محمد دخل رشيد لبيت لفيه نيت صلاح و سي براهيم سلم عليه وجلس
سي براهيم: مرحبا بيك شنو حب الخاطر
رشيد: صراحة اسيدي سمعتكم وصلا ونتوما مالين دار الكبيرة وانا جايا طالب راغب في يد بنتك الا كتاب
صلاح هز فيه عينه اما سي براهيم تبسم ونطق
سي براهيم: وفين شفتي بنتنا
رشيد: تتقرا عندي في ليسطا
رجاء سمعاتو تيهضر وجات تتجري عندهم قالت لختها سناء راه خطاب جاو فيك هي قلبها تزير مبغاتش ناضو كلهم تيطلو مع البيت لجالسين فيه شرجمو تيطل على صالون حط تما وذنيهم تيتصنتو اما لينى هزات اتاي داخلا بيه عندهم
سي براهيم: تتقصد سناء هي لتتقرا باتسري تما
رشيد: (شاف في لبنى لجايا) لا تنقصد لالة البنات لبنى
وهز عينو فيها وضحك
وحد رجاء واميمة تجمعات عليهم الصدمة مع الضحكة مني شافو السمية صافي دماغهم وقف اما لبنى لكانت تتصرف برود عرفات البلان عليها
صلاح كان هاز واحد كاس اتاي زف بيه مع الارض وشنق على رشيد
صلاح: واش تتفلا على مي ولا شنو
واحد رشيد ما فهم والو هز عينه وتيحاول يحيد ليه يديه
رشيد: مفهمتش اش تتعني
صلاح: واجي نوريك اش تنعني
شنقك عليه وخلط ليه وجه مع راس وتيقبس برجليه ومحمد تيفك وسي براهيم ولكن والو منفكاش
لبنى جات تفك دار فيها ونطق
صلاح: طلعي لداركم نتي طلعي
صلاح: هاذي لجاي تخطب راه مرتي اسيدي
رشيد تصدم وبقا هي واقف تيستوعب
صلاح: خرج دور تسعين داب ولا ما يعجبك حال وديك ليسطا تاع الخرى غذا نفرتكها على مك باش تعلم تجي تهضر على عيالات الرجال
رشيد خارج ورجليه تتضرو وفمو ورم ليه اما صلاح نفض راسو من خوه وطلع تابع لبنى ..
صلاح طالع و دخاخن تتخرج ليه من وذنيه ووجهو حمار ليه بالاعصاب طلع عندها لقاها وقفا تتسنا فيه وباينة فيها الخلعة هي هي راه دافعا الجبهة نيت
توجه جهتها وكرز ليها على يديها بالاعصاب ونطق
صلاح: واش انا صيفت مك تقاري ولا تزللي ليا مع الزلال
لبنى: طلق مني قصحتني وكنت تنقرا ماشي تنلعب
وهو طلقها ونطق
صلاح: من اينتا وهاد الفيلم واقع
لبنى:(سرطات ريقها) هو صراحة ان ااا
صلاح: وسربيني ولا نخلطك هنا نيت
ابنى: هو ديك مرة هضر معيا ولكن انا معيطتوش وجه داكشي باش
هو هز ليها يديها لفيها الخاتم ونطق
صلاح: وهذا الخاتم ما بانش لعمى لولدو وشتي ديك المدرسة مبقيتش غذا ليها وعرفتي شنو نتي هذا الدار مبقاش تخرجي منها
لبنى :(شدات فيه) صلاح ميمكنش دير ليا هك انا ما ذنبي والو مغلطت في والو
صلاح: ذنبك نهار لول تجي عندي تقولها ليا باش ريب عليه ديك المدرسة
لينى: مكنتش بغا صداع اصلاح
صلاح: صداع هو لناض داب
هي جراتو قبل ميخرج و قربات فمها منو وباستو وانغمسات نيت هو استجب ليها ودخلو في قبلة نيت توقفات تتنهج منها
لبنى:(حاذرة عينيها) مغاذيش تخرجني من المدرسة ياك
هو قرب منها ونطق
صلاح: هاذيك خاصها رشوة كثر من هاذي
وشدها لاحها على كتافو ودخل لبيت النعاس
عند لا هنية كانت جالسة وتتولو وتتشوف في رجاء واميمة لمشا منهم اللون اما تا سناء راه في بيتها تتضحك
لاهنية: لا لا بززاف هادشي لتيوقع واش هي مشات تقرا ولا تجيب لينا زلالة باينة الدعوة مخلطة مع هاذ خيتي
شربات من كأس الماء لحدها
يعلم الله لاش تتخطط وجهها وقلباتو انا مبقيتش نثيق فيها دوز تجلس معرفت واش محبة ولا سحور لديرها لولدي مسكين مبقا يشوف من غيرها الله يغبر كل ظالم
سناء جايا تتضحك شافت في مها ونطقات
سناء: عمرني شفت شي مرأة تتخطب من راجلها
لاهنية: احياني على ذيك اللفعة باقي نتسنا منها ما كثر وكثر
سناء: يهديك الله امي راه منواتهاش وتا سي رشيد ضريف هي غلط
لاهنية: هم البلا
سناء خلات مها وخرجات غاذية ليسطا وقتها هاذي جمعات شعرها وخرجات ..
رجاء مشات مع اميمة لدارها وجلسو في بيت النعاس شدات اميمة المخدة وحطتها حد فمها وتتغوات بالعصاب وتنهج وتعود تاني ديرها على فمها تتفقص وتخنق وتحيدها
اميمة: ومعندش مي زهر انا وداب ديك الفاخرة جاها داك الزين كلو واش يتقبلها العقل هاذي
رجاء: معرفت اختي كي دارت ليها
اميمة: زعما تكون تتلعب من ورى خوك
رجاء: هو الحق يتقال لبنى ماشي هكك
امينة: تفقصات تقولي ديك المحبة درتها ليها هي وصلاح ماشي ليا
رجاء: متقلقيش غذا موعدنا مع سيد وغذا الضربة لتخليك هي نتي لفي قلبو
اميمة: شتي كي تعصب شتي كي كان غاذي يقتل سيد خاصو يرجع ليا عمرو يكون ليها
رجاء: وهي صبري مبقا والو لغذا
اميمة:(شدات كرشها) غاذي نصبر غاذي نزيد نصبر
طاحت العشية وسناء راجعا في حالها من ليسطا نيت وبدر ياله جاي وقفها وسط طريق ونطق
بدر: سناء واخا نهضر معك
سناء: واش متتفهمش مبغيتش نهضر عطيني تيقار
بدر: واخا خلينا غاذيين وتنهضرو
سناء: فففف شنو بغيتي
بدر: انا صراحة من نهار شفتك وانا تنحلم بيك لدرجة تتباني ليا في سطل تاع الحمام
سناء: لا نتا حمق
بدر: انا ناويك الحلال عارف باله انا ماشي قدي قدكم ومغاذيش نعيشك كي كنت في دار باك ولكن طلبي رزقك ممكن نعيشو حسن الرزق عند مولنا
سناء: وباش غاذي تحل هذا الحلال لبغيتي
بدر: انا خدام في جوج خدمات باش نجيب ليك احسن دفوع فيك يا مراكش وباقي نقلب على خدمة حسن هي صبري معيا ابنت الناس اه انا على قد الحال وعندي passe خاسر وبجهد ولكن لنوعدك بيه عمرني نبكيك ولا نقص منك ولا نخلي فراشك تعمرو واحدة خرة انا تنعتبرك مسؤوليتي وانني من واجب عليا نخاف عليك ان انا السند تاعك عارف هضرتي متجيكش هي هاذيك حيث نتي تبارك الله من ناس لمتعلمين وانا حبست صغير ولكن خليك نتي الستيلو ليعلمني الكلام والا معجبكش قريني الكلام ليعجبك والا شي حاجة فيا محملتهاش انا نبدلها انا طالب راضك قبل من رضى والديك وتنوعدك غاذي نتحارب على وذك تا لخر
هي تتصنت لكلامو صراحة عجبها ولكن مبينتش سكتت وبقات غاذية وهو غاذي معها توصلها وتبسم ليها قبل مطلع وهو فرحان ..
الى هنا تسالات سهرتنا تصبحو على خير بززاف تاع الحب موعدنا غذا انشاء الله في نفس الموعد
جالس في الكنبيت وهي جالسة في حجرو تيهضرو ويضحكو وتيبوس ليها في خذها وتينطق
صلاح: غاذي نبدلك من ذاك السونطر
لبنى:(هزات فيه عينيها ونطقات) علاش هي خليني انا مرتاحة تما
صلاح:(خسر ملامحو) عجبك الحال مع هذاك ولا شنو
لبنى: نبدل الحصة من عندو
صلاح: لا هي خليك انا عارف اش ندير
لبنى: الله يحضر السلامة والصافي
صلاح: والواحد هو ليخاف على رزقو ولا شنو
لبنى: هههه واخا
جلس معها تالش من وقيتا ومن بعد هبط في حالو عند مو جمع ما باه شويا وهي تنطق لاهنية حده
لاهنية: صلاح ولدي شتك هذا الايام وليتي هي خيطي بيطي عند لبنى ونسيتي مرتك
صلاح: وراه لبنى مرتي ا مي
لاهنية: ولكن اميمة حاملة ومن فوق والديها الا شافو هذا المعاملة مغاذيش يخليوها تبقا
صلاح: ولبنى زعما معندهش لينجدها منا
لاهنية: ماشي داكشي لبنى تحت جناحنا ومعندها حد اميمة راه والديها كاينين في الحياة راه لا شافو هذا ظلم مغاذيش يعجبهم الحال
صلاح: اش من ظلم امي الظلم هو لدرنها لبنى شحال هاذي ديك الساعة محليتش ليا عينيا خليتني غاذي ولبنى انا باها ومها انا لمكلف بيها الا شي نهار غلطت في حقها انا لتتشكي ليا
لاهنية:دقة صحيحة هاذي عطاتك توليتي تتجاوب معيا هك
صلاح: تصبحي على خير امي نمشي نشوف مرتي كي قلتي
خالها وزاد غاذي كافر وكيشوف انها اخير حل عينيه على شحال من حاجة وانه لبنى تتعرض لتميز من طرف مو هادشي خاله يحقد كثر ..
دخل عند اميمة لقاها نيت جالسة تتعشا سلم عليها وجلس حدها ونطق
صلاح: مرتاحة مع ديك المرأة لتتجي
اميمة: حمد لله
صلاح: ياكما خاصك شي حاجة
اميمة: لا شكرا
صلاح: مالك تتجوبي هك كاين شي اشكال
اميمة: شوف نتا اش درتي
صلاح: شنو درت
اميمة: (وقفات وقلبات وجهها) نسيتني ونسيتي ولدك مبقتيش معتبرني كاينة واش انا هي نزوة في حياتك ولا شنو
صلاح: يهديك الله ا اميمة اش من نزوة راك مراتي وفرض عليا
اميمة: مبغيتش نكون فرض اصلاح مبغيتش بغيت نحس انك عاجبك تهلا فيا ماشي هي مسؤولية عليك
صلاح: داب هي رتاحي راك حاملة
اميمة:(تبسماات باستهزاء) متخافش ولدك لهز ليه الهم غاذي نولدو ليك
صلاح: يهديك الله اميمة ماشي هكك
اميمة: لا هكك انا عيت تنشوفك هملتني ولت زايدة ناقصة عندك وبارح خرجتي تالاش من وقيتا مع لبنى وانا لا فين خرجتو
صلاح: راني ماشي مشيت نلعب انا مشيت نقضي غارضي فهمتي
اميمة: ماشي مشكيل
تمشات شويا وهي تشد كرشها زعما فحالا تتضراها هو قفز حدها وشداها منها
صلاح: مالك اش واقع
اميمة:كرشي اصلاح تتضرني كرشي
صلاح هزها وداها بيت نعاس ووقف حدها ونطق
صلاح: باقي تتضرك انا نديك لسبيطار
اميمة: لا لا هي وقيلا حيث تعصبت داكشي باش
صلاح: وشنو داب
اميمة: والو هي غطينى بغيت نعس
صلاح:(قرب منها ونطق) متقلقيش ا اميمة على قبلك وعلى قبل الولد انا ندير ليك لبغيتي
اميمة:(عناقتو) متبقاش تعاملني فحال شي هواء متنبانش
صلاح:(تنهد) واخا
قربات منو وحلات ليه الزاير تاع القاميجة وبدات تتلمس فيه وهو معتراض واخا محاملش لبلان لكن حس انه مجبور او انها واجب لكن دار معها علاقة ..
اصبح الصباح والملك لله وحده لا شريك له
صلاح ولبنى واميمة غاذين لسونطر كلهم حطهم نيت باش يدخلو ومشا هو لجيها تاع الباب وقف وتيتسنى في شي حد شافو داخل ووقف عليه كي شي قباظ الارواح
رشيد: (هز فيه عينيه) اش باقي اخر باغي ديرو
صلاح: لا انا بديت باش نكمل من لخر انا غاذي نخليها تقرا عندك وتجي حصصها عادين ولكن تنحلف ليك الا قالت ليا انه هي عينيك شافت في عينيها غاذي ندمك فهمتي
رشيد: قلت ليك قبل راه هي غلطت
صلاح:(قاد قاميجتو وحط يديه على كتاف رشيد ونطق) وتا انا هي هضرت
خاله وزاد في حالو اما رشيد دخل والحصة كلو مهبط عينيه وتقول واش قرب جيهة تاع لبنى اما هي بقا فيها واخا هكك ولكن هك حسن نيت
في واحد طاكسي كبير كاينة رجاء واميمة بجوجهم لابسين العابايات والخيمار وشادين الطريق لمولاي براهيم(كاين في مراكش فيه الجمال )
وصلو لتما هبطو وتمشاو شويا توصلو لعندو في ديك الدار الرايبة ودخلو شدو النوبة توصلات ليهم الرقم
الفقيه: مرحبا مرحبا دخلو
رجاء: سي الفقيه لاباس عليك
الفقيه: حمد لله حمد لله ايو داكشي شد
اميمة: والو اسي الفقيه والو في لول كان شاد ومن بعد طار
الفقيه: قلتها ليك هو تيضرب جهدو في شهرين لول ومن بعد تيطير راجلك تيصلي
اميمة:اه
الفقيه:وضرتك
اميمة: تا هي
الفقيه: فهمت داب لخاصك ديريه راه صعيب لكن يولي في جيبك
اميمة: شنو
رجاء: اتنا
الفقيه: غاذي نديرو في لول واحد حاجة تا متصدقش و ديك ساعة نقول ليكم اش ديرو
رجاء: واخا
الفقيه: خرجو داب لبرى وجيبو ليا دجاجة حكلة
اميمة:فين لقاوها
الفقيه: اري الفلوس
عطوه الفلوس وعيط على واحد الولد مدزات ساعة جابها ليهم هز الفقيه دبحها قدمهم وهما مصدومين شد دمها رشو في واحد اللعيبة فحال المجمر ونطق
الفقيه:اري داكشي لقلت ليك
جبدات ليه اميمة واحد كلينكس ( تاع علاقتها مع صلاح) شدو هو وحرقو مع داك الدم وقال شي كلام وجبد شي سفوف وشد شي لعيبات من عندو مع الرجلين تاع الدجاجة و عطهم ليها ونطق
هاذو من تكونو خارجين دفنوهم في المقبرة
الفقيه: السفوف عطيهم ليه في الماكلة ونتي شربي منهم هي شويا
اميمة: واخا
رجاء: وانا الفقيه داكشي لوصتك في تليفون
جبد ليها شي حجاب عطها ليها وهي تتضحك دورو معه وخرجات رجاء هي لولة بقات هي اميمة قبل متخرج نطق الفقيه
الفقيه:الا مشدش فيه خاصك ترجعي لكن بحدك وضروري باش نديرو الكبيرة ولكن جمدي قلبك
خرجو هما وسولو على المقبرة تما تالقوها ودفنو داكشي فيها ا وتوجهو لطاكسي ..
رجاء واميمة رجعو في حالهم لدار نيت تاع اميمة حيدو دوك العابيات وجلسو
اميمة: حمد لله جينا بكري قبل ميجي صلاح
رجاء: باقي خويا ميجي داب تال عشية
اميمة: داب معاش نطيب ليه هاد
رجاء: طيبي غذا شي حاجة فيها دغميرا وخلطيه معها
اميمة: وعلاش ماشي ليوم(ضربات راسها بشويا) نسيت نوبة هاذيك
رجاء: ايه ههههه الحب عماك وخلا فيك زهايمر
اميمة: متشهيتوش ميبقاش يذكرها كاع
رجاء: انشاء الله ههههه
اميمة: اش قلتي نتي لخالتي باش تخليك تخرجي
رجاء: قلت ليها غاذي نمشي انا ويك نشريو شي قفطان
اميمة: بعد وجدتي شغلك لغاذي دي معك
رجاء: وسام مبقا ليه والو يكمل الواقع والحوايج راه مي غرقتني حوايج
اميمة: ومالك اصحبتي مبغيتي عرس حشومة عليك خلينا نشطو
رجاء: لا لا هي جليسة براكة عليا معنديش مع داكشي تاع لبس وعود لبس وتا وسام مبغاش العرس
اميمة: وانتا غاذين
رجاء: شحال باقي شي ربع يام غاذي نتوحشك اصحبتي
اميمة: سيري وكل نهار صوني ليا
رجاء: ضروري دعي معيا يدوز كلشي مزيان
اميمة: كلشي غاذي يدوز مزيان
رجاء:امين هه خايفة
اميمة: ههه خايفة زعما حياني عليك
رجاء: لا لا هي شويا الحلوى خالعني
اميمة: هي زعمي داكشي زوين
رجاء: هه سول مجرب متسول طبيب
صلاح خرج هو لبنى وسناء وصلهم من سونطر وداهم لدار طلعو نيت عند لبنى تيتغذوا
سناء: وناري يا ختي لبنى كي درتي تزربتي على هذا الغذا
لبنى: هه كنت غاسلة الحوت البارح ومشرمله
سناء: هه وانا نفهم
صلاح: بعدي نتي من مرتي راه ذكية
سناء: هههه هاهاي واخا واخا عقل
لبنى:ههه هاهو عاقل عليها وانا معه ..
