دار عند اميمة عامرة عائلتها تجمعات وعائلة صلاح كلشي تجمع من غير لبنى على ذكر لبنى لتفكرها صلاح وصيفت ليها التقدية مع خوه لجا قدام الباب تيدق عليها هي سمعات الباب وهي تحل كانت فحال شي زهرة ذابلة ملامحها حزينة بشكل كبير وبززاف وكلشي فيها تيدل انها في حالة نفسية صعيبة
محمد:(تبسم) هاكي اختي لبنى هادشي صيفتو صلاح
هي شداتو من عندو ونطقات
لبنى: شكرا
هو هز عينو فيها ونطق
محمد: الله يفجيها عليك اختي
خلاها وزاد بينما هي تبعات ليه العين تهبط ورجعات دخلات حطات ديك التقدية وضحكات باستهزاء فين صلاح عمرو صيفت تقدية مع خوه لهذا الدرجة مبقاتش تتفرق معه ولا مهمة ليه تمنات يكون عندها شي حد تهرب من عندو الواقع تاعها داب مقادارش تستحملو ولا تبقا فيه
عند اميمة
كانت جالسة حدها مها لنطقاات
زهرة: يكبر في خيرك ابنتي
اميمة: امين اماما امين
تنطقات حدها لاهنية
لاهنية: يكبر في عزها وعز ولدي صلاح الله يحفظو لينا
زهرة: امين الالة هنية امين
لاهنية: انشاء الله ندير لبنتي شي جلسة هذا اليمات نحني ليك ميخصك تا خير
اميمة: يخليك ليا اخالتي
زهرة: راكم مهلين ليا في بنتي الله يكبر بيكم
لاهنية: ولا حنا بينتنا هادشي راه بنتنا
في الصالون عند الرجالة جالس كل من صلاح وباه وعبد السلام وعادل ولدو
عبد السلام: يكبر في خيرك اولدي صلاح
عادل: مبروك عليك اخويا صلاح يكبر في عزك
صلاح:(تبسم) امين
سي براهيم: هذا الخبار خاصها شي دبيحة فعلا تاركة
عبد السلام: ضرورب اسي براهيم وعلى حسابي
عادل:راه ختي هاذيك ذبيحتها عندي
سي براهيم: الله يكبر بيكم دبيحة عندنا وعندكم ميكون هي خاطركم
عبد السلام: الله يجعلها اول الافراح
سي براهيم: امين
عادل: خويا صلاح داكشي واجد ياك
صلاح: اه غذا نصيفتو ليك لدار
عادل: وخلاصك موجود
صلاح: لا هاذشي مبينتناش هنا عائلة وحدا
سي براهيم: ايه اولدي عادل حنا عائلة والعائلة مبينتهاش هادشي
عادل: الله يكبر بيكم ..
في كوزينة كانت لاهنية وسناء تيهضرو
سناء: صراحة امي راه بقات فيا ختي لبنى
لاهنية: مالها اش خاصها واش واقعة شي حاجة
سناء: فاش تعرف اميمة حاملة راه هي لحم ودم غاذي يبقا فيها الحال
لاهنية: ايه ايه راني فكرت فيها متقولهاش ليها هي بعد تيزاك هذا الحمل في كرش اميمة بعدا
سناء: من نيتك امي انا راني ماشي قلت لبنى غاذي تحسدها حشا ختي لبنى من اطيب خلق الله هي هو غاذي يبقا فيها الحال
لاهنية: اي مرأة غاذي يبقا فيها الحال ماشي غير هي لكن العين علينا حق
سناء: الله يهديك امي
لاهنية: شوفي نسيا عليا هادشي داب
رجعو كملو شغلهم وسناء تتحصر لحالات لبنى الا عرفات اي بنت في بلاصتها غاذي يبقا فيها الحال
اما رجاء تتجمع طبلة تاع ناس لكالو وشدات واحد طبسيل عمراتو حلوى ودجاج ولحم وهبطات مع دروج غذا عند لبنى لحلات ليها الباب ودخلاتها
رجاء:ختي لبنى توحشناك والله
لبنى:(ضحكات بزز ) تا انا
رجاء:غبرتي عليا البارح
لبنى:كنت مريضة شويا الله ينجيك
رجاء: والله مفراسي وداب كي بقيتي
لبنى: لا داب حمد لله
رجاء جبدات داك الطبسيل من وراها وعاطتو ليها ونطقات
رجاء: باش تشوفي معزتك عندي راني تفكرتك في هذا العراضة
لبنة:(تبسمات) يخليك ليا اش من عراضة
رجاء: عراضة لعائلة تاع اميمة راه البارح دوزات طالعة حاملة
لبنى ملامحها زاكو وقلبها ضرب بجهد وذاتها تنملات عليها وعقلها حبس
تحسات بشي حاجة في حنكها كانت رجاء لبستها ونطقات
رجاء: نخليك داب اختي لبنى خاصني نرجع
خرجات وسدات الباب خلات لبنى تما واقفة مصدومة كلشي تجمع عليها في مرة واحدة كيفاش حاملة وعلاش هي ربي رزقها بكلشي محبة راجلها والولاد والوالدين والزين وهي معندهاش هادشي ولا تكسباو ولا تعرفو كيفاش شعرو حسات بالظلم والحكرة ..
الى هنا تسالات سهرتنا تصبحو على خير بززاف تاع الحب موعدنا غذا انشاء الله في نفس الموعد
ضحكو ونشطو وفرحو وتجمعات الدنيا كلشي رجع فحالو عائلة اميمة مشاو في حالهم المجمع تفرق البنات جمعو الدار ديال اميمة وكلشي تسالم معها وخرج بقات هي وصلاح بحدهم في دار
هو شد يديه تيدوزها على كرشها وفرحان بجهد حلم من احلامو تيتحقق قدامو
صلاح: شحال عندو
اميمة: طبيبة باقي ممأكدش حيث ياله ثبت الحمل
صلاح: خاصو يعيش مزيان انشاء غاذي نوفر ليه كلشي
اميمة: انشاء الله
حطات راسها على كتفو ونعسات بينما هو تيدوز على كرشها وفرحان وتيدوز على شعرها كثر
لبنى باقي صدمة مأطرا فيها بزاف وباقي مقدرتش تخرج منها مشاعرها تلغبطو بين حسد غيرة وظلم حكرة وسؤال واحد لتيضرب في راسها علاش هي هاك علاش تيوقع ليها هاك وعلاش دنيا تتضرب فيها من كل جوايه ومعندها تا شي حد تعاود ليه ولا تقول ليه مشاكل حياتها ولا تشاركو
نفضات راسها في لخر من تفكرات ان الله سبحانه وتعالى ضروري يدوزنا من امتحانات كثيرة وانه اذ احب عبدا ابتلاه ولعل الابتلاء تاعها فيه خير وانه خاص يكون عندها يقين انا غذا احسن جبدات القرأن تتقرا ومع كل كلمة تترتاح وتتنزل عليها واحد الراحة وواحد اليقين انا غذا احسن وافضل من داب فحال شي يد تمدات ليها وطبطبات عليها ودوات جروحها ممكن ماشي بشكل دائما ولكن على الاقل داب من قرات القرأن قلبها نبض كثر وعقلها زاد خدم كثر ممكن موت والديها لسبب راه الله لا يرضى لعبده الشقاء ولو علمنا ما سيقع لنا لرضينا بحكم الله هادشي لداز في راسها من مات والديها قدرات انها تستقل انها تلقا بصلاح ممكن صلاح ماشي شخص رومانسي ولا عاطفي ولكن في ذاك الوقت كان المنقذ متنساش خيرو و ممكن داب هادشي لتيوقع لسبب ومع الوقت غاذي يبان حطات الكتاب من يديها ومشات بيها عينها لنهار شافت صلاح اول مرة ..
# فلاش باك
كانت عندها 25 سنة دنيا لاعبة بيها من كل جهة الكراء تيجر منها والماء والضو تاهما وزيد وزيد
كانت خداما في قهوة تدير الميناج فيها وتا الخلاصة مكثيراش 1500 درهم لشهر ولكن صابرة وعايشة باش مقسم الله
كان صلاح ديما تيجي لديك القهوة بحكم كاين قريب من البلاصة فين تيتريني (لاصال) تيخرج وتيجي يشرب تما قهوة هي من اول مرة شافتو قلبها ضرب ليه وبجهد كان تيسطيها كيفاش تيجلس كيفاش تيتعامل خصوصا مع السربيا لبنات عمرو تبسل عليهم عكس الاخرين
كانت ديما حاضياه وتتزيد نهار على نهار طيح فيه وتزيد طيح فيه كثر
خصوصا في الاعياد وبالضبط العيد الكبير كان تيدور معهم تضويرا صحيحة نيت كانت هاذيك هي فرصة لوحيدة انها تكون قريبة ليه وعينها في عينه وهو تيعطيها الفلوس واخا ملامحو جامدة لكن عينيه تتبين واحد الكرم كبير
بقات عام وهي تتبغيه في سر وهي حاضيه وهو معارفش اما هي نهار على نهار تتدعي في صلاتها انه يكون هو ليها وفي قيام الله تتسجد وتتبكي لربها وتناجيه ان صلاح يكون راجلها حيث حبو تزرع في قلبها
تجا نهار الفرج كانت ديك الساعة ياله قفلات 26 سنة كملات خدمتها وكانت خارجة توقفها شي صوت دارت لقاتو هو
صلاح: ممكن نهضر معك
هي توثرت وبزز باش قدرت تحكم في راسها وتنطق
لبنى:علاش
صلاح: واحد موضوع مهم
هي تمشات معه فين داها لواحد كافي وطلب ليها وشاف فيها ونطق
صلاح: تزوجي بيا
هي تصدمات لدرجة الكحبة وحلات ليها وشافت فيه ونطقات
لبنى:شنو انا
صلاح: اه انا كنت تنقلب على شي بنت الناس وهذا تقريبا عام باش كنت حاضيك ولقيت فيك اش بغيت الا وافقتي انا غاذي نجيب عائلتي ونجي لداركم
لبنى:(حذرات راسها) ولكن انا يتيمة بابا وماما ميتين
صلاح:(شاف فيها شحال) يتيمة ماشي عيب والله يرحمهم ويرحم القبر وما خلا نتي يتيمة لكن خدامة وبنت ناس وانا تنتسنى هي موافقة تاعك وديك الساعة تفضلي بالشروط تاوعك
هي بقات مصدومة واش صافي حلمها تحقق هي غاذي تولي مرتو
مطلبش منها وقت باش توافق وفعلا تزوجو هي مطلباتش عرس ولكن كانت تتسناهم هما يديروه لكن لاهنية درات ليها خاطرها واخا لبنى بقا فيها الحال وحسات مع الوقت ان لاهنية مرضياش بيتيمة زوجة لولدها لكن مع الوقت العلاقة تصححات وكان ديما صلاح واقف في جنبها تا نهار فحصات ولقات ان عندها كرن مريض متعفن وانها مغاذيش تولد واسها ونطق انه مباغي ولاد وشافت مو تتضغط عليه ولكن كان تيعطي نخال ولكن داب كلشي تغير واش هي لغالطة لعطات راجلها مرا خرى ولا رجلها لغالط حيث مقدرش يوفق بينتهم
#نهاية فلاش باك ..
مشات لتليفون لاحت بوسط فيه للبنات تتعاود مشاكلها على الله قلبها يبرد ومع داعويهم ليها خلاها تزيد تشجع كثر حطات تليفون ومشات طيب باش تعشا لعشية هاذي وتا صلاح مغاذيش يبات هنا يعني طيب شنو مبغات وهي شي حاجة بسيطة قداتها ورجعات لبلاصتها وهزات تلي لقات شي بنت مصيفتا ليها بريفي قبلتها ولقاتها مصيفتا السلام رجعتو ليها
البنت: سمحي ليا اختي دخلت عليك هذا الدخلا ولكن انا شي عام هذا وانا تنقر البوسطات تاعك في كروب وقررت ندخل عندك
لبنى: ايه مرحبا ختي
البنت: شوفي اختي انا في عمري 45 سنة وديت وجبت في دنيا تا عيت وشكل تاع راجلك هو لكان عندي نيت داب مات الله يرحمو
لبنى:الله يرحمو
البنت: تا انا كان وقع ليا فحالك كنت متنولدش وكان باغي يتزوج عليا ولكن جمعت راسي ومخليتوش يدخلها ومطلقتوش حيث تنبغيه والمجتمع متيرحم المطلقة وخصوصا في حالتك لكن ربي داب جزاني ربيت جوج ولاد وبنت والحمد لله على كل حال
لبنى:(تنهدات) الحمد لله
البنت: شوفي اختي الزوينة الحياة متتوقفش على رجل هاذي متافقة عليها لكن الحياة متتمشيش بلا رجل راه الله سبحانه وتعالى خلقنا ذكر وانثى باش نكملو بعضيتنا وحتى لمسهلش عليها الله في زواج تيبقا هذاك حكم الله متندخلوش فيه كوني قوية وبني حياتك ولكن اختي الا خرجتي داب راك غاذي تكوني خارجة خاسرة
لبنى: فقهيني اختي راه تلفت
البنت: نتي قلتي اختي تتحشمي من راجلك ياك وراه حلالك هذاك مكاينة حشمة خاصك تحمشي في شي حوايج اما الفراش مفيه حشمة ومدام الضرة تاعك جرتو عندها بهذا السرعة الا وهي حاشاك ق**ة معه في الفراشة ونتي باش فايتك هاذي تا نتي كوني هكك واخا هي تعرفي من راسك ورجليك وترجعي دقتك
لبنى: ايه اختي وشنو ندير
البنت: شوفي غاذي تقادي ليه وتزوقي وتمشي عندو تكون المبادرة من عندك ومن بعد ردي عليا الخبار اري نمرتك واتس
لبنى :واخا
عطاتها نمرتها جمعو شويا ومشات تنعس على امل اكبر للغذا
اما صلاح تقدا العشاء لاميمة تعشاو ونعسو بقات هي رجاء شدا الحديث مع وسام لسيمانة جايا جاي لمغرب يخطب …
نهار جديد دوزاتو لبنى هي توجاد في راسها تحت اصرار ديك البنت (نزهة) لبقات تتقريها اش دير واش تفعل وكيفاش تجاوب وكيفاش تعامل نهار كلو هي في تدريب حتى من جسمها لاول مرة دير ليه تقشير وتهلا فيه لهذا الدرجة توصلت العشية و لبسات ووجدات تتسنا فيه هو لدخل وتصدم من داكشي لشاف العشا الراقي والعصري والدار كيفاش ديرا مهم داكشي منقولش ليكم ناضي من لخر
هي قدامو تتبتسم ليه هو نطق
صلاح: لبنى واش بخير
لبنى:حمد لله دخل راه وجدات هادشي على قبلك
هو عنقها ونطق
صلاح: الله يخليك ليا وحاجة خرى اميمة حاملة انا فاش سمعتها اول واحدة كنت باغي نشارك معها هادشي هي نتي
هي عناقتو وحاولات متبينش زعلها في هذا الموضوع لحساس عندها
هو تمشا لطواليط غسل يديه و قاد حالتو وجا تيتعشى كما المعتاد عادي وهي حده مرة مرة تقيسو في صدرو في كتافو وهو تيتبسم عادي تكملو وجمعات دنيا وهو جا وراها عنقها ونطق
صلاح: شكرا على عشا وباقي تنتسنا في ثاني
خالها وزاد تيتبسم وهي متبعة ليه العين وفرحانة اول تطور ملحوظ في حياتها بعد تتجمع وتتزرب هو مشا لبيت نعاس تيتسنها
عند اميمة كانت مدوزا الرقم مع رجاء
اميمة: شتي خوك شتيه خلاني حاملة ومشا عندها
رجاء: خدمي عقلك ازبلة شويا
اميمة: واش ندير راه وليت تنغير عليه تا من مرتو اللولة
رجاء: صوني ليه ابيل فيديو ومنوصيكش
اميمة: ههه فهمتك
ناضت بزربة جبدات واحد شوميز زوين من عندها طلقات الشعر وصونات ليه ابيل فيديو هو كان تيتسنا لبنى تجاه الاتصال شافها وهز تخلع سحابو واش شي حاجة وقعات للولد جابو على ابيل فيديو وهو يتصدم كانت صراحة في منظر مغري بززاف
اميمة: توحشتك
صلاح: واش واقعة شي حاجة
اميمة:(عرات على كرشها من تحت يعني من كرشها لتحت كلشي عريان تا الكيلوط تيبان مشبك ) ولدك لصونا ليك توحشك بززاف
هو بقا هي حاضيها صراحة ضربتو في صميم
اميمة: (تتضحك بدلع) وصراحة تا انا توحشتك
بدات تتقرب من الكاميرة وتتغريه كثر وكثر وهو هي حال فمو فيها تتطفات الابيل وخالتو تيتخيل فيها وصارح في جمالها كثر وكثر ونسا راسو وعطا بالظهر للبنى لجات حده ونعس وهو تيتخيل في اميمة معه اما لبنى صافي داكشي لخاصها كمل ليوم وهاذي كانت ضربة قاصحة عليها بززاف لدرجة انها بدات تتفيقو رغم عقلها لمخلهاش الا انه كان نعس ..
##بعد مرور شهرين
هذا الشهرين كانت شويا صعيبة على لبنى بززاف خصوصا ان صلاح مزارهاش كثر من جوج سيمانات داب على حساب ما ذكر ان وحم تاع اميمة جاها عليه ولا وقتو كولو ليها هادشي اثر على نفسية لبنى بزاف ولكن ديك البنت(نزهة) كانت ديما تتنصحها وفي جنبها في هذا الوقت لداز كلو وتتزيد تتدعمها في كل خطوة ليها وبكلامها تتشجعها
واقفا قدام المراية تتقاد في راسها واخا وجهها ذابل بكثرت البكا والحكرة ليوم عندها ثاني موعد مع طبيب غاذي يديها محمد اما تصلاح مشغول مع الناس ليوم الحفلة تاع اميمة كلشي فرحان ولكن هي مقدرتش تمشي واخا لاهنية عيات طلب فيها ولكن دارت الحجة بالطبيب
قدات راسها وهبطات مع الدروج شافت نيت سناء لابسة القفطان وخارجة
سناء:(تتبسم) ختي لبنى هي غاذا انشاء الله خير
لبنى: انشاء الله
هبطات عند محمد وركبات معه لعند طبيب وعينيها هي متبعة صلاح لواقف مع عادل التحت ومع جوق وتيهضر مع الرجال قلبها ضرب بجهد لكن تحكمات في راسها وزدات مع محمد توصلو لعند طبيب طلعات هي ويه نيت عندو هو تسناها برى وهي دخلات عندو
كما المعتاد تيربي فيها الامل شويا وتعيطيها شي دواء
رجعات عند محمد لنطق
محمد: كملتي اختي لبنى
لبنى:اه
محمد:اري داك دواء نشريوه عدباش نرجعو
لبنى عطاتو ليه مشا شراه ورجعها الدار وهو تيتحصر على حالتها صراحة بقات فيه ديما كانت منورة وحداكة داب تتبان ليه ذبلات وشرفات بلا وقت تنهد وطلق ليها القران في طموبيل وزاد بيها لدار حطها ومشا عند خوه ..
