بسرعة يمكن اشبه بالقاتلة غادي فالطريق منير الي داز من حداه مكيعقلش عليه وناس كطلب غير سلامة. وسلاك والي شاف فيه الله را تكتاب ليه عمر جديييد …اذان العصر فهاد اللحضة من بعد مكان الصباح طاير بنفس الطريقة والي شافتو حتى صفاء طلبات ليه سلامة ومشات تقدات لامها ورجعات لدارهم من بعد ساعة تقريبا حيث المشوار كان طويل …عاود تاني داز هاد المرة بنفس طريقة وب موطور عصام الي خذاه من عند فوزي بلا ميقوليه اش كاين …حاول فوزي يعيط لعصام …
فوزي : را خذا الموطور اصحبي وجهو مكيتفسرش معرفتش مالو…
عصام : ماشي مشكيل عطيه ليه…لهلا يرد اصل مو الزا***”كيهضر فجردة بعيد عليهم” خليه يموت بيه القواد لاخور…
فوزي : اش ندير دابا ؟
عصام : معندك مادير ديها فخدمتك ورزقك والقواويد مع تقواديت ديالهم …”قطع معاه وتيسر هو لاشغالو اما صطوف فهاد اللحضة مع وصل وقف ولاح الموطور لقاه واقف فين نعت ليه كان فواحد البلاصة فيها ديور مملاصقينش …كان واقف قدام سيارته كيهضر ويشالي بايديه “
سمير : صافي حبيبة جيبي ادم من عند ماماك وعشية نسافرو ..ماتسديش صيدلية خلي امين هو الي يقابلها ماغانجلسوش بزاف واحد سيمانة كاع الى طولنا..داكوغ ما بيل…
صطوف: القواد
سمير”ضار شاف فيه ” : اوكي صافي يلاه بيزو بب “قطع معاها ومشا عندو وهو كيخشي فتيليفون فجيبو ” امالك اعشيري ههههه شي باس مكاين اصحبي …”شاف المطور الي لاحو” او او مالنا …
صطوف”كيضرب ليه فوذنيه” : انا ديال تبيديق ؟!
سمير : اش وصلنا لهادشي ؟
صطوف “غوت بجهل” : واااااااش اولد القحبااااااا انا ديال تبيدييييق ازااا*** من لاخر عطي لعدو ربي خو جوابي بلا تقحبين دز****
سمير : لا اعوذ بالله
صطوف : باغي تح*** حاجتي صبر نسالي منها باغي دير معايا plan 3 adistance (زعما يتكواو بثلاثة عن بعد صطوف وحدو وسمير وحدو ولكن مشاركين فيها بزوج وهما ثلاثة هههه ) ندوز فخليقة عدو ربك …”جبد تيليفون وبدا يوريه فيديوات ديالو معاها خدااامين منين جابهم شكون صورهم الله اعلم والمصيبة هو سمير ويقوليها شكون متعك انا ولا هو ” زعما نتا حو**** مقود ؟!
سمير : خلينا غير نتفاهمو من لاخر ا صطوف نعيشها حسن منك متعاتني حسن ما متعاتك …اش ليك نتا فيها نح** ولا لا ياك مباغيهاش لزواج تقاود هي كلها منفوتش عشيري داكشي غير هضرة اما صح را منفوتكش بياسة مقيوسة محكوكة داخلين فيها ز***بة اش ليك بيها …دابا من لاخر صافي ساليت منها عشنا وقيتات زويونين “حط ايدو على صدرو” يتوب عليك بياسات كطيح عليهم اصحبي ملااااح …
ماشعرش سمير امتا عطاه صطوف براس حتى تلاح عالطوموبيل وشنق عليه عاودو بروسية ثاني تا طاح لارض وتلاح عليه كيعطيه فالدق وسمير تاهو ماشي ساهل بزوج قد سخط حتى تراب ولا يطير دنيا تما خااااوية شكون الي غايفكهم مكاااينش ….
سمير : والحبس “عض لسانو وعطا لصطوف بونية لفمو تا طوش دموووو …وتلاح لهيييييه “
صطوف “مسح من فمو وناض ليه كيغوت ويعرعر” : وهاااااع بالرب تانقتلكم القحااااااااااااب بيدقتوني انا كلب وسط منكم رعواني …”هز رجلو وقبسو لكرشو شد سمير كرشو وهز فيه راسو منييييييير مشا ليه كيجري دفعو وضرب ليه راسو مع طوموبيل ..بقاو بونية فيا بونية فيك زداف رداف دق فاللحم العضم الوجه جوج وحوش شرسة منوضة المقاتلة .”
في نفس البلاصة ماشي بعيد عليهم كانو عينين شي حد كيراقبهم …
هي : لا خويا لااااا خويا صطوف ماشي ديالك الحباسات…
صطوف”راسو ولا كيترعد بالاعصاب تا خرج عينيه على جهدهم تا شنق عليه بالحر عطاه براس تا تسمعت زداااف فوق بانو ديال طموبيل ” : بالرب المعبود لا بقات فيكم بجوووج
سمير”كيضحك عليه باستفزاز” : منتقلقش منك اصحبي راك عشيري …حتى تزوج ههههه ومنوصلش مرتك ” بغا يستفزو ساعاك فرشها بهاد الجملة لاخرة الي شعلات فصطوف العافية كان باغي غير يضربو ضرب مبرح هاهو صدق فارشها “
صطوف : وااا ينعل جد الهة مها صحبة معاااك …
سمير : مقبوللة منك اصحبي”تسمعات تكككك كان صوت شكة الموس الي خشا فيه سمير … خرج سمير عينيه وشاف فيه “
هي :”غير شافتو خشا فيه موس وطاح …خرجات عينيها على جهدهم وحطات ايدها على فمها” اويييييييلي اهى اهى…”طاحت بالخلعة على طولها تا تضرب ليها راسها مع واحد القنت مشافتهاش “…
سمير “كيشوف فيه حتى طاح على ركابيه ” : ياااك اصاحبي..
صطوف”عينيه باقين خارجين فيه بالصعرة مسح د.م من فمو ومنخرو الي تجلخ ليه الوجه بالتراب ودمااايات وعين تنفخات ليه بزاااف ” : حو*** وسخي قلنا نقرصو ليك وذنيك تجبد مرتي الي مزال مبانت وعينك فيها نح*** ك انا”مسح الموس الي فيه د.م فحوايج سمير ودفعو برجليه وطار لموطور ديماراه وزاد بجهد تا نقز طاير “…
كيف ضربو طاح وعاود قبسو برجليه الغضب كان عامي ليه عينيه جهل واحد جهلة ما فسوقها مايتعاود …والغضب والشمتة الى حس بيهم الرجل كيكون رد الفعل ديالو اضعاف رد فعل المرأة …راجل فاش كيتعماو عينيه بالعصبية والغضب را ممكن يدير ماهو اسوء ومثال صطوف هذا الغضب كان طبيعي بالنسبة لشخصيتو وطبعو…بزاف ديال الشباب ضيعو حياتهم ومستقبلهم بسباب الطيش وقلة العقل وقلة ميدار …بزاف الشباب ضاعو فلحضات غضب على حاجاات يا تافهة يا بسيطة يا لا علاقة…ممكن كلمة ضحك بيناتهم تجرهم لاسوء الاشياء…شحال من صحاب غير بضحك صدقو قاتلين بعضياتهم واحد فالحبس واحد فالقبر واحد تقتل من دنيا وواحد تقتل فالدنيا …وتعددت الاسباب والهلاك واحد….
تحطو بلاطويات فيهم تيرموسات القهوة والحليب واتاي جاي مشحر عامر من الكوزينة …تحطو طباسل الحلوة يعني بخلاصة تحط بزاف الي بين مدى كرم هاد الناس تاهما واستقبال كان مضياف وزوين فحقهم….فالعادة هاد العراضة كتكون لعائلة البنت يعرفو بنتهم فين غاتعيش وصافي عادة عادية متوارثة …مكايتافقوش فيها عندهم على اش غايديرو حيث العريس الي خاصو يجي لدار العروسة او الخطيبة او البنت الي ناوي معاها فدارهم فين كيتافقو والعيالات …هضرو ضحكو ناقشو مواضيع بيناتهم تعرفو شي شويش…
المحجوب”جد عصام وفرح” : ايوى سيادنا هادي هي الوقيتة …ضيافتهم خير وبركة اولاد الخير…
زين الدين : والنعم بناس الخير تستاهلو…
عصام”شاف جدو وقف ووقف تاهو ” : سي البغدادي الله يكثر خيركم…
نجية”شافت ف توبا” : فين هي البنية غبرات..
توبا”بابتسامة حرج” : و ههههه طلعات لفوق تقضي شي غراض هاهي تجي تسلم عليكم…
تسالمو الرجال بيناتهم وتوخرات فرح ونجية وتوبا وراهم الي كانو غاديين خارجين برا باش يتوادعو على امل اللقاء مرة اخرى…بقاو العيالات كيتسالمو كيما كنعرفو سلام العيالات فيه خمس سنين …حتى نزلات ضحى وجهها مغير سلمات عليهم ..
فرح : بون كوغاج اختي..
ضحى”ابتسامة صفرة” : شكرااا
توبا”سلمات على نجية ” : ان شاء الله ليا زيارة انا وبنتي وواحد سيدة من العائلة نهضرو بيناتنا حنا العيالات ..شوفو زين الدين والبنية علاش تافقو بيناتهم…خلي ليا نمرتكم…
نجية : مرحبااا بيكم
مشاو حدا طوموبيل قبل ميركب عصام وقف شاف ف زين الدين وشكرو على حسن الاستقبال وركب وركبات نجية الي نغزات فرح توخر هي وياه من بعد ما سلمو عليهم وقفات توبا وضحى بعيد عليهم …و مراد واقف مع عصام والمحجوب كيهضرو ويضحك مراد مع الحاج المحجوب بالطنز …
زين الدين”شاف فيهم ورجع شاف فتيليفونو وكيهضر ممركزش فيها الشوفة بزاف مرة فيها ومرات كيشتت النظر ” : نسالي شي مشاكيل هاد ليام ونهضرو فالخطبة …
فرح”كتدخل زغبة من شعرها دخلات ف فمها” : هممم واخا ان شاء الله …
زين الدين : نمرتك هي الي هضرتي معايا بيها داك نهار ؟
فرح”تفكرات اش وقع مع المخنتر تا تكمشو ملامحها للحضة وهي تفك تغوبيشة وتبسمات وتاهي كتحاول تشتت النظر” : هي هاديك ..احم انا خذيتها من عند خويا عصام من كارت فيزيت الي عطيتيه …
زين الدين : سيي مزيان “شاف قدامو ورجع شاف فيها هاد المرة وهي شافت فيه بدون متشعر تا تلاقاو عينيهم لثواني كانت كافية باش شافت لون عينيه وهي تفرز فيهم واحد الصفة قليييل الي عارفها فيه وهو فرز لون عينيها العسلي الي كيبان غير فالشعا وشمش فقط الى كانو مجهدين” ولابد نتشاوفو بيناتنا على برا ..مزال مكملناش الهضرة ويمكن تقال شي هضرة ونوضحو شلا…
فرح”حركات راسها” : واخا ان شاء الله …ياك فالجديدة “عوجات راسها بتساؤل”
زين الدين”شاف فيها بنص عين كيطنز ونوع من المزاح معاها ” : بين البينات….نشوفك وحدك هنا فبلاد غير بلادك ؟ وشيب راسي بدا !!! …عييب ا خت با عصام …
فرح : ههههههه لا لا حاشا …”كتبان ليهم من بعيد كتضحك وهو كيهضر باين عليه غير الجدية اما هي من نبرة صوته حسات بيه كيتمازح معاها …سمعات صوت عصام كيعيط ” يلاه بسلامة وشكرا بزااف على حسن الضيافة ..
زين الدين”مد ايدو سلم عليها” : مرحبا ماشي شي حاجة فحقكم ..”تبسمات ليه بخجل حدرات راسها ومشات لعند عصام هازا فايدها ساشيات الكادو ديال الخطبة لولة او زيارة لولة فاش جاو والي كنعرفو فالعادة سوا باغيها او مباغيها را خطبة خطبة وصوابها ضروري..ديمارا طوموبيل وخرجو من الفيلا فاتجاه مدينة الجديدة واخذين نظرة احترام وتقدير كبيييير لعائلة زين الدين باستثناء الغالي”
عصام”فالتيليفون” : كيفاش !!! “عض لسانو بعصبية مفرطة فرانا بجهد تا غوتات نجية وفرح
المحجوب : امصلي عليك ارسول الله ياك اودا شباس مكاين
عصام”لفوزي فالتيليفون” : الله يغرق لبوه شقف كثر ماهو غارق..فين الموطور !؟ جيب لق”حبس الهضرة الخاسرة” جيب القجقال من عندو وعيط لدينمو لبوليس …
مطار محمد الخامس الدولي وعلى تمام الساعة السابعة ونصف مساءا وقفات سيارتهم …
وليد”كيشوف فساعته” : معاش غايوصل ؟!
مراد “دوش عليه فور ما مشاو الناس وبدل لبس تيشرت كحل وسروال دجين وطبعا سبرديلة ..عاقد غوباشتو وشاف فساعة فطوموبيل ” : شي نص ساعة غايكون هبط يمكن غير كيتعطلو..
وليد”بدا يحك فراسو وشعرو بقلة صبر ونفس تا ضار مراد بدا يضحك حيث عرفو علاش ” : غايفگس ليا المرارة تاني لاش لاش بغيت غير نعرف مع زين الدين كيرجع ليه العقل بلهلا يحزقو ليه ..
مراد : هههعت هانتا قلتيها مع زين الدين .. الى مرجعش يدخل فديلمو براس يرجع ليه بزز…وغا ساعف ههههه
وليد : كركوبة مخي كتوقف فاش كنتفكر بالي خريج ispits (instituts supérieurs des professions infirmières et techniques de santé …المعاهد العليا للمهن التمريضية وتقنيات الصحة)
مراد : لاااا حدك تم ممرض تخدير والانعاش ااااطونسيون …
وليد : وزيدك يلااااه …ملي نهضر معاه فاش كنا فالدار عند زين الدين تما ف دبي وكوليخة امة لا اله الا الله …
مراد : كيديرها بلعاني …
وليد”سمع صوت وصول ركاب الطائرة القادمة من اسطنبول حيث دارت من دبي لاسطنبول عاد الدار البيضاء ” : نزل نزل هاهما بداو يخرجو…”حل باب السيارة هو و مراد ومشاو فاتجاه البوابة الكبيرة واحد المدة ماشي بزاف خمسطاش دقيقة حتى بداو ناس كيخرجو الناس الي نزلو من طيارة ودوزو الاجراءات …”
مراد : اويلي هذا فينهو !!!
وليد : شحال تعطي الى ما حصل فشي سمطة من سماطي البگاج …
مراد : هههههههه “كيقلبو بعينيهم على الناس الي خرجو باش يشوفو الشخص الي كيتسناوه والي هو صلاح واحد من الممصرضين ولاد البلاد الي تدخل زين الدين وخدمهم فالمصحة الخاصة ب دبي حيث كان شاب تخرج وبقا كيدفع لكونطورات بدون نتيجة وهو الي عند خوتاتو وواليديه ناس مافحالهمش و خلال فترة الخدمة ديالو ف دبي كان كيرسل ليهم مانضة شهرية كانت كتكفيهم يعيشو احسن من كيف كانو ومخيرين …بات صلاح كيعرفو زين الدين حيث خدام كيطيب القهوة واتاي لمحلات القصارية ذهب والقصارية الي بجنبها لاصحاب المحلات الي فيها على قدو وصافي…ولكن هاد الولد صلاح را قراي فهاد المجال غير هو تكوليخة الي كيتكلخ را كتجيب ليك الشك المشكوك فامره حيث را شي مرات كيشكو بالي خذا الاجازة فهاد الشعبة “
وليد : غلى رقبتي الى شادها بالنقلة …
مراد”تنشر بالضحك” : تفرملييت ديال دولة اصحبي بالنقلة ؟ كيغايدير ليها النقال لاخور ههههههههههههههههههههه
وليد : حاشا مك
مراد : سكت اتريسينتي سكت ههههه
بقاو يتسناو واحد نص ساعة اخرى فوق 15 دقيقة الي دازت ومزال مبانش تا مشا وليد ومراد طلبو من البوليسي الي تما يخليهم يدخلو يقلبو عليه شحال وهما يطلبو بزز عاد دخلو كيسولو وهو يبان ليهم راااه واقف داير ايديه ورا ضهرو زعما را تقسم ليه بتقلاب شاب فعمر 29 سنة شعرو كحل وقوي رطب فحال شي هندي رقيوق شوي وطويل لابس سروال گطيفة بسماطي شادين القميجة من كتاف فحال سالوبيط وقميجة حمرة بالكارويات…حك لحيتو وشعرو من لور كيشوف ويعاود ويدير ايدو على ذقنو مكمش عينيه كيخمم ويعاود”
مراد”ربع ايديه كيشوف فيه هو ووليد متوقعيييين اش غايلقاو” : دااابا هذا اش الجديد فيه غا قوليا ؟
وليد : الى مقالش ليك الفاليز توضرت ليا حكم عليا نحسن لحيتي ومصاصطي..
مراد”كمش فيه عينيه بخزي” : يخخخ مزغب المصاصط
وليد : متحكرش از*** غا ضحكنا تندمناش “خلاه كيشوف فيه ومشا لعند صلاح الي باقي واقف شاد ورا ضهرو بايدو وحداه فاليز كبيرة وايد كيحك بيها ويقلب الناس الي نزلو معاه مابقا تاحد” ختي زينة فاش كتسناي !!
صلاح”شاف فيه ورجع شاف فسمطة الي كدور كانو فيه باكاج المسافرين” : والو واحد فاليز صغيرة وصاك كحل صغير …
مراد : واخا توصفهم لينا…
صلاح : الله معقلت اينا فاليز هزيت ..
مراد”ضار شاف فوليد ” : هذا مسلمش بعدا مزال معرفناش
وليد : صبر معاه تنشوفو اشمن فاليز جاب قاليك معقلش دابا نطليه خضر ولا قوقي !!
مراد : صلاح عااايش خويا را عيااانين النهار كلو وانا واقف كنتسخر كانو ضياف ووليد خدام ..تفكر خلينا نتقودو احم نمشيو نديوك لداركم …دابا يصوني تاني زين الدين يسول عليك …
صلاح : بااااارح قلت نجمعهم فالفاليز الغوز وشوي قلت نجمعهم فالفاليز المنمرة الي جاتني كادو …
وليد : هكا على القوادة…
مراد : ودابا المشكيل مابقات تا فاليز كدور سير قيد عندهم تبليغ عن الضياع وميكون غير الخير…
صلاح”شاف فيهم وهو يضحك تا قالو را لقاها وفرحو ساعاك ” : ااااه اه اه وليد مراااد”عنق مراد بجهد تا كان غايطيح ” عاد شفتكم الله ههههه عاش من شافكم ..
وليد”كان جاي يسلم عليه” : اااه مسالمين من داك العام من لاخر فين فاليز ديالك خليني نتقود را عينيا تسدو …
صلاح “رجع كيشوف ووالو..حتى حل عبنيه ” : هاااء ياااا ويلييييي “هز ايدو وغمض عينيه ” مبقيتش جبتهم قلت براكة غير هادي …هادوك كنت غانديرهم كون زدت واحد الحاجة كنت غانجيبها معايا “تشبح مزياااان”
وليد”عض لسانو ” : واش نطح مو ولا ندخل فيه بروسية نخلي مو هنا وسط المطار مشبح نيييت ..
مراد”حك نيفو بقلة صبر” : صلاح “ضار شاف فيه” شنو الحاجة الي كنتي غا تجيب ؟وخلاتك درتي هاد الحالة ساعتين وحنا كنتسناو …
صلاح”رمش فيه وشاف فوليد ورمش فيه تاهو ” : و والو غا شامبوان ديال القطران وافقني لشعري…
مراد”شد وليد بايديه بزز كان غادي يخلطو” : قطران !! ايناهو اختي الغليض ولا رقيق ؟!
صلاح : وا معرفتش يمكن غليض ça dépend ..
مراد”ضار عند وليد وكيشير بصبعو ناحية صلاح” : القطران الغليض و ça dépend ..الى جمعتيهم بزوج غايعطيوك واحد القح..بة وغاندي الكلبة مها نبرتشها تايطيبو مصاصطها …زيد الحبس زيد الى باقي تلقيت ليك نجيبك بغيت ليا الباسر .
وليد : غاي غاي”عض لسانو وغمض عينيه بغا يسخف بالفقصة قاتلو نعاااس ومكمل ب صلاح ديييما كان هو وياه شد ليا نقطع ليك وصلاح راااخيها عالوقت الي بغا يربح العام طويييل كاااع مكيتقلق ” غا يقتلني واعووووووو “جدب فبلاصتو “
صلاح”قرب ليه” : مالك ؟ رخيها عالوقت عنداك تموت “طلعو وهبطو وجر فاليز ومشا سبقو تابع مراد “
من بعد ما وصلو لدار غير حطهم عصام ونزل كيعيط ل فوزي الي جا ديك الساعة حيث لقاه مكاينش فالمحل ودنيا مقلوبة على صطوف خصوصا الخبار وصلات لدار صطوف خواتاتو ومو الي طاحت مغمى عليها بالاخبار الي سمعات على ولدها اما ناهدة برات عليها لارض كيدقو عليها ومكايناش …
فوزي”وصل عند عصام لقاه كيمشي ويجي ويعيط لصطوف الي تيليفونو طافي طبعا” : بلا متعيي راسك جا لاح ليا الموطور وزاد …
عصام : ينعل الهة مو بالكلب هاهو خرج على راسو…
فوزي : سولو فيك البوليس خاصك تحرك لعندهم …
عصام”خرج فيه عينيه” : مال خليقة مي انا ؟!
فرح” وقفات” : اويلي علاش بغاوه مالو هو ؟!
فوزي : حيث الموطور ديال عصام فاش كان راكب صطوف وناس الي شافوه كيجري هما بلغو البوليس بالي كان هاز موطورك وبالي كان عندو حساب مع سمير داكشي لاش عرفوه هو الي ضربو والي زاد اكد هو كانو نوضوعا قبل والاخبار تنشرت ديرها غا زينة هنا …”سمعو دقان فاالباب بجهد مشا عصام كيزرب حل الباب حتى دخلات فاجنة كتبكي وتندب وتحندب عليهم “
فرح : مي فاطنة مالك ؟!!
فاطنة “كتخبط وتشد راسها وتلالي” : وااااا كبدتي معرفتها فين هي ملي تسخرات ليا گبيلة ماجات واااااا بنيتي فين هي فين ماكتعطلش بنتي ماتغيبشااااي …
فرح : اويلي صفاء “بخوف” اويلي متخلعينيش امي فاطنة عليها معندها فين تعطل راكي عارفانا الى تلاقينا بشي صاحبتنا كنبقاو شادين معاها الجماعة مايمكنش تشدها شي حاجة من غير هادشي…
فاطنة : وقلبي مهانيييييش على بنيتي ا فرح وا بجوجكم منهناش عليكم ابنتي …
عصام : عطيني نمرتها ا فرح مشاو ليا نوامر ..
فاطنة : بلا متعيي راسك كايصوني ويصوني ومتواجبني..
فوزي : ويلاه اسي…”دار ايدو على فمو” بففف…
عصام : البوليس تنشوف صطوف فين هو عاد نتحرك عندهم”بعصبية” ياك ما ضروري نمشي !!
فوزي : لا قالو ليا صباح كون عندهم وصافي …
فرح”هازة تيليفونها كدور فدار تصوني وتعاود بدون مجيب الشي الي خلاها تخلع اكثر حتى هزات عينيها وهي تبان ليها داخلة حيث فاطنة خلات باب محلول ملي دخلات …داخلة مدورة على راسها فاصمة وشاداه وجايا وتهرنن خخههه” اويلي صفااااء”طارت لعندها كلهم ضارو يشوفو فيها وفاطنة خلاص غا بانت ليها هكاك وهي تسخف ماعرفو يشوفو صفاء ولا فاطنة “
عصام”شدها هو وفوزي حيث بانت ليهم كتخلخل تا جلسات وهو يدور عند فرح ” : تلاحي دغيا جيبي شي حاجة لمي فاطنة …
فرح”طارت تجري لكوزينة جابت واحد قرعة ما زهر وقرعة الما وبالدعقة والخلعة على صاحبتها وخوها ماعرفاتش تا اش جاري بالصبط صطوف ضرب سمير وصفاء مالها…بلاصة ماتهز غراف هزات غطاية ديال قرعة فليطوكس وجايا تحري عطات لفوزي قرعة الما وغطاية ومشات تجرب خوات على فاطنة ما زهر باش توگض” : مي فاطنة …
محجوب : ياربي سلامة اش وقع ليك ابنتي …
صفاء : اهى اهى”شادة راسها. وتبكي” وراسيييي اهى واماااي
عصام : شكون ضربك ؟!!!”عين عليها وعين على فاطنة الي بدات ترمش ومحجوب تاهو يطل
صفاء”كتبغي تجاوب تفكر وتشدها البكية ” : اهى اهى وهزووني معرفتش شكون هادوك لقيت راسي فسبيطار اهى وراسييييي …
فرح : وخا غير رتاحي من بعد وهضري”شافت فعصام” باينة مخلوعة خليها تنفس وتعاود لينا مغاتقوليك والو دابا انا الي كنعرفها…
بقات فاطنة حاطة راسها عالمخدة حيث غابت عن الوعي من الخلعة على بنتها بداك المنضر باش دخلات ..المحجوب ناض لصالون لهيه حشم من السيدة الي مشعراتش من خوفها دخلات ب بيجامتها وزيفها مخربق حيث فاش الام كتخلع على ولادها مكتشعرش براسها اش كدير وهادشي كتشوفو فرح الي مفتاقداه وخا يربيها عصام كثر من راسو واخا يقوم بدور الاب والام كتبقى بلاصة الام وخصوصا عنصر نسوي هي الي غاتفهم عليها وكبدتها على ولادها وحدها …
فاطنة”كتحرك فراسها تا هزت ايدها حطتها على صفاء كتقيس فيها لا تكون كتكذب عينيها” : وبنتيييي
فرح”جاتها البكية تا مسحت واحد دميعة ” : هاهي مي هاهي
صفاء”بصوت تعب” : هاني مي …
فاطنة”دورات راسها ليها وهي تگعد بشوي كتقلب فيها وتعاود ” : يا شكون ضربك لقولالتك (قلقولتك او راسك) يااا البنت ..
صفاء”هزات عينيها ف عصام و فوزي” : مم عصام اهى..مشيت بب ب “كتحك فجبهتها وايدها كترعد باقي المنظر بين عينيها وخصوصا اخر لقطة”
عصام : ششش تهدني “مد ليها كاس الما شربات منو” بشوية عليك وقولي اش كاين الى مزال مخلوعة من بعد …
فرح : واش ضربك شي حد ؟! تلگا (تلقى) ليك شي شمكار ؟
فوزي : ميقدروش كيعرفونا هنا شكون يقرب وعصام يطحن مهم فندغة…
صفاء”حركات راسها بالنفي” : اهى وماشي شي حد انااا الي طحت راااسي “شدات راسها الي حاسا بالسخانة فيه وعاطيها صداع ” ايييي …عصام “شافت فيه ” انا شفت مضاربة صطوف وصاحبو و”كمشات عينيها كترعد وخا بزاف المرات طتشوف هادشي مي بعيد ولا مطايفات غير سيمو ياما فكاتو مي باش تكون وحدها معاهم فشكل…” شف فتو فاش ضربو بالموس…وخا كنت بعيدة عليهم مشافني حد…
فاطنة”بدات تخبط جنابها” : ااااااااااويلي على بنتي غاتولي تشهد ليا فالكوميسارياااات اويلي على كبدتي تمرمد ليا ..اويلي على اخر ايامي ولادي يدسروهم شهود…
فوزي : متخافيش غير تقول اش شافت وترجع دغيا الى عرفوها ولا عيطو ليها تشهد…و هادشي بيناتنا دابا ياك كنتي بعيدة …وزيد عليها سمير مماتش هادي مزيانة
عصام”ضار شاف فيها رافع حاجبو” : مماتش سمير ؟! “حرك ليه راسو ب اه”
خرج من الدوش نيشان مدوش معطر لابس حوايجو تما ديال خروج تيشرت بيض وسروال دجين مشا جلس فواحد كرسي صغير فحال پوفة هز تقاشرو بيضين لبسهم وناض كيسوس فسروالو باس يتقاد هز تيليفونو دارو فجيبو وعقد ساعتو هز كونطاكت طوموبيل واحد اللحضة ماشعرش براسو حتى حس بدوار خفييف فراسو حط ايديه على جناب الكوافوز …عض فمو شحااال وهو حادر راسو حتى حس براسو شوي وهو يمشي لكومدينو هز قرعة الما خوا منها كاس وشربو .. …كانت الساعة العشرة دليل صلىىىى صلاة العشاء وتبعها الشفع والوتر ….ركب فالسيارة وقبل مينطالق دوز الخط ل صلاح سول عليه كيف وصل وطبعا جاوبو مقاد الخوف ومايدير ههعع ..عاد ديمارا خرج من الباب وشد الطريق نيشان لواحد الريسطو فالعنق الدار البيضاءbeach mama casablanca …ركن السيارة ونزل دخل ليه كيقلب بعينيه حتى جا عندو سيرفور من بعد ما شير ليه …
سيرفور : سي البغدادي..
زين الدين”كيلعب بالتيليفوز فايديو وكيشوف فالانحاء” جاو ؟
سيرفور : مزال مجاوش علمني الدكتور ياسر بالي جايين فالجريق الي سبق نوريه لاطابل ..تفضل من هنا كيف طلبو بعيدة شوي على بنادم …”خرك ليه راسو ومشا معاه تال واحد طابلة ريزيرفاوها على ود اجتماع بعض الاطر الطبية اي اجتماع شبه عملي بيناتهم…جلس فالكرسي” شنو تبغي قبل ميجيو نعماس ؟
زين الدين : Nespresso sans sucre “مشا سيرفور يلبي الطلب اما هو جبد واحد الباكية ديال وينسطون جبد منها سيجارة وخشاها بين كفوفو باش شعل بالبريكة لايطفيها البرد..جاب ليه القهوة الي طلب بزربة حرك ليه راسو وتقاد مع البحر متنغم بسيجارتو وكيتفكر الاحداث الاخيرة فوجهو كيبان شخص جدييي متعرفيش فاش كيفكر عاقد دوك الحجبان متنغم مع السيجارة. والقهوة حتى شعل تيليفونو ودخل لواتساب كيشوف فالميساجات الي ممجاوبش عليهم كاين الي ليهم يومين سيمانة حيث ماشي من النوع الي كيشد الهضرة فدردشة ولا مواقع تواصل كتشوفي تصرفاتو تقولي دقة قديييمة …بان ليه جيهة سطوري من سطوريات كان ديال فرح حاطة صورتها ناعسة على طابلة وكتضحك مصوراها صفاء وجهها مطيبز وشعرها البني الفاتح مايل للاحمرار ..مشا ليه كيكتاشف هاد البنت الي حطها ربي فطريقو فلحضة غضب غير مقصودة …هي السطوري عادة كتخبيه على الناس الي بعاد وزين الدين فاش سجلات نمرتو محيداتوش.ومفكراتش تحيدو …وسطوري كان عادي بريئ وزوين الشي الي استنتجو..ماحسش تالقا راسو كيزومي على صورتها ويعاود هز الكارو تا كما شوية ورجع ثاني مركز فيها حتى حس بشي حد وقف عليه ماهزش عينيه يعرف شكون بقا مركز هو مع الصورة والي وقف را يهضر راسو…
حنان”واقفة بكسوة كحلة تحت ركبة وفوق منها فيست دجين حيث محرك البرد نيييت جامعة شعرها لفوق وميكاب نيود خفيف ريحتها الخفيفة صيفية تفوح” : زين الدين !!
زين الدين”بدون ميشوف فيها شاد تيليفون وكيحرك فالصورة بايدو الي فيها الكارو” : عليكم السلام ورحمة الله …
حنان : وخا نجلس ؟
زين الدين : جايين شي ناس ..
حنان : شكون جاي ؟؟ “بمزاح بغات طلعو” ياكما تعرفتي على شي بنت ههههه
زين الدين”باقي مكيشوووفش فيها مضارب هو غير مع صورة تاا داز لسطوري الي لاحت جديد كتضحك تاتسدو عينيها..” : الحاج لباس عليه ؟!
حنان”جلسات بلا متشعر من الفقصة والحرقة عليه والحب ديالو الي باقي مستوطن قلبها بشكل كبيييير ” : زين الدين عافاك سمح ليا راني ندمت ندمت بزاااااف واش ندمي ميكفيش ؟! براكة غير العذاب الي فيه من ثلث سنين وباقي كنتعذب ..
زين الدين”غمض عينيه بواحد طريقة تخلع شنو جاي من بعد..” : تگلعي عليا من هنا بلااااا مننعاااوود هضرتيييي …
حنان : زين الدين عارفاك حقاني”عينيها غرغرو” وكتسمع وتسامح …
زين الدين : دااااك العاام اش هضرنا شنو ختمت هضرتي معاك ؟؟
حنان : قلتي الله يسامح …
زين الدين”شاف لتحت رافع حجبانو” : صلاة عالنبي…
حنان”بصوت مغنغن بالبكا” : والله والله ازين الدين حتى كنتعذب بزاااف صعييييب نساك ماشي كنتي خايب بالعكس ولد الناس وعمرك شفتي فيا شوفة ممحتارماش ..الرجولة الي فيك مالقيتهاش وعمري نلقاها وحليت عيني عليك اول واحد كنبغي…وعمر وانا كنبغيك علاش متسمحش ليا ماتكونش حقود وقلبك كحل…
زين الدين”غا سمع هاد زوج كلمات وخرج عينيه قبل ميقلبهم تخنزيرة تا هزهم فيها معوج راسو شوي بمعنى ياااك “
حنان”غمضات عينيها تا هبطو دموع يسرسرو وكمشات فمها مكانش عليها تقولهم زادت كبتتها” : ممممم س سمح ليا..
زين الدين”حك شنايفو بسنانو سد تيليفون وحطو شاف قدامو فالبحر ” : شنو اللغة باش كتفهمي ؟ (حيث جاه ميساج من ياسر كيقوليه را وصلنا وطلب سماحة على تعطال) ؟!
حنان “مسحات تحت عينيها ونفخات شوي بفمها كتنفس” : كاتفلى عليا ؟
زين الدين “عوج راسو وشاف فيها بلا ميهضر زعما گرينك انا ههه”
حنان : غير دارجة…
زين الدين”خبط كفو مع الكف الثاني وضرب طابلة بجهد تا نقزت وشدات على صدرها بالخلعة” : حرااااااام الرزق بيناتنا ااا بنت النااااس…
معاوداتهاش معاه خصوصا من شافت ملامح وجهو مكتبشرش حدرات راسها مكسورة الخاطر وناضت من قدامو كتمشى بخطوات حزيييينة مشات لطابلة الي كانت جالسة فيها مع صحاباتها هزات صاكها ودموعها على خدها وزادت مخلياهم كيعيطو ويسولو فيها مالها ولكن بدون اجابة منها…مشاات …اما هو رجع عادي كان شيئا لم يكن حتى جاو صحابو وزملاء ديالو فالعمل الي منهم بروفيسور فاختصاص زين الدين والي عندهم اختصاصات اخرى…بداو الاجتماع بشكل عادي…
اصبح يوم جديد طلبات فرح من فاطنة تخلي صفاء تبات معاها باش منها ترتاح فديك الليلة جا باها شافها وحمد ربي انها موقع ليها والو كتبقى الكبدة كبدة وخا يوقع الي يوقع…خصوصا اب صفاء من نوع الي متاقي الله لدرجة كبيييرة الصلاة متفوتوش كل ليلة من ورا العشا كتسمع فدارو تلاوته للقرآن الكريم وماشي من نوع المتزمت ودليل صفاء مضاغطش عليها مخليها على خاطرها ومتقربة منو بزاف لا هي لا فرح الي حاسبها تاهي بنتو وعلاش لا وهي كابرة عندهم من الي كانت لحيمة …هادشي علاش كيحتارموه بزاف ومكيهزوش فيه العين حيث فارض احترامو…
فرح”خرجات من كوزينة كتمسح فايديها من بعد ماخرجو خوتها وخصوصا عصام الي مشا نيشان لكوميسارية ..دخلات عليها البيت لقاتها يلاه فاقت ” : اا صباح الخير غا نعسي مزال الحال…بقاي تال الضهر هانيا.شادة ليك الاهتمام وداكشي..
صفاء”شافت فيها بنص عين” : حسدتيني ولا وذنيا غيسو…
فرح : راسك مضروب تخربقو ليك السلوكة اصحيبتي ..
صفاء : مممم كاين شي فطور ؟!
فرح : لا ممنوع على الي وقع ليهم ارتجاج ياكلو…
صفاء : هادشي فين عرفتيه ؟
فرح : قالوه ليا …
صفاء”بقات كتشوووووف فيها شوي وهي تبدا تضحك وتضحك وتضحك تا دخلات ففرح الشك يحساب ليها صرفقتها الدقة” : ههههههههه مممم ههههه ههههههههههههههاااااايو فين سيمو حبي…
فرح : صبري يفيق البارح عرف كان سكران ولاش كضحكي بعدا…
صفاء : بغيت سيمو حيث كيفهمني…”شافت فيها بنص عين” باش عرفتي الي مضروبين راسهم مكياكلوش عاودي اش قلتي ليا ؟!
فرح : صفاء مالك ؟ جيني من لاخر…
صفاء”جاتها من لاخر معطلتهاش تاهي على شبة هههن” : شتك غاتخطبتي لطبيب قد الدنيا ووليتي تفهمي فالمضروب والمجروح …ممممم ؟!
فرح”ربعات ايديها وعيبتها” : ورا تاحنا قارين هادشي وخا شوي بعيد وليني مغايفوتناش نسيتي اش دوزنا واش داز …
صفاء”كتفكر ايام حفاضة لافاك الي دازت عليهم كتشدها شقيقة وسخفة ودابا راسها ضارها…شدات فوق فاصمة صغيورة الي دارو ليها فجنب” : احححح سكتي سكتي..”ناضت بشوي باش متجيهاش دوخة”فين فطور فيا جوع واجي عاودي ليا اش درتي فالعراضة بالتفصيل…
فرح”عنقاتها بجنب غاديين ويهضرو” : ضروري زعما !
صفاء : بزز من حبك …عاودي قبل منمشي نشهد اجمتي ماعرفتي يتاهموني مع صطوف ماشي بعيد يحسابوني ناهدة وخا الزكيك عندي الله يجيب البوليس كلشي يشكو فيه تا من سيمو يحساب ليهم ناهدة علاش ضاربو صطوف وسمير
فرح : هههههههههههههههههههه ازمر تضربتي لراسك ضربة ديال الغدايد ….
جلسات فالبيت لقات طابلة باااقي محطوط فيها الفطور مغطياه فروحة بزيف حدها مشات سخنات ليها براد اتاي وزادت فيه سكار حيث صفصف كيعجبها يكون حلو بزيادة والخبز وزيت ضروووري وسطو فرماجة ولا لعسل..حطاتو ليها خلاتها بدات تفطر وهي تمشي بلهلا يحزقو ليها تجيب الكادويات بلا متقولها ليها خاص تشاركها بكل تفاصيل كيف مولفين من الصغر …حتى دخلات هازاهم …وهي تجلس وحطات ساشية فوق طابلة ومسبقة ايدها الي فيها كورميط الي محيداتوش باش تشوفو صفاء الي فهاد اللحضة اتكلخات اخوتي وعمات ليها البصيرة ولا اله الا الله…عيات فرح تحط فساشيات وتعاود باش تقشعو فايدها ساعاك صفاء مسكينة بالضربة جاها العمى….
صفاء”هزت فيها عينيها” : ختي هنينا را شفتك حطيتينم صبري نفطر ولا اجي وريني وانا كنفطر …اويلي ونتي تكونسيتي على هز حط هز حط ..
فرح”بدات ترمش” : والله تا اثرات عليك ضربة …
صفاء : قويتي عليا افاطيمة…
فرح”هزات ايدها بدات تهضر وتحك فمنخرها وذقنها وحناكها” : ايوا هذا مكان “مزال كاتحك”
صفاء : واش فيك جربة ولا باغا تبيني ليا حناك طبل الي عندك !
فرح”غمضات عينيها بنفاذ صبر” : اللهم طولك ياروووي”غطات عينيها بايدها عااااد صفاء بدات تقشع”
صفاء”صغرت عينيها” : اش داكشي ف ايدك !!! منين داك الكورميط؟؟”خرجات عينيها” يوووووك ارتك…ايماااا تقوليييييييش ليا جابهم زين الكتاف…
فرح : على سلاااااامتنا ياربي شاف من حاالنا …
صفاء : حيديه اري نشوف
فرح : تؤ تؤ هادشي مكيتحيدض هو الي ركبو ليا بايديه…وهو الي صممو راسو هههه”بلمعة فعينيها وفرحة”
صفاء”عضات شنايفها وبدات تلوى وتنشوى ليها تم ” : امممم يخليييلي الي كيصمم ياربي يااارباااااي…اااااح زكيكي كيصفق…بصحتك اجمتي تستاهلي كل خير الله يفرحك ويعوضك…
فرح”مشات عنقاتها” : انا ونتي ان شاء الله بالي بغاه قلبك احبي…
صفاء : واري نشوفو شنو فداكشي..
فرح”كتحل وتعاود” : فخبارك والله مزال مشفتهم قاليا شوفيهم الى عجبوك مي مشفتهم قلت تنشوفهم انا وياك…
صفاء : عشيرتي تاع قلبي…”هزات البواطة لولة حلاتها وهما يتحلو عينيهم كان بواطة شوكولا من اجود الانواع واحد افخمها من احد افخم محلات الشوكولا بالدار البيضاء والبواطة لاخرى كانت ريحة من jo malone scarlet poppy .” اوووففف هادي غالية اصحيبة …
فرح”رشاتها فجنب كفها وشمشات” : ممم واعرة …
صفاء”مرشاتش فكفوفها دارت رشان فليطوكس لذبان وزادت كملتها ب ” : الله مكرهت تعطيني شوي فميكة..
فرح”خطفتها ليها مغوبشة” : تهدني …
كيف خرج من الدار ممشاش المحل عيط لعماد يحضيه تايجي حيث مشا نيشان ل المحكمة الابتدائية عيطو ليه نيت منها …كيف وصل حط الموطور وسدو خلاه ل كارديان تما ودخل …مع دخل سولو واحد البوليسي تما كيستقبل …
هو : اش خاصك ؟
عصام : عيطو عليا على حساب المشكيل ديال داك السيد الي لقاوه مضروب مشكيل مصطفى بوشيبة وسمير العزامي…
الشرطي : اه صطوف “شير ليه لداخل” سير البيرو لول ديال قاضي تحقيق شقرون..
