حلات عينيهاا على غفلة كانها فاققت من حلم خايب بعيون تعبانين كاتشوف فالسقف ..حنات راسهاا كتشوف فجنابهاا وهزات ايدها قدامها بان ليها السيروم وهي فغرفة ديال سبيطار بلباس طبي مغطينها و الشعا ضارب فييهاا …حاسة بحلقها ناشف …ضارت لجيهة لاخرى كيبان لييها شخص محني راسو على فراشها و ناعس من جسموو ولكاسكيط ل فراسو مكتفارقووش عرفاتو حذيفة…حاسة بجسهما مرخيي ومدكد بحالا واكلة قتلة ديال العصا كتفكر شنوو اخر حاجة وقعاات …كتفكر انها سخفات من بعد حلات عينيهاا فنفس لغرفة بليل قربها حذيفة …كتعاود تفكر لقطة اخرى كتلقا نهار وكدالك حذيفة جنبهاا …كمشات ملامحهاا معارفة شنو وقع ليهاا
نحنحات بصوت نااشف مرخيي وقالت: حذيفة …حذيفة
مجاوبهاش كانه غارق فالنعاس ..هزات ايدها على ايدوو حتى باش تزير علييه مرخيية بقاات ايدها هكاك لمدة بسيطة حتى تحرك …حس بايدها وتقلب لجيهتهاا بزربة لقا عينيها كيشوفو فيه بهدوء قرب ليها بابتساامة :ايمان فقتيي (زير على ايدها )باش حاسة ! كضرك شي حاجة !
ايمان؛بغيت لماا
وقف بسرعة قصد تيرموس تماا عمر ليهاا كاس بلاستيكي في حين هي حاولات تكلس وراسها حاسة بيه تقييل …كلسات وشعرهاا مخربق على كتاافها …جابو ليهاا كلس حدا رجليها ومد ليها تشرب…شربات الكاس اللول وقالت “زيدني” لبا طلبها وعاد زادها لكاس التااني شرباتو وتنهدات كتحمد الله
حط لكاس ورجع جنبهاا وقال: حاسة براسك مزيان
ايمان: شنو وقع
حذيفة: لعيا تاع طريق الشمس لي ضربناا فلغابة تاع النمسا اثرات علييك …السخانة مبغاتش تهبط لييك
شافتو لابس حوايج نقيين ومحسن وناقص من شعرو يعني رجع لحالتو وهندامو الطبيعي وقالت: فين حناا !
حذيفة: النمسا …ليوم تلتياام
ايمان(بصدمة): تلتيام وانا هناا
حذيفة(جمع ايدها بجوج قداموو ) خلعتيني علييك
غمضاات عينيهاا بهدووء وميلات راسهاا على صدرو بقا كيشووف لثواني قبل ميقرب ويحضنهاا كانهاا محتاجة لحضن فديك اللحظة …داعب شعرهاا بحنية خلاتها تغمض عينيهاا محركش ايدو على ظهرها مكتافي يقاد شعرهاا لاغير
اما هي فستنشقات عطر خفيف فصدرو كتستشعر حركة ايدو على راسهاا خداتها لطفولتها بين يدين جدهاا وهوا كيلعب معاهاا …هبطات دمعة جارفة على خدهاا وهي كاتنهد ل اقتصار دكرياتهاا مع رجل كان ليها لتمن سنوات اب حنون من وراهاا تيتماات من حس الرجولة وعطف رجل وخوف رجل لسنين التالية
بعدات بهدوء وشعرهاا لصق فلحيتو هز ايدو رجع شعرها اللور وبصبعو جر معاه مخلفات دموعهاا وقال: فيك جوع !
ايمان:شوية …شنو انديرو داباا واش مغيشدوناش
تبسم ليها نافي كلامها وقال:لاا حنى دابا فالاتحاد الاوروبي تواحد ميقدر يرجعنا …من غير لدرنا علااش
ايمان:كيفاش
حذيفة:شغب ولا انتهاك القوانين ديالهم …سينو معندوش الحق يرجعك …دابا غير رتااحي … غنتسناو لباسبورات دياولنا يوصلوو ومن وراها غيجي واحد السيد هوا لي غيوصلنا حتى لايطالياا حيت حتى طاليان مصعبة شوية ولكن غير اجراءات وصافي معندنا منديرو بيهم
ايمان:عثمان و حميد
حذيفة: الحمد لله دخلو لييوم لنمسا وحة تكرفصو علييهم بلعصاا خصوصا حمييد … تخرس من ايدو
ايمان: بعدا مشدوهمش فلحبس لعصاا غتبراا
تنهدات كأنها كانت فكابوس ماشي غير حلم صعيب كتفكر شنو وقع ليهم فلغاباات و كتأزم شافت فييه وقالت: و لول
حذيفة(حط صبعو على فموو ) نساي شنو وقع …نتي مدزتيش ومشفتيش ومعشتيش ديك لمرحلة صاافي …نتي جيتي هناا على حاجة سمعتيني (حركات راسها باه ) خاصك ترتااحي باش نكملو طريقناا ازعيبيلة
ابمان :تء راه غتبقا حتى ندير ليك شي سميية
ضحك وقال: معندي مندير لييك هادي هي سمية ليي ولف لساني علييك
ايمان:شنو هي بعدا لعاار هههه
حذيفة: الزعبول هوا الهندية وزعيبيلة اسم دلع ههه
ايمان(خرجو عينيها )دابا انا كتشبهني لكرموص !
حذيفة(بضحكة خفيفة )مالك غير اجي وكول الكرموص تعرفي تنقييه ! …باش تاكلو خاصك تخاف من شوكوو ولكن ملي كتعرفو حلو كتقول هاانية الى قرصك شووك …ونتي بحالك بحال لكرموص …من براا مدورة علييك شوك باش تاحد ميزعم عليك ولكن من لداخل حلوة
ايمان(ضحكها حيت كيهضر بطنز )فين قريتي هدشي
حذيفة(ضحك ) كدبيني حتى فهاادي …انمشي نجيب لييك متاكليي اااه (مدليها صاشية )تقديت لييك شي حوايج هناا باش ترتاحي …نعلمهم بلي فقتي ونمشي نجيب ليك شنو تاكلي
ناض خرج وخرجات الصاشية مبتااسمة مربعة فوق سرير وحداها جوج اخرين ولكن خاويين …تبسمات ملي شافت مشطة تاع لعود زويينة و فظهرها مراية باكية تاع لانجييت بريحة زوينة صابون وشمبوان …جبدات اونصومبل دافي فلخزي وتقيشرات بيضين …حلات لميكة كمشات حجبانهاا فداكشي لي باقي لتحت هزاتو من لعلااقة تخرجو عبنيهاا وهي كتشوف فدوبيااس فالاسود لاصقين فبعضياتهم ونفس طايتها عليهم دارتهم قدام وجهها كترمش حتى بان ليها داخل ايدو فجيب ولخرا كايقاد بيها لكاسكيط قبل ميهز عينو نطق
حذيفة: مقلتيش ليا شنو بغيتي تا(تسمر ورجع اللور مهبط لكاسكيط)على دوقيي احسن
كتجر الشاانطة وايديها فيهم ورقة فيها لعنوان لي تعطاها وقفت حدا لباب وبدات كدق مرة وجوج حتى طلات عليهاا نجاة من لفووق باستفسار قالت:شكوون ؟
هزات سعاد عينيهاا فنجاة بابتسامة وقالت: السلاام واش نتي نجااة !
نجاة(كتشوف فيها وكتشوف فديك لباليزة مغريباش عليها )هاني هاابطة
هبطات بجري فدروج حلات لاوية عليها فولاار وقالت: السلام انا نجاة شكون نتيي
سعاد: انا سعاد (معرفاتش منين تبدا لهدرة )خالتي هاد لامانة سيفطاتها لييك ايمان
نجاة(بهلع)وفين ايماان ؟(كتشوف فجنابها)مجاتش معاك !
سعاد: لا اخالتي حمم نجيك لصراحة ايمان شهر هدا معندي عليها حتى خباار ملي ..ملي حرگات
خبطات جنابهاا وقالت:اويليي كيفاش حرگات فيين حرگات
سعاد؛ دوينا معاها تعيينا ولكن هي بغات تمشيي لاوروباا وحركات على طريق ليونان ولا معرفت شنو ديك الطريق ومن تما معندي عليها تخبار حتى لبنت ليي ناوية تكلس عندهاا فطاليان مزال موصلات عندها ومعرفت عندمن نمشيي وجييت عندك وجبت ليك امانتهاا
بقات واقفة كي الامانة مصدومة وكتشوف فديك لباليزة طول هاد الايام كتسيفط ليها فلواتساب مكاتجاوبش كتصوني مكتجاوبش قالت نخليها على خاطرها ربما مشغولة مطاحتش فبالهاا تحرݣ
نجاة(شدات لباليزة )شكرا ابنتيي
سعاد: ها نمرتيي عفاك الى عرفتي شي خبار عليهاا قوليها طمنا عليهاا
نجاة: وخة ابنتي وخة
دخلات هازة لباليزة حطاتها فدار وحلاتهاا لقات حوايجها وتصاورهاا مع مهاا كلشي تماا بقاات كالسة كتشووف فيهم وتيليفون فودنها كتلقا تيليفونها طافيي …ليوم وغدا حتى دازت 3 اياام
قصدات كازا ومشات قاصدة دار ام كريم حيت عرفاتو سكن عندها ملي تحرقات داروو دقاات وجنبها بنتها كدق وتعاود تخرج هوا واستفسر حيت شافها قدامو وقال: مالنا فهاد الدقان
نجاة: نتوما سركم دقان لحبس ماشي غير دقان فلباب … فيين بنتك هااه فيين ايمااان
سد لباب وراه وقال: علاش كتسولي عليهاا ؟
نجاة: واش معندكم قلب تنوضو تقلبو على ديك لبنت هاه واش لهاد درجة قلبكم كحل
كريم(قرب ليهاا ): راه حرقات لياا دااااريي
نجاة: ونتوما حرقتو ليهاا حياتهاا لباطل لي لاحت عليها مراتك …كون كانو هاد الدروج يشهدو غيشهدو على نهار جريتي عليها بليل محنيتيي مقلتيي دياب الزنقة ياكلوهاا …لكلبة كتهز ولادها لمشة كتهز ولادها ياك غير حيوانات ونتومااا لي بناااادم لحتوهاا لزنقة كيفاش مبغيتيهاش تحرقك نتاا و دارك وتكمل بلخامجة تاع نورة ولحرامي تاع راجلها لي كان غيغ_تصااااب بنتك فدااارهاا هاه بغا يتعدا على بنتك حيت ملقااااش وراها رجااال ملقاااش لقا غير الرعاويين بغا يدير فيها شغلوو ادوييي لي مسيفط لحيمة صغيرة فطاكسيي تكان غيتعدا عليهااا مول طاكسييي عرفتي علاش حيت لقاا الرعااااويين حيت الرااجل ميخليش بنتو حتى تقطع الشانطي بوحدها ماشي غير يركبها فطاكسي ويتبع خامجة تاع لخلااا همم شنوو مزال نزيييدك نزييدك بنتك معرفناها ميتة ولا حية عمرك سولتيي فين كاينة ست شهور هاديي عمرك قلتيي نسول فيهاا اااه…صافي بردتووو هاهي ماتت ولاا قت_لات راسها ولا علم الله فين مليوحة ومكاين حتى لي يسول عليهاا ولاا تعرفو فين كاينة ….والله ذنوبهاا لخلاوكم تعيشو مرتاحيين والله ثم والله حياتكم لزادت القداام وربي لي شاانو عظييم حتى ندعيي فيييكم قداام لكعبة
هبطات جارة بنتها كتبكيي بحرقة على ديك الطفلة لي كبراات بلا وقت كتلاوح تفكرات فيها راسهاا زيرات على بنتها حاضناهاا خلاتوو تكب علييه الثلج من راسو حتى لرجلييه دار يتسند على الحيط لقا مو واقفة كتشوف فييه
مليكة: قلت لييك رد بالك من دعاوي المظلوم ودرتي كلامي غيير داييز …فين غاتعطي رااسك اولدي فيين حشووومة هدشيي حشوومة شردتو ديك درية لا نتا لا مهاا حشووومة
كلس فدروج كيمسح على وجهو وهوا تعطاتو طرشة حتى فات لفووت
خرج كيجر فرجلييه وكايتفكر نهار سيفطهاا فطاكسي مطاحتش فبالوو نهائيا يوقع هكا ..علاش ! حيت فعلا متصرفش كأب حيت الاب كيدير فراسو جميع الاحتمالات …مكانش اب ليها !! بل مكانش حتى رجل يهتم بيهاا غير الابوة
جا السؤال التاني فبالو كيفاش كانت غادي تغتا_صب من طرف رجل نورة ! ونورة فراسها هدشي
كيفاش انا حياتي تروناتت وهي باقة عايشة معااه بخيير شنو زعمة انا لي نتلام فهادشي كلوو ؟ انا لي عشي يتشتت !
قصد طموبيلتوو والوجهة لدار نورة …نجاة كانت فطاكسيي كتشوفيه حتى مشاا وتبعاتوو حيت معارفاش فين ساكنة نورة بقات غير تابعااه توقف قدام لفيلات تأكدات بمشيتو وتبسمات هبطات بعييد دايرة نظاراتها
منى: ماما لاش جينا هنا
نجاة: عير صبري ابنتي شوية ونمشييو
حسام هاز لبلاطوو فلبيت وقدامو نورة وجهها رجع شوية ولكن يدها مزال تقيلة عليها وخة كدير التروييض
حسام: شيغي ! مكليتي والوو
نورة(تنهدات )شحال من مرة غنقوليك متقربش ليا
حسام: لوقت كينسي كلشي ..على قبل نور احبيبة عفااك
_اسيديي فيين طاالع فيين طالع ….سي حسااام
سمعو لغوات فدروج وناض حسام مفزووع مجا فيين يتحرك حتى لقا راسو مجرور من عنقوو وخبطو مع لكوافوز حتا تشتت كلشيي وبدا كيعطييه غير لكمات لوجهوو
كريم: كيفاااش نتاا تعدا على بنتيي الكل_ب هااه كيفااااش (شاف فنورة مقداش تنوض مصومة) كنتي عارفة ومزال مخلياه معااك …بغا يتعدا على شرف بنتك الكل_بة ومخليااه معااك
ناض حسام كيمسح الد_م من نيفوو ونور مخزونة ورا نورة كتبكيي
حسام: كيفاش نتاا تهجم عليااا فدااري اشماتة
كريم: غنوري لجدك الشماتة
قلبوها مصارعة وسط لبييت لغوااات ولحيحة ناايضة …نجاة عند لباب تاع الدار كتسمع غير لغوات
نورة(وقفات بزز ) حبسووو وحبسوو هدشي
كريم(قرب ليها جااهل مخلي حسام كيمسح نيفوو دايخ ) كيفاش عطاتك خاطرك تكمليي معاه وهوا بغا يتعدا على بنتك فقلب دااارك
منورة(بلغوات)كلشي بسبببابك …فين كنتيي 19 لعام هادي عاد حيا فييك الضمير ! ملي خليتيني ضحكة وشفاية لنااس مكنتيش مرجل دابا عاد جاي ترجل عليا ااه
كريم: نتيي لي تلاحيتي علياا نتيي
نورة: غتسكت ولا نديك فين ترباا اعيفة الرجال …انا مبغيت والو عطيونيي تيساااع كلكلم بحال بحال
كريم: انا عيفة الرجال وهدا ؟ هدا لي خلاك نتي ومشا لبنتك شنو تسمييه رااجل اااه راجل هداا
شافت ف حسام وقف شاد فلكوافووز وكريم حداها وقال: ك كون كنتي راجل كنتي تحمل غلاطك نتا اللول …مكنتيش تخليي راجل اخور يلعب ب بنتك كي بغاا
كريم: بغيتي ترمي ليا كلشي! ياك الام لي كتحضن لام لي كضحيي
نورة: معندي مندير بحااجتك جات كتشكا لييك ؟ ديهاا وربح بيها وهنيني منهااا …خدات الذهب عند راسها طفراتوو ! والله متربح ياويلها تبان قدامي
كريم: علاه مكايناش عندك ؟
نورة:عندها لوجه تجي عندي …فين كاينة داباا ؟
كريم: الى كنت انا خاايب نتي معندكش الحق تكوني خايبة حيت نتي لي حملتي وتوجعتيي عليهاا …الى محنيتش فيها انا كنتي نتيي تحنيي فيها …حيت نهار كنحلو عينينياا كنلقاو مناا جنبناا هي اللولة متلومينيش لكنتي نتيي اكفس ام …
نورة: غتسكت ولاا
كريم:ولا اشش ؟ شنو فجهدك مديري ! وحدة بحال متصلاح تكون تحاجة فحياة شي حد …كلسي مع هاد خينة حتى شي نهار تلقاايه(شاف نور )مغتا_صب حتى بنتو
بقا صدرها كيطلع ويهبط كتشووف فحساام جبهتو دايزة بالد_م وبنتها كتبكيي …تبعااتوو وهوا غاادي بغا يهبط فدرووج حتى غوتات ودفعاتوو تغوتات لمسااعدة وهوا غادي كيتكركب ملققا فاش يشد كان فجناب دروج غير زاج بداك جهد ضرب فلحاشية وتهرس زاج وطاح لارض كيغوت بزاجة لي تخشات فجنبوو …
لاحت الدوپياس وتسمرات كتشوفييه طار من قدامها بقات كتشوف فدوك لحوايج وكتقول كيفاش عرف شحال كنلبس …كتشوف فراسهاا وفلحوايج وكترمش
بقات فبلاصتها حتى دخلات فرملية بلباس ابيض نطقات بابتساامة بالالمانية: السلام
ايمان(كمشات عينيها من اللغة وردات عليها ): سلاام
_كيف بقيتي شوية !
ايمان(نحنحاات ) : دو يو سبيك انݣليش ؟؟
بتاسمات لفرمية وقالت بالانجليزية :كيف بقيتي
ايمان(بسرور) : بخير شكرا …تقدري تحيدي لياا هاد السيروم ضرني فيدي بزااف
قربات لييها قاست حرارتها وقلبات عينيهاا عبرات ليهاا الضغط لقاتو مزيان وبدات كتحيد ف شوكة وكتشوف فايماان تهزات عينيها فيها وتبسمات ليهاا نطقات لفرملية ب بشاشة : لون عينك كيفكرني فواحد لبحيرة ف سويسرا …غزاالة …ملي كيتلاقا لونها بلون سماا كتولي كتبريي
ايمان(تبسمات بلطف ): شكرا
_ خطيبك مفارقكش هاد لمدة كاملة
ايمان: خطيبي ! (جا فبالها حذيفة وداركات لامر)اا اه (تبسمات )
_واش بغيتو ديرو كوليكسيون ديال العيون الناادرة !
ايمان: علاش!
_حتى هوا عينيه
ايمان(هزات واحد لحاجب فيها ) : كيشبهو لشي بحيرة ف نرويج ؟
ضحكات لفرمليية وقالت: لاا ولكن عينيه
ايمان(قاطعاتها) : واش نقدر ندوش
_اه اه معلووم
ايمان:شكرا
خرجات لفرملية خلات ايمان كتعيب فيهاا وبلكنتها الانجليزية لمعكلة ساطت وناضت جمعات حوايجها قصدات الدوش حطات حوايج السبيطار ودخلات لقات لماا باارد شوية عاد بدا كيسخن …دوشات براحة وخرجات ريحتها زوينة لبسات لحوايج وخرجات لبسات سبرديلة حتى هي جديدة بتقيشرات ونفس نمرتهاا …بان ليهاا الشرجم ومشاات قداموو كلسات فلحاشية كتشوف ..الشتا كتنقط ولجو مغيم ودنيا خضرا وشجر طويل …الجو لي كيحمقهاا ..مكتكرهش تبقا حاضية شتاا نهار كلو كيفكرها فطفولتهاا وايامها الزوينة
استنشقات لهواء وتنهدات كتشوف فايديها قدامهاا …بيضيين وفيهم قمشاات تاع الشووك و الطريق …ظفارها طوالو وشحال مقاداتهم غسلاتهم حتى تنقاو ولكن واش غيتنقاو من الد_م ؟
غمضات عينيهاا كتفكر فداك نهار …شدات على عنقهاا وهي كتفكر ملي خنقها والنفس لي كانت قريب تزهق منهاا …تنهدات وهي كتفكر واش هدشي غيتنسا شي نهار من بالهاا…شافت جيهة لباب ورجعات شافت فالشرجم كتنهد
معرفات فين تيليفونها ولا صاكها …حاسة براسها مخنوقة بغات غير ضرب فيها شتاا
سرحات بصوتهاا باغنية شادة حنكهاا
ايمان(غمضات عينيها ): ممم فقدتك يا اعز الناس فقدت الحب والطيبه
وانا من لي في ها الدنيا سواك ان طالة الغيبه
وانا من لي في ها الدنيا سواك ان طالة الغيبه
رحلت من بقا وياي يحس بضحكتي وبكاي
وحتى الجرح في بعدك يخزيني وهلي با
وانا من لي في ها الدنيا سواك ان طالة الغيبه
تصدق قد ما حنيت اشوفك في زوايا البيت
وسولف معاك عن حزني واحس ان انت تدري با
انا من لي في ها الدنيا سواك ان طالة الغيبه
سمع صوتها من باب الشومبر دخل وسدو وراه كيسمع لصوتهاا لي باينة فييه البكية والحزن وهي كتغني على فراق مهاا …تكا على لحييط مخليها تكمل اغنيتها حتى سالات وبقات على وضعهاا كتمسح دموعها
هو عارف اشنو هي مكانة الام وخصوصا بالنسبة ل مراهقة فسنها …هدشي من اكثر لحوايج لي خلاه يحضنها طول الرحلة ويخاف علييهاا ويحافظ عليهاا حاس بليي ولات على عاتقو والحلمة بقات تقليد على رقبتو وخة شاف نعيمة مرة فحياتوو حس بداخلهاا زويين وفكراتو فلحنان بميمتو واي مرضيي غيحس بمعانات ايمان…هوا عند بالو يتيمة الاب والام و ظن هروبها من خوالهاا وعائلتها مسائل الورث لي مكتخطا حتى داار
معارفش ان ايمان ..تيتماات و وليديها حيين تيتمات بين حضنهم ..بغا يواسيها ولكن خاف يفتح جروحهاا لي صعيب تبرا…نحنح كيحط فالصاشيات فوق السرير وقال: ايمان
تقلبات جيهتو معرفاتو امتا دخل نزلات كتمسح فعينيهاا وقالت: محسيتش بيك امتا جيتي
قاد الكاسكيط كيبتااسم وقال: كنتي مشغولة كتغني ..اجي كولي باش نخرجوو
كلسات قبالتوو عطاها لبلا او فورشيط كتاكل بشوية وكتنهد
ايمان: امتا غنشدو طريق !
حذيفة:ليوم مع 3 (جبد لباسبور ديالها ) عاد وصلني ..والصاك ديالك تنخرجو
حركات راسها باه وكلاات ونطق :علاش اختاريتي لغناا ؟
ايمان: كيفاش ؟
حذيفة(تقاد فلكلسة )احم …واش ضاربة هاد طريق كلها باش تغني ؟ زعمة معندكش حلم كتر …تبارك الله لاكسون ديالك زوينة فشحال من لغة متمكنة من لفرونسي اللونكلي ..الاسبانية الايطالية
ايمان: راه الاغاني والافلام لي عاونوني نشد هاد اللغات واي واحد عندو حلم ونتا عندك حلم هو تولي مصمم ازيااء اولا ؟
حذيفة: ولكن ا ايمان هاد دومين لي بغيتي فييه شي حواييج مغيناسبوكش
ايمان: اي دومين فيه واحد لجانب مزوينش هدشي عارفاه ولكن راه غير ندير وراقي غنرجع نقراا …حيت حتى انا عارفة بليي الغنا ماشي غنديرو طول حياتيي واحد نهار انحبسو …ممم نتاا صوتك فيه واحد لبحة غيكون صوتك زويين غنيي نشوف
حذيفة(نطق باستهزاء): نعاام اختي !
ايمان(ضحكات من طريقة باش قالها ): مالك مرضيتيش هههه
حذيفة: داكشي مدياليش
ضحكات ايمان منيتهاا وكملات ماكلتها وناضت غسلاات اشار ليها براسو باش تبعوو وقالت: يكما غيشدونا !
حذيفة: لاا ولكن الى شدوك غادي يديوك تبصميي بلي دخلتي هنا حيت حنا بصمنا باش كيعطيوك واحد لكارط فيها 24 ساعة تركبي فاي تران ولا كار تمشي لاي مدينة ف نمسا ولا ألمانيا ولا سويسرا
ايمام: فراسك اول مرة نعرف راه ألمانيا وسويسرا مجاورين مع النمسا …بلا مضحك عليا ههههه
حذيفة: ونزيدك راه مبيناتهم لا حدود لا بوليس بين ألمانيا و النمسا بحالا قلتي بيناتهم زنيقة هههه منهنا لقدام مبقاوش حدود
خرجو من سبيطار …استنشقاات ريحة الشتاا ولهوا لبارد لي ضرب فيها وداعب شعرها لمجعد بلماا حيت منشفاتوش
الدنياا نقية و الطبييعة خلاابة علاش لا وهي مجااورة لاكثر دولة فيها الطبيعة لخلابة لبروودة ولخضورة شي حاجة لي كتريح العيين والخااطر
حذيفة(كان بعد ورجع لعندها كايتأمل فملامحهاا البريئة بقطرات شتاا …حيد لكويرة علييه ودورها عليهاا وقال) :غيضربك لبرد
ايمان(حلات عينيهاا فييه كتشوف ) : واش كلشي كتعامل معاه زويين هكا !
