاقلة على السينياتير للي درتي فاش فتحتي لكونط؟
أمال: واه درتو باين (هزو صيكانهم وخرجو دازو على الحاجة سلمو عليها وخرجو) خفت محمد يكون باقي
هند: موحال ياك هو قال غير يشري خوايج ويرجع وحتى مك مجبوبتيهاش فلعشية نعرفو واش مشا ولا لا
أمال: وكان جاوبتها تسمعني شي هضرة للي نمرض بيها بلاش راه مريم صيفطاتلي مسكينة كالتلي خالتي راها معصبة شوية وراسها كيوجعها باينة معجبهاش الحال للي نشري يانا جهاااج
هند: كما قال زهير دارها زوينة
أمال: اودي واش جابتو المحنة حيت خويا ولا جا باس يوري لشيماء راه زعما مهلي فمرتي
هند: موحال محمد واش مسالي هو لهاد تبرهيش
أمال: اصلا ميهمنيش
هند: (لقا وليد داير نظاظرو واقف حدا الطموبيل ديال هند فرحت بزاف وتبسمت مشات عندو) علاش عذبتي رااسك
هند: علاش عذبتي رااسك
وليد: لا.. صباح الخير بعدا
بجوج: صباح لخيير
وليد: حلي الطموبيل نشوف شنو فيها
هند: (طرطقت عينها حيت الطموبيل صحة سلام هي كتمووت على طموبيلتها وفعاد اللحظة كتمنااها تخسر حلاتها وطلعت باش تحلو لكابو.. أمال غير كتشوف حلاتولو وهو بقا كيشوف)
وليد: (قلب فيها الزيت لما لقا كولشي هو هدااك) ديمااري
هند: (ديمااراات وهي تخدم عادي ولمشكل حتى لمازوط عندها لبلان طلات عليها براسها) يااه داك نهار كاع مديماراات
وليد: (قوسح حاجبو فيها) وايلي؟؟؟
هند: اممم (رجعت خشات راسها غمضت عينها حتى نزل لكابو لقاها هكاك غير شافتو تبسمت) خدمت؟؟
وليد: كنساااالك هاد النوضة فصباااح.. خرجي نوصلكم انا نيت باغي نصووك هاد البخووشة
هند: ههه (خرجت) والله مدرتها بلعااني
وليد: (ركب) عارفك مديرتيهاش بلعاني (سد لباب وشاف فيها) درتيها بالصح.. طلعو وكاااان (طلعت أمال كظحك وكتمنى من أعماااق قلبها وليد يتجوج هند تستاااهل ديك بنت الناس وحتى هو يستاهلها معرفت علاش جا زهير فباالها وتبسمت كلامو لبارح تصرفاااتو فشكل حتى شافت هند بكل جرأة طلعت وركبت حدااه ديماارا وزادو فطريق كيهضرو ويجبدو موااضيع فكوولشي سيااسة أوضاع الدنيا وهي قلييل فين كتعرفهم علاش كيهضرو وصلهم للمعهد) فوكاش كتساليو
هند: حتى ل3
وليد: بزااف من 10 ل 3 واخا تكونو كتصنعو النووي
هند: لا حيت غندوز لبانكا على حساب شي حاجة ونرجعو للحي وخاص نمشي لواحد المصحة نحط سيفي ديالي
وليد: كنعرف واحد المصحة كانت خدامة فيها واحد لبنت الله يرحمها
هند: (بتوتر) شكون؟
وليد: مصحة ***** (نفس المصحة للي كانت فيها هند سطاج)
هند: اممم اه دابا نشووف
وليد: غنكونو انا ومحمد نييت
أمال: هو ممشاش؟؟
وليد: كالي مزال شي ياامات ياله سيرو بلا منشدكم اري نمرتك باش منين تساليو صونيلي باش نجيكم (هند عطاتو نمرتها شاف فيها وكتب عليها hinda) ياله باش منشدكمش غتلقاوني غير هنا كندوور (دخلو بجوج ضاربهم الضو وغير كيتشااوفو غير مشا) نااري واش شك فية غيثة وكفاش الله يرحمها
أمال: ومحمد للي باقي كينديرو نمشيو طبيبة؟؟
هند: نأجلوها على ميمشي خووك راه عقل لاروووب يمشي يتبعنا ولا معرفت
أمال: (بتنهيدة) ولبانكا؟؟
هند: عرفتي اجيو نمشيو داابا لبانكا نطرقو بعدا هاد لبلان بلوكي لقديمة حتى تخرج ليك جديدة وخرجي لفلوس للي يقدوووك
أمال: (بتنهيدة) الليل كامل وانا نزيد فراسي باش نمشي لطبيبة ودابا بففف بالصح محمد هنا خليه حتى يمشي (خرجو كيتسلتو ضربو شوية ديال طريق حيت أصلا كاين قريب لسيتي دخلو شدو النوبة كانو جوج قدامهم وصلو عند ديك لبنت للي سجلات لحساب لأمال)
هند: كانت تجلات ليها كارت كيشي واش ميمكنش تبولي لقديمة وتخرجيلها وحدة اخرى
….: واه ممكن عطيني كارت ناسيونال ديالك
أمال: بغيت نخرج شي فلوس محتجااهم
…: وي بيان سييغ غير خاصكي تسني نفس السينياتير للي دايرة قبل
أمال: بغيت نجبد ستين ألف ريال (لوخرا ناضت كتقاد فالمسائل جابت الورقة باش تسني)
….: سيري لكيشي باش يعطيك لفلوس ويتأكد من السنية ومارت كيشي شي سيمانة تكون عندك
أمال: شكرا اختي (مشات أمال وقفت عطاتو الورقة لليفيها 3000 درهم)
….: لحساب بقات ليك فيه غير 501 درهم…
أمال: (مفهمتش) كفاش!!
….: نتي طلبتي 3000 درهم ولحساب بقاتليك فيه غير 500 درهم ودرهم…
————–
وليد: (نيشان لوطيل فين كاين محمد بقا جالس فوسط الطموبيل جبد نمرة هند للي دخل صونا طلعت بسميتها قلب على نمرة غيثة ماشي هي اصلا غيثة من نهار قالها أنا فالمغرب طفات ديك النمرة مشا لداك المصحة والو مكايناش شي وحدة باسم غيثة تمااك وزهير اكدلو داك نهار للي جات وحدة سميتها فاطمة ماشي غيثة.. هبط عندو محمد عيا يقلب حتى بانلو فوسط طموبيل صغيرة حمرا ماشي نفسها للي كان كاري حنا طل عليه ولاخر خبط الزاج) صباح لخير
محمد: وهادشي؟؟
وليد: ديال هند صاخبة لبنات وصلتهم بيها صباح للمعهد
محمد: اممم ياك هي كتعرف تصوك
وليد: غير تعطلو والطموبيل خافت تبقى بيها اومباني مهم مشبكة وصاافي نتا صافا!!
محمد: الحمد الله نزل نتحركو من هنا
وليد: طلع فهادي خفيفة وزييينة
محمد: (طلع ركب بقا كيشوف فالصالون مولفش لحديد صغير) غنتحشموو بهاد لبرويييطة راها باينة دلبنات
وليد: هههه واايلي حتى نتا..
محمد: زيد وكان ل….
~~~~~~~~~~~~~~~
….: نتي طلبتي 3000 درهم ولحساب بقاتلك فيه غير 500 درهم ودرهم
أمال: (ماستوعبااتش كلامو بحال دخل من ودن وخرج فودن اخرى) لا لا عفاااك غير عاود شووف انا راه حطيت فلوس بزاف (ناضت هند حداها حيت بانت فأمال كاين شي مشكل غير وصلت حداها)
هند: مالكي؟
أمال: (عينيها مطرطقين فحالة الصدمة) فلوس مبقاوش
هند: كفاش مبقاوش راه ملاين هادوك.. عفاك شوف فلكونت ياكما عطيتيه نمرة غالطة
….: ياك أمال لقرشي؟
أمال: واه انا واش مبقاليش لفلوس انا كنت دايرة فيه 10 دلمليون
…: (شاف فالشاشة قدامو) لمدة 19 يوم كان السحب كل نهار تقريبا
هند: فأشمن وقت زعما نهار بالظبط؟؟
….: من 20 شهر 1 ل10 شهر 2 يعني شي 17 اليوم قبل
هند: (شافت فأمال للي باقا مصدومة والدم هرب من وجهها) لوقيتة للي كنتي نتي فتاوريرت
أمال: انا مهزييتش راه شي واحد للي شفرني
هند: عفااك واش ممكن تشوف لينا من أشمن بنك كيتيرا منو
….: الا كانت شي مشكلة سرقة نعيطو لبوليس حسن
هند: (شافت فأمال بجوج بيهم تاالفاات) وااخا نهضرو ورجعو عندك (جرت أماال للي غير مجرورة مصدوومة ومزال مبغاات تييق خرجو لبرا) أماال تواااكضي معايا واش ديكلاري بأنوار؟؟
أمال: (شافت فيها وطلعات معاها شهقة ديال القهرة) واش صافي بالصح مشاواي فلوسي؟؟؟
هند: (لحسرة على صاحبتها) تسرقو ليك
أمال: (بقات كتبكي حتى صوتها كيعلا والشهقاات كتشهقهم حتى كيمشيلها الصووت وفمها كيبقى محلوول وهند كتبقى تزعزع فيها حتى رجليها فشلو عليها وجلست فالأرض كتخبط ففخاضها.. هاد لفلوس كانو هوما طريق. كانو هوما اااااخر حل بقاالها باش تعييش بييس وتهرب من كووولشي من مها باها خووتها شيماء أنوار شحال وهي تجمع فيبهم وتخاااطر برااسها باش فالتالي يطييرو ومن شكوون!! حنات عندها هند للي عينيها عمرو دمووع بقات فيها أمال وحسات بالشمتة حتى هي)
هند: شوفي فلوسي خودييهم نبيعو طموبيلتي اصلا مي لالة مخليالي فلوس بزاااف خوديهم غير مديريش فرااسك هااكا
أمال: (كتبكي على الشمتة والفقسة ومتقدرش حتى تغوت وطااالب بحقها شافت فهند) خداالي كوولشي علاش طمعلي حتى فلفلوووس؟؟ منين جاه لكووود دياالي!!! (بكات بحرقة دايرة يدها على وجهها) علاش اشيمااااء علاااااااااااش؟؟؟
هند: شيماء؟؟؟
أمال: (بقات كتبكي مرة الناس يتجمعو وغير هند للي كتفرق وهي جالسة فالأرض ودايرة يدها فوق وجهها كتبكي بكل حرقة أنوار شمتها 3 دلمرات المرة اللولة ظحك عليها فحبو المرة التانية نهار تكرفس عليها وخطب شيماء ودابا فلوس.. لفلوس للي كانو املها الوحيييييد وقفاتها هند بالسيف عليها)
هند: علاش كتفقسي فرااسك لفلوس ساهلة ترجعييهم
أمال: (صوتها طاغي عليه نبرة لبكى) كندير اهند وانا غنجبد على راسي غير صدااع بجوج دوك لكلاب خططولها مزياان
هند: (بقات ساكتة كتشوف فأمال لفلوس غير سرقاهم لخوتها شنو ما كان الداافع ولكن كيتسماو سرقاهم وهوما معرفينش عندها كونط وعاد شكون للي سرق صاحبها لقديم للي دابا خاطب بنت عمها يعني غتشري عليها فضيحة وحتى ويرجعو لفلوس من بعد هاد لفضيحة مغيبقا عندهم حتى شي أهمية بلعكس عاد غيديوهم لييها جراتها عنقاتها كطبطب عليها) نعطيهمليك غير براااكة عليك من لبكى
هند: نعطيهملييك غير برااكة عليك من لبكى
أمال: (بقات غير كتبكي) كتساليني بزاااف اهند منين نجيبهم لييك
هند: مبغييت واالو انا بغيتك غير تسكتي من لبكى
أمال: (غير مكتزيد لبكى ديك الحرقة للي فيها معرفتش كفاش طفييها)
هند: امال شوفي فية (حست بيها كتفشل جلسو فوق طروطوار) شنو بغيتي نديرو ونديرو
أماال: (مغددة) بغيت نقتلهم بجووزج بغيت نضربهم بغيت شي جنوية ندخلها فيهم بجوج بيهم عندهم فلوس علاش طمعو فية أنا
هند: متاكدة شيماء للي تكون عطاتو لكود؟؟
أمال: (مغددة وكتبكي) ومنين عرفوو؟؟
هند: نتي مخليتيهش فشي ورقة ولا قوليتهلي
أمال: (حركت راسها بلا وبقات تبكي لكحت) كنت معولة عليهم بزااف هءءءء
هند: نوضي ندخلو لسيتي
أمال: (هزت راسها لقات شي ناس كيشوفو فيها) راني نحني هنا باش تشوووفو واااااااااا بعدووووو مننننييييييييي
هند: صافي صااافي امال نوضي معايا (وقفت معاها ومع كانو قراب دخلو وامال غير كتجر رجلييها) شنو لادريس للي عطيتيهم باش يبقاو يصيفطولك روولفي
أمال: عطيناها هنا ديال السيتي
هند: تسناي انا جاية (أمال جلست فالارض الدوخة شدااها ولبكى محبسااتش منو كل مكتسكت كطلع معاها الشمتة والتخوييرة وتبظا تبكي وتلالي… اما هند مشات كتقلب عند العساس على بريات لبانكا للي قليل فين شي وحدة كتجي تقلب علييهم جابت ديال امال للي كانو شي 5 دلبريات واخر وحدة هي المهمة حلاتها وهي راجعة عندها لقات تهزات ليها 8 دلمليون ونص ومل نهار كانت كتجبد 5000 درهم من بنكة فوسط لمدينة سبت ونعلت فيهم بجووج صونات على شيماء والو مجاوباتش عرفتها غتكون ناعسة صونات على أنوار واالو مكيجاوبش.. مشات عند أمال لقاتها جالسة فالارض وخاشية راسها بين رجليها للي مكمشاهش مشات نوضااتها وطلعو لفوق)
هند: واش نجيبلك تشربي
أمال: (بحرقة جابت كاشة وتلاحت فوق لباياص دايرة لكاشة علييها كتبكي وتشهق وتلوووم فراااسها على كووولشي للي دارتو وللي مدارتووش.. اما هند جلست اونفااص معاها معرفت مدييير راه الا ديكلارااو غتجبد عليها صدااع وعاد محمد للي رجع غير معصب كتر من للي كان وخاص امال غير فين تغلط باش يندمها والا مديكلارااتش الشمتة والحكرة عمرها تبرد لييها حطت راسها فبلاصتها لوكان جات عليها حقها والله متسكت عليه ولكن أمال مشكلة ديال داارهم خلاو يديييها مكتفييين أنوار لعبها مزيان وعرف أمال معندها مديييير برايها تفقست ومكرهتش نمشي تهبطلو وجهووو… مشات كتزعزع أمال للي ميتة بلبكى…) أماااال نوضي بعدا نمشيو طبيبة محد لحال مزال وداري ملهيين علينا كنعرف وحدة قرييبة من هنا دغيا دوز ليييك ونرجعو شووفي لفلوس متفكرييش فيهم مدااو غير خلاااهم بجوج وحتى حاجة مغخرج ليهم مقااادة
أمال: (حسدت الكاشة) وانااا!!
هند: قلت ليك نديكلارييو انا راه خايفة عليك نتي
أمال: (مسحت دمووع من عينيها) شنو بقى متخاافي الله ياخد فييهم الحق منقدش نشوفهم اهند ونبقى حانية الرااس عييت بحنياان الراااس بغيت نمشي من هنا ميعرفلي حد فين راني
هند: ياله نمشيو طبييييبة أمال محد باقي الحاال
أمال: صافي لفلوس مشاااو؟!!!!
هند: لفلوس كيمشيو ويجييو ياله نشوفو المهم
أمال: (ناضت فشلانة وفنفسها كتقول وااش مزاال غنزيد نتصدم ولا صاافي حيت عيييييت ومبقاالي جهد.. خرجو من تمااك كانت11 تمشاو غير شوية وطلعو فشي عماارة أمال مكتقشع واالو غير ضباابة وعينيها منشفووش دخلو لقاو كاين شي نسا تماك جوج حاملات وكرشهم كبيرة ووحدة لابسة جلابة وكتبان صغيرة جلسو حتى هوما هند باينة فيها معصبة وأمال كتر مرة تمسح دموعها مرة تسهىىىىىىى بقاو شي نص سااعة وجات نووبتهم حيت هند قالت للي فالاستقبال غير كشف سرييع دخلو عند طبيبة وأكيد هند هي المتحدث الرسمي ديال امال)
هند: بغينا نشوفو نوع البكرة ديال ختي حيت العرس قرب وحنا ماشي من هنا فهمتي بغينا نخليو عندنا الشهاادة راكي عارفة العقليات ماشي كولشي بحال بحال… (رحبات طبيبة بالفكرة واخا كتشوف أمال مخلوعة وعاد دوك دموع خلات الشك ليها حيت مسوقهاش مدام غتخلص على خدمتها) زولي سروال ديالك انسة وطلعي فوق لبياص…
———————————-
أنوار: (فاق على لغواات عاود فصباااح عيا يكاابر يرجع ينعس ووالو مجاهش نعاس تنتر ولتح لكاشة) تفووو صبحنا على موولانا حتى حد مبقى مرتاح فهاد الدار (ناض من تماك جار بنطوفتو مشا للحمام قضا روتينو الصباحي توضى صلى لبس حوايجو هز سوارتو ونزل لتحت ملقاش صداع) نزهة شنوا واااقع على بونبيييير؟؟
نزهة: معرفتش اخويا عبد الله وعبد الوافي كانو بتغاوتو جا الحاج ومشاو لجنان
أنوار: اممم (مشا لجهة جنان بانلو باه هاز عكازو كيشير بيه وخوتو حانيين الراس قلب الدوورة ما فية للي يسمع شي صداع ولا يشركو معاهم ضرب على طموبيلة ديال هند وللي كيهز زهير مكاينينش) اودي حاااادك فية غير يانا (مشا لطموبيلتو بافتخار حيت معتابر راسو بووحدو لولد الوقت وعايش العصر ركب وزاد نيشان للهري اللهم تماك ولا هنا للي مبقاش كيحمل يجلس فييه مع وصل لقا شي خدامة فمحال زهير باينة كيفينييو برا وكيكتبو سمية ديال المحاال دخل لقاه معلق فيلوم كيلسق ثريات حيت ديجا عندو الخبرة وخدم فهادشي مع شي محال)
أنوار: اتبارك الله عليك
زهير: (بلا ميشوف فيه حيت مركز مع تريا للي فيدو وكولها كريستال) الله يبارك فيك
أنوار: ههههه يا خويا وشحال مقشااش جيب معلم حرايفي يكاد ليك دشي
زهير: سييير قضي صواالحك وقيلني علييك
أنوار: هههه ها هو ماشي….
~~~~~~~~~~~~
أمال: (غمضت عينها والدمعة نازلة ليها علاش وصلت لهاد لموااصل يا رييت وبقات فداك الحبس وميدووزش عليها هادشي هي بغات غير تنفس وتعيش كنا عايشة اي بنت تقرا وتحب أي وحدة دوزت هادشي ولكن اللومة ليييها اللومة لثيقتها الغبية فالناااس حست بيدين طبيبة قربو للمنطقة الحساسة ديالها وللي ممنوع فيها اللمس زادت غمضت عينها كتر ورجليها بداو كيرجفو عارفة ماشي وقت الحشمة هي برااسها بااغا تعرف وتأكد ترتاااح غير شوية بلا متحس شداتها الخنقة فحلقها حست بالحركة هدات حلت عينها للي رجعو بحال شي نقطة ديال الدم وشافت فطبيبة للي وقفت وكتحايد الليكات) أمدرااااا!!!!
