تحمل يا قلبي
خرجات من المدرسة الوطنية الي كتقرا فيها من بعد غياب يومين…صاكها فكتفها وكلاسور الاوراق بين ايديها شافت ساعة فتيليفونها كانت الثلاثة ونص ديال العشية الجو مشتي …تمشات شوية وعينيها فلارض مبقات كتهضر مع تاحد من صحابها تقريبا انعازلات شوي…حتى صونا تيليفونها لقاتها ماماها الي كتعيط…
ضحى : الو ماما…
توبا : غادي تعطلي ليوم ابنتي ؟!
ضحى : معرفتش علاش ؟
توبا : بغيت نخرج شوي المدينة بغيتك تمشي معايا …
ضحى : ماعرفتش والله غير سيري نتي ماعلا باليش نمشي لشي بلاصة…
توبا”باسف” : وخا بنتي الي بغيتي…
قطعات معاها وكملات فطريقها عادي كتمشى حتى حسات بشي سيارة وقفات مابغاتش تهز راسها لانها ماضناتش غاتوقف على قبلها…وما ضنتش را غايكون هو لانه ليه من داك النهار وهو مكيجاوبش ومرسلش ليها حتى ميساج الي يخليها ترتاح انه ماتفلاش عليها…بقات كتمشي تا حسات بسيارة كتحرك معاها بحسب خطواتها هزات عينيها وهي تلقا سيارة ديالو نيييت ..
مهدي”حل زاج نافذة المقعد الي جنبو” : ضحى طلعي…
ضحى”وقفات كتشوف فيه بنضرة حزن خيبة امل من جيهتو..مكمشة فصاكها وكلاسور “
مهدي : ضحى غير طلعي ونشرح ليك كلشي عارف اش درت وعارف كبتها معاك الوغ طلعي باش نتفاهمو..ڤازي ڤازي”شاف نواحي” طلقي راسك…
ضحى”ضارت هنا وهنا وهي تمشي لعندو حلات الباب وركبات..كان غايبوسها وهي توقفو بايدها” : لا…
مهدي”حرك راسو” : واخا ماشي مشكيل من حقك…
ضحى : هضر انا كنسمع ليك…
مهدي : نن غادي نتحركو لاباغطومون ديالي…
ضحى : لا نهضرو هنا نفهم شنو كاين ديك الهضرة ديال لاباغطومون ولا شاليه ؟ شنو تعاود نفس الحاجة تاخذ شنو بغيتي وتعاود تغيب ؟
مهدي : ضحى ردي لبال لهضرتك ؟ انا ماشي من نوع الي ناخذ حاجتي ونهرب عندي نيشان وكنجيك نيشان ومصارحك بكلشي منافقتك ماكذبت عليك معندي علاش نخاف ولا نهرب…بغيتي تسمعي مزيان مابغيتيش خوذي راحة راحتك نهار تبغي نشرح ليك…
ضحى”بقاات كتجمع ففمها وتجمع باش متبينش انها غاتبكي لكن كان الشيء فوق طاقتها واستسلمات لدموعها مرة اخرى لعينين طابو بالبكا الوجه ولا ذابل زينها بدا يفقد البريق ديالو…” : ننننن اهى اهى…
مهدي”عقد حجبانو” : شششش ma belle ؟ علاش البكا دابا ؟
ضحى : اهى اهى”هزات ايدها بغات تشرح ماقدراتش” اهى اهر م مماشي ساهل مهدي ماشي ساهل عرفتي شنو وقع ؟ ساهل عندك نفقد شرفي ونخبي على دارنا ؟ اهى عرفتي شنو وقع ليا فاش مبقيتيش كتجاوب ومسولتيش فيا ملي حطيتيني قدام الباب مابقيت عرفت عليك والو ؟! ساهل هادشي اهى اهى…
مهدى”قبط وجهها بين ايديه وقربها لعندو باس جبهتها” : نتحركو من هنا لا يجي شي حد كيعرفك ويوصلها لداركم نوصلو لدار ونشرح ليك..”شافها سكتت عاود باسها ورجع كسيرا والوجهة كانت احد الشقق فاحدى العمارات المتواجدة ب دار بوعزة…وكانت اول مرة غاتمشي لعندو تما ..وقف سيارة وضار تا حل ليها الباب بكل جنتلمانية منو عنكش ليها شعرها وباس راسها باش يعطيها نوع من الاطمئنان وماتحيش بانها تغدرات…سد الباب وقبط ايدها مكمش فيها سلم على الكونسييرج دخلو لمصعد وطلع لفوق لشقة ديالو الي غير دخلات ليها كانت شقة فخمة ولا في الاحلام كبيرة نص فراشها بلدي ونص رومي اتاجه بيها لجهة المفرشة بالفوطويات جلد” : جلسي…شنو تشربي ؟! واكلة شي حاجة ولا نكوموندي ليك على شي حاجة ؟!
ضحى : بغيت غير شريبة صافي مابغيت ناكل والو ..كنتسنى فيك تهضر..
مهدي : d’accord..”حيد المونطو الي كان لابس وقميجة بقا عريان من فوق ديك الفورمة الصدرية الي كطيح منها نص مشا لثلاجة جبد منها قرعة ما جديدة وكاس خوا ليها فالكاس وحطهم قدامها وجلس حداها نيت جنبو بجنبها سرح ايديه وايد وراها بقا حاضيها تاشربات وحطات الكاس عاد حط صبعو على عنقها وطلع لحنكها كيمرر عليه..قبل مينطق” : طلعت لفاس..الميمة”جداه” دخلات لانعاش كيف عرفت ديك ساعة فاش حطيتك طلعت لتما كانت على شوي وتموت مابقيتش حسيت جهلت فديك اليومين حيث ماشي غير ميمة را هي الي رباتني هنا قريت هنا قبل منوصل على دار لموريال…نتي ملي يوقع لمك هادشي غادي تعقلي على شي حد ؟!
ضحى”الصمت”
مهدي”جرها لعندو اكثر محاوطها وايدو فحنكها كدوز عليه” : نهار لول جيتك نيشان شنو كاين ماشي باغي نتفلر نلعب بيك نضحك عليك…هادشي مشا ف 2008 ولتحت حنا دابا فوقت كلشي واضح وباين مكاينش الي يضحك عليك من غير راسك…الى بغيت ندوز الوقت موجودات الي بغيت ومعامن بغيت والمخيرة فيهم تبغي دوز معايا ليلة…”باسها فحنكها بشويي وهضر وفمو فحنكها اما هي عينيها تغمضو السحر الي طلق عليها بهضرتو وحركاتو كافي باش يشعل فيها الحب من جيهتو.وتنسا شنو وقع قدر يقنعها بهضرته والمبرر الي عطاها…ومع الاسف استسلمات ليه للمرة ثانية حتى لقات راسها غاتعرا تحت منو من بعد ما مددها فوق الفوطوي وطلع فوقها لايح قبلاتو سحرية عليها وايديها معنقينو ورا ضهرو العاري زسط قبلات بين صدرها من بعد ما خلا غير سوتيان حبس وهز راسو” نو غادي نحبس…
ضحى”كمشات حجبانها بتساؤل”
مهدي”تگعد وجلس كيحك فحجرو الي انتصب..حل صدفة السروال باش يتنفس شوي وهز راسو لفوق كيسوط” : ماغنديرو والو حتى تمشي عند spécialiste
ضحى : كيفاش ؟
مهدي : وي باش تعطيك La pilule (حبوب منع الحمل)
هزات الديباردور والتريكو الي كانت لابسة لبستهم بزربة وتقادت فالجلسة طتشوف فيه وتستوعب شنو قال قبل قليل حبوب منع الحمل !! …يمكن نسات هاد القضية انها فاي لحضة غاتحمل من ناحية مزيانة ولكن من ناحية خربقت ليها التفكير يعني مباغيش الولاد او مباغيش يوحل الى حملات وباغي يكمل فعلاقة تكون مدة طويلة يعني بعيييييد انه غايجي يخطبها !!!
ضحى : كيفاش !!
مهدي”ضار شاف فيها” : كيف سمعتي..ياكما ناوية تحملي ؟!
ضحى”بغات تختابرو” : علاش مابغيتيش ؟
مهدي”رفع حاجبو” : مسالي كري لبراهش دابا ؟ عاد بادين كنتعرفو على بعضياتنا…هادشي بعيييييد كيجي بعد علاقة زواج ماشي وسط relation عاد بادية…مزال معشناش بزاف ماسافرناش …مازال موصلناش لواحد niveau ديال نفكرو فشي قرارات كبار مزال مدرناش خطوات ومراحل باش ندوزو لهادشي والولاد اااخر حاجة ممكن نفكر فيها وحتى نتي…دونك غادي نديك عند وحدة بعيدة على كازا باش متوصلش لهذاك ولد خالتك ولا طون فخيخ ولا معرفتش بلا متخافي …
ضحى”بقات شحال ساكتة وهي توقف” : بغيت نمشي خرج قبط ليا طاكسي ولا شي قربني لعين دياب ناخذ طاكسي عافاك مابغيتش مزال نتناقش معاك ..
مهدي : ضحى calme toi ma belle …
ضحى.: مابغيتش حسن نمشي لا نصدقو فشي حاجات انا مابغيتهاش…خليني براحتي من بعد ونهضرو…مزال عيانة اصلا من اخر relation وقعات بيناتنا…
مهدي”وقف” : شنو ضارك مزال ؟!
ضحى : كلشي حتى النفسية عندي ماشي تالهيه…من بعد ونهضرو…
مهدي : واخا مايكون غير خاطرك…يومين ونعيط ليك مزيان ؟
ضحى”تنهدات بصوت وحركات راسها ب اه …هزات صاكها وكلشي كملات لباسها جمعات شعرها وحتى هو لبس وخرجو وصلها لاقرب نقطة لدارهم بعيد شي شوي ركبات فطاكسي ودخلات كتزرب لقات مها خارجة دغيا طلعات لبيت كتجري لدوش باش دوش..”
اما زين الدين خذا ليه الوقت الكافي باش رتاح جابو ليه الاكل المخصص ليه من شيف خاص فالمطبخ كيطيب لمرضى السكري الي فالمصحة ووصاو ليه پلا ديالو تاهو حالو حال اي مريض…كلا مزيان حس براسو بدا كيرجع طاقتو لكن خاصو راحة اخرى باش يكمل وهي يخوي دماغو للحضة ويريحو من كثرة التفكير وطبعا هادشي صعيب والحل الوحيد هو النوم…تكا فوق ناموسية وجبد عليه ماحسش براسو من فرط التعب ديال يومين بلا نوم حتى لقا راسو غرق فالنوم لساعات مافاق غير على دقان وصوت شي حد كيعيط بسميتو وطبعا مكاينش من غير علي او مراد او وليد او ريان ولا الحسين فحالة جا يعني اقرب ناس ليه …لكن شكون الي بقا بالو مشغول من غير الي حضر ليه وهو علي….
علي : زين الدين…
زين الدين”نطق بصوت مدعدع بالنعاس وثقيييل” : الحاج..
علي”غير سمع الحاج وهو يدخل” : تبارك الله شلا مانعستي…
زين الدين”حك عينيه” : بزاف ؟
علي”ساف فساعتو” : تمنية ونص هادي ؟!
زين الدين”ضار بزربة” : وايلي ؟
علي : من الخير…الى رتاحيتي سير لدارك دوش كول شي حاجة وريح مع راسك…
زين الدين”زفر بتعب” : ولابد ليا من مشية لمحلات…
علي : اش كاين تم ؟
زين الدين : شريت شي عقار جنبنا خاصني نشوف با الحسين وصباح عندي اجتماع معاهم…
علي : ضروري ؟
زين الدين : حرفة الواليدين وورثهم وريحتهم منصيبش نفرط فيها…حرفتي اللولة الحاج…
علي : فكرتييني..هاد ليام ذكرى زواجي بالحاجة على قولة الولاد قاليك عارضين علينا لريسطو دايرين لينا حفلة هههه ايوى بغيت شي حاجة من عندك بغيتها unique والفاهم يفهم…
زين الدين”حك لحيتو كيفكر ونطق” : دير شي وقيت ودوز تلقاها عند با الحسين ولا محماد…وتهنى من ديك ناحية…
علي : بالمقابل الله يرضي عليك وياك تمتانع بغيتها من حر مالي باش تكون عندها القيمة…
زين الدين : الي بغا خاطرك الحاج حنا معاه…والله يدومها محبة بيناتكم …”ناض جمع الوقفة لبس فيستة وتقاشرو وصباطو وخرج هو وعلي الي تاهو كان غادي نزلو كل واحد فيهم ركب فسيارتو وتيسر فحالو وداز النهار عاوتاني وجا نهار جديد الي غايحمل فطياته العديييد من الاحداث….
اليوم كان يوم الخميس نهار جديد احداث جديدة وصباح كان فيه الجو بارد ومشتي وقطرات الندى على السيارات والنوافذ الزجاجية …ريحة اتاي بالنعناع فايحة فالدار…لبسات نفس الكسوة ديال اول مرة جات بيها لكلينيك السابق ديال الخيط بيضاء فيها حزام من وسط طاي كبيرة طويلة تال تحت لبسات تحتها ليبة كحلة ورمات عليها بوليرو سخون طويل فالگري ضفرات شعرها الاحمر جنب عاوتاني بدون مكياج خلات النمش فمنخرها لفوق شوي وحناكها الي مخليه مميز اطتفت ببارفانها الي كدير incandescence من اڤون كملات وهزات لوازمها غير شمت ريحة اتاي عرفات عصام وجد الفطور وهاهي زاهية ماحد الخدامة مستافدة من العرض ديال عصام الي يطيب ههه لكن المفاجأة كانت هي فاش دخلات ولقات شخص تزاد عليهم والي خلا ابتسامتها توساع…
فرح.: هيييييي عمي مبارك !! هههههه “مشات كتزرب تلاحت عليه عنقاتو” توحشتك بزااااف بزااف والله…
مبارك : عليها لكلب بوك تعيطي وتسولو ولا طلي”صرفقها بشوي” عن جد والديك …
فوزي : هههههههههه
مبارك : تانتا يا الكيدار بالكيدار فحالها لا تضحكشاي …
فرح ؛ ههههههههههههههه
فوزي : تهجريه عندلمك…
عصام”مدخل صينية” : تسال الحق من جيهتهم ياك ؟
مبارك : اوكيه..
فرح : امتا جيتي ؟!
مبارك : مع الفجر طليت عليك لقيتك باركة تشخري هههه
فرح”شافت فساعتها” : خاصني نمشي تعطلت…غاتبقا معانا ياك؟
مبارك : هاد الليلة معاكم وصباح لفجر مروح(غادي)..
فرح ؛ مزيااان نجي وندير لعمي دجاج مدغمر الي كيعجبو…
مبارك”خبطها لضهرها تا غوتت ههه” : يرضي عليك المرضية..
عصام : تسالني شي موناضة ولا اتاي دايزو الكلام…
فوزي”خبط فوق طابلة تا قفز مبارك وفرح وعصام خنزر فيه” : حق الي ليه الحق الى تسالوني ناكل ونشرب معاكم ونقتلكم بضحوكات…
عصام”رفسو برجلو”: خرج خرج شي غبر غا وجهك يعطي لدينمك الحبس..مقفز عباد الله شي باس مكاين ؟ “وهءا حالهم هاد الصباح تحت جو ممطر ورائحة الشاي في الساعة السابعة ونصف صباحا…اما تحت الجو الماطر نفس الشيء لكن الفرق رائحة القهوة …عمرات ماشين نيسبريسو الكاس كانت غاتهزو تا سبقات ايدو وهزو هو خاشي ايدو فجيب سروال الفصالة اسود وقميجة سوداء حال ليها صدايف لفوقانيين وفايدو مونطو وشكارة…شرب رشفة من الكاس وحطو ضار عند البنت مد ليها كونطاكت وعطاها مونطوه وشكارتو داتهم ليه لطوموبيل اما هو جلس تما فالمطبخ حدا المراة الي كطيب…حطات ليه فطورو حداها..اومليط وصلاد خفيفة وقهوته وبطبوط ديال القمح مع زبدة مدوبة…سما الله وبدا ياكل الي قد عليه كمل بكاسو ديال القهوة…
زين الدين”شاف فالمراة” : مي نعيمة “جبد من جيبو واحد الورقة ومدها ليها” صباح جي عندي بلا فطور باش ديري تحاليل هادو…قبل مطلعي لعندي دوزي عندهم عندهم سميتك وكلشي هما يتكلفو بيك …والباقي من بعد نرسلك عند الاختصاصي هو يدير خدمتو…”هز صبعو بنضرات جدية وتاكيد وتهديد من فوق” منعاودش هضرتي…
نعيمة”ضحكات” : ههههه واخا كون هاني منخصرش ليك خاطرك لا طير ليك نقشة ثاني هههه
زين الدين”تنهد” : عشرة يعرفو فحالك راني بات المزيان..”وقف وباس راسها” صباحك مبروك…”خرج لبرا عطاتو البنت الكونطاكت وتيسر ركب فطوموبيلتو وزاد نيشان لكلينيك من بعد ما خذا راحة كااافية الليلة الماضية…
ليلة ماضية كانت كافية لراحة دماغو كافية لانه ياخذ قرار ويتقدم لمرحلة جديدة واش غاتكون فصالح ديالو او غاتكون ضدو لكن كيما اتاخذها فاسرع وقت احسن ليه وخا عارف شنو تبعيات هاد المرحلة لكن مادام فقلبه وعقله انه لازم يكمل بدون شعور باغي يتقاتل ويوصل لمرادو عن طيب خاطر ومحبة…الاحساس الي كيحس بيه فشكل رغم الصعوبات والمطبات الا انه احساس حلو …بين عقلو بين عينيه ريحتها الفواحة فنيفو مابغتش تحيد…وصل المكتب ديالو من بعد ما ضرب مسافة كافية ديال الطريق …حط المونطو ورا الكرسي…طوا كمايم قميجتو عند مرفقو …جلس فوق الكرسي ودوز الخط لاسلام…
زين الدين : دوز ليا نمرة دابا…
اسلام : تو دسويت دكتوغ…
زين الدين”تحول ليه الخط بعد ثواني ديال رنات تطلق الخط وجاوبات البنت الي فلاكوي”
هي : واخا دكتوغ داابا…
زين الدين”رجع تكا عالكرسي هز راسو الفوق ساط الانفاس قبل ميبدا يعض فشنايفو المغطيهم زغب لحيتو الكثيفة…وعينيه الخضرين الي فيهم ميزة قدرات هي تميزهم دون الناس واخا الي قراب ليه كيعرفو هاد القضية…وحتى حنان لكن هي شعرات بيهم وشافتهم وميزاتهم…عاود صونا ليه الفيكس تگعد جاوب فالبلاصة”
نورة : دكتور البغدادي …
زين الدين : مدام اليزيدي…
نورة : دوموزيل فرح الخيالي راها طلعات لعندك خمسة دقايق وتكون عندك الى متلفاتش ثاني ههه …
زين الدين : C’est pas grave راد معاها البال كاين من يوصلها لعندي…”قطع معاها وتقابل مع الباب طرطق صباعو وحرك عنقو تا طرطقو من هنا وهنا قبل مينوض ..زاد حل صدفة ثالثة…وعينيه على الباب ربع ايديه وجلس فوق المكتب ” خرجان العقل هو الي غايبدا معاك “هز التيليفون دخل لابليكاسيون نيشان لكاميرا المراقبة فالممر تا بانت ليه جايا شادة ضفيرة بايدها كتلعب بيها ودور وجهها هنا وهنا كتكتاشف المكان الي بهرها بديك اللبسة والضفيرة كي بانت فيها …جاه تانيب الضمير ندم لاش عيط ليها بهاد الجمال الي بانت فعينيه حشم ينكدها عليها ههههه..عض لسانو وهو كيشوف فيها عجباتو بجهد….ونطق” : تاكل دينمها فندغة…
وفي انتظار ان تاتي خذا وقتو الكافي باش يمتع عينيه فيها وهي جايا بديك اللبيسة وحركات وجهها التعبيرية دليل على انبهارها بالجناح او الجابق الي طلعات ليه…كان ولابد عليه ياخذ هاد الخطوة وتعرف فين هي ومعامن خدامة ولابد ميهضر معاها او يواجهها ويحاول باش يقربها منو او يكسر داك الحاجز الي تبنى بينو وبينها حاجز الكره والشمتة الي شمتها وخلاها تكره شي حاجة اسميتها حب خطوبة زواج او رجل لان كل الي بغاتهم خلاوها وفقداث شي حاجة اسميتها الثقة فالرجال….وباش يرجع الثقة ويكسبها او عالاقل يخليها تصرف معاه عادي كاي شخص لازم يكسر هاد الحاجز….
فرح”تمشات مسافة فداك الممر وهي كدور هنا وهنا كتقرا فالبلاكات الي تما حتى بانت ليها الاستقبال الي نعتات ليها الطبيبة نورة وهي تمشي لقات واحد الولد..” : بونجوغ..احم عافاك عيطو ليا انا جيت من قسم لابو..
اسلام : دموزيل فرح !!
فرح : وي انا …
اسلام”بابتسامة ولكن حدر عينيه مشافش فيها..وقف وتمشا شوي قدامها حل الباب الكبير ” : تفضلي ختي من هنا غاتلقاي باب الي على ايدك ليمن تما فين دخلي…
فرح : شكرا…”دخلات فين نعت ليها بالضبط ..هزات راسها كتقرا اسم على باب المكتب(ali azziani)..الاسم طبعا مغاتعرفوش لكن لو شافت مولاه غاتعرفو طبعا تلاقاو باش يعرفو الاسماء هي مكتعرفش اسمو لكن هو عارف اسمها طبعا وعلاش الي ميعرفوش واسمها على طول فلسان زين الدين الي اصبح كيتلذذ ويتنغم فور مكيذكرو على فمو…وتعمد زين انه يتلاقاها فمكتب علي لانه لو قرات اسمو على الباب غادي تعرفو وتقدر ترفض او تصرف اي تصرف..دقات الباب تا سمعت تحنحينة وهي تحل البواني ودخلت اول ما طاح عينيها عليه هو اضاءة المكتب الي كانت مريييحة بزاف العين جو هاااادئ ريحة نقا عالجهد والتعقيم ..المكتب خاوي فوطويات جلد بيض كبار قدام المكتب وطابلة زاج قدامهم …جاها نوع من الخوف كون المكان خاوي وسكااااااات…يلاه غادور تقلب بعينيها تا تسد الباب من وراها قفزت..”
فرح : احم ..”عينيها كيدورو حتى قشعات كرسي المكتب كيتحرك يتحرك قبل ماتهضر كان ضار بالكامل وتقابل معاها نيشااان هو بشحمه ولحمه يجاذبيتو وهيتو بنضراتو الجدية الصارمة الي اول مرة غاتشوفها بهاد طريقة..مرفقو فجنب الكرسي ومرفقو لاخور فجنب لاخور شابك قبضات ايديه..لابس كحل فكحل كلاس رجل فوق رجل ..عينيه عليها الي غير استوعبات وشافتو فحال تقولي ضربها ضو لعينين بقات مخرجاهم ومفيكسياهم عليه كانها ممثيقاش واحد اللحضة وهي فحالة صدمة حتى تنهدات وحدرات راسها بغات تبكي ههه” : يااااااربي نكون كنحلم ياااااربي …
زين الدين : كاااع ؟
فرح : وااااااربي اش درت فحياتي ياربي اااااربي مالي فهاد العذاب اش درت غا قولو ليا اش درت يا سيدي ياربي..
زين الدين”كيسمع ليها عارف ومتاكد وموجد راسو لكلشييي”
فرح”دارت ايديها على وجهها مغطياه..هنا لاحظ حتى ايدياتها مبيطبطين..تاهما ما كرهش ياكلهم(لعنداكم هادي غا انا فيا جوع 0.0)..” : عااااافاك ما قوليا اش كدير هنا حيث هاد سؤال عييييت وانا نسول فيه وحشمت باقي نسولك غا قوليا اش بغيتي عندي واش بغيتي مافهمتش ماااااافهمتش…
زين الدين : رتاحي وتفهمي…
فرح : مابغيتش مابغيتش نرتاح بغيت نفهم اااش بغيتي واش تابعني تا فين كنخدم ؟
زين الدين”بثقااالة” : رتااااحيييي وتفهمي وميكون غير خاطرك..
فرح”زفرات بحنق”
زين الدين”باقي فبلاصتو كيما ضار بقا” : فرح لمرة وحدة سمعي بلا ديك بلابلا عارف اش كاين عارف الحق معاك ماتكثريش لا بغيتي تعرفي اش كاين رتاحي وسمعي …
فرح”حيدات ايديها بزعاف وشافت فيه ” : واااخا واااخا الى كان يخليك تعطيني تيساع هاني هاااني”جلسات فوق الفوطوي بجهد”
زين الدين”دور وجهو لهيه لحضة كيكحك لحيتو بصبعو ويفكر…قبل ميهضر ويوجه كلامو ضار لقاها كتحرك رجليها بعصبية…” : حنا ف كلينيك لا انا لا نتي وهنا انا بصفتي Chirurgien maxillo-faciale et plastique de la face
فرح”مخرجة عينيها” : شنوو يعني خدام هنا ؟
زين الدين”هز حاجبو وحطو” : لا قبلتي علينا…
فرح : ماقابلاش ماقابلاش انا وياك ميمكنش نتلاقاو ولا نكونو فبلاصة وحدة ميمكنش ماعرفتش انا فاش كتفكر واش هادشي عندك عادي ؟ مغاديش نعاود نقوليك غاتجبد ليا صداع حيث بصح غايتحبد صداع انا ف غنى عليه منقدرش خويا واعر صعيب راكم تلاقيتو اخر مرة سلك فيها الله…
زين الدين : معنديش مشكيل نتلاقا بيه ثاني..
فرح”حطات ايدها على جبهتها كتحك فيها بتوثر لاحض ايدها كترعد”
زين الدين”غمض عينيه وحلهم” : ماعليش تهدني الحاجة الي تجبد ليك صداع نبعدو منها الحاجة الي ضرك نحيدوها من جدر…
فرح”جاها ضحك.” : ههههههه ايه…الى قلتها ليك ديرها ؟
زين الدين : المعنى ؟
فرح : الى قلت ليك المشكيل وشنو كيضرني تحيدو ؟
زين الدين”حرك راسو ونطق بثقوووولية عرفها شنو عنات” : الله اودي الي جدتي عليه نديروه “قبل متهضر هز صبعو” فوتيني غير انا والباقي تفششي عليه الالة ….
وعلى قول المثل انا ندگ وندادي وهو يگلع فوتادي هههه عضات حناكها من لداخل وجهها ولا مكيتفسرش تخلطت ليها البكية مع الفقصة مكرهاتش تنوض تشتف عليه وليني الغالب الله قدام داك الطول والعرض والضخامة ماتصيبش واخا غليضة الغالب الله تا باش تنقز تنتفو مكاين كي دير عهههه…
فرح : ملي عارف… علاش نفوتك نتا ؟ اه نتا الي ضريتيني نتا الي مشكيل قدامي…شوف باش نهضر معاك بجدية انا منقدرش نبقا نتلاقا بيك…مانقدرش حتى نهضر معاك عادي…مابغيتش نجبد المشاكيل ويعرف عصام ويوقعو مشاكيل كبيرة خويا انا الي عارفاه خايب بزاااف الى عرف راني خدامة معاك فنفس البلاصة مغاديش يخليني وانا مغانخليش راسي فيها قبل ميعرف هو اصلا …اي بلاصة غاتجمعني بيييييك مابغيتهااااش”هاد الجملة الاخيرة ضربات ليه فخاطرو فحال سهم الضو خلاتو ينزف من لداخل..كرز ايدو بزز باش يتحكم فاعصابو وميديرش شي رد فعل الي يضرها ولاول مرة كيدير هاد القضية انه يتحكم فراسو على جال شي حد…”
زين الدين : ياك ؟
فرح : ااه…خدام هنا ؟
زين الدين : رسمي وبصفة دائمة بحول الله…
فرح : الله يسر الامور ليك..
زين الدين : وليك كثر مني …
فرح : هذا ماعندك ؟!
