أمال: (فاقت مسخسخة على نكير مها الي فوق راسها) هاني نايضة
فتيحة: تنعسي متنوضي عرس خوك اليوم ونتي خااامرة الله يعطييك مرضة للي تخليك تشدي لفرااش وشوفي ديك الساااع شكون يكابلك تكعدي الخاانزة تكدي (قرنت حواجبها ووقفت) على شعر كدااير تفوو كاع لاليااتك شعرهم مسبسب الا نتي حتى حاجة فييك مزييينة
أمال: (شافت فهند للي مزالة نااعسة) صاافي راه لبنت غتسمع
فتيحة: وتسمع بعدا هي خيير منك يا لكلبة (خرجت كتنكر لقات بنات خلاتها وبنات خوتها لوخرين خدامين أما أمال مكرهة شافت فتيليفونها مفهمتش لاش مصوناش مع السبعة كانت السبعة ونص دارت شالها ولبست بينوارها وخرجت بشوية وسدت لباب على هند للي غير سمعت لباب تسد حلت عينها اصلا شكون ميفيقش على صووت فتيحة ونكيرها.. بقات فيها أمال تنهدت وناضت فداك ظلام لبيت حتى هي بينوار حيت باقي لبرد لوات شال وخرجت نيشان للموزينة فين لقات امال كتسخن لمسمن وكتعمر فأتاي)
أمال: فقتي؟؟ (صوت خافت) ياكما فيقاتك ماما
هند: لا علاش جات فيقاتنا مسمعتهاش (مبغاتش تحرجها)
أمال: سيري جلسي على منحط لفطور
هند: اري نعاونك قالاك نجلس..
~~~~~~~~~~~~~~~
نعيمة: غير طلقها اولدي دابا تهضر
وليد: (شادها من بينوارها موقفها) هضري ابناادم
نبيل: (معارفش حتى علاش ضاير لفيلم) عطي لمها
نعيمة: (ضارت عند نبيل) لا مزيان تباارك الله
شيماء: (بخوف) رااه غي حيت سمعت الحاجة كتݣول لزهير بغيتك تجوج هند وهو وهند مفاهمين على هادشي
وليد: (بقا كيشوف فيها طلق منها) ݣالتها ليك هي
شيماء: (مبغاتش تفرشها) لا مݣلتهاليش غير سمعت الحاجة كتݣوولها ماالك اخويا تعصبتي علية ياك نتا باغي تجوج أمال
نبيل: (بلغوات) شنوووو هواااا؟؟
وليد: (هز يدو بغا يضرب شيماء للي غوتت وتخبعت فظهر مها)
نبيل: كفاش نتا باغي تجوج أمال؟؟
وليد: سمعتيها مني الحمااار؟؟
نييل: سمعتها من ختك للي كتحط الرااس علييها وتظل دافع عليها
وليد: اوووو من بعد
نبيل: مغتجوجش وحدة حاط العين عليها انا وبحال والو تكون مرتي غدا
نعيمة: (بغات تنتف راسها) اويييلي واش بغيتو تشوهوني مع عبااد الله جالسين دابزو على بونوبيير
شيماء: (تخلعت) شنننو ݣلت اماما
نعيمة: لغمة يا لكلبة
وليد: (زفر) أمال مغتجوجها لا أنا لا نتا
نبيل: هاااااه هي كنتي حاط العين علييها ولا ݣولي مصااحب معاها
وليد: (شد من كول حوايجو وضربو لراسو بريوسية) هادي باش مرة أخرى تحتارم خوك لكبير وتحتارم بنت عمك الحماار
نبيل: (شد فراسو معصب) انا ضربني انا
نعيمة: (كتويل) اوييييييلي على لولاد كيتقااتلو ݣدااامي
وليد: صاافي امي (نبيل بقا وااقف ميقدرش يضرب خووه لكبير واخا حقد عليه وخاف على مو وهي كتويل وتضرب فحنوكها وفخاضها عنقها وليد) صاافي كلب وخاصو يتربا باش يعرف شنو يخرج من ديك لكابيينا
شيماء: (كتبكي وواقفة حداها سنااء) اشداني نهضر هءءء…
نبيل: (خرج من تماك ضارب الطبلة للي مبغاتش تقلبلو حيت تقيلة وخرج)
وليد: وصاافي انعيييمة مااوقع وااالو
نعيمة: (كتبكي) كضااربو قداامي وكتقااتلو وتكولي موقع وااللو
وليد: خويا صغير وكربييييه (شاف فشيماء) تهزي نتي لبسي مكااد وهبطي تعاوني دار عمي مي هادي راكي رخفتيلها زيري شوية
شيماء: شنو درت اخويا هءءء
وليد: غتحركي من ݣدامي ولا نكمل بيك (هربت وتبعتها سناء)
نعيمة: (جلست لاكحة عطاها وليد تشرب) كنت باغية ليك اوليدي امال
وليد: مي أمال ختي حرمت علية نهار فكر نبيل يتجوجها امال كتبقى ختي ختي وصااافي
نعيمة: عاارفة اوليدي متديش على خووك
وليد: هداك دمااغو صغير مكيفكرش داك العقل عندو غير متقل فداك الراس.. (باس راسها) نوضي لبسي وهبطي غند الناس متخافيش انا غنتبع داك لكلب
نعيمة: مضربوش اولدي
وليد: ههه لا منضربوش غير على وجهك هه كوني هانية نووضي
نعيمة: الله يرضي عليك اوليدي (ناضت مفقوسة دخلت لبيت شيماء للي كانت كتبكي وسناء كتسكتها مخلاتش ليها)
شيماء: والله اماما الا حسابلي عاارفة
نعيمة: اش عارفة يا لكلبة اش عاارفة
شيماء: واالو واالو انا مكلت واالو علاش كتردولي كولشي
سناء: صافي اخالتي الله يخليييك هي راه مقصدت واالو
نعيمة: لبسي حوايجك وهبطي سناء بنتي متهبطيش نتي راه مزال رجلك كظرك انا سبكت ولا عرفتي مبقات فيك تيقة (تسناتها تلبس وبالخوف منها مدارتش لمكياج وملبستش حتى ذهبها وهبطت من مور مها…)
أمال: (واخا صابحة على كلام مها للي رجع سم الا مبقااتش كتركز معاها تغبن وتبكي وتقوول علاش انا ولات تسمعو من ودن وتخرجو من لودن لوخرا ممسوقااش.. كانت كتهضر مع مريم للي كتسنى راجل عمها يجي يديها لكوافورة) هههه متخلعيش الحمقة
مريم: والله اختي الا خاايفة
أمال: متخلغي واالو كولشي غيدور ان شاء الله مزياان دابا فكري غير فمكيااجك
مريم: ههه كالتلي مانا كحالياي فوجهك بالخلعة
أمال: وظااكشي باش كلتلك متخلعييش
فتيحة: (باغوات) أماااااااال
أمال: ياله باي باي ماما كتعيط بلاتي ونصوني عليك (قطعت عارفة زهير هو للي مصيفط ليها سوايع ولكونكسيون ودايرة عين ميكة مشات عند مها للي كتندب باش تشوف معاها فين لمضمة ديالها قلبت معاها وهي كظحك فخاطرها منين كتسمع ما كتقوها سرقتيلي مضمتي لقاتها وعطاتهالها وخرجت بحال ممسليااش لكلامك)
نعيمة: بشوي على لبنت راك عيقتي معااها
فتيحة: وااا غير التلفة مع العرس
نعيمة: باااز… (كان كولشي مستف كولشي مقااد جلسو فااصالون كيشربو أتااي) غتديو لهدية داابا
فتيحة: وااه نديوها ورجعو حتى الليل عاد نروحو لعندهم
نعيمة: والله احسن مدرتو انا داك نهار بقيت شادة معايا بناادم وتهلكت
فتيحة: اوا فعرس وليد ديري هاك هههه
نعيمة: اودي غير كنهضر نهار لكبير عندي هو عرس وليد
فتيحة: اوا لبنات عطا الله وعلى عينيك (على امال)
نعيمة: نهار ينعتلي نمشي انا ݣلتهالك داك نهار منتدخل فحد حدي نعاونهم برضى ودعوة الخير وندير عيالاتهم بناتي… (((سمعو الغيييطة)))
فتيحة: (تفافاااات) ها هوووما ها هووما جاااو نوضي يا نعيييمة (لبسو جلالبهم وقادو الحالة… غيمشيو غير الناس لكبار جات امال كتجري مع مها وكتمد لخوها علي صباسل الحلوة للي مستفين بلا لكوربات ديال الخضرة والديسير للي مستفين فلكرووسة عاد حولي على قدو فهووندة وبداو يخرجو فجهااااج)
هند: والله حتى تمنين نهبط معااهم نشوف داك المنظر
أمال: صبري شوية ونطلو من السرجم
هند: اجي معرفتيش واش زهير جاي
أمال: الاااااا واش هبيلة هو مكيحملش محمد هههه
هند: وييه غيكون معرضووش (مشاو كيجمعو الدنيا كانت مزالة مقااادة) هانتي هنا جالسة بووحدك
شيماء: واش نتي مصاحبة مع زهير؟
هند: ونتي مالك بانتلك فيه حتى هو
شيماء: متزيدينييش حتى نتي (صونات على انوار واالو مجاوبش دخلت للفايس لقاتو لايح تصويرة باينة جالس فقهوة مهم حاط حداه قهوة ومبين شوية ديال لبحر رجعت صونات) اللو أنوار فيينك
أنوار: عاود اشيماء
شيماء: وغيير احبيبة بغيت نعرف شفتك لايح تصويرة فلفاايس واش نتا حدا لبحر
أنوار: واه ياك كلتلك غنسافر
شيماء: ااه وجبتو السلعة
أنوار: ماازااال
شيماء: اممم واخا
أنوار: ياله حبيبتي بسلامة شوية ونصوني راني جالس مع رجال دابا
شيماء: بسلامة حبيبي…
أمال: هههههند ههند (جات هند كتجري حلات السرجم وشدااتو أمال سدااتو..) أحاااي متعيقييييش أصاااحبتي (حلو لفدريش غير ديال السرجم بشوية وتلاسقوو ريووس كيتفرجو فلغيااطة وفجهاج للي كيبان زوين مستف فلكراارس ولعيالات دخلو لطموبيلات زادت لهدية شوية ورجال اللور شهقت هند)
هند: (حلت السرجم وشيرت بصبعها) شوفي شووفي شكوون هههه والله حتى عرفتو غيجيي
شيماء: (مشات للسرجم لاخر وبقات كطل هي وشي بنات)
أمال: (اصلا قشعاااتو منين محمد كيظحك وعطااه عصى غليضة ودخلو لوسط.. كان لابس شوميز فلبيض وسروال كحل لاطوال فوقو جاكيط كان كيحرك فكتافو مع ايقااع طبل والغيطة وكيشطح مع وليد ومحمد غير بشوية ورزاانة هند كتشوف فأمال حتى دفعت سرجم تزدح مع الخيط هز زهير راسو للي راد لبال مع سراجم دغيا جبداتو امال وخلاتو ريوسهم باين)
امال: ههه واش حمقة
هند: خلييه يشووف هههه
زهير: (حبس لغياااطة وجبد 200 درهم من جيبو) هااادي لخوونا ولمولاي السلطان محمد من بلاد الشييح الرييح وتسقط وسمع هادي وتمعن…. اييييه ولااا ينفع صبر عليييك يا كحلة العاااج .. كنتي طردييني وزاد يا سرب الاااااام بحر عشقك من بكري هااايج وانا غرقت وسط المالح اسقيييني واسقييييي وليييد الله يفرج وزهير الا غااص مسكييين مسااامح… (بدات الغيااطة وطبل كيضربو وووليد ضرب بعصااتو لعصى زهير)
هند: مفهمتش مزيااان ولكن لميساج راه جااي ليك نتي دييرييكت ههه
أمال: (كتفهم شوية فتبااارح تبسمت وسدت السرجم) سكتي سكتي…
زاد موكب العرس دايين لهدية لمريم رجال بقاو تمااك ممشاوش غير هز عينو بانتلو كطل تخنزيرة منو جبدت راسها خاايفة وجلست فين كاع للي كان كيطل جاالس زفرت كااارهة الوضع
شيماء: ياااربي فوكاش ننمشي لدااري ونتهنى من هاد لمعقدييين (شافت شي بنات كيشوفو فيها هزت نيفها لسمى بتكبر ومشات حدا أمال وهند للي كيظحكو) بقات غير ساقرة ممتيقاش هي كااينة فعرس محمد من نهار عقلت على راسها وهي عارفااه كيبغيييها وغير من ابتسامة منها كتخليه كيتبسم ويبقا فااهي فيييها ودابا ها هو عرس غير جهاااج كان واااعر متقدرش تعتارف بهادشي قداامهم ولكن كان زوين بلا لبيت للي دخل فيه كولشي جديد وعصري حتى من لكبص قادو بضوااو أنوار عمرو قالها بغيت بيتنا يكون كدا وكدا….
هند: قوليلي شنو قال فديك التبرييحة راه فهمت منها غير 200 درهم هههه
شيماء: (دغيا نسات مشكلتها) انا نفهمك شنو كالك حبييب لقلب
هند: ههه قولي
شيماء: مهم على للي فهمت مبقاش قاد يصبر بعييد عليك الالة وهو غارق فبحر عشقك مهم هااكا.. عجباتني التبريحة ولايني مسخووط قدامهم ومكيحشمش
هند: وشنووو هدااك هو الفارس المغواار للي تكوني معاه ومتخاافي غير من للي خلقك
شيماء: هههخ واش غيخطبك من عندنا
هند: علاش اختي بنت ليك مقطوعة من شجرة وزايدون بحالو منحتاجش عاد يجي ويخطبني غنخطفو نيشان لعدول ههه
أمال: هههه مكتحشميييش
شيماء: انا ويااك امال مالقيناش للي يدير علينا هاكا
أمال: هااء وداك لبغل ديال خطييبك مغيديرلكش هااكا لا لا سمحيلي الا مبرحش عليك غير خلي زبل لمووو
هند: هههههه
شيماء: ها ها ها قتلتيني بالظحوكات حتى انا دايرة راسي فبايرة (وقفت هازة خنافرها مخلية لبنات كيظحكو عليها)
هند: شنو بانلك السيد قداام العالم قالك كنبغيييك
أمال: (تبسمت) معرفت اختي كفاش واحد بحاالو يبغيني وكيدير هااك وكداام خويا من لفوق
هند: اه انا على قبل هدا والله منفكر تانية
أمال: (بتنهيدة) معرفت اهند
هند: تقدري تخيلييه مزوج وحدة اخرى؟؟
أمال: (بحزن) لاااا ميكدش
هند: ههه وعلاااش ميقدرش شوفي غير خووك راه كان كيتسطى عليها ومن صغر وفرمشة مشا خطب ودار لاكط ودابا ها هو معرس وقدام عينييها
أمال: زهير ماشي بحال محمد زهير راه راااااجل
هند: ويينووو على راااجل هههه بغيتو يسمعك بربي حتى يبقى يبرح ويشطح من هنا لصباح هادشي الا ممشاش جاب لعدوول هه
أماال: نوضي نوضي نجمعو الدنيا
هند: ها هي ناايضة يا لاطيف شغلكم واش كيتسالا كاع منحتاج ندير شي ريجيييم
أمال: اختي غير سمحييلي صافي سيري جلسي
هند: وزززمر مكتعرفيش الظحك
أمال: وراه بالصح منين جيتي ونتي فتمااارة
هند: ونتي ماالك انا عجبااني هاد تماارة (ناضو جمعو الدنيا وأمال مسحت لكيسان ووجدت صواااني باش منين غيجيو غيبغيو يشربو أتاي ستفت الحلوة وقدات كووولشي شيماء طلعت لدارهم للي كانت خااوية حيت سناء داتها معاها نعيمة كبرة ليها.. بقات غير جالسة بوحدها حست بنغزة فقلبها وقرنت حواجبها بغضب ممزوج بحزن صاافي اليوم محمد عمرو يولي يفكر فييها ولا حتى الا فكر صااافي هو رجع ديال وحدة اخرى شافت فتيليفونها من 1 أنوار مصونااش ودابا 6 دلعشية اصلا مبقاش كيصوني بزااف حست بغمة فقلبها كبيرة ناضت مشات لبيتها بدلت حوايجها وجبدت التكشيطة للي مشات كرات اخر مكاااين وفاللون لبيج دارت شال مذهب ودارت ذهبها كولو وقدات مكيااج زويين ولكن ممعيقش مدارتش لعكر حتى يبغيو يمشيو حيت خوتها كيفهمو غير لعكر رشت بارفاانها وبقات جالسة بحزن) دابا انا علاش طالعلي الدم يااك انا للي سمحت فييه (شيطانها) واش نتي كديري مقاارنة بين انوااااار وبين محمد!! (عقلها) وفينو هاد أنوار (شيطانها) خدااام مهم هو ختارك نتي وباينة تحدى مو للي مكتحملش الشعرة فييك… (زفرت ناضت هازة كااب وهبطت لتحت مخلية كاع لبنات حالين فمهم فييها وهي غير هزة مشقووفها ومتبعة اخبار انوار شكون جيمااه وشكون كومونطا لييه….)
محمد: (كان بسلهاامو كيحرك براسو لأي واحد بارك لييه.. مشا عند وليد وزهير للي واقفين بعيد كيتحددتو وزهير كيكمي ومتبع كلام وليد وقف حداااهم داير عين ميكة على التبرييحة للي باينة لعمى علامن مقصوودة..) مرحباا ببا زهير
زهير: (لاح لكاروو عفس عليه) باش متشدش فيك الريحة..
محمد: لا لا خود رااحتك العزيييز ياله طلعو للدار
زهير: لا بلاش غير خلينا هنا
محمد: سموو زعما حيت مجيتش لدارك غتردلي الصرف
زهير: هه لا لا حااشا واش حنا دراري صغاار وكان مكنتيش عزييز منجييش نفرح معااك
وليد: (تبسم وفنفسو كيقول.. الله يمسخك واش جااابك محمد)
محمد: ويااله طلعو لفوك (شاف زهير مبغاش يطلع) وياله اصااحبي كبر عقلك انا داك نهار غير كنت معصب
زهير: (مكانش باغي يطلع ولكن عارف محمد مجاش على حساب شيماء وبراكة غير داك نخار جيست ديالو منين مرضت مو وجا باش يشوفها وعاد هو خو حبيبة لقلب كنا قال وليد مخاصووش يشد لعناد باش ميكوونش خصاام كبير) واخا سيدي (طلعو ودخلو للصالون للي جاي مع الدخلة لقو شيماء جالسة تماااك بوحدها دايرة رجل على رجل وسااهية غير شافتهم وقفت ومحمد قلب وجهو بحال كيقلب على شي حد ووليد باشارة زعما نوضي خرجي تبسمت مع زهير وظازت حدا محمد فين خلات ريحتها للي دخلاتلو حتى لمصاارن)
محمد: دخل اخااي زهير مرحباااا (دخلو جلسو كيهضرو على الخدمة.. شيماء طارت لبيت فين كاينة أمال كتقاد طلامط وهند كتبرد ظفارها بلمبرد)
هند: هاي هااي لبستي نتي كااع تكشيطة غزاالة شيماء نسيتي راسك وحسابلك نتي هي لعروووسة
شيماء: (بافتخار) ورااني فحكم عرووسة وزايدون للي لبستو كيجي معاايا (ميقت فيها هند) مهم زهير راه فالصاالون
هند: وشنو بغيتيني نديرلو
شيماء: امممم علية حطيلهم بعدا غير كاس أتااي انا مصالحش حيت كاينة داك زمر دوليد
هند: اممم واخا أمال دخلي من مورايا الحلوة هه
أمال: ههه سيري بعدي مني نتي (مشات هند قدات صينية واتاي أمال كانت ملقمة لبرارد ولما كيطيب حيت لوخرين راهم جايين كملات تعمار اتاي للي تعلماتو معاهم وشيماء هزت بلاطو من الحلوة)
هند: غتجي معاايا
شيماء: وشنووو نخليك بوحدك
هند: بااز (لوات الشال عليها وقريت حناكها حيت نقطة دلمكياج مكيناش فوجهها وزادت تابعاها شيماء للي لابسة طالو وكتمشي غير بشوية على حساب التكشيطة للي طويلة دخلو للصالون وهوما يسكتو محمد غير شاف شيماء جاية قلب عينو لهند ونتض شد عليها لبلاطو للي باينة جاها تقيل حيت جايباه كبير هاز 30 كاس وهوما بيهم غير 3)
محمد: ختي هند محنااك معانا
هند: لا لا خويا بلعكس الله يتمم كولشي على خيير ويتبت غرسكم ان شاء الله (وليد شوفاتو ديال واحد معجب ومقادرش يحبس عينو عليها أما زهير كيقلب واش غتبان التالتة للي تلاتلو معاها ورجع بحال مرااهق ساعة غير لهوا حطت شيماء لحلوة وهزت عينها فمحمد للي والو مكيشوفش فيها كان داير تحسينة زينة ومطراسي اللحية للي كانت خفيفة ولكن اصلا حروفو كوحل عاد السلهام مبينو فشكل قلبت عينها وخرجت من مور هند ممسوق ليها حتى واحد مع خرجو من الصالون دخلو لعيالات مجمعيين وفتيحة دخلت نيشان للكوزينة لقات امال وشي بنات خالاتها مجوجين للي كيستف الحلوة للي كتعمر اتاي وللي كتسخن ملاوي حطو داكشي لعيالات ورجال للي لتاحقو بداك التلاتي كلاو ولعيالات للي ناضت تلبس ولي كتقاد راسها فتيحة دخلت لبست تكشيطة الي كانت خيطات وقادات راسها بذهوبات وسوكت فمها ودوزت خط ديال لكحل على عينيها أما امال كاع لبنات لابسين تكاشط زوينين الا هي للي لابسة قفطان هادي موبرة فلكرونة خياطة ساامبل حتى من هند كرات تكشيطة زوينة)
هند: حتى مك راسها قااسح معندها معنى حتى تجوجي عاد لبسي تكشيطة عقلية ديال لخراا
أمال: الحمد الله بعدا على هاد القفطان ههه (دارت كاب كحل فروور كراتو ليها هند وكيتشد باكسيسوار زوين فيه حجيرات فلكرونا لبست شربيل فلكحل وقاداتلها هند وجهها مزيان مضرقة ليها اي طاش ولكن مباينش ميان من غير باينة دايرة اي لاينر مع مسكارة وعكر خفييف ماط جات زوييينة بزااف اما هند اليوم حلفاتها فولييد…..)
محمد: (واقف قدام لمراايا لابس كوستيم ديالو ودار فوقو سلهام كحل انييق تفكر شيماء للي لعشية كاملة وهي كتبان قدامو مقاادة ومأنتكة نفض هاد الأفكار للي لسقو فباالو ومبغاوش يمشييو ولكن فكرة للي كيحاول يدخلها وبالسيف على الطنطوون ديال طنطوون راسو اليووم عرسو ومربم رجعت مرااتو وأماااانة فعنقو… رش من ريحة للي جابلو وليد ودهن لحيتو للي بانت لامعة مع ريحة ديال العود خطييرة دار خاتمو لأول مرة كيديرو دخل عندو وليد للي هو لوزيير دياالو)
وليد: اححح شهييتني فشي عراااسية
محمد: ههه اوا زعم متخلينيش مزطم بوحدي فهاد الليلة
وليد: ههه علاش لا!! بانلي ݣاع ولاد غازي غيتجوجو هاد العام ههه..
