جبر الخواطر
باخر جملة قال علي صدق علي الي قاطع عليه وممخليش ليه حتى فرصة فين يضهر…
فرح”عينيها جمدو وقلبها حسات بيه توقف وهي كتسمع هضرة علي يمكن نقولو سمعات كلشي ولكن شدات غير تبيع وتخوي البلاد !! هادي بالضبط خلات قلبها يتحفر بسبابها بدون نزيف لان ذاتها نشفااات من كثرة ما نزفات الم وحزن وحسرة…واش هي دابا خاصها تهضر ؟ تواجه تسولو ؟ مادام هو مزال ماقاليها والو..اذن !؟…اشنو هاد الحالة الي هي فيها دابا…ايديها بداو يترعدو خافت تغوت خافت تدير شي حاجة…هي فطريقها لخطبة خوها الكبير…هذا يومو وخاصها تصبر وتكمدها ؟ اشنو دير وهي كاع الاجابات الي بغاتهم خذاتهم فهاد اللحضة…”
زين الدين”نقص من سرعة السيارة وطلق السينيال باش يشد جنب الطريق…دخل لجنب ووقف…وهو يدور عندها بغى يهضر معاها…يلاه كي حنحن بغى يهضر وهي تهز ايدها موقفاه”
فرح”هزات ايدها كترعد شوية نطقات بصوت فيه نبرة البكية محبوسة” : سير دغيا باش منتعطلوش…”هزات فيه عينيها مغرغرين” علاش وقفتي !؟
زين الدين : نهضر معاك…
فرح : انا معندك فاش تهضر معايا…هضر مع علي فسر ليه وعرف علاش غوت هكاك…”اكدت ليه بعينيها” ياك عندك عذر…
زين الدين : ماعرفتش شنو خلاه يگوليا هاد الهضرة…على بالي داكشي فايت هضرنا فيه …
فرح : يعني ماكذبش ؟ من حقو…الى بيك انا !؟ ماعندك ماتسول فيا…ماشي دابا الهضرة…خويا عندو خطبة ماشي كل مرة يلقاني مهمومة خليه يفرح شوية براكة سنين وهو هاز همي…”بغى يهضر وهو يصوني تيليفونها..جاوبات بزربة” الو عصام…
عصام : مال صوتك ؟ ياكما دختي فالطريق ؟!
فرح”مسحات تحت عينها” : شوية…هاحنا تابعينكم…”ضارت عند زين الدين وخرجت فيه عينيها شوية” يلاه دغيا…
بقى كيشوف فيها بانت ليه تزيرات حس بيها…عرفها سمعات…سمعات كلشي…لان علي ماقالش شي حاجة مكايناش هادشي الي فهم منو انه مزال مصر على قرارو…باش يشرح ليها اشنو كاين مخلاتوش…والهضرة ماشي وقتها دابا..لا هي لا هو خاصهم يزيرو ويصبرو حتى يدوز عصام هاد الخطبة..المصيبة الكبيرة انهم ميقدروش يديرو شي حاجة حتى تفوت الخطبة بسلام…كسيرا وخرج لحق عليهم فالطريق…مرة مرة كيدور وجهو يشوف فيها يلقاها شادة تيليفون كتبقشش فيه…ماحيلتو ليها ماحيلتو لهضرة علي…تقسم من كاع الجوايه…كلام قاسي اخور تزاد ليه فاللائحة…الخاطر ديالو تهرس لشقااف…واي جبر هذا غادي يجبر !!!…حاول ما امكن انه يصبر ويكمدها حتى يوصل ويهضر معاه بينو وبينو…وبهضر مع فرح يفسر ليها شنو كاين بالضبط…رجع كيضوف فالطريق مركز حجبانو مجموعين وعينيه ولاو حمررريييييين…اصلا جاي خاطرو مريض بيه شي حاجة…كيحس بالعيااا والتعب ديالاش الله اعلم…ربما يكون مرض الخاطر…كيحس بشي جبل مثقل عليه…
اما فرح مابقاتش جاوبت…خذاتها غصة فقلبها وكمدتها محاولة ما امكن متنهارش فهاد اليوم…وشحال صعيب عليهم بجوووج بيهم يكمدوها ويصبرو باش ميضروش لاخرين وهما المضرورين…مالقات مادير وباش تلاهى من غير انها تدخل اليوتيب خدمات الايربودز ديالها وشعلات سورة البقرة باش نفسها تهدن عليها وتحاول تبقى مكالمية…حطات راسها على الكوسان وغمضاااات عينيها…منها تنسى ومنها ترتاح ومنها ماتديهاش فالطريق ودوخ…ماحساتش براسها هي كاع القرآن خدام فوذنيها وهي نعسااات…
زين الدين”دور عينيه ليها لقا عنقها عوج..مد ايدو بشوية كيتسنى تفيق لكن ملي حركها كانت ناعسة قاد ليها عنقها ملي متحركاتش هبط عينيه لكريشتها…معالم الحمل بدات كتبان عليها خصوصا قريب تدخل فاربع اشهر مابقاش ليها بزاف…بتردد كبيييييييير كيشوف فالطريق ويرجع يشوف فيها…حتى قرب ايدو بشوية بشوية وحطها فوق كرشها…غير حطها وهو يحس بيها فحال الى قفزت شوية رجع ايدو شوية عاود حطها ودوز عليها شي شوية وهو يجمع ايدو ورجع ركز فالطريق …
هي فهاديك اللحظة غير حيد ايدو حلات عويناتها شوية كتشوووووف من تحت رموشها…وهي تعاود غمضتهم منزلة ستار محاولة تنعس وخا تنسى ليها غير شوية وتبرد الحرقة والغصة بالنعاس وخا غير نص ساعة…لان القلب مابقاش قادر مزال على شي صدمة اخرى….
مسافة الطريق حتى كانو داخلين لمدينة الجديدة مرة اخرى…وهاد المدينة طبعا مسقط راسها كتحس بالراحة فاش كتدخل ليها…حلات عينيها وهي تگعد كتحك فيهم فحال شي بنية صغيرة…دورات راسها كتشوف قربو لحي السعادة فين كاين دربهم….
فرح”كتخرج عينها وتدخلهم باش توگض..هزات عينيها هبطات المراية شافت فعينيها كانو حمريين شوية..حسات بترويعة وهي تبدا تنش عليها” : هففففففف…
زين الدين”مد ايدو المجر ورك عليه وتحل جبد ليها قريعة الما ديالها…شدها عندو حلها بايد ومدها ليها” : شربي باش ميغلبش عليك ترجاع…
فرح”شداتها من عندو بدون متكلم…شربات منها وعاودت وهزات رايها كتنهج حتى حل ليها الشرجم باش يدخل ليها الهواء طبيعي..بقات كدير شهيق زفير باش مترجعش الي حتى لقات رايها وصلات قدام دارهم…كيف وقفو نزل عصام وهي تخرج من سيارة خلات الباب محلول دايرة ايديها على فمها…شافت فعصام عينيها خارجين…ونطقات تحت ايدها” : حل ليا الباب حل…”مع قالتها دارو دموعها فرررررررررر…حساب ليهم من تزييرة ترجاع ولكن دمعات كانو كيهزو معنى اااااخر”….
بزربة طار فوزي حل ليها الباب وخرج زين الدين من سيارة تاهو مخلي الباب محلول ودخل تبعها حتى لحق عليها لقاها دخلات لطواليط وسدات عليها الباب…دق عليها ماجاوباتوش…عاود دق ووالو كيسمع غير الترجاع…
زين الدين”حس بالخنقة فاش سدات طواليط…جاب ليه الله وساويس دنيا ودين…ممكن دير شي حاجة فراسها تاني…قلبو هبط ليه لارض…وزادوه حتى عضامو الي ضارينو…” : حلي الباب !! حلييييييي….
فرح كترجع وتعاود…حتى دخل عصام تابعهم لقاه واقف وكيدق ووجهو صفر…
عصام : اش كاين ؟ مالها !؟
زين الدين”حجبانو مكمشين بتعب” : سدات الباب…هاد القاعدة معندش ملتي معاها…”جهد صوته” وحليييي البااااااااااب..”دق عليها بجهد تا بغى يفرعو قلبو بغى يسكت”
عصام : ششش تهدن تهدن…”شافو وجهو صفر عرفو بالي خاف لان معاود ليه على احساسو فاش لقاها غارقة ف د.مها اثناء محاولة الانتح_ار…” فرح حلي الباب ماتسديش عليك…
بقاو كيتسناو زين الدين حس بيه عام…ماحلات عليهم تا كان غايفرع الباب حس بالسكري هبط ليه شوية…حتى سمعو صوت الساقطة وهو يتحل الباب وخرجات عينيها حمرييين وفاشلة…
فرح”شافت فعصام وهي تبسم” : ماعندك مادير غير صبر ليا ههه..دوختني طريق”هزات عينيها فزين الدين لقات وجهو تبدل بالخلعة عليها..رمشات عويناتها الفازگين فيه” ماعندك مناش تخاف مابغيتش تاحد يدخل يشوف ترجاع…
زين الدين : هذاكشي عادي…مرة جايا ماتبقايش تسدي عليك الباب خلينا نعاونوك…
فرح”مجاوباتوش قربات لعصام حتى عنقاتو وحطات راسها على كرشو كتنهد” : غانمشي ناكل شي حاجة باش منسخفش فدار مي فاطنة….
زين الدين”كيشوف كيفاش معنقة خوها..ماينكرش انه فرح بالعلاقة الي رجعات بيناتهم…”
عصام”حط ايدو على شعرها كيدوز عليه بحنان” : يلاه كولي شي حاجة هاحنا كنتسناو برا ماجاتش ندخل ونتي هنا….
حركات راسها وهي تدخل الكوزينة…هزات واحد بنانة كلاتها واجاصة كلاتهم دغيا وهي تخرج مالقاتش عصام وقفات كتقلب تا بان ليها زين الدين جالس جنب سداري داير راسو بين ايديه بقات كتشوف فيه حتى هز فيها راسو قشعات عينيه حمرييين..ثاني حاسة بيه شي حاجة ولكن شنو هي !!؟…
زين الدين”ناض وقف وقرب ليها” : شنو كليتي ؟!
فرح”هزات كتافها” : داكشي الي لقيت ديسير…”قبل مايهضر خلاتو ومشات” يلاه منتعطلوش على الناس…
خرجات وتبعها…حس بيها كتحاول تفادا ميهضروش دابا حتى دوز الخطبة…وزاد تاكد ان فرح الان واحد الانسانة ولات قادرة تكونطرولي راسها فهاد الازمات وهاد المشاكيل…فرح ليها وتقلق عليها…لخبطة احاسيس وتضارب فالمشاعر…حر_ب نايضة لا عندو لا عندها…وكان الله في عونهم بجوج…جبد تيليفون من جيبو من بعد ما اطمأن عليها هي لولة…دوز لخط لنمرة علي كيصوني ويقطع عليه…عاود صونا تاني وقطع عليه…عاود حتى طفى عليه النمرة هو گاع…
عصام”كان واقف هاز البوكي ديال الورد الي لقى صطوف جايبو ليه واجد ديك ساعة…شاف ففرح واقفة كتشوف” : اجي حدايا نتي وفوزي…
حركات راسها وهي تقرب ليه شدات فيه وجا حداه فوزي تاهو…ضار جيهة العائلة شير لجدو وضار عند زين الدين…وتمو غاديين وصلو عند باب الدار ديال صفاء ووقفو حنحن عصام ومد ايدو دق الباب…
عصام : با جيلالي…
صفاء”كانت فبيتها غا سمعات دقان وهو يطلع قلبها لفوووق فراسها وبدا يضرب…زادت كمشات على قفطان جوهرة الي لابسة…فمها بدا يترعد..وعقلها سااااافر كيفكر فهاد الحلم الي تحقق…عشقها لعصام كبر فيها ودار جذور فقلبها…باش تهدن بدات كتقرا فاية الكرسي وتعاود”
جيلالي”خرج لعندو لابس فوقية بيضة وداير كاقية الخيط بيضة على راسو المكسو بالشعر الابيض…وبابتسامتو المعهودة كونه واحد سيد درويييييش بزاف يتحط على الجرح يبرا…ببشاشة وترحيب استقبلهم وتبعو حتى امين تاهو فرحان” : اهلا وسهلا مرحبااا مرحبااا…تفضلو اسي عصام وايلي كتسنى نعرض عليك…
عصام”باس ليه راسو” : الله يحفضك ليا الحاج…
فرح” تقدمات موراه سلمات عليه من ايدو” : با جيلالي لباس..
جيلالي”عزيزة عليه فرح بجهد..كيحسبها بنتو فحال صفاء..باس ليها راسها وعنقها بجنب” : كبيدتي لباس عليك..غبرتي عليا مابقيتي دوزي عند باك جيلالي فحال صفاء تديو درهم درهم لوحدة هههه
فرح : ههههه هاد المرة نجي عندك كون هاني…
دخلو كاملين تحت ترحيب كبيييير كانت نجية وفاطنة فاستقبالهم هازة نجية التمر وفاطنة حليب بالزهر…استقبال بلدي كما يجب…سلمو عليهم ورحبو بيهم دخلو العيالات لصالون ورجال لصالون لاخور…كانو فرحانين الا زين الدين وفرح الي كل واحد فيهم تقلو بغى ينفاجر بالهم وتفكير.. فرح شافت ففاطنة…
فرح. : فين صفاء امي ؟!
فاطنة : راهي فالبيت…”وقفات من بعد ما رحبت بيهم فرحانة بزااااف بنتها غاتهنى عليها والاهم مناسبة مع عصام الي من ديما عندها هو العزيز عارفاه رجل بمعنى الكلمة فدارو يكفي غير كفاحو مع خوتو هادشي مايخليهاش تخاف على بنتها…كانت تاهي انيقة بواحد قفطان بالطرز الرباطي وطابلية بيضة مطروزة تاهي…دايرة ذهبها قالت ليك باش تباهى بيه فهاد اليوم الممز ديال بنتها…استاذنات منهم وهي تمشي لكوزينة حتى لحقات عليها فرح” ندخل عندها نخرجها عارفاها غاتبقى ليك تما..
خرجات من كوزينة مخلياهم وهي توجه لبيت صفاء فطريقها دازت من حدا صالون رجا.ل خطفات شوفة قشعات بالخف زين الدين الي كان جالس حادر راسو…هزات راسها وكملات طريقها حتى دخلات لبيت اول ما حلات الباب لقاتها جالسة وكتفرك فايديها وواحد رجل كتهزهز فيها من كترة توثر…ولكن هادشي مكيعنيش انها كانت ب طلة ملفتة…مخلية شعرها مطلوق حد كتفها مصايب بالبروشينغ…ميكاب خفيييييف بزاف…عطاها واحد اللمسة بانت فيه مسرارة وزينها مميز مع سمار لونها كيعطيها واحد شاغم خاص…هزات عينيها وشافت ففرح…
صفاء”بصوت مقجوج بالتوثر” : فراااااح…
فرح”بابتسامة فوق القلب وربي الي عالم بيها…تقدمات لعندها وجلسات حداها شدات ليها فايدها” : العروسة حشمانة هههه
صفاء : برجولة واقلة غاندير بناقص !!
فرح”جمعات ضحكة” : اويلي على ديري بناقص…من نيتك ؟
صفاء : كون غا درنا العقد بلا عرس فحالك”خانها تعبير”
فرح : هههه الله لا يجعلك تكوني فحالي…الله يحفضك والله يعطيك زواج زوين وحسن مني…الله يفرحك حيث تستاهلي…راكي صبرتي ونلتي اصفاء وخويا معمرو ولا كان غايلقى ما حسن منك…
صفاء”طرشات فمها” : ويعطي لديلمي الباسر والحريق…خاصني شوينية لهاد الفم…شووووفي ماتهضرينيش راني باسلة دابا…
فرح”متجاهلة كلامها..تنهدات” : وخا ونوضي جلسي معانا..
صفاء”خرجات عينيها” : اويلي لا لا لا غاسيري تافقو اشنو بغيتو ديرو گوووووولي لبا گالت ليك صااافا راها قاابلة وخا فعشة تاع تبن قابلة الي درتيه غا فرقوني”جاتها البكية بالحشمة”
فرح : صفااااء…نوضي اجي جلسي معانا…مرات خالي بغات تشوفك ومرات عمي حشومة اصاحبتي راكي غاتولي منا وفينا كثر خاصك تعرفي على العائلة كاملة وخا مرت خالي كتعرفيها…
صفاء”قلبها كيضرب تا تزنگ وجهها…زفرات بعمق وهي تحرك ليها راسها…ناضت فرح وشدات فيها وهي توقف وحطت ايدها على حنك فرح” : واش بيك شي حاجة افرح ولا تخايل ليا كلشي فحالي ؟…
فرح”رمشات فيها..حتى بداو عينيها يغرغرو وهي تحط ايدها على ايدها وشدات فيها وتمات غاديا” : مكاين والو…راني يلاه كنت فالدار رجعت وجيت…قهرني هاىد ترجاع بزاااف فصحتي وهلكني…
صفاء : وراكي غاتولي مامي خاصك تخلصي ضريبة ههههه…
تبسمات ابتسامة خفيفة عوجات راسها وهي تجرها وراها خرجات ودازو من حدا صالون ثاني لكن هاد الرمة فرح مشافتش فاتجاه زين الدين الي كان جالس وهو قشعها دايرز وقشع وجهها بالخف وبانت ليه ماشي هي هاديك تاني…وقفات قدام الصالون وهي تزيد صفاء قدامها وقالت سلام عليكم بصوت جد منخفض كاين الي سمع شوية كاين الي ماسمعش وكاين الي سمع غا تشاش هههه…
فاطنة”هازة صينية اتاي فايديها..مداتها ليها” : هاكي بنتي دخلي هادي حطيها وبداي سلام من ليمن…
صفاء : واخا احم…”صرطات ريقها وشدات صينية..سبقات فرح جلسات وهي تم داخلة صينية كيسانها كيتقرقبو من كترة مكترعد..جابت لهناء ضحكة وهي كتشوف فيها حشماااانة بجهد…فيييييينك يا صفاء القافزة…موصلت لطابلة تا بغات تسخف…حطات صينية وبدات سلام من ليمن…سلمات عليهم وهي توصل عند فرح وعاودت سلمات عليها” اهلا فرح عاش من شافك…
فرح”خرجات فيها عينيها” : يلاه كنت معاك !؟
صفاء : وايلي ؟…اههههه ههههههه”بغات تبكي”…
فرح. : هههههه جلسي جلسي هههههه…
عاوتاني بالدعقة بغات تجلس حدا فرح جلست ليها فوق ركابيها…خلات العيالات منشورين بالصحك وفاطنة تولول…
نجية. : بسم الله عليك يا بنيتي حضري عقلك ههههه…
نعيمة : ماعليش ماعليش كلنا دزنا من هادشي…انا باقي نعقل بالحشمة بغيت نسلم على عگوزتي الله يرحمها نطحتها مسكينة كمدتها وگالت ليا تبارك الله…ههههه
الهضرة كثرات هنا وهنا…كلشي كان حاضر وفرحااان لهاد اليوم الي غايتافقو فيه على شنو غايديرو وياخذو الموافقة…كلشي كان فرحان الا البعض منهم كل واحد فيهم قلبو مهرس…تحط اتاي والمرافقات ديالو وطبسيل عامر بالفاكية وهادي حاجة ضرورية…وكيف العادة حضور المحجوب فتعمار اتاي مهم جدا…لقاهم مفرشييييين ليه جليسة خاصة بيه وحاطين صينيات قدامو بالمجامع…جاب ليه امين المقراج ديال ما طايب عمر ليهم زوج برارد كبار اتاي وواحد براد متوسط بلا سكار خاص بزين الدين…عمرو الكيسان وفرق عليهم سيمو وامين موراه كيفرق فالطباسل…
زين الدين”مد ليه سمو كاسو…حرك ليه رايو بشكل وهو ينوص خشا ايدو فجيبو كيقاد جلابيتو…شاف فعصام” : هاني برا”غمزو عصام فهم انه بغى يكمي”
حرك ليه راسو بتفهم وهو يمشي معاه سيمو حتى وصل عند الباب ودخل…توجه لسيارتو مد ايدو حل بالكونطاكت ومشى لبلاصتو دخل وسد عليه الباب حل الشرجم وشعل الگارو…نتر منو شوية وعاود دوز الخط لعلي لقا تيليفونو طافي…زفر بعصبية بغى غير يهضر معاه يشرح ليه علاش ماقاليه والو…مخلاش ليه حتى فرصة…دوز الخط نيشان لاسلام بعد رنات جاوب…
زين الدين : بروفيسور زياني !؟
اسلام : خرج صباااح…وعطا تعليمات بالي مغايجي حتى للسيمانة الماجية…طفى تيليفون وكلشي…
زين الدين”عض شنايفو بالفقصة…شعر بواحد الوخزة فعضامو وتبوريشة غمض عينيه وزفر” : صوني ليه الى جاوبك گوليه يهضر معايا ولابد…”قطع معاه وحط راسو عالكوسان…بقى كيكمي حتى كمل الكارو وضار جيهة المجر حلو جبد منو واحد الحلوة رماها ففمو وبقى حتى حس براسو ولا شوية…جبد لاباراي وعبر الديابيت بالخف لقاه غادي مزيان…زادو وحدة اخرى هز الكاس وخرج من السيارة ودخل لدار تاني توجه لصالون لقاهم بداو يهضرو…غير شافو عصام وشير ليه يجي حداه…
المحجوب : ايوى سيادنا راكم عارفين الحاج مجيتنا فيها خير وبركة…فيها توحيد العائلات..فيها نسوبية الخير..والجمع بين اثنين فالحلال وبالرفاه والبنين…اش گالو ؟
جيلالي”ببشاشة” : مرحبا الحاج المحجوب..نسوبيتكم خير وبركة مرحبا…”ما سولش عصام علاش ماجاش باه حيث هضر معاه وشرح ليه اش كاين”
عصام”حنحن منضف حلقو مستانف الحديث” : المهم الحاج فايت هضرت معاك وشرحت ليك…ودابا كنتسنى تعطيني المواقفة لا بغيتي السيمانة جايا ندير العقد ومن ديك ساعة لشهر هكاك ندير العرس…شحال ما طلبتي “ضرب قرفادتو” نعطيه ليك وبزيادة…
جيلالي : داكشي ديال صداق اولدي تفاهم معاها عليه بيناتكم..انا طلبي ورجايا فيك هو تهلى ليا فعويناتي وتهلا ليا فيها وتهلا وتهلا…هاهي ربع مرات نعاود فيها ومنصيبش ماحسن منك…ومابغيتهاش تبكي…رجايا هو يكون خاطرها فوگ خاطرك..”حط ايدو فوق طابلة وسطر ليه هز فيه عينيه بتاكيد من القلب” تگد على هادشي اسي عصام ؟
عصام”بقى كيشووووف فيه…شوية حتى حرك راسو مثقل” : الله يجيبنا فالصواب…عليك لامان…
جيلالي : الله يرضي عليك…
المحجوب : الفاتحة باذن الله ؟
جيلالي”حنحن ونطق بصوت مجهد باش يتسمع عند العيالات” : الفاتحة باذن الله…
عم السكااااااات هزو رجا.ل كفوفهم والعيالات كذلك سماو الله وبداو يقراو الفاتحة…صطوف حدا عصام وعصام حداه زين الدين الي كان كيقرا وكيكمش فحجبانو عاض فالصبر…حتى سالاو وهو يحل عصام عينيه…
جيلالي : ايوى سيدي مبارك ومسعود…
ناض عصام باس ليه راسو وبداو يباركو ليه…حتى تسمع صوت زغاريت عند العيالات كانت نجية طالقة لسانها وتزغرت وشحال ديك تزغريتة ضربات فقلب فرح حتى نزلات ليها واحد دمعة كتجرييييييييي….تفكرات نهار كانت غاتزوج ب يونس..كانت هاديك هي تزغريتة الي سمعات عليها…ونهار تزوجات بزين الدين مكانش زغاريت لانه كان طلبها…غمضات عينيها وحبسات البكية بززز وهي دور عند صفاء وعنقاتها بجهددد بقات معنقاها حلفات ماطلق منها تا جابت لصفاء البكية…حاولات ما امكن ما تنهارش فخطبة خوها…حاولات تفرح ليه بجهد…
تبادلو تبريكات وتفاهمو على اشنو غايكون من بعد…ناضت نجية وفاطنة لكوزينة لحقو على مرات عم صفاء الي كان باها موجود فالصالون…لقاوها وجدات العشا الي غايتظفع الي كان بسطيلة ديال الحوت ووحدة صغيرة ديال دجاج خصيصا لفرح حيث كتوحم…ناض سيمو وامين كيسربيو فالطابلة….تحط العشا يلاه غاتقول بسم الله حتى وصلها ميساج من عصام…
عصام : دايرة شي عكر ؟
صفاء : ضروري هههه…
عصام : مسحيه…
صفاء”جمعت ضحكة” : صلي عالنبي ؟…
عصام : عليه افضل الصلاة والسلام…مسحي الخرا من فمك..عدو ملتي تطلاس فالفام…جيتك نيشان ؟ وجمعي عليا راسك شوية…باش منساش مبروك علينا…
صفاء : واش نتا هكا داير ولا عاد غانكتاشفك ؟
عصام : فاش دخلي تسلمي مسحي زبل…هضرة وحدة سلام عليكم…
خلاها كترمش…بداو يتعشاو…فرح كان وصلها ميساج وعرفاتوو من زين الدين ماخرجاتش تيليفونها من صاكها خلاتو هكاك…
كملو العشا ووصل وقت المشي…كانو فرحانين بالاستقبال خصوصا العيالات طبعا فاطنة مكانش يحتاج تسول عارفة البير وغطاه عارفة كلشي…ناضت فرح موقفة صفاء وتوجهات بيها لعند عصام سلمات عليه وايديها كيترعدو باش تشوف فيه ماقدراتش ابدا…خلاتهم وحدهم وخرجات لبرا هي وخوها وسيمو والبقية خلاوهم فالصالون وحدهم…
عصام”كيحقق فيها كانت مهبطة راسها” : هزي داك راي نشوف ..
صفاء”كيترعد ليها فمها” : ممم هاني…”هزاتو فيه بشوية تا تاكد مدايرة والو”
عصام : مزيان…المهم سمعتي اش تافقنا ياك !؟ معندكش مشكيل ؟
صفاء”حركات راسها بلا”
عصام : غذا ان شاء الله مع الربعة كوني وتجدة نخرجو انا وياك..راني هضرت مع باك باش نهضرو بيناتنا…مغاديش نلقاو راحتنا دابا الناس بغاو يمشيو فحالهم…واخا ؟
صفاء”حركات رايها ب اه”
عصام”ناض ومد ايدو لشعرها عنكشو” : تبارك الله عليك وماشاء الله…بنت الناس يتشد بيها الضهر ورافعة الراس..الحمد لله الي لاقاني بيك الله وكتاب المكتاب فهاد الوقت…غذا ان شاء الله نتشاوفو…
هذا فالجديدة…وفي مدينة الدار البيضاء بالضبط المدينة القديمة…متكي قدام تلفازة شاد ماتش هو وولادو بثلاثة ديال ريال مديرد واتليتيك بلباو…كان الدوري الاسباني…دراري متحمسين مع الماتش الا هو كيتفرج عااادي…حتى سمعو صوت السرسار وهي تنطق لبنى من بعيد مادة كريشتها وتنهج بالي غاتحل الباب…
علي : تبتي لارض هاد الكيدار ديال راجلك اش كيصنع ؟”غوبش فولدو ونطق” تگعد حل الباب…
اسامة”معاودخاش معاه فالبلاصة ناض رجعها لداخل وتوجه هو حل الباب” : خويا ريان…عاش من شافك تفضل…
ريان : الحاج لداخل ؟
اسامة : لداخل كنتفرجو فالماتش..دخل مرحبا بيك…
تبسم ليه وحدر راسو سبقو تسناه تا سد الباب وسبقو عاد تبعو اتا وصل لبيت الي كان لداخل مع ديور القدام فيهم دخيلات…حنحن ونطق سلام عليكم هز فيه علي عينيه كان متكي وهو يتگعد…
علي : اه اه با ريان هذا…
ريان”تبسم حشمان” : هو هذا ههههه”باس ليه راسو”
علي : تفضل اسي مرحبا بيك…الله اودي وشرفتينا بزيارة كي طرا وجرا شكون مات !!
ريان : لا لا نزورك الحاج غالوقت مكانش والله تخربقات عندي دعوة بين فاس وازرو وهنا وشي امور فالكلينيك عندهم وبين واحد ولد خالتي يلاه جا من موريال…
علي : ياكما بروفيسور يوسف !؟
ريان : هو هذاك…
علي : ايييه غايكمل هنا فالمغرب ولا يبقى تما…
ريان : وهادشي علاش جيت عندك…جا بغى يدير عيادة صغيرة بحال كلينيك…حتى سمعت بالي زين الدين بغى الي يدخل معاكم شريك ب خمسة بالمية عقلتي ؟
علي : مممم”جمع ضحكة”
ريان : وجا من بعد ما هضر معاه وتافق هو وزين الدين…المهم كان بغى يديرها ليك مفاجئة حيث يوسف معرفة مزيانة غادي يعاونكم باش تحيدو الضرر الي واقع ليكم فالسيولة…المهم صونا ليا بالي موافق على ثمن الي تافق عليه مع زين الدين فالاجتماع البارح…وهضرت مع زين الدين قبيلة قاليا علم دابا علي بكلشي…مافهمتش هو كان بغى يديرها ليك مفاجئة ويقولها ليك راسو اتا صدمني وقاليا نجي عندك نعلمك…
علي”خرج عينيه وعاود رجعهم كيرمش فيه عاود سد عينيه وكمشهم” : ب بلاتي كيفاش ؟
ريان : الشريك الي غايكون معاكم ف 5٪ هو يوسف نويري اخصائي القلب وشراييين…
علي”جاتو ضحكة والفقصة والندبة” : واش كضحك عليا ؟
ريان”خرج عينيه كيرمش فيه” : هااا ؟
علي : وا يعطيك السم اريان الباسر يا ولدي…
ريان : الحاج صلي عالنبي…
علي : زين الدين ؟ دابا علاش البشير گاليا را جا شي واحد يهضر مع زين الدين على الاسهم…راني شفتو جا لكلينيك باش نعيط ليه نسولو ماشافنيش…والبشير الي گاليا هادشي…”دار راسو بين ايديه..بغى يبكيييييييي…حيث ماشي تقلق من زين الدين وضلمو ولكن العصبية الي كانت فيه كان صاعر ملي عرف زاد صعر وعطاه كلام قااااااصح كيضر فالخاطر”…لا حول ولا قوة الا بالله…
خرجو كاملين فرحانين كيباركو ويعاودو لبعضياتهم…جبد زين تيليفونو يشوف الساعة لقاه طفى من شارج…حل طوموبيل حطو فيها وضار يشوف بانت ليه فرح جايا ضارت بلاصتها هز حاجبو مافهمش عند بالو غاتبغي تبقى…شاف فعصام حرك ليه راسو وهو يدور ركب فبلاصتو…كانت الساعة شي الوحدة ونص ديال الليل…مسافة الطريق حتى كانو داخلين لفيلا من بعد ساعة ونص ديال طريق…دخلو لداخل وهي توقف وضارت عندو…
فرح. : غانطلع نعس عيييت…
زين الدين : مرتاحة شوية ؟!”عينيه حمرييييين”
فرح. : انا بيييخير ماتخافش غير فيا نعاس..صباح ونهضرو…
حرك ليها راسو وخلاها مشات تبعها تال عند دروج تسناها تا سدات الباب وهو يمشي لبيت دار تيليفونو يتشارجا بدل حوايجو حس بالبرد شدييييييييد لبس تريكو خيط وسروال قطن وتخشى ففراشو كيفيييبري بالرعدة وتبوريشة…خشا وجهو وسط المخاد ووالو ناض من جديد زادو مانطة ووالو عاود مانطة اخرى بزز باش حس بالدفى ولكن راسو وعينيه تعسلو بزاااااف…بقى كينين بصوته الخشن مبحوح ليه شوية…حتى بان ليه الباب تحل بشوييييييا دور راسو وهز عينيه حتى شرعهم على جهدو…بانت ليه داخلة والنور كيشع فيها من جناب..تبسيمتها وزينها يفتن عويناتها الكبار…لابسة البيض ودايرة شال بيض وقفازات بيضين…عينيه غرغرو ملي شافها…
زين الدين”بصوت حنين فيه بحة” : ميمتي !!
فاطمة”قربات ليه وجلسات حداه حطات ايديها على حنكو” : كبيييدتي…الله يعطيك الخير على زيارتك..طبسلي انا وباك لهيه لقيناه عامر بالخير (دعوات الرحمة…ولد صالح يدعو له)…
زين الدين : توحشتك اميمتي توحشت با…
فاطمة”كدوز ليه على شعرو وحنكو” : مزال مابغيتيش تهني رايك من هاد العذاب الي نتا فيه ؟
زين الدين”الصمت”
فاطمة”جمعات الابتسامة” : براكة عليك…قطع الحبل اولدي قطع الحبل…
زين الدين : بمرة ؟!
فاطمة : بمرة…”ناضت هبطات راسها وباست ليه جبهتو الي كانت كتقطر بالعرق…حس ببوسة شفايفها نيييييت هز عينيه وهو يلقى غير الريح…حل عينيه على جهدهم…من بعد ما كان الليل ولا النهار…ناض بجهد وجلس كينهج راسو طاااايب…كيغمض عينيه ويحلهم باش يشوف مزيان العرق هابط ليه على شفارو…هز ايدو. مسح جبينو وهو ينوض حل الباب وتوجه لدوش…حتى سمع صوت التقرقيب كثير…كمش عينيه وهو يمشي حوى بان ليه سيمو جاي هاز فاليز كبيرة ووحدة صغيرة تال لتحت وحطهم جاي جارهم…
زين الدين. : ديالمن هادشي ؟
سيمو”شاف فيه وهو يدور وشير ليه براسو” : فرح “حدر راسو وتم غادي”
زين الدين”دور عينيه تا بانت ليه نازلة لابسة سالوبيط كحل تحت منو بودي گري و فوق منو كاب گري ساترة بيه اللور…جامعة شعرها ديل حصان ونازلة هازة صويك فايدها…خاشية ايد فجيبها حتى نزلات وشافت فيه كان وجهو مزير باين عليه العيا…” : شنو واقع”صوته مبحوح عيااان”
فرح : غير حوايجي…
زين الدين : علاش…
فرح”قربات عندو…شافت فيه فعينيه نيشان…كمشات عينيها” : زين الدين…مابقى عندي ماندير هنا…مغاديش نلومك عندك الحق فكلشي…وماتلومنيش حيث غانمشي…مايمكنش ليا نبقى فبلاصة انا وياك كل واحد فبيت هاجرين بعضياتنا وعاد غايكون فراق بيناتنا من بعد…
زين الدين : هجران البيت كان قرارك اللول لا ؟”كيحل عينيه ويسدهم باش يشوف مزيان..سخانة تهلك فيه”
فرح”حركات رايها” : كلشي الي درت عارفاه…صراحة را عندك صح انا وياك علاقتنا سامة…كنضرك وكتضرني بلا متقصد…ملي عرفت غادي تمشي تاكدت ان ماعنديش امل نرجع انا وياك…
زين الدين. : مغادي فين ا فرح”اول مرة يقول اسمها”
فرح”تبسمت وعينيها مغرغرين” : نطقتي سميتي هههه…
زين الدين : الي سمعتي كان قبل…ملي نتي گلتي مابغيتيش ولدك…كنت مقرر نهزو ونزيد مادام مابغياهش..تقاتلت باش تقبليه وربي مخبنيش مغاديش نفرقو عليك…الي وقع سوء فهم ا فرح..ماعرفتش الحاج اش وقع ليه تا فهم هاكاك…”ماعندوش طاقة يشرح دابا باغي يقول بزاف”
فرح: مبغيتش نطول عليك.. الله يجعل شي بركة…مابغيتش نضغط عليك كتر من هاكا تاكدت ورااااضية بهادشي…بغيت نمشي نرتاح فدارنا ونولد تما بخاطري…مابغيتش نبرزطك معايا كثر ..الخاتم را بقى لفوق…هذا هو حدنا….ماغاديش نگولها لخوتي حتى نولد وماتخافش مغاديش يدورو فيك عارفين اش واقع…
زين الدين”شي سمعو وشي ماسمعوش السخانة كتاكل فيه…ماحسش براسو حتى قربها ليه وباس ليها جبهتها. مع باسها نزلو دموعها”..
تبسمات وقلبها معصووور…ضارت دورة وهي تمشي حتى تبعها كيتخلخل عينيه فيهم ضبابة…نوصف شعورو واحساسو غانقول ربي الي عالم بيه…مكرفص من لداخل وتاحد ما حاس بيه باغي يغوت ويسمعو اش بيه ماقدرش صبر بمعنى الكلمة…حتى خرجات بانت ليه ركبات فسيارة كان فيها فوزي الي خرج منها شير ليه حرك ليه راسو وهز ايدو شير ليه…رجع ركب ديمارا طوموبيل ركب سيمو تاهو وهو يكسيري راجع باللور تا تقاد وتم غادي خارج كانت هي راكبة لور هزات راسها وهي دور تشوف فيه لاخر مرة يمكن !؟…بان ليها واقف حوايجو مخربقين…حتى خرجات سيارة وزادت….
اما هو ف كيف مشاو غمض عينيه عاصر الالم الي فصدرو…دخل لدار كيتخلخل مضارب مع ضبابة وسخانة راسو كيغلي…دار خاوية مافيها حتى واحد…مشى لدرجة لولة جلس فيها حادر راسو حس بسكري تاهو هبط…قاوم قاوم حتى تكى و غيب….
يتيم الابوين…والاخوة هو الوحيد الي بقى فديك العائلة…يعني ملي تخونو صحة ويطيح وتخونو النفسية حتى هي مكملة عليه..كيحتاج للرعاية كيحتاج شي حد يطبطب عليه…يداويه فالمرض ويطيب ليه خاطرو…
بقى هكاك متكي على شبيك الدروج غايب وماغايب…كيحاول يحل عينيه مكيقدرش..حاس بشنو ضاير بيه لكن باش ينوص غالبة عليه ضبابة وقلبو كيضرب يصرب يضرب…اما سخانة را دايرة خدمتها وتبوريشة كذلك…واحد شوية كيبان ليه غي الخيالات كيمشيو ويجيو واصوات بعيييييييدة…كمش حجبانو مركز باغي يسمع ماقدرش والو يفرز شي حاجة…
فوزي”تحنى عندو” : زين الدين واش بيك شي حاجة ؟!”ضار جيهة الباب مخلي سيارة فيها فرح وسيمو” زين الدين !!!
حط عليه ايدو كيلقاه طااايب بالسخانة…بان ليه فمو ولا بيض ووجهو تزنگ بجهد…علاش رجع فوزي فالاصل باش نعرفو شاف حالة زين الدين ماعرف باش تبلى…خصوصا دابا ملي مجاوبوش كمل عليه…ناض بزربة خرج هز ايدو وشير ليهم من بعيد…
فرح”طاح ليها الما فالركابي” : مالو علاش كيعيط ؟!!!
سيمو : معرت..نزلي نشوفو…
مازال كاع مكملها كانت نازلة من سبارة وداخلة لفيلا وقلبها كيضرب رجعات ليها من جديد…شافت ففوزي لقاتو جالس قفازي وكيقيص فزين الدين الي كانو رجليه باينين مع طويل…الصهدة الي طلعات معاها بالخلعة حسات بضهرها تخوا عليه الما…خرجات عينيها على جهدهم ماعقلاتش على راسها تا طارت لعندو بان ليها مغيب…
فرح”صوتها ترعد” : زين الدين م م مالك ؟ مالو…طاح ليه سكار..”جهدات صوتها وضارت عند سيمو” طيييير دابا لبيت فين كنعس لفوق المجر لول غاتلقى لاباراي جيبها ليا دااابا دابا دابا….
ولات كترعد بالخلعة…سيمو فالبلاصة طار لفوق …تحنات عليه حطات عليه ايدها”
فرح : طايب بسخانة !!!…
فوزي : طاح ليه ؟
فرح : فوزي سير لجنب ثلاجة جيب كانيط كوكا ودير فيها ساشية سنيدة الي حدا “كترعد فهضرتها” حدا حدا مممم..
فوزي”هز ايدو موقفها بانت ليه فاشلة هي كلها” : عرفت عرفت غا بقاي حداه…
مشى بزربة لكوزينة اما هي جلسات حداه وقربات ليه راسو عند صدرها تكاتو…كتقيص ليه فحنكو وجبهتو طااايب….
فرح : حسيت بيك شي حاجة حسييييت…”قربت ليه عند وذنيه” زين الدين كتسمعني…
زين الدين”كيحرك غير شفارو مغمض عينيه…القدرة على الكلام مابقاتش”
سيمو نزل عندها دغيا موجد لاباراي وريشات ومخدمها…بزربة شدات صبعو دارت ليه ستيلو خرجات نقيطة د.م دارتها فريشة ودخلتها لاباراي تسنات حتى عطاها العبار كان نااازل…جا فوزي جايب كانيطة فيها باي حيث حفضو ليه الخطوات ديالو…حط ليه الباي في فمو….
فوزي : زين الدين حاول تسمعني وجر شوية…
فرح : زين الدين جر شوية غير باش توگض نمشيو لسبيطار…
زين الدين”عينيه مغمضين وفمو كيحاول يحركو باش يحلو شوية…خشا ليه الباي وبدا شوييييييية بشوية كيجر…حتى حبس مابقاش قدر يجر”
فرح”هزات عينيها مغرغرين ففوزي وبرعب شديد” : فوزي تعاون نتا وسيمو نديوه لسبيطار عافاك…
فوزي”شاف فسيمو الي حرك ليه راسو” : نوضي من تم…
حركات راسها وهي تنوض بشوية قادت ليه راسو..وشحال عز عليها…ماعطاهاش خاطرها ماتاكدش انه بيخير خصوصا ملي مشات كانت حاسة بيه شي حاجة لانه هضر معاها وباين عليه العيا لا فالهضرة ولا فالحركات ديال ايديه…وحتى من البوسة حسات بشنايفو سخان…طلبات من فوزي يرجع بيهم…
سيمو من ليمن وفوزي من ليسر حتى وقفوه وشحال جاهم ثقيييل بالكشيفة تا حس سيمو بضهرو بغى يتقسم عليه…وقفوه ومع جر شوية من كوكا وسكار بدا كيحس براسو…عاونهم بقاو غادين بيه وهي تسبقهم فرح عيطات لعساس جا كيجري تعاون معاهم عليه بالكشيفة وستة وستين باش زصلو لسيارة حلات فرح الباب لوراني ولاخور جا سيمو من لهيه جرو معاهم تا دخلوه لور جلسات حداه فرح تكات ليه راسو على كتفها كتعطيه فكوكا يشربها باش يزيد يطلع ليه سكري…ركب سيمو وفوزي الي كسيرا خرج من الفيلا…
فرح”شافتو كيحرك شفايفو يشرب” : فوزي سير لكلينيك ديالو..
فوزي”شاف فيها من المري” : ماشي بعيد الحال ؟
فرح : مابعيدش هاهو بدا يتوگض حسن ديه لكلينيك ديالو تما كاين طبيب الي متبع معاه…”بخوف” عافاك مكاينش الي غايعرف ليه ويتهلا فيه من غير كلينيك ديالو علاش دارو الى ماستافدش منو هو اللول ؟”جهداات صوتها بلا متشعر بالخلعة” وااااااا سرري افوزي علاش كتشوف فيا…
فوزي : صافي صافي هاني غادي…فففف…ياربي سلامة..”زاد كسيرا بسرعة ملفتة”
فرح : حسيت بيه حسيت بشي حاجة…”بصوت مغنغن…دموعها على طرف..بقى فيها بزاااااف من ديما كيعز عليها وهو فهاد الحالة حيث كتشوفو غير صبار صنديد مكتقبلش تشوفو مريض مهدود. وضعيف….”
هما خرجو نيشان لكلينيك ديك ساعة كانت جايا سيارة علي تا وقفات قدام الفيلا وهو يكلاكصوني العساس حل الباب…
علي : زين الدين فالدار !؟
اليزيد”العساس” : لا الحاج يلاه مشاو الكلينيك…طاح مرض وتزاد عليه الحال وداتو مرتو دابا…
علي : كيفاش طاح مرض ؟ ديابيت ؟
اليزيد”حرك راسو” : ايه الحاج عيطو ليا عاونتهم تا دخلناه لطوموبيل…
علي”طاح ليه الما فالركابي حساب ليه دخل فغيبوبة تاني” : وايلي وايلي..اينا كلينيك ؟!
اليزيد : ماعرفتش الحاج…
مجاوبوش فالبلاصة رجع باللور ودوز الخط نيشان لفرح…بعد رنات عديدة جاوباتو وعلماتو بالي غادين بيه لكلينيك ديالهم فالبلاصة كسيرا ممفكرش جوج مرات نيشان لكلينيك….