زين الدين : حزمتي عامرة بشلا وشوية منين نبدا والحيط كاين كيفاش يريب باش نبدا ؟
فرح : بعد عليه وبدل العتبة حسن ليك…ماتبقاش فنفس البلاصة وتحك وتحفر را كضر غير فراسك اما لاخرين شربو وذاقو ودوزو ونفروووو”عاوتاني الكلمة الاخيرة حكاات ليه على جرح سهم الكلمة اللولة”
زين الدين : نصبر ماعندي من غير هاد الحاجة…
فرح “ضربات فخادها بشوي معلنة على وقوفها” : مغاديش نضيع الحجرة..ماعرفتش انا علاش هادشي كامل لاش باغي تلاقا بيا تخدم فين كنخدم تشوفني تشوف القراب ليا تصاحب مع خويا سيمو…فينما ضرت نلقاك مغاديش نقدر ونتا عارف وبفمك قلتي بيناتنا حايط !! انا غانزيدك حايط اخور…حيث مابغيتش صداع خوتي خايبين واعرين ونتا كذلك مابغيتش توقع شي كارثة ونتا لاصق توقع الكارثة…
زين الدين”حك شنايفو وهو كيسمع لكل جملة قالتها كيحطها فراسو ويديرها بين عينيه ..هز صبعو ودورو زوج دورات” : كلشي الي هضرتي فيه مغاديش نكذبك فيه عندك فيه كامل الحق …
فرح. : الي بغيت نفهم حاجة وحدة هي نتا بفمك قلتي نتفارقو ؟! نتا بفمك قلتي مصالحش نكملو وعطيتي سبب يااك “عينيها فيه”
زين الدين : ولو يرجع زمان وعاودت نفس المشكيل نعاود نفس الحاجة ابنت الناس والاصل”حرك صبعو” عقلتي على هاد جوج كلمات ؟
فرح : بنت الناس والاصل بيك وبلا بيك …
زين الدين : نهار جيت لقيتك بنت الناس والاصل بلا بيا متستاهلش ندخلها فحسابات الفسايدية بنت الناس والاصل تكون بشانها ومرشانها وقيمتها من مقامها العالي…كان فيا نكمل ابنت ناس ونديرو الحلال ونهار تعرفي ويوقع الفاس فراس ؟ تسماي تبززتي عليا بحسابات بيني وبين ولاد لحرام ؟”خرج عينيه الخضرين”
فرح”الصمت”
زين الدين”حط ايدو على صدرو” : كنت معاك ولد لحرام منكرش..”سرح ايديه” هادشي الي عطا الله باش غادي نسلك الجرة ونعطي تبريرات ؟ نبقا معاك تال فجر النهار تاني مايوفيش حقك تاحاجة ماتشفع…هادشي علاش البدية من جديد حسن لينا…
فرح : مابغيتش نبدا ومابغيتش نسمع لوالو والي عطا الله عطاه كل شد طريقو …مادامك خدام هنا انا غادي نديمسيوني (تقدم استقالتها) مغاديش نكمل هنا مابغيتش نتلاقا بيك ومابغيتش شي حاجة الي تخلي صداع ينوض ولو تكون على حساب مستقبلي…
زين الدين : Vous avez tout le droit ! Si vous souhaitez présenter votre démission, OK! Pas de problème même si vous avez un CD( contrat de travail ) “من حقك بغيتي تقدمي استقالتك مرحبا “عوج فمو” مكاينش الي يمنعك… بالرغم من انه عندك معاهم عقد عمل “…
فرح : هادشي خاص بيا معاهم…”زفرات ثاني بنفاذ صبر” كنضن وضحتي وهضرتي وسمعتي مني نتمنى متبقاش تخرج ليا فطريقي…والى حاس بذنب من شنو درتي ليا انا مسامحة ليك غير بعد مني ومن عائلتي عااااافاك الله يرحم ليك الواليدين…
الله يرحم ليك الواليدين الله يرحم ليك الواليدين الله يرحم ليك الواليدين…بقات هاد الجملة كتسمع فوذنيه وتعاود وتعاود تا غمض عينيه فهاد اللحضة فاش كتذكر ليك اعز حاجة ميمكنش متقولش لا ولكن جا بين انه خاص اي طريقة ميضيعهاش…ويتاجه للكارط الموالي…
زين الدين : اللهم اميين…”تگعد وتقاد فالجلسة هاز ستيلو” دابا المشكيل باش تخدمي منكونش حداك ومعاك ؟ مزيان…ماعليش تاهذا نضر ماقلتي عيب…”تنهد محاول يخرج الانفاس الساخنة من بركان الغضب الي فلداخل ديالو مكرهش يسد عليها هو كاع يبقى يشوفها صباح وعيشة ضهر عصر مغرب فاي وقت متاح ليه…لكن الضروف والواقع اقوى…”فحياتنا المهنية ابنت الناس كنبعدو المشاكل الشخصية وكنتصرفو بشكل بروفيسيونيل …”هز ايدو موقفها قبل متهضر” لو تحطيت بلاصتك ابنت الاصل وشان نكمل فخدمتي …انا فمكان وطاج ديالي ونتي فمكان وطاج فين خدامة…الوقت خيابت وصعابت ضومين ديالك ماشي جي ولقا فيه خدمة…نهار نتحط بلاصتك نشد فخدمتي بايدي وسناني وخا يكون الشاف ديالي داير معايا فعايل ولاد لحرام…
فرح : شنو بغيتي تقصد…
زين الدين”تلاح عالكرسي من جديد وشير بصبعو ليه” : حسبيني ولد لحرام من فعايلي الالة”لاح ستيلو بجهد”…
كي حلات عينيها وفطرات غسلات الماعن وسيقات دار جمعاتها ودات الخبز لفران وتاكدات ان فاطنة ماخصها والو …
صفاء : ماااي خاصك شي حاجة ؟
فاطنة : لا فين دالحة ؟
صفاء : بغيت نمشي عند سيمو نشوفو ونجي..
فاطنة : ايييه الى غادية صبري نعطيك شي عشوب بغاتهم نجية ديهم ليها…ولا تعطليش الغذا يصيبك هن..
صفاء : واخا اري اش بغيتي نعطيها…
مشات لكوزينة جبدات واحد القرعة فيها شي عشوب غسلتهم نشرتهم ونشفو نقاتهم وطحنتهم ودارتهم فيها مداتها ليها وخرجات نيشان غاديا لدار عند سيمو حتى بان ليها عصام وقف بالموطور هاز فيه زوج خناشي دسيما وواحد الميكا …
عصام”هز عينيه بانت ليه غاديا مدورة وجهها واستغرب لانه للمرة ثانية الاولى مسلماتش عليه حدها قالت ليه لباس بدون متشوف فيه..” : صفاااء…
صفاء”تنهدت ووقفت وهي دور نصف دورة مكمشة فيه حجبانها” : نعااام …
عصام : اجي لهنا نتي…
صفاء”ضارت وقلبها كيضرب كتحاول وواخذة قرار وعاهد انها متبقاش تعمر بيه راسها واول مرحلة تبدا بيها هي تحاول تفاداه وتحاول متلاقاش بيه حتى تنقص من شوقها ليه ويبدا ينقص اي احساس تدريجيا ومع المدة والولف تعود حتى تنساه بمرة لكن شكون خلاك…” : وي هاني …
عصام : مالك ؟
صفاء : مماليش علاش ؟
عصام”رفع حاجبو” : مممم زعما ؟
صفاء : مافهمتش ؟
عصام : مخاصمين ولا مقاتلين عالورث…
صفاء”تحمست” : اوديييي شلاااا…
عصام”خرج عينيه” : ياك اختي…
صفاء”عاد داركت شنو قالت ههه” : الا يا اتا را غير تنبسط اخووويا…م ما ذاك صافي والو غير مبرزطة وصافي بغيتيني فشي حاجة ؟!
عصام”رافع حاجبو ومد ليها الميكا” : شدي شدي هادي وطلعي معايا الفوق…
صفاء”خرجات عينيها” : الاش اخويي ؟ صلي عالنبي اش نديرو الفوق ؟؟
عصام : نعطي لدينمك بعض سلخات ديال العصا يلاه يتگاد ليك داك المخ الي عندك فيه الزبدة…”جهد صوته تا قفزت” طلعي معايا الخرا كثر فيك شلا …
صفاء : اهيا متغوتش عليا “هزات صبعها” اطونسيون ترفع عليا صوتك…
عصام”خنزر فيها بديك النضرة فاش كانت هي وفرح فصغرهم فاش كيزبلوها خايبة… كيديرها من كيبغي يعطيهم عصية الكلاب ” : عاودي اش گمگمتي عليا تم ؟!
صفاء : عاود صلي عالنبي وقرا المعوذتين ودعاء واية الكرسي الى كنتي حافضهم والى تنساو عليك اجي نسمعوهم تانا نسيتهم فهاد اللحضة ولا غني غير طلع البدر علينا را تنفس لاهيلا..تا واش تدي على هبيلة !؟ شوف المقادير ديالك ومقادير ديالي ؟ انا كيكة نص بيضة كثيرة فيا غالخميرة كنفيض غافالخوا الخاوي …
عصام”بقا كيشوف فيها” : اش كتخربقي عليا تم ؟
صفاء : منين نطلع ؟
عصام : سيري عند با سالم مول صاكا وطلعي من عندو را تلحگي عليا”خنزر فيها”
صفاء : وا غا جمع عينيك را نديرها بصح لاش تتخنزر فيا لا نتا لا داك زينهم”كمشت فمها وسنانها صرطتهم هما وفمها وصرطت راسها بغات تهرب بغات تقلب على فاس وبالة تحفر وتدفن راسها اش دير…جاب الله مافرزش الكلمهم لاخرة اما كان غايفهم زين الدين يطلعها عند المعلمية يرميو عليها الضالة تم هههه”
عصام : غاطلعي ولا بناقص من شي خرا…
مزال مكملش هضرتو شدات من عندو الميكا وطارت كتحسب فالدروج تا طلعات لعند المعلمية حطاتها ليه ونزلات لقاتو جاي هاز خنشة السيما فوق كتافو مطلعها…شاف فيها وشافت فيه…
صفاء : ياكما نهز خنشة سيما الي بقات لتحت تاهي ؟
عصام : وليتي معايا كلمة مني كلمة منك ؟ گرينك انا ؟
صفاء : دابا سولناك رديتينا براهش ؟
عصام : توحشتي العصا ؟
صفاء : وغا هكاك باغي تعطيها ليا صحة ماحشوماش عليك ؟
عصام : شوفي فيا عيني فعينيك …
صفاء : معنديش العينين “غمضت عينيها متجنبة تشوف فيه ولكن شكون عقل عليها ولا رحمها هههه”
عصام : سيري سيري وكان على نقشة نرمي على دينمك الضالة …هبطي فين غادية هبطي …”طلع كيبرگم مخليها كاتشوف عاد استوعبت انه قاليها عينيك مغمضين من عند الله ههههه “
هبطات مغمضة عينيها تلاقات بفوزي جاي تاهو جايب السخرة لقاها مكمشة عينيها …
فوزي : مالك ؟!
صفاء : ماليش
فوزي”طلعها وهبطها” : مالك مكمشة عينيك ؟!
صفاء : بغيت سوقك ؟
فوزي : وخا غا حليهم مكاين تا فرق سوى حليتيهم ولا سديتيهم مغمضين من عند الله …”عاود طلعها وهبطها وطلع تاهو” تررر ههههه الله يستر…
صفاء”حلات فمها” : اااا ؟ “نزلات كتافها وتمشات باسف تادخلات لدار سيمو سلمات على نجية لقات سيمو متكي فالمراح تلاحت حداه تا قفز”
سيمو”بصوت مبحشش” : خراا مالنا ؟!
صفاء”ضارت شافت فيه وقالت” : ااااه يا دنيا ليه رشيتي على قلبي كولونيا ..اااه ليه طفيتي شمعتي…
سيمو”كيرمش فيها”
صفاء : ماتحكرش تانتا..ماعلينا امتا تموت ؟ “ماحسات حتى ركلها برجلو جات فلارض مصلية عالنبي هي نيت” امصلي عليك ارسول الله…
بقات واقفة كتشوف فيه وكتسمع فالهضرة الي قاليها …انها تصرف فالخدمة بعملية تنسى اي خلاف في حضور الخدمة واخا بيناتهم خلاف الخدمة معندهاش علاقة بهادشي…
فرح : بغيتي تقنعني نخدم انا وياك فنفس البلاصة فحال مابيناتنا والو ؟ ههههه
زين الدين”عقد حجبانو” : علاش شنو ؟ بيناتنا شي حاجة ؟
فرح : اكيد لا …
زين الدين : et alors ? “كمش عينيه كيتحرك بالكرسي”
فرح : اذن ماشي شغلك فيا نخرج من هنا او نبقى تكون خدمتي بروفيسيونيل ولا ندخل العاطفة او المشاكيل هادشي راجع ليا مادام كاين هنا نتا ومادام غانتلاقا بيك هنا اولد ناس غادي نحيد كلمة “بروفيسيونيل” من قاموسي هنا وغانخلي ليك الكلينيك كلو ربح بيه اي حاجة تخليني نقلق خويا الي ضرب عليا تمارة من صغري والي رباني وتعصبو مانبغيهاش ونتا اولد ناس نهار اللول كل شد طريقو الله يعاونك…
زين الدين : ماكدة ؟
فرح”تحنات شوي وسرحات ايديها وبابتسامة غيض” : باينة لعما من هضرتي دكتور البغدادي…
زين الدين”عض شنايفو بعصبية قبل ميخبط المكتب بايدو تا قفزت” : الله اودي الله اودي “وقف وخشا ايديه فجيابو وتوجه لعندها مقابل معاها…تحنى لعندها كامل عاطي وذنيه وايديه فجيابو” عاودي شنو بغيتي ديري ؟!
فرح : كيف سمعتي ؟ تت ففففف انا اش باقي موقفني مافهمتش..”ضارت تمات غاديا بغات تحل الباب لقاتو مسدود” اويلي علاش سديتيه ؟ واش من نيتك ؟!
زين الدين : واقلة سولتك ؟!”خنزر”
فرح : مااااااااشي شغلك نقدم استقالة ولا لا هذا شغلي وبيني وبين صحاب لاكلينيك غادي نمشي عند موسيو البشير ونعطيها ليه وابتداء من غذا البلاصة الي غاتجمعني بيك غانخليها ليك ربح بيها …واااااااكوااااك حل البااااااااب…
زين الدين : مع صحاب لاكلينيك ياك ؟
فرح”خرجات فيه عينيها ” : ااااااه…
زين الدين”حك لحيتو بسنانو” : علاش لا علاش لا…تگلعي من تم تركني هنا نعطيك شنو بغيتي وطيري فين بغيتي…
فرح : اش غاتعطيني ؟؛! واش مكتفهمش ؟ مابغيتش نبقى هنا حل ليا هاد زمر اويلي “غوتات بجهد” وااااااا حل ليا زمر مابغيتش نبقى هنا معاااااااك”تا بح صوتها”
زين الدين”غوت كثر منها لااا غير جهد صوته قفزات من بلاصتها تا غمضات عينيها” : تگاااااااااالعي تركني تما نعطيك اش بغيتي هضرتي منعاااااااااودش عدو ربهااا فهاد النهار…يلااااااااااه…”عينيه خرجو فيها بواحد نضرة تا صرطات ريقها”
فرح : غادي تحاسب على هادشي عقل عقل…
زين الدين : بادي فيا الحساب من زمان ابنت الناس …طيري فين گلت ليك بلا خرا عليا…
فرح”جمعات فمها بغيض وربعات ايديها” : مابغيتش خليني غير هنا نشوف اش كاين…
زين الدين”كان غايجمعها معاها ينسا واش بنت الي قدامو وصاحبو ولا شي راجل …بقا كيطلع فيها ويهبط تا غمض عينيها كيكالمي فراسو بزز..ضار جيهة المكتب وهز واحد الملف فيه اسم المصحة ورماه ليها فوق طابلة” : تركني لارض قرايه وديك ساعة سيري ديمسيوني ولا لوحي راسك من سطح…
فرح”حدرات عينيها لملف وهي تهزو حلاتو وقرات العقد الي سنات عليه شافت فيه” : هادي CDI الي سنيت ؟
زين الدين : شنو بان ليك فيها ؟ شنو كتعرفي عليها ؟
فرح : غادي ناخذها ونمشي عند موس”قاطعها”
زين الدين : Contrat de travail à durée indéterminée
(عقد عمل غير محدد المدة) normalement المدة “هز صباعو بستة كيوريها” ستة من شهور الله قابلة لتجديد … بغيتي تديميسيوناي فوسط 6 mois ممنوع فحالة وحدة مسموح ليك ابنت الناس الى درتي تعويض لصحاب لاكلينيك…
فرح : هادشي عارفاه ..
زين الدين : شحال عندك فصالير ؟! 3500dh مبقاش بزاف و تكملي سيمانة…ستة شهور ضربيها ف صالير شهر الي دايرين معاك فيك ميحطو تيسري مافيك ميحطو كملي مدة ديالك والله يعاونك…”هز ايديه” سمحي ليا جهد فوق جهدي …
فرح : يعني اش ؟ منقدرش نخرج من هنا ؟ “دلات شنايفها” علاش كدير ليا هاكا حرام عليك “عينيها غرغرو خصوصا سمعات المبلغ يتضرب فستة شهور”
زين الدين : حسبيها مدة تدريب واستافدي من الخلصة…
فرح.: مابغيتش مابغيتش بغيت نمشي حرام عليك ..الى كتعرف مول الكلينيك خليني نهضر معاه يسمح ليا…عافاك الى عندي معزة عندك غييير شوية خليني نشوفو ونطلبو الله يخليك اهى اهى…
زين الدين”هرساتو هنا فهاد اللحضة قلبو نزف من جيهتها عزات عليه بجهد ندم لاش قاليها هاكا وخا كانت هي الورقة الاخيرة الي بقات ليه” : علاش هادشي كامل ؟! لهاد درجة من جيهتي ؟!
فرح : مابغيتش صداع مابغيتش بغيت غير نتهنى ومابغيتش نقلق خويا وصافي هذا الحد انا وياك حتى بالخدمة منتلاقاوش اهى اهى…
زين الدين : بغيتي تشوفي مول الشي ؟!
فرح”حركات راسها ومسحات دموعها بطرف كمايمها..ضراتو فخاطرو بهاد الحركة”
زين الدين “قرب ليها” : BG c’est l’abréviation ديال baghdadi …
فرح”هزات فيه عينيها بشهقة” : كيفاش ؟! هو نتا ؟
زين الدين “هز ايديه وخبطهم” : حاجة الي تجبد ليك المشاكيل نحيدها ليك …
فرح”غمضات عينيها ودموعها نزلو كيجريييو وراسها فلارض” : نتا هو الي ضريتيني ونتا هو المشاكيل…
زين الدين”دور وجهو لهيه جملتها قضات عليه..تنهد بحسرة عليها..قبل مينطق شاف فيها شحااال” : خليك ابنت الناس فخدمتك مرتاحة كملي المدة الي عندك “هز صبعو” عاطيك العاهد من هاد النهار وجهي ماتشوفيه….”هز ايديه باستسلام مجهد صوته الباح” الالة الحاجة الي ضرك نحيد ملة مها من جدر….
فرصة زين الدين الوحيدة مع فرح يمكن هي هادي واخر حل واخر ورقة خرجها باش يقنعها عن تراضي تبقى حداه زقريبة ليه وخا اضطر انه يضحي باش يشوفها بلا ميحس لقا راسو كيدير ليها فخاطرها انها متشوفوش غير باش تبقى هي على خاطرها ودموعها مينزلوش دموع الي حس بيهم كيهبطو فحال العافية فقلبه وهنا زاد تاكد عاوثاني انها عندها تاثير عليه اكثر…واش غادي تقبل وتنحي الحياة الشخصية وتصرف بعملية واخا هي بين عينيها عصام راسها وماقاليها انه لا عرف بالي خدامة معاه وعندو شنو ممكن يوقع وعصام من النوع الي مكيتفاهمش فهاد المسائل خصوصا لا كره او حقد على شي شخص…
زين الدين : مزيان ؟!
فرح”حركات راسها ب لا” : مانقدرش اهى …
زين الدين”هز راسو لفوووق كيسوط بتعب ورجع حدرو تاني كيشوف فيها ماكرهش يمد صبعو يمسح ليها عويناتها لكن الغالب الله..الحاجز الي كان تزاد واحد اخور عليه” : فرح “نطق اسمها الي غير كينطقو كيحس بتنغيمة وقلبه كيضرب فاش كيقولو..سكت شحال وعاود نطقو ثاني” فرح …نساي شكون انا نساي شنو جرا بيناتنا حسبيني مكاينش ولا عمرك عرفتيني..سمعيها مني حاولي تكوني برو فحياتك العملية …
فرح”الصمت”
زين الدين : فحياتنا مكنلقاوش فرص كبيرة ديما ومعمر الفرصة تبقا تابعانا..”سكت مدة وعاود نطق” la clinique ماشي وحدي من ماليه..”هزات فيه عينيها حمرين بدموع..هز ايدو الي فيها ستيلو مشير ناحية الباب” شنو قريتي فاش دخلتي لهنا ؟!
فرح”بصوت مغنغن مخنوق..” : حتى بوفيسور علي مولاه ؟
زين الدين : حسبيه راس الكبيرة ومولاه معايا بنسبة هنا مجاتش ندير كلينيك الى مكانش معايا دي بروفيسور فيه كلينيك فيها بزاف ديال spécialités “دور بستيلو فالمكان” هذا جناح خاص ب الاختصاص ديالنا…بشحاال بعيدة على هنا نتي شمن طاج كاينة ؟ الثالث ؟ عرفتي شحال بيني وبينك ؟ “هز صبعو كيحسب واحد بالواحد” ثلاثة ..هذا غير هاد الي فيه حنا واحد كاين جوج من هذا بغيتي تبعدي بعدي لجناح C وهانتي بعيدة مني بجوج بنايات…
فرح”الصمت”
زين الدين : عندك يومين بلا ماتجي فيهم حسبيهم عطلة مرضية مكاين الي يحسابك عليها…”عاود اكد عليها” فكري فهاد اليومين ولا جات عليا العاهد عطيتو ليك ماعدا لا جا جهد فوق الجهد…والي بغاه خاطرك انا معاه “هز الملف. ولاحو تا تشتتو الوراق الي فيه” الحاجة الي ضرك نحيدو ملتها من ساس…واخا نكون انا “لاح ستيلو بجهد تا مشا لهيه وخرج مخليها كتخبط وسط افكارها وصدمتها بيه انه هو صاحب المصحة الضخمة الي خدامة فيها والي تاح ليها صالير ك بداية مكانتش تحلم بيه…بداو ليها بسميگ وزايد من فوقو…وفقسم المختبر الي صعيب وكان اصعب وقليييل فاش لقات تخدم فيه ماشي تا سطاج…فرصة فحال هادي صعيب بل شبه مستحيلة تعاود تلقاها وكيف قاليها حنا كنغتانمو الفرص ماشي هما الي كيتبعونا وفين وفين تلقايهم…زيادة بشرط الي بغات انها متشوفوش وتحسب علي هو شاف ديالها..هادشي كامل كتفكر فيه وهو لاح ليها الكرة فملعبها دابا…
خرج هو بشكل عادي سد الباب وتوجه الجيهة ديالو غير دخل مشا نيشان هز قرعة ديال الما من ثلاجة خوا منها فكاس شربو كامل مكفاهش وتكا على القرعة كلها من بعد ما جلس فوق كرسي المقابل للمكتب حتى تحل عليه الباب وهو كيشرب هز عينيه شافو ورجع حولهم لنقطة بعييييدة ومن حجبانو الي تعقدو بشكل خلا علي يستنتج الامر الي كان متوقع منها…
علي”جلس مقابل ليه” : ماشي مشكيل المهم تحطو نقط عالحروف وعرفات شكون مول هنا وعندمن خدامة…
زين الدين”الصمت”
علي : شنو جرا بالضبط…
زين الدين”هز فيه عينيه..حط القرعة ورجع تكا مرافقو فوق رجليه جامع كفوف ايديه تحت ذقنو وبدا كيهضر ويعاود ليه شنو قالت..”
علي : هادشي توقعناه…بداية المرحلة صعيبة وماتنساش عندها كامل الحق خوها فالمرتبة لولة وخوها ماشي اي واحد وعاد وقع بيناتكم مشاكيل…
زين الدين”دوز على جبهتو بتعب وعاود شاف فساعتو ووقف كيسوس فحوايجو ضار جيهة المكتب هز من كرسي مونطو ديالو وتيليفونو هز كونطاكت من واحد الديكور تما ديال سوارت” : يكون خير …في امان الله الحاج …
حرك ليه راسو وخرج حس بيه علي مهرس فهاد اللحضة وواحد فطبعو صدق صبار اءن القضية وصلات عندو لرباط من جيهة فرح ههه تبسم ليه اولا انه لقا شنو بغا وكيحاول يدمر عليه رغم الضروف الي جرات وتاسف لشنو كيوقع ليه وبسباب ولاد لحرام تضلمو ناس ومنهم زين الدين بنفسو..حالتو صعييييبة بزاااف وهذا ما تكتاب عليه….
