نصف الحياة
يلاه كيبغي يشوفها طبيب كتوقع شي حاجة ويمشي يجريييييي يعتق شي حد لانهم شافو ضحى كتحل عينيها وترجع تنعس قالو را حالتها ماشي بالصعوبة مقارنة بالحالات الي كاينين تما اغلبية دخلو عندهم مشخشخين زقلة الاطباء والطبيب الي يتسناو فيه يعاون لاخرين ماجاش وقع ليه تاهو حادث وباش تعيط لمراد ظعارفاش نمرتو حيث تيليفونها بقا فالدار…محيدااااتش من حدا بنتها دور دورة وضرب فصدرها اما حناكها تشوهو بالقميش حتى عياات وولات غير تنين والصوت بح ليها من كثرة الغوات….
مسافة الطريق مابين تارودانت لمراكش وقبل مايدخل لمراكش شد طريق كازا ازيد من ساعتين حتى كانو وصلو لكازا من بعد ما عيط ليونس واطمأن انه وصل بيخير لمراكش حيث فاش سالا معاها مشا لمراكش لان عندو عمل تما وعطاه التقرير كيف العادة…مع دخلو لكازا بدات تبان ليها الكثرة ديال البشار كانت كتشوف فالطريق حتى بدات كتوثر وهو يدور عندها…
زين الدين : ندوزو من شي بلاصة خاوية ؟
فرح”ضارت عندو كتشوف فيه وتفكر فنفس الوقت حتى حركات راسها ب لا” : لا غير خلينا نمشيو فبلاصة عادية..و و حسن خلينا نمشيو فبلاصة عامرة…
زين الدين : مااشي من لول شوية بشوية..”دور الفولون وضار من الطريق الي كاتدي لعين الدياب مقر السكنى الاصلي ديالو الي قريب ليه لكشي خدمتو محلاتو رزقو كلشي وهاد المرة غايدخل لدارو ومعاه مرتو الي عشقها بكلشي فيها بتفاصيلها غلضها النمش المميز الي فيها ضحكتها حنانها قلبها الكبير البيض… هضرتها مرضها ازماتها كلشي كيموت عليه فيها…كانت الطريق شيئا ما عامرة وخا ستة ديال العشية كلشي خارج من خداميه نهاية العطلة دخول المدرسي ضروري كلشي يكون فيه رواج…كتشوف وتصرط فريقها مبرزطة بالناس كتشوف وتفكر انزكان وقلبها كيضررررب كتشوف طوموبيلات وتفكر الشانطيات فانزگان اليوم الاسود بالنسبة ليها توثر فتفكير فواحد الحالة حتى تنات صباعها لور وهي مزيييرة وزين الدين ماهضرش ماتكلم عرفها توترات وخافت لكن خلاها مادام هي مصرة طيوقف فالفيروج وتبدا تحك فايديها…”
فرح : سير ازين الدين …
زين الدين”حدر راسو وهز عينيه كيشوف فالفيروج حتى تطلق الضو الخضر وهو يبدا الكلاكصون طووووووووووط تا قفزات وهو برزطوه وعصبوه وهو يسد الزاج ورجع تطلق لاكليم اوطوماتيكمون…ماخرجو من ديك زحمة غا بزز…بعد مشقة الانفس والطريق حتى كانو وصلو لفيلات الدنيا خاااوية تما حسات بالامااان والكالم خطيييير خلاها تحس بواحد راحة ضار جيهة الدار ديجا صونا لعساس بالي وصل وحل ليه الباب الكبير منين دخل طوموبيل حتى وقف وضار عندها” : نزلي..
فرح”حيدات سانتيغ وهي تنزل من بعد ماضار جيهتها وقف حداها…ضارت هنا وهنا وهي تمشي عينيها نيشان لبلاصة فين كانت جالسة هي وياه…ضار شاف فين كتشوف عرفها تفكرات النهار الي جلسات فيه هي وياه راس فالراس النهار الي لعن راسو مية مرة ومايعاودوش الا اذا كان بالاصول بدون كذب او حسابات…فيقها من تفكير صوته باش تدخل معاه…بقات غاديا حداه خاشي ايديه فجيابو وهي بجنبو بالدعقة ماشعراتش تا حطات ايدها على دراعو ماتحرك ماتكلم مادار تا رد فعل خلاها على خاطرها باش تولف عليه اكثر فاكثر وتطور علاقتهم…قبل مايدخلو ضار عندها”
زين الدين : سمي الله…
فرح”شافت فيه ورجعات شافت فالدار” : بسم الله”حطات اول رجل كانت ليمنى ماشي قصدات وانما الخطوة كانت عفوية…دخل معاها كانت دار كلها شاعلين فيها ضواو وخاوية حيث المراة مكتكونش اصلا مع ديك الوقت ولاخرى..وقفات على الحركة وهي تنطق ” : مراااد …
زين الدين : مايصيبش يجي بغاك تكوني مرتاحة…
فرح : غي احم غييير يجي مدار ليا وااالو..
زين الدين”هز عينيه بان ليه واقف بعييد كيشوف وغمزو يهبط وتاهو ماعطلوش غا غمزو نقز وتم جاي كيتبسم ويشوف فيها وهي حداه حادرة عينيها” : با مراد”تقدم لعندو تا سلم عليه مراد وهو عنكش ليه شعرو”
مراد”شاف ففرح بغا يسلم عليها ومبعد خايف لا تخاف ولا توتر ولا تقلق ماعرفش كيفاش يتعامل” : ختي فرح على سلامتك ومرحبا بيك فدارك…
فرح”حركات راسها بابتسامة خفيييفة” : شكراا…
مراد : ياك مرتاحة اختي ياك ههههه
فرح : مرتااحة الحمد لله..
زين الدين”هبط عينيه لعندها وهي بجنبو” : طلعي ترتاحي ؟
فرح”هزات فيه عينيها” : اه بغيت نبدل حوايجي ونتوضى نصلي…
زين الدين : اجي معايا”تمشاو بزوج غادين طالعين وهو يوقف ضار عند مراد لاح ليه كونطاكت ” جيب الحوايج وبقا تما بغيتك…”طلع هو وياها تالفوق مشا لبيت ضحى الي خوا كلو بقاي ترتاحي هنا حوايجك ديريهم هنا .هذا شوي صغير مايبرزطكش الكبر كلشي حداك…سي نو بيتي رتاحي فيه شوفي شنو مايعجبك خوذيه..
فرح”دورات عينيها اول مرة تشوف البيوتة دياال هنا..عجبها البيت كان ستيل بناتي مرييييح شافت فيه” : حتى هنا زوين كلشي زوين…
زين الدين”قرب لعندها وتحنى بشوييي باش ماتخلعش باس راسها” : كلشي ديالك مايحتاجش تشاوري معايا الي عجبك ديريه هنا من بعد رتاحي ونجي عندك تشوفي الدار مزيان ؟
فرح : واخا…”خلاها فالبيت ونزل عند مراد شد من عندو صاكها طلعو ليها خلاها تبدل براحتها حيث البيت فيه دوش ونزل عند مراد يهضر معاه وهي بقات واقفة كتشوف فالبيت وتكتاشف فيه…حسات بيه ديال بنت عرفاتو ديال ضحى ومن غيرها…”
نزل عند مراد نيشان هضر معاه وخا عصباتو توبا الا انه وصاه مايخليهاش بالرغم من ذلك وضرب ليه موعد انه غايجرع عندها لغذ ليه…رجع طلع لفوق تاكد ان فرح مزيانة وراها الكوان فين تمشي تصلي والي غير دخلات ليه لبسات العباية من عبايات الي تم كانت فالبيج حسات بواحد راحة فداك البيت المخصص للصلاة…اما هو دخل نيشان لبيتو مشا توضى تاهو وخرج لقاها كتصلي لبس تقاشرو فرش الصلاية وصلى العصر والمغرب الي فاتوه…وحتى هي غير كملات جلسات مربعة رجليها عجبها البيت بزاااف بقات كتكتاشف فيه بعينيها فيه ريحة المسك وند مطلوق تما ماحساتش حتى سمعاتو كيحنحن وهي تهز فيه عينيها وتبسمات ابتسامة خفييفة..
فرح : عجبني هنااا…
زين الدين”هز عينيه كيشوف قدامو بدا يهضر بداك الصوت الاجش عندو غير بشوية وكيتسمع مجهد” : الحاجة الي مذكور فيها الله سبحانه والكلام ديال الله مكاين ما خير منها..الوقت الي كانت ضيق بيا نجي لهنا ولا لبيت الله”شاف فيها” الجامع…
فرح : فاش تخاصمتي مع خالتي توبا !!
زين الدين”عقد حجبانو من سيرتها..طاوي رجل وموقف رطبة لاخرى حاط عليها ايدو..هبط عينيه فلارض” : شلا مشاكيل الفرحة شلاااا…دنيا هي هادي اليوم معاك وغذا ضدك…كنبقاو انسان والانسان دم ولحم…
فرح”بزوج بيهم كيهضرو بصوت منخفض” : واخا هكاك نتا كانو عندك واليديك وكانت هي معاك…ماعمرك عشتي الفنرة شي حد ينفرك ومايحملكش”عينيها غرغرو تا نزلات واحد دمعة تجي مسحتها بزربة”
زين الدين”قشاااعها ومدار والو خلاها تهضر براااحتها” : عندي الي ماعندكش وعندك الي معنديش”شافت فيه دغيا بدون فهم” نتي ناقصة من شلا حوايج عندي وانا ناقص من شلا حوايج عندك…تاحد ماكامل والكمال لله وحده…
هزات راسها كتسمع ليه وسط واحد الجو فشكل كلو ايمان بالله وقلوب عامرة بالبياض مع زوج واحد وثانية باغية الامان…ناضت هي وياه دخلات البيت وهو مشا لبيتو يشرب دوا ويرسل تقرير الي كيدير ديال العبار دسكري لطبيب ديالو..
بقات مليوحة هي وضحى ولا من حس بيها بقات تبكي وطلب وتلالي وتاحد ماعتقها حتى تم جاي طبيب اخور شاف حالتها بانت ليه ماهياش وهو يعطيها ورقة …
هو. : ديها لسبيطار لاخور هنا مغاينفعك بوالو اميمتي خاصها جينيكو وطبيب العضم…
توبا”حط ليها الورقة وزاد خلاها كتشوف حالا فمها شفارها كيقطرو” : فين نديها !! كيفاش معندي مندير ليها هنا ؟؟ بنتي اولدي بنتتيييييييي غاتموت ليا اولدي علاش مشيتي اهى اهر وااااااااولدي غا تعالا نقص لسا من عمري وعطيه ليها…وااااولدي نعطيك كلوتي قلبي وعتق ليا كبدتي…وااااااااااااااااااعتقوووو ليا بنتي وااابنتي ماتموووتش ليا عتقو ليا بنتي وبنتهاااااااااااااا انا الي درتها انااااا وجازيييييوني انااااااا ولا تجازيوهاش هيااااااا”كتغووووت وضرب فصدرها وتركل…حتى جاو شي عيالات شدوها بقات فيهم الليل كبو وهي تلالي وتبكي والي جا طلبو وماداوهاش فيها هكاك مرمية فلارض هي وضحى الي ولا وجهها صفررر..حتى شدتها واحد المراة”
هي : الالة الي باقي فيك شي توگضي وشوفي الي يديك لكلينيك باينة فيك ماديال تكرفيص هنا بنتك حالتها الى شافوها تبان ليهم عادية را ميديوها غا فالي جاهم ميت ولا مفرشخ فشي كسيدة والى عندك شي ريال جبديه لهادو يتهلاو فيك..سيري تحركي عتقي بنتك فشي كلينيك را يدخلوها تاتولي لباس وديك ساعة شوفي منين ضبري ليهم فالفلوس…”قالتها ليها ومشات جسلات فكراسي الانتظار تما..هبطات توبا عند راس بنتها”
توبا : بنتي ضحى اهى اهى وااابنتي فيقي نشوف اش ندير ليك وااااابنتي سمحي ليا مانويت نوصلك لهادشي الله ياخذ فيا الحق اناااا الله يديني اناااا اهى وااااااافيقي ابنتي عايريني ديري فيا مابغيتي…
الله اكبر الله اكبر…صوت اذان الفجر لقاه ناض مشا لدوش توضى وخرج كينشف ويقرا فالدعاء خرج من البيت شاف جيهة بيتها حس بالسكاات مابغاش يفيقها حيث عيااات بالطريق وكمية توتر الي جمعات استنزفات طاقتها خلاها تزيد ترتاح اكثر هنا…مشا البيت فرش السجادة وتسنى شوية عاد بدا الصلاة بخشوووع تااام كمل وبدا يقرا القرآن شوية… كمل ونزل لتحت باش يجيب الما حتى سمع دقان على جهد زداااف زدااااف والغوات ديال امرأة على برا كدق وتغوت وتعيط بسميتو عقد حجبانو ومشا يزرب حل الباب غييييير حلو وهو يخرج عينيه فاش شااافها وناااااااري كي شافها بداك المنضر وجهها كلو حناكو مقموووشين وشالها مخربق وجايا ببينوار كلو موسخ مرشوش بالدم وااااحد الحالة ماتبغيها لعدوووووك…تابعها العساس الي عرفها هي بقا يضرب فايديه اخماس اسداس من حالتها فحال شي متشردة….
زين الدين : عمتي !!!
توبا”بداك الحر وندامة تحنات ليه على رجليه بغات تبوسهم تا تحنى تاهو” : هااااالعاااار اولدي هاااالعاااااار…
زين الدين : اعوذ بالله من شيطان الرجيم…”وقفها فاشلة بزز شدها من باطها باش توقف”
توبا”دايرة ايدها على فمها كتبغي تحبس داك البكا ولكن بدون جدوى..منضرها كيقطع فالقلب…عضات ضرف كمايم البينواار هازا كتافها فحال شي وحدة بصح تحگرااات…كتشوف فيه ودموعها محابسينش ووسط هضرتها كتنخصص وتنخصص ” : طااحوو ل ليااااا ككك تاااافي كتااافي وتقسم ليا ضهريييييييي يا ولد خووووويااااا …
اكفس حاجة توقع ليك هي الشعور بالندم لشحال من حاجة درتي وخير مثال توبا الي مايحتاجش نقولو اش مادارتش فحق بنتها والجنين الي فكرشها وفين وصل بيها الغضب الي عماها تا ارتاكبات اشياء صعيييب تنسى ويتسامح عليها وخا منضرها دابا قدام زين الدين يقطع القلب…ماصدموش منضرها قد ما صدماتو ردة فعلها فاش تحنات ليه على رجليه فهاد اللحضة وهي كتبكي كلها حالتها حالة…
زين الدين : شنو واقع مالك ؟؟؟
توبا : بب بنتيييييييي بنتيييييي اولدي غاضيع ليا بنتييييييييي الي تكرفصت على راسها وكرفصتها اولدي اهى اهى بنتييييي فسبيطار مالقيت الي يحن عليا ويداويوها خلاوني مليوحة…”كتخبط فصدرها ودوك الخبطات كيسمعهم زين الدين الي شك واش داك الصدر يكون تهرس او تشق ليها من كثرة ماكضرب فيه…كاتبغي تخرج شي كلمة كتبعها شهقة والعاااافية شاعلة فيها…كتبغي تهبط تبوس ليه رجليه كيعاود يوقفها تا صعر وهو كيمنعها” اهى واااااابنتي تعديييييت عليها وكرفصتها وضربتها وااااابنتي انا الي طيحتها تا وصلات لهاد البلاصة واااااابنتي خليتها مهرسة وكاتنزف اولديييييييييييي اهى اهى….
زين الدين”خرج عينيه” : كيفاش ؟؟؟؟
توبا”بغات غير تشرح ليه حسات بالدوار تا كانت غاطيح لو ما شدها حكمها وهي تهز فيه وجهها وعينيها فعينيه دارت فيه واحد النضرة ديال الترجي” : ممممم بنتييييييييييييي غاتمشي لياااا اهى اهى ..
زين الدين”ماعرف باش تبلى تلفاتو..جاتو خطرة وحدة حطات ليه كلشي ماعرف تا اش قالت بالضبط..”…
مراد”تم جاي نازل يجري فاش سمع الغوات ديالها حيث كان نايض تاهو يصلي وصل عندهم كيجري” : الوليدة !!”خرج عينيه فاش شاف وجهها” مالك اش واقع ليييك…
توبا : واااااعتقو ليا بنتي كتمووووت ليا فالسبيطار عتقووووهاااا اهى اهى…
مراد : ماااااالهااا ؟؟؟
زين الدين : كيفااااش كاتموت شنو كاتخربقي ااااش ؟؟؟؟
توبا”كتهضر وترعد” : اهى اهى”مدات ايديها لدراعو كترجاه وجهها كيقطع فالقلب وحالتها ضر فالخاطر…” طاااحت من دروج طاااحت وااااااااااااااااااابنتي بنتي بنتييييييييي عتق ليا بنتي قبل ماتموووت واعتقها را تاحد ماداها فيها فالسبيطار..
مراد : واخا واخا…تهدني الله يرحم ليك باك وقولي اشمن سبيطار خليتيها ؟؟
توبا : اهى اهى فسبيطار ***”بدات كتركل” عافااااكم غاتموت غاااتمووووووووووت اهى اهى…
زين الدين”شاف فمراد ورجع شاف فيها ماعرف اش هادشي قدامو كيفاش غاتموت اش طرا ليها ماكيشد حاجة حتى تجيه حاجة جديدة…غير حالتها وبكاها خلاتو بلا مايشعر مشا كيطيييير طلع فالدروج دخل البيت هز تيليفون دوز الخط لصديق ديالو خدام تما فالمشفى الي قالت ليهم توبا…قاليه على الحالة ووصاه يكون تما حتى يوصل عليه…” دااابا ياسين تحرك…ماخدمة ما والو ابا ياسين ماخدمة ما والو تمااا نهار كامل وهي مليوحة ؟
ياسين : والله الى لقيتيني يلاه دخلت انا راك عارف ماشي فالمستعجلات اصاحبي وعارف سبيطاراتنا كي دايرين را البشري ممعاوناش…
زين الدين : قضي الغراض شوفها حتى وكان يوصلو عليك…”يلاه هز كونطاكت وخرج هكاك بحوايج دار تا وقف وغمض عينيه تفكر فرح ويااااااربي لمن يخليها وايقدرش يخليها….نزل كيدردب مع الدروج لقا مراد معنق مو كيواسي فيها وهي كتنخصصص تا باش تشرح ليهم مزيان عقلها هرب…
زين الدين : تحركي نتي مع مراد شوي ونكون عندكم..”شاف فمراد” مع توصل تلقى ياسين عرفتيه الي معانا فالكلينيك…
مراد : اه ياسين حمودة…
زين الدين : تواصل معاه بينما جيت عندكم…”طار مراد طلع لفوق كيجري هز تيليفون وكونطاكت وهز جاكيط حيث الحال برا شوية محرك البرد نزل بتيشرت وسروال وبانطوفة ديال دار..”
مراد : يلاه الوليدة…
زين الدين”كانه حس بشي حاجة ماشي هي هاديك” : بلااتي”شاف فيها” الحالة بالضبط شنو هي ؟؟؟
توبا”كتبغي تهضر وتصرط ريقها تعاود تهضر وتصرط رقيها حتى غمضاااااااات ماقدرااااتش تقوليه را حاملة حشماااات وراسها طاااااح لارض وكتافها طاحو…الخجل والعار الي هي فيه مايوصفو حد فهاد اللحظة…خلات بنتها فالمستعجلات وجات كتجريييي بلا عقل وباز لطاكسي الي وصلها وهي فهاد الحالة” : كك كانت واقفة كنعاير فيها ونجر فيها وهي تفلت وطاحت ليااا وو مممم كانت ممم اهى اهى حاااااااملة اهى اهى
مراد”حس بسطل ديال ما طااااايب نزل عليه من فوق تاال تحت وغسلوو غسيييييل تا ولا يسمع فوذنيه طننننننننن ولا يغمض عينيه ويحلهم اصلا باقي مبوق بالنعاس يلاه فاق يصلي” : شكون الي حاملة ؟؟
زين الدين”ماااااااهضر مابين حتى صدمة قدااامها..يمكن كان عارف فين غاتوصل بيها الوقت فخفتها وكان عارف لفين غاتوصل…الوقت ماشي مناسب لاي حاجة والي طرا ليه مع عمتو علمو بزااااف وبزاف لكن دابا الوقت ماشي مناسب لتاحاجة…غمض عينيييييه تا غمضهم ورجع شاف فمراد ونطق بصوت جد ثقييييييييل” : مراااد تحرك ياسين وصيتو يتكلف..شوية ونكون عندكم يلاه دابا…
مشا مراد وتوبا الي كانت غاديا وكدور تشوف ف زين الدين الي وقف ودار ايديه على نصو كيشوووف فلارض عاض على فمو بتفكيييير واحد شوي حتى ضار بزربة طلع لفوق عند فرح. الي كيف وصل بغا يشوفها حتى لقاها واقفة عند الباب كتشوف….
لقاها واقفة كتشوف وعلى وجهها الحزن كتفرك فايديها فحال بغات تقول شي حاجة وكتشوف فزين الدين مسكين تالفة بيه الدنيا جا فواحد النقطة بين نارين ونارين قوييييية صعييب عليه يخلي فرح وحدها وكون غير معاها صفاء او جدها عالاقل يقدر يخطف تا يوقف مع بنت عمتو البنت…كتشوف فيه من وجهو باينة تزير بزاااف لون وجهو تخطف بالخلعة من مجيء عمتو…
زين الدين “يلاه بغا يهضر وهي توقفو بصوتها”
فرح : غير سير ازين الدين معاها…
زين الدين”قرب لعندها” : مانصيبش نخليك ورايا…
فرح : ماتخافش عليا ماعندك مناش تخاف انا هنا ياك وحدي مكاين حد ياك ؟
زين الدين : هاد ساعة مكاين حد…”صونا ليه التيليفون كان ياسين..عينيه ففرح وفنفس الوقت طلق الخط باش يجاوب”
ياسين : انا فالمستعجلات لقيتها بحسب المواصفات الي قلتي ليا لقيتها بصح وحدها فواحد القنت…ياك ازين الدين ياك جايين ؟!
زين الدين”تنهظ مغمض عينيه بتعب” : سي..شنو حالتها ؟
ياسين : انا بغيت نسولك باش نعرف شنو نقول لدكتور اليزاني هو الي مناوب دابا ..
زين الدين”سكت عاض على شنايفو معارفش شنو يقول فهاد اللحظة صعييب انك توصف الحالة ديال شي حد تصدم من كلشي وكلشي تكب عليه فربع ساعة ماحيلتو لعمتو الي جات وصدماتو مجيتها وحالتها الي ضرات ليه خاطرو ماحيلتو ليها فاش تحنات عند رجليه كترجاه وتطلب فيه يعتق ليها بنتها وماااحيلتو يا ناس لصدمة حمل ضحى واخا كان عارف انها غاتوصل راسها لشي هاوية لكن…” : Ell est enceinte … Et anémique depuis l’enfance… En plus de ça je pense qu’elle a des fractures ou des fissures à cause de la chute dans les escaliers…Je préfère un examen clinique minutieux….
ياسين : داكوغ…
زين الدين : دير كثر من جهدك..البنت ماشي اي وحدة ختي الصغيرة هاديك ياسين…قضي الغراض الى تاكدتي من الشك الي فهمتيني فيه رسلها فاومبيلونص نيشان لكلينيك عندي…”قطع معاه وهي تنطق فرح”
فرح : ع علاش ماتصيفطهاش لكلينيك دابا حسن علاش غاتسنى !؟
زين الدين : الحالة صعيب تبقى كثر من هاد الوقت..من صبح الله وهي منشورة تما يعلم الله فين وصلات الحالة دابا ؟ الوقت ماشي فصالحنا فرح ماشي فالصالح…سي ميو يتكلفو دابا… فاش كيديرو خدمتهم بصح ف les hôpitaux publics(المشافي العمومية)فضل من لي كلينيك بزاااف…
فرح”كتشوف فيه كيهضر مسكين ومحن بزاااف غير عاض فالنفس…كاتشوف راسها زايدة عليه تاهي بهمها من بعد ماكان عايش بخير تا تبلى بيها وبمرضها ومشاكيلها كاتوشوف هاز فوق جهدو وطاقتو وماشاكيش فشردها هي وفشرد تبقى بخاطرها وتحس بالامان هذا را اكبر احساس بالامان يعني را بصح عمرو مايفرط فيها ولكن حتى هي تحاول ماشي ديما الكفة غير عليها هي..”
زين الدين”ضار كيشوف لهيه وفنفس الوقت هز ايدو حطها على كتفها” : ماعليش رجعي نعسي
فرح”حركات راسها ب لا” : غير سير ازين الدين سير عندهم ماتخافش عليا”ضار شاف فيها” والله كيف مانتا محاول معايا خليني حتى انا نحاول مع راسي كل مرة كنحاول فحاجة كنولي مزيان وديك الحاجة الي طنخاف منها مابقاتش..خليني نعاون راسي براسي هاد المرة..سير وخليني هنا اصلا مكاينش فين نمشي معارفة والو هنا…
زين الدين”الصمت”
فرح : والله غير سير انا فقت باش نتوضى ونصلي وغادي نرجع نبقى فالبيت حتى تجي ياك مغاتعطلش بزااف ..
زين الدين”ماعرف مايقول من ناحية خايف ومن ناحية مزيان الهضرة الي قالت حس بيها معاه فهاد اللحظة..شاف تا عيا وهو ” : تسناي هنا”خلاها واقفة ومشا بزربة لبيت هز التيليفون الخاص ديالو عطاه ليها” هذا خليه معاك الوقت الي نصوني جاوبي ماتخلينيش مشطون معاك واخا ؟
فرح”شافت فالتيليفون بتردد فحال الى نفرات تيليفون ولا كيفكرها بداك النهار الي شدو ليها خوها..بقات ساهية فيه تا فيقها فاش حطو ليها فايدها”
زين الدين : فرح توگضي معايا الله يرضي عليك ماتخليش بالي مشطون…
فرح : واخا هاهو معايا…
زين الدين : فرح !!
فرح : زين الدين غير سير والله…
بقا كيشووف فيها ماباغيش يخليها وراه…لكن للضرورة احكام سوا دابا او بعدو راه مضطر يخليها وحدها مغايبقاش العمر كامل وهو معاها فالدار وهادي فرصة حتى هي تولف وتكمل فعلاجها مغاديش توقف على هاد النقطة…ضار ونزل حتى لتحت وهو يدور وهز راسو كيشوف فيها من بعيد كيفاش تبعاتو كطل عليه حرك ليها راسو وتاهي وخرج وبالو معاها…ركب فالسيارة وكسيرا وقبل مايخرج وقف لعساس وصاه مايدخل تاحد لفيلا ووصاه يعلم خديجة الى جات بكري ماطلعش لا هي لا الخدامة لاخرا لفوق ابدا…والى صايبو الفطور يعلموه حتى يوصني ليها باش يقولها ليها عاد يمكن يدخلو هذا باش ماتدهشرش من البراني…مع خرج كسيرا باقصى سرعة غادي ويطحن فالطريق خذا الاتجاه المختصر حتى كان فالمشفى بلاصا سيارة ودخل والتيليفون فوذنيه”
زين الدين : فين ؟
مراد”جاي بجنب ضحى الي مخرجينها بنقالة معلقين ليها كيس دم وكيس سيروم ومفيكسيين ليها عنقها بباندة تا سبقوها قدامهم” : هاحنا طالعين لفوق لقسم الولادة…”قطع معاه وهو يدخل بزربة مع دخل تصادف معاهم بغاو يطلعوها فسانسور”
زين الدين : ياسين !!
ياسين”شاف فالفرملية” : وقفي”شير ليه” اجي دكتور البغدادي…
لقاهم يلاه مدخلينها لسانسور باش يطلعوها لقسم الولادة بالضبط فين عيطو ليجينيكو يطلع باش يشوف حالتها وحالة البيبي هو اللول…فيكساو ليها رجليها تاهما لا يكون شي هرس ريثما يشوفو حالة البيبي عاد يتدخلو…
زين الدين”تسد سانسور وبدا يطلع” : شنو الحالة دابا ؟
ياسين : دار ليها ميدسان انتيغن Ercf..هاهو معايا غانطلعوه لجينيكو كاينة تما مادام سليماني البروف الي قرينا عندها يضهر ليا تعقل”حرك ليه زين راسو وعينيه على ضحى الي وجهها ولا صفرررر وفمها بيض مافيهش نقطة دم..”شوي وغايجييبو ليزاناليز هي غاتقول وتشوف شنو كاين من بعد الى حالة الجنين مزيانة ديك ساعة نطلعوها عند Orthopédie(اخصائي العظام) جو بونص احسن طلع عندك لاكلينيك عند بروفيسور عز الدين حسن من هذا الي كاين هنا…حيث دابا المهم هو الحمل دون عن اي شيء الى كانو كسور او رضوض ممكن يتسناو مي نتا عارف الحمل سونسيبل على هادشي…وعلى مايبان فالراديو شنو كاين ديك ساعة تصرف…”شافو ساهي فضحى ووجهو ماشي تال لهيه” زين الدين صاڤا ؟
زين الدين”هز فيه عينيه” : سي ماديرش بالك معايا..
تحل السانسور نيشان فالطابق ديال قسم الولادة مشاو بيها كيجريو مع دخلوها عند جينيكو وصل مراد وتوبا الي دموعها ماحبسوووش تا ولا فمها مقشر وبيض وعينيها كل عين تبوقات قداش…بقات دور وتلالي…
مراد : الوليدة تهدني ماشي وقت هادشي دابا …
توبا : واااا كاع لوقات اولدي كانت معايا وانا الي بنت لحراااام ضيعتها…وكاااع الوقات عينيا كانو معمييين وانا الي هبلت وضيعت بنتي…اهى اهى واااااااااربي الى مشات ليا غا ديني ماعندي ماندير اربي فهاد دنيااااا…
مراد : دابا الي عطا الله عطاه المهم هو الي داخلة دابا نشوفو اش غايديرو معاها وكي بقات وهاد الهضرة من بعد…”شاف حالتها تقطع فالقلب كلها مجرتلة فحال شي وحدة كانت دور فزناقي وطلب..عزات عليه بزااااف مهما كان كتبقى ام ومكلومة على فلذة كبدتها..مشا لعندها وهو يدورها عندو وعنقها وهي بديك التعنيقة فحال الى لقات علامن تحط راس ولقات الي يواسيها…دورات عليه ايديها وتكات راسها على صدرو ودموعها نازلييييييين كيحرقوو..” شش تهدني ميمتي تهدني والله يدير الي فيها الخير را معاها زين الدين دابا…
توبا”هزات فيه راسها بزربة” : زين الدين جا ؟”حرك ليها راسو وهي تعصررر عينيها كل مكتشوف وقفتو معاها كيزيد الندم ياكل فيها اكل” ننننننن اهى اهى اهى…ااااش درت اااااااش الله ياخذ فيك الحق الغالي الله ياخذ فيك الحااااااااااااق اهى..
مع دخلوها لقاو صاج فام والجينيكو واقفين كيتسناو فيها غير دخلات مشات كتزرب لعندها خذات من عند ياسين الملف قرات تقريرها بزربة…خصوصا Ercf اي تخطيط القلب ديال الجنين…
صاج فام : نيگاتيف دكتور. مونيا…
مونيا : عاوديه من جديد…”مشات بزربة تعاودو ليها…شافت فزين الدين” زين الدين البغدادي لا ؟
زين الدين”باس راسها حيث كانت قراتو فلافاك” : هو هذا الحاجة..
مونيا : قالو ليا بقات من صباح وهي منشورة فلتحت…ماعلمتينيش اولدي اما نتكلف انا ولا ياسين نيت..راك عارف ليزوبيطو بيبليك كي دايرين بنادم كثير وحنا قلال مايمكنش نردو البال لكلشي اولدي هذا حالنا…”جابت ليها الفرملية تخطيط عاودت قراتو وهي تكمش حجبانها جابت نضاضر كاع باش تاكد..” دابا دير الايكو..”داوها لداخل ومشات كتزرب خلات زين الدين فهم وما فهم لان تعابير الوجه مكتخفاش عليه وهو الي هالك راسو فالسبيطارات من صغرو تا طاب..على وجه السرعة دارت ليها الايكو وضحى غايبة على الوعي..عاودت وركت وعاودت وشغلات تخطيط القلب وهي تحط لاباراي…وضارت عندو…
مونيا : عطيني ليزاناليز الى جاو اولدي ؟!
زين الدين : شنو الحاجة ؟!
مونيا”حدها حركات ليه راسها..جابو ليها ليزاناليز ديالها..عاد شافت فيه” : راجلها اولدي ؟!
زين الدين”غا ذكرت ليه راجلها طاحت ليه النقطة تا توركو نواضرو وضغط على ايديه كاتم العصبية..” : شنو المشكيل ؟
مونيا : ولدي زين الدين فاش دخلات هي لهنا تقيدات بلا كارني دفامي(دفتر عائلي) سي نو نقدرو نقيدوها ب ام عازبة اذا مكانتش مزوجة ولا امرأة مجهولة سي وي ام عازبة وجا شي حد من عائلتها ولابد اولدي يسني شي حد فواليديها باش نقدرو نتصرفو…
زين الدين”هز ايديه ودوز على وجهو بتعب” : من لاخر الحاجة شنو كاين ؟!
مونيا : اجراء ضروري اولدي بالي شرحت ليك هو وتمضي لينا بالي اذا تفاقمت الامور انه احتمال يتحيد الرحم الى لقينا شي مشكيل راك عارف هادشي مافيهش التفكير كيبقى اجراء فحالة الضرورة..دابا غانمشيو نيشان باش تدخل لبلوك يديرو ليها انيستيزي جينرال (تخدير كلي)..حيث اولدي البيبي او البنية الي فكرشها مع الاسف توفات…
مع قالتها ياسين كمش عينيه وحجبانو باسف وتاكيد لشكوكو حيث قرااا تخطيط وتقرير وهضرو فهادشي لتحت لكن كان ضروري الجينيكو هي الي تاكد ليهم…اما زين الدين مالقا مايقول فهاد اللحظة عزات عليه البنية الي فكرش ضحى بنية برييييئة ضحية زوج ناس غير ناضجين ضحية عقول طايشة ومبرهشة تابعة الرغبة فينما كانت معارفينش بحق الوقت والولاد ودنيا…
زين الدين : الله اكبر…
مونيا : الى ممكن تكلف دابا اولدي باش نقدرو ندخلوها تعطال ماشي فصالحها…
هبط عينيه لعند ضحى الي مكانت جايبة لدنيا خبااار..هز ايدو وطبطب ليها فوق ايديها وماكان عليه غير يقلب دورة ويخرج بكتاف مهدوووودين بعينين حمرييييييين باسف على حالة هاد البنت الي مالقات لا اهتمام لا رعاية من الواليدين وباسف انه ماقدرش يدير ليها شي حاجة ومكانش يقدر…فهاد اللحظة نسا شنو وقع ليه مع عمتو والهضرة الي قالت عمتو…بقا غادي بخطى ثقييييييلة وياسين تابعو كيشوف فيه باسف مالقا تاهو مايقول…غير شافتو توبا وهي تم جايا كتجري تا تعكلات وهي طيح ليه عند رجليه تا غوت مراد وياسين بزربة هبط بلا ميشعر هزها وقفها…”
توبا : امضرا اهى اهى امضررراااا…
زين الدين”ضار جيهة ياسين” : الوراق ؟!