صلاح واقف مع الرجالة برى هو وباه وعبد السلام وعادل اما العايلات لداخل مع اميمة ملبسينها قفطان والاغاني مطلوقين والضحك والنشاط وتينقشو ليها في رجليها وكلشي تيضحك وناشط والعايلات تيكمدو ليها في الفلوس ها مولات الربعالاف ها مولات الثمنالالف مهم الجو شعبي بامتياز
صلاح شاف خوه لجا وقف حده ونطق
صلاح: اش قالت طبيبة
محمد:دخلات هي ختي لبنى وراه خرج ليها شي دواء شريتو ليها
صلاح هز ليه راسو وبدا تيتسلام مع الناس تجات دبيحة دبحوها قدام الباب ايو ريحة شواء عاطية والغناء مهم عشية دازت من داكشي رفيع
لبنى هي حاضيهم من شرجم وتتشوف حياتها لتخربقات ولاول مرة حنات انها تزور والدايها من نهار ماتو مزعماتش انها تزورهم تال ليوم غمضات عينها ومشات تتشغل راسها بأي حاجة
عند صلاح المجمع كمل وكلشي تفرق هو مشا لعند طباخة هز من ديك الماكلة وطلع عند لبنى لدار لقاها نيت جالسة حط ليها داكشي ونطق
صلاح: شنو قالت ليك الطبيبة
لبنى:(مدراتش وجهها عندو) مزيان
صلاح: (نعت على الماكلة) هذا حقك علاش مجيتيش
لبنى:راسي ضرني
صلاح؛ واخا تبغي نجيب ليك الدواء
لبنى: لا ولكن ممكن غذا مع العشرة تاع النهار تجي ديني ضروري
صلاح: فين
لبنى: لواحد البلاصة
صلاح: واخا تصبحي على خير
خلاها وهبط التحت نيت شاف مو نيت داخلا لدار وهو ينطق
صلاح: الوليدة غذا الصباح انا مكينش في دار ردي معك البال لاميمة راه مثقلة
لاهنية: فين غاذي لمحل
صلاح: لا غاذي خارج مع لبنى
لاهنية: واخا اولدي
زاد في حالو خارج ومردش البال لرجاء لواقفا عند الباب تتسنط عليه لبزربة هزات تليفون ودوزات رقم لاميمة
اميمة: الو زين شتك ليوم شطحتي نيت
رجاء: ايه شوفي تسنطي ليا راه خويا غذا مع صباح خارج مع لبنى شوفي كي ديري متخاليهش يخرج
اميمة: واخا ازين يحفظك ليا
رجاء: وتهلي ليا في راسك ..
دخل لعند اميمة لقاها متكية في ناموسية بدل حوايجو وتكا حدها
اميمة: اش غاذي نسميوه اصلاح
صلاح:(هز عينيو فيها) نتي لغاذي تعذبي باش تولديه نتي تختاري سميا
اميمة:(باستو في حنكو) متشهيتش نسميه صلاح دين
هو تبسم بشكل طفيف ونطق والا بنت
اميمة: نسميها نور الهدى
صلاح: سميات زوينين
هي قربات منو وحطات راسها على كتافو ونطقات
تنبغيك اصلاح خليك ديما معيا عمرك تخليني
هو شد على يديها لحطاها في صدرو وسكت حيث هو راسو معارفش باش يجاوب وحاليا راسو تيدور هي على لبنى وحالتها لجاتو ماشي هي هاذيك
عند رجاء لهابطة تتسلت من الدروج بزز تخرجات من ورى درب وركبات في واحد رونج تتلمع في الكحل
دخلات وتسالمات بالحناك معه
وسام: توحشتك ازين ديالي( بالخليجية)
رجاء: كون تشوف انا
هو جبد واحد البوطة فيها سنسلة تاع ذهب ونطق
وسام: متغلاش عليك حبيبتي
رجاء:(عنقاتو) شكرا حبيبي
وسام: داب فين نمشيو
رجاء: ويلي انا لابسة هي حوايج دار ياله بدلت ههه جيت هي نشوفك توحشتك
هو هز يديها وباسها
وسام: كون تشوفي انا
رجاء: وداب حبيبي جيتي لمغرب داب كثر من شهر ونص وباقي مجيتش لدرانا
وسام: قريب حبيبتي نصفي هي شي شغل هنا
رجاء: وايلا سولوك فين تتعرفني
وسام: واخا راك حذرتني نقول انني شفتك في طريق تاع لافاك صافي
رجاء: صافي
تعانقو وهبطات في حالها فرحانة بالسنسلة دخلات وخباتها في ماريو ومشات تنعس
لبنى بدات تتوجد شاكوش باش تزور والديها لاول مرة هزات قرعة تاع ماء زهر واحد الميكة عامرة بالتقويتات وكلشي وحطاتهم ومشات تنعس ..
اصبح الصباح والملك لله وحده لا شريك له
فايق من نعاس مدوخ نيت تسمع شي حد تيبكي حده دور راسو لقاها اميمة
صلاح:(مخلوع ) اميمة مالك واش تتضرك هي حاجة
تيقلب فيها
اميمة: تخنقات اصلاح معرفتش مالي
صلاح: نوضي عند طبيب واش متتقدريش تنفسي
اميمة: اه بغيت هي نخرج نشم الهواء عفاك خرجني ندور تنحس بالخنقة والزمتا بالجهد
صلاح: واخا واخا سربي ياله
ناضت لبسات حوايجها وتا هو هبطها بشويا وزاد باللوطو تيدور فيها فين ما بغات داها لجردة شويا داها تفطر وحلفات الا رجعات ليه لدار
عند لبنى
جالسة تتسنى فيها فاتت العشرة هاذي الطناش تاع نهار قلبها تزير عليها واش تال هذا الدرجة هي رخيصة عندو هي طلب منها خمس سنين باش تقدر تزور والديها ونهار جمعات شجاعتها هو دار ليها هك مطلبش منها وقت كثير باش تهز شاكوش تاعها وتزيد هبطات وشدات اول طاكسي لعند المقبرة
ووقفات قدام قبرهم فرقات دوك التقوتات على البراهش تما وشدات ديك القرعة تاع لما الزهر تترشها على قبرهم ودموعها هابطين سربيس من عينها طاحت على ركابيها على قبرهم ونطقات
سمحو ليا متنجيش عندكم انا منقدرش نشوفكم هك نتوما لعندي في هذا الدنيا ونتوما لجيت ليوم نشكي ليكم همي عيت امي عيت ابا عيت من كلشي عيت من الحكرة عيت امي عيت اجي تشوفي بنتك امي كلشي تيمسح فيا رجليهم امي اجي تشوف ابا معنديش علاش نحط راس علاش خلتوني علاش كون هي دتوني معكم دنيا مفرحتنيش ولو نهار من نهار مشيتو
طاحت تتبكي عند قبرهم ومعنقاهم وتتهضر
اه يا مي نهار على نهار تنشرف على عمري امي دنيا خبيثا وانا معارفش ليها معارفش نكون فحالهم انا بغا هي نعيش نهار نبكي نلقا ليمسح ليا دموعو نهار لنضحك نلقا ليضحك معيا تعذبت امي تعذبت بززاف امي كلشي محاملنيش امي واخا مدرت والو عمرني جرحت شي حد امي
با راجلي منصفنيش ابا نساني ابا راجلي لشفتك فيه ليوم هو اكثر واحد اذاني ابا هو اكثر واحد بكاني هو اكثر واحد عفس على قلبي هو اكثر واحد خذلني اكثر واحد خلاني نتشوا قلبي تيضرني ابا
جلسات تما تتبكي وتشكي عليهم ويديها تيترعدو عليها
صلاح كاين هو واميمة في واحد جردة نيت جالسة هي تتأكل في بولو وهو حدها هز ساعة يشوف شحال لقاها 1.30 شويا تفكر لبنى ديك الساعة فحالا كبيتي عليه سطل ديال الماء بارد قفز من بلاصتو ونطق وهو واقف
صلاح: اميمة ياله
اميمة: باقي مكملت بلاتي شويا
هو نوضها بشويا ونطق
صلاح:كمليه في طموبيل سبقها وهي جايا ركبها وداها لدار حطاها وزاد وهي تتفقص وتتضرب في جنابها من الفقصة
هو بالزربة طلع لعند لبنى تيجمع الدرجة في جوج وقلبو تيضرب بجهد تدخل عندها لقا دار خاويا بدا تيقلب عليها في البيوت لقاها تتصفر هبط عند مو تيسول قالت ليه مجاتش عندهم هنا صافي قلبو ضرب بعنف وعقلو تخربق عليها بالجهد شاف خوه طالع سولو عليها
محمد: لا واش مكاينش
صلاح: لا فين غاذي تكون مشات
محمد:(حط ليه يده على كتفو ونطق) هادشي ليدوز عليها كان هذا هو اقل حاجة غاذي توقع
خلاه وزاد بينما صلاح تيدوز شريط انها ممكن تكون مشات في مرة هذا الفكرة تتمرضو وتتخليه باغي يالقها باي ثمن
ديمرا طموبيل تيقلب عليها والو ملقهاش رجع ثاني لدار تيقلب و
تيدور كي الهبيل في الدار ملقهاش في دار فين عمرها هي خوات ليه الدار ولا عتبات بلا بيه مو معندهاش اذن فين بتمشي معندها تحد خرج تيقلب في زناقي كي الهبيل ثاني وتينطق في خاطرو
صلاح: فينك البنى فين…
شداتو واحد الخنقة في شكل هو ديما حاس ان لبنى بين يديه لكن ليوم لأول مرة دير شي حاجة بلاما يعطيها الضو الخضر هادشي عصبو ولكن واش هادشي عصبو ولا هو مقدرش يتصور انها تغيب
في وسط تفكيرو تفكر المقبرة زعما تكون زعمات ومشات تزور والديها قرر يمشي اش غاذي يخسر ديمرا ووقف لوطو هبط شافها نيت خارجة وقف عليها والكشكوشة خارجة ليه من فمو
صلاح: (تيغوات) علاش خارج شكون خالك عرفتي شحال قلبت عليك
هي عاطيه مشي وغاذيا في طريق ولكن هو شدها من ذراعها ونطق
صلاح: من نكون نهضر معك شوفي فيا وووقفي
هي نفضات راسها منو ونطقات
لبنى: صلاح عطيني تيقار انا مجايش معك نتا من طريق وانا من طريق فهمتي
هو تصدم فيها تتهضر وتتغوات هو شداها وغاذي بيها لوطو وهي عصات ليه لكن شداها وهي تتغوات وتتهضر
طلق طلق مني بعد مني مبقتش بغاك فهمها انا مبقيتش بغاك بعدي مني
هو هذا الكلام ضرو في خاطرو معرفش علاش لكن باقي شداها وغاذي بيها تتدخل لوطو وديمرا لدار ووقفها وهبطها بزز وهو معارف معها وتيشدها بزز وهي تتهز وتحط بكثرت العصاب لكن
جرها من يديها ومدخلها لدار وهي مباغاتش و تتزيد ليه بزز باش غاذي بيها تدخلها لدار وسدها ونطق
صلاح: علاش خارجة بلا خباري علاش وشنو هذا الحالة لديرا
باينة فيها معصب لاح ساروت مع الارض ورمقها بواحد شوفة في شكل هي شافتو هكك وقفات على رجليها وتفركعات عليها
لبنى:(تتبكي) مشيت نشوف والديا اه اصلاح والديا لخمس سنين هاذي وانا نجمع شجاعة باش نزورهم في قبرهم (تبسمات باستهزاء) اصلا هما لبقاو ليا في دنيا نتا اش درتي قول اش درتي هضر (رفعاات صوتها كثر) مشيتي ونسيتني ومجيتيش
صلاح:( حس بالتأنيب لكن مبينش) واش البنى غاذي تشديني من هذا الخطأ ولا شنو
لبنى:(تفركعات بالمزيان) خطأ اصلاح خطأ واش هي خطأ واحد راه بززاف اولهم انك نهار تزوجتي ثانية نسيتني نسيتي اني بنادم لحم ودم وتنحس نسيتي كلشي ومشيتي
صلاح: (شاف فيها وتعمق) علاش مهضرتيش في هاذك الوقت علاش سكتي علاش مقلتيش لا متزوجش وعلاش نتي شجعتني عليه
لبنى:حيث انا عاقرة عارفة شنهيا عاقرة يعني عمرك تهز دري في يدك وانا سمحت ليك باش تعدل ماشي تنساني لكن ماشي نتا اول دقة في حياتي كاع لدازت على راس زينة
دموعها هبطو مع كلامها اول مرة تنهار قدامو لهذا الدرجة هو تقدم جيهتها بشويا ووقفها مقادة ومسح ليها دموعها وسط غواتها و
شدا ليها من حد وذنيها وجبهتو على جبهتها نفسو تيضرب فيها وشعرها منتشر على يديها لمحطوطة في رقبتها ووذنيها وويديها الاخرى تيمسح ليها دموعها بشويا
صلاح دين: عارف البنى عارف باش تتحسي لكن مبيديش
هي في وسط يديه تتنهج قلبها تيضرب دفعتو بشويا تتبكي
لبنى:لا اصلاح معارفش معارف والو معارفش باش تنحس معارفش
(طاحت الارض تتبكي) معارفش هذا الاحساس تكون متتسوا والو انك بحدك وسط فرح كبير بحدك وسط ناس نتا تتبكي وهما تيضحكو معارفش اصلاح معارفش
تقدم عندها وقربها منو وهي والو مبغاتش تسكت تتبكي وتغوات
تشدها وقربها كثر وخشا فمو وسط فمها مخاليها مصدومة منو
لكن هادشي مخالهاش تبرد ولا ترد لقلبها صافي قلبها عمر وكلامو مبقاش تيقدر تيشفع ليه ولو شويا دفعاتو بجهد
لبنى: صلاح بعد مني خليني نمشي خلاني نبني حياة واحد خرى متكونش فيها نتا
هو دفعها مع الحيط ونطق وهو مكشكش
صلاح: شتي هاذي بالضبط لعمرها تكون ليك
هي دفعتو ونطقات
لبنى: تالاش اصلاح تالاش غاذي تخليني عبدة عندك وعندها نتا اعتبرتيها هي لكاينة ونسيتني درتي ليها العرس وانا لا كبرتي بيها قدام الناس وانا لا مدحتها قدام والدايك وانا لا شدتي في يدها قدام كلشي وانا لا هزيتها وطبطبتي عليها وانا لا عطتيها الوقت وانا لا ضحكتي معها وانا لا عطيتها كلشي وانا لا اذن علاش نبقا علاش نبقا صابرة انا تنكرهك فهمتي تنكرهك نتا اكثر واحد تنكرهو في هذا الدنيا
هو ديك الكلمة سارت معه وذاتو تنملات عليه مرضاش تعصب لاقصى درحة جراها ودخلها لبيت نعاس وورك على يدها ونطق
صلاح: شتي هذا الدار هي لمكتابة ليك سواء بغيتي سواء لا ودخليها وبداي تقبليها
هي رجعات باللور وكلشي تجمع عليها مبقاتش فاهمها واش باغيها ولا لا واش هي مهمة ليه ولا لا صراحة كلها تخربقات جمعات راسها
و واقفا قدامو دموعها تجمعو بين شفارها وخا حلفات متنزلهومش لكن القلب عطى الامر والعين طبقات
علاش ا صلاح علاش ضربتي كلشي لعشناه في زيرو وكلشي لدوازنها سمحت في كلشي على قبلك قرايتي كلشي ديتني يتيمة شفت فيك نتا عائلتي ومن تزوجتك قلت صافي دنيا ضحكات ليا وداب كلشي تبدل طاحت قدمو على ركابيها وراسها في الارض اصعب احساس انك دير ثقة ومتلقاش من وراها الرد لبغيتي هو صاط بجهد ونوضها بزعفة ونطق
فاش غلطت هدري ابنت الناس فاش ظلماتك هدري
هي نفضات راسها منو ونطقات في كلشي اصلاح في كلشي داكشي لكن ليا عطيتيه ليها علاش حطيتها الفوق ونزلتني انا لسابع ارض هدر ياكما ما عمرك خلتني نعتب الدار وداب ولتي تتسخرني عليك وعليها كنت تتقول انا عارضك وهيبتك وجات هي وضربات هادشي كلو في زيرو (خبطات الكوفوز حدها) فاش حسن مني هي فاش هدر فاش هو جرها من ذرعها وزير ليها على كرشها بيديه ونطق ووجهو قريب عمرك شفتي وجهك في مرايا عمرك قارنتي راسك بيها (دفعها وضحك باستهزاء) حتى انك تكوني مرأة معرفتيش باركة عليك تكوني خدامة
دفعها وخرج فحالو مخاليها طايحة الارض وتتبكي ومصدمة من كلامو لسمعات ..
