نصف الحياة
دخل لبلوك وخلا علي فجيهة اخرى كيجيو عندو الحالات الي متبعين عندو…جا مراد دخل ليه الغذا كانت الساعة قريبة لربعة ديال العشية لقاتو خرج من البلوك خلا البقية يكملو لمريض الخياطة وخرج…دخل الغرفة ديالو حتى بان ليه الغذا محطوط فالساشية…هز تيليفونو واول حاجة دار هي دوز ليها الخط نيشان مايرتاحش الا الى ماعيط ليها…وهاد المرة كيف صونا جاوباتو دغيا…
زين الدين : يهودي مات فالملاح…
فرح”بصوت عيان مخشية فالمانطة وكتحس بدوك نغيزات كيرجعو” : ههه جاوبت كاتصدم ماجاوبتش كتعصب…
زين الدين : عارفة راسك لشنو موصلاني ؟!
فرح”كتحك جبهتها مع المخدة باش يحبس الوجع الي رجع” : ممم…
زين الدين”جمع حجبانو” : مالك ؟
فرح : ماماليش…
زين الدين : كيفاش ماماليش..فرح ؟ ماشي عليا ماااشي عليا الله يهديك…
فرح”تنهدت بتعب وخجل “: فيا الوجع راك عاارف”صوتها عيان ومنخافض”…
زين الدين”ناض وقف حيث عارفها كتجيها كريز” : دواك ماشربتيهش ؟!
فرح : ماعنديش ماقدرتش نقولها لشي حد يجيبو ليا وبلا ماتغوت عااافاك را نسيييت حيث داك شهر ماكانش فيا الوجع داكشي باش…انا درت ليا الخزامة دابا يفوتني…
زين الدين”جهد صوته تا قفزات” : كيفاش مانغوتش فرح من نهار عرفتك ونتي عندك هاد المشكيل..”خرج عينيه” راني حضرت ليك وشفت وشهدت على حالتك..كيفاش منغوتش علاش فرح هادشي ماتعلمينيش بيه سالا ليك الدوا علميني ،نسيت فكريني…
فرح : مابغيتش نشطنك ونتا مامساليش باش تديها فيه…وانا ماديتهاش فيه براسي…”دعقها الوجع وزين الدين ههه” ففف عافاك صافي ماتغوتش خليني عليييك”الهرمونات تخربقو”
زين الدين”هز حاجبو ” : نخليك ؟…ماعليش ما گلتي عيب تيسري “قطع معاها عرفاتو تقلق لكن باش تعيط ليه ماعندهاش الخاطر نفسيتها تخربقت…نسات تا باش توصيه على مراد ووليد ياكلو معاه…حط التيليفون ومشا لماريو جبد حوايجو بدل عليه ولبس دوك باش جا…يلاه كيسد فصدافي الفوق دق الباب حنحن عاطي الاذن بالدخول تا دخل علي وبقى واقف…
علي : يلاه تشوف ليزاناليز الي جابت السيدة بن حسين ..
زين الدين”زاد عقد غوباشتو” : دغيا ؟؟
علي : شي خرج ليها وشي مزال على سيمانة…راك عارف خاص تبقى دير فالبيلون و ليكزامان تاتعطي موعد نيشان…ونيت نشوفو خينا…
زين الدين”خشا تيليفون فجيبو تاتم جاي وهو يوقف شير ليه ناحية الغرفة” : تغذيتي؟!
علي : مزال كاين شي ولا عارض عليا ؟
زين الدين : مرتي رسلات ليا الغذا مع مراد…
علي”عينيه قرقشو بالقلوبة” : ارسول الله…ياكما شي دجاجة تاني را باقي ديال ديك المرة نحلف عليها لامينة مرتي ونعاود تاتفقصت ليا…
زين الدين : بحال علمك الله…”تم داخل علي تا حبسو” نهاك الله الحاج فين محرك ؟
علي : نعل بو بنت حسين ومجايب بوها حسين قدام دجاجة مرت صاحبي…
زين الدين”هز حاجبو” : كاتبان بعقلك الحاج ولا كذبت ؟ تحرك خلينا نقضيو ورجع تغذا مالك على حالتك ؟”دفعو بزز تا خرج..مشاو لمكتب علي دق وهو يدخل علي هو اللول لاح السلام وتبعو زين الدين تاهو رمى السلام بداك الصوت الغليض عندو…كانت هي جالسة هاد المرة جات بعباية فالبيج ضاير بيها الدونتيل فالاسود فيها رشيشات باحجار سوداء عاقدة ليها الحزام تحت منها سروال دجين سليم كحل وصباط طالون اسود كيبرييي ورامية عليها شال ديالها على شعرها بشكل مهمل..مجاتش دايرة ميكاب هاد المرة فقط شفايفها الي موردين دايرة ساعة ذهب معاها براسلي ديالها فيه خميسات وخاتم سامبل ومنخرها دايرة ليه بيرسينغ نجمة وهلال صغار فيهم حجر كيبري…ريحتها هاد المرة ديال العود كتعطيي…
ميثا : اهلا دكتور كيفكم كيف احوالكم ؟
علي : على سلامتك ابنتي…
ميثاء : ميثاء.الحمدلله انوري زينة من ربي وعبده “بابتسامة” مشكور شخبارك زين الدين عساك طيب
زين الدين”جلس فوق الفوطوي مقابل ليهم مفرق رجليه وحاط عليهم مرفقي ايديه شابك ايديه وحرك راسو” : اللهم لك الحمد..
طارق : شالاخبار ؟
زين الدين”نطق حادر عينيه” : مزيان…مزيان حتى جيت نسول فيك ونعرف شنو ولا شكون الي سمح ليك دخل لبيرو ديالي بلا موجب شرع ؟!
طارق : كيف ؟ مافهمت !
ميثاء”كتشوف فيهم” : اصبر..انت شفت الهدية صح ؟..ماهو بقاصد و،الله هادي مني وانا اللي قايلتله يدش فالوقت اللي رحت فيه كان يبي يستاذن وانا قلت له ادخل لكن كان لازم بصمة اليد واضطريت اطلب من مساعدك يفتح الباب .. تكفى طلبتك لاتسوي له شي انا اللي قلت له اني بنزلها واكلمك… والله كانت هدية زواجك لاتفهمني غلط (هو ماشي بقصده هادي مني وانا الي قلت ليه يدخل فالوقت الي مشيتي كان بغى يستاذن وانا قلت ليه دخل لكن كانت البصمة واضطرينا نطلبو من مساعدك يفتح لنا..مادير ليه والو انا الي قلت ليه بالي غانحطوها ونعيط ليك..)والله كانت هدية زواجك ماتفهم غلط…
زين الدين”هز ايدو موقفها..مشافش فيها ونطق هاز حاجبو” : باركي ودعي بالخير كافياني”لاحها ليها تفهم راسها ماتجيب ليه والو..”..
ميثاء : يعني مافهمت ؟
علي”نطق ليها بالانجليزية”: He doesn’t like gifts(مكيبغيش الكادويات)…
زين الدين : Without going beyond the limits”بدون ماتجاوز الحدود”
ميثاء”بحرج” : اوكي صوري…
عطاتهم التحاليل فالموعد الي عطاها علي…
علي : .عندك مشكيل فالجهاز التنفسي صحيح ؟
ميثاء : اعاني من ربو…
زين الدين : من هنا ل يومين رجعي باش ديري “ناض لمكتب علي هز ليه ورقة من وراق لوغدونونص وستيلو كتب ليها فيها كيكتب وهي كتشوف فيه حتى سالا عطا لعلي الطومبو باش يطبع ليها فيها اكيد بلا ميشوف حيث عارف شنو غايكتب ليها”
علي : ليريم هنا…خاصك تصبري معانا حيث لعملية صعيبة شوي عندك..ومزال من وراها غاتبقاي ففترة نقاهة دونك الى عندك انشاغلات حاولي تساليهم ورجعي…
ميثاء : اوكي دكتور”تبسمات وهي تنوض غاديا” استسمح على سوء الفهم والهدية الغير مرحب بها..”مجاوبهاش زين الدين حدرت راسها وزادت…ضار زين الدين عند علي وخرجو خصوصا علي غادي ويزرب ميت بالجوع وقعينيه الماكلة الي جايبة فرح…خشا زين الدين ايدو فجيبو جبد التيليفون ودخل كيقلب فالواتساب تا لقر ميساجها فيه يعيط لمراد ووليد
فرح : عاافاك عيط ليهم يتغذاو معاك… مراد ماتغذاش شوفو فين كاين وعيط ليه هو ووليد عافاك…
زين الدين”رسل ليها” : ونتي ماعافكش معايا انا..جاوبيني كيف بقيتي ماتخلينيش نجي عندك”رسلو وداز عيط لمراد علمو يطلع هو ووليد…ودخل لشومبر وهو يوقف مخرج عينيه لقى علي بدااا ياكل وينعل بو العالم وبوك اسي زين الدين هههه”
اما هي كيف رسلات ليه الميساج رجع الوجع تجاهد عليها لدرجة نااضت وبدات تمشي وتجي فالبيت…حسات هاد المرة بشي حاجة سخونة نزلات ومشات لماريو جبدات من المجر الي فجيهتها باكية فوطة صحية خذاتها معاها هي وكيلوط جديد تاني وغاديا وتنين حسات بسخانة وترويعة شداتها تا توقفت وتطوات كتبكييي
فرح : اهى اهى كرشيييي…فففف”كتهز ايدها تمسح العرق من جبهتها..دخلات لطواليط طلات لقات شوية الوسخ عاود حيدات كيلوط وجلسات فطواليط دارت فوطة فلاخور مدات ايدها لرشاشة طلقات ما دافية كتحس بيه كيدلك ليها وتسحلاااتو تا طوات عنقها مرخيييييااا…نشفات ورجعات صنات هذاك مستغلة الراحة من الوجع الي مشا وخرجات نشراتو حدا لاخور ويلاه بغات دخل تكا ففراشها دق الباب وهي تمشي مسخسخة باغا تقيا حلات وهي تلقاها توبا هازا فايدها ساشية…
توبا : كيف بقيتي شوية ؟
فرح”استغربت لكن نغيزات الوجع نساوها ودهاوها تسول” : شوية !!
توبا”مدات ليها ساشية” : قالتها ليا ضحى ورسلت محمد يجيب ليك دوا ولقيت زين الدين موصيه تاهو…هاهو شربيه والله يشافيك..
فرح : شكرا بزااف خالتي توبا…
توبا”حركت ليها راسها وضارت مشات”…
فرح”جاها دوا فحال رحمة ماتسوقاتش لتوبا ضارت مشات لقرعة شربات منو حبة وتخشات ففراشها تزاااد عليها الوجع وتزااااد وهي كتلوى وتعاود حتى بدا يحبس تدرييييجيا دار دوا مفعولو وهي تحس بواحد راااااحة رسلات لزين الدين ميساج قالت ليه ولات شوية وغاتنعس باش مايصونيش وماتجاوبوش ومافيهاش مايهضر…هاديك هي نعستها ماحساتش بالوقت تا بدات تحس بشي حاجة كتكها فحنكها وشفايف كيبوسو فيها غادين نازلين تالعنقها وهي تحل عينيها الي كانو منفوووخيييين حيث نعسات بزاااف…
فرح”بدات تفوه وهي دور شافت فيه وهي تنوض بزربة..نطقات بصوت نااعس مبحوح” : زين ؟”كتحك فعينيها باش تحيد منهم ضبابة ديال نعاس”…
زين الدين”باس ليها ايدها الي كتحك بيها عينيها وشحال كتبان ليه كي البنية صغيرة بهاد الحركة” : شوية ؟”شاف فساعتو” شلا مانعستي…
فرح : شحال ساعة ؟
زين الدين”وراها لقاتها تمنية ونص ديال عشية”
فرح”خرجات عينيها” : ناااري بزاااف…مادرتش الگوتي اوييلي..
زين الدين : ماعليش فرح الي بغا شي الكوزينة عندو يقضي غراض…هزي لهم ليك وليا”بحب” ماتوحشتينيش تاني ؟
فرح”حسات بحناكها نملو..بدلت ليه الهضرة” : كانت كضرني كرشي…
زين الدين”هز حاجبو”: منعاتك توحشيني ياك ؟
فرح : لااا…
زين الدين : هي اش ؟!
فرح : فاش كيكون فيا الوجع مكنعقل على والو..
زين الدين”كينطق بصوت خااتر لكن كتحسي فيه طنز” : مااعليش ماعليش..نوضي كولي ليك شي حاجة على ماعلمتني عمتي ماكلتيش مزيان فالغذا…
فرح”حركت راسها” : دعقني الوجع..احم”حكت جبهتها” انا ندخل لدوش ونجي…
زين الدين”قرب ليها وجهها بجهد باسها وكحز من حداها وناض كيحل صدافي القميجة تال تحت خلاها عريانة من صدرو الي غير كيبين منو فرح كتولي تشتت نضر مكتقدرش تشوف فيه كيجيب ليها تمام وكمية الخجل كتسيطر عليها فاش كتشوفو اي كتشوف جزء جديد من جسمو وكتكتاشف حاجة جديدة منو..” : انا برا نكمي..مزال راجع لمحلات عندي خدمة تما…
فرح”صرطات ريقها وناضت بزربة جاب الله حطات باكية الفوطة صحية فالدوش باش متبقاش كل مرة تهز من حوايجها…دخلات لدوش بدلات الفوطة لقات هاديك عمرت حيث تسرحات عليها…بغات تبدل الكيلوط لقاتو نقي ممقيوس بوالو دارت هاديك وغسلات لتحت مزيان وهي تنوض تفكرات الكيلوطات الي نشرات فالبالكون وهي تخرج عينيها تا شهقت خرجات من دوش كتزرب لقاتو عند الباب تا خرجت ليه فصدرو كون ماشداتو بايدها” : اي…
زين الدين : بغيتي شي حاجة ؟
فرح : غير بغيت”شافتو هازهم فايدو”النمل سرح ليها فوجهها وريقها نشف”…
زين الدين : هاهما حيدتهم..محرك البرد شوي برا..”شافهم مقاس كبير وحرك راسو ببطئ هاز حاجبو ونطق بلعاني باش تحشم ههه” تبااارك الله وماعطاني ربي فرزقي…
كايعشق شي حاجة سميتها نحشم فرح باش يشوف دوك التفاصيل والتعابير الي كدير فوجهها كاتسالي معاه…وشي حاجة سميتها الجنز جارية ليه فالدم ديالو الى كان ناشط يطنز كان معصب ممكن يطنز طنز يخليك تبكي…ولا كيبان ليه وجهها تزير وعينيها تجغمو بالدموع حشمت…
زين الدين”ضيق فيها عينيه كاتبان ليه واحد النص فشفايفها كيترعد” : مااالك ؟!
فرح”كتشوف فيه بدون مترمش”
زين الدين”هز الكيلوطات كيوريهم ليها” : ماشي ديالك هادشي ؟”شافها بغات تهضر وهو يخرج عينيه” بغيتي تنكري ؟
فرح : علاش كادير هكا ؟
زين الدين”هز حاجبو” : شنو درت !؟
فرح”رجعات ضارت حيث مابقاتش قدرت تزيد تبقى واقفة قدامو ماحيلتها لصدرو المعري ماحيلتها لكيلوطات الي هاز فايدو…وطبيعي تحشم حيث تقريبا يلاه كتدي عليه فهاد المسائل كونها كانت كتشوفو كيهضر معاها باحترام عمرو مابين الجانب الشقي الي فيه والي عمرو مابينو لحد تا ولا يبان غا معاها هي…كتحس بيه شخصية جديدة هادي الي قدامها وهو را كيموووت ومستمتع ومتنغم بداك الخجل والتلفة الي شدتها…بغات تمشي هي كاع تخرج وهو يشدها من دراعها تا لصق ضهرها مع صدرو حط ذقنو فوق كتفها” : خليني نمشييي…
زين الدين : علاش تمشي مالك ؟
فرح : ماماليش بغيت نهبط صافي غير خليهم عندك…
زين الدين : عندي مولاتهم…ولا ماديالكش ؟
فرح”بغات تعضو وسط راس هههه” : مابقيتش بغيتهم…
زين الدين : مزيان خليهم ليا محتاجهم…
فرح”دورات وجهها نصف دورة” : لاش ؟
زين الدين : كاين الي باغيهم…”يلاه بغات دور بجهد وهو يحكمها مزياان تا مالقات كي دير تحرك” شش”قرب اكثر كيهضر والانفاس ديالو كتلفخ ليها فعنقها تا تبورشت زادها على خجلها..” شكون من غيري ؟!
فرح”باغيا تبعد تهرب واحلف لا خلاها هي تقول براكة وهو يقول هل من مزيد” : اش غادير بيهم..فففف صافي خليني نمشي عافاك”بغات تبكي”…
زين الدين : ماشي ساترين رزقي ؟
فرح”خرجات عينيها على جهدهم صافي سالا معاها هنا تا بدات تبعد ليه فايدو منضرها ماشي غا كيجيب ضحك را كيخلي الواحد كيتمرمغ بالضحك..كدفع وتنتش” : واا بعد بعد صافي حرام عليك والله تا حرام عليك..
زين الدين”عض شنايفو جابت ليه ضحك..مابغاش يقجر عليها وهو يحبسها تا وقفت عاد طلقها مابغاش يطلقها وهي كتنتر ليه تقدر تجيب الربحة غا طلقها سمحت ليه فكيلوطات ديهم ولا كولهم ولا لبسهم نتا كاع هههه ومشات خرجت من البيت وجهها حمرر..بقا واقف كيشوف فلاخر حرك راسو يمين شمال..تم غادي وهو يشوفهم فايدو مشا لماريو ديالها حل المجر فين كديرهم وحطهم ليها فيه معارفاش را عارف فين كتحط كل حاجة خاصة بيها…حيد باقي حوايجو ودخل لدوش دوش وتوضى وخرج لبس بوكسر شورط قصير وتيشرت بيض ديال تحت عاد لبس فوقية لونها گري ثوبها غليض يحكم محرك البرد برا لبس تقاشر فلونها نيت مشط شعرو وخشا رجليه فبلغة دياال الخروج وخرج مشا لبيت صلى المغرب الي اذن عليه وهو جاي لدار…عاد خرج رجع البيت رش شوية بارفان فايدو دوز بيه على لحيتو هز تيليفونو خشاه فجيبو هز الكونطاكت حك كفوف ايديه ودوز على لحيتو حنحن بداك الصوت المدعدع لعندو وهو يخرج من البيت بدل نضرته البشوشة الي كانت لفرح ولبس نضرة الجدية تحلفي عليه ماشي هو الي كان مسلگط دابا فالبيت معاها…كان غايهبط حتى وقف وضار جيهة بيت ضحى دق الباب تا سمع صوتها كاتقول دخل وهو يحلو طل عليها براسو…
ضحى”بعيون حزينة” : خويا زين الدين !
زين الدين”حل الباب تا دخل وسدو وراه..مقرب ليها” : شوية ليوم ؟!
ضحى : الحمد لله..مزال فيا صدااع…
زين الدين : فشنو بالضبط ؟
ضحى”حطت ايدها على الفتحة” : كتبقى تنغزني..لكن ايدي ورجلي شوية مع الكالمون الي عطاني مزيان..
زين الدين”بدا كيطوي فكمايم الفوقية” : خاصني نشوفها باش ندير ليك سوان..معول نديرو ليك غذا فالصباح ماعليش نديرو دابا ماعرفتش معاش نسالي الخدمة فالمحلات…
ضحى”شافتو بغا يقرب يعري على الفتحة وهي تحبسو بايدها حشمانة منو” : لا درتو قبيييلة مع الغذا…
زين الدين”جمع حجبانو بتساؤل” : شكون دارو ليك ؟
ضحى”بابتسامة كتشوف فيه وفحال الى فرحانة ليه عطاه ربي امرأة فحال فرح” : مراتك ههه..
زين الدين”هز حاجبو بصدمة” : فرح !!؟
ضحى”حركات راسها” : جات تشوفني كيف بقيت ودارت ليا الغذا صوبا على ماقالت ليا ماما وهي الي قالت ليا ندير ليك سوان حيث مانقدرش نخليك ديرو…”حدرت راسها” حشمت منك…
زين الدين”ماشدش ديك حشمت منك شد غالقسم الي فيه اش دارت فرح…حس بقلبو رفرف فاش سمع هاد الهضرة من ضحى الشخص الي ديما كتشوف الفوق بتعالي ومكتسمعش منها شكر لشي حاجة… هاهي قدامو كتشكر ففرح…الفرحة ديالو وسماها وعرف علاش سماها..شاف فيها وحرك ليها راسو قبل ميقرب يبوس راسها ويربت ليها على كتفها..” : خاصك تحركي شوية…
ضحى : غذا نحاول نوض..
زين الدين”غمز بجنب..ووقف” : لا دابا…
وقفات سيارة عصام من بعد مجيتو من عند عمو مبارك…الي كاين غير فسيدي بنور…دخل المحجوب وبقى هو كيتفكر الي وقع الصباح…ف من بعد ما مشاو عندو مابعدوش غير فوسط المدينة تم كانت الدار ديالو والي شحاااال مازارها عصام وفرح وفوزي من شحااال…وقف الطوموبيل وهو يدوز ليه الخط بلغو بالي وصل…نزل هو وجدو كيقاد فسلهام ديالو ويحنحن باش ينضف حلقو…شوية حتى تحل الباب ديال الدار وخرج عندهم كيضحك فرحااان بزاااف بمجية عصام والمحجوب فحالاش..من ديما مبارك هو عمهم الوحيييد الي معاهم فالشدة والفرح فاي حدث كتلقاه معاهم..حتى فحدث غياب فرح تاهو ماقصرش من جهدو وخلاص فالوقت الي مشاو يتعرفو على الجثة خوفا لا تكون فرح…
مبارك : واه واه على ناس الخير واه واه على الحاج المحجوب زارنا ونهار كبير مشحم هذا هههه”باس لمحجوب راسو”
المحجوب”سلم عليه” : ههههه الله يكبر بيك…
عصام”سلم عليه تاهو بدوره” : العم مبارك لباس…
مبارك : والحمد لله وخا مجياتك قلال لا ماقلت منعادمة وليني مابقى ليا مانگول هذا الله لا فهمتي راسك كنتي تجي ماتسنى تا نگولها ليك…
عصام”حط ايدو على صدرو وعينيه فلارض حشمان منو” : السموحات اعمي راك عارف المشاكيل ودهوة..
مبارك : الله يفرج هذا مانگول.”شاف فالمحجوب” وتفضلو دخلو كتسناو نعرض عليكم فداركم ؟
المحجوب ؛ هههه لواه منصيبو ندخلو بلا شوار مول دار…
عصام”حرك راسو وضار جيهة الكوفر ديال طوموبيل هز ميكة ديال لحم جابها معاه الامس حطها فالثلاجة فدار جدو..ومياكي ديال ديسير هزهم وجاي محمل شاف عمو بغا يهضر وهو يلقمو” : ماعندك ماتگول مانصيبش اعمي نجي بايديا خاويين شوف ودوز…
مبارك : الله يهديك وصافي الله يهديك…”سبقهم وتبعوه تالطبقة الثانية فين كاينين صالونات دخلو وكيشمو فريحة البخور ديال العود دايرينو فمبيخرة ضو كتعطر المكان…سماو الله ودخلو وهي تجي مرات مبارك لابسة عباية وشال ساترة راسها باش تسلم على المحجوب وعصام”
رقية : مرحباا بالحاج نورتينا..”شافت فعصام وهي ضربو لكتفو” نتا ماعندي مانقوليك الحق من جيهتك كبييير ماعندك ماتخلص فيه…
عصام”عنقها بجنب وحاوط ليها راسها كيبوس فيه” : شحال ماخرج ليا نخلصو..عذريني راكي عارفة وقت الي تسگد(تقاد) ليا كانجي…
رقية : ممم مااابقيتي شاي ديرها…ايوى الله يفرج ويسگدها ليك…مرحبا بيك الحاج وخلاص را داركم هادي “شافت فعصام” ماتنساش مني نرحب بيك…
عصام”تبسم باس راسها تاني” : عاارف الي كاين..”مشات توجد ليهم اتاي والمرافقات ورجعو جلسو هما فالصالون كيهضرو حديث يفتح حديث حتى عصام غمز جدو الي حدر راسو ماحامل كاع يجري لصطوف كيفقصو…هنا عصام صونا لصطوف وطلق الخط باش يسمع اش كيتقال”
المحجوب : يضهر ليا هاضر معاك عصام لاش جينا من هادشي كامل ولا راني نكذب”كيضيق فعينيه حيث ماجابش نضاضرو”
مبارك”حرك راسو” : ايييه..مرحبااا الحاج الله اودي”صطوف حك على صدرو وبدا يفرنس”
المحجوب : هو مصطفى نعرفوو اسي مبارك ماناقصو خير ودارهم الله يعمر ليهم دار نعرف بوه الله يرحمو عز المعرفة..لا جيتي على نساب والاصل را نسب زيييين…ولا جيتي على راجل”صطوف جمع ضحكة وناض وقف بغا يغرق ليه ضواصا” را نجيك لصراحة هالي وقع”قاليه شنو طرا ليه وزهو ديالو” هذا عيبو…انا مانبغيش الي يكذب عليك وها عصام حدايا..
عصام”مرگ هههه” : حنا رجال عيبنا واحد وهادشي الي گال با ماكذبش اعمي وانا ماجيت نهضر بنيابة عليه تا عارف صاحبي شديد ونضمنو ليك..غاتجي عجب نشكرو اعمي حيث عارف المعدن ديالو…وهاهو نلاقيك بيه لا فات خرج منو گد هك مانعقلش عليه انا لول…ناحنا حطيناك بالصورة…
مبارك”كيسمع ليهم ويحك فلحيتو بتركيز..غير كمل عصام وهو يعم سكون واحد الوهلة..تا دخل الهضرة فراسو وجمع شنو بغا يقول..” : اش نگوليكم الحاج..بنتي واخا مابقات تقرا والخير هو دير دارها ملي مادارت والو فقرايتها..هو من ناحية النسب الي عاودتي ليا النسب زين وليني الي يخص السيد الي بغاها شوية صعيبة مانبغيش لبنتي راجل كيما كان باش تسمى مجوجة..راني نبغي ليها الدوام والي يرد ليها البال فحالي وعلاش لا حسن مني…مادام شكرو عصام وضمنو انا نسولها بغاتو هي ومقتانعة بيه ماعندي مانزيد كتبقى هي مولات ري وشوار…
عصام : ماكذبناش عليك وماتلقاش ماحسن منو…هادشي الي عطا الله فيه وهو من ناحية التهلو يتهلى فيها صطوف ونعرفو ومن زمااان باغي يستقر..والي دارو قبل را كان ديال راسو…
مبارك”سمع صوت رقية كتعيط بغات تعطيه الصينية داتاي وناض مستاذن منهم…فهاد اللحظة نطق المحجوب”
المحجوب : ممم وديال راسو را طبيعة كتربى فيه… شكون يضمن ليهم را مايرجعش لداك الحرام…
عصام : عيب ابا الى بغا يتوب ؟
المحجوب”ضار نصف دورة هاز فيه حاحبو” : تبتي نتا بهادشي الي طرا وجرا ليك ؟ تبتي من ورا خطبتك اللولة ؟
عصام”مبدل ليه الموضوع حيث يدور يدور يمشي ليه هههه” : با راني عاجن صطوف بايدي…
المحجوب : العجينة ماكتصدقش ديما ا عصام..راهم عجنو وخبزو وتحرگت ليهم…
صطوف”بغا ياكل جنابو مع المحجوب ولا يعض فطرف كفوف ايديه كون لقى يقتل عصام الي دا معاه المحجوب…جلس فالكرسي ونطق بينو وبين نفسو” : واخا نكون محملك المحجوب وهربت مادير ليا هادشي…
يلاه بغا يهضر عصام وهو يتم داخل مبارك هاز صينية كبيرة فيها كيسان وبراد اتاي خاوي ورجع شد من عندها صينية المجامع الي فيهم سكار اتاي حبوب نعناع حطهم…وجلس شاف فالمحجوب كحز ليه صينية…
مبارك : لا تحلفشااااي المباركة زرتينا من بعد ديك المرضة عطينا براكتك وعمر لينا براد من ايديك نحلفو بيه فالمجامع…
المحجوب”حشمو بالهضرة المصوابة ماخلا ليه مايقول” : هههه الله يكبر بيك وكان ماخليتي ليا مانگول ومانصيبش نردها فوجهك…”وقف كيعطيه فشنو يحتاج باش يعمر اتاي تا حنحنات مرتو ضار جاب من عندها مقراج طايب عمر اتاي بطريقة البلدية…رجع المقراج وجاب المرافقات اي حلوة فطبسيل طاوس كبير وطبسيل كبير ديال الفاكية ماكثروش حيث كيوجدو ليهم الغذا…كب فالكيسان وفرق عليهم ورجع جلس وعاودو فتحو الحديث…
المحجوب : را هادشي الي كاين”عاود عصام صونا ل صطوف”
مبارك : هو صطوف راني نعرفو شتو ديك المرة فالعقد لول ديال فرح”عصام عقد حجبانو وتزير” يبان ليا واقف وقفة رجال…سلم عليا وحادر راسو مكيهزش العين…
عصام ؛ لا مع الكبار ماهزش العين يسمع منك المعيور ميتحركش…
المحجوب”شاف فعصام بنص عين” : دابا يكون سمعني اش حطيت فيه ماخليت غالي نسيت ؟!”حشا لعصام الهضرة حيث عرفو طلق الخط يسمع صطوف اش كيقولو”
عصام”ماعرف باش تبلى حدر راسو وسكت”
المحجوب : ههههه..”شاف ف مبارك” وهذا ماكان…المعرفة ولاصل را زينين…المهيم نحطوك بالصورة اسي مبارك ونعلموك بالي كاين…بنتك را تعيش فالخير والراجل را هذا هو عيبو…
مبارك : هههه تانتا راني دوزت كتر منو…
المحجوب : ورا كلنا دوزنا وليني نصارحو مانكذبوش وكان…
عصام : المهيم كنتسنى كلمتك اعمي بغا يتيسر يجي الى ماكتابش نعلمو”صطوف قلبو ولا يضرب…بغات تحمقو شيماء ملي شافها وهي مدية ليه العقل حيث دايرة النقاب وملتازمة..وكانت حادرة راسها وحناكها مزنگين فاش كتدوز من حدا الرجال…”
مبارك : انا الي عليا نسولها راني كي علمتيني خبرتها البارح…خلي ليا هاد اليومين عطيني وقيت مافي باش مكان نعلمك والى فالمكتاب الله يسخر الى مافالمكتابش الله يجيب ليه التيسير وماحسن من بنتي…
المحجوب : ماگلتي عيب كلامك ذهب اسي مبارك…
مبارك”حرك راسو وناض فرق عليهم الفاكية والحلوة كيحط ليهم فالطبسيل المحجوب كيقول براكة وهو كيزيد كول كول عادة دكالة ماكتغيرش..الجود والكرم بزيادة…رجع جلس تاني كيهضرو ويسول على الاحوال حتى نطق مبارك نيشان تاهو مكيعقلش على عصام …
مبارك : ماسولتيش ف ختك اهيا داك ؟
عصام”كايحشم منووو عمر مبارك هز فيه عصام العين حيث مبارك واحد الانسان حنين فيهم مكيخرجش العيب وديما مهلي فيهم من الصغر…غا سمعو قال على ختو وهو يحدر راسو وجمع حجبانو وتزيرررررر ماهضرررش”
مبارك”شاف فالمحجوب الي تاهو حدر راسو وغوبش” : الله يهديك اعصام الله يهديكم هذا مانگول…عيب هادشي الي جرا ليكم والله تا عيب…والله يگطع داك الي يگولو عليه خويا لا هو لا الكيادر ديال عمامك الي عطاهم وذنيه …
المحجوب : الله يهديه على نفسو اما على ولادو فات الفوت…
مبارك : حارمهم من الفلوس…اش كايدير بيهم اش كااع را ساير يخسر فيهم على القصاير…ونامس صابتو الوقت ف سوق السبت مدوز الفيجطة مع واحد البغل ديال خويا الوسطاني كاع فلوس ورث بغاو يخسروهم ليه…ويامس كيقلب على من يسلفو بغا يخلص واحد الكريدي اش نگوليك را شي خمسين مليون الي واگفة(واقفة) ليه فواحد الكريدي…
عصام”هز فيه عينيه مغوبش” : اشمن كريدي ثاني !؟
مبارك : علاه ماشي تسلف شحال هادي ورا كينگرو عليه باغين رزقهم ناس !!
عصام : شكون هادو ؟
مبارك : وشكون عرف انا يعاود ليا غا ولد المجاطي بن عمي جا لعندي لقهوة فين كنجلس قاليك بغا يتسلف من عندو ويعطيه ضمان…
المحجوب : اش غايضمنو ؟!
مبارك : كان ناوي يشوف شيكات.. ماصابش كيفاش وراه كيقلب على الي يشري من عندو واحد لارض وليني بور ماتباعش ليه بثمن الي يبغي لما جابت ليه واحد ربعة ولا خمسة…
المحجوب : عمرو يربح يبقى ينبش تا يجيب ليه الله مصيبة…هاني مزال نعاود فيها مابغيت ندير مادرت مع حليمة بنتي وصلت وجوجتها ليه ماسولت لا على اصل لا على راجل مع جا عطيتها ليه…هادشي علاش بغيتك تعرف كلشي وتشاور…حيث را خوك مادوزش القليلة عليها وكل مرة تجي غضبانة نردها عالله وعسى يتگاد ويشد طريق وليني الي فيه شي طبيعة فيييه…
عصام” بغل كيتفكر الماضي معاه الماضي ايام كانت مو حاملة كرشها لفمها بفرح..كتغسل فالماعن وتنهج كتسند على بوطاجي الي مضروب ليه غير المرطوب تا كتاخذ نفس وترجع تكمل شقاها حتى تسمع صوت الباب تحل بجهد حيث مركب غا بين البريك مكاملش فتركاب…كان عصام متكي على كرسو كيحفض تا سمعو دخل وهو يهز راسو مكانوش متوقعين مجيتو حيث غايب لخدمة فالداخلة”
المخنتر”وقف عليها” : مال الباب ولا هك…”ضارت عندو تنهج وجهها صفررر..بغات تجاوبو وهو يقاطعها” ديري ليا الما يسخن نعوم ووجدي ليا الحوايج وبقاي تسنايني فالبيت بغيتك…
غمضات عينيها بغات تسخف وماحملااااتش يجي حيث مرييييضة وهو كايجي يفرغ فيها كاع دوك الشهور الي كيغيب كيكرفصها فيهم…كيجي ينعس معاها..كيجي عدد الايام الي كيعطيوه يا كيلقاها فيها ليغيگل يا كينعس معاها فوقيتة مكيوقعش فيها حمل هذاكشي علاش فرق السنين بين عصام وفوزي وبين فوزي وفرح…دارت ليه الما يطيب مشا حيد دوك الحوايج بقى غير بفوقية ريحة العرق تعطي منو وجدات ليه المقراج وداتو تا صايبت ليه سطل ودخل يدوش ورجعات دارت واحد اخور ثاني يطيب ماحتال يتقادا ليه الما يوجد ليه المقراج التالي حيث ماعندهمش شوفو…دات ليه تاني المقراج وعطاتو فوطة وحوايجو…خلاتو كيلبس وهي تمشي طلات على عصام.. حداه فوزي الي كان كيلعب تا نعس بقات كتشوف فيه تا هز فيها عينيه كيشوف فيها مافهمش ديك النظرة الي دارت ليه شنو معناها…باقي صغير معارفش معاني الشوفات مازال ماتحكش بالدنيا باش يفهم كحل راس فاش كيفكر ومن شوفة يعرف المعنى والمضهر…حدرت راسها ومشات لبيت حتى تم خارج لاوي فوطة على عنقو ماشافش جيهة ولادو وصل ودخل البيت وسد عليهم…هي كانت جالسة فوق الناموسية حادرة راسها…
المخنتر : وراني نجي ونصيبك موجدة ولا لا ؟فين وصلتي بديك الكرش ؟! “ماجاوباتوش”
المخنتر : راني معاك نهضر”كيهضر ويحل ليها فزيف ديال حياتي الي مغطيا بيه شعرها”
حليمة”ردات عليه بعصبية” : مرييييضة مريييضة رحمني شوية..يلاه كي جيتي تا ولادك ماشفتيهم ؟!