حذيفة: هدا تعامل خاص بيك بوحدك …يكما احساب لييك غادي وكنفرق فتجاكيطات على لبنات
ايمان: هههه لا مقصدتش تجاكيط ههه ولكن تعاملك هكا ظريف
حذيفة: غنصدمك ونقولييك انا ظريف غير معااك ولكن غير مدوريش بيا ملي نكون مقطووع
ضحكات وتبعاتوو شادة عليها لكويرة ديالو وقالت: محشمتيش تكمي ونتا باك فقييه اجي نقولييك …حافض القران
حذيفة(بابتسامة ): الحمد لله هادي احسن حاجة خدينا منوو
ايمان(بلا متشعر ): مبينا فييك كااع (تقلب لييهاا بشوفة كترجم اش بغا يقوول زعمة منييتك )ههه لا زعمة انا كنهضر غير على لكارو متفهمش غلط
حذيفة: طيش الشباب وصافي واحد نهار غنرمييه حتى هوا
ايمان(طلات عليه ): كيفاش حتى هو ؟ كنتي كتشرب ؟ ويلي ويلي على سكاايريييي ويليي ويلي
هربات وسط جردة كضحك وقالت: يكما كنتي كتصلي ونتا كتمييل
حذيفة: استغفر الله العظيم
بيناتهم صف تاع لورد غادية كضحك علييه وهوا غير كيتبسم لييها متبع مع تصرفاتهاا وضحكتها ونطق فنفسو مبعد عينو عليها : ياارب شنو هدشي
سكتات من الضحك كدوز ايديها على لورد طول ديك طرييق مع كملااتهاا كان هوا قداامهاا شافت فعينيه لي كيترااقصو حول وجهها وعينيهاا حتى تفصيل فيها مباغيه يفلت من عينيه …وترها بشوفتوو ماخلاهاش تمتع نظرها بعينيه
ايمان(بتوتر): شنوو …غنديرو داباا
حذيفة: لي بغيتي
تبسمات لييه حتى باغتها وحط وردة حمراء على نيفهاا غمضات عينيهاا كتستنشق ريحتها وشداتها بايدهاا وقالت: شكرا
حذيفة(بعد عينو عليهاا ): غنتلقاو مع الدراري ناخدو الصيكان ونشدو الطريق
وداكشي لي دارو خداو طاكسي لجانب لمحطة لقاو الدراري محملين بصيكانهم رتاحو وتنقاو بملابس جديدة سلمو علييهم وناصر جاي قاصد ايمان بغا يبوسها من حنكها حتى حس ب حذيفة جرو ممازح من عنقوو زير علييه
حذيفة: شويية الرية تنفساات
ناصر ضحك وقال: تنفسات
حذيفة(من تحت سنانو ): اوى جمع فمك
ارق وعثمان وحمييد شافو لبلان …طلق ناصر كيضحك ومشا بعد على ايمان وهنا السووق
عثمان:اوى هناا غتفرق طريقناا العشراان … نتلقاو بوريقاتنا ان شاء الله (شاف فحذيفة وعنقوو عناق حار رجوليي)صااحبيي شكراا بزااف والله …بلا بيك مكناش غندوزو هد طريق
حذيفة(ربت عليه ): الحمد لله دوزناهاا …نتمنى توصلو لداكشي علاش جيتوو ومتنساوش لواليدين
حميد(صافحو بامتنان): الله احفضك اخوو …الله يسهل علييك يارب
ناصر : فرصة سعييدة احذيفة
تصافحو الدراري من جييه وبقا غير طارق و حذيفة وايمان اما التلاتة لاخرين فقصدو لكار لي غيدييهم لالمانية
طارق: انا وياك والزمن طوييل احبيبي
حذيفة: غير لاصق ياربي تعفوو
طارق(بهمس ): على لي فلحب تلفوو
ضربو بصاكو وهرب لييه وقال :زيدي زيدي
ضحكات ايماان وكلمة متنساوش لواليدين فبالها بمعنى متنساوش شنو رابطكم بلبلاد ..وهي شنو رابطها قبر تزورو وتبكيي علييه…لا حضن يدفييها ولا دعاء ولا رضى يرافقها فطريقهاا
شدوو الطرييق على رجلهم تبداو خارجيين على لمدينة الطبيعة ولورد ورييحة طيبة …الطريق دواازة قدامهم كانت سطاسيون ديال طريق فيها قهوة وريسطو ومحلات تقدية فاتوها ب 5 كيلوميتر على الاقل و وقفو بقاو كيتسناو وحذيفة بعد عليهم كايهدر فالتيليفون…حتى وقف قدامهم رمووك شافت مولاه هبط وتوجه سلم على حذيفة لي شافتو جبد ظرف تاع لفلوس كمشات عينيها حيت هي معطاتش نصيبهاا حل الرموك من اللور وجر ايمان طلعو لبلاصة فين كيرتاح الشيفور كان سرير او تلاجة صغيرة وعلى برا كاينة السلعة لي غادي بيها لاحظات ان المنتج مغربي يعني رموك ديال المغرب
ايمان: واش مغربي !
حذيفة: كلسي هنا …اه مغربي
ايمان: شحال خلصتو ! انا مخلصتش
حذيفة: داكشي لي بقا ياله يكفااك تماا “بغات تهضر ماخلاهاش ” شش رتاحي تابعانا طرييق طويلة
ايمان(تبسمات لييه )شكرا ولكن غنردهم ليك
طارق: غني فعرسوو
شافيه حذيفة كيرمش وايمان قالت: علاه خاطب غتزوج
حذيفة: ممم بعيشة قنديشة
ايمان: بسم الله الرحمن الرحيم
ضحك علييها وشاف فطارق كيتحلف والاخير كيضحك تسرحوو حاطين راسهم على قنت سرير وكالسين فلارض…تفكرات تيليفونها جبداتو لقاتو مديشارجيي عطاتو لحذيفة دارو فلباور بانك يتشارجاا وخلاتو طافيي
ساعة وساعتين وداز الليل بطوله كيوقفو يرتاحو فشي سطاسيون مرة مرة ويكملو الطرييق …تبسم حذيفة وهوا كيشوف فلمابس فتيليفونو ونطق كيشوف فيهم
حذيفة:Benvenuto in Italia( مرحبا بكم في ايطاليا)
لاح طارق راسوو بارتيااح وقال: فففف واخيرا الحمد لله
ايمان: واش وصلنا
حذيقة: حنا دابا فايطالياا ولكن مزال موصلناش لعاصمة
بدا لحلم كيتحقق وسوايع ولاو كيدوزوو تقاال من مدينة لمديينة توصلوو لاخر محطة متوجهين ليها
*ميلانو*
مدينة الموسيقى ..البيتزا وعشاق القهوة والموضة والازيااء الراقية
معروفة انها تاني اكبر المدن الايطالية من بعد روماا …صيفهاا رائع وشتاائهاا شيء خيالي
حطو رجلييهم فشارعهاا ودقات قلبها تسارعات وهي كتشوف ف معماارهاا وبنائهاا شوارعهاا وشتا عطياهم رونق خااص …تبهضاات وخطواتها زادو لقدام كتشووف وتكتااشف وترجع تشوف فحذيفة وراها وضحك ..كانت اشد فرحة حطات ايدها على فمها مامتييقاش كتمشي عندوو وترجع تجري قدامو بحال شي دريية صغيرة …كان لجو بارد شوية لارض فازݣة ولجو مغييم خطوة بعد خطوة شهقاات وهي مقابلة مع ساحة *دومو*
اضخم الساحات الايطاليية …رغم لجو بارد وشتاا مكانتش خاوية كانت عاامرة وقفات كتشووف وهي كتدكر طفوولتها امام التلفازة فقناة سبايستوون كتدكر حوار بين شخصياات *عهد الاصدقاء*
* وهل أنت ذاهب الى ميلانو ؟
*كيف عرفت ذالك؟
*هل ذاهب لتنظيف المداخن؟
*هدا صحيح
بدات كدندن باغنيت عهد الاصدقااء وشكون فينا ميعرفهاش
ايمان: حلمنا نهار …ونهارنا عمل …نملك الخيار …وخيارنا أمل (ضارت عندهم كتشوفيهم ضاحكة )
طارق: وتهدينا الحيااة أضواءا في اخر النفق ..تدعونا كي ننسا الما عشنااه
ايمان(ضحكات) : نستسلم لكن لا مادمنا احياء نرزق ..ما دام الامل طريقا فسنحيااه
طارق: بيننا صديق (ضرب فكتف حذيفة كيحرك راسو يمين وشمال عليهم )لا يعرف الكلل
ايمان(وجهات صبعها ليه) : مخلص رقيق ..ان قال فعل
حذيفة : صديقي يحفظ عهد الاصدقاء يعرف كيف يجابه الايااام ههههههه
مشات ناحية السااحة خلاتو كيشووف نطق طارق كيضحك وقال: ليوم صديق غدا حبييب هههه
ضحك الاخير داير ايديه فجيابوو كيشوف فلانحااء لي لا تقل جمالية …خصوصا كشخص كيهتم بالتصميم وادق التفاصيل كيرد ليهم لبال …سلبو المعماار …الجو و الدنياا هاادئة كلشي كيدوز السياح كيتصوور ..لحمام فسااحة
كيدور بعينيه تجات عليهاا فرحاانة كتشووف وتكتاشف طارق بكاميرا پرو كايصور
تحقق حلم اوروباا …اراك دابا لجري علياا نجري علييك …كيفكر بعييد وكيفكر منين يبدا
اما ايماان فحبسات الخطوات وكلسات كتمعن فالامر …هاهوما وصلو واخيراا وخاصهاا تحقق شنوو ضربات على ودو تماارة جوع لعطش لعياا لخوف ولموت حتى هوا كانت غدوز منوو باش توصل لهد البلاد تنهداات جبدات تيليفونها من لكارطابل شعلاتوو …تبسمات ملي بانت ليها صورة نعيمة فالشاشة غمضات عينيها بتنهييدة حتى بداو كيوصلوها لميسجات ديال لبواط فوݣال من نمرة سعاد وامينة ومن نمرة نجاة
ياله بغات تكتب ليهاا وقف عليها طارق وقال:اجي ناخدو شي صورة من داكشيي
ايمان(وقفات ) شكون غيصورناا
طارق:صبري نشوف داك السيد
قرب ليها حذيفة ملي مشاا طارق وشاف فيها تبسمات لييه …هزات ايدها قادات سيور القب وقالت: شنو داباا ؟
حذيفة: فين لبنت لي قلتي جاية عندهاا
ايمان: عاد غنتواصل معاهاا …ونتوما ؟
حذيفة: حنا حالنا سااهل …المهيم هوا نتيي تلقااي فين تكلسي بعدا …ديباني راسك بينماا لقيتي خدمة
ايمان: غنصوني لبنت
منتابهوش ل طارق لي صورهم وهوما كيشوفو فبعض ضحك وكمل طريق عطا لكاميرا لشااب وشرح لييه باش يصورهم مجموعيين…وقف حذيفة لوسط حط ايد على كتف طارق والتانية حطها ورا ايمان فوق لكارطابل لي دايرة فظهرها تبسمو لكاميرا باش تكون ذكرى لاول خطواتهم ف ميلانو
تمشااو فشارع كلسوو ف محال تماا كيبيع لبيتزا مقليية خداو طلبهم وكلسوو كل واحد كيطمن عائلتوو …سهات ف حذيفة لي كالس قبالتهاا كيهدر مع مو بهدووء وعينيه فطبلة كيلعب بكاس تاع لماا …
تلاقات مع شباب فنفس عمروو دائما مكتلقاا نوع من التكبر والضحكة كيخلص عليهاا …هوا بالضبط كان شخص كيف كنقولو تحطو على الجرح يبرا …عطاه الله قبوول قوي اولا غير هي لي اعجابها بييه كيبين ليها غير لجانب الزويين متقدرش تجزم ولكن كتشووف وكتميز انه انساان كيعطي كثر مكياخد …من نهار عرفاتو وهوا كيمد ليها المساعدة …عمرها شافت منو العكس ديما كان عطاء ليهاا
نسات راسهاا وسهات فتفاصيل يديه الرجوليية …بساعة رياضية فلكحل عروق ايدو بارزين شوية هي واحد الشخصية قبل متشوف فوجه لواحد كتشوف فظفارو واش نقيين واش مقطعيين …عندها هوس بنظافة الظفار
كان مقطعهم ونقيين ضحكاات على رااسهاا مرة مرة يهربوو عينيهاا لايديه مزغبيين تبعد عينيها وترجع تشووف …وكتقول فبالها : ويليي اش كندير
شافت سرباي جايب لبيتزا وضربات ليه ايدو وقالت: جمعهاا
شاف فيهاا كيهدر وجمع ايدوو وقال: لا اجي ضربيني
ايمان: هههه
قطع تيليفون وقال : كتسلم عليكم لواليدة
ايمان(بتاسمات)يسلم عليها الخير
حذيفة: ياله بسم الله
فعلاا كلاو حتى بدا كيصوني تيليفون ايمان مسحات فمها ونااضت مخلياه متبع ليها لعيين داير قبضة ايدو على فمو وطارق كيدخل فلبيتزاا وقال: شوف ليك لبيتزااا وختي مشبعانا بيتزا بخيزوو ولݣرعة ولفلفة ويلي ويلي
مجاوبوش كان سارح فيهاا وكيشوف ملامح وجهها تبدلوو ومن حركاتها بانت معصبة
جاوبات فتيليفون كانت نمرة بريڤي
ايمان: الوو
جاها صوت نجااة :اييماان كاتسمعيني الووو
ايمان(بفرحة) طاطا لبااس علييك
نجاة: كون كنت طاطاك كنتي تعلمينيي وانا عقلي بغا يخرج عليييك …علاش ابنتيي علاش تحرگي علاااش واش تركيا ماقنعاتكش كتقلبي على لمووت دويي ماحرامش علييك مسيفطة ليا حوايجك بحالا ميتة
ايمان: خالتي شلااا منعاود لييك ولكن ماشي داباا انا راه بخير راني فطالياان ههه وصلت ليوم
نجاة(بصدمة) : ويلي طالياان عندمن مشيتيي وفيين غتكلسي
ايمان:لبنات لي جابو لييك الشانطة وصاو واحد لبنت من عائلتهم غنكلس معاها بينما قاديت اموريي
نجاة: ردي باالك ابنتيي الله اسهل علييك ياربي
ايمان: امييين يارب …كيدايرة منى …منين كتصوني لياا
نجاة: هدا غير تيليبوتييك ابنتي دايرة ديك 10 دقايق لنوامر ديال برا كنهدر بيها حتى مع راجلي …ايمان
ايمان: نعام
نجاة: مشيت لكازا و
ايمان: صافي صافي بلا متكملي قلت لييك مباغة نعرف والوو
نجاة: وغير سمعيني …ملي مجاوبتيش مشيت حيحت على كرييم وقلت لييه بلي راجل نورة بغا يتعدا عليك تهوا ماشي من لعاكزين مشا هجم على نورة وراجلهاا
ايمان(بحقد): تحركات فيه الرجولة مسكيين
نجاة: ملي كان هابط من درووج دفعاتو نورة تطاح من الزاج
هي عارفة دروج كيفاش دايرين تخيلات شنو وقع وقالت ببرود؛ ماماتش
نجاة: منعرف لييه انا شفت هكاك وعيط لبووليس ومشييت فحاليي
ايمان: كملي خيرك وقولي ليهم ايمان ماتت
نجاة: برا ولباس علييك
ايمان: اصلا راني مت فحياتهم شنو غيتبدل ! والوو قوليهم حرݣات وكلاها لحووت مبقيتيش انجاة تجبديهم ليااا …انا بغيت نشوفهم كيتعدبوو وتبرد النار لي شاعلة فصدري مبغيتش نشوفهم فرحانين
نجاة: صافي دابا نسااي دابا ربي يبينها فييهم وراه بدات كتباان …ملي ترتاحي ونهدرو تاني
قطعات معاها وبقات ايمان واقفة كتمسح على وجهها ..سيرتهم ولات كتحك فقلبها بحال شي حفرة فينما تدكرو كتزيد تغرق
رجعات لبلاصتها بوجه كئيب خلات حذيفة مكمش عينو فيهاا وكان توقف على لماكلة ملي نااضت حتى كلسات وهوا متبعهاا
حذيفة: ايمان هانيا لوقت !
ايمان (بهدوء ) هانياا هانياا
حذيفة: كولي
ايمان:شبعت (شافتو مزال مكلا )ونتا مكليتيش
حذيفة: كوليي وناكل
تبسمات لييه كترمش فييه ودغيا عينيها تزرعو فييهم الدموع تلون ابيضهم احمر بدات كتلف وفعقلها خدام كيسترجع نفس لكلمة
*
نعيمة: و كوليي الله ارضي عليك
ايمان(بتذمر): وراه كليت امي واش نتفركع نتي مكليتيش
نعيمة(شدات حنكها ): كولي ونااكل
ايمان(هزات دغمة بغات تبكي ): وياله كوولي
*
لوقت دااز وخرجو ايمان هدرات مع لبنات علماتهم بلي بخيير وخدات نمرة لبنت لي فايطالياا تاصلات بيهاا كان اسمها رجاء
بقاو كيتسناو معاها فساحة باش ميتلفووش حتى كتقصدهم شاابة لابسة كويرة وصاية قصيرة لاصقة مع ليبة كحلة وطالون شعرها قصير بوكليي مغطي نص وجهها …رمقها حذيفة ودور وجهو متجاهل صوت طالونها لي كيقرب جيهتهم وقالت / السلااام
هزات ايمان عينيها فيها وناضت قالت: رجاء !
رجاء(بابتسامة ) : ايماان (قربت ليها سلمت عليها باستهاا ) على السلامة
شافت ف طارق مدات ايدها ليه سلم علييها ومدات ايدها لحذيفة حتى صعقهاا مليي حط ايدو على صدروو
خرجوو عينين ايماان تشوكاات ورجاء هبطات ايدها باحراج وشافت فايماان : صافاا كي وصلتيي
ايمان: بخيير اختيي
رجاء:ههه سعاد كتوصي وتعاود علييك
ايمان: سيي وقفو معاياا بزااف
رجاء : نقدرو نمشييو ترتاحي غتكوني عيتي
ايمان: وخة
رجاء: انا سبقتك …بسلامة
طارق: بسلامة
مشات لناحية حذيفة باستغراب لقاتو بغا يشعل كارو ساط دخان كيشوفيهاا : كتعرفي هد البنت
ايمان: اول مرة نشوفها
حذيفة: وغادية معاهاا
ايمان: حتى نتا مكنتش كنعرفك وشديت معاك شهر تاع الطريق احذيفة …وعلااش مسلمتيش عليها ؟
حذيفة: نبوسهاا ؟
ايمان: سلام عادي كي كتسلم علياا
حذيفة(ساط دخان ورجع شافيها داير ايد فجييب ) : بغيتي نسلم على لبنات كي تنسلم علييك نتي ؟
ايمان(كترمش فييه ): وشكون اناا وشكون لبنات
حذيفة: نتي نتيي …ولبنات بنات
ايمان: كتحكم على بنادم من لحوايج ا حذيفة ؟
حذيفة: لاا …ايمان نسلم هاديك مسألة كتخصني نمشي نعنقها باش ميبقاش فييك لحال ولاا شنوو
ايمان: انا مقصدتش هكاك ولكن لبنت حرجتيهاا ..وزايدون نتا كتكميي ومكتسلمش ؟
حذيفة: كنكمي ماشي معناتهاا صافيي كلشي عندي مبااح …انا مكنسلمش هدشي كبر معاياا لبراني مكنسلمش عليه ا ايمان …معنديش مشكيل فلباس شي حد كل حر ف داكشي لي كيدير قناعة شخصية مدخلنيش
بقات كترمش فييه وقالت: نمشيي حسن
حذيقة(بخ دخان وضحك ) : ياله توصلي …اجي هناا
ايمان(ربعات ايدها): ممم
حذيفة: عطيني لادريس تاع هاد لبنت
ايمان: اش بغيتيها
حذيفة: نجي نبوسهاا
ضحكات مغطية على وجهها وقالت: الله اعطينا وجهك
حذيفة: دابا بلمعقول عطيني لادرييس
عطاتها ليه وقال: ردي بالك لكانت شي حاجة تاصلي بياا
ايمان: ونتاا فين غتمشي ؟
حذيفة: كاين خال طارق غنكلسو عندوو تنشوفو لبلان كيفاش داير
ايمان: ؤك ..حم تهلا فراسك
حذيفة: تهلااي لياا غير نتي فراسك ا زعيبيلة
ضحكات شيرات لطارق ومشات لعند رجاء تبسمات ليهاا وقالت: يكما تعطلت علييك
رجاء:لا هانية ..(شاف ف حذيفة) مال داك اللحية معقدها !
ايمان: هكاك داير
رجاء: تييكونو حاسيين براسهم شويية دوك لي كتكون زايدة فيهم نغزة تاع الزيين…تصاحبي معاه خيبوع يموت علييك تصاحبتي معاه زويين يرجعك كلبة
ايمان: ههههه هاد الساعة مامصاحبين لا مع خايب لا مع زويين
رجاء: شوفي ليك لݣور معندك مديري بعريبان
شافت فيها ايمان وقالت فنفسها “على اساس نتي من الصومال “
ركبو فطاكسيي وطول الطريق ايمان كتشوف بعويناتهاا فالارجاء لي غادية و كظلام وبنادم كثير ..هبطوو من بعد ربع ساعة تاع الطريق امام مبنى كبيير متكون من عمارات روما كلهاا كتعتامد نفس المعماار وزواق واللون الابيض
كتشوف كلشي عااليي وكلشيي غادي خاشي راسو فالتيليفون ولا داير لكييت …طلعات تابعة رجاء خداو السانسور لطبقة لخامسة …حلات باب الشقة
كانت نقيية و مؤتتة بشكل اوروبي مكاينش نهائيا لمسة مغربية فطوياات فلكري وطبلة تاع زاج تلفازة متوسطة امامها بعض الديكورات فالطبلة ..زربية دائرية وبعض الطابلوات لمعلقيين فلحيط..شدها طابلو كبيير معلق فوق لفطوي لسيدة متكية فالارض وثوب احمر دايز من صدرها ومغطي عوراتها فقط كانت مرسومة بألوان مائية
رجاء(خدمات التلفازة ): رتااحي نبدل ونجي
تبسمات ليها ايماان حيدات سبرديلتها حطات الصاك وكلساتت فقنت لفوطوي جامعة ايديهاا عندها …دخلات رجاء بجوج كيسان تاع العصيير و حليوات لابسة كسيوة بيتية قصيرة وقالت: شحال فعمرك
ايمان: 19 ونتي
رجاء؛ 29 كتقرااي !
إيمان : هاد الساعة لاا ..عاد شديت لباك لعام لي فات
رجاء: ممم شربي متحشمييش
ايمان: شحال ونتي هناا
رجاء: جيت صغييرة انا وخوياا حارݣيين لسبانياا
ايمان: اااه يعني ساكنة مع خووك
رجاء: ههه خوياا تزوج بواحد لالمانية وداتو معاهاا …بغا يعقل عليااا ! انا بوحدي هنا الزيين كيجي عندي خطيبيي
ايمان: اه مزييان
تكدب وتقول رتاحيت ليهاا …ابدا واش رتاحت لييهاا نبرة صوتها مكيبعتش على الرااحة
رجاء: شنو ناوية ديري منهنا القدام !
ايمان: نخدم ونجمع باش نقرا
رجاء: كلشي ساهل غير فلفم الزيين
كتشرب وكتشوف فدار عجباتها وقالت: فاش خدامة ارجاء
رجاء: ماخداماش هاد الساعة عندي لي يخدم عليا هههه عرفتي انوض نطيب لعشاا شي حاجة خفيفة نعطيك لحوايج دوشيي ليك باش ترتااحي مزيان
حركات ايمان راسها ممتنة وداكشي لي كان عطاتها حوايج ودخلات لدوش سخناات عضامهاا مزياان عاد حسات بالراحة غسلات عليهاا مزياان نشفات ولبسات لحوايج لي عطاتها رجاء بيجامة بسروالهاا …غسلات حوايجهاا و وراتها لبالكون نشرات فيه لحوايج ونفس لوقت كتشوف اضواء لمدينة وبردها الخفيف كيضرب فوجهها ..رائحة غريبة على وطنهاا …رائحة الغربة
دخلات لعند رجاء لقاتها سلقات سباݣيتي وسخنات صوص واجدة حطاتها فوق طبيسلات وحكات عليهم لفرماج كلسو فطبيلة تاع جوج تنااس مكمليين حوارهم
رجاء:غير قبلي علياا مكنعرفش نطيب
ايمان؛ نتي لي سمحيلياا برزطتك
رجاء: هانية ماشي مشكيل
بداو اكلهم وايمان من النوع لي معندهاش مع سباݣيتي نااشفة وعاد زيد مطايباش مزيان كلات لي تهز ليها بلا الصوص لي جاتها حامضة …حبسات لتصدق رادة كلشي ..اما لاخيرة شادة تيليفونها اخر مكاين كتهدر بييه
تكلفات ايمان غسلات لماعن ورجعاتهم لشبكة مشات لصالون كتجبد تيليفونها لقاتو ساكت تاانيي ومشات كتقاد فيه فشارج حلف لبغا يتشارجا ليها
ايمان: رجاء شي فنيتة اختي
قلبات على برا وعطاتها ليهاا كتقاد فبلاصت الشارج لوات الشارج على التيليفون عاد بدا كيتشارجاا خلاتو وكلساات ..كتسمع صوت الميساج غير هزاتو طفا عاود
ايمان: تفوو تء (بقات مضاربة معاه ومزيرة على الشارج حتى شعل تااني بقات مدة كتسناا حتى تقاد دخلات لميساج وتبسمات ملي لقاتو مسيفط ليها
حذيفة: ايمان وصلتي ؟ كنصوني تيليفونك طافي
ايمان (كتكتب ليه ) اه وصلت ..تيليفوني ولا كيسكت ملي كان طاح ليا فلواد فلغابة …وخسر ليه الشارج بزز كنشارجييه
بقات شادة تيليفون حتى وصلها الرد فيىه” كون قلتيهاا ليا نعطييك تيليفوني ديجا عندي واحد صغير كنتي ديباني بعدا “
ايمان(بابتسامة )ماشي مشكيل نسلك بهادا تنشوف شنو ندير …نتا فينك
حذيفة:اناا عند خال طارق عاد وصلنا ..بعيد علييك بشي 40 دقيقة
ايمان:مزياان (كتفكر شنو تكتب )رتاحيتي
حذيفة: عاد غنبداو فلمعقول الراحة مزال بعيدة
ضحكاات حركات يدعا حتى طفا التيليفون عاود وبدات كتسب حطاتو بزعفة حيت ضروها ايدها وهي مزيرة على الشارج
اما طارق و حذيفة طاجيين مزوق ونطق شاب كيرحب:امرحبا مرحباا والله تا احسن حاجة جيتو عندي
طارق: توحشتك الخويل
حذيفة: غير دارك طريق اباا هشام
هشام: هانية هانية هههه على سلامتكم
طارق؛ حنا هاربيين من طاجين جبتيه ليناا
هشام: مزال اوليدي مطلعات معااك الغربة …تولي تراب المغريب تشتااقو …هادي وخة تعطينا حتى تعياا كتبقا غير بلاد النااس
طارق(هز لخبز كيضحك ): اوى راه لبلاد كتعطي غير لبراني
حذيفة: لبلاد زوينة مافيها ميتعااب ولكن
طارق؛ ديك ولكن فاش عواج الطرح
هشام: ياله ياله مرحباا وقبلو على ما وجد
**
هكا دازت اول ليلة ليهم ناعسين ف فراش نقي وفبلاد وموطن غريب جديد كيطمحو لحياة جديدة كيف بغااو
رجاء فرشات لايمان فوق لفوطوي والاخيرة بضوضاء الشارع مجاهااش النعاس كتنوض كطل رغم انها جوج تاع الليل كأنها عاد لعشرة و نص الليل
كترجع لبلااصتهاا وفين متغمض عينيها يجيوها الاحداث لي عاشت فيهم شهر كامل …بزوين ولخاايب
حلات شعرها يتنفس ودارت مساج لفروتهاا وكل تفكيرها شنوو ادير …وخاصها تبدا تقلب ابتداءا من غدا ..ناضت حفيانة لكوزينة تشرب كتشوف ضو لبييت عند رجاء مزاال شاعل ضو خفيف
كان لباب شبه مسدود طلات بعينيها كتبان ليهاا رجاء كالسة قبالت لبيسي ب شوميز قصيرة وصدايفها محلولين كيبان صدرهاا مقابلة مع كاميرا ديال لبيسي لي كيبان ليها شخص اخر كيضحك وعندو نهار عكس هوما الليل …كان لحوار بالايطاليية حتى لتاقطو ودنيها الشيء لي خلاها ترجع تسمع من بعدما كانت غادية لبلاصتهاا
_ غنجي لخمييس واش غتكون باقة معااك لبنت؟
رجاء(كتهز فشعرهاا ) نوو بب مكنظنش …اصلا معنديش مع الزايد غير درت لخاطر لبنات لعائلة وصافي
_ونشو غديري
رجاء:دوز شي يوماين ونصدرهاا بحالهاا معمري نتييق فبنات لبلااد …لي عليا درتوو كاينة لمساعدة الاجتماعية دابا نديها غدا هوما يعطيوها تسكن تاضبر على راسها …نهار جيت انا راه لقيت غير لحيوط
_ولقيتيني اناا
رجاء: ومع نتا عينيك زايغيين ميصلاحش تجي تلقاهاا
_هههههه كتفهميني الزينة
نساحبات ايمان لبلاصتهاا وكلسات بهدوء عينيها كيلمعو بضو لي داخل من شرجم …بقات مكمشة ف بلاصتهاا مجهاش نعااس مزاال عقلها كلوو تحول لكومة كآبة وافكار سلبية طغات عليهاا
علاش ديما انا منبوودة
علاش مكيبغيني حد !
