الفصل 8

📍الموسم الثالث : خيوط العشق📍

– ركبو الخواتم ، وهكا سهيلة وجواد ولاو مخطوبين رسميا ..

– نزار : جبتي دواك معاك ؟

– عالية : نسيتو فوق الكوافوز ..

– نزار (وقف ) : أنمشي نجيبو ليك ونجي ..

– خرج نزار وتبعاتو سعاد ..

– سعاد (كتعيط ) : نزار نزار .. وقف نزار ضار عندها ..

– نزار (ببرودة) : وي ..

– سعاد (بتردد) : نزار ، بغيت غير نسولك على سعد .. عندك عليه شي خبار ؟

– نزار (هاز حجبانو) : علاش كتسولي عليه ؟

– سعاد : غير حيتاش شحال هادي مبانش داكشي باش ..

– نزار(ضحك بإستهزاء) : على أساس كيهمك !! سبحان الله ..

– سعاد (غوبشات) : علاش كتهضر معايا بحال هكا مامالفاش ليك ؟؟

– نزار : الصراحة .. مكنتش كنعرفك دايرة بحال هكا ، النخوة على الخوة … لا مبادئ لا أخلاق لا مشاعر ..

– سعاد (غوبشات) : نزار لزم حدك وحتارم راسك ، مافهمتش علاش كتهضر معايا بحال هكا ؟

– نزار : حيث ضحكتي على خويا ، فهمتيها دابا ؟ بسبابك انت وصل هنا مضمر الضحكة لي كان فوجهو مابقاتش … بسبابك انت وبسباب عقليتك لي دايرة بحال زبل ، بغاك من قلبو وعطا كل ما عندو … عمرو ماجرا ورا شي وحدة حتى ليك انت لي هازة خنافرك لسما … واعدتو مندخلش فهادشي ولكن ماقديتش ، نصحك نصيحة ولا عرفتي … عتابريها أمر ، بعدي من خويا حسن ليك ، مدام مزال كتفكري بديك العقلية عطيه بتيساع .. بلاما تعدبيه كثر من القياس مدام مقاداش تبغيه وتكوني معاه أسرة ، خليه عليك .

– خلاها واقفة مصدومة ومشا ..

– أش هادشي كنسمع ؟

– سعاد (تنفضات فبلاصتها وضارت) : جنيد ، أنت هنا ؟؟

– جنيد (مغوبش) : لا لهيه ، ممكن تفسري ليا اش هاد تخربيق هذا ؟

– سعاد : ماشيش شيحاجة(كتحاول تمسح دموعها لي نزلو) ..

– جنيد (بصرامة) : لا شيحاجة ، وغادي نعرفها دابا كنسمعك ..

______

– جواد (بهمس) : جيتي فنة ..

– سهيلة (ضحكات) : حتى أنت ..

– جواد : غدا نلقاو خطوبتنا وصلات لمواقع التواصل الاجتماعي ..

– سهيلة (ضحكات) : مكايهمش ، وانا بيدي انحطها باش كولشي يعرف ، راجل لي بغيت وختارو قلبي ..

– جواد : الله ياربي صبرني ، إيمتا يوصل العرس خلاص ..

– سهيلة (ضحكات) : كون صبار شوية ..

– شامة (نققزات عليهم) : راه سمعتكم ، حاولو علينا حنا لي سيليباطير ، راه كتحركو لينا المشاعر ..

– جواد : وانت لي مابغيتيش ..

– شامة (جمعات وطوات) : حتى انت عارف ؟

– جواد : راه غير انت لي مراضاش البال ، اما ݣاع لي فهاد الصالون راض البال وفاهم وعارف ، حتى ليك انت ..

– شامة : نمشي نشوف إيمتا ايتحط العشا (سلتات هاربة)..

– جواد (كيضحك) : غير بقاي هاربة شحال قدك ..

_______

– سعاد (ݣالسة على كرسي فجردة) : هادشي لي كاين ..

– جنيد (مجاوبهاش بقا عاطيها بظهر مدة عاد ضار لعندها ملامح وجهو جامدة ) :

– لاول مرة غادي نتصدم فختي ..

– سعاد (هزات راسها فيه حشمانة) : جنيد ..

– جنيد (قاطعها) : ششش ، كنت كنحتارم تفكيرك ، وكنݣول هي كبيرة ، اتكون عارفة لي يصلاح ليها ولي لا … ولكن تصرفي بحال هاد التصرف صدمتيني ، عرفتي كنت شيحاجة كبيرة فعيني ، ودابا رجعتي صغيرة … كنت كنحتارمك ودابا خسرتي هاد الاحترام ، كنݣول مع راسي موحال هادي ختي لي رباها توفيق الهاشمي وزينب معتوق ، موحال هادي هي الاخت لي كنت كنضرب بيها المثال … رجعتي صغيرة ورخصتي راسك بزاف ، دابا عاد عرفت علاش ضار فيك نزار … من حقو صراحة يدور فيك ويعايرك ݣاع ، حيت تستاهلي ..

– سعاد (هبطو دموعها) : جنيد غير ..(قاطعاها) .

– جنيد : مكاين لاش تهضري ، الوقفة حداك خنقاتني .. حيت مايمكنش تكون ختي وضيعة بحال هكا .. شاف فيها شوفة ديال الإستحقار وديال الاسف ، خلاها ومشا دخل ..

– سعاد حسات بقلبها تقطع ،حسات براسها ݣداش هي خايبة وماتسواش ، كولشي تستحملو حتى لشوفة لي شافيها جنيد ، تمنات يضربها يغوت عليها يدي اي حاجة ، ولكن مايتصرفش معاها بهاد البرود لي قطعها من الداخل ، ماقدراتش تصبر وتبقى كثر من هكا تخسر عليهم فرحتهم ، مسحات دموعها ودخلات هزات ساكها وسوارتها .. مشات عند زينب علماتها بلي اتمشي لدار وبلي شدها الراس وسخانة ، دازت لعند جواد وسهيلة باركات ليهم وعاودات ليهم نفس الكدبة ومشات لدارها ..

______

– من ورا العشا ، كولشي كان مجموع ..

– زياد (كيشوف فيهم وفإيمان) : بما انو العائلة كلها مجموعة ، بغيت نݣوليكم واحد الخبر عارفو أيعجبكم وأتفرحو حيت اتسمعوه ..

– توفيق : الله يسمعنا خبار الخير ..

– شامة (كتشوف فإيمان متوترة) : هداو هداو ، ياكما إيمان حتى هي حاملة بحال سامية ؟

– زينب (مصدومة ) : كيفاش ؟ سامية حاملة ؟

– سامية (شدات فراسها) : ناري كنت كنݣول غير سعيدة لي مكتسكتش ، صدقات حتى شامة ..

– زينب : حاملة وماݣلتيهاش لينا ؟

– سامية : والله أماما حتى بغيت نكونو مجموعين ونݣولها ليكم ..

– زياد (كيضحك) : واش تافقتو بجوج ولا كيفاش ؟

– شامة (كضحك مخرجة عينيها) : هااا ، هي إيمان حاملة حتى هي ..

– زينب (الفرحة عامية ليها عينيها) : شحال عندكم ؟

– إيمان او سامية دقة وحدة : 15 يوم ..

– شافو فعضياتهم وضحكو ..

– سعيدة : وزوينة هادي اتولدو فنهار واحد ..

– توفيق : إن شاء الله ، مبروك عليكم أبنياتي … الله يجيبهم على خير ياربي ويكونو بصحة مزيانة يارب ..

– شامة : أمين (دورات وجها وعينيها جاو فعينين باها ، ملامحو كانت مبدلة مافهماتش توصفهم ولكن حسات بشيحاجة تما) ..

– نورة : لعݣوبة لشامة نفرحو بيها حتى هي إن شاء الله ..

– علـي (بتنهيدة طالعة من القلب) : أمين ياربي ..

– شامة : بابا شتك كتنهد من الأعماق ، صافي سخيتي بيا ؟

– علـي : أي اب كيبغي يشوف بنتو فدارها وبوليداتها ..

– شامة (عاد فهمات سباب ملامح وجهو لي تبدلات ) ..

– شمس : دابا يسهل عليها الله ، كلشي قريب ..

– علـي : إن شاء الله ..

– شامة .. وقفات خلاتهم وخرجات لجردة ، بان ليها خيال جنيد واقف حدا واحد الشجرة ، وكيهضر فتيليفون .. بخطوات هادئة قربات ليه او وقفات وراه حاضياه كتحاول تسمع معامن كايهضر …

_____

– جنيد (كيضحك) : ياك الالة .. انت بعدا كيف وصلتي ؟ من اخر مرة مابقيتيش سونيتي ماسولتي ما والو ، كيفاش زعمة ؟

– لبنى : ياك علاش شكون خاصو يسول فلاخور انا ولا انت ؟ … اجي فين وصلو امورك إيمتا انفرحو بيك ؟

– جنيد ( هز راسو كيضحك بان ليه الخيال فضو ديال الݣمرة) : الالة راه خاص غير انت توافقي ؟ انت لي طلقينا خلاص ..

– لبنى ( كضحك) : امممم وانا نفهم …كاينة حداك ؟

– جنيد (بالإيطالية) : خيالها ورايا ، واقفة كتسنط ..

– لبنى ( ميتة بضحك) : وشفتي على هاد الفعايل ، دابا تأكدت بلي كتبغيك … انا مرأة وعارفة شنو كنݣول ..

– جنيد : حتى انا مالقيتش شي تفسير لهاد تصرفات ،من نهار تلاقينا فالمطعم مافهمت والو ..

– لبنى : ايوا دابا راه خاصك تفهم ، غير كمل على طريقك وانا متأكدة بلي زواجك قريب ..

– جنيد : كنتمناو(رجع لدارجة) إيوا يلالة شنو ݣلنا ؟

– لبنى : المهم الكوستار ديال نهار العرس على حسابي ..

– جنيد ( كيضحك) : ماتغبريش بزاف ، راه كنتوحشوك ..

– لبنى : جنيد سير فحالك ، تابعني شغول يلاه باي باي ..

– جنيد : واخا يلالة بسلامة .. قطع التيليفون كيضحك ، دور راسو بزربة بان ليها نصها مخبع ورا الشجرة ..

– جنيد (تبسم) : وليتي كتسنطي ورا لبيبان ، بغيت نݣول ورا الشجر ..

– شامة (خرجات من ورا الشجرة ،كيبان على وجها البرود) :

– ياكما الجردة مكتوبة بسميتك ، وقيلة كايخصني نطلبك باش نخرج نشم الهوى ؟!!

– جنيد (خشا تيليفون فجيب السروال وتم جاي عندها) :

– كاين فرق بين كتمشاي ، وفرق بين واقفة وكتسنطي ..

– شامة (بإستهزاء) : علاياش غادي نتسنط ، روميو وجولييت مثلا ، غير هو واحد الحاجة نصيحة مني ليك … شوف ليك شي وحدة تقادة ديالك ، مافهمتش انا اش كتبغيو فالعيالات لي كيكونو كبر منكم ..

– جنيد (وقف قريب ليها مقابل مع وجها وعينيه كيشوفو فعينيها) :

– شنو نسميو هادي ؟ نصيحة ولا أمر ولا غيرة !!

– شامة (عوجات سيفتها) : شكون أنا نغير ، من هاديك خيتي من نيتك ؟

– جنيد (مفيكسي عينيه فعينيها) : باش عرفتيها هي ؟ نقدر نكون كنهضر مع شي وحدة أخرى … انت عارفة انا رجل عازب ، زوين بفلوسي ألف وحدة تمناني … سولي اي وحدة وهي تجاوبك واش عندي الصح ولالا ؟؟

– شامة : انا بعدا ماشي منهم ..

– جنيد (خرج يدو من جيبو .. حطها على خصلة من شعرها شدها بين صباعو كيدور فيها ويقلب فيها) :

– وشكون ݣاليك كنهضر عليك أمم ؟؟

– شامة (توترات وقلبها بدا كيضرب ، كتحس براسها فعلا قداش توحشاتو وتوحشات ريحتو وقُربو ليها) :

– دابا أش دخلني أنا فالهضرة ؟

– جنيد (ضحك) : مالك متناقضة غير بوحدك ؟ كتجاوبي وتسولي لراسك ، كتباني ليا بحال الى مامرتاحاش ؟؟ ..

– شامة (حيدات ليه يدو) : براكة من تخربيق … عطاتو بظهر … يلاه اتخطوي الخطوة لولة باش ترجع لداخل .. حسات بيدو جراتها من كرشها دوراتها عندو ..

_______

– وصلات سعاد لدارها .. حلات بساروت ضربات الباب برجلها سداتو … لاحت ساكها وصباطها ، وتلاحت على الفوطوي شدات راسها بين يديها وطلقات العنان لدموعها ، كتبكي وتشهق … كرهات راسها ومقاتاتو ، ماحملاتش النظرة لي شافيها خوها ، ماحملاتش كيفاش هضر معاها نزار … حسات براسها ݣداش هي رخيصة … ماحملاتش راسها كيفاش حتى فكرات بحال هكا ، عند بالها بلي تفكيرها صحيح … ولكن صدق تفكيرها كلو غلط ،، ݣاع ديك القراية لي قرات … وسفر لي سافرات والقراية فأوروبا … ݣاع داكشي تضرب فزيرو بتفكيرها … وجها كلو تجخلط بالكحل ودموع ، وقفات غادية جيهت الحمام … حيدات حوايجها ودخلات تحت الرشاشة طالقة عليها الما دافي ، ݣاع سيناريو حياتها رجع ليها … تصرفاتها مع سعد وكيفاش كان كيتصرف معاها … كتزيد تمقت راسها وتكرهو ، نظرات جنيد ليها وخيبت الامل لي كانت على وجهو ، خرجات تنهيدة طويلة من أعماقها وخرجات ، هزات الپينوار لبساتو … لوات على شعرها فوطة وخرجات من الحمام ، غادية فإتجاه بيتها حتى وقفها صوت سونيت ديال الباب … رجعات كتجر فرجليها ، حلات بلاما تشوف شكون .. هز راسو فيها كيبان عليه العيا وتحت عينيها زرق ..

– سعد (بعياء) : ماقديتش ..

– سعاد (بلاما تحس ترمات فحضنو معنقاه وكتبكي) :

– سمح ليا بزاف ، سمح ليا ..

– سعد (مافهم والو ، معنقها تلاحت الفوطة من راسها … كيدوز على شعرها الفازݣ كيحاول يسكتها) :

– صافي ، ششش … صافي أجي أجي .. شدها من كتافها معنقها دخلها وسد الباب ..

_______

– وجها جا فوجهو انفاسو كتضرب فحناكها ، يديها لي كانو على صدرو … كتحس براسها ممكن تفشل فأي وقت .. علاش كتحاول تقنع راسها بالعكس ، علاش كتحاول تخبي وتحارب قلبها ومشاعرها بهاد الشكل … علامن كتكدب ، واش على راسها ولا على الناس … كلشي تفرشات قدامو ، كولشي عارف شنو كيدور بيناتهم حتى ليها هي … كتحاول ضرق الشمس بالغربال وأصلا مكاين مايدرق … كولشي باين او واضح وضوح الشمس … هي كتبغيه ، كتبغيه من كل قلبها لا راه كتموت عليه … باش كتفير الغيرة ديالها عليه ، باش كتفسر العافية لي كتشعل فقلبها كلما شافتو هضر مع شي وحدة ولا جاملها … باش كتفسر تفكيرها فيه هو من دون ݣاع الناس ، واش كاين شي واحد لي رفضتيه ويصايب صورة على قبلك ، كاين لي ايرجع لواحد الخدمة لي كتفكرو فدكرى أليمة دازت فحياتو ،كاين لي يضحي هاد التضحية من غير ألى كان فعلا كيبغيك … كيفاش ولا علاش ماحساتش ، حتى جراتو لعندها وعنقاتو من عنقو … قلبها كيضرب بجهد ريحتو متازجات بريحتها وعطات ريحة حب عريقة … خيوط عشقهم إمتزجت مع بعضها ..

______

– مشتاقةٌ اليك سيدي,, ولغة الشوق تجتاح ترانيمي,, واحرف الهوى تغازل الكلمات في مخيلتي,, فلن ترى بعد اليوم في عيوني,, لغة الصمت والهروب,, فـ يوماً ما ,, في حياةٍ ما,, سأرقص بكلماتي هذه,, على خريطة عاطفتك,, واعزف بألحان الحب,, على قيثارة قلبك,, اشتاق اليك حبيبي,, اشتاق لسماع صوتك,, اشتاق لمدفأة قلبك,, لأذيب عليها كياني المتجمد,, اعرف حبيبي دوما انه لي لقاء معك, فانا انتظرك دوما وقلبى مليىء بالحب لك ..

– سأذوب بين حروف العشق وكلمات الحب سامزجها بدمي وازينها بعيوني وساكتبها على جدار الزمن احبك احببتك….وسأحبك…عشقتك وساعشقك ساكتبها….وانشرها….واعلنها فوق السحاب مع الريح…مع حبات المطر باني احبك وساضل احبك مهما عاندني القدر ..

– متمردة أنا في عشقك وعشق حكايتنا.. فدعني أحبك كم أشـاء…دعني أكون النار والماء… الصبح والمساء…الضحك والبكاء… ومن سلاسل شعري دعني أصنع قيودك… … وعلى قلبي أحفر حروفك…وأختصر حدودك.. فدعني أحبك كما أشاء… ودعني أتمرد في عشقك كما أشاء .

______

– بعدها بشوية عليه ، كيدوز بصباعو على وجها … رض شعرها لور كيرتوي من ملامحها لي توحشهم وتوحش قربهم ليه ، نزل بعينيه على شفايفها … كل شوق ورغبة باش يدوق ويستلد منهم … لغة الصمت كانت هي المسيطرة عليهم ، مابغاش يتسرع باغي يتحقق واش هادشي لي وقع دابا حلم ولا واقع ، حاجة وحدة لي ممكن تبين ليه الحقيقة ،، هو يرتاشف من عسل شفايفها .. نزل بوجهو بشوية ، كيحس بيها كترعد بين يديه … غمض عينيه وقرب شفايفو من شفايفها ..

– (صوت من وراهم) : وا مي انت دايراه فالماريو وكتݣولي ليا فوق الكوافوز ..

– شامة .. رجعات خطوة لور ، تلفات ماعرفات شنو دير من غير أنها دفع جنيدوتهرب لداخل ..

– نزار (قطع التيليفون فاش بان ليه جنيد ) : جنيد ، اش كدير هنا ؟

– جنيد (مكرهش يشد نزار يغرقو فلاپيسين ولا يعلقو فوسط شي شجرة) : لا والو ، توحشت نهضر مع الشجر ومع الورد … شحال هادي مطليت عليهم جيت نقرقب معاهم الناب ، عندك شي مانع ؟

– نزار (مافهم والو) : شكون كان واقف معاك ؟

– جنيد (من تحت سنانو) : خلا دار عشتك لي كان واقف معايا ، أنت انت منين خرجتي ليا منين ازبل منين ؟

– نزار ( كيضحك) : كنتي مع شامة ياك ؟ عقت بيك ؟

– جنيد (مكره يمسح الضحكة على وجهو) : نزار ، ضرݣ علي كمارتك قبل مندير فيك شرع يدي ..

– نزار : وزوينة هادي ، مالي انا شفتكم وها ضحك ..

– جنيد (بصرامة ) : نزاااااار ..

– نزار (كيضحك) : هاهو مشى ، بااز على بنادم ..

– جنيد ماعجبوش الحال ، وفنفس الوقت حس بواحد الإحساس زوين ، إحساسو ماخيبوش … الخطوة لي دار نفعاتو ومزال ايكمل فيها ،حتى تعتارف ليه هي بفمها ، ضحك مع راسو ورجع لعندهم …

______

– سعاد (تنهدات) : عرفتي جنيد كيفاش تصرف معايا ، عمر خويا دار معايا بحال هكا ولا شاف فيا هاد الشوفة ..(تقادات فالݣلسة) سعد ، أنا فاش كنت كنقرا … كنت تعرفت بواحد السيد كان كيقرا معايا ، وكان باغي يرتابط بيا غير على قبل عائلتي .. كنت باقي صغيرة ، كونماشي خوتي او واحد السيدة كنعرفها سجلاتو ، كون ضحك عليا … من تما وفكرة زواج زولتها من راسي ، بنسبة ليا بخدمتي بداري فلوسي صافي … انا ݣلت كنبغيو بعضياتنا مكاين لاش نتزوجو ، خصوصا كاع صحاباتي طلقو ومنجحوش فزواجهم ..

– سعد (كيشوف فيها بحب ) : متحكميش على راسك من تجارب غيرك ، يقدرو هوما ماختاروش صح … ماشي غير ناس غلطو ومنجحوش .. راه حتى حنا بحال هكاك ، وانت زعمة واعية وقارية ومثقفة … مخاصش تفكيرك يكون محدود بهاد الشكل ، لا دينا ولا تقاليدنا كيخليونا نفكرو ونتصرفو بهاد الشكل، واخا يوصل مستوانا لأعلى المستويات ..

– سعاد : وي بصح ، عندك الحق فهادي ..

– سعد (بجدية) : دابا خوك خليه عليا ، وخلينا من هادشي كامل … واش قرارك تبدل ، واش قابلة نعيشو مجموعين ؟ قابلة نكونو أسرة يكون أساسها الحب الإحترام التفاهم والحوار ؟ قابلة تعيشي معايا وتقبلي بيا بإيجابياتي وعيوبي ؟ واي مشكل نحلوه بجوج وبالمهل وبالحوار وتفاهم وعدم التسرع ؟ قابلة حبنا يزيد يكبر وينتج عليه وليدات يعمرو علينا ؟

– سعاد (تبسمات وتنهدات تنهيدة طويلة) : مغاديش نفكر كثر ، بطبيعة الحال قابلة … مدام كنبغيك وباغياك بجنبي ومعايا … أكيد قابلة ..

– سعد (فرح ، تبسم وجرها عنقها) : أحسن حاجة سمعت من داك نهار لي خليتك فيه ..

– سعاد : مابغيتش نتفكرو والله غير نساه ، سعد شنو اندير مع جنيد حشمانة منو والله ، وحتى من نزار ..

– سعد (كيدوز على شعرها) : نزار وجنيد أخليهم عليا ، انت غير رتاحي دابا واخا ؟

– سعاد (حركات ليه راسها ) :واخا …

______

– سالات الخطوبة ، وتفارقو العائلات على موعد يكون العقد من هنا ل 15 يوم … حيت خطوبة سعيدة أتكون فهاد الشهر حتى هي .. تفارقو وعينين جنيد مفارقوش شامة ، لي بدورها دارت راسها مشافتوش … وهي راه حاسة بعينيه عليها ..

– نزار : عمي علي سبق لطوموبيل انت وشامة والواليدة باش نوصلكم ..

– زينب (لشامة) : زورينا أبنتي توحشناك ..

– شامة (عنقاتها) : إن شاء الله .. يلاه تصبحو على خير ، دوزات عينيها عليهم كاملين وركبات حدا باها .. فؤاد وصل باها ومو ونورة ، وعائلة العريس حتى هوما تفرقو ..

______

– فديك الليلة بضبط ، شامة مداهاش النعاس … كتحس براسها فرحانة ومتحمسة ماكرهاتش إيمتا يجي لغد وتشوفو … حتى تفكرات بلي غدا نهار روپو ومغايحلوش المحال ، عقدات غوباشتها وماعجبهاش الحال … ناضت من بلاصتها لجهة الماريو ، حلاتو وجبدات شي فلوس … قررات لغد تخرج هي وأحلام وتقدا لراسها شيحاجة .

______

– فصباح ناضت فطرات ، باها مشا لخدمة … رسلات ميساج لأحلام تخلط عليها باش يخرجو ، داكشي لي كان ساعة كانت عندها أحلام فدار … هزات الفلوس وسكادو وتيليفونها وخرجو ..

– أحلام (بتساؤل) : فين غادي نمشيو ؟

– شامة : صاحبتي دابا تعرفي غير يلاه ، أجي دايرة مع شي واحد ولا؟

– أحلام : أنا وبهاء أنتلاقاو مع 6 ديال العشية ..

– شامة (بإستغراب) : أياه الالة زعمتي ، وليتي تخرجي مع 6 … ياك كنتي خاص 6 تكوني فدار من غير فاش كتكوني معايا ؟!!

– أحلام : وانا انخرج معاك ، ومعاش انرجعو ودار بايتين عند خالتي قلت مافيها باس… درت معاه مع 6 ..

– شامة : أمممم واخا يالالة ..

– أحلام : عاوديليا أش وقع لبارح ؟

– شامة (بحماس جراتها) : هاح لهلا يوريك أش وقع .. نحيدو من هنا ونعاود ليك ..

______

– فجردة .. ݣالس جنيد كيلعب فتيليفون ديالو ، تسمع حس طوموبيل وقفات ، هز راسو بانت ليه طوموبيلت سعاد ، غير بانت ليه هبطات من طوموبيلتها وهو يحدر راسو .. مشافش شكون معاها ولا عطا لراسو الوقت يعرف … تمات خارجة هي وسعد يدها فيدو وعينيها على خوها ، كتحس بقلبها كيضرب والخوف راكبها من راسها لرجليها ..