المخنتر”غوبش فيها وجهد صوته تا قفزت قلبها كيضرررب ” : تي اش ليا بالولاد !؟ راهم واكلين شاربين لا صابو ماحسن يقضيو ؟
حليمة : وعطيتيهم واجبك ؟ مع سلام جاي باغي تقضي غراضك ؟ راني مريضة ماگادة تا نهز النفس بقى ليا غانعطيك كقك ؟
المخنتر”جهد صوته تا تسمع عند عصام ماتسوقش ليه” : والى ما درت معاك ندير معامن ؟ كتقلبي نخرج نفسد عليك ولا نجيبها ليك تال فراشك عند عينيك نقضي ؟
حليمة : مايخفاش عليك مابعيداش عليك درتيها وعندي خبارك…تجيب عليا ضرة رحم ليا من فعايلك…
المخنتر : الضرة مانگد عليها هاد ساعة..لاقي معلك المشكيل نزيدني عدوة الله فحالك ؟ دابا من لاخر خليني نقضي راني محن…”كيقيص فيها وكتبعد ماحاملاهش يقرب بزز باش شدها حكم القوي على ضعيف حالتها عيانة سخفانة وكرشها لفمها وهو كيمترس عليها..طبعا ماشي اي ممارسة كانت ممارسة اقوى على طاقتها ماعطاهاش تا حقها فانه يوجدها عمرو ماعطاها كاتعض فليزاار وتكممممش بايديها تا كتخرج عينيها فاش كيقوي عليها ويتجاهد طبعا ناعسة بجنب بحكم كريشتها كتحس بالجنين فكرشها كيتحرك بزاااف وكتشدها نغزة الوجع تا كيهبطو دموعها يجريو…كيف العادة قضى معاها الغراض وفدا فيها الشهور ديال الغياب ضار كينهج عروقاتو تكب وهي ضارت عاطياه بالضهر. وشادة تحت كرشها الي دعقها بالنغيز..شعرها تخربق وداتها كتزد جا بغا يدورها مابغاتش ليه حتى دورها بجهد وهي تغوت لربي الي خلقها تا ضار عصام وناض وقف…عرفو رجع كيضرب فيها لكن باش يعاون ضعيييف البنية لانه طفل ديك اللحظة…فاق فوزي كيبكي وهو يهزو وكمش عليه باش ميسمعش الغوات وضرب والقتلة الي كانت كتاكل من عند المخنتر حتى وهي حاملة مارحمهاش فقط حيث مابغاتش تكمل معاه حقو فالمعاشرة…كيسمع غواتها الي داير فحال الانين كيضرب ليه فوذنيه تا كيغمض عينيه…
المخنتر”بالغوات تاني وسمعو عصام” : عليا بليمييين تانجيبهم ليك ففراشك قحاااب ونخليك تشهدي على فسادي عليك…
عصام”غمض عينيه راجع للحاضر حتى سمع مبارك كيقول”
مبارك : المخنتر من صغرو عديم الرحمة داكشي الي خرج فيه با بالعصى خرجو فولادو وهاهو فراسو نيت…الله ياخذ الحق..
هبطات الكوزينة كدور حاسة بالعيا ديال الوجع ديال لغيكل وكثرة النعاس الي نعست..ماعرفت واش دير الكوتي ولا عشا…حتى جلست وبقات دايرة ايديها على حناكها وهي دخل توبا لقاتها كتخمم ووجهها حمرر…مشات خوات ليها كاس دياال الما شربات بيه دوا الطونسيون الي كتشرب وهي ترجع حطت القرعة فالثلاجة وهي دور لقاتها شادة حناكها…
توبا : بيك شي حاجة ؟
فرح”هزات فيها راسها” : هاا ؟ احم ل لا غير ماعرفتش واش ندير گوتي ولا عشا…
توبا : مابقى حال لگوتي دابا..”حدرت فرح عينيها..رجعت نطقت” كي بقيتي ؟!
فرح : شوية الحمد لله عتقني الدوا شكرا بزااف..
توبا”تبسمت بجنب وجمعت ضحكة” : اش درت انا غير تسخرت الله يشافيك…”حركت ليها راسها وخرجات حتى كتسمع صوت الهضرة وهي دور لقات زين الدين معنق ضحى من كتافها وايد شاد ليها بيها ايدها الي مكمشاها على العكاز هابطة وكتعگر وهو معااااون معاها بالخاااطر وواحد المنضر كيبان ليها فشكل فحال راجل وبنتو…حتى تنهدت هزت فرح عينيها لقاتها بعيد واقفة وكتشوف مبسمة واحد تبسيمة اول مرة تشوفها فيها…ناضت من الكرسي ومشات وقفت كتشوف فين كتشوف هي حتى بان ليها نازل هو وضحى وشاد فيها…ماشافش فيهم حيث كان مركز معاها…
ضحى : فين غانمشي ؟!
زين الدين : جلسي فالصالون برا بارد عليك…
ضحى”شافت ففرح واقفة” : فرح كيف بقيتي شوية ؟!
فرح”حاولت تشتت نضر متشوفش فزين الدين الي هز عينيه فيها وبقى مفيكسيهم فيها..” : الحمد لله ش شكرا بزاف حيث وصيتي عليا عمي محمد العساس…
ضحى : ماشي مشكيل كانت باينة من وجهك…الله يشافيك..”حدرت راسها وزادت تشبتت بزين الدين الي بقى غادي معاون معاها تا داز من حدا فرح وضار كيشوف فيها عض لسانو حتى ضارت هربت ليه ومشات الكوزينة وهو مشا فحال مادار والو هههه…دخلها لبيت صغير فيه LED فاش كيتفرجو كبيرة مفرش مزيان… وجلسها تا قادت ليها توبا السداري والمخاد تسرحت وقاد ليها هو مخيدات فين حط ليها رجليها وهادشي كامل تحت عينين ضحى الي كل مرة كتزيد تندم على انها ماسمعتش ليه لو بقات معاه كانت غاتعيش الاهتمام وتعوض فالنقص الي عانات منو…وقف كيسوس فايديه خشاهم فجيابو وتقابل معاها…
زين الدين : هاد المرة طلعي نتي راسك حاولي سي نو تعاونك عمتي ولا مراد ولا فرح…
توبا. : بلاش نعاونها غير انا ماعليش…
زين الدين”هز حاجبو” : الي كاين هنا خير وبركة عمتي كلشي يعاون..”حنحن” فامان الله…”ضار وخرج من البيت مشى نيشان لكوزينة لقاها كتجبد من ثلاجة شنو دير العشا حتى حنحن وهي تقفز وضارت عندو يلاه بغات طلب سلامة مايجبد تاني تا دخل مراد وهي تنهد تا هز فيها حاجبو” كاااع ؟
مراد : واحد سلام عليكم…”شاف فزين الدين” طالع لمدينة عند المحلات ؟
زين الدين : سي..
مراد ؛ هي الحسابات ليلة ؟!”حرك ليه راسو” انا نمشي معاك نعاونك باش تسالي دغيا..
زين الدين : لا ماكنتيش عيان مرحبا…
فرح : واش غاتجي معطل ؟!
زين الدين : على حسب…العشا ماديريش بحسابي معشي تما..
فرح : واخا..
زين الدين”شاف فمراد” : انا سبقت تا وكان وصل عليا”حرك مراد راسو ومشا طلع لفوق اما هو قرب ليها باسها فراسها” رخفي فيك النفس افرح رخفي…
فرح : زين الدييين …
زين الدين : نعل ملت هاد زين الديين معاك…
فرح”شافت فيه” : ندير حسوة ديال السميدة تقدر تشربها ضحى…
زين الدين : سي تقدر..”شاف فساعتو” انا مشيت الي خصك عيطي ليا ورجعي شربي دواك ثاني وتغطاي مزيان…”رجع وقف” مزال ماجمعتيش حوايجك ؟
فرح : علاش ؟”تفكرت السفرة” ااه مزال واش غانطولو ؟
زين الدين : شي 4 jours ماشي بزاف…
فرح. : وباقي لويكاند يومين..صافي واخا مابغيتيش تگوليا فين ؟
زين الدين : تما وتعرفي..”تحنى باسها فحنكها بجهد على غفلة وضار خرج حيث تيليفونو ماسكتش من تعياط لانه خاص يسالي الحسابات ديال محلات…دارت الحسوة تسناتها تا .طابت عاونتها توبا وراتها سوبيرات خواتها فيها حطت تمر والبريوات تعشاو بيها وناضت ضحى معكزة على امها والعكاز خلاو فرح كتجمع كملات وطلعت تاهي دخلت بدلت عليها وغسلات وهي تخرج حسات بوجيعات خفاااف تاني بغاو يبداوها شربات الدوا..دخلات لواتساب لقاتو راسل ليها ميساج كيسول فيها ردات عليه وعلماتو بالي غاتكون ناعسة في حالة مجاوباتوش…كيبقى مصر انه يسول عليها لانها وخا ولات تهضر تجاوب الا انها باااقي مكسحة فنفسيتها ماشي ساهل تخرج منها دغيا…حطات تيليفون عند راسها وضارت كتشوف وتلعب بالسنسلة الي جاب ليها وتفكر فيه اش دار ليها قبيلة وكيفاش كيحشمها ماحستش براسها حتى تبسمت…حطات سنسلة على فمها وباستها ورجعت كتلعب بيها تا داتها عينها…راها ناااعسة وهي دور حطات رجليها تا حسات بيهم كيضربو رجلين اخرين تا بدات تشم فريحتو حلت عينيها لقاتو ناعس حداها حاطة راسها على دراعو ماقدرش يحيدهم حيث عاد دخل بشي ساعة من برا بدل حوايجو وتلاح نعس حداها…ورجل فوق رجلو هي الي كانت ضرب فيه…وهي تشرعهم تا شهقت وهو يحل عينيه ورجع غمضهم…
زين الدين”بصوت مبحوح بالنعاس”: مالك اش كاين ؟
فرح”تلفت عارفاه غاينعس حداها طال زمان ولا قصار ههه..بغات تقوليه امتى جيتي تخربقو ليها الكلمات” : اويلي خلعتيني اش كدير هنا ؟! ..”بغات تنوض من حداه”
زين الدين”هز حاجبو نطق وعينيه مزال مغمضين بصوت مبحوح خلعها” : تحركي من حدايا نقسم ملتك…
رجع غمض عينيه الا حجبانو الي بقاو مغوبشين ماعرفاتو واش تعصب ولا بالنعاس ولا شعا الي ضارب ليه على عينيه..
فرح”بقات تشوف فيه استغلت عينيه الي غمضهم عطاها فرصة وراحة باش انها تستكشف ملامح ديالو..شفارو حجبانو الغلاض الي مابقى كيفصلهم الا القليل باش يتلاقاو..منخرو والنگدة الي فيه كاتبان ليها نگدة مميزة فعينيها..وداك الحاجب الي لاخر ديالو مهزوز ديما…اللحية الكثيفة ومسطاجو الي مخبي النص فشنايفو بقات حاضية بعينيها لدرجة نسااات راسها وهي طالعة كتكتاشف تا طلعات اعينيه الي بان فيهم اللون الاخضر المايل لزروقية رغم سواد ملامح ديالو ولاحظت اللون المميز فيهم والي قليل الي كيلاحضو كتشوف فلونهم حتى خرجت عينيها ووعات بالي را حل عينيه وكيشوف فيها كيفاش ساهية فيه وتاهو مارمش ماتحرك فحال دار ليها بوز خلاها تكتاشف على خاطرها…قلبها ضرب بجهد بالحصلة الي حصلت وهي كتشوف فيه تمنات لارض تشق وتبلعها ولا يشوفها كتستكشف فيه تا ضارت لهيه ماهضرتش”
زين الدين”مد ايدو جر ليها ايدها كمش عليها وحطها على فمو كيبوس وينطق” : شنو بان لكبيدة ديالي فيا…
فرح”عاطية بوجهها لجيهة لاخرى” : واصاافي هههه…
زين الدين”بنفس الوضعية متبت واحد الهدووء تاام. ماعجبتكش ؟!
فرح”ضارت لعندو” : لا لا ماگلت والو…
زين الدين”رجع باس ليها ايدها وعاود وشاف فيها فعينيها الي كيشوفو هنا وهنا وفيه ويرجعو يشتتو النظر..سند حنكو على ايدها.ونطق بصوت فيه العيا وتعب مزال باغي ينعس حيث عاد دخل بشي ساعة لدار..الليل كلو وهو وسط الحسابات الي تكبات عليه فهاد الاونة حيث اهمل المحلات حتى كيف كان كيسيزي عن بعد ويخدم عليهم عن بعد مادارهاش لانه كان مشغول مع فرح وحالتها وزواجو بيها…” : صباح النور…
فرح”تبسمات ليه تاهي بابتسامة صباحية” : صباح الخير…”شافت فيه” بغيت نوض لطواليط…
زين الدين”عرفها بالي خاص تنوض تبدل وهادشي مايخفاش عليه..عاود باس ايدها وتهز شوي مقرب ليها تا باس راس منخرها وحنكها وبغفلة خفة غفلها ببوسة مخطوفة لشفايفها” : نوضي…
ناضت حناكها كيزدحو ببوستو..دخلات لطواليط قلبها كيضرب ديما فقربو ليها قلبها كيولي يزدح كتحس معاه بالحب باحاسيس فشكل لدرجة غير كلمة غزل منو كتخليها تحمر من الخدود ولا توثر…هادشي بقد ماكيعجبها فيه وكيحمقها تاثيرو عليها بقد ماكتوثر وترتابك وهي معاه…تاكدت ان زين الدين هو الحب الحقيقي ديالها مكاين لا اسماعيل لا غيرو وحتى يونس براسو مكانش كياثر عليها فقط كتحشم ولا تبتاسم وخا كانت مرتاحة ليه…لكن زين الدين غير كلشي فيه كيخليها حاسة براسها فشكل طايرة متوثرة حشمانة بزاف…كتحس بالفراشات كيتقلبو فذاتها كتحس بفرحة كتحس بالحب انجذاب كبير كامستري بيناتهم زوينة…ضارت قدامو كتهبط فالفوقي ديال بيجامة الي طلع ليها بالنعاس…مشات لماريو هزات وحدة جديدة وهادشي وهو باقي بنفس الوضعية كيشوف فيها كتحرك وعينيه شبه مسدودين…دخلات لطواليط بدلات ونقات حالتها رمات الحوايج موسخين فالسلة..تقابلت مع لافابو غسلات وجهها بالما الفاتر حسات بوجهها نشف وبمساعدة صفاء قدر ياخذ ليها شنو تحتاج لانه مغايعرفش اشنو تبغي وشنو كانت كدير بهادشي الي كيخص النساء….كانت قدامها صابونة مرطبة من الي جابت معاها عرفت بالي صفاء الي عاوناتو حيث الاسم ديال البرودويات الي كدير كتعرفو غير صفاء..فتحات الكرطونة جبدتها وغسلت بيها حكات سنانها ونشفت حالتها وجبدات كريم نهاري مرطب ذهنات بيه وجهها فالبلاصة شربو وجهها…كملات وخرجت حتى وقفت كتشوف فيه لقاتو حيد تيشرت وتشبح على كرشو وغرق فالنعااس من كثرة التعب…وراه ماقالت صفاء عريض الكتاف تا قالتها هههه..ماكرهتش تبقى تشوف فيه فالزين الي عطاها الله يكون راجلها وسندها فالحياة والي ساندها فازماتها قبل حتى مايرتابط بيها…ملاحظتش نعستو فالناموسية بقدر ملاحظت التعب الي كان باين عليه عيااا بزاااف من الكلينيك لمحلات لحسابات…قربات لعندو وهي تهز الغطا وغطاتو وهي تهز تيليفون شافت ساعة لقاتها سبعة ونص..خرجات من البيت مخلياه يرتاح سدات الباب بشوي ونزلات لتحت كتهز فكمايمها حتى دخلات لكوزينة وهي توقف نساات بالي اليوم غاترجع خديجة وتورية لخدمتهم..
فرح”بارتباك” : احم صباح الخير خالتي خديجة..”تبسمات ليها ومشات سلمت عليها” نسيت را غاتجيو اليوم…
خديجة : هههه يومين دازت طايرة…
فرح : الى بغيتي تزيدي ترتاحي زيديك سيمانة…”دخلات توبا مع هضرتها”
توبا : صباح الخير”رجعات للباسها لول..دراعة فالبيج سامبل.”
خديجة : صباح الخييير الحاجة توبا..”مشات لعندها سلمات عليها” على سلامتك الحاجة وعلى سلامة رجوعك لدار..بقات بلاصتك كبيرة…
توبا”بابتسامة” : الله يسلمك..بديتي توجدي ولا نعاونك…
فرح : انا نعاونها غير رتاحي اخالتي…
توبا : لا بلاش انا نقضي معاها كيف مولفين من شحال هادي رتاحي نتي ماعليش…
فرح”حركات راسها مالقات ماتقول شافت فخديجة الي تبسمت ليها وحركت ليها راسها وهي تحدر راسها وخرجات من الكوزينة…”
ماعرفت مادير فهاد الصباح حتى بان ليها مراد نازل عينيه مبوقين تاهو ماشبعش نعاس وخا سبق زين الدين وجا لكن النعاس مشافوش..لقاها واقفة مسندة على رخامة وباينة عليها تالفة…
مراد”بصوت مبحوح” : صباح الخير مرت خويا…
فرح”تبسمت ليه” : صباح الخير…
مراد”كيهضر وينقي فعينيه” : مالك واقفة ؟
فرح : مالقيت ماندير هبطت باش ندير الفطور نسيت بالي خالتي خديجة غاتجي اليوم..بغيت نعاونها ولكن خالتي توبا گالت ليا بلاش هي غاتعاونها كيف مولفين…
مراد”هز حاجبو وضار جيهة الكوزينة بانت ليه توبا مگفضة الكمايم ومسندة على بوطاجي الوسطاني كتشوف ف خديجة اش كدير وكتهضر معاها…رجع شاف ففرح” : كيف مولفين ؟ ممم..ومزيان اش بغيتي رتاحي اليوم ونتي صباح فطور والغذا والعشا عطي راسك راحة را حنا گلفة ههههه..اجي جلسي برا ؟
فرح : واخا..
خرج هو وتبعاتو جلسو فالطابلة تما نسمة الهواء باااردة كتعطي والندى ديال البحر كيصرب واحد الجو صباحي خطييير مريح…حط تيليفونو وربع ايديه حتى بدا كيتفوه..
فرح : جيتي معطل فحال زين الدين ؟
مراد : جيت قبل منو مع شي ربعة هكاك..
فرح : وبقى رتاح علاش فقتي ؟
مراد : را هو براسو شوي تلقايه نازل راجعين تاني نكملو..
فرح : واش كثار الحسابات ؟
مراد : بزااف حيث هاد الشهور لاخرة مابقاش طل عليهم تدهى ببزاف..وراكي عارفة تراكم الحسابات اش كيوقع..وعاد مزال عندنا لانفونطيغ ديال الكلينيك..بففف
فرح : واش كتحسبو بليكسيل ؟!
مراد : بيه و بالمانييل”يدويا”..
فرح”بتفكير..صرطت ريقها بغات تشجع وتعطي اقتراحها بغات تقول وخايفة مترددة..” : احم..ماشي مشكيل نقدر نعاونكم ؟!
مراد”شاف فيها بزربة” : كيفاش ؟
فرح”حركت راسها وبتردد نطقات” : انا ديجا عندي ديبلوك ف TCE (تقني محاسبات) ديجا سطاجيت وعارفة سيستيم نقدر نعاونكم وكيما زاد العدد كيما تنقصت عليكم الخدمة..”بحزن على زين الدين” غاتكرفصو وخصوصا هو مابين كلينيك عمليات وبين المحلات “بصوت جاب لمراد البكية ههه” قااصحة عليه…
مراد”ولا يرمش” : هاا ؟”حنحن كيهضر ويحك فلحيتو ماعرف اش يقوليها فالصراحة اقتراح زوين منها ومساعدة مهمة لكن مايقدرش يقول حيث عارف حالتها وزين الدين الي عارف كيفاش يتصرف فماكان عليه الا” خاصك طلعي عندو تسوليه..”شاف فساعتو” را شوية وغاديين راجعين..حيث بغا يكمل باش تسافرو غذا على مافراسي لا ؟
فرح : اه مسافرين غذا..احم واخا انا نطلع عندو..”ناضت مستاذنة منو دخلات ونيشان طلعت ماشافتش جيهة الكوزينة…مشات لبيت قبل مادخل حلات الباب بشويييي طلات براسها وهي دخل حساب ليها غاتلقاه باقي ناعس لكن الفراش كان خاوي طلقات وذنيها كتسمع صوت الما اذن فالدوش…هزات تيليفون وضارت تخرج بزربة لا يخرج عريان يلاه غاديا حتى تحل الباب وسمعات صوته كيعيط ليها…
زين الدين”شعرو يقطر بالما” : فرح ؟؟”ضارت تكلم ليه وخايفة يكون عريان من صدرو ساعاك هاد المرة لابس بينوار وشاد الفوطة كيمسح بيها وجهو وشعرو تا لواها على عنقو”
فرح : نعاام !!”وقفت” جيت بغيت نشوفك واش فايق..ملي مالقيتكش قلت نهبط تاتجي..
زين الدين : اجي لعندي هنا..
فرح”قربات لعندو ونطقات نيشان” : بغيت نمشي معاك المحلات نعاونك فالحسابات…
زين الدين”سرسبت ليه الهضرة تا دهشر ولا يكمش فحجبانو” : كيفاش !!
فرح”تقادت فالوقفة” : بغيت نمشي معاك نعاونك..انا عندي ديبلوم فكونطا راك عارف وديجا سطاجيت فهادشي نقدر نعاونكم ونقص عليك الخدمة…الى بغيتي الى مابغيتيش ماشي مشكيل…
زين الدين : واخا اجي قربي لعندي…
فرح”كترمش وتصرط فريقها” : ع علاش ؟
زين الدين : فرح قربي…
فرح”هزت النفس وهي تقرب اكثر..لا غاا شوية اكثر هي فاش تقدم وجرها بزز قربها ليه..ريحة الباندوش وشامبو كتعطيي منو وسخونية العومان فايحة..” : صافي هاني…
زين الدين : مدى بيا تحركي معايا فينما كنت..مدى بيا تخرجي وتشوفي دنيا…فرح ماكدة بايتي تحركي معايا لمحلات ؟
فرح : اه ماكدة…قصدتي على تما عامر بالناس حيث وسط السوق ودنيا عامرة ياك ؟
زين الدين : راكي عارفة…
فرح : وشنو ندير الى ماعاونتكش. ؟ وشنو ندير الى ماتحديتش الخوف ديالي..علاش منجربش نمشي معاك…
زين الدين : فرح راني گلت ليك بالفرحات عليا..مابغيتش ندخلك دقة وحدة ماشي معاك دقة دقة…عارفك كتبرزطي بالناس كثيرة…دنيا عامرة بزاف تما…
فرح : كنت خدامة فاكادير فالصيف وسط سناك عامر ببنادم..
زين الدين : تاحاجة ماتوصل العمورية الي هنا فكازا.. كنتي سادة عليك فالكوزينة ومانعين يدخل عندك شي حد .”خرج عينيه بشوي”عارف شنو كنتي ديري تما وشنو داز عليك..فرح مابغيتش تمرضي ليا”بحب”…
فرح”بحزن حدرت عينيها” : وانا مابغيتكش تعذب راك مكرفص وكنشوف هادشي ماشي عمية ولا ماكنحس بوالو..بغيت نمشي معاك انا ماكدة بغيت نخرج مابغيتش نبقى غير هنا مكندير والو…عافاك خليني نمشي معاك والى مابغيتيش صافي براحتك…
زين الدين : براحتك نتي…”حركات راسها وضارت غاديا..حتى شدها من دراعها وقربها مدورها عندو” اجي هنا..”قبط ليها حناكها كيدوز عليهم بصباعو” مايعطينيش خاطري نقلق الفرحة ديالي…لبسي حوايجك وتحركي نشوف…
زمات فمها كتحاول تخبي الابتسامة والخحل لكن ماقدرتش فلتو ليها بلهلا يطريه ليها…طبطب ليها على حناكها ومشا لدريسينغ ديال القوامج هز وحدة فالبيض وهز سروال فصالة كحل وملابس داخلية وقف بغا يبدل حتى بانت ليه كتجري طارت لدوش حرك راسو يمين شمال حيد البينوار ولبس حوايجو قبل ماتخرج هي كان مقاد مصايب ريحتو تعطي تا خرجات لابسة جلابة مخزانية فالبوردو مطروزة بوريدات فالذهبي..جامعة شعرها لور بلا ميكاب بلا والو جات كتحمق خصوصا جلابة بانت فيها فشكل مطيبزة ومستورة..جاتها ساهلة بلا ماتقلب على كسوة او سروال اللهم هي وديال مليفة على حسب الحال بارد برا…لقاتو مانتك ضارب حطة ناضية وماشط شعرو مفيكسيه وريحتو واصلة لنيفها…
زين الدين”تنهد وياربي على هاد الصبر الي عطاه ربي” : تبارك الله”كيطلعها ويهبطها ماخلات ليه مايقول صورة كاملة مكمولة فعينيه..” صافي ؟
فرح”حركات راسها وتنهدات” : صااافي..
زين الدين : يلاه تحركي”هزات صاكها دارت فيه تيليفونها وخرجو محاوطها بجنب تا نزلو لقاو الفطور محطوط وتوبا واقفة كتشوف فتورية كتحط وتقوليها اش دير..نطق بصوت خلاهم يدورو يوقفو” صباح الخير…
خديجة : صباح الخير اولدي..
توبا : صباح النور ولدي..جلس تفطر…
زين الدين”حرك راسو وجلس جلسو كاملين سول على ضحى وتاكد ان فطورها طلع عندها بينما كملو كان شرب دوا ديالو وتسنى الوقت عاد بدا يفطر…شاف فمراد الي وقف” : محرك ؟
مراد : هاني سبقتك..
زين الدين : اللهم يسر…”جلسات توبا مقابل ليهم وهي تبدا تكب سبقت زين الدين عطاتو قهوته الي كيشرب ويلاه بغات تكب وهو ينطق” خوي ليك نتي “بغا يمشي لبراد يكب اتاي لفرح حتى تفاجئ البراد وصينية مكاينينش..عقد حجبانو” اتاي ؟
توبا : ها ؟ م احم مادرناهش حيث مولفين نفطرو بالقهوة ..
زين الدين”خرج عينيه” : كيفاش مولفين بالقهوة !؟ وفرح اشريفة ؟؟فرح ماعندهاش مع القهوة مكتشربهاش كتشرب اتاي فين اتاي ليها ؟
توبا”ماعرفت باش تبلات مشات على سيستيم الي كانو مولفين داكشي باش” : والله الى نسيت ماعرفتش اولدي..
فرح”شافتو غايجهد صوته وهي تشد ليه فايدو تحت طابلة” : انا مابغيتش نشربو بغيت غير الحليب اصلا فالصباح بكري مكنفطرش عادي ماعنديش مشكيل وخا مكاينش والى فقت بكري كنشرب الحليب حيث كيصرني اتاي فالصباح بكري…كبي ليا خالتي غير الحليب…
زين الدين”بغا يهضر وهي تورك عليه”
توبا”بابتسامة” : ايه وخا..وسمحي ليا بنتي والله مافراسي .
فرح : عادي خالتي باش غاتعرفي الى ماگالها ليك حد..ونسيت ماعلمتكش فاش جيت لكوزينة. هههه…”كبات ليها توبا بدون متشوف جيهة زين الدين حيث لا شافت فيه تقدر تخوي التيرموس برا الكاس بالتلفة…اما فرح بقات تا طبطبات ليه على ايدو وهو يغمض عينيه..ناضت هزات الكاس دارت فيه سكار الي بغات وشربات منو وخا را الحليب عندها هي اكفس حاجة من بعد اكل مال اليتيم…حطات الكاس وهي تمد ايدها ل خبز بان ليها ديال قمح سخون زوين..”
توبا : بلاتي خلي هذاك را ديال زين الدين انا نجيب ليك واحد اخور..
فرح”بحرج حطات الخبز” : واخا…
زين الدين : لا جلسي مكاين لاش خليها تاكلو.. الي بغات تهز منها كللشي ديالها ماعندها علاش تسول ولا تشاور هادشي عندنا عادي الي بغا شي حاجة يهزها بلا ميشاور…الماكلة مافيها خسابات عمتي…
توبا”وقفات” : واخا ولدي انا نزيد نيت را ماحطيتش بزاف..”مشات الكوزينة”
زين الدين”ضار عند فرح وحرك ليها حجبانو” : هزيه …
فرح : هاهي جايباه ليا…
زين الدين”بصوت تهديد” : گلت ليك هزيه…
فرح : واخا..”قطعات منو وغمسات ندغة فالزيت ذهنات بيها وسط الخبز عاودت ثانية كلات الندغة” بنييين…كايعجبني…
زين الدين : وانا ؟
فرح”بخجل” : مالك نتا…
زين الدين : حالي مال معاك..”يلاه بغا يكمل وهي تجي توبا حطات ليهم الخبز..سمى الله وبداو فالاكل…صونا لزين الدين تيليفونو” الحاج علي شي باس مكاين !!؟؟
علي : افينك ؟
زين الدين : فداري حدا مرتي…
علي : بزعط..ماعلينا قطعتي ولا مزال ؟
زين الدين”ضار شاف ففرح وناض وقف مخليهم وخرج لبرا يكمل هضرتو..” مزال لا ناوي نتا قطع ليا معاك…
علي : ماعلمتيش فرح ؟!
زين الدين : مزال..غذا فالعشية مسافرين فين علمتك قبل مانجيو نعلمها..محتاجة تبدل جو شوية..
علي : واخا مع تيسير الله وعليه…”قطع معاه ووقف لوهلة كيستمتع بنسمات الهواء البحري وكيفكر فالسفرة الي موجد ليها والهضرة الي غايخص يقول ليها…اول مرة غايسافر بعيييد قاطع البحور ومخليها…مابغاش يبرزط راسو بهادشي بغا يستمتع بكل وقت غايدوز معاها…واصلا غادي غير يومين يعني كيف خلاها فحال الى بات فالكلينيك مع عملياتو وخدمتو..مايخافش عليها…قبل مايدخل ويرجع يجلس حداها ثاني”
زين الدين : فين عمتي !؟
فرح : طلعات عند ضحى تشوفها وتجي..
زين الدين”بانت ليه كملت الخبز والحليب ماقاستوش”ساليتي
فرح : اه صافي ساليت…
زين الدين”هز حاجبو” : وداك الحليب عارو علامن ؟
فرح”باشمئزاز” : بلاش غير خليه شبعت…
زين الدين”عض شنايفو وضيق فيها عينيه..جابها ليها فمها الي قال كيبغي يشرب الحليب كون خلاتو يهضر كون كتفطر كي ناس” : والله يا ملتك حتى تشربيه…
فرح الي كيعرف مكتسمحش فحقها ايدا…فطرو وناضت غسلات ايديها خرجات لقاتو واقف كيتسناها عند الباب…استاذنو ومشاو لسيارة ركبات فبلاصتها قادت سانتيغ وهو كذلك..مسافة الطريق مع داك الصباح الخميس ناس غاديا لخدمتها وطلبة لقرايتهم وسيارات النقل المدرسي تاهي دنيا كانت عامرة…طلق القرآن باش تهدن وهو سايق مرة مرة كيرمي عينيه لعندها يشوفها كيلقاها شابكة ايديها كتفرك فيهم مرة مرة وكتشوف ومرة تحدر راسها…شوية بشوية وهاهي غاديا وكتولف…وصلو لمدينة بمشقة الانفس حتى تعصب هو براسو من الدنيا الي عامرة حتى اضطر ياخذ طريق اخرى…حتى وصلو..نزل وضار لعندها حل ليها الباب ومد ليها ايدو قبطات فيه ونزلات وسط السوق كلها توثر وارتباك شدييد…كاتحاول ماتبينش ليه حيث عطات لراسها تحدي انها ماتاثرش وترعد…تابطات دراعو وقفو تا سد طوموبيل وتمو غادين حس بيها ارتابكت مابغاش يقوليها ها اش قلت ليك…ولا حط ايدو فوق ايدها وكمش عليها باش يجر ليها داك الارتباك والرهبة…لدرجة كاع الي فالمحلات ولا يسلم عليهم غا براسو وهي غاديا حداه…
زين الدين”ضار عندها” : مزيانة ؟!
فرح”دايرة صبعها ففمها كتشوف مدهشرة وجهها تزنگ..هزات فيه راسها” : هاا ؟ اه مزيانة فين غانمشيو ؟!
زين الدين”شير ليها بصبعو” : لهذاك المحل..
فرح : احم..هو ديالك ؟
زين الدين”عوج راسو بشوي” : حسبي كلشي..فوتي غير محل با الحسين الي هو هذا”شير ليها لمحل الصغير”..
فرح”بالدعقة كاع ماداتها فيه حدها حركت ليه راسها” : اه..”وصلو لمحل الي جا فالوسط كبيير فيه زوج طبقات الفوقانية هي الي فيها المكتب..كيف دخل كان باقي الوقت حيث هما مكيحلو تال تسعود لقاوهم يلاه بداو يحلو ويرشو قدام المحلات…”
زين الدين : تشوفي المحلات دابا ؟
فرح”شافت فالمحل الكبير” : هذا هو الكبير ؟
زين الدين : هذا المحل لول فين بدا الحاج الوليد…فين كان جدي رحمة الله عليهم اجمعين…
فرح”كتحرك فراسها” : الله يرحمهم..
زين الدين : اجي معايا ماحد مازال الدنيا ماعمرت…”زادت تابطت دراعو وتمو غادين كيوريها كل محل مع كايبغي يدخل كايدق هو لول..وراها لول ثاني وثالث ورابع كانو محلات عاديين الا الخامس الي هو الكبير الي ذكرت..” باقي المحلات ديال ماليهم منهم ديال با الحسين..
فرح”باعجاب” : القيصارية ديالكم !؟
زين الدين”حرك راسو” : كارين ليهم المحلات…
فرح”شافت فيه” : فاش نساليو بغيت نشوف حانوت با الحسين…
زين الدين : ان شاء الله…مرحبا..”خرج عندو واحد من الي مقابلين ليه واحد من الحوانت..جامع ايديه مبتاسم وحادر عينيه باحترام..”
هو : دكتور صباح الخير…نورتينا هاد اليومين من بعد غيبة طويلة…
زين الدين : عيسى”قرب باس ليه راسو حيث رجل كبير عليه فعمر ستين هكاك” صباح الخير..مشاغيل كثيرة ولله الحمد..محركة الدعوة هاد ليام ؟
عيسى : وانگولو الحمد لله..قرب رمضان راك عارف الحركة كاتنقص شوية حتى لنص عاد كنتحركو مزيان..المهم را مزيانين هاد ساعة…بقى غير هاد المحل دير ليه الحسابات ياك..انا شوية ونجيب السجل ونساليو ان شاء الله…
زين الدين : ان شاء الله…
عيسى”حدر عينيه فلارض ونطق موجه كلامو لفرح” : مرحبا بمرت ولد الحاج..
زين الدين”ضار شاف فيها لقاها حشمت وحركت راسها وهو يجاوبو” : الله يكبر بيك…قضي غراض شوية ونشوفك..
رجع لمحل ديالو وهما كملو دوران كيوريها من بعيد كاين الي كايجي يسلم عليه وكاين الي كيشير ليه براسو فلول فاش دخل سلم غير من بعيد حتى استاشرها عاد رجع كيوريها…رجعو لمحل الكبير وهما يدخلو ضار بيها فالطابق تحتاني كيوريها المجوهرات الي تم والتصاميم حتى توقف عند واحد التصميم كان ديال فواحد الكوان مخصص لمجوهرات الامازيغية…
فرح : عندكم فحال هادشي ؟!
زين الدين : معلوم..من هنا منين بدا الحاج…”هز داك الخيط المعمر” اللوبان الحر…
فرح : كايتشرا بزاف !؟
زين الدين”حرك راسو” : عندو ماليه..ماشي اي واحد يشريه ثمن ديالو طالع على الذهب هو و”هز واحد التصميم اخور” الخلالة..