إلى هنا تسالات سهرتنا تصبحو على خير بززاف تاع الحب موعدنا غذا انشاء الله في نفس الموعد
هابط مع دروج وراسو منفوخ عليه تيحس انه متيساوش اه هي قصحات معه بهضراتها وخصوصا كلمة تنكرهك هاذي مكانش باغي يسمعها لكن ممحقوش يقول ديك الهضرة ولا يصغر منها هي عمرها صغرات منو ولا نقصات منو ولا حتى كانت معها خايبة بالعكس كانت ليه نعمة زوجة تنهد وهبط لتحت ديمرا ومشا لاصال تيتريني وتيتفكر هضرتو لقا راسو غالط وبززاف مكانش عليه مفاق من سهوتو تجا عندو خوه
محمد: حمد لله من لقتيها اخويا ولكن راك غالط بززاف
صلاح:(تنهد وهبط راسو) عارف
محمد: هملتيها بجهد ولحتيها العافية بيديك نتا عارف بالله ختي لبنى دغيا تتقلق ومتتبينش تقليقا تاعها ولكن انا عاذرك اخويا فرحة بولدك نساتك كلشي
صلاح:(شاف فيه ونطق) انشاء الله خير
اما لبنى جبدات واحد شاكوش تتجمع في حوايجها وتترعد هضرتو هداتها وخلاتها مقادرش توقف مقادا ولو شويا ذاتها تترعد قلبها تيضرب بجهد دماغها تقلب تسمعات صونيت تاع صحبتها نزهة وجوابتها وبدات تتعاود ليها كلشي وتتنخصص
نزهة: وداب فين غذا واش نتي حمقة هي اجي وخرجي وفين تعب خمس سنين تاعك
لبنى:انا مبغيت والو بغيت هي نمشي فحالي
نزهة: شوفي نتي خاصك ترجعي حقك ثلاث ومثلث وشتي انا متأكدة ان من هضرتك ان ضرتك اكيد تتدير شي حاجة
لبنى:المعمول
نزهة: شوفي نتي واش بغيتي تخرجي ونتي خاسرة ولا رابحة ولا بغيتي تخرجي ونتي عندك كلشي ولا والو
لبنى: قولي هاني تنتصنت
بقات نزهة تتفتي عليها وهي تتصنت تكملات ورجعات حوايجها وتوضات ومشات تصلي ودعات ربي يوقف معها على هذا الحرب لغاذي دخل
صلاح كمل لونتريما ديالو وخرج من بعد ما دوش داز على اميمة شافها و رجع عند لبنى دخل شاف سكوت مشا لبيتها لقاها جالسة حط ليها دواء تاع راس وديال اعصاب فوق الكوافوز وتوجه عندها ونطق
صلاح: شنو داب شتك ساكتا فين هضرتك
هي مهضرتش فقط ساكتا تقرب منها كثر ونطق
صلاح:واش الكلام لقلتي صباح صح
هي نفضات منو وجات تخرج دوراها عندو ونطق
صلاح: تنهضر معك البنى
لبنى: اه صح مبقيتش باغك فهمتي انا ماشي عبدة عندك فهمها ودخلها لراسك
هو قربها كثر ولصقها مع الحيط وجا فاص معها وهضر
صلاح: لبنى متعصبيش مي هذا نهار
لبنى: شنو ضرتك رجولتك تقصحتي ياك اصلا انا هي خدامة وخاصني نشوف راسي في مراية
صلاح: مقصدتش البنى مقصدش واش تتفهمي انا مقصدش وانا مكنتش باغي اصلا نتزوج نتي لجيتي عندي وبغيتي نتي لقلت معنديش مشكل
لبنى: داب لوقع وقع طلقني هادشي لكاين ليك داب
صلاح: (حط يديه على وجهها ونطق) تنبغيك واش تتفهميها تنبغيك
هي ضحكات واحد ضحكة في شكل ونطقات
لبنى: جيتي معطل
هو قربها منو باغي يبوسها وهي دفعو
تتغوات باقصى جهد عندها
متقربش ليا فهمتي عمرك تقرب ليا شتي الفراش مغاديش يجمعنا بجوج
نهار لحت عليك راسي وزعمت راسي وسط ما انا فرحانة بكل لمسة منك نضتي تتقول سميتها اذن علاش باقي تتقرب مني
صلاح:(مصدوم) شنو
لبنى:(شافت فيه باستخفاف) ههه شتي نتا براسك معقلتيش على راسك فاش قلتها نصيحة سير حظي مرتك وولدك انا حرمتك عليا راجل
خلاتو ومشات تنعس هو راسو تنفخ عليه انتا قالها معقلش حس بهذا ساعة قادش هو داب تيبان صغير قدمها تنهد وجاب مخذة وتكا في صالون وحلف نعاس الا جاه تفكيرو كلو فيها دماغو زند عليه جاه اتصال شاف شكون لقا اميمة مصونيا ليه ابيل فيديو قبل اتصال لقاها لابسة ومقادة ونطقات
اميمة:مجايش ليوم
صلاح: لا تصبحي على خير والا ضرتك شي حاجة ديك ساعة صوني
قطع عليها ورجع تيخمم في حريرتو ورجع بيه راسو لخمس سنين قبل ..
وناري يابنات متبقاوش طلبوني راه قلبي صغير 🙂🙂
اودي تنحبكم والله
رجعات بيه عينيه مني شافها اول مرة كانت ياله بدات تخدم في ديك القهوة من اول نهار لاحظها كانت تتبان ليه ضعيفة بزاف وهشة ولكن ديما كانت تتبتسم هادشي خلاه نهار على نهار يجي لديك القهوة ويجلس بزاف و رد ليها البال انها تا هي تتشوف فيه بزاف لكن مبيش ليها وكان تها في العشية فاش تتكون غاذيا الدار كثر من عام وهو حاضيها شافها داخلا سوق راسها من دار لخدمة ومن الخدمة لدار هادشي زاد عجبو فيها وقرر يتزوجها ويدير ليها العرس وكلشي وهي رفضات جاتو في شكل ظن انها هكك مبغاتش تحس انها وحيدة وان كلشي لحاضر من عائلتو هو وقرر يطبق اش قالت
تفكر نهار دخلة تاعهم لكثر من شهر وهي حشمانة منو وداك النهار كان هو لدار المبادرة بحكم راه راجل وكيفاش كانت حشمانة وكيفاش من داك النهار جميع علاقاتهم الزواجية كانت بضوء مطفي وهو مبغاش يخسر ليها خاطرها واخا شحال من مرة لمح ليها انه باغيها طلق معه ومع الايام مبقاش تيحاول ولا تيقول ليها
#نهاية الفلاش باك
تمسد على السداري وكلشي تجمع عليه من كل جوايه هو عارف راسو غالط وانه ضروري غاذي تخرج منو زيت البلدي توصلات ثلاثة تاع ليل عدباش نعس
اصبح الصباح والملك لله وحده لا شريك له
فايق مدوخ شويا مع نعس معطل توكض شويا وحل عينيه مزيان على جهدهم وخرج من صالون في اتجاه تاع الصوت لتيسمع جايا من الكوزينة لقاها تما جالسة تتأكل وممسوقاش ليه واش كاين شافتو تبسمات واحد ابتسامة في شكل ورجعات تتأكل عادي وتا الفطور كان عادي هي خبز والزيت والفرماج
هو مهضر ما تكلم جلس حدها تيفطر وهي تنوض من تما بدات تتجمع في بيت هو الخبر لكان هاز في يده ضربو مع طبلة ومشا عندها وتيهضر
صلاح: داب شنو هذا المعاملة جديدة عندك
لبنى:(هي ربي نزل عليها واحد البرود) اش من معاملة
صلاح: لبنى بلاما تبهلي عليا مع هذا الصباح
لبنى: سير غسل وجهك اصلاح راه وقيلا باقي مفقتيش من الكلبا
خلاتو ومشات تتجمع ممسوقاش ليه هو خرج من تما حاقد على كلشي تا مو مداز عندها وتا اميمة خرج لخدما حاقد …
تتجمع وهي مكالميا جا عندها محمد حط ليها تقديا تاع ليوم جمعة بدات تتطيب كسكسو وهي مبردة وحالفة ترجع دقتها ثالث ومثلث منهم ولكن متردد فهادشي لتدير
صلاح دوز الصباح في خدما كل تفكيرو فيها وصلت وقيتا تاع صلاة مشا مع باه وخوه يصليو
اما لاهنية مشات عند اميمة جابتها باش يطلعو يتغذاو وتا البنات عندهم كلشي تجمع عند لبنى لتتصرف عادي حلات الباب سلمات عليهم عادي وجلسو في صالون تيشربو اتاي وتيهضرو
لاهنية: الله يا بنتي لبنى غبرتي عليا غبرة خايبة
رجاء: يكما مقلقة منا ولا زعفانة
لبنى : الرجا في الله اخالتي كنت مريضة كون طلعتي كنت تشوفيني لكن ماشي مشكيل عارف انني عزيزة عندك
لاهنية:(تصدمات لكن حاولت تهضر عادي) وهي سمحي ليا ابنتي تلهيت وهادي عندك فيه صح شنو ضرك
لبنى:حمد لله داب اخالتي ونتي اختي رجاء كنت قلتي ليا التيقار تيبعد من صداع وعندك صح في هذا الكلمة
رجاء ولات حمار حدها سناء لتتضحك عجباتها فيها اما لاهنية مصدومة في لبنى لبين ليلة ونهار تبدلات مئة درجة
رجاء: لا يا ختي لبنى راني منويت والو
لبنى:(تتضحك) ويلي واش ديتيها بجدية ههه هي ضحكت معك عارفة قلبك بيض ومنور فحال وجهك
جات تجاوب تحل الباب ودخلو الرجالة سي براهيم عطا ميكة تاع ديسير للبنى ونطق
سي براهيم: هاكي ابنيتي شفت هذا المزاح قدام الجامع وتفكرتك
لبنى: يخليك ليا اعمي
مشات لكوزينة تتوجد داكشي جات سناء تتعاونها حطو الغذا تيأكلو اميمة هي حاضية صلاح وحدها لاهنية لشافتها متتكلش مزيان
لاهنية: مالك ابنتي واش ضرتك شي حاجة
اميمة: لا اخالتي هي مع الحمل(وراكات على ذاك الحمل وشافت في لبنى) خاطري تيهرب شويا وتشهيت البسطيلة
نطقات حدها رجاء بزرية
رجاء: ( تتشوف في لبنى) ختي لبنى تتصرع البسطيلة منقولش ليك
صلاح هز عينو فيهم ونطق
صلاح: انا غاذي نشريها ليك ونتي(نعت في ختو) بداي دخلي سوق راسك
لبنى:(تبسمات ونطقات) مرحبا انا نصوبها ليك اختي اميمة لحنا شحال عندنا منك من واحدة نيت في لعشية معندي ميدار نضيع فيها الوقت
صلاح هز عينو تيشوف فيها اما رجاء سكتات ورجعو تيأكل عادي تنطق صلاح وشاف فيها
صلاح: الله يعطيك الصحة كل مرة تتزيدي تصرعيه كثر
لبنى متسوقاتش تتأكل عادي اما اميمة وجهها ولا فحال مطيشة مكرهاتش تنوض تنتفهم بجوج ..
تجمعات طبلة وتمسحات وديسير تحط سناء هزات ساكها وتبعات خوها محمد لسبقها لتحت
سناء:(تتسالم مع لبنى) هاني غاذية اختي الله يعطيك الصحة
لينى:طريق السلامة
هبطات مع خوها اما صلاح ناض مع باه وشاف في مو ونطق
صلاح: وصلي معك اميمة الواليدة
وهبط مع دروج مخليها مصدومة شافت في لبنى بالغل وتسلمات معها وهبطات هي ورجاء ولا هنية في حالتهم
لبنى خرجو وهي تكمل جميع دار وهزات تليفون تتهضر مع نزهة
نزهة: شتي اش قلت ليك هي صبري وكملي
لبنى: لا اختي مقدرتش تنحس براسي تنعاملهم خايب
نزهة :(تتخذها على قد نيتها) شوفي واش قلتي ليهم شي كلمة تاع العيب جرحتهم
لبنى: لا
نزهة: ايو صافي سيري ديري داب داكشي لتفقنا عليه
لبنى:واخا
نزهة: شوفي حيدي هذا الكونط لتتحطي بيه مشاكلك
لبنى: علاش
نزهة: شتي نتي مكلخة راه كونطك الاصلي وخمسين في المئة شي واحد منهم تتشوف اش تتكتبي
لبنى: زعما
نزهة: زعما ونص
خلاتها ومشات ديك ساعة حيدات الكونط تاعها ودرات واحد اخر ومشات الكوزينة تتوجدي في البسطيلة على خاطر خاطرها تكملات وضرباتها ليك بواحد التكحيلة ولبسات واحد مولاتي كسوى غزالة وتقادات وخرجات عندها بكل ثقة مشات عندها للبرطمة تاعها ودقات
تحلات عليها
اميمة: مرحبا مرحبا
دخلاتها لعندها في دار بشويا حطات ليها طبسيل فوق الطبلة ونطقات
لبنى: نتمنى يعجبك انشاء الله
اميمة: شكرا كنت هازا لهم لشكون يطيبو ليا
لبنى: مرحبا فاي وقت
اميمة: اه راني عارفة معا نيت متتخرجي فين غاذي نتفشش عليك في هذا المدة
لبنى: ايه اصلا وقيتا تاعك هي هاذي تجي تعطي الولد باش تحققي الحاجة لجيتي على قبلو
اميمة طلعات معها البرودة وشافتها فيها ونطقات
اميمة: عندك الصح حيث هاذي حاجة ضروري المرأة بلا ولاد متتسوا والو في مجتمع تاعنا
لبنى:(تبسمات ليها بشكل طفيف) كل واحد وتيشوف قدر نفسو بنفسي
زدات في الابتسامة ونطقات
لبنى:نتمنى يعجبك هادشي و اي حاجة بغيتها قوليها مرحبا
خلاتها وهبطات مع دروج ضارت مع درب ياله جات دخل لعمارة شداتها شي يد ..
جات دور تسب في داكشي لشدها لقاتو صلاح صراحة زير ليها على يديها وشاد راسو بزز هي شافتو وسكتات وقابلتو بوجه جاف
صلاح: شنو خرج مك نتي من دار
هي نترات يديها منو بغا دخل ونطقات
لبنى: بلا شوهة في زنقة
لحات كلامها ودخلات لداخل وهو وراها سد طموبيل لخالها محلولة من شافها هكك متسوقش لمها جا ديركت عندها وشدها
في دار هي دخلات وجلسات في البيت بهدواء تا دخل هو كي العجاجة
صلاح: فين كنت خارجة واش هاد اللبس
لبنى:(بهدواء) كنت تنعطي لمراتك شنو تشهات ممنوع
صلاح: داب يا اما غاذي تشدي معيا طريق يا اما غاذي تشوفي وجه اخر البنى
لبنى:(طالعتو ونزلاتو) شي وجه كثر من هك متنظنش اصلاح
هو توجه ليها ونوضها وزيرها مع الحيط وفمو عند حناكها
صلاح: مالك ابنت ناس تبدلتي عليا فين عمرك خرجتي بلا شواري
لبنى: وفين عمرك نتا خلتني نمشي مع خوك فين عمرك خلتني نخرج بلا بيك تال هذا ربع شهور لخرة لشفت فيهم وجه اخر وتنعاودها اصلاح الا معجبكش اش تندير طلقني
صلاح:(زير عليها كثر) هاذي لعمرها تكون ليك انا نهار شتك نتي تمضيتي في سميتي ووالتي ليا بشرع والقانون
لبنى: هاذي هي الحاجة لضارك ياك حيث كنت تحت يديك وداب من شتي ان نقدر نخليك في اي وقت مرضيتيش شوف اولد ناس انا ونتا راه ممكتابينش لبعضيتنا نتا بغيتي عبدة ليك وانا بغيت راجل
صلاح:(طلقها وتساخر اللور) انا عارف اش داز عليك ولكن قدريني ابنت الناس راه انا هي بنادم ماشي ملاك
لبنى: وتا انا هي بنادم ماشي خداما ماشي ملاك ماشي طيابة فهمتي
صلاح: عارف لداز عليك كثير لكن متعمليش معيا هك انا متعودش عليك هك ومبغيتكش هك
لبنى : صلاح نتا ظلمتني بما فيه الكافية هنا وسطوب زواجنا هي لعبة ليك نتا من نهار تزوجتي ونتا هاملني
صلاح:(تفركع) واش نتي شتي هي عيوبي راه انا تزوجتك نهار لول مرأة ليا ماشي خداما انا فين ما ندخل تنلقاك تتجمعي ولا تتخملي والاهتمام عندك هو الماكلة والطياب اه انا غالط حيث عمرني واجهتك اني ماراضيش على حياتنا ولكن تا نتي مشفتيهاش
لينى: فاش غلطت انا فاش هضر
صلاح: عمرك طلبتي بيا انا كالراجل ديما تتكون المبادرة مني شحال من حاجة في فراشنا حرماني منها وساكت حرماني حتا اني نشوفك عارينا حرماني ان نشوفك مزوقة انا مجبتكش خداما اه تهلي في دارك ولكن متنساينيش تا انا راه راجلك تا انا بغيت نعيش معك شي حوايج مبغيتش نعيشهم في الحرام
لبنى:(تتصفق ) برفو شفتي هي راسك وانا نهار زعمت وجيت باش ندير المبادرة اش درتي قول عطيتني ظهرك ونعستي بلاما نغطيو الشمس بالغربال انا وياك نهايتنا معروفة ومفهومة
صلاح: شتي واخا طلعي براسك لحيط نتي ليا وفي سميتي لضرتك ابنت الناس انا نبدلها ومنظلمكش اما تكوني لغيري راه هاذي لعمرك تحلمي بيها ..
خرج مخليها مصدومة في كلامو اما هو توجه لوطو ورجع للمحل وكل تفكيرو في كلامها لتينهش فيه من داخل تحس بشي يد تحطات عليه دور عينيه لقاها(عالية ديك الباطرونة)
عالية: شفت زين مقلق ههه هم جوج عيالات خايب عليك همهم
هو حيد ليها يديها ومتسوقش ليها كاع تنطقات
عالية:جيت ندي شي سلعة ولكن من شتك فحال هك جيت نهضر معك شتي الهم تيحيدو حاجة واحدة
هو دور عينو فيها
عالية: الزهو هو حاجة الوحيدة لتتحيد الهم وتخليك طير الفوق جي عندي ونسا الهم
مدات ليه واحد لعنوان ونطقات
عالية: تنتسناك
عند سناء
كانت تتسنا في محمد يرجع باش يديها توقفو عليها واحد الشفارة
شفار ١: زين واقف بحدو همزة هاذي
شفار٢: كنت جاي نشفر صدقت مزعوط
شفار١: (هز عليها موس وهي تترعد حده) جبدي اش عندك واجي معنا
شفار٢: غاذي تكون قصارة واش من قصارة معك
سناء:(تترعد) عفاك اخويا الله يرحم ليك الوالدين لما تفرق مني
كانت تتهضر تجا بدر من وراهم جمعهم بنص وشد من عندهم المضا ونطق
بدر: يا غاذي دوزو تقا**و ياما غاي نح**ي ز**ل بوكم جملة
هما خافو وجارو بجوج اما هي شافت فيه تتنخصص
سناء: شكرا شكرا اخويا
هو كان قريب يقرب منها ولكن تراجع ونطق
بدر: متبقيش تخرجي تيضور ليك خوك ومتبقيش تلبسي هذا الحوايج هك هي صبري عليا نخدم ونحيد منك هذا الفعايل
زاد وخلاها تجا محمد وركبات حده ومشاو وهي تتفكر في هادشي لواقع جاها عجب
عند رجاء
كانت تتهضر مع وسام
رجاء: هي غذا جاي تخطب
وسام: ايه حبيبتي غذا غاذي نجي
رجاء: واش بوحدك
وسام: لا مع امي
رجاء: اكي حبيبي عندك تغلط في شي حاجة راه خويا صعيب
وسام: لا متخافيش حبيبتي ..