طبيبة: (لاحت الليكات فبوبيل) لبسي حوايجك انا نتسناك فالمكتب ديالي
أمال: (بلا متحس نزلت من لبياص لابسة غير لفوق) لا عفااك كوليلي
طبيبة: (باستغراب) الا خايفة تكوني ماشي بنت نتي بنت تكاالمااي شوية والبكرة عندك سليييمة أما الغرض للي جيتو علييه هو تشوفو نوع البكرة وهو عندك عادي مغتلقاايش شي مشكل مع رااجلك (قالتها باستهزاء)
أمال: هضري معايا مساااكد لاش كتعوجي علية سولتك جااوبي
طبيبة: منسمحش ليك تهضري معايا
أمال: شكون نتي للي تسمحيلي ولا لا خدمتك درتيها غتخلصي عليها بلا زيادة ولا تعواااج (هتد دخلات منين سمعات غوات أمال وطبيبة)
هند: مالكم؟؟؟؟
طبيبة: وباااز دير الخير
هند: اشمن خير شنو واقع
طبيبة: خرجو علية بجوج بيكم استغفر الله العلي العظييم حتارمو غير هاد الشهر المبارك
أمال: ياااكما جاااية نتعرا فداار بااااك ونت..
هند: شششت أمال تكلمااي (ضارت عند طبيبة) ماالنا نتي؟؟
طبيبة: غتخرجو علية ولا نعيط ليكم لبوليس
هند: عيطي
أمال: (منين سمعت لبوليس تواكضاات شافت فهند للي واقفة متحدية طبيبة ومعرفاش حتى علاش كدابز مهم مدخلة راسها معاها)
هند: لبسي حوايجك نمشيو طبيبة اخرى
طبيبة: (خرجت ناافخة)
أمال: (تبسمت) انا بنت
هند: ههه يا حليلي
امال: هه (جمعت الظحكة بحزن) كولها تعطينا الورقة
هند: هههه مالكي معاها
أمال: والو هي للي جبدتني كولها تعطينا الورقة
هند: انا نخرج عندها لبسي ونتي نهار نفاجرتي على بنادم تفركعتي عرياانة….
هند: (شادة الورقة كتقرا) تفووو داك الكلب عيشنا فالرعب
أمال: (بتنهييدة) بزااااف الله ياااخد فيه الحق عمرني نسمحلو
هند: وفلوسك شنو غديري فييهم
أمال: (دمعو عينيها وبصوت مبحوح) مشاااااو
هند: براااكة عليك من لبكى عينييهم رجعو حومر بحال مقطرين فيهم الدم
أمال: علاش دالي فلوووسي ياك هو لباس عليه؟؟
هند: معرفتش هاد لحمار كفاش كيفكر
أمال: (بإحراج) ختي هند سمحيلي بزاااف كتت بغيت نرد ليك فلوسك ولكن راه باقي عندي شي حاااجة نعطيهم ليك على ميكون عندي
هند: واا باااز اش بغيت ندير بييهم نتي للي غنهز شي حاجة ونعطيهم لييك خليهم عندك دابا فكري كفتش خدا لكوود؟
أمال: (رجعت كتبكي بحرقة ودايرة يدها على وجهها) غتكوون شيماء الله يعطييها مصييبة كيف بلاتني بمصاايب ديال الدنيا كااملين
هند: حم (بشوية) أمال وليد هنا
أمال: (دغيا حيدت يدها مايحة عينيها وحنوكها من لبكى أما هو جاي جيهتهم الحمد الله غير مكاينش معاه محمد بقات حانية رااسها)
هند: (بابتسامة) فالوقت
أمال: (شافت مكتبة قلبت وججها مبعداه على وليد) انا جاية نمشي لفوطوكوبي (مشات بالزربة)
وليد: هاد البخوشة ما بيها وااالو غير مستخسرة فينا نعسة على صبااح
هند: (تبسمت) ديما كتحشمني هاد لبخووشة
وليد: يااااك
هند: (كتهرب من عينيه للي كيشوفوها بلا مكيااج ديجا شافها بلا مكيااج ولدابا باقا أجمل وحدة شاافها نااااهيك على لعرا للي كان شاف داك نهار) محمد مشا؟؟
وليد: لا مزااال
هند: اممم مزيان
وليد: غيثة!! (هزت هند راسها فيه) كتعرفي واحد لبنت سميتها غيثة فرملية خدامة ف****
هند: (بلعت ريقها) ياك قبيلة قلتي الله يرحمها
وليد: اممم (لقاها مركزة مزيان) معندك مت (شافها مشات كتجري ضاار لقاها قطعات طريق هي شافت امال مع بغات تفطع وهي طيييح وطاحو وراق معاها غير شاف هكاك طااار يجري عندهم قبل متوصلها حتى هند)
وليد: ماالها شنو وقع؟؟؟؟
هند: (مخلوعة) معرفتش (هزها بين يدييه وهي جمعت لوراق للي كانو فطوكوبيات على شهادة العذرية) مشافوهمش كيسرقو وشافهم يتقااااسمو سير انوار وشيماء الله يعطيييكم مصيييبة كحلة زحلة (مشات كتجري حلاتلو لباب اللور دخلها وهي ركبت حدااااه وكضور تشوف فأماال متحسرة على حاالتها قالت بعدا خبر انها بنت يخليها مزيان ولكن بانلها العكس أما وليد صايك طااير اول كلينيك بانلو دخلها فيييه)
وليد: ماالها؟؟ صباح كانت مزيانة؟
هند: معرفتش يمكن غير لعيا
وليد: (صونا ليه التيليفون كان زهير بغا يفيقو باش يجي حدااه) انا مع لبنات
زهير: كتغفل
وليد: اودي راه وصلت حداهم لقيت امال سخفانة جبناها لهنا لطبيبة
زهير: (هبط من السلوم) فين؟؟
وليد: انا نصيفط ليك لوكاليزاسيون (قطع معاه ويقا وااقف حتى مشا حدا هند) واش وقع شي حاجة؟؟
هند: لا كانت بيخير يمكن مع صيام ولا طاح ليها الطونسيو
وليد: اممم (كان بغا يهضر معاها ولكن ماشي وقت الهضرة حتى خرجت طبيبة كانت معلقة ليها السيروم نفس كلام هند لعيا وطاح ليها الطونسيو بزااف دخلو كانت حالة عينييها)
هند: فطرتي يا المسخووطة
أمال: (غير شافت وليد بغات توقف)
وليد: تي نعسي راك عياانة
هند: (قدات شي حاجة فلبياص وهو يتحرك بيها حتى جلسها) هانتي الالة
أمال: (تبسمت بحزن) سمحولي
هند: كنساالك بزاااف (حنات وخبرااتها) انا كنتسنااه غير يشوف فية ونتي هاازك الالة بين يدييه غي صبري نشوف زهير وندخل فغيبووبة نحركو الغيرة شوية
أمال: (تبسمت بلا نفس)
وليد: رتاحي نتي شوية حتى يكمل السيرووم
هند: وي هاحنا برا (عرفاتها محتاجة تجلس بوحدها خرجو وتبعها وليد)
وليد: واش أول مرة يوقع ليها هااكا؟؟
هند: لا منين كتشوف محمد خووها كتخااف بزاف ولكن هاد لمرة بزاف خافت ميخليهاش تكمل الامتحان عفااك هضر معاه قنعو تكمل قراايتها والله حتى كتخدم بنيتها والله متستاااهل تقمع هاكااا…
زهير: (وصل لبلاصة للي صيفطلو فيها وليد حيت كانو غير فلمستعجلات لقاهم فلكولوار واقفين كيهضرو وقف عليهم) مالها؟
وليد: غير الطونسيو هبط ليها!!
زهير: كفاش غير؟؟ واش الطفلة مزيانة؟؟
وليد: واه واه بيخيير راها ترتاح شوية
زهير: (شاف فهند) ياك غير بالليل كانت مزيان؟
هند: والله معرفت طبيبة قالت غير مع لعيا وصاافي كتوقع مرة مرة
زهير: (هز حاجبو مستغرب أما هند شافت فوليد للي دغيا فهمها وحنا ودنيه واخا كان بعيد عليها بشي سونتيميترات)
هند: عنداك تقولو على شنو قلت ليك باش ميتجبدش صداع عاود (وليد حرك راسو باااه جا حداه زهير) أنا ندخل عندها (دخلت وخلاتهم بجوج لقاتها غير كتشوف فسقف مع تحل لباب ضارت وراسها تقيل عليها لقاتها هند) زييين دلعالم كبقيتي؟
أمال: (بحزن) لباس
هند: (شاف فالسيروم كان قريب يسالي.. شدت فيدها لوخرا للي مدايزش فيها السيروم) شوفي فالجهة لمزيانة (بصوت خافت) نتي مزالة بنت يعني داك الكلب غير ظحك عليك مقاسكش خلاك عايشة فالعذااب وهادشي لاش باغي يوصل ديما تكوني تحت صباطو خدا ليك بنت عمك فلوسك وزعما بكارتك غير باش يشوفك مذلولة وحانيالو الرااس ولكن لا بينيلو العكس
أماال: (جامعة لبكية) ولفلوس؟
هند: (تبسمت) لفلوس حنا للي كنديروهم ازييين باش غينفعوه لفلوس ونتي كتشوفيه غير كلب وحتى من شيماء لحماارة عندها شي ياماات ويلووحها
أمال: (كتبكي) ماشي شغلي فييها تمووت الا بغات غير يبعدووني
هند: للي ما فيه نفع دفع ابنتي برا كاين واحد غير سمعك سخفانة جا كيطير شااريك بلغاالي مضيعيييهش
أمال: هءءء مبغييت حد اهند كولهم بحال بحال انا بغيت غير نقرا ونعيش معاك
هند: اهيا رجعتي ليز&بيانة؟؟
أمال: ها!!
هند: ليوبيانة هي لبنت لي كتبغي لبنت سحا&اقية زعما
أمال: (قرنت حواجبها ماسحة دمعتها) ديما عقلك فيه لوسخ
هند: ههه سيري تبعديني منعيش معاك متعيشي معايا انا باغا نتفك منك ونعيش مع حب قلبي ونتي مزالة لاسقة فية
أمال: حشمت من وليد درك يعييق بية
هند: غير الا كان كيعلم الغيب فرحي ومتبينييلهمش راك محطمة
أمال: راه ملاين
هند: (زفرت) الطماع يطيح يطيح براكة عليك غير زهير يعطيك الضووبل ارا غير ظحكي فوجهو مسكيين راه ه..(مجات تكمل حتى سمعت لباب كيدق) حم دخل..
زهير: (دخل زهير غير شافتو أمال قادات الجلسة) مالكي شنو طرالك؟؟؟
أمال: حم والو
زهير: كيفاش والو وعلاه سخفتي واش خوك كالك شي حاجة عاود ولا خلعك؟؟
أمال: لا لا والله ما هو
زهير: وشكوون؟؟
وليد: هه بشوية على لبنت
هند: ههه جات معاك بوليسي اشااف
زهير: (غير كيشوف فأمال عينيها حومر باينة شابعة بكا قربلها وهي متوترة بأسئلتو للي كتحس براسها باغا تهضر وتعاود ليه تبكي ولكن هو بالظبط لي مخصهاش تهضر ولا يعرف)
هند: واقلة صافي السيروم سالا نمشي نقولها لطبيبة (خرجت وزهير جر وليد وخرجو تسناو طبيبة جات دخلت عند امال شوية جات خارجة على رجليها شادة فذراع هند طار زهير خلص وبقى برا كيتسنى وفبالو محمد هو سباب حيت كانت مزيانة حتى جا وهو شاف خوفها من وعاد وليد كان عاودلو شحال كتخاف غير بانتلو وصلها بعينو حتى لطموبيلة ديال هند للي ركبات حداها اللور ووليد جا عند زهير)
وليد: نوصلهم ونجي تواليك
زهير: ياكما خوها للي جا عندها
وليد: لا كنت معاه ياله وصلتو لوطيل وانا جيت عندهم
زهير: وماالها؟؟
وليد: ههه الطونسيو اصااحبي وحتى صاحبتها كالتلي ماكلتها قليلة داكشي باش داخت
زهير: اممم انا نتسنااك.. صبر (مشا حانوت خدا شي تخربيق عواصر شكلاط بيسكوي جاي بميكتو كيطل عليها كانت مبيناش باينة متكية حيت غير راس هند للي باين حاني عطاه لميكا) تقوت على متوصل للدار ونتا رجع دغيا عندي….
————————
فتيحة: (عيات تصوني على بنتها والو مكاتجاوبهااش) هاااكااوا صافي لبنت طغااااات
علي: الله يهديك أما راه محمد معاها
فتيحة: وفين عمر محمد غااب كد هااكا ياااك بسبابها كولشي كيتكلب واش لولد عرسو مبقالو واالو وهو تايه فوجدة
علي: انا نهبط للحانوت
فتيحة: (بقات هازة تيليفونها وعاكفة على راسها ودايرة جوج حامضات على نواضرها فقسة يمشي يشري جهاج بلا خبرها غتصفيها ليييها وامال مكتجاوبهاش زاد خلاها شاااعلة…)
~~~~~~~~~~~~
هند: (هبطو بقات امال مسنودة على هند) ها لبخوشة عندك
وليد: (مد لامال لميكة) هادي صيفطها ليك زهير كالك كولي ولا غيلوحك من سطح
أمال: (تبسمت حشمانة) شكرا خوويا عفاك متكولهاش لمحمد
وليد: سيري ترتاحي نتي
أمال: (تمشاو طلعو للدار وهوما ساكتين دخلو للشومبر كانت خاوية هند عونات هند حتى حيدت حوايجها لبست بيجامة وهي تسمع تيليفونها كيصوني طلعلها #الحقير ضربها ضرب فالألف جاوبات) الو
وليد: بلا مديرو شي فطور قبل لفطور نخرجو كاملين لشي كاافي
هند: اه مرحبا
وليد: مرحبا اشنيييولة (قطع وتبسم وصل عند زهير لقاه كيتسناه وساد المحال) كملتي؟؟
زهير: (ركب حداه) ديني عند داك خينا؟
وليد: شكون؟
زهير: هداك محمد
وليد: وعلاش؟؟
زهير: يا غتديني يا غنمشيلو برجلي ولا عرفتي غنمشي حسن بووح (شدو من ذرااعو) طلب اصاااحبي
وليد: وصاافي غنمشيو بجوج…
~~~~~~~~~~~~~
شيماء: (دخلت كتكسل لقات لبنات جاو وأمال ياله غدخل لسداريها باش تكى) جييييتو؟؟
هند: (شافت فيها مخنزرة) جينا
شيماء: وغتنعسو مغنقادوش لفطور؟
هند: خوك عارضنا
أمال: (غير كتشوف فشيماء ودموع كيتجمعولها تماااك وفنفسها كفاش هاانت عليك العشرة!!!)
شيماء: اممم كاع مفخبااري (شافت فامال كتشوف فيها هكاك) مالكي نتي؟؟
أمال: (بانفعال) شغلك؟؟؟؟
هند: اماال
شيماء: هه بشوية عليك ابنتي
أمال: الله ينعل نهار للي كبرت ولكيتك فيه نتي بنت عمي الله يعطيييك مصيييبة تلهااي فييها وتنسايني علييييك وتبعدي مني ديريني ميتة الخرا تفوو على بنات يكونو بحااالك
شيماء: (صدمتها ولوخرا وجهها رجع حمر بكترة مفهمت واالو)
هند: غبري اشيماء من وجهها دابا
شيماء: (مشات كتعوج مفاهمة واالو ورداتها غير حرقة ديال خطوبتها من أنوار)
هند: قلتلك متبيني والو
أمال: (مغددة) مكرهتش نوض نتفتها ونشبع فيها طرش ونتي تكولي منبينش
هند: كولي شوية ونعسي راه الا مرديتيش صحتك غتجيبيها فرااسك
أمال: معرفت منين يدووز
هند: يدووز براكة غير تهنيتي من أكتر حاجة كانت غتعكس ليك حيااتك
أمال: (زفرت معصبة كلات شوية شرلت دوليبران وغطاتها هند وظلمت لبيت)
هند: (كانت لابسة بيجامتها خرجت لقات شيماء جالسة حداالحاجة حداها تيليفونها كتخربق فيها) الحاااجة لباس
الحاجة: الحمد الله ابنتي فين امال؟
هند: جات عيانة شوية وتكاات واليوم عارضنا وليد لفطور
الحاجة: عيطلي ولدي زهير كالهالي بحرا ترتاحو ابنتي
شيماء: واش بالصح العرس مور عيد صغير
هند: داكشي للي سمعت
شيماء: بففف دابا السيمانة جاية خاصنا نرجعو
هند: ومتوحشتيش مك ترجعي تشوفيها
الحاجة: ونتي ابنتي ماماك فين كاينة؟
هند: (بتنهيدة) فبلجيكا هي وبابا ولكن كل واحد مزوج تماك (مبغاتش تقولهم على هاد العام للي جاو يدوزو رمضان هنا وجايبين ولادهم ومنين مقبلتش تشرك شومبرتها مع بنت واحد منهم فضلو لوخرين عليها وبدليل منين خرجت من عندهم شي شهرين مسول فيها حد ولا قالها اجي دوزي رمضان معانا من غير جدااها….)
———————–
وليد: بلعقل اصاحبي
زهير: مالي ماشي ن*** استغر الله (خرج من الطموبيل ووقف حدا لوطيل تم محمد جاي جيهتهم…)
وليد: (زفر تم خارج من الطموبيل دار يدو فجيبو تفكر الورقة للي هز لهند للي طاحت ليها عاود دخلها حتى يكون بووحدو ويجبدها اما دابا يمشي عند دوك الجوووج….)
