تحمل يا قلبي
بدون شعور لقات راسها كتبسم وهي كتسمع لكلامو…هنا الي فين يقول شي كلام فحال هذا عارفاه صادق وهو من يوم يومه صادق معاها فكلشي فقط الضروف وزمان الي مكانوش فالصالح ديالو وحتى الاشخاص الي ضايرين بيهم مكانوش فصفهم …القدر الي لاقاهم ببعضياتهم كان صعب انهم يكملو فيه …فضل ينهي العلاقة الي كانت بادية بحسيفة وكذوب لانه مكتماشاش مع طبع ديالو وتربيتو وعقلو …انسان فحاالو رغم انه دار ذنب براسو حاول يصلح الغلط وميخليهاش معاه ضمن تصفية حسابات مكانش كيضن انه غاتعمر ليه قلبو وعقلو كان فلول احساس بالذنب وتانيب ضمير ملازمو طيلة المدة الي وقع فيها الفراق حتى لقا راسو طايح بلهلا يطريه ليه …
زين الدين”طبطب على دراعها” : يلاه فطري ليك مع راسك…
فرح”حركات راسها وضارت قدامو كتحك فجبهتها بخجل خصوصا هي وياه فشومبر مع هاد الكاريزما كلها ووحدهم واعترافات الاعجاب الللا مباشرة …شوي هي ترجع ضارت عندو” : احم بغيت نغسل وجهي !!
زين الدين : مرحبا”مشا حل ليها باب دوش غير صغير ديال شومبر” دخلي…
حدرات راسها ودخلت سدات وراها الباب وهي تكا عليه طلقات نفس طويييييلة تا بدات تنش على راسها وقلبها كيضرب بجهد تا بانت فوجهها الي تزنگ…حطات ايدها فوق قلبها كتحس بضرباتو فاتو ايديها…شنو هادشي كسوقع ليك ا فرح معاه فاش كتكوني حداه فاش كيهضر عليك فاش كيشوف فيك ولا فاش كتلاقاي بيه غير صدفة…شنو هاد درجة الي دخلتي ليها او درجة لولة فين شفتيه اول مرة…واش هذا غيرهم ولا اول مرة كتعيشي هاد الاحاسيس فحياتك غير معاه…ايعقل ان اسماعيل كان غير حب اول او مكانش حب ابدا…
مشات لافابو غسلات وجهها وعاودت هزات راسها فالمراية كتشوف فوجهها حمر…نشات شوي بايديها وهزاات عينيها كتستكشف المكان دوش كامل مكمول مع شومبر لانه كيقدر يبات ولا تكون عندو عملية فداك الليل ممكن طول معاه لساعات كيخصو شومبر لراحة ودوش ديالو…لا هو لا عليه طابق على قدو خاص بكل ماليه علاقة باختصاصهم…شافت راسها غاتعطل وهي تمشي الباب حلاتو بشويي كطل مبانش ليها فشومبر خرجات ومشات لباب حلاتو بان ليها جالس فالمكتب ديالو كيهصر فالتيليفون تا شوي تسمع دقان الباب وسمعاتو كيحنحن بصوتو الخشن وهي ترجع دخلات جلسات فوق الفوطوي تما كتسنى فيه حتى بان ليها جاي هاز زوج بلاطويات كبار فايديه وهي توقف بزربة…
فرح”مشات عندو بغات تشد من عندو بلاطو” : علاش معذب راسك ايدك مريضة…
زين الدين : مالي شنو هاز بسلامة…
فرح : عطيني نشد عليك…
زين الدين : رتاحي ..ماعليش ماشي شي حاجة…”حط بلاطو ديالها فيه گوبلي اتاي وفروماج حمر شرائح وبواطة صغيييورة ديال كونفيتيغ باقي مسدودة وبتي بان شوكولا كوميرة وفرماج فحال جبلي وكيري وزيتون كحل وطبسيل ديال اومليط حداه طرونش مطيشة وخيار..اما ليه هو قهوة نيسبريسو كحلة واومليط تاهو فحالها غير هو بلا كرواصة ولا كونفيتيغ..”
فرح”شافت فالفطور وعجبها ديكور باش محطوط داكشي منضر زوين وهي تبتاسم” : زويييين…
زين الدين : خاصك شي حاجة نزيدها ؟
فرح”هزات ايديها كتنفي” : لا لا هذا زوين اويلي الخير هذا ههه.
زين الدين : ماتحشميش الي محتاجاه علميني..”كيكحز ليها فالكوبلي الي فيه اتاي” ماشي شي اتاي..
فرح : ههههه منين غايجيبوه الي عارفة هو هنا كاينين لي شيف كيديرو اكل صحي هذا كلينيك ماشي اوطيل هههه..
زين الدين : ماعندي ميتسالك…
فرح”هزات الكاس شربات منو” : لا زوين ههههه
زين الدين”كمش فيها حجبانو” : زعما !!”عاق بالي ماشي هو اتاي الي كتبغي دكة مشحرة من داكشي حيث كتموت على اتاي وميجي منو”
فرح”بقاات تحرك فراسها تحرك تا ضحكت” : هههه واهو زوين وليني اللهم العمش ولا العما…
زين الدين”حاضي تفاصيلها الحلوة فعينيه” : كاااع…
فرح : هههه نقضيو باش مكان”حدرات عينيها لباقي الفطور مشات ل كرواصة هزتها قطعات منها شوي نبيشة ..هي فالعادي كتاكل نيت بلا عقل لكن بوجودو وقدامها كيشوف فيها ماقدراتش تاكل من فرط الخجل كتعاون غير بالضحك اما قلبها شكات واش وصلو دقاتو لعندو…شربات من اتاي وعاود نفس الندغة(دغمة) تاني..هزات طريف من فرماج حمر ..
زين الدين : فرح ..
فرح”شافت فيه” : هممم..
زين الدين”هز حاجبو والكاس فايدو ديال القهوة” : كاتحزري ليا فالماكلة تم ؟
فرح : ها لا علاش ؟!
زين الدين : نهاك الله ابنت الناس هاديك ماكلة “داير رجل فوق رجل..حك لحيتو ورجع شاف فيها” ونتي معايا على هاد الحساب نوليو حدو قدو (زعما تضعاف ههه) …
فرح”حكات راسها بخجل” : ههههه واخا هاني غاناكل..”حنحنات وهي ترجع هزات كرواصة وعضات منها وشربات اتاي وكلات داك فرماج حمر اما هو حدر راسو فتيليفون خلاها على خاطرها باش ميحرجهاش وشوي بشوي تا تولف عليه وهو حداها…يلاه غايشرب وهي توقفو بصوتها”
فرح : احم…شربتي دوا ديالك قبل ياك !!؟
زين الدين”بغا يشوف رد فعلها” : بقا ليا شي عقل ؟!
فرح : اويلي نسيتيه ؟؟!
زين الدين”حرك راسو ” : شتي دابا …
فرح : علاش نسيتيه ؟!
زين الدين”غمض عينيه وحلهم كيطمنها” : عجبني المزاح معاك الالة..
فرح”بقات كترمش مفهماتش شوي وهي تفهم من كلمة مزاح زعما غا ضحكت معاك..وهي تقوس حجبانها تا بدات ضحك” : هههههه حشومة عليك…
~~حتى المزاح معك له طعم~~~
جاب ليها ضحك ..بقات كضحك وتفطر حتى حسات براسها شبعات وخا كانت ماكلتها على دق الحال وماشي ماكلتها الي كتاكل..
فرح : خاصني نمشي …
زين الدين : شنو ساعة الي دايرين ليك تخرجي فيها ؟!
فرح : بالليل كنجي مع العشرة وخاص نرجع مع تسعود صباح…
زين الدين”شاف فساعتو روليكس” : شبعتي ؟!
فرح : اه الحمد لله شكرا بزااف…
زين الدين : واجب عليا فرح…”ناض وقف ومشا لبيرو جاب ليها صاكها الي جابو ليه وساشية كان فيها لانش بوكس ديالها عطاهم ليها وناضت مستاذنة دخلات لدوش حيدات البلوزة الي بقات بيها والبادج دارتو فصاكها رجعات لبسات الفيست سدت ليها الحزام عاودت حلات وضفرات شعرها قادت مسائلها وخرجات مالقاتوش وهي تخرج لبيرو وهي تشوف ايدو ودارت ليها طننن تفكرات انه خاص يبدل الفاصمة ويعاود يدير بومادا من جديد لانه مريض سكري لازم كل شوي يسواني تاتبرا يعني اي حرقة جرحة خاص يرد معاها البال كيف سبق الذكر الخلايا الحسية ديالو كتكون ضعيفة…
فرح : ااه نسيت..”هز فيها عينيه” خاصك تسواني دابا قبل منمشيو…
زين الدين”كان عارف غير اجل تايوصلها ويمشي لدار ويسواني” : ماعليش وكان نمشي لدار ونسواني..
فرح : لا سوانيها دابا عافاك ماتعطلش عليها…
زين الدين”شافها كتشوف ناحية ايدو بخوف وترجي ليه مابغاش يقلقها ” : تسناي…”ضرب دورة ومشا مع واحد الممر حل الباب ودخل لقاعة الفحص كانو فيها فراملية “
فرملي : دكتوغ !!
زين الدين : Pensement vaseliné avec serum physiologique
فرملي : داكوغ….
مشا جاب ليه سيروم فيزيولوجي وفاصمة عطاهم ليه ورجع سد الباب ودلخ لعندها حط داكشي فطابلة قدام المكتب وجلس باش تبقى براحتها ليه …جبد بومادا ديال الحرق الي عندو يلاه بغا يبدا حتى جات عندو وشدات من عندو السيروم”
فرح : انا نداويها ليك”حنحنت” احم ماتخافش راني فضومين ههه..
زين الدين”تكا مسرح فوق فوطوي وعاطيها ايدو” : الله اودي.
فرح”عضات شنايفها بتوتر وتركيز مع الفاصمة القديمة خوات عليها سيروم تا رطابت باش مضروش زعما ههه حلتها بشوي بشوي تا عراتها كانت مسلوخة حمرة تا غمضت عينيها مكمشين بقا فيها بجههددد فهاد اللحضة تا غرغرو عينيها ” : اييي ..ماكتعطيكش صداع ؟!”شافت فيه ورجعات شافت فالحرقة “
زين الدين : ماشي شي حاجة…
فرح”خوات عليها سيروم وكتمسح وتنقيها مزيان هزات بومادا دارتها فصبعها كتبغي تحط وترجع تبغي تحط وترجع زوغمت فهاد اللحضة حرقها قلبها عضات فمها مزيان وحطتها عليها بشوييييييي وهادشي هو كااع ماحاس بيه كيشوف غيه فيها. وفتفاصيلها مستغل كل جزء من ثانية باش يمتع عينيه فحال كيقوليه خاطرو را معمرك مزال غاتشوفها…ذهنات بكل حب ورفق تا كملت ” : خليها شوي تا تشرب وندير ليك فاصمة…
زين الدين”وقف كيشوف هنا وهنا مشا لكونطاكت هزو هو وتيليفون وصاك ديال الماك الي فيه لوازم ديالو…اما هي مشات لدوش غسلات ايديها من بومادا ولاحت ديك فاصمة لولة وزبل عاد خرجات بقاو شي خمسة دقايق اضافية عاد لوات ليه الفاصمة وخلاتها مرخوفة وهادشي كامل تحت عينيه حمقو اهتمامها الي لمسو فاول لقاءاتو معاها…
خرجو من الجناح ودخلو لمصعد نزلو مباشرة لباركينغ حل من بعيد سيارة..ماشيا وراه كان سابقها وعينيه هنا وهنا كتشوف ليه فضهرو تاهي خلات احساسها الي يتحكم فيها هاد المرة الي قادها انها تمتع عينيها بيه وخا مكيشوفهاش استغلات الفرصة تشوف وقفتو من ضهر ..ضهرو العريض على قول صفاء وطولتو الملفتة ودراعو المرنين صحاح بالرياضة جاها فالفورمة قريب لعصام غا هو طويل عليه شوييي…شعرو الاسود الكثيف…وخا مقاد ليه تحسينة…قبل متكمل كان حل الباب فين تركب وهي تحدر عينيها بزربة نقدات الموقف لا يحصلها ..ركبات القدام وكانت ثاني ركبة ليها معاه من بعد داك النهار الي كان اخر نهار الى يومنا هذا هاهي رجعات تستانف ركبة حداه…نقولو سلمات امرها لله طبعا لكن بالاضافة الى هادشي سلمات احاسيسها وخلات مشاعرها تخرج شيئا فشيئا سمحات لراسها تعطيه فرصة فالي قادر يلوح راسو لموت بسبابها قادر انه يقنع خوتها ويتسامحو خصوصا انه جا لعند عصام الي معروف عليه واعر ماتسوقش فشردها هي بغا يصلح الامر …غيرو كان كيف سالاو وفضاو مايبقا يسول ولا يتقاتل باش تشوف فيه شوفة لاخرة كون هز شاف حياته وهي كذلك ..شحال من سبب كيخليها تبدل نضرتها عليه وتاكد انه باغيها …
ديمارا سيارة بسرعة كان خارج من الباركينغ غير خرج على برا وشدو طريق حل واحد البواط حدا بواط فيتاس جبد منها باكية الكارو وسط صرف الي كيحط على حسب الى بغا يخلص شي عساس ديال باركينغ…شاف فيها لقاها كتشوف قدامها وجامعة صاك عندها كتلعب بسمطة ديالو وحناكها حمريين..
زين الدين : فرح …
فرح”شافت فيه” : نعام ؟
زين الدين”هز باكية الكارو زعما واش واخا نكمي” : هانيا ؟!
فرح”حركات راسها حل الزاج الي حداه وشعل الكارو بدا يكمي وهو سايق مركز مع طريق..حتى ضار شاف فيها لقا زغيبات على عينيها كيلوحهم البرد تما وهو يمد ايدو وجرهم ليها ورا وذنيها تا حسات بقلبها كيزدح بمجرد ما حط صبعو على وجهها..تبسمات بخجل وهي ترجع قادتهم ” : ههه البرد..
زين الدين”جر جرة وحدة وساط دخان طفا الكارو فطفاية عندو عاد لاحو برا سد الشرجم وتطلق العطر اوطوماتيكمون فالسيارة وخدم السخونية باش تدفا ليه “…
مابغاش طريق تسالي وهي حداه..عجبو الجو وهي معله لاول مرة كيحس براسو ماشي وحدو وحداه الونيس…طول حياته رغم ان عندو عمتو عندو الحاج الحسين ومراتو الي حاسبينو ولدو رغم صداقتو مع علي الا انه ديما ناقص وحدو ماعندوش الي يكون معاه ويفهمو ويتقاسم معاه المضرة معندوش شريكة…كانت فواحد الوقت هاد السمة غاتحضى بيها حنان لكن الفراق كان سيد القدر…وكتاب عليهم…بقات مسافة خمسة كلمتر …وهو يدور لعندها تا سقا عينيه منها كانت كتشوف فالنافذة وباينة على وجهها الخجل الساحق فمها كلاتو بالعضان وايديها صباعهم عياو بالتشابيك ولعب …قرر يكسر هاد الحاجز. ويسولها…
زين الدين : كتحسي براسك مزيان ؟!
فرح”ضارت عندو وحركات راسها” : لا مزيان الحمد لله ..
زين الدين : اللهم لك الحمد”بقا كيدوز على لحيتو ويعاود وهو يرجع نطق بصوته الحرش” تيليفونك حداك وقت الي نهضر معاك جاوبي كانو خوتك حداك بلا متهزي الهم عارف وقتاش يكونو وقتاش لا باش تكوني على بال وخاطرك هاني…
فرح”هنا بدات كتحس بنوع من الخوف وهي تشوف فيه وشاف فيها حس بيها خافت”
زين الدين : الي تجيب ليك صداع مانديرها والي ضرك ضرني قبل منك…تهناي من هادجيه…هاحنا شوي بشوي…
فرح : شنو غانديرو !!
زين الدين : هاد ساعة نساي وعيشي ولكل مشكيل ربي يجيب الفكاك والحل …تهناي انا عارف شنو كندير…ويدير الله خير…
فرح”حركات راسها ورجعات كتشوف قدامها تا تنهدات”
بقا سايق مسافة الطريق حتى دخل لجديدة عند دخلة وقف طوموبيل ونزل
زين الدين : بقاي هنا”حركات ليه راسها ..بقات كتسناه جهد جوج دقايق حتى حل الباب من جيهتها وهي تنزل ..حط ايدو على ضهرها وشاف هنا وهنا حل باب طاكسي ” تهلاي ليا فراسك …
فرح : تانتا رد البال لراسك عافاك ومتنساش تسواني “شافت فيه بترجي”
زين الدين : تهناي عليا”شير بمول طاكسي بعينيه وهو يكسيري بقا واقف كيشوف فيه تا مشاا ماوقفش لا هنا لا هنا حيث كان مخلصو كورصة على قبلها…اما هو رجع ركب فسيارتو وقبل مينطالق دوز الخط نيشان ليه الي تعطل شحاال عاد جاوبو “
ريان”بعد من حداها وجاوب” : وي سي زين الدين.على سلامتك اخويا..شوية ؟!
زين الدين : على بالك ؟!
ريان : وي علمني مراد…نسالي واحد المشكيل عندي ونمشي لكلينيك…
زين الدين : بلا منعلمك شنو دير…من بعد تحرك لعندي لدار…
ريان : ان شاء الله كون هاني…”قطع معاه ورجع شاف فالدنيا تما شحاال كيفكر حسن مني ماقالهاش ليه وهو يرجع مشا لشومبر لعندها كانت عاد فاقت وجالسة على طرف سرير دايرة باندة على ضهرها وتيليفونها فايدها كان كيصوني بنمرتو حتى طفاتو كانت كتشوف فيه…” كي وليتي شوية ؟!
ضحى”شافت فيه..حنكها كانو فيه بقايا صباعو عليه خباتهم بالفوندايشن بزز باش تخباو” : شوية..”حنحنات وشافت فيه بترجي” قلتيها لزين الدين…
ريان”ضحك بجنب” : هههه اش نقول وهو عيان فين بغينا نوصلو معاه خفنا عليك منو…
ضحى : مابغيتوش يتخلع وزايدون عاد هضرت مع ماما قلت ليها بالي بايتة عند بابا…عافاك ماتقول والو الله يخليك..
ريان”بقا شحاال كيشوووووف فيها خاشي ايديه فجياب الكبوط وعينيه عليها عاد نطق” : مارديتيش لبال لراسك نو كديري دابا ؟!!
ضحى : مافهمتش…
ريان : علامن كضحكي ؟! اشنو زعما هاد ضربات نزلو عليك من سما ولا عطاهم ليك شي حد كادو فدار بوعزة ؟!”اكد عليها بعينيه” شنو الي وصلك تااال دار بوعزة فداك الوقت من الليل ؟! كنتي كتحفضي تا داتك عينك ولا تلفت عليك طريق حيث كي شتي نتي ماشي بنت كازا غا جايا زايرة …
ضحى : كطنز عليا ؟!
ريان”قلبها تخنزيرة ” : لا كطنز عليا الوقت معاك اختي…”قرب تاااال عندها” شكون ضربك من لاخر بلا رهوط عليا اش وقع ليك ولا اقسم بالله العلي العظيم مانخسر عليك والو ابنت الناس ابيل نيشان لزين الدين هو يتكلف ولا باك…
ضحى”ضحكات باستهزاء” : با ؟ ههههه عيط ليه شوف اش غايقوليك عيط ؟! غايقوليك شوف مع مها ولا تاتجي عندي ونهضر معاها وملي نجي عندو يقوليها لا خرجتي سدي الدار مزيان ولا بلا متسنايني راني معطل برا …وههههههه”هبطات دمعة من عينها” معامن برا ؟ مع شي وحدة قد بنتو ولا شي شيخة فالبار شافها فشي قصارة …”مسحات عينيها بطرف كمايمها”
ريان”تنهد بحسرة عليها” : واخا غا قولي ليا شكون ضربك واش عرفتي طبييب شنو قال ؟ قاليك كانز جوغ (15يوم) خاصك تبقاي ناعسة فيهم على ضهرك ومتحيديش الباندة ونتي جالسة بعدا وشوفي كيف جالسة هاديك جلسة دابا ؟! …”غمض عينيه بنفاذ صبر” جيني من لاخر عيييتيني معاك ليل كلو وانا هنا وصابح هنا طلقيني باش نعرفو اش نديرو راني غادي خدام وراجع عند خوك…
ضحى”قلبها بدا يضرب بالخوف” : ف ف ففف فاش كنت عند صاحبتي اسميتها اسماء را كتعرفها ماما وباباها كيعرفو زين الدين…تعطلت بزاف عندها وبغيت نخرج ناخذ طاكسي تلقى ليا واحد كان بغا يخطف ليا صاك وتيليفون…
ريان”عوج راسو وشاف فيها بتاكيد” : شفااار زعما ؟!
ضحى”حركات راسها”
ريان : متاكدة ؟!
ضحى : اه متاكدة ودليل تقاتلت معاه ودفعني تا طحت على ضهري وضربني لحناكي…
ريان”حدر راسو كيحك فلحيتو ويحرك فراسو” : ايه واخا تا هذا نضر…صافي نتي خرجي سوق انا نتكلف بهاد شفار ولد لحرام…
.حلات الباب ودخلات تا سمعات صوتهم كيهضرو هادي وقيتهم كيفطرو ويمشيو لمحلاتهم…حطات ساروت وححيدات صباطها وهي تدخل وقفات عليهم …
فرح : صباح الخير…
عصام : اه اه عالسلامة…
فوزي : جايين تنعسو وحنا فقنا هههه على سلامتك…
فرح”مشات نيشان تنخششات فعصام معنقاه حتى تنهدات بصوت ” : همممممم…
عصام : الاطيف مالك عليها ؟!
فرح”مابغاتش تخبي عليهم فهاد اللحضة هي باغيا تكون مزيانة هادشي الي صور ليها دماغها كتقول اللهم يبقى ضوصي نقي الى عمرتو بالكذوب نقفرها” : رجعت من الموت ..”بعدها عصام من عليه بجهد بصدمة”
عصام : كيفاش !؟
فوزي : اناري خبار الخير ؟!!
فرح”شافت فعصام وفوزي وهي تنطق..” : وقع واحد الحادث ديال حريق فواحد الديبو مشيت نجيب منو شي وراق خاصينا “رجعات تنهدات واستانفات كلامها عاودات ليهم كلشي بالتفصيل طبعا حذفها لمقطع زين الدين فهاد اللحضة حسات براسها كتخونهم ضرها قلبها بجهد وهي كتعاود وحاذفة مقطع زين..لكن طبعا هي متاكدة انه غاتعاود كلشي لصفاء وسيمو وخا ولفات حتى فوزي تعاود ليه كيجيها تانيب ضمير من جيهتو…بقات تعاود حتى كملت “
عصام : وعلاش معيطتيش ليا علاش ؟! مالك فهاد الفعايل ديال نم ؟!
فرح : علاش نعيط ليك تم جاي من هنا تال لهيه ؟! بالعكس تهلاو فيا تقدمات ليا الرعاية وهادشي را ضمن لاسيرانس ديالهم واجب عليهم مع لموضفين ديالهم…
عصام : واخا هكاك علميني نعرف اش كاين ماشي هادشي كامل واقع ليك وتا جيتي عاد قلتيها ؟”لاح المخدة بزعاف”
فوزي : تا حمد الله على سلامة كون قالتها كنتي غاطير ولا نطيرو بجوج عندها…مكناش حنا راهم قامو بالواجب…
عصام”الصمت”
فرح”باستو فكتفو ” : ماتقلقش انا بيخير والله وبقيت مرتاحة كاع ماخدمت هههه جا لفطور تالعندي اسيدي…
عصام”شاف فيها بنص عين” : مممم
فوزي : هاد الكلينيك مايبغيوش يخدموني عندهم وخا سيكيريتي هههه
فرح”جمعت ضحكة وهي تسكت شحاال وولات شافت فعصام” : وعافاك ماتقلقش عافاك…
عصام : مرة جايا ندبح مك على هاد الفعايل قتليني وتهناي نتي كاع…
فرح”نخششات راسها فكرشو وبدات تنغز فيه ” : انننن هههه
عصام : زكاي دابا نطح حبك هنا…تي ريحي الحبس..ماتشوفيش لصاحبتك شي خدمة فيه ؟!
فرح”هزات راسها بجهد” : اينا صاحبة ؟!
عصام : صفاء شحال من وحدة عندك…
فرح : ههههه هاز ليها الهم مسكينة كتر مني…
عصام : مالها ماتستاهلش ؟! تعاون بالخدمة دفعي ليها على الله والله يسر لجميع ..
فرح”شافت ففوزي وحبسو ضحكة” : ااااميييين….
مسافة الطريق من جديدة ازيد من ساعة كان وصل لكازا دخل لطريق الفيلا وصل عند الباب حل ليه العساس ودخل لدار ..يلاه غايعيط حتى تمات جايا كتضحك بالفرحة ومسرحة ايديها.
توبا : الحبيب ديالي “عنقاتو” الله على وليدي نورتي على سلامتك..
زين الدين”ببشاشة باس راسها” : ميمتي..مزيانة ؟!
توبا : اللهم لك الحمد”كانت كتضحك تا بانت ليها ايدو عليها الفاصمة” اويلي اش وقع ليك ؟!
زين الدين”طبطب على كتفها” : ماشي شي حاجة مديري فبالك والو…
توبا : كيفاش ماشي شي حاجة اويلي اش وقع ليك .
زين الدين : ميييمتييي “شاف فيها” ماديري فبالك والو وقع واحد المشكيل فالكلينيك دازت سالمة ربي حفض..”باس راسها ومشا طلع لدروج مخليها كتشوف فيه بخوف وعدم فهم ولكن ماحكرتش عارفاه ماشي من نوع الي يقول اش واقع ومكيبغيش الي يحكر عليه وهو عارف نيت علاش مبغاش يقوليها …طلع نيشان لبيتو حيد حوايجو كاملين بقا غير ببوكسر دخل لدوش وتخشا تحت رشاشة من بعد ما طلقها مبعد ايدو لايقيصها الما تا دوش وخرج لوا على نصو فوطة شعرو طايح كيقطر بالما هز فوطة صغيرة نشف بيها شعرو مزيان ورش عليه ديدورنت …مشا لتيليفون رسل ليها ميساج من نمرة البيرسونيل ديالو اي شخصية مكانتش عندها ومكيعطيها لحد الا لقراب بزاف…
زين الدين. : وصلتي مزيان..”لاح تيليفون ومشا لماريو جبد منو بوكسر وشورط قصير لبسهم ولبس فوق منهم فوقية…مشط شعرو خرج من البيت وضار لبيت ديال صلاة صلا ليه زوج ركعات وقرا شوية القران عاد ناض دخل البيت هز تيليفونو ونزل لتحت وصل عند الباب ديال برا تا بان ليه جاي بسيارتو دخل ونزل منها….
زين الدين”بطنز” : ماعليش زيدك شي يومين الحاج غيبتك قليلة…
علي”تاهو بطنز” : توحشتك مصبرتش اكبيدتي ..
زين الدين : يتوحشك الخير الحاج”تعانق هو وياه تا خبطو لكتافو”
علي : تا قوليا اش داكشي طرا البارح ؟! “شاف ايدو” كي بقات ايدك شوي اولدي !؟
زين الدين : من الحامدين الحاج ..مكاتيب تصرفت وصافي…
علي : كيفاش شعلات ؟! قاليا وليد ديبو كامل مشا بالي فيه…واش فويت !! …
زين “هز عينيه بانت ليه سيارة داسيا لوغان دخلات وشير ليه براسو” : دابا نشوفو الحاج دابا نشوفو …
علي”ضار شاف شكون جاي تا بانو ليه نزلو منها زوج رجال واحد فعمر زين الدين نيت وواحد باقي شاب” : شكون هادو..
زين الدين”تسناهم تا جاو بزوج ” : كوميسير هشام عاش من شافك…
هشام : الحاج البغدادي “سلم عليه”
زين الدين : مرحبا “شاف جيهة الولد الي معاه”
هشام : ههههه كنت غانجي وحدي ساعاك جا معايا هاد الولد ضابط عندنا فالولاية …officier عابيد .اسماعيل عابيد…
اسماعيل”مد ايدو سلم عليه” : سلام عليكم سي البغدادي
علي لحد الان مزال مفهم والو علاش جاو ومافهمش شنو بغا يدير زين الدين..
زين الدين”شاف فيه ومد ليه ايدو سىم عليه” : عليكم السلام..”شاف ف هشام” مرحبا “شير ليهم بايدو باش يدخلو…سبق هشام وتبعو اسماعيل الي كان داخل وكيسرق شوفات لجمالية الفيلا الي على شكل رياض الفوق الغرف وقدامهم الشبيك الي ضاير على الطابق كامل بزخرفات بلدية قديمة كيطل على لتحت وجايا ترية من فوق السقف على شكل قبة صغيرة سقفها من عود العرعار المنقوش …تا سمع زين الدين كيقوليهم يدخلو لصالون مرحب بيهم واستاذن منهم باش يخرج عند علي الي بقا كيتسناه باش يفهم شنو كاين…
زين الدين : الحاج حشمان ؟!!
على: شرح لينا نفهمو اسي…
زين الدين : كاين شي incendie (حادث حريق) فرزق ناس بلا علم رجال الامن ؟
علي : همممم هااكاك… ضروري..
زين الدين : الحاج ميحتاج نرحب بيك فدارك..نقص عليا الصواب ودير معايا اللازم ؟
علي”تم غادي سابقو ويبرگم” : خاطرك تا فالهضرة ديقة سلامة يا ولد الحاج سلااامة..
زين الدين : سمح لينا الحاج…”حك شنايفو بسنانو ودخل تبعو…رحب بناس الامن الي جاو…وقفات الخدامة عند الباب من بعيد هازا صينية اتاي..ناض زين الدين بزربة خرج لعندها وشد من عندها صينية حطها قدام علي وعاودت رجعت هزات البلاطو ديال الحلوة وطبسيل الفاكية بانواعها…عاد جلس فوق سداري حط المخدة فوق حجرو مسند عليها…
علي”سما الله وبدا يكب فاتاي على حقو وطريقو كان بجانب ديالو براد صغير مسوس على ود زين الدين” : يا بسم الله…
هشام”حنحن مستانف هضرتو” : جاب الله لقيتيني هاد صباح فاش عيطتي شاد طريق لهنا لكازا…
زين الدين”حط ايدو على صدرو كشكر وتقدير” : يتوب عليك اخاي ديالي…
هشام : عاود ليا شنو وقع بالضبط…
زين الدين”حنحن منضف حلقو وباشر فتفسير الحادثة كيفاش وقعات بالضبط”
هشام”بقا كيسمع ليه بتمعن..حتى كمل وبقا شحال كيفكر وداير ايدو على ذقنو” : مممم …على حسب ما كنعرف الكلينيك ولابد يكون مسيكيغيزي !!
علي : مكاينش كيفاش يوقع شي سيركوي هادي تهنى منها ههه انجينيوغ ديليكتخيسيتي (مهندس كهرباء) واقف على كلشي ومعاه مهنديسين من غيرو راك عارف كلينيك ممنوع تهاون فهاد المسالة من هاد نوع…كاين ايكيپ (فريق) كيتناوبو وهادشي مشدد عليه من عندنا…
هشام : الموضفة الي كانت لداخل ما سمعاتش ولا ملاحضت تا شي حاجة تثير الانتباه على غير العادة ؟!
زين الدين : حالها حال باقي الموضفين كل كيدير خدمتو ويتيسر …سلكها الله ولله الحمد…
هشام”بقا كيحك فلحيتو قبل ميهز عينو ويشوف فزين الدين” : مزيان علمتيني نجي هنا قبل منمشيو لهيه…
علي : ولابد ماتجيو ديرو خدمتكم تما …
هشام : ولابد الحاج…
زين الدين : خدمتك مايحيدها ليك حد..سوا بغيت ولا كرهت..مايمكنش كلينيك بهاد الخير تبارك الله ونتهاون على هادشي…ثيق بيا الحاج هشام “لاقا صباعو بزوج بمسافة سنتيمترات” نلقى تهاون قد هاك مانرحمش صحابو…واقفين على شغلنا انا والحاج هذا مايعنيش لو كان تهاون كلشي يتحاسب ولو يكونو مالين شي”خرح عينيه” حياة الناس الي خدامين عندنا امانة مانبغيو ليهم المضرة…
علي”حرك راسو مساندو فهضرتو” : اكيد اولدي…
هشام : تماما وهادشي الي غاتكلف بيه التامينات معامن سانيين العقد…احم..بون ضروري نتحركو تما انا وواحد من ليكيب تحقيق ديالي دونك”حط ايدو على كتف اسماعيل” غانمشي انا واسماعيل باش نشوفو مكان الحادث ونعمرو المحضر …من بعد غانستدعيو شهود عيان المكان وناس الي كانو فالواقعة حتى نتا منهم من بعد الى كان اهمال من طرف المصحة او من فعل فاعل لاصورانس الي غاتكلف…
علي : وعليه…
زين الدين”وقف خاشي ايديه فجيابو وشاف جيهة هشام” : الحاج هشام “شاف فيه” واحد الملاقية قديمة سولتيني على شي بخور دياال ديك البلاد…
ضحك هشام من هضرة زين الدين من يوم يومه وجنز عندو جاري ليه فالدم خصوصا مع شي حد كيبدا يتكلوخ عليه ولا الي كيدير فيها قافز وعارف كلشي وبزاااف…تا ضار هشام عند اسماعيل وربت ليه على كتفو …
هشام : ههههه ماشي مشكيل تانجيو ناخذو الاقوال ديالها وتعمر الاسم ديالها فالمحضر ههه”شاف فزين الدين ” يا ولد الحاج طبيعتك هي طبيعتك…
زين الدين”ربع ايديه وحدر راسو” : الله اودي الله يخلينا فصباغتنا…
علي : هههههه
اسماعيل”بحرج حك راسو” : هههه تا هذا نظر…
استاذن كل من هشام واسماعيل مشا معاهم زين الدين وعلي حتى لبرا تا مشاو نيشان لكلينيك باش يشوفو مكان الحادث واستاذن تا علي …
علي”شاف جيهة ايدو” : شوية ايدك بعدا ؟!
زين الدين”شاف فيها ورجع شاف قدامو كيهضر” : مزيانة مزيانة…
علي : كي بقات البنت تاهي”اكد ليه بعينيه” هي فرح نيت ؟!
زين الدين”حرك ليه راسو بشوييييي وباين على وجهو البشاشة والفرحة خارجة ليه من عينيه” : اللهم لك الحمد…
علي : لهاد درجة اولدي هههه
زين الدين : كنلعبو هنا الحاج ؟!
علي”تنهد” : باااين ليا عندك ميتقال ..
زين الدين : وعندي منشاور وناخذ الراي..
علي : سير رتاح تالليل ونتشاوفو انا خصني ضروري نتحرك عندي واحد l’opération مع جوج…جيت نجري كي وصلت جيت لعندك نيشان نشوفك كي بقيتي…
زين الدين”باس ليه راسو وعاود من ديما علي كيتصرف معاه فحال ولد من ولادو من نهار تعرف عليه وهو طالب فكلية الطب وهما مقربين بزاااف الي شافهم يحساب ليه خوه صغر منو كيقرا عندو…شكرو ومشا تاهو اما زين رجع دخل لدار وطلع نيشان لبيتو حاس بالعيا شدييييد…حيد الفوقية وبقا غير بشورط وحدو تكا فوق ناموسية جر عليه الغطا وهز تيليفون تا بان ليه ميساج من نمرتها…
فرح”معارفاش نمرتو الخاصة” : c qui ?!
زين الدين : خلا عشتك…”رسل لميساج وحط تيليفون هز لاخور دخل شاف شي ايمايلات وصلوه من دبي هز نضاضرو دشوف وعلى شعا تا قراهم شي نص ساعة وحط تيليفون جاه نعاس هز تيليفون شاف واش رسلات مارسلاتش وباقي ماقراتش لميساج عرفها نعسات وهو يهز ريمونت سد الخوامي من شعا وتقاد فبلاصتو وحط مخدة فوق راسو وجبد عليه …
اما هي كي مشاو خوتها جمعات الماعن ومشات لبيت تلفازة هزات تيليفونها رسلات ميساج لفرح وسيمو وهي تمشي لميساج الي.وصلها ماعرفاتش حيث نمرة جديدة رسلات ليه شكون وبقات كتبقشش وتدخل لانسطا حتى ماحساتش براسها امتا نعسااات من فرط تعب ليلة مشحونة…ماحسات براسها حتى كتحس بشي حاجة كتنغش ليعا فمنخرها كتحكو وترجع تنعس…
صفاء”بالحس” : وذنيها…
سيمو : اهيييييه باش تنوض تزغرت لينا هنا…
صفاء : ودابا منخرها قربت نجبد ليها مخها وبصلة سيسائية تسلم عليا وترجع وهي حلفت لا ناضت “رجعت دارت ليها ريشة فمنخرها هرتها”
فرح : وزگاااا ..”هرها سيمو فوذنيها وهي تبدا تنش خشات صبعها فوذنيها”
سيمو”يجساب ليه غاتبدا تغوت كمش عينيه وصفاء سدات وذنيها ساعاك دارت صبعها فوذنها وبدات تخرخر فيها قاعدة فاش كتشدها الحكة فوذنها كتبدا تخرخر كتصدر واحد صوت باش كتقدر تحك ديك المنطقة الي فوذنيها لدااااخل الي ميقدرش صبعها يوصل ليها”
فرح : كغغم كخكخ خرخرخ خغغغغغاغاا…
صفاء”خسرت سيفتها” : هادي بغات تموت ؟
سيمو : واش هريتها ولا قتلتها اويلي”شاف فريشة الي فايدو” لاكانت هادي تقتل را والله مادرتها بلعاني…
فرح : كخكخكمم غغغغا احم”تقلباات لديك جيه وعطاتهم بضهرها”
صفاء : ههههههه معطيانا من دنيا ونتي اكدتي لينا شوووووكرا…
سيمو : دابا اش نديرو ليها…خليها تصهط تا تفيق ونرجعو عندها…
صفاء : تا ريح خليها تعاود لينا اش وقع بارح رسلات لينا الخبار فالكروب وصهطت خلاتنا نتجالبو تم تا وليت نجاوبك نتا وتجاوبني …
سيمو”عاود دار ليها ريشة وهي تضربو بايدها تا طنطن” : اححح يعطيك ضربة ابتلحرام…
فرح : وزگا خليني نعس..كي امم كي ب”بصوت ثقيييييل بنعاس” كي بقات ليك ايدك..
سيمو”على نيتو” : ضربني وبكا وسبقني وشكا…
صفاء : فراااااح ونوضي اصحبتي عاودي لينا…
فرح : خليني نعس عافااااك سيرو بعدو مني لاش جايين واس معندكم نفس”عاقدة حجبانها وناعسة”
صفاء : اهء معندناش غا تگعدي..
سيمو”غوت تا قفزت” : نوضي الحبس
فرح”فقصوها بغات تغوت على سيمو وتعيط بسميتو ومع كان باقي فيها تاثير الحادثة الغوات الي كانت تغوت وهي تعيط ليه” : واااااا زين الدييييييييييييييييييين”مع قالتها صفاء وقفت على جهدها نقزت وعاودت نقزت فبلاصتها سيمو وقف وفرتح لدوش كيطل على عصام لا يكون تم اما صفاء دارت صبعها سادة ودنيها ودور فالبيت وتدخل لصالون وتمشي لبيت فرح”
صفاء : واواواواواو والحاااافض الله على المبزوطة وناري هادي غا البارح واش دار فيها واواواواو….”رجعات ليها تجري مكانش سيمو داخل وهي تهز ايدها وخبطاتها لترمتها تا تسمعت عند سيمو ناضت فرح شاهقة وعينيها خارجين” انوضي امو گعبوب”زوك هههه” يغبر ليك شقف…
سيمو”سمع دقة من دوش” : نرييي طفات ليها لمشاعير…
ناضت ليهم بزز بالخلعة وبحر الدقة الي عطاتها صفاء على شوي تنوض تشتف عليها غا تا دخل سيمو وفك القضية بقات تحك فيها وتوحوح تا همدت عليها…
فرح : اش بغيتي ازمر ااااش “مخنزرة فيها”
صفاء : كملي لينا الواقعة…
فرح : تسناي تانرتاح راني بايتة شادة العسة…
سيمو”طلعها وهبطها” : علامن شادة العسة ؟!
فرح”لولبات عينيها” : ماجانيش نعاس وداكشي من الي وقع كنت على شوي نموت..
صفاء : مممم وعلاش ممتيش”جالسة فلارض و فرح فسداري وسيمو ماقبل معاها وصفاء حداه نيت مي فلارض دايرة ايديها على حناكها مسندة فوق سداري” كون دابا انا وسيمو تنشدو فالفطورات الي مدخلين جيران..
سيمو : ومي غضيفة كدير واحد مسمن مقلي فزيت عامر عسل تبقا تاكل فيه تايخرج ليك ماوكلي ماشي غالحناش…
صفاء : ههههههه
فرح : عتقني ولد الناس…
سيمو : قبل اشهر كان ماذا ؟!
صفاء : ابن الحرام الملقط…
فرح : دابا غاطنزو ولا نعاود ليكم ؟!
صفاء : لا صف صف صف سمحي لينا اعاودي كملي منين حبستي فالكروب ديال واتس…
فرح”هزات نفس وطلقتها قبل ماتبدا تعاود ليهم من الالف الى الياء حتى من هضرتها مع خوتها” : هذا ماكان…
سيمو : كيف بقا هو شوي ؟!
صفاء : مسكيييين كلاها على قبلك..اصاحبتي هذا هو المعنى الحقيقي ديال نلوح راسي فالعافية على قبلك…فكرتيني غا فجمي فايام الباك نهار قالها طاح فبركاسة من تم عرفت زهري مسگد من داااكش…
سيمو : وزعما افردتي صفيتو الخواطر…
فرح”عوجات فمها وهزات كتفها” : مانكذبش عليكم من بعد الي وقع البارح زاد اكد ليا شحال من حاجة…
صفاء : نتي فلداخل ديالك باغيه وباغيه من نهاااااار لول من اول شوفة ليكم…نهار لول رتاحيتي ليه وفرحتي فاش كان هو الي خطبك ماشي داك الشارف وخا كنتي عارفة ان شي لعبة تما سلمتي امرك ليه ولله حطيتي عليه امالك…منكذبووش شتمتك شمتة ماهياش وليني من بعد شرح ليك علاش..وخا مافسوقها ماتعاود كتبقى مزيانة منو انه ماكملش يعني شاف فيك بنت الناس وتاهو كنتي عاجباه وكون ماعرفش طينتكم انكم ولاد ناس متستاهلوش دخلو فحسابات كان غايخليك بلا ميشرح ولا يقوليك علاش كان غايقوليك ماتفاهمناش ابنت الناس وساااهلة وشكون غايعرفكم بشنو وقع ليه مكانش غايقوليكم كان غايسكت وماسوقوش…
سيمو”ضار عند صفاء” : وشتو عزيز عليك…
صفاء : كنحماق على طاسيلة مو عريض كتاف حبي”شافت ففرح الي كمشات فيها عينيها وهزاات ايدها قاطعتها قبل متقول شي حاجة” عارفاك كتحبيه انا قصدت كيحمقني وصافي نبغيه منبغيهش شغلي هذاك ااااطونسيو تغيري را غاتنضحك اااهيا جمعي كسدتك عليا راني يلاه بديت نربي صحة…
سيمو : هههه “شاف ففرح” شوفي هو ك انسان شديييد برجولة غا الي. وقع خلا الخواطر تخلوض …دابا نتي واش باغياه ؟ عاجبك…
فرح”الصمت”
صفاء”كتشوف ففرح وتهضر مع سيمو” : ميييتة عليه كون ما باغياه ماتسمحش ليه…
فرح”بعينين مغرغرين” : خوووتي اصفاء…الدرويش فيهم الي هو فوزي وكرهو..ااه من حقهم عارفة مكانتي عندهم وهادشي الي مخليني منقدرش نشمتهم…
صفاء : وشنو غاديري…
فرح”هزات كتافها بحزن” : واحد راس كيقولينا طلقيها لوقت واحد راس كيقوليها خلي تتهدن الامور …لكن الي مسيطر عليا هو خاصني حتى نزيد نتعرف على زين الدين ونعرفو مزيان…هاحنا تصافينا البارح وليني”سرحات ايدها” مزال ماقال والو حدو قال خليني انا نتصرف ماعرفتش كيفاش وليني ثقت بيه وعطيتو الامان…من بعد الي دار عليا ومزاال وفينما كنشوفو كنحس بالحماية تما كنحس براسي انا مولات شي تما مكاينش الي كيقرب ليا ولا كيهضر معاها تا من خوه حاضيني وراد ليا البال وصراحة كون ما بززت عليه يمشي كان تاهو غايكون معايا فالحادثة…دايرين ليا خاطر فوق خاطرهم مساكن …
سيمو : ومخفتيش تحصلي ؟!
صفاء : شكون غايقوليهم را كتلاقاو اذا ماقلتيها نتي…
فرح”الصمت”
صفاء : دابا يلاه تصافيتو غير البارح بلاتي تهدن الوقت وعيشي معاه بحال هاد لحضات كيكونو زوينين بداية تعرف.وداكشي لكن الواحد يرد بالو ويحط حدود “شافت فيها بعينيها” فهمتيني شنو بغيت نقصد…
فرح”حركات راسها” : فهمتك…”تنهدات” غادي نحاول شوي بشوي نهدن خوتي ماعرفتش كيفاش ولكن ديك ساعة ضروري يكون حل…دابا الى جيت نجبد غير سميتو يريب علينا دار..
صفاء : يدير الله خير…ديري فبالك الى كنتو مكتابين لبعضياتكم من عند الله مغايقدرو خوتك يديرو والو وخا يكونو واصلين لاعلى درجات القوة…
فرح”حركات راسها” : عارفة الي كاين…”بقات شحال حادرة راسها و ساكتة وهي تبتاسم بلا متحس تا نغز سيمو صفاء باش تشوفها”
صفاء : مالك ؟!
فرح”زادت ابتسامتها” : الى قلت ليك كنحس بيه فتصرفاتو فحال خويا عصام ثيقي ؟!
صفاء : زعما ؟!
فرح : فاش كيسولني وشوفاتو ليا فاش كنت كنبكي ديك المرة وكيفاش كيدافع عليا وحتى فاش كيتعصب ملي مكنبغيش ندير شي حاجة فمصلاحتي..ههه حتى فاش تضربت لحنكي كيفاش كيسول فيا وخايف..هادشي حسيت بيه ومابغيتش نتيق ديك ساعة كان كيجيني فحال كيرضي ضميرو ..ماعرفتش كان طاغي عليا هاد الاحساس بزاااف…
صفاء”حطات ايدها فوق ايد فرح ” : بديتي كتبغيه ؟!
فرح”هزات فيها عينيها وهي ترجع تحدرهم بدون ماتجاوب”
بقاو معاها حتى ناضت ردات الغذا يطيب خرج سيمو حيث عندو ميتقضى على مقولته…مابقاش كيمشي يشرب وخا مرة مرة كتروف عليه يمشي يضرب جغيمات وكيحبس لانه لا عصام محلف عليه ولا زين الدين خصوصا داير الي يراقبو بلا ميحس يحط راسو فعتبة شي بار يجيريو عليه ولا يمشي لشي دار يدخلو عليه البوليس …اما فرح بقات هي وصفاء طيبو الغذا وجلسو كيتسناوه يطيب حتى مشات لتيليفونها وشافت ميساج ديالو….
