تقديم بقلم ✍️ Qisatok
🥀 ماشي كل واحد تزاد وسط الفساد… مكتوب عليه يعيش ويموت فيه.
كاين فساد كيبان للعين، وكاين اللي كيتخبّى ورا الوجوه، وسط البيوت، فالقرارات، وفأسرار سنين طويلة ما كيعرف حقيقتها حتى حد.
وسط عائلة بسيطة، كل واحد فيها كيجاهد بطريقتو باش يعيش، ويحمي اللي كيبغي، ويختار الطريق اللي كيشوفو صحيح… كاينة حكايات ما كتبدأش من الحب، وإنما من جروح قديمة، روابط عائلية قوية، وأبواب إلا تحلو ممكن يخرجو منها أسرار أكبر من قدرة أصحابها على الاحتمال.
وهنا كيولي السؤال ماشي غير: **شكون الفاسد؟**
ولكن… واش الفساد حاجة كنتولدو بيها؟ حاجة كيلصقها فينا المحيط؟ ولا طريق كنختاروه بإرادتنا؟ 👀🔥
بين القسوة والحنان، الصواب والغلط، الوفاء والغدر، شخصيات غادي تحبو بعضها، تغضبو من بعضها، ويمكن حتى تبدلو رأيكم فيها أكثر من مرة.
مرحبا بكم في **«ولادة من رحم الفساد»** 🥀🔥
قصة اجتماعية درامية، فيها من الواقع قد ما فيها من الأسرار والتشويق… وكل باب فيها كيهز لباب آخر.
بقلم **Sana Bouabid**
وقراءة ممتعة مع **Qisatok** ♥️📖
تقديم القصة بقلم الكاتبة ✍️👇
🔥🥀🥀يااااا مرحبا الساع هههه برفييت ديفوتشكي مشات مع تريكة رمسيس ....
القصة جديدة كليا باحداثها الي جداد عليا انا فقصصي ... هاد القصة بالضبط الي عام وانا كنخطط ليها ونبحث ونسجل فالوقيتة الي كانت #نورالياسين في طور الكتابة ... ماكنتش غانرجع نكتب الا بعد مدة طوييييل حيث عييييت بالكتابة لاعوام وانا كنكتب را عمر تقريبا من 2014 وانا فعالم القصص الي جمعت فيه رصيد من القصص منهم مشتركة ومنهم فردية ...الهضرة كثيييرة متوفيش حق متابعاتي الي عمرهم نساوني ❣️
وطبعا هاد القصة بالضبط معايا فيها واحد الفريق الي عاونوني وكل وحدة عاوناتني فمجالها الي مختصة بيه اولهم
----الدكتورة Fadila Bennis في مجال القانون والاستشارة القانونية : دكتوراه في القانون الخاص ♥️
----الطالبة في كلية الطب Louli Souhå : في المجال الطبي من الالف الى الياء بالاستعانة في الاستشارة الطبية والصحة من الاساتذة والبروفيسورات الي عطاوها المعلومات بالاضافة لمعلوماتها حتى هي فاي مجال قرات وبحتاث عليه
♥️
-وشكرا Hajar Akmax فيما يخص اللغة الامازيغية السوسية رودانية ❤️...
----ومسك الختام Doha Najib مصممة الكوفر وافضل مصممة عندي الي بدات معايا من نورالياسين فالفصل الثاني حتى كملات وهي كل نهار كتصمم ليا كوفر من قلبها حبا للقصة اولا وهاهي بدات معايا حتى فهادي وهي الي غاتكمل معايا المشوار ان شاء الله ...
تاليف وكتابة : انا sana bouabid ...
هي قصة فيها #جرأة في الاحداث وليس فالسفالة طبعا كل حاجة فوقتها ..احداثها فيها نسبة كبيييرة من الواقع وطبعا نسبة من الخيال ...
-ملاحضة : عاافاكم متبقاوش تقارنو ليا الابطال سابقين بهادو وتقولو خاص يكونو فحالهم حيث را ميمكنش ندير نفس الشخصيات اباش نتفاهمو ههههن
#هناك من ولد من رحم الفساد وهناك من اختار طريق الفساد وللفساد عدة معاني 🔥 ...
#ولادة_من_رحم_الفساد....
يا بسم الله ...
تفتح أعمال سناء بوعبيد أمام القارئ أبواب حكايات مختلفة، تتنوع فيها الشخصيات والأحداث والتجارب، وتحمل كل قصة أجواءها وتفاصيلها الخاصة.في صفحتها على Qisatok، تجدون جميع أعمالها المنشورة وفصولها مجتمعة في مكان واحد، لتكتشفوا قصصها، تختاروا ما يجذبكم منها، وتتابعوا كل جديد ينضم إلى عالم سناء بوعبيد على الموقع.
مكتملة
شاركنا رأيك في القصة 🌹