ياسين : انا نزل اخويا نجيبهم من لتحت بزربة…
زين الدين”شاف فمراد” : مراد تحرك معاه…”غير مشا مراد وهو يشوف فعمتو الي شادها من دراعها وهي كتشوف فيه بدموع سايلة على خدها…وداك الوجه الي كره راسو وهو كيشوف فيه كلو مندوب…” امتا هادشي ؟!
توبا : ش شنو ؟”حدرات عينيها كتصرط ريقها” نهاار الي دارت شهر هكاك…
زين الدين : علاش ماعلمتيش مراد ؟!
توبا”بدات تبكي تاني” : اش نعلم ؟ اش نعلم بالي ضرت فيكم على قبلها وصدقت بصح دارتها وحملات من الفوق ؟ فين نعطي راسيييي فييييييييين…
زين الدين : ماحاولتي ديري والو”كيضهر ومغزز سنانو” ؟؟؟؟
توبا : ح حاولت نطيحو ليها تعماو ليا عينيا..تلفات بيا دنيا…
زين الدين : ماكنتيش باغياه ؟!
توبا : ماعنديش طاقة نتكلف بيه ولا نواجه ناس…
زين الدين : صححي كلامك ووضحيه وگولي ماصبتيش تواجهيني انا…”بغات تهضر وهو يوقفها ملي شاف مراد جاي هو وياسين يتجاراو ومراد وجهو مبدل
ياسين : هاهما دكتور…
زين الدين”شد من عندو الوراق وعطاه ستيلو تاهو مشا تا جلسها فوق واحد الكرسي خرجاتو ليها الفرملية علاش تجلس فمقابل ماكانت لاقية تا الي يشوف فيها…ووقف هو قدامها حط الوراق فوق الملف قاصح وعطاها ستيلو” سني هنا وهنا..
توبا”شافت فيه” : علاش ؟ اش واقع “قلبها بدا يضرب بجهد بغا يسكت” يا ياكما بنتي ماتت اهى اهى…
زين الدين : ششش تهدني..سني وتعرفي سني…
توبا”بقات تشوف فيه من بعد حدرات راسها وبدات تسني وهي كترررعد” : ه هاا هاني سنيت…شنو كاين..
زين الدين”شد الوراق دارهم فالملف ومدهم لياسين” : ماعليش نعذبك معايا ؟
ياسين : تهنى ازين الدين انا معاك الله اودي…”مشا ياسين وهو يدور لقاها وقفات كتشوف فيه بعد فهم”
زين الدين”هز صبعو مشير ناحية البلاصة فين دخلو ضحى..كانو شي عيالات شادهم الوجع وكيدورو فديك الطوالة شادين فالحايط…” : شوي وطلع لبلوك…مابغييييييييييتش مزال نشوف منك دمعة مابغيتش مزال نسمع بكاك وشكى ديالك…يتقضى الغراض لداخل تولي شوية وديك ساعة عندي شلاااا وشوية مانعلمك بيه…”هز صبعو كيحسب ليها” تهزيتي وتحطيتي عليا،،غوتي،،خرجتي عينيك لصقتي فالكلب ديال راجلك…بكيتي شوهتي وجهك وحالتك تكرفصتي ضربتي الكرفي الي بغيتي دمرتي خدمتي عند ناس…جربتي شلا وشوية..جربتي ديري ليها الكورطاج ؟”عاود شير جيهة ضحى..وشاف فساعتو” حسبي جهد شي ساعة ساعة ونص تخرج من تما مايبقى لا شوهة لا بنادم فكرشها…
توبا”بصدمة ” : كيفاش ؟؟
مراد : داكشي الي فكرشها مات اميمتي…
زين الدين”شافها بغات تبدا تغوت وهو يدير صبعو ففمو وخرج فيها عينيه تا صرطت ريقها وصهطات خصوصا شافت زين الدين القديييم الي غير بتخريجة العينين كيعرفو اش كاين” : مااااببببااااااقييييييييييش مزااااال نسمع شي غوات ولا بكا..عطيها يومين تبقى هنا من ورا سيزاغيان “خبط ايديه كيسوس فيهم” يتضمص هادشي هنا ولا عدو ربو شي واحد يعاود يشكي ولا يبكي نهارو كحل مع ملتي…”جهد صوته” ريحي لارض…”شاف فمراد” تحرك جيب ليها متاكل انا شوي ونكون هنا…”خلاهم كيشوفو ويصرطو فريقهم ونزل لتحت مشا نيشان خذا كاس قهوة كحلة بدون سكر عاد مشا لطوموبيل ركب وسد عليه الباب ورك عالبوطون تحل زاج حداه شعل كارو جر منو كحز تا جبد تيليفون من جيبو لقاها سبعة ونص ديال صباح…عارفها غاتكون فايقة وهو يدوز الخط بعد محاولة لولة ثانية حتى جاوبت…
فرح”صرطات ريقها وهي تجاوب” : زين الدين…
زين الدين : الفرحة ديال هاد زين الدييين…
ازيد من ساعة ونص وهو برا ماحاملش يبقى لداخل حتى جا عندو ياسين دق عليه وزل كيسرح فعظامو ويطرطق فعنقو…
زين الدين : صافي ؟
ياسين : صافي كنت فالجناح الي خدام فيه تا خرجات دكتورة مونيا عيطات ليا… جيت من تما دابا كان داخل عندها قبل Orthopédie حتى عطاهم لوطوغيزاسيون باش قدرو يديرو سيزاغيان…عاودو ليها ليزاناليز وفانتظار يخرجو عندك يومين تقدر طلعها لكلينيك عندك ديك ساعة يسنيو ليك باش تديها..تما راك عارف شنو غادير…مي بغاتك الحاجة فالمكتب..
زين الدين” طلعو لفوق ماشافش جيهة عمتو الي كانت متكية على كتف مراد…غادي وعينيه ماهماش واقف فحالة ماهياش..دق الباب ديال البيت فين كاينة طبيبة فيه مكتب صغير فقسم الولادة نيت…” : الحاجة !!
مونيا : جلس اولدي بغيت نهضر معاك…”جلس شوي وتحل الباب وهي تدخل توبا” الام ديالها ياك ؟
توبا”شافت فزين الدين وحركات راسها” : اه ابنتي…
مونيا : وخا جلسي..”تسناتها تا جلسات وهي توجه ليها بسؤالها” واش كانت كتشرب شي عشوب قبل ؟! او كانت كدير كورطاج فاشل بشكل مستمر…
توبا”عينيها فلارض وزين الدين مسرح فوق الكرسي رجل فوق رجل كيشوووووف فيها..تا حركات راسها”
مونيا : شنو نوع الفنيد الي عطيتيها ؟!
توبا : واحد الفنيد كنت شفت طبيبة فالفرمسيان فين كنت خدامو كتعطيه لكن كتوصي متشربوش الحاملة حيث خطير..
زين الدين”تفكر مراد فاش قاليه بالي لقا عندها فنيد فالثلاجة فشكل وهو يكمش حجبانو..شاف فمونيا ووجهو مفيكسي على عمتو” : et alors ?
مونيا”تنهدات” : ماعندي منخبي اولدي البنية فاش جبدناها كانت عاادية لكن فالتحاليل تبين لينا هادشي عاد سبب الوفاة كان توقف القلب..ماتت البنية فور ماطاحت الام يعني البارح فالصباح كانت متوفية فكرشها..الي استغربت ليه ان جميع محاولات الكورطاج كانت فاشلة وبقات متشبتة بدون ماتعرض لاضرار…هادشي الي بغيت نقول والى بغيتو نعطيوها ليكم تدفنوها بوسيبل…
توبا”هبطات عينيها بغات غير تبكي تغوت خافت من زين الدين ولا قلبها كتحس بيه عند فمها…بقات غير تصرط وتمرط..بقا زين الدين كيشوووف فيها بواحد النضرة فشكللللل..”
زين الدين”داير صبعو بين سنانو كيشوف فتوبا فشكل..شوي شاف فمونيا وغمزها” : ماعليش انا نتكلف بيها”ناض ديك ساعة وقف ضار عند البروف ديالو باس ليها راسها وشكرها على تعبها تفهمات انه حزييين ومكمدها حركات ليه راسها وطمناتو بعينيها بالي غير تهنى..خرج من المكتب سول على ضحى علموه بالي فالانعاش حتى تفيق من البنج وبالي امور تمام حد ساعة مستقرة…بقا واقف بعيييد عيط على فرح سول فيها ثاني…وعلمها بالي شي ساعة وزيادة يكون عندها…قطع..حتى جات عندو مونيا علماتو باش يمشي لعند البنية الي كانو حاطينها فمستودع خاص..خشا تيليفون فجيبو ودخل فين وراتو لقا واحد الفرملي حاط البنية قدامو ملفوفة فكفن صغيييور وملوية فايزار بيض…وقف عندها وتحنى تا عراها بانت ليه صغييييورة يلاه عندها كلشي الا راس باقي متشكلش مزيان لحيمة صغيرة..بايديها ورجليها..ماشعرش براسو امتا هبط باسها…عطاو لتوبا سنات عاوتاني وحتى هو باش يتكلف…وملي جاتو الاخبار شير ليه لفرملي باش يهزها وهزها هكاك بين دراعو دارها فصندوق صغيير غير فاش يهزها وصافي..خرجها قدامهم استقصد يدوزها من حدا توبا الي غير شافتو هاز صنيديق صغير وهي توقف دارت ايديها على فمها ونزلو دموعها يجريييييييييييو حرقة قلب وندم كياكلو فيها ويعاودو ياكلو ويعاودو وهادشي صغييييب شي حد يعرف معناه غير توبا او الي بحالها…ماشافوش مراد حيث كان كيهصر بعيد على ريان…داز زين الدين نيشان هبطها من لور مشا معاه ياسين تالطوموبيل حطها حداه…ومشا لبلاصتو شير لياسين وزاد كسيرا بسرعة غادي فطريق وعينيه حمرييييييين حجبانو راسمين حداش مازم لواحد درجة..غير كيدور جيهة البنية ويرجع يشوف قدامو داير ايديه على فمو ولحيتو كيغمض عينيه باسف وحزن على هاد البنية…ماوقف تال المقبرة دخل طوموبيل لقا الحسين تما كيتسناه حيث عيط ليه..غير وقف نزل ومشا نيشان لطواليطات تما توضى وخرج…جبدها من لور…
الحسين : الله اكبر الله اكبر…”تبعو الحفار الي وصاه الحسين ديك ساعة تالبلاصة ديال قبورة صغااار..حطها قدامهم فرشو كرطونات حيد صندالتو وكذلك الحسين تا صلاو عليها ملي كملو لبس زين صندالو ونزل لقبر مد ليه الحسين الصندوق جبد منو زين البنية حطها فالقبر وطلع خلا الحفار يكمل تاردمو عليها التراب…خلص الحفار ومشا قبل مايمشي ضار جيهة قبرها”
زين الدين : طير الجنة ابنتي…”ضار مشا وصل الحسين لمحال وكسيرا تا وصل لدار نزل من سيارة عيااااااااااان بمعنى الكلمة..دخل لدار ماسمع لا لخديجة شنو كتقول لا واااالو..يلاه طلع فالدروج وهي طيح ليه ضبابة على عينيه بقا غادي ويعافر يعااافر يعااافر تا وقف سمع صوت فرح بعييييييييد هز فيها عينيه مكمشهم باغي يوضح رؤيا ووالو..ماحسش براسو حتى تزدح على ركابيه…تسمعات زدحة لتحت وغوتات فرح…
الانسان كيبقى انسان ماهما اشتدت قوته وصلابته كيبقى دم ولحم مهما صبر كيبقى انسان غايجي واحد الوقت ويتهد…كثرة المشاكل المستمرة كل نهار كل شوي غايعيا…تسمعات زدحة الي زدح بركابيه فلارض تال تحت وهي تغوت فرح فاش شافتو فهاد الحالة اول مرة يطيح قدامها بهاد الشكل…حسات بقلبها تهز من بلاصتو….
فرح : زين الديييييين…
بالعيا وضبابة الي كانت غالبة على عينيه صوت فرح وغواتها ماسمعوش وماشافهاش كاع واش كانت جايا لعندو كتجرييي ماحتال توصلو حتى تكا على الحايط ديال دربوز الي كيطل على لتحت…كيحل عينيه ويسدهم يحل حتى مشااا غمضهم..
فرح”تحنات عندو وكلها خوف عليه اول مرة تشوفو بهاد الحالة لدرجة ولات كلها كتغزل بالخلعة” : ز ززين الديين مالك !! زين الدين عافاك جاوبني مالك…فففف عتااااااونونيييي اهى اهى…”عاد تفكرات السكري وهي توقف بلا عقل مشات كتجرييي نزلات مع دروج ومع معارفاش الكوزينة فين جات ولات كدور حتى بانت ليها خديجة واقفة بغات تشوف اش واقع” عافاك الكوزينة الككككوزيييينة…
خديجة : هاهي بنتي اش واقع مال زين الدين ؟!
فرح : ماعرفتش ماعرفتش غيب…”دخلات كتجري لكوزينة بلا عقل بكثرة ماتخلعات عليه نسات راسها غير غاديا وتقلب حتى دهشرات البنت الي خدامة عندهم وخديجة بقات دور هنا وهنا تا بانت ليها الثلاجة مشات ليها بزربة حلاتها كتقلب وتعاود تقلب وتعاود…”
خديجة : اش بغيتي ابنتي انا نعطيك وتهدني..واش وقع لزين الدين…
فرح : يمكن يمكن طاح ليه سكااار …بغيت كوكا والسكار…
خديجة : طلعي عبري ليه بينما نجيبهم ليك تاتشوفي واش طاح ولا طلع دغيا انا دابا نلحقهم عليك غير تهدني هادشي كيوقع معاه ماتخافيش ابنتي…
فرح”حركات راسها بزربة وخرجات من الكوزينة طلعات كتجري لفوق لقاتو باقي كيما هو..” : فين داير الگليكوميتخ ؟؟”ضارت هكا وهاكا ماعارفاش بيتو فين ويلاه بغات تنزل لعند خديجة وهي تبان ليها جايا” باش كيعبر باش كيعبر فييييين ؟
خديجة”استغربات انها معارفاش مكاين الكليكوميتخ ديال راجلها” : بيتو ابنتي سيري لمجر الي عند راسو…
فرح : فين بيتو !!
خديجة : هاا ؟ راهو قدامك الباب لول الكبير… را حاط باكية بالريشات دغيا…
فرح : هاا واخا واخا”بالخفة الي عطاها ربي فهاد اللحظة نتيجة الخوف الرهيب الي جاها عليه فحال الى طاح ليها عصام هاكا كانت كدير عليه وهادشي جاها فبالها فواحد اللحظة لكن حالة زين الدين دغيا دهاتها على اللقطة الي تفكرت…دخلات البيت بانت ليها ناموسية ومشات تجري فين نعتت ليها حلات المجر وجبدات لاتخوس هي نفسها شافتها عندو مرارا وتكرارا كيدير نفس مارك لاتخوس الي كيخزن فيها هاد المستلزمات الخاصة بالسكري…هزاتها وخرجات تحنات لعندو”
خديجة : تعرفي تعبري ؟
فرح : اه اه كنعرف “جبدات ريشة من ريشات وايدها كترررعد مخلط عليها كلشي تا بغات تشد من عندها خديجة وهي تحبسها” خليييني…”جبدات ستيلو شدات ليه صبعو مسحات عليه بقطن خوات فيه من قريعة صغيرة دايرها ديال بيطادين للتعقيم…ووركات بستيلو تا دار طرراق خرجات نقيطة دم زيدات ليه صبعو دارت دم فالريشة الي فاالالة الي كتعبر خشاتها فيها قبل…تسنات شوية حتى عطاها العبار بالي طايح..حسات بيه كيتحرك وهي تهز فيه راسها” زين الدين كتسمعني ! عافاك تحرك ولا دير شي حاجة…
خديجة”نغزتها” : هاكي بنتي عطيه يشرب راني خلطت سكار وكوكا وهذا الپاي باش يسهل عليه يشرب…
فرح : واخا واخا الله يحفضك..”قربات ليه الپاي لفمو.” عافاك حاول تشرب عافاك ازين الديين ماتخلعنيش عاااافاااك اهى اهى…
خديجة : تهدني ابنتي ماتخافيش هادشي مولفين بيه معاه..را يشوفك مخلوعة يتخلع عليك صبري راسك غير يشرب ويولي شوية ديك ساعة الى حس براسو ماهواش باقي يمشي لعند طبيب ديالو….ولكن غير كياكل شي حاجة حلوة من بعد وكيولي شوية…غير بقاي حداه تايحل عينيه ويمشي يرتاح فالبيت…
فرح”عطاتو يشرب بزز باش قدر يجر شوية يجر” : عاود شرب عافاك..
زين الدين”مكمش حجبانو فاااشل بمعنى الكلمة بقا متكي مسكين على داك الحويط وهي حداه شافت خديجة تا عيات ربتات عليها وناضت مخلياهم…بقا يشرب شوي بشوي وهي معافرة معاه تا ضرب النص تقريبا من الكانيط هز وبعد وجهو”
حطات الكانيط وجلسات حداه فلارض شابكت صباعها وعينيها فلارض بغات تبكي بقهرة بقا فيها بزااااف حسات براسها زادت بثقلها عليه مشاكيلها مرضها الي طرا معاه قدامها قبل قليل خلاها تفكر تعيد حساباتها من جديد فحالتها النفسية…ايديها كتفرك فيهم وهما كيترعدو….من بعد دقائق حسات بيه بدا يتحرك وهي دور بزربة لعندو لقاتو كيحل عينيه…
فرح”تقلبات عندو” : زين الدين ش شوية”عينيها مغرغرين بالخوف عليه كتبقى تفكر ديك الطيحة الي طاح قدامها ماعمرها تنساها” زين الدين ؟؟
زين الدين”صدرو كيطلع ويهبط حل عينيه بشوي سمعها وهو يحرك راسو”..
فرح : تقدر تنوض ترتاح فبيتك ؟!
زين الدين”نطق بصوت محشرج” : بلاتي شوي…
بقات جالسة حداه مرة مرة كتعطيه كوكا يشرب منها تا بدا يتوگض مزيان وهو يحل عينيه بلا ميديور هز ايدو بشوي وحطها فوق اسدها تا ضارت عندو وهو يكمش ليها على ايدها وهزها باسها وعاود…ورجع تكا راسو على الحيط وغمض عينيه…
فرح”بخوف” : زين الدين !!
زين الدين : نعاام ماتخافيش مزيان مزياان…
فرح : ايوى نوض ترتاح فالبيت !!
زين الدين : واااخا…”رجع شاف فيها ومن بعد حدر عينيه بانت ليه الگليكوميتخ…هزها عاود العبار من جديد لقاه بدا كيتقاد..حيد ريشات المستعملين دارهم فساشية صغييرة كيرمي فيها حتى كتعمر ويرميهم فالپوبيل..وقف ركابيه بقا شحال شاد فلارض حاااس بكمية العيا مايمكنش ماناعسش ليه يومين زايدينو مشاكيل الي وقعو هاد صباح..”
فرح : م ممالك ؟؟
زين الدين”دور وجهو عندها وغمض عينيه على شكل غمزة” : ماماليش شوي بشوي..”سما الله وهو ينوض حاس بالفشلة وهادشي لاحضاتو فيه حيث باينة عليه مايحتاجش يشكي..ناضت حتى هي وهو يدور عندها” فطرتي ؟
فرح : مزال بغيت نتسناك..حيث مافياش مكنفطرش بزااف فالصباح بكري…تت عافاك اجي تمشي لبيت ترتاح باش تشرب دواك ونجيب ليك تفطر…
زين الدين”هز حاجبو مصدوم” : تهبطي لتحت !؟؟؟
فرح”جمعات فمها وحركات راسها” : اه..اصلا نزلت غير دابا فاش طحتي..جيت انا وخالتي الي لتحت هي الي تبعاتني كوكا وسكار سبقتها حتى عبرت ليك…
زين الدين”هز عينيه شاف قدامو قبل ميقرب ليها اكثر مقبل راسها بكل حب واحترام وتقدير رغم الازمة نفسية الي هي فيها مخلاتوش..بدا يتاكد اكثر انها هي الي غاتكون بيه ومعاه فاوقاتو الحرجة وزاد فرح بزااااف انها بدات كتحسن تدريجيا وهادشي الي بغا باش تقاد الامور من بعد سوا معاه او مع خوتها الي هما الاهم” : لهلا يخطيك عليا…”تنهد بالعيا” ماعليش رتاحي نتي ولا اجي معايا لبيت نفطرو بزوج ؟!
فرح”شافت فيه وهي تصرط ريقها” : غيييير خليني منبرزطكش انا من بعد ونفطر…
زين الدين : فراااح ماتعيينيش.. معاش غاتفطري”وراها ساعتو” العشرة ونص هادي شمن فطور كتهضري…الغذا ؟؟..تحركي معايا فطري ورجعي رتاحي فبيتك ولا ملي نزلتي لتحت تحركي كيف بغيتي فالدار ماتبقايش فالبيت..يلاه…
فرح”شافتو اصلا عيان مابغاتش تكمل عليه مشات هي وياه البيت غير دخلات وهي تصرط ريقها كتشوف فالبيت وقلبها كيضرررب تا توردو حناكها وحسات بالصهدة طلعات معاها…غاديا ومترددة وفنفس الوقت كتكتاشف فالبيت الي كان طابع ديالو رجالي…كاين باب الدوش فجنب ولهيه باب البالكون الي تفكرات نهار كانو يهضرو بزوج فخطبتهم اللولة كان فوق راسهم مساحتو كبيرة…فيقها من سهوتها صوتو وهي دور عندو شافتو جلس فطرف الناموسية عياااان ..”
فرح : مالك ؟
زين الدين”هز ايدو شير ليها فوق الكوافوز” : ADO من تما..
فرح”ضارت جيهة الكوافوز وهي تلمح باكية فنيد ديالو..عطاتو الباكية بانت ليها قرعة الماء معدني حدا راسو مشات بزربة هزاتها وعطاتها ليه شرب دواه..شوي مد ايديه خشاهم فجيبو جبد تيليفونو دوز لخديجة علمها تجيب ليهم الفطور.
زين الدين”قطع ولاح تيليفون وشاف فيها” : رتاحي لهيه…
فرح”حركات رايها وهي دور جيهة طويبلة قدامها فوطويات..بقات جالسة وشابكة ايديها كتشوف وتصرط فريقها قلبها كيضرب يضرب مخلط عليها كلشي خوف رعدة توتر بزااف…بقات تعض فشنايفها ودور هنا وهنا..ضارت تشوفو حيت حسات بحسو مقطوع وهو يبان ليها تكا سرح نصو الفوقاني فوق ناموسية ورجليه فلارض داير دراعو على عينيه..وهي توقف” زين الدين !!!
زين الدين”بدون ميتحرك” : معااك الفرحة معااك محتاج نتكالما شوي..”رجعات جلسات حتى دق الباب وهي تنوض بزربة حلات وهي تبسم بشوي تا دخلات خديجة والبنت موراها هازين الفطور”
خديجة : امضرا ولا شوية ؟!
فرح”تبسمات” : الحمد لله..
خديجة”حطات الفطور” : وهانتي شتي خفتي على حاجة عادية ولفنا بنتي غير ولفي الله يرضي عليك…وتااتسالي وجي عندي نشوفك ونعاود ليك عليه..ونتعرف عليك نيييت..”حركات راسها وهي تخرج من بعد ما اطمأنت عليه..رجعات نوضاتو تا ناض كلا شوية وشرب قهوتو وهو يرجع تلاح فوق ناموسية عيياااان الطاقة باش يهضر ماكايناش…خلاتو يرتاح يكفي العذاب والعيا الي بان فيه وهو كي صنديد وبانت فيه…اول مرة تشوفو فحال هاكا مهدووود بمعنى الكلمة…خرجات من البيت مشات لبيتها بقات جالسة فيه مرة تطل من شرجم على جردة الي حمقتها…مرة ترجع تجلس..فكرات تهضر مع صفاء لكن ماحافضاش نمرتها لا هي لا سيمو…جاها واحد القنط غريييييب….وهي توقف عاود خرجات من البيت بقات مسندة على دربوز كتشوف لتحت باغية تنزل وماباغية مزال شوي ماثر عليها…واحد شوي وهي تسمع صوت شي حد كيهضر بقات كتصنط تصنط حتى بان ليها دخل…
تسمع صوت المقراج كايصفر حتى لعندو كان داخل لدوش كيلبس فحوايجو من بعد ما دوش دوش خفيف صحصح بيه من بعد ليلة كان فيها كاااو…خرج من دوش شعرو باقي فازگ وخا مشطو طفا على المقراج وعمر اتاي ردو يتشحر عاد حطو فالصينية مع الكيسان غير زوج كيسان..هزها وحطها فوق الطابلة فالبيت يلاه غايرجع الكوزينة يجيب بقية الفطور حتى تدق الباب…
عصام”حل الباب وهي تم داخلة ” : مي فاطنة ؟
فاطنة”مشات نشان البيت وجلسات” : بلا مادهشر ولا تسلم عليا ولا تبدا عليا بديك الهضرة ديال ماجيتي سولتي فيا !! راك “هزات صباعها بزوج كتحسب ليه” يوميييين من ايام الله ونتا غايب وحنا نسولو فك…برك لارض نهضر معاك ..
عصام”ماعرف باش تبلى هههه..سد الباب ومشا جلس مقابل معاها..هز ايديه وحطهم” : هاني الالة…خبار الخير ..
فاطنة”خنزرات فيه” : انا ديما مجايبي غالخير فين عمرك شتي مني شي عيب !!!
عصام : لا الحق يتگال ماشفت منك غالخير اميمتي..هادشي مابيناتناش وماعمرنا تحاسبنا راكي ميمتي ..
فاطنة : وهاااا…انا مغانهضرش معاك فالشي لاخور راك عارف لغايا فين غادي…
عصام”عض شنايفو كيحرك راسو” : ايه ايه كملي اش كاين !!
فاطنة : علاش ماعلمتينيش راك باغي دير صدقة لحانوت ؟ علاش درتيها بلا خبارنا ؟!
عصام : مادرت والو غير شي گصاري ديال كسكسو تكلفت بيهم ام صطوف ديناهم لجامع وشي عطيناه لخضارة الي فسوق لالة زهرة…
فاطنة : فين عمر للا زبيدة هي الي كدير ليك هادشي ؟! “بغا يهضر وهي تلقمو” مالك وليتي هاكا اعصام ؟ فين عمرك وصلتي لهادشي الي نتا فيه دابا ؟
عصام”الصمت”
فاطنة : حتى لين غاتبقا عايش وحدك هنا ؟ علاش متجاوب خوك فوزي صباح وعشية…مالو اش دار ليك تاهو ؟؟؛
عصام”غزز سنانو” : مييي فاطنةةة الله يرحم بيها الواليدييين هادشي ماعنديش ليه الكانة م”قاطعاتو وهي مخنزرة فيه”
فاطنة : وامتا بسلامة تكون عندك هاد الگانة ؟ امتا نتا كانت عندك من نهار حليتي عينيك على دنيا ونتا نقشتك ديما طايرة من نهار وعيتي وبديتي تهضر ونتا مصعصع علينا مايهضر حد من وراك مايقول حد لا ولا اي ؟ راك راااااجل ويحلفو بيه رجال حامي خوتك وولد ناس وولد الخير ماشنا منك عيب لافوت الي فيك باغي كلشي يكون معاك ؟ وغا جاوبني اش دار ليك فوزي ؟؛
عصام”جهد صوته” : مادار والو مادار والو تهنيتي ؟
فاطنة : ماتغوتش عليا لا يحساب ليك تگادو ليك الكتفين(الكتاف) تهز وتحط عليا…وزيد قلقني نغضب عليك الى يوم الدين ..
عصام : زيدي تانتي على با غضبو بجوج الله اودي…
فاطنة : مال جدك غاضب عليك لخاطرو ؟ وعذر عذر فين يتعذر دير تقبة فقشابتك باش توساع…خلي الما منيني يدوز…غذا ولا بعدو تبغي تجوج اش تلقا ؟ تلقاك وحدك…”هزات صبعها ليه” راه لا ساقو الخبار واليديها مشتتين والله لا عطاوها ليك ومني انا وجبد…ونوض جاوب خوك…
عصام”سكت كيدوز على لحيتو بنفاذ صبر اصلا راسو بغا يتشق غير صابر حيث فاجنة مكيقدرش يهز فيها العين..جر ايديه بجهد على لحيتو” : ففف صافي دابا نجاوبو غا هنيني…
فاطنة : وهكاك هانتا على مزيناتك راجل شهوة منك…ماكاميش
عصام : خليتيني ؟
فاطنة : نعل جدر والديك كون تحشم!!! “شافتو نايض” فين مگعد”
عصام : نجيب الفطور تفطري معايا…
فاطنة : وصبر هاني جايا وجد وكمي بينما جيت دابا..”خلاتو وهي تنوض خرجات من الدار اما هو ضرب ايديه اخماس فاسداس..مشا بزربة شعل الكارو كماه حدا شرجم الكوزينة عاد هز الفطور حطو فالطابلة..شداتو شقيقة فراسو وخا كما لكن ديك الاستمرارية كل ليلة جاي سكران اثرات ليه على راسو…مشا جبد الخبز من الفران دارو يسخن…حط كلشي حتى سمع الدقان ومشا حل الباب وهي تدخل هازا فايدها طبسيل ديال كيكة مزوقة بشكلاط…”
فاطنة : هادي صايبتها بنتي صافا حداگت ليا فيومين ضهر ليا فيها العجب…”شافتو بغا يسد الباب” اصبر را جاي جيلالي…
عصام : طاح حبكم عليا هاد نهار ؟
فاطنة : نعل جدر بوك على خوتو..ونوض جري علينا نتا كاع..
عصام : صافي صافي..”ضار بان ليه الجيلالي جاي سلم عليه” مرحبا الحاج…”يلاه بغا يسد الباب وهو يتدفع بجهد غوبش حتى بان ليه داخل وهو يخنزر”
فاطنة : بوجه الله تاتسلم عليه بوجه الله ..ياك گلتي غاتجاوبو ..
فوزي”عينيه على خوه مغرغرين” : خويا”تلاح عليه على غفلة بتعنيقة خلا ايديه مسرحين” والله مانفوتك اخويا بالرب مانفوتك وخا دير الي درتي راك بويا ومي…
فاطنة”عينيها غرغرو هزات طرف شالها حطاتو على فمها” : الله على وليداتي الله…حب اولدي على خوك حب حب(حب هي بوس الى عقلتو فيامنة كانت كتقولها زينة حدات يامنة ل الياس اجي حبني هههههههههه)….
واحد شوي وهي تسمع صوت شي حد كيهضر بقات كتصنط تصنط حتى بان ليها دخل…
فرح : عمي علييي !!”ضارت جيهة دروج وهي تنزل بزربة مشات لعندو..” عمي علي عمي…
علي : اه اه بنتي فرح عالسلامة…فين واحد زين الدين ابنتي..
فرح”جاتها البكية تا شدات فدمعا بايدها” : عيااان اهى اهى طط طاااح گبيلة…
علي : شش تهدني بنتي…ياكما الديابيت نزل ليه”حركات راسها” وفين هو لفوق ؟!
فرح : اه لفوق ولكن مزال عيان عافاك شوفو…
طلعات هي وعلي الفوق دق الباب ودخل مشا لعندو..لقاه داير ايدو على عينيه وناااعس ماهواش هنا…وهو يحركو وعاود تا حل عينيه وحيد ايدو مغوبش…
علي : شوية !؟
زين الدين : يلاه كنت شوية…شي باس مكاين ؟
علي”ضار عند فرح وغمزها بحركة مضحكة” : لا را لباس باغي غا ينعس…
زين الدين”باقي مخنزر” : كبرتيها فينا ؟؟؟
فرح”مسحات دموعها وتسمات”
علي : را باغي غير منين يعطيني…مالك اش طرا ليك…
زين الدين : الحاج شنو جابك ؟!
علي : توحشتك…
زين الدين : لا حول ولا قوة الا بالله…
علي : نبقى ولا نعطي التيساع ؟!..
زين الدين : نتا وايمانك..”هز راسو” حيد من وجهي الحاج..”حيد علي كيضحك وهو يشوف ففرح لقاها مبسمة ماينكرش الفرحة الي هو فيها دابا انه قدر يشوف ضحكتها وخا غير تبسيمة خفيفة وكيف كيقولو اللهم العمش ولا العما..” فيك مايرتاح لتحت على برا ؟!
علي”ضار جيهتها” : ومالها مكاين ماحسن من ديك جردة وصي وصي لينا على شي براد اتاي يلحقوه علينا هو وشي حليوات اللوز ناكلهم انا وفرح ونتا ضرب لوالديك مملحات…(متنمر هههه)..ياك ابنتي…
فرح”شافت زين الدين عينيه مغوبشين وحجبانو ملاقيين بنعاس وحاضيها..واش تبغي ولا مزال خايفة ولا متوترة…وخا بانت ليه ماهياش عرفها تخلعات عليه ومزال مخلوعة…شافت فعلي الي كيقوليها اش كاين” : احم واخا نمشيو…
علي : اسيدي تبعنا دخل دوش مع راسك تاتجي عندنا..”قرب عند فرح” يلاه بنتي زيدي ههههه زيدي..”مشا هو وياها خرجو من البيت خلاوه رجع تكا هز تيليفون دوز الخط لمراد”
مراد : خويا هاحنا باقين كنتسناو يجيبوها لشومبر ولكن را مزال ماتفيقش والى فاقت غايدخل عندها طبيب العظم حتى يكملو ليها عاد نشوفوها…
زين الدين”حنحن ونطق” : شوف واحد السيد شوي ويكون تما غادي يعطيك واحد صاك فيه حوايج مك عطيها تلبس وتحيد ديك الحالة ونزلها عند فارماسي خوذ ليها بوماد شوي ونرسل ليك سميتها وماتنساش ليها دوا ديال طونسيون..مراد دير بالك الله يرضي عليك هاد ساعة ماعنديش الاستطاعة نجي تما..حسب من هنا لعشية فحال والو نكون تما…قضي غراض نعول ؟!