فرح “قرات اخر ميساج رسل وهي تعرفو غير من تحلاف ديالو تا ضحكت وشافتها صفاء ” عهههههه…
صفاء : نتي فعار الله”طلات على تيليفونها وهي تبعدو فرح عليها” ياااااك احياااة…
فرح : اش بغيتي غير كيسول عليا كي وصلت…
صفاء : ديها فمك كلبمك طبنمك قاودي…
فرح : والله ههههه”عاودات رسلت ليه” انا مزيانة وصلت ميساج سمح ليا ماعرفتكش مع نمرة جديدة ..كيف وصلتي وكييف بقات ليك ايدك.”رسلاتو وحطات تيليفون وناضت حطات الغذا وتغذات هي وصفاء مزالين عند الطابلة حتى سولتها “
صفاء : معاش غاتمشي. ؟
فرح : هاد سيمانة عندي ليل كنمشي مع العشرة …
صفاء : كيمشي معاك عصام ولا فوزي …
فرح : كل مرة واش كاين مرة وحدي اصلا منخافش ولاد درب كيكونو فديك الوقت…
صفاء : ههههه خت عصام شكون يقد يقرب ليك …غالي قاسك يطير ليه عصام الراس هههه…
فرح”شافت فيها” : شفتي علاش خايفة دابا “عينيها غرغرو” عصام ساهل ! شفتي اش وقع ديك المرة غير بغا يهضر معاه وفكوهم بزز …
صفاء : تانتي طلقيها فايد الله …ورا ميمكنش عصام يحقد هاد الحقد كامل هو وفوزي…
فرح”عوجات فمها شوي ورجعات شافت فيها” : شفتك مابقيتيش كيف كنتي فاش كتجبدي عصام !! شنو تبدل ؟!
صفاء”حطات ايدها وحبسات من الماكلة كدور فطيرفات الفريت ففمها قبل متصرطهم وتهضر” : عااادي عااادي فرح …نسيييت وتانتي نساااي…
فرح : زعما ؟ هالساحة خوات ليك…
صفاء : فرح …ساحة خوات ولا عمرت مانيش جالسة كنتقاتل على كاس العالم ولا لعبة…انا خاص هو يبغيني انا بغيييييت فلول ومكتابش…
فرح ؛ درتي شي بادرة ؟! شنو كنتي كتسناي ؟! يحساب ليك هاديك لمياء طيحاتو غا بزهر ولا ؟ زعما كنعرفك اصفاء كطيريها حسن مني انا الي بهلة…
صفاء : مابغيتش نبقى عايشة على خوك صافي انا عايشة دابا كنفكر فمستقبلي والماستر الي قررنا نديروه بجوج زعما”خنزرات فيها”
فرح : مابغيتش تالعام جاي دابا نشد فخدمتي ونشوف حريرتي فين بغات توصل…
صفاء : ممممم واخا
ناضت فرح من على طاببة خلات صفاء كملات ماكلتها ومشات جابت ديسير الي كان مقدي فوزي البارح تفاح وبنان وليمون نفيل…جلسو ياكلو ويجمعو ووحدة تنصح لاخرى كيف عادتهم مولفين…حتى سمعو صوت ساروت كيحل فالباب تا سدو ودخل طل عليهم لقا صفاء مضاربة مع فلق ليمونة وفرح كتاكل فقضور تفاح الي نقات من تفاح زعما…
عصام : ايييه بلا بيا “شاف ففرح” ماتفكريش خوك نتي ؟
فرح : مفراسيش غاتجي تغذا وماشي هادي وقتك…
عصام : ممممم
صفاء : نديرو ليك واحد اخور ماصعيبش”طلقتها وبدات تلولب فعينيها كتسنى دقة تجيها منو”
عصام”رفع حاجبو” : فحال طوال لسانك نتي لا ؟
صفاء : لااا والله ايتا باقي قصير”شافتو مغوبش فيها” صلي عالنبي هههه اكنضحك معاك..
فرح : ههههه “شافت فعصام” مالك جيتي دابا ؟!
عصام : جيت ندير شي فلوس لمولاهم تاهو دينمو عاد جايني دابا مشيت عندو وعاودت وماجا ليهم”مشا لبيت جبد واحد ضمصة ديال فلوس كيخشيهم فجيبو لور” معاش محركة نتي العشرة ؟ غانتعطل هاد الليلة شوفي فوزي ولا سيري راسك مكاين الي يهضر معاك والى خاصك الفلوس فوزي يعطيك ..صبري معايا محنسر هاد اليومين خلصت شي كريديات وطبيت…
فرح : قريب تعلن افلاسك ؟!
عصام : الله يحفض اودي..
صفاء : فرح انا مشيت صونات ليا مي تانشوفك عشية ولا غءا فاش تجي تاني..
فرح : تسنااااي ..جيبي ليا دابا سيفي ديالك ندفعو ليك لكلينيك طالبين فراملية بوليفالونت…
صفاء : وااايلي”بفرحة” حلفيييييي حلفي “مشات كتجري عنقتها” زعما غانخدم معاك عند موسيو مول شي..
فرح”خرجات عينيها وصرطات ريقها” : اااا.
عصام : شكون مول شي ؟!
صفاء : ههههه اويلي ماعرفتيهش ؟!
فرح”ولات كتشطح براسها فحال دوك الطلبة الي كيبقاو يعرضو القرآن وكيمشيو ويجيو فبلاصتهم”
صفاء : مالك افرح غانونسك …
فرح ؛ ههههع اااه”كتقلب منين تقرصها مالقات ماتشد”
صفاء : وااا تانا معرفتش مول شي اتنضحك مهم تدفع ليا ف موارد بشرية وشوووووكرا ليزازيك انا مشيت”وصلات عند البا”
فرح : جييييييبي ليا سيفي…
صفاء : غاتجي عندك مااااي وتجيبو ليك معاها ماجاياش انااااو…”هربت خافت على عضامها”
رجعات جمعات الماعن غسلتهم وضربتها لدار بتجفيفة نقاتها وعطرتها وجمعات الحوايج الي غايتصبنو كاملين طلعتهم لفوق دارتهم فالماشين ونزلت باش ترد لعشا يطيب لفوزي اما عصام مغايجيش معطل على ما علمها….وقادت ليها عشاها…واحد شوي وهي دير ليها طننن فراسها ..شمرات على ايديها وردات دجاج يطيب فدغميرة ودارت صلاد مغربية …مشات وجدات حوايجها على تيساع قميجة بيضة طويلة تال تحت وسروال توب كحل دروا الي جاها سليم طبعا هههه…جلسات كتكونيكطا مجاوبهاش باقي زين الدين مادخلش كاع لواتساب …بقات حتى طاب العشا ودغمرت المرقة وهي ترد الدجاجات يتحمرو خلات لفوزي دجاجتو وفريت فالبانيو…تايجي ويقليه راسو مع شلاضة طبعا مغاتخليهش…طلعت نشرت الحوايج ونزلت دارت دجاجة فاليمينيوم ودغميرة فطاسة صغيرة وعشاها فلانش بوكس وحدو….لبسات حوايجها وهزات كاب سخون لا يتحرك البرد…هزات صاكها وتيليفون …تا دخل فوزي لدار…
فرح : فوزييي “باستو فحنكو” را عشاك طايب “هزهزات حجبانها” قلي الفريت وفاش تعشا رد عليا الخبار حيد خليني نمشي تعطلت…
فوزي : ريحي نتحرك معاك”مالقات ماتقول مغايخليهاش تمشي وحدها ولات سلمات امرها لله ومشا معاها مكملاتش عشرة دقايق تا كان جا الميني بيس سلمات عليه وطلعات مشاو ديريكت لكلينيك…دخلو الباركينغ وطلعو فالمصعد كل مشا لخدمتو…”
نورة. : فرح على سلامتك ابنتي كي بقيتي شوية ؟!
فرح”حركات راسها باطمئنان” : شوية الحمد لله سلكت منها ههه..احم واخا نطلع نعطي واحد الامانة ونجي ؟!
نورة : فازي مي متعطليش عندنا خدمة كثيرة ليوم “حركات ليها راسها وهي تخرج كتصرط فريقها وقلبها كيضرب بجههههد لواحد درجة شكات واش الي راكبة معاهم فالمصعد سمعوه…بقات كتنهد وطلع فنفس وتطلقها تا لقات راسها قدام الجناح ديالو…بقات شحال واقفة مترددة والساشية فايدها فضلات دير ليه عشا من ايديها على ماكلة المصحة ماعرفتش واش احساس ولا شعور قادها انها تصرف هاد تصرف وطيبو ليه بحب وشكر على الي دارو معاها وفنفس الوقت وتشوفو كي بقا…ماحساتش حتى سمعات صوت البنت كيقوليها شنو محتاجة…
فرح”عاد فاقت” : ااا ههه سمحي ليا سهيت احم دكتوغ البغدادي كاين ؟!
امينة : نن مزال ما”شافت ورا فرح ويلاه بغات تقوليها هاهو ساعاك ريحتو كفات ووفات وعرفات انه وراها وهي دور عندو مزنگة وكمية الارتباك الي شدتها خصوصا فاش شافتو جاي ضارب كومبلي گري وقميجة كحلة حال صدايفها الفوقانيين تا بانو زغيبات صدرو…وشعرو الي موقفو وريحتو المخلطة بريحة سيجارة وشوفااتو ليها ..”
زين الدين : فرح …
فرح : احم نعام..اا جيت نشوف كيف بقيتي..
زين الدين”شاف فامينة حرك ليها راسو وهي دور رجعات لبيرو ديالها اما هو شاف ففرح” : اجي معايا..
فرح”حركات راسها وتبعاتو تا دخل المكتب تسناها تا دخلت وسد الباب..” : كي بقيتي شوية !؟
زين الدين”حدر راسو عند وجهها” : نتي شوية !؛
فرح : الحمد لله مزيانة..
زين الدين : حسبيني مزيان تانا.
فرح”حطات ساشية فوق الطابلة” : جبت ليك تعشا “حكات راسها وعينيها فلارض” ماعرفتش قلت تعدي بهذا اليوم حسن من ماكلة هنا قليلة ومغاتنفعك بوالو…
زين الدين : ياااك ..شنو نعاودو نبدلو ليكيپ ديال لي شيف الي عندنا…
فرح ؛ ههههه لا لا مقصدتش..احم غير مكتقنعش…
زين الدين : الله…خلاوك ليا بجوع…
فرح”جاب ليها ضحك” : ههههه وصافي..
زين الدين”بقا شحاال وهو كيشوف فيها وعاشق تفاصيل خجلها منو…قبل ميتنهد ويقلب نضراته للجدية ..مشا لبيرو وجلس فوق منو مربع ايديه..حنحن بداك صوت المرتفع عندو الغليض تا هزات فيه عينيها ونطق” : فرح رتاحي هنا ..لابد نهضر معاك…
فرح”حركات راسها وهي تجلس” : واخا ..كاين شي مشكيل ؟!
زين الدين”مشا جلس تاهو تقابل معاها مفرق رجليه وشابك ايديه وقال” : فرح بلا منكتر عليك الهضرة بلا فايدة”نقر بصبعو فوق الطابلة” انا شاريك ابنت الناس وقيمتك ما تقدر لا بمال لا بجاه ولو نجمعهم ميوصلوش مقامك…
فرح : مفهمتش كاين شي مشكيل ؟!
زين الدين : خاطرك صفى من جيهتي وعطيتيني لامان وامنتي راسك عندي ماعمر المشكيل يوصلك..الا لا كتبو الله معندي فيه لا ايد لا رجل…وماحدي كنتنفس مانبغيش ليك المضرة اخت رجال…”شافها كتشوف فيه” ..مجياتك عندي بالفرحات عليا وليني منبغيش ليك الضرر ومانبغي كحل راس ينعت فيك ولا الهضرة تكتر عليك…نتي هنا راك فالحماية تحت عيني وخا بعيد …وبرا معاك خوتك منخافش من جيهتك…الي بغيت وصلت ليه الحيط الكبير تحيد عليا(كيقصد هي)…
فرح ؛ مانبقاش نجي عندك…
زين الدين”طبطب على ركبتها اما ايدها ماقدرش يشدهم احتراما ليها” : ماكرهتش تكوني فجنبي صباح وعشية وتكون قدام عيني..ماحد ابنت الناس مصفيت الخواطر مع خوتك صعييب كل نهار نشوفك هنا وصعيب عليا كثر منشوفكش …انا معاك فالهضرة ولا بغيتي تعرفيني عطا الله تيليفون قاضي الغراض ..اما نخرجك ونخيط بيك القهاوي بلا موجب شرع عيب فحقك ابنت الناس …
فرح”حركات راسها بتفهم وافتخار انه مابغاش يبقى يتلاقا بيها فسبيطار حيث غاتكتر عليها الهضرة والقيل والقال وتقاس ليها سمعتها..تبسمات ليه وفعينيها لمعة فشكل” : فهمتك…
زين الدين”شاف فيها بحب” : المضرة والخايبة..مانبغيهاش لالت نول اينو (هي مولات قلبي)…
كيف سمعات شنو قال عطاها نوع من الراحة..وزادت تاكدت انه بصح شاريها فاش كتشوفي واحد كيهضر عليك بهاد كمية الاحترام كيخليك تاكدي مليون بالمية انه بصح باغيك..وزادت تاكدت انه باغي يصفي الخواطر وانسان ذكي كيفكر لمستقبل الي باغي يبنيه معاك…واخا مزال مصرحش بالحب ديالو ولا عرض عليها الزواج مرة اخرى لكن هاد التصرفات الافعال الكلام كيخليك تفهم نيشان بلا ميقولها شفهيا….
فرح”تبسمات من اخر كلمة” : اشنو كتعني مافهمتش هههه
زين الدين : من بعد وتعرفي…
فرح : زوينة ؟!
زين الدين : شنو حسيتي ؟!
فرح”عوجات راسها كتضحك” : معرفتش شي حاجة زوينة ههه
زين الدين”حرك راسو ب نعم ورجع استانف الحديث ديالو من بعد ما شاف ساعتو” : شي شوية ويكون كوميسير هشام عند RH..”شافها مفهماتش وخافت وطمنها” معندك مناش تخافي ولابد ماتعطيهم شهادتك فرح…
فرح : وخا وقت معطل جاو ؟
زين الدين : .عطيهم شنو وقع ليك من لول وهما يتكلفو…الوقت الي جاو فيه على حساب وقت خدمتك حسن ماتمشي عندهم …
فرح”وقفات ” : واخا وقت الي يعيطو ليا غانطلع”شافت فساعتها” انا غانمشي…
زين الدين”وقف تاهو كيقاد فكمايمو” : فرح”ضارت عندو..” ماديري فبالك والو تفاهمنا ؟(زعما ماتقلقش حيث قاليها ماتجيش عندي)
فرح”حركات راسها ” : تفاهمنا..”مشا معاها تا حل ليها الباب خرجات عاد سدو رجع لخدمتو اما هي كيف خرجت نزلات نيشان تاهي لخدمتها..مكاملاش نصف ساعة”
ياسين”خدام معاها” : ختي فرح تكلمي ل RH
نورة”هزات راسها” : ااه سيري ابنتي على حسب الاقوال ديالك.
فرح : واخا “حيدات ليگانت مشات هزات كارط ناسيونال ديالها وخرجات طلعتت مباشرة لعند البيرو ديال البشير كان هو وحدو الي ماعليهش الزاج يعني حيوطة عاديين…دقات زوج دقات شوي وتحل الباب كان هو نيت”
البشير : بنتي دخلي…
فرح”تبسمات ليه ودخلات ماعارفاش شنو كيتسناها..بان ليها شخصي فعمر زين الدين شعرو فيه شوية شيب ” : سلام عليكم…
هشام”كان جالس قدام بيرو البشير ومعاه واحد البوليسي جالس فكرسي البشير كيطابي ” : تفضلي اختي رتاحي..
فرح”جلسات مقابلة ليه طلب منها لاكارط ناسيونال مدتها ليه فالحين”
هشام : فرح الخيالي السن 26 سنة قاطنة ب حي السعادة رقم *** مدينة الجديدة …اسم الاب …”كمل المعلومات ورجع شاف فيها” عاودي ليا من لول شنو جرا حتى وصلتي لديبو ..
فرح : احم..مهم فاش….(عاودات ليه كاع داكشي الي شفنا قبل)
هشام : الولد الي كان معاك اي مراد وصا العساس ميسدش…
فرح : اه
هشام”كيحك فلحيتو بتفكير” : زعما ماحسيتي بتا شي حد دخل من وراك بلا متعرفي شكون شي حاجة خلاتك تسكي بالي دخل شي حد ولا سمعتي شي حاجة طاحت..ولا مثلا بولة طفات وشعلت شي حاجة من هادشي ماشي مشكيل وخا تكون تافهة غير ركزي وتفكري…
فرح”بنفي” : والو الدبيو كان مقاد بشكل منتضم كل حاجة فبلاصتها واصلا كان شاعل غير ضو ديال ديك البلاصة الي وقفت فيها..الوقت الي كندير كوبي لوراق سمعت صوت الباب كيتسد بجهد…
هشام : قلتي وصا عليك العساس وكيف مشا تسد الباب..
فرح : تماما حتى شكيت واش نسى موصاهش لكن فاش تلاقيت بمراد اكد ليا بالي وصاه…
هشام : مزيان..”تسنى البوليسي تا خرج المحضر وحطو ليها مع ستيلو” سني هنا اختي”تسناها تا سنات عاد مد ليها لاكارط ناسيونال” يمكن ليك تمشي الى احتاجيناك مرة اخرى غانعلموك..
فرح : واخا”استاذنات منهم وناضت خرجات وهي فطريقها تلاقات بمراد وزوج رجال لابسين يونيفورم سيكيريتي” مراد ..
مراد : امضرا ساليتي ؟!
فرح : ساليت قاليا الى احتاجيناك غانعلموك..واش غايقدرو يجيو عندي لدار ؟!
مراد : الا لاش غايمشيو عندك..اصلا هما كياخدو اقوال شهود حتى يتوصلو لنتيجة الى مابانش بالي اهمال من عندنا غايحطو بفعل فاعل مهم ضروري يعرفو كيفاش وقع الحريق..”شافها خايفة” خفتي يعرفو خوتك ؟!
فرح : خوتي عرفو غير هو ماقلتش ليهم على بارتي الي فيها زين الدين”هزات كتافها بحزن وشافت لهيه” تخربق عليا كلشي ماعرفتش شنو ندير…مابغيت حاليا يعرفو بوالو حتى يتهدنو من جيهتو..”حطات ايدها على جبهتها بتعب” فففف..
مراد : فرح شوفي فيا”شافت فيه” واش صفيتي خاطرك من جيهة زين الدين ؟!
فرح”حركات راسها”
مراد : تهنااااي اختي وطلقيها فيد الله..المشكيل معاك نتي تحل باقي مشكيل مع خوتك…ههه راهم مغايبقاوش حاقدين لهاد درجة نتي غير صبري وشوي بشوي كيتحلو الامور الى بقيتي كتفكري فنفس النقطة غاتبقاي فبلاصتك…كلشي ليه حل “سمع اسمو” مهم انا داخل نعطيهم الاقوال ..”عاود اكد عليها بعينيه” فرح تهناااي ميكون غالخير…
فرح”حركات راسها وتنهدت بتعب” : فففف ان شاء الله شكرا مراد وسمح ليا لا جبدت ليك شي مشكيل …
مراد : ههههههه ماحد بغاك القايد غا قلزي لمخازنية “ربت ليها على كتافها ومشا مخليها كتضحك حدرت راسها ورجعات لخدمتها”…
فالوقت الي خرجات فيه فرح دخلو سيكيريتي عندهم واحد بواحد……دخل كيف ما فرح عطا البطاقة الوطنية ديالو تا سجلو المعلومات الشخصية…عاد باشر الكوميسير الاسئلة…
هشام”شاف فلاكارط سمية” : علال المنابي 54 سنة قاطن سيدي بوزيد قيادة مولاي عبد الله…”شاف فيه” مكنتيش حاضر فاش وقع الحريق بحسب اقوالك لناس …
علال : ايه نعماس…
هشام : وصاك الولد ماتسدش الباب ياك ؟
علال : نعماس الوقت الي قالها ليا كانت سالات العسة عندي العساس الي غايجي بلاصتي تعطل وحنا خاص ضروري نعماس نبوانتيو فالماشين الوقت الي كنخرجو فيه ميفوتش وعاطينا نص ساعة محددة على حساب لا نكونو فشي بلاصة هنا ولا مسخرين كيعطيونا وقت زايد…ملي تعطل بزاف كتبت ليه فورقة فوق البيرو فين كنجلسو …
هشام : وعلاش معلمتيش السيكيريتي ولا هضرتي معاه فتيليفون كنضن بزاف ديال وسائل باش تواصل معاه …
علال : ما ضنيتشاي حيث الشاف فينما كيدخل شي حد ضروري يدير تفتيشية قبل…والتيليفون نعماس ماطاحش فبالي نعلمو حيث البنت على ماعلمني سي مراد غاتجلس غير شي خمسة دقايق..ماعرفتش مطاحش فبالي توقع شي كارثة فحال هادي خصوصا كلشي مأمن هنا كل خمسة سوايع كيجي كونطرول لا مني لا من الدراري وحتى تريسيان كل شوية كيهبط شي حد من الادارة كيجيب شنو خاصو…كيف ما كتعرف اشاف هذا كلينيك اي اهمال فيه كيكون حساس كلشي مشدد وتعليمات من فوق وقبل مانبداو الخدمة سنينا على هادشي فالكونطرا اشاف…
هشام : السيكيريتي الي خليتي ليه الورقة قال بالي ماشاف حتى ورقة فوق البيرو …شنو اقوالك فهادشي ؟!
علال : ماعرفتش اشاف والله حتى خليتها ليه…كنضن كاينين الكاميرات تما …
هشام : اكيد غانشوفو الكاميرات اشريف على هادشي غاتوريه لينا نتا اسمحمد ؟!
علال”صرط ريقو” : لا شاف…
هشام : واخا سيدي…”شاف فالبشير” سي البشير عطيني داك البارتي من تسجيل عافاك..
البشير : مرحبا الشاف”جبد تيليفونو ودازو لواحد تسجيل خربقهم فيه هاد العساس دخل لديپو قبل ماتنزل فرح زوج دقايق بالحساب وخرج..”
هشام”وراه التسجيل” : شنو كنتي داخل دير قبل مادخل فرح الخيالي بوقت لا باس به ؟!
علال : كيف “مسح جبهتو” كيف قلت ليك اشاف ضروري مكنديرو تفتيشية ضربت طليلة تاكدت بالي كلشي هو هذاك وخرجت…
هشام”بقا شحااال كيلاحض ليه فتفاصيل وجهو تعابير كيفاش كيشوف فيه شوي تا حدر راسو ” : مممم مزيان…وخا سني هنا وشد لاكارط ديالك رجع لخدمتك عادي لا خصتنا شي حاجة غانعلموك …
علال”سنا وشد لاكارط” : وخا شاف…
كمل لونكيت وخذا الشهادة ديال علال والعساس لاخور تا وصل وقت مراد تاهو عطاهم تفاصيل الكاملة تاهو وسنا على المحضر وخرج…غير كمل وناض باش يمشي تا دق الباب ودخل زين الدين…
زين الدين : الحاج هشام.فين محرك ؟!
هشام : اصحبي جاي فنص الليل باش ناخذ لونكيت مالي على حالتي معاك انا متايب الله نعل بو ساعة الي خلات بويا يدخلني ليسي فين قرينا بزوج…
زين الدين : الله اكبر…
هشام : ماعلينا..ساليت غذا ان شاء الله غانرجع يا انا يا شي واحد فالدراري غالبا غادي نكون انا باش نشوف باقي تسجيلات ..وعليه فاش تخرج نتيجة البحث ديك ساعة يتقدم لتامينات والباقي عليكم…
زين الدين”ربت ليه على كتفو” : يتوب عليك ابا هشام…
خرج هو وياه من الادارة شكر سي البشير على حسن الاستقبال ومشا معاه تالعند باب لاسونسور شكرو وكل مشا فين غادي…نزل هشام والبوليسي خرجو وقف كيشوف وعينيه مشات نيشان لديبو الي دار ليه الصباح مسح المكان ورسل بعض العينات الي شك فيهم فواحد المنطقة معينة لمختبر ….هز ايدو شاف ساعتو …
هشام. : تعطل هذا ؟!
البوليسي : هاهو شاف “شير ليه ناحية الباب بانت ليهم سيارة داسيا تمات جايا تا وقفات كلاكسونا ليهم…ركبو “
هشام : تعطلتي …
اسماعيل : والله اشاف الى تلاقيت بدراري عند الدخلة ديال جديدة كانو حاطين واحد دكة مصايبها الشريف…
هشام : الله دكة الشريف اولد الهم شربتيها وماتعلم…
اسماعيل : تا را بقا البراد يصفر …”شاف الملفات” امضرا ساليتو ؟!
هشام : كسيري اصحبي وعيط ل شريف يعاود دكة بينما وصلنا لا ندك مو مع داك الحديد الي حاط ليا فشانطي…”عطاه الملفات وهو سايق ساقو مسافة لا باس بيها تا وصلو لدخلة لقاو مجموعة من شرطيين واقفية فطريق دايرين البراج…بلاصاو سيارة تما وجلسو حدا واحد البوليسي معمر ليهم براد اتاي من داكشي منين جاب بوطة ومقراج الله اعلم هههه…شد اسماعيل دوك الملفات اول محضر قرا كان ديال العساس لول شد كاس اتاي كيتنغم بيه”
اسماعيل”ضحك بجنب” : ههههه قاليك تفتيشية اايه زيد شكون…مراد الوهراني “شاف فهشام” هذا ماوقع ليه والو ياك هو الولد الي وصل البنت لديبو…مممم”حل محضر فرح” ننن الاسم فرح الخيالي السن 26 قاطنة ب”ناض وقف على جهدو تا تلاح كاس اتاي تهرس باتاي ديالو” فرح !!! فرح “شاف فهشام عينيه خارجين” واش فرح خيالي واحد البنت غليضة شوي ياك ؟
هشام : ايييه واحد البنت صهبة شعرها حمر و..
اسماعيل : الشاف انا غانتحرك تال كلينيك…
هشام : ياك لباس كتعرفها ؟
اسماعيل”عوج ليه راسو” : الله يا شاف مالي الي منعرفها..
بانت ليه ساشية ديال فرح الي جابت ليه مشا ليها حلها وجبد منها زوج طاسات وميكة ..حل طاسة لولة فيها دغميرة هبط راسو شمها وغمض عينيه باين البنة من ريحة…وطاسة لاخرى فيها شلاضة عش شنايفو بالفرحة حمقو الجيست منها شحاال ماحس بشي حد كيهتم بيه لهاد درجة من غير مو وعمتو ولكن باش يكون الاهتمام من الشخص الي باغي كيجيك زوين…ضار هز تيليفونو.وداز لخط صونا ليه…
زين الدين. : الحاج نتشاركو طعام ؟
علي : شي عشيوة ولا عارض عليا…
زين الدين : جي عندي وتعرف…”قطع معاه وضار جيهة واحد البوطاجي صغير تما فيه بلاكار صغير تحنى تا جبد منو واحد طبسيل صغير خوا فيه الدغميرة وحط ديك دجاجة فطبسيل اخور حيث طبسيل صغير الي لقا وحط كلشي فوق الطابلة وجلس هز تيليفونو ورسل ليها ميساج” نزلي تعشاي ماتبقايش بلا عشا …من بعد ونتاكد واش نزلتي”حط تيليفون تا دخل علي بالطابلية داير نضاضر شوي وكيهضر فالتيليفون…”
علي : وصافي اولدي تانجي صباح ونهضرو…سير صوبهم راسك اصحبي…”شاف دجاجة محمرة” سير اولدي بسع مني انا متايب الله نتا باغي تجوج وانا مالي ؟! شلام عليكم اسيدي…”قطع معاه وشاف فزين الدين” تا شهادشي…
زين الدين : مجايب حبابي…
علي : شكون حبابك ؟”بقا كيشوف فيه يسوف يشوف تا بدا يضحك..عرفها فرح” تقدم ملحوض هذا”جلس”
زين الدين : سمي الله سمي…
علي : بسم الله”بداو كياكلو” الله هادشي جا فوقتو ضارباني واحد جوعة منعاودش ليك…العشية كلها وانا نضور مع البرهوش الكبير ملي خرجت من العملية لقيتو كيتسناني فالمكتب…
زين الدين”منغم مع ديك الماكلة حمقاتو البنة ديال ايديها ااااااصلا وخا تكون سم تجيه بنينة 😑” : مالو ؟!
علي : الخطبة سيمانة جايا …”كياكل تايصرط ويهضر” واحلين بين كونفوكاسيون وبين التريتور تاواحد ماعجبو..
زين الدين”رفع حاجبو” : علاش ماعلمتيش الي خدم لينا هنا ؟!
علي : واعامرة عندو دعوة…
زين الدين : تاريخ ؟
علي : 21 شهر…
زين الدين : صباح يكون عندك مول شي …شنو خاصك مزال ؟!
علي”طنطنو فهادي” : خاصني دماغك ومعارفك هههه
زين الدين : معارفي معارفك الحاج ودماغي داوه ماليه…”كلا من ديك دجاجة وعاود دخلو فيها بزوج بقا منها غا شوي ” هذا جهد ؟!
علي : هذا الجهد”ناضو غسلو ايديهم وجمعو دوك طاسات..خدم زين الدين العصارة ديال القهوة دار فيها لي كاپسيل وحط الفناجن كل واحد تا عمرو وهز صينية حطها قدام علي الي شرب منها ونطق” انا شوي ونمشي مابقا عندي والو نمشي نرتاح باش صباح نتحرك مع اسامة…
زين الدين”شاف فساعتو” : مزيان..
علي : معندك والو مغاديش ؟!
زين الدين : مزال عندي منقضي هنا…جهد ساعتين ونتحرك..”هز فيه راسو”
علي : شنو درتي مع البنت ؟! اش غادير ؟!
زين الدين”تنهد وبدا يعاود ليه شنو قاليها بالحرف” : شنو بان ليك…
علي : معندي ميتسالك اهم حاجة الاحترام التام من جيهتها وعاد هادشي ماغريبش واحد فسن ديالك مغايبغيش يخطوي مع بنات ناس فزناقي والقهاوي..هادشي مادرتيه ملي كنتي باقي ساب مع حنان بقا غير دابا شبتي هههه…ومن ناحية اخرى هادي نقطة فصالحك من جيهة خوتها كيما كنتي مزيان ومقدر ختهم كيما رطابو من جيهتك…وفالاخير الله يصلح بيناتكم ..
زين الدين”كيهز فالفنجان ويحط وعينيه عليه كيفكر ويتمعن فهضرة علي” : اللهم امييين اللهم امييين…”حك شنايفو قبل ميستانف الحديث وقال” شنو ندير ؟! نخلي الوقت تهدن ولا ندي معايا شي حد كبير يدخل ولا شنو بان ليك ؟! مايمكنش تاني نجرجرها الحاج تاتجي منهم زعما ؟! “باستهزاء”
علي”تگعد” : صبر شوية الوقت ماشي بزاف..اكيد فهاد الوقت هي را مغاتزوجش ههه”بغا يطنز ويضحكو ما ضنش را غايتعصبو هاد الجملة حتى خبط الفنجان فوق طابلة بجهدد وهز فيه عينيه لقاه مخنزررررر”
زين الدين : اشمن زواج ؟؟؟؟؟
علي”هز ايديه باش يكالميه” : تا غا شور ماكاين زواج را قلت ليك مالها اش غايزوجها فهاد المدية قلنا ليك صبر غا شوي.كاين مية حل وحل باش نفكو هادشي المهم مولات شي لولة صفات خاطرها معاك….ولا بغيتي المعقول لا مكانتش مكتابة ليك ماعندك مادير “ضرب طابلة بجهد كيف زين الدين” بغيتي تعاند مع الله ؟ لاكون نعل الشيطان وصلي عالنبي…
زين الدين”بقا كيغزز فسنانو شحااال قبل ميغمض عينيه باش يتنفس وينعل شيطان حيث بصح هضرة علي صحيحة” : اعوذ بالله من الشيطان الرجيم…عليه الصلاة والسلام عليه الصلاه والسلام…”دوز على وجهو بتعب” …
علي”ناض وقف” : على كل سلم عليها وقوليها الله يعطيك صحة …وغذا غادي نعطيك دي كونفوكاسيون عطيها لماليها ولدار عندكم “حرك ليه راسو ومشا …
زين الدين”سمع صوت التيليفون ودخل لواتساب لقاها راسلة ليه صورة عشاها قدامها ومراد ووليد فالصورة بلا متصور وجهها كيتعشاو”
فرح : هاني كنتعشا ومعايا مراد…
زين الدين “صونا ليها وجاوبت فالبلاصة” : زيدي معاك شي واحد كملو ليا جماعة الزوافرية تما نيت..شنو زعما هضرتي منفعات بوالو !؟(على باش ميهضروش على سمعتها)
فرح : علاش مافهمتش ؟!غير تلاقيتهم كيتعشاو وسلمت عليهم …
زين الدين”كان غايجهد صوته غا تحكم فراسو” : فرح ماباغيش مزال تجمعي معاهم فوق القياس هنا فالكلينيك سمعي هضرتي الله يرضي عليك…
فرح”شافت فمراد ووليد لقاتهم كينوضو بالحس تا طارو من حداها” : اويلي مشااو راسهم…
زين الدين”خرج عينيه” : والفاهم يفهم ا فرح …
جالسين هما ربعة ديال الصحاب فواحد دويرة ف ازمور…مجموعين على قصارة بيناتهم …
صطوف : كاع هادشي وقع ؟!
عصام : ولد الهازة قاليك مكنتش فبالي نوصل لهادشي”شرب من كاسو الي ميلونجاه بكوكا”
صطوف : ولد القاف هذا…كون كنت معاك بالرب الجليل تا ندفنو تم…اش بغا فالبنت وماذكرش السباب ؟!
عصام”مبغاش يقوليه السبب قال غير شمتها صافي” : لا..
صطوف : ولاش راحع عندك ديك ساعة ؟!
عصام : قاليك نشرح ليك..”هز فيه عينيه” اش غايشرح لعدو ربو فهاد النهار شمتة ديالو باقي طلع وتهبط فيا ..
صطوف : ماشي مشكيل دار الله خير. وبعدو عليكم…
عصام : جا فيها واحد شي جوج سيمانات هادي وباقي ماعلمتها موالو ملي وقع ليا مشكيل مع ديك بنت الناس وفرتكت الخطبة نسيييييتو…
صطوف : غاتعلمها ؟!
عصام : ضروري هاد اليومين … وليني لا مابغاتش معندي مندير ليه …
صطوف : داكشي الي كاين رخف عليها تانتا شوي ماتبقاش مزير عليها بالخوف البنت كبرت مابقاتش ديك الصغيرة الي معارفة والو..لبد الطرح وصبر معاها…
عصام : وانا اش درت ليها دابا ؟؟
صطوف : مادرتي والو هاد ساعة كنهضر على سوايع اخرى…فينما بغات تمشي خليها الى فحدود هاهي سهل عليها الله غاتنقص عليك المصاريف عالاقل غا ديالها…ضروري تبغي تخرج دور تسافر ماشي عيب تانا عندي خوتاتي وتانا مكنمنعهمش حيث عارفهم وثايق فيهم ..
عصام”حرك راسو” : يدير الله خير. ديك الساعة…
~~~~.هز تليفونو وتم غادي خارج لبيرو جلس واحد شوي قدام الماك كيخدم شوية ..كانت ساعة الواحدة ليلا…واحد الشوي حتى صونا ليه الفيكس …
زين الدين : اسلام ؟
اسلام : سي زين الدين RH سي علاء بغا يهضر معاك…
زين الدين. : وي”داير الفيكس فوذنو وايديه خدامين كيطابيو فالماك داخل لواحد اللايف مقام ف بوسطن الامريكية حول مؤتمر ملتقى اطباء التجميل…طلق تسجيل باش يسمع ليه من بعد حتى تحول ليه الاتصال ونطق علاء…
علاء : دكتور البغدادي الى ممكن تجي عندنا …
زين الدين”كمش حجبانو” : شنو المشكيل.؟!
علاء : واحد الضابط كيسول فيك بغا يهضر معاك اذا ممكن..
زين الدين : معنديش الوقت..يجي غذا فالوقت الي نكون فيه…مرة جايا فحال هادشي ميتعاودش معنديش اجونص نبدا نطلع ونهبط عند العباد…
علاء : واخا دكتور كون هاني…
زين الدين : قضي غراض”حط الفيكس وشابك ايديه كيشوف فاللايف…
اما هي كانت منغامسة فالعمل من بعد ما رجعات من العشا…رسل ليها فوزي ميساج …
فوزي. : يا جد امك الدجاجة سطت فيها…تي كي طرا وجرا درتي ليا دجاج محمر ؟ ولا لمك لقيتي دجاج كيجيك غا بلاش بغيتي طحني …
فرح : هههههه كول وسكت …
فوزي : واش كاين العيد…
فرح : مكاين تا عيد مرة مرة كنبغي نتهلا فخوتي مالك…
فوزي : وهادي كاينة…قولي ليا متشوفيش لخوك شي خدمة تما وخا نحضي غالفرمليات ..
فرح : كون تحشم…
فوزي : تانا سيكيريتي..خوك طلعت ليه حرفة دجاج فراس مابقات مسلكاش…يا نخدم فشي قنت يا نمشي نحرگ واحد فجوج…
فرح : سي تحرگ باش عصام يوصل عليك نص المحيط يحرگك تم ويرجع…
فوزي : والله تا فبالي هاد الفكرة…ماعلينا سيري خدمي تانتشاوفو صباح…
فرح : اوكاي…مهم فوزي غذا الى مسالي نخرج انا وياك بغيت نهضر معاك فواحد الحاجة…
فوزي : خبار الخير ؟!
فرح : حتى لغذا .”رجعات لخدمتها عادي حتى جاها خبر باش تعاود طلع لعند الادارة…رجعات تاني طلعات …فهاد الوقت سالا زين الدين ونزل فالمصعد…حتى وصل لطابق ديال الادارة …وهو يوقف وخرج نيشان لعندهم غادي طالع ليه الدم كل مرة معيطين ليه بغاك فلان وهو طلق كلشي فايدهم هما الي عندهم الصلاحية…حتى بانت ليه فرح تاهي جايا خاشية ايديها فجيابها تا شافتو وهي توقف…
زين الدين : مالك ؟؟؟
فرح : مماليش…عيطو ليا لعند موسيو علاء معرفتش علاش ؟!
زين الدين”عقد حجبانو”. : شنو هاد البسالة هنا ؟”جهد صوته” شنو واقع هنا ؟!
خرج علاء الي كان فهاد الوقت فالبيرو وسمع صوته …
علاء : دكتور البغدادي…شي باس مكاين ؟!
زين الدين : شنو واقع هنا شنو المشكيل ؟! لاش معيطين لبنت !!
علاء : غير واحد ضابط كيسول عليها….
فرح : واش بخصوص الحادث ؟!
علاء : جو بونص يمكن….
زين الدين : سالا لونكيت ديال اليوم اشريف…بنادم خدام ممساليش لطلع هبط…
علاء : سمح لينا دكتور….
زين الدين : شكون الي جا ؟!!”ضار عند فرح” تسناي هنا نتي ” ضرب فيهم ودخل تا بان ليه اسماعيل جالس كيهضر فتيليفون ” شنو المشكيل “متسوقش ليه واش كيهضر ولا لا.”
اسماعيل”قطع وناض ” : سي البغدادي سمح ليا مكاين تا مشكيل غير البنت الي شاهدة كنعرفها وتخلعت فاش عرفت هي الي وقع ليها الحادث ؟!
زين الدين”هز حاجبو” : فين كتعرفها بسلامة ؟!!
اسماعيل”بابتسامة”: مكنتش عارف بالي هي الي وقع ليها لانسوندي حتى شفت الاسم ديالها.سمح ليا الى جيت فوقت معطل.. “ماقدرش يقوليها كنا كنبغيو بعضياتنا فلافاك وقالها بطريقة محترمة” : هي البنت الي باغي نخطب ان شاء الله …
زين الدين”خرج عينيه على حر جهدهم ممثيقش اش كيسمع” : اسبحان الله ا سمحمد ؟!!
جاه فحال الصمك ماسمعش مزيان خصوصا الطريقة باش قالها كيبان واثق من راسو ومعطيه الوعد فحال ماخاصو تا خير…والمشكيل انه تقالت فمكان صعيب لا بل ماشي مكان مناسب انه تقال فيه او تحل فيه الامور الشخصية…
فرح كانت واقفة برا المكتب فديك الطوالة ماعارفاش شنو جاري وشكون بغاها ولاش بقات خاشية ايديها فجياب طابلية مافاهمة والو ولاش عيطو ليها…
زين الدين”باقي سلوكة ديال مخو مابغاوش يسمعوه بالي قال البنت الي بغيت نخطب” : شكون هادي ؟؟!
اسماعيل”حنحن بحرج” : شنو كاين شي مشكيل دكتور ؟!
زين الدين”جهد صوته تا قفز علاء وحدر راسو عرف ان الوضع مايبشرش بالخير” : واااااا شريف سولتك شكوووووون هادي ؟
اسماعيل”هز حاجبو” : فرح الخيالي
زين الدين”عض شنايفو تا بغاو يطيرو ” : مأكد ؟؟!
اسماعيل : ماكد ادكتور ..اشنو واقع ؟!
زين الدين”حرك راسو واضر لهيه دوز على وجهو وعاود كيحاول ما امكن يتهدن لا يصدق داير الي مايعجبش..رجع ضار عندو داير ايديه على نصو وهز صبعو مشير ليه” : بقا تم…”خرج من المكتب تا بانت ليه واقفة كترسم برجليها فلارض وعينيها على رجليها تا سمعاتو جاي من ريحتو الي سبقاتو هزات راسها تا بان ليها وجهو مكيتفسرش…” اجي عندي هنا…
فرح : واقعة شي حاجة..
زين الدين”جهد صوته” : وااااتحركي عندي هنااا..
فرح”تخلعت مابقاتش هضرت تا مشات لعندو وهو يدور مشا لمكتب وتبعاتو تا حل ليها الباب “
زين الدين”شير ليها تدخل” : دخلي نشوف هنا…
فرح”دخلات تا بان ليها اسماعيل واقف كيشوف فيها بخوف وهي تخرج عينيها” : كيفاااش …شنو كدير هنا نتا ؟!
اسماعيل “بغا يقرب تال عندها ..هز زين الدين عينيه بتخنزيرة…لكن تراجع حيث شافها تاهي كتخنزر” : جيت نسول عليك كيف بقيتي ملي عرفت بالي نتي الي كنتي فلانسوندي.تخلعت عليك..
فرح”شافت فعلاء و فزين الدين الي كان مربع ايديه وطالق دوك تخنزيرات سلااامة..” : مكاين لاش تخلع اصلا و “حنحنت ماقدرتش تهضر حشمت تكمل هنا فهم زين الدين المقصود “
زين الدين”بصوت ثقيييل” : تحرك عليا من هنا…”دوز على لحيتو بنفاذ صبر وزفر بجهد تا كانو انفاسو غايضربو فيها يحرقوها” تحركو برا خلي السيد فخدمتو…
علاء : لا ماشي مشكيل دكتور دنيا هانيا…
فرح : لا دكتور مكاين لاش “شافت فاسماعيل” خويا مكانش عليك تجي لهنا “هز فيها زين عينيه فاش قالت ليه خويا ” …وتعذب راسك على والو انا الى تضربت والى قاستني شي حاجة هذا اذا كتاب عليا اما هنا كاينة الحماية والامان وفكلينيك تبارك الله قداش راني بيرسونيل هنا عندي تامينات وعندي ناس يخافو عليا كثر من راسهم ناس الي فيهم الخير على شي ناس ضنينا فيهم الخير…هادشي علاش مكانش عليك تجي تال هنا…
اسماعيل : فرح كون ما عندي مهمة منجيش تال هنا نسول…
زين الدين”مزير على البواني ديال الباب واحد تزيييرة لايح فيها كااع الغضب الي كيتكون ليه باش يصبر ومايخلقش مشكيل تما وليها…”
فرح : شكرا بزاف على سؤال وسلم ليا على امين…
زين الدين”هز حاجبو من اسم امين دار فيها واحد شوفة ديال تبارك الله تا امين تاهو هههه..”
اسماعيل”حاول يصرط الهضرة الي قالت خصوصا كلمة خويا الي خلاتو يدور فعينيه لانه عاد قاليهم هي البنت الي بغيت نخطب تا ولات تقول خويا…يلاه بغا يهضر تا نطق زين الدين”
زين الدين”مقرب ليه وعينيه فيه” : شنو سمعت قلتي !؟ شكون هي هادي ؟!
اسماعيل : دكتور زين الدين كنضن هادشي بيني وبينها”مزال مكملش هضرتو حتى تسمعات طرررااااق كان البواني تفصل ليه فايدو تا طاح فرح خرجات عينيها اما علاء ناض وقف “
زين الدين: علاء تحرك من هنا “شير ليه براسو باش يخرج…مسكين دار فررتتت ..دفع زين الدين الباب بجهد تا تسد بلا بواني…طار شنق عليه بايد وحدة تا غوتات وضرب ليه فوق كتفو بشوي بليد لاخرى ” : بينك. وبينها ؟؟..”خنزر فيه وهو يدور غير نص وجهو ناحية فرح ” هذا ا لالة”ضربو فوق كتفو تاني ضربات متتالية” قاليك جاي يشوف بنت الناس الي بغا يخطب..”كمل ظورة وجهو لعندها مخنزر فيها” شنووووو ؟!!!!
فرح”خرجات عينيها” : اويلي على الي باغي يخطب ؟! لااا مكنعرفوش والله …”شافت ف اسماعيل” واش من نيتك جاي لعندي تال بلاصة خدمتي ؟ واش عندك شي عقل ولا مالك !! شحاال من مرة قلت ليييك ماتبقاش تلقى ليا واش مكتفهمش ؟!”وجهها تزنگ بالفقصة والحشمة خصوصا قدام سيد الي كان قبل..” واعطيني تيساااع واااكوااااك…
زين الدين”حاول يصبر بزز تا فات طاقتو لان الغضب مكيقدرش يسيطر عليه لكن فهاد الحالة حاول يكالمي راسو فشرد ميتسببش فشي مشكيل لناس الي معندهم ذنب منهم فرح وعلاء…”: تحرك عليا من هنا …
اسماعيل”غزز سنانو بالغدايد وهو كيشوف فيها وجهو تزنگ وعروق نواضرو تورمو..دور عينيه بنفس التخنزيرة فزين الدين ..ورجع شاف فيها” : واخا واخا”كيحرك فراسو..ومشا تا قرب ليها ووقف بغا يهضر معاها..”
زين الدين: تحااااارك عليا من هنا”قفزات فرح اما هو عقد حجبانو وضار فيه نصف دورة ورجع شاف قدامو وخرج كيتعصر بالفقصة والغدايد والحرج الي مكانش متوقع غايوقع عليه وهنا زاد بان ليه ان امر خطوبتو لفرح اشبه بمستحيلة وانها مغاديش تقبل…اما فرح ضارت كتشوف فزين الدين الي دور وجهو ناحيتها صدرو كيطلع ويهبط مخنزر بدوك العينين الخضرين تا ولاو بيضين هههه..حل صدافي القميجة باش يتنفس…” تحركي لخدمتك نتي”كيحرك ليها فراسو” تحركي تحركي..ماشي دابا ماااشي دابا…
خرجات كتزرب كتقفقف هههه اما هو فكان لازم عليه يصبر واخا هكاك را مصبرش غير تاقا فيه وجه الله مادار فيه ايديه كون فين وصلو تما حاول ما امكن باش ميديرش الصداع لانه مكان عمل وكيحاول ما امكن فشردها مايديرش ليها صداع لكن شكون خلاه ؟!!…
تسناها تا مشات وهو يمشي لماشين ديال الما هز كوبلي وعمر ليها ما بارد تكا عليه وعاود تاني وثالث حل صدافي القميجة باش يتنفس…بقا كيفكر فالهضرة الي قال باقي مابغاش تدخل ليه لراسو وخا نفات هي الامر ولكن شنو علاقتو بيها لدرجة خلاه يقول هاد الهضرة وهو متاكد منها ؟! حتى وصل بيه الامر يجي يجري فهاد الوقت المعطل من الليل باش يشوفها كيف بقاات ومن عينيه باين ميت بالخوف عليها…هنا تفكر هضرة علي انه خاص يزرب لانه فاي وقت من الاوقات غادي يجيو فيها الناس لان البنت سوقها عامر وعاطية لعين اي واحد غايبغيها بمجرد ما فكر فهادشي ماحسش براسو تا داك الكوبلي ولا فحال ورقة مكمشة فايدو..بان ليه البواني طايح والباب جيهة البواني مشات…خرج عند الباب وعيط لعلاء الي كان غير وحدو فالادارة هو والي فلاكوي حيث عندهم مناوبة هاد الليلة..تا جا لعندو…
زين الدين : ماعليش سمح لينا ؟!