– سعاد (بلعات ريقها او وقفات قدامو) : جنيد ..

– هز عينيه بشوية فاش بان ليه ظل ديال شي حد اخور ، بان ليه سعد معاها … وقف وتقابل معاه ، مفاهم والو ..

– جنيد (بجدية) : شنو واقع هنا ..

– سعد : جنيد ، الى كان ممكن بغيت نهضر معاك ..

– جنيد (شاف فختو ورجع شاف فيه) : اهاه ، نهضرو علاش لا ..

– سعد طلق من سعاد ومشا مع جنيد يهضرو ، ݣلسات هي فبلاصة خوها ومقابلاهم ، متوترة وخايفة بزااف وحشمانة من راسها … مرة تشوف فيهم مرة تشوف قدامها كل مرة وشنو ، حتى بانو ليها جايين مع بعضياتهم .. وقفات كتشوف فيهم حتى وقفو قدامها ..

– جنيد (مزال مقلق منها) : الله يكمل عليكم بالخير ، مبروك عليكم … سعاد حشمات وبلاما تحس عنقاتو وبدات تبكي ..

– سعاد : سمح ليا اخويا بزاف ، ماقصدتش ومافكرتش … الشيطان كيحضر وبعد المرات مكنفكروش بعقلنا ومكنفرقوش بين الغلط والصح ..

– جنيد (بعد عليها وملامح وجهو بدات كتلين) :

– ختي أنت بعقلك ماشي صغيرة ، خاص تفكري وتفرقي بين حاجة صح وحاجة غلط ، واخا يكون مستوانا فين واصل ، تقاليد والعادات ودينا مكايتبدلوش ، الصح صح والغلط غلط ..

– سعد : المسامح كريم ، دابا نساو هادشي لي وقع … ندهلو نهضرو مع عمي وخالتي زينب ..

– جنيد (بإبتسامة ) : اهاه يلاه ..

_______

– شامة (كتوريها) : شوفي هاد الكسوة ؟

– أحلام (خسرات سيفتها) : من نيتك ، دايرة بحال الكرومب ، تكشيطة هادي ماشي كسوة … شوفي من داكشي لي عاودتي ليا ، بعدي ليا من هاد الكشاكش دوالو .. أجي نوريك أجي ..

– جبدات ليها صاية ديال الجلد فالكحل ، وتريكو طالع ديال القطن فالحمر طالع بالكول ، جبدات ليها كسوة فالقهوي ديال البرد ، سروال دجين فالبيض مع شومبز ودجاكيط …

– شامة (بصدمة) : براكة اويلي ، ݣاع لي عندي انخسرو ..

– أحلام : سكتي سكتي ، سيمو أصلا ديالنا … وكان ديجا مسكين كيبغيني ، واخا ندي المحال كامل مايهضر … اناخدهم ابنص ثمن ، وشي جوج صبيبطات وليبوط حتى نخلصوهم من بعد ليه ..

– سيمو (وقف عليهم وعينيه على أحلام) : خودو لي بغيتو المحال محالكم ..

– أحلام : سيمو ، اناخدو هادو ياك ، وبغيت نشوف سبيبطات لي جاو وليبوط ، هادوك اناخدوهم ونبقاو ندفعو ليك شوية بشوية ..

– سيمو : اهاه مرحبا ..

– شامة : ومزال ماقيست ݣاع ؟!!

– أحلام : حتى منكونش عارفة قياسك ، أيجي قدك نيشان … سكتات شامة وسلمات أمرها لله .

خرجو من المحل هازين ساشيات فيديهم ، دازو لسناك كالو وشدو طاكسي لدار … أحلام مشات لدار باش تبدل عليها يجي بهاء يديها … وشامة دخلات لدار كتقيس فالحوايج لي خدات ..

– كلهم جاو قدها ، قياسها بضبط جاوها فنين …

– جا علي وجدات كاسكروط حطاتو … سخنات ليه دوش دوش صلا وشد تيليكوموند ،، أما هي دارت ݣوماج لوجها او ماسك ، من وراها دخلات دوشات وخرجات ݣلسات هي وباها كيتفرجو … علي شاف فيها لقاها ساهية ..

– علـي : مالكي ياك لاباس؟

– شامة (هزات راسها فيه) : والو ، ولكن ماعرفت مالي حاسة بشي نخصة فقلبي … بحال الى أتوقع شي حاجة .

– علي : الجو نيت مغيم ، فاش كنت جاي ضبابة وشي نقيطات كيطيحو … أيكون الجو .

– شامة : بالعكس انا كيعجبني هاد الجو ، ولكن حاسة براسي مكنقدش نتنفس وتنهيدة كتخرج بزز مني ..

– علي : قراي القرآن ..

– شامة : صليت وقريت القرآن او والو ، أستغفر الله العظيم وأتوب إليه ..

– علي : لعله خير أبنتي..

– شامة : إن شاء الله ..

______

– وقفات طوموبيل بهاء بعيد شوية على دار … كان أنيق بشوميز فزرق مع ڤيست ديال دان كحلة ، سروال دجين كحل وصباط … صدرو عاري مع سلسلة دهبية نازلة من عنقو … ريحتو كدوخ لي شمها .

– حلات احلام باب الدار وخرجات ، لابسة كسوة كحلة مع سميطة وصباط وساك ، دايرة على كتافها تجاكيط ديال الكوير وطالقة شعرها … نزل من طوموبيلتو فتح ليها الباب ، وطلع حداها … ضار كيشوف فيها بإعجاب ..

– بهاء : جيتي فنة كتحمقي ..

– أحلام(كتشوف فيه بإعجاب كان زوين بزاف ) : حتى أنا ..

– بهاء (بتقالة) : فرحت بزاف حيت قبلتي نتعشاو اونسومبل ..

– أحلام (بتردد) : كون خليتينا تلاقينا مع 6 ، ناخدو غير كافي راك عارف خاص نكون فدار ..

– بهاء : زعمة يا حسرة اليوم عيد ميلادي ، وصحابي دايرين ليا عيد ميلاد وحبيبة ديالي متكونش معايا ، خايبة حتى لمعاودة … وزايدون كولشي باغي يتعرف عليك ..

– أحلام : وكون عرفت قبل كون خديت ليك بعدا كادو ..

– بهاء (كيشوف ليها فعينيها) : أحلام ، أنت هي أحسن كادو … وهذا أحسن عيد ميلاد غادي يدوز عندي حيت أنت فيه … ديري هادي فبالك ا أحلام ، أنا أسعد واحد حيت عطيتيني فرصة تكوني فحياتي … هاد الليلة غادي دوز أحسن ليلة فحياتنا ، وغادي تكون بداية جديدة وزوينة لينا بجوج .

– تبسمات ليه من ورا ما خدا يديها وباسهم … تنهدات تنهيدة كبيرة ، وشافت قدامها قلبها كيضرب ، فنفس الوقت متخوفة وكتحس بذنب أنو كذبات على شامة ، بطلب من بهاء … ونفس الوقت متحمسة لهاد الليلة .

_______

– شامة غادية جايا فبيتها وشادة تيليفون ديالها … عيات تسوني على أحلام تيليفون كيسوني او والو ، مكاينش لي كايجاوبها ..

– شامة (تعصبات) : تفو زبل ، مال هاد البعرة مكتجاوبش ، أووووف … كتحس بتنهيدة كتخرج بصعوبة .

_______

– قدام ريسطو أنيق ، وقفات طوموبيلت بهاء … نزل بكل شموخ حل لأحلام الباب ، شد ليها فيديها ودخل هو وياها ، الموسيقى هادئة واحد الجو شاعري زوين … جا السرباي رجب بيهم او وراهم طبلة ديالهم … جر ليها بهاء الكرسي ، مع ݣلسات بدات الشتا كضرب فسرجم ..

– أحلام (بتساؤل) : فين هوما صحابك ؟

– بهاء (ضحك) : زربانة ، الالة صحابي 8 يكونو هنا ، ختاريت نجي مع 7:30 … بغيت نفارد بيك نص ساعة قبل ماشي من حقي ..؟؟

– أحلام (ضحكات) : من حقك أسيدي ..

– بهاء (خدا يدها فيدو) : بغيت نطفي الشمعة الاولى ديالي معاك انت لولة ..

– أحلام : واخا أسيدي ماشي مشكيل … أشر لسرباي بيدو … وغمزو .

– جابو طبيلة صغيرة ، فيها طارط صغيرة على شكل قلب راقية بزاف … وحداها بواطة فزرق ، وصلها حداهم حطهم على طبلة ،، ورجع .

– أحلام (مفاهمة والو) : بغيتي طفي شمع دابا هههه ، وصحابك ؟

– بهاء : ديجا قلت ليك ، بغيت شمعتي لولة نطفيها غير انا وأنت كيف كتشوفي ، دورات راسها لريسطو لي كان فيه غير هي وهو ..

______

– فبيت شامة … غادة جايا قلبها كيضرب بجهد ماعرفات مدير ، خاطرها مامهنيهاش حاسة بشي حاجة واقعة … كيفاش دارت حتى جبدات حوايجها ماحساتش … جبدات سروال ديال الكيطمة مع قبية ، هزات تيليفون ديالها وخرجات ..

– علـي(بإستغراب) : فين غادية فهاد الوقت ؟

– شامة : مزال الحال ابا ، يلاه 8:30 ..

– علـي : راه عرفت ، ولكن فين غادية ؟

– شامة : انتلاقا غير بأحلام غير هنا وغادي نجي ..

– علـي(مدخلاتش ليه لراسو) : أحلام اتجي لعندك اهنا ، ماشي زنقة وفهاد الوقت ..

– شامة (كتحاول ماتبينش) : بابا ، عفاك الله يعطيك الستر … انا غادي نجي دابا كون هاني مغاديش نتعطل صافي (باست ليه راسو) ، حلات الباب وخرجات مخلياه مفاهم والو ..

_____

– فجهة أخرى ، واقفة طوموبيلتو الزرقة … وهو وسط منها .. طافي الضو ومقابل دارهم ، كيفاش حتى ساݣ طوموبيلتو وجا لحدا دارها اللهم اعلم .. داكشي لي ݣاليها قلبو دارو ، رجع راسو لور وبقى ساهي … مقابل السرجم مرابانا تبان ليه ولا الطل ، يشوفها عاد يرتاح … نهار كلو مشافهاش من البارح ، حس براسو بلي موحشها بزاف .. داكشي باش ساݣ طوموبيلتو وجا لعندها .. تحرك من بلاصتو منين بان ليه باب الدار تحل وخرجات منو … كتبان متوترة بحال إلى واقعة ليها شيحاجة … مغوبشة واقفة وكتشوف فجنابها ..

______

– خرجات او وقفات قدام الباب ، تالفة وأول واحد طاح فبالها هو نزار تعيط ليه … هزات تيليفون دوزات نمرتو ، بقى شحال كيسوني ولكن حتى واحد مجاوبها … تعصبات رجعات سونات تاني مرة وتالت مرة او والو … علامن اتسوني عماد تسيفطو لعند أحلام ، لا مايمكن … قررات تاخد طاكسي واخا صعيب فعاد الوقت ، هزات راسها باش تقطع الشانطي .. تصدمات من فاش شافتو وسط طوموبيلتو …. رتاحت بزاف بحال الى ربي سمع دعاءها .. قطعات الشانطي بجرية وحدة جاية عندو … هو غير شافها جايا قاصداه خرج من طوموبيل وعلامة الإستفهام على وجهو ..

– جنيد : شامة واقعة شيحاجة ؟ اش مخرجك فهاد الوقت ؟

– شامة : شوف بلاما تسولني دابا الله يرحم باك ، واخا توصلني عند أحلام ؟

– جنيد (مافهم والو) : نوصلك ولكن شنو واقع ؟

– شامة : دابا اللهم اعلم أش واقع ، نوصلو بعدا ونعرفو أش واقع ..

– ماخلاتش ليه الفرصة ، ضارت لجهة لوخرا وركبات … طلع حداها ، ديمارا بزربة وشد الطريق لدار أحلام ..

– جنيد (عينيه على طريق) : أش واقع ؟ شنو خلاك مشوشة لهاد الدرجة ؟!!

– شامة : كنت خارجة انا وياها ، ݣالت ليا بلي مع 6 غادي تخرج ، ولكن مكتجاوبنيش دابا … وأحلام مايمكنش متجاوبش اصلا مكتفارقش مع تيليفونها .

– جنيد : يقدر تكون مزال مارجعات ..

– شامة : لا هاد الوقت كتكون فدار ، الى مكنتش معاها انا ولا عماد ، كدخل بكري لدار ..

– جنيد : صافي غير تكالماي يكون خير ..

– شامة : كنتمنى ..

_______

– فريسطو ، خدا يدها او وقف هو وياها … طفا الضو وتشعل ضو خفيف .. شعل الشمع لي وسط لاطارط وشاف لأحلام فعينيها ..

– بهاء : سنة حلوة يا جميل ..

– أحلام : سنة حلوة يا جميل … سنة خلوة سنة حلوة سنة حلوة يا بهاء ..

– غناو أغنية عيد ميلاد بجوج بيهم … وعينيهم هوما لي كيهضرو وكيعبرو على مشاعرهم .. سلات الأغنية وطفا بهاء الشمعة تحت تصفيقات أحلام ..

– بهاء(هز البواطة لي كانت محطوطة حدا طبلة حلها ، كان فيها كوليي ديال ذهب فيه حجيرات ) :

– هادي ليك ..

– أحلام (مصدومة مفاهمة والو) : ليا أنا !! ولكن ولكن اليوم عيد ميلادك أنت ماشي أنا ..

– بهاء (حرك راسو يمين وشمال) : لا أنت غالطة … واخا عيد ميلادي أنا ، ولكن بنسبة ليا أنت أحسن كادو .. واليوم عيد ميلادي ، والى قبلتي هاد الكادو أيكون بحال إلى هديتيني أحسن هذية ..

– أحلام(سهات بقات غير كتشوف حشمات ترضها فوجهو) : إلى كان هكاك … منقدش نݣوليك لا .

– بهاء (ضحك) : نقدر نديرها ليك ؟

– أحلام (أشرات ليه براسها بمعنى واخا ) .. ضار من ورا الطبلة ، وقف وراها .. هز ليها شعرها دارو على كتفها ، خدا الكوليي وركبو ليها ، دورها عندو كيشوف فيها وفعينيه نظرات غريبة ، قرب منها بشوية وطبع قبل على الجبين ديالها .. هز ليها الدقن ديالها وقابل عينيه مع عينيها … قريب منها لدرجة كبيرة بزاف ، هي كتبادلو النظرات مسحورة بيه غايبة على شنو واقع حداها ، مافيقها غير الضو لي تشعل .. وصوت الضحك مجهد صوت بنات .. بعدات بشوية كتشوف حداها ، كيبانو ليها شي جوج دراري … وشي 3 ديال لبنات لابسات أحسن ما عندهم … كيشوفو فيها بنظرات الاستهزاء ..

– أحلام (شافت فبهاء بإستفهام) : إيمتا جاو صحابك ؟

– جاوباتها وحدة من دوك البنات :

– بغيتي تݣولي أحبيبة من إيمتا وحنى هنا ؟

– أحلام (بإستغراب) : مافهمتش؟

– جات البنت كتمخطر ، قربات لبهاء عنقاتو وباستو بوسة قريبة لفمو ..

– حبيبي عيد ميلاد سعيد ..

_______

– شامة (معصبة وخايفة) : هالي ݣلنا ، ݣلتها ليك ولالا … ݣلت ليك شيحاجة كاينة تما مايمكنش … اضو طافي هي مكتجاوب اويلي راه انحماق أنا ..

– جنيد (وقفها ) : شامة ، معامن خرجات أحلام ؟ واش هذا لي خرجات معاه كتعرفيه ؟

– شامة (تنهدات تنهيدة طويلة وشافت فيه) : أه كنعرفو ، كنعرفو مزيان ..

– قاطعهم صوت مول الحانوت ..

– شامة واش كتقلبي على أحلام ؟ جا واحد السيد بطوموبيلتو كحلة ومشات معاه … وكانت لابسة بحال الى غادية لشي عرس ..

– شامة (مع معصبة ) : وأنتوما تبارك الله هاد مالين الحوانت ، حاضيين اتبرݣيݣ الله يستر ..

– سكت مجاوبهاش ورجع لحانوتو ..

– شامة (شافت فجنيد طالعة ليها الجنية وشتا عليها) : خوك اسيدي معامن مشات ، مع بهاء خوك ..

– جنيد (تشوكا ، جمد فبلاصتو … هو عارف مزيان خوه أش كيسوى ، حافظو بحال الما مزيان ) : واش من نيتك ؟

– شامة : أه أسيدي من نيتي كنهضر ..

– جنيد (جرها ركبها فطوموبيل) : زيدي وعاوديليا كولشي ..

– ركبها فطوموبيل ، طلع حداها وكسيرا ..

______

– فدار عند نزار ، ݣالس هو وشمس كيتفرجو ..

– شمس (شافت فولدها) : ماسوناش باباك ؟

– نزار : لا مسوناش ݣاع .. عارفو مغاديش يسوني وانت عارفاه كثااار مني .

– شمس (تنهدات) : عارفاه مزيان اش كيسوى ، وعارفة بلي النفاخة لي فيه ، مغاديش تخليه يهز تيليفون ويهضر ..

– نزار (شاف فيها ) : هضرات معاك فرح ؟

– شمس : أه هضرات معايا ، وعاودت ليها ݣاع داكشي لي وقع … جاتني مادارت حتى شي رض فعل بحال الى ماعجبهاش الحال ..

– نزار (مامسوقش) : عادي كنت متوقعها ، أصلا فرح فيها واحد النغزة من الواليد ، كتشبه ليه واحد الشوية … داكشي باش ماتصدمتش فيها .

– شمس : نزار ، ختك هاديك ومزال صغيرة مفاهمة والو ..

– نزار : الله يهديك الواليدة اشمن مفاهمة والو ، راه فعمرها 21 طالعة ف 22 ، بلاما تبقاي تغطي عليها ودافعي عليها … ختي هاديك وعارف شنو كنݣول ..

– شمس (بدلات الموضوع) : إيمتا ناوي نمشيو نخطبو نهاد ؟

– نزار : ماحضراش فهاد الايام ، كاينة فالعروبية … حتى تجي ونهضر معاها فهادشي ..

– شمس : إن شاء الله .. الله يكمل عليكم بالخير أولدي .

– نزار : أمين ..

_______

– أحلام (مشوكية مفاهمة والو) : مافهمتش أنا ، أش واقع هنا ..

– بهاء (ضحك بإستهزاء) : ليلى عاودي ليها احبيبة ..

– ليلى : هي لولة امون أموغ (شافت فأحلام) لي واقع أحبيبة هو بهاء … حبيبي أنا رجع ليك الكرشة لي عطيتيه ، وراك قيمتك … بجوج كلمات زوينين قدر يطيحك ، وقدر يشريك بهاد الجلاوقة لي فعنقك ..

– أحلام (كتحس براسها كتحلم قلبها كيضرب بجهد) :

– كيفاش هادشي ؟ بهاء اش هاد تخربيق ؟

– ليلى : احبيبة تخربيق هو لي انت عايشة فيه ، عند بالك دوك جوج كلمات لي ݣلتي لبهاء وضريتيه بيهم ، وبسبابهم دار كسيدة اينساهم ليك ولا ؟ ههههه كتحلمي بالألوان ،، الكادو لي ماقبلتيهش هاهو لبستيه … والخريج لي ماقبلتيهش هاهو خرجتيه معاه .. إيوا كيجاك بهاء وفا بوعدو ونزل مناخرك للأرض ولالا ، بغا يخليني أنا ويشوف فيك انت ، كتبيعي الورد مسيكينة بقيتي فيا صراحة ، الموقف لي تحطيتي فيه مانبغيعش لعدويا ، نونو حبيبة ويلي كتبكي … عادي اكبيدة تعيشي وتاخدي غيرها ..

– أحلام (ماهضرات ماتكلمات كاع قوتها مشات ، حسات براسها قداش هي حمارة وتستاهل هادشي ، حيدات الكوليي من عنقها ولاحتو عليه) .. قربات ليه حتى لوجهو وهو ضاحك ..

– أحلام (عينيها عامرين بدموع) : أول مرة تلاقينا كنت ݣلت ليك شماتة ، وفعلا صدقتي شماتة مافيكش ݣرام ديال الرجولة .. الدموع غشاو عينيها ضربات فيهم وخرجات مخلية تجاكيطة ديالها … ومخليا العيوم متبعاها ..

– خرجات أحلام ، كتبكي وشتا خيط من السما عليها ، ندمات على نهار لي عطات فرصة ليه … نسات بلي واحد بحال بهاء مايمكنش بين ليلة ونعار يتبدل ، هادشي كامل كان كيديرو باش ينتاقم … مداتهاش لا لشتا ولا لطريق ولا لحالتها كيف ولات غادية بلا عقل … غير ربي لي قالها من طوموبيلات لي غاديين جايين .. ماحسات براسها حتى وقفات رونج بيضة حداها ، وتجرات ..

– هزات راسها حتى بان ليها شكون وزادت فوتيرة البكاء ، ماحساتش حتى عنقاتو وحطات راسها على صدرو كتنخصص بالبكا … ماسولهاش مالك ولا شنو واقع ؟ خداها فحضنو ركبها فطوموبيل ، طلع حداها ديمارا وزاد …

______

– شامة (كتشوف فجنيد معصب) : شنو واقع ؟ شنو كاين اتكون شيحاجة واقعة ياك ؟

– جنيد : مكانش عليها نهائيا تيق فيها ، كنعرف بهاء مزيان أش كيسوى ..

– شامة (زادت تخلعات) : شنو كاين دابا ؟ زعمة يكون دار شيحاجة لأحلام ؟ اويلي اويلي متكولش هادشي ؟

– جنيد (هز تيليفون دوز نمرة ) : ألو زياد ، ݣوليا ؟ ماعرفتيش فين يقدر يكون بهاء دابا ؟

– زياد (بإستفهام) : صراحة ماعرفتش ، نورمالمو راه اليوم عيد ميلادو ..

– جنيد (عاقد غوباشتو) : ضروري تكون عارف شي ريسطو كيݣلس فيها ..

– زياد (كيفكر ) : كاينة واحد ريسطو فعين دياب ..

– جنيد : شنو سميتها ؟ صافي واخا بسلامة (قطع عليه وزاد كسيرا غادي طاير ..

– شامة : ياربي يكون فعلا مشات معاه لريسطو ،ياربي مايكونش لعب عليها ولا شيحاجة ، ناري يا جنيد ويكون واقع ليها شيحاجة ، قسما بالله حتى نسا بلي خوك غادي نقتلو ..

– جنيد : أنت خرجك السوق ، غير نلقاوها على خير وبيخير …

– ماحساتش شامة بطريق ، حتى كانو قدام واحد الريسطو … بلاصة جنيد ونزل وهي وراه ، جا يحل الباب ماخلاهش سيكريتي ..

– سمح ليا كاينة حفلة خاصة ..

– جنيد : ماخلاهش يكمل شدو لاحو حل الباب ودخل ، كيبان ليه خوه مع صحابو ضاحك وناشط .. غير شاف جنيد جاي جهتو تصدم ..

– جنيد (جرو من الكول دشوميز) : فين هي لبنت ؟

– بهاء (بإستغباء) : شكون ؟

– شامة : فين هي أحلام ، راه كانت معاك ..

– بهاء : أنا ماعرفتش فين هي ، علاش فين عمري هضرت معاها … شامة قشعات تجاكيط مشات طيراتو ..

– شامة : هادي تجاكيطة ديال احلام ، وأحلام كتهضر معاك وكانت معاك وانا شاهدة على ميساجاتكم ، براكة من الكذوب ..

– ليلى (قاطعاتهم ) : شوفي أحبيبة ، الى كنتي كتقلبي على ديك نص بلاصة لي كانت هنا راه مشات ، براكة عليكم من الذل ..

– شامة (ماخلاتهاش تكمل ، هزات كاس ديال العصير خواتو ليها على وجها، جراتها من شعرها وكاع صحابهم كيشوفو ، هبطاتها خشات ليها وجها وسط الطارطة لي كان محطوط غير نصها ) :

– فاش تبغي تهضري على لالاك الملقطة اسلوپارة شللي فمك بسمن والعسل هاديك لالاك ادودة القز ، رجليك بحال العواد ديال سنان .. جيتيني مامسالياش ليك ، اما تشوفي مني لي عمرك شفتيه (دفعاتها) ..

– جنيد (كشاكشو خارجين) : برب العالي أبهاء برب ، برب العالي وتكون درتي شيحاجة للبنت .. غادي نسا بلي انت خويا قسما بارب حتى نسا بلي خويا ، شفتي انت شماتة واتبقى طول حياتك شماتة … بحالك بحال هادو لي معاك (دفعو ، دفل عليهم وخرج تابعاه شامة من اللور ) ..