شنو لي باين فياا لناس كيخليوهم ميبغيونيش !
محسات امتى غمضات حتى كيفيقها صوت لكلاكسوون برا ناضت قاافزة كتبان ليها الشمس مزال بااردة شافت ساعة لقات 8 ونص ..ناضت كتااوب دخلات لكوزينة بلحفا باش مديرش صوت مشات لبالكون هزات حوايجها دخلات لدوش لبساتهم وهي مقررة تمشي بكرامتها بلاا متقوليها لباب الحباب
معارفاش فيين لمهيم تمشيي تبدا بوحدهاا كيف بقات بوحدها ،لبسات سبرديلتهاا ظفرات شعرهاا و وقفات قدام لمراية كتشوف فراسهاا وكترمش هزات لكارطابل دارت فيه الشارج وهزات تيليفونهاا دارتو فالجيب …حلات لباب بشوية وخرجاات هابطة فالدروج لان السانسور بلكود
ضرب فيها جو الصبااح جاب ليها تبوريشة كتشوف ليمن وليسر كتختار منين تمشي لان وجهتهاا مامحدوداش …غادية مربعة ايدها وكتشووف فالزناقي مزال خاويين من غير امهات غادين بوليداتهم …طرونسبور فالطريق ولمخابز حاليين مزال الدنيا متحركاات وعمراتت …من كترت ما ولات كتمشا مبقاتش كتحس بالطرييق حتى كتلقا راسها ضربات ساعة تاع الطريق
لقات راسها فشارع كلو بوتيكات تاع لحوايج مجموعين فييه من طرف لطرف ولكن كلشي مزاال سااد …
كلسات فدرجة تاع بوتيك مارك “Gucci” كان مزال سااد رتاحت من الطريق حاضية لي غادي ولي جااي كلها مديها فطريقوو
الغربة الى مكانوش عندك تلاتا ديال الحوايج غتكرفص وغتمحن باش تقدر تصوفي راسك
_ديبلوم
_لغة
_سكن
هاد الثلاثة الى مكانوش عندك غتعاني حيت لغربة نتا كتبقا غريب على بلد اجنبي علييك … كيجي شخص لقاها باردة كيشرح لييك الغربة كأنها جنة فوق الارض ولكن العكس صحيح
بغات تصوني لحذيفة ولكن خافتو يكون باقي ناعس ترددات وحبسات كتخمم
جبدات لفلوس لي بقاو ليهاا لقات 400 اورو فجيبهاا لا غير اي 80 الف مغربية
مقاضية ليها والو تما مقارنتا بلعيشة لغاليية …خاصها حوايج خاصهاا تاكل خاصها تخدم وفوق هدشي كلو خاصها فين تسكن
جبدات تيليفونها لي كان كيفيبري فجيبهاا تبسمات وهي كتشوف اسمو طالع ياله بغات تجاوب تبلوكا كدوز لخط ومبغاش يدووز بقات كتبرك بعصبيية حتى طفاا وقفات مصعووقة كتشعل فييه كيبدا يشعل ويطفا دغيا كيطفي ليها الامل ..بات كتردد بهستيرية وعينيها ضببو بدموع على زهرها لمنحوس:لا لا لااا مطفاش مطفااش عفاااك هءهء محافظة تا نمرة ميمكنش هء
بلاد بعييدة و غربة جديدة وصدمات وحدة ورا التاانية
بقات فديك لعتبة كتحاول مع تيليفون يشعل كتحاول تذكر نمرتو محفضاتهاش …عمرها حاولات تحفضها حيت مكانش بيناتهم تواصل فتيليفون بزااف منهار سجلاتها عمرها فكرات تحفضهاا
وصلنا لواحد الزمن لي ذاكرتنا كلهاا فذاكرة تيليفون الى مشاا ..مشا نص دكرياتك ونص حياتك تصاور ميساجات فيديوات و نوامر
حاولات تبت راسها شافت رجل بلباس العمل متوجه جيهتها وقال بالايطالية: انسة هادي ماشي بلاصة تكلسي فيهاا الى سمحتيي تنوضي
ايمان(وقفات كتعتادر ) واش تقدر تعاوني ؟
طلعها وهبطها وقال: مكنعطيوش مساعدات
ايمان:لاا انا مبغيتش فلوس …سكت ليا تيليفون خاصني نديرو فشارج باش يخدم … عفاك راه مكنعرف حتى واحد هناا
_منقدرش مامرخصش ليا باش ندخلك …عفاك بعدي منهناا
شافت فييه بتخنزيرة وهوا كيركب لكود باش يحل لباب … نزلات دريجات هازة لكارطابل معصبة كتشوف فجنابهاا شكون يقدر يعاونهاا فهاد لبلاد كلشي غادي زربان لي وقفاتو يهز ليها يدو معتاادر ويزيد معطاوهاش وقت تقول شنو بغات
كتشوف فراسهاا واش كنبان طلابة ولا باغة لفلوس علاش مكيوقفووش ؟
كتهدر بلغتهم وصورتهاا مكتعطيهاش انها عربية كتر مكتعطيها صورة اجنبية بملامحهاا
رجليها كيجروها من بلاصة لبلاصة عياات عيااات نفسياا كتر من جسدياا تراكم الاحداث بدا كيدمرهاا من لدااخل عاصفة من المشاعر ولات مضاربة فخاطرهاا بغات تبكي تغوت تنهااار ولكن علامن …مكاين لا حنين لا رحييم فهاد لبلاد
مجبد وسط الخضورة حاط راسو فوق الربييع و مستمتع بصوت خرير المياه ، ضحكة انثى تسللات لمسامعو الشيء لي خلاه يبتاسم لصوتها وهوا مغمض عينيه حتى كيغطيه ظلها وشعرهاا غطاه من الضوء حل عينيه كيبانو لييه عينيها الزورق وضحكتهاا قبالتوو بقا كيرمش فيهاا وهي كاضحك لييه هزات ايدها دوزاتها على وجهو حتى استقرات فشفايفوو
تبادل مع نظراتها الهادئة قبل متسلل ايدو فشعرها وتاخدو مشاعرو اتجاه شفايفها الكرزية ذايب فدفئ لمكان ..كيسمع اسمه كتنطقو بعييد رغم انهاا مشاركة نفسوو علاين يحط شفايفو على شفايفهاا حتى كيتضرب وجهوو بشيء قاسح خلاه يفييق من حلم راوده لقا طارق فوق راسو كيضحك وفايدو مخدة صغييرة وقال:ودغيا غيبتي اصااحبيي
حذيفة(كيشوفييه مخسر مكرهش ينوض لييه …كلس كيحك فعينوو وكيسرح شعروو )فف
طارق: شنو لبلان داباا
حذيفة: غنوض نقسم طاسيلتك على جوج هدا هوا لبلان
طارق(ضحك وكلس حداه ) مقطوع السااط
وفعلا جر لباكية من فوق الطبلة مع لبريكي وطفاية محطوطة فوق الطبلة طارق كالس مقابل معااه وقال: واالو اسيدي كالياا عطيني طفاية قلت لييه راااه حداك …ياودي ارا الطفاية ياودي راه حداك
سيفط عليه مخدة لوجه كيضحك وقال:مزال متزادش هدا لي يقوليا راه حدااك
ضحك طارق شاد لمخدة وتحنا جر ليه لكارو وقال:نتا رفيق سووء
حذيفة(بخ دخان كيقلب على تيليفون حتى لقاه وشدو مرركز فيه) مك انا
صونا فتيليفون ايمان حتى تقطع على خاطرو عاود صوناا لقا تيليفون طافي وقال:المرض صافي
طارق:ياك لباس(كح)ففف
رد وهوا مغوبش كيطرطق فصباعو : مكتجاوبش
طارق:تكون باقة ناعسة !(شاف ساعتو ) ل 11 هادي …نوض نفطرو ونشوفو لبرووكرام
حذيفة: فيين هشام
طارق: مشاا بكري لخدمة
حذيفة: واش باقي كيقطع الشجر
طارق: اش بان لييك نتحرك معاه
حذيفة: واش ضارب هد طريق كلهاا باش تقطع الشجر اطارق داك ديبلوم لي عندك مزال مشبع دبان
طارق: وغير نصوفيو راسنا شوية مبقا عندي رياال
حذيفة: كي شفتي انا عندي الاموال الطائلة ولكن واخا هكاك منتلاحوش فلي كاان حيت خاصنا خدمة مستااقرة
طارق: عندي واحد لبلان فراسي اش بان لييك …ديك ساحة دومو قاليا هشاام كتعمر بنادم بليل …نمشي تما نضبر على راسي ب تصاور وفنفس لوقت نقلب
حذيفة(تاوب وناض كيقاد سيور تاع سروال ) مزييان المهم ضروروي من تكرفيص ..نفطروو ونشدو طريق نعطي لايمان تيليفون ديباني بييه
طارق: ممم ايمااان ممم اللهم قويي ايماننا
خنزر فيه وقال: الله يعميها لييك
فعلا فطر ودوش وبدل علييه جمعو روينة مخلاوهاش فدار هشاام كيبقا غير مستاضفهم فدار على قد لحال وفراش كذلك قياس انسان فلغربة وعاد بادي
هبطو كيتمشاو وكيصوني فتيليفون والو كيلقاه طافي …تزاد معاه الزايد ..لوحدة ونص هادي كاع هدا نعاس ؟ خسر ليها تيليفون غتسيفط من لفيس من تيليفون رجاء كأقل تقدير لكن والو ملقا حتى ميساج
حذيفة: انمشي لعنوان فين كاينة ايمان
طارق: ومالك اصااحبيي نهار بغيتي طرطق
حذيفة: براكة من الطنز …ديك خيتي مرتاحيتش ليها اصلاا
وفعلا تبع حذيفة لي وقف كيتسنا ل “bus’ ركبوو نيشان لميلان لانهم بعدو عليها جهد ربعين دقيقة
وصل لمكان العنوان وطلع مخلي طارق لتحت وقف امام الباب ودق مرة وصونا فلباب حط ايدو فلقنت كيسمع الساروت كيدور حتى كتخرج قدامو رجاء بشوميز بشورط قصير دغياا هبط عينيه وقال:كاينة ايماان ؟
رجاء(طلعاتو وهبطاتو ) لاا معرفتش فين مشاات فقت ملقيتهااش
حذيفة: علااش خرجات قالت ليك شي حاجة
رجاء:لاء كنت نااعسة فقت لقيتها مشاات …شوف اخوياا انا مبغا مشاكيل الى ك
خلاهاا كتدوي وهبط مع درووج هزات حاجبها وقالت: المعقد لي حطك تفو…اوى دير لخيير
هبط مخنزر تقلب عندو لجو …قاد لكاسكيط على شعروو كيشوف فجناابو
طارق: امضرا
حذيفة: لاا مكاينااش وبان لياا محال واش اترجع هناا ..ديك لبرهوشة كتبومبا غير بوحدهاا
طارق: زعمة تكون مشات عند شي حد
حذيفة(شاف فييه وسكت كيفكر)مانظنش …هي ماباغة تاحد من عائلتهاا
طارق: وعلاش فنظرك ختارت طالياان (شاف فحذيفة ومزعمش يهدر )زعماا
حذيفة: دويي انم بلا تلاوي
طارق: زعمة متكونش جاية عند شي واحد ؟
حذيفة(حك دقنوو ): لاا مميكنش
طارق: علاش ميمكنش
حذيفة: طريق كلهاا مهدراات مع حد على الاقل كانت غتهدر معااه لا ؟ …ايمان ماف حياتهاا تواحد …تزيد كلمة وحدة غنشتف على مك اطارق زيد قداامي
طارق: واناا غير
حذيفة(رجع لييه بتحذير) باغي تمووت؟
حرك طارق راسو بلاا راجع اللور وتبع حذيفة كايضحك وقال: واش الطالياان حد السوالم ؟ فين غنقلبوو
حذيفة: غنمشي لسااحة تقدر تكون تماا
**
الاخيرة كانت تمشاات حتى عيات ضراتها الشمش ومشات قصدات محل ديال لي ݣلاص خدات بلاصة طلبات ارخص كلاص تماا لي كان 4 اورو لمهيم تبرد بييه …شافت واحد السرباي كيمشي ويجي قداامهاا وقالت بالايطالياا:سمحلياا
_تفضلي !
ايمان:خسر لياا تيليفوني مبغاش يخدم واش نقدر ندخل من لفيس ديالك حييت مبقيت عاقلة حتى على نمرة عفااك
_نوو سمحيلياا هادي بلاصة لخدمة مكايسمحوش ليناا نهزو التيليفون كيبقاو فلفيستيير …كاين تيليفون لبغيتي تصونيي
ايمان(باسف )مبقيت عاقلة حتى على نمرة
_نتي ماشي منهناا ؟
ايمان:نوو انا مغربية
_طلبي شي حد من لكلياان لي گالس حداك عندو تيليفون
حركات راسهاا بااه مشا لخدمتو وتقلبات لعند سيد وراهاا قالت: سمحلياا
_باغدون !
فهمات انه فرنسي وقالت: واش تقدر تعاوني تيليفوني خسر وخاصني نتواصل مع شي حد من الفيس الى كان ممكن
_ؤك ؤك
شحاال فرحاات مشات كلسات حدااه مد ليها تيليفونوو كيطلع فيها ويهبط وهي مخشعة دخلات لفيس ديالهاا شافتو مدخل من 11 تاع صبااح ودابا راه قربات 3 ولكن جرباات سيفطات ليه ميسااج وشافت فراجل:اشمن بلاصة هناا !
_***
ايمان:شكرا
كتبات ليه فيين كاينة وبلي تيليفونها خسر بلا ميجاوبها حيت غير طالبة تيليفون شاففتو مداخلش ساطت
_خلييه عندك شوية يقدر يجاوبك
ايمان(حركات راسها بامتنان )
_منين نتي
ايمان:المغرب ونتاا
_ فرنساا لمغرب زويين بزااف وحتى نااسو زوينين…واش عاد جيتي !
ايمان(شافت فييه كترمش)ممم
_الى ملقيتيش فين تكلسي …انا ساكن فهاد دار لي مقابلة مع لكافي …الى بغيتي ترتااحي
سرطات ريقهاا وهي كتشوف ديك الابتسامة المتعجرفة على وجهوو…زيرات على ايدهاا تحت الطبلة كيقوليها رااسهاا هزي داك لكاس تاع لقهوة شوطي ليه وجهو كتفكر كلام حذيفة بليي خاصهاا تبقا بعيدة على الصداع …زيرات على ايدها بلا متجاوبوو
حط السرباي لكلاص قدامها موصلاتوش عينيها على لمسااج حتى داز وقت لا بأس به نطق الفرنسي وقال: شنو قلتي بان لياا هدا لي كتراسلي معاه خوا بييك فهاد لبلااد …ياله ترتااحي !
خرجات من لفيس ومسحاتوو من عندوو فمرة ومدات ليه التيليفون وقالت:شكراا راني مرتااحة
هزات كاسها ومشات لطبلة عاطياه بالظهر ايديها كيترعدو …فبلاد مقادراش دافع على راسها حيت هي فقط مهاجرة ماشي بلاادهاا ماشي حقهاا ومعندهاش الحق تدوي فبلاد معندها فيها لا ناقة ولا جمل
عينيها تزرعو فيهم الدمووع معرفات مداق داك لكلاص غيير كتبرد بييه الحرقة لي عندها لدااخل …دايخة ومعارفة شنو دير وفيين تمشي سالات لكلاص وعينيها على الطرييق ناض الشخص جا وراها وقال: مزال مبدلتيش رأيك ؟
مجاوباتوش ومشاا فحالوو تقريبا ساعة وهي تما لوقت كيدوز كيجريي وهي خايفة من بطش الليل و اواخره
جا نفس السرباي بغات تخلص وامتانع وقال: حسبيه اعتدار على تيليفون لي معطيتكش …نتمنا تكوني وصلتي لشي وااحد !
ايمان:مزاال …ولكن الى جاا وملقانيش قولييه غنكون ف ساحة دومو
ابتاسم الشاب وقال: كوني هانيي …شنو سميتك !
ايمان ونتاا
_سامويل
مدات ليه ايدها بابتسامة وقالت: شكرا
خرجات كدير فلكارطابل وقال:خودي طاكسيي الساحة مزال بعييدة شوية
حركات لييه راسهاا بااه وخرجات قاصدة الشارع بعيون مغيمة بالدمووع …شفايفهاا ترعدو و خرجات شهقة كتماتها بفمهاا
مضناتش بدايتهاا تكون هكاا بهاد الاضطراب كلوو حسات براسهاا من جديد بووحدهاا ،من ديما كان احساسهاا بالغربة ماشي عاد جديد ولكن هي طعم موجه لاي واحد شاف ضعفهاا وحس بيها غريبة وبوحدها ، قاصدة الطريق عينيها كيطلبوو عون الله فقط
هزات عينيهاا لسما بتنخصيصة وقالت:ياربيي واش غنبقا حياتي كلها بووحدي هء عيييت هء عيييت
وقفات فنصف الطريق وقف امامها طاكسيي شافت فيه لثواني وحلات لباب قلبهاا كيصاارع نفسها وهي كتصارع اول عقدة تركبات فيها ملي عندها 11 لسنة تركب فطاكسي وبوحدهاا شي حاجة مستحييلة …سلمات امرها حيت طريق بعييدة ركباات اللور شافت فييه بعدما اشار ليها راسم ابتسامة وقال:فيين لوجهة
ابمان(بصوت منغنغ) لسااحة
**
معرف فين يقلب مزال عقلوو بغا يخرج رافض بتاتاا يظن انها مشات مع شي حد حيت شهرر وهي فجنبوو معمر تيليفونها صوناا ومكاين حتى شي حاجة لي تخليهاا متقولش عندي فلان هناا
عقلو كيضرب اخماس ف اسداس
طارق: جرب صوني ليهاا
حذيفة:والوو (عض على فمو)عنداك يكونو شدوهاا
طارق(حك جبهتو )ناري مطاحش فبالي هد لبلان
حذيفة(بندم)مكانش عليا نخليها لباارح
وقفو بدون حيلة مافجهدهم ميديرو ساكتيين نطق طارق كاسر صمت: شوف على الله الفيس ديالها
حذيفة: قلبت قبيلة والوو
طارق: وغير عاود شووف
جبد تيليفونو من جديد خدم لكونيكسييون ودخل لفيس طلعات طررن تهز قلبوو كيشوف سميتها طالعة دخل متلهف يقرا شنو مكتووب
” حذيفة تيليفوني خسر ومحافضااش نمرتك طلبت غير واحد السيد عطاني تيليفونو …انا فكافي *** فشارع ** عفااك اجي عنديي “
شافو كايقرا وا حدااه كيطل وقال: شفتييي ااصحبي
حذيفة: تفوو على مرض ساعة ونص باش مسيفطااه
طارق: دابا حنا عرفناها فيين كايينة بلا متعصب نشدو طاكسيي نعطيوه لعنوان ومريضنا معندو باس
فعلا ركبو فطاكسيي ولوجهة لعنوان لي عطاتهم وقف حذيفة كيتمشاا وكيقلب بعينيه على لموقع حتى لقااه بعيد عليه شوية مشاا لجيهتوو كيجريي وعينيه كيقلبوو بين لكراساا مبان لييه حد …شافو سامويل وجاي جيهتوو وقال: كتقلب على شي حد
حذيفة: واحد لبنت …عينيها زرقيين وزعرة
ضحك سامويل وقال: نص لبنات هنا عينيهم زرقين …شنو سميتها ..ايماال !
حذيفة:ايمااان ايمان
سام:هديييك …تسناتك بزااف ملي مجيتيش طلبات مني نقوليك لجيتي غتلقاها فسااحة
حذيفة(حط ايدو على كتفوو)شكراا بزااف
متسناش يجاوبو مشا لاخير عند طارق بزربة شد طاكسي والشممس بدات كتغييب كيربت برجلو فطاكسي بتوتر خاف يمشي تما وميلقاهاش تااني الساحة كبييرة هبطو فشاارع وتفرقوو كيدخلو منهنا ويخرجو من هنا الساحة عامرة وقت لغروب كلشي باغي يتصور ولحمام كيدور بلماكلة لي كيلوحو لييهم عياا كيدوور فبلااصتوو وتيليفون فودنو كيسول طارق والاخير كينفي وجودهاا
شد جنبوو بيأس حيد لكاسكييط معصب حيت مشافش لميساج فلوقت كون مكانش غايوقع هد ستريس كامل …الحال كيزيد يظلام والسااحة كتعمر كان شخص اربعيني كيقاد لكرسيي و فظهرو لكيتار كيقاد لبيفاان و لميكروو كيوجد للغنااء …عرف دنياا غتعمر
بقا غاديي وعينيه كيقلبوو اي وحدة بانت لييه لابسة لكحل كيحقق فيهاا
حتى عياا غمض عينيه كيسووط حتى سمع اسمو من ورااه ضار بزربة حتى كتبان ليه قبالتو عينين حمرين ونيف كدالك بحال شي طفلة تاائهة قرب ليهاا طاافج منطق بكلمة وحدة قبل ميجرها لحضنوو وزير علييها كأنه كيبرد واحد رعشة خوف حس بيهاا فهاد الساعات لي دازو بحالا عاام عرف انه مكانتهاا فقلبوو مبقااتش لبنت عاديية ولات حااجة كثر
زيرات علييه خاشية راسها فصدروو كتسمع دقاات قلبوو فودنهاا شهقاات كتبكيي بشهقة فيها اطنان ديال المعانات لي هازة فخاطرهاا
كان جااي طارق شافهم معانقيين سااط بهدووء انه لقاهاا وبعد مخلييهم براحتهم
بكات حتى شبعات فحضنوو وهوا اكتافاا يغمض عينيه ودقنوو فوق رااسهاا كيتنهد هبط شافيفوو خدا قبلة عميقة فرااسهاا وقال بعد سكوت طويل: صافيي باركة
بعد راسها من صدروو فازݣ دموع ، نيفها حمر وعينيها بياضهم ولا نقطة دم ضاير بزرقة عينيهاا عرفها بكاات حتى عياات قلبو ضرو علييهاا …شد حناكها بايدو وقال: براكة عفااك (مسح عينيهاا ) كلشي غيدووز هدشي غيبقا غير هدرة
ايمان(برجفة ) هءهء سمعتهاا كتقول لصااحبها بليي غنصدرهاا معندي مندير بشي حد فداري (طاحو دموعها ) وااش واش انا خاايبة هءهءه واش مكتوبة فجبهتيي شي حاجة انا مكنشووفهااش احذيفة(بصوت متقطع)هء هء عل هءهءعلااش هءهءهء تاحد مباغييني هءهءهء علاش غنبقاا بوحديي
حذيفة: بلعكس ربي كيبغييك وراها لييك النهار اللول
ايمان: هءهءهء كلشي خايب انا لي زويينة …گاع لي خلاوني خايبيين ياك هءهءهءه
حذيفة: سكتيي من لبكاا …مكانش خاصني نخلييك لباارح مرتاحييتش ليهاا بنادم بااين فوجهوو
ايمان: عيييت والله هءهءهء عيييت كنحس برااسي غندير شي حاجة فراسي شي نهاار هءهءهءه (حطات ايدها بجوج على قلبهاا )حاسة بشي حاجة فقلبيي كتقولييا سيري لوحي راسك من شي بلاصة …هءهءه ك كون غير خليتييه يخنقنيي كنت غنرتااح
حذيفة(حمر فيهاا عينيه ) شوفي فياا غتزيدي كلمة وحدة غنضبر معااك ربي عطااك عمر جديد باش تمشيي بعييد ماشي بااش تقتليي راسك من بعد
ايمان: هء هءهءه عفاااك عنقنيي صافيي مبغييت والوو بغيت غير لي يعنقنيي هءهء
رجعاات لحضنوو ومكان منو الا يحضنهاا بلطف كيربت على شعرهاا تحت نغمات لكيتاار لي كيتسمع حداهم طفات نوبة لبكااء برائحتو الدافئة
تحرك لبرد
حيد عليه لقاميجة دافية وبقا بتيشورت رماها على كتتافها وبعد بيهاا لتيسااع كلسهاا في حيين طارق كان جاي بجوج كيسان قهوة سخونة مدهم ل حذيفة لي جا عندو وقال: شنو لبلان داباا
حذيفة: نتا غير رجع لعند هشاام
طارق: شوف ليل طاح متعرف لوقت شنو تجيب اخوياا تكون شي حملة ولا شي عجب …نهدر مع هشاام نكلسسو عندو وغدا نشوفوو لبلان كيفاش
حذيفة(تنهد كيمسح على عنقو من اللور ) ويبغي
طارق:عارف بحق تماارة نتشاور معاه
حرك لييه حذيفة راسو وصونا ليه مرة مرة يشوف فايمان مقابلة مع لكيتاريست وساهية
طارق: مخسرش قالييك مرحباا قالياا تجي ونهدرو فالسكنة
حذيفة: ايكون خير …صافي غير سبقني شوية ونجي
فعلا مشاا ورجع حذيفة لعند ايماان ونطق بلطف: رتاحيتي شوية
ايمان(حركات راسها باه وبصوت باح بلبكا مهدودة مقادراش تهدر)سمحليا عدبتك معاياا
حذيفة: عذابك راحة الالة شكيت عللييك
تبسمات وعينيها فلارض حاسة بعينيها غيتسدو كيفف لا وهي مناعسااش و النهار كلو من طريق لطريق فمعدتها كيدور غير لكلاص تاع الصباح مقادراش تقول فيا الجووع حييت نفسها تسداات على كلشي بغات غير فين تحط رااسهاا وخة وسط الزنقة
حذيفة(وقف وجرها وقفات ) اتكوني عيتي نديبانييو فين نباتو لييوم غدا ونعرفو اش نديرو
ماسولات لا فين غادي لا فين غنبات عقلها وقلبها كلشي فيها داير بووز بلعياا ركبات معاه فطاكسي كطلعها تنهيدة تاع لبكاا حتى كايهبط حذيفة عينو فييهاا ..تكات راسها على كتفو غمضات عينيها مستسلمة كأنها مأمنة راسهاا معااه …فاقت على ايديه كيجرووهاا باش تنووض عينيها تقاال حاسة بلارض كدور بييها ودنيها كيصفروو شد فيهاا كينادي باسمهاا عاد توكضاات
ايمان: غير مواكلااش يمكن
حذيفة: اجي ندير ليك شي حاجة كوليها ونعسي
شد فدراعها داعمهاا تشاافت راسها طالعيين فلعماارة وقفاات مسندة ظهرها على الحييط رجع عندها ملي شافها توقفات وقال:ايمان
ايمان(بعيااء) فين هنا !