في الشدة تُنسى جميع المشاكل والخصام…فالشدة كذلك كنتخلاو على اي كرامة وحسابات بيناتنا…فرح ملي شافت زين الدين طايح مريييض لا حول له ولا قوة نسات كاع المشاكيل الي بيناتهم نسات قرارها نسات كلشي فديك اللحظة وبينات الحب والعشق لزين الدين…
وصلوه الكلينيك كانت علي عالمهم فالكاينيك كيف يوصلو يلقاو النقالة والفراملية واجدين هبط نيسان لاكاف ديال باركينغ لقاهم واقفين كيتسناو غا شافوهم وقفو نزل علي وهما يجيو كيتجاراو نزلوه وتكى فوق النقالة تبعاتو فرح شادة ليه فايدو حتى دخلو لمصعد تبعهم علي وفوزي للمصعد لاخور نيشان لطاج ديال ديابيت جيهة الرجال…دخلوه لعند طبيب ديالو عطاتو فرح كاع المعلومات على شحال لقات عندو. وشنو دارت والباقي خلاتو يتكلف بيه…
علي : بنتي فرح اجي رتاحي…
فرح”عينيها مغرغرين حابسة البكية” : م غايمشي وحدووو ؟ “زهقت ليها واحد دميعة..كتبان خايفة بزاااف وعز عليها”
علي”قرب لعندها وطبطب عليها” : ماعندك مناش تخافي بنتي..عارفة les étapes الي غايديرو معاه…فالبلاصة يفيق…نتي الي خاصك ترتاحي شوفي وجهك كي تبدل ابنتي..اجي رتاحي…
فوزي. : فرح اجي جلسي هنا..راهم معاه..ياك جايين وبدا يحل فعينيه..تهدني تصدقي طايحة تانتي ؟
فرح”قربات وجلسات..شافت ففوزي” : شتي گلت ليك نرجعو ياك گلتها…كسيت بيه”دارت ايدها على فمها كتحبس البكية ماقدراتش” اهى اهى…
فوزي”جرها حداه وعنقها جنبو كيبوس ليها فراسها” : گلتيييي ليا گلتي..وكون ما گلتي كون بقى طايح مكان الي يجيب ليه الخبار…شفتي راكي فدتيه افرح والبكى را ماغايفيدك بوالو…نتي عارفة ليه كاع اش كيدير وحفضنا ليه هادشي علاش غاتخلعي ياك فعشرة دقايق كيفيق…
فرح : را ديك كون ما گلت نرجعو كون وقعات ليه شي حاجة اهى اهى…
علي”مربع ايديه ومتكي عالحايط كيسمع ليها”
شوية من بعد شي نص ساعة هكاك تا خرج عندهم الطبيب…علمهم بالي مزيان دابا وعطاوه خافض الحرارة…شاف علي…
دكتور : الحاج زياني واخا تعطيني شي شوية من وقتك…
فرح”وقفات” : علاش بغيتي تگوليه شي حاجة على زين الدين”كتمسح فعينيها الي خرجاتهم بالخوف”
طبيب”ضحك” : هههههه لا لا ماعندك مناش تخافي…راه مزيان غادي يطلعوه لشومبر ديالو الي فالجناح ديالو وشوفيه…
فرح”حركات راسها”: واخا نشوفوه…
ضارت عند سيمو وفوزي الي جاو عندها كل واحد عنقها من جيه..شافت فعلي الي غمض ليها عينيه وحلهم باش تمشي لفوق…حدرت راسها وهي تمشي هي وخوتها خلات علي واقف تا بانت ليه مشات وهو يحرك راسو لطبيب الي حركو بدورو
طبيب : تفضل اسي علي…
دخل لبيرو ديال الطبيب ديال الغدد الي مسؤول عن الديابيت كذلك…جلس فالكرسي وضار طبيب جلس فكرسيه…
علي : شي باس مكاين الحاج ؟
طبيب : قوليا ولدي زين الدين واش عندو شي مشاكيل ؟
علي”تنهد” : واش نقوليك تا دار مخطاوها مشاكيل وتا زين ماخطاتو لولة…علاش شاك فشي حاجة ؟
طبيب : لا فيزيكمون ماعنديش شك فشي حاجة…ولكن السخانة الي كانت فيه ماشي بسباب نزلة برد ولا ضربة شمس باش نكون معاك صريح وحتى ديابيت الي نزل ليه ناتج عن رد فعل عصبي…مؤخرا كان جا عندي فالسيونس ديال كونطرول مكانش عندو ديابيت سطابل بزاف…دانا الحتيت بناتنا كنحس بيه ماشي لخاطرو…الى جيت نربط ليك السابق وحالة دابا السخانة مكتجيش غير من نزلات برد وضربات شمس…ممكن تجي من مرض الخاطر”خرج فيه عينيه بشوي كياكد ليه” فهمتيني الحاج !؟ زين الدين مغاديش نعرفو غير البارح ولا اليوم راني كنعرفو سنييييين ملي بداه ديابيت…
علي”حرك راسو بثقالة كيتنهد.” : مشاكيل ماخطاو حتى واحد…وليني زين الدين زاد عليه مشاكيل الدار والمدام عندو شوية عيانة كيبقى هاز ليها الهم…زيد عندنا شي مشاكيل هنا فالكلينيك كنضن راك على علم..مشاكيل فالمحلات راسو فيه خمسمية مطرقة ديال كلينيك وزيد دوبل عليها ديال محلات ايوى اش غايبقى فهاد الانسان واقف ؟
محمد”حرك ليه راسو مثقل..حط ستيلو بشويا وكحز واحد الملف كان حاطو ديال شي مريض..ربع ايديه وشاف فيه هاد المرة بجدية” : الحاج علي…نتا اقرب شخص لزين الدين..معقول ملاحضتيش بالي وجهو غادي وكيتبدل ؟ الصحة غاديا وكتكال ليه ؟!
علي : المعنى !!
محمد : زين الدين بيه شي حاجة فخاطرو خاصو يگولها…زين الدين مغاديش يخفى عليا انا وياك…هادشي لاحضتو من الي جا عندي عاود هاد زوج مرات لاخرة…ماتنساش الديابيت كتلعب عليه النفسية ديال الانسان وعندها نسبة كبييييرة…
علي : و “حنحن وتقاد فجلستو” شنو ممكن يكون عندو ؟ يعني ماكافينش المشاكيل الي عندو !؟
محمد”هز حجبانو باسف” : اش غانقوليك اسي علي ؟ زين الدين كنعرفو كشخص ماشي عاد غانعرفو راني اكسبيريونس معاه شخصيا…دونك الي نقدر نكون ماكد منو هو خاص يهضر يقول شنو عندو…سي نو غادي نلقاو مشاكيل مع الديابيت مابغيناهش يبقى يطيح كوما ثاني ماشي فالصالح ديالو اسي علي ونتا عارف شنو قاصد…
خلا علي كيدي ويجيب فالهضرة بالفعل زين الدين فهاد تواخر مابقاش داك زين الدين الي كيهضر ويعاود شنو عندو مع علي وشنو غايدير…استاذن منو وخرج من عندو طلع نيشان للطابق ما قبل الاخير والي هو الطابق الخاص بالاختصاص ديالهم…مشى نيشان لجناح ديال زين الدين دار البصمة ودخل حتى لقى فوزي وسيمو جالسين…
علي : فين فرح ؟!
فوزي : عندو لداخل معاهم يلاه جابوه يرتاح…
بقات واقفة كتشوف فيه خاشية ايديها فجياب سالوبيط وكتشوف فيه مجبد وكاع ديك الكسدة قداش طريحة الفراش…بان ليها جنبو عريان شوية من الغطا وهي تحنى غطاتو وخشات ليه الغطا فجنبو…حتى بان ليها تيو دسيروم كيتحرك هزات راسها وهو يبان ليها كيحل فعينيه بشوية عاقد حجبانو…
فرح”نطقات بصوت منخفض” : زين الدين !!!
زين الدين”هز حاجبو وضار ببطء مكمش عينيه وعاقد حجبانو” : ف “بصوت مبحوح” فشومبر ديالي ؟!
فرح”حركات راسها” : اه الي فالكلينيك…عاقل على شي حاجة..
زين الدين : تت”حرك راسو ب لا”
فرح : باش كتحس دابا”بحزن وخوف مجموعين” شوية دابا…
زين الدين”غمض عينيه وزفر بشوية..حرك راسو ب اه”
فرح : خاصك تاكل شي حاجة..اشنو بغيتي يجيبو ليك ؟!
زين الدين”حط ايدو على كرشو كيحك عليها” : ماشي دابا…ماشي دابا…”حك لحيتو” كنتي غاديا فحالك صباح لا ؟
فرح”حست بالضو ضربها فقرجوطتها تا ولا قلبها كيضرب بجهد” : ااا ؟ اه احم اه…ولكن فاش هضرت معاك حسيت بيك ماشي هو هذاك…وخا مشيت وبقيت حاسة ماشي هو هذاك وگلت لفوزي نرجعو نشوفك واش بيك شي حاجة..بغيت نزل گاليا بقاي نشوفو انا وديك ساعة ندخل…
زين الدين”عاود غمض عينيه وحط دراعو عليهم” : كنت عيان شوية مابغيتش نبرزطك معايا…”زفر” مكانش يحساب لياغادي تكرفصني سخانة حيث مولف ماعلى باليش غادي نوصل لهنا…
فرح”حدرت عينيها كتسمع ليه..سكتات شوية وهي تنطق بصوت منخفض” : كون مارجعتش ومشيت ؟ كون بقيتي وحدك شي نهار يطيح ليك ديابيت شكون غادي يعتقك ؟…
زين الدين : مولف ا فرح…
فرح”سميتها كتسمعها منو قلبها كيفرفر ولكن كتحسها ناشفة من عندو” : كان معاك وليد و داك الولد صلاح…فاش كنتي عايش فدبي…وفاش كنتي هنا كانت معاك عمتك وضحى…كان مراد..دابا مامعاك حتى واحد كيفاش غادير…
زين الدين : ديار ديار الله…شحال ماجلست مغاديش نبقى وحدي…
فرح”فحال الى صمكتيها لجدارة الوذن…خرجات عينيها” : شكون غادي يكون معاك ؟!!غادي يجي شي حد “صرطات ريقها” ولا غاتمشي لشي بلاصة ؟ مزال مقرر ياك ؟
زين الدين : فرح..”حك شنايفو..مافيه مايهضر وزاد برزطو سيروم الي ماعرفش لاش داروه ليه…زفر قبل ماينطق” داكشي الي سمعتي من عند الحاج بصح ولكن داكشي كااان قبل ماتبغي الولد الي جامعنا…فنضرك نتي ماباغياش الولد شنو بغيتي ندير ؟ اللهم نهز ولدي ونزيد…مكانش عندي حل…تقصحت لدرجة لبروجي ديالي والورث ديالي من الواليدين كنت غادي نضحي بيه…
فرح”دموعها كانو على سبة تاني لقات الوجيبة باش تبدا تبكي”: وانا مكنتش لخاطري ازين الدين اهى…
زين الدين”حل عينيه وهز حاجبو كيشوف فالسقف” : وانا لخاطري ؟..”زفر بنفاذ صبر مكيحلمهاش تبكي”…دابا تهدني ماعندك مناش تخافي…مابقاش داكشي مابقيتش غادي لشي بلاصة…مغاديش نفرقك على ولدك وانا مغاديش نتفرق على ولدي…هاني هنا الي سمعو علي كان واحد السيد بروفيسور غايدخل معانا شريك بديك النسبة الي كان غايدخل فيها داك خينا…بلا مندخل فشي حاجة ماعندها معنى تعاود تجبد فالهضرة…
فرح : نفهمك غلاط ولا منفهمكش…ازين الدين ماغاديش نكذب عليك الى بغيتي تخوي البلاد بسبابي ماغاديش نلومك وخا كان عندي امل نرجعو لبعضياتنا..”كتشهق بين الجملة والجملة” الى قررت نمشي غير باش نعطي فترة طويلة بيناتنا…مابغيتش نقجر عليك حيث حتى انا فواحد الوقت كنت گلت ليك متقجرش عليا ماحدك كتقجر وانا كانفر…كنتي عاطيني راحة وعاطبني الخاطر خاصني حتى انا نبادلك هادشي…بديت كنحس بفقدان الامل بمرة معاك…كنحس بيك بعيد عليا واخا قريب غير حيث كنتوحم عليك على حوايجك على ريحتك…حتى شوفة مابقيتيش كتشوفها فيا وخا شفتي فيا ونطقتي سميتي ولكن فين هي فرح بصوت زين الدين الي كيقول الفرحة ديالي الي باغي فرح…
زين الدين”الصمت”
فرح : عارفة مانطمعش راسي وعارفة منتسنى والو…ولكن الي متاكدة منو هو واخا ضريتك وعايرتك وسممتك بهضرتي…وخا هرستك وخا بردتي من جيهتي باقي كنبغيك…”عصرت عينيها” كنبغيك ومغاديش نحشم ولا نخاف وانا كنگولها…ماعندي حتى حد من غير من بعد خوتي ومكاينش فحالك وخا معايا خوتي وجودك دنيا وشوفاتك فيا كيخليوني نحس براسي مرتاحة وعندي الي يبغيني ويخاف عليا…
زين الدين”لداخل ديالو كيغلي..مابقاش قادر على شي كلمة زايدة…كيحس بالهضرة كتدخل ليه لوذنيه فحال الماس حاميين كيضربوه لقلب..كيحس بالعافية منشورة ليه فصدرو…عيا بالمعقول بالهضرة لا معاها لا مع غيرها محتاج يبقى مع راسو ثاني ويحدد المصير الي ديجا مقررو…” : فرح…
فرح”هزات فيه عينيها حمريين” : نعام “بصوت كيضر فالخاطر”..
زين الدين : من بعد ونهضرو…محتاج نرتاح شوية الله يرضي عليك…
فرح”جمعات شنايفها كيترعدو..صرطات ريقها بالغصة وهي تنوض مع جلسات فالكرسي مقابل ليه” : و واخا…انا هنا…
زين الدين : لا سيري لداركم…
فرح : ياااااك”بصوت حزين ضرو فخاطرو”…
زين الدين : انا هنا مزيان معندك مناش تخافي…بيناتنا تيليفون نهضرو باش ماتبقايش مبرزطة معايا…سيري رتاحي…”مكانش عندو الخاطر باش يزيد يهضر معاها اكثر…حركات راسها مسحات عينيها بطرف كمايمها وهي دور مابقاتش دوات حتى هي…يلاه غاتخرج حتى نطق”
زين الدين : علميهم مايدخل عندي حد..حتى حد فرح كيما بغى يكون…وزني هضرتي وفهمي الله يرضي عليك…
حركات راسها ومشات كتغلي بالحزن وخلات وراها واحد قلبو كيغلي بالعافية والحزن وشلااااااا ماعندو الله الي عالم بيه…
خرجات لعندهم عينيها حمريييين…لقات سيمو وفوزي وحتى علي جالسين فوق الفوطويات وسيمو كيلعب بواحد الطوموبيل ديكور تما كاع الوراق داز عليهم…غير حلات الباب وخرجات وهما يدورو عندها….
فوزي”وقف وتوجه لعندها بانت ليه عينيها حمرين” : مالك ياك لباس ؟!
فرح”حركات راسها” : والو غير كنا كنهضرو بقى فيا وصافي”بدات تبكي دورات وجهها لهيه وحطات ايدها على حنكها بغات تخبي بكاها” كيغلب عليا البكا ماعرفتش علاش اهى اهى….
سيمو : ييييييييييييع على طامو بنت همامو دميعة…
فوزي : وعلاش تبكي !؟
علي”فحال الى فهم” : ماعليش هاد الفترة ديال الحمل كيتخربقو الهرمونات عند العيالات ههههه هما نص عقل وزادو كملو…
فوزي : العجب فهاد الحمل حق الرب الي عمرك شفتيه يخرجوه ليك…فاق بعدا مزيان ؟
فرح : احم”مسحات عينيها بثوت منخصص” اه مزيان…المهيم فففف المهيم يلاه نمشيو عييييت بغيت نمشي نرتاح…
فوزي. : كيفاش !! علاش مغاديش تبقاي معاه ؟
فرح : ماخلانيش افوزي…بغاني نمشي باش يبقى بالو هاني دار معايا نهضر. فالتيليفون باش نشوفو كيف بقى…يلاه نمشيو…
علي : سيري بنتي رتاحي مايخليكش راكي عارفاه كيداير…شوية يرتاح ويجي عندكم تما…المهيم انا ندخل عندو…
فرح”وقفاتو” : گاليا ماتخلي حد يدخل عندي كميا بغى يكون”حدرت راسها” هادشي علاش وصاني…
علي”تكمش من لداخل..عرف راسو مقصح معاه وعارف غايدير هاد تصرف حيث حافضو مزيان ولكن مكانش كيضن غايجي نهار ويطبقو عليه حتى هو…صعيب هاد الامر عليهم بجوج واحد مكانش متوقعها من لاخور حتى كطرا ليهم…حرك راسو واستسلم هو الاخر…ناضو كاملين وخرجو من الجناح ديالو من بعد ما وصى عليه عليه ستين الف وصية…مكان باليد حيلة فهاد اللحضة من غير يخليوه بخاطرو…طريق كلها وهي شادة تيليفون وفاتحة صفحة الميساجات بينها وبينو فالواتساب غير فتحاتها وصافي كتشوف فيها وتقرا فميساجاتو وتعاود حتى حفضت كل حرف فيهم لدرجة ماحساتش براسها حتى لقات راسها فمدينة الجديدة داخلين لدرب هزات عينيها وهي تسد تيليفون تنهدات مسلمة امرها لله نزلات من سيارة لقات عصام واقف عند الموطور شافهم جاييين…مشات ليه نيشان عنقاتو وحطات راسها على كرشو….
عصام : مالك ثاني…
فرح : ماماليش بغيت نعس اعصام عييييت…
عصام : نعاس مع ضهر افرح…ولا فعايل الكيدار الي فكرشك…
فرح”غوبشات وهي تهز فيه عينيها” : كتعاير ليا فولدي ؟!
عصام : ولدك ؟…و يهو..دي مات فالملاح ولاخور سلم…فين كنتو علاش تعطلتو ؟
فوزي : كنا فالكلينيك مع زين الدين…كان عيان شوية…
عصام”هز حاجبو” : وايلي افوزي ؟ ياك لباس ؟
فرح”بدات تعاود ليه والبكية تاني شاداها” : مخلانيش نبقى معاه بقى تما وحدو…اشنو غاندير دابا وهو وحدو تما ؟!!
عصام : ديري اش گاليك وبلا كثرة الهضرة. والبكياني انا وكرهتي ملتي…سيري رتاحي دابا نسالي ونمشي نشوفو…سيري دخلي…
فرح : غاتخرج نتا وصفاء ؟
عصام : لا اجلنا تالغذا…عندها الخدمة اليوم بزاف…ماتصيبش تجي وماتصيبش تشد شي حاجة تاني حيث جلسات بزاف معاك…
فرح : واخا..واشنو بغيتي نوجدو على حساب العقد ؟!
عصام : شوفي اس خاصكم نتقداه انا وشحال خاصك باش تقداي الي كتعرفي…حتى نجمعو الوراق وديك ساعة نشوفو امتى نديروه….
حركات راسها وهي دور دخلات لدار. قلبها مكسور حزين على زين الدين…هاد الاخير الي غير مشات رجع غمض عينيه ومشااااا مافاق غير على صوت دقان حنحن سامح بدخول عارف شكون غايجي حيث وصى ميدخل تاحد حتى من علي مايدخلش…تحل الباب ودخلو ليه الغذا ودوا ديالو. وخرجو…بعد شوية ناض وجلس شاف فسيروم ونترو من ايدو ناض بشويا عيااان مشى لمجر جبد الاسعافات دار بيطادين مسح بيه ودار سبارادرا على البلاصة الي كان فيها سيروم…ورحع جلس فبلاصتو قلب تريكو الي كان لابس شم فيه ريحة عرق سخانة وهو يرجع ناض بزربة نصلو وجبد قبية من لباس الي عندو تما..بينما يرجع ويدوش فالدار…شرب كاس الما وهز تيليفون دوز الخط نيشان…
زين الدين : فينك “كيحك فعينيه” موجود..تحرك لدار عندي نيشان ودوز ليا ؟! غايتحرك معانا با تاهو….تيسر….
قطع التيليفون حطو فوق طابلة وبدا ياكل ليه شوية باش يشد سوفل…كلا شوية ورجع تكى حتى دازت شي ثلاثة سوايع وهو يصوني ليه تيليفونو…ناض من بلاصتو هز تيليفونو وخرج من شومبر والبيرو والجناح…كان خارج علي من الجناح ديالو غير شافو غادي وهو يعيط ليه….
علي : زين الدين زين الدين….
زين الدين سمعو ولكن مجاوبوش وماضارش جيهتو كاع كان علي ماعيطش ليه كانه تاحد ما عيط ليه…دار القب على راسو وخخشا ايديه فجياب القبية لقى المصعد يلاه تفتح خرج منو واحد طبيب وهو يدخل ليه وضار عينيه فلارض مخلي علي واقف كيشوف…عرف انه تقلق منو وبزااااااف. والخاطر من جيهتو تهرس…نزل زين الدين لاكاف لتحت لقى سيارتو واقفة كانت العشية…كلاكصونا ليه وهو يحرك راسو وضار لور وركب سد الباب وحط راسو على الكوسان….
الحسين”ضار عندو وحط ايدو على ركبة زين الدين” : شوية كبيدتي !؟
زين الدين”حل فيه عينيه وهو يتگعد شد ليه ايدو وباسها” : بدعواتك ناضي ابا بدعواتك ورضاك والبركة ديالك…
الحسين : الله يشافيك…مزية ديتيني معاك…ومزية جمعتينا مع الحباب”شير ليه ناحية الشخص الي راكب فمكان السياقة”
زين الدين : جمعتك مع ضلع الرجال قبل الحباب…
“هز فيه عينيه وشاف فيه من المري…حرك ليه راسو…” : كان يحساب ليا غاتموت نكسبو ورث صحيح معاك..باقي جابد ليا عليه !!
زين الدين : جالس لملة مك على گلبك الى مافرگعت مو ماعندي فين نصد…تحرك تحرك…
عصام : شحال نجلسو تما دير بحساب عندي مانجري باغي ندير داري…
زين الدين : يومين منفوتوهاش محتاج نرتاح شوية…
عصام “دوز الفيتاس ورجع باللور..خرجو من الكلينيك وقف كيتسنى سيارات يدوزو باش يدخل لطريق الوطنية” : وجبدة هي عليا لهاد تارودانت…
زين الدين”مغمض عينيه ونطق بصوته المبحوح” : ماعليش صبر معايا وعليا…والي علمتك بيه من هنا لغذا…ذوق ليا العذر وسمح ليا ديك الساعة…هذا هو جهدي….
“غير سمعها عصام والحسين وهما يشوفو فبعضياتهم..الحسين كمش حجبانو باسف…عصام ماعرف اش يقول من ناحية عارفو عندو الحق ومن ناحية هاز الهم بزااااف كيما كان الحال كتبقى فرح ختو…وزين الدين شخص بين ليه انه يستاهل يسمح ليه…مابغاش عصام يعاود نفس الغلط بغى يسمع ويذوق كيف قاليه زين الدين لان كلشي اكتفى وعيا بهاد المعنى…نجراتهم المشاكيل وحكاتهم بالمزيااان….
زين الدين”سمع صوت الميساج جبد تيليفون قابلو مع وجهو حل عين بشوية بانت ليه نمرتها..مافكرش انه يشوف اش كتبت فالبلاصة طفى التيليفون ورجع نعس”…..
~من أراد أن يكون معك سيصنع من الجدران مدخلاً .~”
شي مرات كتوصل طاقة الانسان الى ادنى مستوى…كيزلي ماقادرش حتى انه يهضر الهضرة فحد ذاتها كتمرضو…عقلو كيتبلوكا ونفسيتو كتهبط للحضيض…مكيبقاش قادر على نقاش ولو يكون بسييييط تافه مكيبقاش قادر عليه…فهاد الحالة كيضطر يبعد على اغلب الناس حتى اغلى الناس واعزهم… اذا ماقلناش كلشي غير باش رتاح ويعيد ترتيب حساباتو ويريح خاطرو كاول خطوة…لذلك هو بحاجة للسكون اولا ثم الفضفضة ثم اعادة الترتيب من جديد…يمكن هذا الي وقع مع زين الدين…كثرة المشاكيل وتراكمات الي عاشها فهاد الاونة الاخيرة كونات عندو ضغط نفسي خصوصا انه كان كيكتم الغضب ديالو وكان كيصبر لبزاااااف…
“عن اي الم نتحدث”
الساعة الواحدة بعد منتصف الليل…وقفات السيارة قدام باب الدار من بعد غياب طويييل هاهو رجع ليها من جديد…نزل من سيارة وتبعو الحسين وعصام الي خاشي ايديه فجياب جاكيط قاتلو البرد فنفسو كيقول اش دا ديلمي نجي معاه….
عصام : وشلا برد اخاي ديالي…
زين الدين : توحشتي جغاميك”تسمعات طراااق حل الباب وشير ليه” دخل مرحبا بيك…
عصام”هز راسو كيشوف هنا وهنا سما الله ودخل هو والحسين” : ماعندك ضو هنا ؟
زين الدين وقف ورا الباب وورك عالنگاصة…تشعل الضو فالوسط وهي تبان لعصام الجريدة الي لوسط وحداها سقاية ساكتة مشى زين الدين لبلاصة فين كاين تيويات والمكانة وهو يشعل بدات تخوي فالغيس تخوي تخوي تا بدا الما يصفى ويدور فيها وعطات رونق زوييين…دور زين الدين عينيه جيهة جردة لقاها مسقية ناضية وتهنى انه عطاها لناس تهلاو فيها وشكون من غيرها الجارة ديالو…دورو عينيهم فالارجاء دار نقية كتشعل…
زين الدين : شي كويس اتاي ولا ترتاحو ابا”شاف فعصام”
عصام : ماكرهت نتجبد فشي بلاصة وليني راسي كيتبخ…”غمزو حيث حشم يقوليه بغيت نكمي”
الحسين”عاق بيه” : ههههه وقول بغيتي تكمي…حشمتي وكان ؟ “كيسوس ايديه” ماعلينا لا جيت نگوليكم نقصو منو ديوها فصحتكم…مانعرفشاااي حسن منكم على صحتكم…وكان ندير ليكم قهيوة…
عصام”قرب ليه حشمان باس ليه راسو” : مكاين لاش غا رتاح ليا مع راسك…دابا كلشي عيان مابغينا نحلو عينينا بديك القهوة…
زين الدين : ماعليش ابا…سير لبيتك ورتاح صباح نتنغمو بقهوتك
الحسين : ايوى سيادي الي اتافقو عليها ثنين ماعند ثالث ليه لين (زعما الى تافقو زوج الثالث ماعندو صوت) تباتو فراحة الله…”تم غادي وهو يدور عند زين الدين” وري نسيبك فين ينعس…
زين الدين : كون هاني…
مشا الحسين لبيت فين عارف غاينعس الي هو لتحتاني…حبد عصام باكية الكارو ضربها تا خرج سيجارة مدها لزين الدين وخرج ليه وحدة…شعل البريكة شعل لزين عاد هو ضارو جلسو فكراسا ديك الطابلة مقابلين مع سقاية خدامة وخرير المياه فيها كيريح النفس…هز عصام عينيه كيشوف فالدار رياض بلدي قدييييم كيشم فيها ريحة تاريخ عرييييق…
عصام : هنا فين تحط راسك (زعما مسقط راسك)…
زين الدين”حرك راسو” : انا والاخت الله يرحمها…
عصام : الله يرحمها…دار مليحة بني قديم داكشي الي بعقلو خاطيني من زواق دابا…
زين الدين : مرجوعي لاصل كايخليني نتهدن شوية…نرتاح والمهيم نبعد…”ساط دخان” صباح ندير بيك دويرة فيها…
عصام : والله ماعرفت لدابا اش جابني معاك…جيت نشوفك صدقت مصيد معاك تال تارودانت…
زين الدين : وجودك فهاد المشية عصام ولابد…الى مابغيتك تكون حاضر الا وقاري حسابي وعارف شنو كندير…بالمعنى المكلبن ديالك لبدها ورتاح ليا مع راسك تانتا وعيش الراحة والكالم قبل ماترجع لفريع الوراق والعقد…
عصام”حط الكارو طفاه” : قنعتيني من لاخر…فين نلوح كسدة ديالي نعس ؟
زين الدين : فالعتبة…
عصام : علاش نتا شاد طواليط ؟…
زين الدين”حرك راسو يمين شمال ب لا حول وهو ينوض” : اجي معايا….
مابقا مايتقال كلشي خاصو يرتاح من تعب الطريق ومن تعب المرض والتفكير…ومن تعب الخوف والمراقبة(الحسين من جيهة زين الدين طول طريق وهو كيطل عليه وحاضيه لا يرجع يطيح ليه سكار وعصام مقابل سوگان)…شعل ضو ديال دروج طلعو الفوق اول بيت حلو ليه كان نقي لانه موصيها من سيمانة لسيمانة تنقي دار كلها…البيت الي كانت فيه فرح فاللول من جات لتارودانت…شعل ليه ضو وخرج ليه المانطات وراه فين كاين دوش الي جا بين بيتو وبيت الي داخل ليه عصام…خلاه فالبيت وتوجه هو البيت ديالو غير حلو وهو يتفكرها نيشان وعلاش ميتفكرهاش وهي العشق ديالو من نهار عرفها وهو كيفكر فيها فكاع الاوقات ملي كسر خاطرها وحاول يجبرها…حتى جات منها كسرة الخاطر….قاد فراشو ودخل تحت المانطة حط راسو على المخدة بقى يبقشش فجيبو تا جبد تيليفونو يلاه غايحطو عند راسو وهو يتفكرها وتفكر الميساج الي رسلات….رجع شعلو اكتيفا الانترنيت وهو يوصلوه ميساج من فوزي ومراد ووليد وعلي فقط لانه ماجابش تيليفون ديال لخدمة جاب غير الخاص…مشى لميساج ديالها….
زين الدين : مزيان ماديريش فبالك..رتاحي من بعد ونهضرو…”كيف رسلو بان ليه تقرا فالبلاصة عرفها كانت قانية عليه شوية بدات تكتب وترجع تحبس تكتب وترجع تحبس تسنا تيشوف شنو غاتقول شي زوج دقايق وهو يتسنى تا بغى يدير بناقص ويسد ينعس حساب ليه غاتكتب ليه جريدة حتى سلات ليه”
فرح : ok…
كمش حجبانو هز عينيه فالساعة فالتيليفون لقاها قربات زوج ديال الليل…عاود رسليها هو ميساج حيث شافها باقي فايقة تال هاد الوقت…
زين الدين. : شنو مزال مسهرك لدابا نتي !؟
فرح”من بعد دقيقة جاوبت” : بقى بالي معاك…ماجانيش نعاس ونتا مزال ممجاوبنيش…وخا تگوليا حتى نهضر مغادي تبدل والو غايبقى بالي معاك…ماشي خير مني ولكن واجب عليا معاك وقلبي مهنانيش عليك…بلا متجاوبني تصبح على خير…
زين الدين : تصبحي على خير…”بانت ليه شرطة عرفها سدات الكونيكسيون…تاهو سدها وطفى تيليفون ورجع حط راسو مستسلم للنوم بعد تعب طويييييل مهلك….
ريحة القهوة فايحة فالدار كلها..مخلطة بريحة التراب الفازگ من جردة لتحت والمحابق الي تسقاو كلهم من جديد…صوت الموسيقى العتييييقة جايا من الفونوغراف على انغام السيدة فيروز…..
~~يا أنا يا أنا أنا وياك صرنا القصص الغريبة
يا أنا يا أنا أنا وياك و انسرقت مكاتيبي
و عرفوا انك حبيبي، و عرفوا انك حبيبي
حل عينيه من بعد ما غط فنوم عمييييييق حتى واحد فيهم مابغى يفيقو حتى يفيق على خاطر خاطرو…خرج لدوش دوش بالما سخون باش يحيد ريحة المرض وعرق السخانة…دخل البيت بدل حوايجو الي بقاو تما لبس سورفيت گرونة قبية وسروالها وملابس داخلية…فرش السجادة وصلا الي فاتو…سلم وبقى تا كمل الباقيات صالحات وهو ينوض جمع فراشة ومشى لصويك صغير دسالو جبد منو لگليكوميتخ…عبر السكري لقاه مزيان جمع داكشي وناض خشى رجليه فبانطوفة رجالي مشى لطابل دونوي هز تيليفونو شعلو وخلاه فجيبو ماشاف والو…خرج من البيت وتم نازل وصوت فيروز كيحس بيه داخل ليه مع العروق كيحس بواحد راحة خطييييرة وريحة القهوة مكملة ليه…لقى عصام شاد واحد تيو تيسقي فالزريعة وشاد كاس القهوة وكارو كيحط تيو يكمي ويتنغم بالقهوة ويرجع يسقي…
زين الدين : واحد صباح الخير…
عصام : صباح النور…كي صبحتي هاني ولا ناوي تفرع لينا كر…”ضار تا شاف واش كاين الحسين” كرنا…
زين الدين”حك نيفو وحرك ليه راسو مثقل” : نتا وايمانك…فين با ؟!!
عصام : خليتو گاليك مشى يجيب شي مقدية من جوطية عندكم هنا…
زين الدين : لقى وجيبتو كي ديما…”تنهد” نعست بزاف شلا وشوية…ريحة القهوة عاطية ولا انا الي تزاد عندي شم هاد نهار..
عصام”هز كاس قدام عينيه” : برجولة قهوة مليحة…
زين الدين : قهوة با ماتعاودهاش وراه…الاصل والباقي هضرة خاوية…”سمع دقان والدقة عرف شكون مولاها دقة خفيفة ديال ايد امراة من العيالات ديال تارودانت الحشمة والوقار…خلا عصام تما كيشرب قهوة ويكمي…ومشى كيدوز على لحيتو حتى حل الباب وهو يلقاها هازا بلاطو كي ديما غير يجي ضروري من الفطور…تبسمات ليه ونطقات بصوت رقيق”
هي : صباح الخير ايوي زين الدين على سلامتنك غ مودو
زين الدين : باس ليها راسها وشد من عندها لبلاطو : اكم اسلم ربي ايمي مانيك انتكيت صاحتنم لباس …
هي : شكرغت اربي ايسك هلي سنغ ايس رادي تاشكت نيغ اداك سكرغ اميك ماتشتات
زين الدين : اكم احفظ ربي ايمي…
هي : ايمكلي ن غاصاد داري ايغت انا ربي هان داري اغن ايلا ادور تصدعت اكايونك س والو
زين الدين : اور ريغ اكم زيوزغ اور ريغ ادام سخسرغ الخاطر …
((هي : ولدي زين الدين صباح الخير…على سلامتك…
زين الدين”باس ليها راسها وشد من عندها البلاطو” : الله يسلمك اميمتي…مزيانة. نتي…
هي : الحمد لله…غييير عرفتك جاي ووجدت ليك الفطور…
زين الدين : الله يكبر بيك اميمتي…
هي : الغذا على حسابي ولدي متعذبوش راسكم…
زين الدين : مابغيت نشقيك ومابغيت نخسر ليك خاطرك…”حرك راسو” متكتريش عليك فالغذا…
هي : واخا ولدي…)
حركت راسها ودارت زيف على فمها ورجعات لدارها دخل البلاطو حطو فوق طابلة عرا عليه زيف باش مغطي وهو يبان ليه طبسيل الرغيف مسقي بالزبدة بلدية…ومقيلة ديال اومليط بالخليع…وطبيسلات واحد فيه زيت ارگان وتاني املو وثالث فيه زيتون مشرمل…وخبز بطبوط باقي سخون…هز عينيه فعصام وشير ليه بحجبانو…
زين الدين : واحد جوكير ابا عصام عندك هاد صباح…ماكرهتش نگول حسدتك عليه…
عصام”طل على بلاطو” : ايوى الي داها فكرو تاحاجة ماضرو…اش داك كون راك كضرب معانا فيه وزاهي…صبر على گلبك دابا…
زين الدين”حرك راسو بشوية” : ماعليش..اجي تفطر…
عصام : تسنى الحاج الحسين بعدا…”مزال كيقول فيها وهو يتحل الباب بساروت وهو يدخل هاز ساشيات فايد وايد فيها بلاطو ديال البيض مخلط بين بلدي ورومي غا بان ليهم وهما يمشيو بزربة لعندو شدو من عندو داكشي…” والحاج علمني نتحرك معاك جاي مثقل بهادشي…
زين الدين : مافعايل ما والو ابا هادو…”تعصب” جاي مثقل من سوق لهنا ؟ تحرك بطوموبيل لاش غادي على رجليك…
الحسين : ههههه وا بغيت نمشي ونشد الهمة..ما ثقل عليا والو ياكما حساب ليك شرفت…
زين الدين”هز حاجبو” : نكذبو عليك ؟…
الحسين : تحنى قرب لعندي هنا.. “تحنى لعندو مقرب ليه حيث طويل مغايوصلوش..شد ليه وذنو قدام عصام وجرها تا غمض عينيه” حساب ليك تقادو الكتاف ولا ؟!
زين الدين : مابقاش ليا بزاف ونولي بات…دير بوجه الكتاف الي كبرو ليا ووجه شيبي الي بان..ربعين عام صليتها معاها..عاد نتا تفكرتي تجر ليا وذنيا…نهاك الله الحاج…”عصام ضار لهيه كيضحك.”
الحسين : حط داكشي فالكوزينة ورتبو هاني جاي ولا حفات ليك عاودها معايا…”هز زين الدين ايديه زعما هاني”…
فهاد اللحضة كانت فطواليط كترجع كاااع داكشي الي فطرات وكلات فالصباح غسلات وجهها وخرجات لكوزينة فاااشلة ماقادراش تبقى واقفة تا دخل فوزي لعندها لقاها كتنهج وشادة كاس الما فايدها وفيتامين…
فوزي : رجعتي كلشي كي ديما…
فرح”كتنهج وتكحب مع ترجاع” : فففف..عيييت وتقهرت “بغات تبكي” شوف حالتي كي ولات “هبطات عينيها لباسها كانت لابسة قبية گري ديال زين الدين جاتها عند ركبة”
فوزي : وههننننههههههه قتل..تي ملتي غا بديك القبية…يحيد الوحم وعطيها لخوك عجبني ستيلها…
فرح”عوجات فمها” : ونشري ليك وحدة جديدة لاش تلبس المستعملة…
فوزي : وهانية تانتي كي انا كي زين الدين….
فرح”شربات الفيتامين ورجعات شافت فيه” : فين كنا وفين ولينا…نهار بغى يطلب سماحة طرتي للسما ونزلتي ههههه بغيت غير نگوليك راني خدامة عندو جعرتي…ودابا”ضحكت باستهزاء” بحالك بحال زين الدين…”حدرت عينيها بحزن عينيها تحجرو بدموع”…حتى مابقاش…
فوزي”تنهد بحزن عليها حاسين بيها فهاد اللحضة…عارفين الخصام الي بيناتهم…قرب ليها وعنقها بجنب” : نهار لول كنا خايفين عليك…الي خفنا منو وقع لينا بتريبل معاك…نهار غبرتي وكنا نقلبو عليك وجاو علمونا بالي لقاو وحدة لابسة حوايجك وصاكك وعندها مواصفات ديالك…
“تفكرات فرح ديك الدار الي عاشت فيها اسوء يوم فحياتها والي كانت نقطة سوداااء”…
فوزي : داك نهار ملي دخلت لامورغ نشوف واش نتي..كنگول متكونيش نتي وديري الي بغيتي سيري معاه غير تكوني عايشة…مابقيت بغيت والو وملي شفتها هكاك مشوهة افرح راني سيمانة ونص وانا شاد الفراش…ماشي خلعتني ولكن فشلت مابقيت عرفت واش نفرح ولا نتقلق ولا اش ندير…داك نهار خلاني نراجع حساباتي شلاااا شوية.. من جيهتك من جيهة عصام ومن جيهة راسي…راكي ماشي غير ختي راكي بنتي حتى انا…حاط عليك راس وحاطة عليا الراس وحاطين على بعضياتنا الراس وحاطين ريوسنا على عصام…خاف علينا وربانا تربية واخا زوينة كانت ناقصة من جيهتو…كلمة جوج ينوض يصعر ومنهضروش ويمشي يشرب ولا يغبر يزهى ليه فشي قنت يومين تلاتة ويرجع اش كنتي دير ياكما مرضتي ياكما ياكما ماعندناش الحق نعرفو…يمكن كان مكتاب علينا نعيشو معاك هادشي باش كل واحد فينا يتربى من جديد و #يتولد من جديد يتعلم ويتنجر من المشاكيل…واخا درتي الي درتي عمر بلاصتك ماتبدلات راكي فرح بنت عصام وختي صغيرة وبنتي…نهار طلبت منك سماحة وتشوفي فيا عرفتك مغاديش تشوفي فيا معول عليها…غا داك نهار جيت مريض حيث هههه مصبرتش وصافي توحشتك وتوحشت نشوف فيك ونهضر معاك…وخا شفتك ملي داك زين الدين لانزگان كنت حاضر فاش خلاك…
فرح”هزات فيه راسها بصدمة” : كيفاش ؟؟؟
فوزي”حرك راسو” : ااايه كنت مع زين الدين فطريق انا فطوموبيل وهو فطوموبيل معاك…وكنت ملي خلاك فالمحطة ورجع ليك…
فرح : مافراسيش هادشي…
فوزي : مكان لاش يتذكر…كان ضروري نمشي وبطلب نيت من زين الدين هو الي بغى نكون حيث خوك وديك ساعة كنتو باقي كاع متزوجتو…ماجاتش تمشي معاه وحدكم…
فرح”بغات تهضر ولكن لقات راسها مالاقيا متقول..كل مرة كتزيد تلوم راسها على قبل زين الدين…حطات راسها على صدر فوزي وسكتات تا نزلو دموعها”
فوزي : معاك من لول تلاخر وكل نهار كيعيط ليا زين الدين يگوليا كيدايرة ويعطيني تقرير اش كديري واش وقع ليك بالحرف…صفاء وحتى سيمو ماكانوش مقصرين فحقهم…
فرح”ضحكت وسط دموعها” : غاتكوني قهرتيهم بتسوال هههه اهى…
فوزي : هههههه ضروري صفاء الى ماخفت نكذب بلوكاتني شي عشرين مرة كنخرج ليها من نمرة خرا…كل ساعة اش دارت مالك نسيتيني تا رسلت ليا اوديو سبت ليا الملة وطاسيلة خافت تحصليها وتقلبي عليها تاهي ولات طالبة سلاك…
فرح : ههههه صفاااء…صفاء من گال تولي مرت عصام…بنت الهم مامشات تا داتو…
فوزي : وسيري سوليها دابا گولي ليها كي طرا تا ترفك عصام وخطبك…شحال تعطي تا تگوليك شافني خارجة من الحمام..
فرح”شافت فيه” : حلف بالله…
ماعطلهاش فالبلاصة جبد تيليفون ودوز لصفاء الخط ضروري ما يعاود يصوني ليها قاليك حگا هي مكتجاوبش دغيا عندها مشاغيل صوني وطفي وعاود صوني…جاوبات…
صفاء : لاش كتصوني ليا الوسي ؟ فخبار القايد خطيبي اسي المخزني ؟!
فرح : اهاااه…
صفاء : لوستي الحبيية كيبقيتي ؟
فرح : شوية وصافي…شوفي جيبي ليا معاك فيتامين ديالي من الفارماسيان ديال الكلينيك…
صفاء : فوزي..ختك تزوجات بمول الكلينيك زهات عندها القضية..
فرح”بحزن” : موحال غايبقى…
صفاء : كيفاش ؟!
فوزي”بدل الموضوع” : بغيت غا نعرف كيدار عصام خويا خطب هاد زين ديال ختي صفاء…
صفاء”عسلات عينيها وبدات تمطمط في فمها قدرو يشوفوها من تيليفون بلا ميشوفو. وجهها استنتجو الصورة” : مط..اووو ايييييييوى شغانقولك الوسي…شغانقولك شغانقولك.. كنت خارجة من حمام السعادة دايرة الزيف وشال وحناكي حمريييييييييين…مهبطة عينيا ودزت من حداه تبسل عليا واحد خينيا وبدا يتلوط عليا وانا حادرة راسي وخايفة وماباغاش نوقف ليه…ايوى عصام جرو من الكول وضربو ببونية…شغانقولك لقاني كنترعد وحادرة وجهي غا هزيتو فيه نشكرو وهو يضرب دااااك سهم الي كيتخشى فالقلب عرفتيه !؟ ايييوى هذاك…تما فين عجبتو وجا خطبني…”بدات تسمع الحس فوذنيها” الو الو فوزي “شافت فالتيليفون لقاتو قطع عليها…” سيحت صيكص…
طلعو الفوق واول بيت كان هو بيت زين وشامة اختو…كيف حل الباب لفرح حلو لعصام ونفس القصة عاودها ليه بالحرف…كل مكيسمع عصام القصة كيحس بيه كيشبه ليه بزااااااف وكيزيد يتاكد الموقف الي تحط فيه زين الدين فالوقت الي خطب فرح الخطبة اللولة والندم الي شدو وتانيب الصمير…وكيزيد يتاكد ان كل كلمة قالها زين الدين كانت صااادقة…
عصام : كلشي بقى هنا فالفراش ولا جديد ؟
زين الدين”حل ليه باب صالون وسطاني طويييل” : هذا فراشو قديم مابغيتش نبدلو…الصالون الي لتحت تحت من هذا نيت فراشو والصليح مزال جديد…البيت فين نعست فراشو ديال الواليدين الله يرحمهم فين نعستي نتا هو الي فراشو جديد…كانت كتنعس فيه فرح”حنحن” فالوقيتة فين جات هنا…كان الحاج المحجوب حاضر هو وفوزي…واخا فوزي مشافتوش كان كينعس فالبيت لتحت هي نيت كانت كتبقى هنا الفوق فيييييين وفين باش ولات تخرج وتهبط حتى خوات دار…
عصام”الصمت”
داز لبيت ديال فرح فين كانت كتنعس. وفين نعس عصام نيت عاود حلو ودخلو ليه…وقف قدام الناموسية قريب لشرجم…
زين الدين”هز صبعو وشير ليه ناحية البلاصة فين دخل ولقى المخنتر داخل عندها” : نهار العقد دخل عندها باك هنا…”خرج عينيه” تخيل عصام مانع الزمر كامل يدخل حيث مكانتش كتبغي تهضر ولا تشوف بنادم…سادة جيهة الويل كامل يلاه جدك وحدو…انا وماعطاتني ثقتها حتى رجعتها فين توضرات ورجعتها…بزز باش خذيت ثقتها…كون جات على نطلب سماحتها كون ملي گالت الله يسامح نطوي صفحة ونزيد المهم حيدت عليا ذنب اعصام ومانبقاش ضاحك عليكم…ولكن ؟ “ضرب جيهة قلبو” بغيتها بغيتها ودخلات هنا وهنا بقات…شربت عليها المرار الكحل باش ديتها…ومابغيتش نكمل حتى نرجعها لخوتها وترجع ليك نتا لول…
عصام : علاش دخل عندها المخنتر ؟
زين الدين”سرح ايديه مخرج عينيه” : شنو كتعرف على باك…”هز صبعو تاني” غلطت وعطييييتو علاش يقلب وندمت..
عصام : ياكما ضربها ؟؟؟
زين الدين”سكت”
عصام”مشى ليه بزربة ونطق بصوت مجهد” : واش عدو الله ضربهااا ؟؟”عينيه خرجو”
زين الدين”غمض عينيه ماحاملش يعاود الغوتة الي سمع ودخل لقاها كتغوت…اضطر يعاود ليه الحادثة كلها..”