فرح”باعجاب لديك الخلالة” : زوييينة بزااف…
زين الدين”هز واحد الخميسة معمرة باحجار الزمرد بين ايديه كيشوف فيها” : تافوست…ماشي الي كان يديرها..بزاف لمزوجة ولا لتربية الي يلاه حلت عينيها على دنيا…
فرح”كتشوف فيها عجبتها وعجبها تصميم ديالها كاتبان بتصميم وزخرفات عتيقة” : كاتبان قديمة…
زين الدين : على كلام الحاج…جديد ليه جدة والبالي لا تفرط فيه!!”كيدوز بصبعو على ديك الخميسة” بقات من نقش الواليد على ايدو..ماشي لبيع”شير ليها لي فحالها” هادوك للبيع ثمنهم فيهم…
فرح”ضارت شافت ثمن ديالها وهي تبهض..غالية بمقارنة مع ذهب لاخور..” : غاالية..واخا نقرة ؟
زين الدين”كيحل فشوكة الي ورا الخميسة” : سي..فيها émeraude(زمرد)حجر كريم فيه معدن البريل الأخضر مع نسبة قليلة من معدن الكروم وشي مرات كيكون فيه الفانوديوم…صعيب يتهرس بالمقارنة مع باقي الحجر..bijoux amazighs فاش كايتگادو ويتصنعو ماشي غير جي وصنع شي شكل من راسك…كل حاجة فيهم عندها معنى”تقابل معاها ولصق ليها ديك البروش ديال خميسة فليمن ديال صدرها زاد ديك الجلابة لمسة خاصة حك ليها دراعها خلاها كتشوف مصدومة حيث علق ليها خميسة مصايبها باه شخصيا” بصحة العمر ديالي…
صدمها فاش ركبها ليها وكييف كايتعامل معاها بكل سخاء وعين كبيرة كيف كنقولو…
فرح”حطت عليها صباعها كتقيص فيها مبهوضة” : زين الدييين..”شافت فيه بنظرة مخجوفة ورجعت حدرت فيها عينها” ماعرفتش اشنو نگوليك”عينيها غرغرو” زوينة بزاف..لهلا يخطيك..”ماعرفت ماتقول فرحها بزاااف بهاد الجيست حتى تلفت عليها الهضرة ونطقات بصوت مذبذب بالفرحة والتاثير” شكرا بزاااف…هههه..”هزت ايدها مسحت عينيها بورشها بهاد الجيست” هههه شكرا…
زين الدين”كانو واقفين المتعلمين حاضيين المحل حيث كبير فيه فيترينات لداخل وبرا..اكتفى يبوس ليها راسها اما را ماكرهش يخشيها فيه يحتاضنها ويبقى معنقها كيبوس فجميع النواحي…” : بصحتك بصحتك شحال عندي منك…”رجع شد فيها وتمو غاديين طلع بيها الفوق تا وصلو لمكتب لقى مراد جالس فكرسي ورا المكتب خدام غا شافو وهو يوقف بغا يخليه يجلس وهو يوقفو بايدو” خليك ماعليش…
جلس وجلسات فرح فالقوطوي مقابل ليهم…جبد لابتوب اخور خاص بخدمة المحل رجع لخدمة الي كان موقف لداخل تا طلع عندو عيسى جاب ليه الحسابات استاذن منو ورجع لمحل…
زين الدين”دور ليها لابتوب” : سيزي ليا “دفع ليها روجيستر” هذا هنا..نشرح ليك ؟
فرح”كاتحك فنواضرها بحركة خلاتو ينتابه ليها عاشق التفاصيل..” : فهمتي نفس الي هنا”حطت صبعها على روجيستر..نحطو هنا..
زين الدين”حرك راسو” : مزيان..قبل ماتكمل علميني نفهمك شنو ديري تفاهمنا ؟!
فرح : صافي تفاهمنا..”عطاها تبدا جمعات شعرها بقراصة وبدات…بدا هو مع مراد الحسابات لاخرين كانو قربو يساليو..جا الحسين سلم عليها ورحب بيها وطبعا الحسين مايمكنش يجي بايديه خاويين جاب ليها عصير باناشي من عند مول العصيرات برا وحلوة لاكريم…”
الحسين : هانا مخصوص لبنتي فرح ههههه…
فرح”تبسمات حشمانة منو” : ههه شكرا با…
الحسين : ودوزو عندي..ياك نتا من هنا لدار ؟
زين الدين : راجع لكلينيك خدمة ساعتين ونرجع..شنو خاصك؟
الحسين : يقدر نجي عندك…
زين الدين : مرحبا..ماكنتش تسناني فالدار..”حرك ليه راسو ومشا رجعو يخدمو..حتى انغامسو لمدة طويلة..رجعو رتاحو وعاودو تاني حتى وصلات 12:30…”
مراد : صافي سالينا…
زين الدين”جمع الوراق هز عينيه ففرح” : فرح ساليتي ؟
فرح”حركت راسها” : اه صافي درت ليه اونغوجيستخي..
زين الدين”حرك راسو وجر ليها لبيسي قلب من وراها وهو يطفيه جمعو ورجعو لشكارة…رجع كيمسد عينيه بتعب مناعسش بتاتا..تمارة والسهير والخدمة كرفصوه…زفر بتعب”
مراد : فيكم جوع “شاف ففرح” فيك جوع اختي ؟
فرح”شافت جيهة زين الدين” : هو الي خاصو ياكل ماكلاش من الفطور وفطورو كان خفيف بزااف…انا را كليت من الحلوة الي خذا ليا با الحسين..”هز فيها زين عينيه وشاف فيها بحب بواحد النضرة ذووب”
مراد : هههه وا صراحة تانا كليت منها بقى هو ماكال والو…نكوموندي ليكم من شي ريسطو على حسابي ؟
زين الدين : سخاوة منك هاد النهار…
مراد : لاا حشومة عليك امتى ماكنت سخي..
زين الدين”عوج فمو وحرك راسو” : قضي قضي”شاف فساعتو” نرجع فرح لدار من وراها محرك لكلينيك…
مراد”ناض وقف كيتشبح ويطرطق فعضامو” : مممم..انا هابط لتحت…
فرح”شافت فزين الدين” : واخا نهبط معاه بغيت نشوف داكشي لي لتحت”شافت فيه بنضرة ترجي”
زين الدين : وايلي فرح..سي نزلي شوفي..انا داخل نتوضى ونهضر مع شي ناس وطلعي عندي…
مراد : اصلا غانتغذاو هنا لفوق…
تبسامات وشدات فصاكها سبقها مراد وتبعاتو تا نزلو لتحت كان مراد كيكوموندي لغذا من ابليكاسيون دواحد المطعم وهي كدور وتشوف فداكشي…
تقدمو خطوات انثوية صوت طالون تسمع عند دخلة الحانوت تا هزات فرح عينيها فور ماشافت واحد المتعلم مشا كيزرب قاصد السيدة الي دخلات ضارت تشوف حتى وقفت وقربت لمراد الي شاف فيها وضار شاف فين كتشوف وهما يحوالو ليه عينيه…حساب ليه غا هيفاء وهبي الي دخلت…اشمنك يا فورمة..شعر مسبسب بنفس تسريحة ويڤي باين من تحت الشال الاسود المرافق للعباية السوداء وصندال فالذهبي..رمات شال فجنب وعضات شنايفها بحركة خلات مراد يوحوح فنفسو اما ريحتها تعطيييي تالنيف…ضارت سولات المتعلم وهو ينعت ليها مراد وتمات جايا وتبتاسم خلاتو بغا يسخف .
ميثاء: سلام عليكم “بابتسامة” شخبارك ؟
مراد: الحمدلله..تفضلي ختي مرحبا..
ميثاء: انا ميثاء ييتكم(جيتكم) مخصوص لهني من يوم وصلت للمغرب وانا ابى ازور محلات الدكتور زين…
فرح:”هزت حاجبها من كلمة زين”
مراد:”ولا يشوف ففرح ويفرنس بلهلا يحزقو ليه”.. ههه اهه مرحبا..احم….
ميثاء:وينه زين الدين؟
مراد: خدام هههه…تفضلي شنو حب الخاطر..ويلكم..
ميثاء : ميثاء: يووه خسارة… انا ياية(جاية) اتسوق من عندكم مخصوص عيبتني(عجبتني) الديزاينات عندكم… والله كل البضاعة تينن(تجنن) واايد… واكثر شي طحت في غرامه تصاميم زين الدين الخاصة تهههبل “مراد خرج عينيه وصرط ريقو فاش قالت تصاميم زين الدين الخاصة وهو الخاصة عمرو دارها لشي حد فقط تصميم لكن كيكون عاام ناقدرش يشوف جيهة فرح الي دورت راسها بالعرض البطييييييئ جيهة مراد الي دار راسو ميت…وجهها تبدلو فيه لوان”
مراد : والله ههه…
ميثاء : عشگتها والله(عشقتها)”تبسمات ليه وضحكت بغنج مراد ماحيلتو لفرح الي طلعت ليها سخانة تا حس بسخونيتها ولا لزين الدين الي نزل وشافها وهو يغوبش”
العافية شعلت وسخونية وصلت لعند مراد الي ماحيلتو لهاد الجمال صوت وصورة الي قدامو ماحيلتو لفرح الي حناكها بغاو يطرطقو بالدم…ماحيلتوووو لزين الدين الي نزل عادي غا شافها وهو يغوبش حس بيه ماعجبوش الحال من مجيتها لمحل واخا كتبقى زبونة شيء عادي انها تجي تقدا…
مراد”حنحن منظف حلقو من الحرج” : احم هههه مرحبا مرحباا..”والو واش قدر يشوف ففرح خايف وجهو يتشوط هههه”…
ميثاء : مشكوور والنعم ..
زين الدين”وصل عليهم عاقد سبعين فربعين وقف جنب فرح عنقها بجنب مقربها ليه اكثر” : سلام عليكم…
ميثاء”تبسمات” : هلا والله دكتور..انت هني لگيتيني سألت عليك مراد گالي أنك تشتغل”
زين الدين”هز حاجبو” : شنو سباب المجية ؟!
ميثاء : انا من زمان فايام كنت ف المشفى مالتنا(ديالنا) بدبي وعرفت انك مصمم مجوهرات بالصدفة دخلت على صفحتكم بالانستقرام وعجبني تصاميمكم اكثر شي تصاميمك احس بيهم عندهم لمسة خاصة…
زين الدين : طارق ؟!
ميثاء : عنده شغل شي..جيت مع السواگ من احد شركات سيارات الخاصة بالتوصيل …احم…اسفة اذا جيت هني بلا موعد…
فرح”الصمت خطف مراد الشوفة فيها بنص عين بانت ليه كتشووف ف ميثاء وحجبانها معقودين”
زين الدين”عينيه فلارض..حرك راسو” : مرحبا”دورات فرح راسها بزربة كتشوف فيه ورجعت شافت فمراد الي ضار كيشوف فواحد الدمليج ديال عصير صابون دوك دمالج ديال جدة”
مراد : زوين هاد المينوط..
زين الدين”نطق وخا ماحاملش مجيتها” : هنا ماعندناش داكشي ديال مواعيد ..المحل عام …الكليان وقت الي بغا كايجي…مكاينش زبون شخصي”هز راسو وخنزر بشوي كيشوف لهيه باش يشوف فيها والو واش هز فيها العين..”
ميثاء : مافهمت …
مراد”شرح ليها بالانجليزية” : المحلات عندنا للعامة الي بغا يتقدا كيجي يسوف الي عجباتو شي حاجة كياخذها مكاينش عندنا مسالة المواعيد…يعني الى بغيتي تاخذي شي حاجة تفضلي شوفي الي عجبك مرحبا بيك…
ميثاء. : ااه فهمت هههه عادي.. .المهم اشتري من تصاميمكم صراحة وايد تخبل ودايما شايفتهم فالانستغرام حبيتهم وگلت فرصة اذا رحت المغرب باخذ منهم…
زين الدين”حاس بفرح حداه كتغلي..” : مرحبا اختي..
فرح”ديك مرحبا كطلع البركان وديك ختي كاتخويه عليه الما بارد هههه”…
ميثاء”بابتسامة” : شكرا..”شافت جيهة فرح” زوجتك صح !؟
زين الدين”حرك ليها راسو ب اه …زاد قرب ليه فرح وحك ليها على دراعها” : حسبيها مولات هادشي الي كتشوفي…
فرح”حلت فمها وهي دور شافت فيه بصدمة”
زين الدين”شاف فمراد” : شوف شي حد فدراري يشوف شنو خاصها..”تم غادي بفرح” الدراري يشوفو معاك شنو خاصك…”دا المجنونة معاه وطلعو الفوق..خلاوها لتحت مع مراد الي ماعرف مايدير تلف…
فرح”حيدات من جنبو تا ضار كيشوف وجلسات فوق الفوطوي بجهد تا شك واش تقباتو ولا تفرع..”
زين الدين”جلس حداها وحط ايديه ورا كتافها كيشوف فيها حادرة راسها ووجهها ماشي تالهيه” : مالك !؟
فرح”الصمت”
زين الدين : فرح ؟؟
فرح”ضارت شافت فيه” : نعام ؟
زين الدين : سولتك مالك…
فرح : مابغيتي تگول والو ؟
زين الدين”هز حاجبو” : شنو نگول ؟! كاين شي مشكيل ؟!
فرح”حركت راسها ببطئ كانها بغات تقول اه شوي وهي تحركو بالسلب” : لاااا ماكاين والو وااالو…
زين الدين : وايلي على مكاين والو ؟ شوفي وجهك فرح شوفي ..
فرح : بغيت نمشي لدار تبرزطت…
زين الدين”زاد قرب ليها تالصق مع جنبها قرب لعند وجهها” : شنو برزط ليا الفرحة ؟!
فرح : عيييت ياك سالينا ولا مزال غاتنزل تشوف الكليانة الي جات ؟
زين الدين : معاها مراد…هانتي گلتيها كليانة الكليان مكنتعاملش معاهم انا بزاف فحالة كان كليان معرفة كبيرة وعزيز كنتعامل معاه…وقتي عامر ممساليش نشد لخاطر لكليان..ماشي من نوع الي يشد لخاطر لعيالات فهادشي…
فرح”ماعرفت تهدن ولا تفرح..سكتت”…
زين الدين : زيدي شنو عندك مزال ؟!
فرح”تا بغات تهضر وهي تفكر ديك تصاميم خاصة وهي تشعل العافية ثاني “: بغيت نمشي لدار…
زين الدين : تغذاي ونتحركو…
فرح : لا مابقيتش بغيت نتغذا شبعانة…
زين الدين”مابغاش يقجر عليها” : ماكدة ؟
فرح : اه متاكدة…صافي عييت وتبرزطت بغيت نمشي نبدل..
زين الدين : ها دوش هنا دخلي قضي الغراض…محتاجة شي حاجة نتحرك دابا نجيبها لكبيدة ديالي بقاي ليا على خاطرك…شنو مزال ؟
فرح : لا غير خليني نمشي اصلا نتا عندك خدمة فالكلينيك ماتعطلش…غير خلينا نمشيو…
زين الدين”حك شنايفو بسنانو خاضي ليها وجهها كي تبدلو فيه لوان وحجبانها الي حلفو مايتسرحو..ماااينكرش انه حماااق على هاد الغيرة الي فيها عليه…تزيرت وبغات تقول شي حاجة واحلة ليها فالحلق لكن والو…فضل انه يديها بخاطرها مايزيدش يعصبها وهي فحالة ماتسمحش انها تقلق لانه اصلا ثقتها بالناس شبه منعدمة فقط هو والبعض مابغاش يخذلها مابغاش يعصبها ويمرضها…شاف تا عيا وهو ينوض ساس حوايجو وساف فيها” : يلاه تحركي…
فرح”ناضت هزات صاكها كمشت فيه..نزلات هي وياه لتحت ماضاروش جيهة ميثاء شافهم غير عصام ماسولش عرف القضية حامضة جابت ليه فرح ضحك”
مراد”دار ايدو على فمو حابس ضحكة..كيشوف فيهم نسى ميثاء هههه”
ميثاء”شافت فمراد” بكم سعره…
مراد”انتابه ليها” : نعام ؟
ميثاء : الموديل ذا يخبل…
مراد : تي كيفاش مخبل…
خرجو من المحل وهي تشد ليه فدراعو تبرزطت بكثرة الناس الي فالقيصارية..هز تيليفونو ودوز الخط لمراد علمو بالي مشاو والغذا يتغذاه مع الحسين ومحماد الي مقابل ليه المحل الكبير…وصلو لسيارة حل ليها الباب ورجع هو لبلاصتو دور عليه سانتيغ قبل مايديماري حل المجر جبد منو دوا شربو وهي تشوف فيه عرفاتو بالي خاصو يتغذا…يلاه بغا يديماري وهي توقفو…
فرح : بلاتي”شاف فيها” عيط لمراد يجيب الغذا…
زين الدين : معندو كيفاش يدير ليه…
فرح : الماكلة كاتجي فبواطات اومبوغطي گوليه يجيب شلاضة منهم راني سمعتو شنو كوموندا من لابليكاسيون…عيط ليه بغيتها ناكلها فطريق…
زين الدين”عض شنايفو وناااري ويشدها شي نهار ياكلها فندغة على قولتو(دغمة)..بقى ينقر بصباعو فوق الفولون وكيشوف قدامو حتى هز الفرانامان ومد ايدو لتيليفون دوز لمراد تا تسمع صوته فالسيارة كلها” : الغذا وصل ؟!
مراد”كان ليفرور يلاه وقف عليه” : هاهو يلاه جابو..
زين الدين : تحرك لعندي لباركينغ عطيني بواط ديال صلاد”شاف فيها” شنو بغيتي ؟
فرح : جيب ليا ديك صلاد سيزر الي ختاريتي…
مراد : اااه واخا هاني جاي..”تقطع تيليفون تسناو واحد خمسة دقايق…زين الدين كيشوف قدامو وهي متكية على شرجم بملامح غاضبة…حتى دق عليهم حل ليه الباب عطاه البواطة ولفرشيط مدها ليها مشى مراد وهو رجع ديمارا وكسيرا خارج من السوق تا دخلو لطريق الرئيسية…”
فرح”حلات ديك البواطة وحلت لوبلاج الي فيه فرشيط وهي تحطها ليه” : خاصك تاكل راك شربتي دوا…
زين الدين”شاف فيها ورجع شاف قدامو طلق سينيال تا وقف فجنب…ضار عندها ” : مابغيتش ناكل”بلعاني”
فرح”شافت فيه” : علاش ؟
زين الدين : مافياش الالة…
فرح : علاش مافيكش راك ماكلتي والو..غاتبقى بالجوع ؟!
زين الدين : نموت انا كااع…ماعنديش خاطر الماكلة والفرحة ديالي مقلقة…شنو قلقك نعرف شنو كاين…
فرح : مااامقلقاااش مابيا والو غير كول”زلقت ليها تنخصيصة ههه”
زين الدين”جمع حجبانو” : بغيتي تبكي…
فرح : ولا مابغيتش…واكول ماتديهاش فيا مابيا والو غير خليني وكول…
زين الدين”شافها تفقصت وهو يهز البواطة وبدا ياكل منها شوية حطها وهز قرعة الما شربها كلها جبد كلينيكس مسح بيه فمو شاف فيها وهز ايديه” : مزيان ؟
فرح”حركت راسها وهي تربع ايديها كتشوف ثدامها..مالقى مايقول رجع ديمارا وزاد بالسيارة غاديين والصمت سيد الموقف مرة مرة كيرمي عينيه ليها كيلقاها متكية على شرجم وكتشوف…بقاو هكاك حتى وصلو لفيلا نزلو من السيارة وهي تمشي سبقاتو دخلات ماشافتش جيهة توبا الي كانت فالقع ديال دار ولا تورية وصلات وطلعت لبيت دخلت لدوش..”
زين الدين”دخل وراها يلاه غايطلع حتى وقفاتو توبا”
توبا : ولدي ياك لباس مالها ؟
زين الدين”غادي طالع وكيهضر” : ماتعمريش راسك بينا ديها فصحتك وصحة بنتك…”طلع ودخل البيت بغا يشوفها مالقاهاش عرفها داخلة لدوش حط تيليفون فوق باور بانك وتلاح جلس بجنب ناموسية عند رجلين تسند بايديه على الحاشية حادر راسو كيحك فشنايفو ويتفكر غيرتها الي بانت ووجهها الي تبدل منضرها كيجيب الضحك وكتعجبو لكن خاص يهدنها ويرطب معاها باش تفهم لان حالتها ماتسمحش تعصب وتغير تقدر تفقد فيه الثقة فاي وقت..خاص يهضر معاها بجدية…ربع ساعة وهي فالدوش حتى تحل الباب وهي تخرج كتفرك فايديها…ماشافتش فيه مشات نيشان لماريو بدات تهز فالحوايج الي وصاها تجمع وكل مرة تاجل فيهم..اول حاجة هزات بيجامة وتمات غاديا وهو يوقفها” : شش فين غاديا ؟
فرح”وقفت بدون ماتشوف فيه” : بغيت نمشي نبدل…
زين الدين : جلسي نهضر معاك…
فرح : عافاك غير خليني مافيا مايهضر..
زين الدين : ماعليش دابا نخليك شوي وغادي لهيه..جلسي نهضر معاك وديري الي عجبك..”شاف فيها بتاكيد عينيه فعينيها” جلسييي…
فرح”زمت فمها وجمعت حجبانها جلسات والحوايج فايديها” : هاني…
زين الدين : شنو واقع ليك مالك ؟”شافها ساكتة وهو ينطق هو” ماعجبكش الحال تجي هاديك السيدة ؟”ماجاوباتوش” نعاود ليك نفس الهضرة فرح ؟ ماعندكش الثقة فيا”شير لراسو”
فرح”حركت راسها ب لا” : ماشي هكاك…
زين الدين : فهميني نشرح ليك…
فرح : نتا گلتي ليا تصاميم مكديرهم لتاحد ياك ؟؛
زين الدين : ماكنعاوش الهضر الي گلتها گلتها. شنو تبدل ؟!
فرح”ناضت بجهد” : وهي عرفتي اش گالت ؟ گالت ليك كيعجبوها تصاميمك الخاصة..فين شافت تصاميمك الخاصة ااا ؟ فين ..
زين الدين : عارفة بالي عندنا پاج ف Réseaux sociaux..تما حاطين حتى الخدمة الي كندير ليهم شي مرات وديك الخدمة فرح ديالي فيها واحد Signature ديالي..”شير ليها لسنسلة الي فعنقها” حليها نشوف..”ماتسناهاش تاتهضر ناض وقف وقرب ليها لصق معاها تا خشا ايدو ورا رقبتها ماعرفتش كيفاش دار تا حيد ليها سنسلة ودور العمارة وهو يوريها السنية الي لداخل حرف ZD خاصة كتعني اسمو…لكن فهاد السنسلة الي داير ليها فيها ZDF” نورمالمون كتكون بلا هذا”شير ليها ل حرف F ملي هادي حاجتك مني ليك درت فيها هذا علاش ؟
فرح”بصوت منخفض” : خرف سميتي !!
زين الدين : الله يرضي علييييك…وشنو گالت هي ؟
فرح : تصاميم خااصة…
زين الدين : شنو المعنى هنا ؟
فرح”حدرت راسها ومدات شنايفها شوي وهي تنطق” : قصدات داكشي الي كتصايب ليهم…
زين الدين : ماشي وحدي الي كانخدم ليهم…خدمتي قليلة عندي معلمية متمكنين شاربين خدمتهم قدام فالحرفة دقات قديمة كيخدمو الصح…يمكن هي عجبتها خدمتي ماعنديش مشكيل كتبقى خدمة مافايتاش الحد…قليل فين وليت نخدم شي حاجة الا لاكانت ليك نخدمها بالفرحات ماخادمهاش لشي حد غريب…بالفرحات نفرح الفرحة ديالي…
فرح”الفراشات تشتتو فكرشها تا بانت على حناكها الي احمرو”
زين الدين”مد صبعو لذقنها هز ليها وجهها باش تشوف فيه ساعاك عينيها بقاو كيشوفو لتحت” : شش شوفي فيا…”شافت فيه”
زين الدين : مزيان دابا ؟!
فرح”حركت راسها يلاه بغا يقرب ليها وهي دور هزات حوايجها” : بغيت نمشي نبدل …
زين الدين”جمع حجبانو بعصبية..حرك ليها راسو” : سيري..فاش تخرجي جمعي الحوايج غذا فالصباح بكري محركين…”حركت ليه راسها ومشات اما هو هز تيليفون ورجع خرج من البيت مشا نيشان لطوموبيل ديمارا وزاد مخليها تاتبرد على خاطرها وتاهو مايدير تا ردة فعل عارفها نفسية مزيگزاگية وهو معندوش الخاطر بزاف بالرغم من انه كيصبر معاها…لكن الغيرة كاتبقى غيرة حارقة وخا تكون انسانة عادية را تغير عليه وماتبردش دغيا…”…
غضبتِ فيا لكِ من غاضبة..وأرسلتِها نظرة عاتبة…يتمّ فيها الرجـاء الأسيف..وتجأر فيها المنى الواثبة !..وفيها هدوء الرضا المطمئن…تمازجه الغيرة الصاخبة !…تطل بها الذكريات العِذاب…وترجع مجهدة لاغبة…وفيها فتور ولكنه…فتور به قوة غالبة !”سيد قطب”…
خرجات من الدوش مبدلة عند بالها باقي حتى لقات غا الريح..مايمكنش ماتشدهاش الغيرة وتبرد ديك الساعة..من غير حالتها النفسية وحاجز الثقة الي عندها هش..الا انها كتشوف زين الدين ديالها غير هي وحدها ماتبغيش شي حد يشاركو فيها ولو بنضرة وحدة…ضحكة…ماعمرها كانت كضن ان غيرتها توصل معاه لهاد الحد وخا يضل يرطب تا يعيا خاصها وقت الي تبرد فيه وخا يشرح تال صباح…يمكن هذا واحد من صفاتها السلبية او عيوبها الغيرة زايدة…وخا خاصها تفكر ان الغيرة زايدة غيرة خانقة لطرف لاخور…جاتها البكية تا مشات جلست فطرف الناموسية دارت ايديها على حناكها وكتخمم…حتى سمعت دقان فالباب ديال بيت هزت راسها وهي تنوض حلات لقات توبا واقفة…
توبا : نزلي تغذا ابنتي…
فرح”مالقات ماتقول وماجاتش تقوليها لا” : واخا…”رجعات هزات تيليفون وهبطات تغذات معاها…حتى وصلها ميساج فالتيليفون فالواتساب طلات عليه لقاتو ديال صفاء
صفاء : فين غاطسة ؟!
فرح” جاوبتها” : غذا مسافرين…
صفاء : فين ؟
فرح : ماعرفتش مابغاش يگوليا…
صفاء : حبي عريض الاكتف كيدير لمفاجئات الخيالية حافضي عليه احبي حاااافظييييي…
سيمو”دخل لكروب” : فين غاديا لحيمة فدجين ؟!
فرح : راك قريتي اش مكتوب…
صفاء : اطنطن…
سيمو : شوطتني اخوتي شوطتني…
صفاء : وجمعتي الحوايج ؟!
فرح : مزال ماجمعتش…”وصلها ميساج من صفاء فالخاص”
صفاء : ونوضي جمعيهم وجمعي حوايجو تاهو وسوليه واش غاطولو…ديري معايا ابيل فيديو نعاونك…
فرح : واخا..”قطعات معاها وناضت مستاذنة من توبا وطلعات صونات ليها صفاء ابيل فيديو…عاونتها فجميع الحوايج…”
صفاء : ديري بحساب محرك البرد را هذا وقتو مابقاش صيف…دي معاك البرودوي باش كتغسلي ودي معاك باش تعومي كنضن مغايديكش لكوري فين تغسلي…”حركات راسها ومشات جمعت الماعن الي تحتاج…حطاتهم ففاليز صغيرة”
صفاء : البوكسرز ديالو جمعتيهم هههههه
فرح”خرجات فيها عينيها” : صفاااااء…
صفاء : عههههه صافي هاني ههههه وجهك ولا مطيشة ديال مية وستين ههههههه…
فرح : وااصافي غانقطع…
صفاء : عااارت الله باقي ماشفتيش ابو تباتب”تسمعت طرررن قطعت عليها” هههههههههههههههه اربي الحبيب ليك الله انسيبي ماتكويها تاتكوي راسك ههههههه..
رجعت سدات الفاليز وخا خاطرها باقي مقلق كل مكتفكر ديك خيتي كتجيها الفقصة والغبينة باقي اتصالها ماتنساش ليها وهضرتها فالمحل..كاتبغي تولي جمرة…دخلات عند ضحى شافتها وسلمت عليها بالخف وخرجت نزلات لتحت بغات تعاون لقات تاني توبا واقفة على الكوزينة مكانش عندها الخاطر تهضر…بقات هكاك تا طلعت الفوق زين الدين ماتلاش سول ولكن موصي الي يحضي معاها ويحضيها…وعاطيينو خبارها حتى وصل الليل تحط العشا الي كان خفيف تعشات ودات الماعن الكوزينة غسلات بايديها بغات باش تشغل جمعت الكوزينة وعطرتها وخرجت لقات توبا طلعات وهي طلع تاهي دخلات البيت مشات لطواليط حسات براسها خاصها دوش وخا غير بالخف…داكشي الي دارت دوشات وخرجات كان البرد محرك وباب البالكون محلول كلو مشات كتجري سداتو ورجعات لبسات دغيا دورات شعرها ودارت ليه زيف حياتي وعقداتو حسات بالبرررد وهي تمشي تخشات فالمانطا بقات تقلب فالتيليفون دارت ليها طن دارت اسم المجوهرات ديالهم فغوغل طلعو ليها تصاميم…بقات تشوف فيهم وتقلب بالفعل ديال زين الدين فيخم الامضاء ديالو…تفكرت فاش قاليها زاد حرف اسمها مع الامضاء الخاص بيها وليها…فجأة جاها ميساج منو..
زين الدين : ماناوياش تنعسي ؟
فرح”قراتو بقات كتشوووف فيه ماعطاهاش خاطرها تخليه بلاكة…عارفاه مساير معاها لاقصى درجة خاطرها فوق خاطرو وعلى خاجرو بارك فالنفس باش تبقى مرتاحة…” : يلاه بغيت نعس…معطل ؟
زين الدين : توحشتني الكبيدة ؟
فرح”تبسمت وسدت فمها بايدها كاتمة ضحكتها..الواقع شيء والميساج شيء” : ماتعطلش…
زين الدين : نحاول…تهلاي ليا فراسك تغطاي مزيان…
ماحستش براسها حتى توسعو شفايفها بابتسامة كانت غااايبة مدة عليهم تا بانو سنيناتها يبريو…رجعت كتشوف وتقلب ماحستش حتى داتها عينها مافاقت الا على صوت الحركة بقات ترمش وتستوعب وهي كتسمع حتى دورات راسها لقاتو واقف كيهبط فتيشرت جات مع تهبيطة نيشان…رمى عليه قبية كحلة شعرو باقي مخربق عاد مدوش…نشفو وخلاه هكاك مخربق…ضار لعندها بغا يفيقها حتى لقاها كتشوف…
زين الدين : صباح الخير…
فرح”بصوت مبحوح”: صباح الخير…
زين الدين”قرب لعندها جلس حداها…تحنى باسها فحنكها وبقى مخلي فمو وكيهضر” : ماناوياش تفيقي ليا ؟!
فرح : غانفيق”صوتها بح” كحكح احم…
زين الدين”جمع حجبانو” : ضربك البرد..”حط ايدو على صدرها” عاودي كحبي”كحبات حس بصدرها مدعدع” فرح دوشتي ؟؛
فرح : ماقدرتش حسيت براسي مسخة…
زين الدين : بقى الباب ديال بالكون محلول سديه وطلقي السخونية افرح هانتي ضربك البرد…”بغات تهضر سكتها” نوضي لبسي عليك نزلي كولي شي حاجة نعطيك tplexil يلاه…”ناضت حاسة براسها ثقييييل…دخلات لدوش بدلات حاسة بعضامها ثقال…بدلات بزز لقات ليغيگل نقصت كيهبط غير الوسخ يمكن بغات تسالي عليها…غسلات وجهها وحكات سنانها وخرجت مشات نيشان لبست اللبسة الي حطات والي ساعدتها فيها صفاء…تريكو كم مابين خفيف وسخون مناسب للجو فالبيج وگري هابط تال ركابيها مع سروال دجين…تلقات شعرها مشطاتو وضفراتو جنب…رشات بارفان فقط بدون اضافات ميكاب لوجهها ..هزات تيليفونها لقات ساعة ستة ونص صباح امتى جا فين نعس واش جا معطل بزاف ولا اش ماجستش بيه…صونا ليها باش تنزل وهي تخرج من بعد مالبست فرجليها سبرديلتها ونزلت لتحت لقاتو حاط كاس عصير ومادلين وشي تخربيق…
زين الدين : قضي بهادشي فالطريق نوقفو نفطرو ولابد..
فرح : الله مافيا غير بلاش…
زين الدين : ماعليش بركي على نفسك..”كلات داكشي بزز ووقف عليها تا شربات العصير عاد عطاها السيرو…رجع داكشي لافابو حتى يجيو ويغسلوهم…طلع لفوق بزربة هز الفاليز وشنو يحتاج عنقها بجنب وخرجو لسيارة ركبو وانطالقو خارجين فالدنيا خاااوية شوية حيث الحال مبكر…”
فرح : فين غانمشيو”بخوف يحساب ليها غليديها لجديدة”
زين الدين”لاحظ توثرها وخوفها” : ماعندك مناش تخافي فرح…مسافرين لواحد البلاد ديال الواليد والحاج الله يرحمهم فين كيمشيو لا حتاجو يرتاحو ولا يرجعو لاصل..الاثل عندنا هنا فكازا فنواحي…مابقى تما حد خذاو واحد البلاد تما فين محركين وتما فين كانجي عند جدي مرة مرة ندوز معاه صيف دابا نوريك شنو عشت فيها…بعت كلشي وخليتها هي مابغيتش نبيعهاةخليتها مرة مرة نجيو ليها..
فرح : زوينة !!
زين الدين : تما وحكمي نعطيك عاهد الله ماعجباتكش نرجعو..”عاد رتاحت مشاو مسافة حتى توقفو فواحد القهوة خذا الفطور اومبوغطي عمر ليها التيرموس باتاي حطتها حداها كتفطر بالمسمن فيه فرماج كاشي وبيض واتاي…
فرح : ماشربتيش دوا…
زين الدين”حرك راسو” : لا شربتو ريحي بالك معايا”هز القهوة الي خذا ليه كحلة والحرشة بالفرماج…خذا ليها شيبس شكلاط بيمويات حطهم ليها باش دوز بيهم طريق ساعاك الي فيه شي طبيعة فيه سباب بليتها الي وصلتها لهاد المواصل هي النعسة فالطريق ماحتال يدور لقاها سرحات عجول لاخرة ماحلتهم حتى حسات بيه وقف فواحد البيست ونزل هزات عينيها بانت ليها واحد سيارة رينج روفر كحلة بدات ترمش عاقدة حجبانها كاتشوف فيه مشا كيهضر تا باس ليه راسو…كيبان من بعيد شخصية مرزنة غير طولتو خلاتها تبقى كتشوف فيه كيفاش واقف كيهضر بالعبار ماكيهزش ايديه بزاف غير راسو كيحركو بثقالة كااافي يوصل ليك المعنى…
زين الدين : فرحتي كبييرة الحاج بشوفتك…
“حرك ليه راسو بشكل ثقيييييل وخااتر مهيب فوقفته..” : صدفتك زينة ولدي وميعادك خيَر..
زين الدين”باحترام حط ايدو على صدرو” : الله يكبر بيك الحاج…هي گالس هاد ليام هنا ؟
جابونا الولاد والناس العزاز…والحباب ماثقالو منا…
زين الدين : وانا جيت نشوف فيرمة الواليدين..قابل بينا جيران هاد اليومين الحاج ؟!