______

– فبلاصة خاوية وقف الطوموبيل ، هبط فتح ليها الباب .. نزلات حتى هي بدورها ، الشتا كانت سحات ولكن البرد تحرك … زول تجاكيط ظالكوير لي كان لابس وغطاها ..

– فؤاد (بتساؤل) : شوية دابا ؟

– أحلام (حركات راسها بالإيجاب وتبسمات بإستهزاء) :

– نهار نويت نحل قلبي ، وحتى انا نعطي فرصة راسي شوف شنو وقع ليا ..

– فؤاد : مابغيتش نحكر عليك ونسولك ، ماشي من طبعي تحكار … الى بغيتي تعاودي أنا كنسمعك ..

– أحلام (هزات راسها فيه ، كتشوف ليه فعينيه) :

– بهاء خو جنيد ..

– فؤاد : ولد سي توفيق ؟

– أحلام : اه هو .. كنت خدامة فواحد المحال ديال الورد(عاودات ليه كولشي من الأول حتى الأخير) ..

– فؤاد (تعصب ولكن مابينش) : فهمتك … أحلام مغاديش نݣوليك غلطي ولا انت السبب ، بالعكس أنت مدرتي والو …ولكن حاجة درتيها غلط ومكانش خاصك ديريها ..

– أحلام (مزال كتشوف فيه) : شنو هي ؟

– فؤاد (شاف ليها فعينيها) : تخليتي على مبدأ من المبادئ ديالك على قبل إنسان عاد عرفتيه ..

– أحلام : بحالاش ؟

– فؤاد : قبلتي تخرجي مع إنسان عاد عرفتيه ، وفوقت معطلة … وتعشاي معاه ، ستغليتي والديك لي غايبين .. ودرتي حاجة لي عمرك كنتي تفكري ديريها ومتأكد من كلامي .

– أحلام (سكتات حيت كلامو صحيح) : بصح .. عندك الصح فكلامك ، عمري تجرأت نخرج مع شي حد فهاد الوقت ونقبل نتعشا معاه على برا … كانت ضروري تكون معايا شامة ولا عماد … أنا صاحبتي كدبت عليها .

– فؤاد : هذا هو البلان ، انت هنا غلطتي … الانسان مايمكن يتبدل بين ليلة وضحاها ، خاص بعدا تفوت شحال ديال الوقت عاد يتبدل وتبان عليه … كان خاص تفكري فهاد القضية ، ومتعطيش كلشي ضربي وتقيسي … منكدبش ومنخالفش مبدأ من مبادئ ديالي على إنسان عاد عرفتو … ولكن انت لي رابحة ، حيث هو بين على مستواه المنحط ، وبين شنو كيسوى وشكون لي ضايرات بيه … عاهرات بدون مستوى.

– أحلام : أنا مكنسواش ..

– فؤاد (قاطعها) : بالعكس ، هو لي مكايسواش … كوني أكيدة أيجي نهار يبغيك بدوا ومغاديش يلقاك … ديك الوقت أتكوني مع إنسان لي فعلا باغيك وكيستحقك ، انت هاد الليلة ماخسرتي فيها والو .. غير بينات ليك الانسان لي انت معاه على حقيقتو ، وبلي مخاصش غير تجي وتعطي ماعندك وتصرفي كيف بغا غيرك … كوني أحلام وتصرفي على طبعك ومتبدلي حتى حاجة فيك … خليك هكا كيما أنت .

– أحلام (تبسمات بحزن وسكتات) : شكرا بزاف ..

– فؤاد : العفو ..

– أحلام (كتقلب) : تيليفوني ، تيليفوني خليتو سيلونس .. خلاتو ومشات حلات الباب دطوموبيل ، هزات الساك وهزات تيليفون ، شعلاتو لقات العرارم ديال لي زاپيل ..

– أحلام (مخلوعة) : ناري شامة شحال عيطات ليا ..

– فؤاد : سوني ليها اتكون مخلوعة ..

– أحلام : خايفة والله .

– فؤاد : كالم توا ، غير بشوية عليك كولي ليها لي كاين ..

– أحلام (أشرات بالايجاب وسونات) ..

______

– عند شامة لي مزال مع جنيد ، بدا تيليفونها كيسوني … غير بانت ليها نمرة ديال أحلام حلات الخط مخلوعة ..

– شامة (كتسولها متابعة) : أحلام علاش مكتجاوبيش؟ فينك عاد كنا مع بهاء ؟ فينك فين مشيتي خليتي تجاكيط ديالك ، وكدبتي عليا واش واقعة شيحاجة ليك ؟ ودوي ..

– أحلام (كتعاود ليها وتبكي)

– شامة : الحم…… شماتة لاخور الله ياخود فيه الحق ،شوفي ݣولي لخالي فؤاد يجيبك عندي لدار نلقاك تما انا جايا ..

______

– جنيد : شنو واقع فين هيا ؟

– شامة : كاينة مع خالي فؤاد ، سير لدار نوصلو تماك ونفهمو شنو واقع ..

– جنيد : واخا … قلب الطريق وخدا طريق دار شامة ..

______

– وصلو لدار كتبان ليها طوموبيلت فؤاد ، مع وقف جنيد نزلات كتجري لعندها ، عنقاتها كتقلبها واش بيها شيحاجة … الريسيل هابط وحالتها ..

– شامة : شنو وقع عاوديليا ؟

– أحلام (عاودات ليها كولشي من الاول حتى الاخير ) ..

– جنيد (جعر) : علاش بهاء ايدير هكا علاش؟

– أحلام(شافت فيه وعاودات ليه البلان لي كان وقع) ..

– جنيد : اهاه ، شامة خودي أحلام ودخلو لدار .

– شامة (عارفة جنيد الى تعصب اش كيدير) : جنيد ، شنو باغي دير شوف ..

– جنيد (بصرامة) : دخلي احلام لدار وسيري .. خلاهم مع فؤاد طلع لطوموبيلتو ومسى مكسيري ..

– شامة : خالي دخل .

– فؤاد : لا خاصني نمشي ، أحلام رتاحي انا غير نوصل نسوني ليك نشوفك كيف بقيتي صافي ..

– أحلام (أشرات ليه براسها ومشات مع شامة لدار) ..

– مع دخلو كان علي وانعس ، أحسن حاجة بنسبة لشامة حيت مافيهاش لي تشرح لباها شي حاجة … وهي هادشي لي داز هاد الليلة خدا منها النص … مشات سخنات الدوش لأحلام ، خلاتها دوش ومشات توجد ليها الحوايج لي تلبس وشنو تاكول ..

______

#الڤيلا

– دخل جنيد ، لقى زياد هو وباه ݣالسين كيهضرو … دخل مكشكش شاعل ..

– جنيد (بصرامة) : مزال مجاش داك الكيدار؟

– توفيق : شكون ؟

– جنيد : بهاء شكون من غيرو كيدار فهاد الدار ..

– زياد (وقف) : شنو واقع ؟ أش دار ؟

– جنيد : حتى يجي وتعرفوه شنو دار ..

– توفيق (مخنزر) : جنيد ..

– جنيد (شاف فيه) : الواليد ، هاد المرة مكاين بو جنيد … منين توصل بيه يضحك على بنت الناس ويديرها مهزالة بين صحابو ، حتى لهنا وحبس ..

– وهوما كيهضرو تحل الباب ودخل بهاء كيصفر ..

– جنيد (كيضحك) : أوووه هاهو جا ڤلانتينو ، عمرك طويل البوݣوص ..

– بهاء : شوف جنيد (مجا فين يكملها حتى جاتو بونية لوجه طيحاتو) … جا زياد كيجري وتوفيق وقف كيشوف فولادو كيضاربو..

– جنيد (خنزر فزياد) : بربي وتقرب حتى نخلطك معاه برب العالي …

_____

– جنيد (رجع شاف فخوه جرو او وقفو نزل عليه بالبونية تانية رعفو) : دوي أشماتة اعيفة الرجال ، شفتي انت بحالك … يلبسو الكسوة ويسربيو فالبيران والقهاوي … ويغيلو طباسل ، بحالك انت خاصهم يكرطو لحية خاصهم يسميوك الباتول ماشي بهاء … شفتي انت بزاف عليك كنية الهاشمي وبزاف عليك هاد العائلة ..

– نزلات إيمان وزينب وجواد ، سعيدة حتى هي كولشي نزل وعلامات الاستغراب وصدمة على وجهم ..

– توفيق (غوت) : جنيد أش واقع ، واش نسيتو راسكم واش حنا رسوم قدامكم ..

– جنيد (شاف فباه) : عرفتي ولدك شنو دار ولالا ؟(شاف فبهاء لي نيفو كلو دم رعف) دوي اسي بهاء ، ولا عرفتي شنو حسن تسد فمك حيت صوتك كيجيب ليا الردة ..

– جواد : جنيد شنو كاين ؟

– جنيد : سي بهاء ، مشا لأعز صديقة عند شامة أحلام ، وهمها بالحب والغرام … وبلي كيبغيها مفرش ليها دنيا ورد ، وهو غير كيضحك عليها ، السيد عارض عليها لريسطو غير هي وهو … جايب ليها كادو السيد وهي فرحانة ، عند بالها نيت راه باغيها … ولكن سي بهاء اش دار ؟ حافر ليها جايب صحابو وصحاباتو مخبيهم ، حتى طفاو الشمس وخرجو كيضحكو عليها ويصورو فيها … (كيغوت) خلاها خارجة فنص الليل وشتا خيط من السما … مامعاها حتى واحد كتبكي كونما فؤاد لي لقاها كون تعدا عليها شي واحد ..

– زينب وتوفيق وقفو مصدومين ، كولشي تصدم ..

– جواد : أش كتݣول ؟ وعلاش هادشي ؟

– جنيد : حيتاش السيد ، كان جا عندها بصدفة للمحال فين خدامة ، وبغا يشريها بالورد ولكادوات .. ورفضاتو ، وزاد فيه ومشا حتى لدارهم … عمركم شفتو شي وقاحة بحال هادي .. مشا حتى لدارهم مراعاش بلي ساكنة فحومة شعبية ، ولا ناس ايديو عليها عندو بالو بحال دوك الكلبات لي معاه … ومنين رفضاتو للمرة تانية وبسبابها دار كسيدة… مثل عليها بلي تبدل وبلي ولا ظريف … وبلي كيبغيها وتعطيه فرصة هادشي كامل ، غير باش ينتاقم منها وبين راسو راجل ..(شاف فيه ) انت راه مراجل محتى وزة … مافكرتيش فخواتاتك … يقدر لي درتيه لبنت ناس يديروه ليهم ولاد اخرين مافكرتيش ، علاش أنت أصلا فين عمرك فكرتي … طول حياتك عايشها طول وعرض ، مكتحتارم لا خوتك لا والديك لا دار لي تربيتي فيها … عندك لبنات بحال اللعب ، اشريف راه انت دون المستوى … راه ݣرام ديال الرجلة مافيكش ،(شنق عليه جاه جواد وزياد كيفكو) مابغيتش نشوف كمارتك مزال … أشماتة اعيفت الرجال عمرك مغادي طفرو ومزال غاتندم على هادشي ..

– زياد : جنيد خويا صافي براكة ، خليه مايستاهلش ..

– بهاء(كيمسح فنيفو) : حتى انت كدوي .. مع كملها حي براسو تجر وتصرفيقة جاتو للحنك ..

– توفيق : سمعني مزيان ، شحال وانا كنجمع ليك ومحشمتيش … مغانطولش معاك الهضرة ، غادي طلع تهز باليزتك وتنزل وتحط سوارت ديال طوموبيل ، وسوارت الڤيلا … وغادي تدي سوارت البرطمة ديالك بوحدها … عمرك مزال تحط رجلك هنا ولا فشركة ولا فليزاتوليي ..

– بهاء (شاد حنكو وكيشوف فباه) : بابا ..

– توفيق (بصرامة غوت) : منسمعش حسك … ماعنديش انا شي ولد لي يضحك على بنات الناس … نتبرا منو إلى يوم الدين ، اطلع ودير لي ݣلت ليك … ماشغليش نعس فزنقة سير على رجليك دير لي عجبك وعوم بحرك .. مكايهمنيش هادشي خاصو يوقع زمان ، كون تعلمتي شوية ديال الرجلة .. ضلعة عوجة خرجات فالعائلة وكلت فيك الله … وكلت فيك الله باغي توسخ سميتي .. يلاه الباب ، الباب .

– زينب (معنقاها سعيدة كتبكي وكتشوف وساكتة) .. داز من حداهم وطلع ..

– توفيق مع طلع مع مشا هو لبيتو ..

– جنيد (شتف فمو … مشا لعندها وعنقها) : سمحيليا الواليدة ، ولكن راه زاد فيه ..

– زينب (كتبكي) : لا حول ولا قوة الا بالله .. لا حول ولا قوة إلا بالله ..

______

– فبيت شامة ، ݣالسة أحلام ساهية من بعما كلات غير بزز .. هزات راسها فشامة كانت كتشوف فيها ..

– أحلام (تنهدات ونطقات) : سمحيليا ..

– شامة (سكتاتها) : مكاين لاش تشرحي ليا ، الكذوب حبالو قصيرة … مغاديش نݣوليك كون علمتيني كون ماخليتك ولا ولا … هادشي فات وماعندو باش يفيد أصلا دابا ، البكا من ورا الميت غير خسارة … المهم أنت عرفتي غلطك وهادشي لي كاين ، دابا هادشي نسايه حيديه من بالك .

– أحلام : علم الله جنيد شنو غادي يدير معاه ؟

– شامة : غير الله يستر ، كنعرفو مزيان واخا خوه … مغاديش ينساها ليه ..

– بدا تيليفون أحلام كيسوني ، طلعات ليها نمرة ماعرفاتهاش … حلات الخط وجاها صوت فؤاد .

– أحلام : سلام فؤاد ، الحمد لله بيخير … لا دابا شوية الحمد لله لهلا يخطيك شكرا … سمحليا عذبتك معايا ، واخا إن شاء الله … واخا صافي تصبح على خير .

– شامة : دوزي نعسي رتاحي يلاه ..

– أحلام : واخا تصبحي على خير ..

– شامة : وأنت من أهل الخير .

______

– نزل بهاء هاز باليزة ديالو ، وقف كيشوف فيهم … خوتو دورو عليه وجهم ،، عمرها جات لبالهم يدير بحال هاد الفعايل … هو أه عارفينو بو لبنات وكل مرة مع وة وطايش … ولكن باش توصل بيه يضحك على بنت ويضحك فيها الناس ، ويخليها غادية فنصاصات ليل مسكينة وشتا فوق منها ، فعايل كيديرهم غير شمايت ..

– حدر راسو حط سوارت طوموبيل فوق طبلة وخرج … مع سد الباب ضار جنيد وطلع لبيتو كاعي ، باغي غير يدوش ويرتاح ..

– سعيدة (نوضات مها) : ماما يلاه سيري رتاحي ..

– زينب : أودي منين غادي تجي الراحة أبنتي منين ..

– جواد : الواليدة ، ولدك راه كبير وعارف شنو كيدير … ديها فراسك أنت وخليه يتعلم المسؤولية شوية … راه معيق باز وزاد على حدو ..

– تنهدات زينب ومشات بخطوات بطيئة طالعة لبيتها ..

_______

– فصباح … فاقت شامة مخلية أحلام ناعسة … غسلات وطرفات حالتها ودخلات لكوزينة وجدات الفطور … وحطاتهم على الطبلة ، فاقت أحلام غسلات حالتها ، لبسات واحد سروال ديال شامة وتريكو .. وخرجات لعندها ، هبط علي شاف أحلام او وقف مستغرب ..

– علي : أحلام بنتي صباح الخير ، بتي هنا ؟

– شامة : أه باتت هنا ، جينا لقيناك ناعس ..

– علي : نعاست أبنتي مع العيا ..

– شامة : ودوز ابا تفطر ..

– فطرو ب 3 بيهم … علي خرج لخدمة وشامة دخلات لبيتها ، لبسات صايا ديال الكوير مع صباط كحل طالع … ودارت معاه تريكو حمل وتاكيطة ظيالها ديال الكوير ، دارت لعينيها ريسيل ولمسة من أحمر الشفاه فلون الغوز …رشات ريحتها هزات السكادو وتيليفونها وخرجات عند أحلام ..

______

– فالشركة …

– عماد غادي جاي معصب ..

– سعيدة : وصافي اعماد ، واش انا عاودت ليك باش دير بحال هكا؟

– عماد (شاف فيها مخنزر) : سعيدة ، أحلام راها ختي … مربيين من صغر ولي مسها يمسني … وشفتي ݣاع داكشي لي دار خوك جنيد ، ونلقى بهاء قدامي مغانخليهاش فيه ، وتوصل فين بغات توصل حيت خوك شماتة من الأخر ..

– سعيدة (سكتات وحدرات راسها) : وانا علاش كتغوت عليا دابا ؟

– عماد : أنا مغوتش عليك ، أنا كنݣوليك لي كاين ، خوك خاصو تربية من جديد وقسما برب العالي … ويطيح فيدي مغانزݣلوش انا علمتك ..

– سعيدة(وقفات ومشات لجهة الباب) : قيلو ولا متقيلوش ، أنا غير علمتك … وعاودت ليك لي كاين باش منتسماش خبيت عليك … مكاين لاش تبقى تغوت عليا ، حتى انا ضرني خاطري اعماد ، ماشي انا لي ݣلت ليه دير هكاك ..

– عماد : دابا حنا أش ݣلنا ليك ؟

– سعيدة : ماݣلتي والو ، أنمشي نكمل شغالي … خلاتو معصب وخرجات ..

______

– شامة : توصلي لدار سوني ليا صافي … وضي لبال لراسك .. أنا انخرج من الخدمة ونسوني ليك ، وإلى خالتي نوال مجاتش رجعي لعندنا لدار … مكاين لاش تبقاي فدار بوحدك صافي ..

– أحلام : واخا كوني هانية … بقات شامة حاضياها حتى ركبات فطاكسي ومشات… عاد خدات طاكسي هي لخدمتها ..

– مع وصلات لخدمتها مع وقف جنيد بطوموبيل … هبط كيطلعها ويهبطها بإعجاب وبغيرة ..

– شامة ( كتشوف فيه ،وعينيها فيهم ألف معنى وألف شعور) :

– صباح الخير ، كيصبحتي مزيان ..

– جنيد (تنهد ) : من بعد ليلة ديال البارح ، شوية ..

– شامة : شنو درتي ؟

– جنيد : درت اللازم ولي خاصو يدار ..

– شامة (تشوشات) : جنيد ، عنداك تكون تهورتي ؟

– جنيد : حاجة وحدة لي خاصك تعرفيها ، الحق حق واخا يكون خويا … وكل واحد كيتجازا على أفعالو ، وبهاء خدا داكشي لي خاصو ..

– حل المحال ودخل …

– شامة (تبعاتو) : ساق الخبار عمي توفيق ؟

– جنيد (ݣلس) : اه ساق لخبار ، وهو لي دار الواجب وعطاه داكشي لي كيستاهلو .. راه جرا عليه من دار

– شامة (شدات على فمها) : ول

– جنيد (قاطعها) : إلى كنتي غادي تݣولي ليا مكانش عليه ، غير سكتي حسن ليك … حيث بهاء كان خاصو قرصة ودن باش يتعلم .. ودابا سدي هاد الموضوع مافياش لي يهضر فيه ..

– شامة : نجيب ليك قهوة ؟ تحت عينك كحل باين مناعسش مزيان ..

– جنيد (رجع بالكرسي لور كيشوف فيها ) :

– الصراحة ، والله مكرهت شي مساج من يدياتك … ولكن دوماج حيت الفريفرة ديال نادية جايا ..

– نادية (كتشوف فيهم ، جايا على صباح ماكية ومقادة) :

– صباح الخير عليكم .. صباح الخير موسيو جنيد (كتشوف فيه) ..

– جنيد (كيشوف فشامة. نظرات الغيرة لي واضحين عليها) : صباح الخير ..

– نادية : كيصبحتو اليوم … كيبان ليا الجو مغيم بحال والو الشتا غادي طيح ..

– شامة (ببرودة) : لا التبروري لي غادي يطيح .. وبالحجر ، سيري أنادية اختي حلي المحال راه الكليان ايجيو من هنا لشوية سيري ..

– نادية (ماحملاتهاش) : واخا … ضربات فيها ومسات للمحال لاخور ..

– شامة (ضارت كتشوف فجنيد ميت بضحك) :

– تهجرو مالك كتفرنس ؟

– جنيد (كيضحك عاجبو الحال فرحان) : منضحكش ، زوينة هادي عندك … مالك ياك لاباس؟ شنو واقع؟

______

– فالبيرو عند سعيدة … واقفة قدام السرجم ساهية .. تدق الباب ودخل عماد ، ماضارتش عندو نهائيا بقات عاطياه بظهر ، عرف راسو غلط وغوت عليها … حدر راسو ومشا جيهتها .. حط يدو على كتفها ودورها لعندو ، ضارت حادرة راسها مابغاتش تشوف فيه .

– عماد : سمحيليا ، عارف راسي غوت عليك … والله ماقصدت ماشعرتش ، ولكن راه هادشي لي دار بهاء ماهواش … أي واحد أيتعصب واخا مايكونش كيعرف أحلام … شوفي غير جنيد وشنو دار ، خلي انا لي مربية معايا ختي هاديك .. ضرني خاطري ..

– سعيدة : وحتى أنا ماݣلت ليك والو ، ولكن شنو درت أنا باش تغوت عليا …

– عماد : سمحيليا ، والله ماقصدت … سمحيليا بزاااف أحبيبة ديالي .. اخر مرة .

– سعيدة (تنهدات وتبسمات ليه) : ماعليش ، ماوقع والو. ..

– عماد (خداها بين بيديه وعنقها) : لهلا يخطيك عليا ..

– سعيدة : أمين يارب .

______

– جنيد : ويلاه دوي مالك سكتي ؟

– شامة : شنو غادي نݣول ، ماواقع والو … واش نجيب لي قهوة ؟

– جنيد (طلعها ونزلها) : اهاه واخا سيري ..

– هزات الفلوس من المجر ومشات تجيب ليه القهوة ..

– جنيد(تبسم) : واخا يالالة … دابا نشوفو هاد عزة النفس ديالك فين اتوصل فهاد النهار … غير بيا ولا بيك أشامة غادي تعتارفي وتكوني ليا وديالي ، طوال زمان ولا قصار .. إلى ماخليتك اليوم تعتارفي ، مانتسماش جنيد الهاشمي ..

______

يا صورةَ الحبِّ المسافرِ في دمي

روحي فداكِ، ألا تَريْنَ تألُّمي

رفقاً بقلبي قد ألمَّ به الهوى

من كلِّ صوبٍ دونَ حدٍ فاعلمي

ما طاب لي نَومي ولا قَدْ ذُقته

مُذْ كانَ بُعدكِ عنْ فؤادي المغرمِ

ولقد أتيتكِ والفؤادُ معذبٌ

أشكو إليكِ الذكريات وأحتمي

تبكي العيونُ وفي فؤادي رجفةٌ

ونزيفُ أحلامٍ لماضٍ ظالمِ

فلترحمي قلباً ببابك واقفاً

يرجوك نوراً بعد عمرٍ مُظلمِ

إنَّ الهوى في القلب نارٌ تغتلي

والشوق في الأعماق يحرق أعظمي

والروح دونكِ لا تُفيقُ فترتجي

أملاً به تحيا، رجوتكِ فارحمي

إن تقبلي حبي فقربكِ جَنَتي

أو ترفضي قُربي فَتِلْكَ جهنمي

______

– رجعات هازة كاس ديال القهوة فيديها وتيليفون كتهضر ..

– شامة : صافي منين مغايرجعو حتى لغدا جي … صافي شدي طاكسي وجي صافي … ماشي حتى لعشية 12:30 هكاك شدي طاكسي .

– أحلام : صافي واخا إن شاء الله، يلاه أنا مشيت ..

– شامة : يلاه بسلامة .

– جنيد : أحلام ؟؟

– شامة (حطات ليه القهوة ) : أه هي ، ݣلت ليها تجي تبات عندي اليوم ، بوحدها فدار .

– جنيد : اهاه مزيان ، باش نيت ماتبقاش تفكر ..

– خلاتو فالبيرو ومشات لبلاصتها ..

– داز الصباح غير فالخدمة … وصلات 12:30 مشات شامة لدار لقات أحلام عند الباب ، دخلو بجوج ، مشات تسخرات جابت شنو غادي ياكلو … تغداو بالخف ورجعات تاني لخدمة ،، غير وصل المغرب بداو الكليانات كيدخلو ،، وكيف متافقة هي وياه العيالات ليه .. ورجال ليها هي ..

– نجاة : تبارك الله عليك اسي جنيد ، عندك الدوق ماشاء الله عليك ..

– جنيد (ضحك) : إوا ضروري ، واش غير جينا وخدينا حاد الحرفة ..