~~~~~~~~~~~
ضربت 5 دلعشية دراري كانو كيتسناو لبنات والحاجة هبطو لتحت جات الكاملة كتفهم فين ماشيين
الكاملة: (باستغراب) فين بالسلامة؟؟
الحاجة: عارضنا صاحب زهير
الكاملة: هممم كولي نسيبنا وهاد نسييب مبنالوش حنا ولا ممعمرينش ليه العين
الحاجة: الا ما فيك حيا سيري كوليهالو بحالي بحالك حتى يانا غير معرووضة
الكاملة: وماالي نااقصة باش نمشي لقهااوي نطلب مااكلة
الحاجة: (زادت وخلاتها كتهضر حيت الا رفعت صوتها غير شوية الكاملة للي غتجي غير فيها.. مبرداتش ليها مشات عند شيماء للي واقفة حدا لبنات)
الكاملة: وهاد خوك ما فييه صوااب يكولها غير لولدي
شيماء: (سكتت حيت ديجا معصبة من لكلام للي قالتلها أمال)
لكاملة: اودي يا ودي ولدي فين طااااح
شيماء: زدتي فيه لا
هند: (هزت حاجبها كتشوفها)
الكاملة: ضربي كاغدع
شيماء: (شافت ملقات حد قريب من غير لبنات هضرت بشوية) سمعي.. انا غنتزوج بولدك انوار ماشي بيك نتي للي كل شوية جاية طلي علية وتسمعيني هضرة للي ماما هي التالية مكتسمعهمليش خليني محتارمااك على اساس نتي عكووزتي وانا خطيبة ولدك للي غنكون مرتو
الكاملة: (بقات مصدومة فيها) يااك اشيطانة بنتي على حقيقتك
شيماء: غتبعديني ولا نوريك شياااطن علاش قاديين
أمال: (مقدرتش متسمعش هاد الحوار الشيق أما هند قربات دخل بحنكها حداااهم)
الكاملة: اوا مدوزتها عليك منتسمااش
شيماء: سيري تخرااي حتى نتي
الكاملة: (بقات مصدومة منواتش منها هاد لكلام فمرة جاو دراري)
شيماء: خالتي عفااك ياله معانا
الكاملة: (غير ساكتة)
شيماء: (شافت فخوها) بقى فيها الحال حيت معيطتيش على انوار
وليد: لا كالهالو زهير
شيماء: (تبسمت وشافت فيها) ولدك للي نسا مكالهاااش لييك معلييهش مع الخدمة وصياام نسا نخلييوك على خير خالتي بسلامة (زادت ركبت مع خوها فطموبيلتو لقداام أنوار ركب مع زهير والحاجة ولبنات بقاو كيتشاوفو بيناتهم)
امال: شيماء هه رجعت وحدة ماشي طبييعية والله
هند: ههه بزااف ميبقاش فيك الحال
أمال: اودي غير تقيلني علييها حيت مرة اخرى غنفركع مها هاد الرمانة والموت للي يتسنى فية غيكون كيتسنى فيها حتى هي
هند: بففف منك نسااي دااكشي وركزي عفااك فزهير شو غير كيفاش كيشوف فيييك
أمال: (زادت وخلاتها) زيدي زيدي
زهير: (حاضيها غير قربت ديمارا قاطع عليها طريق)
الحاجة: أليييييك اولدي
أنوار: (بقا كيشوف فأمال للي واقفة)
زهير: (طل براسو) طلعي ركبي الا مبقاتش بلاصة أنوار هبط لحݣ علينا بطموبيلتك
هند: (جات حداها كظحك) لا غركبو مع وليد
زهير: (قوس عينو لايح ليهم الهضرة) تاليتي نفرشك اغيثة…
هند: (حلات فمها وخرجت عينيها ممتيقاش شنو سمعات منو حدها هز حاجبو بحال كيقلي ليها السم)
أمال: ههههه
أنوار: (مفاهم والو ولكن كيشوفو انسحام كبير بين هند وعمو لمعقد) هي شي عرااسية قريبة أمّا
الحاجة: ههه نشاعالله اوليدي
أنوار: (تبسم باستهزاء) هادشي فشكل (لبنات مشاو وزهير زاد ركبو مع وليد وأمال شافت فهند واخيرا شي حد ظحكها هاد نهار)
هند: (معصبة) شتك ظحكتي
أمال: (مقدرتش تسكت وفنفس الوقت متفاااجئيين.. كفاش عرف!!!) ههه
هند: أمااااااال
شيماء: (ضارت عندهم) علاش كظحكو
أمال: (مبغاتش تجاوبها اصلا من شحال وهي تعطيها النخال ولكن وجه وليييد) غير النكتة للي عاودات ليك خالتي لكاملة
شيماء: (جمعت التبسيمة وهزت حاجبها مخسرة وجهها) هاهاها مزال مشفتي واالو للي جا فطريقي نديرلو ما كتر
أمال: وي شفت ههه
وليد: (حاضي هند للي عاد كانت كظحك ودابا مخرجة عينها بحال شي وحدة مصدوومة) حمم أمال كبقيتي
أمال: (مبغاتش شيماء تعرف) لباس لباس الحمد الله مشا محمد؟؟
وليد: لا مزال
شيماء: شنو كيدير هنا؟؟
وليد: معرفتش
شيماء: (عوجت فمها يعني مبغيتش نكولك) اممم مغيديش أمال معاه؟؟
وليد: الا مشينا راه غنمشيو كااملين
أمال: بالصح
وليد: اجي نتي بقيتي هنا على حساب قرايتك وانا كنشوف لبنات كل نهار كيمشيو يقرااو الا نتي منين مغراضكش فلقرايا جلسي حدا مك
شيماء: هااء راه كتجيب امال داكشي وكنخدمو فالدار انا وياها
وليد: وعلاش متمشيش نتي برجليك؟
شيماء: غير كنصبح نااعسة
وليد: نعسي فدااركم ماشي جاية لديور عباد الله تنعسي
شيماء: (مرضاتش) أنا راه بقيت هنا فوجدة حتى على حساب أمال
أمال: علاش بقيتي على حسابي؟ عفاك مدخلينييش فداكشي دياالك اشيماء
شيماء: (صدمتها وضارت عندها) يااااااك هدا هو خيري
أمال: أحااي هه أشمن خيير؟؟
وليد: (شاف فختو) اشمن خير؟
هند: (كتفكر فحريرتها عرف زهير اذا حتى وليد عرف وكفاش وليد لدابا مقالها واالو وعاد قال غنفرشك داااخت)
شيماء: بففف راه الا بغيت نرجع لتاوريرت عائلتها هي مغيخليوهاش تبقى هنا.. هوما مصيفطينها غير حيت انا كاينة هنا ولا نسيتي نتي؟؟
وليد: هه راه نتي هنا غي حيت امال كاينة معاك
شيماء: (بسم قلبت وجهها كتشوف فطريق)
أمال: (تصدمت واش بالصح داافع علية وقداام ختو للي خلاها حالة فمها.. بابتسامة وشافت فهند للي غير حانية راسها زعما واش سمعتي شنو قال ساعة لقاتها فعالم اخر.. صافي مجوباتهاش حيت وليد جاااوب ووفى معرفتش علاش حست بحقها رجع ولو بنسبة قلييلة من ديما كتعايرها براك جيتي هنا غير حيت انا هنا… وصلو لقهوة كانت خارجة شوية على وجدة.. نزلو أمال كطلع سرواالها كانت لابسة سورفيت سروال على شكل كولون ولكن من لتحت مجايش لاسق مع رجليها ولفوقاني كابيتشو وااسع تحت ركابيها مع فولار مقاداه ليها هند مزيان وسبرديلا مع شافت فلقهوة تفكرت مبقالها ريااااال تحسرت على فلوسها ضارت باش تسد لباب لقات أنوار كيشوف فيها طلعاتو وهبطاتو بتعابير ديال القرف على وجهها) تفووو (شقلبت عينها وزادت مخليااه غير كيشوف مسمعهاش ولكن قرا شفايفها تبعها بعينييه منين شدت فذرااع هند جاتو مبقااتش سااهلة كما كانت شحال هادي زدح باب الطمووبيل بالجهد)
زهير: (ياله هابط) دييها معاك ودير خامية حسن
أنوار: هه ديال با نشخشخ مها كااع
زهير: هي ناخد طموبيلتي من عندك
أنوار: ها ها هااا حتى انا حاط فيها فلوسي ماّا هضري مع ولدك كلمة جوج يݣولي عاطيك جوج فراااك
الحاجة: ههه زهييييير
زهير: ها هو (شاف فأنوار) بكي اختي بكي (دارت مو يدها فذراعو كما مولفها ومشاو حدا لوخرين للي كانو واقفين كيتسنااو…)
هند: (داز من حداها زهير مكرهاتوش غير يشوف فيها واالو خلاها كتقلا بووحدها ندمت كاع لاش هضرت معاه دخلو ديجا كانو مريزيرفيين كانو موجدين ليهم طابلة طويلة كما كاين شي عائلات تمااك جلسو..)
وليد: هنا بيفي محلوول لفطور لهيه (ضارو كيشوفو كان بيفي كبييير وباين داكشي مظخم) للي بغا شي حاجة يمشي يجيبها
شيماء: واااو هادشي زوين (ناضت من بلاصتها) واش نجيب الي بغيت!!
وليد: هه واه (مشات شيماء وتبعها وليد) بشوية عليك اديك شنيولة
أمال: حم الحاجة شنو تبغي نجيبلك
الحاجة: للي جبتي ابنيتي
أمال: (ناضت امال وتبعتها هند غير بتقالة ماشيين أمال عجبها هاد الديكور أول مرة تشوف هادشي اما هند ماشي اول مرة أصلا ممسوقااش وقفو هزو بلاطو لوحدة فيهم طباسل فحجم متوسط كتشوف معرفت متهز كولشي كان باين بنين وزوييين حتى من سباكيتي كولشي كااين هزت زلافة كانت صغيرة عمرت تشيشة وفطبسيل حطت ستيك ديال دجاج وشي شوية دالخضرة مصوطية وبريوة ديال لحوت وملوية بالشحمة دارت هادشي فصينية وزادت خدات اتاي وشي تميرات سلو وشباكية للي كانو فطبيسلات صغار واجدين وبيضة مسلوقة وداتهم للحاجة بغات تحطهم ولقات زهير جالس معاها كيهضرو حشمت منو.. حطت الصينية حدا الحاجة هز عينو فييها كيشوف فيها وهي كتهرب من دوك الشوفات)
أمال: حم بغيتي شي حاجة اخرى الحاجة؟؟
زهير: راكي حتى نتي عيانة او لا؟؟؟
الحاجة: (ضورت وجهها) مالكي ابنتي؟؟
أمال: (بتوتر) لا لا مزيان
زهير: (اشارة بعينيه لكرسي) جلسي نتي ممزيانة واالو (بقات كتشوف فيه) ياله جلسي (جلست اونفاص معاه وحدا الحاجة للي كتبسم) انا نجيبلك باش تفطري
أمال: (حمدت الله للي محشمهاش قدام الحاجة ومقالش راه فاطرة وكانت فصبيطار صباح ناض وبقات حانية راسها)
الحاجة: متديش عليه ابنتي هو كيكون ظريف غير يعرف الواحد مريض ومعانيش بصحتو يتقندش
أماال: (تبسمت) لا هو ظريف
الحاجة: نهار مات باه دازت شي كتر من 3 سنين منطق بشي كلمة كانو دايزين كناوة من حدا الدار وانا عيت منديه لطبا ونداوي بدوا لعرب حتى حاجة مقدات فييه منين كانو دايزين داك نهار جربت وخرجت عندهم طلبتهم على زهير وبغاو يعاونوني والله ابنيتي معرفت شنو عطاوني فداك الكاس ولكن للي شفت واحد فيهم دفل فيه حشااك
أمال: عزك الله
الحاجة: جبت داك الكاس عطيتولو يشربو وݣالولي غدا يصبح مزيان وكيهضر عطيتهم شي براكة من لفلوس ولماكلة لغد ليه فقت على غوات ولاد خوه عبد الله وعبد الوافي تابعهم زهير وحجر الدنيا والدين نازل علييهم وكيطردهم من لبلاصة للي فيها جنان دابا هههه من تمااك وهو مݣنوي للي نقص منو ولا غيرو بشي كلمة عرفي داك نهار حجر كاع داك الشانطي غيتبعو
أمال: هههههه
الحاجة: هه ايييه ويعرفني شنو مشرباه فداك الكاس يا بنتي
أمال: هههه يردم عليكم ݣاع دوك ديور بلحجر
الحاحة: هههه الله يخلييه لية ابنتي هو ضو عينية باش كنشوف هاد الدنيا واخا يتعصب يتقندش للي دار كيجيني على ݣلبي سمن وعسل
أمال: (تبسمت) امين الحاجة حتى هو يبغيك بزاااف الله يخليكم لبعضيااتكم
الحاجة: امييين ابنيتي ويخلي ليك واليديييك (حنات راسها وامين خرجات ليها غير بالسيف لا علاقة بين معنى الأبوة وبين واليدييها.. حتى صدممها شافت بلاطو تنزل حداها طرطقت عينها ماشي عمر طبسيل هو مشا عمر لبلاطو نيشان شافت فييه)
زهير: فتاتة منبغييهاش تبقى تم
هند: (جلست حداها كظحك) ههههه خااصك تااكلي
وليد: اهيا باغي تبيت لية بنت عمي فصبيطار
أمال: (حشمت وشافت فداك لبلاطو للي جابلها الجوع شكون كان يقول عادي للي صباح كانت تفكر تهرب وتقتل راسها دابا كظحك من قلبها وكتشوف اهتمااام كبير ليها شافت فهند لقاتها كتبسم معاها أما زهير حاضييها غير بنص عييين…)
أنوار: (جاي هاز بلاطو هو وشيماء جلسو اونفاص بعضيااتهم شاف فأمال لقاها كظحك وبلاطوهوما مصطوكي ووليد كيهضر معاها شاف فشيماء للي كتشوف فيه) كولي كولي
شيماء: ههه راه مزال موذن
أنوار: ههه موذنش غير عندنا
شيماء: ههه نجيبلك شي حاجة اخرى احبيبي الا تشهيتها
أنوار: (قربلها شوية وبصوت خافت) فوكاش يكمل دا رمضان نوريك شنو مشهي
شيماء: هههه (حنات راسها عاضة شنافتها) غيسمعوك
أنوار: ويسمعو.. (هو اصلا كتعجبو شيماء من ناحية الزيين وعاد كتبغيه لدرجة مكتفرقش عندها انوار عاد كولشي من بعد وهاد الحب مخلياااه مسيطر عليها وهي عارفة وعاجبها الحاال داكشي باش قال الا حتى تزوجتها عنااد مغنخسرش حيت فكل الاحوال كتبغيه وهي عاجبااه نسبيا.. هند شافت فزهير لقاتو ياله كلا شوية وناض من حدااهم خرج لبرا.. دازت دقيقة ووقفت)
أمال: فين ماشية؟
هند: (مكاينش للي كيفرشها قدها) لطواليط تمشي؟؟؟
أمال: (حشمت وحنات راسها كتاكل خلات وليد كيتبسم اما انوار قوس عينو طواليط على شمال وهي مشات خرجت كتسلت لاتيراس فين مشا زهير وللي معرووف كياكل شوية يكمي ويرجع يكمل تبسم باستهزاء وغير مكيتأكد علاقة عمو بال**** ديال هند…)
هند: (شافتو كان عاطي بظهر كيشوف فسما وفوقو دخان عرفاتو كيكمي) حم
زهير: (ضار لقاها هند) بغيتي شي حاجة؟؟
هند: كفاش قبيلة قلتيلي نفرشك اغييثة
زهير: ههه كما راك تفرشي فراسك دابا
هند: انا عرفتك عارف ازهير مغتقولش داك لككلام من لا شيء غير واش حتى هو عارف؟؟
زهير: (تبسم نتر من لكارو ولاحو تحت صباطو عافس عليه) سيري كملي فطوورك
هند: عفاااك قولي
زهير: وراه بااينة غير هو بهييمة
هند: يعني معارفش
زهير: عارف ولا معارفش عرفيه براسك وتهناااي (شافها بحال توترت بحال خاافت) تعاونيني نعاونك رطبي راس ديك عيشة دمييعة
هند: هههه والله وتعرفني شنو كنقول فغييبتك حتى تشكرني
زهير: شااكرك الالة غير كملي هادشي وراك تكوليلها انا مزيان ومقسحة هاكا لوكان ديري العكس شنو راح دير؟؟
هند: هههه (كيعحبها منين كيهضر بلكنتو الوجدية القحة القاااسحة) عفااك متقولوش
زهير: نفكر (حلت فمها فييه) هه ياله سيري كملي مااكلتك انا مغندخلش فحاجة للي ضر شي حد هو خويا ونتي ختي ولكن نصيحتي حطي كولشي فوݣ الطبلة.. (مع تنهدت وعطاتو بظهر رجعو ملامح وجهو ككان عاقد حواجبو وكيفكر شعل كارو اخر وبقا عاصر عليه…)
هند: (رجعت حداهم وبقات كتاكل لقات أمال وقفت) كملي
أمال: والله مݣديييت
هند: لا اصاحبتي زيدي شوية
الحاجة: (كتبغي ظحك معاها) نتي باغا كرط وجدة يتبعك حتى لتاونات هههه
وليد: ههه فخبارها لبلان
الحاجة: (ياله جات ظحك شافتو جاي) شششت (جلس زهير حداهم عاد بدا يطحن كملو ماكلتهم بقاو كيجمعو أنوار وشيماء مخلينهم على خاطرهم كيوريها شي حاجة فتيليفونو كأي مخطوبين كيخططو لحيااتهم الزوجية السعيدة المستقلة وحيت كاينين حداهم هانية…)
هند: (بشوية) رتاحيتي شوية
أمال: (بتنهيدة تبعاتلها ابتسامة) عندك الحق حتى حاجة متستاهل
هند: برااافو عليك وفلوس من غدا نحطلك واحد شوية فلكونط ديالك على منفكرو كنديرو لرزقك
أمال: لااااااا اه..
هند: مكنشاوركش صافي غنكملو هاد اليوماين غتمشي لداركم ومنين ترجعي غندخلو نديرو فولكونطاكط
أمال: شنو هدا
هند: داكشي ديال الدفاع عن النفس غترتاحي والا بغيتي نبداو من غدا عند وحدة شي جوج سوايع مهم تريحي راسك شوية وصافي
أمال: (كتشوف فيها وعينيها دمعو) نتي راكي حسن من ختي
هند: (هزت كتفها) عارفة ههه خلينا من هادشي ديال دراما زهير دايرلي الشونطااج بييك
أمال: كفاش
هند: قالك منين ترطابي معااه عاد يفكر ميقولش لوليد علية زعما انا هي غيثة
أمال: ههههههه
هند: بشوية ازمرة غتفرشينا
أمال: هه واخ واخة هند والله اختي حتى كنبغييلك غير الخير ݣوليهالو نتي
هند: بقات يوماين اش غنݣول
أمال: الاااا غتمشي معايا لتاوريرت ولا نهرب والله حتى نهرب
هند: (عوجت فمها) ربي لا مصقرينا نتي نحطوك غير هنا من مور لقهوة لقاوك جالسة فبلاصتك كتبكي وتندبي
أمال: (جمعت الظحكة) دابا نفرشك حتى انا اغيييثة (شافت فيها هند ولوخرا كتقليلها السم)
هند: يييه جات معااك اعيشة دميعة كخلاها زهير…
أمال: انا عيشة دميعة؟؟
هند: (رجعت كتاكل عارفة ومتاكدة زهير مغيقول والو لوليد ووليد يا عاارف يا كيتغااابا.. شافت فامال رجعت كتنقب من بلاطوها شافت فلحاجة للي ميلت الراس ونعسات تبسمت هدا هو حالها ها هي كتشوفها داوية معاك حتى كتميل راسها شافت فانوار وشيماء كيتفرجو فشي حاجة فتيليفونو كيظحكو مع بعضهم بحال عمرهم اذااو وحدة شافت قدامها كان وليد وزهير كيهضرو راجعين بلكراسا اللور شوية وباين فيه موضوع جدي شوية) أمااال
امال: اممم
هند: والو والو (جبدت تيليفونها دوزت نمرة ديال جداها مع شد الخط ناضت من فوق الطبلة) الوو (كولشي شافها ناضت مشات هي كتهضر مبعدة شوية)
زهير: (حول شوفتو لامال كانت كتاكل وبحال سااهية مكرهش يمشي حداها يهضرووو يزيد يعرفها من راسها ماشي من للي كيعاودولو عليييها دار ذراعو فوق الطبلة ودار يدو تحت ذقنو كيمسح فلحيتو)
وليد: مهم نتا خاصك هاد المرة ترد لبال
زهير: اممم (حس براسو عيق عينيه مبغاتش تحايد من علييها) نخرجو شوية
وليد: عرفتي شنو خليك نتا مع لبنات وانا ندي الحاجة للدار
زهير: (شاف فمو لقاها ناعسة) صاافي طيحتي الراس؟ ماا واا مااا
الحاجة: (هزت راسها مع كان صقير وحتى للي كيهضرو كيتحددتو بشوية) اولدي
زهير: انا ندييها خليك نتا
وليد: (جاتو على الخااطر) صافي
زهير: ياااك على كلبك (وقف شد فمو للي دارتلهم باي باي ومشاو وليد شاف فأنوار لقاه مع ختو كيهضرو وكيوريها شي حاجة محدو تحت عينو راه مزيان شاف فهند للي لقاها متبعاه كتحس بيه باغي يهضر وكيشد فراسو)
أمال: (تزيرات وخبرت هند) أنا نمشي طواليط كوليلي فين كاينة؟
هند: معرفتش
أمال: ياك عاد كبيلة مشيتيلها
هند: يا ختي غير مكتفرشي نوضي قلبي عليها
أمال: (ناضت بوحدها كتقلب حتى لقاتها ودخلت)
وليد: (بقات بوحدها) مزيان؟
هند: (تبسمت) مزيان..