– الجيران بركة…الله اودي…”ضار شاف جيهة الفيرما الي بابها كبييير مسدودة ليها شحاال..” من الخير تحيي دار الواليدين…”ربت ليه على كتفو”…
زين الدين : توحشنا ريحتهم…خليتها مابعتهاش…مافيها باس مرة مرة نجي ليها ونعمرها…
_”ببشاشة نطق بشكل خااتر ” : العقبة تعمر دارك…
زين الدين”ضار جيهة فرح ورجع شاف فيه” : عمرتها الحاج..نتسالك مجية لعرسي ان شاء الله..تقاد الامور ونديروه ..
فؤاد : بارك الله لكما وجمع بينكما في خير… الحلال طريقو زينة…عمر بيه الدار ودفي بيه القلب…تلقى علامن تحط راسك وماكاين ماخير من عمارة دارك…
زين الدين : كلامك دوا الحاج #فؤاد_رمسيس …مدرسة حكم “رجع باس ليه راسو” وراحة القلب…
بقاو كيهضرو يسول فيه على الحال والاحوال وعلى اخر المستجدات مع راجل عمتو…وعلى الفيرما نيت شنو غايجدد فيها باش ترجع للحياة اكثر لانها هي الفيرما الوحيدة الي خلا كون زين الدين ماشي شي شخص الي مهتم بهادشي ديال الفيرمات….تسالم معاه على امل لقاء جديد…تسناه باحترام حتى دخل لطوموبيل ديماراها وزاد مشير ليه حتى مشا وهو يدور رجع ركب فالسيارة ديالو ضار لقاها متكية راسها وكتشوف…
زين الدين”حط كف ايدو على حنكها كيقيص فيه” : فقتي…
فرح”حركات راسها” : نعست بزااف…فين حنا ؟
زين الدين : نواحي مراكش…
فرح”خرجات عينيها” : اويلي !!!
زين الدين”عنكش ليها منخرها” : شفتي نعاسك شحال ثقيل ؟..فيك جوع ؟
فرح”تفوهت كتحك فشعرها” : شي شوية…
زين الدين”ديمارا سيارة ودور الفولون لبيست الي كتدي لفيرما” : نشوفو شنو موجدة لينا مي تاجة…
فرح : مي تاجة”كتحك فراسها وتفكر” ماعرفاش فين فايتة سامعة هاد سمية..
زين الدين : كانت عندي فالكلينيك ف”ماحتال يكمل تا نطقت بصوت مجهد مصدومة”
فرح : اويلي ديك المراة الي صعيية ومغوبشة !!
زين الدين”كمش حجبانو” : كيفاش ؟..وصلاتك بشي حاجة ؟!
فرح : لا ولكن غير مغوبشة وكتنفخ..”سكتت كتشوف قدامها” كانخاف منها فاش كنت بعقلي..
زين الدين”ماعرف يجاوبها على هضرتها ولا على ديك فاش كنت بعقلي..سكت تاهو ورجع نطق وهو داخل من باب الفيرما” مكاينش الي ينقص من قيمتك ونتي معايا…وقبل مانعرفك ماكنتيش ساهلة..
بقات كتشوف وتسمع ليه حتى تبسمت..حس بيها فرحت بهضرتو وهادشي حتى هو كيفرحو وكايخليه يرتاح انها كتاثر بكلامو وانه قادر يبدلها للاحسن…جا واحد الراجل كبير شوية كيجري داير ترازة على راسو حل ليه الباب الكبير وهو يدخل طوموبيل ووقف عندو حل الشرجم باس ليه ايدو…
زين الدين : با مجيد !!
مجيد : ايييه هههه انا الي جابني سي ريان…
زين الدين : مرحبا..كلشي مزيان !؟
مجيد : كلشي هو هذاك…حتى وكان تساراح(ترتاح) وشوف داكشي فين وصلنا..غادين دقة دقة…
زين الدين : ان شاء الله..”زاد دخل بسيارة تال داخل ووقف حيد سانتيغ وضار عندها” نزلي…
حيدات الحزام حلات الباب ونزلت كان البررد محرك كمشات ايديها كتحك فدراعها وكتشوف فالدنيا طوالة ديال بيست من الباب تال عند باب دار لداخل بالحجر والگازون فلارض جناب وحفيرات غارسين فيهم الورد باقي يلاه معروس وشجيرات الحامض فجناب طريق ودالية ديال العنب باقية جديدة ودنيا عاد مسقية…ضارت شافت قدام الباب كاينين محابق كبااار فيهم شجيرات هزات عينيها فالدار كاتبان فيها طابق واحد وسطح والضاهر عاد مصلوحة نظرا ل بقايا الزليج والفايونص والگبص…بقات كتكتاشف تا حسات بايديه حاوطو كتافها ودفعها لعندو باس ليها ناضرها…
زين الدين : مرحبا بيك فدارك ثالثة…
فرح : ههه ولاو عندي بزاف ديال ديور ههه…
زين الدين : قلال فحقك…
حك ليها كتافها ومشا بيها تا دخلو لدار مع دخلة فيها زوج صالونات كبار كيشوفو فبعضياتهم واحد مفرش بفراشو لول وثاني مافيه والو عاد مصلوح بالنقش والفايونص البلدي…والوسط فين غاديين كانو زوج پوفات كبار تحت منهم زربية صغيرة بخدمة بنات دوار ضارين بيها مخيدات صغار امازيغيات…وطوبيلة زاج صغيرة…
فرح”كتشوف فديك الجليسة حمقتها خصوصا دوك المخيدات” : زويينين…ديال شلوح لا ؟
زين الدين”حرك راسو” : سي..زيان ديال الاطلس…
فرح : عجبتني هاد الگليسة…”شافت فالصالون” علاش خاوي !
زين الدين”ضار شاف فالصالون” : يلاه كمل..مابغيتش ندير فيه شي حاجة الفراش”مسح ليها على ضهرها بايدو” حتى تكلفي نتي بيه…شنو بان ليك ؟
فرح”باندهاش” : انا ؟ كيفاش غانتكلف نفرشو ؟”حرك راسو” مكانعرفش هنا محلات الفراش…
زين الدين : من بعد ونعطيك فالتليفون عند شي ناس معرفة عندهم هادشي ديال لفراش اختاري شنو عجبك..هادشي ماعنديش معاه معرفة بزاف شغل العيالات حسن…
فرح : واخا..”زادو كملو الدورة فالدار دخلو لكوزينة الي كانت ماكبيرة ما صغيرة كبر من ديال تارودانت وصغر من ديال الفيلا..مجهزة تجهيز اللول بلاكارات ديال العود كايبانو باقيين جداد الا لافابو الي تدار جديد فيها ماكينة صابون بدون ماشين دالماعن…مضروب ليها الفايونص حتى لسقف”
زين الدين”مربع ايديه واقف عند الباب وحاضيها كدور وتشوف اجمل منظر تشوفو عينيه لحد ساعة…مرتو شريكة حياتو كدور فدارو الي ولات دارها ومسؤوليتها..شي حاجة فوق الوصف يحس بيها شخص فحالو عاش اغلب حياتو زوفري ووحيد لا واليدين لا شريكة حياة…الي نوا معاها المعقول بسباب زلة لسان خلفات عندو كسر وهرسات حاجز الثقة والحب بيناتهم…لكن ملي جات فرح بنات وعلات داك الحاجز ومتناتو اي قواتو وخلاتو صلب..وصبغاتو بالبيض ووقفات قدامو حتى مابقى كيبان ليه حد من غيرها…حتى ضارت وهي تشوفو واقف مربع ايديه وهايم فيها…”
فرح : م مالك ؟
زين الدين : متع عيني بالي محلية دارها….
الدقان فالباب. كيف دخلو لدار بزوج عصام الي سد المحل وجا وفوزي الي كان واقف فالمحل الي غايفتح باش يبدا فيه مشروعو الي غاب عليه شهور…يلاه غايشوف شنو ياكلو لگوتي فالعشية حيث هاد النهار سدو بكري عندهم روپو… مشا يحل حتى كايلقى نجية معاها سيمو هاز فايدو برمة كبيرة وهي هازا طبسيل…
فوزي : الله شي مرميطة هادي !!
سيمو : تا حيد من تم خليني ندوز را شنشطت ليا ليدين..
فوزي”كحز عليهم تا دخلو” : دخلو دخلو ههههه
مشات نجية مباشرة لكوزينة هي وسيمو غير حط البرمة مشا يطير لروبيني خوا عليه الما يبرد ايديه حتى بدا يسمع فوزي تنهيداتو ديال الله يحضر سلامة…
فوزي : اهيا داك البغل ربط لجام…
سيمو : سكت سكت سكاااااات اوووففف…صافي..
نجية : ودوز الله ينعلك سير عيط على صافا…
سيمو : عيطي ليها من تيليفونك الوليدة
نجية : خليتو فالدار شاداه ختك فاطمة زهرا تلعب فيه…
سيمو”غوبش” : تي لاش تعطيها شقف دابا تولفو وماعمر باقي دينمها تقرا شي لعبة…لاش دايراه نتي ملي ماتعيطي بيه لحد ؟!
نجية: واش انا گلت لوالديك سير نابي عليها ؛؟”جهدت صوتها تا قفز فوزي وسيمو” يلااه طير لعندها عيط عليها…
سيمو ماشي غير طار نقز خرج يجري اما فوزي ضار يجبد زلايف قبل ماتقولها ليه…حتى وقف عليهم عصام كيعقد فسيور السروال حيث كان داخل لبيت يبدل…
عصام : مي نجية نهار كبير هذا…ريحة الحريرة…
نجية : ههه واييه درتها وجبت البرمة من دار لهنا گالت ليا فاطنة توحشتي حريرتي هاو صايبتها وجيت انا وسيمو شوية وتجي صافا تاهي تعشا معانا بقات فاطنة را مسافرة لعند طفلتها لخميس زمامرة هي وجيلالي حيث مريضة مشاو يشوفوها…
عصام : وفين بناتك !؟
نجية : خليتهم يحفضو لا تخممشاي راني عشيتهم عاد جيت…
عصام”حرك راسو وخا فرحان بمجيتهم ومعمىين عليه مرة مرة لكن يعيا تا يعيا حاس بشي حاجة ماشي هي هاديك فخاطرو…كابت وساكت ولكن الى متى …؟” : درتي مزية مي نجية..خاصكم شي حاجة انا خارج لعند سالم مول صاكا …
فوزي : خاص التمر مابقاش…
حرك راسو ومشا خلاهم كيوجدو فالطابلة…حتى تدق الباب وعاود وعاود مابغاش يسكت مشا فوزي مشربن حساب ليه سيمو يلاه حل الباب بغا يعرعر عليه حتى لقى صفاء مربعة ايديها وحادرة راسها ومناخرها يسوطو كي الثور الي ناوي ينطح الي جات قدامو…
فوزي : امن هذه…
سيمو”دفعها من لور بجهد تا كانت غاتجي على فمها كون ما فوزي شدها كون تنشرت ليهم تم” : ادخلي ونتي قربتي توصل لجيبوتي بدوك جناوح الي فمنخرك…
صفاء”كانت غاتمشي ليه غا شدها فوزي تا ولات تشعبط وتركل باغا منين دوز ليه” : وااا طلاق نكدد مو على دفعة الي دفعني وطلااااق…الى ما خليتهم يحيرو فيك فالتشريح مايعرفوك تقتلتي ولا قتلتي راسك ولا سلمتي على الموت ونتا تهجرو… الى ما خليت نجية تبكي وضحك فموتك مايعرفوها مك ولا سعدية الي فالبرتقالة… راني بتلحرااام اعديم المصاصط..وطلاقني”ضارت عند فوزي مشربنة عينيها حمرين طلقها بلهلا يطريه ليه…يلاه غاتمشي ليه وهي تخرج نجية”
نجية : هاناري مالكم تاني…
صفاء”وقفت كتقاد فحوايجها ” : مي نجية غانضرب ولدك..
نجية”حطت ايدها على صدرها” : يا علاش اش دار ليك ثاني..
سيمو”خرج عينيه” : هاناري ديما سيمو داير ماعمرهم دارو ليه !!
صفاء : دار ليك كحلة زحلة…لاش جايبني لااااش ؟
نجية : لا تقويشاي ا صافا انا الي گلت ليه يجيبك ولواه لا تبقايش فالدار وحدك كي مو تسكني وممعشياش…
فوزي : وتي مابقيتي بغيتي تجي عندنا ولا كيفاش !
صفاء : مابقاتش كاتعجبني دار ومافيهاش فرح ..”ضار فوزي بزربة كيشوف لا يكون خوه داخل”
سيمو : راها مع زمانها كيتك نتي الي ولات هازا شنافرها لسما حساب ليها راسها مونيكا بيلوتشي وهي بلو بلا مونيكا وتشي(بلو هي زرگة)…”خرج فيها عينيه وهز ايدو” سكتي لا ندوفر مك…
فوزي”شاف نجية دخلت لبيت” : اش فايتني..
سيمو : زرگة جاوها الخطاب…
صفاء”خرجت عبنيها فلارض وضارت كتشوف لاتكون مها جايا”: سكت الله ينعل بو مك على طاسيلة ام وجدها على تريكتكم الي مجايبة غا المصدي على خوه…
سيمو : اااااطونسيو الا تريكتي….
فوزي”بصدمة حل فمو” : ايوااا شكون ؟!
سيمو : الي تنسيناهم زمان تحلو ليهم العينين فهاد الخصام لقاو الوقت فات وبنت هاد ناس الجواد هزات خنافرها وشرطات وشرطها غايخليها بايرة الى يوم الدين…فكتي يحجايتي اولد الجواد !؟
فوزي”بقى يرمش ويحاول يفهم ساعاك والو”
سيمو : هذا المضنون ف مخ زبدة…
فوزي : عذرني راني خارج من سادس ولا سيزيام لااااهما عقلت…
سيمو : زرگة خطبها خوك
فوزي”جهد صوته” : اااااااااااارعد…
مع قالها مع تحل الباب كيقرقب بسوارت ودخل عصام…
دخل عصام لقاهم واقفين بثلاثة كيتقاشحو هز حاجبو كيشوف فيهم فاش وقفو الهضرة وضارو كيشوفو فيه الا صفاء الي كانت حادرة راسها…اما فوزي الصدمة باقي ماثرة عليه كتهز فيه وتحط وسيمو كيشوف فعصام ويدعي مايكونش سمع…
عصام : مالكم اش واقع ؟!”هاز فايدو باكية الكارو وميكة فيها التمر وباكية اتاي علاش كان ماشي هو والكارو”
فوزي”تدعق” : نتا الي اش كاين ؟؟
عصام : نعااام ؟؟
فوزي : هااء تانا مكاين والو غا يلاه دخلو…جبتي الكارو ناكلوه مع الحريرة ؟!
سيمو”زلقت ليه ضحكة” : ههههههههه”جمعها فالبلاصة”
فوزي : ارا خويا داك تمر ارا…”عطاه الميكا وكيشوف فيه مافاهم والو… دخل الكوزينة تبعو سيمو بقات غير صفاء”
عصام”شاف ف صفاء” : لباس عليك نتي …
صفاء”بارتباك وخجل” : احم..لباس الحمد لله ونتا !؟
عصام : هاد ساعة بيخير…واقع شي مشكيل ؟!
صفاء : ها ؟ ا ل لل لا علاش ؟
عصام : كتباني ليا ماشي هي هاديك..ماحاملاش تجي لهنا ؟
“سيمو وفوزي كيطلو عليهم من جنب باب الكوزينة راس سيمو لتحت وراس فوزي لفوق”
صفاء : لااا حاشا نجي غير مكايناش مي وخدامة هاد اليومين خدمت بزاف…اما نجيي ونسول”كتهضر بالتاويل وصواب خلات سيمو يشهق بالحس على شوي تخرج روحو بالصدمة اما فوزي دار فيها واحد شوفة حدر حجبانو وشاف بنص عيني بواحد نضرة ديال اسيري الله يمسخك”
عصام : ايوى لباس..اللهم يسر فخدمتك..
نجية”من لداخل” : واا صفا تي دخلي وعيطي لدوك المناطح يتعشاو…فين عصام…
سيمو”لفوزي” : دابا انا منطيح
فوزي : تا ردتني منطيح انا قد هاد القد ورجعت منطيح..
سيمو : والى هضرتي ترعف مك من وذنيك…
هز طبسيل الي دار فيه تمر تبعو سيمو هاز البيض مصلوق تاهو لقاوها كتغرف واول واحد غرفت ليه طبعا هو با عصام…عاد بدات تكب ليهم هما…
كل تدهى مع زلافتو كيضربو واحد صفاء كتشرب وحادرة عينيها كل مرة كتهزهم كتلقى عصام كيشرب وساااهي واحد السهو عجيب ف شنو كيفكر العلم عند الله…غير كيشرب وصافي فحال شي واحد عندو هموم دنيا والدين ورا بصح عندو هموم الدنيا كلها الي وقع ليهم فالاونة الاخيرة ماشي ساهل عمرهم كانو يضنو ان زواج فرح غايكون بهاد الطريقة..الوقت الي كان يقول عصام فاش تزوج يدير ليها عرس مطرطق فحي السعادة…علاش لا وهي الاخت الوحيدة الي عندو بنتو…تنهد وهو يرجع ضار كيشرب فزلافتو تا هز عينيه بانت ليه صفاء كتشوف فيه وسهات تاهي يمكن هاد المرة ماشي فيه انما سهوتها تاهي ف غياب فرح على دار يعياو يكابرو ويكملو حياتهم الدار ناقصة ونقصها كبيييييير…ماوعات حتى نغزها سيمو خاشي وجهو فزلافة كيشرب وفنفس الوقت حضى عصام كيشوف فيها…حدرت عينيها بزربة مابقاتش كتشوف فيه…
نجية : عصام ولدي مالك جيتيني هاد ليام ماشي تالهيه…
عصام : ماماليش غا دهوة ومشاكيل الحانوت…
نجية : على سلامتك بعدا الي تفاهمتي مع جدك..الله يجمع شمل والله يبعد عليكم ولاد لحرام…
عصام : امييين…
نجية : الله يفرحك ببنت الناس الي تسر قلبك وتكون معاك فالشدة والفرح…والله يعوضك اولدي والله يفرح هاد الگليب..
عصام”شاف ف صفاء ورجع شاف فيها من بعد حدر عينيه كيحرك فالحريرة بالمغرفة…” : امييين اميمتي…دعي معايا”بصوت مبحوح بالكاد باش سمعو شنو قال” دعييييييي..
نجية”تنهدت ونطقات من قلبها” : ايييوى الله يرطب ويحنن القلوب والله يشوف من الحال..”شافت فيه” واحد بوك مابقيتي سقتي عليه خبار…
فوزي : الاطيف اش بغيناه…
عصام”جمع حجبانو” : دا معاك باسو اميمتي..لا مابقاش رجع خير وبركة علينا…مابغيتش مزال نزيد ندي سخط بمسبتو كثر وقجر..بسباب فعايلو وصلت فالي ماعمري ضنيت نوصل ليه وهاني حياتي ناقصة…
”قريب يؤلمك، وغريب يهدي لك حياة.”
“صفاء وسيمو وفوزي توقفو عن الشرب عرفوه اش عنى بهضرتو…وخا كيهضر ويجمع معاهم باينة عليه مازم…فوزي بقى مركز معاه حيث هو الي لاحظ انه مابقاش كيف كان عيا مايخبي ويكبت لكن الي فنفسو هو الي عارفو وربي…
نجية : الله يهديه ويهديك تانتا ويهدي الجميع. هذا مانگول..نوضي بنتي عطيهم تمر…
ناضت صفاء كتفرق عليهم التمر مدت لفوزي شدها من عندها وحبسها…
فوزي : سيري الله نحاسو فنقرتك الزينة…
صفاء”حناكها تنملو ولات دور فعينيها” : اتا تهدن مالك…
فوزي : سيري الله يجوجك باحسن سعد عرفاتو جديدة..
صفاء”بغات تبووول” : اههه امين هنينا الزمر…
سيمو : سيري الله يعطيك شي سعد فحال هاد..”غوتات تا لاح سبمو المغرفة” اربي ..
صفاء : وااااااااالعدااااو صافي هنيوني…
نجية : هاويلي تي كاين شي حد يگول هنيوني لهاد دعيوات زينات…
صفاء : ماقلناش وليني كثرو طحين وقصاحت العجينة…
فوزي : نزيدو الما اختي ولا لا با عصام…
عصام : شرب وسكتنا..
فوزي: ايييه داكشي الي كاين..”خشا وجهو فزلافة”…
ايييوى شنو غاتقول واش غاتهضر على هو خلا ليها باش تجاوب…هضرتو كاتسالي معاها وتلجم ليها الفم…وتخلي هرمون الحشمة يرتافع والقلب يعلاو دقاتو…والارتباك يدير حدمتو…وخا هضرتو كتفرحها وتحمقها لكن ماعندهاش كيف دير ضروري يغلب عليها الخجل…
فرح : غاتكون جعتي شرب دواك وانا نشوف اشنو ندير…
زين الدين”ماكرهش يبقى غير يشوف فيها..هي كتهضر باهتمام عليه وهو حاضيها ومنغم بشوفتها وحركاتها…قرب ليها وجرها بغفلة منو تا قربها ليه دور ايدو ورا ضهرها..زاد لصقها معاه تا تلفها وسكتت كتشوف فيه وانفاسها تخربقو” : لهلا يخطي عليا الفرحة ديالي…ماديري والو”دورها جابها قدامو وتم غادي بيها غادي حتى وصلو لبيت الي حدا المطبخ فيه LED قد السخط ومفرش بسدادر فحال شكل فوطويات ممزوجين قدامهم طابلة ديال العود مزال كتشوف يلاه غاتسولو حتى تسمع صوت امراة كاتعيط ليه باش دخل…
زين الدين : دخلي ميمتي…”وقفات فرح كتشوف حتى بانت ليها دخلت…اصلا مزال كاع ما سولاتو شنو جابها من كازا لهنا تبقى هنا…بانت ليها داخلة كيف خلاتها فالكلينيك كيف باقية مغوبشة ودايرة داك الوشام بين عينيها اصلا هي مزال كاتخاف شوية من البشر وقبل كانت كتخلعها…كحزات تا جات ورا زين الدين..الي قرب وباس راسها”
تاجة : على سلامتكم اولدي”طلات على فرح” مكتسلميش نتي.
زين الدين”ضار شاف ليها لقاها لصقت وراه وشدت فدراعو..رجع شاف فيها” المراة ديالي…
تاجة : وراني عرفت اولدي غا هي شتها قليلة صواب وكان !
زين الدين”ببشاشة وجه”: رخفي ميمتي..
تاجة”حركت ليه راسها بدون ماضحك” : نحط الغذا تكونو جعتو ياك !!؟
زين الدين : داابا تعطلنا كااع..”ضارت مشات وهو ضار عند فرح الي بقات لاصقة فيه منضرها كيجيب الضحك..”
فرح”غوبشت” : علاش مخليتيهاش فالكلينيك ؟
زين الدين : هنا بلادها…الكلينيك تكرفصت فيه..
فرح : حسن كون بقات النص فالي خدامين يهرب بالخلعة..
جلست وجلس هو حيد القبية الي كان لابس بقى غير بتيشرت حتى صونا ليه التيليفون جاوب حداها حيث كان ريان…
ريان : افين اخويا..وصلتو…
زين الدين : نص ساعة هادي..
ريان : كلشي هو هذاك ياك ؟
زين الدين : حد ساعة مخير…مزال ماراجعش نتا ؟
ريان : غذا فالصباح نشد طريق…المهم وراق الفيرما وجدتهم حتى وكان تسالي وعلمني نجيبهم ليك…وجدت حتى شنو بغيتي..
زين الدين : مايخفاش عليا خدمتك تحنت عشرة..يتوب عليك..
ريان : ههه الله اودي حنا فالخدمة…ومانساش واحد الميساج من الواليدة قالت ليك ديرها فين تجيك كلمتك حريرة..ههه والله تا هي الي قالتها ليا بالحرف…
زين الدين”غمض عينيه حيث تدهى على باش يزورها..حط ايدو على صدرو” : نخلص الحق على عشرة..
ريان : هههه تقلقت اخويا زين الدين خلصو…
زين الدين : بالكلمة..”مزال كيهضر تا لقى فرح نقزات وجلست حداه كان مسرح ايديه على المخاد وجالس جلسة مشتت..ماعرف باش تبلى تا بانت ليه لصقت حداه ملي جا يشوف لقى تاجة داخلة هازا الخبز ومعاها واحد البنية عويناتها عسلييين بجهد وسمراء عندها واحد الجمال فشكل تكون فعمر 13 عام كاتعاونها…رجع كيكمل هضرتو”
ريان : هضر معايا توفيق…
زين الدين”عقد حجبانو وتگعد فالجلسة” : مالو ؟
ريان”تنهد ونطق” : راك عارف…
زين الدين”ضار كيشوف فيها بغا ينوض يكمل هضرتو وفنفس الوقت ماقدرش حيث شافها خافت لدرجة تحدات الحشمة وجات لصقت فيه…غمض عينيه وحلهم ونطق” : شنو گلتي ليه نتا ؟؛ عارف مزال الوقت لا ؟
ريان : عاارف ولكن الدكتور ماعطانيش الوراق الي غايخصونا…
زين الدين : خليه يتواصل معاه…”حس بايد فرح تحطات على جنبو شاف فيها وهو يهبط ايدو كمش ليها على ايدها كيهضر ويتحسسها” مبرزط هاد ليام..حاول ريان مايكون والو حتى وكان نجي…
ريان”مفراسوش” : عندك شي حاجة ؟
زين الدين”حنحن ونطق” : سي..
ريان”حس بيه كيهضر مبرزط معاها حداه” : ماعلينا حتى تجي ونشوفك وظيك ساعة نهضرو…
قطع معاه حط تيليفون ودار صباعو فلحيتو كيحك فيها ويشوف بسهو وتفكير…ماحس حتى طبطبات عليه وهو يدور شاف فيها ..
فرح : ماشربتيش ADO…
زين الدين”ضار كيشوف فالطابلة عمرت حطت طبسيل دجاج محمر فوقو فريت وزيتون..طباسل شلاضة مطيشة وفلفلة مشوية وبصلة وصالاد الخس والخيار مسقيين بصوص الخل والابزار وزيت الزيتون وقراعي كوكا وهواي اناناس طبعا غاتشرب منها غير هي اما هو كيكتافي بالماء المعدني واخا واخا تكون كوكا زيرو مايشربهاش ماعندوش مع المشروبات الغازية…رجع شاف فيها لقاها هازا باكية دوا وعاطياها ليه مع كاس الما” : منين جاتك الباكية ؟!
فرح”تبسمت” : هزيتها البارح من المجر خليتها فصاكي”بحرج” واخا عارفاك مولف قبل مني ماعطانيش خاطري مانهزهاس معابا ماعرفتي الوقت اش تجيب”كترمش فيه”…
ماعرف مسكين شنو يقول موقف منها زوييين بزاف من ديما كيقول عليها الحنينة فيا وهادي اول حاجة خلاتو يطيح فشباك حبها وعشقها…من نهار الي شافتو فالمطعم كيشرب فالدوا ديال ديابيت وتصرفت معاه بشكل عادي مانقصت مازادت منو كانه مافيه تاحاجة انسان عادي جدا…اكتفى يبوس جبهتها خذا منها الدوا شربو وناض تا دار تيليفون فشارج خلاها بدات هي بينما يوصل وقت باش يبدا الاكل…تغذاو مجموعين كانت جيعانة نيت طريق والنعاس…كملات بغات تهز جات تاجة وهي تكمش تا خرجت…
زين الدين : اجي معايا…”ناضت عطاها دراعو تابطاتو وتمو غاديين مشا بيها لفوق وراها سطح مصلوح بطريقة تخليك تجلسي فيه ممكن تاكلي فيه وتمتعي عينيك بالاراضي والفيرمات المزروعة وخير ربي والواد الي كيبان من بعيد(قارئات يامنة را هو الواد الي لقات فيه يامنة ديك البنت الميتة)…وراها جناب الفيرما وحتى الكوري الي وجد…
فرح : مغايعمرش ؟!
زين الدين : ولابد افرح…كانتسنى نسالي هاد الشهر جاي ونتقداو باش يعمر…شوي بشوي..”حس بالعيا ولاحضتها فرح”
فرح : يلاه ندخلو ترتاح حتى لغذا ووريني…
زين الدين”كمش حجبانو شاف فالساعة لقاها ربعة ونص ديال العشية” : يلاه..”دخلو بزوج عند بالها غايمشي لبيت الي كلاو فيه حتى كاتلقاه غادي بيها لبيت اخور كان مسدود ومزال ماشافتوش…غير حلو وهما يتحلو عينيها وفمها…بيت نعااس مجهز باقي جديييد..ماريو فالحايط بيض كوافوز بيض ومرايتو فيها طاجيرات زاج وبلاصة ضواو…وناموسية ضايرة بيضة وفراشها بيض…زربية تحطي فيها رجليك يغرقو رطبة لكن كانت فالگري عطات لمسة فالارضية…”
فرح”الصمت حمقها الفراش والنظرة فيه كاتبهر العين وتريح..حسات بقلبها كيضررربببب..ضارت شافت فيه” : باقي جديد…
زين الدين”حرك راسو” : مازال نبدلو وبدليه ديك ساعة على ذوقك..”مسد بين عينيه بتعب..” دخلي رتاحي…
فرح”دخلات كتقلب وتشوف فالماريو الكوافوز.” : كاين غير بيت واحد ؟
زين الدين”هز حاجبو” : مضيق عليك ؟
فرح : لا لا ماشي هكاك…حيث گلتي ديال الواليدين وكنتو كاتجيو لهنا…
زين الدين”حرك راسو” : حنا ناس ماشي من نوع الي كبرنا كل وبيتو..الى تجمعنا فدار جدي انا وختي وعمتي كنعسو فبيت واحد..فتارودانت كان بيت فيه انا وشامة…الباقي كانو صالونات وبيت جدي والميمة…لتحت بيت الواليد والواليدة..هنا الى جينا كانعسو فالبيت فين تغذينا…
فرح : ااه فهمت..”بخجل” احم.. بغيت نمشي لدوش نبدل..
زين الدين”شير ليها لباب الي فالبيت نيت” : تما…
فرح”حركت راسها مشات لفاليز حتى بانت ليها فاليز جديدة مافهمتش منين جات كانت مزيرة مسالاتش باش تسول..جرتها وهي دخل بدلات تحتها ونضفات وحيدت حوايجها لبسات بيجامة..طوات دوك الي كانت لابسة رجعتهم لفاليز سدتها وخرجت حطتها وهي دور لقاتو مسكين تلاااح تشبح ومشاا نعس وعلاش الي ماينعس وهو ماشايفش النعاس يومين هادي تا تسخسخ بالمعقول!! عز عليها قربات لعندو غطاتو …وهي دور بان ليها خاشي وجهو بين المخدات…صرطات ريقها وهي تكا بشوي بشوي تا تسرحات وحطات راسها عالمخدة وايديها مسنداهم على حناكها كتشوف فالفاليز الي جاب..كتشوف تشوف تشوف…حتى مشااااااو بيها عينيها…مافاقت الا على صوت الاذان..كان ديال العشاء… دورات راسها لقاتو باقي غارق فالنعاس وبنفس الوضعية…رجعات ضارت هزات تيليفون كتحك فعينيها وتشوف…طلقات الكونيكسيون تا بداو يجيوها ميساجات ماشي شي حاجة غير سيمو صفاء وميساجات الكروب…
سيمو : لحيمة فالدجين كاين شي زين تما نجي نتناسب…
صفاء : سير فك مشكيلتك مع حياة المصدي…
سيمو : غانغلط فيك اعضيمة !!
صفاء : وصلتي الهبيرة …
فرح : وصلنا…
بقات كتهضر معاهم وكتضحك…حتى سالات وحطات تيليفون عند راسها…جاها القنط وهي دور كتشوف فيه لقاتو باقي ناعس…ناضت لدوش غسلات وجهها وحكات سنانها وهي تخرج جلسات فالناموسية بجنب بغات تخرج خافت من ديك تاجة بغات تجلس جاها القنط تا من صفاء وسيمو خرجو..دخلات لغوغل ثاني كتفرج فتصاميم ديالو…باش دخل انسطا ولا فيس مابقاتش كدخل ليهم ونسات على مود باس واي حاجة كتفكرها بداك الجيهة ماكتبغيش تفكر فيها وهادشي ماشي ساهل…لقات راسها داخلة فتصاميم ديال زين الدين كانو فجيهة وحدهم بقات كتشوف وعينيها كايبرقو…سهااات وهي كتقلب ومنبهرة بيهم حتى حسات بايدين كيتسحبو ضايرين عند كرشها تا حاوطوها جات بغات دور لقات ذقنو تحط عند كتفها…حتى باس ليها عنقها ببوسة حسات باللسعة فديك البلاصة تا قفزت”
زين الدين”نطق بصوت مبحوح” : شششش..تهدنيييي…
فرح : ف “كتصرط ريقها” فقتي…
زين الدين”كبوس بوسات خفيفة ويهضر” : فقت العمر…
فرح”هلكها بدوك البوسات والهضرة كتحس بالسخونية دانفاسو فيها” : و احم نوض دوش…
زين الدين : ندير علاش ؟!
فرح”قلبها بغا يسكت.” : اشنو دير…”عبزها فكرشها تا قفزت” اييي ضريتيني ..
زين الدين : ماشي بزاف…وايلي فرح ..
فرح”دعقها بالبوسات ههه” : كاين ماكثر ؟!..
زين الدين”ناض شوي دور ايديه على عنقها وباسها فحنكها ورجع شد ليها حناكها بايدو وحدة..زير عليهم تا خرجو شنايفها وجرهم بفمو وهبط بايدو لاخرا بغفلة لتحت كرشها زيررر عليها تا ضربها ضو وهي تغوت..هبط لوذنيها ونطق بواحد صوت كايهز الجسم ويزعزع” : نهار تيسر ليا الوقت معاك..ونشوف الحرقة الي فكرشك…”خرجات عينيها..بصدمة” الرحمة مانرحمهاش”حتى عض شنايفو”
غير قالها ليها وهي تخرج عينيها على جهدهم..منين عرف الحرقة الي فكرشها…دورات وجهها القرمزي لعندو…
فرح : منين عرفتي محروقة فكرشي ؟!
زين الدين : ماشي غريب عليا نعرف كلشي عليك…
فرح : واامنين عرفتي الحرقة الي فكرشي…
زين الدين”باسها بجهد فحنكها تا تحرك راسها..وناض كيطرطق فعضامو وعنقو وتم غادي لدوش كيهضر ” : راني گلت ليك ماغريبش عليا نعرف كلشي عليك…”ودخل لدوش..خلاها كتبرق فعينيها هزات تيليفون نيشان دخلات لعند صفاء ورسلات ليها”
فرح : صفاء واش معاودة لزين الدين على الحرقة الي فكرشي !؟
صفاء”قرات الميساج من التيليفون لفوق كانت مزال فدار عصام…دخلات تجري” : الباطل يحرق هاناااري ماقلت والو..
فرح : متاكدة !؟
صفاء : صلي عالنبي ؟!
فرح : عليه الصلاة وسلام…
صفاء”تفكرت” : ااااه عقلتي نهار تحرقتي فصدرك فاش تخوات عليك القهوة الي كنت هازا فبلاطو…
فرح”تفكرات نهار اول بوسة ليهم.” : احم..اه
صفاء : سمعت با المحجوب عاود ليه نهار تحرقتي والوليدة الله يزازيها بخير حطت ليه المزيودة…
فرح”غمضت عينيها بحرج.” : صافي صافي..”خرجات من المحادثة خلاتها كتسول…قربات عند باب الدوش سمعات صوت الما مطلوق فالغالب كيدوش..عارفاه مغايجاوبهاش شكون قالها ليه…مالقات مادير خرجات من البيت كتقلب بعينيها الضواو شاعلين ودار مافيها حد كتسمع غير صوت البقر من بعيد والحركة ديال دوار…مشات لكوزينة شعلات الضو ودخلات كتقلب مادير…حاسة بمنخرها رجع تزمط ثاني وحلقها مزال كيحرقها وخا عطاها السيرو وعاود شرباتو فالغذا…الدار شي شوية باردة حيث باقي النص فيها متفرشش…حلات الثلاجة لقاتها عامرة بالمقدية كلشي محطوط فيها…بما ان العشا اذن اذن را خاص توجد العشا…وقفات كتشوف شنو دير وتفكر حتى مشا بيها عقلها لاول مكالمة فيديو بينها وبينو الوقت الي وراتو يصايب طاجين ديال الكفتة…جبدات المكونات الي غاتحتاج بدات كتقلب بعينيها حتى لمحات طاجين محطوط فوق البوطة بدات كتوجد رمات البصلة تشحر مع ثوم…الكوزينة فيها كلشي مامخليها مخصوصة من والو اصلا باقين فيها اغراض من ايام واليديه…كاتجبد وتشلل عاد تقضي وخا دخلات ليها تاجة ونقاتها بالمساعدة مع بنات الي معاها…اما هو كي خرج لقاها طارت مشا بفوطتو ضارة على خصرو تا حل الباب وعيط من بعيد…
زين الدين : فرح !!