عصام”ضار معصب وبدا يسب” : ولد رقية ولد رقيااااااااا يتبعو البلا….عدو الله…
زين الدين : عصام المفيد خلينا فالمفيد باك دا مايسمع ديك الوقت…تحرك نوريك ونكمل ليك…
زفر عصام بعصبية…رجع هو وياه كيدورو فالدار…كان العصر اذن وقرب المغرب ديك الساعة…نزلو لتحت من بعد ما وراه كاع الفوق ولتحت وعاود ليه القصة دسال ايام تارودانت…كان الحسين داخل الكوزينة…جلس عصام وزين الدين عند الطابلة الي كان فيها كاس ديال عصير وبلاطو فيه الماكلة من عند جارة زين الدين…
عصام : وهادشي كامل…نهار علموني بالي غادير العقد ازين الدين ماتعلمت حتى لنهار بنهارو…نهار بنهارو ؟؟؟ وخا نكون كلب الكلاب تعلموني انا لول…
زين الدين : عقلتي على راسك شنو كنتي داير ؟…العقد ماتقرر حتى شفت بالي كلشي بغى يرجع فحالو عصام حتى واحد مكان غايبقى وختك كان ولابد ندير معاها العقد باش تبقى معايا حلالا ماجاتش تبقى وانا مرابطني بيها والو…وشنو نخليها وحدها ؟ جدك كان مريض مهلوك طايح ففراشو..هو مريض وهي مريضة شكون يقوم بلاخور…ومنصيبوش نخليوها وحدها وهي باغا فاي وقت ترجع فين كانت عايشة…
الحسين”حط سوبيرا ديال حريرة شوفان والحليب وجلس” : وهادشي كامل ا زين الدين داز وفات…لاش تعاودو ياك فتحتو صفحة جديدة…
زين الدين : ماعليش يعرف فين عاشت وشنو عاشت هنا…
عصام : هذا علاش بغيتيني نجي معاك هنا ؟ باش نسمع القصة ونسمع غادي تفرق مع ختي…”هز فيه زين عينيه بصدمة”…حساب ليك معارفش وماعايقش ؟
زين الدين : جبتك باش ترتاح وتسمع وتشوف شنو غادي نوريك ونبعدك لا دير شي مصيبة كحلة ونتا تما…تدي السخط وذنوب على والو…جبتك ترتاح تانتا….
عصام : اش كاين من غير هادشي…
زين الدين”عض شنايفو مدة وهو كيشوف فيه بتفكير…شاف فالحسين الي تاهو كيتسنى وشاف فعصام الي هز حاجبو كيتسنى فيه يهضر…فلاخر هز تيليفون من فوق طابلة داز ل جيهة الفيديو…مشى لتسجيل الكاميرا ديال الفيلا ديالو…حطو لعصام وشاف فيه” تفرج…
عصام”جر تيليفون ودخل الفيديو كليكا عليه وبدا يتفرج…عطاه تسجيل لنهار الي جا فيه المخنتر وخوه شنقو على فرح غا بان ليه محمد شنق على فرح وهو ينوض بغى يوقف وهو يهبطو زين الدين بجهد ورجعو بلاصتو” : اش دار هاد الحبس اش دار ؟ امتى هادشي ؟ امتى جا لعدو ربو فهاد النهار…واش مكعياش هاد عدو الله مكيعياش ؟…واش بغاني نقت..لو عاد نتهناو ولا اااااااااااش”كشاكشو خرجت”
زين الدين : عصااااام…تركن لارض وكمل الفيديو تلاخر…شفتي علاش جبتك هنا ؟ “خرج فيه عينيه مخنزر” كون عرفتي تما ماتبقى لا خطبة لا نم كحل…
الحسين”رد عليه بصوت خاااتر طيوب” : كون تبليتي بيه اولدي وماتبقى لا دنيا لا اخرة…تدي سخط وتضرب كلشي فالخوا الخاوي..نتا عندك الله وهو ملگاه مع الله…من الخير الي جابك زين الدين هنا من الخير…جلس اولدي وكمل…
عصام”كينهج بالاعصاب..غير شاف الشنقة وصعر فما بالك لو شافها مباشرة…هز ايدو مسح على جبهتو كيحاول يتهدن…رجع هز تيليفون ورحع كمل تسجيل…حتى بان ليه وقف زين الدين نيت مع شنقة ونزل من طوموبيل…
شاف كلشي من لول تلااخر يمكن حس بزين الدين برد ليه غدايدو وهنا بان ليه زين الدين الجناح ديال فرح من بعد عصام…غمض عينيه وحط تيليفون وحط راسو عالطابلة”
زين الدين”كمش حجبانو” : نهار شفتها.لقيت راسي مسؤول عليها خاصني نخطبها ونبعد بيض زغبة عليها….نهار خطبتها لقيت راسي مسؤول عليها خاصني نفضي الخطبة باش منضلمهاش هي ونتا وفوزي…لقيت راسي خاصني نسالي كلشي بدا فالكذوب…منكرش فلول كانت عاجباني حيث بنت رجا.ل مربية مخلقة تشوفك تضحك…تجاوب بادب وبالصواب…كلشي فيها يخلي الواحد يبغيها مولات دارو…وشنو ندير بيها وانا ضاحك عليها وبسباب عصبيتي وفمي الي كان سابقني نديرها فداري !! هذا ذنب كبر من الذنب الي درتو فحقكم…”غمض عينيه” صعييييييييييييب عليا عصام صعييييييب…وزاد صعاب ملي كفرتي عليا نتا وفوزي وهي…گاديت الضواصا معاها وجا وقت ضوصي مع فوزي…علاش خليتك نتا لاخر !! خاصني نبدا من مولات الشان الي تضررات هي لولة نتبعها الي تضرر عليها والي تضر فيها الي هو نتا…ندوز لحكاية ثانية عصام حيث هادشي نتا عارفو وذقتيه معايا فالوقت الي كنت عندك فالكابانو الي فسيدي بوزيد”رسم خط فوق طابلة بصبعو” ندوزو هذا ماكاين لاش نركزو….
عصام : دوز المفيد وعطيني اش كاين من لاخر ازين الدين…حطو حد لهادشي براكة علينا من بو هاد روينة الكحلة الي ولات بيناتكم…ماتسناش مني نوافقك على هضرتك…تعاود ضر ليا ختي نعاود نملخ عدو ربك “خرج فيه عينيه” هادشي الي بغيتي تسمع ؟
زين الدين”حرك راسو وضرب قرفادتو” : من حقك فهادي عاوتاني…”رجع شاف فيه وعينيه فعينيه” حط راسك بلاصتي وتخيل تدخل تلقى ختك “ضرب ايدو بشكل وهمي” ضاربة هنا قاطعة عرق ومسيلة د.م حاطة حد لحياتها عصام….خياتك تبغي تحط ليها الحد وعقلك يخرج اعصام…تنسات ليا ؟ ابدا وكل نهار بين عيني كل نهار…صحتي مرضت خاطري مرض…الدوش الى سداتو عليها كنهبل…مابغيتهاش تبقى فدار وانا مكاينش…شكون يضمن ليا مادير والو…بغيت وقتي عصام بغيت وقتي ناخذ فيه خاطري…هادشي قبل مايوقع الي شفتي بعينيك فالفيديو…تخيل دخل تلقى ختك شانق عليها كلب الكلاب…همو الفلوس ورث والفساد…هادشي مايهمنش اعصام مايهمنيش…ندخل ليك فالي يهمني ؟
عصام : شنو ؟!
زين الدين”حط ايديه على راسو كيوريه” : هذا خرج مابقاش…الگلب هذا “ضرب جيهة قلبو ” تحسك اعصام تحسك عليها…مالقات جهد وكون ما كنت انا كون ضروها وتضر فيها ونتضر انا فيها…ولية عصام ولية وخا تقصاح وتنجرها المشاكيل وعذابها…كتبقى ولية الى مكان عندها راجل يحميها مكاينش…تعول عليك ؟ غذا ولا بعدو تزوج اعصام وخا عارفك ماتخليهاش لا نتا لا فوزي..نتا وحدك وماكانش فراسك وماتكافيتي وحسب الله تزيد المراة والولاد ؟ بالرب المعبود لا لقيتي تا فين تحك راسك…
عصام : ايه وشنو المعمول ؟ نديو على هضرتك…
زين الدين”تنهد” : نهرب عليها معندها عليا لين…تهرب عليا معندي عليها لين…علاقتنا تسممات سممنا بعضياتنا…عشنا الويل وشفنا الويل…حلفت عليها نعطيها تيساع…جا الولد بيناتنا…حلفت عليها لا ضرات كبدتي منشوفش فيها وضراتو اش وقع ؟ …موقع ليه والو لقيت راسي شاد ليها بات مات الخاطر ومعايا فالدار…”رجع تكى عالكرسي وعقد حجبانو عينيه فلارض” …منكذبش عليك فرحت ورتاحيت ملي توگضات على راسها ولكن ؟ تقصحت من جيهتها وتضريت…حتى الوقت باش ناخذو ونشوف حل لفراق بيناتنا باش مانمرضش فيها لقيت راسي شايف فيها وانا خايف عليها هي لولة على بالي خايف على ولدي لقيت راسي خايف عليها قبل منو…وليت باغي تكون لباس وخا مايبقاش الول….شفت حتى عييييت وجربت تا عيييت وانا مقاتل نساها ومنبقاش مولف فرح لقيت راسي غارق وزايد غارق فيها…تبقى وتعيش حتى تعيش تبقى ديما معولة عليا وتحت جناحي…الحلوف ديالي جا فوقتو وماشي فوقتو…لقيت راسي كنمرض وخاطري كيمرض وكنتعذب من جيهتها…علاقتنا كانت سامة وجات فضروف غالطة بغييييتها وباغيها عصام…سممتها وداويتها…سمماتني وباغيا داويني…
عصام. : المعنى من هضرتك ؟..
زين الدين : قال لسان الدين بن الخطيب
أشْكُوكِ أَمْ أَشْكُو إِلَيْكِ صَبَابَتِي..أَنْتِ الدَّوَاءُ وَمِنْكِ كَانَ الدَّاءُ
وخا نبعد نلقا راسي راجع بلا مانشعر…واخا نتفارق مربوط معاها بولدنا…واخا نساها ديما فبالي…واخا نحلف عليها لقيت راسي حانت بحلوفي ملي شفت فيها… كنعوم عكس التيار والتيار كيديني لعندها..حلفت منداويها لقيت راسي فالمرض كنداوي…وفالوحم داير الخاطر…كنبقى انسان والانسان بطبعو خطااء…تحطات عليها ايد لقيت راسي طاحن البشري على جالها وضالم العباد فشردها…الواليدة الله يواليها برحمة الله على ماگالت ولابد ليا نقطع الحبل بمرة…
عصام”جمع حجبانو” : اشمن حبل ؟!
زين الدين : حبل العذاب والمعاندة مع راسي وذاتي وخاطري…”تگعد وربع ايديه وقرب لعند عصام عينيه فعينيه…حس بواحد راحة وهو كيعاود ليه ويفرغ ويفضفض ليه” يتعافى المرء ب اصدقائه عائلته احبائه ابنائه…”هز صبعو مستثني راسو”..ويتعافى زين الدين ب فرح….
الحسين”يدا يكب من سوبيرا ديال الحريرة بشوفان وتسمع الاذان..شاف فزين الدين وقال” : تقبل الله صيامك اولدي…..(اصحاب السكري النوع الثاني كيصومو الي كيتبعو دوا ماشي لانسولين)….
.من ناحية عجبو الحال ومن ناحية ساهم حتى تانيب الضمير علاش الي ما عطاش فرصة للحوار معاه نهار الي جا عندو باش يفسر ليه ويبرر ليه…
عصام : هي صمتي غا على حلوفك “غمزو”…
زين الدين”رد ليه الغمزة بخفة” : حلوفي ورجوعي…واللبيب بالاشارة يفهم…”تگعد مسمي الله” يااابسم الله…اللهم اني لك صمت….”كمل الدعاء عاد شرب كاس الما رمى ففمو حبة دواء ديالو شربو وناض تبع الحسين وعصام للصالون…تقدم الحسين صلى بيهم المغرب..كملو وبقى شوية تا دار دعاء بينو وبين نفسو..وناض لحق عليهم لقى عصام كان عند الباب شد شي بلاطو وتم داخل”
عصام : زاهية عندكم طيابات جيران…فطور غذا عشا…
زين الدين : درتي المعرفة على ضهري !؟”جلس فالكرسي وجر بلاطو الي جاب حيد عليه زيف..لقى مسمن معمر بالكفتة ومقيلة البيض والخليع…ووسوبيرة متوسطة فيها حريرة البلبولة والحليب…” الله…
كملو الماكلة وناض عصام وزين الدين هزو الماعن عصام نقى وزين الدين دارهم فالغسالة خلاها تخدم وخرجو مخلين الحسين كيوجد ليهم فنجان قهوة كحلة يتنغمو بيه…وكيف العادة غير جلس بدا بالگارو شعلو وعطا لعصام تاهو…
عصام”ساط الدخان..شاف فزين الدين الي كانو عينيه على سقاية” : اشنو ندير مع هذاك الي تزرف وولدني…
زين الدين”هز عينيه وشاف فيه…جر نترة من الگارو وساط..وهو يدور عندو حك لحيتو بتفكير..كيفاش غايبدا ليه الهضرة الي هي علاش قاليه الي سمعتيها مني تقبلها كيما كانت…تنهد” : على بالي علمتك بلي خاصك تسمع لشنو غانگول ليك والي علمتك بيه تقبلو كيما كان !؟
عصام”هز حاجبو” : ايه ؟
زين الدين : ديجا شحاال هادي فاش خلوض داك بيض زغبة الي كان راجل عمتي…ملي بدينا نصفيو فداك الويل الي خلوض لقينا شي شيكات ومنهم شيك حطو باك وعمك…فلوس صحيييحة تما…
عصام”جمع حجبانو بصدمة” : عندو شيكات هو ؟…
زين الدين”حرك راسو” : كان خاصو ضمان ديك الوقت كيما عارف داك خونا الوهراني…عندو مع هادشي ديال الكريدي يسلف الناس بالفوائد…بلا مندخل معاك فالديطاي راك عارف..
عصام : ايه وعلاش مدفعتيهمش غرقتي القواد”وقف الحسين هاز بلاطو دور عصام وجهو مغمض عينيه حشم من الكلمة الي نطق” استغفر الله العظيم…
زين الدين : درت بوجهكم…يلاه علمت لريان ديك الوقت يسحب الدعوة ومساامح ليه فرزقي..ماجاتش ندخل باك الحبس جيت بين البينات اعصام..الوضع قاصح عليا فلوس صحيحة ولكن فرح صح منهم “اكد ليه بعينيه” …
عصام”بالفقصة جهد صوته وبدا يشالي بايديه” : ودخل ليا الويل الحبس خليه يتكوفر تما ولد رقية مايردعو غا الحبس ولا الموت…
الحسين : گول اعوذ بالله كيبقى باك اولدي والله يهديه…
عصام”عينيه ولاو حمرين” : اش الله يهديه الحاج اش..والبو الي ميرحم ولادو والي مايعتق مايخلي الي يعتق هذا بو ؟ والبو الي يدخل بالهضرة الخاسرة وينقص من بنتو هذا بو ؟ والبو الي ينعت بنتو بالحرامية “زين الدين زير على قبضة ايدو”
زين الدين”اي حاجة فيها اهانة لفرح واخا عن غير قصد كتخليه يتعصب…عض على سنانو” : عصااااام…تهدن وجلس خليني نكمل ليك….
عصام : اش غاتكمل ااااااش ؟ علاش سمحتي ليه ؟ ومن عندي غرق ليا عدو الله فالحبس غرقو ولگيها ليه الله ياخذ فيه الحق…وضرني ضرني فخوتي ضرني فختي يصبح عليها بالضرب ويبات بالضرب وبالحرايمية…
زين الدين”مع قالها ناض على وقفتو تا هو مجهد صوته وكشاكشو خرجو جر عصام من الكول عينيه خارجين مخنزريييين….تا وقف الحسين” : ختك وراها راجلها وراها خوتها…عصااااااااام فشرد ختك ماسحبتش الدعوة وزدتو دعوة من الفوق…وراني حلفت بحلوفي تانغرق بوك لجدر…بالرب المعبود لا بقى ليه سنتيم فداك الورث…
عصام”كينهج وعينيه حمريييين بالاعصاب تا دمعو ليه…جلسو زين الدين بجهد فوق الكرسي…دار ايديه على راسو” : مصيبة كحلة مع هاد عدو الله مصيبة كحلة…
الحسين : نهاكم الله تهدنو..الله يهديه والله يدير ليكم الي فيها خير هذا مانقول…لا حول ولا قوة الا بالله…
زين الدين”هز سيجارة من البكية وشعلها ومدها ليه” : شد…
عصام”هز راسو وهو يشدها من عندو جر منها مزيااان وبقى سارط الدخان تا خرج ليه من منخرو…غمض عينيه منتشي محاول يتكالما…”
زين الدين : شفتي علاش گلت ليك تجي هنا ؟ كون علمتك بهادشي ونتا تم ؟
الحسين : على مابان ليا كون مشى صفاها ليه ودا السخط…
عصام : الى جيت نعاود ليك ابا الحسين”عينيه خرجو مغلغل” تبكي علينا د.م…ها علاش نهار هذا شمتنا ماسكتش ها علاش خرج ليا عقلي ومنسيتهاش ليه…كلشي نصرطو ومنصرطش الي يصر ليا ختي…وعباد الله راها بنتي بنتيييييييييي من كتافي ولحمي نشرگو عليها وندخل عليها الحبس…ها علاش سمحت لهاد الكيدار هذا الي گدامك حتى عرفتو وشفتو شرب عليها المرار…وعرفت علاش گاد…ومزال خايف عليها…ماعندك ماتگول من غير دعي فيه الله ياخذ فيه الحق فهاد النهار…
زين الدين. : ختك ضايرين بيها خوتها الرجال…ضايرين بيها حبابها…عندها الي حسن منكم…عندها دوامها فهاد الدنيا…عندها انا الي طول الله فالعمر….”هز ايدو خبط ليه على كتفو.”
عصام”رتاح شوية من هضرتو تا حدر عينيه وهو يعاود هزهم فيه” : وهاد مرتك هضرتي معاها سولتي فيها ؟
زين الدين : لا مخاصم معاها….”خلا عصام كيرمش هههههه”
الحسين : ههههههه ينعل الي باقي يدير فيكم راسو ويلغي بلغاه معاكم…
دوا العشا وناضو صلاو فالجامع الي حداهم فدرب الاميرة بتارودانت…ملي خرجو استغلو الفرصة وضربو دويرة تما فالمدينة على رجليهم…داه زين الدين لمحل الي كان خدام فيه باه وجدو فاش كيجي من الدار البيضاء…وراه جيران القدام وصحاب باه القدام…وراه المدرسة الابتدائية فين كان كيقرا قبل ميتحولو لمدينة الدار البيضاء… ورجعو كملو الطريق مشي تا بدا الحسين يعيا بغى ينعس وهما يرجعو لدار…مشى الحسين لبيت يتكى مابغاش يتعشى لانه اكتفى بالفطور مع زين الدين غلق وبغى ينعس مرتاح…
زين الدين : جاك جوع ؟!
عصام : لا والو غلقت معاك فداك الفطور…تكردنت …
زين الدين”شاف فساعتو” : مزال الحال على نعاس عندي…
عصام : انا طالع نهضر فالتيليفون مع المراة (صفاء ولات يتقال ليها المراة هههه)…
زين الدين : خوذ راحتك…
طلع نيشان لبيت حيد جاكيط الي كان لابس وبقى غير بتيشرت..جلس على حافة ناموسية كيحك فلحيتو وكيدوز فنمرتها بعد رنات متتالية تطلق الخط وجاوبات…
صفاء : احم…عصام…
عصام : عصام عندك ناشفة !؟
صفاء”تزنگت” : اشنو نگول ههه…
عصام : اشنو بان ليك !؟…زعما من هنا لديك سيمانة نولي راجلك العزية ديالي…
صفاء”خرجات عينيها” : انا بيضة ماشي عزية…متكونش عنص.ري….
عصام”تبسم” : نتي العزية عندهم وانا البيضة ديالي…
صفاء”قلبها بدا يزدح…مكانش يحساب ليها غاتسمع من عصام هاد الكلام…بل مكانتش كضن غادي تزضل مع عصام لهاد المواصل…هادشي الي كيوقع ليها اشبه بالحلم وتحقق…مزال ممثيقاش وخايفة ثيق وتصدق فايقة على شي واقع مر…سكتات كتسمع غير لدقات قلبها الي شكات واش سمع عصام دقاتو…كتحس بيه كيضرب ليها وسط راسها “
عصام : مالك سكتي ؟ نبقى نهضر غا انا ولا كيفاش ؟!
صفاء : احم..ل لا هههه..غير مزال ممولفاش…
عصام : وخاصك تولفي..ماعنديش مع نتسنى حتى تولفي…بيه فيه ابنت الناس”خشا ايدو تحت تيشرت كيحك فكرشو”
صفاء : وا هدا عليا…وغير بشوية انا هادشي كااامل مزال ممثيقاه…
عصام : علاش ؟
صفاء”كتفرك فايدها” : ماعرفتش هههه جديد عليا هادشي…جديد عليا نتا…ماشي شي حاجة ولكن باش منكذبش عليك ممثيقاش بالي نتا خطبتيني حيث حليت عيني عليك ربيتيني مع فرح…يعني كنتي كتشوفني بصورة ختك ماشي مرتك…ماعرفاش كيفاش نشرح ليك…
عصام : ونتي زعما مكانش عينك فيا ؟
صفاء”خرجات عينيها وقلبها سكت واحد ثانية” : كيفااااش ؟ باش عرفتيها…
عصام”على نيتو وهي عند بالها عرف بالي كاتبغيه من صغرها وهي حالفة ميعرفش كااع…” : ملي گلت ليك تجوجي بيا اش گلتي ؟
صفاء : گلت واخا. ولكن كنت عطيتك واحد شرط…
عصام : خلينا من شرط صفاء…ملي گلت ليك نتجوج بيك نيشان قبلتي واخا كان شرط مهم قبلتي…يعني بغيتيني وباغياني…ولا كذبت ؟
صفاء : ههههه ودابا صافي من هاد الهضرة…
عصام : الى صافي شربيه…”حك نيفو” ماعلينا ماتوحشتينيش ؟
صفاء : وفينك نتا دابا ؟
عصام : سوق مك ؟
صفاء : وغانتزوج بيك ومنعرفش فين كتمشي ؟
عصام : عند الصاحبة…
صفاء”جهدات صوتها وخرجو عينيها…دخول الوجه الشالوطي وخروج الوجه البريئ ” : افرااااااااني الايركات لا تجمع ليا الي فات وتحيي الي مات…شد لجامك اعودي راك ماتولي گدي…لا عطيتي كلامك تسنى جوابك…والى زدتي فيه ندورك على صباعي ونگعدك عليه “خرجات عينيها لقات راسها خرجات على سيطرة” عصااااام لا تفقصنيييييييش عافاك راني باسلة…
عصام : لاكون ضصرتي وانا ماحاسب حسابي ؟…
صفاء : وعصام را هاد الامر تايتوشي ليا قلبي ويفقصني…را كنحس بهر فيه صداع فقلبي…
عصام : كاع هادشي كلو ؟ وملي فيك هادشي علاش نسولك واش توحشتيني تقلبي ليا الهضرة ؟…
صفاء : فقصني وغانبين ليك المواهب رومانسية ديالي دونت طاتش مي…تانا دونت وووري ببب…
عصام : بب كاااع ؟…شافنا الله ماطلبتي غالموجود”كيلعب بزغب لحيتو”
صفاء : اربي فين مشيتي ؟ حيث دايرين نخرجو غذا وصدقتي ماجل حتى نتا ؟
عصام : نگوليك عارفك فمك مشرگ وانا ماباغي حد يعرفني فين…
صفاء : مع خويا زين الدين !
عصام : علاش زين الدين مسافر ؟
صفاء : هااا ؟ مامعاش وانا حساب ليا معاه…
عصام : شفتي فرح مزيانة ؟
صفاء : مزيانة ولكن كرفصها ترجاع وصخفة هاد النهار والبارح ليل كلو وهي فايقة…ماهضرتيش معاها ؟
عصام و علاه نخليها ؟ راكي عارفة مغاديش تعلمني باش كاين غادي تگول مزيانة وتهني راسها سولتك نتي الي عارفك تعطيني الخبار المگادة نيشان..
صفاء : وا من لاخر باغيا راجلها توحشاتو وزاد عليها الوحم وساكتة وجهها تبدل…
عصام : داكشي بيناتهم نعاود نخشي مخي ونخرج بلحوحتي فلاخر نتسمى ممزيانش تاني وندي سخط ؟..بغاتو تحمل مسؤوليتها معاه الي دارتها انا معاها فيها(مابغاش يدخل معاها فالتفاصيل هاد المجية كانت سرية بينو وبين زين والحسين)..
صفاء : وانا غا گلت ليك…
عصام : خليك فيا انا وياك..ماتوحشتيش راجلك ؟
صفاء”قلبها فرفر والفراشات تشتتو ليها فكرشها” : ههههه وضروري لا تبقاش تسول وتحكر…هههه
عصام”شاف فساعة” : ممم معاش خدامة غذا نتي !؟
صفاء : غذا خاوي…
عصام : بحال والو نجي غذا ان شاء الله….ديري بحسابك نجي ونتشاوفو…نبداو فالوراق وداك تخربيق ديالهم…
صفاء : اشمن وراق ؟
عصام : الوراق باش ندير معاك الحلال و نگلسك عليه…
صفاء”خرجت عينيها وهي تزينن” : اننممم ؟
عصام : تلاحي…سلام عليكم “قطع معاها خلاها كتهرنن كي زيزونة ههههه”…..
كمل معاها وداز لنمرة فرح دوز ليها الخط وحتى هي ماجاوبات تا عاود مرة وجوج كان غاينوض يعيط لفوزي وهي تجاوبو فاخر دقيقة وغير جاوباتو حس من صوتها النهجة عرفها سخفانة تاني بالترجاع خصوصا مع هاد نهاية الشهر الثالث وبدية الشهر الرابع جعر عليها الوحم والمرض ديالو…
عصام. : كنتي فطواليط تاني ؟!
فرح”كتنهج بالسخفة..حطات راسها على الحايط جالسة فوق الفراش” : ممم عاوتاني…عييييييت من هادشي مرضني مرضنييييي اهى اهى…
عصام : ومالقيت ليك جهد افرح…على ما گالو ليا ماعليك غاتصبري…دوا ديالك ياكما گطعتيه (قطعتيه)…
فرح : متبعاااه ماحابسة حتى دوا ولكن را جهد ديال هادشي فوق دوا…انا غانصبر والله حتى غانصبر ماتخافوش عليا…
عصام : دابا تهدني من الهضرة…داكشي ماجبدناه ليك نتي الي جابداه راسك…انا اش عرفني واش حابسة دوا ولا لا گلنا يعاونك هادشي الي عرفت.. مال ملتك فهاد رهوط الخاوي عليا؟
فرح”خسرت سيفتها وجاتها ترويعة تاني كتحس بمعدتها كاتهز تالفوق ودور فالخوا” : اعممم عصااام عافاك قطع بلاتي وهضر معايا اوووهععع…”قطعات عليه ولاحت تيليفون مشات كتجري تاني لطواليط كان داخل سيمو جاي كيشالي وضحك تا ضربات فيه بجهد بغى يشد فالحايط لقى غير الخوا بقى يشالي يشالي وهو يدير زداااف طايح فلارض هز راسو”
سيمو : اش هادشي داز ؟!
فرح”تحنات وخشات راسها فلاشاص كترجع ترجع وترجع غير فالكشاكش الماكلة ديجا مشات سبقت بقاو غالكشاكش وقلبها كيضرررب…واحد لحضة ماتجيها غير ريحة زين الدين بين نيوفها هزات راسها وضارت بجهد شاهقة حساب ليها دخل ولا كاين ناضت مسكينة بزربة خرجات ومشات لبيت لقات فوزي وسيمو الي مزال كيحك فترمتو من طيحة” : فوزي سيمو ؟
سيمو : بلاتي تولدي ونطح مك بلااااتي ارعدة الكحلة نعل اتافيش مك…
فوزي”كيشوف وجهها مخطوف لونه” : مالك ؟؟؟
فرح : واش زين الدين جا ؟
فوزي : الله اكبر…
فرح : ورا كنهضر بصح فين هو زين الدين ؟ شميت ريحتو علاش مابغيتوش توريوه ليا فين كاين ؟
سيمو : واش هرب ليك لاص من راسك ولا مالك ؟
فوزي : زين الدين مكاينش افرح…ياك كتهضري معاه وگاليك مسافر…
فرح : لا كاين افوزي”غرغرو عينيها ببكية” كاااااين علاش كتكذبو….
فوزي”عوج فمو وضار عند سيمو” : فين درتي زين الدين نتا ؟
سيمو”هبط راسو تحت منو..هز غطا طابلة كيقلب تحت منها” : وهنا مكاينش !! ياكما درتيه فماريو فرح ؟
فوزي : واقيلة فالمجر…سيري لمجر ديال البيت الي كنعس فيه انا وعصام حليه عالله تلقايه فيه….فرح واش حزق ليك الفرخ ؟
فرح”دلات شنيفاتها كيترعدو بقات كتشووووف فيهم بواحد شوفة ندمت جد بوهم علاش قالو ليها هاكا” : يااااااك
سيمو”طرش وجهو” : وينعل ديلمي انا…ويعطيني الطرش
فوزي”وقف ومشى لعندها عنقها” : وصاااافي افرح لاش البكا ؟ فين عطاتك ريحة زين الدين والله مكاين انا سولت فيه كي بقا حدو جاوبني ب لباس البااارح…مابقيتيش كتهضري معاه ولا كيفاش ؟…
فرح”مسحات عينها بطرف كفها..هزات كتفها بشوية” : مابقيتش سولت فيه…بغى يبقى براحتو مابغيتش نحكر عليه ونقجر عليه”كتقول فيها بواحد صوت يطيح عليك الضيم.”
فوزي”عزات عليه جاتو البكية..زاد عنقها” : وخليه بخاطرو دابا يهصر معاك..انا الي عليا درتو..والله كون لقيت ليك جهد اختي منفوتك…”هز ايديه وخبطهم” هذا هو جهدي…
فرح : مخلياااه بخاطرو…حتى انا كان كيخليني بخاطري نخليه بخاطرو…حتى انا ماكنتش كنبغي الي يقجر عليا حتى فحالي دابا…غير “حدرت راسها ونزلو دموعها اكتفت انها تهز كتافها حيث ماقدراتش تقوليه ران يتوحشتو حشمات والوحم هلكها وشوقها ليه كبييييييييير بزااااف…مكرهاتش يخشيها فحضنو…بكن عارفاه مقلق منها وحاسم قرارو بخصوص علاقتهم وكتحاول تهيء راسها على هاد الاساس وتستعد لهاد المرحلة الي حاسا بيها غاتكون قاااااسية عليها…حدرت راسها وهي تدخل وتكات فوق السداري تسترد روحها…
فوزي : نجيب ليك شي حاجة تاكليها ؟ مشهية شي حاجة من برا ؟
فرح”دموعها دايزين كتبكي وتسحت” : لا الي بغيت مغاديش تلقاه ليا….
سيمو”على نيتو” : اشناهو غا گولي دابا نعلم العشران وحتى صطيكة وعتروس الضلام يمشي فالضلمة يجبدو ليك فينما كان…
فرح”هزات فيه عينيها وهي تعطيها لبكا..خسرات سيفتها تا تنوا سيمو حساب ليه غا عايرها” : اننمننننننن اهى اهى اهى…
سيمو”كمش عينيه وشاف ففوزي” : واش گلت انا اش گلت تاني يعطيني الطرش…
فوزي : ودابا ريحي من البكا مالك على حالتك ؟
فرح : اهى اهى…”صونا تيليفونها وهي تهزو شافت فيه ودمعها وخناينها خارجين…غا بانت ليها سميتو وهي تحل عينيها على جهدهم” زين الديييييييييييين اهى اهى…الو…
زين الدين”كمش حجبانو” : بيك شي حاجة ؟
فرح”دغيا بدلات صوتها ومسحات عينيها بزربة” : لا مابيا والو علاش ؟
زين الدين : صوتك ؟
فرح : احم اااه وغير كنت كنغني انا وسيمو..
سيمو”خرج عينيه…لاااا عيينيه خرجو لصقو فالحايط…خرجو تا حلاقمو وتفيكسا جمد اما فوزي عوج راسو كيشوف فيها وجهها تبدل وولات هازا شنافرها للسما”…
فرح : ناشطين بيناتنا…ولقيتيني غاديا بغيت نعس عيييت شوية..
سيمو : فيليندغا ربطي ديك سلوگية….”ضارت عندو خرجت فيه عينيها وهي تنوض ومشات لبيتها تهضر خلات فوزي كيهتهت غا وحدو”….
دخلات البيت وخا حاسة بالسخفة الا ان مكالمة زين الدين جاتها بحال البلسم…ماتوقعاتش غايهضر معاها حيث هضرتو ولات قليلة وكان باغي يبقى براحتو وحدو على خاطرو…جلسات فوق فراشها من بعد ما سدات باب بيتها…
زين الدين : مزيانة دابا ؟
فرح : شوية الحمد لله…
زين الدين : حبس عليك ترجاع دابا شوية ؟!
فرح : ماكيحبسش عليا…هاد اليومين تجاهد عليا بزاف…”هزات كتافها وحطتهم” ولفت عادي…
زين الدين”بصوته الخشن” : ماعليش شوية بشوية وغايبدا ينقص عليك…
فرح : وصيت صفاء تاخذ ليا دوا من فرماسيان ديال الكلينيك عاافاك واخا توصيهم يعطيوه ليها الى بغيتي…
زين الدين : تعطيهم غير سمية البغدادي وهما يعطيوه ليها عالمهم ديجا…شنو بغيتي مزال ؟
فرح : والو…”سكتت واحد شوية وهي تعاود حلات فمها بغات تهضر وهو ينطق سابقها”
زين الدين : يلاه سيري رتاحي…من بعد ونضهرو…
فرح : صافي ؟؟ احم اه واخا تصبح على خير…
زين الدين : شنو محتاجة شي حاجة فرح ؟
فرح”وشحال كترفرفها سميتها ففمو” : والو بغيت غير نسول فيك كيف بقيتي نتا…
زين الدين”عض شنايفو مدة وعاود رجع نطق” : مزياااان الحمد لله هاد ساعة…تهلاي ليا فراسك !!
فرح : واخا…
قطع معاها بقات شحال كتنغم بهضرتو وصوته الوحم ومايدير…تنهدات وهي تحط تيليفونها وبقات كتفكر فهضرتو وهي تدير ليها فراسها طننن…فاش قال ليها “تهلاي ليا فراسك” هاد الجملة من فم زين الدين السابق ؟ مابقاش كيقولها ليها ملي وقع الغيار بيناتهم…كل مرة كيقوليها كلمة وتفرح انه بدا يرجع ليها ؟ شوية كتحرك راسها ب لا…مابغاتش مسكينة تأمل باش ماتصدمش..مابغاتش تعلق مابغاتش ترجع تهدم الحيوط باش متلقاش حيوط كبر كيف قاليها…كتحاول مسكينة متبنيش امال على والو…السخفة شاداها والعطش وحتى جوع جاها مرداتش البال را هضرت زين الدين فتحات ليها الشهية…
~هي الداء وهي الدواء…هو الداء وهو الدواء~…
دخلات عليهم لبيت تلفازة وهما يهزو فيها راسهم كيرمشو تاواحد فيهم مانطق كيتسناوها تفسر ونيت ماقدروش يهضرو خصوصا فاش دخلات هازة حاجب. وحاطة لاخور وضاربة ليهم تخنزيرة..
فرح : فوزيييي…
فوزي : اااانعااام…
فرح : گلتي نجيب ليك شي حاجة من برا ؟
فوزي : لا ما گلتش…
فرح : وفوزييييييييييييي واهضر معايا مقاد ماتفقصنيييش…
فوزي : والله هاد البرهوش الي فكرشك وتولد تانسلخ ملت مو عصى على هاد شيب الي خرج فيا…فين بوه فين هو بووووه يجي يدي عليا الخرا من الخرا….
فرح”كترمش فيه” : ودابا مالك ! ماتجيب ليا والو صافي مابغيتش وليتي باغي تسلخ ليا ولدي…”ضارت بغات تمشي”
فوزي”طرش حناكو وعاود وهو ينوض” : تسناي تسنااااااااي را غالوح راسي من سطح…”وقفات وهو يقرب لعندها كتحس بيه مسبق العافية قبل ميوصلها…حبست ضحكة”
فرح : هاني …
فوزي : اش بغيتي نجيب ليك ؟
فرح”تنهدت وبدات تشرح ليه وتعبر بايديها” : عرفتي شحال هادي كنت مشيت انا وزين الدين لواحد الحفلة…”قلبها تزير فاش ذكرات الحفلة بلا متحس تفكرات الليلة المشؤومة” مهم حطو لينا شي ماكلة وحطو معاها واحد الكيسان فيهم خبز مقلي مع رمان مع العدس مسقي بالحامض ودبس رمان…
فوزي : هاااا ؟!
فرح : وايه مذاقها مابغاش يتنسى ليا تفكرتها صباااح معرفتش واش حلمت بيها ولا تفكرتها وانا ماحاساش مهم زويييييينة فيها حامض بزاااف”ريوگها بداو يدوزو” مط مط…
سيمو : على رقبتي الى غاتولد ليكم بركاسة ماشي بنادم…والله الى هاد لبرهوش لا فشكل عجيييييييييب داكشي الي فكرشك..
فرح”خنزرات فيه وجهدات صوتها” : سييييمو ياكما بغيتي نوريك البراهش اش كيسواو راني مزال مناسياش اش درتي فالفيلا…وخليني كنجمع ليك ونتقل ليك فالكيلويات…
سيمو”تنشر على الحايط مجبد وهاز ايديه كينش” : ولااا لا تحنقت تخنقت صافي سمحي ليا…
فوزي : دابا من لاخر اسميت هادشي فين كاين نمشي نتقداه ليك..
فرح : فواحد ريسطو كاين فالمدينة ديال الاكل الشامي عرفتيه !
فوزي : ناري على بنت الهم هي وبرهوشها فين باغين يصيفطوني…ايه عرفتو كملي ؟
فرح : غاتلقاه عندهم را عيطت ليهم گالو ليا كاااين…گوليهم يعطيوك بلا ديال اكلة حرااق اصبعو”
سيمو”دور راسو كيشوف فيها مكمش عينيه وحجبانو…هز صبعو كيشوف فيه عزي مشوط نييييت ” : الي معنى عليا يمعني على مو ” سمع حراق اصبعو وشاف صبعو مشوط حساب ليه شي صباع محروقين ههههه”
فوزي : دخلت عليك بوجه الله…دخلنا عليك بوجه الله والنبي رسول الله….
فرح : مالك ؟
فوزي : دابا هذا نگووووولو وحم ياك ؟
فرح : ماعرفتش”على نيتها عينيها دغيا رجعو غرغرو”…
فوزي : ودابا هذا گلتي اكلة ديال شام وباب الحارة وداكشي…ماعلينا سؤالي ليك…
فرح : اش بغيتي تگول…فوت عليك غا ولدي…
فوزي”خرج عينيه مغدد” : وراه هاد ولدك فين غناو العيطة هااااااااد ولدك الي خربق لملة مي سلوووووكة…واش هاد ولدك بنادم مغريبي دكالي كازاوي بحال باه ومو ولا حاملة ليا. ب ابو شهاب عگيد الحارة !!
فرح”خسرت فيه سيفتها طلعات وهبطاتو وهي تم غاديا” : هذاك سيدك ولد لالاك وسيدك…سير جيب ليا اش گلت ليك ولا بناقص مابغيت والو…كتسولني وتندمني يخ…
فوزي”حل فمو مصدوم…رجع ضار عند سيمو وشير بصبعو جيهة صدرو كيقوليه انااا”…
سيمو”حرك ليه راسو مثاااااااااقل ونطق بحال شي واحد خااااتر داي فزمان وجايب” : ايييييييييييييه…ولات البلغة تعسف عالصباط…وكتاف رجال يهبطو…وولات لالة فرح تگوليك كوزينتك….
يوووميييييين بالحساب دازت عندهم فيها واحد الكمية ديال الراحة رهييييييبة……تسنى الحسين تا خرج كيلبس فجاكيط ديالو…خرجو سد الدار وحط السطل لهيه فين كيحطوه حتى يجي الكاميو ديال الازبال…مد ايديه حل سيارة بالكونطاكت وركب فجيهة المقود شاف فيه عصام…
زين الدين : انا نسوگ هاد المرة جلس لور وتكى ليا مع راسك وعيش…
حرك راسو…ركب اللور والحسين القدام…ديمارا سيارة ورجع باللور تا خرج من درب وهو يكسيري خارج من تارودانت البلد الحبيب عندو….
يوميييييين دوزاااتها عليهم بالترجاع وقلة الخاطر الي عندها والهرمونات المخربقين مرة تبغيهم مرة تكررهم وتكرههم فيها…فوزي بقى ليه غير راسو شبعو نتيف كاع داك شعر القوي نتفو معاها ويرحع تاني كي الكلب يطلبها وكانه مادارت ليه والو هههن….اليوم كيف حسات براسها تنفسات شوية من ترجاع مشات ل رايب الي مخلط بديسير وكلات منو تگعد بيه قلبها حيث هو الوحيد الي كتحس بيه كيبرد ليها المعدة…بقات تاكل وتشوف تا هزات تيليفونها ودوزات الخط ل صفاء…
فرح : فينك ؟
صفاء : فالدار اش بغيتي افرح والله مادرت شي حاجة را فوزي..
فرح : وهنييييني دابا بغيت نمشي الحمام حسيت براسي مسخة شوية…
صفاء : عيشك عومي غا فالدار راك غاتسخفي افرح عافاك…
فرح : لا لا غادي نجلس فالبيت اللولاني…عافاك والله حتى توسخت وهنا مكاينش الي يحك ليا ضهري…نگول لخوتي يحكوه ليا من نيتك ؟؟وحتى راجلي مكاينش وماشي تال تما انا وياه….
صفاء : يا راني ماگلت والو…وزايدون كتخليه حتى يطل عليك فاش كنتو مع بعضياتكم…البوسة كتسخفك بقى غا يحك ليك ضهرك…دابا امتى بغيتي تمشي ؟….
فرح : من ورا الغذا….
صفاء : يلاه سيري انا نجمع حوايجي وماعني نتغداو وندوز عليك…شوية وتجيب ليكم مي نجية الغذا…ونتي را دايرة ليك شلاضة بصلة ومطيشة الي بغيتي والخيار…بغيتي شي حاجة خرا من غيرها ؟
فرح : بغيت كوكا كانيط فيها كاز….
صفاء : والنوااااوي نواااااوي….فوتي عليك كوكا…
فرح : ماتشاورتش معاك…هاهي عندي فثلاجة انا غاجاوبتك على سؤالك…سيري انا نتسناك دوزي عليا…
قطعات معاها خلاتها تبرق فعينيها…مابقاوش كيحدوهم ليها تاني رجعات هي تحدها ليهم والي هضر يرعف…ناضت جمعات حوايجها تاهي ودارت ماعنها شامبو والباندوش صابون بلدي محكة الاقدام وشيتة ديال ضفار تاهي كلشي دارتو فلاتخوس حتى من كوماج الجسم والوجه دارتو…وجدات سطولتها وصاكها حطاتهم دخل فوزي هاز بلاطو الغدا من عند نجية حطو فوق طابلة عرات عليه سادة منخرها حيث كان طاجين هزات غير طبسيل ديال شلاضة ديالها حطاتتو فوق ساندريا جابت مونادة دوزات بيها غسلات فمها حكات سنانها ورجعات تكات كتگرع كريشتها بدات كتكبر شوي بشوي…شوية جات صفاء دقات عليها وهو ينوض فوزي هز ليها صاك وسطولة وخرج معاهم تا لعند الحمام حط داكشي ورجع…
فوزي : معاش نجي ليك ؟ متعطليش را جاي باك…
فرح : ساعتين الى كترت…
فوزي : ناري الموت هادي…نقصي وبراكة من الحتيت نتي وهادي فالحمام…
مجاوبوهش خرجات صفاء هزات سطولة وصاك من بعد ما دخلات لاخرين ودخلو من بعد ما خلصو الحمام….ساعتييييين بالحساب خرجات فرح شادة فدراع صفاء وتنهج سخفااااانة…لقاو فوزي وسيمو واقفين كيتسناو…شد سطولة هو وسبمو تكلفو وتكات فرح على كتف صفاء شادة فوق كريشتها حتى وصلو للدار مع هزت راسها بانت ليها سيارة زين الدين…
فرح : زين الدين جااا ؟؟!!
فوزي : لا كاين غير عصام جا بطوموبيلتو…
صفاء : ساعة سعيدة فاش تلافينا…”شدات سطولتها وصاكها ودارت ليهم هنا كانو دخلت تفرفر لدارهم خلات فرح قلبها كيزدح..ماكرهاتش تدخل لسيارة تشم فيها ريحتو وريحة ديال العطر الي فيها ديما ريحة الفانيليا مخلطة بريحة السيجارة ديالو…حدرت راسها وهي تابط دراع سيمو شادة فوق كرشها ودخلات لدار وماحدها كاتدخل وهي كتشم فديك ريحة ماحساتش براسها تا زربات وقفات عند راس البيت كتقلب عليه مكاينش…بان ليها غا تيليفون عصام…ضارت بغات تمشي لبيتها وهي تخرج فعصام…
فرح : عصام…على سلامتك…
عصام”باس ليها راسها” : الله يسلمك..بالصحة وراحة…كي بقيتي شوية اليوم ؟..
فرح”حركات راسها” : ممم مزيان..واش ماجاش”صرطات ريقها”
عصام : شكون ؟!!
فرح : زي..”حبست السمية” احم صافي…انا مشيت نتكى فبيتي عييت…”حرك ليها راسو مثقل…مشات بشويا لبيتها…غير حلات الباب دخلات حتى وقفات وهي تشهق راجعة باللور ماعرفاتو منين تسلط لقاتو واقف حدا شرجم مربع ايديه وكيشوف فيها عاقد حجبانو وضاربها بتخنزيرة….” زين الدين ؟
زين الدين : مالك شنو يحساب ليك. ؟؟
فرح : مافراسيش كاين فبيتي !!!..گالو ليا ماكاينش…
زين الدين”زاد قرب لعندها بشويا بشويا تا وقف عند وجهها ريحتو بغات تجيب ليها جلطة..تحنى عندها مقرب مقرب تا قرب لعند فمها مزياااان كتشم ريحة انفاسو ومع الوحم حسات بالبولة بغات تنزل وهو مقرب تا غمضت عينيها وصرطت ريقها…كتحس بشفايفو عند فمها كتسناه يحطهم بغات تجهل تا بدات ترعد بغات تجرو تبوسو هي… شوي حسات بيه داز لوذنيها ” : نهار نشد ملتك فواحد القنت…نگرد لمك جنابك ومانحن فيك…على ديك كلمة الزمر…”رجع لفمها لقاه محلول شوية جمعو ليها بفمو وعضو بسنانو تا غوتت ليه وسط فمو. طلق منها وهز راسو عينيه مخنزرين وخرج خلاها كترمش مافهمت فيه والو”…
حطات صباعها على شنيفاتها كتقيص فحر العضة الي عضها. ودورات راسها جيهة الباب قلبها باقي كصرع فالدقات….
زين الدين”خرج لقى عصام وفوزي فالبيت” : كاين شي اتاي ولا ضيافتكم لاروب ؟!
عصام : كاين السم….
