يديرها الحب
يديرها الحب يخلي لعقول طايشة
الشوق فالقلوب به العشاق عايشة
ركبني الموج و طيرني فوق السحاب
شربني الفرحة آ يمة فكاس لعذاب
يا لالة عليه يا سيدي عليه
بو عيون ضاحكات أماما خلاني نتيه
——-
تعالت اصوات زغاريت فرحا والناس على برا كتمشي وتجي والبنية راها مبينة والطيابة خدامة كطيب وريحة طياب عالفاخر على حقو وطريقو كاري ليها بفرحتو بيها الخدايم على مقولة ناس دكالة الاصليين اي البرمات الكبار والگوامل منهم ديال النحاس فين يطيبو للناس ….ودراري ولاد درب كيتقداو ليه وشكون الي ميسمعش اسمو ولد المخنتر وميقضي ليه غراض !!! شكون الي يقوليه لا !؟ هايهااااااي …ولد المخنتر بنت المخنتر ولد نجية وبنت فاطنة …والقائمة طويلة …. صوت تقرقيب فالدار …فالبيت بالقفطان جوهرة جالسة ودايرة ايديها المحنيين فوق سداري حنتهم مزاال كتحرتت زوج صبيعات مزوقين بالصقلي ….حادرة راسها وعينيها فلارض وقلبها كيضرب وكتحاول تقول واش هذا القرار صحيح الي خذيت رغم انه سولوها وعاودو تاتاكدو انها راغبة وقابلة بكامل اراتها …واحد الراس كيقول الي درتيه غلاط تتشوفي مستقبلك والحب را يجي يجي لا هو لا راجل وواحد راس كيقوليها ديري بوجه شي را العمر كيدوز نتي شابة ولكن هو را باغي يدير دارو وولادو وخا مزال ممفكرش فيهم كاع رحميه وخا مقالهاش ليك خليه يشوف حياتو …وفالاخير را وقع غير الي مقسمو ليها ربي وهاهي جالسة …حتى تحل الباب وهزات عينيها وهي تشوف قبالتها واحد الشخص ولطن فوجهو علامة الحزن حتى بغا يبكييييي….
هي”قلبها تفزع من بلاصتو تا هبط معاها العرق من ضهرها ” : امالك خبار الخير !!!
هو”مشا يزرب فخطواتو لعندها جرها حاضنها ” : ربي معاك …..
#ولادة_من_رحم_الفساد🥀🔥
#فلاش_باك….
بسم الله توكلنا على الله …
فحالهم فحال كاع الناس الي من الطبقة ديالهم ,, طبقة الشعب من العائلات الي معندهمش وماخاصهمش ومايمدوش ايديهم يطلبو ولو توصل بيهم العظم ،، هادشي الى وصلات بيهم العظم خصوصا الخوت بزوج تبارك الله كيتقاتلو صباح وعشية باش يدخلو طرف الخبز ومايعتامدوش على باهم وخا منعرف اش يوقع والى اعتامدو عليه ماياكلو غير الى بغا هو خصوصا هو من نموذج الاباء الي حاشا واش يكونو اباء .. الحكاية طويلة ومعاني كلامي كثيييير يتلخص فاحداثها وفي طياتها شلا وشلا … هادي عائلة غاتدخل لقلوبنا ب افعالها سواء زينة او شينة على مقولة الحكيم الخاتر فؤاد رمسيس ونتذوقو احداثها …عائلة فيها زوج خوت وبنت هي اخر العنقود وسط زوج عزارا واحد فيهم يحنت ليا عشرة اما الكبير دراعو گاد وعارف بحق الزمان يجيب لقمة من فم سبع رجولة فيه مزايا بزاااااف وفيه مساوء بزاااف كلهم غايبانو مع توالي الاحداث …ولاخور الي قبل من البنت حتى هو الرجولة وتاهو حنين فختو غير الفرق الاكبر احن بدرجااات علاش لا وهو الي رباها ملي كانت عندها شهرين فعمرها قايم بدور الاب والام فنفس الوقت بمساعدة جارتهم نجية الي كانت كترضع تاهي ولدها انذاك الي كان فعمرو عام وشهرين …
#الرابعة مساءا قريب اذان العصر في واحد من دروب وازقة مدينة الجديدة المغربية اومدينة مازاگان بالبرتغالية قديما ايام الاستعمار …في حي من احياء المدينة حي السعادة بالضبط وفي واحد من المنازل بالدرب منزل فيه طابق الارضي مصلوح صليح زوين والفوق مكاملش فيه غير سطح مبني ب البريك فقط صالحين لتحت علاش قادين وصافي زوج بيوت كبار كيشوفو فبعضياتهم واحد صالون وواحد فيه تلفازة فين كيجلسو ياكلو ويتفرجو وبيت فين كينعس الخوت الكبير والي موراه وبيت فين كينعس باهم والبيت الي فيه تلفازة وواحد صغيير فيه سداري واحد وماريو صغير ديال شخص .. فين كتنعس البنت الصغيرة والي بزز باش تدار ليها كونها هي وحدها وسط منهم بنت ضروري خاصها بيت ديالها وكوافوز فين كتحط اشياءها النسائية الخاصة بيت مساحتو جد صغيرة … عاد كاينة كوزينة وطواليط مشروكة بالدوش …الفراش مفرشين على قد الحال وصافي الطابق تحتاني غير الخوت الي تشاركو وصلحوه على مقولتهم ” نصلحو فين نعسو ونغطيو راسنا ونديرو فين يجي عندنا بنادم يلقا علاش يجلس ما يجلس فوق التبهديل والبريك ” حيث هما عاشو فصغرهم فيها مصبوغة صباغة فوق البريك والمرطوب حيث باهم كان عسكري قدييم وهاد الدار شراها بزز فالقديم قبل مايشد التقاعد ديالو …
فوزي”الي من ورا الكبير…صونا تيليفونو” : نتا متصيبش تنساني واحد شوي ؟ شحال جابو تما ؟ حسب ليه تمنطاعش (تمنية عشر حيث دكاليين ) اشوف عزوز عيط على توفيق قوليه داكشي علاش وصاك فوزي يجيبو ليا لمحل قبل منسدو وقبل ميجي مول المحل نعطيوه الحساب حيث هاد اليومين جايين عمامي من البلاد لهيه ثلاث سيدي بنور يوجد ليا دوك طيور ليا انا وصافي ….
عزوز : شحاال درتي معاه ؟
فوزي : على ما وصاني عصام شي ستة يلاه نجيبهم لختي تكملهم فالتنقية وترميهم فالفريگو …
عزوز : سير عالله ومتعطلش راني غا ايد وحدة هنا وشي عيالات وصاونا على دجاج لعرس ياكما نسيتيهم ؟
فوزي : نقصِّي مناكل وهانا معاك …
قطع معاه وهو يسمع صوت الباب تحل كب ليه كاس ونتش ندغة من الخبز كلا بيها من اومليط الي صوب وشرب جغمة من اتاي حتى بانت ليه دايزة ….
فوزي : العجلة فين تعطلتي
هي “شيرات ليه وشادة تحت كرشها ومشات “
فوزي “عقد حجبانو الكحلين وعينيه السوداوين شافو جيهتها بقلق …عوج راسو كيطل عليها غير من تم ” : مالك ؟ “سمعها ردات عليه بصوت عيان بالي عيانة شوي وضراتها كرشها عرف بان البيغيود هاديك اي الام الدورة شهرية بمجرد ماقالت ليه غير ضراتني كرشي كيعرفها مالها وبالي هي هاديك هادشي يعرفوه بزز كونها هي البنت الوحيدة الي عايشة وسط ثلاثة رجال منهم زوج عزارا … ” : عندك الفنيد “جاوبات ب اه وبقات غير وحدة منو ” انا خارج الى مرضتي بزاف عيطي ليا ولا لعصام ماديري والو لعشا غير الي كان نديبانيو بيه جاب الله مكاينش بوك بعدا … خاصاك شي حاجة ؟
هي : لا بغيت غير نعس
فوزي “هز تيليفونو وساروت الموطور ” : انا تحركت ل لالة زهرة (بلاصة فين كاين سوق فين متواجد المحل ديالو وفين كاين حتى محل خوه الكبير ) … خاصاك شي حاجة “جاوبات بالنفي” اشوي ويجي عصام الى سالا ..
هز ديك صينية وجمع دنيا تما وتحرك خرج فاتجاه المحل بالموطور سوينغ ديالو للسوق فلالة زهرة حتى داز من قدام محل تجزارت فين كاين خوه لقا غير الولد كيوجد باش يضربها بتسييقة لحانوت حيث وذن المغرب ولحم بدا يسالي من تما غير الكواح الي سالاو فالصباح حيث يوم الثلاث عندهم دبيحة باقا جديدة جات من ثلاث سيدي بنور نيت حداهم …
فوزي : معاد فين عصام ؟
معاد : هاهو جاي مشا يصرف …
فوزي : صاف انا مشيت ..”يلاه تم غادي حتى رجع شاف فيه ” نتا لديلمك مابغيتيش توب من صايكو ورباعتو تعطيهم تيساع ؟
معاد : الله ممرافق معاهم غير كنتلاقا بيهم
فوزي : متصيبش تنخلهم ياك مصواب ؟ تگطر بالصواب يا صحبي والكذوب عندك حرام داكشي علاش متتكذبش عليا مسكين …اسير الله يمسخك
معاد : وهانتا تشوف “بان ليه طوا لسانو عضو وعينيه الكبار خنزرو فيه وحجبانو غلاض مع ملامحو حرشين وخا ضحوكي ووجهو بشوش لكن فاش تيخنزر مع دوك الحجبان متعرف واش غاينوض يخلطك ولا يقوليك غاتنضحك معاك ههه ” ….اصلي عالنبي
فوزي : والله كون ما وصاني باك عليك تنوصلها لعصام يتَرْبك بالعصا انا مانيش عصام تلقا معايا سلاكة لا وصلتها ليه مانتا فخير كمل خدمتك وسير لداركم تحفض الوطني قرب وداكشي الي خدمات معاك الخوادرية ميجيبش نتيجة غا هي تجلس عليك خراك مايجمعوه شراوط …
معاد : تا ناجح كون هاني … صاف صلي عالنبي ها عصام جاي لبدها عايش خويا …
بزاااف د الشباب فهاد البلاد قاريين واصلين لشواهد عليا وماساعدهمش الحظ انهم يخدمو بمستواهم التعليمي …كاين الي كيقول ماعليش نمشي درجة بدرجة حتى نوصل لبوسط الي نستاحق وكاين الي مباغيش ديك درجة درجة باغي يطير لبوسط الي باغي نيشان فهاد القضية كاين الي ساعفو الحظ وكاين الي مالقاش تا اصغر درجة وراه تلات بيه لايام وشو فين تلات بيه …نجيييو لشباب الي فضل يخدم ويدمر وخا عندو شهادة ضعيفة متعاونوش فهاد البلاد او عفوا نقدرو نقولو مانفعاتو بوالو وقضا الغراض بلا شهادة كاين الي عندو الي يتم مايتحرق وامي وكاين الي عندو غير مستوى ابتدائي وكاين الي عندو الرابعة اعدادي منهم واحد الفئة الي غانشوفوها فهاد الحي وهاد العائلات الي فهاد الحي او القصة ككل …منهم شبان منهم شابات منهم الي خذا طريق الحلال وخدام كيترزق الله وحامد ربي وشاكرو على نعمه وفضله ومنهم الي خذا طريق الحرام باش يدخل فلوس وطريق #الفساد باش يعيش كيف بغا ويوصل لحياة الرفاهية وكاين الي فالحرام معايش رفاهية ماوصلها هههه … وكاين الي تزاد وسط الفساد ولقا راسو تولد منو وعاش فيه وكبر فيه وخدم فيه وكاين الي وخا عاش فيه وتزاد فيه ومنو ماخدمش فيه….
في احد محلات الجزارة الكبرى ف حي لالة زهرة وسط السوق من بعد ماتحرك فوزي من تم مبقاش تكلم مع عصام خوه الكبير شاب فعمر السابعة وثلاثون رجل مكافح من الصغر ماكملش قرايتو وصل حد الرابعة اعدادي وتوقف مع الاسف لضروف خارجة عن ارادته والي غانعرفوها من بعد ونعيشوها وعلاش وكيفاش تا وصلات بيه الوقت يخدم فتاگزارت (الجزارة) وفنفس الوقت يكون شناق اي يبيع الغنم وسط السوق نهار العيد الكبير لكن خدمتو كلها فالمحل الي الاصل تاع مولاه وهو داخل معاه بنسبة قلييييلة داكشي الي كيصورو كيعطيه ليه ويعطيه خلصتو فاخر شهر او الاسبوع او الكانزة كيف كنقولو الي هي كل خمسة عشر يوم ….
معاد”هز شطابة وسانيكروا وتيد خلطهم فالسطل وشاف فيه فين جالس كيحسب فالكناش ديال مالين الكريدي عاقد غوباشتو وحجبانو ملاقيين وشوفاتو يخلعو فاش كيكون مركز كيبان معصب حيث كيتستريسا مع الحساب وكثرة تفكير باش يحسب اش ناقص وشكون خلص وشكون يتسال خاص يقاد المسائل مزيان وينضيها على قولته …” : نسيق هنا ونمشي دابا عندي الحفاضة… “مجاوبوش …ولا معاد حدر راسو وبدا يحك تما دنيا من فرتيت لحم الي كيقطع فالقطاعة ويطير تما ولا فوق الجدع ديال شجرة فين كيهرس العضومة وجيهة طحانة الكفتة ويحيد شحمة …ضربها لحانوت بحكة من داكشي وجافيل ريحتو تعطعط تا نقا ونشف وسمع اذان المغرب ” المعلم هاني مشيت “حرك ليه راسو الي داير ليه طاقية كحلة ديال صوف حيث البرد وشتا …
فوق سداري داك البيت صغيور فين متكية كتغلي بالسخونية ماشي سخانة وانما غير سخونية الوجع ديال ليغيگل وحاطة قرعة اتشي معمراها بالما طايب ودايراها تحت كرشها كتكمد بيها الوجع الي هلكها من العصر وهي تلوى تيليفونها صونا وعاود بدون متجاوب بنت فمعمر ستة وعشرون سنة ونصف …وجهها تقطع منو دم بالالم كتعذبها وكتعرف كيفاش تعذبها ،،وهي فهاد الوقت مخشية فبيتها تحل باب الدار وتسمع صوته البح بحة الصوت الرجولي الخشن صوته الاصلي تزاد عليه كماية الگارو … كيعيط باسمها كيسمع انينها من بعيد حيث عرفها مريضة بيها من فوزي الي قالها ليه وحيث كتوجع بزاف حفضوها من نهار بلغات كيعرفوها كتعصب مكتبغيش تهضر كتديرونجا مع الوجع… هو غير سمع صوتها المنخفض عرفها را مزيان رغم ذلك …حط شنو جاب فوق بوطاجي ومشا لبيت هز فوطة وخرج لطواليط فيها دوش نيت شعل شوفو وتطلق ما خلاه كيسخن فالسطل وحيد حوايجو بقا غير ببوكسر ،، طولة عندو كتلفت وكتاف عراض ماكيترينيش فلاصال معندوش ليزابدو عندو شي شوية الكرش هو طاگتو او كسدة ديالو هكاك دايرة حيث كان غليض فصغرو وطويل ولكن مع خدمة وتمارة الكحلة ضعاف على كيف كان عندو فورمة الگزارة هههه … كيف كيقولو كثير ماشي بدرجة ضخم نقولو مگضر باش نقربكم للصورة او الوصف شعر كحل ولحية سوداء كثيفة ملامح حروفه كحلة وبشرة سمراء بالشمش وتمارة الزنقة والخدمة ،،طبعه حنين بزاااف مع ختو بزاف ولكن فوقت الجد صعيب بزاف واعر ومجهد ،، تفاصيل فيه كل حدث كل بارت غاتبان اكثر فاكثر ونعرفو الشخصية ديالو اكثر …
خوا عليه الما سخون وبدا يدوش دار عليه شمبوان كادوم ودوز عليه بالصابون ديال لكف ونقا حالتو مزيان من زفورية د.م حتى كمل ولوا عليه الفوطة نشف حالتو ولبس تما نيت حيث كاين البرد وخرج لايح فوطة فوق شعرو…عينيه حمرين بالسخونية مشا لكوزينة رد المقراج ديال الما يطيب،، وجد براد دار اتاي فيه شللو ودار فيه سكار غير صفر المقراج طاب الما وخواه فيه وردو تاتشحر مزيان على عافية مهيلة ويدندن بصوت خافت اغنية الشاب بلال …”درجة درجة الى بغيت تربح،،عنداك غير طيييح ترضى بغييير الريييح تندم ندمة تخسر في لافيير…” .عاد طفا عليه وقادو فالصينية ودار فيه نعناع تيميجا مخلط بالنعناع الحمرة قاد المسائيل سمع دقان الباب ومشا حل لقاه سيمو عشييييير ختو بزاف هو البيست ديالها معند عصام تا مشكيل بحكم سيمو وختو مراضعين يعني خوها كيهنا عليها وهي معاه …
سيمو”تيحك فراسو حيث باقي مبوق بالنعاس ” : هاكا الخو مشيت لي ف جوهرة هي الي فيها نوبة …الله يشافي تاندوز غذا ونشوفها ..”خذا من عندو ساشية دوا سباسفون و خنشة دشفنج حدر راسو ومشا ماهضرش معاه عصام عارفو معصب بغا يكمي الله يعفو عليه مبلي بالجوانات وشراب وهو فعمر صغير صعييب عليه …” اما العيصومي او با عصام كيف كيناديو عليه صحابو ااو الاقارب ف تحرك حط شفنج فالطبسيل وقاد الطابلة فالبيت فين كيتفرجو جا فوزي تاهو بدل عليه ودخل عندها لقاها مكلكمة ف مانطتها مكيبان فيها والو عرا عليها المانطة وقلب راسها لقاه عادي غير هي غفااات وخا كتكمش عويناتها بالالم من الي جات من المركز وهي كتصارع فالوجع الما بارد الى شافتو يشدها الوجع بقات على نفس الوضعية فين حسات بيه حبس عليها شوي …
عصام”نطق بصوت عندو غليظ اجش” : شوية دابا
عاقد حجبانو كيتسناها تحاوب وتبين وجهها باش يركز مع تفاصيل ملامحها كيف كيدر معاها من وهي كانت فالگماط وهادشي الي خلاه يعرفها امتا مريضة وامتا جيعانة وخاصها لحليب ولا دارت فالكوشة البلدية اي تسرويلة زيوفة بيضين وكيتجمعو بكيلوط الميكة مرة مرة كتجيها ليكوش من بنت جارتهم الي كتجي من برا ….بالمختصر دوز معاها دور الام والاب والاخ الاكبر ملي خلاتها مها وطجات من الدار ولحد الان لا يعرف شنو تلات بيها الحال !!! “
فوزي” من البيت” : وتي نوضي العجلة تشوفي اش محطوط فالطابلة على رقبتي من هن وهن تادوزي فالخضر واليابس وتنساي المرض وحليب م م م كككك كريييم مريم كتبت مريم كتب كريييم …
عصام”عض على سنانو ونطق ” : فوزززي راجع البراد ولبدها (راجع البراد هي قلبو)…
فوزي : وااااخا ..
عصام : يلاه فرح …”هزات المانطة وطلات عليه بعينيها العسليين غامق شعرها خارجين منو شعبيطات ونطقات بصوت رقيق وعيان ” : تقادا ليا دوا …
عصام “مد ليها ساشية الي فيها دوا ” : نوضي كولي ورجعي شربيه ….
فرح “كمشات عينيها” : واكلة شي تخربيف فالجمعية …غادي نشربو دابا ونوض عندكم …لهلا يخطيك اخويا …
شحال زوين تعيشي حب الاخوة شحال زوين تلقاي اخ كبير وصغير ونتي بنت يكون سند ليك وضهر حامي خصوصا الى كنتي فحالة فرح البنت الصغرى فهاد العائلة البنت الي مقطرة من عينين خوتها خصوصا الكبير ولكن العكس بالنسبة للاب الي تقريبا فيه غير سمية الاب …كيجي اياام معاهم وايام مع خوتو خصوصا باه(اي جد الدراري ) الي كان كيطل عليه يوميا حتى فارق الحياة قبل شهر وايام وهو دابا عندهم فالبلاد قرى مدينة سيدي بنور بالضبط باش يحضر الاربعينية ويناقشو امور الارث مع خوتو وعمامو وولادهم لان الاملاك كثيرة وداخل فيها شي فشي من ملاكها وكيف كنعرفو ناس العروبية متعصبين فامور الارث كاين الي مكيفرطش فحقه وكاين الي باغي يكشمط وكاين الي باغي ينكر وكاين الي يشهد زور وكاين الي باغي ياخذو بالعصا …. وهادشي الي مخليه مغيب على دار جايا لاسبوع وهو تما والغذ ليه عندهم الاربعينية الي بزز باش غايحضر ليها عصام اما فرح غاتبقى حيث خدامة هذاك اليوم ومعاها فوزي تاهو الي عندو مشاغيل الي خلاتو صعيب باش يطلع تال سيدي بنور لدوار …
فوزي”كيكب فالبراد ” : الله نعناع جديد هذا ديال با عسو !!
عصام”شاد تيليفونو حرك ليه راسو ب نعم وبدا يسجل اوديو ” : صطوف تحرك لقهوى من هنا لساعة لگاك تم ..(ماقل ودل)
صطوف : وعليه …
فوزي : واااا ختاااي طلقينا قبل ميبرد شفنج …
فرح “من البيت كتشرب فالدوا وهزات فوطة صحية من المجر حداها ” : هاني جايا غير بداو….كب ليا معاك كاس اتاي خليه سخون متبردوش الى برتيه شربو نتا …عصام حضيييه
عصام : طلقي راسك …
فرح “دايزة لدوش” : شفنجة الي مقلية فيها بيضة ؟
عصام : كاينة”ديار ايدو على حنكو كيبقشش فتيليفون جاه ميساج منها مقراهش مسحو فالبلاصة “
فرح “دخلات بدلات بزربة وخرجات من الدوش غاسلة وجهها تا دخلات عندهم لابسة بيجامة زرقة ديال موبرة سخونة والبينوار ديالها دايرة القب ديالو فيه ودينات وخاشية ايديها فالجيب …بيضة وجمالها اصهب علاش لا وهي الفتاة الصهباء فالدار عينيها عسليين غامق مكيبانو عسليين شوي حتى كتضرب فيهم شمس شعرها البني المايل لاحمر جامعاه لور بقراصة وفيها شوية نمش ماشي شي نمش غير فمنخرها شوي وفمها صغيور اما فورمتها زوينة ولكن غليييضة هههه هذاكشي علاش تيقوليها خوها العجلة ولا البقرة حيث غليضة وحناكها غلاض يضل يصرفق فيها ولا يقرص فيهم تا كتبغي تبكي وضربو ..
فرح”جايا وتخطوي وخا فيها نغزات الوجع ” : اتااي وشفنجتي
فوزي : كلتهم حيث تعطلتي وفيناش ميبقا يتسنا فيك كتميختري ليا تم غا لا بغيتي تحركي خاصك بوجي العجل فين غادي فين اوا غادي …
عصام”هز فيه حاجبو ” : اش مشا ليك انت !؟
فوزي : والو …”هز كاسو وبدا يجغم حتى كحز ليها ساشية الكاغط الي فيه شفنج ..” هزي هزي … شوية ؟؛
فرح : شوية شوية …عييييت اليوم كانت دايرة ليهم الامتحان وشي عيالات خرجو فيا شيب عمري مشفت مراة قد خالتي نقوليها را غانعيط ليك لولدك هههه
عصام : لاش ؟
فرح : هو ولي امرها هههه
فوزي : ههههههههههههههههههه كحكحكح ياكما ديك غضيفة الكسولة
فرح : عههههه هي
عصام”ضحك بجنب” : وسعي خاطرك معاها تحاربي الامية مساهلش ،، عيالات داو وجابو فالزمان شعر راسهم شاب ودنيا الي قراتهم قبل ميقريوهم لحروف …
فوزي : عيالات كبار اصحبي تالدابا عاد بغاو يقراو …
عصام : القراية تنفع فكل زمان ومكان كل راس منهم اش مصور ليهم بيها …
فرح”تبسمات” : ههه بزاف باغيات باش يقراو القرآن ويحفضو وكاينة الي بغات تعلم تكتب سميتها وكاينة الي بغات زعما تعرف اش كاين فالوراق لا يمشي يضحك عليها شي حد ولا ينصب علييها ….هههههه ماشفتيش وحدة قالت ليا بغيت باش نكتب المقادير ديال شميشة …
فوزي : اييه تعلم تكتبهم نهار تولي تكتبهم توصل القشدة طرية تجي نتي تندب ليك لحناك الي علمتيها تقرا …
عصام “ضار عندها” : المانضة مزاال ؟!
فرح : يقدر شهر جاي يبداو يخلصوني راك عارف انا مع وزارة الاوقاف بزز باش قبلوني تا جمعت ليهم واحد ليست ديال العيالات …
عصام : ماعليش ماعليش …الي خصك نعطيه ليك وخا تولي دوز ليك المانضة …
فرح”حطات راسها على كتفو وباستو فيه ورجعات تاكل” : يخليك لياااا…
هز كاسو ديال اتاي وسماو الله بادين فالكسكروط ديالهم شفنج وبراد اتاي معمر من ايدين عصام وزيت وشي حاجة من دواز اتاي باقية من الحلوى الي صايبات فرح وصاحبتها وجارتهم على حساب مايحطو العزاية الي جاو عندهم في وفاة جدهم …
عصام : صباح محرك بكري لبلاد …
فرح : امتا راجع !؟
عصام : العشية نكون هنا “كيشرب فكاسو وكيهضر وعينيه فالتلفازة ” معندي مندير تم وممساليش هي جوج …ندير الواجب ونرجع فريع الراس تما مع دوك عمامك و لادهم …
فوزي : داير لينا الله تاويل عاطين لديلمنا تيساع كنشوفوهم غير من العزا لعزا باك مهنينا منهم كيغطس راسو عندهم لا جابتنا الوقت تجيبنا غير لموت ولا شي عرس وبزز …
فرح : البلان الوحيد الي دايرو با زوين مامبزز علينا نمشيو عندهم
فوزي”ضحك باستهزاء” : ماشي لعندهم مرافگهم”مرافقهم” لغراضو مامرافگهم حبا فيهم را عارف علاش سامر ليهم تم (سامر هي جالس ليهم لارض وحاضيهم) شي كيدوز على وجه شي حدهم تفريقة …
فوزي : هههههه دابا تنوض صمكة بين الخوت والعمام غا الارض الي فنواحي جديدة ووحدة جيهة الشاوية وكازا مشاركين فيها سطاش لواحد “خبط ايدو فوق طبلة بشوي ” هههه هانا هانتا لما ناض واحد وجاب 12 شاهد وزور يقوليهم ديالي وبشهود بلا موجب شرع وماهيش انا الى ماوقعات شي صمكة مصمكة بالصموكية (ماهيش انا هي ماشي انا) …
عصام”ناض وقف كيخشي فالتيليفون فجيبو وسوارت الموطور مد ايدو هز الحنديرة لبسها عليه حيث البرد برا ودار طاقية دالخيط ” : الى بغيت ليهم الخير الله يبدا من عندي”شاف ف فرح” خاصاكم شي حاجة لعشا ؟
فرح”شادة كاسها هزات عينيها فيه ” اهء لا مخاص والو اليوم غاتصيفط لينا مي فاطنة مع صفاء الحريرة الحمرة دايرة بحسابنا …
فوزي : هاااح حريرة مي فاطنة زاهية الليلة …”ضاف فعصام وغمزو” تيسر نتا التمر انا نتقداه ونجي والي خصات نخرج نتقداها الليلة انا غير فالدار عييت اليوم دوزنا شي كوموند جوج ديور دارين العرس وصلناها ليهم …
عصام : ورا المخدة كاينة واحد الميكة تما هزيها نتي يلاه معطل الليلة خلي ليا حقي راك عارفة ..
فرح : صافي واخا …
تحرك خرج وهي ضارت جيهة الميكا الي قاليها حلاتها وعينيها زغللو بالقلوبة وعلاش الي ميزغللو وهو جايب ليها شكلاط العشق ديالها ماروخا وخا بسيط هي عندها فحالاش حيث كتموت عليها هي بالضبط وماشي اي ماروخا الاصلية عارفاه مقديها من عند صاحبو كيجيب سلعة اسبانيا وشيبس وشي بيموات…
فرح : اااااايما الحبيبة “غوتات بجهد تا طار فوزي من بلاصتو “وااااااخوياااااااو يحفضاك ليااااااو احبوك
عصام”قبل ميسد باب الدار ” : بصحتك …
فوزي : واش فاطمين مك على الغوت !؟ ودني اديك قرعة الخل مقلوبة تقبتيها ودني ا بگيرة …
فرح : هههههههه نزيدك اتاي !؟
فوزي : قسمي معايا
فرح : ههههه اكيد لا ميحتاجش تسول
فوزي : الفگس …
فرح”خاشيه راسها ف الميكا” : عرفتي فاش نتخلص اش غاندير !؟
فوزي : غاتهلاي فعصام وتنساي خوك فوزي عارف راسي زهري مكوز متتحملينيش …
فرح” هزات راسها بصدمة ومشات عنقااتو من لور عاطي بضهرو مسرح رجليه كيتفرج” : اويلي الهبيل على متنحملكش مريض نتا ؟ بالعكس غانتهلا فيكم بجوج شكون مهلي فيا ومربيني “عينيها غرغرو” الى جيت على با والله منشوف ريال وشكون كيعاوني فالشقا ااا !؟ مريض نتا مريض …
فوزي”شاف فيها بنص عين ” : اممم غا شكلاط لاخر مبغيتي تقسميه معانا طزز …
فرح : الى قسمت معاك شكلاط ثيقني ؟
فوزي : نتي وايمانك
فرح : بغيتي نذوقك
فوزي : اه
فرح : لا “هزات الميكا وناضت تشيتف مشات حطات الميكا فالكوزينة فالبلاكار هي غير ثالت هكاك اما عارفاه غايهز منو وتهز منو وهانية غير كيبغيو يشدو فبعضياتهم”
فوزي : شتي اش يجيك مليح ؟! ديري البيض يتصلق لديك الحريرة الحمرة ….وسيري الله ينعليكطاسيلة ويلعن ليك جد امك.. تاتوقفي عليا ا قرعة الخل مقلوبة…
فرح : واااقفة عليك غا سميه صابر وانتاضر وغامر اولد مي وبا الي مشا غبر ما جا
فوزي : مشا يجيب الورث زاهية فليسات عندو “شاف قدامو وتنهد “حاس بهاد الورث غايجيب علينا بلا دنيا ودين الله يحضر سلامة ….
رجعات البيت تهز الماعن من بعد ماهمد عليها الوجع شوي بالدوا مخلية فوزي شاد تيليفون كيتفرج فواحد الماتش منيرفي معاه حتى صونا ليها تيليفونها الواتساب …
فرح “حطات التيليفون فوق بوطاجي وطلقات سبيكر كتهضر وتغسل فالماعن” : اش تم اضبعة …
صفاء “صاحبتها وجارتهم وقرات معاها من الابتدائي حتى لافاك بزوج ودارو ديبلوم اضافي ديال محاسبة بالنسبة ل فرح و تمريض عامين بالنسبة ل صفاء،، فرح قرات المحايبة فوقيتة لافاك اما صفاء حتى شدات ليصونص عاد دفعات لتمريض ك اضافة مهم متبقاش جالسة ” : افين المخمار كي بقيتي شوية !؟
فرح : لا صافا جاب ليا عصام سباسفون
صفاء : اححححح عصام را عصام هو عصام ومكاين حد من غير عصام والي عايز يعاركني يعاركني …
فرح : بديتي تاني ..
صفاء : عمري منسالي تيقوليا تتزوجيني عنعنن …
فرح : اهبيلة هبيلة…ودوزي فينك ؛؟
صفاء : هاني جايا كنتسنى غا مي تعطيني مرميطة الي غادير فيها الحريرة ونجي …
قطعات معاها وهي تهز عينيها بنت فعمر فرح سميمرة شوي وملامحها زوينين بزاف كيف كنقولو ميلحة زوينة قلبا و قالبا اه زوينة غا هي ضعيفة مسكينة ماشي داك الضعف ديال سوء التغذية هههه غير ضعيفة كيف كتقول مزال خاصني نعمر جناب وندير لو تيرما باش يشوف فيا العيصومي حبقلبي …طبعا حبها لعصام حقيقي ماشي ضحك ولكن مع الاسف عمرو شاف جيهتها غير انها بنت جيرانهم وفحالها فحال فرح ختو ،،، كبرات قدام عينيه ملي كانت عندو 12 تقريبا ،،، فرح الي بمساعدة الام ديال صفاء (فاطنة ام صفاء) ،، وجارتهم ام سيمو الي رضعات فرح و الي كانت كتبقى عندها حتى كيجي من المدرسة الي حتى وصل ل رابعة اعدادي وعاود العام وخرج كانت عندها اربع سنوات تقريبا هذاكشي علاش معمرو شاف ف صفاء شوفة غير الاخوة والجورة لان امها كان ليها دور كبير فتربية فرح لا هي لا نجية ام سيمو جيرانهم الي يتشد بيهم الضهر والي سندهم كان اكبر سند الاب والام جيران الي افتاقدناهم تقريبا فبعض المناطق هذا اذا ماقلناش اغلبها … تعاونو معاه فيها الي حتى خرج يخدم عند الناس ويتقاتل تا رسى خدمتو مع الجزار ولقا فيها ربح وتعلم للحرفة وولا جزار …الام الي غاتقوم بالدور سمحات فيها تا صدرها ما عطاتو ليها ضل مخلياها تبكي حداها وتبكي تاهي معاها وتعطيها غا ديال لفرماسيان غا باش تسكت ولا تعيط ليه يحضيها تاتنعس على ايديه وهو طفل غادي يدخل فمراحل المراهقة الي دوزها فتربيتها مع عيالات الجيران الي صدقو بنات ناس على امو …
صفاء : مي درتي بحساب عصام فخبزة شحمة ؟
فاطنة”عقدات زيفها لفوق ” : اش ليك بعصام نتي !؟ راني درتها ليهم سولي فصاحبتك …ويلي ضحكة وشرگة
صفاء”تفافات” : عهنن ا حيث هو مكاينش
فاطنة : فين مشا ؟
صفاء”على نيتها هههه” : ماقالهاش ليا امي
فاطنة : ولاش بغا يقولها ليك ؟ ضارب بيك الكاغط ؟ كتجاوبي من نيتك تانتي الله يمسخك نوضي دي ليهم “بدات تشمشم ” ويلي اويلي
صفاء : اش درت تاني امي …
فاطنة : اااااااويلي ويلي يا بنت المهتوكة ويلي “مشاات تجري لكوزينة ” بنتلحراااااام اجي لهنا ..
صفاء “شمشمات ريحة الحراق وهي تهز الگميلة وتمات كتزرب غاديا ” : الله ما انا “تمات غاديا وهي تسمعها كتحلف الى ماجات تاكل عزاها الليلة …شدتها البكية” وناااري را ماشي انا امي اويلي تحرقيه نتي ونمشي فيها انا …
سالات الشقا ومشات لبيت حدا فوزي حتى تسمع دقان الباب وناضت تحل لقاتها كتوحوح وعينيها بغاو ينقزو منهم دموع غير حلات مشات تزرب دخلت البيت حطات المرميطة وجلست تحك فراسها وتهرنن ..
فوزي : ريشاتك هههههه اش درتي امسخوطة
فرح : امالك هههههههه
-صفاء”شادة شعرها وتحك فراسها فاش سولتها فرح مالك ” : وامي تحرق ليها طاجين ونتفتني حيث مشميتش ريحة
فوزي : هههههههههههه هاديك خالتي تنحبها حق ربي لاكنحبهااااا
صفاء”حبست لحكان وضارت مخنزرة فيه” : علاش حيث نتفتني !؟ عندك معايا حساب ؟ رازياك فالورث !؟ واكلاك فرزقك ؟ قاتلة ليك ولدك ؟ فايتة سالخاك وبيناتنا حساب قديم ؟
فوزي”كحز لور ” : الااا غا تشهيت تنتفك وكان …
صفاء : را غانضربك ولا نجمعها معاك بصلية لحناك تحسب ربي ماخلقك فهاد دنيا”مخرجة فيه عينيها”
فوزي “طلع حاجب وشاف فيها ” : شناهواااا
صفاء”عاقت براسها اش قالت تا تحمست ” : اخهههن اويلي غا تنضحك معاك شتك ثيقتي واش تدي على هبيلة !؟ صافي هاني غالبدها …”ضارت جيهة صاحبتها” فين العجلة حطي حطي نتعشا معاكم …صلقتي ش بيض ؟ خليتي لعصام جوج بيضات ديالو …
فوزي : هازهم معاه فينما مشا
فرح”تزنگت”
صفاء : اويلي كيهز معاه البيض ديما ؟ علاش ؟
فوزي : وهازو كي هازو انا ضروري نهزوهم لا يهزوهم لينا …
صفاء : لاكان غا بيضات عصام والله منقرب ليهم الى بيضاتك انت ولا لا خليتهم يا تنبجغهم فخبيز وناكلهم
فوزي ” شد فحجرو” : سييييري دعيت مك لقتال المشاش انا معاك بالله وشرع …
صفاء”شافت ف فرح ” : اويلي انا اش قلت ؟!
فرح”وقفات” : ماقلتي والو الله يمسخك نتي وياه ههههه نوضي معايا نجيبو زلايف والبيض وتمر “شمشمات ريحة خبزة شحمة” اححح جبتي تا خبزة شحمة…كم انت كبير يا مي فاطنة..
صفاء”ناضت معاها لكوزينة” : ايييه كبيرة على ضهر شعري وفخادي شبعتهم قريص ملي تحك عليا ونبدا نبكي تجرني تعنقني وتقوليا متبقايش تفقصني باش منضربكش البغلة
فرح : ضربك متخلي الي يضربك … انتعشاو غير حنا ليوم عصام معطل الليلة..
صفاء : ماعليش را قلت لمي غانتعشا معاكن باش نجيب الگميلة وطبسيل معايا وغانسهر معاك شوي نراجعو لداك الكونكور عالله ياربي تيسر فيه …
فرح : هاحنا عند الله …اجي تمشي معايا غذا فالعشية لحمام .
صفاء : نمشيييو مالو يخلعنا تانا نيت بغيت نمشي توسخت ريحتنا عطات انا وياك …صافي حيدات منك ؟
فرح : ورا جاتني نهااار تنين اليوم حيث بغات تمشي خاص تخرجها مني قبيلة شدني شي وجع فالحصة تا عطاتني خالتي تاجة الي كتقرا عندي دوليبران هازاه معاها حيث فيها شقيقة هههه هيييلي شوي وشربت غير ربع باش ميديرش ليا ايموغاجي الله يحفض …
صفاء : وردي البال اصحيبة متكتريش دويان …اينا حمام نمشيو الي فالدرب لاخور ؟
فرح : لا غير هذا الي حدا دار مولات اوريفلام ام صطوف صاحب عصام …
صفاء”رقصات ليها حجبانها” : هخهخخ قوليييي الحمام الي كيشوف فالنجار يووونس عهعععع
فرح”صغرت فيها عينيها” : ولاش كتشطحي بحجبانك المجوطة ؟!
صفاء : ههههه وخا ماشي مجوطة مقبولة منك غا سرسبي
فرح : دابا يسمعك فوزي يكمل ليك على البيض الفالتة السلگوطة تي تطلقتي مبقيتي بغيتي تحبسي وصلتو البيض اوجه الكرشة …
صفاء : اويلي مال البيض عيب ؟؟”بقات تشوف فيها وتعاود وفرح تشوف فيها وتعاود تا ولات صفاء ترمش وتعاود عاود نفس الشيء فرح وهي دير صفاء ايدها على فمها ” تي هو مشا ليا مع الملاوي “
فرح : اييييه مع الخصيتين “نقصات صوتها” هههههههه قالت ليك بغات تشدهم تبجغهم ليه فخبيز ههههههههههههه
صفاء : خههههههههههههه حولو حط ايدو على حجرو هههه تفوووو وقاليك هازهم معاه على عصام عندو بحجم البيض هههه تي را عصام عندو مضوبلات على البيض عندو داكشي جيد دكالي قح اصحبي اهههههههه “سمعات صمت وهي دور عند فرح لقاتها كتشوف فيها بصدمة”
فرح : تي طالعتي على تيغراد خويا ولا …
صفاء : عرفتي القرآن الكريم ؟ وحق ستين حزب الي فيه ماشفت حاجة الى غير تعبير مجازي وحق الله ماشفت وينعل ديلمي انا …
فرح : خاص مك سودانية لداك الفم شي نهار تبقاي سارحة تتجيبي ليه هاد الخضرة فوجهو …
صفاء : هاني نسكت يسكت ليا ريح .. تعطل الحال ومشات صفاء لدارهم وهي تكات كتفرج هي وفوزي حتى دخل عصام عطاتو العشا ….
فرح : بغيتي الخبز ؟
عصام”حرك راسو عينيه حمرين شارب ليه شي شوي وفاش كيشرب كيبقا غير مخنزر كيقلل الهضرة بزاااف اغلبية كيكتافي غير بالحركات هذا هو شراب عندو مكيكثرش منو غير كيدوز بيه ومرة مرة كيشرب غير الى كان طالع ليه دم ” : لا…
فرح”شافت ففوزي الي غمزها تميك ” : انا غانمشي حتى لبيت ونجي …”مجاوبهاش خلاتو ومشات لبيت هزات فوطة صحية باش تاكد صباح انها مشات عليها وتمشي لحمام مورا الغذا … ومشات لبيت جلسات حدا خوتها …
عصام” هضر مثقل” : معاش خدامة غذا نتي !؟
فرح : هاا اه مع العشرة صباح ..
عصام”خشا ايدو بغا زعما يجبد من جيب كيخشيها كتمشي ليه لارض ويعاود تا بدا يصعر وهضر بشوي ” حر ق ز ** عدو ربك تانتي…”خشا ايدو فجيبو وجبد واحد ضمصة هز منها مية درهم عطاها ليها” سيري بيها لخدمة والحمام مع الفجر غانتحرك عند دوك القواويد ديال بوك وخوتو نساليو هاد نم ديالهم ونجي …الي خصاتك را فوزي يقضي ..
شدات من عندو المية درهم الي مد ليها باش تمشي بيها فالطرونسبور غذا لخذمة فالدوار الي قريب ليهم لجديدة غير بشي كيلمترات جد قليلة حيث تما فين كيتجمعو ليها مابعيدش على جديدة فطريق سيدي بوزيد مسافة ربع ساعة بالطاكسي وهاهي تم …ومنها تمشي لحمام ..
فرح : العززز
عصام”ضار مخنزر فيها” : شنو ؟؟
فرح”تفافات” : شكرااا يحفضك ليا خويا …”ضارت شافت ففوزي الي حابس ضحكة عارف عدوه تهضر بمصطلحات شماكرية وليني مرافقة ليه سيمو عشيرها شي نهار يفلسها “
كانت الحداش ونص ديال الليل شادة فرح مسلسل ف mbc5 سالا عصام العشا وبدات كتهز فالماعن وتدي فيهم وتجمع وهما كيتفرجو حتى صونا لعصام تيليفونو كان باه …
عصام : خرااا فريع الكر اش بغا هذا ؟!
فوزي : ياكما باغيك تجيب شي لعبة عياطو ماشي لله فسبيل الله … را عيط ليا بغا شي طيور ديال دجاج تنجي ونخلصك قلت ليه تقادا مزال مجاتش البيكوب الى داهم ميخلصش مول شي فرزقو ،،ماعليش نخلص انا بويا واجب عليا وليني هاد ليام محنسر معندي منين نخلص ونصدق واحل انا…
فرح”كتشوف فعصام الي شاد تيليفون كيشوف فيه كيصوني باسم المخنتر سمية باه “
عصام”تا بغا يقطع وهو يجاوبو” : مالك !؟
لمخنتر : تا مالك ماتجوب دغاك ؟ خاصنا نصونيو ونعاودو ..
عصام : هاني جاوبت قضي ؛؟
لمخنتر : ختك ماهيش تم ؟
عصام : اش بغيتيها ؟
لمخنتر : والي (والو) عمتها مباركة سايرة تسول عليها يلاه وصلات من فرنسا سلمات عليها…
عصام : كتوصل سلاااام ! مممم مزيان يسلم عليها الخير قوليها فرح تاهي كتسلم عليك بغات تجي وليني مااامسالية لخدمة والمشاغيل عاطياهم العاهد ماتخونهم وصل ليها هاد الهضرة وگوليها ذوقيها وهي تفهم …زيد نتا تانت اش باغي !؟
لمخنتر”بغا يسبو خاف يعرق ليه عصام هههه ” : وخا ولدي الله يرضي عليك ..
عصام : اامين ..