علاء : الله ادكتور هانية …
زين الدين”هز صبعو” : مزال مابغيتش هادشي يتعاود فاهم شنو ؟!
علاء : كون هاني كلشي يتحل هنا…
زين الدين ؛ تبرزيط البيرسونيل مكاين لاش…
علاء : داكوغ موسيو…
زين الدين”ربت ليه على كتفو” : يعمر دارك”شاف جيهة الباب” علم شي حد يشوف هادشي الله يرضي عليك…”حرك ليه راسو ومشا عينيه مكيبشروش بالخير واحد النظرة داير ..غادي فداك الممر ودنيا خاااوية حيث الليل ناس وسهيييييط على قبل المرضى مكتسمعش الحس جاب الله الادارة فطابق وحدها وبيبانها عازلين لصوت حيث ك ادارة ضروري يكون فيها صداع…طلع نيشان لبيرو ديالو سد داك الماك بجهد دارو فشكارتو ودار اللوازم ديالو…خرج من البيرو ونزل نيشان لباركينغ ركب فسيارتو وخرج من الكلينيك حتى دوز لخط نيشان لهشام ماتسوقش واش فايق ناعس يضبر لمحاينو لكن من حسن الحظ اصلا كان فمناوبة ليلية…
هشام : ولد الحاج توحشتيني ؟!
زين الدين : داك سنان الحليب الي جا معاك عندي فدار شنو سميتو ؟!
هشام : سنان الحليب !! اسماعيل ؟ اه اسماعيل عابيد ولكن كيفاش سنان الحليب…
زين الدين : الحاج هشام بلا منعاود هضرتي ما باقيش مزال يحط ليا قل** فالكلينيك وخلييييني مزيان الحاج خليييني راك عارفني مزيااان اش كنسوى ؟؟!
هشام : دار شي مشكيل ؟!
زين الدين”ضرب الفولون وجهد صوته تا بح” : واااا برب الكعبة ونشم ريحة خليقتو عندي ندفن مو”عقد حجبانو مخنزززززررر”
هشام : واخا تكالما ازين الدين..ورد بالك لهضرتك اصحبي تحكم فراسك كون مكنت صاحبك فين غاتوصل بهاد الهضرة…
زين الدين : توصل فينما وصلها الله…”عاود ليه شنو جرا قبل قليل”
هشام : اااه فهمت فهمت…ويني مشكيلة هادي..صافي تهنى انا نشوف كيفاش..غير تهدن اصحبي..
هشام : واخا تكالما ازين الدين..ورد بالك لهضرتك اصحبي تحكم فراسك كون مكنت صاحبك فين غاتوصل بهاد الهضرة…
زين الدين : توصل فينما وصلها الله…”عاود ليه شنو جرا قبل قليل”
هشام : اااه فهمت فهمت…ويني مشكيلة هادي..صافي تهنى انا نشوف كيفاش..غير تهدن اصحبي…
زين الدين : هانا غانشوف”قطع عليه جبد الكارو شعلو وجر منو جرة طوييييييلة تا غمض عينيه …ضرب الكسيراتور تا تحكو روايد ونقزت طوموبيل مشات بسرعة وهاديك مشيتو…
بقات خدامة حتى صبح الحال ووصل موعد خروجهم حيدات البلوزة ولبسات كاب ديالها هزات ضاكها وتيليفون الي طلات عليه مكان حتى ميساج منو… نزلو نيشان عند البلاصة فين كيتسناو الميني بيس ماتعطلش عليهم ديك ساعة جا وركبو وصل كل واحد فيهم فحالو…دازت تا تقدات الكومير وبعض الاحتياجات ودخلات لدار لقات صهيييييط جاها عجب فلول حتى تفكرات ان اليوم يوم الجمعة مكيخدموش دراري فالمحلات الا عصام كيحل فالصباح صافي لكن اليوم مفاقش كاع اذن مغايخدمش نهار كامل…
فرح”مشات بدلات حوايجها ومشات لدوش توضات وخرجات صلات عاد مشات لكوزينة ردات الما يطيب ورجعات لبيت طلات على تيليفون لا يكون راسل ليها ميساج مكاين والو قررات هي ترسلو ليه ” : صباح الخير…”حطات تيليفون ومشات تا بان ليها عصام خارج عريان من فوق لابس غير شورط” اويييلي لبس عليك را البرد دابا يضربك ؟!!
عصام”هز ايديه وهو غادي دخل لدوش محاوبهاش”
فرح : ههههه الله يستر…”طلات على البيت بان ليها فوزي ناعس على كرشو كيشخر” خرجات من البيت دخلت لكوزينا لقات الما طاب عمرات اتاي وشحراتو حطات كلشي فصينية ودات الفطور لبيت حاسا بالعيا شدييد…تا دخل عصام لابس تريكو بالكمايم وسروال دجين وتقاشر ماشط شعرو”
عصام : كبي كبي…”كبات ليه اتاي هزو وهز كارو ديالو ومشا طلع يكمي على خاطرو فالسطح…تا كمل ونزل لقاها كتفطر غير شافتو وهي تعاود تكب ليه كاسو سما الله وبدا يفطر تا وقفات كتفوه” فين ؟!
فرح : عيييت بغيت نمشي نعس شوية..
عصام : بلا مديري الغذا انا مكاينش معروض عند شي ناس..تغداي غا نتي و فوزي…
فرح : واخا”مشات لبيت تخشات ففراشها عينيها كيتلصقو تا بان ليها تيليفون رن هزاتوو بزربة بان ليها ميساج منو”
زين الدين : صباح النور…
فرح : كي صبحتي شوية !؟
زين الدين : مزيان
فرح”عوجات فمها ماعرفت شنو تقول فهاد اللحضة هو يمكن حدودي غير فالدردشة وحتى فهضرتو استنتجات منو انه شخص عندو ما قل ودل…كيميل يزاااف للافعال والتطبيق…يمكن بهاد الجواب بين ليها انه مامقلقش منها غير خصو فترة يبقى مع راسو باش يتنفس لانه ممكن يضر حتى احب ناس ليه وهو فغنى على انه ياذيها مرة اخرى داكشي باش صبر ولكن را لااابد ليها من شرح ولابد ليهم ميزيدو يتعرفو على بعضياتهم اكثر..لكن الضروف الي كيمرو منها صعبات عليهم الوضع…شوي تا وصلها اوديو منو دارتو فودنيها تسمع وعينيها على الباب…
زين الدين : مزال ليا هضرة معاك نشوف مع خليقة مك معرفة زوافرية وسلم ليا على امين والويل الكحل مزااال”طولها بنبرة تهديد..حطات ايدها على فمها كتضحك خشات تيليفون وغوبات راسها وهي تنعااااااس”
فاش رسل ليها اوديو كان عاد دخل تاهو ديك الساعة من بعد ليلة طويلة ملي خرج مشا نيشان قدام البحر تقابل معاه كيكمي ويفكر فحريرتو المحرحرة مع هاد الخوت…وزادو تا هاد اسماعيل الي مزال ماعرفش شكون هو فحياة فرح حتى خلاه يفكر ويقول بكل ثقة البنت الي باغي نخطب…كل مكيفكر فيه كيزيد يصعر ويعاود يحل سيجارة اخرى…بزز باش قدر يتنفس حتى لقا راسو الحال كيصبح عليه قدام البحر الي بانت شميسة كطلع من وراه…شاف فالساعة لقاها سبعة ونص ركب فالسيارة ومشا نيشان لواحد ريسطو كيقدمو فطور بلدي عطا الطلب ديالو وقبل ميجيه جبد باكية دوا شربو ديال سكر…مكملاتش نص ساعة تا كانو حطو ليه فطورو فطر وشرب قهوته تهدن شوي وناض خلص ومشا لدار دخل نيشان دوش وخرج لبس بوكسر وشورط وتلاح ففراشو كانت ساعة تاسعة ونصف لقاها راسلة ليه ميساج دخل نيشان جاوبها وبعد شوي عاودت رسلات ليه حتى رسل ليها اوديو بانت ليه سمعاتو ومبقاتش جاوبت استنتج انها نعساات طبيعي من فرط العياء ديال خدمة ليلة كاملة تا صبح الحال صعيب عليها…تاهو جاه العيا وحط راسو ومشاااا ساعتين بالحساب حل عينيه وناض لبس عليه الفوقية ونزل لتحت كيقلب عليها حتى بان ليه ريان جاي داخل وحداه ضحى شادة ورا ضهرها…قايلة ليهم بايتة عند باها هاد اليومين…
زين الدين”كمش حجبانو” : شنو واقع ؟!!!
ضحى”عند بالها داخلة عادي نسات راسها وشدات فضهرها..تاخلعها” : زز زين الدين !!
زين الدين : نتي وايمانك !!”صغر فيها عينيه” مال ضهرك ؟؟
ضحى : ممالوش”صرطات ريقها” غير طحت عليه فزنقة…
زين الدين : وكيفاش وقع ليك ؟!
ضحى : ااا ؟ غير كنت غاديا وتعكلت وطحت”قاطعها ريان”
ريان : تلقى ليها شفار على ماقالت”ضار عندها لقاها حدرت راسها ووجهها ولا مزنك”
توبا”كانت جايا وسمعتهم تا جات تجري” : ضحى ؟!!”مشات لعندها حطات ايدها على ضهرها تا قفزت” الله يابنتي مالك ؟!
زين الدين”عينيه عليها بشك” : علاش كتكذبي ؟!
ضحى”مقدراتش تشوف فيه” : مابغيتش نخلعكم …
زين الدين : ودابا عند بالك طفرتيه ؟!
توبا : كيفاش وقع ليك تا تلقى ليك ؟!
ضحى : مشيت كنجري كنت معطلة …
ريان”شاف فزين الدين” : معطلة مع جوج ديال الليل اسي “ضار شاف فيها لقاها مخرجة فيه عينيها” مغاديش نكذب عليهم ا ضحى ..را قلت ليك واخا تخبي مغاتقدريش تخبي على زين الدين …
زين الدين”رفع حجبانو مخجر عينيه” : شنو خرجك فهذاك الوقت ؟؟”جهد صوته تا قفزت” واااا هضرييييييي ؟!
ضحى : مممم فف كنحفض مع صاحبتي فدار بوعزة وكيف كنعرف هي مسيكريزيا خرجت باش نركب فطاكسي الي عيطت ليه مم ماعرفتش تا ووقف عليا واحد وو كان بغا يدي صاك وضربني تا طحت على حجرة بقيت كنغوت تا هرب يحساب ليه غايجي العساس ووو صافي..”مجات فين تهضر تا لقاتو طار لعندها دورها بجهد طلقات منها توبا دايرة ايديها على راسها…تا غوتت وعضت فايدها حيث توعتات دموعها علاين ينزلو ..عرا ليها التريكو ولقا واحد البانضة ضايرة حلها ليها بغات تشدو “
زين الدين”خنزر فيها” : حاااايدددييييي”حيدات ايديها كترعد اما ريان ربع ايديه وخلاه منو ليها حيث هو الي غايعرف ليها ..بقا تا حيد الباندة بانو ليه بقع زرقة فضهرها وهو يحط صبعو عليهم ووورررك تا غوتات بغات تبعد شد ليها ايديها بزوج وورك عليها تا تشلت ليها الحركة”
توبا : عافا ولدي بشويا عليها”عينيها غرغرو بدموع عليها”
زين الدين”ضار مخنزر فيها” : علاش لا “زاد ورك تا بغات تسخف ليه بين ايديه “
ضحى : امممممم اهى اهى صافي صاافي ااااااااعععععع اهى اهى..
زين الدين : شكون دار ليك هادشي ؟”شافها بغات تبدا تكذب عاود ورك تا حست بالموت” شكووووووووووون ؟!
ضحى”اعتارفات بلهلا يحزقو لوالديها” :: ووو واحد واحد الولد كنعرفو فاش كنت كنراجعو هو الي ضررربني اهى اهى..
زين الدين”كيشوف فيها ولمح شي حاجة فوجهها..ضار عند توبا” : لانجيت من تما “جابت ليه لانجيت محطوطين تم شدهم ومسح ليها وجهها تا بانت صفعة باقي لاطراس ديالها كانت مخباهم فالفوندايشن..شهقات توبا تا نزلو دموعها يجريو كانت شوي طيح كون ما جرا ريان شدها” اهى اهى الله يا بنيتي وشكون هاد عدو الله الي دار فيك هاكا ؟!
ضحى : اهى اهى…
زين الدين : سميتو “شافها صقلت وعاود ورك تا غوتت” رااني هضاااااااارت..
ضحى : م مهدييي..
ريان : مهدي اش ؟!
ضحى : ما عع عرفتش كنيتو”عاود ورك” وااا معرفتش اهى”فشلات فهاد اللحضة كانت شوي طيح كون ما تبتها زين الدين” مهدي برادة..اممم اهى اهى”دفعها ..
زين الدين”عينيه فلارض هز ايدو مشير ليها ناحية الفوق” : تحركي بيتك يلاااه…تحركي تانتي عليا صباحاتو لله…
مشات ضحى كتسند امها وتبكي هي وياها شادة ضهرها فهاد اللحضة عزات على ريان بجهد من يوم مشافها وهي كتحمقو بزينها الفاتن وغنجها كتبان فعينيه كيوت…ماعجبوش الحال ابدا يشوفها فهاد المنضر وخصوصا منضر الليل الي شافها فيه ضرو خاطرو عليها…سمع ليها ودار راسو تيق اقوالها لكن فاش وصلها وبان ليه زين الدين قرر يقوليه كلشي حيث عارفو غايجبد منها كلشي…
ريان”شاف زين الدين خاشي ايديه فجيابو وعينيه كيشوفو فنقطة بعيييدة حجبانو معقودين لاقصى حد تلاقا عليه كلشي..” : رخيها زين الدين كلشي ليه حل…
زين الدين”هز فيه عينيه مخنزر” : شوف ليا هاد القواد فين كاين اليوم قبل غذا ….
وقفات سيارة الشرطة مباشرة امام الولاية نزل منها هو شي حراس الامن واحد منهم كان سايق…عطاوه سلام عند دخلة وبالتالي حتى هو عطا سلام لاكثر منو فرتبة…مشا مباشرة ل مكتب الكوميسير دق الباب ودخل…
اسماعيل : صباح الخير شاف”عطا تحية”
معتز”عميد اخور.” : صباح الخير سي عابيييد”صغر فيه عينيه” ششش مالك ياك لباس ؟!
اسماعيل”حط ايدو ناحية فمو وتحت عينيه موڤ” : والو غير شي مشاكيل…
معتز : خاصة ؟!
اسماعيل”حرك راسو” : سي هشام خرج ؟!
معتز : وي خرج هاد صباح سالا…مهم را علمني نعطيك واحد المذكرة…”جبد ورقة مدها ليه” قاليك نهار تنين تكون ف طنجة ..
اسماعيل”خرج عينيه بصدمة” : كيفاش ؟! علاش غانمشي تما ؟ ياك هادي شادها سليمان علاش رومبلاصانس بلاصتو ؟؟!
معتز : سليمان غايتكلف باونكيت اخرى وهادشي شوف معاه هو ولدي…
اسماعيل”عطا تحية وخرج كيدوز ليه فالخط” : سي هشام ؟! شنو هادشي علاش رسلتيني لطنجة ؟!
هشام : حسن تكلف نتا عارف نعول عليك…
اسماعيل”بغا يخرج ليه عقلو” : ولكن اشاف عرفتي شحال غانبقا تما ؟ شهر ااشاف شهر …
هشام : بغيتي المعقول ؟! هذا دارو ليك قلة العقل كون يحساب ليا غلتمشي تخلق لناس مشاكيل نمنعك انا درت فيك ثقة ونتا مكنتيش قدها…
اسماعيل : هاديك مهمتنا او لا ؟!
هشام : لونكيت سالا فاش هبطت وهاديك ماشي وقت باش ديرو…يلاه وجد راسك عارفك كفؤ نعول عليك
اسماعيل : سمح ليا اشاف منقدرش نمشي عندي شهادة طبية ممكن تاجلها ؟!
هشام : علاش شنو واقع ليك ؟!
اسماعيل : وقعت ليا واحد لاكسيدون البارح …
هشام : شحاال فيها شهادة ؟!
اسماعيل : 15 يوم …
هشام : سير دفعها سير تانشوف حريرتك سير…”قطع عليه كيبتاسم كانت شهادة طبية لصالح ديالو فهاد اللحضة…مكانش غايدفعها حيث باغي يبقا فالمهم باش يشوف فرح لكم ماعرف باش تبلى.تالقى هاد الخبر قدامو….خرج برا الولاية ووقف عند طوموبيلتو حط صباعو تحت عينيه كيشوف قدامو …فواحد لحضة حس بشكون مورا هادشي الي وقع ليه تا بدا يحرك فراسو…المعرفة والفلوس تبني طريق فالبحر”….
…نعسات مايكفي تا حلات عينيها على صوت فوزي كيفيق فيها وهي ماساخياااش ابدا…ضارت شافت فيه بنص عين عينيها منفوخين بنعاس..بدات كتفوه وتشبح …
فرح : مممم صباح الخير اشخار…
فروزي : مممم هممم هممم قالتها حقارة البيار صوت شخيرك وصل عند مي فاطنة تا صيقطت صفاء تبرا منك ..
فرح “ناضت جلسات” : الله يمسخك…
فوزي : ونوضي تغذاي نوضي…
فرح”هزات حاجبها” : وااايلي درتي الغذا زعما ؟!
فروزي : مي فاطنة رسلات لينا گصرية كسكسو نوضي را جبت اللبن حطيه واجي قبل ميبرد خوك هااالكو جوع…”ناضت من بلاصتها قادت فراشها من بعد ما نفضاتو مشات لدوش توضات عاوتاني وخرجات قادت صينية ديال اللبن وخرجت حطتها فوق الطابلة…
فرح : انا غانمشي نصلي ونجي…”مشات لبيتها لبسات عباية صلاة بدات كتصلي…سمعات الباب كيدق مشا فوزي حل الباب تا دخلات كتهلل وتكركر غا وحدها عرفتها جات تغذا معاهم…كملات صلاتها وناضت حيدات العباية وخرجات لعندهم لقاتهم كيتسناو فيها…
فرح : احح ميمتي على قصرية من داكشي…
صفاء : مي فاطنة هادي واجرك عالله…
فوزي : بسم الله”بداو كيلگمو وياكلو ويتبننو فداك كسكسو الي دارتو ليهم قصرية عامرة بجبل ديال خضرة واكثرية الگرعة الحمرة…ويبردو باللبن …تا كملو القصرية مسحوها عاد تكا فوزي كيتگرع ويحمد الله…هزات فرح ديك القصرية وجمعات طابلة ردات الما يطيب عمرات اتاي وجابتو ليهم…
فوزي : الله…”شرب من كاسو وجرها لعندو نخششها فيه” اودييي لهلا يخطيك على عشا البارح مرة مرة تفكري خوك بشي شهيوة هههه
فرح ؛ نههههن بصحتك”باسها فراسها”
فوزي : توحشت نخرج معاك ملي خدمتي مابقينا درنا دويرة وتعاودي ليا ونعاود ليك”قرسها فحنكها” عاودي ليا شنو سر هاد الفرحة الي بانت فيك فهاد تواخير…وليتي تخبي على خوك…
فرح”هزات عينيها ف صفاء تا بداو يلمعو حسات بتانيب ضمير من جيهة فوزي …خصوصا فوزي هو فحالو فحال علاقتها بصفاء وسيمو تاحاجة مكتخبيها عليه…وهو كان عارف علاقتها ف اسماعيل..حسات واحد اللحضة انها خانتو وكل مكتزيد تكذب كتزيد تغرق فضواصا ليها واكثر ل زين الدين…ماحسات حتى بانو ليها بزوج كيحركو فايديهم قدام وجهها “
صفاء : بسم الله عليك…فين مشيتي ؟!
فوزي”كيشوف فووجهها الي تبدل” : مالك ؟!
فرح”بقات شحاال كتشوف فنقطة بعييييدة وهي كتشوف تشوف حتى هزات فيه عينيها” : فوزي الكلينيك فين خدامة عرفتي شكون مولاه ؟!
صفاء”خرجات عينيها تا تصرط ريقها ووحل بغات تغوت ماسمعها حد كيبان غا فمها كيتحل ويتسد”
فوزي : شكون ؟!”كان هاز كاس اتاي فايدو كيشرب فيه” ياكما سيمو…
صفاء”ضارت عندو كتقوليه ولا ولا لكن صوت مكاينش”
فرح”هزات نفس وخرجتها طويييييلة ا” : زين الدين البغدادي..السيد الي كان خاطبني و”مجات فين تكمل تا بان ليها خبط الكاس فوق طابلة تا تهرس”….
هل هي خطوة صائبة ام خطوة لم تكن متوقعة منها…لكن كتبقى خطوة متقدمة منها ماعرفناش واش فوقتها او جات معطلة على كل كان لابد يعرفو او عالاقل فوزي يعرف منها عالاقل هي قالت تبدا شوي بشوي…يمكن فوزي الى سمع منها يكون فجنبها نهار يعرف عصام لكن حدث ما لم يكن متوقع وهو رد فعل فوزي….
فوزي”خبط الكاس بجهد بمجرد ما سمع سميتو وشاف فيها ” : شكون شكووون ؟
فرح”صرطات ريقها لان رد فعلو خلعها” : فف فوزي غير تهدن انا ننعاود ليك …
فوزي”زاد جهد صوته” : واااااااا سولتك شكوووووون الحبس ؟!
فرح”حدرات عينيها” : زين الدين…و”قاطعها بايدو الي خبطات فوق طابلة تا قفزت صفاء”
فوزي : واااااااااااش عارفة راسك اش قلتي ؟؟ “عيبها” زين الدييين …الحبس النم الكحل واش ولا عندك عااادي تخرجي سميتو من فمك فحال ماوقع ليك والو معاه ؟؟ ومن فوق خدامة عندو ؟! “جاه ضحك” هههههههههه اويلي اااااويلي فلاخر خدمات عندو قاليك ….
فرح : مكانتش عارفة ا فوزي حتى …
فوزي : حتى ااااش ؟؟ اااا ..
فرح”قلبها كيضرب” : حتى سنيت الكونطرا افوزي عاد عرفت عاد هو معاه شريك اخور يعني ماشي ديالو بوحدو و
فوزي : “عاود خبط طابلة خبطات متتالية بجهد” وااااااااااااااالرب المعبود خرجان العقل هذا …”جرها من دراعها” واااااش مريضة ف خراااااك الحبس واش واعية اش كتخرجي من فمك ؟! عارفة عندمن ولا لاااا واش نسيتي ابنت الكلبة اش وقع ليك معاه ؟!!!
فرح “غمضات عينيها فاش زير على دراعها تا بغاو يتخشاو صباعو” : اااااااي ممم…
صفاء : فوزي الى خدامة عندو مكيعنيش را جالس حداها…والخدمة الي خدامة وخا هو من صحا لكلينيك را هو فجناح وهي فسماااا سابعة الي قلتي نتا …شنو بغيتيها تخرج من خدمتها ؟!
فوزي”ضار مخنزر فيها” : تخرج بسلامة اش غاتبقا جالسة دير ليا تما”رجع شاف ففرح” حمدي الله ابنت مي وبويا ما مشيت لعدو ربو تانا “هز صبعو” ولاااا تحگرينيش…
فرح : كيفاش نخرج ؟! فوزي علاش هاد الحالة كاملة خليني غير نشرح ليك بعدا…
صفاء : علاش تخرج افوزي من نيتك ؟ تخلي خدمة بصالير وحقوق مضمونة باش تخرج حيث فلان مخاصمين معاه ؟؛ اش كتخربق ؟!
فوزي : والحبس وااااالحبس تخرج ااااه تخرج مالها اش خاصها ااا ااااش ؟! بغات فلوس انا نعطيها بغات تكسا انا نكسيها ميخصها تا خير …باش تبقى ليا عند واحد قوااااد ما عقل عليها نهار لول يعقل عليها دابا ؟!
فرح : فوزي انا اكثر وحدة تضريت من جيهتو …نهار خدمت فلول ماكنتش عارفة بالي هو مول الكلينيك كان علمي بالي واحد بروفيسور اسميتو زياني هو مولاه حتى سنيت كونطرا عاد عرفت بالي هو شريك معاه بواحد نسبة …واااه فكرت نخرج فاش عرفت لكن ديك الساعة كان عصام بغا يخطب”سكتت للحضة وعاودت استانفت الكلام” كان كيصلح فالدار وكيوجد لخطبة تسلف وتكلف كنت معولة غايتزوج افوزي غاتزادو مسؤلية اخرى ممكن يولد ويتزاد الحمل افوزي وانا هاد الخدمة بهذاك صالير فين ممكن لقاها ونتا عارف الشعبة الي درت خاصك سيدي ومولاي باش تلقى خدمة فضومين الي قريتي …
فوزي : والكلينيك الي شاف ليك جدك الي خليتيه ومشيتي لهاد الحبس …
فرح : ياك نتا بنفسك قلتي ليا حسن ليك وعجباتك هاد الخدمة ..
فوزي : علاه انا عرفتها ديال هذاك ؟؟ كون عرفناها بالرب الجليل لا عتبتي فيها…”كينهج…غمض عينيه ونطق” دابا من لاخر منننن لاخر خرجي من الخرا معندك مديري بيها…
صفاء : واش هبلتي ولا مالك ؟! تخلي خدمة قداش واش مكتسمعش را قرايتنا صعيب نلقاو فيها خدمة ماعادا صحة ولا تعليم …واش بنا ليك لقينا ماحسن وقلنا لا ؟!! الى جلسات تقد عليها بالله لا قديتي تانتا غذا ولا بعدو غاتزوج ايه وشكون يقوم بيها ؟!
فرح : فوزي را طلب سماحة …
فوزي”خنزر فيها ” : سماحة لاش ؟؟؟ لاااش بسلامة ؟ على تبيدييييق على الشمتة الي شمتك مدخلك مع حسابات نتي بعييييدة وبرانية عليه…اااا ؟؟طامع فيك راجل عمتو وقاليه لااا خليني انا نطمع فيها والله لا بقات ليك ؟!… على البكا الي بكيتيه شهرييين بالفقصة ولا المرضة الي مرضتييييييي شوي وكنتي غاتموتي فيها انا نشد نوبة بالليل ونجي عند راسك كلقاك كتبكي ونتي ناعسة …وعصام بنهار بززز باش وقفتي على رجليك بمسبتو…واش عارفة العذاب الي دوزنا وحنا خايفين لا تمشي ديري فراسك شي حاجة حيث قالو لينا الضغط الي دزتي منو يخليك تفكىي تقتلي راسك باش ترتاحي ؟ واش عارفة انا حاضي معاك بقا ليا غاندخل معاك تبولي ونحضيك لا تقجي راسك ولا تشربي شي عجب فدوش غاا حشمت واقف ليك عند باب دوش غير تبغي تخرجي كندير راسي داخل لكوزينة ؟ 15 يوم ماخدمتش فالمحل كنبات فالليل فايق حاضي معاك لا طيحي..وتجي تقولي ليا طلب سماحة ؟؟! داااااااااااااااك العام فضاها معاه خوك…وداااااك العام قاليك افلانة الى سمعت كيدور بساحتك قوليها ليا ونتي الالة الحااااادگة نقزتي ليا لسمااااا سابعة وخدمتي عندو …
فرح : راني قلت ليك افوزي مكانش فراسي وزايدون سنيت كونطرااا…”شافت فيه بثقة” واش فراسك الحريق الي وقع شكون عتقني ؟ هو افوزي الي دخل وعتقني هو الي تحرق باش يعتقني…
فوزي”خبط طابلة وناض وقف” : وااااااا لا جات على العتيق را الي لقاك فداك المنضر را يعتقك وخا يكون ميعرفكش …ياكما بغيتي تقولي ليا عتقك حيث ميت فيك عاشقك ليا بسلامة..”ضارب ليها واحد تخنزيرات مع عينيه كبار زادو كملو صفاء فهاد اللحضة ملي شافت وجهو مقدارتش تزيد تهضر حيث ولا مزنگ وعروق نواضرو تنفخو” را مشة لا لقيتها فالعافية نظخل نجبدها…اش عتقك ااااش…وااا من لاخر راني هضرت الخدمة ماتبقايش عندو.
فرح : ميمكنش ليا نخرج افوزي راني سانية كونطرا عالاقل خاصني نعلمهم بشهر …
صفاء : سانية معاهم كونطرا افوزي ..عندك فلوس صالير 3500 مضروبة ف ستة شهووور ؟؟؟!
فوزي” كيحرك راسو بالغدايد ” : ايييه واخا وااخا…
فرح : دابا علاش درتي هاكا غير بشوية افوزي عارفة اش كاين انا هضرت معاك حيث مبغيتش نخبي عليك…
فوزي.”مشا ليها تال عند وجهها كيهضر ومكشكش “: الااااااااااااالة مكنحملووووهش حنا ولاد لحرام وهو ولد الحلال يلااااااه ….وحمدي ربك صبرت اما نضرب طاسيلة مك تاتلصقي”قبس المخدة الي لاح وضرب فيهم وزاد” قاليك طلب سماحة وعتقني…”لبس صندالتو حل الباب خرج وسدو بجهد تا تزعزعو الحيوط”
فرح”شافت ف صفاء بحزن ونطقات بصوت مذبذب” : هذا غير درويش واش دار…
بقات فرح كتشوف فيه حتى مشا وهي بقات حاضياه وعينيها فيهم لمعة حزن كبييييرة…تحطات فموقف صعيييييب والي كتفكر فيه او الي مابغاتش تفكر فيه لكن مسيكر على عقلها هو ان الامر القادم اصبح شبه مستحيل…من ناحية عندو الحق يخاف عليها وميبغيهاش تكون معاه ومن ناحية معندوش الحق يمنعها من خدمتها لمجرد ان “فلان” وقع ليهم مشكيل معاه ؟! لكن شكون يقنع واحد مقاريش او مواصلش لوعي ديال اخلاقيات المهن…لكن فاش كنجيو ندققو فاسبابو ممكن نعذروه كون مر بواحد الفترة مع فرح الي كانت فيها انسانة شبه فاقدة للحياة لما وقع ليها من خيبات الامل حتى جا زين الدين واختاصرهم ليها فلمح البصر وحطمها…كيشوف اخت الوحيدة الي عندهم كتموت قدامهم وكان لازم عليهم يصبرو ويعضو فالنفس باش مضيعش منهم لاخر نفس فيهم …هي الان بين نارين…
صفاء : وليني مشكييييلة هادي ؟!
فرح”شافت فيها وعينيها مغرغرين” : قاليك نخرج من الخدمة ؟!
صفاء : ماتخرجيش راك قلتي ليه وقلت ليه اش كاين…خليه تايتفش وغايجي يهضر معاك ولقاو حل..لا عندو فلوس ستة شهور يحطهم ليهم.. …
فرح : ماشفتيش اش قال ؟!
صفاء : لا خرجتي نتي كااع وعطاهم فلوس شرط …من بعد غايعطيهم ليك كل شهر ؟! لا خرجتي مغاتبقايش تلقاي خدمة فحالها وفالامان تحت عينين واحد شاريك …اه كيف قال فوزي لا شفنا مشة فوسط العافية ندخلو نعتقوها ولكن زين الدين كانو ناش قدامو مية واحد الي يعتقك وهو مفكرش حتى 0,5 فالمية انه يقوليهم عتقوها غير كلمو منو يدخلو شتة ولكن هو مشا بلا ميفكر يعني اش ؟ يعني نتي فبالو…
فرح : هانتي كتشوفي غير واحد عارف عليا كلشي ومتفهم على عصام وشوفي اش دار ؟!
صفاء : فرح غانسولك سؤال وعااافاك جاوبيني بلا متبقاي ترمشي ليا فعينيك ولا تحدريهم جيني نيشان …واش باغيا زين الدين ؟! “خرجت فيها عينيها” واش باغياه او لا ؟!
فرح”سكتات شوي وعاودت نطقت” : هاني باغياه هاني كاع ميتة عليه واش غايبغيو ليا ؟! شوفي غير الخدمة واش دار”كتعاود ومحساتش بدموعها تا تسرسرو كيجريييو كتهضر وداكشي الي كانت كاتمة عليه كيخرج غير راسو نتيجة فرط التعب الي صبرات ليه…” ؟؟
صفاء : فرح را قلتها انا وكيقولوها بزااااف الى مكتاب ليك را تاحد مغايحيدو ليك…كيف نتي درتي خطوة تاهز را غايدير خجوة وعاد هو را سبقها شحاااال هادي قبل منك ومشا برجليه عند عصام بلا ميخاف فشردك …غاتقولي ليا باش يطلب سماحة ؟ غانقوليك وللمرة مليون را مشا فشردك نتييييي مكاينش شي حد غايقبل على راسو ديك الهضرة الي مكتقالش من خوك وقدام ناس ويصبر…لا كتبغيه صبري ولا باغين بعضياتكم تقاتلو على بعضياتكم..وخوتك را مغاديش يبقاو حاقدين وواخا يكرهوه بمسبتك را بمسبتك عاوتاني غايتقبلوه…الى بصح كيموتو عليك را غايشوفوك ضاحكة ويبغيو الي ضحكك وتهلى فيك وحاما عليك …والى بغيتيه غايبغيو ومن بعد نتي غاتحملي مسؤلية قرارك…ماتستسلميش غير من البدية راك يلاه قلتي بسم الله وهانتي قلتيها ديك المرة شوية بشوية…
فرح”مسحات دموعها بطرف كمايمها” : شنو ندير دابا فالي قاليك متخدميش ؟! الليلة خاصني نمشي نخدم يخخ كون غير صبرت تالغذا ونفولها ليه بعدا الى ممشيتش را مخداماش تال تنين ويكون ديك ساعة تفش شوية …
صفاء : زعما يقولها لعصام ؟!
فرح”بنفي” : لا ميقولهاش مكتشوفيش قاليك خرجي منها كاع ؟!”دارت صباعها فعينيها كتحك فيهم وتسوط حاسة بواحد الخنقة عجيييييبة وهادي غا قاليها خرجي من الخدمة يعني غاتبعد على زيييين…” ففففف ياربييييي اش هادشي كيوقع ليا ااااش….
صفاء : اشنو فنضرك الحل ؟! تهضري مع زين الدين تقوليها ليه ؟!
فرح”شافت فيها” : شنو غايدير ليا ؟!
صفاء : عالاقل قولي مغاتجيس هاد الليلة …
فرح : واش الكلينيك فيه سيبة ا صفاء غير وصل ومتجيش ؟! عرفتي اش قاليا ولا مفراسكش ؟! “عاودات ليها على شنو قاليها البارح على مجيتها لعندو وعلى سمعتها” ونجي نقوليه نشد اليوم وانا يلاه باديا ؟ الى جيت نشد را كلشي غايبغي يشد وغاتنوض سيبة وهو كيبغي تكافؤ الفرص فالخدمة مكيبغي يضلم حد…
صفاء”نسات راسها وهي تعض شنايفها” : اححححح جوطيم امون عريض الكتاف جو طادوغ مون بيبي…
فرح”خنزرات فيها بشوي” : اهيا ؟؟
صفاء : هاي هاي هااااي …
فرح”ناضت كتهز فداك الكاس الي تهرس وتجمع فيه وعلى محياها كمية حزن وخيبة امل وخوف من القادم…كتحس بالبكية فهاد اللحضة…دات داك الشقاف لكوزينة لاحتهم فالزبل ودات البالة وزيف باش تمسح طابلة وعقلها مرفوووع…بقات معاها صفاء شوي وهي تمشي فحالها ورجعات هي جلسات فالبيت ماعرفات شنو دير فحريرتها تا باش تنوض دير عشاها على حسب الخدمة ما قدات حتى فات العصر وقرب المغرب… وهي تسمع صوت الباب ودخل…يحساب ليها فوزي ساعاك كان عصام الي غير شافها جالسة دايرة ايديها على حنكها وهو يسولها…
عصام : مالك جالسة هكاك ؟!
فرح : مماليش …
عصام : فين فوزي ! تغذيتو ؟ “يلاه بغات تجاوبو وهو يدخل فوزي عاقد غوباشتو”
فرح”شافت ففوزي” : اا اه تتغديينا..
عصام”حط جاكيطتو وجلس” : مزال مدرتيش عشاك باش تمشي لخدمتك ؟
فرح”هزات عينيها ففوزي الي شد تيليفونو كيبقشش فيه الي غير سمع اش قال عصام وشاف فيها بتخنزيرة تا صرطت ريقها” : مم مزال….
هزات عينيها فعصام الي سولها السؤال ومشاو عينيها نيشان لفوزي الي كيف سمع سؤال عصام تاهو هز عينيه مخنزر فيها فهاد اللحضة معرفات متقول ليه…جاها فحال شلل ولسانها ثقال …
عصام : فرح !!!
فرح”صرطات ريقها” : ااااه ؟
عصام : سولتك مدرتيش عشاك باش تمشي لخدمتك”شاف فساعتو” قرب الوقت يضهر ليا ؟!
فرح”يلاه بغات تهضر وهو ينطق فوزي”
فوزي : مزال مدارتوش من صبح الله وهي مبجرة ناعسة الغذا جابتو غير مي فاطنة…تنوض تشري شي حاجة من برا…”رجع شاف فتيليفونو مهزش فيها العين”
عصام”جبد من جيبو بزطام ومد ليها 100 درهم” : نوضي تحركي شدي من عند سناك زوهري اش بغيتي والي بقا خليه معاك…دخلنا صريف هاد الصباح من عند شي حباب”…
فرح”جاها تانيب ضمير وفهاد اللحضة بذات هز فوزي عينيه فيها بواحد نضرة فشكاااااال ديال تانيب ضمير زادو ليها من عندو زعما فين تعطي راسك…ما فاقت غير على قفزة منها فاش جهد عصام صوته”
عصام : وشدي عليا مالك غيبتي ؟!
فرح”شدات من عندو الفلوس وناضت مقدراتش تبقى جالسة حداه شدتها واحد البكية …مشات تجري لبيتها وجلسات فوق فراشها عينيها فشرجم كتشوف برا وتفكر…حتى سمعات صوت باب زنقة كيتسد واحد شوي تا دق باب بيتها ” : دخل…
فوزي”حل الباب عليها وطل بنفس النضرة هزات فيه عينيها”
فرح”شافتو وهي توقف” : فوزي عافاك غير سمعني..
فوزي”هز ايدو موقفها عن الكلام” : ششش ..مابغيت نسمع منك والو مابغيت نسمع والو…قلتي خدامة عندو ياك ؟!
فرح : مانقولش عندو خدامة
فوزي : فكلينيك هو مولاه ياك ؟”حركات ليه راسها” انا مغادي نقول واااالو دابا …قلتي عندك ستة شهور معاهم فالكونطرا ياك..مزياان…جيتي وقلتي ليا را هو مولاه وااااخا…انا غانسكت وغااانميك…خدمي مع راسك وكوني راسك ومتعوليش علينا من حقك بغيتي تكوني بمانضتك نهار ندورو عليك وجهنا يلقا عندك فلوس فين تسكني ولا ديري دارك…ماقلتي عيب”شافها بغات تهضر وهو يخرج عينيه” خلييييني نهضر…زمي عليا غا فمك…هاني غانسكت ومنقول والو ليه غاندير راسي مفراسي تاحاجة اختي …خدمي مع راسك وخدمي عندو ياك قلتي بعيد عليك مكيشوفك مكتشوفيه ياك ؟! نقولو فالعافية الي لاح راسو فيها باش عتقك يكتر خيرو هذا مايتسال من عندي ونقووولو شفتيه حيث المكان ديالو ضروري يعرف ويدخل باش تسناي نسا ليه من عافية عتقك منها مقابل داكشي الي دوز فيك را غير كتكبي الما فرملة…والى على عصام الالة نخليك منك لضميرك معاه…انا لو جات عليا مابغيتوش يعرف ماشي حيث غانصدقو فشي طاب وشي ما طاب لان عصام باش نوريه ليك راكي عارفاااه وحلينا عينينا عليه الي قاسنا بنبشة ياكلو بحوايجو ويلوحو عضام فمابالك واحد عيشك شهرين ديال العذاب والمرض …نتي وضميرك مع خوك والله مايستاهل تستحمريه وتبيدقيه …
فرح”الصمت” …
فوزي : خدمي خدمتك وعالله ياربي ميكونش الي فبالي ديك ساعة بالرب الجليل حتى نقتلك بلاصة عصام…سميني منسواش سميني ممزيانش الي بغيتي قولي عيقتي قولي زدت فيه الالة بصحتي…”رجع منين دخل وخرج “
فرح”حدرات راسها وجلسات بجهد فوق فراشها كتشوف فلارض وكل مكيهضر فوزي الي كانت كتضن انه غايتفهمها صدق حاقد يمكن كتر من عصام…وهذا غير قالت را خدامة عندو اما كون قالت راني سمحت ليه وعايشة معاه مشاعر من نوع اخر فين غايوصل ؟!! وهي في خضم تفكيرها عاودو دموعها انهامرو من جديد كيقطرو فلارض حتى دارت ايديها على وجهها كتبكييييييييييي وواحد الاحساس بالخنقة شدها رهييييييب…معمرها كانت كاظن را غايجي واحد النهار والشخص الي ضرها هو الي غاتصدق باغياه لا ومن فوق حسات بالخنقة فور ما تفكرت انه فاي لحضة تفارق معاه بسباب خوتها…فايام قليلة استنتجت هادشي وعرفات انه من اول نهار شافتو واول نضرة ليهم عجبها بكلشي فيه …وهي باغياه بقات شحال وهي كتبكي حتى هزت راسها فور ما تفكرات او نقولو دارت ليها طننن فراسها وهي تمشي بزربة هزات تيليفونها وصنات ليه الي متعطلش وجاوبها” الو”كتشخر بمنخرها بسباب البكا” الو خى با جدي …
المحجوب : عاش من سمع صوتك اكبيدتي…مالك صوتك ماعجبني !!؟
فرح : مماليش غير ضاربني البرد شوية…با جدي..غذا تقدر دوز عليا لخدمة فاش نخرج !؟الى مسالي ..
محجوب : اييييه نجي علاش لا بغيتيني ؟!
فرح : انا غانهضر مع عصام ونقوليه غانمشي عندكم هاد السبت والاحد نبقا معاك محتاجة نهضر معاك ابا…
محجوب : صافي تهناي انا نهضر مع عصام وندوز ليك …
فرح : و واخا”قطعات معاه وبقات شوية تا تنفسات وهي تنوض رمات عليها مونطو ومشات لسناك خذات غير شي حاجة خفيفة باش ميخاصمش عليها عصام علاش متعشاتش وفوزي تاهو…
بقاو كيصوني ليها وعاود زوج مرات بدون مجيب وقطع مابقاش عاود ضن انه يمكن حدا خوتها ف مابقاش حكر وخا كان موحش يسمع صوتها قبل ميتوجه لمكان الي غادي ليه…سالا من عندها هز باكية الكارو ضربها تا خرج واحد جبدو وهز بريكة شعلو تا جر مايكفي وساط دخان…
زين الدين : call rayan…”داز الاتصال مباشرة لريان “
ريان : اخويا…انا فالبلاصة واقف…
زين الدين : شوي ونكون عندك…”قطع معاه وزاد كسيرا مباشرة ل معهد الوطني للتجارة والتسيير …وقف حداه تا بان ليه واقف كلاكسونا ليه وهو يدور تم جاي لعندو تا حل الباب وركب”
ريان : منين غانبداو !؟ وااالو يا صحبي واش طحت عليه…
زين الدين : عمرك طيح عليه ..
ريان : مفهمتش ؟!
زين الدين”هز عينيه بانت ليه واحد البنت خارجة من المعهد مع مجموعة من الطلبة…تسمع طراق كان حيد سانتيغ وحل الباب نزل ريان مفهم والو ..تا بان ليه كيشير ليه باش ينزل ونزل تاهو تبعو…تا وقف عليها زين الدين ماعرفات باش تبلات واش تخلع ولا دهشر ولا تفرح كاع هذاك الزين وقف عند وجهها…” : سلام عليكم ابنتي…
هي”دهشرها بكلمة بنتي” : ع عليكم سلام..شكون نتا ؟!
زين الدين : ماعليش سمحي ليا “حط ايدو على صدرو” نسولك ؟!
هي”يحساب ليها غايدخلها ديك دخلة ديال نتعرفو” : اها مرحبا ؟!
زين الدين : واحد عشيري داير معاه هنا على ماعلمني”هز راسو كيشوف فالمحيط زعما را ماعارفش البلاصة” كيجي عند شي بنت “كمش حجبانو وضار عند ريان” شنو سميتها ؟!
ريان : ضحى الوهراني جو بونص كتقرا هنا عندها سنة الثانية…
زين الدين : يمكن معاك لا؟ “مساااول على الي كيقراو مع ضحى ومعاش غايخرجو..”
هي : ااااه وييي ضحى…احم يمكن كتسول على مهدي ياك ..
زين الدين”حرك راسو” : سييي مهدي عطيني الكنية باش نتاكد”شاف فساعتو” واش هو ونيت هنا دار معايا ولا واحد سونطر انا ماشي ولد البلاد هنا…
هي : مهدي كان جا لواحد ليفينمون تقامت هنا…
زين الدين : هو هذاك…”غير قمر”كنيتو ؟!
هي : مهدي البقالي…
ريان”خرج عينيه تا هز ايدو بغا يديرها فوق راسو وهو يرجع هبطها بجهد يعني كدبات عليهم فالكنية…”
زين الدين : يرحم من رباك ابنتي شكرا…”قبل ماتهضر كان قلب دورة ومشا نيشان لطوموبيلتو خلاها كتبرق فعينيها تا وصل عليه ريان ركب وقبل ميكسيري”
ريان : شنو زعما كذبات فالكنية ؟!
زين الدين”ديمارا طوموبيل” : شنو بان ليك ؟!
ريان : مالها على حالتها مالها…
زين الدين : هذا هو حال الي يتسحر مع دراري صغار…”كسيرا”
ريان : زعما باش منعرفوهش ومنمشيوش ليه هههه الذكاء …
زين الدين : فرطاااااات فيه فرطااات…قلة الايمان وكثرة الفعايل…”حرك راسو بثقالة وهو كيدوز الخط” ماعليش ماعليش…
زاد كسيرا وهو معاه …كانت الساعة تشير العاشرة ليلا لقاتهم فواحد الريسطو كيشوف فالبحر نزلو من السيراة ودخلو ليه كل خذا شنو بغا ولحد الساعة ريان ماقال والو ماعرفش شنو تحت راسو…ناض زين الدين وقف من بعد ماجاه اتصال…جاوب فالبلاصة…حرك راسو وقطع وهو يدور عند ريان الي كان كيشرب فقهوته…
زين الدين”شير لسيرفور الي جا فالبلاصة عطاه كارط كيشي ركب رقم ودوز الفاتورة وناضو بزوج ركب فالسيارة وكسيرا الوجهة فين جاتو الخبار بالضبط فين ممكن يكون والي هي البرطما ديالو فدار بوعزة ماشي الفيلا على حسب العنوان الي تعطاه…وقف السيارة قدام العمارة ونزل تاني هو وريان…لقاو الحارس جالس الي غير شافهم جايين ووقف…
زين الدين”رافع حاجبو”
ريان : مهدي البقالي…ساكن هنا ؟!
الحارس”حرك راسو” : وااه شكون نتوما الي كتسولو عليه ؟!
ريان : واش كاين هو فالدار ؟!