– نجاة : عندك الحق ، الصراحة واخا حتى الحاج كان الله يعمر ليه الدار ، ولكن حنا العيالات كيعجبنا الرجال الدواقة ، لي يعطيوني رأيهم ونسمعو كلام زوين منهم ..

– جنيد : أنتوما متحتاجوش كلام زوين ، حيت انتوما أصلا زوينات … ونساء هوما نصف المجتمع .. ولالا الالة نجاة ؟

– نجاة (بإعجاب) : هادشي لي خلاني مدمنة على هاد المحال … لا أنا لا صحاباتي ..

– وفاء (صاحبتها) : صراحة المحال غزال ، ولي زاد محليه هو مولاه ..

– جنيد (دور عينيه جيهت شامة ، كتبان ليه مخنزرة بقا ليها شوية وغادي تنفاجر) :

– لهلا يخطيك ، مرحبا بيكم .

– وفاء : قولي كديرو حتى هادشي ديال لي موبيليي على مقالت ليا نجاة ..

– جنيد : اهاه إلى خاصاك شي حاجة مرحبا بيك ..

– وفاء : عندي واحد الصالون ، عاد صبغتو وقاديتو بقاو ليا غير طلامط .. ولخوامي ، مكرهتش تجي وتشوف بعينيك … وتنصحني .

– شامة (قاطعاتها) : لي مسؤول على لي موبيليي هو سي منير وأنا ، إلى حتاجيتي شيحاجة أنمشيو انا وياه .. نشوفو شنو ايجي مع الصالون ولوينات المانسبين ليه ويكون خير .

– وفاء (بحال الى شامة ماهضراتش معاها) : سي جنيد واش بصح ، عند بالي الباطرون لي كيكون مسؤول على هاد القضية ..

– جنيد (كيحس بشامة ولات بركان حداه) : هو الصراحة شامة ومنير لي مسؤولين ، ولكن ماعليش هاد المرة نمشي أنا ..

– وفاء (ضحكات) : لهلا يخطيك ، صافي أنا اناخد كارت ڤيزيت (هزاتها من قدامو) ونسوني ليك نعطيك لادريس ..

– نجاة : ايوا صافي ساليتي ويلاه ..

– وفاء : خلينا ليك الراحة بون جوغني ..

– نجاة : حتى لمن بعد بسلامة ..

– هز جنيد راسو كتبان ليه شامة مخنزرة … شوية وغادي تنفاجر ..

– شامة : سمح ليا غادي نمشي لطواليط ، خلاتو ودخلات لطواليط … كتحس براسها مابقى ليها والو وغادي تنفاجر ..

– هزات راسها لمرايا مخنزرة … وفراسها وفبالها حاجة وحدة واش تقدر تسكت ومديرهاش … ولا تكون جريئة ويا ربحة يادبحة ..

______

– دخل فؤاد لدار .. مشا طلع نيشان لبيتو ، حيد تجاكيط وݣلس على الفوطوي ، هز التيليفون ديالو ودوز نمرة أحلام ..

– فؤاد : وي أحلام .. صاڤا أمورك مزيانة ؟

– أحلام : الحمد لله بيخير وأنت ؟

– فؤاد : الحمد لله مزيان ، كيف بقيتي شوية ؟

– أحلام : لا الحمد لله ، أنا عند شامة فدار انبات عندها هاد الليلة ..

– فؤاد : مزيان .. باش ماتبقايش بوحدك فدار .

– أحلام : داكشي لي كاين .

– فؤاد : يلاه نخليك دابا ترتاحي حتى لمن بعد ..

– أحلام : إن شاء الله ، شكرا بزاف .

– فؤاد : مابيناتناش .. تصبحي على خير.

– أحلام : تصبح على خير ..

______

– فالمحال … مشات نادية ودراري بقات شامة ، رجعات شي سلعة لبلاصتها .. شوية حتى وقفات واحد السيدة هي او وحدة اخرى ..

– سلام عليكم ..

– جنيد : وعليكم السلام ..

– وقيلة غادي تسدو ..

– جنيد : ماعليش خاصاك شيحاجة ؟؟

– أياه ، بغيت توب جوهرة الله يخليك فالبيج ..

– جنيد (شاف فشامة) : شامة شوفي مع السيدة ..

– شامة (ببرودة شافت فيه من فوق السلوم) : أنا كنرجع السلعة لبلاصتها … ياك انت لي مكلف ؟؟ ..

– جنيد ( إستغرب من الجواب ديالها ، وقدام الكليان ) ..

– ماعليش ، كملي خدمتك … شاف مع السيدة شنو بغات ، تخلص من عندها ومشات ..

– ستفات شامة السلعة لي بقات تحت أنظارو … متبع شنو كدير ، مكتهضرش معاه ولا كتشوف فيه .. خرجات على برا رضات الباب ديال الزاج … بقا غير الݣرياج يهبطو هو ..

– شامة (ببرودة) : بقا غير الݣرياج ..

– جنيد (مجاوبهاش ، خلاها ومشا هبط الݣرياج بقا غير النص حتى يخرجو هوما ..

– هزات تيليفون ديالها وشارجور دارتهم فسكادو … هزات واحد المذكرة كتقيد فيها … دارتها فالمجر ، صافي طرفات تم هزات السكادو دارتو على ظهرها .. يلاه اتزيد تخرج وقفها بكلامو ..

– جنيد : بلاتي نوصلك ..

– شامة (مشافتش فيه) : مابغيتش ..

– جنيد : راه 8:30 هادي دليل ، مغاديش نخليك تمشي بوحدك يتلݣا ليك شي واحد ..

– شامة (ضحكات وشافت فيه ) : على أساس أنت هامك !!

– جنيد (غوبش) : أش واقع ليك أنت ياك لاباس ؟

_______

– شامة (شافت فيه) : ماواقع والو ، بغيت نمشي فحالي كاين شي مانع ؟؟

– جنيد (هز حاجب وهبط الثاني) : أه كاين مانع ، مغاديش تخرجي من هنا حتى تݣولي ليا أش واقع ، وبراكة من هاد تبرهيش ديال والو ..

– شامة (ضحكات) : تبرهيش ݣاع … إيوا اسيدي إلى جيتك برهوشة ، براكة عليك العيالات لي كيكونو هنا .. هوما فيهم الخير والبركة ، يجيو معاك وتجي معاهم ..

– جنيد : هااا خرجي من رونضتك ، وأنت مالك اصلا هادوك الكليانات ديالي ، اش دخلك انت نهضر ولا نضحك معاهم ..

– شامة : حتى واحد مداها فيك ، شغلك هذاك ، اه نسيت حتى دوك لي كنا مكلفين بيهم انا ومنير سير عندهم … شوف ليهم الصالونات وديكورات ، ومتنساش حتى بيوت ديال النعاس مزيانة هادي ..

– جنيد (قرب ليها حتى ولاو عينيه قراب لعينيها) :

– وانت اش ضرك ؟ دوي ياكما كتغيري ؟ ..

– شامة (تزيرات كتحس بقلبها كيضرب وغادي يخرج من بلاصتو) : هادي بلاصة ديال الخدمة ، وانا عاهدي بالباطرون كيكون غير فالبيرو … والخدامة هوما لي كيتكلفو بالكليان ، ماشي هو لي كيتكلف وكيبقى يدي ويجيب مع العيالات فالحتيت الخاوي ..

– جنيد : وانت ماشي شغلك ، انا حر ندير شنو مابغيت وفالوقت لي بغيت ..

– شامة (حابساها فحلقها) : وحتى انا ماعندي مندير بهاد الخدمة ..

– جنيد (جمع غوباشتو) : والمعنى ؟؟

– شامة : ماعندي مندير فالخدمة لي الباطرون يدي ويجيب مع العيالات ، داخلة يضحك معاها ويلعب معاها ويشد معاها فالحتيت ، يتبادلو النظرات والضحك واللعب … وتوصل بيهم يفوتو الحدود ديال الخدمة مامراعيش ليا واش كاينة حداه ولا لا ماحساش بيا ماحسش بقلبي .. محاسش بلي شاعلة فيا العافية وقلبي كيضرني بجهد .. ما (قاطعها جرها من خصرها وحط شفايفو على شفايفها … يد شادة شعرها ويد شداها من ظهرها … قلبها كان غادي يخرج من بلاصتو ، كيضرب بجهد محساتش كيفاش نساجمات معاه …يديها على عنقو كتلعب بشعرو وكتجرو لعندها كثر وكثر … بحال غريق كيستنجد بالمنقد ديالو … بحال عطشان اخيرا لقا بير لي يرتوي منو .. ويبرد نار العطش لي كيحس بيها ..

– جنيد (بعد بشوية عليها ، مزال شاد فيها … كيشوف ليها فعينيها لي كانو كيبريو … كيبريو بدموع وبمشاعر باينين لأي واحد ممكن يشوفهم ويفهم باش كتحس … بهمس نطق ) :

– كتبغيني ؟

______

– سامية ( كتخنزر فسيف) : وسير فحالك عطيني تيساع .. ونووووووووض دوش فيك ريحة الحوالة ..

– سيف (جاي عيان) : واش انت حمقة ، وراه دوشت جوج مرات ، جوج مرات وانت كتنوضي فيا ندوش واش شوية لاباس ..

– سامية : وحق الله حتى ريحتك خانزة ، تݣول غير بايت فرحبة ديال البهايم ، ونوض عفاك يا دوش ياسير لبيت لاخور ..

– سيف : سامية واش حالفة فيا هاد النهار ، راه جاي عيااان العظم الصحيح ماعنديش … خليني نعس الله يرحم باك .

– وقفات كتخنزر فيه :

– اهاه واخا ، الى هكا اخويا خليت ليك هاد البيت انا ݣاع ..

– سيف (ناض هز مخدة ديالو) : هاد الوحم مغايسالي حتى نلوح حوايجي فزنقة انا ، هاهو الالة غادي لصالون … بقاي على خاطرك ..

– سامية (مسات هزات ريحتو كترش بيها البيت) : ديرها من الصباح ..

– سيف (وقف كيشوف فيها ) : ريحتي عاجباك ترشي بيها ، وانا فيا ريحة المعاز ..

– سامية :. اه انت فيك ريحة المعاز ..

– سيف : الصبر من عندك ياربي … سد عليها الباب ومشا نعس فصالون ..

_____

– جنيد(حط جبهتو على جبهتها) : كتبغيني؟

– شامة (تنهدات تنهيدة طويلة ، شحال قدها تنكر وتخبي وتخبع الحقيقة … هي كتموت عليه مايمكنش تنكر هادشي) : كثر ماتخايل ..

– جنيد (حس بقلبو أيخرج من بلاصتو … شحال وهو كيتسنى هاد النهار يجي) : ݣوليها عفاك ، بغيت نسمعها منك … بغيت نسمعك كتنطقيها ..

– شامة (هزات يديها وشدات ليه وجهو … ياك هي جريئة … ياك لي فقلبها على لسانها ومكتخبي والو .. كيف عتارف ليها وكيف دار معاها خاصها دير ، دابا جات نوبتها) :

– كنبغيك بزاااف … كنبغيك اجنيد كثر ماتخايل ، كنبغي أي حاجة فيك رجولتك مواقف ديالك معايا ومع غيري … كنبغيك على أي حاجة فيك كيفما بغات تكون … خايبة ولا زوينة ، واخا هو الحوايج الزوينين لي فيك مكايخليونيش نشوف شي حاجة لي هي خايبة … كنبغيك لدرجة مكنبغيش نشوفك مع غيري ، مكنبغيش كلمة زوينة تقال لوحدة غيري … أنت ديالي انا بوحدي بغيتي ولا كرهتي ..

– جنيد (هز حجبانو وتبسم بإستغراب)

– شامة : ماتبقاش تشوف فيا بحال هكا ( جراتو من تريكو ديالو قرباتو ليها) أنت ديالي انا بوحدي جنيد الهاشمي ، طرتي ولا نزلتي انت ديالي أنا ، من نهار بغيتيني ودخلتيني لقبك وانت ديالي … وحتى وحدة مغادي ديك من غيري أنا ..

– جنيد (غادي يطير من الفرحة من داخل ، حاس براسو كيحلم ) : هي موافقة تكوني مراتي وشريكة حياتي … موافقة نكبرو مشروعنا … موافقة تشاركي معايا دار وحدة وسقف واحد ونموسية وحدة(غمزها) موافقة تولدي معايا وليدات باسلين وجريئين بحالك ..

– شامة (ضحكات) : موافقة ، وأصلا ماعندكش خيار اخور من غير تكون معايا … بغيتي ولا كرهتي ..

– جنيد (تنهد تنهيدة طويلة) : وأخيرا حنيتي على هاد القلب … شحفتيني 7 شهور كاملة وأنت بعيدة ، محمقاني ومهبلاني مكنعي مكنشوفو … غير انت لي فعقلي وفقلبي ، وأخيرا حنيتي ..

– شامة (ضحكات) : كل حاجة فوقتها كتكون زوينة ولالا … ودابا شنو ݣلنا ؟ قابل تزوج بيا وتكون حبيبي وراجلي ، موافق نقابلو مشروعنا … بشرط ممنوع تهضر مع العيالات أنا لي غادي نقابلهم ، نتفاهمو من هنا ..

– جنيد (كيضحك) : كتعاودي هضرتي ياك ، وأنا علاش داير هادشي كامل غير عليك أنت … أنا قابل وطول حياتي قابل … كنبغيك كتر من الحب براسو (شد وجها وحط شفايفو على شفايفها وباسها بوسة طويلة وبقوة … كيعبر ليها على ݣاع باش كيحس … بعد عليها وهزها بين يديه كيدور بيها ..) ..

– شامة ضحكاتها كانت باينة لأي واحد شافها … كيفاش فرحانة وعينيها كيبريو .. أجمل وأروع إحساس تلقاي الحب الحقيقي … من بعد عناء طويل من بعد شحال ديال المشاكل دزتي منهم ، شحال ضحيتي وضربتي تمارة … وفالاخير تستاقر حياتك وتلقاي الشخص المناسب … شخص يبغيك ويحميك ويخاف عليك ،، هادي هي أحسن حاجة وقعات لشامة …

– هز جنيد السوارت ديالو وهو شاد ليها فيدها مطالقهاش … خرجو من المحال ويديهم مشابكين ، سد المحال .. حل ليها باب الطوموبيل حتى طلعات ،بيدو ركب ليها السمطة ، ضار كيجري طلع حداها … ديمارا طوموبيل وخدا يدها فيدو ، بحال قطعة ثمينة خايفها ضيع منك … وشدو طريق لدار .

________

– وصلو لدار .. حلات شامة الباب نزلات وتبعها جنيد ، وقفو قدام الباب ..

– شامة (عينيها كيبريو) : خاصني ندخل لدار ..

– جنيد (كيشوف ليها فعينيها) : أه خاصنا ندخلو ..

– شامة (بإستغراب) : كيفاش ندخلو ؟

– جنيد : ياك سي علي غادي يكون فدار دابا ؟

– شامة : أه كاين فدار دابا ..

– جنيد : إيوا مزيان (نخلها او دق فالباب) ..

– شامة (كتشوف فيه مافهمات والو) : أويلي جنيد ، علاش كدق راه عندي سوارت ..

– مجاوبهاش حتى تحل الباب ..

– أحلام (كتشوف فيهم بجوج مافهمات والو) :

– سلام جنيد ، ياك عندك السوارت ..

– جنيد (جر شامة ودخلها تحت أنظار أحلام لي مافهمات والو) ..

– وقفو وسط الصالون كان علي ݣالس ، غير بانو ليه كيشوف فيه بإستغراب … حتى هو مفهم والو .

– علـي : جنيد ولدي ، لاباس عليك .. نهار كبير هذا .

– جنيد (باس ليه راسو وݣلس) : سي علي لاباس عليك … كيغادي مع الخدمة مزيان ؟

– علـي : الحمد لله أولدي ، لي صاب صحيحتو يحمد الله .

– جنيد (بإصرار) : المهم سي علي … انا جيت نهضر معاك فواحد الموضوع ..

– علي : الله يسمعنا خبار الخير ..

– شامة : جنيد الله يهديك ..

– جنيد : سي علي … بلاما نطول ونزوق فالهضرة ، أنت عارف بلي كنبغي شامة وهادشي دوينا فيه نهار تصويرة عقلتي ؟

– شامة (شافت فباها بإستغراب ݣاعما ݣاليها بلي جنيد عتارف بحبو ليها ليه) ..

– علي : أه فخباري أولدي ..

– جنيد : ودابا أنا جاي طالب شامة لزواج منك ..

– أحلام (شهقات وشدات على فمها) : هاااه

– علي (تصدم ماعرف باش غادي يجاوب … كيشوف فيه وفبنتو ماعرف مايݣول) ..

– جنيد (ضحك) : بلاما تشوف فيها ، كونما وافقات ماكنتش غادي نطلبها منك ..

– علي (كيشوف فبنتو أحلام كتشوف فيها مافهمو والو) : واش أنت موافقة ؟

– شامة (نزلات عليها الحشمة .. حدرات راسها) :

– لي بان ليكم ..

– علي : ودابا سولناك واش موافقة ؟

– شامة (ݣلسات) : وصافي أعلي ..

– علي (ضحك) : وصافي أولدي .. منين سكتات راه باين العربون ههههه .. الله يكمل عليكم بالخير أولدي ، هذاك هو النهار الكبير ..

– شامة (هزات عينيها كتشوف فيه) : أممم باش يخلا ليك الجو مع زوهرة ؟

– علي (هز مخدة شير عليها) : الله يمسخك ..

– جنيد (كيضحك ) : غدا بليل انجيو انا ودار باش تكون خطوبة رسمية ..

– شامة(خرجات فيه عينيها) : أويلي واش من نيتك ؟

______

– جنيد (بجدية) : شنو بان ليك ؟

– شامة : أويلي .. ماوجدنا ما والو كيفاش درتي ليها ؟

– جنيد : كولشي عندو الحل … متجيبو حتى حاجة كولشي أيكون واجد .. أنت أخليها عليا ، وعتابري راسك غدا روپو ..

– علي (ضحك) : زربتي علينا أولدي ..

– جنيد : وحنا ماتيقنا وافقات .. عاد انا نبقى نتسنى ونتعطل (وقف) المهم أنا مشيت خليت ليكم الراحة ، غدا مع 9 إن شاء الله ..

– علي : إن شاء الله … وقف جنيد وخرج معاه علي تحت أنظار شامة لي حالة فمها … ماهضراتش بقات فبلاصتها ..

– أحلام (ݣلسات حداها) : واش هادشي لي كنسمع بصح ولا انا كنحلم ..

– شامة : ماعرفتش ، منين تفيقي فيقيني معاك عفاك .

#يتبع

______

#الرباط

– فشقة بهاء … ݣالس لابس سروال كيطمة مع تريكو .. قدامو محطوط الخاوي ديال المونادا … بيتزا كولشي مرون ،، هز التيليفون ودوز نمرة ليلى ..

– بهاء : وي فينك ؟

– ليلى : أنا عند الباب حل ..

– ناض لجهة الباب حلو ودخلات .. فيديها الماكلة حطاتها على الطبلة ..

– بهاء (هز فيها راسو) : ݣلسي ..

– ليلى : لا انا خاصني نمشي .. المهم ها الماكلة (حيدات ساكها وجبدات منو شي فلوس حطاتهم ليه على الطبلة) هاد الفلوس ايقدوك هاد السيمانة … الى دازت سيمانة خاصك تعرف شنو دير لراسك .. أه عفاك بلاما تبقى تسوني ليا مزال ..

– بهاء (هز حجبانو بإستغراب) : كيفاش زعمة ؟

– ليلى (كطلع فيه وتهبط) : كيف ݣلت ليك ، راه سمعتيني زعمة … ماتبقاش تسوني ليا مزال نساني ونسى نمرتي .. ماشي أخويا غير جرا عليك باباك نصرف عليك أنا … هادشي لي درت معاك راه غير پليزير مني أنا أزين ..

– بهاء : اهاه .. ونهار لي كنخصرهم عليك صحاح ، ودوك لي كوليي لي كنتي تلبسي ولي كادو ، نسيتيهم صافي ؟؟

– ليلى : كنا وكنتو وصرنا وصرتو احبيبي .. دوزنا وقت زوين فاش كانو جيوبك عامرين ، انا ماشي ولدتك ونسيتك باش نصرف عليك ، يلاه بسلامة عليك .

– خرجات وخلاتو واقف كيشوف فالفراغ .. الدنيا كلها مصالح ، عندك راه انت هو العسل .. كان جيبك خاوي ، أنت هو القطران ومتسوى بصلة خامجة ..

_______

– دخل جنيد لدار فرحان كيصفر .. دخل عليهم لصالون كانو ݣالسين كاملين كيتسناوه باش يتعشاو ..

– سعيدة (كتشوف فيه) : أول مرة دخل ناشط وفرحان ..

– جواد : هادشي لي كنشوف ، شنو هو السر زعمة ..

– جنيد (ݣلس) : السر هو قريب نتزوج ..

– زياد (تقاد فالݣلسة) : من نيتك كضحك علينا ؟

– جنيد : وعلاش أنا مالف كنضحك عليكم ؟؟

– زينب : ولدي واش كتهضر بصح بصح ؟

– جنيد : هادشي لي كاين ، باش تمشيو تخطبو ليا غدا ..

– زينب (مصدومة) : أويلي على غدا !!

_______

– جنيد : الواليدة واش أنا مالف كنضحك معاكم ؟

– سعيدة : حلف بالله أخويا .. واش واش شامة ؟

– جنيد (ضحك) : علاش كاين من غيرها ؟

– سعيدة (نقزات من بلاصتها مشات عندو عنقاتو) :

– ناري وحق الله حتى فرحتيني ..

– إيمان (فرحانة) : العااار شامة العاار ، ناااري احسن حاجة سمعتها فحياتي وحق الله ..

– توفيق : وعلى سلامتك اولدي ، الله يكمل عليكم بالخير .

– جواد : ومبروك عليك العود ..

– جنيد : الله يبارك فيك ، غدا غانمشيو نخطبوها رسميا مع 9 دليل ..

– زينب : أولدي ماشي بزاف ، إيمتا غادي نوجدو راسنا ؟

– جنيد : واش أنا شحال كنتسنى فيها توافق ، ونبقى نأجل … أنزرب عليها هاد السيمانة ، الخطبة غدا والعقد انجمعو ليه الوراق فسيمانة نديرو لاكط ..

– جواد : زربتي عليا اخويا ، جيتي اورايا وسبقتيني ..

– جنيد : وخويا شغلك هذاك ، بغيتي تأجل انت تعرف .. أنا راه مزروب ..

– سعيدة : أويلي وراه عماد جاي فأخر شهر يهضر فيا ..

– جنيد : وصافي ، بقات 10 يام نحضر ليك وانا مزوج (كيضحك) ..

– توفيق : والعرس ، باش ننفاهمو مع سي علي على كولشي ..

– جنيد : سيمانة من ورا الخطوبة ديال سعيدة ..والعقد ديال جواد .

– زينب : ونسيتي ختك سعاد ؟

– جنيد : ياك سعاد مغادي دير الخطوبة من هنا لشهرين .. إذا راه انكونو درنا العرس داك الساع .

– توفيق : باش كتعجبني كولشي كتفكر ليه ..

– إيمان : مبروك عليكم أخويا جنيد ..

– جنيد : الله يبارك فيك أختي إيمان .. إيوا مغاتحطوش لينا نتعشاو فيا الموت دجوع .

– زينب : سبحان الله أولدي ، سينين ماسمعت هاد فيا الموت ديال الجوع ..

– سعيدة : وراه اماما الحب كيدير المعجزات ، ولالا أبابا ؟

– توفيق : وهادي مكدبتيش فيها أبنتي ..

– زينب : أنا نوض نݣول ليلى تحط العشا .

______

– شامة : وصاحبي راه مافهمت والو أنا ، المهم شوف ݣولها لخالتي وصيها ، غدا تكونو عندي هنا راه معارفة مندير تالفة أبوحدي .

– نزار : صافي أهنينا وانت كتفتفي ، غدا انكونو معاك شحال عندنا من شامة غير وحدة ..

– شامة : انسوني على مي نݣولها ليها هي وجدي .. ونسوني لخالتي نورة أنا مشيت ..

– نزار : سيري سيري ..

– أحلام : وغير بشوية عليك ..

– شامة : أشمن بشوية اصاحبتي ، زرب عليا اويلي غدا .. ماعندي مانلبس مانوجد مانحط ماوالو ..

– أحلام : وصافي راه حنا معاك ، وأنا أنبقى معاك .. أنسوني على ماما نعلمها باش مانمشيش لدار غدا ، صافي غير رتاحي مديري فبالك والو .. كولشي غادي يدوز بيخير وعلى خير .

– شامة (تالفة) : ياربي ياربي ..

_______

فااقت شامة على صبح بكري.. هاد نهار مهم فحياتها بزاااف شحال وهيا كتحلم بهاد نهار وتكون مع شخص لمناسب لي يستحقها ويعرف بقيمتها…

شامة : احلام وااا احلام نوضي اصاحبتي راه خاص نتقضاو شحال من حاجة

أحلام : عفاك غير واحد شوية منعستش مزيان .