مراد : الله اودي را كي انا كي نتا…”قطع معاه وناض بدل دوك الحوايج مادوش كاع.وحيث قرب الضهر توضى وخرج..لبس تيشرت وسروال كحلين..تكا على الكوافوز واحد شوية فحال الى بغا يستراح…من بعد هز باكية الكارو والبريكة..وخرج نزل لتحت مشا نيشان لجردة حتى بانت ليه فرح حدا علي كيضحك معاها وهي مبسمة ديك الضحكة الكبيييرة الي بغا باقي موصلش ليها القهقهات ديالها ديك فرح القديمة باقي مارجعاتش..وخا بدات تحسن تدريجيا لكن الي باغي هو مزااال وباش ترجع خاصها حاجة وحدة..وكيغايدير يوصل ليها كان ماجل حتى يشوفها فهاد الحالة داك الخوف وديك الرعدة والرهاب من الناس الي كان فيها هو الي كان عائق بالنسبة ليه…حنحن بصوتو معلن قدومو حتى ضارت عندو هي وعلي..
زين الدين”لاح الباكية وبريكة فوق طابلة هز سروالو من عند ركابي باش يجلس” : تيسرتي الحاج ولا شنو ؟
علي : اااش نقوليك اولدي الى هاد الحليوة باللوز وهاد كعب غزال الله الى بغاك غانتا…
زين الدين”هز حاجبو داير صباعو مسند بيهم حناكو” : بابت اش ؟!
فرح”بلا ماتشعر” : لا لا خايب عليه حرام عليك…
علي”ضار مدهشر” : هاااناااري…
زين الدين”هز ليه حجبانو” : لگا مع راسك الحاج لگااااا…
فرح”ناضت وقفات” : نجيب ليك اتاي ديالك !!
علي”شاف زين الدين بغا يقوليها بلاش وهو يورك ليه على ايدو مسكتو” : سيري بنتي مزياان وجيبي مملحات ناكلهم معاه لا يتفگس ليا هنا عديم السكار الي قالها ليه…”حركات راسها وهي تمشي دخلات”
زين الدين : دابا وكان يضربك وجي شكي وبكي طلب غالستر..
علي : مكاينش الي يديرو ليا قدك اما الحلاوي”خشا ففمو كعب غزالة ههه” عليا بليمين لا بلسم على القليب…”شير ليه على فرح” بانت ليا ولات مزيانة تطور ملحوظ بجهد ااا ؟!
زين الدين”دور راسو لداخل حاضيها غاديا من لور الي محمق والديه..ورجع شاف فيه” : شوية بشوية…
علي : فراس جدها وخوها راها هنا ؟!
زين الدين : معلوم…يمكن غذا يكون جدها هنا..”تنهد ونطق بصوت خاااتر ومطول كل كلمة” شلااااااا فين كنا وفين ولينا…دزنا من عين البرة تكرفصنا وكرفصنا معانا بنادم…لا جيت نحيد شي حاجات مكانوش يكونو حاجات ولا جينا نشوفو كلشي مكتاب الله…”شير لصدرو” اناا مزيان ولاايني درت الخايب…”توقف علي عن الاكل مركز معاه”حسبني سوسة ودخلت..
علي : كيفاش سوسة ودخلت !!
زين الدين”سرح ايديه” : فهمك كفاية الحاج..”تقاد فالجلسة وهز ايدو رسم دواور بصبعو فوق طابلة” خاصني نفك العقدة منين تعگدت..”سرح كفو وخبط فوق طابلة بجهد”
بقا معنقو حلف ميطلق منو الا اذا عطاه ردة فعل تبين انه تجاوب معاه وخا غير بمعيورة دفعة المهم مايبقا مخاصم معاه..فوزي وخا يقسى عليه عصام تايعيا عمرو مايفوتو وخا يوقع الي يوقع…داز الي داز وماعطاهش خاجرو يخليه وحدو وهادشي الي بان من خلال مجيتو دابا والي التاجئ ل فاطنة وراجلها ك وسيطي صلح بينو وبين خوه الكبير والاب ليه…
فاطنة : عايش وليدي ما دير الخاطر ودوز دوز الله يرضي عليك را الخاوة حدها الدنيا…
جيلالي : عمر الد.م ميولي ما اعصام ولدي الله يرضي عليك..هاد تشتيتة الي تشتتو مكاين لاش طول…
فوزي”بقا معنقو مزيييير عليه”
عصام”غمض عينيه بقا نيت مهبط ايديه فلاخر هزها وربت عليه بشوي عاد طلق منو فوزي” : صافي موقع باس ..
فوزي”قرب ليه وباس ليه راسو على غفلة” : معمرنا نفوتوك اخويا توحشتك حق الرب الى توحشتك وتوحشت ناكل العسل بزاف و…
عصام : تا تشبع دينمك حناش ياك …
فاطنة : ويلي ويلي”دارت زيف على فمها كضحك بالحس”
جيلالي : هههه واش تبقاو واقفن هنا ولا يلاه اسيدي نفطرو جميع راني عطلت المشية لحانوت باش نفطر معاكم هههه ..
شاف عصام تا عيا ولا عنقو حيث اصلا فوزي تحط بين نارين بين عصام وبين ختو الي كتبقى بنت وخاص تقدم ليها الحماية من طرف خوتها…يمكن عطاه عذر انه جا وسطهم او يمكن بدا يسامح….
جلسو فالبيت الي توحشو فوزي الي توحش ايامهم وهما مجموعين عند الفطور او العشا واحيانا الغذا او فوقت كيكونو سادين الحوانت ديالهم…توحش هاد ريحة ديال خوه وسطهم ضحكهم تعبازو لفروحة ويعايرو عصام…حس بقلبو رجع لبلاصتو حس بروحو رجعات فين كانت لدرجة فاش جلس تنهد تنهيدة تا جمع عصام حجبانو وفاطنة وجيلالي هزو عينيهم فيه…
فاطنة : الله يا ولدي ومالك عليها…
فوزي ؛ توحشت دارنا هههههه”بغفلة عاوتاني باس كتف خوه تا كيخليه يشوف”ههههه
فاطنة”هزات البراد وبدات تكب ليهم اتاي وتعطي..هزات طبسيل كيكة وهو يوقفها فوزي” : اش كاين !!
فوزي : صفية الي صايبتها قلتي !!
فاطنة : اوكيه !!
فوزي : منين جابت المقادير ؟!
فاطنة : اويلي يغرگ فيه(يغرق فيه)…هذا مالو…
فوزي : دابا بغيتي تقنعيني صفية دارت كيكة !! هاد كيكة ؟العجب هاد بنتك هادي عندها شي مواهب فالاوقات المناسبة ليها هي صاافي..سوووبحان الله…
فاطنة : تا هذا شيگول !؟
فوزي : مي فاطنة كبرتي مابقيتي تفهمي والي…
فاطنة”خرجت فيه عينيها بواحد تخنزيرة سيبت ليه الما فركابي ونطقات بوااحد نبرة ديال صوت فحال تهديد عااارفها تقد عليه وتفوتو خهه” : اداك المسلگم طلق طبسيل لا نديرو مادارو جدودنا لولادهم فالسمرة !!!
فوزي”صرط ريقو” : شش شش دااارو !”استغرق وقت عااد فهمها…طلق طبسيل بسهولة” هاني صافي سمحي ليا…
جيلالي : ههههه اكول يا بالهبيل كول ههه بسم الله سي عصام
عصام”حرك راسو وهز الكاس عطاتو طرف من كيكة دارتها كانت معلماها ليها فرح تريليتشا والي عارفاها عزيزة على عصام بزاف اما فوزي حدث ولا حرج حيث مسقية بنص ايطرو حليب وفوقها صوص كراميل وكريم شانتيي مزوقة فحال زواق الي فميلفوي الفوق…بغا ينوض الكوزينة وهي توقفو فاطنة شاف فيها” : بغيت نجيب المعالق !!
فوزي”طبطب عليه” : غير جلس انا نجيبهم..”جلس عصام وطار فوزي لكوزينة داخل فرحااان حاس بالي شي حاجة زوينة وقعات والاسوء بدا يحيد…او يمكن يبقاو المشاكل كل مرة يبانو عادي…هز المعالق لقاهم غير قدامو فاكره بلاصة كانت فرح كتكره يحطوهم ليها فيها هي فطبسيل حدا لافأبو وهي شارية ليهم مجورة خاصين بيهم صغار…لدرجة نسا راسو ونطق” ناااري وتشوف فرح فين حطيتيهم نااري”غمض عينيه وضرب جبهتو تفكر الي طاري..ساط بتعب على الحالة الي وصلو ليها…ولا خرج من الكوزينة ودخل عطاهم المعالق وكل سما الله وبدا يفطر فجو وخا مشحون شوية مع عصام لكن كيف ماكان الحال را مرطب ومهدن من جيهة خوه…
فوزي”ضرب طرف لول وزادو تاني وهو يدور عند عصام” : احم خويا..خالي عبد العالي يمكن بعد غذا غادي…
عصام : فراسي..
فوزي : وماقالش ليك بالي غايرجع رجعة وحدة هنا ؟
عصام”هز حاجبو زدار نصف دورة” : كيفاش ؟!
فوزي”حرك راسو” : وااه غايرجع هنا بمرة..
عصام”داير الكاس حدا فمو شادو بايدو وعينيه فنقطة بعيدة عوج فمو باستغراب..” : العجب…
جيلالي : ياك هو الي مشا لداخلة هادي سنين ؟
عصام”حرك راسو”
فاطنة : ايوى لا صاب مرجوعو لبلادو حسن ليه مايفرط اجيلالي…
فوزي : انا غانمشي لسيدي بنور نجيب حوايجي وغذا غانرجع هنا…
عصام”عض فمو تا عضو بغا يقول وفحال الى متردد شوي نطق” : خليك هنا تالصباح..ن “دوز على لحيتو وعاود تا نفخ بفمو” فففف..فحال والو نتحرك معاك تال تم…
فوزي”خرج عينيه بصدمة لكن سرعان ما جمع عينيه وتصرف عادي وخا تصدم” : احم ايه نبقى علاش لا ونرجع معاك نيت..هههه”اييييييي فوزي فهاد اللحظة فرحتو ماتعطيها لحد وخا ناقصة بالنص ان فرح غير موجودة”…
رجعات فرح هازة صينية اتاي مسوس ووراها البنت هازا واحد الديكور على شكل قفص ذهبي فيه زوج طبقات طبقة فيها مملحات وطبقة فيها بسكوي مالح ديال Tuk بنكهة البصل والثومية…حطات صينية قدامو والبنت حطات داك القفص ورجعات لداخل اما فرح جلسات فبلاصتها…
علي : يلاه وهانتا حاطين ليك ف قفص مذهب بتاويل وديكور نعماس وخا مافياش سكار حسدتك…
زين الدين : عاند عاند ابا علي(داك المثل ديال عاند وماتحسدش هههه)…
علي”شاف ففرح لقاها ساااهية بعيييييد يعلم الله فاش كتفكر..قرب لزين الدين ونطق بصوت منخفض” : شنو غادير فالخدمة ؟!
زين الدين”شرب من كاسو جغمة” : هي علاش جينا…
علي : ياك بعدا الامور مزيانة مع فرح !!
زين الدين : رجوعنا ب رغبتها..
علي : معندي ميتسالها…امتا عندها پخوشين سيونص عند يونس ؟!
زين الدين : نوغمالمون شاك كانز جوغ (كل خمسة عشر يوم) فلول..نشوف مع خاطرها شنو بغا…”دور راسو عندها لقاها ساهية ماهياش معاهم كاع بالمرة..” فرح !!
فرح”الصمت”
زين الدين”قاسها بكتفو بشوي وهي تقفز تا شهقت” : شش بشوية عليك…مالك ؟؟!
فرح”صرطات ريقها كانه فيقها من شي حاجة تقوقعات فيها كانت مرعبة لدرجة الفزع!!” : احم مماليش..”تنهدات كتنفس من بعد نطقات” غير كنت ساهية…
زين الدين : فكري فالحاجة پوزيتيف شحاال ماگديتي وشحال ما جهدتي راسك على التفكير الايجابي فضل ليك…شحال ماعطيتي جهد فالتغيير فحال كيف درتي دابا جيتي مع علي هنا وحدك معاه,,نزلتي وحدك جبتي ليا كوكا وسكار
فرح”قاطعاتو بحزن باين فعينيها الي لمعو بالدموع” : هاديك ماحسيتش براسي امتا نزلت وجبتهم يمكن بالخلعة…
زين الدين : وشنو جرا ليك ديك ساعة ؟!
فرح : واالو..انا ماشي خايفة نتلاقا بشي حد وحدي عارفة راسي هنا فالامان…عارفة وخا تمشي لخدمة غادي تجي عارفاك مغاديش تعطل بزااف وحتى الى تعطلتي كتعيط ليا فالتيليفون…خايفة نتصدم ثاني”نزلات واحد دميعة خفيفة كتجرييي”..
زين الدين”هز صبع الابهام وحطو على دمعة الي نزلات على خدها وطلعو بمسحة تال عينيها وجبد المسحة وعينيه فعينيها” : خاصك تعرفي الدنيا هي هادي اليوم معاك وغذا عليك ولابد عليك ماتواجهي الصدمات باش تعلمي..ماتخليش خوفك منهم يطغى عليك..بالعكس واجهي..شنو غايوقع ليك !! تموتي ؟ هذا امر الله علينا اجمعين…
فرح”عوجات راسها” : كنحاول والله حتى كنحاول…
زين الدين”حك بايدو على كتفها بلطف حتى غمضات عينيها” : ماعليش ماشي كلشي جملة شوي بشوي..النص الواعر تحيد فييين كنا وفين ولينا…
فرح”هزات صباعها كتمسح دموعها” : بغيت نهضر مع جدي…
زين الدين”خرج عينيه باش يتاكد” : بصح ؟
فرح “حركات راسها” : والله…
زين الدين : هذا وكان ؟
فرح : وبغيت نشوف صفاء..
زين الدين : وشنو ثاني…
فرح : مي نجية ومي فاطنة…
زين الدين : زيدي مزال…
فرح”تبسمات” : هه وسيمو…
زين الدين”مد ايدو لشعرها مسح عليه وقرب راسها باسو” : الحاج المحجوب على ماعلمني جاي صباح يشوفك…وصاجبتك نشوفو على حساب شنو لوقت ديال خدمتها الحاجة تساهلنا معاها مرة جوج الله يجعل شي بركة…
فرح”تبسمت وحدرات راسها” : يااك بغيتي دير عليها شاف…
زين الدين”هز حاجبو” : شنو ماجاتش عليا ؟
فرح”زمات فمها وهي تحرك راسها ب اه حتى ولاو حناكها حمرين”
زين الدين”عض شنايفو وهو حاضيها حتى جاتو واحد النغزة من جنب لاخور..هز راسو لسما عاد هبطو ودورو ناحيتو” : ياك لباس ؟!
علي : نبدل ساعة باخرى ياكما جعجتكم (ازعجتكم بالمزاح تاع سي علي)
زين الدين”هز ايدو بثقاالة ودور صباعو كيوصف راسو” : صدااع الحاج صداااع بزايد…
علي”حط ايدو على صدرو” : تانا را عندي المدام يحساب ليك فرادي..
زين الدين : المعنى لاخر ؟
علي : نوض لخدمتك…
زين الدين : لا…
علي : ايوى بيع داك الكلينيك والمحلات وشري بيكالا…
بقاو يتراشقو بالهضرة كيف عادتهم وهادي هي صحبة زين الدين وعلي…علي اقرب صديق وشخص لزين الدين يمكن اقرب شخص ليه على الحسين..عشرة من الكلية ديال الطب استاذ وتلميذو طالب وبروفيسور ديالو…صديق وصديقو اخ كبير واخ صغير ليه…شي حاجة فايتة الصداقة لهيه الاخوة الصادقة بيناتهم…على يقدر يهز صوته على زين الدين وميعاودهاش معاه وخا عمرهم تقريبا وصلو لهاد المرحلة الا اذا رفع عليه صوته فشي حاجات عاديين لا غير….تافق هو وياه بالي يوم غذ غادي يستانف الخدمة فالكلبنيك ويرجع لحالات ديالو الي بعضهم تاجلو وبعضيهم مشاو لعلي وشي مشا لبروفيسور اخر…من بعد ناض علي ومشا لاشغالو بقاات فرح هي وزين الدين حتى صونا ليه التيليفون…كيبلغو مراد بالي ضحى فاقت تقريبا وبالي سالاو ليها الامور الخاصة بالكسر…
فرح : غاتمشي عندها ياك ؟!
زين الدين”عينيه كيشوفو بعيييد وصباعو كيحكو فلحيتو” : ضروري…
فرح : وشنو كتسنى سير دابا باش ترجع…
زين الدين”حول عينيه لعندها” : مساخياش بيا ولا شنو”غمزها”
فرح”بدات ترمش مالقات ماتقول ههه”: حيث مزال عيان خاصك ترتاح…
زين الدين”رجع شاف قدامو واحد شوية تا ناض وقف” : نمشي نشوفها دابا ونشوف شنو نديرو معاها ونجي..الى عييتي رتاحي الفوق ولا شنو ماعجبك ديريه هادي دارك الفرحة ديالي…
ناضت هي وياه طلعو لفوق هو مشا لبيتو بدل عليه لبس نفس ستيل باش كان فالدار غير هما ديال الخروج…هز بزطامو وسوارت طوموبيل وتيليفون…خرج من البيت دق عليها علمها بالي غايمشي وتاكد انها مزيانة وغايتهنى عليها وكيف العادة تخلي تيليفونها حداها لانه غايتاصل بيها فحالة بغا شي حاجة حدوث اي شيء ولا للاطمئنان…نزل كيجري مع دروج خرج من الفيلا وركب فسيارتو قبل ميخرج وصى العساس ثاني عاد خرج وكسيرا نيشان شد طريق لمستشفى الي غير وصل ليه لقى مراد واقف هو وريان كيهضرو ويشرب فالقهوة بلاصا طوموبيل ونزل تا مشى عندهم سلم على ريان وطلعو بثلاثة لفوق بالضبط فالغرفة فين حولو ضحى…
مراد : مكتهضرش غير كتشوف وصافي قالت لينا طبيبة حيث مزال عيانة الجهد باش تهضر باقي ضعيف…
زين الدين : عمتي ؟
مراد : عندها لداخل..”دق الباب تا سمع صوت توبا كتقول دخل عاد حلو بشوية طل براسو وهي تبان ليه مجبدة دايرين ليها جبيرة لرجلها ووحدة فايدها على شكل باندة قاصحة خاصة بالكسر ومغطية بايزار بيض خفيف…تمشى بشوية حتى وقف عند راسها كيشوووف فيها وجهها بيض وفمها بيض معلقين ليها سيروم وكيس دم اضافي…”
توبا : ولدي كتبان ليا عيان مالك !!”مجاوبهاش كانو عينيه فقط على ضحى الي كانت غير كتشوف والي غير سمعات اسمو وهي تهز عينيها لعندو”
ضحى”غييير شافتو وهي تخسر سيفتها معلنة بداية بكااء” : امممننننن اهى اهى زين الدييين اهى اهى..
توبا”حدرات راسها وبدات تبكي تاهي لكن البكا ديالها وحدووو بكاء الندم اللوم بكاء الحزن وعلى شنو دارت البكاء على ذنب ارتاكباتوو..”
زين الدين”هز عينيه فتوبا ونطق” : عمتيي”هزات فيه عينيها بدموعهم..شير ليها براسو باش تخرج معاودتهاش معاه خرجات ديك اللحظة..غير تسد الباب وهو يرجع شاف فضحى الي مزال كتبكي وتنخصص..”
ضحى : اهى اهى اممم…
زين الدين”قلب بعينيه على شي كرسي حتى بان ليه لهيه ومشا جباو حطو حداها وجلس مفرق رجليه وشابك صباع ايديه قدامو..” : علاش كتبكي ؟!
ضحى”جاتو من التالي” : مكنب ببكييييش على راسي اهى مكنبكيش على هاد الحالة الي انا فيها…”عياات مابقاتش قدرت تزيد تهضر حيث باقي دايخة بالبنج اصلا وعيانة..”
زين الدين”داير ايدو على لحيتو وكيشووف فيها مضيق عينيه تفكر نهار عيطات ليه فالتيليفون وطلبات سماحة يمكن حس بيها بصح نادمة لكن شنو غاينفع الندم من بعد هادشي الي وقع!!شنو غايدير معاها..وخا من خلال فاش دخل وشافهم غير كيفاش كانت متكية وكتشوف بعيد كانت دايخة بالبنج شوية وباينة كانت مدورة وجهها على توبا واش تكون حطات اللومة على مها فكلشي ومامسامحاهاش على الي دارت ليها…الشي الي شفناه فالاحداث بين توبا وبنتها ماشي هو عارف زين الدين…بقا غير كيشوف فيها هي كتبكي وتشوف فيه وهو كيشوف فيها بواحد النضرة فشيي شكل…شوي نطق” : سكتي..”هز صبعو دارو على فمو” هضرت معااك…”حدرت عينيها وعضات فمها باش تحبس البكا”…
زين الدين”خبط ركابيه بشوي معلن على وقوفو..بقا واحد شوية كيلعب بخاتم زواج ديالو فصبعو وحادر عينيه جامع حجبانو وكيفكر..فلاخر استغفر الله العظيم ونزل شوية تا طبطب ليها على كتفها ودوز على شعرها” : ماعليش رتاحي دابا من بعد من بعد الهضرة…غذا فالصباح يحولوك لكلينيك عندي…”عاود طبطب عليها وضار خرج لقا توبا واقفة هي وريان ومراد الي غير شافوه وجاو لعندو..شاف فمراد” رجع لدار رتاح خوذ ليك يومين راحة من الخدمة…”شاف فريان” غذا بالليل دوز عندي لدار عندنا منديرو…
توبا : غذا نمشي معاها لكلينيك يااك ؟
زين الدين”حرك راسو مزال هاز من جيهتها غير كيكابر وصافي” : يلاه في امان الله ماتكثروش عليها الهضرة محتاجة ترتاح وكان تكون فالكلينيك كاين مايدار تما معاها…”شير لمراد يتبعو وريان تاهو من بعد ما سلمو على توبا ونزلو مشاو ..
نزلو تبعوه تا خرجو الباركينغ فين حاطين طوموبيلاتهم…وصل زين لسيارتو ووقف حال الباب الامامي تا وصل عليه ريان ومراد…
زين الدين : جيب معاك الشيكات الي بقاو عندك…
ريان : ضروري…عندي ليك حتى واحد لانفيطاسيون حتى نجي ونعطيها ليك”غمزو” من عند الواليدة هههههه…
زين الدين : مرحباا بمجايب الحاجة الله اودي…نشوف شي وقيت ونجي نشوفها..يضهر ليا مقفرها معاها…
ريان : هعهههه وبزاااف اخاي…”ضار جيهة مراد لقاه متكي على طوموبيل ناعس” ششش ااااشريف تگعد
مراد”هز راسو قافز” : هاانعام هاني…
زين الدين”مكمش عينيه وحجبانو من اشعة الشمس” : تحرك معايا؟
مراد : والله الى احسن عيان مافيا ميسوگ تانرجع فالعشية فطاكسي لهنا…”ركب مراد حدا زين الدين وريان مشا لسيارتو…كسيرا زين الدين راجع لدار من بعد مادار اتصالاتو وصى الناس الي عندهم النوبة فالنهار على قبل ضحى وحيث معارفو فالاطر الطبية كثار وخارجها مغايلقاش مسكيل ابدا فهادشي…غير المعرفة قاضية ليه الغراض بلا فلوس…غير وصلو لدار نزل مراد نيشان طلع لبيتو تلاح ينعس…
الرابعة مساءا وصلها الميني بيس ديال الكلينيك عند راس الدرب فين كيحطها…قبل ماتنزل من شرجم بان ليها واقف خاشي ايديه فجيابو وكيتسنى فيها غير نزلات مشات مكمشة فصاكها ولانش بوكسها وحجبانها معقودين فيه زعما را خلعها..
صفاء : حبي واقف كيتسناني ولا بيه ش مشكيل…
سيمو”بصوت محگور ديال بلعاني” : دنيا غدااارة…
صفاء : خلات ليك vu ولا قالت ليك ممهتمش
سيمو : ضريتها…
صفاء”خبطات صدرها تا قفز” : تا شدرتي لحياة الكاااااالب…ياكما دخلتي عليها”عينيها خرجو”
سيمو : يدخل عليك حمار انا معاك بالله وبشرع دعيناك لقتال المشاش…ياكودشباس مكاين ؟!
صفاء : وكي طرا تسنيتيني ولا غير صدفة…
سيمو : لا صراحة اول مرة نتجرأ ونتسنى الزرگة حبي…
صفاء : اش تم !؟
سيمو : ناويين نديرو قصارة نرجعو الايام…
صفاء : هينيكن ولا الصافية المنبع مكحلة رية ومسكتة سعد ومثقلة الذنوب…
سيمو : ب مك…تنتقيا ليك الحقيقة (زعما كنهضر معاك بصح)
صفاء”خشات ايدها فدراعو وتمو غاديين” : اتيني حبي…
سيمو : قصارة مع اللحيمة فدجين…قاليا زين الدين ولات شوية وجاو البارح فالعشية راكي عارفة..مهم غذا غادي با المحجوب وانا ومي وبغيناك تحركي معانا مادام غذا روپو ولكن نتقداو شي لعيبات حيث سمكن نباتو تما…
صفاء”عينيها لمعو” : ياكما لعيباتنا ديال زمان ؟
سيمو”غمزها بديك الحركة كيحل فمو ملي يغمز يسدو تاهو” : والكارطا بالحكيم شقالو ؟..
صفاء”خبطاتو لصدرو تا زوا نسات راه غا جوج عضام” : ياااانعاااااال وااااالديييييييييك…وزعما تبغي تجمع معانا…
سيمو : نحاولو اش خاسرين !!
صفاء : احااا على سيمو فاش كيدير عقلو كيولي بلق والدااااكا الداااكا…
سيمو ؛ دماغ شغالة مش بتنام ااااطونسيون…
بقاو غادين كيتنابسو ويتناگرو ويتافقو كيف العادة مفكرين صحبتهم بثلاثة الي غايحاولو باش ماقدرو يرجعوها وهادي بحد ذاتها معاونة لفرح…يلاه وصلو لدرب حتى بان ليهم عصام وفوزي قدام الدار كيهضرو تا فرانا سيمو وصفاء مخرجين عينيهم ممثيقينش واش فوزي هذاك…
صفاء : ااااااحبي…
سيمو : لاااهتا فوزي…بلا متسولي…”
صفاء : واااربي الحبيب دويرة غاترجع تعمر ثاني”عينيها غرغرو خصوصا عينيها مشاو لعصام نيشان الي كان واقف باينة عليه تبدل وهادشي لاحظاتو غير هي حتى دخل عصام لدار وبقا فوزي…بقاو غادين تا وقفو عليهم…
سيمو : تا فوزي الدب الاثيوبي هذااااو..
فوزي”خنزر فيه” : الي غايطير لمك راس يااااو…
صفاء : امتا جيتي هههه”شافت فعصام وشافت فيه”
فوزي : ليوم فالصباح فطرت انا ومك وباك وعصام بديك كيكة الي مرطبة بالحليب وفيها لاكريم وااايضهر ليا كطيييري فطياب ااا ؟!
سيمو”جمع ضحكة ومد راسو عاطي وذنيه” : اينا كيكة فالكياكي…”حيث كان كيطلبها على كيكة الي كانت كدير فرح ومابغات ديرها ليه”
فوزي : ديك المسقية بالخليب اصحبي…
سيمو”خاشي ايديه فجيابو..ضار عندها معوج راسو ومهبطو فيها تالعند وجهها بقا يرمش وهي ترمش هو يرمس وهي ترمش” : كيكة تريليتشا ياك ؟ راني نعقل عليها من كثر ماحفيت فمي وانا نطلب…درتيها ياك ؟!
صفاء : صلي عالنبي…كلشي جا على غفلة كنت بغيت نعرض عليك وداو ليا تيليفوني….
بقا سيمو يحلف ويتوعد ليها لا بقاات فيها وفوزي يزيد ففيخرات من عندو…ولداخل ديالو حاس بواحد راحة فشكل يمكن حيث توحش هاد الاجواء الي غابت على دارهم والدرب…ماتفكات من سيمو تا حلفت ليه بالي غاديرها لغذ ليه وحدة ليه يخليها فدار يبقا ياكلها تا يجيوه اللفاعي وولادهم ماشي غالحناش وثانية تديها لفرح فاش يمشيو عندها وهادشي رجع ضر فوزي فخاطرو حتى بانت ليه فوجهو ولاحضوها فيه وهما يلبدو الموضوع…دخلات صفاء لدارهم وسيمو تاهو اما فوزي مشا بالموجور ديالو تا دار ليه ليصانص عاد تحرك ل سوق لالة زهرة يشوف الحانوت الي بغا يرهن فين وصل ويشوف صحابو…حيدات حوايجها ولبسات ديال دار تيشرت طوييل حد ركبة خضر فيه كتابة من وسط وسروالو ديال قطن فالكحل..مشات توضات ورجعات لبيت لبسات ملحفة مغطية ليها كلشي تا رجليها فرشات سجادة وصلات الي فاتها كان العصر اذن تاهو صلاتو..عاد خرجات لقات امها كتهضر مع ولدها…
فاطنة. : وادوز بخير..وهانتا لا صبتي كي دير رسلهم ليا مع الكار هاو بعد يصبح الحال يمشي باك لمحطة يسول امتا يوصل….”قطعات معاه وحطات تيليفون شافت ف صفاء” تغذيتي ابنتي شي…
صفاء : وااه امي..انا خارجة”مشات لبسات عليها بوليرو طويل” نجيب مقادير ديك كيكة الي درت ساق الخبار سيمو ولصقني عليها..وندير وحدة اخرى نديها معايا غذا لفرح…
فاطنة”جبدات من بزطامها فلوس” : وهاكي بنيتي جيبي ليا تانا ندير ليها خبزة شحمة الي تعجبها…
صفاء : ماااي خلي فلوسك عندك وقولي اش خاصك ؟
فاطنة : هاااو سعدي وفرحي باامنااات زينات الي ميخليو مهم تجبد سانتيم هااااو…
صفاء : ههههه وطلقي…
فاطنة : جيبي كيلو كفتة وكيلو شحمة ونص كيلو لحم…
صفاء : قويتي افاطيمة”شافتها جمعت صحكة” صافي نجيبهم وديك ساعة وصي عصام…
فاطنة : ميبغيش يشد من عندي الفلوس ابنتي…”حركات راسها وخرجات من دار كتشوف فبزطامها واس هازا فلوس كافيين ولا تمشي لبنك تيري لفلوس…وهي غاديا حادرة راسها تا سمعات باب دار تحل وخرج عصام الموطور غير شافها وهي توقف”
صفاء : عصاام على سلامة هههه
عصام : على سلامتك نتي…فين غابرة…
صفاء”صرطات ريقها” : واالو غير كنت مسافرة ر راك عارف..
عصام”عقد حجبانو تفكر بالي كانو عندها ف تارودانت..بانت على وجهو العصبية..مالقات ماتقول واش تهضر ولا تسناه يهضر ولا شنو دير…خرج لسانو طواه كيتفكر تاني رجعو بيه الذكريات لماضي بعييييييد…حتى سهااا ثاني وهي تفيقو بثوت كحبتها…شاف فيها ونطق” : مزياان مزيان…تيسرتي فالخدمة ؟
صفاء : الحمد لله مزيان”دخلات خصلات شعرها ورا وذنها..باين عليها التوثر والخجل وهادشي لاحضو هاد المرة..
عصام : نتي الي درتي الكيكة گالو ليا…
صفاء : هههه وااا غا قبل علينا وصافي هههه
عصام : الله اودي قاابل علاش الي مانقبل..ايوى لالة الله يعطيك الصحة…
صفاء : بصحتك ههه..هاني نيت غاديا نتقداها نصايب وحدة لسيمو وثانية نديها معايا عند فرح جات لكازا ووو”عضات على سنانها وغمضات عينيها” ممم ففف
عصام”عاود رجع الغوباشة من جديد تا هز ايدو وخبطها فوق الموطور بشوي..”