حذيفة(تنهد )خال طارق غنقضيو عندو لييوم تيصبح لحال
ايمان:مزوج!
حذيفة(فهم قصدها)مزوج وبوليداتو ولكن فلمغريب هنا بووحدو
ايمان(تبورش لحمها فلحظة )منقدرش
هبط درجة لجيهتهاا وقال: خايفة منيي ولا شنوو
ايمان: باركة غير لي دوزات بيا الدنيا احذيفة …منقدرش
حذيفة:ايمان محدي معاك تاحاجة ماتوصلك …طارق راك عرفتييه وهشام ولد النااس حنى غير ضيااف عندوو معندو باش يقرب لييك
ايمان(بخوف هبطات درجة غادية حتى شدها )غير خليني نبات فالزنقة
حذيفة(زير على ايدها )ايمااان …لي واقف قداامك رااجل ماشي شمااتة وربي لي شاانو عظيم …العين الى تهزات فيييك نعميها
💝💝
كيفاش بغا انسانة عندهاا ازمة ثقة تبات فدار فيها 3 شبان …داخلة لوكر الدياب بعينيهاا ولكن كلمتو بنجاتهاا ، لمسات بصيص ثقة فعينيه
معارفاش شنو دير عياات من الزنقة و نظرات لغرييب ليهاا
تنهدات معارفة شنو ديرر قلبها و ثقتها فالناس بحال شي ورقة كمشيتيها ورميتيها فالزبل واخا ترجع تحلها غيبقاو اثار التكماش بااينين
جرهاا ورااه من معصمهاا مزيرة على ايدهاا ومعارفاش علاش تابعااه واش تاقت فييه او كتحاول ترجع ثقتها فالناس معارفاش
دق فلباب ورمقها بنظرة اطمئنان من بعدما طلق ايدهاا …حل عليهم هشام بابتسامة وقال: تعطلتوو (شاف فايمان)سلام ختيي بخيرر …دخلوو (اكد عليهاا)دخلي مرحباا
ايمان: شكرا
حل لباب ودخلات كدور فعينيها كان استوديو بسييط، بيت مسدود وجوج فطويات وطبلة لوسط وكوزينة صغييرة ودوش كان طارق مفرش سجادة كيصليي مع سلم ناض كيطوي فيها وقال: على السلاامة
تبسمات ليه ايمان في حين حذيفة قال: الله اسلمك …ايمان دخلي رتااحي
كلساات كتشابك ايدهاا فوق رجلها فيها واحد لعياا بزااف
كلس جنبها حذيفة كيحك وجهوو وكايتكلم مع طارق وقال: غير خليها تما شوية ونوض نصليي
طارق(حط سجادة تما وكلس ) : صافي
هشام(حط طاجيين بلحم وبطاطا وزيتون ومعاه لخبز ) ريحت لبلاد مع ولاد لبلاد
حذيفة:الله اكبر بييك…سمح لينا اهشاام تقلنا عللييك
هشام:لواه لواه متقولش هكا … كاع دزنا من التكرفييص الحمد لله لواحد يدير لخير باش يلقاه فطريقو …ختي مرحبا متحشمييش حسبيني بحال خووك
ايمان: شكرا اخويا ربي اخلييك
كلسات فالطرف حداها حذيفة و جيهة لخرى كالس هشام وطارق
طارق؛ممم مفكرتينيش ..شنو دار ولييد
هشام:لا شوية شوية بعدا الحمد لله
حذيفة:ايه فكرتيني كان دار عمليية على عينوو
هشام:وييه مسيكين تمحن ولكن دابا راه شويية
حذيفة:الله احفضو لييك
هشام:اميين يارب …كنضربو تماارة غير باش يعييشو مزياان
طارق:ناوي تجيبهم !
هشام:وضروري منكدبش علييك انا ضد انا هنا و الدراري فلمغرب مغيربيوش عليا لكبدة نجيبهم باش ميتكرفصوش تهوماا كانتسنى غير وراقي يطلعو وندير التجمع العائليي
حذيفة:دفعتي !
هشام:دفعت هادي شهرااين
حذيفة:الله يسخر لييك
هشام:كيداير واحد لحااج ههه يكما باقي هوا هوا
حذيفة:هههه هداك ميتبدلش
هشام:هههه هوا ظريف ولكن قاسح شوية هههه
طارق:عمي الحاج عندو نيشاان
ايمان:باك !
حذيفة:ممم
كلات شوية وهوما من موضوع لموضوع مرة لخدمة مرة لعائلة مرة السكنة
هزو طبلة وبقات كالسة فبلاصتهاا حاطة ايدها على الشرجم كيضرب فيها لبرد سمعات “الله اكبر “ميلات راسها بان ليها حذيفة كيصليي …رجعات أنظارها لبرا مع صوتو فالقرآن خلاها تحس بتأنيب الضمير انها مامواضباش على قربها من الله تقدر تصلي شهر غير تكون فيهاا لي غيݣل تعكز تصليي وكتمشييي تانيي لشهور ..
كانت نعييمة كتخاصم علهاا كثر وكثر تنهدات كتشوف فنجووم السماا وعينيها بداو كيعييااو ويتغمضوو غمضات عينيها على قنت الشرجم حسات بطعم النوم وهي كتحاارب معااه كل مرة ولكن جهدها تسالا …ماجا حذيفة فين يكمل صلاتوو سلم لناحيتهاا وبقاا مدة كيشوفييها وقف طوا الصلاية وتوجه جيهتها في حين طارق وهشام فلكوزينة كيغسل مع خالو لمااعن
عزات علييه يفيق نومتهاا ملامحهاا لطيفة دغدغاات قلبوو بلطف خلاتو يتبسم ليهاا
مشا عند دراري نطق هشام : حذيفة قوليها دخل لبييت تنعس راه هزيت لحوايج لي غنحتااح باش تبقا برااحتهاا
حذيفةبامتنان )الله احفضك اخااي هشاام
هشام:الله اودي خيركم ساابق
ربت ليه على كتفو ورجع عنها لمس شعرهاا بلطف كينادي باسمهاا بخفووت حسات بييه بحال الحلم فعقلهاا لي بدا كيغيب
ايمان: مم
حذيفة:نوضي لبييت نعسي وخودي رااحتك
ايمان(حلات عينيهاا على وضعيتهاا حمريين تعبانين بنعاس)ونتوما
حذيفة: حنا هناا ماشي مشكييل نتي رتااحي باين فييك لعياا
ايمان(حركات راسها باه )فين الطوالييط بغيت نغسل
اشار ليها فيين ناضت دايخة بنعااس غسلات رجليها وايديهاا وطرفات حالتهاا كتشوف بتعب فلمراية صغيرة تماا
لقات حذيفة دخل ليها صاكها لبييت ..لي كان صغير ب بلاصة وحدة بعض الكتب تصاور وليدات صغاار فكوادر فوق لماريو صغير تبسمات لييهم وكلسات دخل حذيفة بقرعة صغيرة تاع لما وباكية صغيرة تاع شكلاط حطهم حداهاا وحط تيليفون بيض طاكتيل ولكن صغير كان كيتسما صابونة
حذيفة:ديري فييه نمرتك ولكارط ميموار ديالك …لمهيم قضي بييه تيجي ماحسن
ايمان:معرت واش غيجي ماحسن ولا هكا بقييت كنتلاح من بلاصة لبلااصة
كلس طاوي رجلو فوق سري حداهاا كيحيد فساعة من ايدو وقال: شوفي ا ايماان ماحدك كتفكري بهاد السلبيية معمرك اتزيدي لقدام ….نتي مامحتاجة لتواحد …محتاجة لراسك ولتقة ديالك فراسك غير هدشي مخاصك والوو …وهدشي لي وقع لييوم عااديي وقع لنااس ماكتر نتي غير مع لبرااني …ناس راه خوتهم جراو علييهم
ايمان:باش عرفتيني عشت غير هدشي (ابتسامة مقهورة )
حذيفة:لي معاش شوية عاش بزااف …الدنيا مامقادااش عند كلشيي …القادم اجمل ان شاء الله …وانا متأكد ربي مغاديش يخيبك …خاصك غير تمشي ونتي متاكدة بلي ربي معاك
حركات راسها باه كتشووف لتحت وكمل كلامو: تصبحي على خير …غدا نقلبوو شنو نديرو هشام كيعرف شي حد كيكريي بتمن ناقص شوية لمهييم سلاك وصافي …نعسي ورتااحي مغيقرب لييك حد(حط الساروت تاع لبييت ) سدي موراك لا يضربني حمار الليل ونجي نعضك
ضحكات وقالت: تصبح على خير
ناض ساد وراه لباب …هزات الساروت وسورتات وخلاتو فلباب عاد قدرات ترتااح …حيدات لقميجة ديالو دارتها على لمخدة…رشات القليل من رييحتهاا باش ترتااح فلبييت كتر وتكاات ….نسات الضو وناضت بغات طفييه كيبان لييها صاك حذيفة بقا محلول وكيبان منو دفتر كبير ديالو ديال الرسم ..خداها فضولها تشوف رسوماتوو حلاتو وكلسات فلقنت حلات اول الصفحات لسيدة بتجاعيد خفيفة بشوشة وعيونها سوود دايرة وشام بسيط بيين حجبانها و حجاب شفاف دايز من فوق نيفهاا مغربي فكرها فناس زماان ولبسهم لي كان …كتشوف فييها وكتمعن كأنها فايتة شافت شي حد بهاد لمواصفات ولكن معقلاتش …بدات كتقلب فلورااق موديلات واحد ينسييك فلاخر ..مرسوميين بدقة خليط ما بيين العصري والبلدي …الرجالي والنسائي …كانهم مامرسومينش بلقلم وملونات فقط ….أسراتهاا غوب حمرة طويلةة ومنفووخة راسمها كانها منبتة من لتحت وجاي تنبات وكينتااشر ايديها هابطيين على لكتااف وشبكة بسيطة على ليدين حمقها …قلباات الصفحة وتوسعو عينيهاا وهي كتشوف راسهاا مجسدة فرسمة على دفتر ديالوو بتفاصيل وجهها عينيها زرقيين لي بوحدهم لي ملونهم لخالة فعنقهاا مع لعقيق لي هداها ولي مزال لحد الان فعنقهاا …كانت فصورة مبتاسمة ابتساامة عريضة ..تنهدات وهي متشوقة لهاد الضحكة لي رسم فيها …ايمتى غاضحك من قلبهاا…هزات عينيهاا تقرا شنو كاتب فاول الورقة فوق راسهاا لقاتو كاتب بخط عربيي
“
تلك الشامة قطرة حبر ..حاولت وصف جمالها فتجمدت
“
احساس ان شي حد فهاد الدنياا كايهز من جيهتك مشااعر زوينية كيحسس بلفرحة وخة متكون بينك وبينو والوو …مشاعر زويينة وبريئة والاكتر تكون مشاعر متبادلة ولكن تاحد معندو الجرأة ينطقهاا
بقات مدة كتشوف فصورتهاا وكتمعن فيهاا …مكرهااتش …مكرهاتش تعيش علاقة حب اسطورية كيف متخيلاها فبالها مع شخص منااسب ولكن قلبهاا رافض رفض قااطع تبع مشاعرها وضيع الحاجة الزوينة فحياتها داباا
نعساات بتعب من بعد يوم صعييب داز عليهاا معرفاتش ايمتى نعساات ومفاقت غير على شي حاجة تقرقبات فالدار فاقت قافزة راسها تقييل كتشوف فجنابهاا لقات لحال صببح و الصداع جاي من شرجم لبيت لي مظلم ناضت حلاتو بعينين منفوخين بالنعاس ضربات فيها الشمس سخوونة تغمضات عينيهاا
هزات قميجتها لبسااتهاا طوات لفراش ورجعات كلشيي كيف كان عاد حلات لباب بشوية …شافت حذيفة واقف فلكوزينة كيطل وفايدو كاروو لابس سورفييت وتيشورت بيض شعروو مهمل ساارح محسش بيها حتى نطقات بصوت خافت :صبااح الخير
تقلب جيهتهاا ونطق بابتسامة ونظرة اعجاب لتفاصيلها المهملة بالنعاس عينيها منفوخيين لحناك مزنكيين والفم منفوخ
حذيفة: صباح النوور ..نعستي مزيان
حركات راسها بااه وقالت: كتكمي على الصباح !
حذيفة: ولفت …فطري باش نخرجو …تشربي قهوة ولا اتااي !
ايمان: مافيا لي يفطر نقاد حالتي نمشيو خاصني نتقدا شي حاجة نلبسهاا
حذيفة: وخة
مشات غسلاات وجمعات شعرهاا لقاتو حاط ليهاا كاس تاع لقهوة وشي بيسكوي تماا شكراتو بامتنان خلاها كتفطر ومشا لبس علييه
دخل لبيت وسد مورااه بدل علييه تجبد لطبلة هز ساعتو كيشم ريحتها فلبييت مشاو عينيه لمخدة هزها كايستنشق عبيرها …
ستشنق ريحة المخدة بنيفو كأنه شعر ايمان لي كيشم كيحاول يركز ريحتها فنيفو بحالا كيقلب يخلق دكريات معاها او بالاحرى كيرسخ فبالو كل ماعندو علاقة بايمان …شعرها عينيهاا ضحكتهاا ولمعة عينيها ملي كتشوفييه كيشوف انجدااب خفي كيحرك فييه مشااعر مدفونة …حيد لغشا تاع المخدة وخرج لدوش غسلو بلما ونشرو فلكوزينة فين حاط نشاشر صغار
ريحتها ملفثة وخاطرو مخلاهش يخلي ريحتها فمخدة شخص اخر هكا قاليه راسو ومترددش يحيدهاا …كانو غير بجوج بيهم فدار كلشي خرج
ايمان: مكاينينش ؟
حذيفة(كيسد لباب بالساروت ) هشام مشا لخدمتو و طارق وصيتو يقلب على شي استوديو لكرا …وحنا غنمشييو نقلبو على خدمة ههه
ايمان: على الله
حذيفة: نديپانيو بعدا بينما استاقرينا وعرفنا لبلاايص
وفعلاا مخلاو فيين قلبوو فديك لبلاصة الصغييرة الاكترية گاع لمهاجرين كيتلاحو لفلاحة او قطييع الشجر …اما لي بغاا يطلع دقة وحدة كيتوجه لسااهلة “الغبرة “
كيطلع دقة وحدة من نهارو ولكن نهار كيبغيي يهببط كيهبط نيشاان لضس كيلقا راسو كفس من لي بداا …اما لكنتي جاي بوراقك بديبلومك فعندك فرص تخدم خدمات بصالير مزيان و مستقبل مضموون
العشية تعاشاات وهوماا كيقلبوو حتى عيااو راجعين فحالهم حتى صونا ليهم هشاام
حذيفة: بخيير اهشاام…لا والوو داكشي لي بغييت مكايينش
هشام: واش نتوما قراب لدار
حذيفة: شي ربع ساعة نكون عندك
هشام؛ لقيت ل ايمان واحد البنت هنا نييت خدامة ومغربية بنت دارهم الله اعمرها داار
حذيفة: فين !
هشام : هاهي معاياا دابا شوف جي**
قطع معاه هبطو من لبيس وشدو طاكسي لبلاصة فيين دار معاهم ايمان متخوفة من جديد
حذيفة: الى مرتاحيتيش لييهاا صافيي نزيدو نقلبوو
بان ليهم هشاام ومعااه شابة تكون فالتلاتيناات لابسة جلابة وجامعة شعرها الاسود لفوق غليضة شوية
تبسمات لايماان سلمات عليهاا وقالت: السلام لبااس بخير
ايمان: لباس اختي الحمد لله
هشام: زهرة هادي هي البنت لي قلت لييك
زهرة (بابتساامة ) ايمان ياك !
ايمان: اييه
زهرة(بابتسامة )بحال سميية بنتيي (مسحات على كتفها )ما شاء الله …شوفي اناا حسبيني ختك كااع دزنا من هد تماارة شوية الصبر كلشي يفوت …انا كارية بييت فواحد العمارة هنايا الى قبلتي عليا گلسي معايا الوقت لي بغيتي حتى تقادي امورك مرحبا بييك
حذيفة: و لكرا بشحال كارية
زهرة: كارية ب 150 اورو
حذيفة: غير بييت ؟
زهرة: لكراا غااالي بزااف مخرجين راسنا معاه غير بزز
هشام: ميلانوو و هاد النواحي غاليين شوية ولكن راه هنا فين كتاب الرزق
حذيفة: داكشي لي كااين …لمهيم هد شهر تخلص معاك النص حتى نشوفو من بعد
زهرة: والله متخلص معاياا هد شهر هي ضيفة عندي اخوياا متقيسها تحاجة …بغات نضبر ليها فخدمة فلفيرماا نشوف مع لپاطرون تخدم من غدا ديك الساع تخلص
حذيفة: المهم من هنا لتما يحن الله..(جر ايمان من دراعها لتيساع) اش بان لييك
ايمان: معرفتش
حذيفة: شوفي راه ساكنة غير فنفس الشارع نييت الى بانت ليك شي حاجة ماهياش صوني لياا فلبلاصة
ايمان: صافي وخة
تمشاو جميع طلعات جابت صاكها ومشاو معاهم حتى طلعات لدار مشات لبييت كانت فيه ناموسية ب بلاصة پلاكار صغير طبلة صغيرة وشي مانطات فطرف وتلفازة صغيرة …تلاجة صغيرة وفران صغير ديال الضو شي كراطن صغار فوقو وبعض لميعنات لقلال
كيدخلات زهرة باقة بجلابتهاا مشات لكوزينة لي مشروكة الدار فيها 3 تاع لبيوت وكوزينة ودوش وطوالييط كل واحد بوحدو شعلات على لبوطة ودارت فوقها مقراج صغير تاع لما تقول كارين بييت فالسطح ماشي بقرب اكبر المدن الايطالية بقات غير كتشووف …كل وحالوو كل وعدابو ماشي لي فلخارج راه عايش النعييم
زهرة: زيدي ا ايمان وقبلي عليا ختك ياله كتحاك مع الزماان
ايمان(كلسات) حتى نتي جيتي حاركة
زهرة: انا جيت لسبلييون فموسم لفريز وهربت …جيت عند عمتي زعمة السعاتيي معرفاتنيش الحمد لله لي لقييت ناس مزيانة خدموني
ايمان(باسف)و بنتك
زهرة: وعلامن ضاربة هد تمارة غير عليهاا …طلقت بيها ملي كانت صغيرة … خليتها دابا لميي وجيت
ايمان: (باسف ) طلقتي وباينة طلقها معااك
زهرة: اوى هادي هي حال لي ماعندو زهر .. شفت تاعييت وجييت نضرب عليها تمارة حتى هناا
ايمان: الله اعاونك عليهاا ..شحال فعمرها
زهرة: 13 عام داباا …اميين ياربيي (شاف فييها ) ونتي شنو جابك هناا …زوينة تبارك الله وغتكوني باقة كتقرااي
ايمان: شديت لبااك لعام لي فات جيت نخدم باش نكمل قرايتي
زهرة: قلة الشي
ايمان(بابتسامة حزينة)مكتجيبش هنا غير قلة الشي اختي …حتى قلة العائلة و لحباب
زهرة: مك وباك عارفيينك جيتي
ايمان: ماتوو …الله ارحمهم
ربتات على رجلييها وقالت: الله اعوضك ياربي ويرحمهم …نصايبو كويس ديال اتااي ونهدرو ..شوفي لبغيتي تقضي حاجتك ها الطوالييط قبالت لباب مخفتيش كارين هنا غير لمغربياات وقبلي عليا اختي تا انا عاد قلت باسم الله فهاد لمدينة حتى اللغة مزال معندي
ايمان: خاصك تعلمي ليهاا ضروري باش تعرفي تواصلي
زهرة: راه غندخل نقراها ان شاء الله
تبسمات ليها ناضت لطوالييط لي فيها دوش غسلات وجهها ويديها ورجعات كلسات فيين زهرة حطات اتااي معاه شوية تاع لفاكية و لكيك
ايمان: الله اخليها لييك …والله يسهل علييك وتجيبيها عندك
*
حذيفة: البنت تيقة اهشام
هشام: كون هانيي والله درويشة وبنت النااس تاهي باغة غير تخدم وتهز بنتهاا
طارق: لقيتي شي حاجة !
حذيفة: لا والوو عييت نقلب
هشام: غير بالشوية عليكم وحتى لكرا هانتوما معاياا نتعاونوو
حذيفة: لا منزيدش نتقل علييك اهشاام غنضبر فشي حاجة على قديي غير نلقا خدمة باش نعرف فين نقلب
هشام: الله يسخر
تواصلو بتيليفون عرف أنها بخير عاد رتااح ومشا تكاا اما ايمان عطاتها زهرة بيجامة بدلات بييها شربو اتااي وخرجوو كان لحال بدا كايظلام داتها لمحال كيبيعو فييه حوايج لبال وشي ماركات باقين بتيكي ديالهم ختارت لبيسات نقيين وستيلهاا هي لمهيم تلقا باش تبدل ومتخسرش لفلوس لي بقاو ليهاا …سبرديلتها مزال نقية ماخدات والو دازت تقدات ملابس داخلية جديدة تبدل بيهم ورجعو لداار
زهرة: لولد لي كان معااك كتعرفييه
ايمان: هوا معامن جيت وقف معاياا بزااف
زهرة: وخة هكاك متيقيش وخلييك على بال …بنادم ا ايمان مبقا فييه تيقة انا نقولييك
ايمان(تنهدات ) متعرفي هد لوقت منين تجيك الضربة ولفت
طلعو لداار صبناات دوك لحوايج ونشراتهم فشرجم دايرة فيه زهرة جوج سلوكة
ايمان: قولي المغرب صافي ههه
زهرة (حطات جلابة بقات غير بشورط وتريكو كضحك ) سبليون وطاليان راهم خوت المغريب ههه
تعشاو بلي قسم الله فرشات ايمان فلارض مانطة وتغطات بوحدة وزهرة لفوق كتهدر مع بنتهاا وتبكيي باقيي حر لفراق جديد …كتشوفيها ايمان وتقول كلشي عندو ام حنينة واش غير اناا لي تعطاتني فحقي اكفس ام …تنهدات وعطات لزهرة ب ظهرها ونعساات
قبل بضعة اياام
في كوميسارية وسط الدار البيضاء …شي داخل شي خاارج كالسة فلكرسي عينيهاا كينقزو بالدموع بلا مترمش لابسة جلابة عادية عكس ايامها المثالية كتلبس غير لفرييع دابا كالسة ومكمشة فاقدة الامل فحياتهاا
ݣالسة فبيرو نفس لكوميسير لي فك جرتها ملي كانت صغييرة شااب ومبقا ليه والو لتقاعد كيهضر ويشوف فنورة: عجبك لحال داباا خرجتي على راسك
نورة: 19 العام هادي باش خرجت على راسي
دق لباب وتحل من طرف لبوليسي موراه كريم كيتمشا بزز وشاد جنبوو مهزاتش نورة عينيها فييه حتى كلس قبالتها رمقها بنظرة وشاف فلكوميسير
_هانتوما تااني گلستو قدااميي
كريم: انا مغنتنازلش على حقيي …. حتى من الخدامة ديالها شهدات بليي دفعاتني كانت باغة تقت_لنيي وبغاتني نسمح ليها
هزات نورة عينيها وشعر مهمل على كتافها وقالت: تاحد مطلبك تناازل …دابا صافي بردتيي من نهار دخلتي لحبس وانا واحلة لييك فحلقك
كريم: من نهار لحتي علياا البااطل
_اشمن باطل كادوي علييه البنت بنتك
كريم: بنتي اه ولكن مشات معايا بخاطرهاا ونحلف ونعاود كنت سكراان وهي محبساتنييش
_كانت قااصر اشرييف …بان ليا نتا براسك متربيتيش
نورة: واحد بحالو عمرو يتربا
كريم : هانتي ادخلي لييه عنداك متخرجي مربية
_فين البنت !