خرجاات سناء من عندهم بعدما هضرات نيت مع خواها شويا ولبنى مشات تتغسل الماعن تكملات وجات تخرج لقات صلاح حط ليها فوق طابلة واحد الكارط كيشي تاع البنكة
لبنى: شنو هاذي
صلاح: هذا كونط قاديتو على قبلك
لبنى:(باستغراب) علاش
صلاح:(تبسم بهدواء وشد ليها وجهها) باش تكوني مأمنا راسك بغيتك تعيشي مزيان
لبنى: مالك تتهضر فحال غاذي تخليني يكما ناوي تزيد ثالثة
صلاح:(عناقها وتيضحك) هه انا مكرهتش تا ديك الثانية كون ما كانت ولكن هذا حقك ا لبنى انا رجعات نفسي لقيت راسي مقصر معك في شحال من حاجة واهمها ان نخلي ليك واحد المساحة خاصا بيك
لبنى: معرفتش علاش قلبي ممهنينيش
صلاح: كلشي غاذي يكون مزيان
مشا يصلي بينما هي مشات تبدل حوايجها ودوش
التحت عند لا هنية هبطات عندها سناء ولاقات الدنيا عامرة دخان وبخور والروايح على جهد تاع البخور والريحة لمجهدة كاع هي الفاسوخ
سناء:كح كح ماما اش هادشي
لاهنية: هذا الفاسوخ على قبل خوك شاده شي حاجة معرفتهاش
سناء: يهديك الواليدة اش هذا التخلف
لاهنية: السحر راه كاين
سناء: وشكون غاذي يكون ساحر ليه بالسلامة
لاهنية: ديك لنهار ومطال عندها وناسي دارو وناسي انه قريب يولي اب
سناء: يهديك الله امي راه هادشي ممنوش
لاهنية: سكتي نتي اش تعرفي
سناء: انا خارجة تتحيد هذا الريحة تخنقات
خرجات هي وتبعها سي براهيم خارجة كافر
سي براهيم: هنية راك تسطيتي ريحة قتلتنا هاني خاويها ليك زرعي بلاصتي نوار يخ
لاهنية: ايه تسطتيت ايه مني بغا نعاون ولدي
بدات تترشح الملحة وتتدوز البخور في دار
اما رجاء في بيت حدها ممسوقاش سدا على راسها وتتصور شي تصاور عارينين لوسام وتتدير معه فيديو ..
خرجات سناء تتدور حيث راسها تنفخ بالريحة لشمات معرفاتش رجليها انتا داتها لمحل تاع باها دارت راسها فحال جايا تعاونو وضارت لدرب تاع بدر بحكم راه عام باش تابعها عارفه فين كاين دخلات تما تا شافت بدر واقف مع شي ثلاثة تاع الولاد ركزات في وجههم وهي تصدم من تعرفات على جوج منهم ولكانو نيت دوك لجاو يشفروها وهو واقف تيضحك معهم تما هي حسات بالقالب طلع معها مسحات واحد دمعة هبطات من عينها تاع شمتا وضارت تتجري هربانة من تما اما بدر قاصو صاحبو ونطق
صاحبو: بدر العشير ماشي هاديك الفردة تاعك لمشات تتجري
هو دور عينو لقاها هي وهو يقفز تابعها تيجري تا هو تيجري توصلات الشانطي وهو معها تشداها ودوراها عندو وهي تنفض يديها وغواتات بالجهد
سناء: بعد بعد مني بعددد مني عمرك باقي تقرب ليا
بدر: هي تكالمي انا نفهمك
سناء:(شدات وجهها بالفقصة) معندك متفهمني مصدقتيش ساهل لاعب عليا فيلم نتا وصحابك
بدر: وهي تهدني انا نفهمك خليني هي نشرح ليك
سناء: (تتدفع فيه) سير فهم راسك باش متبقاش تبعني هذا المرة غاذي نشكي بيك بعد من سماي فهمتي
غاذيا بعيد منو وهو تابعها تشدها وتيحاول يكالميها وهي تتغوات ليه في يديه باش يطلق وتتدفع فيه
سناء: علاش علاش درتي داك الفيلم علاش خسرتي صورتك لبدات تتزين بعد مني
هو نطق وهو معصب
بدر:حيث تنبغيك ازبل فهمتي كنبغيك من نهار شفتك عمر الكارو جا فمي من نهار شفتك عمر القرعة دخلات لداري اي حاجة غاذي تبعدك مني قطعتها على قبلك قبل منقطعها على قبل راسي
سناء: قلتها ليك ضبر لراسك انا ماشي ليك اولد الناس
بدر: هادشي لعقلي تيقول تيقول انك نتي ماشي ليا اني مخاصنيش نفكر فيك لكن قلبي مبغاش يسمع فهمتي انا عارفة باله منستهلكش ولكن تنحاول مبغيتش شي نهار نفيق من نعاس وندم حيث محاربتش على قبلك
سناء: هانتا عرفتيها نتا شمكار وانا لا غير هني راسك انا ماشي ليك
هو ضرباتو على جرح
بدر: متبقايش تقولي شمكار متبقايش تقوليها تتكوني عشتي داكشي لعشت نتا نضتي من نعاس لقيتي باك مسخن ليك كتافك ومك وخوتك انا اش لقيت واحد سكايري تيضرب مي وتصيفتني نخدم باش نجيب ليها باش يكمي نتي لكنت تتنعسي والمانطة مسخناك انا كان تيسخني الكارطون
انا ماشي شمكار انا كنت شمكار كان ماضي متسبينشي بالماضي حاسبيني على داب ماشي على لداز
سمحي ليا حيث بغيتك
رجع فحالو لدرب وهو حاقد على كلشي صعيب تمحي ماضي تعرفتي بيه…
الى هنا تسالات سهرتنا تصبحو على خير بززاف تاع الحب
سناء رجعات لدار تتجر رجليها بقا فيها الحال حيث كذب عليها وبقا الحال كثر حيث هي هانتو خصوصا ديك الشوفة لشافت في وجهو خلاتها تحس انها قاصت ليها شي بلاصة خايبة راجعات لبيتها وتتفكر في كلامها لقالت
اما عند لبنى هزات صلاية جمعاتها من صلات هي و صلاح دين صلاة العشاء وحطات ليه العشاء وتيهضرو
لبنى: صلاح ديك التسافيرة لكنت قلت ليك باقي غاذي نديروها
صلاح: انشاء الله هي تكملي نتي سونطر وتمشي رجاء عند راجلها
لبنى: انشاء الله
صلاح: الله يعطيك الصحة
لبنى: ههه هانتا غاذي ضسرني تاني
صلاح: هانيا ضسارتك حلوة
لبنى: هههه واخا
صلاح: اش بان ليك نبدل ليك الفراش تاع دار
لبنى:لا لا هي خليه باقي زوين فحال مواله
صلاح: تتحرشي بيا
لبنى:(قربات منو) لا تنتحرش براسي ههه
صلاح: ههه زعمتي هذا الايام
لبنى قربات منو وجلسات حده في سداري وتتضحك شدات يديه ودوراتها على كرشها ونطقات
لبنى: الا كان هي عليك نتا غاذي نفوت الزعامة
صلاح:(باسها فوق شعرها) واخا
لبنى: معمرك قلتي ليا علاش تسميتي صلاح دين وشكون سماك
صلاح: سماني الواليد على اسم صلاح الدين الايوبي
لبنى: اه فهمت زعما باش تكون شجاع فحالو
صلاح: وقيلا هادشي لقال راس الواليد في ذاك الوقت هو من شخصيات لتيعتز بيها
لبنى: فهمت
هي كانت تتهضر تهزها من كرشها ودخلاها لبيت نعاس حطاها ونطق
صلاح: اش بان ليك نلعبو واحد لعبة
لبنى: هه شنو هي
صلاح: انا غاذي ندير يديا على عينيها ونحيدها اول حاجة طيح عليها عنيا نقيصها واخا
لبنى: ههه واخا
حط يديه على عينيه وحيدها ونطق
صلاح: شعرك
قاصو وعوتاني حط يديه على عينيه ونطق
صلاح: عينيك
قاصها وعوتاني دار يديه على عينيه ونطق وعينه في صدرها
صلاح: اممم
لبنى: لا لا غشاش
قرب منها وجا فوقها وقررو ينشرو حبهم لعل اخر ليلة ليهم ..
اصبح الصباح لملك لله وحده لا شريك له
رجاء خارجة مع سناء تيتقادو شي حوايج اما لاهنية تتوصي الناس لعارضة عليهم على قبل الجليسة لديرا لرجاء غذا ماشي شي حاجة مهم هي تفرح بيها بحكم رجاء مبغاتش العرس وتا وسام كمل الوراق تاوعها بحكم المعارف زائد انه مواطن تما كلشي غاذي مزيان
صلاح ياله فاق من نعاس لقا لبنى موجدة الفطور ولابسة باش يوصلها فطر وهز البواطة تاع الماكلة تاعو للقاها عامرة
صلاح دين:هي سامحتني
لبنى:(تبسمات) المسامح كريم
صلاح دين: امين
هبط وهي معه وصلها لمدرسة ومشا لخدمتو لقا نيت خوه ياله جاي من سفر وتيخرج في السلعة من الكاميو
محمد: الخاوة جيتي
صلاح: عجباتك مكناس ولا شنو تعطلتي
محمد: ههه تكملت كلشي
صلاح: خلصتي كلشي
محمد: اه
دخل وبدا تيقاد امور تما ومعه سي براهيم تا شويا قلبوها شيطرنج تيلعبو ويضحكو
اما عند رجاء وسناء لرجعو لدار بعد ديك التسخسية نيت لبسة سناء ومشات لسونطر وطريق كلها حاضيا فيها بدر لمبانش ليها كاع معرفتش علاش تقلقات وطلع ليها دم شويا وتبكي ممكن كانت تتحس بالامان او ولف او ممكن تا حب شكون عرف شؤون الحب معقدة صعيب نفهموها
دخلات وخرجات بالزربة مكملتش الحصة حسات بنفسها تخنقات تما وراسها داخ عليها بززاف
غاذية في طريق ومهبطة راسها تسمعات شي صوت حدها
بدر: لهذا درجة انا عزيز عليك
طالعات عينيها في فيه ودورات عينيها في جهة الاخر
بدر: (بدا تيغني) اخير قالها قال حبك قالها
سناء: بسم الله عليك اش من قالها
بدر: ماشي ضروري بالفم ضروري بالعينين
سناء: اربي لما نقص من الافلام شويا
بدر: انا تفرجات في داك الفيلم تاع شاروخ هو لطيح ليا فكرة تاع الشفارة
يناء: كنت عارفها
بدر: مهم راه عطيتني الوقت
سناء: تتحلم
بدر: بالالوان ولا البيض والكحل
مشات تتزرب وهو وراها تيضحك وتيغني
اخير قالها قال احبك قالها وانا قلبي قلبي توقف بعدها
بلاتي ماشي توقف لا كسيرا ..
اميمة فايقة بكري شدات داكشي لعطاها الفقيه وطحناتو مزيان خلطات منو شويا في العسل وبدات تتأكل فيه عجبها زدات معلقة لولة وتانية وثالثة وشدات جوج معلاق خلطاتهم مع واحد طاجين نيت وشدات داك الحجاب خيطاتو في واحد سروال تاعو تيلبسو بززاف في الجيب تاعو صغير وبدات تتضحك
اميمة: وداب نفرحو
مدازش بززاف تاع الوقت قبل ميدخل صلاح وسلم عليها وجا تيتغذا تيأكل الطاجين عادي جدا
اميمة: عجبك
صلاح: هو هاذك
تغذا ودخل يتأك في البيت بينما هي غسلات داكشي ودخلات دوشات بواحد الماء كان الفقيه عطها ليها منينتا
بينما صلاح نعس ولكن بدا تيحلم شي احلام مخربقة ممفهومش ليها الراس من الساس فاق جاحف الريق ليها ريق ناض شرب الماء ونطق
استغفر الله العظيم ..
فليل انشاء الله
رجع النفس فيه و روحو ضيقات عليه بالجهد تيحس بالزمتا وراسو تيضرو وكلشي تجمع عليها توجه لصلاية صلى شويا عدباش تهنا ولكن لاول مرة متيطولش في الاية والسجود وحتى الخشوع موصلش ليه مفهمش مالو اما اميمة حاضيه هي بالقن وتتضحك كلام الفقيه كان صح فاش قاليها غاذي يعطي المفعول بالزربة توجهات ليه ونطقات
اميمة: صلاح مالك
هو شاف فيها وحس بروح تتفتح ونفسو تيرجع عادي
صلاح: معرفتش تنحس بالزمتا
اميمة:(شدات ليه في يديه) اجي ترتاح
داتو و جاستو في واحد الكرسي وجابت ليه واحد العصير
اميمة: شرب شرب باش تحس راسك مزيان
هو شربو ونطق
صلاح: الحمد لله
ناض وقف ونطق
هاني خارج داب خاصك شي حاجة اما هي تقدمات ليه وعناقتو ونطقات حدى وذنيه
اميمة: هي رجع عندي فليل مخاصني والو
هو تبسم بالشويا وخرج من باب مخليها تتضحك من وراه هزات تليفون ودورات لرجاء
اميمة: شد اصحبتي شد
رحاء: حلفي حلفي باش عرفتيها
اميمة: معرفتش ملامحو تحلات ومبقاش مخنزر
رجاء: ههه ياله تهلي ليا فيه واش غاذي تمشي معيا
اميمة: واش لصالون تال العشية
رجاء: وصافي تال العشية
اميمة: تهلاي الحب داب
رجاء: ياله سيري
اميمة مشات لكوزينة جبدات القوام تاع الكيكة وخلطاتها وخلطات معها دوك العشوب وتتضحك وعاجبها الحال
اميمة: لمجا بالخاطر يجي بزز
طلقات الموسيقى وتتشطح وتغني وتتخيل في حياتها كي غاذي تولي ورجعات بيها ذكرتها لقبل هاذي عامين
كان العام قبل اللخر ليها في الافاك كانت ياله تصحبات برجاء
وتتشوفو معها تقدرو تقولو عجبها من اول مرة شافتو قلبها ضرب ليه وختارت هو واخا كانو بززاف طامعين فيها ولكن من عرفاتو مزوج تأزمات بززاف وحلفات متخليه لشي وحدة خصوصا من رجاء قالت ليها راه عاقرة ووراتها تصويرتها حسات راسها هي لتستهلو انه لبنى متستهلوش وماشي من مقامها ومن ديك الساعة زدات قربات من رجاء باش تبقا قريبة ليه ديما وهي لورات الفقيه لرجاء حيث هي قبل مشات عندو ودرات ليه سحر ولكن هي محبة في لول وبمساعدة تاع الرجاء لكانت لتتدير ليه ديك اللعيبة لعطهم الفقيه(فحال المسك بيضة وفيها ريحة في شكل) تتحكها ليه في الحوايج ..
عند صلاح لمشا لمحل جبد تيقيد السلعةوتيصوبها وخدام ممساليش
تا جا واحد هاز دوك المبخرات تاع البخور (المجدوب) بدا تيدوز عليه البخور وفينما تيقرب صلاح تيرجع باللور وبحالا محاملش ريحة ونفسو تتضيق عليه كثر وكثر وروحو تتزهق مع الريحة
دفع عليه داك السيد ورجع بالور ونطق
صلاح:خرج من هنا خرج في حالك
رجل شاف في صلاح وشاف في خوه لواقف وراه ونطق
المجدوب: ضربت النسا صعيبة قلب على راسك حياتك ولات تتدور فحال ساعة فرح لفرحك وعطي القرحة لغصبك قريب تعرف من عدو من حبيب عطي لراسك لربك هاذي دقة فاتت العبد وصلت لرب ربك لسهل فيه وربك لعارف السبب
خالهم وزاد وهما واقفين مفاهينش هضرتو
محمد:مالك اصاحبي غوتي عليه داك سيد راه حمق شويا
صلاح:معرفتش امحمد معرفتش معملتش الريحة خلينا نكملو الخدمة
اما لبنى خارجة تتسنا صلاح يجيبها واقف برى وهي تتسناه تا جا وقف عليها رشيد ونطق
رشيد: سمحي ليا اختي على داكشي معرفتكش مزوجة
لبنى: ماشي مشكيل هانيا
رشيد: نخليك بسلامة
زاد وخالها وهي هزات تليفون صونات على صلاح وجاوبها
لبنى: صلاح يكما نسيتني
صلاح:(فحال درتي ليه الطالميس) واخا واخا
خرج عندها ووقف بالوطو هي ركبات ونطقات
لبنى: صلاح اش بان ليك نخرجو
صلاح: لا مفياش
لبنى:(بقا فيها الحال شويا) واخا
وصلها وحطها وزاد وهي مستغربة منو علاش حطها ومطلعش قالت ماشي مشكيل اصلا ماشي نوبتها مشات لدارها حلات وتوضات هو لول وبدات تتصلي وتتذكر الله توصلات لوقت دعاء وبدات تتذكر الاسماء من وصلت لسمية صلاح قلبها ضرب بجهد وشدتها واحد الخلعة في شكل معرفتش مالها قلبها تزير وهزات يديها ونطقات
ياربي راك نتا الكبير حفظو ليا ونجيه من كل شر ياربي نقص من عمري وزيد ليه في عمرو يا رب اسهل عليه ويبعد عليه ولاد الحرام ولبغا بيه الشر ياربي يجعل ليه في كل خطوة سلامة ورحمة وحفظو من شر الا كان اجلو قبل مني ديني قبل منو ياربي راك نتا لعارف وعالم بقلبي من جيهتو لا العبد ولا غيرو عالم ياربي الا تكتاب علينا نرجعو كي كنا عارفه امتجان من عندك عطيني صبر باش نزيد لقدام ياربي عطيني القوة باش ندافع عليه وعلينا
جمعات صليتها وهزات تليفون تتهضر مع نزهة لفوجات عليها شويا ..