مشا عصام لفين نعت ليه لقا واحد البوليسي يلاه خارج هاز فايديه شي ملفات سول على البيرو كان هو بالفعل الي وقف عندو خلاوه يتسنا واحد شوي ماشي شوي بزااف نيت تا بدا يطلع ليه دم وبغا يكمي…يلاه غايوقف يخرج باش يكمي ويرجع حتى خرج المساعد من بيرو ودخلو …عطا شهادتو عاود ليهم كلشي مقالش بالي كان كيهددو حيث تغرقو اكثر ماهو غارق …عاود ليهم بالي جا خذا الموطور من دار وهو مكاينش …سنا ليهم…
عصام : الكاميرا وراتكم بالي بنت كانت كتشوف فيهم !!
بن شقرون : ضروري من شهادة ديالها…على ماعرفنا بالي تضربات راسها شهود عيان الي شافوها طايحة داوها لمستشفى..الى ولات شوي هاد اليومين ضروري تحضر …
عصام : وخا كون هاني اشاف…وسمح ليا الى ممكن تعطيني خبار مصطفى …
بن شقرون : صطوف معرفة شخصية كنعرفو شديييد وليني الي دارو را مغاديش يرحمو القانون حاجة دارها مزيانة سلم راسو … عمر المحضر باقوالو عند ضابطة القضائية من بعد يدوز لهنا … المحامي الي توكل عليه هو يشرح ليك اعصام اش كاين بالضبط…
عصام”حرك راسو مبتسم ليه” : الله يحفضااك اسي توفيق…
خرج من الكوميسارية ومشا نيشان لمحل…وهاكا دازو يومين وصطوف باقي فالكوميسارية اما سمير فحالتو استقرات وفاق لان ضربة وخا هكاك مكانت فموضع خطير وخا كان الجرح اعمق …اما صفاء تحسنات شوي حالتها ولازم عليها باش تمشي تعطي شهادتها ….هادي يومين موقع فيها والو من غير حالة صفاء الي تحسنت وصطوف الي داك الليلة مشا سلم راسو وتحال لعند قاضي تحقيق… وعصام الي مقابل المحل ومرة مرة كيمشي يشوف صطوف فين وصل اما سمير مزال حالتو متسمحش ليه يزورو شي حد وغير دارهم الي كيطلو عليه اما مراته هزات ولادها ومشات لبارطما ديالها تحت تفكير كبييير وقرار انها كيف يولي لباس تدفع اوراق الطلاق حيث تا امراة بعقلها ماتبغي الخيانة ….
هازا فايديها ساشيات المقدية الي تقدات من السويقة وجايا من بعد ما من سطاج دازت تقدا نيشان شنو يخصها …قربات لدار حتى بان ليها جالس فالدرجة كيكمي وكيشوووف قدامو باينة مالخاطروش كمشات حجبانها وهي تمشي لعندو تا وقفات عليه …
فرح : امالك ؟
سيمو”شاف فيها وشاف قدامو” : ماليش …”نفخ دخان”
فرح”حطات الميكات وجلسات حداه” : مايمكن البيستي ديالي مقلق اكنعرفك ..ماشي لخاطرك !!!
سيمو : وغا مع الوقت.وصافي…ماديريش فبالك..
فرح”تنهدات” : لا ندير فبالي را غير انا وصفاء الي نفهموك زعما راك كتقولينا شنو ضارك …وزايدون شفتك فايق بكري على كي مولف وهادشي كياكد بالي ماشي تالهيه ..
سيمو : اوالو غا الخاطر مهواش…”صاط دخان جوان وشاف بعييييد” عيييت من هاد تابيطاليت(البطالة) …عيييت من البلية باغي ندير شي طيسة فحياتي …
فرح : ونتا الي مبغيتيش تكمل قرايتك كنت سنة ثانية ايكونومي علاش مبغيتيش تكملها كون عافرتي كي درنا حنا كون شديتي ليصونص وجلس الى بغيتي تجلس هاد الوقت الى معندكش من لصونص لفوق ولا ديبلوم +2 لفوق را مدير والو…عاجباك البلية ؟
سيمو : معاجبانيش…
فرح : واقطعها…
سيمو : كنبغيها…
فرح”حلات فمها” : هاااا …
سيمو : تحكريش …ماشي غير جي وحيد البلية بين ليلة ونهارها…
فرح : ماتقطعهاش بين ليلة ونهارها بدا تنقص منها ولهي راسك بشي حاجة مفيدة رجع كمل فلافاك ولا دفع باك ليبر دير الايكو ونجح راك مخير فقرايتك غا تبليتي فرح مي نجية وفرحنا …دوك خواتاتك صغارات غايكبرو خاص يلقاو خو علاش يعولو …تا الى مقريتيش دسر كيف عصام حليت عيني مخلانيش نخدم تنكمل قرايتي …
سيمو : اودي مكاينش فحال عيصومي وهذاك نسيبي الي غاياخذك …
فرح”تزنگو حناكها غير بمجرد ما ذكرو” : احم ههههه ودابا اش جاب نسيبك الهضرة …
سيمو”حط ايدو على قلبه” : هذا محسسني انه شديد …
فرح : اااممم محسسسك…وخا نوض نوض حيد من هنا كاينة شمش دابا تجيك سخانة ومافيا ميجي يطل عليك ونجيب فدوانن …
سيمو : لا ختي ديك مسكوتة (كيكة دانون) الي كديري …اجي امتا صفاء غاديا لكوميسارية وجه المصايب ؟
فرح : غذا غاتمشي فالصباح غا سكت متفكرها قربات تموت بالخلعة عيات دير موتة حم ار باش متمشيش كوميسارية هههه
سيمو : اودي قولي ليها را زويييينة اتعجبك لما داكش عصام ضبري على شي كومسير ولا بوليسي خلي شاوش هو لاخر …
فرح : صفاء بدات كتعصبني مكدير حتى حركة موالو …ومنكذبش عليك اسيمو هادشي يبقى بيناتنا …
سيمو”ضحك” : ههههههه عصام كيعرف شي ختنا ..
فرح”خرجات فيه عينيها” : اويلي هي بصح ؟ كنت حاسا والله”دارت ايدها على حنكها” باش عرفتيها…
سيمو : ههه جيتي لرحبة سيمو وبغيتي تعطسي ههههه ختنا الي كيعرف القوادة اعشيرتي كتقرا فلافاك داخلة سوق راسها ديما كيشوفها بزز باش كتوقف تهضر معاه وخبار من اقرب صحاباتها قالت ليا بالي مواعدها تكمل العام جاي يخطبها …قولي لصفصف طلعي معاك اكبر قالب فيك يا سكار..وعيطي لصاليحين …”خلا فرح حالا فمها تا ضرها قلبها على صحيبتها”…
هزات دوك الميكات وناضت هي وسيمو الي مشا لدارهم وهي دخلات لدارهم ملاقيا ماتقول حطات الميكات فالكوزينة ودخلات لبيت بدلات عليها حوايجها لبسات تيشرت نص كم بلو غوا فايت مؤخرتها وكولون كحل قطن …غاديا كتجمع فشعرها لفوق باش ترد الغذا يطيب بزربة قبل ميجيو خوتها دبق ليهم باش مكان …غسلات صوصيص الي خذات ديال لاداند ودارتو فكسرونة يتصلق شوي يخرجو منو ذهون زايدة الي فيه وردات بطاطا تصلق بينما طيبات صوصيص فمقيلة مع بصيلة وزويتة بلدية وخلاتو يطيب على عافية مهيلة جبدات من ثلاجة ليمون عصراتو وزادت عليه تفاح والخوخ وشي فريز كان باقي طحناتهم ودارتهم فثلاجة يبقاو باردين طابت بطاطا شرملاتها ببصلة وشوية ابزار والمعدنوس والخل وزيت حطاتها فطبيسلات طاب الصوصيص حطاتو مع تحط دخل فوزي يشمشم ليك مع راسو …
فوزي : ااااحطي عصام مجايش حطي ناكلو جاني جوع …”حركات راسها ومشات تحط هي فهاد الجيهة كتحط وتوجد وفالجيهة لاخرا بين الجديدة والدار البيضاء …كان واقف خاشي ايديه فجياب سروالو دار كاسك الحماية وكيشوف فالاشغال الي خدامة على قدم وساق …حتى تم جاي صلاح شاد فايدو مذكرة ووقف حداه كان واقف معاه القايد ديال المقاطعة الي مسؤولة على ديك المنطقة ….
صلاح : دكتوغ البغدادي…
زين الدين”ضور نص وجهو وشير ليه بايدو بمعنى شنو”
صلاح : سي مراد قاليك بغا ل راپور ديال اليوم …
زين الدين”ضار رافع حاجبو” : شنو ليا انا بيه ؟ شكون مكلف بهادشي ؟
صلاح : مراد بنفسو …
زين الدين : وشنو علاقتك نتا كلك بخدمتو ؟؟
صلاح : غير كنت كنشوف وطلبني نقولها ليك حيث خدام مع واحد لانجينيوغ عاد جا ..
زين الدين”ضور وجهو عندو نيشان شاف فيه بشي شوفات خلات صلاح يضرااااب دورة حادر راسو ومشاااااا بلهلا يحزقو ليه “
مشا مساااافة نييييييت تا وصل لجيهة لاخرى لان المشروع ضخم…لقا مراد جالس فواحد طابلة قدامو شي بيسيات كبار وشلا خيوط كبار وصغار لابس يونيفورم سالوبيط زرق وداير الخودة فوق راسو …اتا وقف عليه …
مراد : امالك ؟
صلاح : مبغاش يعطيني رابور اصحبي…
مراد : علاش !!! مالو فهاد الحبس دابا ؟؟
صلاح : وعيط ليه سولو …
مراد”جبد واحد طولكي وولكي وهضر” : نور الدين معايا ؟
نور الدين : وييي معاك اخاي مراد شنو خاصك ؟
مراد : مالك اصحبي ماعطيتي لدري تقرير الي بغيت من تما را بغاه المحاسب باش يجمع كلشي يخلص اصحبي…مالك فهاد رهوط ديال والو ؟
نور الدين.: اصحبي مجا عندي حد نعطيه من نيتك ؟
مراد : كيفاش مجا عندك حد !؟ عاد رسلت ليك صلاح غير طلبناه ماشي تا خدمتو …حشومة صحبي ماديالك هادي..
نور الدين : را غانعطي لمك لعين ما جا عندي تا قواد الحبس مالي لاش منعطيهش ليك …بالرب الجليل مجا عندي حد واش حنا دراري صغار ؟ والخدمة مزيرة ما ديال نتفلى معاك …
مراد”شاف ف صلاح” : عندمن مشيتي نتا ؟
صلاح : زين الدين اصحبي ياك قلتي زين الدين ..
مراد : خويا نيرو (نور الدين) سموحات الخو من لاخر را انا الي قح بة …برجولة مسحها فوجهي وعلى رقبتي تنخلص الحق…
نور الدين : هانيا الخو هاني رسليك تقرير قوليه يجي عندي هاني قريب ليك نيييت …
مراد : ..هاك واحد البيزو وعيش ليا الحياة مع راسك وسمح ليا وسلام عليكم ورحمة الله وبراكاته”قطع معاه وحط ايديه على حناكو متكي عليهم وكيشووووف فيه ..”
صلاح : مالي اش درت تاني …
مراد”الصمت”
صلاح : مالك اخويا مراد ؟
مراد : وخا نسولك ؟
صلاح : اكيد ..
مراد : مالك داير هك ؟ اش درنا ليك ؟!
صلاح “كمش عينيه” : هادشي كلو حيث غلطت ومشيت عند سي البغدادي ؟! زين الدين فحال نور الدين عادي غلطت …
مراد”حك عينيه وجبهتو بنفاذ صبر” :فففففففف ..واخاااا ..سير عند نور الديييين جيب ليا تقرير دااااااابا …متعطلش الى جات على خاطرك الله يحفضك منصيبش نقدي شي حد دابا هانتا كتشوف كلشي شاد الخدمة الي قليل قليل شاد سلوكة كيلاقي فيهم …”حرك ليه راسو ومشا غبر واحد ساعة وهو غابر فااتت ساعة ومراد خدام تا طل عالساعة لقاها وصلات تمنية ونص العشية …” هذا فين زاد “صونا ليه نور الدين فتيليفونو ” وي نيرو..
نور الدين : تقرير المالية لي بغيتي را سنيت عليه وموديفييتو خاصك تكاشيه وتسنيه تانتا …
مراد : علاش مجاش عندك صلاح ؟ “ضرب جبهتو ” نريييييي ناااري اربي دوز دابا ولا خليه عندك انا خارج نتلاقاو عند الباب خاصني نعطيه ليه دابا هاهو صونا ليا “قطع معاه ودوز لصلاح ” افينك القواد ا متقوب الدعوة افينك الخضر الكحل زحل …ياك رسلتك عند نور الدين ؟؟
صلاح”بكل برودة د.م” : اشمن تقرير قلتي ليا ثاني اناري ؟ اااااه وتا را انا وليت مشيت من عندك خرجت شديت طريق كازا مع سي زين الدين وصلني لماكدو عند صاحبي هاحنا كناكلو دابا علاش اش خاصك ؟
مراد”بالفقصة قطع عليه وبلوكاه وعاود وبلوكاه وعاود وصونا ليه جاوب وقطع على صلاح غير قال الو قطع عليه وعاود بلوكاه شي ستة المرات تا طفا تيليفون ديال مراد كلو ههههههه”
كيف كل عشية غير كيوذن العصر الى كانت مسالية ورجعات لدار بكري را كتوجد كسكروط ضروري تجي صفاء وسيمو الى كان ولا كتمشي عند نجية هي وصفاء ولا فاطنة هادو جيران الي مقربين مع بعضياتهم بزااااااف والي خيرهم مينساهش لا عصام لا فرح لا فوزي جيران يتحطو عالجرح وجيران الي قلييييييل فين تلقاوه فهاد الوقت ….حطات كيكة بالشكلاط وهي تجلس حتى جا سيمو تلاح حداهم عاد جاي من الحمام يشقشق بالنضافة وريحة صابون الكف وكادوم تعطي منو…
صفاء”كتشمشم” : درتب كادوم ساشية ؟!
سيمو : واحد ساشية لقيتها فدوش عامين هادي وهي تلاوح تم…
فرح”كبات قهوة كحلة معطرة لسيمو وهي وصفاء اتاي طبعا” : اش درتي مع الحيبانة ؟
سيمو : قريبا ساعلن الفراق…
صفاء : يلاه غير البارح ازمر تصاحبتو ؟
سيمو : حححح سكتي را منقدرش نسا حبي حياة …
فرح : حياة عمرك تنساها نتا خوراتك تخويرة سانك سانك
صفاء : داكشي علاش منساهاش ههههه
سيمو : انا وياها مشاركين الاح اش تعرفي …”حك صدرو وشرب من قهيوتو ..شاف ف صفاء” صباح لموك غاديا تعطي شهادتك ..
صفاء”بدات تفتف بالخلعة” : اسكت اسكت …
سيمو : غايديك العصامي ولا فوزي ولا بوك…
صفاء : قاليا با هو الي غايديني ..
فرح : فحال والو عصام حيث بغا يمشي يشوف المحامي ديال صطوف اش يديرو معاه…قاليا غايحاولو يديرو ليه سراح مؤقت تا يولي سمير شوية ويهضر معاه عصام الى تفاهمو يتنازل ليه ويتصالحو…
سيمو : شتي غا سويمير كلشي توقعيه منو اي حاجة ومتفرحيش والله ..
صفاء : اش غايفرحنا حنا مالنا صطوف الي جابها لراسو مالو فهاد الزمر كامل تابع خانزة عارف فين غايوصل معاها…
فرح : هي فين غبرات مبقاتش كتبان …
صفاء : قالت لينا خالتي خديجة جارتها بالي فالفجر جا واحد طاكسي كبير هز ليها باكاج وركبات هي وياه وولدها قالت ليا غا راجلها الي شافها كان غادي يصلي الفجر فالجامع …شوف فين مشات…
سيمو : وخا يخرج صطوف تبقا فيها حسيفة شمتاتو بنت الهازة …
فرح : هاد الحسيفة هي الي وصلاتو لهادشي …قرب يشيب وباقي تابعةالخنز …وها عصام يجري ويتجارا على قبلو ..
صفاء : العشرة هادي الصحبة ديال بصح اصحيبتي الى وقع ليك شي مشكيل والله تنموت معاك …وكذلك سيمو…
سيمو : الله تانحط عليهم حوايجي بالرب …
صفاء”ضارت عند فرح ” : ماهضرش معاك نسيبي ؟!
فرح”بنفي” : لا مهضرش كاع قاليا عصام قاليه مضغوط هاد ليام فالخدمة وبالي غاتجي خالتي توبا عندنا هاد اليومين نتافقو على الخطبة امتا تكون فيها تركاب الخواتم ..نشوفو شي وقت يكون عصام مخدامش ومسالي حيث مضغوط فالمحل الي بغا يحل عصام فلالة زهرة نيت …
صفاء : ونتي زعما معمرك رسلتي ليه شي ميساج سلام لباس..
فرح : هههه لا را خاصو هو يبدا “كتحك جبهتها تاني بخجل” حكا طلع ليا بالي شاف كاع سطوريات الي حطيت هههه ..كندخل لعندو كنلقاه مداخل على يومين ثلاث ايام
صفاء : ارعد”ضارت عند سيمو” تقوليها جبدي ليا ضوصيه تحطو ليك كاامل هههه “ضارت عندها ” اش مسمياه فتيليفون ؟
فرح : دكتور زين الدين “لولبات عينيها”
سيمو : دارت راجل بكريييييييي هادي الفقصة ايديشيون تقدم لكم فرح …
صفاء : الحيمارية …ناس كيحطو سمية حداها قلب كيحطو حبيبي اشكم بينيم كيحطو روحي كيحطو الحبيب ديالي زوجي قرة عيني زوجي خذ بيدي الى الجنة ونتي كاااع ضربي فيهم وكتبي زينوشي …
فرح : زينوشي ؟؟ من نيتك
صفاء وسيمو ناضو جاييين لعندها عارفين هي وهر مكيتلاقاوش وبغاو يتمازحو معاها وتمو جاييين : اولله يا مك تتكتبي زينوش
فرح “خرجات عينيها كضحك” : لاااا الااااا هههههههه عافاكم لاااا هههههههههههههه واعوووو تفووو ازمر
صفاء : اش تكتبي
فرح : زين الدين ههههههه
“تلاحو عليها كيهرو وهي روحها بغات تزهق بالضحك تا دازو دموعها فهاد اللحضة صونا تيليفونها مدات ايديها تجاوب وهي ميتة بالضحك “
فرح : هههههه هههههههههههههههه صااافي صااافي هههههه …بلاتي نجاوب هههه …
زين الدين”واقف فالبالكون ديال بيتو لابس غير سروال وفوق عريان…مزال شعرو هابط على عينيه مخربق من دوش الي يلاه خرج منو وعينيه حمريين بسخونية …مفهم والو كيسمع غير ضحكها رقيق الي شوي غلاض بالهيستيريا ههههه”
فرح : الو…”يلاه كتشوف سميتو فالتيليفون هضرات صفاء “
صفاء”كتهضر بجهد مع ضحك باش تسمعها مشافتهاش فاش جاوبت عالتليفون مضرگ عليها سيمو الي كانت تاهو تايهر ههه ” : وشوفي ملي تسالي كتبي على السيد حبيبي زين الدين وحداها قلب را بدا يعشش لمك فالقليب….
زين الدين”رفع حجبانو تا شاف فتيليفون سمية لا يكون غلط مسكين هههه ” : فرح !!!
فرح “عينيها سلمو عالحايط ورجعو ” : لا نمرة غلاط اخويا “قطعات عليه فالبلاصة وطفات تيليفونها بالحشمة والفقصة سرحات رجلها بزربة قبسات صفاء تاتنشرات فلارض ..هازة رجليها…
تلاحت صفاء لهييييه هازا رجليها ضار سيمو لقاها تنشرات وضار عند فرح.ورجع ضار عند صفاء الي باقا بنفس الوضعية …
سيمو : يناري مالكم …
صفاء”كتشوف فالسقف” : وااااااراساااااي …
فرح”دارت ايديها على وجهها بغات تبكي” : واويلي ويلي ويلي ويلي على شوهتاااااي …
سيمو : اش واقع ؟!!
فرح : قول اش غايوقع “عضات شنايفها بالفقصة” وغاتقتلني هاد البرهوووشة اهى …
صفاء : سيمو ارا ايديك ارا بب
سيمو : هههه بب !!”ضار عند فرح ” كتعرفيها فاش تتقول بب ؟
فرح “فا كتقولها يعني را غاتنوض ليها تعصرها بالعصا هههه…تگعدات كتشوف فيه وفيها” : خليها تنوض ؟! خليها تنوض نشوف ؟
صفاء : ياك الدلفينة الموضرة ؟! “غوتات تا نقز سيمو من بلاصتو” ارااااا القواد ايدك …شتي اش دير انا نوض “ناضت تقادت فالوقفة وناضت فرح تاهي تقادت فالوقفة وهي تم جايا ليها وسيمو عارف صفاء كتنقز فالمطايفة وفرح ممكن تدردك برجلها تقدر دار تريب هز ايديه فوق راسو “
سيمو : ااااامصلي عليك ارسول الله “كيقلب منين يخرج تحاصر وسطهم”
فرح : مالنا فهاد الفعايل !؟ اااا مالنا فهاد البسالة…
صفاء”رفعات حاجبها” : هاي هاي هاي على ستين طن كتضهر قالت ليك هااااااهاهااااااااااي…
سيمو”مباغيش يفك باغي يلقا منين يهرب والو جا وسطهم لا تحرك تشدو فرح لا تحرك لهيه تنقز عليه صفاء ” : شوفو نقدرو نستاعنو لحل ديبلوماسي يرضي الطرفين ؟!
صفاء : هاد الخانزة شنتااااااااات مايجيش معاها حل ديبلوماسي..
فرح : بزااااف عليها هادي(لصفاء) حل ديبلوماسي هادي قالب السكااار وكبييير عليها ..
صفاء”تمات مقربة ليها ” : القالب هو الي اانطلع مع مك “شمرات ايديها وتمات جايا بغات تنقز حتى شدها سيمو دراعو على كرشها كانت غاتطوا ليه”طلااااااااااق…
فرح “تمات جايا تاهي قربات وشدها سيمو بايدو لاخرى حس بجهد تقال عليه غايطيح ههه” : طلااااااااااق
سيمو”بانو ليه كي شي مشاش بغاو يبداو يضاربو” : ششششش ايييييييزي girl …شششش شي عضيم ازين”شاف ففرح” شي لحيم ازين ..ششش كاااالم …بليمييييين وماتهدنو تتموتو عزبات…
فرح : حيد اسيمو ايدك مني حسن ليك !! حيد حيد والله لا بقات فيها…
صفاء”خرجات عينيها” : حااايد نتا حايد نشوف اش غادير “شافت فسيمو مبغاش يحيد وهي تحتيها عليه بعضة بلاصة ما يغوت زغرت”
سيمو : اااااااااااااا رورووروررووررويييييي ينعل طاسيلة لق”عض لسانو.وغمض عينيه بحر العضة فهاد اللحضة دفعاتو صفاء تا تلاح على السداري وطارت لفرح لكن فرح هاد المرة كانت بالمرصاد يلاه كي نقزت عليها شداتها وهي تمشي لشعرها جراتو ليها وصفاء تاهي ماشي من العاگزين شدات ليها شعكاكتها وطاحو لارض نتفني نتفك وسيمو كيطل عليهم من فوق السداري بالخلعة وقف فوق السداري وكيعيط زعما را غايسمعو ليه ساعاك شكون غير شعرهم الي كيطاير فالسما شاف تا عيا وهو يهبط بغا يفرقهم شداتو فرح جراتو وهي طلع فوق منهم بجهد ديال الفقصة والحشمة الي تحاشمت مع زين الدين جعرااات وهي تجلس عليهم تا صفاء خرجات عينيها مع ولات فوق سيمو وسيمو تحت منها خرج عينيه حس بروحو غاتخرج …
صفاء : واااعااااو قتلتناااااااااي اهووووء اهووء(تلفات عليها الكحبة هههه)
سيمو”عينيه خرجو كيمد ايديه بغا يشد فشي حاجة يخرج من تحت منهم بزوجات حيث فوقو صفاء وصفاء فوقها ستين طن الي هي فرح بقجتهم بجوج وسيمو غير عضيمات كيتقرقبو ساهل يموت تحتها هههه ” : قهييييييييييييييء اهييييييييييييء “حال فمو كيهضر زعما انقذوني وهو را تا صوت مكاين غير شفايف كتحرك” وااايااااااي ممم اييييييييييء
صفاء : قح كح اقححح عتقو ووووناااااااي اربييييييي اهووووء اهوووووء قعععععت
فرح”مغزززة كل مكتفكر اش وقع كتبغي تموت وتزيد تضغط عليهم صفاء وااعرة ولكن فرح من النوع الى فات تا ناضت تجمعهم بجوج ماشي من نوع الي كيعرعر فاي حاجة ويهدد عندها دق وسكااات تااا كتجمع وتنوض وميجي لا صفاء لا سيمو قدامها واكثر سلاح قوي عندها مكتعرفهاش امتا جراتك تخشيك تحتها وتجلس عليك هههههههن” : وا شو هههههتيييييييينيييييييي فيييييييين نعطي وجهي قدام السيد
صفاء : ااااااا س م حي لياااااو اهوووووء
سيمو”بقا حال فمو وكيجر فلارض بضفارو باغي يخرج “
حتى تحل الباب ودخل فوزي كيقلب دخل البيت وهو يلقاهم تحتها وهي مكنززة عليهم وسيمو بقا ليه شوي ويغيب هههههههه
فوزي : امصلي عليك ارسول الله …ششش فرح نوضي را غاتقتليهم …نوضي المصيبة هههههههه “مشا ليها وجرها من عليهم ضارت صفاء لهيه تحيدت من فوق سيمو وعاد سيمو حط راسو وخرج لسانو كيتنفس ويلهت …” امالك…
بقات كتنهج ووجهها مزير مزنك وحالتها وصفاء ناضت مشات جلسات لهييييه تنفس وسيمو تاتنفس شوي ومشا تاهو جلس لهييييه فالسداري كل واحد فسداري فحال مشاركين فحلبة المصارعة …
فوزي : مالكم اش واقع ؟؟
فرح”كتنهج” : تحشيييمة تحشيييييمة متبغيهاش لعدوك ودارتها ليا صاحبتي وتاااع گلبي…
صفاء : ما صاحبة حد انا صافي سيري فحالك
فوزي”شاف فسيمو الي عاد لون بدا يرجع فيه” : ونتا مالك معاهم!!
سيمو”كيهضر مقجوووج” : ا ااا ب بغيت ااانفووووك( هي بغيت نفكهم خرجات ليه مع الكحبة هههه) كحكح و و صدقت مجموووع معاها …
فوزي”شاف ففرح” : كتسكتي نتي تااااااا كتسكتي وتنوضي دقة وحدة …هاد القاعدة هي الي متحيدش منك تجمعي الحزاق كامل يا تقولي كلشي دقة وحدة يا تجمعي كلشي دقة وحدة …اشمن تحشيمة وقعات لهادشي كلو ؟؟؟
فرح “كتهضر وتنهج وتشير بايديها جيهة صفاء” : كنضحكو في اماان الله صونا تيليفون جاوبت كان زين الدين هاا وو “صرطات ريقها”
صفاء : مممم هاهي تلفت ..”شافت ففوزي وعاودات ليه شنو وقع ” وانا مشتفهاش فاش جاوبت وغير كنضحك وننصح من نيت صدقنا واكلين العصا…
سيمو”الصمت هالعار غايرجع ليه تنفس ديالو ويتقاود ليهم من تم ههه”
فرح : تانتي بخبيزتك كون ما شدك سيمو كون طرتي عليا كي ديك المرة !!! كون ما انا وقفتك فين كنتي غاتوصليني تاني بشي عضة اخرى “مخنزرة فيها”
صفاء : اممممم ..سيري غا فحالك يخ …”شدات كرشها” مصارني تخلطو …
فوزي “شاف فختو” : كون ما دخلت كون قتلتيهم تحتك ولي تحضري عقلك ازمر شي نهار تقتليهم …ودابا عاود عيط ؟
فرح”خرجات عينيها ” : اويييييلي طفيت تيليفون ..
صفاء : ههههههه يلاه شدي لگاي…
سيمو : وطافية تيليفون ؟ تانتي بخبيزتك “شافت فيه ” سيري فحالك …
فوزي”طرش وجهو بخيبة امل” : اويييييلي ياويلي ياويلي طليناه خضر اما تا يابس يحرتت شوم (مقولة عند دكاليين القدااام) ..نوضي نوووضي شعليه الى صونا هي هاديك ما يقرب ما اتاصلش عيطي نتي واعتاذري ..
فرح”غمضات عينيها وهزات راسها بتعالي” : اهووووو لااااا منعيطش..
صفاء : عليا بليمييييين تا خرية خرية خرية ..
سيمو : هاد زمر هادي درنا راجل بكريييي…
فوزي : شعلي الخرا وشوفي واش عيط الخرا براكة من الخرا المخرنن …
فرح : وااا “لقاتهم كيخنزرو فيها بثلاثة” خراااا تفوو اهى “مشات هزات تيليفون الي طاح فلارض وشعلاتو قلبها كيضرب بجهد تا بانت فوجهها واحد شوي غير رجع ريزو لتيليفون وهو يطلع ميساج من نمرة زين الدين شاداه العلبة صوتية عيط زوج مرات صافي” عيط من وراها جوج مرات “حلات فمها” اش ندير
فوزي : عيطي نتي واعتاذري لبقي اي حاجة ..
فرح : هادي غاتقولها ليا هاد خيتي”شيرات بصبعها ناحية صفاء”
صفاء : لالللللااااااااك هادي وشللي بيها فمك وقبل متنطقيها شللي فمك بزمزم وكولي معيقلة العسل عاد خرجي ص فااااء ..
فرح”ميقات فيها ” : مزينك ..
سيمو : نوضو تاني ضاربو هاد المرة نعطي لدينمكم بمقلة …الجهل الي عمرو جهل …
فوزي : كون جا عصام !!!
صفاء”جمعات فمها ومداتو بدات تلولب فعينيها ” : ممممم
فرح : ودابا اش ااندير والله تا تحشيمة باينة لعما سمع اش قالت …
صفاء : مالك مابداش يعشش”جاتها مخدة لوجه تاتنشرت ” عندلمك …
فوزي : اجاب الله انا دخلت اهانيا ..هاضر فيك بالحلال عاطي الكلمة حسبيه راجلك في حدود تاديرو لعقد…
فرح : باقي مدرنا والو الخطبة مزاال مقررنا امتا ..حدها خالتي توبا عيطات قالت غاتجي هاد اليومين باش نحددو نهار …
فوزي”تقاد فالجلسة وحط مخدة فوق فخادو تسند عليها” : شوفي ا فرح من لاخر عيطي لسيد حشومة تطفي عليه تيليفون وديك الهضرة..متافق معاك تحشيمة نيت وكتوقع لينا كنتدعقو ونخرجو هضرة ماشي فبلاصتها ولكن نتي متكمليش عليها تهدنتي مافيها باس تعيطي نتي واعتاذري بالي وقع سوء تفاهم وقولي ليه غير صاحبتي كانت كتهضر فجيهة اخرى منم الي كان راكي كتعرفي باش تجاوبي وتخيطي الشرگة
سيمو : را فرعة هادي تفرعت ماشي شرگة خههههه “شافت فيه صفاء ” ششش اييييزي اكنضحك…
فرح”بقات كتشوووف فالاخير قررات تدوز ليه الخط حيث بصح ماجاتش تطفيه وتخليه كيعيط ومن فوق نمرة غلاط ” : هاهو كيصوني “قلبها كيضرب فوسط دماغها كتسمع فيه خارج تا وصلو دقاتو لعندهم ” احم …”تطلق الخط وجاوب” الو.
زين الدين”جلس فكرسي تما فجليسة فالبالكون حاط قدامو قهوة كحلة جابتها ليه الخدامة لابس تيشرت حيث فاش دقات لبسو تستر باش يشد من عندها البلاطو…” : شنو هادشي دابا ؟؟؟”رافع حاجبو طلع ليه دم “
فرح “حنحنت” : زين الدين !!
زين الدين”صاط دخان سيجارة من فمو ..حاط رجل فوق فخدو لاخور ” نتي وايمانك الالة …
هو من طبعه معندوش مع داك تبرهيش ولعب دراري صغار سوى سمع او ماسمعش ماشي طريقة هاديك تقطع عليه فوجهو…فين هو وفين هاد لعب سيد بعقلو وسنه الي على مشارف عام وزيادة ويدخل فالاربعين من عمره …حاول ما امكن انه يعض فالصبر وما يدورش فيها ماشي من الاول ..وعاد فاش سمع نقدرو نقولو انه التامس ليها شوية من العذر انها حشمات ممكن داكشي الي سمع اعتابرو ضحك…والاصح من هذا كله هو مقلق ومعصب قبل ميتاصل بيها والي مقلقه ليه اكثر من اسبوع وهو شاغل تفكيره وكاسر ليه خاطره كل مكيوصل لنتيجة كيلقاه هو الامر الصحيح وخا قاصح …
فرح “شدات فمها حابسة ضحكة ومباغياش تشوف في هادوك الي جالسين حداها طالقين وذنيهم تا لقاو راسهم مخشيين ف فوزي وكيشوفو فيها” : هههه لا هو ههه احم”حكات ورا شعرها بخجل” سمح ليا على شنو وقع غير مع كن..
زين الدين”مبغاش يحرجها واختاصر تاهو نيت مافيه الي يسمع اعذار ” : ماعليش ماعليش..هادي بتعليمة..(باش تفهم راسها متعاودش فحال هاد تصرفات كان جواب محترم وفنفس الوقت درس)
فرح : لا لا منعاودش هههه ..احم..
زين الدين”بصوته الخشن كيضرب ليها فراس وينزل لقلبها يخليه كيضرب من جهد الي فيه ” : قطعي انا نعيط ليك ..
فرح : واخا “قطعات وهو يصوني ليها فالبلاصة “
زين الدين : مزيانة نتي ؟!
فرح : الحمد لله ونتا “صفاء وسيمو دارو ايديهم على حناكهم نساو العجنة الي عجنتهم فرح هههه اما فوزي تكااا عالحايط وكيشوف فيها وملامحها كيفاش تبدلو فرق كبيييييير بين هضرتها مع يونس وهضرتها مع زين الدين …زعما هادي بوادر بداية الاعجاب الي كيوصل لطريق بداية الحب ؟ ام راحة معاه ام اعجاب بشخصيتو الثقيييلة والوازنة ورزييينة “
زين الدين : ولله الحمد …شنو عندك غذا !!
فرح : غذا السبت “فرحات حيث غذا عندها يوم خاص ” معنديش سطاج وبالنسبة ل خدمة فالتدريس مزال تال شهر جاي الى تجمعو تاني هادوك سيدات …
زين الدين : ان شاء الله خير…”حنحن” غذا وجدي راسك ندوز عندك نمشيو لشي بلاصة مزيانة نتغذاو ونهضرو …
فرح : غذا مع الغذا ؟
زين الدين : مجاتش نشوفك فالليل(باش مترجعش معطلة كان رد محترم وهي فهماتها )
فرح : وواخا نقولها لعصام خويا ..
زين الدين : ميحتاجش هضرت معاه …12:00 كوني واجدة..
فرح : ان شاء الله …وخا نسولك ؟
زين الدين : مرحبا..
فرح”مالقات كيفاش تسول باش تفهمو شنو تلبس من غير متقولها ليه” : فين غادي نمشيو !!
زين الدين : خلي طبيعتك معايا …ضروري فمدينتك منفوتوهاش …مزيان ؟!
فرح : مزيان صافي ان شاء الله فاش توصل علمني نخرج عندك …
زين الدين : تهلاي فراسك …في امان الله “قطع معاها وبقا حاط تيليفونو على فمو كيفكر ويعاود… ثاني رجعات ليه قوة التفكير فالامر هادشي فين زايد وفين غادي قلوب غادي تجرح قلوب غادي تكسر قلوب غادي تحقد وقلوب مدايراها لا بايديها لا برجليها وقلوب جابتها لراسها …طلقها فايد الله معرفتي هاد زواج تقليدي يطيحك ف بنت الناس …جربتي مع وحدة ومصدقاتش من طيشها وغرورها واحد الوقت خلاها تخسر شخص فحالو …لكن هو كيشوف اش كاين قدامو كيشوف الضروف الي وقعات كيمشي ليه تفيكرو لبزاااف الحاجات هو في غنى على انها توقع …
كمل قهوته وشاف فساعته لقا العشا قريب ياذن ناض من تما هاز البلاطو ومنقي طابلة باش متنقيهاش من وراه البنت كيحاول عالاقل تاهو يعاون ولو باشياء بسيطة ك احترام لهاد ناس الي خدامين حيث تاهما انسان من د.م ولحم على مقولته غير كيعاونوهم ماشي روبو عندهم…حطو فوق طابلة الي لداخل قدامها فوطويات صغار گري موبرا انتيطاتش…ومشا لبس عليه حوايج حيث خارج اصلا…لبس تيشرت وسروال دجين الحال مزال سخون ..مدارش البارفان حيث غادي لجامع ..اصلا يلاه مدوش وداير ديدرنت…لبس سبرديلا بالخف وهز تيليفون وكونطاكت ودوا هزو لا ينساه حيث تقادا ليه الي كاين عندو فسيارة …ونزل فطريقو تلاقا بتوبا الي كانت عاد خارجة من كوزينة …
توبا : خارج اولدي ؟
زين الدين”حرك راسو” : متسناونيش لعشا ..نصلي فالحسن الثاني وخارج من المدينة عندي شي مشاغيل برا …
توبا : واخا ولدي …بغيت نهضر معاك فاش تجي …
زين الدين : كاين شي مشكيل ؟؟!
توبا : لااا غير دوك ناس درت معاهم غانجي من دابا يومين باش نتافقو على نهار الخطبة قلتي نديروها بيناتنا خطبة رسمية …
زين الدين”دار وجهو بين ايديه كيحك فيه ويعاود تا تنهد بالصوت حتى رفعات توبا حجبانها ” : من بعد ميمتي من بعد نشوفو شنو خاصك ديك ساعة..مبرزط دابا …
توبا : وليني انا عطيتهم الكلمة حشومة نخليهم وجدو ..
زين الدين : ديري الي عجبك الالة…تت “مشا وخلاها واقفة..”
مشا نيشان لمسجد الحسن الثاني هو كيبلاصي فطوموبيل والاذان خدام وهو كيبلاصي ويقرا فالدعاء حتى سالا خرج مشا لطواليطات جدد الوضوء ودخل صلى فور ما تقامت صلاة كمل وخرج مشا بالسيارة قدام البحر ووقف دخل من ليكخون دسيارة مبرونشية مع تيليفون لواحد الابليكاسيون دار مدينة الجديدة وعطاوه قائمة ديال المطاعم الخاصة بقا كيعزل تا استقر على واحد المطعم وريزيرفا لشخصين…
.
دازت ديك الليلة فيها كمية رهيييبة من التفكير من شخصين زين الدين والغد وفرح والغد وكلاهما كيفكر لغذا بين فرح الي ديك الليلة كانت فرحانة وفنفس الوقت مخلوعة حيث اول مرة غادي يكونو بزوج بيهم راس فالراس كيفاش غاتصرف كيفاش غاتهضر شنو غايقولو شنو غايتوصلو شنو درجة التفاهم الي غاتوصل بيناتهم…العشا كيطيب وهي فالبيت معاها صفاء الي تصالحو بلا ميحسو اصلا هاكاك دايرات معندهمش كلمة سمحي ليا كيلقاو راسهم كيهضرو كي الكلبات ههه..عااوتاني حاطا قدامها شنو غاتلبس هاد المرة وصفاء بزز من حسها تختار معاها الي ما يقارب ستين مرة وهي تعزل ليها ولاخرى معاجباها تاحاجة …
صفاء : والحبس را هادشي الي عندك وتا الى بغيتي الجديد مغاديش تلقاي وقت اااااصلا اصلا كلشي سد دابا …
فرح”مدات شنيفاتها ووجهها مخسر ” : اوووففففف اهنن
صفاء : هاهي بدات تهرنن …”واحد شوي سمعو دقان جاوبات فرح بالدخول وهو يدخل عصام مبتاسم شوي شاف ف صفاء الي تبسمات ليه تاهي وفرح “
فرح : عصام دخل ..
عصام”دخل هاز فايديه شي ساشيات” : فين غاديا غذا نتي ؟!
فرح : هااا “صرطات ريقها” ياك فخبارك ؟!
عصام” كيتصنع بمزاح” : مفراسي والو اشريفة …”شاف فالكساوي ولباس وشير ليهم براسو” لاش هادشي ؟!
صفاء”عضات فمها كتشوف ففرح الي بدات تلاون بمعنى قفرتيها ههه “
فرح : وا هضر معايا زين الدين “تزنگت” قاليا نتشاوفو غذا نتغذاو برا باش نهضرو ونتفاهمو. وقلت ليه نقولها لعصام قاليا هضرت معاه والله اخويا هانتا را فوزي تاهو كان معايا فاش هضر “ملامحها تخربقو بالخلعة”
عصام”حبس الضحكة وهو كيشوف فيها كتلاون” : مممم ياك بعدا علمتيه تا تعلميني “رفع حاجبو”
فرح : وحق الله ..
عصام”لاح ليها ساشيات” : شدي شدي ونتي بغيتي تموتي بلاصتك ياك عارفة مكنرحمش فهادشي معندي ميتسالك ..را علمني غير ضحكت معاك وكان..
فرح”غمضات عينيها وتنفسااات” : الله يا عصام حرام عليك..
عصام : حيث ولد ناس عارفو ميديرهاش ويديك بلا موجب شرع ولا قانون …
فرح : وخا هههه هادو اشنو هما…”شير ليها بمعنى حليهم وتعرفي”
عصام : باقا حاجة تالغذا وتشديها”قرب لعندها وباس راسها ” بصحتك وراحتك “ضرب دورة وخرج بالفرحة صفاء سبقات لساشيات وحلاتهم لقات كسوة من النوع الي كيعجب فرح يعني ستيلها ويلاه دارجة فالازرق ملكي سرحاتها كمايمها حد المرفق صيفية فقياسها كلوش واصلة فوق الكعبة معاها سميطة رقيقة فالذهبي ومعاها صنيديلة صبع مذهبة فيها حجيرات رقاااق”
صفاء : ناااايييي ناااييييي كيحمقوووو يصحبي .
فرح “عينيها لمعو القلوبة بغاو يخرجو منهم” : ياربيييي غزااالة كتحمق اصحبتي…ههههه كيفاش عرف غانلبس ..