صلاح باقي شاد ديك لكارط وتيشوف فيها لقا فيها الملجئ الا مشا عند لبنى غاذي هي يتخاصمو تاني وممكن يجرحها بشي كلمة اما اميمة الا مشا عندها غاذي تبدا تغري فيه وهو هذا ساعة خاوي راسو من هادشي جمع راسو وسد المحل وركب لوطو توصل لديك الفيلا كاينة في طريق مراكش في نواحي تما ماوصل تا ليل على باب تيبانو ليك طموبيلات معمرين القنط وصوت الموسيقى واصل تال برى حط لوطو ودخل دور عينه تشاف عالية وتا هي شافتو وقربات منو تتضحك
عالية:(تتضحك) هك تعجبني
هو هي قالب وجهو وتيشوف الاجواء كي ديرا تما البنات شي تتشطح والرجال تيلوحو الفلوس عليها اش من مغاربة اش من مصريين اش من سواعدة لمهم القضية مخلطة وما تبقا تتبان ليك جالسة على حجر شي واحد والسربيات لابسين هي سايا قصيرة مع مايو قصير مهم العارى على الجهد
جراتو عالية وجلستو في واحد الكنبيت وحطات حده الوسكي ونطقات
عالية: شرب اصلاح شرب ونسا الهم هاذي داري وبالنسبة ليك جنة فين تنسا اي حاجة تتضرك
هو تيشوف في داك الكاس لحطات ليه مزعمش يشربو حيث عمرو سكر ولا كما في حياتو ولكن من تيتفكر كلام لبنى تيتشهى يشرب لماء القاطع على الله ينسا اش قالت ليه
شدو وجغمو دقة واحدة كاس من ورى كاس تيكمل كاس وتتحط ليه عالية كاس اخر وهي تتضحك حلم حياتها تشارك الفراش معه واخا ميكونش في وعيو
عالية:(تتقيص ليه في صدرو) شرب اصلاح شرب ونسا الهم
جاو شي بنات عجبهم يجلسو حده جرات عليهم
عالية:نوضو تق**و هذا راه تاعي ياله
هو ممسوقش تيشرب تكمل القرعة وحس بشي يد تتلعب ليه في العضو تاعو دور عينو لقاها تتلعب بيديها تما وتتضحك
دفعها وناض خارج وهي تابعه
عالية: اجي فين غاذي راك سكران
هو هي غاذي وتيضرب في الحيوط تخرج ومشا لوطو تاعو
عالية: اجي معيا اصلاح بات تال صباح وسيري
صلاح:(تيهضر هضرا مثقلة) بعدي مني انا بغيت نمشي دوري تسعين
هي شافت تا شافت خصوصا مني بدا تيغوات ليها خافت تنوض روينا صيفتات واحد جوج دراري واحد ساق بيه لوطو تال فين ساكن هي نعتات ليهم مع عارفة خبارو كلها واحد في طموبيل واحدة خرى وراهم باش يرجع دري لساق بيه
وصلوه لدربو فين ساكن هو خرج وغاذي مثقل في طريق بزز باش طلع لدار عند اميمة حلات ليه الباب وشدات نيفها
اميمة: صلاح مالك واش شارب ريحتو هاذي
هو غاذي لبيت نعاس ديركت باغي هي ينعس صافي عظامو ثقالو عليه بجهد وتلاح في ناموسية وهو مبوق تجات اميمة تتنكر وتتحيد ليه في صباطو تجات حده وهو يعنقها بيد وهز راسو لثقيل عليه ونطق
تتبغيك البنى بززاف تنبغيك سامحي ليا خلينا نرجعو حسن تتبغيك بززاف ..
إلى هنا تسالات سهرتنا تصبحو على خير بززاف تاع الحب موعدنا غذا انشاء الله في نفس الموعد
عناقها وتيردد سميت لبنى وكيفاش ظلمها وانه ندمان كلامو لتيتغرس في قلب اميمة فحال شي سيف حيداتو عليها وناضت تتبكي في طواليط هي راسها
اميمة: والله لا كان ليها صلاح ديالي انا بحدي انا لحسن منها بيضا عليها زوينة عليها ومرأة عليها تنولد هي اش تكون والله لا كان ليها
مسحات دموعها وحلفات ترجع دقتها لبنى على هذا ليلة للمخرجاتش كيف بغات
لبنى جالسة في بيت النعاس وتتهضر مع نزهة
لبنى: ايو هادشي ليوقع
نزهة: صراحة هادشي لقال كان عليه يتقال قبل ومن هضرتو ا لبنى باينة تيبغيك علاش متحاوليش مرة خرى
لبنى:انا هذا الساعة تنفكر هي نفدي دقتي والكلام لتيتقال صعيب يرجع هو هرسني وصعيب نرجع
نزهة: جاوبني بصراحة ا لبنى في لول فاش ياله تزوجتو واش حاول يهضر معك في هادشي زعما
لبنى:(تنهدات) صراحة اه وكان شحال من مرة تيدخل عندي الحمام وتيقول ليا عادي لكن انا اختي مقدرتش
نزهة: شوفي ازين نتي عندك صح صلاح غالط في حقك لكن تا نتي عندك نسبة للاسف ملقيتيش ليفقهك ولدايرين بيك لافاعي
لبنى:واش ندير داب
نزهة: رجعي دقتك ورجعي تا صلاح وديك ساعة الا شتي راسك مقادرش تكملي حيث نتي لسمعتي الكلام ماشي انا ماشي غيري نتي لغاذي تقرري ومن بعد خودي قرار واش تخليه ولا لا ولكن تتجمعي علاش ترجعي
لبنى: وشنو ندير
نزهة: تبعي معيا مزيان
بقات تتهضر هي ويها وتتفتي عليها تالاش من وقت في ليل وتتختار معها شي حوايج وشي مكياج عدباش نعسات
أصبح الصباح والملك لله وحده لا شريك له
فاق دايخ ناض بزز غسل وجهو وشافو في المراية تاع الطواليط وبداو الاحداث تيرجعو ليه تفكر انه مشا سكر وانه كان في ديك البلاصة ضرب يديه مع زجاجة تخرج دم وهو كاره راسو طول عمرو غاذي على طريق المستقيم محملش راسو في هذا لحظة هاذ اليومين لتبدلات فيهم لبنى خالتو مشقلب داو يديه وبدل حوايجو وسلم على اميمة ونطق
صلاح: واش تتضرك شي حاجة ولا بغيتي شي حاجة
اميمة: لا وفين غاذي واش مغاذيش تفطر
صلاح: لا غاذي نفطر عند لبنى
خرج مخاليها تتغذذ زفات بالطباسل مع الارض ونطقات
لبنى لبنى لبنى كرهت مها هذا السمية ولكن هي صبر عليا لما نسيك سميتها وراسك من فوق
هو دخل لدار عند لبنى لقاها موجدا الفطور وحاط داكشي متول ولكن لصدمو هي لجايا عندو تتضحك ولابسة واحد الكسوة شفافة والعكر في الفم والقلم في العين والشعر لديرا ليه شيشوار تقدمات عندو ونطقات
لبنى: تفطر
هو شاف فيها وجلس صراحة صدماتو جاتو فحالا فيها انفصام شخصية
لبنى: الفطور عجبك ولا لا
هو هز ذاق ونطق
صلاح: زوين
لبنى:(قربات منو ونطقات) ام حسن انا ولا هو (تتنعت للفطور)
هو زاد تصدم كثر بينما هي ضحكات وتوجهات لبيت تترتب فيه وطلقات الموسيقى هادئة وتتجمع عرفتو واحد منظر تتبان فيه مهم راه فراشة سط الورود ..
شتي شحال خايبة القارئات يعرفو نقطة ضعفك
كمل فطورو ورمقها بنظرة اخيرة قبل ميخرج قلبو تهدن شويا من شافها هك ومشا جيهت الباب وقبل ميخرج نطق
صلاح: سمحي ليا ا لبنى كلشي غاذي يتقاد من بعد
هز البواطة لقاها محطوطة ولكن كانت خاوية هز راسو فيها لكن هي جاوبتو بهدوء
لبنى: بواطتك وقيلا نسيتها عند مرتك الثانية
ورجعات تتكمل الجميع عادي بينما هو تنهد وخرج من دار ساخط من كلشي توجه المحل حلو وجلس تما نيت تيقاد شي شغل توقفات عليه عالية كي الباطل
عالية:(تتطرطق في المسكة وتتضحك) صلاح عجباتك ضيفتنا راك ولتي ضيف عزيز
هو شاف فيها ونطق
صلاح: دوري تسعين ومنبقاش نشوف وجهك هنا ياله برى
هي تصدمت فيه حيث عمرو هضر معها هك ولا شي لعبة وهي تنطق
عالية: شتك تقلبتي ولا الهم مشا من عندك
صلاح: (هز حاجبو) ديك المغارة لعندك راني عارفها فين جات الا باقي شتك تتدوري هنا عرفتي شنو الا باقي عتبتي سوق كلو غاذي تلقاي صحاب الحال وقفين عليك
هي تصدمات ودردبات مع الطريق مخليه تيستغفر وراسو تنفخ عليه
في دار لاهنية كانو جالسين تسمعو صونيت ناض سي براهيم يحل ليوم ممشاش لمحل حلو وهو يلقا وسام ومعه شي مرأة
سي براهيم: سلام عليكم شكون نتوما اسيدي
وسام: انا طالب ضيافتكم(بالخليجة وشويا مغربي معكل)
سي براهيم: مرحبا بضيف الله
دخلهم لصالون رجاء شافتهم وبدات تتضحك اما سناء مكيناش لا هنية شافتهم وسولات راجلها لداخل عندها الكوزينة
لاهنية: شكون هاذو ابراهيم
سي براهيم: طالبين ضيف الله ها حنا نشوفهم اش غاذي يقولو
مهم طيبو ليهم اتاي حطوه هو والحلوى وجلسو تيهضرو
وسام: صراحة اعمي انا جايا طالب راغب في يد بنتكم
سي براهيم: مرحبا ولكن فين شتيها
وسام: انا جيت لمغرب على قبل شي خدمة وشفتها في طريق تاع لافاك وحضيتها ولقيتها بنت ناس وزعمت
مو(فاطمة):وانشاء الله ميخصها معنا تا شي خير
سي براهيم: اش نقول ليكم نشاور البنت ونشاور خوتها وانشاء الله يكون معنا معكم معاد اخر
فاطمة: مقلتي عيب
وسام: واخا اعمي(جبد ليه كارت فيزيت تاعو) وها نمرتي وقت ما تافقتو صوني ليا
سي براهيم: مرحبا
جمع مهم شويا وخرجو رجاء بطير بالفرحة وتا لا هنية تتطل شافت رونج سيد مرفح فرحات لزهر بنتها
عند سناء وقفا تتسنا محمد تا جا وقف عليها بدر
بدر:(مخنز) ياك قلت لمك متبقيش توقفي هنا تيجي خوك
سناء: ماشي حيث عاونتني مرة غاذي تحكم فيا
بدر: شتي نتي الهضرة معك ماشي داب تتنديك لداري وتشوفي داك لسان
سناء: وقيلا راك كتبتي فيلم وثيقتيه
بدر: انا ماجاياش على غذر ماجايش على حاجة تاع الحرام يعني مكاينش لاش نحلم
سناء: شوفي اخويا عطيني التساع انا مبغاكش
بدر: الهضرة ماشي معك الهضرة مع باك وخوتك
سناء: شتي هذا الوقت لتتضيعو عليا كون هي ستفدتي منو في حاجة مفيدة
بدر: هذا الساعة الحاجة المفيدة هي نتي
وقف حدها وساكت تشاف طومبيلت خوها من بعيد وزاد في حالو اما هي هي حاضيه بجنب عينها …
رجاء خرجات عند اميمة من دورات ليها وتوجهات لعندها عارفة القضية حامضة
دقات ودخلات لقاتها غضبانة في البيت وشادا يديها عندها وتتفكر
رجاء:امالك اصحبتي عليها جالسة هذا الجلسة هك
اميمة: خوك اختي خوك عرفتي ولا معتبرني فحال شي واحدة شاريها يجي يخوي ويمشي
رجاء: وميمكنش داكشي كولو لدرناه
اميمة: تعصبت اختي تعصبت البارح جا سكران وقال ليا تنبغيك ا لبنى
رجاء:(مصدومة) ويلي خويا سكران ميمكنش
اميمة: معرفتش اختي تقلب
رجاء: زعما نزيدوه شي حاجة خرى
اميمة قلبها ضرب وتفكرات اش دارت هي ورجاء وهو يتجهد عليها
دماغها لتيضرب بجهد تتحس بالشمتا شافت في ديك لوقفا
قدامها
شنو داب هاهو تبدل يعني داكشي لدرنا منفع في والو
واش نعادو نرجعو ثاني لعند داك السيد
اه هو ديك المرة قال غاذي ندير ليك هي المحبة باش يشوفك هي نتي ويتشهك هي نتي وقال لمرة جايا يدير ليا ضربة صحيحة بغيتو يشوفني هي انا صافي
رجاء: يختي انا بعد وسام من ديك المحبة لدرت ليه والقبول شد فيه ويلي نسيتني فراسك جا ليوم يخطب
اميمة عنقاتها
بصح الف مبروك احبيبتي
اميمة: انا لمعند مي زهر ليمات لولين كانو شادين فيه مزيان تنبان ليه هي انا اما داب تبدل بززاف يختي انا شحال منحوسة معندي زهر في والو والديا تحكمو فيا كنت بغا نقرا الفندقة مخلونيش وزيدوني لعلوم تشريعة واخا مبغاهاش قفلت 18 لعام دراو ليا الحجاب بززاف على نحس
رجاء عنقاتها مزيان ونطقات
صافي اصحبتي شتي هي خويا ميكون هي ليك نتي انا راني عارفك تتبغيه هي صبري دوز هاذ ليمات نمشيو تاني عند داك السيد
اميمة: اه عفاك ارجاء بغيتو يبدا ينطق هي بسميتي
رجاء: هههه اصلا راه تينطق هي سميتك ..
صلاح طاح عليه ليل في محل سدو حيث خوه مشا لاصال هو مفيه ليمشي خرج من تما لعند لبنى ديركت دخل لدار حط ساورت وجلس في السداري عيان وتيتنهد تسمع صوت طواليط تحل هز عينه وهو يحلهم نيت خارجة عندو هي بفوطة مدوشة لويها عليها وشعرها تاهو جامعاه بفوطة وجلسات حده تتصبغ في رجليها نيت هزات عينه ونطقات
لبنى: كي داز نهارك مزيان عشاك في الكوزينة
ورجعات تتقاد في رجليها وتتسناهم ينشفو اما هو صدمة خلاتو هي ساكت معارف ما يقول ولا يقدم ولا يدير ناض من حدها من حس راسو ماشي هو هاذك دخل لبيت نعاس بدل حوايجو وتكا تما تدخلات عندو وحيدات الفوطة حده و تتلبس في حوايجها حده هو راه ماشي هي تصدم هو راه لسان تعقد ليه هي ممسوقاش بدلات حوايجها وجلسات حدا المراية تتقاد في وجهها عادي هو عيا ميصبر وتوجه ليها وشدها من يديها ولصقها مع الحيط وخشا فمو وسط فمها ولكن هي دفعتو ونطقات
لبنى: وقيلا نسيتي كلامنا انا محرماك عليا راجل اصلاح
هو كلامها تيزيد يفقصو وتيتعصب ضرب الماريو لحده ونطق
صلاح: لبنى جيني من لخر علاش تتقلبي حيث هذا تصرفات لتتديري ماشي نورمال
هي تقدمات عندو ونطقات
لبنى: بغيتك ضمن ليا حقي
صلاح: كيفاش يعني
لبنى: بغيتي نكون ليك مرأة وتكون ليا راجل ضمن ليا حقي ضمن ليا اني الا شي نهار نضت ولقيتك تقلبتي نكون عندي باش نعول على راسي نكون تحتي باش نزيد لقدام
صلاح: اش هذا الكلام تتقولي
لبنى: انا مبقيتش تنثيق فيك فهمتي غذا ولا بعدو تلوحني وانا معندي لا حنين ولا رحيم نتا كي زمان تتقلب ضمن ليا حقي وديك الساعة لبغيتيه نديروه
صلاح: وشنو بغيتي
لبنى: اول حاجة هذا دار تكتب في سميتي ثاني حاجة بغيت نرجع نقرا ونشد شي ديبلوم بغيتي مرحبا مبغيتش هادشي لعندي ليك وتصبح على خير
تقلبات على ظهرها ونعسات مخليه مصدوم فيها لهذا درجة فقدات فيه الثقة ..
نعسات مخلياه ليل كلو تيخمم تشاف تنفس تاعها ولا ثقيل عرفها ناعسة شد شويا من شعرها تيدوزو بين يديه وتيتفكر في حياتو لتخربقات بجهد واش يقدر يتخلا عليها قرب منها وعنقها من جيهت كرشها وخشا وجهو في عنقها تيشم فيه وطلق عينه تسرح
اصبح الصباح والملك لله وحده لا شريك لله
سناء غاديا في طريق ليسطا طموبيل محمد خاسرة عطاها باش تمشي في طاكسي هي قررت تمشى على رجليها تحسات بشي حد ماشي في جنبها رمات عينها لقاتو بدر ساطت بجهد ونطقات
سناء: صباحتو لله
بدر:(تبسم) الصباح تاع لله وصباح زين هذا
سناء: وتقول اخويا ساحرين ليك عليا ها تابعني
بدر: مدفون ولا مخزون ازين
سناء:لواه مرجوم سير عطيني تيساع شويا
بدر: راني قلت ليك راه منقرب ليك منخنقك لكن كوني على يقين نهار تجمعنا دار واحد راه نفسك غاذي تشاركيها معيا
سناء: نقص من الافلام
بدر: إنا وحدين فيهم
سناء:دوك لخلوك تفكر اننا غاذي تجمعنا دار واحدة
بدر: قلتها وغاذي نعاودها باك وخوتك لغاذي يحكمو
سناء:بحالا غادي يرضو بواحد شمكار فحالك
هو جمع وجهو بشويا وزاد وخلاها واقفا لكن وقف بعيد تشافها دخلات لمدرستها ومشا في حالتو فين خدام حاليا بناي في واحد العمارات ..
عند صلاح ولبنى لجالسين تيفطرو بجوج تنطق صلاح
صلاح: اري بطاقة وطنية تاعك
لبنى:(تتصرف بهدوء) واخا
صلاح: انا عارف ان غالط معك ولكن ماشي لخاطري داكشي لقلتي البارح غاذي نطبقو
لبنى: مزيان
صلاح: وغاذي ندخلك مع سناء تقاري البتسري معها
لبنى: مزيان
صلاح: (ناض وقف) عارف مغاذيش تجي وتسمحي ليا ولكن عارف ان ضروري شي نهار كلشي يتقاد انا متمسك بيك لاخر نفس
شاف في البواطة لكانت ثاني خاوية ونطق
صلاح : نهار تسامحي ليا عمريها
هز لاكارط تاعها وخرج
خرج مخلي دمعة واقف في عينيها دغيا ناضت لعند نزهة في تلي وعودات ليها كلشي
نزهة: شوفي اصحبتي من لخر راه دار معك شي حاجة لكبيرة عرفتي شنو يكتب ليك دار صعيب شي رجل في هذا الوقت يديرها انا كنت شاكا في لول هي رجولتو تقصات داكشي باش مبغاش يطلق ولكن من هادشي لدار يعني انه متمسك بيك
لبنى: منقدرش اصحبتي منقدرش نسامحو
نزهة: لبنى واش تتبغيه
لبنى: وهادشي لضارني كثر ان باقي تنعشق تراب علاش تيمشي لكن نفسي ضرات بززاف
نزهة: كيما قلت ليك قبل كملي تال لخر ومن بعد قرري واش باغى تكملي معه ولا لا
لبنى: انشاء الله
نزهة: حقا كنت بغا نهضر معك في واحد الموضوع ديك النهار كنت تنقلب في الكروب ولاحضات ان لوستك كانت تتكومنطي لواحد البنت
لبنى: شكون
نزهة: رجاء لوريتني الكونط تاعها عرفتي هادشي اش تيعني
لبنى: شنو
نزهة: انها كانت تتقرا مشاكلك مع صلاح وممكن تكون كاع استخدماتهم سلاح ضدك نتي قلتي ان ضرتك صاحبتها
لبنى: لا لا محال ماشي لهذا الدرجة
نزهة: ونتي نوضي توكضي شويا حنا في واحد زمان خايب كثرات فيه الفتن والحسد والحقد وشي مصائب تيوقعو ميتقبلهاش العقل في حالتك نتي راك فحال شريب لماء
لبنى: زعما انهم كانو تيلعبو من ورى ظهري
نزهة: ايه وجمعي راسك وتوكضي خلي صلاح يشوفك هي نتي سميتك لتكون فمو شتي الرجل تيبقا رجل لكن المرأة تترجعو دري صغير الا بغات
لبنى: والمعمول
نزهة: دوزي وتس دوزي نوريك ..