اما صلاح رجع هو وخوه لدار طلعو عند سي براهيم ولا هنية لقوهم مناقشين نيت
لاهنية: ونتا فراسك هادشي ومقلتيهش
سي براهيم: فلوسو ودارو يدير بيه لباغى
لاهنية: واميمة لحاملة بولدو اش خلا ليها قول
محمد: الوليد الوليدة مالكم اش واقع
لاهنية:(شافت في صلاح) سول خوك لغاذي كاتب لديك خيتي للفوق الدار ويعلم الله اش اخر
سي براهيم: يهديك الله يا هذا المرأة دخلي سوق راسك
لاهنية: صبرت وسكت شحال ولكن هي شطحتو على صباعها كون ما فاطنة ولدها قالها ليها وووصلاتها ليا كون بقيت مغشية على عينيا
سي براهيم: لا حولة ولا قوة بالله الله يهديك
لاهنية: اه الله يهديني ايه كون مع ولد فاطنة لخدام في مقاطعة وولدك واصها يقاد ليه الوراق كون منسيقوش الخبار واش داب انا لظالمة ولا هي
صلاح خرج وخالهم مشا عند اميمة اصلا راسو تزمت عليه دخل عند اميمة لقاها نيت حاطة لكيكة والعصير تقولي تتسنا فيه
اميمة: صلاح جيتي كي داز نهار
صلاح: حمد لله
اميمة: دوز تأكل
هو تيطبق كلامها فحال هي متحكمة في جسمو جلس تيأكل هي تتقول ليه زيد وتا هو تزيد تكمل ودخل تسرح في ناموسية مقدرش يدوش واخا حس براسو باغي دوش جسمو معارض ليه وتا صلاة للاول مرة متيصليش شي فرض حط راسو ومشات بيه عينيه وبدا تيحلم بشي طايف كحل تابعو وتيعرق وزيد يعرق كثر وكثر
اما اميمة حده تتفرج فيه وتتأكل زريعة ومخافيش حيث قال ليها الفقيه هذا العلامات لغاذي يبانو فيه عناقتو ونعسات وهي تتضحك
اصبح الصباح والملك لله وحده لا شريك له
لاهنية بقات ليلة كلو مغذذة اما صلاح فاق صباح ملقاش اميمة شاف واحد ورقة حده كتابت فيها اميمة انها مشات مع رجاء لصالون حيث البارح عجزات وممشاتش هو ناض مدوش ما والو لبس وخرج ونفسو تتضيق كثر وكثر طلع لعند لبنى يجيب لافيست تاعو هي دخل وهو يبد تيرجع مخلوع تيشوف فحال شي طيف كحل واقف في دار وتيقرب ليه تيشبه لشي معزة كحلة ..
روحو بدات تتزهق بشويا بشويا وهو راجع باللور وداك الطيف تيقرب ليه كان تيتجلى في افظع منظر ممكن تتشوفو متقدرش تحمل تشوف فيه صوت كان صوت لبنى ومشيت لبنى ولكن الشكل لا قربات منو ونطقات
لبنى: صلاح صلاح مالك مالك اش واقع مال وجهك مخطوف
صلاح: اعوذ بالله اعوذ بالله اعوذ بالله من شيطان الرجيم
فين كانت شي صورة تاع القرأن حافظها قالها في ديك الساعة عدباش بدات صورة تتوضح ليه بشويا بشويا بشويا كانت فعلا لبنى ومخلوعة بالجهد هي منظر تاعو وديك الخلعة لبانت في عينيه مكانتش طبيعية كاع
لبنى: جاوبني اصلاح مالك شنو وقع ليك مالك تتشوف فيا هك
صلاح:(بزز باش جمع راسو ونطق) لا والو مهم من توجدي هبطي لتحت
قالها وهبط بالزربة حيث تخنق في دار لبنى بالجهد خرج عدباش تنفس وطلعت الروح فيه وخرجات برى تيقلب هلى اميمة تا بانت ليه جايا هي ورجاء تيضحكو
صلاح: اميمة جيتي تتحسي راسك بخير
اميمة: حمد لله ياكما تعطلات
صلاح: لا لا خوذي راحتك
اميمة: كي جيت
هو تقدم وباسها من وجهها ونطق
صلاح: زوينة زوينة بززاف
رجاء: وخويا وانا كي جيت
صلاح: زوينة بززاف
رجاء: هاني طلعت اخويا نوجد
صلاح: واخا
اميمة: ايو تا انا غاذي نمشي نلبس
صلاح: تسناي هاني غاذي معك
مشا معها تبدلات و تا هو بدل وخرج هو ويها بجوج لدار لا هنية فين كانت بدات تتعمر بالناس والعايلات تيدخلو والماكلة تتطيب صلاح دخل اميمة تا جلساها قدام لبنى لتا هي جالسة تما وتخطها فحالا متيعرفهاش ..
جمعاتها لبنى في قلبها وسكاتت قالت في خاطرها من يجي عندها فليل تحاسبو وتنبهو هو خرج من تما حيث فيه هي العايلات لكايينين تما خرج مشا مع سي براهيم جابو الصنادق تاع الموناضة والدسير هبطوه من البيجو وتيدخلو اما العايلات حما عندهم الطرح زغاريت والشطيح على الجهد محمد واقف مع الرجال لمدخلهم لدار لبنى الفوق بامر من لاهنية باش يأكلو تما وسناء تتسربي على العايلات ورجاء تينقشو ليها مهم الجو شعبي بامتياز وكلشي ناشط من غير لبنى لقلبها مهناها وطايب بالجهد خصوصا من ناحية لا هنية لنوضات اميمة تتشطح معها بشويا بطبيعة الحال وتتغرم عليها اما لبنى عزلوها بحدها تما كي ليتيمة تا سناء ممساليش
كثر من ربعة السوايع وهي جالسة بحدها كي شي واحدة في شي جنازة خاطرها ضراها تاشافت صلاح داخل فرحات قالت غاذي ينتبه ليا ويخرجها لكن وقع العكس عيط بعينه لاميمة وخرج معها مخاي لا هنية تتضحك ودعي معه
بقات حضياهم تا شافتو خرج من جيبو شي فلوس نيت صحيحة هي زرقة على زرقة هي شداتها وضحكات رجعات لعند رجاء وبدات تتغرمها عليها ولاعبات تيغنيو بسميتها
زينة البنات داها مولاي سلطان اميمة يا نوارة في وسط الحبق
انتهى الكابوس تاع لبنى ورجعات لدارها لقاتها موسخة الطبالي مرونين ودنيا مرونة حيدات قفطانها وبدات تتقاد في الحالة وشداتها البكية معرفاتش علاش صلاح ضربها ليها بنكرة ..
تتمسح في زليج وراسها تيضرها بكثرت ما بكات حسات بالحكرة وتا نزهة لتسولها وتفوج عليها سادة الكونط ولده مريض ملهيا فيه وهي مبغاتش تصدعها رجعاتها لقلبها ومشات تتشكي لربها ومن احسن منه لشكوى (الا بذكرى الله تتطمئن القلوب)
رجاء مشات لبيتها وحدها اميمة ولا هنية تيمسحو ليها الحنة وتيديرو ليها ماء الورد باش تشد
لاهنية: كبرتي يا بنتي وغاذي تمشي وتخليني بحدي
رجاء: لواه امي انا غاذية ومخليا ليك اميمة
لاهنية: ايه ابنتي ايه اميمة هي لبقات ليا من ورى معرات مرت خوك على نيباها
رجاء: شكون لبنى
لاهنية: ايه لا مفراسكش صدقات لاعبة بدماغ خوك وخالتو يكتب ليها دار ويعلم الله اش اخر
رجاء:(خبطات جنابها) اويلي لا ميمكنش
اميمة: كل واحد تيتجزا على قد نيتو اخالتي هنية
لاهنية: ايه ابنتي ايه دخلناها وقبلنا بيها واخا معندها لا عائلة ومعرفنها مناش ميصلا وفي لخر هذا الجزاء تاعنا
رجاء: وليني بنت الحرام
اميمة: خالتي ميبقاش فيك الحال انشاء الله كلشي يتقاد وجاتك هي في دار ماشي شي حاجة كبيرة
لاهنية: ونعطيوها تا مئة دار تكون هي بنت الناس وفيها فعايل بنات الناس
رجاء: قلتها ليك امي قبل قلت ليك راه خطري محاملتها
لاهنية: محكلك قلتيها ابنتي قلبك خبرك انها بنت الحرام من فعايلها ومغاذيش تصدق
رجاء: ايه ولكن خويا لبغاها وداب هاهو تيخلص
لاهنية: ها حنا مع الكذاب تال باب الدار هي بالسحور وانا بالنية
بقاو تيهضرو ويأكلو في لحم لبنى لاصل هي الله لعالم بيها في هذا اللحظة قلبها ضرها وجالسة تتسنى فيه يدخل ..
دخل سي براهيم عليهم وهما معها ونطق
سي براهيم: دور ليا راجلك ابنتي غذا غاذي يديك طيحو العقد هنا في مغرب وانشاء الله وبعدو مسافرين
لاهني: ياكا قال باقي ربع ايام
سي براهيم: قال ليك تيسرات ليه الامور
قرب من بنتو وعنقاها ونطق
سي براهيم: تهلاي ليا في راسك و تا داب الا كنت باقي مزكياش على رائيك قوليها
رجاء: متخافش عليا ابابا راني سبع
سي براهيم: كذبتي في هاذي راك هي ضبع صافي
رجاء: ياك ياك هاذي هي بنتي واخير العنقود
سي براهيم: هه هاهاي على القردة تتقلق
رجاء: والله ابابا منبقا نهضر معك
اميمة: الله يحفظكم اعمي من عينين بنادم
رجاء: امين اختي امين
لاهنية: الله يدومها علينا فرحة
دخل محمد شاف في ختو وعطاها واحد البواطة ونطق
محمد: تهلاي ليا في راسك اختي
حلاتها لقاتها واحد كولي تاع ذهب
مشات عندو عناقتو وتتضحك وفرحانة
رجاء: يخليك ليا اخويا حبيبي
بقاو تما مجموعين تيضحكو اما سناء تتعاون السرباي وشي عيالات نقاو در رجعوها تتشعل بدلات حوايجها ومشات لعند لبنى دخلات لقاتها تتقرا في القران
سناء: ديك ساعة تسنايني اختي نجي نعاونك راه هنا بقا موسخ نيت
لينى: هانيا راني جمعتو
سناء: حاداكة مرات خويا
لبنى: مبانش ليك صلاح
سناء: شفتو غاذي مع اميمة وقيلا باغي يوصلها لدار
لبنى: اه واخا شكرا
سناء: نخليك اختي نمشي نعاس راسي زند عليا بززاف
لبنى: سيري رتاخي ليك شويا راك عيتي ليوم وبقاي تعاودي ليا على داك الولد زوين لكان معك
سناء:(دورات راسها وهي متوترة) ولد اش من ولد
لبنى: ومالكي خفتي هه واحد ولد بيض وزوين كان غاذي معك في شانطي عودي ردي البال انا راه شفتك من طومبيل تاع خوك جاب الله هو مشافوش
سناء: والله اختي لبنى مبيني وبينو شي حاجة
لبنى: راني عارفة وتربيتك راه معاروفة هي هو لكان ناوي شي حاجة قولي ليه يهضر مع عمي
سناء: معندوش خدمة لزينة ومحال با يبغي
لبنى: نقول ليك واحد الحاجة
سناء: ايه
لينى: الرجل متيعيبوش جيبو تيعجيبو تربيتو الا كان هذا الولد مزيان ورجل وعارف انه خاصو يكون سند تاعك هي توكلي على الله ولكن رضي البال ليكون داخل على طمع مهم نتي عينك ميزانك
سناء: يحفظك ليا
عناقتها وهبطات مع دروج تتفكر فيه تمشات تنعس وطفاو الضواو عندهم..
صلاح واميمة في دار هو هي جالس ويشرب في دواء على قبل راسو لباغي يتفركع عليه بالصداع ومسرح فوق الطليق تجات وقفات حده اميمة شدات دوك العشوب لعطها الفقيه ونطقات
اميمة: هاك اصلاح هاذو عشوب وصاتني عليهم خالتي راه ينفعوك
هو تيطبق كلامها لتتقول ليه شدو جغم جغمة لولة ونطق
صلاح: حار بززاف
اميمة:هي صبر باش يفوتك راسك
هو صبر راسو ومات معهم وتسرح وهي حده تتداز شويا تاع الوقت ونطقات
اميمة: صلاح بصح كتبتي لبنى دار
صلاح: شكون لبنى
اميمة:(ضحكات) لبنى مرتك لولة
صلاح:(هو صافي فحال درتي ليه طالميس) معرفتش وقيلا
اميمة:(قربات تتبوس ليه في عنقو وصدرو وتتلمس ليه في فخذو) وانا مغاذيش تكتب ليا
صلاح:(فحال شي مبهلل) كلشي تاعك
اميمة: كتب ليا هذا دار ليا
صلاح: اه واخا
اميمة: تتبغيني
صلاح: اه
اميمة: وبغتني ديما نبقا حداك
صلاح:اه
تتهضر وتتلمس ليه في كرشو وفي صدرو وتتبوس ليه في كتافو وفي لخر كانت بينتهم علاقة المهيمن فيها كانت اميمة هي لتتحركو فحال شي دمية هو المطلوب منو يطبق
وفي نصاصات ليل ناض من حدها لطواليط دفل المرار وبدا تيتقيا داكشي كحل ومشكلة بكمية كبيرة بززاف ورسو والو تيتنفخ عليه وكلو عرق بززاف تا شاف شي حاجة في مراية كحلة تفزع ورجع باللور ولكن تيحس بشي حاجة تابعاه وخانقها من عنقو تتيتحبس فيه النفس طاح في الارض وقوس ظهرو بالالم لحس بيه في عنقو فحال وحل ليه شي عظم في حلقو بدا تيقرا القران في خاطرو وتيجبد في يديه للصقات ليه في الارض منظر صعيب بززاف في لخر استسلم وسخف تما في طواليط
لبنى في دار لحد ساعة تتكذب راسها وتتقول راه جاي نوبتها مغاذيش يخليها واقفا في شرجم وتتبكي ضربات صدرها ونطقات
قلبي المذلول هو لدارها ليا
رجعات لبيت نعاس تتبكي وتفكيرو كلو فيه مناظر من علاقة صلاح واميمة تجمعات ليها في عقلها وحرقات ليها قلبها ..
الى هنا تسالات سهرتنا تصبحو على خير بززاف تاع الحب
اصبح الصباح والملك لله وحده لا شريك له
صلاح فايق دايخ لقا راسو ناعس في طواليط مفهم والو واصلا معقل على والو حتى راسو زكا عليه شويا من حريق خرج لبرى شاف اميمة باقي ناعسة تقدم لجيهتها بشويا معرفش علاش جسمو تيدفعو انه يقرب ليها ويلمسها وانه يكون قريب منها شد وجهها تيتلمسو تفاقت ونطقات
اميمة: صباح الخير
صلاح: صباح نور
اميمة:نعستي مزيان
صلاح: معرفتش لقيت راسي في طواليط اش وقع البارح
اميمة: كيفاش طواليط
صلاح: لا والو مدير في راسك والو الولد مزيان
هي عرات على كرشها ونطقات
اميمة: تأكد براسك وشوف واش مزيان ولا لا
هو قاصو وتيضحك وابتسامة تترسم ليه على وجهو تتهز التليفون بشي نمرة كانت لبنى هو هز تليفون بينما اميمة قربات منو وشافت نمرة ونطقات
اميمة: قوليها ممساليش بغيت تبقا معيا
هو ديك ساعة طبق كلامها شد تليفون وجاوب بلا سلام وبلا كلام
صلاح: ممساليش داب
وقطع عليها الخط هي لكانت لابسة وموجدة وبغا تخرج ليسطا دموعها تجمعو ولكن حلفات مطلقهم هبطات مع دروج غاذية لمدرستها تاشافها محمد ونطق
محمد: ختي لبنى فين غاذية
لبنى: لمدرسة
محمد: انا نوصلك وقيلا صلاح دين باقي ناعس
لبنى: واخا
طلعات معه وهي ساكتا طريق كلها متتهضرش وقلبها تيضرها بجهد على هادشي لتيوقع ليها وكيفاش تقلب عليها بين ليلة ونهار هادشي مدخلش ليها لعقلها
اما رجاء جا وسام ومشات هي ويها يطيحو العقد وتافقو انهم يخرجو يتغذوا عدباش يرجعها لدار ..
نهار داز على قدو صلاح ممشا خدمة مهضر مع عائلتو مصلى ما والو هي جالس مع اميمة في دار واي حاجة قالتها تيطبقها داز نهار هكك كل واحد داخل تاعو كيف داير وجا نهار جديدة على عائلة سي براهيم لتيودعو مع بنتها رجاء لغاذية مع وسام كلشي مجموع عليها
صلاح: تهلاي في راسك ولخصك قوليها ليا
رجاء: الله يخليك ليا اخويا
وسام: تنوعدكم تكون في عنيا
لاهنية: الله ينقي طريقك من شوك
سي براهيم: تهلا فيها راه هي عوينة تاعي هاذيك
سناء: بسلامة ختي عندك تنساي الكودويات
رجاء: ههه واخا
لبنى: طريق سلامة
رجاء شافت فيها وجوابتها بضحكة وشافت في اميمة وعنقاتها
رجاء: غاذي نجي قبل متولدي
اميمة: غاذي نتوحشك اصحبتي
محمد: بسلامة تهلاي في راسك
عنقاتو وبدات تتضحك وفرحانة
رجاء: غاذي نتوحشكم بززاف
مشات مع راجلها وطلعو في طايرة اما صلاح هز اميمة ومشا متسوقش للبنى للتتشوف فيها عاطيها النخال ومن فوق ثلاث ايام هاذي مجا عندها ولا شاف فيها ركبات مع محمد لرجعها لدار هي وسناء وسي براهيم ركب لاهنية ومشا معها لدار
عند لبنى لوصلات لدار وبدات تتخبط في يديها وتتغوات بكثرت الفقصة وراسها لتنفخ عليها معرفتوش مالو معها قلبها ضراها بجهد من ناحيتو
تسمعات دقان في باب حالات ولقات لاهنية لشافتها ونطقات
لبنى: مرحبا اخالتي
لاهنية: انا ما خالت حد جيت هي نقول ليك كل غلاب تيجب ليه الله غلابو
لبنى: اش هذا الهضرة اخالتي
لاهنية: نتي صلاح تلفتيه على عائلتو وعلى مرتو ساعة فعايلك مصدقوش مرتو رجعاتو ليها ونتي هذا الدار للعبتي بيه باش يكتبها ليه زرعي فيها القبورا
ردخات عليها الباب وخرجا ..