اما زين الدين فور ما دخل لمصعد ركب رقم لاكاڤ هبط بيه شوي حتى توقف وتحل وهي تدخل خاشية ايديها فبلوزتها الطبية والبادج عليه اسمها بادج.كيكون فضي ماشي ذهبي هذا كيعني انها متدربة تما…ماهزش فيها عينيه وماداهاش فشكون دخل ضن انه شي بروفيسورة الي دخلت غير من ريحة الي شم حيث كان خاشي وجهو فتيليفون حتى حنحناات …
حنان : زين الدين ؟ صدفة زوينة هادي ههه
زين الدين”جمع حجبانو وهز عينيه وخا ماشي فيها..انما مستغرب شنو دخلها لهاد المصعد الخاص..” : عليكم سلام”حرك راسو” الله يكبر بيك…
حنان”شافتو حدر راسو بوقفتو هي وقفتو التابتة وعينيه الي كيحدرهم بزاف قليل فين كيركز فشي حد بشكل عادي الا اذا استدعا الامر اثناء الحوار…عضاات شنايفها كتمايل حداه وسكتت مابقاتش هضرات ولا زادت كلمة مستمتعة بانها بجنبو بزوج فبلاصة وحدة مسدود عليهم ريحتو الي دخلات ليها مع العروق خلات قلبها يرفرف…تحل المصعد ” : مزال نازل ؟
زين الدين”حرك راسو”
حنان”خرجات تا وقفها بصوته وهي دور بزربة” : هاا هاني …
زين الدين : النوبة جايا خدمي بسانسور ليزانفيغمييغ ولا ناس العاديين ماشي هذا…نتي سطاجيير “ورك عالبوطونة وتطلق سانسور تسد عليها الباب”
تسد الباب عليه وعليها وكمل المصعد النزول وتحمد الله ما طارش فيها لانه نازل ووجهو مكيتفسرش من اخر حوار ليه مع علي وقبل الحوار المشحون بينو وبين تشيتشونا ديالو فرح…خلات خاطرو يتازم نوعا ما ومتمني انها ماتحرقش الورقة الي استغلها…وصل لاكاف مشا نيشان لطوموبيلتو ركب فيها وخرج بسرعة من الكلينيك غادي وكيقلب فجيابو على باكية الكارو هنا وهنا عقلو تالف تا لقاها حداه فسيارة هزها بزربة فتخها تا خرجت ليه سيجارة شعلها على الفور كما وعاود عاد حس براسو بدا يتهدن شوي بدل فيتاس وزاد فالسرعة نيشان لمدينة كازا مسافة الساعة حتى كان تما توجه ديريكت لمدينة فين كاينين المحلات بلاصا طوموبيل وخرج منها مشا لقيصارية شتا كتنقط وهو داخل حتى وصل لمحل ديال الحاج الحسين…طلع ديريكت لعندو لسقيفة لقاه فالمكتب كيخشي فشي فلوس فالكوفر حتى وقف عليه…
زين الدين : با”مشا لعندو باس راسو”
الحسين : ولينا نشوفوك فحال الهلال اولدي ياك هههه
زين الدين : داير الفالطا وحقي نخلصو تهنا من جيهتي…
الحسين : امضرا ؟
زين الدين : قهوتي ؟
الحسين : ههههه هي اللولة”ناض هز زيزوة نحاس الي حط فيها القهوة تبخ ملي عرفو قرب يدخل لعندو…كب ليه ف فناجن وحط حداهم قرعة الما سيدي علي صغيرة حط صينية قدامو وجلس تقابل معاه تا شرب منها وحسن مزاجو شوية الي حس بيه زين الدين ماشي تالهيه من عينيه وحجبانو ووجهو جاي مزير ” عاود فرغ ريح وصفي خاطرك كيف عادتك…اش بيك واش طرا ليك وشور على قلبك اولدي وصحتك فين غادي وهذا الله معاك…
زين الدين”بقا ساااكت كيدوز بصباعو على لحيتو بتفكير وبال مشغول..قبل ميهز فيه عينيه” : طريقي طويييييلة عامرة ومعمرة ومحملة …
الحسين : خاصك ليها جهد كثير…
زين الدين : ماعليش تستاهل فوق جهد اسيدي…
الحسين : هي ياك ؟
زين الدين”مجاوبوش حدو كمل حجبانو وحدر راسو”
الحسين : اش قلنا من زمان ما بدا الصراع ؟! واش هضرنا فاش خذيتي القرار لول ديال الفراق ؟
زين الدين : مابغيتش نضلمها غلطة كبيييييييييرة كلفاتني طريق طوييلة وحالف بحلوفي منتشكى والصبر سلاحي …
الحسين : هانتا فهمتي وهانتا بهادشي سير ومدبرها حكيم “طبطب ليه على ايدو” را لا كنتو مكتابين لبعضياتكم فالسما وخا يطير العبد ميفرقكم ولو تكونو نتوما نيت …
زين الدين”تنهد” : ونعم بالله…”تسمع صوت اذان الضهر” نصليو جماعة فالجامع من بعد علمهم الى جاو…
الحسين : على بركة الله…
ناضو بزوج مشاو لطواليطات ديال جامع جددو الوضوء ديالهم ودخلو صلاو صلاة المسجد عاد بقاو شحاال تاتجمعو ناس وصلى بيهم الامام…كملو وخرجو مشا هو المحل الكبير ديالو طلع نيشان لمكتب لقا محماد الشخص الي جاب من تارودانت..سلم عليه وجلس تما معاه كيهضر.و مع بعضياتهم مدة تا عيط ليه الحسين ونزل هو ومحماد تما غير فوسط القيصارية تا لقا الحسين واقف مع شي خمسة ديال رجال الي قدرو يتجمعو ويجيو كانو اغلبهم كبار شوي وزوج شبان…
ناضو بزوج مشاو لطواليطات ديال جامع جددو الوضوء ديالهم ودخلو صلاو صلاة المسجد عاد بقاو شحاال تاتجمعو ناس وصلى بيهم الامام…كملو وخرجو مشا هو المحل الكبير ديالو طلع نيشان لمكتب لقا محماد الشخص الي جاب من تارودانت..سلم عليه وجلس تما معاه كيهضر.و مع بعضياتهم مدة تا عيط ليه الحسين ونزل هو ومحماد تما غير فوسط القيصارية تا لقا الحسين واقف مع شي خمسة ديال رجال الي قدرو يتجمعو ويجيو كانو اغلبهم كبار شوي وزوج شبان…
زين الدين : السلاام عليكم…
الكل : عليكم السلام ورحمة الله…
زين الدين”خشا ايديه فجياب سروال باقي لابس مونطوه واقف كيشوف فيهم وعليه نضرات الجدية الصارمة..” : با الحسين علمكم بشنو كاين على ما كيبان ليا ؟
فتاح”واحد من دوك الرجال كبير فيهم بزا لحيتو بيضة داير طاقية سخونة على راسو” : ايييه وجينا نتاكدو وحيث علمتينا نتجمعو…
زين الدين”خرج ايدو من جيبو ونعت بصبعو لمكان” : هنا كملت مع الحاج فالحرفة…هنا كبرت على ايدين رجال الحرفة…فطوري ندخل عندمن ما بغيت وفين ما بغيت نفطر مكاينش الي يردني مسبقين كاسي مسبقين خبزي هز ولد الحاج حط ولد الحاج غذايا مانهز ليه هم وقهوة ورا العصر عند با فتاح “قرب باس لفتاح راسو”
فتاح : الله اودي راك ولدي…
زين الدين : نكون قليل الاصل لا فرطت فالاصل “حط ايدو على صدرو” ربي رزقني وعطاني ولله الحمد علاش الي منوفيش حق الناس الي كانت تهزني وسط محنتي ونهار تلاو المحلات بين ايدي وانا صغير معارف كيف نتصرف فيهم وكنقرا من لفوق لقيت با الحسين لقيت “بغا يقول الغالي وسكت” القيصارية الي جنبنا كنا جيران وحباب صرفهم عندنا وصرفنا عندهم..
الحسين : لا بغينا من يصرف لينا سير عند فتاح يعطيك مية درهم مصرفة تندوز ونعطيها ليه ..
زين الدين : عمر فمو ماخرج العيب ولا گال لا مكاينش حالو حال”شاف فدوك زوج دراري” واليديكم الله يجدد عليهم رحمات…
الحسين : خيركم سابق …
فتاح : المعنى ولدي !
زين الدين”حك شنايفو رجعو عينيه لنضرات انتصار وهو عارف علاش انتاصر” : من هنا ل شهر بحول الله عندكم الحق ترجعو لمحلاتكم الاصليين …
فتاح”خرج عينيه” : كيفاش ؟
الحسين : ايه كيف كتسمع…
انور”واحد من دراري” : ياك الحاج الوهراني شراهم…
زين الدين : وباعهم”غمزو”
فتاح”بفرحة” : وايلي…
زين الدين”باش ميتحرجش سبقها ليه” : القيمة الي كنتو تعطيو هي الي بقاات متزادت ماتنقصت …
الحسين : تانتوما خيركم سابق ومزيانة لينا حنا يبقى رواج من نهار شراها وصلحها نزل المسخ …
فتاح : وخا تصلحو الحوانت…
زين الدين : فضل ليكم صلحو العتبة وبداو من جديد”شاف فساعتو” خاصني نتيسر دابا اللهم يسر الباقي هضرو فيه مع با الحسين ومحماد…”حرك ليهم راسو وتم غادي تا وقفوه رجال شايبين بثلاثة”
هما : الله يرضي عليك اولدي..
انور”قرب لحسين” : كي طرا تا باع ليه المحلات ؟!
الحسين”عوج راسو ناحيتو” : خدم ليه سلاحو نيت شهور وهو يخمم ليه لضربة …نهار يبغي حاجتو را يجيبها من فم السبع…
اما زين الدين غير كمل معاهم ركب فالطوموبيل وزاد قالب الوجهة لجيهة البحر خرج من كازا على برا مبعد من صداع المدينة وضجتها…مستغل الوقت والفرصة باش يتخلوا بين نفسو امام البحر حتى وصل واستقر بطوموبيلتو قدامو كيشوف فالامواج كتضرب فالصخر وقف السيارة ونزل متكي عليها شعل سيجارة كيكمي مقابل معاه حتى حس بفيبرور تيليفون فجيبو جبدو وجاوب فالحين حيث عرف شكون…
زين الدين : خبار الخير..
علي”تبع طاكسي الي وصلها تال دار وبقا بعيد حاضيها فين دخلت” : الامانة وصلات ..
زين الدين : امانتي فالامان ؟
علي : وصلتها بنفسي غير تهنى..
زين الدين : لهلا يخطيك عليا الحاج …
#قبل_ميوصلها_علي…
فرح فاش خلاها زين الدين وخرج بقاات شحاال وهي واقفة شافت جيهة الكونطرا الي شتتها فلارض وريحتو بقات كدور فالمكتب…جا فبالها لحضة علاش هادشي كيديرو معاها وعليها لاش هاد الحالة وهاد الحر.ب …لحد ساعة فبالها انه الندم الي طغا عليه وكيسعى وراء انها تسمح ليه لكن ماشي لهاد درجة…مسحات دموعها بالخف ونشات على وجهها يتنفس شوي وهي تخرج من تما مشات فين بقات عاقلة تا دخلات لمصعد الس جات منو ونزلات لطابق ديالها دخلات لمختبر مشات ديريكت لصاكها …
ايمان : فين غاديا ؟!
فرح : غادي نمشي لدار من بعد ونعاود ليك…”ضارت وخرجات”
ايمان : ا فرح ؟!”شداتها نورة من كتفها”
نورة : خليها ماشي مشكيل …
خرجات من تما ومعارفاش تا كيدير تمشي ولمن تعيط بقاات غاديا تا خرجات لاستقبال الرئيسي وبقات واقفة كتشوف فالناس غاديا جايا غاديا جايا …بانت ليها واحد الجليسة على برا مشات ليها نيشان وجلسات كتخمم فحريرتها الي تحرحرات عندها وكي ديييير تصرف من بعد هادشي…وكلام زين الدين ليها كيفاش كان كيتصرف بقا ليه غير يبوس ليها ايديها تبقى…وفرصة هاد الكلينيك والخدمة فيه غاتحسن من حالتها يكون عندها صالير زوين كبداية تاخذ وتشري الي بغات بلا متمرفص خوتها معاها وخصوصا عصام الي داخل على زواج وكيصلح فالدار وزيد الحانوت الي غايحل وشلا كريديات…تحطات بين نارين ماعرفات مادير فهاد الحالة من بعد ما جلسات كتفكر بينها وبين نفسها…وهي فخضم افكارها حسات برجلين وقفو قدامها هزات عينيها …
علي : اهلا وسهلا ولا تانا نعطيك بتيساع هههه
فرح”تبسمات” : لاا اعوذ بالله ..
علي : نوصي نوصلك ابنتي انا نيت طالع لجديدة…
فرح : شكرا بلاش غير سمح ليا …
علي : يا بتي غير نوضي..اولا هاديك طريقي ثانيا الميني بيس ديالكم مزال ميجي تال ربعة ونص مزال ليك سوايع باش يجي..ثانيا راني فمقام باك ونيت معنديش البنات حسبي راسك بنتي وخامسا والله منهضر نوصلك بسكات تال شي بلاصة تما شدي طاكسي والله المعين…سمعي مني ..
فرح”بقات كتفكر صراحة خيرو سابق هو الي وقف عليها بجانب زين الدين تا ولات لباس فاش جاتها كريز العادة شهرية…ونيت معندها حل من غير هذا..حركات ليه راسها وناضت ركبات معاه فالسيارة من بعد ما نزلو لاكاڤ مشا بيها نيشان لجديدة حطها فين قاليها او فين بغات هي وبقا على وعدو ماهضرش ركبات فطاكسي وداها تال دار حتى دخلت متمنية ماتلقا حد وبالفعل مالقات تاحد هزات تيليفونها عيطات لصفاء الي جات كتجري لعندها مصدومة من شنو عرفات”
صفاء : اويلي هو مولاه ؟
فرح”حركات راسها”
صفاء”حطات ايدها على فمها” : واشنو غاديري ؟ ياكما غاتخرجي ؟!
فرح : هههه وشنو بان ليك ؟
صفاء : غاتخرجي ياك ؟ عههههههه اويلي على القحبة اويلي !! غاتخرجي ؟
فرح : مالك ؟
صفاء : لا خرجي خرجي المقحوبة غليضة الزوك مترعة البزازل خرجي…ضيعي صالير مخير وضيعي فرصة فاكبر كلينيك وخرجي وملي تخرجي قولي ليهم اش كاين ولا قولي معجبنيش تما وجلسي خلي خوك تاني هاز ليك الهم وبقاي تمدي ليهم ايديك عطيوني باش عطيني نمشي لحمام وبقاي فالدار ملي يجي بوك يلقاك وحدك يعطيك بعض الكلمات ونوضو صداع تاني والحالة وملي مخويك يجيب المراة”سكتت واحد اللحضة كتضرها هاد الجملة” نوضوها ليه فالدار ولا بلاش الالة عارفاك نتي درويشة كتسمحي فحقك ..بقاات فيه ماحيلتو يصرف عليك ولا على مرتو وخا مغايقول والو وعمرو يقول ولا تسمعيها منو وعمرو ما يفكر فيها تا تفكير وليني افرح فكري فيه قبل من هادشي تقاتل عليك ودمر باش متخصك تاحاجة كيجيبها ليك من فم سبع المخير فروايح عندك شامبو كلشي الكساوي ولا حافض ستيل ديالك فكري شي مرة هزي معاه الحمل تا فوزي را هازو ولسني ضهرهم غايتقسم تاهو غايجي نهار يتزوج غذا ولا بعدو الولاد ونتي بقاي تقلب على خدمة…
فرح”غوتات” : واش عرفتي عندمن خدامة !!!
صفاء”غوتات كثر منها” : عاااااااندمن عاااااندمن عند فلان بروفيسور تما عند مول كلينيك مامخدمكش غير نتي وحدك را عندو الغرق تما ديال لي صالاغيي وخا يكون هو شيطان براسو نخدم عندو را نتي فجيه وهو فجيه ممخدمش باش يديرك تحتو يحو**ك
فرح”خرجات عينيها”
صفاء : لا تخرجيش فيا عينيا بالرب الجليل مابغيت نحسدك وليني هذا جهد شكون فحالك داثر عليك الويل ..
فرح : تنادم معاه الحال باغي يرضي ضميرو راني قلت ليه مسام”قاطعتها مقلزة ليها”
صفاء : القلااااوي الي يرضي ضميرو سيري المقحوبة المكلخة هاد الحالة كلها ما ديال ضمير..
فرح”رفعات حاجبها” : وديالاش بسلامة…
صفاء : والله لا قلت ليك تعصري وعرفي راسك…وانا منك وتاحت ليا فرصة نخدم معاكم تما غذا غانمشي معاك نحط سيفي وعاااار ربي يعيطو ليا والله تندير حفلة…”خنزرات فيها” مصاب غا نخدم ميسولو عندمن ولا شكون ياك صاليري عندي شكون غايقوليهم ؟ وخوك مكاين الي يقوليه وواخا يعرف را ضومين ديالك قريب ليه فاي كلينيك تقدري تلاقاي بيه…والله وخرجتي تا حما..رة وسيري تقودي…
فرح”الصمت”
صفاء : سمعي مني ومتفلتيش هاد الخدمة عالاقل غير ستة شهور جربي ونساي اش وقع حاولي تكملي حياتك وهو كاين عادي …الى فلتيها غاسيري تاتجي ديك المقحوبة ديال خوك تولي تخليه يعطيهم ليك بدراهم…”بزقت ليها وناضت”…
جاب الله ماجا عمها وخوتها تال عشية مداو ماجابو…لقاوها كتوجد فالعشا الي واعدات بيه عمها…تا دخل عليها عصام لقاها ماشي تال لهيه وباينة عليها مقلقة وبزاااف…
عصام : مال وجهك ؟!
فرح : ااا ؟ مامالوش غير عيانة شوي…
عصام : شنو واقع ؟ هضر معاك شي حد ؟ جا المخنتر ولا كيفاش …
فرح : لا لا ماجاش غير عيانة يمكن غايجيني الوجع ثاني “جاب الله قربات العادة شهرية”
عصام : ماكدة !؟
فرح”حركات راسها” : ممم ماكدة ..احم”حكات راسها” مهم انا غذا الجمعة مخداماش وسبت فالصباح تاهو باش تكون فعلمك. الى بغيتي عرض على لمياء ودارهم باش تقدا لينا شنو غايخص لعراضة…
عصام”عقد حجبانو” : كيفاش ؟ علاش مخداماش شنو كاين ؟!
فوزي”دخل” : مخداماش ؟!
فرح”شافت فيهم بزوج كيتسناوها تقول علاش” : مكاين والو غير لابو فين خدامة كيقادو فالصيانة ديالو حنا مغانجيوش تايساليو هاد اليومين مكاين والو”حلات فمها خلعوها بزوج كمشو حجبانهم فحال الى قالو ليها حصلناك هههه”
عصام”حرك راسو وهو بنفس تعابير الوجه” : ممم ماعليش…مزية لا مرضتي رتاحي فداركم…
فوزي : زاهية فطور وغديان تاني هههه….
اليوم غير كل الايام اليوم هو النهار الي فيه عرض عصام على عائلة لمياء الي قالعادة لازم وكيف شفناها لا عند عائلة المرحوم يونس ولا مع زين الدين كيخص يعرضوهم باش يشوفو عائلة العروس فين غاتعيش بنتهم وكيداير طبع الناس الي غاتكون وسطهم حتى من ضيافة كيفاش دايرة بيها كتبين واش ناس كرماء ولا قرزازين.اي بخلاء…الدار كيف العادة ريحة النقا كتعطي منها وريحة البخور الطيب كيفوح منها…الصالون مقاد مفرش فراش جديد غير الي كان لول …وعند الباب واقفة فاطنة وحداها فرح هازين صينية الحليب وطبسيل تمر معمر…كان فوزي وعصام والمخنتر على برا ولداخل كان جد عصام وراجل فاطنة والكوزينة كانت جالسة نجية واقفة على طياب دجاج محمر ولحم على شكل طنجية…
عصام”وقفات سيارة اب لمياء خرج منها وتلقى ليه بابتسامة كان بكامل اناقتو جلابة مليفة رجالية فالبيج كيبان فيها كيحمق..” : مرحباااا مرحبباااا بالحاج”باس راسو..شاف جيهة الحاجة باس راسها تاهي” مرحبا وسهلا…
فوزي : مرحبا الحاج”تاهو سلم عليه وعلى ام لمياء حرك راسو لختها بدون ميشوف فيها بنية فعمر خمسطاش لعام وخوها الصغير..”تفضلو الحاج..
المخنتر”سلم عليه تاهو” : مرحبا الحاج تفضلو…
حركو راسهم بابتسامة ودخلو الا لمياء الي بقات فالسيارة كتقلب على شي حاجة طاحت ليها رد ليها البال عصام وحشم يسول باها…تا دخلو لقاوهم ملقيين ليهم بالتمر والحليب وريحة البخور طيب كتفوح…بابتسامة بشوشة استقبلوهم كذلك فرح وخا بالها ماهناش عقلها مع زين الدين والمشكيل وعقلها اكثر مع صفاء الي مشات لازمور عاوتاني تا دوز هاد العراضة وقلبها الي رغم انه تهرس مقاتلة باش تنسا حب طفولتها…
فاطنة : واللا هنية تي فين لالة العرايس..
هنية : هههه راهي بقات فطوموبيل تقلب على شي حاجة هاهي جايا “شافت ففرح” ربي بنيتي لما سيري شوفيها تدهينا مع سلام ودخلنا اش جا ميدخلها دابا تحشم هههه
فرح : وايلي هههه هي لولة خالتي دخلو مرحبا بيكم…”خلاتهم دخلو وهي تخرج على برا كتقلب عليها تا بانت ليها كتقلب بقات كتسناها تا تبعها عصام تاهو وكان المخنتر تاهو كايهضر فتيليفون مضارب مع خوتو وشلا مشاكيل…تا خرجات من طوموبيل بجلابتها المخزانية فالصومو وشال ديااها على راسها شافتهم وهي تبتاسم بخجل خصوصا من شافت عصام تاهو بجلابة جا مهيب كيهبل…” على سلامتك مالك ههه
لمياء : طاح ليا خاتمي وملي بغيت نخرج لقيتهم دخلو وحشمت ههن
عصام : مرحبا بيك الالة…
لمياء”بخجل” : ترحب بيك جنة ونعايمها”شافت ففرح ” واخا عليك ا فرح مقلقة منك…
فرح”جمعات حجبانها” : الله وعلاش اش درت ؟
لمياء”ضرباتها بمزاح” : بنتي ليا ولبارح مع 12 ديال نهار وقفاتك واحد كاتكات يمكن كنتي مع فوزي ولا عصام ونسيت مسولتو ..مهم نزلتي كنعيط ليك والو مسمعتينيش غاديا ويمكن كنتي كتبكي ولا معرفت…
فرح”خرجات عينيها على حر حر جهدهم تا صرطات ريقها الي نشف” : اااا ؟
عصام”عقد حجبانو ” : نعااام كيفاش كيفاش ؟! “
المشكيل ماشي هنا المشكيل هو ان عصام سول ومزال مفهمش ولمياء ضننا منها انه عصام او فوزي الي نزلوها من كاتكات ؟؟! والمشكيل الاكبر ان المخنتر سمعها لانه وقف ملي شافها بغات دخل باش يسلم عليها ويرحب بيها حتى سمع شمو قالت….
المخنتر”ماشعرش براسو وكيف العادة العيب سبق تا دورها بجهد” : تي شكون هذا الي ركبتي معاه ااا ؟!
عصام ؛ بلاتي بلاتي “شاف فلمياء” معايا ولا مع فوزي ماكدة ؟
لمياء”صرطات ريقها” : ق قق قلت حيث هي الي جيتي فيها داك نهار ولكن هاديك داسيا و اااه يمكن غلطت ماشي ف ف..
عصام شاف ففرح”: نتي كنتي فالخدمة فداك الوقت ياك ؟
فرح”بدات ترعد” : اا ايه را كنت كنت
عصام : واخا ماعليش ماااعليش دخلي من بعد ونهضرو دخلي..”شاف ففرح ضربها لكتفها” تحركو لداخل..”سبقهم تبعاتو لمياء اما فرح تمات غاديا وقلبها في فمها يلاه بغات تدخل لداخل حتى دفعها باها كيسخط
المخنتر : وليتي تخشاي ليا فطوموبيلات الخانزة..
فرح” بالخلعة ديال دفعة الي دفعها تعكلات فدخلة بغات تشد فالباب باش مطيحش جا وجهها على ساقطة ديال باب الي خارجة حست بالضو ضربها فحنكها “…
حسات بالضو ضربها فديك اللحضة الفوق ديال حنكها فداك العضم جا نيشان مع الساقطة ديال الباب تا عضات لسانها من حر الضربة اما بوها وتقول واش تسوق ليها ولا عرفها واش تضربت لانه فالاصل مغزز عليها غير وحدو وكملات ليه الهضرة الي قالت لمياء لو ماكانش عصام كان قتلها فالبلاصة…سبقها ودخل لعند الرجال فالصالون اما هي شدات حنكها ومشات كتجري لدوش وبكيتها حابساها والمها كاتماه ماشي خوفا من باها وانما الضياف الي كاينين مقدراتش دير رد فعل بحسب الضربة وحرها الي كان قاصح صبرات بزز…طلات فالمراية بانت ليها حمرررة وبدات كتفلح …هنا عصام دخل رحب بالناس ودخلات لمياء الي كان وجهها مخطوف منو اللون من الاحراج الي وقع قبل قليل جلسات حدا امها حاجة ايدها على فمها…
هنية”شافتها شادة فمها” : مالك !! فين تعطلتي بعدا…
لمياء : اا ؟ والو غير سلمت على فرح عند الباب وبقينا كنهضرو..
اما عصام غير رحب بيهم خرج من صالون لكوزينة كيقلب عليها سول عليها نجية معرفاتش يلاه هو واقف تا خرجات شادة فحنكها وعينيها بغاو ينقزو منهم دموع تا كمش حجبانو فيها…
عصام : مالك ؟؟؟؟
فرح”هزات ليه راسها وخرجات عينيها ” : و. والو والو غير ضربتني ساقطة تاع الباب فحنكي”كمشات عينيها من حر الالم الي شادها…”
عصام”قرب ليها وتا نجية خرجات كطل وفاطنة تاهي خرجات من بيت جايا لكوزينة حتى بانو ليها واقفين على فرح وفوزي الي بغا يخرج يجيب الما لناس تا لقاهم واقفين …حيد ليها عصام ايدها وغير تحيدات عينيه خرجو تا ضربو فيها لهيه وشهقات نجية وفاطنة تاهي” : هادي ضربة ساقطة ؟؟؟ اااا؟
فوزي”قرب لعندها وحط صبعو على ضربة تا قفزت” : اش وقع ليك ؟
فرح”مقدراتش تحبس دموعها ضربة والخلعة ديال الحصلة الي فرشاتها لمياء بيها وهما واقفين عليها خايفين وعصام عينيه بغاو ينقزو من بلاصتهم ” : والو غير تعكلت عند الباب وجا وجهي مع الساقطة …
عصام : هادي تعكيلة ؟؟”بشك” هضر معاك بوك ؟ “خرج عينيه” وياااك تكذبي…
فرح”مالقات متقول سوى الحقيقة حيث مبغاتش تقول وناس كاينين عارفاه غايصعر” : غير بغا يدخلني دفعني بشوي وتعكلت والله ما ضربني والله “قبطات ليه ايدو كترجاه” عااااافاك صبر تايمشيو ناس وهضر معاه وانا نهضر معاك ونشرح ليك كلشي الي بغيتي عافاك”حطات ايدها على جرحة الي نغزتها” ايييي اهى…
فاطنة”شافت عصام بغا يصعر وهي توقفو” : بوجه الله اوليدي الى ما تهدن واخا يعايرها ينهصرها را باها هذاك الله يرضي عليك…
عصام”ضار منير مغزز سنانو” : واش بغاني نقتلللللوووووووو..
فوزي : مايحطش عليها ايدو واااااكواك الحق معامن كنهضرو ؟ واش عينيو نجريو عليه بمرة ؟ مايحطش عليها خراااه…
نجية : هدنو الوقت تا يمشيو ناس وتفاهمو معاه..ونتا”شافت فعصام” سير ريح مع نسيبك خلي الغذا يدوز بيخير ماعندك مادير هادشي الي عطا الله…
فوزي”قلبها ليها وشاف فعصام” : ضربة نيت خاصها سبيطار…
عصام”رجع كيقلب فيها ويحرك فراسو وعينيه عليها بخوف طلق منها وكان غايمشي تا شداتو فاطنة ونجية كيرميو عليه العار حاول بزز يتهدن “
فوزي : غانديها غير لصيدلية بزربة يشوفوها …
فرح : بلاش ماتحتاجش لسبيطار ولا صيدلية”كتمسح دموعها” انا غانمشي ل صيدلية دوش ونداويها “هزات عينيها فخوها مابغاتش تكسر فرحتو بنسابو وخطيبتو عاودت شدات ليه فايدو وزيرات” عافاك تهدن ماشي دابا وعاد هو مضربنيش غير دفعني باش ندخل وتعكلت والله …
عصام”بقا شحال كيشوف فيها..ضرب الحايط بقبضة ايدو تا قفزو على شوي يحساب ليهم غير غادي يعرعر عليه لكن…” : تحركي داويها قدامي…
فاطنة : سير ريح مع نسيبك انا نوقف عليها سير مكاين لاش حشومة ناس كاينين وتخليهم…
عصام”حرك راسو وعينيه عليها عاد ضار مشا لصالون”
فوزي : سيري خلاص ولا نهضر تانا حقي تحركي داويها”عقد حجبانو ب انفعال” تحركي…
فرح : واخا “ضارت هي وفاطنة لدوش جبدات لالكول وشاش وسبارادرا…وبيطادين تقابلت مع المري بغات تحط عليها لالكول غير قاستها وهي تقز تا حسات بيها كتشتش بالصداع” مممممممم اهى …ففففف…
فاطنة : غا صبري بنيتي ..بغيت ليه الگطع فليدين عدو الله…
فرح”دمعتها واقفة فالجيهة الي تضربات ليها كتبغي تهبط كتعوج وجهها باش تنزل بعيدة على ضربة الي تفلحاات وولات حمررة من جناب وجناب الحمورية كاين زروقية…شدات فايد فاطنة وعضات فسنانها وحطات عليها لالكول حسات بالسخفة فديك اللحضة بقات تدوز عليها تا نضفتها ودارت عليها طريف فاصمة فيه بيطادين وحطاتو عليها ودارت لصاقة عليها بحجم ضريبة صغيرة…جمعات داكشي بالخف وخرجات مع فاطنة الي اكدات عليها باش تصرف عادي قدام الناس ومتخرجش من كوزينة حتى تنفس ويبردو عينيها …وبالفعل داكشي الي وقع بقات حتى بردات هزات بلاطو ديال الما دخلوه خاوي عاودات عمرات القراعي وغسلات الكيسان من جديد نشفات وقادت البلاطو هزاتو دخلات بيه البيت وغير دخلت شافتها لمياء وهنية …
لمياء”شهقت” : اويلي فرح مالكي ؟؟
هنية : مال وجهك ابنيتي عاد خليتك صحة سلام ؟
فرح”بابتسامة مصطنعة” : ههه تعكلت عند الباب وضربتني ساقطة ماشي مشكيل ضريبة خفيفة ههه حيدات الباس ..