محمد: لمكتاب.. يااله نمشيو (مع خرجو مع لعيالات بداو بصلا وسلاااام صدمووه بحال كانو كيتسنااوه دار تبسيمة خفييفة فشنايفو ومسا حدا رجال للي نااضو وكولشي هابط لتحت.. فتيحة شافت بنتها مقااادة عصرت شنايفها كتحلف هبطو كامليين كيشوفو فين يركبو وليد سوارت طموبيلة هند بقاو عندو من نهار جاو.. شيماء متبعة محمد لقاتو ركب فراانج كحلة خطيييرة مزوقة بالورد تبعت مها للي جراتها ومشات ركبت مع باها ومرت خوها وماين سناء.. أما لبنات مشاو يركبو فطموبيلة هند للي جالس فيها زهير ووليد ياله غتدخل امال للي حشماانة حتى سمعت)
على : أماااااال (مشات عندو دغيا متبعها زهير) طلعي ركبي لمك هنا (بلا متهضر طلعت جلست اللور مع شي عيالات العائلة حيت عارفة هادو اوامر مها حيت محمد رجع محتارم هند بزااف عكس علي للي لمح لفتيحة يتجوجها ونوضات عليه رويينة حيت هي سلݣووطة ومتصلاحش للعائلة.. مخلي زهير قارن حواجبو عليه ولكن ممنحقووش يهضر هند تأفأفاات ودخلت ركبت اللور…
هند: كنت باغيااها تركب معاانا
زهير: معليش خوها أولا…. هاد الساعة
وليد: معليش… تحرك الموكب كيطوطو بالطموبيلات ضارو دورة فلمدينة هاد مشات لدار حناين امال للي ماتت حيت الدار كبيييرة ومصلوحة عكس دارهم للي صغيرة وعلى قد الحال.. هبطو بزغااريت ودخلو لداخل فين كانت مريم لابسة تكشيطة فلبيج ودايرة فولارها ومن لفوق فواال مغطي على وجهها دخل غيرهو متوتر تحت انظار لعياالاات وجلس حدا مريم دخلت مصورة صورااتهم بجووج أما هو كما خبراتو مو للي كتفرنس ومفتاخرة بولدها حايد لفوال على مريم وباس جبهتها كانت زوييينة بزااف.. ناض من تماااك دغيا دايرين بيه مو وخالتو خايفين من شي تقااف يلسقووه فيه.. ناض من حداها عاد زفر عمرو جلس وسط مجمع لعيالات لا وعاد يبوس مرتو وهي لمرا الوحيدة للي كيبوس جبهتها هي مووو حس بإحسااس فشكل وهو خارج صير شوفت شيماء ليه للي كانت محيداتش عينيها عليه قلب عينيه هاز حاجبو لقا وليد وخوتو على برا عاد رجعو لعيالات هو دخل للصالون فين كاين رجال ولعيالات راهم ناشطييين…. ناضت مريم بدلت مرة اخرى وقبل مدخل مشات لبيت صغير كانو مقادينو بجلسة من عند لكوافورة وفتيحة مشات رغبت وزااوكت محمد باش يجي يتصور مرتاح حتى لقا غير مريم بووحدها بلبسة اخرى دار صواب معاها تبسم فشي تصااور)
محمد: صاافي!! ولا مزال نزيدو نتصورو
مريم: (غتمووت بلحشمة وهاد منين كتفكر بقاات شي ساعة ولا جووج كاع ويدخل عليها كتزيد تخااف) لا لا شكرا براكة.. الله يخلف عليك اخويا
محمد: هههه كتعجبني فيك هاد خويا
مريم: (غير ظحك فرنست بوحدها كتشوف تبسيمتو للي زويييينة ونااااذرا فااش كتشووفها فيييه)
محمد: انا غير معنديش مع هاد الجو وصاافي الا بغيتي تصوري عاود ݣوليهاالي ولكن بلاش فالصالون
مريم: هه (تبسمت) شكرا
محمد: انا مشييت (قرب لودينها شوية) جيتي زويينة.. (خرج مخليها غتسخف بلفرحة دخلت حدا لعياالات ونوضاتها هند وأمال وناضو لبنات كيشطحو ودايرينخا فلوسط فرحااانة بعرسها وعرييسها وبكووولشي…)
فتيحة: (مشات بدلات هي وختها ولبسو وجدياات خيطو بحال بحال غير لوان مخاالفين كيرحبو بعباد الله حطو لعشا للي كان تلاتة دجاجات فطبسيل ولحم مزوق بلبرقوق وللوز عادي الديسير ولمونادا كملو ومريم مشات تبدل دخلت عندها امال وهند كانت كتلبس لاغووب)
هند: جيتي زوييينة احبيبة الاه يكمل عليك بلخير
مريم: الله يبارك فيك اختي عكبالك (تبسمت مع هند مفهماش خالتها للي قالتلها راها ممزياناش سلكوطة وبغات دور بمحمد كملات ليها النكافة اخر روتووش)
أمال: هند صوريني معاها قبل مدخل (تصورو بتلاتة ودارو سيلفيات كيظحكو مخففين على مريم للي ولات كتشدها لبكية خرجو بيها بصلا ونبي كان محمد حدا باب الصالون قبل ميدخلو بقات كتصور فيهم المصوييرة عاد دخلو يديرو روتين لعرااسات خت مريم عطاتهم صينية فيها زلايف طاوس فيهم حليب وزلافة صغيرة فيها تمر معمر بحشوة اللوز شربوه لبعضياتهم وكلاو تمر لبستها الخااتم تحت زغاريت رد ليها لفوال وبداات تبكي شاف للي قدامو كولشي كيبكي وكيسكتو فمريم طل على مريم لقاها كتبكي بشهييق دور يدو علييها كيهمس لييها)
محمد: صاافي راه الدار حدا الدار وتبارك الله على خالتي راه مكتخرجش من عندنا ههه وصاافي ابنتي
مريم: (ظحكت فوسط بكاها وشافت فيه ولمصورة خدامة كتصور وطلعات ليهم أحسن تصويرة جا مها تعنق وخولاتها خوتاتها كولشي كيعنق الا امال معندهاش مع هاد الجو اصلا فاقد الشيء لا يعطييه مكتعرفش, تحزن معاك ولكن باش تعبر مكتعرفش من غير هند… خرجو بيها وموسيقى ديال لغيطة برااا وكتكون موسيقى خااصة بلعروسة منين كتخرج من داار بااها سميتها #لاكليك (بغيت نوريهالكم ومبغاش يتقادلي لفيديو) كانت موسيقى كدخل فالصميييم ركبت مع محمد كتكمل بكااها وهو كيسكتها شيماء غير كتشوف مرة تنهد مرة تزفر وخصووصا فاش عنقها كولشي ركب فطموبيلات طموبيلة فتيحة وشي جوج سبقو للدار للي كانت حداهم باش يوجدو ولوخرين ضربو دورة خفيفة من لمديييينة مع وصلو طلع محمد دروج وكاينة مو لابسة قفطان موبرة كولو منبت وهازة صينية فيها حليب وتمر ومريشة ديال ماء زهر دخلو تحت زغااريت رجال بقاو لتحت ولعيالات طلعو لدار نعيمة شيماء بقات غير كتشوف كتحس باحساس خااايب لدااخل وكتكذب رااسها بانها مكتحسش برغبة فلبكى… أما محمد ومريم دخلو لبيتهم ساديين علييهم فهاد اللحظة أمال باوامر من مها باش تجمع طباسل ديال الطاااوس وبكترة لعيا هزات امال ستة دقا وحدة كبار باش جات تخطي تعترت فقطانها وطاح كولشي من بين يديييها فتيحة طرطقة عينها حتى قرب مومو عينيها يخرج خبطت ففخاضها)
فتيحة: ااااااااااوييييلي هلى بنت لحرااااااام
أمال: (نشف ليها لما فركااابي مع كانو غير بجووج شكون يفكها) واللع مدرتها بلعاني أم.. (جات مليوحة عليها طيرات ليها الشاال هربت امال لوسط الدار تعطلت بسدادر جات فوقهم وتابعاها فتيحة كديرلها اشارة تهضري نذبحك وفيدها تيو دلبوطة للي غير شافتو أمال تسعرت هزت وسادة صغيرة دارتها على وجهها وحمااتها لغواات قبل مضربها فتيحة ولا حتى تقيسها كتغووت وتزييييد خلات فتيحة كطلبها غير تسكت ولوخرا طلقت حلووقها مزيان)
فتيحة: سكتي سكتيييييي (هنا خرج محمد كيجري لابس سروال دلكيطمة وتريكو مقلووب)
محمد: شنو واااقع (شاف ختو ناعسة دايرة وسادة على وجهها كتغوت ومو هازة تيو غير سمعاتو سكتت وشافت فييه) واش هبيلة لاش باغية ضربيييها عاااااود
فتيحة: (كتفافا) والو اوليدي دخل حدا مرتك (سمعو الدقان لباب كان محلول ولكن مبغاوش يدخلو ومنهم زهير للي عاس حدا لباب يفهم هاد لغوات للي جاي من دار أمال)
محمد: وااااا بعدي من لبنت سموو دارت كاع باش هازة تيو عليييها
فتيحة: (بلخلعة) واالو اوليدي غير سير حدا مرتك
محمد: واش ندخلها حداايا باش نتي تبعديها (هربت فتيحة للكوزينة وأمال غطست بلحشمة) نوضي طلعي لفووݣ نتي متبقايش حدااها (أمال ناضت بحال مدارت واالو وهو دخل كينكر لبيتو تلاقات بكريمة)
كريمة: شنو واقع
أمال: (بحت وضرها حلقها) والو غير التلفازة كانت مجهدة (تخطاتها وخلات فتيحة كتندب وضرب فخاضها اما أمال خرجت وزهير حظاها منين شافها مزيان مشا من تماك وهي طلعت لفوق شداها الظحكة ولخلعة خفااافت منين دافع عليها محمد)
وليد: آآآش تماااااا…
زهير: معرفت شكون هاد المعزة للي كانت تغوت…
وليد: ههه ياكما لعروووسة
زهير: (جبد كارو كيشعلو فمو نتر منو وصاااط) الا كان محمد هو للي مخلي مرتو تغوت رااه فحل ولد فحل
وليد: ههه لا لا ماشي لديك الدرجة
زهير: نتا شخصيااا مزالك فييرج باش تعرف ولا لا
وليد: هههه (ظحك جالسين صاقرين حتى نطق) من نهار جيت هنا مهضرت مع هند
زهير: فدارنا يا جدك كانت السيييبة
وليد: هههه هنا كنخليها تبقى محترمة فعينين كولشي عارف عقلية دلخرا للي كااينة باا كل شوية ها علي ها نبيل باغيين يخطبوها
زهير: ههه وااايلي اوا باالي
وليد: (حرك راسو باه)
~~~~~~~~~~~~~~
كريمة: (دخلت صفرا عند فتيحة للي كانت تخبط وطباسل الطاووس مهرسين وماشي واحد بزااف كملات الباهية وداكشي فاش شكااات) اختي شنو كااين راه غنمووت بلخلعة
فتيحة: (قربت طيح بالاعصاب وبانت فوجهها) وااالو وااالو
كريمة: (شافت فوسط الدار الضو مطفي وكولشي مطفي)
فتيحة: (سدات باب الكوزينة وهضرتهم غير بصوت خااافت) لاش هبطتي راه حشومة تهبطي هنا اكريمة
كريمة: وداك لغوات علاش بنتي كانت تغوت ياك بعينييك حضرتي تقاف محيدناه حتى عقد ولدك عليها
فتيحة: فين مشا باالك حتى نتي
كريمة: ولاش داك لغوات كاع للي لفووك كانو يهضرو وكاين للي كالت واش ملكاهاااش بنت باش ضربها
فتيحة: اوييييلعدا؟؟؟؟ راه لكلبة دأمال للي كانت تغوت
كريمة: أمال بنتك؟؟ وعلاه
فتيحة: (قالتها ولفقسة قجااها) هرستلي السلكوطة 6 دطباسل الطااووس منين جيت نضربها طلقت زواااكتها
كريمة: (دارت يدها على فمها) الله يعطيبها مصيييبة طيرتها مني كلت غير بنتي مسيكييينة
فتيحة: بنتك راه مع راااجلها ومريم هي ميتشكش فيييها انا طالعة لوالديهم نغطيهم علاش يقلبو بزااااف علييهم مرت محمد يوصلووها حتى لظفرها
كريمة: ولاااايني هاد أماال حماارة والله ما مربيا اختي كاين للي يدير هاد لفضيبحة ونهار العرس خلات بنادم يحل فمو على بنتي ومكملاها مهرسة طباااسل (جلست فوق كرسي) الله يلكيييها لييها
فتيحة: اميييين بنت لكلبة رزااتني فييهم انا بغيتها ترزا فصحتها كما رزاتني فيها انا
كريمة: بفففف دابا يتعوضوو ليك متبقايش مفقووسة على وااالو
فتيحة: أنا بقى فية غير ولدي خارج من ليلة دخلتو باش يفرق بيناتنا مسكين هاز الهم من صغروووو
كريمة: (شهقت) ويلي على حشوومة… وضربها؟؟
فتيحة: كيدير يضربها وهو حتى تريكوه لابسو مقلبوووب
كريمة: ويلي وييلي تلقااي بنتي تكون ماتت بلخوف هي اصلا سيمانة مكلات منعست وزادت هاد الليلة
فتيحة: جمعي معاايا وكاان هادشي (جمعو داك الجااج وفتيحة قربت ريتها تخرج بلفقسة بقاو فلكوزييينة مجمعين بشوية حتى كملو جميع فتحو باب لكوزينة وخرجو سادين لباب وطلعو لعند دار نعيمة ظااحكين باش ميبينو واالو قدام العائلة للي تسنى غير تشفى فيييك….)
أمال: (مع دخلت كاع الأعين مشاو لييها دخلت نيشان للكوزينة فين كاينة نعيمة وشي بنات وحتى شيماء) خالتي نعيييمة (جات عندها نعيمة وتبعاتها شيماء باغا تعرف شنو واااقع دخلو لبيت ودخلت حتى شيماء)
شيماء: واش ملقاهاش بنت
نعيمة: حماااارة اش هاد لهضوور خرجي للكوزينة حدا لبنات
شيماء: خليني نعرف اماما وهضري نتي
نعيمة: خرجيييييي (خرجت شيماء كتصووط وميتة باغا تعرف لغوات للي تسمع) مالكي ابنتي؟؟
أمال: ههه درت داكشي للي كلتيلي غير قربت تضربني بديت نغوت
نعيمة: هههه طيرتيها منا خلعة هكااك دييك مك معرفت شنو فرااسها عندها بنية على مزيناتها ومعرفااش قيمتها
أمال: (كيعجبها كلام نعيمة معرفت هاد الرااحة للي حسات بيها واخا عارفة مغدوزهاش ليها ولكن خدااتها تحدي صاافي لحمها غيولي عزيز عندها) شكرا اخالتي نعيمة وكان ماشي لغوات وكان راه لحمي مزوق ههه بلا محمد للي خرج من بيتو عرفتي داافع علية وكالها الا مبعدتيهاش ندخلها عندي هههه ظحكني خلاها حشمانة وهربت
نعيمة: هههه الله يعطيك الخير امال (سمعو الدقان حلات نعيمة كانت فتيحة وكريمة قشعت امال ودخلت للبيت ومع شيماء وهند كانو قراااب حتى هوما مشاو حدا لبيت)
نعيمة: وجه الله متقييسييها افتيييحة والله وتقيسيها منبقى نعرفك
فتيحة: (بشوية) الله ياااخد فيك الحق الشاايطة الله يعطييك المووت
أمال: (مخبعة من مور نعيمة) والله مدرتها بلعاني
فتيحة: (معصبة بزاف) انا بغيت ليك لموووت يا الجحموومة يا الشاايطة يا السلكووطة انا بغيت ليك شووهة عمرك تهزي الرااس فييها يا الق***
نعيمة: اويلي نعلي الشيطااااان (هند قرنت حواجبها)
كريمة: بلا متعصبي راسك اختي فليلة ولدك
فتيحة: خلاتلي فين نفرح ولاايني نيت راها غايرة من بنت خالتها حيت حتى حد محاشااها لييها لاااا وجالسة تخير بين ولاد عمها
نعيمة: فتييييييحة سسيري جلسي حدا ضياافك راك بديتي تهترييي
فتيحة: انا ماشية الجحمومة ولكن راكي طيحي بين يدييي الله يخليك تبكي على عمرك يا لكلبة (خرجت تبعتها كريمة بقات شيماء وهند كيشوفو فأمال للي دموعها كيجريييو على خدها وملامح وجهها جامديين ضارت عندها نعيمة)
نعيمة: صافي ابنتي متديهااش فييها راه ديك مك عشرة فعقل (كطبطب على كتفها) صاافي ابنتي برااكة من لبكى
أمال: (بصوت كيرجف) والله اخالتي ولاد عمي كوولهم كنحسبهم خووتي
نعيمة: ابنتي واش عاد توريني فيك راك مربية مع بنتي غير ديك مك الله يهدييها (بتنهيدة خرجت محتارة فهاد فتيحة وكان محضرتش فولادة أمال تشك واش هي مها أما هي بقات تمااك ممصدوماش من كلام مها اصلا من ديما كتقولو بقى فيها الحال حيت كولشي سمع جات عندها هند كتعنق فيها وشيماء بقات كتشوف فيها)
هند: متديهاش فييها
أمال: (شدها لحريق فمعدتها عاود مفافااهم غير زغااريت خرجت شيماء كتجري فهمت صافي محمد دخل علييها وفتيحة كتشطح حداهم وهازة تيليفون مشات من حداهم ودخلات لبيتها)
هند: صاافي ازمرة واش عاد غتعرفي مك
أمال: (حركت راسها بلا) ياله نخرجو (خرجو وأمال عاقدة حواجبها كتفكر واش غتبقى حياتها كاملة هااكا بداو شطيييح وهي جالسة عقلها هااااارب هبطت مها وخالتها باش يشوفو مريم لقاو محمد فلكوزينة هاز كاس أتااااي واقف لابس كيطمة ديالو وسااااهي حتى سمع هضرتهم وعطاهم بظهر كيكمل شريب أتااي)
فتيحة: ولدييي
محمد: اممم
فتيحة: خالتك بغات دخل تشوف مرتك
محمد: دخل (دخلت كريمة وقرب لمو) داك تخربيق ديال السروال مكاينش ومتسولووهاش علييه ولا بربي حتى نصعر (حط داك كاس اتاي وتخطاها مخليها كتسمم بوحدها دخلت تبعت ختها لقاو مريم مزالة ناعسة ولابسة لغوب بيينوارو للي شراتلها أمال)
كريمة: امدرااااا ابنتي
فتيحة: تبااارك الله على بنيتي مبرووك علييك (شافت فختها للي كتساين بنتها توريها) نساااي راه راجلها مانعها تورينا شي حاجة
كريمة: هاااء
فتيحة: اااااااوا راجلها وحكم ياك ابنتي ممريضاش
مريم: (باحراج) لا لا مزيان اخالتي
كريمة: جمعي ابنتي صباااحك
فتيحة: (ضارت عند ختها) خفتينا نسحرو لبنتك اختي
كريمة: اوييلعدا اش هاد لهضوور انا مخلعاني غير ديك اللفعة للي جايبين للدار….
كولشي تفرق وللي مشا ينعس وللي ففراشو مقادرش ينعس ومنهم شيماء للي حاطة تيليفونها شافت أنوار مصوني عليها قلباات التيليفون وبقات سااهية كتفكر فمحمد للي مبغاش يمشي من باالها أمال تحتها كاين بيت أمال للي ناعسة حداها هند باش مضربهاش نعيمة كانت جالسة وكل مرة كتزيد تحقد على مها حريق فمعدتها مقدااش تنعس بييه…
أصبحنا وأصبح الملك لله…
كولشي فاق موجدين فطوور متول وفيه كوولشي وأمال غير كتهرب من شوفات مها وقربها ليها.. حطو كوولشي رجال مفرقين لفوق فدار نعييمة فين مجموع هو وولاد العائلة وحنينو وعمامو وحتى زهير ولعيالات بووحدهم لتحت فرحانين بمريم للي لابسة قفطان موبرة غلييض بحرا كتقدر تجلس كانت هند قداتلها شعرها ودارت ليها مكياج خفييف وخلاو ليها سعرها مطلوق بحكم كاينين غير عيالات وعاد السر للي طالع علييها.. وهادشي مخلي شيماء غتاكلها بعينيييها وغير كتميق ففرحتها داز من حداهم محمد لي هبط من لتحت داز من حداهم حاني رااسو
محمد: مريم اجي
مريم: (حشمت ووقفت ناصت ودخلت عندو لبيت سد لباب من موراها)
كريمة: ههه ولدك سخن على بنتي افتيحة (كولشي كيظحك الا شيماء للي جاتها هضرة باااسلة)
فتيحة: رااجلها ولا نسيتي راااسك المغياارة هههه غرتي من بنتك
كريمة: هههه الله يمسخك (شوية خرجت عندهم مريم بوجه مصدوووم) مالكي ابنتي
مريم: غير محمد علمني نجمع حوايجي باش نساافرو
كريمة: هه وماالكي مخلووعة؟؟؟ هبييلة موافتش تساافر بلا بية وقليل أصلا فين كتسافر
مريم: (جلست مريم) لا راه غنسافرو بعيد
هند: الشمال؟؟؟
مريم: لا كالي برا المغرب
شيماء: كفاااااش (زطمت عليها مها بصابوها حتى دمعو عينها جبدت رجليها غير بالسيف)
كريمة: (كولشي تصدم شافت فختها للي باينة مفراسها ميتعاود هند كولشي مصدوووم ) فين برا؟؟
مريم: بلجيكا يمكن ولا فرانسا ولا معرفت انا وخلعني
نعيمة: لاش تخلعي ابنتي راجلك مهلي فيييك ودايك تسرااي الله يديكم على خير ويجيبكم على خير
مريم: (تبسمت) ربي يخليك اخالتي (أما شيماء غير كتشووف هاد تصرفيقة للي نزلت عليها كتر من ليلة العرس والدخلة برا مرا وحدة اصلا مكانتش حتى حاطة احتماالية يسفرها ولا عارف شي حاجة سميتها شهر العسل محست حتى نطقت)
شيماء: وماايمكنش تكوني معرفاش وباش قاد ليك لوراااق
مريم: معرفت
هند: يمكن فاش كان فوجدة 100% حيت كان مشغول كيقاد لوراق كل نهار مريوومة بصحتك احبيبتي جيبيلي الشكلاط معااك
أمال: (فرحت ليها1 واخا حتى هي مصدومة) حتى انا
مريم: ههه نجيبلكم كاع للي بغيتو
شيماء: (تخنقت مقدرتش تبقى تماك والا ناااضت غتبينها مزيااان.. أمنيتها دخل عند محمد تغوت وتعاالا كما مواالفة بغات تفهم منو حاجة وحدة واش صاافي نسااها بهاد السهوولة للي مخليه يدير عرس ويدخل عاادي كأنه من زماان وهو حامق يتجوج مريم ومكملها بشهر العسل فبراااا!!! غتهبل لداخل ديالها كاين بركاااان دالغضب محااس بيه حد حتى وجهها مفااهمش كانت كتسطانع الابتسااامة والهدووء….)
زهير: (وقف) اوا هدا هو الجهد
وليد: فين؟؟؟
زهير: لداري هه بحرا نوصل راه مبقى واالو للمحاال
وليد: ومغتخطبش؟؟
زهير: ههه مالي غنخطب شرويطة حتى تبغي الطفلة بعدا
وليد: اممم (وقف معاه هز صاك الجلد صغير ديالو وهبطو لتحت خرجو فشيماء خارجة من تمااك ملامح وجهها دغيا تبدلو)
شيماء: (تبسمت) سلاام زهير صاافا!!
زهير: الحمد الله اختي نتي مزيانة؟؟
شيماء: الحمد الله (شافت فصاكو) صاافي ماشي
زهير: صافي ياله وليد تهلا
وليد: صبر بعدا يجي محمد
شيماء: انا نمشي نعيطلو
وليد: (خرج عينو) سيري دخلي هو راه غيخرج داابا (دخلت مكرهة مع دارت لقات محمد خارج وتكروازااو فلكولواار دار بحال مشفهاش عكسها للي وقفت ومتبعاه حتى وقف)
محمد: روح معانا شي يااامات
زهير: لا لا خويا خاص نمشي
محمد: اوا مزاال يامات الله طويلة (غمزو زعما على داكشي للي فبالك)
زهير: هه ان شاء الله
وليد: اوا هاا نسييبك كيقولك مرحبا بيك وعااطيك ختي
زهير: وهو صرااحة كنتسنى موافقة ختك ماشي ديالك ههه
محمد: يا خويا خليني غير نعطيك بظهر
زهير: ههه لا لا انا للي متلكاش فية هاد الخصلة خلاوها شلووح الله يعزهم بيها أغرااس أغراااس
وليد: امممم كولتييلي…
زهير: ياله الله يعااون هدا هو الوقت (هبطو معاه لتحت خلاو وحدة مطرطقة عييينها لا وسمعاتها من مصدر موثوووق)
شيماء: كنت شاااااااكة هو مكيبغيش هند باغي أمااال وهند غير كيلعب علييها.. أماااااال!!! شنو هاد لخرا وهاد زهر للي عندها كولشي باااغيها علااش اسيدي ربي (بقات كتغبن بوحدها حتى سمعت شي حد كيبكي دخلت كتجري لقات هند كتبكي) اويلي ماالها (شهقت ياكما عرفت على أمال وزهير مشات حداها) ماالكي؟؟؟؟؟
امال: مالكي شنو كالتلك ماماك؟؟؟
هند: (كتبكي بحرقة) مي لااااالة كتموووت أمااال
أمال: (شهقت) أحااي ومالها ياك غير لبارح هضرتي معاها كانت مزيانة
كريمة: (كتخبر فتيحة) شكون هاد مها لالاها؟؟ (فتيحة شقلبت عينها زعما معرفت)
هند: (جلست وأمال ومريم وشيماء ونعيمة وسناء واقفين حداها ولوخرين اونفاص معاها شادة تيليفونها وكترجف بيديها صونات على باااها) ألوو ألوو بابا مال مي لالة؟؟
أب هند: (مخلوع على مو للي دخلوها للانعاش) معرفتش كنتسناو طبيب يخرجها
هند: الله يا ربي هادشي للي كان باقيلي.. قولي غير ماالها
أب هند: كانت واقفة حتى سمعناها طاحت وكشاكشها خارجة.. ياله سيري من بعد من بعد… (قطع عليها وهي ميتة بالخوف على جدااها هي للي بقات لييها فهاد الدنيا وقفت) انا غنمشي عندها
أمال: الااا متمشييش ونتي هاااكا
هند: لا ختي منقدرش الا مي لالة (ناضت من حداهم تالفة دخلت لليت أمال للي تابعااها لبست مونطو ديالها فوق لبيجامة هزت صاكها…)
نعيمة: لا حولة ولا قوة الا بالله العلي العظيم
فتيحة: كتعرفي هاد مها لالاهاا
نعيمة: هضرت معاها شحال من مرة مرااا غزاالة يا ختي غير الله يشوف من حاالها
فتيحة: امم وهاد هند ها هي عندها باها ومها يسحابلي مقطوعة من شجرة
فتيحة: لا عندها غير عاشين على برا
فتيحة: هااااه كولي لبااااااس عليهم
نعيمة: تأ راحنا فلباس عليهم مشفتيش حالة لبنت
كريمة: ايييه بقات فية (شافوها خاارجة) الله يشافي ابنتي
فتيحة: نشاعالله تسمعي خبار لخير ابنتي
هند: امييين سمحولي على هادشي حبيبة مريم سمحييلي مبغيتش نقلقك معاايااا…
هند: سمحيلي مبغييتش نقلقك معايااا… اموولة بيناتنا التيليفوون
أمال: (بقات فيها شافت فمها) ماماا خليني نمشي معاااها
فتيحة: (خرجت عينها) جلسي يا بنت لحراام مغيبغييش بااااك
أمال: عفااااك أماما انا نهضر مع خوويا
فتيحة: (كتعصر دوك شناايف) كلبة راه باك للي ميبغيييش
هند: أمال حبيبة غير خليييك انا نصوني علييك
أمال: عفااااك أماما منخليهاش بوووحدها
هند: أمال والله حتى هاانية غير خليك احبيبة (طلقت من يد أمال وخرجت ودموعها على خدها)
شيماء: كنت نبغي نمشي معاها ولكن…
نعيمة: لاحولة ولا قوة الا بالله العلي العظيم
مريم: بقات فية بزااف
أمال: (تعصبت بزاف) هلاش متخلينييش نمشي معاااها هي الصاحبة الوحيييدة للي كلقااها معاايا وعمرهاخلاااتني علاش تخليني نخلي بييها هاكا وتمشي بووحدها
فتيحة: لا ياااجي ضربيني نيييت يا الجحموومة (وقفت) ياكما حساابلك نسييت السلخة للي محلفااها ليك غاااا صبري نبقاو الرااس فالراس والله يا بنيتي متعاودي تحلمي تمشي لديك وجدة
أمال: منييين جاتك بنتك انا مبنتكش الااالة غير بعديني عليييييك (خلات كولشي كيشوف وخرجت)
فتيحة: اوا شتي انعيمة للي ظلي دافعي علييها
نعيمة: الا لواحد راه لحمة شحال كدو يبقى صاابر ضبرتيها افتييييحة بزاف واش فيها الا خليتيها تمشي مع صااحبتها
فتيحة: اوا لاش مخليتيش بنتك تمشي
نعيمة: علاش هي كالتها
شيماء؛ مغيبغيلييش خطيبي أماما
نعيمة: خطيييلك ولا حولة (ناضت مشات طل نعيمة من السرجم)
فتيحة: شتي ولا مشتييييش
كريمة: شششفت اختي بنات اليوم غير ديرهم كدامك لا ديريهم من ورااك نتوما لي ضيعتوها منين خليتوها تمشي لديك وجدة
فتيحة: اوا هاااا وجهي الا عودات وطات تماااااك (شافت فمريم وتفكرت لفقسة ديال برا وكفاش هاد لبلان وهاد اخر من يعلم…)
~~~~~~~~~~~
وليد: ( بقا واقف مع محمد كيهضرو من بعد مودعو زهير حتى شاف هند خارجة كتبكي خلا محمد ومشا تبعها)) هند هند
هند: (ضارت عندو) وليد كنت كنقلب عليييك
وليد: مااالك وعلاش كتبكي؟
هند: هءءءء مي لالة كتموووت دخلوعا للانعاش معرفت مالها حتى واحد مبغى يعطيييني خبار مقااادة علييها
وليد: واش باغا تمشي عندها
هند: اااه والله حتى نمووت الا وقعات ليها شي حاجة
وليد: صافي مغيوقع واالو زيدي انا نوصلك
هند: (كتمسح دموعها وصوتها تخنق ونيفها عمر) غتمشي معاايا؟؟
وليد: وماالي غنخليك بووحدك (سمع مو كتعيطلو طل عليها) ويي
نعيمة: ولدي سير وصل هند تا..
وليد: وااه وااه راني غنمشي معاها
نعيمة: الله يرضي عليك اولدي (أمال كانت هبطت دروج وبقات كطل من لباب جا عندهم محمد من بعد مشاف وجههم مغيرة وصلو حدا طموبيلة هند ركب وليد وهند)
محمد: الله يسمعكم خبار الخييير كنت نبغي نمشي معاكم ولكن الطيارة 5 دصبااح
هند: شكرا اخوويا سمحوولي على صدااع
محمد: لا لا بلعكس نتي للي سمحيلنا مدرناش الواحب معااك (وليد شاف فهند للي كتبكي ديمارا وزاااد)
وليد: غنمشي على ميسوور
هند: (كتمسح بموشوار حركت راسها باه) وااخ
وليد: (حط يدو فوق كتفها) غيكوون خير غير مديريش هااكا
هند: (تبسمت وسط حزنها وزااادو….