العساس : ماعرفتش انا عاد تبادلت العسة مع الي كان قبل مني..تسنا نشوف…”مشا لانتيرفون صونا ليه تعطل واحد زوج دقايق عاد تطلق وجاوب” سي مهدي شي ناس كيسولو عليك …
مهدي : شكون هادو ؟!
ريان : قوليه واحد المحامي وصاحبو…
العساس : محامي وصاحبو قاليك كيعرفوك واش نقوليهم يطلعة عندك ؟!
مهدي : لا انا نازل نشوف…”سد الخط..ومشا تال البيت نعاس حيد الفوطة …لبس بوكسر و شورط ولاح عليه تيشرت بالخف خشا رجليه فكلاكيط هز ساروت دار خىج من دار ونزل فالسانسور تالتحت خرج عند العساس شعرو مخربق…”
مهدي : فين هادو الي بغاوني ؟!”شاف فساعتو” فالحداش دياال الليل ؟!
ريان”تقدم ناحيتو” : مهدي ياك ؟!
مهدي”ضار عندو بان ليه جاي وشاف جيهة زين الدين الي متكي عالطوموبيل” : ايه هو هذا ؟ شكون نتوما ؟!
ريان : مهدي بقالي…
مهدي”حرك راسو” : شكون نتوما ؟!
ريان : مممم..واخا”حط ايدو على كتفو وورك عليه غا بالفن” اجي معايا الله يخليك محتاج نهضر معاك “شاف جيهة العساس الي وقف حداهم”خاصك شي حاجة اشريف ؟!
العساس”شاف فمهدي الي شير ليه براسو يمشي…”
مهدي”حدر عينيه جيهة ايد ريان الي كانت موركة على كتفو وحيدها ليه بشوي” : نمشي معاك علاش لا ؟
ريان”حرك ليه راسو كيضحك…تا مشا هو وياه جيهة فين حول زين الدين الطوموبيل فالدورة…تا وقف حداه” : دابا مزيان…احم ماعلينا كتعرف شي بنت اسميتها ضحى الوهراني…
مهدي”حرك راسو بكل ثقة” : ايه مالها ؟!”شاف جيهة زين الدين وشاف فريان” كتجيوها شي حاجة ؟! وقع شي مشكيل !
ريان : شنو المشكيل نتا الي وقع الي خلاك تمد”خبطو فوق كتفو خبطات بجهد..وخا مهدي مگضر وصحيح” مكاااافشك اااا سيهم مهدي على بنات الناس بهاديك الطريقة !!!
مهدي: اولا”شد ليه ايدو ودفعها بجهد” جمع عليا كرك وحيد عليا ق*** ويك من فوق كتفي ..ثانيا الي بيني وبينها ما شغل حد اشريف…ياكما نتا بوها ولا مها ااا ؟!
زين الدين”نطق بصوت ثقييييل وبشواااايا عليه” : نتا وايمانك نتااا وايمانك…
مهدي : شكون نتا بعدا تانتا عليا ؟! مالكم اسي جاييين تسولو عليها اش مشا ليكم ؟ نضربها ولا نقتل عدو ربها كاااع اش مشا لزا*** بوكم فهاد الليل …”ماعقل على راسو تا لقا زين الدين طار لعندو شنق عليه تا قجو من قرجوطتو ودار صباعو غرسهم “
زين الدين”خرج فيه عينيه ونطق مغززز بين سنانو” : بااااااااقييييي متزاااادش اولد القح*** الي يحل عليا زبلووووو …”نطحو براسو تا مشا وجا ” هادي الي تمد مكااااااافشك على بنات الناس…
ريان”شاف مهدي وجهو زراق” : زين الدين عافاك تهدن غا تهدن را تزير طلق الخرا يتنفس نعرفو منو. اش كاين…
مهدي”تاهو واخا مزير بالقجة ممنعوش يمد ايديه دفعهم ليه بجهد تا تطلق منو وطاح كيشهق باغي ياخذ النفس…تا بدا يكحب”
زين الدين”كيخنزر فيه وجنون ركبوه فهاد اللحضة كيشوف واحد كيهضر على بنت يمكن نقولو بنتو يمكن نقولو اكثر ختو الصغيرة الي كبرات معاه ويمكن هو الي كان مكلف بيها لحد الان حاسبها عرضو…كان بغا يمشي ليه تا وقف ريان عند وجهو كيغمز فيه يتهدن ويصبر..”
مهدي”بزز باش رد النفس فبلاصة ميجاوب ريان هز عينيه الي تجغمو بالد.م ف زين الدين ورجع شاف فمهدي” : شنو كتجيك بسلامة ؟!
ريان : ختنا اسي ختنا …
مهدي”شاف ف ريان ورجع شاف ف زين الدين الي كان منير فيه .. ” : ختكم ؟ …ايوى لا ختكم علاش محضيتوهاش ومخلينها فداك الوقت خارجة وممسولين عليها ؟! وزايدون دارت علاش”هز ايديه ” بغيتيني نكذب اشريف ؟ الي فجهدك ديرو…
زين الدين”كان غايمشي ليه ينطحو تا شدو غير ريان بزز…دفعو بجهد تا كان غايطيح ومشا ليه شنق عليه عاوتاني ” : فاش عينك دابا ؟؟!
مهدي”رجع خنزر فيه وشد ليه ايديه الي شانقين عليه يغا يحيدهم من عليه فهاد اللحضة غفلو زين وطلق منو بسرعة البرق صدق شادهم هو ومرجعهم ليه اللور وتم دافعو بجهد تا زدحو مع طوموبيل مشات وجات وهي طلق لالارم ديالها” : طلااااااااااااق .”هز عينيه فزين الدين نيشان بنضرة نارية مصحوبة باستهزاء…وقال” قلتي ختكم ياااك ؟!…. “عوج راسو فزين الدين بنفس النضرة…” ايوى ختكم اسي ماضربتهاش على ايديها جات عندي راسها برضاها تا سرحتهاااا وباش تفهمني اش قصدت ؟ تقبتهااااا يعني حو****تهااااااا”هاد الكلمة كانت كفييلة تجهل زين الدين حتى خرج عينيه على جهدهم … لوا ليه ايدو وتسمعت طررررراق…
صعييييب انك مديرش اي رد فعل خصوصا فحال زين الدين شخص شرقي دمو حااامي ومتشدد فحالو…مغايصبرش ولااابد ميدير رد فعل لمهدي فحال هادي خصوصا انه استفزو بهاد الهضرة القليلة الادب…حتى خرج ريان عينيه من الصدمة فاش سمع شنو تلفض بيه مهدي فحق ضحى…
مهدي”غوت بحر ما جاد بيه صوته فهاد اللحضة من حر الالم الي حس بيه فحال ذبحة ديال الضو ف معصم ايدو نتيجة الكسر الي تسبب فيه زين الدين” : اععععععععععععععععع…
زين الدين”ماهضرش بمجرد ما سمع شنو قال تصمك وتبكم فهاد اللحضة ولا كيبان ليه غير مهدي يبرد فيه الحر دورو بجهد كان مهدي حاس بالفشل…شنق عليه شنقة الغدايد وضربو براس تا طاح لارض…”
ريان”دار ايديه على راسو كيبان ليه زين الدين جهل عليه فمكان عليه الا يتدخل باش يبعدو عليه ..” : زين الدين زين الديييييييين لا لا …تهدن عافاك زين الدين”شافو كيقبس فيه ولاخور منخرو دايز بالد.م باش يدافع على راسو عندو غير ايد اما لاخرا طرطرقها ليه…مشا كيزرب لعندو كيجر فيه ووالو.” واااا زين الدين عافاك ماديرش شي حاجة توصلك فالي مابغينا زين الدييين”غوت عليه باش يسمعو مكاين الي حس بيه تا بانو ليه شي عساسة جايين لعندو باش يشوفو اش كاين وهو يغوت عليهم” دغياااا حيدوه عليه…دغيااا اصحبي…
مشاو ليه بجوج وتزادهم ريان بزز باش جرو زين الدين من عليه تا تحماو عليه هما بثلاثة…
زين الدين”جناوح مناخرو كيفرفرو فحال شي ثور هايج فهاد اللحضة …كايبغي يفلت منهم كيكبلوه ولكن را واحد من هنا ولاخور من لهيه عاد ريان قدامو شادو وخايف لا يغفلو وينطحو تاهو ههههن”
ريان”شد لزين الدين فكتافو وكيشوف فيه فعينيه الي كيشوفو جيهة مهدي تنشر تما” : ششش زين الدين خويا تهدن كلشي غايتحل كووولشي غايتحل ماديرش شي حاجة تصدق مضيعاك على والو…الي دار شي حاجة غاياخذ عقوبتها..تهدن اصحبي غاتجيبها غير فصحتك وشكون مسوق ليك ؟؟
هاد جملة شكون مسوق ليك هي الي خلاتو يفيق من الجهلة الي جهل ويمشي ليه عقلو مباشرة لضحى اه لضحى هي الشخص الي عطاوها كاملين ثقتهم وخصوصا هو لكن ماتسوقاتش ليه وهي الي شمتاتو هذا اذا جينا نشوفو هي الي مشات وراء رغباتها فالحرية هي الي بغات تعيش الحرية بمفهوم غالط جدا…ماحس براسو حتى تهز تا تهز وبعدهم عليه بجهد تا كانو غايتنشرو تاهما ولاو كيشدو فالخوا لا ييطيحو…وهو يدور جيهة طريق سيارة …اما ريان شاف فدوك العساسة ..
ريان”وهو غادي تابعو” : عيطو ليه لومبيلونص وعلموه الى فاق الي فجهدو يديرو يمشي يجري على راسو فالمحاكيم تما نتشاوفو…”ضار مشا كيزرب لا يصظق مخليه زين الدين تا مشا كيجري سبقو يلاه غايحل الباب وهو يشدو تا خنزر فيه زين الدين بواحد التخنزيرة تقتل” غا خليني انا نسوگ عافاك ودير الي بغيتي…
زين الدين”كيهضر مغزز سنانو” : حيييددد من خنشوشي لا ندوز فخليقة مك تانتا…حاااايد ..
ريان”والو واش بغا يحيد عارفو مريض فهاد الحالة ممكن يطيح ليه سكر او يطلع…وتشجع واخا عارفو يقدر يدوز فيه تاهو” : وتقووول غا قتلني ومنخليكش تسوگ…انا نديك فينما بغيتي…
زين الدين”هز ايدو تا هزها وعطاها ليه بكروشي لحنك بالغدايد وضار جيهة الكرسي لاخور” : لداااااااااار داااابا….
ريان”معرف يشد حنكو الي خلاه كيوزوز بحر ضربة ولا يسمع ليه فلاخر سمح فحنكو وركب بزربة ديمارا الطوموبيل وكسيرا تاتحكو روايد فلارض مخلين الحموم…”
طول الطريق وهو ساكت عينيه كيشوفو القدام فحال القرطاس اما ريان بغا يجبد غير تيليفون يعلم مراد يعيط لتوبا تهز ضحى وتديها لشي قنت مالقا كيف يدير خافو يصوط فيه تاهو…ماتهنى تا سمعو قاليه وقف هنا …طلق سينيال وخفف سرعة تا علم انه غايوقف عاد ركن جنب الطريق ونزل زين الدين من سيارة هاز باكية الكارو ومشا بعد لهيييييه ووقف…
ريان”فهاد اللحضة هز تيليفون بالدعقة تلفو عليه بلاصة النوامر تلف ..قلب على نمرة مراد طاح فمراد كيعرفو فالمحكمة عاود دوز لمراد اخور ماطاح فمراد الي باغي تا بغا يسخف…بقا شحال كيصوني عاد باش جاوبو” : وااا الخراااا فينك الحبس…
مراد : نعل اصل مك اش بغيتي ؟!
ريان : فينك نتا ياكما فالخدمة ؟!
مراد : عاد خرجت وغادي لدار…
ريان : اويلي على عاد خرجتي…وطير ينعل جد بوك الكلب طيييييير لدار ولا الى تعطلتي علم عمتك تهز بنتها ويخرجو من دار انا متاااااايب الله يرحم بيها الواليدين…
مراد ؛ ياك شي باس مكاين…
ريان”بان ليه زين الدين لاح الكارو كيعسف عليه” : ماكاينش وقت للتفسير دابا قوليها دابا تخرج ومتبانش را جاي لضحى اليوم يقتلها لا بغيتي عتق لا لقيتي ماتعتق را مشات ليا نمرة معنديش…”يلاه غايجاوب مراد قطع عليه ولاح تيليفون فجيبو غير ركب شير ليه براسو باش يتحرك وهو يكسيري وطالب سلامة ومتمني يدخل مايلقاهاش لانه فهاد اللحضة كتبان ليه غير هي…”
مسافة الطريق حتى وصل لعين الدياب وضار على دورة ديال الفيلا دخل مخلاهش تايبلاصي يلاه ناقص السرعة كيوقف فسيارة حل باب طوموبيل خلاها كتغوت من لداخل ونزل كيزرب فخطوايه غا دخل وعيط عليها …
زين الدين : ضحااااااااااااااااااااااااا….
وصلات ل كلينيك وعقلها مرفوع فكلام خوها الي خلا كاع البيبان يتسدو فوجهها بخصوصا انهم يرجعو يسامحو زين الدين…طلعات لخدمتها كتخدم من فوق خاطرها بزز باش كتدوز ديك الخدمة ومحضرة عقلها وخا النص غايب مع خوتها خصوصا فوزي…يمكن هضرة فوزي صحيحة اي واحد يشوفك وسط حريق غايدخل يعتقك لكن الاحساس الي وصلها فلحضة فاش حضنها زين الدين وحاما عليها انها ماتقيصهاش نبشة من العافية …حقها الي جاب ليها فاش كانت حنان…هضرتو عليها باحترام غير بمجرد مكتوقف قدامو كتحس بقلبها عند فمها من التوثر والخجل…فاش كيشوف فيها فاش كيهدن راسو باش ميخلعاش …شي احاسيس الى كانو بصح من داك الشخص را كتوصلنا بالي حقيقية ..الحب الامان…واخا يعطيوه مية عذر وعذر مغاينفيش شنو كتحس فرح اتجاه زين الدين…للحضة فاش قاليها فوزي ديك الهضرة حسات بخنجر داز عليها حسات بالخلعة انها ممكن تفقد زين الدين وانهم عمرهم ميتفاهمو معاه وميتجمعو…هنا ادركت انها بصح واقعة فداك الشعور الي تكون فيها ملي عرفاتو مع مرور الايام قبل ميصارحها بالحقيقة الي كانت سبب الفراق…هنا ادركت انه بصح باغيها. وباغي يبدا معاها صفحة جديدة بدون كذب …يعني شاريها وباغيها بصح ملي وقف قدام خوتها وطالب ومزال كيطلب السماح وتفاهم بدون ميستسلم…هادشي كامل كيدوز فعقلها وهي جالسة قدام طابلة وعشاها قدامها الي مكلات منو والو …الشهية الي كانت ديما مفتوحة لفرح حتى فعز حزنها هاهي الان قدامها بدون ماتمد فيها ايديها…حتى وقفات عليها واحد الفرملية معاها فالمختبر…
دنيا. : حبيبة وخا نجلس حداك…
فرح”هزات فيها عينيها وهي تحرك راسها” : ايه خوذي راحتك…”تبسمات ليها البنت وهي تجلس لاحضات فرح انها مسكينة جايبة معاها روز وطون وحدو”
دنيا : ههههه هادشي علاش قديت مكاينيش دارنا ومعرفت مندير”بخجل”
فرح”تبسمات وخا فوق الخاطر وهي تحدر عينيها لداك طاكوس الي جايبة وفريت وهي تكحزو ليها” : احم ..غير خودي هذا ديالي جيت من دار معشية شبعانة غادي غير يبقى…
دنيا : اويييلي احبيبة لا كولي عشاك كاع الى جعت غادي ناخذ من عند مي تاجة وخا تسلخني ههههه
فرح : هههه لا لا تفرقي عليها هي مضاربة غير مع وجهها”كحزات ليها” كولي والله تاتاكليه غادي غير يبقى والله فحال انا فحال نتي مرة جايا الى جبتي شي حاجة ذوقيني معاك…
دنيا: الالة حلفتي منحنتكش لهلا يخطيك….”ردات ليها فرح الابتسامة وهي توقف مستاذنة منها…فطريقها جبدات تيليفونها من جيبها…دخلات لواتساب لقات عصام مخلي ليها ميساج جاوباتو ديك ساعة باش ميتشطنش عليها ودازت لعند زين الدين كتبغي تكتب وترجع تا كتكتب وتعاود ترجع تمسح تا فالاخير كتبات ليه رسالة..”
فرح : زين الدين الى كنتي مسالي خاصني نهضر معاك فشي حاجة…”رسلاتو طلعات ليها شرطة وحدة وقبل فاش شعلات تيليفون لقاتو مصوني ليها مع الوقيتة الي دخلات فيها لخدمة…
كيف وقف ريان السيارة ونزل كيجري تال عندو وفلداخل ديالو متمني يكون مراد وصل الرسالة ومتكونش مينكرش انها دارتها خااااايبة وبزاف لكن بقات فيه بجهد انها ضيعات راسها بهاد الطريقة ويمكن تجر وراها ناس منهم زين الدين الي كان غايقتل هذاك ويضيع راسو تاهو ….كيعيط ويعاود وتاحد مجاوبو فهاد اللحضة دخل ريان كيلهت حيث جاي يجري تابعو تاهو مسكين خدام معاه وخايف لا يوقع ليه شي حاجة فصحتو مع هاد الناس وكحل الراس الي مكيرحمش …
زين الدين”دخل كيقلب بجهالة عليها والو مكاينش الحس…طلع الفوق كيجري فرع الباب ديال بيتها والو ونزل كيجري ويغوت بحر جهدو ويدور هنا وهنا كي التالف الجاهل الي عقلو بغا يخرج كل مكيتفكر كلام المهدي الي نزل عليه فحال سم قسم ليه الضهر فهاد اللحضة حس بواحد شمتة من جيهتها ما فسوقها ما يتعاود…”
ريان : يمكن مكاين حد ازين الدين ..
زين الدين”دار صباعو فنواضرو كيضرب فيهم” : فييييييييييييييييييييييين هيااااااااااا…..”كااع دوك البيوت دخل ليهم جردة والو كلشي مالقاش ليهم الحس…فهاد اللحضة واقف ريان داير ايدو على جبهتو تالف حتى بان ليه مراد داخل كيجري يسول اش واقع…”
مراد : ياك لباس”بان ليه زين الدين جاي قاصدو منير…تا شنق عليه بحر جهدو” زز زين الدين ؟! …
زين الدين”عينيه حمررريييين” : فين بنت زا*** فيييييييين ؟؟
مراد : ش شكون بعدا ماعرفتش علامن كتهضر”مجا فين يكمل تاهو جمعها معاه بنطحة للمرة ثانية تا صلى عالنبي كون ما ريان شدو يتشبح فلارض”
زين الدين”وضار جيهة الباب بغا يخرج وهو يعيط ليه ريان ضار عندو منير” : تقرب جيهة عدو ربي نطحن ملتك….تقااااااود علياااا…
ريان”بقا ماد ايديه ليه تا عوج ليه راسو زعما واخا كون هاني” : صاف صافي على خاطرك…”متسناش زين الدين تا خرج ركب فالسيارة وكسيرا…”
مراد”شد حنكو تاني وناض كيطل عليه” : ااااش واقع مالو معاها ؟!
ريان”بقا كيشوف فسيارتو الي خلات العجاجة تا سمع مراد وهو يدور عاقد غوباشتو” : مصيييبة كحلة. مع بنت عمك والله الى مصيبة كحلة…كتجيب غير لمشاكيل لراسها بتبرهيش الي فيها يخ…
مراد : مالها الحبس تانتا هضر ؟!
ريان”عاود ليه شنو وقع بالضبط” : يلاه قوليا فين تعطي راسك لا سمعتي هاد العجب ؟!
مراد : وليني نسمعو منها !! ولا لا را اي واحد يبغيها حسيفة فشي حد ساهل اريان تطعن فشرف شي حد ..خاصنا نتيقنو…
ريان : فنضرك كون لقاها غايخلينا نتيقنو ؟! حسن ملي مالقاهاش كون قتلها ومنتيقنو تالمشرحة…”زفر بتعب” فففففف ليلة كحلة هادي…جاب الله علمتك تعلم عمتك تخرجها…
مراد”هز فيه راسو” : اش نعلم اش على انا لقيتها ولا جاوبتني معرفتهم فين هما تا تيليفون الكلبة طافي…
ريان : نعاااام ؟!”شوي سمعو الباب تحل ودخلات توبا هي وضحى شادة ورا ضهرها وداخلين فحال ماخاصهم تا خير..” ياااااربي نكون كنحلم…
دخلو بزوجات مافاهمين والو تا لقاوهم واحد واقف مدهشر فيهم وثاني جالس فلارض كيرمش شاد حنكو…شافت فيهم توبا الي كانت جايا شادة فبنتها لابسين غير جلالب عاديين بزوجات…
توبا : مالكم “شافت فمراد” مراد مال وجهك ؟!
مراد”شاف فضحى” : مالك نتي ؟؟!
ضحى ؛ مم ماليش …
مراد : فين كنتو ؟!
توبا : ضحى شدها صداع فضهرها وديتها لكلينيك”شافت فمراد الي وقف مخنزر فجيهة ضحى” مالك نتا بعدا اش وقع ليك…
ريان”ضار جيهة مراد الي بدورو ضار جيهتو وحدر راسو ب لا اله الا الله…”
مراد : عيطت ليك تا عيييت مال تيليفونكم طافي ؟! دابا بلا كثرة الهضرة اجي معايا لبارطما ديالي الي ف اناسي بقاو تما”
ضحى : علاش ؟؛ لا مبغيتش نمشي لديك اناسي مكنحملهاش..”قفزات من غوتة مراد الي اول مرة يغوت ” وااااا مكنتشاورش معاك الخراااا مكنتشاورش بقا لملتك غا تعزلي وتخيري ليا …لاكون لا نعطيك قصر فكاليفورنيا ولا دار بوعزة”خرج فيها عينيه ” ااا ولا عاجباك دار بو خرااا ياااك…
ضحى”صرطات ريقها” : دابا مالك ؟!
مراد : تخراج العينين عشرة لضص…زيدي قدامي يلاه…
توبا”وقفاتو” : بلاتي فين تديها ؟! واش هاد الهضرة باش كتهضر معاها ؟! مراد ؟!
ريان : ميمتي حسن سيرو معاه لا يصدق جاي لاخور مانتوما فخير…
توبا : فين نمشي ؟! ومال لاخور شكون ؟! شي حد فيكم يفهمني ااااش كاين وااااش واقع ؟!
مراد”غوت” وااااااااا مرت عمي وااااااااااااااااا الرب العالي تحركو قدامي واااا تحركووووو…..هالعار الى ما سمعو ليا تالهيه ونعاود ليكم…
يلاه كيهصرو حتى سمعو صوت الفران تحك بجهد قظام لارض تا تهزات ضحى وتحطت وهي تمشي حدا مها مافاهمة والو…ريان ضار جيهة مراد الي بدورو هز ايديه وخبطهم مالقا كيف يدير فهاد اللحضة والحال فات وهو بصح الي دخل…تا تحل وقف عليهم كينهج عينيه منيرين غير شافتو ضحى وهي تولي تقفقف….
توبا”ضارت لعندو” : زين الدين ؟!
زين الدين”مشافش فيها مشا نيشان ل ضحى طار عليها شدها من شعرها تا غوتات وقرب ليها وجهها لعندو” : تحركي معايا …
توبا : اويلي مالها ؟!؛
زين الدين”مداهاش فيها جرها من شعرها كتغوت وتشد فيه وطلب وضهرها كيوعتها ماحسش بيها وبالمها وغواتها وهي كتستنجد…تبعاتو توبا باش تهضر معاه والو جرها كي البرق داها لمكتب ودفعها تا جات لارض…”
توبا “تبعاتو كتزرب على شوي تعتر وطيح تا شدت فالحايط مشا ريان كيجري باش يشدها اما مراد ماتلا ليه فين يهضر عرفو مغزز عليها وبغاه يعطيها علاش تقلب يلاه تحشم وتركن لان الي يربيها مكاينش وبوها الي يسول مكاينش ليه ايام وهو غابر مسافر لشي قنت يعلم الله فين زاد…” : اولدي غا قوليا اش دارت ؟! الله يرضي عليييك “ماجات فين توصل عليه دفع الباب بجهد وسدو عليهم..” وااااااااا زين الدييييييييييين عافاك اولدي غا قوليا اش دارت…
ضحى”شافتو سد الباب حسات بقلبها نزل الموت قدامها لدرجة الام ضهرها ماحساتش بيهم…ولات تصرط فريقها وتعاود وهي كتشوفو فحالة مكتبشرش هكاك بقات طايحة فلارض ووجهها ولا صفر.”
زين الدين”سد الباب وضار لعندها تحنى على ركابيه…وشدها من وجهها زير ليها على الفك ديالها تا خرجو شنايفها حسات بيه غايعوجو ليها من بلاصتو…” : علاااااش !!! ااااا…
ضحى : نننن اهى اهى…
زين الدين”زااااد زير عليها تا حسات بالقطيع خدام لدرجة ضهرها مابقاتش داتها فيه..حط صبعو على فمو وعينيه خارجين فيها ” : جااااااااوبييييني والرب الي شانو عظيم وضحكي عليا مزااال حسبي هنا قبر الكلبة مك …
ضحى”هزهزات ليه راسها بالخلعة ودقان على زين الدين من مها خصوصا فاش شافتو كيداير فوجهو…” : نننن اهى اهى…
زين الدين : مهدي البقالي هو مهدي برادة الي نعتي ليا ياااك ؟!!! عرفتي اش خرج من فمو ؟!
ضحى”يلاه غاتجاوبو تا سمعات صوت دقات بجهد الشي الي خلاه ضار منير ووقف توجه ناحية الباب وحلو بجهد صاعر”
زين الدين”شاف فعمتو الي عقلها خرج وعينيها حمرييين بدموع” : شنو كاين…
توبا”شافت بنتها طايحة فلارض وجهها ولاو فيه بقع حمراء نتيجة الضغط الي ضغط عليها بايديه..مشات لعندها كتزرب” : ضحى !!! …
رجعات لخدمتها..ومرة مرة كتشوف لا يكون جا منو شي اتصال او ميساج لكن بدون جدوى ..سمعات صوت نداء باسمها وهي دور كانت نورة هازا شي ملفات..حطاتهم ليها ..
نورة : افين ساهية ابنتي هههه
فرح : ههههه تا فين هاني..
نورة : هادو الى بوسيبل طلعي لعند قسم جراحة العيون فطابق الثالث…عطيهم لدكتورة منال ولا غير ل بنت الي فلاكوي تما هي تكلف …
فرح : واخا…”هزات دوك الملفات تقريبا كانو ثلاثة خرجات من قسم المختبر دخلات لاسونسور وركبات رقم المصعد وهي طلع نيشان لطابق ثالث…مشات لاكوي وقفات مالقات حد بقات كتسنى شكون يجي كانت دنيا صاقلة تما …حتى بانت ليها حنان جايا هازا خنافرها لسما وعينيها مكيشوفوش فلارض تلقات ليها واحد الفرملية عطاتها شي ضواصا …وتمات جايا تا بانت ليها فرح واقفة فلاكوي وزادت كانها مكتعرفهاش او اول مرة تشوفها وتا فرح بادلتها نفس الشيء…وهي تجي واحد البنت والي نفسها كان طاحو ليها دوك القراعي ديال تحاليل نهار الواقعة…”
هي : عاوتاني نتي ؟!!
فرح”ضارت شافت فيها وهي تصغر عينيها ” : فحال عقلت عليك ؟! واش نتي الي تصاطحت معاك …
هي : اااايه اناااا هههه اش جيتي ديري تاني ضربيني هههه..
فرح : اهههه لا حاشا على نضربك ..غير ديك المرة والله ماشفتك وبقيتي فيا غير مخليتينيش نعاونك…
هي : تانا طلع ليا دم كنت شوي نخرج على خدمتي غير ستر الله ..مهم انا سلمى و سمحي ليا على داك لو جيست الي درت ليك..
فرح”عوجات راسها” : الله اودي دنيا هانيا…غير انا وديك سيدة الي متفاهمناش وعلى اي طلبت منها سماحة ونسينا داكشي…
سلمى : اودييي هاديك غير كتسطاجي كتدخل مع بروفيسور لعمليات مزال كتقرا…”قربات ليها وهضرات بشوي” داخلة غير بالمعرفة من جيهة مول شي على ماعرفنا را كانت مخطوبة ليه …
فرح”حسات بقلبها ضرب بجهد تا سرح ليها نمل فذاتها..بغات تسول خافت تفرش..” : وااه احم ششش شكون مول شي ؟! بروفيسور علي ؟؛
سلمى : هههههه لا لا لاخور مكيبانش بزاااف شفتو مرة وحدة واقف هو وياها وبروفيسور علي طوييل ومگضر وزويين عينيه خضرين…ماعرفتش اسميتو…
فرح”حسات بسطل ديال ما بارد تكب عليها فهاد اللحضة تا تزنگو حناكها وبانت فيها…جاب الله البنت الي فلاكوي عيطات لسلمى وجات عتقات الموقف سلمات عليها ومشات..مدات فرح الملفات لبنت واستاذنات منها وجهها مغير فيه اللون…حسات بواحد الاحساس فشكل حسات. بالي مابغاتش تسمع عليه يكون مع وحدة …
~~~~~
مشات كتجري لبنتها الي غير شافتها فحال شافت منقذ ليها منو…لقات جيهة الفك ديالها كلو مطبع وكتوجع بضهرها…
توبا”عينيها خارجين ” : ضحى !! مالك “شافت فزين الدين” اش واقع مالها علاش درتي ليها هاكا ؟!!
مراد”عصباتو” : ونتي مااالك خليه منو ليها هو الي عارف مالها خليه يهضر معاها لاش مدلخة ياك كتخليه بينو وبينها مالك ؟!
زين الدين”صعر عليها ملي شاف ضحى بغات تهرب عن طريق مها وهو يمشي ليها منير مابقا كاع تسوق لخصوصيات …قرب تال عند وجهها مزياااان” : علميها مالك ؟! قوووووولي لمك اش وصلك لهادشي وشكون ضربك !!! مزال كنتسناااااك تجاوبي !!؟
توبا : علاش تجاوبك ؟!”شافت فيه و فمراد وريان الي واقف بعيد” علاش تجاوبكم اااا !؟
زين الدين”جهد صوته ” : وااااااااااهاااااضرييييييييييي…
مراد”شاف مرت عمو حامية عليها” : هضري جاوبيييييه ابنت الاصل …مقرب ليك هذاك خينا ولا لا ؟! هضري حسن منعرفو شغلنا…
توبا”خرجات عينيها” : اويلي اش هاد الهضرة امراد ؟؟ اااااش هاد الهضرة…
مراد”,رد ليها تخنزيرة” : بنتك الالة ولاو ولاد الكلااااب ينعتو فيها…ولا البراني يمد عليها ايدو ويجي ينعتنا بالخايب بمسبتها…بنتك امرت عمي بغينا نعرفو منها واش بثح الهضرة الي تقالت فحقها …بنتك امرت عمي نعتو فيها فشرفها…قاليك مابقاتش بنت بهاد المعنى…”هاد الكلمة الي سمع زين الدين رجعاتو لهضرة مهدي الي قاليه فحال عاود كب العافية فليصانص..دفع عمتو بجهد تا كان غاتجي لارض ومشا ليها جرها من ايدها وشدها عاوتاني من شعرها زييييير عليها بحر جهدو تا غوتت ونقزو دموعها… “وقربها ليه مزياااان” هضرتووو صحيحة !!! كذبيييييه ليا وقولي مقربش ليك كذبيييييييه اختي وماتخلينييييش ندير ليك سيرتيفيكا وتشمتي فيا العباد…كذبييييه وحنتيني ابنت عمتي “زاد خرج عينيه” هضريييييييي…انااا عااارف ختي صغيرة بنت ناس …
ضحى”كترعععدد من شافت وجهو كيخلع عروق نواضرو بانو خضريييين…وعينيه حمرييين…ماقدراتش تهضر حدها حركات راسها هز ايدو ونزل عليها بتصرفيقة لوجه تا تسمعات فاركان المكان فهاد اللحضة غوتات توبا ومشات كتجري دفعاتو بحر جهدها تا بعداتها عليه ودارتها ورا ضهرها”
توبا : وااااااااا ماتمدش عليها ايدييييييييييك…ماتقيسهاااااااااش …بزااااف عليك تا تشك فيها …مالها شايطة ليك …عطيها تيسااااع اسي بعد منها ماتقربش ليها انااا مها معاها اسي والى بغيتي تبدا تمن علينا معيشنا برزقك ا سي انا نعطيك تيساع هاحنا خارجين ليك منها…هاحنا عاطينك تيساع …”لاحت ليه هاد الهضرة كي السم تا حل مراد فمو وحط ايدو عليه… الي عمرهم توقعو تهضر هاهي هضرات شدات بنتها وجرتها معاها وخرجات…”
“قد يجرحك كلام بعض الناس، لكن تذكر أنّ الصواعق لا تضرب إلّا القمم.”…
الكلام الجارح فحال الى ضربتي مسمار فوق لوحة خشب و الاعتذار فحال فاش كتحيد داك المسمار ولكن كتبقى ديك الحفرة.ديالو…هذا من الشخص البعيد فمابالك باقرب شخص ليك خصوصا الي كتشوف فيه باك مك عائلتك كتشم فيه ريحة ماتبقى ليك من العائلة..كتحاول ما امكن تجمع معاه ومضيعش اخر شخص بقا ليك منهم…
ريان”ماعرف اش يدير دار ايدو على فمو وضار لهيه مشا مابقا قدر كاع يوقف تما ويزيد يسمع وشنو غايتقال بعد الذي قيل”
زين الدين”هز حاجبو” : ياك الالة …
توبا”مزال مخرجة فيه عينيها” : ااااه اسي …وااااايلي عيقتي كاااع زدتي فيه كاااع فهمنا بالي خايف عليها باغي تربيها كتصرف عليها باش تاهمها ليا فشرفها ؟”قربات تااال عندو” تال هنا وحبس..بنتي ماجبتهاش من زبل “ضربات فوق صدرها” راني خسرت عليها دم جوفي تا صدقت ليا وحدها وسط عشرين واحد طاحو والي تولد ومات…الى حيث كتصرف عليها يعطيك الحق تمد عليها ايديك وتشك فيها..والله اسيدي لا بقيت ليك هنا مالي على حالي مااااالنا…ضرب على جيهتنا الى كان غا هاد الدل يوصل لهاد المواصيل…”مخرجة فيه عينيها لواحد درجة وجهها وراسها كيترعدو بالغدايد ولون تبدل ليها فوجهها…
زين الدين”من صدمة الي تصدم تلجم ليه فمو فهاد اللحضة مالقا ميقول سوى انه هز ايديه بزوج وهبطهم بجهد حرك ليها راسو بثقاااالة..قلب دورة وخرج من المكتب ضرب فيهم وزاد…”
توبا”ضارت لعند بنتها ووقفتها” نوضي تكعدي يلاه…”وقفتها وجرتها خرجات بيها قدام مراد الي بقا غا حال فمو تاهو صدماتو بردة فعلها…طلعات هي وياها سابقاها ووراها بنتها دايرة ايدها على فمها وتبكي…تا وقفات عند بيتها وضارت عندها” : جمعي ماعندك وتسنايني…
ضحى : فين اهى غانمشيييو…
توبا : لجااايحة الكحلة..جمعي وسكتيني…”خلاتها كتشوف ومشات تاهي لبيتها…”
اما زين الدين من الي خرج من المكتب ماعقلش على راسو تال لقا راسو راكب فطوموبيل ومكسيري لوجهة فين يعلم الله…باقي هضرتها كتسمع فطبل وذنيه ماهضر ماتكلم مادار تا رد الفعل تقول داك الغضب الي كان جاي فيه وصعرة تطفات وولا بلاصتها واحد سكوون رهييييييب…الوجهة الي شاد ماعارفهاش غير غادي وصافي ومولاها ربي…
اما فالفيلا داز وقت نيت ومراد بقا جالس فوق الفوطوي الي لتحت عند الباب كيخمم فالي جرا من قبل بشوي…وصدمة تاهو باقي ماثرة عليه من ناحية مرات عمو الي متوقعش يخرج منها هاد الكلام…من ناحية تصرفها طبيعي كونها خافت على بنتها وكونها ماتقبلاتش بنتها تخرج على راسها بديك الهضرة الي سمعات عليها…لكن بعض الكلام او اذا ماقلنا اغلب الكلام الي خرجات من بعد كان قاااااسي جدا فحق زين الدين…جبد تيليفونو من جيبو ودوز ل ريان الخط…
مراد : تبعتيه ؟!
ريان”سايق سيارة مراد” : هاني تابع طوموبيل مبغيتش يعيق بيا ماناقصنا صعرة منو…”كيهضر معاه وكيشوف فطوموبيل تا شوي فلحضة غفلة مابقاتش بانت ليه” ناري هذا فين مشا ؟!
مراد “وقف”: وردتيه الخرااا ؟؟
ريان : ماعرفتش عاد كان قدامي فرمشة طار اصحبي…
مراد : وتحرك دغيا قلب عليه ….ورد معاه البال وخا من بعيد لا يمشي يطيح ولا توقع ليه شي حاجة…”شاف ساعتو” ولوحدة ونص ديال ليل هادي …”شاف عمتو نازلة هازا صاكها فايدها ومهبطة فاليزتها ووراها ضحى تاهي..”قطع قطع من بعد ونعيط ليك…سربي شوفو فين طار…
توبا”شافتو جا لعندها وشد من عندها ليفاليز” : وصلني لشي اوطيل ولا ديني لشي بلاصة تايصبح الحال …
مراد : تحركي لداري جلسي فيها…تما بقاي معندك فين تمشي ولا بغيتي توخري عند راجلك ؟!
توبا : لا معندي منمشي ندير عندو …بلا ماتديني لدارك تانتا على اخر يامي نولي ندور عند ديور عباد الله…
مراد : وفلوس لوطيل عندك ؟! هانتي كاع جامعة فلوس ؟؟
توبا”جبدات من صاكها بزطام حيدات منو كارط كيشي ديال كونط الي فاتح ليها زين الدين من نهار جابها من بيوت الكرا هي والغالي…وضارت عند ضحى نترات ليها صاكها وجبدات منو كارط كيشي ديالها تاهي حطتهم ليه فايدو” : عطيهم ليه وقوليه الله يرحم الواليدين على خيرك…
مراد : ولواه ماشي لهاد درجة عيقتي اميمتي عيقتي واه واخا يكون قاتلها ماتواصلي معاه لهادشي…
توبا”غوتات عليه” : مااااااا سوقكش اسي ماسوقكش…بغيتي توصلني لشي جايحة مرحبا مابغيتيش شد ليا طاكسي ولا عطيني تانتا بتيساع…
مراد”جر ليها الفاليز بجهد خنزر جيهة ضحى ورحع شاف فيها” : غاتحركي قدامي لبارطما ديالي بلا غوات عليا وبلا ديك الهضرة ديال عزة نفسي الي خرجت منك …بلا منهضر ونقول شي هضرة الي تخليك تقطعي معايا تانا الهضرة…بلا مندخل معاك ف تفاصيل البرهوشة الي والدة عرفناك ماشفتيها تا شفتي نجوم ديك الهضرة عشناها معاك ماشي غاتجي وتعاوديها لينا…زيدي تحركي لداري هادشي الي كنديرو معاك اميمتي واجب علينا ماشي كنصدقو عليك…لا جينا نصدقو كبيرنا نعاونوك من شهر لشهر ماشي نحطو كاع رزقنا بين ايديك تصرفي فيه كي بغيتي”قالها وعينيه خارجين فيها لاح ليها هاد الهضرة تقبلها مرحبا متقبلهاش تضرب راسها مع الحايط” ..
وصل وقت متاخر من الليل وهي طبعا فدوام عملها…كانت الخدمة شوية خفيفة سالات من بعض نتائج التحليلات على الورق وجلسات فوق الكرسي ترتاح كتشوف فنقطة بعيييييدة مربعة ايديها وعقلها غاااايب وميمشي غييييير مع حنان الي كانت صدمة هو انها كانت خطيبة زين الدين فالسابق…علاش ماقالهاش ليها ؟! يمكن مزال مهضروش ومتحاوروش الحوار الي خاص يكون بين اي زوج كيتعرفو على بعضياتهم…هو شيء طبيييعي يكون عندو ماضي قبل ميعرفها كيف ماهي عندها ماضي قبل متعرفو…طبيعي يكون عارف نساء قبل منها لكن بمجرد مكتفكر فهاد القضية كتحس بقلبها كتشعل فيه العافية…شي حاجة كتخلي صدرها كيخنقها فاش كتعرف انه عرف شي حد قبلها…يمكن الاهتمام منو الي ولا منصب ليها بالكامل غير ليها هي وحدها خلاها تبغي تكون غير هي وحدها الاهتمام يبقى غير ليها…يشوف غير فيها ويعرفها غير هي صافي…بقات تفكر وتفكر وكل متفكر كتبغي تجنن تا فاقت قافزة من سهوتها غير على صوت شي حاجة طاحت كانت ايمان طيحات گرافوز من فوق المكتب …
ايمان : ههههه خلعتك …
فرح : كنت ساهية هذاكشي علاش ههه.”بضحكة من فوق الخاطر غير صواب. وصافي”
ايمان : عيييتي شفتك ؟!
فرح : لا لا غير ماشي لخاطري وصافي ههه ساعة الله وصافي..
ايمان: كيبان ليا بيرمانونص دليل ماوافقاتكش …
فرح : يمكن ولكن معندنا منديرو…”تبسمات ليها ورجعات استانفات العمل ديالها ومرة مرة كدخل لتيليفون كطل لا يكون جاوبها لكن كل مرة كتمشي طل كترجع بخيبة امل…بقات هكاك الي حتى عطاتهم نورة وقيت ساعة يرتاحو فيها ورجعو تاني لخدمتهم تا صبح الحال ووصل خروجهم …حيدات طابلية وعلقاتها بلاصتها وحطات البادج فصاكها هزاتو وخرجات هي وايمان وهي فطريقها وكتدخل الواتساب ووالو مادخلش ..ف قررات هي تعيط ليه دوزات ليه اتصال عادي ماشي واتساب كتسنى يصوني لكن مع الاسف الخط مغلق…عاودات وعاودت ووالو….حتى لقات راسها خرجات حتى صونا ليها تيليفون جاوبات بلهفة يلاه شافت شكون ساعاك كان جدها الي عيط ليها…
فرح”بدون روح” : ابا فينك ؟
محجوب : هاني گدام باب على برا…
فرح : واخا انا نعلم شيفور الطوبيس الصغير ونجي ..”قطعات معاه ومشات لعند شيفور ديال ميني بيس دقات عليه من شرجم” با ناجي غير بوانتي بالي ممشيتش معاك انا غانمشي مع جدي كيتسناني برا…
ناجي : واخا بنتي في امان الله…
سلمات على ايمان ورجعات ادراجها طلعات لفوق وخرجات من الباب رئيسي تال برا ضارت تشوف تا لقاتو واقف بسيارة ديالو نوع suzuki ديال مالين سلعة والفلاحة…حلات الباب ودخلات سلمات عليه…
فرح : توحشتك ابا بزااااف”عينيها غرغرو”
المحجوب : وهادي هي الوجيبة دوزي معاها هاد اليومين وحيدي وحشك هههه…اسيدي على بركة الله”ديمارا طوموبيل تا قاد نضاضرو وكسيرا مباشرة لمدينة سيدي بنور …طول الطريق وهي كتدخل الواتساب وتشوف واش دخل والو من البارح ملي صونا ليها مع العشرة دليل وهو خارج وتا تيليفونو طافي وخا حداها جدها قالت تجرب الى صونا تقطع لكن مزال طافي وكل مكيزيد الوقت كتزيد تخلع عليه لا يكون وقع ليه شي حاجة ولا مرض ثاني ووالو….حطات راسها على شرجم كتشوف فالدنيا وطريق والاراضي حتى دخلو لجديدة وشدو طريق سيدي بنور وهي كتشوووف بدون متهضر ولا تكلم مزال وحتى جدها ما هضرش خلاها على خاطرها…ماحساتش حتى داتها عينها ونعساااات من فرط تعب ماحلاتهم الا على صوت خالها كيفيق فيها وجدها كيضحك…
خالها : وااا البگيرة تي نوضي هههه
محجوب : خمرت هههه
فرح”كمشات حجبانها من اشعة الشمس وعلى حركات ايدين خالها فاقت وحلات عينيها كتشوف فيه…تا بدات تفوه” : امممم خالي…
خالها : اصباح الخير الخمير…تي كاع هذا نعاس ولا…
فرح”خرجات من طوموبيل وسلمات عليه” : عييييت…مناعساش من بارح والله…فين خالتي نعيمة(مرات خالها)…
نعيمة”عند الباب” : ايوى را سايرين نتسناو فك تفوقي(تفيقي) هههه”جات عندها سلمات عليها”درتيها زينة وجيتي …
فرح”تبسمات” : يااك بعدا هههه فين ياسين وهناء جاو من كازا ؟!
نعيمة : مجايينش هاد اخر سيمانة عندهم امتحانات سايرين يراجعو…
محجوب : اتي دخلي ليا بنتي من برا ونتي سايرة تحاتي معاها ظخليها لا يضربها ليا البرد تي شتك تهنيتي على ولادك واكلين شاربين دافيين وتجوعي وتبردي ليا بنتي …
نعيمة : ههههه حاشا عمي حاشا”عنقتها ودخلو لداخل كاملين لقاتها موجدة فطور بلدي ياااا سلام…اشمنك يا خبز الخباز زبدة بلدية…برقان ( جمع بريق هو الابريق ديال اليمنيوم داك طويل ) واحد فيه قهوة كحلة معطرة وواحد فيه حليب فايض سخون…بيض بلدي مصلوق زيتون زيت العود…عسل حر وجبن …وطرح ديال مسمن فوق الطبق وصينية اتاي وطبسيل حلوة ديال كوك وغريبة …عاد الفاكية …منضر كيشهي ويفتح نفس …حيث هما قراب لاراضي الي على برا…دارهم وسط الفدان ديالهم…
فرح : الله …
نعيمة : وشتي دابا ابا اش موجدة ليها…
محجوب : لا هنا زمتيني امرت ولدي “هز ايدو وخبشها” ههه معدي ميتسالك…
فرح: ههههه “صونا تيليفونها فهاد اللحضة بدون شعور جبداتو باش تجاوب لا يكون زين الدين …لكن كان عصام …”
وصلها مراد هاديك الليلة للشقة ديالو…كانت صغيرة شوي على قد جهدو من برطمات خمسة وعشرين مليون…فالطابق الاول حل ليها الباب تا دخلو مكانتش مفرشة كاملة كان فيها غير فراش بيت نعاس والبيت فين كيتفرج اما الصاالون باقي خاوي مافيه والو من غير شي كؤاطن لكن المطبخ كان مجهز وثلاجة الي كانت خاوية فيها غير شي دفيش لا غير…عطاها ساروت دخلات هي وضحى ومشا من بعد ما خلا ليها الفلوس باش تخرج تقدا فالصباح لفطور وشنو يخصهم…
صبح الصباح الي مجاهاش كاع نعاس تا صبح عليها وهي حدا شرجم كتفكر فحياتها الي غاتقلب راسا على عقب…كتفكر دابا منين غاتجيب فلوس باش تاكل وتشرب وتصرف على بنتها المفششة بشكل غير معقول…عارفة راسها دللاتها بزاف لدرجة كلشي كيجي عندها كان مخاصها حتى خير كتلبس الغالي تاكل بالغلا ديما كونطها فيه الفلوس على حساب قرايتها الي كان مخصصو ليها زين الدين اما لا تكلت على باها فكان كيعطيها من جيبو…قبل متفيق بنتها الي شااابعة نعاس…هزات تيليفون وتاصلات بيهحيث عارفاه انه كييفيق بكري…بقا شحاال كيصوني عاد جاوب…
الغالي : خبار الخير ؟!