لمياء”كطلع فيها وتهبط حاطة ايدها على فمها” : فرح !! بصح ؟
فرح”شافت فيها” : مالي علاش غانكذب اويلي ههههه
هنية : مايكون باس ابنيتي عوينة وضرباتك …
فرح “ضحكات ورجعات كملت الحطان عادي مخليا لمياء كتشوف بشك”…
بقات كتسخر عليهم هكاك بضربة فوجهها..اما عصام فور ما دخل لصالون قشع المخنتر وضربها ليه بواحد التخنزيرة خلاتو بالدعقة يتهاود هو والجيلالي الي بينو وبين المخنتر غير سلام …ماحيدها حتى سمع صوت نسيبو المستقبلي كيوجه ليه الكلام ورجعو كيهضرو عادي …اما عند العيالات بقات لمياء كتشوف ففرح وجهها ماشي تالهيه وهنا حسات بانها خلقات ليها مشكيل كاتبغي تسولها مكتلقا كيفاش ف خلات حتى لمن بعد وتهضر معاها…تحط الغذا على حقو وطريقو من الالف الى الياء سالاو الغذا وتحد وراه ديسير مشكل وتبعو من بعد اتاي والحلاوي …
اب لمياء : ايوى سيادنا هادي الوقيتة..الله يقوي الخير
المحجوب : وايلي الحاج مزال الحال وكان يوذن المغرب نمشيو جميع..
الحاج : لااا منصيبشاي الحاج هي هاديك قبل المغرب ولابد نكون فجامع حدا دويرة…
المخنتر : لا كان هاكا ماعليش…
فوزي”ضحك باستهزاء ونطق بصوت غير مسموع” : لا صواب يقتلك تههه لا حول الله…
عصام”مشا جيهة الحاج وقف قدام بوه نيشان خلاه كيشوف ليه غا فضهرو ولا يبان كي المحگور وسطهم كلهم ضارو جيهة الحاج ” : شرفتينا الحاج ونورتينا “باس راسو” نتشاوفو نهار الخطبة ان شاء الله …
الحاج : ان شاء الله اولدي هههه
والعيالات تاهما وقفو وتسالمو مع بعضياتهم من بعد ما عطاو وعد باللقاء يوم الخطبة الي غاتكون الاسبوع المقبل…
لمياء : فرح حبيبتي مايكون عندك باس”سلمات عليها بالوجه ورجعات كتشوف فيها وايدها على كتف فرح كتدوز عليه”شوية دابا ؟
فرح”حركات راسها” : شوية شوية ماشي شي حاجة ههه احم..
لمياء”ضارت كتشوف ف العيالات كيهضرو جراتها شوي بعيد عليهم” : اربي الى ماسمحي ليا مقصدتش وماعرفتش اش قلت عافاك سمحي ليا كيحسابني عصام ولا خوك فوزي ومانتابهتش لطوموبيل و..
فرح”حطات ايدها فوق دراع لمياء” : ماااشي مشكيل صافي نساي ماعليك والو انا بصح الي كنت مي مكنتش كنبكي…
لمياء : بصاااح ؟”باستغراب” حيث شفتك حادرة راسك ودوزتي بصبعك على عينيك ..اويييلي واقيلة ضربتني سخانة هههه..احم مهم سمحي ليا بزااااف والى بغيتي نهضر مع عصام ميقول. والو..
فرح : لا لا مكاين لاش عصام انا نشرح ليه كيثيق فيا بزاف عارفني ههه راني تربية ايدو زعما هههه…
لمياء : اهههه .اه وايه…
ضارت ام لمياء كتعيط ليها تسالمو عاوتاني وتلاقاو عند الباب وقفو معاهم تا ركبو فالسيارة كانت فرح حدا عصام الي ضار شافها واقفة وشادة جيهة ضربة حنكها جرها لعندو وعنقها بجنب خاشيها فيه باس راسها وطبطب عليها وهادشي كامل داز قدام عينين لمياء الي تبسمات لعصام فور ما قشعها كتشوف فيهم…شير ليها بايدو باي باي ديمارا باها طوموبيل وزاد تحت فرحة الاستقبال الي استقبلوهم وباطمئنان على بنتو انها غاتسكن مع راجل يحلفو بيه شلاغمية وعائلة بشوشة وطيبة…مشا جيلالي لدارو تاهو ديك ساعة…
غير مشاو وهو يدور المحجوب بغا يعنق فرح تا قشع الضربة الي فوجهها…
المحجوب : اناري مال داك الوجه ؟!
عصام”شاف نيشان جيهة المخنتر ضربها ليه بتخنزيرة” : شي ايدين تمدو بلا موجب شرع ولا حق…
فوزي”نيشان وجه الهضرة لمخنتر” : واش تسعرينا عليك ماتحطش عليها ايديك ولا لا ؟ اااا ؟ واش عينك نضربو عليك يمرة ولا فااااش عينك ؟!
المحجوب”ضار خنزر فيه” : ياك شي باس مكاين ؟!
المخنتر”خنزر فيهم وجهد صوته” : تا مشتيهاش اش سقنا ليها من خبار ولاو ؟ ولات تركب مع الرجال فطوموبيلات غا لما تعطي لجد بوها قتلة العصا”ضار لعندها كان غايمشي ليها يجرها وهو يوقف ليه عصام عند وجهو وشدو من كول الجلابة غيييير بشوي”
عصام”غمزو بطريقة ثقيييلة” : وهاهي مشات مع رجال ؟ اش ليك ؟ نعاودو زابور من لول ؟ ماد ليها فلوس عاطيها باش تاكل مسول عليها فمرض اش عاطيها ؟ سميتك وكنيتك !؟ الله يرحم بيها لواليدين هي باش مخليناها تگول ليك با ونهار عرسها تحضر والواجب ديال وراق تحضر ..بوس ايديك وجه وضهر وتيسر لفين كتغطس والشي الباقي انا نتكلف..”قرب ليه وجهو عند وجهو مكيفصلهم والو كيهضر وعينيه مخنزرين فيه كي القرطاس” نهااار باقي تحط عليها ايدك ولا تنهصرها نحلف بحلوووف دار لا عتبتي فيها وشلااا مغاندير ليك…خليني ابا مزيان لا تبقاش تبقشش وتنبش تا ترجعني مسخوط الواليدين…
المحجوب : لا هو لا نتا تاحد مايحط عليها ايدو راها كبيرة وبعقلها مابقات ديال ضرب ولا معيور رخفو شوية عليها “شاف فرح دخلها فوزي عاد كمل” راها دارية وعالمة اش كدير واش كتفعل عارفة تميز بين الصواب والغلاط…ماتسنا لا منك لا منو توريوها ..دخل من برا هضرة ماشي هنا يلاه…”دخل المخنتر كيف عادتو مغوبش ويبرگم تبعو عصام والمحجوب الي كيهدن فيه تا استقرو فالبيت لقاو فرح جالسة حدا فوزي كتهضر معاه وتشرح ليه طبعا حاولات تكذب وتلفق باش ميعرفوش اش واقع …
عصام”قبل ميجلس” : من لاخر جيني نيشان اش داكشي قالت لمياء ؟!
فرح”هزات فيه عينيها ورجعات حدرتهم ومقدراتش تشوف فيه” : اه بصح..
عصام”رفع حاجبو” : ايه واش ركب اصل مك معاه ؟! “عض لسانو” هااااضري بلا حبس عليا “شير بايدو تا تلاح ساروت الي كان شاد فجيبو” …
قفزات من بلاصتها فور ما جهد صوته ولا قلبها كيضرب …خرجات نجية وفاطنة كيطلو مقدروش يدخلو حيث كاين جدهم المحجوب…
فرح : احم فاش وقع المشكيل فالمختبر ماكنتش ديك ساعة كنت طالعة خدامة فواحد طاج وتعطلت على الميني بيس بقيت جالسة كنتسناه تا جا واحد بروفيسور كنعرفو معروووف وهو مول الكلينيك قد با وكبر كاع والله هو الي وصلني قربني حدا المدينة حيث كانت طريقو ونزلت شديت طاكسي وجيت…
عصام : وعلاش هادشي مفراسيش ؟!
فرح : ا غ غير ماجاتبهاش الهضرة مهم را فراسك بالي غير يومين الي غانجلس…
المحجوب : مكاين لاش هاد الهضرة سوا ركبت ولا لا را خدمتها هاديك والكلينيك بعيد ماعليش لا شي مرة خرجات على برا ..لا تبقاش تحكر وتنقص وتزيد اعصام لا تكترش اولدي وتقجر…
عصام”هز ايديه وعينيه فلارض” : ماحكرتش ماقجرت ما قربت ابا…وايلي”هز فيه عينيه” منسولش منعرف والو ؟
المحجوب”عصبو تا جهد صوته” : ولااااا تعرفش لا تعرفش اش ليك..عصام ؟ هانتا تبدا طلع ليا د.م لراس”هز عكازو” نضرب عفطة من هنا لداري لا باقيش نعتب عندكم..
عصام : مالنا ابا لاش هادشي ؟!
المحجوب : ولا تعيقش عالبنت واااه دخلي خرجي انا نعرف انا نعلم معامن جيتي معامن دزت ؟ لا بغات دير شي عجب ديرو على عينيك ومتجيب الخبار ماشي من وراك…لا كثرتي اعصام لا قجرتي را طيح فالي ميعجبك ..رخف شوية ولا نهزها ليك من هنا ونزيد ولا نعاونها تغبر عليكم بمرة تاهي ؟؟؟
عصام”شاف فيه واحد شوفة فشكاااال فحال فكرو ف مو الي زادت ماضارت جيهتهم ورجع حدر عينيه لفرح الي كانت حادرة راسها…غمض عينيه وزفر بتعب ..دوز على راسو ووجهو وجلس لارض داير ايدو على فمو وعبنيه فلارض”
المحجوب : خاص لوالديكم تنحمرو فيكم ؟؟
عصام”هز ايدو” : صافي غا ريح ماعليش …
المحجوب : وراه ماعليش بزز منك ..شلا وشوية منك تانتا شلا وشوية …
فوزي : اودي غااااا زدتو فيه وكان وتانتا ابا غا بغيتي تغوت عصام مايدير ليها والو وهي عادي كتصرف عادي لا مشات مع شي حد را كتقولها لا ممشاتش عادي مكاين الي يزير عليها غير خايفين عليها وصافي…
فرح”تنهدات” : جلس ابا موقع والو بلا متعصبو غير غلطت مقلتش وصافي…
عصام”شاف فيها بنص عين” : كنتي تبكي نيت ؟
فرح”بنفي” : لا لا مبكيت ما والو غير يمكن هي يحساب ليها كنبكي كنت كنحك غير فعينيا فالغاالب”عوجات فمها”
عصام”حك شنايفو بسنانو” : فففففف..”شاف فجدو” مابينا والو هادشي كان يدوز عادي غير لاخور صعر خليقة مي فهاد النهار فالح غير يمد فلايدين بلا موجب شرع !!!
المحجوب : ايديه گد ما گعدو “يجلسو” يگطعهم ليه ربي…ونتا هادشي شكون قالو ليكم كي طرا لهادشي تا ضربها ؟
عصام”عاود ليه من لول” : هذا ماكان…
المحجوب : لا حول ولا قوة الا بالله..اش غانهضر واش نعاود اش…
عصام : كيفاش ؟
المحجوب : شوف هادشي ما شغلي وشغل العيالات وليني هضر مع بنت الناس لا شافت شي تلجم فيمها تاتهضر بينها وبين فرح ولا بينها وبينك لاش هادشي كيعلمو بيه ناس بلا موجب شرع ولا وقت ولا قانون ؟؛!
عصام : المعنى ؟
المحجوب : علم الفم يتلجم ..هاد الهضرة ماتگالش لا ليك لا ليها ماتقال شاي اسيدي …شافتها تسولها بينها وبينها ولا لا تسولش اسيدي شافتك مابغاتش تسلم خليها ..مالهم مشاركين الولاد ولا الورث وناكراها فيه…استغفر الله العظيم واتوب اليه..”شاف ففرح” جيبي ليا كاس الما وكحتوني…وصافي هادشي هنا يتسد..
تاواحد مابقر هضر ولا زاد شي كلمة فوق كلمتو جابت ليه فرح يشرب ورجعات تجمع الروينة مع العيالات..اما عصام ناض بدل عليه ولبس حوايج عاديين وخرج وفوزي كذلك …داز النهار عادي بطبيعة الحال عند الناس لكن عند فرح وزين الدين داز مشحون…كان جالس فالمكتب ديالو فالمحل ديال الذهب كيقرا الحسابات ديال الاسبوع بما انه يوم الاحد ضروري من هاد زيارة…وقدامو ريان المحامي ديالو…حتى تحل الباب ودخل عليه مغوبش وحالتو حالة…
زين الدين”هز فيه عينيه وتحولو نضراتو لقرطاس ديال الله يحفظ..”
الغالي : علاش درتي ليا هاد الحالة ؟؟ ياك شريت محلاتي وبغيت نعطيك تيساع كي بغيتي اش باغي مزال ؟؛
زين الدين”سد الدفتر بثقااالة..وتكا عالكرسي رجل فوق رجل مفرقين..كيلعب بستيلو فايدو…” : شوف نتا وكان ؟
الغالي : نتا ورا تخلويض المحافظة ؟!
زين الدين : تخلويض نسولوك عليه نتا منك نتعلمو…”حك شنايفو بسنانو..حك لحيتو بشوي وشير ليه ناحية الباب” تقود من خليقتي ..
الغالي : مزال ليا المحل هنا …
زين الدين : حط رجلك ونشوفو اش كاين ..
الغالي : محلي هذاك اشريف ؟ تاهو باغي تخلوض وترشي ياش يطيروه ليا”خرج عينيه”
زين الدين”سرح ايديه” : الي فهم راسو وفر علينا شلا وشوية…ناوي تكلخ ؟ ماعليش الله اودي ا ش عندنا من غير الحاج ديالهم الوهراني…”شير ليه جيهة الباب ورجع كيشوف فالروجيستر ويقارن تا جا عندو محماد وجلس حداه شاف الحاج الغالي “
محماد : اشكا الحاج الغالي لباس والي باااس ؟!
الغالي”ضار طلعو وهبطو وشاف جيهة زين الدين الي كانو حجبانو غير شوفة فيهم معقودين بديك الطريقة تجيب ليك الخلعة يعني هاديك الى متيسرش ينوض يخلطو فالبلاصة ويلوحو برا..حرك راسو بتهديد وخرج من قيصارية تا بان ليه الحسين ووقف هز صبعو كيهصر بتهديد” : صبرت بزااااف لداك ولد الحاج…بزااااااااااف وصبري را قلال وهادشي الي دار راني عرفتو هو مول الفعلة ديال المحافظة ودار الضريبة ..ضيعني فرزقي ونسا ؟!
الحسين : كنتي واكل شارب عايش بيخير اش لاحك لهادشي ؟! مزال مبغاش يعفو عليك الله ؟ ..68 عام ولا كثر ومزال ماباغيش تحشم ولا توب ؟
الغالي : نهار نويت نعطيه تيساع حك عليا …شافني ساكت يحساب ليه غلبني ولا خفت منو ؟!!!
الحسين : جرب تهضر معاه ولا تغوت جرب وكان..”هز ايديه مشير ليه” اسير اوا سير عمر شطاح مينسا هزت الكتف سير ابالفسايدي الي قالها ليك من نهار نهارك ولد سطاش العام ونتا فسايدي مخليتي شفرة ماخليتي عيالات ماخليتي كليانات المحل ولا نزيد نكمل ؟!
الغالي : ههههه اييييه عاقل اسي الحسين ياك ماعندي ميتسالك عند بالي حفات ليك جرية وعقلك سكت …”دوز على لحيتو وضار شاف جيهة المحل ديالو” غذا جاي نحلو وشي حد فيكم يوقفني”قرب ليه كثر وطبطب ليه على كتفو” وولد صاحبك البغدادي ليا حساباااات معاه ماشي غير حساب راني مساكتش غا هكاك…
الحسين”شاف جيهة محل زين الدين بان ليه جاي هابط من دروج كيشرح ل ريان” : والله ثم الله وتقيسو شعرة تا نحط ليك ضوصيك عند الي يسوا والي ميسوا وتشوف وجه الحسين الي عمرك شفتيه..سير من هنا هاهو جاي مخاصنا صداع…”حرك ليه راسو كيضحك ومشا اما حسين مشا لعند زين الدين الي قشعهم كيهضرو وخلاه تا وصل لعندو”
زين الدين : هذاك ميعتبش مزال هنا !!!
الحسين : خليييه يجي اولدي لمحل ديالو تا تسالي ليه ثاني ..
ريان : مكاينش كيفاش دير تمنعو المحل ديالو خلي ليا شوية الوقت ونعطيك شنو دير تاني…
زين الدين”عض لسانو بغيض” : ماااتعطلشش عليا بزاااف “ضرب جيهة ناضرو ” وصل الد.م هنا وفات من جيهتو وضوصيه خنااااز فوق القياس…
ريان : كون هاني وزيد صبر ماعليش صبر لا بغيتي كلشي بالقانون اما لا بغيتي فحال ضرابيه فنهار يطير ليه المحل..
زين الدين : شوف الي يناسب وهني خليقتي منو…
.رن المنبه عند راسها …غير سمعاتو ضارت نيشان طفاتو وناضت لدوش تقابلت مع المري عاودات حيدات القطن وسبارادرا لقاتها مورمة نيييت ومفلحة ومبراتش ليها كمشات عينيها وعاودات ليها تنضيف ودوا من جديد…غسلات حالتها وخرجات جبدات حوايج من ماريو تريكو دصوف حد ركبة وكولون مبطن لبسات تقاشرها وهزات بوتيو عالي حد الكعبة پلا…مشطات شعرها وجمعاتو اسفنجة مخربقة …هزات صاكها وكلشي وخرجات لقات عصام فالكوزينة…
فرح : عاوتاني كتوجدو نتا ؟!
عصام : تايمشيو هادو ورجعي لبلاصتك”كمش عينيه وقاس حنكها بان ليه زروقية من جناب” هادي شفتها غاديا وتكفس …
فرح”حطات ايدها على حنكها” : بحرا داويتها دابا..
عصام : سيري وشوفيها دوايا راسك مالايقاش هادي بانت ليا خاصها طبيب …
فرح : واخا غانشوف ضروري…
عصام : سيري فطري …”حركات ليه راسها ومشات لقات جدها فايق موجد باش يفطر ويمشي وفوزي حداه…فطرات تا شبعت وناضت سلمات عليهم لبسات بوتيو وخرجات كترش فريحتها. الي نسات مرشتها وداتها معاها كيف ديما…
وصل بسيارتو لاكاف ودخل نيشان لبلاصة فين كيحطها خرج من سيارة بكل اناقة كيف ديما هاد المرة قميجة كحلة وسروال گطيفة فالبيج هاز جاكيط الجلد فالبيج فايدو وشكارة الماك ولوازم ديالو فنفس الايد سد الطوموبيل وقف واحد اللحضة كيفكر الي فبالو وشغلات ليه عقلو بلا ميشعر…واش غاتجي ولا صافي هادي الفرصة الي بين ايديه ضاعت وخاصو ينساها..بقا شحاال وهو واقف عشرة دقايق او اكثر حتى سلم امرو لله وضار دخل لمصعد ركب رقم الطابق الي بغا….
اما هي كي وصلها الخطاف الي كيركبو فيه لدواوير البعيدة…زصلها فطريقو ووقف خلصاتو ونزلات عند الباب الرئيسي ديال الناس العادية…لقات السيكيريتي واقفين تا جاها واحد منهم…
هو ؛ ختي شنو خاصك ؟
فرح : انا خدامة هنا غير مجابنيش الميني بيس عافاك خليني ندخل را تعطلت…
هو : عطيني البادج ديالك…
فرح : ايه واخا”حدرات راسها لصاكها كتقلب ليه على البادج تقلب وتعاود والو تفكرات بالي بقا فالصاك لاخور وهي تحط ايدها على جبهتها” ويليييي نسيتو…
السيكيرتي”طلعها وهبطها وعينيه مشات نيشان لضربة الي فوجهها..يحساب ليه كتكذب” : هنا غير الي بغا يدخل زيارة الى بغيتي مستعجلات دوري من هنا ولا من هنا…
فرح : اش بغيت بالمستعجلات اويلي بغيت ندخل نخدم …
هو : عطيني بادج ودخلي ومالك ماجيتي مع الطوبيس ديالكم ولاش جايا هاد الوقت ؟”شاف فساعتو” لا وقت زيارة ولا وقت الخدمة…
فرح”غوبشات فيه ” : ونتا سوقك اويلي خليني ندخل..تت انا مالي كنشرح..”بغات تمشي دور وهو يوقفها”
هو : لا بغيتي دخلي من جيهة لاكاف تاهو تسد حيث تما انفوا يوصل وقت يتسد كيتحل غير لبيس ولا الناس الي عندهم البادج باش دوزيه فالماشين ودخلي…
فرح”نفخات بقلة صبر” : اففففف ااااااافففف”ضارت هنا وهنا وهي تشوف واحد كيعيط” شوف واحد كيعيط ليك بعدا سير..”غير هو ضار تكلم لاخور وهي تدير فررررت زهقت ودخلات كتجري كلها كتهز وتحط خلاتو كيغوت عليها ومشات كتزرب بديك الخفة الي عطاها الله حتى بان ليها السانسو بغا يتسد وهي تحبسو بايدها مشافتش اشمن سانسو هذاك الي تما وصلات ودخلت ليه حيث وحدو الي كان مفتوح ولاخرين لقاتهم تسدو…دخلات كتنهج تا تكات على الحديدة بقات شادة فيها وتنهج روحها بغات تخرج” اووففففف كحكح الى سميت مك فاتي اجي شدني..الكلينيك ديال باك ابلكيدار….”حسات بشي حد حداها وقبل مادور ريحتو طلعات ليها مع نيفها افحال صرفقيتها تا وقفت بسرعة وضارت لقاتو واقف مربع ايديه كيتسناها تكمل تا شهقت وشدت فالحديدة”
زين الدين”يلاه بغا يهضر تا قشع ضربة وكحل بالعما مابقا بانت ليه هضرة ” : مال وجهك ؟؟؟
فرح”حطات ايدها على حنكها وخنزرت فيه” : ممالوش وماشي شغلك فيا..
زين الدين”مشا ديريكت ليها ” : ماااااااااال وجهك تما ؟!!!ضربك هو ؟؟؟ “يحساب ليه عصام”
فرح : ومااااشي شغلك…
زين الدين”جنون بداو يشطحو ليه فوق راسو حاول يرطب هضرتو باش متخلعش ” : ضربك؟؟ “خرج عينيه “
فرح : مااا ضربني حد ماضربني حد ….
زين الدين”غمض عينيه وعاود حلهم ” : وخا يلاه معايا نشوف ليك هادشي الي فوجهك…
فرح : حيد خليني نمشي نخدم ياك قلتي ليا مغانشوفكش ؟؟؟
زيند الدين”غزز سنانو ..ماعرفاتو كيدار شدها من ايدها وطار لبوطونة ديال STOP وقف سانسور تا مشا وجا ولات دور فعينيها هنا وهنا… تطفا ضو وبقاو غير الاضواء الخافتة فيه”: خليني نشوف ليك هادشي”عينيه على وجهها واكثرية ضربة الي زراقت من جناب وتنفخو ليها” باينة من تم ماهياش ..الله يرضي عليك …
فرح : غادي نمشي عند دكتورة نورة هي تشوفها ليا ولا شي انفيغمييغ هنا …
زين الدين”ضرب على زر سطوب بجهد حيدو تا مشا وجا بيهم سانسور…خلا رقم طابق ديالو..عاد تحرك المصعد وضارت بغات تركب رقم طاج ديالها حتى سمعات صوته البح والي من نبرة ديالو مكيبشرش بالخير “… والرب المعبووود والي شانو عظيم وتحط ايدك تما نشلخ هاد سانسور كامل ونموت مع دينمك هنا..”خنزر فيها بنضرات القرطاس جهد صوتو تا غمضت عينيها وحلتهم” تحركي نشوف هادشي الي فوجهك ..
الشوفة ديالو ليها كانت مخلطة من خوف غضب…مابقاش عقل ولا تسوق لعاهد الي عطاه ليها على الرغم من انه ماقصدش يشوفها وانما الصدفة الي حمعاتهم فهاد المصعد حتى شاف الضربة الي فحنكها…
شافت الشوفات ديالو وحتى طريقة باش هضرة ونبرة صوته ماكطمنش وعارفااه علاش قاد لانه الي مشا لعند عصام فعز الغضب ديالو قادر يدير العجب ههه اي..ممكن يديرها ويفوتها….تحل الباب ديال سانسور على الطابق ديالو ..
زين الدين : تحركي…
فرح”شافتو كيتسناها تزيد قدامو يعني لا مهرب…ماهضرت ماتكلمت شدات فصاكها وخرجات تبعها تاهو من لور حتى جا عندو اسلام…”
اسلام : دكتور جاو عندك شي ناس بخصوص حالة ابوضبي..
زين الدين”كمش حجبانو” : ماشي فوقتهم ؟
اسلام”حك راسو كيشوف ففرح واقفة وحادرة راسها كتلعب بسماطي صاك” : نن حيث عاد البارح وصلو بالليل وبنفسك علطيهم موعد ليوم فهاد الوقيتة…
فرح”يلاه غاتهضر باش تمشي “
زين الدين : ماعليش خليهم يتسناو شوي مزال”شاف ففرح لقاها كتشوف فيه”
فرح : غير سير ماشي مشكيل انا نمشي لتحت ونشوف مالها اصلا تعطلت وشكرا”ضارت بغات تمشي حتى سمعاتو نطيق اسمها بديك النبرة ديال هضرت”
زين الدين: فراااح”ثقيييييل.” داكشي الي تم ماشي ديال اللعب…تحركي دخلي…”شاف فاسلام” خليهم يتسناو عند پروف الزياني…
اسلام : d’accord DC baghdadi…
تحركات وتحرك هو تا شافها ماعرفاش فين تمشي وسبقها حتى لباب الجناح ديالو حلو بالبصمة شير ليها براسو باش تدخل غير دخلات دخل هو وتسد الباب بالسكة موراه ودخل نيشان لمكتب ديالو حلو ليها تا دخلات هاد المرة اول مرة تشوف ديزاين ديالو حيث المكتب سابق الي دخلات ليه كان ديال علي…هذا الفوطويات كلهم بيج والمكتب اسود كبييير شاد مساحة نيت فيه ديكورات الصحة والضومين ديالو ونقييي اغلب اثاتو بلا فوطوي زاج..انتابهات لواحد الباب كاين تما وفي الجنب لاخور كاين باب اخور…حط اللوازم ديالو وجاكيط وحل كمايم القميجة طواهم لفوق…
زين الدين : اجي معايا…
فرح”عوجات فمها ومكان عليها غير تبعو تاتشوف نيت جابو ليها الله هو خبير فهاد المجال احسن من انها تمشي عند الي كان..تبعاتو تا حل الباب لي شافت ودخلو فواحد الممر طويل خرجهم لواحد باب كبير عاود حلو بالبصمة ودخلو لواحد القاعة كبيرة ديال الفحص والكونطرولات شبيهة لغرفة العمليات غير هي خاصة بالفحص..بانو ليها زوج فرمليات وفرملي كيقادو تما كل واش كيدير..”
الفرملية : دكتور …
زين الدين”شاف ففرح” : اجي رتاحي هنا..
فرح”شافت فين شير ليها ومشات طلعات فوق واحد البياص مغطي بناپ خضر..ريحة ديك الغرفة فين كاينين كتعطعط بريحة دوا و باردة..طلعات فين قاليها”
زين الدين”قرب ليها وتحد عينيه على الضربة المغطية حط صبعو جيهة جناب ورك عليها تا غمضت عينيها وقفزت” : شش ماعليش ماعليش”دور صباعو على ضهرهم ودوز عليها بحنية كانه كيطمنها..والفراملية الي تم رجعو لخدمتهم كيستفو حتى ينتاضرو اشارة منو ولا يعيط ليهم…تا وقف وهضر بلا ميدور عندهم “… ليگانت ..
الفرملية”مدت ليه القفازات طبية جداد لبسهم بالخف “
زين الدين”ضار جاب الكرسي طويل كيتحكمو فدرجات طول ديالو وجلس…بزربة جابت ليه المعدات الي غايحتاج بدون ميهضر…مد ليها ايدو عطاتو بيطادين رطب بيه جناب السبارادرا باش تحيد ومتقصحهاش..بقا يخوي شوي بشوي عينيه على ضربة نيشان اما فرح عينيها مقدراتش تركزهم فيه بهاد القرب القوي الي بيناتهم وريحتو الي غلبات على ريحة دوا الي تما والمعقمات ولالكول دخلات مع نيوفها مخليا ضربات قلبها كيتسارعو…حاولات تشتت نضر حتى استقرو عينيها على الجهة الاخرى الي مقابلة ليها كتشوف فشنو محطوط وتحسب وصباعها طيبو سمطة صاك بكترة ما لعبات بيها مرة مرة كتبغي تصرط ريقها وكتخاف لا يكشفها بالي متوثرة اما هو غير حس بالي رطابت الللصاقة حيدها بالخف وتعرات ضربة تا رفع حجبانو” : شنو هادشي ؟!!