صفاء “بافتخار” : سي عصااام هذا حبي واجرك عاالله…سيري قيسيها …
هزات بالزربة مشات تقيسها بالفرحة فعينيها …قيساتها وهاهي دابا قدام المرايا كتفكر ليلة امس فاش جابها وقيساتها جاتها غاية فالجمال مصاوبة شعرها مموج وميكاب خفيييف بالكاد كيبان يعني اكتفت غير بماسكارا وايلاينر ممطولاهش باش بانو عويناتها العسليين وعكر خفيييف مبانش واش ديراه حيث فمها قريب للون شعرها الاصهب …ضرگات شوية نمش الي فوجهها ب فوندوتان رشات بارفانها ولبسات صندالتها ودارت صاك ذهبي فايدها بلا سمطة ديال دراع شاداه غير فايدها كتمصمص شفافيها وتاكد من زينتها حتى دخل عصام وفوزي عليها كيشوفو فاختهم الي كتحمق فنظرهم والي مكرهوش متزوجش تبقا غير وسطهم لكن ولابد يفرحو ليها لفرحتها ويطمانو عليها مع راجل الي يصونها واخا ماشي بحجمهم كيبقاو هما الاصل لكن فالاخييير طتبقى هادي سنة الحياة..
فوزي : اتبااارك الله على خطيبة سي طبيب هههه
فرح”جمعات فمها بتبسيمة وعوجات راسها” : فوزيييي..
عصام”قرب لعندها”: الله يخليك ديما فرحانة …”شد حناكها” ربي ما خيبنيش وشفت الفرحة فعينيك اول مرة نشوفها هي هادي وهادي هي الفرحة الي كنت باغي نشوفك فيها تعيشي مع راجل كامل وخا الكمال لله وعائلة تهلى فيك ووسط الخير ..انا خليتك تمشي معاه حيث عارفو سيد خاتر ماشي ديال تبرهيش وهاد الملاقية ضروري ترسيو فيها اموركم وتفاهمو…مزيان فالنهار باش ترجعي فحالك بكري …”باس راسها” مابغيت والو سوى نشوفك مهنية فدار راجلك …
فرح”عينيها دمعو من هضرته وكلماته من يوم يومو كيموت على شي حاجة اسمها فرح وياويل الي ينزل دمعتها على خدها …باستو فحنكو والحنك لاخور وباست ايدو” : شكرا بزااف على الكسوة “بمزاح” وخا بزز منك تشريها ليا هههه كنتسنى فالحاجة لاخرى نشوفها …لهلا يخطيك عليا ا بابا “باست ايدو”..
عصام”سمع صوت دقان” : سير فوزي حل ل زين الدين “شاف فختو” يلاه سيري تا وكان ترجعي وتلقاي مفاجئة كتسناك…”غمزها تا تبسمات وتابطات دراعو ومشات وقلبها كيضرب يضرب حتى وقفات هزات عينيها فيه واقف قدام سيارة كيهضر مع فوزي حتى حنحن عصام وهو يدور عينيه مشاو نيشااان ليها وياااربي كي بانت فديك الكسيوة وشعرها ومشيتها هاد المرة بانت اكثر غير كل المرات تا ضرباتو ريحتها الي كانت الريحة الي خذا ليها ..جايا وكتمص فشفايفها من الخجل وعينيها فلارض …
زين الدين”كيشوووف فيها تا هز عينيه فعصام وفيها مرة فعصام مرة فيها تا ولا كيسمع غيير اصواتهم كيهضرو وهو ماشي فهاد العالم …قلبه بدا يضرب يضرب على شوي وكان غايطيح غير شد فپواني الباب ديال سيارة بداك جهد كان غايهرسو”….
سلم على عصام وحل ليها الباب تا دخلات فرحانة حشمانة قلبها كيضرب اول مرة غاتركب معاه فالسيارة لدرجة حسات براسها اميرة ف ديزني وغاتمشي لحفلة الامير….ديمارا نيشان غاديا فالطريق وكتملص فايديها الي عرقو من التوثر وقربه منها وريحتو الرجولية الفايحة منو خفيفة ومميزة بجهد…مرة تشابك ايديها مرة تزير على سمطة صاك ديالها هادو تفاصيل كاملين لاحضهم بلا متحس بيه وتاهو كتبغي تسرق نضرات ليه مرة وحدة بزربة قشعاتو كيشوف قدامو مركز مع طريق حجبانو كيبانو معقودين …هبطات عينيها كتشوف ايديه غير تحرك وهي تشوف قدامها بزربة قبل ميقشعها حتى وصلو ل واحد ريسطو مطعم لاكري ياردير – la grillardiére المتواجد بشارع الامم طريق الدار البيضاء …نزلو من السيارة وقف…
زين الدين : يلاه مشينا ؟ “ابتاسمات بشوي ومشات تبعاتو تا دخلو لكن كتفاجئ لقات المطعم خاوي بقات كتشوف مفاهمة والو غير هي وياه وواحد زوج سرابة وواحد سيد سلم على زين الدين ووراه طابلة ضار لقاها كتشوف مفهماتش” انا وياك وحدنا حسن من تبرزيط بنادم …
فرح : هنا كيكون كالم واقيلة وخا بنادم كاين”جلسات فالكرسي الي جر ليها بكل لباقة وجنتلمانية ولكن وجهو مكيتفسرش خاطرو ضارو بزاااف هادشي علاش الفقصة لعبات على السكري عندو”
زين الدين : حسن نكونو وحدنا هاد المرة … شنو كيعجبك ..
فرح”هزات فيه عينيها بخطفة ورجعات شافت فالموني وهي تضحك” : هههه المشاوي “جمعات فمها”
حرك راسو وجا عندو سيرفور عطاه طلبها وخذا هو طلب ديالو كان غير صلاد لا غير شهيتو مسدودة بالنفسية الي مريضة ليه هاد اليومين باغي يهضر معاها وفنفس الوقت باغي يكبر بيها مالقا غير هاد اللقاء يكون فاحد اجمل المطاعم الساحلية ويكون خاص غير هما .. جا الطلب سماو الله قبل من هادشي شرب دوا وهي تسولو حيث شافت اسم الدواء
فرح : ADO “شافت فيه” ديابيتيك type 2 ؟
زين الدين”حرك راسو” : معندي ميتساالك الالة..
فرح”تبسمات” : هههههه متحگرنيش راني كنعرف …
زين الدين : تبارك الله
بداو الاكل الي كان لديد بالنسبة لفرح اما زين الدين غير نقب الشهية الي ياكل بيها مشات بزز باش كلا شوي اما هي كلات وخا متوترة بدات كتطلق حتى كملو جابو ليها تحلية اما نو اكتفى ب قهيوة كحلة وهي عصير مع التحلية حتى كملات ..
فرح “بقات كتلعب فالطبسيل وتشوف هنا وهنا حتى سمعات تحنحينتو واسمها بصوته وهي تشوف فيه “
زين الدين”تنهد قبل ميبدا الكلام نيشان ” : فرح الهضرة الي غادي نهضر معاك نتي تجيك صعيبة انا دوبل عليك …
فرح”بعدم راحة من هضرته” : ياك لباس ؟
زين الدين”عض شنايفو باغي يهضر نيشان وهي من عادته لكن هاد المرة غييير اول مرة معارفش كيفاش يهضر ويخرج الهضرة حتى جبد باكية الكارو منها سيجارة شاف فيها باذن واش نشعل تا حركات ليه راسها وهو يكمي جرو جرة طوييييييييلة تا غمض عينيه وصرط داك دخان خرج ليه من مناخرو ..حك لحيتو كيشوف هنا وهنا وهو يشوف فيها نيشان ” : نتي بنت الناس ما ديال باس ما ديال حسايف …ماشي لعبة وسط الفسايدية… صعييييب عليا نكمل ابنت الاصل والخير…الضلم خايب …
فرح : م مفه مفهمتش “كتحك فالكاس بتوثر”
زين الدين”حدر عينيه حجبانو تعقدو بالحزن خاطرو ضرو لكن كيشوف هادشي ممسلكش” : نهار حطيت رجلي عندكم (عاود ليها كلشي بديطاي كيعاود وهي كتشووووف…صاط بتعب) هادشي معندوش فين غادي ممسلكش،، ضروف معقدة ..اللهم دابا ولا نكملو فالكذوب !! مابغيتش ابنت ناس نكمل معاك ونتي مضحيين بيك وسط فساد باك وراجل عمتي”على الغالي” …
فرح”هضرته كتنزل عليها فحال العافية كتحرق كل ذرة فجسمها وخاطرها …كتسمع ليه لكلشي كيقولو من الي عرف بعمو كان باغي يخطبها هي حتى لاخر حاجة..”
زين الدين : نتيجة الحسيفة بيني وبين راجل العمة كنتي نتي ضحيتها… عيبي خايب مكنساهاش فالواحد ودخلتك معايا فوسط تخلويضهم ….ماجاتش ابنت الناس نكملو وسط هادشي الي من لول ماهواش …مابغيتش نضلمك كل مزايد فيه كل مكنضلمك كثر وجدر…”شاف فيها الي كانت دايرة ايديها على راسها كتشوف لتحت وكتسمع ليه” سمحي ليا بنت الناس هنا حدنا (بزاااف الاسباب خلاتو يفك الخطبة من لول ميضلمهاش وهو بالكاد تعرف عليها…لا ربما بعد الفراق تبدا علاقة اوطد وواضحة وصريحة)
زين الدين : انا ماشي ولد لحرام نضحك على بنات الناس…جهد فوق جهدي..لا اله الا الله…
فرح”كتسمااااع ليه وحادرة عينيها دايرة ايديها فراسها وكتشوف لتحت حتى ضحكت كان يحساب ليها غاتحتافل بعيد ميلادها معاه ومن غصتها والفرحة الي تهرسات ليها” : كادو مخير هذا خديت هههه نهار ولداتني مي نفراتني واليوم ذكرى داك النهار هانتا عطيتيني فيه كادو من داااكشي..عيد ميلاد سعييد يا انا “قالتها بصوت الى سمعتيه يطيح عليك الضيم”
زين الدين”قلبه تقسم من جيهتها وشحاال عزات عليه سكت مقدرش يهضر ..ندم بزاااف علاش كمل حتى لدابا…هاهو كسر خاطرها وهادي عمرها تنسى ليه…. اما هي حيدات من ايديها الكورميط وحطاتو ليه ووقفات “
فرح : فاش كتفسخ الخطبة كيخص يرجعو الهدايا لماليها ..مضرنيش هادشي كنت حاسا وعارفة شي حاجة ماشي هي هاديك “عوجات فمها” الي ماجا بمحبة مايجيش بالحزارة… الله يعاونك اولد الناس…
“اوقات القلب الي بيوقف بدو صدمة تمشيه “…
#نهاية_الفصل_الاول
الفصل_الثاني “تحمل يا قلبي“
الدنيا فاش كتكون قاااسية علينا هي فاش كنواجهو بعض العقبات القاصحة الي كتخلينا نفقدو الامل ونشعرو بالبؤس وتخلينا ضعفاء …وتخلينا بشر ضعيف غير قادر على مواجهة هاد الصعوبات وهاد كمية القساوة الي فرضاتها علينا الحياة وغير قادرين على مواجهتها وهادشي كيكون فاش كنفقدو الثقة فانفسنا …ومعندناش القوة والصبر لتخطي هذه الازمة …هادشي علاش خاصنا نتسلحو بالقوة والصبر وبالايمان دااااائما ان هناك امل وان هناك غذا اجمل وان بعد كل بلاء فرج وان بعد كل حزن فرح وان بعد كل ضيقة والم سعادة…اول حاجة خاص ديما تكون عندنا الثقة فراسنا اننا نستحق الافضل وان الافضل قادم باذن الواحد الاحد…
«لا تدخل حياة من لا يحتاجك ولا تفرض ذاتك على من يرفضك فمن ارادك سيفعل المستحيل من اجلك»
تمات غاديا خارجة والحزن باين فوجهها وخا حاولات ما امكن ماتبينش قدامو باش متطيحش بقيمة راسها يمكن مرضاتش يشوفها حزينة بسبابو يمكن عزة نفسها الي تربات عليها فرضات عليها هادشي ..لكن وخا تكون كيما كانت را كتبقى انسان خصوصا توالي الصدمات بهاد الشكل فحياتها وخا تكون بنت لحرام …ربي كتب عليها هادشي فحياتي تعاني وتا حاجة ماتجيها بساهل… وفاش كيكون الابتلاء من عند الله لا يسعنا سوى قول الحمد لله وطلب الفرج…وقفات واحد اللحضة كتشوف فالخارج وضارت تشوف جنابها بانو ليها ناس بدات كدخل يمكن كرا البلاصة غير سويعات قليلة …يلاه غاتحرك حتى حسات بشي حد وراها وعلاش الي ماتعرفو وريحتو عطات قبل مادور !!!
زين الدين”تاهو يمكن قل منها ولكن تاهو مقهور حيث اول مرة كيضلم شي حد بهاد طريقة وضلم خاااايب صعييييب يتنسى وصعيب الي ضلمو يتجبر ليه خاطرو..” : شش فرح
فرح : شنو باقي شي حاجة ؟
زين الدين : هادشي الي هضرت فيه ماشي غير باش نريح الضمير ..ماحدو كان مطول ماحد كان الضلم كثر …
فرح : طول اخويا طول سوى دابا سوى قبل …لو متسرعتيش خوتي عمرهم ولا انا براسي غانقبل بواحد كبير عليا ولا ندخل ضرة على شي امراة الي مانبغيهش لراسي را منبغيهش لناس ..ياكما كان يحساب ليك غانطمع فالفلوس ؟
زين الدين”هز ايدو موقفها” : هي الي عمرها طاحت فالبال من جيهتك لا نتي لا خوتك من نهار عرفتكم…
فرح”حكات جبهتها باش متنهارش بالبكا قدامو” : ياك قلتي كلشي !؟
زين الدين”حرك راسو وضار لهيه مزييييييرررر حيث حس بيها تهرسات ولكن معالمش بحجم الهرس الي فخاطرها قداش ماعلمش بحكايتها قبل ميعرفها …عرف انه ضلمها والضلم خاااايب خصوصا فحق امرأة و يتيمة من فوق…حس بيها بنات احلام عليه وشاف فرحتها فعينيها كيفاش …كانت فرحانة بيه وبالحياة الي غاتعيش معاه حس بالانجذاب ديالها من جيهتو….بزااااف وبزاف الي معارفوش عليها وخا يطلب سماحة تا يعيا لانه معارفش حجم وكمية الانكسار الي وقع لفرح فهاد اللحضة… صحيح دار خطوة مزيانة انه صارحها قبل ماطور العلاقة اكثر فاكثر ويكون زواج غير بمجرد انه دخل راسو فهادشي وفلحضة غضب لقا راسو كيخطب باش يطيح من راجل عمتو …كانت زلة لسان فلحضة غضب …فضل انه يشرح ويعلمها حسن ما يوقع الاسوء من هذا…هو هكا ضن ولكن معارفش هي اش جرا فيها تعرضات لخيبات الامل كثييييرة من امها اولا باها ثانيا اسماعيل ثالثا …موت يونس مكانش خيبة امل وانما كانت صدمة تاهي بجانب الصدمات الي تلقات فحياتها يمكن وخا صدمها كان احسنهم لانه بغاها من باب الحلال دون اي تصفية حسابات…ورابعا والاقسى وهي هادي …وخا صلح الغلط ومابغاش تدخل فالكذوب ومابغاش ياذيها كثر من هاكا …شنو مخبية الوقت ليه وليها واش غاتكمل من ورا هاد صدمات ومن وراه عادي ولا غاتستغل هادشي باش تعاود تبني شخصيتها احسن من هاكا ؟!
فرح : غادي تهضر مع خوتي ؟ عصام !!
زين الدين : ضروري ابنت الاصل ضروري ماشي من شيم الرجال منعلمهمش ..الى هضرت معاك دابا حيث نتي المعنية نتي لولة تكون فعلمك نتي الضحية وسطنا..درتها خايبة فحقك “بحزن” سمحي ليا بنت الناس..
اما هي را ربي الي عالم بالحالة ولكن سوى بيه او بلا بيه مابقاتش بغات مزال انها تبكي…وخا مرض ليها خاطرها فهاد اللحضة حسات براسها كانت وسط حلم …تعلقات ووقع اعجاب كبيييير بشخصية زين الدين والتعامل ديالو وهو ك كاريزما جدية معقول خاتر رزين ….وهاد تصرف الي تصرف يمكن نقولو كبر فعينيها انه صارحها جاها نيشان لكن حاجة كتهرس هي انها كانت ضحية ونتيجة فنفس الوقت ديال تصفية حسابات…وهاهو نتج عليها كسر الخواطر…
فرح” بينها وبين نفسها” : ماكتابش ليا نفرح اللهم لك الحمد…”تنهدات بصوت واحد تنهيدة حتى شاف فيها مول طاكسي من المراية…وصلات لدارهم كتحاول تلقى شنو تقول لكن كانت اكيردة انه دايرين ليها مفاجئة فضلات تسكت حتى يدوز عيد ميلادها فضلات تعيش معاهم الجو. وتفرح حيث موجدين ليها الى هي تكسر خاطرها مغاتبغيش تكسرو لدوك الناس الي كل عام كيوجدو ليها حفيلة صغيرة بيناتهم باش يفرحوها وماتحسش بالي وحدها و بالي هاد النهار الي نفراتها فيه امها والي كانت كتشوفها وهي لحيمة حمرة فحال شي وحدة مقززة وخا والداها من المخنتر وخا اختهم من باهم ومهم يمكن من فعايلو كرهات ولادها كلهم حتى طجات بمرة …فضلات تحتافل تايساليو عاد تقول را تفارقنا ..مع حلات الباب وهي دخل الصالون وهي تلقاهم واقفين قدام طابلة الي مزوقة ببلاطو صغير ديال حلوة لاكريم صغيرة قطع وحلوة لاكريم كبيرة مكتوب فيها اسمها بشكلاط وعيد ميلاد سعيد من مخبزة حداهم ….وقراعي موناضة وبيتزات صغار وبسيطلات صغار على قد عدد الحاضرين صفاء سيمو عصام فوزي…
فرح”ابتسامة كبيييييييييييرة تا دارت ايدها على فمها ” : ههههههههه كيف ديما هههههههههه “زادت فوتيرة الضحك”هههههههههههههههه واااكواااك جاني الضحك هههههه
صفاء : نهاك الله اهاد الباانت …
سيمو : حزق ليك الفريخ اختي…
فرح”بقاات تضحك تا مشات لعند عصام وهي تلاح عليه وعنقاتو كتنخششش فيه ومدات ايدها لفوزي جراتو وتخشات فيهم بزوج ” : احااح لهلا يخطيكم عليا وصافي ههههه
فوزي”عنكش ليها شعرها” : سنة سعيدة باش متمنيتي ان شاء الله الفرخة الحمرة “حيث فاش كانت صغيرة مع شعرها حمر وهي بيضة دايرة كي الفرخ ههه”
عصام”باس راسها” : الله اودي كيف ديما ولكن العام جاي الالة راجلك الي غايتكلف”هز ايديه” …
فرح”غا قالها وهي تجيها هيستيريا ديال ضحك” : ههههههههههههههههههههههههههههههههههههههههههههههه
صفاء”شافت فسيمو” : هادي داها وكلها شي لعيبة ماتماش اعشيري قوات …
سيمو : ولا تلاقات ب سخيفة (شمكار عندهم فدرب) حلف عليها تا ذوق شي طريف وتعطيه رأيها …
عصام “كمش حجبانو” : الله يهديك مالنا فهاد ضحك ؟!
فوزي : هههههههه كتحشم اعصام تانت غا باش تلف الحشمة وصافي… علاش مدخلش زين الدين فين هو ؟!
عصام : هضر معايا شي شوية هذا دار معايا نتلاقاو باش نهضرو”قاد ليها راسها” واقعة شي حاجة ؟! علاش بغا يهضر معايا؟!
فرح : جاتو شي مكالمة مهم خلينا ناشطين نساليو ونهضر معاك اخويا”شافت ف عصام”
صفاء”ل سيمو” : والله فرح ما فمودها بالرب اخويا..
سيمو : معرفت مالها غا كضحك …
تدق الباب فهاد اللحضة بغات تمشي صفاء تحل وهي توقفها فرح ومشات حلاته هي كانت نجية. وفاطنة …تبسمات ليهم وهي تسلم عليهم واكثرهم نجية الي كانت الصدر المرضع الحنان شخصيا الي تقدم ليها والاهتمام يمكن شمات فيها ريحة الام الي معندهاش وشمات فيها الامان لانه دائما كيصدق المثل الي كيقول الام هي الي كتربي ماشي الي كتولد …حطات راسها على صدرها وهي تنهد تاني نفس التنهيدة فحال كتحاول تنسى وتخرج الحزن وتعيش هاد النهار بلا ميتنغص عليها وتفكر اش وقع لانه تكسرات بمعنى الكلمة خاطرها تهرس فهاد اليوم المهم والي وخا كتحتافل بيه را مكفس عندها …واش عرفتو شنو هي الام الي تولدك تنفرك فحال الى مولودة من الحرام !! نتي فحاجة حضنها معطاتوش ليك…دورات ايديها ورا ضهر نجية وبقااات حاطة رسها على صدرها وغمضاااات عينيها…
نجية : هاويلي على بنيتي كملات ستة وعشرين …
سيمو”جر صفاء ” : واش دات ليا الحليب بغات تدي ليا مييييييييييييو ( مي )
صفاء : ازمر والله تا ماهياش ..
سيمو : واش معارفاش انمي هاد نهار !! هنينا دابا يسمعنا العيصومي يشتف على ريتي …
فاطنة : تي مالها غي هي مك انا منتسالشاي هههه
فرح”تبسمات وهي تضحك تاني ” : خهههههههه لا تسالي هههه”تقادات وهي تبوس راس فاطنة وايديها ورجعات لنجية معنقاها مشات صفاء تزرب شدات من عند امها البلاطو الي مدخلة ودخلات حطاتو وهي تعريه كانت موجدة ليها حلوة لاكريم غير عادية بكيكة ديال دانو وطاليها ب كريمة لاموس ماشي تا شونتييه ومزوقاها ب فريز وتفاح و برقوق الي لداخل دسالو صفر وبنان مسكينة داكشي الي عرفت دارتو و نجية وجدات كيكة شكلاط …”
صفاء : شوفي افرح هههه
فرح”شافت الكيكة والمجهود الي كيبدلو نهار عيد ميلادها حيث هما الي كانو حاضرين نهار تزادت ” : الله الكيكة الي كتعجبني امي فاطنة ب موس شوكولا هههههه”باست راسها”
عصام”جبد ساشية من وراه وعطاها ليها” : بصحتك يالالة شدي ونتي كل عام نجيب ليك كادو ؟ باقا صغيرة نتي ؟
فوزي”تاهو عطاها ساشية صغيرة ” : شدي الزمر تانا كل عام نشري ليك منربيش ريش انا ؟
شداتهم كضحك حيث كل عام كيتحلفو وكيجيو يشريو ههه..حلات ساشية عصام وهي تضحك حيث كانت هاد الايام كتقول بغاات تشريه سمعها فاش قالتها لصفاء وطلب من صفاء تقوليه اسميتهم وفين كاينين ورسلات ليه تصويرة ديال الباك ف.واتساب …ومشا مسكين خذاهم …لقاها فرصة لكادو عيد ميلادها …
فرح : هههههه الپاك ديال فيكتوريا سيكريت الي بغيت ههه(كان غير دوزيام حيث الاصلي غالي بزاف وخا تا هذا غالي شويييي ) اودي نتا الي كاين “مشات باستو فحنكو بوسة كبييييييييرة تا تسمعات فقلب صفاء ههههه
عصام : حناكي اختي حناكي …
فرح”تاني حلات الكادو ديال فوزي وهي تلقا صاك كحل من نوع الي باغيا نيت واستاعن بصفاء تاهو ” : تانتا هههههه”مشات باستو تاهو نفس البوسة تا كان غايطيح كون ما شدو سيمو”
فوزي : يناري…
فرح : باش عرفتو ؟!
فوزي : شتي باش زوينين صحابات”خبط فوق كتف صفاء تا هزت ايديها بالخلعة” الله لا يحرمنا من صفية الملعونة هههن
صفاء : وكتافي مالهم “شافت ففرح” صحيبتي هانتي كادو مجموعة فيه انا وسيمو هاهو غا قبلي علينا وصاف…
فرح : هاي هاي هاي تاهما جايبين ليا الكادو قاليك اممم تطور ملحوووظ
صفاء”شافت ف سيمو ورجعات شافت فيها” : ختي فرح اري ديك الميكة لهن “خطفتها ليها” سيري بقاي مولفة علينا عن حبك …
فرح”عاودت خطفتها ليها” : اري لهنا قاليك …”حلتها وهي تجبد منها باكية بارفان عجبها عند واحد سيدة كتقدا من اڤون ..وطبعا صفاء تكلفت ” ايااااي ههههههه”شافت فيهم وهي تم غاديا باش تعنقهم كحازو بزوج لور تا تلاحت عليهم وطاحو فوق السداري داكشي الي خافو منو وقع ههههه”
صفاء : واعوووكعووووك نوضي قتلتيناااااي….”ناضت من فوقهم كضحك خلات كلشي يضحك فرحانين بيها …حتى قشعات ايدها صفاء : فرح فين هو گورميطك ؟
فرح”حسات بقلبها ضربو ضو ورجعات لواقع الي حاولات ما امكن تخرج منو فهاد اللحضة ” : ف فصاكي احم”حكات ورا عنقها” اجيو ناكلو ههههه احح جبتي هواي الي كتعجبني هه اجيو …
جلسو جميع عند طابلة الي فيها الشهيوات الي تقداهم عصام وفوزي والي جابت نجية و فاطنة ..كانت جمعة حفلة صغير بيناتهم العصر كاياذن وهما مجموعين تا سالا وهي تطلق صفاء الموسيقى وبداو يضربو ويصفقو معاها وهي كتشوووف فيهم وتضحك وتعنق ف عصام وفوزي وتنوض كتضرب وتصفق بايديها بشي حركات ممولفينهمش بيها عند بالهم را فرحانة بالخطوبة وب زين الدين الي بانت لمعة فعينيها فاش تعرفات عليه وخطبها وفرحتها بزواجهم كانت غير يمكن بصح تسلل الحب الحقيق اتجاهو لقلبها واستقر …يمكن حبها لزين الدين ماشي فحال حبها لاسماعيل الي كانت عارفة بيه صفاء سيمو وفوزي فقط لان فوزي شخص قرب راسو ليها خلاها تحس بيه متفتح كان ديما كينصحها وتعاود ليه…
فرح “بدات كتشطح وتغني فرحااانة واحد الفرحة فشي شكل ” : واااا صفصف سيري طيبي اتاي لمي فاطنة ومي نجية را مكيشربوش الموناضة كيقولو ليها الما وسكار بلا فايدة خهههههههههه وااا سيري هههه
صفاء”جالسة وراجعة بلور دهشرتها ههه” : ههه واخاااو وغاتهدني بعدا …
…. .في مدينة الدار البيضاء بالضبط ف فيلا بن سودة واحد من اكبر البروفيسورات …جالس فجردة داير نضاراتو ديال الشوف شاد الصحيفة فايدو كيقرا فيها بتمعن حيث هو شخص قدييم كيقرا فالصحف وخا قلالو فهاد الوقت …داير رجل على رجل حتى وقفات حداه بنتو كانت خارجة كتجري وعينيها حمرين يمكن كانت كتبكي …واقفة كتنهج حتى حطات ايدها على كتف باها وهي تحدر باستو فراسو…
حنان : بابا صافا ؟! “جلسات مقابل ليه”
الحاج “حيد نضاضرو وحطهم فوق صحيفة الي حط ..شاف ليها فعينيها” : كنتي كتبكي ؟!
حنان”متقدرش تكذب على بروفيسور اختصاص العينين ههه” : مكاين منخبي عليك االحاج احمد سسييي ..
احمد : شنو واقع ma petite fille ?
حنان”هزات كتافها” : rien غير مرة مرة كنبغي نفس على راسي وصافي…افففف سخفت بجري …
احمد : شنو درتي ف قرارك ابنتي ؟ فين بغيتي تكملي ؟!
حنان”هزات فيه عينيها زرقاوين وتبسمات” : غاندير نفس تخصص ديالك ا بابا كيف بغيتي نتا وكيف كان باغي زين الدين هههه
احمد : très bien مي خاص تكوني باغاه نتي ماشي الي باغي زين الدين وولدي زين الدين غير اقتارحو عليك ماشي بزز عليك حيث نتي”شير ليها بصبعو” الي كنتي باغيا autre spécialité …Ne est-ce pas ? ( باغيا تخصص اخور ماشي هكا ؟ ) …كان غير نصيحة منو حيث التخصص لاخور شوي قاصح عليك وبعيييد وفيه بزاف تمارة …
حنان”حركات راسها” : طبعا…
احمد”هز نضاضرو و صحيفة كيقرا..” : المهيم مكتاب وصافي بنتي..بون نسيت نقلتش ليك را هضر معايا غادي يجي هاد اليومين ..على ما فراسي را خطب …
حنان”خرجات عينيها وصرطات حبة ديال النااار فحلقها …عرفتو الشعور ديال وحدة كانت كتموووت على شي حاجة وكانو مع بعضياتهم كان تخطيط للمستقبل وحياتهم كان كلشي كتوجدو وتخطط ليه وهو شريكها فلحضة كلشي يتبخر والاسوء انها تسمع عليه خطب يعني غايخطب وحدة غاتجي بلاصتها بلاصة حنان الزين …شعور صعيييب يتشرح براكة غير قلبها الي ضرب فيه ضو وولا كيضرب يضرب والعافية شعلات ف صدرها حتى وقفات”
ولات كتسمع غير طنيييين فوذنيها…كاتحس بقلبها من لداخل تقسم على زوج ..كتقول لا يمكن مسمعتش مزيان ..واخا عارفة ان زين الدين عطاها زوج كلمات باش تقطع الامل وخصوصا عارفاه الى فات تا نفر صلاة عالنبي…الا انه كان عندها واحد القميشة ديال الامل انها تلقا فرصة جديدة معاه…
حنان”نطقات بصوت مخنوووق” : ز ز امم زين الدين الي خطب ؟
احمد”كيقرا فالصحيفة” : ويي بنتي مقالهاش ليا هو غير مراد الي قالها ..
حنان : وعلاش مراد مقالهاش ليا ؟!
احمد : يمكن غير متلاقيتوش”حك لحيتو” اغير البارح ابنتي شفتو فالقهوى وعلمني…”هز فيها عينيه بانت ليه ماهياش” كنضن مابقاش بيناتكم الي يخليك تقلقي او لا ؟ كل شاف طريقو ونتي الي اختاريتي ؟!
حنان”وقفات حكات جبهتها وصدرها وشافت لهييييه وهي ترجع تشوف فباها” : سي سي بابا عادي الله يكمل بيخير ..انا مشيت ندوش “تحنات باستو فحنكو ومشات كتزرب ودموعها على خدها وقلبها كيتحرق ورمادو كينزل من عينيها”..
شحال صعيب كسر الخواطر من جميع النواحي سوى هي او فرح تهرس ليهم خاطرهم والقاسم المشترك بيناتهم هو سبب كسرهم والي هو زين الدين …نفس الشيء واقع لكن هاد المرة فالجديدة في حي السعادة …وجدات صفاء براد اتاي من داكشي بليقامو الحمرة وريحتو تعطي….حطاتو وتجمعو على ديك الطابلة بالضحك ونشاط محاسينش بالي واحد القليب بيض تهرس بيناتهم ومحاول يتصنع القوة والفرح باش ميكسرش خاطرهم تاهما حيث موجدين وفرحانين !!! كلا عصام الي قسم وخرج بايسها تاني حيث ضروري خاصو يمشي لمحل ….
عصام : يلاه تهلاي وسنة سعيدة …
فرح : معطل بالليل ؟!
عصام : لا ضروري نرجع بكري نكمل معاك الحفلة ..ديري شي عشا مزيان…”حركات ليه راسها ومشا هو خرج وخرجات نجية وفاطنة بقات غير هي وسيمو زصفاء وفوزي مجمعين “
صفاء : اش درتي مع زينوش هههه
فرح”الصمت ..واقفة كتقاد فالكيسان فبلاطو غا سمعاتو وهي تبدا تقرقب فيهم تقاد وتعاود”
سيمو : اتي ريحي اجي عاودي لينا …
فوزي : وتي مالك قولي اش درتو وعلاش تافقتو!!
فرح”عوجات فمها” : والو…
صفاء : ومالك كتعيوجي خفتينا نحسدوك ههههه”قالتها بمزاح”
فرح”هزات فيها عينيها وتبسمات بغييييض” : علاش تحسديني اختي !! على زهري ؟ تا فزهري الكحل تحسديني عليه ؟ بنت ليك مطفراه تانتحسد ؟
صفاء : اتهدني مالك ؟؟
فرح”هزات ساشيات كتقاد فيهم ونطقات بدون مبالاة” : انا وياه فكينا الجقلة..تفارقنا غير قبيلة وكورميط عطيتو ليه..
فوزي”تكعد وحط الكاس مكمش حجبانو اما صفاء خرجات عينيها وسيمو جاتو بحال دوخة” : نعام !! كيفاش تفارقتو؟ فرح واش لباس ؟
صفاء : كيفاش تفارقتو اويلي ؟ واش بعقلك نتي ؟ هبيلة ؟
فرح”شافت فيها” : كيفاش هبيلة ؟ من نيتك ههههه تفارقنا كي كيتفارقو ناس …سيد انا وياه متفاهمناش هاهو غايهضر معاك نتا وعصام وغاتعرفو …مهم مبقيناش مع بعضياتنا واصلا سيد كيبان ليا غا منفخ وحاس براسو …ثقيل وخاتر ومرزن …
صفاء : ومال دينمك باغياه فريفرة قزيقز ؟ ها اسماعيل فريفرة ومكملتوش …على عمرك يجي معاه ولد العشرين ااااشريفة راك كبيرة وطبعك يجي مع طبع زين الدين …
فوزي : شنو السبب ؟
فرح”هزات كتافها” : قلت ليك متفاهمناش”زلقات ليها بكية بالخف جمعتها تا بانت فصوتها”
صفاء : مالك كترفسي النعمة بايديك الحمارية ؟
فرح”فحال بركت عليها على البوطونة وهي تشعل عليها” : والنعمة الي كانت قدامك نتي مالك ما استغليتيها ؟؟ مالك غا ساكتة ممحركة الي ضارت ليك بعصام تبغي تاكليها ؟ الي هضرات فيه تبغي طيري فيها ونتي ماحاس بيك كاع واش كاينة فهاد البلاد ؟
صفاء : امالنا فهاد الهضرة م”بغات تهضر وهي تغوت لقمتها”
فرح : واااااااااااااا نوضي فيييييييقي فيقي على راسك كتسناي فيه يجي راسو عييييييت معاك افلانة تحركي حنا نعاونوك تحركي ديري شي حركة تباني ليه را كيشوف فيك غير انا معمرو يديها فيك !! ونوضي على سلامتك را مع وحدة وقريب يمشي يخطبها ونتي هاكي”بزقات ليها” جلسي عليه”سكتات كتنهج ورجعات تاني تهضر اما صفاء نفس شعور حنان نزل عليها هي بالدوبل تا حلات فمها ونزلو زوج دمعات من عينيها وهي تنوض بغا يشدها سيمو دفعاتو ” سيري فالحة غا فالبكا البرهوشة سيري قاليك يبغيها عصام الخرااااااااا
فوزي”ناض تابع صفاء وشاف ففرح عرفها ماهياش ” : هاني جاي نتي نشوفك مالك”مشا هو وهي جلسات كتنهج وهي تحط ايدها على صدرها وكمشات عينيها حسات بشي حاجة ماهياش وهي تكا عالمخدة وبقات تفكر وتفكر حتى ناضت لبيتها بدلات عليها ومشات لدوش توضى وخرجات لبسات عباية صلاة ديالها فرشات سجادة وبدات تصلي الضهر الي فاتها وفنهاية السجدة بقات تدعي وتعاود حتى ختمات وصوتها ضعيييييف كيتسمع فحال انين ” : حسبي الله ونعم الوكيل فالي اذاني وضلمني بغير حق.”وهنا جمعات حتى باها بالخصوص حتى شهقات وهي تغمض عينيها ومشااات الشهقة جات فوذنين فوزي الي ضار ومشا كيزرب مشا لبيتها لقاها طايحة فوق سجادتها راسها عوج ومغيبة”
#تحمل_ياا_قلبي….
عصام ” فهاد اللحضة عصام كان غادي بالموطور ماحسش براسو حتى تبركات رجلو على لفران و فرانا كان على شوي ينقز بيه الموطور تا غوت ” : واااااااا ياربي السلامة….
“اياكم وكسر الخواطر فانها ليست عظاما تجبر بل هي ارواح تقهر “
الخاطر فاش كيتهرس صعيب يتلم …لازمو بزااااف ديال الوقت اولا باش يتعود …لازم يعيش الحزن والالم ويعبر عليه لانه لو سكت وضغط على راسو غاتزادو كسرة فوق كسرة الي اصلا مرضاته فنفسيتو!!! هادشي علاش ديما نعبرو على الالم نخويو قلبنا نترجمو العذاب بالصراخ ومنخليوهش فنفسنا يزيد علينا اكثر واكثر…لازم نواجهو ومنستسلموش ليه…ثانيا اللجوء الى الواحد الاحد بالصلاة “فكيف تحزنو والحزن يزال بسجدة” .. تعطير الفم بذكر الله،، الدعاء…واكثر شيء ذكر الله …لانه الى فات حتى تقاصت الصحة تاحد مغادي يرجعها ليك الا الله …ماشي العبد …
جاي كيجري بالموطور ديالو وعقله معاها معرفش مالها خلاها صحة سلام حتى كيجيه اتصال بالي وقع ليها …كان غادي لعند سمير للمشفى باش يهضر معاه على صطوف حتى صدق مغير الوجهة….مع وصل لقى قدام بابهم ناس مجموعين وفاطنة ونجية خارجين من الدار وسيمو وحتى صفاء وخا تقصحات مسكينة بالهضرة تاهي واقفة لان فوزي بالهيستيريا ديال الخلعة عليها نوض الي مينوض جاو يجريو غا سيمو الي كان موگض فهاد اللحضة وعيط لاسعاف …
عصام”لاح الموطور وطار دخل لدار متسوقش لشكون واش مشا كيزرب لقى رجال الاسعاف واحد هاز البياص فجنبو وزوج لداخل كانو كيعبرو ليها وفوزي شاد راسو قلبه بغا يخرج من بلاصته بالخلعة يحساب ليه غير ماتت حيث سمع شهقة…” : ا ش ش شنو وواقع ؟؟”عينيه خرجو ووجهو صفااار فاش شافها مجبدة ووجهها بيض كيعبرو ليها فالضغط وكيهضرو مع بعضياتهم”
فوزي : معرفتش معرفتش حدي سمعتها شهقات وجيت لقيتها هاكا”شد راسو بايديه…حتى ناض واحد من هادوك عيط لهذاك الي عندو البياص ودخل قادو”
المسعف : بلاتي خويا نهزوها..
عصام : مالها ؟!!
المسعف”كيشوف فيهم كيقادو باش يهزوها” : ضروري تمشي لسبيطار …”شاف هادوك الي تما حسبو حتى هزوها مسكينة كي جرتيلة جلدة فهاد اللقطة الي شاف عصام حس بقلبه بكا د.م عمرو شافها بهاد المنضر …مسمعش لمسعف اش كان كيقوليه ويشرح ليه وذنيه تسدو عينيه غير على ختو الي تهزات وتمو غادين مخرجينها حتى طبطب ليه فوزي على كتفو باش يفيق لانهم مشاو بيها عاد ضار كيصرط فريقو وتبعهم…خرجوها امام الناس الي غير شافوها وبداو شي يتحسر وشي شد راسو اما سيمو وصفاء خلاااص …طلعوها فلومبيلونص”
عصام”للمسعف” : اشمن سبيطار !؟
المسعف : المستشفى الاقليمي محمد الخامس …
عصام”بعصبية ديال الخلعة مكيحسش براسو اش كيقول” : والق*** اش غايديرو ليها تما ااااش ..سيرو نيشان لاكديطال ..”حركو ليه راسهم ودق على الشيفور علمو ديك الساعة والمسعفين خدامين كيقادو ليها فالمسائييل “
نجية : الله يا بنيتي الله واش هاد المكتوووب عليك يا بنيتي..وصفاء جيبي ليا جلابتي نتبعهم “
فاطنة”شافت عصام طلع معاها فالسيارة وتسدات حتى طلقات صفارة ديالها وبان ليها فوزي غادي بغا يركب فوق الموطور وهي تجرو” : وليدي اشمن سبيطار ؟!
صونا فوزي لعصام علمو فين غايديوها وقالها ليهم وصاهم يسدو الدار ويتبعوه وبالفعل داكشي الي كاين …عصام من حر الخوف عليها عارف شنو كيعانيو فالمستشفيات العمومية مسولش فالفلوس وخا عارف غايزدحوه مسكين فالكلينيك الا ان حياة الاخت ديالو كتحتم عليه وخا يعرف يبيع حوايجو والحمد لله فكر انه عندو فلوس بعدا يديها لبلاصة يتهلاو فيها لو جات فوقت الازمة فاش كانو عايشين غاتبقا تلاوح فالمشفى العمومي…
غير وصلات الاسعاف دخلوها نيشان جيهة المستعجلات بالطابق الارضي ديال مشفى اكديطال المتواجد بحي المطار الجديدة …لقاوهم موجدين نقالة غير حلو الباب اللور تا هبطوها فيها عاد هبط عصام دخلو لداخل ومشا هو عطاهم الاسم ديالها ولاكارط ديالو عمر البيانات…عاد دخل تبعها لقاهم دخلوها…عاد تم جاي فوزي و تبعاتو نجية وفاطنة وصفاء وسيمو تقسمو مساكن ف زوج طاكسيات كي دخلو لقاوه كيمشي ويجي مزال مسكين مفاهم والو وعقله بغا يخرج كيدو ويحك فراسو ولحيتو وحالتو …بقاو شحاال وهما كيتسناو حتى خرجت عندهم واحد البنت كانت دايرة البافيط ومدورة عليها السماعة…
هي : نتوما لافامي ديال البنت ؟!
عصام”مشا كيزرب لعندها وجهو هارب منو لون لا هو لا فوزي ” : اه اه ياك شي باس مكاين ياك ؟؛
هي : خوها؟
عصام : باها خوها اه غا طلقيني اش كاين ؟
هي : بون هي دابا شوي غاتحول لواحد الشومبر لفوق غاتبقى تحت المراقبة 24h …غالبا عندها détresse psychologique هاد الحالة كتكون فالشخص الي عندو ضائقة نفسية بسباب الضغوطات…هي دابا كلشي عندها مزيان مي كيف قلت ليك ضروري المراقبة هاد المدة الي علمتك بيها…الشومبر وطاج غير يخرجو يعلموكم بيه وخا تبيغو تشوفوها ناعسة بسباب sedatif يعني المهدئات الي عطيتها و المحلول المغدي Serum glucosé…”شافت ف عصام ” عمرها فكرات شي مرة فالانتحا ر ؟!
فوزي”هز ايديه فوق راسو “
عصام”بقا حال فمو واحد اللحضة حتى عوج راسو بمعنى مسمعتكش ” : كيفاش كيفاش ؟!!!