نورة(هزات عينيها فيه )معرفتش
كريم: حيت جرات عليهاا فلوقت ليي راجلها حاول يت_عدا عليها
نورة(بغات تغوت ومقداش باقيي نصها تقييل عليهاا وخة الترويض) : كون كنتي راجل هدشي مغيوقعش …انا نهار عرفت سيفطها تعييش معااك ونتاا شنو درتي جريتي عليها بالليل
كريم: كتخرجي فعيينيك ولكدووب مزال نتيي معمرك تكوني ام ومعمرك تبدليي
نورة(بدموع): خرجتي ليا على حياتي جوج مرات اكريم هء الله اياخد فييك الحق
كرييم: الى كان الحق غيتخاد غيبدا منك نتيي
خبط الكوميسير على الطبلة وقال: بجوجكم خاصكم تربااو …بجوج بييكم خبيثين ومتسواوش (بنرفزة)فييين البنت
كرييم: فراسي مشات لتركيا
نورة: سرقات لياا الذهب ومشاات حتى رونات كلشي عاد مشاات هي لي فاهمة مزيان
كريم: بقا فيك الذهب …الذهب لي شريتي بفلوس النفقة ديالهاا ! ممم
_ نور الدييين …اجي دي علياا هاديي ونتاا سير فحالك حتى لمحكمة
خرجات نورة ومصيرها السجن لانها محاولة ق_تل كريم خضع لعملية لانه الزاج كان قاس لييه الطحال وتكرفص فيها
تقدم لناحيتها عبد الله عينيه كينطقو الشرار وقال: يااك السلكووطة بقا لييك غير الحبس
شافت فييه وخولة ورااه شادة بنتها وحداها حساام وقالت: كتحاسب معااياا ونتا ابليس بنفسك شنو حساب ليك رااسك
عبد الله : هضري مقااد راه خوك هدا
طلات برااسهاا على خولة: ملي كلنا غيتفرتك لينا العش …كامليين غيتفرتك …خولة عبد الله كيخونك مع جميلة والى خفت نكدب البنت راه بنتوو
جاتها طرشة ماحركات فيها والوو بعدوه لبوليس وخولة فحالة صدمة كتشوف ف عبد الله ودموعها هابطيين
هي ماشي مكلخة او نية هي امرأة ميزنا الله بواحد لحااسة اي مراة كتعرض لخياانة الا وكتحس بشنو داير بيهاا ولكن باش تلاح ليها فوجها مرة وجوج هنا لمااس كيدكو فقلبهاا هي مرة فضلاات تخلي وليداتها مجموعين تحت ظل باهم ..كاسيهم مقريهم موكلهم ..هي متقدرش دير هدشي حيت مخدامة معندها دخل معندها لي يهز معاها الحمل …فضلات دييك الضبابة على عينيها ولكن عمرها ظنات ان الخائنة هي جميلة …فقلب داارها كتجيي تعرف مشاكلها مع راجلها تنصحها باش تمييك وتصبر
عبد الله جا عند خولة لي واقفة كي الشجرة متحركاتش شد كتفهاا بلطف عكس ديماا وقال: ياله نمشييو هادي خسارة فيها توقفي معاهاا شتتات عائلتها بغات تشتت ليا ولادي حتى هوما …ياله عطي لبنت لباهاا
جرها وراه بحال شي جماد طلقات نور لي كتبكي مشات عند باهاا هزهاا
دازت محكمتهاا ونضرا لحالتها الصحية وسجلها تعطاتها 6 شهور قابلة للاستئناف وغرامة مالية
وف احد الزياراات ليها جا حسام ومعاه نور شافتهاا وكلساات معااهم نطق حسام وقال: نورة بغيت ندوي معااك
نورة(هزات عينها فييه ونور فحضنها ) مبقا فاش ندويو احساام …رفع دعوة تاع طلااق مبقاتش العشرة بيناتنا صافيي
حسام : سمحيلياا انورة …مكنتش باغي هدشي يوصل هناا ولكن منهار تحرك قلبيي لبنتك تسالاات حياتناا
نورة: كتقولها فوجهيي !
حسام: ماعندي علاش نكدب علييك
نورة: سير قلب عليهاا وتزوج بيها نتا كااع غير ضد فيا متقولش لييك لاا
حسام: حاولي نتي تقلبي على بنتك ماشي اناا …نور ياله ابنتي
**
دازت اياام كتقدر باسبووع على قدومها ل ميلانوو كل يوم كيخرجو يقلبو على خدمة فضواحيهاا ..هازيين مؤهلاتهم لي تسمح ليهم يخدموو فشي مجال …ايمان مكان ف جعبتها الا لغاتها المتعددة تقدر تخدم بييها ف كافي ولاا محالات حيت معندها اختصاص فشي ديبلووم
خرجو بجوج ضرب فيهم جو المدينة المنعش ودفع فيهم رغبة كبيرة باش يزيدو يتحاربو فهاد المدينة لسبب واحد هو تحقيق الذات….غاديين بجوج بيناتهم فقط مسافة قليلة كيبانو كوبل زويين وحديثهم كان كولو على نوع الخدمة لي ممكن يخدموها بجوج كمهاجرين جداد
وقفو امام شارع وسط المدينة معروف غير بلبوتيكات ديال الملابس النسائية والرجالية منهم ماركات عالمية ومنهم ماركات محليية
ايمان: نتلقاو فلعشية فالساحة
حذيفة: بيناتنا التيليفون
ايمان(بابتسامة )الله يسر لييك ياربيي
حذيقة: ليا ولييك ان شاء الله
مشاات وهوا بقا واقف متبع ليهاا العيين …كل مرة كيقول غيفاتحها فموضوعهم …علاقتهم وكيحس بييها رغم المشاعر لباينة فعينيهاا دايرة جدار بينها وبينوو حاس بيها كتقولييه منقدرش …اي شااب نفسو متقبلش الرفض وكدالك حذيفة … شاب لي كبر ف بيئة فشكل علاقتو مع النساء معدودين على رأس الاصبع …علاقة سطحيية وديما كتساليي قبل متبداا لانه بكل بسااطة مكيوصلش معاها لدرجة الحب
حذيفة رغم انه تمرد على باه فبزااف تاع لقرارات مكانش مواظب كان شااب باغي يعيش حياتو يتمتع بالزوين والخاايب …كيصلي وفنفس الوقت جرب يكمي جرب يشرب داك التشدد لي عيشو فيه باه فمراهقتو خلااه بحال داك الطير لي مليي كيتحل عليه القفص كيبغيي يطير ويجرب شنو تحرم منوو …هوا باغي يعرف فين الصواب وفيين الغلط ورغم كلشي غادي بمبدئ جوج دنووب مكيتغفرووش …الشرك والزنى بالنسبة ليه اكبر ذنب يرتاكبو فحق دينو هوا يز_ني ويمارس فلحراام مع وحدة يقدر يشوفها ليوم ينساهاا غداا
قاد لكاسكييط وشد الطريق العكسي لطريقهاا فجبعتو تصاميم و ديبلوم الفندقة
دورات رااسهاا لقاتو عاطيها بالظهر تبسمات لطيفوو ودورات راسها شادة صاك لي عاد خداات دايرة فيه فلوسها و لپاسپور و شهداتها فاللغة يقدرو ينفعوها فشي حاجة
كتمشا فالشاارع لابسة سبرديلة بيضة دجيين وتيشورت قصيير وعريض شوية …شعرهاا طالقااه راشة ريحتها شويية ودايرة العقد الملون فعنقهاا …توجهات لبوتيك ديال لحوايج لقات التحية على البنت لي تماا …
_بشنو نقدر نعاونك
ايمان: كنقلب على خدمة …عندي بزاف اللغات اسبانية فرنسية و انجليزية او إيطالية ..محتااجة الخدمة
_ممم فايتة خدمتي
ايمان؛ااه خدمت ولكن ماشي فايطالياا
_عندك الاقامة !
ايمان:نوو مزال معنديش (جبدات ليها لباسبور مداتو ليها غير شافت الجنسية مغربية تبسمات بجنب )
_مممم مروكينو مهاجرة
ايمان : اه
طلعاتها وهبطاتهاا منظرها زوين ولكن لبسها ماشي ديال الخدمة وقالت: نجربك واش تقدي على المسؤولية ومن بعد نشووف …اجي نوريك شنو ديري
فرحات من لدااخل غير شافت الروينة عينيها خرجوو كانو بزااف تاع لحوايج مزال فلبواطات خاصهم يتعلقوو وبلاصت تقياس عامرة حوايج خاصهم يرجعو لبلاصتهم فلعلاقات …شرحات ليهاا شنوو ديير …مدات ليها شوميز بيضة تلبسهاا …كتلبس ولخرى كتوريها اشنو دير
_ سبابط يتمسحو ويتعقمو ويرجعو لبلايصهم لحوايج كدالك كل بياسة ديريها فبلاصتهاا …ااا هاد الزاجات يتمسحوو …غتعاوني اي وحدة جات وتعاونيهاا تلبس وديماا (تبسمات ) تبسمي فوجه اي كلياان …متجمعييش وماا تهدريي الا الى سولوك
ايمان(عيات قبل متبداا )ؤك
اول حاجة عطاتها برودوي مسحات لمرايات وسبابط شكال ونواع كترجع كل حاجة حدا ختهاا
هدشي كيبان ساهل ولكن فيه تمارة وطوي كل حاجة ترجعها لمحال كبيير والبنات كتاار ولكن هي عطاوها تماارة اما هوما مشيكات كيستقبلو لكلياان هي ممنوع عليها تدوي
**
حذيفة بدوروو كان كيتسنا شخص يجي ف أتوليي ديال الخيااطة ..لابس مزياان نقص من اللحية وخففها شوية حيت مع عينيه مشفرات بزااف كتجيب لييه الانظار بلا قيياس …اما ملي كيعرفو اسموو عربي “حذيفة” كيقولو هدا ار***هابي مفيهاش الشك
تكلم بالايطالية كيلقي التحية على شخص كالس فلبيرو قداموو …الغرفة كبيرة امامو جوج مانكانات وبعض الجوائز و بزاف تاع لموديلاات …شاف فراجل كان قداامو ملف ديال الرسومات لي مطبوعة فيهم اسم حذيفة
هز الاخير عينو فحذيفة وقال :كلس
كلس بادب وقال:نتمنا يعجبوك
_ شنو اسمك ؟
حذيفة : تقدر تقوليا أمين النسب ديالي
_أمي الرسومات ديالك زوينين ولكن منقدرووش نزيدوك معانا …خاصك ديبلووم خااص بالتصميم و اوراق الاقامة ..تقدر تخدم فلاتوليي لتحت !
للحذيفة:لاا منقدرش
_(شد فايدو تصميم ) تقدر تبييع ليا هدا !
حذيفة(باستفهام)كيفاش
_كيف سمعتيني
حذيفة(وقف ونتر ليه التصميم من ايدو ) مزال حتى مبدييت نبييع ؟
تكا على لكرسي كيضحك وقال: مغتمشيش بعييد كون هااني
حذيفة : عقل عليااا وعلى سميتيي مزييان …سمعتيني هد ميني اتولي ديالك واحد نهار غنشرييهاا
جمع الاخير الضحكة وقال: هذا تهديد
حذيفة:هذا تحديي لواحد بحالك كيحتقر لي عاد باادي …عقل علي hu..dai…fa تهجااهااا مزيان غتحتااجهاا
خرج رادخ عليه لباب والاخير كيشووف
خرج معصب من تماا ابدا واش طاح فبالوو ممكن يطلب منو يبيع ليه مجهود شخصي ، باش ترسم وتخيل واحد لموديل جديد ماشي خربشة فقط كتحط فيه تركييز وغير بامكانيات تقدر تخرج تحفة جديدة لعالم المووضة …فداك الشخص استاغل انه حذيفة عاد بادي شاف موهبته فالتصميم وفنفس الوقت مبغاش مناافس لييه فلحرفة
ضربات فيه الشمس وهوا مخنزر خاصو غير معامن ..رجع لكاسكيط ديالو وغادي فالشارع كيبرد فدموو دار لوراق فكارطابل صغيرة فكتفوو … لفت نضرو واحد الاعلان معلق قدام ريسطوو انهم محتاجين لمساعد شاف …وقف الحركة ايديه فجيابوو كيفكر واش يزعم يدخل لمجال التااني ولا يكمل فطريق التصميم …يجرب مخاسر والو فايدو جوج تاع لحرفات قادر يعطي فييهم تنهد وهو كيحيد لكاسكييط وقصد الريسطوو لي صغير بطباليي بلعود وفوقهم ناب بلازرق ملون شكل الريسطو مزخرف من لعوود …مشا قصد لكونطوار لقا السلاام وجاوبوو لجيرون الخاص بالريسطو
حذيفة:شفت الاعلان بلي طالبيين شي مساعد
_سيي عندك شي ديبلووم !
حذيفة(جبد ليه ديبلوماتوو والاخير كيقرا ) سيي عندي حتى فلباتيسري
_ممم مغريبي !
حذيفة:اه
تبسم لييه وقال : تقبل تجربة
حذيفة:معنديش مشكييل
_عطيني اوراق الهوية ديالك
مد ليه لكارط ولباسبوور قلبوو وشاف فييه وقال : نتاا مهاجر على هد الحساب
حرك حذيفة راسوو بااه كيتسنااه اش يقول حيت ماشي كلشي كيبغي يخدم المهاجريين فبووسط بااين بحال هدا
_ شاف كويزيني خاصو مسااعد وهدشي غير لمدة 3
اشهر حييت المساعدة ديالو دارت حادث سير
سكت حذيفة كيفكر وفنفس لوقت لاخر دخل بديبلوم ديالو لداخل
انه يدخل فخدمة ويخرج راه معندو باش تفيدوو ..خاصو عمل يكون مستاقر فييه لمدة عماين الى بغا لوريقات ديالو فاقرب وقت هوا مستعجل حييت خاصوو يتعمق فالتصميم خاصو شهادات تخليه يدخل بوجهو حمر لشركات لكباار، ولماركات لكباار مكيعتارفوش بالهواية قد مكيعتارفو بشحال تاع الشواهد عندك
خرج الجيرون مبتااسم وقال: الشاف كيقول انه يجربك ليوم من بعد تقدر تبداا …اه والى عجباتو خدمتك راه يقدر يخلييك معااه(غمزو ) دير بلاصتك …اسمك حذيفة
حذيفة(تبسم )اخيرا شي حد نطقها مقادة
ضحك الاخير ومد ايدو لبهو قال(بلعربية):معاك محمد …تونسي
تبسم حذيفة وسلم علييه وقال بلعربية :شرف لياا
محمد: مامسموحش نهضرو بشي لغة اخرى حيت غيحسابهم توسطت لييك … بين مهارتك لييه حناا معروف عليينا الجدية في العمل
حذيفة:كون هاني
دخل موجهو لدااخل كيشرح لييه حتى دخل لكوزينة كبييرة فيها بزااف تاع الشباب كل وخدمتو كل واحد شنو الدور ديالو فيهاا كاين لي مكلف بأكلة وكاين لي مكلف بشوربة والشاف لكبير ايطالي لابس لباس ابيض واقفة حدااه بنت دايرة ايدها وراهاا كيوريها كيفاش تقطع لخياار بطريق عمليية وهيا كتسمع لييه حتى سالا وتوجه لجيهة حذيفة اومئ ليه رااسوو وهوا كيطلعو ويهبطو جاب لييه محمد اللبسا الخاص بالمطبخ فلابيض لبسو ودار لبوني على شعروو كيفما الكل دايرهاا تماا مع ليكات سودااء
نطق الايطالي الملقب ب باولو وقال: عندك مشكيل فاللغة !
حذيفة:نوو كنفهمهاا مزياان هيا والانجليزية والاسبانية
تبسم لييه وقال:بييني …تبعنيي …ليوم طبق الرئيسي هوا الحوت صوطي مع الخضر
باولو:كيف كتعرف هاد الريستو خاص بلوجبات ديال الحوت كاين لي كيجي على نفس الاكلة ديماا …وكايين لي كيطلب الطبق الرئيسي تاع داك نهار…عمرك خدمتي فهاد لمجاال
حذيفة: سيي خدمت فيه فاوطيل فلمغريب او رييستو فتركيا
باولو:يعني عندك فكرة على كل حاجة
التدربيات لطبق مخداتش منوو بزااف خاصوو يعاود داكشي لي دار الشااف ويصنع طبق حتى هواا ويدوقو الشاف قبل ميدوقوه لكلياان ..وداكشي لي داار كيتحرك بتلقائية قدام لبووطة مركز مع شنو كيدير كيقطع لحوت بسلاسة …كدالك الخضر قطعهم بطريقة احتراافية مخايفش من لمووس كتسمع غير “طق طق” مركز وعقلو كيقوليه مضربتيش تمارة فطريق باش تفشل فاول اختبار ليك …كانو عينين الشااف علييه وايديه ورااه وكيحرك وجهو بالايجااب حركة على انه حذيفة عجبو العمل الاحترافي ديالوو مكيضيعش مكيحرقش ومكيتلفش
فضرف دقائق مسح الطبق وقدموو لييه وحتى شكل كان احتراافيي ..خلا باولوو غير كيشوف هز لفورشييط وتقدم لطبسييل كيدوق ولحضة سكووت فلكوزينة كلهم مترقبيين اشنو غيوقع
نطقات شابة لصديقها بلهمس: معجبووش
_جاني العكس …عارف شنو كيدير
باولو:واو بيرفييكت بلاا (كيطرطق صباعوو كانه كيتدكر وكيوجه صبعو لحذيفة)
نطق حذيفة بتدمر حيت اسمو صعييب على لساان الغير عربي :حذيفة
باولوو : هود !
حذيفة:ح ذ يفة
باولوو : صعييب صعييب …غنختار لييك اسم يلييق بييك وسهل نطقوو
حذيفة:نوو تقدر تقولي لامين
باولو:لاميين ممم حتى هوا زويين (صفق فايدو )اليي لاميين وقت الخدمة
ايمان كان ضهرها بدا كيعطيهاا الحرييق ديال بصح معندهاش حق تهز حتى التيليفون الا فوقت لبوز لي مزال موصلات عندهاا …نفس الحاجة.. كيقيسو كيخلييو روينة وكتمشي ترجع كلشي بلاصتو باش يدخل كليان اخر ويلقا كلشي مقااد
هكا دوزات نهار حتى وصلات 4 مشات لعند البنت لي عيطات لييها كتحسب لفلوس وضعات فايدها 20 اورو وقالت: هدا خلاص اليوم لي دوزتي
ايمان:شكرا اا نجي غدا !
_نوو حتى نعييط لييك …فالوقت الحالي منقدرش نزيد شي حد اخر حيت هادا هوا الحد لي لازمني فلبنات …وقت لي كانت الخدمة كتيرة غنتاصل بييك حيت عجباتني خدمتك …
بقات كتشوف بصدمة بمعنى الكلمة بيدقاتها واستغلاتهاا فهاد نهار خلاتها دير لميناج غير بلخااطر والتمن لي عطاتها مكيتقارنش بتمارة لي ضربت هد نهار
خرجات معصبة ضهرها غيتقسم مواكلاش…باش تخدم فلعاصمة وفسوتنر بلا وراق صعييب الحال بزااف
تنهدات كتسووط …شيرات لطاكسي شافتو عاد ركبات اللور وصلها لساحة لي كانت بدات كتعمر بان ليهاا طارق كيصور فشي كاورياات بلكاميرا ديالوو لابس مزياان وقاد تحسينة زوينة تبسماات ومشات كلساات كتشوف فلحمام حتى شافهاا وجاي عندهاا
طارق:ايماان بخير !
ايمان:بخيير هاحناا …شنو كدير !
طارق(هز لكاميراا ) كندخلو صريف ههههه كنصور كيعطيوني لايمايل ديالهم كنسيفطهاليهم فلعشية وندخل صريف كل تصويرة ب اورو هههه
ايمان:هههه ضربتي ايدك بكري
طارق:هههه هدشي راه غير فلعشية فصبااح غادي نخدم مع هشاام حتى نشووف لي تسلك …معرت شنو دار حذيفة
ايمان:والله معرفت
طارق:مالك معصبة شنو وقع
عاودات ليه لبلاان وضحك :كان كيحساب لييا هد لبلان فينا غير حنا سير تنعيطو لييك بنت لحراام استغلاتك
ايمان:بقات فييا غير تمارة لي ضربت من نيتي فاللخر عطاتني 20 اورو
طارق؛ هادي هيا الغربة راه مساهلاش اختي غير بشوية بشوية حتى نديرو بلاصتنا راه مكيلقاها ساهلة غير لي كيسيفطو لييه واليديه لفلوس كل شهر كاري مرتااح كيقراا مكييجي فين يخدم حتى كيدير بلاصتو هناا اما حناا راه جايين من زيرو ضروري شوية العداب
ايمان(تنهدات )نتمناو خير
سيفطات مساج لحذيفة بلي كاينة فالساحة ومشاات كدور فييهاا بان لييها لولد مول لكيتار كالس فكرسي طوييل قداموو باف فلارض وطبسيل مدور من الفضة لي وقف كيسمع ليه كيرمي لييه شنوو قد كان لميكروو معلق حدا لݣيتار باش يتسمع مزياان ومكانش كيغني …مشات حدااه وهيا كتسمع لكيتاار تبسمات لييه ملي توقف ونطقات:سلاام
تبسم لييها وقالت: نغني معااك !
_كتعرفي تغني !
ايمان:سمع وحكم ههه
_يااه يااه اجيي
عطاها لميكروو التااني وقال:شنوو تبغيي تغني
ايمان :الصراحة محافضاش اغاني بزاف ايطاليية ولكن حافضة شوية
_sara perché temo !
ايمان:شكون لي محافضش هادي هههه
_ادا راك حاافضة هههه نغنيوها بجوج
حركات راسها باه متحمسة وكتشووف ف ناس كيدوزو من حداهم بلا ميوقفوو حتى بداا اللحن وطلق لموسيقى وكيعاون بلكيتاار … تنهدات كترمش وبدات كتغنيي ..لبضع ثوااني حتى بداو النااس كيتجمعوو شي كيصفق شي كيصور وهيا فرحانة مشاركة الكلمات مع لولد لي حتى هوا صوتو زويين
كان جاي الاخير من بعدما كمل خدمتوو كيسمع الموسيقى والناس مجمعة فواحد لبلاصة كل واحد كيشدو فضولو يمشي يسمع حتى ولا عامر تماا بان لييه طارق ومشا لعندو وهوا كيسمع فصوتها ولكن مامأكدش مدة مسمعها كتغني وبصوت مرتافع لاا
حذيفة:شكون مجموع هناا
طارق:الاسطورة ديالك طلقات المواهب ههه
حذيفة:ايماان !
متسناهش يجااوب مشا لجيهتهم كيدخل بين الناس وكيعتاادر حتى باانت لييه شادة لميكرو وكتغني بالايطالية كأنها لغتها الام …هز حاجبو باعجاب لهاد التحفة لي كل مرة كتغني بلغة واش فطرة ولا كدرب على كلشي معرفش هد الموهبة عندها اشمن لغة يشد جا حداه طارق وقال كانه عرفو فاش كيفكر :ݣوكل طراديكسيون صافي هههه
مجاوبوش وانما بقاو عينيه حاصليين ف ضحكة لي مزينة ملامح وجهها قليل فاش كيشوفهاا كضحك ان دل على شيء ف حبها للغناء كيفرحهاا …بقا كيسمع ليهاا وبما انه الاغنية حمااسية او الايطالين كيحماقو عليهاا فراه دارو روينة لي كيشطح لي كيعاود وراها الكلمات وهيا فرحانة خرجات من داك لمود فاش كانت قبل سااعة داباا
نتابهات لييه وضحكاات وهيا تسناا لموسيقى دووز باش تقول المقطع الاخير
حتى سلااات وتعالات التصفيقاات ومنهم حذيفة لي صفق ليهاا بابتساامة ليهاا مبعدش عينوو عليهاا …عطات لميكرو لولد وقال: واش كتكوني بزااف هناا
ايمان: اه انا ديما هناا
_شنوو بان لييك تبقاي تجي كل عشيية تغني معاياا !او لي ربحنااه نقسمووح بجوج …شنو بان لييك
ايمان: كيخلصووك
_سيي شنو قلتي …الصراحة صوتك وخة بلا مؤثرات وااعر وشفتي الناس كيفاش تفااعلوو معااه …شنوو قلتيي
قبل متعطي رأيهاا كانو لي مجمعيين كيصفقوو وكيطلبو اغنية اخرى وقالت:وخة ههه
_ نغنييو شي حاجة اخرى …
ايمان: حتى الغدا …دابا خاصني نمشيي وعييت الييوم
_ؤك فنفس لبلااصة غتلقاايني عطيني نمرتك
عطاتو نمرتهاا قيد اسمها وهيا قيدات اسمو ب “خوان “
خرجات من الحشد كتقلب بعينيهاا على حذيفة لقاتو كيتسناهاا وقال:كتبهريني كل نهاار
ايمان:هههه شوية وصافي
حذيفة: شنو كان كيقولييك
ايمان:قاليا باش نبقا نجي ديما هد الوقت ونغني معااه ولي ربحنا نقسموه بجوج
حذيفة:وشنو بان لييك !
ايمان:قلت ليه واخة …نجرب شنو خاسرة اصلا مزال ملقيتش شي خدمة
حذيفة:مم عاود لياا طارق شنو وقع ليك صبااح …عادي داكشي يوقع داباا وخة هكاك هاد لخدمة راه مدايرة لييك والو خاصك تعاوني بحاجة اخرى
ايمان:غنقلب حتى نلقا ماحسن ونتا شنو درتي
حذيفة:لقييت خدمة ولكن ماشي لمدة طويلة …الى طولات 4 شهور نديباني بيها بعدا بينماا
ايمان: صافيي …مالك شفتك مقلق
حذيفة: لاا غير هضرت مع خوياا وعرفت بليي الواليد باع لياا الموطور ضد فياا وصافي
ايمان(خرجو عينيهاا)المطور ديالك وعلاش باعو
حذيفةهز حاجبوو )ضد …عرفتي شحال تقاتلت باش شريتو فاللخر نوض نتا بييعوو باش يجهلني زعمة
ايمان:علاش كيدير معاك هكا …واش بيناتكم مشاكيل كبيرة !
حذيفة: حيت مكنديرش داكشي لي بغاا خرجت لييه من جنب
ايمان(تبسمات ليه ) ودابا تشريي حسن منو ان شاء الله (حطات ايدها على دراعو ) متقلقش
حذيفة:خلينا من هدشيي …كليتي شي حاجة …نمشييو ناكلو ونوصلك لدار …ياك هانية الامور مع زهرة !
ايمان: لا بخير مرتاحة حالياا ولكن الى تيسرات ليا الامور بغيت نكري بوحدي
حذيفة:علااش ؟
ايمان:هكاك بغيت نبدا بوحديي ونخلي علاقتي زويينة مع النااس
حذيفة: حتى هدا نضر … نمشييو!