تليفونها تهز شافت نمرة وهي تفرح
لبنى: ختي نزهة توحشتك توحشتك بززاف
نزهة: تا انا ازين مال صوتك اش واقع
لبنى فحال طلقتي ليها الضوء الخضر بدات تتعود ليها كلشي لوقع
نزهة: هادشي لتتقولي متيدخلش العقل كاع
لبنى: بغيت نخرج من هذا الدار صافي اخر مرة نبقا
نزهة: انا شكيت في شي حاجة ولكن خاصك تأكدي منها هو لول
لبنى: شنو هي
نزهة: تكون ديك خيتي ديرا ليه شي لعبة سحر ولا شي حاجة
لبنى: لا لا ميمكنش تال هذا درجة لا
نزهة:كلشي تفهميه تال كحل راس لا
لبنى: زعما هي قاري كتاب الله ميمكنش
نزهة: ماشي كاع لدخل لجامع دخل يصلي ديرها في بالك هذا واحد مثل كانت تتقولو ليا جدة شوفي من يجي عندك طلقي سورة البقرة وبالضبط ثولت اللخر
لبنى: علاش
نزهة: الا كانت فيه شي حاجة مغاذيش يقبل صوت القرأن
لبنى: واخا ولكن الا كان بصح
نزهة: ديك الساعة غاذي تكشف شحال من حاجة
عند صلاح لهي جالس في سداري وتيشوف في الحيط قلبو تيضرب بالجهد بززاف وفحال فيه الخلعة ولحمو تشوك عليه والبرودة طالعة معه بالجهد وخاطرو مروعة سمع شي غوات ناض تيجري واخا رجليه فاشلة عليه دخل وهو يتصدم في اميمة لتحتها عامر دم وتتغوت بالجهد و الملايات تاع ناموسية ولاو حمرين وهما في الاصل بيضين ولاو حمرين والمشكلة ماشي تا حمر شويا كحل ..
هزاها وخارج كي الهبيل في زنقة دور طموبيل وزاد بيها لاقرب كلينك ممكن لقا واحد في طريق وقف و خرج وهو هاز دخلها لسبيطار ودواها لداخل وهي تتغوات وتتضرب في الفرمليات هو شد قنط وجلس وهو خايف اصلا راكباه الخلعة معرفش علاش وكمل من شاف في داك االمنظر كثر من ساعة ونص عدباش خرج عندو الطبيب
الطبيب: سلام عليكم مرتك هاذي للداخل
صلاح: اه
الطبيب: اش كانت تتأكل في هذا الفترة
صلاح:(هو غير ملامحو لاستغراب) مفهمتش تتأكل عادي
الطبيب: السيدة عندها تسمم حمل رجليها منفوخة زائد وجهها وعندنا حتى شك انه ممكن يكون عندها فشل كلوي
صلاح: كيفاش وشنو المعمول
الطبيب: للاسف الجنين راه طاح وداب جينا نأخذو الموافقة تاعك
صلاح: علاش شنو لوقع
الطبيب: رحم تاعها تضرر تتظن كانت تتأكل شي حاجة لسببت ليها تسمم حاد وتعفن وباش نقدرو نقذوها ونحدو من تضررها خاص ضروري تحيد رحم
صلاح:(تصدم) كيفاش يعني عمرها تقدر
طبيب:(طبطب ليه على كتافو) للاسف اسيدي متقدرش
مشا وخلاها وهو طاح على ركابيه دنيا دارت بيه نفسو زدات تخنقات عليه هم دنيا تجمع عليه في هذا اللحظة تيحس راسو صغير وصغير بززاف حيث مقدرش يحافظ على ولدو
تطلب منو كثر من نص ساعة باش يعطيهم الموافقة ودار ليها العملية ديك الساعة مكانتش خطيرة لكن للاسف تمنعات انها تقدر تولد مرة خرى ..
ليل كلو دوزو في سبيطار مع اميمة تتطلع الصباح عليه ومجاش لمحل عدباش صونا عليه سي براهيم فيقو من التخمم تاعو
سي براهيم: صلاح فينك شتك مبقيتش تتجي للمحل
صلاح.دين: (صوتو باين فيه العياء) انا في كلينك كليز اميمة طاح ليها الولد
لاح كلامو و شد تليفون زفو مع الارض بكثرت ما قلبو حرقو على ولدو فحال هذا الحرقة حس بيها من عرف ان لبنى متقدرش تولد ليه نفس الالم لحس بيه تيحس بيه داب
ساعتين لدازو عدباش دخلات عائلة صلاح تيتجارو لاهنية وسي براهيم وسناء
لاهنية شافت صلاح ومشات تتجري عندو بزربة وهي تنطق
لاهنية: فين اميمة فين اش وقع ياك هي كذوب اولدي ماوقع ليها والو
صلاح: (مهبط راسو) الولد طاح وهي داب باقي مفاقتش من البنج
لاهنية طاحت على وقفتها ونطقات
لاحولة و لا قوة الا بالله
اما سي براهيم شاف في ولدو ونطق
الله اكبر وشنو خبارها داب
صلاح طاح في كرسي لحده ونطق
دارت ليها البارح عملية على الرحم حيداتو مبقاتش غاذي تولد مرة خرى
لاهنية صافي شدها صرع سخفات ليهم تما وبدات تتركل
سناء شداها وتتهضر
مي فيقي الرجوع الله ماما فيقي واش بخير فيقي اماما عفاك
بدات تتبكي على مها تعاون سي براهيم وصلاح دواها لواحد البيت وعيطو على طبيب لقال ليهم راه سكر عندها طاح وخاصها ترتاح عطها مهدئ وخرج
لبنى مشات راسها ليسطا و قرات الحصة كولها مزيان وبخير قررت تعول على راسها وجات خارجة وتتهضر في تليفون مع نزهة
لبنى: اش غاذي ندير من احسن نعول على راسي اصلا شنو الزواج راه ماشي انجاز
نزهة: انا عارفك مقصحة ا لبنى لكن نبغي نصحح ليك واحد الحاجة الزواج راه انجاز وانجاز عظيم ولكن بشروط
لبنى: اما هما
نزهة: ربي خلقنا في دنيا اناث وذكور باش يكون بينتنا علاقة مودة ورحمة وحب في اطار زواج الانجاز لغاذي يكون في هذا الزواج هو انك غاذي تولدي انشاء الله او تكفلي بطفل على حساب ما قدر الله عليك والا حسنت التربية ممكن تخلقي شخص لهو مهم في الحياة زائد زواج دار لتحصين النفس والحفاظ على الاستقرار وبززاف تاع الحوايج انك تلقيا شي حد يبغيك راه انجاز هي هو ماشي للافتخار لانه كل واحد ونصيبو في هذا الدنيا
لبنى: وهاذو لمتزوجوش كاع ياله
نزهة: هاذوك حكمتهم عند ربي هو لعالم علاش حيث زواج نصيب وممكن نصيبهم ماشي في دنيا والله تيجزي الصابرين
لبنى: انشاء الله خير انا نوصل لدار ونوصني ليك
نزهة: واخا
قطعات معها وتمات ماشيا توقف عليها بدر حادر راسو
بدر: سمحي ليا اختي ممكن نسولك
هي عرفاتو تبسمات ونطقات
لبنى: سناء مجاتش ليوم معندهاش حصة
بدر:(ضحك) دغيا عرفتني اش بغيت
لبنى: اه شنو بغيتي نتا من سناء
بدر: والله اختي كل خير تنبغيها وبغيها لزواج وانا خدام باش نفرش الدار انا راه عندي دار ملكي
لبنى: انشاء الله
خالتو ومشات وهو تيضحك ..
وصلات لدرب جات تتدخل شافت محمد هابط نيت وباينة فيه كاعي
لبنى: خويا محمد اش واقع
محمد: ختي لبنى خبار خايبة مع صباح طاحت علينا
لبنى:(شدات قلبها) اش وقع يكما عمي ولا خالتي
محمد: لا مرات خويا طاح ليها الولد
هي وقفات مصدومة صراحة مشاعرها مخربقين معرفت تتضحك ولا تبكي ولا اش دير من غير تهبط راسها وتنطق
لبنى: قدر الله ماشاء فعل
محمد: ونعمة بالله
خلاها ومشا لعند مو لسبيطار اما لبنى طلعات و جلسات تتفكر معرفت مدير صراحة كلشي تجمع عليها داب واش شمتة حيث جابوها تولد وهاهي مولدتش ولا تحزن هلى داك الولد لمشا شربات الماء وقرات المعوذتين على الله قلبها يزك من ضريب بالجهد
اما عند صلاح عائلة اميمة دور ليهم سي براهيم تجمعو حد راس اميمة لكانت ياله فاقت من البنج وتتشوف فيهم تيبكيو مفهمت والو
اميمة: ماما مالك تتبكي صلاح اش واقع
لا زهرة عنقاتها ونطقاات
زهرة: فيها خير ابنتي فيها خير
عبد السلام: على سلامتك ابنتي قدر الله ما شاء فعل
اما عادل هي واقف بعيد تيشوف في ختو لمصدومة وما عارفة والو
اميمة: فهموني اش واقع صلاح عفاك اش واقع
صلاح:(قرب منها وعنقها ونطق) اميمة هي تهدني الولد
اميمة:(قاصت كرشها) مالو ولدي اش وقع
زهرة: ختارو ربي ابنتي يكون ملاك من ملائكة
اميمة:(مدخلش ليها هادشي لعقل) لا لا تتكذبو ميمكنش هي البارح لا ولدي فين درتوه هضرو هضر
صلاح: مشا اميمة مشا مات وهو باقي مشافش دنيا مات
اميمة:(بدات تتغوات) لا لا ولدي ميمكنش ولدي جيبو ليا ولدي
بدات تتنتف في شعرها
ولدي بغيت ولدي هي البارح كان لا ولدي
دخل طبيب عطها مهدئ وخرجو من عندها وهما تيتأسفو تهضر طبيب
طبيب: خاص ضروري تكون رعاية ليها حنا حيدنا الرحم لممكن يسبب تعفونات ولكن ضروري يكون روتين شهري باش متصبش باي نوع من الفشل لا الكبدي ولا الكلوي
كلشي تيتصنت ومهبط راسو
محمد دخل عند لاهنية باس ليها راسها ونطق
محمد: كي بقيتي الوليدة بخير
لاهنية: حمد لله بخير اولدي
محمد: هي بشويا عليك متعصبيش
لتهنية: الله يأخد الحق في لكان حيلة وسبب
محمد: مكتاب الله
لاهنية: فعايل العبد هاذي فعايل العبد ..
إلى هنا تسالات سهرتنا تصبحو على خير بززاف تاع الحب سمحو ليا هذا اليمات تتعطل ليكم شويا في وقت حيث عندنا التخمال تنخطف ليكم الوقت وشكرا على وقتكم فرجة ممتعة
داز عليهم نهار كحل كلشي مدمر كلشي ممصدقش ان فرحتهم مشات صلاح هي جالس في واحد ركنة محيلتو لراسو لعطيه صداع ولا نفسو لمخنوقة ولا ولدو لمشا صعيب يتحط في موقف فحال هك ولا انه يكون هنا
محمد حط عليه يديه عل كتافو ونطق
صافي اخويا نوض لوقع وقع باركة عليك من هذا الحالة
صلاح هي ساكت متيجوبش كاع اما خوه تنهد وجلس حده بالسكات احسن حاليا ليه ممكن يكون في هذا السكات الخير ليهم كثر من انه يقول ليه شي حاجة
لاهنية فاقت وناضت من بلاصتها مشا محمد يوصلها لدار هي وسناء وتبعهم سي براهيم وتا عبد سلام وعادل مشاو بقات هي زهرة وصلاح لشافتو ونطقات
زهرة: هي سير اولدي ترتاح ليك شويا
صلاح: لا هي خليني
زهرة:(طبطبات عليه) هذا قدر لله لا هروب منو
هو نزل راسو لتحت وسكت بينما هي رجعات لشومبر تاع بنتها وشدات بلاصة حدها
وبدات تتدعي معها كلشي يدوز مزيان وبخير وعلى خير
نهار كلو دوزو صلاح تما بلا ماكلة بلا والو تجا عندو الطبيب
الطبيب: غذا انشاء الله يمكن ليها تخرج بشفاء انشاء الله
صلاح هي هز ليه راسو ورجع تكا على الحيط دنيا ظلمات في وجهو ..
سي براهيم ولا هنية وسناء جالسين في بيت بينما محمد مشا لمحل تنطقات لا هنية
لاهنية: الله عليك يا ولدي يا صلاح وعلى مكتوبك الصكع
سناء: انشاء الله خير امي انشاء الله
لاهنية: اش من خير هضري اش من خير زوجتو بشهوة بغيت نشوف ولدو نفرح بيهم في لخر شنو عمرني باقي نفرح بيهم عمرني
سي براهيم: استهدي بالله ا هنية هذا هو حال دنيا
لاهنية: لا لا ولدي متبوع متبوع ولتابعاه انا غاذي نتفهم معها
سناء: يهديك الله اماما اش هذا الكلام تتقولي
لاهنية: انا متنهضرش هي هكك راه ربي شاهد عليا لبنى سبب من نهار حملات اميمة وهي تبدلات وتا صلاح تبدل هادشي كلو مشفتوهش
سي براهيم: يهديك الله يا هذا المرأة البنت مشفنا منها تا عيب بالعكس حنا لظالمينها الله يسمح لينا منها وصافي
لاهنية:(ناضت وقفت صحيحة مضاراها والو ) ظالمينها فين فين ظالمينها شنو درنا ليها عايشة معززة مكرمة هي لطلعات بنت الحرام راه قال ليك لبلا عائلة راه ميصل(يعني ولد الحرام)
سي براهيم: استغفر الله وصافي معك السيدة مدرات لينا والو بالعكس كنت ديما نعم المرأة والزوحة والبنت لينا وحنا لظلمنها شفنا صلاح كيفاش هملها ومهضرناش وداب تجي تقولي هذا الهضرة راك مرضتي
لاهنية: ايه انا مريضة وليوم باينا ولا بيها فهمتي
سي براهيم: شتي انا خارج والله ما جردة ولا كلامك
خرج مخايها وراه تتكمكم عليه ..
خلاتو تخرج وطلعات هي تتجري عند لبنى ومن وراها سناء لتتحاول تشدها باش مطلعش
سناء: ومي اش تتديري واش بعقلك راه مدارت ليك والو
لاهنية: ليوم نأكلها بسنيا خرجات عليا الله يعطيها مصيبة
بدات تتفتخ عليها الباب بالجهد وتتضرب فيه بكل قوتها وتتغوات
حلي هذا الباب ولا نهرسو عليك حلي حلي بغيت ليك مصيبة بغيت ليك المرض لمتشفيش منو
حلات عليها لبنى باقي بالعباية تاع الصلاة باش حلات عليها وهي مخلوعة شافتها لاهنية وضحكات واحد ضحكة عالم ودخلات الدار وهي تتشوف فيها باستهزاء
تتصلي وسيري نعلة الله وعليك تصلي وتأذي بنادم مدار ليك والو تصلي وتقتلي بنادم
لبنى مفهما والو هي تتشوف بعينها وساكتا
لبنى: اش واقع اخالتي اش درت ليك
لاهنية: درتي ليا بززاف جبدي جبدي داكشي لدرتي لولدي ومرتو
لبنى: انا اش درت واش اخالتي بعلقك
لاهنية: انا مخالت حد فهمتي شتي ذنوب اميمة عليك بسببك طاح الولد انا متأكدة مكاينش من غيرك طمستي ليا الولد ولا هي تابعك وحال فمو ديتي ليه الدار يعلم الله اش اخر الله يأخد فيك الحق الله يحرقك في جهنم
لبنى:(جاتها البكية من كلام خالتها ونطقات) والله اخالتي مدرت شي حاجة انا يال قالها ليا محمد الصباح انا مفارسي الو
لاهنية: لعبي عليا دور البريئة كنت تنتثيقك لكن داب لا نتي اكبر موسخة شفتها في حياتها سيري كما حرقتنينا على داك الولد لمات الله ك ليه وشتي لا يفلح الساحر عقلي عليها
سناء: مي سكتي الله يرحم باك راه لبنى مدارت والو
لا هنية: سكتي هي ماشي هي دارت هي راه قتلات روح مدارت ليها والو
لبنى: شوفي اخالتي انا تنحتارمك حيث واخا والديا ماتو علموني نحتارم لكبر مني شتي ماشي على قبل صلاح غاذي نوض نشرك بالله لا على قلبو ولا على قبل اي واحد كيف ما كان غاذي نوض نقتل روح والا نتي ظنك هك فيا راه نتي لمنك المشكل ماشي انا
لاهنية: تحل ليك الفم الفاخرة تحل نيت
لينى: ربي لتيخلق ماشي انا ماشي نتي وربي لتيعطي
لاهنية: وربي لغاذي يأخد لينا منك الحق
دفلات في الارض وهبطات تتنهج لدارها وردخات الباب بينما لبنى هبطات على ركبيها تتبكي ومعها سناء لعنقاتها وتتوسيها ..