وليد: امم غتمشي معانا لتاوريرت؟؟
هند: معرفتش صرااحة هه عارفة راسي ممقبولاش أكترية عند مامات أمال
وليد: (باشارة زعما متديهاش فيها) مكايناش غير هي تماك
هند: حشمت كل مرة مقلزة تماك (طرطقت عينها كما هو دارت يدها على فمها) سمحلي خرجت
وليد: ههه سبحان الله
هند: ههه مهم خلينا فهضرتنا دير راسك مسمعتي واالو والله حتى حشمت
وليد: لا لا مرحبا بيك نتي وحدة من لبنات
هند: (تبسمت) ولكن تماك نتوما محافظين ونتا عارفني كدايرة
وليد: ونتي ككتشوفي راسك؟؟
هند: محتارمة راسي ومحتارمة للي ضاير بية وعمرني آذيت شي واحد
وليد: بغيت نسولك
هند: هم
وليد: كتصلي
هند: اه
وليد: كتصلي كتصومي مزيانة مع الناس شنو ناقصك؟؟
هند: ناقصني راجل باش نكمل ديني ههه (جمعت الظحكة لقاتو مطرطق عينو فيها حتى طرطق كيظحك خلا حتى دوك التنائي كيشوفوو.. شوية ناض أنوار)
شيماء: فين ماشي؟؟
أنوار: هاني جااي
أمال: (غير خرجت من طواليط مشات لاتيراس كتشوف فالدنيا مربعة بيدها كتحاول تعرف شنو غدير كدير مقاارنة واش أمال ديال دابا هي للي أول مرة جات هنا لهاد وجدة تنهدت كتعيا تبني فراسها وغير كتمشي لدارهم كولشي كيرييب اليوم دافع عليها وليد غدا واش غيكون معااها اليوم اهتم بيها زهير والحاجة واش غدا غيكونو معااها اليوم ظحك عليها أنوار وشيماء واش هند ديما غتكون للي تخرجها من حاالتها.. مزعزعها من أفكارها غير يد جراااتها شافت لقات أنوار عياات متنتر حتى بعد من لاب القهوة ودفعها على الحيييط)
أنوار: (مخنزر) تحلك الفم ****
أمال: (مكانتش متوقعاه يجي ولا يهضر معاه وزايدها بالوقاحة)
أنوار: ياله خرجي مااا عندك ولا تعرفي غير تخبعي من مورراهم
أمال: (خايفة منو كتعيى تشجع وغير كيوقف قدامها كتفكر مدااز علييها وأكترية اليوم عيشها خلعة لمدة كتر من شهرين وصدقت كذوب وعاد الشفرة خلاتو كيعربط ويربب عليها ويهددها غمضت عينها وشافت فيه ببرود) غير تحااايد من كداامي ولا غنعيط لرجال هوما للي يتفاهمو مع شمااتة بحالك
أنوار: (شدها من فكها مزير مقرب منها وهي كتحاول دفعو) شماااتة هو للي علم علييك
أمال: (باقي شادها حيت هو أقوى) باش علمتي الكلب؟؟ بدوك جوج دريالات للي ديتيهم باردين راه نسيتي واحد 10 الف مديتهاش ولا مكفاكش الوقت!! فكرني مرة مرة لوح تماك لفلوس باش تلقى كدير ضور الحركة
أنوار: (تبسم) مرحبااا اصلا حاطك فبالي نهار نشوف ظحكتك نكلبها على مك وباشما
أمال: (ميتة بلخلعة) خلعتيني
أنوار: ههه كنعرفك مزيان وعارفك مخلووعة وميبقاش فيك لحال فلوس حرام هكا كيديرو دغيا كيطيرو
أمال: وااه بحال ولاد لحرام (رجع زير على فكها)
أنوار: مرة جاااية غن…
شيماء: أنواااار!! شنو كدييرو (دفعاتو امال)
أمال: مرة اخرى تحط يديك علية الحماار نورييك الله ينعالها حالة تفوووو على جد باباك لكلب (غير شافتو جاي طارت من حداه رجع ضرب غرس برجلو شتتو كان معصب وكلامها كان كبير رجعت طلت عليه دارت علامة إكس فيدها) والله مطفروو اشماتة وغتبقى شمااتة وكبييرهم (هربت قبل حتى ميجي مشات للحمام وسدت عليها) أحااااي اليوم يذبحني….
شيماء: (شادة انوار من ذراعو) صاافي احبيبي متديش عليها هي غير كتغير منا
أنوار: طلقي داااابا
شيماء: نطلقك غير نتا متبعهاش هي هادشي للي بغات من ديما مولفة بالشووهة
أنوار: (بصبية) طلقي اشيمااااااء (طلقات منو خلاتو كيغلي من لدااااخل أما هي غير بردت شوية خرجت من لحمام مشات حدا هند ووليد جلست بهدووء وبقات كتاكل)
وليد: فهمتي خدمتي دابا
هند: (هي ديجا عارفة حركت راسها باه) وي دابا فهمت ووو بالصح بغيتي تجي هنا للمغرب (محسوش بأمال للي جات جالسة حداهم)
وليد: والله معرفت هنا كاين مشاكل وتماك كاين مشاكيل ووو حتى منين جا زهير وخوا علية تماااك متقبلتهاش
هند: بالصح غتكون ولفتيييه.. وعلاش مديرش واحد الحاجة مزياانة فتح مشروعك هنا خدم لهيه وهنا
وليد: (مد يدو) دخلي شريكة معايا
هند: هههه مغنفيدك بواالو
وليد: ههه صعييب
هند: علاش صعيب المحال عندك تماك دياالك وكولشي قانوني ألف واحد تماك يبغي يخدم على رااسو واهم حاجة يكون بورااقو يعني متخاافش منو اااوا غيكون ضرووري تحتك شي فلووس
وليد: هههه كملي
هند: دير لمشروع للي بغيتي
وليد: ماشي ساهل اهند تفتح مشروع هنا راه خاصك ملاااين
هند: ندخل شريكة معاك
وليد: نتي فرملية وانا باغي التجارة كغنديرو نتلقاو
هند: نديرو فرماسيان هههه
وليد: هههه مفكرتش فهادي
أماال: هاء فرماسيان ونتي ماشي طبيبة؟؟
هند: (خلعاتها) نتي هنا.. نوضي ضربي ضورة يضرب فيه لهوا
وليد: ههه خليها عليك كبقيتي شوية؟؟
أمال: الحمد الله دابا شكرا اخويا عفاااك متكولهاش لمحمد
هند: فين شيماء؟
وليد: (ضار ملقهاش فبلاصتها لا هي لا أنوار) انا نوض نشوفها (ناض مشا يشوف)
أمال: راها مع داك لكلب فالجردة دابا يخرج فيها كدير شي حاجة
هند: ونتي ماالك.. هي للي بغات
أمال: (عاودات ليها شنو وقعلها) مخليتلوش كلب أحاااي اهند ويرجع يديرلي شي حاجة
هند: يمشي ي**** معندو ميديرلك هداك غير خواف مرعووود تبقاي تخرجي عينيك فييه ولكن ماشي فبلاصة تكونو بوحدكم
أمال: (تنهدت هزت بتي بان كتاكل) مبقيت حاملة نشوفو غير يبعدني
هند: (شافت فشيماء جاية جلست زعفانة) مالكي هههه
شيماء: (كتعوج) وااالووو
هند: غيييي شتك معصبة… زهير تعطل
شيماء: تحرموها علية غير يانا!!!
وليد: (من بعد ممشا للجردة لقاهم غير جالسين مع شافوه طرطق عينو فشيماء للي ناضت ودخلت وهو جلس مع أنوار للي عندو شي ضشااااش عليه) اوا
أنوار: مزيان.. لكاغيط بغيت نديرو مور العيد صغير
وليد: واا هاد الهضرة خاص تكولها لنسييبك
أنوار: وااه وااه غير نمشي لدار نكولها لبا باش يهضرومع داااركم
وليد: أهم حاجة نتا إنسان مثقف وخليتي ختي تكمل قرايتها
أنوار: وااه منين باغا لقرايا علاش انا نحايدها ليها واخا فالدار مكيبغيوش هاد السيجي يتفتح
وليد: اممم (منين كيبغي يهضر معاه كيحس بيه غير مرحب بييه ناض من بلاصتو) نمشي حدا لبنات نشوف زهير واش جا
أنوار: (حرك راسو باه) واه (غير مشا رجع غووبش) عائلة ل**** (كان كيتسنى من أمال تجي طلبو وترغبو على لفلوووس وخصوصا عرف هاد لفلوس هوما للي عندها)
#فلاش_باك
أنوار: (كان ديجا سارق كارت كيشي هداك جاي لفلاش باك ديالو من بعد واحد الحدث… كان جالس هو وشيماء كيهضرو وكتشكيلو على معاملة خوتها للي كيتقرززو معاها فلفلوس) بلعكس كنشوف مهليين فراسكم
شيماء: وااا غي حيت أمال سارقة فلوس من خوتها
أنوار: كفاش!!! أمال تسرق؟
شيماء: هههه عرفتي الا محضيتيش راسك معاها تسرقك ونتا كظحك مسكينة ماشي لخاطرها حتى هي دارهم مكيعطيوهاش فلوس اوا هي شي 6 سنبن ولا كتر كل مرة كتسرق ليهم شي حاجة حتى جمعت حصيثة كببرة شي 10 دلمليون حطاتها فلبانكا
أنوار: امممم هادشي كامل من لحشومية
شيماء: كاين شي حشومية سراقة
أنوار: (بقا غير ساكت كيسمع) زيدي
شيماء: شنو تزيد صافي سرقت دوك لفلوس وبيهم باش قدات شحال من حاجة فيها من شعرها لصباع رجليها
أنوار: اوا ونتي
شيماء: لا لا واخا هكاك بابا وخويا وليييد وحتى ماما ممخليني مخصووصة حتى شي حاجة….
#باك
وليد: (صونا على زهير سمع صداع) فينك ابا زهير مجااايش؟؟؟
زهير: (معصب) لا غير جيب لبنات واجيو ولا بدلوالجو تمااك نيت حسن (قطع)
وليد: اممم مغيجييش (كان ديجا خلص) نمشيو ولا مزال باغيين تزيدو شي حاجة
أمال: (لبلاطو مكانش بقا فيه بزاف استغربت للكمية للي كلات) انا كلييت بزااف
هند: يا ختي الله يعز لحكام
شيماء: (عوجت فمها ناضو من تماك أنوار ركب مع وليد ولبنات اللور كان صقيير مشاو نيشان للدار حيت كولشي مسخسخ..)
زهير: منعقلش عليك اعبد الواااافي التصريح خرجتو كبيل ودرت ديكلاراسيون راه مشا دابا غتهزو بوحدك
عبد لوافي: (كان باغي يشريها لزهير ولكن دابا الا رجعو فسين وجيم للي عطاه سلاح يكر بجوج تصرفيقاات.. خرج من الدار معصب مكرهش داك لفردي للي عندو يجبدو يخوييه فراس زهير كيكرهو منين كانو صغار وهو كيكره فييه وخصووصا منين لاخر حرك وهو بقا فالمغرب كيضرب تماااارة)
فاقو لبنات وهاد لمرة فاقت معاهم شيماء لبسو حوايجهم ونيشان للمعهد
شيماء: بففف (ميتة بنعاس) خليوني انا فالطموبيل نكمل نعاسي
هند: سيري لسيتي راه قريب نعسي على منكملو
شيماء: وصليني
هند: واش حمقة مبقاش الوقت خرجي خرجي (خرجو من الطموبيل شيماء مشات لسيتي ولبنات دخلو حيت اخر حصة غيدخلولها مع وصلت شيماء حدا باب لحي سمعت صوت كلاكسون مجهد ضارت لقات محمد وقفت جامدة حتى خرج عندها جاي وووجهو بارد مكيتفسرش)
شيماء: حم محمد صافا؟؟
محمد: (طلعها وهبطها بلا ميجاوب خلاها حايرة كتر وخايفة)
شيماء: اممم مبروك عليك
محمد: اخر وحدة نتسنا منها مبروك هي ق*** الله ينعل ط***** **** تعاودي دوري بساحتي مرة اخرى غنتفاهم مع ***** (هز صبعو بتهديد) أماال بعدييها داك تنوعير وت*** ديالك خلييه بعيد عليييها ولا غنخرج ف**** هاد المرة هضرت بفمي (دفل حدا رجليها ومشا مخليها متبعااه مصدوومة كسيرا طموبيلتو وزاااد مع طريق مطير نعاس من عينيييها بقات غير وااقفة كتستوعب كلامو للي كان قااااسح وبزااف… رجعت عند لبنات للمعهد وبقات غير برا كتفكر فكل كلمة قاااالها حتى خرجو لبنات كل وحدة خارجة من قاعة) صافي كملتو؟؟
هند: امم صافي أمال علمتيهم باش يصيفطو ليك فلواتس
امال: وااه
شيماء: (شافت فأمال للي مكتخسرش على شيماء حتى شوفة عاد لبارح داكشي دأنوار ودابا محمد للي جااس كيهددها على حسابها) عرفتو شكون جا عندي هنا كيرغب ويزااوك ههه كالك نحبسو هاد لعناد (حتى وحدة مسولتها شكون) محمد
أمال: (هزت راسها ممتيقاهاش) علاش غيرغبك وهو كيشري لمرتو كادوياات
شيماء: وتيقتي نتي داااكشي
أماال: بانلي نتي اشيماء للي عايشة فشي عالم ديالك بووحدك محمد خرجك من بالو والا باقي يحس شي حاجة من جيهتك راه غير الشمتة وصاافي
شيماء: اوو دابا وليتي كتحسي بخووك
أمال: وراه كاع شربنا من كاس واحد ومن عندك نتي ولكن دابا تمووتي متهزش شعرة منا غير الا كان كانبو ياله ياله
هند: كتحطي راسك فشي موااقف (زادو حدا الطموبيل وهي تابعاهم كتفقس) بعدا الحاجة غيجيو بناتها يكملو معاها رمضان
أمال: ويييه مسكينة متجلسش وحدها..
شيماء: زعما نتي شنو حااسبة فرااسك
أمال: (ببرود) بناادم
شيماء: شتي نتي والله متوصليني حتى فظفر صبع رجلي صغير
أمال: وشكون كالك باغا نوصلك ولا نكون بحالك
شيماء: حساابلك نخلي وليد يتجوج وحدة بحالك
أمال: هه واخا بردتي شوية؟؟ هند واش مشينا ولا باقي غنسمعو هادي كتبلبل عليينا راه كتكهم والله
هند: نتوما بجوج مكتفاهموش متبقاوش تهضرو
أمال: هضري معاااها هي اما انا والله مكنشوفها حتى
شيماء: هكااوا زعما شتيني انا غير ميتة ونشوف وجهك للي داير بحال شي غربال كولو متقب بلحبووب كيعيف ووجهك بحال شي معزة عامر زغب
أمال: (ضرتها فخاطرها) زيدي شنو اخر
شيماء: نعيا نحسب منساليش ولكن مك للي كتعبر عليك من حكلها متحملك ماتقبلك غير حنا للي كنا غالطين فييييك
هند: شيمااااااااء
شيماء: اوا دابا عاد زيدي نمشيو (شقلبت عينها وطلعت راكبة فرحانة حيت أمال معرفتش باش تجاوبها أمال طلعت ركبت وحتى هند زادو نيشان للدار)
أمال: (هزت مرايا من صاكها شافت وجهها للي زغب كبر وبان فمصطاج شحاال هادي محيداتو) حم هند (صيفطات ليها ميساج مرضياش تقولها قدام شيماء…. ندوزو لكوافورة نخايد زغب) راني صيفطت ليك ميساج ((شيماء عوجت فمها هند جبدت قراتو وكملت الصوكان للدار مدخلاتش غير من حدا لباب ضارت عند شيماء))
هند: حنا باقي عندنا شي حاجة نتقداوها لمرت محمد
شيماء: (عوجت كمارتها) شلااااااا (خرجت ودخلت شافت هند قلبت الدورة ومشاو دخلت كتنكر محملاش راسها ونظمت كاع علاش فاقت ومشات مع لبنات…)
————————–
زهير: (جالس فدارو جمع فواحد القنت هو ووليد السلعة للي بقاتلو غيديها للمحال ديالو حتى تدق فلباب خرج لقا عبد الله شاف فيدو كانت خنشة فصفر) جبتووهم
عبد الله: متديش على عبد لوافي والله معرفت لر** فين كان يفكر منين عطاه لداك لهبيل دصاحبو
زهير: (شد الخنشة) راه هو نيت للي هبيل جالس يتصاحب مع واحد من قبيلة لغذااارين
عبد الله: خليك مول لعقل باا راه مبقاكااااد على شي صداع
زهير: انا مكندير صداع اعبد الله حاجتي ميقيسهاااش حتى يكون داكشي قانوووني حسبت 360 حبة لقا 360 حبة ماشي ناقصين جووج راه فيها مشااكيل
عبد الله: حتى دابا موقع والو هادشي قرب يتفرق
زهير: ارا الله يحفظك وكول لخويا غدا فلوسي بغييتهم محتاجهم
عبد الله: ياك نتا التالي كتدي
زهير: لا بغييتهم دابا
عبد الله: واخا خويا ….. (مشا ولاخر سد لباب شاف فوليد)
وليد: اوا على سلامتنا
زهير: (لاح ديك الخنشة) هادشي طلعلي فصحتي9 سنين وانا نبيع فيه كل مرة نكول توقع شي بروبلييم وهاد ولد خويا راه 10 فعقل
وليد: اودي فيه المشاكل ولكن بفلوسو باش طلعنا شوية
زهير: اوديييييي
وليد: زيد نكمل (صونا تيليفونو كان محمد جاوب) افييين… بالصح.. غدا كاااع… هههه لا لا غدا …. واخا تهلا.. (قطع) محمد مشا
زهير: غتمشيو غدا؟
وليد: والله كاره هاد المشية ولكن لفااميلا معندك كيف دير لها
زهير: بلعكس تمشي تشوف باك ومك وخوتك تجلس وسطهم العائلة كبييرة تبارك الله
وليد: اممم كاينة
زهير: كولي مساخيش واخد رااحتك مع مولات الطابلية
وليد: هه تعرفني ديال هادشي
زهير: اودي انا للي غنتحنسر اما نتا راك دايها معاااك.. وحتى داك محمد كفرني شماااتة تكول معيشها امييرة باش داك نهار كيتهز
وليد: هههه والله حتى تخرجلك لعقل ابا زهير…
#فلاش_باك
محمد: (وقف حدا زهير للي بغاه شخصيا) السلام عليكم
زهير: (حتى هو هاز راسو وبنفس نظرات محمد) عليك السلام بيخير؟؟
محمد: الحمد الله
زهير: حنا هنا ونتا جالس فاوطيل
محمد: زهير نتا عارف لبلان للي درتي وهادشي معجبنييش ماشي هادشي للي نعرف عليك
زهير: دابا للي بغا يدير لحلال ممزيااانش
محمد: مع ختي؟؟؟
زهير: ومعامن بغيتني نديرو معاك؟؟؟ بلعقل امحمد ختك باغيها لجوااج ماشي ل.. رااك فااهم
محمد: قيلها عليك اخاي زهير راه كاينين بنات الناس أما أمال غنعطيها لولد عمها
زهير: (استفزو) مكنسولكش لمن غتعطيها ختك مجوجها مجوجها كنتسناها هي تكول واااه باش نديها
محمد: (هز حاجبو) دوخاتك الشمش يمكن
زهير: مكاااين والو نتا للي راك تبانلي ماشي فمجاااجك وختك غنديها غير نتا متركزش بزاف معايا انا جيت عندك هنا ونيتي صاافية معندك لاش تبقى فلوطيل وانا هنا
محمد: (شاف فوليد)
وليد: صافي خليه على راحتو ازهير
زهير: (حس براسو كيتعصب) مخليه مالي جارو بلكوردا
محمد: ختي معندها كلام معاك؟
زهير: لوكان كنت تعرف ختك مكنتش تجي تݣول هاك
محمد: (زفر) انا داك نهار معجبنيش الحال دخل هكااك بيني وبينها
زهير: (شافو كيبرر) واش انا كنشوفها زرݣة كولها ومنسولش اصلا مفكرتش حتى نتا للي تكون داير فيها داك لفضيحة
محمد: لا متسولهاش كاين عندها رجال للي تهضر معاهم نيشان
زهير: سمع انا مباغيش المشاكيل معاك ولا مع حتى وااحد متݣوليش رجال ووجها كان هكاك عطيني غير سبب واحد يخليك دير فيها هااكاك
محمد: (هو براسو نادم وحس بزهير زمتو وزهير حس براسو كيدابز ماشي كيصفي لخوااطر على قبل أمال)
زهير: عارف ختك ومن حقك دير معاها للي بغيت ولكن ممنحقكش ضربها هكااك نتا عارف ضربتيها ومعاجبكش الحال ومراضيش على للي درتيه.. كيف بغيتي واحد باغيها للخير والحلال يبغي يشوفها هكااك وميسولهاش ويعرف منها…
محمد: (بقا كيشوف فيه كفاش كيهضر على امال ختو للي مكانتش فحسبااتو ومعلبالوش بيها) يكون خير
زهير: لخير كااين خاص غير بنادم يكون صاافي
وليد: (طرطق عينو كيطرطق صبااعو فهاد صااحبو للي جا باش يصفي لخواطر ساعة غير كيزيد يكفسها)
محمد: مهم سمحلي مممم غنݣدش نمشي معاك
زهير: وتبقى هنا فلوطيل
محمد: معليش خليني على خاااطري
زهير: أجي غير فطر معانا
محمد: والله حتى راني مع صااحبي غير خليوني على خاطري
زهير: مرحبا مهم انا هنا للي بغيت مرحبا وختك راها مع مٌا مهلية فيها بحال بنتها
محمد: (حرك راسو باه.. زهير مشا للطموبيل كينكر مبرداتلوش ديك غيعطيوها لولد عمها بقا معاه وليد عاد رجع عندو..)