صفاء”بقات عاضة شنايفها وقلبها كيضررررببب بان ليها وجهو تبدل واحد نضرة دايرها فشكل…ماعرفاتش علاش بقا فيها ثاني حسات بيه هاااااز بزااااااف وصابر ومكمدها وساكت…حاسة بيه هاز جبال قوية من الي عرف معنى الدنيا وهو مكيشكيش…مالقات مادير واش تقوليه بسلامة ولا شنو دير ماعرفاتش…مالقات غير” : عصاام..مادير فبالك والو والله كلشي غايتحل وكلشي غايتقاد وان شاء الله امورك تقاد..والله حتى حاسة بيك عارفاك ماشي شي واحد خايب عارفاك ولد ناس وشديد…راني حليت عليك عيني وماعمرك عاملتيني خايب بالعكس ديما كنحتارمك ماعمرنا شفنا منك العيب…وخا يوقع الي يوقع مع خوتك مغاديش نفوتو حيث مادرتي لينا والو والي كاين كيبقى بينك وبين خوتك والي بيناتكم ماتعرفو ليه غير نتوما…
عصام”هز عينيه كيشوف فيها وهي كتهضر وواحد اللمعة فعينيها وهي كتشوف فيه…”
صفاء : حنا الى تقلقنا نهار لول غير حيث”هزات كتافها” راك عارف بلا منهضر…وخا ضارت فيك مي داك النهار را غير حيث عزيز عليها وماش”مزال مكملاتش هضرتها وهو ينطق بدون سابق انذار ليها مباشرة فوجهها”
عصام : صفااااااء”سكتات كتشوف فيه” تزوجي بيا ؟؟!…
فاش كيجي النصيب را كيجي الوقت الي مقسمو ليك الله سبحانه وتعالى تحت اي ضرف او سبب من الاسباب…وهاد الجملة الي كانت كتسنى صفاء من الي وعات وعرفات معنى الحب عرفاتو بعصام قلبها تعلق بعصام بغاه عمر بيه..تكسر بسبابو تجبر بسبابو…لكن الصدمة الي وقعات ليها دابا وهي انها وخا كانت كتبغيه كتموت عليه لكن ديما كان فيها داك الجانب انه مغايبغيهاش وعمرو يشوف فيها ك زوجة انما ديما عصام كيشوفها فحال فحال فرح لا غير…
صفاء”حلات فمها شوي..الريق نشف قلبها من درجة ما ضرب حسات بفمها تنمل جاتها فحال الصاعقة ضربات بين عينيها وذنيها تصمكو وهي كتسمع هاد الجملة ديال تزوجي بيا..واحد الثواني معدودة يحساب ليها غير سيمو كيتفلى كانت على شوي تقوليه قابلة حبي هههه مخها تشربك بالصدمة…لانه الطريقة باش قالها ليها ناشفة مافيها لا مقدمات لا مؤخرات جاها نيشان مرة وحدة…”
عصام : تصدمتي ياك !!..نتي عارفاني كنجي نيشان معنديش مع دخل وخرج فالهضرة كاين كاين مكاينش مكاينش…
صفاء”باقا صاقلة الصدمة خدامة تشوط فيها باقا فحال داك الي يلاه فاق من النعاس كيستوعب فين كاين وشكون هو”
عصام”هز عينيه كيشوف بعيييد” : جربت نعرف بنت الناس نتعرف عليها جهد الي قسم الله من الايام تا طالو الشهور وخطبتها وماكتابش راك حضرتي وشفتي…باش نگوليك بغيتها داك الهضرة ديال الحب وداكشي ديال دراري مااعنديش معاه نهار نبغيك نهار نجيك لمعقول…طبعي فشكل مجهد معقول بزاف نقشة دغيا كطير ليا…بلا منعاود ليك راكي عارفة ثاني كلشي وقفتي معايا فالمصايب فالفرح فالقرح ماعمري شفت منك العيب وخا لسانك ماضي شي وقيتات…عارفة خوتي عارفة واليديا عارفة مشاكيلي عارف مشاكيلك…فاللول كنت ديما كنشوف فيك ختي الصغيرة والله شاهد عمري ما شفت فيك قل من هادشي ونهار تحلو عينيا عليك كابنت “سرح ايديه” هاني جيتك نيشان لمعقول..”هز صبعو” والمعقول ديال الدوام صبري ليا وكوني معايا وحتى انا…. عمري عليا داري ندور تا نعيا را مانلقاش بصح ماحسن منك…بنت الناس قاريا واعية وفاهمة والقلب الكبير رجولة فالمحاين…زوينة تبارك الله من كلشي…
صفاء”الصمت”
عصام : منتسنى منك تگولي والو هاد ساعة فكري ابنت الناس فكري وعاودي والي جدتي بيه انا معاك وقابل بيه..الى على المعيشة راك تعيشي معززة مكرمة وكيف كنتي دخلي لدار كيف تبقاي وحسن كاع كلشي ديالك..
صفاء”عاد بدات كطلع معاها الهضرة وبالي بصح الي كتسمع حقيقي…قلبها سرعتو فالخفقان ماحابساش جاها واحد الاحساس فشكل غرييب عجيب…ياما كانت كتحلم بيه كتموت عليه لكن عمرها ماكانت كاظن غادي تحس بهاد الاحساس كلشي مخلط مجخلط متضارب”
عصام : لا يحساب ليك انا من النوع غير الي كانت نخطبها ولا يحساب ليك غير حيث نتي عارفة كلشي علينا وعارفاني وعارفة مشاكيلنا وخوتي ولا يحساب ليك باغيك غير باش ندير الولاد…راني گلتها ونعاودها وخا معنديش مع تعاويد الهضرة لا خرجت الهضرة را بصح عانيها وعاطيها معنى…راني باغيك لدوام معايا فكلشي…والى مكنتيش باغيا جواج هاد ساعة ولا كتسناي تحققي شي حاجة فحياتك ولا تفكيرك غير التفكير ديالي ولا تكوني باغيا شي حد قاري فحالك هاديك هضرة اخرى مانوقفش فطريقك وخا منصيبش ماحسن منك…
صفاء”حدرات راسها وعينيها فلارض تا عضات طرف من شنوفتها كانها حابسة شي حاجة واش بكية ضحكة شي هضرة العلم عند الله وعندها وشنو سبب هاد الحركة…بقات هكاك واحد لمدة حتى نطقات بصوت بالكاد كيتسمع مشحرج” : عصاام..انا…
عصام : انا را ليا مدة طويييييييلة يا بنت مي فاطنة وانا نفكر فهاد الهضرة وفيك لا يجيب ليك مخك راني غا نعست فقت علمتك بالزواج..الزواج ا صفاء عمر زواج شركة بين جوج لعمر كامل ومن بعد الي وقع مع ديك بنت الناس خلاني واحد الوقت نفر من شي حاجة سميتها جواج اللهم تازوفرييت..وليني نتي وقفتك معايا مع خوتي العينين ديالي الي تحلو من جيهتك خلاوني نعاود نفكر ونفكر فهاد الخطوة كيف كيگولو ونهار قررت هاني علمتك واخا دخلتك بلا موجب شرع..غا عذريني هذا طبعي…”حط ايديه على كتافها مطبطب عليها”گلت ليك ماتگولي والو سيري فكري ونهار نحس بيك واجدة فالجواب انا نجي عندك نسولك محتاجة وقت كثر ماشي مشكيل خوذي شحاال ما فجهدك…واخا قارية عليا واخا جهدي على گدي غا تاكدي را عمر شي حاجة تخصك ونتي معايا…
صفاء”هزات ايدها حكات شعرها بتوثر وديك الايد كترعد ترعد تا هبطتها بزربة..ماعرفت ماتقول حسات براسها تشوط ههه..نطقات وهي مشتتة الشوفة عليه” : واخا نمشي ؟!
عصام”حرك راسو” : سيري ماشي مشكيل..
غير قالها ليها وهي تبسم ابتسامة خفيفة وضارت رجعات ادراجها غاديا وكتقيس فحناكها بالحس لقاتهم طاااايبييين اما قلبها كيزدح..بقات غاديا تالقات راسها دخلات لدار دازت على امها غاديا لبيتها تا وقفاتها بصوتها…
فاطنة : تي لحگتي الحانوت ومالگيتي والو ولا مالك تعطلتي..
صفاء”صرطات ريقها “: لا مالقيت والو امي…
فاطنة : وعلاش ؟!
صفاء : لقيتو حال”بغات تقول را لقيتو ساد” وجيت…
فاطنة : اويلي تغرگ فيه !!يتبقي الستر ياربي..
دخلات البيت وسدات عليها ومشات جلسات فوق ناموسية على طرف حاطة ايديها وعقلها غااايب مزال ماثر من الهضرة ديال عصام…اي نعم هي تقربات هي وياه فهاد الفترة الاخيرة من خلال الهضرة فالواتساب الي كانت مستمرة والي عمرها مكانت فاش كانت فرح وكانو عادييين لكن التقرب الي تقربات منو كان بلا خاطرها كانت معاه فجنبو فالوقت الي كلشي ضار فيه هي بقاات معاه فموقفها وديما كتسول فيه ويسول فيها ويهضرو لكن مكانتش كاتضن را غايطلبها لزواج بهاد الشكل…طبعا ماتنكرش ان جانبها الكبير فرفر فرفر وفرح يعني حب طفولتها وحياتها غاتجمع هي وياه تحت سقف واحد !؟ يعني كاع الي حلمات بيه هاهي غاتحققو هي ماشي وحدة اخرى…لانه وخا يخياب عصام تايعيا كيبقى الشخص الي بغاتو بكلشي فيه وبهاديك المواصفات الي فيه هي الي خلاتها تعشقو من الصغر…لكن…الضروف ماشي مناسبة لهاد الفرحة وهذا هو الجانب الاخر …
صفاء”بقات مصدومة وعقلها تخربق وقلبها كيصرب يضرب حتى تدق الباب وحلاتو فاطنة بدون احم ولا دستور مخلات ليها تا فين تعيش الاحساس الاول من الصدمة ديال طلب زواج..”
فاطنة : نوضي يا عديمة الگعبوب جيبي السخرة لا نجبد لوالديك العينين الي گاليك نجيبها انا هاي هاي هااااي…
صفاء : شوووكرا يا نبع الحنان يا رافعة معنوياتي…
اما عصام ف كيف مشات من قدامو تسنى واحد شوية عند الباب تاهو كيفكر حتى صونا ليه الهاتف…
عصام : فينك ؟!
صطوف : هاني قريب لعندك بلا متخرج لموطور وتجي لعندي لحانوت انا جاي…”قطع معاه وولا رجع الموطور دخلو لدار وخرج سد الباب وقف صطوف قدامو حل الباب وركب حداه”
عصام : فين كاينة هاد الفيلا ؟!
صطوف : مابقيناش غادين لهاديك غانمشيو لواحد الفيرما فطريق الواليدية تما فين دايرة الزهو…
عصام : انا حدي معاكم العشية وراجع لا عينك تبقى تالغذا وتكمل بقا…
صطوف : ومالك اصحبي ؟
عصام : ماعرفت اصل مك لاش باغي تقصر راني غا بغيت نجي معاك وحشمت غلبني وجهي مع السيدة…وزايدون اولد القوادة باغي دير دارك ومزال طامع فالقصاير”خنزر فيه” عينك ف بنت عمي ومزال زهواني يا تامل الي ولدك…
صطوف : حسبها الخو توديع العزوبية…
عصام : بدا مها هاد العزوبية مزال عليك الوقت…
صطوف : لا باغي نتناسب معاكم الخو..
عصام : لبدها وجمع كرك
صطوف : ونتا الي قلتي ناوي الحلال تانتا اش كدير حدايا دابا وهاد الليالي الي كنتي ضرب طاصة مع كرك اش نمسيوه داكشي ؟! تعلم الانجليزية في ايام !… انوض اوا جمع كرك ونجمع كري خلينا ندوزو العراضة بسلام ونرجعو…راني علمتك لا فات تا بغات بنت عمك على رقبتي ومكتوبي لا باقي باقي قصرت وديك طريگ نضرب على اصل مها…غا عطيني الخبار زينة وانا معاك…
عصام : تقود تحرك خلينا نمشي لهاد النم…
فالبلاصة كسيرا صطوف نيشان شد طريق الواليدية مسافة الطريق جنب البحر حتى دخل لواحد البيست كيهضر فالتيليفون وكتنعت ليه حتى وصل قدام باب الفيرما ووقف…خرجات لعندهم بكامل اناقتها كسوة حد الفخد حمرة بلا سماطي النص عند الصدر مرشوش بالاحجار اللامعة ولتحت مطلوق سامبل..مخليا شعرها على راحتو مطلوق ميكاب خفيف وصندالة ديال طالون جايا وتشوف فالطريق حيث كاين لغيس عاد ساقيين تما…
شيماء : ياااااا حببباااااااي…”سرحات ايديها غاديا لعند صطوف تا عنقاتو ودورات ايديها على عنقو”
صطوف : توحشت لقحبة مك…
عصام”عوج فمو مستهزأ بينو وبين نفسو” : بغا يدير دارو گاليك…
صطوف”بلا ميشوف فيه” : حسيت بيك الخو قرطستيني..
شيماء”ضارت عند عصام” : هههه عصام مرحبا بيك…
عصام : الله يكبر بيك اختي شيماء…
شيماء : يلاه دخلو اش كتسناو…”سبقات هي وتبعوها بزوج دخلو لداخل تا خرجو لجردة لور فين كاين واحد المسح صغير شوية قدامو بوفي كبيير وواقفين حداه مجموعة من الناس منهم بنات وشبان كاين صغير شوي وكاين الي فعمر صطوف وكاين زوج رجال كبار فالسن شوي…ضارت عندهم” مرحبا بيكم جلسو ولا نشطو ولا اجيو نعرفكم على صحابي الي من ستوكهولم..تم جاي واحد من دوك الشبان رياضي من صحاب الفيتنيس حتى وقف عليهم وعينيه فصطوف”
شيماء : اندريmina vänner(صحابي) مصطفى و عصام..
اندري”تبسم وحرك راسو” : مهربا مهربا…
صطوف : هاا ؟!
شيماء : هههه بغا يقول مرحبااا هههه…
اندري”شاف ف صطوف” : Ditt namn ؟
صطوف : ااا ؟
شيماء : مصطفى صطوف …
عصام”لصطوف” : الدعوة مگلضمة صطوف..
صطوف : هاد خوانا شام شي لعبة فكرش مو ماهكاكش..
رجعات رحبات بيهم ودخلو تكواناو فواحد الفوطوي بزوج بعدا غير يديرو شوية على الجو ويعرفو فين جالسين…شوي وهي تجي جلسات حدا صطوف…
شيماء : نوضو شربو ليكم شي حاجة ؟
صطوف : اش كاين ؟
شيماء : درت غير فودكا ويسكي فالعصيرات اكثرية موخيتو لا بغيتيه را يصايبو ليك البارمان بالفودكا…(كيدقو وريقات نعناع وطريف الحامض ومكعبات ثلج…فغراف اليمينيوم خاص بمشروبات مع نص كاس حامضة كيضيفو نص كاس سبرايت وكاس ولا نص فودكا)..ولا بغيتي سيك كاين shampagne ..كاينle Vin (نبيد) وصيت عليه جاوني ثلاثة القراعي قديم ليه 40 عام الي يعجبك لا بغيتي تجرب…
صطوف : اضرررب على المخننة اش ولات تشريييي يا بن عمي وعاندني ولااا تحسدني…
شيماء : اي نعم بب ههههه
صطوف : شحال تقامت عليك لقرعة…
شمياء : هو انا ماخلصتش مييي جاو من فرنسا دايرة ب 6000€ لوحدة..يعني ستة المليون لقرعة وغير تعاملو معانا اما را ساوية كثر راك عارف الاقدمية القديمة كتزيد فالثمن..
صطوف : شهيتيني يا القوادة نعل بو مك…
شيماء : وتگعد شوف شنو بغيتي…واجيو نوريكم البوفي شنو فيه واحد شوي ويجي ديدجي حسن…
صطوف : منين طحتي عليه !؟
شيماء : ولد اگادير هااارب احبي ينشطنا على كيف كيفك دونت ووري…
ناضت وناض صطوف وعصام تاهو وصلو لبوفي الي حداه بنية دايرينها لبار مان كيصايب ليهم العصائر منهم الكحولية ومنها العادية نتا وشنو حبيتي لكن اغلبهم تما غير كحول..بدات توريهم البوفي الي كان مشكل سوشي ب كم نوع محدد ممكثراش الانواع…المملحات المعمرة والعادية..بصطيلات صغار وكبار..والقطعة المشكلة…
شيماء : قطع بهاد الفرماج روكفور ووواااعر بزاف كيجي مع شامباني…
عصام”هز طريف شمو وهي تعطيه ريحة العفن تا كمش ملامحو ولاحو” : يالاطيف…
شيماء : ههههه را هاديك فين كاينة الفايدة ابا عصام..هاداك العفن هو الي مخليه غالي حيث فيه فيتامينات وكيحارب بعض الامراض اسيدي قاليك..وكيكون غير فواحد البلاصة ففرنسا فحال حنا عندنا ارگان غير فاگادير…
عصام : بناقص…
صطوف : انا مشهي نشرب الڤان واحد الكويس ومن بعد نوصي على شي عصير مركب بالخاطر…
شيماء : خوذ راحتك حبي هههه..يلاه خوذو راحتكم الي بغيتوه هزوه نشطو مع راسكم انا جايا…
صطوف : فين غاديا ؟!
شيماء : نهضر مع الدار مشاو لطنجة عند عمي نشوف واش وصلو وعندي شي مكالمة لهيه خاصني نديرها…انجوووي بايبييييز…
مشات وخلاتهم كيدورو قدام داك البوفيه تا بان لصطوف النبيذ حدا البار مان ومشا لعندو طلب منو كاس خواه ليه فكاس طويل خاص بهاد النوع من شراب…حرك الكاس وشمو عاد ذاق منو وهادي حركة خاصة بهاد النوع للتذوق ومعرفة واش زوين ولا مصايب مزيان…شاف عصام لقاه كيوصي فالبارمان يوجد ليه موخيتو بلا فودكا وهي يجمع حجبانو مستغرب…
صطوف : بلا فودكا صحبي مالك قربتي تموت ؟!
عصام : تت ناوي نقص هاد ليا عطيت لاطاك لطاسة يوميا راسي تفرع..محتاج نرتاح…
صطوف : غرييييييب…
عصام : ماتحكرش…”حتى وقف عليهم اندري وبالضبط حدا صطوف تا خلعو..هز فيه عصام عينيه طلعو وهبطو لقاه متبسم كيشوف فعصام ويرجع يشوف فصطوف”
صطوف : نري خلعني نعل بو مو…”شاف فيه وشير ليه بايدو” اش كاين…
اندري : jag vill visa dig något…
صطوف : يا هااا ؟؟ اش كتگول نتا را فيك شي عجب حاس بيك مااااشي على برجك اتامل…
عصام : اش گال هاد الخرا ؟
صطوف : بغا الي يكويه من وذنو…
اندري”مافاهم تا خرية” : هاهاهاها…”شير ليه بايدو وراسو زعما اجي معايا..ودار حركات بايدو زعما نوريك ونشطو معانا حيث بدا يشطح..”
عصام : سير معاه شوف اش بغا…
صطوف : زيد نشوف اخرتك انت لصقتيني لصقة العما فضلمة..”بقا هاز كاسو وتبعو..حتى دخل لدار لدار الي خلات صطوف ينباهر بالجمال ديالها الي دخل ليها يقول ڤيلا ماشي فيرما…وفنفس الوقت معجب كيفاش قدرات شيماء ضبر على هاد الثراء فضرف اربع سنوات…بقا كيشوف ويشرب من داك النبيد المحمقو…حتى وقف وشاف ف اندري وشير ليه بايدو بمعنى طلقني اش كاين…
اندري”ضار هنا وهنا وشاف فيه عاض على شنايفو” : نتا ويييين…
صطوف : ااا ؟”ضحك اندري من طريقة باش هز صطوف حجبانو ونيت التگديرة الي فيه واللبسة الي ضارب قميجة زرقة الي حال ليها صدايف الفوقانيين مزيرة على صدرو العريض حيث تاهو كيدير فيتنيس وخا حبس هاد تواخر بالمشاكل لكن باقي النفوخية حاضرة وسروال فصالة وريحة تعطعط وصلعتو تبري حيث مكيخليهش ينبت ديما محسن عالزيرو…وهادشي بقا ساااهي فيه اندري حتى هز ايدو دارها تحت تريكو كيحك فكرشو ويعض فشنايفو الشي الي خلا صطوع يخرج عينيه على جهدهم كانه حس وما حس وماباغييييييش يحس حيث غايقتل ههههه”….
فحال الى حس وماحس…مابغاش يفكر ان خينا الي قدامو شداتو الفارة وفيه الفارة…ضار هنا وهنا وشرب من داك النبيد تاني…حتى بانت ليه واحد البنت دايزة عرفها مغربية من وجهها وهو يعيط ليها جات عندهم…
صطوف : عندك مع الانجليزية ؟
هي : واش بغيتي نترجم ليك كلام اندري ؟!
صطوف : يحفضاااك ذقتيني دابا…شوفي اش قال را مافهمت تا كلوة مع هاد خينا…
هي”شافت اندري وبدات تضحك وتحبس ضحكة” : اندري كنعرفو عشر سنين هادي ومن شوفتو بلا منحتاج نسولك اخويا…هذا را من داك النوع الي فيه الدودة صحاب حنا متفتحين وتقبلو ميولنا…من لاخر اخويا گرنهم فيك يعني بغاك حيث عاد تفرق مع راجلو خههههههه(جاها ضحك) حصلو كيخونو مع بنت هههههههههههههههههه ياربي جاني الضحك مع هاد البشار الناقص…
اندري”شافها كضحك وضحك بالمكلبن لاخور” : هاهاهاهاها يا
صطوف”خرج عينيه” : وايلي !! عينو فيا نولي راجلو ؟! الله اودي..تقدري تشرحي ليه يتسناني الفوق فشي بيت ؟!
هي”جمعت ضحكة” : ها…
صطوف : ذوقي هضرتي..وقولي ليا اشمن بيت نمشي ليه…
هي”صرطات ريقها وتكب عليها العرق كان يحساب ليها غايشلخو عصا ولا ينطحو..” : و. واخا”شافت فاندري وشرحات ليه وهو يتزنگ وبدا يفرنس حرك ليها راسو وشاف فيه وهو يمشي كيجريي…شافت ف صطوف الي غمزها” غير هنا كاين واحد البيت على ايدك ليمن غاتلقاه فيه…
صطوف : يرحم بااك تيسري…”مشات كدور تشوف فيه..تكا على داك الباقي من النبيد وخرج مشا قلب على عصام لقاه كيهصر مع شيماء وكيشرب فموخيتو وشي قطعة ديال فرماج قدامو وزدحة خدمات وناس بداو يزهاو ويشطحو…تا وقف على عصام وشاف فشيماء” الخاوة بغيتك تحرك معايا لداخل نهضرو مع واحد سيد بغا يهضر معايا فالتيليفون ولابد تحضر…
عصام : شكون ؟!
شيماء : اجل تانساليو راك فحفلة…
صطوف : يا بتي غا جوج دقايق…الفارة كدور ابا عيصومي خاصنا نحدو ليها الروح…
عصام”مافهم والو…حط الكاس وناض على نيتو استاذنو من شيماء الي اصلا تدهات مع الناس…مشا جيهة البوفي ديال ماكلة هز واحد زليفة صغيرة وواحد موس صغير..عصام خرج عينيه مافهم والو تم تابعو تا جرو من دراعو” : اش كاين الحبس مالك ؟!
صطوف : خونا الفار المفور الي وقف عليا بغاني…
عصام : دود ؟
صطوف : شفتيها بعينيك يا خويا دهشرني تا وقفو قلاويا ينعل بو مو…
عصام : فاش عينك القلاوي !! جمع كرك اصحبي اش باغي دير
صطوف : لا بقات فمو نبقى بلا صحة لما خليتو يمشي لهيه يگوليهم تبت على يد صطوف الى مخرجت لمو الغيران ديال الحناش الي فزكو راني ماشي ولد زبيدة وبا الحاج معطوف..”خلا عصام مدهشر وضار مشا فين نعتات ليه البنت شاف عصام تا عيا وهو يتبعو وصل البيت وضار عند عصام” نگوليه نديرو plan 3…
عصام”جاب ليه ضحك” : را بغاك غانتا نوا معاك الحلال…
صطوف : صابني ناوي الحلال نيت..وليني لا گلت ليه نديرو بلان ثري ترمتو تصفگ…اصبر صبر ابن عمي صبر نعجبك راني فسايدي زهواني وليني فالعجب الي لاعنو ربي نستشهد…”عض لسانو وهو يدور حل بواني الباب مع حلو لقاه متكي فوق الناموسية عريان غير بالبوكسر..غير شافهم داخلين بزوج وهو بوقف”
عصام”بان ليه لابس بوكسر وديالو مكركب صغير” : موجد لوالديك اصحبي..ليوم سروالك يخرج”جاه واحد الضحك بزز باش حبسها تا ضار لهيه كيحك فلحيتو ويعض فشنايفو حابس ضحكة”
اندري : وات !؟
صطوف : paln 3 “شير ليه” مي اند ماي فراند(جوج كلمات حافضهم من افلام هههه)…
اندري”توسعات ضحكتو وبدا يحرك فراسو” : يا يا اي وونت ههههههه اوووف..”بدا يخربق عليهم بالسويدية مافهمو تا لعبة لكن هو كان كيعبر لصطوف انه عجبو وبغا يدوز معاه وقيتة والى تفاهمو يدير ليه الوراق ويمشي يعيش معاه ف سويد هادشي مافهموش صطوف ووخا يفهمو صطوف داخلة ليه لمخو حاجة وحدة هي اش يدير دابا…سد صطوف الباب ومشا لعندو خرج عصام عينيه بان ليه دفعو تا تلاح فوق الناموسية..لاخور فرحان كيضحك تا ضار باش يطلع فوقو حيد ليه صطوف البوكسر” اوووووو يااا بايبييي…
صطوف”حيد ليه البوكس اتا هز الموس وخشاه ليه فخرزتو تا طلقها بغوتة لربي الي خلقو عصام دور راسو لهيه وهو يدور عندو صطوف” : واجي القلاوي عاوني فالتامل الي ولدو اجي نح***ويه بجوج نيييت اجي…ااااايهااااي هاننك على الدودة فين واحلة هاننك…قلاويا شرفة وتبي قبة وانا تايب معاك هادي وتوبة…”عصام بغا يعاونو جاتو واحد الهيستييييريا ديال الضحك تا دازو دموعو..وصطوف صاعر ولاخور يغوت غا جرحو فالمخرج ديال ترمتو وهو يهز من ديك زلافة صغيورة الهريسة كانت مع طبق السي فوود(الاكلات البحرية) وحطها ليه فالجرح هادي كانت الاخيرة من كترة ما غوت سخف ليه فايدو…دفل عليه وتنخم وعاود وقبسو ولاح عليه طبسيل..” وسير دعيني…
عصام”قتلو ضحك” : ااااااش غاتگوليهم اااااااش اصحبي خايبة لمعاودة…
صطوف : ينعل بو مو تا ز*** مايكسابو گاليك خانو راجلو…”خلاه فاشل وخرج هو وعصام الي سخف وهو يضحك خرجو من الفيرما كاع وزادو فحالهم خلاو شيماء تقلب عليهم…اتاصلات بيه لقاتو صاعر” ضربي على القواد بويا ابنت القحبة تعاودي تبابي دينمي نحو***ك من كاع تقابي ولوح مك الكلاب راكي عارفة صطوف لا ناض يطحن زبور مكم جملة…
هذاك النهار ضلات صفاء كتوجد فالكيكة فوق خاطرها غير باش ماتعيقش امها وفنفس الوقت عقلها ماهواش هنا…جملة عصام دهشراتها اول مرة تعيش هاد الاحساس وخا كانو يجيوها الخطاب وكترفض لكن باش تجيك من شخص ماشي اعجاب ماشي عادي وانما حب حياتك غاتجيك غريبة زوينة صادمة مازويناش كيف قلت جميع الاحاسيس كيتخلطو…هزات المقادير…(غانعطيكم طريقتي انا..كندير خمسة البيضات..كتشدي بيض البيض تربيه وحدو مع قبسة الملحة وساشية ڤاني لمدة عشر دقائق حتى يطلع مخفوق مزيان فحال ثلج ملي تقلبي طاسة ولا زلافة ميطيحش خليه على جنب وشدي دوك خمسة صفر البيض الي بقاو زيدي عليهم ساشية ڤاني اخرى نص كاس زيت..وكاس لاروب سنيدة تربيهم بتراب يدوي زيدي عليهم فورص غربليه مع زوج ساشيات خميرة حمرة تايعقاد خليط ديال كيكة عاد هزي بيض بيض مخفوق زيدي شوي بشوي ب spatule ديال عود ودوري تدويرة وحدة وعاودي بشويا متربيش باش ميهبطش تاتكمليه ويتخلط وتاكدي انه فقاعات حيدو عاد ديري بابيي سولفيغيزي فالمول وخوي الخليط ديريه ففران عاد شعليه ماديريهش وهو سخون وعلى عافية مهيلة…غير طيب وجدي نص استرو حليب فيه شوية سكار وشوية ڤاني وسقيها بيه كااامل يا اما حليب يكون بارد وهي سخونة يا اما العكس..ديريها فثلاجة تبرد وتشرب ووجدي لاكريم ديال هولالة ولا اي كريم شونتيي طلعيها وخرجي كيكة ديري طبقة ماتكثريش كريم غير طبقة بسيطة خلي منها شوي على جنب فميكة صغيرة وديريها فثلاجة تبقى باردة…رديها لثلاجة واجي ديري واحد زوج كيسان سنيدة فكسرونة طيفال ولا كسرونة متلصقش ديريهم فيها مع قطرة الما بقاي تحركي تايذوب سكر يولي كراميل متخليهش يتحرق لا تحرق غا لوحيه…زيدي عليه معيلقة زبدة وهو فوق العافية ذوب فيه عاد زيدي نص كاس صغير كريمة الحلويات هولالا نيت ولا اي وحدة استعملتو فالطبقة لولة غير تخلطي طفي وجبدي كيكة خويها فوقها وجبدي ديك ميكة الي درتي فيها كريمة مخفوقة تقبيها من جنب لتحت صغييير ورسمي خطوط فوق كراميل وجيبي عود سنان رسمي خطوط بيه بعكس الخطوط ديال كريمة تاديري شكل تخطيط ميلفوي وبالصحة ورااحة”…
يلاه خلطات مقادير دارتها فالفران دخلات فاطنة توجد خبزة شحمة…حتى صونا تيليفون صفاء وهي تشهق…
فاطنة : بسم الله عليك..
صفاء”بدات ترعد حساب ليها عصام غير طلات بانت ليها زين الدين” : زين الدين !!”هزات تيليفون جاوبات بسرعة” الو خويا..
فرح”بغات تهصر ورجعات سكتت شوي وهي تنطق” : صص صفااء..
صفاء”حطات ايدها على صدرها” : واااااا صحيبتييييي هههه وتي هادي نتي ولا كذبت…
فرح”تبسمات” : هه انا انا…
صفاء : كيفاش اصحيبة لباس عليك ! توحشتك…
فرح”بصوت منخفض متردد” : حتى انا..احم صفاء…
صفاء : اختي هاني بغيتي شي حاجة ؟!
فرح : ياك غاتجيو ياك ؟!
صفاء”بفرحة” : ههه ايه ضروري علاه منجيش ههه خاصاك شي حاجة نجيبها ليك معايا ؟!
فرح : لا مابغيت والو..غير بغيت نسولك وصافي وهذا تيليفون عطاه ليا زين الدين باش نهضر معاك فيه احم.. مهم هادي نمرة خلاها ليا نهضر معاكم فيها ولا معاه…ماعرفتش ولكن غير عيطت ليك وصافي..يلاه نخليك…
صفاء : ايه واخا صافي حتى نجي ونشوفك تهلاي فراسك..
فرح”قطعات عليها حطات تيليفون فوق حجرها وبقات جالسة فالبالكون كتشوف فالجاردينيي كيسقي فالغرس وسقاية الكبيرة مطلوقة وماها كيلعب ويرسم خطوط مائية..واحد شوي حتى صونا التيليفون كانت نمرة محجوبة نسات راسها وهي تجاوب” : الو…”ليرد عليها صوت نسائي خليجي”
هي : مو هاد رقم زاين…
فرح”جمعات حجبانها” : اه هو…شكون نتي
هي : تكفين عَطيه الموبايل گولين له ميثة تابيك الحين..
فرح : هاا ؟! شكون ميثة…
هي : صديقته..انتي المساعدة(الخدامة)
فرح : صديقته !!! مافهمتش..بغيتي زين الدين ؟!
هي”جهدات صوتها” : اييي تكفين دزين لي زين الدين گولين له ميثة بن حسين تبيش ضروري..تكفين طال عمرش من الغبشة واني گايمة من الشبرية بتصل فيه رقمه مايرد…
فرح”مافهمت تا حاجة ههه ناضت” : واخا..”صرطات ريقها حلات البيت ومشات لبيتو دقات” زين الدين…”مجاوبش عاودت دقت والو مجاوبش وهي متاكدة فالبيت حيث علمها غايدخل يخدم..دقات ووالو وهي تحل الباب بشوي قلبها بدا يضرب خافت لا يكون طاح ثاني بالسكري…تقدمات لداخل لقاتو حاط وراقو ملفات والماكبوك محلول على الخدمة يمكن خدام فشي حالة…بان ليها باب البالكون محلول مشات ليه بزربة ضنا منها انه كيكمي فيه ساعاك مالقاتوش بدات تعيط و كتقلب عليه وهاديك فوذنيها كتسنى…يلاه كي ضارت داخلة هو جاي تا تصاطحت معاه خارج من دوش شعرو يقطر نازل الما على صدرو تالصق زغب على بعضياتو باقي الفوار خارج منو لاوي عليه من تحت فوطة تا شدات بايديها…بالدعقة ودهشة اول مرة تشوف صدرو” هاا ممم.
زين الدين : ششش مالك…
فرح : ها”صرطات ريقها وعاودت بغات تهضر وهي تفكر الي قالت صديقتة وهي تغوبش و زدحات ليه التيليفون على صدرو بجهد كون ديك دقة جاتها يتفلعص ليها صدر تا هز حاجبو” هاك وحدة بغاتك گالت صديقتك”خلاتو ومشات كتخطوي مزنننگة”
مشات كتخطوي وجهها مزنگ من كلشي من السيدة الي اتاصلت ومن الموقف الي تحطت فيه ومن حالة زين الدين الي اول مرة تشوفو عريان وخا مركزاتش لانه فاش تصاطحت معاه بديك صدمة دغيا هبطات عينيها زربات عليه ومشات…خلاتو مافاهم والو حتى غوبش من طريقة باش ضرباتو بتيليفون لصدرو كانت ناقصة وهو ك شخص مااعندوش مع هاد التصرفات…
زين الدين”ضار جيهتها متبعها تا خرجات من البيت وخلات الباب محلول…عض على شنايفو هبط عيينيه لتيليفون بانت ليه مزال الخط مطلوق..وهو يقطع عليها ماعارف تا شكون حدو سمع منها صديقتك…لاح تيليفون فوق الناموسية ومشا حتى لبس عليه تيشرت وشورط عند الركبة خلا شعرو هكاك مخربق لبس بزربة باغي يفهم منها شنو وقع وشنو سباب ديك الخبطة على صدرو…هز التيليفون وخرج من البيت توجه البيت عندها حل البواني حتى لقاه مسدود طلع حاجبو” : فرح
فرح”الصمت”
زين الدين : فراااح !!!