محمد: (جا يطلع للدار لقا ختو فم لباب) اش كدييري هنا
أمال: (كتبكي) هءءء عفاااك ديني معاااك اخويا الا بقيت غتقتلني هي حلفت حتى تقتلني منين تمشي نتا
محمد: فيين وشكون غيقتلك
أمال: ماما
محمد: بففف عاااود
أمال: عفااك دييني معااك امحمد ياك نتا غتمشي من وجدة ديني معاااك
محمد: غترجعي مع هادييك
أمال: (عرفت على شيماء) اصلا مبقيتش كنهضرها من داك نهااار
محمد: (فهم بأنها قطعاتها حيت تخطبات لواحد اخر وخلات خووها زفر) علاش بغات ظربك عاود (طلع وهي بقات من مورااه اخر أمل بقالها هو مفهمتش واش بغا ولا لا دار لقاها كتنخصص) واا طلعي (طلعت من موراه حانية راااسها فكرة غتبقى معاها الراس فالرااس مخلية معدتها كتلوى بلحريق وعاد هند للي حسات براسها خاايبة منين خلاتها بوحدها فهاد الأزمة وصلو للدار كانت كريمة وفتيحة ومريم دخلت لبيت نعاس كدوش)
فتيحة: ردك خووك كنتي باغا تهربي؟؟
محمد: (ببرود) فين غتهرب دخلي أمال جمعي حوايجك باش غتمشي معانا
فتيحة: (غوبشت) فين غتمشي معاكم؟؟
محمد: (جلس) داابا ماالكي امي معااها؟؟
كريمة: (متسرطاتلوش تمشي أمال معاهم لشهر العسل)
فتيحة: اوا لهلا يوريييك غير كبيلة مخرجة عينها فية كتكولي نتي ماشي ماما وانا ماشي بنتك وبعديني عليك بقالها غير ضربني
أمال: أنااااااا؟؟ حشومة عليك من ديما لايحة لباطل علية غير لبارح مشوهاني كدام الناس ودابا هاااكا
كريمة: ويييلي على بنت لحراام كتكذبي فمك وكدامنا
محمد: خاالتي الله يحفظك داكشي بيناتنا حنا
كريمة: (تصدمت وهي تحني الراس)
فتيحة: وراه ختي وشااهدة
محمد: ولاش نتي باغا شهادة على بنتك؟ (ضار عند أمال) داابا هادي غتجاابه معاك وهي مكتهز الراس فحد
أمال: (بقات كتبكي)
محمد: صاافي هنييناا نتي.. وسييري جمعي حواايجك
أمال: (طاارت من حدااهم فرحااانة ولكن مكتبينش كان محمد هو الحل دياالها واخا تصدمات فييه ولكن للي مهم هو مغبقااش معاااها جمعت حوايج7 قلال صونات على هند لقاتهم خرجو على تاوريرت قطعت وجلست فبلاصتها الا بانت لفتيحة دااابا غتذبحها.. فرحت نسبيا جاها محمد رد ليها ولو شوية من كرامتها للي مرمداتها معا لبارح هي وخالتها ولكن بالها بقا مع هند ميمكنش تخليها بووحدها)
فتيحة: (ناضت كاعية مشات لبيتها وتبعها محمد وكريمة ناضت كتجمع الطبلة وكتنكر دخلت ودخل هو) كفاش قضية براااا واش انا ولدي مك ولا عدوتك
محمد: (زفر) دزتي لية انا عاود ياك بغيتيني نجوج متنهناهتش معااك باغا دخلي فجهاج ونوضتي القياامة حيت بنتك لي شرات معايا وانا للي جارها بالسيف علييها وكلنا هاااانية ولكن باش دخلي فشي حاجة ديالي انا ومرتي لا
فتيحة: ياااااااك اولدي؟ هءءء ربي وكبر وفالتالي يتهز عليك
محمد: متهزييتش امي ولكن متعيقييش ياك نتي باغية مريم لاش معاجبكش نساري بنت الناس
فتيحة: كولهالي
محمد: ياك حتى هي مكانش فخبارها حتى عرفتو كاملين
فتيحة: وديك لكلبة للي مصيفطها تقرا
محمد: ونتي شنو باغا بلكلبة ياك محملاش حتى كمارتها هاني غنهنيك منها ولا زعما خاصك غير فين تعذبييها… (جات تهضر) صافي طلعلي هادشي فصحتي امي كاين بزاف ميدار من غير أمااال هاني علمتك انا مور لعصر غنمشي(ناض باسلها راسها مخليها غير ياابسة وخرج..)
فتيحة: (طاحت بالأعصاب وشدت لفرااش وللي مرضها هو ولدها عاد لبارح كان كيمشي غير بكلامها وداابا ها هو ماشي لشهر عسل الي متقبلاتوش كفاش اصلا محمد يفكر غشي شهل عسل وبلا حتى ميشاااورها وعاد جاي واقف ضد مو على ود أمال أمال الي ضيعت ليها حيااتها وخلاتها بلا ولاد وكل متناقشات مع راجلها كيعايرها بهاد العيب وأنها رجعت امرأة عاايبة خااوية منفعاااااش دخل عندها ولدها لابس قبية فوقها جاكييط زوينة وسروال مع كاط.. لقى مو ملوية على راسها فولار حياتي مع جوج دواور ديال الحامض فنواضرها جلس زااافر)
محمد: داابا علاش دشي؟؟
فتيحة: معمرني فكرت يجي نهار تعطيني بظهر اولدي وانا للي كنت مترجية فيك كل خير
محمد: هه وسمو صتي كندير ولا انا ماشي بنادم نخرج شوية من هاد الحفرة
فتيحة: هاد الحفرة فيها مك والا صاافي مبقيتش مديها فية
محمد: واش نتي دايرة هاكا حيت مكلتلكش على سفر
فتيحة: (جلست) اييه لاش متكوولهااش وتطيح بية
محمد: حيت بغيت نديرها مفاجئة
فتيحة: مفاجعة لمن؟
محمد: لمرتي لمريم فيها شي حاجة؟؟ مي انا شديت الإجازة بنقطة مزيااانة كان ممكن نكمل قرايتي ولا ندفع لشي وظيفة كلت لا لكن غتخلي عائلتك جيت وسمحت فكولشي ومن تمااك وانا خدااام ومنين دابا بغيت نروح شوية دايرة هاد لكنازة
فتيحة: سيير بوحدك لاش دااي معاك مرتك هي مزالة عروسة جديدة وكولشي مزال يبغي يجي يشوفها
محمد: مرتي متبقاش من مورايا هادي غير دخليها لراسك
فتيحة: هي معندي كلمة عليكم
محمد: كلمتك هي للي ماشية امي واش انا منمشيش نفوج شوية؟
فتيحة: (شافتو غيمشي غيمشي) سولني كدااامهم؟؟
محمد: (زفر) وااخ ياله خرجي حيت راه مشا الحال وخاصني نشد طريق (نوضها وعطاها ساروت بيتو) كولشي كاين تمااك (على لفلوس هز يدها باسها) نجيبلك شي حاجة
فتيحة: اممم باش تديني نفوج معاك مخليني هنا بوحدي (مجوبهاش خرجو كانت حتى نعيمة ومرت ولدها هبطو وشيماء)
كريمة: ختي واش بيك؟
فتيحة: ضربني لبرد مرياامة وديري ولدي فعيينيييك
مريم: (تبسمت وحركت راسها باه) حم فين أمال؟؟
شيماء: علاش حتى هي ماشية معاكم؟؟
مريم: لا غنحطوها فوجدة ياك امحمد؟؟ (حرك راسو باه ومشا كيدق فبيت ختو مخلية شيماء كتغلي حاسة براسها واقفة غير بالسييف.. خرجت امال من بيتها لابسة كانت خايفة تخرج منو حتى يجي عندها خوها جارة باليزتها وحانية عينيييها وقفت كتشوفهم كيتسالمو مع مريم الوحيدة للي سلمت عليها هي نعيمة خرجو من الدار وشيماء غير كتشووف خبرت مها)
شيماء: واش نمشي معاهم حتى أنا (مها بعدات عليها وطلعت للدار شيماء طلعت من موراها مشات للصالون نيشان لقات علي هو للي دايهم ركبو لبنات اللور ومحمد للي صاك.. بقات متبعة حتى حست بشي حد جرها بالجهد ضارت بالخلغة لقات مها) مالكي اماماا؟؟؟
نعيمة: (مخرجة عينها) دااابا غتفهمييني شنو وااقع؟؟؟
شيماء: شنو واقع؟
نعيمة: بزاااااف هاااا امال هااا هند وهاد ليااامات عينيك غير متبعين ولد عمك نهار جا يخطبك كلتلك واش تدييه جلستي تغبني علية وتبكي ودرتي مووتة حماار كلتلك راه لولد مزيااااان وراااجل حلفتي الا تجوجتيه تقتلي رااسك اوا داابا شنوووو؟؟
شيماء: حساابليش غيصدق هااكا ها العرس ها جهاج ها برا بقااا لها غير بشري الدار ويمشي يسكن فبلاصة اخرى
نعيمة: (تصدمت فبنتها وندبت حناكها من كمية السم للي معمر قلبها) اوييييييلي فين ماشي بهاد السم نتي مخطوبة وقربتي تعقدي وكتكوولي هااااك؟؟؟؟؟!!!!!
شيماء: (محست غير بقات كتبكي جلسات فوق السداري عياات تشد رااسها وتقمع شنو كتحس الا مقدرتش شافت فمها للي مصدومة فيييها) انا نمشي نعس
نعيمة: (شافت فبنتها للي كتبكي بنيتها جلست مفاهمة واااالو عاد كانت مبينة كتحماق على للي خاطبها ودابا كتبكي على محمد شنو دير تقتلها ولا تعنقها حااارت فبنتها بزااف ولكن معاحبهاش الحااااااال…)
~~~~~~~~~~~~~~~~
هند: (عيات تصوني على باااها والو مكيجاوبش مها حتى وااحد مكيجاوبها) حتى وااحد مكيجاااوب هءءءء غيحمقووولي تفووو على عائلة
وليد: صاافي هاحنا قربنا (شاف فلبلاكة) هاحنا فميسور داابا نوقف ناخد ليك شي حاجة
هند: لاا عفاك غير كمل
وليد: غير وصل وقف فكوشك فالسونطر هبط مسا جاب ليها قرعة دلما وشي تخربيق اخر.. راجع عندها كيشوفها فالطموبيل مقاتلة غير مع التيليفون وكتبكي بقات فيه بزاااف موالف ديما كيشوفها ظااحكة وقوية طلع حداها حط يدو على كتفها..) هند كولشي غيكون مزيان
هند: (كتبكي وبحرا كبفهم كلمة من بكاها) دابا غير يجاوبوني واش ميتة ولا حية هءءء..
وليد: مبقى واالو جوج سوايع وهاحنا عندهم ان شاء الله غتكون مزيانة (شربها لما بالزز أما شي لاخر مقدراش زاد صاااك من ميسور نيشان لفاس مروورا من بولمان وصفرو تيليفونو صونا مجاوبش أما هند مدابزة باغا تعرف غير اسم لاكلينيك كتصوني وااالو مكاين مجييب… دخلو)
هند: معرفت واش جابوها ل CHU هنا ولا فين داوها
وليد: نمشيو للدار صرووري تلقاي شي واحد تماك عاارف
هند: تعرف طريق موزار؟؟ حيت اخر مرة جاو هنا ومبقاوش فلمدينة لقديمة
وليد: نعتيلي فاس مممم مكنعرفش فيها لبلايص (بقات كتنعتلو حتى وقفو حدا فيلا كبييرة هبطت هند)
هند: (طلتعليه من السرجم) انا ندخل دغبا نجيب لادريس (لسوء حظها مجابتش الساروت صونات حلات ليها المساعدة للي كتكون مع الجدة دخلت هند كتجري كانو غير ولاد باها ومها لقات حتى خالتها تماك وسعد ومرتو سولت على سمية غير عرفتها مشات كتجري خرجت عند وليد بدات تنعت ليه كانت قريبة شوية مع وصلو هبطت كتجري شوية تفكرت وليد رجعات عندو لقاتو وصل عندها دخلت كتسول حتى علموها فين كاينة هبطت دروج قليلة حيت الإنعاش كاين فالطبقة -0 لقات مها وراجل مها وبااها ومرتو تمااك) فينها واش باقا حية؟؟
أب هند: اه اه
هند: وماالها شنو وقع لييها
أم هند: طلع ليها السكر ودابا كينزلووه ليها بالأنسولين
هند: وهلاش شنو وقع؟؟
أم هند: واالو كانت واقفة حتى طاحت لحبيبة الحمد الله للي موقعتش ليها شي حاجة
هند: لا لا مي لالة من دينا كتهلى فصحتها غتكون شي حاجة للي وقعت ليها (مجاوبوهاش بقاو كيهضرو ب 4 كانهم فاجتماع مشات هند كتبكي عند وليد) السكر هءءءء
وليد: (محس بيها غير تكات على صدرو بحال كتقلب يعنقها هو براسو تفاافا مقدرش يضور يدو وعاد بكاااها بالجهد شاف دوك ربااعة جايين وباينة قاصدينو)
أب هند: غتشرحينا شكون هدا؟؟
هند: (عاد وعات على راسها بعدت راسها كتمسح فدموعها شافت فوليد) سمحلي ممم
وليد: مهم غير تكوني بيخيير
أب هند: كنتسنى شكون هاد السيد للي معنقاه وحداانا؟؟
هند: (ضارت عندهم) خو صاحبتي
أم هند: وووغير خو صاحبتك كتعنقيه عادي اهند؟؟
وليد: (استفزاتو طريقتهم) سمحولي شكون نتوما (ضارت هند بغات تهضر)
ام هند: أنا ماماها وهدا باباها
وليد: اممم واش كتعنيوه هاد الكلمة حيت لبنت حالتها تبقى فأي واحد الا نتوما بنتولي مسوقتولهاش طبيعي غتجي تعنق واحد بحال خووها…
محمد: (صايك وكيتفكر غير شوفات شيماء حطها فخااانة الوقااحة كتر من الخيانة علاش دابا هاد الشوفات وكل مرة كيلقاها حداه نورمال متحضرش حتى للعرس وخصوصا من مور داك القرطاس للي قالها هز عينو فلمرايا لقا مريم وأمال دايرين الراس فالراس كيشوفو فالتيليفون شنافتو التحتاانية وتفكر ليلة دلبارح للي كان متوتر اكترية تفكيرو كان فشيماء هو مزال منسااها ومتزوجش مريم باش ينسااها تزوج حيت خاصو يتزوج ويديو وليدات ويبين ليها ان الدنيا موقفااش علييها وحيت عارف مريم مزيان أصلها وطبعها وأخلاقها فوق هادشي بااغااه من قلبها زعم ولبارح كملات زعاامة منين دخلو لبيت شاف حتى شااف عرا مريم قدااامو بطريقة لبقة كيجرب فراسو حتى لقى رووحو فوقها وكاتم غواااتها… وصل لبياج خلص) أمال فوكاش كيسد السيتي
أمال: (فكرت هاد جاوبت) معرفت حيت انا كندخل 6 من مور مكنخرج من لفاك
علي: ياودي ياودي على للي كدخل 6 لا غير زيدي تعطلي وبقاي برا
محمد: عليييي
علي: انا معاجبنيش هادشي اللهم ردها معايا
محمد: بقاالها هاد العام غتكملو
أمال: (سرطت ريقها داك نهار محمد قالها غير كماي هاد العام من بعد غتكشي غير دوزي امتحانات)
محمد: (شاف فالساعة كان مزال الحال ياله 7) أمال غتدي مريم عندك لسيتي على منقضي شي غراض ونجي نديها
علي: وانا
محمد: مالك نتا من لهيه درت معاك 4 دصباح توصلنا وتجي تشد اوطيل ترتاح فيه حتى لصباح وسير فحالك (كولشي ضرب الطم وصلو لسيتي نزلات مريم وامال دخلو جارة شانطة ديالها ومريم غير كضور عينيها وراسها)
مريم: وااااااو هادشي شحال زييييين (بفرحة) أول مرة نجي هنا لوجدة
أمال: ومن وجدة لبلجيكا شكون بحالك الالة
مريم: عكبالك اختي حتى نتي
أمال: (تفكرت زهير.. طلعو دخلات لشومبرتها كانت مجموعة مقاادة دخلت مريم عاجبها الشومبر حيت اصلا هند كانت مهلية فييه بضواو وديكورات…)
~~~~~~~~~~~~~~
أم هند: حتارم رااسك اشرييف
وليد: محتارمو اا الوالدة
أم هند: (طرطقت عينها) قدي قدك وكتقولي الواالدة لا لا هدا راه حمق سيييي عبد الجبااار اجي تسمع
عبد الجبار: (راجل مها) هضرتك مع رجال
وليد: هضرتي مامعة حتى واحد فييكم انا للي كتهمني هي هند وهاديك السيدة للي لداااخل
هند: صاافي اوليد متعصبش
وليد: (شاف فيها مقندش) ممعصبش بيييخيير
أب هند: سير فحالك من هنا.. هنا كاينين غير العائلة
هند: حتى وليد من عائلتي ممنحقش تهضر معاه هاااكا
ام هند: برااكة نتي من ديك لقباحة
وليد: (شاف الامور كتزيد تشعل مبغاش تزيد تكفس كتر) هند أنا برا نجيبلك شي حاجة؟؟
هند: (حشمانة منو وخايفاه يمشي ويتقلق شافت فيه شوفة ديال سمحلي)
وليد: انا نكون قريب غير تعرفي شي حاجة صوني علية تلقايني هنا ولو هاد لبلاصة كتبغي لكاالم وانا واحد حضااري ماشي حلايقي باش نبدا نعرعر (طبطب على كتف هند وخرج محتى لوخرين كولها جر ديالو ومشاو بعدو عليها بقات غير هي كتنهد وحدة من مور وحدة)
وليد: (خرج كاااعي خز تيليفونو صونا على محمد للي كان صونا عليه شحال) فين ابن عمي
محمد: (كان كيتقدا لأمال من مرجان) فين نتا (عطا لفلوس لعلي) هاك خلص نتا (مشا بعد) كبقات حناين هند
وليد: مزال مخرجوها طاحت بالسكر
محمد: امم الله يشاافيها
وليد: امين نتا وصلتي
محمد: واه وصلت أمال لسيتي وحنا 4 نمشيو المطار
وليد: (كان زهير كيصوني عليه) محمد قطع على منجاوب ونرجع نصوني عليك (جاوب زهير) فين
زهير: افين عاطي صونيت عليك كبيل مجاوبتيش
وليد: اودي راني فااس غير نتا قلعت من هنا انا وهند قلعنا من هنا
زهير: وايلي ماشي البغل تخطب بلا بية
وليد: اودي راه جاي على حساب حناين هند دخلوها للإنعاش
زهير: واايلي لاحولة ولا قوة الا بالله العظيم
وليد: كفروني واليديها هلى شوية كنت نشعل معاهم
زهير: دااخل حاامي لكيتهم تماااك؟؟
وليد: ويييه بقات فية كيف كيهضرو معاها
زهير: سلااااااك اوا هي كولشي تورق دااابا
وليد: اودي مورق نهار اللول غير دابا مجاتش علية نكلب عليها وهي فهاد الحاالة
زهير: حنيييين اخويا مبقيتش لواه وهي كذبات علية وكدا
وليد: ورااه كذبات بالصح
زهير: هه شفتي ديك هند ابربي الا لكيت ختها
وليد: مكلتش العكس ولكن لاش لكذوب
زهير: دابا خليك من لحسابات وطلع راجل مع لبنت
وليد: وكان كنت حسايبي نهار اللول نكطع عليها ولكن.. اودي ماشي وقتو دابا
زهير: داابا المهم أمال جات معاكم حيت صحاباات مكيتفارقوش
وليد: لا جينا وحدنا أمال راها فوجدة
زهير: وااااايلي؟؟
وليد: ومعاها خوتها
زهير: وانا مالي فشكون معاها المهم لتلة أمال راها فالبلاصة للي خاصها تكون فيها هههه
وليد: ههه والله حتى كتفوج علية ابا زهير
زهير: ظحك ومولاها ربي لبنت كذبت فسمية أنا كولشي لاخر حقيقي وهدا هو المهم
وليد: يكوون خير… نتا مزال فالمحال
زهير: وااه
وليد: حقا للي فهمت أمال غدا غتجي لفاس
زهير: سميتها غنجيييو لفاس
وليد: ههه ونتا لاش
زهير: رزقي نخليه يسافر بوحدو تا لهادي لا من نهار شفتها وانا حاس بيها محسووبة علية يا خويا
وليد: (جا يهضر وسمع دوزيام أبيل حيدو من ودنو لقاها هند) قطع قطع نمشي نشوف هند راها تصوني…..
وليد: (دخل بخطوات طوال نزل لتحت لقا هند باقة واقفة فلبلاصة للي خلاها ولوخرين كولها هاز قهوة فيدو حسهم بحال شي عصابة ديال سرقة الأعضاء البشرية مصرطهمش…) هند ماالكي؟؟
هند: (خافتو يكون مشا فحالو واكترية منين طردوه) حسابلي مشيت
وليد: معندي فين نمشي واش حناك خرجت؟؟
هند: مزاال غير واحد الفرملية قالت لينا راه الحمد الله مدخلتش فكوومة (بحزن) عفااك متقلقش
وليد: اوا الحمد الله (قشع باها ومها جايين وهاد لمرة غير بجوج زفر مباغبش يبين لهند للي عاطية بظهر وقفو حداهم) وي (ظارت غير شافتهم كحلت بلعمى)
هند: راه منسمحش ليكم تهضرو معاه بطريقة متناسبووش
وليد: هند..!! وي اشريف
أب هند: ياك قلتلك سير من هنا علاش رااجع
وليد: اصلا ممشيتش.. أنا بقيت غير هنا ومغنمشي حتى لفين
أم هند: ااه دونك كتحداانا
وليد: معندي لاش نتحدااكم اشريفة انا جبت هند ومغنمشي حتى نعرفها رجعت مزياانة
أم هند: (كيفقسها بهاد شريفة وبلوالدة) بصفتك اش
وليد: اشمن صفة غتريحك نكون فيها باش تخلي لبنت للي فيها كافيها ولا مبانتش ليك حالتها كدايرة
اب هند: متكونش وقح مع ماماها
وليد: هاا.. (طريقتهم فلهضرة جاتو فشكل)
أب هند: جاوبها اشمن صفة كتجمعكم حيت كنظن بيناتكم شي علاقة اخرى من غير داكشي للي قلتو لينا فاللول
وليد: (شاف فهند للي رجعت حمرا وباينة فيها تعصبت ومرضااتش) متعصبيش عادي واليديك ومن حقهم يعرفو
هند: (ضارت عندو) متصوقش ليهم واش هادو واليدين للي جالسين علاقة ماا تعلاقة
أم هند: (بصوت عالي) هننند
أب هند: واقلة الصقلة للي عطيتك قبل متسافري مكفاتش باش تربيك
وليد: (هز حاجيو) سمع اشريف بنتك مربية ويمكن اكتر بنت شفتها مربية وقوية يعني للي عرفها ميكولش عايشة هاد المحنة.. نتوما فوقيتة ماشي ديال لمحاسبة ديجا عرفت براسي وݣلتلك هند صاحبت ختي وحتى انا ختي وختنا كاملين فالعائلة (هند قلبها كيضرب وزاد كمل بهاد ختي للي عاودها لمرة التانية) كملو مع الحاجة للي لداخل وتكون بيخير ومرحبا بأي سؤال منكم ولكن دابا غير كترونوها (شافو فيه وتشاوفو بيناتهم ومشاو رجعو عند لوخرين وهو بقا مع هند للي ضارت عندو) اه اه واليديك خارجين من شي مسلسل مكسيكي
هند: ههه سمحلي وليد
وليد: مبيناتناااش انا معجبنيش هادشي على ودك نتي
هند: انا ولفت كيجيني هادشي عاادي (بتنهيدة) مهم غير مي لالة تكون مزيااانة
وليد: ان شاء الله تكون بيخير انا غنخرج نجيبلك شي حاجة تاكليها (جات تهضر) غتااكلي اهند.. اه عيطي على أمال مهم حتى تعرفي راها وحدها وݣولها راه زهير هو للي غيجيبك غدا لفاس
هند: واش من تاوريرت؟؟
وليد: لا راها فوجدة داها محمد.. انا ماشي عيطيلي إلا وقعت شي حاجة ومتديهاش الا ݣالولك شي حاجة متماااش (حركت راسها بابتسامة ومشا أما هي تنهدت خايفة بزااف هادشي كامل غيكون عرفها هي غيثة غير مطمر صونات على أمال) اموولة
أمال: سمحيلي اهند والله كنت بغيت نمشي معااك
مريم: كولها كبقات حناها
أمال: كبقات حنااك؟؟
هند: مزال مخرجوها اختي
أمال: دابا تبرا اختي غير متفقسيش رااسك….
أمال: (رتاحت من جهة هند شدت ساك كبير من عند محمد بغات تكولو واش تمشي عند هند ولكن خافت يتكعرر معاها ويصدق علي دايها معااه) شكرا (مد ليها جوا فيه فلوس اصلا مكانش عندها ولكن هند حطاتلها شي براكة فلكونت ديالها) شكرا بزااف
محمد: تخصك شي حاجة عيطيلي
أماال: غير توصلو صونيو علية الله يوصلكم على خير (شافت فمريم) تهلاو فريوسكم
مريم: حتى نتي اختي وسلمي على هند
محمد: ياله امريم (سلمت عليها مريم وخوتها مشاو حتى بلا ميسلمو وحتى هي الا سلمو عليها غتجيها فشكل واخا مرة مرة كتحتاج غير للي يعنقها مشاو لوطيل وهي رجعت جارة داك الصاك بستة وستين كشيييفة… رجعت هند صومات عليها وقالتلها على زهير توترت) ولكن
هند: مكاابن بو ولكن حسن متكرفسي فشي كيران مع 8 دصباح هو قالك حتى 10 ويدوز عندك وعاد فرحان ههه
أمال: ههه معرفت (كملو جموع قطعو مع بعضيااتهم وأمال غير كتفكر ناضت حلات الصاك وللي دارتو فالتلاجة وللي دارتو فديك الكوزينة صغيرة للي عندهم أما سقاطة خلاتها تماك فالصاك حيدات الزربية وسيقات الشومبر جمعت الدنيا مزيان جبدت ماسك من ديالو هند دارتو على وجهها وتكات كتفكر ودماغها كيوسوس ليها فاس بعييييدة والا زهير دار فيك مدار أنوار علاش شنو الفرق حتى انوار فاللول كان داخل بظرافة قلبها رجف مبمكتش تعاود ديك التجربة للي كانت على شوية غتمووت فييها حيدات داك لماسك من وجهها وغسلاتو دهناتو بزيت الليمون سخنت داك السوندويتش للي جابها فلبانيني وبقات كتاكل وتفكر حتى تكات فبلاصتها منعستش مزيان حتى صونا تيليفونها مع 7 دصباح فكرت مزيان جمعت حوايجها وشي حوايج ديال هند باش تبدل…. لبست حوايجها كانت ديجا موجداهم وخرجت من الدار كتقفقف بالخلعة أول مرة غتخرج بووحدها وهدا تحدي اخر لنفسها باش تزيد تبين لراسها انها قااادة شدت ناكسي نيشان للمحطة الطرقية دخلت تالفة وخايفة سولت حتى نعتولها بلاصة ديال لكار ركبت وقلبها كيضرب ممتيقاش هاد الإنجاز للي داارت واخا حاسة باحساس خاايب وعندها احتمالية زهير ميبقاش يضور بساحتها الا هاكا مزيان كفاش يدور بساحتها وانوار كاين عاااائق بيناتهم تحرك لكار وقلبها ضرب كتشوف فلمدينة حتى دخلو لتورووت هزت تيليفونها صونات على هند للي كانت فايقة) انا قلعت اهند
هند: جيتو بكري؟؟؟
أمال: انا فلكار متسنيتوش اهند
هند: علااش علااش أمااال بففف علاش اختي باغا ضيعيه من يدييك
أمال: (زادت تازمت) راه مصالحش اهند (تنهدت) داك شماتة والله مغيخليني فراحتي
هند: بفف مهم دابا تهلاي فراسك متهضري مع حتى واحد متاخدي ماكلة من عند حتى واحد
أمال: ههه واخا ماما
هند: ومالك كبرتي عليها ههه الله يجيبك على خير (قطعت معاها وبقات كطل من السرجم كانت باتت هنا أما وليد مشا لوطيل حشمت منو بزااف هو كفاش كيدافع عليها فدارهم وهي بتخنزيرة منو سكتت ومجاوبتش داارهم زادت حقدت علييهم كتر من للي كانت… عيطت ليها لفرملية ومشات كتجري دخلات عند جداها لقاها حالة عينيها وحاطين فطور حداها) صافي اختي انا غنفطرها (خرجت لفرملية وهند ممرهتش تعنق جداها للي كتبادلها الابتسامة) ماالكي الحبييبة؟؟
الجدة: (بحرا كتقدر تهضر) أنا لباس ابنيتي براكة علبه من هزان الهم
هند: (هزت ليها يديها وباستها) الله يطولي فعمرك الحنييينة (دخلو العائلة مضارتش تشوفهم تجمعو عليها كيسولوها والجدة بحرا كتجاوب) راه مقادااش تجاوب
أم هند: نتي هاد الوقاحة ديالك بزااف
هند: انا خايفة على مي لالة متواقحت مع حد وهادشي براسك خاصك تفكرييلو امدااام راه مك لي كانت عياانة ماشي بوبوية للي جاية حتى لداابا
الجدة: هند
هند: سمحيلي امي لالة راه تعصبو للي مبغى يتعصب ياله ياله كوولي هااادي (مسوقولهاش بحال ديما معتابرينها وقحة ممربياش حتى صوما تيليفونها كان وليد خرجت ومشات كتجاوب) اااالو
وليد: (بصوت مبحوح) هنند سمحيلي بزاااف…
هند: (جمعت التبسيمة) علاش علاش واش مشييت
وليد: ولاا مجيتش عندك صبااح والله كنت مريكل التيليفون مسمعتووش
هند: بففف زمر خلعتيني
وليد: وزمر لاش؟؟
هند: ونتا خلعتيني ياك بعدا نعستي مرتااح؟؟
وليد: هه زوينة هاد زمر
هند: مقلتش زمر قلت تمر مع نتا حليلو وزوين قلت تمر
وليد: هههه فاقت حنااك
هند: مسميتاش حنة سميتها مي لالة
وليد: ودابا انا بشلاغمي غنكولك كيبقات (رقق صوتو) مي لالة
هند: ههه للي جا من عندك زوين
وليد: (بقا سااكت كتعجبو بهضوراتها) انا غنجي غند فطرتي ولا نخرجو نفطرو بجوج..