هي”هزات ايديها كيتوقفهم باش ميتخلعوش” : باش نتوصل لحالتها عاد غاتجي لمرحلة فاش ترتاح وتفيق نسولها …حيث اغلب هاد الحالات كيكونو ديجا فكرو فيه او دازو منو …
فوزي : لا عمرها فكرات فيه ولا وصلاتو هي من طبعها صبارة كضحك على اي حاجة وخا تكون واصلة فيها لعضم..
هي : وفنظرك هذا شي صحي ؟! هاد صبر وضغط الي وصلها لهاد الحالة…
من بعد ما شرحات ليهم حالتها رجعات لداخل باش تشوفها وتشوف بقية الحالات الي كانت متابعاهم نيت جاو فديك الوقت …واحد الشوي حتى تحل الباب وبانو ليهم مخرجينها ممرضة شادة السيروم وممرضة جارة شاريو…
عصام “مشا لعندها كيدوز على شعرها ” : شش فرح !!
صفاء”قربات حداه وخا مدمرة مسكينة وحيث عارفة فهاد المجال كونها قرات عليه” : مغاديش تجاوبك دايرين ليها مهدئات ناعسة هاهما يطلعوها ونطلعو عندها…
فوزي : شمن طاج اختي ورقم شومبر ؟
ممرضة : طاج ثاني رقم شومبر 25 ..”حركات ليه راسها ووقفات قدام سانسور تحل ودخلوها وهما مشاو سانسور الي حداهم ودخلو ليه تاهما …تسناوهم تا كملو ليها عاد مشاو هما دخلو يشووفوها بالحس …
عصام”جر فوزي وهضرو بشوي” : هبط لتحت عرف شحاال غايخص وسير عند عبد الكبير يعطيك واحد 5000 درهم تنمشي نجبدها ليه من البنكة…
فوزي : بلاش را عندي انا غير تهنى من جيهتها”طبطب ليه عصام على كتفو ورجعو كيشوفو فيها جتة فوق السرير فاقدة للحياة وعمرها شافت نهار زين ملي وعات…”
عصام : مالها ؟؟
فوزي”هز فيه راسو ” : والله ماعرفت سولناها اش درتي مع زين الدين قالت لينا تفارقنا متفاهمناش !!
عصام”خرج عينيه” : نعاااام ؟! كيفاش هادي تفارقو !!؟؟؟
فوزي : والله مفهمت يلاه كتشرح شوي بدات تعاير فديك درية”شير ليه لصفاء مسكينة” تقلقات مشيت نشوفها ملي رجعت لداخل ملقيتهاش تا شوي سمعتها شهقات هي فاش دخلت ولقيت هادشي ..
عصام”عض فمو وهز ايدو فحال بغا يصمك شي حد ورجع هبطها على وجهو كيحك فيه ويدوز على لحيته مابقا فهم والو …مشا لهيييييه وضار تا خرج لواحد التيراس تما وجبد تيليفونو دوز الخط ليه لقاه طافي عاود تاني ووالو” : شهاد القلا*** تفوو…”ضرب دورة ورجع كيتسناو شي جديد بقاو بزاااف تا اذن العشا وفات وهو يرسلهم مشاو فحالهم وبقا هو وفوزي يتسناو تما تالفد ليه يعرفو حالتها اش غايقولو ليهم”
فوزي”جالسين تما حتى جا واحد سيكيريتي خرجهم حيث وقت زيارة سالا وضروري يخرجو…ماهضروش نزلو نيشان ومشاو قدام سبيطار مساكن فداك البرد جالسين كيتسناو حتى سول عصام” : فين باك ؟!
عصام”بعصبية” : مااااعننندوووو ميجي يدير يرحم باااك خلينا هانييين را كر كري مفروع من هذا الي قالت تفارقو وتيليفونو طافي”هز تيليفون تاني يصوني ووالو طافي..ناض على وقفتو مشا لواحد المحل تما شد ليهم قهوة كحلة عطاها لفوزي وهو جبد عليها واحد الكارو يلاه يتكالما شوية ..كيمشي ويجي وعيط ليه ووالو لا مجيب …بقا هكاك مسكين كيمشي ويجي وقلبه معصور من جيهة ختو الي كل مكيتفكر صورتها وهي هكاك كي جليدة كيبغي يبكي …حتى صبح عليهم الحال فزنقة وصل وقت زيارة ودخلو باقيا على نفس الحال ناعسة …حتى دازت تقريبا يومين كان صباح يكرييي صوت الاسعاف داخلة خارجة…حلات عينيها نيشان مع كان وقت زيارة لقاتو عند راسها جالس فواحد فوطوي ومتكي راسو لور على لحايط وحال فمو شوي ناااعس …”
فرح”مدات ايدها لايدو وهي دورها عليه تا قفز حل عينيه وهو يدور عندها ” : عصام “بصوت عياااان من كاع النواحي”
عصام”بالفرحة هز ايدها باسها وعاود” : الفرحة ديالو ..هاني مزيانة”كيقيص راسها جبهتها حناكها ” ياكما ضراتك شي حاجة ؛؟؟!
فرح”تبسمات” : لا لا مزيانة..بغيت غير شريبة..
عصام : صافي ؟! الله اودي طلبتيها رخيصة “ناض من حداها جاب قرعة الما كان جابها فوزي اصلا مشا يتقدا وجاب ليه مياكل ويفطر …كب ليها فكاس وعاونها تا تقادت عطاها تشرب بايدو ” نزيدك ؟
فرح”بنفي” : اهء …”حطات راسها وبقات شحال كتشوف فالسقف” فين هنا ؟!
عصام : كلينيك اكديطال …
فرح”ضارت مخرجة عينيها تا شهقات” : هييييي اويلي وشحاال وانا هنا ؟!
عصام : قد الي يجيب ليا جوج حوالا صرديين …
فرح”معرفات ضحك ولا تبكي…شدات فمها بايدها” : مممم
عصام : طلقيها طلقيها…
فرح : ههههههه اويلي لاش جبتوني هنا ….
عصام : حنا ساهلين مع دينمك !!!
لقد أمضيتُ حياتي كُلَّها في الدفاع عن أشياء لن أحظى بها أبداً، أجلسُ الآن وحيداً، أُمشِّطُ شعرَ الخيبة وأُغنِّي له. من بين كل ما يعذبنا، لا شيء مثل الخيبة يمنحنا الإحساس بأننا نلمس أخيراً ما هو حقيقي. الخيبة الأولى موجعة، أما البقية فهي دروس تقوية لا أكثر. سأصنع أحلامي من كفاف يومي لأتجنَّب الخيبة.(مقتبس) …
المكتاب فاش كيتصرف مكيبقى عندنا منديرو سوى اننا نتعايشو معاه ونحمدو عليه الله سوى كان خايب او زوين …مهما كتقسى علينا الحياة ومهما كيقساو علينا ناسها مهما كتمر علينا ضروف قاصحة صعيبة ..مهما نطيحو.ونطيحو وخا تكون عندنا شخصية قوية لازم واحد النهار الي غايجي نبغيو نتبدلو فيه نبغيو نيداو بدايات جديدة خالية من اي شخص كان سلبي علينا ضرور مكنبغيو ناس جداد واماكن جديدة فيها طاقة ايجابية باش كنتشارجاو بيها تا الى رجعنا لواقعنا لول نكونو قد المسؤلية وقادرين على التحدي والمواجهة….
#بعد_شهرين_ونصف….
المحجوب : وااا نعيمة بنتي تي فينك ؟!
نعيمة”جات تجري من كوزينة كتمسح فلفوطة” : هانا سيدي (شيخها كتقوليه سيدي) هانا..
محجوب : فين هو راجلك ؟
نعيمة : وراهو مشا مع فريحة لفدان ياك نتا قلتي ليهم سبقوني اسيدي هههه هاويلي…
المحجوب : ههه ضهر ليا لا دخلني داك زهيمر غالله يحضر العفو ههه ..وجدتي الغذا بعدا؟
نعيمة: تسنى”نشات لكوزينة جابت ليه السلة فيها گميلة ديال الغذا داها لطوموبيل ورجع خذا من عندها الخبز ونص دلاعة باردة والموناضة الي كتعجب فرح هواي تاهي باردة ..ديمارا طوموبيل وزاد نيت غير تما ف سيدي بنور حدا المدينة نيت كاينين الاراضي الفلاحية دخل واحد بيست تما ماشي يزاف تا وقف سيارة وخرج لقا شي رجال تما كيسقيو سول على ولدو حتى بان ليه جاي ف تراكتور لور ديالو فيه مشطة كبيييييرة ديال حرث وحداه فرح كتاكل ف الحامض خضر…تا وقفو وهي تنزل كتضحك مدات ايديها وتلاحت عليه عنقاتو بجهد ونخششات راسها فيه”
محجوب : هاويلي على تاغونجة …
فرح : ههههه ناري متبقاش تگولها كيسمعها فوزي ميبقا يسكت
محجوب : نعل جدر والديه هذاك …ههه اجي تغذاي ولا بنتي ليا واكلة”كمش عينيه من ورا نضاضر يشوف” شداكشي حامض ؟ دابا يضرك امسخوطة فديك الكرش ثاني ..
منير”عنقها بجنب” : تا خلي بنت ختي تاكل…
فرح : هههه لا منعاودش ابا غا تهنى “صونا تيليفونها كان عصام وهي تجاوب” عصااام خويا الحبيبب
عصام : امم خوك غا وقت مابغيتي ؟ خوك الي مخلياه شهور وحدو هنا مناوياش ترجعي لداركم ؟!
فرح”حكات راسها” : صبر عليا غا هاد الشهر بينما سالا جدي قاليا ضبر ليا فواحد الخدمة تما كيتسنى غير يجاوبو صاحبو ..
عصام : هاد شهر ؟!! فرح رجعي ولا نجي نجيب مك من تم شهور ونتي تما اش باغا مزال ؟ درت ليك خاطرك ورجعي براكة …
فرح”شافت فجدها الي جر خالها ومشاو يهضرو فامور الارض والفلاحة قبل ميرجع خالها يخدم حيث استاذ ” : احم بغيت نسولك ..صفاء لباس عليها ؟
عصام : علاش مهضرتيش معاها ؟ اش وقع بيناتكم نتوما ؟
فرح : كنصوني ليها مكتبغيش تجاوبني تا عييت وحبست ومبلوكياني من واتساب “بحزن” ..
عصام : ماعالمش بيها ا فرح نهار علماتني مي فاطنة بالي مشات لعند عمها فازمور عندها شي سطاج تما …
فرح : قالها ليا سيمو يحساب ليا رجعات وسيمو يومين هادي مهضرش معايا …احم هذاك باك كيجي ؟!
عصام”جاوب بصوت مجهد” : لا حفات ليه يعتبها …ممساليش هو نيت على ما عاود مبارك مشاو شراو شي فيرما تدهاو فيها مع خوتو الله يطليهم بيه طلية الدوام …
فرح”تنهدات” : مهم اخليني عافاك والله تا زوين هنا غير نكمل معاهم فواحد لابوراطوار وناخذ لاطيسطاسيون ونجي عااافاك..
عصام”بصوت ثقيييل كتعرف معناه انه تعااااصب ومبرد باش تفهم مخها ” : فرااااح …خوووتك محتاجينك…
فرح : سروال الكحل تاني لحتيه تحت الناموسية ؟!
عصام”عض فمو وغمض عينيه حيث ليه شي سيمانة وهو يقلب عليه” : وشتيييي…
فرح : تقاشر الگري مشيتي حطيتيهم فالمجر ديال شورطاتك ؟
عصام”حك راسو” : يمكن ..
فرح : فوزي خلا سطل نصو عامر بالما فاش دوش وسالا وخلا الحوايج فوق لافابو وهو عند راسو را حطهم فالسلة الي حاطا ليه تم ؟ كورا لافابو عمر ليا بالحوايج..
عصام “حك لحيتو بخجل ههه ” : لا كحزتهم انا حدا الماكينة
فرح : هههه لا ماماتش غا خرجو مصارنو…ايه و الطبسيل زرق ديال طاوس الي حاسا بيك حطيتي فيه الغذا مكيبان ليك غا هو …سير رجعو لبلاصتو متحطوش تما را غايطيح يتهرس وتفقصني ؟
عصام”حط ايدو على صدرو” : عتقيني اختي…تسناي”شرك المكالمة مع فوزي وبداو يشكيو عليها”
فوزي : وليت اختي تنشري حوايج جداد
فرح”جمعات ضحكة ” : اويلي فين حوايجك ؟ لايحهم فالسلة ؟! ياك جبتيهم وصبنتهم ..
فوزي : خوك حزيييييين تعبان غلبااان..عرفتي حصلت عصام طيب البيض فمقلة البغرير”غوتات ليهم فوذنيهم تا غمضو عينيهم وعصام بعد تيليفون”
فرح : اويييييييلي اويلي
عصام : فوزي الله يغبر لمك شقف كثر ما هو غابر بلاتي على دينمك لا بقات فيك را مخلاو فيا رجال غالي نساو…
ضارت جيهة جدها لقات خالها مشا يشوف معلمية تما وهي تقرب ليه تخشات تحت باطو كانت يلاه حبسات شتاء …حتى حدر راسو ليها …
محجوب : اش قال عصام مالو ؟!
فرح : كيغوت باش نرجع ..
محجوب : ورا تاحنا نتسالو فيك الحق باغي يكشمط ولاو ؟!
فرح : طلبتو غير هاد شهر ونمشي اصلا صافي خاص نرجع ملي نسالي سطاج عند لابوراطوار ديال دار الحليب…
محجوب”مشاو شوي وجلسو فواحد الضليلة تما مصاوبينها حط عكازو وترازتو ” : الخاطر شوية بعدا ؟!
فرح : الحمد لله ضروري دوز ليام ونسا …
محجوب : اش وقع داك نهار الي جيت ولقيت عصام جاهل ؟!
فرح : ملي عاودت ليه كلشي طلبتو ميهضرش معاه ينساه كانه مكاينش …”تفكرات فاش هددات عصام الى مشا ليه تقتل راسها كان ديك ساعة طبيبة قايلة ليهم را ممكن دير اي حاجة حيث باقي فازمة نفسية” الى فات تا ضاربو واحد فيهم يقتل لاخور وواحد فيهم يمشي لحبس… ويمشي خويا لحبس ولا يتقتل ؟! علاش على والو ؟ مكتابش وهو دار الي عليه وخا معمري نسا داكشي مهم الله يسامح …
محجوب : علاش مجاش يهضر معاه ؟!
فرح : تعطل بزاااف فاتت سيمانة وزيادة وهو مبانش حتى جاب الله جا ومالقاناش قالها ليا غير سيمو دار الله تاويل ..من بعد هضرت معاه “هزات فيه عينيها كتفكر نهار عيطات ل زين الدين كطلب فيه ميجيش “
فلاش_باك_
فرح : الى بصح عندي معزة واحترام متجيش تهضر مع عصام هو مبغاش يهضر صافي ياك اعتاذرتي وقلتي اش كاين الله يخليك متزيدناش فالمشاكيل الله يرحم ليك واليديك …انا مسااامحة وتا عصام وحسن ليك متوصلش هنا مقادينش على مشاكيل وحباسات وانا عارفة اش كنقصد…مابغيتش مشاكيل تنوض كثر من هكا …
زين الدين”يلاه غايجاوبها وهي تطفي تيليفون…بالحر والفقصة ضرب تيليفون مع الحايط تتشخشخ اشلاااء وغوت لربي الي خلقو كون كان الغالي قدامو كون قتلو لا محالة” …
#عودة
في نفس الوقت الي كتهضر فيه مع جدها جالس هو مع الحسين فالرياض ديال تارودانت كيهضرو نيت فنفس الموضوع . قدام طابلة حدا سقاية الما وريحة الطاجين كتعطي وعلاش لا والحاجة الي واقفة عليه بنفسها …..كان جالس بحوايج دار سروال كحل قطن وتيشرت وخا الموت البرد داير طاقية كحلة فراسو مهبطها تا وصلات لعينيه ولحيتو الي ولات كثييييفة تا هبطات …وجهو مبقاش هو هذاك وتحت عينيه ولا كحل بكثرة سهير والتفكير والمشاكيل الي تراكمت هاد الاونة الاخيرة نساتو فالمشروع …
الحسين : وسمعتي ليها ؟
زين الدين “شاف فيه ” : تبقى على خاطرها مابغيتش ليها المشاكيل …وخا هكاك ضروري نهضر معاه …كون ما وقع الي وقع ليا والكومة الي كنت فيها كان شحال هادي تفك المشكيل …هاني دابا تحاشمت مع السيد موصلني غير بالخير ..(على عصام) ..وخا هكاك ضروري منهضر معاه…حتى تبرد الوقت…
الحسين : تا هادي فعايل رجال مابغيتيش المشاكيل ليها حسن ممشيتيش تهضر معاه فين كنتو غاتوصلو …اسيدي الله ياخذ الحق فالي وصلك لهادشي … كي بقى الوليد الي ضربتي يطوموبيل؟!
زين الدين : ولله الحمد من هنا لايام الله جايا يحيد الحديد…
الحسين : وشنو خبار البال ديالك ؟!
زين الدين”بقا شحاااال ساكت كيشوف فلارض داير صباعو جنب لحيتو ومتكي على ايدو كيخمم بمجرد ما ذكر ليه البال رجع تفكيرو ثاني ليها يلاه غايجاوبو حتى بانت ليه من بعيييييد الفوووق فالشبيك الي كيطل على لتحت لابسة كسوة بيضة وهي وسطها مبطبطة .. دايرة الگصة على عينيها وضافرة شعرها الاحمر حاطا ايديها على شبيك كطل عليه وهو عينيه لخضرين مركزيييين فيها كيشوف فيها وهي كتشوف فيه وكتلمح للمرة ثانية الميزة الي كاينة فعينيه تا تبسمات ليه ….ماحسش براسو تا وقف مشا كيزرب وطلع لعندها مخلي الحسين كيعيط ليه وهو مسمعش ليه ودنيه تسدو على الي ضاير بيه باغي غير يتبعها تا طلع لقاها واقفة حدا الباب ديال الصالة لفوق دايرة ايديها على جناب الباب وكتشوف فيه شوي وهي دور دخلات …تبعها مع دخل لقاها عاطياه بالضهر ..
زين الدين : فرح !!!
فرح”بقاات شحال عاطياه بالضهر وهي تحرك راسها شوي بقات تحرك فيه بوتيرة سريعة …شوي وهي دور مع ضارت وهي تقرب ليه “
زين الدين”حط ايدو على ضفيرتها كيتلمس فيها ” : شكون جابك هنا ؟!
فرح”بقات كتشوووف فيه حتى بداو عينيها كيبكيو بلاصة الدموع الد.م تا ولا وجهها مجخلط بيه”
زين الدين”خرج عينيه وحط صبعو على دوك دموع الدماء كيمسح فيهم ” : ششش …”ماحدو كيمسح ماحدو داكشي كيتزاد تا لقا صدرو جيهة قلبه تاهو كينزف بالدماء ماعرف باش تبلى اش هادشي وصوت فودنيه كيضر ….عقد حجبانو من داك صوت ولكن عينيه عليها مابقاش تسوق جهة قلبه الي كينزف عينيه غير عليها هي…حتى ضرباتو الفيقة على ايدين كيحركو فيه وناض على جهدو قافز كلو عرقاااان ملابس والو لفوق سوى شورط ولحيتو الي باقا فعلا كثيفة فيها شي شوييييييي شيبات صغار مكيبانوش بزاف الا اذا دققتي فيهم ….كيدور هنا وهنا ويهز عينيه يشوف لهيه حتى دار راسو بين ايديه موقف ركابيه وكيشوف لتحت …
الحسين : بسم الله عليك …
زين الدين”كينهج ..حط ايدو على حلقو الي حس بيه ناشف ولسانو فيه طعم الصدأ ..حس بقلبو كيضرب بجهد وشفار عينيه عمرو بقطرات العرق ” : هي
الحسين : شكون ؟
زين الدين”حط ايدو على قلبه كيحك فيه ويقلب واش باقي داك د.م الي كان ….كيحك ويحك وقالها بواحد صوت اشبه بنغمة مغمض عينيه تا عض شنايفو ورجع حلهم” : فرح ….
بالفعل ليه مدة طويلة وهو فالرياض ديال تارودانت…يمكن جا باش يرتاااح من كمية التعب والارهاق الي طالتو هاد المدة حتى انه سمح فالمشروع انه يوقف عليه بنفسو هاد الايام لانه كان محتاج يبقى مع راسو يرتاح لكن الراحة تقريبا غادراتو ..واش هذا كاامل تانيب الضمير !؟ او هناك شيء اكبر من هذا ؟
بقا كيدوز على راسو بحركات تدليك عاد شحااال هيلي هز عينيه فالحسين الي كان جا يوم امس هو والحاجة باش تطمأن عليه …حرك ليه راسو وهز ايدو طبطبها فوق ايد الحسين كيطمنو بالي مزيان مزيان …حتى تسمع صوت الاذان ديال الفجر ..الله اكبر الله اكبر…
زين الدين”شاف جيهة شرجم الي شبيك ديالو بلدي قدييم كيسمع لاذان مغمض عينيه وكيتمتم بين شفايفو” : الله اكبر الله اكبر…
الحسين : نعطيك الما ؟
زين الدين”ناض وقف هز تيشرت ديالو تستر بيه ” : نمشي نتوضى تسناني نصليو جماعة ؟
الحسين : ايييه واخا انا هبطت لتحت عند الحاجة بينما وصلتي علينا…
هبط الحسين لتحت وهو مشا لماريو هز فوطة كبيرة ووحدة صغيرة وخرج لدوش الي حدا البيت ودخل دوش من العرق الي تكب عليه بزربة وتوضى وخرج كينشف لبس ملابس الداخلية وبيل سماطي وشورط عاد رما عليه فوقية..نشف شعرو وخلاه مخربق ممشطو مقرب ليه ونزل لقا الحسين هو والحاجة تقدم الحسين وراه زين الدين عاد ورا زين الحاجة واقام الحسين الصلاة بخشوووع تاااام ماحدو كيقرا ويجود ماحد زين الدين كينزلو عليه فحال شي بلسم فحال شي واحد كيتحرق وكيخويو عليه الما …فحال شي حد كيعاني من الم شديييييد وبدات تنزل عليه السكينة …حتى كملو …
الحاجة : ترجع تنعس اولدي ؟
زين الدين”باس راسها” : لا ميمتي محتاج نقرا شوي من كتاب الله..
الحاجة : احسن مادير يلاه انا شوي وندير ليك قهيوتك وفطورك…
زين الدين : رتاحي بلاتي وكان وجديهم …
الحاجة : عارفني هادي هي فيقتي من الفجر وانا حالا عيني …ماعليش اولدي راني جيت نشوفك ونشوف حالك وكيف بقيتي …من داكشي الي وقع ليك ميهناش لينا البال نخليوك وحدك ونتا حيتي تبقى وحدك فوقيتة ماهياش ….
زين الدين : مولف …
الحاجة : على صحتك مافيها ولف الصحة غدارة …جينا عندك باش ترجع لشغالك ورزقك …
زين الدين”حرك راسو” : يكون خير شحال ما جلست مرجوعي ولابد منو …
تنهدات مالقات ماتقول سوى انها حطات ايدها على صدرو طبطبات عليه ومشات مخلياه جلس مربع وشد المصحف بين ايديه وبدا يقرا فالذكر الحكيم يتنفس من داك الحلم او الكابوس ….بقا هكاك تا شرقات الشمس وريحة القهوة بدات تفوح فالمكان ..قرا ما تيسر وسد المصحف وناض مشا طلع لبيت الفوق جبد الگليكوميتخ وريشة من ريشات ضرب صبعو بشوكة صغيرة خرج قطيرات الد.م الي بقا شحاااال ساهي فيه ورجع تاني كيتفكر داك الحلم كيفاش كانت كتبكي وكيفاش كان كينزف هو ..واحد اللحضة ديال زمن توقفات عندو قبل ميفيقو صوت الهاتف ديالو… رجع عبر السكر ومشا قيد العبار كيف العادة جمع داكشي ومشا شرب الفنيد عاد نزل لقا الحاجة كتحط فالفطور الشهي …طاجين خااص ليه بالبيض والخليع وصلاد ديال مطيشة والخيار والبصلة طرونش بالملحة وقطيرات زيت زيتون ..وقهوة كحلة ففنجان من الفناجين الانتيكة الي تما غير رغوة فيها كتشهي ….صبح عليهم وجلسو يفطرو جميع ….
زين الدين”كيدوز فالخط فتيليفونو وكيهضر فنفس الوقت مع الحاجة” : عطاك ربي الصحة اميمتي..”باس ايدها وتطلق الخط جاوب مكمش حجبانو بقلق ” ياك لباس ؟
وليد : والو باس “شاف فساعة كانت سبعة صباح” بحرا ساليت لقيتك مصوني ليا مع الثلاثة مشفتوش والله كنت هابط لتحت تا قادينا دوك سلوكة الي فلاكاف يومين وانا فيهم وريزو البرد اخويا مكاينش ..
زين الدين : مابقا والو مهم ؟
وليد : وهادشي غايبقا ديما المراقبة معمرها تحبس ..غا هو الاساس ركبناه كلشي ناضي كامل ..
زين الدين : سير رتاح ليك سيمانة براكة عليك متقويش على راسك…
وليد : امتا جاي ؟ باش نهضرو فتوجاد الافتتاح …
زين الدين : غذا …”الحاجة شافت فالحاج وتبسمو بفرحة” داكشي مديرش بالك معاه خرج دابا وسير رتاح بلا متكتر عليا الهضرة راك بنادم دم ولحم…وعلم معاك مراد و نور الدين ..ليكيپ الاساسي كامل يحبس من اليوم راحة حتى le 15 ورجعو …
وليد : شكون غايوقف على الماترييل الي بقا الي غايوصل ؟
زين الدين”زفر بتعب” : وليد كاين ليكيپ الاساسي ديالكم وكاين الي كيرومپلاسيكم …سمع لهضرتي بلا كثرة الهضرة وبلا بلا
وليد”غير نبرة صوته خلعاته” : واخا واخا صافي ههه الله يحفضك انا غانعلمهم فالغيونيون (اجتماع ) ونعلم الي غايجيو يرومبلاصيونا ونتيسرو …
زين الدين : الي يسلكك…”قطع معاه ورجع كيفطر وشاد تيليفون فايدو رجع كيقىا تقارير الي كيوصلوه اي حاجة متعلقة بالمشروع رجع يشوقها لانه باقي ليه شهر على موعد الافتتاح على حسب ما قال هو وصرح بيه …
الحسين”بفرحة” : هي راجعين غذا نيت ؟!
الحاجة : واش جرا علينا ولا غا بان ليا…
زين الدين : شتي ميمتي شحال منسواش ؟
الحاجة : هههههه اوليدي غير من الي حنيتي هذاك هو رباح ..الله يرضي عليك…
زين الدين : غذا يجي واحد سيد نهضر معاه ونتيسرو …
حط الفنجان قدامو وتوقف للحضة كيقرا فالتيليفون حتى عقد حجبانو كيشوف ويقرا ويعاود ويشوف فتصاور ديال واحد الكاتالوغ …هز عينيه فالحسين …
زين الدين : bijouterie lwahrani ?
الحسين”هز فيه عينيه وعاود حدر راسو مربع ايديه ” : هي هاديك ..
زين الدين”شاف فيه بواحد النضرة ديال ياا رااجل” : كنتهجى انا ابا ؟؟!
الحسين : هههه لا ولدي زعما الفاهم يفهم هي هاديك …
زين الدين : فين هادشي !!
الحسين : القيصارية الي حدانا شرا الحوانت الي فيها بسوارتهم …
زين الدين”رفع واحد الحاجب بتساءل” : ل بالي بماليهم وناس كترزق فيهم ؟
الحسين : علمهم يخويو ….مساكن النص فيهم جلس مالقا الي يكري ليه المحلات بثمن الي كانو كيخلصوه حيث راك عارف اولدي المحلات قدااام من ثمانينات وهما تما والكرا تزاد تال تسعينات وهكاك بقا ثمن رسمي باش كيخلصوه …الي قدر يحل واحد اخور را حلو والي كرا حانوت اخور را حسب شهر جاي يبدا يخوي مايقدروش على الكرا كلشي غالي وخصوصا فهاديك البلاصة …مالين الحوانت كسبو كليان من سنييييين وهما كيعرفوهم تم صعييب يولفو عليهم خاصهم شحال وشحال ..
زين الدين : شلا عوام وعوام ابا شلاااا باش يجمعو ناس …
الحاجة : ايه واش دارو لاخرين ؟
الحسين”تنهد” : اش دارو راك عارفة نص فيهم صحابي كباار والي ورتوهم ولادهم والي يلاه مسكين بدا يدور الحركة تا خواهم المحلات …
زين الدين”بدا كيتعصب حيث بقاو فيه دوك مالين الحوانت كاين الي عايش غير بدوك المحلات والى خطاوهم مغايلقاوش مزال حوانت بنفس ثمن الكرا الي كانو كيخلصو ارخص واحد ميقدروش على كراه عام كاع الى كثرو ويسدو” : عينو يتنافس ؟!
الحسين : بدا يصلح فيهم باش يعمرهم بالذهب باغي يدير سميت الوهراني فحال البغدادي …
زين الدين : سمية سيادو ؟! “ضرب فوق طابلة بشوي” على شنو كيقلب هذا ؟؟؟ باش معمرهم بفلوس الحرااااام الفساد شفرة بااااش ؟
الحاجة : تهدن اولدي الله يرضي عليك
زين الدين”ضار مخنزر جيهتها” : بان ليك فين نتهدن اميمتي ؟! باش دار هاد العجب باااش ؟!
الحسين : هادشي كاملين عارفينو اولدي وليني …
زين الدين”خرج عينيه” : كيتسنى نقتل عدو ربو ؟ “غمض عينيه عاض لسانو” اعوذ بالله من الشيطان الرجيم…”زفر ورجع شاف فالحسين ” المحل الي عندنا تما الي شاد ناوي يبيعو ولا يدير ليا مسمار جحا تما ؟!!
الحسين : هههههه كتسناه يبيعو ويخرج ليك من تما ؟!
زين الدين : لا وااالو واش يبقى ليا تما …”شير بصبعو” هضر معاه يتق”حبس الهضرة” يخرج من تما بشحال مابغا نخلصوه …مايبقاش لدينمي كي جدام تما …نفكو الحريرة ديالو من بعد نعلمك شنو دير لهذاك المحل ديالو…”رسم خط فوق الطابلة بصبعو” من هنا نتا تبقا شاد المحلات ومااااتقولش ليا لا ابا وياك نعاود نسمعها …نهار لول كون قبلتي مكناش نوصلو لهادشي …
الحسين. : اولدي انا نشدهم وليني شحال جهدي نقابل كلشي ؟!
زين الدين : كاين الي يكون معاك …
الحسين : شكون ؟!
زين الدين”حط تيليفون وتقاد فالجلسة” : شحاال هادي نهار جينا لهنا فطريقنا سلمت على واحد السيد ..
الحسين”كيحك فلحيتو بتذكر” : الى عقلت اسميتو محماد ولد الراجل الي كان مع باك الحاج فالمحل القديم لول هنا …
زين الدين.: يرحم من رباااك هو هذاك …
الحسين : كاسب الصنعة هو ياك ؟!
زين الدين : الدقة القديييييمة
الحسين : حرة اصلية…ايه ياك خدام هنا !
زين الدين : هنا اش موكلو ؟! خدام متعلم عند ذهايبي قد ولدو ؟ ماشي عيب ابا ؟
الحسين : وصراحة وليني مسكين مالقا جهد …
زين الدين : باه خيرو سابق ابا خيرو كثيييير مع الوليد وهو معايا …شكون هذا الي يبقا ديما يقابل رياض ويشوفو ؟! الي منا وفينا تكلنا عليه نواها فينا خايبة ..جربت سنيييين هادي نرجعو لطريق فشرد عمتي مابغاش …”كيشير لراسو وهنا بكلامو كيقصد الغالي” ولد 18 عام كيرجع راجل يولدو ويفوتو لهيه من زناقي وما گرش فيه ؟! “هز ايديه” را لا اله الا الله ابا هذا الله هنا حدها…لا عينو فيا عينو فخلا عشتو …
الحسين : دابا هاد سيد معندوش مشكيل يجي لدار البيضا ! عندو شي وليدات ؟!
زين الدين : الكبير فيهم عندو الباك فشردو وشرد الوليدات وفرت ليه ضروف مزيانة يعاونك فالمحلات يقابلهم ليه مكتب ديالو ويعلم المعلمية تما ويقابل وصالير مخير والي خصاتو توصل ليه عطيت كرا عامين لدار قريبة تما يسكن فيها تايوقف على رجليه ويكمل هو …هنا عايش فتمارة ودار بالكرا مافيها ميتشاف …
الحاجة”خرجات من كوزينة” : وهادشي كان شحاال هادي خاصو يكون …كون درتي الخير فالبراني ماتلقا هاد العجب الي خرج ليك …
زين الدين : بتعليمة بتعليمة…فاش كتعطي القيمة الي معندو قيمة …كنا صغار ومعارفينش…
الحسين : يدير الله خير…
زين الدين”سكت تا سكت” : بغا يدير محلات الوهراني !! اش جاب الخيل لحمير !!!
الحسين : واحد همة وشان وواحد ..(على البغدادي)
زين الدين : واحد كبرنا ليه شان (على الغالي)
الحسين : واحد بناها بعرق كتافو ودراعو …وواحد بناها بعرق كتاف غيرو …لا حول ولا قوة الا بالله …
خرج من الدوش غاسل وجهو وحالتو ومشا نيشان لبيت كيقلب على حوايج مايلبس باش يخرجو يفطرو عاد يتيسرو لشغالهم …لقا فوزي يلاه فايق كيحك فعينيه ومشا لناموسية ديالو كيقلب على مايلبس والو مشا لماريو كيقلب خواه وشي فوق شي ودنيا مرونة وهما مولفين النضافة ثم النضافة كل نهار بلبسة …الله يجعلهم يلبسو شورط وتيشرت مهم ميلبسوش ديال بارح مع تمارة الي خدامين فيها نيت دغيا كيتعرقو ويتوسخو …شاف تا عيا وجلس داير ايدو على فمو ..
عصام : فين درتي الحوايج الموسخين نتا !؟
فوزي”واقف كيتفوه ويحك فكرشو وسروالو رجل مهزوزة لزداكاداك وثانية محدورة” : الله ماعرفت الوسخ حطيتو فالسلة .
عصام : الله يمسخك الكلب ..حطيتيهم فالسلة ؟!
فوزي : ودابا اش درت انا …
عصام : سير تلاح حيد الزمر من تما دابا نجمعهم نصبنهم فالمكينة …
فوزي : كتعرف ليها ؟!
عصام : راني قاري اشريف كيتك نتا فين واصل ؟!
فوزي : الله ماعقلت واش سيزيام ولا سادس فين حبست ..
عصام”بقا كيشوووف فيه كيهضر مبوق وثايق فراسو من لفوق هههه ..عقد حجبانو ” : سير غسل حالتك سير نعل بو مك فهاد صباح …”مشا فوزي ووقف كيقلب على مايلبس بزز باش لقا واحد تيشرت بيض وسروال سورفيت كحل غ برضاة الله والواليدين وشي دعوة زينة لقات عليه … خطفهم بزربة لا يتوضرو ليه ههههه ومشا كيزرب بدل عليه وجمع كاااع داك زمر كلكمو ومشا لاحو فواحد سلة كبيرة دايراها فرح ليهم يجمعو ليها الوسخ ديالهم تاتهزو وطلع لسطح فداك البيت صغير فين كتصبنهم …هبط لتحت تا وجد ليهم واحد دكة اتاي ومع فوزي كيف غسل بدل عليه مشا خرج يجيب الخبز وزبدة حيث تقادات عاد دخل حطهم فوق طابلة وبداو يفطرو …
عصام : هز هادشي غسلو انا نمشي نخوي ليا كاس قهوة ونكمي راسي بغا يتفرع عليا …
فوزي : تا انا كل نهار نغسل ؟”شاف فعصام الي كان كيشوف فيه وحدر راسو معاودهاش معاه هههه ” ونمشي ؟ راني تعطلت اخويا …
عصام : غا سير قود انا غادي نبقى ندير دوك الحوايج يتصبنو تانكمل الخرا كامل “حاقد”
فوزي : واش كتعرف لماكينة ولا لا !؟
عصام : غادي نهضر مع فرح توريني كيفاش
فوزي : وعنداك را غاتخرج لينا على الحوايج كاين شي لعيبات من زارا غا كادو الى مشاو ليا نطيح بالعضام “جاتو البكية”
عصام”تعصب ومكاميش وحاقد مجموع عليه كلشي” : واش غاتقود ولا نقودها مع جد مك ؟!
فوزي”قالها بين راسو” : ياااربي سلااامةة”مشا هاز صينية وكيدعي بجميع الادعية ميوقع والو لحوايج “
عصام”حس بيه وهضر بصوت عالي ” : الى بقاو فيك اجي شمر على دراعك وصبنهم بايديك ولا شتف على الحزاق وهني ليا كري من نگير العيالات ولا نجي نشتف لمك على قلاويك ..
فوزي : اححم “جهد صوته” تا لا غا تيسر الى خصاتك شي حاجة عيط ليا …”كمل فوزي غسيل الماعن وقادهم هو من ناحية الغسيل ديال ماعن وتسياق يحنتو ليك عشرة حيث مولفينو فالمحل فاش كيساليو ضرووري يضربوها ليك بحكة لحانوت يولي نقا من حياتك …كيشمرو على سروالهم ومكاين غا حك وكرط …خرج فوزي وخلا عصام طلع لفوق كما حتى رجع ليه راسو بلاصتو عاد عيط لفرح فيديو “
فرح : حابيبي هاني …
عصام : يلاه طلقيني اشمن بوطونة ؟!
فرح : هانتا الى بغيتي “بقات تشرح ليه اش يدير ” اه ومتنساش عزل الحوايج …
عصام : يلاه سيري سيري فحالك”قطع عليها معصب مفقوص مشا هز الحوايج عمرها تا كانت غاتقيا ليه المكينة كان باغي يجمع كلشي باش يسالي ويمشي فحالو هههه تلفات ليه جرية ونسا اش قالت ليه بالضبط وبقا يخربق تما تا سمعها تحركات عاد نزل بقا يتسنى شي نص ساعة هكاك وطلع لقاها باقا كدور “
عصام : اش هاد الملاوي ؟ واش هاد الحبس غاتبقا ليا هنا ؟ “زفر بغضب ونزل مالقا ميدير مشا هز لوازمه وخرج مشا نيشان لمحل يطل تما بينما يوصل الوقت عيط لفرح تاني سولها عاد شرحات ليه علاش يبرك ورسلات ليه …بقا تا حس بيها غاتكمل وهو يرجع ادراجهو وطلع نيشان لقاها حبسات حل الباب وجاب السلة حطهم فيها وعاود دار لاخرين وخربق تاني ومشا ينشر هادوك شي نشير غير كور ونشر ولصق بالمقبط تا كمل صف ونزل تاني بقا يتفرج تا حس بيها كملات وعاود طلع كملهم كلهم …
عصام : يالعياذو بالله …”نزل كيزرب خرج من الدار ومشا لمحل داز الغذا وداز العصر ووصل العشا بداو يسدو سد الحانوت ومشا لدار عند الباب وهي تصوني ليه فرح ” اش بغيتي ؟
فرح : مالك هههه امضرا كملتي الحوايج ؟!
عصام : بقيت فيك ؟ كملتهم غايكون فوزي نزلهم علمتو يسبق يهبطهم بان ليا شلا عجاج …
فرح : ياك عزلتيهم را نسيت مقلتش ليك عزل لوان دير الكحلين وحدهم مع زرقين غامق وبيضين وحدهم ولوان العادية وحدهم مي قلت راك عارف حيث ديما كنقوليك عزلهم…
عصام”خرج عينيه” : اش نعزل ااااش ؟ اش گلتي ليا اش ينعل بو دينمك فهاد النهار اش قلتي را خلطت الملاوي كامل…
فرح”طرشات حنكها” : اااااااااااااويلي ااااويلي …
عصام : بلاتي نشوف را فوزي نزلهم”دخل البيت لقاه سخفان فوق الحوايج وفايدو واحد تيشرت من زارا كيهتهت ومرة مرة ينوض يشوفو ويرجع يسخف وواحد رجل كتحرك غا وحدها ” فرح ..
فرح : انا لله اودا حماد ياك”بغاات تبكي”
عصام : والله يا بنت الكلبة وماترجعي لداركم تنقسم جد بوك على ربعة”غوت تا بح صوته وطارت من بلاصتها” الحبس لا باقي طولتي فشي قنت..
فالصباح… جالسة معاهم قدام الطابلة ديال الفطور فالدار فايقين بكريي كيف العادة كيفطرو…
المحجوب : هضر معايا داك سيد الى كنتي مزال باغيا تخدمي ..
فرح : ايه شنو قاليك ؟!
المحجوب : سيمانة الماجية نجي تما لعندكم ونديك معايا على ماعلمني گاليك صابي سيفيات ديالك وشي وراق معرت شداكشي دوموند …
فرح : سطاج ولا خدمة ؟؛
المحجوب : لا ديري فيه سطاج هيلي من بعد ثلث شهور الى غاتكملي يسنيو معاك كونطرا ستة شهور من تم يشوفو اش يديرو معاك فاش تكمل. ..
فرح : صافي واخا…فين كاين بعدا ؟!
المحجوب : نهار نجي نمشيو ديك ساعات انا معرفت شاي ابنتي فين كاين …غاتخدمي عندهم فلابوراطوار ديالهم …
فرح : شكون مولاه واش صاحبك نيت ؟!
المحجوب : لا صاحبي غير دخل ليك مولاه على ما قاليا اسميتو الحاج التاقي هو مولاه …
فرح : مزيان صافي ابا جدي”باست ايدو” لهلا يخطيك عليا…مهم انا بغيت نرجع الى قلتي ليهم يعطيوني ديك لاتيسطاسيون نديها معايا …
المحجوب : صافي سخيتي بيا بنتي ؟!
فرح : لا والله ماسخيت ولكن خاصني نرجع راهم خربقو دنيا تما حوايجهم تجخلطو ورونوها تما …
نعيمة : ههههه بلاصتك بقات قداش …وعلاه مايتزوج عصام ولا فوزي ؟! بغيتي تبقاي ليهم تما مغاديريش دارك ؟!