فرح”شافت فيه” : شنو ؟!!!
زين الدين”عقد حجبانو” : شنو وقع تا وصلتي لهادشي ؟!
زين الدين”عض شنايفو للحضة قبل ميهضر وعينيه عليها” : ضربك ؟؟”هز صبعو بتهديد” فرح ماشي وقت الهضرة الي معندها باش تفيدك ولا تفيدني…جيني نيشان بلا بلا بلا ديال والو..لابد ليا نعرف…
فرح”لانه طبيب لازم تشرح ليه الحالة باش يعرف اش يدير” : كنت داخلة لدار تعكلت وجيت على الباب بغيت نشد فيه مالقيت كيفاش وتضرب ليا حنكي مع ساقطة..هادشي الي كاين والى بغيتي دير خدمتك انا جاوبتك …
زين الدين”هز حاجبو وخنزر فيها تا حدرت راسها ” : علاش لا…”ناض من تما مشا واحد خمسة دقايق هز بلاطو دار فيه شنو يحتاج ومشا لثلاجة جبد ساشية ديال ثلج مكعبات خاص بالمشفى…حط كلشي تما وجابو حداه عاود حيد ودك القفازات ودار وحدين جداد وتقابل مع ضربة وقرب الكرسي مزيااان…هز لالكول خواه عليها تا قفزت ” : ششش ماعليش صبري…
فرح : كيحرق…
زين الدين”حيد ايدو” : شنو ندير ليك دابا ؟! بلاش من هادشي وتبقاي على راحتك ليا ؟
فرح : خفف عليا عافاك…
تنهد وحرك ليها راسو …مسح ليها جرحة مزيان تا تنقات نييت ماشي تنقية الي نقاتها هي راسها…عصر عليها تا تاكد را تنقات مزيان واخذ كل راحة راحتو مامسوقش لدوك الي جاو عندو من امارة ابوضبي…كمل ليها سوان …
زين الدين” حط صبعو على جنابها وبدا يماسي بصبعو حتى قفزات كتكمش فعينيها”
فرح”بالدعقة شدات ليه فمعصم ايدو ” اااييي بشوية عافاك”عينيها دمعو”
زين الدين”خفف الوتيرة شوي وبدا بحننييييية بحال مكيدير والو ” : دابا !؟
فرح”حركات راسها” : مزيان…
زين الدين”شافها نسات ماحيدات ايدها خلاتها لا اراديا باش الى قصحها تاني تحبسو وماقدرش يقوليها حيديها متخافيش عجبووو الحال مكرهش يبقى يدير ماساج تايصبح الحال..كمل وطبطب ليها فوق ايدها الي مكرهش يبوسها ليها…حيداتها بزربة فاش ردات البال تا تزنگو حناكها التزنيگة الي رد ليها البال نيشان..وناض وقف وتحنى لعندها عينيه فعينيها حط ايدو على حنكها من تحت وصبعو كيدوز على جناب ضربو ونطق” : ندير عين ميكة وندوزها بتعكيلة مكانتش على البال جابتك لباب لقاك موحشاه تا عطاك … ياك ابنت الناس ؟
هزات فيه عينيها عرفاتو عاق وعارفاه غادي يعيق ماشي حيث كيعرفها ولا عارف بالي كاين مشاكيل وانما الخبرة ديالو كاي اختصاصي كيعرف نوع الضربة فور مكيفحصها كيخرج بنتيجة ..لكن زين الدين ماشي غير عرف بحكم خبرته وانما ضن فالاول ملي شافها انها تضربات حيث عرفو بالي خدامة عندو لكن ملي جات اذن را معرفش خوها واستبعد فالاخير انه يضربها بهاد شكل حيث عارف حجم معزة فرح عندو…
فرح”غوبشت” : واش ليك انت من هادشي هاني نفرض ضربني شي حد نتا مالك ؟!
زين الدين”عض شنايفو مجاوبهاش حدو حرك راسو وضار هز ساشية ثلج حطها ليها فوق الضربة تا كمشت عينيها..بقا شحاال حاطها عليها..”
فرح : سسسس ااي ..علاش حطيتي ثلج ؟!
زين الدين”كيدوز بايدو بثلج عليها” : Le choc est absorbé sous forme de chaleur sous cutanée(السخانة الي تحت الجلد) باش نقصها ليك…
بقا حاط ثلح تا بردات وهي حست بيها تبنجت ههه..عاد حيدو من عليها وهز واحد المرهم جابو من الصيدلية الي عندو ديال الادوية المستعجلة باقي جديد…ذهنو ليها فوق الضربة بحنيييييية بشوييييي بشوي…وخشا البوماد فكرطونة حطها فجنب…
زين الدين : تسناي وكان تنشف شوي ونغطيها ليك بسبارادرا منفسة على الي كنتي دايرة…
فرح : علاش تنفخات ليا وتورمات وزراقت من جناب ؟
زين الدين”حك لحيتو وعينيه كيتفحصوها كلها وكيفاش كتهضر وتسولو وباغا تقلب ضربة وكتبعد صبعها وشي تفاصيل كيحمقوه يشوفهم فيها وخا يكونو تافهين..” : .inflammation (التهاب) ماساهلش..
فرح”حركات راسها..وشافت فيه بترجي” : نقدر نمشي ؟! تعطلت على الخدمة لتحت مبغيتش تقلق مني دكتور نورة…
زين الدين : ماتهزي هم من هاد جيه هناي على راسك..لا بغيتي تصرفي برسمية نسالي معاك وتيسري وهي معلومة بكلشي ..
فرح : حتى لامتا غادي نبقى هنا ؟!
زين الدين”حيد ليگانت ولاحهم وربع ايديه كيشوف فيها” : ضريتك لهاد درجة كااع ؟
فرح”حدرات عينيها” : مافهمتش علاش هاد الاهتمام كامل من جيهتي…ماعرفتش انا شنو مخليك ولا شنو بدلك معايا لهاد درجة..ياك جا منك الفراق …
زين الدين : الفراق مجاش من خاطري..هضرت معاك وشرحت ليك داك النهار شنو كاين ..
فرح”جمعات فمها وحدرات راسها وهي تنهد” : هادشي فشكل عندك ..اهتمام زايد بزااف..
زين الدين”حط ايدو على حنكو مقوس حجبانو مع تعابير وجهها” : شنو بان ليك ؟!
فرح”عوجات فمها وهزات كتافها” : مافهمتش…الحاجة الي بغيت هي مايوقع تا مشكيل بيني وبين عصام خويا براكة عليا من صداعات…بغيت غير نتهنى ونرتاح..والى رجعت لهنا ماشي حيث خايفة منك ولا من كونطرا الي سنيت وانما باش نخدم ونفرض راسي ونتعلم نفصل بين الخدمة والحياة شخصية…
زين الدين : شكون گال العكس ؟!
فرح”هزات فيه عينيها” : اذن مغانبقاش نشوفك ؟
زين الدين”عوج فمو بثقااالة وختورية” : منضمنش ليك..”هز ايدو موقف كلامها” عطيتك العاهد ؟ ماجيت عندك ما علمتك تجي شكون دخل على لاخور ؟ …
فرح”الصمت”
زين الدين : عليا انا منحاديك منقرب والى جابها الله علاش لا ؟ “خنزرات فيه…ضرب فخادو معلن على وقوفو وقال” لا جات الوجيبة عليك مانفلتها…الكاذبون يلعنهم الله…ودوك العينين نهار باقي تعاودي ديك شوفة نتقبهم لملتك…اااارا معندك…اجي تبعيني لمكتب نعطيك شي حاجة وتيسري لخدمتك…
ضار غادي وهي هزات صاكها وتبعاتو بان ليها هز واحد الباكية جبد منها سبارادرا ومشا تا المكتب شير ليها باش تجلس…
زين الدين”جلس مقابل ليها عاود مد ايدو جيهة الجرحة بانت ليه نشفات دار ليها سبارادرا على جرح…” : لا بغيتي تيسري…ديري سيمانة وجي عندي فالصباح ولابد سمعتيني “فرق رجليه مسرح فوق الفوطوي..هز صبعو بتهديد” ويااااك ماتجيش ولاا تجربي ماتخلينيش نهبط لعندك …
فرح : غانجي صافي..
زين الدين : الفاهم يفهم حسن…تيسري لا بغيتي..
فرح”ناضت” : شكرا بزاااف…
زين الدين”داير صبعو على حنكو متكيزحاضيها…حرك ليها راسو ” : واجب عليا يالالة..
فرح”تا تمات غادا وهي دور عندو” : عافاك الى ممكن شي حد يهضر مع سيكيريتي نسيت البادج فالدار مع خرجت معطلة بزاف وتدعقت ونسيتو ومالقيت خطاف حتى عيييت…
زين الدين”كمش حجبانو” : الميني بيس ؟!
فرح : ماعلمتوش باش يتسناني حيث. ما
زين الدين”كيحرك راسو” : مكنتيش ناويا تكملي ودرتي عقلك تلاخر ..”تنهد” ماعليش…
فرح : غاتهضر مع سيكريتي ؟
زين الدين : نهضر معاه نهضر مع بالكيدار الكلينيك ما ديال باه ياك ؟
فرح”جاتها ضحكة وحبستها بزز لا يضيع البريستيج هههه” : اه احم الى بغيتي …
زين الدين”داير صبعو الي ماشي بجنب حنكو بين سنانو ومعسل عينيه فيها منضرها كيجيب الضحك وهي كطلب وعارفة اش دايرة…حرك راسو بثقااالة” : تهناي…
فرح: شكرا بزاااف تاني “ضارت حلات الباب وخرجات وخلاتو حاضيها كتبان ليه مارشميلو غليض وسط اللبسة…ساس سروالو وناض مشا نيشان عيط لاسلام الي دخل بزربة” علمهم يدخلو دابا انا جاي…”جبد اوغدونونص كتب فيها ومدها ليه” biofenac gel anti_inflammatoires et antalgique … paracétamol..et sparadrap من هاد نوع الي هنا…جيبهم من لافارماسي لتحت وعطيهم لهاد البنت الي كانت دابا عارف فين كاينة ؟
اسلام : اه فرح ف لابو الي لتحت فهاد الجناح…
زين الدين : فرح ؟”رفع حاجبو” كتعرفها اشريف ؟!
اسلام”شافو خنزر ولا يتفتف” : لا لا غير من جات اخر مرة ودخلتها…
زين الدين : تحرك دير شنو علمتك يلاه …علم ناس يدخلو “شد من عندو الورقة وطار خرج “
كيف خرجات فداك الصباح باش تمشي لمدرسة وقفات كتسنى بعيييييد حتى وقفات سيارتو قدامها…حل الزاج وشير ليها باش طلع…غير طلعات قادات سانتيغ وزاد مكسيري …
ضحى”كاتشوف قدامها وبالها غاااايب لحد الساعة معرفاتش كيفاش تا قنعها وتبعاتو فهضرتو واش طرق الاقناع عندو محترفة او هي من حبها ليه المفرط كتلقى راسها تابعاه خصوصا انه كيهضر معاها بكل وضوح وشفافية يعني ماشي شي واحد لي كيقول الوعود الي كنعرفو ديال نتي مرتي الهبيلة ولا مغانخليكش ونتزوج بيك…يمكن صراحتو انه حتى يتفاهمو ويعيشو الحياة قبل الارتباط مخليها تشبت بيه خصوصا هو من النوع الي كانت كتحلم بيه زين فصالة مال وجاه…والاهم انسان متفتح ويقدر يعيشها الفوووق كيف بغات…وحتى وهي معاه قبل الزواج…”
مهدي”لاحض سرحانها جاب صباعو قدام عينيها وطرطقهم..” : ششش حبيبي مالك ساهي ؟
ضحى”تنهدات ودورات وجهها ناحيته” : نورمالمون خاصني نكون فالمعهد !!!
مهدي : ماشي مشكيل تغيبي نهار…نقضيو شنو غانديرو ونمشيو ندورو ونفوجو شوي… ههه اكيد ماغاديش نديك ونرجعم بلا منديرو شي حاجة اونسومبل…
ضحى : غانبقاو ديما هاكا “شافتو خنزر يحساب ليه غاتعاود الاسطوانة تاني” نوو قصدت ديما نخرجو نفوجو…
مهدي : مي بيان سيييغ مابيل…حنا مع بعضياتنا ماشي على ود سيكس..لاڤي مافيهاش غير relation sexuelle فيها كلشي سفر خروج دخول سهرات اي حاجة تقدر دير لينا اينيغجي بوزيتيف نديروها بزوج…من شحال هادي وانا كنقلب على partner with me(شركية تكون معاه) الي نتفاهم انا وياها ونعيشو كلشي حتى حاجة منخليوها…”حط ايدو على فخدها كيتلمس فيه ويعبز” ماكاينش ماحسن منك ازين ديالي..كيوتنس(كياتة) باقي بيبي
ضحى : انا ماشي بيبي عندي عشرين عام “غوبشات فيه”
مهدي : هههههههه يا بتي دابا تفوتيها وتولي تقولي كون غير بقيت صغيرة هههه واخا نتي كبيرة الالة … وزوينة بزاففف كلشي فيك كيعجبني…والاهم غاتعيشي معايا كاع داكشي الي بيغت او بغينا بزوج”شاف فيها وغمزها” n’est ce pas ?
ضحى”رجعات سافت قدامها وحركات راسها بالايجاب..تا نقز عليها بجغ ليها فمها ببوسة تا مشات طوموبيل وجات” : واااو عنداااك…
مهدي : حلوة بزاااف ههه”كسيرا كيضحك والوجهة كانت مدينة المحمدية وغير وصلو خذا واحد الطريق نيشان قدام واحد البناية عالية ركن السيارة وخرجو منها مشادين الايدي..تا طلعو فالمصعد وقفهم قدام عيادة نسائية دخلو لاستقبال…
البنت : موسيو مهدييي صافا…
مهدي : صافا مناال ؟ DC وهيبة ؟!
منال : وي هنا وكتسناك جيتو نيشان مع نوبتكم…اجي معايا …
حرك ليها راسو وتبعها شاد فايد ضحى وراه تا دخلاتهم لمكتب الطبيبة لقاها كتسناه…غير شافتو وهي تبتاسم ووقفات كانت سيدة اربعينية سلمات عليه…
مهدي : مادام مريم لباس عليك ؟
مريم : اهلا مهدي كيدار ولدي لباس عليك ؟ كيدايرة اميليا “الام ديالو”
مهدي : لباس عليها لباس…
مريم”شافت ضحى” : هي هادي البنت الحبيبة ديالك على مقولتك ههه.
مهدي”ضار شاف ف ضحى لقاها مزنگة” : هي هادي المدام ههه
مريم : كنضن غاتعجب ايميليا حيث زوينة بزاااف…تهلى فيها اهيا داك…
ضحى”قلبها كيصفق بالفرحة خصوصا فاش قال مدام وهي قالت على امو هكاك يعني را هضرتو صحيحة وغايكبر بيها..تبسمات بخجل” : لهلا يخطيك احبيبة …
مريم : الوغ قبل منعطيها la pilule كايخص ضرووري ندير ليها لايكو…
مهدي”هز حاجبو” : pourquoi ?
مريم : اجراء ضروري ولازم دير ليا بعض ليزاناليز سي نو نعطيه ليها نيشان…
مهدي : d’accord…
ناضت وشيرات ليها باش تبعها ناض هو وياها فحصاتها بالايكو وتبين ليها انه مكاين حتى حمل لان مهدي شرح ليها شنو وقع…عاد رجعات لبيرو جلسات كتكتب ليها شنو دير وشنو تشري …جلسات ضحى كتمسح فكرشها من جبل الي دارت ليها …سالات مريم ومدات ليه الورقة…
مريم : هادو ديزاناليز(تحاليل) ديرهم
ضحى : ميمكنش ليا
مريم ؛ علاش ؟!
ضحى : غادي يعرفوني درتهم كاع لابوراطوارات كيعرفو خويا الكبير وانا فاش كنديرهم كنجي مريضة من المختبر غاتعيق ماما وزايدون مكاين لاش عافاك الى تقدري تعطيني شنو نشرب بلا بيهم …
مريم”بقات كتشووف فيها شحاال بتفكير فالاخير كتبات ليها شنو تشرب” : داكوغ..خودي هذا ما قاصحش باش مياثرش عليك مستقبلا اذا فكرتي تحيديه وتفكري تولدي…
مهدي”بغات تاخذها وهو يخطفها هو” : داكوغ … merci beaucoup docteur…”وقف ووقف ضحى معاه” نقدرو نمشيو دابا هانيين ..
مريم : تقظر تمشي اه “هزات ستيلو كتحركو بتهديد” تكايس عليها اولدي ..
مهدي”قرب ليه ضحى وباس جبهتها” : الغزالة ديالي هادي الالة مريم منقدرش ناذيها خهههه
ضحى”تبسمات بحب وخجل”
مريم : ايوى نتمنى…الي سلم على ماماك تندير شي وقيت وندوز عندها…
مهدي : مبلغ”سلم عليها وخرجو خلص فالاستقبال المستحقات وشد فايد ضحى الي مكفاتوش وعنقها بجنبو كيهضر ويبوس فيها ويعاود…ركبو فالسيارة انطالق تال الصيدلية خذا ليها الحبوب ومشاو كيدورو نهار كامل…
فور ما خرجات تاكد من ان اسلام غاياخذ ليها شنو قاليه بالضبط وتوجه نيشان لغرفة بدل عليه ولبس اللباس casaque دياال مشفى دار كاسكيط ميديكال (فحال طاقية هي كتكون طبية ) ودخل نيشان لغرفة رجعو لفراملية فين كانو تا دخل عليهم لقا واحد زوج جالسين كيتسناوه تا عقد حجبانو فاش لقاهم غير بزوج…
زين الدين”حنحن تا ضارو عندو” : شنو المشكيل ؟
هما”وقفو كانو لابسين الزي التقليدي ديالهم فوقية وفوق راسهم شاال مزوق ملوي بطريقة خاصة فحال صحراوة” : يا مرحبا ساع…الشيخة ميثة(من عائلة الامراء) ما گدرت تجي لانها شوي ميهودة مزوجمه(مريضة وفيها زكام)هلكت(عيات) والله راسها تعبان ما گدرت يجي…
زين الدين”هز حاجبو” : وشنو جابكم بلاصتها …
طلال”خدام ديالها” : بالامس كان هني مؤتمر حضرنا له الصبح الييين گيلت الگايلة(حتى لوقت الضهيرة) كان ودها تعٓلمك گبل لكن دحين (دابا )احنا جينا نخبرك بنفسنا وتضرب لنا موعدٍ ثان…
زين الدين : نفس تاريخ اليوم بعد ربع شهور..
طلال”خرج عينيه” : كيف يعني ؟ انت ماخذ بالك ان هاي شيخة يعني اميرة..شفيك يا بو الزين…
زين الدين : هادشي الي عندي…يمكن ليكم تمشيو”ضار ومشا مخليهم كيشوفو فبعضياتهم ينعل بو الي تسوق لشي شيخة ولا طراكس…مالقاو ميقولو سوى انهم يحدرو راسهم ويمشيو..”
رجعات لمصعد ونزلات لطابق فين خدامة مع دخلات انتابهات ليها ايمان وهي تشهق فاش شافتها دايرة لصاقة على حنكها…مشات اعندها بزربة…
ايمان : فرح !! مالكي فوجهك ؟!
فرح : ضربني الباب غير سكتي شوي متلتاهب ليا ونصدق فما لا يحمد عقباه..”مدات ايدها لبسات البلوزة ودارت البافيط هبطها من على حنكها شوي باش متوعتهاش فالضربة…”
ايمان : علاش ماجيتيش هاد اليومين ؟ خليتي بلاصتك..
فرح : خذيت اوطوغيزاسيون كان عندي شي غرض قضيتو…
ايمان : اااه…
رجعات لخدمتها عادي جدا ماهضراتش معاها نورة ولا تكلمت حدها سولتها كيف بقات لا غير….دازت مدة لا بأس بها حتى سمعات اسمها كان موضف الاستقبال فالطابق ديالهم كيعيط ليها هزات راسها ومشات لعندو…تبعاتو تالبرا لقات اسلام واقف وهاز ساشية فايدو …
اسلام : ختي فرح “مد ليها ساشية” هادو رسلهم ليك دكتور البغدادي …
فرح : شنو هادو ؟
اسلام : كاين تما لوغدنونص قاليك هاد الدوا غاتاخذيه بانتضام وكيف قاليك بعد سيمانة رجعي عندو يشوفو ليك..كان تما شنو مكتوب ليك …
فرح”بقات كتشوف وتقلب فساشية بانت ليها كبييرة على دوا..شافت فاسلام وتبسمات” : واخا خويا شكرا…
حرك راسو ومشا رجع لخدمتو وهي حلات ديك ساشية لقات فيها دوا الي خذا ليها وسبارادرا نفس الي عندها فوجهها…وباكية ديال مارشميلو ديال فريز…ومعاه ورقة مكتوبة صغيرة…هزاتها كتقرا…
زين الدين : تبعي شنو مكتوب تما.”عطاها عدد الايام الي تبع فيهم بومادا اربع ايام الى نقص الانتفاخ والالتهاب وباراسيطامول نهار حتى ليومين الى ماحساتش بسخانة وصداع والى دارت البومادا متخرجش لشمس”….سيمانة متزاد ماتنقص طلعي عندي نشوف ليك كيف بقات…بلا منعاود الهضرة وياك تخليني نزل عندك…”حسات بكتابتو فيها تهديد الى منزلتيش نهرس عليك السبيطار…ختم هضرتو ب ” bon rétablissement …
فرح : ومارشميلو لاش ؟!”عوجات فمها وحلات ديك باكية كلات منها وحدة وعاودت تانية وجمعتها دارتها فساشية وتيسرات لخدمتها …داز يومها فالعمل عادي بدات كتاقلم بسرعة مع الي خدامين معاها والاطباء الي تما كلشي مزيان وعندهم الخاطر وخا بدات عليهم الخدمة عالجهد…بقات خدامة عادي مرة مرة كتنغزها ديك الضربة وكتمشي حتى وصل وقت البوز واستاذنات هي وايمان نزلو لتحت باش يتغذاو..كي دخلو لقاو دنيا شوي خاوية …مشات نيشان لعند السيدة الي تما لقاتها ثاني مخنزرة ومعندها خاطر…
فرح : خالتي واخا تعطيني عصير !
تاجة : ديالاش هاد العصير…
فرح : الي كان..
تاجة”كمشت عينيها” : شكون ضربك ؟ يضهر ليا قبيحة نتي تا تضربتي…
فرح”شدات حنكها” : ااا لااا حرام عليك غا ضملتيني “دلات شنايفها”
تاجة : اش ليا بيك قباحي ولا جلسي هنيني اشمن عصير ؟!
فرح: بغيت غا الما صافي مبقيتش بغيت العصير…
تاجة : وهاااااحنا بدينا فالبسالة…
فرح : مابقيت بغيت والو اناري…
تاجة”جهدت صوتها تا قفزت” : ولينا گران هنا ولا ؟!!!
مراد”وقف عليهم” : مي تاجة مالها شكون خسر خاطرها ؟!
تاجة : اش بغيتي تانتا ؟!
فرح”حبست ضحكة” : كخم..
مراد”ضار شاف فيها ورجع شاف فتاجة” : مي تاجة لبديها تحشميناش..
تاجة”شافت ففرح” : طلقيني نتي ؟!
فرح : عصير ليمون ليمون اخاالتي…
تاجة : ونتا ؟
مراد : قرعة الما صغيرة…”هز ايديه تا مشات وضار عند فرح ولمح ضربة فيها” شكون عطاك لعينك ؟!
فرح : سوقك ؟
مراد : مالك بويسلة ؟!
فرح”شدات العصير ومشات كتشوف فيه ” : الله يستر على عائلة كدخل فكلشي كبير وصغير يااااه …
مراد”متبعها بعينيه مافهم والو” : يناري هادي مالها.”مزال كيشوف فيها حتى صونا ليه تيليفونو وشاف المتصل غوبش ” مسوات لله …وي عمي ..
الغالي : شوية وكون عندي بغيتك …
مراد ؛ خدام منصيبش نجي دابا بالليل نكون عندك شي باس مكاين ؟!
الغالي : ايه واخا بقا لاصق ليا فداك سيدكم ماعليش انا كنتسناك”قطع عليه مراد فالبلاصة كان كيضحك تا قلب ليه المود والغريب انه عمرو ماهضر معاه حتى ليوم !!!؟”
دازت اربع ايام على اخر حدث ليها معاه وصل موعد ديال خطبة عصام الي غاتقام اليوم والي بداو تحضيرات ديالها هادي ايام شراو تقريبا كل ميخص لهاد الخطبة خلاو الخواتم حتى لاخر نهار وتقداوه طبعا مشات معاه فرح…من بعد ما سالات مشات دوشات بالخف ودخلات باش تبدل لبسات قفطان فالازرق ملكي موبرا سامبل بحزام ارجونتي رقيق طلات على الجرحة تحولات زروقية بفضل البوماد لون بنفسجي وجناب بداو يصفارو باش كيرجع لون الجلد لطبيعتو…دارت ميكاب خفيييف وصايبات شعرها بوكل…لبسات صندالتها فضية مرصعة بالاحجار بلا طالون …بقات كتقيس فيها وتشوف عجباتها حيث خذاها ليها مع الهدايا الي خذاو لمياء دالخطبة…هزات تيليفونها وصورات راسها بالقفطان كامل دارت بوز جاتها غزااالة كتحمق ولاحتها فالواتساب…حتى دخلات عليها الي متوقعتهاش تحضر والي كانت بكامل اناقتها قفطان فالگرونة غير حزام وصندالة ذهبيين مصايبة تاهي حالتها جات كتهبل خلات فرح حالا فمها كترمش مافهمت والو…
فرح : صفاء !!!
صفاء”خذات نفس عميييييق ونزلاتو” : ماعندي مندير ا فرح ماعندي ماندير حشمت نعطي مبررات لماما والبارح وولبارح منعستش بالتفكير بزاااف فلاخر خديت قرار انني نحصر ونتحدى راسي واعرة غير البدية افرح حتى لامتا غانبقا نتخبى ؟! مغاديش نرجع ونلقاها فالدار ؟ اخرتها غاتجي لهنا…
فرح : صفاء”حطات ايدها على حنكها” مايبقاش فيك الحال يمكن يجيك ما حسن منو …
صفاء”تنهدات” : عااارفة واملي فالله كبير”مدات دراعها” يلاه نمشيو را لقيتهم كيقلبو عليه تعطل معرفت مالو ؟؛
فرح “هزات تيليفونها كتصوني ليه” : اويلي مالو ؟! يكون مشا يشوف صطوف فالحبس فاش يخرج ؟!
صفاء : منضنش …
فرح : بلاتي هاهو كيصوني..عصام فينك ؟!
عصام : تيسرو مع فوزي عندو طوموبيل تالحگ عليكم ..
فرح : شي باس مكاين”قفزات فاش غوت فوذنها”
عصام : واااااا تحركي يعطي لمك الحبس انا غانجي تم…
فرح”نقزات ليها دمعة من عينها” واخا واخا”قطعات معاه…سولتها صفاء وحركات ليها راسها ب ماتشغلش بالها..خرجو من البيت ولقاو فوزي وسيمو الي مانتك ومغطي ضربة باقي لدابا ممشاش عند زين والي اكد عليه باش يكون عندو الغذ ليه يعني الاحد…هزو الهدايا ومشاو كل فين ركب فرح ركبات مع جدها وسيمو ونجية وبناتها وصفاء مع فوزي وفاطنة والمخنتر وعم وخال عصام…غادين طالقين شعبي وكيضحكو فرحانين وصلاة وسلام وزغاريت حتى وصلو لدار عائلة لمياء لقاو الباب محلول. وكيتسناو فيهم تاهما لابسين البلدي وتكاشط ملقيين ليهم بالتمر والحليب.وما زهر كيرشوه عليهم…هزو كل واحد طيفور تحت زغاريت والكاميرا كتصور…صورو فرح وصفاء الي قلبها مقبوط وحابسة دمعة على طرف احساس صعييييب تحضر لحب حياتها كيخطب وحدة اخرى وكلها لهفة تشوف الي خطفات قلب عصام حتى دخلو لقاوها لابسة تكشيطة بيضة مرصعة ودايرة مشيطة وميكاب نيود وعلى راسها تاج خفيف فالبرزة عاطية لنقاشة تنقش ليها صبيعاتها…
فرح “مشات سلمات عليها” : مبروووك عليك حبيبة ديالي…
لمياء”كتجهد صوتها حيث مطلوق الغنا” : الله يبارك فييك…فين عصام ؟!