هند: (شافت فالساعة كانت 10 ونص) انا نعرضك على فطور فاسي تاكل صباح يديك من مورااه
وليد: اممم شهيتيني (شاف لابيل ديال زهير) هند انا نقطع نجاوب زهير ونيت لبس ونجي عندك (قبل متهضر قطع وجاوب زهير) واش قلعتو
زهير: راه من صباح وأنا واݣف هنا حدا لباب مبانتش وعييت نصوني نمرتها طافية
وليد: (باستغراب) تسنى ننعيط على هند
زهير: متعطلش جاع تكون واقعة لبنت شي حاجة
وليد: (قطع وصونا على هند) زهير كيتسنى أمال وهي طافياه
هند: واا اش غنقولك أمال راه 1 غتكون فالمحطة ركباات فلكار بكري وجاية بوحدها
وليد: علاش مݣلتيلهاش على زهير
هند: ݣلت (لقااتها سبة) وليد نتا عارف بنت عمك مزيان راه خوتها ومعقدة منهم نتا للي ولد عمها ومتتهزش الراس فييك كفاش بغيتيها تشد طريق مع زهير وعاد طريق طوييلة واش فهمتي هي تتحشم بزااف منو
وليد: اممم وكان غير علمتيني قبل نعلم السيد
هند: (شافتو متنريڤاش) غيتقلق
وليد: ويضرب راسو مع الحيط حتى حاجة مكتجي بالسييف حشمت صافي حشمت ماشي كولشي مبزز عليها ونجيو حتى حنا نديرو بحاالهم
هند: (بلا متحس) حبيييتك
وليد: ههه سموو!!
هند: هاء زعما كتفكر بطريقة زويينة حبيبت أفكاارك
وليد: ههه سيري وكاان نجاوب السيد هادشي إلا ملحݣش بيها عاارفو مصطي ويدييرها (قطع وهو يصوني عليك) فين أبا زهير
زهير: شنوا ݣالتلك
وليد: واا أمال صباح ركبت فكار يمكن ديال 8 مهم 1 غتكون هنا
زهير: (غوبش) علاش مݣلتولهاش غنديها
وليد: حشمت نتا راك شفتيها كدايرة
زهير: اممم (بقا فيه الحال حيت متاقتش فييه هو كانت نيتو بريئة الله يجعلها تجلس اللور مهم غير يوصلها مرتاحة وفنفس الوقت يسرق منها شوية دلوقت بقى غير ساكت) صافي على خااطرها
وليد: وصبر
زهير: مكاين لا صبر لا وااالو الله يعاون (كان زاد مع طريق ووقف كيتسنى الضو الاخضر قطع وبقى فبلاصتو قارن حواجبو كيشووف محاسش بالي كيكلاكصوني عليه ولا راه حابس طريق على الناس.. زاد مع طرييق محس غير وصل لبياج مقطع لوتورووت لفاااس…) ومااالها تبكي على مها لحݣو بيك الآلة لفاس…
~~~~~~~~~~~~~~~
وليد: (لبس حوايجو وهو كيهضر مع مو كمل معاها ونيشان لامصحة فين لقى هند كتسناه لتحت وقف وطلعت ركبت حدااه) سرقت ليك هاد لبرويطة
هند: ههه مبقاتش سميتها بخووشة
وليد: صراااحة لحديبد ولكن ميجيش مع رجاال
هند: انا الطموبيل كنعتابرها وسيلة مواصلات لا غيير يعني تكون كيف ما بغات تكونوراه غير للي كابر فالجووع ومشتااق للي كيبقى لواه للي سايݣ رانج ماشي هو للي سايݣ داسية مقارنة باايخة وصاافي ݣاع 4 روايض غيوصلووك لنفس لبلاصة
وليد: اممم ممكن
هند: مهم غنعرضك لواحد لفطوور امممم جاني الجووع فواحد الرياض كاين فالطالعة هادي بلاصة فلمدينة لقديمة
وليد: امم شوقتينا.. خاص نسربيو باش نمشيو نجيو لالة لحشماانة من المحطة
هند: اه حقا شنو قاال زهير
وليد: ݣطع علية ههه زهيير راجل متفهم
هند: وي بزاف
وليد: (هز حاجبو فيها) حتى حنا راه متفهميين وبزااف….
وليد: (شاف فيها هاز حاجبو) وحتى حنا متفهمين وبزااف
هند: هههه مقلتش العكس (مشاو حطو للطموبيل بعيد حيت مصالحش يدخلو بيها تمشاو وهوما حدا بعضيااتهم وكانت هادي اول مرة يتمشاو مع بعضياتهم وهوما بوحدهم شافت فيه فرحااانة هو معاها عايق بيها ولا معاايقش مهم هو مزال حدااها كانت كتقول سعدات أمال لقات زهير كيدافع عليها ويوقف قدام خوها محمد صدقت حتى هي كيدافع عليها قدام واليديها متنساش كلامو عليها منين قال واكتر وحدة شفتها مربية فرنست بوحدها وهي كتشوف فيها كيحمقها كوولو مكتشوف فيه حتى شي عييب وحتى الا كان شي عيب كيبانلها صفة زويينة وصلو لباب بوجلود ودخلو وهنا فين كاين مختلف أنوار الحلويات الفاسية عاد مالين ورقة دلبسطيلة تريد عوااصر أي حاجة تشهاها كاينة تبعها منين عوجت على ليمن وطلعت دروج بقا غير كيتمنظر كان ريااض زوييين كولو ورد وعصاافييير منظر يرد الرووح جلسو فجليسة كتمنظري فيها على الرياضات لوخرين جا السرباي خداو فطور بلدي ومشا) كجااتك لبلاصة
وليد: (بإعجاب) هادشي زييييين
هند: ومزال لداخل فلعشية منين كيجي مول العوود امم يا سلاام جليسة وااعرة
وليد: (شافها مرتاحة وقلب عينو كيشوف كيسكت لساانو بالسييف أما هي عينيها غير علييه شحال مرتاحة لهاد العلاقة ومباغاش تفكر فشي حاجة سلبية للي ضيع ليها موودها جا السرباي حط ليهم جوج صينيات كل واحد فيه براد صغير مع كاس صغير فبه نعنان عاطي رويحة وكاس عصير ليمون كبير خبز بلدي طويجين فيه خليع وبيض بلدي ملوية صغيرة مع ملوية بالشحمة مع طبسيل صغير فيه حليوات باللوز وطبيسل فيه جبن وزليفات صغار فيهم أنواع الزيتون مشرمل وعسيلة حرة تبسم وشاف فيها) هادشي زيين
هند: (جبدت تيليفونها) نديرو سيلفي (حرك براسو اه دارت سيلفي ظااحكة وتمو كيااكلو هي مكملاتوش كامل أما هو خلا موراه غير عضام الزيتون) تزييد؟؟
وليد: اصلا مبقى والو ونتغدااو
هند: ههههه
وليد: علاش كظحكي؟؟
هند: حيت فرحانة
وليد: الله يخليك ديما فرحانة الالة ياله ندوزو لواحد لمحال شفت فيه شي حويجات مجبت والو معايا (كانت بغات تخلص عطاها تخنزيرة حتى تفافات خلص هبطو ومشاو للمحال ختارت معاه شي حاجة وعاد هو دخل كيهضر بشوية مع مول لمحال يجيبلو ملابس داخلية هي بعدت كتمنظر غير دخل يبدل تكرهت شافت فراسها شحال مبهدلة باقة بلكيطمة باش جات حتى من حوايجها لتحت مبدلاتش عاافت راسها) خويا منين يخرج هاد السيد قولو انا جاية (مشات للمحال للي قدامو اصلا الطالعة فيها محالات لحوايج بزاف دخلت بلا متختار على خاطرها خدات بياساات جين بويفراند مع قبية طويلة شوية عكس ككانت تلبس سخرات لبنت للي خدامة فلمحال مشات جابت ليها دوبياس مع كولون وديباردور وتقاشر بدلت حالتها وجمعت شعرها سفنجة هزت حوايجها لقداام لقات وليد كيخلص حشمت وتزنكت خرجت عندو حانية الراس وكتسرق الشوفة فيه جا زويين اصلا من نهار عرفاتو كان أنييق)
وليد: مغياارة
هند: ههه انااا؟؟
وليد: باغا تبدلي ݣوليها لاش كتخبعي
هند: (تبسمت) شكراا بزااف
وليد: (تبسم معاها) صوني على أمال راها 12 ونص (جبدت تيليفونها كتصوتي وصلو للطموبيل ومشات جلسات شافها ولفات بيه هو يصوك تبسم وركب)
هند: اااالووو مالكي مكتجاوبيش
أمال: كنت كنهضر مع واحد لبنت
هند: فين وصلتي؟؟
أمال: ههه معرفت
هند: سولي كريسوون اصااحبتي (سمعاتها كتسول لبنت للي حداها كالتلها بقات 30 كلم لفاس) اوا مزيان مبقى واالو حنا نتسناوك فلمحطة متنزلي حتى نجيو عندك…
شيماء: (كانت صفرااا جالسة شعرها مشنتف وجالسة فوق نموسيتها معنقة وسادتها وساااهية حاسة بإحسااس خاايب محمد تزوج وانوار مكيجاوبهاش حتى فالتيليفون دخلت عندها مها ومحساتش بيها جلست حدااها)
نعيمة: اشيمااء ابنتي يوماين ونتي هااااكا
شيماء: (زعزعاتها) ممم شنووو
نعيمة: اويلي واش نتي مخطوبة وجالسة تفكري فواحد مجوج
شيماء: مكنفكر فواالو اماما كنشوف غير علاش معندي زهر
نعيمة: نقي قلبك ابنتي متكونيش هاكا ربي كل واحد عاطيه رزقو وخاصكي ترضااي واش دابزتي مع أنواار
شيماء: (بتنهيدة) فينو هاد أنوار اماما
نعيمة: الا غتبداي حياتك معاه هاكا بنااقص منو كملي قرايتك ابنتي جوااج ملحووق
شيماء: راه عندي 26 عام اشمن ملحوق لبرهوشة ديال مريم وتجوجات لاااااا وعاد سافرات لشهر العسل لبرا اودي على لعوجة حتى هي ولات تركب طيااارة
نعيمة: شيمااااااااء واااش هبلتي
شيماء: عفااك اماما خليني للي فية كاافيني
نعيمة: نتي راك هبيييلة وهاد مريم للي معاجبااكش راه مربية مصوابة ومكتهزش الراس فلوااحد ومحمد جاك وبغااك ونتي للي مبغيتييهش وانا هاد أنوار معاجبنيش وممرتاحاالوش (خرجت خلات شيماء كتاكل فشنايفها…)
~~~~~~~~~~~~~~
أنوار: (كان لابس كوستييم جايبو معاه وجالس هو وأشرف وراجل كبير لابس جلابة شاف فتيليفونو كانت شيماء قطع الصوت وردو لجييبو)
أشرف: وجاااوب اسي لعرييس
أنوار: هنيينا الق***
أشرف: والله حتى عبرتي هاكا خااص لواحد يديير
أنوار: (ببرووود) تعطلو هاادو
أشرف: ومالك حامية فيك البيضة الا الدخلة راك دوزتيها شهر العسل وكملتييه اش مزربك دابا راه خاصك تهرب
أنوار: اش غنهرب تيتيزة بورااقها ولاسقة فز**
أشرف: هههه ششت ها مها كتبانلي فييها
أنوار : هههه كنخيلك نسيبيي لعزييز
أم دعاء: سمحو ليينا تعطلنا علييكم انا ندخل نجيب دعاء خالة دعاد: (دخلو عند دعاء لقاوها مقااادة ولابسة قفطان زويين وحتى من شعرها مقااداااه مشيطة خفيفة عند لكوافوورة) صلااااا وسلااااام على رسووول الله إلاااأا…… روووووروووووووووي
دعاء: (فرحاانة) كجييت
أم دعاء: غزاالة احبيبتي
خالة دعاء: طلبي صدااق غالي ابنت ختي وجاادة راه كيفورنيو على مرتاتهم
دعاء: هه لا لا أنوار كيتهلى راه عطااني صدااقي دارت بيدها 5 زعما عطاها 5 دلمليون (بغات تخرج وهي تحبسها مها)
أم دعاء: بنتي لوي فولار عليك حشومة قدام لعدول (لوات شال عليها وخرجو بصلا وسلام تجمعو بيناتهم سناو العقد وها هي مرتوووو بقاو كيباركو ليهم خرج لعدول من بعد معطاهم روسي وتخلص وعاد دور معاه أنوار كملو الحلفة بيناتهم وخدا دعاء ومشاو لشالي للي كاريينو فسعيدية…)
دعاء: غدا غنمشي مغنيخاااش بييك احبيبي
أنوار: (مزرووب كيحط لفيست) أصلا مبقى وااالو (جرها لبيت مخلي ضحكها عااالي)
هند: (كانو فمحطة بوجلود كيتسناو لكار للي جاية فيه أمال حتى صونات ليها) غتكون وصلات
وليد: يمكن داك لكار لخضر لي عاد دابا داز من هنا (خرجو من الطموبيل وقفو حدا لكار حتى نزلت أمال للي كانت داايخة وباينة فييها) بشوية عليك (كانت كحالت شافت فجنابها كانت لمحطة مسطوكية وشي كمامر كيخلعو جاب لباليزة ديالها للي وراتهالو من بلاصة لباكااج)
هند: ههه دختي؟؟
أمال: واه شوية كبقات حنااك؟؟
هند: واا سميتها مي لالة
وليد: هادي راه حرشة بحاالنا معندهاش مع زوااق دياالك
أمال: هه (تمشاو حدا الطموبيل ركبات اللور)
وليد: تغداو داابا؟؟
هند: نمشي نشوف مي لالة بعدا
وليد: أمال فيك الجوع؟
أمال: لا لا حتى تبغيو نتوما
هند: لا الا فيك الجوع نمشيو
أمال: لا نمشييو نشوفو لمرا بعدا
وليد: واخا (مشاو لبنات نزلو مشادين وهو لاحق عليهم)
هند: تقبتي لورقة مع زهير
أمال: كفاش؟؟
هند: غيكون كعى منك اصااحبتي بعدا قوليها غير فالليل نعلموه ماشي يبقى عااصر حدا السيتي ونتي قربتي توصلي هنا حشوومة أمال
أمال: (بخوف) صاافي مغيبقاش يغيني
هند: ومالكي كتقوليها ونتي معاجبكش الحال ياك هاكا كنتي بااغية
أمال: اوا صافي مصالحش
هند: هههه ومالك مغبنة
أمال: حييت عارفة زهري عوج ومكااين للي بغيني ݣدو
وليد: (وصل حداهم) انا نتسناكم هنا
هند: لا لا ضروري تمشي معايا مي لالة باغا تشووفك
وليد: علاه هي تعرفني
هند: بيااان سيييغ عاودتلها عليك (شافت فيه قوس عينو وهي عاد طلعت معاها) وعاودتلها على خالتي نعيمة ومحمد كوولشي كاع للي عرفتو زيدي اماال زيييدي (زاادت وهو تابعها كيتحلف فييها وصلو لفووق فين ناعسة حناها كانت العائلة جاات تكرهت دازت لا سلام لا كلام دخلت هي وأمال كانت خالتها ووولدها ومرت ولدها لوات شنايفها منساتش نهار خرجت من عرس ودلدها مطروودة باللامباشر)
هند: مي لالة كبقيتي الحبييبة ها أمال جات عندك من تاوريرت الالللة
أمال: (معرفت مدير حنات ولاستلها يدها للي دايز فيها السيرووم) على سلامتك اخالتي
الجدة: الله يسلمك احبيبتي لباس عليك؟؟
أمال: الحمد الله اخالتي الله يشاافيك
الخالة: اوا هند مكاين سلام لينا
هند: (هزت راسها فيها) ااه مبنتيليش صاافا؟؟؟
الخالة: وسلااام هدا
هند: اوا دابا حنا فشي سلاام عقلي راه غير مع مي لالة
الخالة: وراها مي قبل متكون جدااك
هند: لا لا داكشي للي بيني وبين هاد لفنوون كبببببر من داكشي ديالككم ياااك الحووب
الجدة: ههه سرنا نخليوه ليينا
الخالة: ياااك امي كتميزي بين حفااادك وليدي سعد كاع مقلتيلو هاد الهضرة
هند: (عوجت فمها ضارت لقات وليد دخل) دخل اوليد
وليد: (بقا كن بعيد) السلام عليكم (ردو عليه وهوما كيحنززو فهاد الجديد) على سلامتك اشرييفة والله يجعلها مغفرة الذنووب
الجدة: امين اوليدي (بحالا كتعرفو من كترة هند مكتهاود عليه وكتصيفط ليها تصاورو للي كتخطف مرة مرة من سطاتيات والعرس دخوه) الله يجييكم الخير
هند: (متبعة كلامهم وكتفرنس)
وليد: المهم غير تفيقي على خيير هند راه كانت غتسطى لبارح
الجدة: الله يرضي عليها وعليكم كااملين
سعد: اوا الحمد الله منين تفكرتينا فرضى أمي لالة
وليد: مهم خليت ليكم الرااحة (شاف فهند) انا لتحت (حركت راسها باه وهي متبسمة وبقاو مجمعين معاها حتى حيت بلعيى ناضو كاميلين خرجو)
الخالة: وشووفلك بنتك مجاتش حتى تسلم علية
ام هند: ههه حتى تكون سلمت علية من لبارح وهي كتبحث قالتلك الالة مي ممرضاتش عادي
الخالة: وهي شغلها ياك مشات لوجدة عايشة حياتها بالطوول وعاد جايبة الصااحب معاها
أم هند: شفتوو اختي الا كان بغا يتزوجها وهي قابلة معدناش مشكل مهم يكون متيسر…
ام هند: (دازت من حداها هند) فين ماشية بالسلامة الالة هند شتك كتجي فوقما بغيتي وتمشي فوقما بغيتي معليييك حكااام!!!!
هند: غنمشي نتغدا انا وصاحبتي راه جاية على حسابي من تاوريرت
أمال: سلام خالتي لباس علييك
ام هند: سلااام (كطلع وتهبط فيها) وعلى سلامتك أ…
هند: (عوجت راسها) أمااال
أم هند: اممم على سلامتك أمال
أمال: الله يسلمك اخالتي والله يشافي حناين هند
ام هند: ههه امين (ظحكاتها ديك حناين هند عارفة مها وكفاش كتفكر جرات أمال للي مدات مجابت وهبطو لتحت)
أمال: ماماك زويينة تبارك الله كتبان صغيرة
هند: اممم تعطلنا على وليد شي ساعة مخلينو بوحدو
أمال: ههه يا ختي وليتي توحشيييه (مشاو طواليط)
هند: بزااف امااال والله ملقيت شي حد بحاالو عرفتي لبارح شرشمهم على ودي كما كان كيدير زهير مع خووك
أمال: (بحزن) دابا منبقى لݣى حد يداافع علية
هند: سمعي الا كان تيبغييك غيتفهمك راه ميمكنش ديري شي حاجة نتي ممرتاحااش فيها
أمال: (حرك راسها باه من بعد مخلات صاكها للي فيه مكياج باش هند ترقع وجهها وهي دخلات تقضي روتينها خرجات وهند قدات ليها وجهها شوية مباين وفنفس الوقت جات زويينة وحتى لبيسة كانت زوينة عاودات ليها غير شدة ديال الشاال.. خرجو ملقاوش وليد… باستغراب)
هند: معرفت فين غيكوون؟؟؟ (جبدت تيليفونها كيصوني) منين تنكون مبهدلة ديما كيبان ود (جاوبات مرققة صوتها) ألوووو
وليد: هند انا نقضي شي غراض ونجي
هند: صاافي وااخا عرفتي شنو!! غنسبقوووك لواحد ريسطو كاين هنا سميتو *****
وليد: وااخا متغداو حتى نجي
هند: هههه وااخا سيدي (شدت فذرااع أمال وبقاو كيتمشااو) أمال وليد 100% غيكون عايق بية
أمال: ورااه باينة غير الا كان مكلخ
هند: يااك وليد مكلخ؟؟
أمال: لا لا ماشي بداك لمعنى الخايب
هند: انا غنقولو أمال قالت عليك مكلخ
أمال: ههه لا لا عفاااك هو عزييز عندي منبغيهش يتفݣع مني
هند: ياااك الالة
أمال: وااه وبزااف (كتقليلها السم) يااله (وصلو لريستو دخلو) هادشي زييين (جلسو فطابلة مدورة كان داكشي مأنتك فيها 3 دلكراسة والنظر زوييين لدااخل مع موسيقى خيييفة ديال الطرب الأندلسي)
هند: توحشت هنا والله
أمال: هادشي فشكل زييين
هند: (كان وليد كيصوني جاوبات) الووو.. وي حنا لدااخل عاد جلسنا دابا.. مع تمشينا على رجل انا وأموولة داكشي علاش عاد دابا وصلنا … ههه واخا (قطعت) ها هو جا (أمال ترخاات نسات هم مها وهم ديك الدااار كاملة كانت كتقول مغتخرجش من داك الحبس وداابا هاا عي فااس ومساافرة بوحدها وجالسة فريسطو زوييييين جمعت تفرنيسة منين شافت وليد دااخل هو وزهييير طرطقت عينها وشافت فهمد باشارة زعما دوري دوووري هند فهمتها وضاارت لقاتهم بجوج تصدمت ولكن ماشي بزااف حيت أي حاجة توقعها من زهيير بخصووص أمال هو برح عليها وسط خوتها وعائلتها أكيد مغتجييهش يتبعها لمدينة شي حاااجة)
هند: (وقفت) اهلااان اهلااااان على سلااامة خويا زهير
زهير: الله يسلمك اختي على سلامتك حناااك
وليد: اسيدي ݣالك كتعقدها هاد حنااك خاصنا نݣولولها مها لالة
زهير: (تبسم وشاف فأمال للي كتخطف الشووفة حشمانة منو)
هند: مرحبا بيك جلس
زهير: لا لا عندي شي شغل
وليد: اشمن شغل اصاااحبي؟؟
زهير: شي سلعة اصلا كنت عوال نجي لفااس.. غير شي ناس ݣردعوونا معلييش مهم انا مشيت (كيشوف فأمال للي مهزاتش الراااس)
وليد: جلس اصااحبي تغدا
زهير: لا لاااا خاص نمشي
وليد: واالله متمشي.. تغدا ونمشي معاك فينما بغييت
هند: (حست بيه باغي يجلس غير للي معنية مهبطة الريدو تبسمت) اه نمشييو كاع نوريك حتى لبلايص للي بغييتي…
محمد: (من بعد موصلو للحي للي عطى العنوان ديالو لتاكسي باش يديه ليه هبطو مسخسخيين ومحمد جر باليزة لكبيرة ديال مربم عاد باليزتو صغيرة بقات هي كضور عينها وقلبها كيضرب لدرجة كترجف ممتيقاش راسها فالخاارج ومع محمد اصلا زواااج وكان ماشي ليلة الدخلة متيقش شاف فيها ساهية وباينة لفرحة على عينيها.. هز تيليفونو من بعد مركب نمرة ديال بلجيكا للي عطاوه وصونا على وليد للي كان جالس كيتغدا فسكاات وقف خارج حيت عرفو غيكون هو) ااااالو
وليد: على سلااامتك
محمد: (تبسم كيدور عينيه من ديما كان كيحلم يوصل لهنا وحكم الخدمة وكاع المسؤولية عليه مكانش كيخرج من تاوريرت) الله يسلمك هاني فالحي
وليد: شوف رقم العمارة 18 دوزيام ايطاج الدار 8 راه باب كحل
محمد: لععععز ياله تلااح نصوني على الدار.. اه حكا كبقات حناين هند
وليد: الحمد الله راها فاقت
محمد: ونتا غترجع؟؟
وليد: والله معرفت
محمد: وعنداك تخطب قبل منجي
وليد: (طرطق عينو) شنو؟؟
محمد: ههه تهلا (قطع هو من ديما كان كيلاحظ شوفات بعضيااتهم واكترية فعرسو هو وهند بقد مكانش حاملها فاللول رجعت عندو عزيزة أكترية منين مشات رغباتو على قراية اماال وتكمل العام أما كان مقرر امال مترجعش من عند عائلتها…) اجي تبعيني (هز دوك لباليزات حل لباب كان وليد عاطيه سوارت للي بقاو من عند زهير طلعو كما نعت ليه وليد حل باب الدار) ياااا باسم الله السلاام عليكم (دخل محمد حط دوك لباليزات وتبعاتو مريم شافو فالدار كانت مقااادة مبايناش فيها ديال شي زووفري سد لباب) دخلييي
مريم: الدار زوييينة
محمد: اممم وليد من ديما عندو مع نقاوة (جلس ففوتوي تماااك يرتااح وهي جلست فالطرف جامعة يدها عندها شاف فيها) بحالاا واقلة مبقاتش دلحشمة بيناتنا
مريم: (تبسمت حشمانة مكتقدرش تشوف فعينيه من ديك الليلة) باقية فية يانا
محمد: محاصش تبقى الالة مريم راك مرتي دااابا
مريم: (كتفرنس فرحانة) حم نتا كتعرف تهضر بلفرنساوية
محمد: وراه كنت قرااااي غير مكملتش فييها
مريم: بالصح سعدااتك انا كنت بغيت نكمل ومخلانيش با
محمد: (تفكر أمال) معليش الدنيا ماشيغير قراايا
مريم: بلعكس لقراية زييينة هانتا يكونو عندك وليدات تبغي غير تراجع معاهم ولا تقريهم والا كنتي مغتعرفش غيكولولي نتي معرفاش حتى تقراي علاش حتى انا نقرا
محمد: (اول مرة يتناقش معاها) حداش قارية
مريم: حد الشهادة
محمد: خرجتي بكري
مريم: (بحزن) وراه دااارنا اما كنت جبت 7 (تبسمت بحال تفكرت) داك نهار شحال فرحت جبت النتيجة وكلت لبا عطيني نشري لموننادا عرفتي شنو دار؟ (كان متبعها محمد حرك راسو زعما شنو) كطعلي ديك النتيجة على راسي هههه
محمد: وهادشي ظحكك
مريم: هههه كنظحك باش منفقسش وهاني بكييت شنو غيوقع يردوني نقرا؟؟ صافي مشاااا الحال علية وانا مكانش عندي خويا بحالك للي خلا امال تقرا
محمد: (هنا بحال صرفقاااتو بقا غير كيشوف فيها) انا نمشي نجيب شي حاجة تكل متخافيش انا غنسد لباب (ناض خرج خلاها وقفت كتقلب فالدار وتستكشفها….)