هبط لتحت عند مو استغرب مني لقا خوه باقي ممشاش لمحل وتا باه كاين
صلاح: صباح الخير
لاهنية: صباح نور اولدي كي صبحتي
صلاح:حمد لله
سي براهيم: جلس اصلاح جلس بغيتك نتا وخوك في واحد الموضوع
صلاح: واخا
محمد: شنو واقع الواليد راك خلعتني
سي براهيم: ختكم رجاء جاها واحد رجل خطبها
صلاح: وفين شافها هذا الرجل
محمد: وشكون هو
سي براهيم: هو اصلو سعودي لكن تيبان ضريف وقال راه شافها في طريق لافاك
صلاح:(وقف) كون كان ولد البلاد مرحبا اما تغرب لا
محمد: تا انا مع صلاح
سي براهيم:ولكن ختكم بغاتو اش وصيتكم راه هي لغاذي تزوج ماشي نتوما نتوما مهمتكم تسول عليه
صلاح: واخا الواليد لكن تتبقا راه غاذي تبعد وباش ضمن لينا حنا هذا الرجل راه مزيان
سي براهيم: انا غاذي نعيط ليه يجي لخطبة وديك ساعة عينك ميزانك
محمد: مقلتي عيب الواليد
صلاح خلاهم وتوجه لبيت رجاء دق ودخل جلس حدها ونطق
صلاح: واش بغا داك السيد
رجاء:(حاذرا راسها) اه
صلاح: راه غاذي تبعدي علينا مانعرفو شنو خبارك واش وكلا ولا ناعسة نتي راك بنتي قبل ما تكوني ختي
هي عنقاتو ونطقات
رجاء: الا ضرتني شي حاجة غاذي نقولها ليك اخويا
صلاح: انا غاذي نشوفو وانشاء الله خير
خرج وخلاها تتضحك هي بحده محمد جاب طموبيل لحطها تقاد وداك معه باه اما صلاح توجه عند اميمة وداها لطبيب تفق معها البارح وليوم عندهم الفحص
داها لطبيبة لدرات ليها واحد البغدوي في كرشها وبدات تتدوز بواحد الماشين باش يبان ليهم الجنين
صلاح هي تيشوف في التلفازة وفرحان صراحة قلبو تيرفرف اميمة شدات في يدها تتضحك
اميمة: شحال زوين وصغير بزاف
صلاح: غاذي يكون زوين
الطبيبة: مبروك عليكم عندكم ولد اسيدي
اميمة: بصح شكرا
الطبيبة: يتربى في عزك اسيدي والالة
صلاح: (تيتبسم) امين ..
كمل ورجعها لدار من بعد شار ليها شي سقاطة وحطها ونطق
صلاح: تهليا في راسك
اميمة: تا نتا
هو مشا لمحل جاب شي سلعة ستفوها وجلس حد باه ونطق
صلاح: الوليد شنو سر نجاح تاع زواج
سي براهيم:(ضحك ونطق) هما بززاف اصلاح لكن اهم واحد هو التحاور وان تا واحد ميهز على لاخر لضرتك قولها ليه ولضرو يقولها ليك
صلاح: اه الوليد عيت
سي براهيم: عارف اولدي عارف انا نهار تزوجتي قلتها ليك الا قلبك مال لواحدة على لخرى غاذي تعاني وخود هادي عبرة القلب تيهز واحد صافي
صلاح:(شاف بعيد ونطق) انا صراحة الوليد تنبغي لبنى وهي لمعمر القلب والعين ولكن انا ظلمتها معيا وداب تنعاود نفس الخطأ مع اميمة مبقيتش باغي نظلم تا وحدة فيهم
سي براهيم:(هز كاس تاع اتاي ونعت) شتي المرأة مهما تبان ليك قوية تيبقا قلبها فحال زجاج واكثر حاجة غاذي تهرسها هو راجلها يفضل واحدة عليها ضرب وقيس اولدي الا جبتي لوحدة سنسلة جيبها لخر الا تغديتي عند واحدة تعشا عند واحدة
صلاح: انشاء الله
سي براهيم: صلي على رسول الله
صلاح: عليه افضل الصلاة والسلام
سي براهيم: رسول الله في خطبة الوداع وصى على النساء وانه فحال القوارير واتوصى فيه الرحمة والخير ونتا اولدي الا غلطتي صحح غالطك ما كاين تا عيب في الغلط هي متشوفوش وتحس بيه ومتسوقش
صلاح: شفت الوليد انا فايت ظلمت لبنى في هذا ربع شهور بززاف ومبغيتش نعاود نفس الخطأ لاميمة بغيت نعيشو هانين
براهيم: توكل على الله و ما يكون هي الخير ..
العشية راحت ولعندو شي دار رجع ليها صلاح وقف لوطو حد دارهم وهبط سلم على مو وخواتاتو ودور معهم ضروري وطلع لعند لبنى حل الباب لقاها داير ماسك لوجهها وحاط كاوكو وتتفرج في تلفازة شافتو ونطقات
لبنى: مساء الخير
صلاح: مساء النور
هي جبدات شويا عينها ونطقات
لبنى: صلاح شتك طولتي المجاية هنا زعما شنو واقع
صلاح:(هز عينه فيها) مامحقيش نجي ولا شنو
لبنى: حشا ولكن نهار طولتي الجلسة عندها بالشهور قلت صافي هذا دار نسيتها
صلاح: الظروف ا لبنى ظروف
لبنى:(هي ضحكات بالجنب) اه عارفة هذا الظروق لتتخلي الواحد يبيع العشرة
صلاح: لتيبعه هي ولد الحرام لبنى راك مرتي وانا عترفت بخطأ تاعي متخليناش عايشين في هذا الحالة
لبنى: صلاح واش تتفهم الا معجباتكش العيشة طلق راك ماشي بحدك راجل في دنيا
هو شاف فيها مزيان رغم انه باغي ينوض يشتف عليها بهذا الكلام لقالت وضرو لكن قدرها واصلا يديه متقدرش تحط على مرأة
صلاح: الرجال كاينين بززاف ولكن هذا الساعة نتي ولاخر نهار في حياتك غاذي تشوفيني هي انا
لبنى: كتبتي سيناريو زوين اصلاح دين
صلاح: كلامنا ماشي داب انا غاذي في داكشي لهضرنا عليه غذا ولا بعدو تكتب في سميتك الدار وغذا وجدي راسك مع صباح نديك مع سناء
لبنى: تا هذا كلام زين
صلاح: تصبحي على خير
هبط مع دروج عند اميمة لكانت نيت جالسة في الدار تتفرج دخل وسلم عليها وجلس
اميمة: صلاح مالك معيا هذا اليام زعما ولدك داب في عمرو ربع شهور ونتا تقلبتي في مرة
صلاح: واش قصرت معك في شي حاجة
اميمة: لا حشا ولكن ولتي تتغبر
صلاح: اميمة انا راه مزوج جوج عيالات ماشي هي نتي قدري هادشي
اميمة: ولكن هذا الساعة انا لحاملة ماشي هي
صلاح: اميمة عرفي اش تتخرجي من فمك هي نهار جلست عندك شهرين مهضرات متكلمات ونتي داب هي بت عندها نهار ونتي تفوري
اميمة: نتا معارف والو اصلاح هي راه محملتهاش وتقبلها ولا متقبلهاش والمرأة الحاملة تتحس بالي قلبهم كحل
صلاح:(وقف وشاف فيها بجنب) هذا الساعة القلب الكحل كاين هي في هذا الدار
دخل لبيت نعاس نعس وهو عاطيها بالظهر راسو تشقق عليه نعل النهار لخلا مو طبق داكشي لفي راسها ..ي
اميمة جمعاتها في قلبها وحلفات الا مجا عندها متسمى مرأة بدلات حوايجها ودخلات عندو لقاتو نعس قاصتو في كتفو والو سيد مات كمدتها في قلبها ومشات تنعس
اصبح الصباح والملك لله وحده لا شريك له
في دار عند اميمة لوجدات الفطور وتسناتو تا ناض جلس حدها
اميمة: صباح الخير
صلاح: صباح النور
اميمة: صلاح تشهيت الدلاح
صلاح: واخا انا نقلب ليك عليه
فطر بينما هي ناضت لسدري شاد رجليها تنفخات عليها مع الحمالة ورمات عليها مزيان هو كان تيفطر تا شافها هكك وناض
صلاح:(هز عينو فيها) متديريش ليها داك زيت لخرجات ليك طبيبة
اميمة: تنديرو لكن منفع في والو
هو دخل لبيت و جابو في يديه جلس حدها في جيهة الخرى وهز ليها رجليها بشويا وبدا تيدلكها ليها بشويا بشويا باش يخفاف عليها الالم هي ستحلتها مزيان ورتاحت الله يسمح لينا من الوالدين وصافي
صلاح:(هز عينو فيها) داب شويا
اميمة: الله عدباش رتاحيت عرفتي كانت تتضرني
صلاح: متبقيش تعبي راسك انا نجيب ليك شي مرأة تعود تجي مع الصباح تجمع ليك وطيب
امينة:(عنقاتو) الله يخليك ليا ويحنن قلبك عليا
صلاح فقط تبسم ليها بهدواء وسلم عليها وخرج في اتجاه دارو الاخر عند لبنى لكانت لابسة وتتسناها صراحة الكسوى لتتختار تيجيو مع الفورمة تاعها وتيبنوها في شكل احسن هو داخل شافها هكك صراحة مكرهاش ميخرجهاش يخبيها على عيون ناس اصلا هو من لول عندو حب تملك ليها ولكن نفض دوك الافكار من راسو لانها من حقها انها تبني حياتها
صلاح: واجدا
لبنى:اه
هو هبط وهي من وراه دخلو لعند لاهنية تسالمو عليها وجلسو تيتسناو في سناء تلبس
لاهنية: ومالكي عليه ابنتي لبنى ياك جالسة في دارك وكلا شاربة لاش هذا العذاب تاع المدرسة
لبنى: (هي شافت في صلاح) الظروف اخالتي متعرفي اش تجيب
لاهنية: واخا ابنتي كون هي جلستي تهلاي في دارك
لبنى:داري مهليا فيها اخالتي سنين واعوام هاذي خاص هي ليقر بيها
لاهنية: لواه ابنتي مانا ناكرينك
صلاح:(جاوب قبل من لبنى) انا قابل امي هي من حقها تقرا اصلا هادشي كان يدار من زمان وداب جا وقتو
لاهنية: ايو نتوما تعرفو
صلاح:(تيعيط بالجهد) سناء سربي
سناء:(خرجات) هاني اخويا واجدا
صلاح: ياله
تسلام مع مو وهبطهم لتحت ومشا معهم توصلهم لمدرسة سناء دخلات اما هو مشا مع لبنى وقيدها وخلص عليها كلشي وبالطبيعة الحال وراهم الجيهة فين تعود تجي مع مغاديش تقرا مع سناء بحكم هي غاذي تبدا مع المبدئين اما سناء راه صافي هذا العام غاذي تشد ديبلوم ..
عند اميمة لجات عندها رجاء شادين كاس تاع الموناضة وتيهدرو
اميمة:تا لين اصحبتي راه مبقاش تيشوف فيا كاع والبارح حشا ليا الهدرة
رجاء: هي متجوبيهش وتعاملي عادي حيث هو هذا الايام على ما فهمت من هضرتو مع مي صباح انه مخاصم مع لبنى وهادشي خاصك تلعبي عليه انه تنكد عليه عندها ونتي يلقا راحتو عندك
اميمة: ويه داكشي لدرت صباح مجبداتش ليه على الهدرة لقال ليا كاع
رجاء: داكشي خليك ذكية وعرفي كي دير نتي داب راك حاملة شتي يدور تا عيا ويرجع ليك انا صراحة خاطري متتحملش لبنى كاع
اميمة: تا انا يختي واخا يرقدوها ليا في العسل
رجاء: شربي شربي هي يدوز هذا الشهر نمشيو عند داك السيد
اميمة: هادشي لتنتسنى انا
رجاء: تا انا بغا نزيد لوسام شي حاجة باش يبقا هي يهتر بسميتي
اميمة:ههههه داكشي
عند لبنى وصلاح لجابها لدار وطريق كلها ساكتين بجوج تتدخلو لدار هو جلس تيرتاح حيث عيا معرفش مالو بينما هي ناضت تتجمع عادي ومرة مرة تشوف فيه
لبنى: واش ضارك راسك
صلاح: اخير جا العفو واهتميتي
لبنى: على اساس نتا عمرك هميتي ليا باش انا نهتم بيك راه سنين واعوام وانا حاضيك هي نتا ونسيت راسي
صلاح: طلبتها منك بلاتي بززتها عليك
لبنى: اودي لجات على راس زوينة
صلاح: نتي كنت تتهتمي بيا واحد اهتمام تاع الاخوى ماشي راجل مع مرتو انا الا بغيت واحدة تجمع وطيب ليا راه نجيبها ونخلصها ماشي نتزوج
لبنى: داب تترجع اللومة عليا
صلاح: حشا نتي غالطة وانا غالط نتي لرجعتي كلشي مني اه انا غالط وممكن اكبر غلط درتو هو هذا شي داب لتنهضرو فيه كان عليه يدار نهار اللول ونشرح ليك ان انا مفرحانش هك معجبنيش نعيشو في هذا البرود لكنت خفت نجرحك خفت نفكرك انك معندك حد لتسولي
لبنى: زعما هاز ليا الهم
صلاح: نتي ديك المرة هضرتي على العرس نهار اللول انا ابنت الناس كنت باغي نديرو ليك ولكن نتي لرفضتي وانا قلت انك مبغيتش لاسبابك وقدرتهم اذن علاش تا نتي متقدريش اسبابي اه انا غالط درت تميز اه انا غالط هملتك ولكن انا قبل منهملك نتي هملتني قبل نهار لندخل نلقاك مخشيا في كوزينة ولا لابسة شي خنشة ولكن مبغيتش ننتقذك قلت هانيا ولكن باش تجي وترجعي كلشي عليا هنا مغاذيش نصبر هاذيك لقلتي انني هاملك على قبلها على اقل تنحس براسي معها راجل هي تتطالب بيا تتطالب بيا كراجل نتي فين في عمرك درتيها تتبين غيرتها عليا تتعترف بحبها ليا نتي فين عمرك عترفتي بيها تنحسك انك تتبغيني فحال خوك ماشي راجلك ماشي واحد تيبغيك وتنعاودها ا لبنى اه تنبغيك وعمر بلاصتك تبدلات والا كتاب ونتي ختارتي طريق خرى مغاذيش نخليك تانضمن انك تكوني قاد تمشي في هاذيك طريق اه اناني في حبي ليك ولكن ماشي حكار عليك فكري في هضرتي ومترجعيش راسك ملاك لا انا لا نتي معصومين من الخطأ
لبنى:(بغات تبكي لكن صبرت راسها) صافي خويتي قلبك
صلاح: تتهدري على انني نكبر بيك قدام دارنا ياك نهار حاولات نقرب منك قدام دارنا رفضتي وقلتي حشومة نتي اي حاجة في حياتنا رجعتيها حشومة ونزيدك نتي براسك شحال من حاجة في فرشنا محللها الله ولكن نتي حرمتها وصبرت وقلت ماشي مشكيل ولكن داب من بغيتي تواجهي مرحبا الوراق كلهم قدامك جلسي مع راسك وفكري
خبط الباب وخرج مخليها تتفكر في كلامو..
صلاح خرج لمحل تيقدي شغالو فيه بينما لبنى طالعات معها هضرتو وضرتها في قلبها بجهد اه غالطة ماشي ناكرة هادشي لكن علاش يقارنها بيها علاش يقول ليها شوفي نتي اش ديرا وهي اش ديرا الشمتة طلعات معها نيت هزات تليفون وصيفتات لنزهة كاع داكشي لداز بينتهم تجاوبتها
نزهة: شوفي اصحبتي نقول ليك واحد الكلمة وديرها حلقة في وذنيك
لبنى:اه
نزهة: الا جينا نوقفو عند كل كلمة تيقولها لينا شي حد كوني على يقين نص الكلام لتيتقال لينا ماهو الا انتقاذ لينا
لبنى: علاش انزهة يقارني علاش
نزهة:شوفي هو غالط ومكانش عليه يقارنك نتي بحدك وهي بحدها ولكن نتي لبديتي المقارنة وهو كرد فعل جاوبك
لبنى:كيفاش
نزهة:نتي قلتي ليه وليت تتمشي عندها وجلسي عندها شهرين وكدة اه من حقك ومزيان اي حاجة ضراتك قوليها لكن كان عليها تقوليها ماشي كمقارنة حيث هو من غاذي يجاوبك غاذي يقارن بينتكم سواء بغيتي سواء لا
لبنى: هو معارف والو انا ملقيتش ليوريني ليفهمني
نزهة: شوفي ا لبنى انا عارفة انك الضحية الكبيرة هنا ولكن نتي كنت تتلوحي مشاكلك وكانو بنات تينصحوك ولكن مزعمتيش وهو مزعمش وبجوجك وقعتو في غلط واحد
لبنى:شنو ندير اصحبتي شنو
نزهة: شوفي الحياة متتوقفش على راجل وانا داب مقلتش ليك تحاربي على قبلو ولكن كلمة واحدة لغاذي نقول ليك تحاربي على قبل راسك نتي باغه وهو شاريك اذن علاش متحربيش على قبل راسك ولكن الا دارك ملكة وعدل اما الا دار زيكزاك شدي ديبلومك وطلقي
لبنى: زعما
نزهة: اه ونزيد الطلاق ماشي ساهل والحياة صعيبة ولكن الا كنت غاذي تعيشي في شي بلاصة تمرضك ولا علاقة سامة لا داعي انك تحاربي ونزيدك لوستك هي سببك وقولي نزهة قالتها ليا
لبنى: وكي ندير نعرف
نزهة: الكونط سديته عاودي حليه باقي مداز شهر تيدوز عدباش ممنوع ولوحي مشكيلتك انه رجلك بغيتيه يخرجك والبنات يعطيوك طرق الا شفتي شي بلان وقع عرفي بانه حاضيك
لينى: واخا انا ندير هادشي لقلتي
نزهة:ونزيدك واحد الحاجة تا واحدة وتنعاودها تواحدة مغاذي تحس بداكشي لعايشة نتي وتا واحدة مغاذي تكون عندها المشاعر لمكونة نتي اذن نتي لخاصك تأخدي قرارك حيث نتي لعايشة تما صافي
لبنى: صافي ..