زين الدين : اجمعين اجمعييين…
عصام : دغيا بيه فيه ؟ هضرتو فدقيقة ؟
زين الدين”غمزو بحنكو” : مزال ممساليش لهضرة..نرتاتح ترتاح ويكون خير…
فوزي : مالها ماخرجت…
ماجاوبوش حيد سبرديلتو ودخل جلس….اما هي بقات شحال عاد توگضت وهي تجلس فوق فراشها هزات تيليفونها بزربة دوزات لخط ل صفاء…
فرح : صفاء زين الدين جا…
صفاء : جيه الخير ورباح قوليه تنسالي ونعيط ليك راني كنت فالحمام ودابا كنوجد فكيكة لگوتي…
فرح : صفاااااااء حضري معايا عقلك اويلي….
صفاء.: ورا عقلي حاضر نتي الي طار هاهو جا اش بغيتي…هضرتو ؟!
فرح : مع سلام مع باسني ففمي…
صفاء”عسلات عينيها” : احااااااح داكشي مايحتاجش مشاورات كيعجبني الانسان الي كيدخل فالموضوع نيشان بدون مقدمات..جعل زوجي قورة عيني تاهو يكون هكاك…حيث لا تسناني ميعادنا ل تفنى دنيا….
فرح : واش مستوعبة اش كتگولي ؟؟..واش عرفتي اش گلت ليك ؟ واااااااا صفاء”غددتها” وا فهمي الزمرة فهميييييي.. وباسني هو راسو باسني وهددني حيث گلت ليه زمر واحد المرة
صفاء”خرجات عينيها” : تي كيفاش زمر ؟ واش هذاك يگولو عليه زمر ؟ وملي هو زمر التمر عندك كيداير المطوبزة يا قرعة الخل مگلوبة…يا البيصارة الباردة يا الدبة يا مو فلاقي كبار بلا موجب شرع…
فرح : صفاااء واش انا صاحبتك ولا مرت خوك ؟ وحضري عقلك ولا نسد عليك ونبلوكيك وقلبي منين تهضري معايا…
صفاء : لا صافي..ونتي علاش گلتي ليه زمر ؟ كي طرا ؟
فرح”حطات ايدها على جبهتها بتوثر مفكرة الليلة الي شنقات عليه وقالت ليه بكل جرأة وتحد انها كتموت عليه عبرات ليه على عشقها بطريقة جديدة عليها وصعيب انها ديرها لكن الوحم الحب الاشتياق دفعوها دير هكاك” : گلتها ليه وانا معصبة حيث مكانش كيضوف فيها…فففف ديك الوقت الي تعصبت فاش كنت فالفيلا….
صفاء : وا شدي مغاينساهاش ليك…”وقفت مخرجة عينيها وصقلت عاد طلعت معاها را باسها” كيفاش ؟ كيفاش باسك..
فرح : بحرا حط الكار عندي ؟ علاش عقلك دايب ؟ ملي انا دبة بيصارة ونتي !؟
صفاء : گديدة ملوية عالعواد عهههه…سناي واش بصح كتهضري افرح ؟ عرفتي اش كيعني هادشي ؟
فرح : عرفت بالي رطاب ونسى وسمح ليا وعطا لينا فرصة ؟”بعد تصديق عوجات راسها وكمشات عينيها” صفاء مابغيتش نتأمل…ياكما حيث كنتوحم داير ليا خاطري…
صفاء : وااااا شغانقولك…الى بحال هاد تصرف را جاي من واحد مسامح وبدا يرطاب حيث كون شاد فالموقف ديالو وباقي مقلق من جيهتك غادي يغبر ولا يبقى كيف كان معاك فالفيلا…ولكن باش يسامح كنضن سامح غير هو الواحد را كيخصو وقت باش يسامح مزيان ماشي سلام عليكم انا مسامحك صافي نرجعو..خاص واحد الوقت…
فرح : فففف ماعرفتش غانخليها هكاك فوزي كيعيط ليا…اش بغاوني…”كتقيص ففمها..كيغاندير نخرج عندهم ؟!
صفاء : خرجي كي ناس…ياكما مكتوبة ليك فوجهك را زين الدين باسك ففمك ؟ غاتهناي الى ما فرشتي راسك نتي مكاين الي يسيق ليك خبار…جمعي راسك وخرجي تاكلي شي حاجة الى بقات ليك فكرشك…
قطعات معاها وحطات تيليفون عاود عيط هاد المرة عصام حسات بقلبها بغى يخرج توثرات بجهد…ماقدرتش تخرج تا ناضت وهي ترجع تجلس كتنفس بجهد…شوي وهو يتحل الباب صرطات ريقها حتى بان ليها عصام داخل مغوبش…
عصام. : مال والديك ماباغا تكلمي ؟!!
فرح : مم مسمعتكش كنت كنهضر مع صفاء…
عصام : جاوبي عاد كملي هضرتك طيرتيها منا خلعة…تحركي خرجي تاكلي…
فرح”كمشات عينيها مروعة” : خفت ناكل ونرجع تاني كلشي..
عصام : وماتاكلي والو على هاد الحساب ؟ كولي الي تشهيتيها والى ضراتك سيري رجعي معندك ماديري…يلاه نوضي…
عضات شنايفها وهي تنوض تسناها تا جات وعنقها من كتافها بجنب وخرجو وهو يوقف شاف جيهة بيت باه كيفكر انه يخرج كاع قشو يرسلو ليه ويصلح داك البيت…وصلو لعند البيت وقلبها علاو دقاتو صرطات ريقها وهي تهز عينيها بان ليها جالس مشتح المخدة فوق فخادو مسند عليها وشاد تيليفونو خاشي فيه وجهو كيبقشش فيه..غير سمع حسهم هز عينيه شاف فيها ورجع هبطهم فتيليفون كانه مادخلاتش..صرطات ريقها وبالدعقة جلسات فطرف السداري عند العتبة…
فوزي : هابطة فالطريق ؟
فرح : ااا ؟
عصام : ودخلي حدا طابلة…”الطابلة كان فيها كسكروط الاكيد من الجارة الحبيية ام فرح بالرضاعة نجية…مسيمنات معمرين غير بفلفلة حلوة وشوية شحمة و كيكة ديال شكلاط وكومير والباگيط وكرواصة خذاها عصام من المخبزة هي وبيتزات صغار…بانت ليها كرطونة صغيرة ديال مخبزة من عندهم فجديدة والمخبزة معروفة كاتصاوب غير الفريع ديال باتيسري ومملحات نيفها جاب ليها ريحة بسطيلة دجاج نيشان حطات عليها ايدها بجهد تا هزو عينيهم وهي تجرها عندها كتفرنس..
فرح. : هادي خذاها ليا زين الدين اححح”تنهدات بواحد طريقة خلات فوزي يحبس ضحكة وزين الدين حاضيها بنص عين..هزات راسها فيهم وهي تلقى عصام كيشوف مدهشر وفوزي ضار لهيه كينش باش ميضحكش اما زين ماضارتش جيهتو…طلعات معاها واااااحد مولاتي تزنيگة لا حول…صرطات ريقها..بالدعقة نطقات” ااه ههه خويا زين الدين…تانا زين الدين..شكرا…
زين الدين”حرك راسو مثااااااااااااقل..جاوبها بطنز خويتر” : مرحبا ختي…
دخلات جلسات حدا عصام تا لقات راسها بين عصام وزين وريحة زين الدين غطات ليها على ريحة البسطيلة وياربي راها ماكرهات تكون قريبة ليه اكثر…اما هو عاااق بيها وعرفها فاش كتفكر غير من حركات وجهها التعبيرية ووجنتيها الي ولاو حمريييين وفمها الي كانو شفايفو كيترعدو وعلاش ميعرفش وهو فاهم وحافض تفاصيلها…حط تيليفون جنبو وتگعد شد من عندها الكرطونة تا قفزت..ريحتو كطلع معاها وكتزيد تبغي تجهل…
زين الدين”حل سينتة وحل الكرطونة جر طبسيل حط ليها بسطيلة صغيرة من البساطل الي تم وكحز ليها طبسيل” : كولي
فرح : اا ؟ احم واخا..
بدات تاكل شوي بشوي متوثرة ماحيلتها لوجود زين الدين ماحيلتها لريحتو واشتياقها ليه ماحيلتها ل شنو وقع شوية هذا فالغرفة ديالها والقبلة الي ماقدراتش تفسرها واخا قلبها مطمنها ومهنيها وماكد ليها انه تقريبا غادي ترجع المياه لمجاريها لكن ديما الخوف من انه يصدمها وارد عندها…خوا ليه عصام من براد ديالو مسوس وخوا ليه هو وفوزي كيسانهم…سماو الله وبداو ياكلو هزات عينيها لمقلة ديال بيض الي كياكل فيها زين الدين وهي تسول فوزي…
فرح. : نتا الي صايبتي هاد المقلة ؟؛
فوزي : لا داك السيد الي حداك هو الي دخل..كتعرفيه ؟
فرح”كون لقات تعضو وسط الراس متفرطش” : صااافي غا سولت…
زين الدين : شنو ياكما ريحة مجهدة عليك ؟؟
فرح : لا لا ماشميتهاش هي…
فوزي : واش شميتي ؟!
فرح”خرجات فيه عينيها” : ماشميت والو فوزي كول وسكت..”خسرات سيقتها وضارت عند عصام” عصااام هضر معاه يبعد مني…
فوزي : يااااااك دابا نبعد منك ملي كنت غير انا كنت انا هو الكل فالكل دابا جا راجلك وخوك الكبير لحتي مي لتوش ؟ وبلاااتي بلاتي تبغي حاجتك وماتلقايني…”خرج فيها عينيه وبدا يتحلف عليها بالحس”
رجعات كتاكل وعينيها على الماكلة لحد الساعة مروعتهاش…كملو ماكلتهم وهو ينوض زين الدين هاز باكية الكارو والبريكة وتيليفون ونطق…
زين الدين : نكمي ونجي…
حركو ليه ريويهم وهو يحنحن وخرج اما هي بقات تا كملت ديك البسطيلة گعدات بيها قلبها شوية وهي تنوض تمات خارجة…
فرح : انا فالبيت نمشط شعري ونشفو هادي فزگات وكنحس بالبرد فراسي…
خرجات من البيت فين كانو ياكلو ناض عصام تاهو طلع لللسطح باش يكمي ويهضر فالتيليفون مع الزوجة المستقبلية…دخلات هي البيت وسدات عليها قلبها كيضررررببب…حيدات الزيف على راسها وطلقات شعرها فاازگ تقابلت مع المري وبدات تمشط فيه جبدات فوطتها نشفاتو مزيااان وذهنات ليه واحد سيروم elvive lo’réal paris ريحتو دعقتها دغيا ذهناتو مشمئزة من ريحة بالرغم ان ريحتو زوينة لكن حسات بيها شققات ليها راس…جبدات سيشوار عندها وبدات تنشف بالخف جمعاتو وضفراتو…حتى شوي بدات تسمع اسمها بصوته الخشن الي كيخلي قلبها يتهز يلاه بغات تمشي تحل تا بان ليها البواني كيدور وهو يحل الباب وطل عليها عاقد حجبانو…
زين الدين : شنو كديري ؟؟؟
فرح : نشفت شعري وجمعتو..احم مالك ؟
زين الدين”دخل وسد الباب وراه وهي تصرط ريقها” : بغيتي تبقاي هنا !؟
فرح : ف فين ؟
زين الدين : فداركم ؟
فرح”بدات ترمش” : بغيتيني نمشي لهيه ؟!
زين الدين : شنو بان ليك ؟ ديري فبالك هاد اليومين مكاينش فالدار عندك من يجي معاك يلاه معندكش بقاي هنا حتى نسالي les opération الي عندي…
فرح”بغى يخربق ليها سلوكة هضرتو كتقول باغيك وهضرة اخرى كتقول ماباغيكش..وخاطرها كيقول ليها الى فهمتو بغيت ليا الباسر هههن” : مكاينش الي يبقى معايا تما حيث كل وعندو مشاغيلو ازين الدين مغادينش يبقاو صابرين معايا ومخلين شغلهم…وانا الدار مزال داري لدابا ملي مابغيتينيش نبقى فيها راني جيت فحالي…”عينيها غرغرو”
زين الدين”خرج عينيه” : هي جريت عليك ؟
فرح : لا ماجريتيش عليا ولكن نتا فبيت وانا فبيت وعلاقتنا مابقاتش مفهومة ليا دابا..ماعرفت اش ندير…
زين الدين : باغيا ترجعي لدارك ابنت الناس !؟..
فرح”بقات كتشوف فيه وعينيها كيتحجرو بدموع بغات تقوليه اه بغيت وبغيت نعس فحضنك ونتوسد صدرك ونشم ريحتك وترجع زين الدين ديال الفرحة ديالو لكن مسكينة ماعارفة اش هادشي واش حاجز ولا يخ منها وعيني فيها وتاهو ولد الهم كيطيب فيها على نار مهيييييييلة…هزات كتفها وعوجات فمها مدلية شنيفاتها الي بانو ليه كي الشهد..” : ماعرفتش ماعرفتش ازين الدين..مكاينش الي يبقى معايا…وزايدون عصام غايدير العقد نهار السبت خاصني نعاونو فالمقدية حيث بغى يدي دفوع وزغاريت..
زين الدين : الدار لهيه كاينة مي خديجة والسيدة الي معاها…بالليل مكاين حد وبوسيبل يجي مراد غذا…مابغيتش يبقى بالي معاك حيث بايت فالكلينيك انا عندي منقضي..ومنصيبش نبقى نجي هنا وهنا…
فرح : غير خليني هنا…
زين الدين : داير ليك الخاطر على جال الوحم…ومزال عندنا مايتگال…الوغ فهمي راسك ابنت الناس كلامي وذوقي المعنى…
فرح”فهمات انه بغى يفسر ليها اش كاين نيشان ويوضح علاقتهم …حركات راسها” : واخا…
زين الدين : خليك هنا هاد اليومين بعد غذا فالصباح ندوز نجيبك ونهضرو تما تفاهمنا ؟
خرج من البيت وخلاها كتشمشم موراه سلم على عصام وفوزي وخرج من دار ركب فسيارتو ورجع باللور حتى صونا ليه تيليفونو تطلق الخط ونطق وليد…
وليد. : الامانة راها وصلات ازين الدين فالفيلا…
زسن الدين : يتوب علييك…..
خذا الطريق مباشرة ل كلينيك من بعد نصف ساعة حتى كان دتخل ليه وقف السيارة فالباركينغ حيد سانتيغ هز تيليفونو وخرج دخل للمصعد ركب رقم الطابق وطلع نيشان اول حاجة شير لياسر باش يتبعو فالبلاصة ناض هاز الايباد والمذكرة وتبعو..
زين الدين”ضار وجلس فالكرسي ورا المكتب بدا يشعل فالماك ويهصر” : شحال ديال الناس كيتسناو ف la salle d’attente
ياسر : كاين ثلاثة اليوم عندهم كونطرول…ستة مشاو صباح حيث مكنتيش وعلمتهم بالي مسافر اجلت ليهم حتى لغذا وهادو يلاه جاو كنتي ديك ساعة عالمني بالي جاي فالطريق…
زين الدين : شنو عندي غذا ؟!…
ياسر : عندك اجتماع الكبير الي فيه نتا وبروفيسور زياني و الشريك الجديد ورؤساء الموارد البشرية…عندك جوج عمليات وحدة مع الخمسة العشية وثانية مع الوحدة ديال الليل…والليلة عندك المراقبة ديال الكلينيك…
زين الدين : بون..بدا دخل صحاب الكونطرول….
حرك ليه راسو وضار خرج اما هو بقشش شوية فالماك وحل اول ملف حالة اليوم…قراه شوية وناض مشى لشومبر بدل ولبس لباس ديالو ودخل نيشان لاصال غسل وعقم ايديه عاد دار ليگانت وكامت اول حالة عندو واحد السيدة ميسورة الحال لكن عندها تشوه فحنكها نتيجة حادثة حريق تعرضات ليها ودار ليها العملية واليوم رجعات باش يكمل ليها سوان ويشوف فين وصلات النتيجة…
بقى حتى كمل الحالات الي عندو وخا عيان بالطريق صبر حيث تهاون بزااااف فخدمتو وهملها…مع خروج اخر حالة تلاح فوق الكرسي متكي راسو لووور كيمسد فجبهتو بتعب…شوي هز راسو وناض لماشين دار ليه كاس قهوة مقطرة وگض بيها راسو مشى جلس فاافوطوي كيشرب فقهوته مد ايدو حل البالكون وشرجم وجبد سيجارة شعلها وبدا يكمي… كمل الكماية وطفى الكارو وناض رجع لمكتب كمل خدمتو وهو ينوض خرج من المكتب ونزل لتحت عند رئيس الموارد البشرية خرج هو وياه ودارو دورة فالكلينيك كامل ما سالا حتى لاش من وقت فالليل حس بالعياااا شديد وطلع لشومبر ديالو فين تلاح نعس…
اصبح يوم جديد حل عينيه على صوت الهاتف حل عين وحدة شاف الساعة كانت السابعة ونصف صباحا معاش محقق تيليفون نيت ملي صلى الفجر…فالبلاصة ناض دخل لدوش دوش وخرج نشف راسو مزيان خلا الفوطة مرمية على عنقو ولاخرى مدورها عليه من تحت جبد قميجة گري وسروال كحل فصالة توب…لبس بوكسر ورش عليه دودرنت عاد لبس بيل سماطي وقميجة فوق منو وسروال عقدو وقاد ليه سمطة بانت ليه ريحتو شحال ما رشها تفكر انه بلهلا يطريه ليه مابقاش كيدير ريحة فشردها وشرد الوحم حرك راسو يمين شمال فرح ومدارت فيه…رش منها شوي فايدو دوز بيها على لحيتو وعنقو حيث خاصو يحض لاجتماع ويكون فكامل اناقتو…جلس فوق الفوطوي تالبس تقاشرو وصباطو داير الحوايج حتى فشومبر عندو حيث كيكون بايت تما وكيخص باش يبدل وحتى يدوش نضافة عندو مهمة بزاف…قاد راسو مزيان دار ساعتو وضار هز تيليفون فجيبو والحوايج المسخين دارهم فالصاك حتى يرجعهم لدار يتصبنو…خرج من شومبر وجلس فالمكتب دوز الخط لقى اسلام
زين الدين : علمهم يدخلو ليا الفطور”قطع معاه شرب دواه قبل الفطور وشعل الماك كيحاول يجاوب على جميع الايمايلات ويقراهم…حتى دخلو ليه فطورو وهو ينوض طوا كمايم قميجة سمى الله واو حاجة بدا بيها هي قهوة كحلة تنغم بيها وبدا يفطر حتى دق الباب وحنحن عاطي الاذن….
زين الدين. : سييي دخل…
تحل الباب وهو يطل عليه براسو لقاه عاطي بالضهر جالس فالفوطوي كياكل…سد الباب بشوية ودخل فحال داك الدري الي دارها قد راسو عين تبرق هنا وعين تبرق فزين الدين حنحن بشوية تا هز زين الدين راسو وضار نصف دورة عاقد حجبانو كيشوف بنص عين…
علي : صباح الخير استاذ البغدادي…
زين الدين”ضار بالعرض البطيء هاز فيه حاجبو..شوي حرك ليه راسو وضار كياكل”
علي”قرب لعندو وضار جلس مقابل ليه..زين الدين ماهضر ماتكلم ما ضار فيه ما خنزر فيه ماعطاه خيط من مخيط هادي قتلاااااااااتو…حيث عمرو وصل معاه لهاكا وعمرو شافو مقلق منو جاتو فشكل علي ماقدرش يتقبلها وكون غير بين ليه ولا خاصم ولا ضار فيه كان اهون من هاد النضرة وهاد طريقة…” : مابغيتش تجاوب خوك الكبير ؟
زين الدين”الصمت”
علي : وا زين الدين جاوبني…وخويا وواااا تلميذي وااا صاحبي وعشيري واااا شريييييييكي….”شوي اتا تنشر ليه فوق الفوطوي وبدا يتركل وتيمرمغ ليه..”. وااااااااااااا لا لا راني تخنقت…
زين الدين”جمع حجبانو وهز واحد من جنب وحط الكاس كيشوف فيه كيتركل تما” : بعقلك لا ؟
علي”وقف فلحضة دار بوز وناض مخرج عينيه” : جاوبني ! الله الى جاوبني…ماعنديش العقل اخويا ماعنديش…”كحز لعندو وشاف فيه” تدي على راجل كبر وطار ليه العقل ؟
زين الدين”بنفس الملامح” : جيني من لاخر الحاج عندنا مايدار
علي : طالبين راغبين فالمسامحة على قبل هاد شيب الي فراسي..
زين الدين”شرب اخر جغمة وناض كيقاد فكمايم قميجة..شاف قدامو وغمز بحنكو” : سبقني لاصال ديال réunions من هنا ل نص ساعة…”وضار مشى لشومبر ديالو يغسل سنانو من الفطور ويجيب لوازم ديالو الي غايحتاج فالاجتماع مازادش معاه اكثر على عندو اعز شخص لكن فاش كيهرس ليك اعز شخص خاطرك كيكون صعيب تنسى دغيا لان الاهانة جات من اقرب شخص عارف حالتك ويعايرك بيها…”
خرج من المكتب والجناح مخليه على خاطرو مابغاش يزيد يقجر عليه كثر من هاكا…هبط نيشان ل قاعة الاجتماعات كيف دخل لقى واحد السيد فعمر زين الدين جالس حداه ريان كيضحكو ومعاهم رئيس الموارد البشرية…حتى وقف عليهم وقال بونجوغ…
ريان”ضار شاف فيه وهو يكحز الكرسي وناض لعندو باس ليه راسو” : الحاج علي صباح الخير…
علي : صباح النور”شاف جيهة يوسف” سي يوسف هذا ؟
يوسف”تبسم وناض مد ليه ايدو مسلم عليه” : هو هذا الحاج..يوسف نويري ولد خالة ريان وشريك جديد الى قبلتي عليا…
علي : تشرفت بيك اولدي…هههه الله اودي شرف ليا مالك باش حسن مني ههه تفضل مرحبا…
حرك ليه راسو ورجعو جلسو من بعد ما سلم على البشير تاهو…شوية تحل الباب وسمعو تحنيحنتو قال السلام عليكم سلم على ريان ويوسف وجر الكرسي الي كان حدا علي نيت..
زين الدين : با يوسف مرحبا بيك من جديد…
يوسف. : بارك الله فيك اسي البغدادي…
زين الدين”تكى عالكرسي دوار هاز ستيلو فايدو..شير لعلي” : بوسيبل تعرف براسك لحاج !؟
ريان : وي حيث الحاج شريك زين الدين بنسبة كبيرة…
زين الدين : ولابد تعطي شنو عندك ودير فبالك l confirmation (التاكيد) من عند الحاج باش تكون على بال..
علي”غمض عينيه حادر راسو..ندم ندم علاش تسرع كان عليه يتاكد عاد يعاير…حل عينيه وحنحن منضف حلقو باش يقدر يهضر” : م ماعليش عارف مادام اختاريتيه الا وكلشي مزيان وسي يوسف نويري شهادتي فيه مجروحة كنعرفوه وسيرتو فالمجال الطبي لا يعلى عليها تبارك الله…
يوسف”تبسم حادر راسو” : الله يكبر بيك الحاج ولكن ضروري تسمع مني وديك الساعة ليك القرار…المهم انا يوسف نويري كنضن بلا منقوليك شكون انا…كنت غاندير عيادة كبيرة شوي مجهزة ولكن ملي دوا ليا ريان على عرض زين الدين ودينا وجبنا فالهضرة انا كان افضل ليا ندخل بنسبة فهاد المشروع منها نزيد خبرتي ونطور ونستثمر فلوسي علاش لا نقدر ندير حتى عيادة من هنا لقدام…المبلغ الي حطيتو جلست كثر من 15 جوغ وانا كنفكر والحمد لله عندي المبلغ ناقص غير نسنيو…
علي”حرك ليه راسو” : مجيبة ريان وثقة زين الدين مغادي تخلي ليا منقول سوى “مد ليه ايدو” مرحبا بيك معانا…
رد ليه السلام وهو يعطيهم ريان العقود دوز لعلي دار امضاء ديالو وداز ليوسف والاخير كان زين الدين سنى على عريمة الوراق فيهم البنود الي ديجا كانو موجدينهم علي وزين الدين وعطاه ليه يقراهم فهاد الاسبوعين…كملو وعطا البشير اوامر باش يوجدو ليه بلاصة فجناح امراض القلب وشرايين ومكتب وصال فحال زين الدين وعلي كل وختصاصو…كملو الاجتماع من بعد ما دخلو ليه شريكين خرجو منهم ثلاث شركاء…علي مشى لجناح ديالو وبقى زين الدين كان غادي وهو يعيط ليه ريان طلعو فالمصعد ودخل لبيرو جلس…
ريان”حنحن” : البارح شدو عم المدام ديالك …
زين الدين”خنزر فيه” : والكلب ديال باها ؟
ريان : ماعرفوهش فين مشى قالبين عليه دنيا محطوط دابا فروشيرش…
زين الدين : كيفاش !!؟؟
ريان”حرك ليه راسو” : فاش كنتي مسافر وقع هادشي..كاع البلايص الي ممكن يكون فيهم مكاينش…ماغايبان حتى تنازل على دعوة…
زين الدين : دعوة مانتنازلش عليها هادي باينة…
ريان : حاليا الى مابانش غادي يتحاكم محمد الخيالي الى ماضبرش فالفلوس…وداك الي كان معاهم بتهمة تهجم عليك فدارك نتا ومرتك…
زين الدين : بقى تابعهم حتى يبيعو الورث كلو يحطوه ويرجعو ليا الفلوس…”خرج فيه عينيه” رياااان نعول عليك ولا نهضر مع الحاج صهيب ؟
ربان : لا لا كون هاني خلي كلشي عليا انا غير علمتك بالي المخنتر الخيالي هارب…المشكيل هو خوه مغزف عليه حيث خلا ليه كلشي…
زين الدين : لهلا يرد القواد الي حطهم عليا…ماتحنش ليا فالويل الكحل….ماتسالي هادشي حتى تبيعهم الي وراهم والي قدامهم والي عندهم والي معندهم….ماعنديش رحمة على الي يتعدى ليا على داري ومرتي وولادي..
رجع لخدمتو النهار كلو وهو غاطس حاول ما امكن يخدم هاد اليومين باش يقاد الامور فالكلينيك بالنسبة لفرح حدو كيسولها كيف بقات واش دارت وهي كتجاوبو تعطيه فالتقرير هاد اليومين كاملة تشغلات بتوجاد لعقد قران عصام…كتخرج هي وصفاء يتقداو اش غايخصها باش تقيس عليها دوزاتها جيهة ثواب وجيهة بيجامات بدون ماتمشي معاها جيهة الملابس داخلية خلاتها فرح مفاجئة ليها وحيث عارفاها غا سنطيحة لا هي لا فرح نيت يخرجو عينيهم عند تطبيق مكاينشاي…اما عصام يمشي يخدم ويرجع يعطي لفرح اش خاص باش تقدا…حتى اليوم فالصباح ملي حلات عينيها وهي ترجع حتى جلسات حسات بترويييعة تاني وهي تنوض كتجري وملگية ايدها كتبوع فالمرار وكشاكش..الشهر الرابع دخلات فيه هاد اليومين…والاسبوع جاي عندها موعد عند الطبيبة فهاد الشهر وهاد الشهر تقدر تعرف جنس الجنين او تقدر متعرفش…سمعات صوت دقان وكانت غير وحدها مشات لباب فاشلة حلاتو كتنهج عينيها كيقطرو بدموع ديال ترجاع وسخفاانة لابسة تيشرت كبير كتبان فيه كريشتها صغيورة حيث بدات تكبر وتبان ليها…لقاتو واقف خاشي ايديه فجيابو هز فيها عينيه بانت ليه سخفانة وعينيها مغرغرين بترجاع مسندة عالباب…
زين الدين”شدها من ايدها بخوف” : مالك ؟
كاع ماداتها فهضرتو كانت موحشاه ماتسوقات كاع واش مقلق ولا مزال دغيا تلاحت عليه وحطات راسها على كرشو ونطقات بصوت مضيوم….
فرح : امتى يسالي هادشي ونولد ولدي…عييييت…
وشحال عزات عليه مالقى من غير انه يحاوطها بايديه ويطبطب ليها على ضهرها عنكشها فشعرها وباسها فيه…دخلها وسد الباب موراه داها البيت معنقها وجلسها فوق السداري…مشى لكوزينة جاب ليها قرعة الماء المعدني من ثلاجة ديالها كب ليها وعطاها تشرب…
زين الدين : شربي تنفسي…ماعليش دابا يحيد هذا الشهر لاخر فالوحم “قاليها هاكا باش تهدن حيث ماعارفش واش هذا الشهر لاخر او ممكن تكون فحال بعض النساء كيبقى مستمر عندهم الوحم طيلة اشهر الحمل…شدات من عندو الكاس ايديها كيترعدو بدات تشرب وعينيه مشاو لكرشها الي بانت…ماشعرش براسو حتى تحنى قفازي ومد ايديه حطها فوق كرشها حتى قفزت…بدا يدوز عليها بايدو ويقيص فيها عجبو حمقو الملمس ديال البطن الحامل خصوصا مرتو فرحة ديالو وهي حاملة بولدو..عض شنايفو وهو كيقيص وعينيه على كرشها مابقاش كايشعر براسو شنو كايدير…قلبو كيضرب بجهد وهو كيتلمس ليها فكرشها قاصحة حركة خلاتها تبورش بجهد ووجهها يسخن…شوية هز عينيه في فرح لقاها مهبطة عينيها كتشوف فايدو وحناكها مزنگين…قرب شوية شوية شوية تالعند شنايفها وهي تغمض عينيها تا حسات بيه حط شنايفو على شنايفها يلاه بغى يبوسها وهما يسمعو السوارت فالباب كيدورو هزات راسها بزربة شاهقة..
فرح : اويلي عصام…
زين الدين”كمش فيها حجبانو..حسساتو صاحبها ههه…دور راسو كيدوز على شنايفو بلسانو شاف عصام داخل حط سوارت فوق رخامة” : اش جابك فهاد الوقت اسمحمد !؟
عصام : جاي لداري…عندك دارك ومرتك لاش جاي فارع ليا راسي وحاضيني امتى ندخل ولاش نجي..وليني مصيبة كحلة معاك…
فرح”حلات فمها حساب ليها كيهضر بصح معارفاش هذا طنزو مع زين الدين”
زين الدين : كانموت على شي حاجة سميتها نفرع لعصام الخيالي راسو…
عصام : خرج عليا من داري وحياتي…
زين الدين”حط ايدو على صدرو” : منصيييبش..”باقي جالس بنفس الجلسة حاط ايد هنا وايد لهيه وفرح الوسط…شوية صونا ليه تيليفونو وجاوب” نعام…
مراد”عاد دخل لفيلا وصونا ليه” : يلاه وصلت قلت نعلمك…”خايف يقمعو”
زين الدين : على سلامتك”نسى الخصام معاه مابغاش يحكر حيث عرفو مادارهاش بلعاني” انا فجديدة نسالي ونجي تما نتشاوفو…
مراد”فرح” : ههههه ايه واخا نتشاوفو…
قطع معاه وعاود صونا ليه وليد جاوبو قاليه بالي قدام دار وهو يوقف قطع معاه وشاف ف عصام وحتى فوزي كان داخل تاهو..
زين الدين : لبسي عليك شي حاجة وخرجي عندي برا…
فرح : واخا”ناضت بزربة ماصدقات حيد من قدامها عذبتها ريحتو على شوي كانت غاتجرو تبوسو…مشات لبيت رمات عليها كاب طويل بالكمايم وخرجات لقاتهم واقفين عند الباب وقفات حداه مافاهمة والو حتى شوي وهي تم جايا واحد سيارة باقي جديدة peugeot 308 جديدة فالگرونة…حتى وقفات وخرج وليد مبتاسم سلم عليهم وصل عند فرح حرك ليها راسو بدون ميشوف فيها…عطى لزين الدين السوارت…
فوزي : طوموبيل ناضية هادي…نوڤو…
عصام : عطاك كونطاكت ديالك ولا كيفاش ؟
زين الدين. : لا…
عصام : ديالمن ؟!
زين الدين : ديال ختك…
فرح”خرجات عينيها على جهد جهدهم تا حطات ايدها على فمها وهي دور عندو” : كيفاش مافهمتش ؟؟
زين الدين : باش تحركي عندك البيرمي خاصك باش تحركي فرح مايمكنش نخلي مرتي تحرك فطاكسيات ولا تعذبي خوتك يجيو يديو طوموبيلة جدك ولا ديالتي ولا يكريو…انا مكنكونش مسالي عندي هاد ليام شلا وشوية مشاغيل…”شد ايد عصام وسرحها ليه حط ليه فيها كونطاكت” خدم بيها نتا ولا فوزي بينما ولدات تولي تحرك بيها هي راسها من هنا لتما نبدا نعلمها ولا علموها مهم عندكم هاد ليام والوقيتة الي تكون لهيه نقضي معاها انا…ماعليش صبرو حتى وكان تولد…
فرح : وبلاااااتي بلااااتي. كيفاش ديالتي ؟ واش ديالتي انا “حطات ايدها كترعد على صدرها بغاات تبكي” اهى…
فوزي”بدا يعيب فيها ويتغبن” : اوووو ديالتي انا انننننن اعععععنننن اهى اهى…وااعنننعن…
فرح”غوتات ليه فوجهو” : بااااعاااااد مناااااااااااي اهى اهى…
وليد : ههههههههههههههههههههههههههههههه…..
فرح : انننن عصام هضر معاااه…
زين الدين”مكمش فيها حجبانو” : مالك اش كاين ؟؟؟
فرح”ضارت عند عصام وهي تعنقو تا تصدم حطات راسها على كرشو” : شكرا بزااف زين الدين اهى اهى…
فوزي : عصام طير تنزل اسميتك زين الدين هعهههعهههههههه
عصام : نهاك الله هاهو الي جابها ليك…
فرح”مابغاتش تبعد منو بغات تعنق زين الدين ولكن حشمت داكشي لاش عنقت عصام..كتحرك راسها فكرش عصام” : عرفت عرااااااااافت اهى اهى…..
زين الدين”هز ايديه وخبطهم كيسوس بقلة حيلة” : لا حول ولا قوة إلا بالله…”جرها من حضن عصام وعنقها بجنب” ماعليش حتى حاجة مغالية عليك هادي كان لابد تكون عندك باش تحركي..تهدني وبراكة عليا من البكا قهرتي ملتي معاك…”هبط راسو وهضر ليها فوذنيها” سيري بدلي ويلاه معايا لدار عندي منگوليك…
فرح”هزات فيه راسها” : نمشيو دابا ؟؟
عصام : فين !؟
زين الدين : لدارها الشريف شتك ولفتي ؟
عصام : لا والو متحرك معاك…
زين الدين : كيفاش ؟؟
عصام”جر ختو ودارها وراه” : بنت عصام عندها شان…سير وجد راسك ودير عادتك من هنا ل يفوت العقد ديالي جي خطبها وديك ساعة نتفاهمو…تحرك من هنا…
زين الدين”خرج عينيه” : عصام والرب المعبود حتى نقت..ل ملتك فهادي…گلبي طاب…
عصام : المخير فقبيلتك جيبو ليا…”دور ختو ودخلها وسد الباب وراه”
فرح كيف سد الباب دخلها بقات كترمش تاهي ممصدقاش وجاها مع الوحم ولا كيبان ليها عصام فشكاااااااااال ماشي خوها ههههه….
فرح. : كيفاش حتى يخطبني !! حنا را باقي مزوجين اعصام..
عصام : يجي يخطبك كي ناس ويديك الله ينعل ملة مي لا جيت وديتك ولا گلت شي عيب…
فرح”عينيها غرغرو” : واعصام واش مغانشوفوووش كااااع”بدات تنهج حابسة البكية”
عصام”خرج فيها عينيه” : فحال الى طار لجد مك الحيا…
فرح ؛ ولا ماشي هكاك وراه خاص يديني غانمشي نتقدا لولادة وهو غايبغي يكون معايا فهادشي…وغانمشي لطبيبة و…
عصام : يمشي معاكم فوزي ولا سيمو ولا انا نيت ولا مي فاطنة مي نجية جدك خالك عبد العالي عند گلفة ديال ناس غا لا بغيتي تفدعسي عليا تم “جهد صوته تا قفزت” تراااااكني عليا لارض من البكا “خنزر فيها وهي تجلس وصهطت صارطة البكية تا غفلتها واحد دميعة بالخف مسحتها لا يقشعها عصام…”
عصام : طلق شي گارو من تم وتحرك معايا نتقهواو جميع…
زين الدين : ممساليش لفريع الكر معاك…غاتحاجي ليا حجايات مي لالة والصواب زيدهم فراسك….
فوزي : نتحركو بالضايفة جديدة ولا ههههه (طوموبيل)…
عصام”مد ايديه حل بالكونطاكت سيارة ضار جيهة المقود حل الباب ودخل جلس كيقلب فالفولون والكوسانات كلشي باقي فيه الميكة باقيا جديدة…دار الكونطاكت فبلاصتو غير دورو ورك عالبوطون وهي ديماري مد وذنيه كيسمع” : موطور ملييح هذا…
زين الدين”خرج لسانو وطواه وعضوووووو بالغدايد كون لقى يطحنو عصى…بقى مصغر عينيه فعصام مصغرهم وكيفكر حتى ضرب ليه فوزي دراعو وهو يدور عندو بنفس تخنزيرة”
فوزي”بعد بمزاح” : اووو تهدن تهدن انسيبي غا صبر واحد سيمانة مادات ماجابت…مايعطيهش خاطرو يبعدك عليها وهي كتوحم…غاتهدن…
زين الدين : واش كيجيوه هاد الحالات ديال عزة نفس ختي شي وقات ؟..
فوزي : ياودي حمد الله جات فهادي الى ماناضت فيه الحالة ديال نرد ليك صرف عليا بليمين لا مشيتي لعام…
زين الدين”عوج راسو مخرج عينيه على جهد جهدهم” : بالرب المعبود الى ماغبرتها ليكم ليوم الدين…”زاد خنزر مكشكش” ليوم الدين فوزي…
عصام”خرج راسو” : وتحرك نوصلو على صطوف نفگس لمو المرارة بالطوموبيل (حيث صطوف عندو بيجو 208 حالف عليهم مايديها حد من بعد كسيدة فوزي هههه وعصام غايوريه بيجو 308 الموديل الي موراها)…
بقى وليد كيضحك عليهم…حتى عيط ليه ومشاو ركبو معاه واكيد زين الدين لقدام حدا عصام ووليد لور وفوزي كذلك حاضي لا يتلاح عليه زين الدين يدخل فيه براس حيث حس بالعافية والبركان خارج من زين الدين…
زين الدين : علاش خليتيها وحدها فدار ؟؟
عصام”زفر بنفاذ صبر..حط تيليفون فشاشة ودوز ليها الخط وهي تجاوب صوتها مغنغن غنغن لزين الدين فقلبو” : فينك !!
فرح”بصوت باكي ولكن كتحاول تحبسها باش ميدورش فيها عصام” : متكية كنتفرج…علاش ؟ فين زين الدين !!
زين الدين : هاني فرح رتاحي ماعليش..نسالي ونجي نشوفك..
فرح : واخا…
عصام : عيطي لمي نجية دير لينا شي طويجين من ايديها…دير بحساب وليد غايتعشى معانا…
وليد”حط ايدو على صدرو” : الله يكبر بيك بلا ماتعذبو راسكم وصلني غير لمحطة نتحرك…
عصام : ديري اش گلت ليك يلاه….”قطع معاها وشاف ف وليد من مراية” ماسولناكش وماشاورناكش والى حفات ليك گول لا لدكالة يخرج فيك العيب…
مابقى قال والو حدر راسو وسكت…زاد بيهم لكافي فين كاين صطوف من بعد ما عيط ليه دارو معاه..جلسو كاملين فالطابلة كل واش طلب…زين الدين خذا ليه كافي نواغ قاااصحة لقاها فرصة يكمي على خاطرو…دازت دردرشة بيناتهم رجالية…وفنفس الوقت شادين تيليفون كل مدهي مع الحيبان ديالو الا فوزي مسكين وسطهم كي فرخ شتا….
زين الدين”رسل ليها ميساج” : ياكما تفقصتي بزاف !؟
فرح”حلات الباب لنجية حتى سمعات صوت ميساج فتيليقونها” : مي نجية شوفي اش كاين فالكوزينة ديري لحم الماعز بلاش من البگري على حساب زين الدين باش ياكل معانا ماكيعجبنيش ياكل وحدو وحنا وحدنا…
نحية : واخا كبيدتي…يا بسم الله
فرح”خلات نجية كتگفض كمايمها داخلة لكوزينة وهي هزات تيليفون ودازت لميساج ديالو..وهي تجاوبو” : هاني تفقصت اش غاندير ؟!..
زين الدين”هز حاجبو” : ماديري والو وماتفقصيش..ماعليش من حقو فرح…ومن حقك حتى نتي..وهادشي كنت باغيه ليك شحال هادي الى جينا نفكرو مزيان خاصني نعاود ليك الخطبة بقلب ونية صافية معاك…
فرح : بغيت نمشي نتقدا شحال من حاجة…خاصك تكون معايا..
زين الدين : امتى باغيا تقداي ؟!
فرح : فالوقيتة الي غانتقدا لدفوع عصام…
زين الدين : صباح نشوفو شنو ندير…سيري تكاي رتاحي شوية ونجيو حنا من الكافي…
مابقاتش جاوباتو وحتى هو سد تيليفون حطو فوق طابلة ورجع يكمي…وصل وقت المشي ناضو كاملين مشى صطوف فحالو ورجع زين الدين وعصام وفوزي لدار…دخل عصام هو لول طل عليهم فالكوزينة لقى غير نجية الي واقفة كطيب وحداها بناتها جالسين…
عصام : فين فرح ؟!
نجية : فبيتها متكية مبعدة من ريحة طياب اولدي…
عصام”حرك راسو يلاه بغى يدور يگول لوليد وفوزي يدخلو حتى بان ليه زين الدين غادي فاتجاه البيت عندها…وياااا خوتي وااااحد السرعة طار بيها عصام ما حس بيه زين الدين تالقاه واقف عند الباب” : ولد البغدادي على رقبتي وبحلوفي تا يگولو مالهم…”غمض عينيه وشير ليه براسو” سير را الصالون عارف فين جا سير…
خنزر فيه ومشى ضار جيهة الصالون حط صباطو وتلاح جلس شد مخدة حطها فوق حجرو مسند عليها…
فوزي”قرب ليه” : شي كاس ما بارد ؟!
زين الدين : جيب معاك سم لخوك….
فوزي : ههههههههههههههههه…
عصام : سي وليد مرحبا بيك…ماجيتي والحاج المحجوب اما تنغم ليك بواحد دكة دكالية ناضية…
وليد. : وايلي دكة با المحجوب مكاين بحالها…ياك هو مزيان صحتو مزيانة !؟
عصام : الحمد لله هاد ساعة…
سمعات فرح صوت هضرتهم افتاقدات لصوت زين الدين ماشافتوش را كان مكون حتى تنفس وهو يرجع شاطرهم الحديث عاد تسمع صوته…بقات فالبيت هاربة من ريحة طياب ومرة مرة زين الدين كيرسل ليها ميساجات…تحط العشا وهي تدخل نجية مغطية بشال ساترة راسها….
نجية : مرحبا بيك اوليدي “وليد”
وليد”حادر عينيه” : الله يكبر بيك اميمتي…
نجية : وقبلو على داك طويجين ديال معزي..
عصام : درتي المعزي ولا ؟
نجية : واااه..فرح الي گالت ليا ديريه باش ياكل معاكم ولدي زين الدين…ماكيعجبها حال ياكل وحدو…
فوزي”جمع فمو وضار عند زين الدين كيسبل ليه فعينيه” : اووووووو شادة ليك لاكان غا المحنة ديال فرح الله مكاين فحالها…
زين الدين”فرح بزااف بهاد الجيست وكاع ليجيست الي كدير معاه كتخليه مايندمش انه سمى عليها الحنينة..حرك راسو واكفتى يقول قدامهم ” : الله يرضي عليها…”اما بينو وبينها را كاين شكر خاااص”…
هزات نجية شلاضة والخبز ليها فبلاطو وعصير الليمون والفريز وداتهم ليها البيت وقفات عليها حتى تعشات وعطاتها دواه وخرجات…كملو العشا تحط ديسير واتاي ليهم مسوس وحلو…وصل وقت المشي اضطر زين الدين يرجع لكازا حيث خاص يوصل معاه وليد ويمشي لدار باش يشوف مراد…سبق وليد لسيارة وبقى زين الدين فالدار حتى عيط ليها عصام خرجات عندهم…
زين الدين”كيشوف فيها جايا ووجهها حزين عارفها موحشاه بزاف والوحم غالب عليها وهادشي علاش عصام دار بعين الاعتبار اما كان يسد عليها مايشوفهاش كاع…” : نهار الخميس عندك طبيبة ديالك…ديري بحساب غاندوز عندك بكري شوية…
عصام : الخميس انا ممساليش…
زين الدين”ضار بالعرض البطيء مخنزر فيه” : متبع تانتا عندها ولا كيفاش !؟
فوزي”دار ايدو على فمو باش يحبس الضحكة وماخاصووووووووش يضحك لا يدخل فيه عصام براس”
فرح : اعهههه”جمعت فمها من ضحك وهي دور كتنش شافت ففوزي” فوزي واش هاديك دبانة ولا ناموسة ضربها ضربها…
عصام : بقى تقلب عليا حتى نحلف على ملتك تا شوفة ماتشوفها….الخروج ماتخرجوش بجوج راس فراس…ولابد يخرج معاكم شي حد قضية اش بغيتو ورجعها لدارهم…هذا هو شرط مابغيتيش خليها فدار حتى دير اش گلت ليك وديها عندك ولا غبر ليها ساس مكاين الي يهز فيك العين ولا يگول لا…
زين الدين”ضار لهيه مستغفر مولاه” : استغفر الله العلي العظيم…”زفر بنفاذ صبر” الخميس عندها طبيبة عصام كونطرول ديال الحمل…مايمكنش تغفل عليه…
عصام : يمشي فوزي ولا الى ساليت انا نيت نمشي يمشي با عطا الله ديك ساعة…يلاه تلاح فحالك بغينا نعسو…
زين الدين”ضار شاف فيها” : تهلاي فراسك بيناتنا تيليفون”ضار مخنزر فيه” ولا تا هذا عيب ؟!…
عصام : سير لدارك وتفرگع ليا مع راسك…سير…
هز ايدو كان غايعطيه بونية وهو يهبطها وضار خرج…رجعات هي البيت حاسة بالعيا حطات راسها وهي تنعس مابقاتش كاع ساقت الخبار واش وصل زين الدين ولا لا…
ماكان عليها غير تقبل وتصبر اللهم العمش ولا العمى اللهم تشوف زين الدين ولا يتمنع عليها كااع تا ديك الشوفة…دازت الايام بين تحضيرات عقد القران ديال عصام الي كان باقي عليه اربع ايام ويكون الموعد الي غايجمع بين عصام وبين صفاء بين شخصية جدية عندها نيشان وبين شخصية مرحة كبرات على حب عصام…مابقاتش بانت هاد الايام خذات كونجي اليوم باش تفرغ لخلطات والوصفات تطلي وتعاود باش تمشي لحمام ويبان عليها النتيجة…اما فرح هاد اليومين تشغلات مع تحضيرات لدفوع كتقدا ومرات ترسل فوزي ولا سيمو يتقداو ليها ولا تخرج هي ونجية يتقداو فحال هادشي كيحتاج لام الام الي تكون واقفة على دفوع ولدها لكن شاءت الاقدار والضروف ان فرح يتجمع فيها فهاد اللحضة دور الاخت والام فنفس لوقت…
جالس فالبيرو ديالو داير نضاضر ديال شوف وخدام كيراجع فالحسابات ديال المحلات عندو فالكلينيك…حتى دق الباب…
زين الدين : سيي دخل…
علي”حل الباب وطل عليه بوجه مبدل صفر” : الى مسالي نهضر معاك…
زين الدين”ماشافش فيه حدو حرك ليه راسو” : مرحبا الحاج…
علي”ابتسامة فوق الخاطر وصافي…جلس مقابل ليه جمع ايديه وعينيه فلارض..حنحن ونطق بصوت عيان” : باش منطولش عليك حيث عيان شوية…خاصني نمشي لدار…
زين الدين”غاسمع عيان وهو يدور وشاف فيه من فوق نضاضر”
علي”سكت شحااال كيشوف فايديه الي كيفرك فيهم ويسرحهم ولكن عقلو كيجمع ليه شنو يبدا باش يدخل فالموضوع…تنهد وزفر انفاس طااايبة اصلا جاي فيه سخانة” : المهم…الهضرة الي گلت ليك كانت فلحضة غضب”هز ايدو موقف زين الدين باش ميقاطعوش” خليني نكمل الله يرضي عليك…عايرتك ؟ اه عايرتك وضريتك وعايرتك بمرضك…ماكانش عندي گرام ديال الخاطر تعماو ليا عينيا بالفقصة حيث ماهمنيش المشروع اولدي يمشي شريك ويجي شريك ولكن ماشي اي شريك فحالك نتا…عندي صحابي عندي خوتي عندي خوتاتي…عندي ولادي ولكن ماعنديش زين الدين…
علي خوه بمعنى الكلمة يمكن لو كان زين الدين عندو اخ مكانش غايدير معاه كيف كيدير ليه علي….حيد نضاضرو وربع ايديه فوق المكتب كيسمع ليه…ولكن الي خلاه يركز اكثر هو كيشوف فعلي كيهضر وعيااان ..