فرح”الصمت”
زين الدين”غمض عينيه عاض على سنانو شوي عاود نطق” : فراح حلي الباب نهضر معاك…علاش سادة عليك شنو واقع ؟”مرطب الهضرة”
فرح”الصمت”
زين الدين : فرح جاوبي ماتخلعينيش عليك شنو واقع”تيليفون عاود صونا فايديه وهي سمعاتو”
فرح”نطقات” : انا فالدوش بغيت ندوش غير جاوب فالتيليفون…
زين الدين : حلي الباب…
فرح ؛ انا فالدوش…
زين الدين”بقا يحك فشنايفو وينقر بصباعو فالباب حتى تم دايز مراد خارج من البيت عاد فاق من النعاس”
مراد : زين الدين كاين شي مشكيل ؟
زين الدين”عصباتو وحاول يبرد قدر الامكان..دور وجهو نصف دورة ونطق بزوج حروف فاش كينطقهم كيعرفو مراد ماتماش وكيبدل ساعة باخرى” : لا…”مراد حدر راسو ونزل…اما زين عاد صونا التيليفون وجاوب ديك الساعة”
ميثة : الوو زين الدين !!
زين الدين”شاف فالتيليفون تا تاكد راه تيليفون ديالو الخاص الي خلاه لفرح ومخدم هو ديال الخدمة…بالفعل تيليفونو الخاص لكن شكون هادي الي بغاتو ومنين جابت نمرتو الخاصة الي ماعاطيها لحد من غير البعض هو محددهم وقراب ليه والعائلة فقط وفرح…طلق سپيكر” : شكون معايا ؟!
ميثة : يااا غالي انا ميثة بنت الامير طلال (من العائلة الحاكمة من بعيد)..اتصلت فيش الحين ردت علي البشكاره(الخدامة)..
زين الدين”غا قالت الخدامة عرف على فرح وهو يصعر” : Who gave you my personal number?” شكون عطاك نمرتي”
ميثة : والله مصادري الخاصة تكفى..طيب انت ليش مب طايع(ماباغيش)..بس اسفة اذا تطفلت على حياتك الخاصة مايهم من دزه لي براية(ماشي مشكيل زعما) المهم اني اخيرا لگيتك تراني مستانسة لاني لو ما اتكلمت معك شخصيا مايمكن ترد على اتصالاتي من هاتفك العملي..اسفة اذا ازعجتك ترا والله محتاجتك “مزال مكملاتش الجملة الاخيرة تا قفزها بصوته الي جهد غير شوية خلعها”
زين الدين : شكوووووووون عطااااك نمرتي الخاصة..داك رهوط ديالك ماعنديش معاه فايت علمتك بهادشي..(كيهضر معاها بالمغربية تفهم ماتفهم ضبر لكرها هههه)
ميثة : تكفى تكفى…والله ما اعرف بس توني اخذتها من طارق ..انت ليش مويّم (علاش بديتي تعصب)يا ريال مافي مشكلة… تتحراني(تضنني) اسوي شي مو بالاصول ترا والله عيب..
زين الدين : باغا شغلك افلانة نزلي لهنا ولا خوذي موعد حالك حال الناس وقت توصل نوبتك نشوف حالتك…عندك مشكيل خارج spécialité ديالي ماعندي باش نفعك..”خرج عينيه وزاد فنبرة صوته الشي الي خلاه دعدع كثر وزاد قفزها” اخر مرة تعيطي فهاد النمرة شغلك قضيه بنمرة الخدمة غيرها نعرف شغلي معاك ومع الي عطاك النمرة…
ميثة : اخذها من ذا الشخص الخدي..(دابا تعرفو معنى خدي)…انزين (حسنا) انا اسفة والله اسفة اني اتصلت بذا الرقم البرايفت..والله من كثر ماكنت حصلانة (مريضة) اضطريت لانك ماترد على الرقم الثاني…
زين الدين”قطع عليها بعصبية ومتوعد يعرف شكون عطاها نمرتو الشخصية الي مانع يعرفها شي حد خارج الاشخاص الي ذكرت…هز عينيه فالباب كيشوف بقا هكاك جهد خمسة دقايق حتى نزل ايدو بجهد ومشا دخل لبيتو مخليها على خاطرها تال من بعد..تلاح فوق الفوطوي كينهج بالاعصاب..هز تيليفونو لاخور ودوز الرقم لاول واحد…بعد شوي جاوب”
وليد : خويا زين الدين …
زين الدين : 0662 ديالي البيرسونيل لمن عطيتيها..
وليد.: كيفاش !! واش نمرتك لا ماعطيتها لتاحد…
زين الدين”خرج عينيه وجهد صوته” : وليييد نيشان !!!
وليد : وحق الرب المعبود ماعطيتها لشي حد اصلا مكنعيطش ليك فيها كنعيط فالبيرو وهاد الايام قاليا مراد عطيتيها لختي فرح صافي حيدتها كاع من ريپيرطوار..
زين الدين”حرك راسو بشوااايا” : ايه امنا بالله ااامنا بالله..تيسر نتا دابا…”قطع عليه ولاح التيليفون داير ايديه على فمو كيفكر بقا جالس شحال حتى ناض خرج من البيت وتوجه ثاني لعندها هاز تيليفون الي عاطيها دق الباب مكاينش جواب عاود عيط حتى دور البواني باش الى متحلش يجيب ساروت الاضافي ويحل..حتى دور البواني وتحل الباب…”
حتى دور البواني وتحل الباب وهو يطل براسو عليها حاول ما امكن ميبينش را معصب وخا يسكت وجهو مبين كلشي لانه شخص مكيقدرش يتحكم فالاعصاب ديالو…يلاه غايعيط حتى لقاها متكية فوق الناموسية ومغطية عاطية بوجهها لهيه مدايرة تا فوطة على راسها الشي الي خلاه يستنتج انها ما دوشاتش كيف قالت ليه…
زين الدين : فرح !!…
فرح”دورات راسها عندو ونطقات بصوت منخفض” : نعام…
زين الدين : شنو واقع مالك ؟!
فرح”هزات كتافها” : مماليش علاش ؟
زين الدين”هز حاجبو” : ماكدة ؟
فرح”قلبها را كيضررررب باش تشوف فيه بشكل عادي من بعد الي وقع التساطح صدرو والمراة الي عيطات مستحيل وهي اصلا مكتركزش فيه الشوفة من كثرة الخجل الي كيسيطر عليها فاش كيكون معاها ولا حداها…يمكن فلول كانو طاغيين عليها مشاعر الكره الخوف الخذلان كان واحد الجدار تبنى بينها وبينو لكن مع كل حدث مع كل موقف منو ليها داك الجدار كيطيح طوبة بطوبة…لطن الي وقع اليوم حرك فيها بزاااف الاحاسيس ومنهم الغيرة الي مرداتش ليها البال را هي الي خلاتها تخبط التيليفون على صدرو..وتاهو تمر مابغاش يدور فيها على ديك الخبطة…مكثراتش الهضرة حدها قالت” : اه…
زين الدين”حط ليها التيليفون عند راسها” : تيليفون هاهو عند راسك…
فرح : م احم مابقيتش بغيتو غير خودو كيعيطو ليك فيه الناس بلا مايبقى عندي حسن..
زين الدين”حطو ليها عند راسها” : ماعندي من يهضر معايا فنمرة پيرسونيل ا فرح نمرتي هي نمرتك حاجتي هي حاجتك الي سول عليا جاوبيه…السيدة الي دوات مزال ماعرفتش شكون عطاها هاد النمرة الي مانع على شي حد يعطيها الى ماعطيتها انا..والي عطاها ليها حسابي معاه خايب…
فرح : گالت ليا صديقة ديالك ميمكن ماتكونش عندها نمرتك الخاصة…ماعرفتش مهم هي هادشي الي گالت…
زين الدين : شنو جاب ليها راسها حتى گالت هاديك الهضرة..السيدة معرفة خدمة من غير هادشي رهوط خاوي وقلة مايدار…مسالي راسي ندير صحبة مع العيالات افرح !!
فرح”الصمت”
زين الدين : العيالات حاجة وحدة الي تجمعني بيهم الخدمة خدمتي راكي عارفاها كيفاش دايرة…نسبة كبيرة فيها عيالات..
فرح : واخا… التيليفون غير خوذو مابغيتوش عافاك..بلا متبرر ليا ماشي مشكيل..سير ترتاح راك باقي عيان حتى لصباح ان شاء الله…
زين الدين”عض لسانو وااااحد العضة..تنفس تا تنفس وتنهد عاد نطق” : ياك الالة…وعلاش مابغيتيش تعشاي ؟
فرح “عوجات راسها” : مافياش والله…
زين الدين”بقا كيحرك راسو ويعاود” : مزيان..ماعليش رتاحي يصبح ويفتح مزال عندي مانهضر معاك فيه…”يلاه ضرب الدورة غادي خارج وهي توقفو بصوتها”
فرح : هضرت مع صفاء”دور وجهو لناحيتها بزربة”احم..كنت بغيت غير نگوليها تجيب ليا واحد الكتاب كنقرا فيه هي عارفاه
زين الدين”جمع حجبانو ” : ايه ؟!
فرح : بغيتو جديد مابغيتش القديم الي كان عندي..بغيت نرجع نقرا مكانلقى ماندير هنا فالبيت فاش كنت فاكادير كنت خدامة ومدهية دابا مكندير والو…و ب بغيت نهضر مع يونس..
زين الدين”كملات عليه سمية يونس كتقول فيها حرفية هكاك ههه تا هز حاجبو” : يوونس ؟؟
فرح”حركات راسها” : اه..
زين الدين”عاااوتاني” : ايه ايه علاش لا”فحال الى كيتحلف بالحس ههه”الله اودي من الخير لقينا ماحسن وگلنا لا ؟..شنو سمية الكتاب…
فرح : صافي مابقيتش بغيتو حتى لمن بعد…بغيت نعس عيييت…
زين الدين”حرك راسو معاودش معاها الهضرة مزال…ضرب الدورة ثاني وخرج من البيت مخلي ليها تيليفون بغاتو مابغاتوش را حداها…عرفها تقلقات من مكالمة السيدة الي اتاصلات بيه…وهاد السيدة كل مكيتفكرها كيزيد يصعر ويبغي يتاكد شكون عيط ليها…
“في أعماقي التقى صوت العاطفة بالعاصفة فنشبت نيران الغيرة…هل حقا أنا أغار؟ نعم أنا اغار وما غيرتي الا من جنون حبك الذي سكن أوصالي…(مريم مشغاال)…
مشا لبيتو هز تيليفونو وباكية الكارو وبريكة ونزل نيشان خرج لجردة جلس شعل گارو تا جر منو وهو يهز تيليفون اتاصل ب ريان” : شنو درتي فداكشي…
ريان : رسلت ليه مع نور الدين تبليغ شخصي باش يدفع الفلوس…
زين الدين : بيض الزغبة ؟؟”الغالي”
ريان : هاني خدام يمكن غانطلع عند الحاج السباعي يعاوني حيث عندو معرفة مع واحد السيد فدار الضريبة يقدر ينفعنا فداكشي الي بغينا راك عارف دار الضريبة مقسحين تم…
زين الدين : ماعندك ماتگول من غير هادشي ؟!
ريان : لا هادشي الي كاين…
زين الدين : ريااان !!!
ريان”مافهم والو” : لا والله علاش ؟!
زين الدين : امنا بالله…”قطع معاه وحط تيليفون رجع كيكمي ويتفكر ولا ناض كيمشي ويجي عصباتو بردة فعلها حاول ما امكن يصبر حتى بقا يمشي ويجي ويكمي شوي وقف كمش حجبانو كيركز فواحد الكلمة قالتها ليه وهي “
ميثة : اخذها من ذا الشخص الخدي..الخدي الخدي…
زين الدين”هز ايديه بزوج دوزهم على شعرو من قدام ولور وعاود رجعهم لقدام وعلى لحيتو تا كان غايتاصل بيه وهو يتهدن خلاها حتى لغذ ليه ويشوفو شخصيا وجها لوجه…”..
بقا فالجردة حتى حس براسو تكالما..شرب دوا ديالو من بعد مدة ودخل نيشان لكوزينة حل الثلاجة جبد منها طاسة مغطية بسولوفان حيدو وبدا ياكل فديك الصلاد الي وجدات ليه خديجة…تعشا علاش قد جمع داكشي ومشا طلع اول حاجة داز لبيتها دخل لقاها ناااعسة…جلس حداها بشويييييي باش ميفيقهاش..بقا جالس عند راسها كيشوف فيها وهي ناعسة مقلقة منو من المكالمة…تحنى بشويييي باس ليها ناضرها بقا شحااال مطول فالبوسة تا حس براسو تبوورررش واحد الاحساس شدو فهاد اللحضة تا ضرب قلبو وتحركو فيه احاسيس اخرى..ماكرهش يبقى مطول فالبوسة ماكرهش يبقى حداها يضمها ليه يحطها على صدرو تشكي ليه تعاتبو وتعبر ليه على الغيرة الي حكماتها وعرااااافها غارت مينكرش هادشي بقد ما فرحو بقد ما بقات فيه وبقد ما عصباتو ردة فعلها وهادشي غيييير مزال مريضة ودارت هكاك اما ملي تصح شنو تعبيرها للغيرة !! تفكر نهار العرس ديال ولد علي فاش تقلقات نفس التقليقة منو حتى حطات ليه كلشي…عرف ان الهبيرة الي قدامو غيرتها ماساهلاش وهنا كيزيد يتاكد حبها ليه ماساهلش وهادشي را كيفرح…وهادشي كامل بقا كيفكر فيه وشفايفو على ناضرها وريحتها كدخل مع نيوفو…شم العطر الي دايرة والي حمقو ماعرفش ايناهو الي دايرة لكن هاد ريحة بالضبط اججات فيه بزاااف المشاعر والاحاسيس الملتهبة.حتى لقا راسو غادي بالبوسة لحنكها وغادي نسا راسو لدرجة ماوعى وماتوگض حتى حس بيها بدات تحرك عاد بعد وناض بزربة لا تفيق خرج من البيت مشا لبيتو بقا خدام الليل كلو تقريبا تا عيا وهو يتلاح نعس…
الساعة الثامنة ونصف صباحا…عقد اخر صدفة فالقميجة فاللون بلومارين وكيف العادة خلا صديفات فوقانيين محلولين حيث كيتبرزط..قاد سمطة سروال فصالة الاسود…كمل اخر اللمسات ديال اللبس..هز الشكارة ديال الماك واللوازم حطها عند الباب عاد جلس تا لبس صباطو مشا بجنب مد ايديه هز بارفان رشو عليه وهز شكارة وخرج نزل نيشان لجردة لقاها جالسة ووليد تاهو شماات ريحتو قبل مايوقف عليهم ضربتها خفيييفة ومميزة بزاف غير كتشمها قلبها كيضرب من ديما كتحمقها فيه قبل ميوقعو المشاكيل الاخيرة…وهادي اول مرة يرجع يديرها هي اليوم الشي الي خلاها تكمش حجبانها وكانها تقلق…
زين الدين”حنحن معلن انه جاي باش ماتقفزش لانه غايحط ايدو على كتفها حس بيها قفزت شوي” : صباح الخير..”تحنى باس راسها”
مراد”تبسم فاش شافو باس راسها وجاتو ضحكة فاش شافها تزنگات” : صباح الخير…
فرح”حركات راسها صافي”
زين الدين”حط شكارة جنب الكرسي فين جلس..كب ليه مراد قهوة كحلة..شاف ساعتو شاف جيهة الباب ورجع شاف فيها” : صبحتي مزيان ؟!
فرح : الحمد لله…
زين الدين : ماهضرش معاك جدك فين وصلو ؟!
فرح : ماعرفتش ماشفتش تيليفون…
زين الدين”بقا كيشوف فيها بواحد الشوفة كون هزات فيه عينيها ترجع راسها لور…رجع هز كاسو مادواش شرب منو كلا شوي من الخبز وزبدة مدوبة مع زعتر الي كتعجبو حيث وخا يتعصب خاصو ياكل نيشان مورا ميشرب دوا او قبل…باش يحاول ما امكن يرجع يسيطر على السكري..عاود شاف فساعتو يلاه بغا يجبد تيليفون يعيط تا بانت ليه طوموبيلة المحجوب دخلات وهو يوقف ضار عند فرح” : وصلو…”مشا تال عندهم تسنى تا نزلو كاملين واولهم المحجوب الي رجع داير عكازو وهذي كانت مفاجئة زوييينة..تبعو منير ولور كان سيمو وفاطنة ونجية فرحانين بمجيتهم ثاني عند فرح…وصفاء تاهي الي تيليفونها ماسكتش من ميساجات فوزي كيطلبها تصور ليه فرح يشوفها وخا غير فالتصاور يطلب ويعاود…” الحاج مرحبا فدارك…”باس ليه راسو وايدو”على سلامتك
المحجوب : الله يسلمك…رجعات تاغونحة ورجعت صحة ههههه”سيمو وصفاء حبسو الضحكة…سلم زين على البقية طبعا يلاه غايهضر تا تمات جايا فرح تزرب حتى جات تلاحت على جدها تنخششات فيه معنقاه تا تنهدت وهي تبدا تبكي”
فرح : باااا اهى اهى”خلات زين كمش حجبانو مستغرب” توحشتك ابا توحشتك بزااااف…
المحجوب”دوز على شعرها وطبطب ليها على ضهرها” : وكون تشوفي يانا يا فريحتي وتشوفي يانا…كيدرتي شي شوية لباس…وسكتي براكة عليك من البكا لا طيبيشاي لينا الگليب…
زين الدين”خاشي ايديه فجيابو وحاضييييها عاقد دوك الحجبان كيفسر رد فعلها هذا…” : الحاج مرحبا دخلو…
المحجوب”شاف جيهة فين كانو جالسين من بعد ما جا مراد سلم عليه تاهو وعلى لاخرين ووقف حدا سيمو وصفاء” : انا مشهي نجلس غا فداك المكان الي يفاجي حدا كبيدتي…
زين الدين : خوذ راحتك الحاج مكانكم هذا فين رتاحت فيه خاطركم جلسو فيه…
سيمو”ضار عند صفاء الي كان واقف حداها مراد الي كيتسنى باش يمشي لعند توبا وضحى هو وزين الدين…” : مالك نتي هاد النهار والبارح مابغيتيش تجاوبي فواتساب…عيطت ليك مابغيتيش تجاوبي..
صفاء”قالتها بتنهيدة” : اوديييي نهاى ضحكات ليا الوقت ضحكات فالوقت الي قلزات لغيري نهار كانت ضاحكة لغيري وبغيت تضحك ليا تانا نشركو ضحكة تاتشرگ لدينمنا كوزت ليا
سيمو. : المفيد !!!
صفاء”بدون مقدمات لاحتها ليه فوجهو” : العيصومي گاليا نتزوج بيه…
سيمو : هههه تي باقي غاتحلمي هههه”شاف فيها وهي دور وجهها بالعرض البطيء لوجهو شافت فيه شاف فيها شافت فيه” ههههههه “جمع ضحكة وهو ينقز على طولتو وهبط لارض تا ضارو شافو فيه” …
بقات فرح مخشية فحضن جدها كتبكي ويمسح ليها فدموعها وزين الدين حاضيها…اما صفاء بقات تنغز فسيمو وتعاود بزز باش جمع راسو خلا مراد ميت بالضحك اصلا غا كيشوفو مراد كيخرا بالضحك علاش الله واعلم…مشاو كاملين لديك الجليسة جلسو دخل زين الدين عند خديجة علمها توجد فطور جديد…وهو يرجع لعندهم بغا يجلس لقا صفاء جلسات فبلاصتو وهو يجلس فكرسي بعيد شوي باش يدير الواجب لانه خاصو ضروووري يتحرك لخدمتو…
صفاء”شافتو وهي دووخ من ديك الحطة الي ضارب والقميجة المبينة بنيتو الجسدية وخا معندوش ليزابدو لكن الكرس كتبان مسطحة شوي حيث مكيديرش الفيتنيس بزاف مركز على التمارين الي كتحرق شعرات الحرارية لكن هاد الاشهر شوي همل الرياضة…”
زين الدين”حرك ساعتو فايدو كيشوف فيها وهو ينوض مشا جيهة المحجوب وفرح تحنى على ركابيه قبط ايد المحجوب باسها وبقا شاد فيها ولايد لاخرى حطها فوق ركبة فرح” : ماعليش تعذرني نتحرك دابا ؟
المحجوب : الله اودي سير سير لخدمتك ورزقك الي خليتي شوفو فين وصل…
زين الدين”شاف ففرح” : محتاجة شي حاجة ؟!
فرح”حركات راسها ب لا كتمسح فدموعها وتسحت بمنخرها”
زين الدين : الله يرضي عليك تيليفون يكون معاك..كل شوي نهضر معاك ديري الخاطر ماتشغليش بالي عليك وخا ؟!
فرح”حركات راسها”
زين الدين”مسح فوق ايدها كان غايهزها يبوسها ساعاك كاينين الناس.. وقف شاف جيهتهم ومنير” : هاد ساعة غادي نتحرك لخدمة عندي شي مشاكيل ولابد نفكهم…سمحو ليا والدار داركم كيف تصرفتو فتارودانت حتى هنا ماتنساوش هادي دار فرح”هزات فرح عينيها فيه” كيف داري..ماتخليونيش نتقلق الي خصتكم هزوها راسكم شنو ماتحتاجو ديروه ماتشاوروش..
فاطنة : سير اولدي لخدمتك هاحنا مجموعين هنا مع فرح كيف فتارودانت نديرو تاهنا غير تهنى ونعس على جنب الراحة…
زين الدين : منوصيكمش على فرح باش ماكان نحاول نجي بكري شوي…
منير : سير اخويا زين الدين لخدمتك واغراضك عاذرين وعارفين اش كاين…
زين الدين”ضار شاف ففرح شحاال حتى حطات راسها على كتف جدها وهي تغمض عينيها…ضار شاف ف مراد شير ليه براسو قال بسلامة هز شمارتو ومشا تالطوموبيل قبل ميركب بقا واقف حاضي فرح من بعييييد ماساخيش يخليها من وراه لكن للضرورة احكام الخدمة والضروف ممساعداش يبقى معاها…ركب فالطوموبيل وزاد تبعو مراد تسد باب الفيلا شدو طريق سبيطار شاف ضحى وسنى شي وؤاق باش تهزها سيارة الاسعاف تجيبها لكلينيك ديالو طبعا سيارة اسعاف غاتجي من الكلينيك ديالو مجهزة باش تهزها تديها لغرفة خاصة بيها تحت عناية ورعاية مشددة وخاصة..خرج من المشفى وتوجه شد طريق لكلينيك من بعد غياااب دام لاكثر من شهر…كيف بلاصا السيارة نزل وهي توقف كاتكات ديال حنان تاهي وقفات فالبارك ونزلات ماداهاش فيها مشا نيشان لسانسور وطلع مباشرة لجناح ديالو دخل لبيرو حط الشكارة جبد منها الماك حطو وشعلو وضار جيهة الفيكس تاصل باسلام
زين الدين : علم البوفيسور علي بالي جيت…شوف الحالة لولة دخلها”قطع معاه ومشا لماشين وجدات ليه فنجان قهوة كحلة شرب منها وحطو حداه وجلس فالكرسي مقابل مع الماك شاف تيليفونو حط الكاس وهو يدوز ليها الاتصال صونا صونا صونا والو عاود ووالو…دوز نمرة سيمو الي جاوبو ديك ساعة” عطيني فرح نهضر معاها….
سيمو : واخااا…فرح هاكي بغا يهضر معاك زين الدين…ااا ؟ اهاا ااخويا زين الدين واقيلة ماشفتش مزيان حساب ليا كاينة ساعاك كاع ماكانت ماعرفت مالي مابقيتش تنشوف يمكن خاصني نجي عندك دوز ليا على عيني…”
زين الدين”عقد حجبانو وضرب واحد مولاتي تخنزيرة تا كمش ايدو الي تقطع فيها دم عيااا يصبر…” : ماعليش”قطع عليه قبل مايصدق صايط فيه…تعصب ثاني على النمرة الي تعطات وهس خاصة وهو عاطيها لفرح الي عارفاها خاصة ودوات فيها ديك خيتي..حتى تحل الباب ودخل اسلام…
اسلام ؛ دكتور اليوم عندك عشرة الحالات على حسب شنو طلبتي…بالنسبة لواحد الحالة جايا من ابوضبي يوم الخميس ان شاء الله عطيتها العشرة ونص ديال صباح مزيان…
زين الدين”داير صبعو بين سنانو عاقد حجبانو وكيفكر..تفكر خدي انسان خدي خدي ومعنى خدي هي مدندن مطنگ وهنا طاح ليه فبالو…حتى هز فيه عينيه” : علم صلاح d’anesthésiologie(قسم التخدير) يكون عندي دابا…
حرك اسلام راسو ومشا خرج من المكتب مخليه كيشوف بعصبية حتى وقف وتوجه لبالكون هاز كاسو ديال القهوة شعل سيجارة بدا يكمي حتى دخل علي عندو لقاه واقف كيكمي وباينة فيه معصب بزاف….
علي : اعالسلامة اسي طبيب الله الله نور الكلينيك…
زين الدين”ضار مغوبش ورجع شاف قدامو كيكمي”
علي”حس بيه ماهواش” : ياك لباس…
زين الدين : معاش le réunion..؟
علي : ياك لباس ازين الدين الاجتماع مزال عليه الحال…اش واقع…
زين الدين : الساعة الله الحاج متحكرش معنديش الخاطر
علي : واخا سي براحتك..وليني رخف على راسك اصحبي صحتك ازين الدين صحتك…
زين الدين”طار فيه” : صحتي صحتي صحتي شفتيني مرتاح وممشورش ولا شنو ؟ صحتي صحتي خلاوني نكون بصحتي ؟ خلاني شي حد”هز ايديه بالگارو شاعل وفمو كيهضر ويخرج الدخان” هذا الله هذا الله الحاج…”هز صباعو بزوج دار مسافة سنتمتر بيناتهم” على نقشة علااااا نقشة”خرج عينيه”…
علي”زير فمو وكمش عينيه عرفو مضغوط فوق القياس” : واخا انا نمشي دابا عندي واحد العملية نسالي ونجي نشوفك..رتاح ميكون غالخير…
زين الدين”الصمت…مشا علي وبقا هو كيمي تا سالا ودخل عيط لفراملية الي فلاصال لداخل يوجدو الحالة ريثما يجي..بقا كيطاپي فالماك…حتى ناض دخل لبس اللباس ديال كاساك الباس الازرق وخرج مشا شاف الحالة وعاينها عطا موعد باش ترجع عندو مع بعض التحليلات عاد يحدد العملية امتا…عاود دخل المكتب باش يقيد المعلومات بينما تدخل الحالة الثانية…تدق الباب حنحن باش يدخل وبالفعل دخل…
صلاح”تقدم لعندو” : خويا زين الدين بغيتيني ؟
زين الدين”سد الماك وتكا عالكرسي شابك ايديه وعينيه ف صلاح” : شنو علمتك شحال هادي قبل ماتخدم هنا ؟
صلاح”صرط ريقو” : نن معرفتش …
زين الدين”ضيق عينيه وفنفس الوقت عاقد حجبانو فيه..” : وايلي…
صلاح : ماان ندير تا شي حاجة ممنوعة…
زين الدين : من امتا كنعطيو الامور الشخصية..للناس ديال الخدمة ؟
صلاح : ماكنعطيوهمش اخويا زين الدين م…
زين الدين”جهد صوته تا قفز صلاح” : من ااااامتاااااااا”عينيه ولاو حمريين”
صلاح”صرط ريقو حيث شاف شوفة زين ماكتبشرش بالخير واحد الشوفة كيعرفوه بيها بالي معاااااصب” : مم مافهمتش…
زين الدين : نهار جبتك عندي حاسبك خويا الصغير ماشي صاحبي حاسبك ولدي حاسبك مني وفيا…نهار دفعت ليك توصل عليا لدبي جيتي عندي سكنتي معايا فنفس الدار..عارف الكبيرة وصغيرة عليا…ياك ؟
صلاح”حدر راسو” : اه…
زين الدين”خرج لسانو طواه قبل مينطق” : علاش عطيتيها نمرتي ؟!
صلاح”خرج عينيه على جهدهم تا حس بقلبو بغا يسكت ولا وجهو حمرررررر دم..”: ما مماشي هكاك رراااه هي…
زين الدين : شنو گالت ليك ؟؟
صلاح : دوا ممعايا واحد سميتو طارق قحطان…
زين الدين : ايه ؟
صلاح : حيث عرفتها من العائلة الحاكمة…
زين الدين : ريحة شحمة فشاقور اشريف منين جا لاصل خليقة ملتها وملتكم فهاد النهار منين جاها..عارفها فراعة ياك ؟
صلاح”حرك راسو”
زين الدين : عارفني هادشي مكنتساهلش فيه ؟ حاجتي ديالي بيرسونيل ممنوع تمد لشي حد ولا لا ؟ عارفني كي داير. ؟
صلاح : عافاك اخويا زين الدين سمح ليا..
زين الدين : ولات تنعتك بالمكلخ اشريف نعتاتك بالي مايعجبنيش انا الي ضرني فخاطري من جيهتك…”حك شنايفو بعصبية”
صلاح : عافاك سمح ليا ماتجريش عليا عااافاك الوليد مزير ومكاينش الي يقوم بيهم من غير عافاك…دير بوجه با وسمح ليا…عافاك را شاد بزاف ديال كريديات باش نفرحو بدويرة الي بغا”جاتو البكية”…الله يرحم ليك واليديك….
زين الدين”واحد العرق فناضرو كيضرررب…غمض عينيه وحلهم بدون ميشوف فيه” : Demain va au service des ressources humaines et met Ta démission(صباح سير الموارد البشرية وقدم استقالتك) تحرك خرج…
صلاح”غمض عينيه تا نزلو دموعو يجرييييو هز ايدو كتررعد مسح بطرف كمايمو وضار خرج مكسور الخاطر…خلا زين الدين كينهج ينهج ينهج تا ناض بجهد الكرسي الي وراه تفتخ مع الحايط…مشا لديك الماشين بغا يعاود القهوة مابغاتش تخدم ليه بقا مضارب معاها مضارب تا هزها وفتخها على جهدها تشخشخااااات بالمعقول…دخل اسلام”
اسلام : دكتور واحد سيدة…
زين الدين”غوت ليه فوجهو تا شد فالباب بالخلعة” : غاااااااااااابرررررر عليا وجهاااااااااك…..
خرج اسلام من المكتب مخلوع مصدوم اول مرة يدور فيه هاد الدورة العنيفة…مشا لبيرو ديالو فالاستقبال حتى تم جاي علي مع واحد البروفيسور اخر خارجين من البلوك كيهضرو حتى تم غادي عندو كيجري وقفو بصوتو…
اسلام : دكتور الزياني…
علي : وي ولدي تفضل مال وجهك مبدل فيه اللون…
اسلام : بغيت نعلم دكتور البغدادي بالي السيدة الي مسؤولة على الميناج فهاد الطاج جابت ولدها الي عندو المشكيل ديال شفة الارنب الي كنتو مكلفين بيه بجوج ولكن”ضار جيهة مكتب زين الدين” م ماعرفتش…
علي : اش واقع ؟!
اسلام : دخلت لبيرو لقيتو مهرس لماشين ديال…
علي”قاطعو..ضار جيها البروفيسور الي معاه” : عزيز سبقني لبيرو انا جاي دابا”مشا عزيز ورجع شاف ف اسلام” شنو وقع بالضبط…”عاود ليه شنو دار فاش دخل عندو” ممم صافي مادير والو خليه على خاطرو غايتنفس وهو غادي يعيط ليك راسو…واحد شوي ويتنفس الساعة الله شلا مشاكيل اولدي..مادير فبالك والو غايتنفس ويهضر معاك…
اسلام : واخا دكتور غير هو بالنسبة ل خالتي سعدية !!
علي : قوليها دوز لعندي انا نتكلف بيها وفاش يعيط ليك دخل عندو قولها ليه وقوليه انا الي غانشوفها خليه هو يكمل الحالات الي عندو…واحد ساعتين وينزل لاجتماع ونهضر معاه.
لدااخل فالبيرو من بعد ما شخشخ ديك الماشين تسند على البيرو كينهج بالاعصاب الي برد وداك الغوات…بقا مغمض عينيه كيتنفس حتى خبط فوق المكتب وضار دخل البيت فين كيرتاح مشا لواحد بلاكار صغير جبد منو باكية دوليبران 1000 رمى قرص فكاس الما حتى تشتش جلس عاد شربو حط الكاس وبقا جالس كيمسد فجبهتو ونواضرو الي حس بيهم بغاو يتفرعو حتى حس بمفعول الدوا بدا يهمدو وهو ينوض رجع لبيرو بقا جهد شي ربع ساعة وهو يدور هز الفيكس”
زين الدين : اجي عندي…
اسلام”وقف كيغزل” : ايه دكتور دابا…”حط الفيكس هز الطابليط ودخل يجري لعندو لمكتب من بعد ما دق حتى وقف عليه”…
زين الدين”داير صباعو على لحيتو كيشوف فالماك ولكن العقل غااايب..اسلام بقا واقف يتسنى وهو ساهي كيفكر حتى شاف فيه ونطق” : شوف شي حد يجمع هادشي هنا…
اسلام : واخا دكتور…
زين الدين”حك شنايفو من بعد نطق كيتنهد” : شنو كنتي داخل باغي تگول ؟؟؟
اسلام : اه بخصوص المسؤولة على الميناج خالتي سعدية الي عندها رونديفو دابا بالي جات وفاش احم مهم قاليا بروفيسور زياني ندخلها عندو..
زين الدين : صافي خليه يتكلف بيها نسالي ونشوف فين وصل معاها…”ناض كيهز فشنو بغا يدخل معاه لقاعة الفحص وكيهضر” قضي غراض هنا دغيا…”خلاه مشا يعلم شي حد فالميناج يجمع ديك الروينة ودخل لقاعة ديال الفحص فين غايشوف الحالة التالية تاهي…وخا خاطرو معصب الخاطر مشا لكن ضروري عليه مايبرك فالنفس حتى يكمل الحالات ويتوجه لاجتماع..