شامة : ولا نووووضي عفاااك ,خاص نشوف شنو نلبس ونقاد حالتي, وعاد نشوف شنو نوجدو ليوم ايكون عندنا نهار عامر..

احلام :واشامة وا حبيبتي راه خاص غير تشوفي اشنو تلبسي اما توجاد خوالاتك أيتكلفو فيه متهزي هم كلشي ايدوز بيخير وعلى خير ..

شامة : إن شاااء الله فيا لخلعة بزاف.. يلاه نوضي نفطرو ونقادو دار ونخرجو نتقداو لي ناقسنا …

________________

عند سي جنيد لي فاق بكري كولو نشااط وحيوية وعلاش لا وهوا كان كيتسنا هاد شي من شحال هادي اخيرا دق قلبو لبنت أخرا وبغا يكمل معاها حياتو هبط من بيتو متاجه لطبلة دلفطور كان كلشي كيفطر

جنيد : صباح لخيير عليكم

زينب : صباح الخير اولدي العزيز كيف صبحتي مزيان

توفيق : سي لعريييس فايق فرحان

جنيد : لاباس الواليدة لهلا يخطيك .. ضروري نكون فرحان خطوبتي هادي ههههه ..

جواد : نتا لي صدقات ليك جيتي قبل مني وغتخطب وتزوج سعداتك ههه الله يكمل كلشي على خير

جنيد : اللهم امين لعقبة ليك

زينب : جنيد خاصنا نمشيو نتقداو شي حوايج بخصوص الخطبة خاص تاحاجة متنقص يلاه فطر دغيا اولدي

جنيد : واخا الواليدة ..

– سعيدة : تسناوني نجي معاكم ..

– جواد : أياه الالة وديك الشركة والخدمة لي كتسنانا ؟

– سعيدة : اليوم خطبة خويا واقيلة ولا نسيتي ، اليوم ماعلياش الحرج مغانمشيش .. يلاه نوجد مع خويا .

– زينب : حتى سامية راه جايا .. وسعاد علمتها أتكون هنا فالعشية ..

– جنيد (كياكل) : صافي مزيان .

– زينب (حدرات راسها وسهات) ..

– توفيق (حس بيها .. حط يديه على يدها) : خليه ازينب … هو لي ختار هادشي ، خليه يتادب شوية ويعرف الصح من الغلط … ايكون ناقصنا فهاد الفرحة ، ولكن راه لي بغا ماعندنا مندير … فشوشنا الزايد خرج على ولدنا ازينب ، ودابا جا الوقت لي يتأدب فيه شوية ..

– زينب (تنهدات) : عارفة لي كاين .. المهم يلاه أجنيد واش انباتو هنا ..

– جنيد : وهاني هاني ، ابشوية عليا راني عريس زعمة ..

– جواد (ناض) : أنا مشيت ، نتلاقاو فالعشية ..

– جنيد : واعنداك تعطل .. ومتنساش تجيب سهيلة ..

– جواد : وضروري نجيب المدام .. خلاهم كيضحكو وخرج لخدمتو ..

_______

شامة خارجة هيا وأحلام كيضورو من محال لمحال

أحلام : (كتغبن ) واشامة واعيقتي أختي لمحال لي دخلنا ليه مكتعجبك فيه تاحاجة رجلي طابو عليا 🥺🥺

شامة : عفاااك راه مقنعاتني تاحاجة كلشي عادي انا بغيت شي قفطان لي يكون زويين وسامبل .

احلام : يلاه راه دخلو هنا عل الله تلقاي شي حاجة

شامة : واخا يلاه …

مولات المحل : سلام عليكم

شامة /احلام : وعليكم سلام

م.محل: اش حب الخاطر الآلة

شامة: عفاك اختي عندي ليوم لخطبة وبغيت شي قفطان فلخضر يكون سامبل وفنفس لوقت يكون زوين

م.محل: مرحبا لالة فهمت شنو بغيتي ,غير لبارح جاو شي موديلات ديال لقفاطن زوينين نتمنى يعجبوك اجيو معايا لهيه

شامة :واخا

احلام : شامة شوفي هاد لقفطان كيف غزاااال كيحمق اختي وسامبل ناااري كيف أيجيك

م.محل: اه بصح هادا يجيها زوين دخلي قيسيه اختي

شامة: واخا هاني غادة نقيسو ..

__________

سعيدة: جنيد شنو درتي فلخاتم

جنيد : شوية وندوزو عند دهايبي ناخدو من عندو

زينب : عنداك تكون خديتي شي حاجة عادية انا بغيت خاتم يكون كيليق بعروستي

جنيد : اه الواليدة متحتاجيش توصيني

سعيدة : أجي باش عرفتي قياس يديها ؟

جنيد (ضحك) : عرفتو وخلاص هنينا ..

سعيدة (ضحكات وغمزاتو) : يلاه يلاه باقي خاصنا بزااااف ديال لحوايج وعاد نشوفو لكوستار لي غتلبس شوف هاد لمحل أجنيد عندو كوستارات زوينين بزااااف يلاه ندخلو عندو ..

– دخلو للمحال ، أول واحد طاحت عليه عينين جنيد هزو ..

جنيد : كيف جاكم هدا واش زوين ؟

زينب : ربي يحفضك ليا جاك كيحمق غزااال .

جنيد : لهلا يخطيك الواليدة .

سعيدة : جاك زوين اخويا بصحتك , دابا خاص نخرجو نشوفو الحلوى لي واش واجدة ونشوفو بابا يلاه سربيو لوقت دغيا كيطير

_____________

عند علي لي غير ساكت كيتفكر نهار لي تزادت فيه شامة وشحال كان فرحان بيها وتمنى كون كانت فوزية عايشة تعيش معاه للحضة لي اتخطب فيها بنتو كبدتو لي كبرها ورباها وكان كيقطع من لحمو ويعطي ليها كيفكر كفاش ايعطيها لراجل أخر كفاش دارو أتخوا شكون ايبقا يغوت عليه شكون ايبقا يونسو

علي : ياااربي يسهل على بنتي راها غير عوينة وحدا لي عندي ياربي بغيتها تكون فرحانة وميخصها حتى خير ويكون هاد ولد ناس يستحقها راني راضي عليها دنيا واخرة..

شمس : مالك اعلي گالس بوحدك اش كاين؟

علي : (عينيه فالارض) اختي صعيبة عليا نكبر بنتي بوحدي ويجي نهار لي نعطيها لراجل اخر

شمس : هادي هيا سنة الحياة جنيد ولد ناس مغيخصها تا خير معاه بلعكس خاصك تفرج ماشي يبقا فيك لحال راك عطيتي بنتك العائلة لي يديروها فيعينهم ومغتخصها حتى خير .

علي : عارف بلي جنيد ولد عائلة ومربي ومتخلق ولكن صعيب عليا فراق بنتي .. الله يصاوب من عندو ياربي .

______

عند شامة وصلو لدار …

احلام : وأخيرا اختي جينا لدار رجلي كنحس ل بيهم طابو بقوة دوران فزناقي نااري متحمسا بزاااف نلبس لغوب ديالي ونشوفك حتى نتي كيف أتجي ..

شامة : وأختي صبري معايا نتي لي عندي ,تانا متشوقة نشوف كيف أيجيني القفطان فراسك شاداني الخلعة كنقول مبقا والو انتخطب ومن موراها نتزوج ونتجمع مع راجل لي كنبغي واش فنضرك أنكون قد المسوؤلية واش أنعرف نسير داري ونكون سند لراجلي ونوقف معاه فلحلوة والمرة

أحلام: هادي مافيهاش شك اتكوني أحسن عروسة وأنا واتقة فيك بلي اتكوني هازة المسؤولية وغتكوني أحسن أم نشاء الله ,شحال تمنيت نشوفك مع رجل لي يستاهلك ويعرف بقيمتك ويديرك أميرة فدارو كيف كيقولو”الطيبون لطيبات ” ربي يكمل عليك اختي بلخير ياربي .

شامة :صافي اتبكيني معاك امين اختي ربي يخليك ليا (سكتات شوية) عرفتي أحلام تمنيت كون ماما الله يرحمها كانت معايا فهاد نهار تمنيتها تلبسني على دوقها توجد لخطبتي وأهم حاجة ترضا عليا بغيتها تكون فجنبي انا محتاجة ليها بزااف ..

أحلام :الله يرحمها اختي خالتي فوزية راها راضية عليك حيت بنتها عمرها دارت شي حاجة خايبة وديما هازة راس واليديها لفوق نتي مرضية واليديك بجوج .. وزايدون حنا معاك وعائلتك كلها معاك ، (بغات تبدل الجو ) يلاه يلاه نمشيو نلبسوا باش نقاد ليك ميكاب يجيك واعر ونصاوب ليك شعرك

شامة : واخا يلاه ندوشو بعدا هو الأول ..

_________________

عند جنيد لي كان فبيتو لابس كوستار فلكحل وراد شعرو لجنب هيبتو كانت باينة وشموخو جنيد الهاشمي اسم على مسمى رجل شهم رجل لي راسو ديما شامخ لي ميكيهزو ريح لبس ماغانتو ومشا لمجر لي حداه خدا منو الخاتم لي أيلبسو فخطوبتو حلو شافو بانت ابتسامة نابعة من القلب وأخيرا أيتجمع مع حب حياتو لبنت لي بغاها قلبو من نهار شافها تربعات على عرش قلبو ليوم خطوبتو بيها كيتمنى يدوز كلشي بيخير وعلى خير هبط لتحت يشوف عائلتو فين وصلات فتوجاد ..

جنيد : الواليدة كيف جيت ,واش كلشي هوا هداك صافي ساليتو توجاد يلاه راه تعطلنا خاص نمشيو مخاصش نتعطلو كتر .

زينب : غا بشوية عليك أولدي راه باقي لحال اناري راه 9 باقي تقل شوية ونتا بنتيلي كتڤيبري بوحدك

سعيدة: 😂😂 عشت وشفت جنيد الهاشمي متوتر هيا كان خاص نجيبو ليك شامة من شحال هادي هيا لي عرفات ليك ..

زينب : 😂😂 وايييه تقول غيمشي يدوز مقابلة فشاركة وخايفين ميقبلوهش ..وصبر اولدي ايوصلو خواتاتك بعدا ..

جنيد : ضحكو ضحكو راني بصح متوتر راه خايفة ترجع فكلامها ، مغنرتاح حتى نتزوج بيها ونضمنها تكون معايا .. وحتى سامية وسعاد تعطلو بزاف .

توفيق : يلاه راه كلشي لي غنديو واجد فطوموبيل وتاصلت بسي علي راهم تاهوما واجدين وكيتسناونا

– زينب : بلاتي سعاد وسامية راهم فطريق ..

جنيد : صافي واخا اووووف بعدا قولولي كيف جيت

جواد : نااااضي أخويا صغير الله يكمل عليك بلخير

جنيد :امين

– الكل كان أنيق وفرحان لجنيد ، من بعد لي عاشو فحياتو ولي دوزو … أخيرا أيستاقر ويتزوج ويولد وليدات … أخيرا الحب طرق بابو ودخل لقلبو .

__________

– وصلات سعاد وسامية فنفس الوقت ..

– جنيد : وأخيرا .. هاهوما جاو .

– سعاد (كتضحك) : سي العريس .. هيكنتي كتسنانا غير حنا ؟

– زينب : كونما جيتوش علم الله شنو ايوقع ..

– توفيق : الى كنتو واجدين نمشيو ..

– جواد : انا انجيب سهيلة ونلحق عليكم ..

– زينب : صافي يلاه ..

– خرجو كاملين … سامية وسعيدة فطوموبيلت سعاد … وزينب هي وزياد وإيمان فطوموبيل مع الحاج .. اما جنيد مشا فطوموبيلتو بوحديتو ..

_______

– شمس : نورا شوفي واش كولشي هو هداك ؟

– نورا : كولشي هو هذاك سولتيني ألف مرة ..

– عالية : دوختوني أبنتي ، راه كولشي هو هداك وعلى حقو وطريقو ..

– شمس : مابغيتش تكون شيحاجة ناقصة . ، كانت الطابلة مقادة ومصاوبة .. صينية ديال أتاي بالبرارد مدهبين .. بلاطويات ديال الحلوة والكيك .. الفاكية جتى هي ، ريحة العود كتعطي فدار .. عالية بقفطان خفيف كيناسب السن ديالها وشال فنقري .. أما نورا وشمس بجوج بيهم لابسين فراشات ..

– دخل عليهم عبد الرحمان هو وعلي .. بجليلبات خفاف .

– عبد الرحمان : خاصكم شيحاجة ؟

– عالية (دورات وجها) : ماعرفت لاش جاي ؟!!

– عبد الرحمان (سمعها) : خطبة حفيدتي يمكن ..

– عالية (شافت فيه) : خليني ساكتة حسن ليا ..

– شمس : ماما يهديك الله ، واش انتوما مكتقاداوش الله يستر … زعمة راه عندنا مناسبة وقيلة ؟؟

– عالية : ماݣلت والو أنا ..

– نورا : فين هو نزار ؟ وصينا على لاطارط مبان لا هو لا هي ؟؟

– شمس : سونيت عليه مكايجاوبش .. سوني على سكينة وادم راه مشاو معاهم ..

– نورا (هزات تيليفونها دورات نمرة بنتها) :

– وي ماما فين أنتوما تعطلتو .. صافي واخا يلاه ماتعطلوش ..

– شمس : أمضرا فين هوما ؟

– نورا : هاهوما فطريق .. انمشي نشوف شامة واش سلات ..

________

– فالبيت عند شامة .. لابسة قفطان فالخضيضر بارد ، أنيق وسامبل … شعرها مجموع بمقيبط فدهبي ومطلوق .. مادة وجها لأحلام لي كانت لابسة كسوة فزرق مع صندالة ..

– نهاد (مقابلاهم ݣالسة فالقنت .. بجبادور سروال وقميجتو مطروزين) :

– جاك المكياج خطير تبارك الله ..

– شامة (مادة فمها لأحلام مقاداش تهضر ) : عنداك تكتري ليا ..

– أحلام (مركزة معاها) : سكتينا غادي تخصري هادشي .. واش أنت مكتصيبيش تسكتي ياك ؟

– نهاد (كضحك) : علاش هي حمقة .. الناس كيكونو متبتين وهي لا حرام ..

– شامة (كتشوف فيهم) : تحاميتو .. تدق الباب ودخلات نورا ..

– نورا (كتشوف فيها بحب ) : تبارك الله وصلاة على النبي .. جيتي فنة أبنتي .

– أحلام (بإفتخار ) : من صنع يديا وحياة عينيا ..

– نورا (طبطبات على ظهر أحلام) : نحضروليك ففرحك ابنتي ..

– أحلام : أمين ياربي .

– نورا : ويلاه ساليو دغية ، راه اهل العريس فطريق ..

– شامة (ضارت بلاما تشعر) : أويلي ..

________

– نورا (ضحكات) : مالك بسم الله عليك ؟

– أحلام (غوتات عليها) : وزبلة وشعب .. راه خصرتي العكل أنبݣ .. واش انا نبقى انعاود ؟

– شامة : علاش شحال فساعة ؟

– نورة : 8:55 دقيقة ..

– شامة : ناري دغية الوقت طار ..

– أحلام : خالتي نورا خليني نكمل ليها ، اليوم انباتو هنا حنايا والله ..

– نورا : الله يعاونكم .. خرجات نورا وأحلام رجعات مسحات فم شامة كامل ، وعاوداتو ليها من جديد ..

________

– سونا الباب .. فتحات شمس ودخل نزار معاه سكينة وادم ..

– شمس : على سلامتك اولدي ، تعطلتي ..

– نزار : ويلاه يلاه الواليدة .. واش أنا لخاطري .

– سكينة : تاعنداك أخالتي .. السيدة كتوجد لطارط وهو شاد تيليفون ويضحك معاه ..

– نزار (شاف فيها) : ياك أشنيولة .. طوال ليك اللسان ؟

– شمس : عندها الصح … حتى منكونش كنعرفك أنا ، سير حط ديك لاطارط فكوزينة وغير بشوية عليها ..

– نزار : واخا ..

– جات نورا :

– فؤاد شفتو مزال ݣاعما جا ؟

– شمس : بقى فريسطو .. شوية وتلقايه هنا ، راجلك مغايجيش ؟

– نورا : ݣاليك 9 يكون هنا وشيحاجة ماشفتها ..

– شمس : دابا يجي ..سونا الباب ..

– نورا (شافت فشمس) : أيكونو هوما هادو لي جاو ..

– شمس : ويلاه نحلو الباب أويلي ..

________

– شامة (مخرجة عينيها) : صوت الباب ياك .. ناري أيكونو هوما ؟؟

– أحلام : وراه أيكونو هوما ، علاش شكون أيكون ..

– نهاد : شامة تبتي أويلي ، انت فعرسك علم الله شنو غادي ديري ..

– شامة : أحلام طلي العار .. والخلعة طلقي مني ..

– أحلام (حيدات الخامسة وطلات) : هادو هوما .. طوموبيلاتهم واقفين ..

– نهاد : سمعي سمعي ، صوتهم سمعي ..

– شامة (حطات راسها على الباب) : ناري شداتني البولة .. نصي تبورش عليا الى هادي الخطبة وشنو درت ، علم الله عرسي ..

– نهاد (شدات فيها) : شوفي تنفسي مزيان … أيدوز كولشي على خير صافي ..

– شامة (تنهدات) : إن شاء الله ياربي إن شاء الله ..

________

– نورا : مرحبا مرحبا .. نهار كبير هذا ..

– زينب : ربي يخليك لهلا يخطيك ..

– علي : مرحبا بيكم ..

– توفيق (سلم عليه) : سي علي لاباس عليك ..

– علي : الحمد لله ،، دخلو مرحبا بيكم ..

– إيمان (عنقات علي) : عمي توحشتك ..

– علي : حتى حنا توحشناك أبنتي ، كيغادية مع الحمالة مزيان ؟

– إيمان : الحمد لله ..

– توفيق : سي عبد الرحمان .. لاباس صحيحة مزيانة ؟

– عبد الرحمان : الحمد لله ..

– من بعد السلام ، تجمعو كاملين فصالون ..

– سامية (موجهة هضرتها لنورا ) : خالتي شامة فبيتها ؟

– نورا : سيرو عندها .. كاينة هي وأحلام ونهاد ..

– مشاو لبنات لعند شامة وبقاو لوخرين ..

– نزار (ݣالس حدا جنيد ، لي تقول ماشي هو هذا لي مالف بالغوات وشخصية القوية … نازلة عليه واحد الحشمة او واحد الهدوء مكاينش بحالو ..) :

– وفين أعريسنا ، كيفاش زعمة شفتك داير عقلك ..

– جنيد : بديتي عاوتاني .. خلينا هانيين ..

– جواد (غمز نزار) : السيد راه خاصنا نصوره .. باش تبقى دكرى .. عرفتي كيفاش دار لينا فدار ..

– جنيد (خنزر فيه) : اتهنينا لا ؟

– زياد (تجمعو عليه) : ونوض فينا العافية .. راه غير شديناه السيد كان باغي يجي مع المغرب ..

– جنيد (خنزر فيهم) : دابا كيفاش بلانكم .. زعمة تافقتو عليا ولا كيفاش ؟ نرضهم ليكم فساعة الخير ..

– سونا الباب ..

– نزار : أنا غادي نشوف شكون .. مشا حل الباب لقا خوه سعد وفؤاد وجلال ..

– نزار (كيضحك) : جيتو دقة وحدة ولا كيفاش؟

– جلال : تلاقينا قد قد .. واقيلة تعطلنا ..

– نزار (خلا ليهم الطريق يدوزو) : لالا جيتو مع الوقت نيشان ..

– جلال : السلام عليكم..

– الكل : وعليكم السلام ..

– نورا : على سلامة ..

– جلال : الله يسلمك ..

– زينب : خويا عاش من شافك .. كونما هاد المناسبة ݣاعما نشوفوك ..

– توفيق : من زواج سامية مابقاش بان ..

– جلال (سلم عليهم) : والله إلى غير مع الخدمة .. شوية وغادي يجي سيف الدين ..

– جنيد : عفيتي عليه ؟

– جلال : عفات عليه الخدمة ماشي أنا ..

– زينب : وفين هي عروستنا حشمانة ولا كيفاش ؟

– جنيد غير سمع عروستنا حل ودنيه وعينيه .. كيقلب عليها غير إيمتا تخرج ..

– نزار (غمز جواد ) : تا شوف ليا سي جنيد .. عينيه خرجو الصݣع ماكرهش يضرب العقد هاد الليلة ..

– جواد : ومسكين راه محروم..

– زياد ( تكرشخ بضحك) : ترا ݣاليك أيعقد هاد السيمانة ..

– نزار : خفت اندعي عليك أجنيد وتقبل دعوتي ..

– جنيد : مغاتجمعوش عليا أنتوما ولا كيفاش ..

– نزار (مع مكايحشمش) : دابا انت ملهوف تزوج بشامة ولا ملهوف على الحلوة ديال لاكريم بشكلاط ..

– جواد (تكرشخ بضحك) : والعداااو أصاحبي .. مكتمرݣش ..

– نزار (شاد فيه شدة ديال بصح .. مخلي الكبار مشغولين فالهضرة) :

– ودابا بيناتنا .. مكرهتيش طير بشامة هاد الليلة .. ترجعها بتوام على هاد الجهد لي فيك .. شوية وأتنوض تقب السقف هههههههه …

– توفيق (قاطعهم) : علاياش كتهضرو؟

– نزار : لا والو ، غير ݣلت ليه عروستنا تعطلات ..

– شمس : أنا انعيط ليها .. ناضت شمس تجيب شامة ، مخلية نظرات إنتظار وإشتياق ولهفة وراها ..

طلعات شمس لفوق تعيط على لبنات

شمس(حلات الباب عليهم) :لالة لعروسة واجدة ولا مزال راه بغاوك تگلسي معاهم ..

– شامة : ناري ياخالتي .. فيا الخلعة والله

– شمس : شوفي مكاين لاش توتري كلشي ايدوز مزيان

شامة: إن شاء الله

شمس:يلاه البنات صليو علي نبي

شمس /أحلام /ولبنات: .. صلى وسلام على رسووول الله الى جاه الى جا سيدناااا محمد الله مع جاااه العاااااالي 💃💃

هبطو لبنات فدروج وهوما كيصليو على نبي ودايرين شامة وسطهم هاد الأخيرة لي متوترة بزااف . وصلات لباب لبيت علات علينيها جات نيشان فجنيد هاد لأخير لي كان كيحقق فيها مزيان بحال أول مرة يشوفها وكيف جاها لبلدي كيشوف كفاش متوترة وعينيها فلأرض ويااختي وسر لي طاح عليها مكرهش يهرب بيها ولكن مالقا ليها جهد .. نزار كان حاضي الفلم من لول قرب حدا ودنيه ونطق..