فرح”سمعاتو كيعيط وهي ترد عليه” : هاني فالكوزينة…
زين الدين : شنو كاديري ؟!
فرح : العشا”خافت دخل عليها تاجة” واش هاديك المراة غاتجي !؟
زين الدين : لا تهناي من جيهتها حدها الغذا وتمشي فحالها…
فرح : واخا صافي..احم زين الدين ..
زين الدين : نعااام…
فرح : شفتك جايب فاليز اخرى گلت عند بالك مغانجمعش ليك حوايجك معايا..را حوايجك جمعتهم ليك..ماعرفتش واش هما الي كاتبغي…
زين الدين : عاارف جمعتي ليا معاك…
فرح”حتى بغات تسولو وديك الفاليز ديالاش وهي تسكت حتى يوريها ليها راسو…رجع سد الباب وحيد الفوطة بقا هكاك سفاحي ماسوقو هو كاع تدخل ولا ماتدخل والى دخلت خير وبركة عليه مرتو حلالو ليها الحق تشوفو عريان ولا لابس ليها الحق تشوف عورتو وهو يشوف عورتها…لبس تيشرت ملابسو داخلية وشورط ضار جيهة الماريو حلو لقى تستيفة الفوقيات ديال جدو وديال باه وخا جدو مگضر وطويل لكن ماشي بطولة زين الدين…فكر يلبس منهم وحدة لكن فضل انه يحمعهم كاملين لاحهم فوق الناموسية ومشا تا لبس ديالتو بيضة وتقاشر وخرج وقف بعيد كيشوف فيها كتقطع وتمشي وتجي تحرك هنا وهنا كان احد اجمل المناضر فعينيه…مشا نيشان لصالون الي مفرش فرش الصلاية ديال جدو القديمة صلى عليها العشا وتبعها الشفع والوتر وجلس شوية كيقرا فالمصحف الي محطوط تما فالحمالة ديالو…كمل وناض كيتمتم بالباقيات وقف عند باب المطبخ كيشوف فيها كتحرك وديك الترماحة كتهرهر قدامو بغير قصد منها فقط حركاتها العاديين ولانها زايدة فالوزن ف ضروري غايبانو الاطراف زايدة كيتحركو…هادشي هو بقى كيشوف فيه…
فرح”ضارت وهي تلقاه واقف مربع ايديه بالحس كاع ماحسات بيه تا طارت للسما ونزلت وهي ترجع بلور شدات فالقنت ديال بوطاجي” : هيييي…خلعتيني حرام عليك ..
زين الدين”بقى كيشوف فيها وسااكت”
فرح : م مالك ؟!
زين الدين”شاف تا شاف وهو يغمض عينيه متنهد فسرو ولاعن شيطان” : شنو درتي لعشا…
فرح”ضارت شافت فطاجين ورجعت تشوف فيه لقاتو جا قدامها دار ايد هنا وايد هنا وهي قدامو” : دررت طاجين الكفتة والبيض”صرطت ريقها” ع عقلتي عليه ؛!؟
زين الدين”عينيه فعينيها الي كانو يدورو كتسناه يجاوب والو سكت تاني كيشوف فيها…وهي كدور راسها وترجع تشوف فيه وترجع تشوف هنا حس بارتباكها الشديد..نطق بصوت خااتر” : ماالك ؟
فرح : م ماليش مالك نتا ؟!
زين الدين : انا عادي شوفي نتي…
فرح : حتى انا..فف زين الدين..
زين الدين”زاد قرب ليها حتى كان غايلصق معاها هبط راسو لعند وجهها وهز ايدو لفوق وهي تقفز تاهزت ايدها بغات طاكي وهي تهبطها…تما عرف ان خوفها من الضرب بدا كينقص..ولا حولها لورا راسها وقربها لعندو باسها فهاد العين وضار لعين لاخرى” : ماحدي معاك الريح مايضربك والى كتاب وبعدت عليك مانخافش عليك گادة براسك…
فرح”بخوف” : علاش غاتبعد ؟!
شافت فيه بخوف عينيها تبدلت نضرتهم من ارتباك لحزن…كان باغي يوصليها شيء هاهو غايصدق فشيء اخر…
فرح : علاش غاتبعد ؟
زين الدين”شاف الخوف فعينيها” : شنو فهمتي من هضرتي ؟
فرح : غاتبعد عليا ؟”فصوتها حس بذبذبات يعني كيترعد”
زين الدين : علاش نبعد عليك وانا ماثيقت ربي كتبك ليا من بعد هاد المشاكيل الي طرات…نكون ولد لحرام الى فرطت فيك..”اكد عليها بعينيه باش تعقل على النهار الي قالها ليها فيه”
فرح : و علاش گلتيها ؟
زين الدين : ماعندي خدمة ؟ ماعندي محلات ؟ نجلس حدا الفرحة ديالي نشوف فيها وتشوف فيا وشي مدرناه”خرج عينيه بشوي”…
فرح”فهماتو شنو قصد زمات فمها لكن غلبتها الضحكة” : هههه
زين الدين : وا لباس الي شفنا الضحكة فوجهك لباس…
فرح : ونتا ؟!
زين الدين : مالي انا ؟
فرح : ماكضحكش بزاف…
زين الدين : ماشي بزاف…حسبي حتى شفتك وعرفتك…الباقي ماكنش عندي الي يخليني ضاحك مسافر بين الخدمة وتمارة المحلات…فعايل كحل الراس معايا…
فرح : خاصك تضحك وخا كنشوفك جدي بزاف كانگول شي مرات ضحك معايا…فاش يلاه عرفتك”صرطت ريقها فاش تفكرت نهار جا خطبها اول شوفة ليها معاه..”ديما عاقد غوباشتك…
زين الدين : فكيها ليا…
فرح : كيقاش ندير…
زين الدين : فهمي راسك…
فرح”عرفاتو لاش كيلمح”
زين الدين : حياتي معاك ضحكت”هز ايدها حطها على صدرو جيهة القلب” هذا ضحك…مكاين فرق بين الضحكة فوجهي براكة عليا نتي ضحكتي ورتاحيتي ونتي معايا…ماعمري نبغي كثر من راحتك ونشوفك ضاحكة بلاصة دموع خليهم فرحة وبلاصة الغبينة خليها بهجة…بلاصة ماتخافي خليك مامنة ونتي معايا وبلا بيا..بلا ماتخافي ماعندي فين نمشي عليك ماعاد لا دهاتني الخدمة وهادشي عارفاه وعشتي الخدمة كيكانت..يلاه باديين فالكلينيك ماشي ساهل نوقفو فمدة قليلة..هضرتي عنيت بيها بعيد عليك ونتي عارفة مكاين الي يقرب ليك وانا فالحياة…بلا بيا كنتي عايشة فالامان ياك ولا لا ؟”باغي يتستي”
فرح : انا معاك غير نتا صافي…مابغيتش تمشي عليا فين وخا تشوفني قادة براسي صعيب عليا نرجع كيف كنت ماشي ساهل عليا ازين الدين…مانقدرش نبقى وحدي ونتا مسافر لشي بلاصة…
زين الدين : والى طولت فالكلينيك عارفاني كنببات فيه شي مرات…
فرح : عارفة وولفت تغيب يومين ماعنديش مشكيل…
زين الدين : المشكيل فاش دابا ؟
فرح”عوجت راسها بحزن” : ماطولش عليا الغيبة بزااف ماتفوتش يومين…انا ماكنشوف تاحد يكون معايا من غيرك..وخا كنتقلق منك فشي حاجات واخا نكون مزال مريضة وخا نبرا مغانقدرش بلا ماتكون معايا…
زين الدين : هادشي الي كنسمع منك بالفرحات عليا فيييين كنت وفين وليت…مادا بيا…”قبط ايدها” فرح قاصح حسن من كذاب ؟!
فرح”حركات راسها”
زين الدين : ماشي فالصالح ديالك تعلقي بزاااف…ماكنصلحوش الغلط بغلط كبر منو…ماتگوليش ماباغيكش تعلقي بيا..مابغيتش تعلقي بيا “هزت فيه عينيها” باغيك تبغيني لدوام مابغيتش تبغيني غير حيث وقفت معاك مابغيتش تبغيني غير حيث انا الي عندك هاد الساعة…بغيتك تبغيني زين الدين راجلك دوامك تحطي عليه راسك ويحط عليك راسو…بغيتك تبغيه زين الدين لزين الدين ماشي زين الدين الي جابك من بلاد بعيدة وعطاك الحماية وعطاك الراحة الي كتقلبي عليها…
فرح : انا هاكا علاش شكيتي ؟
زين الدين : ماشكيت فوالو ماعمري نشك…
فرح : وعلاش كاتگوليا هاكا ؟!
زين الدين”قرب باس ليها جبهتها” : باغي ندي ونجيب فالهضرة مع مرتي…عيب ؟
فرح”حدرت عينيها فحال فهماتو شنو قصد بهضرتها ورجعت شافت فيه وحركت راسها بلا”
زين الدين : هادشي خاص يكون بيناتنا نگوليك ونشكي عليك وتشكي عليا…نعطيك شنو ضرني من جيهتك والعكس…محتاج تفهميني محتاج تخليني دواك ووسادك…من غير هادشي فالحالة الي ماشي طبيعية را غير رد جميل…”طبطب ليها على حناكها” محتاجة شي حاجة من برا ؟!
فرح : لا كلشي كاين…
زين الدين : خليك فشنو كديري انا برا نكمي ونهضر مع الحاج علي…
فرح : ماتعطلش حيث تقريبا طاب العشا…”حرك ليها راسو وخرج مشا لبرا فالجردة مد ايدو القرص تشعل ضو ديال تما كيبان منضر زوييين…هز تاهز نفس وطلقها بتنهيدة…وياربي كي غايدير يقوليها را غانسافر ولسويسرا…حك جبهتو والكارو شاعل فايدو جبد تيليفون من جيبو ودوز الخط هاد المرة نيشان ل ريان”….
ريان : كيفاش الخو…
زين الدين : رسل ليا دوك الوراق فجيمايل ديالي…وغذا فالصباح تحرك لعند خينا شوف شنو غاتوصل معاه سي نو نسالي ونتحرك راسي…
ريان. : ان شاء الله صافي كون هاني…
عاود اكد عليه باش كيف يرجع لكازا يدوز عندو شخصيا شنو بغاه وعلاش هما الي عارفين شنو بغا توفيق من بعد هاد المدة الي ماقدرش يصبر…بقى يهضر معاه ورجع هضر مع علي حتى لقى راسو بعد وهو كيهضر غير سالا وهو يدور لقاها واقفة كاتعيط ليه وفنفس الوقت حاضية دنيا حمقتها الجردة خصوصا دوك الاضواء…خشا تيليفون فجيبو وشا عنقها بجنب حتى دخلو البيت لقاها حاجة العشا مرافق بشليضة ديال بطاطا مصلوقة والبصلة وصالاد الخس والخيار الي كايبغي مع فرماج احمر وقرعة الماء المعدني…
فرح : شربتي دواك”حرك ليها راسو…عرات على طاجين وهي طلع الريحة تال نيوفو بنييينة هاد طاجين كاين فرق فيه غير الي طيب هو واخا هي الي وراتو لكن كيبقى الاصل كيعطي فرق”
زين الدين. : تبارك الله…”تبسمات بفرحة حيث عجبو المنضر خلي عليك فاش قال بسم الله ءاق اول دغمة تحسس البنة ديالو..لدرجة كال وكال حتى قرب يساليه وهو من النوع الي مااكيتعشاش كيكتافي غير بصلاد حيث من اصحاب الريجيم…كمل وشرب الما” الحمد لله اللهم ادمها نعمة واحفضها من الزوال…
فرح : صافي شبعتي دغيا ؟!
زين الدين”هز حاجبو وشير ليها لطاجين الي بقى فيه غا الفخار ههه ” : شنو بقى ؟…
فرح : هههههه مابقى والو ولكن صالاد ديالك خليتيها…
زين الدين”مد ايدو لفرشيط هز منها نقب ليه شوي” : هذا جهدي…ماكنتعشاش بزاف…
فرح : عارفة غير اليوم ماكليتيش بزاف وكنتي سايگ…
زين الدين”جمع حجبانو باستغراب كيفاش ماكليتيش بزاف وهو الطريق كلها وهما ياكلو والغذا ودابا العشا…ناض وقف وتم غادي يغسل ايديه ويحك سنانو ونطق” : دكالية حرة”حرك راسو يمين شمال…دكالية حرة حيث دكالة عادتهم كيحطو ليك ماكلة كثيرة تبارك الله…نتا راك كلتي تا بغيتي تفرگع وهما كيكحزو ليك الماكلة تمسح طبسيل ويقولو ليك ماكليتي والو وهذا ان دل فانه يدل على الكرم والجود الي فيهم..”
فرح”جمعت فمها جاب ليها ضحك…عاد ردات البال لراسها بغاتو ياكل” : ههههه غانبقى معاه هاكا حتى يولي قدي فالغلض هههه…”استغفرت الله وناضت جمعت الماعن داتهم لكوزينة ورجعات مسحات طابلة ومشات غسلتهم نقات الكوزينة وجمعتها ماخلات فيها شقفة وهي تمشي لبيت دخلات نيشان لدوش بدلات عليها لقاتها مشات تقريبا” : غذا خاصني نتوضى..”رجعت دارت فوطة اخرى للتاكد حيث كتبقى فيها ربعيام خمس ايام شي مرات ستة على حسب…حكات سنانها وغسلات وخرجت دازت من حدا الفاليز وهي توقف كتشوف فيها بانت ليها باقي جديدة وزوييينة لونها وردي زعما تكون دياال زين الدين !!…بغات تسولو وماقدرت وهو ماقاليها عليها والو خصوصا قاليها عارف غاتجمعي ليا حوايجي معاك…اذن اش فيها ديالمن ؟!..طبعا مكاينش من غير صفصف صاحبة الحلول القحبونية…ديك ساعة رسلات ليها رسالة لقاتنا اصلا مخليا ليها ستلاف ميساج تشرح ليها على الحرقة خلاتهم ورسلات ليها شنو بغات هي”
صفاء : دابا قمعتيني ابالفن مابغيتيش تقولي اش درتو فالحرقة ؟! واااخا صحيبتي ودابا صوري ليا الفاليز واش داير ليها الكود !؟
فرح : ماعرفتش..
صفاء : سيري شوفي…
فرح : راني تعطلت دابا يدخل يقلب عليا…
صفاء : خرجي قولي ليه انا غانبدل ونهضر مع صفاء وهو غايفهم راسو تي مالك…
سيمو : اش غايكون فيها !؟”حيث فكروب”
صفاء : غاتكون فيها حياة غايديها معاه لكلينيك باش يدير عليها تجارب كيف يقوم بتجميل وجه مفقود فيه الامل…
سيمو : راك كتغلطي العضم المكدد را شي نهار نطير لمك راس ومغانتشدش فالحبس حيث جائز على امك…
فرح “خلاتهم يتناگرو وخرجات طلت عليه” : زين الدين !!
زين الدين : نعاام مالك ؟
فرح : والو هاني فالبيت نبدل ونهضر مع صفاء وسيمو ونجي…
زين الدين : ماعليش خوذي راحتك…
فرح”تبسمت وهي تدخل” : صافي…
سيمو : ونتي مالك حرنتي تعرفي اش فالفاليز ؟ تسنايه تايوريها ليك راسو…كنعرفك افرح ماشي فضولية فحال الحرايمية الي كتزندك…
صفاء : سيمو سير لكوفيرسياسيون بيني وبينك شوف بروفيل ديالي ؟
سيمو : واخا”مشا يقلب لقى صورة بروفيلها بيضاء” ناري بلوكاتني…
صفاء : الى يوم الدين..يلاه رول اصلا خاصني نبلوكيك من حياتي خرج منها هالعار…
فرح : صافي بلاش مانقلبها دابا يوريني اش فيها يمكن تكون ديالي…
صفاء : يمكن ماتكونش ديالك”خرجت عينيها وهي تشحط الصباع الي كتبو ديك الميساج طارت فالبلاصة مسحاتو لكن كانت فرح قراااتو والي عطا الله عطاااه..”
فرح : لمن من غيري ؟ علاش مسحتي الميساج اصفاء ..
سيمو : قلت ليك حرايمية وماثيقتينيش…سيري الحيمة فدجين سيري الله يحفضك را راجلك مغايكونش جابها غا هكاك الا اذا كانت ديالو…
فرح”قلبها بدا يضرب والغيرة بدات تلعب” : اويلي زين الدين تكون عندو فاليز فالغوز ؟ وهو عندو غير كحل گري حتى فحوايجو…
صفاء : دابا يوريها ليك…الى مواركش قوليها ليه الى ماقاليك والو سيري ليوتيب تبعي طريقة كيفاش تحليها وخا كاين الكود را طريقة ساهلة وانا لا دويت هاد المرة بغيت لديلمي الباسر..
سيمو : ويكونو مفلحين وتجلسي على الشوينية اشوينية الفلفلة..انا الي غانبلوكيك تانا…
بقاو معاهم حتى فات عشا فعشا عاد ناضت نجية وصفاء غسلو الماعن وخا مخلاهمش عصام لكن هما اصرو وماقدرش مايقولش ليهم لا حيث كيحسبهم من مالين دار…غسلو الماعن وجمعو دنيا عمرو براد اتاي خلاوه ليهم واستاذنو…تلاح فوزي فالسداري وخدم فيلم فالنيتفليكس كيتفرج فيه وحداه عصام الي كان شاد تيليفونو كيبقشش فيه كيهضر فالواتساب هنا وهنا…حط التيليفون وهز عينيه كيتفرج كان فيلم زوين ديال انجلينا جولي تحت اسم Maleficent…
عصام : زوين هاد الفيلم ؟!
فوزي”ضار عندو” : نعام !! اه زوين تفرجت فيه شي جوج مرات وهذا ثالثة…مالقيت مانشوف اللهم نديرو لقيتو فوجهي…المرة اللولة تفرجت فيه فالسينيما فاش خرج وثانية هنا نيت واحد الليلة كنتي مسافر بقيت غير انا وفرح و”كمش حجبانو تا غمض عينيه وعض لسانو..حبس الهضرة مالقى مايقول مايزيد ماينقص..ماعرف مايدير…ولا سكت”
عصام”حرك ليه راسو” : مزيان..”حيد تيشرت بقى غير ب بيل سماطي حك كتافو وتكا فالسداري كيشوف فالفيلم ماقاليه والو…فوزي رجع كيتفرج ماهضر ماتكلم وعصام كذلك…كيشوف فالفيلم ولكن را العقل مشى سااافر غيب ثاني وشكون الي يحس بهاد عصام من غير راسو براسو…
فرح”خرجات من الكوزينة كتسمح فالفوطة ايديها” : عصااام بلاتي…
عصام : مالك خاصاك شي حاجة ؟!
فرح : غاتعطل اليوم ؟؛
عصام : لا ملي مكاينش فوزي غانجي بكري علاش ؟!
فرح”بابتسامة” : تبغي ندير العشا ونوجد الشيبس والعصير ونسهرو على فيلم شحال هادي مادرناها هههه…
عصام”تبسم بجنب ورجع نطق” : توحشتي تفرعي لمي راس ب اش غايدير اش غايفعل اش غايترك تا نضرب مك مع الحايط…
فرح ؛ هههههه لا لا ماتخافش غانسكت والله..
عصام : الي فيه شي طبيعة فيييه…سيري عالله خاصاك شي حاجة نجيبها معايا ؟
فرح : جيب غيير المونادا احسن حيث الليمون قليل باش ندير العصير وحتى ديسير ..
عصام : ومال دينمك ماعلمتيني نتقدا الديسير اليوم ؟ ممولفاش ليك…يلاه سيري لا خاصك شي حاجة علميني قالتيليفون…”قالت ليه واخا وضار حل الباب وخرج مشات كاطيير وجدات گراتان بالكفتة وصوص بيشاميل تشيزي(كتحكي فيها الفرماج وتخليه يذوب فيها زوينة حسن ماتخلي البيشاميل سادة) وفرماج موتزاريلا من فوق خلاتها على برا تايقرب يجي عاد دخلها الفران…جمعات دار ونقات دنيا توضات وصلات العشا…صونا ليها بالي جاي وهي دخلها فالفران ماحتال يجي كانت طابت حطتنا فالمائدة وحطت معاها طبيسلات تا دخل لقاها حاطة العشا…”
عصام : ماعندي مايتسالك”مشا غسل وجا تعشاو غسلات الماعن وجابت شيبس لقاتو جايب ليها الكاندي(حلويات)منهم اعز حلوة عندها هي الي شافت وعينيها خرجو”
فرح”كانت داخلة عند الباب شافتها عينيها قرقشو” : ريگليز هههه”مشات كتجري نقزت عليه كان واقف كاخوي فيها فالطبسيل تا مشا وجا”
عصام”غوبش” : الحبس مالك فهاد تنقاز…
فرح : هعههههههه الفرحة تحمست هههه”تنخششت فيه تا جات تحت باطو معنقاه” احلى خويا عصام…
عصام : ياك بعدا…مانشوف منك هاد تعنيگة(تعنيقة) تا وكان نجيب ليك هاد العجب…
فرح”تشعبط تا وصلت ليه باستو فحنكو” : والله ماهكاك ههه ونتا ديما كاتجيب ليا وتاخذ ليا ماعمرك ماخليتيني بلاش…
عصام : بقاي ليا غا براحتك وقراي وفرحي ليا وضحكي هذا الي بغيت مانبغيش غانشوفك مقلقة ولا باكية ديك ساعة مايعجبني حال ومانضمنش ليك واش نبقى بخاطري…”زاد نخششها فيه وباسها فراسها” خدمي لينا هاد الفيلم نشوفو ديالاش…
فرح : واخا..”هزات ريمونت ومشات لنيتفليكس قلبات على سمية” تفرجت فيه انا وفوزي ديك المرة فاش كنتي مسافر مع صطوف لاوزود وكنتو بايتين تما مع صحابكم…
عصام : تفاوت على ملتكم ودرتو مابغيتو ماوصلتنيش خباركم خرجتو لسيدي بوزيد تغديتو تما…
فرح : ههههه ياك غير سيدي بوزيد هههه…صافي هاهو..”مشات جلسات فسداري وهو فسداري…وكيف العادة بدات معاه جولة الاسئلة تا ماعرف واش يتبع الفيلم ولا يجاوبها…وهو براسو خاصو يشرح ليه الفيلم تا صعر وهو ينوض” مال خليقة مك فهاد الحبس…شكون خاصو يسول انا ولا نتي الي فايتة مفرجة فيه..
فرح : غير بغيت نشرح ليك اش غايوقع…مالك..
عصام : راك وليتي تسولي اش غايديرو..فرعتي ليا راسي بناقص..دوزي تنعسي وهنينا…”رجع للواقع ولقى فوزي كيحرك فيه”
فوزي : مالك اعصام ضاراك شي حاجة ؟!
عصام”هز حجبانو فحال كيقوليه نعام..شوي حدر راسو كيمسد فعينيه بتعب حتى تنهد وقال” : يكون با مزال فايق ؟
فوزي : يكون ماكينعسش بكري علاش ؟!
عصام”جبد التيليفون ودوز ليه الخط جاوبو دغيا حيث تخلع معيط ليه فهاد الوقت”
المحجوب : ياك مكاين باس اعصام واقعة شي حاجة ؟
عصام : غذا فالصباح غانكون عندك…عطيني من خاطرك ومشورتك ابا…
المحجوب : مالك اولدي ؟!
عصام”ناض من حدا فوزي خلاه كيشوف ومشا البيت ديالو سد الباب ونطق بصوت هاااااز بزاااااف” : ضاقت بيا ابا ضاقت بيا وفوتت…
دخلت البيت لقاتو محيد الفوقية بقى غير بتيشرت وشورط مسرح رجليه فوق سداري لاخور كايبقشش فالتيليفون جات جلسات…شادة التيليفون وجالسة مكمشة مالقات مادير تا هز فيها عينيه…
زين الدين”هز عينيه فيها نطق تا شافت فيه وشير ليها تجي” : اجي عندي هنا…
فرح”ناضت كتحك ايديها مع طرف بيجامتها..جلست فين قاليها وجلست مقرنصة ههه” : هاني احم…
زين الدين”كيشوف فيها جالسة وبعيدة وخا حداه حاس بيها مشكرفة…ماهضر معاها ماتكلم بقى كيشوف فيها كيشوف تا ضارت شافت فيه وهي تحرك ليه راسها بمعنى مالك…والو ماتحركش وهي تفهم راسها وقربات ليه تا ايدو قاست ترمتها وهي تقفز..حتى جرها بجهد قربها ليه اكثر…حط ليها راسها على كتفو بالسكااات انفاسها كايحس بيهم كيضربو مخربقييين…حناكها الحمورية فيهم حاجة بديهية…غير حطو وهو يتكا حتى تكات معاه عنقها كيحك على كتافها بايدو بحركة دارت ليها تبوريييشة…صدرها كايطلع ويهبط والسخونية طالعة معاها…هادي غير من هاد الحركة البسيطة…كرسها قفزاات بمجرد ماحست بشنايفو سخان تحطو على جبهتها وغادين نازلين مع ناضرها حتى وصلو لعينيها باس كل وحدة فيهم وكل بوسة كاتحس بنفس ديالو طاااايبة وكتحس بيه باغي المزيد لكن ماباليد حيلة خايف عليها خايف ماتبغيش خايف على حالتها باغي يحس بيها كاتدي وتجيب معاه وخا عارفها حشمانة…حط حنكو كيدي فيه ويجيب على حنكها وحبس هبط بايدو لايدها قبطها كايتحسس فيها ويلعب فيها بصباعو…سكت وكان الصمت سيد الموقف حس بالدفئ وهي معاه محتاضنها مالكها وهي حسات بالفراشات كيلعبو ليها فكرشها بالهيبة ديالو معاها وهي فحضنو…بوزيسيون دااافية جامعاهم…كيسمع لانفاسها وكاتسمع لانفاسو حتى نطق” : مزال ماتوضاي ؟!
فرح”قلبها زدح” : ها ؟ مزال يمكن غذا ولكن بغيت نعوم فحال الحمام…
زين الدين : الصباح نعلم مي تاجة توجد ليك الحمام برا…
فرح : عاافاك بلاش غير توجدو وقولها ليا نتا..
زين الدين : ان شاء الله…
فرح”دارت ليها طن تسولو” : احم..زين الدين ..
زين الدين : الخير ديال هاد زين الدين…مالو ؟
فرح : ههههه..ههه بغيت نسولك ديك الفاليز…
زين الدين : نهني بالك ونرضي فضولك نتي ومحمد رضى وصفاء”خرجت عينيها صدمها اناري كي دار عرف” سيري راسك وشوفي اش فيها نوضي…
فرح”ناضت مصدومة شعرها مخربق وحناكها كيوزوزو” : م ماعرفتش
زين الدين”ربع ايديه وحاضيها كلها مخربقة منضر كايحيب الصحك” : عيد ميلادك نهار شهر العام…ديالك فيها شنو تحتاجي وشنو نحتاج معاك…ماديال حد تهناي وريحي ليا بالك…مزيانة ؟
جاب ليها ضحك عرفها دارت ايدها على فمها وضارت غاديا…دخلات البيت. وفايدها التيليفون دار طررن طلات لقاتو ميساج من الكروب وصفاء كتسولها اش دارت دخلت جاوبتها بالي قاليها دخلي شوفيها فالبلااااصة صونات ليها ابيل فيديو وجمعات معاها سيمو..
صفاء : انشوفو معاك…
فرح : اش غايكون زعما ؟!
صفاء : العلم عند الله وزين عريض الكتاف…
سيمو : لاش عيطتي ليا نتي ياك مبلوكياني…
صفاء : فالفضول معايا بب عمري نبلوكيك را ميبلوكيك غالي كايحبك…
فرح : وسكتو دابا يدخل ويسمعكم..را عرف بالي كنت كنهضر معاكم ونسولكم…نقول سمعني انا عارفاه مافيهش هاد القضية..
صفاء : واخا سيري حلي نشوفو حطي تيليفون مقابل لفاليز وسيري حلي…هاحنا غانسكتو تانشوفو…”دارت شنو قالت ليها صفاء ومشات لفاليز قابلتها معاهم دارت الكود الي قاليها وتسمعت طرراق تحلات غير حلتها تحلو عينيها وفمها…كلشي مطوي جديييييد بيجامات قطن بالتيكيت ديالهم زوجات من H&M وغيرها من ليمارك كل مكتوريهم كتحل صفاء فمها حيث عارفة ثمنهم.اما سيمو غاكيشوف مافاهم تا حزقة…هزات واحد الكولونات واحد لونو صفر وثاني موڤ وثالث بوردو شي الوان خطيييرة كايحمقو واكثرهم صفر داك اللون فيه زوين من پخي ماغك…كتجبد وهي مبتاسمة…هزات شي برودويات من Caudalie ديال الاستجمام كاتجبد وتشم وصفاء بغات تحماااق كتشوف فيهم وعينيها كيلمعو حيث مستحضرات الاستحمام زوينة وماركة من الف الى الياء.. بانو ليها مستحضرات اخرى هزات وحدة منهم كانت ديال Nuxe ديال الجسم حلتها تشم حمقتها ريحة مايمكنش ريحة مثييييرة فيها ووحدة فيها البريون…وواحد الباك ديال لاگام فيكتوريا سيكريت اميركا…فاليز عاامرة ماحدها كاتجبد وهي كتبهر…ومزال فيها الخير…هزات واحد ساشية خشات ايدها كاتجبد وكاتقلب ماعرفتش اش داكشي كانت الساشية مكتوب فيها اسم ماركة Lifeties مارك ديال ملابس داخلية ماعرفتهاش هي جبدات تشوف كتقلب وتقاد كانو كيلوط فحال سترينغ لور خيط والقدام ملبس من ب بالفيرور وسوتيان فيهم شكل رطبييين ملمسهم حنييين على شكل كل جيهة فيها راس باندة..راس بيض والوذنين كحلين والكيلوط بيض…
سيمو قرقشو عينيه كيقول اش داكشي صفاء جاها ضحك يلاه غايهضرو حتى ضارت فرح بغات تمشي طير تطفي التيليفون وهي تلقى زين الدين مربع ايديه وثاني رجلو على الباب حاضيها ماشافش التيليفون…صرطات ريقها وكتقول يااااربي مايقول شي عجب ساعاك…
زين الدين : حنان على رزقي..لبسيهم نشوف واش هازين ليا خيري
..”فرح سخفت سيمو تصمك وصفاء بالدعقة باش تقطع هي مشات لسيمو ديبلوكاتو وقالت ليه قطع قطع”…
على نيتو دخل لقاها كاتقلب فيهم ولكن ماعارفش راها على اتصال بصحابها داكشي باش خذا راحتو فالهضرة معاها حيث الجانب السافل الي فيه بينو غير ليها ويمكن اول مرة يبينو فحياتو…اما هي الوجه باش تشوف فيه واللسان باش تهضر تلجم…ماعرفش مالها كااع هادي حشمة…ماعارفش بالي راها تشوهت شوهة طرواسون سانك مع عشرانها الي قطعو مابقاوش بانو…
فرح”ربعت ايديها فلارض وخشات وسطهم وجهها الي بغا يبكي” : ممممممممممم…يااااربي اش درت اااش درت تانطيح فهاد الشوووهااااااا….
زين الدين”جا لعندها وتحنى قابط من عندها سوتيان الي مزال فيهم اشكال اخرى واشكال من ديك الماركة نيت غير جمع هادو فساشية الي فيها الباقي من مارك لفيتيس” : شنو ماعجبوكش ؟ “على نيتو حساب ليه حشمت منهم”
فرح”خاشية راسها ماجاوباتوش”
زين الدين”هز حاجبو” : مالك ؟…هزي راسك وشوفي فيا…فراااح ؟؟
فرح”هزات راسها وجهها حمررر” : عجبوووني…
زين الدين : غذا فاش تعومي لبسيهم.البرد محرك باارد….دافيين حسن ليك..
فرح : ها ااه واخا…
زين الدين”شافها مزنگة بزاف فايت العادة” : ماشي لهاد الدرجة افرح ؟! ماشي عيب واقيلة راجلك انا لا ؟!
فرح : م ماشي هكاك”هزت ايدها بغات تشرح ليه وماعرفت ماتقول ليه تلفت” والو غير تصدمت….
زين الدين”كيقيص فرطوبيتهم بصبعو” : ماعندك علاش تصدمي ماشي عيب نجيب ليك هادشي وماشي عيب نشوفك لابساهم…واجب عليا وواجب عليك..ماشي لدرجة يولي وجهك واصل لهاد المواصل..رخفي النفس فراسك فرح رخفي…نگول عاجباني الحشمة الي فيك…الستريس الي فيك ونتي معايا…شحاال من حاجة عاجباني فيك..باش تولي بهاد الوجه ماكاين لاش…”حط دوك السوتيان فالفاليز وناض وقف كيسوس ايديه” لبسيهم الوقت الي بغيتي كلشي تما كومونديتو بالعشق ليك…
فرح”فخاطرها كاتقوليه را شوهتي شوهة كون جات غير فبيني وبينك…عمرها باقي تعيط ليهم ههه..حركت ليه راسها وناضت..شافت فيه وقالت” : عجبوني بزاف..عارفة عيقت ولكن هادشي اول مرة يجيني ماعمر شي حد خذاه ليا الا الى خذيتو راسي ولا خرجت تقديتو مع صفاء..ماعمر شي راجل خذاه ليا..”حدرت عينيها”
زين الدين”قرب ليها” : وعمر شي حد من غير يتقداه ليك..تفاهمنا ؟
ردات عليه بواخا…رجع كيشوف معاها كيوريها شنو خذا ليها الباقي كانو حوايج ديال خروج من ماركات عالمية…وصنيدلات السهرات بصيكانهم…و لي باغفان من ماركات فرنسية…
فرح : منين خذيتي هادشي ؟!
زين الدين”فايدو واحد الباغفان كيشوف فيها..شاف قدامو ونطق” : لي سيت قاضيين غراض…
فرح”بشك” : ماعاونك حتى شي حد”شاف فيها وهي تبسم” هه حيث هادشي دياال العيالات يعني غاتكون شي وحدة عاوناتك…انا گلت تكون صفاء”بغات غير تعرف شكون عاونو”
زين الدين”حفظها عارف شنو كتفكر من عينيها” : لا ماكاين لا صفاء لا غيرها…حاجتي نتقداها بايدي..الحمد لله لي سيت فالذمة..ليمارك فيهم رجال وعيالات ؟”حركت راسها” دخلي لابليكاسيون ديالهم وشوفي شنو خاصك تم..ساااهلة فرح بلا ماتعمري راسك بهادشي انا تابع عيني وشنو جا مع الفرحة ديالي فيها…نتي ماعجبوكش انا عجبوني فيك…لبسيهم ليا مرة ولا جوج مايضروك فوالو…مابغيتيش ماكاينش الي يبزز عليك شي حاجة…مرتاحة دابا ؟!
فرح : هههههه وباش كتعرفني ممرتاحاش حتى كتشرح عاد كتسول هههه…
زين الدين”غفلها ببوسة فعينيها” : عينيك قاموس لمعانيك عندي…
فرح : علاش جبتيهم هنا ديك ساعة خليهم حتى نرجعو لدار..