#باك
داز داك نهار عادي لبنات جاو معطلين وجههم كيشعل شيماء غير بقات كتشوف موالفين كيديوها معاهم.. وجدو فطور خفيف حيت كانو دايرين كسكسو بلقديد عاد امال كانت موجدة مخامر لطاجين لدراري حيت كيجوعهم طعام دخلو يجمعو حوايجهم
هند: مسخيييتش والله
أمال: (بتنهيدة) حتى أنا يا ختي ولفنا الحاجة
هند: انا مرة مرة نجي نطل عليها على متجي
أمال: عفاااك اهند ياله معاياااا عفااك وحتى مريم شحال رغبااتك
شيماء: (عوجت فمها) هند ياله معايا نتي عارفة ماما شحال كتبغيييك
هند: لا لا مصااالحش
أمال: دابا نشوفو
هند: تشوفي عينك في كفاك ههه
أمال: هههه (بقاو كيظحكو وشيماء مفاااهمة واالو كملو وطلعو لسطح مع شعلو الضو وخرجو يطلو لقاو زهير ووليد تماك أمال بلا متحس تبسمت وكفاش متبسمش قدام أكتر ناس محسسينها انها إنسان عاد الاهتمااااام) حم سلام
زهير: (هو بقا غير كيشووف فيها… وليد زاد حدا الحيط الي قاسم ما بين سطحو وسطح مو) لباس!!
أمال هند: الحمد الله ونتا
وليد: الحمد الله هاد الليبة ما فيهاش البرد بزاف
هند: اه الجو زوييين
وليد: باينة كيعجبك الصيف؟؟
هند: ويييي حسن من شتا بزااف بعدا كتلبس بياسة وهانتا متبرد اما شتا لبرد فيك فيك
وليد: هادي فكرتي حتى انا
أمال: انا بعدا يعجبني شتا
زهير: (زاد الحيط بشوية حك لحيتو وتكى على الحيد) رواحي نتي لَّهْنْ ݣوليلي شنو يعجبك (أمال حنات راسها)
وليد: مكتݣشرش
زهير: أمل رواحي (هزت راسها فوليد) رواحي واش عاد تسنايه يݣوليك سيري
وليد: ههه هنينا البشار راه تحشم
هند: (ضارت عندها) سيري اصاحبتي (ضارت عند زهير تبسمت) خونا زهيييير
زهير: (تبسم جنب وشاف فأمل) ياو روااحي خاصني معاك وااسطة باش تجي نݣولك جوج كلماااات
أمال: (بعدت) انا نهبط عند الحاجة
زهير: ويا جدك ومتجييش (محسوه حتى نقز الحيط كان قصير شوية ومشا عندها وقف حدااها كيمسح يدو) ݣوليلي كتعجبك شتا؟؟
هند: (ضارت عند وليد زعما كمل وخليهم يهضرو)
أمال: (تبسمت حشمانة) واه
زهير: وشنو ياخر؟؟
أمال: معرفت
زهير: صافي سخيتي تمشي غدا
أمال: (شافت فيه) والله مسخيت ولفت بلحااجة وبجنااان
زهير: (بالزربة) وانا؟؟
أمال: أحااي
زهير: (دار يدو فجيايو) جنان وولفتيه علية وانا واالو؟
أمال: حم فوكاش غتحل المحال
زهير: نهار ترجعي
أمال: (شافت فيه لقات واحد الشووفة فشكل جاتها رهبة كبيرة منها وفنفس الوقت حسات بإحساس فشكل دغيا هربات عينيها من عينيه ومن شكلو للي كان وااقف بكل ثقة وكتافو وااقفين بكل معنى ݣااابض)
زهير: أمل.. (تشجعت وشافت فيه) عطيني نمرتك
أمال: ها
زهير: أبردييي علييك راه نيييتي زييينة معاك اديك الطفلة
أمال: (بهمس) حشومة وليد..
زهير: مال وليد شغلو انا باغي نهضر معاك نعرف حاااجة للي نتي مباغاش تݣوليهالي ݣدامي ماشي باش نجرجر بيك سوااايع انا هو للي متخافيش منو أمل
أمال: بفففف
زهير: (ظحكاتو) ههه طلعت ليك فراسك من دابا
أمال: لا لا لاااااا والله انا غير حشمت
زهير: (تبسم وقلب وجهو ورجع شتف فيها مصاربة غير مع حزام بينوارها كتلعب بطرافو وكتحل كاع ستريس لتمااك كولشي كيلاحظو فيها ماشي باغي يزيد يعرفها ولكن كيلقى راسو هاكا مهتم بأصغر تفاصيل تفاصييلها) عطيني النمرة ونكتب ليك جنان
أمال: هههههه (ظحكها حتى تقوسو عينيها ودارت يدها على فمها)
زهير: وا هكاا نبغييك ظحكي راه تابعك معايا غير الظحك والخير وأي حاجة تمنيتيها وكانت فاستتطااعتي توصلك ابنت الناس ݣبل متحلي فمك عليها…
أمال: هه (تبسمت من كلامو)
زهير: كملتي قرايتك؟
أمال: لا مزال باقي لفااك مبديناش كاع الامتحانات
زهير: مزيان هي غتولي ترجعي؟
أمال: (جمعت الظحكة) واش كالك خويا محمد مغرجعش؟؟
زهير: لا مالكي تخلعتي
أمال: لا غير يسحابني كالك مرجعش
زهير: (شافها طلقات معاه فالهضرة) علاش ضربك داك نهار
أمال: (رجعت حنات راسها وحواجبها تشركو) معرفت كان معصب
زهير: ديما يضربووك هكا؟
أمال: (رمشت 3 دلمرات متابعين) أجيو العرس
زهير: (فهمها كتبدل الموضوع) كتعرضي علية للعرس (تبسم) باغاني نجي؟؟؟
أمال: باش تكلع القنط
زهير: القنط غيتكلع بيك نتي اكلييع الكلب خاص غترطابي شوية
أمال: هه أنمشي
زهير: والنمرة؟
أمال: (تبسمت وقلبت وجهها)
زهير: (دار يديه فجيابو من ديما قامعاه ولمشكل عاجبو الحاال وهادشي كيزيد كتر يخليه مربوط فييها) واخا دابا نصيفطليك برية.. منين مباغاش تعطيني نمرتك
أمال: ههههه
زهير: وااخا سيري هبطي
أمال: بسلامة (ضارت بالزربة ماشية لباب سطح ومتأكدة كيشوف فيها لدرجة تلفت ليها المشية زادت زربت حتى وصلت وهبطت فلبلاصة)
زهير: (زفر ظااحك مبغاش يقجر علييها ضار لقا هند ووليد قراب كيهضرو نقز سطح وهند ضارت)
هند: مشات أمال؟؟؟
زهير: واه هربت
وليد: (شاف فهند بمعنى حتى نتي سيري)
هند: اوك انا غنمشي نتبعها كنا كنجمعو حوايجنا باي (هبطت كتجري تمشي تنتف أمال للي مبقااتش وممكملت الهضرة مع وليد انا زهير جبد كارو وبقا كيكميه جا وليد جلس حداااه)
وليد: شنوو؟؟
زهير: صافي غير نفتح لمحال مور لعيد غنمشي لدارهم
وليد: بحرا نكون انا بااقي
زهير: نكملو ونمشيو لفاس نيشان؟؟
وليد: هه ديها فراااسك
زهير: هااا هو (كملو جمووع عبطو مشاو تسحرو صلاو لفجر وكل واحد دخل يتكى زهير نعاس هرب عليه كيفكر فيها بزااف غدا غتخوي الدار وغتباان بلاصتها بزااف كان كيدخل للدار فرحاان باش يبدل حوايجو ويمشي عند مو فين كانت هي واخا قليل فين كان يشوفها إلا وجوودها كان داااير حس تمنى جواب من عندها تريحو ويجيبها لداارو تعمر علييه شوية سمع الحس وقف وخرج لقا وليد لبس حوايجو) فييييين
وليد: هه منعستيش؟؟
زهير: حرم علية نعاس يا خويا
وليد: هههه اعجبااتني فيك بنت عمي ابا زهير
زهير: (تكا على الحيط) غتمشيو بطموبيلة ديال هند
وليد: واه هادي درت مع مولاها غردهاالو
زهير: سمعتها لبارح كتقنع فيك
وليد: ههه (وقف) ياله خويا تهلا وشكرا بزاااااف والله يخلف عليكم
زهير: الا خلف حشوو سير هبط انا جاي (هبط وليد هاز صكادووه وباليزة لحق عليهم لقا لبنات لتحت وحتى الحاجة معنقاها هند والحاجة شادة فذراع امال للي مع صباح بانتلو زويييينة بان لفرق نهار جات فاللول ودابا تسالمو مع الحاجة للي بكات عليهم مسخياش زاخا بناتها غيجيو فالعشية ولكن ماشي بحالهم.. بداو يركبو زهير حل لباب لأمال من الجهة الاخرى ركبت حشمانة منو حنا) طريق سلامة
أمال: الله يسلمك
زهير: غيتوحشك جنان ههه
أمال: ههه (وقف سد لباب ومشا عنق مو للي كتبكي دارولهم باي باي حتى غبرووو…)
زهير: بنت اللدينة ولافة
الحاجة: (ضرباتو بشوية لكرشو) هه وبنت اللدينة لاش؟؟؟
زهير: ههه (كيحك بلاصة ضربتها) سيري طلعي ترتاحي انا شوية نمشي نجيب السخرة
الحاجة: الله يرضي عليك اوليدي
زهير: اجي ياك بعدا خلات ليك نمرتها
الحاجة: (مشات كظحك هو رجع مشا لدارو فرحت لفرحتو وشافت ولدها مرتاح مع فكرة يتزوج بأمال وحتى هي مشافت من لبنت غير الخير والإحسان عكس شنو سمعت من عند مها للي مرة مرة كيبغي يدخلها لوسواس وكطردو.. بلعكس لقات بنيوتة حشوومية كظحك ومكتبسلش كتحتارم الي كبير علييها كتصلي ملتازمة بحجابها فرق كبير بين لي شافتو وبين لي سمعت ودنيها… أما زهير لبس عليه نعاس هارب عليه مشا حل المحال ديالو كيكمل داكشي للي قاد عليه بوحدو وكما رسموه معاه وحتى هند عوناتو بزاااف فالتنسيق وفلباج للي حطات وحتى دراري للي بغاو يخدمو عندو وعندهم خبرة فمجال البيع ولكن مغيخدمهم حتى يرصي أمورو ويدير كليان ديالو…)
~~~~~~~~~~~
شيماء: (هزت حاجبها من كلام زهير لأمال شدو طريق وبقات فحلقها حتى قربت لأمال بهمس وخبراتها) اوييلي عليك أمال واش نتي كضوري بصاحب صاحبتك
أمال: (باستغراب ضارت عندها) كفاش؟؟
شيماء: على زهير
أمال: (تبسمت) اااه اوا شنو ندير تبعت حرفة بنت عمي (بعدت من حداها ولسقت فالسرجم مبعدة من كلامها الباسل.. وتفكرت زهير كلامو وغزلو فرق كبيييير بينو وبين أنوار واخا لاخر كان يسمعها كلام معسول ولكن ديما كانت ناقصة ديك الجدية للي فزهير لكلمة للي خارجة من فمو تحسها خارجة من قلبو ويديرها ويموت معاك فيها برااكة غير وااقف فوجه محمد شافت فشيماء لقاتها نعست ووليد وهند شادين موضوووع وباين مهم تبسمت ليهم وتكات براسها مغمضة عينها كتفكر غير فدارهم وفهاد لمجية كل ما مشات لتمااك قوية كترجع مهرسة وسبابها مها وخووتها.. مساافة جوج سوايع ونص وصلو أمال قلبها بدا يضرب ومعدتها مكمشة ديما نفس الإحساس معمرها رجعت فرحانة لدارهم وصل وليد بلاصة الطموبيل هبطو لبنات جا محمد للي كان حدا المحال جالس سلم على وليد ولبنات جبدو حوايجهم شيماء جايبة غير صويك صغير زعما راني ممطولاش وأمال وهند جايبين باليزة وحدة جامعين حوايجهم فيها وخلاو شي حاجة فدار الحاجة عاد شانطة ديال ووليد وصلو لدرووج جا محمد هز شانطة ديال ختو وطلع دروج شيماء غير متبعاه لبسو مبدل ستيل بحال وليد عكس داك الدرابل للي كان كيلبس طلعو لبنات)
أمال: وجدي رااسك
هند: ههه هانية
شيماء: هند ياله طلعي معايا واش حمقة تجلسي فهاد الدا.. (مكملاتهاش لقات محمد خرج وسمعها)
محمد: عودي شنو كلتي نتي!!
شيماء: (طلعت كتجري فدرووج قبل ميسمعها خل ودنيها عاود)
محمد: (شاف فلبنات) زيدي دخلو (شاف فهند) ختي مرحبا بييك (بصوت مرتفع) مييييييي (زعزعهم… جات فتيحة كتجر رجليها من وجهها باين باغيااهم)
فتيحة: مرحبا بيييكم (أمال كما العادة دارت الواجب باستلها يدها وراسها ومدت حنكها.. جا دور هند سلمت حتى هي) دخلو دخلو )
أمال: (وهند غير كيتشاوفو دخلو كانت الدار كتشعل بحال ديما وريحة لحريرة عاطية فيها نعاس ولكن متحلمش) حم هند اجي دخلي تنعسي
فتيحة: ايييه زيدي ابنتي نعسي ترتاحي
هند: براك الله وفييك اخالتي (دخلت لبيت أمال لقات سداري بلبونجة ديالو مفرشة بكاشة يعني دارت بحسابها وهادشي راجع لمحمد) غتكاي نتي؟؟
أمال: أحااي برااكة غير هاد الاستقبال هههه
هند: هااء معييتيش
أمال: (بتنهيدة كتلبس بيجامتها) تكااي شوية ترتاحي (خرجت من تماك مخلية هند ترتاح مرتاحة بعدا منين خلاتها مها دخل لقاتها فلكوزينة كتعجن) حم ماما نعاونك
فتيحة: زيدي زيدي القايدة راه مرت خوك غتجي تفطر معاانا
أمال: (فنفسها علم الله اش درت ولا مدرتش عاود) وااخا شنو ندير
فتيحة: داك شغل للي كنتي طيري وديريه عند الحاااجة على الله يكون غير بشي ربح
أمال: (عرفتها شنو كتمعني) ندير بطبوط
فتيحة: لواه مالي عارضة على الشرف ديري شي شهيوات مزياانين مرت خوك اول عراضة ليييها
أمال: (بفرحة) مرحبا بييها
فتيحة: ونتي للي مرحبا بيك أما هي الله يرضي عليها مكتغيبش علية ماشي بحالك خرجتي موليتي بغيتي ترجعي لداركم
أمال: (مكتبغيش تجاوب معاها) اممم ندير بريوات
فتيحة: وشنو ياخر؟
أمال: للي بغيتي أماما
فتيحة: ديري داكشي لمعمر وديري شي حاجة دوز لحريرة راني حيدتها عليك منين تكملي ردي شي طاجين باش نتعشااو نمشي نخبز انا (أمال تنهدت دارت فواطة وجلست كضرب برجليها ويديها وتسربي باش تعجب مها شوية…)
~~~~~~~~~~~~~~
نعيمة: (فرحانة ببنتها دخلت معاها لبيتها وبقاو كيهضرو جبدت شيماء كتبدل) بنتي عكوزتك مشراتلك والو
شيماء: لا
نعيمة: (جاتها عجب) وحتى خطيبك؟؟
شيماء: لا علاش خاص يشريو
نعيمة: اوا من باب صواااب ابنتي معلييهش رتاحي ابنتي
شيماء: (هزت كتفها) اوا صاااافي حتى نتي لمهم هو كيحماق علية
نعيمة: اممم متغريش ابنتي بزاف راه العشرة للي كتحكم
شيماء: والله اماما الا كنهضر معاك بالصح
نعيمة: ابنتي راني يانا للي فيتااك فدشي
شيماء: (كتجمع شعرها سفنجة) برااكة غير هو ختارني وجا خطبني
نعيمة: كل مرة تݣولي جا خطبني وختارني علاه مالكي ناقصة يد ولا رجل راه بلفرحات عليه يتزوج بيك ويتناسب معانا
شيماء: وداكشي للي كيكولي حتى انا
نعيمة: نعسي نعسي حتى تفيقي ونهضرو نوجدلك شي شهيوة ابنتي
شيماء: (باستلها يدها) للي درتي امامااتي…. (خرجت نعيمة سدت لباب عليها ومشات عند وليد للي كمل صلا وداخل لبيتو)
نعيمة: وليدي نوجدلك شي حاجة
وليد: للي درتي أمييييمتي توحشت أي حاجة من يديييك
نعيمة: الله يرضي عليك احبيبي (دخل لبيتو جبد تيليفون صونا على زهير)
وليد: فيين أبا زهير
زهير: وصلتو؟؟؟
وليد: ݣبيل شوية على مدخلنا توضيت وصل..