لمخنتر : جيب معاك شي فلوس زايدة نخلص بيها العدول الي صايب لينا عدة الورثة مزال مدوزوش ليا المانضة…
عصام : شحاال ؟
لمحنتر : الي سخاك بيه الله …
عصام : سير تالصباح ونشوفك في امان الله “قطع ولاح تيليفون حداه كيتمتم بالسبان من سمطة لتحت على تريكتهم العوجة تابعين غا الورث الفلوس الاراضي الحرث هادشي علاش هو وفوزي وفرح عاطين بالتيقار لدوار كيمشيو غير لسيدي بنور المدينة عند عمهم مزيان معاهم وكيصل الرحم معاهم بزاف ولادو باقين غير صغار هو ومرتو… وكاين حتى جدهم الكبير بات الام ديالهم الي تاهو معرفش فين زادت بنتو ليومنا هذا عندو غير هي وبنت اخرى عايشة برا معمرها جات من الي هاجرت وواحد زوج ولاد واحد استاذ فالداخلة والثاني غير تما نيت فسيدي بنور …حياتهم ممركزاش فالعروبية هذاكشي علاش مغانشوفوش العروبية الا اذا للضرورة القصوى فقط ؟؟ او شنو غادي نعيشو مع هاد العائلة وعائلة اخرى وشنو مقدر ليهم فهاد الحياة والاحداث جايا شنو ممكن يوقع وشنو طاري فالاصل فين مشات هاد الام !؟ وعلاش علاقة عصام بباه بهاد القساوة علاقة ناشفة بزز باش متقبلو را باه بزز باش كيحاول يكبت الغضب ديالو عليه وعلاش مكيسولش ففرح بزاف ومعاطيهاش هي بوحدها وقت الابوة علاش بعيد عليها اش واقع ليه معاها ومع عصام وفوزي اش هاد العلاقة الناشفة بيناتهم شنو طرا فالماضي وشنو غايطرا فهاد #المستقبل …
صونا تيليفونو ثاني شاف النمرة لقاها نفسها ديالها قهراتو بالعياط وحشم يبلوكيها لانها حاصراتو منها زبونة كتقدا من عندو بزاف ومنها جارتهم وولدها كتحفضو فرح…ولكن مع الاسف العيشة الي عايشاها عيشة ديال الحرام مع صاحبها بدون زواج شرعي مصاحبة مع صطوف صاحبو كيصرف عليها قفتها من سيمانة لسيمانة فيها مقدية الاسبوع و نهار العيد كسوة ليها وكسوة لولدها والعيد الكبير حولي يوصلها تالدار صردي ملييح …صطوف كيخلي عصام يتقداه ليها حيث عندو دراية فهاد المجال وولد الضومين بالحرفة …مع الاسف عمرها فبداية ثلاثينات مستغلة زينها فهاد الطريق عايشة مرتاحة التيليفون المخير عندها دار مكرية ليها والفراش الفريع والويفي ولابونمون شنو خاصها مزاال خاصها هذاك الي مضور عليها وجهو وخا صطوف تاهو زين ومگضر وخدام لكن هي مزال باغا عصام الي يقنعها حايث دافع عليها كبير …
عصام”جاوبها وهما حداه” : وعليكم !!
ناهدة : عصام انا ناهدة …
عصام : عرفت…ياك لباس ا ختي ؟!
ناهدة : ااا ؟ احم لا والو باس ياكما صونيت فوقت ماشي مناسب ؟
عصام : فحال علمك الله “هز تيليفون فرح شعلو شاف فساعة” …
ناهدة : ياك …
عصام : كذبت اختي ؟ هاد لوقت ديال الكسايد المصايب خبار الموت وديال صحابو (القح بات والقوادة ) ..شي حاجة من غيرهم”نطق بنبرة مزاح مزجها بحشيان هضرة” بغيتي تخاصميني مع عشيري ولا …
ناهدة : هههههه لا لا “صرطتها” غير طفات ليا بوطة شوڤو معرفت مالها يمكن خوات والليل هذا بغيت ندوش لعمران ولدي صباح قاري معومتوش كون يحساب ليا تقادات نتقداها قبيلة وجه الله ديبانيني را …
عصام”قطعها فالهضرة ” : وكااان نديبانيوك ا لالة مايش(ماشي) من عادتنا نخليو جيران واحلين ..
ناهدة”براحة فرح” : هذا المضنون فك “فيك”
عصام : الله اودي قطعي انا نعيط لصطوف يجيبها ليك غانقوليه صونات ليك وتيليفونك طافي يمكن ريزو… في راحة الله اختي “قطع عليها فالحين مسرسبها مكركبها بالفن المصواب مخلي فرح و فوزي حابسين ضحكة بزوج مزنگين الى فات تا تسمعت كراخ يباتو فزنقة ” …
كنقولو فكل صباح يجي الرباح وكل شروق شميسة تجي معاها خبيرة وكل راس كيحل عينيه يقصد مشاغيلو والي في همو وغمو راه كيلقا حل يفكو ويطلب ربي يفرجها عليه والله يفرجها على كل مهموم ومغموم وكروب والله يسر لكل طالب للرزق …صباح جديد كيف فاقت غسلات وجهها مزيان ومشات تا لبسات حوايج الخروج وتقادت ووجدات صاكها وشكارة الخدمة عاد مشات توجد الفطور اتاي العشق ديالهم …وجدات صينية اتاي داتها لبيت فين كاينة تلفازة لقات فوزي عاد ناض لدوش منعسش فالبيت الي كينعس فيه هو وعصام …حطات صينية ورجعات قادت فالبلاطو خبز زيت الزيتون والزيتون مشرمل زبدة والكوفيتير وداتهم البيت حتى تم جاي فوزي كيجر فرجليه …
فوزي”كيتفوه” : شتك مصبحة بكري ؟! ياك لباس
فرح : خدامة مع العشرة ويلاه يلاه شي مرات طرونسبور كيتعطل ماشي فحال الى دخلت مع جوج …مالك ناعس هنا ؟
فوزي : والو بقيت مقصر مع واحد السيري (مسلسل) مابغيتش نبرزط عصام خاسر ليا الكيت وداتني عيني …نوصلك لطاكسيات ؟
فرح : وخا وسربي باش تفطر …والغذ غاتغذا معايا ياك ؟
فوزي : هي لا بصبصتينا بشي غذا دايزو الكلام …
فرح : وصي على لاطة السردين يصايبها ليك عمي مبارك بالملحة ديال لبحر وجيبها معاك وعليا بشلاضة غانجي نبغي نمشي لحمام…و غذا نبرع خويا بغذا من داكشي ..
حرك ليها راسو ومشا يلبس مخليها كتكب فاتاي وتوجد فخبيز فيه زبدة والكوفيتير الي كيعجبها حتى لبس عليه ودخل كيفطر معاها سالاو ورجعات الماعن وهزات لوازمها وتبعاتو فين حاط الموطور قدام الباب كيديماري فيه تا شافها هازا مونطو فايديها وجايا لابسة غير قميجة طويلة بيضة وسروال دجين مع غليضة كيبانو فخادها غلاش وسيقانها مغلاض والمشكيل ماشي هنا عادي حيث طبيعة جسدها هكاك دايرة بدينة ولابسة زوين مستور المشكيل هو البرد وخارجة ملابساش المونطو ديالها والبرد كيصمك…
فوزي : غاتخرجي بلا متلبسي المونطو ؟
فرح : ويييييي بوغكوا مون فخيغ …
فوزي : والله وماتلبسيه وتركبي تا نقسم مك من الضهر ..لبسي الله يحفر لبوك الغرس دابا يضريك البرد ونتي كتباني ليا مقللة الحوايج لبسي امو طحشة لبسي هايهايهاي
فرح”ميقات فيه ” : تا مالك مالك !
فوزي : دابا نعيط ليه الى مالقيتيه لوالديك عند قمونتك وتشوفي …سدي ديك صدفة سدرك عريان سدي وديري كشكول عليك غايتحرك البرد مع الموطور وطلقي راسك …
فرح : العفو العفو “لبساتو بزربة ولوات عليها كاشكول وركبات وراه وكسيرا فاتجاه طاكسيات حطها وتسناها تا ركبات وتحرك هو لحاموت لقا بيكوب دجاج عاد وصلت وبدا يحسب ويلوح فكل راس تايكمل ويقفل الحساب …اما هي دوزات الحصة ديالها مع العيالات هاد النهار وخرجات رجعات فحالها وهي راجعة وصلات لدرب تلاقات فطريقها سيمو جاي خاشي ايديه فسرواال سورفيت داير طاقية على راسو مهبطها بزاف تا بغات تغطي ليه عينيه لابس كلاكيط وجاي يكحب باين واكلها فصدرو بالبرد والگارو…شاب فعمر سبعة وعشرين مفاوت مع فرح بعام وهو الي مراضعة معاه حيث فديك الوقت الام ديالو مزال مفطماتوش كان باقي صغير على باش تفطمو وبقا نيييت تا كمل حولين ديالو فالرضاعة هو يحلف وهي تحلف على مقولته “تا قالها ليا مخي هههه” …سميمر تاهو غا بشراب والكماية وخا هو كيفرط شوي فالشراب ومرة مرة كيدير الكالة ماشي بزاف والكارو عاطيه صلية ماشي الحشيش وليني كيف قال دارتها بيه البلية وصحبة السوء تبلا فاش كان كيقرا فالليسي …
سيمو”محمد رضى وتيقولو ليه سيمو كلشي كيعيط ليه سيمو محمد رضى غير فالاوراق ثبوتية ديالو…حنحنات ليه وهز فيها عينو”: اه اه اه زين الفطح لحيمة فالدجين كيفاش الخو هاني ..
فرح “سلمات عليه بخبطة فايدو تا مشا وجا” : الفردة كشكش عاد فايق …
سيمو : اينعل والديك على هاد سلام الهبرة ..فايق بزز غادي لعند ديك بنت كلبون الي مصاحب معاها ليوم نفاريها …
فرح : حيث فيقاتك مع الوحدة بكريييي ياك …
سيمو : فاهمني اعشيري نتا الي كتبغيني احبي …بتليهودي مفيقا عدو ربي على سبب تافه الى ما عسفت لمها على ريتها راني اكلب مكلبن ….
فرح : عنداك تفارق معاها كتبغيك البغل …
سيمو : بغاتني في ستة ايام !! اسكتي دابا ندغمر مك نتي وياها ..اجي نتي “طلعها وهبطها ” كبوط جديد هذا منين جتيه ؟ عارف من البال لا تعيقيش عليا كبيرك الهبرة عشرين درهم فالبياسة …
فرح : ههههههههه لاهيلا هههه لا خذيتو من القصارية الي فالمدينة دايرين صولد احح فكرتيني فالبال شحال ممشيت ليه فيه بياسات واعرين …
سيمو : خهههه مو شرويط …اج نسولك تجوجيش ؟
فرح : جبتي ليا راجل وقلت ليك لا ؟؛
سيمو : ونتي باغا راجل ؟!
فرح : يكون مناسب يعيشني ويخلي العيصومي يهنا عليا الله منعطلك راني قربت نبور ربع سنين ونكمل بلاطو الفردة
سيمو : وخوك قرب يكمل بلاطو ونص …مشهي اصحيبتي عراسية نسكر فيها منفيق تالقا راسي عند وكيل الملك هو يحلف فيا وانا نقرا ليه دعاء ….
فرح : الله يستر …سير عند التويشية سيير
سيمو : يسمعك لخوادري عيصومي كتقولي تويشية يحرق ليماك لسان…
فرح : عارفني معامن معاشرة مع شميكيرا لعطاس
سيمو : را غا نصفگ مك تاتبوسي لارض …”كحزها.” حيدي حيدي خالني نمشي نشوف خيتي تنشوفك فالعشية ..”تم غادي خاشي ايديه فجيابو وسارح ببانطوفة فرجليه ” من تجي من لحمام وديري كسكروط عيطي ليا …
فرح : وخا وهز سروالك را طايح المسرول…
سيمو : عنديش المصاصط الي يهزوه …
رجعات لدار كتضحك تلاقات بجارتهم فاطنة ام صفاء خارجة تشطب قدام الباب مشات كتزرب عنقاتها تسلم عليها تقولي عنقاات ميمتها …
فرح : توحشتك امي فاطنة
فاطنة : سعدي فرحي بالهبيرة زينة البنات و مالك مادزتي من ونامسينا (ولبارح) ماشناك سولت فك غا صاافا (صفاء) المجحومة تاع بنتي بركت عليا را خدامة تحارب فالامية كيتي وتاع گلبي النهار الي نشوف خويتك تاهي تحارب معاك مابغات يعطيها ليعة …
فرح : ههههههه بغات تبقى بيطالية امي فاطنة بغات تجوج هههه(كتبيعها العجل ههه)
صفاء”من لداخل” : سمعتك الدبة القطبية …سيري جمعي حوايجك خلينا نمشيو خلاص…
فرح : وادوزي تغداي معايا انا و فوزي را كاينين غا وحدنا
صفاء : فين مشا راجلي عصام
فاطنة : اويلي تغرگ فيه
صفاء : ههههههههههه اتنضحك ..وغا بالصحة انا نتغذا مع دار بغيت ندير تبريمة بينما ساليتي نمشيو ….
فرح : واخا يلاه انا مشيت “باست فاطنة وضارت لدار دخلات بدلات حوايجها وجمعات حوايج الحمام وسطولة والماعن خلاتهم واجدين ومشات توجد شليضات حتى جا فوزي جاب طاوة ديال سردين مشوي فالفران بالملح ديال لبحر (فالجديدة كيبانو ليك دوك طاوات غادين جايين تاكليهم ونتي غا خارجة دوري ههههه ) تغذاو وجمعات روينة وخرجات مشات هي وصفاء لحمام تحمحمو تحمحيمة ديال لغذايد ورجعو …جلسات تاتنفست وبدات توجد كاسكروط على حقو وطريقو حتى دخل …
فرح”تبسمات ” : خويا جيتيييي على سلامتك …
عصام “كيمسد فعينيه” : الله يسلمك “شاف فيها دايرة زيف حياتي مدورة شعرها وحناكها باقين مزنگين بالحمام” بالصحة وراحة يا لالة …”قرب باس راسها” توضيتي …
فرح : وااه ..غاتمشي لمحل ولا تبقى تاكل معانا كسكروط غايكون خويا سيمو وفوزي وصفاء …
عصام “حرك ليها راسو بمعنى واخا” : انا مشيت نتكا شوي فبيت تلفازة بينما قضيتي …خاصة شي حاجة ؟
فرح : لا فوزي مشا يجيب كومير ويجي ..” حرك راسو ومشا وهي رجعات تكمل حتى جاو دراري وجات تا صفاء تهز معاها وتحط ومدورة راسها تاهي حناكها يبريو ههههه ..تجمعو على داكشي الي قسم الله وتلفازة خدامة حتى بدات فيها اعادة لبرنامج مختفون ….لقاو راسهم كيتفرجو فالبرنامج .. وصلو لحكاية واحد السيدة ستينية …كان عصام فهاد اللحضة داير صباعو بين عينيه كيمسد فيهم دماغو مزعزع فهاد اللحضة ..
عصام : صايبي ليا قهوة كحلة ولا ذوبي ليا دوليبران فكاس راسي مفروع …
فرح”وقفات ” : هي اللولة “بابتسامة تديرها ليه بالفرحات تموت على عصام بجهد”
#مختفون…
المقدمة : مساء الخير،، مهما كسرتنا ضروف الحياة لابد من سطوع شمس الفرح يوما تجربة الاختفاء دامة العذاب محنة لا يحس بها الا من اكتوى بنارها …هناك اسر تروي لنا تفاصيل اختفاء عزيزها ومن بين هذه الاسر سيدة تدعى زبيدة بن علوش التي ستروي لنا تفاصيل واقعة الاختفاء التي وقعت ل طفلها او طفلتها لا ندري ولا تدري هي ايضا لهذا سنترككم مع تفاصيل التي سترويها لنا الان …
هي : عايشة بالداخلة قبل عشر سنوات كنت بالعيون بالضبط المدينة القديمة …دريكة انا نبحث عن تريبية نولدت هدي اربعة وثلاثين عام.. كبضوها ماني كيف نولدت ديك الساعة انا ماني عقلا بيا ملي نفكيت غيبت مني عارفا عنها طفيل ولا طفيلة متوفية ولا متوفي السبيطار منين ولدت كان غار مخيم من مخيمات القافلة الطبية الاَّ (معناها كانو) جاو لعندنا ملي ستوعيت قالولي عنو التربية توفات يا غار انا ما ريت شي الا مولا خيمتي لي كان حاضر لدفن
يغار هادي شهرين عرفت على انو داك اليوم لي أنا ولدت فيه ما توفات حتى تربية والي قالهالي قابلة اسمها فاطيمة بن زارهون قبل متوفي كانت تخدم مع القافلة الطبية نتمنى حد إلى كان فم وعرف اسم القابلة يكلمني فدا الرقم أو رقم البرنامج …. يا خوتي عونوني نلقا ولدي ولا منتي
#ترجمة….
ساكنة بالداخلة دابا قبل عشر سنين كنت فالعيون فالمدينة القديمة …كنقلب على تربية الي تزادت هادي ربعة وثلاثين عام…خذاوها مني كيف ولدت هاديك ساعة غيبت ماعلموني واش بنت ولا ولد معرفتها ميتة ولا ميت …
السبيطار الي تزادت فيها التربية غير مخيم من مخيمات القافلة الطبية الي جات ديك الوقيتة …الي فقت علموني راه ماتت اما باش نشوفها مشفتها راجلي هو الي شافها وحضر لدفن لكن هادي شهرين عرفت بالي مامات تا زيادة ديك الوقت والي بلغني فرملية اسمها القابلة فاطيمة بن زرهون قبل متموت… هادي سميتها…كانت معاهم فديك القافلة نتمنى الي كان تما عارف اسمها يعيط ليا ف هاد رقم ولا رقم البرنامج …ساعدوني لقا وليدي ولا بنيتي راني قلبي حاسس من داك الوقت بالي عايشة ومابحت مادرت والو من علمني راجلي بالي حضر لدفين وهو دفن تما فقدت الامل وخا قلبي ماهوش مطمن …ملي عرفت وانا نبات نحلم وفينما غفات عيني تجيني فالمنام …
فوزي : شوف ناس فين وصل بيهم الفساد تا فتبدال ترابي ..”ضار عند عصام ” تربية قدك فالعمر هههههه تكون كتقلب عليك ميتمتك …
فرح : كون قالت ستة وعشرين نقول انا حيث كاع مكنشبه ليكم “يلاه غايبداو يضحكو حتى طارو من بلاصتهم ونزلو على اثر صوت تهراس التيرموس الي لقاها قدامو خبطها مع الحايط ومع مسدودة وعامرة دارت صوت فحال بوطة “
عصام : باقي نسمع عدو ربك كتعاودي هاد الهضرة نفگس لديلمك ريتك رااااااااايتااااااااك “غوت حتى بح ليه صوته ولا كلو يغزل وضرب راسو بايدو على شكل بونية ” هاد راس را هاز هاااااز الي يهرس خاطر الحجر …
ردة فعل عصام كانت صادمة بالنسبة ليهم معرفو باش تبلاو حيث هو عادة ضحك وطنز وخا يطنزو كيضحك معاهم عادي وخا يشدو فيه نيت لكن هاد القضية خلاتو يتعصب وخلات خوه فوزي يندم لاش ضحك هو قاليه قدك فالعمر مجرد مزحة لان السيدة ذكرات اربع وثلاثون سنة وعصام عندو 37 يعني مغايشد والو ليس الا مزاح لا غير …ولكن بمجرد ما نطقات فرح بديك الجملة من باب الضحك خلاتو يتعصب بزاااف مشعرش براسو اشنو دار اول شيء هو جاي معصب من عند دار جدو ف نواحي سيدي بنور …وزادتو هضرتها الي اصلا كيكره يشككو فيها وخا ملامحها ماشي فحالهم وزادت الام الي طجات فين مشات وفين زادت معارفين فين وعلاش طجات اصلا من دار ؟ تا واليديها وخوتها معارفينش وهما … عاشو حياتهم عااادي بدونها وكان لعصام دور الاب والام ومسؤلية هزها كبيييرة على العاتق ديالو …
فرح”جاتها فحال نغصة من الخلعة والهضرة الي قاليها تا دموعها تحبسو وفمها ولا كيرجف وحدرت راسها نطقات بصوت خافت ” : وخا سمح ليا خويا …
صفاء و سيمو ولاو يغزلو تا شدو فايدين بعضياتهم ههههههههه
صفاء”بالحس” : منين ندوز بغيت نمشي لدارنا ؟
سيمو : من فوق عصام …
صفاء : عن جد امك …
فوزي”حدر راسو ندم لاش ضحك معاه هو كاع”
عصام بقا واقف مخنزززر عاقد حجبانو كينهج ..مسح على لحيتو وضار خرج عند الباب عكلاتو صندالة صفاء قبسها تا لصقت مع الحايط …
صفاء : اعاااو …
فوزي : بففففف وايلي اصحبي غا ضحكنا مالنا فهاد عبو الريح اصحبي …”ضار عند فرح ” صافي تهدني يلقاك كتبكي يبدا يتفرطط عليك …
سيمو : صافي الخوادرية لبديها تبداي تبكي نتفقص ونمشي نسكر الحبس …حيدي عليا هاهو طلع ليا دم
صفاء”بقات فيها” : صافي صحيبتي راك عارفاه معاك مقطرة ليه من عينيه هادشي عندو حساس راك عايشة وشايفة عذريه…
فرح”بصوت حزين تا دازو دميعات خفاف مسحتهم بالخف” : ماقلت والو انا دابا “سمعات باب دار تخبط يعني خرج “
فوزي”قرب لعندها وجرها عنقها وباس على راسها” : صافي مسحي دموعك دابا “مسحهم ليها بصبعو” عند جد مو هذا الي يبكيك …وايلي تقلقي من عصام !! خوك حبيبك باك !؟ را لينا غاا بعضياتنا نعايرو بعضياتنا ونبكيو بعضياتنا ونضحكو بعضياتنا …خليه حتى يتقوقع مع راسو ويتخلوا يضرب ليه دخيخنات مع راسو تايرجع ليه راك عارفاه كيداير … نوضي غسلي وجهك واجي نكملو ماكلة ليوم جمعة ماكاين بو خدمة نجلسو كلنا نجمعو …
بقاو معاها شوي بشوي تا رجعات ضحكات وكان شيئا لم يكن غير زعل ديال جوج دقايق حيث عارفة عصام ميحتاجش تشد فخاطرها من حيهتو لانه لو طلب عينيه يعطيهم ليها بلا ميهضر…ناض سيمو تا خرج برا كما ليه شوي وتهدن حيث قاليك تخلع وهرب ليه المود وينوض تاهو يتعصب عليهم مسلوت المصاصط تاهو …
فوزي”وقف” : انا غانمشي نبدل حوايجي خارج تال عند عزيز صاحبي طالعين تالكورنيش نريحو فشي قهوة والى دخل ماتهضريش حتى يجي هو يهضر بلا منوصيك …
حركات ليه راسها ومشا البيت يبدل باش يخرج وبقات معاها صفاء وسيمو رجعات فرح جمعات ديك طيرموس الي تشتتات وداتها لكوزينة تعاود القهوة تطيبها باقين كيشربو فيها وشتتها ههه…
صفاء “هزات تيليكوموند طفات تلفازة ” : كاع الي تعصب لينا عيصومي لهلا يردها…
سيمو”طلع فيها وهبط” : وشو ليك عضيمة فدجين تاهي …نوضي قلبي صندالتك الي قبس فين وصلت كون را لحگها ل ازمور …
فرح”داخلة” : هاهي حطيتها ملاحها فين …
فوزي”عنقها بجنب” : خاص شي حاجة نحيبها !؟
فرح : مخاص والو غادي ندير غير شعرية بمطيشة حك ديال مطيشة وشعرية ديال قمح شوي وغانخرج نشريه …ولا رسل سيمو ييجبهم ليا …
سيمو : اشريهم راسك
فرح : علاش مالك ناقش رجليك ؟
سيمو : لا حاس براسي ممساليش …
فوزي : مديريش بحسابي انا وعصام تايرجع وسوليه واش بغا يتعشا ولا مديريهش دبقي بالي كان …
فرح : غانديرها. وصافي الى جا نحط ليه عادي …
سيمو : كولي اندومي را زوينة كدير سرطان…
فوزي”حل فيه فمو ” : هااا
صفاء : هههههه مديش عليه ههههه اهبيل ههههه كما جوان بالمقلوب
كل واحد فينا عندو هم فحياتو كل واحد فينا عايش مع هاد الهم مبرزطو وباغي ليه حل مايمكنش ميكونش عندنا مشكيل او مشاكيل حيث ما دمنا عايشين فهاد الدنيا را حنا غانتقاتلو معاها ومع همومها …كحل الراس صعيب تعرفي اش تحت راسو واش هاز ليه هاد الراس صعيب علينا نعرفو حجم الهم الي كيواجهو يستحيل نقدرو اش كيعاني ويستحيل نحسو بيه …فحاال عصام من عمر صغيييييير وهو بادي بالهم والمشاكيل وتمارة ومن عمر صغير بزاف بدا يدمر ويتقاتل باش يدخل عليهم لقمة الي تعيشهم وميخليش خوتو تخصهم شي حاجة وكنسطر عليها “خوتو” لانه لو كان الاب والام قايمين بدورهم!!! مغايواجهوش هادشي كون عصام علم الله ممكن يكمل قرايتو ويوصل …حيث مكانش شي حد الي كسول بالعكس كان كيقرا …فقط انشغاله باختو الي بقات تربية صغيرة ضعيفة تشطن معاها وراسو بدا كيعمر بهموم دنيا ومعاها ومع خوه الشي الي شغلو على انه يركز ف قرايته …
بقا حتى تعطل برا ورجع فالليل حطات ليه مياكل تعشا فسكاااات مهضرو ماتكلمو وتاهي مقربات مهضرات حيث عارفاه تقلق مع راسو خلاتو على خاطرو عادي مولفين هادشي وخا ميتعصبش بزاااف معاهم مي كل واحد فيهم حافض طبع الاخر …كان اليوم الموالي هو يوم السبت هي مخداماش حيث كاينة عطلة عيد وطني …فاقت بكري مع تمنية غسلات وتوضات وصلات عاد مشات لكوزينة ردات الما يطيب وبدات توجد ف اتاي حتى سمعات تقرقيب البيبان ماشي بزاف غسل ودخل بدل لبس سروال سورفيت وتريكو قطن كحل عاد لبس الحنديرة غي كيوصل لمحل يحيدها ويلبس طابلية بيضة ..زفرجليه كيلبس سبرديلا ولا كلاكيط ولا صابو ديال رجال عند المحل كيلبس بوط ديال ميكة …
عصام : صباح الخير ..
فرح “بابتسامة” : صباح النوور..انا شوي.ونجيب الفطور .
عصام”شاف طابلة صغيرة فين كتگرص الخبز عادة ولا تفطر فيها ..جرها وجر كراسا صغار وجل”: خلينا نفطرو غير هنا “هز راسو فالحايط ” نشوف شي بلازما صغيرة ركبها ليك هنا على لفراجة…
فرح”ضارت تكمل اش كدير وكتهضر ” : ولاهيلا مزية نيت نشقا ونتفرج …
عصام : اخر الكانزة (خمسطاش ليوم) نشد شي بركة وناخذها…”حك مسطاجو” فرح بركي (جلسي) نهضر معاك …
فرح”مسحات ايدها وحطات كرسي حداه” : تسوخر شوي ..واخا هاني
عصام”تسوخر يعني كحااز وفعلا كحاز باش تقابلت معاه نيشان …بقا كيحك فلحيتو وهز عينيه شاف فيها وبلا مقدمات نطق ” : فاش تشوفي تعصبت راكي عارفة اش كاين الي جرا البارح جاني مع شطنة وتبرزيط وشلا معندي فهاد راس من مطارق منصيبش نحلهم دقة وحدة …”هز ايديه فوق شوي” هذا ماكتاب عليا فهاد دنيا ..دماغي هاز بزااف والي فيه مانصيبش نشاركو معاهم ولا تعرفوه كل وربي اش حاط ليه فراسو …مابغيتكش ضحكي بهاديك لهضرة نتي وانا وفوزي ومبواك “بوك زعما تيقولوها الى كان داك شخص ممزيانش بفعايلو ولا دار شي حاجو كيقولو مبواك مغميتك زعما مك هههه مخويتك” … ماتسولينش علاش عارفة علاقتنا بباك كيدارة الله يهديه كيبقا باك مسلكين معاه طبعو صعيب ونتي براسك صابرة ليه علاش !!
فرح : حيث عندي نتا وفوزي وحيث عندي با وخا صعيب معانا كلنا مهم عندي ولكن عندي الي مهم هو نتا فيك با ومي نتا علاش حليت عيني …
عصام : انا باك قبل منكون خوك الكبير ممخليكش تمدي ايدك لشي حد الا ليا ولا لفوزي والى تكلتي على باك تاكلي وقت الي بغا هو …ماعندك ماديري طبعو الخايب كمل ليه طبع الميليتير (العسكر) وعارفة جوايه وتريكة بوك ..هادشي الي عطانا الله
فرح : طبع با عارفاه معندي مندير ليه كيبقا بانا اخويا طالينو خضر معاه اما تا كرم يحتحت شوم هههه
عصام”جابت ليه ضحك ..ضحك بجنب ” : طيور دجاج الي جاب فوزي من عندو وجدتيهم ؟!
فرح : وااه واجدين لحتهم فالفريگو…
عصام : جبديهم ووجديهم صباح جاي هو ودوك خوتو من دوار القواولة (نواحي سيدي بنور) قاليك على قبل شي وراق ..العيادو بالله مزال بوه منشف ترابو بارك يجري عالورث
فوزي”طل عليهم من باب كوزينة لابس سورفيت وفوقها جاكيط ” : بوجه الله الي مفيه خير فواليديه فيه خير فولادو ؟ را قالتها طليناه خضر معاه …تسوخري تسوخري وجيبي لينا نفطرو خلينا نتيسرو ..
حطو الفطور غير تما فطرو وشبعو وناض فوزي مشا لحانوت اما عصام قبل ميخرج ..
عصام : ماديري غذا وجدي راسك نمشيو انا وياك لمدينة لسناك شعلون …
فرح”شرعات عينيها حيث عارفة علاش غادي بيها لمدينة باش تاكل دجاج محمر فشواية زنقة من عند واحد سناك تما ورا المسرح قريب لكورنيش ..” : قول وحق الله ..
عصام “رفع حاجبو” : وايلي مالنا رعاوين هنا ؟؟
فرح : وغااا حلف “كتهضر وتقرب ليه وهو متبسم بجنب وكيشوووف فيها”
عصام : فرح سيري وجدي الغذا وتغذاي بصحتك
فرح : تا لا شور اتنضحكو هاني صافي نوجدي راسي …وااا تا “مشات تلاحت عليه عنقاتو ” شتي نتا والله تا الحنانة تا هو تا
عصام : ياك بعدا..وسيري خليني نتيسر نترزق الله …
فرح من الاشخاص الي طبعهم حنييين بزاف ضحوكيات دغيا كتنسا بحاجات بسيطة…راسها خفيف دغيا كتعلم الحاجة قاريا وقلبها بيض بزاااف حليب كيف كيقول عصام هي نقطة الحليب الي صفات حياتنا وهي الضو الي فهاد دار…باغا غا ضحك تجمع تنشط خاطيها البكا وشكا ونديب وتحنديب ولسانها مصواب مع الناس ..محتارمة راسها فالدرب وخا هبيلة هي وصحيبتها صفاء ..تاحد ميتبسل عليها علاش !؟ حيث اخت عصام ولد المخنتر وناااري لا فات تا شد شي حد يقسمو على جوج اما البراهش تم غا كيهضر يحدرو راسهم ويزيدو …صعصع فالدرب وخااا شارب عقلو وخاطيه تشمكير والمضاربات وليني لا ناضت صمكة وجبدو شي حد مكاين غا خبط قسم من الضهر وحتى فوزي مساهلش غير فرق ان فوزي دريويش داخل سوق راسو خاطيه صداعات ما فيه بلية مافيه تسلگيط ..اصغر من عصام ب خمس سنوات يعني فالعمر ديالو 32 سنة من داك النوع الي شاري راحة بالو وخا شكون خلاه يكون مرتاح البال مع الاسف …بالفعل غير وصل وقت الغذا جا لقاها واجدة ديمارا موطور ديالو ركبات وراه وتحركو فاتجاه المدينة لسناك شعلون وجلسو …حتى شوي وتم جاي واحد الشاب فعمر عصام نييييت اسمر اللون شوي ملامح سوداء صحييح البنية حيث لاصال مخاطيهش يموت عليه وخا خدمتو على قد الحال عندو محلات نجارة وصاحب عصام بزاف …حتى وقف عليهم شاد گارو فايدو…
صطوف : العشرة هنا وماعلمتيني خفتي تعرض عليا ؟ غاتهنا ختي صغيرة تخلص عليا “غمزها” ياك تخلصتي ولا مزال ؟
فرح “وقفات وسلمات عليه” : خويا مصطفى هههه فين غبرتي شحاال مبقيتي جيتي عندنا
عصام “عض لسانو وشاف فيه ” : مبقاش مسالي لينا نعل ليه جدود دوز تجلس قاليك خايف نعرض عليه ..شحال تعطي تاتخلص نتا …
صطوف(مصطفى) : كاينة فروحة نخلص كاين نتا خلص انت ..
عصام : اش لاوحك هنا ؟
صطوف : كومونديت غذا ل ناهدة داه ليها موحا الولد الي خدام عندي…
عصام : مممم “فرح حدرات راسها..حيث هو صاحب ناهدة عايشين فحال مزوجين هادشي عارفو درب كامل وليني ميقدرو يهضرو والو هي بغات راسها مدام عاطيا تيقار مدايرة ازعاج مخل بالحياء وخا لاقي مشاكيل كتييييرة مع مو وخوتاتو بمسبتها اول شيء عايش معاها بلا زواج حيث حالفة عليه مو يتزوجها تسخط عليه وتاني شيء عندها ولد مطلقة بيه…(قصة حقيقية)…
فرح : اربي بقا تغذا معانا…
صطوف: الالة لا تحلفي شاي جالس ..
عصام : طالب عليها …
فرح : هههههه”صونا تيليفونها” خويا انا نخرج نجاوب خالتي تاجة ماماك اصطوف هههه(سيدة ديال اوريفلام) ونجي بينما حطو الغذا. ..
عصام”حرك راسو” : سيري “مشات وهو يدور عند صطوف” تالين هادشي نتا ؟ عاجبك حالك ؟!
صطوف”حك على صدرو ” : اححح الحب اغويا(خويا) الحب ..”عاود ضرب صدرو” وراها كيتي وتاع گلبي مقنعاني وسادا ليا فمي وحالاه فالي يعجبني المتعة لمن يتمتع… الفن فالتخضخيض …
عصام : بففف..
صطوف”تقاد فبلاصتو” : عندي ليك شي هضرة بخصوص فرح ختك…”شافو رفع حاجبو بمعنى ياك لباس” ماتخافش خبار الخير…صحيبي يونس ولد اباتراب نجار الي مقابل مع حمام الدرب الي وراكم ..
عصام : مالو؟
صطوف : باغي ختك فالحلال …ماتقول والو نتا غا لوح ليا وذنك وسمع …عندو محلات جوج تما وجوج ف سيد الضاوي ..باني دار فيها ثلاثة طبقات غا ديالو مصلوحة من الف ليا صليح تاع الگلب خاطيني من صليح جوطابل …دويرة مسكن فيها واليديه وخوتاتو جوجات اما جوجات مجوجات ووحدة من الي بقاو مخطوبة غير هو عندهم ولد …عندو طوموبيل وزاهية فلوس عندو ميسور نيت ميخصها معاه خير وزيد شاب كبر من فوزي بعامين …الصلاة والدين وفمو يخرج عسل ويرشك بما زمزم باغيها فالحلال “جر ليه ايدو وحل كفها وخبط عليها كفو” وحق الله الى راجل يحلفو بيه شلاغمية بغيتي غا رايي فيه ؟؟ صعييب تلقا فحالو تهنا على ختك معاه ..
عصام : وايلي توريني يونس اصحبي…
صطوف : متوقفش فسعدها يرگب عليك العقاب من عند الله ..
عصام”خنزر فيه ” : نتا منوي ولا مالك نوقف فسعدها ؟ مالي كرهت ليها تهنى ودير دارها ؟! شوار شوارها القراية الي كانت رافض نجوجها بمسبتها راها كملاتها شدات اجازاتها وديبلومها .
صطوف : فكرتيني قاليك الى بغات تخدم ميمنعهاش ميوقفش فطريقها…تاهو عندو خوتات …
عصام “شافها جايا” : روي ستون (جمع وطوي)
صطوف : باغي جوابك هاد ليام …
عصام : هنينا را هضرنا …
فرح”جلسات لقاتهم حطو الاكل نص دجاجة محمرة لكل واحد وفريت وشلاضة وموناضة والما والخبز ” : اييي فيا جوع ..
صطوف : جاتك شي كوموند من عند الوليدة ؟!
فرح : ايييه شامبوان وواحد ريحة وشي تخربيق …
عصام “غمز صطوف” : ديك تدلاكت ديال لوجه ..(مكياج)
فرح : عصاااام …
صطوف : هههههههه
غير كملو غذاهم وناضو بثلاثة صطوف تيسر المحل ديالو وعصام ركب فرح وزادو فاتجاه الدار غير وصلها دخلت وضرب دورة رجع المحل مخلي فيه غير معاد غير وصل وصيفطو لدارهم باش يحفض لامتحانات الي عندو تا وصل مول المحل الي مشارك معاه …لقاه واقف …
علال : با عصام كاين شي دكة…
عصام : با علال زارتنا البرمة سيمانة هادي ونتا نغيب شدك علينا الحانوت ديال سيد ضاوي…
علال : ههههه داكشي علاش دزتي طليتي علينا…كتجي غير من الكانزة لكانزة …بيناتنا حنا شي كانزات ؟
عصام”هز ايديه ” : والحق حق ابا علال …دخل دخل نعيط ل سمير يجيب لينا ش دمة من داكشي …”عيط على الولد وصاه يجيب اتاي من القهوة تم حداهم وهي توقف واحد سيدة ” ميمتي اش حب الخاطر
هي : ديرش (دير) ليا ولدي عصام واحد نص كيلو لحم من جيهة الكتف و تهلى فيا را جايين عندي ضياف ناوية على لحم بالبرقوق ونتا وفهامتك…
عصام : ايه ميمتي متوصيشاي ..”مد ايدو لكتف بگري عرا عليه ليزار و قلبو وهز جنوي مضاه فالمضاية مزيان وبدا يقطع بانسيابية بلا ميجرح جابو ليها عبااار ووراه ليها فوق كاغط ” هانا ميمتي الي حب خاطرك ؟
هي : الرضى على وليدي را كاين غا عصام هنا ههههه
عصام : يعمر دارك ليا ميمتي …”قادو ليها وزادها شي ولسييات من عندو وتهلى فيها نيت باش يكسب الكليان ومشات راضية عليه اما هو ضار عند علال رجل فستينات من عمره جزار قديييم وهو الي ربا عصام فالحرفة …يهضرو فامورهم وامور المحلات والحرفة نيت ومع قريب سوق ديال ثلاث سيدي بنور لازم يهضرو على البهايم الي غايجيو “
وصل الليل العشا كياذن جالسة كتوجد ف دروس الي غاتعطي فالقسم يوم الاثنين و بيسي قدامها كتشوف وتكتب وتسطر حتى سمعات باب دار كيتحل بالساروت وهي تسمع تحنحينتو عرفاتو جا ولكن عصام قاليها تالغذا اش جابو دابا ؟! وقفات مشات لعندو …
فرح : با على سلامتك “شدات ليه ايدو وباستها” قاليا عصام تالغذا عاد تجي …
لمخنتر الخيالي (كنيتهم الخيالي) “شاف فيها مغوبش راجل ف ستينات من عمرو سميمر بالشمس حتى ولا مصدي مسطاجو كبير وبيض وطويل مگضر تاهو وراسو شايب لابس جلابة خزية وطاقية قهوية فراسو ديال خيط رقيق ” : وخوك كيواجبني بعدا تنعلمو ؟ من برحة لولة وانا نهضر معاه مبغا يجاوب …فين هو ؟
فرح : مزال ماجا…
لمخنتر “دفعها بسوي من كتفها مغوبش ومخنزر قلب قبو شي وراق فيه غير صاك الي جايب معاه” : سيري ديري ليا لما يطيب نتوضا سيري …
فرح : را شوفو بحرا كان خدام غاتلقاه سخون فرووبيني..
لمخنتر “جهد صوته تا قفزات” : تگلعي ديري ما يكيب مسالي لجد مك نتسناه تيطيب تحركي نمشي نصلي العشا را ساير يفوت عليا الحال…
مشات كتزرب ردات ليا الما يطيب وغير طاب خواتو ليه فسطيلة وحطات ليه صندالة الميكا قد وجهو هههه غير حط وراقيه حل البيت ديالو الي كان سادو وخرج لابس غير سروال قندريسي طويل و تريكو خيط حيد طاقية وهز سطيبة وخشا رجليه فميكا دخل توضى وخرج صلا غير تما فجامع حداهم تا رجع…
لمخنتر : وجدي غذا مزيان لعمامك را جايين مع صباح بكري ..
فرح : غايفطرو هنا ؟
لمخنتر : لا صباح يصيبهم فاطرين فسوق …ديري بحساب الغذا والعشا ولفطور ديال لغذ ليه …
فرح : غاتجي مي فاطنة تعاوني…
لمخنتر : مال والديك نتي ايديك مگطوعين !! “سمع باب دار تحل عرفو عصام” الي خصك گوليه نتقدوه …”حركات ليه راسها كتخمم وتعاود حيث الى جاو عمامها را كيجيو بالكثرة زيادة كيبغيو ياكلو ويغمسو معندهمش مع طقاطق مكاين غا خشي وغمس وخاصها توجد قصرية كسكسو هي لولة عاد تعطيهم المرقة وديسير وفالفطور ضروري بطبوط مريح بزبدة ولا زيت واتاي يعني فهاد الحالة اتحتاح صفاء تكون معاه وصفصف بالفرحات عليها هههههههه ..
عصام “صغر فيه عينيه” : شتك جيتي مبكر ؟
لمخنتر : عليها واجبتي (جاوبتي) فداك مشيقيف الي هاز..
عصام : ممساليش المخنتر ممساليش نهار نسالي نجلس ليك لارض …فين العمام ؟!
لمخنتر : جايين صباح ..عندنا شي غراض عند واحد العدول وطالعين لمحكمة …هادشي كثير من ضركا(دابا) بزاف …
عصام : هي كون صبرتي تينشف تراب الحاج زربانين ؟ تانتا ضرك تلحگو (دابا تبعو) …
لمخنتر : يالعيادو بالله منك …شرع الله هذا نسكتو تيجيو ولاد زهرة يزورو ؟ را سايرين يمضّيو فاللغا تم (زعما بدا يكتر القيل ويهددو) شرع الله اولدي…
عصام”تلاح فوق سداري وتكا بجنب عالمخدة حط ايد على حنكو كيسمع فيه اش كيقول ” : ممم شرع الله معرفتيه تا مات بوك؟ راك مرضي ابا …ايوى الله يرحم لا طحتي اونپان وخصك فلوس علمني …”هز صبعو لفوق” فسبيييل الله والرضى من عند الواليدين والله يلحگها لجميع المسلمييين …
لمخنتر : ااامييين ..
قبل اذان الفجر ضرباتها الفيقة نتيجة السعال الي جاها فديك اللحضة كتحكحب تكحب تكحب وديك الكحبة ناشفة.. ومناخرها مخنوقين وراسها كيغلي بالصداع…
فرح : كحكحكح كحكح احم “شدات على صدرها كتحس بزواية كتزوي فيه تكحب وتعاود تا بح ليها حلقها وناضت محيدة عليها الغطا حيث سخنات وتجاهدت عليها الكحبة وهي تنوض كاع مشات لكوزينة تشرب وجابت معاها قرعة لما حطاتها حدا راسها …جلسات واحد شوي فوق سداري كتنفس …هزات عينيها فشرجم ساني فيه ضو بولة الدرب كتشوف وماحاساش بالي وراها جاي كيتسحب بشويييي حتى طلع مع ضهرها حسات بتنوغيش لكن باش تقلب ايديها تشللو جمدو عن الحركة وقلبها بدا يضرب يضرب يضرب بوتيرة سريعة تاتكب عليها العرق وحسات بنفسها كتقلال والاكسجين كينقص شافت قدامها انعكاس راسها فالمراية حتى بان ليها ماعرفاتو حنش معرفاتو لفعى لكن تصور الي تصور ليها را حنش وبيضضض كيخرج فلسانو وعينيه كل وحدة فلون يلاه بغات تغوت حتى ضار على عنقها وتلوى عليه بدات تغوت ربي الي خلقها لكن الصوت مكيتسمعش والحركة مشلولة بحال الجاثوم …تغوت تغوت والو حتى حسات براسها كيتزعزع وكتمشي وتجي وهي تحل عينيها كتنهج وتكحب تكحب تكحب وتاكدات انه كابووس…
عصام”جاي مخلوع من سمع غواتها لابس شورط وتيسرت مسكين معرف باش تبلى وحتى فوزي فاق ” : فرح فرح بسم الله عليك خير وسلام ….
فرح”جاتها البكية” : ماتفرطش فيا اخويا …ماتفرطش ..
بقات كتنهج وتكحب وتعاود …سمع تزعزيعة الي فصدرها عرفها واكلاها بالبرد ومنخرها بصح مخنوق …هز قرعة الما وكب ليها كاس حتى ناضت تقادت فالجلسة مزال كترعد ونفسها مخنوق …شربات الكاس وهي تفكر االحلمة بدات كتقلب فجنابها ودور هنا وهنا…
فرح : هنا هنا ..”كتقلب وتعاود”
عصام : شنو تما ؟!! ماالك
فرح : ااا والو غير حلمت ففف “شدات على صدرها” بسم الله الرحمٰن الرحيم
عصام : شوية دابا ؟!
فرح”حركات ليه راسها وهي حادراه وكتحك فعينيها حتى تنهدات”
عصام : يلاه رجعي نعسي يكون خير يكون خير… باقي شي سيرو من داك نهار ؟ …
فرح : لا مبقاش انا غانوض ندير شوية ليمون وسكينجبير والعسل لحر …مزال عندي رينوميسين…
حرك ليها راسو وبقات شوي وهي تنوض صاوبات دوا شرباتو وشربات رينوميسين على حساب رواح بقات غي شي شوي تا سمعات الفجر سمعات باها كيقرقب تسناتو تا خرج يصلي وهي تنوض توضات وصلات ورجعات نعسات …حتى صبح الصباح كيف العادة لكن هاد المرة ناضت بكريييي على العادة صاوبات ليهم الفطور حطاتو فالبيت ومشات توجد بحساب الغذا اول حاجة جبدات الخضرة لكسكسو الي ضروري يتحط …وجدات البرمات حيث شوي وغاتجي فاطنة ام صفاء وصفاء يعاونوها وهادشي كلو كديرو وهي عيانة وبدا المرض يشتد عليها …حتى بدات تقاد واحد المدة تا دخل عصام …
عصام “بصوت بح فالصباح” : صباح الخير…منعستيش نتي ولا شنو ؟!