دعاد: (لابسة بيجامة خفييفة ديال لحريير بنص كوم وشورط قصير مخلية فوطة على شعرها وجاية كتعوج ورحتها سابقها خرجت من بيت نعاس لقات أنوار لابس خفيف حيت الشالي دافي وكيلخ فالشيشة مشات متبسمة هزت جمرة باللقاط وشعلاتهاا ببركية وبقات كتزندها وكتحرك يديها وهي كتسبل فعينييها وانوار عينيييه مقلووبين بيها حتى رجعت حمرة وحاطتها فلمجمر ديال الشيشة وقفت بشوية ومشات فوق حجرو وجلست) قلبت عليك ملقيتكش
أنوار: (بيد دورها على خصرها) فير حداااك التيتيزة ديااالي
دعاء: ههههه (على سبة باش طلق حلوقها بمياااعة) مسخيااش نمشي غدا ونخلي راااجلي حبييبي
أنوار: جلسي احبيبتي حتى انا مغنسخااش بييك
دعاء: (بدلع) خااص نمشي باش دغيا نقااد ليك وريييقاتك وتجي عندي
أنوار: نتي للي مبغيتيش تصبري أما وراقي غيخرجو غيخرجووو
دعاء: ولااااااء خاص يخرجو دغيا منتيقش نخلييك من مورااايا عاارفة عييينييك زااايغة
أنوار: ههه اناا بلعمى
دعاء: لباااس على هاد لعوينات من لعمى عرفتي عزازييتي على ماما بزاااف
أنوار: وي شفت
دعاء: واخا بقات كتقولي واش معندووش عائلة وكدا
أنوار: دعاااء نتي عارفة عائلتي من ناس لقداام ديال وجدة ونتي وعائلتك متحررة بزااف يعني مغنتفاهمووش صاافي من بعد وغندييك حتى لعندهم
دعاء: وعد؟؟؟
أنوار: رااك مرتي احبيبة شحال غيكدني نخبيييك
دعاء: (فرحت) انا مغنقول لماما واالو حتى تقولها نتا واصلا حتى هي مغتقولش للعائلة راه تزوجنا حتى تجي ونيت يتعرفو عليك تماااك
أنوار: ان شاء الله
دعاء: (حنات باستو من حنكو) والله مغنسخى ليك
أنوار: (حط عصية ديال الشيشة ورجها عندو….)
~~~~~~~~~~~~
شيماء: (واالو مكيجاوبش حتى لقات تيليفونو طااافي ترددت ولكن ملقااتش حل صونات حتى جاوبااات) الو
الكاملة: (محملاهاااش) الللو
شيماء: (زفرت) لباس عليك اخالتي ونتي؟
الكاملة: الحمد الله اخيتي عائلتك لباس؟؟؟
شيماء: الحمد الله اخالتي يسول فيك الخيير كبقاات الحااجة؟؟
الكاملة: الحمد الله
شيماء: (كتبرك على اعصابها لي بقات ليهم شعرة وينفااجرو) الحمد الله أمممم أنوار رجع ولا مزاال؟
الكاملة: (ميقت) علاه مرااهش يهضر معااك؟؟
شيماء: لاا بهضر غير بغيت زعما نسول فييك ونسيت مسولتوش كبيلة فوكاش ترجع
الكاملة: (معجبهاش الحال كانت تسنى تكون مكشهضرووش وهي براسها شحال صونات عليه مكيجاوبهاش) لا مزال مرجع من سعيدية حنا كلنا لخبار لكاوه عندك
شيماء: واخا على ميصووني ونكولهالك اخالتي ياله بسلامة وسلميلي على كوولشي
الكاملة: بسلامة (قطعت وبقات كتشوف) ولد وربي وكبر وفالتالي يدير لمرا ميبقاش عااقل عليييييك يا ودي يا ودي انوار…
شيماء: (أما شيماء غير مغددة وكتعاود فودنيها مزال مجا من سعيدية وهو قالها راه فلفنيدق بقات غير كضور عينها ورااسها) غيكووون مع شي وحدة ولكن هو مكيباتش بلا داارهم بااااه مكيخليهش يساافر فيين نشا وعلاش مكيجاااوبش لا لا ميديييرهتاااش (بقات كتبكي وبكى ماشي عاادي كل دمعة هابطة من قلبها ماشي من عينيييها حست بوحدة خااايبة ومكاينش حتى لمن تعااااود وهي للي كانت ديما مفتااخرة وطاايرة بأنوار….)
وليد: (من بعد مرجع الطبلة كان زهير ناض من تماك) فين مشا
هند: يمكن صونا تيليفونو
وليد: اممم (رجع كياكل بسطيلة ديال دجاج الفااسية للي طلباتها ليه هند زائد طويجين لحم بالبرقوق واللوز وهاد طلباتتو لكولشي) محمد وصل
أمال: على سلامتهم
هند: أحسن حاجة دار فخبارك كنت شااكة فيه كيقاد لوراق ولكن قلت غيقاد ليه
وليد: لا انا كان فخباري قبل رمضان
هند: ومقلتيناااش
وليد: وعلاش انا ويااك بيناتنا معاودة
هند: (جمعت تفرنيسة وحنات لطبسيلها اما هو حس بيها تقمعات تبسم فخاطرو وكمل ماكلتو)
أمال: انا جاية (ناضت مشات لطواليط وصلات تمااك ووقفت كتشوف فلمرايا ولفت بييه كيسمعها كلام زوين ولا يبغي غير يهضرها أما دابا حدو خسر عليها سلام لباس مسولهاش حتى علاش متسنيتينييش ولا عاتبها قلبها ضرب) ياكما صافي مبقاش بغاااني أحاااااي صااافي مشااا (بحزن) اصلا مصااالحش وخاص دابا نقرا (تفكرت اصلا لقرايا بقاتلها غير هاد العام ومن تماك شووف تشووف واش يخليوها تجي دوز الامتحانات وللي بقى فيها كتر هو المعهد كانت باغية تمشي فداكشي حيت من ديما كانت للي كتعلمهت كتشكرلها فخدمتها وعقلها للي دغيا كيستوعب… غسلت يدييها وخرجت وحيت معرفو طوااليط رجال ولعيالات كيكون بيناتهم غير حيط.. خرجت لقات زهير داخل وريحة مخلطة جاية منو كارو وباغفاان زوييين كتشميها كتحسي باحسااس فشكل وقفت شافت فيه هاد المرة أما هو حرك براسو مع ابتسامة خفيفة ودخل خلا عويناتها متبعينو تنهدت ومشات لبلاصتها)
زهير: (راس كيقولو خرج عندها ولا خر شادو بالسييف) مها شحال دغيا كتزيااان (غسل يدوو وخرج رجع جلس كيكمل ماكلتو وكلامو مع وليد على محمد وللي فهمو لبنات أنه مطول تماااك… ناض وليد خلص من بعد مشادة بينو وبين زهير شكون يخلص خرجو لبنات وحدة شادة فلوخرا)
هند: شفت زهير قااالب
أمال: وشفت وليد كيقمعك
هند: يااااك المسمووومة كتفقسييني
أمال: وحتى نتي كتفقسيني
هند: ههه انا بغييتو يورييك كفاش تنخليييه
أمال: وانا بغيت ولييد يعذبك باش يوريك لكذووب كدايريين (داز من حداهم وليد هو وزهير بمشية رجوولية لقط اخر كلمة من عند امال)
وليد: زييدو وكان راكم تجمعو غير على خلا دار بوونا
هند: (قرست أمال حتى غوتت)
أماال: اااااااااااااي (ضار زهير مع كان لابس نظاظر كوحل حنا براسو هابطبن فوق نيفو كيشوف ماالها وبمعنى اخر اش هادشي هي تلفت حنات راسها وعطاتو بظهر بحال داكشي دلهنوود كتحك فيدها)
هند: هههه زيدي وكاان
أمال: (ضارت لقات دراري سبقو لباركينغ حكت بالجهد بلاصة القرسة) زمرة صبااعك مسموومييين (تمشااو حداهم زهير مشا حدا طموبيلتو)
وليد: ياله ركبو
هند: وزهير يبقى بوحدو
وليد: بغيتي تمشي اختي حداه؟؟
هند: هء لا (طلعت جلست حدااه وأمال ركبت تحت انظار زهير للي كان من مورااهم) اشمن سلعة بغا
وليد: غيمشي لمدينة لقديمة على حساب شي برارد ديال نحاس وشي تخربيق ديال طرز الفاسي
هند: مسميتوش تخربييق هادوك راه الاصاالة ومكيعرفوهم غير النااس الذوااااقة والعشااقة
وليد: (هز حاجبو فيها وهي كتشوف فيه بتحدي ضار عند أمال للي كظحك بشوية) ومزيان بعدا منين ظحكااتك هاد لبخووشة
أمال: ههه
زهير: (حاضيهم كيضحكو) وااه جات معااكم وانا مزرف فالسلعة باش فالتالي نبقى وحدي غااا عمري الكارني ابنتي…..
محمد: (جاب جوج بيتزات وسلاد دخل مكانتش فين خلاها عطاتو درس وهو للي كان واقف فقراية امال حس برااسو وكان زاد فديك العقلية معرفت كفاش كان غيولي وكان ماشي صدمة شيماء وبسبابها عطا لأمال قتلة دلعصى للي كانت غتموت فيها وجلس بوحدو مكانش غيتراجع من داكشي حط الصرف فوق الطبلة وسوارت وتيليفونو) مريم (خرجت من بلاصة حيت لدابا مزال معرف الدار مهم للي فهم كوزينة حيت كانت جايبة بلاطو صغير فيه قرعة وكاس دلما.. كانت لابسة بيجامة من للي شرات ليها أمال 3 بياس ببينوار فوق الركبة ودايرة شال.. مدت ليه لبلاطو هزو وجلس) يا باسم الله (شرب وحطو) اجي تاكلي شوية
مريم: (جلست وعينيها كيبريييو عرفاتها بيتزا حيت شحال شافتها فالتلفاازة ولكن عمرها كلاتها من برا فقط كتاكل للي معرفة فديور فلفلة وبصلة وشوبة دلفرماج) بيتزا؟؟؟
محمد: (شافها فرحت فلبلاصة جات صورة شيماء فاش كان كيدوموندي وهي غير كتعوج معاجبها والو كان كيشوفها هكاك وكيدير راسو مشيفهااش) عجباااتك؟؟
مريم: انا عمرني كليتها دالزنقة
محمد: واا حيت مكنتيش تخرجي ووو كان كنتي كلتيهالي منين عقدنا ولا تخطبنا كونت جبتها لييك (تبسمت) وحتى دابا للي تشهيتييه كوليها
مريم: ربي يخليك اخويا
محمد: ههه واخا ختي زيدي تاكلي (حل دوك لكرطونات كانو كيشهييو حل بواط ديال صلاد كانو فيه جوج فراشط بلاستييك بقاو كيااكلو بسكاات هو منين كيغوبش راه طيف شيماء كيدووور… كملو وهي ناضت كتجمع صونات عليها مها وقطعت جات عند محمد للي كيخرب فتيليفون)
مريم: حم واخا تعطيني نهضر معاد ماما
محمد: واه واه كبيلة كنت باغي نعطيك ونسييت (دوز نمرة خالتو وعطاه ليها)
مريم: الووو مامااااا (بقا متبعها ماشية للكوزينة ومن صوتها لاينة فرحانة وعاد ظحكها حتى سمعها) أنا بييخيير أماما.. واااه وااه مهلي فية وبزاااف…لا متخاافيش ديما نهضر معاك اصلا محمد كان مفكر غير مسكين وصلنا ومشا جاب لماملة من براا… هههه اييه وليت ناكل من برا… واخا ياله بسلامة وسلمي على كولشي باش منضبعش ليه التعبئة.. بسلااامة أماما (قطعت ومشات كتفرنس رادااه لمحمد للي شعل التلفاازة وهو ودنو كانت معااها) شكرا بزااف
محمد: (بلا ميشوف فيها) راكي مرتي أمريم حايدي هاد شكرا (شاف فيها) وحتى ديك خويا انا راه رااجلك
مريم: (تبسمت ومشات للكوزينة حتى يمعاتو قالها بالجهد)
محمد: وحتى داك الشاال لاش رااه راجلك ابنت خالتي…
~~~~~~~~~~~~~~~
زهير: (كانو لبنات قدامهم هند عرفات المحال هي هي فالأصل بنت لمدينة لقديمة وكتعرف لمحاللت وحتى سمياات المحترفين داتو للمحال لكبير للي فيه الأواني والديكورات ديال نحااس بقات أمال كتشوف وهو ديجا هضر معاه فطريق باش وجدلو شي حاجة باش الا تمشااو يدير كموند كبيرة شاف فأمال كتشوف فواحد السربيس ديال كاسرونات نحااس كان شكلهم زويين ولونهم نحااسي زوييين وتقااال سولت على وحدة كانت صغيرة قالها الثمن تخلعت وهي حطاتها وعو حاضيها مزيان جاو خارجين وهو رجع)
زهير: جمعلي هاد لكاسرونات مع الحساب على منتقدى شي حاجة ونجي ندي كولشي
أمال: (حست بفرحة فشكل قلبت وجهها كتفرنس جرتها هند وهوما من ورااهم) عييت
هند: ههه واه الطلعة كتسخف ولكن كيعجبني بزااف هنا كرتاح شوفي شووفي داكشي دلبااس عرفتي شي بفاطن وشي تكااشط وشي تواااب واااااو تيسطييييييو
زهير: (كيسمع لوليد وعينو علييها دازت من حدا شي واحد زلل عليها وهو متبعها بعينيه) ااااااااااهااااااااه ابناااادم صرطها نتا حسن….
كريمة: (قطعت مع بنتها فرحاانة) راه وصلو مزياان
فتيحة: اوا راه كلتها ليك كبيلة
كريمة: اوا ختي كبدتي أول مرة تبعد علية مريم
فتيحة: وعلاه حنا كنا عارفينها غتبعد ولا يمكن غير يانا للي مكنتش عارفة
كريمة: بلعمى ياا ختي واش كنا عارفين لا يانا لا بنتي وحتى بااها نهار جا طلب ليها لورااق كلنا على حساب جواج
فتيحة: اوا كوليهالي ديك السااع انا نعرف
كريمة: والله مجات على لبال كنا مبرزطين غير مع العرس اختي واش تعرفيني نخبي عليك دشي
فتيحة: اوااا معليهش خليها تساارا شوية راه خيرتو ها السخط ها رضى الا متهليتيش فبنت خالتك نتي عارفة مريم شحال عزييزة علية راه شيماء حتى كانت بغات دور شي ياماات
كرييمة: شففففت ككنات تشوف فيه لمطيرة.. يااا ختي راها مخارجة حتى شوي لا لمها ولا لخوتها
فتييحة: حتى تكون خارجالي لمطيرة دياالي غير فعرس ادم سمعتها جالسة تخير بين ولاد عمها لووكان غير دااها وليد أما تا هداك للي سمعنا بغا يدييها مولاش هضر
كريمة: واالو ديك بنتك اختي مخرجتلك حتى شوي لا صواب لا ادااب لا زين واخا راها ترقعت شوية من نهار مسات لوجدة أما كانت ضعيفة متعرفيها ماشية ولا جاية
فتيحة: انا هاديك غسلت يدي عليها نهار ولدتها
كريمة: ارلي اختي واش باقي يزن علبك على جوااج
فتيحة: (بتنهيدة دورت راسها) هداااك كيتو وحدهاااااا اختي راك شفتيه بحال مكاااينش غير يدور فعينييه
~~~~~~~~~~~~~~~
وليد: (كيبعد زهير ولا خر كيهضر وكيحلف مكانش عارفهم معاه أما لبنات واقفين بجوج بيهم مصدوومين من ديما كانو كيشوفووه ظاحك وناشط تفرتكت جماعة وهو مزال كينكر) زيييد اصااحبي
زهير: ونتا مشفتييهش؟؟؟
وليد: غنشوفو ونميك زعما؟؟ راه برهوش ونتا عطيتيه علاش كيدوور
زهير: (غير مغوبش شاف فامال للي حنات راسها) واش هاد لمحال مزال بعيد
هند: راه هنا فالدورة
زهير: زيدو حدانا متبعدووش (ضارو تشادو وهوما موراهم مبااشرة) ابربي يا محاينو هاد نهار وكان مكانش لي شادني حتى نحر والدييه لكلب
وليد: (ساكت حيت عارفو منين كيتعصب خصو ينكر شوية عاد يسكت اما لبنات سكتو مقادرينش يهضرو ولوخرين قرااب وصلو للمحال أمال جمعت يديها ووجعها قلبها منين سول هند واش هادي زوينة وعلاش مسولهاش هي ياك هو باغيها هي.. حست باحساس خااايب لوات شنايفها كملو وخرجو من تماك هازين كراطن هو ووليد رجعو لمول برارد جمع ليهم دوك لبرارد جبد زهير فلوس)
زهير: جمعتي حتى دوك لكاسرونات؟؟
…: واه اشريف
زهير: (كان ديجا خلص لبرارد) شحال دايرين؟؟
….: 1800 درهم
زهير: (هز حاجبو) شحال؟؟
….: 1800 درهم غير ليك نتا الحبيب وحيت خديت سليعة من عندي بزاايد
زهير: (حول عينو بانتلو امال كتشوف هز فلوس وبقا يحسب حطهم ليه فيديه) اغير منين حطت عليهم المدام لعين (هزهم وحطهم فوق دوك لكراطن كان واحد عندو كروسة وتبع زهير لبارك باش يحط كولشي فالطموبيل أما لوخربن بقاو فساحة الصفارين كيتسناو زهير يرجع…)
وليد: (بقاو كيتسناو زهير وهو كيشوف هند كظحك وتشد فامال للي معرفش الحوار شنو فيه تفكر صباح هداك للي كان فشومبر حنااها ومحايدش عينو علييها) هدااك ولد خالتك للي كان صباح؟؟؟
هند: (شافت فيه) سعد!!!
وليد: وانا باش نعرف سميتو
هند: اه اه ولد خالتي ء
وليد: اممم… (باغي يسول ولكن ضرب الطم لحق عليهم زهير) نمشيو لديك لبلاصة للي كلتي صباح؟؟؟
هند: (بفرحة) اه اه عرفتو غتعجبكم بزاااف
زهير: انا غنمشي اختي
وليد: واايلي هانتا اصاحبي بات وغدا وسير
زهير: نمشي العشيير السلعة ديتها والحمد الله على سلامة حناااك
هند: الله يسلمك اخويا ولكن ضرووري تشوفها
زهير: حتى نتشاوفو لهيه فوجدة
وليد: لا واااالو غتجلس غدا وسيير الحال وظلام لاش تمشي دورك حتى لغدا وروح
زهير: ههه ومال ظلام ماشي اول مرة نضرب لكيلوميتراج
وليد: لا واالو والله لا مشيتي
زهير: لحلوف كاع!!
وليد: ياله تمشي تبدل الجو اصاحبي وغدا وسيير ترتاح حتى نتا راه سفرة من سفرة وعاد المحال للي واقف علييه
زهير: (متردد) لا لا خاص نمشي مزال عندي شي سلعة نستفها وعاد شي ضيااف
أمال: (سمعت ضياف هزت راسها اشمن ضيااف ياكما بحال ككنا حنا وهو كان مهتم بيا ودابا غيهتم باخرى بففف ولاااا هو راه برح علية يااانا.. شافت وليد وزهير مشاو يهضرو على جنب)
هند: بحالا تيتسنااك تقوليلو نتي جلس معانا
أمال: اممم باماارة راه عندي ضيااف اشكن ضياف عندو
هند: هاي هاي هاي هاااااي وهادشي قوليهلو نتي
أمال: مالو تبدل معايا؟؟؟
هند: ههه وياك صافي مصاالحش
أمال: (قرنت حواجبها) صافي نمشي للدااار
هند: هههه انا بعدا ممشيااش
أمال: (ربعت يدها قارنة حواجبها كتشوف فزهير للي زاد عطى بظهر) بااااينة عرف على أنوار
هند: لا لاااا موحال كان غيجي يهضر معااك
أمال: شتي على زهر اهند
هند: ههه غير نتي دايرة كنازة أما كلمة منك تخليه يجلس ويهضر معاك ولا عرفتي خليك على طبيييعتك متبززي على راسك واالو اصلا نتي معينكش فييه خليه يضبر على راسو
أمال: لااا عيييني
هند: هههه اوا منين عينيك فيه لاش تتعذبي فراسك وفييه (جاو دراري)
وليد: ياله
هند: (تبسمت) معليش نمشيو نشوفو مي لالة ورجعو هنا منتعطلووش بقا بالي معاها
وليد: ااه مرحبا كوليها من كبيل (مشاو وليد طلع مع زهير وهند صاكت وركبت امال حداها)
هند: هادوك الجوج غير نميكو يبقاو يتوشوشووو
أمال: (مفقوسة حيت مديهاش فييها كان عاجبها داك الاهتمااام ودابا الشوفة مكيشوفهاش فيها وحتى قبيلة دابز على قبل هند ماشي حتى عليييها لا لا راه شرالي ياانا دوك لكاسرونات)
هند: (صايكة) وااا لبنت
امال: هااا
هند: فين سهيتي
أمال: واالو واالو اجي سمعتي وليد كال محمد مطول ياكما صافي غيعيش تمااك داكشي باش دا مرتو معاه
هند: بحال واالو
أمال: ياكما غيجيو يدييوني من لفااك أحاااي صافي ضعت اهند انا غنهرب نجي نسكن نيت فااس
هند: نااري على فاال تفاائلي شوية اصااحبتي
وليد: (حاضي هند للي كطيير ومع حافضة زنااقي زهير غير تابعها)
زهير: شوف شوف شحال راها طير هاد لبنت….
وصلو للمصحة كانت 6 دلعشية بدا الحال يظلام شوية هبطو ودخلو تابعين هند وأمال غير وصلو لديك الطبقة لقاو عدد العائلة زاد كتر خلاو لبنات دخلو وهوما بقاو بعااد بقاو كيحنززو قلييل للي لابسة فولار كولشي كلاس مكاينش تبرزييط حتى من دراري صغاار كيهضرو بهدووء أما لكبار واقفين مع بعضيااتهم بحال راهم فشي اجتمااع زهير شاف فولبد وظحك
زهير: طحتي فعائلة كلااس
وليد: وحتى حنا كلااس
زهير: هههه بأمارة كلمة جووج كيبدى لقرطاس الخاوي فسما
وليد: بربي وتجلس تسمعهم حتى يهرب لييك واليديها جاو يداابزو حسيتهم بحال جاو كيسولوني واش جالس مرتاح فششششكل حنا ولفنا تجعويق فالدار ولغوااات
زهير: اخويا الله يقتلنا وسط الناس الشعبية (شاف فهند طلت برويسها كتعيط ليهم مشاو والاعين علييهم دخلو لقااو السلام من حسن حظهم كانت غير أمال حدا الحاجة واقلة خرجت للي كان)
هند: مي لالة هدا زهير واد الحاجة للي كنا عندها (تبسمت) وهدا وليد
زهير: لباس عليك الحااجة ان شاء الله نوليو نتلݣاو فسااعة تكوني بصحيحتك
الجدة: (تبسمت مرحبا بيهم) براك الله وفييك اوليدي مجيتكم عندي غاالية بزااف الله يسهل عليكم وينور طريقكم
كولهم: أمين
وليد: دابا شوية؟؟
الحاجة: الحمد الله اوليدي انا بغيت غير رجع لداري
هند: لا ومزال عندنا هضرة امي لالة (تبسمت معاها وأمال غير كتشوف فيهم علاقة زويينة بين الجدة وحفيدتها حتى الا كانت مها ممسوقاش ربي عطاها أحسن جدة جمعو شوية وخرجو حيت طبيب غيجي عندها وهند دارت معاها 8 تجي عندها باش تبات معاها خرجات معاهم من وسط العائلة للي مخسرتش عليهم السلام عارفة غيجلدووها فيها ومهمهااش نزلو لتحت هوما مشاو طواليط ودراري خرجو لبرا ركبو فالطموبيل كيتسناوهم وليد شاف كاسرونات اللور)
وليد: وهادو؟؟؟
زهير: هادوك تزريييفة باش نبان واااعر ههه
وليد: ههه مربووحة للدار ولا عاود فيهم البيع
زهير: لا منعاودش كما كلتي مربوحة للدار راها جياهم جااية وااخا باانلي بحال كنبزز راسي عليها وصافي وانا هادشي مباغيهش وكان بغيت غير جواج من أي وحدة كنت نݣول لما هي تݣلب
وليد: انا عاذر لبنت لا وعاد كنزيد نحتارمها ماشي شي وحدة قزقااازة
زهير: اييه فهمنا لبنت راها مربية وهادشي للي زعمني كتر عليها ولكن غير تبين راها بااغا راحنا كنكبرو ماشي كنصغاارو
وليد: وهضر معاها نيشان
زهير: خليها تݣَلَّبْ هاد ليامات شوية على مطييب عاد نمشيلها نيشااان
وليد: (جاو ركبو وهوما تبعوهم) اوا والمحاال؟؟؟
زهير: هاد السيمانة درت بالسبت نحلو الناس كيظلو يعيطو صراااحة أكترية منين جبت داك المصور صور داكشي ولاحو فلانتيرنت
وليد: شفت داكشي براسي تشهيت شي دويرة نجي نعمرها من عندك
زهير: اوا رااك غديييرها
وليد: (تبسم) مزال داكشي كنفكر فييه
زهير: انا جاتني مخيرة بالله ولكن فكر دير للي يريحك وللي خصااتك هاني معاك
وليد: عاارف ابا زهيير خييرك ساابق ومغرق
زهير: ياااااو رد لفلوس للي عليك ولفتييها ولاا!!!!
وليد: ههههه بقااات 5 كييلو الجحش داير عليها مندبة
زهير: وااااخ.. (وقفو وخرجو تبعو هند للي كتهضر وتشرح ليهم على دروبة صغار وهادي علاش وهادي هاكا دوزاتهم من واحد الساحة كبيرة فيها ساقية شربو منها وهوما كيظحكو على لݣيد هند وهي عاجبها الحال باينة فيها فرحانة وأمال باينة مرتااحة وصلو لواحد الرياض طلعو لسطح فين كانت جليساات زوينين كيترد الرووح عاد مول العود مزينها جلسو كانت جاية جليسة مجمووعة فوتوي كبير وجوج كراسة اونفاص معاها فين جلسو دراري أما هند كتسيلفة مع أمال للي حشمانة قدام زهير حدها كتبسم وتعوج رااسها وتخليه حاضيها حتى كيبغي يعوااج معاها ويرد لبال ويقلب وجهوووو….)
مريم: (ناعسة حدا محمد فنموسية وحدة دورت وجهها شافت ظهرو كان ناعس بتيشورت حيت الدار داافية عكس برا كتفكر علاش مقاسهااش ماشي حيت رغبة منها ولكن نورمال هاكا كيكوون الراجل خاص ينعس مع مرتو كل ليلة باش يبين راه غير دياالها وعاد هوما ياله مجوجين ونعس معاها مرة وحدة مفهمتش ياكما هي مقصرة من شي حاجة حتى منين كتقول خويا وتبقى باالشال ياكما كطفشوو منها حاارت تنهدت وغمضت عييينها بحكم لعياااا أما هو كان حاال عينو غيكذب على رااسو الا قال راه نسااااها يا رييت وكان غير معطااتوش أمااال من مور مترفض كان صاافي غيقول مكتابش ماشي فالليل تعطييه وعوود وحب ولغد ليه يسمع خطبتها وعاد مو كملاتلو منين قالتلو كانو دايرين معاهم يعني هي كانت عارفااه ومواافقة عليه ومحمد كانت دايراه احتياطي ولا معرف شنو يسمي راااسو.. سمع نفس مريم عرفها نعسات ضار عندها وشاف فيها مباغييش يضلمها وجهدو كااامل باش متحسش ولا تعرف على ميبرا حتى هو عاارفها بنت النااس وغتمووت معااه ومقتااانع بيها غير قلبو ياله كيروديييه باش هو يكون متحكم….)