زين الدين : وصلوني فداك الصباح..حسن شوفيهم هنا وحدك فالوقيتة الي انا معاك فيها نشوفوهم بجوج…
فرح”ضارت شافت جيهة الفاليز..كان باقي فيها لي پاك ديال ماكياج…وواحد ساشية مكتوب فيها فيكتوريا سيكريت (يعني الصنف ديال طاي كبيرة..خاص بالغلاضات curve(grande taille..خافت تقلبها تلقى شي عجب..سكتت ومابغاتش تسولو لكن الجن العفريت قشعها ومااايمكنش مانزل يهزها “
زين الدين : ماشفتيش هادي !؟
فرح”حكات ورا قرفادتها” : دابا نشوفها…
زين الدين”كيحل فيها” : هي دابا نييت..”ماعندها مادير فهاد اللحظة سوى تشوف شنو غايخرج من تما وكدعي فسرها مايكون شي عجب ثاني…ساعاك والو الي بدا العجب عمرو يحشم…واهلييييي دي ياما حتشوف العجب…با كيحل فيه وهي كتشوف حتى سرحو اول شيء بينوار ساتان اسود ليلي ثوبو موبرا رقيييقة وضاير بيه دونتيل…عجبها فاش عطاه ليها تشوفو وتقيس ملمسو رطب..عاود سرح تحتي ديالو والي هو شوميز دونوي واصل تحت ركبة بشوي فيه فتحة فجنب طالعة تال عند ليهونش…نفس ثوب ونفس دونتيل الي ضاير عليها فيها نيت صورة بنت غليوضة شوي لابساه…وقابلو معاها…
فرح”طلعاااتو من تحت لفوق بالعررض البطيييئ تا وصلات لسميطات الكتاف وهي تصرط ريقها ومع الشوفة الي شافت فيه ضرب ليها غمزة خلا نمل يسرح ليها فذاتها”….
حط ليها شوميز دونوي فايدها وخلاها كتبرق تبغيهم وتشوفهم صحة هههه…مابغاش يزيد عليها و يوريها البقية الي فالساشية الي طبعا كانو شوميز دونوي غير بالوان مختلفة قشعاتهم من الباكية واحد ذهبي وثاني بيض وثالث بوردو وهذا رابع اسود…عارفة طال زمان ولا قصار غاتعطيه حقو وهادشي شافو ليها فعينيها ولاحظ خوفها وارتباكها حتى بانت ليه ايدها كترعد وهي شاداهم…رجع شدهم وحيدهم ليها وشاف فيها…
زين الدين”شد ليها فايدها وداها جلس هو وياها فوق الناموسية” : بيك شي حاجة ؟!
فرح”حركت راسها ب لا”
زين الدين : سي بيك شي حاجة..راني شايف وملاحظ..”زير ليها على ايدها” خايفة من شي حاجة !؟…
فرح : ماعرفتش..”كتبغي تهضر وتسكت”…
زين الدين”كيشوف فيها وفعينيها باغيا تقول شي حاجة باغيا تفهم..حالتها ماتسمحش تكون شخص عاادي جدا وخا كتضحك ناسيا همومها معاه محاول ما امكن يعيشها فجو طبيييعي مئة بالمئة…وخا تضحك وتشكي وخا دير الي دارت فرح ك شخص سواء طبيعي او لا را عندها نقص دااائما…” : ماشي عيب عيب تسوليني..وماشي عيب تعرفي شنو ديري فحياتك معايا…عااقل وكلمتي هي كلمتي فرح..مايحتاجش فرح نگوليك شكون انا..ماتخليش فبالك لقيتها وجيبة نتزوج بيك”اكد عليها بعينيه” عقلتي ؟
فرح”رجعات بيها ذاكرة لنهار الي طلب زواج منها للمرة ثالثة فتارودانت وتزوج بيها فديك الظروف الي حتمات عليه ياخذها لانه مكانش حل او مخرج من غير زواج بيه منها تصلح حالتها منها تبقى فبلاصة لقاتها مأمن ليها…منها يعاونها باش تعالج نفسانيا وتخرج من دائرة الخوف والرهاب الي صابها وانعدام الثقة الي خلاتها تفقدها حتى مع اعز ناس عندها الي هما خوتها…شافت فيه” : عااقلة…عاقلة على كلشي وعلى كل كلمة گلتيها ليا…ماشي..
زين الدين”قاطعها” : ماشي هبيلة باش تنساي وماشي ماعندكش العقل باش نفكروك”حرك راسو ونطق بصوت منخفض” عارف..عاارف ومايخفاش عليا حالتك كيف كانت وكيف ولات…راني كنشوف ونتيستي فيك ونتي ماحاساش..غادين دقة دقة…هادشي مايعنيش بالي راكي ما معاوناني بوالو…النص الكثير دوزتيه بسبابك نتي الي تحديتي راسك ونتي الي عاونتي راسك وانا مكان عليا غير نعاونك ونوقف معاك..ماشي باش نعالجك ونوصل فين بغيت لغراضي…ولكن هذا واجب عليا حيث راجلك ضهرك السند لا ضراتك الوقت وغدرك بنادم…باك الى ضاقت بيك الدنيا وليام…”مابغاش يقوليها خوك”.وميمتك لمن تشكي وتفهمك شنو الصحيح وشنو الغالط مع راجلك الي هو انا…
فرح”اول مرة كتبقى تشوف ليه فعينيه وهو كيهضر عجبتها هضرتو وحسات براحة وهي كتسمع ليه ويمكن حاول يفهمها ويوصل ليها شنو بغات تقصد”
زين الدين : الي درتها معاك وماعرفتيش ليها نفهمها ليك مافهمتكش سوليني حشمتي ماتهزي هم انا نجاوبك بلا ماتسولي…الي بيناتنا كبر من انه يكون علاقة بين راجل ومرتو الي بيناتنا ديال دوام الي بيناتنا عشرة وعمر بحول الله الله يطول فالعمر لينا بجوج نكملو ونوصلو فين بغينا…ويتجمع الشمل ان شاء الله…
فرح”الصمت رجعت هبطت عينيها”
زين الدين”هز ليها وجهها بصبعو” : معايا تفهمي وتعلمي لكلشي ومايخصك خير…راحتك هنا معايا ونعاسك حدايا…الي ضراتك ضرني كثر ومانبغيش الي ضرني…تفاهمنا ؟!
فرح”ردات بصوت منخفض” : تفاهمنا…
فرح ماعندهاش الام الي توعيها على الحياة الزوجية..ماعندهاش شي حد الي سابقها فالزواج وعندو تجربة يشرح ليها ماكاين من غير زين الدين الزوج الي باغيها بكلشي فيها وكل مرة يفهمها وحاس بيها وعارف من اش دازت…واخا التجارب كتعلم الانسان لكن ولابد ليه ماياخذ نصيحة شخص اخر ولابد مايستافد من تجربتو الي سبقو ليها…خرج البيت رجع كيخدم وبقات هي فالبيت باش تهضر مع لاخرين مابقاش عندها الوجه…وتاهما مابقاوش ضارو بيها كلشي فرتح مابقى بان ههه…دخلات كتفرج من بعد ماعلمها بالي غايسهر شوية حيث عندو شي خدمة مايمكنش يخليها…مشات لواحد رواية وهي تدخل بدات كتقرا فيها وعينيها بداو يعياو حتى ماحستش براسها امتى داوها مافاقت غير على صوت الابقار وصوت الخيول كتسمع من بعيييد…ريحة القهوة كتفوح وريحة الخباز عاطية…بقات كترمش وهي دور مالقاتوش حداها ناضت ودخلت لدوش غسلات وجهها تا صحصحت وحكت سنانها بدلات تحتها وطرفاتو وهي تخرج مع خرجت لقاتو داخل لابس قبية كحلة وسروالها داير كاسكيط والاير بودز فوذنيه وجهو حمرر حيث كان كايجري على برا…
زين الدين”باس راسها” : صباح الخير…
فرح : صباح الخير..كحكح…
زين الدين”كمش حجبانو” : مزال فيك الكحبة ؟
فرح : احم شوية ماشي كيف البارح…
زين الدين : يلاه تفطري وشربي سيرو ثاني..
تمات غاديا خارجة وهي دور لقاتو كيحيد فالاير بودو وبغا يبدا يحيد فحوايجو وهي تحنحن…
فرح : زين الدين…
زين الدين”ضار عندها باغي ينصل قبية”
فرح : ماغاتمشيش معايا…
زين الدين”رجع كيحيد فالقبية بقى غير ببيل سماطي وهو ينطق” : ماغاتقربش ليك…ماشي وحش تخافي منها..
فرح : ملامحها كايخلعو وكتبقى دور فيا…
زين الدين : ماديريش علاش دور فيك ومايخصك خير…سيري هاني جاي…
فرح”الصمت”
زين الدين”ضار لقاها باقي واقفة وهو يدور كيحل فسيور سروال” : مناوياش تحركي من تم ؟
فرح : جي حتى تفطر ودخل دوش…
زين الدين : اجي نتي دوشي معايا ونمشيو نفطرو…بقاي تما حتى وكان تشوفي العجب..راني على نقشة مع ملتك
فرح”خرجات عينيها وهي دور حلت الباب وخرجت..”…
البرد محرك ودنيا بدات كتشتي بحكم قرب يدخل فصل الشتاء…وقفات السيارة ديال صطوف الي طبعا خذاها عصام ومايمكنش لصطوف يقوليه لا…وقف وبقى جالس فيها كيهضر فالتيليفون مع عمو الي عطاه الجواب…
مبارك : مالگيت مانگوليك اولدي…يمكن ماكتابش ليه يتناسب معانا…
عصام : مابغاتش ؟
مبارك : مابغاتش گلت ليها اش كاين وراك عارف لا انا لا هي نبغيو نغامرو…الله يجيب ليه ماحسن…
عصام : ماشي مشكيل اللهم يسر…
مبارك : نتشاوفو اولدي…
عصام : ضروري..”حيد سانتيغ وطل براسو لقى جدو خارج كيحل فالباب ديال جردة وهو يرجعها تا دخل جلس حداه” دوز عندنا شي نهار راك كطول الغيبة علينا…
مبارك : ضروري ولدي يلاه فامان الله…
“قطع معاه وحط التيليفون ضار عند جدو باس ليه ايدو وراسو “
المحجوب : مبارك هذا ؟!
عصام”ديمارا وزاد” : هو هذاك…عطاني الجواب…
المحجوب. : امضرا كاين شي خير ؟!
عصام”تنهد” : ماشي فالمكتاب والله اعلم…مابغاتش البنت…
المحجوب : واش نگوليك من حقها وتفوت..الواحد هاد الوقت يخاف على راسو حتى من واليه(اهله”
عصام : رامي ليا الهضرة ولا كيفاش ؟!
المحجوب : وفهمك فيه الكفاية…ماعندي لاش نمعني عليك وراني نجيك نيشان وقاصح حسن من كذاب…كذبت ؟!
عصام”جمع حجبانو ماجاوبوش…زاد بالطوموبيل فالبيست تا وصل لارض الي خدامين فيها الي كانت فيها فرح شحال من مرة…ووقف الطوموبيل نزلو بزوج تالواحد الضليلة مصايبينها بالعواد يابسين ومقادينها حاطين فيها طبلة وكرايا فين يرتاحو الي بغا يجلس يجلس…جلسو وتقابلو مع الفلاحة خدامين فالارض..”
المحجوب : فاطر شي ؟!
عصام : فطرت عند با عثمان الي حدانا قبل مانشد طريق..
المحجوب : ومالك مادير امراة الي تقوم بيك.. فضل ماتفطر عند ناس وخير ماتخرج بلا فطور ؟!
عصام”تنهد” : واكنا ابا وماكتابش…
المحجوب”ظن انه هضر على لمياء” : وشوف غيرها…
عصام”حدر عينيه” : شفت غيرها…نگول تاهي ماكتابتش ولا نگول مابغاتش يكتاب ولا ماعرفت ماندير…
المحجوب”باستغراب” : هضرتي فشي وحدة ثاني ؟!
عصام”حرك راسو” : تعرفها ابا تعرفها…
المحجوب : شكون ؟
عصام”كيلعب بسوارت طوموبيل بين صباعو…كيشوف فيهم وكيهضر..” : بنت مي فاطنة الي حدانا…
المحجوب”كمش حجبانو” : واش صافا (صفاء) صاحبة ختك..”كيقوليه ختك عادي بغى مابغاش نطح راسك مع الحايط”..وعلاش ماكتابش مابغاتش ؟
عصام : شرطات ابا شرطات…وشرطها بلا مايحتاج نعلمك بيه عارف اش كاين…
المحجوب : وامابان ليا عرف نعرف…هي صاحبة فرح بزاف وحسب ختها كااع…وراها ديما تمشي عندها تشوفها…وكانت معانا فتارودانت اكثر من سيمانتين(اسبوعين)..”توقف على الكلام كيتفكر وهو يدور عندو” ولاكون شرطات تصالح مع ختك ؟
عصام”عض شنايفو بدون مايجاوب”
المحجوب : بنت الناس اعصام بنت الناس وقليل هذا الى ما گلنا مكاينش بحالها…ماتصيبش تقبل ونتوما مفرتكين شملكم..”شافو ساكت هاد المرة على غير العادة…ماردش عليه ب ولو كلمة وهنا واخا استغرب لقاها فرصة يكمليه الهضرة.” حتى لامتى تبقاو هك لامتى شي فالشرق وشي فالغرب والي وسطكم ماعارف فين يتلي براسو معاكم(على فوزي)لا تزيدش ضحك فيكم ناس وماتزيدش تكثر على صحتك…راني كنشوفيك غادي لور لور وجهك مابقى كي ناس وهضرتك ولات قليلة والسهو دا بلاصة فحياتك…نهاى وماطال ونتا ساهي وتفكر…لوح عليك الحمل والجبل الي هاز وهبط كواريك راك غانتا الي كاتمرمد.. وداك بوكم الله يگطعو…اش باغي ليكم غالشتات عمرو يبغيكم بالخير وعمرو يشوفكم بالخير ولا يحوزكم…على نهار مشات مك لحد ساعة شفتيه جامعكم حداه ؟ ماكاين غا خلي عليا نخلي عليك من عندو…شكون الي هز جبال فوگ كتافو وجمع دوك دراري وديك اللحيمة الي تحطت بين ايديك من غيرك نتا…
عصام”بمجرد ما سمع جملة لحيمة تحطت بين ايديك العقل رجع من جديد تلقائيا لذاك اليوم…اليوم الي عمرو ينساه…صوت اذان الفجر مزال كيوذن فوذنيه…حل عينيه على صوت غواتها كاااسر دنيا…باغيا ترضع ناض من فراشو كايحك فعويناتو وهو تابع صوت ختو حتى وصل لبيت وطل على مو..لقاها جالسة مربعة فوق الناموسية وكتمشي وتجي بضهرها..كاتسمع فبنتها الي الفك تحتي ديالها كايترعد بالغوات ووجهها تجيف…
حليمة : ممممم اممممم اهى اهى…وكلت فيك الله..واااكلت فيك الله والله ياخذ فيك الحااااق باغيهم يتعداو عليا وانا نفيسة باغيهم يتعداااو علياااا وانا كنرضع ومزاال زايد اهى اهى…وااااا ربيييي اهى اهى…
عصام : مي…
حليمة”توقفات وشافت فيه” : اجي هز عليا ختك..
عصام : بغات ترضع امي…
حليمة”جبدات تريكوها من صدرها وخبطاتو” : مشاااااا هربووه ليا مشاااا حليبي مابقى نافع…هز عليا ختك صدعتني فراسي هززز..اهى اهى”دارت ايديها على راسها مااستحملتش داك الصداع ديال بنتها كتغوت ميتة بجوع…”
عصام”مشى ليها وهزها لقاها تاللباس ماملبساه ليها كي ناس غير ضوني وتسرويلة(ليكوش التقليدية) وملوية فايزار..خشاها فحضنو كتبكي وترعد مزال رويسها كيلولب حيث عاد عندها شهرين…بقات تغوت تا ولات فايتة لغوات لهيه كتحسي بيها تفقصت وهو كيراري بيها ويدور مالقى مايدير ليها وهو يمشي عند مو” : مي را فيها جوع بزاف..فين الحليب نشربو ليها وتسكت…
حليمة”خرجات فيه عينيها بالفقصة” : فين الحليب فييييييين”جهدات صوتها تا قفز وزاد خشا ختو فصدرو” باش غانجيب ليها الحليييييب بااااش بهاد القهرة الي معيشنا فيها ؟
عصام”على نيتو” : عيطي لبا جدي يتقدا لينا…
حليمة : باك جدك ؟! هههه”تسمع صوت الباب تحل وهو يتم داخل الحايط يضربو لاخور…”
المخنتر : اديك المراة فينك !!
حليمة”الصمت”
عصام”كيحاول يسكت ختو باش متصدعوش ويدير ليها شي حاجة وهي والو عقلها بغا يخرج”
وصل لعندهم حتى وقف لقاه كيراري بختو الي كاسرة دنيا وحليمة ناضت من فراشها وعينيها كل عين قداش…وقف كيشوف فيه ويشوف فيها وعينيه حمريييين بالشراب…
المخنتر : سكت عليا ديك الحرايمية.نتااا …
حليمة : اش بغيتي تاني عندهم !؟
المخنتر : مال هاد الملگطة(اللقيطة) اش باغيا…
حليمة : باغيا الحليب باغيا متاكل المجوعنا القاهرنا باغيا تشبع..نگول انا نصبر وهاد ولادك الي ماخليتي ليهم مايعمرو فكرشهم ماهما كي گرانهم ماهما كي الي ماعندهم…اش باغي ؟
المخنتر : وشكون يضمن ليا هادو ولادي وهاد الحرايمية بنتي..
حليمة”خرجات عينيها حتى ناضت وهي طير شنقت عليه” : كيفاش ماشي ولادك ؟ وولاد من ولااااااااااااااد من اعدو الله ولاااااد من ؟
المخنتر”شدها من ايديها ودفعها بجهد تا طاحت فلارض” : كبرتي وليتي تمدي عليا ايديك ؟
حليمة : كان عليا نديرها من شحال هادي..حيث عمري حملتك وعمري بغيتك جوجوني ليك حساب لينا راجل كي رجال…حساب لبا راك من رجالة الي يحلفو بيهم ساعاك صدقتي رعواني وشماتة مدخل على مرتو الدكورة كون ما الله كون تعداو عليا…الله ياخذ فيك الحق العيفة جيفة الله ياخذ فيك الحق…
وطبعا ك اي واحد شماتة بصح فحالو غايسمع ديك الهضرة وغادي يبين على الرجلة الي هو فاهمها غلط والي هي العن…ف حيد سمطة من سروالو وهزها تا هزها وشحط تا غوتات لربي الي خلقها…عصام شاف ختو صقلت ومشى كيجري بيها لعند فوزي الي ناض وسمع الغوات وتخشى ليه تحت باطو فرح هنا وهو هنا وامهم غواتها كايتسمع تالعندهم كل غوتة كتولي فحال طنين الي حتى تقطع حسها…خلاها جرتييييلة دماياتها بانو فالبيجامة ودفل عليها وخرج من البيت داز من حداهم كينهج…خرج من الدار وخلاها مرمية..عصام مالقى مايدير طل على ختو لقاها نعست بجوعها…تكا وتكاها حداه وتحاز ليه فوزي لصق ليه على ضهرو…ماهضر ماتكلم بغا غير يطل عليها ماقدرش تا بدا يسمع الانين ديالها وعينيه كيتغمضو طبيعي كيبقى طفل ماغاديش يهز الهم ويسهر…ماعقل حتى سمع صوت التقرقيب حل عينيه طل على فرح لقاها مزال ناعسة غطاها وناض مشا لبيت كايطل لقى مو كاتجمع فحوايجها واحد الايد مبلوكية ليها…غير هازاها وتعاون بالايد لاخرى خسات فالصاك وهزات شي فلوس من الماريو وهب تم حارجة تالقاتو عند الباب”
حليمة : سير نعس فبلاصتك..
عصام : فين غاديا…
حليمة : لجايحة الي ضربني وتهنيني ..سير رجع نعس ومادورش وراك ماتشوفش جيهتي…سير انا ماني مك ماني والداك…سيرو بقاو مع بوكم والى ماگديتيش سير عند جدك الي هو با…انا مرجوعي فبلادي بولادي يسميوني هجالة..وتاحد مايرحمني فيا فيا “هزات صاكها وتمات غاديا تا شدها عصام من ايدها الي ضاراها بغير قصد تا غوتت”
عصام : عافاك ماتمشيش وتخلينا عافاك امي”عينيه غرغرو بالدموع وهو كايطلب فيها..”
حليمة”بعداتو عليها” : مابقى عندي فين نبقى معاكم وماعندي فين نديكم معايا..مابقيت بغيت هاد العيشة..تعذبت تا گنفت(تنفخت زعما مابقى ليها فين)…
تسمع صوت فرح ثاني كتبكي تا بدات تكسيري باغيا غير ترضع هي ماباغيا والو…حاولات تسد وذنيها وغوات بنتها كاااسر…
حليمة : سكتها عليا سكتهاااا…
عصام”مشى لعندها وهزها بين ايديه وتم غادي بيها لعندها باش تسكتها عالله وعسى تحن وماتمشيش عليهم…” : بغات ترضع امي..”حطها ليها فوق حجرها دنيا برررد وماملبساها والو فقط داكشي الي ذكرت..عقلها بغى يخرج وغواتها كسر ليها وذنيها…هزتها من حجرها وحطتها فوق ناموسية مشافتش بالي حطتها على الحافة”
حليمة : مابقيت قادة عليكم بلا هادي”شيرت لفرح” الي كتاب عليا المكتاب وهزيتها فكرشي..ماطاحت ليا مابغيتو طيحو ليا…نتا لول حملت بيك ومابغيتيش طيحي ليا ماخليت ماشربت عليك مابغيتيش طيحي”كتقوليه هادشي هو كيسمع وعاقل لكن باش يفهم طيح ليا مافهمهاش تا كبر” خوك لاخور… هادي….عمري بغيتكم ولا حملتكم (يعلم الله واش كتقولها بلعاني باش مايتعلقوش بيها ولا وصلات لاوج النفسية المحطمة والاكتئاب حتى قالت هكاك…ولا بصح المهم كلام خارج منها كي السم على وذنين عصام) تقهرت بيكم وبلا بيكم كل نهار عصى وتعدي كل نهار جوع وقهرة”جرات الكول ديال جلابتها وهي تنوض من الناموسية بجهد تهزت الناموسية بديك النوضة ديالها وتحطت حيث فيها رسولات تكركبت فرح تا تسمعت زدو ضربت لعصام فوذنيه وهي تصقر…”
عصام”غوت لربي الي حلقو تا نزلو دموعو يجرييييو” : فرااااااااااااااح لاااااا…
حليمة”كانت غاديا وهي دور لقاتو هزها كيقلب فيها وشاف فيها وهو كيتنخصص ميت بالخلعة حساب ليه ماتت…شاف فيها بدموعو وشافت فيه وكانت اخر نضرة عليها دورات وجهها ومشات…بدون رحمة منها انها تشوف بنتها الي طيحات اش بيها بدون ماتعقل على ولدها الي سمماتو بابشع الجمل الي عقل عليهم ومافهمهم حتى كبر…”
عصام”جدو كيهضر حداه وهو حادر عينيه تا نزلو جوج دميعات كيجرييييييييو تلاقاو ليه عند راس منخرو”
قبل مايشوفو جدو دور وجهو لهيه تا مسح عينيه الي ماحسش امتى نزلو دوك الدميعات الي خانوه…بقى كيشوف فالفدان(الارض) خدامين فيها الفلاحة على قدم وساق بحكم وقيتة الزيتون والزيت ولان المحجوب داير مساحة مهمة لشجيرات الزيتون ف ولابد ما يوقف على هادشي وخا مابقاتش صحتو كيف كانت من بعد المرضة الاخيرة….هو كيهضر وعصام كيشوف حتى حس بعينيه رجعو عاديين وقبل مايدور نطق المحجوب…
المحجوب : لا تخبيشاااي ضعفك اعصام…ماشي عيب توجع وتصيح…وخا تگول انا راجل الراجل بفعالو وبصبرو وليني لا فات الصبر لهيه را تولي فوق طاگة(طاقة) والانسان مهما كان راجل ولا مراة را بني ادم عبد ضعيف..من غير هادشي راك كتسابق مع الله سبحانه وهادشي را معصية…لا نزلو دموعك ماتگولش خانوك گول بغاو ينفسو عليك…راهم وفيين ليك مابغاوكش تفوت على صحتك…سبقوك عالله وعسى تفهم راسك وتقول هنا وبراكة من النفخة والنفس الحارة الي فايتة الحد حتى رجعت على مولاها بالغبن والمرض…مكاين الي يحس بيك من غير راسك وماكاين الي يتمرمد من غير صحتك…
عصام”ضار شاف فيه بصدمة..امتى شافو بكى” ..
المحجوب : ماتشوف فيا ديك الشوفة…ايه هضرت معاك وشفت الدمعات الي خرجو را گلت ليك كثرتي من السهو بزاااف..وهادشي ماشي فصالحك وسمع مني هاد المرة راك مكرفص اعصام وفتي التكرفيص لهيه…
عصام”مالقى مايقول فعلا تهد ليه حيلو بكثرة التفكير فالماضي ” : مالخاطريش ابا…كثر عليا التفكير فالي فات…
المحجوب : القديم ولا جديد…
عصام”هز راسو كيشوف فنقطة بعيدة ونطق من بعد تنهيدة خرجات انفاس سخونة من فوهة براكين منفاجرة فيه لداخل.” : الجديد نوض عليا القديم…
المحجوب : الجديد هو الي خلاك تنسى القديم…عوض عليك وعمر عليك…نهار كان الشمل مجموع ومكان خاصكم خير..علاش ؟ حيث كنتي غا مشرع عليهم جناحك وماعطيتيهمش فين يطلو عليك من تحت ريشك…فهم المعنى الي غانعطيك ولا نشرح ليك بلا عقدة…”حرك ليه راسو” كنتي تشوف اش خاصهم ربيتيهم على مانخصصكم من والو تاكلو تشربو تقراو تكساو…ربيتيهم على النقص الي شفتي وعشتي سوى من الاخوة سوا من الواليدين…عينيك تعماو على شنو نتا خاصك معاهم..تعماو بسباب القديم بكثرة ما فكرتي فيه ولا سمن حايل نوض الخز فيك…حل عينيك وشوف بغيتي !؟
عصام : مابغيت منهم والو بغيت غا يكونو مرتاحين ماتخصهم تاحاجة…
المحجوب : وسمعتي منهم !؟ سولتيهم ؟!
عصام : مايحتاجش نسول…
المحجوب : ها العقدة بانت”دور عصام وجهو كيشوف فيه باستفسار”عاود هضرتك ديال دابا وشوف العقدة فين كاينة وحل عقلك معايا…نحلو المشكيل…
عصام”حرك ليه راسو وعاود هضرتو” : مايحتاجش نسول ؟؟…
المحجوب : شفتي هاد مايحتاجش وبلا ولا هي اش ؟ هي راك مسيرهم وماعاطيهمش فين يهضرو يگولو اش بغاو اش ضرهم..عاطيهم كلشي ومحيد ليهم كلشي…دايرين بحسابك حاميهم من الدنيا وماحاميهمش من راسك والجهد الي فيك…ميتين عليك وهاربين منك…ماكنتيش معاهم ب مسالة خوذ وعطي وكيف كيگولو الاخذ والرد…وباش نجيك نيشان ماعمرك تحاورتي معاهم… هذا علاش قلة الحوار الى ماگلنا منعادمة عندك… لو كنتي تسمع وتسول كانو يعاودو ليك…لو كنتي تگول اش ضارك واش الي ماتبغيش بلاصة ما كلمة جوج تنوض تسوط فعباد الله ولا ضارب ولا ضرب…ماكنتي توصل لهادشي وماكان بنادم يغلط فيك…ماعمرك تحاورتي مع راسك نتا براسك..اش تعلمتي من القديم ؟…
عصام”الصمت”
المحجوب : تعلمتي من القديم تعمر النقص الي كان وماتعلمتيش تعمر النقص الكبير اولدي وهو سباب المشاكيل القديمة والي منها انا نيت تگدمت وكنت السباب تا وصلات مك لدوك المواصل مع بوك ومعاكم تا وصلتي لهنا…
عصام : القهرة التكرفيص الضر..ب..الجوع…
المحجوب : هادشي لو كان فراسي ديك الوقت ؟ واهليييي كون طلگتها من بوك…مك المشكيل الي فيها خرج فيك نتا..نتا ماديتي من بوك والو ديتي من مك وطبعها…وطبعها هو الي وصلها لهادشي…ووصلك تانتا…
عصام”عقد غوباتشو تا بانو العروق فنواضرو”: ماعندي مانشبه فيها…
المحجوب : شبهتييي والي عطا الله عطاه”ضار عصام مخنزر ماحمللللش يقولييييييه كاشتبه لمك…” بلا ماتشوف فيا ديك الشوفة…هاحنا داوييين عليه…جيتي تشكي گلتي ضاقت بيك الدنيا…لا تخليهاش ضيق بيك وسمع مني وحل العقدة الي گلت ليك…العقدة اولدي هي الي ف مك وفيك …كاتسكتو على ما يصيبكم وتسكتو على المضرة الي فيكم…كون زدتي شوي دير مادارت مك…
عصام : جيت نشكي عليك ضيقي ابا…
المحجوب : ضيقك نفكوه…سمع وفهم…وسول وتحاور بدا بالصعيب…انا گلت ليك المعقول على ماداز عليا مانبغيهش يتعاود معاك…عطيتك القاصح…والقاصح حسن من كذاب….
دخلات البيت مالقات والو الطابلة خاوية ضارت هنا وهنا وخرجات بغات دق عليه خافت يكون عريان ولا شي حاجة ومشات الصالون مالقات والو…يلاه غادور حتى سمعات صوت واحد البنية قفزت لكن سرعان ما اتداركت وهي دور لقاتها نفس البنت الي دخلات مع تاجة الامس حطات ليهم الغذا…
هي : خالتي الفطور را حطيناه فالجردة…
فرح”تبسمات خفيف وهي تحرك ليها راسها..” : شكون كاين برا ؟
هي : كاينة غير انا ميمة تاجة مشات تحمي ليك الحمام…
فرح : اه واخا…”دورات راسها جيهة البيت ورجعات تمشات خارجة لجردة غاديا ومكمشو فطراف البيجامة…حتى خرجات وهي تلقى طابلة وضايرين بيها مخيدات فحال بوفات فحال فوطويات صغار فين يجلسو وحداها صينية بالرجلين فيها براد اتاي وحداه بريق طويل خارج منو الدخان…والطابلة معمرة بالفطور البلدي…الخبز باقي يفرفر بالسخونية…وطبسيل زيتون اسود مشرمل غييير بالربيع وتومة والكمون والهريسة…وطويجين ديال زيت البلدية خضرررااا…العسل الحر والزبدة البلدية وحتى طاجين صغير السمن…وزيتون مسلالة(الاخضر مشقوق)..وبيض بلدي مصلوق..الى اخره من الفطور الي يفتح النفس بالاضافة الى فطور زين الدين الي فيه زبدة دايبة مع زعتر ومقلة الاومليط بالخليع…جلسات فدوك الجليسات وريحة البادية كتعطي شي حاجة الي كتفتح النفس وتنعش القلب وتخلي المهموم رتاح كاتحيد منك العيا وتمتص منك الطاقة السلبية…بقات كتشوف فالفطور كان كيشهي وفالجردة كانت كتسحر…اصوات البادية كاتسمع…الناس فايقة من ورا الفجر لاعمالها والنسا لشقاها…والولاد موجدين يمشيو لقرايتهم…مدات ايديها لدراعها كتحك فيه جاها البرد والكحبة بدات كتسخن فحلقها حتى بداات تكحب وتكحب وتكحب تا تمدت ليها ايد هازة غراف ديال الطين مزوق بالقطران فيها الما دورات راسها تشوف حتى قفزت وتمت راجعة باللور…
تاجة : شدي شربي رطبي حلقك ولا تخافيش ماعندي ماندير بيك ناكلك…
فرح”شافت فيها وصرطت ريقها”
تاجة : شدي ماتخليش ايدي ممدودة راني عيانة..لا تكونيش قليلة الصواب…
فرح”مدات ايدها كترعد شداتو من عندها وشربات وعينيها كيتهزو ليها شربت غا شوية بزز وهي تحطو ونطقات بصوت منخفض” : ش شش شكرا…
تاجة : الحمام راني گديتو ليك(سخناتو) الوقت الي بغيتي تعومي علميني باش نجي نحك ليك ولا نرسليك سامية…
فرح : ب ببلاش انا كنحك راسي…
تاجة : تحك ليك ضهرك…
فرح. : ص صافي واخا رسلي ليا غير البنت…
تاجة”حركات ليها راسها” : ياكما خاصك شي حنة ولا تبريمة..
فرح”حركت راسها بالنفي” : لا لا شكرا…
تاجة : ونتي عروسة جديدة خاصك تقومي بحالتك وتنقي ذاتك لراجلك…وخا زينة وبيوضة ماشي عيب ديري هادشي…ونتي عروسة وشتك ما ناقشة ايديك ولا رجليك ؟!
فرح : مابغيتش الحنة ماعنديش ليها الخاطر…
تاجة”بقات كتشوف فيها كيفاش قالتها بطريقة ديال شي وحدة حااازنة..” : بنتي نگوليك المعقول وسمعي مني لا تشوفينيش هاكا قويصحة ومغوبشة…الزمان ابنتي الي قصحني وبني ادم الي غوبشني…وليني هادشي ممسلكش مع كلشي…شي فتحي ليه بشاشتك وشي غوبشي فيه وديما خلي قلبك بيض وسعدك بيض ولا ترديش الحاجة زينة..الحنة زينة جايا من الجنة..وماعرفتي تحني يحن عليك الله ماعمرك تگولي على الحنة لا..نتي عروسة وجديدة. والعروسة خاصها تكون محنية ومكحلة عينيها… ومزينة لزمانها ومفرحاه بصورتها الزينة…درتو العرس ؟
فرح”حركات راسها بالنفي”
تاجة : ماناوينش ؟
فرح : لا مابغيتوش…
تاجة : كاين شي بنت الناس ماكتبغيش العرس..ومعامن مع زين الدين الي يتلاهفو عليه بنات الناس سوى الي يعرفوه ولا الي باغين فحالو…ماتجريش على سعدك وخليه بيض..مابغيتش العرس من حقك وليني ابنتي خلي وجهك ضاحك وخليك ديما ضاحكة والي قلقاتك ماطوليش فيها وماتشديش فخاطرك بزاف…غاتگولي منين عرفت ؟ را من وجهك باين العربون..البنت الي شفت فالقهوة فالكلينيك ماشي هي الي كنشوف قدامي دابا…ااايييه عقلت عليك وعلاش الي مانعقل عليك وزين الدين كان يوصيني عليك ديك الوقت…شي مرات نهضت ولا تنفخت ؟ هاديك طبيعة فيا وليني لا احتاجيتيني انا معاك ومامفوتكش…
فرح”حسات بكلامها زوين عكس وجهها المغوبش..بدات كطلق فالبشرة وتسمع ليها”
تاجة : هضرتي لا جاتك قاصحة عندي نيشان ابنتي گولي طبيعة گولي الي گلتي حسبيها نيشان ومعقول والمعقول را ماكيبغيه حد..النص كايجيه قاصح والنص لاخور كيبان ليه قلة احترام واداب كيف كيگولو…والي فاهمني بحال ولدي زين الدين ماعندو مشكيل…لو عرف فيا قلة النية والمعقول مكانش يجيبني هنا ويرجعني لبلادي ويخدمني فهاد الفيرما ونوجد ليك الدار والحمام..لو كانت بلاصتي بعيييدة ولا يعطيني جوج ريالات وهاهي صدقة منو والله يكثر خيرو ويجازيه…
فرح”تبسمات ليها…ومشات بقات جالسة فرح …حتى تحطات مانطة صغيرة على كتافها دورها ليها على صدرها باش تحس بالدفء وريحتو وصلاها وايديه استقرو فوق كتافها وشفايفو على فروة راسها..”