فرح : لا نعست نعست غير فقت بكري نوجد شوي بيدما جات مي فاطنة حيث غاتبقا تتفطر با محمد…
عصام”صغر فيها عينيه بانت ليه عيانة” : فطرتي ولا مزال ؟
فرح : كنتسناكم تفيقو مافاقش با ؟
عصام : خرج بكري هذاك لحگ على خوتو…”حك لحيتو بطرف ساروت” تحركي تفطري شربي دوا وعگبي كملي …
بالفعل هزات دوا من فارماسيان دوش ومشات حداه لقات فوزي تاهو فاق سماو الله وبداو يفطرو حتى كملو تيسر فوزي هو اللول عاد عصام دخل هز شي مسائل ديالو ودخل عليها البيت لقاها كتهز فكيسان مسخين وتديهم وتجيب المغسولين حيث غاتجي صفاء وامها يفطرو معاها ثاني …
عصام “سمع دقان” : ريحي ريحي “مشا حل الباب حتى بانت ليه فاطنة وحداها صفاء باقي شعرها عليه حالة تشعكيكة وخا قاداتو غير بايديها منوضاها مسكينة بزز هههه عند بالها مغايكونش عصام حيث كيخرج بكري لحانوت …حتى تفاجئت هو الي حل …
عصام : اه اه مي فاطنة صباح النور “حب على راسها”
فاطنة : صباح الخير اولدي كي صبحتو لباس ؟
عصام : اللهم لك الحمد…دخلي ميمتي …
فاطنة”بدات ضحك” : بوك هنا ؟
عصام : لا خارج غير نابي على خاطرك (نابي هي عيطي كيقولها بالطنز حيث هي كتقولها )
فاطنة : واااا فريحة “فرح بالدلع” والكبدة فينك “تفكرات صفاء وهي دور تقلب عليها” اويلي فين صاقا اويلي ضحكة وشرگة فين زهقت بتالمغضوب …”كانت صفاء هاربة غاديا لدار تا سمعت صوت نداء امها ليها بجهد وهي ترجع بغات تبكي ههه “
صفاء : اهههه انا مي اطليت غير هنا ..احم صباح الخير عصام ..
عصام : صباح الورد الالة صفاء “سمعتها فحال قاليها احبك “
صفاء : ههههههه حتى انا …
عصام : ؟؟
صفاء : عهههه حتى انا صباح الخير والخمير ابا عصام
فاطنة “تمات داخلة” : يلاه تبعيني …
صفاء : واخا امي “تمات غاديا وهو يعنكش ليها عصام شعرها عارفينها هبيلة ولكن رجولة مع صاحبتها ومعاهم كبرات وسطهم …هي غا عنكش ليها شعرها مع ما مشطاتوش فالصباح خرجو سلوكة بالدعقة سرسبات البرمة من ايدها تا طاحت وتسمع صوتها مجهد حتى خرجات فرح وفاطنة من البيت يطلو وعصام غمض عينيه من الصوت “
فاطنة : هرستيها المعوقبة المنكوبة المجوطة ناس يولدو الولاد انا والدة جن …
صفاء”شافت ف عصام جاتو ضحكة وتم غادي باش يخرج وهي دور عند امها ” : متخافيش امي تهرست انا واحساسي …
خرج عصام من الدار باش يتيسر لمحل خدمتو وخرج الموطور عند الباب كيديماري فيه مبغاش يديماري عاود وعاود تا طلع ليه الدم وبدا يسب تاني …
عصام : هااا فريع الكر ثاني …”قلب ليصانص لقاه مسالي ونسااا يديرو ..هز من جيبو واحد الخمسة دراهم وجر الموطور تم غادي بيه تالحانوت تما ديال سالم وقف الموطور وعيط ليه…” ش واحد الخو “گارو”
سالم : هي لولة با عصام …”هز واحد من باكية وعطاه ليه عطاه الفلوس ورد ليه بلاصة صرف واحد خمسة لحلوات ديال فليو وعطاه بريكة لاصقة بلاستيك شعل بيها وبدا يكمي حتى تمات جايا تمختر من بعييييد واحد طرف عندها لور خطييير فورمتها غزااالة وخا عندها الكرش لكن لفورمة زوينة عندها وهي كلها زوينة ملامحها سوداء ولون بشرتها بيض ولون عينيها كحل كلها فنة ولكن مع الاسف الطريق الي ماشيا عليها ماشي فنة طريق مع الاسف الي حرام وخا نضلو نزينو تنعياو كتبقى غير شرعية كتبقى سمعتها مازويناش واخا يزيان الوجه تيعيا وخا يزيان طبع لكن بعض الطباع ماهياش …تمات جايا باش تقدا اصلا غير بان ليها عصام وقلبها بدا يضرب تزنيگة طلعات معاها كتصطا عليه وكتصطا على صطوف الفرق ان واحد حب وثاني حب المال والي موفرو ليها مخليها تسد فمها وزيادة على القصاير الي كيديرو …كيبقى فساااد …
ناهدة : صباح الخير با سالم …”شافت عصام واقف بعيد شوي حيث رسل واحد الولد يجيب ليه ايترو ديال ليصانص باش يتحرك..” واحد ايطرو حليب وباكية الفرماج وكوفيتير ورابعة ديال زبدة وتكون مزيانة ماشي فحال لولة فيها ريحة سمن …
سالم : واخا …
ناهدة”عضات شنايفها من لداخل كتشوف فعصام” : واحد وينسطون ابا سالم باكية …
وجد ليها مول الحانوت الطلبات ديالها وعطاها معاهم باكية ديال سيجارة وينسطون ..ضارت مخلية ريحتها دور فالبلاصة غير ايديها رطبيييين ونقيين ضفاىها مقادين كلها مهلية فراسها ريحة الكريمات تعطعط منها وريحة نقا حيث هي من النوع الي كتهلى فراسها بادق تفاصيلها …من سيمانة لسيمانة كتمشي لحمام بالكسالة تحك ليها وتعمر ليها سطولة وتبقى تتخرج …واليديها مامعاهاش حيث هي ماشي بنت الجديدة اصلها وسكنة واليديها من مدينة اخرى وعايشة فعاصمة دكالة…جايا هازا ساشية الي فيها المقدية وتمختر لاسة جلابة عادية فالاخضر ملكي وجامعة شعرها جمعة مهملة وخا هكاك زوين كحل بزاف ومصاوب والحجبان غلاض لكن مقاداهم مزيان …مدايراش مكياج خارجة عادي حيث الصباح ومقدية باش تدير الفطور …حتى وقفات عليه مخاطباه. …
ناهدة : عصام صباح الخير !!
عصام”مهزش فيها عينيه ولا شاف فيها كيهضر ويشوف لتحت” : صباح الخير ختي ناهدة …
ناهدة”تبسمات بشوي” : اش موقفك هنا كاين شي مشكيل ؟!
عصام : لا لا ختي غير موطور وقف من ليصانص …
ناهدة : تسنى نشوف شي ولد هنا يجيبو ليك ويلي …
عصام : مالي واقف نبقى نتسنى الي يصدق عليا ؟!!
ناهدة”بحرج” : ااا اااه هههه اههه صافي رسلتي شي ولد ..
عصام”الصمت”
ناهدة”حدرات راسها لميكة خشات ايدها جبدات باكية الگارو ومداتها ليه ” : هاك هادي من عندي اسيدي لا ترضهاش فوجهي…
عصام”شاف فالباكية ورجع شاف قدامو” : كتشجعي على المرض
ناهدة : الاااا الله يعفو …
عصام : يحفضك اختي وليني منصيبش نشدها من عندك…
ناهدة”جمعات ضحكة وحسات بالضو ضربها” : علاااش
عصام”تقاد فالوقفة وشد من عندها الباكية فلحضة يحساب ليها راه تراجع او يمكن غير كيبسط معاها لكن هو قشع صطوف جاي من بعيييييد حتى وصل لعندهم وقال ” : هادي لعشيري “حطها لصطوف عند صرو تا شدها بايدو “
صطوف : صباح الخير لاش هادي. …
عصام : جات سلمات عليا كانت شارياها ليك وبغات تعطيها ليا من باب صواب تا تسلطتي علينا اصحبي وبقات من نصيبك شتييي وكان …”ضار عندها” يحفضااك ليا اختي …
صطوف”شاف فناهدة ” : تحركي نتي لدار انا جاي نفطر معاكم …”حك لحيتو معوج وجهو جيهتها وحاضيها حاضي مشيتها كي غادا وتهز فداك الطرف وتلوز بيه والي تما غير شافو صطوف ضورو وجاههم لا يشوف شي حد تلوط عليها وخا غير بعينيه يلصق ديلمهم مع اقرب حايط عارفينو واعر بزايد ومصارنهم يخرجو تم …
عصام”شاف الولد جايب ليه قرعة ليصانص مديها ليه ودور معاه ب صريف ومشا وهو يحل ريزيرفوار ديال موطور دار فم القرعة فيه وخلاها كتخوا راسها وشاف ف صطوف” : اش تم ؟
صطوف”جبد كارو من ديك البكية تا شعلو وساط دخان” : نوضت صمكة مع الوليدة فهاد الصباح ..
عصام : واش الجديد فهادشي ؟! شحال فعمرك ؟ 37 ياك !! لين ؟ (حتى لامتا)
صطوف “ضارف شاف فيه” : كتنصح فيا ولا فراسك !!
عصام”حط ايديه على صدرو” : عندي سبابي عندي هموم دنيا فوق راسي نزگي هم ويخرج ليا هم غيرو …عارف الي كاين ا صطوف بلا مدوز ليا انا …نتا كامل مكمل ولله الحمد بدارك عزري وراجل يحلفو بيه اصاحبي اش خاصك !؟ بغيتيها ؟ تزوجها ماشي عيب الحلال زين وسترها وستر راسك “غمض عينيه” بلااا متفرطط عليا تم انا ونتا عارفين ومافيها نقاش ..اختار يا سخط يا رضى يا سترها والرضى يجي يجي متخسر مع الله والعبد بجوج …
صطوف”دوز على وجهو بتعب وقلة حيلة مبقا لقا ميقول واش يقول كلام عصام فوق صحيح ..” : يكون خير ..عندي نيت شي مشاكيل شي سلعة ديال لخشب تعطلات عليا و كوموند ديال ماليهم غايتعطلو وصداع وفريع راس اتبي غايبداني تاني ..
عصام : ماعليش …يلاه سير راني تعطلت عالممحل ومعاد قاري هاد صباح نتشاوفو عشية فالقهوة المعلومة…
صطوف : تت غير عفيني مساليش هاد لعشية معشي عندها وبايت..قلاويا عمرو …
عصام : تفو …”هز موطورو وديمااراه وزاد مخليه كيضحك “..
قرب الضهر ياذن وفرح وصفاء وفاطنة فالكوزينة كيطيبو ومعمرين كاس اتاي يتجمعو عليه تم نيت بيدما فار الكسكسو اما المرقة طيباتها فرح دجاج ببطاطا وزيتون يعني المرقة باش ياكلوها معندهمش مع دجاج محمر بزااف .تدق الباب ومشات فرح حلات لقاتو فوزي هاز على كتافو دلاعة وخا مزال وقتها وميكة ديال ديسير غير حلات مشا يجري حطها فوق بوطاجي
فوزي”كمش عينيه” : تزاد عليك الحال !!؟
فرح : اشوية غانشرب دوا تاني ماشي مشكيل يلاه نسربيو هاد الهجيج الي جاي يخ…
فوزي : والله كون ماحشمت تنجري عليهم وليني دارها لينا الوجه والصواب ..وليني جاي معاهم عمي مبارك الي ف سيدي بنور …
فرح : بصح ؟ “بفرحة” الله توحشتو واش جايا معاه خالتي ؟
فوزي : لا جاي غا هو. وجاي وحدو محاملش يجي مع خوتو …مكرهينو تاهو فيهم ياربي سلامة ههههه ماعلينا ها سخرة وعصام مجايش لغذا وقاليك مديريش بحسابو دابا يديباني ب الي كان تايمشيو دوك الكيادر وعمي مبارك را داير معاه يتلاقاو فالقهوى …
حركات ليه راسها ومشا هو وهي رجعات تكمل معاهم تا جلسو يشربو اتاي ويصحكو مشات صفاء بالخف دات لباها غذاه وخلاتو ليه مع ديسير وكلشي يجي من السوق (حيث كيبيع الحوت فالمرسى ولا سوق ) ورجعات يكملو قبل مياذن الضهر ب قليل تدق الباب …
فرح : اويلي مالهم جاو من دابا ؟ ياكما باغين يتوضاو هنا …
صفاء : كحلتيها كل واحد يبغيك تصايبي ليه صطيلة ديال لوضو هههههه شوي يقوولو ليك وضيهم عههههه
فاطنة : سيري فتحي الباب خلاص …
وقفات وتوجهات ناحية الباب حتى حلاتو مباشرة على وجه واحد السيدة ستيينية كتبان من وجهها النور والوقار لابسة جلابة بيج وشال بيج ودايرة على كتافها كاب فالمارون وزوييينة عينيها خضرين كدخل لبات مات الخاطر وغير حلات ليها فرح الباب وهي تبسم ليها تا بانو سنانها مستفين حيث مركبة فم …
فرح : السلام عليكم خالتي ..
هي “مبسمة وكتشوووف ف فرح وتعاود تا نطقات” : عليكم سلام ابنتي “حرف سين تسمع بجهد حيث الفم الي مركبة كيمضي الحروف هههههه ” دار الخيالي هادي ؟
فرح ” مبتاسمة ” : ايه اخالتي هي اش حب الخاطر ..
هي : انا خاالتك غيتة مرات الوزاني …هيييير هنا جارتكم قريبة ليكم …وراتني داركم لالة نجية (ام سيمو) وجيت بغيت نهضر معاك ابنيتي الى عندك وقت غذا علمي فاطنة جارتكم ونجية نجي ونشوفكم ابنتي ..
فرح : احم و واخا خالتي مرحبا “باستغراب” … ودخلي اخالتي متبقايش واقفة شربي غير كويس اتاي ..
غيتة : مرة اخرى بنتي الله يرضي عليك “تسالمت معاها وطبطبات ليها على دراعها وضارت مشات مخلياها كتساءل …دخلات لكوزينة باش تهضر معاهم حتى تسمع صوت الاذان وهي تزرب مبقاتش سولت حيث خاصها تسگي من دابا باش كي يجيو تعطيهم ياكلو …
صلاو الناس الضهر وبداو يخرجو من الجامع ماهي الا دقائق حتى تحل الباب ودخلو الرجال باها وعمامها ثلاثة جوج من البلاد ولاخور عايش ف سيدي بنور المدينة كيقولو سلام ودخلو حطو صبابطهم برا ودخلو لصالون …حتى تسمع صوته كينادي عليها من تم تجيب اتاي هو اللول حتى نطق مبارك ..
مبارك : واجي بنتي سلمي علينا هو لول اتاي تايفوت الغذا …
لمحنتر : اش بغيتي بيها هي تحط لينا المفيذ اجيبي اديك اه ..
صالح : تا شور اتاي بلاتي گوليها تحط كسكسو را كرشنا لصقت بجوع …
محمد : برك لارض ونابي عليهم يجيبو الغذا ..”ناض مبارك على وقفتو طلعو ليه دم “
مبارك : اسيدي انا نمشي نسلم عليها لهلا يطيح سلامكم يالعيادو بالله ..
لمخنتر : برك لارض هاني نعيط ليها ضركا “دابا” تجي تسلم عليهم…واااا فرااااح ودخلي ابنت لهم سلمي …
فرح”تمات جايا فرحانا تسلم عليهم دخلات ” : السلااام عليكم ..عمي مبارك زارتنا البركة “عنقااتو وباست ايديه وتاهو بدورو سلم عليها وباس راسها يعنق ويعاود ومشات لاخرين صالح مد ايدو باستها ليه ولاخور تاهو “
صالح : كاين شي غذا ولا والو…
فرح : موجود الخير اعمي ..
لمخنتر : سيري جيبي طاس غسلي ليهم وفوطة معاك …يلاه خلاص وحطي لينا ناكلو …”حركات راسها ومشات جابت طاس ومقراج وفوطة دارتها فكتفها وتمات غاديا حتى وقفات عند صفاء فالكوزينة” ااه صفاء هاد الما دافي ياك ؟!
صفاء : وااه را مي دفاتو ليك واقيلة حيث قالت ليا هي غادفيه ليك …
فرح : صافي بلا منقلبو مع وصلت وهزيتو …”مشات لصالون وحاسا براسها كيغلي بدا المرض كيشتد عليها وغير صابرة دخلات اول واحد عطاتو فوطة هو صالح ومد ايدو غير كبات عليه الما وهو يوقف لسما تا غوت كينش على ايدو حرقو الما طااايب ..
صالح : واااااااربي الحبييييب احاااح “بدا ينش فايدو”
لمخنتر : ياك لباس ياكما الما طايب ؛ ؟ “شاف ففرح الي لون وجهها تخطف وحلات فمها يلاه شافت ف باها بغات تشرح ليه محسات حتى جاها كي العجاج عطاها جوج طرشات لحناكها بضهر ايدو الكبار ودفعها من وجهها ببونية بايدو تقولي كيضارب مع راجل تا خرج ليها دم من فمها…” الله ينزل عليك الغضاب ابنت لحرام اعدوة الله خرجي غبري عليا يا ل يا “حبسها وولا تنخم عليها كون ما عمها مبارك جرها عليه حيث شاف فمها دايز بدم وحتى منخرها”…
في هاد اللحضة الجنون بداو يطيرو فوق راسو وسنانو كيتغززو عليها …من اوله وهو قاصح بالقصوحية انسان حاشا واش نقولو عليه انسان …كيبغي غير راسو تابع غير الفلوس وحب الذات وتابع تريكتو واش تقوليه وبو وذينة دغيا كيسمع ليهم يفسدو ليه الطبع كثر ما هو فاسد حتى ولا الفساد او الشر كيجري ليه فدمو …مكيعقلش على ولادو كيبغي غا راسو صافي …
جرها مبارك من حداه مخنزر فيه كون لقا شي مكحلة كون تيراها فيه هو ودوك جوج حلاقم الي تما…اما هي من حر تصرفيقات كتبكي وتنخصص بالحس ماحساش بالدم الي دايز من نيفها وجنب فمها …
مبارك : سير الله يلگيها ليك الكيدار اعدو الله انت …مالك على هاد الضلم والحگرة ؟ اش تكون ف ملك الله …”ضار فلاخور الي تحرق مبقاش حرقاتو ايدو ولا غير كيخنزر وباغي تاهو يضربها وهو يدفعو حيث اصلا مبارك خوهم الكبير غير من باهم “بر ك لارض مد ايدك عليها الى مدخلت والديك الحبس لا نتا لا هاد ولد الحرام نيييت هو …جلسو لارض وهميو الوقت لا جا عصام مانتوما فخير الله يغبر ليكم الشقف ا تفووو “بغا يهضر المخنتر وهو يخنزر فيه وتركن لارض اصلا عندهم بيه غراض فالورث …داها كتنخصص وراسها سخوووووون بانت ليه صفاء كتبكي وفاطنة دايرة ايدها على حنكها كتحسر على هاد نقيطة الحليب الي مكرفصة مع هاد عدو الله منعدم الكبدة …
فرح”مكتهضرش غير صدرها الي كيطلع ويهبط بتنخصيص ماهامهاش بوها كيهمها فقط ردة فعل عصام او فوزي الى عرفوه حط عليها ايدو…هو كيبقى باها ومعندهمش الحق يحاسبوه على بنتو ولكن فحالتو وفهاد الموقف ربي مكيبغيش الضلم وعصام او فوزي وخا يكون الي كان ظيحطش عليها ايدو حيث رباوها تربية زوينة رباوها على الاحترام ومتهزش العين رباوها تكون متفائلة وضحوكية وناشطة والي حباتها تحضر لكن بالقانون ومتفرطش بالمختصر المفيذ رباوها تربية غزااالة ….دخلات لكوزينة نيشان شداتها صفاء وداتها لافابو كتغسل فوجهها وتنخصص”
مبارك : بقاي معاها تاتنفس وحطي لكلاب يجغددو تجغددهم مصيبة…
فرح “هزات عينيها فعمها وحطات عليه ايدها بترجي ” : الله يخلي ليك ياسين و مريم (ولادو) متقولهاااش لعصام الله يرحم مي توبة متقولهاش ليه لا هو لا فوزي الله يرحم باااك “بدات تبكي ” اهى اهى ..
فاطنة : وبنتي خوك را يعرف يعرف اش غاتضرگي عليه …خليه يعطيه علاش يقلب الله يعطيه الگرض فليدين “كتنسى راسها وتيسر فالدعا ههههه ” الله يطيح لبوه نجمة عدو الله ….
صفاء”شافت فمبارك وبدات تضحك ضحكة صفرة حشمانة من مها ” : اهههههه اعمي را مي كتحمس شوي سمح لنا ..
مبارك : سرهم نيييت لاحول ولا قوة الا بالله … مدي ليا مدي نعطيهم يلغجو ياكلو فيه گلبهم ..”عطاتو قصرية وتبعاتو معالق وصينية لبن وخلاتهم ياكلو وجات عند فرح الكوزينة …
صفاء : خوك غايعرف يعرف اش غاتقولي ليه على ضربة الي في فمك وحنكك الي باينة شحطة من فوق كتورم ..كنتي كتحكي فالحمام مثلا مشيتي ليه على غفلة وبغيتي تبياضي ؟ هههه ماقلتها تانا الي نضل نبرم فلحمي بقات ليا غا شاورما وعصا سيدنا موسى …لحمي قرب يسولني اختي اشمن لون بغيتي بالضبط …
فرح”زهقت ليها الضحكة بلهلا يطريه ليها ” : ههههه تفو بعدي مني
صفاء : ههههه ضحكت هههه نوضي فوزي تلقاي معاه سلاكة وتاهو ميرحموش وخوك عصام الي ربي يلطف وصافي …نوضي غسلي وجهك وديري شي حاجة لفمك وشربي دوا راك واقفة غير بالدعاء كتباني ليا …
فاطنة : سيري تكاي بنتي حنا نقضيو سيري…
فرح : لا غير خليني دابا يجي تاني يسول على المرقة…
صفاء : هو نوض رفع ويسول على كرشو ناااري هاد باك قبرو شوكة…
اش دارت ؟ مدارت والو سوى وكلات امرها لله كيبقى باها كل مكيشتد الخصام كل مكياذيها كتفكر لعصام وتزيد تفكر لراسها وتفكر فالقرار الي خاصها تحسمو باش تهني وتحد هاد الصداع الي نايض ماشي اول مرة يضربها ديييما كيضربها ديما كيهينها فيييييين وفين كيضحك فوجهها الا اذا بغا حاجتو ولا الى كان ناشط وداخلينو فليسات …كملو قصرية ردوها ممسوحة وكلاو مرقة وديسير وحطو ليهم اتاي شوي وزيدهم مبارك يخرجو …مشاو هما وبقا مبارك شوي اما فاطنة مشات لدارها هي وصفاء بقات غير فرح مع عمها من بعد ما خرجو وخلاو صينية اتاي والحلوة …
مبارك : كتباني عيانة ؟ كلتي شي ابنتي !
فرح : كليييت اعمي مع مي فاطنة جارتنا وبنتها فالكوزينة…
مبارك “وقف”: هاني مشيت ابنتي الى تعطلت عليا الوقت نبات هنا عندكم…
فرح : غادير مزية عمي والله …
يلاه غايوقف يمشي حتى تحل الباب وهو يدخل هاز فايديه ساشيات ديال بيم عامرين مقدية ..وبلاستيكات فيهم مقدية اخرى …حطهم وهو يدخل عليهم فرح ولا قلبها كيضرب شدات فمها بصبعها مضرگة ضربة لا تبان…
عصام : اه اه العم هنا …
دخل عليهم عصام جايب وحامل ومحمل المقدية ديال سيمانة وجايب شنو كيعجب فرح من بيم المقدية ديال الماكلة رومية كيف كيقوليها هو…مرة كدير بيتزا مرة دير ليهم گراتان مرة شهيوات اخرى وهما عايشين بيييخر ناشطين حيث اغلب الاوقات باهم مكيكونش معاهم بزاف ديما فالبلاد ولا فشي قنت فالعراضاات والقصاير وشلا…
مبارك : تا الشياطين خارجين والملايكة دخلو ولا كيفاش هههه
عصام”قرب عندو وحط ايدو على صدرو” : حاشااا “تسالم معاه بتعناق وخبط ليه على ضهرو” زارتنا البركة وضوها …توحشناك…
مبارك : هههه الله يرضي عليك ايييه عليها جيتو زرتونا…
عصام : المشاغيل وراس عامر مطارق وفوزي مزير هاد ليام فالخدمة و فرح “ضار عندها وهنا بان ليه وجهها ماشي تالهيه” فرح ؟!!! مالك فوجهك !! “غوبش “
فرح”ولات تفتف خصوصا نضرته ليها وهو كيتفحص وجهها وعصام ماااديريهاش بيه ماديريهاش ..” : مريضة بزاااف اخويا اهى اهى مرييييضة ..”قربات ليه وعنقاتو تا مشا وجا هز ايديه مفهم والو شاف ف عمو مبارك الي غمزو باش يطبطب عليها ..” مريييضة عيييييت بغيت نرتاح اخويا …
كلمات كتقولهم واش عنات بيهم الراحة الجسدية من المرض ولا راحة النفسية ..ولكن هادشي ميمشيش عليه دابا مغايبان ليه وااالو ..غمض عينيه بنفاذ صبر.وبعدها عليها تاتقابل مع وجهها وهي كتشوف فيه وعينيها فيهم خوف من شنو غايدير الى عرف حيث عرفات انها وصلات لنقطة ديال خاص يعرف بسرعة…
عصام : بلا هاد دواخة الي درتي اااشنو كاين مال. وجهك وتحركي هضري بلا متبداي تفربلي عليا تم …”خنزر فيها عاد لاحض ضربة الي جيهة فمها باقي فيها شوي د م …وهنا خرج عينيه ” شكون ضربك !!!!
فرح : عصام خويا الله يحفضك ليا الى متهدن يخلي ليك ماعز ع”مخلاهاش تكمل حتى قفزات على اثر صوته الي رفع تا ضور مبارك وجهو كيطلب سلامة “
عصام : واااااااااا مااااا تفربليش عدو رب ربي فهاد النهار هضري ينعل ديل الهة مها هادي الي تخليني نسكت وهضري شكون دار فيك هاكا ؛.
مبارك : ولدي الله يرض عليك تهدن كلشي بالعقل …
عصام “ضحك بغل” : هه اشمن عقل !! عقل ؟؟ تا فين هاد العقل مع هاد الميكروب الي عايشين معاه ين”عض لسانو تا غمض عينيه كان غايسبو تا تفكر را باه ” ياااااعوذ بالله ياااعوذ بالله…لاش ضربك ؟؟؟ “خنزر فيها باش تنطق بلا متلون عليه تم”
فرح “مزادتش معاه عاودات ليه كلشي بحزن ممزوج بخوف خلاها كتفرك صباعها بتوثر وهي كتعاود”
مبارك: را عطيتو علاش يقلب
عصام”حدر راسو كيدلك فيه وفنفس الوقت ردة فعل دارها غرييييبة سكوت تاااااام ..”
مبارك”حط ايدو على كتف عصام ” : عصام لعن شيطان راه باك اولدي هادشي الي عطا الله …وهي را بنتو …
عصام”هز ايدو” : بنتي انا ما بنت حد يرحم الواليدين …با !! بالرب الجليل لا عقلت عليه وبالرب الجليل تا غايبقا يكحل يكحل يكحل فضواصاه معايا ومعانا تانخرج ليه بضواصا حااااارين …با ؟ واااخا …”هز رجلو تااا هزها وهو يقبس الطابلة تا كانت غاتقسم على جوج وغوت قد جهد الي يخليهم يديرو ايديهم فوق راسهم اما فرح قلبها نزل لكرشها ” وينعل تااااامل الي گالها ليه واااااا تبي لا بقات فيه …فين هو ؟!!! فييييين هو ؟
فرح : مم م عرفتش خرج مع عمامي. …
عصام”غوت بحر جهدو” : وااااااااااااااااااارب الجليل غايقتلني فصحتي وااااااااا ميحطش عليها ايدو مايحطهااااااااش ا الحبس واميقربش ليها وبنتي انا هاديك بنتي ينعل عدو ربايب ربو فهاد النهار “بغا يشدو مبارك بعدو وهو يحل سلسلة جاكيط بجهد على شوي طرطق ” فين كان ملي كانت لحمة فين كان باشمن حق ااااا باااااش وباااااش “ضار شاف فيها مخنزر ” نهار باقي تخبي عليا نكمل على دينمك معاه سمعتي وااااش سمعتي ؟!
فرح “كتحرك راسها بزربة” : اه اه سمعت والله غير تهدن الله يحفضك اهى اهى …
جا مبارك يشدو وهو يبعدو …
عصام : فرقو جرتي هاد ساعة …تايجي وليا حساب معاه تايجي”كينهج كشاكشو خارجة ودفالو كيطير…تم غادي خارج”
مبارك : وتسنا فين غادي …اجي نخرج معاك …
عصام”هز ايدو ” فوتوني عليكم دابا يرحم باكم…”شاف فيه ” بلاتي على داك ولد رقية بلاتي …(ولد رقية هو باه )
مشا زدح الباب تاتسمع عند جيران وديمارا الموطور وزاد …شوووف امتا رجع لدار دابا واش بكري ولا يبات فالزنقة …
مبارك “شاف ففرح” : سيري بنتي جمعي داكشي الي تقدا وسيري تكاي رتاحي انا نخرج عند فوزي نعلمو ونهدنو باش يجي عصام نهضرو معاه اللهم فواحد ولا نصدقو فجوج وداك بوك يگطعو را مجايش تالخميس ..انا نبات معاكم ليوم كوني هانية بنتي يدير الله خير خرج حتى هو وهي مشات جلسات وبقات واحد شوي كتفكر وتخمم وتعاود فالسينتا من نهار حلات عينيها وهي محگورة من طرف الاب حيث واحد الراس كيقوليها را معندوش معاها كونها بنت كون عائلة باها كيفضلو الولاد يكونو فالعائلة عندهم تفكير ديال الولد خاص يكون والبنات غير هم …كيكونو محگورات يكبرو سطاش العام تمشي لدار راجلها مع الاسف…
تسمع صوت الدقان وهي تنوض من بلاصتها وحلات الباب كان سيمو زصفصف داخلين يتناگرو بجوج هو يحلف وهي تحلف
صفاء : راك مريض انت نقولها ليها
سيمو : حراااااام اعضيمة فدجين حرااام
صفاء : على وجه عيصومي …
سيمو : كتحبيه امسخوطة…
صفاء”تعسلو عينيها”
سيمو : هاهي تحلت…ضار عند فرح وهو يشوف وجهها وحيث قالتها ليه صفاء داكشي علاش جا يشوفها وكون لقاه كيضربها كون خلطو …” ينعل ليه جدود ولد القحبة ينعل ليه طواسل اش دار ليك فوجهك يعطي لديل امو سالمة بالكلب لاخور
فرح : سيمو هنيني را با هذاك
سيمو : يعطيك لوبا نتي وياه بقا فيك ؟ كون لقيتو كيضربك بالرب الجليل تنقسم مو على ربعة لحمو نعطيه لصفا تكمل بيه ترمتها…
صفاء : الله ينجيني لحمو مصدي غايدير ليا تلف فالالوان…
فرح : دخلو الله يمسخكم …
سيمو : شت دنيا هانيا ممهرس والو “شاف طابلة مكحازا لهيه ” زگا عصام هذا طرگ طابلة …لقيتيني ناعس مال نفربل لمو دماغ …
صفاء : اش دار ؟
فرح : مشا كيتحلف عليه غير عمي هدنو وخرج يتهدن برا ودابا عمي مشا عند فوزي يهدنو باش يتهدن ومن يجي يهدنو عصام …
سيمو”ضار عند صفاء حيث شقلبتهم فهاد لحضة” : اهيا واش كميت فاش جيت ولا مزال ؟ هادي اش تتقول ؟
صفاء : جوان كان فازك احبي…
سيمو : اييييه ….
فرح”جهدات صوتها” : وااا والو ازمر دوز تجلس نديرو اتاي وتركن لارض كثرتي اااو
سيمو : فهادي قنعتيني…
صفاء : اجلسي نتي انا نديرو راكي مريضة …
سيمو”دار ايدو على فمو كيتحلف تاهو” : ناري صابني مكاينش اما ندغمر مو ميحيدهاش طبيب بالرب الجليل وليني لقاني ناعس من دواخة ديال بارح…
فرح”دايرة ايدها على حنكها وكتشوف فيه ” : مممم تخلطو زعما ؟
سيمو : واش تجربي وتشوفي ؟ نتربو قدامك بليمين تايولي يشوفك يصبح عليك ويمسي …
صفاء “من الكوزينة ” اسكت سكت نتا غا كلب مالينوا دايز بغا غايضحك معاك لقينا غا سروالك الي بقا طاح فلارض المسلوت. .
سيمو : قالتها عضيمة فدجيين سيري… الكلب را مهيب على بات هادي …
فرح : ها عصام يتفاهم معاه ولا فوزي. …
صفاء : اااا ونامس بغا يدير فيها صعصع ناض قبس كرطونة تصابت فيها ولاد المشة وهي طير عليه امهم مخلات فيه غالي نسات فوجهو
سيمو”خشا راسو بين كتافو” : بلاتي نسكر ونحط عليهم سروالي بلاتي …هانتوما عصبتوني دابا ندير حد لحياتي ..
فرح : الاطيف ..
سيمو : يعطيني كسيدة تندير حد لحياتي ابلاتي …
صفاء : اش غادير ؟
سيمو : انتصاحب …قربات ساعتي افردة كشكش “عوج راسو جيهة لكوزينة عند صفاء” اسمعتي اديك لانشوبة …
جلسات فرح ومشات صفاء طيبات اتاي وحطات معاه توابع ديالو وبقاو مجمعين على طنز ضحك تيفوجو عليها في حيث عصام يعلم بيه الله فينهو اما فوزي معاه عمو كيهضر معاه كيما كان الحال عندهم واحد الي يتسندو عليه عم وعندهم خوال وجد الي يحطو عليه راس لكن الي مهمين وعندهم دور كبير راه مكاينينش….
وصل الليل تقريبا العاشرة مساءا في احدى المنازل بالضبط فالطابق الثاني دار مصلوحة كاملة مفرشة فراش ديال لفريع والكوزينة مصلوحة مزيااان …فالبيت ديال نعاس وفوق ناموسية كانو عريانين بزوووج كيما خلقهم ربي هي دايرة وضعية حاطا ايديها بزوج فوق ناموسية وركابيها وعاطياه ترمتها وهو من لور كيمارس عليها وهي كتنهد ويشد شعرها يلويه على ايديه ويجرو حتى كيدفع بجهد تغوت بالاااه وتعصار وتناجيه يرحمها ويخفف عليها وهو والو عروقاتو كتكب بقا هكاك حتى كمل على خاطرو وهي تجبدات شروييييطة …ولدها منعساه فبيتو وهي فالبيت كتمارس ب الحرام وغير شرعي…. ضارت بغات تلوي عليها ايزار وتجمع شعرها وهو يحبسها شاد الكارو كيقلب على بريكة …
صطوف : ريحي لارض
ناهدة : ا صطوف ضرني البرد …
صطوف”شعل الكارو وبدا يكمي ” : مزال مساليتش ريحي لارض ..
ناهدة : هههههه اااي باااسل مكتعياش ؟! رحمني شوي …
صطوف : انا لاش معاك غا باش تخوي ليا ركابي ازين …”فرق ليها رجليها كيتلمس ففخادها البلقييين ويشوف ففرجها الي ملس بلاصيغ ونقي ماشي بيض ولا غوز وانما لونو كيف اي منطقة حساسة لونها غاامق …كيقيص فيه ويكمي فنفس الوقت”معفر يا خويا معفر …
ناهدة “دارت ايديها ورا راسها” : كتبغيني ؟
صطوف”هبط راسو لمنطقتها وبدا يلحس وبهضر ” : اش بان ليك …
ناهدة”كتاوه وتهضر” : بزااااف هههههه بغيت طوموبيل اصطوف نتحرك بيها لدارنا باش نعيد معاهم هاد العام …
صطوف : لا…
ناهدة : علااااش ؟؟ “يلاه غاتهضر حتى حسات بالنااااااار اختارقات ليها قلبها حساات بالضو كيحسك فيها حتى غوتات لربي الي خلقها عينيها فهاد اللحضة حوااالو ” اااااععععععععععععععع لاااااا اهى اهى علااااش اش درت ليييك ممممم” كان صراخها نتيجة السيجارة الي طفاها ليها فوق الفرج ديالها وعينيه خارجيييين فيها وسنااانو مغززييين “
صطوف : والرب الجليل وبحق من بعث محمد ابنت سوكاحية وتدوري ليا بصحابي تانح ** ك گدامهم (قدامهم) راكي غا قحبة سمعتي والقحبة الى علا ليها شان ترجع قوادة …”ناض من فوقها خلاها سخفااانة وتقلب على لما تطفي العافية والحرقة…
يوم جديد وصباح جديد فاقت فالصباح بكري وجدات الفطور ولبسات حويج الخروج الحال بدا كيدفا عندهم باعتبارها منطقة بحرية …زقفات قدام ماريو جبدات منو جاكيط دجين طويلة لبساتها فوق قميجة بيضة تحت مؤخرتها مغطياها وسروال دجين لوات عليها كشكول خفيف ودارت ساعتها وهي كتعقد فيها تدق الباب وتسمع صوته …
فرح : فوزييي غير دخل …
فوزي”دخل وشافها واقفة كتسد فمگانة ” : ماهضرش معاك عصام ؟
فرح”حركات راسها ب لا” : ملي هضر مع عمي البارح قاليه متعيطوش ليا تفرعوني نسالي ونجي و صاه باش نمشي لخدمتي …
فوزي : باك عرفتيه وباقي يمد عليك ايدو غانسا راه بويا سمعتيني ؟ ونهار الي باقي الهة مك تخبي هادشي غانجمعك معاه …
فرح : دابا مالك…
فوزي : انا هضرت عارفاني شاد وقري مع عباد الله ولين معاك نتي وعصام را منبغي الي يقرب ليكم …ها ودني منك تاني ..
فرح : صافي كون هاني اخويا …احم عمي فاق ؟ را واجد الفطور فطرو بيدما كملت لباسي ونجيب شكارتي ونجي…
حرك ليها راسو.وخرج مشا لبيت عند عمو حتى لحقات عليهم وفطرو مجموعين ومشا عمها اما هي وصلها فوزي لعند طاكسيات تا ركبات مشات لخدمتها وهو تيسر لمحل ديالو وكيف العادة دازت سويعاتها ديال خدمة فالتدريس لسيدات منهم كبار سن …عطاتهم درس ووصل وقت الخروج تجمعات هي والبنات تما ركبو مع واحد خطاف (عندو طوموبيل عادية كيهز فيها البلايص بالفلوس) حتى وصلهم لبلاصة معينة نزلو وكل وحدة توجهات لدارها …صونا تيليفونها كانت صفاء متاصلة بيها فالواتساب…
فرح : مكتعيطيش فنمرة عادية ياك …
صفاء : ليخلف على ويفيكم (ويفي ديالكم) اصاحيبة داير فيا خيييييير …اما كبيري درهم فتيليبوتيك نخسر عليك فينك اقوادة …فينك
فرح : هاني جايا فطريق …
صفاء : اشوفي سيري عند مراد للتسهيلات ديالو وسيبير وتسنايني هاني جايا وراقك فشكارة ؟!
فرح : ايييه لاش …
صفاء : واحد الكلينيك اصاحيبة غايحل قريييبا ندفعو ليه طالبين كونطا وفراملية معرفتي يجيب الله تيسير فيه اس قالو…
فرح : مالو يخلعنااا .. انا ندوز دابا نيت …هاني دايزة من حدا حمام الي ورانا “يلاه غاتهضر معاها وهو يوقفها واحد صوت رجولي دورات عينيها بان ليها واحد واقف قدام محل كبييير ديال نجارة مگضر حتى تم جاي استغربات ليه عيط ليها بسميتها …”صفاء قطعي تنتشاوفو ..
صفاء : والله وقطعتي تتموتي عزبة خليني نسمع …
فرح : اناري كي درتي سمعتيه تفووو
صفاء : على كمارتك يشتفوووو …خلي تيليفون مطلوق وهضري نسمع …
فرح”قرب ليها تا وصل عندها ووقف شاب فعمر ثلاثينات شهيب وعينيه عسليين غامق داير لحية شعرو ولحيتو قهويين قراب لزعورية زويين ..” : وي خويا ؟؟
هو “مد ايدو ” : فرح لباس عليك ؟ انا يونس صاحب صطوف وكنعرف تا عصام خوك وفوزي …
فرح”بقات حالا فمها صغيور شوي وهي تبتاسم” : اااه عرفتك مرحبا شنو حب الخاطر …
يونس”قالها بحب” : نتي
صفاء : احححح
فرح : كيفاش..
يونس : هههه بغيتك نتي احم بغيت نهضر معاك الى عندك وقت ماتخافيش ماشي بسالة كنضن عصام مزال مهضرش معاك مي نحاول انا مهم الوليدة رسلتها عندكم اسمها غيتة را قالت ليا هضرات معاك …
فرح : هاا اااه اه وي جات احم مي قالت غاتجي ليوم مع العصر…
يونس : انا قصدي الباب ماشي شرجم ونتمنى تسمعي ليها وخودي كامل وقتك غا ماتغوتيش وتبلوكيني وانا مداير والو انمرض ونتفقص …
فرح”بدات كضحك “. : هههههههه لا لا “كحازت باش تكمل الهضرة تقوليه بسلامة وتمات غاديا حتى تعكلات فحجرة شوي وطيح كون ما شدها تا تكات على صدرو جات فحال معنقاه …
هنا فهاد اللحضة كان عصام دايز بالموطور باغي يدير ليه ليصانص وهي تبان ليك فديك الوضعية شادها وكيضحكو حتى قرب ليهم وغوت عليها باسمها جاي طالع ليه دم نيت من فعايل بوه الي عرف فهاديك اللحضة اش دار من غير ضرب الي ضرب لفرح…..الشي الي خلاه ماجاش حيث ساق لخبار اشنو ناوي يدير…حتى وقف عليهم …
عصام : فرااااااااااااااح …
مغانحطش غذا حيث مكايناش وبغيت نرتاح باش نبدا فاحداث جديدة غير وجدو راسكم لمسگي ثاني …وبداية اقتراب ضهور الشخصيات جداد واكبر شخصيات ♥️ نلتقي يوم الاربعاء ….
كان جاي طالع ليه الدم اصلا من فعايل باه الي غير كتكفس ماحدو خاشي راسو فالورث …شنو عرف شنو الي خلاه يجي ودمو فاير حتى تصادف مع فرح واقفة مع يونس فهاديك الوضعية …واش قشعها تعكلات ؟ او فهم غلط …
فرح”جمعات ضحكة وتقلبو ملامحها للخوف” : خويا عصام
عصام”برك عالبيكي ووقف عليها الموطور بجهد ” : اش كديري هنا ؟؟؟ “شاف ف يونس ” كتعرفها اسمحمد ؟ (المغاربة فاش كيطلع ليهم شي حد دم كيقولو ليه سمحمد ولا شريف هههه )
يونس : وايلي خويا عصام كنعرفها
فرح : لا انا مكنعرفوش
صفاء”من تيليفون كتسمع” : تانا مكنعرفوش اصلا انا كنسلمش عالرجال احبي…
فرح”شافت ف عصام ” : والو اخويا غير عيط ليا كيسولني وجاوبتو بغيت نمشي تعكلت فحجرة وحق الله هادشي الي كاين….
عصام”مخنزر فيها” : واش دوزك من هنا ؟؟؟
فرح : عيطات ليا صفاء نوصل عليها لسيبير نقادو وراق على قبل واحد لكونكور والله ..
يونس : اخويا ما”وقفو عصام بايدو.وشاف فختو”
عصام : تحركي تقودي لداركم تانجي “بصوت مجهد تا ضارو الناس يشوفو ” واااا تحركي ينعل دينمك فهاد النهار …
حدرات راسها ودارت سرررت ضربات دورة وطارت لدارهم وعلاه هي تعاوها اخوتي معاه …اما هو ضار عند يونس وقرب ليه بزااااف …
عصام : بغيتي تبدا دير معانا فعايل البراهش والسلاگط اشريف ؟!