توبا : بلا منكثر عليك الهضرة…انا خرجت من دار زين الدين انا فبرطما ديال مراد الي هنا فاناسي…
الغالي : وعلاش خرجتي ؟! ياكما ناوية ترجعي ليا ؟! لا بغيتي ترجعي راك عارفة شرطي سني ليا وميخصك خير…
توبا : غانسني ولكن غانسني وراق طلاق اسي ماعندي مابغيت نعيش معاك…عيطت ليك باش تبدا ترسليا فلوس مصروف بنتك انا مغاديش نقد على فلوسها راك عارفها باش كبرات وفاش عاشت…شوف اش يسلكك ودير ليها ولا ليا شهرية…مغاديش نبقى عايشة على فلوس ناس …
الغالي. : ههههه الي هما ولد خوك ههه ولدك الي كنتي ضلي فارعة ليا مخي بيه ؟ ولدك الي كتقولي هو الي هازنا ههه ولدك الي عايشة من خيرو وخميرو وكتباهاي ليا بيه ولد خويا طبيب ولد خوسا ذهايبي…شفتي فين وصلك ؟ مادار فيك خير نتي الي عمتو مربياه ويدير فيا خير…منتعجبش والله العظيم منتعجب…وليني هذا هو اخرت الي يجري على راجل قد باه وينسا خيرو هذا هو الي يحط راجل هزو ملي كان برهوش وطوال وعراضو كتافو ولينا نبانو ليه حشرات…هذا هو سر الي وقف ضدي الحق نتوما مكتبغيوهش كتبغيو غالي يعطيكم ريالات تا طيحو براسكم وتشبعو دل ويجري عليكم عاد تقولو ان الله حق…مزاااال ربي غايصرف فيه داك ولد خوك مزاااال يطب فكلشي ويبقى الله الله…نهار درناه ولدنا ضربنا لحنكنا…نهار بنينا ليه الوتاد غرسهم فضهرنا….مخلا فيا غالي نسا فاسد رشايوي …بنت الناس الي خطبنا وبغينا نعولو عليها تعطينا الولاد طمع لينا فيها…هاهو وصل ليك نتي وختم بيك…وهذا سرك ابنت البغدادي هذا سرك ومزال العاطي يعطي…
توبا : كملتي عليا هضرتك الناقصة ؟! على نتا ساهل الغالي ؟ على نتا قليل ففعايلك…يحساب ليك نسيت الخدامة الي لقاك با فالبيت دسال الخزين معاها على نسا الولد الي حملت بيه ومات وفينما نحمل انا طيحني من دروج ولا ضربني تايموتو ليا فكرشي…على انا لاش صبرت ليك ولدلك اولد لحرام لاش صبرت ؟! على قبل ديك البنت الي كتبها ليا ربي بزز باش صبرت ليا وهي وسط كرشي كتضرب ومكنززة ليا فكرشي تا كلعت لفوق كون ما ربي كون ماتت تاهي…انا بنتي ماشي خريتها انا بنتي شربت عليها المرار …كون ماهي عمري نعرف شنو هي الام ..بغيتي دير الولاد من غذا نعيط ل ريان يحل ليا ملف طلاق وسييير ولد ولا خرا …انا علمتك دير شهرية لبنتك بغيتي وكان عندك ضمير الابوة صرف عليها …مكانش عندك ضمير خليتك منك لله..”قطعات معاه وتنهدات تا نزلو دموعها يجريو حتى دخلات ضحى كتحك فعينيها وتفوه”
ضحى : ماما مدرتيش الفطور ؟
توبا : مزال مخرجتش نتقداه من برا..شنو بغيتي تفطري ؟!
ضحى : بغيت اومليط بالفروماج و لاداند فيمي وبغيت موكاتشينو ديالي الي كتصايب ليا مي خديجة…
توبا”لقاتها عالقرص” : بغيتي البعر لا ؟؟ “وقفت” انا غاديا نجيب شي مسمن وملوي وفرماج والحليب …والبيض تا العشية ونخرجو نتقداو من شي سويقة هنا…
ضحى : لا بلاش من سويقة سيري لكارفور وتقداي…وزايدون مابغيتش ملوي ممشهياهش…”جمعات شعرها لفوق اسفنجة” خاصني نمشي لكارفور تقادا ليا شامبوان ديالي وشي كريمات خاصني نكومونديهم ديال ordinary …
توبا : نساااي عليا الكريمات ونساي عليا داك الفشوش الي ولفتي…غادي نجيب اش قسم الله قضي بيه…داكشي الي كنتي مولفة نسايه…الى ما دار ليك باك شهرية عدي باي شامبوان…هذا جهدي عليك…
ضحى”خرجات عينيها” : كيفاش نعدي بالي كاين ؟ اويلي اماما شعري مغايبغيش ليا اي شامبوان “جاتها البكية” وتقادا ليا ميمكنش ندير واحد اخور من غيرو هو الي خرجات ليا طبيية لشعري …بغيتيه يخسر ماغايبغيش ليا اي شامبوان راني صابغاه اماما وفطوري هذا الي ولفت …
توبا”جرتها من دراعها مزيرة عليها” : شووووفي عندي جوج كلمات يا تقبلي بالي وجد يا سيري عند باك وعيشي معاه وسط الخانزات الي كيجب…”عاودت زيرت عليها تا غمضت عينيها” يحساب ليك غاندوز الهضرة ؟ غذا ولا تنين زيدي قدامي عند طبيبة ندير ليك سيرتيفيكا …
ضحى”خرجات عينيها” : علاااش اماما ؟!
توبا : باش نلوح ليهم فوجههم بالي راكي بنت ونوريهم الشك فبنات ناس كي داير..”طلقت منها” سيري غسلي وجهك انا شوي ونجي…
كان عصام الي ديما كيتشغل بالو عليها…غير حس بيها وصلات صونا ليها…كان عند بالها زين الدين لكن مع الاسف مزال مابانش حتى من ريان ضيع طريقو فديك الليلة تا صبح الحال وهو كيقلب عليه من بعد ما انضم ليه مراد وحتى وليد الي خلا خدمتو ومشا يقلب معاهم طول داك الليل ووالو…حتى زقفو فواحد السطاسيون ودخلو توضاو كان الفجر كياذن صلاو فجامع ديال القهوة وجلسو رتاحو ورجعو تاني يقلبو حتى صبح الحال….
ريان : نعيطو دابا لبا الحسين ؟!
مراد : تت كيفاش نسينا ؟ سير سير لمحلات لمحل القديم ديال جدو”ناضو ديك ساعة خلصو وخرجو ركب وليد فطوموبيلتو وركب ريان ومراد فطوموبيل…وانطالقو مباشرة لمدينة فين كاينين المحلات …نزلو بثلاثة من بعد ما بلاصاو سيارات بعيد شوي على المحلات…وتمو غادين وكيهضرو…”
ريان : هذاك صلاح كون غا علمتوه ماحدو مزال مادخل من كونجي يقلب تاهو…
وليد : الااااا غا خليه حجارو يشدوه هذاك لا قلنا ليه يقلب يدوز من حداه يتلاقا بيه يسلم عليه ويمشي يقلب عليه…
مراد : خليه بلاش خليه مرتاح فدارهم زايدون مكاينش مشا لعروبية عندهم شي عرس ولا موت…”وصلو لقيصارية مشاو نيشان لعند المحل الكبير لقاو محماد تم..يلاه غايسولوه”
محماد : اش كاين اتا ؟ افين واحد ولد الحاج غبر علينا هادي ليام …
مراد”ضار شاف فريان الي شاف فيه وشافو فوليد…” : مجاش زين الدين ؟!
محماد : لا ماجاشي نيت بغيتو ي قاد ليا شي مسائيل هنا ماااشفناهشي…
مراد : تت واخا با محماد دابا نعلموه”ربت ليه على كتفو وخرج هو ودراري مشاو نيشان عند محل با الحسين…لقاوه يلاه نازل من سدة هاز فايديه صينية القهوة يحساب ليهم معاه زين الدين ” با الحسين صباح الخير…
الحسين”من تحت نضاضر” : اه اه عاش من شاف وجوهكم”كلهم باسو على ايديه وراسو” اش هاد مجايب الخير ااا؟!
وليد : احم با الحسين ماهضرش معاك زين الدين ؟!
الحسين”كمش حجبانو. وحيد نضاضرو” : لا !! ياك شي باس مكاين ؟!
ريان : والو غير بغيناه كنعيطو ليه مكيجاوبش…
الحسين : اش واقع حتى مكيجاوبش…
وليد : تا والو غا”قاطعو”
الحسين : وليد جيني نيشان اولدي وگوليا اش كاين داك دخول والخروج فالهضرة مجايش معاكم راني عارفكم ملي كنتو ديرو ليكوش …مال ولدي اش وقع ليه ؟!
مراد”تنهد مخرج انفاس من اعماق خاطرو…قبل ميبدا ليه الهضرة حيث عرفو بالي عاق بيهم كاينة شي حاجة والا مغايجيوش كاملين يسولو عليه اذن غابر ولا شي حاجة طرات خلاتهم يخرجو يقلبو عليه فين زاد…عاود ليه شنو جرا بالضبط لكن مع حذف مشكيل الحقيقي ديال ضحى حيث هما بنفسهم مامتاكدينش ان هضرة مهدي صحيحة مغايجيوش ويتبلاو عليها وحتى زين الدين بنفسو مابغاش يجزم حتى يتاكد لان الاتهام فالشرف ساااهل ينزل ك باطل على الواحد وصعيييييب يتحيد اذا ما تبتات البراءة لكن كيبقاو الاثار ديالو على طول الزمن…حتى من وليد مقالوش ليه ولو ماحصرش ريان حتى هو مكانش غايعرف شنو وقع لضحى بالضبط…غالبا او ديما لازم نسترو شي حد مهما كانو اغلاطو ونطلبو الستر وسلامة لان الانسان ماحدو عايش فهاد دنيا ممكن يتبلى بمشاكيلها فهادشي علاش خاصنا منتشفاوش فالواحد ونطلبو ليه الهداية ..بقا كيعاود ليه حتى قاليه اخر ماخرج من فم توبا الشي الي خلا الحسين يتصدم وتبان ردة الفعل ديالو على محياه ..هز مراد ايديه وهبطهم ” : هادشي الي كاين…
الحسين : اشاوا هادشي كنسمع ؟!
ريان : دابا الي عطا الله عطاه ابا …بغينا غير نعرفو فين هو قبل منوصلو لعندك عيطنا لدكتور علي تاهو ماشافوش وخليناه تاهو كيعيط ويقلب بطريقتو…بغينا غير نتهناو عليه راه مريص والله ابا الحسين الى انا الي حضرت ليه فاش كنا جايين..
وليد : بلا هادشي هاد تواخير كتر عليه شلا ضغط كنضن واقيلة عاود ليك على مشكيل العافية الي شعلت ف ديبو ياك ؟!
الحسين : ايه عاود ليا…
مراد : بزاف ما وقع ابا بزاف ونتا عارفو نقشة عندو دغيا كدور …
الحسين”حط داكشي الي كان شاد فايدو وضار عند المتعلم ديالو” : رد بالك اولدي لحانوت “رجع شاف فيهم” زيدو معايا نشوفو فين مشا…”مالقاو ميديرو سوى يستسلمو ولا هو ركب مع وليد ومراد وريان فسيارة مراد وانطالقو لكاع الوجهات الي ممكن يكون مشا ليها زين الدين لكن بدون جدوى حتى من الاماكن الي مكانش كيبغي يمشي ليهم قالو يسولو فيهم نهار كلو وهما يقلبو بدون نتيجة…حتى رجعو لفيلا ديال زين الدين يرتاحو وقالو عالله وعسى يكون تما لكن والو مكاينش ليه الاثر…حتى من عساس قال بانه ماجاش فاش مكانوش ..
الحسين”جلس فوق الفوطوي وراسو فلارض قلبو واكلو عليه” : وهادي جديدة عليه فين مشا هذا يا سيدي ياربي”بحزن”
مراد : جدييييدة عليه وسكتي ابا “عوج فمو”اوديييي…
وليد : كيفاش جديدة عليه ؟!
الحسين”هز عينيه فوليد” : زين الدين كترة المشاكيل قصحوه تاحاجة مبقات تاثر فيه…لا غبر هاد الغبرة عرف بالي تقاس فخاطرو وضروه الحباب زين الدين عندو عمة وحدة جمع فيها كلشي…الانسان الى تقلق وتقاس ليه الخاطر مكيلقا من غير واليديه ميمتو علامن يحط راس…زين الدين اولدي معندو حد فهاد الحالة يتيم الى ماجمع راسو براسو مكاين علامن يحط راس وطبع زين الدين ماشي اي واحد يحط عليه راس ومكاين علامن يحط الراس…
ريان : المعنى ؟!
الحسين”حرك راسو” : خليوه على خاطرو ولا تخافو شاي.. معروووف فالبلاد بولد البغدادي ..لا طاح عطا الله من يوصلها لينا..
هزات عينيها كتسقي فيهم بجمال الاراضي الزراعية وتريحهم من بعد تعب ليلة كاملة مابين كلام فوزي و خدمتها وسط التحاليل والاماكن البيضاء وراحة الادوية…هزات النفس كتعمر رئتيها بالهواء الطبيعي النقي دسال البلاد …كانت الساعة تشير لرابعة مساءا…صوت الجرارات خدام وصوت خرير المياه من الساقية دايز…ووسط الفدان محطوطة صالامونحي بكراساها البيضين…محطوط قدامها صينية اتاي بالنعناع وطبسيل الفاكية…هازا الكاس فايديها وحداها جدها الي كان كيتسنى تبدا الهضرة…
المحجوب”حط عكازو فلارض” : اش مسهي تاغونجة ديالي جدها ؟!
فرح”حدرت راسها كتفكر منين تبدا ليه واش تاهو غايدير شي ردة فعل لان فوزي الي سكوتي وكان كيفهمها مع الاسف كانت ردة الفعل ديالو قاسية…هزات راسها ونطقات والي ليها ليها…ضارت لعندو ” : الكلينيك !! الي خدامة فيه ..”تنهدات وهي كتردد واش تقول ولا لا..للحضة سكتت وهي ترجع نطقات وعاودات ليه نفس الهضرة الي قالت لفوزي من لول تلاخر الفرق ان جدها عطاها وقتها تا تهضر…وعطاها حقها تعاود وتكمل للاخر حتى عطاتو الانطلاقة” شنو بان ليك ابا ؟!
المحجوب”رجع سلهام ورا ضهرو..وشاف قدامو كيتنهد من هضرتها والصدمة الي تلقى..رجع شاف فيها” : واش بان ليك نتي ؟!
فرح : ماعرفتش ابا ماعرفتش خايفة بزاااف من عصام…خايفة يعرف و..
المحجوب : ويمشي كلشي معاهم تا هو ياك ؟!
فرح : الى خرجني من خدمة را مغاديش نلقى خدمة فحالها…ماعرفتش شنو ندير ابا…
المحجوب “هز حجبانو” : اش غادي نقوليك ابنتي …نتي كتعرفي عصام كيداير هذا طبع فيه لا جات عليا نقوليك جلسي فخدمتك راني فايت خدام ومتقاعد يعني عارف اخلاقيات المهن …نهار كانت جداك حاملة ب خالتك رقية ( بنتو الي مشات لفرنسا مابقات رجعات ليومنا هذا) وصلها الوقت تولدها…كنت انا ديك الوقيتة وسط واحد الاجتماع حضر فيه وزير الفلاحة ديالنا…”ساس كمايمو وهو كيهضر..” ديك الوقت مكان تيليفون كي هاد الوقت…كنت ف رباط ديك الوقت…ايوى وصلاتني الخبار من السنطرال ديال الوزارة…انا وسط الاجتماع…منكذبش عليك تشطنت من جيهتها وليني صبرت راسي معندي ماندير ما بينت ما وووواااالي ا بقيت مكمدها ومشكيل كانت مريضة من نهار هزتها وهي طايحة بفقر دم…وكانت غير القابلة ديك الوقت سبيتار فسيدي بنور كان غا مستوصف شكون يولدك من غيرها…”حط ايدو على ايدها” الي بغيت نبين ليك هو الخدمة خدمة وحياتنا الخاصة ماعندها علاقة بالخدمة…هادشي ابنتي خاص يعرفو خوك…وهادشي ماشي انا الي نقولو ليه…هادشي”طبطب ليها على ايدها” خاص يعرفو منك نتي…لا عرف من شي حد غيرك تحسبي شمتيه وديك ساعة اش جا يفكك منو…هضري معاه والى وقف فطريقك نابي عليا”عيطي ليا” انا ليا كلام معاه..ياك هادشي الي كاين ولا كاين من غيرو…
فرح”هزات نفس وخرجاتها” : هاد ساعة باها هادشي الي كاين…
لمحجوب : ساعة اخرى !! ساعة اخرى ابنتي كاين الله…انا مانجيشاي من جيهتك ولا من جيهة عصام …انا نجي مع الحق ابنتي…لا لقيت منك لافوت غادي نعطيك جوابك ولا كان من عصام لافوت تاهو يدي جوابو…رطبي شي فين يجي شي…
~~~
وصل لدار وحل الباب تا دخل الموطور سدو وحل باب الفصيل الثاني…كانت دار مضلمة بزاااف مع الليل استغرب لداك الضلام الي كان…جبد من جيبو تيليفون بغا يشعل البيل لقاه طافي…
عصام : يلاه اسي…فراااااح…فوزي..واش كاين شي حد هنا..”بقا كيتحسس تا وصل القرص باش يشعل ضو لكن مع الاسف مابغاش يشعل…مشا لكوزينة يقلب على بريكة ولا شي حاجة يشعل بيها والو مشا نيشان لبيت يقلب على شارجور كيتحسس وداك ضلام غير كيزيد…تا من شاريع طافي فيه ضو !!حس بالخنقة ونفسو دياقت عليه” فرااااااااح…اش هاد زمر مال هادشي طافي ؟! وليني مصيبة كحلة هادي…بقا كيقلب يقلب ووالو …تا سمع صوت تخرشيش وضور وجهو يسمع صوت منين جاي …وقف كيقلب على مصدر صوت منين جاي حدو كيسمع صوت تقرقيب شي حاجة فحال ماس ولا معايق مهم شي حاجة دياال لحديد” فرح !! ولا فوزي
مشا لمصدر الصوت الي تاكد انه جاي من الكوزينة بقا كيتحسس بايديه على الحايط تا وصل الكوزينة وهو يدخل داكشي حبس صمتتت سكوووون تام قاطع كانه مكاين والو فديك اللحضة…بقا كيتحسس حس براسو فشي بير ماشي كوزينة كيعيط ويتحسس والو فحال مكانش داك الصوت…قلب دورة وجا بغا يخرج عطا بضهرو حتى خرج عينيه على حر جهدهم حس بموس خنجر تغرس ليه فضهرو من حر الالم والضو الي حس بيه اختارقو من ضهرو نزلو دموع من عينيه سخاااان …يلاه حط ايدو تحسس لقاه خنجر .. حتى تشعل ضو وشاف ايديه لقاهم عااامرين مطلييين بالدم يلاه غايدور وهو يحل عينيه غوت جا جالس كينهج وعروقاتو تكب تا فاق فوزي جا جالس تاهو…
فوزي : بسم الله رحمن الرحيم…ياك لباس مالك ؟!
~~فهاد اللحضة فاقت كتغوت وتقلب فبلاصتها تا ناضت كتنهج وعينيها خارجين وكتقلب فايديها وتبكي…
فرح : وااااا لا لا لا د .م”جات نعيمة تجري تال عندها”
نعيمة : بسم الله عليك ابنتي مالك ؟!
فرح”كتمسح فايديها بهيستيريا فالغطا ودور هنا وهنا وتمسح فحوايجها” : ددددد ممم دم …اهى …
اللهُ أكبرْ , اللهُ أكبرْ .
أشهد أن لا إلهَ إلا الله. أشهد أن لا إله إلا الله
أشهد أن محمداً رسولُ الله . أشهد أن محمداً رسول الله
حيِّ على الصلاة . حي على الصلاة,,حيِّ على الفلاح . حي على الفلاح
اللهُ أكبرْ . اللهُ أكبرْ,,لا إله إلا الله…
“الصلاة خير من النوم..الصلااة خير من النوم”
بعد نهاية اذان صلاة الفجر..الي كانت كتسمع ليه وهي جالسة فوق فراشها وعقلها مرفوووع من بعد ديك الحلمة الي معرفاتش تفسيرها او نقولو مزال تاثيرها عليها…سمعات صوت تقرقيب عرفاتهم ناضو حيث كلهم كينوضو فهاد الوقت يصليو حتى من ولاد خالها ولفوهم هاد القضية من الصغر…ناضت من فراشها وخرجات لقات مرات خالها كتعطي السطيلة دسال الماس سخون ل راجلها…
فرح : خالتي جدي مشا لجامع ؟!
نعيمة : وااه ابنتي بغيتي توضاي نعطيك الما ؟!
فرح : واخا حتى بخرج خالي…”حركات ليها راسها ومشات لكوزينة تسنات خالها تا خرج من طواليط ومشا خرج تبع باه لجامع اما هي عطاتها ما فسطيلة ومشات توضات بيه تاهي وخرجات لقاتها لابسة عباية صلاة عطاتها وحدة ديال هناء لبسوها وصلاو بزوجات..اخر حاجة ختمو بيها الدعاء الي كانت فرح كتدعي بحاجة غييييير وكل مكتنطق كل ماكتحس بقشعريرة كتسري فذاتها…كيرجع تفكيرها لديك الحلمة الي مفهماتش معناها…كملات دعاء وهي تنهد بصوت عالي تا ضارت عندها نعيمة الي لاحضات انها ماشي مزيان. من وجهها…
نعيمة : مالك افرح بنتي ليا ماشي تالهيه ملي فقتي كتغوتي ؟ شنو حلمتي ؟!
فرح : واخا خايبة نعاودها ؟!
نعيمة : عندنا حنا كنقولو حسن تعاودي حلمة الخايبة …عاودي ليا على الله تحسي براسك شوية …
فرح”مسحات على وجهها بايديها بتعب..عمرات رئتيها بكمية من الهواء قبل ماتنطق وتقول الحلمة الي مابغاتش تحيد من بالها ملي فاقت” : اشنو يكون معناها ؟!
نعيمة : خير وسلام ابنتي خير وسلام…على حساب مكنعرف د.م كيعني كذوب..كيعني غدر كيعني بزاف ديال المعاني الي كيديو لنفس المعنى بشحال من طريقة وكيختالف ليه المعنى حسب الانسان يعني لا حلمات بيه البنت عندو معنى حلمات بيه الحاملة عندو معنى حلمات بيه المزوجة عندو معنى المطلقة ولا راجل وهاهي غادية فهمتي”حركات فرح راسها” …نتي ماديري فبالك والو الي كتبها الله هي الي كاينة صلي صلاتك كثري من دعاء وقراي القران الكريم تخفاف ضيقتك ويفرج ربي همك…
فرح : ونعم بالله…”ناضو بزوج حيدو العبايات وجمعو دوك صلايات..شافت فمرات خالها وقالت” غاتمشي تعجني ؟! عطيني انا نعجن ليك…
نعيمة : غير سيري رتاحي تال بلاتي ونفيقك…
فرح : غير خليني مرتاحة والله…توحشت نعجن ونرمي فالخباز…”تبسمات ليها وهي تخرج معاها من البيت توجهو لكوزينة عطاتها كمية الدقيق الكافية ديال اليوم…حاسة نوعا ما براحة من بعد ما هضرات معاها عطاتها كمية الطاقة الايجابية الي ساعدتها انها تنسا الحلمة وتكمل منين حبسات…رجعو رجال من جامع…مشا المحجوب لبيتو ربع رجليه وتقابل مع المصحف وباشر فتجويد بعض الايات من الذكر الحكيم. كيتسمع صوته من بيتو وداك صوت كيبورش حتى وصلات سبعة ونص ديال صباح كانت واقفة كتخبز فالمطلوع(بطبوط) ونعيمة كتحط فصنية القهوة واتاي تا رجعات لقاتها سالات اخر ملطوعة بقات..هزاتوو دارتو فطبسيل طاوس كبير تستيفة حطات فوقهم زبدة تا بدات تنزل دااايبة عليهم تقبات وسط البطبوط باش تدخل ليه وحطات جنابو زبدة هزاتو فرح وداتو لبيت فين جالسين…
المحجوب”من بعد ما سماو الله وبداو يفطرو..شاف فولدو.عيط ليا خوك فاش كنت جاي من جامع ..
منير : خبار الخير…
محجوب : ويضهر ليا لا ناوي يجي فهاد العطلة …
فرح”بفرح” : بصح خالي تهامي جاي ؟!
منير : وكي طرا مولفاش ليه…
محجوب : توحش البلاد وكان…
فرح”ترددات تسول فالاول لكن تشجعات ونطقات” : با علاش خالي تهامي مكانش كيجي بزاف ؟!
محجوب”تبدلو الملامح ديالو من البشاشة لحزن ممزوج بغضب رجعاتو بسؤالها لمدة طويييييلة هو ماباغيش يتفكرها” : وااالي بنتي والي هو هكاك داير..”حنحن منضف حلقو وناض وقف” لا ساليتي هاني عند الخدامة فالفدان لا بغيتي تمشي معايا لدار الحليب…
فرح”هزات فيه راسها مفهمات والو” : واخا با جدي…”مشا وشوية تبعو منير تاهو بقاات غير هي ونعيمة راس فالراس..” مالو با جدي واش قلت شي حاجة ماشي هي هاديك ؟!
نعيمة : ماقلتي عيب ابنتي غا هو تفكر شي حاجة قديمة كان تخاصم هو وخالك وخرج ديك ساعة يلاه خدم فالتعليم ودار انتقال لداخلة فييين وفين كيجي الى ممشا عندو باك جدك…هو هكاك داير مكيبغيش يجي هنا بزاف راكي عارفاه نتي كلك شحال شفتيه …
فرح : مرة وحدة فاش ماتت مي عيدة الله يرحمها…ومن بعد فاش كيجي مكنكونش هنا كيجي فنهار ويرجع …كنقول لعصام نمشيو عندو مكيبغيش ماعرفتش علاش…
نعيمة”تنهدات” : العلم عند الله ابنتي كل وكيدار ليه الله..بلا متحكري عيشي نهار بنهارو تيفرج الله…
مالقات فرح ماتقول باقي بعد الذي قيل..من اولها وهي عارفة هاد خالها مجياتو قلال او شبه منعدمة لدارهم…وهي هكاك ولفاتو اما واحد خالتها عمرها شافتها ولا عرفتها غير فتصاور فاش كانت باقي صغيرة…تا من جدها دار فيزا سياحية غير باش يمشي يقلب عليها اثرها غابر لحد ساعة معارفينش فين اراضيها تماما كيف الام ديالها…
اليوم الثاني على التوالي ومزال مابانش ولا دار اتصال يطمنهم…ولحد الساعة مادام موصلاتهمش الخبار عليه بالخايب اذن را بصحة مزيانة يمكن بحاجة لراحة يمكن بحاجة انه يبقى مع راسو ويعاود ترتيب الاوراق ديالو…ممكن محتاج وقت بينو وبين راسو ينعازل على دنيا يمكن وصلات بيه درجة الجرح كبيييرة الي خلاتو يخلي المرضى الي متبعين عندو وميجيش !!!..زين الدين الي عمرو خلا مريض ومكانش عند الموعد ديييما هو الي كيجي قبل ميبداو يجيو هما…لاول مرة فحياتو كتوصل بيه المواصل انه يرمي كلشي وراه ويغبر هاد الغبرة الحارة ايعقل انه تقاس بمعنى الكلمة ايعقل انه تجرح جرح كبييييير.لهاد درجة الي خلاتو يغبر وهو عارف ومتاكد بالي كاين الي غايسول عليه عارف بالي مخلي عائلة مكونة من صحابو كبار وشبان…عارف انه غاتشوش عليه هي الي ملكات قلبه بكل ذرة فيه وكل نبض فيه كيضرب ليها…عارف انه كاع لما سول فيه حد عالاقل الخدمة يسولو عليه وعارف انه علي غايتشطن عليه وهادشي الي وقع دابا هاهو وسط المصحة جالس فالمكتب ديالو وقدامو كل من الحسين ودراري…
علي”كيهضر فالتيليفون” : ههه مم مرحبا مرحبا ميلغ”قطع معاه ولاح تيليفون فوق المكتب معصب” دابا اش غانديرو ؟!
مراد : تا سي نجيب اخر واحد نتوقعوه يكون معاه ماشافوش قاليك عامين هادي…كاع المعارف ديالو الي كنعرفو مكاينش معاهم…
الحسين : انا هضرت مع سلمان لهيه فالمدينة تاهو ماعندو عليه خبار…
ريان : زعما يكون طلع لسعودية ؟!
مراد : كان فينما يتوحش واليديه وديق بيه دنيا كيدفع لفيزا ويقطع يطلع يزورهم…”بحزن”
وليد”بقا كيدوز على لحيتو بتفكير تا هز عينيه شاف فمراد” : مراد !! زعما متكونش فراسها ؟!
مراد”كمش حجبانو” : شكون يا ؟!
وليد”كيخرج عينيه بشوية ويرجع يدخلهم باش يفهم راسو ووالو يا انسان واش فهمت” : ايا اصحبي…زعما قلنا والفاهم يفهم…
مراد : يا بالعما واش فهمتك ..
الحسين : اش تما ؟!
وليد : زعما ابا يكون …
مراد : اش تتخربق عليا نتا ؟! تا هضر نيشان اصحبي …
وليد”حشم يقوليه فرح” : تعقل نهار شعلت العافية ؟!
مراد : اينا عافية فيهم ؟؛
وليد “طرش حناكو وحط ايديه على راسو مهبطو لتحت.. وداك مراد حلف لا فهم…زعما مراد من النوع الي ذكي…” : الي تحتك “قالها بصوت منخفض بزاااف هز عينيه لقاهم كيشوفو فيه كاملين بدون ميرمشو حساب ليه سمعوه” هههه قاليك لا شافو فيك القواسة بدل البلاصة…
مراد : اش تتقول نتا يا ؟
مراد : هضر ازمر مامسالين لطنز ديالك شكون الي يكون عارفو فين كاين ؟!
وليد”هز راسو بجهد عاض شنايفو” : ختي فرح د الله يغبر لمك ساس…
الحسين”جابو ليه ضحك” : ههههه وقول فرح نيشان مالك خايف…
علي : وشكون فينا الي ميعرف قيمة فرح عند زين الدين ؟ زعما يكون عالمها فين هو ؟!”هز الفيكس” نعيطو ليها من المختبر ونسولوها..
مراد : مكايناش مكتخدمش سبت والحد فاش كتسالي سيمانة دياال الليل…تال تنين عاد تدخل فالصباح…
علي”غمض عينيه” : اااه بون…شكون فيكم عندو نمرتها ؟!
مراد”بتردد” : بغيتو نصيحتي ؟ بلا منعيطو ليها تزيد تشطن نديرو كيف قال با الحسين نخليوه على خاطرو ..
ريان”كان كيسمع ليهم” : نخليوه على خاطرو ماقلناش لا وليني را طول من ولبارح اصحبي لا بغا يكون على خاطرو را كيعلم كيقوليك انا مزيان بلا متعيطو ليا هاد اليومين…”شاف فوليد” وزنها اصحبي …
مراد”هز ايدو وحطها بقلة حيلة”
الحسين”جبد تيليفونو ودار نضاضرو مد ل مراد تيليفون ” : هاك قيد ليا نمرة فرح انا نهضر معاها …
مراد : معنديش ولكن تسنى نهضرو مع RH هما يعطيونا نمرتها”ناض مراد مستاذن خذا الفيكس من عند علي ودوز ل موارد البشرية طلب منهم نمرتها الي عطاوها ليه فالبلاصة شد تيليفون الحسين وركب ليه نمرتها”
فهاد الاثناء كانت واقفة بعيييد كتشوف فالفلاحة شادين الدوا كيرشوه على شجر زيتون….وجدها واقف معاهم اما خالها مكانش…حتى ضار جدها وعيط ليها من بعيد…
فرح : هاني ابا …
محجوب : واجي نمشيو لدار الحليب ها تراكتور جاي لحگي عليا هن …
فرح : واخا”هزات تيليفونها من فوق طابلة فين كانت واقفة حداها وتمات غاديا لعندو حتى صونا ليها شافت رقم وخا معارفاتوش جاوبات..” الو ..
الحسين : بنتي فرح هادي ؟!
فرح : ايه شكون معايا ؟!
الحسين : معاك باك الحسين الى عقلتي عليا ههههه…
فرح”كمشات حجبانها كتفكر شكون هو” : صراحة ماعقلتش…
الحسين : ههه ماعليش ابنتي متشاوفناش بزاف ماعلينا انا الي كيقوليه زين الدين با الحسين ..
فرح”تفكراتو دابا بالي هو الي جا نهار الخطبة” : اااه عاد عرفتك اعمي ههههه سمح ليا معرفتكش فاللول .
الحسين : هههه ماعليش ماعليش ابنتي…”حنحن منضف حلقو باش يستانف الحديث ويمشي للنقطة المهمة والي هي” بنتي كنصوني على زين الدين تيليفون طافي..ماهضرش معاك ؟!
فرح”بخوف” : لا ماهضرش علاش مالو واقعة شي حاجة حتى طفا تيليفونو ؟!
الحسين : ماوقع والو بنتي غير شي ناس كيسولو عليه”مابغاوش يقولو ليها مالو” هنا فالمحلات سولت دراري قالو ليا يومين هادي ماجاش لكلينيك…ومالقيت تاحد من غيرك يقدر يعرف فين هو …بلا متشطني عليه ابنتي…”ماعرف ميقول ولا غير يدخل ويخرج فالهضرة ولكن را اخر حل هو هذا”
قطع واحد الرجلة ديال البقري طراف وحيد منها اللحم دارو فالماكينة زاد عليه الشحمة وخدمها تا بدات تطحن ليه الكفتة وعاود دارها تا تطحنت مزيان قادها فكاغط ودارها فميكة ولاحها ليه وعاود جرها عندو …
عصام : حط 80 درهم هي لولة…
صطوف : ياك احيااة ياك !!؟
عصام : والله يا مك لا تبعاتك ومحطيتي فلوسها…سستيني غا بقصاسرك الكلب…
صطوف : اش كاين ما حسن من زهو اصحبي…خليني نفرح بالحرية…
عصام : مابغيتيش توب ؟ فاش عينك…
صطوف : عيني فالحلال برجولة ومن لاخر ..
عصام : مممممم..
صطوف”جر ليه ايدو وخبط كفو على كف عصام” : وبالرب المعبود تا ناوي…وعيني فوحدة …
عصام”هز حاجبو” : شكون بسلامة ؟!
صطوف : من بعد وتعرف”غمزو” اعشيري…مد مد ديك الميكة
عصام : وا والله لا تبعاتك ومحطيتي فلوسها…
صطوف : الله يتبع لبوك البلا كتر ماهو تابعو فين يتدها عليك…يا ولد القوادة غانعطي ملاويك شحال كتسالني…
عصام : الكناش فاض من جناب…خبط جنابك وسوس رزقك وعطيني رزقي راني واقف هاد ليام…
صطوف : شحاال بغيتي دابا ؟!
عصام : فلوس هاد العبرة الي فايدي والي يتسالك ديك ساعة نتا ووجهك …”جبد صطوف مية درهم ومدها ليه…شدها وعطاه الميكة ديال كفتة” تيسر تقود فحالك…
صطوف : صرف القواد…
عصام : بغيت ندير بيه ليصانص..”شير ليه ناحية الميكة” نتسالك عشية شواية…
صطوف”دوز على لسانو بصبعو وحكو فالحايط ك اثر” : هانا هانتا لا شتيها لاكان غاليوم…يلاه دور تقود…”ضار كيسب ويلعن فعصام الي ضحك على هضرتو…حتى شوي جا فوزي لعندو…” فوزي !!!
فوزي”مبدل حوابجو” : كيفاش…
عصام : مالك لابس حوايجك !
فوزي”دور وجهو لهيه بعصبية ودفل لهيه” : نوضتها مع لشهب ينعل بو مو فهاد النهار..خليت ليه خراه يربح بيه…
عصام : دخل ريح وعاود ليا اش واقع مالكم ؟!”حرك فوزي راسو ونقز من فوق بوطاجي الحانوت دخل جلس تا كب ليه عصام كاس اتاي وليه وجلس مقابل ليه” …
فوزي : قاليك بغيت نعطيك نص الي دخلتي بيه وسير ضبر على راسك…
عصام : الملاوي هذا كيتفلى ؟!
فوزي : ساهلة عندو القضية نعل بو مو…قلت ليه صبر عليا هاد العام بينما جمعت صريف ونحل محل ديالي كنتسنى غير سعيد يكمل كونطرا المحال الي شاد ويدوزو ليا والو قاليك اسيدي باغي نفك شركة…بدلت حوايجي وجيت حسن منبقى نتناطح انا وياه…”كينهج بالاعصاب” عصب مي فهاد النهار يخ تفو…
عصام : خرج من عند القواد وخلي فلوسك فالبنكة وتسنى سعيد يسالي من المحل وشدو نتا دير رزقك ديالك…
فوزي : اودي مابان لياش فهادشي والله اخويا…
عصام”هز حاجبو” : واش بان ليك بسلامة ؟! فين بغيتي تخدم ؟!
فوزي : ربعة المليون الي داخل بيها معاه نتسلف ونزيد عليها ونمشي عند الفيلالي من لاخر “هز عينيه فعصام كيتسنى ردة فعلو حيث عااارف شكون هو الفيلالي بالضبط واش كيدير”
عصام”ناض وقف مخنزر فيه ” : بغيتي تحرگ القواد ؟؟!”قبل ميهضر فوزي” والله وعتبتي عندو تاندبح مك اقسم لك يمييييينا وفكرتي تعتب عندو نضرب على الكلبة مك الى يوم الدين…
خلات جدها كيعيط وشيرات ليه بايديها بالي يتسنى حتى تهضر حيث فهاد اللحضة قلبها بصح تشطن عليه…
فرح : عمي كيفاش منشطنش”وقفات بعيد قبل متوصل عند جدها” حتى انا يومين هادي وانا كنصوني ليه تيليقونو طافي..اش واقع غير قوليا واش مقلق من شي حاجة شي حد قاليه شي حاجة !!
الحسين”مالقا ميقول هز عينيه فيهم كانو كيتسناو منو خبر فاش يسالي معاها المكالمة وناض هو من حداهم غمزهم باش يهضر معاها براحتو وتاهما تفهموه شير ليه علي عاطيه الاذن باش يخرج براحتو” : والو بنتي غير شي مشاكيل مع دار…على كل ابنتي معندك لاش تشطني غير هو مرة مرة كيبغي يبقى مع راسو راكي عارفة كاين الي كيبغي يبعد شوية ويبقى مع راسو خصوصا فحالة ولدي زين الدين…مهما كان قاصح ابنتي كيبقى انسان مهما قسات عليه دنيا كتربيه وليني كيجي الوقت يبغي يكون مع راسو …
فرح”بحزن عليه” : شنو قلقو لهاد درجة تا غبر ؟!
الحسين”تنهد” : اش غانقوليك ابنتي…تاحد مالقاها كيف بغاها..كاين الي عندو كلشي ومالاقي راحتو كاين الي معندوش وملاقي راحتو…كاين الي عندو كلشي وباغي فين يلقا راحتو ..بالاخص الي معندو واليدين صعيييب عليه الحال وهذا حال زين الدين…
فرح : انا كنعرفو قاصح وصعييب انك تقلقو واخا هو على نقشة ودغيا كيتعصب …كيفاش حتى وصل لهاد الحالة”حطات ايدها فوق قلبها” …
الحسين : بنتي الانسان كيبقى انسان القوي هو الله مهما قصاح لينا القلب ومتان لينا الطبع كنبقاو بنادم…ولابد ميجي الي يمسنا فخاطرنا ولو من بعيد فمابالك بالقريب !!!
فرح : الي فهمت من هضرتك هو تخاصم مع شي حد ؟!
الحسين : هادشي انا مااانصيب نقولو ليك واش تخاصم ولا لا الي عارف هو خرج مقلق وماعلمناش لا فين مشا ولا فين كاين…هادشي هو الي يقولو ليك…انا الي عليا هو نوصيك عليه الى هضر معاك كوني نتي الحايط علاش يتسند وكوني نتي الراحة فين يلوح همومو…عارف هادشي يجيك غريب وعجب انا نعلمك بيه وليني ثيقي بيا ابنتي زين الدين ولدي وتربية ايدي.ملي تزاد.وهاهو قرب يكمل ربعين عام عارفو اش كيضرو واش الي ميضرو…وعارف شكون الي يريحو…
فرح”كتسمع ليه وكتزيد تعرف على زين الدين من عند الناس اي من جيهة مختلفة وهادي بحد ذاتها حاجة مزيانة تعرف شكون هو زين الدين فنضر الناس”
الحسين : ولدي منشكروش ليك قد ماهو سخي معقول ونيشان…نوصيك الى هضر معاك عطيه الخاطر وسمعي ليه..
فرح : متاكد غادي يهضر معايا ويقوليا شنو ضارو …
الحسين : ههههه ابنتي ماعارفاش قيمتك عندو قداااش هي..قيمتك ماتوزن لا بذهب لا بمال قيمتك غلى منهم وصعييب تقدر بثمان…على ماعشت وشفت وانا معاه…
فرح”عينيها غرغرو” : وعلاش دخلني فحسابات انا معندي ذنب فيها…
الحسين : غلطة عمرو ينساها. ابنتي غلطة وذنب كلفو بزاااف ومزاال كيعاني منو…ضارو بيه ولاد لحرام والفسايدية…نهار بغا يهضر معاكم ويشرح ليكم من ورا ماهضر معاك وعلمك بالي كاين وقعات ليه كسيدة ضرب وليد صغييير وبقا معاه تا ولا بيخير من وراها طاح كومة بسكار يومين وهو مغيب وسيمانة وهو فسبيطار ومن تم بغا يهضر عيط ليك وتما فين علمتيه مايجيش وحلفتيه بمعزتك عندو ميجيش باش ميجبدش ليك عندي صداع ياك هادشي الي قلتي.ولا راني نكذب ؟!
فرح”نزلو دموعها يجريو مسحتهم بزربة” : لااا حاشا ..اه بصح…
الحسين : وعرفتي معزتك شحال تقامت عليه ديك الوقت شهرين وهو مخلي مشروع ديالو ومشا لتارودانت شهرين وهو معالم حد من غيري انا والحاجة بزز باش جا معانا لو مهز الهم لدوك دراري الي تكرفصو فالمشروع…عرفتي شحال وهو ينعس بيك ويفيق بيك ذنبك مهزوز فرقبتو ليوم دين…ملي مابغاش يضلمك عرفك بنت ناس علمك بالي كاين …من تما ونتي فبالو وعمرو ذكرك بكلمة خايبة…مكاين غير بنت الناس بنت الاصل تستاهل المخير وتستاهل ماحسن…”بقا كيهضر معاها عاود ليها كلشي حتى المخاصمة ديالو مع خوها وهضرة عن ام الخاصرة ورغم ذلك صبر ومزال ناوي يهضر ويتصالح”
فرح”الصمت”
الحسين: هذا الجهد عليه هازها من هنا ومن هنا وعاض فالنفس وجهد لا جهد الله…اليتيم كيبقى يتيم مهما كبر وبلغ ودار الولاد…
فرح”كلامو اثر فيها بجهد تا ضرها قلبها على زين الدين وتاججو فيها مشاعر اخرى عليه ” : د دابا احم “مسحات دميعة من عينها” دابا شنو ندير ماعرفتش !!
الحسين : لا هضر معايا فضل وراحة ولا هضر معاك عطيه نتي الراحة وخليه يتسند عليك…لا خوا عليك همو فرحي وسمعي ليه…زين الدين تاواحد مكيرتاح ليه الا ليا وقليييل وليني فهاد الغبرة والي طرا ليه موحال يشكي ليا ولا شكا ليك عرفي راسك راكي النقطة البيضة فحياتو وهي الي علامن يتسند وماكاين من غيرك…لا كنتو مكتابين حطو راس على بعضياتكم وتسندو على بعضياتكم وشكيو همكم لبعضياتكم…
فرح”غمضات عينيها وحلاتهم” : كون هاني اعمي …
حط المصحف بين ايديه هز ايديه كيدعي اثناء الاذان حتى كمل دوز على وجهو بايديه وضار جيهة الحايط لهييييه فين بان ليه متكي حاط دراعو على عينيه ماهو ناعس ماهو فايق وانما هو فلحضة صمت وراحة من التفكير والحزن والغضب الي كان فيه.. فضل انه يمشي لهاد جامع الي فيه واحد من اعز اصحابو والي شحااااال ماشافو من قبل ميمشي لدبي طيلة الخمس سنوات..والي كان كيقرا معاه فالليسي غير كل واحد فاش سالا دار التوجه ديالو منهم هاد الصديق الي اختار الدراسات الاسلامية وبعدها قرا تخصص الامامة فكلية الشريعة واصبح امام فهاد المسجد وايضا يمارس مهنة استاذ التربية الاسلامية في التعليم الثانوي الاعدادي…من الي كان كيقرا معاه وهو شخص الوحيد الي كان كيجلس حداه ويراجعو فاش كانو فالباك كانو متفوقين بزوج فدراستهم…مكانش كيهز عينيه فشي حد حاضي قرايتو والدار والمسجد وهادشي تربا فيه من عند باه الي كان تاهو استاذ فحالو وملتزم فحالو …
عز الدين”طبطب ليه فوق دراعو” : شبعتي نعاس اصديقي ههه..
زين الدين”حل عين وحدة هاز حاجبو فيه وحرك ليه راسو بالنفي” : نمتع راسي بكلام الله فبيت الله…
عزالدين : نوض توضى فالمراحيض واجي صلي ركعتين تحية المسجد وهز ليك مصحف من المصاحف الي هنا بينما تقامت الصلاة نصليو ولينا هضرة وكلام من بعد…
زين الدين”حرك راسو وناض ديك الساعة خرج من المسجد جدد الوضوء ورجع كيطوي فكمايم تريكو ولبس تقاشرو سما الله ودخل صلى تحية المسجد ومشا ورا عز الدين ربع رجليه حل واحد المصحف الي محطوط مع المصاحف تما قرا ليه ما تيسر فوسط داك الجامع كتحس بيه دااااافي وفيه واحد السكون فشكل ميمكنش تدخل وميدفاش ليك قلبك وتنسا همومك فحال شي حد كيحط دماغو العامر عند الباب ويدخل بدماغ خاوي ويخرج عامر بذكر الله…كيحس بصدى ذكر الله كيتردد فارجاء اركان المسجد…صلاو العصر.
عز الدين : تقبل الله …
زين الدين”حرك ليه راسو” : اللهم امييييين”سرح ؤجل وطوا لاخرا مسند عليها ايدو..كيشوف فنقطة معينة…”
عز الدين : مزيان دابا ؟!
زين الدين”بدون ميشوف فيه” : نقولو اللهم لك الحمد…
عز الدين : اللهم لك الحمد فوقت الفرح ووقت القرح…فوقت الشدة ووقت الفرج…خليك على بال اخويا ديما اللهم لك الحمد..كاع مصائبنا من مكاتيب الله وافراحنا من مكاتيب الله..حنا فالدنيا تحت اختبار الله سبحانه واش ايمانا قوي بيه ولا ضعيف…تاكد اصديقي ان بعد الشدائد ياتي الفرج…
زين الدين”تنهد واحد تنهيدة طوييييييلة” : ونعم بالله…
عز الدين : لا حسيتي براسك مزيان طمن عائلتك عليك…
زين الدين”شاف فيه” : شكون بقا ليا ؟”طاحت فبالو فرح فهاد اللحضة”
عز الدين”تبسم” : كااين الله كاين الله…الا بذكر الله تطمئن القلوب…شحال ماجلستي ورتاحيتي شحاال ما ذاقت بيك ومالقيتي لمن تشكي كاين الله ومكاين ما حسن منو..مزيان جيتي لهنا وشفنا وجهك الكريم لينا زمااان ماشفناك..