فرح “جمعات ضحكة” : لا صافي مابقيت بغيت زواج”قالتها بواحد طريقة ديال وحدة حقداات وتشمتات بطريقة فيها حتى الحزن…” الى غايتزوجو ميتسالوني غير نوقف معاهم ونفرح ليهم ضروري غايديرو دارهم ميتسناونيش انا…
…نفس الصوت نفس الوجه نفس الشيء كيشوف ونفس الحلم هادي يومين وهو كيشوفو من داك النهار …كثرة تفكير فاتت الحد …فات تانيب الضمير وفات التفكير…حتى حل عينيه تاني كيشوف فالسقف كيستوعب واش فايق ولا تاني غايشوف نفس داكشي ؟!! ناض بكل ثباث ضار جيهة الطابل دونوي شعل تيليفون شاف ساعة …باقي للفجر خمس دقائق ..هاد المرة فاق بنفسية مدمرة بجهد حيث هاد المرة شافها وهي الي حطات ايدها فوق صدرو جيهة قلبه تا بدا ينزف ثاني زوج الاحلام فيومين قدرو انهم يخليوه مدمر وخاطرو مرييييض بجهد …كان باين عليه التعب النفسي وزاد كمل …كان البرررررد شتا كتصب مشا لبيت تاني يقرا القران تا صبح الحال وفطرو تاني لكن هاد المرة غير غادي يتغذاو ويمشيو لكازا …تغذاو وجمعات الحاجة الدار الي اصلا كانت مجموعة غير بيتو را تكلف بيه هو وجمع حوايجو خذا غير لوازم ضرورية من بعد ما جا محماد تافق معاه سد الدار وركبو فسيارته ديمارا نيشان شد طريق كازا …غادي سايق وبالو بعييييييد كيخمم داير طاقية صوفية كحلة على راسو تا وصلات لعينيه الي كيبان فيهم العيا وتورم بالتعب النفسي…ضار الحسين كيشوف فيه وهو يكسر حاجز الصمت باش ميسهاش وهو سايق ..
الحسين”تنهد” : نفس الحلمة تاني ؟!
زين الدين”حرك راسو بدون مينطق”
الحسين : وخاطرك هاد النهار ؟
زين الدين : هو هو …الخاطر شق وتشقق (زعمة هرس وتهرس) “هز واحد التنهيدة تاتهز صدرو وتطلق وصل لهيبها سخوووووون”
الحسين : الله اولدي الله “ضار شاف الحاجة اللي كانت كتسمع وتحسر عليه “
الحاجة : شوف كي ولات حالتك علاش مكتاكل كي ناس ؟؛
زين الدين”شد ايدها باسها” : تسنيتك تفهمي راسك وتجي تفششيني “هز فيها عينيه من المرايا “
الحاجة”ضرباتو لكتفو بمزاح” : الله يمسخك هههه ..شافت فالحسين و بزوج رجعو كيشوفو فيه تاني ورجع كيخمم تاني ويسهى ؟ شافت فراجلها الي طمنها بعينيه ورجعات شافت فيه ” واا كبيدتي واش انا جيت ولبارح مع الفجر ضاربة طرقان تال عندك نشوفك وتخليني وتسهى !؟ فاش كتخمم امم ؟
زين الدين”شاف فيها من المرايا ” : فييك اميمتي… ديري معايا حل ؟
الحاجة : هههههه طنز اولدي تا في همك الله يعطيك النو هه
الحسين : تالين كنتي غاتبقى كون ما جينا ؟! مشروعك ممشيتيش تشوفو ؟! محلاتك ؟ كانو غادي يبقاو دوك دراري خيطي بيطي عندك را شلا طريق رحمهم شوي الله يرضي عليك …تالين هادشي ؟ الي عليك درتيه …
الحاجة : كون معندك ضمير اولدي ميعذبك …
الحسين : هذا فات عذاب الضمير لهيه الحاجة هاد الحالة ما ديال عذاب الضمير…
زين الدين”سااكت وكيسمع”
الحاجة : مزيان عطيتي وقت تهدن الامور وتبرد الوقت …وليني اولدي را خاصك ترجع لدارك محلاتك …
الحسين .”كيشوف فزين الدين تا حط عليه ايدو كيطبطب عليه باش يشوف فيه ” : بالك اولدي خويه وريح خاطرك …علاش معمرو لهاد درجة ؟ راك مريض اولدي صحتك ماشي لعب..
زين الدين”شاف فيه” : والو واش يخوا ابا والو جربت وعاودت هذا الي فبالي صعيييب يتحيد. …
الحسين : اولدي ريح راسك يهديك الله الي عليك درتيه حديتيها من لول قبل ميوقع الفاس فراس ودخلو فالمعقول ….
زين الدين”كمش حجبانو ” : لااااا ..خلي عذاب الضمير فجيه هذاك وحدوووو ف كفة …”شد ايد الحسين وحطها على ناضرو الي غير ذكر سيرتها حس بعرق فيه كيضرب ” وهذا الي فبالي ف كفة وحدهااااا “قالها وعينيه مغمضيييييييين تا عض شنايفو ورجع نطق كتحس بيه متنغم فاش قالها ” …اجي حيدها ليا هي من بالي دابا …”ضرب ناضرو بجهد” هنا حطات عشها وسكنات ..ذوق هضرتي واللبيب بالاشارة يفهم “غمزو” …
اش بقا مايتقال بعد الذي قييل ؟! ليس هناك سوى لحظات صمت هاد المرة سيطرات عليهم فالطريق من بعد ماقال داك الكلام الي حس بيه الحسين نابع من زين الدين بصدق قالو وهو خارج من قلبه …يعني هذا الشيء فات عذاب الضمير يعني انها سيطرات على تفكيرو …وهادي ماهي الا بداية لشيء ما …شنو هو ؟! هو والله بوحدو الي عالمين او ممكن يكون معالمش زين الدين بنفسو شنو تفسير لهاد كثرة التفكير بيها حتى ولا يحلم بيها زوج مرات على التوالي …داكشي علاش غايخليها للايام تثبت ليه شنو هو …وعلى الله فليتوكل المتوكلون…
مسافة الطريق نيييت حتى كانو داخلين للمجال الحضري لمدينة الدار البيضاء كان الليل سياقة بدون توقف وبسرعة خلاتهم يوصلو مع العشاء خمسة سوايع وهما شادين الطريق…وصل الحسين والحاجة ام هاني لدارهم على موعد اللقاء الغذ ليه مع الحسين …عاد شد الوجهة نيشان لفيلا الصغيرة ديالو ف عين الدياب…مع الدخلة لقا العساس ديال درب واقف مع واحد الكلب مالينوا ديال الحراسة تما …
العساس : خويا زين الدين على سلامتك …غيبة طويلة ..
زين الدين”قاد طاقية الي على راسو وبين صباعو سيجارة شاعلة..” : الله يسلمك …كلشي مزيان هنا ؟!
العساس : كلشي هو هذاك ..الحاج الغالي كان البارح هنا الى فعلمك اخويا..
زين الدين”ساط دخان كيشوف جيهة دارو كيحرك راسو بمعنى ااه” : فعلمي فعلمي …”بقا كيحك فلحيتو ويشوف فنقطة بعييييدة…حتى ضار ورك على مجر جبد منو واحد ضرف صفر صغير فيه مبلغ مالي ومدو لعساس”
العساس : مزال وقت خلاص شهر ادكتور..(كيخلصو ساكنة الدرب شهر العساس دايرين ليه شهرية كل شهر كيحطو قدر مالي ويعطيوه ليه)
زين الدين”غمز بجنب” : فلوس العيد ابا علي..”حيث قرب العيد الكبير ..”
العساس : الله يرحم بيها الواليدين ادكتور ويكثر خيرك والله يعوضك…”شير ليه بصباعو وزاد دخل الفيلا دخل الطوموبيل لبلاصتها ونزل كيشوف فالانحاء كان واحد جردينيي كيقاد فجردة … دحل لداخل كيسمع فالهضرة ديال توبا مع بنتها فالتيليفون …
توبا : وجي متعطليش اويلي كاع هذا تعطال دابا يجي زين الدين ولا يدخل باك يسول على غفلة ؟!
ضحى : بابا كاااع مغايسولك عليا هههه زين الدين ماشي شغلو فيا عندي واليدين …
توبا”شافت فيه واقف مربع ايديه ومبند تما كيسماااع وهي تفافا تا خرجات عينيها ولات تصرط” : هاهو جا نيت هههه
ضحى”بالخلعة” : انا جايا دابا…
توبا”قطعات معاها وهي تمشي نيشان لعندو مادا ايديها تعنقو” : الله يا وليدي الله ونورتيني …
زين الدين”تحنى مدور ايديه عليها معنقها” : كااع…هي كانت مضلمة عليك
توبا”باقي معنقاه وكطبطب ليه على ضهرو” : ريحة الغاليين (كتقولها عليه بزاف فحال اللقب)…ديما منور عليا راك ولدي قبل متكون ولد خويا …كيف بقيتي شوية ؟!
زين الدين”باس جبهتها” : اللهم لك الحمد…”مشاو جلسو غير تما..”
توبا : تعشيتي ولا مزال ؟!
زين الدين : مزال اميمتي…”شاف ساعتو”علميهم من هنا يوجد دغيا (حيث ضروري خاصو ياكل على قبل دوا) ورتاحي نهضر معاك…
توبا”علمات البنت يوجدو ليه عشا خفيف ورجعات جلسات حداه” : خبار الخير !!
زين الدين”داير ايدو على حنكو” : شنو ناوية مع راجلك “وقفها بايدو” عطيني لكلمة لاخرة …ناويا ترجعي ليه “ضرب بصبعو فوق طويبلة تما” وقت الي بغيتي تجي هنا دارك …لا كان هو ميعتبهاش عندي …انا معاك فالي بغيتي…”حط ايدو على صدرو” مناوي غير الخير …لا جيتي عليا عيشتك معاه ممسلكاش وهو الي فراسو فراسو…
توبا”ضحكات باستهزاء” : ههههه هو العشرة الي بيناتنا مدارش بيها جا تا شاب ورجل فالدنيا ورجل فلاخرة عاد بان ليه زواج بغا الولاد هههه…كون ما تدخلتي نتا وضد فيه كان غايتزوج بهاديك البنت فرح…
زين الدين”دور وجهو لهيه غمض عينيه” : العمة نساي عليا دوك الناس..تگدمو بفعايل راجلك ..نسايهم عليك…
توبا”كتلعب بواحد الخيوط ديال مخدة مركزة فيهم وكتهضر” : اودي صعييب نسا صعيب راني كنبقى امراة ولدي ..منساش واحد الوقت بغاها ضرة عليا …
زين الدين”خبط فوق الطابلة تا قفزت” : ساااااليييييينا سالينا راني هضرت جوج كلمات نساي عليا الناس موصلونا بتاحاجة…الي وقع وقع جبتها لراسي والي عطا الله عطاه ..دعي الله يسمح لينا من جيهتهم …”خنزر فيها بجدية” مباقيش يعتب هنا ماااباقيش يعتب هنا الى بغا يشوف بنتو تمشي عندو ..بغات تعيش معاه مكاينش الي يشدها تما دارهم وهنا دارهم …مبقا بينك وبينو رزق هادي دارك معايا حدايا تايدي ربي واحد فينا”قالها وعينيه الخضرين خارجين يخلعو” علميه بهادشي اخر مجية ليه كانت البارح …
توبا : واخا ولدي غير تهدن ميكون غير خاطرك …
زين الدين”حيد طاقية على شعرو وخربقو بايديه بتنفس بقا شحال عاد نطق وهو كيشوف فيها بتركيز وتحذير كيشير بصبعو” : ولاد الاصل وبنت الاصل نسايهم عليك “على فروحة وخوتها” سالينا معاهم خليهم عليك فالتيقار كل شد طريقو …ماتجبديهم لا فهضرة لا فمجمع …
توبا”شافت فيه بنضرة من نيتك” : وعارفني نديرها اولدي ..
زين الدين”وقف وتم غادي” : انا علمتك وكااان …
وصلها نيشان لعند طاكسيات وتسنى حتى زاد بيها طاكسي وهو يقلب الدورة وفايدو تيليفون كيدوز لخط لشي وحدة تجي دوز عندو الليلة حيث الى ما قداش يتفرگع تما هههه …اما هي مسافة الطريق حتى كانت قدام الفيلا خلصاتو ودخلات كتزرب وتقيس فحناكهاا لا يحصلها زين الدين منهم دخلات تجري لقات مها جالسة كتفرج وتسنى فيها اما مراد مكاينش سافر يفوج شوية ويرتاح من تعب المرهق ديال الخدمة …
توبا”بعصبية وكتهضر بالحس” : فين تعطلتي تال دابا ؟!!!
ضحى : تا فين اماما را مزال الحال اويلي يلاه الحداش ؟!
توبا”خرجات عينيها وضربات حناكها” : اويلي كنتي ناوية ماتجي تايصبح الحال ولا ؟
ضحى : وماما را كازا هادي كلشي فايق…
توبا : ياك قلت ليك غير تخرجي جي ؟!
ضحى : ماماااا را مكنسالي حتى ل تسعود ونص..
توبا : ماشي ديما ماشي ديما …ياكما باغا تولفيها ليا هادي كل نهار ماتجي تا اش من وقت بمسبة را كتقراي بالليل ؟!!
ضحى : واش انا فالحبس اماما !! اويلي باقي شي بنت فهاد الزمان هذا كتسوق لوقت ؟! دنيا عمرااات اماما مبقاتش كتسد كلشي ولا خارج صباح ليل عشية …واااه اماما بزاااف على ضغط…
توبا”مشات كتزرب ليها حطات ايدها على فمها باش تسكت” : ششش ابنت لهم سكتي داابا يكون جايا ويسمعك …جاب الله طلع نعس بكري وقلت ليه را عندك قراية بالليل…
ضحى”حيدات ليها ايدها” : باش من حق يتحكم فيا هو !!!
توبا”غززات سنانها” : سكتي سكتيييييي بغيتي خلا عشتك ياك ؟!الى مابغيتيش يتحكم فيك سيري عند بوك سكني معاه وتحملي مسؤليتك …
ضحى”خبطات رجليها بغيض” : كوني هانيا دابا نهنيك مني …يخ”طلعات تزرب لبيتها لفوق مخليا توبا دايرة ايديها فوق راسها وخايفة لا يفيق لاخور وماهي فخير معاه “
شروق شمس يوم جدييييد بطبيعة الحال بعد ايام قبل دازت ممطرة هاهي اليوم كتشرق في مدينة الجديدة…من بعد ما خرجو ل محلاتهم يترزقو الله قبل عصام مشا نيشان لعند المحامي باش يعرف مستجدات قضية صطوف …الي بعد اسبوع غاتكون المحكمة فالقضية ديالو فشرد اعز صحابو كيحاول جااهد باش يخرجو باقل الاضرار …كمل وداز لمحل ديالو باشر الخدمة غير وحدو حيث معاد عندو امتحانات ف لافاك هاد الايام هذاكشي علاش غايبقى فالحانوت نهار كامل ويتغذا فيه وبالفعل داكشي الي كاين حتى اذن العشا سد الحانوت وهز معاه واحد الكيلو ديال الكفتة دارها فميكة ومشا تقدا الخضرة من تما الي غايخص وراجع طالع ليه دم حيث خاص تاني يقاد العشا ويجمع الدار وهو عيااان باغي يموت بالعيا …جاي ويخمم حتى وصل لدار تلاقا بفوزي داخل هو وسيمو جايبين من عند نجية الحريرة مخليا ليهم حقهم …حتى دخلو …بداو يشمشمو ريحة طاجين فوق الفاخر وريحة تسياق باينة عاد مسيقة…
فوزي : المخنتر بوك سيق دار ؟!
عصام”طالع ليه الخز من العيا وتدهشر” : اش غايجي يقلون هنا…دخل الحبس تانتا…
سيمو : تا المخنتر يسيق ليك دويرة ؟! هههههههههه سخيفة تاب خههههههههه
تخطاهم عصام ودخل كيشمشم وفوزي تاهو وسيمو هاز كسرونتو تاهو يشمشم تا حلو الباب مع دخلو ريحة النقا وسانيكروا …ودنيا مجموعة وكلشي فبلاصتو…الحيوط نقييين دخلو البيت لقاوه مسيوس ومجموع مزياااان وممسوحة البلازما من الغبرة …دخل فوزي وسيمو وعصام لكوزينة لقاوها تشعلللللل كلشي فبلاصتو فوق لافابو يصفرر الماعن فبلايصهم …مشا عصام لبيت يقلب حيث حس بيها بالي هي الي جات وفوزي كيقول را فاطنة الي جمعات دنيا مع مقالتش ليهم را غاتجي عند بالهم مزال اقل من شهر وترجع بينما كملت سطاج …
عصام”لقا البيت مجموووع كامل ومستفة الحوايج فالماريو…هنا تاكد بالي هي حيث تاحد مكيوصل حوايجهم فالجيران وهي وحدها الي كتقرب لحوايجو الخاصين وتطويهم ..ماحسش براسو تا تبسم ” : فرح …”خرج كيزرب طل على خوه وسيمو لقاهم جالسين يلاه غايقولها ليهم تا سمعو صوت رجلين هابطين تا دخلات عليهم دايرة زيف حياتي وحناكها كي طبل هعههه ودايرة طابيلة شقا هازا شبكة صابون وتلهت تا وقفات عليهم.”
فرح : فففف سخفت “ضارت لقاتهم واقفين بثلاثة مستفين كيشوفو فيها عصام مبسم وفوزي كيرمش وسيمو كيحك فعينيه يتاكد” امالكم !!!
عصام : الله
فوزي : اااااااحححخ الله شكون جا…”جاتو البكية” وراني يتيييييييم اخويتي يتيييييييم”
سيمو : اللحيمة فدجين هادي ولا غيست اخوتي …
عصام”سرح ايديه كيشير ليها باش تجي عندو” : اجي ابنت الهم اااجي…نعل بو مك …
فرح”جابو ليها ضحكة مشات كتزرب تلاحت عنقت عصام الي حاوطها بايديه معنقها تا خشاها فيه كيبوس راسها وحناكها وجبهتها بغا ياكلها بالبوسان توحشها بزاااف”ههههههه اصافي كليتيني ههههه اويلي كاااع …
فوزي”جرها هو وسيمو تاهما مخلاوش فيها حقهم ما طلقوها تا ولات تنهج ” : اسيدي ياااااربي ربي شاف فينا …
عصام : لا باقيش طولي رحم بااااااك …
فرح : صافي كونو هانييين هههه …
سيمو : اش دايرة ا شميشة لعشا ؟
فرح : طاجين ديال دجاج وزيتون …ياكما جعتوو !؟
عصام : شكون جابك ؟!
فرح : جيت مع با مشا يصلي شوي ويجي وصباح غايمشي بكري…”مشا عصام يبدل وفوزي دخل لدوش بقات غير هي وسيمو حتى جراتو بينو وبينها” احم ص صفاء مجاتش ؟!
سيمو : مزال قالت ليا بعد غذا تجي وغاترجع لقات شي سطاج فازمور فواحد لابوراطوار تما…
فرح : مسولاتكش عليا ؟!
سيمو : فرح من خوك سمعي مني لبديها تاتجي راسها لا تبحرتيش عليها وميكون غير الخير علاه نتي قلتيها زينة ؟! لبدي طرح…
اليوم مع الصباح بكرييييي فايق كيلبس فحوايجو….تقاد وهز اللوازم والاوراق …نزل لقا ضحى تاهي نازلة لابسة مستور هاد المرة وعلاش وزين الدين كاين ….
ضحى : صباح الخير خويا”مشات سلمات عليه حيث مشافتوش فاش جات وخرج بكري ومارجع تال اش من وقت”
زين الدين : عالسلامة !!! فين كنتي غابرة نتي “رافع واحد الحاجب…”
ضحى”بدات تصرط فريقها جاب ليها الله را حصلها مع مهدي وهو را يعرااااف اش كدير واش مكديرش غير هو توقف على البحث من وراها وخلا الامر لباها او لواليديها من لاخر وهادشي الي هضر معاه فيه الحسين يعني مادام عندها واليديها هما الي يدخلو فيها وخا تكون عايشة على مصروفو ..” : و والو غير كنجي حتى لعشرة مع كنخرج مع تسعود من سونطخ اميغيكان حيث درتو هاد العام و راك عارف من تما لهنا خاصني شحاال عاد نوصل…
زين الدين”بقا كيشوف فيها تا حدرت عينيها بالخوف وهو مطلع حجبانو فيها حاضيها كيفاش كتصرف وطريقة هضرتها تا هز عينيه فوجهها” : اجي تبعيني “قالها بداك صوت خلاها ترعد تابعاه وتحسب فالخطاوي الي جاوها طول من حياتها…حتى وصل تما عند الباب فوق واحد الماريو صغير جبد من مجر ورقة وستيلو وكتب لفيها وعطاها ليها ” غذا فالصباح قبل متفطري ديري هاد تحاليل فهاد لابوراطوار وسيري بلاش انا نجيبهم معايا…
ضحى : اش درت “بالخلعة يحساب ليها شك فيها حاملة وهي مدايرة والو هههه” والله مادرت شي حاجة اخويا..
زين الدين”رفع حاجبو” : ششش مالنا ؟! علاه نتي شاكة فشي حاجة ؟”حركات ليه راسها ب لا وحابساها البكية فين هي ضحى الي كانت البارح تخرج عينيها” يلاه تحركي دخلي “دخلت تجري وهو مشا نيشان لسيارته ديمارا وخرج نيشان شد طريق المدينة بالضبط عند واحد الشركة كبييييرة ديال التنضيم ديال الحفلات تريتور …مع دخل لقا السكريتيرة تما عطا الاسم ديالو ودخلاتو فورا عند المكتب ديال المدير العام لشركة …لقا غير واحد السيد تما نايب عليه ..
هو : دكتور البغدادي مرحبا ولدي مرحبااا”تسالم معاه”تفضل جلس…
زين الدين”جلس فواحد الكرسي من كراسا تما ديال طاولة الاجتماعات طويييلة حط الكارطابل ديال ماك و ورجع بالكرسي شوي تا حط رجل فوق رجل نفرقهم شوي بطريقة رجولية …حك نيفو قبل ميدخل فالهضرة” : سعادة المدير ماجاش ؟!
هو : مزال ماهضرش معاك ؟! قاليا غادي يعلمك …
زين الدين “كيحك فلحيتو وكيهضر” : سي سي فعلمي..دهوة المشاغيل وشي مشاكيل لوقت فين نجي ماكتبش مولانا ..
هو : داكشي يمكن باش مافخباركش ..مشا ل سويسرا كاين واحد المؤتمر تما غذا بالليل يوصل لهنا…مي الى ماشي مشكيل حتى يجي ولا نتعامل معاك مبدئيا انا الى قبلتي علينا دكتور ههه..
زين الدين : الله اودي فحال فحال الحاج منصور…على بركة الله ..
منصور : بون Voulez-vous boire queqlue chose”تشرب شي حاجة بعدا “.. après نعيط على ليكيپ باش نهضرو مبدئيا ؟!
زين الدين”فطر قبل فواحد الكافي عاد جا عندهم” : نيسبريسو ..”حرك ليه منصور راسو ومشا خرج يعيط على الي غايهضر معاهم كون الشركة هي شركة من احدى مجموعات شركات اشهر تريتور فكازا او ممون الحفلات وهي شركة تنضيم الحفلات هي الي دخل ليها دابا…حتى تحل الباب ودخل ريان جاي كيلهت حيث تعطل عليه…”
ريان : ففف على طريق شحاال عامرة يا خويا …سموحات تعطلت..
زين الدين”كيكتب فتيليفونو وكيهضر معاه” : الوليدة مزيانة ليوم ؟!
ريان : لا الحمد لله مزيانة لقيتيني كنهضر مع واحد صاحبي يشوف ليا شي فرملية تجي دير ليها سوان فاش تخرج غذا …
زين الدين : غذا تكون عندك …ماتهز ليها هم وعشية نجي نشوفها…منها نسواني ليها راسي …
ريان : ايه واخا الله يحفضك ليا خاي…”تحل الباب ودخلو ليكيب لقاعة الاجتماعات منهم بنات ودراري مدخلين البيسيات معاهم وخلاص داطاشو را عندهم تم .. دخلو لزين الدين قهوته ..”
منصور : نبداو سي البغدادي ياك ؟! “حرك ليه راسو”بون “بدا كيهصر الحاج منصور على المشروع الي غايكون الافتتاح ديالو بعد شهر تقريبا وخاص يكون بطريقة الي بغاها زين الدين بكونه هو مول المشروع …صونا ليه تيليفون وسط الاجتماع وقف وخرج نعتو ليه البيرو فين يدخل الى بغا يهصر بخاطرو ..كونه وقف واحد اللحضة تا علمهم بالي عندو اجتماع صغير هاتفيا ضروري …دخل لبيرو وجلس كيهضر براحتو “
زين الدين”بعصبية” : كثرتي عليا اللغى البلا البلا بلا فايدة ممدوزاش ليا …لارض كاينة تما قضي الغراض “شاف فساعتو التاريخ” قبل رمضان وجد ليا كلشي …با الحسين يعلمك بالي خاصك …”قطع تيليفون” ينعل …”عض لسانو مشا دخل ناعل شيطان … لحق عليهم مالقاش منصور بداو كيوريوه الافكار فداطاشو وهو مربع ايديه عاض شنايفو مركز مع داكشي حتى دخل ووقف ليه عند راسو حط ايدو على كتفو “
منصور : دكتور هذا ديالكم نعماس ؟! قالت ليا فام دميناج يمكن طاح ليك شافتك فاش كنتي كتهضر وطاح…. الى ماشي ديالك مي ضروري نسول سي نو نحطوه فالاستعلامات…
زين الدين”حدر عينيه بان ليه كورميط فيه حجيرات غوز ذهب ..طاح ليه ديالها الي جاب ليها فالخطبة ورداتو ليه حطو فاللوازم الخاصة ديالو .. حرك ليه راسو بثقالة شد الكورمييط شحاال كيدوز عليه بصباعو ويتلمس فيه نساه فجيب الفيستة …هز فيه عينيه ” : يرحم من ربااك”حاط ايدو على صدرو وبشكر ليه غمض عينيه وحلهم” ديال مالين دار (هنا القصد يا اختو او مو او مرااااته بمعنى الاحترام الي كيساوي احترام عرضه) …
على صوت المنبه الي حققات يوم امس ..حلات عينيها شحاال وعاود رجع صونا تا هزاتو طفات الغيفيي شافت الساعة كانت سبعة صباح ناضت بالخف لدوش باقي شوي الحال…غسلات مزيان وخرجت البيت جبدات ماتلبس حيث شوي وغايجي جدها باش تخرج معاه لعند سيد الي تدخل ليها باش تبدا سطاج …لكن فين وعندمن هي عارفة شكون لكن المكان عاد غاتمشي باش دير اول مقابلة ليها …بكل حماس وخا حاسة بالنقص كون اعز واقرب وحدة ليها مكايناش معاها…فراق مؤقت بيناتهم حاسا براسها ناقصة وخا الحماس مافيهش شغف فرحتها ناقصة بلا بيها بلا تنمرها بلا ضحكها وضصارتها بلا هبالها …ملي حلات عينيها وهي وياها عمرهم عرفو شنو هو نتخاصمو …لكن الضروف كانت اقوى ان هاد رابط الي بيناتهم ميتقاسش…
فرح”تنهدات وهي كتفكرها كيقوليها واحد راس سيري هضري واعتاذري وصحبتكم اكبر من انها ترجعها فوجهك وخا تقولي الي قلتي ميستاهلش ضيع وعقل كيقول خليها لايام وراسها الي تحل بيناتهم…هزات سروال دجين وتريكو صوف فلون الكراميل عريض قريب لركابيها..لبساتهم ومشطات شعرها خلاتو مطلوق ..تقابلت مع المري معلقاه فباب ماريو ودارت فوندوتان خفيف وماسكارا برزات رموشها الي مكيبانو حتى كديرها بحكم صهبين (صهباء الفتاة الي شعرها احمر وغالبة عليها شهوبية فشفار كيكونو مباينيش الا اذا حققتي فيهم) وگلوص مات خفيف قريب لون الفم…حاولات تقاد وجهها بدون ماتكتر ميكاب بحكم عندها مقابلة خاصها تكون مقادة وانيقة عاد رشات بارفان ديالها وهزات واحد تريكو الخايط طويل مفتوح بصدافي دارتو فدراعها وهزات شكارة الي فيها مستلزماتها من اوراق وشنو غاتحتاج عاد صويك فدراعها …لبسات تقاشر وخشات رجليها فبانطوفة مشات وجدات ليهم الفطور وهي فالكوزينة تدق الباب ومشات حلات لقاتو جدها ..
المحجوب : صباح الخير تاغونجا هههه
فرح”باست ايدو ” : صباح الورد ابا جدي..دخل دخل لقيتيني غانحط لفطور خههه “مزال كتهضر معاه تا خرج عصام كيتفوه ويحك فعينيه لابس غير شورط وبيل سماطي..”
عصام”بصوت مدعدع بنعاس” : صباح الخير “سلم على جدو” مبكرين لا ؟!
محجوب : نفطرو عاد نتيسرو ان شاء الله …
عصام : اممم”كيحك فراسو ويتفوه..شاف ففرح وسولها عين مسدودة وعين محلولة” شنو درتي نتي ف محو الامية ؟!
فرح : ماتجمع ليا تاواحد يلاه زوجات ودوك ديال داك العام مكملوش وحدة داوها ولادها لبرا ووحدة تاهي ووحدة تزوجات مخلاهاش راجلها وشي مبغاش يرجع ولاخرين يلاه شي خمسة الي بغاو يجيو …مسلكونيش غادي نقدم استقالتي الى جاب الله من بعد ندخل مع شي جمعية…
محجوب : مكاين لاش غا هاد الخديمة زينة ليك تا توفقي فالدولة لا دفعتي لتعليم ولا شي خدمة من غيرو…
عصام”حرك راسو ومشا لدوش غسل حالتو وصحصح ورجع بدل حوايجو تا ناض فوزي تاهو …تجمعو على الفطور كيف العادة تا وصل الوقت وهي تمشي لبيتها جابت باقي حوايجها وخرجات لبسات بوتيو حد الكعبة حتى وقفات ووقف عصام مد ليها شي فلوس الي تحتاج تا حلف عليه جدو ميعطيها” : وايلي ا با ؟!
محجوب : عليا بليمين متعطيها ريال هاني معاها ودابا نعطيها مالي انا اش كندير ؟! راني باها تانا…
عصام”هز ايديه” : ماگلنا والو دابا سمح لينا اسي…
سلمات على خوتها وخرجات برفقة جدها كان جايب طوموبيل نيت ركبات حداه وزاد بيها لوجهة بعيدة شوي واخا فالمدينة حتى وقفو قدام واحد البناية تما ونزلو بزوج هز تيليفون دوز الخط لسيد الي داير معاه …
فرح : معاهم هنا ياك ؟!
المحجوب : وااايه …ياك وريقاتك هما هادوك ابنتي ؟!
فرح : ممم هما هادوك …غير دوموند و سيفي وفوطوكوبي د لاكارط الي قاليا و ورقة التامين فيها عام …
محجوب”شافو خارج ” : هاهو …اعالسلامة سي البشير اه اه اه غيبة هادي هههه”تعانقو” ياك بخير دار بخير خوتك بخير هاني …
البشير : ولله الحمد ..اش كاين هادي هي البنية “شاف ففرح” وريقات الي عطيتك تجيبي واجدين ياك ؟!
فرح : وي واجدين …
البشير : غاتسنى هنا شوي سي المحجوب فشي قهيوة هنا بينما طلعتها لادارة..
المحجوب مشا لواحد القهوة تما مقابلة مع البناية وهي تبعات السيد الي كان داير واحد البادج ولابس لباس اليونفورم …تبعاتو حتى ضارو جيهة مدخل فين كيدخلو الموضفين ديال الادارة هزات عينيها وهي تقرا اسم المصحة الي جات بعيدة على دارهم بشوي يعني خاصها مركوب او وسيلة نقل عندها …طلعات فسانسور معاه وريحة الدويان والنضافة ديال ديك المصحة تفوح…تحل المصعد وهي تمشي معاه دخلات دير المقابلة عطاتهم الاوراق…
الموارد البشرية(بنت) : دونك هادو لي پييس كاملين…”قرات سيفي ديالها وليزيكبيريونص كانو عندها مهميين خصوصا ف لابوراطوار عجبها سيفي …ربعات ايديها وشافت فيها” بون غادي دوزي معانا سطاج ديال la durée de trois mois après غادي نشوفو واش مؤهلة تكملي معانا ب contrat de travail المدة ديالها ستة اشهر
فرح”فنفسها اللهم هاكا ولا غير سطاج بدون مقابل ” : d’accord مزيان…
هي : الوغ شنو اليوم vendredi دونك تبداي lundi ان شاء الله 8:30 حتى ل 4:30″جبدات واحد الورقة كتقرا فيها وتبحث ..غاتبداي فلابوراطوار لتحت مع دكتوغ مديحة ودكتوغ محمد…”كملات معاها خرجات لقات سيد سلمات عليه وشكراتو ونزلات لتحت غاديا خارج حتى سمعات صوت اسمها وهي دور تشوف حتى خرجات عينيها….
اما فالجهة الاخرى ف مدينة الدار البيضاء…كان قدام المطار محمد الخامس الدولي النواصر…واقف متكي على طوموبيلتو متنغم بالكارو كان الجو مشتي وقطرات الشتاء كتنقط عليه … خاشي ايد فجيب وايد كيكمي بيها وحاط كوبلي اومبوغطي ديال قهوة كحلة بلا سكار …شاف ساعتو يلاه غايهز عينيه حتى سمع صوت خروج ركاب الطائرة القادمة من دبي…طفا الكارو ف واحد جغمة ديال قهوة بقات ولاحو ف پوبيل وتمشا شوية تالعند الباب حتى بداو يخرجو المسافرين وهو واقف كيقلب عليه بعينيه…واقف خاشي ايديه فجيابو داير نضاضر شمس حتى بان ليه جاي جار وراه فاليز كبيرة وشكارة ديال لابتوب فكتافو رجل ستيني بلحية بيضاء هو الاستاذ الي قرا عندو زين الدين والي كان المساعد ديالو وتحت اشرافو…كيقلب بعينيه تاهو حيث عارف زين الدين الي غايتلقى ليه ماشي عائلتو…حتى قشعو شاف فيه من تحت نضاضر شوف وتبسم ….
هو : اهلاااان وسهلااا…
زين الدين”باس راسو” : عالسلامة بروفيسور زياني …
هو : ماشي هنا ولدي ههه
زين الدين : شرفتينا الحاج علي…
علي : الله يسلمك اولدي…”كيدور بجنابو ويشوف النواحي ويشم ريحة الهواء ” وووه ريحة البلاد والله مكاين بحالها…
زين الدين : بلاد ماليها لماليها وبلادك ليك وسط ناسك الحاج…هذا الجهد الله يجعل شي بركة ؟!
علي : الله الى الله يجعل البركة نرجع لداري ووليداتي…نتقاعد فبلادي…
زين الدين : كاملين الحاج” من بعد ما حط ليه فاليزتو فالكوف وضار ركب قاد سانتيغ وديمارا وصلو لمدينة القديمة دخل تما وقف سيارة فواحد الباركينغ وجر معاه الفاليز ودخلو فدوك الدروبة هما فين ساكن فوحدة من دوك الديور القدام دايرين فحال رياض من لداخل …وخا بروفيسور كبير الا انه مباغيش يتفرق على البلاصة فين تزاد وكبر …بقا ليه داك المنزل من ريحة الواليدين وراب وليداتو فيه كلهم قمة التواضع وكلهم قراو ليه عندو ثلاثة الولاد الكبير كيقرا فالهندسة السنة السادسة والثاني كيقرا فالميدسين والثالث خذا اتجاه غييير عندو السنة الاخيرة سلك الاجازة فالاقتصاد …حتى وقفة قدام الباب حل بالساروت حتى سمع صوت ولدو كيقول شكون مكانوش عارفينو راه جاي حتى دخل عليهم بالفرحة ولدو الكبير طار نقز تا تلاح عليه كان غايجيبو لارض كون ما شد فزين الدين…سلم عليه وباس راسو وايديه فرحان بيه حيث شحااال ماجا لمغرب كانو كيمشيو عندو تما…دخل يسلم على مراته وولادو لداخل وزين الدين استغل الفرصة كسهضر مع ولدو الكبير بينما ياخذ علي راحته فالسلام….”
زين الدين : با اسامة ؟
اسامة”عنقو بفرحة” : با زين الدين هههه عالسلامة خويا دخل دخل
زين الدين”حط ايدو على صدرو” : يرحم من رباك …عندي منقضي ..امانتكم هاهي “على باه” في امان الله الحاج”جهد صوته باس يسمعو علي تا خرج عندو”
علي : كيفاش في امان الله !!! والله اسي مانتا غادي تتغذا معايا “رفع حاجبو وخرج فيه عينيه” هضرتي متعاودش…”خرجات مراته سيدة محجبة فحال شكل توبا عمتو فالاناقة …تبسمات ليه “
زبيدة : ولدي “مكتعرفوش بزااف” مرحبا بيك تغذا معانا …
زين الدين”حشم وحدر راسو” : الحاجة ..
علي : ادخل يا براكة من الهضرة دخل كول الي قسم الله رتاح شوية وسير ديك الساعة مالك عندك وقيتة الغذا دوزها معانا وسير الله يعاونك…”مالقا زين الدين ميقول حشم يردها فوجهو ووجه سيدة حيث مكيعرفهاش بزااااف كيعرف غير دراري وصافي …حرك راسو وتبعو دخلو لداخل حيث دار مع تصميم قديم فيها دخيلات نزل من شي دريجات وضار لواحد دخيلة مواصلاهاش شمس لواحد صالون صغير وريحو تما …صاوباات ليهم اتاي على حقو وطريقو مسوس حيث تا علي فيه السكر …كب الكاس وحطو طبسيل فاكية …مد ليه الكاس” : هانا سيدي من داكشي والله الى الكبة ديال اتاي فبلادي وحدها…
زين الدين : كاااع …
انور(الولد الي كيقرا فالميدسين) : عمي زين الدين امتا الافتتاح ؟!
زين الدين”شاف ف علي ونطق بطنز” : باك اسي ممساليش لينا
علي : والو اولدي ممساليش باغي نجلس مع مرتي ووليداتي ..
زين الدين”شاف ف انور وبداو رحلة الطنز” : البهيمة و باك عندهم الخليفة (هي زعما غا هو والكلبة الي والدين هههه)
اسامة : اخم هههههههه كاينااااا ههههه”نزل عليه باه لراس تا زغرت” تشا ريح يلاه جيتي الوليد بديتي تعصي …
علي : قد القب قد السطل …
اسامة : قولها لخويا زين الدين حاگر علينا غا حنااو …
زين الدين”هز حجبانو وضار لهيه كيعض فشنايفو ..منضرهم كيضحك ميقولش واحد مهندس ولاخور بروفيسور هههه”
انور : احم خويا زين الدين مبروك قالو ليا خطبتي…”علي خرج فيه عينيه وهز ايديه فحال بغا يشير عليه حيث عرف من زين الدين القصة الكاملة” احم …
زين الدين”غير قالها وهو يجمع الغوباشة ورجع ليه الحريق ف صدره وقلبه بدا يضرب يضرب ورجع بيه التفكير ليها نيشان وجهها فاش كانت كتهضر معاه من اول لقاء ووجهها فاش قاليها على القصة والفراق …حركاتها تعبيرية وحزنها الي خباتو ورا قناع القوة…حنحن بصوته المدعدع نطق” : النصيب وكاان مكتابش…
علي”بغا يكسر الحرج ونطق بسؤاله” : mardi ان شاء الله نتلاقاو ف كلينيك عند دكتور عبد الحفيض فالجديدة ؟! عنداك تنسى l réunion معاه باش تكون على بال ههه وخا عارفك دقة فالمواعيد بالدقيقة …
زين الدين”غمز بعينو بمعنى تت ” : ندوز عليك ونمشيو جميع نيشان ..
..خرج ضارب موعد اللقاء مع علي باللقاء يوم الثلاثاء…وصل البارك هز طوموبيل وزاد نيشان لمختبر عطاهم الروسي الي عطاتو ضحى وخذا التحاليل من بعد ما خلصهم ومشا حتى قضا اشغالو ماسالا حتى الليل تا صافي عيا بالمعقول وماخاصوش يفورصي باش مياثرش عليه السكر ويطلع…دخل لدار لقا توبا و ضحى جالسين توبا كتفرج وضحى شادة ايفونها وكتبقشش فيه وتهضر …مربعة رجليها فوق فوطوي …حتى زقف عليهم طفات تيليفون وتقادت فالجلسة …
زين الدين : سلام عليكم …
توبا : عليكم السلام ورحمة الله
ضحى : عليكم السلام ورحمة الله…
زين الدين : مراد ماجاش ؟!
توبا : جاي فالطريق باقي موصلش…
زين الدين”حرك راسو ودوك الحجبان تقول. واش نفكوكين شاف جيهة ضحى” : ورا العشا ليا هضرة معاك …
ضحى”صرطات ريقها” : واخ واخا ان شاء الله …
زين الدين”بقا كيشوف فيها وهي حادرة راسها حتى شاف فعمتو ” : اليوم شوية ؟!
توبا”بابتسامة” : الحمد لله عاودت عبرت ولقيتو مزيان كيف قلتي ليا خاص يكون ..
زين الدين : رجعي عند cardiologue(اخصائي القلب) ديالك ولابد”شير بصبعو كياكد عليها” صحتك ماشي ديال تهاوني
توبا : تنين نمشي عندو ان شاء الله …
حرك ليها راسو ومشا هو ناضت هي باش تحط العشا اما هو طلع نيشان دخل لبيتو حيد حوايجو ودخل يدوش …كيدوز على شعرو شامبو والما هابط وعقلو ثاني رجع لتفكير تفكير تفكير الي غايهلكو وهو كيفكر وهي كتجيه فبالو وتفكير فدوك الاحلام الي شاف زوج مرات خلاو فنفسيتو امارة عمرو ينساهم تا حس بجهة صدرو كتحرقو عليها وقلبو كيضرب كيحس بالحزن الشديييييد انه هرسها وكسر بخاطرها ….كمل وخرج نشف حالتو لبس بوكسر وسروال قطن بيض وتيشرت تاهو بيض نشف شعرو ومشطو لور نشف لحيتو من الما ….شرب دوا حط تيليفونو يتشارجا وهز دوك التحاليل ونزل لقاها جالسة حداها ضحى ومراد الي عاد وصل من الحسيمة مشا يدور تما فالريف…سلم عليه بعناق رجول خبط ليه على ضهرو” : طولتي لا نتا !!
مراد : والله ما سخيت كون ما الخدمة هههه
زين الدين”جالس متكي عالكرسي ريحة باندوش تعطي منو ونقا…كبحك ف وذنو وكيهضر ” : قرايتك هي لولة مراد الخدمة مرومبلاصيينك ناس …
مراد : سي نخدم هاد اليومين وناخذ سيمانة تاني ضروري نحفض عندي امتحانات فاخر شهر…
زين الدين : الله يسر الامور …”ضرب ليه على كتافو بشكر واحترام وتقدير لمجهودو الجبار فالمشروع حيث مسكين لا هو لا وليد لا باقي الطاقم مكانوش كينعسو باش يخدمو …وفنفس الوقت كيقرا مسكين وعاد الوحيد الي معاه هو وعمتو نيشان واقفين معاه واخا الغالي عمو الا انه لا يشبهه في شيء فقط عمو لا غير ..” الله يرضي عليك …
مراد : الله اودي…”طبطب ليه فوق فخدو” خويا الكبير ابا زين الدين…
سماو الله وبداو العشا نيت كانت فاتت نص ساعة تيسر وبدا ياكل اكتفى غير بشلاضة ديال خضرة الي خالية من سكريات …اما هما تعشاو سباگيتي كاملين كل وطبسيلو لكن فاش تيكون غذا بلدي او مرقة كياكلو فطبسيل واحد مكاينش ديك كل وطبسيلو…تجمعات طابلة ووصاات توبا على براد اتاي صغير مسوس وواحد عادي…
ضحى”كتسنى اش يقول ليها ههه ” : خو خويا زين الدين شنو بغيتيني ؟ حيث ههه بغيت نطلع نراجع عندي امتحان هاد اليومين وكنوجد لواحد اكسبوزي…
زين الدين”كان جامع ايديه لاقي صباعهم عند فمو ..شاف فيها ونزل ايديه حك دراعو ورجع جبد من جيبو تحاليل وحطهم ليها بحطة فحال خبطة تا قفزت ” : شنو هادشي ؟!