زهير: واشا راك تعاودلي قصة حيااتك ݣولي أمل واش راها لباس؟؟
وليد: ههه لا نتا فرفرتي
زهير: هه تلاح راه معلق كنكمل تركاب تريااات
وليد: سييير حتى نفيق ونصوني عليك
زهير: أش انݣجدر بييييك زللللللللݣ…
كريمة: (كتلبس جلابتها) ياله ابنتي طلقي راااسك
مريم: (لبسات جلابة فالشيبي خيطاتها لها فتيحة فلعقيد ودارت كاب فلبيج من لفوق) كجيت أماما
كريمة: على مزيينك ابنتي عنداك تنساي دوك لمليويات للي كاديتي (خرجو لقاو محمد فوسط طموبيلتو تبسمت حيت مكانتش فتيحة كالتلها راه غيجي عندكم غير شافهم هبط باس راس خالتو) الله يرضي عليك اوليدي كون معذبتي راسك الدار راه غير فالدورة
محمد: (حل لكوفر وهز طبسيل من عندها) فوكما بغيتو تخرجو عيطيلي
مريم: (كتسبل فعينيها ومقدااها فرحة رتاحت شوية من هاد لجييست واكترية عرفت شيماء جاات شد من عندها الطبسيل دارو فلكوفر ورجع حداها)
محمد: لباس عليك؟؟
مريم: الحمد الله اخويا ونتا؟
محمد: الحمد الله طلعو (فتح لباب لخالتو ولمريم وهو مشا جلس بلاصتو ركبت كريمة هازة رااسها زعما شوفو اجيراني راجل بنتي ككيتعامل معانا أما مريم فرحااانة على واالو مهم جا عندها صاك مسافة دقيقة وها هوما فالدار طلع دوك طباسل وهوما تبعووه كانت نعيمة ياله دااخلة حتى هي)
نعيمة: نهار كبيييير هدا (سلمت علييهم) بنتي مريم لباس عليك
مريم: لباس الحمد الله اخالتي ونتي وكوصلت شيماء ووليد؟؟
نعيمة: الحمد الله يسول فيك الخير
كريمة: على سلامتهم الالة نعيمة
نعيمة: الله يسلمك احبيبتي دخلو راه فتيحة مكداها فرحة
كريمة: مرت الغاالي عندها عزييزة وغاالية هههه
نعيمة: الله يتبت غرسهم ويكمل عليهم بالخير (دخلو لقاو فتيحة وامال وحتى هند كيوجدو خرجت عندهم فتيحة وضرسة العقل كتبان ليها بلفرحة رحبات بييهم ودخلاتهم للصالون)
أمال: معرفت واش نمشي نسلم ولا لا
هند: ههه وراه خاصكي تمشي
أمال: معرفت ولا كولشي كيجيني تقيل على قلبي كتر من للي كان واخا مريم عزيزة عندي
هند: لا حشومة غير سيري ديري صوابك واجي انا نبدا نستف فطباسل
أمال: يا ختي سمحيلي كتجي لتماارة
هند: يا ختي غير ترضى علينا فتييحة هدا هو المهم ههه
أمال: ههه (حيدت فواطتها وقدات حالتها شوية مسحت على وجهها شوية دلما مسحت بذراعها) انا مشييت (خرجت نيشان للصالون غير شافتها مريم وقفات مشات سلمات بليمن فين كانت جالسة نعيمة)
نعيمة: اهلااان اهلااان بلغزييولة اموولة (سلمت عليها بحرااارة عاد دازت لخالتها كريمة للي كتعبرها بعينيها وجاتها صحاحت شوية عاد مريم للي سلمت عليها حتى هي فرحانة)
أمال: مرحبااا بييكم
نعيمة: بنتي جيتي ومطلعتيش عند مرت عمك
أمال: والله اخالتي كلت مور لفطور ونطلع عندك لكيت ماما بوحدها ومبغيتش نخليها
فتيحة: اوا سيري كملي وبداي تحطي
نعيمة: (تبسمت معاها ومشات امال.. شافت ففتيحة) خليها بعدا غير ترتاح
كريمة: ييه اختي جات على تمارة
فتيحة: اشمن تماارة ههه شوية دلعجينة تمارة
نعيمة: وبااااااز أنا شيماء مزال شخيرها كيتسمع
فتيحة: كخلات عائلة راجلها
نعيمة: لباس عليهم حتى هوما زربانين بغاو يدورو لكاغيط مور لعيد صغير اوا وانا وباها راحنا نتشاورو فهادشي وعاد نهضر معاها
فتيحة: اوا لمعقول ميهرب منو حد بغا لكاغيط يديروه باش يبقاو على خاطرهم
نعيمة: انا كيهربلي الخاطر من لعقيد وجلس تسنى فوكاش العرس
كريمة: انا محمد خوشني نهار كالي والو درت لاكط مور لعيد العرس ولكن كلت فيها خير
نعيمة: هكاك مزيان ياك كملتو جهاجكم
فتيحة: (زفرت بفقسة) قرييب قرييب
نعيمة: اوا نخلييكم تطلع نحط راه خليت سناء بوحدها
فتيحة: اربي لمهبطو ونفطرو جمييع
نعيمة: مصااحش افتيحة راه لولاد عاد جاو غدا ولفطور عندي ان شاء الله حتى نتي اختي كريمة ومريم بلاتي ونهبط عندكم (مشات تخرج وهي تبعتها هند عنقاتها) اهلااااان بنتي وماالكي مطلعتيش
هند: بحال بحال اخالتي بقيت مع امال ودابا نطلع
نعيمة: (قوست عينها فيها) مالكم ابنيتي؟
هند: واالو اخاالتي غير بقيت مع امال وصاافي
نعيمة: عافا حبيبتي كوليلي
هند: مكاين واالو اخالتي نعيمة انا بلاتي ونطلع
نعيمة: واخا بنيتي خليت ليكم الراااحة….
———————
حطو لفطور فدار فتيحة كما العادة رجال بوحدهم ولعيالات بوحدهم وهادشي حتى عند الحاجة هي وبناتها وبنات بناتها وحدهم ورجال مع زهير فالصالة تحط داك لفطور وبقا كيشوف فين داك زوااق للي ولفت عينو واخا ماشي غير امال للي كانت كطيب وتقاد بووحدها ولكن كانت لمستها كااينة من نهار اللول طاح عليه الضيم والقنط…
مينة: (أخت زهير) اوا ما كوولي ولا معجبكش هادشي راه حتى بناتي يعرفو يديرو شهيوات
الحاجة: ههه لا بنيتي هادشي زيين ونعمة ربي كولها زييينة غير لبنات خلاو بلاصتهم
عيشة: (اخت زهير) واش شي وحدة فيهم باغي يديها زهير
الحاجة: مزال معرفنا ابنتي لمكتااب
عيشة: وا شووفلك وحدة من دوك لبرهوشات دات ولد لكاملة ووحدة حاطة لعين على خونا مسويهلاتش
الحاجة: لا بنيات على مزيناااتهم
عيشة: نتي للي مزيينك اما للي جات تظحك عليك وتزيييد…
مينة: مكلتيناش اما فوكاش زهير يفتح حانوتو
الحاجة: مور لعيد ابنتي ان شاء الله
مينة: اممم ومكااالكش على الدار لتحت (شافت فيها مها) اوا منين ناوي يتجوج خاصو يعطينا حقنا نخافو يتدها بشي عقروووشة تخرجك حتى نتي من هنا بعدا نضمنو دار لتحت تجلسي فيها
الحاجة: عاود ابنتي لعواشر هااادي
عيشة: مكلنا عييب أما حقنا هداك للي ضااع لمووت ولحيا خاصكي تردي لولدك لعقل…
~~~~~~~~~~~
فتيحة: (كياكلو وتزيد لحدا مريم وترحب بييها هند غير كدور عينها وتبسم أما أماال كاي بنت تقرساات منين شافت فمها عاطية كاع اهمامها لبنت اخرى هي معندهاش مشكلة مع مريم عندها مع مها..)
مريم: الله يخلف
فتيحة: كولي ابنتي بش تصحاااحي
كريمة: كولي ابنتي راه عكووزتك كتسمنك لولدها ههه
فتيحة: ههه وشنووو رجال وعرفااافهم شنو يبغييو
أمال: ههه (شافت فأمال) واقلة انا ميقبل علية حد (جمعت الظحكة نسات راسها وهضرت لقات مها مخرجة عينها فيها) غير نظحك
فتيحة: راكي ظحكة نييييت نوضي جمعي الطبلة (ناضت مرضيااش كتجمع وحتى مريم ناضت واخا عيات فتيحة تحلف ليها هند للي مخلاتهاش فين تنوض بقات كتجمع معاها وهند غير كتشوف وتسمع لحديث دوك جوووج حتى صونا تيليفونها)
هند: سمحولي نجاااوب
فتيحة: واخا ابنتي خودي راحتك (جاوبات هند حدااهم باش ميشكوش)
هند: الووو الحاجة لباس عليك
الحاجة: الحمد الله ابنتي ونتوما خليتو علية لقنط
هند: حتى نتي الحاجة بقات بلاصتك والله قريبب ونتشاوفو ان شاء الله
الحاجة: ان شاء الله ابنتي فين أمل نصوني عليها متجاوبش
هند: راها كتغسل لمعاان (دارت يدها على لميكرو) خالتي نعطي التيليفون لأمال
فتيحة: (عجبها الحال تشاورها وحتى هند دارت هكاك باش دير بلاصة عند فتيحة) اييه ابنتي عطيهلها
هند: (وقفت هند) أمااال امال (جات عندها امال كتمسح فلفواطة يديها لفازكين) هاكي الحاجة
أمال: (تبسمت) السلام عليييكم
زهير: عليييكم السلام
أمال: (جمعت الظحكة وبقات كدور عينها تصفاار وتخضاار شافت فيهم فرشت راسها براااسها أما هو كيتسنى يسمعها ومو حشماانة من قبيلة وهو هضري معاهم هضري وغير عرفها غتهضر مع أمال خطفلها التيليفون كيظحك) حم ألوو
زهير: (دخل لبيت وسد عليه لباب) كوصلتي؟؟
أمال: حم الحمدالله (دخلت للكوزينة وهند مستغربة من نبرة صوتها للي تبدلت تبعتها)
زهير: داز نهار باسل بلا بيييك
أمال: (مصدوومة كتشوف فمريم) بالصح؟؟
زهير: حداك شي واحد؟؟
أمال: امم واااه
هند: (وقفت حدا امال ودارت ودنها)
زهير: شفتي وكان خليتيني نجي عند والديك كاع متحشمي هاااك
هند: (تبسمت) حم مريم حبيبة سيري جلسي انا نكمل مع أمال
مريم: واخا ختي
هند: (قربت لمايك) شتي ابا زهير هانا درت معاك لمزيان
زهير: ههه وشي كلييمة الالة أمال
أمال: احااي راه يسمعني شي حد يذبحني
زهير: باش نحرك ديك الدار بمااا فيها
امال: ههه كدايرة الحاجة
زهير: ولد الحاجة لبااس عليه خاصو غير لمرااا
أمال: ههه بسلامة
زهير: تسناااي خااصك شي حاجة؟؟؟
أمال: لا
زهير: ها نمرة ما عندك الا بغيتي ولا ضراتك شي حاجة صوني غتلكايني عندك
أمال: اممم
زهير: ياله قطعي باش منزيدش نقجر علييييك… (قطعت وشافت فهند وهي كتبسم) هدا راه هبييل
هند: (شدت تيليفون) راه نتي للي هبييلة اححح اقلبي وشي واحد يدير على قبلي هاااكا بربي حتى نكر لحزااق كاامل ونمشي عندووو لسق فيه بيدي وبرجلي…
زهير: (رد التيليفون لمو) معندهاش الريزو وقطعت
الحاجة: ههه منين اوليدي هااك ياله نديو صوابنا ونمشيو نخطبو الطفلة
زهير: (زفر مباغيش يخيب صورة عائلتها فعينين مو) حتى نفتح المحال اما
الحاجة: حتى انا اوليدي عجباتني أمال دريويشة وظريفة ومربية
زهير: (فرنس) وزينة
الحاجة: حشششم ونتا تقزدرتي
زهير: (هز يدها باسها) ميمتي هي للي تسمعلي
الحاجة: كااينة اوليدي الله يكمل علييك بالخير وياااااا ربي فينما حطيتي رجلييك تيسر…
زهير: (باس راسها) مخاصك والو؟
الحاجة: خيرك كاين اوليدي وحتى خوتاتك مخلاو مجاابو
زهير: انا نمشي للدار نتكى شوية (خرج من تمااك داز على جنان جلس فيه شوية على مكمى جوج كواااار وشهوتو هاد الساعة غير أمال يهضر معااها تونسو ويونسها.. ناض نيشان لدارو حيت منااعسش وعياا…..)
~~~~~~~~~~~~~
أشرف: (كيشيش شاف فأنوار للي كان كيهضر فالتيليفون مع خطيبتو قطع وهو يحايد التيو من فمو وبخ الدخان فسما) فششششكل عندك هادشي العشيير
أنوار: سمووو هوااا
أشرف: كنتي مع وحدة ومشيتي تخطب بنت عمها غير باش تفقس اللولة للي نعستي معاها وكانت عاجبااك بزااااف
أنوار: ههه اشمن عاجبااااني (هز تيليفونو وجبد تصويرة ديال امال نهار اللول فاش جاو هي وشيماء قبل ميمشيو لصالون كانت حالتها بدوك لحوايج وموسطاج اراك من بعيييد ورالو التصويرة) واش انا تعجبني هاد لمااااركة
أشرف: (تمعن التصويرة هي امال) هههه ولو
أنوار: شيماء حتى الا مشيت معاها متحشمكش زوينة وفوورما وبنت عائلة هاد أمال والله وكان تعرف للي عرفت علييها حتى تبهر السيدة كولها كذووب بلا السرقة ونفخ من هنا داك الحشمة وتبوزيق على على خووك للي كان حمييييدة
أشرف: وااالو واخا تعيا تشكرلي فييها
أنوار: وكاع لا هي غتولي مرتي انا وانا متفهم معاها وعجباني اللهم بعدا هي ولا وحدة من دوك لكوفرات فين كانت لاسقة الوالدة
أشرف: غير باغي تعمر راسك بييها هاديك للي كظحك عليها وباغي تكرهها صحة هي لي جابتلك تمااام
أنوار: (غوبش وبقا كيكمي) كتخربق
أشرف: راه نتا للي كتخربق داخل بين بنات العم تلقا وحدة مبقات كتشوف فلووخرا
أنوار: (بعصبية) هنيييينا ابنااادم وكلام على مرتي مكااااينش
أشرف: ها هوو…
~~~~~~~~~~~~~
شيماء: (لسقت فمها للي مبغاتش تهبطها معاها واخا هكاك لسقت فيها.. لبست احسن ليجامة عندها ودارت ذهب للي شحال ومها تشريلها عاد للي جابولها فلخطبة نبالة وخاتم وسنسلة لوات شال عليها مخلية الكصة على جنب ودارت ميكاب خفيف ورشت من الريحة الغالية للي جابلها وليد وهبطت مع مها دخلو عند فتيحة للي مجمعين حاطين كاس اتاي مع حليوات مشكلين وشي بريوات بقاو من لفطور)
نعيمة: واحد السلام عليييكم (كولهم ضارو ومنهم مريم للي شافت فشيماء شنو لابسة وكدايرة وعاد ريحتها للي جاية من لبعد رحبو بيهم ودخلو وجاو هند وأمال للي كيشوفو فشيماء كفاش مقادة وجاية تشالي بذهبها بحال بغلة لقبوور.. وشيماء كتعبر فمريم بعينييها)
شيماء: مبرووك عليك امريم
مريم: الله يبارك فيك اختي
شيماء: (سمعت صوت محمد كيعيط لمو)
فتيحة: مريم نوضي ابنتي شوفي راجلك شنو بغا
شيماء: هاء هو عيطلك نتي اخالتي
نعيمة: (مرضاتش) ونتي ماالك
مريم: (تشجعت) حم انا نوض (ناضت لقاتو فالصالة) بغيتي شي حاجة
محمد: (تبسم معاها) شي كاس ديال اتااي
مريم: ها واااخا (مشات للكوزينة جابت صينية صغيرة وطبسيل وكاس عمراتلو كاس اتاي وشوية دلحلوة)
كريمة: لبنت تلفت هههه
مريم: ههه (دات الصينية ويديها كيرجفو حطاتلو داكشي حتى وصلت لحداهم)
محمد: مريييييم
فتيحة: سيري حداااه لاش جاية حدااانا (ضارت عند نعيمة) يا ختي تفقص هو يبغيها تجلس حداه وهي غير حشمانة
نعيمة: ههه لبنت حشووومية (شيماء مورا ظهر مها كتشقلب عينيها وامال وهند غير كيشووفو ويتغامزو بيناتهم….)