ايمان:فين طارق
حذيفة:طارق عاد بداا خلييه يتبرد شوية هههه
ضحكاات ومشااو فطريق مرة مرة تهز عينها فييه ويتبادلو نضرة مع ابتساامة وتهبط عينيهاا وتنهد …بغاو يقطعو طرييق وبحركة عفويية شد ايدهاا حسات بلمسة ايدوو هبطات عينيها لايديه وهزات عينيها فيه لقات ملامح وجهوو هادئة ومركز مع طرييق
كيفاش هد الانساان حطو الله فطريقها كيبان ليها كامل الاوصااف والكمال لله ولكن كاع صفات الرجل فييه …علاش غيكون مخاصم مع بااه واش يكوون هد التصرفاات زوينة كيديرها غير معاهاا …لعبة استدرااج الفتيات !
ولكن معمرو فات الخطوط معاهاا عينين فاضحيين اعجابو بيها ولكن عمرو قلل علييهاا الحياء او طلب منها شي حاجة … هذشي كيزيد غير يتعمق فقلبهاا
مكتسخااش بجمعتوو …مكتسخااش بطريقها معاه …عارفة انه تعلقها بييه غلط هيا انساانة كان خاصها تعللم تقسح قلبهاا ولكن علاش هوا بالضبط مقدرااتش تصدوو عليها …علاش قدرر يدخل لقلبها دغياا
وقفهاا حيت هدر معاهاا ومجاوباتش وقف قدامها وطلق من ايدها وقال: فيين مشيتي
ايمان(تبسمات ) معااك …حذيفة واش نتاا ضريف مع كلشي ولا غير معاياا !
حذيفة: اش هد السؤال ! مفهمتش
ايمان:زعمة واش هكا كتعامل كلشي بنفس الطريقة لي كتعاملني بيهاا وعلاش
حذيفة: انا عيبي بعييبد بزاف ا ايمان هكا تربييت …كنعامل الناس زويين باش حتى انا نلقاا لحاجة زوينة قدامي …ونتي هيا ديك الحااجة زويينة …لي كضل الواليدة تقولياا الله الاقييك مع الناس زوينين
ايمان :عزيزة عليك ميمتك بزااف …كتهدر عليهاا ونتا فرحاان
لمس نضرة حزن فعينيها ونبرة صوتهاا كتحسر …كانو زغيبات على عينيهاا جرهم ورا ودنهاا كيشوف فيها : حتى نتي نهار تعرفييهاا غتولي عزيزة علييك بزااف
ايمان:الله اخليها لييك …غتكون حنينة وضريفة بحال ميي
حذيفة: كاع الامهات كيكونو حنان مكاينش ام خايبة
ايمان(بعد هدوء) راك غالط كاينين واليدين مكيستاحقووش داك الاسم فخطرة
سكت كيشووف فييهاا وفنضرتهاا المكسوورة ياله بغا يهدر قالت ضاحكة:راه فيا جووع انا لي غادي نخلص علييك هههه
سبقاتو وهوا تبعها بعينيه عارف ومتاكد بليي هازة ورا ديك الضحكة دمووع تقدر طيحهم دم ولكن دايرة جدار قااسح مبغااش لي يختاارقو ليهاا محصنة نفسهاا من الصدماتت ومبعدة عليها النااس …فقط بغاتهم يبقاو فجنب حياتهاا ميدخلوهااش
سكت كيشووف فييهاا وفنضرتهاا المكسوورة ياله بغا يهدر قالت ضاحكة:راه فيا جووع انا لي غادي نخلص علييك هههه
سبقاتو وهوا تبعها بعينيه عارف ومتاكد بليي هازة ورا ديك الضحكة دمووع تقدر طيحهم دم ولكن دايرة جدار قااسح مبغااش لي يختاارقو ليهاا محصنة نفسهاا من الصدماتت ومبعدة عليها النااس …فقط بغاتهم يبقاو فجنب حياتهاا ميدخلوهااش
بعدما كلاو تيسروو يرتاحوو كل واحد فيهم فبييت الضو طافي وعينيهم محلوليين فضلاام …صوت طموبيلات من زنقة بعض الموسيقى فشوارع لتحت
كتقلب فبلاصتهاا وكتنهد اما هواا ناعس فوق لكنابيي داير ايديه تحت راسو وكيشووف فالشرجم لي داخل منو الضو فلكنبي لاخر نااعس طارق
عقلهاا مضاارب مع قلبهاا فدوك الاحاسيس ليي عندهاا …مكرهاتش تعيشهم وتخرجهم لبرا كتفكر ماضيها وحياتهاا كيتعصر خاطرها من لدااخل …
تقلبات على ضهرها كتنهد …لقات راسهاا ولا حذيفة فحياتها شي حاجة ماشي عادية ماشي انسان ممكن تصادفو فكل وقت …ولا بالنسبة ليها شخص مهييم وكيف تنقولو ربات علييه الكبدة
كتشوف الى جا نهار ومشاا غتعاني بزااف حيت الامر فات مجرد اعجااب عابر المشاعر كبراات ولات غاارقة وفراقو غيكوون صعييب وغيفتح جرووح لي على قبلهم هربات باش يتسدوو
مع جنااب عينيهاا هبطوو دميعاات مع لمعة ضو الزنقة سداات فمهاا وتقلباات بجنب حالة التيليفون على صورتوو وهوا ضااحك ومبسم كتزوومي على عينيه لحيتوو ضحكتوو حاسة برااسها غرقاات فبيير غاارق مكانش خاصها من اللول تقرب لجيهتوو
*
على صورتهاا فتيليفونو كان كيشووف فييها وكيتمعن كيرمش وهوا كيشوف فملامحهاا زويينة والمرييحة للعين …تنهد وصبعو كيلعب فوق صورتهاا
مكانش نهائيا متخييل بليي يقدر يوصل حبو لييهاا لدرجة الحيرة انه باغي يعتاارف او يسكت
هوا من الشباب لي نفسوو عند نيفو ميمكنش يجر معااه بنت لمدة طويلة وهوا عاد بادي حياتوو …مزال ناقص مادياا باش يدخل فعلاقة مستقرة …خاطيه العلاقات العاابرة هواا فبالو فكرة انه فور الاستقرار ماادياا فهاد لبلاد يقاد وريقاتو غيستااقر عاطفياا مع زوجة هوا راجل كيحتااج ولكن عارف لحراام غيديه لهلاك وهوا فغنى على داكشيي …ولكن واش هد الاستقرار غيكون مع ايماان !
عقلوو حاير …وقلببو اكثر حيرة خاف يصارحهاا تصدوو خاف ميكونش قد هدرتوو ويضييع كلشي …خاف يضيع هاد الشعور لي كيحس بييه ويغلط معاهاا
طفا التيليفوون كيتنهد وهوا مقرر غير يقاد امورو ويحس براسو مرتااح غيفاتحهاا فلموضوع
*
أخاف ان احبك جدا فأفقدك وأتألم ، واخاف أيضا ان لا احبك فتضيع فرصة الحب ،فأندم
اخبرني كيف احبك بلا ألم،وكيف لا أحبك بلا ندم …؟
*
مر الشهر علييهم وعلى قدومهم لايطالياا كل واحد فييهم كيجري وراا اهتماموو بتحقيق الذات …طامع فحياة افضل ومعيشة زويينة …تحاجة مكتجي بالسااهل ضروري تكرفيص وشوية تمارة باش تقول اخيرا وصلت
تلاهاا فالريستوو فضرف شهر ولاا المساعد الايمن لشااف ديماا فجنبوو علمو اساسياات الطبخ واسراره حيت شاف فييه الطمووح وحب العمل …فوقت لفراغ ديالو ملي كيسالي خدمتوو كيمشي لسااحة مع اوراق الرسم وللعود لي كيحط علييه لورااق كيشد قنت ويكلس كيرسم الرسم الكاريكاتوري لبعض الاطفاال لي كيلعبو فالساحة نهار على نهار ولاو كيجيو عندوو باش يرسمهمم …كيرسم الفرحة على وجه اي واحد رسمو بطريقة مضحكة كيعطيهم الصورة مع توقييع اسمو لتحت كل صورة ب 10 اورو وكل صورة كتقدر تدي لييه سااعة حيت كيلونهاا
فلوقت لي ايماان كتعيط ليها مولات لمحال نهار اه نهار لاا ملي كدخل السلعة وكتبغي شكون يستف كتمشيي حيت ملقااتش الحد الساعة شي حاجة وفلعشية من ورا الربعة كتقصد السااعد عند “خوان ” كتغني معااه حتى لقرابة 12 تاع الليل لان الساع مكتخوااش …لقات استمتااعهاا فلغنا فلهواء الطلق …فاللخر كيقسموو داكشي ليي ربحوو …بدات كدخل صريف نهار على نهار داكشي كيتزااد وفنفس الوقت مرتااحة كتقداا ل زهرة شويية وكتقلب على لكراا فبلاصة قريبة لساحة حيت السكنة بعييدة على وسط لمدينة ب 40 دقيقة
الاخير كيكون مستمتع بصوتهاا وهوا كيرسم مرة مرة يشوف جيهتها وخة بعيدة علييه بلاصتها كتكون عاامرة وبليل كتر قليل فين كيجمعوو غير ملي كيكونو غاديين فطرييق
شدات فلوسها من خوان من بعدما سلااو دارتهم فصااك كضحك وتوجهات لعند حذيفة كتقلب علييه حتى وقفهاا شاب من وراهاا تقلباات جيهتوو وتبسم ليهاا
_سينيوراا نقدرو نهدرو !
ايمان:نو سمحلياا مامساليااش
_مغناخدش بزاف من وقتك
معطاتوش وقت بغات تمشي وشدها من درااعها بشوية ولكن كردة فعل منهاا شداتوو بايدها التانية قلباات صباعو لتحت تخرجو عينيه من الصدمة ونطق بجهالة: رخيي ايديي واش حمااقتي
ايمان:مقالوش لييك متحطش ايدك على بنت ؟
_باردوناا سينيوراا
طلقات منوو وعطاتو بضهر غادية تشاافت حذيفة جاي مخنزر فلي وراهاا خرجو عينيهاا ومشاات صدااتوو من صدرو بايدهاا كتهدر بهمس وقالت:والوو والوو مواقع والوو
حذيفة:لويتي ليه ايدو او مواقع والوو
ايمان:صافي عفااك (كتشوف فجنااب)دابا يتسلط علينا شي بولييسي وحنا معندنا منديرو بداك صداع عفااك ياله نمشييو
نطق الاخير بالايطالية مزال كيحك ايدو وقال :عندي لييك عرض عمل غير نتي لي فهمتيني غلط ..فرصة مكتعوضش (كيحك فايدوو ) شنو قلتي
تقلبات ايمان عندو او حذيفة وراهاا كيطلع فيه ويهبط نطق بلاصتهاا وقال:اشمن خدمة هادي !
قرب الاخير ليهم بغي يعرف براسو لكن حذيفة هزو وحطو محملووش مبايناش عليه ݣاوري من ملامحو السمريين وحروفو العربية من سواد عينيه وشعرو وداكشي لي غيأكد الشااب وغيقول : يوسف …(شاف فحذيفة ) وقع سوء تفاهم لا غير نيتي حسنة
حذيفة: مغربي !
يوسف:سيي من جيهة الاب
ايمان(بفضول) شنو الخدمة لي قلتي
يوسف: عندي ريستو فقلب المدينة …كندير فيها سهراات كل سبت وفباقي الايام كيكون الغناء فيهاا ايطالي … ريستو كتتهم بالاكل المغربيي والعالمي بصفة عامة …شنو ققلتي
ايمان:فاش ؟
يوسف:الاقتراح لي قلت لييك …غادي نعاونك باش توصلي …ميمكنش صوتك يبقا ضاايع فقط فساحة الدومو …نتي محتاجة صوتك يكون سامعو اي شخص علاش لا يتشهر
حذيفة:الريستو ديالك هيا لي بغا تشهروو
يوسف:المعارف دياليي …حيت هدا هوا المجال دياليي كنكون مدير اعمال بزااف تاع المغنين ليي بداو من عنديي وتعرفو ولاو مشهوريين (جبد ليها كارط فيزيت ديالو مدها لايمان لي كتشوف وساكتة ) فكريي مزييان وغداا جاوبينيي جي شوفي الريستو كيفاش دايرة وسولي على الصمعة زوينة تاع الريستوو
ايمان:واش باار ؟
يوسف(ضحك ) باار ؟ من قبيلة كنشرح لييك ريستو متنوعة وسط المدينة يعني شي حاجة لي الصمعة ديالها كبيرة ونتي كتقولي لياا باار ولكن ماشي مشكييل شوفي بنفسك عاد جاوبيي ..(حك لحيتو وهدر بلعربية ) انا نبغي نعاون لمغاربة شوية(كمل بالايطالية …وخة مكبرتش فيه ولكن كيبقا اصلي …شنوو قلتيي ؟ نتسنا جوابك غدا ؟
دورات راسها شافت فحذيفة لي هبط عينو ليها وهز ليها حاجبو ورجعات شافت ف يوسف وقالت: حتى نفكر مزيان ماشي بالضرورة غدا
بقا ساكت وتبسم ليها:كنتمنا التاخدي لقرار الصح بغيت نمد ليك ايدي لقدام لا غير …بوينا نوط (تصبحو على خير )
مشا وهيا شافت فحذيفة لي بقا ساكت متبع داك الشخص غادي يكون فاواخر الثلاتين داير فمعصم ايدو ساعة فااخرة وهاتف اخر مكاين لابس مزييان ومقاد لحالة
ايمان:شنو بان لييك
حذيفة(بقا متبعو حتى جات قدامو وهبط عينو ليهاا ونطق بهدوء ) فاش
ايمان:فهادشي لي قال هدا
حذيفة:واش نتيي غير لي قالييك جوج كلمات كتيقيي
ايمان: علاش غيكدب فهادشي ولكارط لي عطاناا
حذيفة: مدخلش ليا لراسي هاد خيناا
ايمان(ضحكات) واش كتشوف شي حاجة مكنشوفهاش ههههه نشووف الريستو ونحكم مخاسرة والو …الى كانت مزيانة نجرب
حذيفة(حك حاجبوو ) يكون خير غدا تسنايني حتى نمشي معااك
ايمان؛وخة
في تمام السااعة 5 ديال العشية لابسة كسيوة صيفية بحكم لحال سخن شهر 6 كيدخل بالصهد وميلانو معروفة بصهد شوية كسيوة بسميطات عراض حد الركبة كحلة دايرة صاك كرونة وطالقة شعرهاا لابسة سبرديلة كحلة ومكتافية بماكياج خفيف وعقد حذيفة دامجاه بسنسلة ديال ذهب ديالها حلقات صغار فوذنيهاا لا غير كتباان زينها هادئ كانت ضعافت على كيف كانت نضرا لطريق لي ضربات ومكتاكلش هنا مزييان مزال ملقات رااحتهاا …
كان جاي كيهدر فتيليفون حتى بانت ليه مهبطة راسها فتيليفون وشعرهاا مغطي وجهها جاي قبالتها وكيشوف كيف كتبان وسط لون الاسود بيضة وشعر كيبري بشمش …هزات عينيها فييه وكملات الصورة المثالية فعينوو …مكرهش يخبييها وتاحد ميشوف زينهاا …قرب جيهتها وقال:يكما تعطلت علييك
ايمان: لاا لا ياله نمشييو
مخداوش طاكسي لانوو الريستو بعيد ب 10 دقايق قررو يتمشاوهاا ويهدرو فهاد الموضوع
ايمان:على الله تكون منااسبة …وحتى هوا مغربي
حذيفة: وضعي شروطك قبل متحطي رجلك فاي بلاصة …
ايمان:عارفة غير كون هاني
وصلو لشاارع كيهزو عينيهم كتبان لييهم فطرف كبييرة وفيها 2 طوابق كلها مدورة بزااج ..مكتوبة فزاجة السوداء لفوق ” la lune” وحداه رياات مختلفة الاوروبية والعربية ومنها راية🇲🇦 لي غير شافتها ايمان حساات بالانتمااء رغم كلشيي ” الوطن لا ينسى”
الدخلة ديالو كانك داخل لاوطيل خمس نجووم لي كارض فلباب لفووق لفيزان عاليين فجنااب زااج داير عليهاا نوافدها من العود والزااج خليط من التقافة الايطاليية وبعض الاتاث المغربي …كان الاستقبال شابة تكلمات بالايطالية
_ واش عندكم ريزيرڤ !
حذيفة:لاا بغينا نشوفو يوسف
_شكون نقولييه !
ايمان(شافت ف حذيفة)محال واش عارف سميتي
حذيفة:وفين جايين ازعيبيلة
ضرباتو بدراعها لكرشوو مكملة الهدرة مع البنت وحذيفة كيسرح عينيه فالريستوو
ايمان:قوليه البنت لي هدرتي معاها لباارح وهوا غيعرفني
استأدنات منوو كتشوف فنااس كالسيين وموسيقى بيانوو خفيفة معرفاتها واش مطلوقة ولا شي حد كيعزف فشي قنت
_تقدروو تهبطوو لتحت !
وراتهم درووج هبطات او حذيفة وراها داير ايديه فجيبوو وساكت كيشووف اخرة هدشي …لتحت عاالم اخر منصة تاع الغنااء …كونطوار كبيير بعييد على طباليي سقف كلوو اضوااء …طباليي كل وحدة فيين مفرقيين وفوقهم فاز تاع لورد او شميعاات كل وحدة فقنت …المنضر كان وااعر كتشوف ديكوور رائع باينة كيجي ليهاا غير شكوون وشكون من الدخلة باينة ماشي اي واحد كيدخل …
هوما واقفين كيشوفو حتى تقدم لجيهتهم يوسف بابتساامة وقال:كنت عارفك غتجي (مد ايدو سلم عليهم ) غتكوني قررتي !
حذيفة:حتى تعرف بعدا شنو المطلوب منهاا
يوسف:اجي نكلسوو …تشربو شي حاجة !
ايمان:لاا بلاش
تبعووه فين غاديي وعينيهيا كيدوروو
طلعو دريجاات حتى لقاو راسهم فبيرو فيه فوطووي وطبلة كبيرة عالية عامرة صور يوسف مع منتجيين وفنانين جاو عندو لريستوو او لطاقط معاهم صور فلمدينة
كلسوو فوق لفوطوي جنب بعضهم ويوسف فجيهة لخرى بيناتهم طبلة تاع الزاج محطوط فوقها صحيفة وطاس تاع القهوة …خدا راحتوو وقال: انا لبارح ماشي اول مرة نسمعك …تقريبا من اول نهار غنيتيي صادفتك تماا …فهاد الريستوو محتاج لصوت كيتقن أغاني بلهجات مختاالفة
ايمان:ولكن انا مبغاش نغنيي غير هناا ..نتا قلتيي بلي كتعرف منتجيين وغتعاوني
يوسف:وانا عند كلمتي … (كيعبر بايدو )صوتك خاصو يتخدم باش يمشي بعييد خاصك تدريبات صوتيية …المنتجين هوما غيبداو يتهافتوو علييك ماشي العكس نتي غير تيقي بياا وجربي مغتخسري والوو
شاف فحذيفة لي طول لكلسة كيشوف ف يوسف وكيفاش كالس بنخوة علاش لا مضسرينو فلوسو وكيهدر بتيقة زايدة خلاتو ميكونش مطمن ولا غير الغيرة لي خلاتو يدوي مباغيهاش تخدم معاه … ولكن ميقدرش يكون عندو رأي فيها لانه كتبقا حياتها الخاصة
يوسف : شنو قلتيي ا ايماان
ايمان؛ انا خدمتي هيا نغني لا غير
يوسف:بلااصة محترمة وكيجيو ليها عائلات يعني معندك منااش تخاافي تقدري تجي تجربيي وتحكميي معنديش مشكييل
ايمان:صافيي
يوسف:من بعد التجربة نهدرو ديك السااع فالتمن …ااه عندك لورااق
ايمان:لاا مزال هادي شهر باش جييت
يوسف: غنعاونك حتى ديريهم فاسرع وقت كوني هانية الامتيازات لي غيكونو عندك مغتلقايهم حتى فبلاصة …(حيد رجل من فوق رجل او وقف وحتى هوما ناضو )غتسمحو لياا عندي اغرااض نقضيهم …غنتسنااك غدا مع 12 تاع نهار باش تعرفي على الفرقة لي غتخدمي معاها ودربي معاهم على الاغاني لي تغنيي
ايمان: ان شاء الله
تبسم ونطق بلعربية :انشا الله
شاف فحذيفة وقال: شفت نضرتك بانت لياا بحالا معجبكش كلامي
حذيفة: الوقت لي كتبيين
يوسف:تماما
خرجو على براا هوا سااكت وهياا كتمنا تكون بداية موفقة ليهاا خرجو على برا هزات عينيها فييه وقالت:اشنو بان لييك
حذيفة:نتي المعنية بالامر شنو بان لييك
ايمان(شافت قدامها ) فرصة نجرب ونحكم …لبلاصة كتبان نقيية مضنيتش نلقا فيها شي حاجة ماهيااش
يوسف:تماما
خرجو على براا هوا سااكت وهياا كتمنا تكون بداية موفقة ليهاا خرجو على برا هزات عينيها فييه وقالت:اشنو بان لييك
حذيفة:نتي المعنية بالامر شنو بان لييك
ايمان(شافت قدامها ) فرصة نجرب ونحكم …لبلاصة كتبان نقيية مضنيتش نلقا فيها شي حاجة ماهيااش
حذيفة:غدا غنكون خدام مع 12
ايمان(بابتسامة)متخافش علياا ومجيت لهاد لبلاد الا ونعتامد على راسيي احذيفة علاش نتاا غتبقا ديما حداياا
حذيفة(وقف قدامها ايدو فجييب ميل راسو فيها ) شنو زعمة كتجري علياا
ايمان(رجعات شعرها اللور كضحك ) منقدرش …(بغات تبدل الموضوع )كيف غادي مع الخدمة !
رجعو تمشاو كيهدور وقال: مزياانة لخدمة كتيرة طاليان مضروبين على كرشهم بزايد
ضحكات وقالت:عزيز عليهم لماكلة والنشااط نقلبوهاا تريتور احذيفة هههه نتاا تكلف بطيااب واناا نتكلف بلجووق
حذيفة:مزياانة وطارق كاميرا مان درنا كروب ف دقيقة
ضحكاات وقالت:همزة من داكشيي والله حتى تمشاا
حذيفة: نتمنااو خير ،شنو لبلان داباا
ايمان:غنمشي لسااحة عند خوان خاصني نلعمو بلي غدا مغنجيش من بعد الى عجباتني الخدمة نقولييه تشااو تشااو هههه
حذيفة :وخة …وخلي تيليفونك خدام
مشات لساحة وهوا مشا الخدمتو تلقات ب خوان دوزات معاه العشية كاملة عطاها حصتهاا من نهار
ايمان:غدا مغاديش نكون
خوان:علاش !
ايمان:الصراحة جاتني خدمة …غدا غنجرب
خوان:شنو هد الخدمة
ايمان:غنولي نغني فريسطوو
خوان:اشمن ريسطو !
ايمان(كتدكر اسمها) la luna
خوان:ااااه مم عرفتهاا
ايمان:مزياانة ؟
خوان:معروفة ديال واحد الايطالية سميتها لوناا ولكن راجلها ليي مسيرها يمكن من نفس جنسيتك …غير هوا مكيخدمش اي وااحد غير ليي غينفعوو ونتي بلا شك سمع صوتك
ايمان(ميلات راسهاا ) نتمناا ينفعني حتى هوا
خوان: كنتمنا ليك التوفيق. (مد ليها قبضة يدو ضرباتها بقبضة يديها كضحك )ولكن الى معجبكش الحال رجعي هناا كنتسنااك
تفارقاات معااه كتقلب بعينيها على حذيفة حتى صونا تيليفونهاا بنمرتوو جاوبات بابتساامة :ياله كنقلب علييك
حذيفة:سعداتيي
ضحكات كتقاد فشعرها :فيينك مبنتيش لياا فساحة
حذيفة: غير بقاي تما انا جاي عندك
قطعات معاه كتسنااه حتى بان ليها جاي مع طارق كيهدرو وقفو حداهاا وقالت:فين كنتوو
حذيفة(حيد لكاسكيط كيتاوب من العياا ) لقيت لكرا
ايمان:وااش بصح فيين اشمن بلاصة
حذيفة:بعيد على هنا شوية ولكن كوميم بعدا ماشي بحال طريق لي كنضربوها فصبااح …فجوج ديور بجوج بيهم مقابلين مع بعضياتهم
ايمان:ااه بصح
طارق:لقينا جوج بييوت خاوين
ايمان؛ فف حتى انا خاصني نقلب هلى لكرا
حذيفة: ماشي مشكيل غنديبانييو انا وطارق فبيت واحد حيت مزال الصالير على قد الحاال ونتي غتاخدي شومبر
ايمان؛او شحال التمن ؟
حذيفة:200 اورو فيها دوش وطواليط مشروكين وكوزينة حتى هيا
ايمان؛سكتات شوية : صافيي نتمنا الخدمة ديال غدا تكون مزيانة مع ديبار انطلب ليه افونص
طارق(ضحك) لا نتي طلبي كونجي نيشاان
ايمان:اش بان لييك اطارق نقولييه يلقا ليك شي بوسط تماا ؟ ياك عندك ديبلوم ديال الفندقة
طارق(شاف فحذيفة لي كيهز ليه حجبانو معرفو شنو بغا يقصد وقال)معرفت شدي بلاصتك بعدا ديك الساع نشووف
حذيفة:ياله تشوفيي دار
تمشات قدامهم كتقلب فتيليفونهاا وطارق بهمس
طارق:علاش كتهز فحجبانك !
حذيفة:قوليها اه
طارق:ياك اخويا وعزة نفسي
حذيفة: دهن بيها غدا لخبز
طارق:كتجرحنيي اعشيريي كتجرحني …شتك بحالا معجبكش لبلاان معجبتينيش هد الايام
حذيفة: والوو غير كنحاول نتأضابطا مع هد لبلاد وصافي
شدو طاكسي قصدو الحي لي فيه دار حي اقرب لشعبيي الحيوط ملونين بفعل الشباب لي كيرسمو “لݣرافيتي “
ديكورهم زويين وحتى البني ديالهم نقي وزوين …بالكوناات فكاع لبيوت تقريباا وشراجم طوال وقفو فالشارع ورما حذيفة عينو لفووق وقال موجه صبعو لفووق :لبالكون لي فييه لحديد كحل (دور ايدو لجيهة اليميين )ولبالكون لي مقابل معاه فيه ڤاز صغير
ايمان:مقابلين مع بعضياتهم
حذيفة:اجي طلعيي هناا حيت لكاورية كارية غير لبنات شوفي لبييت واش يناسبك ..