ضحى : شش شنو مفهمتش !!
توبا : خبار الخير مالها ؟!
زين الدين”رفع حاجبو” : علاش معلمتيش مك بالي كتسخفي بزاااف
ضحى : ش شكون قالها ليك”شاف فيها بمعنى من نيتك ” ا ماشي بب بزاف غير زوج مرات فالمعهد …ماديتهاش فيها حيث مكنفطرش قلت هادشي الي دار هاكا…
زين الدين”غمز ليها بمعنى لا “
توبا “اما مراد كيشوووف عارفو غايشطحها ” : مالها ولدي عندها شي حاجة ؟!
زين الدين”بقا سااااااكت ومراد حابس ضحكة بصباعو …شاف فعمتو ورجع شاف فضحى وخرج عينيه ” : حاااملة
توبا”غوتات” : ااااااا
ضحى”حلات فمها بالخلعة بدات تحلف” : والله مكنخليهم مم
زين الدين : مكتخليش شكون ؟”رفع حاجبو”
ضحى”كانت شوي تقوليهم مكنخليش مهدي ينعس معايا على شوي تقول غير بيسات خفاف ههههه ” : اويلي اخويا والله ومدرت شي حاجة اهى اهى رام عليك اهى اويلي على حاملة..
توبا”شدات على قلبها بغات تسخف ههههه ” : ولدي الله يرضي عليك اش كاين غا قول غانموت هنا ..
زين الدين”وقف ساس سروالو شاف فمراد الي مقدرش يصبر بغا يمووت بالضحك تا تنشر…مشا لعمتو باسها فراسها وعنقها بجنب حداه كي الكمشة بغات تموت ليه تم هههه ” : مكاين لاش الخوف “ضرب ضحى لراسها بشوي ” Anémie(فقر دم)ماشي ديال اللعب هادشي نتي “بصوت تحذير ومع صوته غير يهضر بشوي يخلعك فما بالك …وكيهضر ومتااااااابت هما را بغاو يموتو وهو كانه مقال والو هههههه…”
ضحى : خلعتيني اهى …
مراد : هههههه الله ياربي الله غانموووت اخوتي …
زين الدين”شير بصبعو ليها و ل توبا ” : نتي وياها lundi عند spécialistes بلا منعاودو الهضرة …”باس راس توبا وعاود وباس ايدها وطبطب ليها على ضهرها” مكاين لاش تخلعي بنتك مربية “شاف ف ضحى” مربيااااا ميمتي”لاح هاد الهضرة وزاد طلع لبيتو مخلي ضحى قلبها بغا يسكت على شوي تقول حملت ببوسة ….
رجعاات هي وجدها ديك ساعة فاش تفارقات مع امين ركبو فالسيارة وانطالقو عند بالها را غايشد الوجهة لدار نيشان حتى كيفاجئها انه غير الطريق لوجهة اخرى ماهضراتش مسولاتش كتشوف فين غادين وعقلها مرفوووع …من سيرة اسماعيل وذكريات الي رجعو والمشكيل مع زين الدين كلشي سيطر عليها …كتشوف فالطريق من الزاج وبالها ماهواش هنا…شي فشي دخل فراسها وعينيها فالطريق وحجبانها معقودين …تا تنهدات وسمعها جدها…
محجوب : الله يا بنيتي الله …
فرح”ضارت شافت فيه ” : دنيا غداااارة جدي …
محجوب : ويلاه قلتي بسم الله ؟!
فرح : علاش مزال مشفت والو ؟!
محجوب : مزال تشوفي باش تعلمي وعقلك يكبر كثر وكثر باش نهار تنصحي وليداتك تعرفي اش تنصحي واش تگولي …نهار تشدي كبدتك بين ايديك ونتي ماكدة راكي جناحهم…نهار يكبرو تهزي همهم ونهار تكبري نتي تقنعي …
فرح : موحاال باين ليا غاندير شي ولاد”دلات شنايفها بحزن ورجعات كتشوف فطريق”
لمحجوب : الرزق والمكتاب والنصيب عند رب العباد ولااابد الي جرا ليك فيه حكمة اتاغونجة …
فرح : ونعم بالله…احم فين غادين ابا ؟!
محجوب”ضحك بصوته الخاتر المسن” : هههه وضاهر ليا وقيتة غذا نمشيو نضربو كسكسو عند خالك ف سيدي بنور ونرجعك بنيتي …”حركات ليه راسها وهي كضحك …بالفعل ضربو طريق مسافة ساعة او اقل حتى ل سيدي بنور تغذات عندهم كسكسو ورجعات فحالها حتى الليل لان عصام وفوزي معطلين هاد النهار عندهم انشغالات كثيرة… غير وصلها سلمات عليه ومشا رجع هو حيث عندو ميقضي …تلاقات ب سيمو واقف كيكمي فداك الليل …سلمات عليه وبدات ضحك معاه حتى خرجات صفاء من دارهم جايا عند سيمو تا وقفت بغات ترجع ولا تزيد معرفات مادير…
فرح : ص صفاء !! لباس عليك…
صفاء : لباس الحمد لله اختي..
فرح : ختي ؟؟ احم ر رجعتي بمرة ولا راجعة لهيه ؟! س سولت عليك سيمو …
سيمو : ديما كتسولني عليك والله “بغا يلطف بيناتهم”
صفاء : يسول فيك الخييير ..”تمات غاديا راجعة وهي توقفها”
فرح : صفاااء حتى لامتا غاتبقاي مقلقة مني “جايا مريضة فخاطرها اصلا” براكة اختي عافاك سمحي ليا والله مقصدت انا بغيتك غييير تفيقي على راسك مابغيتكش تبقاي معلقة حتى تصدمي او تمرضي مابغيتكش تبقاي غير كتسناي فيه بلا مديري اي حركة …اااه “كتحك فجبهتها بتوثر زايد” قلتها ليك بطريقة خايبة ولكن عذريني را الي دزت منو والله ماساهل معقلتش على راسي والله سمحي ليا عافاك ماقدرتش نكمل بلا بيك بغيت نهضر معاك نعاود ليك نشكي عليك سيمو مغايقضي ليا والو وحدو الى مشكتيش عليكم بثلاثة مغانحسش براسي هي هاديك غانحس براسي وحدي…
صفاء : فرح هضرتك قاااصحة وخوك هذاكشي كبر معايا كان صعيب عليا نتقبل وهضرتك مرمدتني بالمعقول …ماشي نتي الي كنت متوقعة منها تقوليا هاكاك …تقولي ليا معمرو تا شايف فيك ولا يشوف فيك ؟! مالي كي جيتك و اش ناقصني ؟! واش عرفتي كيفاش خرجات منك ؟!
فرح : عااارفة وليني را تاهو متسنايش منو يجي راسو …وخصوصا كيعرف دابا وحدة اخرى ومواعدها بالزواج يعني كيبغيها…كون تحكتي نعاونك متجيش غير مني …
صفاء : طرييييقة باش قلتيها …”ضارت شافت لهيه وهي غير كل مكتجبد ليها كيبغي وحدة اخرى العافية كتهبط ليها…” واخا باش تفهمي…”بقات شحال ساكتة كتفكر بغات طريقة باش توصل ليها را جرحاتها”
فرح : صفاء القضية ممستاهلاش هاد تقليقة كلها والله ماقصدت سمحي ليا بزاااف اصفاء …
سيمو : وصافي اصحبتي تانتي …
صفاء”شافت ف فرح ” : نتي خاصني نعذرك ؟! علاش نعذرك وعلاش اصلا نسمح ليك ؟! مالي انا شكون فهاد البلاد ؟ هو صعيب نسا حيث هضرة حفراتني هناااا ضراتني وميضرني غييير الي قريب ليا هو الي يضرني غيرو نحطو سطل بلا تقرقيب وليني نتي ؟؟ نتي اختي عايشة معاك كابرة معاك مشاركين نفس التربية وعارفاني وعاجناني مضنيييييتش منك هادشي…اصلا نتي حولك ما يكون عندك زهر حولك مايكون عندك زهر حتى مع رجال معندكش زهر واحد خلاك وزاد تبعتيه بالنحس وواحد مسكين قنفج مشا عند مولااااه غييييير عرفك ومسكين مشاااا وثالث هههههه دارك لعبة وسط الحسابات …اش غانتسنى منك اااااش ؟! ساااهلة عندك تجرحي…باااك ومكيعقلش عليك ..”كتقول فهاد الهضرة وهي ماحساش اش كتخرج من فمها بغات غير توريها حجم كسر الخواطر بالكلام الجارح كيفاش داير ونسات راسها انها ماشي غير هرستها قسماتها على زوج وهضرة كون غير حبسات عند هنا سيمو دار ايديه فوق راسو وعينيه خرجو وهو كيسمع صقاء الي جهلت غير باش توريها صدقت مقفراها ووصلات ليها لابشع كلااام ؟؟ ” مك
سيمو”عرفها غاتجبد مها ونسات راسها وهو ينقز عليها دفعها وسد ليها فمها” : ااااااا الغادي لعلوة تعالى نوصيك بعدا…
صفاء”عاد فاقت وهي تخرج عينيها” : ممممم”ساد ليها فمها”
فرح”بقات كتسمع وحالا فمها شوي تا رمشت وهما ينزلو زوج دمعات كيجريييييييييييييو ” : صراحة عندك الحق”حطات ايدها على صدرها” الله يرحم ليك الواليدين اختي فكرتييييني نيت…”حدرات راسها ودخلات لدارهم سدات الباب تا قفز سيمو وصفاء دارت راسها بين ايديها”
“ قُل الحمدلله حتىٰ وإن باتت أيامك مُمتلِئة بِالخيبات، فلا شيء يُساوي العافية …قل الحمد لله فقد سمع الله لمن حمده”
نقولو فرح بكلامها السابق فحق صفاء وخا كان كلام الي لو كان فحالة عادية نعتابروه نصحية من فرح لصفاء…لكن نفس الكلام خرج من فم بطريقة ماشي صحيحة وبصيغة خاطئة وفضروف ليست بالجيدة ف صدق كلام جارح ل صفاء خلا فنفسها اثر بالاضافة الى الم الحب ..خصوصا فاش عرفات صفاء ان عصام بغا بنت اخرى وهي حبها ليه من الصغر ف كلام فرح غايبان ليها جارح بدرجات …انك تشوف واحد الانسان كتموت عليه بنيتي عليه احلامك كتشوفو غير هو فيها حتى يصدق بصح حلم والي حلمتي بيه غاتحققو وحدة اخرى ف هاد الاحساس بالضبط والعافية الي كتشعل مغادي يحس بيها غير الي طاح فنفس الموقف او عانى من الم الحب بعدة طرق…فالكلام الي خرج من فم صفاء كان بالحرقة على عصام والالم الي كياكل فيها بالاضافة الى انها بغات ترد الصاع ل فرح غير باش تحس بكمية الالم الي حسات بيه معارفاش ان كلام فرح الي قالتو ليها كان كلام جارح لكن ماشي بالكمية القاااسية الي جرحات بيها فرح…وكون ما تدخل سيمو كانت حرقتها خلاتها تهضر بكلام الي مخاصش حتى تفكر فيه فما بالك تقوله !!
صفاء”بقا شاد ليها سيمو فمها وسيمو بنفسه تصدم ونسا يحيد ايدو ..بقات مخرجة عينيها لواحد درجة حتى تكوانساو وصدرها كيطلع ويهبط …حتى نزلو دموعها كيجرييييييو وعصرات عينيها تسمع صوت منها على شكل انييييين كيختاصر المعنى من بعد الصحوة والي هو اااااااش درت …دفعات ايد سيمو من عليها ” : اويييييييييييييييييييلييييييييييييييييي اهى اهى…
سيمو : مالك فهاد الهضرة الحبس !!!
صفاء”دارت ايديها فوق راسها وعينيها محابسينش من البكا واحد الشعور حسات بيه فهاد اللحضة تا. واحد فينا مغايحس بيه …خناجر حااادة كيتغرسو ف صدرها…لهيب العافية كيلفح في ديك المنطقة الخاصة بالصدر والقلب.. اعضاء الاحاسيس والمشاعر الرهيييييفة الي كيسيطر عليها الالم الحزن الفرح الحب وما ادراك مالحب وتوابع الحب سواء السلبية او الايجابية كلها تؤثر ولو كانت عادية …فهاد اللحظة صفاء وقف الزمن عندها والي خدام هو العقل الي كيصور ليها اللقطة الي طرات وشنو قالت ولسانها اش خرج …واش بصح فلحضة الغضب كنقولو الحقيقة واش بصح فهاد اللحظة كيخرج الي فقلبنا بصح !!! صفاء مكان فنيتها غير انها تحط فرح فنفس موقفها غير باش تحس بكمية الجرح الي وقع ليها بسبابها …لان صفاء ماشي غير تجرحات حبها لعصام ومعرفتها انه بغا وحدة غيرها خلاها تجنن او تجهل بالمعنى ديالنا …وهاحنا وصلنا لما قلناه سابقا الم الحب وما ادراك ما الم الحب …”
سيمو : سيري سيري فحالك سيري النم سيري…
صفاء”باقا شادة راسها وكدور تشوف هنا وهنا وتبكي ..فحال الى فاقت لشنو قالت وياريتها ما فاقت ” : واااااااااااااامييييييييييمتييييييي اهى اهى …وااااااميييييييمتييييييي اش درت ااااااش اهى وياااااااااااربي كون غير مت ولا نوصل لهاد الهضرة يااااربي…
سيمو : وسيري الحبس دخلي دابا يجي عصام ولا فوزي مايعرف تاواحد فيهم عگبي فحالك يلاه…مال ديلمك خضرة هروية مالك ؟!
صفاء”الله الي عالم فهاد اللحضة مكتجاوبوش لانه بصح ترفعات بالصدمة…مشافت فيه وهي دور ومشات لدارهم دفعات الباب ودخلات وهي كتنخصص” : اهى اهى ..
سيمو”ساس ايديه” : تفووو كلشي خضر هاد الخرا المخرنن يخ …”ضار تاهو وزاد مالقا ميدير ومعندو مايدير اصلا خاصو يخليهم كل وحدة فيهم محتاجة وقت نييييييت تا تستوعب شنو وقع عاد يجيو الاحداث بتسلسل عاااد كل وحدة فيهم تراجع راسها وعاد الزمان هو الي غايبين شنو غايوصل مصيرهم ليهم…
فوزي”جا بموطورو حتى وقف حيث قبل كان جاي وقلب دورة لعند واحد دري صاحبو هضر معاه وبان ليه سيمو من بعيد كان يدفع ف صفاء تدخل ” : اهيا نتا مالك ؟ مال صفاء تاني ؟!
سيمو : مالهاش غا دخلتها…
فوزي : هضرات معاها فرح ؟!
سيمو : تلاقاو وليني متفاهموش …
فوزي : وايلي مالهم ؟
سيمو : والو لولة (صفاء) عطات لثانية (فرح) وثانية غبرات لولة شقف وسلام عليكم ورحمة الله تعالى وبركاته…..
دخلات دايرة زيف حياتي عاقداه لقدام وتزارة عاقداها هازا شبكة فين كدير صابون او الوسخ…تا بدات تهز فالمخاد تحيد ليهم فالغلاف ديالهم وتسوس وتلوح فالسلة …
فوزي”شاف عصام الي كان متكي تا هز راسو كيشوف فيها وشاف ففوزي مفهمو والو” : مال هادوك المخاد ؟!
فرح : بغيت نصبن طلامط والمخاد باش غذا نخمل البيت رمضان قرب مبقا ليه والو…
عصام : را حنا جالسين فالبيت اشريفة
فرح : غير نتعشاو ونطلع نديرهم يتصبنو ونشرهم ونزل نعس
فوزي”قوس حجبانو” : فنص الليل ؟!
فرح : عادي …واصلا خاصني نخمل قبل منبدا الخدمة نهار تنين…دار موسخة كلشي موسخ ..العواشر جايا…
عصام”شاف ففوزي الي مفهم تا لعبة ورجعو شافو فسها ناضت مشات لسداري لهيه حيدات ليه طلميطو تا وقفاتو كتحل في العقدة …” : دوزي دوزي ريحي لارض تايصبح ويفتح دوزي الليل هذا …
فرح : غا خليني الي حيدات تنقص عليا…
عصام : وادوزي ريحي دابا يضرب دينمك شي جن فهاد الليل دوزي تركني فحالك نعل بو مك …
فرح”الصمت”
عصام” جهد صوته تا قفزت ولاحت تليق” : وقلت لبوك دوزي تركني لارض …تگلعي يلاه …
فوزي : سيري سيري شوفي واش طاب العشا سيري ونتي ناض فيك جن من غير وقت سيري ..
عصام”تگعد جالس” : نتي ليوم ماشي على برجك شي حاجة واقعة ليك…اش كاين بلا قوة الهضرة عليا من لاخر…
فرح : مواقع والو اش غايوقع تاني …كل مرة نقوليك واقع واقع واقع …كل مرة تسولني اش واقع ؟! انا ديما واقع معايا ؟ سول فوزي اش واقع معاه ولا اجي قولينا نتا كلك اش واقع معاك ؟
عصام : اش كتخربقي عليا تم نتي ؟ اجي جلسي هنا بعدا اجي..
فرح”شافت دعوة معاه ما تسلكش خصوصا وجهو تغيرو تعابيرو ل عصبية ولذلك مشات جلسات كيف قاليها” : هاني ..
عصام : جرات شي حاجة ؟؟؟؛
فرح : لا ماجرا والو غير بغيت نبدا يلاه نسالي حيث الاثنين نبدا الخدمة ومغانخىج تاااااال ربعة العشية …وسبت حتى هو خدامة فيه وممكن تكون عندي بيرمانونص …
عصام : متاكدة ؟!
فرح : اه متاكدة…
عصام”بقا كيحك لحيتو وكيشوف فيها بتخنزيرة كانه ممثيقش وفعلا كذلك…” : ونتي مسلكك هاد التوقيت الي عندك ؟
فرح : مسلكني اللهم هاكا ولا مكاين والو نبقى غير جالسة !!
عصام “حرك راسو” : الي سلكك ديريه …واخا هكاك تالصباح وديري الي عجبك نوضي حطي لينا مناكلو ورجعي هاد شي فين كان ولا خليه تايصبح ويفتح…”شافها مناضتش وهو يخنزر مخرج عينيه يلاه بغا يهضر وهي تنوض “
حالة صفاء منقولوش فحال فرح وانما حالتها اضعاف من فرح صعيييييييب تجرح الواحد بدون قصد وتدوزها عادي صعيييب انك مادير حتى ردة فعل خصوصا انه كيف كيقولو ان الي كيكون غاضب وخرج كلام كيكون بصح صادق وهو الي فقلبه…
فاطنة”حلات الباب ديال البيت وشعلات ضو وهي تكمش عينيها ” : هاويلي تي شتك ناعسة گبل(قبل) الوقت “ماجاوبتهاش” والبنت نوضي ديري لينا العشا ولا شوفي اش تخربقي عطي لبوك مياكل بغا ينعس…نوضي راني عيانة …واتي نوضي…
صفاء”بزز بززززز باش قدرت تحكم ف صوتها والي وخا هكاك مقدراتش تبين انها مكتبكيش” : غي اهى غيييي خليني امي نعس عافاك مريضة اهى…
فاطنة : اويلي تغرگ فيه هادي مالها ؟”مشات ليها وهي تعري عليها المانطة على غفلة تا ضارت صفاء بجهد بغات ترجع المانطة باش متشوفهاش لكن دغيا لمحات وجهها الي كان حمر حمر حمر تا بغا يزراق بالبكا والمنخر والعينين منفوخييييين وشعرها لاصق بالعرق ديال البكا وشي مشنتف بنتيف…خرجات فاطنة عينيها على جهدها وشهقت” اااااااويلي مالك ؟!
صفاء : ممالييييييش اهى سيري خليني امي فهمي اهى …
فاطنة : اويلي على خليني فهمي ؟ اويلي اشمن هم عندك ؟؟ اااا ادوي لا طيحشاي مني النص اهضريييي”جهدت صوتها” واتي هضري اش واقع ليك لهادشي كلو ؟
صفاء : اهى اهى وااااااخليييييني امي خلييييني فهمي واااامي خليني غالي جاري ليا را كافيييييني بلا ويل اهى …
فاطنة”خبطات جنابها” : اويلي اشمن هم والي فيك كافيك ؟ واتي هضري لا طيحي ليا النقطة الي بقات عندي …وتي هضري ينعل جد بوك الطلب هضري ..ياكما تكرفص عليك شي حد”بغاات تبكي” اويلي اويلي “كتهضر وتخبط جنابها يحساب ليها تعدا عليها شي حد”
صفاء : وااااالا ولا موصلني حد وانا الي تعديت على راسي انااا”كتخبط جيهة قلبها ودوك الخبطات كيتسمعو زدف زدف”
فاطنة”كتشوف فيها كتضرب فصدرها بقاات فيها وقلبها ضرها عليها وخا توعار تاتعيا كيبقى قلب الام رهيييف على كبدتها..” : وخا بنيتي قولي ليا اش طاري ليك لهلا يرد الي يضر ليا كبدتي..هاني ميمتي عاودي ليا…”مشات جلسات حداها وجرات ليها راسها حطاتو فوق فخدها” اش طرا ليك ؟
صفاء”هزات نفس من قلب قلب صماصيم كرشها وخرجاتها طوييييييلة تا خرخرات تقولي الموت هادي..ورجعات بيها الذاكرة كتفكر اش طرا واش تقال والواقعة وهي كتنخصص حتى بدات كتعاود ليها ماشي على حبها لعصام وانما حاولات تقول بدون ذكر عصام حتى وصلات لشنو قالت لفرح “
فاطنة”غير سمعات اخر جزء وتقولي قالتها ليها وجرحات فاطنة ماشي فرح تا غوتات وهي طير صفاء لسما ونزلات ” : اويلي على بنت لحرام الكلبة اويلي “عينيها خرجو على جهدهم” اويلي على ليهو دية اويلي على ترابي الخلا وما ولدت..هادي هضرة تگال اااا …”دارت ايدها على جبهتها كتحرك فراسها وتفكر الماضي ” الله ياربي الله مالگاتها مع البراني ولگاتها مع حبابها…
.والايام كفيلة بانها داوي الجراح او تنسي او تلهمنا الصبر…
خرجات من طواليط موضية كتنشف فوجهها وايديها حتى لقات باب البيت محلول طلات بان ليها عصام جاي خارج حرك ليها راسو من بعد ما صبحات عليه ومشات لبسات عبايتها وفرشات صلاة صلات ودعات عاد ناضت الماريو وبما انه اليوم هو اول يوم عمل ليها والي غاتحاول تنسي فيه كاع همومها وتشغل راسها من بعد يومين الي دازت بكل احداث فيها…ف رغم الكسر رغم الحزن رغم الي جرا كامل رغم انها خسرات اعز صحابها اقرب وحدة والوحيدة الي عندها اليوم هاهي قدام المرايا بكل ثقة فالنفس كتحاول تخبي انها مكسورة وناقصها شخص…بزز منها خاصها تمضي لقدام والا غاتبقى فنفس البلاصة…جبدات كسوة ديال صوف طوييلة فالمسكي فيها حزام ديال صوف رقيق وفيها ضفيرات من الصوف مخدومة بالقتبان …لبسات ليبة كحلة عاد لبستها هي وهزات مونطو كحل طويل حطاتو فوق صاكها ..تا مشطات شعرها وجمعاتو من لور قادات حالتها مزيان عاد مشات جلسات فطرات وخلات ليهم تايفطرو… لقات قريب الحال بزاف وناضت كتزرب كطير من هنا وهنا … خرجات كتلبس فمونطو وخارجة بان ليها باب دار صفاء محلول وهي تزرب باش متلاقاش بيها وخرجات لشارع شيرات لطاكسي بالخف ركبات فيه وداها لكلينيك …كيف وصلات دخلات نيشان بكامل اناقتها وعلاش لا وهي فرحانا انه اليوم اول عمل ليها فضومين كتفهم فيه وغاتعطي فيه كاع طاقتها وتعلم …مشات نيشان ل قسم مختبر تحليلات ديال الكلينيك عطاتهم اسمها وكان قبل موارد البشرية عالمينهم بانها غاتبدا…
فرح”لقات طبيبة تما” : بونجوغ انا فرح سطاجيير جديدة…
هي : صباح الخير حبيبة وييي عرفت ديجا قالتها ليا حياة…بون اليوم لول غادي تكوني معايا وكاينة واحد البنت ديجا شهرين وهي معانا هي غاتفهمك شنو ديري فلول et après.. étape par étape تعلمي…بون كوغاج..اه وبالنسبة لدكتور محمد مكاينش هاد الصباح حتى لعشية عاد غايجي وانا سميتي مديحة ..
فرح “بابتسامة” : مشرفين دكتور مديحة
مديحة : كريمة حبيبة عطيها تلبس واجي معايا نعطيك شنو ديري معاها …”اول نهار كيكون عادي ديال تفهمي وتشوفي عاد كيجي تطبيق شوي بشوية…السطاج او الخدمة من احسن البلايص الي ممكن ينسا فيها الواحد حياتو فالدار ومشاكيلو الشخصية فاش كتلهى وتدها بالخدمة كتولي عندك المشاكيل ماشي ديما فراسك خصوصا الى عمرتيه بالمفيد كلشي مع الوقت كيتقاد(نصيحة مجربة)….”
هي تدهات مع اول نهار فسطاج ليها وهو مدهي مع اول يوم الي غايشوف فيه الاعلان عن افتتاح مشروعه الضخم …والي استغرق ليه اكثر من ثلاث سنوات ديال البني والخدمة والماترييل الي تقداه موصي عليه من المانيا و فرنسا باس قدر يجيبو ……
زين الدين”دخل لقاعة كبيرة ديال اجتماعات فداك الجناح الخاص بالاطقم ديالو..حتى دخلو التقنيين ديال لانفوغرافي قادو المسائل وبرونشاو كلشي مع داتاشو…جبد من بواطة نضاضر شوف تقاد تا حيد الفيستة دارها ورا الكرسي.. بقا غير بقميجة فالبلوغوا وكيجات عليه مع سروال توب گري بانت فيه واحد الكاريزما وجاذبية تلفت الانضار حيث كان ماشي غير هو كاع المدراء الي غايكونو فهاد المشروع ومحاسبين وموضفين غيرهم منهم بنات…وهو بصفتو رئيس مجلس الادارة ومعاه البروفيسور علي الزياني …”
علي”تاهو داير نضاضر شوف وكيتسنى مرة يقرا الملف قدامو مرة يهز عينيه يشوف فين وصلو..حتى ضار شاف فزين الدين” : الجهة لاخرى شاركها مع هنا ؟!
زين الدين”داير مرفقو فوق طابلة وصباعو زوج على فمو مركز مع الماك وشنو كيديرو التقنيين ..” : ضروري…”هز واحد ريمونت هبط كاع ريدويات الي تما “
بعد لحضات او نقولو نصف ساعة ديال تجهيز …تطفات الاضاءة وبقا غير داطاشو حتى تطلق الاعلان الي كان ساااامبل بلا قوة الاضافات والالوان كان فقط كيف وصفو اللون الابيض والاخضر الباعث للحياة والاسم ديال المشروع واللوغو بنفس الالوان..الكلام كان اغلبه بالدارجة والي ركز انه يكون بيها حيث الفئة الي كتهمو اغلبها مقارينش وكبار …حتى كمل وكان بالفعل كيف بغاه ووصفو غير التقنيين الي اختار يخدمو ليه كانو من الفئة الشابة الي اتاخذات هاد المهنة مهنة ديالهم قبل مايدخلو ويقراوها …شباب الي اغلبهم قراو وبحثو ولكن كانو غير كيديرو بريكول بهاد الموهبة وهادشي علاش اختارهم باش تعطاهم فرصة وحيث بصح كتكون خدمتهم محترفة من طراز الرفيع…
زين الدين”بقا مركز وكيشوف وساكت واحد شوية وهما دراري كيتسناو شنو غايقول وفنفس الوقت كيقادو …حتى تقاد فالجلسة حيث كان متكي وداير رجل على رجل” : جهد جهد والخدمة خدمة..”ضار شاف ف علي وشير ليه نيت” هاد السيد نهار بديت عطاني جملة مازاد عليها مانقص ..”ماحدك كتخدم خدم وتعلم وفيد” ..المعنى ماحدك كتخدم كمل فخدمتك…نهار وقفت عليكم عرفتكم خدامين بهذا”شير لدماغو وهو كيهضر بواحد ثقالة ورزانة خلا الي تما كيشوفو ويسمعو ليه ويتمعنو فهضرته حتى وقف وسد الماك ديالو هز فايدو” تبارك الله عليكم…
من بعد ما عطا الموافقة على ان الاعلان يتلاح خرج من القاعة وتبعوه علي…حتى دخل المكتب ديالو الي تقريبا كمل كامل فالاتاث وكلشي …كان مكتب نيت كبيير وقدامو طاولة كبيرة ديال الاجتماعات مجهزة بكلشي وبلاصة ديال الصلاة بالاضافة الى دوش صغير وطواليط وبلاصة القهوة وفين ياكل هما بعاد فالجهة الثانية مباينينش حيث خصوصيات …تحل الباب ودخل علي ..كيهضر فالتيليفون وجلس مقابل المكتب ديال زين …حتى كمل وحط التيليفون قدامو….
علي : اش كاين امتا الحفلة اسي البغدادي ..
زين الدين”جاي هاز فايديه بلاطو كيسان القهوة حط ليه قهوته وجلس مقابل مع علي” : مزال واحد 15 jours…
علي : وايلي راك عارف علاش داوي …
زين الدين”رشف من قهوته وحط الكاس وتكااا عالكرسي مربع ايديه” : فقهنا من فهامتك ابا علي …ولدك على قد الحال فهادشي…
علي : والطنز يا ولدي عشرة لضص…كنهضر على الحفلة فالدار عندك …اسيدي الطلبة الي غاتجيب وصدقة ياك ولابد ؟! توحشت الطلبة والتجويد ديالهم…
زين الدين : ضروري ضروي…وكان نساليو هادشي “شاف فالتيليفون تاريخ”
علي : وخا سيدي”ضرب فوق البيرو ووقف” يلاه نمشيو “شاف فساعتو” هضر معايا دكتور بنسودة(اب حنان) نمشيو عندو ..غذا عندو عملية مستعجلة هادشي علاش كنت كنهضر معاه دابا…يلاه محدك مسالي دابا ولدي نقضيو الغراض باش ترجع غذا نكونفيرميو مع عبد الحفيض…
كانت الساعة الواحدة ضهرا وصل وقيتة الغذا عندهم بوز غير تما ميقدروش يخرجو حيث الخدمة ليوم كثييييرة…كاين المطبخ ديال الكلينيك الي اصلا كيطيب لمرضى والاطقم الي تما والاطباء…جاتهم الماكلة حتى لعندهم وسياسة هاد الكلينيك كيخلصو الموضفين واحد المبلغ كل شهر لمطبخ باش كيتغذاو ولا يتعشاو ولا تاتشري شنو بغيتي…
فرح”قبل متخرج مديحة استاذنات منها” : واخا نخرج ناخذ ليا شي حاجة من برا ؟!
مديحة : بغيتي تغذاي ؟ خودي من هنا نيت هبطي لكافيتيريا لتحت خوذي شنو بغيتي …
فرح : واخا مي معرفتش فين ؟
مديحة : وخا تبعيني…”خرجات وتبعاتها حتى نزلو بسانسور لتحت قبل من لاكاف كاين تما كافيتيريا كياخذو شنو بغاو يا فطور غذا او عشاء…وكاين الي كيجيبوه ليه تالعندو…وقفات كتشوف مالقاتش شنو بغات كاين غير داكشي ديال لي شيف بزيقة من كل حاجة ماعجبهاش وهي تطلب منها تخرج وحيث عندها بوز هي حرة ف طلعات لفوق وخرجات لشارع مشات نيشان عند واحد سناك تما خذات ليها شنو بغات تغذات ورجعات كملات خدمتها ووصل وقت الخروج حطات الطابلية والبادج الي صايبو ليها باسمها وصورتها …استاذنات منهم وخرجات من الكلينيك تمشات شوي وصلات لشارع كتسنى شي طاكسي يدوز حتى وقفات واحد سيارة من بعيد ونزل قاطع شانطي كيهضر فالتيليفون ويضحك غادي داخل الكوميسارية الي تما قريبة نيت لكلينيك…لابس لباس عادي مدني…حتى هز عينيه وهي تبان ليه ومااا احلاها كيف بانت فعينيه فديك اللحضة لكسيوة ديال صوف تحت من مونطو دان طويل هازا صاكها وكتحك فايديها جاها البرد شوي تا خشاتهم وعينيها كيقلبو على طاكسي يدوز …حتى وصل لعندها تاهو قميجة بيضة وسروال توب كحل ومونطو كحل تروا كار فوقهم ….عينيه كحلين وشعرو كحل كيحسن اللحية لكن اليوم بانت مربية شيي شوية ماشي بزاف عندو يمكن هو ف عطلة من الخدمة …حتى عطاتها ريحة وسمعات صوت اسمها من فمو وصوته ماغريبش عليها وعلاش يكون غريب وهما كانو فعلاقة حب واول حب عندها ؟..
اسماعيل : فرح !!!
فرح”ضارت شافت فيه طلعاتو وهبطاتو بعينيها بزربة” : وي “بكل برود”
اسماعيل”مد ايدو يسلم عليها” : عقلتي عليا ولا نستيني ؟!
فرح”سلمات بالخف فحال غير قاست صباعو” : اه عرفتك اسماعيل ..لباس عليك ؟!
اسماعيل”قلبه تنغز من هاد رد الفعل الي دارت” : لباس عاقلة على سميتي…الحمد لله ونتي ؟!
فرح”حركات ليه راسها” : ممم لباس الحمد لله…ففف
اسماعيل : مالك كتسناي شي حد ؟!
فرح : لا غير بغيت ناخذ طاكسي…مكاينيش هنا بزاف ..
اسماعيل”شاف فساعتو” : واخا اجي نوصلك الى ماشي مشكيل…
فرح : لا شكرا ماعليش الى تعطلت نعيط لعصام خويا ولا فوزي يجي شي واحد يجيبني …
اسماعيل”دور وجهو لهيه مزال خاصو طريق طوييييلة على باش ترجع تشوفيه عاد طريق باش ترجع تسمح ليه عاد طريق باش يرجعو كيف كانو او احسن وهادشي حسب اعتقاده هو” : فرح كوني تسمعي وخليني نوصلك هنا صعيب تلقايهم خاصك ديري مع شي مول طاكسي يبقا يجي عندك سي نو خاصك وسيلة نقل ديالك باش تمشي وتجي…ولا شي حد يوصلك خليني نوصلك ليوم عارف مقلقة مني وبزاف نساي اسماعيل الي كنتي كتعرفي وخا غير اليوم…
فرح”ضارت شافت فيه عاقدة غوباشتها” : انا العشا باش تعشيت البارح ونسيتو…اش درتي حتى نتقلق منك ..سمح ليا خليني نمشي “كحزات شوي من حداه وهي تمشي حتى بان ليها طاكسي وهي تمشي كتزرب شيرات ليه “
اسماعيل”بقا كيشووووف فيها” : الى ما ضربت مع والديك الكحل فالبيض (زواج) ماخلاو فيا شلاغمية غالي نساو..الهبيرة ديالي…
شنو الي يخليه لهاد الدرجة انه يتاكد بالي غايرجع معاها والاكثر من هذا وهو الزواج بيها !! واش القدر ممكن يجمعهم مرة اخرى وربي مكتبهم لبعضياتهم ولا ماهو الا سبب لعدة اسباب واحداث جايا ….
وصل الطاكسي حدا الدرب خلصاتو وخرجات خاطرها ماهواش زاد غير نفسيتها فاش تلاقات بيه والنفسية اصلا عندها مدمرة وتوالات عليها الاحداث الشي الي مخليها ماشي فرح اللولة الي فيها الحيوية…يلاه وصلات عند الباب بغات تحل تا عيطات ليها فاطنة وهي دور عندها…
فرح”سلمات عليها” : مي فاطنة غبرتي مابقيتيش دزتي عندنا..
فاطنة : احياني شكون غابر انا ولا تي
فرح”حكات شعرها بخجل” : هههه وصراحة انااا …
فاطنة : اش درتي بنيتي فالخدمة…
فرح : هاني يلاه جيت منها اول نهار ليوم…غانكمل معاهم ثلاثة شهور وديك ساعة نسني معاهم كونطرا ويكون خير …
فاطنة : الله يسهل عليك اكبيدتي ويرضي عليك…واجي دخلي اجي راني مصايبة واحد طرح ديال بغرير بزبدة وعسل الحر عاد جابو باك جيلالي من تيزنيت..
فرح”شحاال وهي تهرب وخا دار فاطنة ونجية هادو ديور الوحيدة الي ميمكنش متدخلش ليهم اكثر المنازل الي كبرات فيهم خصوصا دار فاطنة يعني فحال شكل الي غضبتي على داركم وجا باك ولا مك وقاليك دخلي ونتي متقدريش حيث ختك هرسات الي بيناتكم وكطيحي فهاد الموقف…وموقف لا يحسد عليه…” : احم بغيت ندخل وليني عاد جيت بغيت نبدل ونوجد كسكروط لخوتي …
فاطنة : وااالي (والو) تا دخلي والى عليهم راني نخلي ليهم كولي وسيري دي معاك صنينة ليهم ..
فرح : واخا حتى نبدل حوايجي ونصلي العصر فاتني ونجي…
فاطنة : مكاين بو تبدال زيدي دخلي وكان جايا نجية تاهي ..ولا ماباغاش دخلي عندنا ؟ ضربتي علينا ابنتي”قالتها بواحد طريقة تبقا فيك”
فرح”صرطات ريقها وعاودت موقف صعيب ومتقدرش تقوليها لا وفنفس الوقت متهربة من صفاء ” : احم ..و واخا يلاه…
سبقات فاطنة وتبعتها هي خطوة لقدام وزوج خطاوي لور…مترددة وقليها كيضرب وشاعلة العافية فصدرها…عمرها مكانت كا ظن انها طيح فهاد الموقف عمرو طاح ولا كان يطيح على بالها…حتى كتبو ربي عليها…لقاتها حاطة فالطابلة شهيوات تشهاها النفس وتفتحها…استغربات لهادشي واش تكون وجداتهم على ودها وكانت كتسناها لانه هادشي الي باين …اشمنك بغرير وشي ملويات وزبدة وعسل وقهوة بالحليب واتاي وكومير ومطلوع وفرماج وزيتون …الى مكانش فيك جوع يجيك بهاد الطابلة البسيطة…يلاه غاتسولها حتى دخلات نجية سلمات عليها …
فاطنة”شافتها باقي.واقفة فحال شي وحدة اول مرة دخل عندهم لدار ” : وجلسي بنتي شتك فحال البرانية داخلة ؟
نجية : دوزي جلسي بنتي”ضارت عند فاطنة” ونابي (هي عيطي) على صافا (صفاء) تجي تجلس معانا…
فرح”الصمت”
فاطنة : ايييه ايه..وااا صافا وتي تعالي ابنتي …نوضي بنتي تنفسي شوي نوضي ..
نجية : كي بقات نزلات ليها شوي!!
فاطنة : وشوي شوي وصافي مخليت ماعطيتها ..اليوم هيلي صبحت شوي بعدا…
فرح”كتسمع والكاس ديال اتاي فايدها”
نجية : وديري ليها سلاوية طحنيها والما عطيها تشربو والحشلف ديالها ديريه مع ما البصلة وطليه ليها راسها…
فاطنة : درتهااا ليها وهي علاش شوي توگضت….واااا صافااا وتي نوضي..
فرح : احم م واش مريضة !!
فاطنة”هزات فيها عينيها بفرحة حيث سولات عليها” : هااا وايه وايه بنيتي يومين وهي سخانة طيح فيها وتنوض…دخلي عندها تشوفيها ولا تسنايها تجي…
فرح : الا لا غير خليها ترتاح ..الله يشافيها امي …
فاطنة”بخيبة امل” : هاا و الي بغيتي ابنتي …”صاوبات ليها بغرير الي كيعجبها بزبدة وعسل وحطات ليها فطبيسيل” كولي بنتي…
فرح”يلاه غاتهز البغريرة حتى تحل باب البيت وخرجات صفاء لاوية عليها بينوار موڤ سخون وحازمة راسها بزيف فيه خضورية المخينزة وداكشي الي طلات ليها مها والوجه تنفخ والعينين خلاااص…واحد المنضر يقطع ليك قلبك وجايا وتجر فرجليها وتكحب واحد الكحبة صوتها فحال عواية …كتحب لفاطنة ف قلبها….اما فرح هزات فيها عينيها وحدراتهم على الكاس كتشرب ووجهها تزنگ…اول مرة فحياتهم كيتخاصمو…”
نجية : بنيتي كي بقيتي ليوم شوية “طبطبات خداها ونيت حدا فرح ” اجي جلسي حدايا ميمتي…
صفاء”شافت جيهة فرح ونزلت واحد دميعة خفييييييفة مبانتش ليهم…جلسات حدا نجية وحطات راسها على كتفها” : ش شوية…
نجية”قاست راسها”. : احح راسك سخون شوية…ولابد تمشي لسبيتار(المستشفى) هادشي ماا مسلك ابنتي…
فاطنة : ايييه ؟ ولابيدة (ولابد)”شافت ففرح” نديوها سبيطار ؟
فرح”هزات فيها عينيها” : هااا ..احم اه الى ب بقات هاكا…عاودي عبري بالميزان وشوفي …
صفاء : تت لااا مكاين لاش حسيت براسي شوية ليوم على قبل والله…عطيني غير دوليبران ولا اكلاف صافي…
فاطنة : ومعرت ابنيتي حالتك خالعاني…
صفاء”شافت ففرح وحدرات عينيها وعاودت شافت فيها بغات تسولها وخافت بغات تهضر وتشوف اش غاتقول ماعرفات اش دير كل مكتهز فيها عينيها كتفكر شنو طرا وهي تهضر” : فرح لباس عليك ؟!