فرح”قبل راسها وجلس حداها داير طاقية الخيط على راسو عينيه حمريين بالدوش..شافت فيه ” : بالصحة…
سماو الله وبداو الفطور…وكيف العادة مد ايدو بغا يكب ليها كاسها وهي تحبسو وكبات هي وكبات ليه هو لول قهوته…شرب حتى رد راسو لبلاصتو وهي بدات كتفطر… رجع تاهو فطر..فجو زوييين هواء طبيعي نقي ودنيا خضرة واخا قرب فصل الشتاء نضرا لسقي المستمر لهاد الجردة…جلسة كانت زوييينة تفتح النفس…
زين الدين”شعل الكارو حيث مادام فالهواء الطلق ماغاتوصلهاش الريحة بزاف..كيكمي ويشرب فالكاس الثاني ديال القهوة منغم بيها مع السيجارة وكيشوف فالنواحي ديال جردة..حتى ضار لقاها تاهي كتشرب كاسها وتشوف ومرة مرة تكحب..مد ايدو هز السيرو وعطاه ليها” : شدي شربي منو…
فرح”شداتو من عندو شربات منو ورجع غطاها مزيان” : اففف..احم..”رجعت شافت فالجردة” دوات معايا مي تاجة …
زين الدين”ضار شاف فيها هاز حاجبو” : مي تاجة ؟ صافي نزل الغشا الي بيناتكم ؟
فرح”ضحكت بخجل” : هههه ا شوية…
زين الدين : ماشي مشكيل.. شوية بشوية…”رجع كيكمي وكيشوف فالجردة والنواحي ديالها…ومن بعيد بان ليه مجيد هو وواحد راجل جارين واحد الخروف صردي مليييح مدخلينو لكوري الي مزال خاوي…سهى فيهم حتى نطقات”
فرح : زوين هنا عجبني…
زين الدين”ضار عندها” : مرتاحة زعما نبقاو نجيو هنا بزاف ؟
فرح”حركات راسها بكل فرح” : اه فينما كان عندك وقت نجيو…
زين الدين”كيجبد فتيليفونو من جيبو وكيهضر” : ان شاء الله…الله اودي..”قرب حداها تالصق معاها ودور ايديه عنقها وجرها تكا راسها على كتفو عند بالها غير بغى يتكيها عليه ولفات هاد القضية حتى بان ليها داز الكاميرا وقابلها معاهم صور صورة سيلفي الاولى وثانية” : نغميني بضحكتك !!
فرح”تبسمات شوية وصور ثاني وثالثة يلاه بغا يصور وهو يدور راسو على غفلة تحنى باسها فشنيفاتها بسرعة التاقط ليهم صورة بهاد الشكل الرومانسي خلاها كتبرق فعينيها…”
زين الدين”ناض وقف كيسوس فايديه حتى تمات جايا تاجة”
تاجة : نوضي تعومي…كتسنايه يبرد…
فرح”وقفات بزربة شافت فزين الدين ورجعات شافت فيها” : احم واخا…
تاجة : لا جامعة شي حوايج جيبيهم دخليهم معاك…
حركات ليها راسها وهي دور تاجة مشات شافت فزين الدين الي علمها بالي غايمشي عند هادوك لكوري وهي دخلات البيت مشات نيشان لفاليز هزات منها واحد بيجامة دافية ديال بخيماغك الي خذا ليها وهزات الملابس الداخلية كانت غاتمشي لماعن الي جابت معاها حتى شافت دوك البخودوي الي خذا ليها هزات منهم الباك ديال فيكتوريا سيكريت الي حمقتها ريحتها…وهزات لاتخوس الي فيها شامبو…جمعات داكشي فصويك صغير محطوط تما وهزات بينوار باقي جديد كتحس براسها مسخة بزاااف وخا كدوش لكن مع ليغيگل كتخرج ليها السموم الي فالجسم الشي الي كيخليها تحس براسها مسخة….جمعات شعرها بقراصة وهي تخرج مع خرجت لقات تاجة كتسناها فالباب لوراني شيرت ليها باش تبعها وبالفعل تبعتها تا وقفت عند واحد البيت فيه قبة فالسقف..حلات ليها الباب وهي تجي سامية هي ديك البنية هضرات معاها قبل ..
تاجة : هاهي تعاونك…
فرح : ب بلاش امي تاجة منعذبهاش انا كندير كلشي راسي..
تاجة : لواه لواه راك عروسة وزيارة عندنا…را هي الي بغات تعاونك گالت ليك عجبتيها ودخلتي ليها الخاطر ..والعجب هذا..”بطنز”
فرح”حاسة بتاجة هي الي علمات زين الدين طنز ههه” : اه ..ههه”شافت فسامية” حتى هي عجباتني زوينة تبارك الله…
حدرت راسها ودخلات لحمام كان فيه بلاصة صغيرة فين تحط الحوايج وتلبس ولداخل بيت صغير سخون فين تعوم دخلن ديالو كايخرج تبعتها البنت لقاتها معمرة ليها السطل وحاطة ليها زلافة النحاس صابون بلدي مخلطة فيه التبريمة والعكر الفاسي…الحمام فيه فايونص عادي مضروب حتى لسقف كيندي بالما نضرا لسخونية والفوار…
سامية : هاهو كلشي هنا اخالتي الى خصاتك شي حاجة انا برا عيطي ليا…
فرح : واخا شكرا..”بابتسامة”
خرجات البنت وهي بقات واقفة كتشوف ماكاينش ماحسن من النقا العومان وخصوصا بالطريقة المغربية ديالنا…حيدات حوايجها ودخلات لداخل جلسات سمات الله وبدات تخوي عليها فالما سخووون تا حسات بالتبوريييشة وواحد راحة بقات تخوي وتعاود تا خوات سطل دارتو يعمر وهي تهز صابون بدات تطلي فيه وهي تشم الريحة ديال تبريمة واللون حمر فلحمها غمضات عينيها عرفتها دارت ليها الي فراسها…مالقات مادير استسلمت وهي تكمل..جلسات شوية وبدات الحكان نعام اسيدي كيخرج منها الشعرية المغربية وصينية وحتى نودلز هههه كاتحك وتعاود تا حسات بالسخفة وهي دخل سامية حيث تسناتها تعيط ليها ماعيطاتش…
سامية : انحك ليك ضهرك اخالتي…
فرح”كتنهج” : و واخا…
سامية”تبسمات ومشات تحك ليها ضهرها…فهاد اللحضة كان زين الدين واقف على الگزار كيسلخ فداك الحولي الي ذبحو زين الدين بنفسو…كملو وحطو ليه الدوارة…
مجيد : هي نوجد ليك ديك الشواية الي بغيتي ؟
زين الدين”بدا كيصوني ليه التيليفون كيجبد فيه ويهضر” : دير شنو وصيتك والباقي عليا”خلاه ومشا بعد حتى شاف شكون كيتاصل ماعرفش النمرة هو فالعادي نمرتو الخاصة مكايجاوبش بيها على نمرة ممعروفاش لطن هاد النمرة ديال الخدمة كيجاوب كلشي…طلق الخط وتسنى الجواب حتى نطقات بصوتها الانثوي لكن هاد المرة كان عيان”
ميثاء : دكتور زين…انا ميثاء
زين الدين : البغدادي هذا…
ميثاء: اعتذر منك”كتنهج” ممكن تتاجل العملية؟!
زين الدين: شنو المشكيل؟
ميثاء: عمتي توفت وانا الحين بالمطار رايحة…
زين الدين. : عضم الله اجركم…
ميثاء : احسن الله عزاك…مشكور يا دكتور زين الدين…على العموم بحتشي بعدين مع دكتور علي ان شاء الله….
قطع معاها ودخل لدار لقاها خاوية عرفها بالي باقي ماخرجاتش من الحمام…دخل البيت ودار التيليفون يتشارجا ومشا لدوش غسل ايديه وعقمهم وهو يخرج حتى لقى الفاليز محلولة…يلاه غايمشي ليها وهو يصوني ليه التيليفون…طل عليه لقاه علي…
زين الدين : الحاج برزطتيني…
علي : طالما انا على قيد الحياة لن تنجو مني…
زين الدين : الله اودي..تبليت…
علي : ههههه…المهم را قطعت ليك بعد غذا مع الربعة ديال الصباح…
زين الدين”خرج عينيه” : نعااام ؟
علي : مالك اش بغيتي ياكما باغي تال عام جاي ؟
زين الدين”دوز ايدو على وجهو ولحيتو بتعب ونفاذ صبر” : مشكيلة هادي الحاج…بيني وبينك هاد المشية ماجاتنيش على الگانة…
علي : ايوى ماعندك مادير…وزايدون را غير يومين ا زين الدين من هنا لسبت تكون فدارك حدا مرتك…
زين الدين : واخا واخا..غذا فالعشية نكونو تما بحول الله وديك ساعة نشوف شنو ندير وصافي..”قطع معاه بقى كيشوف فالتيليفون ويفكر شنو يدير ما شنو يدير ؟ ماعندو مايدير سوى انه يواصل عادي لانه سواء ليوم او غذا را غايمشي يسافر لاي بلاصة خدمتو هي هادي ومشاغيلو خاص يوقف عليهم…حط التليفون وتلاح فوق الناموسية دار دراعو على عينيه حتى دور وجهو…
فهاد اللحظة كملات شعرها بالغسيل ودارت على ذاتها الباندوش الي ريحتو كتحمق…تشللات وهي توضى من ليغيگل..وجهها حمررر بالسخونية تشللات وعاودت وهي تهز البينوار الي علقاتو ليها سامية لبساتو ووجهها كيقطر بالما دارت الفوطة على شعرها لواتها ودارت فوقها القب ديال البينوار خشات رجليها فبانطوفة تاع الفوطة وهي تخرج البيت الي تما دورات راسها لصاك لقاتو محلول ماداتهاش فيه قالت تكون سامية الي حلاتو وجدات ليها حوايجها…جلسات كتنهج حاسة بالسخفة ماقدراتش حتى تم ايديها تجبد الحوايج ولا برودوي تجربو كانت غادير بالناقص…حطات راسها على الحايط كتنهج منخرها حمررر وفمها…بقات كتنهج تاحسات براسها شوية وهي دور بدات تشوف فالحوايج مشات لملابس داخلية حتى جبدات لونسومبل ديال الباندة خرجات عينيها على جهدهم”
فرح : اويلي هادو شكون حطهم ؟”دورات راسها جيهة الباب ورجعت شافت فيهم وهي تكي راسها على الحايط” اويلي امتى دخل…
بقات جالسة كتشوف فيهم وهما كيشوفو فيها…هما فالصراحة عجبوها ماتنكرش وفنفس الوقت جابو ليها الضحك…الى لبستهم صدرها غايتهز كثر…بدات كتعرفو بالي اسفل السافلين منو مكاين…حساب ليها غايكون مهيب ومحتارم حتى معاها حيث عمرو مابين هاد الجانب حتى بدات تكتاشفو فهاد الاونة الاخيرة….مالقات مادير وهي توقف هزات الكيلوط وهزات رجلها لبساتو فيها وثانية يلاه غاتحدر تهزها حتى حسات بيه لصق وراها يااا خوتي راها تهزت وتحطت والى شي نهار سكت ليها القلب عرفو سبابها هاد الملعون الي ماعرفات تا امتى حل الباب ودخل واش كان صامط ليها فشي قنت العلم عند الله وعند عريض الكتاف على قولة صفاء….بغات دور وهو يحبسها بايديه جمع ليها ايديها لقدام وهو وراها ريحتها ديال باندوش حركات فيه الي مايتحرك ومع سخونيتها الي حس بيها فضهرها…ووجهو الي تخشى فعنقها بغى يجهل مع ديك الريحة ديال العومان اما هي تصرط ليها لسان ..
زين الدين”نطق بداك الصوت البح مرة مرة كيهرب ليه حيث هو بزز باش مصبر راسو” : بصحة وراحة تشيتشونا ديالي..”كيهضر وايدو كطلق من ايدها وتماااات هابطة هااابطة وهي كتفيييبري ليه بغات تحرك زير عليها” زگااااي…
فرح”كتصرط فريقها” : شنو ب بغيتي دير ؟!
زين الدين”نطق بصوت خفيييف بزز باش كتسمعيه” : كانعاون مرتي.. عيب ؟
فرح : م ماشي مشكيل انا غالبس راسي..كحكح..
زين الدين : ششش”كيهضر ويبوس فعنقها ويمشي لحناكها كاتعذبوووو ديك الرطوبية كتسااااالي معاه حتى حل فمو بغا يعضها فيهم وهو يلعن شيطان بزز باش قدر يصبر بزز باش قدر يتحكم فراسو…باغي يمشي معاها دقة بدقة…مراعي ليها ولراسو حيث لا فات حتى بداها معاها نيشان غايكرفصها بالمعقول وهي معارفة والو فهادشي ومامفقهاش تاحد مانصحها معندهاش الام وحتى فاطنة او نجية الي امها بالرضاعة مايقدرش يقوليها توريها…اللهم هو يعلمها ويربيها على ايديه….”ماتهزي هم لوالو ماتخافيش عيشي معايا اللحظة ونساي همك…
فرح”بغات غير تهضر لسانها تصرط”
زين الدين”ماهضرش بقى هابط بديك الايد وكيبوس ليها فعنقها من فوق الفوطة معندوش مشكيل هو..ماحدو هابط وهو كيتزير وهي كتنهج…تاهبط قلبها معاه وهو يخشي ايديه بين فتحة البينوار حتى ضربها ضوووو وهي تقفز ليه بين ايديه…شد ليها الكيلوط وطلعو شوييييي بسوي شوييي بشوي حتى لبسو ليها وحط ايدو فوق منو كيدي فايدو ويجيب عليه…حسات براسها غاتسخف ليه بين ايديه حناكها نملو عليها وقلبها فااات الخفقان العالي…توقف عن الحركة وهو يطيب ليها فوق فرجها…حس بيه مبطبط هههه..عض شنايفو قبل ماينطق بصوت خلا كرشها تقلب عليها وتعاود ” : ياااا سلطااانهم (سلطان طبابن هههه)
حلت فمها حتى شهقت…حركة جرييئة ماتوقعتهاش منو..وخا عارفة هاد الحركات مسألة عادية بيناتهم…حركة جديدة وجرأة مجهدة منو يحط ايدو على فرجها من فوق ويتغزل بيه…ماعرفت دور تخرج فيه عينيها ولا تبقى ضايرة وماتشوفش فيه…سكتت تا سكتت وهي دير ايديها على وجهها خباتو ونغزاتو بمرفقها لكرشو..بغات تبعدو عليها حيث صافي ماقدرتش مزال تواجهو..كتبغي تبعدو وكيزيد يزير عليها..باغيها تولف عليه وتولف على هاد الجانب الي يلاه بدات تعرف عليه…
فرح : زين الدييين حرام عليك والله تا حرام عليك…
زين الدين : علااش ؟!
فرح”غمضت عينيها” : حيد خليني نلبس راسي ..
زين الدين”حنى وجهو ولصق حنكو على حنكها” : لبسك انا ؟
فرح”بغات تبكي” : ولاااا..فففف وصاافي حرام عليك…
زين الدين : فرح..خاصك تولفي هادشي ولفي عليا معاك…ماشي خوك ماشي باك ماشي محرم عليك…راني راجلك عرضك من عرضي…مانگولش ليك حاولي تولفي واجب عليك تولفي…”باسها بجهد تا مشات وجات بين ايديه ربت ليها على كتافها” كملي شنو كديري انا لداخل…”عاود باسها” بالصحة وراحة…
خلاها كتخبط وسط حشمتها والمرگة والصدمة…غاديا وكتعرف على هاد الجانب وماحتال تولف جانب كيخرج ليها جانب اكفس هههه…تاهو مابغاش يحكر بزااااف…استمتع بديك اللحظة معاها خذا شنو بغا من داكشي الي كيعشق فيها وخرج حيث اصلا جا غير يطل عليها حيث تعطلات وفنفس الوقت بغا ياكد عليها تلبس دوك لونسومبل وتعرف راسها انه مكاين مهرب باغيهم عليها هي باغيهم…وتاهي وخا حشمت را عاجبها الحال حيث معاه كتحس بشي احاسيس جديدة وخا كيخربقها ويوثرها ويحشمها كتقول ياربي يمشي وغير كيمشي متكرهش يرجع يعاود يديرهم…غير خرج وهي دير ايديها على حناكها لقاتهم طايبييين وتبوريشة مزال شاداها…شككها وخلا الشك يسري فراسها ورجعات على سعدها ووعدها عاودت الوضوء غا بغات تحيد الشك وصافي…حسات بروحها بغات تخرج بالسخفة بالخف توضات وخرجت نشفات بزربة خافت لا يجي يحس بيها تعطلت تاني كتلبس وتنقز بكثرة مكتزرب ههههه..تا من لحمها ما ذهناتوش لبسات بيجامة موبرا دافية فالبيض والبيج فيها رسومات باندة فحال كيلوط وسوتيان الي هز ليها صدرها شوي حسات بيهم مدفيينو ليها…دارت فوطة جديدة على شعرها وخرجات هازة صاكها دخلت لدار نيشان كتقلب بعينيها مالقاتوش وهي دخل البيت حطات صاكها وخرجات مشات البيت الي فيه التلفازة وجلسات…ماعرفت مادير وهي دخل لواتساب قالت عالله وعسى تلقى ميساج فالكروب مالقات والو لحد الساعة تاواحد فيهم مادخل ملي دهشرهم تاواحد مابقى ضار بيها ههههه..بقات تشوف وعارفاهم مايهضروش الا اذا ما هضرت هي…فهاد الاونة الاخيرة مكانتش كتهضر حتى كتلقاهم هما الي هضرو او سولو ديك فرح اللولة الي كانت كتكسرهم باوديوات ميساجات كانو كيدخلو كيلقاو مية ميساج غا منها هي دابا قليييل…غا رسلت سلام بانو زراقو الشرطات وبانت صفاء كتكتب جابت ليها الضحك…
صفاء : تي شداكشي ؟!
فرح : ماتسوليش عافاك…
صفاء”مشات ليها لخاص اي محادثة خاصة ماشي فكروب” : ونسيبي صدق شدييييييد ههههههههههههه
فرح : عافاك اصفاء سكتي…حشمت بزاااف…
صفاء : اهو عاادي اصحبتي وليني مانكذبش عليك صدمني مابقيت نقدر نشوف فوجهو… وليني الذوق وستيل الي عندو واااعر هههههه….
فرح : ماعارفش را كنت كنهضر معاكم ديك الساعة…فلول عاق بيا بالي سولتكم ماعرفتش واش سمعني ولا لا..
صفاء : وعنداك يعرف بالي شفنا شي حاجة ههههه حشومة وانا كنحتارمو يا جدك غا شوفة باش نزگيها فيه مكنقدر هههه
فرح : وسيمو اصفاء تاهو سمع !!
صفاء : سيمو راك عارفاه الى عقل ليك على عشا البارح ماتقوليها لحد…
بقات كتهضر معاها حتى سمعات صوتو كيحنحن جاي حطات التيليفون..حتى دخل ومادخلش غير هكاك دخل بايديه عامرين بلاطو فيه قرعة فيها العصير ديال الحليب والبنان ولافوكا والفريز وقرعة صغيرة فيها عصير الحامض. معاها كيسان ديالها وحلوة لاكريم وصى عليها ديال شكلاط وكراميل الي كتعجبها…حطها فالطابلة وجلس مقرب ليها جرها لعندو ضمها وقبل جبهتها وحنيكاتها الي باقين حمرين من الحمام والخجل الي وقع ليها معاه…
زين الدين”حط صبعو على حنكها كيقيص فيه وعينيه فعينيها الي تلفو هنا وهنا..” : طولتي فالحمام بزاف لا ؟!
فرح : ماشي بزاف غير كان سخون…
زين الدين : سخفك ليا…”كيهضر ويدوز بصبعو على حنكها ويدوز لشفايفها الي عشق ملمسهم رطب…كتبغي تهضر كيضغط عليهم بصبعو ويدوز..حيد صبعو جات بغات تهضر وهو يحط شفايفو عليهم بقى زااااگي تا غمضت عينيها وهو ماقدرش يتحرك حيث عجبو الدفء للي فيهم…شي جوج دقايق وهو هكاك حتى حل عينيه ولقاها مغمضة عينيه وايدها حطاتها على صدرو قبطها ليها وباسها ضهر ووسط كفها..تقاد فالجلسة ومد ايدو لقرعة كب ليها عصير ديالها وجر ليها طبسيل حلوة لاكريم وهو كب ليه عصير الحامض بدون سكر”
فرح”شربات نص الكاس حسات بالشحفة والسخونية فذاتها عالله وعسى يبردها..ماعرفات ماتقول وهي تسولو” : زوين هاد العصير صايباتو مي تاجة ؟!
زين الدين”شرب من كاسو ونطق” : لا انا…جايا سخونة سخفانة من الحمام مكاينش من غيري الي يبرد مرتي”دور راسو نصف دورة وشاف بنص عين” شربي بصحتك وراحتك
“ضربها فالعرق ههههه”…
بقى عصام مع جدو طول ديك الوقت جابو ليهم الفطور فنفس البلاصة الي بقاو جالسين فيها….ومشاو كيدورو وهو كيعاود ليه هضرة تدي وهضرة تجيب…
المحجوب : انا يأست من مك من داك العام..حليمة سكوتية نهار خطب فيها بوك..كان با الله يرحمو كيعرف باه الي هو جدك التهامي الخيالي الله يواليه برحمة الله…هذا منگول واذكرو امواتكم بخير..الله يسمح ليه بمعرفتو علمني با بلي ناس الاصل ونساب زينين عندهم الخير الي يتم مايتحرق…حنا فديك الوقت الناس كتقلب على الاصل وعلى الخير فين تعيش بنتك….جا يخطب جدك لبوك فيها.. هضر مع با الله يرحمو وبا الى قال كلمتو منصيبوش نردوها فوجهو كثير شي كان راغبني يجوجها على ايدو والباقي ماشغلو فيه زعما را كانت عزيزة عندو…ماقلت والو گلت ليه الكلمة كلمتك وشوار شوارك…وهذا مايعنيش ماسولناش وماشورناهاش…نهار الي سولها خسرت عليه جوج كلمات “نتا تعرف ابا جدي” اش غايبقى لكلام ديك الوقت ؟!ملي البنت تعطيك هاد الهضرة ماتعاود غالصلاة عالنبي…ومك كان عندها ديك الوقت 18 عام ماقرات مابغات تقرا خرجات راسها من قرايتها…اش غاتبقى دير الى مادارت دارها…كتابت ليه وكان تاهو ولد لحرام حريمي من فعايلو بين راسو راه زين يدخل ببوسان ليدين ويخرج ببوسان راس…وخا هكاك خاطري مابغاه غا حشمت من جدك وكان…
عصام”مانطقش من خاطرو وانما نطق بشنو كيتفكر نطق بناءا على الذاكرة الي رجعاتو لديك الهضرة الي قالت ليه” : گالت ليك زوجوني ليه حسابنا راجل كي رجاااااال”طولها”
المحجوب : ورا هذا الي كان..علاه انا كون سولت مني راسي ولا كون بحث عليه كنت نعرف فعايلو…ناس تصابو معرفة وماصبتش نتحاشم مع با…مكانت تگول وااالي (والو) كنجيب الغلة انا وبا نجيبو ليها المقدية ديال الزيارة…ولا نعطيها فلوس وجدك فلوس…الشهر لول مزيان المشية لولة ليه لداخلة جلس ثلث شهور ورجع فالكونجي ديالو راه مزيان..حتى خرجات تولد بيك ولديك ساعة را كايبان لينا مزيان…تخاصمت معاه وجات لدارهم هضرنا معاه وصينا ودخلنا بخيط بيض وهضرت معاه رجعات ليه وكرشها لفمها بيك..تولدتي دار ليك سبوع كبييير داك الوقت فبلاد جدك لهيه كلشي حضر والبهيمة دبحت على سميتك…عصام هز عصام حط عصام…ديك الوقت كان عدو الله ديال بوك غايب ماجا تا ولات عندك شي ست شهور لحد ديك الساعة مزيان…واش مزيان ولا هي صبرت وخباتها فگلبها !!…انا هادشي الي طججها را ماعرفتو تا طجت..كون عاودت ليا كون شكات عليا كون واهليييي…كون ديك الوقت نتا كبير بعقلك كون عرفت غا منك…ونتا من صغرك وساكت…
عصام :باش نگوليك ابا ها اش بينا واش ضرنا مكنت عارف والو عاقل وباش نشكي كان عقلي ماكبيرش الي يخليني نشكي عليك…
المحجوب : ماكانت تگولياش وخا نعرف كانت تصبر وتكمدها كان ناقص عليها غيابو فشهورة الخدمة والى جا تصبر ليه لايامو تا يمشي…
عصام : المشكيل كبر ملي تزادت “هز فيه عينيه عينيه حمرييين”ملي تزادت كان غايدخل عليها “خرج عينيه وصرط الهضرة تا عروق نواضرو تنفخو…ماقدرش يقوليه را دخل عليها رجالة وهي نفيسة وتعدا عليها وهي حاملة وكانو غايتعداو عليها ويغتاصبوها وهي مثقلة..كون ما جا الله من جيهتها…”غمض عينيه وسكت كينهج ينهج.”..
“صمتك رغم أحتراق جوفك .. قوة .”
المحجوب : كمل لا تخليهاش فخاطرك اعصام كمل…
عصام”وقف وضار جيهة الفدان دار ايديه على نصو كيشوووف عينيه حمريييين شي حاجة فصدرو كتحرقو وكتلة فحلقو وااااحلة…باغي يهضر يقول يغوت لكن هاد القضية بالضبط مايقدرش يقولها وعمرو مايقولها حيث صعييييييب يقول على مو دخل عليها رجاالة وكانو غايغتاصبوها…غمض عينيه وحاول جهد جهدو يتهدن ويوجد صوته باش يهضر ومايبانش انه مقجوووج…حل عينيه وضار عند جدو” : كااااان كيضربها صباح وعشية…الجوع والقهرة..كنعيشو سيمانة بالمقدية ديالك وماباقي كتقسمو لينا مرة تعشينا وهي ماتعشا والو..مرة منتعشاوش كاملين…مرة تعطينا الخبز والما…مرة طيب لينا غذا بلا دجاج اما تا اللحم كنشوفوه من العيد لعيد…شحاااال جهد هاد بنادم شحال جهدو…
المحجوب”عينيه لمعو بسبب قطرات الدموع الي بداو يتكونو” : كاين ماكثر ؟!
عصام”طولها بواحد صوت مذبذب” : كثاااااار ابا كثاااار…”هز صبع الابهام مع صبع السبابة لاقاهم مخلي مسافة سنتمتر بيناتهم” گد هاد الگد وصبرت ابا كان ربي فرج…ماراعات لولد عندو خمس سنين ابا !؟ بنت عندها شهرين عريانا فالبرد..”هز راسو لسما..” وااااا ماشي مشكيل انا اعباد الله ماااشي مشكيل ماتديهاش فيا..دير غا بحسابهم ماعندهم لا حنين لا رحيم…لو ماكنت انا كون تلاحو فالزنقة ونتا ماجايب خبار”دارت واحد دمعة فررررر مسحها لا يقشعها جدو الي قشع كلشي ومايقدر يخبي عليه”
المحجوب : شهرين وانا قالب عليها دنيا انا وخالك منير وعبد العالي…وصلنا تال عند خالتك ماريا ففرنسا ووالو…
عصام : هدد يلوح لزنقة نعتها بالخايب شك فيها وهددنا يجري عليها… كان فيه الفم الخايب عمرو ماطبق هضرتو ومايطبقهاش لو كان يطبقها كون هي متزادتش وماولدناش…ها باش حسن منها والي خلاني صبرت وماجريتش عليه !؟ الفم ماضي ومافرطش فينا..وخا جوع والماكلة قليلة..فالبرد مغطيين وعندنا دار فين داخلين وعلى زناقي مخبيين…
المحجوب”شاف فيه” : المخنتر يكوي ويبخ ويجرح ويخليه يبرا راسو..دار شي فين يدوز شي…وتاحاجة ماتشفع ليه شي..
فهماتو شنو قصد وعلاش الي ماتفهمو وهي عشيرتها صفاء..واصلا هضرة باينة نيشان شنو قصد…هذا الله مع هاد الرجل الشخصية الجديدة الي ولات معاها هاد ليام…ماجاوباتوش حدرت راسها فالعصير تكات عليه تا حسات بحلقها رطاب وعطشها روى..حطات الكاس وعاودت هاد المرة كبات ليها حسات بيه ناقص سكريات…
فرح : سكر فيه ناقص…
زين الدين : مادرتوش بنان فريز حلاوتهم naturel كافيية..مع هاد الحلوة سي ميو مايكونش زايد تاهو بالحلاوة…
“حركات راسها وشربات ثاني منو كلات من ديك الحلوة..الصمت سيد الموقف للحظات… حط الكاس وضار عندها”
زين الدين : عيانة بغيتي ترتاحي شوي ؟”جاوبات ب لا” دونك لبسي عليك شي حاجة فوق هادي واجي خرجي معايا…
فرح : فين غانمشيو ؟
زين الدين : تشوفي الكمالة ديال الفيرما بينما وجد الغذا…مغانبقاوش هنا كاين فين نمشيو نتغذاو…”حركت راسها ناضت بغات تهز صينية حبسها مخلاهاش تهزها هزها هو وهي مشات لبيت جبدات بينوار طويل لبساتو فوق بيجامة خشات ايديها فجيابو وخرجات لقاتو كيهضر فالتيليفون غير شافها كمل وقطع عطاها دراعة تابطاتو وخرجو من الدار تمو غادييين كيوريها الفيرما…بقاو غاديين وهي كدخل فالشجر مكانتش فيرما كبيييرة بزاف حدها قدها….
فرح : عمرك ماجيتي ليها ؟!
زين الدين : ماشي بزاااف..ملي بديت الخدمة بصح ماكانش عندي الوقت كاع ملي بديت البروجي ديالي…من دبي لكازا كنجي لوقت الي يحتاجوني نيت…كنجي مرة فالعام حتى لجوج الي كنطول شوي ماباقي نهار فالسيمانة يومين فين وفين…هنا گولي شي 3 ans ماوصلتها…
فرح : شكون تكلف بيها”كتشوف فالشجر يلاه باديين كيتهلاو فيه”…ودنيا يلاه تغرس فيها من جديد…
زين الدين : ريان والحاج العلوي بات ريان..عندو فيرما هنا مرة مرة كيشوفها ويشوف شنو خاصها…فجناب هنا كان هاد السيد جارنا ومعرفة كبيييرة هو الي سلمت على باه فاش كيف جيت(كيقصد ياسين رمسيس)…الوقت الي كيسقيو كيدير لينا حقنا معاه الله يجازيه بالخير…
فرح”وصلو لعند الكوري ودخلو لقات سگيطة كيگرضو فيها” : شنو هذاك ؟
زين الدين : دبيحة على قبلك..
فرح”شافت فيه وتبسمت” : كيفاش على قبلي هههه
زين الدين : مايمكن تجي وحدة من مالين الدار جديدة ومندبحو ليها…وعروسة.وخا مزال مادرنا عرس ماعليش دبيحتك ضروري منها…
فرح”جمعت الابتسامة” : انا مابغيتش العرس مابغيت والو…
زين الدين”حاول يميك” : ضروري من دبيحة ديال العقد افرح ودبيحة ديال مجيتك عندي ولدارك..
فرح : نتا ماكتاكلش الغنمي شنو غاتاكل ؟
زين الدين : دبحنا ربعة واحد ليك كولي منو هنا ولاخور مشا صدقة وهادوك الي تما”وراها السگيطة ديال المعزي الي باقي موصلوها التگراض جوج جديان(جدي) واحد ليا مانصيبش مناكلش معاك…وثاني لمي تاجة حتى هي ديابيتيك….
فرح : ههههه هذاكشي علاش ديما معصبة هههههه
زين الدين”هز فيها حاجبو وشير لصدرو” : هي تانا معصب..
فرح”دارت ايدها على فمها مخبية ضحكتها” : هههه اه…
زين الدين : الي شفتيه مني فاش كنتعصب ماشي عصبية هاديك…الى تعصبت مانبينهاش ليك مانبغيش تخلعي…”يلاه غاتهضر وهي تجي تاجة ومعاها سامية”
تاجة : بالصحة وراحة بنتي…”شافت فزين الدين” الله يرضي عليك اولدي والله يخلف عليك…”حرك ليها راسو” هاني غانوجد ليكم هاد دوارة والگرضة ديال لحم ديال المعزي الي بغيتي…
فرح : نعاونك امي تاجة !! عافاك…
زين الدين : مابغيتيش تشوفي هنا ؟
فرح : دابا نشوفو بغيت نعاونها فهادشي عزيز عليا نصايبو…وهنا الجو زوين…
تاجة : وجه تمارة وصافي”غمزات زين الدين حرك ليها راسو وهي تمشي معاها… خلاتو كيشوووف فيها من لور تا عقد حجبانو من ترمتها الي كتلوز وخا البينوار مع خاشية ايديها فالجياب زيرت عليها تا عيط ليها”
زين الدين”نطق بشوي وركز على شفايفو باش تفهمو نسى بالي لحية والمسطاج مغطيين ليه شفايفو تا رفع صوته ونطقها بشكل ثقييييييل” : فرااااح..حيدي ايديه من جيابك وسيري…
بقى حاضيها تا حيدتهم وهي دور بقات غاديا وتقاد فاللور عرفاتو حاضيها هههه…ونيت بقى حاضيها ما فيقو غا صوت الهاتف ديال الي صونا وبسرعة جاوب حيث عارفو ملهوف على ختو يعرف اخبارها كيف ديما….
زين الدين : با فوزي…
فوزي : زين الدين لباس عليك ؟!
زين الدين”جاه نيشان” : لبااس عليها..هاد ساعة ملاهيا وناسيا شوية…
فوزي : عجبها الجو تما !!؟
زين الدين : عجبها على مابان ليا”ضار يشوفها لقاها وقفات مع سامية كيتسناو تاجة تجيب شي حاجة”اللهم لك الحمد بدينا نساو الهم ونولفو…
فوزي”بحزن” : امتى غانهضر معاها ونشوفها ؟ هادشي طول اخويا..طول بزاااف…
زين الدين”ملامحو تبدلت..كايعز عليه فوزي وكايبقى فيه الحال على الحالة الي وصلو ليها..مسد عينيه بصباعو وهبط لحيتو دوز عليها بقلة حيلة..” : ماكرهت اليوم قبل غذا”كيهضر ويشوف فيها كيفاش فرحانة وكضحك مع سامية وتقفز من مي تاجة…حتى جلسات وعطاتها تاجة البانيو ديال البصلة..” عندي مشية على برا هاد اليومين…ان شاء الله الوقت الي نجي نهضرو على الوقت الي تهضر معاها فيه نشوفو كيفاش نوجدو ليها..مابغيتش نضر ونتضر…(مابغاش يضرها خايف من ردة فعلها مع فوزي فحالة كانت سيئة غايتضر حتى فوزي وتقدر دور فزين الدين ويعاود من جديد)..
فوزي : ما احم “كحب نيت باش نضف حلقو” مابغيتش نمرض فصحتي ازين الدين…”بغصة”..مابغيتش نشوف فرح الي مكنعرفهااش ازين الدين..
كمل معاه المكالمة من بعد ما عطاه التقرير ليومي لشنو دارت طبعا مع ازالة اللقطات الخاصة بيهم…رجع التيليفون لجيبو وجبد الكارو بدا يكمي وواقف على دوك الرجال تما…حتى جاو عندو الخدامة الي غايجيو باش يكملو اصلاحات الفيرما باش يحوطها من جناب…كمل معاهم ورجع مشا لعندها لقاها جالسة حدا الطابلة تما خرجتها تاجة ومجيد تما باش يحطو عليها الغذا…
زين الدين”جلس حداها..لقى عينيها كيبكيو بالبصلة كتشلضها فايدها” : ومالك عليها ؟!
فرح : مولفتش نشلضها فوق اللوحة..
زين الدين”سمع صوت اذان الظهر” : الله اكبر .”نقر بصباعو حتى ناض” انا مشيت نتوضى وخارج نصلي فالجامع…شنو خاصك ؟!