فرح : هاهو جاي…
هنية”من بعد ماداز اكثر من ساعة وصلها الخبر بالي عند الباب” : ها عصام جا ابنتي اجي معايا وعيطي لخوك لاخور…
فرح : واخا”ناضت كتزرب هازا ايديها حيث نقشات ليها النقاشة صبيعاتها هازاهم لا يتجخلطو وتمشي ليها الحنة وطير ليها النقشة حيث كتموت عليها….وصلات عند الباب بان ليها بكامل اناقتو بقميجة بيضة وسروال فصالة وشعرو الي مرجعو لور ولحيتو المقادة وكي كيبان بديك طولة وتجريدة تحلفي عليه ماشي جزار…خلا بنات خالة لمياء يتغامزو عليه ويحسدو لمياء عليه…
هنية : مرحبااا ولدي دخل بسم الله..
عصام”عاقد حجبانو سلم عليهم براسو تا دخلو كيزغرتو وهو مغوبش ضروه فراسو وفرح كتغني وتزغرت فرحانة بيه…تا وصل لعند الصالون ودخل لقا لمياء حنتها نشفات وكتشوف فيه بخجل هبطات عينيها زقلبها كيضررررب جبهد …جا ووقف سلم عليها من جبهتها وجلسو جابت ليهم العصير والحلوة وكلو ليها ووكلاتهتت ليه وكذلك العصير…زصل وقت تركاب الخواتم …جابت صينية فيها الورد وفناجن الحليب وطبسيل صغير د تمر وبواطات الخواتم بغات تديهم فرح وهي تشدهم من عندها صفاء…
فرح : صفاااء…
صفاء : فرح خليني ماعليش غير خليني انا نديهم ومتعيقيش ماما كتشوف”حركات ليها راسها وضارت داتهم ليهم تبسمات لمياء وقربات لعصام شيرات ليه تحنى عندها”مبروك عصام وسمح ليا قلتها معطلة ..
عصام”عنكش ليها شعرها وباسها فراسها غمض عينيه وحلهم ” : ماعليش…
هنية”كتصلي عالنبي وتهز فالبواط عطاتو الخاتم ركبو ليها ” : مبااارك ومسعود اولدي…
عصام”شدات من عندها لمياء خاتم ديالو مد ليها ايدو وركبو ليها…قرب لعند جبهتها وباسها ليها..وسلم عليها من حنك ولحنك لاخور غير كمل وقرب لوذنيها” : هادشي غايدوز تسالي هاد المرمة ليلة زصباح الي لاقانا يفرقنا …
لمياء”خرجات عينيها وصرطات ريقها الي مالقات متصرط فيه من صدمة نشف.كحزت راسها تا.شافت فيه ورجعها ثاني”
عصام .”عاود هضر فوذنيها” : بالرب الجليل و من بعث محمد لا كنتي ليا مراة ابنت الناس…لبديها لا بغيتي سعدك يكون زين بغيتي تهزي وتحطي عليا نفركت الحبس هنا و شوهة انا مولاها… “حيد عليها وشاف فيها بواحد تخنزيرة”جريتي على رزقك بايديك وساعتك سالات….
موقف لا يحسد عليه ابدا ولم يكون في الحسبان ولا على البال خصوصا من جيهة لمياء الي يوم خطبتها بالانسان الي بغات وكتشوف فيه كلشي الحب الرجولة الاهتمام رجل بمعنى الكلمة الي كيجيب اللقمة من فم السبع لدرجة وصلات بيها تبغيه غير ليها وحدها وميضاركها فيه حتى احد يمكن تفكيرها حتى النصيب الي فخوتو منو متكرهش يكون ليها حتى هي…ولكن الي وقع قبل قليل خلا الصاعقة تضرب بين عينيها والكلام يخلي فمها يتحل وعينيها يجمدو وريقها ينشف…كلام مكانتش متوقعاه ابدا والسبب شنو هو الي قال ليها الكلام هو الادرى…ماقدراتش تهضر غير من تهديدو باين وعارفاه غايشوهها وخا معرفاتش سبب…خافت من شوهة ويضحكو عليها خالاتها وبناتهم وناس….
لمياء : ع عللل لااااش عصام !!
عصام”رجع لوذنيها وزيير على دراعها من جيهة الي مافيهاش ناس تا كمشت عينيها” : اقسم برب الكعبة وتزيدي كلمة فوق كلمتي تنشتت الخرا كامل ..لا بغيتي تخلي كلشي يدوز مزيان تركني لارض لا بغيتي شوهة مسااااالي كري تانا باغي فين نخري القلاوي كامل هنا…صبرت تا فاض بيا وصبري حدودو قلييييييلة …رزقك جريتي عليه بايدك والفاهم يفهم…باغي ندخل حية لداري. وسط خوتي….
لمياء”بغات تهضر وزاد زير وهي تصقل”…
عصام”ضار جيهة الناس الي كيزغرتو حرك ليهم راسو وضار قلب على فرح بعينيه لمحها كتنشف فايديها من الحنة بانت ليه صفاء كتشوف وعينيها كيبريو ضن انها فرحانة لكن معالمش بالحقيقة المرة الي فقلبها…هز ايدو وشير ليها حركات راسها وطلب منها تكلم ليه فرح…ضار عند لمياء لقاها جلسات وووجهها مكيتفسرش غير كتحرك فراسها وصافي…”
فرح”قربات لعندو” : هاني عصام..
عصام”مشا لوذنيها وهضر” : انا غادي نتحرك من هنا شوفو شنو ديرو تعشاو ويلاه نتحركو..
فرح : فين غادي ؟؟
عصام : عند رجال فرح عند رجال شنو غانبقا هنا وسط العيالات ؟!
فرح : اااه صافي “تبسمات ليه من نيتها وعنقاتو” مبروك عليك اخويا الله يكمل عليك بالخير…
عصام”حرك راسو وشوفاتو فشكل عينيه مخنزرين وحجبانو معقودين باين من بعيد مكره فديك اللحضة” : امين اامين…”ضار سلم على ام العروسة من راسها ومشا مخلي وراه وحدة خاطرها مكسووووور او مصدوم لا يعلم ما في الخواطر الا الله…مشا هو عند الرجال لصالون وهي بقات جالسة مكتضحك مكتهضر ما والو الي بارك ليها كتحرك راسها وعقلها مرفووووع ماهواش هنا كتحاول تستوعب الصدمة السبب اش وقع كيفاش هادشي …كتسول فيها مها مكتجاوبهاش…حتى دازت الخطبة الي كانو فيها ناس قلاال وخا هكاك تحط العشا ووصل الوقت الي غايمشيو فيه..”
فرح : فففف عييييت…
صفاء”حيدات صندالة طالون” : الاطيف تقبت ليا گدمي.”شافت فحنة فرح” يا لالة الحناني والقلب هاني..
فرح”تنهدات” : ما هاني وااالو..فففف
صفاء : اش كاين !؟
فرح : ملاحضتيش عصام هاد الليلة ؟”وقف فوزي بطوموبيل حداه سيمو”
صفاء : ماعرفتش افرح ومتسولينيش اه شفتو ماهواش وليني مابغيتش مزال نهضر عليه ونلاحض قلبي كيتشقق عاوتاني هنيني..
فوزي”حل زاج” : تحركو خلاص ..
ركبو مع فوزي لور من بعد ما حملو طيافر باش يرجعوهم لمولاهم الي كراوهم من عندو..سلموا على عائلة العروسة اما هي لمياء لقاوها دخلات البيت وسدات عليها…ركبات نجية وبناتها معاهم و فاطنة وطوموبيل لاخرى ركبو فيها البقية.وتيسرو مشاو فحالهم مخلين واحد البيت لداخل فيه شخص الي مقدرش يستوعب شنو جرا قبيلة والي مدازت عليه هاد الخطبة حتى بغا يطرطق بالتفكير والاسئلة الي كدور هو اش واقع ؟ اش هادشي ؟ اااااش درت ؟
لمياء”جالسة على طرف السرير دايرة راسها بين ايديها المحنيين ومكياجها باقي هو هو حاطا قداها تيليفون مدوز الاتصال ليه” : عصاااام عصاااام عصااااام جاوبني جاوبنييييييي اهى…عصاااااام جااااااوب الله يخليك اهى…”كيقطع عليها وعاودت ونفس الشيء شي مية مرة وهي كتاصل بيه ووااااالو” وااااااا عصااااااااااام اهى اهى….
هنية”دقات عليها الباب” : بنتي حلي مالك سادة عليك…
لمياء”مداتهاش فيها” : عصاااام جاوب اش هادشي اهى اهى واااااا عصاااااامممممم “ايديها كيترعدو”
هنية : لمياء !! بنتي اش واقع ليك ؟!
لمياء”راسها كيترعد وايديها وفمها بالبكا كلشي فيها كيترعد ممصدقاش اش وقع واش عصام صافي بااااح ؟! شنو السبب الي خلاه قال هكاك ؟ واش كتحلم ولا اش ؟..” اننننننن اهى اهى عصااااااام عافاك جاوب اهى…”مالقات تا جواب وهي تمشي نيشان لنمرة فرح صونات ليها وعاودت تا جاوبتها” فراااح..
فرح”وقفو قدام داكينزلو” : لمياء !! مالك ؟!
لمياء : حداك عصام ؟!
فرح”هزات عينيها بان ليها نزل من سيارة جدو” : اه كاين بغيتيه ولا شنو ؟
لمياء”مسحات عينيها بزربة” : اه اه دوزيه ليا را مكيجاوبنيش اهى عافاك عطيني نهضر معاه…
فرح : واخا تهدني”شافت فعصام” عصااااام عصااااام “مجاوبهاش سمعها ولكن باش يتكلم مابغاش ضار بزربة ودخل ” وااا عصاااام…بففف يمكن مسمعنيش تسناي”مشات باش دخل تا بان ليها مخرج الموطور بزعاف ” عصام تطلم لمياء بغاتك…
عصام”الصمت”
فرح : وااا عصاااام وتكلم لمياء و”مزال مكملاتش هضراها حتى طارت ونزلت تا ضارو الي تما كلشي قفز من غوتة ديالو “
عصام : وااااااااااااااااا لحااااااااااااااااااابس والنم الكحل والملاااااااوي فوتو خليقة اصل دينمي فهاد الليلة وفوتو ليا خرايا مابغيت نهضر مع حد مابغيت نهضر مع خرااااا مابغيتش واش شتفيني مجاوبتش ؟ فوتي ملتي هاد الساعة يحرق عدو اصل مك فهاد النهار نتي وياها…ماباقيش تكلمي ليا شي خرا مابغيتش نهضر معاها فرعات ليا كر”قطع الهضرة الخاسرة على شوي يتلفظ بيها قدامهم حيث كان كلشي واقف جدو عمو الخ…”
المحجوب : وتهدن اولدي ميكون غالي بغيتي…
فرح : صاف صافي سمح ليا…”ولات تفتف بالخلعة ديال غواتو”
عصام : هضرة وحدة هضرتها منعااااودهاش ساليت مع الحبس سالييييت لا باقيش يكلمها ليا شي خرا منكم..واااا دير گلب دير نفس وتفوت خليقتي را بحلووووووفي بحلوووووفي را سمعت اش هضرت…”ضرب الفيتاس ديال موطور وطار كسيرا بواحد السرعة خلات الموطور غادي ويقفز بيه “
فرح”ماعرفت ما تقول يلاه غاتجاوب لمياء لقاتها قطعت” : اويلي مالهم ؟!
غير سمعات هضرتو ماحتال تهضر معاها فرح غير تستفسر قطعات فالبلاصة ودموووع شلاااال فوجهها كتبكي وتنخصص وتركل مافهمات والو علاش دار هاكا اش وقع كيفاش هادشي يعني بصح انا مكنحلمش يعني صافي عصام مشااا وحلف من الفوق ماتكون ليه مراة وهنا فاش كيحلف الراجل الي فحال عصام را مستحيل تكون ليه امراة ماعادا لا تحكم المكتاب والقدر…
لمياء”عاضة سنانها بالبكا ممثيقاش شنو وقع” : ولا ولا ولاااااااا اهى اهى وااااااااا لااااااااا عصااااااام لا لا عاااافاك ماتخلينييييييييش اهى واااااااااااااااااااااااااااربييييييييييي اخى اش درت واااا”كتحك فقرجوطتها وتنتف فشعرها المصاوب ممصدقاش قلبها كيتحرررررق من داخل والعافية شعلات فصدرها وصعييييب الواحد يحس باحساسها الا الي وقع ليه نفس الي جرا ليها او بغا شي حد وتعلق بيه وخلاه فلحضة كاع داك الحب تبخر والي كانت معولة عليه فكلشي مشا…” وعصااااااام راني كنبغيييييييك متخلينيش اهى اهى وااااا عصاااام حرام عليك اش درت ااااااااااش درت اهى..وراني بغيتك ليا وحدي اربيييييييي اهى علااااش…”تا شوي بدات تركل وتنقز وطرش فحناكها وتغوت سمعوها من لداخل وجاو كيجريو ويدقو عليها ووالو واش بغات تحل”
هنية : وابنتي اش واقع ليك حلي الباب وا لميااااااااااء
اسراء”ختها” : لمياااااء ختي عافاك حلي قولي لينا مالك ؟!
هنية”شافت باها جاي” : والحاج عتق حل الباب معرفت مالها ..
الحاج : اعوذ بالله اش واقع ؟”مشا جيهة الباب سمعوها كتغوت وضرب وتهراس لداخل” استغفر الله العظيم..لمياء بنتي حلي الباب…
لمياء “كاع داكشي الي فبيتها تشخشخ المراية كلشي كتغوت لربي الي خلقها والو واش داتها فيهم الي عقلهم خرج وهما برا تا عيات وسخفت وطاحت لارض بوضعية الجنين تكات وايدها دايزة بالد.م وتنخصص بالحس ازيد من ساعتين وهي كتبكي “
هنية : عيطي ل سليم ولد خالتك يفرع الباب…
اسراء : واخا”مشات كتجري عيطات ليه لقاتو قدام الباب كيكمي غير قالتها ليه لاح الكارو طفاه ودخل كيجري لقاهم واقفين كيدقو امها كتبكي وباها عينيه حمرين بالخوف…بعدهم على الباب “
سليم : حيدو من هنا”بعد تا بعد ومشا كيجري دفع الباب بجهد تا تفرع وتحل دخلو كيتجاراو لقاوها مكمشة بتكشيطتها وايدها دايزة بالد.مايات ووجهها مجلخ سااااكتة غير صدرها الي كيتنخصص وحدو…
اما عندهم فالدار كل مشا بدل عليه ومشا لدارو الا هما بدلات فرح حوايجها ورشات ريحة على حنتها الي ولات حمرة ومشات جلسات حدا جدها فالبيت وفوزي تاهو الي بدل عليه وريح حداهم كلشي مصدوم معرفوش اش واقع …
فوزي : مقالت ليك هي والو ؟!
فرح : لا بغات عصام ملي بغيت نكلمو راك شفتي اش دار…
فوزي : واش تفرقو ؟!
فرح : فحال والو”تنهدات” فين يكون ؟؛
فوزي : والله منضن ولكن نسول صطوف خرج غير اليوم فالصباح يقدر يكون مشا عندو…”جبد تيليفون صونا لصطوف” وبا صطوف عالسلامة اسي ..
صطوف : الله يسلمك ويحفضك ليا اخاي ديالي..اش خبارك ..
فوزي : والله الى مت بيخير كي خرجتي صحتك مزيانة ؟ شتي اش يجيك مليح تانجي غذا عندك نقصرو على شي طاجين من ايدين الحنانة وعاود لخوك صغير..
صطوف : طاجين المخير فيك ادكالة يتحط لبا فوزي…واحد عصام شتو نكرني بن تامل الي ولدو…فين غطس..
فوزي”جمع ضحكة” : علاش ممعاكش دابا…
صطوف : لا مجاش عندي ياك شباس مكاين ؟!
فوزي”حك جبهتو” : الله معرفنا مالو ملي جينا من خطبة عرعر علينا وزاد مكسيري والله الى خاطري مرض من جيهتو دابا…
صطوف”حك لحيتو” : اش غانگوليك فيك مايجي جيب ليا نيت طوموبيل ويلاه نتحركو نشوفوه فين كاين وخا نعرفو نقلبو عليه دكالة كلها مافيكش صبر عليا نعيط لشي دراري هما يجيبو ليا خبارو…
فوزي : واش كنتفلاو هنا ميمكنش نريح هنا ونخلي ناس تقلب ليا على خويا… وخاطري مهانيش عليه لا انا لا فرح ولا با جدي ..دابا انا عندك لا فيك نتا ميتحرك …
صطوف : نعل بو الي يعيا من عشيرو تا ريح لارض من الضحك الخاوي اتبي… يلاه انا كنتسناك …
فوزي”قطع معاه ووقف” : انا نمشي نشوفو “شاف فساعتو” 12 دياال الليل هادي…
فرح : هو كيقولينا فوتوني تنجي راسي…
فوزي : ثيقي بيا والله مهاني من جيهتو هاد المرة…
المحجوب : واش طاري مالهم ؟!
فوزي”تنهد” : ويعلم الله ابا يعلم الله…اش نقوليكم را من البارح فالصباح وهو ماشي تالهيه مشيت عندو لمحل بغيت نصرف ضار فيا مابقيت عرفت ماندير تلفت وليت غا ندور صدمني… وغير ساهي …
فرح : قلقتيني عليه والله…”بخوف”
فوزي : مهم انا مشيت باش مكان نعلمكم والى عاودت عيطات لا تجاوبيهاش ماناقصنا معاه صداع”حىكات ليه راسها ..ركب فالسيارة وتوحه لعند صطوف غير صونا ليه قبل ميوصل لقاه عند الباب يلاه غايشوفو من بعد شهور وهو فالحبس..باقي غا صطوف صطوف واخا ضعاف شوي حيث قلل من لانوطريمة…تسالم معاه وتحركو فالسيارة والوجهة فين الله يعلم صطوف كيعيط ليه كيصوني ولكن باش يجاوبو مكاينش جواب…
#فلاش_باك…
غير دخل من الحانوت بدل حوايجو ورش ريحتو تقابل مع المري الي فالماريو مشط شعرو وفيكساه لور…لبس تقاشرو وخرج عند الباب حط سبرديلا الي غايلبس تا تحل الباب ودخلات كيف العادة كانت الخمسة ونص ديال العشية بابتسامتها من شافتو تلاحت عليه باستو وعاودت تا طيبت ليه حنكو…
عصام : الحبس هنيني حناكي طارو مالك ؟؟
فرح : هههه والو غا توحشتك…
عصام : بغيتي الفلوس…
فرح : هههن بحال علمك الله…
عصام : الله يمسخ مك…ترتاحي ونتحركو ؟!
فرح : لا بلاش يلاه محدي لابسة حوايجي…”لبس سبرديلتو تابطات دراعو…وخرجو ركبو فاالسيارة وانطاالقو مباشرة لقصارية ذهايبية..شافت فيه” خوذ غير شي حاجة خفيف باقي ليك خاتم الماغياج هو الي مهم…
عصام : فحالاش ؟!
فرح : حتى نوصلو ونوريك..اه وغاندوزو عند اشرف هضر معايا قاليا كوموند الماكياج وصلات وصايبها وراني فالواتساب داكشي الي خذا هو الي وصيتو عليه…
عصام : مزيان…”وصلو لباركينغ حط طوموبيل وخرجو نيشان لعند مول المكياج خذاو طلبية وخلصو وتيسرو لقصارية ذهب…شافو الخواتم كانو سااامپل…”
فرح : عندك قياسها ياك ؟!
عصام : اشمن قياس ؟! قياس من !
فرح : اويلي ماجبتيش قياسها ؟! وباش غانعرفو العبار…
عصام : ضروري ؟!
فرح : اويلي ياك وصيتك …
عصام : فين عند دينمي شي عقل..دابا شنو ؟!
فرح : ناخذ عيني ميزاني ؟!
مول الذهب : فيك تجيبي قياسها بالخايط ؟!
فرح “شافت فيه” : اااه هكا حسن…”ضارت عند عصام” الى فيك ميمشي عندها سير خوذ العبار وغذا جيبو لهنا وخوذ ليها هادو هما الي غزالين…
عصام : زعما …كي ندير لهاد العبار ؟!
فرح : دور الخايط على صبعها هذا “وراتو فين” وعقد الخيط وجيبو ليه ..العبار بالخايط حسن … والطيافر وداكشي انا غانتكلف بيهم انا وفوزي …
عصام : تا هذا بلان…يلاه “خرجو من عند مول الذهب ودازو لقيصارية خذاو شي صنيدلات وخذا ليها معاه تاهي الي قررات تلبسها مع القفطان…وصلها لدار ومشا لمحل جلس فيه شوي تا وذن العشا سد هو وفوزي ورجعو لدار …الغذ ليه فالصباح غير مشات لخدمة عيط هو ليها فداك الصباح”
لمياء : فايق بكري شفتك هههه
عصام”شاف فساعتو” : قريب تمنية. ونص هادي اشمن بكري..فين كبيدتي دابا !!
لمياء”عضات شنايفها” : فلافاك عندي امتحان مع تسعود…
عصام : شحاال فيه ؟!
لمياء : الحداش نخرج…
عصام : كتكوني فديك البلاصة كيف ديما ؟!
لمياء : غادوز عندي !!؟
عصام : واه وكان تسالي بيناتنا تيليفون…
كمل فطورو وناض مخلي فوزي موراه مشا لحانوت دوز صباحو عادي بيع وشرا حتى صربات الحداش وحرك الموطور نيشان لافاك شعيب الدكالي…حط الموطور عند العساس ومشا لواحد الجليسة تما كيتسنى فيها تخرج حتى قشعها من بعيييييد جالسة هي واحد صاحبتها انتيم ديالها كيضحكو تم جاي من لور باش يفاجأها حتى وقف كان بينو وبينها شبيك وشي شجيرات صغار يلاه غايحنحن حتى جا فوذنيه كلام صاحبتها بكلمة منها خلاتو يتوقف ويطلق وذنيه…
سماح : واش ختو اسميتها فرح ؟!
لمياء : وي فرح را غليوضة وشعرها حمر وجهها منمش بزاف تقولي ما ختهمش ياختي وحق الله شي مرات كتجيب ليا شك تكون لوستي هههه
سماح : اويلي لهاد درجة ؟! عصام مكيقول والو ؟!
لمياء.: عصام فهادشي حدودي حتى مع القراب ليه بزاف..جربت واحد المرة نسولو ضار فيا يومين وهو قاطع معايا الهضرة بزز باش تصالح معايا…
سماح : كتبغيه الجنية مشروطة عليه…
لمياء”تنهدات وحطات ابدها على صدرها” : ياختي بزااااف حمش كلشي فيه زوين غا حاجة وحدة مبرزطاني ومقدرتش نقولها ليه…
سماح : شنو هي ؟!
لمياء : دابا غانعيش معاهم فالدار مشكيل هو هاديك دارو يعني را بدااارو بكلشي وليني غايكونو معانا خوتو وانا من صغري باغا الحرية فداري نلبس لي بغيت ماشي نتكلكم فشال نهار كامل حيث كاين خوه ؟! مزال ختو غادير شوي وتزوج وتخلي لينا دار وليني اصحبتي خوه وميقدرش يتفاوت عليه ..
سماح : واش غاديري ؟!
لمياء : وماشي غير خوه وحتى باه لاصق فواحد البيت على ما قاليا عصام مكيحلو ليه حد يعلم الله اش خازن فيه داك الشقفة العاصية ديال بوه..وعرفتي سلمت عليه وخاااااانز بريحة البقر والبول ديالهم اوووعععع…
سماح : يييخخخ ههه واجي ختو ضريفة ولا لا ؟! كيقولو لوسة سوسة ..
لمياء : نجيك صراحة”شربات من كاسها دالقهوة” مامرتاحاش ليها غير كتشوف عصام كيضحك معايا وتعنقو وميجيها تبوسو غير قدامي كنحس بيها غاتغير من علاقتي بعصام بزااف ..وعصام كيقول مغانزوجهاش دابا وخا جاو فيها الخطاب شي خمسطاش ليوم هادي …ممفكرش يزوجها …
سماح : عنداك غاتبور ليك تما وماحدها كتكبر وهي كتعقد وتخرجها منك…
لمياء : مساهلاش ليها انا ازين ماشي مشكيل كاع نقنع عيصومي يزوجها بالي جاها وخا محلف عليا تسيق الخبار يقطع معايا العلاقة…
واقف وراهم وعينيه وقفو من ترماش ممصدقش اش سمع بوذنيه من شكون لمياء ؟ لمياء الي مكانتش كتقدر تهز فيه راس وكاع هادشي مخبياه فيها..مزال كيستوعب حتى سمع الي خلات ودنيه يجيهم طرش وصوت طنيييين يضرب فيهم من كثرة ما تصدم من الي سمع…
باش تفكري انك تنوي وتخططي تشتتي عائلة غير هكاك لله باش نتي تبقاي على خاطرك او تبني سعادتك فمقابل تشتات شمل الناس هادي الي خلاتو يتصدم ويتحلو ليه العينين عليها ويعرف ويتاكد انه طاح فالاختيار الغالط وزاد اكد ليه فاش نطقات بالكلام الي تقال دابا. حتى رجع ايديه على شكل قبضة ..
سماح : ايه ها وحدة غاتزوج قد ما جلست وباهم وخوه ؟!
لمياء : باه مابقاش كيجي بزاف على ماعرفت ولا عايش اكثرية ف البلاد الي شرا واذا غايجي غايعلمو ويعلمني ندير بحسابي اييييوى وخوه..قاليك الى بغا يتزوج غايدير ليه دار الفوق يعني لاصق لاصق يخ…
سماح : يسكن خوه فدارو الي غاتولي دارك ؟ هههه تجي مراتو تبغي تحكم تاهي …
لمياء : بزاااف عليها تحكم فداري هههه تانتي لا اقتضى الحال نلصق ليه شي منتيف يجري عليه …ماخاصنيش بيه لا هو لا ختو فشكل..بغيت داري وحدي وهو ماباغيش يفرقهم قاليك هو الي مربيهم…
سماح : اشمن منتيف غاتلصقي امسخوطة نهههنن غاديري ليه الحشيش مثلا…
لمياء : بزاااااف ديال المناتيف خاص غير تكون مقنعة وبيني وبينك داك خوه فوزي والله وتشوفيه تايبان ليك عينيه مزاكلات غير ختي مبغاش يحيد عينيه عليها وتبان ليه بنت خالتي ويبقى يشوف فيها ..زهواني…
سماح : صعيبة عندك القضية…
لمياء : من هنا لتما يحن الله كاع الى اقتضى الأمر نقوليه را غير كتمشي كيبقا يشوف فيا شوفاتو ماهماش ديك ساعة را ميبغيش نعيشو معاه تحت سقف واحد…
سماح : وعصام يديرها..
لمياء : ههههههن عصام كيحماق عليا لا تزوجنا تربطت بيه وميقدرش يهز راس…عارفة اش كندير خليني داخلة بوجه زوين تانديرو تحتي واراك لفراجة…ماعيبش حقاش كنطالب بحقي كزوجة بغات تكون براحتها فدارها “زيرات على الگوبلي دالقهوة تا تكمش فايدها” اععععع دارو ليا عقدة والله خصوصا خوه اما تا ختو المنمشة”حيث فيها النمش فوجهها” دغيا يلبقها لشي حد اصلا طولات وكثرت عليها الهضرة تخطبات زوج المرات وتاحد ما كمل معاها وتحد مات وثاني طج غا وحدو..غايبغي يزوجها باش متكترش عليها الهضرة وبقا غير داك فوزي محملتو ما قبلتو وليني منتيف خفيف ضريف كيتحرش بيا ولا كيبقى يشوف فيا … وانا مع حبيبي ديالي وحديييي”طرطقو بالضحك بزوجات اما عصام كان على بونت يجرها من شعرها غمض عينيه شحاااال كيتنفس ويعاود ويكبت الغضب ديالو ويتمتم بزز بزز باش تحكم فراسو
#عودة…
وقفات سيارة وخرج منها صطوف وفوزي قدام واحد الشاليه خارج المدينة ب سيدي بوزيد…هز فوزي عينيه هنا وهنا كيتسمع صوت البحر الي كانو قدامو…بان ليه موطور عصام لداخل فجريدة…
فوزي : كاين…
صطوف : ماتخاطرش معايا نعلم عليه فين كاين راني حافض صواري القواد كثر من راسي…عرفتي ديالمن هاد شاليه ؟
فوزي : ياكما ديال لبنى ؟!