يونس : وايلي عصام من نيتك ؟ ختك بنت الناس كون ندير الفعايل منبغي ندخل من باب داركم وقصدي شريف وحلال..ومناويش فيها هي شي حاجة خايبة عطا الله معامن …غير تعكلات وهادشي عادي كيوقع الى بعدت تقدر تجي على فمها وزايدون انا مشعرت تا شديتها هادشي بديهي كيوقع معانا …
عصام”ضرب ليه كول القميجة ضربات خفاف” : اسمع اسي البديهي هاد الفعايل ما فعايل ما بيكالا معنديش هادشي انا مع ختي، ماتعيط ليهاش من لول كاااع متوصلها ماتقربها …ياك افلان هضرتي مع صطوف ؟
يونس : ايييه وصل ليا بالي غاتهضر معاها ويكون خير
عصام : ايوى تسنى اولد الوزاني الجواب.. خليك فالاصول والقاعدة تكسبني تانا معاها ونكون معاك فالشدة والفرح بمية راجل تبدا تفرطط عليا وتعيط ليها وتهضرو بيناتكم غانسوط فعدو ربكم …تمشي معايا گود كولني بحوايجي تزطط عليا نرجعو قطاطعية وبالرب الجليل لا كانت ليك امراة..ياك قاليك نهضر معاها ؟ جوابك تديه تديه …
يونس”هز ايديه باستسلام” : مقلتي عيب وسمح ليا ابا عصام انا الغالط توب عليا يتوب عليك والرحيم الله …سموحات عمري نعيط ليها تايكون الحلال…
عصام : علاش خاص ديلمكم تتحكو “مخنزر” مالك متفهمها راسك ..”علاش مدار والو حيث شااافها بالي تعكلات وعارف ختو مافيهاش هاد لفعايل وتا يونس غير بدا يتبرهش وعيط ليها…زاد قرب ليه وشدو من الكول بلباقة” ختي عارفها اش كتسوى “طلقو ووراه كفوف ايديه” من نهار طاحت هنا وانا هازها بسناني ومربيها على ايدي ومطلعها راجل قبل متكون بنت..ختي ثايق فيها …ماثايقش فالبراني …
يونس : ياك اسي عصام …
عصام”هز ايديه ” : والقريب لينا وشمتنا وغدرنا اش بقا للبراني..
يونس : البراني تلقاه فيه الخير على الي ليك ..ماعلينا”قرب ليه وباس راسو ” سموحات ابا عصام …
عصام”ضار لموطور مزال طالع ليه دم عاقد دوك الحجبان و فنفسو كيتمتم بالسبان اصلا جاي كيسب وكمل عليه الي طرا دابا…ديمارا الموطور وتم ضاير حتى وقفو يونس”
يونس : من ورا صلاة العصر جايا الوليدة وختي عندكم كنضن قالتها ليك الاخت..
عصام : الي دق بابنا مرحبا بيه …”كسيرا الموطور وطار من تما اما يونس بقا غير كيشوف ونسييييب مستقبلي هو عندو ههه
اما هي غير قالها ليها مشات طارت كتزرب وقلبها في فمها محملاتش راسها اصلا يحصلها خوها فداك المنضر …حتى دخلات لدار من بعد ما رسلات لصفاء ميساج بالي مغاتمشيش تال من بعد…
دخلات لدار بزربة بدلات عليها لبسات تيشرت بيج طويل ديال دار وكولون حيث الحال دافي هاد نهار دغيا تقلب الجو عندهم واصلا هي ماشي من النوع الي كيكتر الحوايج غير فاش كيكون فيها وجع العادة الشهرية كتبغي تدفا عالله وعسى يحبس عليها الوجع واصلا كتجيها تبوريشة فديك البيريود ..جا فوزي تاهو باش يتغذا ومشات لكوزينة وهي كتنقي فضفارها من التوثر كتسمع شي حس كتقول عصام هذا الي جا ..من كثرة التوثر دغيا زربات عالغذا كانت باقا شي كفتة ديال لاداند مشرملة شلضات البصلة فطاجين ودارتها معاها كفتة خلاتها طيب ودارت شلاضة بصلة ومطيشة وفلفلة مشوية بزربة …وهو كيطيب تحل الباب ودخل عصام غا سمعات تحنحينة صوته المدعدع ولا قلبها كيضرب في فمها …حتى وقف عليها وهي فالكوزينة حادرة راسها وتقرقب فطباسل والي لقات قدامها …
عصام : الغذا ؟؟
فرح : هااا ؟ اه هاهو. شوي ويوجد غير غسلو ايديكم دغيا نبدا نحط..
مادار حتى ردة فعل سوى انه من وجهو باين ماهواش عينيه حمرين وريحة الكارو كتعطعط منو …مشا البيت فين جاالس فوزي شاد تيليفون كيتفرج وهو تاهو حيد جاكيط سورفيت بقا غير بتيشرت وناض حيد تقاشرو دارهم فسبرديلا ومشا لطواليط غسل رجليه ونشفهم وتم خارج طاوي رجلين سروال تال تحت ركبة مزغبييين حتى لعند صباعو …سميمرين …فيه قاعدة ديال الحرفة غير كيكملو كيطوي رجلين سروال ويسيقو المحل ولا فاش كيهز سگايط …خرجات فرح من الكوزينة غاديا بالطاجين حتى بان ليها واقف كيصوني ويعاود ..قشعات دم فتريكوه من عند الكتاف. …دخلات حطات طاجين فوق الطابلة وهو يتم داخل…
فرح : عصام كاين دم فتريكوك عطيني نديه مع الحوايج الي غانصبن هاد سيمانة ولبس واحد اخور…
عصام”بلا ميشوف فيها ” : ماشي دابا تانسالي فالليل مزال عندنا شي سگايط داخلين هاد العشية من سوق…
فرح”حركات راسها بواخا ومشات تكمل الباقي تجيبو حتى حطو الغذا وتغداو كاملين سالا فوزي وخرج لرزقو اما عصام بقا شوية تا جابت ليه قهوة كحلة وتمات غاديا لكوزينة تاني ..
عصام : فين غاديا ؟
فرح : بغيت غير نوجد عجينة المسمن بالخف حيث جايين شي عيالات …
عصام : اجي جلسي نهضر معاك …
حركات راسها وهي تجلس تقابلت معاه هز كاس القهوة رشف منو جغمة وشاف فالساعة ديال تيليفون وحطو عاد بدا يهضر بلا ميشوف فيها…
عصام : كتعرفيه ؟
فرح : اعصام والله م
عصام”جهد صوته” : وااااااا سولتك جاوبي “دار جيهتها “
فرح : صراحة مكنعرفوش غير كنت دايزة كيف قلت ليك وعيط ليا ..
عصام : اش قاليك ؟
فرح”فنفسها كتقول ياربي دابا اش غانقوليه ..” : والو
عصام”رفع حاجبو” : كيفاش والو ؟ واش كنتو كتكاكيو ليا تما ؟ كيقرا عليك زبور ؟ الله ينعل زبور مكم هضري اش قاليك ..
فرح : س احم سولني واش نتي اخت عصام ومعرفتش و اه اه قاليا را مو غاتجي ليوم زقلت ليه مرحبا بيها يلاه بغيت نمشي وهي تعكلني واحد الحجرة تما والله ونتا عارفني مافياش البسالة …
عصام : حيث عارفك ثقت بيك حيث عاااارف اش مربي وعارف دمي اش كيسوى وثايق عمرك مديريها بيا وطيحي راسي ابنت مي وبويا …
فرح “حدرات راسها دايرة شبه ابتسامة”
عصام : شي يومين هادي نهار الي كنا فسناك شعلون وجا صطوف …”هزات عينيها فيه” هضر ليا على هاد سيد يونس ضامنو ليا نتهنى عليك معاه بخيرو وخميرو وديورو وطوموبيلتو وحوانتو غير محل واحد را مدخل ليه الي يعيشك لالة ومولاتي …ويخليك تكملي قرايتك من هنا لگدام (لقدام) تخدمي بدارك وحدك ميزاحمك حد ميبرزطك حد منك ليه ومنو ليك…انا الي عليا نهضر معاك شوار شوارك نتي لولة “هز ايديه فوق ” انا مغانوقفش لا فطريقك لا فسعدك كنت رافض شحال هادي حيث كنتي تقراي والي جاو تاحد فيهم مكان يفرح وغير يكفسها عليك فالعيشة وتريكة بوك خط حمر …نتي دابا الكورة فايديك بغيتيه متساليني غير نواجبو ونعطيه الخبار مابغيتيهش را مكاين الي يبزز عليك والى مبغيتيش جواج انا هازك تانموت
فرح : الله يحفضك…
عصام : فكري وشوفي اش ديري …والوليدة ديالو راها جايا هضرو نتوما العيالات بيناتكم را مي فاطنة ومي نجية معاك كثر مني ومن ميمتك هما عارفين بشغل العيالات نهار تعطيني الجواب هاني حداك …
فرح”بقات حادرة راسها وشحاااال وهي ساكتة وتفكر وتخمم بدات من دابا تفكر فالمستقبل والحاضر وحياتها وعيشتها مع خوتها وخوها الي حرم راسو من زواج فشردها هي ماتجيش مرات الخو تنقص منها ولا متصدقش مزيانا ولا شوف اش غايكتب ربي…”
عصام “ناض وقف كيسد فسنسلة ديال سورفيت وكيهضر ” : الي خصك شريه شري مسمن وملوي واجد مبقاش الحال باش تصايبيه وتقداي شنو خاصك من عند سالم تنجي ونخلصو…وشري شوية الحلوى من عند مي مينة حطيها ليهم تاهي تانجي ونخلصها…
فرح : لا باقا عندنا الحلوى …
عصام”تم غادي خارج ” : هاد لمرة لقاك كضحكي مع شي قندوح مكتعرفيه مكيعرفك نقسم دينمكم بجوج على ربعة ..
لحد الساعة تصرف عصام كان زوين وهضرته كانت زوينة حيث نابعة من قلبه وعارف اش كيقول واش كيدير .. مغايوصلش ويضلم ختو وهو عارف اش ربا واش طلع من ايديه فتربيتها لا هي لا فوزي …راجل فحالو عاش ما يكفي من قساوة الدنيا عاشر وجوه بزاف شاف تا عيا من الناس وطباعهم ..عارف الدنيا قاسية حتى عليه الي مجهد وميعقل على حد فما بالك هي الي درويشة …كيحاول ما امكن قد جهدو انه يحمي خوتو وراسو من دياب الدنيا والوقت …ولكن واش غايقدر يحميها حتى لاخر نفس ؟ واش غايهنى عليها ؟ هاهو قادر يحميها من الناس ولكن واش غايقدر يحميها من القدر والمستقبل ؟ ماشي هو الي ديما خاصو يحميها حتى. هي خاصها تفكر وتعرف فين تحط رجليها وتحمي راسها من الناس ماشي غير هو الي غايدير جهدو …
اذان العصر خدام وهي كتحط اخر لمسات هي وصفاء الي غير كتفكر حصلها كتخرا بالضحك حتى كتبغي تعطيها دقة. ولا تحلف عليها تبيعها لعجل لعصام عاد كتحشم …
صفاء : مااااااي منضرش معاك امين خويا ؟
فاطنة : لاش بغاني ؟ ياك مزال ميجي !!
صفاء : وغير سول فيك وصافي …قلت ليه فرح جايينها الخطاب قاليا دارتها بيا هههههه
فرح : مسخوط هذاك ههههه سلمي عليه الى هضر ولا دابا نهضر معاه فالواتساب…
نجية : ماتحطي والو تاجييو ابنتي عيب يدخلو يلقاو الماكلة محطوطة يحساب ليهم غير بغيناهم يخرجو دغيا …تعلمي ابنتي هاد صواب حتى الى مكتابش مهم يديو معاهم راك مصوابة متخسريش سعدك ابنتي .
فاطنة : ايييه …وسيري بدلي ديك بيجامة ولبسي شي وحدة بسروالها طويلة ولا شي حاجة ..وغير تسمعي دقان سيري لبيت…
بالفعل مشات تبدل بالخف قبل ميجيو بعدا تعطيهم صوابهم وديك الساعة الجواب يكون من بعد …مشات معاها صفاء تا اختارت معاها شنو تلبس ووقع الاختيار على واحد بيجامة نيت باقا عندها جديدة باش تلقاهم فالصومو خفيف وجعات شعرها لور بقراصة صغيرة و خلاتو مطلوق مدارتش ميكاب اكتفات بفارفان ديال اوريفلام جيورداني …مشات لدوش غسلات ايديها بصابون دوف ورجعات رجباتهم بكريم Rebel far away من avon ريحتو غزااالة ورطبات شفايفها فقط …ومشات جليات حداهم حتى تدق الباب وهي تمشي للبيت بزربة و صفاء الي حلات الباب عليهم كانو هما ثلاثة الام غيتة ومعاها زوج بنات وحدة شهيبة معرية شعرها الذهبي كتبان صغيرة فالعمر اصغر من فرح ولاخرى تاهي بلقااا دايرة حجاب وحجبانها مطراسياهم زغبة زغبة …زوينة لا هي لا البنت لاخرى عينيهم لونو فحال الى خزي اخضر غااامق…سلمات عليهم صفاء ورحبات بيهم دخلو لقاو فاطنة ونجية واقفين سلمو عليهم بالترحيب والضحكة فالوجه نابعة من القلب تخلي ضايف يرتاااح وميندمش انه جا جاوبوهم بالصواب وتاويل فالهضرة وخا حرشة كتحسي بيها نابعة من القلب مافيها لا زواق لا ن فاق …جلسو واحد الشوي وهي تنطق غيتة …
غيتة : فين فرح ؟
نجية : موجودة الحاجة غيتة
غيتة : عيطي عليها نهضرو خلاص هههه
فاطنة”غمزتها” : نتي الي زربانة ولا فار طحين ديال يونس ههههه (كتعرفهم مزيان)
غيتة. : هههههه ونتي عارفة اش كاين…
نجية : داك فلوس درهم بيضتو طايبة “خلات البنات يضحكو على هضرتها وهي تعيط ل فرح ” وااا فرااااح اجي ابنيتي سلمي على الناس ..
واحد الشوي وهي تم جايا مبتاسمة ابتسامة خجل غير وصلات هزو البنات عينيهم فلاوها من رجليها البيضين قشعوهم نقييين وحميمرين من تحت حيث كتهلى فيهم ومع كتلبس سبرديلات بزاف فاش كتمشي لخدمة…قالت السلام وهي دخل سلمات عليهم عاد سلمات على غيتة من ايدها وراسها ولاخرى كترضي عليها وهي تجلسها جنبها كطبطب عليها وتشوف فيها وتعاود وفرح وجهها ولا مطيشة حيث فبحاال هاد المواقف كتحشم وصفاء وجه صندالة كتضحك عليها بالحس ودايرة ابيل فيديو بالحس ل سيمو كيشوف فيها خاري بالضحك مسمعو والو حيث دايرة الكيت لتيليفون اما كون خراها هي وسيمو ميجمعوه شراوط…
غيتة : تبارك الله ابنيتي شحال زينة ومسرارة …
فرح : لهلا يخطيك اخالتي غيتة…
غيتة : ايوى الي نطولوه نقصروه عرفتينا علاش جايين ؟ جايين ابنتي طالبين ضيف الله فيك. لولدي يونس را تعرفيه هنا وراكم عندو حوانت نجارة بلا منقوليك فين عايش وولد من براكة عليك غا هو دريويش ربي وصلات. متخطاه فحتى وقت غير دار را عندنا جوج وحدة فيها ربعة طبقات الطبقة الي بغيتي اختاريها تسكنو فيها والله ابنيتي ميصدعكم حد منا وحتى بناتي مزجات بقاو جوج وحدة فالصيف دير العرس والي بقات هاهي قدامك مزال صغيرة وراها سايرة تسنى فرزقها …والى على الخدمة ولا القراية را يخليك ديري الي عجبك وبيناتكم حنا مندخلو معمر الخير يخصك وسمعته را واصلاكم بلا منقوليك …وانا حسبيني ميمتك الي معندكش…وهذا جهدي اش قلتي ابنتي..
فرح”الصمت عاود مشا تفكيرها تاني فكلشي ولقرار الي خاصها توصل ليه ..”
لبنى : شنو الشواهد الي عندك احبيبتي
فرح”بابتسامة” : اجازة وديبلوم محاسبة…
لبنى : ماشاء الله
فاطنة : ههههه اش نقولو ليك الشوار شوار خوتها وسولناهم قاليك هي الي تقول حنا معندنا غير نباركو هي الي تعطيكم رييها (رأيها) ..
غيتة : هانتي ها بنتي لبنى هي صغيرة وهادي سهام الكبيرة مزوجة ف تادلة جات على قبل تجي معايا تخطبك حسبينا عايلتك تانية والجواب الي عطيتيه حنا قابلين بغيتي تباركت الله بالفرحاات مابغيتيش ابنتي ميبززك حد والحاجة الي ماتجي ب محبة مااا تجي بحزارة…
دازت الزيارة كما يجب بالصواب والابتسامة هادي عادة كتكون وخاصها تبقى تستقبلي الضياف بالصواب والضحكة فالوجه حيث واخا متكونيش قابلة كيف خلاتها نجية عالاقل يمشيو فبالهم راك مصوابة وحتى الى غايخطبك شي حد اخور وسول عليك يلقا عليك هضرة زوينة وسمعة زوينة ماشي مموافقاش تقوليها ليهم بلا صواب ولا اداب وحتى انك متستقبليهمش حيث مادام دقو باب دارك هنا خاصك تستقبلي بصدر رحب بزز منك…الى شي نهار خطبك شي حد نتي باغياه وسمع عليك هضرة مزويناش غايصدق قالب عليك …ممكن يكون حتى هذا سبب …
غير خرجو بقات نجية وفاطنة كينصحو فيها ويهضرو معاها قايمين بدور الام الغايبة عليها والي خاصها فهاد المواقف تكون بجنبها وهي تستقبلهم و فاطنة ونجية هما المعروضين للعرس ماشي العكس …كتشوف حاجات وتحمد الله على حاجات وهادي هي الدنيا وتاحد مكيسلم من عقايبها وكحل الراس الي فيها…مشات نجية. وفاطنة وبقات صفاء مع فرح حتى جمعات معاها دنيا وغسلو لماعن وردات العشا يطيب
فرح : صفصف بقاي باتي معايا عافاك باش صباح نمشيو لسيبير ويلاه معايا المدرسة عااافاك ..
صفاء : تي خلييني نمشي لدارنا وصباح نمشي معاك لمدرسة نتي قري وانا نحضيك عندلمك ..
فرح : واخا بقاي معايا غير تعشاي وسيري بغيتك والله عندي شي دروس خاص نصايبهم عاونيني فيهم…ونهضرو نيت على هادشي دياال هادو الي جاو نقوليك فاش كنفكر..
صفاء : واخا نبقا نتعشا معاكم اصلا زدي عصام ميصيبش يتعشا بلا بيا …
فرح : مزينك ياااربي دوزي دوزي لكوزينة نهضرو
ساعة ونص ديال المكانة حتى جا فوزي سلم عليهم ومشا يدوش ومن وراه بشوي حتى تحل الباب وهو يدخل فرح يحساب ليها عصام يلاه غاتقوليه مالك جيتي بكري وهي تصدم من باها جا فهاد اللحضة حيث عند بالهم الخميس ولكن كيف العادة معندوش وقتو هو وقت ما كقولها ليه راسو كيجي …
فرح : با !!
لمخنتر : ياك شي باس مكاين شتي جن ؟
فرح : الا غير فراسي غاتجي الخميس داكشي باش…
لمخنتر حط الصباط وتم غادي لبيتو كيحل فيه بساروت ” : كي ليوم كي غذا اش مشا ليكم ؟ داري هادي نجي وقت بغيت …ايوى يالاه اسي …دار دار بونا وبني كلبون بغاو يطردونا…
صفاء”فالكوزينة نطقات بشوي”: هذا كلاشا راسو ولا ودنيا غيسو…
لمخنتر : ديري ليا الما نتوضا …درتي شي عشا ؟
فرح : واه درتو ..”باقا مستغربة من مجيتو تا نسات راسها وهي كتشوف فيه ضار لقاها باقا واقفة كتشوف فيه وهو يغوبش”
لمخنتر “بصوت مرتافع تا خرج فوزي” : تي لاش باقا واقفة ليا تم تحركي قضي اش گلت ليك ينعل جد بوك الكلب …
فوزي”غير سمعو وهو يخرج كيطل عليه ” : امالنا شي باس مكاين ؟ مالك؟
لمخنتر : ديها فراسك نتا شتكم باغين تنوضو ليا ياك شي باس مكاين ! ولينا قد القب گد سطل ولا شنو ؟ والله يا جد والديكم وتحزمت ليكم تنصرع بوكم هنا هاي هاي هاي …”شاف ففرح ” باقا واقفة ابنتلحرام ماكفاكش الحرقة الي حرگتي عمك خسر عليها شلا وشوي من دوايات تحركي الله يغبر ليك الشقف يخ على تريكة عطاني اتفو …
مزال كيعربط عليهم تا تحل الباب وهو يسمع عصام معيورو وغواتو اصلا جاي كيسمع فالغوات من برا …غير دخل بان ليه وهو يصعر تقولي كان يتسنا فيه غير يبان ماشعرش براسو تا مشا طاير ليه شدو من كول جلابة شنق عليه …
عصام : جيتي ا بويا اااا جيتي ا تاج راسي ورضايا جيتي الي مكحل ضواصاه وباغي يكحلهم ويغرق راسو ؛؟؟ ادوي؟ باشمن حق تگول ولادي باااااااااش باشمن حق ؟ البو الي يقلب على باش يغرق ولادو باش يشد الورث هذا بووو ؟؟ البو الي “عض لسانو مزيان وقرب ليه وهضر بشوي ” بلا منجبد اخنز ضوصي عندك اشريف خلييييني ساكت …ااا بويا الي باغي يجوج بنتو يدخلها ضرة على امراة اخرى ويلصقها لراجل كبر من بوها….
فوزي “خرج عينيه “
عصام : خبارك وصلتني طلعتي تال كازا عند شي صاحبك باغيه يسلفك فلوس تفكو لارض الي واحلة ممحفضاش وعطيتيه الكلمة …الباااات الي كيقلب على فين حاط ولدو شيك باش يحطو ضمانة ويغرقو فالحبس ؟؟؟
لمخنتر : اش كتخربق اعدو الله اش كتخربق ؟ خرج عليا اسيدي من داري انا معاك بالله وبشرع …
عصام”طلقو بشويييي وقاد ليه الكول وباسو فراسو خلاه مشوكي قاس ليه العرق هنا وغمزو بمعنى تت ” : لااا متنساااش اولد رقية هادي دار من وباسم من ؟ “خرج فيه عينيه مزيان مبتاسم بغل ” مانبغي سخط من عندك اعوذ بالله غا هو رد بالك مااااتدااام “خبط صدرو بجهد” هذا عايش هادي داري جامع فيها خوتي الي هما ولادي وساتر فيها فعايل بويا …
الحوار الي داز بين عصام و لمخنتر والهضرة الي قال كانت صادمة بالنسبة ليهم حيث واخا واعر معاهم ممسوقش ليهم الا انه عمرو تواصل معاهم لهاد المواصل وهنا تبقنو انه قادر يدير اي حاجة فمقابل الفلوس اي حاجة كانت وهنا زاد الخوف عند فرح وهنا تاكدات انه ماحدها مزال معاهم ماحدو غايطغى من ناحية كبييييرة كتخمم لخوها الي طاقتو هاد الايام قربات تسالا مع ورث باه وفعايلو وهاد الجهلة الي جهل عليهم هاد ليام …كتشوف ففوزي الي مفقوص باغي يدير شي حركة ولكن كيحس بالشلل علاش ؟ حيث جات ف باه تربط من كل جوايه …جاب الله دارهم فاسم عصام ولسبب ما كتبها ليه باه فسميتو وكانت من شروط عصام حيث عارفو تقدر توصل بيه انه يبيع دار فاي لحضة ويخليهم الله الله وكون ماشي فسميتو كون باعها دابا باش يفك امور الارث والي غلنشوفو شنو هي وعلاش دار هادشي وفين غاتوصل بيه من فعايل…
فوزي”شد ايد خوه وجرها من على باه” : صافي خويا نعل الشيطان ماعندك مادير “غمزو” لبدها دابا خليه يمشي ينعس ولا شو اش يدير هادشي الي عطا الله
عصام”هز ايديه” : انا خويا غاااا هضرت غااا هضرت واش انا هبيل ندي سخطو ؟ هذا الله اخويا هذا الله تقهرت “خنزر فباه” انا تقهرت تقهرت منك هلكتييييي عدو ربي فصحتي ولاااااا اله الا الله …”ضار دورة وتم غادي وهي تبعو فرح تا بغا يخرج وهي تعيط ليه “
فرح : خويا حاول على راسك الله يخليك “عينيها غرغرو بقا فيها بجهد هاز شلا وشوية وهاز عليهم شلا دق غا باش ميسمعش منهم اي …مشعراتش غير وهي غاديا عندو عنقاتو بجهد وحطات راسها على صدرو وكطبطب عليه “…
عصام”غمض عينيه بحسرة ورجع باسها فراسها وطبطب على ضهرها” : كون ما انفاجرت عليه كون درت شي عجب فراسي …سيري را فوزي كاين غانوصيه ميخرجش ..
فرح : فين غادي تاني غاتبات برا اخويا ؟
عصام : نمشي نبدل ساعة باخرى يقدر نتعطل يقدر نبات عند صطوف…”عاود باس راسها ” سيري …”ضار خرج مخليها كتشوف فيه بقا فيها بجهد ولا كيهز طاقة فوق طاقتو ولا اله الا الله…رجعات البيت لقات باها كيتقاشح معاه فوزي الي وصل معاه لنقاش عقيم …
فرح : فوزي خويا صافي سكتو را جيران غايسمعونا ثاني صافي خويا الله يحفضك …
لمخنتر : ولينا قد القب قد سطل …وشوفي ليك هاد البراهش تاهما…
فرح”شافت ف باها معصبة حتى هي من الهضرة الي سمعات عليه” : كان يحساب ليك غانقبل الى جبتي ليا هذاك راجل ؟ ندخل عليه ضرة ابا ؟ انا ساكتة ومكنهضرش كنحتارمك حيث با وليني تقوليا نتزوج براجل كبر مني بزاف ابا عمري نقبل وخا تجري عليا من دار …
لمخنتر : ونتي بسلامة مناوياش ديري دارك ؟ ناوية تعششي ليا هنا ؟ “مخنزر فيها وفوزي حاضيييه لا يمشي يضربها ثاني ” ادوي ؟ شحال فعمرك شحال ؟ بغيتي تبوري ليا هنا وتجيبي ليا الهضرة من خوتي و لادهم على اخر ايامي نولي نسمع بنتك فاتها حال جواج (زواج)..
فوزي”مجهد صوته” : نتا هاااامك غير خوتك وولادهم هامك غا تريكتك ؟ هما لولين عندك وولادك لا ؟ لهلا يقلب الهة مهم ..
فرح : غيييير تهنى ابا دابا نهنيك مني ومن همي…
فوزي: يلاه تنفستي دروك (دابا)
خنزر فيه وضحك باستهزاء وهو يمشي لدش توضا ودخل البيتو يصلي وسد عليه فداك البيت الي ميخليهم يدخلو وخا غير يشطبوه الا اذا بغات تخمل خاص هو يكون حاضر لا يدوزو ليه لوراقو ولا فلوسو الى كان حاطهم…اما هي حطات داك العشا وصونا فوزي على عصام اطمأن عليه بالي مزيان غير يتعشاو هما …
فواحد الكانتينة كيف كيقولو ليها المتواجدة بالقرب من كورنيش..شعبية وفنفس الوقت نقية مافيهاش الوسخ وشغب السكايرية …جالسين بزوج وحاطين فطابلة قدامهم زوج كيسان وقرعة الما باردة وكوكا ومشروب كحولي…
صطوف”شاف فالسرباية” : العز ازين ديالي
عصام”كيبقشش فتيليفونو ويشرب مرة مرة”
صطوف”شاف فيه” : شكون هاد صاحبو الي بغا يتزوج بختك…
عصام”هز فيه عينيه وهو يغوبش” : معرت لديلمو كون ما العم مبارك وياسين ولدو الي جاب تنقنيقة …
صطوف : اش وصلو لهاد الحالة ؟
عصام : مشكيل واحد لفدان وواحد الفيرما ممحفضينش باغين فلوس صحيحة باش يرشيو وتحفظ “عوج فمو” فساد رشوة ..
بقات معاها صفاء واحد الشوي تا قرب الحال يتعطل وهي تمشي فحالها على ميعاد يتلاقاو غذا فالصباح فاش تجي من الخدمة اما هي مشات لبيت فين جالس فوزي لقاتو متكي كيتفرج فواحد سيري من بلازما نيشان وهي تمشي جلسات حداه كتفرج لقاتو نيت شاد واحد سيري كتفرج فيها تاهي نيت …TWD اختصار ل the walking dead…
فرح”معوجة عنقها وكتشوف وفيها قاعدة خاااايبة كيكرهها فيها فوزي وهي تكون كتفرج وتبقا تسول تا كيبغي يصليها معاها” : اويلي مااات غلين اويلي نزل عليه “شدات حناكها من صدمة من ديك اللقطة حيث فعلا حلقة قاااصحة الي مفرج فهاد سيري غايفهم الحلقة الاولى من الموسم السابع…كتشوفيه كيضرب فيه لراسو بمضرب البيزبول وهي كتغوت حتى ضار فوزي مخصر سيفتو وهو يحبس دار بوز وهي باقا تغوت ” اويلي قتلووووو اويلي حرااااااام عليه والله تا حرام عليه الكلب اويلي مرتو حاملااااااااااا اويلي حي يعطيه الگرض المشرار لاخور معندوش ذرة رحمة فقلبو …
فوزي”مكمش سيفتو وحاصيها كي مخصرة سيفتها وتبكي وتهرنن ونطق بشوي ” : العفو يا العفو الله يسترنا دنيا وااخرة …
فرح : يخ حرام عليه “مسحت عينيها وهي تنتابه را داير بوز” ويلي حبستيه “ضارت عندو وهي تلقاه مكمش فيها عينيه وحاضيها اش كدير ” امااالك ..
فوزي : امااالك نتي ياك اودي شي باس مكاين ؟
فرح : والو باس …رجع خلينا نتفرجو …
فوزي : تعاودي تهرنني تكتري تسوال نفگس مك !!
فرح : وغا رجعو غير بقا فيا غلين خلا مرتو حاملة مسكينة وقتلوو هاد عدو الله. …
فوزي : سيييك نيغان هذاك الشر الخاااتر ابن عمي …
فرح”ميقات فيه ” : مزينك نتا وياه..
فوزي : الله يعطيك شي راجل فحالو نيييت يصبح يعصيك ويبات يعصي فوالديك …
فرح : يااااك “شافت فيه بحزن”
فوزي : تي لا ريحي اتنضحك معاك…ختي غايجيها ولد الناس ان شاء الله ..
رجعو كيتفرجو بينما يطيب نعاسهم …صلات ثلاثة ونص ديال الصباح حتى تحل الباب كيتسمع صوت تقرقيب سوارت مضارب معاهم باش يخرجو من الباب وعينيه حمريييين ومخنزززررر بجهد حجبانو معقودين ويسب فخاطرو،،تحيد ليه ساروت من الباب وسدو بجهد موراه ودخل البيت فين كاينة تلفازة شعل ضو مبان ليه حد وتلاح فوق السداري هكاك حط راسو عالمخدة كيشوووف فالسقف تا دار ايديه ورا راسو وبقا كيخمم ويكمش فعينيه …حتى تشعل ضو الكلوار وتسمع صوت الهلال الي كيهلل فاالجامع خرج من بيته وهو يبان ليه ضو شاعل وبدا يسب …
لمخنتر : شكون خلا ضو هنا شاعل لاش مخلينو شاعل السيبة كي شتي راكم كتخلصوه (على فرح وفوزي)يالعياذو بالله “يلاه مشا لقرص باش يطفيه حتى تهز بالخلعة من صوت عصام المجهد”
عصام : كنخلصو انااا اشريييف ضو وما والي كتمعني عليهم وحدة مزال مقاتلة مع المشي والمجي معطاوها ريال تمشي بيه غا الحمام وتكسي راسها وواحد را معاون فمقدية ويخلص الويفي …ااااااسي المخنتر الخيالي ابوهم لهادو الي خلاو ضو شاعل …اش درتي نتا بسلامة ؟
لمخنتر : بسم الله رحمن الرحيم ..ياك شي باس مكاين”طلعو وهبطو” شارب العدو شاااارب ينعلك ويخزيك …
عصام”تگعد من بلاصتو بسرعة تا جا واقف واحد اللحضة تخلخل كان غايطيح غير شد فراسو” : اممممم انتم الصالحون وانحنووو (نحن) الطالحون !؟ دعي معايا بالهداية…
لمخنتر”مخنزر فيه “
عصام”حدر راسو شحااال وهز ايدو كيحرك صبعو” : شحال كنتي ناوي تبيع بنتك ؟ ااا ؟ ديك القيمة الي وصلتني امتا كنتي ترجعها ؟ عطيتي بنتك ضمان وباغي تزيد شي من شيكاتي تغرقني ؟
لمخنتر”الصمت”
عصام”غوت بحر جهدو تا قفز فوزي من بلاصتو وفرح حلات عينيها” : وااااااااااااااااااالرب العالي شهدو علييييه وااااااا عباد الله باغي يغرقني علااااااش علاااااش ؟
لمخنتر : اسكت يا المسخوط سكت بغيتي تشوهنا ؟
عصام”خرج عينيه” : شرااااااااااح
لمخنتر “شافو بدا يصعر وميبقا يعقل على تاحد وبدا يرطب” : اههه واش انا هبيل ؟ واش انا يهو…دي لهاد درجة نغرق ولدي فالحبس ؟ اا
عصام”غمض عينيه كيتنغم بديك الكلمة الي قال” : يااااه قال ولدي …”حل فيه عينيه” ولدك ياك ؟ وهاداك ماشي ولدك وهاديك ماشي بنتك ؟ علاش باغي تزوجها لراجل كبر منك نتاااا الي مرحمتيهاش وزايدها دخلها ضرة ؟
لمخنتر : من هنا لگدام ميبقا يقبل عليها تا الي گد “قد” بوها تبقا ليك هنا ؟ نتا مناويش دير دارك ؟ خليها تمشي دير دارها تاهي تجوج وتولد ولادها اش ليك بيها واقفة ليك فسعدك “مزال هو كيهضر تا تسمع صوت تشاااااخ شير بقرعة الما تا تشخشخت فلارض وتم جاي فوزي كيجري باش يشدو وفرح كطل من الباب ديال بيت وتقفقف خصوصا من شافت عصام جاهل وسكران وكيتخلخل بالاعصاب وسكرة ممعاوناهش “
فوزي”خنزر فباه” : سير من هنا ا بويا يرحم بوك حنا متايبين الله “كيشد فعصام عاطيه بضهر”…سير را وذن يلاه تلحگ الامام سير..
لمخنتر : انا غادي لبلاد حسن ليا
فوزي : ولينا اجمعييين …
شد فوزي عصام الي بقا كيتنتر ليه تما حتى مشا لمخنتر لبيتو صلا غير تما وبقا يبقشش ويجمع فاغراضو ااما فرح دخلات البيت عند عصام وفوزي الي جلسو وبقا عصام جالس وشاد راسو بايديه حادرو كيشوف فلارض …
فوزي : صافي خويا نعل الشيطان الله يحفضك …
عصام”الصمت”
فرح”قربات لفوزي وهضرات بشوي” : مالهم تاني ؟
فوزي “بشوي” : بوك كيقلب على الي سمعهم ليه وصافي..
عصام”الصمت”
لمخنتر”تم دايز هاز صاكو فايدو وطل عليهم ” : هاهي مخليها ليك اسي ديرها بورديل (دار دعارة)
عصام”هز فيه راسو بواحد تخنزييييرة ااااا هيا ربي وكيدايرة …نطق ” : ايوى حاشاك ا با حاشاك ….
خرج من دار وخلاهم فديك الساعات من الصباح ..غمز فوزي فرح باش تصايب ليه قهوة يشربها ويمشي ينعس …تمات غاديا وهو يوقفها بصوته …
عصام : فين غاديا نتي ؟
فرح : نصايب ليك قهيوة دارك راسك ولا نعطيك فنيدة ؟
عصام : سيري تنعسي مبغيت والو “وجه كلامو لفوزي” تحرك نتا تنعس انا دابا نعس …تحركو عليا من هنا متعصبو عدو ربي…
فرح : وخا انا نجمع زاج من هنا ونمشي نعس …
عصام : وتلاحي تنعسي بلا هضرة دابا نجمعو غير سيري…
حدرو راسهم وناض فوزي عنق فرح مشا لبيتو وهي تاهي مشات اما هو بقا شحاااال كيتنفس بجهد وكيخمم راسو فيه دواخة ديال دنيا والدين …تاهو كان يلاه غايغمض عينيه ينعس حتى تسلط عليه …ناض وقف شد فالحايط ومشا كايحيد فداك زاج شوي بشوي ومشعرش بالي را تجرح ما مرة ما زوج دمو سخون محس بوالو ومشافش دمايات الي كتخرج بقا يجمع فايديه حتى مشا لسطل زبل “حاشاكم” فالكوزينة رماه وطفا ضو ومشا لبيت طفا ضو وتلاح هكاك ونعس وهو مجروح فخاطرو وفايديه…
حتى واحد فينا مكيبقى فالطريق الي اختار وحتى واحد فينا مكيختار حياته سوى الى خطط انها تكون حياة مريحة لكن كتجي المشاكيل وكتخليه بدون راحة …
صبح صباح جديد حل عينيه على صوت تقرقيب فالكوزينة حس بصداع رهيييييب فراسو …ناض تقاد فالجلسة كيمسد فنواضرو بمساج خفييف حتى ناض وقف عينيه منفوخين بالنعاس وقلة النعاس وشراب …مشا لبيتو لقا فوزي كيلبس فحوايجو صبح عليه فوزي وعصام حدو حرك ليه راسو مكيهضرششش وتا فوزي ماحكرش ..مشا لماريو هز حوايج الخروج وملابس تحتية وفوطة ومشا نيشان لدوش طلق الما يسخن فسطل،،حيد حوايجو رماهم فسلة ديال لوسخ تما دوش مزيان بما سخون باش نيت يتوگض نشف حالتو. ورش عليه واحد ديودورون جيليت عاد لبس حوايجو تما نيت ومشا لمراية قاد شعرو بمشطة ودار ليه جيل باش يتفيكسا ميبرزطوش وخا فالخدمة كيدير طاقية بيضة على ود ميطيحش زغب فاللحم…خرج من دوش مخلي فيه ريحة شامبوان كادوم وديودورون ريحتهم كتعطي سخووونة هههه لقا فوزي وفرح وصفاء جالسين فالكوزينة كيفطرو حتى هزات صفاء عينيها فيه لاس تيشرت كحل وسروال سيرفيت كحل وكي جا فداك الكحل حسات بقلبها ضرب ف تحتها هههه
عصام”بصوت ثقييل” : صباح الخير..
هما : صباح النووور
فرح : نكب ليك اتاي ولا قهيوة كحلة ؟
عصام”واقف” : عطيني غير قهيوة كحلة صافي مفياش مياكل “كمش عينيه من الم حس بيه فمعدتو” ضراتني المعدة
صفاء : وراه القهوة غاضرك فاالمعدة خاصك تاكل شي حاجة معاها ..
عصام : لا مفياش “شاف فيها” بايتة هنا نتي ؟
صفاء : لا جيت بكري غاديا مع فرح لقسم ونرجعو باش نوجدو شي وراق واحد كونكور ..
عصام : عندكم باش تركبو ؟
صفاء”فخاطرها” : هاااحااااي على الي كيخمم لينا هاحاااي “ضربتها توگيضة من جراء فرح الي نغزتها حيث شافتها تحلت ههه “
فرح : عطاني فوزي غير تهنى “مدات ليه كاس القهوة ومشات لفارماسي فالدوش عطاتو باكية گافيسكون قرعة ” هاك هادي الى تزاد عليك الحال شرب منها هي الي كتنفعك ..
عصام “حرك ليها راسو ،،شرب من القهوة وشاف فساعتو وصلو ميساج قراه وهو يشوف ففرح ” : غاديا دابا !
فرح : واحد نص ساعة علاش ؟
عصام : تسنايني صطوف غادي يدوز عندي دابا مخلي ليا طوموبيلتو نقضي بيها شي غراض ف سيدي بوزيد نوصلكم معايا ملي تسالي علميني نجي نرجعكم…
فرح : واخا”بقات شحال ساكتة وهي تنطق” احم عصام بغيت نهضر معاك بيناتنا قبل متمشي…
عصام”بقلق” : ياك مكاين باس ؟ ضروري ؟”حركات ليه راسها” اجي “مشا لصالون وهي تبعو” شنو كاين ؟
فرح”بقات تغزز ف فمها وتعوج باغا تهضر وحشمانة وخايفة وفيها تردد وكتبقى تفكر ومخلط عليها كلشي”
عصام : اش واقع مالك ؟ بيك شي حاجة خاصاك شي حاجة ؟
فرح : لا والله مابيا والو ..
عصام : وا هضري لا تزيديش عليا …
فرح : قول احم قول ل داك الولد الي جاب صطوف انا قابلة ولكن عندي شرط ؟
بقا كيشوووف فيها شحااال كيستوعب شنو قالت …قالت بالي قابلة بالزواج من يونس الشاب الي يلاه تقدم لخطبتها وهي مكتعرفو مكيعرفها يعني زواج تقليدي مية بالمية يعني غاتبدا حياة مع واحد معارفة عليه والو سوى ان الناس شكروه ليهم وانه معروف وكيتضرب بيه المثل ف الاخلاق ديالو لا هو لا دارهم وغير ذلك راجل كامل مكمول ماخاصو تا خير ولكن فها الوقت وفاي وقت تا واحد فينا مكامل والكمال لله سبحانه وتعالى…تنفسات بجهد تقولي كتنفس صعداء حيث عطات جوابها وطاغية عليها الحشمة اكثر …
فرح”حدرات عينيها”
عصام : كيفاش قابلة ؟ يعني بغيتي تزوجي بيه ؟
فرح”حركات راسها”
عصام : فكرتي مزيان متاكدة ؟ “صونا تيليفونو وجاوب ” : هاني خارج عندك…”شاف فيها” يلاه تحركي
مشات عيطات لصفاء هزات شكارتها وصفاء صاكها مزيزة نعماس تيشرت بيض مكتوب بالوان ذهبية وفوق منو جاكيط دجين قصيرة وسروال دجين وجامعة شعرها ..خرجو لقاوه واقف مع صطوف عطاه سوارت طوموبيل dacia duster مازوط …سلم عليهم ومشا فحالو وهو ضار شير ليهم باش يركبو …
صفاء”حيدات جاكيط” : ففف تصهدت اصاحبتي…
عصام”شافها حيدات جاكيط وبقات بتيشرت ماشي نصكم بزاااف معرين درعينها ” : امالك تعريتي نتي ؟
صفاء : هااا ؟ متعريتش اويلي لابسة …
عصام : لبسي عليك ديك جاكيط لبسي ونتي تسفحتي تما ..
صفاء”بقات حالا فمها تا نغزتها فرح ” : واش قال البنت اش قال ؟
فرح : را قاليك صح مالك جاتك عجب ؟ عرفتي كي بنتي ههههه سخنتي امسخوطة
صفاء : وييييل الشيطان على حبي اش قال الباااانت ..
عصام”كمش فيها عينيه” : اش كتبرگمي تم نتي ؟
صفاء”توگضت” : هااء لا مقلت والو هاني را غير جاني صهد اخويا عصام هاني …”مجاوبهاش خلاها كتهصر وركب فبلاصة القايدة وفرح ركبات حداه دارو سانتيغ وزادو …طول الطريق وهي كضحك غا وحدها حتى كتلقى راسها كتقرص ففمها وفرح كدور تشوفيها كتفرنس وتجيب ليها ضحكة ولكن فنفس الوقت خايفة لا تبغيه بزاااف وتعلق بيه وهو كيعتابرها ختو وعمرو شاف فيها شي شوفة من غير ختو وحتى التصرف الي دار كان كيديرو معاها من صغر هي وفرح حيث كبرو بزوج وكبرات قدام عينيه يعني مقاصدش فيها انه غيرة او شي حاجة اخرى …فيقها من تخمامها صوت عصام كيسولها قدام صفاء عادي …
عصام : متاكدة من هضرتك ؟ “شاف فيها ورجع شاف فطريق”
فرح “شافت فيه” : اه متاكدة…حتى لين اخويا غانبقا ؟ قد ماجلست اخرتي غادي نتزوج …
عصام : ياكما الي طرا مع باك هاد اليومين هو الي خلاك تقبلي ؟ ياكما هادشي من فوق خاطرك ؟
فرح : وراه با من نهار حليت عيني وهو هكاك داير …انا صافي وصلت لعمر خاصني ندير داري كاع الكونكورات كندوزهم مكنتهزش ديال تعليم وبزاف معنديش فيهم فرصة عييت اخويا وحتى لين غاتبقا هازني ؟ منديرش داري “ضرب وااااحد مولاتي الفران تا غوتات هي وصفاء …”
صفاء : سيحت سيكس وسابيكس وسييحت كاع بوزيسيونات سيكس “سدات فمها جاب الله عصام مسمعش ” اويلي ..
عصام “هز صبعو موجهو ليها” : عرفتي ونعرف بالي قبلتي فوق من خاطرك ا فرح عرفتي ونعرف بالي قبلتي باش تريحيني على حساب خاطرك غادي نتخاصم معاك تخاصيمة عمرك شفتيها من عندي…
فرح : اه اه قابلة وبخاطري والله …”رجع كسيرا “
عصام : را واخا تقبلي ضروري نسول عليه من قريب مانبغيش تحطي رجليك عند ناس معرفناهم حتى كيفاش عايشين بيناتهم مانبغيش نصيفطك لهلاك لا كانو ممزيانينش ايييه يونس راجل ميتعابش وليني دارهم ؟
فرح : كيفاش ؟
عصام : هاهو مزيان معاك فحضورو وفغيابو ؟ وخا دارك وحدك را بنادم هو هذا وانا باغي نتاكد انه متجينيش باكية ولا غضبانة وتفقصيني عليك ؟
فرح : ااه فهمت …
عصام : على اي عارف شكون نسول ومنين نجيب الخبار وجوابك منعطيه ليه تادوز شي يومين بينما تاكدت
فرح : الى كانو ممزيانينش ؟
عصام : نيشان غانعلمو بالي مكاينش النصيب “رفع فيها حاجبو
فرح : صافي ماقلتي عيب اخويا..