نزار: كولها نتا حسن 😂😂

جنيد : نتا مغنهضر معاك دابا راه عيقتي

نزار : هههههههههههه عيقت غا بشوية عليك أخويا طحتي طيحة خايبة

شمس: شامة زيدي ابنتي گلسي حدا علي

علي : اجي ابنتي حدايا اجي ها بلاصة

توفيق تقاد فلگلسة وحنحن وهضر بجدية

توفيق : احم احم بما أنه كلشي حاضر مهم سي علي كنضن دابا وصل وقت لي نفاتح معاك الموضوع

علي : مرحبا اسي توفيق

توفيق : نتا عارف علاش جينا وشنو لغرض ديالنا ليوم بصراحة أنا نهار شفت شامة بانت لي بنت معقولة ودخلات لي لخاطري ماشي غير ليا لگاع عائلتي وليت كنحسبها وحدا من بناتي وخصوصا مين عرفتها بنت صديقة ديالنا فوزيا الله يرحمها وحتى ولدي جنيد بغاها ومكرهناش تكون مرتو وشريكت حياتو وتكون سند ديالو وزوجة وأم أولادو نشاء الله اشنو قلتي اسي علي

علي: ليا شرف اسي توفيق نعطي بنتي لوحيدة ليكم عارفكم اتهلاو فيها ومغيكون خاصها خير وجنيد راجل وسيد رجال لفراق صعيب وهيا غير عوينة لي عندي أنا لي كبرت أنا لي ربيت أنا لي سهرت ليل (عنينه غرغرو) صعيب عليا نعطي كبدتي وبنتي كون عليا أنا منعطيها لحتى واحد وتبقا بجنبي ولكن هادي سنة الحياة لبنت بلاصتها دار راجلها لي يعرف بقيمتها ويكون سند ليها ونصفها تاني لي يفهمها ويقدرها ويحتارمها ٫ أنا مغنلقاش لبنتي حسن من جنيد ولكن راي وشوار لول ولأخير لبنتي شامة اشنو قلتي ابنتي وآش قابلة

شامة : (هاد الأخيرة لي بقات ساكتة كتسمع لهضرة دياال باها وكتشهق بدموع بزز باش خرجات لهضرة ) قابلة ابابا

نزار: (بغا يلطف الجو ) هااح وأخيييراااا قبلتي مبرووووك عليييك اسي جنيد مبروك عليك اختي شااامة يلاه العيالات صليو على نبي 😂😂

لعيالات : (كلهم كيصليو على نبي )

جنيد بقا كيغمز فباه باش يهضر فموضوع العقد

توفيق : احم سي علي بخصوص العقد ولدي جنيد بغا يديرو سيمانة جاية نشاء الله اشنو بان ليكم

علي : ماشي زربتو شوية اسي توفيق مهم لي تافقتو عليه مرحبا

توفيق : واعليه لعقد سيمانة جاية نشاء الله والعرس مور الخطوبة دسعيدة تافقنا اشنو قلتي ابنتي

شامة : صافي أعمي لي درتوه هاني موافقة عليه

شمس : هيا وصل وقت تلباس لخواتم

__________________

نوضات شمس جنيد وشامة باش يمشيو لطبلة لي خاصة بتركاب لخواتم تحت صلاة وسلام ديال لحضور لي كانو فرحانين بيهم من قلبهم علاش لا وشامة هيا لعروسة لبنت لي دغيا كدخل لخاطر وقلبها طيب العائلة كلها فرحانة وضاحكة من غير واحد لأم لي تمنات كون ولدها لاخر تاهوا موجود فخطبة دخوه لكبير ولكن لدار دنب يستاهل لعقوبة ولدها غلط وخاص يتحمل مسؤولية اخطاؤو .. تحطات صينية بلون دهبي فيها جوج خواتم لعرسان وحداها جوج كساان ديال لحليب وبلاطو ديال تمر بلوز .. هادو تقاليد وعادات كيديروهم فهاد المناسبة باش يبدام حياتهم بصفاء بحال لحليب وتكون عيشتهم حلوة بحال حلوة تمر ولور

زينب : ولدي جنيد شد يدي شامة بشوية وركب ليها لخاتم

جنيد : واخا الواليدة (شد يد شامة وعينيه فعينيها هنا كانت حاضرة لغة العيون لي قالو شحال من حاجة وأولهم أخيرا اتكوني ليا ..ربي جمعني معاك …كنبغيك وبزااف … ركب جنيد لخاتم لشامة وهز يديها وباسها تحت تصفيقات العائلة )

زينب : بنتي شامة دابا نوبتك فتركاب ابنتي

شامة : واخا خالتي ( شدات شامة يد جنيد وركبات ليه تاهيا لخاتم وعينيها فعينيه لي كيقولو بزاااف منهم شكرااا حيت بغيتيني ووفيتي وكنبغيك بزاااف )

زينب : دابا اتشربو بعضياتكم لحليب وتوكلو بعضكم تمر

شامة/ جنيد : واخا (شربو بعضياتهم لحليب ومن موراها تمر كذالك تحت تصفيقات العائلة وحان وقت لمباركة …

توفيق تقدم عند شامة وجنيد : مبروووك عليكم أوليداتي الله يخليكم لبعضكم تهلاو فبعضكم صبرو على بعضياتكم زواج راه سنة الحياة ونتوما باقين صغار حاولو تفهموو بعضكم وتهزو هبال بعضكم مبروك عليكم ..

أحلام وسهيلة مشاو عنقو شامة : مبرووووك عليييك عليييك حبيبتي الله يخليكم لبعضكم شحال فرحنا ليك

شامة : الله يبارك فيكم لعقبة ليكم

– سعيدة : مبروك عليك وأخيرا ياختي … فرحت بزاف وحق الله

– شامة (ضحكات) : الله يبارك فيك والعقبة ليك..

– سعيدة (ضحكات ) : قرييييب

نزار ل جنيد : لعود مبرووووك عليييك العشير.. ختي شامة مبروك عليك ..

شامة : الله يبارك فيك ..

فؤاد تقدم سلم على جنيد وعنق شامة : مبروك عليكم برافاه ولبنين ..

جنيد و شامة : الله يبارك فيك لعقبة ليك

فؤاد : امين

نزار : يلاه مايمكنش تكمل خطوبة بلا شعبي وشطييح وردييح طلقوو لموسيقى 😂😂😂

جنيد : وآش مغديرش عقلك اصاحبي؟

نزار : خليني أخويا فرحان بخطوبت خويا وبنت خالتي سوقك نتا ؟ وزوينة هادي ..

تطلقات الموسيقى ومكاين غا شعبي حك جر عدا عادا كلشي ناض كيشطح وسيهم نزار داير ليهم عرض كلشي كيشوف فيه وكيضحك كيدير حركات كضحك هوا وجواد 💃💃💃💃 هاااح سعداتهم لعقبة لكل بنات اللهجات إن شاؤ الله ( وطاكوس بلخصوص 😂) … شطحو تا سخفو وگلسو يستارحو ومنها وصل وقت لعشاا خاص ناس يتعشاو ..

________

كانو لعيالات ملهين بتوجاد لعشاا من بينهم أحلام لي كانت فرحانة بزااف بصاحبتها لي كتعتبرها ختها٫ أختها لي لي كبرات معاها من صغر كانت فلكوزينة مشغولة كتقاد طباسل لي غيتحط فيهم ديسير تفكرات بلي خاص تجيب زيوفة لي اتقادهم فلأول فطبسيل

أحلام : خالتي شمس انمشي نجيب زيوفة ونجي

شمس : واخا ابنتي بزربة

إحلام : واخا

كانت غادة بزربة ومشافتش قدامها حتى دخلات فواحد الجسم هزات رأسها كيبان ليها فؤاد تقادات بزربة وقالت وهيا متوترة بين هوا لي بقا كيشوف فيها مهبطش عينيه كيشوف كفاش جاتها لاغوب زوينة وكيف تزنگات مين دخلات فيه

أحلام : سمحلي مشفتكش كنت مزروبة

فؤاد: ماشي مشكل .. بلمناسبة كيف بقيتي شوية؟

أحلام : الحمد الله شوية حسن من لول ..

فؤاد : الحمد الله مديريش فبالك ربي كيبغيك عليها كيبعد عليك ناس لخايبين فحياتك ..

أحلام : داك شي لي كاين ..

فؤاد : جيتي زوينة .. جات معاك الكسوة ..

أحلام : (بتلعتم وتلفة ) بصح ءءء شكرا ربي يخليك سمحلي ممكن ندوز ؟

فؤاد: اه سمحيليا ..

أحلام : (غادة وكتهضر بوحدها) (وقفات) اجي أنا آش كنت غادا نجيب الله ياربي خاص نتفكر (ضربات راسها ) اه تفكرت خاص نمشي نجيب زيوفة من لبيت نااري تعطلت ..

____________________

عند جنيد لي گالس وسط نزار وجواد كيطنزو عليه

نزار : هاي هاي هاهوا جنيد تاني ايتزوج وايولي راجل لمرا 😂😂

جنيد : واكل شي حاجة نتا ماشي هيا هاديك ملاحضتيش زدتي فلادوز هاد نهار .

نزار: واكل الخبز حق سيدي ربي راه غير فرحان أخويا بهاد المناسبة راك عزيز وغالي اعشيري

جواد : اجي نتا علاش زربتي على لعقد وآش سيمانة ماشي شوية

نزار : لعريس زربان طايب 🤣🤣🤣🤣 مقادرش يصبر سيمانة وبزاف راه كيقول ليك الزواج دوا

جواد : ولكل داء دواء 🤣🤣🤣🤣🤣 أيييه عليها سيد زربان على رزقوو من حقووو خايف لا يتنادم مع شامة لحال .

جنيد : والله تا زدتو فيه نتوما هاد نهار عيقتي اصاحبي حتارمونا شوية آش هاد لبسالة والله لابقيت حداكم بالله يخ على صحاب وخوت ..

نزار وجواد : (شادين ضحكة بزز ) صافي غا ضاحكين معاك أخويا متقلقش..

تجمعو رجال على طبلة وتحط لعشا وكلشي كان على حقو وطريقو خوالات شامة مخلاوش من جهدهم وحمرو ليها وجهها كان كلشي بلقاعدة تعشاو بجو زويين كلشي فرحان بهاد المناسبة بقاو مقصرين مع بعضهم تال لنص الليل ..

توفيق : الله يخلف اسي علي .. الله يقوي الخير .

– علي : الله اودي أنتوما مالين الخير ..

– توفيق : نمشيو دابا .. نتلاقاو من بعد إن شاء الله ، خليناكم على خير والله يكمل كولشي على خير ..

– الكل : أمين .. سلمات عليهم شامة ومشات لبيتها هربانة ، بلعاني مخلية جنيد على نار ، حرماتو من شوفة ديالها على الباب … دخلات لبيتها وسدات عليها فرحانة وقلبها كيضرب ..جنيد وعائلتو مشاو فحالهم وخوات دار .. من غير عائلة شامة لي بقاو ..

_________________________

– متكية فبلاصتها .. كتشوف فالخاتم لي كيبري فيديها .

– أحلام (متكية حداها) : عجبك ؟

– شامة (بدون وعي) : بزااف ..

– أحلام : عندو دوق .. جابو ليك بلانا تختاريه كيحمق ..

– شامة(شافت فيها) : واش انت حمقة ؟ نسيتي بلي عندهم شركة ديال تصميمات ..

– أحلام : المهم عجبني بزاااف ..

– شامة (تنهدات) : سبحان الله ،، شوف فين كنا او فين ولينا .. شكون ݣال انا انكون مخطوبة لجنيد ، وحق الله كون شحال هادي ݣاليا شي واحد راه اتكون اليوم خطوبتي ليه والله مانتيق بيه ..

– أحلام : شكون ݣال اتلقاي عائلتك أختي .. سبحان الله والحمد لله ..

– شامة : أه وحق الله .. بزاف ديال الحوايج عشتهم ، مكنتش عارفة راسي انعيشهم كانت حياتي مملة ، كانت منحاصرة اغير بيناتنا حنا ودراري ديال الحومة … عماد مصطفى رشيد ، إيه الأيام ..

– أحلام (ضحكات) : أه .. كنا نخرجو جميع ونرجعو جميع ، الجيران ولمة ديالهم .. يكونو معاك فالفرح وفالقرح … يكون معاك فالمدابزة فاشما حطيتهم هوما معاك ..

– شامة (تغرغرو عينيها بدموع) :

– عرفتي شنو ؟ فالحومة عمري حسيت براسي بوحدي … واخا تربيت يتيمة من جيهة ماما ، خالتي مليكة وتقرقيب ناب .. وخالتي كلثوم ، وخالتي زوهرة واخا كانت كتعصبني ، كنت كنحس بمعنى العائلة … وحتى دابا فاش لقيت جدودي ولقيت خلاتي ، فرحت الحمد لله .. واخا كنت قوية وقاصحة ولكن راه من داخل وداكشي لي عندي لداخل مكنبينوش ، داكشي باش قررت واحد القرار ..

– أحلام (كتمسح دموعها) : شنو هو ؟

– شامة (تنهدات تنهيدة طويلة) : دابا تعرفيه .. غدا وغادي تعرفي كولشي ..

________

– صبح صباح جديد .. متغير بنسبة لشامة والخاتم ديال الخطوبة فيديها ، كانت متحمسة ومتوترة تمشي لخدمتها .. خلات أحلام فدار حيت اترجعو لدارهم ، خرجات هي لخدمتها … خدات ترونسبور وصلات هي لولة .. حلات المحال ودخلات .

– مع دخلات وقف عليها واحد السيد ، هاز فيديه بوكي ديال الورد كبير ..

– سلام مدام شامة ؟

– شامة : هاد ساعة مزال ماوليت مدام … اه هي أنا .

– (مد ليها البوكي ديال الورد) : هذا ليك الالة ..

– شداتو عندو مجات فين تݣوليه شكون سيفطو حتى مشا … خدات البوكي كتقلب فيه لقات كارطة مكتوب فيها ..

” أجمل بوكي لاجمل وردة نورات حياتي .. صباح النور أمراتي لحبيبة ، أنا غادي نتعطل شوية عليك .. عارفك أتكوني توحشتيني ، واخا طفيتي تيليفون لبارح وخليتيني مشتاق ليك ، كنبغيك ” ..

_________

– تبسمات وسهات ، إحساس جديد عليها ماوالفاتوش .. ماحساتش بنادية إيمتا دخلات حتى سمعات صوتها ..

– نادية (كتشوف بنص عين) : هاي هاي على الورد على صباح … شكون هاد سعيد الحظ ؟

– شامة (مجاوبتهاش ، خلاتها ومشات حطات البوكي ) :

– جيتي ولا جابوك ؟

– نادية : وغير قولي شكون مول الورد … وصاحبتي راه بلاصة الخدمة هادي الى شافك جنيد شنو أيقول ؟

– شامة (ضارت عندها) : جنيد حرفية .. مابقيتيش كتحشمي .

– نادية (كضحك) : ومالها شنو فيها ؟ عادي جدا ازين ،، فخبارك شنو … مامرة ماجوج كنحصلو كيشوف فيا ، بحال والو انكون عاجباه .. وماشي بعيد يجي يخطب فيا ونولي أنا هي مولات الشي ..

– شامة (طرطقات بضحك) : لا واش من نيتك ، سيري أبنتي راه كتحلمي … سيري رجعي اخدمتك راه بديتي تخرفي ..

– نادية (وسم كيقطر منها) : هانتي وهانا .. عرفتي نهار نولي انا هي مولات المحال ، اول حاجة نشرطها عليه هي مايبقاش مخدم لبنات … يخدم غير رجال .

– شامة (بجدية ) : سيري رجعي لخدمتك وفوتي عليك السيد راه خاطب ..

– نادية : مالك على هاد السم كامل .. السيد مافيدو حتى خاتم ، باش عرفتيها ياكما خاطبك انت ؟

– شامة (ضحكات) : اه معاك خطيبتو شخصيا ، ودابا رجعي فحالك لخدمتك ..

– نادية : بقات ليه غير انت فالحساب .. زوينة هادي .

– شامة (هزات صبعها) : تيقي ولا متيقيش ، هاد الخاتم دارو بيدو فيدي غير لبارح ، مرحبا بيك لعرسنا فاش انحددوه أنعلمك ..

– نادية (شدات ليها يدها مخرجة عينيها) : كضحكي عليا ..

– شامة (نطرات يدها منها) : صبري صبري ، هزات تيليفون او وراتها تصاور ..

– شامة : رتاحيتي دابا ، أنا مافياش السم ومعامرش قلبي بالغل وتحريميات …وهادشي مكنتش غادي نݣولو لحد ، ولكن انت السم لي فيك غادي يخرج عليك ، سبحان الله عمرك تبدلي ، ودابا رجعي لخدمتك .. اهو انا ماشي بحالك مغاديش نݣوليه جري على لبنات وخلي دراري …ومغانݣولش ليه انا هي مولات الشي ..

– نادية (تزنزنات ولا وجها حمر بغات تفرݣع مامتيقاش هادشي لي شافت حسات بموس تغرس فقلبها ، حدرات راسها ونطقات بشوية ) :

– مبروك ..

– شامة : الله يبارك فيك .. حدرات راسها نادية ومشات للمحال لاخور تبدا خدمتها .

– شامة : لا حول ولا قوة إلا بالله ..

___________

– عماد : أنخرجو اليوم شوية بكري ..

– سعيدة : علاش ؟

– عماد : وحبيبة خاصني ناخود ليك شيحاجة .. فاش نكون جاي انا او الواليدة .

– سعيدة : بحالاش ؟

_______

– عماد : أنت مالك فيك كترت التسوال .. انخرجو ونشوف شنو ناخود ليك ، جليليبة وخويتمات ديال نقرة ، وديال الذهب هذاك ايكون فالخطبة الكبيرة ..

– سعيدة (ضحكات) : مامتيقاش بلي مابقى لينا والو ونكونو مخطوبين ..

– عماد : غير سكتي قفرتها مع شامة ..

– سعيدة : اسكت قفرتيها معاها .. لبارح تحلفات عليك حيت مجيتيش ، جاب الله سكتها انا ݣلت ليها كنتي فرباط على قبل لاتوليي ..

– عماد : حاولت نرجع بكري وماقديتش ، مساليتش بكري ݣاع .. مدخلت لكازا حتى ل 4 دصباح ، فاش نخرجو اناخد ليها شيحاجة ..

– سعيدة : أه فكرة زوينة هادي .. صافي مزيان مهم انا انرجع لخدمتي ، نتلاقاو من بعد داكوغ ..

– عماد : سيري أحبيبة ..

_________

– فدار عند شمس ، على طبلة ديال الفطور كيفطرو ..

– شمس : شافت فنزار وفسعد ) فخبارك خوك باغي يخطب ..

– شافوها فيها بجوج :

– نزار : شكون ؟

– شمس : سعد ..

– نزار (شاف فخوه) : وايلي ، هي صافي تصالحتو ؟

– شمس (شافت فنزار ) : هاي هاي ، هي انت عارف وانا أخر من يعلم ؟

– نزار : و الواليدة وراه حنا خوت .. ضروري متعاودو بيناتنا ، ونتسارو بيناتنا ولالا ؟

– شمس : عارفة عارفة ، ولكن دراري كيكونو قراب لمهم ولالا … حتى من ختكم راها فصف باها ..

– سعد (شاف فيها) : مالها تاني سخنو عليها جنابها ولا كيفاش ؟

– شمس : مسونية ليا باغية تعطيني الموعضة ، نسات بلي انا لي والداها ماشي هي .. ولكن حتى أنا عطيتها خو جوابها نوريها ، واش اما مها ولا صاحبتها .

– نزار : مزيان ، راه رخيتي ليها نيت … عمرك قصحتي معاها ودايرة ليها الخاطر ..

– شمس : مكاين خاطر دابا ، نوريها انا لي ولدتها ولا هي ، وكون زادت كلمة وحدة انعطيها .. بزاف عليا انا هادشي ، الأب وبنتو بحال الى انا مونيكة يلعبو بيا ..

– سعد : متديش على فرح ، أنت عارفاها كتموت على سي محمود وكتحماق عليه … وديجا هي ماحملاتش شامة نهار شافتها … داكشي دابا باش ماعجبهاش الحال فهمتيني ..

– شمس (تنهدات تنهيدة طويلة ) : أه عرفت .. قاطعهم صوت الباب ..

– شمس : أكملو الفطور أنا غادي نحل ..

– سعد : لالا غير خليك انا لي غادي نحل ..

– ناض سعد دافع الكرسي .. مشا لباب وحلو ..

– شمس شافت حتى واحد مدخل ) : سعد شكون ..

– هزات عينيها وشافت الشخص لي ورا سعد ..

– غير أنا ..

________

– شمس (مصدومة فيه ماتوقعاتش يكون هو) :

– سلام .

– محمود : وعليكم السلام (شاف فولدو لي وقف) ..

– محمود : واخا تخليوني نهضر مع مكم شوية ؟

– شمس (أشرات لولادها باش يخرجو) ..

– نزار : واخا .. حدر راسو وخرج هو وسعد .

– شمس : العجب ، كيفاش درتي حتى جيتي … عند بالي بلي شي نهار توصلني براتي ..

– محمود (ݣلس) : هاديك هي لي عمرها مغادي تكون ..

– شمس : وشنو جابك لهنا ؟ إلى كنتي جاي على ود باش نرجع لطنجة ، أنا راه مراجعاش اديرها فبالك ..

– محمود (شاف فيها) : لا مجايش على قبل هادشي ..

– شمس : وعلاياش جاي ؟

– محمود : أنا بعت الشركة ، وحتى الڤيلا درتها للبيع ..

– شمس (إستغربات) : علاش ؟

– محمود : ولادي وعائلتي هنا ، اش غادي نبقى ندير تم .. شمس شوفي منكرش بلي باك ، زعمة لي كان باك هو لي زوجنا … ولكن ربي شاهد بلي بغيتك من قلبي ومزال كنبغيك ، تقدري تحسبي تصرف ديالي معاك أنانية ولا سميه لي بغيتي ، ولكن بصح كنبغيك وماقدرتش نعيش بعيد عليك ..

– شمس : كون كنتي كتبغيني بصح ، كون فرحتي فاش لقيت والديا … انت هنتيني وجرحتيني وضريتيتي ، نسيتي ولا نفكرك ؟

– محمود : منسيتش ، وهادشي لي جابني اليوم … بغيتك تسمحي ليا ، الغرور ديالي ورجولتي هي لي خلاتني ندير هكاك ، جاني راسي بحال الى زايد ناقص عندك فاش لقيتي داركم ، جاني بحال الى مابقيت ساوي عندك والو ..

– شمس : واش أنت مريض ، انت كتبقى راجلي وهادوك والديا … راه كل واحد والمرتبة ديالو ، مخاصكش دير بيناتكم الفرق ..

– محمود (فعينيه باين بلي نادم ) : عرفت ، هادشي لي جابني اليوم … انا راه كبرت مابقيتش صغير ، ماشي حتى لدابا عاد انتفارقو وكل واحد يعيش بعيد على لاخور ، هاد الوقت كيخصني نكون فدار ضايرين بيا ولادي وحفايدي ، داكشي باش طلقت كولشي وجيت لهنا ، ناخدو دار كبيرة نعيشو فيها كاملنا … يعيشو معانا وليداتنا ، براكة عليا مابقيتش قاد نزيد أشمس ..سمحيليا إلى أديتك بكلامي ، اللسان مافيه عظم وبنادم راه كيغلط ، ربي وكيسامح هلي بنادم … خلينا نجمعو شملنا راه كبرنا .

– شمس (بقات ساكتة مدة طويلة وكتخمم ، تنهدات تنهيدة طويلة وهزات راسها شافت فيه) :

– حتى أنا ماشي حتى كبرت عاد نبقى نتجرجر فالمحاكم ، وكيف ݣلتي ربي وكيسامح خلي حنا عبادو ، المسامحة هي لي كاينة الله يسمح ليك ولينا وللجميع ، ومرحبا بيك بين ولادك … جيتي فوقتك نيت باش تحضر للخطوبة ديال نزار وسعد .

– محمود (بفرحة) : الله يكمل عليهم بالخير ياربي ، شد ليها يديها وباسها ..

– نزار (من اللور) : تصالحتو إيوا مبروك عليكم ..

– سعد : مبروك عليكم ..

– محمود (كيضحك) : الله يبارك فيكم ، مبروك عليكم حتى انت ما مغاديرو … الله يكمل عليكم بالخير .

– سعد ونزار (عنقوه) : أمين ..

______

– فالمحال … دخل جنيد بحال الى ماشي هو لي خاطب شامة … رسل ليها ميساج من البيرو :

– غادي نفاجر ، واش أنا منعنقك منبوسك ماوالو ..

– شامة (قرات الميساج وكضحك) :

– ممنوع اللمس خطر الموت ، حنا دابا مخطوبين حتى نتزوجو وأرا متعنق وتبوس ..

– جنيد : كتفلاي عليا ، شحال بست وعنقت فيك … شنو الفرق ؟

– شامة : الفرق هو أنا مابغيتش ، شنو بان ليك نخرجو نتغداو بقات ساعة ، بغيت نهضر معاك فواحد الموضوع .

– جنيد : قبل متݣوليها كنت دايرها فبالي ، اوك حبيبة ديالي كنبغييك ..

– شامة : حتى أنا

– جنيد : حتى أنت شنو ؟

– شامة : فيا الجوع … سدات التيليفون وحطاتو واخا سمعات ميساج جاها … ضارت شافت فيه غمزها وأشر ليها لتيليفون تجاوب .. جاوباتو بلا ورجعات لخدمتها .

________

– خرجات سهيلة مع جواد ، باش يشوفو الاثات ديال دارهم الجديدة ، من بعدما قررات مها تبيع الفيلا وتمشي تعيش مع ختها عالية ، هكا تجمع فدار وحدة مع ختها لي تحرمات منها سينين يونسو بعضياتهم ، هي وعالية وعبد الرحمان وفؤاد ، والخدامات لي مكلفين بيهم ..

– دخلو لمݣازات لي مخصصين بالأفرشة ، ختارو داكشي سامپل ونفس الوقت راقي ، كيخرجو من بلاصة ويدخلو لبلاصة … بقا ليهم غير بيت النعاس وبيت الوليدات ، أما كولشي دومونداو عليه وغايكون فدار من هنا ل10 يام …

_______

– خرجات أحلام من دار لابسة لبيسة عادية سروال دجين مع بوتيو وتريكو ديال صوف طويل … كانو نقاطي ديال الشتا خدامين والبرد .. قطعات الشانطي حتى بانت ليها طوموبيل ديال فؤاد .. مع شافها نزل حل ليها الباب حتى طلعات وطلع حداها ..

– فؤاد : كيف صبحتي مزيانة ؟

– أحلام : الحمد لله ، خلعتيني شنو واقع .. قبل حيد من هنا عفاك أيشوفنا شي واحد ..