فرح”هزات راسها بجهد تا كان غايطيح الكاس وهي تحطو” : احم ل لباس الحمد لله اختي…”ناضت وقفت” انا نخليكم مي فاطنة الصينية الى وجدتيها عيطي ليا نشدها من عندكم…”ضارت جيهة صفاء لكن بدون ماتشوف فيها” الله يشافي اختي صفاء”تقالت بواحد الطريقة الي رسمية كانها كتزور غير جارتهم ولا معرفة…هزات صاكها ومشات تزرب خرجات من دار وعينيها مغرغرين وقلبها كيحرقها على هادشي الي وصلو ليه…اما صفاء غييير سدات فرح الباب ودموعها نزلو مكملين على دمعة سابقة حتى دارت ايديها على وجهها وخشات راسها فصدر نجية مخليا فاطنة كتنهد بحسرة تا دمعو عينيها والخطة لولة فشلات باش تهضرهم …”
نجية : بنتي لا بغيتي تسمعي ليا صبري الحاجة لا قويتي عليها وعاودتي وحكرتي وهي جديدة غادي غيييير دبري جرحة وتفتحيها…صبري وكان جرحة تشافا وتجمع …الله يداوي قلوبكم “شافت ففاطنة” لواه هادشي خاصو تبخيرة اويلي شلا وشوية مجاري…
رجعات دخلات لدار كيف العادة خاوية …مشات البيت حيدات حوايجها بالنترة وصدرها كيطلع ويهبط …بقات تحيد وتلوح طواتهم لبسات بيجامة وخرجات كتجمع فشعرها وتلهت حيث حابسة البكية تا دخلات لطواليط غسلات وتوضات وخرجات صلات الضهر والعصر الي فاتوها بحكم الخدمة تما مكتلقاش وقت فين تصلي حدها البوز الغذا ..
اما عند عصام الي كان فالمحل من بعد ما تخلص من عند زبون فلوس اللحم الي تقدا…تسمع صوت الميساج من تيليفونو جبدو من شارج تما وقرا محتواه الي كان من عندها وكان فيه نوع من العتاب حتى دخل وقف عليه صاحبو وهو نيت صاحب صطوف …
هي : مغاديش نبقاو نتلاقاو ؟ علاش شنو واقع ؟
عصام”جاوبها فالبلاصة” : بنت الناس نهار تبغي الحلال معايا علميني انا ماشي شماتة ورعواني ندور بيك فزناقي…ربعين عام بقا ليا عليها قل من عامين مالنا على اخر يامي نشيب ونعيب ؟ هادي هضرتي لا تكتري شاااي عليا نهار تبغي علميني والباقي عليا نهار تبغي تكوني مرتي جناحي ليك اما دابا لا تبرزطينيش ممساليش السلام عليكم”رسلو وسد تيليفون حطو يتشارجا وضار عند صاحبو” اش كاين شي ؟
عزيز : كاين غالخير سمير صدق رجولة اصحبي…
عصام : من نهار رجولة غا شيطان وكان عارفو ميرجعهاش…
عزيز : المحكمة على ما علمني المحامي الى حكمات شهر جاي تحكم ليه سورسي مع غرامة داكشي الي وصيتي سمير هو الي غايقول وقالو لمحامي فتسجيل باش يثيق بالي ميغدرش…ديك ساعة يقوليهم كانو كيتفلاو ووقع الي وقع …شوي من هنا وشوي من لهيه وهاهي تفكات ..والى خىج القواد زمط لمو التب يجمع كرو شوية سخسخ زا*** بونا يغبر لبوه شقف…
عصام”عوج فمو” : كثر من هاد الغبرة …
عزيز : وعليه انا مشيت تهلا…”تحرك عزيز من عندو من بعد ما عطاه اخبار صطوف..اما هو جلس تا وذن العشا وكيف العادة جمع دنيا وسد الحانوت ركب فالموطور وزاد نيشان لدار لقا فوزي تاهو عاد دخل وريحة العشا كيطيب كانت بيصارة شحال مطيبتها واليوم عاطية ريحتها عزيزة عليهم كلهم خصوصا فرح تموت عليها…دخل غسل حالتو ومشا بدل حوايجو تا دخل لقاها فالبيت كتبقشش فتيليفونها جلس حداها تاهو كيبقشش فتيليفونو…
فرح : كااع ماسولتيني كي داز نهاري فالخدمة !!
عصام”شاف فيها بنص عين” : ياك مولفة تجي تعاودي ليا راسك ؟ تبدلتي عليا ابنتي تبدلتيييي…
فرح”حلات فمها وهي تنوض وطلعات فوق السداري وضارت ليه ورا ضهرو وتعلگت تا كان غايجي لارض ” : حشووومة علييييك انا وليت هاكا ؟!
عصام : ونوضي الحبس ضهري غاتقسميه…
فرح”شافت ففوزي” : نااااري عصام شرف”حطات ايدها على فمها”
عصام”دفعها تا جات لارض مصلية عالنبي” : باقي ندك وندردك على مك …
فوزي : كتجيبيها غا لراسك…
فرح : اي ضهري اعووووو غا ضحكنا معاك…ونتا كتقوليا تبدلتي ماحشوماش عليك ؟ اش بدلني وانا باقا غير انا …وهو صراااحة تبدلت نييييت وليني النفسية مرضات شلا مداز اوه منمرضوش فخاطرنااا…
عصام : واش مرضك داكشي الي داز داز …
فرح”تنهدات” : اوديييييي موت يونس الله يرحمو…
عصام : الله يرحمو …
فوزي : واش داز عليك اش “خربق ليها شعرها على وجهها وهي كتبعد وهو كيخربق ويطرش فدوك الحناك ويجبد فيهم رجع لعادتو القديمة معاها” غلاضيتي لوالديك تاني من هاد الحناك ديال طبل سر “طرش” ديلمهم “عاود طرش ههه” غا طريييييييييش تاااايبان الحق ..تتت ريحي اهيا زكاااااااااي….
فرح : واعوووو وتفرااااااااق مني ازمر وااااااااا بعد مني …مالي الي مداز اي هههههه ازمر زكااا…داز شلا وشوية غا شمتة بااااك الي جايب ليا شارف تا صدق جاني واحد اسمو زين الدين. و”يلاااه بغات تكمل تا تسمعت زدااااااااف واحد مولاتي الخبطة فوق الطابلة ضارو بزوج شهقو بالخلعة لقاو عصام وجهو لا يبشر بالخير ابدا غوت بحر جهدو تا قالو را شاف شي حاجة وهو غير سمع سيرة زين الدين فحال لحتي ليه السم والملح فوق شي جرحة وخليتيه كيتركل وكشاكشو خارجة”
عصام : واااااا ينعل القوااااااد بووووك ينعل القوااااد بوووووك وبوه “مشا ليها كيجرييييييي تالعندها ولاول مرة كيشنق عليها من الكول ديال بيجامة تا دهضر فوزي الي كحاز حيث عرف بالي مجرد ذكر سيرة زين الدين كتنرفزو هو فما بالك عصام !!! …عينيه فعينيها الي وساع البؤبؤ ديالهم بالخلعة ” نهار باقي عدو ربك قهاد النهار تجبدي ريحتو ماشي غير سميتو ندفن القواد بوك حية “خرج عينيه على جهدهم” حياااااااا…
فرح”كتحرك راسها بجهد…حتى طلقها” : وو واخا واخا…
عصام”وقف وضار لعندهم بزوج” : عصبو عدو ربي عصبو ملتي ينعل ديل حبايب حبكم فهاد النهار ..الق لاوي باقي تجبدو سميتو سمعتي سميتو نصفيها لوالدين بوك سمعتيني “قرب اكثر” وحمدي الله سمعت ليك وما دخلت فدينمو شتت ليه المصارن..”عض لسانو حيث الشمتة ديال زين الدين باقي فيه لدابا كل مكيتفكر ان زين الدين استعمل فرح طعم لتصفية حساباتو مع راجل عمتو ماشي تا من باها كون باها لباس يقول بغا ينتاقم منو عن طريق ينتو لكن تصفيات حسابات بيناتهم ودخلو برانية طعم هادي كيبغي ياكل راسو عليها وغييير جدو الي هضر معاه وحلف عليه اما كان يا قاتل يا متقول ..هز تيليفونو وتلاح بلاصتو كينهج اصلا صاعر مع البنت وزادو سيرة زين الدين وهنا كيبان لينا انه زين الدين وعصام اعداااء”…
من بعد ليلة دازت مشحووونة…قدر عصام يتنفس شوية حيث فالاصل كان خاصو يهضر ويعبر على الغضب جاي معصب جاي معصب من كاع جوايه…تعشاو فسكاااات تاحد مابقى هضر كيف ديما فاش كيتعصب عصام كيلبدوها تا كيهضر راسو وكلا مشا ينعس فبلاصتو حتى صبح الصباح فاقت بكريييي باش متعطلش وتختار لبسها وتلبس براحتها كيف حلات الماريو كتفكر شنو تلبس حتى هزات كولون مبطن ديال برد وتريكو صوف فالزرق ملكي طويل حد الركبة وعريض كيف العادة حجم وطاي كبيرة باش يجيها مستور لبساتهم بالخف هما وتقاشر على حسب البوط الي عندها كحل…هزات مونطو ديال البارح نفسو شارياه من البال صدق ليها زوين وكينفعها فالبرد…تاكدات من فلوس عندها وقادات مسائلها متوضاتش حيث مع الفجر بغات تصلي لقات فيها العادة شهرية ومشات تا وجدات الفطور عاد جات تجري تقلب عالفنيد ديرو فصاكها ساعاك لقاتو تقادا…
فرح”بحزن” : اويييلي تقادا ليا “جاتها البكية هههه حيث هاد الفنيد هو الي كيفكها من الوجع باش متجيهاش كريز كيف شفنها فاولى بارتات القصة وحكينا حكياتها مع الم دورة الشهرية والي كيعانيو منو اغلب الفتيات هذا اذا ما قلنا كلشي وهي ماشي من النوع الي كينفعو العشوب وخا معرفت اش تشرب الى شداتها يا الفنيد يخفف يا تمشي لمستعجلات تضرب ليبرا…شافت راسها غاتعطل وقالت را الكلينيك فين خدامة يعالجوها في حالة وقوع كريز…خشات لوازمها ومشات تا فطرات خلات عصام كيقرقب هو وفوزي باش ينوضو لبسات بوتيو ديالها ورمات مونطو عليها ومشات عندهم البيت عند الباب دقات” هاني مشيت صافي ؟!
عصام”حجبانو معقودين نايض مدمر ” : خاصك شي حاجة ؟!
فرح : لا مخاصني والو …
فوزي”كيتفوه” : خاصينك فلوس باش تركبي وتغذاي تما ؟!
فرح : لا عندي مزال …
عصام : تيسري …”هزات صاكها وشغلها وخرجات من دار مشات اتجاه الشارع ومن حسن الحظ لقات طاكسي جاي شيرات ليه ومشات نيشان لكلينيك لثاني يوم ولكن الم العادة بدا كيتحرك فيها وينغز…كيف وصلات طلعات نيشان لبسات طابلية ولقات دكتور محمد كاين رجل فالخمسينات من عمره ومديحة لداخل والبنت كريمة الي معاهم شهرين دسطاج نفس اجازة فرح…لقات سلام وجلسات كتخدم ثاني هاد المرة عيطات ليها مديحة باش تدخل لابو لدااخل وتحضر معاها باش تفهم…”
مديحة”جمعات شي اضرفة ديال ليزاناليز” : فرح اجي ..
فرح”مشات عندها كتشوف فيها كتقاد فيهم ” : وي دكتور مديحة..
مديحة”جمعاتهم فواحد ملف كيتسد وعطااهم ليها” : هادو غادي تعطيهم لاستقبال الخاص بينا هنا ياك عرفتيه “حركات ليها فرح راسها وهزات ثاني واحد الضرف خاااص مكتوب فيه ومداتو ليها” وهذا غادي طلعي لطاج ثاني عند دكتورة الهام المنصوري غير توصلي لطاج تما ف réception ديالهم ينعتو ليك فين وردي بالك عافا حبيبة را انفلوب خاااص وحساس ..
فرح”خاصها تسول حيث كتعلم وموصياها تسول على اي حاجة باش تعلم الخدمة” : بون وخا نسولك ؟ شنو المشكيل هنا فهذا علاش كتبتي ليه خاص ؟!
مديحة : حيث هذا ديال واحد الولد من عائلة دكتور الهام …دونك حالة خاصة وهي عندها الحق تشوفو حنا منقدرو نديرو والو كون الموضوع سونسيبل وعافاك ردي البال
فرح : شنو الحاجة حساسة فهاد ليزاناليز عندنا ؟
مديحة : نورمالمون مرض السرطان هو اكثر حاجة حساسة الى جانب مرض الايدز هادو كيكونو مرتابطيين بنفسية المريض ف عند الحق الطبيب ديال المريض هو الي يشخص الحالة… حتى من بعد ونوريك …
فرح : واخا صافي “هزات داك الملف والضرف الخاص وخرجات من الجناح ديال المختبر هبطات لتحت عطاتهم الملف ديال التحاليل وطلعات لطاج فين وراتها سولات على طبيبة لقاتها داخلة لعند شي مريض وجلسات كتسناها لكن الفضول الي فيها خصوصا انه ذكرات ليها مرض الايدز وفرح من النوع فقرايتها كتبغي تعرف كلشي تبغي تستفسر اي حاجة تسول عليها تبحث عليها .. وهاد الضرف الخاص اثار فضولها بزااااف…ناضت من تما ومشات لواحد التيراس مقابل مع الباب وخرجات جلسات فواحد الكرسي تما مترددة واش تحل او لا واش دير وبما ان الضرف الى تحل يتسد واحد نوع من الاضرفة خاص حلاتو وهي تبدا تقرا لقات ان صاحب داك التحليل كيعاني من لوكيميا وهناك شك يكون فالمراحل المتاخرة …جمعاتو بزربة وسداتو ومرداتش البال لواحد الورقة فيها تقرير بطابع ديال دكتورة ديال المختبر طاحت فلارض وناضت مشات بزربة لا تجي طبيبة تسول وبالفعل لقاتها يلاه دخلات عطاتو ليها ومشات…حتى بدات كتكوانسا بالوجع ….
كانت الساعة الواحدة ونصف ضهرا…جالسة قدام البيسي كتقيد فالملفات الي قدامها الي كانت واحد ضمصة نيييييت…الوجع ماحدو كيتزايد وهي عقلها كيغيب حسات بالترجاع والالم كيتزاد حتى حطات راسها على المكتب كتحك فكرشها وتعاود حسات بيها كتنزل سخووووونة والوجع كيحسك…تا هزات راسها لقات مديحة مشات خذات اذن عندها شي غراض ومحمد فلابوراطوار لداخل ميقدرش يخرج خدام والبنت الي معاها سطاجييير خرجات تغذا …مالقات كيف دير وهي تمشي دخلات على طبيب استاذنات منو تمشي تغذا وتشوف شي كسنة تما ولا عندهم فالمستعجلات لتحت يديرو ليها شي حاجة…سمح ليها تخرج ومشات كتزرب هزات صاكها فيه الويز نيت باش تبدل مشات نيشان لتحت دخلات طواليط كتبدل والوجع كيحسك فيها تا حسات بتبويعة…
فرح”مطوية على كرشها ودموعها دايزييييين” : امممممم ععععع وااااكوااااك غير صبري تاناخذ فنييييييد اهى واااااكوااااك الموت المووووت اهى…اععووووء “نفخات حناكها ومشات طارت نيشان لطواليط كترجع وتعاود كاع الي فطرات حطاتو وتبعاتو الكشاكش ” اوفقففف “لحمها كلو فيبرا ليها بترجاع والوجع فحال الى شدها الضو كانت غاتسخف حسات شوية بدا كيحبس وجاتها واحد رااااحة وفرحة تقولي شدات الباك من جديد… …خرجات من طواليط نيشان ومشات لاسانسور بالدعقة وركات على البوطونات تخربقات دعوة وهبطها لتاااااحت عند الباركينغ ….تحل سانسور وخرجات كتزرب حتى كيبان ليها الطوموبيلات قدامها مفهمات والو …يلاه غادور حسات بصاعقة ضربات تحتها تا تكوانسات وطاحت لارض شادة فكرشها وتبكي وتلوى فلارض كلها ….
فرح : واااااااااااااعععع اهى اهى امممممم واااااااااااااااااعععع لا لا ياربيييييييي غانموووووت اخئ …
فهاد الاثناء وصلات سيارة زين الدين الي هبط من جيهة باب الباركينغ الي فلاكاف وهبط لتحت تا وصل كان كيهصر ..هز صاك ديال الماك والاوراق وسد الباب وتيليفون فوذنيه وكذلك علي تاهو كيهصر خصوصا هاد الايام عندهم دنيا مبرزطة والحالة…غادين وكيهضرو …
علي : معندناش الوقت باقي جوج سيمانات على”دور وجهو ورجع كيهضر وهو يدور وجهو بزربة بانت ليه وحدة فلارض مطوية متاخذة وضعية الجنين في بطن امه وراسها كيضرب فلارض مشا كيزرب مخلي زين الدين كيهضر تا تحنى عندها وحط ايدو على كتفها ” : ششش بنتي ياك لباس ؟!
فرح”هزات فيه راسها وجهها كلو حمررررر ودموعها محابسينش كتعصررررررر فعينيها وتبكييييي ومرة تبغي تشقلبهم بالالم فحال داخلاها الموت” اننننممنن
علي : حاولي تهدني غيير شوية وعطيني بشنو كتحسي ؟
فرح”اش غاتجاوب مسكينة مابقاش كيبان ليها شكون هو ضبابة نزلات على عينيها وحطات راسها فلارض وتنخصيصة فصدرها تا وقف عليه زين الدين خلاه كيقلب عليه ماعرفو فين طار كان على شوي يمشي يطلع لا يكون سبقو حتى بان ليه محني على شي حد كيسول فيه “
زين الدين : شنو واقع ؟!”
علي : كنت كنهضر حتى بانت ليا هاد البنيتة … جو بونص Les douleurs de règle
زين الدين” كيطل غير تحرك علي وهي تبان ليه غير من ضهرها عرفها حس بالضو ضرب ليه فالقلب خرج عينيه على جهدهم تا لاح تيليفون على قدو جا فلارض وتضربات ليه لافيشور “
علي : اسلامة سلامة اش واقع مالك ؟!
زين الدين”تحنى لعندها كيقلب فيها بعينيه ” : ف فرح ؟؟ ششش …شنو مالك ؟! “كيفحصها بعينيه وهي غايبة على الواقع الالم لا يطاق فهاد اللحضة كتضرب بايدها فلارض وماحساش شكون كيهضر معاها”
فرح.: وااااااااااااااااااا وجع وجع وجع وااااا اهى اهى وااااالاااااااا “عينيها كيخرجو فاش كيشتد الالم عليها كتحس بالماس كيضربو فكرشها لتحت وفخادها وضرها وغير كتقيس البرودة كتغوت ” اعععععع …مانقدرش منقدرش …اففففففف …
علي : بنتي عطينا فين كيضرك بالضبط …بففف انا نعيط ليهم فليرجونص …كتعرفها لا ؟! “شافو مجاوبوش ” زين الدين ؟!!!
زين الدين”فين بقا داها فيه هو اللقاء بيها صدمو وخصوصا بهاد الطريقة يلقاها مسكينة طايحة حدا طوموبييلات كتوجع ومادايها فيها حد فحال اليتيمة …” : ف فرح شنو كتحسي ااا ؟ “كيهضر بواحد صوت حنيييييين حاول يرققو على قبلها” علي : ميمكنش تجاوب كيما قلت ليك دونك لازم نعيط لشي حد يطلعها ليرجونص …”مجاوبوش تاني خلاه بلاكة وشاف تاعيا وناض كيزرب يعيط ليرجونص “
فرح : اهى اهى”كتمسد فكرشها وتعصر فيها بايدها عالله وعسى يحبس الوجع …”
زين الدين”طوا ركابيه وتحنى عندها كيطل عليها لقا وجهها حمررر ودموعها ملاقيين عند منخرها …هز ايدو ومسحهم ليها وطلع لشعرها كيددوز عليه استعمل تقنية تخفيف النفسي باش تهدن حيث النفسية كتلعب دور كبيييير ” : شششش “كيهضر بصوت فحال فحيح قريب لوذنها” تهدنييييييي بقاي حاطا ايديك تماااا عضيييي فالصبر …
فرح.: اهى بعد علياااا اهى خليييينييييييي اش جابك
زين الدين”داير ليها الخاطر ” : ولد لحرام انا من فعايلي …واااخا فرح دابا نبعد عليك دابااا نبعد مايكون غير خاطرك الالة …”هز راسو جيهة الباب بانو ليه تعطلو …غوت بحر جهدو وعدوه تعطال فهاد الحالات ” : واش غانبقاو هناااااااااااااااا…..”بح ليه صوته”…. Allez dépêchez-vous…”ماقدرش يهزها تا يشوف حالتها ماعرفهاش اش بالضبط شنو مصاحب لهاد الالم …عاد بانو ليه جايين كيجريو خرجو من سانسور جارين البياص…حدر راسو لعند وذنيها وهضر معاها حيث غابت مبقاتش كتبكي ولا تجاوب” ششش لا لا حلي عينيك …
سبحان الله لقاء جمعهم وفكان مايطيحش على البال …ربي كتب ليهم اللقاء فهاد البلاصة وهاد الحدث وبهاد الوضعية الي هي فيها ديال الم الدورة الشهرية…بقا محني عندها كيحاول يخفف وكقدرش يهزها لانه فهاد الحالات سواء ازمة سواء حادث او اي وضعية كانت ميمكنش يهزوهم بحركة عشوائية حيث لان مزاال معرفش نوع الازمة الي فيها وشنو مصاحب لهاد الالم وهو غير قدر وخاذ احتياطاتو بسرعة البديهة كونه مولف يفكر بسرعة فحالات الحوادث كيما كانت…هبطو البياص عاد دورها بشويييي وحسب من واحد حتى لثلاثة وتهزات عاد رفعو البياص كيجريو بيها وهو تابعها …
علي”قشع تيليفون ديالو تحنى هزو هكاك مشقوق كامل ” : سلامة على سيد …”خشاه فجيبو وتبعو فين مشاو…طلعو بيها غير طاج الي تما المستعجلات ودخلوها كتوجع حتى جات الفرملية كتسول فيها بزز باش قدرات تجاوبها شنو عندها عاد شافت فالطبيب الي حضر دغيا حيث شاف زين الدين زميل دراسة ديالو….اما زين الدين بقا واقف مربع ايديه كيمشي ويجي ويشوف فساعتو ويدور جيهة الباب حتى نطق علي…
علي : شكون هاد البنت كتعرفها ؟!
زين الدين”حرك ليه راسو”
علي : وشنو نديرو دابا ؟ السي عبد الحفيض والمدير كيتسناو ؟
زين الدين”كيشوف جيهة الباب وكيهضر” : سير عندهم نتا نسالي وانا معاك…
علي : وا ولدي اش غاتبقا دير هنا هاهما دخلوها وصي عليها دكتور لداخل ويلاه ل réunion الي عندنا والوقت مكاينش …
زين الدين”كان مربع ايديه ومتكي عالحايط ووجهو مكيتفسرش…هز ايدو وعينيه فلارض ” : الحاج ماعليش سير نتا وكان نسالي وهاني معاكم…غراضهم بينا كثر من غراضنا بيهم..ماعليش يصبرو شوية …
علي”بقا كيشوف فيه وفملامح.وجهو المبدلة وكيفاش واقف وكيتسنى وخايف خصوصا انهم على موعد مع اجتماع مهم بزاف …هنا عرف ان الي لداخل اهم وزين الدين كاااع ماحاس براسو ” : اييييه لهاد درجة !! ماقلتي عيب…باش مكان علمني فاش توصل عليا اش دارت البنية…والله يشافيها…
زين الدين”من قلبه” : اميييين امين امين…
علي”جبد من جيبه تيليفون زين الدين ومدو ليه” : امني هرستي تيليفون فاش شفتيها اودي خليييك خليك..
زين الدين”هز عينيه فالتيليفون وشاف فعلي وهو يشدو من عندو كيحرك ليه فراسو ” : الساعة الله…
مشا علي بعد لحظات مخليه واقف تما كيتسنى ماقدرش يدخل كونه ماخدامش تما يعني ماشي من الطاقم الي مكلف ب تما…بقا كيمشي ويجي ويشوف فساعته ماشي بزاااف غير شي ربع ساعة ماكثيراش حتى خرج عندو الطبيب اول حاجة سلم عليه كونه معرفة ….
زين الدين : les douleurs des règles ؟
الطبيب : وييي دكتوغ…”بدا يشرح ليه…بالي كريز ديال العادة الشهرية الي تسببات ليها فهادشي بحيث داك السوفل باش تشد وتصبر كيستنفذ ليها الطاقة بالاضافة الى القيء والغثيان تاهو كيساهم ف اتنفاذ الطاقة الكاملة…” عادي هاد الحالات يوميا كتجينا …
زين الدين : et alors ?
طبيب : On a lui donné une injection just pour calmer les douleurs des règles juste demi heure et elle peut rentrée chez elle (عطاوها شوكة باش تهدن ليها الالم واحد النصف ساعة ويمكن ليها تمشي فحالها عادي)…
زين الدين”دوز على لحيته” : بون بوسيبل ندخل عندها ؟
طيبيب : وي وي بوسيبل دخل غير من هنا سير نيشان كاين واحد الغرفة مقابلة معاك تما فين كاينة…”حرك ليه راسو بشكر.وتقدير ومشا ديريكت بدون اي تردد منو غادي باغي غير يشوفها من بعد المنضر الي شافها فيه قبيلة يقطع القلب وسط الباركينغ حدا طوموبيلات…وصل فين نعت ليه وحط ايديه عالبواني وتشك حل الباب بلا ميتردد طل براسو لقاها ناااعسة وحداها تيليفونها الي عطاه ليهم علي وصاكها ….وجهها ولا بيض بالوجع والعيا ديالو…وشعرها الاحمر مجموع لور حاطا ايدها على كرشها وواحد راحة نازلة عليها تبغي غير تنعس وينعل بو العلام….
زين الدين”دخل بالحس باش متفيقش وتكسر راحتها الي لقات…براكة غير الكسر الي دار ليها والي خاصو بزااااااااف على ميتنسى …جر كرسي بشوييييي مكمش عينيه لا تسمع وتفيق لانه شي حاجة فيه لداخل مباغيهاش تفيق باش يبقى حداها وقت اطول بلا متحل عينيها وتستوعب را كاين وتبدا الهضرة والعتاب واللوم الي هو في غنى عنه براكة عليه غير الندم الي كياكل فيه انه استغلها وخا بغير قصد منو وفلحضة غضب وزلة لسان حتى تسبب فكسر انثى ويتيمة ما دارتها لا بايديها ولا برجليها هكاك جرها مسكينة فحساباتو مع الغالي حتى هرسها وحطمها وكسر خاطرها وهادشي هو الي مرضو غير انه ندم بجهد لكن احاسيس اخرى تحركات مع هادشي وخلاها ماتحيدش من بالو ابدا…بقا مقابل ليها كيشوف فهاد البنت الجميلة الطبوزة الكيوت الصهباء …ايديها فوق كرشها شاداها تقولي خايفة تحيدهم ويرجع الوجع من جديد…تفكر معصمها ورجعات بيه ذاكرة فاش عطاها الكورميط الي كان ضمن الهدايا ديال الخطبة الي كان واجب عليه يحضرهم سواء كان باغي او رافض وخا الي عطا الله عطاه وواخا كان داير فبالو ممكن يحد الخطبة والكذوب الي دخلات فيه الا ان دوك الهدايا كانو ولابد باش يكبر بيها لانها رغم كل شيء كتستاهل فنظرو….”
فرح”يلاه ترخااات ومشات حتى صونا تيليفونها فيقها من عز غفوتها وراحتها تا حلات عينيها وهي دور جيهة الصوت مشافتش زين الدين الي جالس حداها داير رجل على رجل كيشوف فيها حتى جاوبت بصوت عياان وهي دور حتى بان ليها وهي تشهق تا تسمعات فالتيليفون كان عصام”
فرح : اش كدير “بغات تنوض حتى وقفها صوت عصام”
عصام : فرح !!! …
اما فهاد الاثناء والفوق فالطابق ديال مختبر التحليلات…العمل كان عادي حتى دخلات الدكتورة مديحة بغير سابق انذار كتزرب لاحت الصاك ومشات لداخل عند الطبيب الي لي معاها حتى دخلات كتقلب هنا وهنا وعقلها مرفوع…
محمد : ياك لباس !!
مديحة”بغات تبكي” : واحد تقرير انا درتو مع ليزاناليز ديال الدكتورة الهام المنصوري عقلتي ؟!
محمد : كنضن را مع ليزاناليز ف لونفلوب ؟
مديحة : وواااالو عيطات ليا والو مكاينش وانا متاكدة حطيتو ودابا جيت غا باش نشوف واش طاح ليا وانا متاكدة حطيتو مع تحليلة وسديتو…”حطات ايديها فوق راسها” مشكييييييلة مشكيلة…
محمد : ديتيه ليها نتي ؟!
مديحة”شافت فيه ” : لا رسلتو مع فرح سطاجيير جديدة…
محمد : عيطي ليها وسوليها…
مديحة : كريييمة
كريمة : وي دكتور…
مديحة : عيطي لفرح عافاك فينهيا دخلت مبانتش ليا ؟
كريمة : جيت لقيتها مشات تغذا وباقي مجاتش …
مديحة : كيفاش مجاتش”شافت فساعتها” فاتت وقيتة البوز بزاف فين مشات ؟! جيبي ليا نمرتها من وراقها دابا…”مشات بزربة جبدات من سيفي ديال فرح نمرتها وعطاتها ليها صونات ليها لقاتو مشغول وبالفعل مشغول لانها فهاد اللحضة كتهضر مع عصام فوذنيها و زين الدين قدام عينيها وياااا له من موقف”
فرح : اا ؟ م مسمعتوش انا كنت لداخل…
عصام : مال صوتك عيان ؟!
فرح”شافت جيهة زين الدين غير من تحت مكتهزش فيه شوفة ابدا وقلبها را ممكن يكون كيتسمع معرت فين…لكن باش تخبي على خوها مابغتش تخبي عليه وتحطو فالصورة” : انا كنت فالمستعجلات…بلا متخاف غير مشكيل الوجع ثاني ..
عصام : كيفاش !!! ثاني ؟ ودابا فينك ؟ انا شوي ونجي عندك..
فرح : لا بلاش عطاوني شوكة ووليت شوية هاني عندهم دابا غاد نخرج نخلصهم ونطلع نطلب من طبيبة تخليني نمشي نرتاح ونجي والله متخافش عليا…
عصام”هز حاجبو” : عندك فلوس كافييين ؟ را مستعجلات الكلينيك هادو اشريفة ..بلا قوة الهضرة عليا شوية ونكون عندك…
فرح”حطات ايدها على حنكها” : وااا عصام و “قطع عليها فالبلاصة”
زين الدين”كيشوووف فيها السيد حاضي تفاصيل هضرتها مع خوها وكيفاش هضرت وخافت…حتى نطق بداك صوت ” : شوية دابا ؟!
فرح”جمعات غوباشتها ونزلات عينيها فالتيليفون” : شوية خويا شكرا غير سير عافاك شوي وغايجي خويا مبغيتش مشاكيل …
زين الدين”عاد حلات ليه الجلسة هههه” : مزيان…
فرح”شافت هنا وهنا وهي تنوض شادة فكرشها باقي فيها شي نغيزات كيتهدنو مع الدواء” : ففففففف
زين الدين : شششش فين غاديا ؟!
فرح”كتحاول تشتت النضر متشوفش فيه” : فحالي غاديا غايجي خويا ونصدثو فالمشاكيل كنقوليك را جاي مكتسمعش ؟!
زين الدين”تكا على الكرسي مربع ايديه” : الي جا مرحبا الله اودي زمان ما شفنا با عصام مزية نهضر معاه جابتها الوجيبة …
فرح “خرجات عينيها ” : واش كتهضر من نيتك اخويا ؟!
زين الدين”رفع حاجبو” : شنو المشكيل ؟!
فرح : والو وااالو مكاين تا مشكيل “يلاه بغات تنوض حتى صونا تيليفونها جاوبات فالحين “
مديحة : فرح !!
فرح : وي شكون معايا ؟!
مديحة : دكتور مديحة هادي الي معاك فينك ؟!
فرح : ااا ؟ ديزولي دكتور تعطلت انا جايا دابا عندك ونشرح ليك انا فالمستعجلات غير نخلصهم ونجي …
مديحة : قبل ماتجي ليزاناليز الي عطيتك تعطي لدكتور الهام واش حليتيهم ؟!
فرح”تفكرات بالي الفضول كالها ومشات حلاتهم وهي تصرط ريقها” : ااا ب م
مديحة”دايرة ايدها على راسها بقلة صبر ” : فراااااح التحاليل الي ديتي مافيهمش التقرير كنت خارجة حتى صونات ليا الدكتور الهام علماتني بالي مكاينش وهو مهم ضروري ميمكنش انا نساه ورجعت من كونجي ديالي باش نقلب عليه مالقيتوش وانا سيغ اي سيغتان درتو ميمكنش منديروش راني خمسطاش العام وانا فهاد الضومين ميمكنش نسا شي حاجة..رجعت بالكاميرا نشوف لقيت فعلا درتو واخى وحدة خذاتو هي نتي ..دونك واش حليتيه وفين تقرير ..
فرح”قلبها بدا يضرب جاتها البكية حيث على مشارف انها طيح فمشكيل كبيييييييييير ” : غ غير بغيت نشوف ماعرفتش والله ماعرفت”بدات كترعد” غير قريت ورجعت ليزاناليز لبلاصتهم”هادشي كيسمع فيه زين الدين*
مديحة : دابا طلعي عندي نشوفو هاد المشكيل الي طيحتيني فيه …Vous êtes irresponsable …”قطعات عليها فالبلاصة تا غمضت عينيها ووجها ولا حمر هادشي كامل لاحضو زين الدين حتى وقفات واخا عيانة الخلعة عطاتها واحد الجهد تا بدات تجمع فحوايجها…وهزات صاكها بغات تمشي تا وقفها بايدو ” حيد خليني عافاك نمشي حيد …
زين الدين : شنو واقع ؟!
فرح : والو والو خليني علييييييك واااخليني عليك الله يرحم ليك الواليدين غايجي خويا ونصدقو فالمشاكيل خليني نفك مشكيلي عافاك …وشكرااا على شنو درتي …”ماقدرش يهضر ظزال احتارم رغبتها حيث شاف وجهها تبدل فاخر مكالمة كثر من عصام وقدر يلمس حجم المشكيل خلاها على راحتها خرجات كتزرب مشات لاستقبال باش تخلص حتى لقاتو مخلص ماقدراتش تزيد تسول خصوصا تيليفونها ماحبسش من الاتصال ديال مديحة دغيا دخلات لسانسور ومشات لطابق ديالها….اما هو شاف ساعتو لقا بالي الاجتماع ضروري خاص يكون فيه مايحطش علي فموقف محرج وهو كون بقات تهضر معاه را الله ينعل جد بو شي علي هههه
طلع حتى هو للطابق فين كاين الاجتماع دق الباب ودخل لقاهم كيهضرو اعتاذر منهم وجلس مستانف معاهم الاجتماع ولكن بالو ماهواش هنا بالو مع الي مشات ووجهها مغير …
علي. : بون بما ان الدكتور البغدادي جا ف نهضرو نيشان كيف شفتي اسي نوري هضرنا قبل ودابا بغينا نكونفيرميو …طبعا ضروري من كوميسيون هادي حاجة باينة مغاديش نضيعوكم فحقكم هههه …
نوري”تبسم” : الله اودي مافيها شك من جيهتكم …
زين الدين”كان مريح رجل فوق فخدو مفرقين وايديه مشابكين كيدور فالكرسي يمين شمال مركز وا غاا كيحاول يركز اما عقله ما هناش …حتى حنحن ونطق بسؤاله ل بروفيسور المسؤول تما ” : عندكم زيادة ف les salariés ?
ع.الحفيض”كيحك فذقنو بتفكير ” : كنضن سي كاين هاد الايام نشوفو معاهم حل …
زين الدين”تقاد فالجلسة” : la semaine prochaine (السيمانة جايا) شرفني بوجهك الكريم نتا والحاج نوري عندي فالدار ولابد …
ع.الحفيض : الله يكبر بيك ايه مرحبا…
زين الدين”كيشير بايدو بتعبير” : زيارتكم واجبة عندي..”شاف جيهة علي” بحضور الحاج البروفيسور الزياني …باش مكان نعلمكم بالنهار “حك لحيتو بخفة” ولابد نعرف الوقت الي مسالين فيه اما زيارة ضرورية الحاج …
نوري : هههههه ياك اسي ههه وحنا نقولو لا ل ولد البغدادي عيب اولدي…
زين الدين”حدر راسو باحترام” : الله يكبر بيكم …
يلاه كيهضرو حتى صونا تيليفون المدير فالمكتب هو فالعادة الى كان اجتماع راه مكيجاوبش لكن للصدفة جاوب فوسط الاجتماع…
نوري”تبسم ليهم باستاذان باش يجاوب تا حركو ليه ريوسهم ” : وييي ..شنو المشكيل ؟! وي وي !! سطاجيير جديدة ؟! جو بونص نتي الي مكلفة ا مريم n’est-ce pas ? داكوغ عطيني سميتها …فرح الخياالي…
زين الدين”غير سمع اسمها وهو يتقاد رافع حاجبو مخلي علي كيهضر معاه “
نوري : نسالي هاد réunion نزلو بزوج تسناو حتى نساليو…”قطع معاهم وضار عندهم باش يهضر ” مشاكيل فهاد لاكلينيك …
زين الدين”بلا ميحس” : شي مشكيل ؟!
نوري”هز فيه عينيه ” : ااا ؟ وي واحد سطاجيير دارت واحد المشكيل ضروري ندخل كون المشكيل كبير شوي …
زين الدين : اكد ليا على الاسم ؟!
نوري”باستغراب وما هكاك شاف فالورقة الي قيد فيها سميتها” : فرح الخيالي…نورمالمون مديرة الموارد البشرية الي كتصرف …
علي”كمش حجبانو وضار عند زين الدين” : ماشي البنت الي لقينا فالباركينغ ؟!
زين الدين”عقد حجبانو وحرك ليه راسو بمعنى هي ورجع شاف فالمدير ” : المشكيل كبير ؟!!!
نوري : سي شوية وغادي دخل …
علي “ناض وقف ” : بون كنضن تفاهمنا دابا بالنسبة لباقي التفاصيل مزال نهضرو و كونفوكاسيون ديال افتتاح من هنا لواحد سيمانة وتوصلكم وحضوركم يشرفنا …
ع.الحفيض : الله يحفضك …ضروري منحضرو وايلي هههه زين الدين رخيص عندنا ..
علي : اممم هي انا صافي صديت وكان هههههه …اسيدي مقبولة منك”سلم عليه وهز لوازمه باش يمشي حتى ضار لقا زين الدين باقي لاصق هههه ” اولدي واااشريف “هز فيه زين الدين عينيه بشوااااااايا بغا يقتلو بهاد الحركات” هاحنا تاني بدينا…واتحرك اولدي نمشيو…
زين الدين”غمز ليه بشوي” : تحرك نتا وكان نسالي شي امور ونوصل عليك…”شاف فيهم “
علي : نبقى نتسناك ؟!
زين الدين : تحرك بطوموبيل “جبد ساروت من جيبو” شوي ونوصل عليك…”شافو كيشوف فيه” الحاااج دير ليا خاطري وكان …
علي”بغا يتفقص هههه تحدر عندو وهضر ليه فوذنيه” : هاد فرح الي خلاتك تنسى راسك ومشاغيلك مزال لينا هضرة وكلام عليها…انا غانتحرك غير فهاد جوايه تسالي عيط ليا “ورك ليه على كتفو مزيااان وشاف فيهم تبسم وخرج “
زين الدين”تقاد فالجلسة وشاف فيهم حتى بدا يهضر معاهم “
فهاد الوقيتة كان جاي بموطورو وتيليفونو مساكتش من الاتصال حتى تبرزط بالمعقول ووقف الموطور صاعر كثرات عليه الاتصالات تا وقف بجنب وجاوب مكشكش …
عصام : لميااااااء برزطتي ليا رااااااسي الحبس راااسي …اش كاين ممساليش لعدو ربك تانتي …
لمياء”ردات بصوت غالب عليه البكا” : علاش مبغيتيش تجاوبني فالواتساب اهى خليني غير نهضر ونفهمك…
عصام”كيضرب فناضر ” : وااااا هضرت معاك الق”عض لسانو حبس الهضرة الخاسر” هضرت مع دينمك جوج كلمات مافتهمش معاك ابنت الناس باغي الحلال راسي شاااب ما ديال تبرهيش ودوران فزناقي …بغيتي مرحبا مبغيتيش مباقيش تبرزطي ليا كري يلاه…هاد المرة تقوي عليا نبلوكي جد مك …
لمياء : لا لا بغيت غير نقوليك اهى اهى صافي موافقة غير جي انا خفت غير نتبرزط بالخطبة وعندي امتحانات هادشي باش اهى اما بغيتك والله تا بغيتك “كتمسح دموعها وينزلو”
عصام”حك وجهو وزفر بتعب وقلة حيلة” : مال والدين مك فهاد التخضخيض الي درتي ليا ؟!
لمياء : هههههه اهى وغا سمح ليا …
عصام : سمح ليا اممم واخا …سيري ماشي دايا تتسالي امتحانات ونهضرو فهادشي سيري دابا مبرزط مع ختي…
لمياء : عاوتاني ؟ مالها !!
عصام : مريضة ماعلينا سيري دابا نسالي ونهضر معاك ومرة جايا تعاوديها منعقلش عليك …
لمياء : لا لا صافي صافي سمح ليا “كتمسح دموعها بطرف كمايمها وتسحت وتنخصيصة كتسمع ليها” هاني…حتى نهضرو وديك ساعة نعلم بابا …
عصام : سالي الامتحانات وديك ساعة يكون خير انا نمشي عندو ونهضر معاه ركزي ليا غير فقرايتك الله يرضي عليك…
لمياء : واااخااا ان شاء الله ….
واقفة قدام الدكتورة الهام ومديحة فمكتب الدكتورة الهام من بعد ما شافو تسجيلات بالكاميرة بالي مشات لتيراس تما وحلاتو وقراتهم حتى مشاو لتما كيقلبو ومن حسن الحظ لقاو الورقة كيلوح فيها البرد تما…
صونا ليهم المدير ومديرة الموارد البشرية باش ينزلو عندهم ….بقاات غادية كتفرك فايديها ونسات زين الدين هي كاااع حتى دقو الباب وسمح ليهم بالدخول دخلو بثلاثة وهي لاخرة حادرة راسها…شرحو ليه شنو وقع …طلب منهم يمشيو حتى يعلمهم بشنو كاين ومنهم مريم RH بقات غير هي وياه…
نوري : جلسي بنتي جلسي…
فرح”صرطات ريقها وهي تجلس حادرة عينيها”
نوري : شنو الدافع الي خلاك تقلبي ليزاناليز privé ؟!