طبقات لبنى داكشي لقات ليها نزهة ولاحت البوسط وناضت تتقاد في راسها على قبل غذا
صلاح في المحل هي خدام وحاضي لجاي ولغاذي وكل تفكيرو مع لبنى وراسو لهاد الايام عاطيه الصداع تيحس راسو فحال شي دوامة واحل فيها هو لبنى واميمة من جهة قلبو لباغي لبنى ومن جهة عقلو لتيفكرو في مسؤوليتو للاميمة
اما في دار سي براهيم فنايضة الروينة ليوم سي براهيم قال لوسام يجي لا هنية وسناء خدامين تيجمعو ويقاد و سناء تكلفات بالحلوي تتقاد وتصاوب فرحانة لختها تجات عندها لاهنية ونطقات حدها
لاهنية: واش نعيط على لبنى تعاونك
سناء: لا لا امي هي خليها مسكينة هذا الايام تتبان عيانة
لاهنية: معرفتش مالها تقلبات علينا من نهار حملات اميمة خايفة هي شي عين تشد في حفيدي
سناء: استغفر الله امي زعما لبنى ماشي شي واحد لمعارفينهاش راه اطيب خلق الله
لاهنية: واخا ابنتي الا الحقد والحسد دخل القلب متيبقا بلاصة لخير فيه
سناء: الله يهديك امي الله يهديك
لاهنية : راك باقي صغيرة معارفة والو
سناء متسوقاتش رجعات لخدمتها تتقاد وتصاوب اما رجاء هزات قفطانها ومشات تتقاد لراسها ولاميمة وتتضحك
رجاء: فكرتك لبنى لاحت انها باغى تخرج مع خويا شوفي نتي كي ديري متخليهاش
اميمة:(قفزات) كيفاش اصلا ليوم نوبتي كيفاش دارت ليها هذا خيتي
رجاء: تا انا هادشي لجاني عجب
اميمة: والله لا كانت ليها ولا غاذي تكون ليها
رجاء: ههه ولتي تتخلعيني
اميمة: ضروري عرفتي مكرهاتهاش دير نفس وطلق منو اصلا اش جامعهم
رجاء: ههه مانعرف …
بقاو تيقادو في حالتهم وتيوجدو اما عند سناء لكملات وغسلات حالتها ومشات تتلبس وهزات واحد القفطان في يديها تشافت تليفون تيصوني
صلاح: الو سناء جبتي داكشي لقت ليك
سناء: اه اخويا شاريت هذا لصورت ليك
صلاح: اه لبنى تيجي معها الخضر
سناء: اه اخويا تيجيها زوين انا داب طالعة ليها بيه
صلاح: واخا
قطعات وطالعت عندها لقاتها جبدات سيت تاع ليسطا تتعرف فيها عليها
سناء: ناس تاع ليسطا جات معك القراية
لبنى: ههه هي شويا وصافي
سناء: مهم زين راه داب شويا غاذي يدخلو الخطاب في رجاء وهذا قفطانك
لبنى: يحفظك ليا ولكن علاش معيتطوش ليا نعاونك
سناء: تا نتي داكشي دغيا دار اصلا ياله مخملينها والحلوى هاذيك راه الحب دغيا صيوبتها
لبنى: ايو الله يسهل عليها ويعاونها
يناء: امين ونوضي الحب وجدي راسك تا انا غاذي نوض نكمل صافي
لبنى: صافي
خرجات سناء اما لبنى هزات داك القفطان الخضر لجابت ليها سناء وفرحان بيه بدلات حوايجها وجلست تتماكي هي بشويا عليها وبالمهل
صلاح داخل مع خوه محمد مقادين حط داكشي مشا لعند اميمة جابها مع رجاء لعنقها من جا الدار
صلاح: الا هي حسيتي انك مبغيتش هذا زواج قوليها
رجاء: لا اخويا متخافش
صلاح: كوني هي مرتاحة وبخير
هي عنقاتو وتا هو صراحة جاه فراقها صعيب واخا عارفها خفيفة وقوفزة لكن اخر العنقود وتيعتبرها فحال بنتو من صغرها هو لتيديها ويجيبها لمدرسة وتيخلص على تعليمها ..
بقا تيوصي فيها شحال عدباش طلع لفوق عند لبنى ديركت لبيت بدل حوايجو وبدا تيقلب عليها لقاها في تيراس ونطق
صلاح: الا كنتي وجدا ياله
لبنى دارت عندو صراحة كانت غزالة تا هو شحال حضاها وتمنى يعنقها ويقولها جيتي زوينة ولكن باقي غضبو متحكم فيه زائد عارفها انها تا هي مقلقة داكشي علاش هضر عادي سبقها وهي من وراه تا هبطو لتحت لبنى سلامات عليهم وجلسو هما في البيت لحدهم لهيها ماشي مع الرجال تجا وسام حل عليه محمد دخلوه الصالون وحطو ليه اش من حلوى واش من عصيرو القهوى اتاي مهم كبرو بيه عدباش دخلو لمعقول
سي براهيم: كي قلت ليك اولدي انا تشاورت مع البنت وبغات وداب منزيدكم هي الخير
صلاح: لكن قبل من كلشي هي غاذي تغرب علينا باش غاذي نضمنوك غاذي تهلى فيها
وسام: انا غاذي نحطها في عنيا وانا جاي طالب الحلال وانشاء الله يكمل علينا
فاطمة: انشاء الله اولدي مرحبا بيكم في اي وقت وحنا فرحانين على قبل هذا المناسبة لدرنا معكم
محمد: حنا هي حظي لينا ختنا في عينك وديك الساعة لطلبتيها عندك
وسام: انشاء الله هادشي لغاذي يكون نهار الخايب معمرو يكون
سي براهيم: وهذا كلام معقول
قراو الفاتحة ودخلو رجاء جلسوها شويا حده وتافقو العرس من ورى شهر بحكم وسام خاص يرجع لخدمتو في الخليج وخاصو يوجد ليها تا وراق تاوعها
رجاء فرحانة وتتضحك وتشوف في وسام هي بالقن قلبها تيرفرف تكملو ورجعات لبيت فرحانة وتتضحك
رجاء: فرحانة البنات فرحانة
سناء: اناري البنت بغات تسطى
لبنى: الله يكمل بالخير
اميمة: ياختي فرحت ليك من قلبي
ضحكو ونشطو وتجمع المجمع تبقاو هي العائلة بينتهم رجاء مشات تبدل مع سناء واميمة تتسنا صلاح يديها اما لبنى مجمع مع نزهة في تليفون تتدخل عندهم صلاح ولا هنية لشافت رجل اميمة منفوخة
لاهنية: الله يا بنتي الله شي شحال منفوخة صلاح ولدي دلكها ليها شويا باش ترتاح راه معذبة
تا اميمة جاتها من جنة والناس ونطقات
اميمة: اه اصلاح والله تا مقصحة ..
هو شاف فيها وقرب بشويا وجلس قدامها على الارض وجبد ليها رجليها تيدلكها ليها بشويا بينما هي تتضحك
اميمة: يخليك ليا ياربي
هنا لبنى مبقا ليها والو وتبكي صراحة تتحس بالغيرة تتضرها في قلبها وتتنهشها بالجهد قلبها تحرق وسط العافية لشعلاتها اميمة شادا راسها بزز
صلاح: داب مزيان
اميمة: داب حمد لله يخليك ليا
صلاح: ياله انا نوصل لبنى ونجي نديك
لبنى نضات من تما سلامات على عجوزتها وضرتها وطلعات معه الفوق دخلها ونطق
صلاح: بغيتي شي حاجة من برى
لبنى: لا شكرا
هو سمع جوابها وخرج من تما توجه عند مو ودخل دا اميمة لدارها وعوانها تبدل حوايجها ونطق
صلاح: انا غاذي داب تبغي شي حاجة قبل
هي بدات تتدير تعابير تاع الالم ونطقات
اميمة: صلاح كرشي تتضرني تنتقطع
صلاح:(تخلع) فين شنو لضارك نمشيو لطبيبب
اميمة: اه كرشي تتضرني
هو ناض بزربة وهزها ديركت لسبيطار وهي تتضحك وصلات لداكشي لبغا توصل دخلها ديركت لكلينك ودخلات طبيبة تتفحصها
وهو برى مخلوع قلبو تزمت عليه صعيب عليه الحال قلبو تربط بولدو لباقي مشاف النور
تخرجات عندو الطبيبة ونطقات
طبيبة:معندها والو اسيدي تنظن وقيلا فقط تقلصات للطبعين في الحمل هما لقصحوها
صلاح: ياك الولد بخير حمد لله ما فيه والو
طبيبة:بخير اسيدي ولكن الا بغيتي تزيد تأكد نديرو ليها تحاليل
صلاح: اه ديرو اي حاجة
مشات طبيبة تيديرو ليها تحاليل و تيكشفو عليها تالاش من وقت عدباش خرجات هي ويه بعدما تأكد انها بخير تقاد ليها العشا وداها لدار عوانها تعشا ونطق
صلاح: داب باقي شي حاجة ضارك
اميمة: لا داب حمد لله صراحة غذا تشهيت نشوف مي وبا وخويا
صلاح: صافي تال غذا ونديك والدلاح راه جبتو ليك في ثلاجة
هي عنقاتو ونطقات
اميمة: ديما مفكرني
قربات منو تتبوس وتتقيس ليه في صدرو لكن هو حيد ليها يديها باداب ونطق
صلاح: انا نوض ندوش ونتي رتاحي ليك شويا
هي قربات ليه كثر ونطقات
اميمة: انا مبغاش نعس انا بغاك نتا علاش تتهرب مني واش قصرت معك في شي حاجة
هو قرب منها ونطق
صلاح: لا اميمة انا لمخربف هذا الايام نتي مرتي و غاذي ندير ما فجهدي باش تعيشي مزيان و بخير نتي ولفي كرشك
اميمة: وعلاش تتهرب مني
هو عنقها ونطق
صلاح: خوي راسك من هادشي واخا
عند لبنى لشدا تليفون وتتبكي على نزهة
نزهة: هاذي هي عنيا فيه ويخ منو
لبنى:العافية اختي نزهة في قلبي العافية
نزهة: داب تطفى هي تسناي
لبنى: شوفي راه مجاش يعني كان عندك صح
نزهة:كنت عارفها وداب من عرفتي بقا ناوي تخلي كلشي وتمشي
لبنى: لا داب غاذي نرجع ضربة جوج ..
اصبح الصباح والملك لله وحده لا شريك له
لبنى وجدا هي وسناء تيتسناو في صلاح تا جا ووصلهم ليسطا ودار معهم يرجع ليهم بحكم نفس توقيت هي الاقسام لمغيارة سناء مشات مع لبنى تال قسم تاعها ونطقات
سناء: بتوفيق ازين وهذا احسن قرار والله
لبنى:(عنقتها) يخليك ليا ازين ويحفظك
سناء: الا خرجتي قبل مني تسنايني واخا
لبنى: واخا
مشات سناء اما لبنى دارت لقسم ودخلات كان فحال شي كوزينة وفي الوسط كاين واحد البوطاجير كبير كل واحد شاد فيه بلاصة الاعمار تختلف و كاين الرجال وكاين العيالات تما هي شداتها القفقافة من كمية الناس بحكم شحال هادي ما كانت اجتماعية وكانت قريبة من ناس توجهات لتما وشدات بلاصتها وهزات عينيها في واحد الرجل كان تما صراحة مسرار بززاف كان لابس ديك اللعيبة تاع الطباخين و تيقاد في صفوف شافها ونطق
الاستاذ(رشيد): مدام ماشي تما ممكن تقربي القدام
لبنى:(توترات) واخا استاذ
هو جاه ضحك من ديك الاستاذ ونطق
رشيد: عيطي ليا هي رشيد
لبنى: واخا اسيدي
هو تعجب منها مع جاتو توترات بززاف مهم قربات ووقفات تما فين قال بينما هو بدا الحصة تاعو
رشيد:مرحبا بيك في اول حصة هنا غاذي نتعلمو لطبخ وخصوصا الحلويات لبغيتكم تعرفو ان الطبخ شغف لكن الاهم الانضباظ و مهارات يعني ماشي ضروري فقط حبك لحلويات يخليك صانع ماهر خاص تكون عندك مهارة ووباش تكسب خاص الانظباط وثاني حاجة خاصكم تعرفو انه هاذي نعمة الله يعني لا داعي انكم ديرو كمية كمية خدمو بشويا تبعو الوصفة ودقة دقة غاذي تقنوها وحظ موفق ليكم
جبد واحد الحلوى وبدا تيهضر عليها وشاف فيهم ونطق
رشيد: اول درس غاذي نخدمو عليه هو كيفاش يكون تناسق في العجينة يعني ما بين رطبة وما بين قاصحة وشنو المكونات لتيخليوها رطبة وشنو العكس
لبنى هي متبعها وخداما وصراحة توثر قضا عليها وهي خدما تما تزلقات ليها العجينة وبدات تتنطق بالزربة
سمحو ليا انا انا داب نجمعها
هبطات تتجمع تا جا رشيد وعونها ونطق
توتر ضروري منو ولكن الا زاد على حدو تيشعل الضوء الحمر
رجع تيوريهم وهي شويا تهدنات وهبطات راسها خداما
اميمة دورات لمها ونطقات
اميمة: الو ماما توحشتك امي
زهرة: تا انا اش خبارك مع شي ثقل
اميمة: شويا امي شويا ليوم نيت جايا عندك رجلي تنفخات عليا
زهرة: نتي باقي ياله شهر الرابع باقي الحال على رجليك تنفخ ياكما شي حساسية هاذي
اميمة: منعرف خالتي هنية هي لقالت ليا وقيلا الحمالة
زهرة: تتجي ونشوف العجب انا متنفخات ليا تال شهر السابع في لخر
اميمة: ايو تا نجي ..
تصبحو على خير البنات سمحو ليا الا قللت الاجزاء ولا شي حاجة راه مع المراض بزز باش تنكتب ليكم مهم اعتذر منكم إلا قللت دمتم في رعاية الله
كملات ديك الحصة بزز وخرجات برى تتسنا سناء تجات خرجو لقاو نيت صلاح تيتسناهم هزهم من تما وداهم لدار وصلهم وهبط عند اميمة دخل باش يديها لدار لقا معها تا رجاء
اميمة:رجاء تا هي غاذيا معيا
صلاح:واخا واجدين ياله
خرجو تابعينو من وراه كاينة رجاء واميمة شادة فيه في يديه ومعنقة ذراعو وتتمشى بشويا عليها توصلو لطومبيل تاعو غافلين على العنين لتيشوفو من بعيد كانت لبنى لحاضيهم من شرجم وهي تتفقص من بعيد صراحة راسها ضراها وتا قلبها كيفاش شاد فيه وغاذية وكرشها لمنخوفة شويا صراحة تيبانو كوبل مزيان ومناسب
طاحت حد الشرجم لكانت تتطل منو وهي تتتقلى بالعافية لنوضتها ليها اميمة
صلاح وصلهم لدار تاع اميمة ورجع لمحل جاب شي سلعة وطلع مع خوه لقسارية تاع باب غمات يجيبو شي لعيبات من تما
نمشي بيكم لجيهة خرى
كان بدر جاي من خدمة بالحوايجو لموسخين تاع البناء شافوه شي داري شماكرية تاع درب ونطقو
دري ١: واش ابدر بعدتي منا ونتا تشمكر
دري٢: هه ها او قاليك باغي يتوب
دري١: واجي اصاحبي بيع معنا شي طرف حسن ليك من هذا تمارة
بدر: دور تق**د شتي انا لعمركم باقي نرجع لذاك الزبل
دري١: و بدر عشيري شوف وهي اجي معنا فليل نضربو شي قرعة
بدر مجاوبوش وتمشا لدارو داخل و سد عليهم الباب ..
صلاح كمل شغلو وهبط فحالو نيت لدار سلت لفيست ودخل لعندها لدار شاف فيها واقف تيشوف فيها
صلاح: لبنى مالك
لبنى: (زفات بواحد الكاس تاع زجاج حد راسو تتفرتت)
صلاح: مالك واش حماقتي
لبنى: اه حماقيت اصلاح حماقيت نهار قبلت نرجع ليك وقبلت نعطيك فرصة ونتا تتعفط عليا و تتعفط على كرامتي نهار على نهار
صلاح: اش هذا الهضرة
لبنى: واش نتا حمق ولا تتدير راسك هبل تربح
صلاح: وضحي كلامك
لبنى: واخا البارح نوبتي ومجيتيش وقدامي وقدام مك دلكتي ليها رجليها وانا وقفا حداك معتبرتينش بنادم ولا شنو واش انا مرتك ولا هي جاب ليا الله واليوم شاد فيها وخارج فرحان نتا ويها وانا عمرك حتى ضحكتي في وجهي في زنقة
هو ضحك بشكل مبهم وقرب منها بشويا وهضر
صلاح: تتغيري ا لبنى
هي دورات وجهها ونطقاات
لبنى: لا انا نتا تتبين ليا انها هي عندها قيمة وانا لا انها هي ذهب وانا نحاس وانها هي تتستحق تكبر بيها قدام الناس وانا لا مني تتعتبرني فحال هك طلقني وخليني نمشي فحالي حيث انا مبغيتش نعيش طرف ثالث في علاقة انا متنولدش اذ خليني نمشي ونتا عيش حياتك معها وتا انا نعيش بعيد حيث هي عاطيها الوجه زين وانا الخايب
صلاح: اش هذا الهضرة انا منويت والو وتنعودها ا لبنى انا هو لكاين ليك
لبنى: ضحتني واش نتا ممعبرنيش ديما منقص مني قدامها وتتقول ليا نتا لكاين لهذا درجة كتبتي كذبة وثقتيها
صلاح: سمحي ليا البنى انا متنعرفش اش تيوقع ليا
لبنى: تيوقع ليا اولد ناس انك نتا ممقدرنيش في حياتك مديرنيش شي حاجة مهمة نتا مبغينيش نتا باغي مرتك نتا هي شتني اني مبقيتش تحت جناحك ومبقيتش داك الحيط الهابط للتوقف عليه حسيتي برجولتك تقاصت صافي اما الحب راك معارفوش ومغاذيش تعرفو
هو قرب منها وشدها كثر مزير عليها على كتافها وهبط راسو قدام وجهها
صلاح: تنبغيك ا لبنى فهميها تنبغيك هي مسؤولية تاعي لكن نتي راك طرف مني ومنقدرش نخليه يمشي بعيد انا متنعرفش اش تيوقع ليا حسي بيا شويا انا تنحارب ذاتي راسي تينتفخ و تنولي باغي ندير اي حاجة بغات واش حيث تنعتبرها مسؤاليتي ولا انا لنيت غالط
هي دفعتو بعيد ونطقات وهي هازة صبعها قدامو
لبنى: اخير مرة اصلاح اخير مرة تنقص مني ولا تعتبرني زيادة حيث غاذي نمشي ومغاذيش تعرف ليا طريق
هو شدها وهبط ليها داك الصبع ونطق
صلاح: اول حاجة هبطي ذاك الصبع تاني حاجة ديك الطريق لي انا مغاذيش نعرفها غاذي نقلب مها ومغاذيش تمشي فيها متستفزينش ا لبنى انا براسي معرفتش اش تيوقع ليا انا فرحت حيث لاول مرة نتي تتبيني غيرتك عليا وانك باغني ولكن صدقتي هي تقاسيتي في انوثك اه سمحي ليا غلط ومغاذيش يتعاود
هو خرج في حالو راسو باغي ينفجر هبط عند مو لتحت شد بيت ونعس ..