محمد: (حط كاسو فوق الطبلة) جلسي مالك حطيتيه وهربتي
مريم: معليهش نمشي نخليك منصدعكش
محمد: وشكون كالك كتصدعيني
مريم: (طلعات معاها التزنيييكة جلست فطرف السداري للي جالس فيه)
محمد: ههه راك مرتي امريم
مريم: (حشمت وحنات راسها كتخبي الفرحة.. أول مرة يجلسو بجوج بيهم)
محمد: صبري انا نجيبلك شي حاجة (وقف خلاها متبعااه غتموت بلفرحة مع خرج باش يمشي لبيتو لقا لعيالات فالصاالة ومنهم شيماء للي مزينة ومقاادة متوقعش وجوودهم) السلام عليكم (مجاو فين يردو حتى دخل لبيتو معصب كره شوفتها ظن أنها عمرها تعاود تحط رجليها فدارهم من بعد لكلام للي قالو ليها جر باليزة كبيرة ودوزها من حداهم مفاهمين واالو ودخل بيها لبيت التلفاازة)
كريمة: سمو داكشي
أمال: هادو كادويات شراهم ليها فاش كنا فوجدة
كريمة: (بفرحة) هاااااه (شافت فختها زعما واخا كتخبعي) وشوووفليك محمد
فتيحة: (مفراسها ميتعاود) وشنووو راه كلتليك لمباركة هي للي تكون مرت محمد
شيماء: (عوجت فمها وفبالها هادشي كامل غير باش يفقسها) هند مغطلعييش
هند: لا غنطلع
أمال: لا واالو تباتي معايا
كريمة: (جاها لفضول) شنو جابلها امال
أمال: ههه كولي شنو مجابش لييها
كريمة: نتي ممشيتيش اختي
فتيحة: (مرضياش) راكي عارفة دوك تفاتف خلييتهم للبز هوما يعرفو درك حوايج بنات اليووم
نعيمة: اللهم باارك تلبس فيهم وتهااود راه جات للدار لكبيييرة وحتى مريم دريويشة تستاهل الحاجة الزينة ليييها
كريمة: اميين احبيبتي والله يكمل على شيماء بلخير وعكباال لبنات للي باقيين
شيماء: (غتفركع وشافت بحقد فأمال)
أما عند محمد حط لباليزة حدا مريم للي شافت فيها باعجاب ظنها شرالها غير باليزة وفرحت بيها بزاف
محمد: (تكااها حدا رجليها وحل السنسلة وهي دير فووف ولميكات كيتخرششو.. شاف فيها) بصحتك الالة هادو ختارتهم ليك ختي غيعجبووك راه جريتها فشموش كتشريهم ليك
مريم: (بفرحة مع ابتسامة عريضة) شكرا اخوويا بزاافمحمد: (كظحكو منين كتكولو خويا وهدا دليل على احترامها لكبير لييه) هانتي شوفيهم على خااطرك نطلع انا لسطح شوية (خرج بكاسو خااوي وقف عاطي بظهرو لشيماء) عمري امال (عمراتلو امال تحت نظرات مها كفاش عمري امال هي بوحدها للي كانت كتكب ليه أتااي عمراتلو كاسو هز وخرج)
كريمة: (وقفت) ياله نوضو نشوفو شنو جابلها
نعيمة: ههه متهنيتييش
كريمة: والله يا ختي متهنييت (ناضو كاملين دخلو عند مريم لقاوها مقردة فالأرض معرفاش باش تبدا) تباااارك الله (بداو يشوفو ها بيجامات حوايج لتحت غير لفريع ولوينات زوينين عاد شي 12 دوبياس ها لمشبك ها سرينغ وشي 5 غوب دونوي عاد 3 دلكسيوات بصيكانهم وشيلانهم وصبيبطاتهم)
أمال: لباليزة صغيرة راه فيها داكشي دلحمام صبري نجيبها ليك (مشات جابتها ليها كان بينوار فلبيض سامبل مع فوطات ديالو وبينوار رجالي فلكري عاد فوطة كبيرة متوسطة وصغيرة بشكل انييق وشي برودويات)
كريمة: تباااااارك الله هادشي زييبن
مربم: ماما راه امال للي ختارت هادشي كاامل
كريمة: رااكي تكوولي ابنت ختي
أمال: هند للي ختارت
نعيمة: (شافت فبتها للي طلع معاها السم بنتها وحفظااها حاسة كاااينة شي حاجة ماهياااش وبنتها هي لمستبعدة.. أما فتيحة معجبها واالو اصلا كفاش لبز هو للي يختار جهااج واش هاد ليجامات وزوااق)
كريمة: فتيحة مكلتي واالو
فتيحة: انا للي علية لبلدي للي غتبان بيه اما هادشي حدو بيتها دنعاس
كريمة: كااينة الله يعطييه الخير بقاو كيجمعو داكشي
نعيمة: غزاال هادشي تلسي فبه وتهاودي ابنتي
مريم: ربي يخليك اخالتي نعيييمة
شيماء: اممم زوين
مريم: شكرا (جمعو لبنات داكشي ودخلوه لبيت محمد سدو لباب ومشاو جلسو معاهم)
هند: شيماء اجي
شيماء: (ناضت جلست حدا هند وأمال جالسة حداها مريم) عيقتو قدام ماما والله
هند: ومزال نهار يخليك داك لكلب وتجلسي لا محمد لا امال لا هند لا مك لا خووتك
شيماء: مالنا على هاد لفال
هند: محد لوقت اشيماء مضيعيش رااسك مع داك لكلب
شيماء: بففف هند داكشي ديالي انا نعرفو غير متعيقوش قدام ماما
هند: واخا لالة اوا شنو بالك محمد شوفي شنو جاب لمرتو نتي انوار شنو جابلك؟؟؟
شيماء: بنيتك كتقاارني انوار بمحمد هههه نااري والله حتى جبتياي الظحك
هند: استغفر الله نيت واش نقارن راجل بشماااتة
شيماء: هاد شراوط للي جابلها مسااوي حتى هاد نبالة للي جابلي انوار واش مشغتوش لحوايج للي جابلي بلا هااادشي أنوار راه عندو لفلوس على محمد زيد الزييين يا ختي للي فيه كيصطي وعاد كيعرف يهضر ويلبس ميحشمكش حتى الا خرجتي معاااه
هند: هادشي الا خرجك معاه
شيماء: (هنا تقرست) نتي عارفة وليد معقد مكانش يخليه يخرجني
هند: وليد معقد؟؟؟؟؟؟ باااز وسمع اوليد على قلبك تقاتل وخليها تقرا باش دير قيمة ليها ودير مستقبلها وكولشي يجيبولك وفالتالي صدق معقد
شيماء: سكتي ازمر راه مانا غتسمع انا زعما عنيت فهادشي ديال لملاقية كان مانع علية
هند: حيت خووك ومرتاحش لداك وجه الز* للي نتي معاااه
شيماء: نبدلو الموضوع.. أمال راه كدوور ليك بزهير
هند: (شهقت) حلفي بالله
أمال: (سمعاتها ضارت عندها مع ابتسامة عريضة حيت نعيمة خضياااهم) الذييب مكيعاود غير فعاايلو.. تأ علاش كتفرشيني داابا اشيماء
شيماء: هههه شي حاااجة نتما مخبيين
امال: ههه باااز (رجعت كتهضر مع مريم)
هند: واش بالصح كدورلي بزهير صافي حتى انا غندور ليها بوليد
شيماء: وتخليلها زهير واش نتي هبيلة وكفاش وليد واش بالصح تصاحباات معااه هاااااه داكشي علاش خويا وليد كان هاز شووكتو علية كوليلي مخلااات مكالتلو علية
هند: اوا شتي
شيماء: بنت لحرااااام
هند: والله حتى خاصكي تعالجي اشيماء
أمال: مريم اجي معايا للكوزينة (ناضت معاها ومشاو جمعو داكشي للي فالصالة امال كتغسل لماعن) حم كفاش قضية ديال تقاف وداكشي
مريم: عنداكي يسمعنا شي حد (مشات سدات باب لكوزينة ورجعت حداها كتهضر بشوية) لمشكل فحنة للي ماتت وتقفااتك
أمال: كفاش
مريم: انا كانت تقفاتني حنا فاطيمة وهي للي فكاتو لية داك نهار للي كلتليك ونتي كانت متقفاك حنا خديجة الله يرحمها وهي للي خاصها تفكلك داك تقااف
أمال: دابا المهم هو حتى انا متقفة
مريم: واه ولكن متخافيش درك خالتي تكلب ليك على للي يحايدو لييك (تبسمت) كالولي فيك الخطااب
أمال: (تخلعت) شكووون
مريم: دوك الناس للي كنتي عندهم
أمال: (قلبها تهز) لااااا راه شيماء للي خطبها هدااك
مريم: بالصح خالتي كالها محمد راه واحد بغااك
أمال: فوكاش كالها لها
مريم: منين مشيتي داك نهااار
أمال: اااااه (بدات كتشلل حسابلها هاد المرة منين جا من وجدة تفكرت زهير)
مريم: افيين غبرتي
أمال: لا لا والو انا معاك فوكاش العرس بالظبط
مريم: تالت عيد
أمال: مبقى وااالو
مريم: يا ختي راني مخلوعة بزاااف هههه وفرحاانة واش شفتي خوك شنو شراالي
أمال: هه والله منو راااسو
مريم: انا خايفة غير يكون باغي يفقس شيماء بية
أمال: لا لا غير نساي شيماء مبقاش كيشوف حتى فيييها وحتى داك نهار مشافتناش حتى خارجين نشريو راه كبيلة معرفهاش واش كاينة حتى هنا منين عيط ليييك
مريم: زعما ختي حلفي بالله
أمال: ولهبي.. (دخلت هند وشيماء)
هند: زييين مزال كادويا انا وامال موريناهلك
مريم: (بفرحة) لهلا يخطيييكم
شيماء: شبعتي كادويات هاد نهار امريم فرحيلك شوية
هند: لا لا باين محمد سخييي وبزااف
شيماء: (عوجت فمها) جابلك ذهب؟؟؟؟
مريم: (شافت لخاتم فيدها) واه جابلي خاتم
شيماء: غيير خااتم لا اصاحبتي راه خاصو يشريلك براسليات سنسلة حوالق نبااالة (قالتها كتشير بيدها) حشومة نتي عرووسة وعريااانة
مريم: انا للي جا من عندو زوين
أمال: دابا يشريلها
مريم: (بقات ساكتة حتى جات كريمة دات بنتها مشاو ونعيمة طلعت ومشات معاهم حتى هند.. بقات أمال كتعجن مخااامر حتى دخلت عندها مها كتشوف فيها صحااحت على للي كانت ولوجه رجع مرااية)
فتيحة: كفاش نتي قضييتك لي مشيتي تشري جهاج
أمال: راه محمد للي خرجني بالسيف علية
فتيحة: بالسيف عليك!!! اش راكي تنوعري وخليتي خووك مدلدل تحت جناااحك
أمال: (بخوف) مدرت واالو أماما
فتيحة: لغمااا واش سااحرة لخووك
أمال: ههه (جاتها تصرفييقة بقات شادة فحنكها مطلساها بالزيت للي كانت كتغمسهم فزلافة باش كتخبز ولكن هضرتها جابتلها الظحك)
فتيحة: من نهار تزاديتي محملتك مقبلتك كنتي ترضعي مني وكنكول ياربي داكشي للي كترضعو يكون سم (أمال غير كتسمع ودمعتها لاسقة فشفاار عينيها)
فتيحة: بسبااابك تنغست علية حياااتي ووليت صباط عند بااك حرمتيني من لولاااد ومزالة كتزيدي تحرضي ولدي علية للي مكاانش يهز عينو فية ودابا كلمة جوج يكولي نخوي
أمال: (متقدرش تجاااوب أما عندها بزاااف متقوول… شافت مها سكتات بزقت عليها وزااادت تنهدت ومسحت دمعتها دغيا شوف غير لبارح كانت الحاجة كتشكر فيها وزهير كينقز سطوحة على نمرتها ومخداهاش ودابا مها كتسمعها كلااام خاشة واش شي ام تقولو لبنتها وتسبي فيها شي حاجة ربي للي مكتبها ليها مسحت بكمها الدفلة على وجهها ورجعت كتحايد لمخمرة للي تحرقات وخبزت وحدة اخرى ودمااغها سااارح… حمدت الله بعدا هند محضراتش لهاااادشي)
~~~~~~~~~~~~~
داز نهار عادي طيبت فطور ومها مكتهضرهاااش قنطت ولفت هند للي غتفطر معاهم تحت طلب نعيمة حطو فطور فسكااات كياكلو حتى نطق علي
علي: نتي ديري حساابك رجوع لوجدة مبقااش
أمال: علاش؟؟؟؟
فتيحة: والله مبقيتي تحشمي
محمد: هنيييونا بغينا ناااكلو
أمال: (كتسنى محمد يهضر باش يدافع عليها واالو تغرغرو عينيها بدموع كفاش متجرعش هي غير من لبااارح وحسات بالضييقة هنا وكتحسب دقااايق فوكاش تمشي من هنا فلبلاصة جابلها فبالها زهير منين قالها الا ضراتك شي حاجة عيطييلي ولا ولييد وليد للي غيعتقها حتى سمعت)
محمد: تكمل لعام ديالها وتجلس هنا تبقى تمشي غير فالامتحانات الا كتاااب
أمال: (عاد تنهدت مهم باقي غترجع من غير تمرة مولاتش كلاتو.. كملو جمعت الطبلة غسلت لمعان عودات جفاف خفيف ندمت كاع علاش جات.. ياك نعيمة عرضاتهم علاش مطلعووش وخلاوها حتى لغدا سمعت الدقان مشات كطيير لقاتها هند دخلااتها للبتها كتعاود لييها)
هند: واا لمهم بعدا خلااوك تكملي العام
أمال: لا لا مغرجعش (رجعت كتبكي) حتى لفلوس للي كنت طامعة فيهم باش نهرب سرقوهملي
هند: وعلااااش لهرووب ها زهيير شاارييك وبلغاالي شوفي غير شنو كيدير على قبلك
أمال: لا انا مبقيتش نتيق كاااع
هند: عارفة خرجتي من عند داك شمااتة مريضة فخاطرك ولكن زهيير والله حتى فشكل رجوولة وبزااف عطييه فرصة وعطي لراسك فرصة وغير بشوية علييك ولكن متهربييهش منو وكووني اناانية شوية رجال راه حتى هوما كيدوزو وديما باغينها نيو هوما اول وحدين فحياة لمرا
أمال: زعما ميعرفش
هند: بلاتي داركم مغيخليوكش ترجعي الا هربتي والله حتى يقلبو عليك يجبدوك يجبدوك وااخا يكون اخر حاجة يديروها فحيااتهم مك غتكرفس علييك بلمزياان ومن جهة كاين زهير والحاااجة كيبغيييوك ومقدرين قييمتك وغت(سمعو الدقان مجهد فباب بيتها)
أمال: نعاااام
فتيحة: خرجي راه لعجينة فااااضت ابنت لهم (تشاوفو لبنات بيناتهم خرجو للكوزينة هند كترد لماعن وتمسحهم وأمال كتخبز وتنهد مواااكلة واالوو.. حتى شافت هند هازة سطلة فيها زواقة بلموف)
هند: هدا غيصححك بروتين
أمال: (بقات كتشوف فيها) ههههه
هند: هههه ظحكي ومولاها ربي
أمال: (بتنهيدة) استغفر الله…..
هند: (لقات عصير لافوكا باقي فالثلاجة) هدا علاش تنقلب (دارت جوج معالق كبار خلطاتو وعطاتو لأمال) هاكي شربي باينة شي واحد من جحوش دخوتك باغي يربي لكيلواات
أمال: (شداتو وشرباااتو دكسة وحدة) اممم بنييين
هند: (كتقرا ديك سطيلة) ديال لفاني عرفتي ككيرد شعر كديريه مع زريعة لكتان وزيت لكوكو ومعلقة دلبروتين وديريه على شكل ترطيبة زويين غير خاصو يكون شعر نقي
أمال: نيت بدا شعري كيرجع ككان (بتنهيدة) حرش كرد وحالتو حاالة تفووو علاش انا هكا حتى من جيييه ممكاادة
هند: ولااا ديما فكري فالخاجة لمزيانة باقي غتكملي هاد العام
أمال: وهادي حاجة زويينة راه غنكمل غير عاام وشووف تشوف من بعد واش غيخليوني نمشي ندوز الامتحانات وانا من داابا كنحلف ليك بالله واللله مغيخليوني ماما وتجبدلي صدااع نهار نبغي نمشي
هند: بففف محمد غيوقف معاك
أمال: وكان بغا يوقف يخليني نكمل حتى ناخد الإجازة اهند
هند: وشنو الحل نتي زهير معااجبكش
أمال: (شافت فيها ولوخرا هزت حاجبها)
هند: عاجبك؟؟؟
أماال: نتي راكي حمقة
هند: نتي للي غتكوني حمقة وهبيلة الا معجبكش شيماء للي قربت تقتلنا كاملين على أنوار عاجبها زهير ههه
أمال: هاديك ما بيهاش أنوار هاديك باغا كولشي تعجبو شيماء حتى من محمد للي مكتحنلوش شو كبيلات جات نقاادة وكتعيااق على مرتو
هند: كفاش كنتي متحملاها هاد لعمر كامل
أمال: مكانش أنوار كانت مزيانة مكنتش مناافسة لييها
هند: من هادشي كااامل متعرفي شنو ربي مكتب ليييك ياك كلامك هداك ونتي كتامني بالله هو للي غيتصرف ااه ونزييدك وليد الا مشا حتى تشدلي فالخط راه عمرني نعتارف لييه كنت مع غييرو من قبل ربي سترني علاش نوض نفضح راسي
أمال: والا عرف
هند: غنكون مجوجااه ههههه الا عرف يعاودها رااسو مبقاش داك لوقت للي لبنت مكتخرج من دارهم غير لدار راجلها ومن دار راجلها لقبوور صافي ولات المعادلة متكاافئة كيف ما هو مجرب حتى لبنت متجرب غير كل وحدة وشنو كاين للي كتفوت الخطوط الحمراء وكاين لا
أمال: (بحزن) غلطت منين هضرت مع أنوار ضيعني
هند: فاش ضيعك ونتي باقة بنت بنوووت وعاد متقفة واش كتعرفي لبلان ديال متقفة راه ميقدرش يدخلو فيييك كيفشل يعني حتى احتكاك مكاااينش
أمال: بالصح؟؟ باش عرفتي
هند: سولت خالتي نعيييمة يعني تقاف هادشي شنو كيعني منين كيصدق هو مكيقدرش حتى يقييسك اصلا موحال حتى واش يق*** ليه
أمال: وداك الدم؟؟
هند: الدم خاص نمشيو نشوفووه كداير حيت كاين فرق بين دم صبوحي ودم عادي وغاالبا غير بغا يخوفك ميمكنش مرعوود بحال هدااك يغتاااصب يخااف تمشي تعاودي لخوتك ولا لوليد يعصروووه
أمال: والله معرفت اختي زهير ميقبلش وحدة تصاحبات مع ولد خووه
هند: (تبسمت) وانا هضرت على زهير؟؟؟
أمال: هااء
هند: هههه قوليها لزهير وتهنااي
أمال: (حنات راسها كتبكي دموعها كانو على سبة)
هند: (مشات حداها كتواسيها) دابا ماماك تندم على هادشي وترجع تبغيييك
أمال: (حركت راسها بلا) العالم يتبدل إلا هي ولا خوتي حتى من محمد مقااادرش يتبدل راه كبرو على سمها
هند: وصاافي من لبكى شيماء دابا دور الدنيا علييها
أمال: (كتمسح دموعها) مشغلييش فشيماء أنا مسخيتش نخسرو اهند
هند: أنوااااار؟؟
أمال: لا لااااخر
هند: (خرجت عينها) اوييلي واش كتبغييي زهييير؟؟؟؟
أمال: لا ولكن عزييز عندي وهو كيديها فية بزااف
هند: مكتحسيش براسك كتبغيه موحشاااه شي حاجة
أمال: مكنبقاش نحس بالخوف منين كيكون
هند: (تبسمت) اعتراف خطييييير هدا اصاااطة هههه زهير والله حتى رااجل تعولي علييه ونتي مغمضة عينك عرفتي وكان جاني انا ومكنتش كنبغي داك لمسرول دوليد والله منزكلو
أمال: ههه ومنين يعرفك كنتي مع ولد خووه؟؟
هند: منين غيعرف من انوار ميقدرش حيت نتي المظلومة نتي حبيتي كلب ومصدقش عمرك عطيتييه شي حااجة وحتى نهار بغا ياخد معرفش شنو فجهدو
أمال: وتصاور للي عندو
هند: الا ورا تصااور أول واحد غيمشي فيها من عند خووتك أما نتي غتكوني ديك السااعة هااااربة.. شفتي اختي أمال والله مغنخليييك نتي عليك داابا هو قراي وخودي ديبلووم ديالك مبقالكش بزااف فلخيااطة وغير غرجعو عندك واحد شهر تاخدي ديبلوم ديال لانفورماتييك… داز داك نهار هند طلعت باتت لفوق صبحو كيوجدو لفطور حيت كانو عارضين عائلة امال وحتى كريمة وبناتها وراجلها أما ولادها وبنتها كولها مجوج بدارو فتيحة مكتهضرش مع أمال ومع مكاين شغل بقات مقابلة غير تيليفونخه لوااتس وكتقاد واحد لكسوة كتكمل ليها تخياااط طلعو فطرو شيماء كانت لابسة مزياان ولكن لسوء حظها ومكانتش متوقعة محمد مبغاش يطلع… دازت الأيام أمال كتشرب من داك العصير وكدير شي حركات كما كدير هند ساعة فنهار غير فرق هند كتحبس لماكلة وأمال كطحن واخا مها ديما مسمماها بالهضرة بقات سيمانة للعرس بداو تمارة دلحلوة للي قادوها ونعيمة للي كتعاون بذراعها وبكلامها زوييين وجدو كولشي وغدا العيييد…
هند: (جالسة كتخمم فوليد للي مهضروش من اخر مرة كانو فوجدة مكيتلقااوش ودايرة احتياطاتها احتراام لنعيمة كانت عند أمال سيقو الدار مزيااااان حتى جاها ابيل من عند جدااها) ألوو… حتى انا توحشتك بزاااف (بحزن تنهدت) والله منقدر نجي وهوما تماااك شوفي امي لالة حتى واحد فيهم مكلف راسو يعيطلي ويقولي اجي تعيدي معانا وانا بووحدي هنا مغربة تقول مقطوعة من شجرة.. هءءءء.. صافي امي لالة انا عند صااحبتي كيعاملوني عاىلتها مزيان وانا تنبغييهم… حتى يمشيو ونجي.. ااه هادشي فاش خادكين غير فلفوس يصيفطووهم… عفاك متفقسيش معايا امي لالة أنا والله مزيانة وهنا كولشي كيعاملني مزيان بحال وحدة من بناتهم… غير يمشيو نكون عندك والله عفااك غير متقلقيش نتي… واها بسلامة… الله يبارك فيك ويطولي فعمرك احبيبتي.. (قطعت كتمسح دموعها ردات التيليفون لبينوار وكملت تجفاف ومحمد كان فبيتو تصنت لكلامها وفهم شوية قصتها.. داز داك نهار هند مستغربة من حاجة وحدة هو حوايج لعييد للي مشراوش لأمال حتى من مها منين عاشرات أمال عمرها شراتلها ولا صيفطاتلها حتى سليييب عكس شيماء للي بخطيبها وشراولها لحوايج بلا لحوايج للي صيفطو عائلة الرااجل كملو لفطور وكولها تفرق يصلي كملو امال وهند كيوجدة مسمن نص طيبة لفطور ديال العيد حتى صونا تيليفونخا كات الحاجة)
هند: ههه حاجة زهير هو للي مصوني (جاوبات) ألو
الحاجة: السلام عليكم ابنتي
هند: اهليين والله حتى توحشتك لباس عليك؟
الحاجة: الحمد الله ابنتي ونتي لباس عليييك ؟
هند: الحمد الله الحاجة الله يطول فعمرك مبرووك عواشرك بشي حجة ان شاء الله
الحاجة: اميين ابنتي فينها امال مبقاات سولات كاع من داك نهار ياك راها لباس
هند: ها هي بغات تهضر معاك (عطاتها التيليفون كظحك)
أمال: السلام عليكم (متوقعاه زهير)
الحاجة: وعلييكم السلام ابنتي لباس علييك
أمال: (تبسمت) الحمد الله الحاجة ونتي لباس؟ مبرووك عيييدك
الحاجة: الله يبارك فيك ابنتي (طار التيليفون من ودنيها)
أمال: سمحيلي مكنتش نعيط ليك مكنتش معبئة
زهير: ديك السااعة ݣوليها
أمال: (دارت يدها على فمها شااهقة وقالتها بشوية) حاي..