خلاو طارق وقصدو دار طلعو فدرووج لطبقة التالتة دق الباب وحلات ليه مرا كبييرة غليضة شوية بشعر ابيض قصيير ودايرة نضارات هازة تيليكوموند فايدها …تبسمات ليها ايمان وقالت:هااي
_مرحباا(شافت فحذيفة وتبسماات ) bel viso (صاحب الوجه الجميل)
ضحكات ايمان وهزات عينيها ف حذيفة وقالت:هادي عينيها فييك خههه
حذيفة(ضربها بصبعو لضهرها وضحك )طمري …ميا سينيورا
ايمان(غلب عليها الضحك )اويلي هههه
حذيفة:البنت لي قلت لييك على وديت شومبر
_اووه تفضلو
دخلات ايمان كضحك وقالت:هادي عينيها زايغاات ههههه مزيان لي مسكنة البنات
حذيفة:مزيانة لوريقات
ايمان(ضحكات)الله امسخك باك غتجيه جلطة
ضحك وشاف ف المرا حاضيااه عينيها قريب يخرجو القلووبة دعقااتوو وايماان وراه شبعات ضحك
مدات ليه ايدها وقالت: اسميي كارلاا
حذيفة: حذيفة (اشار لايمان ) إيمان
شكون داها فايمان عينها غير فييه معرفاتش تنطق اسمه وقالت:اسمك صعييب نقدر نعيط علييك ” bel viso” ونتا كريتي
حذيفة:مم عند السيدة لي رسلتيني عندها
كارلا:اوو كريستي مزيان …ايماا شوفي البيت
ايمان(بلعربية)واخيرا تفكراتني …يا صاحب الوجه الجميل
حذيفة:زيدي قداامي شداتك الغيرة معبراتكش
ضحكات معااه ومشاو البييت …كان مرتب سرير بلاصة وحدة ماريو صغيير تاع باب واحد تلاجة صغيرة وطبلة فوقهاا ريشو تاع الضو اي يعني كل كيطيب فبيتوو ولماعن الكاري كييجب شنو خاصوو …دوش وطواليط بوحدهم لي مشروكين معاها
ايمان:زويينة الصراحة وقريبة لياا لتماا (ضرباتو لجنبو )قوليها تنقص لياا
كان داير ايديه ورااه كيلعب بلكاسكيط وهبط راسو فيها وقال: استغلال هدا
ايمان:ههه عفااك اصلا مكاملش عندي لفلوس دابا كان خاصني لحوايج
حذيفة: نتي فلوسك غيمشيو غير فشراوط درنا المستقبل بكري
ايمان:اوى بصحتي ودوي لينا معاهاا
حذيفة:ااا (شاف فايمان)شنو سميت هادي ؟
ايمان:نسييت قوليهاا(كتعيب فييه )ميا سينيوراا
هز ايدوو جمع ليها وجهها ودفعها كضحك وبدا كيهضر مع كارلا باذب حتى نقصات لييه شوية وطلبات باش يخلصهاا دابا
ايمان:كارلا واش نقدر نبات فيها ليووم
من بعدما صورات لباسبور ديالها او لكارط مداتهم ليها وتبسمات لحذيفة وقالت:نتوما بجوج ؟
ايمان(رجعات شعرها وراها كضحك)نوو غير اناا هوا كراا هنا نيت
كارلاا: صافيي تقدري تبقااي (مدات ليها ساروت البيت ) ساكنين جوج بنات اخريين دوش وطواليط متاحيين لييك لكوزينة اطيبي فبيتك
ايمان:صافيي مزيان
جبدات لفلوس لي عندهاا وعاونها حذيفة ب 50 اورو لي عندو وقالت:شكراا
حذيفة:علمي زهرة
ايمان:اه غنعلمها
حذيفة:دونك نخلييك وغدا …ردي لباال لراسك ومتيقييش
ايمان(شدات فدراعو)كون هاني صعيب ندير التقة هد الوقت
ميل راسوو كيشوف فييها فحين كارلا خرجاات هزات ايمان عينيهاا فييه لاحضت انها مكتقدرش تبقا تشوف فعينيه بزااف دغياا كتحيدهم معرفات واش حشمة ولا توتر ولا خافت مشاعرها يتفضحو عكس هوا لي كيحاول يتشبت ب بريق عينيها لربما تفتح ليه مجاال يعبر ولكن والوو هز صباع ايدو وحيد شعر على جبهتهاا حتى بوورشها ونطق بهدوء:تحيدات لييك لطراس تاع طيحة لي طحتي فلغابة
ايمان؛ولكن ايدي باقة كتعطيني الحريق شي مرات وبقات فياا لطرااس …شوف
هبط عينوو لايدهاا كانو بعض نبشاات بااينين باقيين حمرين جداد كيبانو مقارنتا بلون ايديها لبويض
حذيفة:غيمشيو مع الوقت
ايمان(هزات عينيها فيه ) كنتمناا
كترمش وعينيها كيدورو على وجهو اما هوا نضرتو فيها تابتة
كان باقي شاد ايدهاا ملي شاف جرحات …قربها عندوو وقال:ايماان
هنا قلبهاا كيضرب بغا يسكت …مشاعرها لداخل كتغوت باش يسكت ميهيجش الاحاسيس وضييع بين الاختياار …مقدراتش تخدر لانه غتكشف ترعيدة لي شدااهاا ..معتقهاا غير كارلاا لي دقات لباب …نترات ايمان ايدها منوو وعطاتو بضهر تحل الباب بقا غير كيشووف
رجع لكاسكييط ديالو في حين تيليفونو صوناا من طرف طارق
كارلا: نسييت مقلتش لييك …انه كاين وقت محدد وكنسد باب داار
ايمان:ولكن انا الخدمة ديالي مزال معرفت شنو التوقيت فاش كتسالي
كارلاا:فشنو خدمتي
ايمان:غدا اول نهار لياا وغادي نعرف واش نكمل فيها ولا غادي نغني فواحد الريسطو
كارلا:اووو كتعرفي تغنيي …حتى انا كان صوتي روعة “bel viso” حتى نتا كتغني
ايمان(ضحكات ) لاا كيرسم
كارلا(تعوجات على لباب ) ترسمني ؟
حذيفة :ااا غنمشي …غنمشي حيت صاحبيي كيتسناني
كارلا:ولكن غترسمنيي
ايمان:معلوووم غيرسمك خطير فلفن
كارلا:الوسامة والفن ايي …بقا تجيي عندي (تابعاه ) عنداك تنسااني
سد الباب كانه هاارب منهاا وهيا كطلع علييه : bel visooo
ايمان وراها كتموت بالضحك السيدة بغات تلصق فييه لصقة وحدة
هبط لتحت لقا طارق كيتسناه وقال:تعطلتي
حذيفة:نتا راه واحد العاقيصة ميمكنش
طارق:قالياا هشام هد الطاليانيات كيحماقوو على المغاربة ههه خصوصا لعرفاتك بلا وراق غتلصقك (طرطق بالضحك)تخيلتك غادي عند عمي عبد الرحمن وتقولييه : بابا (بترقيق الراء) جبت لييك العرووسة
حذيفة: بديتي كتخرج على سطر اسيي طارق
ضحك عليه طارق حتى شبع ..فلوقت لي ايمان كطل من لبالكون حتى بانو ليهاا غادين ..هز حذيفة راسو وهبطوو ورجع هزو وتبسم ليهاا …شيرات لييه بابتساامة حتى مشااو تنهداات كتجمع فابتساامتها وكتفكر شنو كان غيقول ليها كونماا حبسش فاللحضة اللخرة …مصات فمها بحزن كتنهد وتعطي الخاطرها لي مقادرش يتقبل انها تفتح مجال لشخص كيفما كاان…كلسات فكرسي كيضرب فيهاا لبرد حاطة ايدها على الحديدة كتخمم …اه واش ممكن شي نهار تفتح قلبها وتعيش علاقة حب ؟
واش تقدر التييق وتامن راسها مع شخص ،ولا غيبقا ماضيهاا ملاحقهاا طول حياتها
كيقولو ان المضرور من عائلتو عمرو يبراا…هيا متاكدة انها عمرها تبراا ولكن كتمنا تنساا اصلها وتنساا طريقهاا وتنساا لي راابطهاا بيهم …كترجع تفكر نعيمة ويرجعو دكرياتها زوينة لي لابد ميسالييو بخيبة امل من طرف نورة مفسدة اللحضات بالنسبة ليهاا
ككل يوم ضروري قبل متنعس ترجع سينتا تاع حياتهاا تبكي على خيباتهاا او اشتيقاهاا ل نعيمة لي خلات جرح غاارق ميشفيه وقت ميرممو زمان
حطات لكسوة بقات بشورط وديباردو لتحت كان فلماريو ايزار ولغشا تاع مخدة مغسوليين و مانطة خفيفة ..بعض لعلاقاات ديال الحوايج او مجر بالساروت لتحت وطاجيرة فين تحط لحوايج لي ميتعلقووش
كلساات كتماصي رجلهاا …بعد طريق لي كانو ضرببو رجليها تكرفصو بزاف الوقفة لمدة طويلة ولات كتجيب ليهاا العياا …حتى من لي غيكل لي كانت كتجيهاا بلا مضرهاا من كترت البرد لي شربات فديك طريق جاتها اخر مرة محناتها لدرجة البكااء مخلات زهرة مخلطات وعطاتها
تكات كتلعب بتيليفونهاا وعقلها كيفكر
نسيفط لييه مساج نقوليه وصلتي ! ولا نطمر (تقلبات لجيهة لخرا )شنو فيها لسولت
بعد اخد ورد فدماغها سيفطات ليه مساج فيه * وصلتي *
تسنات الرد لكن تعطل …الاخير كان وصل وكيجمع فصاكو
هشام:والله اصاحبي حتى كون بقيتو معاياا تونسوني
حذيفة:تقلنا عليك بلا قيااس اهشام الله احفضك …والخدمة بعييدة على هناا راك عارف
هشام:الله يسر الامور …ومتغبرووش مرة مرة طلو
حذيفة:ان شاء الله
جمع حوايجو وكدالك طارق وتكاو فالصالون عاد هز تيليفون لقا مسااج من عندها بنص ساعة
حذيفة:وصلت ..هانية الوقت ؟ مرتااحة تماا
وصلها لمسااج وتكاات بابتساامة على اهتمامو زوين وقالت:هد الساعة مرتااحة… تصبح على خير
حذيفة: ونتي من اهل الخير ازعيبيلة
تبسمات لمساج ومرداتش باقيي
والليل طوييل والعقل خداام كيفكر ونفس الوقت كيقلب على نعااس …الراس عامر وكل وهموو فوق مخدتوو
ناعسة كتشووف فسقف كتفكر فغدا كيف كيدووز وشنو مزال كتتسنااها فهاد لبلااد مغتقولش الغربة حيت تغربات فوطنها قبل كل شيء ولات عندها منااعة من الغربة
في عز الليل كل وهموو كل و اوجاعوو لي باكي ولي فرحاان
نورة ف سريرهاا ف سجن الاضواء كانت بدات كطفاا وهياا مكمشة فبلاصتهاا شادة تصويرة بنتها ” نور” كتبكيي وقلبها كيتقطع توحشااتهاا داز شهر على اخر مرة شاافتهاا …كتعياا تصوني ل حسام يجيبهاا تيليفون طفاا …لقات راسها وحييدة بدون عائلة فلوقت لي كل السجينات كيجيو عائلتهم هياا لاا كتوصلها كل اسبووع تقدية باش تقديي من حسام ولكن اخبار مقطوعة …مزال قلبهاا عامر وحاقدة على ايمان حيت مزال عند فكرتهاا انها هيا سباب هدشي كلوو مزال حقدها عامي عينيهاا انه هديك فلدة كبدهاا …بكرهاا…ولكن هيا تفكيرها كامل امتا تشم ريحة نور وتعنقها
*
رائحة دخاان فكل مكاان كاس تاع شرااب حداه …نهار دخلها الحبس ضن انه عافيتو غتبرد … ولكن تحاجة مبردات هيا عائلتها تشتتات وهوا كدالك واقف على طلااق …تزير وعمر كريديات من مورا متحرقات داار المشاكل كتراات وايديه ولات كتسبقوو فاول نقااش …انذارات من الخدمة فالاخير لقا المانضة كلها كانت كتمشي لييه فديك دار فاللخر كلشي رجع رماد
جبد تيليفونوو على صورت ولادو توحشهووم ولكن نجمة كانت قاطعة معااه كتصوني غير لبغات مصروفهم
ايمان لا من يفكر فيهاا ..لا من يهز همهاا ويخمم فين تكوون حاطة بيها الدنياا…خلاو فقلبها جرح لا البعد قدر يداويهاا لا دموع قدرو يبردو عليهاا
طاح من ايدها تسبييح من بعدما اخيرا تسدو عينيهاا ونعساات
صبح صبااح كانت 10 تاع صباح ناضت كلهاا تقة انه غتبدا حيااة زويينة كيف بغااوهاا …خرجات لبالكون يضربها لبرد غير بشورط وشعرهاا مهمل على كتاافهاا …غمضات عينيها والشمش ضاربة فوجهاا كتااخد نفس لبداية يومهاا الجديد
دخلات لبسات كسوتها هزات صاكهاا وحلات لباب بالساروت خرجات وسورتاتو وراهاا حتى جات فوجهها كارلاا خلعاتها تشدات قلبهاا
كارلا(كتشرب فقهوتها)بونجورنوو
ايمان(كترمش فيها)بونجورنوو كارلاا
كارلا:تشربي قهوة !
ايمان:لا شكرا خاصني نمشي نجيب حوايجي
كارلا:غيجي معااك “belo viso”
ابمان:ااا لا لا خدام
كارلا (كتقاد فلبوكل لي دايرة فشعرهاا ) قولييه كنتسالك قهوة …مينسااش …اجي واش حبيبك ؟
ايمان(سكتات شوي) نوو صديق
ضحكات كارلا بنشااط وقال: va bene (مزياااان)
مشات ايمان كضحك حلات الباب وكارلا وراها ناشطة بكاس تاع القهوة كلساات امام تلفازتهاا وقالت: ooh Quanto è bello il moi amore (شحال زوين حبي)
ايمان مشات لسكن زهرة لقاتها فدار لانو اليوم السبت مكتخدمش جمعات حوايجهاا
زهرة: ولبلاصة زوينة فين كريتي
ايمان:بقاي تجي عندي الصراحة لبلاصة زوينة هههه ولكن واحد الشاارفة كريت عندها راه ميمكنش (عطاتها بضهر كضحك )بغات تحمااق على حذيفة
زهرة: هوا تبارك الله دري زويين ومقبوول (سكتات شوية ) عينيه فشكل بحال والو يكون زوهري
ايمان: لاا لا مضنيتش
زهرة: زعمة مكيعجبكش
ايمان(ضحكات وشافت فيهاا)يكما حتى نتيي حمقك ههه
زهرة:داكشي لي بقا لياا صاافي سالينا من داكشي
ايمان:علااش بااقة صغير اختي اويلي ياله 34 عام
زهرة: باركة علياا غير نكبر ديك البنيية ونزوجها هدشي كافيني …نتي لي مزال ديال رااسك زويينة تبارك الله وعينيك فاضحيينك غير قولي ههه
ايمان:ههه (سدات الصاك )لا مكاين والو ازهرة …هد السااعة باغة غير نستااقر
زهرة: بحال حذيفة دغيا تلقااي الزعراات كيحماقو علييه …كيموتو على الملامح الحرشيين طلعات ليهم زعورية فرااس
ايمان(بابتساامة)كل كيدي لي مكتااب لييه اختي …نخلييك داباا
زهرة(عنقاتهاا ) متغبريش جي عندي فلحد نخرجوو
ايمان:ضروري
خرجات معااها تشدات طرييق غادية وكتفكر الى شي مرة حذيفة لقاتو مع شي بنت شنو غيكون رد فعلهاا
دغيا نفضات الافكار من بالهاا وصلات لمدينة خدات طاكسي وصلهاا لمكان سكنهاا حطات صاكها وجبدات حوايج نقيين ومشات لدووش خدات دووش خفيف وخرجات كتلبس
مزال ياله كتحاول تشري لحوايج معندهاش شي حاجة مناسبة ومعارفاش شنو دير فلوسها مكافينش لحوايج غاليين ياله كتحاول ديباني راسها من المحالات تاع الحوايج المستعملة …ميلات راسهاا وهزات كسوة قصيرة شوية فوق من الركبة فلزرق جمعات ليها سيور جيهت صدر ولبسات شورط لاصق عليها فطول لكسوة فلكحل كتافات بسبرديلتها وصاكها الاسود حاولات تماكي شويية وشعرهاا معندها ليه لا بلاك لا والو نشفاتوو او زغبة تبوكلات لانه نشف من طريق رجعات كلشي لماريو وكيف ديما فلوسهاا واشياءها الثمينة كيبقاو فصاكها مع لباسبوور كتهزهم معاها فينما مشاات
جمعات البيت وخرجات خلات كارلا كتفرج قصدات الريستوو تعطلات حطها طاكسي ومشات كتجري تيليفونها كيصوني ملقات كيف دير تجاوب وقفاات قدام ريستو كتنهج كتقاد فشعرهاا مع الدخلة كيبان ليها يوسف طالع من دروج شافها وهز ساعتوو وقال: 5 دقايق روطارو
ايمان:سمحلياا ياله كنحاول نولف المدينة وعاد كرييت
يوسف؛ماشي مشكييل …اجي معاياا
هبطو لتحت كتشوف فجناابها وفسقف لي كلو مرايات وكيزيد يعجبهاا لبلاصة …لقات لبيانو كبير فالاسود فلقنت كتعزف علييه سيدة لابسة مزياان شعرهاا اسود
يوسف:لوناا
غير سمعات الاسم عرفاتها مرتو على معاود ليها خوان …وقفات السيدة العزف وناضت بكل رقي فعنقها عقد الماس وايديها خاتم كيلمع لابسة كسوة كحلة طويلة بعيون خضرااء وبشرة بيضاء …قربات ليهم بطالونهاا حطات ايدها فايد يوسف وتبسمات ل ايمان وقالت: ايمان ياك ؟
جاوباتها بابتسامة: اه تشرفت بمعرفتك
لونا: هضر ليا جوزيف على صوتك الفريد من نوعو وبقا عندي فضول نسمعوو
ايمان (كتقول فعقلها شكون جوزيف حتى سمعاتها كتقولها ل يوسف عاد عرفات وتبسمات ) ؤك
يوسف: غيخصني نعرفك على دراري …اجي
مشات لونا لجانب لكونطوار فين كان محطوط كااس معامرش تاع مشروبها كلسات ورجل على رجل مقابلة مع لبلاصة فين غادي يوسف وايمان
كان شاب هاز ݣيتار..او التااني الكماان او التالت الاورݣ باش يتحكم فجميع الالحان وطبول كدالك
ايمان؛مقلتيش لياا …واش غادي نغني غير الايطالية
يوسف:لاا انا مباغيش الايطالية بوحدهاا …كيجيو عندي من جنسياات مختالفة …بغيتك تركزي لياا على الطرب على الاغاني لي كيختالف لحنهاا …غادي نخصصو كل نهار بلغة (نضق بلعربية )كتغني عربي
ايمان:سييي
يوسف:مغرابي زعماا
ايمان:بحالاش واش الشعبيي
يوسف؛ سييي سي شعبي
ايمان:الصراحة مكنغنيهش بزاف(استغربات ) واش كديرو حتى هوا هناا !
يوسف:عرفتي فهاد لبلاصة غناو مغنين معروفين دابا فلمغرب …ولكن غير كضيف شرف ليلة وحدة …داكشي علاش اختاريتك باش تكوني جووكر لا لوناا (فتح ايديه )بغيتك تكووني شي حاجة خااصة بهد لبلاصة نتتي ماشي مغنية عادية نتي Camaleonte della musica (حرباء الموسيقى)
يوسف : نتيي غتكوني حربااء الموسيقى
ضهشرها بالطريقة باش كيهضر غير كترمش وقالت: كيفاش ؟
يوسف؛ مفهمتيش !
ايمان: سيي كنفهم اللغة ولكن شي كلمات لكانو غابرين مكنعرفهمش شنو هادي
وراها فالتيليفون الحرباء وشرح ليها و قال: نتي بحال هادي …عندك صوت كيتقن جميع اللغات وهادشي لي محتااج لييه …كوني اكييدة اسمك غيوليي من بين الاسماء المعروفين غير تيقي بياا
تبسمات لييه وقربو كيعرفها بلفرقة عرفات انهم متخرجيين من معهد الموسيقى جوج منهم من جنسيات مختلفة عربيا ولكن كلهم كبرو فايطالياا ..كلسات فلكرسي خدات لميكروو وكيتعرفو على بعضياتهم باش يكون عمل متقوون في حين يوسف مشاا لحدا لوناا كلس حداها وقال: كيجاتك !
لونا: ملي تسالي لبروفة بغيتك تاخد ليها تصااور …علاش لا جوج فواحد…ملامح وجهها كيقلبو على الشهرة
يوسف(شرب من كاسهاا )خلي بعدا حتى نشوفو واش غتقد على الغنااء هناا
على اتر كلامهم كانت ايمان كتخدم صوتهاا ودندن بلميكروو كأنها كتسرح صوتها …غنات اغنية ايطاليية بلكيتار فقط حتى سالات
يوسف: شنو بان ليك !
لونا: صوتها زويين
تفكرات تيليفونها جبداتوو لقات حذيفة مصوني 3 المرات كتبات ليه ميسااج ورجعات تيليفونها لبلاصتوو
كان مشغول فلكوزينة وعقلو معاها مجاوباتووش فوقت لبووز ميقدرش يهز تيليفون وقت الخدمة …كانت شاابة صغيرة فالسن تقريبا عاد بدات ايطاليية ..تبسمات ل حذيفة وبادلها الابتسامة ملي وقفات حداه
– اناا مارياا ..سيفطني عندك الشااف حيت اول نهار لياا
حذيفة(بابتسامة ) مرحباا مارياا…تقدري تعيطي ليا أمين
ماريا:صافي وخة …شنو ندير
حذيفة: غاتصايبي نفس لبلا لي كنصايب داباا …تبعيي شنو كندير باش تعقلي
ماريا(تبسمات ليه) وخة
هوا كيوريها وهي كتشوف خلسة فيه ومرة تبع معااه مرة تسرح فييه
جوج شبان ورااهم بالايطالية كيهدرو وهوما خدامين : جيمس مشا ليه لبووسط ديالو مع الشااف
_منظنش …هدا خدام فنوار راه معندوش الوراق
_اااه يعني مهاجر
_سيي ولكن شتو داخل سخوون
_مفهمتش كيخليو بلادهم ويجيو يتزاحمو معانا فبلادناا
_ششش غايسمعك
وفعلا سمعهم ولكن مهدرش ومعطاهمش فرصة كااع بقا مشغول فشنو كيدير والشاف كل مرة يدوق من عند شي حد كاين لي كيعقب عليه كاين ليي كتعجبو الحاجة لي دار
مابين اغنية واغنية كياخدو استرااحة ..جاها طبق تغدات مع لونا و يوسف فطبلة وحدة كيحاولو يعرفو منين جات كتكتافي تعطيهم لي بغاو يسمعو لا غير عرفات انه لونا عندهاا ماركا ديال الحوايج وطلباتها باش تجيي عندها من بعد
يوسف: بالنسبة لحوايج خصوصا لكساوي غتلبسيهم من عند لونا ملي تكوني كتغني لميكاب و الشعر حنى غنتكلفو بكلشي
ايمان: صافي
يوسف: نتلقاو فلعشية غتكوني واجدة
كلساات صونات ل حذيفة مجاوبهاش وقطعاات مشات لجيهة الفرقة كتهدر معاهم حتى صونا تيليفونهاا ناضت مبتاسمة قبل متهز تيليفون حيت معندهاش لي يصوني عليها من غيرو
جاوباتو غادية فلكولوار لجيهة لحمامات
ايمان: الوو
حذيفة: على السلاامة مالك مكتجاوبي
ايمان: لوقيتة لي صونيتي لياا كنت داخلة لريستو مقدرتش نجاوب …شنو كدير
حذيفة: انا فلپوز داابا ونتي كيجاك داكشي
ايمان: هاد الساعة مزيان العشية يباان(عضات على فمها) متحمسة فف
حذيفة:ماعرفتيش معاش غتساليي !