باقي معنقاها وتتبكي بجهد وهي طايحة في الارض بقا فيها الحال من تصرف لاهنية لعمرها غلطات في حقها بالعكس ديما تتعتبرها فحال مها وهازة في مرتبة كبيرة ولكن هي شنو درات عايرتها وهبطات منها وبززاف
هزات راسها في سناء وتتبكي
ابنى: سناء ختي انا اش درت علاش كلشي ضدي علاش درت ليا هك انا عمرني اذيت شي حد ولا هزيت قي قلبي على شي حد علاش تنقص مني باركة هي دنيا منقصة مني
سناء: مسحيها اختي لبنى مسحيها فيا مي راه لسانها مبري منها
لبنى: علاش متتحملنيش عمرني درت ليها شي حاجة خايبة علاش تتدير ليا هك علاش اختي علاش هي قولي ليا واش انا ماشي من حقي نفرح
سناء: من حقك من حقك اختي راه مي هي مقصحة من ولد لطاح لاميمة نتي عارفها باغى تشوف ولاد صلاح هادشي اطر عليها
لبنى: وانا اش درت ياك قالت ليك تزوجو محليتش فمي وقالت ليا انا نقولها ليه وطبقت كلامها علاش داب قلبات عليا وجهها
سناء: هذا المرة كانت قاصحة عليها ا لبنى كون هي اميمة هي طاح ليها وصافي هي مبقاتش غاذي تولد
لبنى هزات راسها بزربة ونطقات
لبنى: كيفاش اش وقع
سناء:(تنهدات) لقاو عندها تسمم الحمل واثر عليها وحيدو ليها الولادة والكرون بجوج عمرها باقي تولد
لبنى تصدمات وهبطات راسها باسى ونطقات
لا حولة ولا قوة الا بالله ربي هو الكبير والعالم
سناء: ايه نتي عارفة مي ماشي من داك نوع لتيفهم هادشي هي اي حاجة جات تتقولها هي منا حنا وتتجرحنا لكن معندنا منديرو تتبقا مي
لينى:(تنهدات) ايه الصبر هذا ما كان
سناء:(وقفات ) رتاحي ليك داب ا لبنى ودعي معنا الله يرحم باك في صلاتك ان ربي يفاجيها علينا
لبنى: اكيد انشاء الله
خرجات من عندها ولبنى بقات تتشوف في نقطة واحدة وتفكيرها في صلاح بحدو هذا الساعة معرفاتش علاش رجعات بيها ذكرتها نهار عرفات راسها متتحملش وانها متتولدش
##فلاش باك
رجعات مدمرة وتتبكي جالسة في ناموسية ودموعها تيتسرسبو تحسات بيه وقف حدها
صلاح: علاش تتبكي ا لبنى
لبنى: علاش وقع معنا هك علاش انا بغيت نولد
صلاح: كلشي زين واكيد من ربي كتب علينا هك اذن كاين شي حكمة من وراها وزيدون الطبيبة قالت كاينة امكانية انك تولدي
لبنى: هي قالتها هكك باش ميبقاش فيا الحال
صلاح: مسحي دموعك وحطي لينا نأكلو ربي لكتبها وربي لغاذي يتصرف
هي تفجأت من تصرفو البارد ونهار لداز عادي ولكن هو مشافهاش فاش فاقت في فجر وشافتو تيدعي بالذرية وانه تيتمنى انه يولد شي ولد ولا بنت وكان دعاء تاعو بصوت رقيق دليل على انه متأطر شحال بكات في ديك الليلة حيث محققتش ليه حلمو ..
طاح ليل على صلاح تما في كلينك جا وقف عليه محمد وسناء
سناء: خويا عفاك نوض ياله معنا تال صباح ورجع
صلاح: هي سيرو نتوما
محمد: راه مغاذيش ترجعو لبقتي هنا
صلاح: انا غاذي نبقا مع اميمة هي سيرو نتوما
سناء: هاك بعدا كول اخويا شويا
محمد: تهلا في راسك انا مع صباح نكون عندك
حطو ليه الماكلة ومشات سناء عند لا زهرة عطتها الحوايج لجابت لاميمة باش تبدل غذا
زهرة: شكرا ابنتي الله يكثر خيرك
سناء: لينوضها بخير اخالتي ازمة ودوز
زهرة: انشاء الله انشاء الله
تودعات معها وركبات مع خوها لدار
اما صلاح هي جالس وتيخمم كلشي تجمع عليه تحس تاني بالتبويعة ناض ديركت لطواليط تبوع داكشي كحل ومخلط شويا بدم تخلع
صلاح: شنو هادشي
وبدا تيرجع اللور ويديه فيها داكشي فحال الدم
وبلا سابق انذار حس بواحد الخلعة والتبوريشة بالجسم ديالو وذاتو نملات عليه بالجهد بززاف وقلبو تزمت عليه وحس بشي حاجة خانقاه من رقبتو حط يديه تما محس بوالو من غير جسمو لطاح الارض وهو تيتحارب مع نفسو باش يفكها من الخنقة لحس بيها بحالا شي حد خانقو من رقبتو جا يذكر الله فمو تسد عليه ولسانو فشل عليه ولكن فجاء تحل ليه وتسرح وبدا تيقرا القرآن ولكن تيخرج على شكل غوات باقصى حد وجسمو تيتهز عليه بالجهد وتيتجبد ظهرو تصورو راسو و كدامو لفي الارض اما جسمو كلو تهز الفوق وتيغوات ويديه شاد بيها راسو الاطباء تجمعو عليه والفرمليات تخلعو من حالتو ومن عينيه لتقلبات ولات كلها بيضة وتتخلع ..
هزوه وهو باقي تيغواات وكارف على يديه بالجهد لدرجة يديه ولات بيضة بجهد دليل على دم تحبس فيها تحماو عليه الاطباء مع العساس باش دخلوه لبيت بزز باش باش نعسوه في الناموسية وجات لا زهرة تتجري بالخلعة بداو الاطباء تيقلبو ليه على العرق فين يحطو ليه المهدئ باش يزك ويتهدن بزز باش لقاوه ولكن هنا تخلعو مع عينيه ولات بيضة البلبولة تاع العين اختفت منو مقدروش يعرفو مالو العلم والطب هنا وقف مستغرب ولكن في لخر ونظرا لاش واقع قالو انه انهيار عصبي وصافي غطوه وخرجو
لا زهرة ديك ساعة دوزت نمرة لاهنية عودات ليها اش وقع مكملاتش ساعة تا كلشي تاني تجمع في سبيطار وتيسول عليه وكيفاش بقا دوزو ديك ليلة كحلة تما في سبيطار صراحة كانت صعيبة عليهم محلتهم لحفيدهم لمشا ولا صلاح لمرض ولا كلشي تجمع عليهم سي براهيم بقا ليل كلو يدعي اما لا هنية كل ساعة تدور وتهضر الله يجزي لكان حيلة وسبب
لبنى صلت صلاة العشاء وشدات ستون مع نزهة
لبنى: هادشي صراحة محملتوش يوقع الامومة شي حاجة زوينة لهلا يحرم شي حد منها
نزهة: الله هو لعالم على كلشي ضروري كاين شي سبب من ورى هادشي
لبنى: صراحة بقا فيا صلاح حيث هو امنيتو يكون عندو ولد
نزهة: اش ناوية ديري داب مع عجوزتك
لبنى: انا بغيت هي نحط نقط على الحروف مع صلاح وديك الساعة نمشي فحالي
نزهة: تتطبقي داكشي لقلت ليك عليه
لبنى: واخا انشاء الله ..
اصبح الصباح والملك لله وحده لا شريك له
كلشي مجموع في بيت صلاح ولا هنية شدات ليه في يديه وتتبكي هو لي ياله فاق معرف راسو مالو واصلا اش وقع
صلاح: شنو وقع
لاهنية: الله يولدي الله تبعوك اولد تبعوك باغين يهلكوك في صحتك
محمد: جاك البارح اخويا انهيار عصبي وهزوك لهنا
سناء وقفات قدامو وعناقتو وتتبكي بالجهد
سناء: تخلعت عليك اخويا بززاف تخلعت
هو دور يديه بشويا عليها ونطق
صلاح: انا بخير داب
سي براهيم قاسو في كتافو ونطق
سي براهيم: ولدي سبع ومغاذيش يطيح
هو تبسم بشويا وناض باغي يوقف تهضرات لا هنية
فين غاذي راك باقي مريض
صلاح: لا اما بخير بغيت نشوف اميمة
ناض من تما عندها ودخل لشومبر تاعها كانت فايقة ولكن مصدومة شفافيها بيضين وعينيها ذبلين وحدها مجموعين عائلتها تجا هو قرب منها وجلس في جنبها في ناموسية وشد ليها وجهها ونطق
صلاح: كي بقتي
هي زيرات ليه على كرشو وتتبكي بالجهد
ولدي مشا اصلاح ولدنا مشا اخر مرة غاذي نهز شي حاجة منك
صلاح: اشش كلشي مزيان وكلشي فيه غير مهم نتي موقع ليك والو
هي عناقتو وسكات تتبكي في حضنو
اما لبنى طلع عليها صباح مقدرتش تمشي ليسطا وتتسنا عندن الشرجم على الله يرجعو واخا فكرات تمشي عندهم ولكن الهضرت لسمعات من لاهنية وقفاتها قالت مع نفسها الا مشات غاذي يسحابها واش تتشمت عليها ولا شي حاجة داكشي باش جلسات تتسنا فيهم تيجيو على خاطرهم قلبها ضراها على اميمة واخا ضرتها وتصرفاتها خايبين لكن متيحسى بالمزود كي لمضروب بيه ولبنى اكثر واحدة تتعرف شعور تحرمي من الامومة ..
مدزاش بززاف باش شافت طموبيل تاع محمد وسي براهيم مهبطين صلاح واميمة مشاو لدار عند اميمة تنهدات ونطقات في خاطرها
لبنى: الله يجيب شي تاويل تاع الخير ياربي
كلشي تجمع عند اميمة قادو ليها دار ودخلوها البيت ودخلات لاهنية وزهرة لكوزينة تيطبو ليها ما تأكل اما صلاح جالس حدها في ناموسية معنقها وتيحس راسو مرتاح في وجودها ولات تتمثل ليه نقطة فاصلة في حياتو حاليا
اما سناء شافت في باها لخارج مع محمد يتقادو ونطقات
سناء: واش نعيطو على لبنى تجي حشومة منقولهاش ليها وخصوصا داب صلاح لمرض
سي براهيم: بلاما تخلعيها انا غاذي نمشي نهضر معها
محمد: تا انا مع كلام سناء من حقها تعرف راجلها راه مريض
سي براهيم: شوف تقد نتا داكشي لخاص انا غاذي نمشي نهضر معها هي لولة
محمد خرج يتقاد راه عائلة اميمة تبارك الله كلها معهم اما سناء مشات تتعاون لا زهرة ولا هنية
سي براهيم دق على لبنى لحلات ليه ودخل عندها ونطق
لبنى: مرحبا اعمي قول اش عندك
سي براهيم: والله ابنتي معرفت فين نخبي وجهي منك كلنا شفنا لتيوقع ليك من صلاح ولكن معندي ما نقول من غير الله يعوض صبرك خير
لبنى:(تنهدات) حمد لله على كل حال اعمي
سي براهيم: صلاح البارح طاح في سبيطار
هي قفزات ونطقات
لبنى: شنو كيفاش وعلاش
سي براهيم: هي بشويا عليك ابنتي هادشي علاش مكنتش باغى نقول ليك هو جاه انهيار عصبي تنظن من المصيبة لطاحت على راسنا وحالتو صعيبة صراحة مبقاش ولدي لتنعرف سيمانة هادي وهو مبدل ومع هذا المرض كمل كثر
لبنى: وفين هو داب
سي براهيم: عند مراتو ياله معيا تشوفيه عارف صعيب عليك الحال ولكن ملقيت ليك جهد ابنتي سمحي ليا كرفصناك معنا
لبنى:(تفكرات لا هنية ونطقات) لا صافي اعمي الله يشافيه تيجي عندي ونشوفو
سي براهيم: اش وقع لبنى هذا الوجه لقلبته معجبنيش انا تنعرفك ابنتي
لبنى:(تنهدات) خالتي هنية البارح جات عندي وتبرات مني ان انا سبب في مرض صلاح وموت ولدو ومرض اميمة
هو ناض ساخط
سي براهيم: واش حماقت هي ولا شنو كيفاش هذا الهضرة
لبنى: كلشي زين اعمي انا شديت رجلي عندي مبقيت نمشي عند حد
هو تنهد ونطق وطبطب على راسها ونطق
سي براهيم: سمحي لينا ابنتي سمحي لينا راه عندنا واحد مشرارة منها ما كاين
خرج من تما ساخط تيشوف لبنى مدراتها لا بيديها لا برجليها ولا هنية حاقدة عليها شيئ لخاله هو يحقد عليها ويزيد في الحقدتاعو دخل لدار ساخط شافها في كوزينة وغوت
سي براهيم: هنية تبعيني
دخل لواحد بيت تما مفرش وصغير نيت حد كوزينة هي دخلات وهو سد الباب
سي براهيم: اش داك عند البنت وعلاش عايرتيها هضري
لاهنية: دغيا عمراتك وليني بنت الحرام
سي براهيم: واش شفتني تنرضع صبعي باش تعمرني راك شرفتي وهرفتي اهنية ولتي تسبي في مرات ولدك
لاهنية:(تفركعات عليه) انا نهار لول مبغيتهاش معندها اصل ولا مفصل فين وقفات مع ولدي فين عمرها كانت ليها مرا مقادة ها هو داب مريض شاد لفراش سولات فيه ولا سبيتها راه تستهل حيث صدقات لفعى
سي براهيم: واش نتي حمقة ولا شنو فين بتعرفو مريض وهاني داب قلت ليها مريض ولكن مغاديش تجي فين تجي عندك نتي لسبتيها و عايرتها
لاهنية: شوف انا هي يصح ولدي ونطلقو منها لا زين لا ولاد لا عائلة تمشي علينا فحالها
هو ضرب يديه مع بعضيتهم ودفعها خارج وهو تينطق
لا حولة ولا قوة بالله ..
لاهنية هي جالسة على عنيها وتحلف على لبنى في خاطرها تا طاح ليل وكلشي رجع لدارو بقا هي صلاح مع اميمة
اميمة:(معنقها) صلاح معمرك تخليني ياك
صلاح: لا ديما غاذي نبقا معك
اميمة: بغيت نمشيو شي بلاصة بعيدة خاطري ضرني اصلاح بززاف عرفتي شكون سببنا في هادشي لوقع
صلاح: شكون
اميمة: لبنى اصلاح لبنى هي سباب هي لدارت هادشي ولدي مطاحش عادي لبنى سباب
صلاح: اه لبنى سباب هي سباب
اميمة: هي عمرها بغاتك ولا شي حاجة هي كانت طامعة ليك في فلوسك وكلشي تاعك وداب من كتبتي ليها دار دارت ليا هادشي باش عمرك تفكر تخليها
صلاح هي تيتصنت لهضرتها وفحال ديرا ليه المغناطيس وتيعاود الهضرة من وراها
صلاح: اه هي متستهلش
اميمة: خاصك طلقها اصلاح ونسافرو انا ويك ونربيو شي ولد بعيد على هنيا
صلاح: اه خاصنا نسافرو
اميمة: لبنى سباب لبنى لقتلات ولدك هي لدارت هادشي
هو تيسمع في هضراتها وناض حاقد من حدها لبس لافيست تاعو وخرج اما اميمة تتضحك وتنطق
اميمة: واخا ولدي مشا ولكن صلاح باقي هو تاعي انا بحدي غاذي نطلقو منها ونعيشو انا ويه بخير ومزيان ونربيو ولد اه صلاح تاعي هي متستهلوش
بدات تتضحك وتقريبا فحال شداتها حالة من هستريا وعدم تقبل الواقع
اما صلاح خرج حاقد طلع عند لبنى لدار تيدق ويغوات باش تحل
هي كانت جالسة تتهضر مع نزهة تقفزها ونطقات
لبنى: بسلامة ا نزهة صلاح تيغوات قدام الباب
نزهة: تسناني لبنى تسناني شعلي القران هو لول شعليه وخلي الخط دايز
هي طبقات كلامها وخدمات القرأن عدباش حلات عليه الباب
هو كي حلات هي شدها من عنقها وخنقها وهي تتركل في يديه اما هو ديك ساعة هي هضرا تاع اميمة لتتعود في دماغو وصورتها الكحلة لتيشوف حده
صلاح: تنكرهك نتي كحلة وخايبة كحلة نتي لقتلي ولدي نتي
خانقها وتيجرها هي صافي ولات حمرى ومبقاش قدرات تنفس كاع تبدا هو تيطيح الارض وطلق منها وشد راسو وتيهضر
طفيه طفيه دتب عفاك تنتحرق طفيه
هي رجعات لور مخلوعة منو هو لتيتركل في الارض وصوتو تيعلا وتيقول ليها طفي القران وجعر بالجهد فحالا حاطين ليه الحرور في عينيه بقا شي نص ساعة تيتركل في الارض وتيغوات تسخف في الارض
لبنى مشات عندو تتجري وتتفيق فيه
لبنى:(تتبكي) صلاح فيق صلاح مالك صلاح
تسمعات نزهة تتغوات في تليفون مشات تتجري وهزاتو
نزهة: لبنى نتي بخير اش وقع
لبنى:(هضرا وحلات ليها) هو هو خنقني تا كنت باغى نموت
نزهة: حمد لله جاب لله القرأن كان خدام واش سخف ياك
لبنى: اه اختي اه اش ندير
نزهة: هي غطيه وخليه ينعس وخاي القرأن خدام حد راسو راجلك ا لبنى مسحور وسحر تاعو خطير وخطير بززاف
لبنى: كون مشفتش بعنينا مكنتش نتيق
نزهة: انا ندور لواحد مرأة تتعرف واحد شيخ زوين في هادشي هو ليعاونك
لبنى: مخلوعة بززاف والله
نزهة: متخلعيش قوي قلبك السحر دار ليك نتي حيث شتيه كان تيقول باله نتي كحلة وخايبة هو سحر دار باش ينفرك وتباني خايبة
لبنى:واخا واخا انا ندير اش قلتي
نزهة: شوفي قاري شويا تاع القران على ماء وعطيه يشرب ونعسيه ياله تال صباح ونشوف ليك الشيخ شوفي خدمي هي القران ومتخافي من والو
لبنة:واخا
قطعات معها وقربات ليه وهي خايفة بززا باش قدرات تتديه ينعس جاها ثقيل ولكن استغربات حيث مبقاش ثقيل واخا كي كان حطاتو وغطاتو وجابت لماء قرات عليه القران وشرباتو ليه بززاف كان سخفان نعس ومنعاس تيحرك فمو وعينيه شويا محلولين لكن جسمو طاح وعيا طلقات ليه القرأن وجلسات ليه حدى راسو ..