– فؤاد : بلاما تكوليها كنت غادي نتحرك ، وسمحيليا جيتك حدا داركم ، عارف بلي الحومة وناس الى شافوك مغايرحموك ..

– أحلام (سهات فيه ،فللحظة قارناتو هو وبهاء … كاين فرق كبير بزااف ) ..

– فؤاد : أحلام ، أنت مزيانة ؟

– أحلام : لا لا أنا مزيان الحمد لله ..

– فؤاد (ديمارا وشد طريق للريسطو ديالو هو ونزار) ..

– أحلام : ماݣلتيش ليا شنو بغيتيني ؟

– فؤاد : غير نوصلو وتعرفي ..

_______

– فعيادة متخصص للنساء .. فوق البياص متكية ومعرية على كرشها … حداها سيف شاد ليها فيديها وكيحقق فشاشة لي حداه ..

– دارت ليها طبيبة لجيل ، وبدات دوز ليها بلاپاراي على كرشها ..

– طبيبة : هاهو البيبي ..

– سيف (ملهوف وتالف) : فين هو فين ؟

– الطبيبة : هاهو هاد النقيطة البيضاء لي كتشوف فيها ..

– سيف : دابا هاد النقيطة هي ولدي ، كيفاش ؟

– الطبيبة : هههه الحمل راه يلاه فالبداية ديالو ، المدام عندها خمسة ديال الاسابيع ويوماين .. يعني شهر وسيمانة ، ومغادي تقدر تشوف الاعضاء ديال البيبي حتى دير 3 شهور إن شاء الله … غير هو أيخصها الراحة التامة ، ومتفورصيش على راسها … انكتب ليك تحاليل ديريهم وتجيبيهم ليا فالموعد الجاي ونعطيك ڤيتامينات تاخديهم ، وبلاما نوصيك السكر والملح يتنقسو تاخديهم بمعيار قليل ، باش نتفداو السكري ديال الحمالة وطونسيو داكوغ ..

– سامية (فرحانة) : كوني هانية ادكتورة ..

– سيف : كوني هانية ..

– الطبيبة (عطاتها تمسح) : خودي راحتك انتسناكم فالبيرو ..

______

– سيف(باس ليها راسها) : مامتيقش راسي وحق الله ..

– سامية(فرحانة بحالو) : حتى أنا ، شفتي قديداش صغييير بزاف ..

– سيف : خاصك تهلاي فراسك أحبيبة ، انخرجو من هنا نديك لداركم ، خاصك رعاية احبيبة وانا كنكون فالخدمة … مغاديش نتهنا عليك ، داكشي باش داركم حسن اوك كبيدة ..

– سامية : اه عندك الحق ، هكا نيت ماما توجد ليا داكشي لي تشهيت ، وتقابلني .

– سيف : انتسناك على برا بيما وجدتي (باس ليها راسها وخرج) ..

_______

– فطبلة فريسطو ، ݣلسات وݣلس مقابل معاها ..

– فؤاد : عارف بلي ضرك راسك تعرفي شنو كاين .. سمعي فكرت فواحد الحاجة وكنتمنى أنها تعجبك ..

– أحلام : واخا ݣول كنسمعك ..

– فؤاد : شنو بان ليك نخدمي هنا ؟

– أحلام ( تفاجأت ) : واش هنا فريسطو ؟

– فؤاد : اه هنا فريسطو ، تشدي بلاصة الحسابات .. سولت شامة وݣالت ليا كنتي خدامة فمحال ديال الورد … يعني عندك دراية وتجربة ، السالير غادي يكون مزيان وبالوراق ديالك ..

– أحلام (مصدومة وفرحانة ومامتيقاش) : واش كتهضر بصح ، بالوراق ديالي ؟

– فؤاد : أه بالوراق ديالك ، من 9 دصباح حتى ل 9:30 ديال ليل ، وترونسبور أي وصلك كيما كيوصل لخدامة لي هنا .. وعندك ساعتين ديال الراحة ، ممكن تمشي فيهم لدار وممكن تبقاي تغداي هنا ، انت ولي بغيتي .

– أحلام بقات ساكتة وغير كتشوف ..

– فؤاد : شنو ݣلتي ؟

– أحلام : صراحة ماخليتي ليا منݣول والله .. لهلا يحاشم ياربي ، شكرا بزااف .

– فؤاد : العفو ، بالعكس هذا واجب .. نتغداو ونوصلك صافي ؟

– أحلام (تبسمات ) : واخا صافي ..

– (من بعيد) هاي هاي الخيانة عاين باين ..

– فؤاد وأحلام ضارو بجوج : اهلا أهلا .. مرحبا .

– شامة (داخلة هي وجنيد مشادين) : همم مرحبا ، ياك اختي قلتي غادية لداركم .. كيف طرا وجرا حتى جيتي لهنا ؟

– جنيد : شامة يحساب ليها راسها فكوميسارية ..

– فؤاد (كيضحك) : داكشي لي كنشوف ..

– أحلام : راه فؤاد جاب ليا خدمة هنا ، هادشي علاش لقيتيني هنا ..

– شامة (بفرحة) : أحسن حاجة درتيها أخالي لهلا يخطيك ..

– جنيد (جر شامة لي يلاه بغات تݣلس معاهم) :

– دوزي خلي ناس ياخدو راحتهم (غمزها) ..

– شامة : علاش جريتيني ؟

– جنيد : واش انت بعقلك ؟ الناس باغيين يبقاو بوحدهم وانت لصقتي فيهم .. ومابقيتش فيك أنا توحشتك بزااف ..

– شامة (ضحكات) : حتى أنا توحشتك .. جنيد بغيت نهضر معاك فواحد الموضوع ..

– جنيد : الله يسمعنا خبار الخير ، ݣولي كنسمعك .. واخا مزال ماتغديناش ، المهم ݣولي سدي لينا شهية قبل ..

– شامة : وصافي .

– جنيد : هضري

– شامة : بغيت عرسنا يكون فحومتنا القديمة ..

________

– فدار مليكة ، الباب كان محلول داخلين الناس … اللعابات انسطلاو المطريال ديالهم ، البرزة ديال الحنة مفرشة فالخضر ، الطبالي جوج فصالة محطوط عليهم السكر ، البيض طاسات ديال النحاس ديال الحنة … الورد ومبيخرة فيها ريحة العود ، الولاد الصغار كيلعبو قدام باب الدار .

– أحلام : دوري أصاحبتي نقاد ليك أويلي ..

– شامة : متغوتيش عليا ، راني عروسة هاديك هاه ..

– سعيدة : أختي كتغفلو اويلي ، اولبارح دازت الخطوبة ديالي ، كيف درتو ليها … العقد وسكتنا والعرس .

– شامة : ختي حنا مكنضيعوش الوقت ، براكة لي داز علينا نبقاو نتسناو فيكم حنايا ، حتى ترشق ليك وتوجدو على خاطركم ، خوك راه هو لي دار كولشي ..

– أحلام : أجي واش بصح عمي علي ايتزوج بزوهرة ؟

– شامة : اه .. انا انمشي من دار ايبقى بوحدو اللهم يتزوج ..

– سعيدة (كضحك) : مزيان ، باش يلاه يتزاد عندكم شي خوك ولا ختك ..

– شامة (شافت فيها) : اويلي من نيتك ، اش ايتزاد علاش زوهرة مزال كتجيها لغيݣل ؟

– أحلام (خنزرات فيها) : احنينتي ، راه زوهرة يلاه عندها 42 عام راه مزال كتجيها ، راه اغير حيت مكشترة مسكينة مع زمان ومع الحمام ، كتبان ليك شارفة … أعولي على شي خو ولا شي اخت ..

– سعيدة : اجي أتحني غير صبع ياكي ؟ داكشي خفيف وموديرن ..

– شامة (كضحك) : أشناهو ، والله ومعمرات ليا يديا ورجليا ودارت ليا البلغة من التحت لا حنيت بالله ..

– سعيدة : أويلي من نيتك ؟

– شامة : لا من ريتي .. كنهضر معاك ، اختي داك موديرن خليتو ليكم انتوما ، عرسي هذا خاص نفرح براسي ..

– أحلام : كيفاش قنعتي جنيد ديرو العرس هنا ؟

#قبل_15_يوم

فريسطو ..

– شامة : بغيت عرسنا نديروه فالحومة ديالنا ؟ الحومة القديمة ..

– جنيد (بإستغراب) : علاش زعمة ؟

– شامة : بغيت كاع جيرانا لقدام يحضرو ، هادوك الناس عمري نساهم ، وقفو معانا فالحارة والحلوة .. قبل كاعما نتلاقاك ولا نلقى عائلتي ، بغيت نتشارك معاهم نهاري .

– جنيد : مايكون غير خاطرك ..

– شامة (بفرح) : بصح ؟

– جنيد (شد ليها يديها) : أي حاجة تخليك فرحانة ومرتاحة .. انا مستاعد نديرها .

– شامة : خالتي زينب وعمي توفيق مايتقلقوش ، حيت ايبغيو يفرحو بيك فشي أوطيل وو ..

– جنيد : شششش انت عارفاهم كيف دايرين ، داكشي كاعما كيهمهم ..

– شامة : إيوا صافي مزيان .. عرفتي مزيان منين أحلام خدمات هنا .

– جنيد : كيبان ليا خالك بحال الى عينو فيها ، شوفي غير شوفاتو ليها ..

– شامة( ضارت بزربة ) : والله هيلا ..

– جنيد (شد راسو) : وناري على دورة دارت ..

– شامة : عادي حتى أنت يلاه شد لينا ناكلو ، فيا جوع .

– جنيد (ضحك) : واخا يلالة .

– بدات شامة هي وجنيد كيجمعو الوراق للعقد ، أما سعيدة وعماد بداو كيقادو أمور الخطبة لي اتكون من ورا العقد ديال شامة بضبط ..

– فالمحال كانت خدامة ..

– جنيد : حبيبة ، انمشي نشوف المقدم ونرجع صافي ..

– شامة : لاش اتشوف المقدم ؟

– جنيد : خاصو يعطيني الترخيص ديال إستعمال الشارع ..

– شامة : أه واخا صافي سير أنا هنا ..

– ماحسو حتى وقف عليهم عماد ..

– عماد : السلام عليكم ..

– شامة (مجاوباتوش قلبات وجها)

– جنيد (شاف فيهم) : أهلا أهلا ، نهار كبير هذا ..

– عماد : لهلا يخطيك أخويا جنيد ، كيدايرين لاباس ؟

– جنيد : الحمد لله ..

– عماد : شامة مابغيتيش تسلمي عليا ؟

– شامة (شافت فيه) : علاش غادي نسلم عليك مثلا، جاي ضحك عليا بداكشي لي فيدك ؟

– جنيد : نخليكم ، عماد مرحبا (غمزو) ..

– عماد : شامة

– شامة (خنزرات فيه) : عماد من الاخر ، مدرتي فيها مايصلاح … خطبتي اعباد الله متجيش ليها ، واخا كانو كاملين حاضرين .. ولكن أنت عارف بلاصتك راك خويا ، حشومة عليك وبزااف .. شكون كال شامة دير الخطبة ومتحضرش ليا ..

– عماد (دخل حط الكادو فوق الطبلة وعنقها باس ليها راسها) :

– عارف راسي درتها قدها قد راسي ، ولكن واش انا كرهت … كنت فرباط ماقديتش النجي الشتا خيط من السما ، وكنت مزال مساليت الخدمة … شديت الطريق مع 3 وصلت مع 4 لكازا … عرفت راسي قفرتها معاك اسمحيليا والله … كنواعدك عرسك انكون معاك او واقف جنبك غير تهناي .. راكي ختي .

– شامة (كتشوف فالكرطونة) : شنو جبتي ليا ؟

– عماد : كيضحك ) وهادي هي شامة الفضولية، الكادو ديال الخطوبة الالة … العݣوبة لكادو دالعرس .

– شامة : ادزتي فوجه خالتي مليكة وصافي ..

– عماد : إبوا الله يعطينا وجه فيمن ندوزو ..

– شامة : أمين .

_______

– (الڤيلا)

– كانو مجموعين كاملين فالڤيلا العائلة كلها ، حيت الغد خطوبة سعيدة ..

– شامة : إيمان كيبان ليا أصݣعة الوحم جاك صعيب ؟؟

– سامية : ويلي أنا وهي .. أخليها على الله ..

– إيمان : ريحة الماكلة اختي مكنحملهاش ، كندير غير قشور الليمون فنيفي ..

– سعاد : سامية راه راجلها جابها لهنا نݣابلوها ، يلاه يتهنى منها .. كل شوية كتكوليه دوش دوش راك خانز ..

– سامية : واش غادي ندير ليه اختي ، كيجيني خانز .

– سعيدة : شامة كانو اليوم ايديرو العقد ، صدقو غادي يأجلوه حتى لبعدو ..

– شامة : جنيد لي بغاه يكون بعدو ، ليلة الحنة بضبط .

– سهيلة : شكون ݣال شامة غادي دير العرس وتزوج قبل منا كاملين ..

– شامة (كضحك) : إيوا طلبو تسليم ، سبقتوني زجيت انا سبقتكم كاملين .. باش نحل ليكم الطريق .

– نهاد : الله يكمل عليكم بالخير ياربي ..

– شامة : أمين ، وحتى انتوما راه اطرقو المسمار ورايا .. عرس سعيدة وعماد ، واتبعهم خطوبة سعاد وسعد ، وعاد لالاهم نهاد ونزار … ومتعرفو يتبعهم خالي (كضحك) ..

– إيمان (بإستفهام) : العار شكون ؟

– شامة : أحلام ، شفتو حاط عليها العين … وݣاع زاد دابا منين خدمات معاه ، فينما نشوفهم نلقاهم بجوج من نهار خدمات عندو ، يوصلها ويديها … مابقاش كيخلي ترونسبور يديها ههههه ..

– سعيدة : وانت حاضياهم هههه باز .

_______

– إيمان (بجدية) : تلاقيت مع ماما ..

– شامة (من بعدما كولشي سكت) : فين ؟

– إيمان : كنت فالمحال مع زياد ، حتى دخلات علينا .. تصدمت فاش شفتها الصراحة ، بقات كطلب السماحة .. ݣلت ليها بلي راك عرفتي بلي هوما ماشي عائلتك ، وسكتات ماجبداتش داك الموضوع كاع ..

– شامة : وشنو درتي ؟

– إيمان : عمي الالة خرج ، ورجع تشد بتهمة إغتصاب قاصر … عاد بداو كيتيقو بلي فعلا عندي الصح ، بيني وبينك حاني بحال الى جايا غير على حاجتها ، كتهضر معايا وكتشوف فالمحال … باينة لعما بلي جايبها الطمع ..

– شامة : سمعي ، واخا يكون جايبها الطمع ، مكايهمش .. كتبقى ماماك وهذاك باك ، سوليني أنا لي ماعنديش ماما ، واخا راه كاينين أمهات حاشة تكون أم … ولكن ماعندك مديري مافيها باس تسامحي ، حتى انت من بعد 9 شهور غادي تولي أم ، القلب سماح والله .

– سعيدة : شامة عندها الحق ، كيبقاو هادوك والديك .. جايبهم الطمع ولالا ، مغاديش تبدلي الحقيقة .

– إيمان (تنهدات تنهيدة طويلة) : داكشي لي كاين , حتى أنا راه سامحتهم .. المسامحة هي لي كاينة .

– سعاد : يلاه نوضو تنعسو ، غدا شحال تابعنا مزال ..

– كل وحدة مشات لبيتها ، وشامة مشات للبيت لي كانت فيه قبل .. غير حطو راسهم على المخدة نعسو من غير سعيدة لي كانت متحمسة للغدا ..

___________

– الغد فالڤيلا ، خرجو البنات للصالون .. وبقات زينب حاضية كل كبيرة وصغيرة كتوجد ، كان كولشي كيف بغات هي ، من ماكلة من ديكور ، لابسة قفطان وكدور على تريتور لي قام بكولشي ..

– وصلات العشية جاو البنات من الصالون .. كلهم كانو تبارك الله كيفتنو بزين ، أما الرجال كانو حتى هوما بالبلدي مشعشعين .. خصوصا جنيد أول نرة يلبس البلدي .. وصل الوقت باش يجي عماد وماماه ، سونا الباب .. حلات الخدامة ، دخلات لالة مليكة مامات عماد ، بجلابة دوبياس فالݣرونة .. مع صباط وساك فنفس اللون .. زيف ملون بالبيج والكؤونة والخضيضر ، ساعة دهبية فاليد مع جوج براسليات ، كيبان النور على وجها واخا مسكينة الزمان دا منها ..

– زينب : مرحبا مرحبا ، دخلو مرحبا بيكم ..

– دخل عماد فكوستار فالكحل مع ݣرافاط فالكرونة .. كيبان فكامل أناقتو كيفتن ، الرجولة كتعطي منو ..

– جات شامة حداه (كانت لابسة قفيطين خفيف فالشيبي وطالقة شعرها أما وجها مدارت ليه والو) الناس والكلاص نعام أسيدي ..

– عماد (مرݣ) : سيري بحالك خطيبك كيشوف فينا ، متفيا أختي لي ندابز هاد النهار ..

– من بعد السلام وترحيب ، ݣلسو فصالون الكبير مجموعين ، تعرفو بيناتهم والجو بدا كيترخف شوية .. مليكة كانت الله يعمر ليها الدار ، واخا ساكنة فحي شعبي ودوزات فيه حياتها كاملة .. الهضرة بالقوام والكلام الموزون .. جا الوقت لي تهبط فيه سعيدة ..

– سيفطو ليها مع شامة ، شوية وهبطوها بصلاة على النبي ، شعرها المجموع بمقبط فدهبي ومطلوق ، مع تاج صغير ، المكياج برزو ليها عينيها مع عكر خفيف .. قفطان فالݣرونة بحال الݣرافاط ديال عماد ، منبتة بحجر فدهبي .. كتبان بحال الأميرة ضايرين بيها خواتاتها .. مع شامة نهاد إيمان وسهيلة ، ݣاع العائلة كانت حاضرة ،من غير عالية وعبد الرحمان لي عتادرو ماحضروش .. عماد مانزلش عينيه من على سعيدة ، بحال إلى أول مرة غادي يشوفها .. مليكة دور وتبوس فيها وتعنق ..

– مليكة : سي توفيق ، وقيلة ندخلو فالموضوع نيشان .. انتوما عارفين سباب المجية ديالنا ، جايين طالبين راغبين فيد سعيدة لولدي عماد ..

– توفيق : اش غادي نكوليك الالة مليكة ، الله يكمل عليهم بالخير .. انا منزيدهم غير الخير .

– شامة (وقفات) : وهي نقراو الفاتحة ، طلع جنيد عينيه فشامة خنزر فيها .. عاد عاقت براسها وݣلسات .

________

– قراو الفاتحة .. وداز تركاب الخواتم على خير وبيخير .. وهكا ولات سعيدة وعماد مخطوبين رسميا ..

– تعشات العائلة مجموعة ، فجو كلو أفراح ومسرات .. جا الوقت لي تفارقو فيه وبقات غير العائلة ..

– فالجردة ..

– جنيد (شاد لشامة فيديها) : غدا غادي تكوني مراتي قدام الله وقدام الناس ..

– شامة تبسمات وسهات فنجوم لي فسما :

– عقلتي أجنيد على أول مرة تلاقينا فيها ؟

#فلاش_باك

– جنيد : شكون أنتي وشكون هادوك لي كانو تابعينك ..

– شامة : ماشي شغلك ، عاونتيني شكرا بزاف

– جنيد : عاونتك من حقي نعرف ..

– شامة : حتى واحد مطلبك أنك تعاوني ..

#الحاضر

– جنيد (كيضحك) : خرجتي فيا عينيك .. عاقل مزال على نظرات ديالك ، وكيفاش كنتي كتشوفي فيا .. وكيفاش نقزتي فطوموبيل .. أحسن حاجة وقعات ليا .

– شامة (دمعو عينيها) : بصح ، الدنيا فشكل والله .. واخا كتاخود منا بزاف ديال الحوايج .. كيحسابلنا بلي كانو زوينين ، ولكن الله كيعوضنا بالأجمل ..

– جنيد (دورليها وجها وعينيه مدمعين) : علاش كتبكي ؟

– شامة (هبطو دموعها) : والو غير ، تمنيت كون كانت معايا ماما ، وصراحة ماسخيتش بعلي .. وأنت علاش كتبكي ؟

– جنيد : والو تفكرت غير ولدي ..

– شامة : الله يرحمهم كاملين ..

– جنيد (عنقها) : أمييييين ..

_________

– الغد ليه فصباح تجمعو كاملين فالڤيلا .. علي وخوالات شامة محمود جلال وليداتو جدود شامة أحلام كولشي كان حاضر وكيتسناو فجنيد وشامة يرجعو من عند العدول ..

– دازت نص ساعة تسمع السونيت فالباب ، وقفو خوالات شامة هازين بلاطو الحليب والتمر ، تحل الباب ودخلات شامة بجلابة فالبيج وبليغة ومع سال مغطي غير نص فراسة .. مع جنيد لي كان لابس سروال دجين وقويجة بيضة ..

– بداو كيصليو على النبي وزغاريت .. الفرحة باينة فعينين الكل .. دابا ولات شامة مرات جنيد على سنة الله ورسوله ..

– على الغدا ..

– شامة : إن شاء الله الحنة غادي تكون فدار خالتي مليكة ..

– زينب : علاش أبنتي ؟

– شامة : باش نكون قريبة للقاعة وللجيران ، كولشي يكون حاضر ..

– نورا : وجدتو كولشي ولا مزال خاصة شي حاجة ؟

– زينب : كولشي واجد ، دهاز العروسة وكولشي وجدناه من نهار خطبنا شامة ..

– شمس : حتى أنا ونورا راه وجدنا كولشي ..

________

– شامة (بإستغراب) : إيمتا وجدتوه ؟

– نورا : من نهار الخطبة ديالك ، كولشي قمنا بيه .. حتى من الحناية ودقايقية كولشي واجد ..

– شامة : وانا ݣاعما فخباري ..

– جنيد : شفتي شنو ݣلت ليك ..

– شامة (حسات بواحد الفرحة عمرها حسات بيها ، حسات بنعمة العائلة …تنهدات تنهيدة طويلة وشافت فيهم كاملين ) : لهلا يخطيكم عليا ياربي ..

________

– الرجوع ليوم الحنة ..

– دخلات عليهم سعاد :

– اويلي واش مزال واحلين معاها ؟

– أحلام : اختي راه مابغاتش نكافة تكون معاها اليوم ، كالت ليك بغات حنة بلدية وحنا نلبسوها ، حيت عرفات هاد الفشوش مغاديروش عليها اديرو اعلينا ..

– سعاد : خرجو انتوما انا مغاديش تفنفن قدامي ..

– شامة : علاش اختي ؟

– سعاد(خنزرات فيها) : اتبتي وتحصني وتسكتي ، وخليني نكمل .. سكتات شامة معاوداتش معاها الهضرة .. كملات ليها اللبسة ..

– أحلام (كضحك) : عبرتي عليها .. لي خلاتو لينا صباح فالحمام كملاتو لينا ، عمري شفت عروسة كتزلݣ فالحمام ..

– شامة : بغيت نجرب تزلاݣ .. انا عروسة خاصني نتفشش ..

– سعيدة : الله يستر ، انا نشوف خالتي مليكة ياكما خاصها شيحاجة..

– شامة : خالتك مليكة ولا خالك عماد هههه .. الى على خالتك مليكة راه معاها خلاتي ومعاها خالتي زينب … الى عينك فشيحاجة أخرى الله أعلم ..

– سعيدة : انت زعمة متقدريش تسكتي ، والو واخا عروسة فمك حامي … ياربي تعفو عمري شفت شي بنت بحالك ..

– خلاتهم سعيدة ومشات … من ورا ما وجدو شامة ، خرجوها بصلاة على النبي .. الكاميرا مان كان واقف كيوثق جميع اللقطات .. ݣلسوها فالبرزة لي كان لونها فالأخضر مطروز بدهبي … جداها حداها بقفطان خفيف جوهرة وشال على راسها .. مزررة دهوبات ، خوالاتها عند راسها كل مرة يجيو يشوفوها واش باغية شيحاجة … بدات ليها النقاشة برجليها ، وكيف بغات شامة عمراتهم ليها … اللاعابات بداو الشطيح والحيحة … أحلام والبنات سهيلة سعيدة إيمان ، نهاد وسعاد وسامية … كل وحدة فيهم كتصور بتيليفون وتشطح .. أما الرجال ݣالسين على برا فالخزانة لي تبنات … كانت شادة من راس الشارع لراس لاخور … بالبيض والبلو كيف بغات شامة .. تقدر تهز كاع الناس ديال الزنقة وزناقي لوخرين ، بحال شي خزانة ديال شي معرض ..

_________

– نزار : با جنيد ، شفتك مفعفع ياك لاباس ؟

– جنيد : لابس سوفيطما كحلة .. ساعة رياضية وكيرعد رجلو ..) أتقلب عليا هاد نهار ولالا ؟

– زياد : هههههه خلي عليك السيد أصاحبي ..(بدا تيليفون زياد كيسوني .. جاوب بلاما يشوف شكون)

– فؤاد : جنيد كالم اصاحبي ، كولشي ايدوز مزيان ..