~~~~~~~~~~~~~~
الكاملة: وااا أنوار مشا على يوماين ها هو صدق ف5 أيااام
لكبير: وبغيتي نمشي نجرو بلكووردة
الكاملة: اوا يرجع لخدمتو وحتى ديك الخطبة راه طولت يا يكمل يا رجع اللور
لكبير: ولاش يرجع اللور يااا والله حتى نسخط عليه لا مزيان خاصني غير نتحشم مع دوك الناس؟؟
لكاملة: هااا وييلا مكتاابش بالزز
لكبير: نهار اللول هو دااانا وداابا نعرفو يرجع اللور الكاملة ولا نتي تكوني سبااب (خرج عينو) هاد الدار ميدخلش ليها وينسى حتى ديك الخدمة للي كيدير سميتو من الحالة المدنية نمحيييها
الكاملة: (خافت كتعرف راجلها مزياان) لا لا الله يستر اش وصلنا لهادشي الكبير راه ولدك هدااااك
لكبير: ولدي ميبغيش باه يتمرغلو راسو فالارض ناش شفنا منهم غير الخير وزهير عارفهم مزيان ومعااشر باش يطيح بية وبزهير منقبلهاش وغير غيجي هضرو مع الناس يجمعو وراقيهم باش يطيح العقد
الكاملة: (خلاها كتغدد ها هي جات دات لولد وباااااه زفرت وصونات على أنوار للي دغيا جاوبها) لاااااه مكنتش تجااوب؟
أنوار: وااا الوالدة راه سافرت باش نرتاح كنحط تيليفوني ونخرج مع درااري
الكاملة: يييه رتاح من مك وديك سليعفاانة دشيماء ديما مسول فيييها
أنوار: بففف دابا أش بغيتي أمي؟؟
الكاملة: باك راه محيح بغاك غير ترجع نمشيو نعقدو
أنوار: اممم من بعد ونصوني عليك
الكاملة: وااخا هاني نسااينك (قطع ورجع عند دعاء وماماها وخالتها وأشرف للي خارجين مجمووعين…)
~~~~~~~~~~~~~
شيماء: (غتفرݣع مولاتش صونات على أنوار كتفكر وتفكر وتفكر) غيكوون معاها بفف علاش مفكرتش فييها ولكن هي مع زهير واش دابا هي مع أنوار ولا عمو لا لا لا أمااال مديرهااش وحتى أنوار مبقاش يحمل فيها الشعرة ولكن لاش مشاات لوجدة من دابا وحتى أنوار مولاش هضر معايا الق**** غتكوون معااه والله حتى نشوهها كوولشي رداااتو لييها (حيت امال معطياهاش النمرة صونات على هند للي جاوبتها) ألوو
شيماء: هند لبااس أمال معاك
هند: نورمال خاصك تسوليني كيف بقات مي لالة ولا نتي همك غير أمال
شيماء: سمحيلي.. كبقاات؟؟
هند: قلبك قسااح اشيمااء مكنتش نعرفك هاكا صدمتيني فيك والله
شيماء: (بعصبية) شنو درت سنووو بحال خطفت رااجل من مرتووو
هند: اييه متغوتيش علية هادشي قوليه لرااسك وأمال مكينااش معايا غير تهناااي (قطعت عليها وخلاتها متأكدة نيت أمال وأنوار رجعووو….)
هند: (قطعت) مكلخة (رجعت حداهم كانو دراري كيهضرو شادين كيسان أتاي منعنعييين وأمال قدامها عصير لاڤوكا هي وهند وطبيسيل فيه حلوة منوعة رجعت جلست)
أمال: شكووون
هند: ماشي شي واااحد (بقاو لبنات كيهضرو) حقا زهير امتى غتحل المحال شفت داكشي لبارح كان غزااال
زهير: اختي ان شاء الله السبت كولشي وجدتو لوريقات وو بقا شي حاجة تستف ومنهم هاد لعيبات للي جبت
هند: عرفتي متشوقة نشوف المحال كرجع
زهير: (تبسم بلطف) مرحبااااا المحال ديالكم (شاف فأمال كانت هازة حلوة دااللوز كتاكل وحانية راسها تعصب بهاد سكاات دياالها ووو على الاقل تكون متشوقة بحال هند) انا جاااي (ناض مبعد من تماااك جبد باكية دلكارو من جيبو وهز واحد كيكمي)
وليد: (صونا تيليفونو كان بااه ناض من حدااهم ومشا هضر بعيد وهند هبطت للحمام لتحت بقات غير أمال كتاكل حلوة من مور حلوة وكتحاول تشجع رااسها وتهضر معااه على الأقل تشارك حتى هي بهضرتها راه ماشي برهووش باش يفهمها حاجة اخرى محساات حتى وقف)
زهير: فين لوخرين
أمال: هاا.. معرفت
زهير: (جلس قارن حواجبو مدور رااسو أما هي حتى كتبغي تحل فمها وتسدو جاتها شي حاجة كبيرة)
أمال: فوكاش غتحل حانوتك؟؟
زهير: (شاف فيها) السبت
أما: اااه الله يوفقك اخويا
زهير: (شاف فيها كيلعب بلساانو فوسط فمو) اميين (شحال كتعصبو هاد لكلمة منها خوويا يعني صاافي حدك تمااا شوية نتاقل كيعض فشنافتو لفوقانية حتى جا وليد أما هي ياله كانت مزالة بغات تهضر غير جا ضربت الطم)
وليد: واقلة ولد خوك غيجي يدير لاكط
زهير: اممم مزيان الله يسر ليييهم
وليد: (حرك راسو باه مبااغيش أنوار مبقاتش متحمس ككان فاللول عاشرو غير أياام ومحملووش محس حتى ناض مدوز نمرة شيماء) انا جاااي
زهير: خلي اصاحبي التيليفونات حتى نمشيو
أمال: (شافت فيها باينة معصب قارن حواجبو واش مبقاش بغااها ولا طلعاتلو فراسو كقالت هند شحال قدو يصبر عليها وهو إنسان معقول زوين وظريف بخدمتو وزيد فيه رجولة زوييينة شوية لاحظات راسها مسوقااتش منين سمعت أنوار بغا يدير لاكط تبسمت فنفسها وحتى بانت فوجهها هي نصاااتو ونسات كولشي معاااه شافت فزهير للي جات عينيها فعيينو مفاهمش تقلباتها ها هي كتبسم بوحدها حتى جمعاتها خايفة يقول مال هادي هبيلة ولا شنو!!!)
أما: (بتوتر بحال عرفها فاش كتفكر وبقات كتبرر) انا نعيط لشيماء نݣولها مبرووك
زهير: (ناضت من حدااه مبعدة قلبت وجهها لقاتو كيشوف دغيا قلب وجهو) وااه سيري ݣولي مبرووك مبرووك نتي مبااغة حد يبااارك لييك (زفر ياله بغا ينوض وهي جات هند)
هند: فين مشااو؟؟
زهير: كل واحد راه داير سونطر دابيل فجييه
هند: ههه خلاوك بوحدك
زهير: (جلس فاتح رجليه وحاط ذرااعو فوق ركبتو بحال غيدخل فشي موضوع مهم) مݣلتلك واالو
هند: (بغات تقولو شكون وتمازح معاه ولكن تعابير وجهو ماشي ديال لمواح ولا الظحك………..)
~~~~~~~~~~~~~
نعيمة: (من بعد معيطلها راجلها وقالها راه باه علمكم باش توجدو وراق لبنت من تماك وهي طايح عليها الضييم عكس لوخرا للي كانت كتوجد باش تفضح أمال ولكن غير سمعت لاكط رجعت كظحك من ودنيييها سمعت تيليفونها صونا كان وليد جاوبات فرحانة)
شيماء: ألوووو….
شيماء: (بفرحة) ألوووووو..
وليد: مزيان؟؟
شيماء: الحمدالله اخويا فخبراك غندير لاكط
وليد: وماالك فرحانة؟؟
شيماء: هاء
وليد: والله معرفت اختي واش فكرتي مزياان راه جواج هدا
شيماء: علاش اخويا كتݣول هاكا
وليد: نتي بانلك هاد السيد معقول ديال جواج وراجل تعولي عليه؟؟؟
شيماء: واه
وليد: (تكره) كفااش وااه باش بانلك؟؟
شيماء: واش نتا عارف شي حاجة ݣولهاالي
وليد: ااش هاد لافاصووباش كتهضري معايااا
شيماء: حم اخويا ياك حتى نتا كان عاجبك فاش تخطبنا
وليد: واه فالاول ولكن منين كنا فرمضان عندهم معجبنييش تصرفاااتو مبرهشة وغير سااكت اشيمااء مبغييتكش ضييعي فكري مزيااان
شيماء: (قرنت حواجبها معجبهاش الحال يهضر عليه هاكا) بعدا هو ديما كيݣولي خوك مزيان ودروييش
وليد: حييت انا هكاااك ولا بانليك نتي العكس
شيماء: (بغات تحسسو بالذنب صدق قالبو عليها.. عوجت شنايفها) بلعكس انا من ديما كنت نݣول يا ربي نتجوج شي حد بحاالك
وليد: اوا انا وهو لا علاااقة محد لحاال فكري نتمنى نكون ظاالمو اشيماء ولكن انا هاني ݣلت ليك نهار تسني علييه مغنبقى ندخل حتى فحااجة دياالك
شيماء: حشوومة عليك بحالة غندير شي حاجة خايبة هو بغاني لجواج ماشي لحاجة خاايبة
وليد: انا للي كيهمني هو يكون محتارمك ومقدرك ويكون عاارف بقيمتك ياله بسلامة حتى نجي ونهضر
شيماء: بسلامة (جلست فوق نموسيتها.. طفى الفرحة بكلامو يكون مقدرك هو لدابا مزال مصونا حتى يقولها راه غنديرو لاكط غير بااه للي قال… صونات عليه والو طاافي هنا نيت كملت البااهية….)
~~~~~~~~~~~~~
هند: والله سيري للدار
أمال: لا نبقى معاااك
هند: أحبييبة راه مغيخليوكش تباتي كيخلييو واحد للي يبات سيري للدار
أمال: لا ختي منمشيش ونتي مكينااش
وليد: (عقلو كان مع ختو شاف فأمال وتفهمها هو براسو محملش داك الجو والا مشات أمال بحال والو ينقسو منها ولا شي جيست مزوينش) صاافي ناخدو ليك شومبر معانا فلوطيل جايبة كارت ناسيونال
أمال: لوطيل؟؟
هند: ههه متخافيش غتباتي وغدا تجي عندي
أمال: (بانت فوجهها) زعما؟؟ (جاتها فشكل تمشي لوطيل)
هند: (خبراتها) ها تحدي اخر تباتي فلوطيل بووحدك بروفيطي قبل متجوجي نبيل وترجعي حدا فتيحة (ياله كانت تفرنس وجمعت الظحكة) اوا نتي للي مبغيتيش ههه
أمال: (شافت فوليد زعما وااخ تسالمات مع هند وضارت ماشية مع وليد لقات زهير متكي على طموبيلتو وشاد ݣارو كيكمي لاحو وهو كيشوف فيها طلع ركب مغيديوش طموبيلة هند فحالة حتاجتها واصلا لوطيل غير قريب ركبت اللور لقات كاسرونات فوق واحد من لكارطونات بلا متحس هزت وحدة كانت تقييلة ولاخر متبعها من لمرايا شافت فيها حست بالطموبيل وقفت حطاتها بشوية حتى لقاتو حل ليها لباب بغات تبسم معاه لقاتو مشا خرجت وسدت لباب ضار سورتها بلكونطاكط وهي تابعااهم كتشوف فالدخلة دلوطيل)
وليد: هانتوما عطيوهم ليكاارت انا جاااي
زهير: واااشتا تحشمي حتى فهاادي
أمال: هاا (كتقلب فصااكها بتوتر راه عاد هضر معااها)
زهير: بشوية عليييك ابنتي
أمال: (تبسمت وهي كتقلب جبدت كارت ديالها عطتهاالو) هااك
زهير: (شدها أول حاجة شاف فتصويرة ديال كارت كيشي وهي فهمت من كترة الاحراج طيرتهالو من يدو) هههه
أمال: كنت مريضة ديك الساااع
زهير: ههه وااه (بإشارة زعما عطيني عطتهالو مقلووبة وهي حشماانة ولكن التصويرة للي كانت ميقولش راه هي هادي للي محطووطة وأكترية داتها فسن 17 عام ديك التصويرة جاتها بحال أصحاب الكهف… سلا دغيا الاجراءات خلص ليلتهم وضار عندها) هاكي
أمال: حم شكرا
زهير: (شاف فيها شوفة ديال واحد محلف فيها وحتى هي هاد المرة بقات كتشوف فييه) ياله
أمال: ها.. فين؟؟
زهير: (قوس عينو أول مرة تشوف فيه هاكاا)
وليد: واش صااافي!!!
زهير: (امال حنات راسها ومشات حدا وليد أما زهير مكرهش گاع داك الديكور لتماك يتبعو لوليد للراس أمال سابقة بوحدها وهو وصل حداه) صحبة د*****
شيماء: (بعصبية) داابا علاش داايرة هااكا
نعيمة: (بعصبية كتر) قطعييي الحس (خرجت عينها) شتك تفرعنتي كلمة جووج تنوضي تهزي راه كلمة لا مني لا من وليد نفرتكووو هاد زبل
شيماء: والله حتى لوح راسي من سطح ونخليهالكم متوورخة (محست غير مها جراها من شعرها) لا اماماااا اي طلقيني عفااك والله منبقى نعاود (جلست مها غير كضربها وكانت اول مرة ضربها هاااكا خرجو سنااء وادم من بيتهم كيفكوووها)
نبيل: اسمووو دارت هاد لكلبة
شيماء: (هربتها سناء لبيتها وسدات عليها مشات لمراية نيشان كتقلب وجهها واش كاينة شي طبعة لقات جرحة فالجبهة جيهة حاجبها ليسر) تفوو تفو تفوووووو
سناء: معليهش اختي دابا تحايد قبل نهاارد (أما نعيمة كانو كيهدؤووها مبااغااش هاد زوااج وبنتها مدوخاااهااا حتى مبقات تنعس فرااحة ولا تاكل فرااحة..)
~~~~~~~~~~~~
أمال: (تبسمت وهوما طالعين فلاسنسوور كتشوف فظهر زهير وكتفكر منين ظحك على تصويرة لكارت ناسيونال جبداتها من جيبها وزادت ظحكت أما هو حاضيها من انعكاس صورتها للي على لباب واخا مبيناش مزيان ولكن ظحيكة قشعها وصلو للطابق المعني خداو 3 شومبرات فرادين حدا بعضيااتهم تفكرت نساا باليزتها فطموبيلة هند حشمت تقولهاالهم عارفة معندهمش مشكل ولكن طبعها مكتبغي تكلف حتى واااحد تجيبها فراسها ومتكلفش شي وااحد)
وليد: الا بغيتي شي حاجة انا فشومبر كدااامك
زهير: (هو غير كيفكر غير فاصل بيناتهم حييط ومقاادرش حتى يجلس معاها ويشبع منها الهضرة فتح لباب وهز صااكو شافها دخلت وسد لباب دخل حتى هو كان شومبر مابييهش نيشان حط حوايجو ودخل للحمام باش يتوضى أما هي بقات كدوور اول مرة تبات فلووطيل جااتها فشكل ممتيقاش فرحت واخا مجيباش حواايج مهمهاااش مشات للحمام زولت فولارها شافت وجهها كانت زوينة وبان فيها الراااحة غسلت وجهها وتوضات صلات نهار كااامل ورجعت حيدات شالها مدوراه غير على عنقها شعلت التلفاازة نيشان خرجت فMBC2 خلاتها مشعولة وطلقت شعرها يرتاح راه شحال وهو مجموع من نهار مشات لتاوريرت وهي جمعاه ومخبيااه دارت لافخونش من مور ودنيها تحسست بيدها من لقدام كان لكيراتين للي دارت هرب ليها وبانو تدريجات خفااف ماشي رجع كمان قبل ناشف ومشكرد بفضل خلطات هند وحتى فيتامين الزنك للي كتشرب تقتدلها شوية حلت باب لبالكون وخرجت ضارب فيها لهوا على وجهها وشعرها بدا يتحرك شافت ممتخيلاش راسها انها ففاس مدينة كانت غير كتسمع عليها ولكن عمرها فكرت توصلها ماشي حيت معندهاش الرغبة ولكن كانت كتقول عمرني اصلا نخرج من داارنا تبسمت كتشوف فالطموبيلات لتحت وضواااو عاجبها الحاال.. أما واحد كان خارج يشوف واش كطيح شتا لقااها خارجة من لبالكو وكتبان غير من ظهرها وشعرها مطلوق دخل راسو شوية باغي يشووف نعل الشيطان ودخل جلس فوق نموسيتو وعينو فلبالكو محس غير ناض وسد لبالكو وسد على الشيطان باش ميبقاش يصدعوو شعل التلفازة وخدم الشوفاج ودخل لفراشو داير يدو من مور راسو موسدها ويد شاد بيها تيليفونو كيلعب بيه…. فالتالي طفا التلفزة للي متفرج فيها واالو ريكل تيليفونو وحط راسو على لوسااادة وغمض عيينييه وتفكييرة فامال… اما هي دخلت لبلاصتها بكولون وتريكو ديالو جاها لبرد ناضت لبلاكار من حسن حظها لقات كوفر غليض زادتو عليها عاد دفاات خلات ضو ديال لفايوز والتلفازة مشعول وجبت عليها بنعييسة….
أصبحنا وأصبح الملك لله
أنوار: (8 كان داخل بطوبيلتو للدار مسخسخ الليل كامل منعسش وف5 وصل دعاد ومها وخالتها للمطاار عاد شد طريق لوجدة حل باب الدار لقى باه ومو فايقيين) السلااام عليييكم
لكبير: وعلييكم السلام
لكاملة: وعلييكم
أنوار: انا نطلع نرتااح شوية
لكبير: وجد راسك نمشيو نديرو لاكط
أنوار: وااه ابا كلامك هو للي يمشي فوكما بغييتي انا معااك
لكبير: (كان كيتسنى يقولو لا ويشعل معاه ساعة كان العكس) بلاتي لحك علية للمحال راه تجمعات عليك الخدمة
أنوار: الا بغيت نمشي معاك داابا ابا
لكبير: لا غير سير ترتاح راك ياله شاد طريق
أنوار: واخا با (باسلهم راسهم وطلع شعل تيليفونو بداو كيجييوه ميساجات شيماء وبواط فوكال ديالها.. خلا تيليفونو كيغني وهو مشا لطوليط عاد رجع صونا على والو مكتجاوبش رجع صونا مرة اخرى صيفطلها ميساج) *مبقى والو ازين وتكوني مرتي.. غير تفيقي ونرجع نصوني عليك احبيبة عارفاك مقلقة مني وانا غنفهمك كولشي موااح..* تبسم بسخرية سد السرجم مظلم عليه وهو جبد عليها بنعسة.. لتحت كانت لكاملة غير مطرطقة عينها ولدها مهدن كانت كتسناه مببغيش لاكط سااعة بانلها فرحاان محملاتش شيمااء وعارفهاا كلبة متسوااااش صونات على نعيمة للي مجوباتهاش بقات مفقوسة غير بوحدها مشات عند الحااجة لقات بناتها جااو دخلت داايخة
عيشة: اماالكي ياااا لكاااملة
الكاملة: مايلاااالي اعيشة علاش ماشي انوار هاد لياام غيدير الكاغط
الحاجة: وهادشي يفرح ابنتي
الكاملة: اش يفرح الحااجة وانا ديك لبنت محملتها ومقبلتها (شافتها خنزرت) مها وعايلتها كاااملة مزياانة إلااااااا هي محملتها مقبلتها
الحاجة: اعوووذ بالله من الشيطان الرجيم اش هاد الهضرة الكاملة راكي تاخدي فذنووب البنت وما هي يااااك وتىجع وحدة من بنااتك
الكاملة: لهلاا يجعلوو داك نهار حتى يجييي
مينة: ومنين معجباكش عكسي اويييلعدا واش تقبلي بكنة من اللول باديينها بالمشااكل كغتكوون هاد العييشة ليناتكم
الكاملة: هاااااااا نتي نطقتيها شتي جهان ونزهة على كلبي بحال لعسل واخا برانيات علينا ولكن راهم وحدة من بناتي ونتي الحاجة شاااهدة
الحاجة: ايييه وحتى هادي غتكون وحدة منهم
الكاملة: الااااا من داك نهار منين خرجت عينها فية وكالتلي توريني شنو كتسوى محملتها العاااار الحاااجة الا مهضري مع ولدك راه هو للي حااامق على هاد جوااج كتر من ولدوو
الحاجة: لا يا بنتي نوقف لبنت فرزقها غي حييت نتي مقبلتيهااش
عيشة: هضري اما معااه وااااه حتى الا مشات هاديك بناتنا راهم كاينيين ولكاملة متلكاش حسن منهم
الكاملة: بلففرحاات علية وحدة من بناتكم ونتوما شتو شحال كنت باغياااهم
مينة: دابا نهضرو فالليل معاه
الحاجة: لا مزياان تبارك الله وليتو هنا ترييو كبيغييتو
عيشة: كلمة الحق أما واااه السيدة محملاهااش وراه غتعيش معاها ماشي حتى تفرق
الحاجة: واا باااز انا خرجوني من هاد تخربيق ديالكم.. (ناضت كتستغفر الله معجبهاش الحاال..)
شيماء: (ناضت فرحانة لقات دوزابيل من عند انوار تصدمت عاد دخلت للميساج قراتو وهي كتبسم ياله بغات تصووني ولكن حبست) نتقل شوية راني انا للي مقلقة منو وبسباابو كليت لعصى من عند ماما وتقلقت مني (بقات متبسمة حطات تيليفون وخرجت عند مها للي لقاتها كتوجد لفطور هي وسناء للي فاقت بكري حيت ادم كيفيق بكري كيعوضو خدمة محمد وكتوجدلو لفطور)
سناء: صبااح لخير
شيماء: صباح لخير ازيين (مشات عنقت مها من ظهرها) سمحيلي اماماا والله مبغبت نغوت لباارح غير خرجت هكتااك
نعيمة: سيري تبعدي مني انا بنتي تسمعلي الهضرة
شيماء: وعفااك أماما والله مكنبغي نشوفك حادرة مني العييين عفاك اماما عفاك عفاااك
نعيمة: (كحزتها من عليها) بعدي من اشيمااء وسيري حطي لفطوور
شيماء: نمشي واليوم انا نطيب لغدااا غنديرلكم كسكسو دايزو لكلام
نعيمة: (حركت براسها كتسائل هاد الفرحة مناش وعلاش صونا عليها وليد للي غير شافت شيماء كحلت بلعمى) اولييدي
وليد: (ياله فايق) صباح الخير امي كصبحتي
نعيمة: الحمد الله اوليدي ونتا لباس ووو هند (مبغاتش تذكر أمال للي سمعت صوتها ومسولتش وليد عليها حيت عرفات أمال تبعت صااحبتها ماشي بسالة منها ساافرت)
شيماء: (فباالها ياكما تبادلو صحااب ولا انا للي مكنت فاهمة والو اصلا كنت غير ندخل عليهم كانو يسكتو)
وليد: الحمد الله الواليدة انا نشوف الا خرجوها نرجع
نعيمة: اوا الله يجيببك على خير اولدي
شيماء: راه جااي!!!!
نعيمة: (طرطقت عينها فيها باش تسكت)
وليد: (سمع دقديق فلباب) ياله بسلامة الوالدة (قطع وناض حل لباب كيحك عينو مع حل حيد يدو من عينو للي كان يحكها وطرطقهم) اش كديري هنا
هند: كتسنى شي وحدة اخرى!!
وليد: لا غير حسابلي زهير اجي باش عرفتيني شاد هاد الشومبر
هند: أماااال (بغات تدخل وهو يحبسها بجسمو)
وليد: اش هاد الأوووفر ابنتي غين ماشية
هند: ورااه فرحاانة بغيت نقولك الخبر
وليد: وغير فرحانة دخلي لشومبر فيها واحد عزري
هند: داخلة لشومبر فيها واحد رااجل وماشي اي رااجل
وليد: (هز حاجبو فيها متبسم) سيري عند صاحبتك انا جاي
هند: ههه اوكي نمشي نفيق زهير؟؟؟ (بغات تعصبو شافتو غووبش) هههه ضروري نخرجو شي حوايج زاامتهم فييك (عطاتو بظهر ومشات كتفرع الباب على امال للي ناضت مفاافية من فرااشها وقلبها غيسكت بلخلعة ومع تضهشيرة بقات دقيقة كتفكر هي فيين ناضت لبسات مونطووها وبشوية
أمال: ششكوون؟؟؟ (اول واحد جا فبالها هو علي خوها وبااها جاو عندها)
هند: حلي ازمممرة (ضارت لقات وليد مزال باقي) ااا زعما اتووت ولكن لبسي علييك راه الدنبا عاامرة (رجعت ضارت فرنسات ليييه.. أما هو دخل وسد علييه غتصطييه إعجابو بيها كيزييد نهااار على نهااار تفكر اول نهار هضراات معااه….)
#فلاش_بااك
اول نهار هضرت معاه استغرب شكوون هادي ومنيين جابت نمرتي شك تكون شي بنت ديجا هضر معاها وبغات تجربو نهار على نهار كيسمع هضرة حداها ولكن اسم كيتكرر بزااف وكتكت ولا كتبدل لبلاصة مهم كتكون ردة فعل منين كتسمعو هو #هند وهاد الاسم هو ديال صاحبة ختو للي من اول تانية شافها شعل معاها ومحملهاااش فاش كيهضر مع ختو مرة مرة كيسمع نفس صووتها بقا الشك عليها 80% ولكن مبغاش يقولها وخلاها تعبر كبغاات وحتى هو ولفها مع الوحدانية للي كان خلا زهير علييه وحتى صاحبتو للي تفاارق معاها صدقات متماش بااغا غير لوراااق وزواط اورووبا جا نهار للي غيكون فيه عرس خووه وممناعش مشيتها حيت كيتأكد وهنا هي كانت حاضية جناابها واخا الصوت كان هو هو تسنااها تجي تصاارحو ساعة صدق العكس وهادشي خلاه كتر بااغي يكمل معاها هاد الهضرة وعاد منين شافها عريااانة خلاتو شي شهر وكل يوم كيحتاالم بيها وهاد حوايجو للي كولهم خلات ريحتها فييهم مخلاتلوش الفرصة ينسااها… منين مرضت ماين زهير وصيفطها لتمااك وبانت هي وعاد زهير للي اكدلو ان هاد لبنت لي جات عندو ماشي هي غييثة تأكد 100% كمل معاها حيت كانت داارت بلاصتها عندو لدرجة كل مكان كيعاودلها علييه كان حقييقي وحتى هي كان كيحسها كتعاودلو كوولشي ومحتاجاااه حتى نهار للي وقعلو فيه المشكل مبقاش هضر معااها وجا للمغرب ووجودها عند زهير كان خلاه يزيد يبغي يجلس معاه وهنا زاد تعرف عليها كفاش هي عكس داكشي للي شافو عليها اول نهار بنت قوية مربية زويينة ومتعلمة… ولكن للي مفهموش هو علاقتهم مع شيماء للي مكانتش مزيااانة وعاد هي كذبت علييه… هز تيليفونو صونا على زهير
زهير: فييين
وليد: وصلتي ولا مزال
زهير: مبقااتش بزااف
وليد: اوا الله يوصلك على خيير
زهير: ياله السيمانة جاية ونتقاشعو
وليد: ان شاء الله اخوويا (قطع مباغيش يتحااشم مع زهير ولكن داك انواار متصرطلوووش دخل للحمام خرج موضي اما عند لبنات هند كانت هبطات مشات جابت لأماال شانطة ديالها باش تبدل عليها تسناتها لبسات وقدات ليها وجهها وقدات ليها لفولار)
هند: والو مهضرش معايا
أمال: (تبسمت) لا ظحك علية حيت شاف تصويرة لكارت ناسيونال هههه
هند: ههه مسخووط شحال كيعجبني بهضورو وظحكو
أمال: واااه
هند: اممم واااه اوا سربي تلقايهم كيسناونا (خرجت لقات وليد واقف قدام لباب خاشي يد فجيبو ويد شاد بيها التيليفون) صاافي
وليد: (شاف فيها مطولا ) كبقات حنااك
هند: (بفرحة) مي لالة 11 غنديوها للدار (نقزت بلفرحة مع ابتسامة عريضة)
وليد: (كتسالي معاه ظحكتها لدرجة كان معصب وخلاتو يتبسم) اوا على سلامتها
هند: الله يسلمك سولات عليك صبااح
وليد: يسول فيها الخير
هند: ياك غتجي تشووفها
وليد: فصبيطار؟
هند: لا فالدااار
وليد: منعرف اهند عا
هند: عفااك عفاك عفااااك
وليد: هههه احن الله كلمي امل
هند: امممم وااااخا.. هي راها كتصلي وتجي وزهير مغتكلمووش
وليد: هو صلا لفجر ومشااا….
وليد: هو صلا لفجر ومشا..
أمال: (جات خارجة فرحانة غير سمعت زهير صلا لفجر ومشا جمعااتها وفنفسها مشااا!!..)