سي براهيم دخل لبيت عند لاهنية هز مخذة تاعو ومشا لصالون ينعس وهي تيخنزر فيها
لاهنية: واش كلكم عمراتكم عليا لكن ماشي مشكيل
شدات تليفون دوزتو لا رجاء لجاوبت
لاهنية: فينك ابنتي فينك
رجاء: مالك امي صوتك معاجبنيش
لاهنية: مصيبة وطاحت على راسنا ابنتي مصيبة
رجاء: اش واقع امي خلعتني قلبي تهز
لاهنية: اميمة طاح ليها الولد
رجاء:(خبطات فخادها) اويلي شنو واقع لا ميمكنش
لاهنية: اه ابنتي وكون هي هادشي حيدو ليها الولادة عمرها باقي تولد ولا تحلم تهزهم
رجاء: الله واكبر ميمكنش لا هادشي باش بززاف على زهر الخايب وهي كي بقات الله على صحيبتي مسكينة ضربوها بالعين
لاهنية: شويا ابنتي شويا وخوك مرض وطاح لينا في سبيطار دزات علينا بنتي دزات ديك الفاخرة تاع لبنى هي سباب
رجاء: الله يا ميمتي الله اش هادشي تيوقع لينا انا غذا نرجع لمغرب
لاهنية: لا هي خليك مع رجلك تتكملو بعدا شهر حنا مزيانين انا دورت ليك نخوي هي قلبي ديك خيتي عمرات عليا كلشي تا حد مبقا باغي يسمع ليا وبغيت لمن نفش قلبي لبغا يطرطق
رجاء: هي نجي ونفرجك فيها امي ومتنسماش انا رجاء لما فرجتك
لاهنية: الله يسهل ليك امورك ابنتي
قطعات معها وبدات تتبكي على حالها وحال ولدها تما رجاء تعصبات وبدات تتفرك في جنابها تا جا وسام لابس هي شورط وعناقها من لور
وسام: مال زين مقلق
رجاء:هي مشاكل في دار
وسام: متقلقيش احبيبتيي هي نكملو شهر عسلنا ونديك تشوفيهم
رحاء: يخليك ليا
وسام: اي حاجة طلبتيها امور
رجاء: الله يدوز هادشي على خير
وسام: متقلقيش احبي
عنقها بشويا وخشا وجهو في عنقها تيبوس ويديه تتلمس ليها جسمها تشد ليها راسها وهبطو عند حجرو وبتسم بجنب اما هي بدات الخدمة ..
الى هنا تسالات سهرتنا تصبحو على خير بززاف تاع الحب
اميمة بقات هي تتسنى في صلاح لمابقا جا الخلعة شداتها ليكون قتل لبنى ولا شي حاجة ندمات كاع علاش صيفتاتو بدات تتدور في بلاصتها وخايفة من شي مصيبة لتوقع وطيح فوق دماغها تا شويا جاتها واحد الفكرة منها تعرف شنو وقع لبنى ومنها تتضحك عليها شويا شدات تليفون ودوزات نمرة لا هنية لكانت نيت بدا تيشد فيها نعاس شويا هزات هضرات وهي مبوقة بالنعاس
لاهنية: سلام عليكم شكون معيا(مشافتش الرقم)
اميمة: خالتي هادي انا اميمة
لاهنية: اهلا بنتي ياكما وقعات شي حاجة
اميمة: لا لا اخالتي راه بغيت هي نسولك واش صلاح جا عندكم
لاهنية: لا ويلي فين مشا
اميمة:(تنهدات زعما) ايو صافي راه مشا عند لبنى
لا هنية ناضت قفزات تقولي قلتي ليها ملك الموت بغى يحضر
لاهنية: كيفاش صلاح يمشي عندها ويخليك مريضة
اميمة: ماشي مشكيل اخالتي كلشي زين واصلا نوبتها
لاهنية: اش من نوبتها ولا زبل راك مريضة
اميمة: هانيا خالتي تصبحي على خير
لاهنية: هاني جايا نبات معك
اميمة: لا لا بلاما تعذبي راسك
لاهنية:(وقفات تتلبس في بينوارها) لا هاني جايا
لابسة بينوارها وجات تمشي عند اميمة هو يقول ليها واحد راس طلع عند لبنى طلعات ودقات وهي منفخة شحال عدباش حلات لبنى لكانت ترخات مع صوت القرأن ونعسات
توجهات الباب وحلاتو وهي تتشوف في هنية لواقفا وتتحرك في جنبها زعما راه محاملش تدق عليها شافت فيها شحال ونطقات
لاهنية: مني يفيق داك المسخوط قوليه يجي عندي صباح لدار
لبنى جات تجاوبها لاقاتها دورات راسها وهابطة من دروج تتنكر وتعيب فيها
لبنى تنهدات وسدات الباب و رجعات عندو شافت فيه شحال وهو ناعس هزات ليه يديه باستها ونطقات
انشاء الله خير انشاء الله خير
لاهنية وصلات عند اميمة لحالات عليها ودخلات عندها
لاهنية: الله على بنتي غاذي تبات بحدها هاني جيت عندك باش متبقايش بحدك
اميمة: لهلا يخطيك اخالتي
لاهنية: هي صبري معيا هذا الابام لما طيرت ديك الفاخرة منتسماش انا هنية
اميمة: لا لا اخالتي واخا هي خايبة حنا لا داب الله يهديها
لاهنية: هاديك واحد منافقة منها ماكاين ولكن هي بلاتي شويا ويكون خير
اميمة: امين اخالتي واخا هي ظلماتني وخدات مني حقي لعطاني الله وحللو عليا ولكن انا مسمحها انا قلبي متيحقدش
لا هنية عنقاتها ونطقات
لاهنية : مصاب كلشي فحالك
اميمة: ياك هي بعد هو عندها ماشي مشا لشي بلاصة مع خفت عليه
لاهنية: انا قلت ليها صباح تكلمو ليا مقالت والو اذن عندها
اميمة: واخا هكك
تكلمو شويا وفرشات لاهنية حدها ونعسات بينما اميمة عدباش رتاحت ان مدار ليها والو ولكن في نفس الوقت تقلقات علاش يبات عندها ولا شنو وقع تهدنات وقالت تال صباح وتفهم منو كلشي ..
اصبح الصباح والمللك لله وحده لا شريك لله
شرقات شمس على لبنى لشادة في يد صلاح ليل كلو وهي ناعسة ليه حدا راسو مقردة وهو ناعس والقرأن مشعول ليل كلو في بيت نعاس هو ناض صباح حل عينه بزز وبدا تيحرك جسمو باش ينوض تحس بالثقل عند يديه اليمنى شافها شادة فيه هو استغراب علاش هو هنا وشنو وقع راسو زاك عليه من الحريق وتيحس براسو خفاف عليه وتا نفسو انتظمات شويا ومتيحسش بالخنقة لكانت فيه قبل هو قرب منها شويا وحط يديه على راسها هي حسات بيه وهي تقفز راجعا باللور وشدا في قلبها والخلعة تمكنات منها
صلاح:(باستغراب) مالك اش واقع
لبنى:(تتقرب منو بشويا) صلاح واش نتا بخير
صلاح: اه شنو واقع
لبنى:(تنهدات في نفسها ونطقات) والو والو هي سولت
صلاح: شنو واقع كيفاش انا هنا
بدا بشويا بشويا تيرجع الاحداث في ذاكرتو وكلشي تجمع عليه وصوت القرأن تيتجهد في راسو حس براسو باغي ينفجر تفكر موت ولدو وداكشي لداز عليه وهضرت اميمة لمقدرش يفسرها في دماغو واحد شويا حس بدنيا ضياقت عليه بجهد وتزمت على نفسو
وبدا تيبكي وتيعود يبكي وتيشد في راسو وساد على وذنيه وتيبكي بجهد وحده لبنى لواقفا مصدومة معارفة مدير ديما تتشوفو جبل متيتزعزعش وداب تيبان في اضعف حالاتو كلها قرب منها بشويا وطاح على الارض وشد ليها من رجليها وتيبكي ليها حدى رجليها وتيهضر
شنو تيوقع ليا ا لبنى علاش مات علاش واش انا خايب منستهلش نكون اب واش انا منستهلش نكون والد علاش ا لبنى تنحس راسي تنموت نهار على نهار ياك غاذي نموت ياك ا لبنى غاذي نموت ياك حيث مبقاتش تنعقل على والو وتنقيا دم خايف نمشي ونخليك ا لبنى عارف الظلم لعايشة فيه خايف نخليك بحدك في دنيا خايف نموت وانا عمرني هزيت ولدي في يديا واخا تمنيتو منك سمحي ليا ا لبنى انا مبقيتش عارف اش تندير انا وليت تنحرك بلا شوار و وليت نشوفو الشر خير و الخير شر
شد وذنيه وهبطها على راسو تيبكي وجهو في ضس هي هبطات عندو وعناقتو
لبنى: مغاديش تموت ا صلاح مغاديش تموت انا معاك وغاذي تشاف غاذي ندم اي واحد كان سبب هي صبر
هو طاح حد رجليها تيبكي وهي معنقاه وتطبطب عليه بشويا هو حاليا اضعف واحد في دنيا مشهد كان خايب وصوت القرأن تيتردد على مسامعهم ..
عدة ساعات وهو هي تيبكي عليها تيحس راسو رتاح بززاف من بكا فحالا كانت وحالا ليه شي حاجة وداب تنفس منها وصوت القرأن خلاه يرتاح بالجهد بينما لبنى نوضاتو و عاوناتو يغسل حالتو بزز تقولي سحر دار ليه على النظافة محملش الماء يقيس جسمو لكن هي بززتو عليه تغسل وجلس هو ويها وصوت القرأن مطلوق
لبنى: هادشي لتيوقع ليك اصلاح ماشي عادي
صلاح: معرفتش ا لبنى والله معرفت
لبنى: خاص نشوفو شي فقيه
صلاح: انشاء الله انشاء الله
بقا معها تما وهي تتقرا القران على الماء وتتعطيه يشرب ولكن المشكلة تينوض يتبوعو داكشي كحل من فمو في طواليط وحده لبنى تتأكل في ظفارها تشافت نزهة تتدور ليها وقررت تشوف اش الحل ليه
لاهنية واميمة جالسين بجوج تيفطرو ولاهنية هي تتنفخ وتفش هي راسها
لاهنية: مالو باقي مجا شتو مبقا بغا يخدم مبقا باغى يجي عندنا
اميمة: محال قالتها ليه اخالتي
لاهنية: باينة لفعى باينة
اميمة: وشنو المعمول اخالتي دابا
لاهنية: المعمول هي تخوي وتمشي فحاللها مبقيتش حملتها
اميمة: مسكينة راه يتيمة
لاهنية: هه يتيمة راه نتي ليتيمة هي راه مقريا راسها وجمعي راسك وجري راجلك عندك
اميمة: واخا خالتي
تهز تليفون تاعها كانت رجاء مدور ليها
اميمة: وصحبتي توحشتك
رجاء: اش وقع اصحبتي واش داكشي لقالت لي مي بصح
اميمة: ايه اختي ايه مشا الولد
رجاء: ميبقاش فيك الحال احبي فيها خير
اميمة: انشاء الله
رجاء: مي حدك
اميمة: اه
عطهاتها هضرات معها ورجعات ليها تليفون
رجاء: شوفي اصحبتي متقلقي ما والو انا قريب نرجع ونحلو المشكل عطيني خويا الا كان حدك
اميمة: انشاء الله وصلاح مكينش داب
رجاء: واخا انا نخليك معرفت شكون تيصوني في الباب
قطعات معهم ولبسات بينوار على جمسها لكانت لابسة فيه هي سليب وسوتيمات وحدها ناعس وسام تبسمات ليه ونضات تحل الباب حالتو وقفات تتشوف كانو جوج عيالات واحد باينة فيها خليجية واحدة ملامحها عربية ولكن معرفتش إنا دولة وحدهم جوج بوديكارات ضخام شافوها وشافو في بعضيتهم وضحكو باستهزاء
سماح: بقا هي دي لغيرنا بيها (هاذي هي لبدلنا بيها)
سميرة: هاد ستة كيلو تاع لحم لعجبو ..
البنات سمحو ليا عرفا الاجزاء قلال ولكن تحرقات لينا واحد الكوزينة في طاج ثاني وبقا فيا ديك الخلعة بزز باش قدرت نكتب ليكم هادشي غذا نعوضكم شكرا على متابعة تصبحو على خير
لبنى تتهضر مع نزهة في تليفون وفي نفس الوقت صلاح تيتبوع في الطواليط
لبنى: نزهة ختي من صباح وهو تيتبوع ليا في داكشي كحل تخلعت بززاف
نزهة: شوفي انا هضرت مع سيدة الراقي مكينش داب في مراكش انشاء الله هذا يومان يجي
لبنى: واش ندير انا هذا اليومان راه حالتو تتشفي العدو
نزهة: بداي هي طلقي القرآن وغاذي يكون خير
لبنى: وشنو اخر اصحبتي تخلعت
نزهة: شوفي سيري عند العطار قلي ليه يعطيك العشوب تاع التبوع باش تصفا ليه معدة تاعو لكان شي توكال ولا شي حاجة تمشي
لبنى: شكرا اختي نزهة كون ما كنت نتي منعرف ما ندير
نزهة: اويلي ا صحبتي هادشي ضروري والراقي نهار يطلع المراكش نجي انا ويه صافي وقفي مع راجلك ا لبنى متخليهش واخا هي تيتشفا وديك الساعة ديري لبغتي
لبنى: لا ضروري انا غاذي نوقف معه
قطعات معها وتلفتات وشافت في صلاح لتيلبس في لافيست تاعو وخارج من الباب هي مشات تتجري عندو بغا تشدو
لبنى: صلاح فين غاذي راك مريض
صلاح:(شد ليها وجهها بين يديه وعينيه حمرين) خليني ا لبنى محدي فايق خليني
نفضاها بشويا وخرج من تما وهو تيتحلف في خاطرو اما لبنى هي تتاكل في ظافرها من الخلعة لواقعا ليها قلبها ضرها عليه وملقات ليه جهد
هو خرج متوجه عند اميمة حل بالساروت ودخل مع الباب شافها مع مو جالسين تيهضرو لا هنية هي شافتو ونضات وقفات عليه تما وهضرات
لاهنية: عدباش جايا بسلامة واش بعقلك اولدي مرتك ياله ديرا عملية ومخليها وخارج هي هي هضر واش بعقلك ولا شنو
صلاح هي ساكت وتيشوف في اميمة لمكرهش يخنقها ولكن فحالا شاده ذي حاجة نطق وهضر
صلاح: واش انا ولدك امي
لاهنية تتشوف فيه مصدومة ومعارفتش ابعاد السؤال تاعو
لاهنية: شنو ناوي عليه
صلاح: جاوبيني امي واش انا ولدك
لاهنية: ايه ولدي وولد كرشي
صلاح:(تمشا عندها وشد ليها يديها وباسها ونطق) الا وقعات ليا شي حاجة تهلاي في لبنى وخلي ليها حقها والا ربي داني عندو قلبي على مول الفعلة حيث انا ممسمحوش لا دنيا ولا اخرة
لاهنية هي تتشوف فيه مصدومة معارفش اش تيعني بكلامو اما هو شاف في اميمة ونطق
ونتي اميمة سمحي ليا الا ظلمتك في شي نهار وكلامك تاع البارح انا عقلت عليه لبنى ما ذنبها في والو حنا ظالمين وربي تيأخد بالحق
هز واحد البواطة تما تاع ماكلتو وخرج باغي يخوي اي بلاصة فيها الناس مشا لمحل عند باه لكان تيصلي تبسم بهدواء وجلس حاضي لغاذي ولجاي وتيستنشق في الهواء ..