الى جينا ندققو فالاحداث وندققو فهضرة فرح غالقاو بانه مساخياش بخوتها وهما مساخينش بيها وكون يلقاو ميكونش باهم ولا عالاقل الى محنش فيهم يعطيهم غير تيقار ويخليهم هانيين وهما را واخا يدير الي دار مغايفوتوهش حيث كيبقى باهم وجات فالاب هنا كيكون الامر صعيييب عليك انك توقفي فوجه باك او ديري ليه شي حاجة باش متديش السخط وخا ربي كيسوف وعالم بقلب كل واحد فيهم وشايف اش كيوقع ليهم ولان ربي كبييير غادي يفرجها عليهم وشايف من حالهم …العقل والصبر الي زرعو ربي فعصام خلاه يربي فوزي وفرح تربية زوينة وخا عصام مبلي بملاهي الدنيا الا انه خرج على ايديه زوج مربيين ومخلقين …
فرح”وقفهم عند المدرسة” : طالع لسيدي بوزيد ؟
عصام : عندي واحد الغراض فواحد شاليه تما..
فرح : هي غادي تعوم مع راسك…
عصام : شغل الرجال ا فرح شغل الرجال…
فرح وصفاء “فراسهم” : ؟؟
عصام : نزلي تقربي تسالي علميني نجي …
هبجو بزوج خلاهم واقفين وكسيرا زاد مع الطريق وهي دور صفاء عند فرح …
فرح : ياكما مشا عند شي خيتي ؟
فرح : قاليك شغل الرجال ا صفاء شووووف اش تم
صفاء : كيخوني ياااك …
فرح : واااه واقيلة هاد المرة تبعيه وصوريه وسيري دعيه بتهمة الخيانة…
صفاء : عنطبنمك ….اجي هي قرب شي عرس ناضي نشطحو فيه ؟
فرح : ان شاء الله الى سهل الله …
صفاء : تسناي نعلم سيمو يوجد بعض القراعي يلاه يبردو ليه من هنا لعرس …
فرح : اويلي حي باغا تسكري معاه
صفاء : ههههههه تي لا فاش كيسكر فشي عرس كينغمني عن دلمو كاع متنحبسو من شطيح …
فرح : ههههههه كنبقاو نشطحو تانوليو كندورو …هههه زيدي زيدي ” جراتها ومشاو المدرسة لقات العيالات بداو يتجمعو فالقسم سلمات علر شي سنات كيقريو ودخلو …”
في مدينة تارودانت عاصمة اقليم تارودانت بجهة سوس ماسة وواحدة من اقدم واعرق المدن المغربية وفي احدى الرياضات الخاصة بالسكنة وليس فندق سياحي باحدى الاحياء بالمنطقة بالضبط درب الاميرة المتواجد وسط درب اندلاااس ..فالداخل كان واقف شخص فاواخر الستينات من عمرو وسيدة فعمر الخمسينات …واقفين كيتسناو فالمعلم الي كان كيعبر ويقلب هو وواحد المتعلم معاه وكيسولو فيهم حيث رياض ليه سنين ماتحلش بقا كيما تسد من نهار مشاو ماليه لحج موراهم بشي ايام تسد وفين وفين كيجيو يطلو عليه الي حتى هاد العام عفا عليه الله …وهاهما واحد من عائلة اصحابو جاو من مدينة الدار البيضاء و واقفين باش يبداو الاصلاحات فيه …
مدخلين المعلم باش يقوليهم اش خاصهم لصليح ومعاه واحد كيعرفو باش يشرح ليه حيث هما ماشي ولاد المنكقة غير صحاب هاد الرياض كانو عايشين فيها عمر من الزمن … حتى نطق الراجل…
هو”رجل فاواخر ستينات شعرو بيض كلو حتى من لحيتو طويل وملامح كتوحي انه كان زيين فصغرو كيف كنقولو الى مشا زين يبقاو حروفو ” : اش كاين ا المعلم ..
المعلم1″شاف فالمعلم الكبير” : أمضرا المعلم ماغينا إلان(امضرا المعلم اش كاين ) ” شرح ليه اش قال”
المعلم 2 : الرياض أد إخصا أداس نعاود القوادس أوزدار إلما نيغاك مايخصان فكغاك النمرة نوصباغ دوكباص أرد نفوكو ليمورات أوقادوس(
المعلم : هاد الرياض خاصنا نعاودو ليه القوادس دالتحت ومنبعد نقول ليك اشنو خاص ونعطيك النمرة ديال الصباغ والكباص تانفكو الامور دالقادوس …
الراجل : الگباص وصباغ يتكلف بيه هو ويعطينا الخدامي الي خدم نشوفو اش كاين ونهضر بغينا شي حاجة مزيانة…
هي”شافت فراجلها …سيدة راقية فلباسها متول وبلدي وخا كتلبس رومي لكن بلدي عندها هماوي ضروري تلبسو زوييينة مباينش فيها العمر بيضة. وعينيها خضرين وملامحها غامقين ” : الحاج الغالي “ضار عندها” بغيناه يكون بلدي وعصري فنفس الوقت الفايونص يكون فسيفساء بلدية …يعطينا نماذج رياضات الي خدم وديك ساعة نشوفو …
الغالي : بلاتي يصايب القوادس وديك ساعة نتفاهمو شنو بغيتي واش بذوقك نتي ا توبا …
توبة : اايه بذوقي انا عطاني الضو الخضر كون هاني بغينا نصلحوه ونرجعو ليه الحياة “بحزن” دار الغاليين الله يرحمهم..
الغالي : صافي اشريف قضي الغراض قول ل البشير اش خاصك هو يتكلف صلحو القوادس قاد المسائيل الي خاصها تقاد ماتبدل والو …”حرك ليه راسو” شحاال ماخصاك يحضر ليك..غير دير خدمة تكون مزيانة ومتقونة بغيناه يكمل فاقرب وقت البشير يتكلف انا منصيبش نبقا نجي من كازا بزاف …
توبا”خرجو من الرياض ووقفو حدا طوموبيل ديالهم “
الغالي : متاكدة من هضرتك مناقصني صداع ا توبا الله يرضي عليك…
توبا : لا تهنى …
الغالي : المجية ياك ف الدار البيضا لاش غانصلحو رياض تارودانت ؟ من بعد …
توبا : اولا الحاج صليح رياض قد ما جلسنا غايرجع يرجع ويتصلح مولاه الي بقا،، ريحة المرحوم .هاهو جاي ..خلينا نتجمعو تاني الحاج وثانيا المجية فين وامتا معارفينش …”هزات فيه عينيها بتركييز غير بمجرد ذكر سيرتو خلاو عينيها بؤبؤ ديالهم كيتحرك بزربة من التوثر ” تقدر تقوليه لا ؟ الله يا الحاج …طالبين غير سلاكة وها العار…
الغالي : وعلاه هو يقد عليه شي حد …صافي ما قلنا والو دابا …اللهم يسر..
دازت الايام عادية مهدنة طبعا مع غياب الاب الي محرر عليهم العيشة ،اليوم ماشي كيف الايام الي دازو اليوم استثنائي حيث اليوم هو الي غاتكون فيه الزيارة الرسمية لعائلة العريس يونس الي تقدم لخطبة فرح البنت الوحيدة وسط خوتها البنت المحبوبة وبنت عصام وعينيه ..اليوم غايتافقو على شنو غايديرو …اليوم غاتكوون الهضرة فيها رسمية بحضور يونس وباه ومو وخواتاتو …طبعا ما كانش غايكون هاد النهار لو ما عصام سول بطريقتو وعرف هاد الناس كيفاش سمعتهم وعيشتهم بطريقتو سول اقرب ناس ليهم وعطاوه تفاصيل عيشتهم …مبغاش ختو تحط رجليها عند ناس ميخافوش الله فيها او تلقا مشاكيل معاهم …باغي يتهنى عليها ويعرف انها مغاتلقاش مشاكيل معاهم هذا اذا كان يونس فالنصيب ديالها…
هو اكيد ومؤكد قرار مزروب ولكن هي ماخذاتو تا عرفات علاش كتشوف حياتها كيفاش دايرة وباها زاد بالهم والمشاكيل طبعا هو الراس الاساس دياال هاد المشاكيل اضافة الى عدة اسباب خلاتها تاخذ هاد الخطوة وتكون مع الي باغيها ماتسناش الحب حتى يجي لانها كتشوف راسها وصلات لسن الي خاصها تزوج .
#فلاش_باك…
فرح : انا واقفة ف سعد خويا عصام…محدي مزال مدرتش داري خويا مغاديش يتزوج …خويا هامل راسو وحياتو فشردي خويا هز بزاااف وبزاف على قبلنا وتخلى على بزااااف على ودي انا و فوزي …خويا الى متهناش عليا غانبقا عقبة فطريقو “الى سمعها عصام قالت هاد الهضرة ماحنا فخير” المشاكيل كثرااات عندنا وولا راسو مريض هاد الايام كثر عليه الضغط …
صفاء : كيفاش …
فرح : عصام مكانش كيسكر بزااف ا صفاء عصام فين وفين كيشرب وغييير خفيف هاد التواخير ولا كيشرب حتى كيجي مسالي بالشراب ولا كيشرب بزاااف باش يخفف عليه الهم فالوقيتة الي كان قرب يشد طريق الله دابا ولا كيبعد عليها ..هو بصح ماشي هكاك كتحل الامور بالشراب والعصبية ولكن شي مرات كنقول الى شرب غادي يتهدن شوية عالاقل يسلك ولكن كترة هادشي غادي تزيد عليه …
صفاء”تنفسات بحزن على صاحبتها واكثر شيء عصام…بقاو شحااال ساكتات حتى نطقات من جديد صفاء بسؤالها” : يونس مرتاحة ليه ؟
فرح”حادرة راسها وكتلعب بصبيعاتها غير سمعات سؤال وهي تعوج فمها وضحكات” : هههه من ناحية عاجبني منكذبش عليك ارتاحيييت ليه بزاااف ك شخص …تسنيت الحب ا صفاء يجي عاوثاني مجاش من نهار مشا اسماعيل ووقع الي وقع مابقيتش كنقدر نثيق فشي حد وااالو حتى كنبغي نتعرف على شي حد ؟ كيجي فبالي الشمتة الي شمتني اسماعيل …كنقول غايدير ليا فحالو ونتعلق ونبغيه وفالاخير يزدحني مع لارض بشي صدمة…ملي جا يونس شاب زوين متخلق بغاني فالحلال قصد بابنا شنو غالقا ماحسن ؟ عيشة زوينة معاه وهو ك شخص غانتعرف عليه فالفترة ديال خطوبة وغانهضرو والحب غايجي من بعد زواج…كبرت ا صفاء غادين فالكبر نسبة زواج كتقل ..بغينا نديرو وليداتنا وعاد شرط الي عطيتو قالو ليه عصام را وافق عليه …
صفاء : وافق على انك تخدمي الى جاتك الفرصة وميمنعكش منها والقراية وتجي لداركم وقت الي بغيتي ؟
فرح : هذا شرطي وغادي نحطو فالعقد …
صفاء”تنهدات” : شنو غانقوليك اصحيبتي هضرتك مزيانة ومنطقية فكرتي وعرفتي شنو ديري …نتي حنينة بزاااف وقلبك بيض ربي غايكون معاك …وباك معندك ماديري ليه المهم معاك حبقلبي “ضحكات فرح ” وفوزي و زطيو نح ديال سيمو ..
فرح : خهههههه هادوك هما الاساس
صفاء : احم.. باك غايكون ياك …
فرح : خهههههه هادوك هما الاساس
صفاء : احم باك غايكون ياك …
فرح : هضر معاه عصام وفوزي جاااي غايكون بالفرحات عليه غايتهنى مني واخا معجبوش الحال قاليه الي خطبها عندو فلوس الي ماتم ماتحرق …بغا يلصقني لشيباني صحة …
صفاء : عصام كاين وفوزي ويلصقك ليه ؛ ؟ اكون يخليوه غير لسيمو يلصق حبو مع الحايط …
#عودة…
ريحة طياب مجهدة الكوزينة عامرة بالطناجر والطيابة جالسة كيطب جايبينها باش طيب طياب على حقو وطريقو ويقومو بالصواب مع الخطاب الي جايين عددهم تسعة اشخاص …الخطيب وباه ومو وخوتاتو بربعة و زوج رجال ازواج خوتاتهم بزوجات…وعاد عائلة فرح اضافة الى عصام وفوزي ولمخنتر وعمها الكبير مبارك وجدها اب امها وخالها الحسن …وفاطنة ونجية وراجل فاطنة تاهو و سيمو وصفاء هادو حضورهم ضروري …عائلتها من جيهة باها كبيرة بزااف تحلف عليه عصام الى كان شي حاجة كبيرة عاد يجيو الي مهمين هما الي غايحضرو …
سيمو : هاكي الوليدة انا مشيت
نجية “شدات من عندو القرعة” : ما زهر هذا ؟ ومالو ولا فهاد القرعة؟
فاطنة : وري لهنا نشوف ؟ “وراتها القرعة وهي تخرج عينيها ااصلا كانت عارفة الى سخروه من نعاسو يدير ليهم شي عجب ولا يعورها من شي قنت ” ياك انجية بنت ميرا قلت ليك لا تنوضيش الكيدار ديال ولدك ؟
سيمو : حبي فاطنة اطونسيو من الخطأ الي غاترتاكبي..
فاطنة : ياك المسرول يا عوج المصاصط الي ناس عندهم فصالة ونتا عندك ملاسة مايعرفوك غادي ولا جاي يا الوصلة..
نجية : تي لاش هادشي كلو هااويلي ..
فاطنة : شدي ضربي المعوقب تايلصق را جايب ليك قرعة شراب وتي اش قلتي ليه اااش ؟
نجية”دارت فيه وااحد شوفة ضورات عينيها فيه بتخنزيرة بالعرض البطيء..”
سيمو : حااااق ربي حاااااق ربي الى گلتيها “قلتيها” وانا ناعس سمعت قرعة ما قرعة وبالايمارة قلتي ليا ماتجيبش البيضة (حيث كاين ما زهر فقرعة زاج شفاف) جيب الخضرة صغيرة …ااااايوى مانصيب غير هادو فالمجر حدا راسي خاويين جبت وحدة..
نجية”خرجات عينيها تا دار رجل لور ورجل لقدام مستعد باش يفرتح ” : اااااااويلي اويلي ااااويلي كتسكر ليا فالدار ياااااااا مزغب زوك…
سيمو”كمش عينيه” : اييييي ؟
حيث فيقوه مع نبوري تلفت ليه الجرية فراسو جاتو دوخة تقلب ليه السيستيم وخاصو يفيق بزز باش يتقدا ويقضي مع دراري ويتقدا ليهم …الدجاج الي غايديرو جابو فوزي من المحل قبل بيومين نقاتو نجية وفاطنة وصفاء وفرح راسهم وغسلوه بالرنج اي الليمون الي كيكون ف اشجار الشوارع ومذاقو مر وحار كيقولو ليه الدفلة او الرنج كيفضلوه فتنقية الدجاج حيث كيحيد منو ريحة وكايتنقى مزياان عاد داروه مع الحامض ورماوه فالفريگو حتى لصباح عاد جبدوه وشرملوه وخلاوه يترقد فشرمولتو مزيان بينما يبداو طياب …
الساعة تشير الى رابعة مساءا الطياب بدا من زمااان واحد اهم افراد العائلة بداو كيجيو وكاين الي جا صبااح منهم مبارك ..
لمحجوب”جد فرح بات الام ديالها كيف سبق الذكر عائلة امها مزالين على تواصل وصلة الرحم بيناتهم عمرها تقطعات وخا الام مشات…وخصوصا هذا جدها يموت على ولاد بنتو وديما راضي عليهم حيث كبرو راسهم ومعولين على راسهم وعمرهم فاتوه وتاهو ملي طجات بنتو عمرو ماجبدها فحال تقولي محاها من حياتو…جالس فالصالون هو ومبارك و فوزي” : تا فين تشيشة (تشيشة مكنيها على فرح ههه اش كتعني الله اعلم هو مكنيها عليها وصافي حيث من صغرها وهي مبطبطة)
فوزي : تشيشة ههههههه راها فالبيت يلاه جات من الحمام وقيلة…صبر نعيط ليها…
مبارك : نابي عليها لهن نشوفوها (عيط ليها لهنا نشوفوها) ..
مشا فوزي كيضحك على كلمة تشيشة كتخريه بالضحك فاش كيقولها ليها جدها…وفوزي اصلا فرحان بقدوم جدو عزيز عليه بزااااف هو وخوالو ديما كينزل لسيدي بنور فالسيمانة يشوفهم ويصل معاهم الرحم ويدور مع جدو وخا ممحتاجش كونه متقاعد ف وزارة الفلاحة والصيد البحري المعاش عندو مخير وكافي وموفي وخا قاري غالبة عليه اللهجة الدكالية بزاف حيث فاش تقاعد قابل الفلاحة فواحد الفدان عندو غير تما حداهم لان سيدي بنور وخا مدينة مجاورها بزااف الاراضي والفدادن اكثرية ديال الشمندر والي عندو نيت فداك الفدان او الارض الفلاحية ديالو وكيدفعو لداك وزين السكر الي حداهم نييت فالخرجة فطريق مدينة الجديدة…
جالسة فرح صفاء سيمو فالبيت حتى تحل الباب ودخل فوزي و قف ليهم كي الپوطو تاع ضو تسمر ليهم تما
سيمو : ها هو يبس ثاني
فرح : شي نويطة غايبداها تاني
فوزي”قرب ليهم تاااا قرب وهو يبدا يغني بشوييييييي بصوت منخفض” : وصاوني والديا نشرب اتاي فالصوينية
فرح”تبعاتو بنفس الوتيرة ” : ااااا مي لالة .
سيمو : اهاهااااااااه
صفاء : اااا مي لالة …
بدا سيمو يضرب فوق طابل دونوي وصفاء كتضرب فالصينية وفوزي بدا كيشطح…
السيمو”غمض عينيه.وطلق حلوقو تقولي صنهاجي فايام الحزقة” : واااااااا رگب رگب
فرح : عدا عدا …الوشام فالصدر
صفاء : طانگة فالمنخر …
فوزي”هز ايديه دوزهم على عينيه فحاال كيحدد ملامحهم” : ليلونتي فالعوينة …
سيمو : احليييلي يا حليلي حلوولي الباااب “وهو يتحل عليهم الباب حيث بداو فلول بصوت منخفض حتى تحمسو وجهدو الصوت بالدعقة فرح مشات لسيمو بدات تقاد ليه فالمكياج وتاهو مد ليها شلاقمو …و صفاء مشات لفوزي كتقلب منين تحل ليه الباتشا (حيث فرح مدورة شعرها وكانت صفاء غاتحل ليها الباتشا باش تصايب ليها شعرها ب بابيليز ) و فوزي تاهو جلس عاطيها راسو …
صفاء : هء اويلي شفت شعرك قصار
فوزي : تي كيفاش …
فرح”لقات راسها كدير لسيمو ف گلوس” : اويلي فمك زرق …
سيمو : حاااشاااك ويلي …
عصام : شي باس مكاين .؟؟؟
صفاء : اويلي حي انا اش داني لفوزي …
فرح وصفاء وفوزي حبسو االضحكة كلشي تدعق حيث الي كان كيدير شي حاجة رجع ليها غير تبادلو الشخصيات والادوار فهاد اللحضة…با عصام وميدير…
عصام : فرح تكلمي ل با (جدو كيقوليه با اما لمخنتر كيعيط ليه غير بالمخنتر هههه ) …
فرح ” لمعو عينيها” : باااا جديييييي جااا …هاني هاني “دفعات فيهم وفوزي كان غايجي على زكو كون ما شداتو صفاء…عنقها عصام بجنب كيبغي يخصر ليها باتشا بلعاني وتدفعو مخليين فوزي منشور فلارض وصفاء كتعاون فيه هي وسيمو ينوض ..
سيمو : ياكما تهرس ليك الاتروم (ترمة ههه )
صفاء : اويلي كون تحشم البغل…
فوزي : ااااي مگعدي ..تا شهادشي داز …
سيمو : هههه والو الخو غا رعدة صبات …
دخلات لصالون لقات جدها جالس بجلابتو البيضاء وسلهام بيض وداير طاقية كيهضر مع مبارك وهي تمشي كتجري تلاحت حداه تخشات تحت باطو كتبوس فايدو وتبوس فيه توحشاتو بزاااف ..
فرح : با جدييي توحشتك ابا …
المحجوب : عليها جيتي عندي طلي على خالك…ههههه ابتي على تشيشة بغات تجوج …
فرح”بخجل” : ومزال ابا هههه تنشوفو اش تقول انت والي شاورتي عليه ابا نديروه…
جاو العائلة اغلبهم رجاال وجا حتى خال فرح الحسن وجا المخنتر وخلاص مبارك و جد فرح تاهو كان وعصام وفوزي وسيمو الي تانتك تاهو قاليك لابس قميجة كحلة وسروال كحل زصباط كيلمع من صبح ربي وهو يسيري فيه تا قرب يمحيه …وضارب ليك نعماس تشويكة موقف زغيبات نعماس ..وفوزي تاهو ب تيشرت بيض عاد شاريه هو وسروال دجين من lc waikiki محسن شعرو ناقص منو ومنقيه وريحة تعطعط كيبان نقي بزاف تحلفي عليه مخدامش فالدجاج ههه وعصام نعماس الي ضارب حطة بلدية جلابة فالبيج كتبين تريكو نص كم قطن بيض وسروال قندريسي مع تقاشر بيضين وبلغة صفرة…واقف هو ومبارك عمو عند الباب و فاطنة ام صفاء من جهة العنصر النسوي لاستقبال الخطاب الي كان وصولهم فالحين توقفات السيارة ديال يونس وسيارات نسابو بزوج وراه ونزل منها هو ومو وباه وخواتاوو بزوجات وعاد فسيارات ثانيا خوتاتو. ورجالهم …نزل يونس بكامل اناقتو ب طقم اسود مرجع شعرو البني لور انيق بمعنى الكلمة هاز فايدو بوكي دالورد وباكية ديال تمر ملبس بالشكلاط هازها ف بوشيط على شكل صاك فيه اسم محل الي صايب ليه تمر بالكوموند بشكل راقي …وجنبو الام ديالو بجلابة مخزانية وشال على راسها ذهبي وكاب مسكي محطوط على كتافها عاد باه بلباس بلدي تاهو وخواتاتو هالي برومي هالي بالبلدي وكاملات زوينات وانيقات مع رجالهم …هازين الهدايا الي جابو ليها ورجال حلو الكوف باش هزو كراطن سكار والحنة والفاكية اما ام يونس هازا فايديها ساشي فيه اسم محل تاع ذهب …
عصام : سي يونس مرحباا مرحبااا …”تسالم معاه ” مرحبا الحاجة والحاج نهار كبير هذا ..”سلم عليهم بزوج من راسهم وكبر بيهم اما خواتاتو غير حرك راسو ليهم والصغيرة عينيها لمعو فاش شافتو بديك اللبسة وداك التگضيرة …تبسمات بخجل وحدرات عينيها …تسالمو رجال مع بعضياتهم والعيالات تسالمو مع بعضياتهم …ورحبو بيهم بجهد دخلو لصالون والعيالات دخلو لبيت المقابل مع الصالون …
غيتة”بابتسامة كتدخل للقلب منورة” : فين لالة البنات…
لبنى : فين لالة فروحة …
نجية : هاهي دروك تجي ابنتي هههه
فالبيت جالسة متوترة وحادرة راسها ..دايرة ميكاب نو ميكاب يعني مكياج ولكن خفيف بزاااف ..جالسة باناقة اللباس التقليدي قفطان مليفة صيفية فالگرونة مخيط بسفيفة سامبل فلونو مخيطاه عرييض شوية جات غزالة فيه بابتسامتها الدافية والعفوية خصوصا ملي سمعات نجية كتعيط عليها ..
فرح”بابتسامة” : مرحبا بيكم اخالتي “شافت فالبنات” مرحبا بيكم
لبنى : بسم الله مشاء الله كيدايرة حبيبة لباس عليك ؟
فرح : الحمد لله ربي يخليك وينورك اختي…
فاطنة وجلسات وسط البيت فجليسة مفرشينها ليها على طريقة دكالية حاطا قدامها صينية المجامع وصينية فيها البرارد وكيسان…جابت ليها صفاء المقراج طايب عمرات البرارد ها المسوس هالحلو هالي ناقص من سكر وداتهم فبلاطو تا تشحرو عند طيابة وجابتهم ليها وعمرات الكيسان …
فاطنة : فرح نوض ابنتي فرقي اتاي “شافت فالناس” مرحبااا بيكم نهار كبييير هذا مرحبا وزيد القدام والله الى نورتونا …
غيتة”بابتسامة” : النور بيكم الالة فاطنة نور بيكم..
.اجواء الخطبة حاضرة الضياف مرتاحين ومالين الدار فرحانين وبواجب الضيف راهم قايمين…اما عند الرجال راها هضراااا اخرى وكلام ..عند الرجال تقدم الشاي والحلور باش يتعطر الكلام ويحلا اللسان باش يكون الاتفاق مزيان ومالين الشي يرتاحو …
اب يونس الحاج توفيق”شاف فالمخنتر ونطق” : ايوى سي المخنتر را حنا جينا رسميين لا كتاب را حنا بغينا نتافقو والي جدتو بيه من راسنا وعلى راسنا الفوق…
لمخنتر : هههه اييه مرحبا وزيد القدام امر الحاج…
الحاج توفيق : اش قالو اسي عصام ..
عصام : الي قلتوه مرحبا الى بجوج غادي يتافقو ويتفاهمو متسالوني غالله يجعل كلشي مبارك مسعود…
توفيق : ماقلتي عييب اولدي …”تقاد فالجلسة وساف فيونس ” يلاه ولدي هضر وݣول (قول) اش كاين وتفاهمو وميكون غالخير…
يونس”حك لحيتو وهو يتقاد تاهو بدورو وقال مسمي الله ” : سي عصام سي المخنتر بلا مندخلو فالتفاصيل حنا مبدئيا تافقنا وهادشي علاش جينا للخطبة رسمية طلبنا ضيف الله ورحبتو بينا الله يكبر بيكم…عرفتو علينا كلشي وتا انا ماتقدمت ليها حتى عرفتها بنت الاصل وبنت من واخت من …الناس كتناسب مع الاصل هو لول …باش نختاصر ليك اسي عصام حنا ليوم جبنا معانا الخواتم الى قبلتو لبسوهم ليوم والى كتاب من هنا لشهر نديرو العقد والعرس فنفس الوقت بالنسبة لفلوس باش تقدا شنو يخصها غانحط ليها فالبنك الي حالا فيه حسابها واحد البركة الي تكفيها تشري الي حلت عليها فمها …والصداق الي شرطتوه انا واجد بغيت تاحاجة متخصها …
عصام”حنحن” : كلامك معقول سي يونس وليني مانقدر نقول والو تانتشاور معاها..
توفيق : هاحنا فيها اولدي عيط ليها وجمعنا وسولها الى وافقت خير البر عاجله…
المحجوب : ماݣال عيب ا عصام هانتوما فيه حجة وزيارة قضي الغراض وعيط ل بنتي …
لمخنتر”نقز وعور ليها بات مات العين ” : وو بلاتي اولدي شحال غاتعطيوني فصداقها ؟
يلاه غايوقف عصام حتى تكوانسا وتصعق وهو يدور ليه بالعرض البطييييئ كون ما ورك عليه جدو كون عطاه شي كلمات ناضيين…
لمحجوب”غوبش فيه” : تاا مالهم جايين يخطبو فيك انت …
فوزي ولا يحك فلحيتو ويضحك تا نغز سيمو الي خشا راسو فالحلوة ولاخور تدعق
سيمو”هاز غريبة ” : ههههه الله كون ما اتاي كون جيفاتني هههه احم
ب مدينة #الدارالبيضاء من بعد ما رجعو من تارودانت ورصاو الامور مع المعلمية وعطاوهم قائمة الاحتياجات واللوازم الي غايخصهم مبدئيا باش يقادو القوادس ديال البنية تحتية ديال رياض الي كان مهجور لعقد ونصف من الزمن بقا ب الاثاث ديالو حتى استولات عليه رتيلة والخملة وطبعا هادشي را غايوقع مادام كان مسدود والنفس مكايناش فيه والحيوية والنشاط انعدمات منو…فاحدى الفيلات الصغيرة المبنية على الطراز البلدي فحال شكل رياض من لداخل مساحتها صغييرة يعني پتيت فيلا ف عين الدياب بالضبط…مساحتها قد منزل كبيير عائلي وكيحاوطها سور ..لداخل جردة و سط منها نافورة كبيرة مزينة ب فسيفساء بالالوان وجردة مميزة بالغرس والگازون الي فيها واخا صغيرة شوي الا انها مبهجة كتريح النفس والخاطر فيها جليسة بطابل وكراسا وجليسة اخرى بفوطويات رجليهم قصار الي سافهم يحساب ليه محطوطين فلارض فالبيج والمارون ومخيدات صغار فالاصفر والاخضر وعاد مخاد كبااار محطوطين فلارض وطابلة صغيرة ديال زاج قدامهم…
كان الصباح الساعة الثامنة …جالسة قدام الطابلة البلدية وتفريشة تخليك تحب الحياة وتحب تفطر فداك الصباح المشرق وريحة البحر غييير فيها …قدامها صينية اتاي غير البراد مذهب (ماشي ديال ذهب غير مذهب) وكيسان البلار النوع القديم الانتيك وحداها بلاطو دالقهوة وعاد قدامها الاكل الي متكون من طبسيل فيه شوي من مسمن وشوي من ملوي وكرواصون وواحد الديكور على شكل قفص ذهبي فيه زوج طبقات محطوطين فيهم الحلوى المغربية دواز اتاي…عاد ربعة طواجن صغار ديال فخار اسفي لاصقين فبعضياتهم فيهم زيت زبدة وزيتون اسود واملو عاد الخبز ديال دار …اليوم فطور كامل مكمول وعلاش لا واليوم يوم الاحد والعائلة الصغيرة غاتفطر مجموعة …
توبا”بحلة بلدية دايرة فحال جلابة بالقب لكن هي ديال دار ومخزانية فالصفر مطروزة بطرز الحساب فالزرق مغلوق توبها خفيف بارد … ولايحة عليها شال باهمال …بان ليها ولد لوسها فعمر 26 سنة كبر من بنتها بسبع سنوات رباتو قبل متولد ضحى من وهو فعمر سنة ونصف باه توفى وهو صغير والام ديالو تزوجات وهاجرات مع راجلها ل كندا وخلاتو ليها اصلا كانت باغا تربي لانها كانت كتعاني من مشاكل فالولادة …
مراد”حروف سوداء وبشرة سمراء وكتحسي بيه كبر من عمرو كيدخل لخاطر …باس ليها راسها” : الوليدة صباح الخير …
توبا : صباح نور وليدي كي صبحتي شوية ؟ فاتك رواح ..
مراد : لا الحمد لله ليوم نعست مزيان حتى مفقتش لفجر كاع مسمعتو ومفيقنيش عمي …
توبا : وماعليش راني فقت ومبغيتش نفيقك كنتي عيان وفاتت فيك سخانة رتاح شوية …
مراد”حرك راسو داير ابتسامة جانبية..مد ايدو لطرف الحلوى بدا بيها بينما يجيو وفنفس الوقت فتح الحديث ” : امضرا جاي ؟
توبا”تنهدات وحركات راسها” : قرب يسالي على ماعلمني ويجي …بدينا فالرياض ديال خويا الله يرحمو بغا يرجع القديم وخا لقيناه حالتو وليني ماعليش دابا يحيا …
مراد : عرفتي علاش فرحت ليه بزاااف ؟ حيث غايجي يوقف على محلات باه وخا ضومين بعيد عليه .
توبا : مكتعرفش اش تحت راسو ميعطيك خيط من مخيط هاهو خسر عليا مكالمة نصلحو رياض والمشروع ديالو فين وصل …
مراد : راه مشروع كبييير بزاف ماشي ساهل يسالي دغيا باش يعيط براكة غير كيسول. ويعرف اش خاص …مساليتش هاد اليومين باش نعيط ليه…
توبا : يومين وانا كنصوني تيليفونو طافي عيطت لوليد صاحبو قاليا غير ممساليش ميقدرش يقول بلا خبارو اش كاين..
مراد : جا من ايران ؟
توبا : ويادلي را جا سيمانة الي فاتت …
مراد “كمش عينيه” : باز ليه كيشوف داك العجب ويقد عليه …
توبا : هههه ايوى را اختصاصو اولدي على هو قرا شلا وشوية ..”حنحنات مستانفة حديث اخور ” : راجع ثاني لخدمة لهيه فالمشروع ؟
مراد”كيبقشش فتيليفونو رجع هز فيها عينيه” : هممم سيي راجع عندي التزام “وهز ايديه” نقدر نخلي الخدمة الوليدة بغيتيه يخلي عشتي هههه
توبا”ضحكها” : لا ميديرهاش عارفك بعقلك هههه الله يسمخك…شحال توحشتو يجي المغريب ويجلس بمرة ولا يجلس بزاااف ريحة خويا الكبير فيه وهو الي عندي من دارنا..”بحزن” …
مراد : زوجيه ههههه
توبا”تنهدات” : هو مكرهتش نفرح بولد خويا والله مكرهت…
مراد : صراحة را كبر وحقق ووصل فين بغا تبارك الله زيد عليها رزقو هنا خاص يوقف عليه…
توبا : سير قولها ليه
مراد : هااا لااااو اخليني عضامي باغيهم ….
توبا : و انا منقدر نقوليه والو تايقولها ليا راسو ولا يجيبها راسو …منكروش اولدي اكثر من النص والى ماقلنا كلشي هو سبابنا فهاد العيشة الي عايشينها هنا وخا عمك برزقو ولكن منكذبوش اولدي …عمك را عيا وهو شاد كلشي المحلات ديال ذهب الي فالقيصارية كلهم…
مراد : هو راجع لمشروعو دابا والمحلات را عارف لمن مخليهم ورا “غمزها” تاحجة مكتفلت ليه تم كاع رزقو حاضيه..
توبا : مكرهنا ليه بنت الناس تبتو هنا وتكون مع راجلها ورزقو …
مراد : مالها تكرهو هههه …وتادابا معرفنا اش مخبي ربي…”حتى صونا ليه تيليفونو وهو يتگعد وصرط الحلوة بجهد تا كانت غاتوحل ليه “
توبا : اويلي بسم الله عليك…
مراد : اكحكح كحكح ه هو و هو والله تاهو “صرط ريقو وقلبو ضرب بجهد ” غانقوليه راني خدام وجيت غير نرتاح ….احم الو خويا #زين_الدييين …
كلامه ليس في محله ولا وكان مناسب له ولا خاصو يتقال من الاساس اصلا…هو صداق مشروع ولكن الطريقة باش نطق لمخنتر كانت كدل على انه كيساوم بنتو وطبعا لفلوس الى تعطاو را عينو فيهم …واحد اللحضة ديال الخجل والحرج سيطرات على المكان وخا عدة ثواني الا انها كانت فحال عام كيتسناو دراري شي حد يعتق الموقف ويخليه مجرد مزحة ويخلي عصام يتهدن لانه فهاد اللحظة مكرهش ينوض يفرشخ دنيا بمسبة باه مكرهش يجري عليه ولكن كيف كنقولو جات ف باه كتفو وعرف كي كتفو ….
المحجوب : الصداق ما من حقكش ااااا سي لمخنتر
عصام “الصمت”
المخنتر : وااا قلنا نسولو …
الحاج توفيق. : وايلي اسي المخنتر هادشي فيه شك ؟ على كريمتكم (بنتكم) رخيصة …
عصام : الحاج هادشي دياال الصداق بينها وبين يونس انا غير يتهلى ليا فبنتي “حشا لباه الهضرة” الي قطعت من لحمي باش ميقيصهاش القريب اما البراني لاقيين معاه سلاكة والخير الحاج …
يونس : الصداق اسي عصام منتناقشوش فيه شحاال مبغات انا موجود”حط ايدو على صدرو” هي كيف قال الوليد راها مارخيصاش …
نسيب يونس(راجل اخته رجل متدين وامام) : المهر ضروري اولدي …المهر ما يدفعه الزَّوجُ لزوجته بعقد الزَّواج معجّلاً أو مؤجّلاً»وهو حق مفروض على الزوج، وألزمه بدفعه بالمعروف. ولم يحدد الشرع الإسلامي قدرا معلوما للمهر، فقد ثبت في الحديث، ولو بخاتم من حديد، أو بدل منفعة، سواء كان قليلا أو كثيراً ولو قنطارآ. وقد جعل الشرع الإسلامي تقديره بالمعروف «على الموسع قدره، وعلى المقتر قدره» ومبنى الأمر فيه بالتراضي، إلا في بعض الأحوال، فإذا جرى العقد مثلا، ولم يتم تحديد المهر مع عقد الزواج،
عصام : ونعم بالله …ماقلتو عيب ..
لمخنتر”ضرباتو اللقوة وجاتو السالمة هههع” …
مشا عصام حدا البيت فين جالسين العيالات وعيط باسمها من بعيد وهي تخرج عندو صفاء …
صفاء”عينيها قرقشو دارو القلوبة قلبها سخف ولا فمها غايترعد” : خ احم نعام..
عصام”شافها لابسة قفطان جوهرة زرق ومصايبة شعرها ومع هي حروفها غزااالين كملات بالمكياج الخفيف ” : كلمي فرح تخرج عندي…
حركات ليه راسها وهي تدخل عيطات ليها وخرجات لعندو عنقها بجنب وداها لبيتو هو وخوه وعيط ليونس وجدو لمحجوب خلا المخنتر كيبلق فعينيه ويلولبهم…
مبارك”شاف فيه ومد ليه كاس الما” : هاك اسي المخنتر هههه ماتخفشاااي نهار العرس وگف (وقف) ليهم عند الباب والي يسلم را غايكمش ليك واحد تلتمية ريال وجمع ليك زرورة مع راسك “ضحاااااك تا ضحكو جماعة كاملين وقلبوها ضحك خلا المخنتر عقد حجبانو مرضاش “
المخنتر : ممممم ..
لمحجوب”جلس فرح حداه حادرة راسها ويونس مقابل معاهم وعصام ” : بنيتي يونس قاليك غايكون تركاب الخواتم نييت ليوم وقاليك العقد بعد شهر والعرس تاهو من وراه بشي ايام مهم نتي وشوفي امتا توجدي راسك…
يونس”حنحن” : وشحال يقدك باش توجدي …
عصام : تماما …والاهم واش نتي موافقة بعدا را الي بغيتيه غايديرو ومنقولوش لا كلشي عليك نتي…
يونس : الى بغيتي العرس نعطلوه نديرو العقد و تبقاي فداركم تالوقت الي تكون مستعدة …
فرح “كانت حادرة راسها كتسمع عطاتهم وقتهم تا قالو كلشي عاد هضرات” : احم ولكن شنو يضمن ليا بين العقد والعرس متقولش ليا جي لدار ولا باتي عندنا …
عصام”هز حجبانو ف يونس زعما كلام فمحله”
يونس : كلمة رجال وعطيت العاهد لعصام هاهو نهار نقوليك جي هو ميخليكش…معنديش هاد القضية نتي مدرتيش عادتك ونجيبك لدار بالسكات…
فرح : ونبقاو مخطوبين تايفوت صيف شوي تخفاف دنيا عاد نديرو عقد وعرس…
يونس : انا مكرهتش ولكن باش تعرفي عليا وتعرفي طبعي نخرج معاك بخاطري نجي نزورك ونهضر معاك بخاطري يكون كلشي حلال منخيطش بيك دروبة ونتي مارابطني بيك تا رابط شرعي…
فرح”بقات ساااكتة حيث هضرته على حق وكلام مقنع الى حد ما “
عصام : ماقال عيب اختي …ياك وافقتي ومقتانعة بيه ..وخا متفاهموش وطلقي راكي غاترجعي لداركم دار باك الي هو انا واش انا غانفوتك؟ واش الى طلقتي والله يحفض مغاتلقايش الي يبغيك ؟ تاحاجة مبعيدة عند الله وتاحنا خاصنا نتفائلو وسي يونس را رجل بمعنى الكلمة…
يونس : الله يكبر بيك…
فرح”تنهدات وهي تهز راسها شوي” : الي قالها عصام انا موافقة عليها…الله يسخر…
يونس”ضحك من قلبه” : اللهم امين لينا وليك …
المحجوب : اللهم بارك…والله يجعل كلشي مبارك ومسعود..الله يرضي عليكم..
يونس : نمشيو نديرو تركاب…والوراق ديال العقد والي غايخصك شنو تقداي وكلشي الفلوس نهار تنين فالصباح تلقايهم فحسابك غير كتبي ليا رقم حسابك …ويكون الخير
سيمو”شاف فالمخنتر ” : فراسك افوزي دار العجزة فالجديدة خوات ؟ نضل نتلاقا بعصام كيدور بالموطور حداها غايتهدد ليحضرسلامة “يلاه غاينوض ليه المخنتر وهو يورك عليه مبارك زدخل عصام ويونس خلاه بغا ياكل جنابو هههههع”
مشا عصام ويونس لصالون عند الرجال وفرح مشات لبيت عند العيالات جلسات فبلاصتها حدا عگوزتها المستقبلية …اما عند الرجال غير جلس يونس و عصام …
الحاج توفيق : امضرا ولدي…
يونس : ان شاء الله العقد من بعد شهر ودابا تركاب الخواتم شي مبارك ومسعود من عندك الوليد هههه
توفيق : ايوى سيادي مبارك ومسعووود هي نقىاو الفاتحة …
المحجوب : على بركة الله…”هزو كفوفهم والعيالات كذالك حيث سمعو صوتهم ليهم باش يبداو …سماو الله وشرعو فقراءة سورة الفاتحة….حتى كملو..
عصام : اااامييين يووووووووويويويويويويويوووووووووي ….كانت اطول زغروتة ديرها نجية وتبعاتها فاطنة و سهام اخت يونس وكل تزغريتة حر من لاخرى…من بعد ما حطو ليهم العشا الي متكون من دجاج محمر وعامر بالكبدة والعنق ودغميرتو معسلكة تا بغاات تعسل وفوق منو الحامض مقطع نصاص عامرين بهريسة وزيتون رونديل …وخبز وموناضة عاد تبعوه لحم بالبرقوق ولوز مقلي …كلا بنادم وشبع وتحط ديسير عاد جمعو دنيا فرقو الحلوة ثانية واتاي وجمعو وتافقو تاني على المواعيد عاد جابو حلوة لاكريم وصا عليها يونس وجابوها معاهم وتحطات …تعالت الزغاريت وتبريكات وتصوار حتى وقفات الحاجة غيتة عطاتها بنتها ديك ساشية الي فيها الذهب وعيطو ليونس وعصام وفوزي وسيمو حيث هادو خوتها والمحجوب والبقية خالها وعمها والرجال الكبار وباها بقاو فالصالون تيركبو الخواتم ويقطعو الحلوى ..هادشي فرح كان بالنسبة ليها فحال مفاجئة مضناتش غايركبو الخواتم كانت غاتستعد اكثر…
فرح : كون علمتي عصام ولا علمني…نوجد راسي “هبطات عينيها كتشوف فحالتها هي وخا مصايبة راسها ولابسة زوين وكتبان مختالفة غير زينها المميز وسطهم والبريئ را كافي “..
يونس”قرب ليها” : هو صراحة مفاجئة نيت وليني جربت حضي …وراكي زوينة فكل حالاتك …
فرح”تبسمات بخجل” : شكرا …
غيتة “جبدات زوج بواطات وحدة فيها خاتم ذهب سامبل فوسطو حجرة وخاتم ديال نقرة ليه هو …عطاتهم ركبوه لبعضياتهم وتصورو وعاد جبدات ليها سنسلة ديال ذهب فيها قليب هزات شعرها تا ركباتها ليها وقبلات ايدها بحب واحترام مكتافية بابتسامة فقط…
دازت ليلة زوينة فرحو ناس ونشطو وخرجو على اتفاق تام بكل الخطوات الي غايكونو ويديرو…كانت اول ليلة يونس غاياخذ فيها نمرة فرح وكتب عليها اسم “فرحتي♥️” حب هاد لولد ليها نقي وصاااافي حب بلا عقد ولا مشاكل كيف شافها بقات فبالو تبعها وسول عليها وزاد اعجابو بيها ونهار على نهار حتى لقا راسو حبها بدا يتوغل ليه ف قلبه وقصدها قصد شريييف واختار الطريق الساااهلة وهي طريق الحلال …ولد فحال يونس ب طبعه وب مكانتو تتمناه اي بنت شاب وسيم حنين درويش عارف بينه وبين الله …شنو غاتبغي مزال ؟ طريق ساااهلة وان شاء الله تكون من مصيبو ويتنال المراد…
متكية فبيتها من بعد ما كلشي مشا ينعس وتجمعات دنيا جالسة حداها صفاء مفرشين فلارض ومتكيات وهي كتشوف فخاتمها ولا تلعب فديك سنسلة وساااهية فيهم …
صفاء : بخرية الى تخطبتي…
فرح : دابا تخطبي وتعيقي عليا تانتي…
صفاء : نعيق عليك بحبي صاصو …
فرح : شكون صاصو؟
صفاء : اكيد عصام شكون غايقوليه صاصو من غيري ؟
فرح : حگا سولتني عليه اخت يونس لبنى عليه ..
صفاء”ناضت عرشت ليها كي سلوم ضو” : لاش بغاتو ؟ لاش ؟ اش ليها فيه ؟ فين تعرفو فين عرفاتو ؟
فرح : وتي را غا سولت ورا ..
صفاء”بدات تشالي بايديها” : ااااافرااااني الفيراري …تي بان ليها لابس جلابة وضارب الحطة والشعا الي ضارب على عصام وشعر مسبسب ومرجعو لور وسروال قندريسي را انا الي ديتو ليه المصبانة هو والجلابة …قريت عليه رقية فنفسي من عينين بنادم وكون يحساب ليا كون قريت سبعة المرات باش تتقب لمها العين …راني نصبح رقي ونبات رقي تي را حبي هذاك وبراكة هايهايهاي …
فرح : واخا سمحي لينا ..