زين الدين : درت معاك الفالطة با عز الدين …
عز الدين : هههه ماعليش كل وفين تدها وداتو دنيا وشغلاتو…كل ما ضاقت بيك تفكر ان المؤمن مصااب وانك عزيز عند الله…يقول الله تعالى في سورة آل عمران الآية 186 قال تعالى: “لَتُبْلَوُنَّ فِي أَمْوَالِكُمْ وَأَنْفُسِكُمْ وَلَتَسْمَعُنَّ مِنَ الَّذِينَ أُوتُوا الْكِتَابَ مِنْ قَبْلِكُمْ وَمِنَ الَّذِينَ أَشْرَكُوا أَذًى كَثِيرًا وَإِنْ تَصْبِرُوا وَتَتَّقُوا فَإِنَّ ذَلِكَ مِنْ عَزْمِ الْأُمُورِ”.صدق الله العظيم
زين الدين : صدق الله العظيم..”جبد تيليفون من جيبو ووقف مستاذن منو”
عز الدين”حرك ليه راسو” : تفضل خوذ راحتك…
.ركبات مع جدها ومشاو لدار الحليب الي كتمشي ليها ديما فاش كيدفع ليهم جدها الحليب…تسناتو يمشي يصلي العصر فجامع تما وبقات جالسة فواحد الضليلة فيها طابلة وكراسا تما لداخل فدار الحليب…كانت كتهضر مع فوزي وعصام يلاه كي حطات تيليفون تا صونا ليها عاوتاني غير شافت الرقم وهي تشهق وقلبها ولا كيضرب يضرب حسات بريق سخون فحلقها وهي تجاوب بسرعة…
فرح”بلهفة تا بانت فصوتها” : زين الديييييين…
زين الدين”غمض عينيه وطلع نفس فور ما سمع صوتها” : نعااام..
فرح : فين غبرتي علاش طافي تيليفونك
زين الدين: تشغل بالك عليا كااع !!
فرح”بحزن” : يومين ونتا غابر عييت نصوني ليك ونتسناك والو…اشنو وقع ليك ؟ واش مقلق من شي حاجة ولا ضراتك مني شيحاجة..مرضتي ؟!
زين الدين : ابدا واش تجيني المضرة منك. الحنينة فيا..
فرح: اش واقع ليك …الى ثايق فيا عاود ليا وخا صغر منك ومنعرفش حسن منك هههه غير عاود ياك عطيتك ثيقتي عطيني ثقتك وقوليا مالك…ولا ماتقدرش ؟!
زين الدين”عض شنايفو بحب وهو كيسمع ليها ويحس فصوتها كمية الحنان الي افتاقد يسمع بهاد الاسئلة الي كيكونو خاصين ومكيسولهم غير الي بصح باغي يعرف همك ويريحك..ومكاين ماحسن من الحبيب والشريك ..كيف حس هو وقال ” : مكاين ماحسن منك من بعد الواليدين نديرو وسادي و نحط عليه راسي…
فرح”حسات بقلبها زادو دقاتو..ونطقات بصوت حنييييين” : مالك؟ “اختاصرات ليه فيها كلشي”
زين الدين : تزوجي بيا ؟!
“تزوجي بيا” زوج كلمات كانو كااافييين باش يبينو قدااااااش محتاج لفرح تكملو…تكمل النص الباقي او يمكن هي كل شيء..هي الي محتاج باش يحس بالي عندو عائلة مسؤول عليها محتاج علامن يحط الراس ويرتاااح محتاج لحضن يحتويه يحسسو بالي هو مهم وبزااااف زين الدين محتاج لكل للاحتياج المعنوي الحب الحنان الاهتمام الي يتقلق عليه والي يفرح ليه ومعاه…محتاج النواقص او بعبارة اخرى محتاج ل “فرح” …بهاد زوج كلمات الي قال بفمو ماهما الا ترجمة لشنو كيقول ليه قلبو وعقلو الي تافقو على شيء واحد هو ان زين الدين باغي فرح وكل ما يخص فرح … ف عن اي عشق نتحدث ؟!…
فرح”نزلو عليها هاد الكلمات فحال الضو خلات عينيها يخرجو وقلبها يضرب كانه كان ساكت قبل قليل حتى حياه كلام زين الدين…محساتش بايدها امتا تهزت وتحطات على فمها اما الفم تلجم والكلام تسكن والفراشات يديرو مابغاو فذاتها…”
زين الدين : فرح !!!
فرح”بقات شحال وهي كتستوعب شنو قال اول مرة كايجيها بحال هاد العرض وتعيش هاد الاحاسيس الي كتحس بيها نقية بعقلها كتحس بشي واحد داير بزااف ومستعد يدير بزااف على قبلك المهم تكوني مزيانة وليه…والاهم محتارم كل ذرة فيك…حسات بحلقها تبلوكا باش تخرج ليه كلمة حساتها ثقيييلة” : نن نعااام…
زين الدين : مالك ؟!
فرح”هزات ايدها كترعد بغات تحك راسها بغات دوز على جبهتها تلفات..” : ممم”تشحرج ليها صوتها” ماماليش احم ماماليش هههه
زين الدين : سمعتي شنو قلت ؟؟
فرح”بصوت منخفض” : ااه سمعت…احم نتا عارف شنو كاين..عارف عطيتك ثيقتي عارف اش كاين مم ماعرفتش كيفاش نشرح ليك…خووتي…
زين الدين”غمض عينيه ونطق بصوت اجش” : عاااارف وحااسب حسابي…فرح سمعيني شنو غادي نعلمك باش تفهمي مزيان…لا بغيت نتصرف ونهضر مع خوتك الي عارف هازين من جيهتي وبزاف”هز ايدو ووقف صبعو ماكد الحديث” نگولها ونعاودها عطاهم الله الحق وجات عليهم…عطيني وذنيك وعقلك ا فرح..من لول الي عطينا فرصة لينا من لول وانا شايفك لحلاال ماشيفكش لتفلية وخاطيني هادشي …و لا بغيت نهضر مع خوتك شنو نقوليهم خليوني نهبقا نهضر مع فرح ونخرج معاها ؟! “خرج عينيه” ماشي فعايلي وماشي عوايد رجال…لا بغيت المفاهمة والطريق تيسر نعرف ونتيقن من مولات الشان واش قابلة راضية ندخل عليهم بايديا عامرين بالحلال وراسي فيه مايتقال…ندخل بايديا عامرين جايب وقصدي شريف ماشي قصدي خاوي ومافيه مايتقال..نبانو براهش !! نهار گلت ليك راكي بنت الاصل عنيتها ونهار عرفتك بنت الاصل مابغيتش نضلمك بلا ماندخل معاك فشلا وهادشي هاضرين فيه وعارفة المقصود شنو فيه…مناقصينا مشاكيل بغينا نديرو شي فين يدوز شي…
فرح”كلامو حسسها بالاطمئنااان فهاد اللحظة” : فهمتك ..احم ماا ع مم “تلفت ليها الهضرة ولكن هو فهمها ومابغاش يحرجها
زين الدين : عطي لراسك الراحة وفكري.ورجايا منك ماتعطليش ديري بحسابي بالي معنديش مع تجلويق…عندي نيشان وبلا كثرة الهضرة..عندك فهاد ليام عطيني الكلمة وانا نتصرف
فرح”شافت جدها جاي” : .زين ..
زين الدين : نعااام…
فرح : رسلت ليك ميساج قلت ليك خاصني نهضر معاك خاصك تعرف شحال من حاجة…ضروري نهضرو…
زين الدين”كمش حجبانو” : شنو واقع ؟!
فرح”يلاه بغات تهضر حتى نطق جدها “
محجوب : ياكما عيتي ابنيتي..
فرح : لا با ماعيييتش خههههه…
المحجوب”شافها ضاحكة من بعد ماكانت حزينة وباينة فوجهها” : يا الحليلات بانت ضحكة تاغونجة كبيدتي ههه
فرح”خرجات عينيها” : اباااا …
زين الدين”جمع حجبانو من سمع كلمة تاغونجة وخا قلبو فرفر فاش سمع جدها قال ضحكتي “
محجوب : سكتي نعل بوك الكلب غا مني شفناك ضاحكة هذا الرباح..وخا معرفناش الي ضحكك…
فرح”تزنگو حناكها حيث عارفو زين كيسمع هههه” : اهههه الا كنت ضاحكة ابا غا مرديتيش البال…
المحجوب : اوكيه عليا انا ؟! تي ملي جيتي وتي فحال ميت ليك الميت …
فرح : وصافي ابااا “كترمش فيه يسكت”
المحجوب : ماعلينا هاني جاي نشد من عندهم شي حسابات ونمسيو…
فرح : واخا”ضورات راسها تا شافتو دخل وهي تنوص حيدات من تما وباش تهضر تلجم ليها الفم ثاني تا بدات تحنحن” احم..زين الدييين…
زين الدين : الله اودي…
فرح”حطات ايدها على حنكها كمشات عينيها بخجل” : شنو غانديرو فالهضرة ؟!
زين الدين : فينك نتي دابا ؟!
فرح : انا عند جدي ف سيدي بنور…
زين الدين”مكاينش كيفاش يدير يهضر معاها باش يشكي ليها الهضرة فالهاتف مكافياش وهو اصلا من النوع الي قليل الكلام فالتيليفون …من هضرتو حسات بيه باغي يحط عليها الراس بصح ويشكي ليها الي ضارو لكن العين بصيرة والايد قصية ما باليد حيلة …تنهد وقال” : صباح نعلمك…
فرح : صافي واخا…
زين الدين”شاف ساعتو وهز عينيه نيشان قدامو” : تهلاي ليا فراسك فرح تفاهمنا ؟؛
فرح”بابتسامة فرحة وسعادة” : واخا كون هاني …
لهاد الدرجة قادر الحب يغير فينا بزاااف ؟ بين ليلة وضحاها كيتبدل حالنا وتيبدل مودنا وكيولي هو المسيطر او المتحكم فمزاجنا ممكن فدقيقة يبكينا وممكن فدقيقة ثانية يفرحنا …ممكن يخلينا بلا نعاس يا بفرحة يا بحزن…من بعد ماكانت مشطونة مخلوعة حيث طافي تيليفونو وغابر…وحزينة عليه ملي عرفات من الحاج الحسين الي جاري ليه وحياتو كيفاش دايرة…باتصال منو قدر يغير مزاجها من حزن وخوف وقلق لفرحة وسعادة وابتسامة……ضحكتها مفارقاتش شفايفها وعينيها مفارقتهمش اللمعة والبريق وهي حاطة راسها على زاج النافذة كتشوف فالطريق ماحدها كتقرب ماحد قلبها كيعلاو دقاتو وكتبان فوجهها تا ضار خالها شافها كتبتاسم غا وحدها…
منير : اتي ضحكينا معاك هههه
فرح”, نعل الي سمعو اش قال”
منير”نغزها وهي تقفز” : الله اكبر…
فرح : خلعتيني اخالي حرام عليك هههه
منير : اهيا ناري على باطل هههه تي فين غاطسة من صباح وانا نابي عليك (نعيط ليك)وضحكي غا وحدك…
فرح : ااا ؟ تا فين غير تفكرت شي حاجة وصافي هههه”حكات راسها بخجل”
منير : هاااكاك”هز صبعو وشير ليها” هو هذا الكلينيك ؟
فرح : هو هذا دخل من الباب الي لور “حلات صاك وجبدات البادج ديالها ركباتو باش كيف يوقف تنزل واجدة حيث اليوم يوم الاثنين وكتخدم فالصباح ف جابها منير من سيدي بنور نيشان لخدمتها حتى تسالي عاد تطلع لدار…وقف سيارة سلمات عليه وخرجات هازا صاكها فايدها وساشية فيها لانش بوكس الي صايبات ليها مرات خالها وساشية اخرى كانت تاهي هازاها ….طلعات لخدمتها …لبسات طابلية وشرعات فالعمل ديالها فالصباح…
ايمان : فرح “عطاتها ساشية فيها اسم الكلينيك” هادو ديزاناليز طلعيهم لجناح ديال ماكسيلو فاسيال…”كتقرا فسمية” لبروفيسور علي …
فرح”صرطات ريقها فاش سمعات سمية يعني قريبة ليه…حركات راسها وشدات من عندها ساشية تسناتها تا دخلات لداخل وهي تمشي بزربة هزات ديك الميكة الي جايبة وخرجات كتزرب طلعات فسانسور وماحدو كيطلع ماحد ضربات كيتزادو…ديما كتبغي تشوفو ولا تقرب ليه ولا غير ريحة من ريحتو كتوثر وتحشم…تحل باب سانسور نيشان على الجناح مشات لقات امينة فلاكوي ناضت معاها تا حلات ليها الباب بالبصمة ودخلات نيشان لجيهة جناح بروفيسور علي…دقات الباب حتى سمعت…
علي : دخل..
فرح”يحساب ليها بغاها زين الدين واختار مكتب علي باش ميتيرش شبوهات ف خاب املها حدرات عينيها على الميكة كي دير ليها فهاد اللحضة حشمت تدخل بيها فكرات تحطها عند الباب.مزال كتفكر تا تحل الباب وطل عليها” : دكتور…
علي”بابتسامة” : اهلاا لالة فرح زارتنا البركة…دخلي بنتي دخلي…
فرح”تبسمات ليه” : الله يكبر بيك..”دخلات وحشمانة من الميكا الي هازة خهه” سمح ليا دكتور جبت معايا هادي..
علي”كمش حجبانو” : شنو هاديك ؟ ماعليش ابنتي دنيا هانيا..
فرح”كانت جايباها لزين الدين لكن الواجب والاصول والاخلاق تصرفو فهاد اللحظة وحشمات منو فكان ردها” : هادي واحد البركة من البلاد عندنا ليك “بخجل” سمح ليا هادشي علاش قديت..حيث منسيتش لجيست الي درتي معايا ديك المرة “الكريز الي جاتها ولقاها فالباركينغ طايحة” شكرا بزاااف…
علي”حل فمو بدا يضحك متقاجئ” : اااه اهههههههه الله يكبر بيك…”شد من عندها الميكة” هادشي خير البلاد ولا ؟ الله ضربتي العرق ابنتي ضربتي العرق …”حل الميكة وجبد منها ميكة ديال زبدة بلدية وميكة اخرى فيها السمن الحايل المعروفة بيه دكالة..وكل مكيهز كيحل فمو ميت بالفرحة حيث هو من نوع الي يموت على البلدي لسواق وشعبية …وميكة عامرة بالبيض البلدي فوسط تبن باش ميتهرسش…وقرعة كبيرة ملككة بسولوفان ..
فرح : هذاك لبن ديال دار وقرعة ثانية رايب مسوس”باش ميعرفش را ديال زين الدين قالت” كنديروه مسوس فدار جدي قليل قين كنديرو الحلو احم….والقرعة ثالثة ديال الحليب ديال هاد صباح..
علي”بفرحة” : الله يرضي عليك ابنتي ويكبر بيك هههه هادشي الخير هذا..
فرح”بابتسامة” : بصحتك دكتور…
علي : غا عمي براكة ههه..
فرح : هههه واخا..مهم”حطات ليه الساشية الي فيها اضرفة التحاليل” هادو ليزاناليز الي طلبتي …
علي”كيجمع فداكشي” : واخا بنتي merci beaucoup ..
فرح”حركات ليه راسها واستاذنات باش تمشي حتى تحل الباب ودخل بكااامل اناقتو قميجة كحلة فوق منها جيلي گري وسروال فلون الجيلي طاوي كمايم قميجتو وخاشي ايديه فجيابو على شوي ترجع بلور هزات فيه عينيها كترمش وقلبها بغا يسكت وشحاااال توحشاتو فهاد اللحظة “…
علي”هز فيه عينيه” : الله ينعل معرفتك اولدي ..فين غبرتي هاد الغبرة فييين…
زين الدين”شاف ففرح ” : فرح …
علي”هز ديك الميكة معنقها تقولي خايف يخطفها ليه شي حد فهاد اللحظة را عندو العيد تا جاب لفرح ضحكة” : ها امانتي غانديها ونتا هانتا مع امانتك ..”جر لفرح راسها باسو ” الله يرضي عليك ابنتي…”خرج مخليهم بزوج راس فراس كانت كتشوف فيه وشوي تشتت نضر بالخجل …تا حنحن ونطق اسمها وتبعها جملة خلات القشعريرة تسرى فذاتها”
زين الدين”رجع تاني كيحضي تفاصيل حركات وجهها تعبيرية من الخجل الي كيعشقهم ونطق بصوت مبحوح بجهد ” : الفرحة. ديالي..
حلات الباب من بعد ماتاكدات ان لاكارط وشنو غاتحتاج كاين…ضارت جيهة الدار وهي تعيط لامها ..صفاء : وماااااي..
فاطنة : يعطيك الغمة تي نقصي صوتك نعل والديك…
صفاء : وابغيت نسولك واش بغيتي شي حاجة ؟!
فاطنة : تكوني جايا جيبي معاك كيلو مطيشة ورابعة ديال الحامض ولا تعطليش…
صفاء. : ومااعرفت على حسب النوبة امي امتا توصلني…
فاطنة : مالك باغا تجيبي الفلوس ؟! منعرف لوالديك لاش داك العجب شارياه لداك الخنشوش لاش…
صفاء : مييي سلكي وخلي الملحة كافية وكثري سكار من جيهتي رفعي ليا العنويات وخليني نتيق راسي تي مالك مالك امي ..”حلات الباب وخرجات شافت سااعة كانت العشرة ديال الصباح…بان ليها سيمو وهي تجري لااا ماشي كتجري كاتنقز. تا طارت بتنقيزة جات قدامو تهز وتحط ماعرفها امتى بعتت..
صفاء. : حووووووبي…
سيمو : ماحب حد ومغانقضي ليك والو. وماخارجش معاك ومعانديش فلوس ومكنعرفش مك ..اش كاين ؟!
صفاء : تكون فكانون تكون فيك زريعة فالمصاصط وينوض ليك الخز فركابي ويطلع ليك الما فراس ويفشلو ليك المسائيل…سير انا بغيتك فينما تنوي تفشل وفينما توقف طيح وفينما تحل فمك يتسد وفينما تنوي تاكل دير بناقص…بغيت ليك ساحق ولاحق ورصاص المتلاحق ..بغيت ليك شية وكية وعصية من حيث لا تحتسب…
سيمو : معاك بالله وبشرع وامين للمدعين…
صفاء”طلعاتو وهبطاتو” : شتك مسيكسي الحالة !! نتا غا كتمشي فالصباح مانتك كترجع واكل العصا…
سيمو : غادي عندي موعد مع شي ناس معارف بخصوص ضي خدمة ..
صفاء : موطوغيزي توصلني معاك لبوسطة ؟!
سيمو : فروقشوغيزي”غادي على رجليه زعما فراقشو ههه”
صفاء : انا بغيتك تولي غادي على كرشك وراجع على ضهرك..نهار دبحو مك الي انا كون عرفت ادير ليا هاكا كون قتلوك ..نهار سقت ليك الخبار هاديك جريتي من رباط لهنا ولدابا باقي مارجعت وليني الي معندو زهز مااعندو تا فخلا دار بوه…
سيمو : نتي غا غبرت عليك مو طحشة لحيمة فدجين تفربل لمك المخ…”شاف عصام جاي” اااه با عيصوم…
عصام : عاش من شاف وجاهكم نتوما !! شفت غاتغبر صاحبتكم يغبر ليكم ساس”شاف ف صفاء” نتي نهار تخدم يحلفو عليك ! مشاركين معاك سم…
صفاء : الاح..”ترعد راسها جاب الله سمعها غا سيمو الي خرج عينيه وضار لهيه كيتهز ويتحط زعما را كيقاد فسروالو”
سيمو : اروروروروروووووييييي الله..
صفاء : اهههه احم لااا حاشا ههههه غير تدهيت هاد ليام اخويا عصام وصافي…
سيمو”ضار بزربة” : خويا عصام لاحافضك وصلها لبوسطة لا قدرتي اخويا خاصها تجيب شي حاجة”ماداهاش فيها الي خرجت عينيها” ..
عصام”شاف فصفاء الي كتخرج فعينيها” : تحركي نوصلك..
صفاء : ااا ؟ هههه الا حشومة منعذبكش..
عصام”هز حاجبو ودار براسو مسمعهاش ودخل خرج الموطور ديماراه وركب ضار لعندها” : تحركي ركبي..
سيمو : صفاء تحركي براكة من البسالة وتبرهيش اختي اويلي ركبي يوصلك..”خلاها بغات تاكل جنابها وماقدراتش ههه” ركبيييي يركبو عليك الجنون…
صفاء”مالقات مادير سوى تركب وتستسلم تاني يلاه كي ركبت كسيرا منطالق بيها تا تهزت وتحطت ضارت عند سيمو كتحلف عليه بالحس” : لا بقات فمك نبقى بلا صحة المسلوت الكحل زرگ الكمارة اليهودي…”كمشات فصاكها وضارت راكبة ومكنززة فحال موصلها عزرين هههه مسافة طريق حتى كان موصلها قدام البوسطة ووقف نزلات وهي دور شكراتو” شكرا خويا عصام…
عصام : شنو عندك هنا ؟! تسحبي !!
صفاء : اا ؟ لا لا غير واحد الكوموند وصلاتني فالامانة…
عصام : نوبة ؟
صفاء : لا مكيكونوش ناس بزاف كيكونو فبلاصة سحب ولا شيكات …
عصام”شاف ساعتو” : يلاه دخلي انا نتسناك هنا..
صفاء : اا بلاش اخويا والله..و”مزال مكملاتش تا قفزت من صوتو الي جهد “اسيحت الوعد..
عصام : تحركيييي خلاص عليا من العياقة ديال الحبس الي ولات فيك!! ياك شي باس مكاين مدي ليك الورث ؟!
صفاء”بالخلعة”. : الااا …
عصام : ومالنا اش كاين ؟! ولا فيك ردان الهضرة مرة جايا نجبدها مع ملتك “غمض عينيه بعصبية مشير ليها براسو تمشي”تحركي انا هنا…”دارت فرررت معاودتهاش معاه مشات وجهها صفر بالخلعة على شوي يخلطها تما هي وصاكها ..جر لموطور شوية وهو يوقف فواحد ضليلة جبد كارو من جيبو شعلو كيكمي ويشوف فالناس تما..حتى حس بشي حد وقف عليه ومن ريحتها الي كانت كدير ديما وولفها فيها حس بيها ولكن كذب راسو انها متكونش هي تا سمع سميتو بصوتها الي غالب عليه تغنغين بداية البكاء…غمض عينيه وعقد حجبانو بغضب كل مكيتفكرها كيتفكر النهار الي سمع فيه اكفس هضرة والي بسبابها تحرمات من انه يكون زوجها بعد علاقة حب دامت لسنة…
لمياء”بصوت غالب عليه البكا..حالتها ضعافت ووجهها ولا عياان ” : عصاااام…
وقفات عليه كانت لابسة جلابة قهوية وشال فالبيج رامياه بشكل مهمل…ضور راسو ناحيتها بانت ليه حالتها ناقصة . باش تاذي الناس هما موصلوك بوالو فهنا كتربح النية الحسنة وكتخسر النية السيئة …وعلى نياتكم ترزقون…
لمياء : عصااام !!”عينيها غرغرو” ل لباس عليك !
عصام”حرك راسو” : الحمد لله اختي يسول فيك الخير…
لمياء”قلبها تقسم فاش سمعات ختي” : ياااك !! لهاد درجة ؟!”نزلو دموعها يجريييييو”
عصام”غمض عينيه كيتنهد” : بدلي ساعة باخرى…هادشي هضرنا فيه مكاين لاش يتعاود وماتحكيش على الدبرة راك تسمعي تاني الي ميعجبك ابنت الناس…
لمياء”قربات ليه ضامة ايديها كترجاه” : غييير قوليا شنو درت اعصام اهى اشنو درت ليك وعلاش درتي ليا هاكاك واش اذيتك وانا معارفاش اهى غير قوليا نصلحو ولا نعتاذر عااافاك”عوجات راسها”
عصام”خنزر فيها” :.بدليييي ساعة باخرى حسن ليك…ولا ندير ليك الي ميعجبك هنا حدا الناس”خرج عينيه تا ولا يخلع”
صفاء”جايا هازا كرطونة عليها لصاق مكتوب فيه الامانة..بان ليها عصام عاطي بصهرو وهي تقرب تال عندو” : عصام ممم”دورات راسها بانت ليها لمياء حسات بقلبها كيضرببببب ” احم س سمح ليا.انا .نتسناك لهيه…
عصام”ضار لعندها بزربة” : لا مكاين لاش يلاه نمشيو…
لمياء”دلات فمها بحزن كتسوف فصفاء وطلع فيها وتهبط” : يااااك اعصام ياااك اهى هادشي باش بدلتيني دغيااا نسيتيني ..اهى مكاين لا درت وصلت لا والو نتا من لول باغي تسوسني وتشوف وحدة اخرى…كنت حاسة بالي هاد خيتي عينها فيك..
صفاء”خرجات عينيها” : سيحت الوعد البااااطل را كيحرق ابنت الناس شدي لجامك وسرحي عودك اختي احاااي !!
عصام”جهد صوته” : اش كتخراي نتي اااااش دوري تقودي عليا من هنا يلاه..
لمياء”غوتات بالفقصة والسم الي فيها ” : بدلتييييييني ياااك بدلتيني بوحدة زرگة موسخة ماتسواااااش يااااك واااااااااااااااااااااااواااااو”غوتات بحر جهدها” بدلتيييييييني بخانزة ديال الخلا موسخة خانزة وخاااااااااايبة…
يلاه بغا يمشي ليها عصام يجرها تا ماعرف باش تبلى تا سمع صوت الكرطونة الي تلاحت لهييييييييييييييييييه وصاك لهييييييه ضور راسو بانت ليه صفاء كتلوي فشعرها بسرعة البرق تلاحت طارت عليها بشنقة من الحوايج وعينيها خارجين…
صفاء : اااااااااا شوري هاااااا شوري شوري الباطل را ساااهل اختهم اما انا بزاف على مك تكوني ختي بزاااف عليك…رديتينا بينا وبينو شي حاجة سكتنا حالك ساهل وعادي طيحي هاد الباطل الله اودي..وليني خانزة موسخة وخايبة من الفوق…
عصام”شاف ناس ضارو وبداو يتجمعو وهو يمشي ليها بغا يجرها منها لقاها ماتت عليها”
صفاء”ضارت عندو عينيها خارجين منضر وجهها يخلع…” : طلااااااق مني ولا نجمع الحزاااق كامل هنا…طلااااق مني
لمياء”شداتها من ابديها الي سانقين عليها بغات دفعها وهي تزيد تزير عليها” : وطلقييييييي الموسخة ااااه موسخة”خرجات فيها عينيها الي بياضو بداك السم الي فيها والغدايد ولا راسها كيترعد” وخااااايبة ضعيفة ومافيك تاحاجة زوينة يللاااااااه…”كتجر باش دفع ووالو..”
صفاء : ابزااااااف على مك…موسخة وخايبة وضعيفة ودايرة النفس يا عديمة النفس والبوووووطة اصاحبتي البوووطة وفيها نفس عليك…وعشيرتي المدلولة ودارت النفس يا كبيرة المدلولات يالي تفرقي دل على مالين العز ويشيط الخير…ابزااااااف على مك خايبة ودايرة طيسة وشااااان…ضعيفة وقرات وسايرة تقرا تاتخرا لمك على الوجه الصفريطة…
عصام”صعراتو فهاد اللحضة ومشا لصفاء دور ايديه على كرشها تا تطوات ليه بين ايديه وجرها بجهد من عليها مزييررر عليها وهي كتفركل وتركل بين ايديه تا تحل لاستيك شعرها وطاح ولات تجدب ليه تما” : وتركني الحبس تراااكني”خنزر فلمياء الي تجرتلت ليها جلابة وشال طاح نصو” وسيري غبري وااا غبري…”قرب وهضر بشوي ” هاا علاش ضربت عليك هاا علاش لجمي فمك وتعلمي تهضري ونتي باغة تحفري طيري خوووتي بالباطل يلاه غبري عليا وجهك ..
صفاء”كتركل وتجدب ليه تما” : وتااا طلق وااا طلاق..
عصام : ريحي لا نجبدها مع دينمك “غوت بحر جهدو تا قفزت لمياء وسكتت صفاء للحضة تا غفلاتو عضات ليه ايدو على حر جهدها كاع داكشي الي جامعاه من فقصة جيهة لمياء خرجات فالعضة فايد عصام تا خرج منها دم وطلقها بلهلا يطريه ليه”
ثفاء”مشات كتجري لكرطونة ودارتها ليها على وجهها تا تظفع راسها على شوي طيح لمياء” : هااا لالاك اش خاصرة على راسها هااا الماركة الي معندس مك الي كبيرها صابون الكبريت مسلمة عليك نهار الخطبة ماعرفت راسي مسلمة على بنادم ولا مولا يعقوب …نهار لمك تزها عندك الوقت تشري ثابون الحمااارة من عند مالين خمسة دراهم…كون فيك الفرح الي بيضة وزينة كون وجهك كي ناس ونتي وجهك شافو الجن وهرب ييري خوي عليك الما ونتي سم رعدك…اااااااا تسسسسسسسسسسسسس تسسسسسس “كدير ليها صوت اللفعة” جمعي جمعيييي السم الي طاح منك …وديري فبااالك واحد المتاااال زوييييييين …سعد الكردة كي الوردة ومولات سالف سعدها تااااااالف….
عصام”جرها من دراعها بجهد بايدو دايزة بد.م ودفعها ناحية الموطور” : تحركي ينعل بو مك فهاد النهار…”بغات تهضر وهو يخنزر فيها واحد التخنزيرة تا ضارت تركب وشعرها مشعكك”
كيف ركبات انطالق بسرعة محيد من تما من وسط كم من الناس الي تجمعو والشوهة الي دارت او وقعات مداهاش فايدو كاع واش تعضت ولا لا قد ما كان همو يحيد من تما…صعر ولكن ماقدرش يمد ايدو عليها او بمعنى اصح ميعطيهاش قيمة ويمد عليها ايدو اولا وثانيا كتبقى بنت وقدام ناس…مسافة الطريق حتى لدرب وقف الموطور قدام دارهم ماحتال يدور يهضر معاها لقاها نقزات طارت كتجري لدارهم جاب الله كانت محلولة وواقفة امها عند الباب معامن يهضر وكيدير يهضر…
عصام”عز ايدو شاف العضة وحجبانو معقودين عصباتو لمياء كثر ما تعصب من تصرف صفاء..”
فاطنة”فاش شافتو هو الي وصلها” : الله يرضي عليك اوليدي.وصلتيها…
عصام”مزال بنفس تعابير الوجه حرك ليها راسو” : دنيا هانية ميمتي…”حدر راسو ودور الموطور ورجع خذا طريق المحل..اما هي كي دخلات مشات كتجري لبيت ديالها سدات عليها وتلاحت فوق ناموسية كتنهج “
صفاء : هاااااي هاي هاي على وجه خرية المريض هاااي…”جناوح منخرها كيفرفرو خهه” قالت ليك زرگة اسيري الله يزرگ لمك المصاصط…اخ..”نطقات مها من ورا الباب”
فاطنة : وتي فين مطيشة والحامض الي وصيتك تجيبي ؟!
صفاء : لقيتهم باعوها امي كلها…مالقيتهاش صبري تالعشية وخرجي لسويقة ديال لالة زهرة وتقداي مقدية مقادة مي لا تبقايش كل نهار تقطري …
فاطنة : اويلي تغرگ فيه !!
صفاء.: هادشي الي عطا الله صبري نسالي ونخرج عندك ضربيني..”سمعتها تبرگم مداتهاش فيها حطات راسها على المخدة تسرحات كتشوف فالسقف وتفكيرها مشا كلو لهضرة لمياء والتنقيص منها..فواحد اللحظة كانت غاتاثر فيها هضرتها وترجع تاني صفاء القديمة الي كتقلب على اي حاجة تخليها زوينة تغلاض تبياض وخا هي نقية وزوينة ملامحها زوينين بزاف وهي كلها زوينة حتى من سمورية الي فيها غزالة حروفها كلشي فيها زوين لكن هي كانت فيها عقدة من بداية حبها لعصام وهي الضعف اما تا سمورية عندها عادي لان بشرتها نقية فلحضة كانت غاتبدا ترجع كيف كانت فاللول لكن رجعات فيقات راسها ورجعات لوعد الي عطات لراسها وهي ثيق فراسها وتزين راسها وتهلى فراسها لراسها فقط وليس لاي احد…وكل وهمو فهاد الحياة تا حد متزاد مرتاح كل ومشاغيلو ومشاكيلو وكل فين مدهي وهذا الحال في مدينة الدار البيضاء بالضبط امام احدى العيادات النسائية…وقف الطاكسي خلصاتو نسبة ماشي كثيرة لانها اختارت اقرب عيادة ليها من بعد ما سولات بطريقتها ومعارفها…هزات عينيها وقرات اسم البلاكة وهي تجبد تيليفون من صاكها وصونات ليها فالوقت الي عارفاها غاتخرج فيه…
توبا : فينك ؟!
ضحى : ماما انا عندي امتحان من دابا ساعة مكاينش كيفاش ندير حتى نلحق عليك…
توبا : كيفاش ؟ وعلاش ماعلمتينيش قبل مانجي ؟!
ضحى : مافراسناش حتى لدابا عاد علقوه اماما وزايدون را قلت ليك ممسالياش هاد الايام باش نمشي لعند شي طبيبة اماما عندي امتحانات فسونطر والمدرسة…
توبا : واااخا واخا تاتسالي على خاطرك ماعليش فات مني خرجت …
ضحى : ماما ماشي وقت هاد الهضرة براكة عليا الي وقع ليا والي كيوقع …بلا متسنايني العشا غانمشي عند بابا نبات عندو
توبا : غاتخليني نبات وحدي ؟!!
ضحى : اماما را باش صباح يدوز ليا فلوس فالكونت نتقدا شنو خاصني…كلشي تقادا ليا والشي لاخور مخليتينيش نهزو اش بغيتيني ندير ؟!
توبا : واخا بنتي سيري عند باك علاش لا مزيان نيت يعطيك مصروفك ويدير الواجب ديالو…سيري وقتما ساليتي نمشيو…
قطعات معاها بقات واقفة كتشوف فالدنيا ناس غاديا ناس جايا طوموبيلات فشاريع دايزة والي واقفة…توبا الي مكانتش كتاخذ طاكسي الا للضرورة القسوى توبا الي كانت تمشي وتجي وهي فالسيارة معززة مكرمة كتلبس اللباس تقليدي لا فدار لا فالزنقة وكانو هما يتقداو ليها…هاهي فهاد اللحضة غاتبدا تقوم كلشي لراسها وبراسها وتقدا راسها وطيب راسها وخا كانت كطيب فالدار تاهي لكن كان فرق بين قبل ودابا…مالقات مادير سوى تستسلم وتعاود ترجع لدار…اما ضحى كيف قطعات معاها تكات على لافابو ديال مرحاض المؤسسة مسندة عليه كتفكر فهاد الحريرة الي حطات راسها فيها وف مهدي الي مابقاش سول فيها لحد ساعة.حتى باش يقوليها اش وقع لحد ساعة مكان منو لا اتصال لا استفسار حتى…عند كل مشكيل كتغرق فيه كتزيد تلوم راسها على النهار الي فكرات تسلم ليه جسمها وتحط ثقتها وحبها بين ايديه يتصرف بيهم كيف بغا…نزلو دموعها على خدها كيترجمو مدى الندم الشديد الي واقع ليها بسباب شخص ضنات انه غايكمل ليها احلامها تبعات الشخص الغلط فالوقت الغلط حتى طاحت فاحد اكبر الاغلاط الي ممكن طيح فيهم الفتاة حتى ضيعات ثاني اعز ما تملك من بعد الواليدين…
ضحى”حسات بنغيزات وجع العادة شهرية مجهدين تا كمشات عينيها وحسات بسخفة…” : اممممم…فففف”حلات صاكها وجبدات منو بونستيل رمات حبة ففمها وشربات من قرعة سيدي حرازم صغيرة هازاها معاها فصاكها رشات على وجهها شوية الما ومسحات بكلينيكس هزات صاكها وخرجات..كانت عندها ساعتين وقت فراغ خرجات من المدرسة كتقلب بعينيها على صاحبتها منال هنا وهنا…حسات بسيارة وقفات دورات وجهها حتى بان ليها نازل منها وعينيه كيشوفو فيها….
ضحى : ريان !!!
ريان”وقف قدامها” : ضحى!!
ضحى : شنو جاي دير هنا ؟!
ريان : جيت نهضر معاك ..
ضحى”خنزرات فيه” : معندك فاش تهضر معايا وماشي شغلك فيا ياك عطيناكم تيساع لاش جاي تانتا تسول فيا ؟!
ريان”حيد نضاضر شمس وشاف فيها مزيااان وساكت شحااال تاتنوات” : علاش ضربك هذاك الكلب ؟! حنا تيقناك مدايرة والو عارفين بنت داركم ومربية “كتسمع هاد الهضرة وكتحس بقلبها كيضرب” بغينا نعرفو علاش ضربك او “هز صبعو” باش منكذبش بغيت نعرف علاش ضربك باش نتصرف معاه نتي خرجي سوق وحقك يرجع ليك…
ضحى : ونتا علاش كدير معايا هاكا ؟! فاش همك يرجع حقي ولا لا ؟!
ريان : نتي كبيرة وعقلك مزال واقف ف عقل بنت يلاه دخلات لسن المراهقة عاد بانو ليها المسلسلات والافلام عند بالها داكشي كاين “حك لحيتو” باش منكذبش عليك هو كاااين ولكن مكيصدقش مع كلشي كيصدق مع الي كتخدم”ضربها بخفة لراسها” عقلها ..كيوقع مع الي سبقات مستقبلها فوق كلشي …والي معندهم عقل كيصدق مع وحدة وسط مية وحدة…”شاف ليها فعينيها” عندك فرصة وحدة الي بقاات قدامك باش توقفي على رجليك وتعاودي تكوني راسك من لول وتصلحي الي هرستيه وهي انا…عاودي ليا كلشي وخليني انا نتصرف مابغيتيش. وبغيتي تبقاي نافخة لسما شحاال ماجلستي تخبطي مع لارض ومغايخبطك حد من غير راسك…
ضحى”هزات حاجبها” : رسلك زين الدين ؟!
ريان”ضحك بجنب” : زين الدين غا نسايه وحيدي من بالك انه مزال باقي يعاونك…زين الدين دابا هالعار يتكافا غا مع راسو عساك يزيد عليه المشاكيل …”جبد من كرطابل مذكرة حيد منها ستيلو وكتب فورقة منها نمرتو قطعها ومدها ليها” فكري مزيااان وعيطي ليا…”كمشها ليها فايدها”
ضحى : الي خلاك تجي على قبلي غايخليك تعاود تجي تاني وتسولني…
ريان”ضحك” : هههه لا عجبتني ثقة فالنفس الي عندك… غا سمحي ليا بغيت نفخ ليك ريش ساعاك الغالب الله…جيت لواحد الغراض هنا وبنتي ليا واقفة”حرك ليها راسو وزاد…
سمعات اسمها وكيفاش نطقو وعطاه معنى خاص بيه خلا قلبها يفرفر بجهد وتزيد تغرق فيه…وقدام وقفتو حسات بكرشها كتقلب..باش تطول فيه شوفة مكتقدرش كيطغى عليها الخجل والتوثر..لكن وهو معاها كتحس بالامان والحماية كتحس بانه تقدر دير اي حاجة بلا متخاف..كمية الانجذاب ليه قوية..كمية الحنان وهو كيشوف فيها بعينيه ويتفحص تفاصيل وجهها الخجول المحمر وفمها الي كيترعد وهي كتبغي تهضر معاه والكلام الي كيتعثر والحروف الي شي كيخرج وشي كتسمعو غير هي…
زين الدين : رتاحي…
فرح”ضارت شافت فالمكتب وفوطويات الي لهيه” : هنا ؟!
زين الدين : حسن لينا “حنحن” عند بالهم نتي عند بروفيسور زياني…
تبسمات وهي دور جلسات فالفوطوي جامعة رجليها وصباعها مشابكين حتى جلس مقابل ليها وريحتو دخلات مع نيوفها فلا داعي ان اقول بان قلبها اصبح سريع النبض لانه يدأ يتسارع بمجرد ما دخل وريحتو سابقاه واحد الريحة فيه مميزة بزاااف
فرح”حنحنات محيدة تشحريجة الي فحلقها.قبل متسولو” : كيف بقيتي”بصوت منخفض شوي”
زين الدين”داير رجل فوق فخدو وصبعو على لحيتو مسندها عليه..حرك ليها راسو” : اللهم لك الحمد…”تنهد هاز عينيه لسقف ورجع شاف فيها” الي دازت على راسك تعلمك…
فرح”كتفكر هضرة الحسين وكتزيد تحزن عليه بجهد” : اش وقع ليك علاش غبرتي..
زين الدين”بقا كيشوف فيها وهي كتهضر وكيفاش بانت لمعة الحزن فعينيها وهي كتسول فيه…وبهاد سؤال رجعات لديك الليلة الي تلقى فيها واحد الجرح خلا فيه اثر وتما عرف راسو انه معندو سوى الله ولكن بسؤالها هذا وقلقها عليه زاد غرق اكثر فيها وتاكد زيادة انها هي الي غاتكملو وتهز معاه الهموم وتشاركو فيها…من نهاشر طاحت عينو عليها حس بحنيتها الي خارجة …تنهد وهو كيسوف فيها وفنفس الوقت كيفكر منين يبدا وشنو يبدا…” : وقعو ليا شي مشاكيل مع العمة …
فرح”بدهشة” : شكون واش خالتي توبا الي جات ديك المرة ف”سكتت حيث تفكرت داك النهار الي بدا فيه الحساب وتصفية وكانت هي ضحية” احم…
زين الدين”طوا لسانو بغيض بدون ماتشوفو..تفكر تاهو داك النهار وفقصة الغالي الي وصلاتو لهاد المواصل..حرك ليها راسو بثقالة”
فرح”مقدراتش تقوليه علاش حسات بالي معندهاش الحق” : ااه ماشي مشكيل هادشي عادي حتى انا كنتخاصم مع خوتي وكنرجعو عادي حتى دار مخطاوها المشاكيل…
زين الدين : خوتك ماعليهم حرج نهار طيحي مايفوتوكش ونهار توقفي هما وراك ونهار تمرضي عند راسك ونهار تبكي يمسحو دموعك…فرح ماعمرك تحطي خوتك فمقارنة مع شي حد..خوتك ميتقارنو خوتك رجال يتشد بيهم ضهر …”تنهد ورجع كمل هضرتو” العمة قصحات معايا هاد المرة ..”كيهضر وعينيه فلارض ساااهي رافع حاجبو فحال كيخرج داكشي الي فقلبو بلا ميحس…” نهار تقلب على الكاس الي بقا من وسط زينة الكيسان الي مشاو … كتشوف وتشم فيه ريحة واليديك والدم الي بقا ليك منهم هو نفس الكاس الي يهرسك وينحيك من ديك الزينة…عمتي ماشي غير عمة عمتي حاط عليها وفيها كلشي منها ريحة الواليدين ومنها ريحة ختي الصغيرة شامة…ريحة البغدادي الي بقات…
فرح”تبسمات وسط حزنها عليه ملي سمعات اسم ختو ونطقتها بشكل مطول وثقيل” : شااامة ههه اسم زويييين..
زين الدين”حرك راسو ببشاشة فاش تفكر ختو صغيرة” : طير الجنة…
فرح : ضراتك بزاااف لهاد درجة !!
زين الدين : فيضات الكاس وهو خاوي وصافي من جيهتها..جرحات وحطات الملح…
فرح : علاش ؟!
زين الدين”عاود ليها على ضحى ولكن بدون ميقول شنو وقع حيث كيبقى شرف البنت الي مزال هو مماكدش ان بصح هضرة مهدي صحيحة ميجيش ويعاود ليها على حاجة هو رافض يقولها لراسو…”…
فرح”تنهدات من بعد ما سمعات ليه حدرت عينيها واحد لحضة بقا فيها الحال انه معندهاش مها الي دافع عليها تاهي فاش كان كيضربها باها…عضاات شنايفها قبل متهز فيه عينيها ” : ماتلومهاش هادشي عادي متبغي حتى ام تشوف بنتها”هرب ليها صوت فهاد اللقطة الحساسة عندها”… كتضرب… “صرطات ريقها كاتمة الغصة الي في حلقها” هادشي عادي…
زين الدين”حس بيها” : مالمتهاش ومنلومهاش من لول عارفين وعايشين هادشي معنديش الحق نحط عليها ايدي.،،، فرح مغانجيش ونمد ايدي بلا موجب شرع.ضحى ماشي بنت عمتي ضحى حاسبها بنتي ختي صغيرة مني وفيا حاسبها تحت جناحي “ضرب صدرو بصبعو” نهار نشوف عليها الغلط ولا نسمع عليها شي حاجة منرضاهاش لراسي انا لول..الساعة الله الواحد يعذر الانسان ماشي ملاك افرح مايضربك ولا يعايرك من غير الي ضرباتك عليه نفس وتحسبو راسك ..شنو لاحني حتى نخلق لراسي المشاكيل”خرج عينيه” راسي وما شاد ليه الخاطر افرح راسي وممكافي معاه…
فرح : يمكن فاش تعصبت ماقدراتش تحكم فهضرتها ..احم..كان كيقوليا جدي اللسان مافيه عظم ..فاش خويا عصام كطرا لشي حد فينا انا ولا فوزي بالخلعة علينا كيبقى يعاير فينا حنا غير جيب يا فم وقول ههه ماعرفتش هي باش حسات ولكن الي فهمت يمكن فاش خافت على بنتها قالت هاديك الهضرة…
زين الدين”بقا كيسمع ليها ويحرك فراسو بشكل ثقيل وصبعو كينقر فوق جنب الفوطوي..حدر عينيه لنقطة بعيدة وقال” : كلام العار كيهرس والي تهرس ماكيجبر…
كلام كان خارج من القلب من قلب مجروح مكسور من اعز ناس واقربهم…صعيب تنسى وتسمح وساهل تشكي لكن صعيب لمن تشكي وماتشكي غييير الي عارفو وقلبك على قلبو وخاطرك مرتاح ليه وباغيه وهمك على همو وعارف غايفهمك وحتى الى مافهمكش فراحتك معاه فالكلام كافي وموفي…
فرح”سكتات فهاد اللحظة مالقات ماتقوليه باقي”
زين الدين”دوز على وجهو بتعب حس براسو نوعا ما رتاح فالهضرة..حط دراع ايديه فوق ركابيه وشابك صباعو وشاف فيها” : شنو المشكيل الي بغيتي تعاوديه ليا ؟!
فرح”هزات فيه عينيها ورجعات حدرتهم” : هضرت مع خويا فوزي…
زين الدين : فاش …
فرح”بقات كتلعب بصباعها بتوثر وخوف..قبل ماتهضر” : قلت ليه بالي خدامة هنا عندك…و”قاطعها”
زين الدين : خدامة حدايا.ماشي عندي فرح الكلينيك ماشي ديالي وحدي ونتي خدام فجيه وانا فجيه ولو تكوني عندي منبغيش نسمع كلمة خدامة عندي…
فرح”تبسمات فسرها ورجعات كملت هضرتها” : مهم عاودت ليه حيث هو كيفهمني من صغري كنعاود ليه كلشي حيث ماشي غير خويا كنحسبو اقرب صديق عندي.فحالو فحال صفاء وسيمو…عالاقل الى عرف هو …
زين الدين : يخفاف عليك الحمل من جيهة عصام ..”حركات ليه راسها..”من بعد ؟
فرح”بحزن..عاودات ليه شنو وقع مع فوزي وحتى مشيتها لعند جدها لهاد الغرض…هي كتعاود ليه وهو كيسمع وكيزيد يتاكد ان الامر مطول مع هاد الخوت الي عندها..ورغم ذلك مصر وغايبقى مصر عليها..”