علي”بدا ينهج ويكحب” : كحكح…مايعايرك غالي قريب ليك ومايضرك غالي قريب ليك ولكن علاش ياثر فيك معيوري ؟ حيث وصلك الضرر الي حسيت بيه ازين الدين…لعن النهار والساعة الي غضبت فيها وهادشي نتا راك فايت عشتيه شحال من مرة يعني غاتكون عارف باش كنحس دابا…نتمنى تكون فهمتيني وخا مريض ؟ مرييييييض وانا خوك نداويك..تانا راني مريض وشارف هههه “جاتو الكحبة” كح كح.. مهم “هز ايدو بتعب” سمح ليا ولدي سمح ليا وصافي ماعندي منقول من غير سمح ليا…”تنهد وهو ينوض كيتخلخل فالمشية” الله يعاونك…
زين الدين : ششش فين غادي بهاد الحالة ؟!
علي”حط ايدو على جبهتو” : عياان نمشي نرتاح ..
زين الدين”وقف وضار عندو شد فيه من دراعو” : واخا رتاح هنا نشوفو اش عندك وسير فحالك…
علي”ضار كيشوف فيه” : لا لا بلا منعذبك…”بدا يدوز على صدرو”كحكحكح
زين الدين : الحااج كون تسمع نشوفو اش عندك اجي رتاح فشومبر…
كان عيان نيت مافيه مايتحرك ولا يهضر اكثر…حرك ليه راسو وشد فيه زين الدين تا دخلو لشومبر جلس فوق ناموسية خلاه فيها وخرج نيشان لطوالة دخل لقاعة الفحص طلب منهم دوا ومعدات….رجع دخل لشومبر ركب ليه الة الضغط لقى طونسيو طايح ليه نيييييت سبحان الله كيفاش واقف…بالرزبة ركب ليه سيروم ملحي ودار ليه فيه خافض الحرارة حيث لقاها طالعة تاهي…قاد ليه المسائيل…
زين الدين : سرح رجليك الحاج نغطيك…
علي : يا ودي كون غا خليتيني نمشي لدار…
زين الدين : الحااااج يسالي سيروم وغبر عليا لدارك…
علي”ضحك” : هههههه هذا هو زين الدين الي كنعرف ..
زين الدين”خرج فيه عينيه” : لا شريف ماتسامحناش…
علي”جمع ضحكة” : واش ندير دبا ؟!
زين الدين : سرح رجليك خليني نغطيك…
سرح رجليه جر عليه الغطا وخلا ليه ايدو عريانة كيدوز ليها سيروم…بقى واقف كيراقب ليه فسيروم حتى قادو مزيان…ومشى جاب فوطوي وجلس مقابل ليه باش يهضر معاه حيث عارف الى فات حتى خلاه وحدو غايطلع ليه د.م ويحيد سيروم داكشي علاش جلس حداه…
علي : علاش مقابلني ياك مخاصم معايا…
زين الدين”هز فيه عينيه” : ماعندي ماندير شافنا الله خدام معايا وشريكي بزز مني نهضر معاك”هاز حاجبو بطنز”
علي”شاف ديك نضرة عرفو بالي سمح ليه..ضار لهيه كيضحك ورجع شاف فيه” : من هادشي كامل تقادت الامور بين بنتي فرح وولدكم…
زين الدين”هز صبعو ودورو على وجهو” : شنو بان ليك من هاد الوجه ؟
علي : بان ليا على حساب زين الدين الي كنعرف وجه مضوي وفرحان…هي تقادت الامور حتى بينك وبينها…فرحني وخليني نتهنى عليك…
زين الدين”حرك راسو مثقل” : ماعندي ميتسالك…”تگعد مقرب ليه عند وجهو” وعلى بالك ديك الهضرة الي گلتي ليا سمعاتها ؟ كانت معايا فطوموبيل…
علي”حل فمو” : كلشي ؟!
زين الدين”سرح ليه ايديه مبسم بغيض” : مصارني كلهم حطيتيهم ليها…
علي : نفهم مادارت والو غا ملي قلتي تقادت الامور بيناتكم حيث لو دارت ليك شي فضيحة كون جلسة طلاق كانت تنين الي فات…”كمش عينيه” وماتديش عليا راني غا شارف…
زين الدين : مانكونش تانا اناني شوية “غمزو” تانا ليا نصيب حتى وصلتك لديك الهضرة…بجوجنا غالطين الحاج “مد ايدو خبط ليه فخدو بجهد تا قفز” بجوجنا مايبقاش فيك الحال…
علي : لا انا فوت كاااع…وليني عصبتي ليا جدور ازين الدين…بيني وبينك راني غا صبرت ليك فكندا اما كنت نقلب على والديك ديك الطابلة فالقهوة…عمريييييييي باقي نمشي معاك لشي قنت…غا كتمشي لشي بلاصة بعيد على مرتك كتوقع شي كارثة.. .
زين الدين. : هاد المرة هي الي غاتمشي معايا..”تكا داير ايديه ورا راسو جبد رجليه” مرة هي مرة يمشيو معايا بجوج ولدي ولا بنتي الي جايين فطريق…مرة ولادي…
علي : هاي هاي على بابا…
زين الدين”هز ليه حاجبو وهبطو” : الولاد الحاج لولاد طرف من الكبدة…”تگعد خبط ليه تاني فخدو بجهد خلاه يشنشن ماعرفو علي واش حماس ولا كيبرد فيه غدايدو” هادشي ماغريبش عليك “عاود خبطو بجهد”…
علي : اسيدي كاع لا تسمح ليا كااااااع لا تسمح…فخدي طيرتيه من بلاصتو غا بالخبيط !! يا اودا شي باس مكاين ؟ مخاصم معايا ماشي مع فخدي…واسيدي غا بقى مخاصم…شنشنتي ليا فخدي تا رگد عليا…را لحم هذاك اسمحمد…لا داوينيش خليني غانموت….
زين الدين : نتخاصم معاك وليني متموتش منصيبش…تسنى تا تمشي تخطب معايا بعدا…
علي”خرج عينيه” : كيفاش نخطب ؟ وفرح ؟
زين الدين”رجع تكى متااااامر” : ناوي نزيد تانية…ماقنعونيش المشاكيل مع لولة نزيد تانية…
علي. : وراه وجهك وجه تمارة نيت…الى بغيتي تانية سير خطب نتا ولا دي صلاح ولا البشير اما لا عولتي عليا انا ولا الحاج الحسين من فرح مامفرطين…
زين الدين”حك على صدرو وغمزو” : وعارفني نفرط فيها حتى انا لحاج…وايلي حضرتي لحروب الي دوزت على جالها…ووصلك صهد الحرب اللولة قبل ماتجي…
علي”رجع شاف فالسقف”. : ومانعرف وها بلا مانعيش معاك الحرب بنت الناس هاديك البنت…درويشة مصوابة ومربية…ديما كتفكرني فالغلة ديال دار جدها…صبارة…ديما تفكرني فغلة جدها…مدازش عليها القليل عمري نسى نهار جابت ليا زبدة وسمن والحليب…خوتها ضريفين بزاف عمري نسى نهار جابو ليا البيض والحليب وسمن و ..
زين الدين : الحاج تكى نعس رتاح..تكى…
خرجات من البيت هازا ساشيات فايديها وسيمو تابعها تاهو هاز معاها وراتو فين يحط الساشيات…حطهم وخرج لافاك اما هي جلسات يدات تقاد فداكشي باش يكون واجد فدفوع الي وجداتو كتخليه باش متبرزطش كتبغي كلشي يكون بانتظام…حتى سمعات صوت الباب كيدق وهي تنوض حاطة ايدها فوق كريشتها ..هزات كاب لبساتو عليها تسترات حلات الباب تشوف شكون حتى تبسمات….
فرح : خالتي نعيييمة على سلامتكم…
نعيمة : الله يسلمك…ياكما تعطلنا بزاف…
فرح : لا لقيتيني يلاه غانبدا نقاد…تقديتو نتوما داكشي من كازا ياك ؟
هناء”جلسات فوق سداري حاطة دوك ساشيات وتنهج” : فففف عتقييييني بكاس الما ونقوليك اش تقديت لديك زطيو نح “هزهزات ليها حجبانها وهي تحبس فرح الضحكة”
نعيمة : ازطيو نح نتي نوضي تگلعي جيبي راسك كتشوفي فيها واحلة فروحها وتقدا عليك…
هناء.: هاني نايضة…
دخلات نعيمة لبيت ترتاح تا جابت ليها هناء الما نفسات بيه على قلبها وهما يفرشو فلارض حاجين كاع داكشي الي تقداو بداو يستفو فيه ويجمعو فالمياكي ويقادو…سالاو شوية وهي توقف فرح…
فرح : غانجيب تمر الي جابوه ل زين الدين من مراكش…
نعيمة : بلاطو غانديروه بتمر معمر ومغطس فشكلاط داك بريستيج…ولاخور يعمر عمارة عادية وبلتطو فيه تمر عاادي بلا عمارة….
حركات راسها وهي تمشي لبيت جبدات الكرطونة حتى لقات هناء وراها شداتها من عندها حيث ثقيلة.. تبعاتها بداو يقادو شوية بشوية حتى عياو جمعو داكشي ووجدو الغذا تغداو ورجعو يكملو ودارو تاني يخرجو فالعشية بالحق غير هناء ونعيمة حيث فرح عياات ماقدراتش تخرج….هكا بقاو حتى داز النهار وداز اليوم ووصل الغذ ليه كانت الساعة تقريبا تمنية ديال صباح لقاتها فاااايقة كيف العادة ترجاع خلاها تبقى فايقة نيت بدلات حوايجها وجلسات كتسنى زين الدين وصلات تمنية وربع صونا ليها وهي تخرج من البيت بغات تحل وهي تلقى عصام حل الباب وخرج عندو…
زين الدين”طل عليه من شرجم” : فرح !؟
عصام”ضار عيط ليها” : فرح يلاه خرجي…
زين الدين”حل ليه الباب” : ركب ركب “كيقولها من فوق قلبو ههه”..
عصام : لا لا ماغاديش معاكم…
فرح”خرجات شادة فصاكها وسمعاتو” : علاش ؟!
زين الدين : بغيناك تحرك معانا وليني ممساليش..مرة اخرى..فرح”شافت فيه وهو يغمزها” ركبي…
عصام”حل ليها الباب” : ركبي…”حركات راسها وهي تركب حداه..تسنات عصام يسد الباب ويدخل حتى تم جاي فوزي كيتفوه عينيه منفوخين حاقد ماقد ماحامل لا راسو لا عصام لا فرح لا زين الدين”
عصام : ركب ركب…
زين الدين”ضار لهيه مكررررررررره…كان باغي غير فرصة فين ينفارد بيها يهضرو خرجو ليه هادو من جناب جنابو” : مشطبة كحلة هادييييي….
فوزي”سمعو” : وانا يحساب ليك باغي ؟ يحساااب ليك عاشق نمشي معاكم ؟ يحساب ليك فرحان ناشط ؟ وانا كبير مي غا نعس ولهلا يقلب خطبها ولا نطحها ولا قتل_ها انا مالي انا ماااااالي.. ينعل النهار الي عرفتكم كلكم فيه…
زين الدين”ضار مخنزر فيه” : هي لا تكركبتي عليا من تم…
عصام : تحركو ولا نديها راسي !؟
ماعطلوش فالبلاصة كسيرا تا تهزت الطوموبيل وشدات فرح فجناب مخرجة عينيها بالخلعة…خلا عصام كيعرعر موراه….زاد نيشان شد طريق الكلينيك…
زين الدين”شاف ففوزي من المري” : فطرتي نتا ؟؛
فوزي”كان متكي ناعس..حل عينيه شوية معسلهم” : عطيوني تيساع…
زين الدين”شاف ففرح” : مزال مفطرتيش ؟!
فرح : احم..لا فطرت را گلتها ليك فواتساب…
زين الدين”عينيه فطريق..غمزها” : لا ماقنعنيش داك الفطور…حتى نوصلو تما ونديك تفطري…
فرح : واش اليوم ممكن نعرف اش عندي ؟!
زين الدين : سي ممكن تعرفي اليوم..كان ممكن تعرف حتى ف الشهر الثالث ولكن الاكزاكت كيكون حسن فالرابع…”حيد ايدو من فيتاس وحطها فوق كرشها عنكشها ليها شوي تا تبورشت” ماكرفصكش اليوم ؟!”ضار شاف فيها مخطوف”
فوزي : حيد ايدك ماقاد على صداع ازين الدين…
زين الدين”ضار شاف ففرح لقاها خرجات عينيها وحيدات ليه ايدو بزربة وجهها ولا مطيشة…ماعرف يخنزر فيها ولا يدور عند فوزي” : نزل مك فالطريق ؟!
فوزي : ندعيييييك…
زين الدين.: كون رجولة اصحبي ماديالك هاد الحبس الكحل…
فوزي : يضربني عصااام…انا غا فتاة…”بدا يمطمط ففمو ويحك لحيتو وعينيه مغمضين…”
زاد كسيرا زين الدين مكره حااقد وزادت صعابت عليه المهم انه يكون مع فرح راس فالراس…وصلو لكلينيك من بعد نصف ساعة وقف سيارة فباركينغ ونزلو توجهو لمصعد الخاص مباشرة حتى كانو فالطابق ديال نساء وتوليد…شاف فالساعة كانت تسعود وشي حاجة وصل لمكتب الطبيبة دق الباب…
زين الدين : دكتور صواف…
هي”هزات فيه عينيها وهي تبسم وناضت لعندو” : اهلا اهلا دكتور البغدادي…مرحبا تفضلو…”طلات على فرح” مرحبا بنتي..كي بقيتي شوية ؟!
فرح”عوجات رايها وكمشات عينيها” : غير شوية…
هي : ماعليش صبري حتى دوز هاد البيغيود…تفضلي نبداو…
زين الدين”ضار عند فوزي” : سير لجناح ديالي دخل لشومبر ورتاح مع راسك…”هز عينيه بان ليه مراد جاي “
مراد : فوزي صدفة سعيدة هادي…
فوزي : اه اه با مراد هذا…وعلى سلامتك انجليزي على سلامتك..
زين الدين : سير نتا وياه ضربو دويرة فالكلينيك سالي وعيط ليا نرجعو…
فوزي”جمع ضحكة وضار دخل سبق زين الدين تبع ختو” : لا لا مرة اخرى ويجي يديني وندورو انا وياه…يلاه دغيا باش نرجعو..
الى قلت ليكم فهاد اللحضة كون تعطات ل زين الدين يخشي فوزي فمستودع الاموات مايقصرش….
سلم امرو لله غمز مراد الي شير ليه ورجع لخدمتو…تبعهم لداخل لقى فرح طلعات فالبياص وتكات. وفوزي واقف حداها حتى جرو من قرفادتو…
زين الدين : سير جلس لهيه نساليو ونمشيو…
فوزي : عنداك تخطفها…
دار فيه زين الدين ديك الشوفة ديال لاكون سير تقود ههه… وقف حدا فرح من لهيه ولكن هاد المرة قبط ليها ايدها بين كفوف ايديه تا هزت ضارت شافت فيه وشحال توحشات لمساتو…كانو عينيه على الايكو حاضي تحركات ديال الجنين الي كبر…عينيه لمعو وهو كيشوف…
طبيبة”مبسمة” : صااافا كيبان ليا مزيان تبارك الله…
فرح : واخا نسمع دقات القلب عافاك…
طبيبة : ايه مرحبا…”وركات عالبوطوبن وبداو يتسمعو دقات القلب تا هز فوزي راسو كيسمع تا بدا يضحك”
فوزي : هاي هاي على خالي شديد ههههه
فرح”عينيها غرغرو” : هههه زوينين دقات قلبو….
زين الدين”هبط راسو باس ليها ايديها” : تبارك الله…
فرح”شافت فطبيبة”.: نقدرو نعرفو اش عندي…
طبيبة”شافت فزين الدين ورجعات شافت فيها” : بلا مانحاولو هاد الشهر ههههه”شافت فرح جمعات ضحكة” عاطيكم بالضهر ولا عاطياكم…مامساليش هاد ساعة…
فرح : وعلاش ؟ دابا نتسنى حتى لشهر جاي ؟…
زين الدين”نطق بصوت منخفض مزير على ايديها” : فراااح..ماعليش شحال ماجلسنا نعرفو تهدني…
جمعات غوباشتها زفرات بعدم رضى. خلات طبيبة كضحك عليها…كملات من عندها وناضت خرجو من كلينيك داهم زين الدين حتى لواحد ريسطو فجديدة تا فطر غيير فوزي اما هي ماقدراتش دايخة ولايعة نفسها…كانت عندو خدمة كثيرة داكشي باش حطهم فالدار وزاد…دخلات لدار عطاتهم الاخبار بالي معرفاتش نوع الجنين بقاو كيضحكو معاها وفوزي يشد فيها تا تبكي ويرجع يحزر تا دخل عصام سكت كلشي وجلسات تشكي ليه على فوزي واش وقع ليها كون ما نعيمة تدخلات كان فوزي غايبات فالزنقة…
يوم جديد.. اليوم فاقت شوية مهدنة من ترجاع غير شوية بعدا نعسات مرتاااحة…لكن الماكلة قليلة كيف العادة…خرجات من دوش لابسة بينوارها ودايرة فوطة مكلكمة بيها على شعرها مشات كتزرب لبيت سدات عليها وجلسات كتنهج بقات حتى رتاحت وهي تنوض لماريو بدات تجبد ماتلبس…حتى بدا تيليفونها كيصوني…هزاتو وجاوبت…
زين الدين : صبحتي شوية اليوم ؟!
فرح : شوية الحمد لله نعست مافقتش فالوقيتة تاني بالليل..
زين الدين : الحمد لله…بون ماعنديش الوقت شوي وندخل لبلوك…فاي وقت يقدر يوصلك ميساج بواحد الكوموند من واحد شركة خاصة ديال توصيل…الى وصلك علمي فوزي ولا محمد رضى يجيبوها ليك غذا …تفاهمنا ؟
فرح : كوموند ليا ؟
زين الدين : توصلك وتعرفي…
فرح : واخا…
بقى كيهضر معاها شوية وهو يقطع…رجعات نشفات حالتها ولبسات حوايجها نفس تيشرت وكولون غير هما فالگرونة…دورات شعرها وذهنات وجهها بزيت اللوز شوي وهي تشم ريحة الحنة ماشعراتش براسها تا خرجات تزرب شادة كريشتها تا وقفات عليهم فالبيت كتشمشم…
فرح. : ريحة الحنة لا ؟ شكون كينقش ؟
نعيمة : بسم الله عليك ابنيتي هههه ايييه جبت سمية يلاه وصلات راها فالكوزينة مع هناء كتخلط فيها…قلت تشهيتيها ديك المرة مابغيتش تخليها فخاطرك…
فرح”ماشعراتش مسكينة تا مشات ليها عنقاتها كتنهد” : الله يحفضك ليا خالتي نعيمة…ميمتي نتي والله…
نعيمة”كتحك ليها على ضهرها” : الله يا بنتي راكي تانتي بنتي..نوحمك كيما نوحم هناء ان شاء الله…الله يفك وحايلك على خير ابنتي…اجي جلسي بينما جات تنقش ليه غير نقيش خفيف حتى لخطبتك ونقشي مزيان….دابا نقشو غير على قبل عقد عصام…
فرح : واخا…”مشات جلسات بزربة وجدات راسها صابتها نيت مدوشة اصلا نعيمة الي قالت ليها دوشي حيث بغات تفاجأها بنقاشة. الي بدات بيها هي لولة نقشات ليها ايدها غير فحال نقشت ليها صبع صبع ولكن ايدها مرشوشة…سالات ودازت لهناء وختمات بنعيمة…كملات خلصاتها وعطاتها فرح شي حويجات ومشات…شوية دخل عصام وفوزي ومعاهم حتى سيمو دخلو لقاوها كتنش وعينيها مدمعين…
عصام. : مالك !؟
فرح : ففففف كتحرقني دوليو ..
فوزي. : ونتي عارفة عندك حساسية دوليو لاش دايراه ؟
فرح : بغيتو بغيييييييييتو بعد مني افوزي ماتبقاش تهضر معايا..
سيمو : وهاد فوزي غا يعطس مسكين دوري فيه ماعندو زهر..
فرح”خنزرت فيه” : دخل سوق راسك نتا…
سيمو”نش عليها بايدو” : يلاه اسي…هي والكلبة ديال صطوف الي ولدو…
عصام”هز فوطة وبدا ينش عليها” : فحال والو نعلم راجلك يجي يديك ولاو فيك عشرة خمسة شادين ضد وخمسة بكايا…
فرح : ااااه فكرتيني هضر معايا قبيلة گاليا شي كوموند غايوصلني الكود ديالها باش يمشي فوزي ولا سيمو يجيبوها ليا غذا…”شوي تسمع صوت ميساج من تيليفونها الي كان محطوط كيتشارجا” هاهو يمكن وصلني وخا معطل !؟…
عصام : شوفيه وعطيهم يجيبو ليك اش بغيتي…
فرح : سيمو عافاك شوف ميساج فيه كود سير جيب ليا من عندهم واحد الكوموند…
سيمو”ناض لحدا تلفازة هز تيليفون” : هذا من زين الدين نجيب ليك تيليفون تشوفي راسك…
فرح : غير قرا وقيد الكود را يكون عاطيني الكود”ماعلى بالهاش غايتغزل بيها لحد ساعة ماسمعاتش منو الفرحة ديالي.”
سيمو”قرا اخر ميساج وصلها” : مااابان ليا فيه كود…مهم گاليك غير كوموند فاش توصلك وصوري ليه واش قدوك..ماكرهش يشوف سلطانهم ديالو.. “ضار عندها لقاها مخرجة عينيها ووجهها ولا حمر حمر حمررررر..قلبها سكت ماتت” اشناهو سلطانهم واش هذا الكود ؟؟؟…”كمش عينيه”…
مافهم فيها سيمو والو ومافهمش كاع ميساج زين الدين…كلمة سلطانهم كتعرف معناها غا فرح وزين الدين فقط…حتى من عصام ماسمعش لانه كان كيهضر مع مرات خالو ونعيمة ديك اللحضة… سمع ولكن مادا ماجاب….
فرح”مخرجة عينيها وطايحة ورا ضهر عصام بغات تموووت تموت تموووت” : اعنننننننننن….
سيمو”غا شافها هكاك وهو يحط تيليفون بزربة فحال ضربو الضو وكمش ايديه عندو” : يناري اش گلت…فرح مالك ؟
عصام”ضار كيشوف فيها وراه مخبية” : مالك اش واقع ؟؟
نعيمة : يا بسم الله عليها مالها…
عصام”كيجر فيها موراه وهي لصقت ليه مابغات تحيد” : وتگعدي نشوف مالك الحبس…ياك شي باس مكاين “ضار شاف فسيمو مخنزر” اش گلتي ليها نتا ؟!…
فوزي : وتي مالك تاني ؟!
فرح : اننننن ماماليييييش اهى…وااااا ولد لحرام بغى يقتلنيييييي….
سيمو”خرج عينيه باطل نزل عليه مسكين من حيث لا يحستب” : هاااااااهيا ناري هااااا باطل يحرگ دعيتك لله…
عصام : ونووووووضي تگعدي نشوفو مالك واش ضراتك شي حاجة….
فرح”خرجها عصام بزز حادرة وجهها الي ولا سخووون وحمررر تقولي باكية” : والو واااالو…
عصام”مخنزر قتلاتو بالخلعة” : ومالك فهاد الحالة !؟…
فوزي : اش گاليك سيمو تا درتي هاد الحالة…ياك نتي رسلتيه يقرا ليك الميساج مال باطلك يحرگ ؟
فرح”هزات راسها ففوزي تقولي هضر قباض روحها..خرجات فيه عينيها تا كانت بغات تنوض ليه” : سوقك فيا ؟ سوووووووقك ؟ ماسوقكش انا وسيمو ونتا مالك ؟ عطيني تيساع ماتبقاش فينما نهضر تنقز ماعطاك حد حق تنقزز ولا تهضر معايا بعد مني دير فيك النفس”كتشوف ففوزي شوفة العمى فهاد اللحضة نسات الفرشة”….
فوزي”هز حاجبو وتم نايض ليها هاز ايديه” : راه غانصفگ مك بطرشة لوجه…قويتي عليا لا ؟!
فرح”ضارت عند عصام وهما يبداو عينيها يتحجرو بالدموع وشنايفها يدلاو” : هء اهى شفتيه ياك اعصام شفتيييييه باغي يضربني ؟!
عصام : لا حفات ليه جرية ينوض يحط عليك ايدو…
فوزي”خرج عينيه” : دابا لومة رجعت ليا انا ياك ؟”شاف فعصام الي خنزر فيه وشاف ففرح الي كانت تبكي وتخنزر فيه…خبط طابلة بايدو وناض زاعف” عطي لجد مي نيت اش كنسوى…الله يرحم بيها الواليدين…
نعيمة : نعل شيطان افوزي فين غادي…
فوزي : لجايحة الي ضرب مي تاني…
عصام : دوز تركن لا نوض نفرع لبوك عينيك…دوز النم…
فوزي مجابوووووش مشى لبيتو هز جاكيط وسوارت الموطور لبس فرجليه وتم غادي لباب لقى عصام واقف ليه عند باب البيت
عصام : فين محرك ؟ واش هضرت معاك ولا ماداويش ؟…
نعيمة”وقفات ومشات ليهم” : نعلو شيطان اويلي…
هناء”شافت فسيمو الي باقي واقف مابقى فهم والو مسكين ورجعات شافت ففرح الي كانت تبكي وتخنزر ففوزي” : هضري معاه حشومة عليك…
فرح”جهدات صوتها باش يسمعها” : وايعطيني تيسااااع…خاص يجري عليه من دار باش يتعلم يدخل سوق راسو…
فوزي”طل بنص عين مخنزر..شاف فعصام وضار مشى الباب حلو وخرج سدو بجهد”
عصام”تم غادي ليه يتبعو وهي تشدو نعيمة من دراعو”
نعيمة : خليه اعصام تا يبرد ورا يرجع راسو…مزيان الي خرج..
عصام”غمض عينيه بقلة حيلة…من نهار دار فوزي كسيدة وهو عندو فوبيا لا يخرج غضبان مقلق ويدير شي كسيدة تاني..تنهد لاعن شيطان ومستغفر الله” : ياعوذ بالله من شيطان رجيم…”خشى ايديه فجياب الجاكيط جبد باكية الكارو وبريكة ودخل تالبيت طل عليها” حاولي تزمي فمك شوية نتي…هادي را دارهم كيما داركم نتي دوك الهضور ديال جري عليه ولا ويل كحل معنديش فهاد دار…
فرح”عينيها غرغرو…ندمات لاش قالت لفوزي هكاك ومرضاتش فنفس الوقت اييييييوى مايجيب ليها عقلها غير نهار جرا عليها خوها” : راك فايت جاري عليا…”ناضت من بلاصتها مشات هزات تيليفونها وخرجات من البيت مشات لبيتها وسدات عليها الباب… مخليا عصام مخرج عينيه تاندم لاش هضر كااااع”..
نعيمة”دارت ايديها فوق راسها” : ياااااربي سلامة يا شوقع هاد الساعة…لا لا خاصاكم تبخيرة ولا شي حد فيكم يطلق رقية شرعية.. عوينة وضربتكم يا العفو لله”ضارت جيهة بنتها” نوضي تحركي طلقي الرقية…
عصام”مالقى مايقول كان احسن ليه ينعل شيطان…ضار دورة وخرج من دار طلع نيشان لسطح وتيليفون فوذنيه ماعطاهش خاطرو يخلي فوزي بلا ميسول عليه….طبعا مجاوبوش فالمرة اللولة وعاود عيط ليه ثاني يلاه غايقطع وهو يطلق الخط كيسمع فيه سايق موطور” : واش هضرت مع جد بوك الكلب ؟ فين قودتي ؟!!
فوزي : عصام مغادي فين خليني نخرج حسن مندور فيها..
عصام : فين غادي الملاوي دابا ؟
فوزي : فينما كان ماعرفتش…انا سايگ دابا نتكوانا فشي قنت ونعلمك…”قطع معاه خشى تيليفون فجيبو وطلع سنسلة ديال جاكيط وشدها عفطة وحدة حتى لمحطة وهو يوقف..بقى واقف كيشوف فالشاريع الكورتية كيغوتو تاني تفكر النهار الي وصلها فيه وركبها وكانت بداية الكارثة العظمى عندهم بداية الاحزان والمشاكيل بداية حك الزمان ليهم بالمعقول…غمض عينيه محاول ينسى الي فات..جبد تيليفون ودوز ليه الخط…
من بعد مسافة طريق…وصل لمحطة وخذا طاكسي نيشان حتى وقف قدام الفيلا…نزل من بعد ما خلص..حل ليه الباب العساس ودخل حتى تشعل الضو فالممر وتم غادي خاشي ايديه فجيابو مهبط راسو ماعندوش الخاطر…ماوقف حتى سمع تحنحينة وهو يهز راسو لقى زين الدين واقف عند الباب تاهو خاشي ايديه فجياب سروال ديال سورفيت لابس تيشرت من فوق…
زين الدين : على سلامتك…
من الي قرا سيمو داك الميساج تلفو ليها اعصابها حتى مابقات عرفات اش تخرج…شوي حتى سمعات دقان بشوية…
فرح : خليوني عليكم عافاكم اهى…
سيمو : وغا خليني ندخل والله ماندير ليك شي حاجة…
فرح : اش بغيتي عندي نتا اااااش…
سيمو”حل الباب يا دبحة يا ربحة…شافها هزات راسها ويلاه بغات تبدا توجد سبان وهو يزرب عليها” : والله مادرتها بلعاني..
فرح”بدات ترمش فيه”…
سيمو”جلس حداها بشويا خايف يتحرك ولا شي لعبة تفركع عليه،،ولا طالب سلاك حيث عارفها الى فات تا ناضت ليه تعجنو ماشي غير تجلس عليه…مسبق ايديه بحال كيكالمي فيها” : هانتي داك الميساج راني گلت ليك قراي ومابغيتيش گلتي ليا قراه غااا قراه…ولكن اش كايعني سلطانهم ؟
فرح”تطلا ليها وجهها تاني بالحمورية وخرجات عينيها وهي تنوض بزربة ليه تا كحاااز لصق مع الحايط”…
سيمو : صافي صافي ماسوقيش…قلبي تيليفونك وشوفي الكود اريه ليا وصباح نتحرك نجيب ليك كوموند”بدا يفرنس ليها كي راس المشوط” ههههه صافي ؟…
فرح”رجع طاح عليها ضيم وجلسات دارت ايديها بحنتهم الي نشفت بالصقلة على حناكها” : نمشي نجيبها راسي بعد مني..”شوي جهدات صوتها تا قفز”….وراه كيفقص كاااايفقص مابغاش يدخل سوق راسو…خاصو يجري علييييييييييييييه…
سيمو : انعلي يا شيطان را خوك هذاك…ياك هو الي كايجيب ليك ديك قواد اصبعو…
فرح”دورات راسها عندو بزربة” : اشنو ؟؟؟؟…
سيمو : داك العجب الي فيه رمان الي كلتي منو جوج معالق وگلتي ليه خايبة رزيتي سيد ف 200 درهم باطل…. مشى لريسطو ديال الشام ابن عمي فداك الليل كيدور وتلاگاو ليه شي شماكرية على ما يشرطو ليه وجهو كون ما گاليهم ملقاكم عند عصام نشر ليا الخرا كامل ومشى كمل ورجع جايبو ليك…
فرح”كتسمع ليه حتى شوي بدات تبكي وتهرنن ماعرف سيمو باش تبلى” : اننننن اهى اهى…ودابا هو علاش كيدي عليا علااااش اهى…
تم جاي عصام تا حل عليهم الباب وهي تهز فيه عينيها حمرين بالدموع ووجهها سيقاتو بيهم…
عصام : مال جد مك تاني رجعتي لبكا…
هز صينية اتاي مخلي مراد كيقاد فالقفص الديكور الي كيديرو فيه الحلوى والمملحات وخرج من الكوزينة لجردة كان الحال دافي…حط الصينية وجر الكرسي جلس….
زين الدين : جلست ليكم لخزيت تما…
فوزي”عاقد حجبانو” : مانعرف لمة مها…ماعرفتش تا كي جيت هنا طلع ليا الخز…
زين الدين : الخز طالع ليك من جيهة غير جيهة ختك…”حرك ليه راسو مثقل” اش واقع !؟…
فوزي”سكت كيشوف فديك السقاية كدور فالما والضواو فيها خافيتة بالالوان والفسيفساء فيها ملونين عاطينها رونق رائع…خاشي ايديه فجياب القبية الي عطاه مراد..” : مرض ليا صحتي داك الي سميتو بويا بلا موجب شرع…
زين الدين”غوبش يلاه بغى يهضر وهو يجي مراد كيحط فالقفص..شافو مراد سكت وهو يدور غادي تا وقفو زين الدين” : فين غادي…
مراد : نخليكم على خاطركم…انا الفوق…
فوزي”ضار شاف فيه” : تا ريح مالنا كنهضرو فالي معارفش كلشي تحط قدامك اطابل ديك الايام…ريح لارض مالنا كنبيعو فالحشيش…
مراد”شاف فزين الدين الي غمض ليه عينيه وحلهم بمعنى جلس..حرك راسو وتبسم وهو يجلس كحز ليه زين الدين الصينية وخلاه يكب”
زين الدين : خلا عشتو غايديها يديها لا من عندي لا من عند القانون…شحال ما جلس يبان ويتشد…
فوزي : الورث الي خرج ليه عقلو كثر ماهو خارج علينا…من نهار حليت عيني وهو نازل علينا بسبان لا انا لا ختي اما تا عصام مكانش يگد عليه…باقي نعقل واحد المرة….”رجعات بيه الذاكرة لسنييييييييييييين للوراء الوقت الي كان فوزي عندو عشر سنين”
رجع فوزي من المدرسة هاز شكارة وراه وشاد ففرح الي جابها من عند فاطنة فايدو عندها خمس سنين شادة فكوجاك وتمصمص فيها…دفع الباب وسدو وراه تا تسد بجهد قفز هو وخرج باه من البيت كيجري ويقلب…
المخنتر : اش كاين اش واقع ؟!
فوزي”كيترعد” : غا الببرد ابا غالبرد الي خبطو…
المخنتر”حدر عينيه وهو يشوف فوزي…وغااااا شافو كحل بالعمى طار عليه نيشان حتاها عليه بقجة” : يا ولد لحرااام شاريه بفلوسك اولد الكلبة ؟؟؟!…
شاف ففرح الي تكمشات جنب فوزي ونخششت فيه راسها كتشوف فالمخنتر بنص عين…
فوزي : مادرتهاش بلعاني عععععععع…طلق مني طلااااااق”كيدفع ليه فايدو وايدو لاخرى مزيرة على ايد فرح الي بدات تبكي وتغوت بالخوف” طلق مني ولا نگولها لعصام…
المخنتر”خرج فيه عينيه وقرب ليه وجهو لعندو” : تگولها لعصام ؟…وزيد ها ماتگول لعصام زيدك هادو “هز ايدو طرشو لوجه نيشان ماشي حناكو عاود هز ايدو وطرشو تاني لوجه بقى يطرش فيه تا خرج ليه د.م من منخرو ولاحو فلارض…جر فرح لعندو ودور عليها ايديه خاف لا يجمعها معاه عطاه بضهر…قبسو تا غوت وصقر…نطق وهو كينهج” سير علمو سير وصلها ليه دابا يا ولد القحبة….”دفل عليه وضار دخل لبيتو خلاه كيبكي ويتنخصص…تا شوي خرج وداز من حداه وخرج من دار”
زين الدين”عض وكمش ايدو تا تزيرت وبياضت”
فوزي : ماكنا باغين والو من غير يتفرق عليها هي يضربني انا ماشي مشكيل يضرب عصام مايمدش عليها غا هي ايدو…هي تزادت ما رضعات كيفنا مزال انا كملت رضاعتي من منا…اما هي غا جيران الي رضعوها…كبرات وسط جوج رجال…وخا هكاك كتبقى ولية ضعيفة قدام باها…خايف لا يجي شي نهار وحنا مكاينينش ويضربها ولا يهددنا بيها ولا يهددها…انا كنكون فالحانوت كيبقى عقلي يدي ويجب تا تخربقت…
فوزي حتى هو خذا نصيب كبييييير من المعاناة بجانب عصام الي كان عليه الدرك كااامل…بزوج بيهم عاناو ما يكفي ان دنيا تحكهم وتخرج منهم رجال يحلفو بيهم فالمحيط ديالهم ويحلف بيهم الي عاشرهم وعرف معدنهم….
هاد الهضرة الي قال قدام زين الدين ومراد…خلات مراد يشعر بالاسف الشديد ومايلقى ميقول…اما زين الدين كيزيد يكره ويحقد على المخنتر ويكون على بال واخا عارف ومتاكد ان المخنتر ماغادي يصور منهم والو…غمض عينيه بنفاذ صبر حتى مد ايديه ودوز على وجهو بتعب…مد ايدو لكاس اتاي وحطو ليه
زين الدين : شرب شرب…يدير الله خير فوزي..نتا ختكم وهي راها مرتي معندها عليكم لين ومعندها عليا لين…
فوزي”شاف فالكاس وسمع لهضرتو وهو يتنهد وهز الكاس” : اودي عاااارف وليني كان خاصني نهضر وصافي…كنت محتاج شي حد يريحني ماعرفت تالقيت راسي جاي عندك جاب الله صونيت ليك نتاكد واش كاين…
زين الدين : واخا ماتلقانيش جي ودخل مكاينش الي يهضر معاك هادي راها دار ختك…العساس يحل ليك الباب ولا تلقاها هي نيت
فوزي”ضار هز فيه حاجبو” : واش تقديتي لخطبة نتا ولا ؟ شتك باقي متمر ليا مع راسك…
زين الدين”هز فيه حاجبو تاهو” : شكون گاليك باغي نخطب اسمحمد ؟!
فوزي : والله اسي لا تبعاتك وماجبتي الخطبة…هههههههيو حساب ليك غا خطبة ؟ خطبة بشروطها هي….
زين الدين”يلاه بغى يجاوبو وهو يصوني ليه تيليفونو طل بعينيه لقاها هي الي معيطة ليه..هز تيليفون ووقف” : هاحنا غانشووف شنو شروط ابا فوزي…
فوزي : ماتگولش ليها انا معاك…
زين الدين”حرك ليه راسو وشاف فمراد” : وجد شي طاجين بمعرفة ايديك نتا…
مراد : هي لولة…
زين الدين”توجه لهيييييه قطع عليها وعاود صونا ليها هو” : سجلتي الكود الي وصلك !!؟
فرح”عصرات عينيها بغات تمووووت فاش كتفكر الفرشة” : احم س سجلتوو ” ماقدرتش تقوليه را قراه سيمو حيث زين الدين مسعري عليها ماتوري لحد وماتقول لحد اسرارهم كيما بغاو يكونو…وحيث مكانش يحساب ليها غايقول ديك الهضرة لانه لحد ساعة مواضحش ليها مزيااان ماضناتش غايرسل ديك الهضرة..”
زين الدين : مالك ؟…
فرح”واقفة حدا شرجم بيتها كتشوف فالشارع” : زين الدين علاش رسلتي ليا هذاك الميساج…
زين الدين : ايناهو فيهم ؟
فرح : اخر ميساج…فهم هضرتي عافاك “حشمات”…علاش كتگول هاكاك…
زين الدين”هز حاجبو” : شنو منگولش ؟!…
فرح : ماقاصداش هادشي ازين الدين…زين الدين انا مابقيتش فهمت واش مزال مقلق مني ومزال هاز من جيهتي..حيث راك حلفتي عليا وانا رجعت باش نتعالج وباش نوقف على رجليا من البلاصة فين تحطمت انا وياك…اابلاصة الي حاولت نهي فيها كلشي بيناتنا…البلاصة فين عايرتك وفين ضريتك بهضرتي وفين خليتك تعيش اكفس ليلة فحياتك حتى تعقدتي ومابقيتيش كادخل لبيتك…بغيت نعرف واش هاديك الهضرة الي وليتي كتگول ليا واش ليا انا ولا حيث حاملة وبغيتي “تزيرت بالبكا” بغيتي دير ليا خاطرييييي “صوتها تقج”…
زين الدين”تنهد بجهد..هز ايدو دوز على لحيتو ومسح منخرو ضار لهيه ماعرف مايقول ليها…” : واخا تسكتي من البكا باش نهضرو مزيان وتفهمي ابنت الناس !!…سكتي فرح را هلكتي ليا صحتي بالبكا وانا بعيد عليك…
فرح : هانتا قريب اش غادي ؟!
زين الدين : ناكل مك بلا ملحة…
فرح”جاها ضحك وسط البكا” : اعهههه….
زين الدين : سولتك واش بغيتي ترجعي لدارك ياك ؟…
فرح : اه….
زين الدين : وگلتي بغيتي ترجعي وگلت ليك فالدار ونهضرو يعني الفرحة ديالك ولابد نهضر معاك وتعرفي راسك من رجليك معايا…تفاهمنا تشيتشونا ديالي…
فرح : احم تفاهمنا”خرجات عينيها وهي تصقر واحد الثانية كتقول واش سمعت اش قال ولا لا” الفرحة ديالي ؟؟!
زين الدين”عض شنايفو بحب” : تشيتشونا ديال هاد زين الدين..
فرح”قلبها ضرب بجهد…توحشاتو بزاااف توحشات كلماتو ليها غزلو الخاااص…توحشات كيفاش كيخدرها بشفايفو ببوساتو ليها…توحشات تشم ريحتو وتوحشات تعاير فوزي…غا تفكرات فوزي وهي تبدا تهرنن” : اهى فوزي عايرني قبيلة وخرج…
زين الدين”هز حجبانو..تلفت ليه جرية ماعرف باش تبلى” : كيفاش ؟!
فرح : فوزي ولا باسل ولات فيه الهضرة بزاف ولا كيفقصني مابقيتش كنحملو…اصلا هو كيدخل لدار ريحتو خانزة ووجهو خاااايب وهضرتو ولات كتعيفني…
زين الدين”ضار شاف ففوزي كيشرب فكويس اتاي مجايب لدنيا خبار…ورجع نطق مصدوم” : فرح نهاك الله…
فرح : باسل…عصام جرا عليه واقيلة…ماعرفت فين مشى ماهضرش معاك ؟!
زين الدين : ياك عايرك علاش كتسولي عليه…
فرح : وراه خفت توقع ليه شي حاجة بمسبتي…
زين الدين : تهناي منو مايبقاش يفقصك ليا. ويعايرك…
فرح : واش عندك ؟!
زين الدين : علاش كتسولي ياك جرا عليه عصام !؟
فرح”جاتها البكية”: وراه واخا جرا عليه مخاصوش يمشي خاص يگوليه هنا نبقى خاصو مايمشيش ويفقصني ونعايروووو اهى
زين الدين : خليه يغبر عليك وتفقصي نيت بخاطرك…لملتك مابقيتش معمر ليك العين انا ؟ مابقيتي بغيتي تشمي ريحتي ؟ مابقيتي بغيتي تجريني عندك وتبوسيني ولا تلبسي ليا داك شي الي لبستي !؟
فرح”جلعات معاها تزنيگة من جدر تا نملو ليها حناكها” : مممم
زين الدين : مال خليقة مك سكت ليك الحس ؟..
فرح : بغيت نمشي نعس…
زين الدين : سيري تنعسي سيري…ملقانا فواحد نهار من ايام الله..ملقانا بنت الناس ملقانا…
يوم جديد…يوم غذ غايكون عقد عصام ف جاو كلهم لدار…مرات عم مبارك الي واعدها عصام يجيبها نهار قبل العقد جات غير وحدها…وجا جدهم المحجوب خالو عبد العالي وياسين… .سمعات صوت جدها وكيف العادة مادخل غير عندهم تجرييي سلمات على مرات عمها ومشات تخشات فيه….
نعيمة : بشوية عليك ابنتي…
فرح”معنقة ايد جدها” : ماجريتش ههههه”حناكها مزنگين”…
المحجوب”طبطب عليها فرحان بهاد اللمة الي جات من بعد عذاب طوييييييل ديال المشاكسل والمحن الي كانت قاسية بجهد عليهم” : هههههه اتكايسي يا راكي واحلة فنفسك اكبيدتي.