صفاء : ونتي يا المحلولة يا مترعة زوك يا مطحشة الكرش
فرح : اتي تهدني …
صفاء : زوكك يدير ربعة مني لا جلستي عليا نحصل بين فلاقيك ..
فرح”حبست ضحكة” : اييه هههه
صفاء : مال طبنمك متقولي ليها را خاطب ؟ هاضرة فيه وحدة ؛؟ قولي ليها متقفاك ميوقف ليه عمودو (ديالو ههه ) الا الى شعلات فيه ضو لالاك بنت سيدك الي هي انا ؟ تيغرادو انا الي نعرف ليه…
فرح : واخا كوني هانية غاتهدني الزمر نهار يبغي يخطب نشكرك ليه على رقبتي وتقليدي…خاصك غانتي تحركي باش بغيتيه يعرف بحبك ونتي غا تتشوفيه وتولي هاربة ؟ ديري حركة بداي تباني الى بصح كتبغيه… راكي ختي قبل متكوني صاحبتي والي نبغيه لراسي نبغيه ليك …اه هو خويا وليني تحركي تانتي …
صفاء : خاصني زوك باش نباشر…
فرح : نعطيك من عندي…
صفاء”مغوبشة ونافخة وتشوف لهيه…والي فيها ممهنيها ” : لا ديالك بيض وانا سميمر يحساب ليهم غا جاني البرص…
فرح : ههههه وخا تهدني وسمحي لينا…
صفاء : عاااااان “سكتت وعاودت نطقت” طبووون امك …
غير شاف سميتو فالتيليقون وهو يتگعد تقاد فالجلسة كيكحكب حيث مضنش غايعيط ليه دابا …مراد شاب محترم خلوق ورجل يعتمد عليه وهو الي حنين فديك الدار هو وتوبا عارفين بحق الناس وخا لباس عليهم قمة التواضع شعبيين مفيهمش النفخة وبخ بالعكس حيث هما اصلهم كانو ناس عاديين غير مسك عليهم الله كيف قالت من رزق زين وباه باش عاشو ووصلو فين واصلين حيث محلات الذهب والمجوهرات معروفين فكازا ديال باه وعندو محل فتارودانت هو اول محل بدا فيه باه كان جا من الدار البيضاء خدم عند ذهايبي حتى جمع فلوس وملي مسك عليه الله اكثر فتح محلات فكازا وتوسعات القضية عندو حتى كبر زين وبقا كيقرا ويعاونو تا زاد اكثر وفتح محلات فهاد القصارية حيث اصلا زين الدين كان جاتو القراية فكازا ..واستقر باه فتارودانت الي حتى توفا هو وام زين فنفس النهار …احداااث كثيييرة غادي نشوفوها مع الاحداث الجايا…
مراد”مسح فمو بزربة وحنحن منضف حلقو” : الو خويا زين الدين …لااا غير هههه غير كنت كنفطر ياك لباس عليك اخويا غبرتي تا خلعتينا عليك ؟ ا اه ههه ..لا خذيت شهادة طبية كنت عيان شويا صباح غانرجع تما …
توبا : قوليه يهضر معايا الى كان مسالي …
مراد : الوليدة كتسلم عليك ..ايه واخا “مد ليها تيليفون فهاد اللحضة كانت جايا بنتها شادا فدراع باها وكيضحكو ” ولدي الحبيب على سلااامة سمعت صوتك يا الحنين ..بيييخير اولدي الله يحفضك ليا …واخا ولدي تهلا فراسك …هههه بصاااح ،،ان شاء الله اولدي بالرزق والتيسير ياربي بالرزق اولدي …الله يرضي عليك …في امان الله …
مراد : قاليا رتاح يومين اخرى الى مريض …
توبا : ايوى جلس مالك ؟
مراد : سيستيم اميمتي انا الي شادو فالمشروع راني مخلي دراري كيصايبو تما غير مرضت نمشي نشوف فين وصلو ونديرو تجارب …عاد غايجي وليد تاهو يشوف المانتونوص وجاي ريان بعد غذا باش نشوفو امور القانونية …عندنا شلااا ضغط الوليدة والافتتاح فشهر اكتوبر …وشوف امتا تبدا الخدمة …
الغالي”جلس” : هضر زين الدين ؟
ضحى”خرجات عينيها حيث كتموت منو مغاتبقاش ترجع لدار تالاش من وقت والطيران والفشوش غايتحد واحد شوي”
توبا : يلاه هضر من صوته بان ليا عيان ومقدرتش نسولو راك عارف مكبغيش يشطني …
ضحى”فتاة فعمر تسعطاش لعام حروفها فحال باها غير عينيها زرقين شادا من الغالي ومن توبا وهي البنت الي صدقات لتوبا ..بدات تسول وخايفة ” : غايجي خويا زين ؟
مراد : الدييين كملي سمية لا يصمك مك مع الحايط هههه
ضحى : باااسل ههههه (ضحى ومراد خوت بالتربية) …
توبا : واااقلة الى سالا هو والسيد غايجي سيمانة جايا مهم علمني نكون واجدين فاي وقت را غايجي سيمانة جايا …
مراد”نغزها” : نقصي من صحابات والخروج وتعطاال هاد سيمانة …انا محبي على باك ومك را تعيا وهي صابرة ليك يا تكردني من تسلگيط يا توصلو هو بلا منقولها ليه …
ضحى”الصمت قلبها كتحس بيه عند حلقها…هو ميدير ليها والو وليني غير يهضر جوج كلمات كتركن ..ماا كيضربها مكيقرب جوج كلمات من صغرها مكتعاودهاش معاه باه مكيهضرش حيث عارف بالي كتهمو وعارف بالي ختو الصغيرة قبل متكون بنت عمو وهما هكاك مولفين عارف كلشي على مصلاحتها واصلا الحاج الغالي بغا يموت ويكون عندو ولد يكون سند لبنتو …” : امي غايدير حفلة لمشروع ؟
توبا : ماقال والو ولكن الى كان شي حاجة غايسبق الصدقة هي اللولة الطلبة …
مراد”دوز على كرشو” : خههههه زاهيا زرود ا الحاج ..
الغالي : سول فمحلاتو بعدا ؟
توبا “خنزرات فيه ” : وعلاه نتا عارفو قليل الاصل تيسول فيهم ؟ ياك رزقو كيوصلو ياك الي بغيتيه كيوصلك ؟ عمرو خسر ليك خاطرك الحاااااج “وركات عليها”
الغالي : اش قلت انا ؟
توبا : مقلتي والو راني غا كنعاود ليك وصافي وكيف كيقولو فالاعادة افادة …الحاج ..ومتجبدش ليه هاد الهضرة حيث هو مكيحملهاش مكيحملش البراني يقول را فلان عاون فلان من الفقر مكيحملش الي يمن على شي حد بقا غير تقوليه هاد الهضرة تحسسو بالي را كيمن علينا ؟ عينك فالصداع…
الغالي : يااا عودذ بالله …
توبا : و ويااااك تجبد ليه داكشي …وماتحكش ليه على دبرة خليه هاااني را فيه الي كافيه …
الغالي : كبي كبي نشربو كويس اتاي كبي وحلتيها لينا يا العياذ بالله منك…
توبا”كبات ليهم وبداو فالفطور وهو يقرب ليها هضر بينها وبينو”
الغالي : ديك الهضرة الي هضرنا هادي يومين مزال نهضرو فيها …
توبا”حدرات عينيها الي دمعو دغيا ونطقات بغصة” : الله يكثر خيرك الحاج هذا المضنون فيك…صبرت تا عييت وغير فشرد مراد وضحى..هاهو جاي وهضر معاه وفك كلشي …
الغالي :.واش قلت شي عيب…
توبا”خلاتو بلاكة” : بنتي حنينة شربي قهوتك وكولي املو عاد جابو محماد فاش جا من اكادير…
الغالي : لااا حول ولا قوة الا بالله….
فواحد الوقت قبل ميتزوج توبا كان بات زين الدين مخدمو عندو فواحد من محلات الذهب وكان زين الدين كيقرا فالاعدادي… فديك الوقيتة تعرف على توبا اخت الحاج وعمة زين وبنت الحاج الكبير الذهايبي …تزوج بيها بدون اي رفض من واليديها بالعكس كانو ناس مزيانين عرفوه راجل كبابل وباغيها فالحلال مكانش فيهم ابدا ديك القضية ديال فقير معندوش منزوجوهش ليها بالعكس ناس قمة تواضع ورقي …شافوه خدام وبدراعو عرفوه غايقدر عليها ويزيد القدام مهم هي بغااتو …وفواحد الوقت زين الدين ملي كبر وبدا يقرا فكلية كبيرة كيقرا ومشا لمراكش سكن مع دراري صحابو وقع واحد المشكيل كبيير وجرا الحاج على الغالي لكن توبا مبغاتش تفرق عليه خرجات هي وياه كرا ليها بيت فين عاشو تا توفى بات زين وام زين ومشا ليهم فشرد عمتو الي رباتو من صغرو قبل متزوج ..خلاه يقابل محلاتهم وتهلى فيهم وشرا هاد الپتي فيلا وسكنو فيها …حيث بغا العائلة تجمع ريحة واليديه الي هي توبا تبقى حداه كيحسبها الام ديالو كيحسبها هي الحنانة هي الرضى…بقا كيقرا تا سافر يكمل قرايتو وبغا باش كل مرة يرجع يلقا عائلة فاستقبالو حتى كبر مراد الي كيعتابرو خوه الي بعقلو مسلمو ادارة السيستيم ديال مشروعه علاش مشا لبرا خدم وجمع فلوس اضافة الى الارباح ديال محلات الذهب ديالو الي كتوصلو واخا هكاك حاااضي مع الغالي معندوش معاه بزااف ولكن كوميم كيبقى راجل عمتو كيكلفو بشحال من حاجة كيقضيها ليه واالغالي ميقدرش يزيگزاكي معاه عارفو علاش قاد … تفاصيل كتيرة اش دار بالضبط تا خلا بات وجد زين يجريو عليه ويحقدو لهاد درجة ؛؟ اش خلا الغالي يخسر معاهم ضواصا ؟ شنو طرا بالضبط وشنو عارف عليه زين الدين ! اشمن مشاكيل وقعات ؟ الايام والاحداث جايا الي غاتجاوبنا على كل ما هو غامض …بقات غير توبا والغالي…
الغالي : جاي وحدو ولا معاه وليد ؟
توبا : لا وليد سابقو هاد اليومين…
الغالي : مقالش ليك علاش كان طافي تيليفون ؟
توبا : مقالش غايكون غير كان خدام …وانا جاني كان عيان حيث صوته حسيت فيه شوي العيا…”ضارت شافت فيه” اش درتي فالفيرما الي قاليك بيع ؟
الغالي : مزال شاري حتى يكمل الفلوس…
توبا : كيفاش يكمل الفلوس ؟ واش عارف بالي يقدر يجي سيمانة جايا ؟ ..
الغالي : متخافيش ماااااتخافيش را عاطيني شيك ضمان نهار عشرين فشهر جاي يجيب الكمالة …
توبا : متاكد ؟ ياكما شيك ماهواش ولا فيه شي دغل را قرايتك على قدك الغالي يلاه كتقرا العربية بزز …
الغالي : مافيه وااالو السيد را صاحبي من زمااان …ثييقة …دااك شهر هضر معايا زين الدين فاش وصاني نبيع الفيرما ونشوف الشاري علمتو باش كاين حيث هذا الشاري الوحييد الي عطا ثمن مخير فالفيرما …
توبا : حتى يجي من السفر يرتاح وهضرو ديك ساعة…
الغالي : رجع لدبي ؟
توبا : هادشي الي قال وليد …
الوجهة هاد المرة غاتكون مغاااايرة جدا وجهة هاد المرة غاتكون خارج المغرب بالضبط فالامارات العربية المتحدة في واحد الامارة من الامارات السبع التي تشكل دولة… و الي ولات اكبر وجهة عالمية كيسكنها جميع فئات العالم …امارة #دبي
باحدى اكبر المصحات المتعددة التخصصات المتواجدة تما …طلع فالمصعد حتى وصل للطابق السابع…كان جناح خاص مكتوب على الباب ديالو “private”خطواته غير مسموعة حيث المكان كيحتاج الصمت لراحة المرضى الي تما وماشي اي مرضى …تم غادي مسافة فداك الكلوار الي فيه اضاءة خااافتة جدا حتى ضار جيهة الغرفة فيها زوج باب كبيير معلقة فيه بلاكة ديال please do not disturb (يرجى عدم الازعاج) هاز فايدو ملف طبي وحل الباب بشويييييي باش ميصدرش صوت الي يخليه يتبرزط طل عليه فالناموسية ملقاهش فيها بغا يعيط مقدرش حيث موصينو من فوق بتعليمات انهم ميبرزطوهش…تشجع وهو ينطق باسمو : مستر زين الدين !!!”يلاه غايعيط ثاني حتى سمع تحنيحينتو وهو يدور لقاه واقف قدام النافذة مدارش جيهتو” دكتور انس علمني باش نشوفك واش واجد يجي يشوفك ؟
زين الدين”واقف فداك ضلام مع الليل كيشوف فالاضواء ديال المنطقة قبالتو الابراج وناطحات سحاب والمباني العالية على ارتفاع شاهق ..ضار شاف فيه بنضرة مخطوفة ورجع شاف قدامو كيبان غير نص فوجهو مبينين انه عندو ملامح وحروف حرشة غير الوقفة ودوك الكتاف وتگضيرة الملفتة الي فيه داير ايديه وراه ..نطق بصوت غليض بزاف كيتسمع فحال الى نطق مدعدع وخا فيه شوية العيا حيث كان عيان قبل يومين..حرك صباع ايدو بشوي مشير ليه ” : داكشي الي فايدك وخرج …
هو : هذا تقرير على فحوصاتك مستر كلشي مزيان …
زين الدين”عقد غوباشتو حتى ترفع حاجبو ودار نص دورة بلا ميشوف فيه ولا يهضر “
هو”نضف حلقو” : ااه صافي غاتقراه راسك… حتى تعيط ليه يجي هو ..واخا مستر البغدادي …”مد ليه الملف شدو من عندو مكتوب فيه اسم #زين_الدين_البغدادي…حلو ورجع سدو وحطو فوق واحد طابل تما …وهز عينيه ثاني كيشوف عاقد حجبانو …واحد ف السن ديالو دايز عليه بزاف وشايف ومعاشر وعارف بنادم اش تحت راسو وهو مغايعرفش راسو وصحتو…
زين الدين”عض شنايفو كيحك فيهم بسنانو ورجع دوز بايدو على لحيتو الكثيفة ونطق ثاني بداك صوت الغليض الحرش كيشوف ف البلاد الي عاش فيها فترة نييت مخاطبا اياها ” : دوزنا فيها الي قسم الله …
يوم جديد عليها ويوم اخر كيمر على خطوبتها بيونس …كتحس براسها ف مرحلة جديدة عليها بحيث انها ارتابطت برجل مبدئيا الي غايكون مسؤول عليها بلاصة مكان عصام هو كلشي هو الي منو فلوس حوايجها منو فلوس ماكلتها تنقلاتها من المدرسة لاعدادي ثانوي الجامعة وحتى تكوين المهني منو كلشي كتوبتها لوازمها كلشي كان تحت مسؤلية عصام كلشي را عصام او فوزي فاش بدا يخدم تاهو …حتى من الفوطة الصحية شي مرات هو الي كيتقداها ليها …دابا هي غاتولي تحت مسؤلية رجل اخر جديد عليها وهاهي كتعرف عليه يوم بعد يوم ولحد ساعة را مزيان معاها..هي اليوم فالقسم كتقري الحصة ديالها لمجموعة من النساء التي اجتمعن باش يتعلمو ويحابرو الامية وهاهي اليوم واقفة امام السبورة بطابليتها وكتكتب ليهم بعض الحروف وكلمات المشكلة ….
فرح : حنا اليوم غادي نكونو سالينا حرف التاء…”ضارت عندهم” يعني ماااذا ؟؟ “هزات واحد السيدة خمسينية ايدها ” نعم مي زهرة…
زهرة : يعني اننا اتممنا حرف التاء…
فرح : ههههه مي زهرة راك عاودتي اش قلت…”جهدات ثوتها وشافت فيهم” يعنييي ماااذا …”سكاات” الله يا خالاتي الله اش قلت ليكم البارح كاين ممم ؟
طامو : هههه ابنيتي عارفين كاين إمتحاانووون
فرح : امتحااانووون ومالكم مباغين تنطقوها ؟
عيدة “قطعات من دفتر شوية من ورقة وطواتها بدات تنقي بيها سنانها وتهضر ودير تس تس حيث كتنقي ههه ” : واا بنيتي تس تس هههه تي را كل حرف ديري لينا فيه امتحاانون كتنجح غير التاقي وبنتها وانا وزهرة غاا مدرمة معانا نقيقيلة كخههههه و بنت ميرة غا شوي وكان ايوى تباقي كحشيه بشطابة هههه
فرح “حبست الضحكة” : ههه ايوى تباقي ديالك را كنرجع نراجع معاه حتى كيولي متباقيش اميمتي …وبعدا اش كديري بديك الورقة علاش قطعتيها من دفتر ديالك .
عيدة : وتي را غير سايرة نقي سناني صباح كلنا شوا فالسوق مع بارك( مبارك زعما ههه ) هاو بقا ليا فرتيت لحم ..
فرح : فرتيت اللحم ..”دوزات على وجهها بايدها بقلة حيلة” اميييمتي عيدة امييمتي عليك…وااا مي عيدة ودفتر القسم مكنوصلوهش دفتر القسم يبقى للقسم فقط ..بغيتي نعطيك عقوبة ميمتي ؟
عيدة : هاويلي استاذة وباش نقي سناني تي را كاغيط فين حطو لينا شوا لاحو بارك بقا فمي يوزوز فيا وجيت لمدرسة ديريكت مصبتشاي باش نگي (نقي) ..
فرح”مالقات متقول هي كتقلب غير سلاكة معاهم غير باش يتعلمو ” : هففف واااخا …ياك عرفتو كاين امتحان فيي حرف التاااء يعني غادي نعطيكم كلمات قريناهم وبالشكل ديالهم …غذا ان شاء الله غادي نفتيهم عليكم كلمة بكلمة في ورقة مزدوجة …مفهووم
هما : مفهوم استاذة
فرح : حسن جدا …يلاه دابا “ضارت تكتب” دخلنا اليوم الى حرف الثاء ..نطقو معايا ثاااء
هما : تااااءون
فرح : ولااا ماشي تاء را سالينا هاد الحرف …
مباركة : يا بنيتي راهم تريكة وحدة
فرح : مي مباركة اااا مي مباركة كيفاش تريكة وحدة كتعرفيهم ؟
مباركة : كي تاء كي لاخرى وحدة تعرف تهضر وحدة لسلاسة..
فرح : لسلاسة ؟ “حدرت راسها ودارت ايدها على جنبها ” لا اله الا الله
عيدة : محمد رسول الله ههههه تقلقيشاااي ابنتي غا نبسطو معاك تي راك الكبدة البيضة زيدي حبي (حبي هي بوسي) ميمتك استاذة …
زهرة : تي را سايرين نبسطو عماك (نتمازحو معاك)
فرح : مي زهرة حفضتي سورة الفلق ؟ منسيتش قبل منساليو غادي تعرضيها عليا …
زهرة : اييه حفضتها …بايتة لبارح معايا بنتي تا حفضتها الله يرضي عليكم بجوج …
فرح”تبسمات بفرحة” : وهاادي خبار زينة هكا نبغيكم ديرو الحفاضة والقراية فراسكم غادي تقطعو بزااااف ديرو راسكم فحال الى دراري صغار وحتى انا معاكم كنتعلمو را واعرة غير البدية …
لبنى : استاذة ليوم قلتي غاتبداي معانا سورة الكوثر…
فرح : صحيح لكن قبل يجب ان نعيد نطق الحرف الجديد حرف الثاااء …هانتوما ردو لبال لساني كيفاش غايدير حيث هذا هو الفرق بينو وبين حرف تاء “شافت ف مباركة” عندك صح نفس تريكة ولكن مخاصمين اميمتي قضية ورث وداكشي
هما”ضحكو كاملين حيث مولفين كيتمازحو بيناتهم ” : هههههههه يعطيك عقل ..يعطيك النو ههههه
فرح : سيرو معايا….ثاااااءٌ
هما ” شي كيقولها مقدها شي ناطقها تا شي نطقها شين هههه “
فرح : هانتي مي عيدة انا نقرب عندك شوفي فيا وفلساني …ثاااااء
مباركة “كتبغي دير فحالها مع معندهاش فم كتولي ترشرش دفالها” : شااااءون
فرح : منين جات شين وحنا مزال موصلنا ليها منين ؟ عنداك نوصلو ليها وتنطقيها ثاااء را كنعرفك نتي عكسية…
مبارك : تا البودالي راجلي يقوليا عكسية هههههه
فرح : هههه شتي تاهو معكسة معاه..
مباركة : لااا وااالي بنتي الي امر عليها نديرها يجي يلقا ما الوضو واجد فوطة ونغسل ليه رجليه …فطورو واجد غذاه واجد عشاه واجد واخا حريرة بيضة وخبيز وينعس مرتاح حوايجو ديما مصبنين منقول ليه لا تانموت…
فرح : وفاش عكسية ؟
مباركة”هضرت معاها بشوي” : فتغراد المجوجين ابنتي …راني كبرت وكبرنا ومزال ميقنع وعكست ليه فجواج بثانية …
فرح : تغراد المجوجين ؟
عيدة : تاتجوجي وتعرفي..
فرح”خرجت عينيها وهي تكحب وضارت مشات لسبورة ” : عاودو معايا واحد شوي ونبداو ف سورة الكوثر ان شاء الله “وصلها ميساج من يونس شافت تيليفون فوق المكتب ورجعات تكمل حتى تسالي وتشوفو”…
سالات معاهم الحصة وكيف العادة منطقو داك الحرف حتى تنفخ ليها راسها …بداو يجمعو ناضو وبداو يسلمو عليها من بعيد يودعوها وهي جالسة فالمكتب كتجمع فلوازمها هزات تيليفون وقرات لميساج من يونس …
يونس : صباح الخير زين ديالي …قربتي تخرجي ؟ انا قدام المدرسة انا والوليدة والخالة نجية كنتسناوك باش نهبطو لجديدة تقداي شنو غايخصك …
فرح”دوزات ليه ابيل نيشان جاوبها فالحين” : صباح الخير هههه اواه مقلتيش ليا غادوزو ليا …
يونس : جينا جينا نفوجو وتشوف الوليدة فين كتقري …ساليتي ؟
فرح : وااه هاني خارجة”هزات لوازمها وخرجات حتى بانت ليها سيارة ديالو هزات ايدها شيرات ليهم وخرج فاستقبالها سلمات عليه بايدها مبتاسمة وطلات على غيتة حلات الباب سلمات عليها ودخلات ركبت حدا نجية الي عنقتها وتحركو باش يتقداو شنو غايخصها من دهاز وشنو غايخصها ليلة العقد …(تءكير نجية ام فرح بالرضاعة) …
داك صباح كامل دوز ه فدوران حتى لقاهم الغذا برا وداهم يونس لواحد ريسطو فالمدينة فين تغذاو وفوجو تا سالاو و صل الوقت ووصلهم لقدام دار…
يونس”هز معاها المياكي حلات الباب دخلت هي ونجية وحطهم ليها فالصالون عيات مع غيتة تدخل تشرب اتاي اعتاذرات منها حيث بنتها وراجل بنتها جايين …اما يونس غير حطهم ووقف معاها فالباب وقال ” : رسلي ليا دابا رقم الكونت
فرح : واخا”كتبات ليه رقم الكونت ووصلو فواتساب طلات عليه باش تاكد وهي تقرا اسم فرحتي ♥️ عجبها الحال حيث كيبغيها وباغيها …تبسمات”
يونس : صافي مزيان انا ندوز دابا ندوزهم ليك …مخرجة شيك نتي ؟
فرح “حركات راسها” : اه عندي كنت كنستعملو فاش كنت كنبيع شي حوايج ديال كوموند …علاش ؟
يونس : غير سولتك صافي من احسن حيديه بقاي تخدمي غير بكارت گيشي ديالك غانولي ندوز ليك الي خصك غير بالابليكاسيون…
فرح : ايه واخا تا هذا بلان اصلا غانحيدو حيث غايدوز ليا صالير هاد شهر ان شاء الله …”تسالمات معاه ومشا وهي دخل عند نجية لقاتها بغات تمشي ” والله امي نجية متمشي انا نمشي نعيط لسيمو وفرح ومي فاطنة وها فوزي شوي ويجي مغايخدمش هاد العشية ونعمرو اتاي والقهوة ومجبد المسمن والحلوة وخلينا نهضرو ونبسطو ونشوفو نيت اش خاص نتقدا
نجية : مزية نيت نشوفو اش غايخص نتقداو لحفلة الي غاديري لضريب صداق مبقا والو غمض عين وحل عين…سيري عيطي لمجحوم دغاك ولا عيطي صافا تلحگ عليا قبل لا يجي بوك وانا وحدي …
حركات ليها راسها ومشات كتزرب عيطات لصفصف الي دازت لدار ونيت تشوفها اش تقدات من حوايج ولوازم بينما دخلات تفيق خوها فالرضاعة سيدي مولاي السلطان سيمو بجلالة قدره…لقات خوتاتو صغار كيلعبو …
فرح : مريم سيمو فاق ؟
مريم : اه فبيتو …
فرح”سمعات صوت الموسيقى طالق الوايواي ” : شي تويشية جديدة هادي…”دقات عليه الباب وعاودت حتى حبس الموسيقى”
فرح : ونووض البغل اجي معايا لدار مجموعين على كويس اتاي والقهوة…
سيمو : صبري نكمي واحد جوان وهاني جاي باس نسد معاكم الميزان…
فرح : والله منتحرك تتجي معايا نوض الح ماار …
سيمو : يركل موك…”طفا جوان فطفاية وناض لبس عليه تيشرت وشورط حيث كان عريان خشا فرجليه كلاكيط وخرج لعندها عينيه حمرين يلاه مبوق…” عروسة تريبل اكس ..
فرح : مك …يلاه
سيمو”خشاها تحت باطو وتم غادي ويعنكس فيها بانت ليه ختو مريم صغيرة ” : سيري لمك تحفضي “طارت من حداه دخلت تحفض قاطعها فخوتاتو” ديري كي خيبتي مانا مكمل لافاك مانا قاري مانا خاري…
فرح : علاش مباغيش ترجع لافاك غا صبر ازمر والله ودفع لضباط ولا كوميسير الى شديتي ليصونص…
سيمو : ههههههههه ندفع لضباط ولا كوميسير هههههههه بلا مندفع من كثرة ما تشديت غايشهدو فيا واحد الكومسير ولا يقوليا سيمو انا تهلكت بلاصتك حشمت نبقا نشد فيك
فرح : هههههههه كلب …وعاجبك مي نجبة كل مرة هازا جلابتها ومعيطة لعصام يفكك…هاد المرة قاليا بالله تنطحنو عصا وراك عارف عصام الى سدك يقسمك على ربعة…
سيمو : صافي دابا نتوب ….
دخلو لدار شمو ريحة المسمن كيطيب وصفاء حدا نجية وفاطنة تاهي جات …جلسو فالبيت حتى جا فوزي تاهو تجمعو فالبيت وبقات نجية وفاطنة يهضرو مع فرح …بخلاصة هاد الجيران بالضبط الي كنذكر هما ماشي جيران هما اهل هما الناس الي قدرو يقومو بدور الاب والام لعصام وفرح وفوزي …كيدخلو وقت الي بغاو ويخرجو وقت الي بغاو باب دار محلول ليهم وفاش كيكون عصام وفرح وفوزي مسافرين عند جدهم كيخليو ليهم ساروت يطلو على دار …لقاو فيهم المحنة الي ملقاوهاش فتريكتهم وواليديهم ودابا هاهما مجموعين كيف ديما مرة عند نجية مرة فاطنة مرة عند الخوت بثلاثة وفوق من هادشي بضحك ولعب والغنا ونشاط وخالقينها …جيران فحالهم ولاو شبه منقرضين قليل فين تلقاي بحالهم …
فوزي : وااا مي نجية واش باغا تكري لفوق تاني فالصيف لليلة ؟
نجية : واااه اولدي را صيفطت جارتنا مينة عطيتها ساروت تهزو مع ساروتها …
فوزي : شحال درتي ؟
نجية : كي ديما فالبدية خمسلاف ريال لليلة…
صفاء : قويتي افاطيمة…را عندك غا بيت وكوزينة
نجية “خرجات تمسح فطابليتها” : وشحاال نطلب بسلامة ؟
فوزي : ياك كتكريها بهاد ثمن ديما ؟ صلاة عالنبي مخيرة ليك …
سيمو : زاهية تيتيز ثاني …
نجية”شربنت عليه ومشات شنقت عليه مفهم والو” : نهار لگا (نلقى) وجهك لفوق نحش لوالديك زنطيط “فوزي وحلت ليه القهوة فرح خشات راسها تحت باط صفاء وصفاء بغاات تهرب ضارت ورا فوزي كتضحك بالحس” عليا بليمين تنحك ليك داك زنطيط الي مادو وجايب ليا البلا عليا بليمين كي طهرتك تنعاودك …على فعايلك غالي كرات عندنا تخشيها تحتك
فوزي”غنس راسو بين كتافو ..تزنگ بالضحك ” : ههههههههههههههههههههههههههههههههههههههه
سيمو “خرج عينيه ” : مي هنينا و تي ريحي لارض غا وحدة امي هي الي جبدتني …
نجية “زمات فمها بالغدايد وخرجات فيه عينيها تا ولا يلولب فعينيه” و عليا بليمييييييين وبحلوفي وراني حلفت تنشوهك الى مجمعتي عليا راسك وعليا بليمييييييين تنقسمو ليك على جوج ا مصدي الزوك …
فرح”كتصرفق فراسها بالصحك ونجية كرمات عليه كرمة وحدة”
صفاء : وااااا ماااي مااااي ماااااي سيمو متبغيهاش لعدوووك ..ههههههههه
فوزي”وحلت ليه لقهوة ولا يصحك ويقهقه” : هق هق اهههههههههههههههههههههههههههه واااااالرب العالي براكة مي نجية صافي روي ستون هههههههههههههههه ” دخل عصام لقاها شانقة عليه وتقج تا فكها منو”
عصام : مال هذا
سيمو : كحكح ضلمتني خويا عيصومي ..
عصام”نزل عليه لقرفادة تا تسمعت اووو ” : گرينك انا “خنزر فيه”
سيمو : سمح ليا خويا عصام…
صفاء”فنفسها” : اححح على الكبييير اوي بوسة من فمك بخبار ختك …
رجعو يضحكو على سيمو تا بغاو يهبلو بالصحك ديما مشاد مع مو مخرج فيها العجب هههه عصام مشا هز حوايجو ودخل لدوش دوش ولبس تما ومشا طلع لسطح يكمي عاد هبط شرب كاس القهوة وكلا معاهم وجمع حتى بدات فرح كتجبد الحوايج وتوريهم شنو تقدات مع نجية …وسيمو تاهو يقلب وخاشي راسو وصفاء بغات معاها تاهي تلبس ههههه و فوزي كيحرك الميزان وفاطنة تضحك….
فرح”جبدات زوج تواب مليفة ” : هادو وصات عليهم واحد السيد جابهم ليها من شماال يلاه وصلو…
نجية : الحاجة غيتة را وزانية مصوابة …
فرح : زويينين بصح …وهادو زوج بيجامات وحدة غالبيها فاش نمشي عند الكوافورة نهار ضريب صداق …وهادو شي لعيبات داكشي ديال مكياج وروايح …وتفصيلة ديال تكشبطة وقفطان …هادشي الي كاين لليوم حيث غير لعقد داكشي ديال دهاز والعرس تيقرب…
سيمو”بغا يرد ليها صرف ديال الضحك الي ضحكاتو عليه قبيلة ههه ” : وبيت نعاس صايبو ؟ كي شتي يونس نجار خطييير غايديرو ناضي حيث باغيه لراسو يتمرح فيه
فرح”ضربتها لقوة فنفسها را كتشتف على رية سيمو”
فاطنة : الله يمسخك…
عصام”دور راسو جيهة تلفازة “
سيمو”مصغر عينيه ففرح” : ا بشوية على ريتي هاديك هاااه
فرح”بكلمات غير مسموعة كتمتم وتشوف فيه ” : الله لا بقاااات ف مك …
صفاء”بغات تغير الموضوع ” : غزااالين حبيتهم ذواقة خالتي غيتة …احم مي جمعي هادو بديك الطوية الي كديري ديال العرايس راكي مزوارة مسرارة امي ..”خلاتهم كيجمعو وكحزات حدا فرح كتهصر بشوي” فيك ميمشي معايا صباح ؛ ؟
فرح : فين ؟
فرح : هانتي انقوليك تغوتي ديري حركة نكح دينمك وسطهم…
فرح : اش بغيتي تصنعي تاني ؟
صفاء : ديك سيمانة تلاقيت ب سمية صاحبت ناهدة صحيبت صطوف…
فرح : ويييع فكرتيني غبرات ؟
صفاء : قالو ليا مريضة دابا تبان تانتي ..ماعلينا خليني نكمل ليك…وكي شتي سمية كانت ضعيفة تاهي فحاالي غير انا عامرة عليها شي شويش من الحناك ههههه …ودابا تسوفي الاتاريم المترمة كي ولات يا ساطة فلق يتهز وفلق يتحط …باش عرفتها هي نگ عليها سيمو حصلتو هههه “ضارت عند سيمو ” اش قلتي لسمية امسخوط ديك المرة فاش تلوطتي عليها ههههه
سيمو”دوز على صدرو ” : اححح على سمسم ربات الترماحة واشمن ترماحة خلات قلبي سايل وراها. …
صفاء : ملي عرفها سمية ولا يقوليها واش هذاك كر ولا زيادة فالزهر من ميكات عليه قاليها سيري سيري را عامر غا خرا خهههههه
فرح : ههههههههههه كلبون …ايه كملي …
صفاء : قالت ليك شربات شي كينات وعاونت بالگديرة …انا مي ساخطة عليا لا قربت لدردك بقا ليا غاللحسة را وصيت عليها السالكة تجيبها معاها من العيون …ونجرب الكديرة نجبد العضلة النائمة”خشا سيمو راسو عن كتافها”
سيمو : راها ماتت اختي صافا ماتت ما ناعساش تفرقي على ترمتك الكلبة لا نطح مك …
صفاء”خرجت عينيها فيه ” : سكت يحرق لمك طواسل …
فرح : اويلي بغيتي ديري الگديرة ؟ وتصبري ليها ؟
صفاء : نجرب اختي خليني باش من هنا لعرسك تبان فيا تكشيطة والقفطان نجي مع حبي سيدي مولاي سلطان عصام…عاااافاك غير نجرب وصافي الله يحفصك ..
فرح : عرفتي يحصلني عصام مشيت ل حي البرتغالي يكويني من فمي …
صفاء : مكاينش الي يقولها ليه ها سيمو يمشي معانا معرفتي يلقا حل لانعدام المصاصط…
فرح : معرفت والله يصبح ويفتح …”سمعو سيمو صاقل جاو يدورو وهي تلقاه هاز واحد لونسومبل دو بييس بيض مشبك وكيلوط ديالو طاي كبيرة شوي …” اويلي اويلي “شدتها البكية ضارت لقات عصام كيهصر فتيليفون مع صطوف ونجية كتهضر مع فاطنة وفوزي حابس ضحكة ” وماما شدي الكيدار والله تنقتلو والله تنقتلو اهى اهر شدي قبل ميشوفو عصام ..
صفاء : ههههههه انا لله اودا حماد ههههههههه اش كدير انت دخل لخرا “بغات تحيدو من ايدو وهو يبعدها”
سيمو : شحال كتلبسي ؟
فرح : سوقك …
سيمو”خشاه فالبلاستيكة ..عاد تنفست فرح ” : صافي عرفت ..
صفاء : شحال ؟
سيمو : سيفن اكس ( سبعة اكس هههههه ) …
You and I don’t say goodbye,,All we need is one night in Dubai,,Close your eyes, ending the light,,All we need, all we need ,One night in Dubai
على انغام اغنية one night in dubai نتجه فعلا الى امارة دبي عاوتاني فالمصحة الكبيرة بطوابقها العالية جدا …هاد المرة جاي شخص اخر طالع فسانسور وحداه واحد الشاب من الناس الي عندهم نسبة كبيرة فهاد المصحة …
هو : بعده حصلان (حصلان هي مريض) دكتور انس …
انس : نوو حالته جيدة قمنا ببعض التحاليل والحين كلشي ممتاز استاذ نواف …
نواف : الحمد لله ..ما گدرت اشوفه بالامس شان عندي شغل بالعزية وعرفت بالاصل انه هو مب طايع يشوفه احد (الحمد لله..ماقدرتش نشوفو البارح كان عندي شي شغل فالمزرعة وعرفت اصلا انه مبغاش يشوفه شي حد)
انس : ههههه عارف طبعه …
نواف : غمضني والله طبعه فالمرض وايد صعب لكن حگه طباع تختلف…اييمت رايح المغرب (بقا فيا والله طبعه صعيب بزاف فالمرض ولكن من حقه عادي حيث طباع ناس كتختالف …امتا غادي للمغرب)
انس : مقال شيء هو عارف امت …
نواف”خرج نواف للطابق فين غادي خلا انس باقي حيث طالع عند زين اصلا” : بلغه بسلامي الحين عندي اجتماع مع الطاقم الطبي لين يفضى بزوره ..
حرك انس راسو ونسد سانسور وكمل الصعود حتى وصل لنفس الجناح ديال امس هاز فايدو ملف التحاليل الي دار لزين تا وصل لباب الغرفة او سويت ديالو ودق الباب سمعو حنحن وهو يدخل بشوييي بالقاعدة بسكات باش ميبرزطوش حيث سمعو كيهضر فالتيليفون وغير صوته المزعزع كيتسمع يخليك تصهط …كيسوف فيه واقف قدام شرجم من لور طويل نيت مگضر وكتافو عراض حيث طاگتو اصلا هكاك دايرة فصغرو وهو طفل كان غلييض وكثير تا كبر وفاش مرض ولا كيدير سبور كل صباح حيث ضروري مع تريتمون ديالو باش يحرق سعرات الحرارية …لابس طقم گري غامق نقص من شعرو ..كيسمع فيه ويشالي بايد وحدة ويحك فلحيتو غير من صوته توقعي انه مغوبش حيث هادي قاعدته فهضرته حجبانو عاقدهم…عندو مع داك صوت المهيب هضرة وكلامو ثقيييل وخا قليل …
زين الدين : شنو خاصهم ؟ ماااا تعطلش دقيقة وحدة ..الوقت محتاجينو ..نرجع نبغي كلشي واجد عندي ..”قطع تيليفون مخنزر ضار عند انس شاف فيه بمعنى هضر “
انس : سي زين الدين كتبان ليا اليوم صافا وهادشي الي بغينا…
زين الدين”هز باكية الكارو خشاها فجيبو مكيكميهش بزاف غير جوج مرات فالنهار الى كثر وطلع ليه بات مات ستريس كيكمي ثالث وغير فبعض الحالات …الشراب او الخمر عمرو وصلو ..والميزة الاهم الي فيه الصلاة ثم الصلاة عمرو مقطعها من نهار بداها من عمر صغير ..كل مرة فاش كيزور واليديه الي توفاو فالحج فحادث اليم الي غانشوفو تفاصيله تاهو وكيفاش توفاو …فينما كيزورهم فالسعودية حيث تدفنو تما وعطاوه رقم القبورة ديالهم كيمشي يزورهم زوج مرات فالعام او فينما تاحت ليه الفرصة وسالا ولا لقاه شي مؤتمر تما او فعطلة كيزورهم ويدير عمرة …وخا طبعه صعيب والي غانعرفوه تفصيلة بتفصيلة عليه …كتحس بيه حنين بزاف غير مكيبينش ..وخا معندوش مع راجل عمتو الا انه شحاال من امور كلفو بيها وقضاها ليه …خشا الباكية ونطق كيشوف قدامو” : النتائج مزيانة ؟
انس : كلشي مزيان اسي زين الدين …هاهما تقراهم راسك وتعرف كل تقارير لي هنا وشنو خاصك دير و بصفتي اختصاصي فالديابيت (داء السكري) بالنسبة ل خزان عندك دابا مستقر وتحليل العادي تاهو مزيان فهاد اليومين سجل استقرار …”شد من عندو الملف الي فيه تحاليل ديالو ” سبب الغيبوبة هو ارتفاع فالسكري الشي الي خلاك تدخل فغيبوبة حتى عطيناك انسولين عاد انخافض وخا استقر غاتبقا تضرب لانسولين حتى دوز مدة ماشي بزاف الى بقا سطابل (مستقر) غادي ترجع ل (anti diabète orale) ADO يعني لدواك الي كنتي كتاخذ يوميا باعتبارك ديابيتيك type 2 (الحالة الي ماشي صعيبة ماليها كيديرو ريجيم ويشربو دوا الي ذكرت ويديرو سبور ديما ) من بعد حالتك الي طرات هاد اليومين غاتبقا تضرب لانسولين حتى ل تاريخ الي قدامك تعاود ليزاناليز (تحاليل) الى بقا مزيان رجع لدواك عادي سي زين الدين …
زين الدين “كيسمع ليه وكيقرا ورافع واحد الحاجب” : 15/6
انس : تماما هو موعد الكونطرول …
زين الدين : يلقاني فاالبلاد
انس : ديرهم تم ورسلهم ليا پاغ ايمايل …
زين الدين “عاقد حجبانو مركز فالتقارير حدو حرك ليه راسو”
انس : وحاجة سي زين الدين الكارو الى قدرتي نقص منو شوي واخا مكتكميش بكمية الي كثيرة ولكن حنى في غنى على اننا نطيحو فمشاكل اخرى …
زين الدين”مجاوبوش”
انس : قلتي عندك ان سومين فالمغرب وراجع تكمل اجراءات الانتقال هنا ؟
زين الدين : عندي مزال منقضي هنا …
انس : des opérations chirurgicales ? (العمليات الجراحية) الي بقاو ليك ….
زين الدين”كيشوف فتيليفونو ،،حرك ليه راسو بمعنى نعم”
انس “ابتاسم” : هادشي ما غريبش على دكتور زين الدين البغدادي
زين الدين”هز فيه راسو وشاف فيه ولاول مرة غايبانو ملامح ديالو حروف سوداء حرشة حجبان غلاض وعينين شفارهم كحلين ملامح ديالو سوداء بشرة سمراء شوي اما لون عينيه شكل ثاني مميز بلون عيون خضراء وبنضرة صارمة وجدية بالنسبة لواحد فعمر زين الدين على مشارف انه يدخل ف 38 سنة …قرا فالطب.وتخرج وهو دابا “Chirurgien maxillo-faciale et plastique de la face” (جراح مختص في جراحة تجميل الوجه و الفك) لكن درجة مساعد جراح حيث مزال مكملش ” حرك ليه راسو بحركة ثقيلة كتعني شكرا باحترام ….”
انس : سلم على مالين الدار …
زين الدين : مبلغ ان شاء الله …
على صوت رنة الهاتف حلات عينيها وشي حلان محلاتهم عند بالها را فاقت وهي را غير طتشوف وعقلها مزال ناعس هههه سكت تيليفون واحد شوي ومشاااات غفااات عاود صونا ثاني وهي تهزو وعينيها مسدودين كتجاوب غير ب ممم مممم ..
صفاء : الخانزة نعستي ؟
فرح : مممم اش بغيتي ؟
صفاء : وااااالكلباو ياك قلت ليك يلاه معايا ازمر حرام عليك..
فرح : فين ؟
صفاء : لجهنم نتي سخني مسمن وانا نشحر اتاي لعمي ابولهب
فرح”الصمت..عينيها بداو يتسدو هههه تا غوتات صفاء وهي طير من بلاصتها ” : وااااااا زمر تفووووو مالك مالك را جيت عيانة بقت كنتسنى فالي يوصلنا وشمس كانت سخونة الزمر يخ…
صفاء : نوضي تقودي…
فرح : واش متاكدة ؟ تقدي عليها را صعيبة…
صفاء : هاااااا مجرباها هي باش نفختي ديك الرويدات الي عندك وجالسة عليا طبيعي…
فرح : مصارني عارفة اش فيهم قدام عينيك تزاديت غليضة وقدام عينيك غلاضيت …را شفتها فاليوتيب ماليها كيغوتو وبلا يوتيب واش عرفتي اصحبتي را كتبقا تكحز ليك فاللحم …
صفاء : وغازيدي نجربو عشرين درهم مدات مجابت…
فرح : ههههههه غير الثمن يبين ليك العربون…وزايدون را اكثر من حصة ماشي غير وحدة…
صفاء : غاتنوضي ؟ هاني كنتسناك لبسي وخرجي انا عند الباب مجمعة مع سيمو “قطعات عليها فالبلاصة مخلاتهاش تا تهضر …شافت تا عيات وناضت لبسات عليها شي حاجة خفيفة جمعات شعرها بقراصة ومشات تا غسلات تا توضات ورجعات تصلي عاد ناضت هزات صاكها فيه بورطابل وبزطام وخرجات لقات فوزي عاد داخل ياخذ شي حاجة وراجع لمحل ..
فوزي : فين ازين ؟
فرح”باقا كتفوه” : خارجة انا وصفاء وسيمو. ..
فوزي : تشاورتي معايا !؟ مع عصام ؟ مع زمانك المستقبلي ؟
فرح : اولا عارفني كنخرج مع صفاء وسيمو عادي وعصام دنيا هانيا ويونس مزال مولاش زماني تا يولي زماني وديك ساعة هضرة اخرى هههههه “سرحات ايدها”
فوزي : ا زعتي اشعيبية اااا ؟ مالك مال ايدك تضرك اختي…
فرح : واحد خمسين درهم ..