عند اميمة ورجاء لجالسين نيت في دار اميمة وحدهم لا زهرة
زهرة: الله يا بنتي الله مال رجليك هك خاصك تشوفي طبيب
رجاء: واش تتعطيك الصداع بعدا ولا لا
اميمة: شويا وراه خالتي هنية قالت هي الحمالة لدارت ليا هك
زهرة: النفاخ تاع رجلين تيكون تال الشهور اللخرة ماشي داب هادشي جاني عجب
اميمة: ومناش هادشي زعما
رجاء: انا شكيت في طونسيو هو لدارها
اميمة: صافي تال العشية ونعبرو
زهرة: ولا شي حساسية ياكما كليتي شي حاجة هي لخالاتها هك
اميمة: ما نعرف
زهرة: مهم هي عطي لراسك الراحة انا نوض نصلي ونجيب ليك معيا ما تأكلي
رجاء: الله يتقبل اخالتي
زهرة: امين ابنتي مرحبا بيك
خالتهم ومشات تصلي بينما اميمة شافت في رجاء ونطقات
رجاء: ياله قولي ليا اصحبتي خلعتني جبتني هذا المجيبة
اميمة: وانا جبتك هنا باش نهضرو على خاطرنا
رجاء: هضري
اميمة: مكنتيش البارح فاش صلاح دلك ليا رجلي
رجاء: لا
اميمة: اش قال لينا الفقيه الا عقلتي
رجاء: قال لينا غاذي يدير لينا المحبة والقبول علاش
اميمة: اه ونستي واحد الحاجة التفضيل
رجاء: شنو هذا
اميمة: عقلتي فاش قال لينا غاذي ندير ليك نتي الافضلية يعني ديما فاش انا نكون مع صلاح ولبنى يبقا يشوفني هي انا وينساها هي
رجاء: اه اه فاش قاليك انه طيح عليه ضبابة على عينه ولقلتيها هي لكاينة
اميمة: ايو مزيان وانا البارح جربتها فاش قلت ليه دلك ليا زعما باش نشوف واش غاذي يدير بحسابها حيث كانت معنا في البيت ولكن متسوقش واش كاينة
رجاء: ههه حلفي
اميمة: ايه الفقيه قال لينا انه شهر لول وثاني غاذي يعطي الحجاب جهدو وانه غاذي يبقا هي يهتر بيا ولكن من بعد غاذي يبدا يرجع كي كان
رجاء: اه ونسيتي فاش قال ليك متخليهش يبقا يمشي عندها بززاف باش ينسها وانه الا بقا يشوفها بززاف ولا تجمعو بحدهم راه غاذي يحيد القبول عليك
اميمة: ويه هادشي لفكرت فيه البارح انه فاش تيكون معه تتحيد ضبابة على عينيه يعني خاصو يبقا هي لاصق فيا
رجاء: وكي ديري ليها
اميمة: هاذي لصعيبة انا اصلا خليتو معيا شهرين وكثر وداب ملقيت شي فكرة داكشي باش عيطت عليك تعطيني فكرة حيث الا بدا تيعدل ويمشي عندها غاذي يتحيد المفعول تاع الحجاب
رجاء: شوفي مديري والو اصلا قريب نمشيو عند الفقيه وهذا المرة قوليه يضرب ضربة صحيحة
اميمة:مبقيتش قاد واش لهد درجة تيبغيها انه الحجاب مقداش فيه بززاف هي ليام لولة فوق هادشي كلو رجعها تقرا
رجاء: متقلقيش اصحبتي نتي لكاينة ومكاين ما حسن راه نتي لغاذي تولدي وتجيبي الولد لخويا ومي يعني ديك الساعة غاذي تولي هي نتا لكاينة هي راه عاقرة ومن فوق يتيمة معندها حد وصلاح ضربة لغاذي نضربو غاذي تنسيه شكون هي يعني غاذي تبقا بوحدها وتخرج في حالتها من تما اليتيم معندو حد واصلا مكاينش لساومها وهي متتولدش واش من نيتك تتقارني راسك بيها .
لبنى طلعات معها هضرتو اه هو ظالمها ولكن بان ليها في هضرتو باله ممكن نيت مناوش نفضات راسها من هادشي كلو وهزات تليفون تتهضر مع نزهة نيت
نزهة: يختي هادشي لتتعودي ليا في شكل
لبنى: وانا براسي تلفت والله
نزهة: انا هادشي ما دخلش ليا لراسي حسا بشي حاجة تما
لبنى: فحالش
نزهة: منعرف ولكن شوفي خوذي معه الخاطر شويا اصحبتي ياك قلتي من هضرتو راه مقلق وانه نيت طالعة عليه متزيدش عليه تا نتي اصحبتي
لينى: تلفت والله
نزهة: نتي تتبغيه عطيه فرصة كوني ليه مرأة تعاملي معه عادي وانشاء الله غاذي يجب التوفيق
لينى: امين
نزهة: نتي داب وسط حرب اصحبتي خاصك ضربي بالبارد ماشي بالسخون اه الا ضراتك شي حاجة قوليه لكن ماشي كل نهار يعني تفركعي نهار والسيمانة كلها جمعي
لبنى: انا هضرت معه ليوم تنشوف اش ناوي يدير
نزهة: كل خير انشاء الله ايو كي جاتك الحصة لولة
لينى: زوينة يختي زوينة وتا الاستاذ زوين
نزهة: ههه زوين
لينى:ههه زعما تيقري مزيان
نزهة: هي ناوي تبدلي صلاح ولا شنو
لبنى:ههههههه
نزهة: ايو نخليك هذا الساعة نوض نشوف اش ندير في هذا الدار
لبنى: تا انا نوض نطوي ماريو تاعي
نزهة: ياله سيري
لبنى مشات تتطوي حوايجها وتتقاد في دار وتتفكر نيت في صلاح كملات وحطات سجدتها تتطلب لفيها الخير ليها وليه مدام حبو تزرع في قلبها الا ومن وراه شي حاجة وطلبت من الله الصبر باش تعرف انتا هذا الحاجة غاذي يوصل وقتها ..
سناء خارجة من دار غاذية تقدا نيت من السوق شدات طاكسي توصلات وبدات تتقدا وهي تتشوف في السلعة عجبتها تحسات بشي حد واقف حدها دارت بالزربة لقاتو بدر واقف وتيشوف فيها نيت
سناء:(شدات قلبها) الله يا خويا الله خلعتني
بدر: خوك داب نشوفو
سناء: ها حجر العافية سير عطيني التيقار ولا غاذي نقولها لخويا
بدر: متيهمش تقادي اش بغيتي ومن بعد نخليك
سناء: الاخ خدمتو عندي بوديكارد وانا مفراسيش
بدر: كل واحد تيحضي رزقو
سناء: (تنهدات) شتي نتا وقيلا حماقيتي وانا مغاذيش ندير راسي فيك
بدر: كاع لتجي منك سمن وعسل
هي سكتاات وبدات تتختار وتخرج من محل ودخل لمحل شدات في الكسوى تتقيس فيها تا جا وقف عليها وشاف في مول المحل ونطق
بدر: عطيها شي واحد في لون الحمر
سناء: شاور شويا شتك بغيتي دخل تا في حوايجي
بدر: تيعجبني لون الحمر وبغيت نشوفو عليك كاين شي مشكل
سناء: سير اخويا تتزوج وقول ليها تلبس ليك الحمر
بدر:(هو قرب ليها تال وذنيها ونطق) ديك الساعة مبغيتش نشوف الحمر بغيت نشوف حاجة خرى
هي حمارت وصفارات وحيدات من حده جمعات داكشي وخرجات تتعثر في جليلها من الحشمة وهو تابعها من لور تيضحك وصراحة عجبو شكلها كيفاش حشمات
بدر: عجبني تفكيرك
هي هبطات راسها وتتهضر بتوتر
سناء: اش من تفكير بعد مني
بدر: انا قبيلا عنيت نشوف لون مرتي الحقيقي ولكن تفكيرك عجبني
سناء:(سرطات ريقها ) اش من تفكير
بدر:(غمزها) هه تال نهار العقد ونقول ليك
سابقها وهي تابعه توصلها لدار ومشا لخدمتو تيخدم جوج مرات واحد صباح بناي واحد فليل سكرتير في واحد العمارة مهم تيحاول يجمع الفلوس ..
صلاح ياله فاق شاف في ساعة وتنهد وتوضى وصلى صلاتو وخرج عند اميمة يجيبها من عند مها شي نصف ساعة وصل حل ودخل لقاهم نيت تيتسناو فيه سلم على عائلة اميمة نيت وخرج معه لوطو يرجعهم لدار
اميمة: صلاح دوزني معك لشي فرماسي نعبر طونسيو
صلاح: واخا
رجاء: انشاء الله خير
داهم نيت واحد فرماسي حدهم دخلو وجات واحد البنت تما قاستو ليها
البنت: عندك اختي طونسيو طالع شويا وقيلا مع الحمالة
اميمة: تا انا داكشي لقلت اختي
صلاح: وانتفاخ تاع رجليها عادي
البنت: هو في اشهور اللولة مخاصش يكون ولكن تنظن الا كان طونسيو طالع راه ممكن يكون هو سبب ولكن من احسن تمشي عن طبيب
صلاح: واخا
رجاء: شكرا اختي
صلاح جبد دور معها بالفلوس نيت وشد ليها واحد مرهم عاطتو ليه البنت تما ورجعهم لدار نيت
اميمة: صلاح شكون جمع الدار
صلاح: راه جبت ليك ديك المرأة لقلت ليك نتي داب في شهر الرابع هي رتاحي
اميمة: يخليك ليا
رجاء:هاهاي على الحب تيتشاير
صلاح: شنو بغيتي تأكلي نجيبو ليك
اميمة: اي حاجة وتشهيت شي حاجة حلوى
صلاح: واخا
خرج من تما مخليهم بجوج بيهم تيهضرو تنطقات رجاء
رجاء: فين داير الحجاب ا اميمة
اميمة:(ضحكات )هه مخيطاه في مخذا فين تينعس
رجاء: هه وهاذي فكرة مطيحش على البال
اميمة:(وقفات)ههه ياك بعدا
مشات الكوزينة وجابت واحد صرة فيها شي عشوب وجابت كأس تاع الماء وخشاتهم في فمها ودوزتهم مع الماء
رجاء: شنو هادشي تتأكلي
اميمة: العشوب لعطنا الفقيه
رجاء: وياك قال ليك نتي شربيهم هي مرة واحدة وبداي ديرهم لصلاح في الماكلة
اميمة: تا نتي راه تنديرو ليه في الماكلة وانا راه تنشربهم معه اش عندهم ما يديرو ليا
رجاء: ههه وهي شاوري شويا راك حاملة
اميمة: ههه تا نتي راه هي ديال المحبة اش بيكون فيهم كاع
رجاء:وييه انا نوض داب نمشي يختي جاني النعاس
اميمة: وتهلاي احبي
رجاء:باي الفنون …
صلاح مشا لواحد باتسري شرى ليها واحد الكيكة بالشكلاط وجاب العصير وشي شكلاط مخلط حل الباب وحطهم ليها وهضر
صلاح: خاصك شي حاجة خرى
اميمة: لا شكرا
صلاح: تصبحي على خير
هو خرج من تما ومشا لدار مو دخل وسلم على باه ومو
محمد: خويا غذا السلعة لجاي من رباط واش ندخلوها لمحل ولا لا
صلاح: هي ديها لديبو المحل داب عامر تنختارو منها ما حسن
محمد: واخا
سي براهيم: صلاح ولدي هذا اليام حالك مبقا عاجبني واش مريض
محمد: لا الواليد هي راسي تيضراني هذا الايام معرفتش علاش
سي براهيم: كثرت الخدمة رتاح شويا
صلاح: انشاء الله
رجاء: خويا تقديتي لاميمة
صلاح: اه
رجاء: ونسيتني انا ياك
هو جبد من جيبو واحد شكلاط على شكل كركوب ونطق
صلاح:(شنتف ليها شعرها) مغذيش نساك
رجاء:(عناقتو) شتي نتا الحب
مشات لبيتها تتضحك اما هو جبد من جيبو واحد المبلغ ما بين تقريبا واحد 1000 درهم وعيط على سناء
صلاح: هاكي خلصي السونتر ولبقا تاعك
سناء: الله يخليك ليا اخويا
صلاح: هي نجحي وانشاء الله الوليد غاذي يحل ليك شي مشروع عندك تنسيني
سي براهيم: ههه مشروع سناء للحلويات هه
محمد: هه دخلوني انا سرباي
سناء: تتضحكو عليا ياك وها هي فيكم
مشات لبيت بزعفة بين صلاح بقا تيلعب مع باه الشطرنج تا جات لاهنية حطات ليهم لبن ونطقات
لا هنية: نوض اولدي شوف مرتك اميمة راه وحلا في راسها
صلاح: ليوم غاذي عند لبنى امي
لاهنية: لواه اولدي لبنى راه قاد براسها ونتا خاصك تشوف لي حاملة
صلاح: انا جابت ليها كلشي عدباش خرجت
لاهنية: والا وقعت ليها شي حاجة وهي في دار بحدها
صلاح: كاين تليفون
لاهنية:هادشي لتتدير فيه ممسلكش
صلاح:مي نتي قلت ليا تزوج ودرتني بين سخط ورضى كيما نتي بقا فيك الحال على الولاد تا لبنى راه الا بقيت تنشمي هي عند اميمة بحدها غاذي تقلق
لاهنية: مالها لاش تقلق وكلا شاربة لابسة كلشي عندها موجود
صلاح: تصبحي على خير يا امي
توادع معهم ومشا في حالو طلع لعند لبنى ..
طلع لعندها لقا طبلة تاع العشاء محطوطة تما نيت الدجاج وشي شلايط وهي خارجة من بيت بواحد الكسوى زوينة وغزالة نيت شافتو وهضرات
لبنى: العشاء واجد اصلاح
صلاح:(تقدم عندها ونطق) واخا
مشا لطواليط غسل يديه وجر الكرسي ومشا جلس تيأكل وهي جالسة حده تتشوف فيه بهدواء صراحة باقي تتبغيه نهار على نهار هو شاف فيها وهز ليها يديها وباسها ونطق
صلاح: الله يعطيك الصحة
وتبسم واحد تبسما زوينة وخفيفة
لبنى فرحات بززاف بهدا المعاملة قلبها رفرف وروحها طارت بينما هو نطق
صلاح: اي حاجة تمنيتها ومدرتهاش ليك غاذي تولي ليك والا كان على قبلك انا غاذي نغير من راسي
هي قربات منو وعنقاتو ونطقات
لبنى: شكر شكرا اصلاح هادشي لبغيت
هو نوضها من كتافو و مسح ليها دموعها بشويا ونطق
صلاح: انشاء الله غاذي نعوضك ا لبنى على اي حاجة خايبة درتها هي صبري معيا هذا الايام
هي فقط عناقتو مهضرات متكلمات بقاو شي ربعة تاع دقائق معانقين صوت قلبهم بحدو لمسموع بينما هو هز ليها راسها بشويا وقرب فمو من فمها هي بشويا بشويا حطو على فمها وحيدو فحالا تيتسنى الاذن تاعها لقاها مدرات تا شي ردة فعل رجع خش فمو وتيقبل بكل شغف و فمو راضي على المذاق لحاس بيه تحس بيديها في صدرو دفعتو بشويا ونطقات وهي تتنهج
لبنى: س سمح سمح لي ليا اصلاح انا باقي ممستعداش
هو تبسم ونطق
صلاح:على كل حال هذا راه تطور ملحوظ
ورجع تيتعشا بكل هدواء اما هي تبسمات صراحة عجبها هادشي لانها قبل كانت تتشوفو اناني اما داب تيدير بحسابها في اي حاجة قالتها
كملات ومشات تتغسل الماعن وهو تيعاونها ولاول مرة في حياتهم يدخل معها الكوزينة كملو وجبد فيلم عنقها وهي ناعسة على صدور وبداو تيتفرجو فيه ولاول مرة تتكون علاقتهم مبرداش ممكن انهم هما وعو بالخطأ وباغين يصلحوه ولكن واش قوى الشر غاذي تخليهم ..
لبنى كاينة في ليسطا نيت خداما على العجينة ومهبطة راسها على العجينة وخداما تسمعت واحدة تما حدهم تتطرق المسكة نيت حدهم باينة فيها شي بنت 2006 (لا اهانة انا منكم) مهم زعومية شويا شافت في رشيد ونطقت
البنت: استاذ رشيد نسولك
رشيد:(تبسم ليها) بلا استاذ ا روميسة تفضلي
البنت: مزوج
هو صدمو سؤلها ولكن جمع وطو ونطق
رشيد: لا
روميسة: وعلاش زعما سعادتها هاذي لديك
رشيد: ههه وعلاش
روميسة: متبقاش طيب في دار
رشيد:(فقط تيضحك)
وتيشوف في لبنى لخداما في عجينتها ممسوقاش ليه كاع واش كاين
كملو الحصة وخرجات في حالها شافت في سناء ونطقات
لبنى: دور معيا البارح صلاح اش بان ليك نخرجو نشريو شي حوايج
سناء: والله اختي لبنى تا حيدتها من فمي نيت نفوجو مع بعضيتنا
كانو تيهضرو ومتيشوفش في رشيد لحاضيها من بعيد وتيضحك صراحة دخلات لعقلو وبقا حاضيها تجا صلاح وركبو معه هو عارف صلاح هو سناء بحكم تيشوفو شحال من مرة تيوصلها وهي فاتت قرات عندو وعارف خوها ولكن معارفش العلاقة لتتربطها بالبنى
لبنى: صلاح عافك دينا لمدينة نشريو شي حوايج
سناء: اه اه عافك اخويا
صلاح: نتي بعد ا سناء ياك البارح شريتي شاكوش وجيتي بيه
سناء: واخا بغا نخرج مع ختي لبنى تختار ليا على ذوقها زوين
صلاح:(تبسم) واخا
داهم لمدينة ودخلو لمحلات مخالو مشارو الصراحة وتا صلاح منقص فيهم والو شار ليهم تتكهمو من الحوايج عدباش دوزهم لواحد الريسطو يتغذاو
صلاح: شنو تبيغو تأكلو
سناء: انا بغيت شوراما
صلاح: ونتي ا لبنى
لبنى: فحال سناء
شدو الماكلة وتغذاو الصراحة داك النهار داز عندهم زين وتا لبنى نفسيتها تغيرات بززاف ..