زين الدين : هادشي عارفو فرح وماكد منو غايطرا..هادشي طبيعي ماشي غريب يوقع…ماهضرتش معاهم لدابا “هز صبعو” الى ماعرفت واش باغية زواج مني”رد ليها البال تزنگت فهاد اللقطة.” الى ماهضرتي نتي مايمكن ليا نوصل ونهضر…”هز صبعو ثاني ورجع تقاد فالجلسة كيشوف فيها بنضرة جدية” فرح سمعي مني مزيااان …الهضرة الي قال فوزي وجدك بلا شك ميحتاجش شي حد يتناقش فيها…سمعي منهم وديري بهضرتهم…
فرح”عينيها غرغرو” : عصام واااعر بزاااف…
زين الدين : وشحاال جهدو فهاد تاوعوريت “الوعورية” شحال ؟!”خرج فيها عينيه” غايمد عليك ايدو !! يقتلك كاع بسلامة ؟!…كسبي خوك وماتخسريه…تجي منك وماتجيش من البراني…”شافها كتهضر وفصوتها نبرة خوف” فرح شوفي فيا .
فرح”هزات فيه عينيها”
زين الدين : مايكون غير الخير ديري املك فالله…عصام الي كنعرف معاك نتي ديري الي درتي ميفوتكش…ونهار يشوفك فرحانة وباغية را معندو ميتسال ديك الساعة…تفاهمنا ؟!
فرح”حركات راسها ب الايجاب..وهزات فيه عينيها” : شنو غادير مع عمتك !!
زين الدين”بقا كيشوف فيها قبل ميرجع يتسند على الفوطوي” : مكاين مايدار…عندي مشاكيل ومشاغيل فوق هادشي…
فرح : غاتبقا وحدك فالدار”باسف عليه” …
زين الدين : كاين الله…ماعليش معندي مندير هاد ساعة تايفرج الله…
فرح”تبسمات تا بدات ضحك” : هههههههه
زين الدين”هز حاجبو” : مالك ؟!
فرح”حطات ايدها على فمها كضحك” : ههههههه كنت جاايبة ليك معايا الغلة ديال بلاد جدي..بيض بلدي زبدة سمن حليب لبن رايب مسوس ههه ..
زين الدين : ايه ؟
فرح : ههههه لقيت بروفيسور علي هنا وحشمت هازاها فايدي وحيث دار معايا داك لجيست ديك مرة …
زين الدين”شير ليها بايدو زعما مشات” : داها هو ؟!”شافها كتحرك فراسها وكتضحك” هادشي ماغريبش عليا من جيهة الحاج الله اودي…
فرح”ضحكت تا تهزو حناكها وغمضت عينيها ” : ههههههههه مرة اخرى ان شاء الله…
زين الدين”بقا حاضي ضحكتها” : الضحكة ومعامن كتجي …
فرح”حدرت راسها وضحكة مزال مرسومة على شفايفها مع اضافة رشات الخجل من غزلو ليها ..” : شكرا..
زين الدين”بطنز” : هذا واجب…
من بعد جلسة اخذ ورد جلسة الي كان فيها راحة لكل واحد فيهم..هز فيها راسو كيحك فشنايفو بسنانو وعينيه مصغرين فيها…تا نطق بداك صوت المدعدع مقفزها لكن ماشي بصوته وانما بسؤالو الي نسااات واش يسولو ليها…
زين الدين”بمجرد مكيتفكر سيرته كيركبوه جنون ههه..رفع حاجبو” : شكون داك خينا نتي ؟!
فرح : شكون ؟!”تفكرات اسماعيل” اااه اسماعيل ؟! . “شافتو مغوبش وداير واحد صبع كيمضي فيه بسنانو…تاتفكرت تاهي حنان” وشكون هي حنان ؟؟؟
زين الدين”هز حاجبو” : غانبداو نترادو هنا ؟!
سؤال بسؤال ناتج عن نار غيرة حااارقة بيناتهم كل واحد والغيرة كيفاش كتلعب عليه وتاكل فيه من لداخل خصوصا فرح الي اول مرة يمكن تحس بهاد نوع من الغيرة ..
فرح”بقات كترمش فيه خلعها بديك الشوفة الي مكتبشرش بالخير وهي الي شايفة غير شوي من صعرة ديالو كيفاش دايرة…فما بالك لو حضرات لتجنديخ الي كيجندخ ليا العباد..استجمعات نفس وبادرت هي الاولى ” : احم …كنت كنعرفو فلافاك فاش كنت انا السنة الاولى وهو فالاجازة…كان كيقول غايخطبني فاش نسالي حتى لواحد نهار بات ماصبح مابقاش بان ..نهار الي بان خسر عليا زوج كلمات الله يجيب ليك ماحسن مني…وانا مالايقاش ليه حيث باغي يخدم وانا “ضحكت” كنجيب ليه غير النحس…”هي كتهضر ومراداش البال لزين الدين واحد الايد من كثر ما زير عليها تسقط منها دم ..هزات كتافها وشافت للناحية الاخرى ” صافي كل شاف طريقو وقضية بغا يخطبني ماعرفتش علاش قالها وهو عارف انا سديت من جيهتو يعني هو دابا حالو حال اي واحد عادي…فقط معرفة عرفتها وصافي وراك شفتي وسمعتي كلشي قدامك ديك المرة..ماضي وداز وانا نسيييتو غير جابتها الوقت…
زين الدين”حاول ما امكن يكتم نار الغيرة انها تخرج على شكل غضب لانه ماكيتحكمش فغيرته ناحيتها..بقا كيسمع ليها وهو صابر وساكت مهم ليه يعرف عليها كلشي مهم ليه يهضر معاها ويستغل هاد الجلسة الي بزز باش تنسقات على ودهم…حتى كملات وخذا وقت كااافي باش يرتب كلامو وحتى هو يهضر فنوبته ويشرح ليها شكون حنان ؟.” : كنت ناوي معاها الحلال…”هزات فيه عينيها بزربة” هادي شي 5 ans العام الي غانمشي فيه لدبي..كنا معاهدين من بعد عام نتزوجو وتبقى تجي عندي مرة مرة لدبي فالعطلة فاي وقت سهل عليها الله حتى توصل لعام الي تبغي دير تخصص…”فهاد اللقطة فرح قلبها شعلت فيه العافية مكرهاتش يقول معرف تاوحدة من غيرها..هز حاجبو وهبطو” نهار يكتاب الفراق نهار الي متكون داير بالحساب وربي كيكتب “هز فيها عينيه ورجع بيها ل خمس سنوات قبل”
#فلاش_باك..
زين الدين”دخل بسيارتو لفيلا ديال بنسودة ونزل لقاها جالسة عند طابلة مقابلة مع لابيسين كتلعب بتيليفون فايدها وايد لاخرى متكية عليها حنكها وسااااهية تا وقف عليها لابس تيشرت بيض وسروال سورفيت كحل داير كاسكيط كحلة ونضاضر شمس على عينيه حيدهم وحطهم فوق طابلة وبقا واقف” : هاني مالك ؟!
حنان”هزات فيه عينيها” : انا قررت ازين الدين غادي ندير تخصصUrgentiste : médecin spécialisé en médecine d’urgence)”طبييب المستعجلات..وهاد التخصص مولاه ديما فالسبيطار “…
زين الدين”هز فيها حاجبو” : عرفتي فين كيقراوه ناس ؟
حنان”حركات راسها” : غادي نمشي نقراه ف USA “وقفات وحطات ايدها على دراعو” يلاه نمشيو ليها نقرا تما ونعيشو تما عافاك…هاد spécialité (التخصص) هي الي كنت كنحلم بيها من صغري ونتا عارف هادشي ..
زين الدين”مغزز سنانو” : وماعارفاش ابنت ناس بالي بيها مغايبقى ليك وقت فين تحكي راسك بقا غير تقابلي دارك تاهي؟ نهار لول شنو علمتك !! ياك علمتك لا بغيتي نكملو اختاري الي يخليك تكوني حتى فدارك نهار لول موقفتش فوجهك وشرطت عليك هادشي ؟ بلا منكثر عليك فالهضرة “خرج فيها عينيه” ماكدة بنت الناس ؟!
حنان : وااا زين الدين ياك كتقوليا الي درتيه انا معاك فيه ياك نتا كنتي كتعاوني علاش مابغيتيش نديرو…
زين الدين”خبط طابلة تا قفزت” : معاااااك ابنت ناااس معاااك. مافيهاش نقاش…l’Urgentiste صباح وعشية وبيرمانونص فسبيطارات الخلق لا نتي مع راجلك لا نتي مع ولادك هذا لا درتي بيها الولاد ريشك منتوف ووتادك مگلوعين…ابنت الناس انا باغي مراة نحل عليها عيني ونمسي عليها عيني ماشي امراة نشوفها مرة فالشهر !!!”هز صبعو” بغيتي ديريها الله يسهل عليك منوقف فطريقك وندير ليك مسمار جحا..الله يسر ليك نهار تبغي ديري autre spécialités علميني …”يلاه هز نضاضرو وتم غادي حتى غوتات بالفقصة”
حنان : نتاااا كتفكر غا فراسك مافكرتيش فيا… واخا تشوفني مرة فالشهر اااش فيها ؟ ياك كتبغيني والي كيبغي يضحي وخا تشوفني مرة فالشهر كون معايا وخليني نحقق حلمي ماشي تفكر غير فراسك…كتفكر فامراة الي تقابلك بمرضك..هذا الى لقيتي الي تقبل عليك بديابيت الي فيك مريض وناقص وهاز راسك للسما”ضور راسو بجهد جيهتها مخنزر لاقصى حد تا جناوح منخرو فرفرو كان على شوي يجمعها معاها لكن صبر راسو وحيد الخاتم من ايدو وشير بيه لهيييه تاتلاح فلابيسين عطاها بضهر وزاد هاديك مشيتو لدابا…”
~~~هادشي كيعاود فيه وعينيه فلارض حجبانو معقودين كيهضر وفرح كتسمع وعينيها غرغرو…حتى كمل..بقا ساكت هز فيها عينيه وسرح ايدو وجمعها بمعنى هادشي الي كاين..
فرح”مسحات دمعة فطرف عينها بزربة وشافت فيه” : علاش ديابيت عيب ؟!
زين الدين : شنو بان ليك ؟!
فرح”عوجات فمها” : كون شفتو عيب ماتلقانيش كنسولك شكون هي حنان”خرجت فيه عينيها..وبوادر الغيرة ضاهرة عليها”
زين الدين”عض صبعو بين سنانو هز حاجبو وحطو حمقاتو ردة فعلها ونطق بنبرة خااترة خارجة من القلب ” : وكيتسناو نفرط فالحنينة ديالي..
كل مكيتعمق معاها فالحوار كل مكيزيد يغرق فيها اكثر واكثر وكيزيد يتاكد هذا اذا ماقلناش انه فات مرحلة التاكد واصبح متيقن انه بلا فرح ميمكنش يلقا بنت الاصل كيف مكيسميها وهي اكثر جملة والجملة المناسبة ل فرح “الفرحة ديالو” ..من بعد حصة علاج نفسي وراحة ليه حس براسو خفيف فهاد اللحضة وحس براسو قدر يفهمها او لقاها هي تفهماتو ومكاين ماحسن منها الي مريحة قلبو وبالو…
فرح”قلبها فرفر من اخر جملة قال حسات بالوقت داز” : يمكن خاصني نمشي باش منتعطلش…
زين الدين”حرك حجبانو باسف ماكرهش تبقا معاه اكثر لكن الله الغالب فهاد الضروف…وقف كيسوس فحوايجو باش يتقادو من تنعكيش الجلسة وحتى هي وقفات” : ماسخيتش..
فرح”تبسمت بحب” : ماعندنا منديرو…
زين الدين”من بعد ما مشاو تا وصلات عند الباب حط ايدو على كتفها كيربت عليه” : ديري شنو قاليك جدك وخوك فاقرب وقت ممكن ليك متنسايش كل ما تعطلتي مانتي فخير…
فرح”حركات راسها بقلق” : ان شاء الله ط..غاندير بنصيحة جدي ونشوف شنو غايقول…
زين الدين”قوس حجبانو”: وانا ماديريش بنصيحتي ؟
فرح : ههههههه لا حتى نتا”جمعات فمها بخجل وعيينيها فلارض”
زين الدين”حد راسو ناحية وجهها ونطق ماكد بكلامو” : جوابك كنتسناه…ماتعطليش عليا بزاف…”طبطب عليها”
فرح : هاد الايام ؟
زين الدين : عطلتييينا”زعما متعطليش عليا كتر من هاكا..حركات ليه راسها وضارت خرجات من المكتب…بقا شحاال واقف خاشي ايديه فجيابو وكيخمم شنو يدير فهاد المشوار مع فرح والي طيتسنى رد منها باش يمشي ويتصرف ويهضر مع خوتها عالتفاهم كاول شيء…من بعد لحضات تا تحل الباب ودخل علي لقاه واقف وحجبانو معقودين باينة كيفكر…”
علي”ربت ليه على كتفو كيطمن فيه” : رخي النفس اولدي ميكون غالخير…
زين الدين”عض شنايفو بتفكير وفنفس الوقت كيسمع لعلي تا حرك راسو” : ونعم بالله ونعم بالله…”دور راسو بجنب لعند علي” شنو عندك دابا ؟!
علي”جلس فكرسيه” : عندي réunion مع بروفيسور لقمان وبروفيسور مريم من بعد غانطلع ل الكلية ؟!
زين الدين”شاف فساعتو.” : من دابا ساعة عندي opération طويلة شوي”شاف فيه”
علي : الى خرجت من الاجتماع قبل غاندوز نشوف عندك من بعد نخرج …
زين الدين”حل باب وحرك ليه راسو” : مع تيسير الله…
خرج من عندو وتوجه مباشرة لجيهة ديالو دخل لشومبر لبس اللبسة طبية ودخل لقاعة ديال الفحص خذا ملف الحالة الي غايدير ليها العملية بعد قليل قراه مزيان عطا التعليمات باش يتصرفو شنو بغا عاد خرج ومشا نيشان لبلوك عقم راسو مزيان ولبس بلوزة الجراحة قام بالاجراءات اللازمة قبل الشروع فالعملية…اما فرح كيف خرجات من عندو وهي مبسمة غير وحدها ثلبها كيضرب وكلشي كيبان قدامها فاللون الابيض والوردي…كتحس براسها هي مولات كلشي فهاد دنيا…الفراشات كيلعبو فكرشها والابتسامة ممفارقاش شفايفها…رجعات لخدمتها وكملات عملها كيف العادة…
من بعد ما دازو ساعات وهو داخل العملية بحضور علي فاللول من بعد خرج حتى هو..استغرق وقت طويييل حتى كملها وعطاهم الامر من بعد مايكملو من وراه يطلع نيشان لغرفة الانعاش تحت مراقبة مستمرة ويديرو بعض الفحوصات الخاصة…تم جاي كيدلك فنواضرو بالعيا دسال العملية حيد ليگانت والبلوزة وخرج من البلوك داز لشومبر ديالو ولبس حوايجو وخرج المكتب كيستقبل الحالات الي جايين عندو حتى كملهم لانه اجل بزااف ديال الحالات قبل اليومين الي غاب فيها…حس براسو بغا يتشق جبد حبة من دوليبران رماه فكاس الما شاف فالساعة لقاها ستة ديال العشية يعني فرح غاتكون مشات لدارهم لانها كتخرج مع ربعة..شرب دوا وناض هز لوازم ديالو ولاح فوق ايدو فيستة عطا بعض التعليمات لاسلام ونزل البارك ديمارا طوموبيل وزاد نيشان لدار.الي مادخلش ليها من ديك الليلة وهادي اول دخلة…جبد الكارو شعلو كيكمي وهو سايق وبالو كلو مع فرح وخوتها…دوز الاتصال لحسين عاود هضر معاه وطمنو عليه.واكد عليه باش يجي عندو فاش يسالي…من بعد ما قطع مسافة طريق وصل لدار والحال ضلم ركن سيارة فبلاصتها ونزل دخل لدار الي مولف اول حاجة كيدير هي كيعيط لعمتو ولا تبان ليه جايا لعندو فاش يدخل لكن الان مكاين غير صقييييل حتى من السيدة الي كطيب هي والي كتميناجي دار مكاينينش عادة هذا هو وقتهم فين كيخرجو حيث مكيبقاوش فالليل حدهم ستة العشية…شعل الضو اللول وثاني حتى تنورات ديك البلاصة حد دروج من بعد طلع لبيتو دوش وتوضى وخرج صلى المغرب الي اذن عليه وهو فالطريق حيد عليه الفوقية وبقا غير بتيسرت وشورط خشا رجليه فكلاكيط ونزل لكوزينة يشوف شنو يوجد باش يشرب دوا وياكل…شعل ضو الكوزينة مشا لثلاجة حلها بقا شحااال واقف كيشوف شنو يدير..حتى سمع صوت ميساج فتيليفونو الخاص عرف غاتكون هي ولا الحسين ولا واحد فدراري ولا الحاجة مرات الحسين مهم اي حد قريب ليه خارج اطار الخدمة..هز قرعة الما وكب فالكاس يشرب فنفس الوقت تيليفون فايدو دخل لقاها هي الي بقا بالها معاه…
فرح : باقي قالكلينيك ؟!
زين الدين : وحدك ولا معاك شي حد ؟!
فرح : غير وحدي…”كانت جالسة كتفرج تا شوي بان ليها كيصوني ابيل فيديو ناضت قافزة مع كانت دايرة لشعرها زيوت وجامعاه اسفنجة لفوق مشات كطييير هزات الكيت دارتو بزربة طلات على راسها لا تكون لابسة شي عجب ساعاك جاب الله لابسة بيجامة خفيفة ديال وقت الربيع…ضربات حناكها قبل متجاوب وحنحنات باش تستعد وهي تجاوبو تا بان ليها مسند على شي بوطاجي وشعرو مخربق وتيشرت مزير على درعانو كيشوف فيها بدوك العينين الخضرين…”فالدار ؟!
زين الدين”حط تيليفون فوق واحد الفاز بجنب لافابو الي جا فوق بوطاجي وسط الكوزينة..وكحز بجنب تا شافت ثلاجة وراه ديال زوج بيبان يعني راه فالدار… ورجع شاف فيها”
فرح : غير وحدك ؟
زين الدين”شاف قدامو نيشان فالشرجم الي مقابل ليه” : .ماشي بعيد يجي عندي با الحسين.”شاف فساعة فالتيليفون” شوي ويجي مراد يمكن…
فرح : كليتي شي حاجة ؟
زين الدين”كيحك فلحيتو وعوج راسو شوي” : مزال على مولانا..يلاه ناوي نصايب شي حاجة…
فرح : مكايناش ديك السيدة الي كطيب ليكم..علاش موصيتيهاش تخلي ليك ماكلتك فالثلاجة..
زين الدين : معنديش وقت مقاد تشيتشونا ديالي…نهار هنا …يومين فالكلينيك “هز ايديه باستسلام” معندك ماديري طيحك ربي ف chirurgien(جراح)…
فرح”هزات نفس وعضات شنايفها كتفكر تا كمش عينيه مافهمش مالها…يلاه بغا يهضر وهي تنطق” : وريني ثلاجة شنو فيها ؟!
زين الدين”ماعطلهاش فالبلاصة هز تيليفون ودور الكاميرا جيهة ثلاجة” : هاهي لالة..
فرح”كمشات عينيها ماقشعت والو” : ماشفتش مزيان..
زين الدين”بطنز” : نتي والعما خوت..
فرح : هههه حرام عليك والله تكنشوف مزيان غا ماعرفتش ترتيب..ماعلينا بالنسبة ليك نتا ماخاصش تاكل لحم الغنمي حيث ديابيتيك “عوجت راسها” وحتى انا معنديش معاه باش تعرف…
زين الدين : الله يكبر بيك الالة…كملي..
فرح : كاينة كفتة تما ياك “جبدها من طاسة مقومة عرفها بالربيع الي فيها” ديرها كويرات وخليها فالجنب…”دار داكشي الي قالت ليه وتاهو عاجبو الحال شاد معاها الخاطر شي حد اخور يطفي عليه تيليفون ويهني الحزاق كامل ههه..زيداتو نقا البصلة كيحساب ليه يقسمها على زوج ويشلض تا قالت ” لا شدها هاكا بايدك شوفي بحال هاكا وضرب بالموس وشلض بايدك ماتقطعاش فوق اللوحة حيث مغاتجيش صغيرة كيف بالايد…”
زين الدين”دار كيف وراتو شلضها بايدو ماشي فوق اللوحة..تا بدات الريحة كتوصل لعينيه هز حاجبو..مادارش كيف كنديرو حنا البكية والخناين متبت حتى فهاد المسائيل…بقا تا كمل نصها شي لاخور ماعرفش بدات كتفلت ليه من ايدو تا جاب ليها ضحك” : ارا ماعندك…
فرح : ههههه صافي براكة غير داك نص ديرو فالطاجين وزيد عليها شوية زيت العود وملحة وابزار خليهم حتى تولي بصلة مرخية وذهبية رمي عليها مطيشة الي طحنتي وزيد زيت ودير عليهم دوك الكويرات ديال كفتة وسد على طاجين حتى تبان ليك مطيشة قربات تنقص من الما وشد زلافة حك فيها ضرص ثومة”كتقوليه وكيطبق فنفس الوقت مكيلقا ديك الحاجة تا كيبغي يهرس شي لعبة لكن هي عاوناتو فين ممكن يكونو بحكم الخبرة ومعضم البيوت المغربية كيكون ترتيبهم لهاد الاشياء بنفس طريقة…حك ثومة ومشا غسل ايدو من ريحتها جاب ليها ضحك حبستها بزز حيث شافت نقشة بدات طير ليه..زاد عليها تحميرة كمون سكينجبير ومعيلقة مطيشة الحك خلطهم بزيت مزيان ورماهم فوق الكفتة ومطيشة تا طابو مزال مطفاش عليهم دقيقة وطفا عاد خوا زيت زيتون ورش ربيع (هاد طريقة الي حطيت ليكم جربوها كتجي نسمة باينة وكتعطي البنة..) هز تيليفون يوريها طاجين وهي تشهق على مولاتي روينة الي دار شي فوق شي “
فرح : اويييلي على روينة ههه”جمعت ضحكة”
زين الدين”مشا لافابو غسل ايديه وهز زوج مشاور من مسح ايديه كيحرك فراسو كيشوف فيها حابسة ضحكة من حالتو سرح ايديه” : هذا ماعطاك الله قبلي على ما وجد…
فرح”سمعات صوت الباب” : نخليك يمكن فوزي جا..”حرك ليها راسو وهي تقطع…اما هو ضار شاف ديك الروينة دار ايديه على نصو كيفكر منين يبدا…فلاخر جمع كلشي دارو فماشين وسد عليها دار البرودوي وخدمها حيث هي نفسها الي عندو فدارو ف دبي…مسح فوق بوطاجي ونقا دنيا باش تجي مي خديجة صباح هي والبنت تلقاها نقية ..واحد شوي تا سمع صوت الباب تا دخل عليه مراد كان عاد جاي من القرايا..”
مراد : خويا زين الدين …
زين الدين : عالسلامة..”شاف جيهة طاجين” طلق راسك واجي تعشا ..
مراد”قرب لعندو حل طاجين وطلعات ريحة مع نيوفو” : لااااهياربي الله نتا الي مطيبو…
زين الدين : تحرك اصحبي”تم غادي خارج” دير معاك شي اتاي انا برا جيب كلشي تم..”قالها ليه ومشا لجردة شعل ضواو ديالها وجلس فوق الطابلة شرب دواه هو لول عاد جبد كارو وبدا يكمي تا شوي بانت ليه سيارة وليد داخلة ومعاه الحسين نزلو تاهما بان ليهم ومشاو لعندو سلم على الحسين ووليد وجلسو واحد شوي تا جا مراد هاز صينية اتاي واحد مسوس وتاني بالسكار مشحرو حيث شافهم من شرجم بيتو جاو فاش كان كيبدل حوايجو ونزل صايبو ودار بحسابهم تا حطو ورجع جاب الطاجين حطو ليهم مع الخبز…
الحسين”هز غطا طاجين وعطاتو ريحة” : بابابابا “شاف فزين الدين” تا شهادشي هههه..
زين الدين : سمي الله ابا سمي الله …”لاخرين ماعطلوهش مزاال كاع مكملها لقاهم بداو يدخلو فالطاجين..كلاو تا بقا فيه غالضص يبري..”
وليد”تكا عالكرسي شاد كرشو ويتبنن بلسانو بين سنانو” : الله..براكة عليا هذا جهد …
زين الدين” هز حاجبو” : كاااع !!” كحز ليه طاجين” زيدك ماتحشمش ..
وليد : ااههههه لهلا يخطيك هههه”شاف مراد حابس ضحكة ومدور وجهو لهيه” اههههه تهجرو نتا على عمرك…
حطات التيليفون وناضت تا دخل فوزي الي توقف وفك الشراكة مع مول المحل..بانت ليه واقفة كتشوف فيه …
فوزي : مالك ؟!
فرح : ماماليش غير شفتك جيتي بكري..
فوزي”حيد سبرديلتو وتقاشرو حطهم فبلاكار عند الباب ودخل” : مابقيتش خدام سالينا..
فرح : وايلي صافي ؟ وشنو غادير دابا ؟!
فوزي”جلس وحط مخدة فوق حجرو مسند عليها” : ديار ديار الله..ماعندي ماندير غانتسنى سعيد تايفك كرا الحانوت ونشد محل ديالو نعمرو..من هنا لستة شهور يسلمو ليا ومن هنا لتما”هز ايديه وحطهم” غاتبقاي تشوفيني ديما…
فرح”مشات جلسات حداه” : احسن مادرتي دير مشروعك راسك ومتسناش من شي حد شي حاجة “تبسمات فرحانة” عؤفتي اليوم داز ليا صالير ههه…
فوزي”شاف فيها” : مزيان على سلامتك…
فرح : غذا عارضة عليك نتا وعصام ..
فوزي : لاا خلي فلوسك عندك ماتعرضي ماتقربي…
فرح”بحزن” : علاش ؟!
فوزي : فرح بلا منعاود الهضرة خليني مزيان ياك ساكت ومخليك براحتك وخدامة براحتك ياك فرقت بين الخدمة ومشاكيل شخصية ؟ ياك هادشي الي قلتي شدي فلوسك شري بيهم شنو خاصك ولا خليهم فالبنكة وبقاي تجمعي والي خصاتك شريها وديري مستقبلك وبحال الى عرضتي علينا…
فرح : حيث خدامة فكلينيك ديالو ؟!
فوزي : بلا متكتري الهصرة وتسوال را هصرنا فرح الله يرضي عليك خليتك بخاطرك وخليني بخاطري…
فرح”حدرات راسها مبقاتش هضرت”
فوزي : نوضي ديري لينا مناكلو ياكما خاصة شي حاجة ؟!
فرح”حركات راسها بالنفي وناضت مجاوباتوش وتاهو مجاوبش ناض لبيتو بدل حوايجو وتلاح فوق سداري داز لنيتفليكس دار واحد سيري يتفرج فيها اما هي شدتها البكية حسات بقلبها كيحرقها تا نزلو دموعها سمعات ثوت ميساج من تيليفون وهي تهزو قرات رسالتو”
زين الدين : عطاك الله صحتك… لهلا يخطيك عليا…
فرح”مجاوباتوش خشات تيليفون فجيبها وردات العشا يطيب تا سمعات صوت الباب كيتحل مسحات عينيها من اثر دموع ديال قبيلة…تا دخل ” : عصام جيتي”سافت ايدو داير ليها سبارادرا عريضة” هييييي مال ايدك ؟!
عصام”شاف فيها بنص عين مغوبش” : ماعلماتكش صاحبتك ؟!
فرح : لا شكون صفاء !! لا مفراسي والو اش واقع مالها صفاء ؟
عصام : ماعرفت راسي مع بنادم ولا مفربلة (هبيلة) “عاود ليها شنو وقع وفوزي كان كيسمع تشقلب بالضحك تا بغا يسخف اما فرح ديك التقليقة حيدها ليها عصام وهو كيعاود على جنون صفاء وكيفاش دارت لمياء..بقات تضحك تضحك تا شدت فالبوطاجي وجلست لارض..
عصام “سمع فوزي كيضحك من البيت” : مااااااالنا الخرا ؟!
فرح”جمعت ضحكة وخا كتشتت ليها من جناب فمها” : هههه صافي صافي …انا نهضر معاها …
عصام”كيسمع ففوزي مزال كيضحك وهو يغوت تا قفزت” : وااااا سكتنا الحبس مالنا ؟!”سمعو صقل وهو يدور عند فرح” انا ندوش ونخرج عندي منقضي برا …”هز صبعو كيحدر” وهضري مع صاحبتك تلجم عليا فمها ولات باسلة وفمها مبري منها ولسانها طوال بزاف مابقات تحشم ولا تراعي…مالنا ياك لباس ؟ شلا ضصارة ؟ “مخرج عينيه بتخنزيرة” مرة جايا نعرف معاها شغلي…
حركات ليه راسها تا خرج وهي تمشي عند فوزي لبيت بغات طل عليه لقاتو خاشي راسو تحت المخدة وكتافو كيتهزو ويتحطو عرفاتو ميت بالضحك وماقدرش يحبس..
فرح : هههههه غا خرج راسك مشا يدوش ههههههههه…
فوزي”خرج راسو وتنسر بالضحك كيضحك يضحك تا بغا يهبل..” : واااكواااك الحق عصام على اخر يامو يتعض هههههههه مييييمتي كرشي..ناااري هاد صافا ممنهاش جوج حق الرب الى مفربلة…
فرح”جبدات تيليفون ودوزات ليها الخط من الواتساب بقا شحال كيصوني تا جاوبتها” : افييين العيشورية هههههههههه
صفاء : سديييييي عليا فمك لا نجي نكمل بيك مناقصنيش..
فوزي : وتي شتك كددتي ايد خويا…
صفاء : الي قلب عالحنش فالغار يلقاه..يلقاه.
فوزي : هههههه اشاوا كتقولي هي نتي افعى…
صفاء : انا كوبرا الي غاتعض تانتا وسط راس…هي قلبات عليا ولقاتني وتاهو لقاها الي حك نحاسي يلقا باسي خلاها با فؤاد رمسيس الله يذكرو بخير….واااا سيرو فحالكم لاش معيطين ليا ؟!
فرح : شفتك معاودتيش ليا…
صفاء : مساليتش كيف تانتي ممسالياش يلاااه…
فرح : ودوزي دوزي تعشاي معانا…
صفاء : لااا ولن ولم ولن اطرق بابكم مادام الجبار المتكبر الاناني كاين..
فوزي : ابو جهاد مغايكونش غاتهناي خارج…
صفاء : وتاايخرج ونجي علموني ديك ساعة اديوس نعلم سيمو حبي يجي عندي ونجيو عندكم…
فرح : واخا سيري هههههه…
في هاد الاثناء وبالضبط مدينة الدار البيضاء…داخلة لطواليط وشادة كرشها كتلوى بالوجع وردان..عاودت شربات بونستيل ووالو مقداش ليها كتهمد عليها وتنزل وتعاود تحبس ويشدها الوجع ثاني تا دقات عليها الخدامة الي عند باها هازا كاس. القرفة فايدها سخون وكدق…
هي : بنتي شوية دابا ؟!
ضحى”حابسة ردة” : ممممم شو شوية اخالتي غيتة اوععععع”حلات لاشاص واستفرغات كاع الي فكرشها والي مابقاش اصلا فيها شي حاجة ماترجع ..كترجع غير الكشاكش تا حسات بقلبها بغا يخرج…” ممممم
غيتة : بنتي نعلم باك يديك ليرجونص ؟!
ضحى : ماشي مشكيل غير اليوم وتهمد عليا اوعععت اكحكح”ناضت غسلات وجهها وحالتها حطات ايدها على كرشها وخرجات حلات الباب لقاتها هازة الكاس فايدها عاونتها تا مشات البيت الي فيه تلفازة وحطاتو ليها فوق طابلة تكات وجابت ليها الغطا غطاتها بزوج مانطات بزز باش دفات “
غيتة : بنتي انا غايخصني نمشي فات عليا الحال …
ضحى : غير سيري نتي بابا شوي ويجي…
غيتة”باسف عليها حيث معارفاش باها واش غايجي ولا لا ممسوقش ليها ولا علمها ولا عارف واش جات من الاصل” : بنتي باك مجايش اليوم على ماقاليا مسافر لشي بلاد…
ضحى”حلات عينيها وفمها” : ااا ؟ اااه نسيييت قالها ليا بفففف ..صافي ماشي مشكيل غير سيري الى تزاد عليا لحال نعلم لكونسييرج يعيط لطاكسي ولا اومبيلونص…
غيتة”حركات راسها وضارت مشات لبسات حوايجها وخرجات من بعد ما اطمانات عليها اما صحى بقات كتلوى بالوجع والعرق وسخانة حتى لمحات تيليفونها كيصوني دايرة ليه الصامت هزات تشوف شكون وهي تبان ليها سميتو “مهدي” كيصوني يصوني بقات كتشوووف فيه صونا وعاود صونا وعاود حتى سكت وهي طفي تيليفونها بمرة وضارت كتصنط لوجعها “….
#اسبوووع من الزمن وهي كتاجل حتى انها فهاد الاسبوع مقدراتش تلاقى بزين الدين فقط الاتصالات بينهم الا فالاربع الايام الاخيرة الي مبقاوش هضرو فقط كتابة بيناتهم ونضرا للانشغال المكثف الي عندو هاد الايام فالكلينيك والمحلاتةمابقاش ليه الوقت فين يحك راسو كيكتافي فقط انه يسول عليها ويسمع صوتها فالاوديو ومرة فالنهار اضطر انه ينشاغل بحكم اهمالو للمحلات والكلينيك ووصل وقت باش يشوف الحسابات ويجمعهم كل شهر…ولحد ساعة مزال ماعطاتوش الجواب الي كيتسناه باش يمشي يهضر مع خوتها….رجعات من خدمتها كيف العادة رتاحت ليها شوي وناضت وجدات كسكروط حتى تسمع صوت الدقان بجهد وهي تمشي كتزرب حلاات الباب حتى دخلات صفاء كتغوت وتنقز بالفرحة…
صفاء : واااااعووووووووو ههههههه وااااا فرحي وااا سعدي…
فرح : امالك ؟؟
صفاء”تلاحت عليها بتعنقية تا عصرتها ” : احححح نتي راك نتي نتي راك ختي حبي عشيرتي حبقلبي نتي..
فرح”كتبعد فيها” : وتي بلاتي وب وبلاتي راني عرفت هادشي مافيه شك…اش واقع…
صفاء”جرتها من حناكها وباستها فيهم تا ضرتها” : احححح الله ..”سركت ايديها كضحك” تي را غانولي زميلة عمل معاااك…وغانمشي ونجي معاك فالميني بيييس عههههه..
فرح”خرجات عينيها” : العاااار ؟ حلفي بالله ..عيطو ليك ؟
صفاء : تي را غير دابا قالو ليا تنين جي عندنا عطيتهم العنوان وقلت ليهم البلاصة فين كتوقفي نتي فين غايهزني البيس معاك ههه ديك ساعة عاد نشوف اش غايديرو معايا”عاودت عنقتها” هادشي لعريض الكتاف ديال حبك احبه حبا جماااا..تانشوفو ونعنقو…
فرح “خنزرات فيها” : شدي ايديك عندك. الالة…
صفاء”ميقات فيها” : مزينك.الدلفينة…حيدي حيدي الفرحة الفرحة اما نعض مك تانتي…اش دايرة ميتكال ؟ تسناي غانمشي نجيب كرواصة وكومير وحلوة لاكريم على حسابي..
فرح : الله…”مشات كتزرب جبدات فلوس من بزطامها” لا على حسابي انا هاكي مية درهم خودي الي عجبك وخليها ليك تاتخلصي تانتي وخودي لينا معاك …”مشات تجري جابت داكشي الي قالت عيطات لسيمو لكن لقاتو مكاينش ديك ساعة لكن جا فوزي وجلسو مجموعين قالوها ليه وخا ماعجبوش لحال لكن مابغاش يوقف فطريق صفاء لانها معندها ذنب سوى انها بغات خدمة ولقاتها …وكل مكتهضر كيشوف ففرح الي كتهز فيه عينيها وتحدرهم بحزن…بقات حتى جا عصام وخرجات عيطات ليها مها حيث جا باها سول فيها باش يبارك ليها الخدمة…تعشاو مجموعين وكل مشا لبيتو ينعس وكيف العادة نفس الحلم رجع ليها وتعاود حتى فاقت مفزوعة هاد الكرة وقلبها كيحرقها وعذاب الضمير الي دار ليها فوزي وزين الدين وجدها من ناحية عصام كيعذب فيها…حلات عينيها على صوت اذان الفجر بقات كتقرا فالقرآن وتعاود ولانها فايام العادة شهرية مقدراتش تصلي بقات فايقة حتى سمعات فوزي فاق يصلي ورحع ينعس وهكاك بقات تا صبح الحال ووصل وقت تمشي الخدمة…ناضت مقلقة وخاطرها مريض كتفكر ديك الحلمة وتعاود وجدات الي قدرات عليه حطاتو فوق طابلة ودخلات لبسات حوايجها طلاات على ساعة لقاتها باقي الحال بساعة ونصف…تا سمعات باب البيت تحل وخرج كيحك فعينيه…دخل لدوش غسل وجهو وحالتو ودخل عليها البيت لقاها جالسة وساهية ووجهها باهت مدايراش نقطة المكياج..
عصام : صباح الخير …
فرح”هزات فيه عينيها” : صباح الخير…
عصام”جلس مقابل ليها” : مالك فايقة بكري ؟!
فرح : فقت مع الفجر ومجانيش نعاس..
عصام”كمش فيها عينيه كيتفحصها” : عيانة ؟
فرح : لا لا غير قلة نعاس وصافي…احم..نكب ليك اتاي ولا قهوة ؟!
عصام : قهوة كحلة نطلع نكمي ونجييي
فرح”حركات راسها وكبات ليه كاسو دارت ليه سكار وعطاتو ليه ناض وقف وتم غادي حتى وقفاتو بصوتها” : عصاااام…
عصام”ضار عندها” : نعام ..مالك ؟
فرح”بقات ساكتة…كتفكر الحلم وقلبها كيتكمش وتانيب الضمير كياكل فيها حاسة بقلبها عااامر وحمل كبييير على كتافها تالقاتو حاط ايديه على كتافها كيحرك فيها وعينيه فيهم خوف كبير عليها وهادشي لمساتو فاش شافتهم تا جاتها البكية” : ع عصام بغيت نهضر معاك…
عصام”هز حاجبو” : خبار الخير “حط الكاس وجلس “
فرح : حتى نجي من الخدمة فالعشية …
عصام”غمض عينيه وحلهم ونطق بثقااالة” : فراااااح هصرتي هضرتي هضري دابا عشية ممساليش مدهي مع الحانوت جديد وعندي شلا تمارة مجايش فالليل داير مع صطوف عندنا منقضيو..هضري راني حاضيييك هاد ليام باغا تعلميني بشي حاجة وسامرة …
فرح : صافي حتى تسالي ونهصر معاك..
عصام : مابغيتش تهضري دابا ؟! “خنزر فيها”
فرح”الصمت..كتبغي تهضر وكيتلجم ليها الفم وكتفكر هضرة زين الدين وجدها وفوزي وهضرة زين الدين انها خاصها تهضر قبل ميطوال الموضوع وياخذ وقت وتصدق فمشاكيل اكبر…شافت فعصام الي بقا فيها فهاد اللحصة باين الخوف من عينيه وخا مبين صرامة وصلابة لكن تفحص عينيه ليها مخليه يبان خايف ومهول عليها يحساب ليه بيها شي حاجة حتى شافتو وقف وتم غادي وهي تنطق” : الكلينيك فين خدامة
عصام”ضار عندها” : مالو ؟!
فرح” كتشوف فيه وقلبها كيضرررربببب” : مولاه هو زين زز زييين الدين البغدادي” صرطات ريقها تا حسات بيه وحل فحلقها”….
قد ماكان الامر صعييب عليها قد ماكان ولابد مادير هاد الخطوة وتحيد عليها هاد الجبل الي ثقل عليها بزاااااف خصوصا هاد الايام الاخيرة الي عاشت العذاب مع نفس الحلم اغلب الايام كتصبح فايقة قبل من الوقت بسبابو…حتى انها باش تعاود لزين مالقاتش فرصة باقي لانه انشاغل بزاااف وهي مابقاتش كتلاقا معاه فالوقت الي كيكون فيه هو…واليوم بما انه الامر تكرر مرة اخرى قكان لازم انها تقوليه ولو يكون صعيب عليها الا انه ضروري الى بغات تستمر وتزيد لقدام وماتبقاش واقفة فنفس النقطة والكل كيتسناها دير خطوة واهمهم زين الدين وفنفس الوقت ماتزيدش تعطل لانه كل ما تعطل الامر كان اصعب…
فرح”قالتها ليه وقلبها حساتو وقف وهي كتشوف فيه داير واحد النضرة فحال ماسمعش مزيان”
عصام : شكون زين الدين”تنسا عليه ههه”
فرح”هزات نفس ونطقات عينيها ذابلين” : البغدادي”صرطات ريقها وعاودت نطقت” الي كان خاطبني…
عصام”خرج عينيه” : كيفاش مولاه ؟؟؟ كيفاش ؟
فرح: ه هوو م موول الكليينيك ف فيين خدامة…
عصام”جاتو فحال دوخة من صدمة الخبر” : يلاه عرفتيها ياك ؟ “خبط طابلة تا قفزت” وااااا هضري ينعل جد مك …يلاه عرفتي ؟!
فرح”حركات راسها بالنفي وحدرات عينيها”
عصام : ينعل بو مي انا لا فهمت شي ق”عض لسانو باش ميكملهاش..شير ليها بايدو باش تهضر” هضري را غاندير فدينمك شي عجب فهاد الصباح صبحنا عالله باش بادين…
فرح : ماكنتش عع عارفة فلول”صرطات ريق” ف فاش ممشيت لكلينيك لول وقلت ليك را لاحو لينا انونص يعني اعلان باش يختارو منا الي غايمشيو لكلينيك جديد والي صالير ديالو طالع وعندنا امتيازات حسن…عقلتي فاش وريتو ليك فالتيليفون رسلوه لينا فايميل…
عصام”هز ايدو وغمض عينيه بنفاذ صبر كيحس براسو مطنطن مع مكاميش كارو صباح كيحس بذاتو بدات كتغلي وسيرة زين الدين وحدها كافية تجننو لكن صبر بزز باش يعرف هو لول…” : وبلاااا بلا بلا عليا الي كتعاودي راااني عاااااارف الخراااا”خبط طابلة تتهزو طباسل” واش يلاه عرفتي هادشي ؟؟ هضري را المطارق بداو يضربو ليا فراسي صبحتي عليا بهادشي صباااح للله عاوتاني…راني على بوووونت افرح على بونت…واش الى يلاه عرفتي را ماعليك لوم…ديك ساعة نتصرف..
فرح”جاتها البكية وهي كتشوف فيه وحجبانها مقوسين يحزن” : لا عرفت كيف دخلت عندهم فالسيمانة لولة…
عصام”وقف مخرج عينيه” : عارفة من لول ؟ عارفة من اللول يا بنت الكلب وساكتة ؟ عارفة من لول وخدامة وتجي وتمشي وضحكي فوجهي بحال ماخاص اصل مك تا خير ؟؟ ا
فرح : راه ماقدرتش نخرج فلول حيث سانية كونطرا ميمكنش نخرج ..
عصام : ودابا “خنزر فيها بواحد تخنزيرة لا هزات عينيها. وشافتها غادير بناقص ” ودابا ااااش ؟ وااااش انا يهودي فهاد الدار ولا كلب مكلبن ؟ واش انا كيدار ولا رجل كرسي الله يغرق لبوكم شقف واش عينكم تجهلوني وانا جاهل خلوق فين بغيتو توصلو اصل مييييييييييي”غوت”…
فرح”بدات تبكي من الخلعة” : اعصام را خدمة هادي فلول اه مبغيتش وليني كنتي ديك ساعة خاطب.وعندك مسؤلية زواج من بعد وغادي تصلح الفوق وكريديات وانا هاد الخدمة غانهز بيها راسي ونخفف عليك الحمل اهى”تهزات تالسما وتحطت على اثر صوت الكرسي صغير الي حداها شير بيه لهيه تا تزعزع الحايط فاق فوزي فهاد اللحضة قافز من بلاصتو”
فوزي : ياااعوذ بالله من شيطان رجيم اش واقع !!!
عصام : واااش شكيت عليك !! عمري قلت ليك راك مثقلة عليا !! واش عمري نفنفت بشي خرية ؟! نهار بغيتي تخدمي قلت ليك خدمي اااابنت مي وبويا خدمي باش مضيعيش قرايتك ماشي خدمي باش تخففي عليا شي حمل…”كيضرب نواضرو بجهد” وااااالرب العالي خرجان العقل هذا اعبااااد الله”غواتو وصل معرت فين وكشاكشو بدات تخرج” وااااعباد الله خدامة ليا عند قوااااااااااد اعباد الله را بغاتني نقتل مها هادي…”مشا ليها كيجري شدها من دراعها وعينيه خارجين” ومن امتا بسلامة كنتي ناوية تقوليها امتااااا !؟ تا شديتي يا بنت الكلبة الخلصة منو خلصك حيث خدمتي عندو ياااك ؟!
فرح : اعصام را هو فجيه وانا فجيه والكلينيك ماشي ديالو وحدو…”كتهضر وترعد” ننن…
فوزي”دخل كيحك فعينيه” : اش واقع مالكم ؟!
عصام”ضار عند فوزي” : ختك اشريييييف ختك خدامة فكلينيك عرفتي ديالمن ؟”تبسم بغيض جنابو بغا ياكلهم وصابر باش ميخلطهاش..”وااا ديال القواد الي ضحك علينا وعلى ختيييي وبنتي…وخدمات ليا عندو تعالى بارك ليها…
فوزي”شاف فعصام وشاف ففرح الي حادرة عينيها..وصقل”
عصام”عاض سنانو كيشوف فيه ماركزش فيه باش يعيق بالي فوزي عارف..ورجع شاف فيها زيررررر على كتفها تا حسات بيه بغا يتهرس…” : ودابا عاجب دينمك الحال خدامة ليا عند ولد الكلبة خدامة ليا عند قوااااد وساكتة ؟ مبيدقنا وزيدك بيدقتيني با بنت الكلبة الله يعطي ليدنمو الحبس فهاد النهار….”هز ايديه لسما” واااااا عباااااد الله بغات تقتلني هادي وااااا”عض لسانو مشا لديك طابلة قبسها على حر جهدو بالفقصة. والغدايد كيحس براسو تشمت واحد شمتة ما فسوقها مايتعاود …كيحس براسو غلبو فهاد اللحضة وخدم ليه ختو عندو يعني ختو خدامة ليه شوووف اش صور ليه عقلو فهاد اللحضة ماحدو كيفكر وهو كيزيد يجهل بغا فوزي غير يمشي يهدنو مابقا قدر عليه…
فوزي”ضار جيهة فرح” : وطيييري من هنا لبيتك ..
فرح : اهى اهى وو والخددمة..
فوزي”خرج فيها عينيه” : وااااسيري غبري وجهك فالبيت واش عدو ربك كتشوفيه جاهل وكتقولي الخدمة”غزز سنانو كيشير ليها براسو وهضر بشوي” طيييييري من هنا…”هزات صاكها ومشات كتجري لبيتها ودموعها على خدها كتسمع فيه غوت تا بح صوته وهو يسكت ..”