فرح”حطات عليه راسها وسكتات”
بقاو يهضرو ويضحكو مجمعين وكيف العادة ملي دخل عصام وقفات نعيمة وسعيدة كيصليو على رسول الله يوزغرتو فرحانين ليه سهل عليه الله وغايدير دارو من بعد تمارة من الي وعى على دنيا…بزز باش سكتهم طنطنو ليه راسو وهو يدور شاف ففرح…
عصام : نوضي تكلمي لزين الدين…
فرح”قلبها طلع عند فمها…هزات فيه راسها” : فين هو ؟
عصام : لبسي عليك شي حاجة طويلة وخرجي…
فرح”حركات راسها وهي تنوض مشات لبيتها هزات كاب طويل رماتو عليها بالخف وخرجات عند الباب حتى كاتلقاه واقف متكي على بارشوك سيارة كيبقشش فتيليفونو” : زين الدين…
زين الدين”دور راسو عندها طلعها وهبطها تا فرز واش مستورة عاد خشى تيليفون فجيبو…وتقدم لعندها باش ليها جبهتها وهبط بشوية لحنكها يلاه غايبدا فالبسالة وهو يسمع تحنحينة عصام من بعيد مزال كاع ماشافهم حس بيه خارج عندهم…هز راسو وضار لهيه عاض شنايفو بالغدايد على هذا الي خرج ليه من جنب تاني” : صباح الخير عصام صباح الخير…
عصام : صباح الورد…
زين الدين : نتحركو ؟!
فرح : فين ؟
عصام : سيري معاه جيبي الكوموند وشوفي اش تقداي ورجعو..ديري فبالك مغاتبقاوش وحدكم…
زين الدين”خرج فيه عينيه” : عصاام…”نطق بصوت مثاااااقل” هنينا هنيييينا…الفاهم يفهم والمجمخ لا تعذب راسك معاه…
عصام : الله يجعلنا مناسبين مع الفاهمين ويبعد علينا المجمخين
زين الدين : اجمعيييين اجمعين با عصام…”ضار حل ليها الباب” ركبي…
ضارت شافت فعصام الي حرك ليها راسو عاطيها الاذن وهي دور ركبات بلاصتها سد عليها الباب وضار تاهو ركب…شد طريق
زين الدين”ضار شاف فيها لقاها كتفرك فايديها” : مزيانة ليوم ؟
فرح”شافت فيه وحركات راسها” : احم شوية اليوم…
زين الدين : شوي بشوي وينقص عليك داكشي…”مد ايدو حطها فوق كرشها وبدا ينوغش فيها هاد المرة بحركة بطييييييئة كيهبط تال تحت ويرجع يطلع ايدو حسات بتبوريييييشة وبدات تصرط ريقها اصلا ريحة زين الدين مكملة عليها وزادها بهاد الحركات.وتاهو تعمد بلعاني يبورشها ويبدا يجهل فيها…ماحس براسو تا لقاها حطات ايدها فوق ايدو وهو يدور ايدو وكمش ليها فايدها مقربها لعند فمو باسها وخشى وجهو وسط كفها كيبوس فيها…شوي سرحها ليها كانت فيها الحنة حمرررة”. بصحة الحناني يالالة…
فرح”حناكها سخنو” : احم الله يعطيك صحة…
زين الدين : لو ماعاطي كلمة رجال لواحد سيد..منكرهش نديك لشي بلاصة نبقاو انا وياك منها نهضرو براحتنا…
فرح”قلبها ضرب وسط كرشها..عرفاتو باغي ينعس معاها…هزات ايدها ودوزات على جبهتها بتوثر…صرطات ريقها وهي تنطق” : هاديك الكوموند اش فيها…
زين الدين : من الميساج يبان ليك البلان”ضار عندها غمزها تا حدرت عينيها..رجع شاف فطريق” معاهم شي حوايج حتى ترجعي لدار وسوفي براحتك…
حركات راسها ومابقاتس هضرات حتى وصلو لواحد البناية عيط فتيليفون عطاهم الكود وهما ينزلو ليه الكوموند ديالو كرجونة ملككة..شكرهم وحط الكرطونة لور ورجع ركب…كسيرا عاوتاني واخذ طريييق حتى وقف حدا الكورنيش….
زين الدين”ضار عندها” : نزلي…
فرح : فين ؟…”شافتو نزل وماجاوبهاش وهي دور تبعاتو بعينيها تا وقف وشير ليها حيث شافها منزلاتش حلات الباب وهي تنزل وتبعاتو حتى وقف وهي توقف تاهي…شوية حتى بان ليها جاي هاز فايدو واحد كريطينة” فوزي !!! “جمعات شنايفها بدات تبكي” فوزي اهى…
فوزي”جاي عاقد غوباشتو ماشافش فيها حدو مد لزين الدين كريطينة فيها بسيطلات صغار ليها” : هاهي عطيها ليها…
فرح : علاش مكتشوفش فيا الباسل الخاااايب…مارضيتيش حيث جرا عليك عصام…
فوزي”خنزر فزين الدين” : ماجراش عليا عصام مالك كذاب…
زين الدين”عض شنايفو جابو ليه ضحك كيترادو عن طريق زين الدين”
فرح : جرا عليك حيث باسل…
فوزي : را غانصليها معاك…
زين الدين”خنزر فيه” : ششششش تهدن لا ؟..
فوزي : الالة هاني عاطيك تيساع مالي فهاد الحبس كامل ؟ مايجري عليا كاع عصام نخرج راسي بكرامتي..الى مالقيت فين نعس را دار جدي ولا نكري ليا بيت فسطح ولا هاد الويل معاك..سر مي الي جايب ليك بسطيلة….
فرح : كيفاش بيت فالسطح”عينيها غرغرو” وعلاش بيت فسطح مالك ماعندك خوت ؟ واش بغيتي تهبلنيييييي اهى اهر ومالك باسل باغي طرطق ليا مراااارتي اهى”تفقصات بصح بدات تغوت عليه وزين الدين شافها تعصبت نيت ندم لاش جاب فوزي ولا جمعهم…يلاه بغى يجرها وهو يجرها فوزي وعنقها نخششها فيه” وبااااسل….
فوزي : وباسل ينعل ديلمي انا…صافي غا سكتي..تانتي مالقيتي علامن توحمي…
فرح”حككت راسها على كرشو” : ماتمشي فين وخا يجري عليك عصام رجع باش يعاود يجري عليك…”بعداتو” يخ فيك ريحة القوادس “سدات منخرها بايدها وضارت لزين الدين عنقاتو بلا متحس عاد شمت ريحة زوينة وهي تهدن…خلات فوزي كيشمشم فراسو”….
باس ليها زين الدين راسها متفهم وضعها حيث عارف بالي الوحم الي مخربقها بالمعقول وزيد عليها هي باااااقي فمرحلة العلاج النفسي مغاديش تبرا مية فالمية مزال خاصها عوين وخاص الي يصبر ليها ويمكن هذا من احد الاسباب الي خلات زين الدين يتراجع على الفراق…ضار هو وياها باش تركب فالسيارة وهو يوقفو فوزي…
فوزي : فين غادين ؟!
فرح : لدار…
زين الدين : ندير بيها دويرة هنا ونرجعو”غمزو” تعامل افوزي..
فوزي”شاف ففرح لقاها حدرت عينيها مزنگة..وشاف ف زين الدين” : تعامل نتا…ماخاصني صداع ازين الدين…
زين الدين : يمكن مرتي هادي لا ؟!…
فوزي : حتى تخطبها…
زين الدين : نخطبها هادي حاجة مافيهاش نقاش انا براسي واقيلة عالمك قبل مندير بيها العقد اش غايكون الى تقادت الامور ولا كذبت ؟!
فوزي”تفكر هضرتو انه بغى يدير ليها العادة ديالها وواعدهم الى تقادت الامور هادشي الي يكون يعني هاد القرار جا من زين اولا…سكت تا سكت كيفكر شوي شاف فيه” : دويرة ورجعها دابا يصوني ليا ولا ليك يفرع ليا راسي وغذا عندو العقد…
زين الدين : خرج سوق مني ليه…
حرك ليه راسو وهو يعنقها زين الدين حتى مشاو لعند سيارة حل ليها الباب ركبات وضار هو ركب وزاد…شد طريق..واحد شوي حتى كيبان ليها خارج على جديدة وشاد طريق سيدي بوزيد…
فرح : فين غادييين ؟؟!
زين الدين”مكيشوفش فيها..مد ايدو وحطها فوق كريشتها تاني” : نشوف كبدتي بخاطري…
فرح : ياك مشينا بارح عند طبيبة ؟!
زين الدين”غمزها بجنب” : تت…شوفتي ديالي…
زاد كسيرا حتى وصلو لسيدي بوزيد…كتشوف فالدنيا ناس غاديا وناس جايا شوية وهو يصوني ليها تيليفون فايدها تا قفزت خصوصا ملشي شافت عصام المتصل…
فرح. : الو عصام…
عصام : فينكم ؟
فرح : اا ؟…”طير ليها زين الدين التيليفون وجاوب هو”
زين الدين : مالك مفراع مع راسك ؟ واقلة هادي مرتي لا ؟
عصام : والرب المعبود تاندير فطاسيلتك شرع ايدي…بلا قلاوي رجعها لدار…
زين الدين : ماغاديش بيها لكازا عصام نهاك الله…لا طلع ليا فصحتي…بغيتي العادة حنا ماليها…
عصام : نتا وضميرك..سلام عليكم…
قطع عليه…شاف زين فالتيليفون ومدو ليها تا تعصب وعقد حجبانو جابها ليه فالعرق…طلق سينيال وضرب دورة راجع من طريق….رجع لطريق زاد شوية وهو يطلق سينيال فواحد البلاصة خااااوية…وقف طوموبيل…حيد سانتيغ وهو يمد ايدو وجر ليها راسها تكاها على صدرو حس بالعافية شاعلة فيه اما هي خلاااص ريحتو خدرت باباها…بقاو شحاااال وهما ساكتين كيشوفو فالدنيا لا هو هضر لا هي هضرات…واحد شوي حتى بدات تحس بايدو كتسلل هابطة لعند كرشها شوية هبطاااااات تال تحت وتخشات من تحت تيشرت طويل حتى حطها فوق كرشها نيشان عاللحم…كيدوز بايدو بحركة خفييييفة بورشتها..
زين الدين”باس ليها شعرها” : حرم عليا شوفة الكبدة…
فرح”تبسمات” : ههههه….
زين الدين”دور راسو فالانحاء كانت دنيا خاوية…هبط عينيه بزربة عرا ليها على كريشتها…وشحال حمقااااتو ياربي..رجعها لبلاصتها وعاود عراها ليها وهو يحدر راسو وحط عليها شنايفو حسات بيهم فرح سخاااان حتى ضرب قلبها بسرعة..هبطات عينيها سرقات فيه شوفة..خدام كيبوس ويعاود حتى هز راسو وهو يلقاها كتشوف فيه بحب…عينيه مشاو نيشان لشفايفها الي قشعهم كيترعدو…طلع لعندها ومن شوقو ليها وشوقها ليه ماعطاهاش فرصة وانقض عليهم بقبلة كبييييييييرة…كايبوس ويجر ليها فشنايفها حتى دورات ايديها ورا ؤاسو وزادت جراتو لعندها كتنهج ليه وسط شنايفو…كتبووووس تبوس تبوس حتى ولاو كيتسابقو بزوج على البوسان هو يحلف وهي تحلف تا خرج راسو بزز كينهج بالعافية الي شعلات فيه…لقى راسو ماغايسلكش معاها الى زاد شوي غايديها ينعس معاها…باسها فجبهتها وهبط باسها فحنكها تا وصل لوذنيها وقال…
زين الدين : توحشت الفرحة ديالي…”تنهد” شافنا الله نصبرو..
فرح”الصمت..فمها كيوزوز..كدرت عينيها”
رجع قاد سانتيغ وديمارا طوموبيل خرج لطريق نيشان لدار…وقف السيارة تسناها حتى نزلات وضار حل الباب لور بان ليه سيمو جاي عيط ليه عطاه الكرطونة…
زين الدين : نيشان لبيتها…
حرك ليه راسو ودخل الكرطونة اما هي سلم عليها باس ليها راسها ودار معاها الغذ ليه يتشاوفو فالعقد…تسناتو تا زاد وهي تدخل..لقات الرجال خرجو يصليو ومعاهم عصام دخلات نيشان لبيت كتشوف فالكرطونة يلاه بغات تحلها وهي تفكر القرار الي خذات يوم امس واو حاجة هزات تيليفونها وبدات تعيط…وصلات العشية العشاء كايأذن سالاو لف الهدايا ديال دفوع واصبح كلشي واجد ليوم غذ…شوية تسمع دقان فبيتها ناضت حلات الباب وهو يطل عليها عصام…
عصام : خرجي هاهما جاو…نشوفو اش كاين…
فرح”تبسمات ليه” : واخا…”لبسات عليها بالخف وهي تخرج عندو تابطات دراعو وهي تخرج وقفات عند باب البيت بان ليها فوزي جالس كيتفرج…” نوض اجي نتا…
فوزي : سيري بسعي مني…”هز عينيه لقاها مخنزرة وهو ينوض بلهلا يحزقو ليه”
تبعها هي وعصام مفاهم والو وحتى عصام…حتى مشاو لصالون لقاتهم جالسين…قالت سلام وهي تدخل حادرة راسها تا جلسات
فرح”حنحناات ونطقات مشجعة راسها” : انا جمعتكم باش نگوليكم شي حاجة….شي حاجة من شحال هادي كان خاصني نگولها…و ند”صرطات ريقها” ونديرها…”ضارت شافت فعصام وجهها مزنگ و فمها كيترعد…كاتحاول تشجع وتكمل…”….
————————
اصبح يوم جديد اليوم حلات عينيها على صوت تقرقيب بزايد زداف والهضرة والرواج برا كانت حداها حتى هناء مزالين ناعسين حيث كانت الساعة مزال يلاه ستة ديال صباح…فاقت مروعة تاني وزادها تا صداع تقرقيب….ناضت مفزوعة جاب ليها الله باها الي جا وخا عارفينو مابقاش غايوصل دار لكن الخوف من اي حاجة ممكن توقع وارد…
فرح”بصوت ناعس..موجهة هضرتها لعصام” : صباح الخير…اش واقع ؟!
عصام”وقف عنكش ليها شعرها” : صدعناك حتى فقتي..”كحاز تا داز فوزي هاد واحد طابل دونوي مهيتكة” كنخوي فالبيت ديال هذاك بوك…
فرح : علاش ؟!
عصام : ناوي ان شاء الله نصلحو ونجيب بيت نعاس جديد هو فين يولي ديالي انا وصفاء..والبيت الفوقاني حتى تكمل دار فصليح ونزيد سطح باش يتحول فوزي لفوق وهادي تعاود تصلح…”تنهد كيحرك فراسو”… شوية بشويا…
فرح”حركات ليه راسها..وهي دور شافت فبيتها” : وهذا غير فتحو ديرو صالون ولا بيت تلفازة صغير والبيت رجعو صالون فصالون…
عصام : ماندير منقرب غادي نصلحو وندير ليه ماريو فالحايط وقتما جيتي رتاحي فيه غايبقى بيتك حتى يدي مول الامانة امانتو…والبيت الفوق ديال فوزي…علاش لا دار فوقانية نخليها لفوزي لا دار دارو….
فرح”تبسمات وخا عينيها مزال مبوقين بالنعاس..حطات راسها على كتفو باستو ليه ورجعات تكات..” : دار ديالنا وصافي ههه
عصام”تبسم بجنب ابتسامة جد خفيفة” : دار الخوت الخيالي…ماديتهاش لمخنتر باطل…
فرح”حاسة بالقلق من ناحية باها الي مزال مابان ليه الاثر..خاولات متبينش لعصام باش ميتقلقش بزاف عليها وهو فهاد النهار ديالو المميز..” : هههههه…ماتركزش بزاف على البيت وسير الحمام يلاه توجد راسك لليلة…
عصام”باسها فراسها” : رجعي رتاحي صافي الي بغيتهم يهزوه را هبطوه لطريبورطور…ياكما تروعتي تاني…
فرح”تنهدات حاسة بالصهد شوية مع الحمل الجو كيدوبل عندها هي” : عادي ولفت ولكن بديت كنحس بيها كتنقص شوية مابقيتش كنفيق بالليل كيف ديما…بعدا هاد اليومين…
عصام : ايوى مزيان داكشي الي بغيت…”طبطب ليها على ضهرها” رجعي نعسي…
فرح : مابقاش فيا نعاس فقت نيت عندي منقضي..خاصني نجمع حوايج لحمام انا وهناء ومن تما غانمشيو لكوافورة…
عصام : كون لا تمشيش تاني كثرة روايح تما ..
فرح : غانصبر نصبر..نهارك هذا ومانصايبش فيه راسي هههه…ااه تفكرت سيمانة جايا عندي حصة مع دكتور يونس…
عصام : باقي متبعة معاه ؟!
فرح”حركات راسها” : ضروري خاصني نمشي عندو محتاجة نستاشرو فشي حاجة…راك عارف…
عصام”حرك راسو بتفهم فاهم شنو قاصدة” : من هنا لتما يحن الله…
خلاتهم كملو تنزال وسد عصام البيت مخلي فيه غير حوايج المخنتر حتى يلقى وقت ويخوي البيت كامل…كان على بالو يلقى شي حاجة تزيد تغرق المخنتر لكن مع الاسف مالقى فالبيت تاحاجة تا من وراقو مديهم معاهم مكاين غير الحوايج…مشات لطواليط توضات وخرجات لبيت صلات الي فاتها مع كملت مع فاقت هناء تاهي حيث دايرين يمشي لحمام بكري شوية مشات توجد الفطور مع امها وهي بقات فالبيت وحدها ولقاتها فرصة تحل ديك الكوموند الي مالقاتش كيفاش تبقى وحدها وتشوف اش فيها…مشات حتى سدات الباب وهي تجلس لارض ففراش هناء سرحات رجليها وجرتها عندها قبل ماتحلها هزات تيليفونها ورسلات ليه ميساج…
فرح : فايق ؟! …”شافت الساعة لقاتها السبعة…شوي بان ليها قراه وهو يصوني ليها ابيل فيديو….قلبها زاد ضرب من ديما اتصالاتو كيوثروها كتحس بكمية الخجل وخا يدوز على زواجهم سنييييين…صرطات ريقها وجاوبات مبتاسمة وحنيكاتها موردين..حتى بان ليها وسط الفراش ملابس والو لفوق صدرو عريان وشعرو مخربق شوية…” صباح الخير هههه…
زين الدين”بصوت مبحوح بالنعاس حيث لقاتو يلاه حل عينيه” : صباح الخير…شنو فيقك هاد الوقت…
فرح”هزات كتافها” : ضرباتني الفيقة بكري ومابقاش جاني نعاس…وعاد خاصني نوجد باش نمشي لحمام وندوز لكوافورة انا وهناء…
زين الدين”هز حاجبو” : لاش بسلامة شنو ناوية ديري ؟!
فرح : نصايب شعري وشوية وجهي..
زين الدين : مكاين لاش ديري زواق فوجهك…
فرح”خرجات عينيها” : علاااااش ؟ اليوم عقد خويا علاش منديرش ؟…
زين الدين : شنو جاك على هاد الويل الكحل ؟…عقد خوك لبسي وفرحي وديك صباغة وفمك مطلي ليا تما ماعندوش لاش…بلا تكثار الهضرة…شنو درتي حليتي الكوموند ؟!…
فرح”بقات شحال كتشوف فيه كتستوعب اش قاليها…رمشات عينيها وصرطات ريقها وهي تشوف فالكرطونة ووراتها ليه نطقات بصوت منخفض” : هاهي…
زين الدين”جمع حجبانو من صوتها الي نزل وشوفتها ليه بديك طريقة..ضار ليه مستغفر مولاه ورجع شاف فيها” : حلي نشوف معاك…
فرح : واخا…”قابلت تيليفون معاها وهي تحل الكرطونة..دقات هناء جاوبتها بالي كتهضر باش ميبرزطوهاش..ورجعات كتحل حتى بدات تجبد فساشيات…بانت ليها كريطينة صغيرة مغلفة وكريطينة اخرى تاهي…حلات اول وحدة حتى جبدات منها غراف بقات تشوووف فيه تشوف تشوف ماحساتش براسها تا بدات تضحك…” ههههههههههههه…
زين الدين”هز حاجبو” : مالك…
فرح”وراتو الغراف” : واش كتنمر عليا !؟…
زين الدين”عض شنايفو ماكرهش ياكلها هي وضحكتها” : تشيتشونا ديالي…شي حاجة unique ليا وحدي…
فرح”هزات الغراف كتشوف فيه على شكل بطن ممتلئ شاداه ايد من جنب..دارت ايدها فوق كرشها وايد شادة بيها الغراف وكتشوف فيه”…
زين الدين : خذيتو ليك حيث كيشبه لبنت الخيالي الي بغيت…
بقات كضحك على الغراف عجبها تصميمو مميز من ديما زين الدين هداياه مميزة….خذاه من السيت طبعا…رجعات حطاتو فكرطونتو حتى تديه لفيلا مع الحوايج…هزات الكرطونة لاخرى حلاتها لقات فيها الايفون الي كان ديجا واخذ ليها حطاتو حتى تسالي وتخدمو…هزات ساشية اخرى من احد الماركات ملابس نسائية عرفااات اش فيهم…
فرح”تزنگت” : هادو حتى لمن بعد ونشوفهم…
زين الدين : لا حلي نشوف معاك…”غمض عينيه رافع حجبانو كياكد عليها بمعنى غاتحلي تحلي” سربي راسك…
فرح”تاففات” : ففففف..حرام عليك…
زين الدين”بصوت اجش مصحوب بنبرة تهديد” : زيديها على زمر وعمري على ملتك روجيستر…”جهد صوته تا قفزت”..تحركي حلي….
هزاتهم على وعدها وسعدها حلات اول ساشية وبدات توريه وحناكها منملين…فييييييين هي فرح زعيمة فواحد الليلة فييييين هي فرح الي جراتو لعندها وبحركة جد شجاعة باستو واعتارفات ليه بحبها وعشقها ليه بكل جرأة…بطبيعة الحال اونسومبل ديال سوتيان وكيلوط…كانو نوع عادي مشبكين واحد بيض وثاني اسود وثالث بوردو…واونسومبل سوتيان وشورط نفس ستيل باندة غير هو على شكل ارنوب فالغوز (الشكل تحت بارت)…هزاتهم كتشوف فيهم وحابسة ضحكة…كتقول هاد ستيل هذا مايمكنش يكون زين الدين ومياخذو ليها شي ستيلات كيجيبو ليها ضحك كتحس بيه كيشبهم بيها curve cute خههههه…وهزات كرطونة مستطيلة لونها اسود مدور عليها شريط ساتان ذهبي مكتوب فيها Yves Saint Laurent حلاتها وهي تلقى فيها صباط اسود وطالون ديالو ذهبي كااايحممممق….
فرح : وااااعر…غادي يجي مع قفطان الي غانلبس اليوم هههه…
زين الدين : شنو الي تلبسي ليوم ؟؟؟
فرح”وراتو صباط” : عههه هذا “على نيتها”…
زين الدين : لا ماشي دابا…انتيردي تلبسي هادشي فهاد ل période فرح…”كيحك فزغب صدرو”…حتى تولدي عطا الله ليفينمون فين تلبسيه…كاينين بزاف مورا الولادة منهم ديال شراكة الي مع البروفيسور الي گلت ليك دخل معانا…
فرح”شافت فصباط وعوجات فمها بحزن” : عجبني بزاف…
زين الدين : هادشي خليه حتى تجيبيه معاك لدار هنا…غذا فالصباح غادي نڤيرسي ليك شي فلوس ف الكونط ديالك تقداي شنو خاصك لداكشي ديال الي غاتجيبي معاك ملي نجيبك..”حك راسو ماعارفش الدهاز ههه” ماعرفتش شنو سميت داك العجب ديالكم…
فرح : دهاز ؟ هههههه واخا…ههههههههههههههه…
زين الدين : شنو كيضحك ؟!
فرح : ههههههه غادي تخطبني وانا حاملة هههههههه…تفكرت نهار خطبتيني اول مرة شفتك من البيت بنص وجه…
زين الدين : گولي شفتيني بحنكي…بان ليا غير هو ديك ساعة وبانت ليا تغوبيشتك…نگول تما طحت فملتك يبان ليا …
فرح”ضحكات حشمانة” : هههههههه…
زين الدين”شاف فساعتو” : ماعليش نسالي ونشوفك…فالعشية..
فرح : ماتعطلش جي بكري باش تخرج معانا…
زين الدين : ان شاء الله…تهلاي ليا فراسك بجهد…
تبسمات ليه من بعد قطعو الهضرة…ناضت جمعات داكشي دارتو فماريو ديالها الا الايفون الي هزاتو وخرجات لبيت فين كانو حاطين الفطور ومايبان ليها غير فوزي تقلي ليه السم باش يتفقص وتسمتع علاش الله اعلم…جلسات حدا عصام مقابلة معاه وحطات الايفون….
فرح : عصام عافاك قاد ليا كارط سيم ديالي فهاد الايفون جديد.
فوزي”شافو وعينيه حوالو” : ينعل والديك ينعل ليك جدود…ايفون اصحبي ايفون اخر مكاين ؟ علاش ؟…
فرح : حيث انا حسن منك…
عصام : بغيتي تبداي تاني ؟…”شد تيليفون حلو وصايب ليها شنو بغات وعطاه ليها…بدات تقلب فيه وتخندش…” فوزي يصايب ليك الكونط ديالك فيه..صعيب شوية هو يعرف ليه…
فرح”شافت فيه” : تصايبو ليا ؟ بغيت ندير فيه واتساب…
فوزي”مد ليها ايدو” : بوسي ايدي…
فرح : غانگولها لزين الدين يصايبو ليا…اش داني لقرع فوزي نمشط ليه راسو…بلاش…”ناضت هازة كرطونة وتيليفون القديم زجديد ورجعات لبيتها تحطهم خلات فوزي كيقلب فشعرو حساب ليه قرع نيت وهو را شعرو قوي…”
رجعات جمعات حوايجها وجدات سطولة خلات ميساج لزين الدين بالي مشات لحمام وخرجات…طبعا الوصفات ماقدراتش ديرهم دارتهم غير هناء اما هي ماقدراتش ولات كتعيا…اما لالة العروسة مشات لحمام لاخور العروسة الي سيمانة وهي طلي لوجهها ولحمها…خرجات من الحمام كلها رطبة وتشقشق وريحتها زوينة بزاف…رجعات لدارهم هي وبنت عمها الي جات هي وباها وامها وخوها فقط هما الي غايحضرو لعقد القران…مشات هي وياها نيشان لكوافورة…اما فرح وهناء خرجو من الحمام لقاو فوزي واقف بطوموبيل ديال فرح الي كيتحرك بيها هو وعصام على قبلها…ركبات نيشان حداه وهي دور لور…
فرح : جبتي حتى قفطان هناء ياك عطاتهم ليك خالتي ؟
فوزي : مانعرف هي الي حطتهم تم كتخرج من بيتك وتحط
فرح : صافي هي عارفة…
هناء : وسير دغيا يلاه نرجعو بكري نصايبو داكشي…
حرك راسو وكسيرا مشى بيهم لواحد سونطر ديال التجميل فالمدينة…حطهم تما تسناهم تا دخلو حوايجهم…دخلات فرح نيشان لواحد البيت دايرة زيف على نيفها وفمها باش متشمش ريحة…ماكرهاتش تكون عادية ولكن الوحم ومايدير واخا هكاك ماروعهاش بزاف كيف قبل…وفنفس الوقت باغيا تفرح لخوها الي سهل عليه الله لا هو لا صفاء الي كانت عارفة حجم الحب الي هازة لعصام فقلبها تهنات عليه…
تكات فوق السرير وهي تجي البنت بدات دير ليها فسوان لوجهها…وحتى هناء…شوي وهي تدخل صاحبة السونطر مبتاسمة حيث هضرات معاها وخذات موعد فيه كاع الخطوات من سوان لشعر لميكاب…
هي : مادام فرح ياك ؟
فرح”حركات راسها” : اه انا…
هي : بغيتي شي ميكاب محدد ولا تخلي لينا راسك ههههه
فرح : احم…بغيت شي حاجة زوينة..على حساب حفلة عقد….”تبسمات ناسية هضرة زين الدين” بغيت شي حاجة تبدلني…حيث شحال مابقيتش كندير ماكياج..ولكن ديري بحساب ريحة حيث كتخنقني…
هناء : كتوحم اختي…
هي : اااه..واخا صافي من احسن بقاي غير هنا نعيط لبنت تصايب ليك هنا..ونتي اختي ملي تسالي هبطي لتحت يصايبو ليك…
قررات دير هاد الخطوة كنوع من تغييير جديد الي غاتبدا بيه حياتها..من الي خذات هاد الطريق وهي كتحس براحة وبالتغييير…تكون متفتحة على الايجابية وتبعد على اي حاجة تخليها تحس بالطاقة السلبية…فخضم التفكير الي كانت فيه ماحساتش غير وابتسامة ترسمات على شفايفها…بدات كتحس بالاستقرار فحياتها بدات كتحس بالي كلشي بدا كايتقاد…
فنفس اللحضة وبالضبط فمدينة الدار البيضاء…طالع لمكتب لفوق فالمحل الكبير ديال ذهب…كيحط ليه محماد الرجل الي كلفو يشد ليه المحلات والي ولا امين ذهايبية هاد صباح…
زين الدين”باس ليه راسو ورجع جلس فالمكتب” : مبروك ابا محماد مبروك تستاهل…
محماد : الله يبارك فيك اولدي..الله يكثر خيرك الي عمري منساه
زين الدين : الواااااجب هذاك ابا محماد الواااجب..راك وصية الحاج الله يرحمو…ماجاش من فراغ…
تبسم ليه حرك راسو وحط ليه اخر روجيستر حتى تم جاي ريان طالع هو و مراد…وجلسو مقابلين ليه وجااههم صفرييييين…
زين الدين : شنو واقع مالكم ؟!
ريان”شاف فمراد وحدر راسو”
زين الدين”خبط البيرو تا قفزو” : رااااني هضرت اش كاين !!
ريان : الحاج الغالي الوهراني…
زين الدين : مالو ؟؟؟
ريان : ديك خيتي الي تزوج بيها…كان ديجا عاطيها وكالة تصرف ليه فالاملاك ديالو كيما بغاات…هو كاين داير غير مؤقتا حتى تبرا ليه ايدو الي هرستيها ليه حيث دار ليها الحديد على جوج جيهات…ومرض واحد الازمة قلبية جاتو جلس فيها شي خمسطاش اليوم…المهم ولببارح فالليل خيتي باتت ماصبحت هي ودارهم ملي مشى لمحل ديالو الصباح الي موراه…لقاها باعت كاع الذهب الي فيه….وهزات ليه الفلوس من البنك خلاتو عالضص بقى غير الاملاك الي متصرفتش فيهم…
زين الدين : كمل ؟؟؟
ريان”شاف فمراد” : هو دابا فالكلينيك جاه شلل كلي…الحالة صعيبة بزاف…
مراد : مشيت شفتو..كيشوف غير بعينيه صافي…
زين الدين”كان جامع حجبانو..حتى طلقهم وغمض عينيه” : تت..لا حول ولا قوة الا بالله…
ريان : ماعرفتش ولكن خاص بنتو تجي تشوفو…
زين الدين”شاف فمراد” : هضرتي معاها ؟
مراد : مابغاتش تجي تشوفو…جينا عندك باش نعلموك حيث يلاه رعفنا هاد صباح…ونيت تهضر معاها نتا كتحشم منك..كوميم كيبقى باها…لا قدر الله مات را كلشي غايمشي ليها هي…
زين الدين”زفر بقلة حيلة ماعرفش شنو يقول فهاد الحالة كيما كان الحال كاااان واحد الوقت شاد ليه محلاتو…كان مهلي ليه فدارو ولكن الخبت والطمع والفساد الي فنفسو وتصرفاتو والفساد الي كان عايش فيه خلاه يغطي على الجيهة الزوينة…بقى كينقر بستيلو ماعارف مايقول…فلاخر حط ستيلو وداز لتيليفون هزو ونيشان دوز ليها الخط مايحتاجش يتعطل اكثر…بعد رنات جاوبات كانو نيت كيسمعو ليها” : ضحى…
ضحى”ضحكات” : بابا زين الدين هههه…كيداير ولد خويا…
زين الدين”ابتاسم من عينيه” : كيتسنى فعمتي تجي…شنو بان ليك تقطعي وتجي صباح ؟!
ضحى”جمعات ضحكة” : علاش ؟ قاليك ريان ومراد شي حاجة !؟…
زين الدين : ماعندي لاش نزوق ليك الهضرة…ماعليش عضي فنفسك وجي…شوفيه وديك ساعة ديري الي بغيتي…
ضحى : لا زين الدين…ماعندي لاش نشوفو…كنت بغيت نشوفو هو نسمعها من فمو…كنت بغيت نسمع ضحى بنتي جي شوفيني…والله حتى كنت غانقطع ديك الساعة…ولكن والو…اخر مرة مكاملش شهر عاودت عيطت ليه وعاود سمعني الي عمري سمعت…الله ينزل عليك سخط…دعا الي عمري سمعتو “دموعها نزلو يجريييييييييييو”….اش درت انا ؟! قت_لت شي حد ؟ اذيت شي حد ازين الدين ؟ ياك اديت غير راسي وضريت راسي وعشت الويل الكحل حتى وصلت لهنا…كون كان معايا كيف الاباء كون دابا شادة بوسط فخدمة ولا وصلت فين بغيت ماشي كنعاود من جديد فعمر 22 عام…كون ما طحتش بين رجلين…كون ما ركبتش فالكيران مي تدفل عليا وعباد الله ترجع عند راسي ومكمداها وساكتة حيث الغلط انا الي درتو…علاش ملي طلبت سماحة وبغيتو يوقف معايا…ما يوقفش ازين الدين واغير يضربني يسد عليا نحس بالي طيحت ليه راسو وهو ماخسر عليا والو ضحك فوجهي وقاليا خرجي عليا وسخط عليا بحال الى مسبب..كنحس بيه مسبب عليا…
زين الدين”هضرتها حسكاتو فقلبو..عزيزة عليه ضحى بزاااف من كترة معزتها رباها وعلى قبلها جاب مها وباها عيشهم معاه باش متشردش وتكرفص البنت…” : انا هو خوك الكبير وانا هو باك…انا هو السند الي عندك…ديري فبالك مزال بنتي الكبيرة وخا نولد ولادي…سمعي من خوك وباك…دابا نقطع ليك على حسابي جي صباح شوفيه وحضري معايا نتي وعمتي لواحد المناسبة محتاجكم فيها ورجعو…
ضحى”بقات شحاال ساكتة كتبكيييي…شوي حركات راسها ونطقات بصوت يطيح ضيم” : و واخااا…على قبلك ووجهك نجي…
زين الدين : الله يرضي عليك…
دار عمرات بسير واجي النگير الفوق ونگير لتحت…فوزي تودر ليه سروالو وسيمو بغى گرصونو عندهم منشور فالسطح…تا جرات عليه نجية عاد مشى يبدل….اما عصام كان واقف فبيتو كيلبس فالفوقية بيضة الي غايلبس فوق منها جلابة سوسدي صفرة…حتى تحل الباب وهي تدخل نعيمة هازة مبيخرة طالقة البخور ديال العود القماري…كاتصلي عالنبي وتزغرت….كانت واجدة لابسة قفطان جوهرة گرونة ودايرة شالها مكحلة عينيها فقط دايرة ذهبها تاهي فرحانة بعصام….
نعيمة : صلااااااااة وسلاااام عليك ارسول الله…الى جاه الى جاه سيدنا محمد الله معااااا جاه العالي…”طلقات لسانها كيزغرت زلزل دار كلها…” تبااااااارك الله وصلاة عالنبي على عريسنا ولدي عصام…
عصام”قرب باس ليها راسها حس بيها ميمتو فهاد اللحضة” : الله يبارك فيك اميمتي…
نعيمة : يلاه لبس دغيا مابقاش الوقت…دقايقية برا…
حرك ليها راسو وهي دور بخرات ليه جلابتو وحوايجو وخرجات…حتى دازت فرح وهناء لابسين مقادين بانت ليها فرح فشييي شكل مبدلة وزوينة دغيا زربات مشات لبيت وهي توقفها
نعيمة : فرح دوري نشوفك ههههه
فرح : بلاتي خالتي عافاك دابا يجي زين الدين…
نعيمة : ويلي والى جا ؟!
هناء : ههههههه خافت منو واقيلة عهههههه…”ضارت لقات فرح كتخنزر فيها” صافي انا كنخاف منو…
فرح : سيري حدا خالتي درتي ريحة حرام عليك…
هناء : والله مادرتها هادي ريحة البخور…
فرح”سدات منخرها” : انا غانسد عليا هنا حتى تبغيو تخرجو وعيطي ليا…الى جا زين الدين خليه برا حتى نجي…ولا يمشي مع عصام…حاولو تدهيوه عااافاك…
هناء : ومالك علاش ؟ بغيت غانعرف اش دايرة تا خفتي…والله حتى كتباني قرطاسة….صافي هاني غادية…
هزات جلايل تكشيطتها الي كانت فالبلوماغين سااامبل فيها سفيفة بين بلومارين وذهبي وحزام ذهبي رقيق وطالون ذهبي..بالاضافة الى مشيطة خفيفة لشعرها…وميكاب ناااعم بزاف خلاها تبان ناعمة…خرجات لقات فوزي كيقاد فكرافاط ضارب ليك قميجة بيضة وكرافاط كحلة وسروال اسود فصالة..مفيكسي شعرو لور وريحتو تعطي هي زويييينة خطيرة ولكن غا شمتها هناء عرفاات فرح تكحل بالعمى…هزات واحد طيفور مداتو ليه يخرجو…
هناء : طييييير خرج نتا وهذا ووقف حدا دقايقية ماتقربش لختك تشم ريحتك تاني تكحل بالعمى وتصدق نتا وياها معايرين
فوزي”شدو بالنترة مفقووووووص” : اري الخرا…هاد البرهوش الي حاملة بيه شحال ما جلست نلوحو ليها فالواد اصبري يتزاد…
تحطو الطيافر قدام عيساوة…تجمعات العائلة مبارك ومرتو..نعيمة وراجلها…عبد العالي والمحجوب…حتى وقفات سيارة زين الدين جنب الحايط وهو يخرج منها..ضارب كومبلي كحل قميجة كحلة كلشي كحل…مفيكسي تاهو شعرو وناقص من لحيتو شوي. ومن راسو لور شوية..نزل كيقاد فصدافي كمايمو..داير نضاضر شمس حيث كان الغروب حيدهم خلاهم فطوموبيل لداخل وتم جاي سلم على فوزي…حتى بان ليه عصام جاي…
زين الدين : الحاج عصام…صافي نويتي تعطي لملتي تيساع ؟
عصام”هز حاجبو وخبط ليه كتفو بجهد تا حدر زين عينيه لايد عصام ورجع هزهم فيه هاز حاجبو وهو يغمزو عصام” : لا كنتسناك نهار السبت كيف علمتيني ابا البغدادي…
زين الدين”دوز على لحيتو وحرك ليه راسو مثقل” مرحبا با عصام….”بدا يسوس فايديه وهو يدور كيقلب عليها بعينيه هنا وهنا مابانتش” مرتي اسمحمد فين ؟!
عصام”ضار وراه ورجع شاف قدامو تاهو كيقلب” : كانت مع بنت خالي…هناء فين فرح ؟
هناء : هاهي جايا…گالت ليك اخويا زين الدين سير مع عصام دخلو حتى تسالي وتجي…
زين الدين”جمع حجبانو” : كيفاش تسالي وتجي ؟…”يلاه بغى يدخل وهي تقرب هناء”
هناء : ورا خاصك دخل مع عصام…
عصام”لقاتو صعر” : فين ندخل انا الورد فيناهو ؟؟؟…
فوزي”وقف وحطو ليه بوكي كبير فيه الورد الاحمر والابيض” : هاهو…”شاف فزين الدين” تحرك معانا اصحبي…
زين الدين : ماعندي فين محرك فين فرح ؟!!!…
فوزي : هاهي جايا..كتوجد فالحنة بغات تدخلها..وتجي توقف معانا..مابغاتش تبقى وسطنا كاينين روايح داكشي باش راك عارف…
زين الدين : ماعليش انا نبقى معاها حتى وكان تخوا دنيا وندخلها…
فوزي : ريح لارض..فين تبقى…واهليييييييي ورا خاصك ازين الدين تبقى مع عصام…انا ندخل عندها ونجيبها…وتعامل اصحبي..
عصام”جرو من دراعو” : زيد ازين الدين لا تقويوش عليا كثرة الري بلا فايدة…
يلاه بغى يجاوب وهما يهزو عيساوة البوق الطويل وبداو…هزو العيالات ايدهيم وبداو يصفقو ويزغرتو…خرجات فاطنة هازة فايدها مريشات الزهر…وبنت عم صفاء هازة طبسيل تمر معمر..والبنت لاخرى هازة حليب فيه زهر…ومرات عم صفاء تاهي واقفة فالاستقبال مع اخت فاطنة الي هي خالة صفاء…
زين الدين عينيه وعقلو مع فرح ووذنيه تفرعو ليه بعيساوة وزغاريت…واحد اللحظة من كترة ما راسو تخربق وتبرزط مع فرح وصداع كان بغى يدور فالحزاق كامل…ويدخل عندها يشوفها اش كتصنع….حتى جر فوزي…
زين الدين”عينيه خرجو فيه..قرب ليه ونطق بصوت مجهد” : تحرك عيط ليها ولا ندخل نهزها ونزيد…من هنا كاااع…..
تهز دفوع وبداو فالصلاة على رسول الله…كل مكيقربو كل ما قلبها كايتهز وتحس بيه كايضرب ليها فراسها…مامثيقاش بالي هاد الليلة غاتولي صفاء الحالمة بحب طفولتها…غاتولي هي وياه زوج وزوجة…غاتزوج بالشخص الي بغاه قلبها وكان حب نقي بزااااف وبرييييئ….صفاء وعصام اكثر كوبل نصفاتو الحياة وخا مادوزوش التكرفيص لكن كل واحد فيهم تكرفص راسو مع الحب صفاء تدمرات من جيهة عصام فاش خطب لمياء…عاشت وكبرات وهي كتسناه يشوف فيها ك انثى…وعصام الي تكرفص من جيه كرفصاتو الحياة من جيهة خوتو والواليدين…وعاش قصة حب فاشلة انتهت بالفراق من بعد ما كانت غادي تشتت ليه الشمل مع خوتو….
صفاء”جالسة فالبرزة الي قررات يديرو ليلة الحناء فالعقد ديالهم…قفطان خضر مطرز بالذهبي والفوال على وجهها فيه خضر وذهبي..دايرة مشيطة خفيفة وميكاب ديال الحناء خلاها صفاء اخرى..من ديما هي زوينة وميلحة وملامحها زوينين وزينها فشكل…حاطة رجليها فوق مخدة خضرا مطرزة بالصم ذهبي…والطابلة ديال الحنة فيها قالب سكار منقوش والبيض تاهو…وسلة خضرة فيها براصلي فوسطهم خميسان فيهم شريط ساتان بيض وخضر لعازبات…سمعات زغاريت وهي تقفز وزيرات بايديها على الفراش….ختى قشعات عصام من بعيد ليها عصام داخل بزغاريت قلبات بعينيها علر فرح الي توحشاتها سيمانة ماشافتها…حتى بانت ليها جايا شادة فجلايل تكشيطتها حمرة جاتها زوييييينة وشعرها الي خلاتو على طولتو مبوكلي من تحت حميمر…الميكاب ر ودارتو سموكي…والفم گلوص درجة مغلوقة على الحمر ماط…هزات عينيها وهي تصغرهم كاتقشع واش داكشي الي شافت من بعيد هو هذاك ولا ولات تحلم بالبزازل من كثرة ماباغهم مسكينة”
صفاء : واش صدرها باينة فرقة ديالو شوية ولا عينيا غيسو..
النقاشة : نعام اختي…
صفاء : والو اختي غا شفت شي حر.ب تانا شي عجب…واش عصام ماشاف والو ولا زين الدين !؟
نقاشة : مافهمتش…
صفاء : ختي كملي نقيش كنهضر على صاحبتي ماتديش عليا هههه…”نسات عصام والحطة الي ضارب…يمكن حطة فرح نساتها التووثر..خصوصا عاااارفة حجم غيرة زين الدين لانها حضرات لهاد المواقف بيناتهم قبل ميتزوجو وقبل ماتغبر فرح ويوقع المشكيل الاول…هنا تاكدات ان فرح لولة رجعات” ياربي ماتنوض الحر.ب تانتزوج الاسد ديالي…بنت لحرام بغات تهرب ليا سعداااااااي…
عصام”ضار عندها” : فين زين الدين ؟!
فرح”صرطات ريقها” : ماعرفتش انا تبعتكم مالقيتوش…
عصام”شاف ف صدرها” : واش لابسة ؟ اش داك الزمر لابسة واش مكتسدش ؟!
فرح”هبطات عينيها” : دابا فاش لبستها حساب ليا غاتسد..ملي ماتسدتش بغيت نبدلها مالقيتش باش نبدل…هاحنا غير عيالات مع صفاء…ماغايشوفني حد…دابا نرمي عليا شي حاجة واخا عاجباني هادي عااافاك خليني اول مرة نفرح معاك ونفرح براسي…”عوجات فيه راسها وترجاتو بعينيها تا عزات عليه بلهلا يطريه ليه”
عصام : شوفي مع راجلك…سيري تحركي لعند العيالات وتركني لارض را من صباح وهو يسول عليك…
قلبها ضرب وسط حلقها…حركات راسها وهي تدخل نيشان لعند صفاء…سلمات عليها وهي تجلس حداها…
فرح : صفاااء…مبروك عليك امرت خويا “عينيها غرغرو..كتشوف فصاحبتها اخيرا حن عليها الله وتحقق حلمها..والاهم انها رتاحت بزاف بالي صفاء هي الي غاتكون مرت خوها فرحانا ومهنية وشنو حسن من هادشي…”
صفاء”عينيها تاهي غرغرو” : فرااااح…واخييييرا…
فرح”جبدات تيليفونها ودارتو على وضعية سيلفي” : صفاء ماتبكينيش…اجي نتصور انا وياك اول صورة فتيليفوني جديد بصورة عرسك ههههه…”تصورات هي وياها وكانت اول صورة ليهم فتيليفونها جديد…واحد شوي مقادة تيليفون تعاود تصور حتى تحولات شاشة لاتصال زين الدين ليها هكاك بانت لصفاء zinouchi ❤️…”
صفاء : شكون زينوشك ؟ زين الدين !؟ اعااااااو يا بتلحرااام..وتي ديك السگيطة ديال ثور وديك اللحية والحروشية رديتيها زينوشي ؟ وبلاتي وهادشي الي لابسة شافو ؟ مشافوش ابنت الهم..علاش القحبة اختاريتي نهار عقد قراني انا وقرة قلبي ودرتي هاد الفعايل…بديتي ففعايل اللوسات اليهوديييييييااو…
فرح”جاوبات وايدها كترعد” : ا الو…”بعدات تيليفونها من صوته المجهد” هه هاني…وو واخا…”قطعات وهزات جلايلها جاب الله لابسة بلغة…وهي تصرط ريقها وخرجات صوت الزغاريت ودقايقية خدااام دعقتها ريحة تاني حسات بقلبها بغى يطلع زادت هزت جلايلها وتمات خارجة كتزرب نسات راسها ونسات زين الدين…كل همها تخرج وتنفس الهواء نقي…حتى خرجات لبرا ماحسات غير بايدو حاتية عليها من دراعها وجراها وراه هزات عينيها كيبانو ليها غا كتافو العراض وصهد عاطي منو…يلاه بغى يدور يعرعر علاش غابرة وهو يخرج عينيه…اش غايقول ماكياج صارخ ؟ ولا ديك الفرقة ديال البزازل شكاوي الي باينة…ولا اااااااااش….حيد الفيستة بزربة دارها ليها قدامها ولواها عليها ولا غا كيخربق غا باش تغطي صدرها…
زين الدين”كمش حجبانو بغا يبدا يطيح ليه سكر بالصعرة” : شش شنو هاد الملاوي ؟!…”غمص عينيه بنفاذ صبر مافيه ماااايغوت..نطق بصوت مغلغل باين انه على وشك يدير بااااق يسوطها هي والي حداها” ت تحححررركي لدار مسحي وبدلي هادشي..تحركي فرح….