هبطو لدار نيت دخلو لعند دار مو وهو هاز عليهم داكشي لشارو ولبنى و سناء من وراه دخلو لقاو نيت لاهنية ومعها اميمة ورجاء شافتهم ونطقات
لاهنية: فين تعطلتو
صلاح: خرجتهم تشرو شي لعيبات وتغذوا
لاهنية: اه هكك حيث كنت تنتسناكم على الغذا
صلاح : تغذيت امي
لاهنية: كي ديرا ابنت لبنى بخير
لبنى: حمد لله اخالتي
لاهنية: يعطيك ستر ا بنتي لما في العشية جي هزي معيا شي سدادر
لبنى: سمحي ليا اخالتي العشية ممساليش
لاهنية:(جبدات فيها عينها) ولا فين غاذية
لبنى: خارجة انا و صلاح على قبل شي شغل
لاهنية: ويلي اولدي صلاح راه عيقتي بهذا الخروج وزعما مراتك حاملة
صلاح: غراض مهم امي نكملو ونرجع
دار شاف في لبنى وشد ليها يديها وباسها قدام اميمة لتتشوف فيهم وتتفقص
صلاح: تهلي في راسك شويا وهاني راجع باش نمشيو
وخرج مخلي اميمة تتغزز بالفقصة
سناء دخلات لبيتها ولا هنية هزات ايديها بلا حولة ولا قوة الا بالله
ومشات لكوزينة تتطيب لعشاء لاميمة اما لبنى جلسات حدا اميمة جبدات تليفونها وبقات مجمعة مع نزهة ممسوقش لهي
اميمة:(شدات كرشها زعما) اح على ولدي تيركل باركة اولدي قسحتني
وتتشوف في لبنى للمسوقش ليها اصلا واش كاينة
اميمة: قولي اختي لبنى كي جاتك المدرسة زوينة
لبنى: حمد لله
اميمة: ومالك عليها ولا خفتي شي نهار تخرجي مع الباب ومتلقي ليحن فيك راه ليتيم ديما محكور
لبنى: في هذا الدنيا كاين جوج ديال ناس نوع اللول لتيعول على راسو والنوع تاني لتيعول على الناس
اميمة:(طلعات معها السخونية) نهار نولد هذا الولد لفي كرشي بغيت ندير شي عراضة فاعلة تاركة للناس
لبنى: نهار تولديه خاصك تحصينيه بالقران وتعلميه يكون راجل وتعلميه ميحقدش هلى الناس وتكون كرشو صغيرة
اميمة: وهادشي ضروري غاذي نربيه
لبنى: هنا فين بقات شكون يربيه واش لاصلا ممربيش ولا لمربي
خالتها وهزات حوايجها وهبطات عند صلاح لكان تيعيط ليها مخليا اميمة هي تتشوف معرفات باش تجاوب ..
هبطات عندو وطلعات في طموبيل وهو زاد توصل لواحد البيرو تاع واحد المحامي لجبد ليهم شي وراق مكليزين مقادين وكانو وراق تاع ملكية تاع دار تاع صلاح دار معها بيع وشراء وتكتبات في سميتها هي شداتها وتتضحك فرحانة ورجعات ركبات معه في طموبيل
لبنى: صلاح نسولك
صلاح:اه
لبنى: زعما مهاز عليا تا نظرة خايبة على قبل هادشي لدرت
صلاح: درتي هي صح
لبنى: زعما ماتقولش في خاطرك هاذي كرشها كبيرة ولا شي لعبة
صلاح: نقول ليك واحد الحاجة انا براسي معرفتش اش وقع ليا هذا الايام عقلي تخربق وهادشي لدرتي هو الاحسن باش ضمني حقك
لبنى: ونتا ثايق فيا
صلاح: عشرة تاع خمس سنين ا لبنى راه عارفك و مقدرك نتي هذا الخمس سنين كلها كنت ليا مرأة ونص ممكن انا لمكنتش مقدر هادشي
لبنى: تنبغيك
هو فران طموبيل بالجهد ودار عندها هي لشادة قلبها مصدومة من داك الفران لدار هو شد ليها وجهها بيديه بجوج ونطق
صلاح: عوديها عوديها ا لبنى
هي هبطات راسها حشمانة منو وقلبها تيضرب عدباش سرح معها اش قالت ليه
هو حيد الحزام ديالو تاع الامان وقرب منها شد ليها وجهها وبدا تيقبل في كل انش منو ويديه تتسار على جنابها اما هي تتجاوب فمها وتتبوس في فمو توقف عليهم واحد البوليسي تيدق في زجاج ..
البوليسي:(تيضحك باستهزاء) كملتي وقول ليها الله يخلف وكمد ليها رزقها
صلاح هي سمع هضرتو هبط من لوطو وشنق عليه
صلاح: راه مرتي هاذيك الله يلعن طوسل مك
البوليس:(تحيد ليه في يديه) تتهجم على موظف انا غاذي نغبر مك على وجه دنيا
صلاح:خلعتني ومن غاذي نغبر غاذي نغبر لاش مغبركش تا نتا معيا
ناضت بينتهم هي بسبان والضريب تجمعهم في صطافيت كلهم ودواهم للكوميسرية دار تونسي تما فين جمعهم نيت
صلاح والو باقي شاعل تما واخا عياو يقبضو فيه صافي شاعل بالمعقول
انا تقول ليا لمرتي الله يخلف تتحلو عينيكم هي في هادشي تفو الله ينعلها قاعيدة
الكومسير: سكتونا اش واقع هنا
البوليسي: هذا السيد لقيتو تيدر فعل فاحش في طريق مني هضرت معه تهجم عليا
صلاح: فعل فاحش درتو مع ختك راه مرتي هاذيك
الكومسير: اش من دليل عندك وزائد تهجم على موظف اثناء مزولات العمل راه فيها الحبس والغرامة
صلاح: عطيني تلي وانا نجيب دليل
شد تليفون وعطها لبنى تنعت لسناء فين حطا العقد وووصى محمد يجيبو ليهم
الكومسير جمعهم في واحد البيرو ومشا يشوف شي سكايرية جابوهم تما
لبنى بدات تتضحك تخرجو الدموع من عينها مخليها تيشوف فيها ومفهم والو
صلاح: مالك
لبنى: ههه صراحة تصدمت فيك مكنتش تنساحبك هك
صلاح: كيفاش هك
لبنى:هههه عرفتي خمس سنين تاع العشرة عمرني شتك منفعل هك
صلاح: ههه باقي متتعرفينش مزيان
لينى:(عنقاتو من دراعو) علاش اصلاح مكناش تنتحاور هك وتنضحكو
صلاح:(باسها فوق راسها) كلشي في وقتو زوين
لبنى: ولكن عجبتني هذا اللقطة منك
صلاح: اجي منكملوش شغلنا هنا
ضربتو على دراعو
لبنى: صلاح يهديك الله
صلاح: هههه واخا واخا هاني ساكت ..
جا محمد وخرجهم وبحكم انهم عندهم معارف مزيان وكثار وثقال في البوليس متحسباتش عليهم ضرب البولسي ورجعو في حالهم لدار وهما تيضحكو محمد تيضحك هي في سرو انما لبنى هاذيك على العلن صلاح هي مكالمي وتيشوف فيها صراحة تتزيد تسحرو كثر وكثر حيث ببساطة من ختارقو الحواجيز بينتهم شخصيتهم الحقيقة بانت على العلن
طلع وطلعها معه لدار سد الباب وقربها كثر ليه وحاصرها مع الباب بيديه بجوج ونطق
صلاح: فين كنا
قبل متهضر كان فمو ختارف فمها تيقبلها بكل شغف وهزها وهي حاصرت رجليها على خصرو وفرحانة معه رجع حطها فوق الطبلة وسلت الافيست تاعو وجوج صديفات من قاميجتو وهبط بفمو لرقبتها الطويلة عطها حقها منو ويديه تتسار مع جسمها كثر هي خشات يديها في شعرو وهو هبط فمو لصدرها عاطيه حقو من كلشي عجبو ودفن وجهو تما وهو تينهج شداها ثاني وهزاها وهي مدورا رجليها على خصرو وهو غاذي سيد قلدة نيت حطها فوق ناموسية وهبط فمو لجيهة رجليها هز الكسوى وهبط فمو لفخذها تيقبل فيه ويديه محطوطة على صدرها وهي شانقة على ليزار تاع الناموسية و ذاتها كلها تتحرك عليها
كانت ليلة واش من ليلة بجوج فيه عطاو فيها كل جهدهم وحيدو اي حواجز كانت مفارقهم كانت ليلة زوينة كلها كانت عامرة اثارة وشغف
متكية على صدور تتنهج وعارينة وتاهو عارين مغطين باليزر تاع الناموسية تنطق هو
صلاح دين: فين كنت مخبيا هادشي
لبنى: لدواير زمان
صلاح: وكنت مخبيا عليا هادشي كلو في ظلام
لبنى:ههه لاء
صلاح:(باسها فوق شعرها) شكرا حيث خلتني نعيش هذا الاحساس
لبنى: الله يحفظنا و يخلينا ديما هك
في جهة الخرى كانت اميمة لموجدة ليلة حمرى لصلاح ولكن لسواء حظها مجاش واخا نوبتها بدات تتهرس في كلشي لصاوبت بالفقصة وتتدور ليه في تليفون ولكن هو طافيه بدات تتغوات بالفقصة
والله لا كان لشي بنت المرأة من غيري هو تاعي ليا انا غاذي ندمكم على هادشي منتسماش انا بنت زهرة الا مخليتك تبوس رجليا ..
إلى هنا تسالات سهرتنا تصبحو على خير بززاف تاع الحب موعدنا غذا انشاء الله
اصبح الصباح والمللك لله وحده لا شريك له
فاقت مع صباح شافت راسها ناعسة على كتافو ويديها في صدرو وهو مدور عليها يديه ومعنقها في جنبو تبسمات على شكلهم لكان زوين صراحة ناضت بشويا من حده ياله جات تهز راسها رجعها لبلاصتها ونطق
صلاح: (بصوت باينة فيه النعاس) خليك شويا
لبنى: مشا عليك الحال اصلاح شوف شحال في ساعة
صلاح:(قربها عندو وعنقها) خليك باقي الحال احسن مرة تنعس فيها
هي رجعات نعسات على كتافو وعنقاتو من صدرو وحطات راسها على قلبو تتسمع ليه تيضرب اما هو دور يديه عليها
لبنى: الله لا يحرمنا من نعيشو هك
صلاح دين: تنبغيك ا لبنى
دورات راسها عندو لقاتو اصلا باقي شاد فيه النعاس سدات ليه فمو بشويا وباستو في خذو ونطقات
تا لبنى تتبغيك
بقات معه شويا ونضات رتبات دار هي شويا وتتوجد في الفطور وتتضحك صابحة راشقة ليها تتحس دنيا تتضحك ليها تحسات بشي حاجة عناقتها من لور كان هو لنطق
صلاح: شنو سر هذا النشاط
لبنى: هه انا ديما نشيطة
صلاح: ولكن ليوم تتضحكي ماشي جامدة
لبنى: ياك انا جامدة وراه نتا لفريكو
صلاح: (هزها ) اجي نشوفو فريكو اش تيدير
هزها من جيهة كرشها وهي تتضحك وداها لدوش و فسخ حوايجو
هي تتراجع باللور وتتنطق
لبنى: صلاح يهديك الله الصباح هذا
صلاح: باغي ندير فعل فاحش مع مرتي كاين شي مشكل
لبنى: يهديك الله اصلاح
صلاح: وهي اجي نغسل ليك كاع هي امارت الفعل الفاحش
لبنى: لا هي خليهم
قرب ليها فسخ ليها حوايجها ودوشو بجوج هو تيقرب وهي تتهرب ليه غسلو بجوج دورها مع الحيط على كرشها وجا وراها و شبك يديه بيدها ونطق حد وذنيها
صلاح: عرفتي فاش تتكون عندك الحاجة متتحس بيها تتبغي تمشي من عندك
هي دارت عندو وعناقتو
لبنى: عمرك تخليني اصلاك
صلاح:(شد ليها وجهها ونطق) حمقة للقا الغالي تيخليه
كملو تتدوشهم وخرجو وهما تيضحكو بجوج وفرحانين صراحة تيعيشو احسن ايام حياتهم كالو بجوج في جو تاع ضحك وخرجات هي ويه على برى يوصلها ليسطا اما تا سناء معندها تال عشية ..
وصلها وهز ليها يديها باسها ونطق
صلاح: من تقربي تخرجي قوليها ليا
لبنى: واخا طريق سلامة
هبطات من عندو ودخلات لقاتهم جاو وكاين رشيد تما تيقاد القوام تما وتيستفهم ليهم شافها وضحك ونطق
رشيد: صباح الخير
هي تبسمات بهدواء ونطقات
لبنى: صباح نور استاذ
رشيد: هه اش قلنا على استاذ
لبنى: زعما سي رشيد
رشيد: شديتي شويا
لبنى: اه الحمد لله شكرا
رشيد: مزيان مع المدة تشدي كثر
لبنى: انشاء الله
بدات الحصة هي مركزة في القادير وتتحاول تقاد معه ولكن تيخسر ليها تجا رشيد وقف في جنبها تيوريها ومع القرب هي توترت وجاها عجب هي تتبعد وهو تيقرب تال لخر نطقات
لينى: صافي فهمت انا نكملها
هو رجع لبلاصتو تيضحك بينما هي رجعات تتكمل كلشي لخاصها
عند سناء مشات لمحل تحضيه مع باها بحكم محمد مكاينش سافر باش يجيب السلعة اما صلاح باقي مجاش مشات لاكيس تتجمع الحساب تشافات شي مدابزة كاينة على برى خرجات تتطل
صرحات كان منظر خايب بززاف المض والجناوى والدم والكلام الخايب حلات عينيها بجهد من شافت بدر كاين معهم بقات تتشوف مصدومة
الدري: ماشي تمشي دير عليا فتوى اسي بدر بربي تتجبد الطرف لهزيتي
بدر: واش تتشوفني دري صغير جمع ك**ك ديك القضية تاع دورو عليا البزيم باش نرجع نبيع معك راه قديمة راه تبت ولكن الا قلبتي عليا ن**ي مك
الدري: ضبرتي عليا ليوم حفرتي قبرك
بدر: الحفرة راه فيك
بدوا مشانقين والمض تيطير في سماء وشي حالة كارثية
لكن بدر قد يشد من عندو المض ويطيرو وبدوا تيدبزو هي باليديين وسناء حاضيه ومصدومة وتتسد عينيها هو شافها من هز عينيه وكيفاش خايفة وتتسد عينها يديه فشلو عليه ومبقاش تيضرب ولاخر مزكاش بقا تيضرب فيه اما هو تيشوف في جهة سناء لمخرجا عينيها فيه وهو تيأكل العصى وتيضحك من الفوق
تجا صلاح دخل وسطهم فرق قجقلا كلها وجرى عليهم وجر ختو مخلي بدر طايح في الارض وحاضيها وتيضحك
صلاح: اش مخرجك نتي لديك المخاصمة
سناء: هي سمعت صداع اخويا
صلاح: صافي نتي هي رجعي لدار انا نبقا في المحل انا نديك تسناي
سناء: لا لا بلاش اخويا راه غاذي نشد طاكسي حسن مع باقي غاذي نتسخر لماما
صلاح:لا انا نديك
سناء: راه اخويا لخدمة كثيرة هي كمل انا غاذة
خرجات من تما غاذية من جيهة درب بدر بان ليها حاط كرسي حد واحد الدار وتيمسح في جروحو تقدمات جيهتو وهزات داك القطن وبدات تتمسح ليه
سنااء: واش باغي تقتل راسك
بدر: اش ندير نتي لجيتي وقفتي وتلفتني
سناء: شتي نتا حمق والله واش باغي تموت
بدر: الا كان الحماق حلو فحال هك انا بغيتو
هي لاحت عليه القطن ونضات
سناء: كملو راسك
بدر: علاش جيتي تتعاونين نقولو طحتي
سناء: احسان وصافي
بدر: واخا مقبولة
زدات لدار مخليه حاضيها وتيضحك..
بعد مرور كثر من سيمانة
كانت مدة عادية جدا علاقة لبنى وصلاح تقادت مزيان نيت والو يخرجو ويدورو وفي نفس الوقت مانسيش اميمة لكن هي طاح عليها الظلام وضبب عينيها ولات بغات هي انتا تسالا لمدة وضرب ليه دقة قلبها ضراها وبغا تفدي دقتها بأي طريقة
اما لبنى رشيد بدا تيلمح ليها في هضرتو ومن فوق تها تال دار فين ساكنة ولكن معرفش انها مزوجة ولكن هي متتسوقش ليه كاع ولا لشنو باغي
ليوم جمعة والغذا عند لا هنية لبنى كاينة في حصة نيت كملو وجاو يخرجو
حطات لبنى المقادير من يديها وجات تخرج تحسات بيه شدها ونطق
رشيد: تنبغيك ا لبنى وناوي الحلال ماشي الحرام عطيني فرصة
هي نفضات يديها منو وخرجات وحلفات متبقا ترجع مبغاتش تخاصم تما لكن هو ضحك ونطق
مربية وبنت دارهم هاذي لبغيت تنهد ودوز رقم لشي حد وخرج بالزربة
اما لبنى رجعات لدار عند لاهنية عوانتهم شويا وجلست نيت تيتسناو الغذا يطيب تجلسات حدها لا هنية ونطقات
لاهنية: شوفي ابنتي لبنى غاذي نهدر معك وحلي وذنيك
لبنى: مرحبا اخالتي الله يسمعنا خبار الخير
لاهنية: شتك كثرتي من الخروج مع صلاح
لبنى:(باستغراب) وراه راجلي
لاهنية: وحنا عارفين لكن خاصك تكوني حقانية هو خاصو
داب يعطي وقتو لاميمة لحاملة وخاص وقتو كلو ليها حنا درانا فيك خير وقبلنا بيك عاقرة ولكن حيث شناك بنت الناس وحقانية و مفيكش فعايل تشيطينت
لبنى: الا كان ان نعيش مزيان ونضحك فعايل تشيطينت اخالتي انا قابلة بيهم
لاهنية: تسيفتي ا لبنى تسيفتي وعريتي على سنانك
لبنى: نهار كنت مغطيهم اخالتي رجلين تمسحو فيا و شحال بكيت وتا حد محس بيا ومن نجي نضحك متسولونيش علاش تقلبت
جات تهضر لاهنية لقات رجال دخلو مشات عند اميمة وعاونتها تجلس دفعاات لبنى وجلسات اميمة حدى صلاح وبادو تيأكل عادي تكملو ومشاو رجال يشربو اللبن بحدهم ولا هنية وسناء دخلو لكوزينة يجيبو ديسر اما لبنى ورجاء واميمة جلسو في واحد البيت
رجاء: لبنى ختي هذا الايام شتك منورة
لبنى: شكرا
رجاء: لكن احبيبتي متبقيتش تخرجي في شمس بززاف الرجل تيبغي المرأة البيضة فحال اميمة هك
اميمة:(باست يديها من قدام ومن لور) الحمد الله خليقت ربي
رجاء: عارفة احبي تبارك الله عليك زين عندك رباني ومكاينش لميشوفكش ويتزعط سعدات خويا
في وسط هضرتهم تسمع صونيت في باب محمد خرج يحل
رشيد: سلام عليكم عفاك باغي نهضر مع مول الدار
محمد: اه مرحبا
الواليد تكمل ولواحد سيد ..
يتبع
شاركنا رأيك في هذا الفصل 🌹