ايمان:الصراحة لاا كنضن 12 على مقالو لياا الدراري هنا
حذيفة: مم صافي مرة مرة بقاي تكتبي ليا مسااج باش يبقا بالي مرتااح
تبسماات وسندات جسمها على الحيط وراها كتشوف فلمراياا بقات مدة ساكتة عاد قالت: غتجي العشية ؟ غنبدا مع 9
حذيفة:غنحااول
ايمان:انا بغيتك تجيي عفااك
حذيفة: ايكون خيرر…خاصني نمشي داباا ردي لبال
ايمان:بااي ههه
قطعات معااه وديك لكلمة لي قال انه بالو مشغول عليهاا حسساتها بلفرحة تنهدات مبتااسمة وخرجات …الوقت كيدوز بسرعة دخلات لشوومبر فيها مراية كبيرة باضواء ومكيااج كتحط فييه بنت وبزاف تاع لكسااوي معلقيين فسانتر بلالوان
كلسات فلكرسي مقابلة لمراية ولبنت بدات بشعر كتقاد فييه وكتحيد فيه الاطراف لتحت …بوكلاتوو وبدات فلميكااب ولحجباان الظفار صبغاتهم وناضت كتختار ف لي غوب لي تماا لي طويل لي قصيير المزركش ولي لون واحد لمنبت بلحجر أنواع واشكال …استقراات فواحد ابيض ساامبل …بسميطات رقاق هابط من ستان من صدر ولتحت من جهة الخصر غادي وكيعرااض على طولو حد السبااط والفتحة طالعة حتى لجهة لفخض …لبسات سباط اسود زادهاا فطول وشافت فلمرااية …لغوب نحتات جسمهاا وعطاتها نضج كثر متعطيهاش 19 لسنة وانما فوق العشريينات …
طلقات شعرها على نصف ظهرها العاري …وخلات بعض الشعيرات لقدام فجنب واحد مغطي ليها جهة لوشم مكيبانش
دق يوسف وحلات ليه البنت غير شاف ايمان صفر وقال:Magnifica bellezza (رائعة الجمال )
ايمان :غراسياا ههه
الصالة بدات كتعمر بالناس لي كوبل و رجال اعمال ، فتيات كل طبلة وحكايتها ..كاين لي جا يدوز وقت زوين …كاين لي ف اجتماع العمل…كاين لي وصلاتو الدعوة من يوسف باش يكتاشف الصوت لي شكرو لييه …كل واحد وشنو عندوو
كان حذيفة گالس فلكونطوار قدامو طفاية تاع لكارو و كاس تاع لقهوة ..عاطي لناس بظهرو حتى ربت على كتفو يوسف وكلس حداه طالب من لبار مان مشروب
يوسف:كتشرب
حذيفة:نوو قطعت مدة هادي
يوسف:ادمان !…مزيان لي جيتي تشوف التحفة الفنية لي غتخرج لسااحة
تبسم لييه حذيفة ودغيا جمعها ملي هز لكاس يشرب قهوتو …مرتاحش لييه واخة يغمسوه ليه فلعسل …غير كيتبربص على قولت حذيفة فعقلو متابتش زايد نغزة فلحماس و انه تاايق فراسو بزااف …كلسات حداه لوناا بكسوة بلا ايدين وقصييرة كتبريي مع طالون عالي وشعر مموج …هز حذيفة عينو فييها لقاها كتعنق فيوسف دور راسوو كيسووط
يوسف: هدا صديق ايمان
لونا(شافت فييه ميلات رااسهاا كتسبل فيعينيهاا )بينفينيتوو …
حذيفة(اومأ ليها براسو وقال)بينفينيتوو
حيدات عينيها علييه بتقاالة وشافت ف يوسف وقالت : مزال ايمان ؟
باس ايدها وقال: اجي لطبلة ديالك شوية وتخرج
داها لطبالي لقراب لاسين فوقاش غتغني ايمان كيسميهم vip”
رجع كلس فلكونطوار يكمل كاسوو بعد دقائق ناض تانيي شاف حذيفة فساعتوو حتى كيسمع صوت يوسف فلميكرو كيهدر
يوسف: ليوم معاناا مفاجئة الليلة موهبة كانت من نصيبي نكتااشفهاا …كنقدم لييكم :Camaleonte della musica
حذيفة: كماليونتي (كمش حجبانوو معصب)اش هد زبل هدا
رجليها كيترعدوو ولفستان كل مرة تغطي بيه رجلها لي طالعة لفتحة تالفخض …طلعات دريجات كيبان ليها يوسف عاطيها ايدوو وخة بعيدة علييه مع طلعات ضرب فيها الضوو و تعالات التصفيقات و التصفاار وترووها شدات فيد يوسف وجابها لوسط فين كان الضو مركز عليهاا عطاها لميكرو ايدها كيترعدوو وقالت :Buonasera (مساء الخير )
نتابه لصوتها وتقلب لجيهتها من الصدمة بقا كيرمش ماشي ايمان لي كيعرف …مكياج بيينها اكبر من عمرهاا …فستاان كاشف لمفاتنهاا كأنها سيدة تلاتينية ماشي فعمرها فقط 19 لسنة …بياضها وبيااض لغوب خلااو عافيية تشعل فقلبوو بدل ميقول انها عجباتو ..كيشوف نظرات الاعجاب فعينيهم توشويش وحركاات كتدل على انها نالة اعجبابهم بداا خاطرو كيتزيير معرفش هدشي واش عادي ولا غير هوا لي محسوس
مقدرش كاع يطول الشوفة فيها عطاها بظهرو مغمض عينيه كيمسح فوجهو بتعب …مشاعر تغلبات علييه خلاتوو يدخل ايمان لقلبو بلا شوارو …حاس براسو مربووط حيت معندوش حق يدخل فيها معندو حتى صفة فحياتها من غير صديق الطريق لا غير
كانت كتقلب عليه بعينيها بيين الحضوور ديك الزرقة لي لمعت وسط لكحل وشفار ومكاييج كتيف ولكن جا معاهاا…بان ليها من جديد تقلب جيهتها مربع ايدو وباين مامرتاحش هي غير شافتو تبسمات لييه …بسم فموو ليها ورجع جمعهاا وهوا كيشووف يوسف حاط ايدو على ظهرها سرط ريقو وتفاحت ادم فحلقوو مشات وجات مسح على نيفو كيربت على رجلوو ويرمش …خبات رؤيتو ليها جسد لونا لي جاي قبالتوو كيتعوج …كلسات بلاصت يوسف وبجرأة جرات لكارو من ايدو لي مربعهم حتى شاف فييها وتبسمات لييه
لونا: شي مانع ؟
حذيفة:خودي راحتك
رجع نظرو بتخنزيرة لايمان ولونا كتكمي ونفس الوقت حطاه لوحة قدامهاا كتشوفييه وتميل عينيهاا من شعرو القوي حجبانو لمقرونين لحيتو وخمرية لونوو وعيينيه لحرشين…تفاحة ادم فعنقوو عطاتها صورة الرجولة قدامها
بدات لموسيقى وايمان عطات بالظهر لنااس بحالا كتزيد تشعل لعافية فقلبوو وهي نص ظهرها كيباان لفستان من الساتان الابيض نااعم كيبان ناحت جسمها من لفووق …
ايمان(غمضات عينيهاا كتجمع فالكلمات وهي على نفس الوضعية بداات بلحن بصوتهاا لاغنية اسبانية لي طلبها يوسف تدرب عليهاا ..اول مبدات كتغني جات صورتو قدامها تبسماات وهي كتغني باول الكلمات لاغنية “salomante tu” (فقط انت)
اغنية رومنسية هادئة خلات الاحاسيس تحرك ولحرقة لي عندو فقلبيو تبرد مع صوتهاا كتردد “tu” وهي كتشوف فعينيه كانها كتهدييه الاغنية وكتقووليه نتاا بووحدك لي حركتي فيا شحال من حاجة نتا بوحدك لي جربت معاك احساس جديدة حسيت معااك بالامان
يوسف كان جر لونا من حدااه والاخير عينيه لصقو فيها ومع صوتهاا كتغني كانهم ولاو بجوج فيهم وسط ديك القاعة الكبيرة هي كتغني باحساس وهوا واجه ضربة المشاعر لي تراكماات فقلبوو …نص لموجودين كيرقصوو على نغمات الاغنية الرومنسية منهم لونا و يوسف كيتبادلو القبلاات عادي …لوناا معنقة يوسف وفنفس الوقت عينيها كيهربوو لحذيفة لي جمد بنفس الوضعية عينيه لاصقيين ف ايماان
يوسف:كيف جاك صوتهاا ؟
لونا (وعينيها ف حذيفة ) حمقنيي …حمقنيي
تسالات ديك الليلة وهي راضية ان الامور دازت مزياانة وكانو النااس باينة عاجبهم غناهاا ..سلات على اثر تصفيقاتهم المتتاليية هبطات قاصدة لبييت بابتساامة …كلسات امام لمرااية بغات ديماكيي وجهها حتى دق لباب ودخل يوسف
يوسف: وااو وااو وااو (كيصفق) نتي حطمتي توقعاتي
ايمان(كتحيد فالشفار)شنو كنتي متوقع
يوسف : تخاافيي ولا تلفي ولكن كنتيي وااعرة من اللول عرفت انه نتيي علامن كنقلب …(سرح ايدوو ) اشنو بان لييك ف اسم الشهرة : حرباء
ايمان(ضحكات )هههه لا عندي اسم خاص بياا
يوسف: شنو هوا !
ايمان (شافت فلمرااية كترمش )
**
ايمان : ميي شنو كان كيقولييك جدي باش كيعبر لييك هههه
نعيمة: كان الله ارحمو تيقولياا الحمامة البيضا دياليي
ايمان: وينووو ههههه جديي كان كيعبر هااه
نعيمة: متء كوني تحشمي ههه
*
طرطق صباعو قدامها: اييييهوو فين مشيتي
ايمان: colomba bianca
عوج فمو كيتمعن فلاسم وجر شعرها من على كتفهاا لاحظ وشم الحمام وقال: باينة عندك قصة طويلة مع الحمام …هو الصراحة ليوم كنتيي بحال شي حمامة بيضاء ختاريتيي لبيض باش يكون اول ظهور لييك بييه معلييكش …ادا bianca هوا اسم الشهرة ديالك ابتداءا من اليوم …اه نسيت غدا جي مع 12 غتكون عندك جلسة تصوير باش ناخد تصاورك يتحطو فلباج فلفيس الخاص ب ريستوو
ايمان:ؤك (تفكرات طارق)كنعرف واحد لولد پروفيسيونيل ف التصاور
يوسف؛ هوا عندي لي كيصور لياا …ولكن ماشي مشكيل قولييه يجي ونشوف ديك السااع
ايمان: ااه يوسف بغييت أڤونص
تبسسم وجبد لفلوس من لبزطام وقال: بكل سرور …هادو اعتابريهم بداية ماشي أڤونص فآخر الشهر غايوصلك صاليير محترم …ايماان كوني متأكدة مغتندميش …كاملين غنربحوو من بعضياتناا..
جبد ليها اوراق نقدية بقيمة كل وحدة 50 اورو (500درهم ) معرفاتش شحال دارتهم فصااك وطلبات منو يخرج باش تلبس حوايجهاا …
لبسات عليها هزات صااكها وهزات صااك تاع عشاها فضلات تعشا فالدار براحتها
خرجات كتقلب بعينيها على حذيفة ظنات بلي مشاا..حتى جر ليها الصاك من وراهاا ودارت كضحك وقالت: حسابني مشيتي
حذيفة: شكون نتي !
ايمان:النمرة غلط
حذيفة: كنتي وحدة اخرى لداخل ودابا وحدة
ايمان: شفتك قبيلة (تمشاات فجنبوو )كنتيي ماهواش …شي مشكيل فلخدمة
شافييهاا بغا يهدر وحبس تيقول فراسو مطاحتش فبالها يكون معجبنيش لباسها غرت …يعني معندو علاش يهدر
حذيفة:لا غير لعياا
ايمان: بقا تمشي ترتااح فداار مكاين لاش تبقا تسناني ونتا كتصبح خدام انا غنصبح نااعسة ههه
حذيفة: يااك !.(حك لحيتوو ) مجابش ليك راسك تحمستي شوية فداكشي لي لبستي ؟
ايمانضحكات ) هههههه تحمست بزااف صراحة هههه ولكن جاني وااعر متكدبش هههه
حذيفة(قلب شفايفو هاز حجبانو ) نتي تعرفيي
ايمان: عارفة حدودي متخافش (بغات تسد النقاش )ااه غدا قالياا غناخد تصاور باش يحطهم فلباج فلفيس …وقلت ليه بليي كاين طارق وقاليي يجي معاك مع 12 …قولها ليه عفااك يتسناني ونمشييو بجوج
حذيفة: صافيي وخة (شاف قدامو)محسينا تضربنا نص الطريق …نشدو طاكسيي
ايمان: ااه عييت بلوقفة
تقلباات كدور عينيها على طاكسي وهوا عينيه علييهاا حس بيها فرحات بهد الخدمة ولكن علاش هوا محملهمش وفهاد اللحظة جات فبالو اللقطة مني خرج كيتسنااها حدا الريستوو كيكميي حتى كيسمع طالون وراه مع دار لقا لوناا شادة لكاروو وباينة شااربة تبسمات ليه وقالت: شنو سميتك
طلعها وهبطهاا معرفش علاش كيتسلطو علييه غير الشارفات فهاد لبلاد عض شفايفوو وتنهد وقال: حذيفة
لونا: خو خوفي
حذيفة(بهدوء) أميين أمين
لونا:أميين (مدات ليه ايدهاا) تشرفت بيك
بقا كيشوف فاديهاا لثواني ومدها كيسووط سلم عليها بطراف صباعو ودغيا جر ايدو خلاها منشورة
لونا: نتا جديد فايطالي …مروكي ؟
حذيفة: سيي
لونا: نتاا عارض ازيااء ؟
شافيهاا ديك الشوفة تاع منيتك اخالتي و نقط بهدوء: لاا
حذيفة: كنعرف واحد الصديق دياليي كيقلب على عارض ازيااء والصارحة نتاا متوفرين فيك الشرووط … “طويل” “زوين” “رياضي ” “زوين” (ضحكات)هههه قلتها جوج لمراات هههه
حذيفة: سمحيلياا خاصني نمشيي …ومكنقلبش على خدمة شكرا
مشا عاطيها بالظهر مخليها كتكميي ومتبعاه بعينيها
**خ
ركبو فطاكسي ساكتين هوا لقدام وهي اللور جابدة لفلوس كتحسب فييهم بفرحة ماتوقعاتش يعطيها هدشي ككانت كتقول ايعطيها باش ديبانيي ولكن هوا عطاها (400 اورو)
خرجو عينيهاا وفرحاات حيت غتلقا باش تصرف
هبطو من الطاكسي بغات تخلص لقاات حديفة خلص
وقفو تحت الداار فين ساكنة هي وقال: تصبحي على خير
ايمان(جبدات لييه 100 اورو كان كل مرة كيسلفهاا ) عطانيي يوسف باش نقضي بينما تخلصت وهادو كتسالهم لييا شكراا
شاف ايديها و ظفارها كيبريو باللون الاحمر وبيوضيتهاا ماكرهش يشد ايدهاا حتى كيبانو ليه لفلووس وسطهم وشاف فيهاا
ايمان: حذيفة وشد عفااك حتى نتا راك مقااتل مع الوقت
حذيفة(رمش كيشوف فييها بهدوء ورجع باللور قبل ميعطيها بالظهر ) : سيري تنعسي
خلا ايدهاا منشورة بفلوسهاا مزادتش معاه كلمة وحتى هوا مضاارش جيهتهاا
ميلات راسها وطلعات فدرووج كتحل فلباب لقات كارلا كالسة ناعسة فلكرسي كيتحرك بيها تلفازة شاعلة قبالتهاا ..سدات لباب بشوية ومشاات كتسلت لبيتها سداتوو عليهاا وكلساات فوق سرير حطات صاك تاع لعشا فوق الطبلة حيدات سبرديلتها كتماصي رجليهاا…كمشات وجهها حيت نشفوو ليها وخاصهم عنااية خااصة باش ياله ميبقاش فيهم لجفاف ولفطريات فالظفار من اثر الطريق ولماا لي ترطبو فييه لمدة طويلة …ناضت لدوش غسلاات ورجعات سدات عليهاا مشات لبالكون لقات لبالكون ديال حذيفة محلول قاليها راسها جيبي لي جوميل ديالك لي كان كيستعملو فلغابة باش تشوف بعييد وتقابليي شوفي شنو كيدير …ضحكات ومشات هزات صندويش ديالهاا وليجوميل ومخبية بلحديد تاع لبالكون دارتهم فعينيهاا كيبان ليها لبييت خاويي …شوية بان ليهاا عاطيها بالظهر داير فوطة على جنبوو هز تيليفون من حدا راسوو عاطيها بجنب كيهضر غير يشوف جيهة لبالكون تهبط راسهاا وترجع تشوف كتبركك …بانت ليها توحييمة فظهرو …كتافو عرااض ولكرش معندوش اول مرة تشوف صدرو عريان ..حمقها تناصق جسموو وشعر فايديه كيبان كحل …كضحك غير بوحدهاا وهي حاضيياه حتى زلقات ليه لفووطة بلخلعة لاحت لي جوميل غوتات وتخباات فمها عاامر كانت غتوحل ليهاا تحنات على ركابيها كطل من لحديد لتحت بان لييها سد لبالكون ودار الريدو مظلم
بقات كتولول وتقول واش عاق بييا ..هي مشافت والو غير شافت لفوطة زلقاات دورات راسها بلخلعة
ومشات كتزحف لبلاصتهاا كضحك طلعات لبلاصتهاا وتكمشاات كتسنط لعظامها وكطلع وتهبط فلفيس دخلات لپاج الخاصة ب الريستوو بان ليها مقطع من السهرة ديال ليووم قفزات بفرحة كتسمع لييه وهي كتبان وسط داك الظلام والاضواء بلبستها البيضاء تماما كيف شي حمامة شافت اراء النااس كلشي مبهوور بالصووت والجماال عجبها الحال …وشكون لي مكيعجبوش الاطراء
الاطراء غذاء الانثى …
سدات تيليفونها بعد وقت طويل طفات الضو وتجبدات تنعس
في اليوم الموالي صبحو عينيها مجبديين بنعااس شافت الساعة لقات 10 لقات مساج من طارق توبات كتقرا فيه
طارق:ايمان بغيت نصوني ليك خفتك تكوني خاامرة …غتلقايني حدا الريستو مع 12
جاوباتو ب ؤك وناضت دير روتينها اليوميي سيفطات صباح الخير لحذيفة ولكن مردش عليهاا كتغسل فسنانهاا ف دوش وبالها معاه يكما مقلق على لفلوس لباارح ماموالفاش لييه ميسيفطش مساج فالصباح …لغات الموضوع من رااسها ومشاات لبسات عليها دجيين وتيشورت هزات صاكها جمعات حوايجها وهزات لفلووس مشاات كتقلب فيين تفطر دايرة نظارات شمسيية وعينيها على الغادي و الجاي كان الجو مشمس وسخوون الزنقة معامراش كيف موالفة …صونات لييها المسؤولة على محال تاع لحوايج ..ميلات فمهاا وقطعات عليهاا كملات صباحهاا شدات طاكسيي وقصدات الريستو لقات طارق واقف بكارطابل صغيرة فيها لكاميرا ديالو قصداتوو لاخير كان ساهي تغفلاتتوو بخلعة هي كضحك وهوا شد قلبو
طارق: طيرتيها منيي
ايمان:هههههه خاصك تكوي على الخلعة هههه
طارق: كيداز لبارح عجبك لحال هناا
ايمان(ميلات راسها)معاودش لييك حذيفة !
طارق: مدخلتش لدار بكري لباارح لقيتو نعس صباح فيقنيي قاليا اش كاين وخرج
تفكرات لباارح وبدات كدور فعينيهاا وقالت: داز مزياان الصراحة عجبني لحال ياله ندخلو لنصدقو معطليين
دخلوو ونيشاان لتحت كيشووف طارق فداكشيي وكيصفر …مشاو لبيرو ديال يوسف لقاوه كالس كيشرب قهوتو
يوسف: جيتو فلوقت مزياان
ايمان: خفت نتعطل علييك …هدا طارق لي قلت ليك لبارح
سلم عليه طارق بلايد
يوسف: شنو تشرب اطارق !
طارق:ميحتاجش شكراا
يوسف: غيخصك لماتريال تاع تصاور غيجي المصور لي كنعتامد علييه ديما …ديك الساع بيين لييه شنو كدير …تقدر تمشي معاه بعيييد
طارق (بامتنان)شكراا
يوسف(بابتسامة)الى معاوناش ولاد لبلاد شكون غنعونوو …ايمان لكوافير كتسناك لتحت بغيتك تكوني وااجدة
تبسمات وشكرااتوو هبطات لتحت لشومبر لي كتبدل فيها لقاات جوج بنات كيتسناوها
هوما كيقادو فشعرها وهي شادة تيلي كتسنا رد حذيفة لي مجاوبش …صونات لييه ومجااوبش وبقا بالها معااه …بقات بلا خااطر …حسات بخاطرهاا مزير علييها …لهاد الدرجة ولفات قربوو ولفاتو يسول عليها ديماا …شنو غادي دير الى تقطعات علاقتهم
جاها السؤال فبالهاا وتقدات فبلاصتها حاسة بلخنقة …بقات سارحة فمشاعرها جيهتو حتى لقات راسهاا تقدر تحطم بلا بييه وهدشي ماشي فصالحهاا مخصهاش تضعف للحب وضيع حياتهاا فلبكا و الشكاا …قدامها مستقبل خاصها تبنييه وتوقف على رجليها
حطات تيليفون ولكن مقدراتش تلغيي احاسيسها فقلبهاا صايبو ليها مكياج برز عيونها او لبساات فستان قصير فوق من الركبة بشوية بكمام منفووخة وعنق على شكل مربع باللون الاسود مرصع…حيدات لعقد ديالها دارتهم فصااك وخرجات لمكان التصوير
كانت اضواء وبعض المضلات ..ثوب اخضر فلخلفية وكرسي لوسط …طارق كان واقف مع المصور كيورييه طريق تصويره …حتى شاف ايمان دخلاات ..حرك حجبانو باعجااب ولكن دغياا رجع لكاميرا مطولش فيها الشووفة
بدات مرحلة التصوير …طارق بمساعدة المصور كيورييه الزاوية لمناسبة لصورة …كيمشي لايمان كيوريها لحركة لي دير باش تبيين راسهاا
تخداو تصاور بدقة…جمعو لماطريال وايمان مشات تمسح لحالة ..رمات عينيها لتيليفون لقات مسااج فرحات قداش وحلات كتقرااو ” مزير فلخدمة نخرج لعشية ونهدرو “
صافي ! مسولهاا واش بخير كيداز تصوير والو برر غيابو بجوج كلماات …مجاوباتش حطاتوو وقالت فنفسها يمكن تقلق على لباارح
لبسات حوايجها وخرجات مع طارق
طارق:ايمان معاش غتبداي الخدمة !
ايمان :4 خاصني نكون هناا باش ندرب معاهم على شنو نغني و 9 كنبدا
طارق: مزيان اا عقلتي على البنت لي قلت لييك كاينة هناا
ايمان(ضحكات)ههه مالهاا
طارق: درت معاهاا ليوم باش نشووفهاا
ايمان:هاااي هاي مكضيعش الوقت هههههه كتقلب على الورااق اطارق
طارق(ضحك) هههه لا لا هي براسهاا مزال كتقرا …بغيت نمشي ناخد شي حوايج وبغييت رأيك
ايمان: بغيتي ضربها على الشعاا وصافي هههه…اجي هناا كاين واحد لبوتييك ديما كنشوف فيه الصولد
تمشااو كيهدرو توصلو. ل بوتيك خاص بالرجال …دخلوو كيشوفو شنوو يااخد وكضحك عليه حيت تالف
طارق؛ايمان تي هدشي مكاين غير 30 اوروو لفووق
ايمان:ههههه (هزات تيشورت فلكحل ) اوى لي بغا العسل يصبر لقريصو
بقاو كيقلبوو هناا وهناا حتى كمل اللبسة لي ختار ومعاها سبرديلة خرجو وايمان كضحك علييه وقالت؛ شوف راه طريق لبنات فيهاا خسران لفلووس
طارق: وباااينة هههه اجي ندي ليها شي حااجة
ايمان: قلتي لياا شعرها بوكليي (حرك راسو باه وضحكات)خود ليها مشطة دير فيها خير ههههه ناري تسمعني هههه
طارق:هههههه دابا بالمعقول شنوو ناخد ليهاا شي كادو جيست التعارف وصافي
دازو من حدا بوتييك تاع الاكسسوارات ودخلوو لييه وقالت: خاصك تاخد ليها بدوقك حيت دوقنا حنا البنات معروف ههه من طيارة تعرف بنت لي ختاارتو
طارق(ضحك وهز واحد السلسة نقرة وفيهاا فراشة صغيرة بحجيرات ملونين ) كيجاتك !
ايمان: زوييينة (شافت التمن وضحكات )حتى التمن زويين
طارق(تلغات ضحكتوو بالصدمة ) واش مشللة بدهب
ايمان: وغير نقرة هاهي مكتوبة هههه ولكن راه شياط
طارق: شنو بان لييك
ايمان:خودهاا لييهاا الى كنتي كتشوف هد البنت تستااهل
بقا كيشووف فسلسلة وقال: نغامر
ايمان:فلوس لبن كلاهم زعطوط ههههه لي صورتيه اليوم حطيتيه ا طارق هههه لبنات راه كيخويو جييب اصديقي هههه
ضحك وهوا متوجه لاكيس رمات عينيها على لمحال قشعات كاسكييط بنواع مشات جيهتهم …كتهز فكل وحدة وكتشووف …هزات وحدة فلكحل فيها فجنب علامة فلحمر صغيرة ديال لمارك …عطاتها لبنت دارتها ليها فلبواطة ديالهاا ديال لماركة وتوجهات لاكيييس ونطق طارق كيضحك: ماشي غير لبنات لي كيخويو جيب تا دراري
ايمان: برد على رااسك ههه
حطات 50 اورو فكاسكيط وخرجات هازة الصاشية وطارق هاز صاشياتوو ونطق كايضحك :الحب كيضرب جييب هدشي مصالحش
ايمان: ههههه مزال مشفتي والو فعالم الانااث ههه
تفارقوو فشارع هوا شد طاكسي لدار يبدل ويمشي وايماان مشات تقدات ليهاا شنو خاصها من حواييج وسقااطة تحطها فلبييت خدات نص حوايجها غير كساوي وشورطات وصنيدلات صيفيين …مشات لدار كتقييس فرحاانة انها ولات كتاخد حوايج جداد مقابلة مع لمراية لي ملصقة فلماريوو فرحانة بطايتهاا الممشوقة لي لبساتها كتواتيهاا باقي شعرهاا مموج من قبيلة …استقراات فتيشورت لارج مع كولون اسود فوق من الركبة لبسات سبرديلتهاا دارت صاكها خرجات هازة لكادو وتوجهات لريستوو دير لبروفة ديالهاا
**
عند يوسف شاد تصاور فايدو وقدامو رجل اخر كيشوف فتصاور وقال : ضبرتي على جوكير ناضي …صوت وصوورة
يوسف:اش معروف علياا ! il cacciatore (إلكاتشاتوري * الصياد )
_معلييكش
يوسف : بقا ضبر لينا على اعلاناات ..اشهارات
_غير توريها للاعلام مرة اخرى غطير منك …(كيشوف فالصورة ) كون متاكد مغطولش عندك الى تعرفات
يوسف:كون هاني هادي هي لي غتبقاا الوجه تاع لا لوناا مغاديش نفرط فييهاا
_رسل ليا الصور فل ايميل ..اه فتح ليها كونط فانستاغراام حط فيه تصاورهاا و شي لقيطات من لحفلات ديالها …تبدا تشارك يومياتها (هز صبعو ) المهميين فقط
يوسف:غينفعنا هد الانساغرام !
_(ضحك)بان ليا نتا باقي حاصل غير ف باج فيسبووك …انستااغرام راه ولاا عملة للجميلات واش مامواكبش الوقت بان لياا
يوسف:الصراحة لوناا لي مكلفة ب ليريزو صوصيو ولكن درتيها ليا فلباال …غتبقا تاخد صور وتحطهم
_حيت انستاغرام بحال السلعة …كيدخل صاحب المنتوج كيقلب شكون لي يصلااح لمنتوجوو غنشريو كونط يكون ديجا واصل ل 50k باش يسهل علينا الخدمة …شنو قلتي ؟
تصافحو لايدين وقال:مشااات
#يتبع
كيجاكم يوسف شنو كاتوقعوا فالأحداث القادمة اللي كتسنى ايمان وحذيفة 🤔
شاركنا رأيك في هذا الفصل 🌹