كانت متكية على كتف فاطنة الي رتاحت فيه ..جدها وخالها مشاو يصليو الظهر الفوق…وعينيها كيشوف بعيد ف صفاء وسيمو الي كانو واقفين مرة ينزل عليها لراس تا تبسم فرح ومرة هي تزويه لكرشو هاد اللقطة جابت ليها الضحك بلا ماتشعر تا ضارو شافو فيها…
فرح : ههههه
نجية : يضحك ليك الخير هههه”بقات تشوف فيهم حتى بدات تجمع فالضحكة وهي تگعد راسها..شافت فيها نجية ثاني وشافتها تگعدت اتا بداو يسمعو المداقة والمعيور وهي دور ووقفات فاطنة…” امصلي عليك ارسول الله هادو مالهم عاد كانو صحة سلام…
فرح : مالهم ؟؟
سيمو”شاد صفاء من شعرها لاويه ليها بنتقة وهي كتركل مادا ايديها بغات تجر ليه الوجه وهو مغزز سنانو” : اش كاين ااا اش كاين الله يا مك تا يگولو مالهم والله يا بتليهودي تانطنطن حبك را سنااااني لوبيا على مك…
صفاء”جنون ركبوها كتبغي توصل لوجهو وكتفشل..كتهضر وتنهج بالعصاب” : الله الله يا ياااا لوووووبيا هو يا المسرسط يا عصيبة فالدجين لا بقات فيك نبقى بلا صحة…
سيمو”زير ليها على شعرها تا غوتات” : زيدي زيدي انا بغيت لبوك الما فركابي…
صفاء : وااااطلق طلق وخليني نوريييييك الما فركابي فين كينزل طلاااااق”جات فاطنة ونجية وصفاء يشوفو مالهم جراتو نجية يتفرق ليها على شعرها وفاطنة تجر فبنتها وفرح كتشوف عرفتهم مايطلقو من بعضياتهم الى ما تفكو روسهم او يديرو شي طريقة عارفينها غا هما بثلاثة…مشات فاطنة كضري فايدين سيمو الي كارمين على شعر صفاء ووالو..المحجوب ومنير كيشوفو مفهمو مالهم…صفاء تغوت سيمو يتحلف هي قالت ليه ماتعرفش”
سيمو : سيري يا مية غرام لحم وستة كيلو عضم..سيري يا الي مايعرفوها غاديا ولا جايا سيري يالي مشات حساب ليهم رجعات الوصلة حارو فيك الطبة والعولامة حطو ستيلو..
صفاء : بزااااف على مك المسلوت..مارضيتيش مارضيتيش حيث بغيت ندير العز يا المدلول..سر مك هاديك حياة الي ضل تهز فزيوفتكم وتبات تشوطهم فالمجامر وتصبح تا ردات ليه گفاك فوجهك ووجهك لشهادة زور وعند المحكمة يبيع الفول…
نجية : هااااويلي شكون حياة ؟؛
صفاء : سيري سوليه سيري امي نجية طالعي بولدك غذا ولا بعدو يصبح ماحيك من الوجود باش يحيب ديك المبزطة مو ضهر ودوبل حنگورة (حيث غليضة وضهرها غليض ومگوس وعندها الحنجرة غليضة ههههه…نجية خرجات عينيها اما فاطنة بغات غا منين تهبط ليها لفم ضربو مالقات كي دير طاويها على جوه وهي ملوية وايديها ممدودين ليه جاو فحال شباكية)..واااااااا طلااااااق طلاق وااااعوووو…
فاطنة : وااامعگوبة ليا سدي فمك دابا ينزل سي المحجوب يسمع كابينتك…نتي موحال ديري راااجل موحاااال..
سيمو : هاااااااع هالي گلت هالي گلت ومارضيتيش…
صفاء : سااااد فماااااك المشوه شاد فمك…واطلق نوريك الرجلة ديالي كيدايرة الحگار طلق…
سيمو : باش رجلة باااش !! وهو صراحة كاين شوية الرجلة بداك المسطاج الي محنتني انا وعشرة ماهو حالك حال البنات ماحالك حال الولاد وگفتي فالنص بيناتنا…
فاطنة : ياويلي على غدايدي على بنت لحرااام هادي وتي سدي فمك ونتا اداك المسلگم زرگ الكمارة طلگ منها..
نجية”غوتات باش يتخلع كيف مولف منها” : واولد لحرااام طلگ من البنت ينعل والديك وعلى والدين ما خريت فكرشي تا خرجتك…”والو واش داها فيها ايييييييوى مع غاتجي فرح الي بقات تردد تردد تردد حتى مشات ليه من لور وهي دير ايديها فطابگو غا هي الي حطات صبعها تهرو ضربو ضو بين عينيه تا تسمر طلق من صفاء الي وقفات شعرها شاد كاع ريزويات ديال درول العربية ونايل سات والاورو سات..ماعرفو كي طرا ليه تا طلق منها وهي را المدام فرح الي عارفة الطود ديالهم باش يتفرقو”
سيمو : وااااااا عداااك…
صفاء”غا طلق منها كانت غاديا ليه تنقز عليه تا وهي تشدها فاطنة” : وااااطلقيييييييي امي طلقي خليني نفگس لمو ريتو.
فاطنة”خنزرات فيها تا صرطات ريقها” : والله يا الزرگة وتحطي عليه ايدك يا تانلبس جلابيتي ونديك من هنا عمرك باقي تعتبي لشي قنت معايا يا المشوهاني…
نجية : ينعل والديك على هاد الفعايل ضربتي 28 وباقي دير فعايل ولاد ست سنين اش ليكم مالكم على هاد الحالة اش طاري ؟؟
سيمو : بغات تبدا تبوبا عليا تما والفهامات ديال والو نفربل لمها المخ…
فرح : مالها اش دارت ؟!
سيمو”على شوي كان غايطلق ليها كلشي..جمع راسو دغيا” : ختي فرح سيري تتبراي ونتفاهم معاك على هاد الهران الي درتي ليا هربتي ليا الحقيقة فخمسة ثواني…”بدا يسوس فحالتو ويقاد فحوايجو جات فاطنة حدا فرح ونجية حداه بغات تسولو مالهم تمو غادين نساااو صفاء حتى وقف وعينيه خرجو على جهد جهدهم” : اوهووووووووووووووووو
فاطنة : يااا ويلي مالو ثاني…
نجية : اش كاين..فينهي بنتك نتي..
سيمو”هاز صبعو كيدير ليهم باشارة جنبي جنبيييي..ضارت فرح تشوف حتى ضار هو اااو هي تبان لالة ومالي حاتياها عليه بعضة فدراعو من لور عينيها خارجين بالغدايد كاع ديك الشدة الي دار ليها فالشعر والغدايد صرفتهم ليه فالعضة ايييوى مشات ليها فرح تاهي غا حط ايدها على جنبها بهرة وهي تحيد فمها..خلات ليه ظراع يوزوز تا دور اللحم بايدو لقا سنانها مسطرين ليه فيه تاتفلح وخرجو نقيطات دم..” : ااااالىىى ما ضربت ليك طر ونعاود ليك بالبندير..راني ماشي سيمو روفيكس…
صفاء : اااسيييير الي فجهد حفارك حفرو والي فجهد عضامك قرقبو…صداهم واصل وقاعهم حافي…دراع ممدود وفالصح مشكرف..الصحة عالعيالات وقلتها عالرجال…ابفووو عليها صحبة زرگ الكمارة الله يطيح ليك النجمة…
خرج من الدوش كينشف فشعرو لابس حوايجو فالدوش اصلا غير بقا شعرو فازك خرج يكملو فالتنشاف دخل البيت …حتى دخل فوزي لدار هاز فايديه مياكي مقدي من السوق وميكة فيها الحوت مشكل..حط سوارت فوق الرخامة الي تم بان ليه عصام خارج كيبقشش فتيليفونو حتى شاف فيه..
فوزي”هز الميكات وراه” : واحد الغديوة ديال حوت دايزها الكلام…
عصام : كيفاش !! مغاديش ل سيدي بنور نتا ؟!
فوزي : احم لا را با مشا هو وخالي ل كازا احم..حتى لغذا عاد يجيو وغذا نتحرك عندهم…
عصام”سكت كيشوف فيه وفوزي ماعرف مايقول” : مم مزيان
فوزي”صرط ريقو” : م يم ياك باقي غاتحرك معايا ؟!
عصام”تبسم بغيض” : عندمن نمشي اسمحمد عندمن ؟
فوزي : را صباح يكونو تم والله..ومفراسهمش واش جاي بعدا
عصام : صافي صافي..سير دير اشنو ناوي دير سير…
فوزي : غاتغذا هنا ياك .
عصام : غانتغذا هنا غا طلق راسك…انا طالع لحانوت ديك ساعة يوصل وقت الغذا نحي ولا صوني ليا…
فوزي”بفرحة” : واخا صافي…”دخل عصام هز سوارتو دارهم فجيب لبس سبرديلتو وخرج ركب فالموطور زاد نيشان الحانوت…يلاه بدا خدمتو حتى وقف عليه صطوف بالموطور سوينغ وقفو ونزل وقف عندو…
صطوف”ربع ايديه فوق بوطاجي كيلعب بساروت” : كاين شي لحم…
عصام”جاتو ضحكة مفكر موقف الامس” : شحال جهدك..
صطوف : وااالو يا صحبي واش باغي تنسى…
عصام : خالدينا غا صرط…
صطوف”دوز على صلعتو بايدو تا خبط گفاه” : واخا..وادير واحد جوج كيلو بگري وكيلو معزي لميمتك…
عصام : الى لميمتي زبيدة نضيها الله اودي…”مد ايدو لسگيطة عبر ليه لحم البگري عاد داز لمعزي تاهو عبرو جمع ليه فالكواغط عاد سحب الميكة دارهم ليه فيها…مد ليه الفلوس خلص ورد ليه الصرف…
صطوف”لقا صرف زايد” : فاش تخلصتي ؟
عصام. : المعزي على حسابي ديال ميمتي هذاك والبگري يعوضك ربي ولا رجع عند التامل يخلص عليك…
صطوف : ينعل القحبة مك نتا وياه..
عصام”تبسم بجنب” : يلاه قود ساعتك سالات اش مزال باغي تاني…
صطوف : جاي ناكد عليك واش هضرتي مع عمك اصحبي..
عصام”هز ايدو الي فيها جنوي كيعبر” : اش درتي نتا يامس فين كنتي ؟ عند بالك عمي كبارك يعطيك بنتو يا تامل عاد يامس طمع فيك عدسة(لوبيا) ..
صطوف”بدا يرمش فيه”
عصام : كنهضر معاك..دابا خليييني من تامل وذوق هضرتي تبتي من القصاير ؟!
صطوف : عارفني نوي الحلال ومنتوبش ؟ ودابا خلييييني من الهضرة اعصام نتا عارفني علاش گاد بلا مانجي لبنت عمك عارفني صاحبك عشيرك الفردة نهار نوي المعقول كنبقى معقول…خاف من الي عمرو ذاق ودوز ماشي من الي مدوز وشااااابع تا گنف..كاين فرق اعشيري…عااااد راني ناوي مع بنت عمك الي نهار الغلط لول غانخسر معاك نتا قبل منها وبوها را وجهك يغلبني وصحبتنا توگضني…ذوق نتا هضرتي…ولا مامناسبش ؟
عصام : اعوذ بالله…
صطوف : ايوى !!
عصام : هاد اليومين ؟!
صطوف : ماكرهت تعطيني الجواب غذا…
عصام : ماعليا والو نعيط ليه ونهضر معاها وداكشي الي علموني بيه نوصلو ليك…لا جات عليا مانلقى ماحسن منك مافيك مايتعاب وخا ولد القحبة معايا وليني الحاضر ناضر..
صطوف : قنعتيني…
عصام : يلاه قود صباح نعطيك الخبار…
صطوف : كاين شي غذا…
عصام : مانعرف فوزي جايب الحوت البيض…
صطوف”حك على صدرو” : هاااح الحوت البيض..عرض علينا لجوج حوتات…
عصام : تقود…
صطوف : الله يكبر بيك ندي لحيمات لواليدة ونجي عندكم ماتخافش عارف الدار بلا متنعت ليا…سلام عليكم…”هز الميكات ركب فالموطور وزاد كيضحك عليه خلاه كيشوف…مشا جلس وهز التيليفون دخل يبقشش فيه ثاني ويتفرج حتى مشا لواتساب يشوفها واس داخلة لقاها خارجة من الصباح بكري..رسل ليها رسالة…
عصام : فين غابرة نتي !!”حطو ورجع يكمل خدمتو كيف العادة…”
كمل اخر حالة لي خصص هاد الصباح كانو عشرة شاف ساعتو لقها جوج ونص..دخل لشومبر حيد لبسة لبس حوايجو وخرج كيقاد فساعتو هز الماك دارو فالشكارة وخرج من المكتب علم اسلام يلحق عليه الشكارة لقاعة الاجتماعات بينما يجي من عند ضحى الي وصلاتها الاسعاف قبل قليل هي وتوبا…نزل لتحت بسانسور وخرج لجناح فين كاينة مشا لشومبر ديريكت دق الباب تا نطقات توبا وهو يدخل غير طل براسو وهو يلقى حنان واقفة حداها جات تشوفها…
توبا”صرطات ريقها..حيث حنان كاينة وهو دخل” : وولدي زين الدين”غا قالت سميتو وهي دور حنان بزربة”…
حل الباب كامل ودخل عاقد الغوباشة ماحملللش راسو يدخل ويلقا هاديك تما وخا فاش بانت ماستغربش حيث كيعرفوها توبا وضحى بحكم كانت خطيبتو لولة وهما معرفة يعني عادي الى جات…حدو نطق سلام وعينيه فلارض ماحاملش يشوف جيهة توبا ولا لاخرى عينيه باغين يشوفو غير ضحى فقط وهاد الاخيرة الي كانت غير كتشوف بعيد وصافي كتجاوب على قد سؤال…
زين الدين”نطق بدون مقدمات” : خليوني معاها…
توبا”حركات راسها” : و وواخا ولدي”وجهها كيبري بالبومادا الي دايرة ليه والي كتبها زين الدين لمراد ياخذها ليها باش يحيدو ليها ديك الشوهة ديال القميش الي دارت ليه..”
حنان”تبسمات بشوي حادرة راسها وقلبها بغا يسكت غير ريحتو كانت كافية تخليه يضرب من دخلتو وشوفة الي خطفت فيه لشنو لابس…ماعمرها تنساه وخا يوقع الي يوقع وماعمرها تسمح لراسها انا ضيعاتو من بين ايديها بسباب زلة لسان كانت سباب باش دور وجهو عليها دورة وحدة لان…خشات ايديها فجياب طابلية شافت ف ضحى غمزاتها وضارت خرجات هي وتوبا”
زين الدين”هز سروالو من عند فخادو باش يجلس..جلس بجنبها عينيه عليها الي كانت كتشوف فيه بنضرة حزن” : شوية!!!
ضحى”غمضات عينيها وحلاتهم ونطقات بصوت عيان” : فيا صداااع بزاااف…
زين الدين : ماعليش مدة ديالو ويحيد..سي نو تجاهد عليك علمي شي وحد فلانفغمييغ تعطيك الكالمون…
ضحى : واخا..”بقات تصرط فريقها بغات تهضر وماتهضر”خو خوياا زين الدين..
زين الدين : نعام !!
ضحى”هبطات عينيها وبدات تهضر” : نهار عيطت ليك فالتيليفون وقلت ليك سمح ليا…حتى بصح قلتها وعنيتها ماشي حتى مابقا عندي فلوس ولا حتى جرا عليا بابا انا وماما ولكن قلتها حيث بصح بغيتك تسمح ليا وحيث بصح انا تصرفت بطيش وماسمعتش ليك..اهى اهى…وحيث نهار قلتي ليا ماتشمتينيش فيك ديك ساعة ما قلتيها حتى وقع الي وقع مع هذاك الحماار الله ياخذ فيه الحق…
زين الدين”كمش حجبانو” : تعدى عليك !!!
ضحى”سكتات وهي تحرك راسها ب لا”
زين الدين”هز حجبانو” : كان بخاطرك ؟!
ضحى”حركات راسها” : كلشي بخاطري وخا نقوليك ندمت ماغايفيدني بوالو…ضيعت راسي وضيعت بنتي الي شدات فيا بايديها وسنانها اهى اهى تبعت ماما وتعديت عليها وعلى راسي…مغانقولش ليك منسمحش لماما وخا مابغيتش نهضر معاها ماشي حيث هي سبابي مابغيتش نهضر معاها حيث الي فيها كافيها مابغيتش نكتر الهضرة حيث بزاااف عليا ناقش ونهضر براكة الي وقع ليا ولينا والي درتو ليها حتى ولات تخدم عند ناس وتكرفص باش ماتحتاج لتاحد…
زين الدين”ساكت وكيسمع وتيليفون فجيبو كيصوني”
ضحى”مدات ايدها صحيحة حطاتها على دراعو” : مابغيت والو بغيت غير تسمح ليا اهى اهى سمح ليا بزااااف حيث شمتك سمح ليا بزاف على كلشي درتو…
زين الدين”مد ايدو شد ليها ايدها” : السماحة مني معندها باش تفيدك السماحة تطلب من الله وحده سبحانه..
ضحى : اهى اهى شدات فيا بزااااف شدات فيا بزاااف صبرات لدوا العشوب صبرات لضربها…
زين الدين”خرج عينيه” : كيفاش !! شكون ضربك ؟؟؟
ضحى”دموعها دايزين”: م مااما اهى اهى كانت كضربني وضربني لكرشي…عارفة من فقصتها وشمتة الي شمتها هادشي علاش دارت هاكا عاارفة…ولكن اهى اهى ببقاات بقاات فيا بنتييي اهى اهى…
زين الدين : ششش صافي سكتي…الهضرة من بعد “شاف فساعتو وناض” من بعد ونجي نشوفك”تحنى باس ليها راسها وطبطب عليها وقف وضار خرج لقا توبا جالسة وحدها كتسنى غير حل الباب وهي توقف…”
توبا : صافي غادي…
زين الدين”بدون ميشوف فيها” : ردي معاها وليها البال تغانين عاوتاني منك ماعندو لاش يفيد”بغات تهضر وقفها” ديها فصحتك وفبنتك وزيدي براسك لگدام ماشي لور…توگضي عمتي توگضي..في امان الله…”قبل ماتهضر خلاها وزاد خرج من الجهة فين كان ومشا لجيهة ب فين كاينة قاعة الاجتماعات الكبيرة…جا البشير ورؤساء الموارد البشرية سلمو عليه ودخل لقا علي واقف كيقلب فشي وراق قبل ميبداو تا وقف عليه…
علي : تفرگعتي النواوي ؟!
زين الدين : ماتنساش شنو وصيتك الصباح فاش جيت…تبقى بيناتنا وگض معايا البشري…
علي : كون هاني..
بقاو مجمعين معاها هاد النهار عياو برا ودخلو جلسو لداخل من بعد ما فكو الصمكة الي ناضت بين صفاء وسيمو…طلعات صفاء الفوق مع فرح البيت ديالها فين كتنعس…من بعد ماشافتو وعجبها وعجباتها الفيلا الي كانت اول مرة تجي ليها هي هادي…جلسو فواحد الجليسة الفوق جات بين البيوتة فيها فوطويات بيضين وطابلة قدامهم ديال العرعار منقوشة نقش الارابيسك بساندريات ديالها…شافت فالكولوار الي فيه البيوتة وهي دور عندها…
صفاء : فين هو بيت زين الدين ؟
فرح”غا سمعات سميتو قلبها ضررب..شيؤات ليها جيهة الباب الوسطاني فاخر الممر” : را هو…
صفاء”سكتات كتشوف فيها” : علاش مابغيتيش تجاوبي زين الدين !!؟
فرح : هاا ؟ لا لا غير ماسمعتش تيليفون…خليتو هنا…
صفاء : عطاك سيمو تيليفون ومابغيتيش تهضري معاه…
فرح”جمعات غوباشتها” : مكاين والو غير مابغيتوش يبقى مشطون معايا حيث عندو الخدمة بزاف..مابغيتش يبقى داير بالو معايا حيث غير الى سمع صوتي عيان كايجي وانا مابغيتش نضرو..”هزات كتافها” غير خليه…
صفاء : واش مقلقة منو ؟”هزات فيها فرح عينيها” احم ماعرفتش ولكن هاد طريقة الي كديري ديال التقليقة افرح انا كنعرفك مزيان راكي ختي ماشي صاحبتي وكنعرف طبايعك وخا تبدلي تاتعياي الي فيه شي طبيعة مكتحيدش هاد القضية ديال تهزي كتافك وتقولي غير خليه كنعرفها مزيان هي فاش كتكوني مقلقة منو..
فرح”حركات راسها” : لا ممقلقاش عافاك بدلي الهضرة…
صفاء : واخا راحتك..مهم انا غانزل لتحت نشوف مي واش تبغي نعاونها فشي حاجة حيث بغات دير بسطيلة الحوت لعشا دايرة جوج…”ناضت وهي تم غاديا شوي وهي دور عندها” فرح “شافت فيها” ماديريش فبالك وماعمرك تقلقي من زين الدين حيث معاك نتي يقلق كلشي وميقلقكش..تهلاي فيه وفراسك…وهبطي حتى نتي ماتبقايش وحدك…
طلقاتو الوقت باش قدر يسالي واحد النسبة ديال مشاكيل الي تراكمات عليه…عاد رجع اما ومراد سبقو حيث بغا يجي على قبل مايخيليش ناس فالدار وهو مستقبلهم وحدو…وصل لفيلا ودخلو نزل من سيارة وجهو مبدل بالعيا وتمارة الي ضل فيها هاد النهار والاجتماعات والحالات…ومزال معصب من فرح الي حلفات ماتجاوب فالتيليفون…هز عينيه بان ليه المحجوب جالس معاه سيمو و مراد الي دوش وتوضى وصلى ونزل عند المحجوب حيث منير مشا لسيدي بنور…وقف عليهم سلم على المحجوب…
زين الدين : خليتك وحدك هاد النهار سمح لينا الحاج…
المحجوب : الله يا ولدي خدمتك هي لولة تبقى غا مقابلنا ولواه جهدك كثير…امضرا واحد الحاج الحسين ماجايش ؟
زين الدين”شاف فالتيليفون” : لا جاي ان شاء الله يسد المحال والمحلات ويجي العشا عندنا…
المحجوب : ربي لما علم تا داك الولد وليد وريان نشوفهم..
زين الدين : مرحباا الله اودي…”هز عينيه لفوق جيهة بيتها” فرح !!
سيمو : لفوق كانت معاها صفاء وبقات هي الفوق…
زين الدين”حرك راسو استاذن منهم ودخل عاقد حجبانو مشا ديريكت طلع فالدروج كيقلب عليها وخا معصباه توحشها بزاااف حيث نهار كلو غابر عليها وماسمعش صوتها مشا لبيتها دق الباب” : فرح “حل الباب طل براسو كيقلب عليها بعينيه ماكايناش فالبيت تا سمع صوت تقرقيب فالدوش مشا دق عليها الباب الي غير سمعات دقة وصوته وهو يتهز قلبها” فرح !!
فرح : نن نعاام…
زين الدين : خرجي نهضر معاك..
فرح”مكاين مهرب هاد اللحظة” : واخا”سدات روبيني مسحات ايديها وخرجات لقاتو واقف داير ايديه فجيابو حادر راسو حجبانو باينين ملاقيين مع غلاض ولاو يخلعو…” هاني…
زين الدين”هز فيها راسو حتى بانت ليه واقفة محيدة بوليرو الي كانت لابسة بالقب فوق بيجامة فوقي نص كم تحت مؤخرة بشوي فالحمر والاسود وكولون ديالها كحل مزييير على سيقانها..ورداعها بلقيييين ومبطبطين حتى لمعصم ديالها الي فيه گرميط رقيق جابو ليها ذهب و الخاتم ديال زواج فصباعها..يااا ورااه صبر راسو فاش شاف دوك الدرعين كي قويلب سكار بالبيوضة..” : شنو واقع ليك !!!
فرح : والو علاش !!
زين الدين”هز حاجبو” : وايلي زعما ؟؟..شنو گالت ليك هاديك فاش جاوبتي ؟!
فرح : والو ازين الدين صافي موقع والو عافاك…
زين الدين”بصوت ثقييييل” : فااراااح… ماوقع باس ؟ ايه”حك لحيتو” ماعليش بغيت نعرف.شنو گالت عندي مهم نعرف باش هضرات معاك…
فرح”شافت فيه” : گالت ليا صديقة ديالك..واحد شوي حتى جهدات صوتها حيث انا مافهمتهاش اش كتقول داكشي باش…
زين الدين”شير ليه” : عارفاني ندير العيالات معرفتي ؟مادرتهم فشبابي نديرهم فشيبي نبدا نعيب فراسي هاكاك لله فسبيل الله ؟ اش خاصك البغدادي قلة مايدار وصافي قلة مايدار افرح…
فرح”شافت فيه” : وهي عيطات ليك فنمرتك الخاصة ديالك منين جاتها الى ماكنتي عاطيها ليها؟ انا باش غانعرف بالي معندكش صديقات كيف قالت ؟؟ باش غانعرف عليك..هي كتگول فيها عاادي وفنمرتك الخاصة اش بغيتيني نگول ؟
زين الدين”كشوف فيها كتهضر وتشكي ومخليها على خاطرها مابغاش يقمعها بالعكس عجبو كيفاش تطلقات والي عجبو اكثر هو بينات على غيرتها الي بانت فوكهها الي تزنگ بلهلا يطريه ليها… فاش كتحبس الهضرة تاتنفس وتحدر راسها وترجع تكمل ودموعها نزلو يجريو…عينيه مشاو لفمها الي كيهضر ويعبر حيث كانت كتعض فيه فاش كانت تبكي ولا تعصب وحدها تا ولا حمر..وجهها تزنگ وهي كتشرح ليه حيث تزيرت…غمض عينيه ونطق بينو وبين نفسو..” اللهم ان كان سحرا ف لاا تبطله…..”هي كتهضر وهو حاضي فمها حاضيه حاضيه حتى….
هي كتهضر وتعبر والغيرة كتخليها تقول ولسانها يتسرح تلقائيا..كيخرج شنو فيها لداخل من عافية شاعلة وهي بلا ماتشعر خلاتو يحمااااق ويبقى غير يشوف فيها كتشكي عليه وتعاود الله يجعلها ما تبقى تال الصباح هو عسل على قلبه…لكن لا هي لا هو ماحاسينش بالي را كتزيد تحرك فيه وتشعل فيه مشاعر اخرى غير العشق…ماكرهش يعنقها ويخشيها فيه يبقى ضامها ماكرهش ياكلها ماكرهش يبقى يبوس فيها ويعض من كثرة ما مجهلاه وهي كتهضر…الى ناس العاديين كثيرهم عضة الفم او تمرير اللسان على شفايف هو را كثيرو حركاتها تعبيرية…غضبها عصبيتها بكاها وحتى ضحكتها اي بخلاصة كلها كثيرو من ساسها لراسها وهادشي زاد او تولد اكثر شي فاش جات لعنظو وولات حداه وقدام عينيه صباح وعشية…وفاش ولات “حلالو”…
زين الدين”بقا حاضيها حاضيها حتى قرب لعندها هي كتهضر وهو كيقرب حتى وصل ليها ومابقى كيفصلهم غير سنتمترات قليلة..شافتو قرب وهي تسكت وحدرات عينيها وراسها..بكل هدووووء وراااحة وصوت السكااات حتى من انفاسهم تحبسات..هز ايديه بشوية وقبط ليها حناكها المبطبطين بين ايديه والي ملمسهم رطب عشقو..هز ليها راسها” : شوفي فيا
فرح”بدات تدور فعينيها حتى هزتهم فيه”
زين الدين : مااكتجيش معاك تقلقية والغضبة…عينيك نهار شفتهم شفتهم ضاحكين عرفت فرح كضحك فرح الى تقلقت متبكيش الى تقلقت تعصب وتعطي جوابها…فرح يجي معاها الفرح ماشي القرح…
فرح : ماشي لخاطري…
زين الدين : نخليوه بخاطرك..ضربتي النص مابقا ليك والو..
فرح”قلبها كيضرررب وحناكها بين ايديه وريحتو قريبة ليها بزاااف…مشاعر الحب العشق الخجل الخوف التوثر كلشي حاضر فهاد اللحظة…قربو ليها شعل فيها بزاف…عرفتي شنو يعني واحد الشخص كتموتي عليه رجل معاك فكاع المواقف..جدية كاريزما وسامة حضور…غير هذا فقط يوقف قدامك شخص عشقتيه بمعنى الكلمة ماسك خدودك وسط ايديه وريحتو الي كتميزيها دون عن الكل ممكن تكون ريحة عادية بالنسبة لينا لكن هي معاه ريحة ليست بالعادية…قلبها كيضرب الي ممكن يكون سمعو وحس بيهم ونفس الشيء بالنسبة ليه هو…قراب بزاف من بعضياتكم حلال على بعضياتكم فوقت الشدة مع بعضياتكم…عاشقين ميتين فبعضياتكم…”
زين الدين”هز صباع الابهام مسح بيهم تحت عينيها مرورا بحناكها تا ورك بشوي عليهم باغي يستمتع بديك الرطوبة والطراوة والليونة…خدود محمرة …شفايف قدامو كيترعدو عينيها الي توقفو على الترماش…” : حاولي على راسك وحاولي جهدك ترجعي فرح الي عرفت وعلاش لا حسن منها فرح دايزة بتجارب ومشاكيل الدنيا علماتها،،وعاتها،،وگضاتها،،حياتها من جديد،،قواتها،،فيقهاتها على شحال وشحال،،تبغي الحياة وتحيي حياة…شوف فين كنتي وكيف كنتي وفين وليتي وكيف وليتي..فييين فرح الي غير سادة عليها وخايفة فين فرح الي كانت تقاس تولي ترعد..فين فرح ديال بارح وفرح ديال ليوم…
فرح”الصمت”
زين الدين : عاوني نعاونك…وماتخليش البشري يتحكم فيك كلمة جوج يبقى فيك الحال…فرح تخلي شي حد يقلقها ؟ “حركات راسها ب لا”…
بقا كيشوف فيها وهي كتشوف فيه وخا كتشتت الشوفة هنا وهنا اما هو بقا مفيكسي عينيه عليها كاع تفاصيلها حتى كيقول حفضهم وكيرجع يتفحصهم من جديد بااي يكتاشفهم…بكل هدووء قرب راسو اكثر فاكثر تا حط شنايفو على جبهتها حسات بسخونية انتاشرات فصدرها..ملي شافها ماتحركتش زاد زعم وهبط لعويناتها عطا لكل عين حقها من القبلة…كيبوس وفنفس الوقت كيتيستي ردة فعلها واش مزال كتقفز او تخاف…كل مكيتعمق كيفرح انها متحركاتش اما هي را فهاد اللحظة غمضات عينيها وزادت الحمرة فوجهها..هزات ايدها حطاتها على دراعو وهو يتوقف وحط جبهتو على جبهتها”…
زين الدين : رجعي فرح رجعي وعاونيني فالحمل الي على كتافي..زيدي معايا بخطاويك وخليني نديرك وسادي ونتكي عليك راسي…هذا الجهد علينا بجوج…
فرح”صرطات ريقها وهي كتحرك فراسها” : كنحاول كنحاول بزاااف…وهادشي علاش بغيت نهضر مع طبيب..
زين الدين : صباح يكون عندك هضرت معاه…
فرح”حركات راسها ب لا” : لا انا بغيت نمشي عندو لعيادة..
زين الدين”هز راسو وشاف فيها باغي يتاكد” : زعما ؟
فرح : اه ..بغيت نخرج من الدار..اصلا فاش كنت فاكادير كنخرج كنكون مع مريم…بغيت نمشي عندو الى غايعاوني كثر نمشي عندو…
زين الدين : ضروري نكون معاك..
فرح : واخا…
زين الدين”حك ليها على دراعها” : مزيانة دابا ؟!”حركات راسها..شاف وراها …لبسي شي حاجة عليك ونزلي انا شوي ونكون معاكم…”بقا كيشوف فيها يملي عينيه حتى ضار وخرج مشا لبيتو كيعض ففمو من لداخل فرحااان ان واحد تقدم كااين وفرحان اكثر انه لمس غيرتها الي بينات ليه انها غاتكون مجنوونة من هنا لقدااام…
بقات واقفة من بعد ماخرج حسات بحناكها كيوزوزو من داك القرب من دوك القبل الي حط على عينيها وجبهتها حسات بشنايفو تحطو سخااان عليهم…هزات ايدها وحطتها على حناكها لقاتهم طايبييين…حنحنات وهي ترجع لدوش حلات روبيني غسلات وجهها تا حسات بيه برد شوية وحسات براسها تهدنت من الهيجان الي حسات بيه وهي واقفة قدامو حسات بقلبها رجع لنبضاتو طبيعية…خرجات ومشات لناموسية هزات داك البوليرو لبساتو كان عريض فالبيج…بان ليها التيليفون محطوط فين خلاه امس فوق طابل دونوي كانت غاتخليه وتخرج بقات تشوف فيه وتشوف حتى مشات هزاتو ومشات لباب بغات تحلو تخرج تا بدا قلبها كيضرب ثاني جاب ليها الله غاتخرج تلقاه واش جا مايهدن ليها داك القلب…من بعد تردد حلات الباب وخرجات مشاو عينيها لباب بيتو مسدود. وهي تنزل لتحت فطريقها تصادفت ب نجية داخلة لكوزينة…
نجية : الفريحة بنتي..اجي معانا لكوزينة !!
فرح”تبسمات” : واخا ههه…”عنقات بجنب ودخلو لكوزينة كانت خدجة يلاه مشات من بعد ما وجدات ليهم كاع المقادير الي يحتاجو…لقات فاطنة كتوجد فالورقة بايديها حيث حلايوية من طراز الرفيع كانت شي وقيتات كتشد الكوموند لكن حبساتهم…”
فاطنة : دوزي نجية صاوبي العمارة…
فرح : بسطيلة ديال حوت ؟
فاطنة”شافت فيها وضحكت وشحال فرحت ملي ولات تجاوب معاها” : ههههه وااايه يا الهبيرة وايه…ورا دوااا معايا راجلك كي مشا وگاليا اشنو خاصكم نديرو العشا ديري بسطيلة الحوت را فرح كتعجبها…
فرح”تبسمات وزادو ضربات قلبها ملي قالت ليها “راجلك”: احم اه صافي…
صفاء”حاضياها وتاحاجة متفلت ليها..تسناتها تا جات حداها وهي تنغزها وهضرات بشوي” : شفتيه ؟!
فرح”حركات راسها”
صفاء : هضرتو ؟! ياك عاديين مابيكم والو ؟!