– جنيد : مريݣل مع راسك ، كتمرݣن عليا حتى انت .. واخا اسي فؤاد نرجعها ليك فساعة الخير … وراه قريب .

– فؤاد : بحالاش ؟

– نزار : أش كاين تما ؟

– جنيد : سي فؤاد كيبان ليا انفرحو بيه قريب ..

– نزار(شاف ففؤاد) : العار شكون ، لالا بلاتي أحلام العار ..

– جنيد : أيااه السيدة كيحماق عليها ..

– فؤاد : انا معتارف بيها .. نكدب عليكم ، كنبغي أحلام وباغي نتزوج بيها … 40 سنة براكة عليا ..

– زياد(لي منين سمع صوت من على تيليفون وقف) :

– واش واش بصح أحلام غادي تزوج ، أنتوما فعرس جنيد دابا ياك ؟

– زياد : بهاء متنساش شنو درتي فأحلام ، بغيتيها تسناك ولا تبقى كتفكر فيك .. فؤاد يستاهلها وهي تستاهلو … هو راجل ومسؤول ومكيتفلاش على بنات الناس ..

– بهاء : كبير عليها ..

– زياد (ضحك) : واش قضيتي انت بصغرك … ياك ضحكتي عليها وتفليتي عليها ، وضحكتي فيها الشمايت ولا نفكرك … عمرك مادرتي عقلك ، جاب ليك الله بنت الناس وانت براسك رميتيها … حشمت أخويا نكوليك جا سيدك لي غادي يعرف بقيمتها .. مابقاتش فواحد كبير ولا زين ولا خايب ، بقات واش راجل وغادي يقوم بيها … وانت خسرتيها ، دابة مغاديش تنفع ندامتك أخويا .. كيبان ليا أحسن حاجة ديرها ترجع لفرنسا .

– بهاء : ياك ؟

– زياد : أه أخويا بدا حياتك ، وراجع راسك .. وصنع مستقبالك ، تقدر تنقد داكشي لي ضاع ليك ..

– بهاء (من بعدما سكت) : واخا واخا أخويا .. أنا مشيت ، بارك لجنيد بسلامة .

– زياد : بسلامة أخويا ..

– إيمان (من اللور) : ماشي قصحتي معاه ؟

– زياد : عارف راسي قصحت معاه .. وكيبقى خويا كبر مني ،ولكن خاص يفيق بعيبو ..

– إيمان : بصح عندك الحق .. حبيبي جيب ليا واحد مفيد شكلاط عفاك ..

– زياد : خديت ليك البارح 6 ..

– إيمان : وراه سلاو اتستخسر فيا مفيد ديال 3 دراهم ولا ؟(بدات كتغبن) ..

– زياد : صافي صافي غير هنينا صافي ..انت غير دخلب راه البرد عليك ..

– دخلات إيمان ، ومشا زياد يجيب ليها حليب مفيد بشكلاط … كتوحم عليه وكتحماق عليه ..

______

– دازو طقوس الحناء على حقهم وطريقهم ، كولشي كان فرحان وناشط .. الجيران بحال الى عائلة وحدة ، وكولشي كيهضر على شامة وميتها الزوينة لي خلات ربي يجيب ليها ولد الناس ، حتى من زوهرة كاينة .. الوليدات دبال الجيران كولشي ناشط وفرحان ، أجواء غريبة على عائلة جنيد .. ولكن عجباتهم حساستهم بالفرق بين طبقى المخملية وطبقة الشعب ، حتى من ولاد الحومة مصطفى ورشيد كانو .. واحد الجو زوين دام حتى لنص الليل ، عاد تفرق المجمع .. بقاو ݣالسين حتى حيدات شامة الحنة وطلعات لبيت عماد خلاه ليها تنعي فيه مع أحلام ، وهو مشا بات مع جنيد ودراري .. باش غدا يجيها الدهاز لدار مليكة ، السيدة لي فمقام مها .. ورباتها هي وعماد بجوج ..

__________

– الغد ليه فصباح ، داز كلو فتوجاد .. عائلة شامة كاملين مشاو للحمام ومن الحمام للصالون … الدراري مشاو مع جنيد للحمام دوزو الصباح كلو فضحك ونشاط … وراها دازو لعند الحلاق باش يقوم بروتوشات الأخيرة ، جلال وسيف خداو نهار ديال روپو … وجابو معاهم سطافيط وقفوها فشارع على قبل السكايرية …

– جات الطيابة وبدات فتوجاد ديال الدجاج واللحم ، هكا بغات شامة كولشي بغاتو يكون شعبي ، مابغاتش كترت الپروتوكولات والبساطل .. مابغاتش الناس يحسو براسهم بلي جايين عند ناس كتر منهم فالمستوى، بغاتهم ياخدو راحتهم ويحسو براسهم فعرس وحدة من بناتهم … وفعلا هادشي لي كان ، التريتور وصل لي ايتكلف بالحلويات ولاطارط .. الصنادق ديال المونادا تأنستلاو فالݣراج مع طباسل ديال الديسير … الصواني ديال أتاي حتى هوما ، كولشي كان على حقو وطريقو .. وصلات النݣافة لي اتلبس شامة … اما المكياج وشعر أتقوم بيه سامية .

– وصلات العشية ، وبداو الناس كيجيو القاعة بدات كتعمر والبرزة كتلعلع وسط القاعة … تأنسطلا الاوركسترا لي كانت هدية من جواد … شكون لي يقدر يحمي الطرح من غير عثمان مولين … وصلو العيالات لي كيكونو معاه .. ومعاهم باقي الفرقة من غيرو هو لي مزال مجاش ..

– أول طوموبيل وصلات هي ديال سعيدة ، هبطات بتكشيطة فتيركواز كلها منبتة .. طلقة شعرها مكياج كان خفيف .. مع باقي الإكسيسوارات .. معاها سعاد بتكشيطة فرمادي ، جامعة شعرها بمشيطة خفيفة .. معاهم إيمان بتكشيطة فالخرقومي ، جاتها إيڤازي وهبطة كلوش من التحت … وقفات طوموبيلة سامية ، هبطات منها لابسة تكشيطة فالخضيضر بسلهام مشبك فالبيج .. وصلات سهيلة ونهاد فطوموبيل وحدة ، نهاد فتكشيطة فالغوز بارد .. اما سهيلة كانت لابسة تكشيطة فالازرق سموي … وراهم تبعوهم خلات شامة ، شمس تكشيطة فالأخضر ونورا تكشيطة بيج مزوقة بوريدات فالحمر ..

– شامة كانت لداخل فلبيت مع عالية ..

– عالية (جبدات واحد البواطة ، فيها طوانݣ على شكل السلسلة لي كانت لقاتها شامة ، معاها براسلي او خاتم) :

– هاكي ابنتي تلبسيهم بالهنا والراحة ..

– شامة : عدبتي راسك أمي ..

– عالية : عذابك راحة ، متكوليش هكاك احبيبي ، بصحتك وراحتك ..

– شامة (ناضت وباستها) : لهلا يخطيك عليا امي ..

________

– تكلفات النݣافة بشامة .. هي وسامية ، طلعات بحال أميرة ديال الحكايات … كتحمق شعرها طالع ومبوكلي من اللور ، المكياج برزات ليها عينيها بزاف .. أما فمها خلاتو ليها خفيف ..

– أول لبسة لبسوها هي الكرونة .. جات كتحمق فيها ، هنا وصل جنيد بكوستار فالكحل مع بابيون كحلة كتبري .. شعرو كان مرجعو اللور ممشوط بطريقة إحترافية .. اللحية مطراسية ، كان كيفتن بزين وبالرجولة ..

– هبطو شامة بصلاة على النبي ، الكاميرا مان كيوثق كاع اللحظات ، العائلة كلها واقفة … عماد جواد توفيق ، علي لي كانو عينيه مغرغرين بدموع .. البنات كاملين كانو فؤاد لي كيقلب بعينيه على احلام .. حتى بانت ليه هابطة من ورا النݣافة بتكشيطة فالݣري داكن مخيطة بزرق .. وشعرنا جامعاه بمشيطة ، عينيه ماحيدوش عليها نهائيا ، تلقى جنيد لشامة شد ليها فيديها وخرجو على برا ، عينيه كانو كلهم حب إفتخار شوق ليها .. توحشها غبرات عليه نهار واحد وتوحشها … شحال كان كيتسنى هاد النهار بفارغ الصبر ، الأمنية ديالو تحققات وخبيبتو هاهيا حداه وبجنبو ، جنيد مثال على الشخص لي الى بغا الحاجة كيوصل ليها … مثال على الرجل الحر لي بغا من قلبو ، وخداها فالحلال .. مالعب بيها مجرا بيها زناقي ماݣلسها فقهاوي ، واخا من طبقة بورجوزية … ولكن أخلاقو وعداتو وتقاليدو مكتسمحش ليه يتفلا على بنات الناس ، دار المستحيل تكون ليه .. وهاهيا اليوم مراتو ، ومستقبلا أتكون مامات ولادو ..

– بدات الاوركسترا كتعزق الأنغام ديالها الشعبية .. كولشي واقف كيصليو على النبي ، كاع الجيران فرحانين والوليدات والبنيات الصغار فكسيواتهم حاضيين العريس والعروسة ، بحال الى اليوم عندهم عيد ، ݣلسو فالبرزة تحت أوامر النݣافة والبنات لي معاها ..

– ناضو العيالات كيشطحو على الشعبي .. أما عثمان مولين كان محيح ومحمي الطرح ، ضايرين بيه العيالات وكيشطحو ويرددو معاه .. الجو كان كلو نشاط ، دخل نزار جار معاه نهاد … عماد جر سعيدة ، دخل سعد وسعاد .. كولشي دخلو ناشطين وفرحانين كيشطحو … حتى من دراري ديال الحومة دخلو ، كولشي كولشي كان فرحان بحال الى مهرجان كاين ..

– دازت اللبسة الأولى ، وتبعاتها اللبسة الثانية … شامة نازل عليها واحد السر او واحد النور كاتبان كتحمق بزين .. جنيد مكيطلقش يديها نهائيا ، وصل وقت العشا .. كولشي تعشا حتى من ناس لي مجاو وصلهم العشا لدارهم ، حتى من سكايريا لي جاو ناشطين تعشاو ودارو معاهم الخاطر حتى مشاو ، عرس كيفكرك بالأعراس ديال شحال هادي ، مسالة العرس حتى ل 5 ديال الصباح .. على أنغماق موسيقى الراي ..

تسمع غير مات و مات

تسمع غير الدعايات‎وتسمع غير سوء الكلمات

كرهتوني هاد الحياة ‎تسمع غير مات و مات

تسمع غير الدعايات ‎وتسمع غير سوء الكلمات

كرهتوني هاد الحياة

أي أي أي أي

‎و أنا مازلني كيما بكري

شايد قدري مانبيع ما نشري

خليها فحالها تسير الأمور

كلشي ديال الله و نتا ما تدري

أوووووه أووووووه أوووووه أووووووه

أوووووه أووووووه أوووووه أووووووه

تسمع غير حنا جدعان

تسمع غير حنا les suppermans

وليتو عجايز بالكور تاع ليجان

سمطتولنا عين المكان

أي أي أي أي

‎و أنا مازلني كيما بكري

شايد قدري مانبيع ما نشري

خليها فحالها تسير الأمور

كلشي ديال الله و نتا ما تدري

أوووووه أووووووه أوووووه أووووووه

أوووووه أووووووه أوووووه أووووووه

‎تسمع غير الخبر العيان

تسمع غير انا كنت زمان

تسمع غير زيڤا و فلان

الله يستر من طوال اللسان

أي أي أي أي

‎و أنا مازلني كيما بكري

شايد قدري مانبيع ما نشري

خليها فحالها تسير الأمور

كلشي ديال الله و نتا ما تدري

أوووووه أووووووه أوووووه أووووووه

أوووووه أووووووه أوووووه أووووووه

‎و أنا مازلني كيما بكري

شايد قدري مانبيع ما نشري

خليها فحالها تسير الأمور

كلشي ديال الله و نتا ما تدري ..

– الدراري كلهم تجمعو مع جنيد وشامة لي كانت لابسة كسوة بيضة ، كولهم كيشطحو وينقزو وشامة فيدها البوكي ديال الورد .. نهار بميات نهار عند العرسان بجوج ..

– واخر واحد ختاتم الحفل ، هو توفيق لي غنا لوليداتو وحدة من أغانيه بعنوان (كيفاش) هدية لعرسهم ..

– هز جنيد شامة فطوموبيلتو .. مخلي كاع العائلة وراهم كيشيرو ليهم ومشاو باش يبداو حياتهم بجوج ..

– فكبانو حدا البحر وصلو بجوج ، بعيد على الناس … وقف الطوموبيل ، نزل بزربة دار ، حل ليها الباب ةقبل لا تخرج هزها دار بيها ، غادي متوجه للباب الكبانو .. حطها بلاما ينطق بحرف واحد وحتى هي هكاك ، حل الباب ورجع هزها دخلها .. رجع سد الطوموبيل ورجع ليها ..

– كانت محطوطة طبلة ، فوقها الفطور حيت كان الحال صبح ، وأيكون فيها الجوع .

– جنيد : انسخن ليك الدوش ونرجع ، خلاها غير كتشوف فيه وفحنانو .. بقات ݣالسة ساهية فهاد الكبانو لي كان على شكل ݣارسونيير بالكوزينة والحمام وبيت ديال النعاس فيه فوطوي … رجع جنيد وقف كيشوف فيها كيتأمل تفاصيلها الزوينة … كيحاول يتأكد واش هو فحلم ولا علم ..

– شامة (ضارت لقاتو واقف كيشوف فيها ، حاولات تكسر داك السكون) : تقدر تصبقني لحمام أنت الأول ..

– جنيد : لا غير سبقيني ، أنا انوجد ليك متلبسي ..

– شامة (بحال إلى تفكرات شيحاجة) : أويلي حوايجي ..

– جنيد : ضحك ، وجداتهم ليك أحلام .. انت غير دخلي للحمام راه سخون وأنا انوجد ليك شنو تلبسي ..

– أشرات ليه بالإيجاب ، ودخلات للحمام ، خلاتو محلول حتى رمات منو الكسوة وسداتو ، هز هو الكسوة وعلقها .. مشا حل الباليزة وجبد ليها كسيوة قصيرة فالزرق مع سليب مشبك ، ريحتها وحليب ديال الجسم ديالها .. كيوجد ويضحك .

– من ورا ما سلات الدوش .. خرجات ملوية فالبينوار ..

– جنيد (وقف قدام كيشوف فيها ، خطف بوسة على غفلة من شفايفها) : بصحة وراحة ..

– شامة (توترات ودقات قلبها تسارعو) : الله يعطيك الصحة .. خلاها واقفة ودخل للحمام سد عليه ..

– شامة (عاد طلقات النفس ، مشات لجيهة حوايجها بان ليها داكشي لي حط ليها ، ماعرفات شنو دير .. إحساس جديد عليها ، اه هو ضروري منو ولكن جديد عليها.. هزات الحليب دهناتو للحمها ، لبسات ديك الكسيوة ورشات من ريحتها ، وتخشات تحت الكوڤرلي ، بدات الشتا كتصب وضرب فزاج ديال السرجم ، واحد المنظر زوين بزااف .. سهاات فيه حتى سمعات الباب تحل .. دورات راسها كيبان ليها جنيد خارج فبوكسور وكلو عريان … تلفات ماعرفاش باش تبلات .

– شامة (كتشوف فعضلاتو وفواحد الضربة فقنت كرشو ) :

– نوجد ليك شنو تلبس ؟ بصحة بعدا

– جنيد (تبسم ، شعرو على عينيه مامنشفش مزيان ، زول الغطا وتكا حداها) : الله يعطيك الصحة أحبيبة ، علاش انا هكا ملابسش؟

________

– شامة مجاوباتوش ، بقات غير كتشوف فيه ..

– جنيد (كيشوف فيها بكل حب) : فخبارك شحال تسنيت هاد النهار ، فخبارك شحال كنبغيك … فخبارك عمري بغيت ولا غادي نبغي شي وحدة قدك ، فخبارك رضيتيني أحسن رجل فهاد الدنيا كلها .. بقات ساكتة وكتشوف فيه .

– قرب بشوية منها .. نزل بشفايفو على شفايفها ، وأخيرا وأخيرا غادي تكون ليه .. وأخيرا أجسادهم غادي يلتاحمو وتكون ليه بالكامل ، غاص فقبلة طويلة معاها ، قبلة خلات أحاسيسها وأحاسيسو يتحركو ، خلات يديها يتسراو على جسدو ويديه يتسراو على جسدها بالكامل … جسدها ولا كلو كينبض برغبة ، وهو مكانش قل منها .. مابقا والو ويوليو جسد واحد ، حرارت الحب والمشاعر الصادقة لي بيناتهم هي لي كتكلم .. فلحظة لي كانت اتقلب جميع القوانين بدا الدقان فالباب ، تهز من فوقها كيشوف فيها ..

– شامة (كلها حمرا وشعرها مشعكك ) : شكون كيدق ؟

– جنيد (صاعر ) : يكون سكون مابغا يكون انخبط مو من لاخر … بانت ليه فوقية فباليزة هزها لبسها وشامة كضحك عليه ..

– شامة : اويلي اتخرج بهاد الشوهة ؟

– جنيد : دقو عليا قلبو عليا ، كيحاول يضرق الى لقا مايضرق .. مشا جيهت الباب حيد الساقة ودور البوانيي وحل ..

– عفا … ناااااري جنيد جنيد جابك الله أخويا عتقني ..

– جنيد (مصدوم ماعرف باش ، ياك عرض عليه وݣاليه مسافر أش كيدير هنا) : أسر أش كدير هنا اصاحبي ، واش خارج ليا فعودي … اش واقع مالك خارج هكا ، شامة سمعات صوت راجل جرات واحد القفطان لبساتو وجمعات شعرها ..

– أسر : مافيا لي يشرح دابا ، إيثار كتولد ..

– جنيد : كيفاش كتولد ؟

– أسر : جي معايا راه ماعرفت مندير ، الشتا خيط من السما طوموبيل حلفات لا ديماري ، ماعرفت مندير راني تالف ..

– جنيد : سوني لومبيلونص ، اخويا مراتك كتولد وانا تحرمها عليا ..

– خرجات شامة عندهم .. من ورا ماسمعات كولشي ..

– شامة : فين هيا ؟

– أسر : تبعوني ..

– جنيد : واش انت مريضة ، راه صباحنا هذا ..

– شامة : زيد براكة من البهلان ، راه صاحبك هذا ومسألة حياة أو موت .. خلاتو واقف وتبعات أسر من اللور ، تبعهم جنيد للكابانو لي كان حداهم ، دخلو كيسمعو الغوات .. كانت إيثار مجبدة كلها عرقانة وكتغوت ربي لي خلقها ..

– شامة (مشات كاتجري عندها قلباتها) : ناري عتقني بالبانيو ديال الما يكون سخون ماشي طايب وشي يزار سربي ، راه طرطقات ليها السقية..

– جنيد : اش بغيتي ديري ليها ؟

– شامة : أنولدها

– جنيد : كيفاش ؟

– شامة : كيف سمعتي غادي نولدها ، غير خرجو انتوما وخليوني معاها ..

– إيثار (كتغوت) : الله ياربي الله أنموت ياربي صافي صافي ، وكواك الحق أش داني وكواك ..

– أسر (دخل فيديه بانيو حطو ليها وخرج مع جنيد) ..

– جنيد : اش كدير هنا ابا تايغر ؟

– أسر : كنا عاد جينا من السفر ، إيثار عيات بطريق قلنا نستراحو فالكبانو ، نسيتي بلي عندي كبانو هنا .. او وقع لي وقع كيف شفتي ،فيقاتني من نعاس مفزوع ..

– جنيد : وأنا حرمايها عليا ، دزتي فوجه المدام اما نقسمك على جوج ..

– أسر : أودي غير دوزها وسمح ليا ..

– جنيد : كادو زين هدا ، مكتبدلش أخويا نهائيا ..

– أسر (على أعصابو فاش كيسمع إيثار كتغوت) :

– مزال غادي تجرب وتعدر ، دابا نفكرك ..

– جنيد : خليتونا نديروهم بعدا ، قطعتينا فنص ..

– قاطع نݣيرهم صوت الغوات ديال بيبي صغير ..

– دخلو كيتجراو ، لقاو شامة هازة بيبي فيديها لاوياه فيزار ومداتو لأسر ..

– ديها لهيه بينما ساليت ..

– أسر (ودموع فعينيه) : واش بنية ؟

– شامة (كضحك) : أه بنية ..

– جنيد : مبروك عليكم ، بغيت انعرف انت منين تعلمتي تولدي؟

– شامة : كضحك ) من بعد ونݣوليك ، جنيد بينما طرفات شامة إيثار وجمعاتها حتى يديوها لكلينيك عاد دخل ..

– إيثار (سخفانة) : لهلا يخطيك أشامة ، شكرا بزاااف عدبتك معايا ..

– شامة : كتشوف فالبيبي وفيهم) بالعكس مكاين لا عذاب لا والو ، الله يربيها فعزكم ..

– جنيد : هز طوموبيلتي وديها لكلينيك ، حتى من بعد ورجعها ليا ..

– أسر : نرضها ليك فساعة الخير العود ..

– شامة (كتشوف فيهم بحب) : شنو أتسميوها ؟

– إيثار (شافت فأسر) : أنسميوها على سميت ماماها لي ولاداتها ، شــــــامــــة ..

_______________بعد مرور عامين_______________

– فالمحال ، واقفة لابسة جلابة مطارد كتبان كريشتها تكون عندها ديك 5 شهور ونص .. مع صباط فالݣرونة پلا .. زيف فالݣرونة .. خاتمها ديال المرياج مع ساعة دهبية ..

– نادية : راه مخاصكش تباقي واقفة راه واعر عليك .. دابا يجي جنيد يخاصم عليك ..

– شامة : ݣالتها تبارك الله لي بقا ليها شهر للولادة او واقفة .. معولاش تمشي لداركم توجدي لراسك ؟

– نادية : خديت صباح كونجي ديالي ، شوية وايجي راجلي يديني ، انمشي غير لسوبير مارشي ناخود شيحاجة ونجي صافي ..

– شامة : حتى انا شوية أنسد ، 8 خاصنا نكونو فدار معروضين ..

– نادية ، مزيان انا مشيت ..

– شامة : سيري وردي البال لراسك

– نادية : واخا أختي .. ݣلسات شامة ، شوية وصل جنيد ..

– جنيد : حبيبة ، شوية دازك الحال شوية ، كون غير ݣلستي فدار لاش جاية ؟

– شامة : لا خاصني نتحرك ، جابك الله تسد راه غادي نتعطلو .. سدو المحال مع جا راجل نادية خداها بطوموبيل وهي راجعة من سوبير مارشي ،شامة وجنيد شدو طريق نيشان للڤيلا فين كانو مجموعين العائلة كلها .. سامية لي تزاد عندها وليد عندو عام و4 شهور ، سماتو طه … أما إيمان تزادو عندها جوج تويميات بنات .. نور وهدى ، حتى هوما قدهم قد طه … أما سعيدة لي داز عرسها وحملات ،تزاد عندها بنية كتحمق ، عندها 9 شهور .. عايشة بيخير وعلى خير مع عݣوزتها .. مكتخليهاش تهز البنت هي لي قايمة بيها كتحماق عليها ، أما نهاد وسهيلة داز عرسهم بجوج ، ولكن مزال ماقرروش إسمتا بغاو يحملو … سعاد لي حتى هي تزوجات … وتزاد عندها وليد عندو 4 شهور دابا سماتو أحمد … علي تزوج بزوهرة ، والمفاجاة انها حملات قدها قد شامة .. أما بهاء فبدا حياة جديدة ففرنسا ، وديما كيتاصل بعائلتو … الحاجة الزوينة لي مخلية شامة فرحانة ، هي خطوبة أحلام على فؤاد … وعرسهم لي غادي يكون فهاد الشهر ..

– جنيد (سايݣ وكيضحك)

– شامة : مالك كتضحك ؟

– جنيد : أنت ومرات باباك اتولدو فنهار واحد ..

– شامة (كضحك) : نااااري وحق الله ، شوف حتى تزوجت وحملت عاد ايتزاد ليا خويا ولا ختي ..

– جنيد (شاد ليها فيدها) : كولشي من الخير أحبيبة ..

– وصلو للڤيلا .. دخلو لقاوهم كاملين العائلة بدون إستثماء مجموعين فجردة على الشواية .. غير شافوهم وقفو كيسلمو عليهم ، ضحكهم جاي على الشارع .. كلهم عائلة وحدا مافقلبهم لا شر لا بغض لا حقد ، جامعهم حب حب حقيقي مكايتباع مكايتشرا ..

النهاية