فوزي : كلهاااا كاااع …
فرح : طالعين المدينة عطيني را كيتسناو فيا “سمعت عياطهم من عند الباب”
فوزي”جبد ضمصة من جيبو ديال المحل جبد خمسين درهم مدها ليها” : شدي …وسيري لمك يوءن المغرب ويفوت ونتوما بقاو دالحين…
فرح”غاديا خارجة” : لا دغااك نرجعو(دغاك هي دغيا) …
خرجات لعندهم لقاتهم واقفين سيمو كيكمي وصفاء واقفة تسنا فيها تا لحقات عليهم ومشاو بثلاثة وسيمو ينگر ومرة يتحلف ومرة يقوليهم يرجعو …مشاو تالمدينة وضارو تا وصلو لواحد الحي ضاير بيه سور قديم كيقولو ليه الحي البرتغالي ودخلو من القوس…قبل ميوصلو لفوق ضارو على واحد الدرب
سيمو : واش غاديا عند شي وحدة بعقلها ولا قوادة يا القوادة …باغا تخرجي علينا اش سبابكم ؟ تريمة بنت فاطنة خايبة تال معاودة …
صفاء : وحق الله تتمشيو معايا والله تنجربها را عيطت ليها وقالت ليا جي دابا …سير نتا لفوق تضور ولا ضبر ليك على شي تيتيزة جايا سياحة تكيها تما ولا غفلها فشي قنت ولا هبطها لحت عيشو الحياة وخليني انا وفرح ندخلو عندها غير نسالي نعيطو ليك جي ونتحركو…
سيمو”طوا لسانو وتم غادي ويتحلف” : الله ينعل ديلمكم وديل امو الي يتبع ري الدريات …”غادي ويسب ويتنخم”
صفاء : افاااااكيو…زيدي نتي”جرتها بزز ومشاو لواحد الدار تما عيطات ليها وخىجات عندها من سفلي دار قديمة سلمات عليها ودخلات كانت دويرة كتخلع كلها مضلمة وفيها ريحة الخز من الكمية الكبيرة ديال الرطوبة …
صفاء : ختي سميرة واش غير حنا ولا كاين الي شادة نوبة ؟
سميرة : غير انتي اختي كيجيو فالصباح بزاااف عندي..”شافت فف فرح” فايتة دايرة الگديرة نتي ؟
فرح : لا ختي …
سميرة : شاربة دردك ولا شاربة نورافيت ؟
فرح : والو اختي
سميرة : هااادي غير فعايل اللحسة ههههه تبارك الله فيييخرة مع راسك ومجوادة…
صفاء”فنفسها” : قول اعوذ برب الفلق …”حنحنات ونطقات ” ختي غانبداو دابا ؟ مضرنيش ياك وشحاال خاصني من مرة؟
سميرة : اجي معايا لبيت”تبعوها بزوجات لبيت ممفرش موالو فيه غير العدة ديال الگديرة ولوازم باش كتصايب القويلبات واللحسة الصحراوية والمشكيل انها كتخلطهم مع اخطر السموم الي هو دردك حبوب كتزيد فالوزن لكن عواقبها سريعة وخطيرة جدا…يعني بخلاصة عندها فحاال كوزينة فين كتصايب هادشي ….شعلات الضو وهو يبان ليهم واحد سرير الوسط …” غادي ديريها شي ثلاثة المرات بعدا ياك وماتجلسيش على قزيبتك…
صفاء : فين هي بعدا تنجلس عليها. .وعلاش نجلس ..
سميرة : ههههه دابا تولي …بقاي جالسة بجنب ومتلبسيش المزير بقاي فبيجامة مطلوقة والى غاتخرجي لبسي جلابة ولا كسوة ولا صايا
فرح : وعلاش سداري اختي ؟ ..
سميرة “مشات هزات بوطة صغير وحطاتها حدا السرير وهزات شمعة وواحد طاسة صغيرة فيها شي تخليطة زيوت و گديرة الي هي واحد الحلة ديال طين فين كيديرو سمن كتكون غاارقة من لداخل كلها حموم بكثرة الاستعمال” : ايوى هو فين غادير الكديرة ” صونا تيليفونها” الو نسرين جي دابا ازين هاني نيت دابا عندي شي كليانات يلاه توصلك نوبة تكون كديرة سخونة حبي كنتسناك”شافت ف صفاء …حطي سروالو احبيبة واجي نعسي على كرشك سمي الله …
صفاء : متصيبيش ديريها ليا بالدعاء ….حق ربي لا خويتك بدا يدخلها الغاشي (الخوف)…
الگديرة يجب التطرق اليها باش نعرفو المنافع ديالها والمساوء ولكن مع الاسف المنافع ديالها منعدمة ونسبة مئة بالمئة مشات للمساوء خصوصا انه كتلعب بجسم الانسان وتلعب باللحم ديالو مما كيتسبب فاضرار وخا تغلاض بيها دغيا غاترجع وعندها شروط الي صعيييب تقيدي بيها و الم ديالها صعيب انك تحملو …هادشي علاش ديما خاصنا نحمدو الله على ما اعطانا …
سميرة : متخافي والو واعرة غير البدية من بعد تولي تجي راسك ونتي فرحانة …هادي الي جايا دابا درتها ليها نهار لول وعجبها الحال من اول نتيجة غا هي معندها زهر مع رجاال مسكينة تقطع فاالقلب وليني سخية بزاااف مهلية فيا و ف بنتي حنان وولدي حميزو …غير زعمي را ملي وراتني ليك سمية عرفي را شغل ناضي ازين ..نتي بنت زوينة وميلحة ومسرارة خاصك غير تغلاضي وتشوفي الى ميجيو عندك بالهبل وغير شخشيات…
صفاء : لا باينة غير من ديك شخشيات
فرح : هههههههه
صفاء : امري لله جيت جيت نجرب معرفتي…شدي فحال هك “عطات لفرح صاكها وجلسات تما حداها وهي تجلس فوق سداري وبدات سميرة كتسخن الكديرة فوق بوطة تا حطتها وهزات زيزت طلاتهم لايدها ودارتهم فوق بوطة من بعيد باش يسخنو وصفاء حطات سروالها بقاات غير بكليوط قريب لسترينغ كحل وتكات على كرشها وقلبها كيزدح اما فرح بغات تموت بالخلعة …
سميرة : يا بسم الله “حطات ايديها سخان فوق جيهة من ترمة صفاء ماصاتها مزيان تا تغلغل زيت وحطات واحد شميعة مسطحة من تحت (هادشي معمري درتو ولكن باش نكون معاكم صريحة شفتو بعيني وحضرت ليه فالصحراء بالضبط ) شاعلة ودارت فوقها الكديرة وماحد شمعة كطفا الكديرة كتمص الاكسجين ولحم ترمة صفاء كتمصو الكديرة ههههه
صفاء : اووو و
سميرة : صبري ومتحركيش “شافت ففرح ” عطيها ايدك ولا شي حاجة باش تشد فيك ويااااك تحركي صافي دابا الي عطا الله عطاه اي حركة غاتخرجي على راسك…
صفاء : ياااااك احياااااة ….”غير طفات الشمعة وتهز لحم صفاء وهي تبدا سميرة كتحرك فديك الكديرة وتجر فلحم وصفاء بدا يطلع معاها الزايد تا عينيها حوالو وهي تكمش فايد فرح ” واااااعااااااااااو لا لا لا قويتي افاطيمة ولالااااااااا وااااعوووو “وسكيرة كتجر فالكديرة والكديرة ماصة لحم وتحرك فيها كتحس بلحمها كيتقطع وتغوت لربي الي خلقها ” وااااااااااااااا زابي زابي زابااااااااااااااي ينعل ديل امك القحبة وزكي ابنت لحرام ….
فرح : ههههههه اوييلي واش كضرك بزاااف
سميرة : هههههه تي مال فمك خاسر قلت ليك صبري هاويلي راني سايرة نخدم …
صفاء “شدات ايد فرح وعصاتها ليها تا خرجو عينيها وهي تمص حناكها وحولات عينيها ” : اممممممننمن هنهمنةياستةيويوييو. ا وووااماااااااي وزباااااااي زبااااي زكااااي واعنعنعنعن وتريكة القحاب المقبنة المقحوبة بن ال قحبااااااان قحبن بغلن بعرن واااااا براكة ياااا دنمك برااااكة اهى اهى ومبغيتش ومبقيت بغيتش زوك وخلي ليا زكيكتي اماااااي …
فرح : لا غير كملي نيت …”شافت دموعها دايزين ” صافي اختي الله يحفضك صافي مرة اخرى
صفاء : وااااااا زكي القحبة والى باقي عاودت سميني صفاء قحبة ف ضوبااااي
فرح : ههههههههههههههه ازمر واش ضراتك ؟
صفاء : اهى اهى وااا حبسي الخرا صافي هاكي عشرين درهم بغيت نمشي فحالي اهى اهى
سميرة : مافيدكش ابنتي “حيدات الكديرة وهي تسمع صررررررط فحال الى حزقت وهي را غير لحم ملي مصاتو الكديرة اسنتفذات الاكسجين وتمص ودابا كيتحيد ويدخلو الهواء هههه ” مرة جايا رجعي وعطيني تلاتين درهم…”تدق الباب وهي تنوض باش تحل خلات صفاء كتنوض بشوييي عليها كاع كيلوطها توسخ بالحموم وزيت وبلاصة ترمتها فيها دوارة حمرررة ومهزوزو شوي “
صفاء : نعطيك ميتين درهم وخرجي قودي من جديدة تفووو”لبساتها فرح سروالها وغير هزاتو وهي تدخل سميرة هي ووحدة طويييلة عليها فصالة رجال لابسة جلابة ودايرة شال طويل لاوياه عليها مضرگة نص فوجهها ودايرة نضاضر د شمس كبار …”
سميرة : دخلي حبي نسريم عاد كملات هاد البنت …
نسرين “غير هي نطقات وتسمع صوتها او صوته الي معرفوها مراة بصوت راجل ولا راجل بشكل مراة ولا بسيفة غير سيفتو هههه شرعو عينيهم وفامهم حلوهم ” : اوييييلي يعطيك سم ا سميرة راك عارفاني كنبغي نكون بوحدي …
سميرة : لقيتيهم كملو ازين غير حيدير شالك وجلابتك وتسرحي غايخرجو ونبدا ليك …
صفاء”لفرح بشوي” : تي شهادشي هذا شتو ذكر …
فرح : را باينة اصحبتي…اش بغا يكبر هاد زمر …
صفاء : واقلة القضيب عندو ببوشة اما ترمة را فصالة جنابو فحال تلفازة ديال مي رابحة الي كضربها بصندالة باش تخدم …
سميرة : زين سيري وديري يومين ورجعي “تمات غاديا صفاء وكتعرج شادا ف فرح لاحت ليها عشرين درهم ديالها وغاديا وتحلف تا بغاو يخرجو وهي دور بان ليها داك خيتي تكا على كرشو وبدا ينصل سروالو ويكاكي وسميرة تمازح معاه وتمدح فيه يخلي لي المترم الي غايدير زوك …” خرجو عند الباب وهما يسمعو …
نسرين : ااااااااااااااااااح على حبي هادييييييك اوووووو
فرح : متاكدة نتي انثى ؟
صفاء : معاك العلامي سائق شاحنة كندي البهايم لسواق ونتبع العيالات الهازات …تبغي حبي نزهاو الليلة ….
فرح : ههههههه الله يمسخك وباقي ترجعي ههه
خرجو من الدار عيطات فرح لسيمو الي لقاتو غير تما مريح مع شي دراري كيعرفهم كيشوفو فدراري صغار ولاد ديك البلاصة فعمرهم ديك عشر سنين تال خمسطاش لعام عشرين مهم صغار كيوقفو ف اعلى سور وينقزو من اعلى القمة كيجيو وسط البحر نيشان وسباااحين نيت كيغطس فاعمق ميتر تما ويخرج وبييييخير خالق جو مع صحابو وريحة البحر تعطي وطيور النورس كتحلق وتبني عشها يا اما فاعلى ماذنة المسجد ا اوعلى قمة منارة البحر واصواتهم وصوت الباطويات والفلوكات خارجين شادين طريق البحر باش صباح الباكر يلقاهم الوسط كيصيدو الحوت والي سالاو من بعد يومين عاد جاو وصلو وها هي غاديا …
سيمو : افين درتي شي ترمة زعما نتي مكاين والو …
صفاء “كتشمشم فيه” : يلاه جغمتي البغل …
سيمو : غا كنت مريح مقصر مع العشران وعطاوني نذوق واحد البارتية عاد دخلت جديدة ..ساعاك معجبتنيش ماشي داكشي الي تنحب…
فرح : كبيرك غا ماحيا انت…
سيمو : وافتخر “عنقهم وجا وسطهم معنق وحدة من هنا ولاخرا من تم وصفاء تمشي غا بشوي وتعرج شاداها البكية تا ضار شاف فيها” واش دارت ليك الكديرة ولا درتي ليلة دخلة بلا سروال …
صفاء : سكت ازمر اهى اهى …زيد نشدو طاكسي ..
سيمو : حرداتك ههههههههههه …
بداو يضحكو عليها هو وفرح وهي تهرنن تا تمو غادين باش يخرجو مع غايتلاقاو بيه جاي مع واحد صاحبو شاد الموطور بايدو شافتو فرح وسيمو الي شافو مزال مشافهمش وهو يطلقهم ومشا بعد منهم كانه مكيعرفهمش هههههههه خلا صفاء وفرح كيدورو معرفو يمشيو هنا ولا تما …مكيبغيهمش عصام يمشي لهاد الحي حيث فيه دراري بزاف وشمالية كيقصرو تما وبزاف يعني شعبي …الى ممشا معاهم هو ولا فوزي ولا شي حد نيت وخا سيمو يثيق فيه لكن الى تحرك سيمو لهنا يعني را غايسكر ولا يكمي الحشيش …ولات صفاء كدخل ف فرح وفرح كدخل ف صفاء والنغرب كيوذن نههههن
عصام : وايلي اصاحبي غذا يوصلوك فالبلاصة “ضار يشوف قدامو وهما يبانو ليه وهو يحبس وغوبش خلا موطور عند صاحبو وتحرك بسرعة لعندهم ” اش كديرو هنا فهاد الوقت ؟
فرح : و والو اجينا مع سيمو …
عصام : اش قربكم لسيمو وهو براااااسو خاص الي يحضيه هنا !!! اش مخرجك فهاد الوقت ا مرت الراجل …
فرح : مزال اخويا “سدات فمها وصفاء كتفيبري وترمتها توزوز هههه ” هذ والو غير ضرنا
عصام : وفين هو سيمو فين ؟ “ضار مالقاهش فين طار الله واعلم نزق واشمن نزق ولد اللدينا دغيا بيعهم العجل هههه “
صفاء : عاد كان هنا اويلي …ور”طارت من بلاصتها ونزلت تا شدات ف فرح فاش غوت عليهم ” تحركو قدامي تحىكو الله ينعل دينمكم الحبس راكم بعقلكم زعما عاجبكم تلواط زنتي “لصفاء” عاجبك تلواط نتي ؟ ونتي “فرح” باقي لمك ايام الله تولي مرت الراجل ينعل عدو ربك فهاد النهار تقودو قدامي لدار لا ندوفر مكم هنا تحااااااركوو…
جرهم بجوجات غادي ويسب اما سيمو غبرات عليه لارض هههه . فهاد اللحضة را كان داير كلاكيطة ديالو كل وحدة خاشيها فايد ومعلق مفرتح برجليه حفيانين وكيريو فحال رويدة تراكتور تا كيحس بيه كيضربو فودنيه ويلهت ما وقف حتى ل عند المسرح الكبير جرية وحدة وهو يوقف وتحنى كينهج …
سيمو : امييييي الحبيبة مانا فخير مع العيصومي اربي الحبيب بغاو يخرجو عليا…فففففف فففففف احاااااح ريتي بغات تخرج امي وانا ريتي على قد حشيشي ….هااااحاااح امييييي
تمات دايزة وحدة من العيالات الي كيدورو هازين سوارت ديور ديال الكراء اليومي بالنسبة لناس الي جايين سياح لجديدة والي لقاتو تقوليه …بغيتي شي دار لكرا بيت الكرا دار نقية شي ساروت ش ساروت وهي توقف عليه …
هي : شي ساروت دار لكرا جوج بيوت اخويا فالمدينة وكيشوفو فالبحر …
سيمو”طلعها وهبطها ” : فين كاينة اقود وحدة فيهم ؟
هي : وحدة هاهي غا هنا فالدورة زوينة كتشوف فالبحر “كمشت فيه عينيها ” نتا ولد البلاد …
سيمو : وماااا نعرف لا بغيتي ندي مك “كيعرفها ههه ” نطلق فيك واحد العشرين سانتيم نخلي مك كتزينطي تما …اش بان ليك (نديك نطلق فيك عشرين سنتيم هي ديالو هههه وتزينطي هي يخليها تغوت )
هي : يعطيك المسخ مزينك المصدي “كان غايجي ليها غا مشات كتزرب خلاتو كيسب فيها لقاتو مسالي نيت وباقي قلبه كيضرب بالجري وخاصو يكمي …..
ايام الله كدوز واقتراب موعد عقد القران او ضريب صداق …الحلوى كتصايب عند فاطنة ام صفاء على حقها وطريقها شي شكيلات خفاف ماشي كثار غير يكملوها يدوزو لدجاج تاهو المهم كل ما يخص هذاك اليوم را بايدن فتوجادو والماسكات طبعا …قررو انه يكون ضريب صداق فيه غيير عشا خفيف بيناتهم عائلة يونس وعائلة فرح نفسهم الي كانو فالخطبة هما الي غايكونو فالعشا حفلة عشاء خفيفة لكن غاتقاد فيها فرح وتنقش ايدياتها نقيش خفيف ودير مشطة عند الكوافورة بالقفطان وتاج يعني غاتحتاج غير لبسة وحدة..مابقاش الوقت بزاف باقي تقريبا اكثر من اسبوع على الموعد الي غايتربطو فيه زوج ديال الناس …مسؤلية جديدة غاتبدا حياة جديدة وخا مزال على باش انها تروح لدارها نيشان ..
يونس”فالتيليفون معاها” : ماخصك والو ازين ديالي …
فرح”بابتسامة” : لا هاد ساعة والو غير واش وجدتي الوراق ديالك…
يونس : بقاات ورقة صباح نجيبها …مبقاش بزاف ونخرج انا وياك راس فالراس وتعرفي عليا مزيااان يالالة ونحيدو هاد تردد هههه
فرح : ههههه ان شاء الله ورا طبيعي حيث مكنعرفكش مزيان بغيت نتعرف عليك قبل منديرو شي خطوة …
يونس : انا بغيتك غييير تهلاي ليا فراسك ومتطيحي تا دمعة وتكوني كيف بغيتي وتوصلي فين بغيتي انا بغيت غير راحتك وفرحتك ا فرحتي الي ضراتك قوليها ليا والي خصاتك نعطيها ليك غير رتاحي وخاطرك فوق خاطري وياك تكوني ضعيفة كوني صبارة را ميكون غير الخير …
فرح : ان شاء الله …
سالات معاه المكالمة وناضت خرجات من البيت لقات غير صفاء وفاطنة ونجية كيستفو فالحلوة فاطباسل طاوس وصفاء تغلف بالسيليكون …جلسات حداهم حتى دخل فوزي مع العشا كياذن جلسو تا سالاو ديك ساعة وكل مسات لدارها بقاات غير صفاء دات طباسل لبيت فرح وسدات عليهم بالماريو حتى دخل المخنتر بدون سابق موعد لقا السلام عليهم …ومشا جلس …
فرح : بغيتي توضى ابا ؟
لمخنتر : لا بنيتي موضي غير جلسي الله يرضي عليك …
فوزي “رفع حاجبو” : واااايلي …
فرح “حلات فمها تا سداتو ليها صفاء ” : هاااا ؟
لمخنتر : مالكم ..
فوزي : ممالناس مالك مريض ولا …
لمخنتر : ممالي والي ديها ففراجتك وهنيني راني عيان شوي وراسي مصدع …فين خوك عصام ابنتي. ..
فرح : باقي فالمحل ابا …
لمخنتر : دايرين شي عشا ؟
فرح : وااه دايرينو فيك ميتسنى تيجي ولا نحط ليك دابا ؟
لمخنتر : لا گديتي (الى قدرتي) حطي ليا دابا ويلاه مدي ليا من حوايجي فالبيت نعس عيان ابنتي …”بقاات فرح وفوزي كيسوووفو من هاد التغيير الي طرأ على المخنتر حتى ناضت حطات ليه العشا تعشا وناضت معاه البيت مشات لماريو ديالو جبدات ليه سروال قندريسي وتريكو نص كم تحتي وتمات خارجة حتى وقفها ” قرب الوقت عندك ابنتي ؟
فرح : لاش ابا ل ضريب صداق ! واه قرب مابقا والو …
لمخنتر : الله يكمل بالخير والله يرضي عليك ولا تقلقيشاااي مني راني غير قويصح شوي معاكم هكا طبعي داير باغي غير مصلاحتكم وخا قرزاز فالفلوس راني نموت ويبقا الورث غاليكم ابنتي …
فرح : الله يطول عمرك ابا ممقلقاس عارفة الي كاين …
لمخنتر : اش درتي فخدمتك خلصوك شي ولا غاتبركي منها ؟
فرح : لا ابا خلصوني هاد سيمانة الي فاتت
لمخنتر : والفلوس فين درتيهم !!
فرح : عطيت منهم لعصام ابا والي بقا را فحسابي كنجبد الي يخصني باش كنتقدا …
لمخنتر : گول (قول) باقي عندك داك الحساب فالبنك ياك حيدتيه !
فرح : لا با وليت خليتو فين يدوزو ليا المانضة …
لمخنتر : مزيااان ابنتي …ومدي ليا داك السروال وجيبي ليا شي فنيدة انا راضي على بنتي وبركي معايا عندي ليك شي خبيرة من عند عمامك راهم فرحانين لك وراهم سايرين يتسناو امتا تعرسي ليهم هنا ولهيه ضروري فبلاد جدك وسيري واجي لهنا…
فرح : وااخا …
طار محمد الخامس الدولي …صوت نداء بوصول الطائرة القادمة من دبي طبعا مسافة طويييلة وليسكال عاد حطات رحالها فالدار البيضاء…خرجو المسافرين منها حتى وصلو لبوابة ديال الاجراءات …خرج من المطار من بعد ما كمل الاجراءات وقف قدام البوابة الكبيرة دار نضاصر دشمس كيسوف هنا وهنا حتى بان ليه واقف قدام سيارته …هز ايدو شير ليه وجر فاليزته تمشيى حتى لعندو سلم عليه …
مراد : اهلاااان اهلااان با وليد تا غبرتي ف ضووباااي تا زيانيتي اختي …
وليد”شاب اسمر اللون شي شوي طويل القامة سن ديالو بين 34 35 صديق ديال زين الدين و مهندس تخصص الهندسة الكهربائية كان خدام فالمصحة الي كان فيها زين والي خدام فيها نيت …” : يعطيك الدل ا بب
مراد : واشن كلعبو هنا “طل وراه” ماجاش معاك خويا زين الدين ؟
وليد : ماجاش معايا اكيد اصحبي راك عارفو وقت الي سالا غايجي راسو امتا هو الي عارف حتى يوقف عليك هههه
مراد : غا سكت الى ملقيتو سبقني هههه قالينا سيمانة جايا شحال هادي ولكن قال احتمال وشي ايام وهو طافي تيليفون..
وليد : نقوليك وليني توصل لحاجة ندبح مك من الوريد…
مراد : ياكما طاح ليه سكار ؟
وليد : لا طلع ليه كان فواحد العملية ماواكل ماوالو اصحبي والعملية كانت فيها شي ستة سوايع كونتيني(متابعة) غير كمل وخرج وهو يطيح لارض عمرو طلع ليه من ايام زمااان غيب يومين تا استقر عاد فاق فاش عطاوه لانسولين ودابا شوي ..
مراد : وايلي اصحبي وغا عيط علمني واخا غير انا ..
وليد : را دابا لا صاق الخبار قلتها ليك مانا فخير لبدها وماتعلم تاحد الله يرحم باااك ما قاد على صداع وعضامي ضاريني هههه
مراد : لا ريح مالنا عيااالات. ..زيد زيد ” داه وصلو لدارهم فالمدينة القديمة حيث شحااال من عام وهو غايب …بقا حتى شافهم ورتاح وجلس معاهم شوي ورجع ليه فالعشية داه لفيلا فعين دياب …لقا فاستقبالو الحاجة توبا والغالي و ضحى الي كان الكراش دياال صغرها ولكن دابا واش كاينين مشاعر مزال الله اعلم هي تدهات مع لخروج صحابات سهرات والحيحة وهادشي فغياب زين الدين …”
توبا “قبل راسها وراس الغالي وهي مستقبلاه بابتسامة وكيف العادة بلباس تقليدي قفطان بيض ديال جوهرة فصالة عادية ومخيط براندة والبريد وشال فراسها ” : مرحباااا مرحبااا بولدي …على سلامتك..
وليد : الله يسلمك اميمتي …الله شحال توحشتكم وتوحشت ماكلتك اميمتي ..
توبا : نتا وزين الدين الي غبرتو بزااف …”شافت فيه مزيان” مقالش ليك واش جاي ؟
وليد : والله ما شفتو هاد ليام كان مدهي هو مع شي عمليات عندو مواعيد ديالهم ممساليش وفاش كان فايران رجع نيشان لخدمة…”يلاه كيهضرو حتى سمعو صوت خطوات بلغتو هابط من دروج ضورو راسهم حتى بان ليهم نازل عاقد حجبانو كيعقد فواحد الصدفة ديال فوقية بيضة تا حنحن وهو يطير وليد ومراد و ضحى من بلايصهم ولا وليد كيكحاز ومخشي ف توبا ومراد عنق ضحى ماعرفوه منين نزل عليهم كي القدر والاهم من هادشي كيفاش جا منين دخل …
وليد : يناري مي …زين الدين ؟!
توبا”حلات فمها تا بدات تضحك ” : زين الديييييين ههههه ولدي الحبيب ههه ماعرفتكش امتا جيتي ولا كيفاش مهم جيتي
زين الدين”حك لحيتو وقاد هندامو مزيان وقرب باس راسها وايديها ” : ياك بعدا …”شاف ف راجل عمتو بنضرة منيرة فهمها غير الغالي وحدو ولا يدور بجنابو” جيت البارح كنت عيان ..
وليد”ل مراد بالحس” : اويلي هذا سبقني ..
زين الدين “سلم على الغالي باس راسو ” : الحاج الغالي عاش من شافك ..
الغالي : اهههه الله يرضي عليك اولدي عاش من شافك انت على سلامتك اولدي نورتينا …
زين الدين : اعوذ بالله النور نورك نتا لله اودي “كيحك فلحيتو ونفس النضرة فيه هما ملاحضوهاش ولكن الغالي الي لاحضها وخصوصا زين الدين عينيه خضرين وشوفاتو جديين بزاااف وغامضين متفرزيش كيفاش كيشوف فيك …شاف فضحى الي مشات عندو سلمات عليه وعنكش ليها شعرها وباس جبتهتها كانه كيبوس بنتو الي مشافهاش مدة حتى هبط براسو لعندها وهي تعلات على ريوي صباعها تا وصلات ليه ” كبرتي تبارك الله …
ضحى : ههههه اشوية اخويا …توحشناك
توبا : والله الى فرحتيني …يلاه ترتاح نجلسو برا ولا فالصالون…
زين الدين”غمز بعينو بحركة كتعني لا ” : سبقو نتوما …
ضار دورة ومشا جيهة واحد الصالون تما بعيد على جردة دخل ليه هز لفوقية تا تعراو رجليه عند ركبة صحاح بالسبور وجري وجلس بجلسة مشتحة مسرح ايديه على المخاد وهز راسو ف الغالي وبقا كيشووووف فيه بلا ميهضر والغالي كيتسناه يهضر وهو مهضرش والغالي يتسنى تا تنوى وهو يهضر راسو …
الغالي : خبار الخير اولدي …
زين الدين”بقا كيشوف فيه شحااال ملي مفهمش وهو يجهد صوته” : ا جلس الشريف ..
الغالي : ههههه ااه واخا هاني اولدي …
زين الدين : فلوس الفيرما كملو ؟
الغالي : كي شتي كنتسنى ف
زين الدين”قاطعو بصوته الي يخلي الي ميقفز يقفز وهو را متااااابت ممحرك ما وووالو غير فبلاصتو مسرح ايديه فوق المخاد وعلى من طولو …” : فلووووس الفيرما الحاج الغالي كملو ؛؟ ماتكثرش عليا الهضرة بلا فايدة “خرج عينيه” نرجعو ثاني لنفس الهضرة ديال”شير بايدو لور ” زمااااان ؟ صداع راس “خرج فيه عينيه ” مانتا فخير الحاج مانتا فخير اراجل عمتي …لبدها معايا ومشي معايا نيشان “حك لحيتو وغمزو غمزة ثقيييييييلة ” تاكلني بحوايجي تزيگزاكي معايا …بلا منتحرك وغييييييير بالقاعدة نتواصل معاك الي مايعجبك…خليك عزيز والخشونة متخدمهاش معايا …خليني مرضي ومتخلينيش نرضا عليك انا ….را قاصحة الحاج فحقك …
الغالي : نشرح ليك اولدي ؟ ولا نختاصر بكلمة ؟
زين الدين : ناس معندهمش ؟
الغالي : مشاكيل ولكن الكلمة كاينة وفهمك كفاية..
زين الدين : رزقي هذاك الحاج رزقي منتساهلش فيه فعايل دغل نطحن عليها بنادم “نطق بشوي” عرفتي ونلقا دغانيش وتخلويض ثاني …
الغاالي : اعوذ بالله اولدي ..
زين الدين”هز صبعو كيشير ليه بيه ” : هضرتنا هنا …خلي بنتك تشوفك مهيب وخلي مرتك غافلة على الفعايل الي صغر منك… وايلي الحاج ،،الشيباني يتسنا الي صغر منو تا يجلس عاد يجلس هو ؟ علامات ساعة هادي ….
الغالي : شهر ويكونو عندك …
زين الدين : قضي الغراض وجيب الوراق كلهم ..”عاود اكد بعينيه”
صوت اذان الفجر ليوم الجمعة بمدينة الدار البيضاء …حل عينيه على صوت الاذان مرة كيصليه فوقتو مرة لا مرة كيلقاه داخل لشي اوپيغاسيون(عملية) مرة كيكون عيان وينعس اليوم ضرباتو الفيقة ناض بقا جالس دوز على وجهو بايديه مشا لدوش توضى وخرج رما عليه فوقية وتقابل مع القبلة فرش صلاية بدا الدعاء عاد قام الصلاة بخشوع تام كمل وبقا شحاال كيسبح جمع صلاية وحيد الفوقية ورجع لبلاصته هز تيليفونو شاف شي ايمايلات دوز لخط لمساعد ديالو ف دبي مغريبي عندو باك +3 ف التمريض تخصص العلاجات الاستعجالية والعناية المركزة… مقيم تما خدمو معاه قبل ميمشي لدبي وكان كيعرف باه قبل ميكمل زين الدين قرايتو ف فرنسا …اسميتو سعيد ” : شنو كاين تما ؟
حط تيليفون وصلوه شي ايمايلات قراهم تقارير الحالات الي عندو وحتى تقرير المشروع ديالو من عند كاع الي كلفهم حيث مشروع ضخم دايرو وهو مولاه خلاهم بلاتي حتى يسالي …جبد من المجر ديال طابل دونوي glucomètre (لاباراي باش كيعبر سكر ) جبد ريشة من ريشات الي كيدريها فلاباراي دار فصبعو واحد فحال ستيلو فيه شوكة صغيييرة تسمعت تتكك ضربات ليه صبعة وباقي حجبانو بنفس الوضعية مكمش عينيه موالو مولف واصلا قلبه قاصح ههه قطر فيها نقيطة د.م وخشاها فلاباراي تسنى تا عطاتو العبار كان عادي 1,10 مزيان ليه فهاديك الوقت حيث مزال مفاطرش …جبد الايباد سجل فيها الساعة الي عبر وقدامها النتيجة ديما معاه هاد النوت كيكتبها فلايباد والمذكرة ديالو يعني يدويا تاهو ورجع حل لماك ديالو دار نضاضرو ودخل يقرا تقارير اليومية لحالات ديال مرضى ديالو شي ساعتين ولا قل وهو كيقرا حتى وصلات سبعة ونص وناض جبد من الماريو قميجة نص كم كحلة وسروال توب كحل سد السوال ودار سمطة ومع نقص من شعرو بزاف غير دوز عليه رش ريحتو ولبس تقاشرو ودار ساعتو قبل ملبس صباطو مشا لمجر جبد ado ..شرب حبة وشرب موراها قرعة كاملة ديال الما ومشا لمراية حل زوج صدفات حتى بانو شعيرات صدرو لفوق هز تيليفونو دارو فايدو جبد المذكرة لاصق فيها ستيلو وقيد العبار يدويا باش كل كنطرول كيجي اختصاصي ديابيت يشوفو ،،كيكتب فيه بايدو ليسرية حيث هو اعسر … عاد خرج من البيت وتم هابط كتسمع صوت خطواتو ثقااااال غادي بشواااايا عليه خاااتر فالمشية تا نزل لقا توبا غاديا هي والخدامة كينحطو فالفطور برا “
توبا”باس ليها راسها ” : صباح الخير .يلاه تفطر معايا ؟
زين الدين : فين هما ؟
توبا : الغالي مزال مافاق و مراد مشا بكريي هو ووليد لمشروع وضحى ماقاريا تال وحدة …
زين الدين”عوج فمو بجنب كيستهزء ” : مع 1 مزيان 12:30 تكون فاقت ياك ؟ الحاجة اش هادشي ؛؟ فين باها ؟
توبا”حدرت راسها بحزن” : اولدي راك عارفو مخليها براحتها و”قبل متكمل قاطعها بصوت مرتفع شوي”
زين الدين : اااا الحاجة الحرية زايدة لبنتو كتنوغش لواحد الحرية زايدة باغي يتهنى من صدااعها …عارفها اش واكلة اش شاربة ؟ عارفها اش كتق”سكت مغمض عينيه بنفاذ صبر مستغفر الله” واااا شريفة بنتك عارفاها فين كتمشي ؟ ااا ؟ “يلاه بغاات تهضر وحبسها” بنتك انا الي ف اخر دنيا وعارفها اش كدير …
توبا”بخوف وصدمة” : اش دارت ؟
زين الدين”تسم بجنب بغيض ” : فبلاصة ما “غوت حيث فقصو بجهد تا ما حسش اش قال بلا ميشعر ” القوااااااد ديال باها ناعس كي الولية يحضيها واااااااااااالد “كيشير لصدرو وصوته خلع الخدامة تا هربت هذا غييير مجهد صوته ماغوت ماوالو ولا وجهو يخلع خصوصا مخنزر وعينيه خضرييين مع سموريتو خلاتو يبان مجهد مبقاتش قدرت تهز وتمشي دوز من حداه ولا قلبها يضرب” اناااا الي معنديش الحق ندخل فيها دخلتها تحت جناحي تا وليت حاضيها …
توبا : راها اختك اولدي…
زين الدين”هز ايديه” : ما نكرناش حيث بنتي راني حاضيها حيث بنتي نهار تبدا ففعايل سلاگط ماهي فخير معايا “خبط فوق واحد رخامة تا قفزات عمتو” ندفن عدو ربها تحت لارض …”حس براسو ماهو تا دوز على جبهتو “
توبا : مالك ؟
زين الدين “هز ايديه ومشا معصب كيتمتم ويستغفر الله “
توبا : راك نتا الي الحاج فهاد الدار ماشي الغالي نتا مول العقل ..الله يالغالي بغيتي تقتلني…
مشا تلاح فوق الفوطوي “شاف ساعتو وصل وقت باش ياكل كب ليه قهوة كحلة وبدا ياكل فصلاد ديالو والخبز وزبدة مذوبة مع الزعتر كيف كيبغيها خاصة بيه معروف خاصو يفطر بيها …حس براسو رتاح شوي حيث ضروري خاصو ياكل بنص ساعة من ورا دوا …
واحد شوي تمات جايا توبة ووراها الغالي وصلو عليه لقاوه واقف كيهضر بعييييد ويشالي بايديه تا كمل وتم جاي …
زين الدين : سوارت ؟
الغالي ” مد ليه سوارت طوموبيل الي وصا عليها مراد ياخذها ليه مؤقتا ريثما استقر وياخذ وحدة الي تخدم ليه ” : BMW كاتكات الي حدا طوموبيلتي …
زين الدين “بعصبية” : عندك تانتا الحاج ؟
الغالي : وايلي اهههههه
زين الدين : مزيااان مزيااان …”شاف فساعتو” تعطلتي لا ؟
الغالي : انا مول شي وقتما جيت …
زين الدين”هز حجبانو وشاف فيه بواحد نضرة بعينيه كتضحك هههه ” : وااااايلي ..اللهم بارك وزد في ذلك “شد من عندو سوارت ومشا عطاهم بالضهر خلا توبا حابسة ضحكة على طريقة زين والغالي الي كيضحك ماخاصو تا خير ههه ” وااا الرب العالي بنادم دينمو طحنو وتدي لاجر …”مشا مكرهش كون كان الغالي صغر منو يدگو ههههه “
ريحة سانيكروا كتفوح من الدار دنيا منقية وتشعل دار كلها تخملات من سفاها لاعلاها البيوتة تحكو وطلامط تصبنو ..وكل من هي شرويطة صبناتها في المكينة وتخمال تعاونات هي وصفاء يومين وهما فيه حتى من الماعن الاليمنيوم حكوهم فالسطح بيوت كوزينة دوش كلشي حكوه خلاو دار ريحتها النقية والمعطرة كتعطي وهادشي مغريبش عليهم بزوجات حاررات فالشقا ونقيات بزاف …غير سالاو جمعو حوايجهم ودخلات فرح هي وصفاء لدوش دارو تبريمة خاصة مكونة من ( شبة مطحونة ديال حمص مطحون منيل و زيت فليو ونيلة والورد تاهو مطحون عكر الفاسي كلشي بعبار معيلقة الا عكر فاسي الي شوييي ف زلافة ديال حنة مطحونة فالفردو الي مهراز تاع العود مخلطة ب ما ورد دافي تا جراوها وطلاوها لحمهم بقاو بيها ولبسو عليها وشعرهم تاهو دارو ليه الحنة فيها روايح …وخرجو مشاو هزو صيكانهم ومشاو لحمام برفقة نجية دخلو لحمام وهي تعطيها نجية ميكة فيها تخليطة كيديروها فالعادة للعروس…
نجية : هاكي بنتي سمي الله ورمي هاد لبسيسة (تخليطة فيها دقيق فيه سكر وزيت رومي ) لوحيها فالقنات و وصروبة الحمام(صروبة من صرب يعني قادوس)..”خذاتها من عندها وطبقات شنو قالت وبسكات ودخلو والكسالة كتزغرت وتصلي عالنبي وفرح حشمانة وحادرة راسها.. فرشو الجلدة عمرو سطولة وبداو الاستحمام حكو راسهم مزيان وغسلو شعرهم وتشللو خصوصا فرح غير تشللات بباندوش دارت سطل ديال ما دافي خوات فيه ما ورد وتشللات بيه لبسات بينوارها ودارت فوطة على راسها وخرجات مزنننننننگة بالحمورية وسخوونة …خرجو لقاو فوزي جايب طوموبيل من عند صطوف وتلقا ليهم …
فوزي : ابصحة وراحة “باس راس نجية وضار خربقة صفاء وفرح جمعهم هههه ” هاي هاي على لالة العروسة ليوم تسني على خلا عشتك مغانبقا لا انا لا عصام نخضرو معاك …
فرح”غييير قالها ليها حسات بكرشها تهزت تالسما ونزلات وواحد العرق تكب عليها ودموعها دارو فررررر الوجه من كترت ماتزنگ تحطي عليه صبعك تبقا بلاصتو بيضة ويرجع بدم دارت ايديها على وجهها كيبان غير كتافها الي كيتهزو وصوت بكاها حنييين معرفتش علاش هو بجرد ماقال هكاك حسات غاتبعد على روحها “
صفاء : اويلي البغلة “جاتها البكية” لاش كتبكي ازمر مالك تانتا مكتسكت من بارح وهي تبكي…
فوزي”شاف فنجية ورجع شاف ف فرح وهو يمد ايدو حيد ليها ايد وباس ايدها” : والله اختي منفرقوك وخا تمشي لدارك كل نهار نجي عندك وديري ليا الغذا نديه ولا ش كوتي دايزو الكلام .. مريضة بالرب تا مريضة عمرنا منحاديوك …
فرح”بتنخصيص” : اهى اهى ونصبن ليكم حوايجكم …وشكون يسيق ليكم دار شكون الي يهز سروالك فيه ريحة زفورة وريش والعرق …
فوزي : صافي هنينا
فرح : ولا سراول عصام الي فيهم صرف ونديه انا ولا صرفك انت …
فوزي : قول نتي ابتلحرام الي سايساني فرزقي…
فرح : عصام كيحط سراولو متنيين نتا كتحطهم مقادين …
صفاء”بالحس” : عصام خليه عليا مضربي حسابو..
فرح : سكتي انتي اهى اهى…شكون الي يجمع ليك تقاشرك الي كترميهم تحت ناموسية فردة تحتها وفردة تحت ناموسية عصام …
فوزي : كنباتو نضاربو بالليل ههههه
نجية : وراكي خويتهم امهم الهازة همهم وراكي الحنانة ديال خوتك ورا يتسندو عليك وتسندي عليهم را عمرك تفوتيهم وخا ديري ولاد ولادك الخاوة حدها دنيا وجاتك ساهلة بنيتي حمدي الله راكي حداااهم فدربهم حمدي الله مامفرقينكم طرقان وممبعدينكم بحورا حمدي الله راكي عند قمونتهم ..
صفاء : الفرق غير غاتنعسي فدار من غير داركم …
نجية.: خلي خوك يتهنى عليك ابنتي الجهد الي تجلسي را ديري دارك …الله يكمل عليك بالخير…
فرح”مسحات دموعها وفوزي تاهو كيمسح فيهم تا حيد سانتيغ وقرب لعندها باس راسها وعنقاتو كتبوس فيه وتعاود ” : خويا حبيبي .
فوزي : فروحة خوها الحنينة ديالنا …صافي سكتي متخليش عصام يشوفك فهاد الحالة والله تايجري عليهم وبناقص من شي جواج …
نجية : سوگ اولدي دغيا را فاطنة غا وحدها مع طيابة فالگراج…شكون جا ؟
فوزي”حرك السيارة” : كاين عمي مبارك وبا (جدو) وخالي الحسين ومرتو كاين داك صالح خو بوك “شاف ففرح حيث عمهم صالح مكيحملوهش كيعيطو ليه غير خو بوك ولا صويلح هههه هو حطب جهنم هو مزناد المخنتر…”
فرح : ولااااش جا لاش مجيتو ديال نحس يالاطييييف ومكيستكتش”شدتها البكية”
فوزي : عصام فالذمة وبا تاهو وعمي مبارك وانا غا سيمو لاخر جوج كلمات يخليه يشطح “بداو يضحكو حيث عارفين سيمو مرخرخ لا طلقهم كيطلقهم كي القرطاس هادشي باش كيعجبك هههه” وصلو لدار مع دخلو كانت لابسة بيجامة بيضة تيشرت وسروال قطن وبينوار ديالها مدور عليها دونتيل من الهدايا الي شرا ليها يونس ومو وشال على راسها بيض وبانطوفة جديدة كلشي جديد حيدات ليهم تيكيت ف الحمام …غير وقفات وهي تسمع زغاريت وصلاة عالنبي من فاطنة وتا نجية والطيابة ومرات خالها نعيمة حسات باحساس فشكل الي كان خاص مها ديرو وتستقبلها دارتو ليها نعيمة ونجي وفاطنة لي حسسوها بنتهم من رحم مختلف …
الاستقبال كان ليها بزغاريت وصلاة عالنبي حتى دخلات لبيتها من بعد ما سلمات عليهم كاملين …رتاحت واحد الشوي وحطو الغذا تغذات تا شبعات عاد جات لالة ومالي مولات المؤخرة الي كتشالي المدام ناهدة الميكاب ارتست اييييه ميكاب ارتيست محترفة قرات الحلاقة وتخصصات فيها وتزوجات وجلسات غير ولدات تفرقات مع الراجل وجات خدمات فالجديدة عند واحد المركز ديال تجميل تعرفات على صوف تصاحبو لقات اش بغات وهي تجلس …
ناهدة”جايا بجلابة فالحمر مقادة وجهها مزيان باحترافية بميكاب خفيف بارز ملامحها الجميلة …سلمات عليهم وتمات جايا هازة العدة مخلية ريحتها فدار تعطي بعد ماكانت ريحة البخور وند ولا ريحة ناهدة incandescence parfum دقات الباب ودخلات بابتسامة” : لالة العروسة زينة البنات…
صفاء : اهلاان ناهدة زينة العيالات
فرح : اهلا ختي دخلي دخلي …
ناهدة “سلمات عليهم ..حطات ايدها على وجه فرح وحناكها كتهضر وتقيص فيه ” : وجهك باقي سخون ازين …صبري “جبدات من الفاليز واحد سبراي رشاتو على وجهها مزيان كتحس بيه فرح كيبرد …”دابا تكاي هنا وسلميني راسك احبيبة…
صفاء : كيداير حميزو كي بقيتي قالو ليا كنتي مريضة …
ناهدة”تكات فرح غير على مخدة بقا جالسة بدات تقاد ليها المسائل الاولية وكتهضر” : شوية كان ضارني حاشاك تحتي ..