فرح : واالو..”حرك راسو ودخل جدد الوضوء وخرج مشى على برا لجامع يصلي مع الناس وهي بقات كتشرمل معاهم اللحم وقادت تاجة دوارة وسامية شلاضة…لقات راحتها مع تاجة وخا فلول قفزات منها لكن فاش تعرفت عليها عن قرب تبدلت ليها الصورة وتاجة من الاشخاص الي جابهم زين الدين بتخطيط منو هو ويونس باش تبقى تعود على الناس اغراب والي كتكون فلول خايفة منهم حتى كيعطيوها الامان…شي حاجة يبانو لينا عاديين لكن هما الاهم فحالتها…وهادشي الي وقع ولفات عليها وعجبها الجو معاها…كملات ودخلت جددات الوضوء دارت زيف على راسها حيث شعرها باقي فازگ..وخرجات فرشات صلاية وصلات الظهر…حتى دخل ولقاها كتجمع فالصلاية…خرجات هي وياه لقى تاجة حاطة ليهم كلشي واجد خاصو غير هو يتكلف كيف وصاها…
تاجة. : يلاه ولدي بسلامة عليكم…
زين الدين”باسها فراسها” : لهلا يخطيك اميمتي..نشوفك غذا فالصباح…
فرح : علاش مغاترجعيش اليوم ؟
تاجة : ضصرتك حتى ولفتيني شفتك”بقات فرح ترمش فيها” هههه غانضحك معاك ابنتي…خليك هاد النهار مع راجلك مانبرزطوكم شاي…يلاه تهلاو اولدي…”ضارت مشات وسامية تاهي تبسمات لفرح الي شكرتها على الحكان والحمام…”
فرح”شافت فيه” : ماغايتغذاوش ؟!
زين الدين”تسمع صوت ميساج هز تيليفون كيقرا فيه كونفيرما معاهم وعطاهم لوكاليزاسيون(الموقع فين كاين)..” : عالمهم باش نبقاو وحدنا..”خشا تيليفون فجيبو وعنقها بجنب” اجي رتاحي هنا…
جلسات فالكرسي وهو مشى لشواية طويلة موقفينها الي حطو ليه تما هز واحد زويف غطسو فزلافة زيت وحطو بين الفاخر شعل بالبريكة وشعل فيه العافية…عاود واحد اخور حطو تاهو بين الفاخر وبدا ينش ورجع جلس حداها كيهضرو ويحشم فيها تا كتبغي تبكي…حتى زند الفاخر وناض حط القطبان ديال الزنان غير الكبدة…وقطبان لحم مشرمل…كينش وهي ناضت هزات المقراج الي طاب عمرات اتاي بالنعناع والعبدية الي قطفاتها من جناب وغسلتها…عمرت ليه براد مسوس ديالو وبراد ليها…”
فرح” كبات كاس وجابتو ليه تا وقفات عليه” : هاك دوز بيه هذا الي بغيتي تشعل(على الگارو)…
زين الدين : معايا فخلايا…
فرح : ههه عارفو خلاك…
زين الدين : ماعمرك فكرتي تگولي ليا شي مرة نحبس ؟!
فرح : ديما كنفكر..ماكرهتش تحبسو…ولكن فنفس الوقت منقدرش نبززك على شي حاجة نتا كديرها من شحال هادي..ماعرفتش حتى امتى بديتيه…
زين الدين : ملي وليت ديابيتيك…صبري ولا قل من العادي…گولي كيعاوني ويضرني…
فرح : مايمكنش تنقص منو ؟!
زين الدين : فالعادي كنكمي جوج فالنهار والى كان راسي مبرزط بشي حاجة وعقلي خدام فحاجات كنكثر منو..معاوني وصافي…الله يعفو…
فرح”ركزات فهضرتو” : اشنو الي مبرزطك ؟! واقعة شي حاجة ؟
زين الدين”حرك راسو ب لا” : ماشي شي حاجة مبرزط بالخدمة…
فرح : وعلاش جينا الى عندك الخدمة ؟
زين الدين : الخدمة تابعاني سوى جلست سوى بعدت…الحالة ديال ديك السيدة الي من دبي مزال مطولة شوية…
فرح”خرجت عينيها” : كيفاش مطولة ؟ علاش مساليتيش معاها ؟!
زين الدين”عاود ليها على الاتصال ديالها” : شوف وقتاش ترجع…هادشي مبرزطني…
فرح : وعلاش تبرزط من جيهتها”وجهها تزنگ كاتجيب ليها الفقصة ههههه” تمشي وكاع لا ترجع علاش تبرزط من جيهتها نتا ؟؛
زين الدين”هز حاجبو” : فرح تهدني…
فرح : وتمشي ياه علاش نتا تهز همها ؟!
زين الدين “خرج عينيه” : فرح نهاك الله…ياك شي باس مكاين ؟
فرح”جمعت فمها وصدرها بدا يطلع ويهبط شافت فيه بعينين يطيحو عليك الضيم..ماعرف يهضر ولا يعنقها ولا يخشي راسو فالجمر مع القتبان..دورات راسها وهي تمشي جلسات وربعت ايديها…خلاتو كيشوف فيها” : ماكاين والو….
زين الدين”.منضرها كيجيب ضحك..ضار جيهة المجمر دار فيه راس السيجارة تا شعلت جر منها ونطق ودخان خارج من نيفو وفمو” : هادشي خدمة فرح…شحال بقات ولا مابقات شغلها هذاك…برا داري خدمة وداخل داري كاين نتي…
فرح”الصمت”
زين الدين”ضار عندها” : نوضي اجي لهنا..”ماجاوباتوش” نوضي اجي ولا نجي لملتك ندير الي مايعجبك”هزات فيه عينيها وهو يخرج عينيه كيهدد حتى ناضت بلهلا يحزقو ليها لعندو حتى جرها على غفلة لصقها معاه” كاع هادي غيرة ؟
فرح”خرجات عينيها” : ماغرتش اويلي..غير هي جاتني فشكل..
زين الدين : زوينة ؟!
فرح”جهدات صوتها” : عجبااتك ؟!
زين الدين”طلق منها وضار جيهة الشي”: ايوى يلاه اسي…
.تغذاو وناضت هي وياه عاونها جمعت الطابلة..غسلات الماعن وجمعتها وهي تمشي لبيت لقاتو هاز الماك وداير نضاضر كيخدم…حسات بالعيااا الحمام وتوجاد الغذا جابت الكاو…دخلت لبيت النعاس…حطات راسها على الوسادة وهي تمشيييي مافاقت غير على صوت شي حاجة طاحت تا ناضت قافزة وهو يدخل…
فرح : اش واقع ؟!
زين الدين : ماكاين والو طاح ليا كاس…”شاف فالساعة كانت تمنية العشية” خمرتي بزاف…
فرح”كتحك فعينيها” : عيييت ماحسيتش..”بدات تفوه وهي تنوض”
زين الدين : توضاي صلي العصر والمغرب واجي صلي ورايا العشاء…
حركات راسها وهي تدخل لدوش توضات وخرجات لقاتو خرج…هزات عباية ومشات صلات العصر وهي تخرج بان ليها بيت التلفازا مسدود استغربت..وهي تم غاديا حتى لقاتو كيتسناها مربع رجليه فوق الصلاية كيقرا فالمصحف غير شافها كمل وسدو وناض فرش ليها وراه وتقابل مع القبلة..بدا يصلي بخشوع تاااام بشويييييية كمل وهو يدور عندها بلغها بالي غايصليو زوج ركعات لله…صلى ثاني وطول فالصلاة..حسات وراه بالراااحة رتاحت وهي كتصلي وراه وكتسمع فيه كيقرا وكتشخع معاه…”أَلَا بِذِكْرِ اللَّهِ تَطْمَئِنُّ الْقُلُوبُ”حتى كمل وضار سلم وتبعاتو تاهي بقى جالس كيتمتم بالباقيات الصالحات…وهو يدور لعندها جالس وهي جالسة قرب ليها راسها عندو وهو يحط عليه شفايفو…كتحس بتبوريشة طالعة معاها كتحس بيه كيقرا عليها شي حاجة وشاد فايدها مكممممش عليها…ريحة الند عاطية والبخور مطلوق فالمبيخرة…ريحة العود القماري الاصلي كتفوح…حتى كمل وهو يشوف فيها….
زين الدين : الله يخليك ويحفظك ليا…الله يجعل داري عامرة بيك…..بيا مرتاحة وفرحانة وبلا بيا مهنية…دخلتي عليا بالخير والرزق..فرحتي ليا گلبي قبل من داري…جمعتي ليا حبابي…ولاقيتيني بحبابي…الله ينزل المحنة عليه”حط ايدو جيهة قلبها”ويجمع الشمل ونتجمع بحبابك…اللهم ااااميييين..
ناض وقف وهو يمد ليها ايدو ناضت بدون ماتعطيه ردة فعل…عنقها بجنب تا تمو غادين وهو يوقفها…
زين الدين : دخلي حيدي ديك الي لابسة واجي تفرجي فشي فيلم ؟…
“حركت راسها وهي دخل حيدات العباية…خرجات عندو جات شد ليها فايدها شاف فيها شحال قبل مايحل الباب على جهدو تا دخلات من بعد ما قال بسم الله وهي تحل فمها تلجمت ليها …وااااه على منضر مصايب…محيدين سدادر ومفرشين فراشات مبطنيين…والوسط طويبلة ديال الارابيسك فيها العشا الي كان عبارة عن بسطيلة ديال دجاج الي كتعشق ديال فرد الواحد يعني ماشي الكبيرة…وجنابها سوشي 60 pièce معاه ليصوص ديالو…في حالة ماعجبهاش تاكل بسطيلة…وصالاد poke bowls …وليه هو صالاد سيزر…وقراعي العصير مكاينش المونادا…وجناب الفراشات كاين طبيسلات شيبس البيسطاش فزليفات نحاس…وزريعة بيضة تاهي فزليفات زاج…والي حمقها اكثر هو الكاندلز اي الشمع على شكل بابلز اي فقاعات…الي مشعول وريحة العطر كتعطي منو ديال الورد زيد عليها العود القماري والبخور خلا جو رومانسي دااااافي…الشمع بالالوان ثلاثة…احمر ابيض ووردي…ولارض مرشوشة بالورد الابيض والجوري…نا وهنا وهنا…والتلفازة شاعلة متوقفة على فيلم الي ضارت وهي تشوفو وهو واقف كيشوف فيها…كيشوف شنو غاتقول…
فرح”ضحكات” : Maleficent هههه”ضارت شافت فيه بلا ماتعطيه ردة فعل” ههههه كيعجبني هاد الفيلم…”ضارت تشوف فالانحاء” زوين هادشي…
زين الدين : اجي تعشاي…
قبط ايديها باسهم بزوج وجلسها فوق الفراشات الي مصايبين مبطنيين ضايرين بيهم دوك المخيدات ديال زيان(الاطلس)..سمات الله وبدات تعشى…كلات شوية من سوشي غير نقبات ماعندهاش معاه بزاف حيث من ديما كانت تمشي هي وفوزي ياكلوه كتاخذ غير ديك صالاد بوكي بولز الي محطوطة تما حتى كتندمو لاش جابها تاكل سوشي…هو هز فرشيط وبدا ياكل صالاد حسات براسها شبعات شربات عصير الحامض وناضت لدوش غسلات ايديها بالصابون حكات سنانها ورجعات لقاتو بعد الطابلة وكحز داكشي ديال سقاطة…جر المخدة قادها مزيان زاد فوقها وحدة طويلة سرح ايدو وشير ليها تجي حداه…حسات بقلبها ضرررب قربو كيجيب ليها تبوريشة…جلسات وجرها تكاها على صدرو…كان غير بتيشرت وسروال سورفيت بيض..حيد البوز وخدم الفيلم..شي ربع ساعة وهي تبدا الكاسيطة والي فيه شي طبيعة عمها ماتبدل ليه..كتسول وتعاود ليه تا شوطات ليه الفيلم وعصباتو وهو يوقفو…
زين الدين : دخلي ف LED وهضري نتي كااع…
فرح. : وراه غير بغيت نوصليك بالي هي حتى حگروها ماليفيسنت وقطعو ليها جناحها وداروهم فالفيترينا را حتى كتحگر البنت عاد كتقوي ش”محتال تكمل تا ضار وتلاح ليها على شنايفها بقبلة لجمات ليها الفم وعينيها خرجو…بقات مصدومة فلول حتى لقات راسها كاتجاوب معاه بدا بشويييييا…متنغم بداك التجاوب.. بغات تمد ايدها وهو يجمعها ليها وطلعها فوق راسها مفيكسيهم ليها هبط ايدو لاخرى خشاها تحت البيجامة تا قاص لحمها وهي تهز وتحط ايدو باااردة…حطها فوق كرشها الي جمع ليها طرف منها عبزو وعاود فصل القبلة خلاها كتنهج حط جبهتو على جبهتها”
زين الدين” ايديه كيلعبو فطيات كرشها رطبة حمقااتو جهلاتو…حتى دورها لترمتها وزيييررر عليها وهي تكحز عندو تالصقت عليه كتحس بشي حاجة كتقيصها قاصحة..وجهو تزير ولا حمررر..هو تزيررر…نطق بصوت كينهج” : كسدة حنينة عطاني الله…(الكسدة هي الجسم)..
بين دراعيه ماسكها…مابيناتهم لا حواجز ولا جدار..بين ايديه ما مانعو عليها والو…قادر يبوسها قادر يضمها قادر يشم عطرها يستنشق ريحتها البيولوجية…قادر يقيص فيها بدون خطوط حمراء بدون صد منها…عندو كامل الصلاحية يدير معاها وفيها مابغى…عينيه فعينيها…ايديه فمناطق كانت محظورة في السابق والان اصبحت رسمية ليه…خدودها توردو فوق القياس وعينيها كيرمشو بسرعة دليل على التوثر والارتباك..والخوف نعم الخوف من حركات جديدة جايا منو..كانها كتزيد تعمق فمعرفتها بيه بالشخصية الجديدة الي بانت غير ليها…شخصية الزوج فلحظات خاصة فحال هادي…
زين الدين”خرج ايدو وقبط ليها ايدها شابك صباعهم وزير عليها كيهضر وانفاسو الملتهبة كتلفح ليها وجهها…صوته بدا كيتغير من صوت خشن قاصح الى صوت اضيفت له فقط البحة..” : خايفة !؟
فرح”قلبها كيضرب انفاسها تخربقت..ارتابكت وهي بين ايديه وهو كيهضر معاها بداك الصوت” : من اش !؟
زين الدين : مني !؟
فرح”تنهدت وهي تسكت”
زين الدين”وقف حركة صباعو على ايدها” : نخليك ترتاحي “بغا يبعد من حداها وهي تقرب نخششت راسها فين كتحك على صدرو من جيهة ليمن..حس بتبوريشة وزادت من ارتفاع درجة الحرارة فذاتو..بقات كتحرك تفاحة ادم فحلقو بوتيرة مرتبكة كطلع وتهب وطلع طلع…حط شفايفو على جبهتها وبدا يبوس بشكل خفيييييف كتحس براس شفايفو كيدغدغو فيها…بنفس الطريقة بقاا هااابط بوتيرة جد بطيئة كتخليها تفييبري من لداخل وتصرط فريقها بالتدريج…نفسو كضرب ليها فوجهها ونفسها كيحس بيها عند عنقو…استقر عند راس منخرها وعاود نفس الحركة ثلاثة المرات براس شفايفو حتى هبط لمنطقة الي فوق شفايفها وتحت منخرها غير حط عليها فمو وهي تحط ايدها فوق ايدو الي كانت مستقرة على كرشها…بقى هابط حتى استقر فشفايفها…
“لا تجعلي مني خائن كل مساء اسرق من شفتيك قبلات شغف حبي”…
بدات كتحس براسها عاجزة عن الحركة شي حاجة فيه كتخليها مبنجة ماقادراش تدير اي حركة وفنفس الوقت كتعطش وتبغي منو المزيد…في حضرة احضانه نسات العالم…نسات كلشي فعقلها ملوث…نسات انها شخص عندو ذكرايات اليمة…قدر يخليها تعيش اللحظة غير معاه فقوقعة وعالم مواز فيه غير زين الدين وفرح…زوج شفايف محتاضنين بعضهم بحب وشغف…وسط شفايفو الي مدخلين فيهم شفايفها حس برعدة فيهم…والرعدة شحاال عجباتو وهو يقبل فيها قبلة “زينوشية” مكيديرها غير زين الدين مع فرح…شفايفها مغطيينهم شنايفو ومتوقفن عن الحركة اشنو كيديرو ؟ كيستمتعو بالارتباك الي طاري لشفيتيها…
“يقال ان الحب اهتمامك باشياء صغيرة قبلات دافئة ولمسات مغرية واحتضان مباغت وهمسات تذيب العنق”…
زين الدين”من بعد فترة القبلة الجامدة..المتوقفة عن الحركة والمتحركة فالاحاسيس والتنغم باللحظة…بدا كيحرك شنايفو شوي بشوي حتى تنهدت ليه وحس بتنهيدتها رغم انها ماكانتش باينة…الوتيرة بدات كطلع شيئا فشيئا حتى تحولات لقبلة كجميع القبل الي كنعرفو كيبووس ويشلقم بالمفهوم ديالنا…اما هي فلول مابادلاتوش حيث ماعرفتش اشمن اتجاه غاياخذ…حتى بدا كيحرك ليها شفايفها باش تحرك معاه رجع شد ليها فايدها وهو كيبوس ويزيررر عليها فحال الى كيحاول يتبت راسو مايديرش شي عجب زايد وهي يلاه غاتقول بسم الله معاه فالعلاقة….كيتسمع صوت الانفاس كضرب فبعضياتها انفاسو وانفاسها…قبل ماتحل عينيها وتبرد القضية هبط لشفايفها رجع ليهم كيبوووس حتى هبط ليها لذقنها غادي هابط هابط حتى وصل لعنقها بقبلات خفيييييفة كتحس بيهم لسعوها…حيد ايدو ايدها ودورها ورا ضهرها زاد ضغط بيها حتى لصقت عليه…خشا وجهو فعنقها وبقبلاتو الخفيفة الداااافية كتحس بيهم غادين وكيسخنو كل مكيزيد فالوتيرة حتى جر ليها لحم عنقها ودارو بين سنانو عضو حتى ضرب الضو بين عينيها وهي تقفز….
فرح : اي…
زين الدين”طلق من لحم عنقها وبقى مخلي فمو عليه…نطق بصوت بالكاد كيتسمع…فقط الفحييح” : ضريتك ؟!
فرح”كتقيس فعنقها..حركات راسها”
زين الدين : متنغم بالخير ديالي…
“دعيني ازين عنقك بسلسال قبلات يشير بانك مقيدة بعشق رجل مهووس بحبك”
باس ايدها الي تحطت فوق عنقها كتقلب فالعضة…وهو يحيدها ليها عينيه ركزو فديك العضة الي ولات نوعا ما حمرة…حط عليها صبعو كيمسح عليها…بقى كيشوف فيها حتى دور ايدو ورا شعرها ورجع ثاني لشفايفها كيذوق منهم وياخذ جرعة اخرى للتحمل…الرحيق الي خارج من ريقها الي مصمصو مزيااان تا حس بفمها من لداخل نشف…اما هي مكتافية بايدها الي تحطت على صدرو الي كتكالي بيه لانها قواها مشاااو مع الانصهار الي واقع ليها معاه….ذوبها حتى خلاها مرخية…صدرو كتحس بيه ولا طايب…رجع ثاني لعنقها ضار عليه كلو…وايدو كتهبط حتى توقفات وهو يدورها وحرك صبعو خشاه ليها من تحت البيجامة لفوق لوسط الخط الفاصل بين ثدييها وتم هااااابط بيه وهي كتحرك فرجليها ماجات فين تهضر حتى سكتها بقبلة زين الدين الجامدة وهاد المرة ماوقفش باش يتنغم بشفايفها وانما توقف باش يتنغم ملمس جلدها ودفئ المنطقة الي بين صدرها كيحك فيها بصبعو حتى نزل ووقف عند بداية ثنيات بطنها ماحيلتو ليهم وماحيلتو لثدييها الي كل وحدة فيهم كيقيس فجنابها….
زين الدين”طلق من فمها وبقا غادي جار البوسة مرورا بحناكها حتى قرب لوذنيها ونطق بصوت مزيييررر” : ليلي طويييل ابنت الناس…
ماليفيسنت صدق كيتفرج فيهم….
رجع حط جبهتو على جبهتها عينيه كيشوفو فعينيها الي كانو مغمضييين…جبهتها كانت مندية بالعرق عارف غاتوصل لهاد المرحلة وهي فالبدية حيث طبيعي اي بنت فاول علاقة ولا فاول شقاوة القبل واللمسات الاولية….تخلطت ليها الحشمة منو والرغبة…كتقول خاص يحبس وغير كيحبس كتبغيه يرجع وحتى هو كيعطيها راحة لثواني او دقيقة كيهضر معاها فيها باش تزيد تطلق وينفسها وفنفس الوقت ماباغيش يبردها باش متعانيش من بعد…مصبر راسو لواحد درجة عجيبة مايزيدش على هادشي لانها اول مرة ولانها مزال بنت فكلشي عذراء فالقبل والممارسة…
زين الدين”رجع كيبوسها من جديد وايدو رجعت كطلع حتى توقفت عند صديقات خشا لسانو فجوف فمها كيدوز على ضروصها سنانها حتى رجعت تنهدت ثاني…بقى مستمر فالقبلة الفرنسية حتى لقاتو حل صيفات وايدو كتهبط ليها فالبيجامة بغات توقفو وهو يشابك ايدها مع ايدو وهبطها ليها ورجع طالع كيمرر بصبعو تا رجع كمل ليها الحطان وحيد ليها اول جيهة من البيجامة حتى بانت اول جيهة من سوتيان ديال باندة…هبط من عنقها حتى لكتفها وهو كيبوس براس شفايفو نفس الحركة الي كدغدغها كتخليها تفقد الحركة وتجمد متنغمة بدوك البوسات الي ماتنكرش انهم حمقوووها فيه…مخليها تسمتع وتنسى شوية الخوف والخجل…بقى هابط تا وصل لدراعها وجر طرف منو وسط شفايفة بمصة حس بيه بغا يعمر ليه فمو ويصرطو من كثر رطوبية الي فيه وسخونية زادت على مابيه تا بدا كيفقد السيطرة ثاني…فصل القبل وهز راسو كيشوف فيها كينهج وعينيه شبه محلولين…تيشرت ديالو عنفجو بسرعة وغفلة حيدو بقى عريان…شاف ضار هنا وهنا لاح تيشرت ورجع كيقاد فالمخدة كحز ديك الطابلة لهيه…حلت عينيها شوي معسلين فحال الى نعسها مدة طويييلة…حتى لقاتو عريان ونص بيجامتها محيد ولاخو باقي ولكن هابط بدات كتقاد فيها وهو يطير حيد ليها ايدها” : خليها عليك…
فرح : ال ب بررد…
زين الدين : هانتي غادي تدفاي…
قاد المخيدات بالطول وجر فراشة زداها مع لاخرى حتى ولات ناموسية فالارض…مد ايدو ليزار ديال الطرز الفاسي بالازرق تكا حداها من لهيه وجرها عندو دورها من جيهة البيجامة الي باقي ملبوسة كمامة خشا صباع ايديه وهبطها حتى بورشها بديك الحركة وتحيدت البيجامة وهنا بان الصدر المزين بسوتيان الباندة وما احلاها باندة فوق داك الصدر…سرح رجل وطوا لاخرى موقفها كيشوف فداك الصدر ماشي كبييير ممكن يكون عادي لكن شاد العرض حيث هي غليضة ودوك سوتيان زادو هزوه..كيمتع عينيه بهاد المنطقة جديدة الي غادي يزيد يتعرف عليها بطريقتو هو…يتذوقها يتنغم بكل تفصيلة فيه…العروق خضرين كيبانو فيه وخطوط بيضين كيبانو فحال الى مفلح..خطوط الغلض مشرطين ليها صدرها ماعرف واش يتغزل بالعوق ولا بالصدر ولا بدوك شراطي الي جهلوه…هز فيها عينيه لقاها دايرة ايدها على عينيها وجمع حجبانو” : حيدي ايدك من تم…
فرح”صرطت ريقها” : ماطولش الشوفة…
زين الدين : مانضمنش ليك…حيديها ولا تولي تگولي لو كان حيدتها حسن ليا…
فرح”ايدها كترعد حيدتها وعينيها فلارض تاهي بغات تكتاشف صدرو الي فايت مدهشرها..كاي فتاة بغات تقيص الزغب الي فيه وتلعب بيه…ويحط راسها عليه وتحس بزغبو كيدغدغ ليها حنيكاتها…ماحسات حتى حط ايدو على ذقنها وهز ليها وجهها عندو تا شافت فيه”
زين الدين : نعفيك هاد اللية..ماتهضريش..معاك دقة دقة حتى يجيب الله التيسير ؟!
فرح”عوجات راسها بترجي” : خايفة…
زين الدين : مانكذبش عليك باش نريحك…نجي حتى لاخر وتصدمي وتصدقي فما كفس…
فرح : مافهمتش…
زين الدين : .عيشي معايا…باش تبقى فعقلك ماتنساش…نديروها مرور الكرام ؟ ماجاتش…
حدرات راسها ماقالت والو عارفاه وعندها ثقة كبييييرة فيه ثقة الي صعيييب تهرس…رجع ثاني كيبوس فيها حتى دخلات معاه فالمود ورجعات تاججات الاحاسيس وشعلات…شفايفها نملو عليها لدرجة ماحساتش بالقبلة اكثر ماحسات بصباعة الي بقاو هابطين حتى وصلو لفوق صدرها حتى خشا ايدو وشد ليها جيهة منو عبزها بايدو حتى خرجها من الحمالة وهي تحط ايديها على صدرو… حست بزغب الي فيه فكفوف ايدها ماحيلتها لصدرها الي خرج ولا لايدها الي على صدرو كتحسس…
زين الدين”شاف فيها وايدو كتلعب بثديها” : رطب وحنين الفرحة ديالي…
فرح”حطت جبهتها على كتفو مقدرتش تشوف فيه..”: حيد ايدك من تما…
زين الدين : غا هكاك حتى نحيدها ؟ ماحشوماش عليك ؟
فرح : مانقدرش ازين الدين فففف
زين الدين”كيعجن بايدو وكيهضر معاها” : مانصيبش..نغمني هادشي صعيب نبعد عليه لا دابا لا من بعد…
فرح”كيهضرو بشويييية وهو ماشي معاها بنفس نبرة صوتها..الي حط ودنيه يسمع ميسمع والو الي قرب ليهم غايتسمع ليك غير الفحيح…” : كضرنيييي…
زين الدين”رخف بزز وهادشي غير محاول عليها” : دابا…
فرح”الصمت…صدرها كيطلع ويهبط باغية يرحمها لكن هو متعمد يسيطر عليها ويستمتع بخجلها ممزوج بفقرة التعارف بينو وبين جسمها……هبط لصدرها حط عليه شفايفو كيتعرفو عليه وفنفس الوقت ريحتو كطلع ليه مع نيوفو لدرجة خلا فمو كيتحسس فيه فسخونيتو …ومنخرو كيستنشق داك العطر فيه…خرج لسانو وهو يهبط لحلمة ديالها وتوقف قبل مايدور لسانو مع الراس وهي تهززز تا تهزت دور ايديه ودفعها بجهد ليه حتى تخشا راس ففمو وهو يعضو تا غوتت…
فرح : اعععععممممم….
زين الدين”طلع راسو شاف فيها لقى واحد دمعة نزلات ليها واش هي شهوة ولا قصحها…فلتت ليه العضة الي دار مكانش باغي يعضها…اسمتر فالقبلات حتى طيبو ليها خلاه حمررر كيوزوز…كيبوس يبوس يبوس تا وصل لعند معدتها من فوق خرج لسانو دورو مزياااان وهو يهبط بلحسة تا حست بضو تخلط ليها مع لسعة فاش دور لسانو وسط بوطها كيدخلو مزياااان حتى ضغط براسو على كرشها غطس فيها كاع تنيات الي فيها لحسهم وعضهم…جهلاتو كرشها حمقاتو فيها طويات وبيضة بلقى…مشات عينو نيشان لحرقة الي جات بين كرشها وبوطها غاديا لتحت لحسها بلسانو وعاود شي جوج دقايق وهو كيلحس….
فرح”مغمضة عينيها وجهها بغا يطرطق بالدم…ماحيلتها لبوساتو لحيس ماحيلتها لشعرو الي كيقيصها فكرشها ولا لصدرها الي تعرى…”
زين الدين”رجع طلع لعندها تكى عليها ضغط بصدرو ودور ايديه وراها حل ليها سوتيان ولاحهم…” : ماعندي مندير بيهم دابا…”ضار جيهة ليزار جرو برجلو تا قربو ليه…وهو يدور عندها حك على كتفها وهبط لدراعها حتى ضار على ضهرها هبط ايدو لتحت وهو يدورها عندو تسطح على ضهرو وطلعها فوق منو بشوييية ماشي بزربة وانما بالقاعة تا جات فوق منو هاد المرة وجهها كيشوف فيه صحة وتاهو تعمد بغا يموووت على الحركات وتفاصيل الي كدير فاش كتمرگ وتحشم ولا مكتلقى مهرب وتبدا تدور فعينيها باش متشوفش فيه…تحط صدرها فوق صدرو هاد المرة صدرها الي كيتحسس الزغب الي حمقها بدغدغات الي كيدير ليها…هز ليها ايديها حطها فوق صدرها مد رجلو جر ليزار اكثر تا طلعو عليهم…صورة كتجمعهم هي فوق منو وهو عينيه معسلين حاضيين تفاصيل وجهها حناكها الموردة وشعرها الي تطلق من القراصة حتى حيدها ولاحها لهيه…دور ايديه ورا ضهرها ونطق…
زين الدين : قانعة بالغلض الي فيك ؟!
فرح”صرطت ريقها” : م عمري ديتها فهادشي…علاش ؟
زين الدين : قانع بيه كثر منك…عاجبني فيك ومعاك…
فرح : ياك نتوما الاطباء كتگولو مرض”قلبها كيحس بيه واصل لعندو بكترة مكيضرب وهي كتهضر باش تنسي الفرطة الي هي فيها معاه وصدرها مشتت قدامو”…
زين الدين : صحتك مانخليهاش حتى تمرض ليك عاد نگوليك نقصي…مادام ما ضارك فوالو خليه باغيه فيك…الى تحتاج تنقصي نقصي..صحتك بالدرجة لولة عندي وثاني مانبغيش تنقصي غير باش تنقصي…باغيك بكلشي فيك ميت فيك ميت ففرح الجنينة ديالي…راحة بالي…العمر ديالي الكبيدة ديالي…فرح الحنينة فيا ومعايا…
فرح”بدات تهضر حتى جست بايديه هابجين من ضهرها لتعند سمطة سروال حتى تخشاو فوق مؤخرتها هزهم تا هزهم وحطهم عليها شادها بين ايديه” : ااا…اش كدير ؟!
زين الدين”كيدور فايديه ويعبز ويهضر..” : الخير الي فيك جايب لملتي التمام…ماعندك ماديري هذا مكتاب…
فرح”رجعو حناكها سخنو وجمعت حجبانها..ماقدرتش تهضر كتبغي تهضر حركاتو على ترمتها كيتلفوها خصوصا فاش كيبقى يدغدغ فيها بصبايديه ويعبز كتهز وتحط…حاسة بشي حاجة تحتها قاصحة…عرفتها وحست بيه وتاهو ماقالش ليها شنو هي…عرفها عرفت..”
زين الدين”بدا حصة التعليم بلاصة ماتفهمها امها يفهمها هو” : ماشي عيب نقيصك فينما كان…وماشي عجب تجيك فشكل مزالك فييغج…بنت فكلشي ماشي غريبة عليا..عارف كلشي جديد عليك..وهادشي علاش ماشي معاك شوي بشوي..فيا مانقضي معاك فنص ساعة..ماشي ولد الكلاب الي نديرها ليك..بغيتك تعرفيني تعرفي عليا..الي قربت ليها عيشي معاها وفنفس الوقت الي ضرك عبري عليه بالغوات ولا شنو ما سلكك…تفاهمنا…”كيهصر ويهبط ليها السروال حتى جر ليها رجلها حيد ليها جيهة وضار لاخرى حيد ليها جيهة..كيهضر ويشرح ليها وهو كيهبط سروالو تا هو ماسحتش بيه حتى هبطو وجرو برجليه تا حيدو ودفعو لهيه وهنا زادت القصوحية بانت اكثر…واكثر هو السخونية انضافت لديك القصوحية..كتحس بداكشي طايب تحت منها حتى تنهدت بالرعدة وصوتها تذبذب فديك تنهيدة…”
زين الدين : كاااع ؟
فرح”عينيها غرغرو قلبها كيضرب” : بزاااف..
زين الدين”هز حاجبو” : شنو الي بزاف…
فرح”تا بغات تقوليه داكشي الي تحتها وهي تسكت وحدرت عينيها” …
زين الدين : وشنو نديرو ليه ؟
فرح”خشات وجهها فصدرو”…
زين الدين : الى ما نفعك مايضرك والى ضرك حيدي ملة مو من جدر الحاجة الي ضرك ماعندنا منديرو بيها…
فرح”وسط صدرو” : واااا زين الديييين …
زين الدين”بصوت مبحوح” : العمر ديال هاد زين الدين…
بدون رد منها هبط راسو وهي فوق منو باسها فجبهتها وطلع ليها راسها تال عندو وتلاح على شفايفها بقبلة قويييييييييييييية رفعات ما رفعات وهزات ما هزات…خلا شفايفو شادين شفايفها وايديه هابطين كدوزو على ضهرها بصباعو كينقرو فوقو حتى هبط لترمتها وشدها بين ايديه كيهز فيها ويحط بدون ميفصل القبلة القوية الي خلات شفايفو كيتسابقو مع شفايفها….جمع تا جمع وهو يهز ايدو تالفوق وخبطها سااااط تا تهزت وفصلت القبلة وهي طلقها بغوتةة على جهدها ماحتال تهضر طلع ايديه وجر ليها راسها عندو باش يسكتها حيث نسى راسو وخبطها ههههه”..
مارجعت لمود تا قال صافي غاتغضب وتبدا تبكي…دورها هاد المرة وجا هو فوق منها…تيليفونو كيصوني ماداهاش فيه ماسمعوش كااع صافي خرجو عن الواقع استسلمو لرغبة والشهوة الي ارتافعت…
“شواطئ من زجاج ترتقب المد المد والجزر ضمن فلسفة العاشقين…عناق يستمر…قبلات اشتياق لعلي انهي صيامي بك”
ماقدرش مزال يصبر…اكثر من ساعة وهو معاها فالمقبلات فالتسخينات وهي بين ايديه اصبحت جمرة مرخية…وهو بركان فاي لحظة ينفاجر محاول قد ما قد عاض فالنفس وزايد…حتى وجهو عراق ونواضرو تورمو عينيه ولاو حمرين لدرجة الخضورية الي فيهم ولات كتبان مشعشعة العرق نزل تا وصل راس منخرو على شكل قطرات كيقطرو تا حست بيهم مشاو لبوطها نيشان…صدرها كيطلع ويهبط وراسها كيدور هنا وهنا….تحدر عند عنقها باسو حتى خرج راس لسانو وهو يهبط كيجرييييييي من فوق تال تحت كرشها تهزت وتحطت تا عواجت…شد الكيلوط من راس عضو وهو يهبطو بسنانو كينهج ثاير كيسوط فحال الثور وهو را بهاد طريقة كينفس راسو لانه لو طلق زين الدين الي جامع جامع غايكرفصها بالمعقول ويصدق داير فيها شي عجب…. ايديه فجنابها هبطو تا كملو نزول الكيلوط حيدو وهي تجمع رجليها طلع ليزار على ضهرو وهبط عينيه ليييه..خرج لسانو طواه وعضوووو كيشوف…تبطبيط وخا بيضة وهو من فوق بيض لكن من جناب لتحت لونهم غير متوحد…
زين الدين”جا فسمية الي عطاه وحس بيه فاش قاسو فوق الكيلوط صباح واحساسو ماكذبش” : وشحال جات عليه السمية…”شاف فيها عاض فمو” معاك نتي لانسولين بين عينيا..(شلا حلاوة زعما هه)
يتبع
شاركنا رأيك في هذا الفصل 🌹