دخلات لبيتها وجلسات فوق فراشها داكشي الي خافت منو هو الي وقع دابا شكون غايقنع عصام واخا تشرح ليه فلول فوزي عطاها فرصة لشرح ومصورت منو والو فما بالك بعصام…
فرح”قلبها ضرها كتشوف ان قدامها طريق طويلة ويمكن صعيييييب ومستحيل تجمع بزين الدين من بعد هاد رد الفعل الي كان متوقع…ماهضراتش مزاال خلاتو كيغوت عارفاه غايمشي تا يتنفس ويجي يفهم منها لكن باش يتقبل مستحييييل من بعد هادشي الي وقع…وتاكدات انها بصح تعطلات وخا عاودات ليه هي وماعاودش ليه البراني…دارت ايديها على وجهها واطلقت العنان لدمووعها الي خرجو من حرقة فقلبها ” : اهى اهى يااااااااااربي كون معايا يااااااربي اهى اهى…”سمعات صوت تيليفون هزات راسها نيشان جبداتو يحساب ليها هو لكن كانت ايمان كتصوني ليها..جاوبات بزز يصوت مخنوق ” الو ..
ايمان : حبيبة فينك را كيتسنا با عسو…
فرح : غير سيو مغاديش نمشي..
ايمان : صوتك كيبان ليا مخنوق ؟
فرح : مريضة احم غير سيرو تنجيب شهادة طبية..
ايمان : اااه ميكون عندك باس احبيبة واخا الله يشافيك…
فرح”قطعات معاها بقات كتشوف فتيليفون طاح فبالها زين الدين غايصوني ليها ضروري لكن هي فحالة متسمحش تجاوب اولا غايتخلع ويقدر يجيها تال باب دار عارفاه يديرها يوفوتها ثانيا ممكن فاي لحضة يسمعها عصام كتهضر ولا فوزي وهي فوقت ماشي مناسب..طفاتو ولاحتو فصاكها ورجعات كتبكي حتى تحل الباب على جهدو شوي ويتلاح لهيه تا قفزت ورجعات لور مكمشة بالخلعة كتشوف فيه جاي لعندها وعينيه حمرريييييييين ..مشا طلع تا كما ليه جوج جوانات بزز باش قدر يكالمي راسو…
عصام: مزال منهضرش دابا مزاااال…نوري دينمك التبيديق كيداير…درتيني ضحكة ؟ ياك !! رديتيني كلب وكي الحما..ر نسول فيك اش درتي فالخدمة ونتي تعاودي ليا وفرحاااااان يا بنت الكلبة فرحانة خدامة ليا عند ولد القوادة اااا ؟ تخلصتي وجاياني فرحانة باغا تعرضي عليا بفلوسو ؟؟
فرح”كتحرك فراسها وتبكي” : اهى اهى بفلوس خدمتي انا اهى انا الي خدمت اعصام..حرام عليك غير سمعني نشرح ليك الباقي عافاك…
عصام”عض سنانو وخنزر فيها” : اش غاتشرحي ؟! واش كلينيك ديالو ؟!”حط صبعو على فمو” شششش جااااااوبي على سؤال واش كلينيك ديااااالووو ؟
فرح”كتحرك راسها بنعم”
عصام : هي اااااش ؟ ااا !! واش عرفتي اش گلتي ولا لا واش باغا تفربلي لعدو ربي المخ فهاد صباح ؟!
فرح”حطات ايدها على دراعو بترجي” : عاااارفة اعصام كلشي عارفة غير سمعني..والله مكنخدم معاه والله حتى انا فجناح وهو فجناح …اهى اهى…غير سمعني اش غانقول ودير الي بغيتي عاافاك”قالتها بصوت يطيح عليك ضيم”
عصام” فلول جاه فحال الصمك فالتالي بدا كيفهم اش واقع فالثالث بداو جنون كيركبوه فهاد اللحضة تا باش تقوليه را طلب سماحة واش وقع نهار الحريق مابقاتش قدراتش خصوصا من شافتو كيمشي ويجي وهو يجلس كيحرك فراسو بزربة” : واخا واخا هاني هضري …”دخل فوزي عليهم بدون ميهز فيه عصام عينيه ..ربع ايديه ووقف كيتسناها شنو غاتقول”…
فرح : فاش عرفت فلول كنت بغيت نخرج “مسحات دموعها بطرف كمايمها” و احم عرفت بالي سانية كونطرا ماخاصنيش نخلف بيها حيث داك صالير الي كنشد غايتضرب فستة شهور من نهار الشهر الي جلست فسه حيث ديك الوقت يلاه سيمانة باش عرفت..وهادشي الي كاين فالقانون…
عصام”جهد صوته” : واااا جي عندي ديك الساعة انااااا نتكلف لا بغاو خراهم نضبرو فيه نتسلف ونتكلف وماتحنييييش رااااس …
فرح : وانا شفتك بغيتي تزوج وهادي فرصة ليا واخا كلينيك ديالو هادشي مكيعنيش اعصام انني منخدمش را حنا كاملين تما بحال بحال اهى اهى…ماعنديش فرصة اخرى من غير هاد الكلينيك حتى الي لقا ليا جدي كانو غايجريو عليا وكان صالير هابط وامتيازات قلال …
عصام”كيحك فلحيتو ويعض فشنايفو ” : واخا واااخا…زيدي اش باقي خور تاني”خرج فيها عينيه” ونلقا دينمك مخبية عليا شي حاجة تاني ندفن مك حية هناااا زيدي كملي اش باقي غااااا كملي كملي تخلات على جدر مي ومك فهاد الصباح…
فرح : اهى “سكتت تا سكتت وهزات راسها شافت ففوزي الي شير ليها باش تكمل ليه باقي الحكاية” اهى..العاافية اا ال الي شعلات وكنت فيها لداخل…
عصام”هز حاجبو” : ايه ؟!…
فرح”عاودات ليه شنو وقع بالضبط وماحدها كتعاود ليه وهي كلها امل ويقين انه غايبرد بهاد القضية ونسات ان فوزي الي كان ساهل وماتقبلش بقا غير هاد المصعور الي قدامها” : كان غايموت…
عصام”غوت” : ومالو ما مااات ؟ وماااااااالو ما مات ؟ وكووون غا مات وتهنى وهنا الزمر كااامل”ناض وقف بجهد” واش انا مغانتهناش من الحبس !؟ “شاف فيها” واااااا مشة لا لقيتها وسط العافية الكحلة ندخل نعتقها… واااا ايام ونتي مريضة وشهرين ونتي غابرة على دار..وعند بالك غانقوليه الله يسامح ؟..ياكما عينك بغيتينا نساو ونسامحو ليه ؟…هذا مانسواو عندك ؟! “خرج فيها عينيه وضار خرج مخليها حالا فمها ضارت شافت ففوزي تا نزلات دمعة كتجريييييي من عينها”
فوزي”سرح ايديه” : هادشي الي عطاك الله..حسبينا امييين كلاب منسواوش كلمة وحدة قلناها لا بغيتي تخدمي تما سيري ونتي تحملي مسؤليتك اما علينا حنا را منبغيوش ختنا تمشي لبلاصة المضرة وشمتة برجليها…
قاليها هاد الهضرة وخرج تاهو مخلينها حالا فمها فحال شي وحدة ضربها ضو…بقات هكاك تا سمعات الباب ديال دار تسد بجهد عرفات عصام الي خرج …بقات كتبكي تبكي تبكي تا سمعات صوت الباب ثاني تسد عرفات فوزي الي خرج…ناضت كتجري طلات عليه لقات دار خاوية اذن بصح خرجو مشات كتزرب لبيتها هزات تيليفون شعلاتوو تا لقات اتصالاتو شي ربعة المرات شاداه العلبة صوتية غا شافت النمرة وهي تجلس على جهدها حسات بواحد الضيم وفقصة وحرقة من جيهتو بغات تموووت خصوصا فاش تشعل تيليفون باتصالو للمرة الخامسة كتشوف فنمرتو كتعيط وهي ماقادراش تهضر ولا تجاوب…توحشات بزااااف تسمع صوته الي كيسولها على ادق تفاصيلها كيف بقات مرتاحة شنو كدير…توحشات الصوت الي غاب عليها ايام لانشغالاتو الكثيييفة…توحشات تعرف شنو دار وهو وحدو وخا معاه مراد لكن حس العائلة العمة بمتابة الام كيف ولف فرد من دمو ولحمو يسول عليه واش مريض مقلق بيك شي حاجة…كانت تقريبا هي الوحيدة واخا مراد والحسين وليد الحاج علي كيجيو عندو يسولو فيه لكن هي كتبقى شخص مميز عندو ….
فرح : اهى اهى…سمح ليا سمح ليااا اهى اهى…”خلاتو كيصوني تا سكت وهي دوز لنمرة جدها عيطات ليه ديك ساعة جاوبها وهي تعاود ليه كلشي…
المحجوب : وايلي هذا مالو جهل !!”عرفتي شنو هاني شوي ونشد الطريق تما عندكم ونشوف هاد الكيدار مالو فهاد الفعايل…
من كثرت ماغاب عليها حس براسو قصر فحقها وتوحشها بزاااف توحش يسمع صوت تشيتشونا ديالو الي كتريح ليه قلبو والهازة همو واخا بعاد على بعضياتهم كيحس براسو انه مشتاق يعاود ليها على ايامو الي دوز بين خدمة ومحلات واليديه والعيا وتبرزيط الي شغلو عليها هاد الايام
زين الدين”متكي ففراشو حيث جا فهاد صباح الكلينيك..بغا يسمع صوتها عاد ينعس لكن تفاجئ بتيليفونها الي طافي وممولفاش ليها…حتى لمرة الخامسة صونا لكن بدون رد منها الشي الي عصبو وخلاه يتقلق عليها…” : مااال هادي ؟
“عاود صونا لقاه مشغول..تسنا شوي وعاود صونا لكن لقاه طافي..لاح تيليفون بجهد لهييييه على شوي يجي فلاض ..ناض من فراشو عريان من فوق لابس شورط قصير…جبد باكية الكارو هز منها واحد وخرج لبالكون يكمي شوية عاد يرجع يشوف مالها…طاح فبالو بالي تقدر تكون قالتها لعصام…هز راسو وهو يدور حط الكارو فطفاية ومشا يجري لتيليفون ديال الخدمة هزو ودوز ديريكت ل اسلام..” شوف ليا فرح الخيالي ..
اسلام : واخا دكتوغ تسنا معايا دقيقة..”دوز لقسم المختبر سول عليها” امم دكتوغ قالو بالي مجاتش حيث مريضة…
زين الدين”كمش ايدو وضرب الحديد ديال بالكون بجهد عض سنانو بالفقصة عرف وتاكد انها قالتها لخوها….قطع على اسلام فالبلاصة وضار رجع لبيت لداخل هز فوقية رماها عليه وتيليفون وساروت وكونطاكت طوموبيل ونزل دار بناقص من شي راحة فهاد النهار…
مالقات مادير سوى انها تصبر حتى يجي جدها عالله وعسى يكون امل تلى ايديه حيث نو الوحيد الي كيفهمها وكيخليها ترتاح…حيدات حوايجها ولبسات حوايج دار وتنخصيصة شاداها هزات دوك الماعن الي ضرب كتجمع وتمسح فدموعها…نقات ديك الدنيا وغسلاتهم بزز ورجعات البيت تكات فوق سداري جامعة ايديها تحت راسها كتفكر غير فيه وفعصام وخوتها الي باينة واكيد غايوقفو فطريقها وعمرها مزال تحلم تجمع هي وياه هي والشخص الي خذا قلبها من اول نضرة وزاد كمل فهاد الاونة الاخيرة…بقات كتخمم حتى داتها عينها شحاااااال وهي ناعسة تا سمعات صوت الدقان وهي تنوض بزربة…
من بعد ازيد من ساعتين وهي ناعسة محساتش بالوقت من فرط التعب بالبكا الي بكات والفقصة والحرقة الي شعلات فقلبها وصدرها..تمنات لو كان حلم وفاقت منو ولقات راسها مكاين والو من هادشي وهي مع زين الدين عاادي لكن غالبا ماكيكون الواقع قاسي علينا واحلامنا ولو كانت بسيطة كتبان لينا بعيييدة …ناضت قافزة مشات كتجري تحل الباب…
فرح : با جدي”ناضت بزربة حلات الباب وبالفعل لقاتو هو غير بان ليها وهي ترمى عليه عنقاتو وبدات تبكي..” اهى اهى مابغاش ابا مابغاااااش اهى…
المحجوب”طبطب ليها على ضهرها” : راني هضرت معاه يلحگ(يوصل) عليا لهن نشوفو اش هادشي تاهو مالو فهاد تكيدير…
فرح”شافت فيه وباستو فحنكو” : لهلا يخطيك عليا ابا اهى اهى…
محجوب : دخلي هاهو جاي”دخل هو وبقات تا سدت الباب ولحقات عليه جلسو فالبيت وبدات تعاود ليه شنو وقع بينما جا هو…ماكاملاش نص ساعة سمعو صوت ساروت ديال الباب كيتحل تا دخل عليهم عينيه حمرييين وحجبانو عاقدين مية فربعين…”
عصام”جناوح منخرو كيفرفرو مكيشوفش جيهتهم كاع من كثرة ما معصب” : سلام عليكم”مشا لعند جدو مد ليه ايدو باسها ليه وباس ليه راسو” خبار الخير ابا …هاني..
المحجوب : برك لارض تم نهضر معاك..
عصام”حك شنايفو تا عضههم ومشا لسداري وجلس” : هاهو جالس !!! ياك مكاين باس ؟
المحجوب : الباس جا من عندك”شافو هز حاجبو وشاف ففرح الي تكمشت فجنب جدها” تا كيفاش هادشي الي درتي !؟ اش هادشي كنسمع ؟
عصام : كي سمعتي ابا كي سمعتي ماتعاود غا صلاة عالنبي..”شاف فيها ورجع شاف فيه” عاودات ليك ؟!
المحجوب : ايه عاودات ليا ..ومالك نتا على هاد الحالة ؟ اش طرا كاااع اااش طرا ؟! لا خدمات عندو ولا معاه ياك خدمة وراجعة فحالها ؟! ياك خدمة وشادة عليها صاليرها ؟!
عصام : اسيدي حسبني امي جاهل مكلخ .حسبني عمري دخلت لشي مدرسة ولا تعلمت حسبني مكنسواش
فرح”حدرت عينيها”
عصام”ضرب صدرو جيهة قلبو” : داك سيد هرس ليا هذا من جيهة ختي ضرها ومرضها وراك حضرتي وشفتي كلشي على عينيك..”هز صبعو لول كيحسب” ياك درنا عليها نوبة لا تنوض تشرب شي حاجة وتقتل راسها”صبع ثاني” ياك بايت ربعيام عند راسها بلا نعاس فالكلينيك “ثالث” ياك شهر قبل متجي لعندك وانا داير لعسة مع فوزي لا تمشي تهز راسها وتخليني”عينيه ولاو حمريين” تاهي ؟ ياك كثر من شهر وانا صباح وعشية و سط الغذا نعيط ليها اش دارت ياكما تفقصت ياكما بكات ؟ واش عرفتي شنو هي هرس ليا ختي فعز فرحتها وتوجادها يقوليها كنت دايرك تصفية وضد باش نفقص راجل عمتي الي تاهو طمع فيك تانا نطمع فيك ونشوفو الي ربح يديها…شكون هذا الي يرصاها على ختو ؟! فرح ماشي ختي فرح بنتي عضيت فيها بسناني وايديا باش ميديوهاش ليا لخيرية وميربيها حد…وتقوليا نخليها تخدم عند واحد مادار ليها اعتبار هكاك عارض علينا وحنا كي الحمير داخلين ضاحكين ونخطكو فين تسكن وفرحانين فين غاتسكن ؟
المحجوب : المعنى ؟!
عصام “عوج فمو ورجع نطق” : ماااااعمرو يحلا ليا..”ناض وقف كيسوس فسروالو” ابا باش نهنيك ونجيك نيشان غا عذبتي راسك وجيتي ..”.تقابل مع وجهها” دابا جوج كلمات غانقولهم الخدمة”خبط ايديه فحال كيسوسهم” غا نسايها والله يا بنتي لا بقيتي عتبتي عندو تما…ولا دخلتي لداك الحبس ديالو…ولا سقت ليك الخبار عتبتي ولا جا جيهتك نقتلو قدام خنشوشك…والرب المعبود تانقتلو ونمشي عليه الحبس”هز صبعو وعينيه فالتين بنضرات نارية”….
غضبو من زين وحقدو عليه وكرهو ليه جراء داكشي الي وقع لختو بسبابو خلاو منو شخص اخر الي ماعرفاتوش فرح فهاد اللحضة عمرها مكانت كضن ان عصام شخص مكينساش ومكيغيش يسامح…يمكن هنا عرفات السبب الي خلاه يكره الام ديالهم علاش مشات وخلاتهم يمكن هنا تاكدات ان السبب كبر من انه كرهها حيث خلاتهم…كان جدها هو الامل الوحيد عندها يقنع عصام حيث كيحشم منو ومكيخسرش ليه خاجرو لكن بهادشي الي قال تاكدات ان مسامحتو لزين شبه مستحيلة ويمكن مستحيلة كاع…هذا غير عرف انها خدمات عندو وشنو دار فما بالك اذا عرف انهم باغين بعضياتهم وباغيها لزواج عن حق وحقيقي ؟؟ …حتى ضحكات ليها دنيا ولقات شخص مستعد يدير الي ميدار عليها هاهو خوها سد كلشي فوجهها خوها الي كيبغيها غير تكون ضاحكة ومطيحش دنعة من عينيها تكون مرتاحة ومتقولش اي …تكون شابعة ومتقولش خصني وتكون ناشطة وميجيش الي طيح عليها ضيم وينغص عليها نشاطها وفرحتها…حتى من باها وقف فوجهو وميحطش عليها ايدو …وكتسنى انه ينسى شنو دار زين الدين !! …
“يمكن ازين الدين طريقك طويلة يمكن صبرك يقلال ويتقادا يمكن تعيا ولكن عمرك ما تيأس من رحمة الله”….
فرح”شهقات ودموعها نزلو يجريييييو” : اويلي علااااااش حرااام عليك اهى اهى…
المحجوب”خبط العكاز وغوبش فيه تا هز عليه صوته ” : ياااااك اسي حنا مادرتي لينا اعتبار على هاد الحساب ؟!
عصام”عاقد حجبانو وعينيه فلارض مهزهمش فجدو” : هذا ماعندي ابا وهضرتي مانطيحش فيها وسمح ليا “هز ايديه” هادشي الي عطا الله…
المحجوب”ناض وقف” : ايه تا هذا نضر علاش لا…”ضار لعندها لقاها كتبكي وتنخصص” نوضي جمعي حوايجك يلاه معايا لهيه…
عصام”هز حاجبو” : فين ؟؟
المحجوب : فين ما بغيت لا هي ختك تانا را بنت بنتي وتانا عندي حق فيها…ياك خرجنيها من الخدمة ؟؛ اش كتسنى منها تسكت فحال ما طاري والو !! ماتمشي تنفس ماتمشي ترتاح ما والو غا قلتي تجلس وصافي دوزها عادي ؟ “غوبش فيه” رخف عليها شوية رخف عليها راك كترتي وقجرتي بلا قياس…
عصام”الصمت”
المحجوب”ضار عندها” : يلاه نوضي نتي…
فرح : اهى اهى”ناضت بشوية كتافها طايحين بالبكا والحزن وبالها كلو مشا لزين الدين وكي غايدير الى عرف بالي حتى الخدمة مع مستحيلة فما بالك لو بغاها لزواج…كتشوف انه صافي مكاينش فرصة انهم يرجعو لبعضياتهم ويكونو تحت سقف.واحد ولا مجال للتفاهم مع خوتها والتسامح وانهم يبداو من جديد وصفحة جديدة مع بعضياتهم..ومن جهة كتعطي لحق حتى لخوها يعني واحد فحال عصام معاها را مكانتها عندو وحدها ماقدر تاحد يزعزعها حتى من لمياء الي دخلات لقلبو وحركاتو مقدراتش تزعزعها وتفارق معاها بسباب خوتو…لكن فاش كتفكر فزين الدين قلبها كيبغي يسكت عليه شي حاجة فوق الوصف معاه…تحطات بين نارين فهاد اللحضة وخا الكفة مشات جيهة خوتها لانها متقدر دير والو…حلات الماريو وعينيها ذابلين كتهز فحوايجها ماعارفاش تا اشنو تهز هزات واحد صويك صغير لاحت فيه داكشي وهزات صاكها دارت فيه تيليفونها وشارجور وكاع لوازمها الشخصية …رمات عليها كاب فوق البيجامة وخرجات حطات صاك وداكشي فالجوالة ودخلات لدوش تا غسلات وجهها نفساتو شوي نشفات وخرجت لعند جدها خاشية ايديها فجيابها وعينيها فلارض عاضة شنايفها باش متبكيش. وجهها حمرررر بجهد هز عصام عينيه كيشوف فوجهها مزير ورجع دور وجهو لهيه مغوبش…
محجوب”شافها لابسة كاب فوق بيجامة” : بدلي حوايجك ابنتي ؟!
فرح”حركات راسها ب لا”
محجوب”تنهد” : لا حول ولا قوة الا بالله…يلاه زيدي قدامي زيدي بنتي…
عصام”نطق بصوت خشن” : شي يومين وترجع…
المحجوب : ترجع وقت الي بغات هي ولا تعيق شاي تانتا ؟! ياك شي باس مكاين ؟
عصام : با !!
المحجوب : ما بو حد انا وهني الوقت تانتا ولا نحلف عليك لا باقي عتبت عندك تانا هنا…”شاف فيها وجهد صوته” تحركي نتي قدامي يلاه نشوف…”هزات صيكانها وخرجات قدامو سبقاتو وهو ضار جيهة عصام وقال ” وماحتال تجي ضبر ليها فخدمة الي تناسبك على هواك وتجيك على گانتك وسير قلب على مولاها يكون مابينك وبينو غالخير والاحسان…
عصام : وايلي وااااايلي …
المحجوب : ويل ويلتين…يلاهشي…”قاد سلهامو وخرج مخليه كيشوف وحجبانو معقودين …مشا كيتمتم بعصبية من ناحية عصام “يا العياذو بالله…
حل الباب لقاها مربعة ايديها وكتمسح فدموعها استغفر الله متاسف على حالتها…ديمارا طوموبيل وزاد خارج من الدرب تا شدو الطريق دور وجهو بانت ليه حاطة راسها عالزاج وسااااهية…
المحجوب : وكلي امرك الله ابنتي هذا منگوليك هادشي الي عطاك الله فخوتك..دابا نشوف ليك شي بلاصة من غير الكلينيك فين تخدمي وهذا الله هذا الله…
فرح”ضارت لعندو” : دابا مشكيل “مسحات عينيها” هو خاصني نعطي لاديميسيون ديالي..اش غاندير ؟ وهو حلف منوصل تما.
المحجوب : مشكيلة هادي..ماتديها ماتقربي ديري شهادة طبية فيها سيمانة هكاك وانا نديها ليهم تال تما ومن هنا لسيمانة يكون خير …
خرجات من الدوش وجهها صفررر تقولي طالية ليه الزعفران.كتسمح فوجهها بالفوطة لابسة حوايجها باش تمشي تقرا وموجدة صاكها وكلشي…حتى تحل باب الدار ودخل بجلابيتو سوسدي فالكحل وتحت سروال قندريسي وفوقي ديالو فالبيض..فالاناقة البلدية المغربية ماعندك ماتسالو فبها كلشي مخيط بالايد من عند اقدم الخياطة فالمدينة واحيانا كياخذ من فاس او مراكش…لقاها خارجة من دوش وجهها كيبان صفر …
الغالي : مال وجهك ؟ مريضة !!
ضحى : بابا ..”حركات راسها” عيانة شوية …
الغالي : وكي طرا ليك..
ضحى : غير عيا وصافي…
الغالي : ممم…
ضحى : عاد جيتي من سفر ؟
الغالي : يلاه هادي رجلي…خارجة ولا ؟!
ضحى : غاديا لمدرسة…تسنيتك تجي بكري شوي ماجيتيش…احم بابا محتاجة لفلوس…
الغالي”ضحك بجنب مستهزء” : هههه علاش تسالاو فلوسك من عند ولد خالك !!
ضحى : قالت ليك ماما مابقيناش معاه…
الغالي : وشتكم تعطلتو على هاد الحساب…ماعلينا “جبد من جيبو ربعمية درهم مدها ليها” شدي هادي عدي بيها هاد اليومين ومن هنا لنهار تنين غادوز شي بركة فحسابك..وكل شهر ندوز ليك شحاال يخصك..
ضحى”شدات من عندو الفلوس كتشوف فيه” : وماما شنو غادي نتا وياها ؟ غاتبقاو هاكا كل واحد فجيه ؟!
الغالي”جلس فوق الفوطوي الي تما” : لا ولابد نديرو حل هاد ليام..مك بغات طلاق ماعنديش مشكيل نيت كانت واقفة ليا بخصوص سنية ديال زواج بالمراة ثانية…
ضحى”خرجات عينيها” : كيفاش مراة ثانية ؟!
الغالي”هز فيها عينيه” : كيف سمعتي مراة ثانية ناوي ان شاء الله ندير الحلاال هاد الشهر جاي وليني ملي مك بغاات طلاق ماعليش نصبر تا وكان نعطيها براتها ويكون خير…ونتي وقتما بغيتي تجي عندي جي داركم هادي غا هو علميني قبل …
ضحى : هههه نعلمك قبل علاش ؟ ياكما تقدر مغاتكونش مسالي فاش نبغي نجي !!
الغالي : بحال هكاك ابنتي…
ضحى : واش من نيتك ابابا باغي تفارق مع ماما ؟ من نيتك باغي ضحي وتسخى ب عشرة ثلاثين عام هاكاك ؟!
الغالي : مك الي سخات ماعندي مندير ليها..حالي حال اي راجل باغي الحلال وباغي وليدات
ضحى”جاتها البكية” : وانا باباةماشي وليداتك ؟ ماشي بنتك ابابا !! ممقنعاكش..
الغالي : نتي البكرة ديالي بلاصتك هي بلاصتك وليني محتاج يكونو عندي ولاد يكونو خوتك ولا بغا الله ولد يهز سميتي راني غير الوهراني الوحيد الي بقا …
ضحى”بصوت غير مسحموع قالتها بصوت باكي” : هذا كون كانت عندي شي بلاصة…”شافت فيه” انا مشيت …
حرك ليها راسو وهي تهز صاكها مسحات عينيها وخرجات من دار بغات دخل لسانسور حسات بيه غايجيب ليها دوخة ثاني وهي تنزل غير فالدرو ومانزلت تا حسات بالسخفة …زصلات عند الباب وهي توقف شحاااال كتاخذ نفس عاد خرجت باش تسنى صاحبتها الي غادوز عليها بطوموبيل…بقات واقفة واحد شوي وهي تحس بترويعة طالعة ليها والشارع كيبان ليها كيدووور مقدراتش تصبر وهي تمشي كتجري لواحد القنت وبقات ترجع ترجع ترجع وتعاود حسات بروحها بغات تخرج ..وقفات طوموبيل حداها ونزلات صاحبتها كاتجري ملي شافتها بهذاك المنضر…
منال : ضحى !! مالك واش باقا عيانة من ولبارح اصحبتي..
ضحى : عذباتني ليغيگل هاد المرة يخ…
منال : وشوفي اصحبتي وجهك كي صفر..هادشي ماشي طبيعي الي فيك..اجي معايا نشوفو شي صيدلية ولا كلينيك يشوفو مالك..
ضحى”وقفات شادة جبهتها ” : فففف لا بلاش خلينا نشوفو غير صيدلية تعطيني شي حاجة هاد بونستيل ماقدا ليا والو…
منال : وخا يلاه “عاونتها تا دخلات لطوموبيل وضارت جيهة المقود ديمارات وزادو لاقرب صيديلية صادفو فالطريق نزلات هي وياها ودخلو كانت صيديلية كبيرة شوي…”
البنت : وي ختي تفضلي..
منال : شي دوا ل وجع ليغيگل …
البنت : كاين بونستيل…
ضحى : نن شربتو مدار ليا والو…
البنت : مزوجة ختي ؟!
ضحى”صرطات ريقها” : نن ممزوجاش …
البنت”ضارت جابت ليها شي باكيات ديال دوا كل واحد وكيفاش” : جو بونص خاصك تكتافي غير بهذا بونستيل حيث بان ليا وجهك صفر عندك فقر دم ؟!
ضحى : وي كنت كنشرب دوا ديالو…
البنت : دونك بلاش من هادو..سي نو الى بقا فيك هادشي غير صبري حدو لا بيغيود ديالها ويمشي…
منال : علاش سولتيها واش مزوجة ؟ كاين شي حاجة خاصة !
البنت”تبسمات” : هههه نو مي الى مزوجة بوسيبل متكونش ليغيگل حيث بزاف الحالات كيحساب ليهم ليغيگل حتى كيلقاو امر مخالف دونك فهاد الحالة الى كانت مزوجة تمشي تشوف جينيكوو…
ضحى”خرجات عينيها وقلبها بدا يضرررببببب” : علاش ؟؟
البنت : بوسيبل تكوني حاملة وماعارفاش فهمتي شنو بغيت نقصد..
ضحى”فهاد اللحضة فحال خويتي عليها سطل ديال ما طاااايب تا ولا وجهها عرقااان وقلبها بغا يسكت وفمها ولا بيضضضض”
منال : اهههه اويلي على حاملة البنت باقية بنت اختي هههه على كل ميغسي بزاااف حبيبة…
نزل من الفوق خرج من دار خارج بلا عقل وصل ولاح عليه الفوقية …ركب فالسيارة وخرج مكسيري نيشان لوجهة فين الله اعلم…غادي وتيليفون كيصوني حتى جاوبو …
وليد : خويا زين الدين…
زين الدين : فينك ؟؟؟
وليد : انا فالدار بغيتيني فشي حاجة ؟!
زين الدين : وصل عليا عند با الحسين…
وليد : واخا هي دابا…
قطع معاه وزاد فالسرعة شد الوجهة ديال المحلات.مسافة طريق حتى كان تما بلاصا الطوموبيل وزاد واحد شوي على رجليه حتى لقيصارية دخل الي بان ليهم كيسلمو عليه وخا معندوش الخاطر مضطر يسلم شي كيسلم عليه شي كيحرك ليه راسو وعينيه فيهم واحد النضرة فشكل حجبانو طالعين لسما…مشا نيشان لمحل الكبير سلم على محماد وطلع لمكتب الفوق تا شوي ولحق عليه الحسين…
الحسين : تا حالف ماتعطي راحة لراسك..
زين الدين”شاد تيليفون كيبقشش فيه سدو ولاحو فوق المكتب بالزعاف” : هذا الله هذا الله”زفر بتعب”
الحسين : واقعة شي حاجة ..
زين الدين : وشكون عرف ابا شكون”هز فيه عينيه”
الحسين : اش طاري ؟!
زين الدين”دوز على شعرو بتعب وتقاد فالجلسة مربع ايديه فوق المكتب..عاود ليه المستجدات بخصوص فرح وخصوصا ليوم..”
الحسين : زعما تكون قالتها لخوها ؟!
زين الدين : ماعرفتش ماعرفتش…”تنهد وسهااااا”
الحسين”حيد نضاضرو حطهم فوق المكتب” : اش غانقوليك اولدي…هادشي نتا عارفو وعارف اش كيتسناك وهضرنا فيه..وقلنا ليك صبر وفوق من هادشي اولدي قلت ليك راه يوقع الي يوقع لا كنتو مكتابين لبعضياتكم فالسما واخا تبعدو عشرين عام ترجعو ترجعو…واخا يوقف قدامكم مية واحد را عبد عبر وماعند العبد ما يفرق بيناتكم الى كان ربي كاتبكم لبعضياتكم…هادشي اولدي عارفو ونتا بفمك قلتي يستاهلو ونصبر على جالها…تستاهل”شاف فيه” ياك هادشي كاين ولا كذبت…
زين الدين”الصمت”
الحسين : رخف على راسك وتهدن وميكون غير الخير…
تحل باب المكتب ودخل وليد جاي بسورفيت وطاقية على راسو عاد جاي من الحمام مسكين يرتاح تا تسلط عليه زين الدين….
وليد : واحد سلام عليكم”باس راس الحسين ..سلم على زين وجلس فالكرسي مقابل لحسين..”هاني با زين ..
زين الدين”داير ايدو على حنكو مسند عليها” : عيط ل بشير..سول على فرح الخيالي بطريقتك”غمزو..زعما بلا ميعيقو” وعرف ليا السبب علاش مجاتش..”شاف فالحسين كيشوف فيه” خاطري با خاااطري مهانيش عليها..دير شي فين يدوز شي وريحني …
الحسين : دير اسيدي دير لاكنتي تهنى بهادي…
وليد”حرك ليه راسو وجبد تيليفون دوز لخط البشير” : با البشير لباس…
البشير : اهلا وليد الحمد لله..خاصك شي حاجة ؟
وليد : لا كنتي مسالي عافاك سول ليا فالمختبر على فرح الخيالي الى كاينة تنزل عند قسم لانفورماتيك انا كاين مع مراد باش نكونفيرميو معاها طاكتيل وقع واحد المشكيل وكنعيطو لبيرسونيل نصايبو معاهم هاد المشكيل ..
البشير : ايه مرحبا وليني فرح الخيالي وصلتنا المعلومات من قسم لابو بالي مجاتش هاد النهار واحتمال غاتجيب شهادة طبية ..
وليد”طالق سبيكر” : اااه داكوغ..شكرا سي البشير في امان الله”قطع وشاف فزين الدين” شنو غادير ؟!
زين الدين”كيحك فلحيتو بتفكير بدون ميجاوبو”
الحسين : تاصلتي بيها نتا ؟!
زين الدين”هز فيه عينيه” : وشنو بان ليك ابا ؟! وتلقاني جاي لهنا بهاد الحالة سامح فنعاسي …
وليد : احم… غاتسمح ليا نهضر اخويا”حرك ليه زين راسو” باينة غاتكون عيانة شوي كون وقع ليها شي مشكيل كون علمتهم ولا تعطيك خبار نتا …هي عارفة بالي معندهاش فين تحرك وهي سانية كونطرا حتى ولو وقع مشكيل عطا الله كيفاش تعرف..
الحسين : ايه ولا يجي خوها لعندك صروري مايبغي يتفاهم معاك ومنضنش غايحبسها على الخدمة اولدي وهي خدامة مزيان بصالير مزيان ومرتاحة…
وليد : يعني غاتكون غير مريضة والي اكد هو قالت ليهم غاتجيب شهادة طبية ماشي لا ديميسون …
زين الدين”الصمت”
الحسين : نوض لدارك رتاح مع راسك لا بقيتي هاكا تمرض تاني وشي مدرتيه…
زين الدين”بقا كيحك فشنايفو بسنانو وكيسمع ليهم..حتى حرك راسو” : على الله على الله ابا وخاطري يهنى على الله…”بقاو شوية تما وولا ناض هو ووليد والحسين الي مشا لمحل ديالو ووليد رجع لدارهم وزين الدين شد طريق دار تاهو وخا خاطرو مهانيش عليها شي حاجة فنفسو كتقوليه بيها شي حاجة وعلى الله يكون غا مرض وحتى المرض مابغاه ليها…دار محاولة جديدة فانه يصوني ليها حتى تشد ليه الخط ونقص السرعة طلق سينيال ووقف طوموبيل فجنب كيتسنى تجاوب…حتى تقطع ورجع الخط مشغول بالعصاب الي ركبو شير بتيليفون على شوي يتهرس تاهو هبط الفرانامان وكسيرا بجهد تاتسمع الموطور و طارت الغبرة وراه “…
كتعيش حياة عكس سميتها رغم ان ربي رزقها بخوت شداد قادرين وقدرو يهزوها بسنانهم ومتخصها تاحاجة لكن فغالب الاحيان مغايعوضوش بعض الحاجات الي باغياها..مثال الام وحنانها وخا حنان عصام وفوزي غامرينها لكن كيبقى حنان الام وحدو…وهاهو خصاص اخور خاصها وهما مغايقدروش يعطيوه ليها وهو الحب،، العشق،، راجل الي قادر يعطيه ليها وتحس بيه معاه ويتبادلوه لقاتو فزين الدين لكن القدر وقف فطريقهم بزوج وكان ليه راي اااخر…
نعيمة”خرجات من دار لقاتها جالسة فجريدة كتشوف فالاراضي وساااهية مكمشة بالكاب حتى وقفات عليها” : بنتي ماضركش البرد ؟!
فرح”هزات فيها راسها” : لا دافي الجو اليوم…”تنهدت”
نعيمة”جلسات حداها” : ماجاكش جوع ابنيتي…
فرح”حركات راسها ب لا”
نعيمة : مافطرتيش ومابغيتيش تغذاي وشنو غاتبقاي بجوع ؟ ممولفاش ليك !!
فرح”بحزن” : غير مافياش وصافي..
نعيمة : مقلقة على الخدمة ؟!
فرح”تنهدات” : عاادي ولفت وعارفاه مغايخلينيش معندي مندير…
نعيمة : يكون خير ابنتي يكون خير…”سمعات صوت دقان فالباب” واااقيلة هما هادو…
فرح”شافت فيها” : شكون ؟!
نعيمة”تبسمات ليها” : هههه هانتي غاتشوفي…
فرح”مفهمات والو بقات كتشوف فيها حتى سمعات صوت الهضرة تا طلو عليها ” صفاااء سيمو ؟؟”ناضت وقفات مشات لعندهم كتزرب تلاحت عليهم بتعنيقة حاااارة ” جيييييتو عنديييي…
صفاء : هههههه ليخلف على با المحجوب …
فرح”شافت فيها وهي دور عند نعيمة” : خالتي كيفاش ؟
نعيمة : مشا باش يدير ليك شهادة طبية وتفكرهم ومشا ليهم جابهم معاه…محمد رضى كان فالشك واش يجي وليني مخيبوش…
سيمو”زعما حشمان وصواب” : لا خالتي منردهاش ليه فوجهو ونيت نجي نبدل الجو شوي هنا هههه
صفاء”حلات فيه فمها”
فرح”تاهي حلات فيه فمها”
سيمو : اهععههه مالكم هههه سوفو لهيه تشوف عينكم عود ..
نعيمة : هههه مرحبا بيكم تونسوها نيت…”شافت فساعة فالحايط ديال دار” واقيلة هذا الوقت نوجد فيه كاسكروط لعشية…
فرح : انا شوي ونجي نعاومك..
نعيمة : لا غا خليك بقاي معاهم دابا تجي سميحة تعاوني نيت عيطت ليها تقضي معايا صبااح..
فرح”دخلات نعيمة وتابطات دراع صفاء وسيمو وتمات غاديا بيهم لفين كانت جالسة عند طابلة” : فرحتوني والله نلقى معامن نتوانس ونهضر.
صفاء : مرت خالك ضريفة بزاااف ماتلقايش معاها مشكيل…
فرح”جلسو.. وهي تهضر” : شي حاجات منفدرش نقولهم ليها راكي عارفة”حدرات عينيها وتنهدات”
سيمو : واش خوك مفربل ولا مالو !! وحق الرب الى غا حشمت مال نخدم تانا مع زين الدين ويعض فبولة تسعين…
صفاء : خلااااك الله عايش ابا سيمو”خبطات طابلة تا قفزو”الى نهار تنين غانمشي عندهم باش نشوف امتا نبدا الخدمة…
سيمو : يا رااااجل …
صفاء : بصحتي وراحتي والي يتسالني شي حاجة يجي يديها والي عطاني مو يزيدني باه..
بعد يوم مشحووون الي تهرس ليه خاطرو والي تفتحو ليه ابواب جديدة مثال صفاء والي قرر يبدا بداية جديدة ويرجع يكمل منين حبس والمثال هنا سيمو الي قرر يرجع لافاك ويكمل منين حبس.وهادي كانت ولادة ليه من بعد فساد وبلية كان غاطس راسو فيها…ولو ما وصلش لموت ورجع كان ممكن يبقى مستمر فيها…والي بقا بالو مشغول عليها الي معرف واش بيها شي حاجة خايبة او عادية خصوصا من عرف بالي غادفع شهادة طبية مشا بالو على انها مريصة وغالبا جاتها كريز العادة شهرية الي حضر ليها مباشرة وشافها كيفاش كتعاني من الامها…صبح الحال وساعة كانت تشير لثامنة صباحا.لبس تيشرت بيض فيه كتابة بالاسود وسروال سوفيت قطن كحل…مشط شعرو ضار هز جاكيط خفيفة كحلة لبسها فوق تيشرت وخلاها محلولة هز تيليفون الخاص دارو فجيبو حيث لاخور مخليه لانه شاد يومين باش يرتاح من الخدمة وخا مكاينة ليه راحة وهو معارفش عليها تاحاجة…لبس بانطوفة رجالية هز باكية الكارو وبريكة فايدو ونزل لتحت وصل عند باب الكوزينة وحنحن عينيه فلارض…
خديجة : غا دخل اولدي…
زين الدين : ماعليش ميمتي ماعليش انا برا…
خديجة : بغيتي تفطر فجردة ..وخا ولدي شوي بينما وجد يكون عندك…غير شرب دوا دابا…
زين الدين : يعمر دارك…”جبد سيجارة فطريقو غير وصل لجردة جلس فوق الكرسي مقابل مع سقاية خدام فيها الما حط رجل فوق فوق فخدو مفرقة شعل الكارو جر منو جرة طوييييلة تا غمض عينيه شحاال عاد ساط دخان …بقا كيكمي تا ضرب فيه نص وهو يطفيه فالطفاية شرب كاس ديال الما وعاود شرب الدوا الي كيشرب قبل من الماكلة بنص ساعة…هز تيليفونو داز لواتساب ودخل لعندها شاف واش قرات اوديو ديالو لقاها مادخلاتش من البارح فالصباح بكري…هادشي ما منعوش انه يتاصل بيها دوز لخط متمني تجاوبو لكن مع الاسف كان الخط مسدود والشي الي خلاه تعصب تاني وخبط تيليفون…
زين الدين: غاتقتلي عدو ربي افرح غاتقتلي ملتي.”ضرب طابلة بايدو”عقد حجبانو بغضب..دار صبعو بين سنانو كيمضي فيه ويخمم عقلو بغا يخرج بكترة التفكير فيها المطارق كيضربو ليه زقلبو مهانيش عليها باغي يسمع غير صوتها يعرف راها بيخير هو لول يعرف غير اش كاين تا حاجة محلات ليه فهاد اللحضة حتى جات الخدامة هازا بلاطو فيه فطور ديالو صبحات عليه وحطاتو ومشات…بزز باش نقب ليه شوية على قبل دوا الي شرب فبعض الاحيان لازم عليه يصبر على شي حاجات فالعادي كيديرو منها بناقص ولانه مريض سكري لازم عليه يديرها مثال الاكل ميمكنش يخليه وهو فحاجة انه يكون بصحتو باش يقدر يتصرف…تم مراد جاي تاهو من لداخل هاز بلاطو فيه فطور وتابعاه الخدامة بصينية اتاي
مراد : صباح الخيير..
زين الدين”حرك ليه راسو بدون ميشوف فيه وهو بنفس الوضعية متكي حنكو على ايدو وصبعو بين سنانو بنفس تغوبيشة..ماهضرش معاه مراد باقي حيث شافو ماشي تال لهيه مكيقدروش يقربو ليه ولا يهضروه حيث عارفينو على نقشة ويقدر يدور فيهم ولا يصعر…جلس حداه كيفطر ويبقشش فتيليفون بعدا معمر عليه وماباغيش يفوتو…حتى ناض مراد …
مراد : خويا زين الدين انا خارج…محتاج شي حاجة خويا ؟
زين الدين”كيهضر وعينيه فنقطة بعيييد ..هز حاجبو” : ونتا محتاج شي حاجة !!
مراد”تحنى باس ليه كتفو” : لا خويا كون غانتا بخاطرك ومزيان من الخير…
زين الدين”طبطب ليه فوق ايدو..حرك ليه راسو ومشا اما هو بقا غير تما تا كما كارو ثاني وناض طلع لبيتو عبر سكار حيث حس براسو ماهواش لقاه طايح شوي…
جبد من المجر حلوة كاندي…كلا منها طريف صغييير ..هز الماك ديالو شعلو خدم بيه شحال من حاجة بغا غير يتدها تاداز الوقت وهز عينيه فساعة لقاها العشرة ونص…ناض ديك ساعة جبد صاك ديال لاصال دار فيه لوازم الي خاصينو مشا لكوان الي تما جبد سبرديلا بيضة وتقاشر لبسهم ولبسها هز صاكو وتيليفون وكونطاكت سيارة ونزل علم الخالة خديجة مديرش بحسابو لغذا…وتم غادي ركب فالطوموبيل يلاه بغا يديماري حتى صونا تيليفونو شاف فيه وهي تبان ليه نمرتها باسمها تيشتشونا قلبو الي خلاتو يضرب فور ماشاف اسمها وجاوب …
فرح”بصوت عياان” : زين الدين
زين الدين”بحب واشتياق كبيييير” : الفرحة ديالي…
فرح”واقفة بعيييد كتشوف ف صفاء وسيمو واقفين كيشوفو فالبقر سارح..بغات تهضر تقوليه اش كاين حاسا بغصة فحلقها كاتمة ليها الهضرة..”
زين الدين : علاش ممشيتيش لخدمتك ؟!شنو ضار تيشتشونا..
فرح : زين الدين انا ماباقيش غانمشي لكلينيك…”هزات عينيها لفوق باش متبكيش” عصام عرف بالي نتا مولاه..درت شنو قلتو ليا و و “عضات شنايفها كتصرط فريقها وهو كيسمع ليها اذن شكو صحيح ماشي مريضة” وداكشي الي كنت خايفة منو هو الي وقع…حلف عليا منبقاش نمشي لكلينيك ودفعت شهادة طبية فيها سيمانة…تنشوف كيفاش نعطي لاديميسيون ديالي…
زين الدين”خرج عينيه” : كيفاش زعما ؟
فرح”نزلو دموعها” : ماغاديش نقدر نكمل ازين الدين اهى اهى..عافاك شوف كي دير متخليهمش يخليوني ندفع الفلوس
زين الدين : حبسي عليا من البكا وهضري مقاد…
فرح : على حساب الكونطرا…
زين الدين: اش كتخربقي عليا اااااش افرح..مالي ولد لحرام نخليك تعطي فلوس..”سمعها كتبكي…خبط الفولون” فراااااااح سكتي عليا من البكا..وهضري…
فرح”نطقات بصوت مخنوق” : مالقيت جهد ازين اهى..ماكرهتش نكمل ونبقا معاك…ولكن خوتي مابغاوش غير سمعو خدامة عندك وجلسوني من الخدمة…
زين الدين : ماعليش افرح ماعليش من حقهم…ياك نتي باغياني !! غادي نشوف اش ندير ونهضر معاهم ..
فرح”مسحات دموعها وخذات نفس ونطقات والعافية شاعلة فقلبها..ماكرهاتش ولكن كان لابد عليها تاخذ هاد القرار والي اصلا متاخذ مادام خوتها مابغاوش وهي معندها مادير سوى تسلم امرها لله وخا كتحس بهادشي الي ااتقول اول مرة يجيها صعيييييييب بزاااف وقاصح وكيحرق حسات بروحها غاتخرج وهي كتقولو” : زين الدين…
زين الدين”بحب” : نعام…
فرح : ل ا الله يجيب ليك ماحسن مني..هذا جهدي ازين الدين وسمح ليا بزاااف..”قطعات عليه وجلسات لارض كتبكييييي تبكي تبكي تبكييي”
زين الدين”يلاه بغا يستوعب اش قالت حتى دق زاج دياال باب دور راسو بنفس التخنزيرة بان ليه واحد..حل ليه زاج”
هو : دكتور زين الدين البغدادي ياك ؟
زين الدين”حرك ليه راسو”
هو : الى سمحتي دكتور نزل من طوموبيل ويلاه معانا لكوميسارية..
زين الدين”هز حاجبو” : شنو واقع ؟!
هو : عندنا شكوى فحقك من المدعو مهدي بقالي بتهمة الاعتداء والضرب المبرح…
يتبع
شاركنا رأيك في هذا الفصل 🌹