فرح : لا لا ماكاين والو…
صفاء”بحزن” : وليتي كتخبي عليا باقي مكثيقيش فيا ياك ! واخا براحتك غير ماتبقايش تقلقي بزاف وماتبقايش تهزي فخاطرك بزاف..شوفي اش وقع ليك بسباب هاد القضية شوفي فين وصلتي بسبابها…ماتقلقيش مني انا بغيت غا مصلاحتك…”هزات صينية ديال اتاي ومشات خلاتها كتشوف عرفاتها تقلقات منها انها مابقاتش معاها كيف كانت.حدرت راسها بقات معاهم شوية فالكوزينة حتى نطقات نجية…
نجية : سيري بنتي جلسي مع جدك شوية وراجلك نهار كلو وهو غايب ويسول عليك سيري جلسي معاه ومع جدك…
فاطنة : سيري بنتي انا هنا نسالي ونجي عندكم…
فرح : واخا..”سدات الكاب وخرجات من الكوزينة مشات لجردة كتقلب عليه بعينيها كاين غير سيمو مراد ووليد الي عاد جا وجدها والحسين الي شافها”
الحسين : اه اه اهلااا بنتي”بغا يوقف باش يسلم عليها ولا يشوفها واش تجي ماعرف مسكين شنو يدير مع حالتها..حتى قربات هي وتحنات باست ليه ايدو خلاتو متفاجئ وفرحان فنفس الوقت…” ولفتي شي هنا ههه
فرح : الحمد لله…”ماحسات غير بايديه على كتفها تحطو تا ضارو وكحزوها بجنبو تا هزات فيه راسها لقاتو مبدل شعرو باقي فازگ..تا طلعتها تزنيگة من جديد”
زين الدين : شنو بان ليك ابا ؟!
الحسين : وبان ليا مرتاحة الحمد لله فين كنا وفين ولينا…
زين الدين”كيهضر ويحك ليها فكتفها بحركة لا ارادية بورشتها ودارت ليها نوع من الارتباك…خصوصا قدامهم وهو دارها ماتسوقش ليهم كاع ويمكن نسا راسو…” : الحمد لله..واحد الحاجة مناوياش تشرفنا ولا هذا الجهد ؟!
الحسين : لا غاتجي ان شاء الله هاد اليومين وعلاه هي تجي ومتجيش تشوفك ههههه
زين الدين”هبط راسو عند فرح” : رتاحي حدا الحاج جدك ؟
فرح”فحال لقات الفكاك من ديك التعنيقة الي خربقاتها” : اه..احم عبرتي ؟!
زين الدين : خليتي ليا العقل الي يعبر ؟؟
فرح”بقات تشوف فيه وهي تبسم” : سير عبر…
زين الدين : مزال شوي فاش تقرب الوقت ديال ADO تهناي من جيهتي…
مشات جلسات حدا جدها وهو جر كرسي حدا الحسين وجلس كانت تقريبا مقابلة ليه…حطات راسها فحضن جدها متكية عليه كيدوز على شعرها ويعاود.مرة مرة كيمشيو عينيها ليه..وزين الدين عينيه عليها والحسين مسكين كيهضر وحدو وهو كيجاوبو غير ب سي الله يدير تاويل ديالاش هاد التاويل الله واعلم تا فهم الحسين راسو وشاف فالمحجوب بادي معاه الحديث…كل فين مدهي فالهضرة الفيلا عمرات بيهم بناس قلبها بيض ناس محبة لجماعة محبة لضحك نشاط تقشاب وشدان عند الدراري الي ضحكهم كيوصل تالفيلات لاخرين تا يحشمو ويسكتو مكيهضرش معاهم زين الدين ابدا بالعكس عاجبو هاد الرواج الي كاين والي افتاقدو ملي كان صغييير…بقا ساااهي فرحان بهاد التغيير الايجابي الي وقع فحياتو..
سمعات صفاء صوت نجية كيعيط باسمها غير قريب لباب الجردة وهي توقف بغات تهز الصينية…حتى ناضت فرح على غفلة مشات لعندها بزربة وهي تحط ايدها على صينية شافت فيها صفاء بعدم فهم…
فرح : انا غانديها…
صفاء : ماشي مشكيل غير رتاحي…
فرح : لا غير خليني بغيت نتحرك عييت وانا جالسة…
صفاء”شافت فزين الدين الي حرك ليها راسو زعما خليها” : واخا دي هادي وانا نوصل عليك طباسل…
فرح “هزات صينية من بعد ماجمعات الكيسان وهو ينطق مراد” ختي فرح سوليهم واش خاصاهم شي حاجة نخرج نجيبها ماحدي غادي نتحرك غير هنا…
فرح : واخا”دخلات وهي تبعها صفاء هازا طباسل دخلاتهم لكوزينة وهو يصوني تيليفونها”
صفاء : شدي شدي نشوف شكون كيصوني ليا…”حطات طباسل وهي تجبد تيليفونها شافت النمرة لقاتو فوزي خرجات عينيها وهي دور بزربة لا تكون فرح حداها وهي تقطع وخرجات كتزرب مشات لجردة وبعدات لهيييه عاود صونا ليها وهي تجاوب معصبة” وصحبي مالك ؟!
فوزي : مالك مارسلتي ليا تصاور الحمارية ؟
صفاء : خلصني…
فوزي”بحزن” : نخلصك باش نشوف ختي ياااك !!
صفاء”بقا فيها” : تت صافي صافي را غير تدهيت كانت حدايا مالقيتش كيفاش خفتها تعيق ونتا عارفها كتطيرها فالسما…هاهي تجلس حدا با المحجوب ولا زين الدين ونصورها ونرسلها ليك والله منساك بالكلمة….
فوزي : يحااافضك تعطلي نصوني ولا نجي لمكم تم والي بغا يوقع يوقع…
صفاء : اودي كون جيتي عليا كون غا تا طسنتي(جيتي على غفلة) وفضيو علينا هادشي…
فوزي : الله تانديرها صابر غا بزز…
صفاء : وداك خوك يتردع شوي ولا لا ؟!
فوزي : الله ماعرفت..عاد گبيلة تغذينا الحوت جا صطوف تاهو..كيبان هاد ليا مكالمي عادي باش يجبد شي هضرة والو تاهو ضارب البغلي على ديك الجيه وانا جيت الوسط…هذا الله حق الرب…
صفاء : اودييي الله يدير تاويل..يلاه قطع راها جايا كتشوف فيا قطع”قطع وهي تمشي تبعاتها هزات الباقي الي فوق طابلة الي حلوها ومددوها تا ولات طويلة باش يحطو فوقها العشا فاش يوصل…هزات واحد بلاطو ديال الما ودخلات تبعاتها لقات امها كملات الورقة”
فرح : مراد احم مراد امي قاليك واش بغيتي شي حاجة يجيبها ليك معاه حيث خارج…”سمعات تحنحينة ديالو وهي دور بزربة كتشوف فيه”
زين الدين : السلام عليكم…
فاطنة : عليكم السلام اولدي زيد دخل..
زين الدين : خاصاكم شي حاجة !!!
فاطنة : هاد ساعة كلشي كاين…وليني هههه”حشمات تقوليه”
زين الدين : الحاجة شنو خاص ماتخلينيش نتقلق منك وانا حاسبك ميمتي منا وفينا..كيف داري هادي دار فرح داركم..وصيتك وعاودت الي محتاجينها علموني…
نجية : واخا ولدي لا تقلقشاي هههه لا كاين كيفاش يجيب لينا حوت الفرخ اولدي ماصبناش باش ندزيو فبلاصتو(زعما يعوضو بيه)…
زين الدين”جبد من جيبو تيليفون دوز لمراد علمو يجي الكوزينة ياخذ من عندهم شنو خاصهم باش يخرج يتقداه…بقا معاهم شوي اكد عليهم ياخذو راحتهم وتاهما ماردوهاش فوجهو لانهم حسو بيه قالها من قلبو وممحسسهمش بالي مثقلين عليه ابدا داكشي باش لقاو راحتهم…رجع هو وفرح لجردة جلسو معاهم ثاني حتى دخل ريان تاهو انضم للمجموعة..بقاو مجمعين حتى ناضت صفاء لقات الفرصة وهي تصور فرح كم صورة حلات الويفي ديال الفيلا وهي تؤسلو ليه حتى بان ليها ميساج عصام من صباح حسات بقلبها نزل كرسها وطلع تا تزنگات ولات دور فعينيها وتشوف فرح لا تكون حصلاتها…وغير قراتو دخل هو بانت ليه قراتو وهو يصوني ليها فالبلاصة سكت لوالديها الحس هههه…هزات عينيها فيهم وسبحااااانك يااا جليييييل كلشي سكت سبحان الله كلهم كانو كيهضرو حتى صونا تيليفون صفاء وسكتو….
صفاء”صرطات ريقها” : مالكم هههه !!! اهههه
سيمو : جاوبي فالتيليفون مالك ؟
صفاء”طارت فيه بلا متشعر” : سوق مك “شافت فيهم” ههههه “بدات دوز على شعرها زعما مكاين والو” ههههه غا واحد صاحبتي ماشي شي حاجة…
سيمو : لا غا جاوبيها حشومة…
زين الدين : دخلي وهضري براحتك…
صفاء : هاااديييك اعريض احم واخا خويا سمحو ليا “مشات بشوي تا مشات كان سيمو فطريقها بغات تمد ايديها تنتفو بالحس ساعاك بعد راسو خلاها كتفيييبري بغات منين دوز ليه..مشات كتزرب دخلات لدار ومشات كتقلب فين تدخل مع ماعارفاش دار مزيان عارفة غير بيت فرح جردة وكوزينة الصالونات كانو قدام بعضياتهم كتقلب فين فين مشات جيهة الممر الي فيه دوش لتحت فين دخلات قبيلة فطلات تمشي ليه وهي دخل كان ديك ساعة حبس عاودات هي صونات ليه” الو ع عصام…
دخلات لدوش تما باش تلقى راحتها وعاودات صونات ليه هي جاوبها فالبلاصة صرطات ريقها قبل ماتنطق وصوتها مرعد من بعد داك العرض الي قاليها ولات كتحس بالخلعة فاش كيهضر وقلبها كيبغي يسكت…عيات تهرب منو عيات تدوز وتنسا شنو قاليها لكن كلشي كيتعاود من جديد كانها يلاه غاتعرفو…
عصام : عالسلامة الحاجة !!
صفاء : الله يس سلمك..
عصام : دخلتي وماجاوبتينيش !!
صفاء : لا كيف دخلت نقراه بغيت ن نجااوبك ونتا تصوني احم
عصام : مالك ؟!
صفاء : مماليش علاش !!
عصام ؛ ماشي هي هاديك يضهر ليا…ياكما مصدعك فشي قنت
صفاء : لا لا غير كاينة حدا مي ودخلت لدوش نجاوبك…
عصام : كاينة هنا فالدار ؟
صفاء: ل ل لا انا ف كازا عند احم…ف فررح…
عصام”عقد غوباشتو..جمع ايديه على شكل قبضة” : مزيان صافي سيري بلا منبرزطك هاد ساعة تحركي قضي اش كنتي ديري من بعد ونهضرو…
صفاء : واخا..”مالقات ماتقوليه اصلا متوثرة هضرة وحدة كتزنزن ليها فراسها وهو باغي يقرب منها باي وسيلة وطريقة باش يزيد يقربها منو ويتعرف عليها اكثر ويخليها تقتانع بيه…باغيها تبغيه وتوافق وهو مفراسوش را هو بالنسبة ليها عشق الطفولة ودا كل ما فقلبها وكيانها…مفراسوش راها ميتة عليه من الصغر وعانات ومرضات وهو بعيد عليها وغارت فاش كيطمعو فيه ويتزعطو فيه البنات وتحطمات فاش خطب لمياء..مافراسوش عشقها ليه وحدوووو…يمكن عرضو جاها فضروف ممناسباش انها تفرح بيه يمكن باقي مزال مصدومة…قبل مايقطع نطقات” : عصام
عصام”عاقد غوباشتو” : نعام ؟؟
صفاء”صرطات ريقها” : غ غذا غانجي ان شاء الله…
عصام : مزيان…
صفاء : بغيت نهضر معاك…
عصام : ان شاء الله في امان الله”قطع معاها بقات واقفة فالدوش كتفكر وتعاود حتى داز الوقت وهي تما فلاخر نعلات شيطان وهي تخرج من الدوش رجعات الكوزينة حتى بانت ليها فرح داخلة شافت فيها”
صفاء : فرح خاصاك شي حاجة ؟!
فرح”ضارت جيهة جردة ورجعات شافت فيها بدات تحك ف عنقها وشعرها بغات تهضر ومترددة تا كتبغي تهضر وترجع تسكت”
صفاء : فرح مالك واش خاصاك شي حاجة بغيتي ندير ليك شي حاجة اختي ؟؟
فرح : مم “عوجات راسها ودوات بعينين مغرغرين” بغيت نهضر معاااك..
صفاء”تبسمات بفرحة عرفتها بغات تهضر معاها تعاود ليها ومترددة” : ايه الله اودي زيدي اصاحيبة داابا..نطلعو لبيتك ؟!
فرح”حركات راسها…عنقتها صفاء بجنب ومشاو بزوج طلعو لفوق حلات بيتها دخلات وتبعاتها صفاء الي خلات الباب شبه محلول جلسات فالفوطوي وجلسات حداها” مالك واقعة شي حاجة !! شنو الي قلقك افرح هاد النهار ؟!
فرح : عييييت اصفاء عيييييت وعيييت معايا زين الدين “نزلو دموعها يجرييييو..كانت غاتنوض صفاء وهي تحبس حيث وصاها زين الدين الى هضرات متواسيهاش تخليها تهضر..” راني كنشوووفو كيفاش معذب معايا وصابر..كنشوفو كيفاش كيمرض وساكت…كنشوفو كيفاش هاز وصابر معمرو شكى ليا ولا مل مني..عرفتي ولبارح طاح زين الدين الي كنشوفو ديما واعر صحيح مجهد طاح قدامي فحال شي واحد ضعييييييف..تما حسيت بشي حاجة فيقاتني لشحاااال من حاجة تما حسيت بالي عيقت بزااف وانا ساكتة مكندير والو..تما حسيت بالي فاي وقيتة نخسرو…اهى اهى خخ خاايفة لا توقع ليه شي حاجة ونبقى بوحدي اهى اهى…
صفاء : وشنو بغيتي ديري افرح !! حتى نتي عاونيه انا كنعرفك الى طحتي كتنوضي والى مرضتي كتصحي راسك..مابغيتش نخلعك حيث انا عارفة زين الدين عمرو يفوتك حيث بغاك ووقف معاك فاصعب حالات واكفسها عرفتي نهار غبرتي كي وقع لينا كاملين بدون استثناء(كتحشي ليها هضرة على عصام)…
فرح : دابا مهامني غير هو الي معايا فكلشي فالليل كنحس بيه كيجي عندي يبقى يطل عليا داير ليا خاطري بزااف اهى اهى…مانقدرش نتصور راسي بلا بيه اهى اهى…كنحس معاه بكلشي الحماية الثقة مأمنة على راسي معاه…
صفاء : كتبغيه بزاف افرح…كتبغيه قبل ماتمرضي كتبغيه من نهار شفتيه اول مرة…
فرح : بزااااااف…”هي كتعاود وماحساش بشكون واقف كيسمع من بعيد وصوتها واصل تال مسامع الاذن نيشان…”
هي كتعاود وماحساش بشكون واقف كيسمع من بعيد وصوتها واصل تال مسامع الاذن نيشان…كتهضر وصفاء كتسمع ليها وفرحانا انها رجعات تطلقات فالهضرة معاها كتعاود وتبكي ماكرهاتش تعنقها لكن خافت تسكت فيها الهضرة. وتسكت وهي ماصدقات انها كتعاود ليها…هضرات على شنو قدات وهي تنوض كتمسح فدموعها…
فرح : صافي عيييت بغيت نزل اهى…
صفاء”ناضت تاهي” : واخا غسلي وجهك ويلاه نمشيو”حركات راسها دخلات تا غسلات وجهها ثاني وهي تخرج مشات معاها خرجو من البيت ونزلو لتحت..لقات زين الدين واقف كيهضر فالتيليفون فواحد الصالون خرجات لجردة جلسات حدا جدها…حتى دخل هو جا جلس حداها هاد المرة جلس وحجبانو معقودين كيشوف فيها ماشي تال لهيه كتقهرو حالتها وهي باغيا تعالج راسها باي وسيلة وقاهرة راسها…حاس انه ناقصاها شي حاجة باغيا شي حاجة محتاجة لشي حاجة…من بعد شوية دخلات صفاء هازة بلاطو القهوة كحلة ليه هو ولحسين والبقية الي طلبوها دراري كانو بعاد خالقين جو بيناتهم وطانزين على سيمو الي كيبغي يحط عليهم سروالو بالقصة وهما عسل على قلبهم ناااشطين معاه الدعوة…
زين الدين : انا محرك نكمي لهيه ونجي ؟!
فرح : واخا…”ناض هاز كاسو ديال القهوة من بعد ما شكر صفاء ومشا يكمي..جات صفاء بغات تحط القهوة لمحجوب تم دايز سيمو بعجاجتو صاعر من طنز الرباعة قاس صفاء وهي تزعزع هي والبلاطو تا تخوات القهوة على فرح لصدرها سخووونة تا غوتات وهي توقف”
فرح : ااااااا…
زين الدين”ضار بزربة يلاه بغا يشعل الكارو وهي تبان ليه كتغوت وصفاء حطات البلاطو كتنش عليها…لاح الكاس بقهوتو وجا يجري تال عندها” : مااالك مالك ؟!!”عينيه خرجو فصدرها الي تخوات عليه القهوة باين مينين حيث البوليرو بيج”
المحجوب : ياكما تحرگتي ابنتي سيري ديري ليها شي حاجة..ياربي السلامة…
صفاء : حرقاتك ؟ اجي ديري ليها الما دغيا قبل ماتنبل ليك والله ماشفتك را الكلب ديال سيمو زعزعني…
فرح : اححح اهى سخوونة سخوونة اهى..
زين الدين” جرها من ايدها” : اجي معايا…”جرها معاه غاديا وتنش تا طلعو الفوق حل بيتو ودخل هو وياها..” تسناي..”مشا لمجر حلو بجهد تا تزعزعو البومادات الي فيه قلب قلب وهو يجبد واحد بوماد كتبرد الحروق رجع لعندها” حيدي هادشي الي لابسة…
فرح : كيفاش !!
زين الدين”جهد صوته” : واااحايدي هادشي خلاااص فرح ماكاينش وقت…”حيدات البوليرو بلهلا يطريه ليها…شاف مكاينش كيف يدير يهبط تيشرت وهو يهزو ليها على غفلة تا شهقت بان ديباردور وصدرها اول مرة يشوفو قدامو واخا مخبي بالديباردو لكن الكبر الي فيه باين والفرقة لوسط..خوا من بومادا وذهن ليها فالحرقة الي مكانتش واعرة غير طفيفة غاتبرد عليها وتكمل عادي…كيذهن وكيحاول مايشوفش فصدرها وهي وجهها تسقط منو دم مابقاااش فيه كاع…ماكمل ذهين تا غفر ليه الله…شاف فيها وقال” رتاحي هنا تنشف وسيري بدلي عليك هادشي…
فرح : غ غاننبقى هاكا معرية !!
زين الدين : سي ضروري باش تنشف”شافها ميتة بالحشمة” فرح ماعندك علاش تحشمي خدمتي هادي وماشي مع شي واحد غريب معاك انا راجلك…من شنو خايفة ؟
فرح”الصمت”
زين الدين : اجي رتاحي هنا اجي..”داها لناموسية جلسات فوقها فجنب..ومشا لبالكون جاب كرسي…وجلس مقابل ليها”مالك ؟
فرح : شحال غاتبقى ؟
زين الدين : باتي معايا هنا”هزات فيه عينيها كترمش تا غمزها” مالك عيب ؟!
فرح : زين الديين…
زين الدين : نعاااام…”تنهد وقرب ليها” مالك فرح گبيلة شنو وقع ليك ؟ علاش كنتي كتبكي ؟
فرح”تصدمت” : ااا ؟؟…والو غير بغيت نفس على راسي…
زين الدين : شنو وصيتك تعاودي ليا انا وشكي ليا انا…ولا خايفة عليا نمرض ثاني ونطيح قدامك ؟”خرجات فيه عينيها” شنو گلتي ل صفاء…كلشي سمعتو فرح وهادشي بغيت نسمعو منك نتي ليا نيشان…بغيتك ترتاحي ليا كثر فالهضرة وتحلي ليا گلبك كيف ولفتي معايا شنو تبدل…خفتي ثقلي عليا ؟
فرح”حدرت راسها” : براكة عليك همي ونزيدك هم اخور..غادي تعيا زين الدين راك بنادم ماشي جبل …
زين الدين : وانا شنو عندي من غيرك مانهز همو”كيهضر وعينيه كيمشيو لداك صدر الي خلاو العروقات تكب عليه وهو صابر…” شنو مزال گلتي ليها ؟
فرح : داكشي الي سمعتي”بقات تفكر حتى تفكرات فاش قالت ليها كتبغيه وهي تهز فيه عينيها”شنو سمعتي ؟؟
زين الدين”زاد قرب ليها اكثر” : سمعت الي يفرح سمعت الي هاز ليا الهم لصحتي وباغيني وخايف يخسرني سمعت الي فرح ليا گلبي والغايرة عليا…وخلاني نموت على خليقة ملت هاد فرح المفرحاني…
فرح”بلا ماتشعر ضحكت” : ههههه زين الدييين
“أجمل لحظاتي بين ذراعيك حين أضيع في عالم قبلاتك الدافئة ولمساتك الملتهبة وهمساتك المجنونة على عنقي… لأتحول من أنثى خجولة الى أنثى عاشقة تسبقها لهفة القبلات وتوق اللمسات واهات الرغبات.”(مريم مشغال)
.”يلاه بغات تكمل هضرتها تا حسات بيه شدها من دوك الحنااااك ثاني هزات فيه عينيها الي جاو فعينيه…ريحتو ثاااني بدات تغلغل فنيوفها وريحتها دخلات لنيوفو وجهد لا جهد الله حط شنايفو على راس منخرها بغا يجري شنو دير حتى غمضات عينيها وحس بيها تبووورشت وحناكها سخنووو
زين الدين : الله ينعل بو الوقت مع غيرك”حط بوسة خفيييفة حتى هبط وتقابل مع شفايفها الي خلاو عينيه يتفيكساو عليهم ماشعرش براسو حتى حط فمو على فمها بقبلة خفيييييييييييفة خلات الضو يضربهم بزوج….”
هي اللحظة الي كيتلجمو فيها الفام ويبان الزين من الشين وتبدا لغة العينين…ويبان ما فالقلبين…هي الوقيتة فين كتعلى فيها النفس وتحبس،، يتخلط المعقول مع عكسو…كاتخرج من الدنيا وعقايبها وتعيش فنعايمها…العين تسحر واللمس يتبهر..الشنايف عالشنايف كتخلي القلب يغلي والرعشة فذاتنا تجري…الدم يتبخ والعافية دير نقايمها..وسط البوسة الحلاال تصبح النقمة نعمة…والعيب عزة…
بمجرد ما حط اول لمسة من شفايفو فوق شفايفها بمجرد اول تكة من زغب لحيتو قاسها اول قرب اول لمسة ريحة ديالو الي وصلتها قبل مايقيسها.. اول قبلة ليها واول احساس مرافق ليها فشكل حسات اول حاجة برعشة سرات مع جسمها من اخمص القدمين طلعات حتى ضربات ليها الضو بين عينيها تا حسات بالريق نشف ليها حسات بقلبها طلع لفوق كيضرب بواحد الوتيرة خلات الصهدة تنشر فالجسم ديالها حتى طلقات من الفوقي ديال بيجامة جاتها واحد الصاعقة ضربات فذاتها كلها…تبوريشة طلعات معاها…مشاعر تخلطات وتجلطات فهاد اللحظة…السخونية طلعات حتى تصورات فحناكها اكثر ووجهها اقل…حس بشنايفها ترعو ففمو اما هو خلااااص بمجرد ما قاس رطوبة شفايفها حس بالتبوريشة الضو تاهو ضرب ليه فراسو…حس بخفقان قلبو تصاعد بواحد الوتيرة خلاتو ينباهر ويتصدم من هاد الشعور الي خالجو والي عمرو ما ضن غايحس مع شي وحدة بهادشي ويوصل لهاد المرحلة…كان عارف راسو انها غاتاثر فيه لكن اول تاثير من اول لمسة شفايف فقط غير لمسة ووصلاتو لهادشي فما بالك بالاعمق!!! غير حط شفايفو على شفايفها فالاول كان متردد لكن ملي زعم مع تقدم الخطوات جرب باش يشوف واش مغاتقفزش مغادير تا ردة فعل لكن وقع العكس لا هي لا هو ما صبرو…
زين الدين”بقا حاط فمو على فمها لمدة عشر ثواني حتى حس بيها تنهدت وانفاسها الي كتخرج من منخرها بدات تصاعد وتلفح ليه وجهو…حل عينيه شاف فعينيها لقاها مغمضاهم لكن كيرمشو بزربة…رجع ضغط عليها بفمو شوي وفرق البوسة بدون ميفصل وجهو على وجهها حتى حلات عينيها لكن بدون متشوف فيه كانو عينيها فلارض باش تشوف فيه ماقدرتش” : شنوو هادشي !!
فرح”هزات فيه عينيها بزربة ورجعت هبطتهم ماقدرتش تهضر قلبها بغا يسكت والخجل لعب لعبتو معاها لدرجة الفم تلجم وتاثير بوستو باقي مسكتها حتى بكمت”
زين الدين : شنوو هادشي درتي فيا فرح…
“قلبي مليء برسائل العشق التي لم تكتب”
زين الدين”غمض عينيه وتنهد تا انفاسو ضربو فيها خلاوها تاهي تغمض عينيها” : بزاااف نتي “عض شنايفو” الفرحة ديالي العمر ديالي الكبيدة ديالي…ديالي وتبقاي ديالي تايدي ربي الروح لعندو…
فرح”فمها بدا يترعد وتوزويز ففمها ووذنيها كيصوطو”
زين الدين”كيدوز بصبعو على دوك الحناك الرطبين الي مكرهش يبقى يعجن فيهم وياكلهم ويصرط ويعاود الكرة من جديد”
“العلاقات ليست بالمُدة ، إنما بالمودة .”
زين الدين”عوج راسو فوجهها” : فرح !!
فرح”حنحنت وعينيها فلارض ماقدراتش تشوف فيه”
زين الدين”قوس حجبانو فيها عرفها حشمت بزاف ههه” : كاااع !!”يلاه هز ليها وجهها من ذقنها بغا يدويها وهو يتدق الباب..فالحقيقة ماحملش هاد اللقطة حس بنوع من الازعاج ليه وهو فقوقعة خاصة مع العشق ديالو…عقد حجبانو نسى را كاين شي ناس كيتسناو يعرفوها اش دارت حيث تحرقت المدام فرح…ناض من الكرسي ومشا حل الباب مغوبش” نعاام !!
صفاء”صرطت ريقها” : كي ب بقات فرح !!
زين الدين”عض سنانو بشوي حشم من ردة الفعل ديالو نسى راسو…حل الباب مزيان” : دخلي عندها…
صفاء : واخا و”يلاه بغات دخل تا لقاتها واقفة كتحرك فالفوقي فحال كتنش ووجهها مزنننننككك حمر” فرح…
زين الدين”دور وجهو بالعرض البطيء تا هز حاجبو”
فرح : ب احم انا مشيت نبدل…”قبل ماتمشي شافت فيه تا حرك راسو وهي دير فرررررت طارت لبيتها خلاتو هو وصفاء كيشوفو…خصوصا زين الدين الي عجبو الخجل ديالها تا بقا غا حاضيها ماداها كاع فصفاء الي كتشوف فيه وفيها…فلاخر هز ايديه وحطها بمعنى سيري عندها…”
فرح”دخلات تجري البيت وجهها كيفوووور وتاثير القبلة باقي فمها كيوزوز باللحية الي كانت تك فيها وهو كيبوس فيها…شعور اول قبلة كيكون فشكل مكيتنساش ابدا سوى بالخاطر او على غفلة لكن اذا كان من شخص عامر قلبك بيه…بالدعقة مشات جلست فوق ناموسية كترعد قلبها كيضرب فراسها عينيه كيرمشو بزربة وايديها كتلعب بيهم تا حست بيهم عراقو…هزات راسها فاش بان ليها الباب تحل وهي تدخل صفاء لعندها…
صفاء. : ياكما تحرقتي بزاااف !! ناااري اربي سمحي ليا…
فرح : ااا ؟ لا لا ماشي بزاف مابقاتش كترحقني…
صفاء : ونوضي بدلي عليك حوايجك ونزلي را جدك كيسول ومي تاهي…وسيمو اليوم نوكلو عزاه ابلاتي…
فرح : اه واخا نوض”ناضت وهي ترجع جلست وعاودت ناضت تا كمشت صفاء حجبانها مافهمت فيها والو…مشات دخلت لدوش خوات على وجهها الي جهل بسخونية الما عالله يبرد”
اما هو كيف خرجات قال لصفاء تبعها ورجع دخل البيت مشا تال حدا ناموسية ووقف تاهو تلف تلفاتو البوسة…وقف دار ايديه على نصو كيشوف فالناموسية ولكن هو را سااهي فالبلاصة فين كانت جالسة ريحتها باقيا فيها خيالها باقي قدامو…لقطة القبلة باقيا كتعاود بين عينيه…العافية شعلات المشاعر زندو من جيهتها…والاحساسيس الاخرى زادت توهجت من جيهتها…حط صباعو على فمو باقي ملمس شفايفها الرطب كيحس بيه ماكرهش مايغسلش فمو يبقى هكاك يحس بملمسهم…فهاد اللحظة ماحملش صفاء تدخل ههههه…بقا ساهي ويتنهد ساهي ويتنهد تا هزهز حجبانو وساط بفمو كاع دوك الانفاس الي كتم وهو كيسترجع اللقطة مع فرح…شي حاجة فشكل حس بيها..كل مرة كل حاجة كتزيد تعلي الحب ليها وكتزيد درجة العشق ناحيتها وكيزيد يموت على كل حاجة فيها…وشوف غير بوسة خفيفة وشنو دارت…
دوز على لحيتو وشعرو ووجهو بقا ما يقارب نص ساعة فبيتو حتى يحس براسو تنفس وتنفس بالمعنى الاخر…مشا لدوش غسل ايديه وبقا مخلي الما كيهبط عليهم باش يحس براسو برد…نشف وخرج من البيت ضار جيهة البيت بان ليه مسدود حرك راسو يمين شمال كيتفكر الحشمة الي خرجات بيها من البيت…خرج لجردة لقاهم كلهم كيتسناو يعرفو اخبارها…
المحجوب : امضرا ولدي اش درتي ليها ؟”على نيتو”
زين الدين”وهو كيجلس تنهد ونطق” : كل خير الحاج…
فاطنة : حرگتها واعرة…
زين الدين”بقا ساهي”
فاطنة”جهدات صوتها حساب ليها مسكينة ماسمعها”. : واش حرگتها واااعرة…
زين الدين”شاف فيها” : نعام !!”حنحن” لا ماشي بزاف شوي وتنزل…
المحجوب : غا ماتفوتش لحمها خايب باقي نعقل نهار تحرگت عندنا ف سيدي بنور كانت مع مرت خالها نعيمة كترمي الخبز فالخباز ورسلتها تحيد البريق ديال قهوة ملي يتبخ…وهي حاضياه نابات عليها (عيط ليها) تعطيها شي حاجة من بلاكار الكوزينة مع مدت ايديها بغات تهزو ديك السبولة ديال بريق ضربت ليها فكرشها طاااايبااااا…وهي دارت ليها غا الما ونساتها تا فالعشية علمتني مرت خالها نجيب ليها شي بومادا را الحرگة نبلت اش طرا ما طرا عاد عرفت كي طرا ليها..اش نكوليك اولدي خمسطاش اليوم وهي داوي وخوها يغوت علاش مرديتوش ليها البال وهي تبكي وتنخشش لينا فيه تتزيد تاهي نغيزات من عندها باش يغوت علينا هههههه”تنهد بحزن” اااياهاااي اليام وبنادم فين وصل ووصل راسو…
زين الدين”جمع حجبانو بحزن على الحالة الي وصلو ليها لخوت…وكل مرة يزيد يتاكد من قرارو !!”
المحجوب : كانت ديك ساعة عندها خمسطاش العام..بقات الحرگة تا برات…
فاطنة : اييييه الحرگة اثرها باااقي ههههه …
زين الدين : فين بالضبط !!
فاطنة : فكرشها هكاك مصورة حرگة…كانت معقداها ههههه..
زين الدين”دار صبعو على فمو وحرك راسو بثقالة..مرة مرة كيدور راسو يشوفها واش جايا…حتى نزلات صفاء وخرجات لعندهم مع وقفت عيطات لامها وهو يدور بزربة بغا يشوفها حتى لقا غالريح”
صفاء : مي ها مراد جا وجاب ليك المقدية…
زين الدين”كمش حجبانو وهز عينيه ف صفاء ” فين فرح ؟
صفاء : هاهي جايا خليتها كتبدل فحوايجها…
رجع جلس فبلاصتو…اما فاطنة ناضت هي ونجية مشاو مع صفاء الي دخلات لعند مراد لكوزينة كان حاط الميكات الي تقدا ليهم…دخلو يوجدو ماتبقى للعشاء تكلفو بالبسطيلة والسلطة…اما زين الدين بقا يتحرق ويدور حتى صونا ليه تيليفونو وهو ينوض مبعد باش يجاوب…
زين الدين : الحاج ياك لباس ؟
علي”عاد خارج من عملية” : نتا الي جات معاك الوقت جلس ليا فدراك حدا مرتك وانا بعدني على مرتي…ماشي ضلم…
زين الدين : جرب شوية من الي كان جاري ليا…بقا فيك الحال ؟ ضربك شعانا…
علي : نعل بوها قاعدة…
زين الدين : شنو واقع الحاج مالك ؟
علي : غذا فالعشية ديك الاميرة بنت حسين غاتكون هنا…
زين الدين”غمض عينيه بنفاذ صبر تا كمش ايديه بعصبية” : وشنو المطلوب مني دابا الحاج !!
علي : خاصك تحضر راها بغات تبدا عندك…البشار تما مخلين لي شيغوغجيان ماكسيلو فاسيال وChirurgie plastique
(جراحة تجميلية) اونجينيغال الي تما وجايين لعندك وعندنا لكلينيك…ماتقطعش برزقك اصحبي…
زين الدين”خنزر” : فعلمك شنو باغيا هي ؟!