صطوف : هي هاديك ههه مكايناش هي دابا بقا عندو ساروت من ايام كان يزها معاها..مشات لفرنسا عام هذا…يلاه ندخلو نشوفو التامل مالو”حل الباب ودخلو ضو كان شاعل دخلو لصالون كيقلبو حتى وقفو بزووج على اكثر منضر كيضر فالقلب…حاط قدامو القراعي بزاااف جالس فوق الفوطوي.الكاس فايدو وداير ايديه بين راسو بالكاس الي شاد وحادر عينيه لارض…باقي مسكين بلبستو دصباح الصبر الي صبر استنفذو بالكااامل وهادشي استنتجوه فاش شافو كلشي مشخشخ مهرس وقبضة ايديه محرودة…وتيليفونو كيشعل بالاتصالات ويطفا…
فوزي : عصام !!!
صطوف : مالك اصحبي على هاد الحالة”القميجة مقطعة ومحلولة كلها”
عصام”غير سمع صوت فوزي هز راسو فيه نيشان عينيه حمريييييين سكل عالكاس ووقف تمشا ناحيتو مبانش ليه صطوف ولا والو بان ليه غير فوزي الي شافو قلبو تقطع عليه من جيهتو..وقف تقابل معاه تا جرو على غفلة من راسو عنقو منو وباسو ليه وخشاه فيه فوزي مافهم والو اما صطوف بقا غير كيشوف فاللوحة الي قدامو فكرو فاش كان فوزي صغير ويعنقو عصام فحال هاز ولدو..حدر صطوف راسو… اما عصام..هز لفوزي راسو وتقابل معاه رجعات بيه الذاكرة من فاش كان عند فوزي اربع سنوات من داك العمر الي رباه فيه او اكثر…وهو كيشوف فيه ولدو بحال فرح…صعيييييب يتقبل وحدة كتاهم فيه انه يتحرش بيها وصعيب يقبل على فوزي هاد الهضرة ويستحيل تكون ليه مراة وهي كتفكر تشتت شمل بطريقة خايبة وتخرج هي من دون اضرار…الا فوزي يتاهمو شي حد ولا يحط عليه الباطل حيث بخلاصة فوزي من اطيب الناس ومن صغرو عمرو لقا معاه مشكيل خبز ربي فطبگو مسالم وحنيييين ووقت شدة ديما كيلقاه يعطيه لفلوس الى تحز عصام وميقولش لا…باسو من جبهتو وبقا كيهضر وفمو فجبهة خوه وقالها بواحد صوت يهرس الحجر..” : ااااااش بغاو عندك اخويا اش بغاو وراك غا درويييش ..وبغاو يحگروك…”هز صبعو لفوق” والله والله ثم الله منفرط فيك اخويا راني مشرگ(مقطع) عليك صحتي ودم سناني “كيهضر ثقييييييل بالشراب” ينعل بو الي يفرقني عليك ..
صطوف : شكون هادو ؟
عصام”هز عينيه المعسلين ففوزي تا سبقات ليه واحد دميعة من جنب عينيه” : خويا شديد الحنين مالحتو فالصغر ونلوحو على قبل “سكت مابغاش مزال يكمل”…
فوزي”طبطب عليه واخا مفهمش وليني مشا معاه..شد راس عصام وباسو وتحدر باس ليه ايدو وعاود” : ششش غاتهدن متخاف والو.. وانا خويا نقتل عليك ومنفرط فيك …
واحد المنظر قدام عينين صطوف داز كيقطع فالقلب واحد اللوحة فشكل بين زوج خوت رباطهم جد قوي حتى المراة بقوتها ما قدراتش تقطعو …بقا شحاال معنقو كيطبطب عليه تا حس بيه ترخا بفعل الشراب…
فوزي : يلاه نمشيو جدي وفرح خيفانين علك(خايفين عليك)
صطوف : مابلانش يمشي وجدك تما “غمزو حيث سكران”
فوزي : وشنو يبقى هنا ؟!
صطوف : خليه مريح هنا لا بغيتي تيسر انا نبقى معاه …
فوزي : لا والو واش نخليه واخا مفهمتش هاد الحالة الي وصل ليها والي كان منخليهش…كيبان ليا هادي مقصح فيها ماشي شراب الخفيف الي مولف لزهو…
صطوف”شاف فعصام” : با عيصوم فيك ميتحرك تنعس لداخل…
عصام : فييياااا مندخل فعدو ربك القواد ..لاش جاي ؟!
صطوف : جيت نقوليك على سلامتك خرج صحيبك صطوف من الحبس…
عصام”بصوت ثقيييييل مرخرخ بشراب” : وهاد صطوف يعطي لدينمو الحبس …
صطوف : يتوووب عليييك غا سمح ليا سبقت قبل دعوتك عاد خرجت منو بسلامتك…
عصام : تقاود عليا لا نتا لا هو فيكم فريع الكر “حط كف ايدو عاى جبهتو كيحاول يمسدها من صداع الي ركبو..زفر بتعب”
فوزي : يلاه ترتاح لداخل…”حط ايدو على كتفو”
عصام : غا سيرو خليوني مع كري يرحم بوكم …
فوزي : واخا غا دخل ترتاح ونمشيو…
صطوف”مشا عندو” : دخل اصحبي ترتاح يصبح ويفتح…
عصام”ضار جيهة القراعي شي مشروب نصو وشي مكملو ورجع ضار عندهم وعاود ضار مشا لواحد القرعة تكا عليها دقة وحدة حتى شرگت ليه بدا يكحب يكحب …
صطوف : ششش بشوية تا مالك الحبس ؟
فوزي : عصام !!
عصام”هز ايدو تا خلا غير صباعو زوج موقفهم ورجعهم لفمو باش يسكتهم” : شششش …”ضار تم غادي بشوي بشوي تا تعكل شوي يطيح مشا فوزي وصطوف باش يشوفوه تا حبسو فاش قبس واحد الكرسي تلاح لهيه وتم غادي بشوي حتى مشا لواحد البيت حلو ودخل شوي وتبعوه ليه طلو عليه تا بان ليهم تلاح فوق ناموسية بصباطو “
فوزي : بفففف مشاكيل وحق الرب”قرب لعندو حيد ليه صباط وتقاشر وقادو فبلاصتو واخا كيتحرك مزال فايق ولكن مادارش ردة فعل فحال الى رتااح فاش كان يحيد ليه فصباطو ..هز واحد الكوفرلي محطوط تما غطاه بيه وزادو كاشة من لفوق كانت تم قاد ليه راسو الي عواج وبقا واقف ليه عند راسو كيشوف فيه حال عينيه كيرمش شوي بشوي حتى سدهم ومبقاش حس بشنو ضاير بيه…”
صطوف: عيط لفرح هنيها عليه وجدك وبقا هنا …
فوزي”جبد تيليفون دوز ليها الخط لقاها عالقرص” : حاطا كرسي عند الباب…
فرح : امضرا لقيتو عصام ؟!
فوزي : كاين تهناي عليه هاهو حدايا …
فرح : مالو اش واقع ليه ؟!
فوزي : والله مافهمت ولكن الغالب فرتك جقلة مع بنت الناس (على لمياء)
فرح : اويلي وعلاش ؟!
فوزي : علمي علمك…غادي نبات معاه هنا فسيدي بوزيد غير قوليها ل جدي بالي مغايجيش ونعسو ..
فرح”بعدات من حدا البيت” : ياكما شارب…
فوزي : مفوت كاع…”تنهد” اودي ضرني فخاطري بالرب…
فرح : بقا معاه حسن ماشي ساهل واخا معرفناش علاش اش وقع بيناتهم معندنا منديرو سوى الله يفرجها عليهم وصافي المهم هو معاك …
قطع معاها وشاف فيه بقا معاه تا حس بيه مشا فالنعاس ورتاح وخرج من البيت برك هو وصطوف غير تما …اما فرح خبرات جدها بالمستجدات بدون متقول ليه را شارب كيحشمو منو فهاد القضية اما باها كاع ماتسوق بزاف حدو سول عليه ومشا نعس وجدها كذلك وتاهي…صبح الصباح صوت البحر كيدخل لوذنين وصوت الطيور البحرية خاصة بلارج مشاو ليه لوذنين تا حل عينيه وعاود كمشهم من شعا الي داخل…بقا شي خمسة دقايق عاد ناض وجلس على طرف السرير حاس براسو بغا يطير من بلاصتو بكثرة الصداع وتزنزين…حك لحيتو ورجع شعرو الي تخربق طل على راسو قميجتو مقطعة من صدافي صدرو عريان ناض وقف وخرج من البيت غادي وكيمسد فنواضرو عالله وعسى ينقص عليه الصداع مشا لصالون حتى وقف كيشوف فيهم صطوف ناعس على كرشو وخاشي راسو تحت المخدة وفوزي نصو فالسداري ونص طايح فلارض حال فمو كيشخر وواحد رجل كتدفع فاش الله اعلم…مشا ليه ونغزو بصبعو…
عصام : فوزييي”شاف فساعتو لقاها ستة ونص دصباح” فوزيييييي”جهد صوته” وااا فوزي…
فوزي”حل عينيه شاف فيه شحااال” : سير تنعس مزال الحال على المدرسة …
عصام : اش كتخربق ؟
فوزي”حال فمو كيحك فكرشو من تحت تيشرت صرط ريقو ودوز بلسانو” : اسير البغل تنعس مزال الحال ؟! فين سيمو نوضو يمشي لمحل تايجي عصام ويسدو…وعلم فرح تنوض جدي يفيق المخنتر تاهو…
عصام : الحبس واش واعي اش كتخرا عليا تم “دفعو برجلو تا جا نص الي لفوق لحق على الي فلارض وهو ينوض جالس”
فوزي”دوز على وجهو ضار هنا وهنا وشاف فعصام عاد توگض” : عصام !!! ااحاحح اش خربقت تاني..
عصام : معاش جيتو لهنا ؟!
فوزي : البارح مكنتيش مزيان وبقينا معاك ..شوية دابا ؟!
عصام : راسي بغا يطير من بلاصتو..نوض صطوف انا ويلاه نتحركو من هنا..
فوزي : موطورك ؟
عصام : غانتحرك بيه”سمعو صوت صطوف مدعدع بنعاس”
صطوف : هز عليا القلاوي ديرو فطوموبيل ويلاه تحرك فحالك دوش وفطر وشرب دوليبران وقود لمحالك كثر فيك شلا تقحبين…
عصام : الله ينعل بو مك …
صطوف : غا قضي قضي دايزة عواشر…
وصلو لدار هبطو الموطور تسالمو مع صطوف الي خذا سيارة ومشا لدراهم ودخلو هما مشا عصام ديريكت لدوش يدوش وفوزي مابقاش جاه نعاس مشا لبيت طل على فرح لقاها ناعسة والتيليفون حدا راسها ..
فوزي”قرب عند راسها” : فرح فرح ..
فرح : مممم
فوزي : نوضي سبعة هادي…
فرح : امممم واخا غا بلاتي شوي..
فوزي”جهد صوته تا قفزت ” : اتي نوضي براكة من نعاس لا بغيتي تمشي تخدمي…
فرح : وماااالك مالك…ففف هاني نايضة”تفركات امس وحلات عينيها على جهدهم” هييييي عصام !!!”ناضت جلست” عصام ؟
فوزي : دخل يدوش نوضي ديري الفطور ولبديها لا تسوليهش لا ديري والو…خليه مكالمي مناقصنا صداع…
فرح : واخا..مطليتيش على جدي ؟!
فوزي : ماسمعت حس…نوضي خلاص…”خرج من البيت خلاها كتحك فعينيها شوي وناضت تبعاتو مشات نيشان طلات على جدها لقاتو جالس كيقرا فالقرآن بشوي اما باها بيتو مسدود مكاينش ليه الحس كيحضر غا فالزرود…دخلات الكوزينة ردات الما يطيب ووجدات الفطور غير طاب الما عمرات اتاي وحطات صينية وكلشي فالبيت ودخلات لبيتها بدلات حوايجها بحوايج الخروج…قبية نسائية فالغوز مكتوبة بالاسود طبعا طاي كبيرة وسروال دجين اسود مبين سيگانها المبطبطين …مشطات شعرها وخلاتو مطلوق على راحتو…خلات سبارادرا على ضربة حتى تسول وتحيدها حيث مبقاتش كتبان زروقية فجناب بقات غير ضربة خفيفة..رشات ريحتها وعاودت رشتها على الحنينية الي نضارت دور دور وتطل عليها…هزات صاكها وتيليفون وتاكدات من فلوس فالبزطام وهي تخرج لقات عصام خارج ببينوارو شعرو مخربق…
فرح : عصام صباح الخير”كتفحص ملامحو بخوف واش مقلق ولا عادي ومقدراتش تسول اش واقع بينو وبين لمياء حدهم عرفو را فرتكو الي بيناتهم ولكن علاش تاحد مكيتجرأ يسول” غاتفطر معانا ياك ؟!
عصام”حرك راسو” : علاش الي مانفطرش “شير بايدو وحجبانو معقودين طالعة ليه نقشة”
فرح : لا لا غا سولتك…
عصام : خاصك فلوس ؟!
فرح”حركات راسها”
عصام : سيري انا جاي”مشا لبيت وهي دخلات عليهم لقات محجوب وفوزي شادين الهضرة وتسوال على عصام الي ماجلسش بزاف بدل عليه لبس سورفيت كحلة بالقب وتقاشر وخرج جلس حداهم كب ليه المحجوب كاس قهوة كحلة مصاوباها ليه فرح وكب ليهم اتاي سماو الله وبداو يفطرو فصمت حتى حنحن عصام الي شافهم كيتشاوفو بالعينين عرفهم علاش كيتغمزو” باش مايقتلكمش الفضول هانا نجيكم نيشان..ديك بنت الناس مابقا بيناتنا شاي لا من بعيد لا من قريب والي بيناتنا را بيناتنا تاحد ميسول لا علاش ولا كيفاش…
المحجوب : ممسولك حد غا نتا ياك مزيان ؟!
عصام”خرج عينيه بشوي” : علاش الي منكون مزيان ؟! مالي اش طرا ؟ ممكتابش وسالينا ابا …كل ورزقو وكل وفين نصيبو مكتاب ليه…
المحجوب : وباها الحاج ناوي تهضر معاه ولا هاضرين !!؟
عصام : ضروري نهضر معاه ناس مادارو تا عيب دراوش الله يعمر ليهم الدار غا النصيب مكتابش وصافي…هذا ماعندي والله يرحم بيها الواليدين كلشي يتسد هنا كملو حياتكم منين وقفتو عادي انا مزياااان وصحتي مزيانة ومامن ان المكتاب الي كيتصرف ومنوقفش قدام الله غير ساعة الله وصافي…تفاهمنا”شاف ففرح وفوزي”
فوزي : راحتك هي اللولة تهنى …
فرح : كون هاني خويا..
عصام”جبد بزطامو من لور ووقف مد ليها ميتين درهم وجبد باكية الكارو وهز كاسو” : تحركي لايفوت عليك الحال انا طالع ابا لفوق ونجي ياك مزال هنا ؟
المحجوب : كنت ناوي نتيسر مع الفجر وليني تقلقت عليك بقيت هنا خالك مشا البارح وعمك تاهو…
عصام : تسناني محتاجك تحرك معايا تشوف معايا المحل جديد وتيسر ديك الساعة”حرك ليه راسو بالموافقة طلع الفوق وفرح استاذنات لبسات سبرديلتها وخرج معاها فوزي باش تمشي تال شارع بينما يجي الميني بيس…وفطريقهم بداو الحديث”
فوزي : هادي هي الهضرة الي ذكر البارح اش وقع تا قالها يعلم الله…
فرح : ضرني خاطري عليه بزاف.باينة مقصح من جيهتها يعلم الله اش وقع…بفففف
فوزي”شاف ضربتها” : فخبارك كنبغي نسولك على ضربة كيفاش داويتيها !! عندهم تم فالكلينيك ؟
فرح”صرطات ريقها كتلولب فعينيها” : ااا اه تما عطاوني دوا تبعتو غير ثلاث ايام وصافي اما فنيد غير نهار حيد ليا صداع وسخانة…
فوزي : برات ليك دغيا…
فرح : اممم”وقفو ماكاملاش خمسة دقايق حتى وقف الباص ركبات فيه وزاد بيها نيشان الكلينيك اما عصام غير كمل وهبط لقا جدو كيتسناه وفوزي رجع لدار تيوصل وقت يحل الحانوت…مشا عصام والمحجوب لمحل جدي الي سوق لالة زهرة تا شافو قريب يكمل فالاصلاحات بقا معاه شوي عاد مشا فحالو ورجع هو المحل عادي اول حاجة دارها هي جبد دوليبران 1000 لي شرا من صيدلية تما دارو فالكاس كمل فتشتيش وشربو شوي بشوي حس براسو كيتكالما…لبس الطابلية ودار الطاقية جبد واحد السگيطة باش يگرضها حتى حس بشي حد وقف عليه هز راسو وحط الجنوي “
الحاج : سي عصام هذا المضنون فيك !!!
عصام”غمض عينيه وحلهم” : ابدا الحاج واش نقص منكم كنت ناوي نجي عندك هاد النهار ولابد …
الحاج : غا ريح بلاصتك ياك جات منك ؟!
عصام : المكتاب ومناويش الحاج… لا بغيتي المعقول انا ناوي سترة وليني انا و بنتك الحاج مابقات لينا عشرة وحرام الرزق الي بيناتنا…
غير قالها ليه حس بصدرو بدا كيتنفس حيث هادشي فاش سمعو ماقالو لتاحد حتى هي ما واجهاش بيه ولا عرفت اش كاين…مادام بينات على سمها وفضحها ربي ليه حمد الله وشكرو الي ماجاتش تا تزوجو او دارو الولاد وخرجات نيابها ديك ساعة غايكون صعييب عليه الحال…
الحاج : ياك اولدي ياك ؟
عصام”غمض عينيه فهاد اللحضة بقا فيه باها..نقز البوطاجي دالحانوت ووقف عندو..قبط ايدو باسها ليه وعاود” : والله الحاج مالخاطري …ماكتابش الحاج ونتا عارف بحق الله حسن مني وعارف المكاتيب كتصرف..وانا ماشي ولد لحرام الي نخوي بيها ياك دازت الجمعة على خير ماساق حد خبار متيسرات شوهة فداك الوقت…العيب والعار لا فرتكت…
الحاج : بحال بحال سالات مالحگت تفرح براسها اش ندير وهي راس مكتهزو من بارح جرحات ايدها وحالتها تشفي العدو راني واخا عارف بحق الله راني بات والكبدة صعيبة…علاش ؟!
عصام”عاود باس ايدو وطبطب عليه” : شحاال ما جلست تهز راس وشحال ما طولت تعرف السباب الي بيني وبينها بيييني وبينها الحاج وصل وقت الفراق هو هذا لا بغيتي سميني قليل الاصل اما باش نعلمك بالي جرا وعلاش وخا نعرف نطيح تحت جوانط(يدوزو عليه بروايد) ولا يغدرني الحديد(يضربوه بجنوي موس فحال هك) ولا يتعدا عليا عبدو ربي مانعطي الخبار الي بيناتنا شحاال ما جلست تعرفو هي راسها…الي نوصيك عليه الحاج هي حاول تهضر مع بنتك وفقهها وخلي خاطرها يصفى اما من جيهتي ولو يقولو ليا شمقات راسها رجوعها ليا لا كان…ماكتابش ليا ندير داري ووليداتي خليني مع خوتي هما وليداتي وعينيا باش كنشوف…
الحاج”بقا شحال كيشوف فيه ويسمع ليه عرف من هضرتو بالي لافوت من بنتو وعارف بنتو اش كتسوى حاول يفهم راسو را غاتبدل فاش تكبر وتزوج لكن يبدو انه كان غالط..مكان عليه سوى يسمع ” : مرحبا مرحبااا..الي لاقانا نهار اللول هاهو فرقنا…”مابقاش زاد الهضرة دور راسو ومشا مكسور. الخاطر من جيهة بنتو اما عصام بقا حاضيه تا غبر تنهد بجهد وضار رجع لمحل ديالو…”
غير وصل الباص نزلو فلاكاف وطلعو نيشان لطاج ديالهم…بداو خدمتهم دخلات فرح مع طبيبة لداخل وسط المختبر…واقفة كتشوف معاها وكتقيد ازيد من ساعتين وهي تما كترتب فقريعات صغاااار وتحط فيهم المعلومات
نورة : خوذي افرح هاد les flacon حطيهم لهيه …وهاد les bouteille d”échantillon
حتى دخل واحد الولد خدام معاهم تم نيت…شاف ففرح..
هو : ختي فرح تكلمي ..
فرح : شكون ؟ “ضارت جيهة القراعي” بلاتي بلاتي ا مروان تنسالي هادشي…
مروان : وتكلمي لواحد الولد برا قاليك ضروري …
نورة : شكون امروان مكتشوفش فيها خدامة ؟!
مروان : وا اسلام المساعد ديال دكتور البغدادي
فرح”غير سمعات سميتو تهز قلبها بدا يضرب”
نورة”شافت ففرح” : فراااح بنتي تكلمي ها انصاف تكمل عليك..
فرح”دارت براسها مسمعاتش هههه”
نورة : فراااح
فرح : وي دكتور…
نورة : را قلت ليك تكلمي…
فرح”شافت فمروان وفيها وهي تحط داكشي الي فايديها وتنهدت مغمضة عينيها خاصها تمشي تحيد عليها هاد المشية وخا را قلبها كيضرب في حلقها وراسها وتوصر بدا يلعب عليها..تبعات مروان تال برا لقات اسلام واقف داير ايديه وراه” : هاني…
اسلام : دكتور البغدادي كيتسناك pour le contrôle
فرح.: قوليه را برات ليا وليت لباس…
اسلام”مكيشوفش فيها خاف يشوف يحصلو زين الدين وغا ماقاليه راسو” : عافاك اختي يلاه معايا بلا مانقوليه لعندو وقوليها ليه…
فرح : مالك كتهرب عينيك ؟
اسلام : ختي يلاه وهنيني عافاك…
فرح”عوجات فمها مافهمت والو زفرات بعمق وسلمات امرها لله وتبعاتو طلعو فسانسور وكل مكيقرب ايديها كيعراقو طلعات بطابليتها كتلعب بشنايفها وتعضعض فيهم ومرة تحك تا طيبتهم تحل سانسور نيشان على طابق تبعاتو تا حل الباب ببصمتو ودخلو حل ليها باب البيرو..استغربات” : هذا را البيرو نورمالمون خاصو يدير ليا كونطرول فلاصال لاخرا ؟
اسلام : معرفتش مي قاليا نجيبك هنا …
فرح. : ففففف ..صافي شكرا وسمح ليا…
اسلام : مرحبا ختي”ضار دورة ومشا لبيرو ديالو فلاكوي وهي دخلات لبيرو كطل نص طلة بان ليها خاوي صرطات ريقها وهي تدخل شوي بشوي كتقلب بعينيها عليه الحس مقطوع خشات ايديها فجيابها…ووقفات الوسط كتقلب بعينيها والو مكاينش”
فرح : دابا هذا الي جابني لهنا فين هو ؟! “كتهز عينيها وتكتاشف..” ماعرفت واش بغا يدير ليا كونطرول ولا نبقا نعاود مع راسي هنا انا الي كلبة طالعة اما منجيش ونخليه يجي ولا يهرس هاد سبيطار نيت ونجلس من هاد الخدمة ونتهنااااو حنا…”بقات تبرگم غا وحدها تما وتشالي بايديها المحنيين وتخشي شعرها ورا وذنيها وتعاود تخرجو تا تفقصت وهي دور باش تخرج تا لقاتو واقف وهي تغوت” واااععععع…ماما…
زين الدين”واقف بقميجة بيضة وسروال فصالة كحل مربع ايديه وهاز حاجبو سمعها اش قالت بالحرف على خاطر خاطرها خصوصا ديك حنا نتهناو مع هاد الخدمة ” : گاااع ؟
فرح”الصمت”
زين الدين”بقا كيشوووف فيها تا حدرات راسها قرب لعندها وكل مكيقرب ريحتو كتوصلها واحد ريحة عندو سبيسيال..حط صبعو على حنكها ودوز عليه بشوييييي بحركة خفيييفة خلات فمها يترعد وقلبها يضرب…شاف فعينيها الهابطين ونطق بصوت خفيييف متماشي مع خوفو عليها” : شوية ؟!
فرح”حركات راسها بزربة” : هممم ااااه احم ااه شوية مابيها والو…”حطات ايدها عليها” مكضرنيش مزيانة..
زين الدين”شاف ايدها المحنية وشاف فيها” : بصحة الحناني يالالة…
غير قالها وهي تشوف ايدها وبالدعقة والخحل خشاتها فالجيب..ماعرفات تقوليه شكرا ولا يعطيك صحة كانت على شوي تقوليه ونتا سوقك ههه سيطر عليها الخجل فهاد اللحضة تا بان فحنيكاتها الي توردو اكثر ماهما موردين…حسات بقلبها زادو دقاتو خوف وتوتر وقلق من هادشي الي كيطرا بيناتهم وتضارب الافكار حول هاد الاهتمام منو ليها…كلينيك قد السخط على قدو وخدمتو ومشاكسلو ممخلينوش ينسا انها خاصها تجي عندو ويدير ليها وقت خاص بيها…ماعرفاتش انه باغي غير امتا يشوفها ويكون معاها ويهضرو ويسقي عينيه بيها طريقة هضرتها والاحساس الي كيجيه فاش كيتفكرها ولا تكون قدامو ويولي ضعيف قدامها تبقى غير على خاطرها ليه تقول اسيدي الي بغات غير متقلقش ليه مصاب غير تبدا تعطيه فالاخذ ورد فالحوار وشوي بشوي كيف قال…
فرح”حدرت راسها وحركاتو” : شكراا..
زين الدين”عض شنايفو من هاد الحركة ديال توتر الي وقعات ليها باش تقوليه شكرا وعينيها فعينيه مقدراتش وكان الاريح ليها هي تحدر راسها وتقولها ليه.” : كتعجبك الحنة ؟!
فرح”باقي حادرة راسها وعينيها فلارض” : اه بزاف..
زين الدين : وشحال جات معاك…
فرح : شكراا..
زين الدين”درو راسو لهيه شاد لحيتو بايدو ورجع شاف فيها قرب اكثر مد صباعو لسبارادرا وحيدها ليها بسرعة البرق معرفاتوش كي دار ليها مهم تحيدات ومضرتهاش ابدا” : براكة عليك من هادي…خليها ترتاح وتنفس…
فرح : يعني صافي برات ؟
زين الدين : ..مزيانة الالة..
فرح : نقدر نمشي ؟!
زين الدين : لا..
فرح”هزات فيه عينيها” : علاش ؟ ياك مزيانة وجيت اش بغيتي مزال ؟!
زين الدين : عندي منهضر معاك…
فرح”كمشات عينيها بترجيوعوجات راسها ” : عاافاك خليني نمشي…
زين الدين : دابا تمشي وكان…فرح”بجدية” رخي فيك النفس وعطي لخاطر ل الي معندو خاطر وداير ليك الخاطر حسبيها ساعة دازت من حياتك …
فرح : شنو بغيتي ؟ مابغيتش نبقى عافاك ونتا عارف علاش مكاين لاش نكترو انا مسامحة ليك والله غير خليني عافاك مسامحة ليك ..
زين الدين : عاارف وفعلمي وحاس بيها..
فرح : وشنو بغيتي مزال ؟!
زين الدين”تنهد وشير ليها جيهة الفوطوي” : رتاحي تم…
فرح : مكاين لاش بغيت نمشي..