فرح”بصوت رقيييق مع العيا شوية والخوف والحزن ” : منكذبش عليك موسيو فاش كنت كنقرا كنت كنبغي نعرف كلشي نتعلم ونعرف منين جات الحاجة وعلاش..يمكن فضول فيا خايب فاش قالت ليا بالي التحاليل الحساسة كتكون يا كونصيغ او ايدز جاني الفضول نشوف كيفاش كيطلعو ب لي مو كلي وشحاال النسب كيطلعو…
نوري : كان ممكن تشوفيهم من بعد عطا الله فين تشوفيهم..
فرح “خركات راسها” : غلطت سمح ليا موسيو…
نوري : لو مالقاوهمش كنتي غاتسببي فمشكيل كبير لدكتورة عشر سنين وهي معانا بلا مشاكيل …لو مكنعرفوهاش كانت حتى هي غاتمشي …ميمكنش نضحيو بوحدة بروفيسيونيل واكسبيريونص لسنوات فحالها وعاد فاش عطاتهم ليك تديهم لدكتور الهام هادشي مسموح كونه داخل فاطار العمل ديالك … عندك ما ضيفي ؟!
فرح”بنفي ” : لا مع الاسف معنديش واي كلام موسيو لو ديغيكتوغ قلتيه صحيح و سي جيست الغلط مني ماعندي مانضيف كلشي شفتوه بعينيكم …وخا نقول جوسوي ديزولي بزاااف مغايمحيش الغلط الي درت…ولكن حاجة وحدة وخا عارفة معاديش تفيذ لكن ماعليش نقولها…من الغلط كنتعلمو يمكن هذا غلط فمجال العمل ديالي وفادح كنترجاك تسمح ليا وتعطيوني فرصة وخا عارفة حضي قليييل ماعليش نجرب”هزات فيه عينيها بترجي”
نوري : شنو التخصص ديال ليصونص ديالك !؟
فرح : لصونص فالبيولوجي تخصص فيزيولوجي فارماكولوجي….
نوري”بقا كيسمع ليها ويشوف ويفكر” : جيتيني توصية العزاز ووجهك ابنتي ماشي ديال هادشي ..وخا مكينفيش الغلط ديالك…دكتور مديحة مغاديش تبقى تقدر مزال ثيق فيك ابنتي…غانشوف كيفاش باش متمشيش وكملي معانا دونك غادي تبقاي 3 mois عندنا من بعد ديك ساعة نعطيك واحد الورقة فين تمشي مي الى ثبتي الكفاءة ديالك عندك نسبة كبيييرة تخدمي معانا وهادشي راجع ليك…
فرح”بلمعة من عينيها” : يعني نبقى !!
نوري”حرك ليها راسو وناض كيقاد فكمايمو” : بقاي هنا واحد شوي حتى نجي ومن بعد سيري ..نيشان لداركم ترتاحي على ماعرفت كنتي فليرجونص ؟ غذا فصباح رجعي ونشوف مع دكتور مديحة سي نو نشوفو فين نحطوك….”حركات ليه راسها وهو يخرج قبل ميسد الباب دق فيه وسدو وهي بقات جالسة فرحانة تا صونا ليها عصام “
فرح : وصلتي ؟! انا واحد شوي ونزل عندك كاينة عند المدير ديال لا كلينيك…خلاني نمشي نرتاح …
عصام : واش شوية نتي بعدا ؟ ماعلينا انا فالقهوة الي مقابلة مع الكلينيك…
فرح : واخا”بقات جالسة كتسنى وتشوف فالبيرو حتى تسمع صوت تقرقيب وهي دور جينة واحد الباب تما تا تحل هزات عينيها كتشوف وكالعة طالعة طالعة تا استقرو عليه بداك الوقفة تريكو الخايط فداك اللون خزي الي جا معاه وبعرض كتافو للحضة تفكرات صفاء مكنية عليه عريض الكتاف.. خاشي ايديه فجيابو تا هزات فيه عينيها بخطفة شافتو كيعض ويحك فشنايفو بسنانو كيشوف فيها…بغاات تنوص تمشي وصاها المدير متحركش وهي دير ايدها على جبهتها وحدرات راسها بنفااذ صبر “
زين الدين”بقا عاض شنايفو..صغر عينيه فيها وعوج راسو شوي ونطق بشوييي ” : شوية دابا ؟!
فرح”كضرب فجبهتها ” : واااااكواااك اسيدي ياربي اش كيدير هنا ياربي …
زين الدين”رفع حاجبو” : كااااع ؟؟…
فرح : ااااه كاااع…وعلاش جيتي هنا ؟! ياك قلت ليك شكرا واعتاذرت منك اس باقي مزال ؟! را غايجي عصام يرحم ليك الواليدين مديرش ليا صداع”هزات فيه عينيها شافت فعينيه نيشان الي كانو عليها كيتفحصوها باقي منضرها وهي طايحة مأزمو بقات فيه” …
زين الدين”تاهو معندو سوق حيد ايديه من جيابة ومشا تلاح فوق الفوطوي تما تنشر ليها حط رجل فوق فخدو مفرقهم كيف العادة.. ساس فوق ركبتو بحركة سريعة هو مثقل وهي بغاات تجذب ههه ” : ماعليش”حط ايدو على صدره كيحك فيه” با عصام ديالنا جات عليه يهز من جيهتي ..مادرتهاش قليلة فحقو نستاهل….
فرح”خرجات عينيها” : ياويلي …والله حتى غاتجبد ليا المشاكيل”مبقاتش تسوقات لمدير ولات تفتفت تا ناضت وخرجات سدات الباب ومشات اما هو حط رجلو وفرق رجليه حاط مرافقو فوق ركابيه داير ايدو فلحيتو غارس صباعو فيها كيدوز عليها ويعاود ويشوف فين وصل راسو تا لقا راسو جالس على ودها…وزادت عزات عليه اكثر المشكيل الي وقع ليها وخا فضولها وصلها لهادشي وكون ماهو طلب من المدير كون جراو عليها فالبلاصة…جبد تيليفونو بغا يعيط ل علي لقاه طافي مهرس غمض عينيه تفكر فاش لاحو تا تهرس ” : حنا ساهلين مع تشيتشونا…. ” وقف كيسوس فحوايجو باش يمشي حتى دخل المدير…”
نوري : صافي ولدي تهنى من جيهتها نحسبها فحال بنتي هنا…
زين الدين”مشا ليه باس راسو” : يتوووب عليييك ويعلي مقدارك الحاج …
خرجات من مكتب المدير كتزرب وشادة فصاكها ودور لا يكون تابعها هههه ولكن عقلها كااامل كان مع عصام لا يتسلط عليها من حيث لا تحتسب ويتلاقا وينوض الصداع الي ما بعده صداع فكلينيك حيث لا عصام لا زين الدين كيتسوقوو لمكان الي هما فيه …هبطات بسانسور لطابق التحتاني ضارت هنا وهنا ومشات كتزرب خرجات من الكلينيك على برا قطعات شانطي …
فرح”دارت تيليفون فوذنيها كتصوني ليه وتنهج ودور تقلب بعينيها لا يخرج زين الدين ..يلاه غادور جيهة القهوة تا حد ايدو عليها وهي تغوت ” : وااااااااااععععع
عصام : ششش امالنا ؟!
فرح”تحنات على ركابيها ” : ففففف خلعتيني حرام عليك…
عصام : لهاد درجة !! جاري عليك شي حد ولا مالك ؟!
فرح : هاا ؟! الا لا “وقفات كتقلب بعينيها” وو والو ماجاريش غير جيت كنزرب افففف عيييييت …كون تعرف اش وقع ليا اعصام..
عصام : شي باس مكاين ؟!
فرح”قربات تابطات دراعو وتكات على كتفو” : كانو غادي يجريو عليا …
عصام”عقد حجبانو” : علاااااش ؟!!!
فرح : واخا نحيدو من هنا نمشيو لدار ونعاود ليك عافاك يلاه را عييييت باقي فيا الوجع شوية …
عصام”قادها معاه كيشوف فيها من فوق تحت كيتفحصها حتى من وجهها بان ليه ماهواش مخطوف كانها شافت شي حاجة ورجح انه الي جرا ليها والي غاتعاود ليه هو الي خلاها هاكا…” : يلاه تحركي…شوية بعدا”حط ايدو على حناكها”
فرح”حركات راسها” : لا لا شوية يلاه نمشيو نرتاح الحمد لله سمحو ليا نمشي …”مشا جاب الموطور بالزربة وهي عينيها على الكلينيك لا يخرج ساعاك ماخرجش حيث هبط لاكاف فين كاين الباركينغ فين جا البروفيسور علي الي هضر معاه من تيليفون المدير… ركبات ورا عصام تنقاتو من لور كسيرا بالموطور نيشان لدار …اما هو نزل لقا علي فالسيارة الي غير شافو وبغا يخرج لكن زين الدين هز ايديه بمعنى غير خليك سوقها انت وركب حداه كيقاد فالسانتيغ…
علي”بطنز” : هنيتي على كريمتكم اسي البغدادي…
زين الدين : شقيناك معانا اسي الزياني وكان ؟!
علي : هههه لا شقيتي غا راسك اولدي ههه ..
زين الدين”كيشوف قدامو وغمز بجنب” : ماجاتش نخليها وحدها…كتبقى بنت الناس…
علي : الله اكبر …ومني بنت الناس علاش مكملتيش معاها ؟!
زين الدين”الصمت”
علي : عيبك اولدي مخبي ليك مزاياك المزيانة…عيبك اولدي هو الي وصلك فين وصلتي…”هز صبعو” تخليني نهضر ومتهزش راسك فيا …
زين الدين”عقد غوباشتو كيسمع ليه عارف شنو غايقوليه ويمكن محتاج يسمع لهاد التوبيخ عالاقل الى وبخو شي حد وعاتبو ولامو على الي دار ممكن يتنفس من التفكير ديال الضمير المسيطر عليه….محتاج لهاد النوع من الكلام يسمعو لا ربما ينقص عليه”
علي : دغيا ولدي كطير ليك النقشة وتصعر ايييه بعض البشر ميستاهلش تصبر ليه وليني ماتجمعش كلشي حاول تبت راسك فالي يعصبك مع الناس الي ماتستاهلش فحال هاد بنت الناس …الصعرة والغضب والحسيفة والضد عماو ليك عينيك تا جريتيها فحسابات ماعندها فيها لا ايد لا رجل !!
زين الدين”كيحك شنايفو بسنانو..قبل مينطق ” : لاكان غير هي وخوتها حقهم على رقبتي ليوم الدين…
علي : هادشي الي جاري معاك اولدي وسمع مني راني فمقام خوك الكبير نساا واش انا بروفيسور ديالك نسا كلشي ودير قوقعة بيني وبينك…متاكد الي واقع ليك عذاب الضمير ؟!
زين الدين”رفع حاجبو وشاف فيه بجدية” : شنو من غيرو ؟!
علي”حرك راسو باستهزاء” : هههههه راوغني اولدي كريستيانو الهضرة هو نتا…ذوق كلامي وعطيني نيشان بلا كثرة التراويغ هادشي ماشي فعادتك…
زين الدين : هادشي فايت ضمير لهيه…
علي : هاااا هاحنا بدينا نوصلو لمفيذ…
زين الدين : بلا كثرة الهضرة استاذ (كيقوليه استاذ ولا الحاج علي ولا فطنز با علي) تحطات فراسي وبالي …ماحيداتش ماعلى باليش واش ضمير وعذابو ولا كثرة تخمام فيها…نجاوبك بالكذوب ؟ “هز ايدو” هادشي مافياش يا نيشان يا بلاش !!!”شاف فيه بعينين جديين”
علي : وشنو المعنى…
زين الدين : بالي معاها ومعاهم…”شير لراسو” هنا تحطات ودگات وتادها…ماعرفتش هادشي معناه معالم بيه غير الله سبحانه…”سرح ايديه بزوج ” هانتا ب فهامتك عرفتي باللي معنديش الخاطر وخا تشوفني متبت لا لقيت الهنا راني مزيان الي حك عليا يلقا الي ميعجبو معايا…”سكت شحاال وعاود نطق ” الشايب الي تسنينا براكتو حط البلغة ودخل بغيسو …شفنا عيبو وفسادو حتى نوض فينا الي ميعجب حد ومايعجبني تانا راسي”ضرب راسو” ماشعرتش ماعلمت ما ريت تالقيت راسي مدخل معايا بنت الناس وخوتها …تاحاجة متبان ليا دابا وما هضرت مع خوها …
علي : اش غادير تمشي عندو ؟
زين الدين : ولابد نسالي هادشي الي عندي وندير ليه وقت يستاهل ماشفت منو غير الخير والصواب وبشاشة الوجه…
علي : ولكن رد بالك عارف بالي هو مساهلش وواعر على معاودات ليك لا هي لا جدها هادشي كامل نتا عاودتيه ليا…وعاد ناس ديك البلاصة فين داير المحل ديما المضاربة راني دوزت شي عوام فالجديدة وعارف ناسها مزيانين مضيافين والكرم غير مشتت وليني لا حكيتي عليهم وعر منهم مكاين هادشي عامة والسيد خوها بلا هادشي ضروري ماتلقا المشاكيل…
زين الدين : ماعنديش مشكيل يكون كيما بغا يكون الي ماشي رجلة هي لا دورت وجهي عليهم بلا مانفسر الي وقع !!ماشي رجلة فحقهم …
علي : وهي ؟!
زين الدين”رجع بلاصتو كيشوف قدامو ” : يدير الله خير …
كيف وصلات هي وعصام جلسات حتى عاودات ليه شنو جرا بالحرف طبعا مع امكانية حذف مشاهد مع زين الدين والا غادي نشوفو نوع اخر من الرعب هههه ….من بعد عاد مشات نيشان بدلات بالخف الويز الي عمرات نيييت غير ضربو ليها شوكة وهي تسرح مزيان …غسلات حالتها ووجههاعاد مشات بدلات حوايجهاا لبسات بيجامة سخونة ولوات عليها بينوارها ولبسات تقاشر تكلكمات كلها وخرجات باش تكا فالبيت تا لقاتو كيقرقب فالكوزينة وهي طل عليه …
فرح”لقاتو كيعمر فاتاي ويكثر سكار حيث عزيز عليها سكار زايد فيه ” : اش كدير !
عصام : اش بان ليك ؟!
فرح”شافتو هز معيلقة القرفة دارها فكسر نة صغييرة” : لاش القرفة “حابسة ضحكة”
عصام”شاف فكسرونة وشاف فيها حابسة ضحكة” : لاش كتهجري فيه دابا “مطلع حاجبو”
فرح.: تههههه القرفة فين عرفتيها ؟!
عصام”حك راسو” : ومكديريهاش ؟!
فرح : انا كاااع مكتقضي فيا القرفة راك عارف ديما كنمشي لسبيطار ولا كتشري ليا فنيد انما القرفة اخويا را فحال كنشرب الما ههههه منين عرفتي ؟!
عصام : متحكريش ..شنو نطفي عليها ؟!
فرح : غير طفي ههه ..
عصام : سيري رتاحي انا نجيب ليك متاكلي راك ممغدياش كولي ونعسي رتاحي تانجي.ونهضرو على المشكيل الي درتي القاعدة هي القاعدة فضول المعرفة معمرو يحيد منك !! لبديها شوية فهادشي ا فرح الله يرضي عليك راكي باغا تخدمي وضمني بوسط ديالك ماشي تخليها على راسك من نهار لول ..انا الحاجة لاخرة الي شغلك ومكندخل فيها ماعادا الي بغا يضرك را منعقلش عليه…تعلمي فرح الخصوصيات كيف كتقولو ليها يعني شغل ماليه ما ديالك …هاني ماقاريش وعلمتك…
فرح”حركات ليه راسها” : واخا خويا…
مشات هي البيت وهو كمل شنو كان يوجد ليها من ديما فاش كتمرض كيعرفها كتبغي تاكل وشهيتها مفتوحة من ورا وجع ليغيگل كيوجد ليها يا هو يا فوزي…حط ليها الماكلة وخرج ..كلات حتى شبعات وبالعيااا عينيها بداو يتسدو معقلاتش على راسها تا نعساااااات دوا العصر قرب المغرب وهي ناعسة …حتى دق الباب مرة زوج وهي تحل عينيها ورجعات غمضاتهم وجاوبات وهي ناعسة…
فرح : شكوووون …”عاود دق الباب وهي تنوض كتفوه وباقي مشقلبة بالنعاس عينيها منفوخين غاديا وتجر فرجليها تا حلات الباب بانت ليها فاطنة …” مي فاطنة مالك ماحليتي بساروت…
فاطنة : غا سمحي ليا ولينا برانييين مبقينا نحلو بساروت”مقلقة منها بلعاني زعما”
فرح”حلات عينيها بصدمة” : اويلي على برانييين ؟
فاطنة : مابقيتي تجي عندنا تبدلتي ابنتي ماتقوليشااااي لا تبدلتي ..ماعلينا انا سمعت من عصام بالي كنت ف مشتعجلات (مستعجلات) كي وليتي شوية ؟! سمحي ليا ماصبتشاي منسولش فك (فيك) …
فرح”بحزن..حيث عرفاتها شنو قصدات ملي تخاصمات مع صفاء العلاقة رجعات لور وهادشي غالط لان فاطنة معندها علاقة بخصامها مع صفاء” : حرام عليك
فاطنة : وخا ندخل ؟
فرح”بلا متهضر نيشان ترمات عليها عنقاتها وتنخششات فيها بغات تبكي حيث بصح حسات براسها زادت فيه كون فاطنة كتبقى الام الي رباتها معندها ذنب” : سمحي ليا والله مقاصدة غير تدهيت مع الخدمة ومشاكيل دخلي ونعاود ليك…عارفة غلطت ونتي معندك ذنب وهاد دار وانا وخوتي ولادك وديالك غير سمحي ليا والله …
فاطنة”حطات ايدها على شعرها كدوز عليه” : ههههه تي راني غير نبسط معاك الهشيشة نعل والديك هههه راني عارفة عاود ليا فوزي على خدمتك ابنتي غير ملي خدمتي هذاك رباح…
فرح : ودخلي !!
فاطنة : صبري عليا نشر شي حوايج ونزل عندك”ضارت وهي تعيط لصفاء” صافا بنتي دخلي ديك صينية لدار هنا…
فرح”هزات راسها كتشوف وهي تبدل ملامحها وحدرات راسها”
صفاء”تاهي داخلة هازا صينية وحادرة راسها..حتى قربات لفرح وهضرات بشوي ” : كي بقيتي ا فرح …
فرح”حكات شعرها كتشوف لتحت ب ارتباك” : شوي شوية اختي احم …
فاطنة : دخلي حطي داكشي “شافت ففرح” هذا گوتي قاليا عصام وجد ليك متاكلي وليني تكوني جعتي …
فرح : اا هههه اه يلاه فقت نيت جيعانة..احم نخلي ليك باب محلول ؟!
فاطنة : واااه غا رديه شوي ونجي والى جا ولد نجية (سيمو) تاهو يدخل…
مشات فاطنة لدارها وفرح بقات شحااال مترددة انها تدخل ماتدخل تدخل وميمكنش تخلي صفاء وحدها لداخل مالقات سوى انها تستسلم ودخل..دخلات لداخل لقاتها كتهز فداك بلاطو اللول الي وجد عصام وتدي فيه لكوزينة …
فرح”حنحنت” : احم غي غي خليه انا نغسلهم…
صفاء”مكتشوفش فيها” : ماشي مشكيل فحال انا فحال نتي…غير رتاحي اختي …
فرح”بقات ساكتة مقالت والو او مقدراتش مزال تهضر معاها كل واحدة فيهم واخدة على خاطرها من ثانية ووحدة فيهم شايلة من ثانية ووحدة منهم خايفة من ثانية ومستحية من لاخرى…موقفهم والي طرا ليهم صعييييييب…العلاقة الي كانت بيناتهم تهرسات او تقاصت هاذا راجع لحجم الجرح الي تسبب فهاد الانكسار او الشرخ الي وقع بيناتهم…ماشي ساهل انهم يرجعو كيف كانو…شافت تا عيات وجلسات شادة تيليفونها مكونيكطيا فالانسطا كيف العادة او كتمشي تقرا مقالات او روايات بالفرنسية…او كدخل ليوتيب تفرج فالطبخ او محتوى ثقافي او اي حاجة تشغلها …كتسمع غير تقرقيب الماعن …حطات تيليفونها بغات تكب ليهم اتاي حتى كتهز عينيها وتقشع لالة ومالي البدوزة طبوزة كحلة مكحلة وزغبها يبرييييييييي جالسة ليها حدا واحد سداري اي نعام لالة البنات لالة الطوبة نعماس …ماعرفات باش تبلات كتشوف فيها لهييييه منخرها كيتحرك وتشمشم وفرح كتحل عينيها وتسدهم وتقول ياكما لعب عليا الوجع ..حتى تاكدات بالي هي لالة الطوبات قد سخط وهي طلقاها بوااااااحد الغوتة ” : واااااااااااااااااااااااااااااو ويويويويويويويوي. “نقزات لفوق وتكمشات كتغوت”
صفاء”كانت كتغسل فصينية غا سمعت الغوتة شقلبات صينية بصابونها على شوي تجي ليها.على وجهها” : سيحت سيكس وسابيكس…وولاد شريف وبن عم علي ولد روفيكس …اسلااااامة سلااامة…”
مشات تجري فين كاينة فرح وهي تلقاها جالسة قفزاي لفوق كترعد وعينيها على نقطة معينة والي مشافتهاش صفاء …كتشوف فيها جالسة قفازي وصبع باش توريها فشل عليها …كتدور عينيها فالبيت والو وهي تشوف فيها …
صفاء. : اويلي مالك ؟!
فرح”كتصرط فريقها بغات تقوليها طوبة ” : فففف ببب با ابا..
صفاء : اويلي تزيزنتي ولا مالك ؟! اش واقع ؟!
فرح”كتهز راسها باش تشوف فين كتشوف” : اممم اشوفي ا تم عن د اتن نم
صفاء : هادي مالها تخربقو ليها المجاري …وتتي هضري مالك ؟! “كتشوف فين كتشوف فرح مالقات والو يلاه بغات تقرب ليها وهي تحس برجليها شي حاجة كتنغش فيهم هزات رجلها كتحك بغات تحطها حطتها فوق طوبة وهي تهزها بزربة شافت فين عسفت وهي تلقاها على من جودها مهبرة تاع بصح…اش نقوليكم اخوتي ما غوتات ما نقزت هزات عينيها نيشان فالحايط خرجتهم ” وووو ووووو مممم تتتت واعنعنعن ودددددد ففففف ممماااي ومااااااي (عند بالها را كتغوت وهي تا فرح الي حداها مسمعتها) واعتقيناااااي وااا سيمووووو واعوووو
فرح : وااااااعتقونااااااا وااااااااا مي فاااااطنة (كتغوت) وااااااااا ….”هزات تيليفونها لقاتو طفا من شارج وهو يكمل ليها الباقي هههه”
في هاد اللحضة دخل سيمو كان جاي مبلط شوية مفوت فالشراب جاي ويهرنن ماشي يغني …تا دخل عندهم لقا صفاء هازا رجل وواقفة بلاصتها وفرح فوق سداري لهيييييه جالسة قفازي شعرها تشعكك بالغوات ونتيف كتشوف طوبة كتولي تفيبري اما سراق زيت مكتخافش منو ممكن تشوفو تعسف عليه وتنوض نايضة لكن طوبة واحد الفوبييي ميمكنش…
سيمو”شاف فصفاء طلعها وهبطها وهو يقيسها بصبعو كتبان ليه فهاد اللحضة فحال بوطو راسمين فيه صفاء ” : ششش واش نتا حقيقي ولا تطبيقي ؟! ششش…
فرح”شافت فسيمو” : واااععع سيمو عتق طوبة عنعن واااعتااااق ….
سيمو”دار فحال غايفرتح وهو يفرق رجليه كيقلب بعينيه” : ايوااا فيييين ؟! “كيقلب بعينيه وخا مبلط بالشراب شوية متخافيش عليه…قلب بعينيه حتى لمحها غاديا كتجري لهييييه شاف فصفاء الي باقي مكوانسيا مالقا كيف يدير هزها هكاك كي شي عود وداها لكوزينة ومشا عند فرح ” تحركي من تما وجيبي ليا كراطة ليوم القوادة يا بيا ولا بيها “حط صبعو على ناضرو” اصلا جاي جاعر على حياة مها هاد الحياة جات فطريگي…تحركي دغيا”شاف فاالطوبة” اش كاين الخفاشة ..
بالكشيفة باش توگض ليهم تا جراتو صفاء لطواليط خوات ليه على راسو الما بطاسات وفرح مشات دارت ليه كاس القهوة فيه ساشية الفاني باش يتوگض خرجاتو صفاء لبيت كيمسح فوجهو تحل الباب ديال الدار وهو يدخل فوزي ماشي على برجو عياان وداخل فغير الوقت …
فرح : فوزي !! جيتي بكري “كتشوف فيه ماهواش” مالك ؟!
فوزي”بصوت مبحوح” : عيااان حاس بسخانة فراسي مقديتش نبقى فالمحل بزاف راسي بغا يتفرع عليا”كيقولها وصوته مدمر مسكين”
فرح : وايلي !!”قاست راسو لقاتو طايب ” سير بدل حوايجك وكول ىا مي فاطنة رسلات لينا كسكروط لقيتيه واجد نسخن ليك غير اتاي وكول ونعطيك دوليبران شربو ونعس…
فوزي”كتهضر معاه وهو يشوف سيمو جالس كينشف راسو وصفاء كتطرش فيه يتوگض” : مال هذا ؟!
صفاء : هذا ناس يسكرو وهو مزاحم… مالو ؟! تا سكرة ميعرف ليها …ماشي را دخلت طوبة عولنا عليه يقتلها را لاحها قدام الباب بميكتها حية …
فوزي : واش الي فواحد ميكة خضرة ؟! “حركات ليه راسها” تفو دزت عليها بالموطور على شوي تشقلب مي باينة قتلتها ..
صفاء : ماتشقلب والو ا با فوزي متشقلب والو راك مرضي قتلتيها سير انا راضية عليك اما هاد”ضرباتو تا غنص راسو” عضيمة سطوال خلينا ليه الله …
سيمو : اتي سيري سكران “كيشرب فالقهوة” ونضيتكم غا العقل مكانش واقف معايا مشا يبول …
فوزي”حرك راسو كيضحك عليهم.ومشا لبيتو بدل حوايجو وخرج ريح حداهم متكي بانت ليه صفاء كتمازح وضارب مع سيمو وفرح جايبا ليه اتاي وخا مكيهضروش هي وصفاء ماقال والو فضل يخلي الوضع كما عليه اللهم هاكا ولا بلاش شوي بشوي عالاقل فرح را متجريش عليها ولا تقوليها شي حاجة حيث مستحيل دير هادشي فرح ممكن تقطع معاها الهضرة ولكن باش تصرف تصرف خايب مديروش وفالاخير الله يصاوب بيناتهم وتا سيمو وخا سكران محكرش ههههه …”
فرح “مدات ليه كاس اتاي” : هاك كول وشرب هذا وسير نعس غادي تبرزط بصداع الى ضرك راسك ومنزلاتش سخانة نجيب ليك من عند مي فاطنة مخينزة …
صفاء : را باقا عندنا مغسولة منقية …
فوزي : تي لا غا ريحي جيبي ليا شي كاشة وغطيني وبقاو غير هنا متمشيو فين “شاف ففرح” ديري لينا شي لعبة لعشا ونتعشاو مجموعين”شاف ف صفاء” متحركي فين لا نتي لا سيمو بقاو غير هنا…
سيمو : بغيتي تموت كتوصي فينا …
فوزي”حرك راسو وضار لهيه” : مممم بحال هكاك…
مشات فرح جابت ليه الغطا غطاتو.وقاست جبينو كان عرقااان ونعاس قتلو دور وجهو لحايط ومشا حتى دخلات فاطنة ونجية بغاو يطمانو على فرح صدقو لاقيين فرح ولات لباس وفوزي الي عيان مريض ….خرجات فاطنة ونجية تحت توصياتهم لصفاء باش تبقى ….اذن العشا وهو يصوني ليها عصام…
عصام.: ماديريش بحسابي لعشا معطل اليوم شوي معشي عند دار صطوف كاين المحامي تما ممسالينش…
فرح : معاش غاترجع ؟ فوزي عيان شوية فيه سخانة..
عصام : وايلي !! مانتعطلش بزاف بحساب العشا ونجي والى تزاد عليه الحال علميني نجيب معايا دوا…
فرح : واخا صافي…
عصام : غير وحدكم ؟
فرح : لا كاين سيمو و احم ص صفاء”هنا عصام فرح لانه كان عارفهم مخاصمات وخا معارفش حجم الخصومة” وعاد خرجات مي فاطنة ومي نجية …
عصام : مزياان مزيان يلاه سيري ماتفوتش 12 ونجي الى كتب الله…”قطعات ومعاه وجلسات كتشوف فالتلفازة ومرة مرة تسمع لصفاء كتهضر مع سيمو ويتناقشو تا ناضت باش توجد العشا وهي توقف صفاء…”
صفاء : غير جلسي انا نوجدو نتي عيانة …
فرح : لا ماشي مشكيل غير جلسي…
صفاء : فرح ختي غير جلسي رتاحي اصلا بغيت نوجدو باش نغسل ماعن نخليهم تانبغي نمشي ونديهم…ومي كتوصي فيا منخليكش تحركي ونتي عارفة وجع ليغيگل كيسحك لك ركابي…”يلاه بغات تجاوب وهي تمشي لكوزينة مخلياها بلاكة…اول حاجة جبدات الدجاج من لفريگو ورداتو فالكوكوط يطيب غير بزعتر وتومة محكوكة ومليحة وزيت العود فقط سدات عليه بداك الما الي غايطلق هو فاش غايطيب تايوكح وغايتقلا فزيت الي بقا سدات عليه وخلاتو على عافية مهييييلة…مشات لافابو تغسل مطيشة والخيار باش دير شلاضة وعينيها على الشرجم كانت شوية شتاء كتنقط ومع شرجم الكوزينة كيطل على شارع لي فجيهة ثانية حيث دارهم عالشوكة …حتى بانت ليها طوبيلة نوع BMW كاتكات كحلة وزاجها كحل وقفات وكتقول فبالها شكوون هذا الي وقف حتى تحل الباب ووقف فايدو الكارو شاعل لابس قميجة بيضة وسروال كري حس بالبرد وهو يتحنى جبد كبوط كحل بالقب كيلبس فيه لاح الكارو عسف عليه وساط دخان كايدور فراسو هنا وهنا حتى خرجات عينيها على جهد جهدهم وهي تشهق
صفاء : فف فرااااااااح ا فف فرااااح”ماسمعاتهاش وهي تمشي كتجري بمطيشتها وخيارها وقفات عليهم وشافت فيها كتغمز فيها بعينيها وراسها شافها سيمو وهي تشوفها” واااااااا قوااادت نوضي “كتهضر بالحس لا يسمعها فوزي”
فرح : اش مالك ؟
صفاء : ونووووضي تشوفي “بغات تبكي بالخلعة” وااا عريض الكتاف ااا تانا سيمو اويلي زين الدين “فرح حلات فمها تا شهقت وهي دور ل فوزي ناااعس يتختخ بسخانة ..ناضت هي وسيمو مشاو يجريو لكوزينة لقاوه واقف كيهضر فالتيليفون ويشوف فالدار …”
فرح”خبطات فخادها” : اوييييييييلي اويلي …
سيمو : اووو لالي اوو لالا ترمة ميا فيها تولالااااا… ياااا اليوم طيح البطاناااا..
ممكن يكون الوقت مناسب الي جا فيه باش يهضر ويصفي الامور مع الناس الي بصح اذاهم ودخلهم فحسابات بسبب زلة لسان اثناء الغضب وكيف كنعرفو وتعرفنا على طبع من طباع زين الدين واسوء حاجة فيه هي الغضب الغير العادي والحسيفة الي كيشد مكيعقلش على الواحد…هادي اسوء حاجة الي ماخاصش الواحد يتحلى بيها لانها احد اسوء الصفات الي كترجع بالمشاكل على صاحبها بالدرجة الاولى وهادشي الي وقع ل زين الدين البغدااادي حاليا….
فرح”خبطات حناكها بشوي كتولول” : اوييييييييلي اش جابو ثاني اويلي بغا يخرج عليا …
سيمو وصفاء”ضراو بزربة ناحيتها” : ثاني ؟
سيمو : هو كاين لول ابتلحرام ؟؛
فرح : واماشي دابا ماشي دابا دابا نعاود ليكم غا شوفو كي ديرو اويلي غايجي عصام ونااااري اش بغا عندي “ولات ترعد”
صفاء”ضارت شافت فيه” : ياختي حمش حمششش ميعرفش الخوف…”ضارت عند فرح مابقاتش تسوقات واش مخاصمين ولا لا المهييييم تهضر وهذا ماكان” اشووووفي نقطع ايدي من هنا الى ما طاح فيك هذا ميمكنش هادشي الي كيوقع …بلا متخنزري اصلا ملي سالا كان عليه يغبر ماشي شافك فالكلينيك وجاي باش يهضر مع عصام وعارف المشاكيل ابار رجولة والفحولة ومعطاتوش خاطرو ميهضرش مع عصام الا وسيد شي حاجة فيه مخلياه يجي هاد المجية …اصلا مجية نص الليل غا على باش يشوفك ماشي يهضر مع عصام غا دايرها سبة…انا تنقوليك المفيد الصح. ..ودابا غا رجعي تخاصمي معايا “حكاتو فوق صدرها تالتحت” اوووووففف تنفست…وزعطة خايبة هادي ….
فرح : واااااااا من لاخر اش غاندير وا الصداع غاينوض مناقصاش ا صفاء هضرة ناس تاني واهضرت معاه ومبغاش يسمع فاش طحت بالوجع هو الي كان حاضر …
صفاء : تي حضر ليك ل وجع عراضك ويليييي …ولقاء هو …
فرح : صفاء حضري معايا عقلك”شافتها صفاء خايفة”
صفاء : تت ..صافي صافي …سيمو سير هضر معاه رجولة عافاك…
سيمو : اش غانقوليه ؟ اهو يسمع مني انا سمع من مولات شي”على فرح” بقا غير انا…
صفاء : ودابا بلا كثرة النديب سيري هضري معاه الى جا عصام وشافو ماحنا فخير مابغينا صداع فهاد نصاصات الليل…
فرح : وعلاه هو سمع ؟ ااا على هو سمع را صبااااااح تلاقيت بيه فالكلينيك فين خدامة فليرجونص وقاليا بغا يهضر مع عصام ومخليتوش وهو الي فراسو فراسو ..اش بغا دابا اش بغا ياك كل شد طريقو لاااش جاي اش بغا عندي”شادة راسها وكتهضر بهيستيرية ديال الخوف من المشاكيل “
صفاء : عرفتي اشنو ؟ “لاحت داكشي من ايدها مسحات ايديها بفوطة وهي تخرج من كوزينة “
فرح : فين غاديا ؟!
صفاء : بقاي هنا انا نخرج نهضر معاه وخا مغانفيدش اللهم نجربو ولا بلاش…وحسن متمشيش نتي تا الى شافو عضام ميحصلكش معاه مانتي فخير…
فرح”بقات كتشوف فيها وسيمو كيصفق بايديه بشوي زعما برافو”
صفاء : سيرو حدا فوزي لا يفيق انا بزربة نرجع..”خلاتهم تما ومشات حلات الباب خرجات من دار دارت عليها وهي تلقاه متكي عالطوموبيل شاد واحد الايفون 7 plus باش عدا بينما خذا واحد مزيان لانه باش ياخذ واحد اخور خاصو ايام باش يلقا حاجة مزيانة جديدة ويوصي عليها واخا يكون لباس عليه والواقع هو هذا فعالم الهواتف…”
زين الدين”مكمش دوك الحجبان حتى سمع الحس وهو يدور ناحية صفاء الي كتبان قدامو محيگيرة هههن بمعنى قصيرة…”
صفاء”حنحنات قبل متنطق بالصواب والجدية والكلام رزين زعما” : سلام عليكم خويا …ساعة تعيسة ااا تانا سعيدة هادي فاش تلاقينا…موسيو لو دكتوغ البغدادي ؟ “كتقول فيها و قلبها كيضرب فترمتها لا من خلعة عصام لا منو هو كيخلعها مكتعرف تا علاش ودافعة سنطيحتها من فوق قالت ليك بغات ترصي الامور ههه “
خذاها كعطة وحدة طالع ليه الدم من الي وقع قبل قليل عارف حجم الضرر الي تسبب بيه ممكن يكون عارف انه غايلقا هاد الاستقبال طبعا بالرفض…عارف ومتاكد انه طريقو طوييييييلة معاهم ومع فرح بالخصوص وصعيبة وهادشي علاش راه شاد الخاطر …لقا راسو شاد طريق الدار البيضاء وبالضبط طريق المشروع الي جا قريب لجديدة بزاااف فطريق كازا وطبعا خذا الوجهة ليه مسافة الطريق حتى كان داخل لبروجي عند الباب لقا العساس حرك ليه راسو ودخل من بعد ما حل الباب ديال باركينج لتحت ركن سيارة تما وهز لوازم ديالو طلع فسانسور لطابق الي فيه المكتب ديالو الي دخل ليه وتلاح فوق الفوطوي متكي راسو كيشوف فالسقف ويفكر فالي جرا وعينيه الي كانو عليها ومن خلال كلامها معاه الي باين انه حطمها وحجم الالم كبييير …لقا راسو كيفكر كيفاش يصلح هادشي وكيفاش يجبر ليها الكسر ويلمم ليها الجرح عاد يداوي…لقا راسو داخل فدوامة تفكير كيفاش واش خاص ندير وبطل تفكيرو هي “فرح” وهنا زاد تاكد ورسميا فرح دخلات لدماغو وعششات فيه…واش بداية اعجاب بهاد التيشتشونا على مقولته كيفاش كانت كتالم كيفاش كانت كتضحك معاه فالاول وحشمتها وتوثرها وهي قدامو وكيفاش مكتقدرش تهز عينيها فيه وطريقة كلامها النقي الواعية المثقفة خجولة حادگة زوينة وجمالها الاصهب …عينيها العسليين ابتسامتها الوردية…خدودها المحمرة اثناء الكلام معاه صوابها وحتى خوفها قبيلة وحزنها وانكسارها ومواجهتها للاذى…كلشي داز فبالو وديما فبالو ومحدو كيتلاقا معاها وهي كتدخل لعقلو بدووون استئذااان….
زين الدين”ف خضم دوامة التفكير صونا ليه تيليفونو حدر راسو جبدو من جيب كان الحسين” : بااا…
الحسين : ولدي امضرا اش درتي ؟!
زين الدين”عاود ليه شنو جرا”
الحسين : وا ولدي هادشي متوقع ماتبغيش ضداع كثير شي عارفة خوها اش كيسوى وصعيب…
زين الدين”عصبوه ” : با ؟ اش فجهدو مايدير !! وايلي كلمة جوج صعيب وايلي مالنا فهادشي كامل ؟! يكون كيما بغا يكون الي عليا ولابد نهضر ونصفي الوقت..لا هو صعيب راسي حديد ..
الحسين : مالي منعرفكش !! تا وكان ميكون اسمك زين الدين ونشك …الدنيا ولدي قصاااحت وخيابت ناسها صعابو ومشاكيلها كثرو …الوقت اولدي بغات سلاك ما بغات عناد ..الي غالب يرحم المغلوب والي ضالم يشوف من حال المضلوم..ولينا طالبين سلاك مع الضالم والغالب والقوي …مرة مرة كط كواريك وهبط عزة النفس تكسب اولدس تكسب الذهب وتوصل فين بغيتي….
زين الدين”وقف وتم غادي كيجبد باكية الكارو من جيبو حتى خرج لبالكون وسد الباب عليه باش ميدخلش الدخان لداخل…شعل السيجارة ” : محتاج رايك وشوارك …انا عبد ضعيف فهاد الجولة ضالم وغالب وناوي نجبر المضلوم ونعوض المغلوب …
الحسين.: سميه صابر (بمعنى صبر)
زين الدين : كلامي مع عصام ولابد سوا اليوم سوا غذا …
الحسين : الي يريح خاطرك ديرو حتى ولو عارف العاقبة كيدايرة…الي دارها الله هي الي تكون…
زين الدين : هو كلام ماعندو خوه ماشي لدرجة الخوف …عصام ماشي برهوش يفوت فالكلام …
الحسين. : فوت هاد الليلة ويدير الله تاويل…فينك دابا نتا ؟!
زين الدين : لبروجي مزاال ساهر على شي خدمة …
الحسين : الصباح دير وقيت ودوز القيصارية جاي السمسار ..
زين الدين : ان شاء الله”قطع معاه دار تيليفون فجيبو وبقا مدة كيكمي ويشوف قدامو فالدنيا تما الخدامة فالليل والموضفين الي بداو دوامهم الاول …سمع صوت دقان فالزاج وضور وجهو بان ليه وليد حرك ليه راسو حل الباب وخرج عندو…”
وليد : ماجاكش البرد اصاحبي اووو برد قويصح هنا…
زين الدين : مزال هنا نتا ؟!
وليد : واه مزاال شوية يلاه رصيت شي خيوط قياس ** طيستينا سانسور لتحت …”مد ليه شي وراق” هادو ولابد تسنيهم ليا دابا ندفعهم ل كونطابيليتي مكانلقاكش بزاف دابا ملي كاين الي حيدات تحيد…
زين الدين”شد من عندو الملف ” : تبعني حيد من تما البرد”تبعو دخل زين المكتب جلس كيسني ليه فالوراق ووليد كيتسنى جالس “
وليد : تعشيتي ولا مزال ؟ نرسليك شي حاجة تاكلها ؟
زين الدين”حرك راسو بنفي” : لا بلاش…”كيسني وكيهضر” شكون قلتي سول عليا ليوم ؟!
وليد”حك نيفو وتقاد فبلاصتو” : قبل منهبط سول عليك واحد السيد فدار الضريبة مولاي عبد المالك…
زين الدين”مد ليه الملف ” : سي دابا نهضر معاه…”حك وجهو وزفر بتعب وشاف ف وليد” تحرك فحالك نتا رتاح يصبح ويفتح…نوصلك معايا ؟!
وليد : لا جايب طوموبيل غير تيسر انا نزل نوصيهم على شي لعيبات ونتيسر تانا”ناض زين الدين كيجمع وتيسر خرج مخلي وليد تاهو نزل يعطيهم تعليمات وتاهو يتيسر فحالو…انطالق بالسيارة نيشان لدار مع دخلة ديال الحي بانت ليه سيارة الاجرة واقفة ونزلات منها ضحى كتقاد فحوايجها وتسوس وتجمع فشعرها ودور هنا وهنا ..شاف فساعتو لقاها الوحدة ونص ديال الليل ..تسناها تا دخلات وزاد بطوموبيل دخل لفيلا …دخل لدار كيقلب بعينيه حتى هزهم بانت ليه الفوق دخلات لبيتها حيث لفيلا من داخل على شكل رياض و لفوق داير بيه الدربوز دالحديد مشبك البلدي …غمض عينيه كيحاول يتحكم فاعصابه حيث لحد الان راه صابر على ود عمته ولان ضحى عندها واليديها وخا هادشي مكيبغيهش فدارو هاد قلة ترابي…
#يتبع
شاركنا رأيك في هذا الفصل 🌹