فرح”حدرت عينيها لارض وكمشتهم” : لا ماغاديش نحيدو…”عضت فمها”…
زين الدين”خرج عينيه حتى بانو عروق نواضرو” : نعااام اسمحمد ؟!…
فحال الى ماسمعش اش قالت…ماتوقعش تشد معاه الضد بهاد الطريقة…خصوصا ان صدرها تقريبا باين فيه ديك الفرقة ديالو…شعلت فيه العافية ولحد الساعة را محاول قدر الامكان انه يتمالك اعصابو…ولكن هي ماعاوناتوووش خصوصا انها شدات الضد الي ماشي فمصلاحتها….
زين الدين”كيقرب ليها وهي راجعة باللور” : عاودي شنو گلتي ماسمعتش ؟؟…
فرح”حادرة راسها وشادة فالفيستة خافت ماحشمت” : ممم منحيدوش..خليييييني فرحانة بخويا ماب” ماجات فين تكمل هضرتها تا خبط فوق السيارة بجهد تا طارت ونزلت مغوتة…والسيارة الي ضرب بدات كتغوت تاهي”
زين الدين : واااااااااالرب المعبود وماتگلعي تستري هاد الملاوي هاد الحبس كااامل يتگلب على ملة مك…تگلعي يلااااه….
فرح”هزات فيه راسها وخرجت فيه عينيها دافعة سنطيحة اما لداخل الرعدة والخلعة شاداها” : الااااا غادي نبقى بيه…”زادت كمشت على فيستة ديالو ناسية راسها را خدامة كتستر فراسها” حيد خليني ندخل غايدي…
ماحتال تكمل تاني تا حست بيه شدها من دراعها زيييير عليه تا غمضت عينيها من حر الالم هنا عرفاتو ما غايعقلض عليها ووصلات بيه نيييييت…دفعها قدامو مزير على دراعها مشى بيها لدار…حتى خرج سيمو بغى غير يكمي بانو ليه منوضينها…
سيمو”بغى زعما يدخل بخيط بيض يتهدنو” : خويا زين الدين نعل الشيطان…
فرح : وطلاااااااق مني ضريتينيييي …وبشويييااااا ضريتيني قدراعي…وبعد مابغيييييتش خليني هاكا…
زين الدين”ابحال الى كتلوح ليه قطرات لصانص فوق العافية الي فيه كايبغي يتهز تالسما وينزل بالغدايد..” : وتركني لااااارض وبالرب المعبود لا كان ليك فوق لحمك…
سيمو : زين الدين وا….
زين الدين”ضار عندو مشربن غا شافو سيمو وهو يرجع باللور” : تحرك جيب ساروت ديال دار…
سيمو”بالخلعة نقز وضار يجري يولول”
فرح”كتحيد ليه فايدو ووالو واش قدرت” : وطلق حرام عليك…علاش بغيتي تنغص عليا فرحتي…
زين الدين”جرها بجهد لعند وجهو كشاكشو خارجة” : نغص عليك فرحتك ؟ باغيا العرا ابنت النااااس ؟؟
فرح”شافتو كيشوف فيها بواحد الشوفة فشكل..بدا فمها يترعد” : وو مم ماشي هاكاك..انا عجبني حنا عيالات بوحدنا شكون غايشوفني…
زين الدين”عاض على سنانو وعينيه مخنزرين فيها ماجاوبهاش بقى غير كيخنزر”
فرح”شافت دعوة ماتعجبش وهي تعوج راسها باش تبقى فيه وعينيها غرغرو اصلا على سبة” : عاااافاك خليني لابساها عافاك را معنديش باش نبدل عااافاك…اهى…
زين الدين”الصمت”
شداتو صعرة وحس بالسكري نزل…يلاه غايدور يبدا يعرعر تا بان ليه فوزي جاي هو وسيمو…
فوزي : مالك ياك لباس ازين الدين”شاف فختو لقاها بغات تبكي وحابساها باش ميخسرش ليها المكياج ومزيرة على الفيستة”
زين الدين : حل الباب حاااااال الباب….
فوزي”مد ايديه كيهدن فيه” : واخا واخا غا تهدن…وطلق من دراعها بعدا…
زين الدين”قرب ليه مفرفر بالصعرة” : حاااااال الباب وديها فراسك….
فوزي : لا حول ولا قوة الا بالله…”
شاف الدعوة مغاتسلكش وهو يجبد ساروت وحل ليهم الباب ماتسناهش زين الدين تا يهضر بالزربة دخلها وسد عليهم الباب خلاهم كيرمشو…اصلا فوزي كان عارف غايوقع هاكا وديجا حدرها فاش دخل عندها لبيت وهو براسو ماعجبوش الحال من ديك التكشيطة يعني من حقو….
فوزي : عطي ولا تفرط…انا وشهمتني…”ضار عند سيمو” شحاال عاد كايحيد هاد الوحم…
سيمو : هو الي فراسي المراة كتحمل اربع شهور عشريام…
فوزي”كمش فيه عينيه” : ربع شهور وعشريام ؟ هادي شبهت ليا الي كيموت ليها راجلها لا ؟
سيمو”مخرج عينيه ومصنطح…مأكد عليه زعما را هضرتو الي صحيحة” : تا لا هاديك را هاديك را وحدها تسع شهور…المهم ماتحكرش يلاه نرجعو غايبداو يفرقو فالحلوة…
كيف دخلها داها نيضان لبيتها وهي كتحاول تنتر كتلقا غير الصد…حل الباب ودخلها وهو يوقف كينهج…
زين الدين : تحركي ستري الويل الكحل….
فرح : علاش درتي ليا هاكا ؟ مابغيتش عاجبني هاكا علاش مابغيتيش نفرح…
زين الدين”كيقرب ليها عينيه خارجين…تا بدات ترجع باللور وهي تجلس فوق فراشها” : تفرحي بالعرا ؟ على بالك يعجبني الحال ؟ من تريكة الرعاوين نشوف مرتي “شد طرف من عنق تكشيطة وجرو بجهد” معرية ليا لحمها ونضحك كي الكلب ديوتي ؟!…
فرح”ناضت وقفت” : مابغيتش مااااابغييييييتش اهى….
زين الدين : مابغيتيش ؟!
فرح”مبعدة وترمش فيه ووجهها ولا حمررر عينيها حمريييين وشحال جا معاها داك سموكي فالعينين…”
زين الدين”عينو فعينيها ماينكرش بالي حمقاتو بهاد اللوك فوجهها ولكن الغيرة نارية عندو وطبعو الحامي مخلاش ليه مجال فين يستمتع…” : تحركي لبسي عليك شي حاجة فرح…تحركي ولا ماتلومي غير راسك…
فرح : بغيت نبقى بيها…عجباتني وعجبني راسي…بغيت نفرح فنهار خويا حرام عليك….
زين الدين : مابغيتيش ياك ؟
فرح”زمات فمها شوية وهي دلي شنيفاتها..وسكتات”
زين الدين”هز صبعو وعض لسانو تا كان مقرب ليها باغي يدير شي حاجة وهو يتراجع..حرك راسو بوتيرة ثقيلة…وهو يخرج من البيت خلاها كتشوف…جبد تيليفون ودوز الخط لفوزي” : دخل عندها….”غير قالها ليه وهو يخرج من دار وسد الباب بجهد تا طارت ونزلت مشى ديريكت لطوموبيل ودخل ليها حس بالديابيت بدا يدير خدمتو تكى عالكوسان يرتاااح وخا را لداخل كيغلي…شوية بان ليه فوزي خارج من دار فاطنة وتم غادي داخل لدارهم حتى شاف فزين الدين ورجع دخل….
هز باكية الكارو جبد منها سيجارة..حل زاج الي حداه وهو يشعل يلاه بدا يكمي تا بان ليه باب الدار تحل وخرج فوزي هو لول…عاد بانت ليه خارجة كمش حجبانو وخا صاعر عليها ومقلق مامنعوش راسو انه يتاكد واش باقي لابسة ديك التكشيطة…حتى بانت ليه لاوية عليها شال كبير كيترمى فوق الكتاف عاقداه من عند صدرها ستراتو وشاداه بايدها وايد شادة بيها جلايل تكشيطة…عنقها فوزي بجنب وتمو غادين بقى حاضيها من اللور الي حتى دخلو…غمض عينيه وتنهد بنفاذ صبر وقلة حيلة معاها عارف تخلط ليها الوحم مع الضد وزاد عليه طبعو الشرقي مكيتلاقاوش…بقى كيكمي حتى حس براسو بدا يتكالما وهو يحل الباب ونزل من سيارة…صونا لفوزي خرج عندو ودخل هو وياه تال عند صالون الكبير الي فيه رجال….
فرح”جلسات حدا صفاء مكمشة فصدرها”
صفاء : حصلك القحبو….
فرح : سكتي عليا عافاك ولا نخلي ليك هاد الزمر ونمشي نعس…
صفاء : شهدو عليها شهدوووو على فعايل لوسات…
يلاه بغات تهضر حتى ناضو العيالات كيزغرتو وجات نعيمة جرات فرح باش تمشي عند خوها حيث غايدخل عند صفاء يسلم عليها ويحيد ليها الفوال ويرجع باش يكملو مع العدول الي جا وكيقرا فالاوراق ديالهم….وقفات حدا عصام غير شافتو وشافت لمعة الي فعينيه عرفاتو فرحان بزاف وعرفات وتيقنات انه لقى البنت الي باغي…وخا هادشي قلبها وعقلها مامنعوهاش انه ماتقلبش على الحب ديالها الي عرفاتو تقلق منها وصعر من جيهتها…دورات عينيها تقشعو والو حيث كان غير عصام…
عصام”شاف جيهة صدرها لقاها مغطياه” : تسترتي ابنت الهم…
فرح : فين زين الدين…
عصام : لاش بغيتيه ؟؟؟….
فرح : صافي.والو…
تعالت الزغاريت وعائلة العريس فرحانة بيه بحاالاش وماحدو كيقرب وماحد صفاء قلبها كيضرر بجهد ايديها حسات بيهم عراقو بزاااف كاع ديك الزعامة تحدات ليها وعلاش الي ماتحدش واي عروسة فهاد اللحضة كتوثر بزااف…دخل البيت فين بارزة وغيييير شافتو جاتها البكية…كتشوف فداك الزين كامل وداك الرجل الي بغات هاهو داخل لعندها والحلم تحقق والمكتاب تصرف وكانت صفاء هي مكتابو من بعد كاااع هاد المشاكيل…تم داخل وكيحرك فراسو وعينيه فلارض الي حتى وصل لعندها وقف وسمى الله وهو يحيد ليها الفوال غير شاف وجهها والمكياج الي زينها وبان فيها السر حس بقلبو رفرف وحس بان صفاء هي احتيارو صحيح شي حاجة فيه كانت ديما كتخليه مرتاح ليها بحكم هي الشخص الوحيد الي كان واقف معاه فواحد الوقت الي كلشي تخلى عليه وتاكد انه هي علامن يعول فالسراء والضراء…
عصام”قرب وباس ليها جبهتها وهي عينيها محدورين” : تبارك الله…
تبسمات ليه وفمها كيترعد وهو يجي جلس حداها تصورو..شوية جات فرح هازة صينية فيها الحليب وتمر وفيها بواطة ديال خواتم مارياج ذهب وديالو هو نقرة مكتوب فيه اسم صفاء واليوم ديال عقد القران…وخاتمها هي الي كان من اختيارها فالكاطالوغ الي جاب ليهم زين الدين اختارتو ورسلاتو لعصام والقياس هي ديجا عارفاه عطاتو ليهم وصايبو ليه زين الدين من تصميمو مناسب لشخصية صفاء…لول كلو ذهب صااافي وثاني فيه حجرة كبيرة وصااافية وجنابها ثلاثة الحجرات ثلاثة الحجرات…طبعا عصام خلص حيث خاص يكون على حسابو هو…الا الكورميط الي كانت هدية زين الدين..وسلسلة هدية من فرح…وقفو كاملين كيصفقو والموسيقى الشعبي خدامة…كانت جايبة نگافة..بدات فالبروطوكول ديالها اول حاجة وقفو العرسان…ركب ليها الخواتم وهي تركب ليه خاتمو تجي فرح لبساتها الكورميط…وعطاتو بواطة سنسلة لبسها ليها فيها نصف قلب وسطو حجيرة صغيرة…هادشي كامل والمصور خدام…فضلو يركبو الخواتم عاد يديرو العقد…باس ليها راسها وقرب لوذنيها
عصام : مبروك علينا…
صفاء”حناكها بغاو يطرطقو” : الله يبارك فيك “بصوت متقطع منخفض من الخجل الشديد”
دازو الصور بيناتهم وثقو اللحضة…وصل الوقت الي خاص يتوجه عصام لصالون باش يكمل اجراءات عقد القران….
العدول : الى ممكن تجمعنا فبيت انا ونتا والعروس باش نسمع الموفقة ديالها ولدي…
امين : تفضل اسي المعطي…
حرك راسو وناض هاز روجيستر وستيلو وتبعو عصام وجيلالي مشاو لواحد البيت دخلهم وهو يمشي كيقلب لمن يعيط مابانت ليه غير فرح حطات بلاطو فوق واحد طويبلة…
امين : بسسس فرح….
فرح”ضارت عندو جات مقابلة مع صالون الي فيه رجال وجالس زين الدين مع المحجوب وعبد العالي..قربات عندو شادة فجيلايلها” : نعام امين هاني…
امين : تي را قربنا نوليو نساب الخاوة عهههههه
فرح : هههههه كاع مامثيقة خهههه…هو مثيقة خويا يتزوجها وليني ممثيقاش صفاء تزوج ودير عقلها وتولد وتولي تگول ليهم الله يرضي عليكم ؟ هههههههههه….
امين”خبطها لكتفها بمزاح ماتجي هاد اللقطة غير قدام عينييييييييييييييين سيدي زين الدييييييين الباهية كاملة وزادت لبقت” : عيطي لصفاء…را العدول كيتسنى نوتقو اللحضة شافنا الله…
فرح : هههههه واخا…
ضارت هازة جلايلها وشادة فوق كريشتها الي باينة…وهي تهز عينيها كضحك مع يجيو نيشان فزين الدين الي كان وجهو وشوفاتو الي كانو مخنزرين بجهد…صرطات ريقها وهي توقف عرفات راسها جمعات ضوصي صحيييييح عندو…يلاه هزات ايدها بغات تشد فالشال الي مغطية بيه حتى تم راجع امين ضارت عندو حركات راسها وهي تمشي لبيت عند صفاء وقفاتها وشدات فيها وهما يخرجو من البيت معاها امها الي كانو عينيها مدمعين…
جلسات صفاء حدا باها وعصام والمحجوب من لهيه…سولهم العدول الاسئلة ديالو حتى وصل لاهم مرحلة…
العدول : بالنسبة لصداق اولدي…
جيلالي : الى كان ولابد دير اير القدر الي مناسب وكافي برااكة بغيتو غايتهلا فيها ومايبكيها ليا…
عصام : خليه مفتوح تانهضر معاها شحال مابغاو انا واجد…
العدول : على بركة الله…بنتي قابلة تزوجي بهاد السيد على سنة الله ورسوله !؟
صفاء”حدرت راسها وسكتات”
جيلالي”قرب ليها وشد ليها فايدها الي تحيدت منها الحنة بالنعناع وما زهر دغيا مخلاوهاش تنشف..” : هضري بنتي الى مابغيتيش نديرو بناقص…
صفاء”السكات”
جيلالي”شاف فالعدول” : صافي مابغاتش الحاج…
صفاء”هزات راسها بزربة” : الا با قابلة “خرجات عينيها فعصام الي هز حجبانو..اما فوزي وامين ضارو لهيه عياااو يحبسو فديك الضحكة ولا بغات تحبس ليهم..”
العدول : هههه وهكاك خلينا نسمعوك ابنتي را من حقك تهضري..اسيدي على بركة الله…”بدا يكتب يكتب يكتب اما هي الراس الي يعاود يهزو فيهم مابقاش تفيكسا فلارض…شوي عطا لعصام يسني…
عصام : بسم الله…”سنى فالروجيستر…وعطاه ستيلو عطاه ليها شداتو كترعد…واحد اللحضة حسات بالدنيا وقفات وحسات بالي غاتفيق وتلقى هادشي غير حلم…عينيها غرغرو بجهد تا نزلات واحد دمعة كتجريييييييي…
جيلالي”حط ايدو ورا ضهرها ومسح عليه بحب وحنان الاب تاهو عينيه غرغرو عزيييييييييزة عندو صفاء بزاف معزة فايتة معزة الاب لبنتو…من ديما صفاء هي الحنينة فيه مربية وضحوكية وديما رافعة ليه راسو بقرايتها ودراعها وحتى وجهها البشوش…” : هادي سنة الحياة ابنتي…وعصام منخيرو ليك قدام رجال ونعم النسوبية ونعم الابن عندي…راني مهني عليك معاه وراكي قريبة ليا الباب عند الباب اش بغيت كثر من هادشي…
عصام”تفكر فرح الي غاتمشي لدار راجلها بعيدة عليهم ساعة ونص ديال طريق وغاتبقى حياتها تما واخا تجي عندهم لكن بمجرد انه كيتفكر غاتبعد كيضرو خاطرو وقلبو..حرك راسو وحدرو ما قال والو”
صفاء”حركات راسها ودارت ضهر ايدها على فمها كاتمة البكية..هزات ستيلو صرطات ريقها وسنات باش توثق الزواج باش توثق ان اللحضة ماشي حلم وانما حقيقة وعايشاها بكل فرحة…”
العدول : بارك الله لكم وجمع بينكما في خييييير….
امين”طل على مو من ورا الباب وقاليها را كتبو العقد…شوي وهما يبداو يسمعو زغاريت”
فرح”حطات ايدها على صدرها ونزلو دموعها بالفرحة ضارت عند نعيمة وهناء” : ههههههه تزوج خويا واخيرا تزوج اخالتي”عنقاتها تا بدات تبكي…فرحانة بزااااااف وكمل عليها الوحم وزين الدين الي حسات بيه هز بزاف هاد الليلة من جيهتنا وتالفة بيها دنيا…بقات طبطب عليها نعيمة وهناء كضحك عليها عاد سكتت…
ناض العدول من بعد ما بارك ليهم ورجع هو والمحجوب وفوزي وامين وجيلالي خلاو عصام وصفاء وحدهم
عصام”كان حادر عينيه كيحرك فداك الخاتم الي فصبعو..كيشووووف فيه حتى تبسم بجنب وهز عينيه فيها وشحال عجباااتو بالسر الي فيها وعجباتو بالحشمة الي نزلات عليها وخا عارفها كاطير لكن طيرانها محدود يعني بنت فروجية بعقلها وكتحتارم…مامنعش راسو انه يقرب ليها اكثر حتى جا جسمو حدا جسمها…” : مالك ساكتة…
صفاء”حركات راسها بجنب وسكتت”
عصام”مد صبعو لذقنها وهز ليها وجهها كيشوف ففمها كيترعد وعينيها محدورين” : شوفي فيا…تزوجت بيك باش يسكت ليك الحس ولا ؟!
صفاء : عصام عافاك ماشي دابا…
عصام”هز حاجبو” : اش الي ماشي دابا…
صفاء : ماتهضرش معايا كنحشم…شوف را خاصني نمشي لبيت..بغيت نمشي وجهي عادي عافاك…
عصام : علاه مالي اش غاندير ليك حتى تمشي ماشي عادية ؟ اش كتخربقي عليا تم…
صفاء”صرطات ريقها” : صافي ما گلت والو…
عصام : وخا هزي عينيك فيا نشوفك…
صفاء : نهزهم وماتشوفش فيا…
عصام : ويلاه اسي…طلقيني ناس كيتسناو برا…
صفاء : اااه يعني مزروب…واخا…”رمشات تا رمشات وهي تهز فيه عينيها…نشان مشاو لعينيه ” مممم…
عصام : سبحان من صورك زينة فعينيا…
صفاء”رجعت حدرت عينيها”
عصام : هزي عينيك خليني نشوف…صفاء خاصك تولفي عليا…هاني وليت راجلك من هنا لقدام عيبي عيبك وعيبك عيبي…راك مرتي ونصي الثاني والى كتب الله ام ولادي…ماولفتكش ومابغيتش نولفك حشومية بزاف…باش نجيك نيشان ماعنديش مع قوة الحشمة بين المراة وراجلها…”هبط ايدو لفوق ايدها وشدها ليها مزير عليها حسات بالنمل سرح ليها فذاتها” طلقي البشرة ديالك كيف عارفك…
صفاء”حركات ليه راسهاا وهي تهز فيه عينيها يلاه بغات تهضر حتى ماعرفاتو امتا قرب لوجهها بزاااف وحط شنايفو فوق شنايفها تا خرجات عينيها حسات بالضوو ضربها بين عينيها…زاد قرب ليها اكثر وغاااص بشفايفو بين شفايفها حتى كان غاينشى راسو ويتعقمق فالبوسة يلاه بغى يبعد وهي طيح ليه بين ايديه مغيبة….
عصام : ششش صفاااء…”مسح فمو جابت ليه ضحك واحد اللحضة…” صفاء “طرش ليها حناكها بشوي. والو…بان ليه بلاطو فيه قرعة وكيسان فوق الميدة وهو ينوض خوا الما وجابو ليها رضها شوي وهي تشهق”
صفاء : هيييييييي…
عصام : ماوقع باس ماوقع باس…”حط ايدو على حنكها” موگضة دابا ؟
صفاء”عاونها تگعدات” : ماعرفتش اش وقع ليا..مابقيت شفت والو..”حطات ايدها على قلبها كيضرب بجهد..البوسة وستريس”
عصام : كولي شي حاجة حلوة… گادة تمشي !؟ ولا تبقاي تا ترتاحي ؟…
قبلة مليئة بالحب…بالخجل وبالارتباك…وهادشي حس بيه عصام ولاحظ الاختلاف فرحتو هاد نهار كبييييييييرة وحتى فاش خبطها فرحان بزاف عكس خطبتو ب لمياء…باش نعرفو ان ربي ماكيحيد عليك الحاجة الا وموجد ليك حاجة احسن منها…وقفات تا قادت حالتها ومسحات تحت عينيها…
عصام : هاني خرجت…غايجي عندك شي حد ؟
صفاء : احم..ا اه غاتجي مي ولا فرح…
حرك راسو وخرج كيقاد فالجلابة وشحال كيبان زين بزاف بيها خصوصا ملامحو الحرشة السوداء عطاتو جاذبية وحروشية فشكل…يلاه كي خرج تحل الباب وهي تدخل شادة كرشها ومبسمة عينيها كيلمعو بالدموع وقفات وشافت فصفاء…
فرح : صفاء مبرووووك اهى اهى…
صفاء”دلات شنايفها وبدات تبكي تايه مدات ليها ايديها تا جات عندها وعنقاتها” : اهى اهى…تزوجت بيه افرح…تزوجت بعصاام
فرح : اهى اهى…والله ما مثيقة.. صبرتي ونلتي اصفاء تستاهلي وماكاينش ماحسن منك يتهلى فخويا مكاينش اهى…وماكاينش الي يتهلى فدارنا من غيرك…
صفاء : راكم خووووتي افرح خوووتي…
فرح : ختنا ماشي صاحبتي ختي انا…اخت فوزي..مرت خويا..من الي حلينا عينينا ونتي معانا..مربية معانا كابرة معانا عشتي معانا الولي الكحل نتي وسيمو زصبرتي معانا وعشتي معانا كاع ضروف الخايبة…علاش منتهناش على دارنا وخويا…اهى..ورا انا خاصني نتهنى عليك انا خاصني نگول لخويا يتهلى فيك…
بقاو معانقين وكيلاليو ويبكيو كانت واقفة فاطنة عند الباب هي ونعيمة خلاوهم يبكيو…بزز باش فرقوهم قربات فرح لصفاء باستها فحنكها ومسحات ليها تحت عينيها…هزات جلايلها ومشات لبيت بزغاريت…تطلق الشعبي وبداو يشطحو العيالات منهم ام صفاء ونجية الي ماقاداها فرحة ويزغرتو…بغات تنوض فرح تشطح مع صفاء وهي تجرها هناء…
هناء : اجلسي لارض راكي هازة فكرشك …
فرح : بغيت ندير حقي عافاك…
هناء : وراجلك ؟
فرح : ماشافنيش…
ضارت ودخلات وسطهم كتشطح وتهزهز فداك صدر حتى تفك الفيليل وتحل ليها الشال هازا ايديها وتشالي فيهم داك الكورميط والبراصلي الي خذا ليها…مع صفاء كيشطحو شوي تا دخلات هناء معاهم كانو كاملين كيشطحو هاك بلاك تا ولا فرح كلها عرقانة ماجلسات تا حبسو وقالو ليهم العشا غايتحط….تحط العشا هنا ولهيه السرباية خدامين معاهم…
فاطنة : وااا كبيدتيييي را طبسيلك ديال شلاضة واجد ومعاه خضيرة…
فرح”شافت دجاج ريوگها سالو” : لا غير خليني ناكل هذا بغيتو امي…
فاطنة : ياك هانية مايعيفكش ؟!
فرح : لا لا ماشميت والو ريحتو حمقتني…
نجية : كولي كبيدتي بصحتك…
بدات تاكل خشات ايديها فدغميرة تاكل وتبنن وتنهد…ماشافتش الميساج الي جاها من زين الدين حيث كانت دايرة تيليفون فالصاك…كتاكل وتنهج وحاسة بوجيعات خفاف تحت كرشها…كتاكل ونعيمة تقطع وتعطيها فالجيهة ناشفة…كمل العشا تحط ديسير…تبعوه الحلوى رجعو يشطحو…دازت ليلة زوييييينة ولمة عائلية…وصل وقت يمشيو حيث مبارك خاصو يرجع لسيدي بنور…تسالمو معاهم وخرجو كتملين عند الباب…
عصام : فين هي فرح ؟
فرح”خرجات كتقلب بعينيها” : هاني..”قربات عند سيمو ودارت ايدها على فمها باش ميسمعهاش خوها” فين هو زين الدين ؟
سيمو : ناض قبيلة ملي كمل العشا گال بغى يكمي من تم ماشفتوش…اححح”بدا يتشبح” جاني نعاس وصباح خاصني نشد البحث من الادارة يخ تفوو …
صطوف”ضرب لعصام كتافو” : ولينا مالين وليدات الخو…هههه
عصام : من گال دير دارك نتا…ماتخوشفش ملتي طلقنا لعرس
صطوف”ضرب صدرو” : ويا خويا وديال گلبي وجاااك عرس من داكشي…
فرح”دورات عينيها مابانتش ليها طوموبيل…خشات ايديها فصاكها وجبدات تيليفون تسولو وخا عارفة راسها مقااااودة معاه سوايع…يلاه شعلات تيليفون تا لقاتو مخلي ليها ميساج فيه
زين الدين : ماتبرزطيش ملتي هاد اليومين…
هذا هو الميساج ما قل ودل زوج كلمات عرفات معناهم انه وصل لطوووب فالصعرة..هزات راسها وهو يدور عصام وعيط ليهم يدخلو باش يرتاحو…دخلو لدار كاملين وفرح مرة مرة تقرا داك الميساج ويطلع معاها الندم…حسات بوجيعات خفاف تاني شدوها عرفات راسها قفراتها بداك شطيح الي شطحت تقولي كانو رابطينها حسات بواحد المتعة واللحضة عاشتها ماعاشتهاش شحاااال هادي…دخلات لبيتها هي وهناء بدلو عليهم دوك تكاشط…خلات هناء كطوي ليها فتكشيطتها باش ديرها فساشية وتديها الغذ ليه لمولات تكاشط عندمن كراتها بغات تبدل وتغير اختارت تكري باش تكون مبدلة هاد نهار…مشات لدوش غسلات وجهها بالصابون ديال الطاوس مافيهش ريحة…حسات بتروييييييعة مجهدة وهي ترجع كاااع داكشي الي كالت…حتى حسات بالسخفة وهي تنوض رشات عليها الما غسلات سنانها وخرجات كتنش جاها صهد بزاااف…رجعات البيت لقات هناء تكات فبلاصتها بغات تنعس…
الرابعة والنصف ديال الصباح…نااااعس في امان الله حتى بدا يحس بشي حاجة كتحرك فيه..بعدها بايدو ورجع يشخر…شوية نغزاتو تاني…
فوزي : وااا الحبس خليني نعس…”عاود حركاتو وهو يحل عينيه مع شعى ديال الضو ساني وراها بان ليه وجه كبيير وحناك غلاض طار لسما ونزل وهو يغوت” وااااااالعدااااو…وماااااما…
فرح”خرجات فيه عينيها وشعلات بيل تيليفون دارت صبعها على فمها” : شششش سكت الزمر سكاات…”كتهضر بالفحيح”
فوزي : اش بغيتي دعيتك لله…
فرح”مدات ليه كونطاكت طوموبيل” : نوض ديني عند زين الدين لكلينيك عاااافاك…
ناض شاهق مفزوووع فيقاتو على غفلة وكملات ليه ب ديني عند زين الدين لكلينيك حساب ليه غا دار شي كسيدة…
فوزي : علاش مالو ياربي سلامة اش وقع ليه…
فرح”خرجات فيه عينيها تا غرغرو” : الله يحفضو اش بغيتي عندو…
فوزي : وعلاش كلينيك ؟ واش نتي مفربلة ولا مالك ؟…سيري تنعسي را الليل هذا سيري…”ضار هنا وهنا” لاش جيتي هنا عندي..كون سمعك عصام ؟!…
فرح : عصام لتحت مغايسمعناش…نوض عافاك ديني عاااافاك را فالكلينيك…نهضر معاه عااافاك را مشى مقلق بزاف من داكشي الي درت….
فوزي : اهاااه يلاه وذن عندك المغرب…سيري رجعي نعسي سيري”جر الغطا تغوبى يلاه بغى يغمض عينيه وهو يسمع صوت البكا…حيد الغطا وشاف فيها شعل تيليفون البيل تا شعل ضو من نگاصة وهي تبان ليه خاشية وجهها بين رجليها وكتبكي” يااااااااااااااربي سلامة ياربي…ودابا مال جد امك فهاد الليل الكحل…واش جاك عليه…سيري تال صباح ونديك عندو…
فرح”هزات راسها مسيقة وجهها بالدموع” : ولا ديني دابا…اصلا حاسة بوجيعات فكرشي بغيت نمشي نشوف…
فوزي : بغيتي تكحلي ليا ضواصا مع عصام…لاش غانمشيو فهاد الوقت…
فرح.: زين الدييييين عندو عملية فالصباح ووحدة من وراها هاد اليومين كاملة ممساليش…عافاك ديييييييييني “بغاات تفقص” وااعووووووو فقصتيني فقصتييييييييييييني اهى اهى…غادي نوض نمشي راسي بطوموبيل…والله تانخرج وعارفني نديرها”خرجت فيه عينيها لدرجة عرفها علاش قادة وحرنت حرنة مافسوقها مايتعاود ماعرفو وحم ماعرفو فقصة…”
فوزي : فكريني نهار تولدي نقتلو…”عض سنانو بالفقصة وناض بلهلا يحزقو ليه”
خرجو من دار كيتسلتو لبسات عليها قبية وسروالها دافييين فالبوردو مبينة كريشتها شوية…سدات الباب بشويييييا وركبات حدا فوزي طلق الفران ورجع باللور باش ميتسمعش الحس تا خرج من درب وهو يديماري حااااقد….
فوزي : من هنا لنوصلو نسمع حسك نصرفق مك لجدارة الوذن..”حركت راسها وصهطات…مسافة طريق غادي مكسيري وحجبانو عاقدين سبعة فربعطااااش…يا ويل ويلها من زين الدين ويا ويل ويلها من فوزي ويا ويل الويلات من عصام…مص ساعة حتى كانو داخلين لكلينيك حلو ليهم الباب حيث عرفوهم شكون دخل الباركينغ بلاصا سيارة وهما ينزلو….
فرح : اجي من هنا…”داتو لمصعد الخاص ركبات رقم الطابق وطلعو نيشان لجناح ديالو…لقات الولد جديد” زين الدين فشومبر ديالو ؟..
ياسر : وي اختي…
فرح : حل ليا الباب…”حرك راسو دار بصمة الكف ديالو وهو يتحل الباب بغات دخل وهي دور عند فوزي” تبقى هنا ؟
فوزي : ياكما بغيتي نرجع ؟ سيري سربيني قضي هاني نتسناك…
عوجات فيه فمها وهي دور دخلات وتسد الباب موراها…مشات نيشان لجيهة المكتب كاين حدا المكتب باب الشومبر عارفاه كيكون مسدود داك الباب اكثرية…دخلات من المكتب كان ضلام شعلات الضو ومشات كتسلت حتى دخلات لشومبر كانو ضواو خافتة بان ليها ناااعس مغطي نصو والنص الفوقي عريان ملابس والو اصلا…بقات كتسلت على روس صباعها وشادة تحت كرشها تا قربات ليه وهي تجلس حداه….
فرح”حطات ايدها على شعرو بدات دوز عليه بلطف” : زين الدين…
زين الدين”كمش حجبانو بواحد طريقة تا بعدات ايدها…بدا يحل فعينيه وهو يهزهم فيها نيشان وهو يضربها ليها بواحد تخنزيرة تا صرطت ريقها” : شنو جابك هنا ؟!؟؟؟ شكون جابك ؟؟؟
فرح : جيت نشوفك…جابني فوزي…
زين الدين”تگعد تقاد فبلاصتو” : شنو جااااابك هنا ؟ ياك علمتك ماتبرزطيش ملتي هاد اليومين ؟ مال جد مك ولا فيك العكس ؟
فرح : بغيت نجي ونشووووفك…بغيت نهضر معاااااك واخا تگوليا متبرزطينيش نبرزطك…مابغيتكش تبقى مقلق مني…
زين الدين”شدها من دراعها وجرها عندو بجهد تا غوتت” : كتقلبي عليا نبكي ملتك هاد الليلة…فاش عينك ؟ ياك درتي داكشي الي گاليك راسك شنو بغيتي فيا ؟ كتسناي نصفق ليك ولا كيفاااااااش”خرج عينيه وجهد صوته تا بانو عروقو” نضحك ليك ونتي معرية دوك البزازل ولا ديك الخرا الي طليتي فوجهك ؟ ولا تمازيحك مع داك الملاوي فالدار !؟ عاجبك تمازحي ليا مع رجال ؟ …بغيتي نبدا نخصر فالهضرة وندير الي مايعجبك وعمرك شفتيه مني ؟…
فرح : مابغيتش نمشي…
زين الدين”غمض عينيه بنفاذ صبر” : تت المساوات لله…تحركي عليا من هنا رجعي فحالك يلاه…تحركي ممساليش وماعنديش الخاطر هاد ساعة تحركي ولا ندير شي حاجة ضرك فرح…تحركي راني لحد ساعة شاد عليك راسي بزز…”عاود خرج فيها عينيه” واتحاااااااركي…جهلتي ملتي هاد النهار…
شافتو بدا ينهج بالاعصاب وهما يغرغرو عينيها حدرت راسها وهي تنوض…تمات غاديا شوي وهي توقف….
فرح : جيت حيث مابغيتكش تبقى مقلق والي تخاصمنا عليها نصلحوه بجوج…هاني غاديا…”حساب ليها غايقوليها رجعي ههه”
زين الدين”مغلغل بالبيان” : حسن حسن…هنيني يرحم بيها واليديك….
فرح “خرجات عينيها وهي ترجع غوبشات وتمات راجعة لعندو” : مراااجعاااااش غانبقى هنا والى بغيتي تغلط غا غلط وضربني ولا عايرني…
زين الدين”خنزر فيها وغوت تا كشكش” : رجعي فحاااااالك افرح….راني نديرها…
فرح”قربات عند وجهو وغوتات تاهي” : ومااااخاااارجاااااااااش يلااااااه…”حيدت سبرديلتها وهي طلع فوق الناموسية دفعاتو بايديها من كتابفو وطلعة فوق منو جلسات بجهد مع الجلسة بجهد نسات راسها وهي تزدح ترمتها نيشان مع المعلم حيث كان لابس غير شورط تا خرج عينيه وعروق نواضرو بانو”….
نزلات عليه بكااامل ثقلها…هي اصلا هازة وزادها حتى غلض الحمل جلسات ليه نيشان فوق حجرو…ماشعرش براسو حتى شدها من كتافها ودورها بجهد لديك جيهة من ناموسية جابها على ضهرها وناض بزربة جالس شاد فحجرو شوية هبط على ركابيه وايدو على المعلم ديالو…عاض فسنانو وكيسوط فحال شي ثور…السخفة شداتو..وما اصعبها ضربة فديك المنطقة وخا تكون جبل تفشلك….
فرح”مافهمت والو فاللول” : زين الدين مالك ؟!
مجاوبهاش كاع ولا ماسمعهاش…بقى حاط ايدو وكيسوط تا هز راسو لفوق شوية وهو ينوض وقف جر شورط لقدام وخشا ايدو كيقلب فيه حتى بان ليها كيتهز ويتحط وهادي طريقة كيديروها في حالة طاح عليه او ضرباتو شي حاجة كيبقاو يتهزو ويتحطو واقفين غير اسعاف اولي..حيث ممكن تطلع خصية من بلاصتها او يطلعو بزوج…واصلا هي كمنطقة حساسة سمي لانها جد حساسة وخطيرة الى تضربات….
فرح ملي شافتو هكاك وطلات اش كيدير خرجات عينيها وهي دير ايدها على فمها…ماعرفت اش دير واش تهضر ولا تنوض عندو ولا كي دير وفين تعطي وجهها…ماهي قادة تهضر من الفرطة ماهي قادة تهضر لا يدور فيها هاد المرة يلصقها مع الحايط…مابان ليها غا تنوض وتهرب…وماتقدرش تهرب وتخليه خصوصا بان ليها فشل فهاد اللحضة…
زين الدين”دار ايدو عالحايط وتكا عليها واقف خاشي ايدو فشورط شاد المعلم ومرة مرة كيدوز عليه وكيتنفس بجهد..”..
فرح”بصوت منهفض خايفة” : زين الدين م مالك…عافاك ماتخلعنيش”كاتصرط فريقها ماعرفاتش شنو تقول ليه وكيفاش تصرف مسيطر عليها الخجل والخوف لان اللقطة مخجلة واخا راجلها هههه”
زين الدين”عاض على سنانو وكايزفر محاول قدر الامكان يديها فالالم وميسمعش اش كتقول…بقى شادو بايدو وايد متكي عليها عالحايط”
فرح”حيدات من فوق ناموسية وتمات غاديا بغات تقرب ليه وخايفة..بعد تردد كبير قربات عندو حطات ايدها على ضهرو” : زين الدين عافاك جاوبني..سمح ليا والله ماقصدت…بغيت غير نجي عندك ومنخليكش مقلق عارفة مادرت فيها مايصلاح انا براسي مافهمتش راسي اش كندير…”عاودت حطت ايدها على ضهرو” زز زين الدين !!…بغيتي نمشي ؟!
زين الدين”الصمت”
فرح”غرغرو عينيها..ماعرفتش اش دير” : واخا هاني غانمشي..
يلاه ضارت غاديا حتى وقفها بصوت مجهد مغزز بسنانو….
زين الدين : رجعي فين كنتي”زاد جهد صوته تا قفزت” يلاااه…
رجعات لناموسية وجلسات…بقات تشوف فيه متكي وكيتنفس بجهد كتحدر عينيها لايدو لاخرا كتلقاه شاد تما وكيزيدو حناكها يسخنو بالحشمة…شابكت ايديها بدات تفرك فيهم بتوثر فحال شي وحدة كتسنى مصيرها….اما هو بقى شوية جهد زوج دقايق تا رد نفس شوية وهو يهز راسو زفر بجهد ورجع حيد ايدو وضار عندها كيتمشى مفارق رجليه شي شوية غا شافت المشية وهي تحدر راسها وعينيها حبسو من ترماش…تا حست بيه جلس حداها…
زين الدين”ايد شد بيها فمو وايد حطها فوق ركبتو مفرق رجليه بجلية رجولية..” : مال ملتك فهاد الجهل ديال الحبس…مال راسك شد معايا العكس ؟…
فرح : ماشديتش العكس ماعطانيش خاطري نخليك مقلق..واخا تگوليا متبرزطينيش مانخليكش مقلق حيث مقلق مني انا ماشي من شي حد اخور…ماشي باغي وقتك..مانخليكش مقلق حيث حتى نتا ماكايعطيكش خاطرك نبقى مقلقة…
زين الدين”هز راسو كيضوف قدامو وكيهضر بغيض” : كاتگوووووولي ليا خليني براحتي عطيني وقتي وكنعطيك وقتك…فرح بلا بلا بلا عليا..هضرت معاك تصنطي لهضرة…ماااااااتشدييييييييش مع خليقة ملتي العكس ماتشديييييييييهش افرح…عدو ربو العكس ماعنديش معاه…نتي عكستي وجهلتيني…ودرتي الي فراسك…ومكملاها بالتمازيح مع القواد ؟ على بالك نضحك ؟ يعجبني الحال ولا ندير فحال ماشي راجلك..مابيني وبينك والو جاركم الي فراس الدرب ؟…
“ضار عندها عينيه حمرييييين مشربن وزادتو الدقة تاهي من بعد مكتهدن عليهم ديك الضربة كترجع بالفقصة ناحية الشيء او الشخص الي ضربهم تم”…
زين الدين”خبط فوق الكاتري ديال ناموسية تا قفزت” : شنوووووووو كاتسنااااااي مني ؟ حمدي الله ابنت الناس ما هرست لز”عض لسانو كان غايخصر الهضرة” ماهرست الكلب شي عضم..حمدي الله ما رجعتك لدارك مايبقى لا خطبة لا حبس..حمدي الله ماقلبت على الناس ديك الجمعة…”ضرب صدرو بجهد” درت بوجه خوك درت بوجه الناس…شفتي العكس فهاد الفعايل فين كيوصل ؟”عينيه خارجين فيها”
فرح”عارفة هضرتو صحيحة واي رجل غيور على مرتو وشرفو مايبغيش هادشي..هي براسها ماعرفاتش علاش شدت العكس فديك اللحضة..اش غاتقوليه الوحم ؟!…اي حاجة تلصق فالوحم..واخا را شيء طبيعي ان الهرمونات كيكونو تالفين فهاد الفترة ممكن تكون معكاسة عصبية يتبدل ليها المزاج فاي لحضة…بقات تفرك فايديها وتسمع ليه حتى كمل” : هادشي علاش جيت..حيث عرفت راسي غلطت وماعطانيش خاطري تبقى مقلق نتا بايت وحدك ومقلق وانا لهيه وبالي معاك…ماجانيش النعاس وماشي لخاطري والله مالخاطري…المهيم سمح ليا وصافي…”هزات كتافها وهي تجر سبرديلتها خشات فيها رجليها وناضت” انا غادي نمشي مانخليش فوزي كيتسنى…”هزات ايدها كتمسح على جبهتها وهي دور غاديا تاني وهو يوقفها تاني بصوته”
زين الدين : رجعي جلسي…
فرح”فقصها” : وا كتگوليا سيري ودابا رجعي جلسي ؟ مالك بغيتي تفقصنييييييييييييي “جاتها البكية” خليني نمشي باش نخليك بخاطرك منبؤزطكش وسمح ليا جيت وبرزطك تاهي سمح ليا…
زين الدين”هز فيها عينيه مخنزر” : تحركي جلسي هنا…
فرح”خبطت رجلها بالفقصة ندمها لاش جات” : فففففف ااافففف…هاني “جلسات حداه وهي دور لقاتو مخنزر فيها” ماشي عليك…وصافي سمح ليا گلت فففف…ونااااري..”دارت وجهها بين ايديها وعطاتها لبكا” اهى اهى اهى اهى…
زين الدين”هز حاجبو مابقى عرف مايدير مع هاد المخلوقة شيباتو غا فهاد الشهرين” : دابا مال ملتك فالبكا تاني ؟
فرح : اهى اهى وفقصتوووني فقصتيييني ماكتفهمونيش…جيت گلت ليك سمح صافي سمح ليا لاش كتبقى تغوت وتنفخ عليا..راني عرفت راسي غلطت وداكشي لاش جيت..وماعطانيش خاطري نخليك مقلق ونتا كتفقص فيااااااااااا اهى اهى…خليني نمشي…
زين الدين”غمض عينيه وضار لهيه كيضرب اخماس فاسداس..شوية وهو يكحز حداها وجرها تحت باطو عنقها” : يلاه صافي سكتي…
فرح : اهى…
زين الدين : وصااااافي سكتي برااااكة صعري ملتي تاني…سكتي سكتي سكتي….
فرح”صرطت البكية”…
زين الدين”خضخضها بايدو معنقها” : ششش…”هز ايدو وبدا يدوز ليها على شعرها ويمسح عليه…حيد ليها ايديها وبدا يمسح ليها فدموعها بصبع الابهام…حتى دار ليها حنكها وسط كف ايدو..حسات برفرفة فقلبها…وبدات تهدن وتنخشش فيه بلا ماتحس…” علاش كتقلبي تاني ؟!