صفاء : اويلي طيبو ليك “خرجات عينيها تا نغزتها فرح جاب الله مسمعتهاش كانت كتقلب على برايمر باش تبدا ” هء اواه ياكما ميكروب…
ناهدة “بدات على فرح” : لا حبيبة حرقتو ههههه كنت كنتوضى ومشفتش را الما طايب نسيت مبردتو ايييوى لبقت ليه ههه
فرح : الله احبيبة ودابا شوية ؟
ناهدة : لا صافا حبي …”بقات فرح عاطياها وجهها كتخدم فيه وصفاء كتشوف ومرة تشد تيليفونها تبقشش فيه وتكونيكطا حتى كملات ليها وضارت لشعرها صاوباتو ليها مشطة خفيفة مخلياه مطلوق مي مصاوب ببابيليز ومفرود جا ممو” هانتي زين هكا حسن يبان شعرك قوي حيث ا بب شعرك ضعيف خاصك تهلاي فيه بزيوت ومتديريهم تاتقطعيه ماشي كلو مي ضروري حيدي ليبوانت وقطعي القصة عاد داويه …من هنا لعرسك يبان مزيان ..تتسالي اليوم وعيطي ليا نعطيك الوصفات تبعيهم بالحرف …
فرح”ناضت شافت راسها فالمراية شيء ثاااااني ركزات ليها على عويناتها تا بان اللون العسلي فيهم وشفايفها كبرو وميكاب ترابي خفيف بانت ولا اروع …دارت لصفاء شي لعيبات خفاف ماشي بزاف غير رتوشات …عاد مشات فرح لبسات قفطان جوهرة وجابت ليها نكافة لبسة الي كراتها تكشيطة بيضة وتاج ديالها وليزيكسيسوار والحزام طبعا ناهدة الي غاتلبسها حيث ياما خدمات مع نكافات فالعراسات الي كانت كتصاوب لماليهم.. “
ناهدة : معاش غايجيو ؟
فرح : قاليا يونس غير ياذن المغرب ان شاء الله …
ناهدة : فين عصام “قلبها كيضرب” ..
صفاء : مع الرجال وصطوف ازين كيقادو فالبنية فين غايكونو طلبة مورا العشا ان شاء الله…
ناهدة : اوو دايرين طلبة …مهم هاني انا هنا معاك تانلبسك عاد نلبس انا وصفاء …
#دار_مولاي_السلطان سيدي يونس الدار طتروج غيييير بيهم هما العائلة الخواتات ورجالهم وامهم رجال فالبيت كيهضرو وصينية اتاي والحلوى والفاكية محطوطة اما مولاي السلطان سي يونس را دخل لدوش كيدوش …اذان العصر كيستمع فجوامع مدينة الجديدة…خرج من الدوش كينشف حالتو موضي لبس ملابسو التحتية عاد لبس فوقهم فوقية بيضة وفوق منها جلابة جوهرة رجالية فالاصفر …رجع شعرو لور ولبس تقاشر بيضين واحد النور نازل عليه سبحاااانك يا جليل نور فشكل …قاد صلاية قدام القبلة وصلى صلاة العصر وزاد زوج ركعات لله تعالى سلم وقرا دعاء بخشووووع تا حس بذاتو نملات عليه وقليه كيضرب بجهدددد تا نزلو ليه زوج دمعات فحال الالماس طوا الصلاة وكمل لباسو دار ساعتو حل المجر جبد ساشية الي فيها خدية لفرح من عند مول الذهب و رش ريحة ديالو لبس بلغة صفراء يلاه غايخرج وهي تشدو ترويعة مشا لدوش رجع غير المرار مكشكش قهوي تقوليه شارب القهوة غسل فمو وحك سنانو بالخف وغسل بالبانبوش باش نضف وعطر فمو عاد خرج خرج هاز تيليفونو رسل ليها ميساج …
يونس : حسبي ساعة ونص نكونو عندكم ان شاء الله تهلاي ليا فراسك بزاااف والله يسهل عليك ويخفف عليك ما صعاب من عقايب الدنيا وكحل راس…ويجعل فرحتك قبل فرحتي يا فرحتي …مبروك علينا مسبقا ..”خشا تيليفون فجيبو وخرج عندهم غير شافوه كانو لابسين موجدين ناضو. يزغرتو سلمو عليه كان فشكل منور تقولي ملاك وسطهم سول على مو قالو ليه را فالبيت كتصلي ومشا لعندها لقاها جالسة فصلايتها جلس حداها ومد ليها ساشية …” هانا ميمتي هاهو…
غيتة”هزات فيه عينيها وباستو فحنكو وشدات راسو تكاتو على صدرها” : الله يرض عليك اولدي …صافي ولدي الحنين غايدير ولادو…اييييه غير ولبارح كنتي دور ليا بتسرويلتك وشاد جلدة تجر فيها تمضي سنانك هههههه
يونس”جاتو وااااحد الضحكة عجيييييييبة كيضحك من قلبو ويشوووووف قدامو يضحك يضحك يصحك تا دخل ليها العجب وهو يتكا عليها شد فصدرو جاتو فحال دوخة تا غمض عينيه مبسم مبقاش جاوبها”
غيتة : هههههه كضحك هههه يلاه نوض اولدي يلاه نوجدو دوك طيافر “كتحرك فيه” وااا ولدي شتك نعستي رجعتي لعادتك ديال صغر متنعس ليا غير فاش نكون كنصلي وااا ولدي … يونس واا يونس !!!
كتحرك فيه وتفيق فيه بالضحك وهي را من صبااااح وهي قلبها مكمش عليها ودابا فاش كتعيط ليه حسات برفرفة فصدرها تا تكب عليها العرق وتعيط ليه وتعاود وهو مكيتحركش تا طلات عليه لقاتو مغمض عينيه ومبسم ….
غيتة : ولدي بسم الله عليك وااا ولدي …”غوتات على بنتها ” وااااا سهااااااام سهااااام واااا بنتي اجي الله يرض عليك … واااالحاااج …اويلي ولدي بسم الله عليك “تحل الباب”
سهام : مي مالك “شافت فيونس ناعس” اويلي خويا مالو
غيتة : عيطي لباك وراجلك “الفقيه” سربي وحضري عقلك لا تغوتي ما والو “خرجات فيها عينيها تا مشات كترعد عيطات ليهم وجاو لعندها لقاوه هكاك باقي مبسم باه عرفو غير من لون وجهو …جا الفقيه كينوض فيه جا راجل ختو لاخرى تاهو هزوه بزوج سرحوه فوق الناموسية بلباسو عريييس مسطح …قاس ليه باه لعرق لقاه واقف ما هضر ما والو جرا عالبنات الي بداو يتغاوتو ومشا يعيط لطبيب غير تما حداهم فدارو …جلسات حداه مو شادة ليه فايدو وراجل اختو كيقرا عليه وجابو صوفة غطسوها فما زمزم كيقطرو ليه من فمو كيمشييييي واحد اللحضة الما مبقاش كيدخل ولا كيرجع حتى جا الطبيب …
الطبيب : امتا طاح ؟ “كيقلب ومو كتشرح ليه حيث هي الي حضرات ” كيقلب ويعبر طونسيون لقا Ereur عاود ثاني والو نفس الشيء عاود دار ليه سناطة كيتاكد وهو كيسول وهما كيجاوبو قلب ليه دماغو وكلشي مدة وهو كيقلب ..حتى حيد سماعة من ودنيه وحجبانو مكمشين حابس البكية مقادش تا يهضر حيث كيعرفو …كيف غايقولها واش غاينطق …شاف فباه .
الحاج توفيق : امضرا ولدي …
دكتور : الحاج نتا عارف بينك وبين الله وعارف ربي كيبغي ناس المزيانة غانقولها ونعاودها سعدااااااتك بهاد الولد سعداااتك بهاد الراجل الي ربيتي الله يجعلو سباب من اسباب دخولك للجنة…
راجل بنتو “حس وعرف وتاكد ” : انااا لله وان اليه راااجعون…
غيتة”حدرات راسها كتبكيييي وتشد فصدرها وتحك وتهضر بصوت حنييييين يهرس ليك خاطرك واخا تكون حجر ” : ولدييي عارفااااه ماشي ولد الدنياااا اهى اهر ولدييي ماشي ولد الدنياااااا ولدي مرضي ومزيان والمزيان ماشي ولد الدنيا …واااا ولدي وفين خليتيني يااا حنيني ياااا كبدتي يا وحيدي لمن خليتيني …
الامام”راجل بنتهم” : الحاجة كوني مع الله يكون معاك …ولد الجنة ان شاء الله “اما باه جلس حداه وهز ليه صبعو وشهد ليه وكيردد جملة وحدة “الله اكبر الله اكبر”
غيتة : واااربي الحنين وااا ولدي واا ولدي اهى “تكات ليه على جبهتو وباستو وعاودت كتشم فيه ريحة ديالو وهو باقي بنفس تغميضة والابتسامة …وهي تغطيه وباه كمل ليه غطاه تاغطا ليه وجهو…وهي تنوض خرجات عندهم لقات راجل بنتها قالها ليهم وهما يبداو الغوات ممثيقينش كيتغاوتو وحدة تندب فحناكها ولاخرى تخبط فجنابها ووحدة تمرمغ بغاو يجهلو عقلهم بغا يخرج ممثيقينش ياربي ورا كيوجد لعقدو …بغاو يدخلو كيرجعوهم رجال تا يتهدنو عاد يشوفوه وهي تغوت عليهم مهم غوتة وحدة وحبسو كيتنخصصو اما وحدة غيبات ولابسين تكاشطهم…”
غيتة : مااابغيتش دمعة وغوتة تنزل على ولدي مااا بغيتش تحرقو ليا كبدتي … “هي كلها حابسة البكية بزز” ولدي بغاه الله بغاه ربي ولدي انا عارفاه من صغرو ماشي ولد الدنيا وكنكذب راسي “كتخبط صدرها كيتسمع زدو زدو…قادات نضاضرها وكتهضر ماحساش بدموعها راهم نازلين ” ولدي مشا عريس ولدي مشا موضي مصلي ولدي مباااغيش الغوات ولدي باغي تزغرتو عليه وتصليو عالنبي “هزات ايدها وطلقتها بتزغريتة مخلطة بتنخصيصة ” صلاااااااة وسلااااام اهى اه.ى عليك ارسول الله الاااااااااه جاه الى جاه سيدنا محمد اهى الله معاااااا الجاه العالي …يويويوي يويوووووووووووووي واااا زغرتو وزغرتووووووو وصليو عالنبي …هادي ساعة من ساعات الله يحضر فيها النبي رسول الله هااادي ساعة من ساعاات الله اهى “كتحك فصدرها وتعاود عالله تطفا ديك العافية الي شعلات” ولدي مات فصدري ولدي مات فالبلاصة فين كان ينعس فين نعس لعند مولاه …ولدي مااااشي ولد الدنيا ولدي خلاني تا ولفتو وشواااااني يا ربي ورا شواااااااااااااني ….عيطو لالة البنات الي بغاتو بلا متردد عيطو لالة البنات الي مرداتوش وماقالتش ليه لا عيطو لمرتو الي ضحكات ليه فوجهو وعمرها عبسات عيطو الي معندها زهر عيطو الي حنات فيه وبغاتو عيطو لبنت الناس وقولو ليها كوني مع الله يكون معاك …عيطو ليها وصبروها…انا غااا نصبر غا نصبر تا يلحقني ربي ليه … وراه شوااااني ولدي شوااااني ياربي لا اعتراض على حكمك ياااربي بغيتيه عريييس هاهو جاك ياربي هديتو ليك ياربي “هزات كفوفها وطلقاتها بتزغريتة حااارة ” قولو لطيابة طيابك جا فوقتو طيابك صدقيه لعزاية …انااا لله وان اليه رااجعون…اللهم لك الحمد اللهم لك الحمد حتى ترضى”مشا ليها صوت واحد اللحضة” اللهم اجرني في مصيبتي ….
هاهي جاات حدانا يحفضها مولانا يعيشها فالخير..اراها جات داخلة جات داخلة بالغيطة والبندير…هاهي جات حدانا يحفضها مولانا ويعيشها فالخيييير…
تحت سماع هاد الاغنية الي طلقوها فور ما خرجو رجاال وجات النقاشة وخرجات عندها فرح سمات الله وبدات تنقش ليها صبيعات ايديها …كيشطحو ليها خالقين جو العرس ريتما يجيو اهل العريس الي مع الاسف مزال معرفوش شنو طاري ….
نقاشة : ايديك غزااالين تبارك الله عامرين تبان فيهم الحنة شهوة منها …
فرح”مقربة ليها باش تسمع حيث صوت الموسيقى مجهد” : ربي يخليك اختي هههه “شافت ف صفاء الي كتلووز “
هاهي جات قبالي هاد الزين الغاالي ضوا علينا المكاان..
لالة مولات الهمة ثقيلة ورزينة المشية بالميزان…
لاااااالة العرووووووساااا فيناهياااا شوفو معانا شوفو معانا باينة ها هييااااا …تبارك الله عليها تبارك الله عليها ووووووووو لالة العروسة …
ناضت لبيتها وجلسات بينما تجي ناهدة فاش يقربو على حد علمهم وتلبس اللبسة الي كرات من عند النگافة ….جلسات فوق سداري تا نشفو صبيعاتها وبدات حنتها كتحرتت ..هزات تيليفونها تشوف شحال الساعة حتى لمحات رسالة من يونس قراتها وهي تبسم على طيبة قلبه الي كل مرة كيحببها فيه بطيبتو واحترامو ليها ..جاوباتو فورا …
فرح : اللهم امييين ليا وليك ان شاء الله ياربي ♥️…”فهاد اللحضة كان فوزي وعصام واقفين على الدراري السرباية الي كيقادو فطوابل فالخزانة فين جلس جدو وعمامو وباه وخالو قادو ليهم طابلة فين يجلسو باش يخليو العيالات براحتهم وتنقش فرح براحتها …سيمو كيتقدا دراري ولاد الدرب قايمين بالواجب …حتى صونا تيليفون عصام …
عصام : اش اصطوف فينك ؟
صطوف”مالقا ميقول حس بغصة بقا فيه صاحبو باقي مصدوم كلو مافاهم والو اش غايقول وهو براسو مزال مثايقش.” : عصام …
عصام : مالك ؟ مال صوتك ؟ “ضار فوزي كيشوف فيه كيسمع ووجه عصام لونه تبدل ختى خرج عينيه طفا تيليفون وضار هز الموطور ومشا كيجريييي “
فوزي : واا عصام مالك ؟ وفين غادي ياك شي باس مكاين ؟
مبارك”ناض لعند فوزي حيث شاف عصام طار بديك الطريقة” : خبار الخير مالو ؟
فوزي : والله ماعرفت …
.غاتبقاي تقولي غير االصباح فطر وضحكنا غير صباح دوش غير شوية هذا هضر معايا داز اليوم غاتقولي غير البارح كان كياكل معانا غير البارح لبس وخرج …غير البارح هاد الوقيتة طاح …دازت سيمانة غاتقولي غير الجمعة كلينا كسكسو …هاد الجمعة جايا هو مافيها الي فاتت كان فيها …تبقاي هاكا فينما ضرتي تشمي ريحتو وتبداي تبكي وتالمي فينما مشيتي يقولو ليك وكااان فلان ولا فلانة يدير ويدير والي خلاااها فلان الله يرحمو…اول جملة الله يرحمو فاش كتسمعيها على اعز ناس عندك كتجيك فحال شعطة فحال شحطة لراس كتحسي بهاد الجملة جديييييييدة غريييييبة عليك فيما يخص داااك الانسان هنا كتعرفي انك غاتبقاي تسمعيها وخا تجيك قاصحة وجديدة فلول …
#عودة_من_الفلاش_باك …
.حادرة راسها وعينيها فلارض وقلبها كيضرب وكتحاول تقول واش هذا القرار صحيح الي خذيت رغم انه سولوها وعاودو تاتاكدو انها راغبة وقابلة بكامل اراتها …واحد الراس كيقول الي درتيه غلاط تتشوفي مستقبلك والحب را يجي يجي لا هو لا راجل وواحد راس كيقوليها ديري بوجه شي را العمر كيدوز نتي شابة ولكن هو را باغي يدير دارو وولادو وخا مزال ممفكرش فيهم كاع رحميه وخا مقالهاش ليك خليه يشوف حياتو …وفالاخير را وقع غير الي مقسمو ليها ربي وهاهي جالسة …دابا الي عطا الله عطاه ناس جايين والعقد غايتكتب وغاتبداي من جديد حياة جديدة …حتى تحل الباب وهزات عينيها وهي تشوف قبالتها واحد الشخص ولكن فوجهو علامة الحزن حتى بغا يبكييييي….
فرح “قلبها تفزع من بلاصتو تا هبط معاها العرق من ضهرها ” : امالك خبار الخير !!!
فوزي”مشا يزرب فخطواتو لعندها جرها حاضنها ” : ربي معاك …..
فرح”مفهمات والو حسات بشي حاجة” : كيفاش ؟ اش واقع مال وجهك صفر افوزي؟ فوزي مالك ؟
صفاء”جات من وراه كتبكي حيث يلاه عرفات منو قالها ليه عصام “
فرح”شافت فيه ” : وهضر مالك افوزي…
فوزي : يونس”وجهو مكمش بقا فيه بجهد وخا مكانش كيعرفو بزاف والي هرسو هي فرح الي فرحتها تهرسات وفنهار فرحها غاتعيش القرح…”يونس م “دار ايدو على منخرو وفمو مقدرش ينطقها” يونس م ما …كوني مع الله يكون معاك اختي هذا جهدي …
فرح”شافت ف صفاء الي كتبكي وفاطنة الي دارت ايدها على حنكها وتبكي ومرات خالها كتشوف فيهم وتعاود وفقلبها را علم بالي واقع ملي هاد الوجوه هاكا دايرين اذن ” : ربي معايا ياك ؟ شوفو وجاهكم شوف وجهك وهضرتك اخويا …”هزات تيليفون ووراتو الميساج ديال يونس ” هذا اخويا شتيه!؟ هاد الهضرة كيقولها غيييير الي حاس براسو مغايكملش هاد الهضرة ديال واحد مغايكملش يا خلاني ومشا يا وقعات ليه شي حاجة هاد الهضرة ديال راجل الي معمرك تلقا فحالو “بدات تهضر والكلام كيهرب ليها حيث حسات وعرفات ” انا عااااااارفة راسي نهار نفرح كنهجرو…هاد الوجوه الي كيشوفو فيا ديال يونس مااات “جمعات فمها الي بدا يترعد ” مم مات …وو واحد حنين بحالو غادي يبقا ؟ …واااا الي بغيت مابغاني والي بغاني ديتييييه ياربييييييييي….
بقات كتهضر بواحد طريقة اشبه بالهيستيرية مع الصدمة الي تلقاتها خلاتها غير كتهضر وتخرج ما فقلبها واكثر حاجة كانت كتركز عليها هي واش انا فين عمىي نفرح انا زهري عارفااااه ..انا الى ضحكت يتبعوني علاش ضحكت ..ماااايتبعنيش البراني البراني كلقا فيه الخير على الي قريب ليا …البراني نهار بغاني را خلاااني ….يااااااااااااربي حمدتك وشكرتك ياربي على ما بليتيني يااااااربي راني عارفة مخبي ليا ماحسن ياااااربي ياربي”كتحك فصدرها بحرقة كل مكيرجع لعقلها را يونس مات كل مكترجع لحقيقة …جلسات فوق سداري وفوزي شاد فيها وترجع توقف ودموعها دايزين ومكياجها نازل …
فاطنة : الله يصبرك ابنيتي معندك ماديري بغاه الله يعلم الله بحال ميمتو …الله ياربي وحنين داك الولد حنيييين …
فرح”حادرة راسها وتبكي” : حنيييين جابو ليا ربي نشوفو ويمشي جابو ليا نشوفو فحال الملاك …يونس راجل الي قلبي رتاح ليه وخا مبغيتو معمري شفتو اهى اهى يونس ربي حطو فطريقي باش نعرف ان الناس المزيانين كاينين وليني مغايكملوش فالدنيا ربي وراني يونس باش نرتاح واحد شوية من فعايل با باش نرتاح واحد شوي بالي غايتهناااااو عليا خوتي …ربي كتب عليا حت لفرحتي ونعيش قرحتي …ربي مبغاهش ليا …يونس ملي عرفتو وهو يوصي عليا و يوصي فيا عليا …يونس كان كيدعي معايا باش نعيش من وراه …يونس ولد الناس ممكتابينش لبعضياتنا اهى اهى …واخا كنت كنتراجع كنقول لا مغالقاش حسن منو افرح خودي الي باغيك ماشي الي باغياه اهى اهى..”شافت ففوزي ” خالتي غيتة خالتي غييييييتة اهى اهى
فاطنة : نجية سبقات كي عرفت مشات تجري …
فوزي”كيمسح ليها دموعها وكحل الي ساح ليها” : تمشي يلاه نمشيو عندهم…
ناهدة : غسلي وجهك احبيبتي وسيرو .. الله يصبركم اختي الله يكون معاك …
نعيمة”مرت خالها” : مكتاب ابنتي مكتاااب حنا ماغلينا غير بالدعاء ونواسيو الشوية را ميمتو الي تشوات عليه…
فرح : ديني نشوفو قبل ميدفنوه اهى اهى الى خلاوني “قالتها بصوت حنيييييييين وضعييييف بقلة حيلة وقهر على داك ولد الناس” نتسامح معاه حيث “قالتها بينها وبين راسها” حيث معطيتوش قلبي كلو …ديني نتسامح معاه الله يصبرني يااااااااربي اهى اهى…
بالفعل ناضت بزز غسلات وجهها ووسط الما كتبكي وتنخصص قلبها كيحرقها بجهد عليه وكيفاش مات بهاد طريقة الي خلات القلوب تهرسات عليه والي خلات الكبير وصغير مصدوم ..خرجات وهي باقا كتبكي ودموعها محابسينش فرحتها تقلبات لقرح حفلة تقلبات لعزا …لبسوها جلابة ورمات على راسها شال شدات فيها صفاء درعاتها وحداها فاطنة تاهي لبسو جلالبهم مشات لعزا خطيبها بحنتها ….حتى دخلات نيشان لصالون فين كانت جالسة مو شادة قرآن فايديها وتقرا حادرة راسها مهزاتوش كتعطر صدرها بذكر الله يخفف عليها حرقة كبدتها الي تشوااات فيها وحيدها الي عندها على ربعة البنات…نغزتها بنتها وهي تهز راسها…
غيتة : مرت ولدي الحنييييييييييينة واااااااااا بنتي واااا بنتي والحنين مشااااااا واااااا بنتي واعريسك تجبد تجبيييييييييييدة لاخرة وااااااااااا حنينة بنتي وااااا معندك زهر ابنيتي واااااااا الي ضحكات ليه فوجهو وااااااالي يجي يقوليا فرح نقوليها وتقوليا وااااخا وااااالحنينة الي يهضر بيك صباح وعشية يووجد ليك فين تنورىي دارو…”وقفات ومدات دراعها ليها” اجي بنتي اجي نصبرك اجي اجي نتي يلاه مديتي ايدك لحنة نصبرك اجي راني صااااااابرة وحامدة الله اجي …”مشات لعندها تلاحت عليها كتعنق فيها خشات فيها رساها وبقات تعاود وتلالي وفرح تبكي بقات فيها مو بجهههدد تعيا تصبر تعيا تكابر را كبدتها تشوااات فيها وعرفت كي تشوات فلحضة طار ومشا عند الي خلقو بلا ميمرض ولا يتمحن بلا ميتقتل ولا يقتل …مشا بسهووولة عند الي خلقو ورزقو ربي بديك الموتة …
غيتة : انا فرحاااااانة لولدي فرحانة مات موتة زينة ربي رزقو ديك الخاتمة وماااحسنها بخاتمة يااااربي لينا ولجميع المسلمين “كدوز على راس فرح”
فرح”هزات فيها راسها وعينيها مجغمين بدم دموع الي درفت..نطقات بصوت ضعييييف” : بغيت نشوفو اهى اهى…
حركات ليها راسها وشدتها من ايدها وطلعتها لدار الفوقانية الي كان كيوجد فين تروح لعندو دار مصلوحة مزياااان تريح النفس ..حلات الباب لقات باه ورجال خوتاتو جالسين ومعاهم عصام وصطوف ..عصام الي غير شافها كان غاينوض جلس خلاها تا تدخلها وتخرج… حلات ليها الباب وهي تلقاه مغطينو فوق ناموسية الي فالبيت الي كان غايكون ديالهم بيت كبيييير وهو مجبد مغطينو بايزار بيض كيتسناو باش يوجدو ليه الحنوط والكفن ولوازم التغسال حيث غايغسلو باه وراجل ختو والقرآن مطلوق فتلفازة قدامو…
غيتة : باقي ب جلابتو باش كان جاي عندك …
فرح”غمضات عينيها وعصراااتهم بالقهرة بقا فيها بجهددد غير عرات ليها على وجهو وهي تشوفو باقي بنفس تبسيمة وسعدااات قلبها الي صبر حتى باست ليه جبهتو ” : سمح ليا سمح ليا بزااااف …”تنهدات بحرقة” الله يلاقينا فالجنة ان شاء الله.
تنهدات بحرقة” الله يلاقينا فالجنة ان شاء الله…”غطاتو وناضت باست را غيتة وايدها وخرجو مع خرجت لقات عصام واقف مشات ليه ديريكت حل دراعو ليها وهي ترمى فحضنه وتنهدات بجهد غاطسة راسها فحضن باها ديال بصح الحضن الي ديما محتويها من وهي فاللفة لحيمة الحضن الي حنييييين عليها بجهد كثر من راسو …قهراتو ختو بزاااف حتى ف فرحتها تقلبت عزا واشمن قلب يتحمل هادشي اشمن قلب يصبر لهادشي …”
عصام : مكتاب الله تصرف لله ما اعطى ولله ما اخذ …ماشي فالنصيب الله يصبر والله يرحمه…
فرح “بصوت شبه مسموع” : الله يصبر خالتي ..الله يصبرني..الله يصبرني “كتقولها وتعاود.. يونس معرفاتوش بزااف ولكن تصرفاتو افعالو رجولية معاها الموت ديالو بهاد طريقة قهراااتها ونهار عقد قرانهم شيء صعييييب مع الايام غاتولف ولكن شنو غايقول المجتمع الي وخا تقدمو ناس دازو سنين وباقي اغلبهم بنفس التفكير ويعياو تا يعياو غايخرجو هاد الكلمة من افواههم …والي سمعاتها فاش نزلات تجلس مع العزاية فالصالون فاذا بها كتصادف مع مجموعة من العيالات فواحد القنت كيهضرو…
وحدة : ورا لابس عندو ضريب الصداق هاد النهار ومكتابش ياختي..
لاخرى : ياختي العروسة رجلها منحوسة ياربي السلامة قدام النحس عليهم بضربت لصقت “دخلات لمسامعهم عادي اما هي دخلات لمسامعها بحال السم شربوه عرقوها وكل عرق كيضخ سم لعرق لاخور …”ساهل نسمعو الحكاية لكن صعيب نعيشوها كيف عاشو اصحابها …ساهل نسمعو المعاناة لكن مستحيل نحسو بالم اصحابها …صعيييييب علينا نراعيو لكن ساهل علينا نجرحو ….كلام العار الى خرج فحال الكاس الى تشتت وصعيب يتلملم ….
قبل اذان الضهر بدقائق لقاتو دخل للمدينة من بعد ساعة ديال طريق وربع حاط تيليفون قدامو مبرونشيه بشاشة كيقلب ف maps على فين جات المقاطعة فين غايتلاقا بيه …اول ما قرب صونا ليه قطع عليه وعاود عيط ليه من رقمو الجديد الي دار فور ما وصل المغرب …بلاصا السيارة جنب …
زين الدين”داير نضاضر شمس كيهضر ويشوف قدامو فالشارع وسيارات وناس غاديا جايا ” : فينك ؟
المحامي : عند الباب غير نقضي ساعة ونص الي غايخصني فيك مايجي عندي ولا تسناني شوف شنو يناسبك وديرو…
زين الدين”جبد من المجر باكية الكارو شعلو ” : يحتاجوني تما ؟؛
المحامي : لا لا ساعة ونص تقدني نكمل الوراق كلهم …مول الارض الي مقابلة مع البلاصا الي تعطل جا من فاس يلاه وصل اما كون قضييينا الغراض بكري.ا دكتور ..
زين الدين”نفخ دخان وشاف فساعتو سمع اذان الضهر ” : بففف مشاكيل هاد المرض الكحل … قضي الغراض الوقت الي ساليتي انا فالبلاصة لفوق…
المحامي : مازاگان ياك ؟ صافي وعليه نعماسيدي…
قطع معاه ديمارا طوموبيل وزاد غادي فالطريق كيقلب على شي جامع تما حتى بانت ليه سيارة نقل الاموات تابعينها الرجال بزاااااف الشي الي خلا السيارات يوقفو والبوليسي يعطي السلام (ضروري و اجب كلشي يوقف احتراما للميت) وقف السيارة حيث غايجي قدامو فك سانتيغ وحل الباب وخرج من الطوموبيل من بعد ما طفا الكارو ووقف حتى داز الميت الي كاع الناس فالقهاوي وقفو كلشي حبس تا داز …
زين الدين : الله اكبر ..”كانت وحدة راكبة فالسيارة رينج روفر واقفة مع سيارات بان ليها واقف مربع ايديه كيشوف بتغوبيشة باينة من حواجبو وخا نضاضر وديك الجولة الي فيه كتلفت وحروفو ولحيتو وهيبتو…
هي : يااا روح قلبي على زين نور البلاد “نغزت صاحبتها” يا شوفي ..
صاحبتها : ياااا دين جد امك هذا موحال مغريبي باسنة عراقي اصحبتي شوفي ..
هي : هاد البلاد عندنا بدات تگعد هههه مكاينش شي طريقة نلفتو جيهتي مكاين كي نديرو ياربي …احح مي ركب مشا فحالو وتعالى غا نهضر معاك …اربي الحبيب …
غير مشات الجنازة ركب ومشا لاقرب مسجد تابع الخريطة فالتيليفون حتى وصلاتو لنفس المسجد الي حطات فيه سيارة نقل الاموات الي دازت قدامو …بلاصا سيارة فالبارك حيد نضاضرو ومشا لمرفق الوضوء طوا سروالو وحيد صباطو وتقاشرو وتنا كمايم القميجة ودخل توضى وخرج كيقاد فحوايجو ويلبس تقاشرو ودخل الجامع صونا ليه تيليفونو وهو يرجعو سيلونص واقام صلاة اول ركعتين للمسجد كمل وجلس طاوي رجل وثاني وحدة موقف ركبتها لمح نعش الميت … تجمعو الناس واعلن الامام ببداية الصلاة “ترااصو واعتدلو…تقادو الصفوف واقام الصلاة صلاة الضهر …ملي سالاو اعلن على بداية صلاة الجنازة على الميت …حتى كمل وهو يبان ليه الدراري كيهزو فالنعش شاف فساعتو لقا باقي الحال ومزال الحال على دوا ووجبة الاكل …”
فوزي : خويا شد من هنا ..اجي عصام صطوف…
عصام : يا بسم الله ..الله اكبر الله اكبر …”هزو النعش الي فيه يونس وتجمعو الرجال لور والشباب فالمقدمة كيعاونو فهزان النعش حتى دخل زين الدين وتقدم دار ايديه وهزو معاهم شاف فيه عصام وغمض عينيه ك شكر وامتنان واحترام لوقفتو. …تهز النعش وفضل زين الدين يتطوع فسبيل الله هزو معاهم …تا داوه لسيارة دخلوه ليها …ومشا لسيارتو ركب فالسيارة وتبعهم شوي بشوي تا وصلو لمقبرة سيدي موسى بن عمران دخلات سيارة قريبة لقبور وخرجوه تبعهم حتى دخلوه غادين بيه لجيهة القبر الي وجدو ليه …كانو واقفين العيالات عند الباب خواتاتو كاع حناكهم ندبوهم بالصدمة والهيستيرية وعينيهم كل عين قداش تشواو فخوهم بزاااف وجرحهم كيحفر ويحفر ممصدقينش …معاهم مو الي شادة مصحافها وتسبيحها وتقرا وتدعي والعائلة منهم وشي بقا فالدار كيقومو بضيافة العزاية منهم اختو الكبيرة الي صبرات شوي بامر من امها باش تعاونها وتسند عليها…وكاين فرح وصفاء و نجية وفاطنة ومرات خال فرح الي معنقاها فاطنة وتبكي وتشير ليه بايديها كتودعو اخر شوفة ليه فالدنيا. …خلاوهم عند الباب منعوهم باش يدخلو حتى يتدفن عاد يزوروه …فهاد اللحضة هزات راسها حسات بترويعة فمعدتها بكثرة البكا وسخفة عطاتها فاطنة قرعة الما وبعدات كتقيا وتشرب فالما حتى حسات ب روحها بغاات تخرج دايرة شالها ودايرة نضاضر شمس مغطيين وجهها الي تنفخ بالبكا …بعدات عليهم لتيسااااع فين تنفس …
صفاء”من بعيد” : نجي عندك !
فرح”شيرات ليها ب لا غير خليني وتحدرات دايرة ايديها على ركابيها كتنفس بجهد ….
تمات جايا واحد خيتي مع الدنيا عامرة يمكن كتجيهم بحرا وصلات وهي طلق حلوقها كتغوت وتبكي وجايا تجري باش تعنق ام يونس حتى دازت حدا فرح وبايديها باش كتشالي ضربتها تا اختل توازنها كانت غاتجي طايحة كون ما شداتش فراسها حتى طاح تيليفونها لارض ساااط …يلاه غاتهزو وهو يسبقها يمدو ليها ريحتو تدخل فالنيف …
زين الدين”داير نضاضرو كيشوف فيها بتمعن مكمش حجبانو حيث هي دايرة نضاضر ولاوية عليها شال مكتبانش كيدايرة فوجهها حدو كيبان غير بياض ايديها وحناكها شوييي وفورمتها دبدوبة…”
فرح”حركات ليه راسها كشكر وكتنفس بجهد”
زين الدين”طبطب على كتفها بشوي ” : يعوض الله المحبة بالصبر “ومشا لطوموبيلتو رجع مارش اغييغ …كسيرا وزاد للوجهة ديالو..”
سبحان الله ربي كيكتب لينا صدف غرييييبة مع اشخاص راهم دازو فحيااتنا مكنردوش ليهم البال من بعد كنعرفوهم فالمستقبل ولا مغانتلاقاوش بيهم يعلم الله لكن ربي مكيلاقينا بيهم الا لحكمة لا يعلمها سواه …زين الدين شخص براااني على المدينة ديال الجديدة يمكن اول مرة غايجي ليها ولا فايت جاي ليها من قبل يعلم الله …
رجع فحالو او الوجهة الي كان غادي ليها …شاف ساعتو وصل وقت باش يشرب دوا وياكل من وراه…ثالث وقفة بعد المقبرة كانت امام واحد الريسطو دخل ليه وطلب الغذا …شرب دوا عاد بنصف ساعة كال …لانه كان الاكل محطوط قبل …تغذا وطلب قهوة بينما هو كيشرب فيها اتاصل بيه المحامي وخبرو فين كاين بلا ميطلع حتى لمازاگان …ريسطو مقابل البحر والطابلة فبلاصة كتشوف نيشان فالبحر فيه موسيقى هااادئة كتريح النفس..كيشرب فقهوته وكيتنغم بيها على صوت امواج البحر …محيد نضاضرو ونفس النضرة باقا…نضرة غامضة ممزوجة بجدية رجل فعمر الي على مشارف وغاتولي عندو 38 سنة …بقرايته بشهاداتو بانجازاتو فالمجال الطبي …بانجازاتو فمجال المجوهرات ..بمعرفته بناس من مختلف الاعمار والجنسيات والفئات الطبقية …كونات منو رجل عارف بحق كل حاجة وكل حاجة كيعرفها كتعلمو …جدي غامض خاتر صريح لدرجة تخليك تخافي منو ناهيك عن العصبية فاش كينفاعل …تصرفاته مع الحاج الغالي ماجاتش من فراغ مايمكنش واحد قدو يقلل الاحترام لشخص اكبر منو ؟ صحيح ممكن يغلط ممكن يرتاكب بزاف الاغلاط حيث كيبقى انسان والانسان ماشي معصوم من الغلط …مكن يرتاكب اسوءها ممكن يآدي ممكن يتاذى …لكن شنو الحساب الي بين زين الدين والغالي علاش كيتصرف معاه بهاد الطريقة واش كيضلمو ؟ شنو الشي الغامض الي مخليه يتصرف هاكاك وخا لحد الساعة را موصلش لدرجة قلة الادب معاه لحد الساعة را شاد راسو عليه…وخا مكلفو بالمحلات ديال الذهب ولكن را كلشي بعلمو ادق تفصيلة فالتفاصيل كيعرفها هذا غير انه الغالي ميقدرش يديرها بزين الدين حيث عارف الى فااات تا دار نبشة ميرحموش وعارفو اش كيسوى وعارفو ان قصوحيتو تقدر توصل بيه لدرجات الي الغاالي ميديرش شي حاجة باس تخليه يوصل ليها…فهاد اللحضة كان عاقد حجبانو كيشوووف فالامواج حتى صونا تيليفونو كان المحامي كيعلمو بالوصول ديالو …طلع لعندو فين كاين حتى وقف عليه شاب فعمر 34 سنة ملامح قريبة لزين عربية غير الفرق ان زين لون عينيه اخضر والمحامي عينيه لونهم اسود ..وهو محامي لزين الدين من نهار تخرج بدا كيخدم ليه امور المحلات القانونية حتى لهاد المشروع الي بدا المحلات تولاهم واحد الولد عاد بادي وهذا خدام معاه فالامور القانونية لهاد المشروع …
المحامي : السلاام عليكم تعطلت عليك اخويا …
زين الدين : عليكم السلام …”حك لحيتو كيشوف قدامو فالبحر” التوخيرة بنتيجة ؟
ريان”المحامي” : ههههه وايلي اش تعرف عليا نبقا لابد(لاصق) ليهم تم هما يحلفو وانا نحلف…الامور لولة ناضية …واحد جوج ورقات متسناو تا قاليك بغا يشطحني…كون ما هضرتي مع رئيس المجلس البلدي …
زين الدين : الحاج المنصوري تكلف..
ريان”مد ليه الملف” : هادو كاملين مسائلهم القانونية كاملة بقاو دوك جوج ورقات حيث “شاف تيليفونو” اليوم الجمعة تنين يوجدو فالعادة وليني ملي تكلف سعادة الوكيل هنيتي من هاد جيه…قاليا را غايجيبهم ليك تالدار بلا متنزل لهنا…باقي المحافضة هادي الاثنين كلشي يوجد …
زين الدين”شد الملف كيقرا ورقة بورقة” : شي وراق “كيسكت حتى يقرا ويرجع يهضر” غذا بالليل دوز لعندي نهضر معاك فيهم …
ريان”وقف عليه سرباي” : واحد نيسبريسو صون سيكخ (بلا سكار) “شاف فزين ” مشاكيل ؟
زين الدين”حك شفايفو بسنانو مركز” : تخلويض بغا يبدا …
ريان : نساليو والديه قبل ميبدا …اه فكرتيني هضر معايا حسام شاورني فشي وراق قاليك قاليه الحاج الغالي يصايبهم ليه…
زين الدين : ديييير ليه خاطرو…
الحزن مخيم على دار الوزاني عائلة يونس …حياتهم تقلبات رأسا على عقب وفاته كانت صدمة كبيييييييييرة لاقرب ناس ليه وحتى البعيد وراه تصدم …حياتهم من بعد مكانت كلها افراح كلها حياة وتجمعات هاهما دابا كلشي حزيييييييين والعيون غالب عليها الدموع وقطرات الحزن كتنزل من القلب قبل العين …قهرة والم على وفاة شاب مشا عريس خلا وراه قلوب منكسرة مجروحة مكلومة على فراقه …الايام تمضي والسنين وكيبقى غير ولف وتعود …ولا يسعنا سوى ان نقول لله ما اعطى ولله ما اخذ ولكل غمة فيها حكمة …انا لله واناا اليه راجعون…
ترميشة تابعة لاخرى كتحس بحركات خفاف على شعرها …حتى حلات عينيها على صوت الهضرة فالدار ملي جات وهي ناعسة كانه كيقول ليها راسها نعسي لا ربما مجرد حلم نعسي لا ربما تنساي نعسي باش ترتاحي نعسي باش قلبك يرتاح …ولكن شحاال جهدها خاصها فترة عاد باش تنسا صعيب تنسا دغيا خصوصا وقع هادشي نهار فرحها ماشي قبل ماشي بعد لا اليوم الي كيكون مميز عند اي عروسة هي تقلب ليها عزا …دورات راسها لقاتو هو الي كان كيدوز بحنان على شعرها…شافت فيه بعينيها الي ورمو بالبكا …
فرح : عصااام …
عصام : بنتي …”باس راسها”
فرح”ناضت بشوي تا تقادت فالجلسة كتفوه وتشوف فلارض كتلتاقط انفاسها وتفيق مزيان “
عصام”وقف وجلس حداها مد ايدو ورا ضهرها كيطبطب عليها” : خمرتي بزاااف …
فرح”شافت فيه بعين محلولة وعين شبه مسدودة ” : شحاال فالساعة ؟
عصام : اذن العشا قبيلة…
فرح”ضحكت بجنب ” : كنت فغيبوبة …”شافت فيه” مشيتي لدار خالتي غيتة ؟
عصام”حرك راسو” : ضروري العزا مزال ما سالا…علمني الحاج بالي واحد اليومين ويطلعو لوزان عند عائلتهم تما دايرين العزا الثاني فدار جد يونس الله يرحمو…”سكت واحد الوهلة الي تنهدات فيها …عاود استانف الحديث” ماهضرش معاك باك …
فرح “حركات راسها بلا “
عصام”ضحك بجنب” : لاش غايسول لاش…”شاف فيها” فرح الي جرا ماهو الا مكتاب واختبار من عند الله …مامقسمش ليك ..
فرح : عااارفة خويا عارفة…الي جرا كان مكتاب ميمكنش لينا نبدلو اقدار سيدي ربي ميمكنش ليا نتحكم فالمكتاب ميمكن ليا ندير والو …انا مشيت بداكشي الي حطو الله فطريقي ..يونس كان فحال الملاك حطو ربي فطريقي يمكن ماشي هو الي فنصيبي ويمكن تاحاجة مغاتجيني ساهلة يمكن ربي غادي يعوضني بما احسن …غير هو ماشي ساهل باش نسا ماشي ساهل باش نتعود دغيا الجرح قاااصح اخويا …صدمة الموت ديالو ونهار عرسنا ؟ عاد هو ك انسان عمري نلقا فحالو ،،الطيبة الي فيه فعايلو تصرفاتو خلاتني نقبل بيه …فلول كنت مترددة ولكن سلمت امري لله وقلت علاش منقبلش بيه ياك حنا البنات كنقلبو على هاد المواصفات،،راجل يبغيك قلب يهتم بيك …يخاف فيك الله يحتارمك قبل بشروطي وقبلت بهضرتو حيث قنعاتني …
عصام : ويمكن ربي عطاه القبول باش تقبلي بيه …
فرح : باش نقبل بيه ونعيش هادشي الي عشت هاد الايام …يونس وخا مات عايش فعقلي وقلبي بقا ذكرى عمرها تنسا…
عصام : خودي وقتك فحزنك منقوليك والو ا فرح بكي سدي عليك غير هو متكثريش عليك فوق القياس …را كنعرفك ا فرح وخا كتخبي عليا كنعرف علاش حازنة بزاااف …يحساب ليك غافل ؟
فرح”شافت فيه بتساؤل “
عصام : سمعتيهم كيلغيو ب العروسة قدام النحس ؟ زيدي عليها كتلومي راسك معندك زهر …ونتي “كانت غاتهضر وحبسها بايدو” ونتيييييي سبابو دخلتي عليه بالمباركة مسعودة (هي عكس مباركة مسعودة كتقال باستهزاء زعما را بنحس) هادشي الي مصور ليك دماغك …فرح نتي حنينة بعقلك قلبك بيض زوينة من كاع الجوايه وخايبة من كاع الجوايه كضربي المزايا الي فيك بهاد تفكير ديال اللوم…عند اول طريق كطيحي كواريك(كتستسلم) الي ضحك ليك تقول ي ااه غير باش ترضيه…
فرح : مكنبغي نقلق حد…
عصام : فرحي كلشي وقلقي باك جات عليه…لاش دخلك للبيت داك النهار اش بغا ؟ “خرج فيها عينيه”
فرح”بخوف ” : والو …
عصام : فففرررررااااح سولتك جاوبي متعصبينيش …
فرح : والله م…”حبسها وشد ليها ايدها مزير حيث بهضرتها اكدت ليه را بغا شي حاجة” احم
عصام : تحركي هضري لا نوضوها هنا …
فرح”باستسلام حدرات راسها” : بغا نعطيه شيك ديالي نسنيه ويعطيه ضمان لواحد السلف تسلفو باش يحفضو الارض ديال با جدي …
عصام”خرج عينيه” : ياكما عطيتيه ليه ؟!! “جهد صوته تا بح” هااااضرييييييييييييي…
فرح”بنفي ” : لا لا لا والله ماعطيتو مشيت البيت تا سنيتو وكنت غانعطيه ولكن صافي مبقيتش عطيتو ليه قطعتو ..
عصام : ماعطتيهيش ياك !؟
فرح : وحق الله قطعتو اصلا ومات يونس الله يرحمو باقي مسولنيش عليه …
عصام : ماتعطيهش وهاد تفكير ديال كنتي غاتعطيه ليه غانتحاسبو عليه من بعد. ..
فرح : را جاني با حشمت و
عصام”ناض بعصبية دفالو كيرشرش” : وااااااا واخا يكون باك هاد باااك بوحدو متعتقيه بسنتيم واااااااااا عباد الله را باك هذا الى ماغرقك يقتلك …وااابوك را ولدنا غا باش يدخلنا لحبس بوك ولدنا باش نضمنوه هو يعيش وحنا نغرقو الله يغرق لبويا الشقف …
#يتبع…
شاركنا رأيك في هذا الفصل 🌹