هند: ههه زهير؟؟
أمال: (حركت راسها باه)
زهير: مبروك عواشرك بعدا
أمال: الله يبارك فيك
زهير: (بقا ساكت مدة وحتى هي كتجمع الظحكة بالسيف) فوكاش تجي
أمال: فين؟
زهير: (زفر) هو مكرهتش تجي عندي لداري بصيفتك مرتي ولكن كيبانلي مزاال مقسحة داك الرااس معايا
أمال: (تبسمت ودارت يدها على فمها باش ميسمعهاش)
زهير: خاصك شي حاجة؟؟
أمال: حم لا
زهير: انا بعدا خصااني نتي
أمال: ههه وصافي
زهير: اصلا مكلت واالو
أمال: ماما كتعيطلي
زهير: يخليلي ماما.. سيري وكان اصلا مراابح معاك حتى كلمة زييينة (شافها مزال مقطعت) واش خاصك شي حاجة أمل؟
أمال: (تبسمت) لا شكرا (قطعت وشافت فهند) مكنعرفش كفاش نجاوبو
هند: خلييك على طبيعتك
أمال: (بتنهيدة) مع أنوار كنت ديما نبرك على راسي ونكول كلام للي هو بااغي ندمت اهند علاش هضرت معاه كنتفكر كنبغي نموووت
هند: عادي احبيبتي ميمكنش نعلمو على الناس من قبل واش خايبين ولا مزيانين بعدا وقع داكشي باش عرفتييه على حقيقتو اما وكان راه مجوجك ولايحك لمو ترس علييك وتصدقي من حبس لمنفى
أمال: (حركت راسها بلا) واخا تفارقت معاه مزاالة مكتفة كندير نكول لزهير راه كنت مصاحبة مع ولد خووك راه صافي غيمشي فحاالو
هند: لا هو باينة كيبغيييك
أمال: قد مكان يبغيني يكرهني اهند أنوار راه غدااار يعلم الله شنو يكول نتي وكان كنتي بلاصتي شنو ديري
هند: بصراحة؟؟
أمال: وااه
هند: مكنت نكول والو لزهير غير الا سولني شي نهار واش عمرك تصاحبتي وغنعاود داكشي للي بغيت انا باش تبقى صورتي زويينة فعينييه أما الا مسولنيش مغنعاودش وانوار الا هضر غنخرج عينيي فييه
أمال: وتصاور؟؟
هند: نهار يحط تصاور غيعرف حتى هو غيمشي فيها راه عائلة كتهضر غير بلقرطاس
أماا: لا لا انا مبغييت صداع الرااس
هند: نتي سولتيني الا كنت فبلاصتك حيت أمال لواحد الا كان أناني فمصلحة نفسو مرة مرة كدووز وخصوصا نكون مديراش الغلط ومظلوومة
أمال: (بتنهيدة) معرفت
هند: نساااي عليك الا مكتبلك راه معندك منو هرووب ودابا زيدي طلعي معايا لسطح نجيبو دوك زرابي راه تمشي تنوض شي عجاجة
أمال: هههه عرفتي كوليتي نفكرك نهار اللول ههههه
هند: يا ختي للي يعرف وجهكم كبغيتيييه يرجع والله حتى فرحاانة ومن قلبي خااص غير نتي تكمل فرحتك وديك لكلبة للي لفوق توكض شوية
أمال: اودي هاااادييك صاافي راها هبلات لاحتنا كاملين على قبل كلب
هند: نسااي انا نمشي نطلع لسطح ندخلهم بعدا لبيت الصابون (دارت شال على شعرها وطلعات لسطح لقات فتيحة ونعيمة تمااك مطلعين بوطات صغار على حساب طيااب دخلات زرابي للي كانو صغار غير ديال لكولوارات وبيت نعاس)
نعيمة: عذبناااك ابنتي معانا
هند: لا اخالتي مكاين عذااااب
فتيحة: لااااا لا تعذبتي ابنتي اااو من نهار جيتي ونتي ݣاااطعة ݣلييبك
هند: ههه عادي والله (هبطت لتحت بغات تدخل لعند شيماء تجيب حوايجها حيت غدوش مع أمال لقات وليد حدا لباب تبسمت) فييين
وليد: فيين نتي مبقيتيش تباني
هند: انا غير هنا فدااركم تحت سقف واااحد هههه
وليد: (كتشعلو بكلامها تبسم معااها معارف ميكوول)
هند: نخلييك غنمشي ندوش لتحت عند امال
وليد: دوشي هنا (فلبلاصة حضرت صورتها وهي عرياانة غمض عينو كيهرب هاد التصويرة من دمااغو)
هند: لا معليهش راها سبقاتني نخليييك (دخلت لقات شيماء معصبة مع تيليفونها للي كتصوني على انوار ومكيجاوبش خدات حوايج وهبطت لقات وليد واقف حدا لباب غير سمع زطيم فدروج ضار شاف أما هي دارت راسها مشافتو ودخلت للدار كتفرنس) مقسح رااسك كول نبغيك اهند وهني راااسك….
جا نهار العيد صغييير داز عادي غير فدار فتيحة للي كانت الحركة حيت يوماين ويبدا العرس كانو كملو الحلوة بلا للي دوموندات عليها وفتيحة جلست فواحد القنت وبدات تعرض الناس لبعاد اما للي قراب راه تعرضو.. شوية بقات كتعيط على أمال…
فتيحة: أمااااااال أمااال
أمال: (كانت فبيت محمد كيقادوه هي وهند مشات كتجري عندها بالسيف وهي من داك نهار قاطعة الهضرة عليها) نعام اماما
فتيحة: كتبيلي نمرة الحاجة نعرض علييها بعدا نديرو صوااب وتكول هاد لبنت فيها شي حاجة زوينة ودارهم مصوابين
أمال: (جبدت تيليفونها للي كل نهار علي كيجي كيقلبو ليها شدت تيليفون من عند مها وطبات نمرة ديال الحاجة) واش نهضر معاها
فتيحة: ييه هضري ودوزيهالي (تسنات امال مجوبتهاش وهي دير نمرة ديال لفيكس)
أمال: (شد الخط) ألوو السلام عليكم
زهير: (مع محافضش نمرتها غير جاوب) أمل؟؟؟؟؟
أمال: حم واااه (شافت فمها) كاينة الحاجة؟؟
زهير: واش واقعة شي حاجة؟؟
أمال: (غتموت بالخلعة) لا لا (شافت فمها للي كتقوس عينيها فيها) كاينة الحاجة اخويا
زهير: خويا!! عاود امل خويا
فتيحة: (غير سمعت منها كلمة خويا زادت طالقة سطولاتها وكتشوف فبنتها)
أمال: راه ماما بغاتها
زهير: اممم كولي نسييبة حدااك ماااااا وااا ما رواااحي ولا عرفتي امل قطعي انا نصوني فتيليفونك ما واجعينها رجليها
أمال: واخ (قطعت وقلبها كيضرب فل 100 شافت فمها) ولدها للي جاوب ها هو غي (سمعت تيليفونها كيصوني كانت نمرة دلحاجة حمدت الله مصوناش بنمرتو وهوما خاصهم السبة علاش) هاكي جاوبيها
فتيحة: على ربي يا ديك لفريفرة تكوني دايرة شي حاااجة (جاوباات لمرا وامال مشات لعند هند كما العادة كتعاود ليها كوولشي)
هند: ههههه كيصطيني زهير بهادشي للي كيدييير
أمال: ههه تخيلي وكان عاقو بية
هند: عاقو بيك مالكي شنو تديري مك للي قالتلك صوني ونتي طحتي فولدها ودوزلك مو راه بهادشي للي كديري عاد يفهموك غلاط ونتي مدايرة لا بيديك لا برجليك… (دوزو دوك اليوماين غير فشغل الدار وجا نهار لعيالات وفتيحة مشات جابت دهاز مريم (ديديكاس مريم الناافع) من عند الخيااطة وفين كانت مخيطة لمريم جوج تكشيطات و4 دلقفاطن وليها تكشيطة وقفطان ولأمال وبأمر من محمد قفطان موبرة أما هند مشات كراات لبسو وبدا الماراطون…)
~~~~~~~~~~~~
أشرف: ومغتكولها لحد
أنوار: نتا هبيل راك نتا وحدك للي كلتهالو دااابا
أشرف: ههه غتشريها مع باااك ومك اعشييري واكترية الا عرفو شنو كااين
أنوار: مغيعرفووش ابنااادم
أشرف: اوا ومرتك
أنوار: حتى ديك الق*** ديما لاسقااني
أشرف: ها مكلنا
أنوار: منين كتفيق وهي تصوني باغية تعرف فين انا وشنو كليت ومعاامن انا الوالدة ومكتبعنيش هااكا طلعتلي ف***
أشرف: نهار اللول يموت المش غوت عليها مرة وحدة مغتوليش تزعم مرة اخرى
أنوار: اوديييييي مهم نتا ديك الدار خوييها دعاء غتجي
أشرف: صييحبييك أنا
أنوار: أجمع ق*****
أشرف: هههه (كيغنيها) مرتي وصااحبتي انا كيندييييير…..
————————-
شيماء: (كتبسم بالزز) اااه معلييهش حنا بغييناكم تفوجو شوية منين الحاجة عياانة ونتي مقابلااها صاافي
الكاملة: (محاملاهاش) اممم اوا الله يهنيييك (قطعت كتدعي فيها) الله يعطيها غبااارة
أنوار: ههه كتدعي على مرتي
الكاملة: اش بغيتي بديك لبوية اوليدي محملتها مقبلتها مممصوابة ما كربت تصواااب
أنوار: غي حيت من اللول مبغيتيبهاش
الكاملة: راها لفعة اولييدي دير بااالك راه أنا للي مك وخاصها تهزني فوك رااسعا ممحتارماانييش
أنوار: خرجيني أمي من هادشي دلعيالات نتوما بيغيتوني نتزوج ها هي
الكاملة: انا بغيتك تجوج للي عليها القيمة وبنت دارهم ومحتارمة أما هادي وااالو مضوي عليها غير عائلتها للي ناس مزيانين ودرااوش
أنوار: اوا هدا هو لمكتاااب (هز تيليفونو وخرج…)
~~~~~~~~~~
شيماء: (حمدت الله حيت مجاتش ولكن كانت باغية أنوار يجي للي فالشك يقدر يجي) ماماااااا راهم مغيجييوش
نعيمة: اممم لبسي وهبطي تعاوني لبنات
شيماء: اماما واش انا عرووسة ونعاون
نعيمة: منيبين جاتك عرووسة ابنتي هبطي وحني داك الراس شوية ونتي غطرطقي بووحدك شتك نهار تخطبتي ونتي نييفك فسما
شيماء: (كتمازح) معلوووم راني دااية سيد رجااال
نعيمة: (ميقت فيها) عيقتي جوااج راه غير مكتااب ماشي شي حااجة للي تبهااي بيها كداام بنات فاميلتك
شيماء: بفف مااامااا
نعيمة: لبسي وهودي عاوني الناااس ياله (مشات شيماء كتلبس بنفيييخ مرضيااش تخدم فعرس محمد صااحبها لقديييم تسناتها نعيمة حتى لبست واخا تعطلت علييها خرجت لابسة قفطان موبرة جديدة ودايرة كاع ذهوباتها ومكياجها للي كان خفيف)
نعيمة: بااااز زيدي زييييدي (هبطو لتحت لقات لعيالات كيزرعو فلغنا وفتيحة مقدااها فرحة مشات شيماء كتقلب لقات هند خدااامة بنيتها)
هند: جييتي
شيماء: اويييلي مالكي على هاد الحاالة فين هند للي كنعرف
هند: حتى تجي شيماء للي كنعرف (تهزت من تماك من بعد مستفت الديسير مشات عند أمال للي كاع لمااعن علييها) نعاونك؟
أمال: لا لا غير سيري اختي شوفي ماما (دخلت شيماء. وامال قلبت وجهها)
شيماء: شتيني انا باغا غير نهبط ماما للي هبطاتني بالسيف علية
هند: شيماااااااء
شيماء: واا هي للي فوكما شافتني كتقلب وجهها
هند: باااز اجي معايا تعااوني ولا نسيتي عرس خووك
شيماء: مضربت حد على يدوو بقالي غير نعاون فعرس داك لمخنخن (خلاتها هند كتهضر بوحدها ومشات كتعاون غداو لعيالات وجمعو الدار باش فالليل غيكونو رجاال محمد رفض باش يدير الحنة دازت ديك الليلة ولبنات مهدودين طاااحو دووودة موجدين لغدا فين غيمشيو باش يروحو لعرووسة….)
———————————————–
أصبحنا وأصبح الملك لله
دعاء: هههه والله ممتيقة
أنوار: (عنقها بيدو) تيقي
دعاء: (تعلات شوية برجليها اصلا هي طويلة وباستو فحنكو ماسحة دغيا بيدها طراس لعكر للي فحنكو)
أنوار: دعاااااء هنيينا واش راحنا فبيييت نعاس باش دير هااك
دعاء: حيت تنبغيييك
أنوار: بغي كيف بغيتي فبيت نعاس ماشي فزناااقي (طلق منها معصب وهي رجعت لاسقة فيه)
دعاء: صافي سمحلي ابيبي انا حسابلي عااادي
أنوار: عادي منين نكونو بوحدنا وزايدون ماشي عادي هنا فوجدة.. صبري هنا ندوز شي تيليفون (خلاها وبعد شوية صونا على باه) با راه داك الحساب كامل جمعتو وخليت كل حاجة فجوا كما مولف
لكبير: الله يرضي عليك اوليدي
أنوار: امين ابّا مهم انا بغيت روح شوية ودراري صحابي معروضين لعرس فالناظور
لكبير: مغتمشيش لعرس نسابك؟؟
أنوار: بزااف ابا طريݣ ومݣاد حتى نصوݣ غيصوݣ غير صاحبي وصااحبي شحال وهو يرغب باش نمشي عندو نفرح معاه وݣاع صحابي ماشيين مجاتش نݣردعو من دون دراري
لكبير: نتا تعرف اوليدي غير عيط عتاذر منهم حيت حتى حنا ممشيناش
أنوار: الله اودي ضروووري مهم غير نوصل نعلمك
لكبير: واخا اولدي الله يهنييك….
(قطع وطلع لطموبيلتو نافخ صدرو وهي خايفااه يتقلق طلعت وجلست حداه شدت فيدو) صافي موقع واالو
دعاء: (ظحكت بطحكة طفولية) كتغيير علية
أنوار: علاش عندي من غيرك باش نغير علييه.. هه مهبوولة (زاد صاايك نيشان لسعييدية….)
~~~~~~~~~~~~
شيماء: (فاقت لقات ميساج من عند أنوار *حبيبة ديالي خرجتالي شي خدمة ضروورية راكي عارفة داكشي ديال السلعة انا شاد طريق منين نوصل نصوني عليك بوسة لييك* فرنست حيت شحال مسمعت منو كلام زوين تجبدت عاد ناضت خرجت لقات كولشي فايق غيفطر) صباح الخير سنووووءة كيف بقيتي من ديك الطيحة هههه
وليد: وهاادشي كيظحك؟؟
شيماء: (جمعت الظحكة) انا غير بغيت نظحك معاها (شافت فسناء) عنداك تقلقي مني والله غي حيت بقينا كنظحكو لبارح محسابليش معدمة
سناء: (كلاتها فرجليها حتى رجعت كتعرج غير نعيمة للي مسداتها ليها) لا ختي هانية…
وليد: جلسي وكاااان
شيماء: (جلست اونفاص معاه) ماالك اخويا منين جيتي ونتا محاملنييش؟؟
وليد: ( #فلاش_باك كان فطموبيلتو متكي كيتسنى زهير يجي وهو يدوز انوار من حدا الطموبيل كيهضر فالتيليفون
أنوار: والله حتى توحشت دوك شنيفاات احبيبة… هانية وها هو رمضاان كااع.. غير خاص تشوفي كديري تسلتي عندي (ومشا مخلي وليد غيهبل معرف حتى كفاش يضربو وهو معارفش واش ختو المعنية ولا لكلب كيلعب بذييلو ولكن واخا هكاك حس بإحساس خاايب من جهة ختو اما الا عرفها هي…) شاف فيها) مكااين والو شوفي غير نتي واش دايرة شي حاجة
شيماء: (ببراءة) والله اخويا مداايرة واالو غير رجع معايا كيف كنتي
وليد: كولي كولي (حول نظرو لمو) مي راه اليوم غيجي زهير صااحبي
شيماء: غيجي زهير؟؟
وليد: (عصباتو) شووف هاد لبرهووشة غتهنينا ولا لا
نعيمة: ماالكي نتي كطييري
نبيل: نتوما للي ضسرتووها
شيماء: مݣلت وااالو مالكم؟؟
وليد: مهم غيجي غيجلس معانا هنا فالدار
نعيمة: مرحباا بيه اوليدي غتجي حتى الحاجة حيت عرضاتها فتيحة
وليد: مووحال راها عيانة شوية حتى تجي تخطب نيشان يمكن
شيماء: (باستغراب ضحكت) غايخطبو هند من هنا ههه من عندنا؟؟؟
وليد: (ضار عندها مخنزر) كفاش؟
شيماء:: (حست براسها فرشات هند) لا واالو
وليد: (طرطق عينو) هضري الويييل كفاش غيخطبو هند من هنا؟؟!!!
يتبع
شاركنا رأيك في هذا الفصل 🌹