فرح : واااالو…
زين الدين : على شوي وكنتي تفگسي لجد مي ولادك…
فرح”خرجات عينيها وهي تصقل”
زين الدين : ولي ردي البال…فحال هاديك نزلة ماشي فصالح ديالك نتي لولة فهاد الفترة سونسيبل…سمعتيني ولا نعاود نلاغي ونحاجي حتى يصبح الحال ؟؟
فرح : واخا…
بقاو هكاك هي مخشية فيه وهو معنقها حتى رتاح من ضربة…شوية هز ليها راسها من ذقنها تا قابل وجهها معاه..عاود مسح ليها دميعاتها تاني…وهو يهبط براسو لراس منخرها باسو ونزل بشنايفو لراس شفايفها باسهم بخفة…وعاود باسهم وعاود حتى لقى راسو ملتاهمهم بعنف حتى دورات ايديها ورا راسو خشات صباعها ففروة راسو هو كيجر لعندو وهي كتجر لعندها…تعالت الانفاس ونساااااو راسهم فداك المكان حتى ضار ومدد ضهرو فوق ناموسية ورجليه فلارض…
زين الدين : اجي عندي… “جرها ودورها تا طلعات فوق كرشو مبعدها من المعلم خافها دير شي حركة تاني وتزبطو ليه هههه” جلسي بشوية الحبس…
فرح”حناكها وفمها كيوزوز نطقات بصوت منخفض مقجوج شوي” : وخليني نمشي ازين…
زين الدين : جيتي عند هاد زين وشديتي العكس ماتمشيش “كيجرها يبوسها ففمها ويهضر” ودابا باغية تمشي…شدي فحاجة..
فرح : فوزي برا…
زين الدين : حسابي معاه هذاك…داير عقلو فيك وجايبك فهاد الوقت وطريق صعيبة فهاد الوقت…خاصكم العصى بزوج..تركني لارض بلاتي…
داز الوقت من ورا ما تهدنو وعايشين اللحضة دابا…فواحد الجيهة اخرى فنفس المكان نيت فارقينهم غير الحيوط…ناض ياسر من المكتب ديالو وهو يمشي عندو لقاه متكي عالحايط معوج عنقو وناااعس مسكين فواحد الوضعية يبقى فيك…
ياسر”حط ايدو على كتفو محركو” : خويا…
فوزي : اننممم..نعام صافي هضرتي معاه ؟…
ياسر : خويا نوض تكى فالفوطوي لداخل…
فوزي”حل عينيه بقى كيشوووف فيه كيقول شكوون هذا..تا كمش حجبانو وهو يتوگض وناض تگعد” : فين هي خرجات ؟
ياسر : لا خويا مزال…دخل لداخل هنا بارد شوية والجلسة الي داير غايضرك عنقك…نحل ليك دخل لمكتب ديال دكتور بغدادي ترتاح فيه ؟
فوزي”حرك راسو ب لا كيحك فعينيه” : تت..ففف..وليني مشكيلة هادي “هز فيه عينيه وتبسم ليه” الله يكبر بيك اخاي ديالي..هاني نعيط ليها الله يحفضك…
حرك ليه راسو مبسم ورجع لبلاصتو…اما هو جبد تيليفون ودوز ليها الخط صونا وعاود صونا وعاود الي حتى بغى يكفر…كانت هي فهاد اللحضات وسط الفراش مع زين الدين هي لتحت وهو فوق منها عريانين بزوووج…نسااات ونساها ونسااااو فوزي…خرجت وجهها حمررررر….
فرح : تيليفووني”كتطوي عنقها حيث كان خاشي وجهو فيه عايش معاه اللحضة” زييييييين عافاك كون راه فوزييي…
زين الدين”خرج راسو بجهد عاقد غوباشتو” : طلقيني جاوبي…
فرح”كتنهج..طلقات الخط وهي تبعد تيليفون من وذنيها صوته المجهد وتعرعيرو وصل لعند زين الدين تا جمع حجبانو”
فوزي : واش انا مخزني عند القايد الي ولدك ؟
فرح : را كانهضر معاه يلاه فاق…لقيتو عيان…
فوزي : وايلي مالو ؟
فرح : طاح ليه سكار…هاني شوية ونخرج غير يتقاد ليه..عطيني ربع ساعة ونخرج عندك …
فوزي : هاني جاي عندكم نشوفو…
فرحخرجات عينيها” : لا لا…واخا تسنى حتى يخرج من دوش كايبدل ودخل….”قطعات معاه وهي تشوف فزين الدين لقاتو داير فيها ديك الشوفة يلله فكيها دابا…بدات كتنتر بغات تبعدو باش تنوض حيث عريااانة مالابسين والو كاع حوايجها حيدهم ليها ساحت بين ايديه وتحت منو حتى عاشو اللحضة الحميمية…وهو يتبتها من درعينها صدرو مبند قدامها وصدرها مشتت قدامو…جاتو تال لحضة الي غايكمل مابدا وبغات تنوض…كاتحس بيه لداخل كي شي سيف حامي بغات تهضر وهو يبدا يحرك فيه وهي تزم فمها وخرجت عينيها” ممم…
زين الدين”خرج عينيه مغلغل” : تململي نفرشخ ملتك…
فرح : وراه غايجيييي”كتغمض عينيها”…
زين الدين : كاين شي بيت مافيه باب ؟…تركني وسكتي…
بدات تحس بالنشوة وبداو ينساو راسهم حتى بدا فوزي يصوني ثاني وهما ماهماااااش هنا…الي حتى كمل وتلاح حداها كاينهج عروقاتو تكب من نواضرو وجبهتو اما هي لتحت كتحس بيه كايزدح وعنقها دايز بالعرق وجبهتها مندية…جرات عليها الغطا وهي تجمع رجليها بشوييي حاسة بالوخز لتحت حيث مدة مانعسات معاه ومانعسوش بزاف…
زين الدين. : رتاحي شوية ونوضي مالك فهاد زربة ؟”طلع حاجبو”
فرح”ماشافتش فيه حشمات بزاف منو ومن فوزي” : حشومة فوزي كايتسنى..
زين الدين : دخلي لدوش بدلي فيه هاني نلبس عليا بالخف ونخرج عندو…
فرح : وا گلت ليه عيان…
زين الدين : تا دابا مهلووووك “حط صبعو فضهرها وهبطوو بخفة تا حسات بلسعة وهي تبعد ضهرها كاضحك” هلكتيييني…
ناض بزربة لبس عليه بوكسر جمع ليها حوايجها باش جات وعاونها تا ناضت لاوية عليها ايزار مشا معاها لدوش عطاها حوايجها سد الباب ورجع لبس عليه بزربة قاد شعرو ومسح بالفوطة وجهو…رش شوية بارفان فايدو مسح بيه على لحيتو..خشى رجليه فكلاكيط وخرج من شومبر داز لفيكس علم ياسر يقوليه يدخل ورجع جلس فوق الفوطوي تكا راسو لوور وغمض عينيه حتى دخل فوزي…
فوزي : زين الدين ياك لباس ؟
زين الدين”نطق وعينيه مغمضييين تحلفي عليييييه مهلوك بن الجن الي ولدو” : عيااان شوية…
فوزي : نديوك لسبيطار ؟ اااح نسيت راك فيه…وشوية دابا تقاد ليك…
زين الدين : لا شوية اللهم لك الحمد…
فوزي. : مامشات تا طلعاتو ليك…فين هي ؟!
زين الدين”حل عينيه وضار كيحك فراسو من لور” : هاهي جايا..دخلات لدوش…”تگعد وقرب تا ربت ليه فوق ركبتو” معذبينك معانا با فوزي لمسامحة وكان….
فوزي : گول تشهمت…وليني من الخير الى فشرد داك سلگوط الي حاملة بيه من الخير…
زين الدين”كمش حجبانو” : فحال كاتعاير ليا ولدي لا ؟!
فوزي : وراني خالو لاكان ولدك تانتا…را ليا فيه النص…نقدر نطالب بيه فاش يتولد…ما ربما الحضانة تكون ليا على دوك الفعايل الي خرج فيا من الي طاح فكرشها وانا باين ليه فالبلان !؟…
زين الدين : تهدن تهدن…
شوية وهو يتحل الباب وخرجات كتهبط فالقبية عليها وجهها مزال مزنك وخا غسلاتو بالما باش توگض…ماشافتش جيهة زين الدين جاب ليها الله فوزي غايعرف راهم نعسو مع بعضياتهم وشافهم عريانين وكاع المراحيل دازو منهم…وقفات وهي تشوف ففوزي شوية كتشتت نضر لهيه…
فرح : يلاه نمشيو…
زين الدين”هز تيليفونو شاف ساعة” : مرة جايا ماتجيش فهاد الوقت نتي…ونتا حضر عقلك ملي تبان ليك تخلخلت شوية نوض بدل ساعة بغيرها…
فرح”ضارت عندو مخرجو عينيها” : ياااك دابا صدقت ممزياناش ؟
زين الدين”حرك راسو ببطء مثقل” : فين حطيتي راسك تلگايه…تحركي قبل مايفيق عصام ويتشطن عليك…
ناض فوزي باغي غير سبة فين يرجع يتلاح ينعس…ناض تا زين الدين مشى معاهم تال عند باب الجناح سبق فوزي وجات هي بغات تخرج وهو يعبز ليها ترمتها من لور بالخف تا خرجت عينيها وهي تنقز لعند فوزي تا دفعاتو…
فوزي : اش كااااين !!!
فرح : والو والو يلاه…
تابطات دراعو ودارت القب على راسها وزادت بيه بحال شي وحدة غاديا مهرباه على شي حاجة…خلات زين الدين كيحرك فراسو…نزلو فالمصعد نيشان ركبو فسيارتها رجع باللور تا خرج من باركينغ وكسيرا خارج من الكلينيك…حطات راسها على الكوسان مدورة وجهها جيهة شرجم كتشوف فالطريق وسما الي بدات تبين خيوط الصباح…حتى رن ليها تيليفونها بمساج شعلاتوو خفضات الضو فيه مزيان وهي تدخل قرات شنو راسل ليها…
زين الدين : كثرة الهضرة بلا فايدة…على بالي عارفة دبا واخا تجهلي ملتي منفوتكش…عارفة الخاطر صافي من جيهتك..”معنى ليها بالي را تصالحو بشكل نهااائي يعني ماشي رجع ليها حيث حاملة رجع ليها حيث ماعمرو يقدر يستغنى عليها” عارفة منصيبش نتفاوت عليك ومتنصيبش نخليك…وعارفة بالي كنموت على خليقتك…عارف ضحكتك دابا خفيفة ولكن هادشي مايخليكش ضصري وتماداي فشي حوايج حيث لا حكرتي على ملتي تشوفي وجهي الي مايعجبك…تهلاي ليا فراسك…ديري فبالك هاد اليومين بصح مغاديش نشوفك على جال توجاد باش نجي ندير معاك الواجب ونديك لدارك…
قراتو وهي كتبسم تبسم تبسم تا ضحكت ودارت ايدها على فمها وهي دور عند فوزي لقاتو مغوبش فالطريق…
فرح : فوزي…
فوزي : عطيني تيساع ولا نطرش مك…
فرح”قربات ليه وهي تبوسو فحنكو تا مشى وجا على شوي تخلخل بيه طوموبيل ” : لهلا يخطيك عليا…
فوزي : لاااا يخطيني عليك يخطيني…ختفووو….
وقف طوموبيل جنب دار ودخلو كيتسلتو بالحس ديال الحس بان ليهم لزاج ديال الباب ديال طواليط شاعل وراه ضو..
فرح”بالحس” : اغير با…
فوزي”تاهو بالحس كيهضرو بالاشارات” : هاني طالع لفوق..تعاودي طلعي عندي ند.بحك…
مجاوباتوش دخلات كتسلت نيشان لبيتها حيدات سبرديلا ودخلات ففراشها تغوبات…رسلات ميساج لزين الدين بالي وصلو وتكات كتغمض فعينيها وتفكر فاللحضة الي تقلبات من نقاش بيناتهم للحضة حميمية جمعاتهم من بعد غياب وهجران لشهور…نعسات وهي كتبسم….
اصبح يوم جديد…كيف فاقت دخلات لدوش دوشات وتوضات حيث ماقدراتش تعوم فداك الوقت…لبسات حوايجها تيشرت طوييل فوق ركبة وعريض فالابيض مخطط بزرق وسروال دجين بلومارين…رمات فوقو كاب طويل فزرق جمعات شعرها لور…هزات صاكها دارت فيه شنو تحتاج وخرجات برا لابسة بانطوفة مع تقيشرات…لقاتهم مجموعين على طابلة كياكلو فروز بالحليب…
فرح : صباح الخيير “تخشات حدا عصام”
عصام : كي صبحتي ليوم شوية ؟!
فرح”حركات راسها مبسمة” : شوية…
نعيمة : اليوم غانمشيو ابنتي تال دار نجمعوها ونقيوها ونرجعو..
عصام : غير بقاو تما…
فرح : علاش ؟!…
عصام : جمعي حوايجك صباح نديك…
عبد العالي : كاتجري على كلشي ولا تخايل ليا…
عصام”شاف فالمحجوب” : من هنا لسبت غايجي زين الدين باش يخطبها…فكرت مع راسي واحد الوقت كنت غايب “الوقت الي تودرت هي فيه” كان با هو الي حاضر…شرب عليها المرار والويل…غضب عليا وسخط عليا…
المحجوب”كمش حجبانو وحدر عينيه” : لاش هاد الهضرة جابدها وكان..الي فات تعاش وتقاس وتعلمنا منو وعشنا فيه حيث كان علينا مكتاب…شكون گال من هنا لديك الوقت تبدل الاحوال…
عصام : الي فات مات وليني الي عاش وقاس ومرض هو نتا…
فرح”حدرت راسها وعينيها فلارض شدات فوق كرشها وسكتات”
عصام : هذا علاش بغيت زين الدين يجي يخطبها تما والى كان العرس ولا جماعة نديروها هنا…تانتا با ليك الحق فيها…تاهي بنتك…
المحجوب : وايلي ولدي بالفرحااات عليا…
فرح”عينيها غرغرو وهي تنوض تخشات فجدها وحطت راسها على صدرو تا حط عليها ايديه كيطبطب على راسها” : اه بغيت نمشي ويجي لعندك تما…اصلا غادي تجي عمتو وبنتها وغايجيب معاه عمي الحسين ومرتو خالتي ام هاني وعمي علي وخالتي امينة…دار غادي تكون عامرة وهنا مايقدهمش…
عصام : وهنا غايجيو المعلمية خاصني نصلح قبل ماندير العرس ونجيب مرتي هنا…
هناء : ياااه غاتزهى عندنا دار ههههههه
نعيمة : ماگلتي عيب تاتما داركم اولدي…وهي نسبق انا وهناء نشوفو باش نبداو ونخملو دار…وعشية جيبها عندنا…
عصام : وعليه…
المحجوب”بقلب فرحاااان ومتاثر بقرار عصام” : الله يرضي عليك اولدي…الله يرضي علييييك….
كملو فطورهم ناض منير وعبد العالي والمحجوب ونعيمة وهناء مشاو حيث دار بقى فيها غير ياسين…يلاه غايخرج عصام وهي توقفو فرح ضار عندها وتمات جايا شادة فكرشها بقى كيشووف فيها…البنت الي فعمر شهرين كبرات قدامو وولات امراة وقريب تولي ام…واحد اللحضة ماضعرش تا تبسم وهو كيشوف فبنتو جايا وشادة فكرشها…
فرح”شافت فيه” : علاش كضحك…
عصام : كنضحك على البرهوشة الي كبرت دغيا وگالت ليك بغات دير وليداتها….
فرح”تزنگو حناكها وهي تبسم حشمانة جاب ليها الله عرفها كيفاش حملت حضر ليهم…خههه عقل هبيل ومايدير” : احم…غادي نخرج انا وصفاء باش تشوف نگافة على حساب العرس…واش بغيتي نتقدا ليك شي حاجة !؟
عصام : شوفي داكشي الي غايخص عطي فيه الكلمة وعيطي ليا ندوز نخلص..راكي عارفة الحوانت صحابي…شوفي هي اش بغات خوذيه ليها ماتخليهاش مخصوصة…
فرح : صافي واخا…
عصام”مد ليها ساروت طوموبيل” : سيري دخلي عيطي ليها هاني جاي نكمي لفوق ونجي….
فرح : فيق معاك فوزي براكة عليه من نعاس…
وقف السيارة فباركينغ المطار…خرج هو ومراد وضار تكى على البارشوك جبد سيجارة وبدا يكمي…كيشوف فتيليفون رسلات ليه ميساج فيه بالي غاتمشي عند دار جدها الغذ ليه كمش حجبانو مافهمش حيث مزال ماهضرش معاه عصام بالي خاصو يمشي يخطبها…ماجاوبهاش اجل يستفسر منها حتى يسالي…خشى تيليفون فجيبو وكمل الكماية حتى نطق مراد…
مراد : راهم خرجو…
ضحى”خرجات هي وتوبا سايقة عربة الامتعة شافت زين الدين وهي تطلقها ومشات كتزرب حل ليها ايديه وتلاح عليه عنقاتو تقولي شهور ماشافتو” : خويااااا توحشتك…
زين الدين”باس ليها راسها” : عالسلامة…”عنكش ليها شعرها” مزيانة ؟!
ضحى : الحمد لله…
زين الدين”قرب لعمتو باس ليها راسها” : على سلامتكم…مزيانة عمتي…
توبا”بابتسامة قادت شال على راسها” : اللهم لك الحمد اولدي…
سلم عليهم مراد وجر الكروسة حتى لعند سيارة…حل الكوف باش يحط الفاليز وكانت توبا وراه وضحى توخرات مع زين الدين..
ضحى : امضرا كبرات الكريضة ديال فرح…
زين الدين : حتى تمشي وشوفيها بعينيك…
فرح : فالدار ؟!
زين الدين : لا فدارهم…
ضحى : علاش مابغاتش ترجع مزال شادة فقرارها ؟!
زين الدين”غمزها” : لا..”حنحن ونطق بصوت خشن”..كتسنى نخطبها من جديد..”حل ليها الباب” عادتها وصافي…
ضحى : واي واااي عندنا خطبة وعرس وداكشي..كون قلتي ليا غا هادشي نجي بلا ماطلبني…
زين الدين”ركب فبلاصتو وركب مراد يلاه ديمارا بغى يزيدو وهي توقفو ضحى”
ضحى : ديني لعندو لكلينيك نشوفو نحيد عليا هاد الواجب ونمشيو…
ديمارا زين الدين سيارة وكسيرا خارج من المطار شد طريق نيشان لكلينيك فين كاين الغالي…ركن السيارة وهو يدور عندهم…
زين الدين. : نزلو…
توبا : سيرو غا نتوما انا خليني هنا…
نزلات هي ومراد خلاو توبا فالسيارة ودخلو لكلينيك طلعو نيشان فالمصعد جيهة جناح الانعاش…وصلو لتما وهو يعلمهم بالي بنتو لبسوها لباس الانعاش دارو ليها طاقية والبافيط…حدرت راسها وهي دور حلو ليها الباب تبعات الفرملية حتى وقفات وهي تحيد ليها ستار حتى بان ليها مجبد ضايرين بيه الالات والاكسجين…وقفات كتشوف فيه….
الغالي”حس بشي حد وقف وهو يحل عينيه ودورهم تا بانت ليه واقفة عينيها فعينيه مغرغرين…غا غمضتهم نزلو دموعها غمضت عينيه ونزلات واحد دميعة جنب عينو بقات هابطة هابطة وهو كيشوووف فيها باغي يقوليها سمحي ليا ماقدرش كيحرك غير لسانو كتسمع” : ااا نننن….
ضحى”بقات كتشوف فيه” : اش بغيتي تقول ؟ الله ينزل عليك السخط…هادشي الي بغيتي تقول ؟…
الغالي”كيحرك فعينيه بغى يقوليها لا ماقدرش” : نننننننن…بببب
ضحى”تحنات عندو وشدات ليه فايدو” : انا مسااامحاك وخا تسخط عليا…حيث من ديما كنتي عزيز عليا غير عمرك ديتيها فيا…كنتي غا تجرب تشوف جيهتي والله ماندير الغلاط…الغلاط درتو حيث مكنتوش كتديوها فيا…كتعطيني الفلوس نتا وماما وصافي سيري خرجي د…براكة كنيتك الوهراني وبنت عمة البغدادي…
الغالي”نزلات ليه عاود دمعة من جديد وهو كيشوف فيها حتى دار فيها واحد شوفة فشكاااااال…بقى كايشوووف حتى بداو عينيه كيتغمضو شوية وهي تسمع الالة بدات تغوت طووووووووووووط”…
وصلهم عصام بالسيارة لبلاصة فين كاينة النگافة الي هاضرة معاها صفاء…نزلات فرح وبغات تنزل صفاء وهو يوقفها….
عصام : متكتريش تكركير ديالك…ماتقويش الجلسة عندها قضيو وعيطي ليا نرجع هاني غا هنا فالقهوة مع صطوف…ردي لفرح البال وردي ليا البال لراسك…
صفاء : ودابا خاصني نشوف داكشي بالخاطر…
عصام : شحال محتاجة من داكشي الي كتلبسي ؟!
صفاء : راهم غييير ثلاثة لبسات كيف تافقنا لولة هي الي درت فالحنة”كتهضر وكتشتت عينيها عليه ومزنگة” وجوجات هما الي غانشوف دابا…
عصام : يلاه قضي غراض…ديري حسابك من ورا خطبة فرح غادي نسافرو واحد اليومين …
صفاء”طلع معاها صاااروووخ وصل لقلبها وطرطق..حسات بالخلعة…هزات فبه حاجبها” : عع علااااش ؟!!!…
عصام”خنزر فيها” : تشوفي الفراش ديال البيت من كازا..مال جد مك مطلعة عليا داك الحاجب !؟…تبتي عليا لارض تما…يلاه نزلي قبل مانصعر على ملتك ونديرو بناقص…
نزلات كي زواق ماعرفها امتى خرجت خلاتو يقلب عليها من المري…شدات فيها فرح تابطات دراعها ومشاو دخلو لداك المحل الكبييير ديال نگافة باش تبدا تجرب فاللباس…لقاوها فاستقبالهم مبتاسمة سلمات عليهم ودخلاتهم لداخل وعيطات لمساعدة تجيب ليهم تكاشط باش تختار على راحتها…جلسات فرح فوق الفوطوي جابت ليها عصير الليمون و بريوات…
زبيدة : تفضلي احبيبة.. الله يفكك على خير…شحال عندك ؟
فرح”بابتسامة” : دخلت فالخامس تقريبا…”تبسمات ليها ومشات تجيب تكاشط…وهو يصوني ليها تيليفون كان زين الدين مصوني ليها..” الو زين الدين…
زين الدين : فينك ؟!
فرح : يلاه حطنا عصام انا وصفاء عند نگافة…
زين الدين : ياكما واقفة !؟
فرح : لا لا هاني جالسة جابت ليا عصير وبريوات مسكينة ههه
زين الدين : متقويش الحلاوة الله يرضي عليك..متكتريش المشي عطي راحة لراسك وماتشطنينيش عليك…
فرح : واخا…”بدات كتسمع طوط طوط” زين الدين شي حد كيعيط ليا…
زين الدين : خليه حتى يعيا ويقطع…شنو بغى يقطع معايا اللحضة انا ومرتي ولا كيفاش…
فرح : ههههه لا مايقطعهاش غير صبر قطع نشوف ياكما فوزي ونصوني ليك…
زين الدين : يلاه قضي غراض…
قطع معاها وهي تشوف التيليفون لقاتها نمرة جديدة…يلاه كانت غاتقطع حيث مكتعرفهاش وهي تجاوب فالدقيقة تسعين…طلقات الخط وقالت…
فرح : احم..الو شكون معايا….
المخنتر : معاك الي غايفاريها مع الكلبة الي ولداتك الحرامية…ياك هضرت معاك علمي راجلك مايديرش شي حاجة الي ترجع عليه ب بومزوي !!”زعما يندم عليها بلغة العروبية فحالو”
فرح”صرطات ريقها وهي تغوبش” : راجلي عاطيك تيساع عطيه نتا تيساع…اش بغيتي عندي علاش معيط ليا ؟!
المخنتر : علاه مافخباركش البوليس يقلبو بمسبة راجلك المسخوطة… علمي راجلك الى ماحيدش شيكات وخرج خويا راني ندير فيكم شي عجب……كي جبت نمرتك كي نوصل لراجلك بلا مايعرفو البوليس فين كاين “نمرتها خذاتها بنت محمد عمها من مبارك عمها على اساس تبارك ليها وتبارك لعصام”…
فرح”ناضت بغات توقف شادة فكرشها وجهدت صوتها تا ضارت صفاء كانت واقفة بعيد” : وااااااا عطيني تيساع…حسن لينا تعطينا تيقار ماشفنا منك لا خير لا رضى كي الباوات “بدا صوتها يتبدل بغات تبكي”…بعد من راجلي وبعد من خوتي…بزاف عليك تكون بات…
المخنتر : فين عمري كنت حاسبك بنتي يخ…ياعوذ بالله منها كلمة اتفو… درت فيك خير وخليتك فديك الدار كون يحساب ليا تخرجو فيا هوك كون جريت لحتكم لخيرية…وعليا بليييييميييييييين وباش يحلفو ولاد الخيالي الجد والبو يا تنضرب بيك طر راكي حرامية ماشي بنتي ومك حملت بيك فالحرام مع صحابي سيري گولي لخوك يوريك التحليلة ابنت لحرااااام اابنت لحرااااااااااااااام خرجتو عليا…
فكل مرة كيقولها كيكون عليها تاثير كبيييييير على نفسيتها وكتدمر تلقائيا…كتسمع فيه كيقول فديك الهضرة وعينيها كيتحجرو بالدموع….بكل بساطة قطعات عليه تيليفون وبقات واقفة حتى ضارت لقات صفاء حداها ماحساتش بيها امتى وقفات وامتى شدات فيها….
صفاء : شكون هضر معاك ؟ علاش كتعايري فيه ؟ “خرجات عينيها بخوف” ياكما الكيدار ديال باكم ؟
فرح”الصمت”
صفاء”شداتها من كتافها” : فرح مالك ؟! واش گاليك شي حاجة ثاني ؟؟!!
فرح : م احم عيطي لعصام يجي نمشيو حتى نرجعو…
صفاء : كيفاش ؟!…واخا جلسي رتاحي…
جلستها ومشات تهضر مع عصام حتى بدا يصوني تيليفونها وهي تكمش فصاكها مابغاتش تخرجو تجاوب…كيما كان يكون مابغاتش تهضر دابا…فهاد اللحظة كان زين الدين الي كيصوني ليها واقف فواحد الممر نيت فالكلينيك يلاه غوبش حيث مجاوباتوش وبدا يحس بشي حاجة كاينة حتى خرجات ضحى كتبكي وترعد….خشى تيليفون فجيبو ومشى لعندها هو ومراد..
زين الدين : مالك ؟!؟؟
ضحى”كتشير ليه بايديها ناحية الانعاش” : ماعرفتش كنت كنهضر معاه حتى شوية غيب وبدات لاماشين كتغوت مافهمتش..مافهمتش اهى اهى ياكما غايموت ممم….
زين الدين”جرها عندو معنقها بجنب كيطبطب عليها” : ششش تهدني مغايكون والو….
مراد : حالتو ا ضحى من لاخر ماتعجبش باش نجيوك نيشان يا يبقى مشلول يا يدي مول الامانة امانتو…نتمناو من الله يبقى عايش…
ضحى : اهى اهى…مابغيتوش يموت واخا هكاك مابغيتوش يموت كيبقى بابا…ماعنديش مشكيل يكون مشلول نجيبو ليه انفيغمييغ الي تقابلو…
زين الدين : هاد الهضرة ماشي دابا…جلسي وتهدني…”شاف فمراد” نزل عند العمة ماتخليهاش وحدها حتى نشوفو شنو غايكون…
مراد : واخا نهضر معاها فتيليفون مانقدرش نهبط تانا بغيت نعرف…
زين الدين”غمض عينيه..حيث نسى بالي را مراد ولد خوه اقرب ناس ليه هما مراد وضحى..دور وجهو لهيه كيحك فلحيتو بتفكير شوي وهو يدور عندو وقفو” : بقى نتا هنا مع ضحى انا نمشي عندها سي نو نقدر نتحرك لدار نوصلها وتما عطيني الخبار شنو كاين…”ضار عند ضحى” ان شاء الله خير…حاولي تهدني باش تعرفي شنو ديري…ماتخلينيش مقلق من جيهتك ضحى…شوي وجي مع مراد الى كانت الامور مزيانة..تفاهمنا ؟…ديري فبالك محتاجك تقداي معايا شي حوايج لمرت خوك…(عارف حالتو كي غاتكون ديجا عاطيه طبيب الحالات المتوقعة داكشي باش كيهضر معاها باريحية واطمئنان)…
ضحى”تبسمت وسط بكاها”: خليني نختار لولد خويا..ياك عندها ولد ؟!…
زين الدين : مزال ماعرفنا دافع ولا دافعة علينا كبير من دابا…
غمزها وباس ليها راسها وضار نيشان دخل لسانسور اول حاجة جبد تيليفونو وعاود دوز ليها الاتصال بدون رد للمرة ثانية تا خنزر وعقد غوباشتو…
زين الدين : فعايل التمرضين…
من بعد ما نزل لتحت خرج من الكلينيك وداز نيشان لباركينغ تا حل الباب ودخل…قاد سانتيغ وضار عندها…
زين الدين : تحركي لدار ولا تسنايهم ؟!ديري فبالك مزال معطلين…غايجيبها معاه مراد الى مشيت انا…
توبا”بتردد” : اش واقع اولدي ؟
زين الدين : تزاد عليه الحال شوية…الى بغيتي تعرفي طلعي عندهم…
توبا : ااه ايوى الله يشافيه “بكل برودة..ماتصدمش زين الدين حيث عرفها بردات من جيهتو “…الى كنتي غادي ديني اولدي…
زين الدين”حرك راسو مثقل..هز نضاضر دشمس دارهم وديمارا” : ماعليش….
مسافة الطريق حتى كان داخل لفيلا…وهي تبان ليه واحد شاحنة خارجة من باب كبير وقف تا خرجات حيد نضاضرو عاقد غوباشتو كيشوف فيها…شير ليه العساس وهو يتم داخل تا وقف هبط زاج…
زين الدين : شنو كاين هنا ؟
العساس : غا سي مراد حيد شي لعيبات فالمكتب ديالو…وشي حوايج جمعهم بغى يصدقهم…وحيد ديك الطابلة الي وصيتي عليها تبدل هي و فراش البيت لتحت الي بغيتي يتحيد..
حرك ليه راسو ودخل…نزلو من سيارة وهي تبان ليها خديجة وتوريا واقفين فاستقبالها فرحانين….سلمات عليهم ورحبو بيها طلعات نيشان لبيت ديالها…اما زين الدين هز شي حاجة من بيتو شي حوايج وعاود خرج ركب فسيارتو ورجع تاني خرج من الفيلا…يلاه كسيرا غادي حتى صونا ليه تيليفونو بان ليه اسمها فالبلاصة جاوب وبدا يعرعر….
زين الدين : فعاااااايل فعاااايل افرح ديالك وحدهم…عصبي ملتي ترتاحي.. نبان ليك ناشط تمرضي نتي…
فرح”بغير نفس..تعرعيرو ماداتهاش فيه كانه ماعرعرش…نطقات بصوت مخنوق شوية” : احم…ف فينك…
زين الدين”نقص سرعة” : مالك ؟ شنو بيك ؟…
فرح : وفينك ازين الدين…مابيا والو بغيتك…بغيت نهضر معاك..توحشتك بغيت نشوفك نعاود ليك…علاش هادشي جاك عجب…
زين الدين”حس بيها شي حاجة” : نجي عندك !؟
فرح”تنهدات بغاات تبكي” : ماكرهتش…عارفاك ممساليش ولكن ماكرهتش..ماكاينش كيفاش دير ؟!…
زين الدين”مشى معاها بنفس نبرة صوتها” : نجيي عند كبيدة ديالي…نشوفك فالدار عندكم ؟!
فرح : انا شوي وغادي يديني فوزي لسيدي بنور عند جدي…غادي يجي حتى عصام…اجي تعشى عندنا ونهضر معاك…
زين الدين : هاني فالطريق مزال فكازا…نشد دابا طريق لعندكم…فرحة ديالي ماتبقايش مقلقة شنو تافقنا…بغيتي ترجعي تنكس حالتك من جديد ؟!
فرح : انا باغيا نعيش مرتاحة بنادم الي مابغاش يخليني براحتي…حتى كنبرا وكيمرضوني…بغيت نحط حد لهاد العذاب ازين الدين…بغيت نحط ليه حد باش نعيش انا وياك وولدي..
زين الدين : ولدنا فرح ولدنا…
زادت على مابيه…قلقاتو حالتها واخا مازال ماعرفش شنو بيها…زاد كسيرا اكثر… مسافة الطريق مابين الدار البيضاء الي حتى وصل لمدينة سيدي بنور…دخل لطريق الي كاتدي لدار جدها حتى وقف بانت ليه سيارة فرح الي خذا ليها واقفة قدام دار نزل من سيارة ووقف جبد تيليفون بغى يعيط ليها وهو يبان ليه عصام خارج مغوبش غا شافو وهو يمشي لعندو مزروب…
زين الدين : فين فرح ؟!
عصام”ضار عيط” : هناء عيطي لفرح تخرج ها زين الدين جا…
زين الدين : شنو واقع مالها ؟!
عصام : مابغاتش تگول مالها فگستي لملتي الرية…”ضار يعيط” فرااااح…
شوية حتى خرجات وجهها شاحب دغيا تطفات تاني من بعد ماكانت ناشطة وكلها حيوية قدر انه يطفي فرحتها بسهولة…بقات بنفس اللبسة ديال قبيلة هي باش جات…فضلات تسكت حتى يجيو ل عند جدها…حتى وقفات حدا زين الدين الي قرب باس ليها راسها وعنقها بجنب…
فرح : دخل ازين الدين…
عصام : اش كاين نتي مالك ؟ علاش كنسولك گبيلة ونتي مكاين والو شوية بغيتي تجي لهنا…اش كاين ؟!
فرح : ويلاه را با كيتسنى فالصالون…
شاف فزين الدين وهو يغمزو باش يتهدن اصلا زين الدين براسو تزير ولكن ملي شافها مطفية تهدن باش يعرف مالها…دخلو لدار نيشان لصالون كان نيت فوزي وخوالها طلبات منهم نيت يحضرو وجدها…قال زين الدين سلام ردوها عليه ودخل سلم على المحجوب من راسو وعلى البقية وهو يكحاز دار ليها بلاصة عاونها تا جلسات حدا جدها وهو يجلس….
عصام : اش كاين !؟
فرح”كتفرك فايديها وعينيها فلارض” : انا جيت لهنا وجبتك هنا حيث عارفة الى گلتها ليك تما غادي دير شي حاجة لا نتا لا زين الدين…هنا مغاديش يخليك خالي منير ولا خالي عبد العالي وحتى با…گبيلة فاش هضرتي معايا ازين الدين وگلت ليك واحد النمرة كتصوني ليا !!…
فوزي”ماعطلهاش” : ياكما عدو الله ديال بوك عيط ليك…
عصام”خرج عينيه تا بغى ينوض” : اش بغى ؟؟! اش بغى تاني ؟ اش گاليك ولد رقية…ااااااااش گاليك عدو الله…”بغى يقرب لعندها وهو يشدو عبد العالي”
ع.العالي : تبت لارض اعصام…ها علاش جابتكم لهنا…تبت وسمع اش غاتگول…
زين الدين”ضار عندها مخلوع خايف لا يكون قاليها شي حاجة واحساسو مكذبوش…خصوصا كيشوف وجهها فشكل..ولا خايف غا عليها هي.” : شنو گاليك ؟!!..”كان داير احتمال غايتاصل بيها فاي لحضة”…
فرح”عينيها تحجرو بالدموع” : كيف ديما…هددني بيك…هددني الى ما سحبتيش دعوة يشوهني وسط الناس…هضرتو ديال ديما حرامية اهى اهى…”حطات ايدها فوق كرشها كتحس بنخيزات.” و اهى…گاليا نتي بنت لحرام…”هزات عينيها فعصام”
المحجوب : الله يگطعو عدو الله حسبي الله ونعم الوكيل…
عصام”كيسمع ليها وباغي ينوض عندها”
فوزي : اش گاليك ثاني…تهدني افرح وعاودي كلشي…
فرح”عوجات راسها ورجعات نطقات” : گاليا نتي ماشي بنتي سولي عصام على تحليلة…
زين الدين”هز حاجبو” : اشمن تحليلة ؟…شنو زعما قصد DNA..
فرح”حركات راسها” : گالها وعاود…انا عارفاه كذاب وعارفة راسي ينتو غا هو مابغينيش نكون بنتو…ياك اعصام
“شافت فيه بواحد شوفة كاع ديك الصعرة تهرسات ليه قدام دوك الشوفات…حس بقلبو تفطر عليها ومن جيهتها…حس براسو خاصو يكون حداها ويضمها لعندو وياكد ليها…”
فرح : انا ختك من امك وباك…وخا منكونش بنتو غادي نفرح اعصام حيث مايشرفنيش يكون عندي بات بحالو…اهى اهى…
جرها زين الدين عندو عنقها ضراتو فخاطرو…حط ايدو فوق ايدها الي فوق كرشها كيدوز عليها…خلات فوزي يحدر راسو وعبد العالي يدور جيهة منير باسف…اما المحجوب عينيه غرغرو
عصام”ناض لعندها وتحنى عند رجليها شد ليها فايديها” : نتي ختي من مي وبا…ماعمري كنت محتاج ندير تحليلة عمري درتها وعمري نفكر نديرها “ضرب على صدرو” انا هو التاكيد…انا حاضر لكلشي…نتي بنت المخنتر وبنت حليمة…نتي ختي صغيرة شقيقتي…علاش الشك حيث نتي صهبة ؟!…عرفتي علاش !!!…
فرح : اهى اهى…
عصام : على ما كنت عارف وعاقل عقل الصغر…مك كانت كتوحم على صاحبة خالتك ديك الي ففرنسا اسميتها ماريا…كانت ديما هازة صورتها وتشوف فيها…
ع.العالي : انتصار…كانت صاحبة ماريا وصاحبة حليمة…
المحجوب : كانت زوينة بزاف كيفك هك تبارك الله…كانت عزيييزة عليهم وليني ربي بغاها فوقت بكريييييي…”كمش حجبانو متاثر بالقصة تفكرها حيث داز عليها اكثر من 28 عام”…
ع.العالي : ولا نگولو هي بغات تمشي عند مولاها…
عصام”ضار عندو” : كيفاش…
ع.العالي”تنهد مفكر تاهو قصتها وحتى نعيمة ومنير حيث كانو جيرانهم قدام” : قتلات راسها ب جويجة ديال باها (جويجة هي سلاح ديال الصيد علاش جويجة حيث فيها زوج ريوس منين كيخرج القرطاس…مختصة بالصيد)…كانت صحة سلام حتى مرضت بالسحر على ما گالو قوى عليها داكشي تا ماگدت…
منير : باقي نعقل مع الربعة ديال صباح خارج انا وبا لفجر حتى كنسمعو ضربة والله الى باقي تزنزن ليا لدابا فحال الى سمعتها صباح…”تنهد” ايييه الله يغفر ليها ويرحمها….
المحجوب : كانت متاقية الله كتقرا مزيان وبغات دير تاطبيبت (الطب زعما) وكان تبعوها تا على قرايتها وعقلها داك الوقت الي جا لول كان ليه شلااا شان ولد فلان بنت فلان جات لولة…نگولو كانت صاحبة مك بزااااف…لو مامشات وغبرت كانت تسميك عليها بالفرحة ملي عرفات عندها بنت وكانت تگوليا ابويا الى تزادت عندي بنية راني نسميها انتصار…كتاب المكتاب وتسميت فرح…”من كل قلبو” الله يفرحك ويبعد عليك ضيم العباد…
هزات عينيها ف عصام…
فرح : علاش ماكنتيش كتبغي تگوليا هادشي…
عصام : يمكن غلطت يمكن ماجابتهاش الهضرة…انا داكشي الي عشت وحضرت ليه كيخليني نصعر على انني نهضر فهاد الحبس كامل…
زين الدين : ولكن اعصام شي حوايج ولابد يتگالو باش منطيحوش فشلا…”غمزو بمعنى ماكانوش غايوصلو لهاد المواصل وفرح تعقد”…
عصام : نوضي اجي معايا…”وقف ومد ليها ايدو” نوضي نهضر معاك…
هزات فيه عينيها كيقطرو بالدموع…حتى نغزها زين الدين وهي دور عندو غمض ليها عينيه وشير ليها باش تمشي..ناضت شدات لعصام فايدو وجرها عندو عنقها بجنب ومشى هو وياها…خلاو زين الدين كيتوعد لمخنتر اما فوزي تاهو كثر….خرج هو وياها تااال برا حل ليها باب طوموبيل ركبات وضار ركب حداها بقاو غير فالسياة فقط…
عصام”كيشوف قدامو عاقد غوباشتو يمكن اكثر منهم كاملين جهلة وصعرة على المخنتر…عض فمو بغل قبل مينطق وعينيه على الدنيا قدامهم ساني ضو وكرارس الما غادين جايين لدواورهم” : تمووووت مك وماتفسد…تموت مك وماتخلي حد يقرب ليها…نهار جرب ولد الق”قطع الهضرة وعاود نطق” ولد الكلبة ديال بوك يدخل عليها الفسايدية السكايرية كانت يلاه والداك…الوقت الي جيت نضربو واخا كنت صغير لقيتها قضات هي الغراض قبل مني…ماخلاتوش حتى يقرب ماشي غير يحط ايدو…كانت هاديك هي الحد ليها وهي سباب حتى طجات…يمكن لو ماوقعش داكشي كانت تقدر تصبر وتبقى معانا…
فرح”الصمت”
عصام : ماطاحش فبالي ندير تحليلة وعلاش نديرها ونتي شقيقتي…الى گاليك حرايمية انا را سماني ولد الزنى…فوزي گاليك كون ماشي بنتو بغى يكتبك بسميتو وكنيتو ؟ بالرب المعبود لا شميتيها من عندو…
فرح : علاش گال هاكا بغى يفقصني !؟..
عصام : بغى نخلي عشتو صحة…”مغلغل” هذا فاش عينو…تكوني ختي ولا شقيقتي…انا حاسبك بنتي…بهاد ليدين شديتك ووسط هاد ليدين كبرتي…
فرح”هزات كتافها وعينيها على ايديها كيفركو فبعضياتهم” : انا اصلا ماهمنيش واخا ميكونش بويا انا من ديما حاسباك نتا هو بويا وخويا ومي…حتى هي ماعنديش فيها سوق واخا تكون حية ولا ميتة ماعنديش فيها سوق ونتمنى ماتبانش مابغيتهاش فحياتي…براكة عليا نتوما فحياتي نحمد الله ونشكرو…مم م”هزات راسها وضارت لهيه ماقدراتش تصبر وبدات تبكي ثاني” مم اهى اهى الله ياخذ فيه الحق كي بكاني وقهرني الله ياخذ فيه الحق…
عصام”جرها عندو وعنقها خاشيها فيه” : ششش صافي…هادشي الي بغى…بغى توصلي لهادشي باش تهضري مع زين الدين يسحب الدعوة…
فرح : لا مايسحبهاااش مايسحبهاااش اهى…ماتخليهش يسحبها والى بغى نشهد بالي تهجم علينا نشهد…ومايسحبش شيكات…
عصام : يغرقو ؟!
فرح : يغرقو حتى لجدر اهى…
عصام : جاتك…يلاه خرجي غسلي وجهك…و “جرها باس ليها جبهتها” مزيان علمتينا بهادشي…
فرح : اصلا ملي كنت كنخبي كنت كنمرض وكنطيح فمشاكسل كبر…وهادشي كان خاصكم تعرفوه باش حتى انا نفهم ونعرف…ماعرفتش ولكن نصيحة گالها ليا طبيب يونس خاصني نبقى نواجه والي ضراتني نعاودها…حيث سبب فالنفسية الي مرضت بيها هي كنت كنخبي…وهادشي ماشي فصالح حتى ولدي الي فكرشي تاهو كيتاذى مني…”هزات كتافها وحطاتهم”..يمكن لو خبيت مكنتش غانعرف بقصة انتصار…
عصام : فراسي ماتت ولكن القصة ماعرفتهاش يلاه عرفتها بحالك…”طبطب ليها على كرشها” رباك هاد خالي الي هنا…
فرح”حدرت عينيها لكرشها وهي تبسم وسط دموعها” : رباني رباااااااني وبزاف “قالتها بشكل مطول هاز شلا معاني…تنهدات وهي تمسح دموعها” ماكملتش مع صفاء بقات فيا ماعزلت والو
عصام : حتى نرجعو من سفر غذا ونديكم تاني شوفوها…وجدي نتي اشنو خاصكم هنا…رسلي ليا اش خاص ونجيبو ليكم ولا نرسلو مع فوزي…تعاوني معاهم ومتكثريش على راسك…
حركات ليه راسها وهما ينزلو عنقها ودخلو لداخل من بعد ما خرجت بوجه حزييييييييين دخلات بوجه منفس مرتاح…لقات زين الدين جاي خارج كيهضر فالتيليفون مع ريان…غا شافهم وهو يوقفهم…
زين الدين : امتى هادشي ؟!!
ريان : يلاه دابا…
زين الدين : الله يبشرك ابا ريان…صباح نتشاوفو تما…”قطع معاه وشاف ففرح حط ايدو على حنكها” شوية !؟
فرح : شوية شوية..
زين الدين”شاف فعصام ورجع شاف فيها” : شدو باكم دابا…
فرح”خرجات عينيها” : كيفاش ؟..
عصام : فين لقاوه !؟
زين الدين”غمزو” : كنت ديجا مكلف ريان يديرو مراقبة لتليفون فرح وتيليفوني…عارف اختصاص مراد…زاد معاه شي spécialiste فنفس ضومين ديالو….تكلفنا غير بيناتنا الى جينا نعتامدو على المخزن ديالنا سير من هنا لشحال…ب لاپيل الي دارها معاها گبيلة عرف فين كاين وبلغ بيه ريان وشدوه دابا…كان فدوار ديالهم نيت…فدار جدكم الخيالي…
عصام”بقى كيرمش فيه كيحاول يستوعب اش گال” : دابا نتا الي تكلفتي وعرفو فين كاين…رسلتي ريان وشى بيه…
زين الدين”حرك ليه راسو مثاااقل زعما راني دماغ شغالة مش بتنام” : نشدها حسيفة فشي حد ومنفديهاش…الحسايف الي كنشد وحدة منهم وصلتني لعند ختك ونشبتني “هز ايديه” شافني الله نبغي ختك…”فرح دورت وجهها وتنخشت فعصام”
عصام : مممم…
زين الدين”تنهد ماكرهش يعاود يدوز ليها ثاني يشدها مايطلقها رواتو وخلاتو عطشان”: المحامي الي كان داير على ماعلمني ريان محامي ديال ربعة دريال…يمكن هو الي گاليه يعيط ليها يهددها حيث معروف بالفساد والغش ولكن شي مايقضيه…
يتبع
شاركنا رأيك في هذا الفصل 🌹