اما رجاء دوك العايلات دخلو طول عرض في لادار فحال تاعهم متسوقوش ليها والبوديكارد بقاو برى واقفين عند الباب هي شافتهم ونطقات
رجاء: شكون نتوما وعلاش هاجمين عليا في دار
سماح: نادي على سبع البرومبا زوجك يفهمك
سميرة: (تتهضر بالخليجية) عيطي على رجلك يقول ليك حنا شكون
سماح:(بالمصرية) اه ومنها نيت نتعرفو على الجديد
هو سمع الهضرة وخرج هي شافهم وهو لون يتخطف في وجهو وولا صفر وشاف في رجاء لتتشوف فيهم ومفهما والو فحال الاطرش في الزفة
رجاء:(تتشوف فيه) وسام شكون هذا العيالات
سماح:(ضرباتها بواحد الضحكة) انا سماح مراتو الثانية على سنة الله ورسوله
سميرة:وانا سميرة مراتو اللولة بالدين والشرع والقانون وزيدي حتى دستور
هي تتشوف فيهم مصدومة لونها تخطف وتتدور وجهها عندو هو لساكت ومتيهضرش
رجاء: وسام اش هادشي تنسمع فهمني
وسام:(شاف في عيالاتو بجوج) اش جابكم هنا ياك تفقنا يدوز شهر وديك ساعة نبدا نزوركم بالترتيب
سماح: ويلي ومنديروش الصواب ونجي نسلمو على عروستك المغربية الزوينة
سميرة: لكن هذا المرة ذوقك شويا ناقص تتبان ليا سيدة ضعيفة معندها صحة لا ليك (وضحكة واحد ضحكة مستفزة) ولا لينا
رجاء شدات راسها وبدات تتغوت
رجاء: سكات سكات فهمني كيفاش هاذو عيالاتك ونتا مزوج ومقيلهاش ليا
وسام خنزر في عيالاتو ونطق
وسام: سيرو نتوما داب تال من بعد
هما ضحكو بجوجات ونطقو
سميرة:دوز بالخير
سماح: صباحية مباركة يا عروسة
خلاوهم وخرجو اما رجاء طحات على الارض تتبكي وشداتها واحد الفقصة وطلعات معها الشمتة والحكرة
رجاء: علاش ا وسام علاش كذبتي عليا اش درت ليك واش نتا مزوج جوج وزايدني الثلاثة
وسام هبط لمستوها ومسح ليها دموعها وتيهضر بشويا
وسام: انا مكنتش باغي نفقدك ارجاء كنبغيك كنت تنقول تال من بعد ونصارحك وكنت تنظن غاذي تقبليها
هي دفعاتو بعيد ونطقاات
كيفاش نتقبلها هضر اش من نتقبلها ولا زبل واش بعقلك جايبني ضرة ونتقبلها
وسام: نتي زوجتي خوك بصحبتك كنت تنظن انه هادشي عادي عندك وبما انه وقع في عائلتك غادي يجيك عادي جدا
هي طلقات معها هضرتو وبقات تتشوف فيه وضبابة نزلات عليها في عينيها
طلقني ا الكذاب طلقني دعيتك الله طلقني
هو قرب منها وعنقها
تنبغيك ارجاء تنبغيك متقوليش هذا الهضرة عفاك فهميني وانا تنطبق هي شرع الله وره من حقي نتزوج ولكن نتي لفي قلبي
رجاء: تزوج الا كان عندك عذر اش من عذر نتا عندك اش هضر
وسام: مرتي لولة سميرة متتولدش وتزوحات الثانية بالموافقة تاعها هي لولادات ليا وتزوجتك نتي حيث كنبغيك تا واحدة فيهم مكنبغيها
رجاء: خرج داب ا وسام عفاك خرج مبقيتش حاملة نشوف في وجهك عفاك بعد مني نتا خدعتني ولعبتي عليا لقتني نية وثيقتك
طاحت تتبكي في الارض و تتضرب فيها من كثرت الفقصة اما هو خرج من دار يخليها على خاطرها …
صلاح بقا في محل عند باه وخوه لجالسين حده وتيهضرو
سي براهيم: هذا ليمات معجبتنيش اصلاح وليتي هي مسخسخ وشتك مبقيتش تتصلي
محمد: واش واقع شي حاجة اخويا
صلاح: الوليد راسي مبقاش هو هادك وتنحس بالدنيا مزمتا عليا
سي براهيم: قرب من الله اولدي راك بعدتي منو
محمد: اذ ابتلي العبد فهذا من حب الله له
صلاح: ونعم بالله
محمد: انا غاذي نتسخر ونرجع
سي براهيم: معارفش اش بيك اصلاح ولكن الا كنت نتا عارف صارحني اولدي انا تنعرفك ديما واقف عمرني شتك مهبط راس
صلاح: مكاين والو الواليد هي كثرت الضغط الزواح من جوج مساهلاش
سي براهيم: واخا يكون خير
صلاح جبد من ديك الماكلة تيأكل فيها ومعارفش انه فيها العشوب وتيأكل بكل شرهة حيث تبوع بززاف كرشو خوات
عند سناء لكانت في طريق ليسطا جايا وتتقلب بعينيها عليه توقف عليها وفي يديه شي حاجة
سناء: شنو داكشي هاز
بدر: توحشتك يومين هادي مشفتك
سناء: يسول فيك الخير
بدر:(قلب وجهو) تنهضر مع جدة ومفخباريش الا كان هذا هو كلامك ديما باينة زواجنا غاذي يكون فحال ناس القدام بالضو طافي
سناء:(ولات حمر) واع تفو عطيني تيقار راه طالعة عليا
تفكرات خوها و مشاكل لعندها في دار ونزلات دمعة من عينها لكانت قبل متوصل لارض شدها بدر بصعبو وشاف ديك القطرة تاع الدموع ونطق
بدر: انا معارفش اش واقع ليك ولا مشاكل لعندك ولكن تنوعدك انا هذا دموع عمرهم ينزلو بسببي ابدا
سناء:(تبسمات بشويا) شكرا
هو جبد البردكلي من جيبو ونطق
بدر: انا عارف انا معندي تا حق باش نعطيك هذا ولكن قبليه فحال شي رهن تال نهار لتكون شي حاجة لهي واقعية وحيدي رهن عليه
هي شافتو وضحكات هذا نفس البردكلي لكانت بغا تشريه من المدينة ونهار مشات تجيبو لقاتو تباع
سناء: يعني نتا تتحضيني مزيان نيت
بدر:(قدم يديه قدامها ولاصق جوج صبعان) هي شويا
تمشاو في طريق تيضحكو توصلها ومشا لخدمتو
اما صلاح كلا ماكلتو وجلس تاني تيتأمل في محل تتطلق باه القرأن شي بخور في المحل باش يطرد الشيطان وكانو ديزين شي عيساو تيضربو في طبل هو بقا بشويا بشويا تينوض وتيتمشى جيهتهم هي بشويا وعينه فحال مسدودة وتيسد ودنيه ونيفو وبدا شويا تيتركل لعيساو تما وتيدور وتيركل فحال تيشطح بجسمو باه وقف مخلوع اما خوه مشا يشدو دفعو بقا تيتركل تيتركل عدباش طاح لارض وهو باقي تيتركل بحال شي خروف غاذي يدبح وفمو خارجة منو الكشكوشة بيضة وكحلة في نفس الوقت كلشي بقا مخلوع اما سي براهيم ومحمد تيحولو يهزوه وعاونهم تا الناس شي تيقول مات شي تيقول مسكون وشي تيقول ساحرين ليه اما المجذوب دايز بالبخور تاعو وشاف في سي براهيم ونطق
ولدك حياتو في يد لعاطها يديه يا تقتلو يا تحيه ربي عطه اشارة ونتوما توكلو على الله رجعوه لخلقو وهو يرجعو ليكم حفظوه و خبيوه ونهار لخر طلقوه قلبو في ركان السر في دار مدفون ..
مع خمسة اجزاء تعويض
اميمة جالسة بحدها بعد ما لا هنية خرجات هي جالسة وتتسب في خاطرها
مفهمتش علاش تيمشي عندها وتيرجع مبدل افف هادشي بززاف تا صافي تنقول هاهو شد معيا طريق وتيمشي عندها وتيعواج ثاني تفقصت بززاف هادشي طلع ليا في راسي طلع ليا الخرا لراسي واش معنديش زهر تال هذا الدرجة يتقاد معيا مرة ويعواج الف مرة ولكن ماشي مشكيل ديك الماكلة لدا(ضحكات بجهد) غاذي تخليك تولي خاتم في يديا وهي ليا بحدي
رجاء بقا تتبكي في بيت نعاس وتتغوات بالفقصة لوقعات ليها وانها داب تتحس بداكشي لوقع لبنى واش لهذا الدرجة هذا الاحساس تيضر اه تيضر بززاف انك تحس راسك بلا قيمة بلا والو انك نتي هي اداة للمتعة
ناضت من الفقصة لفيها لشانطة بدات تتجمع حوايجها تا شويا وقفات وطاحت تاني تتبكي وتتغوات وتتهضر
فين نمشي امي فين واش نرجع مطلقة ليكم وانا باقي مكملت تا سيمانة اش ندير داب العديان غاذي يتشمتو فيا بالمزيان مغاذيش يبقا عندي الوجه لنشوف فيه في شي حد الله يا سيدي ياربي اش ندير داب علاش وقع معيا هك علاش كذب علاش استغلني علاش دار ليا هك علاش
شي ساعة وهي تتبكي تال لخر وناضت لطواليط غسلات وجهها ورجعات شانطة ودوك الحوايج لحطاتهم فيها لماريو وبدات تتفكر في حريرتها لمحرحرة وشنو دير مع وسام وعيالاتو وفحال تقبلات الوضع نوعا ما لانه جاها ارحم من ان العديان يتشمتو فيها ولا وها بالهضرة لقات هذا احسن حل ليها مشات دوش على الله تنسا هذا الفقصة لجاتها داب
دوشات وخرجات من الدوش قربات من الماريو وحلات واحد البلاصة فيه فيها الستيمات وهزاتها وخشات يديها في جنبها من جهة البونج وحيدات واحد الحجاب فيهم صفر وفيه شي كلمات في شكل ومدور بالسكوطش
رجاء:واخا ا وسام واخا انا غاذي نوريك كيفاش انا تجيبني ضرة على عيالاتك انا غاذي نسيك فيهم ونخليك طلقهم واحدة واحدة..
سي براهيم ومحمد كاينين في كلينك مع صلاح دين لدخلوه لمستعجلات بالزربة منين جاوبوه شي ساعتين هاذو وهما تيتسناو في شي واحد يهضر معهم ولا يطمنهم ولكن مكاينش كلشي داخل خارج بلا هضرة بلا سلام بلا كلام
وقفو تتضرهم جنبهم بالوقوف وفي لخر عدباش خرج عندهم واحد طبيب داير كمامة حيدها ونطق
طبيب: سلام عليكم نتوما عائلة سيد للداخل
سي براهيم: اه اولدي انا باه اش وقع ليه
طبيب: حنا درنا ليه غسيل معدة كان عندو تسمم حمد لله قدرتو تجيبوه في وقت مناسب ماشي شي حاحة خطيرة
سي براهيم: تسمم ولكن هو تيأكل هي في دار ميمكنش
طبيب: هادشي للقينه في التحاليل واقيلا كلا شي حاجة فيها شي مادة مناسبتوش هو داب تيرتاح وانشاء الله بالشفاء
سي براهيم: امين
محمد: امين ادكتور شكر
سي براهيم: واش غاذي يبات عندكم
طبيب: الا فاق يقدر يخرج الحمد لله حالتو مستقرة
محمد: يعني الا فاق نقدرو نخرجوه
طبيب:اه
سي براهيم: الله يسر ليك اولدي
مشا طبيب وبقا هي محمد مع سي براهيم تيهضرو بجوج
سي براهيم: معرفتش هادشي جاني ماشي تسمم
محمد: واش شتيه كي كان تيتركل مع عيساوا
سي براهيم: شفت وكلام المجذوب لباقي تيدور ليا في دماغي
محمد: هو راه شي شهر وهو هك وشتي تا صحتو ترجعات
سي براهيم: وصلاة ميبقاش يصلي خاصو رقية شرعية ضروري تنظن انه تمسى
محمد: ميمكنش صلاح تيصلي وايمانو قوي
سي براهيم: هادشي لمحيرني انا زعما كلام المجذوب عنى بيه انه دار ليه سحر وشكون يكون دارو واخا متنتيقش هادشي ولكان حالتو تتبين العكس
محمد: حنا نجيبو راقي ونشوفو اش يوقع ديك الساعة
سي براهيم: انشاء الله خير
محمد: واش نعيط نقولها ليهم
سي براهيم: لا بلاش غاذي هي نخلعوهم هو داب ويخرج مغاديش يبقا بززاف
وفعلا بقاو تا عشية تا فاق صلاح وسمح ليهم طبيب يخرج كان هي غسيل معدة موقعاتش شي حاجة ليبقا عليها بززاف في سبيطار ..
بثلاثة غاذين بيه لدار وتيسولو فيه وهو شاد كرشو مقصح منها شويا
سي براهيم: كي بقيتي اولدي
صلاح: حمد لله
محمد: اش وقع ليك صباح واش باقي عاقل
صلاح: معرفتش معقلت على والو عقلت هي على دوك ناس كانو تيضربو ويغنيو ومن فقت لقيت راسي في سبيطار
سي براهيم: متبقاش تفكر بززاف اولدي رتاح كلشي غاذي يكون مزيان هي رتاح ليك شويا
وصلو لدربهم هبطو وهو معهم كانو باغين يدخلوه لدار عند لاهنية ساعة صلاح نطق
صلاح: محمد الوليد ديوني عند لبنى
سي براهيم: غاذي تخلعها اولدي الا شافتك هك
محمد: الواليد عندو صح
صلاح: لبنى شافت ما كفس هي دوني
هما طبقو كلامو ودواه عند لبنى لداخل دقو تا حالات ليهم وهي مصدومة في صلاح لتيبان كلو صفر وفمو بيض بالجهد
لبنى: عمي خويا محمد اش وقع
سي براهيم: تا لمن بعد ونعودو ليك
تعاونو تا دواه لبيت نعاس ونعسوه تما وغطاوه بالملاية وجاو جلسو في بيت مع لبنى
سي براهيم: بنتي لبنى واش عارفة شنو لواقع مع صلاح
هي شافت فيهم شحال وقررت تعاود ليهم اش وقع البارح بالتفصيل
سي براهيم: هادشي كلو وقع لا انا تأكدت داب فيه شي حاجة وعلاش ابنتي مقلتيهاش لينا
لبنى: مكنتش بغا نخلعكم اعمي انا كنت تنقلب على الحل هي راسي
سي براهيم: مصيبة وطاحت على راسنا
لبنى: ومالو رجع في هذا الحالة
محمد: كان صحة سلام شويا دازو عيسوا وبدا تيتركل معهم تسخف والكشكوشة خارجة من فمو ودينه لسبيطار قالو عندو تسمم
لبنى: لا هادشي بززاف هو معندوش تسمم اخويا واعمي هو عندو سحر ولكن لعطه الدقة ممعروفش الله يأخد فيه الحق
سي براهيم: صلاح معندو عدواة مع تا شكون يكون
لبنى: معرفتش اعمي تا انا فحالك
سي براهيم: غذا نقلب على شي راقي يجي يشوفو
لبنى: واش من طاح في محل كان قرأن مخدم
محمد:اه
لبنى: انا اعمي راه وصلت لواحد راقي ومن هزا يومين يكون عندنا من احسن الناس في هادشي
سي براهيم: يكون خير يكون خير طلقي القرأن ابنتي طلقي
ناضت هي طلقتو ورجعات جلسات حدهم تيفكرو في هذا الحريرة عندهم تسمعو شي تهراس في بيت مشاو تما لقاوه صلاح ناض وتيهرس في بيت نعاس وتيغوت بكل صوتو
طفيو عليا طفيو عليا داكشي طفيو داب طفيو واش متتفهموش طفيو عليا داكشي تنتحرق اعباد الله تنتحرق
هما هي مصدومين من حالتو اما هو تيغوات ويهرس تتهرسات الزجاجة تاع المراية وهز منها وبدا تيشرط في يديه وتيغوات تشدوه وتحماو عليه وسي براهيم تيحاول يرقيه بما تيسر من القرأن بشويا بشويا تنعس ولبنى حاضيهم وتتبكي في جنب ..
لاهنية وسناء طالعين تيتجارو مني سمعو التهراس والغوات وطالعين يشوفو شنو وقع
سناء: الله يحضر السلامة ياربي
لاهنية: مكاينة سلامة مع هذا خيتي
طالعين توصلو وبداو تيدقو الباب جات لبنى حالات عليهم
سناء: لبنى اش واقع اختي تخلعنا اش هذا تهراس عندك
لاهنية:حماقتي ولا شي حاجة
سي براهيم هضر من وراها
سي براهيم: لبنى بنتي خليها دخل
دخلتهم بالسكات وهي تتشوف في سي براهيم ومحمد ونطقات
لاهنية:(مستغربة) براهيم اش تتدير نتا ومحمد هنا
سي براهيم: صلاح مريض اهنية وجبناه هنا
لاهنية:(شدات في قلبها)ولدي شنو واقع ليه هضر
دخلات تتجري تتقلب عليه في البيوت تا لقاتو في بيت نعاس شافتو وهي تصدم في يديه لمشرطة و وجهو و نطقات
لاهنية: ولدي اش واقع هضر ابراهيم هضر ونتوما جاوبوني
سناء: لبنى ختي اش وقع لخويا مالو هك في يديه
سي براهيم شد في لاهنية وبنتو جلساهم وبدا تيعاود ليهم كلشي من طق طق تال سلام عليكم
وهي تنوض ليه لا هنية وهي تتحيح
لاهنية: وباقي تتقول ليا معارفش شكون هاهي قدامك(تتنعت للبنى ) ها هي لفعى لمرضت ولدي دعيتك لله شتي العكر لعاطك الله حيث نتي ماشي بنادم لتيستحق يكون اما بغيت ليك سخط بغيت ليك مصيبة بغيتك تجمعي ومتلقي والو بغيتك دوري كي الهبيلة في زنقة
ناضت لعندها وشداتها من شعرها وهبطاتو ليها ولبنى تتبكي باغى دفعها وهو يسبقها سي براهيم لحيد ليها يديهاوصرفقها
سي براهيم: عيقتي نتي بززاف شرفتي وهرفتي كاع وجن لضربك ضربك عليها
لاهنية: ضربتني ضربتني حيث هضرت على هادي لمرضات ولدي تا ولا شاد الركنة ربي خلقها كحلة حيث قلبها كحل من وجهها الله يعطيك السخط والقبح كثر من داك لفي وجهك
محمد: مي صافي راك عيتقتي
سناء:(معنقة لبنى لتتبكي) مي راك عيتقتي هي مدرت والو
لاهنية:كلكم تحميتو عليا راه سحر ليكم كلكم ماشي هي ولدي ولكن(بدات تتضرب في صدرها وتتبكي) لكن ولدي لدا دقة صحيحة الله ينتقم منها الله يعطيك الحرق وجهنم ياربي
سي براهيم جاراها خارج بيها برى وهو تيتحلف عليها تبعهم محمد وبقات هي سناء ولبنى..