علي : عندها مشكيل ازين الدين لو مكانش انا لول منبغيش ندير ليها تجميل الي بغات الوغ مضطر دير ليها العملية سي نو رسلها ليا وخرج من باب واسع…ولكن نصيحتي خدم ليها را غاتجيب ليك الكليان الثقيييل…سمع مني را مزالين عندنا الكريديات ثقال خاصنا نكملوهم….
زين الدين : نشوف غذا شنو عندي…
علي : را عندها موعد رسمي معاك عطاه ليها اسلام…
زين الدين”ماحاملش يخصر فرحة القبلة على راسو” : ماعليش ماعليش…في امان الله…”قطع وهو يخشي ايديه فجيابو كيشوف قدامو حتى لقا كارو وبريكة فجيبو جبهدهم شعل كارو كيكمي حتى تفكر فرح وهو يدور لقاها جات وتنخششت حدا جدها مبدلة حوايجها وترمش فعينيها كانت كتشوف فيه غا هو ضار وهي تغمض عينيها هههه”….
رجع جلس فالكرسي حط رجلو على فخدو مفرقها…دار ايدو على حنكو مسند عليها وعينيه مشاو ليها الي غمضات عينيها كيشوف فيهم هكاك كترمش فيهم منضرها كيجيب الضحك تا دور راسو لهيه عوج فمو بتبسيمة خفيفة…واحد شوي تا تم داخل سيهم سيمو الي نوض المعركة وراه وهو كاع ماحاس ههه مشا تلاح جلس فبلاصتو وربع ايديه….
وليد”نغز ريان” : شوف شوف مالو…
ريان”قرب ليه” : كيفاش اروفيكس مالك ؟
سيمو : سير اداك الغراق سير فحالك لبدها معايا راني مكاميش ندوز بيك هاد العشية ريكطو فيرسو…
ريان”هز حاجبو” : غراق ؟!
سيمو : غراق طياح الباطل على عباد الله حساب ليك نتيق بيك خرجتي ناس بديك اللعبة ديال الشعرة من العجينة ؟ تشااا ريح قوالبكم حافضهم…
ريان : انا ماشي محامي جنايات غا تهنى…
سيمو : غراااق…
ريان : اش غرقت ازين !!
سيمو : كتجيب شهادات زور…
وليد : ودابا مالك اسيمو قلنا ليك واش تبغي تزوج قلتي لا مخدامش تانخدم نوقف على راسي ونتزوج قلنا ليك نخدموك قلتي لا بغيت نخدم بعرق كتافي فحال حنا غانخدموك بعرق رجليك !!
سيمو”هز ايدو” : فوتني هاد ساعة ضحككم مصنن…
مراد”جا من لداخل” : امحرك يا البرد…
سيمو : اممم جاي بارد زعما…ملي عيطات ليه خيتنا مشا فلاقيه يفقو بالفرحة…
مراد : شااااا…شتك تحمستي…
وليد : ورا قاليك صح مشيتي تزغرت جاي مبرد…
مراد : سوقكم ؟!
سيمو”ضار بانت ليه صفاء داخلة وهو يوقفها” : ششش اديك لانشوبة اجي نگوليك…
صفاء : تگل اولد لحرام المسلوت اعصيبة فدجين الزرگ المصنن ابو راس…”وليد وريان حبسو الضحكة بزز تا صارو لهيه” اش بغيتي نعل جد بوك الكلب…
سيمو : لا شللتيني ونشفتيني…اشوفي فين الكارطا ؟!
صفاء : اش بغيتيها مابغيتش لعب معاك اشعال العوافي زناد المجامر اش بغيتي بعد مني…
سيمو : وصافي حبي لبديها…
صفاء : واش عايق براسك اش درتي الحيماري الزرگ !! غادي كي تران ضربتيني تا خويت القهوة طايبة على فرح فين مدرم فين بغيت ليك العمى المعمي والشوا المشوي فالگليب نعلبوك..
سيمو”وقف وجهد صوته تا قفزو لاخرين وضارو لاخرين يشوفو” : اويلي تي كيفاش قهوة طايبة على فرح ؟!!هاااويلي امتا”كحزها بجهد تا كانت غاطيح ومشا كينقز تال عند فرح الي كانت مخشية فجدها وتحنى عندها” تي اش درت اخويتي تي تصلقتي ؟!
فرح”كترمش فيه وعينيها مبعدين من زين الدين نطقات بصوت مشحرج” : لا احم لا ماشي شي حاجة…
سيمو : واش درتي ليها شي حاجة ؟ ااااربي فرح سموحات..”يلاه غاتجاوبو فرح وهو يدوي زين الدين”
زين الدين : ماوقع باس كانت من الخير…
سيمو”ضار عندو” : تكوني داويتيها خويا زين الدين ياك حيث هذا سپيسياليتي ديالك !!
زين الدين”عينيه على فرح بهيااام وعشق والبوسة كتمشي وتجي بين عينيه…كيهضر ولقطات القبلة كيتعاودو كيفاش عينيها تغمضو كيفاش قليها الي حس بيه كيضرب فايديه كيفاش كانو شفايفها ترعدو فالجزء الاول من الثانية” : معلوم شنو عندي من غيرها…
المحجوب : هههه الله يخليكم لبعضياتكم…
فرح”حناكها ولاو يفورو كيبانو غا عينيها وسط حضن جدها”
زين الدين”ناض وقف كيقاد فتيشرت من لور” : اللهم اميين الحاج امييين…”شاف ففرح” فرح اجي معايا…
فرح”وذنيها صفرو”
المحجوب”حركها” : نوضي بنتي تكلمي لزين الدين …
فرح : ااا ؟ علاش بغاني ..
المحجوب : وهو عارف ابنتي هههه نوضي تاغونجة نوضي
وليد”طرطق بالضحك” : هههههههههههههههههههههههههههه
ريان : تههههه حق ربي لا علام ابا المحجوب نتا وسمياتك…
مراد : تاغونجة خههههه
زين الدين : فراااح نوضي اجي معايا بغيتك…
فرح”صرطات ريقها تا بغات تنوض وهي تم جايا نجية هازا بلاطو فيه كيسان وتابعاها صفاء ببلاطو فيه طباسل صغار”
نجية : جلسو غايتحط لعشا معندكم فين غادين دابا…
زين الدين”شاف فيها كتحط وشاف ففرح” : انا طالع ناخذ دوا ديالي ونجي”شاف ففرح بواحد النظرة غير مفهومة ومشا خلاها كتشوف عرفاتو تقلق من تفاديها ليه باي طريقة واخا عارفها حشمت بزااف…لكن هو كان غراضو يقوليها انه صاحبة الاتصال الذي كان سبب غيرتها غاتجي غذا…”
اللحظة الي سالا عصام المكالمة مع صفاء…حط التيليفون بالنترة حس براسو فهاد اللحظة غير وحدو تفكر النهار الي جا فيه جدو باش ياخذها من بين ايديه ويديها يربيها عندو حيث مغايعرفش ليها عصام كونه فعمر صغير هو براسو خاص الي يربيه ويقوم بيه لكن وقع العكس وحنت عشرة الامهات وعشرة الاباء فتربيتو لخوتو…
الصباح الباااكر جدا تقريبا كانت الساعة السادسة ونصف صباحا…كان ناعس فلارض مفرش ليه ولختو الي مخشية فيه كان عمرها ثلاث اشهر فقط الوقت الي خلاتها امها جدها كان غايب كيقلب عليها هو وولادو مخلاو فين قلبو لا خبر ولا اثر…من بعد ليلة دازت عليه بالضرب عاوثاني من ايدين المخنتر. الي رجع كونجي من طرفاية فالعسكر…تدق الباب الحديدي المصدي الغير المصبوغ بحكم قلة الشي وبخل الاب..
عصام”حل عينيه كيسمع دقان..هز راسو عينيه مغوبشين بالنعاس..طل على ختو ناااعسة فمانطتها وخوه مشتت لهيه ناعس على كرشو…يلاه بغا يرجع ينعس حتى سمع دقان عاود وهو ينوض مبوق بالنعاس حل الباب وهو يدخل بسلهامو ديال المليفة غليضة فوق جلابة من نفس الثوب..داير قب سلهام على راسو حيث كانت الشتاء خيط من السما كان شهر 12 الاواخر ديالو…غير شافو وهو يفرح وضحك تا بانو سنانو” : ههههه بااااا”تحنى باس ليه ايدو والمحجوب بدورو دوز ليه على شعرو”
المحجوب”دخل معنقو بجنب” : اش گالو الولد هههه لباس عليكم…ياكما باقي ناعس…
عصام : اه كلشي ناعس ابا…
المحجوب”حس بالبرررد فالدار…طل على الدراري لقا فرح خاشيها فمانطة ومانطة اخرى ولهيه كاين فوزي” : الدويرة باردة يا ولدي…
عصام”حك راسو ” : لا را مي نجية كتعطينا المانط ومي فاطنة عطاتنا شي طلامط كانو عندها وتلقان يلاه فرشناهم فهاد البيت…
المحجوب : وعلاش ناعسين فلارض !؟
عصام : فرح ولفات لارض مابغاتش ليا التلقان..
المحجوب : وهادي حالة اولدي فين عايشين ؟ دابا تشد ختك شي مرض فريتها وتوحل معاها راها لحيمة ماتصبرشاي لهاد الجو البارد وهنا جديدة راها تبرد بزايد والبحر…
عصام : اشنو ندير ليها ابا…راني كنغطيها بزاف…
المحجوب : وبنهار كي دير ليها وتخلي قرايتك ؟!
عصام”حد عينيه” : كتبقى مع مي نجية ولا مي فاطنة (حيث ديك الساعة بااقي ماخرجش من القرايا)…
المحجوب : ومك نجية ولا فاطنة شحاال گدهم اولدي يبقاو هازينها ليك ؟! تاهما عندهم ترابي وصعيبة الوقت عليهم…
عصام : واشنو ندير…
المحجوب : دهاتني عليكم الوقت وليام ودهاتني عليكم المشاكيل…جهدي كان قليل فحقكم وهادشي علاش جيت ندي ختك تعيش معايا المعيشة مع بوكم هوك عشرين يوم هنا وعام لهيه…لا فلوس يخسرهم عليكم لا ربطايما (مونة كيعطيوها لمخازنية والعسكر) لاخرة يجيبها ليكم…
عصام”غااا قاليه ندي ختك وهو يضربو ضو تا خرج عينيه” : لا لا مغاتديهاش لاااا”كيحرك فراسو لا وبين عينيه مشهد واحد من عمامو فاش جا مبارك عمو يشوفهم هو وياهم وعيالاتهم تا سمع صوت وحدة كتقول
تايكة : وتي را غايديو ديك البرهوشة الملگطة ديال بوها لشي ناس يربيوها را لا بوها يهز همها لا جدها فوزي الصغير تاهو شوف واش فالشك يبقى لاكان غالمخنتر معندو كبدة لولادو الكبير عصام را قاد براسو…
بهيجة : زعما المحجوب يربيهم ؟
التايكة : تي كي يدير يربيهم المحجوب را مرت ولدو ديك نويعيمة حريمية عينيها عسليين شعاليين العوافي تنبش من لتحت يحساب ليك داك الوجه زين فيه الخير ؟ على رقبتي وبحلوفي لا خلات واحد فيهم مجموع اول وحدة نزنزن على راجلها يعطيها هي البرهوشة الي سماوها فرح…تي را هي سباب تا دخلت وتشتتات العائيلة…(الباطل كيحرق بزااف)…”
عصام”حرك راسو بزربة تا بدا يغوت” : ولااااا لا ماتديهااااااااش ابا ماتديهاااش انا مربيها هادي شهرين وانا هازها عمرها مرضات انا قادر عليها غاتبقى معايا مي فاطنة ونجية تاتكبر وانا معاهم ماتدييييهاااااااش ابا غايلوحوها ولا يعطيوها لشي حد…
المحجوب : نهاك الله اعصام شكون يديها انا جدها مسؤول عليها نعل شيطان اولدي اش اوا هادشي كتگول…
عصام”غوت جهد جهدو تا تبدل اللون فوجهو ولا زررررق مجيف وعروقاتو تكب تا فاقت فرح تغوت وتبكي…وفوزي ماعرفو باش تبلاو…مشا ليها كيجريييي هزها وخشاها فيه كتغوت بالبكا..” : بعد منييييييييي ابا بااااعد منا ماتدييييهااااش وااااابعااااد…”وقف المحجوب بغا غير يهضر معاه طار من قدامو مشا يجري لكوزينة هز موس وحطو على عنقو مورررك عليه” والله وديتيها تانقتل راسي”عينيه دايزين بالدموع”
المحجوب : ياعوذ بالله من شيطان الرجيم.”غوبش فيه” حط داكشي من ايدك وجمع راسك اش هاد الهضرة والفعايل…
عصام”عاود ورك على الموس” : والله تانقتل راسي والله تانقتل راسي وحيدتوها ليا من ايدي…واابعدو منا عطيونا تيساع انا گاد بخوتي..عايشين بيخير واكلين شاربين معمرها مرضت فايدي خليونا عليكم بعدو مناااا”ورك عالموس تا هبط بيه ولحح لعنقو تا خرج دم بقا نازل وهو مورك غير شافو المحجوب عرفو علاش قاد وبالي حلوفو مغايجيش باطل..
المحجوب : صافي صافي هاهي معاك غا حيد الموس تاحد ميوصلهم ليك غير تهنى انا نمشي تانجي فاخر سيمانة نشوفكم ولا تاهي لا ؟
عصام”رجع من التفكير لقى راسو حاط ايدو على ضربة العنق الي بقى الاثر ديالها غير غطاها زغب الكثيف ديال اللحية”
تحط العشاء الي كان زوج بساطل ديال حوت متوسطين…وبما انهم كانو ناس كثار اي 11 واحد تقريبا انقاسمو بالنص قبل كينزل زين الدين كانو عشرة تقسمو كل خمسة قدامهم طبسيل بسطيلة…بقات بلاصة زين الدين الي كان الفوق باش يشرب دواه الي من الدهوة والسهو ففرح نسا باش يشربو وهما نساو معلموهش يشربو قبل مايحطو الاكل…لكن بينما قادو الطابلة وجابو القراعي ديال مونادا منهم والماس ل زين الدين…حطو طباسل شلادة ديال جردة هي اللولة الي تفننات فيها نجية اما فاطنة الي بكل صدر رحب تكلفات بالبسطيلة بمعاونة صفاء…فالاول كانت فرح الي كتعاونها فالطياب والحلاوي وهي الي شدت من عندها الحرفة ديال طبخ داكشي علاش كلشي كتعرف ليه…
زين الدين”خرج لعندهم هاز فايدو كاشميرة صغيرة لقاهم تجمعو كيتسناو غير فيه…قلب بعينيه عليها تا شير ليه المحجوب يجي لبلاصتو والي كانت حداها هي نيت…حرك راسو ومشا جلس حداها قريييب ليها دراعو قاست دراعها وهي تقفز حس بيها وضار عندها هز ديك الكاشميرة حطها ليها على كتافها” : البرد محرك عليك..شنو هذاك اللباس الي لابسة ناقص !!
فرح : ماضرنيش البرد…
زين الدين : البرد محرك افرح الله يهديك…”مابقات قالت ليه والو خلات الكشميرة وحدرات راسها…مخلين الكل ملاحظ اهتمامو ليها خصوصا مراد الي بقا كيشوف وجه زين الدين كيف ولا من بعد ماتجمع مع فرح فييييييين ايام زين الدين الي كان مقابل غير قرايتو خدمتو محلاتو…وجهو ديما مغوبش حزين حياتو كانت خاوية مافيها حد سوى عمتو الي من ريحة واليديه بقا غير هو الولد الوريث الوحيد فديك العائلة الي فلحضة مشاو كلهم بقا غير هو وتوبا الي مالقاش فيها الخير ابدا…ضحك مراد ضحك وفرح وقلبو رتااح على زين الدين وحس بالدار عمرات بالحب عمرات بناس ولاو داخلين خارجين بسبا فرح الي دخلات الفرحة لكن هي كشخص عاش عكس اسمها…بدات تاكل وهو كيهز فشلاضة الخضرة ويحط ليها فطبسيلها ويخوي فالمايونيز…
فرح”بخجل” : احم صافي…
زين الدين : من شنو ؟!
فرح : مايونيز براكة مكتعجبنيش بزاف…
زين الدين : وشنو كيعجبك ؟!
فرح : غير شلاضة بوحدها…
حرك راسو وحط المايونيز سمى الله وبدا ياكل تاهو كان الاكل طيب ولذييييذ جدا لدرجة كلهم كالو تا من الحسين الي طبعو مكيتعشاش بزاف تاهو كلا وماشبعش حيث الحاجة فاش كتكون طايبة عن فرح وحب وقلب بيض وبسعة صدر رحب كتكون بنينة ودتهبط للقلب ماشي لمعدة…كمل العشا وجمعو طابلة والماعن داروهم فماشين فين وراهم مراد دارو براد اتاي تحط مورا العشا فلاخر استاذن ريان ووليد والحسين الي غايوصلوه فطريقهم تسالمو وتمناو لقاء متجدد لبعضياتهم…وصل وقت النعاس…
زين الدين”قرب لفرح وجرب يعطيها هي الكونطرول توريهم فين ينعسو” : فرح نعتي ليهم فين يطلعو يرتاحو…
فرح”بحرج” : ماعرفتش شنو نگوليهم !!
زين الدين”كيحك فلحيتو وكيضهر بشوي هما كانو مزالين جالسين فجردة” : الفوق كاين بيتي عارفاه كاين بيتك هو فين ترتاح الخالة فاطنة والخالة نجية…بيت عمتي ترتاح فيه صفاء البيت الي لتحت خليه لحاج…مراد معاه محمد رضى…
فرح”شافت فيه بعدم فهم” : وانا ؟؟
زين الدين”بطنز بغا يضحك معاها” : اوبليجي تباتي معايا فالبيت”هزات فيه عينيها وهو يغمزها تا طلعت البولة الحمرة فحناكها”
فهاد اللحضة كانت الساعة الحادية عشرة ونصف ليلا يلاه طلقاتو الوقت ودخل لدار…لقى فوزي خارج من الكوزينة هاز طبسيل المرقة فايدو…
فوزي : تعطلتي اعصام…
عصام”جاي ماشي تالهيه” : مساليتش…”حط السوارت والبزطام وتيليفون ودخل لدوش كيطوي فكمايمو غسل وجهو وعاود وهو يتسند على لافابو عينيه فالما الي دايز وعقلو ساااارح…حتى سمع صوت فوزي كيعيط عليه يتعشا..نشف وجهو وخرج من دوش ومشا بدل حوايجو ورجع دخل تعشا هو وياه وماشي شي عشا غير كينقب وسااارح…هز فيه فوزي عينيه عرفو بالي مقهور من شي حاجة شنو هي ماعرفش يفسر حيث حافصو عارفينو امتا كيكون معصب وامتا كيبان فيه الحزن حتى انه لاحظ الفرق ديال صحتو تراجع وضعاف على كيف كان لدرجة تحت عينيه بدا يبان فيهم العيا…واحد شوي حتى بان ليه حك صدرو وكحب هز كاس الما شرب منو وناض غسل ايديه ورجع تكا كيتفرج اما فوزي مابقا كمل داك العشا وناض جمع الطابلة غسل الماعن ومشا لبيتو ينعس خلاه كيتفرج…واحد الوقت من الليل ليل معطل بزاااف تقريبا قرب الفجر ياذن…صوت الكحبة مستمر حتى ضربات فوزي الفيقة حاس بعطش شديييييد…ناض من بلاصتو مشا لكوزينة بالحس يشرب حتى سمع صوت الكحة ثاني كمش حجبانو مستغرب من عصام الي باقي فايق !! ياكما مريض يلاه طل عليه مع كثر من الكحبة بزاف حتى بان ليه شاد صورة كيبوس فيها ويحط فيها على جبهتو ويكحب يكحب ويرجع يشووووف خلاه تا كمل ودارها تحت المخدة…رجع بلور وحنحن باش يبين ليه راه جاي…”
عصام : اش كاين ؟؟؟
فوزي : باقي فايق ؟ ياكما مريض ؟
عصام”ناض وقف” : لا مابيا والو بقيت نتفرج فواحد الفيلم يلاه سالا سير نعس “تخطاه ومشا”
فوزي “ضار جيهة البلاصة ورجع شاف فيه” : واخا نشرب ونجي”تسناه تا دخل البيت وهو يمشي لمخدة حتى لقى الصورة دورها يشوف من الصدمة جلس لارض على طولتو فاااشل تا غرغرو عينيه…صورتها وهي كضحك ونهار عيد ميلادها الي صادف يوم الغذ والي غاتكمل فيه 27 عام..
كيف ماكان مولف فعادتو اللولة والي تقريبا اهملها بزااف وهي الرياضة الصباحية الجري فالصباح الباااكر باش يحرق السعرات الحرارية…كانت الساعة السادسة والنصف…دخل الفيلا من بعد ساعة تقريبا ديال الجري خصصها من ورا ما صلى الفجر…من بعد ما خذا من عند العساس اضرفة مختلفة كيوصلوه منهم لدار ومنهم لكلينيك وكاين البعض كيجيه لمحلات لكن اغلبية كيجيو بزاف لدار…
زين الدين”دخل لدار لقا خديجة عند باب الكوزينة يلاه دخلات باقي بجلابيتها..باس راسها” : صباح الخير..
خديجة : صباح الخير اولدي…قوليا نوجد فطور بحساب ضياف ياك…
زين الدين”حرك راسو..دخل هو وتبعاتو هي مشا لثلاجة خذا قرعة الما جلس فالكرسي تا شرب منها وهزها داها معاه لفوق من بعد ما وصاها توجد شحال من حاجة حتى جات البنت الي غاتعاونها…داز حدا بيت فرح وتفكر ليلة امس فاش مشات تبات مع صفاء حس بيها باقية ماثرة من القبلة ديال امس وطبيعي كونها اول قبلة شفايف ليها فحياتها واول قبلة ليها معاه هو الي كانت كتشوف منو غير الاحترام التااام حيث عمرو مابين ليها داك الجانب الجنسي لانه كان محترم معاها لدرجة تشكي واش كان داير شي علاقات قبل….وتاهو ماحكرش مشا معاها بالخاطر المباركة الي خلاتو باسها وتجاوبت معاه وخا ماشي تجاوب لكن حس ولمس هادشي من تعبير وجهها خجلها الرعدة الي حس بيها فشفايفها الي يموت وماينساش اول ملمس ليه لهادوك الشفايف الي خرجو ليه العقل من امس لدابا….دخل لبيتو نيشان لدوش دوش خفيف غير باش يحيد العرق وخرج لاوي على نصو الفوطة لبس ملابس داخلية سروال دجين بلومارين خلا سنسلة محلولة حتى نشف شعرو ورش ديدورنت عاد لبس قميجة فالبيض وقف قدام الكوافوز تا عقدها خلا صديفات الفوق محلولين بطبعو شخص معندوش مع الكرافاط كيستعملها فقط فمناسبة رسمية خاصة بالعمل…وهو كيعقد فساعتو وصلو ميساج فالتيليفون ديالو…شاف غير من فوق بانت ليه نمرة ديال دبي..
“يا مرحبا الساع(هي الي بديت ليكم بيها بوسط القصة ومرديتوش البال را غاتكون الخليجية فالقصة ههه)عساش بخير يا غالي…توني تزهبت عشان اجتمع فيش اتمنى ماتطوفني ها المرة ترى والله ما اثق فحدا غيرش يسوين لي العملية…واسفة عالشي الي صار بعد امس ماشنت ادري ان راح يصير زعل منش بخصوص الرقم البرايفت…”
زين الدين”طبعا بان غير النص من الرسالة وغير قراه ماكملوش ديك ساعة دار ليه ignorer ورجع كمل لباسو مشط شعرو وجد الشكارة ديال الخدمة لبس تقاشر وداز لبس صباط هز مستلزماتو هز تيليفون وكونطاكت طوموبيل خشاه فجيب شكارة وفايدو تيليفون ونزل بزربة مشا لجردة كان الحال مندي وبارد شوية كان قبل شرب الدوا عاد لبس..جابت ليه البنت قهوته من الكوزينة شعل الكارو وبدا يكمي حتى وقف عليه المحجوب…
المحجوب : واحد صباح الخييير…كاين شي قهوة معاك ولا نديها فراسي ههه
زين الدين”ضار باس ليه راسو” : حاشا الحاج…نتا اللول..”شاف فكاسو وهو يرجع طل براسو لداخل علم البنت تجيب ليه كاس ..مع لقاه كيكمي حشم يكمل الكماية لاحو عسف عليه برجليه جلسو بزوج تما..”: نعستي مرتاح الحاج؟!
المحجوب : لا الحمد لله مرتاح مرتاااح ههه..”حطت ليه البنت بلاطو فيه كاس القهوة وقرعة الما صغيرة..شرب منو شوية ورجع كيشوف قدامو فالدنيا خضرة وندى ديال البحر كيهبط على ديك جريدة بحكم قراب بزاف لبحر…شاد الصمت واحد المدة حتى نطق ثاني”كيدارت فرح اولدي !!
زين الدين”عينيه على الكاس كيدوز عليه بصبعو” : الحمد لله الحاج الحمد لله فين كنا وفين ولينا…على بالك بغات تمشي عند بروفيسور يونس لعيادة ؟
المحجوب”بفرحة” : واايلي اولدي.هي گلتي ليها تمشي ؟
زين الدين : لا جا منها..كنت ماشي معاها بالخاطر وشنو مارتاحت ليه هي انا معاها فيه حتى جاب الله التيسيير وجات منها هي…وهادشي فحد ذاتو حاجة مزيانة بزاف حيدات علينا شلاا وشوية ونقصات بزاف…حسب بالي غادين فالطريق الصحيح مخيرين …
المحجوب : اللهم لك الحمد”تنهد” و خوتها معمرها سولت عليهم شي ما والو ؟
زين الدين”عقد حجبانو” : متمني الحاج متمني”حك شنايفو وهز راسو كيشوف بعيد” القضية صعيبة..ماعرفتش شنو نتصرف فهاد الحالة معاها نشوف يونس شنو يگول نعرف شنو الحالة بالضبط فين وصلات ونشوف…الى جات عليا الحاج من نهاري نجمعها بيهم ونسالي هاد الصداع…
المحجوب”بحزن” : ضرو بعضياتهم بلا قياس مرضو ومرضو معاهم القريب والبعيد…كان يتضرب بيهم المثال عند العباد..العين قاستهم وفوتت..دخل بيناتهم الشيطان اولدي..
زين الدين”غير قال الشيطان وهو يحبس الحركة بصباعو على الكاس..وسكت حس بخنجر ضربو لوسط الصدر وخا المحجوب مكانش قاصدو هو لطن الكلمة جات فوقيتة هو كيلوم راسو على الي وصلو ليه عاطي لراسو نسبة كبيييرة فايتة انه هو سباب فراقهم والي وصلو ليه…” : معاك الحق الحاج…معااااك…
المحجوب”وعى شنو قال” : المعنى ولدي شيطانهم حضر لا تفهمنيشاااي ناقص انا راضي عليك را خيرك كبييييير معانا وعلينا…نهضرو فالمعقول المكتاب تصرف والي جرا بيناتهم هما سبابو دخلو ولاد لحرام ماقدرو يفرقوهم والي گد يفرقهم هما راسهم براسهم…كان ولابد يوقع هادشي باش كل واحد يعرف اش كيسوى..الله يدير تاويل هذا منگول…
زين الدين”اكتفى فقط بقول” : اللهم اميين الحاج اللهم امين….”حس بشي حد وراهم وهو يدور راسو”…
دور راسو بزربة لقا مراد جاي داخل لعندهم تاهو لابس ومقاد باش يمشي لقراية…صبح عليهم وباس راس المحجوب وجلس حداهم…
مراد : زين الدين فعلمك ضحى غاتخرج غذا ؟!
زين الدين”ناض وقف حرك ليه راسو” : سي فعلمي..”يلاه بغا يسولو مراد وهو يستاذن ومشا دخل لقا فاطنة ونجية هبطو لابسين جلالبهم حيث غايجي منير باش يديهم…سلم عليهم ووصاهم يدخلو لصالون حيث الحال بارد برا شوية ماشي ديال يبقاو فيه يفطرو…طلع وفطريقو تلاقا بصفاء تاهي لابسة ونازلة مع سيمو الي مبوق بالنعاس مكرهش يبقى ناعس لكن للضرورة احكام خاصهم يمشيو بكري صفاء الخدمة وسيمو يرجع لافاك..نطق زين الدين موجه كلامو لصفاء” : فرح فاقت !
صفاء : اه فاقت خليتها مشات تصلي حيث مافاقتش لفجر…
زين الدين”حرك راسو خلاهم هبطو وهو مشا نيشان لبيتها حل الباب ودخل قبل ماتجي جلس فطرف الناموسية مفرق رجليه وداير ايديه على ذقنو كيتسنى فيها تدخل…جبد تيليفونو من جيبو شعلو شاف الساعة والتاريخ ورجعو لبلاصتو…بقا يخمم حتى تحل الباب وهي تدخل تا شهقت هز فيها عينيه لقاها مدهشرة” : صباح الخير…مالك !!
فرح : احم مم ماليش مايحسابش ليا غاتكون هنا…
زين الدين : عيب ؟!
فرح : لااا…
زين الدين”طبطب بايدو على الناموسية” : اجي هنا حدايا
فرح”قلبها ضرب بجهد” : علاش كاين شي حاجة ؟
زين الدين”هز فيها حاجبو” : علاش خاص يكون باش نبغيك تجي حدايا !؟
فرح”مابغاتش تكثر عليه وخا ميتة بالحشمة..جلسات حداه حسات بقلبها كيخفق بجهد”
زين الدين”مد ايدو لكتفها من لهيه عنقها وهو يجرها بزربة تا لصقت حداه هبط ايدو لجنبها حك عليه بلطف حس بيها توثرت وكان للمستو وقع عليها لدرجة حناكها تزنگو..بقا كيسوف فيها حتى حدرات عينيها وبانت ليه قرجوطتها كتحرك..تفاصيل فيها كيعشق يشوفهم بعينيه كيتلذذ وهو حاضي هاد تفاصيل الخجل الي كتخليها ديرهم بلا ماتشعر…شفارها كيرمشو بزربة واحيانا كيوقفو بقربو ليها..هز ايدو حطها على حنكها من لهيه استمتع بلمسة خفيفة لداك الخد المبطبط الرطب قبل ميجر راسها لعندو ويبوس ناضرها حتى هبط لداك الحنك الي غرقو شفايفو فيه ونطق وفمو غارق فيه” : صباح الخير”رجع باسها وحيد ايديه خلا ليها مجال وفرصة فين تقدر تهضر”
فرح”بصوت مبحوح مقجوج” : صباح النور…
زين الدين : نعستي مرتاحة ؟!
فرح”حركات راسها” : ونتا ؟
زين الدين : نتي مرتاحة ونكون العكس ؟ عيب فحق الفرحة ديالي…
فرح”تبسمات وكل مرة كتزيد تغرق فهضرتو الي كتحس بيها مخصصة ليها هي فقط ويمكن كتخرج من فمو بدون سابق انذار معاها وليها..” : ههههه ياك…
زين الدين”متكي حنكو على ايدو وحاضي ضحكتها..تنهد من هاد الخير الي قدامو والي باغي امتا يزيد يتعرف عليه..لكن حاليا خاص ينطق بكلام الي خاص ولابد تعرفو والي بدل ليها المود فدقيقة” : فرح “شافت فيه” السيدة الي هصرات معاك “شافها انزعجت” ششش سمعي مني…عرفتي شكون ؟
فرح : زين الدييين صافي نسى عافاك انا نسيت مادرت فبالي والو…
زين الدين : ماعليش ماتقطعيش كلامي..”سكتات ورجع استانف كلامو” C’est ma patiente depuis longtemps .(زبونة عند الاطباء خههه)..فلول جات على جال دير Chirurgie esthétique…وانا معاهد على راسي لا انا لا الحاج منديروش هاد النوع من العمليات..”عوج راسو شوي ورجع نطق” تغيير فخلق الله حرام الا لو كان عندهم مشكيل كيف كنگولو بالعربي خلقي تشوه من الزيادة اكسيدون صعيبة…شي حاجة الي محرمها الله سبحانه وتعالى معاهدين من نهار عطينا القسم منديروهاش.. باغي رزقي بالحلال…
فرح”سكتت كتسمع ليه.”
زين الدين : حتى جابت لحاج علي يدزاناليز..Examens.بالي عندها ديجا مشكيل وقع فاكسيدون…
فرح : وعلاش مايديرهاش ليها عمي علي..
زين الدين : حنا فيها بجوج…”سكت ورجع نطق” اليوم غاتكون فالعشية باش نشوف حالتها ونعطيها date باش ديرها…”هزات فيه راسها بزربة وهما يتبدلو ملامحها وغوبشات” فراااح ماعندي معاها معرفة كبيرة..البارح علمني الحاج علي بالي غاتجي “سرح ايديه” كلشي على عينيك…”خايف تقلق تاني بالغيرة هههه”
فرح”بقات مغوبشة محملتهاش شي حاجة فيها لداخل مخلياها تنفرها وخا مزال كاااااع اخوتي ماشافتها كيدايرة”
زين الدين”حط ايدو على دراعها” : فرح..راكي عارفة خدمتي كيدايرة كلشي كان على عينيك نهار كنتي خدامة فالكلينيك شنو بان ليك…
فرح : بانو ليا بزااااف…
زين الدين”خرج عينيه” : الله اكبر…
فرح : صافي ماگلت والو..انا ماتقلقتش غير هضرتها الي كانت فشكل معايا كتهضر فحال كتعرفك…
زين الدين : سي كتعرفني مكذبتش..”هزات فيه راسها وهو يتلف عهههه باغي معاها سلاكة” عارفة خدمتي وخدمة الحاج يمكن عجبتها خدمتنا ثاقت فينا…الانسان فاش كيضرب عليك طرقان ويقطع البحور باش يجي عندك حيث عارف بحق خدمتك ماجاتش تقطع برزقك…”شاف فيها مزيان وتحدر لمستوى عينيها” مفاهمين دابا ؟
فرح”حركات راسها..”
زين الدين”كان بغا يعلمها باش تمشي عند يونس لكن اجل حتى ليوم غذ..” : يلاه تحركي لتحت…
يتبع
شاركنا رأيك في هذا الفصل 🌹