وليد: ختي أمال مزيان؟؟
أمال: الحمد الله اخويا
وليد: اوا يالهوو
أمال: (شدت فهند للي كتنتر منها ومشات تقادات مع وليد فطريق جابتلها الضحكة هي ضارت شافت فششمبرتو وفبالها علاش متسناهااش يقولها غير بسلامة جاها خوف كبيير تكون طلعاتلو فالراس ومل منها… هبطت معاهم للتحت جارة بليزتها واخا هكاك بقات متفاائلة لبارح سفرات بوحدها واليوم باتت فاوطيل بوحدها وسمعات أنوار وشيماء غيدبرو الماغيط ومتهزاتش فقط حسااات بالاشمئزاز منهم والشمتة.. ركبو مع هند للي كتقنع وليد باش يمشي معاها للدار يشوف حنااها ونيشان مشاو للمصحة شافتهم هبطوها بكرسي متحرك ركبات مع ماماها وهي رجعت ركبات ومشات من موراهم)
وليد: هاني علمتك غنسلم عليها ونخرج
هند: وااخا (وصلو للفيلا نزلو وامال غير كتشوف وكان فم لباب عامر برجال دخلات من مور هند لقات جردة أقل ما يقال عندها راائعة وعاد بيسين فيه نفاخات صغار وكراسا بطوابلهم فالجردة عرفوهم دارو حفلة والسربايا كيدورو دخلات الحاجة بكرسي متحرك وكولشي كيجي عندها يهنئها على سلامتها دخلو للدار لداخل للي كانت زويينة اثااث بلدي على ليمن وعصري على ليسر وايد مسا مقصد الحاجة هو وهند للي غير شافتهم تبسمت من قلبها من ديما هند كانت كتعاودلها علييه وحبباتها فيه قبل حتى متشوفو…)
وليد: على سلامتك الحاجة والله بجعلها مغفرة للذنووب
الحاجة: الله يسللمك اوليدي مرحبا بييك عندنا والله يكبر بييك مجيتك عندي غاااية
وليد: : (تبسم معرف ميقولها) على سلااامتك
هند: حتى هو تخلع عليك لول لبارح امي لالة
الحاجة: الله يحفظك اولدي
وليد: للي من جهة هند عندنا عزيييز
هند: (فرنست أما أمال كدور عينها فالدار) اجيو نفطرو.. مي لالة نديك لبيتك ترتاحي
الحاجة: انا نبقى احبيبتي مزال مع الناس سيرو فطرووو ومرحبا بيكم اوليداتي
أمال: على سلامتك الحاجة (تمشاو من حداها ووليد حسا براسو ممررتاحش باشمن سفة هو هنا صاافي للي مان جاي على قبلو قضااه وقف)
وليد: أنا غنمشي
هند: وغير فطر بعدا
وليد: لا لا الله يجعل البرااكة حناك راها بيخير نمشي نشوف طرونسبور نروح للدار
هند: عفااك غير فطر بعدا بقا غير هاد نهار
وليد: هند صاافي هضرت معاك
هند: (مسخاتش بيه ولكن شافتو ممرتاحش..) نخرج معاك غير برا (جات مها وبااها ووقفو حدااهم)
أب هند: هند سيري عند لميمة
هند: علاش
اب هند: قلتلك سييري
ام هند: سمعي كلام بااك بلا شوهة منك راه العائلة كاملة هن
وليد: هند سيري
أب هند: شرييف واش جاي قاصد شي حاجة؟؟
هند: بففف واش مكتعيااوش
وليد: (شاف فهند زعما سيري متخافيش بقا معاهم) نعاام
ام هند: مجييتك قدام العائلة كتخلي صبااع على بنتي
وليد: ولكن لا انا لا هي مدرناش شي حاجة تخلي صباع عليها حنااها خرجت من صبيطار وجينا نديرو الوااجب
أب هند: أول مرة نشوفوك مع بنتي شكون نتا وعلاش نتا معاها
وليد: اه مرحبا انا وليد ختي صغيرة كاينة فسييتي مع بنتكم هنا عررفتها تجمعنا فشحال من مناسبة ورجعت وحدة منا
أم زهير: شنو خدام؟؟؟
وليد: (هز حاجبو) علاش
أم هند: كفاش علاش من حقي نعرف او لا
وليد: لا هدشي شخصي ومعندو علاقة بموضوعنا
أم هند: سمع اسي وليد الا عينك فشي خطبة شي معقول دخل الد..
وليد: نهار غنوي ونتفاهم مع بنتكم فهادشي غنجي متحتاجوش معايا لهاد الهضرة
أب هند: اممم مفيها والو نعرفو خدمتك
وليد: (ميقدرش يخرج معاهم للعيب حيت معاارفش شنو الوقت جاايبة وأهم حاجة هوما كيبقاو والدين لبنت للي عجبااه وبزااف وهي من ديما كانت كتحتارم عائلتو واخا مكتلقانش نفس المعاملة فاللول) عندي بتي ماركت فبلجيكا
أم هند: (تشاوفو بيناتهم) مزيااان
أب هند: اجي معاايا هنا (شير لبوفي)
وليد: لا لا غنمشي فحاالي داابا
أب هند: ولو مجااتش جيتي من مدينة بعيدة ومنديروش صوااب معاك ميمكنش…
زهير: (دخل لوجدة نيشان للمحال دياالو فتحو كان مقااد باقي شي حاجة خفيفة تستف نزل لتحت حتى تماك كانت السلعة مستفة كولشي نقد دخل لداك لبيت لكبير للي عزل تكون فيه شي 100 متر للي دارو ديبو كان حتى هو مقاد عجباتو خدمة ديال دوك دراري خرج داير التيليفون فودنو عيط عليهم باش يجيو عندو ياخدو للي بقى من خلاصهم.. طلع للفوق ولقا كيشوف فالمحال حتى من ضواو لعب عليهم مزيان شاف فلفوق فين غتكون الادارة طلع دروج للي قادهم كولهم زااج كان داير جوج بيروات واحد ديال لبانكا للي غدخل على حساب لكريدي والتاني ديالو كان كبير فين غيخلص وحتى لكاميرات للي داير.. تبسم فعينييه واخييرا حلمو تحقق رجع لبلادو من بعد معانااة كبييييييرة مع الغربة وجميع لفلوس محس غير خوه للي كان لتحت هلط عندو) خويا!!
لكبير: هادشي زين تبارك الله والسبت مبقالو والو
زهير: مبقى واالو
لكبير: هي هاديك نمشيو نعقدو لانوار بلخميس والسبت نفرحو معاك
زهير: (كيقاد شي حاجة) مفخبريش؟؟
لكبير: ياله لبارح هضرنا معاهم هاد لخطبة لمطولة مممتمااش
زهير: اهاااه وانوار فخبارو حيت سمعت مشا لسعيدية
لكبير: لا لا فخباروهو كالي حتى من غدا ونيت على ميجمع وريقااتو
زهير: اممم ولعرس
لكبير: الصيف كاع على ميجيو خوتاتو من برا وكواشي يتجمع
زهير: اوا الله يسخر
لكبير: امين ونتا مناويش؟؟
زهير: نهار يكتاااب هههه
لكبير: كدك راه عندي عبد الوافي وعبد الله
زهير: وا داك لوقت ماشي هو هاد الوقت اخويا
لكبير: دير السبة بالوقت نكمل مع هداك ونتبالا بيك
زهير: ههه الصمطة بغات دور لية ولا سمو!!
لكبير: اوا مناقصك واالو لاش تعطل
زهير: ههه لا لا ممعطل واالو قريييب ان شاء الله
لكبير: هاااا ودا كلام زيين
زهير: ههه
لكبير: انا ماشي للمحال، شوية ويجي أنوار يكمل لحسابات باش نعطييك حسابك
زهير: ممزروبش علييه
لكبير: لحساب حساب اخويا (خرج فرحان بخووه ضار شاف فلمحال للي كبير عجبو الحال وقرر يعاون أنوار فلمحال للي باغي أما عبد الوافي وعبد الله كبرو على هاد الحرفة ديال التجاارة فالمواذ الغذائية وتفراق على لهريات…)
زهير: (غير مشا خره جلس فكرسي كان حداه كان حداه عرف دابا وليد علاش تبدل لبارح هو حاس بأنوار ماشي قد مسؤولية زوااج ولكن ميمكنش يدخل هنا لا انوار لا ختو صغار بجوجهم كباار وعاارفين الوضع كداير بيناتهم صونا على وليد مجاوبووش وهو يدخلو عندو دراري للي دار معاهم مشا كيخلصهم وهبطو للتحت كيعاونووه فشي حاجة مزالة باقا عاد دخل السلعة جدبدة للي جاب من فاس) لا لا دوك لكاسرونات ديال الدار (ردهم لطموبيلتو وهبطو كملو شغلهم لتحت)
~~~~~~~~~~~
أنوار: (فاق مضهشر لقى ابيل من عند دعاء رجع صونا) حبيبة وصلتي
دعاء: مزال ناعس؟؟؟
أنوار: اممممم
دعاء: عرفتي من دابا توحشتك
أنوار: هه وكان شتي أنا
دعاء: ههه عاارفة ياله نخليك انا غندخل دابا بلاتي ونصوني علييك
أنوار: اممم واخا (قطع وفلبلاصة صونا على شيماء للي جوبااتو) الو
شيماء: (منفخة) اممم
أنوار: لكبيدة مقلقة مني؟؟؟؟
شيماء: كولي غير معامن كنتي وعلاش كءبتي علية انوار باك انا كولشي كنديروولك وكنبغيك بزاااف علاش كديرلي هااكا
أنوار: شنو درت احبيبة
شيماء: كلتيلي مشيتي لفنيدق ونتا كنتي فسعيدية
أنوار: وراه بالصح مشيت لفنيدق ودزت على سعيدية فعرس صاحبي
شيماء: وعلاش مكلتيلي والو ومكنتيش حتى كتجاوبني
أنوار: عندي عءر احبيبة ومعندييش لوجه للي يكولو ليييك
شيماء: لا كولي انا راه قريب غنكون مرتك
أنوار: با منين كال على لاكط عجبني الحال وفنفس الوقت بغيت نكبر بييك ونديرلك قيمة بين عائلتك
شيماء: (كتسمع كل كلمة تكالت ليها مزياااان)
أنوار: مبغيتش نظلمك نتي تستاهلي صدااق كبير وانا فلوسي كاملين خارجين فواحد لبيعة وشرية ياله باقا شي حاجة قليييلة
شيماء: مفهمتش
أنوار: حبيبة تصبري علية نفطر ومنين نكون خارج من الدار نهضر معاك
شيماء: وااخا
أنوار: وشي كليمة زوينة
شيماء: (فرحانة) كنبغيك بزااف بزاف بزااف
أنوار: هاكا نبغي حبيبتي (قطع وناض نيشان للدوش دوش خرج صلا صلاتو هبط لقى مو مخلية ليه حقو دلغدا غير شافتو سخرت نزهة تسخنو ليه جلس حدااها) الكااملة!!!
الكاملة: يييه على خر يامي رجعت الكاملة
أنوار: دابا مالكي فكعانة
الكاملة: انا محاملة ديك شيكا لكرطيطة مقبلاها
أنوار: هضري مع با الا سمعلك والله مندير شي حاجة من كور ظهرك
الكاملة: اوا نتا موول الشي
أنوار: با مول الشي أنا ماعلية غير نسمع شنو يكون ونديرو
الكاملة: اوا الا هااك غير تعقد على ديك الجيفة عقد على وحدة من بنات عمك
أنوار: هههه اهااه ونولي انا هو متولي هههه زيينة عند هادي أمي وحتى ندخلو بعدا لمرا جديدة ونفكرو فهادشي للي تكولي
الكاملة: انا بغيتك طيح شوكتها للارض انا انا تهز علية وتحلف فية
أنوار: (تبسم) مزال مخلاقت للي تحلف فهاد لغزاال غير صبري علية (نزهة حطاتلو لغدا) شكرا اختي نزهة
نزهة: هانية خويا (مشات طلعات عند جهان للي كانت كرشها كبيرة متكية فبلاصتها كتفرج فمسلسل هوس ماايا دخلت وسدت لباب) خيييتك محلفااها فمرت أنوار
جهان: تلقايها كاع حلفت فينا قبل منجييو وهادي والله متقد عليها باينة عليها حاااارة وعاد غتجي تلقا راجلها مفشش هنا غتفشش حتى هي
نزهة: منظنش حتى من انوار كيتحلف عليها ماشي حتى يكول لمو لا هي مزيانة ومديرهاش كالها غير تصبر على متجي
جهان: اوا الله يحمي شيطانهم ونتفرجو شوية راه الكاملة هلكتنا فصحتنا
نزهة: هههه نمشي نفيق عبد الوافي وداك لخنفووس (مشات مخلؤة جهان غير كضور راااسها وكتسنى شنو غيجي مع لعرووسة جدييدة….)
وليد: (كيسمع أب هند للي تيهضر على الخدمة وجاو شي وحدين من العائلة وكملو جاتو هضرتهم باااايخة مولفش هاد لبروتوكوول.. مفهمش حاجة عاد معاملتهم كانت خايبة ودابا كيتصرفو معاه مزيان دور عينو هوما كيبانو ناس لباس عليهم ميمكنش يطمعو فواحد عندو محال وصاافي.. صونا تيليفونو) سمحوولي (ناض بعد من حدااهم جاوب كانت مو) امي
نعيمة: الحبيب فين راك
وليد: انا مزال عند دار هند
نعيمة: كبقات حناها نلفت وكاع مهضرت مع لمرا
وليد: دابا لااش راكي هازااها منين تقاالت
نعيمة: (بتنهيدة) ااااحياني اوليدي غنطرطق
وليد: صاافي نحبسو زمر لاش غديري فراسك هااك
نعيمة: ونتحاشمو مع صاحبك
وليد: واش دخل صااحبي راه ختي هاديك وهدا زواج ماشي لعب
نعيمة: اودي هاحنا لقاو لفكاك مع صاحبك اوا وهي كلمة جوج تكولك لوح راسي من سطح
وليد: جوج تصرفيقات غيوكضووها ياك عمرني ضربتها ومكنتش نبغيها تضرب ولكن باش دير هاك نعاود ربييها ونجلس حداها حتى تكول صاافي
نعيمة: (بتنهيدة) دابا بعيتك غير للصراحة واش خاد لولد مزياان
وليد: اي راه منقدرش نكول واش زين ولا شين راه العشرة للي تحكم أنا براسي جايني فشكل ولكن منقدرش نحكم علييييه وهي منين دير لاكط راه مزال العرس بعيد
نعيمة: لا اولدي الا دارت لاكط غير تكمل معاه
وليد: ازا انا مبقالي والو ونجي وغنهضر معاها
نعيمة: واخا ولدي
وليد: تبغي شي حاجة من فااس؟
نعيمة: ههه غير وجهك الحبيب
وليد: (تبسم) راه مغيكون للي مكتبو ربي امي صافي متمرضيش راااسك
نعيمة: ان شاء الله اوليدي (قطعت ومشات طل على شيماء لقاتها دايرة ليزيات وكدندن وكطيب كسكسو مشات توضات ودخلت لبيتها كتصلي لاعل وعسى تحايد هاد الغمة للي فقلبها)
~~~~~~~~~~~~
أمال: (جالسة فكرسي كتحس بنظرات خاايبة ليها عيات متسوقش ودير معلبلهاش بيهم ولكن لدااخل معجبهاش الحال وممرتاحااش جات عندها هند وجلست حداها من بعد مدخلت مع حناها لبيتها عطاتها دواها وظلمت عليها باش تنعس) امدرا
هند: (بفرحة) بغاات
أمال: ههه واخيييرا
هند: نكري واحد الدار صغيرة مفرشة ونسكنو فييها
أمال: مغنسخااش بيك ومحملاش نبقى مع ديك الكلبة هادشي الا خلاها راجلها ترجع
هند: وعلاش انا غنيخى بيك ازمر راه حتى حاجة متحلا بلا بيييك
أمال: (بفرحة) نتي زويينة
هند: (هزت كتفها) عاارفة
أمال: بقا فيا الحال زهير كاع مبقى مسوقلي
هند: وحتى نتي اختي معطياااهش وقت يمكن فهمها مبغيتييهش وصافي قلب
أمال: دغيا مل
هند: ههه من عرس ادم وهو تابعك شحال تكون هههه بااز
أمال: يكمل غير عام
هند: هههه مالك غتفطمييه والله مكتحشمي (شافت وليد دارلها اشارة مشات عندو) انا جاية اموولة ههه قالتلك عااام
هند: (خرجت عند وليد كتفرنس) سلااام
وليد: اجي معايا (خرجو برا ومشاو حدا طموبيلتها) أنا غنمشي دابا غتخصك شي حاجة؟؟؟
هند: شنو قالك بابا
وليد: هضرة من هنا وهضرة من هنا ماشي شي حاجة نتي واش خاصك شي حااجة؟؟ مرتاحة هنا؟؟
هند: انا شي يامات وغرجع لوجدة وحتى أمال غترجع على حساب امتحانات فالمعهد وتبدا تراجع لسوميستر التانية
وليد: اوا شيماء باش دير بحالها وتمشي تكمل على الأقل غير هاد العاام…
هند: معليش مزاال قدامها الوقت
وليد: اممم مهم انا غنمشي
هند: انا نوصلك
وليد: لا
هند: لا لا نوصلك
وليد: راه هضرت معاك معندك مديري فديك المحطة صافي رتاحي بقاي مع حناك وردي لبال لأمال ونتي عارفة شنو كنعني
هند: وي فهمت ولكن خليني نوصلك
وليد: حلي نجبد بيرميي (حلاتتها من لكونطاكد جبد وراقو سد لباب ومشا وقف حداها كيشوف فيها وشحال كتحمااق على شوفااتو ليها كيكونو خااصين هي حاسة هااكا وميمكنش تكون غير كتهيأ وحتى خي بقات كتشوف فيه وكتوصلو أنها غتوحشو وموحشاااه) ياله دخلي حاولي متبقايش تركزي مع واليديك بزاف متبقايش تردي عليهم كولهم وااه وصاافي
هند: (تبسمت) نحاول
وليد: هه واخا لالة حااولي ياله حتى نتشاوفو بسلامة
هند: بسلامة (عطاها بظهر وبقات متبعاه كتشوف فييه حتى ضار مع الدورة تنهدت مسخيااش بيه لدرجة فلبلاصة كولشي رجع بااسل مشات حدا أمال جلسات معاها تحط لغدا كلاو ومساو لبيت هند للي ياله بغاو واليديها يهضرو حسابلها غيديوه لبها كما الاول) والله لباتت معايا شي زبل
أم هند: بففف اش هاد السوفاج للي ولا فيك
هند: انا ديما هااكا
أب هند: اه ديما هاكا وعمرك ترقااي ولا تقدمي فحيااتك
هند: (دخلت لبيتها وزدحت باب لبيت) يخخخ (شافت فامال حيدت شالها) واش توضااي؟؟
أمال: اختي مكرهت ندوش
هند: راه كاين الدوش هنا دابا لباب فتحيه راه لما سخون ديما داايز وانا نوجد ليك لبينوار
أمال: مالكي مقلقة
هند: واالو والله سيري دوشي تكملي وندخل حتى انا (دخلت أمال كان دوش صغير ولكن زوين ومريح كملت خرجت ودخلت هند)
~~~~~~~~~~~~~
محمد: كان خرج فصباح من بعد مجاب لمربم فطور كلا هو وخرج كيشوف الدنيا كدايرة وصل حتى لمحال وليد غير بالنعت للي عطاه دخل عااجبو بزااف لقا بنت تماك عرفها برااسو وهي عرفاتو حيت وصااها وليد بقات كتورييه تمااك كانو رفووف صغار وكل جهة وشنو فيها شكرها وتم خاارج مشا لقهوة جلس حتى رجعت صونات عليه بريفي عاود وهاد لمرة مجاوبش حيت كتصوني 5 الثواني وتقطع وفلبلاصة كيجييه طيف شيماااء فلباال وهادشي هو كااارهو خلص قهوتو ومشا للدار فين لقا مريم لابسة بيجامة مزيرة وطالقة شعرها مكحلة ودايرة عكر وجالسة..) مريم!!
مريم: (وقف) سلام
محمد: سلاام رتاحيتي شوية
مريم: الحمد الله (بغات تسولو فين كنتي وعلاش مفيقتينيش وخافتو يضور فيها) نحط ليك لفطور
محمد: (جلس) علاش مزال مفطرتي
مريم: لا كنت نتسنااك
محمد: اجي امريم حداايا.. (بلعت ريقها ومشات جلسات حداه….)
وليد من حسن حظو لقا تاكسي ناقصينها جوج بلايص نيسان لتاوريرت خلصهم بجوج وجلس لقدام حيت كانت تاكسي من نوع قديم وفضل يمشي مرتاح ولا يبقى يتحاك مع شي مرا ولا راجل.. مسافة سااعات وصل لتاوريرت مشا لدارهم بغا يصوني على هند ولكن ردو لجيييبو طلع للدار مسخسخ لقا شيماء هابطة من سطح غير شافتو
شيماء: خووياااااا (عنقاااتو حتى هو بادلها ولكن ماشي بنفس حماسها بعدت من حداه) مجاتش معاك هند
وليد: وعلاش غتجي اجي بعدا هضرني معاها
هند: واه غير لبارح
وليد: اممم دخلي لداخل ولا عرفتي اجي نطلعو لسطح
شيماء: (بلعت ريقها وتبعاتو طلعو لسطح وبقاو بجوج) نعام اخويا
وليد: بلا تزواق هاد جواج معاجبنااش
شيماء: هاا عرفتي بابا فرح بزاااف
وليد: مدخليش الشكلي فالعكلي انا ومك مباغيينش نتي واش بااغا
شيماء: (حنات راسها) اخويا انا مشفت منو غير الخير
وليد: وريني هاد الخير؟؟ انا نكون خاطب وحدة وحامق عليها نتسنى غير الوقت والمناسبة باش نشووفها
شيماء: كولي اخويا شنو كاين
وليد: أجلي هاد لاكط ماشي وقتو تبعي كلام مك راه عمرك مغتخيبي الا تبعتييه شوفي فين غتحطي رجليك اشيماء مك وخوك غيبغيو ليك غير الخير فكري مزياان وحد هنا مكايمن للي يولي بدخل فيك (جا هابط وهي غير مطرطقة عينها) ياله هبطي (تبعاتو هبطو للدار ملقاش مو)
شيماء: انا نمشي نعيط ليها غتكون هبطات عند مرت عمي (هبطت لقاتهم كيهضرو كاملين مع مريم ابيل فيديو طلات عليها كانت لابس حوايج لخروج اذا راهم كيتسرااو فراسها واش هدا محمد هو للي كيسااري ويمعشق ويدوز شهر العسل…) ماما راه وليد جا
نعيمة: (وقفت فلبلاصة) بالصح نمشي نوجد ليه غداا خليتكم على خير
فتيحة: ورجعي هبطي
نعيمة: واا نشووف (طلعو بجوج سلمت على وليد عرفات اخبار حناها ودارت معاها غير تكون حداها تصوني عليها باش تهضر معاها… دازت أيام مولاش تذكر موضوع شيماء وباها كيوجد فوراقها وتقدية ونعيمة فوقما شافت فبنتها كتنهد وهازة هم جباال)
شيماء: ماما دابا كفاش غناحل هادشي وبقا غير غدا
نعيمة: ياك نتي باغا تأجلي كاين شحال من حل
شيماء: ماما راه أنوار مزيان وكيعاملني زوين والله
نعيمة: ولو ابنتي ممرتاحاااش له… (شتفت تيليفونها كانت الكاملة.. زفرت واستغفرت الله) الو السلام علييكم
الكاملة: وعليكم السلام كدايرة لالة نعيمة لباس عليك
نعيمة: الحمد الله اختي لكاملة نتي مزيان لبنات ومالين الدار
الكاملة: كوولشي بيخير كراها كنتي ودراري؟؟
نعيمة: الحمد الله اختي يسول فيك الخير
الكاملة: اوا غير بغيت نعلمك راه مرت ولدي لوسطاني للي كانت حاملة ولدت صباح مع 5 دصبااح اوا رااكي عارفة انا للي مكبلاها الا جات على خاطركم نأجلو لمجية ليكم
نعيمة: (بفرحة) تبااااارك الله اوا على سلامتها مسكينة ومبروك علييكم بتربى فعزكم ان شاء الله
الكاملة: اميين وعكبال لولادنا ان شاء الله
نعيمة: امم ان شاء الله
الكاملة: اوا نخليك اختي نمشي نشوفها فصبيطار راه راجلي دابا يهضر مع راجلك سمحوونا
نعيمة: لا لا لااا بلعكس على سلامتها (قطعت وشافت فبنتها للي حتى هي كانت جاية باش تقولها نأجلو) صاافي مغيجيوش
شيماء: (تخلعت) علااااش؟؟؟
نعيمة: ولدت مرت ولدها اوا هي للي مقابلاها الله على رااحة
شيماء: فرحانة فية اماما
نعيمة: يا لهبيلة تبعي راايي راه مصالحش هي مصاالحش…
نعيمة: يا لهبييلة تبعي راايي واه مصالحلش هي مصالحش غتكرفسي تمااك وحتى وكان هو يبغييك مو مبغاتكش ابنتي ونتي غتعيشي مع مو راه من اللول حطووها فالطبلة لفريق ميمكنش شحال كدك ابنتي تخدي فدار كبيرة وفينا عائلة كبيرة
شيماء: (معمرها فكرت هكا) نكول لانوار يعزلي نسكن وحدي
نعيمة: واش كنكولك نهار اللول كالو مكاين فراق خوتو كبار ومخرجوش غيخليو لولد للي خدام مع باه يخرج ويعادييهم بلعقل ابنتي
شيماء: وها سناء مجوجة عندنا ونتي كتعامليها بحالي وكتر
نعيمة: حيت سناء من نهار اللول بغيتها تكون بحال بنتي متشرطت عليها مواالو خليتها منها لخووك أما عكوزتك راه حطات شرووطها قبل حتى منكولو ليهم قابلين على ولدكم
شيماء: أنا مكنحملش ديك مو
نعيمة: (شداها كتسايس معاها بلعقل) اوا بنتي اشمن جواج للي بادي واحد مكيحمل لاخر
شيماء: ولكن انو..
نعيمة: هانتي هوما دابا جات من عندهم هو وكان لاسق عليك وباغيك غيجيب ورااقو ويجي وحدو ميتسناش دارهم راه باك نهار بغا يتجوجني كان مات عمو مكملش 3 أيام جاب وراقو ومشينا لعدول
شيماء: (بحزن) ولاش جا خطبني وضيعني
نعيمة: كفاش ضيعك؟
شيماء: (تفافاات) خلاني نبغيه ونحلم بييه واش ساهل علية نسااه نمووت ومنساهش
نعيمة: امممم لا لا غتنساي عندك سيمانة شهر غتنسااي
شيماء: (بحزن) دابا واش صافي مبقيتش مخطوبة ليه
نعيمة: يااا بنتي الله يهديك مكتلكش فسخي هاد الخطوبة انا كلتليك صبري زيدي الوقت كملي بعدا هاد العاام فقراايتك
شيماء: بففف واخا اماما انا غندير بكلامك (ناضت مخلية نعيمة مرتااحة لقات خوها خارج من بيتو مشات كتعلق فيه) صافي اخويا انا اجلت داكشي حتى تبغي نتا
وليد: بالصح!!
شيماء: والله سول ماما كاع انا اصلا داك نهار قتانعت بهضرتك ومبقياش نجاوب انوار بزاف
وليد: امم اوا الله يرضي عليك هاكا نبغييك راه كلتلك تبعي كلامي وكلام مك وميكون غير الخير
شيماء: (تبسمت) اوا فوكاش تردني نقرا؟؟
وليد: من بعد… اصلا غنطلع لوجدة غدا ولا بعدو على حساب مجال زهير
شيماء: غيفتح المحال ديالو
وليد: (هز شرب كاس لما) اممم
شيماء: وحتى حنا يمكن يعرضونا ماشي يمكن غعرضونا عائلة أنوار حيت عندهم سبوع
وليد: مفخباريش
شيماء: انا كلت يمكن ونيت نطلع عندهم ونمشي عند امال
وليد: اوا منين ذكرتي امال جلسي (جلست مصطانعة لبرود) شنو مشكلتك معاها
شيماء: واالو اخويا هي للي من نهار تخطبت وهي قاالبة ها ماما ها كولشي سولو مبروك هي التالية مخرجتش من فمها
وليد: وهند؟
شيماء: لا انا وهند مزياانين غير هي كدير الخاطر لامال حيت يمكن بقا فيها الحال
وليد: أماال؟!!!