بقات هي لبنى مع سناء لتتبكي وتترجع لقلبها مسحات دموعها بزربة ونطقات
لبنى: سمحي ليا اسناء كلشي بسببي
سناء: شنو لبسببك مديش على مي اجي نشوفو صلاح
مشاو لعندو جاوب فوطة بداو تيمسحو ليه يديه وتيداويو ليه الجرح لفي يديه لبنى تتسمح ليه ودواي في لخر هزات ليه يديه وباستها وعنقاتها في صدرها ونطقاات
لبنى: انشاء تنوض حسن من لول كون هي جات فيا ولا تجي فيك
سناء:(عنقاتها وتتبكي) غاذي يتشاف خويا ا لبنى ياك شكون دار ليه هك شكون
لبنى: شي واحد ما في قلبو رحمة ولا انسانية
سناء: علاش خويا بالضبط عمرو ادى شي حد
لبنى: ديما ضربة لتتجي ناس ضريفين ولدخلين سوق راسهم
لتحت عند ابراهيم ولاهنية
سي براهيم: بعدي من ديك البنت حسن ليك ا هنية
لاهنية: انا في اخير يماتي ضربني على قبلها معمرك مدرتيها وحنا صغار شتي هاذك ولدي ولاذاها غاذي نأكلو بسنيا
سي براهيم: وقلبي على شكون ماشي تلصيقها في البنت
محمد: الوليدة صلاح فاش مرض هو لقال لينا نجيبوه عندها كون هي لمأديه ميقولهاش
لاهنية: معلوم راه مطمسه عليها يشوفها هي هي راك باقي معرفهاش هي دارتو باش تبقا هي سميتها في فمو
سي براهيم: من لخر الكلام جلسي هنا في دارك ومطلعيش
لاهنية دفعتو
شكون لميطلعش غاذي نطلع بزز منكم ومنها راه ولدي هادك ماشي لقايه في زبل
سي براهيم ساط بالجهد وشاف في محمد
سي براهيم: محمد عيط على الفقيه من الجامع يجي يقرا عليه شي شويا على الله يكون شفاء على يديه
مشا محمد طبق كلام باه لفقيه تاع درب( تيعرفوهم قبل ) طلبو يجي معه طلع نيت لدار لبنى وبدا تيقرا عليه من القران وحده سي براهيم ومحمد ولا هنية لكافرة على لبنى وتتخنزر فيها وسناء لتتبكي على خوها تبدا شويا تيفيق وتيغوات بجهد كلشي تخلع مشكيلة الفيقه تيرش عليه ماء زمامز (جابو معه) وتيقرا عليه وهو تيتصرع وتيغوات بجهد وفمو تتخرج منو الكشكوشة تا واحد ساعة قلب عينه ولات بيضة الفقيه تخلع بالجهد ولكن كمل اما لبنى مقدرتش تحمل لبسة عبايتها وخرجات برى وهي تتبكي بجهد وقلبها تييضرب تشافت في عمارة تاع اميمة ومشات عندها دقات وحلات عليها كانت تتأكل فحال مدارت والو لبنى هزات يديها تا هزاتها وصرفقتها بكل جهدها تا رجعات اميمة لور
هنا اميمة هزات راسها فيها مخنزرة وكلها حمرى بالاعصاب
اميمة: واش حماقيتي كيفاش تهزي عليا يديك ياكما بغيتي نكرضها ليك
لبنى: انا مضربتك تكنت مأكدة انك نتي مولات الفعلة و شوفي لما ندمك على نهار لأديتيه فيه فينما تشوفي كمارتي دفلي عليها فهمتي
اميمة: اش من فعلة واش حماقتي سير فحالتك قبل منقولها لصلاح ووخالتي (تتهضر ومتوثرة ولكن ضاربة الجبهة)
لبنى: اش خليتي من صلاح راه في دار مرمي مرضتيه وطيحتي صحتو وخالتك نهار تعرفك اشنو درتي غاذي تصيفتك لزنقة شتي مكينش من غيرك من نهار وليت انا ويه بخير وولا عادل معك ومعيا بدا هادشي انا شكيت فيك وتا داب عارفك نتي ومتأكدة ونهار نلقا دليل اكبر تشويهة في مراكش غاذي نديرها ليك
دفلات ليها على وجهها وخرجات ..
إلى هنا تسالات سهرتنا تصبحو على خير بززاف تاع الحب موعدنا غذا انشاء الله
لبنى رجعات عندهم لقتهم جالسين مع الفقيه وهو تيهضر
الفقيه: ولدكم تقاص بالسحر وراه دار على قبلو ماشي تقاص بالخطأ حيث من داكشي لشفت انه دار ليه هو خاصو ضروري يداو بالقرأن
سي براهيم: وسي حميد هادشي تاع صح واش حقيقي
الفقيه: معلوم اس براهيم راك قاري قران وهو مذكور وناس لما في قلبهم رحمة تيلتجؤ ليه ولكن ديك ساعة تيرتكبو افظع معصية عند الله وهي شرك بيه ربي لتيزرع المحبة وربي لتيزرع الرزق ماشي سحر ماشي غيرو
سي براهيم: وكي نديرو نعرفو شكون دارو ليه على الله وعسا يحلو ليه ونتوصلو لشي حل
الفقيه: ربي لتيعلم بالغيب انا معرفتش هي داومو على رقية وذكر الله في دار باش يقدر يتشافا ولو شويا من هادشي
سي براهيم: شكرا احميد دعي معنا
الفقيه: انشاء الله خير
خرج من عندهم مخاليهم كلهم تيشوفو بوجه محبط بززاف من هادشي لوقع ليهم سي براهيم قريب يبكي على ولدو اما لبنى واقفا لور وتتبكي هي راسها دنيا ظالمات في وجهها بالجهد
عند رجاء لجالسة في بيت نعاس تتدخل عندها وسام ونطق
وسام: صاف شويا داب
رجاء ساكتا متتجوبوش كاع تقرب منها وعناقها من لور ونطق
وسام: متقلقيش مني لقلت ليه نديرو ليك اش حاجة طلبتيها
هي دارت عندو بشويا ونطقات
رجاء: اي حاجة اي حاجة مأكد
وسام: اه
رجاء: ضمن ليا حقي
وسام: كيفاش
رجاء: ضمن ليا حقي وانك معمرك تخلا عليا انا داب واحدة وسطك نتا وعيالاتك
وسام: شنو لبغتي ضمان
رجاء: تكتب ليا هذا دار في سميتي وديري ليا بروجي
وسام:(عنقاها) هي هادشي صافي انا غاذي نديرو ليك هي متقلقيش زين تاعي
رجاء:(عنقاتو) وسام ياك تتبغيني هي انا صافي
وسام: اه وغاذي نبقا نبغيك هي نتا صافي بحدك صافي
رجاء: وعيالاتك بغيت منبقاش نتلقا بيهم
وسام: واخا هي لا كان شي تجمع عائلي وانشاء الله من نكملو شهر عسلنا غاذي نتغدوا مجموعين عند امي وابويا
رجاء: واخا انشاء الله
وسام: كنبغيك هي نتي ونتي لخرة ليا
رجاء: تا انا تنبغيك ..
القرأن مطلوق وهما جالسين شي حط يديه على خدو وشي تيتنهد شي تيصلي ويدعي كلهم باغين الخير لصلاح اما اميمة جالسة بحدها في دار وتتأكل في ظفار يديها من العصاب وخصوصا من عرفات ان لبنى شاكة فيها هنا قلبها ضرب وبالجهد عدباش الهضرة لقالت تاع صلاح مريض في دارها زدات على ما بيها معرفت ما دير واش تمشي تشوفو ولا تبث دوزت الرقم لاهنية لشافتو ونطقات
الله يا بنتي الله نسيتك نتي مدورتش ليك
دوزت الرقم وهضرت
اميمة: خالتي هنية معرفتيش فين كاين صلاح دين تخلعت عليه
لاهنية: هاهو محمد غاذي يجيبك لهنا عندنا ابنتي متخلعيش هو بخير
قطعات معها وصيفتات محمد يجيبها هي لدغيا لبسات عبايتها بغات تشوف اش وقع ليه تخلعات بالجهد عليه وبززاف تجا محمد ومشات معه كي دخلت هي عنقاتها لاهنية
اميمة: خالتي اش وقع
لاهنية: تبعوه ابنتي تبعو ولدي راه فين ناعس طاح طيحة واحدة
امينة تخطاتها ودخلات عندو شافتو وتخلعات صراحة كان بحال شي جثة ناعسة ضعاف هي من اخر مرة شافتو وجهو لولا بيض وفمو وشفافيو لونهم ولا زرق بالجهد وتحت عينيه كحال شافت في لاهنية ونطقات
اميمة: اش وقع اخالتي مال صلاح ولا هك واش مريض عاودو ليا راه قلبي تهز
لاهنية داتها لبيت وبدات تتعود ليها وتسرسب ان لبنى لدارت ليه هك وانه صافي طاح طيحة وحدة تكملات ونطقات
لاهنية: وهانتي تتشوفي داب كي ولا وقفي معه ابنتي متخليهش هو محتاجك محتاجنا حنا لمشدش فينا سحرها الله يقطع ليها اليدين
اميمة: شدة وغاذي دوز اخالتي شدة وغاذي دوز وصلاح غاذي يرجع حسن من قبل
تسمعوه في البيت ناض تاني تيغوات كلشي مشا عندو تيتجار واحدة تابعة واحدة واحد تابع واحد توقفو عليه هو لتيغوت
راسي راسي تيضرني بعد مني بعد علاش تابعني بعد مني خليني في تيقار راسي اح راسي تيضرني بغيت نموت عيت
هز راسو وشاف لبنى و عيط عليها
لبنى عطقيني منو عفاك ا لبنى عطقيني منهم هما تيخافو هي منك عفاك ا لبنى عطقيني منهم
هي مشات عندو وعناقتو وبدات تتقرا عليه القرأن وهو معنقاها فحال شي دري صغير خايف ومخلا تا شي حد اخر يقرب ليه ولا يوصل حده معنقها غير هي ومن جات اميمة تقرب منو غوت عليها واخا معندو صحة
بعدي مني بعدي مني بعدي مني نتي شيطان اه شيطان بعدي مني مغاديش نسامحك بعدي مني ..
اميمة ديك الساعة فحال درتي ليها الملحة في عينيها ولات بغا تبكي بكثرت الفقصة وكيفاش معنقها ومقرب منها هاذي هي انقلب السحر على الساحر مشات تتجري لطواليط لاهنية بحدها لرضات ليها البال وتبعاتها بعينها تامشات لطواليط وبدات تتغسل في وجهها شويا ضربات يديها مع الحيط وتتعود ضرب وهي مغزفة على لبنى ومقهورة من صلاح وبدات تتهضر وتتنهج في نفس الوقت
علاش هي وماشي انا علاش علاش هي ديما لباغي درات كلشي باش يكون ليا وفي لخر ختارها هي كان يختارني انا ويلوحها هي باش حسن مني باش الكحلة لخر والله تندمها وندمو بجوج شتي الا مكانش ليا مغاذي يكون تا حد من غيري اما ليا اما القبر ماشي انا لتغلبني وحدة متوصل تال كدم رجلي
غسلات وجهها وخرجات برى تجرحاتها لا هنية ودخلتها لبيت تتهضر
لاهنية:ميبقاش فيك الحال ابنتي راه ديك بنت الحرام ساحرة ليه باش يشوفها غير هي صافي وميحمل تا حد من غيرها
اميمة:(دموع تماسيح) وانا اش درت ليه باش يدير ليا هك علاش يقهرني هك
لاهنية: شتي مني شفتو دار هك تأكدت انه هي لديرا ليه الفعلة باش ديما يشوفك نتي جهنم وهي الجنة يشوفك نتي معزة وهي غزالة انا غاذي نداوي ولدي ورجع ليك حقك الله يخد فيها الحق
اميمة عناقتها
ياربي يخليك ليا اخالتي ويحفظك
لاهنية: ويأخد الحق في لي كان حيلة وسبب ياربي
صلاح باقي شاد في لبنى ومعنقها وتيهضر
صلاح: متخلينش ا لبنى متخلينش
لبنى: هانا معك تا حاجة مغاذي تقيصك هي تهدن صافي
صلاح: هو باغي يقتلني هو اه هو
لبنة: شكون اصلاح شكون
هو مجاوبهاش غير تيتخبا فيها فحال تيشوف شي حاجة هما متيشوفهاش ولا يقدرو يحسو بيها
سي براهيم قلبو ضرو على ولدو مقدرش باقي يبقا تما خرج هو محمد وهضر
سي براهيم: عقلتي على هضرة تاع المجذوب انا باقي تتدور ليا في راسي
محمد: اه السر في ركان ومدفون في دار ولكن اش من دار فيهم
سي براهيم: واش خاصنا نقلبو في حوايجو ولا في دار ولكن إنا واحدة
محمد: نقلبو عندنا لتحت وهنا ودار لخر ماعرف شي حد دخل وحط ليه شي حاجة كلشي وارد
سي براهيم: هادي فهمتها ولكن كيفاش حياتو وموتو في ديك لعاطها يديه وشكون هي
محمد: معرفتش ابا معرفتش تلفت ..
سي براهيم ومحمد هبطو تيقلبو في دار عندهم لتحت كلشي قلبوه ملقاو والو و عيطو على سناء ونطقو
سي براهيم: سناء عيطي على اميمة تمشي معنا نقلبو دار
سناء: علاش
سي براهيم: تال من بعد ونعاود ليك كلشي
سناء: واخا
مشات عندها لقاتها نيت جالسة هي ولا هنية وتيهضرو
سناء: ختي اميمة واخا تمشي تحلي لينا دار عندك
لاهنية:(باستغراب) علاش
اميمة:واش بغيتي شي حاجة هاكي ا ساروت
سناء: لا بغاك بابا تمشي معنا
اميمة: ايه واخا هاني غاذي معكم
لاهنية: تسناو هاني غاذية معكم نشوفو فين غاذي يخرجنا هادشي
مشاو معها لدار كلهم وهي وسطهم تترعد حمد لله العشوب تسالو ليها واخا كاع يلقوهم مغاذيش يعرفو ديالاش
توجهو عندها لدار حالتها ليهم وبداو تيقلبو في ركاني كلهم و يقلبو عند كلشي مالقو والو عندها هي شافتهم هكك وبدات تتدير دموع تماسيح وتتمسكن
اميمة: واش اعمي شكيتو فيا نأذي انا صلاح انا راه تنبغيه منقدرش نأديه
سي براهيم قرب منها ونطق
سي براهيم: حشا ابنتي ماشي شكينا فيك هي هو ضروري نقلبو متعرفي شي حد حط عندك شي حاجة متعرفي بنادم راه خايب
لاهنية: مشكينا فيك ابنتي معروف شكون ومقشوع هي دار ليهم لاجام على لسانهم
سي براهيم: زميه اهنية زميه وهاذيك لقاهرها تا هي غاذي نمشيو نقلبو عندها
توجهو من تما عند لبنى وبداو تيقلبو عندها تا هي اما هي غير تتشوف فيهم وساكتة تكملو ملقاو والو هادشي هي زاد فقد فيهم الامل
لاهنية: لتيدير متيخلي دليل من وراه
تهز تليفون تاع لبنى لهازتو وجاوبت كانت نزهة
نزهة: الو لبنى كي بقا صلاح
لبنى: حمد لله اختي شويا حمد لله
نزهة: شوفي غذا مع صباح تسنيني عند المحطة غاذي نجي انا وراقي راه مبقاش مسافر وغاذي يجي معيا لمراكش
لبنى: بصح اختي فرحتني والله معاش بالضبط
نزهة: لواه ضروري من هادشي اصحبتي راك ختي وكثر والساعة تقريبا مع ديك ال 12
لبنى: الله لا يعكسها امور
قطعات معها وقالتها ليهم هما فرحو وديك ليلة دزات عليهم كلهم كحلة صلاح ينعس ساعة ويفيق يغوت ساعتين ولبنى ليل كلها تتصلي ودعي معه..
صبح عليهم صباح سي براهيم مشا لمحل يحضيه بينما محمد بقا باش يجيب نزهة مع لبنى اما لاهنية ناضت صباح بزز باش صيفتات سناء تقرا راه اخير عام ليها وبقات هي اميمة تيصيبو الحريرة لصلاح وفطروه بجوج ولبنى هي حاضيهم وتتدعي بالهداية تجات قربات منو تشربو الماء تاع زمازم
لاهنية:(شدات ليها يديها) هاذي هي نقتل الميت ونمشي في جنازتو مرضتيه و قديتي على صحتو وبقاي تتدير راسك الملاك الرحيم
لبنى حيدات ليها يديها ونطقات
لبنى: خالتي الاحترام تيطلب ماشي تيتشرى وانا تنحترمك حيث تربيت هك ولكن ماشي تزيدي بززاف انا بارح سكت قلت ام ومحروقة على ولدها ولكن انا هذا راجلي وغاذي نعاتني بيه تيبرى وديك ساعة هضرة خرى
لاهنية: هاهي على لبنى تحل ليها الفم وولات تتعرف تجاوب وتهضر زوينة عندك هذا الهضرة ثاني
لبنى: متبقيش تجبدني اخالتي هي يفوت هادشي ونغبر عليك انا كاع وجهي
لاهنية: معلوم راك فلوس ولدي كلهم سستيهم ليه اقسم بالله نهار نلقو عليك الحجة تنغبرك في الحبسات الساحرة لعنة الله وعليك
لبنى: لعنة الله تتبان خاص هي ليحل وجهو (شافت في اميمة)
هبطات تتشرب في صلاح ممسوقاش ليهم ليهم بجوج
اما سي براهيم وصل لمحل وجلس تما مغموم معرف ما يبيع ولا يشري تيجي كاع شي حد تيبغي يشري من عندهم ولا موصيهم سي براهيم فين هو مهبط راسو تيخمم في ولدو لتيضيع هادشي لشافو بدر من بعيد دخل عندو ونطق
بدر: سمح ليا اشريف واخا نسولك
سي براهيم:(تيعرفو راه ولد الدرب مهم معروف انه كان تيسكر وتيشرب وشمكار ) نعم اولدي
بدر: واش بغيتني نعاونك في محل شفت خويا صلاح ومحمد مكاينيش
سي براهيم تفكر ولدو وهبط راسو ودار ليه بيديه دير لي بغيتي
سي براهيم: دير لبغيتي اولدي دير
بدر بقا تما لكليان لجا تيوريه سلعة وداكشي وساهل عليه حيث ثمن مكتوب في التيكيت تاع البيع لتحت وللممكتبوش يعني مبيوع هادشي لشرحو سي براهيم لبدر
تكمل وجلس حده
بدر: سمح ليا اعمي الا دخلت عليك هذا دخلة
سي براهيم: اودي دير لعجبك هذا ساعة مكاين شي والله
بدر: الا كنت عيان سير ترتاح المحل في الامان خلي شي وحدين من متعلمين معيا ولا هاك الكارط تاعي
جبد ليه البطاقة الوطنية عطها ليه وسي براهيم عيط على المتعلمين لكاينين الداخل باش يبقاو معه ونطق
سي براهيم: شكرا اولدي هاني غاذي تال عشية
بدر: الله لا يعكسها امور …
يتبع
شاركنا رأيك في هذا الفصل 🌹