شيماء:معرفتش علاش مكتيقونيش راه انا للي ختك ماشي هي معرفت شنو كالت ليك
وليد: بجوجكم خوتاتي واخا هي مولداتهاش نعيمة راه حتى هي ختي هادي ديريها فبالك تانيا انا اصلا مجبدتش معاها هاد الموضوع ومزال غنسولها حتى هي ونسول حتى هند
شيماء: هه وعلاش حتى الا بغاو يبعدو مني يبعدو انا ممحتاجة حتى واحد
أنوار: ههه ومالي انا باغي نصالحكم انا باغي نعرف شنو كاين.. (ناض مخليها متبعااه وهي غير كتنكر بكلام ممفهومش ناضت ومشات لبيتها تصوني على أنوار تفهم منو منساتش كلام مها وكان كان باغيك غيجيب وراقو ويعقد…)
هند: (من بعد مدابزة طويلة مع مها) مفهمتش نتي غتسافري وختك غترجع لمدينتها ومي لالة غتبقى بوحدها علاش متجلسش عندي تبدل الحو شوية
أم هند: من نهار ولدتك وانا معذبة معاك اهند حنا نقولو شرق ونتي تقولي لا غرب بووحدك اهند بوووحدك للي دايرة هكااا
هند: اوا شتي…
أم هند: شفت هداك وليد مجااش بخطبك
هند: ومالي متقلة علييك (جات خارجة مشات عند الجدة للي كتهضر مع أمال) نمشيييو
أم هند: (خرجت ومشات سلمات على مها) انا غندوز عندك لوجدة قبل منمشي
هند: وياله راه مكنبغيش نسوك فظلام (شافت مها طلعات حتى هي ممسوقاش تسلم عليها دوزااها عليها هاد السيمانة فمها غير واش ميجيش هداك يخطبك وشنو علاقتكم وكدا مرضاتها خرجت الحاجة جلسات اللور هي ولبنت للي كتعاونها فكولشي شربت كينة باش مدوخش وامال جلست حداها وشدو طريق فلوتورووت نيشان لوجدة ضارت هند لقات جداها نعسات مع لكينة للي كتشرب شافت فأمال للي شادة تيليفونها وكتخمم) صوني عليه
أمال: ها ها ها صوني نتي على وليد
هند: ههه ولاد لحرام كيعذبوونا عندو نمرتي وعندي نمرتو ومكيصونيش
أمال: وحتى زهير عندو نمرتي ونمرتو بقات عندي حيت شداتو بواط فوكال ومنصونيش
هند: اوا جبناها فك*** (وصلو بعد سااعات لوجدة كان بدا يظلام الحال) جعت بزااف
أمال: حتى انا
هند: مي لالة فقتي
الجدة: فقت ابنتي
هند: سميرة جاك الجوع
سميرة: شوية اختي
هند: هاحنا ندوزو لريسطو هنا (دازت حطاتهم وهي مشات تشوف الدار للي شافت تصاورها غير فلواتس عجباتها وكانت نقية كما وصاات وحتى لبلاصة كانت فالسونطر جابت الساروت وعطاتو التسبيق ولحقات عليهم خدات تاكوس وداتهم للدار نزلو شانطة ديال جداتهم ولمساعدة ديالهم وطلعوها كانت فلبروميير دخلو تماك كيشوفو فالدار للي ركزات على 4 دلبيوت) كجاتك الدار امي لالة
الجدة: زوينة ابنتي عقبال متكون عندك حتى نتي
هند: (تبسمت) اميين.. مهم انا وامال نمشيو نجيبو حوايجنا ولكتوبة ديالنا ونرجعو سميرة حبيبة هنا كاين كولشي بيتك راه تما (شيرات ليها كان حدا بيت جداها) هاحنا منتعطلوش (مشاو ركبو وامال اول مرة جاية لوجدة وهاجبها الحاال متشوقة تشووف شخص رجع عندها عزيييز ولكن محااربة راسها باش متقولش انها طاحت فيه)
هند: الجو غزاال بدا يدفا الحال
أمال: مزال طيح شتا واخا دخلنا فربيع
هند: مهم قرب يسخن الحال توحشت شي تبحييرة (وصلو لسيتي حيت كان قريب دخلو نيشان لشومبر بداو كيجمعو لحوايج وامال طاحت فديك لميكة فين جمعات حوايج ديك الليلة)
هند: مالكي
أمال: هادو هوما لحوايج ديال داك نهار
هند: (حطت لكتوبة ومشات حنات على ركابيها بغات تجبدهم ومنعاتها امال) عادي اصااحبتي (جبدات داكشي من لميكا وركزت فسليب للي مكان فيه واالو فقط كومبريس لاسقة تمااك شافت غلكولون هو للي فيه نقاطي ديال الدم مفهمتش نورمال سليب ولا لكومبريس للي يكون فيهم شافت فامال) سليب مفييه واالو اصااحبتي
أمال: معرفت داك نهار مشفتش
هند: واش نتي هبيلة كان خاصك تشوفي وتحيحي ماشي تسكتي وتجي تبكي ها هو لعب ليك على اعصاابك ومداار واالو وحتى الدم غيكون كذب فييه بغا ولد الق*** يلعب علييك
أمال: (بكره) عمرني نسمحلو (ناضت هند مكرهة حتى هي جمعو دوزانهم وخرجو من تمااك) حم هند
هند: (بحال حسات بيها) ندوزو من محال زهير!!!!
أمال: ها زعما ميعييقش
هند: ههه سييير على الله
فتيحة: (جاتها عجب كملت سيمانة وولوها ومرتو مزال مباانو وكل مرة تسولو وقتاش تجي يقولها مزال مزاال من بعد مقطعت مع الكاملة للي صونات وعرضاتها غنست ليزار ديالها وطلعت عند نعيمة لقاتها فبيتها كتجمع حوايجها هي وبنتها) ها وااحد السلاام
نعيمة: دخلي افتييحة (خرجت عينيها فشيماء) تعاودي تسوليها على ولدها ندبح والديك (دخلت عليهم فتيحة) امدا غتمشي؟
فتيحة: والله معرفت حتى يجي سي مصطفى ونشووف
نعيمة: ياله تكلعي لقنط شوية
فتيحة: وكالةلكش على لكاغيط
نعيمة: اختي حسن ماشي داابا حتى يقرب العرس راكي عارفة باها وخوتها معندهمش مع قوة دخول ولخرووج وعاود راجلها الا كالها اجي ولا ياله معايا واش غنحايدوهالو حسن حتى يقرب عرسهم ويديرو الكاغيط
شيماء: واه داكسي للي كلت ليهم واصلا مزال ممزروبة على شي جوااج
فتيحة: آلييكي ضيعيه راه على مزينو وبرزقو وحتى العائلة على مزيناتها
شيماء: اوا يكون خير شوف ربي واش دايرلي فيه الخير من ديما كندعي للي معندي فيه خير ربي كيهنيني منو
نعيمة: (خنزرت فبنتها حيت عارفة الهضرة علامن ماشية.. أما فتيحة بقات تمصمص الحامض بشنايفها وعارفة ولدها للي كان لاسق فيها) اوا نوضي هضري معاه باش صباح نشدو طرييق
فتيحة: اواا نووض (ناضت لقات سنااء داخلة) بنتي مزال مكاين شي حاجة
سناء: (باحراج) ها لا مزال اخالتي
فتيحة: معليش ابنتي راك مزالة صغيرة حتى رجع ونوريك سمو ظيري باش تهزي.. (هبطت لتحت لقات علي دخل) ولدي دوزلي خووك شتو مشا وعجبااتو لجلسة تمااك
علي: (دوزلها النمرة) الو هاك مي
محمد: الوو
فتيحة: اوليدي واش مزال مترجع للدار؟؟
محمد: مزاال
فتيحة: وعلاه
محمد: عجباتني الجلسة هنا
فتيحة: هااء وخدمتك وشغلك وحنا؟؟؟
محمد: امي نهار رجع غرجع داابا باغي نريح راسي هاكا مريم (عطاها التيليفون) انا نخرج نكمي ونجي
مريم: واخ (حطات التيليفون فودنها) ألو هالتي
فتيحة: مريم واش معوالينش تجيو؟؟
مريم: (معرفت متقول) معرفتش اخالتي
فتيحة: وشكون يعرف أنا ياك دابا محمد حاط الرااس علييك
مريم: والله اخالتي فتيحة معارفة شي حاجة انا براسي كنخاف نسولو يضور فية وهو مكالي وااالو
فتيحة: اوا لسكي فييه ترجعو وااه سيمانة راكم كملتووها
مريم: واخا خالتي (سمعت طيط طيط بقا فيها الحال هي شنو بيدها ديير بقات شادة التيليفون وكتشوف ها هو محلول ومكاينش لكود ياله بغات دخل بلاصة ميساجات وهي خرجاات عارفة ومتأكظة غتلقى شي حاجة غتنغس علييها وهي مبغااتش تجسس من مورااه الا كانت شي حاجة هو يقوولها ومكتبغيش حتى تفكر ففكرة أن محمد مزال كيفكر فشيمااء.. أما محمد طلع كيحرك عنقو وكيطرطقو وصل لقا مريم حاطة التيليفون وجالسة غير دخل وقفت مفافية) مالكي؟
مريم: ها والو
محمد: لبسي حوابجك نخرجو
مريم: داابا؟؟ (شافت فالساعة كانت 10) مشا الحال
محمد: مباغاش تخرجي؟؟؟
مريم: لا لا نخرج (مشات كتجري لبيت فرحانة من نهار جاو خرجو شي جوج مرات خرجت عندو) ممشاش الحال
محمد: وبمشي راك خارجة مع راجلك واش ديما غنبقى نفكرك بيها امريم حضري عقلك معايا ابنتي
مريم: ههه واخا… (خرجو لبرا كانت الدنيا مزالة عامرة) ياااه الناس مزالين
محمد: هكا بروكسيل مكتخوااش
مريم: (بفرحة بقات كتمنظر ديما كتخرج غير فصباح أول مرة كتكتاشف العالم الليلي دازو من واحد سويقة عامرة دخلو فوسطها كانت خيالية بضوااو بلايص لماكلة ولحوايج بقات كتمنضر شافت ديباردور بشورطو شكل زويين وقلبت وجهها)
محمد: (كان حاضيها) عجبك خودييه
مريم: (باحراج) لا لا
محمد: اجي انا للي عاجبني نبقى نشوفك بحال هاكا نساي دوك شراوط لي كتبقاي لابسالي فالدار….
هند: (وصلو للشاريع للي فيه محال زهير) راه غيعرفنا بهاد الطموبيل
أمال: بالصح (مع ضربو الدورة لقاو المحال مسدود شافت فهند) مسدوود
هند: ههه بقيتي فية الصااطة (دازو بشوية كانت الطموبيل للي كيكون فيها وضواو مشعولين لداخل) غيكون لداخل
أمال: صافي صافي ياله نمش (جات عينها فأنوار للي كان ياله طالع يركب فطموبيلتو بقا متبعها وهي قلبت وجها) يخخخ ياله نمشييو
هند: مالكي (شافت لقات أنوار عوجت فمها وتمو ماشيين أما هو طلع ركب فطموبيلتتو وتبعهم كيسني الضو فيها وكيكلاكصووني) ماال هاد لحماار عااود
أمال: (بخوف) اش بغا عااود
هند: (وقفت وهو جا قدامهم)
أمال: زيدي اهند نمشييو
هند: بلاتي نشوفو هاد لحمار (هبط ووصل حدااهم) ياااك لباس قلبنا نتا حسن
أنوار: جاية كتقلبي على زهير دابا عاد فهمت منين كلتيلي واحد خدام برا وممسوقلكش
هند: دابا موقفني باش تقولي هاد الهضرة البابخة للي بحالك
أنوار: (شاف فأمال للي عاقدة حواجبها) باغيين دورو بصحااب
أمال: (بلا متحس) وسيير فحالك وبعدنا
أنوار: حل ليك لفم امال
أمال: وماالي غنخااف منك
أنوار: فبلاصتك نخااف ولا ياكما كتنسااي شنو وقع
هند: ههه والله حتى كتبقى فية كذبتي كذبة وتيقتييها بنيتك داير داك لبلان وحاسب رااسك رااجل وزعما هاني تقبتك ضوماج مجلتش معايا سرتافييكا سيير راك غدير الظحك فرااسك
أمال: حسابلو انا وحدة مكلخة دابا نجيبعا ولوحها على وجهك (غير جيب يا فم وقول)
أنوار: (محتافظ بابتسامة مستفزة) للي عندو شي تقبة وحدة الله يسدها علييه مالي بهلوول باش نمشي لبلاصة المشاكل لق*** راه معروف منين كيشدووهم للي بحالي
أمال: اييه حيت الخرا كيقلب غير على بلاصة لخرا.. زيدي اهند زييدي معرف فين كان عقلي نهار اللول
هند: ههه غتاصباااتك الصااط وسيير شلل مع راسك ومتقولها لحد ههه (ديماارات وهي كظحك وأمال قالبة وجهها خلاوه غير كيشوووف.. شافت فأمال لقاتها في حالة صدمة) عطيتي لكلب علاش يدوور
أمال: عنداك يكون داارها بالصح
هند: ههه اوييلي عليك حتى كنقول درتي عقلك
أمال: وراني معرفااش اهند
هند: شتي ديك المنطقة للي اللور اه تينزل الدم منها حيت كيكون بحال واحد لاستيك للي كيخلينا متحكمين فكاكا ديالنا منين كيتفورصا عليه تيتقطع وكيسيل الدم وتماك واخا يكون داير ليك لبنج غتحسي بلحريق ومتي واش حسيتي بشي حريق تمااك
أمال: لا
هند: معرفت لز****بوه لاش كيخلعك هااكا واش حاسبك كابرة تحت حجرة ولا شنو
أمال: الله باخد فييه الحق
هند: اتلقاايه معرااكش اصلا هو من اللول غراضو يخلعك
أمال: مصااب شمااتة والله وكنت نععرف نسك حتى ندووز فيه
هند: حتى هدا ضيعي حيااتك علييه
أمال: الشفاار لاخر تفوو رجعي نعايرو بعدا على شفاارة
هند: ههه خليها مرة اخرى باش منعطيوهش كولشي دقة وحدة هههه هاكا نبغيييك تبقاي تعطييه
أمال: يخخ الله بعطيني لعمى مبقيتش نحمل الشوفة فيه معرفت شنو عجبني فيه نخار اللول
هند: معلييش كتوقع.. (مشاو جابو شي تقدية خفييفة وتقاوت ديالهم باش كيسهرو ومشاو للدار تعشاو فجو الظحك ومشات جداها ولمساعدة ينعسو وامال وهند بقات محشيين فسداري واحد مغطيين بمانطة وطالقين فلبسي فيلم وكياكلو… صونا تيليفونها هزاتو كان وليد ناصت قلبت شيبس للي كانت تمااك)
أمال: أحاااي بشوييي
هند: (خلاتو حتى طول وهي تجاوب) ألو…
وليد: معولاش تجاوبي
هند: امم نو غير مسمعتوش
وليد: اممم وصلتو؟؟
هند: باش عرفتي جينا؟؟
وليد: (كان باها هضر معاه وفنفس لوقت ترجاه باش يرد لبال ليها وجداها حيت عزيزة عندو بزااف) عرفت وصاافي
هند: اممم متبعني
وليد: وعلاش غنتبعك
هند: اووف منك اوليد
وليد: (طرطق عينو) يااك الالة
هند: ونتا معييتيش من هاد لقميع دياالك
وليد: انا هاكا
هند: مقلتش ليك تبدل ولكن… معرفت منقول ليك
وليد: مهم وصلتي مزياان؟
هند: مزيان
وليد: من بعد وغتحاسبو على هاد اووف (سمع طيط طيط عرفها قطعات من صوتها فاللول كان حماسي ودابا قطعت هو عارفها طايحة فيه ولكن راه غضباان دير حساب هادشي) وݣلبي علية انا كولشي (معطاهاش خااطرو صيفط ليها ميساج) وغنتفاهم معاك حتى هاد لقطيع اشنيولة (صيفطو وهو مراضيش) امم زعما شنيولة راه كندلعها بفففف (بقا كيتسنى زهير للي هبط من لفوق مسخسخ شاف فلمحال كان مزوق وكيستاعد لافتتاحية) ياله نمشيو راه عيينا
زهير: صبر اصااحبي ونتا بحال لولية من صباح ونتا فارعلي *** راه ݣاع عيينا
وليد: اييه ابا زهير من صباح وانا معلݣ ودابا رجعت ولية
زهير: (متوتر وخايف مينجحلوش هادشي) اوا صبر
وليد: هاحنا
زهير: (كيقاد شي حاجة فاالضو) ديك بنت عمك مزال مترجعش تقرا
وليد: (ياله بغا يكولو جاو وهو يضرب الطم انتقاما منو) موحال
زهير: (زاد غوبش) اااحح بقاولي دوك لكاسرونات فراسي
وليد: ههههه (كيفوج علييه سمع الدقان مشا حل كان أنوار للي جاب ليهم لعشا رجعت الابتسامة باردة) يحفظظظك
أنوار: هانية (دخل وداكشي للي قالتلو أمال مبردش معطاتوش وقت يستوعب واش ديك لمنونخة لمكلخة للي مكتهزش الراس هي للي قالتلو داك لكلام وزاد عليه وليد منين كيشوفو كيكرهو..)
أنوار: مزاال مطول ازهير
زهير: لا علاش
أنوار: اوا نمشي أنا راه الدار عامرة راك عارف منين كتكون شي مناسبة الداخل والخارج كيقوى
زهير: صافي غير سير باقي عندي شي شغل هنا
أنوار: خاي وليد نوصلك معايا تمشي ترتاح الا بقيت مع هاد خينا غيسخسخك
وليد: هانية خااي نعاونو زهير للي محتاج دابا لعويين
أنوار: واش محتاج شي حاجة نجلس نعاون
زهير: لا لا غير سير كابل الناس انا ووليد نساليو ونجيو (هبط حدا وليد عرا كانت دجاجة محمرة مزوقة جلسو كياكلو) توسخ شي حاجة تشريها اخاي وليد
وليد: هههه خرجني اخويا برا وعطيني شوي بربع خبييز
زهير: (قوس عينو) ودااكشي فاش لݣيتني نفكر
وليد: هههه دابا صافي بعد غدا مور لعصر
زهير: ان شااااء الله خاص كولشي يكون وااجد أكترية منين غيجيو دوك النااس
وليد: صرااحة مزياانة باش تزيد تشهر خاص غير شي بوفي كما كالت هند
زهير: واه غدا غنشوف تريتور للي موراايا
وليد: والله حتى متشوق وحتى دراري للي غيبداو معاك كيبانو فااهمين فلحرفة
زهير: وداكشي باش جبتهم على ميكتار الخدمة ونزيد شي واحد
وليد: زيد بنت (ظحكاتو ردة فعل ديالو للي دارها فوجهو)
زهير: كمل كمل ديك اللقمة ونووض تكمل كاالك بنت حفاتلي مالكيت مندير نجيب بنت زعما باش تجيب لكلياان عقلية دلويل
وليد: واا راه غير مطوب هه
زهير: كااالك بنت بحالا مالݣييت منديير نوض نجيب مصيبة لعندي تحسبلي على رݣبتي
وليد: واااا صاحبي غير ظاحكين
زهير: اممم (بقا كينكر ووليد كيضحك حتى كملو جمعو داكشي ورجعو لخدمتهم….)
أصبحنا وأصبح الملك لله
مريم: (ممتيقاش لبارح شنو وقع داك لبوسان للي زرب عليها معرفاتش حتى تشد الريتم معااه حدها حلات فمها واستسلماات لييه تعدمت ولكن مقدرتش تمنعو فشنو كيدير حيت كانت عايشة معااه وحبها ليه خلاها تزيد تطلع درجااات شكلها فيديييه بحال شي عجيينة وبكترة معيااها نعساات كااو عريااانة تسلتاات كتجمع حوايجها لي فظلام مباينينش مع حوايجو وخرجات برا كان الحال داافي لقات جايبة سليبها وشورط من للي شرالها وتيشورت ديالو للي جاها قد الشورط مقدتش تعاود ترجع عندو خافتو يفيق مشات للحماام شافت فلمرليا وشعرها لمطلوق مسبسب طويل فلمارو ورطب دارتو من ودنيها وبانتلعا شي طبيعات خفاف فلحمر فعنقها قاستهم مكاينش حريق بقات كتحسسهم والو معرفتش بالظبط شنو ولكن لبارح من تمااك كان كيخلي عينيها يتشقلبو بلا متحس قضات روتيينها غسلت سنانها دارت كلوص وخرجت نيشان للكوزينة قدات فطور حيت كان تقدا ليها.. دخل عليها لابس غير شورط كيشوف فيها وشحال جاتو حلوة بداك التيشوورت ولبارح كان أول مرة ينعس معاها هكاك وعاجبو لحاال هو براسو اول مرة يعييش هادشي قرب لحدااها)
محمد: مريم…
مريم: (ضارت عندو سافتو ودغيا هربات وجهها) حم فقتي انا نوج (جرها معاه مخلهااش حتى تكمل) نطفي غير على لبوطا نطفي على لبوطة (جرها لفوق لفوتووي مكمل شنو بدا لبارح….)
~~~~~~~~~~~~
هند: واخا الحاجة انا نشاور مي لالة ونرجع نصوني
الحاجة: دوزيهالي ابنتي يانا نهضر معاها
هند: واخا الحاجة (مشات عند جداها) مي لالة الحاجة مت زهير بغاتك (خلات ليها التيليفون كتعرض فيها ومشات عند أمال للي كتلبس حوايجها)
هند: الحاجة كتعرضنا نمشيو غدا عندها
أمال: لا لا ماما غتجي اختي هاد الأيام راكي عارفة خفتها تشوهني معاها
هند: اممم اوا شنو بان ليك نديرو
أمال: صافي سيري نتي مع جداك انا رجع للحي مبغيتش نبقى نبان لماما بزاف بحال والو تكول نرجع معاها وراكي عارفة بابا وخويا علي تجيهم على لكانة
هند: بالصح حسن غبري عليها عرفتي شنو الحاجة غنهضر معاها نكولها من بعد وندوزو عندك ومي لالة هي وسميرة نديهم نهار سبوع يفوجو (جابت ليها جداها التيليفون) شنو قالتلك امي لالة
الجدة: رحبات بية مسكينة شحال درويشة هاد السيدة
هند: بزاااااف ومزال تعرفيها
الجدة: لا لا بااينة بنت الأصل قلتلها من بعد ونرد عليييك
هند: اوا حنا نمشييو لقرايتنا
الجدة: الله يرضي عليكم ابنيااتي تهلاو فراسكم (باسوها وخرجو أمال وصلاتنا لفااك تجيب بوليكوبات باش تبدا تلخصهم ومن تماك دازت للمعهد وهند مشات نيشان للمعهد ديالها باش توجد سوتنونص)
~~~~~~~~~~~
زهير: (تفااجأ بأمال للي كاينة هنا) اممم كوليلي جاات
الحاجة: ههه ومبغيتهاش تجي
زهير: ياو مكرهتهااش دابا لكاها معااك (زففر) رااسها قااسح
الحاجة: ههه هاديك مربية
زهير: (تبسم) مربية والله يرحم من ربااها مكلناش العكس اوا نروح أنا ندوز نشوف واش خاصهم شي حاجة
الحاجة: صبر نمشي معاك حتى انا
زهير: عنداك تعيي راسك راني عارفك متهناي حتى تجيبي الليل فصبيطار
الحاجة: ههه لا لا راه كاين لعوين تبارك الله… (شافت وليد كيتسنى) ولدي كيف صبحي
وليد: وا مسخسخ الحاجة (باسلها راسها) ولدك حرث علية مزياان
زهير: لعسااك راه كيتخلص 70 درهم فنهار
وليد: ههه وبااااز زيد زيد (ودعو الحاجة ومشاو نيشان للخدمة…)
فتيحة: (من بعد مدوزات أبيل فيديو مع بنتها بانتلها ومع فيلتر ديال لواتس زاد زينها كتر بقات دقيقة ساكتة كتشوف فوجه بنتها) اش طليتي لديك لكمارة وليتي ديري فلمكياج
أمال: (فنفسها بفف ها هي بدات عاود) حم سلام ماما لا مدايرة والو
فتيحة: امم (طانزة) سبحان الله عاد غنعرفك هاد نهار
أمال: (بالصح مكانت دايرة والو ولكن عاد خارجة هي وهند من بعد سوان لوجه دايزة لكلام.. شافتها دايرة درتها) حم راكم جايين؟؟
فتيحة: مزال حتى لغدا
أمال: ااه دابا خارجة
فتيحة: شوفي سيري شريلي بحال داك الصباط للي جبتي داك نهار
أمال: واخا
فتيحة: وشوفي شي كاب زوين
أمال: واخا ماما
فتيحة: عنداك تجيبيلي شي واحد خاايب
أمال: لا لا نجيبلك زوين واش فلبيض ولا لكحل
فتيحة: كحل
أمال: واخا ماما (قطعت عليها بقات غير وااقفة وكان ماشي محمد للي عطاها فلوس منين كانت غتجيبهم ليها ومكاينة حتى واش لباس ولا تسول عليها مشات حداف هند لقاتها مخلصة عليها شكرااتها أمال رجعات لفااك وهند مشات عند جداها.. دخلات قرات جوج سوايع وسولات لبنات للي كانت مخلية معاهم علاقة زوينة عكس شيماء للي عندها مع دراري كتر وخاص غير للي يمدح فيها عطاوها حتى شي تلخيصات مفهومين طبعات عليهم وخرجت فرحاانة دارت مع هند متجيس بغات تشد تاكسي عطاتها لادريس مع خرجات بانلها أنوار واقف حدا طموبيلتو قلبها ضرب ودارت راسها مشافتوش بقات كتسنى تاكسي حتى وقف عليه شافت فيه)
أنوار: اجي معايا
أمال: سيير بعدني فين كنعرفك
أنوار: كلت ليك اج (بغا يشدها من يديها وهي تنتر ووقفات حداها كتشووف فيه بكره)
أمال: بعد مني ولا والله حتى نغوت شنو مزال بااغي مرضتيني فحياااتي وسرقتيلي فلووسي شنو بقا
أنوار: بلعي وزييدي كداامي
أمال: والله هاد لمرة منخرجك من لحبس ولا نسمح ليك وفينما بغات تصدق تصدق
أنوار: (تبسم باستفزاز) حيت ضمنتي داك لكامبو فصفك
أمال: وااه ودابا بعععد مني ودوك لفلووس ربح بييهم ياا ربي غير تبعدني
أنوار: حارقينك فلوس وبراسك غير سارقااهم
أمال: سرقاهم مسرقاهمش ماشي شغلك المهم هو نتا كتشفر فلووس من بنت شووهة والله طيحتي براسك لهاد الدرجة (بغا يطرشها وشد رااسو)
أنوار: انا نوريك الق*** هاد تفرعيين
أمال: للي فجهدك دييرو ديك أمال الخوافة مكاينش للي خلاها هاكا من غيرك واخر مرة تعاود تجي عندي هنا ولا هاد لمرة رجال للي غيتبلاو بييك (زادت مخلياه غير مطرطق عينو اصلا من لبارح مبرداتش ليه شنو قالت ودابا كملات لباهية شدات تاكسي ومشات لسيتي خايفة يكون تبعها ويجي يضربها ولا يدير ليها الشوهة خاافت ولكن بقات تقوي راسها غير بيدها دخلت وقلبها كيزدح بقات فالجردة جالسة حتى بانتلها شيماء ومها ونعيمة داخلين وقفت مصدومة ياك عاد مها قالتلها حتى لغدا وتجي)
نعيمة: هاا هي أمال
شيماء: اممم حسابلي لقاوها خارجة اخالتي فتيحة
نعيمة: (مدات مجابت فكلامهم مشات سلمات عليها وأمال مزال مصدومة سلمات على مها ودازت لشيماء للي تعطاو غير لحنك)
امال: عاد كبيل كلتيلي غتجيو حتى لصباح
فتيحة: اوا شفتي لحنينة باش تفرح راني جيت
نعيمة: ونتي كلتيلها غتجي حتى لصباح؟؟
شيماء: اوا نطلع نهز حوايجي ونجي أماال ياله تمشي تباتي معانا لهييه عند الحااااااجججة
امال: خالتي نعيمة مجاتش سناء معاكم (مشات شيماء كتعوج حيت مجوباتهاش أمال أما فتيحة بقات كتبركك مزيان فوجه بنتها معرفاتو مكياج ولا وجهها رجع هكاك حتى من لباس كانت لابسة زوين) ياله طلعو
نعيمة: لا بنتي راهم يتسناونا برا وراكي عارفة 10 فعقل
أمال: ههه
فتيحة: مشريتيش داكشي للي كلت ليك
امال: كنت قارية اماما ياله للقيتيني دخلت داابا (من جهة حمدت الله على لكلب للي تعرضلها وخلاها تفكر تجي لسيتي أما اليوم كانت غترجعها بفضيحة….)
يتبع
شاركنا رأيك في هذا الفصل 🌹