زين الدين”زير على الهضرة وغير من صوته فهمات انه كيهدد” : ررررتتتاااحي تم فررراااااح…
فرح”جاتها البكية وهي دور وجلسات فين قاليها” : هاااني…
زين الدين”جلس مفرق رجليه وتقابل معاها” : محتاج كثر من مسامحة ليك محتاج صفحة جديدة معاك ابنت الناس بلا مشاكيل ولا خوف…
فرح : علاش هادشي ؟! هاني غانبدا معاك صفحة جديدة ولكن لاش علاش شاد فانني نهضر ونشوفك علاش كتبقى تجي وتسول عليا وجبتيني تال عندك نخدم…لاش هادشي كامل..
زين الدين”دار ايدو على ذقنو..مكمش عينيه ورافع حاجبو” : شنو بان ليك ؟!
فرح”هزات كتافها” : مافهمت والو والله مافهمت عارف غاينوض صداع الى شافني خويا معاك ميمكنش نوصف ليك اش غايوقع ونتا عارف كلشي…مافهمتش انا علاش هادشي ونتا براسك الي قلتي نتفارقو مباغيش تكمل وفرقنا الخطبة وكل مشا فحالو علاش رجعتي…
زين الدين : نهار علمتك عطيتك كلشي وحطيت ليك كلشي ما زدت ما نقصت”بجدية” فرح راني راجل بشلاغمي وشيبي فراسب ماشي ديال لعب ولا تفلية “هز ايدو” راها غلطة ابنت ناس وكنتحاسب عليها مكانت لا عالبال ولا فراس تا وقع الي وقع..نهار كتغلطي ابنت الناس مالقيتي الي يحاسبك ؟!
فرح”الصمت”
زين الدين : هذا الله فرح هذا الله بنادم ماكامل والانسان خطأ شكون حنا فملك الله الي منغلطو منتحاسبو…وشكون حنا فملك مولانا الي منديرو لسماحة طبع الى كان الرب العالي كيسامح علاش الي منسامحوش…
فرح”دارت ايديها المبيطبطين على وجهها ومحنيين من فوق كملات عليه ماعرف اش يدير فهاد اللحضة” : واااااااكواك راني سمحت ليك راني سمحت والله تا سمحت مابغيتش غير نتشاوفو ولا نكونو فنفس البلاصة ماقادة على صداع…
زين الدين : الصداع نتي الي باغياه”حيدات ايديها كتشوف فيه مخنزرة” جمعي دوك العينين لا نتقب دينمهم “خبط فوق الطابلة تا قفزت” مالنا فهاد البلا الكحل ؟! تركني عليا لارض تما كلمة جوج صداع !! مالو شنو ناوي يدير ليك ؟!
فرح”جهدات صوتها لااا غوتات نيت” : لاش كتغوت عليا ؟! شي باس مكاين اشريف ؟!
زين الدين”ضربها ليها بواحد تخنزيرة خلات قلبها يطيح بين ركابيها” : نعام ؛!!!
فرح”نقصت صوتها لاخر” : اش بغيتي دابا ؟!
زين الدين”هز ايدو وحطها وزفر بنفاذ صبر دور وجهو لهيه مغمض عينيه كيحاول يتكالما تا ضع لسانو شحاااال عاد حلهم وضار لعندها” : مابغيت ليك صداع ابنت الناس ورب العباد شاهد وعالم شنو هنا”شير لقلبو” رخفي النفس وطلقيها فايد مولانا وخلينا ناس عاديين بداي معايا صفحة جديدة مايوصلنا غير الي مكتبو لينا الله “حط ايدو على صدرو” نكون معاك راجل وكثر …
فرح : صعيب نرجع نثيق”حدرت راسها” هرستيييني بزاااف داك النهار “نزلات دمعة خانتها من عينها” صعيب وخويا تاهو وخويا لاخور…
زين الدين”ناض من الفوطوي وتحنى لعندها مبعد شوي مد ليها كلينيكس الي مكرهش يمسح ليها دموعها بصبعو ويعنقها يخشيها فيه” : حلي ليا باب طريقك وخلي الباقي عليا وعلى الله “هز صبعو والله والي شانو كبير وعالي ماندير غالي بغاه خاطرك وراحتك…حيدي الحايط اللول فين نحلو الحيوط الي وراه”وقفها بايدو” خليها فايد الله تيسري لخدمتك ودابا يحن الله…
مسحات عينيها وناضت حادرة راسها ضارت لعندو لقاتو خاشي ايديه فجيابو وعينيه عليها عااارف ومتاكد انه حطمها وكسر حاجز ثقة الي بيناتهم وصعيب عليه يرجعو ولكن باش يرجع كيخصو يعطيها بات مات الخاطر…تمات غاديا وهو يوقفها…
زين الدين : فرح …
فرح”ضارت شافت فيه”
زين الدين : تهلاي ليا فراسك “بنضرة تاكيد” واخا ؟!
فرح”مابقا فيها ميهضر حركات ليه راسها وضارت خرجات..اما هو هز راسو لسما حل صدايف القميجة الفوقانيين وساط انفاسه بتعب وقهرة عليها…مشوارهم مشحون بكمية الاحاسيس العتاب اللوم الخاطر فوق الخاطر…خرجات من عدو خاشية ايديها فجيابها كتفكر فهضرتو وكتفكر فتعامل ديالو كيفاش كيتصرف وطريقة هضرتو معاها كيفاش كيتعصب وفاخر لحضة كيحاول يتهدن وهادشي عارفاه لاش كيصب فاينا اتجاه كيكب وماباغاش ثيق ولا تصدق ماباغاش دير فراسها هاد الاحتمال حتى لو انها عارفاه ومتاكدة ولكن مبغاتش تعيش تجربة جديدة وتصدم ثاني وهاد المرة زايدها حتى موقف خوتها ليه وصعيييب يوافقو…لا سمحات واستسلمات كتبقى انثى لقات الاهتمام والحب ورجعات ثقة لكن لاخرين شكون غايخليهم يبغيو …بقات غاديا حادرة راسها تا هزات راسها وهي تكمش عينيها ممثيقاش بالي هو الي جاي تا قرب وهي تخرجهم ..
فرح : اويلي اش جابك لهنا الكيدار ؟!
سيمو”شاف فوليد الي شاف فيها وشاف فيه وتخالطو شوفات” : اش جابك نتي هنا يلاه ؟ انا مريض جاي نتداوا نتي الي واقلة خدامة هنا …فراس عصام ؟!
فرح”خرجات عينيها” : سكت البغل..
وليد : كتعرفو بعضياتكم ؟!
فرح”شافت فوليد” : لا بغيتي اخويا…
“سمعو تحنحينتو وضارو كلهم”
زين الدين : شنو واقع ؟؛”شاف ففرح” فرح مالك ؟
فرح : مماليش”طلعات فوليد وهبطات فسيمو” واخا عليك خيانة عضمى ياك !؟ مغانهضرش دابا تنمشي لدار ونعيط لصفاء وملقاك معانا ديك ساعة…”خشات ايديها فجيابها ومشات كتميختر قدام سيمو وزين الدين ووليد الي جابت ليه ضحك غير سمع اسمها من فم زين الدين عرفها هي المعنية “
دخلو عند زين الدين وهي مشات عند اسلام حل ليها الباب ووقفات قدام المصعد تا تحل ودخلات ركبات رقم الطابق ثواني معدودة حتى تحل على طابقها تمات غاديا بغات دور حتى خرجات فوحدة جايا كتجري هازا بلاطو فحال صندوق فيه بزاف ديال قراعي او des flacon كاملين تشتتو وشي وحدين تحلو وتخوا منهم داكشي حيث هما كيكونو خاصين بصحاب تحاليل البولية او البراز…
فرح : اوووو
هي : اويلي اويييييلي”دارت ايديها على راسها” اويييييلي اش درتي اااااش اهى اهى اويييلي خرجتي عليا …
فرح : سمحي ليا ولكن را نتي الي منك لافوت جايا كتجري”تحنات باش تعاونها وهي توقفها كتغوت”
هي : واتفرقي عليييييييهم زكااااااي زكاي حبسي…”ضارت تشوف وهي تبان ليها جايا” اويييلي جايا دكتور بن سودة اعععع اهى..
حنان”جايا خاشية ايديها فجياب البلوزة رافعة حاجبها تا وقفت تليهم بان ليها داكشي مزلع وشي وحدين تحلو وتخوا داكشي شافت ففرح وفالبنت” : شنو وقع هنا ؟!!! ماتقوليش ليا les flacon pour prélèvement الي رسلت معاك باش تسبقيني هنا ؟!
هي “حركات راسها وحدرت عينيها كتبكي”
حنان”غمضات عينيها وحلتهم ” واا لااااااا لاااااا لاااااا..
فرح : را هي جايا كتجري وخرجات فيا مادرتهاش بلعاني دكتور”شافت اسمها فالبادج فضي يعني سطاجيير وخا طبيبة”…
حنان”ضارت شافت فيها” : علاش متردوش بالكم لا نتي لا هي ؟! هي جايا كتجري بلا عقل ونتي مدرمة بالسيف اختي بالسيف عقلكم مكاينش هنا وكلينيك هذا ماشي ديال لعب لا نتي لا هي..
فرح : كيفاش ؟!
حنان : دابا هاد كيفاش مغاتنفعنيش اش غاندير فهاد زمر الي طاح دابا شحال جهدي نعاود نعيط لعباد الله ندورو عليهم عاودو جمعو ليا زبلكم … “ضارت كتحك فجبهتها” تفو تفوووو على زبل…
خرجات فرملية لعندهم الي كانت متاصلة بيها باش تعطي دوك القراعي لدكتورة المختبر الي غايديرو عليهم تحاليل ويشوفو ايناهما الي غايطلعو برا باش يرسلوهم لمختبر لاخور…تا وقفات عليهم…
حنان”شيرات ناحية فرح” : سطاجييغ ولا صالاغيي هنا ؟!
فرملية : نن صالاغيي خدامة معايا علاش ؟!
حنان”شافت ناحية البنت” : جمعي هادشي من هنا وطلعي لفوق تانشوفو اش غانديرو ليهم”
هزات البنت داكشي وجمعاتو بغات تحنى فرح تعاونها بقات فيها وهي تحبسها مخلاتهاش تعاونها وناضت…
حنان : نورمالمون هذا كلينيك كلشي خاص يكون على بال وردو بالكم … الي كيزربو هما صحااب ليغجونص هنا بلاصة سونسيبل (حساسة) كلشي بالخاطر وبشوي لا نتي لا هي غالطين وماشي قد المسؤلية…
فرح : مخداماش عندك باش توريني اش ندير راني عارفة اش كاين …را هي منها الغلط واعتادرت وتنفخات عليا من فوق لا بغيتي سيري شوفي الكاميرات وتيقني من هضرتي…
حنان “خنزرات فيها ” : اجي ضربني …
فرح : باغدون هذا كلينيك ماشي بلاصة المعاطيا “عطاتها هاد جوج كلمات خلاتها تركل تا ولات تقول”
حنان : تعلمي الاداب وطريقة الحوار …هادشي خاص يعلموه ليك واليديك هو لول…. “طلعتها وهبطتها ونطقات باستهزاء “ههههه اش غايعلمو ويربيو اش باينة مرباو فيك والو على هاد الحساب….تههه قالت ليك بغات توريني فين نهضر”ضربت فيها وزادت”…
“كووووولشي يهون ويدوز لكن جملة واليديك مرباو فيك والو من اقسى انواع الجرح خصوصا اذا كان الشخص فاقد لهاد الخاصية وحسااااس منها”
#تحمل_ياقلبي…
ممهما توصل العصبية بالانسان عمرنا منسمحو لراسنا و نعايرو شي حد بواليديه سواء كانو عايشين او لا …لانه فهاد الحالة كترجع نتا الي قليل الادب والتربية بلاصة الطرف لاخور اي كان وصل بيه الغلط او الاذية…لكن باش تعاير شخص هو فاقد لخاصية تربية من واليديه بلا ارادتو وهو معنذو ذنب فهاد القضية واكثر حساسية منها فهنا كتزيد قلة الادب على ذنب وجرح يتيم الحيين…
فرح”بكثر ما قلبها تهرس فهاد اللحضة ضربات ليها على الوتر الحساس ماعرفاتش اش وقع حتى لقات راسها مشات كتزرب لعندها ودفعتها من لور بحر جهدها تا طاحت لارض وغوتاات” : بزاااااااااااااااااف عليك اقليلة ترابي هي بزاااااف عليك “خرجات عينيها على جهدهم خرجات على الواقع حتى تبهضات الفرملية الي تما وحطات ايدها علىفمها من شافت حنان طاحت لارض على وجهها والي تما كيمشيو ويجيو سمعو الغوات ووقفو والي فلاكوي وقفو كيطلو اش كاين وكاين الي خرج من الشومبر فين خدام…”
حنان”تضرب فمها مع لارض …بان ليها الضو كيضرب فالاعالي…حتى شهقات وغوتات بحر ضربة ديال فمها الي تضرب مع لارض ” : اااااااااااااااااااااا ممممممممممممم…
فرح”كانت غاديا ليها تا جاو شي بنات من تما والبنت الي كانت واقفة وشدوها عليها ” : طلقوووووووونيييييييييييييي طلقووونييييييي واااااا بزااااااااااااااف عليها بزااااااف…واليديا اش قربها لييييييييهم ااااااااااش…تت طلقووووني ا”كتبغي تطلق منهم ووالو تا خرجات نورة وايمان والولد الي خدام معاها وواحد الفراملية تما هما الي شدوها وجروها” طلقنييييييييييي واااااا طلق”ضارت كتبان ليها حنان كتغوت وشادة فمها تا نزل د.م من فمها “
حنان”حيدات ايديها بان ليها د.م وهي تخرج عينيها شافت ففرح وهي تصعر ” : اااااعععععع …اهى اهى و لا لا لاااا اهى …
فرح”كتشوف فيها وصدرها كيطلع ويهبط اما عينيها مابقاوش كيرمشو ولا وجهها بيض وفمها زرااااق بالفقصة وجنون الي ركبوها فهاد اللحضة وهادشي ماشي عصبية وانما كسرة خاطر ومرضاتش انها تنعت بهاد النعت ممربياش وهي لو كانو ضروفها كيف ناس كون تعاملت معاها بشكل اخر لكن فاش كتكون اصلا مفرط ويجي واحد يكمل عليك وينقص منك بحاجة نتا فاقدها وحساس منها بحال كيقولو ليها غزاو فيك من رماوك ومك طجات ونتي عندك شهرين ولحيمة باغيا ترضع وتنعس فحضن ميمتها..بقات كتنهج وتشوف فيها هكاك كتبكي ودماياتها دايزة وكتركل ودور هنا وهنا “
حنان”جات عندها لفرملية باش تشوف ليها ضربة وهي تدفعها” : وبااااعديييييييي اهى اهى عيطو لمدير ديال هنا اهى وااااااااااااااعووووووو”هزات عينيها ففرح وهي تم غاديا ليها تا شدوها” وطلقووووو منييييييييي نوريها قليلة تراااااااااب”كتخرج فيها عينيها” اااااه قليلة تراااابي حمااااااراااااااااااا اععععع..
فرح”تهزااااات ليهم تالسما وتحطت بغات طير عليها وهما يزيرو عليها” : وااااااااا طلاااااااق نورييييييييهااااااا…
تسمع صوت من بعيييد كيغوت موقف الي كيجرا حتى ضارو كاملين جيهتو الا فرح الي كتنهج بواحد طريقة هيستيرية ما ضارتش تشوف شكون حدها حدرات راسها وصدرها باقي كيتهز ويتحط…
هو : ايييييييه اش كاين شنو هادشي هنا ؟!!! هادي مصحة ماشي سوق شنو واقع هنا ؟! ياك شي باس مكاين ؟!
حنان”ضارت لعندو وهي تبدا تبكي وفمها كلو مجلخ بالد.م” : اهى اهى دكتوغ قاسيمي شوف شنو وقع ليا شووووف “شيرات جيهة فرح” بسباب الهماج الي مخدمين هنا اهى اهى…
القاسمي”قرب لعندها شاف حالتها تا من بلوزة الي لابسة فيها رشات من د.م” : دكتور بن سودة ؟؟؟ مي شنو وقع ليك ؟! شكون الي دار ليك هاد الحالة ؟!
حنان”شيرات لفرح” : هاد البهيمة الي مخدمين هنا …شتي فين وصلنا شتي مصحة قدها قداش مخدمين فيها الهماج اهى اهى…
القاسمي”شاف ففرح” : شنو وقع بيناتكم ؟ علاش درتي ليها هاكا”ضار عند حنان كيقلب ليها في فمها وشاف فالفرملية” دابا عطيها ثلج حتى نشوفو نوع الاصابة..”مشات كتجري لبنت تجيب ثلج وضار هو جيهة ناس الي تجمعت غوت عليهم” يلاه كل لخدمتو”شاف فدراري الي شادين فرح ماشي شي شدة غير واقفين لا تمشي لعندها يتدخلو بسرعة..” حيدو خليوها وكل لخدمتو
نورة”خرجات من لاصال فين خدامة كتشوف حتى لمحات فرح وحنان حدا الطبيب من بعد ما عاودت ليها الفرملية شنو طرا قبل قليل” : فرح !! شنو وقع لهادشي ؟!
حنان”الصمت ..كتحط عليها البنت ثلج على فمها وكتنخصص”
القاسمي : معاك ؟!
نورة : وي معايا ..علاش دفعتيها بنتي اش دارت ليك ؟!
فرح”الصمت”
القاسمي : بزوج خاص يطلعو عند البشير …
حنان : علاش !!؟
القاسمي : هذا القانون مع الاسف ابنتي خاص يعرفو حجم المشكيل وعليه هما يتصرفو…ماعنديش كيفاش ندير ليك قانون صارم من عند بروف زياني ومول شي …
نورة”طبطبات على كتف فرح” : سيري بنتي ماعليش..
فرح”حادرة راسها حدها حركاتو ومقالت والو”
قاسمي : اجيو معايا…
حنان”حيدات ايد الفرملية” : صافي غير طلقي انا نكمل راسي..واخا غانشوفو وااخا…انا غانطلع دابا عند RH”غززات سنانها جيهة فرح ضربات فيهم وزادت سابقاهم…ضار القاسمي عند فرح شير ليها باش تبعو…طلعات حنان لولة سبقاتهم وتبعها القاسمي وفرح تدق الباب لقاو RH 3 الي كاين اما البشير ولاخرين مكاينينش…
القاسمي. : علاء.. سي البشير مكاينش ؟!
علاء : نن دكتور فالاجتماع مع رؤساء الموارد البشرية و لجنة الاوديت…
القاسمي : بون “ضار جيهة حنان الي واقفة كتكمد فمها بالثلج وجيهة فرح الي حادرة راسها وضار عندو شرح ليه شنو وقع بالضبط” هاهما قدامك تقدر تصرف معاهم…”خرج وخلاهم مع الرئيس”
حنان : بغيت عمي علي زياني دابا….
علاء : كل وحدة تقوليا شنو كاين …و حسن تخرج وحدة منكم تنهضر مع لاخرى..وبالنسبة بروفيسور زياني منضنش غايدخل راسو فمشاكيل الموضفين عندنا تشديد بهاد القضية البروفيسورات معندهم علاقة بمشاكيل البيرسونيل..”شير ليها ناحية الكرسي” تفضلي جلسي وعاودي ليا”شاف ففرح” تقدري تسناي اختي برا
خرجات من البيرو جلسات فواحد الكراسا حدرات راسها وواحد الحالة من سكووون نزلات عليها..كتفكر فراسها الي جا يبغي يمسح فيها رجليه ولا يبغي يبان عليها….هزات عينيها فور سماع اسمها …
علاء : تفضلي اختي….
فرح”ناضت وهي مكتشوفش جيهة حنان الي كانت خارجة وتيليفون فايدها كتدوز فالخط…جلسات فالكرسي مقابل ليه”
علاء : بون شنو وقع بيناتكم عاودي ليا من لول…
فرح”هزات نفس وغمضات عينيها وحلتهم قبل متبدا وتنطق بالي جرا بالحرف من اول ما تحل سانسور على طابق ديالها لحتى لوصلات لجملة الي هرسات قلبها والي تبدل صوتها فاش قالتها حتى حس بيها الولد …هزات كتافها وكملات حديثها” : اه دفعتها ولو عاودت غانديرها”هزات فيه عينيها الي كانو كيلمعو بالدموع الي حابسة باش متبينش ليها بالي اذاتها..حتى فعز حزنها والمها كرامتها اسبق..” مغاديش تصبر لشي حد يعاير ليك واليديك…هذا الي جرا… واي اجراء غاتاخذوه انا غانفدو…
علاء”حرك راسو بثقالة” : دااكوغ..الوغ غاتمشي نتي لخدمتك وحتى هي ومن هنا لقبل ماتخرجو غادي يتعلق اعلان فحقكم غايوصلكم فالايمايل تقرير لمجلس تاذيبي… يمكن ليك تمشي…
ناضت من عندو وخرجات بدون مبالاة لديك الي خلاتها كتهضر وتبكي وتنخصص وفمها عاود رجع نزف من جديد ماهمهاش شنو دارت فيها ولا شنو يطرا ليها ولا اش غايكون من هنا لعشية….رجعات لعمل ديالها بقلب مكسور سولات عليها نورة …
نورة : امضرا شنو قالو ؟!
فرح”كتشوف فنقطة بعيييدة سارحة وكتهضر..عوجات فمها وهزات كتفها” : مجلس تاديبي من هنا لعشية غايرسلو لينا
نورة : دااكوغ..
رجعات كتكمل فخدمتها بقلب واخاطر مكسور عقلها غايب غير كتخدم وصافي داز الوقت وهي خدامة من هنا وهنا كتلف الوقت ….حتى واحد اللحضة ماقدراتش تزيد حسات بديق فالتنفس وخاطرها مرييييض شافت فساعتها لقاتها الوحدة ضارت لعند نورة…
فرح : انا غادي نزل واخا..
نورة. : وقت الپوز هذا وي نزلي ابنتي….
حطات الي فايدها وهزات تيليفونها وخرجات كتحك فصدرها ركبات رقم الطاج فين غاتنزل من بعد ما سولات وهي تهبط تحل سانسور نيشان على الطاج الي قبل لاكاف..مشات الباب الي كيخرج لجردة لور كلها اشجار وغرس وكتوسطها سقاية كبييرة بانو ليها كراسا تحت ضل الشجرة جلسات فيهم كان الجو مشمس وخا بارد خشات ايديها فجيابها كتشوف قدامها ناس غاديا وناس جايا هالي هاز سيروم معلق وخارج يشم الهواء تما هالي واقف كيهضر مع شي فرملي وهالي جالس كيفكر تاهو وكل كيلغي بلغاه…توقفو عينيها على منضر واحد البنت شادة فايد سيدة غاديا معاها بشوي دازو من قدامها…
هي : بشويا عليك اماما دقة بدقة حبيبتي ..باقي فيك صداع ؟
هي : لا كبيدتي شوية دابا داك دوا فحال رحمة…
هي : مسكن هذاك غاتبقاي تشربيه الى تزاد عليك صداع وصافي ماشي فينما تحسي بنغزة الفتحة تقولي عطيه ليا تبقاي تخلعي فيا …
هي : ههههه ياك كنخلعك بعدا هههه..
هي : واشنو ماما اش عندي من غيرك الى منتخلع عليك”باست ليها ايدها” الله يطول ليا فعمرك ياربي…
هي”طبطبات ليها على دراعها” : الله يرضي عليك اكبيدتي وعويناتي باش كنشوف”فهاد اللحضة غير مشاو وداز الحوار حسات فرح بقلبها توقف واحد اللحضة وعينيها دازو بدموع كيجرييييييييييييو تا مبقاتش قدرات…دارت ايديها على وجهها حدرات راسها واطلقت العنان لدموعها ينهامرو بشكل غزيييير كاع داك البكا الي كان مخبي تطلق وكاع الفقصة كتخرج فيها على شكل دموع غزييييرة …حتى تحول من بكاء لتنخصيص”
فرح : اهى اهى علااااش خليتيني علااااااش اهى اهى..علاش مهزيتينيش ورضعتيني علاش اهى علاش مخليتينش نبقى نقول ماما علاش …فيييييييينك نعرف غير علاش لحتيني اهى اهى…شحاال جهدي نخبي شحاال اهى….مممممننننن…اهى اهى…
حرقة كانت فصدرها صعيييييب شي حد يطفيها ليها وصعيييييب شي حد يحس بيها ماعمرها حتى فكرت تقول ماما هاد الكلمة كتجيها ثقيييييييلة…حتى باش تعرف فين هي وعلاش لاحتها مكانش عندها جواب…شكون يحس بيها من غير الي عندو نفس تجربتها او الي معندوش واليديه او اليتسم القريب من حالتها وخا عارف واليديه ميتين حتى هو مفتاقد لخاصية انه معندوش…وشكون من غيرو الي غايحس بيها ويعرفها باش كتحس والي بصح قلبو معاها وعليها وماكاينش من غيرو الي كيف خرج بلبستو الطبية ديال الجراحة من بعد ما دخل فعملية استغرقت ثلاث ساعات من بعد ما كمل مع سيمو المعاينة…خرج كيطل فالبالكون ديال المكتب ديالو الي كيطل على جردة حتى لمحها من بعيييد…
زين الدين”جلس حداها كيشوف قدامو مد ليها قرعة الما صغيرة” : فرح…
فرح”هزات راسها بسرعة بشهقة ممصدقاش هو الي جا جلس حداها..” : شنو بغ بغيتي “كتهضر وتنخصص”..
زين الدين : ششش تهدني..بلا عليا من ديك الهضرة ديالك شدي …
فرح”شدات القرعة وحنات راسها مافيها ميهضر..ولا يعاتب واش بصح او عجبها الحال فاش جا..”
زين الدين : شنو وقع ليك ؟!
فرح”هزات كتافها وراسها لتحت” : ساعة الله…
زين الدين”عض شنايفو كيحرك فراسو بشوي” : لا اله الا الله…”سمع تنهيدتها طويييييلة عرفها هااااازة بزاااف يمكن ماشي عليه يمكن شلا ما عندها مايمكنش يعرف منها ويجبد لسانها الا فحالة وحدة الى جبد راسو طالما هو طرف كبييير فحزنها…فهادشي علاش نطق بسؤالو ليها” لهاد درجة وانا حداك فيه مضرة ليك ؟!
فرح”نطقات بصوت باكي وحزيييين يكسر القلب” : الي بيا فوق الي درتيه ليا..الي وقع فااات مغاديش نوقف حياتي على شي حد ضرني ومشا…حياتي مستمرة وفايتة..كتجي واحد الوقت كيخصك تخرج الي كيضرك ولكن صعيييب شي حد يفهمني ويعرف شنو بيا…
زين الدين : فرح الي كنعرف ميتخافش عليها وصعييب تخلي الحگرة طريق ليها ..
فرح : مافهمتش !!
زين الدين : نساي شكون انا وحسبيني راحة بالك…شكي شنو واقع ليك واخا ماعندي حق ديري ليا ميزة ماعرفتي الخير فين كاين …
فرح”سكتاااااات تا سكتت عطات لراسها لحضة صمت وتاهو مقصرش من جيهتها مخليها على خاااطر خاطرها بغات مرحبا مابغاتش مهم شوي بشوي…ماشعراتش براسها امتا ووقتاش سمحات لراسها تعطي الانطلاقة ويعرف ما بيها وخا غير سطحي” : الضلم خايب بزااف والحكرة ساهلة عند بنادم.فغياب الواليدين صعييييييييييييب تحمل هادشي…
زين الدين”غمض عينيه من هاد النقطة حساااسة حتى بالنسبة ليه جات للعنوان صحيح وخا معرفش شنو طرا ليها المهم عندو انها عطات بادرة وهادي نقطة لصالحو واش يمكن رتاحت ليه بدون ماتحس او يمكن حيث عارفاه واليديه ميتين غايحس بيها وبما انه كيعطيها اهتمام كبيييير عارفاه غايعاونها فهاد اللحضة كانت محتاجة لشي حد يكون كيسمع ليها اما تا عصام ممكن يتعصب ويقوليها نسااي ولا يدور فيها وهي محتاجة شي حد الي يكون مكالمي فهاد اللحضة ومكاينش ما حسن من زين الي ممكن يدير اي حاجة على قبلها…” : شحال ما كبرو الكتاف شحال ما طوال شعر الراس وشاب… شحال ما درتي الولاد والحفاد بلاصة الواليدين ميزعزعها حد وميعمرها حد…شحاال ما كنا شداد وقلبنا حجر وجناحنا متين منجيوش قدام جناح الواليدين…مرضتي محتاج ايديهم يتحطو على راسك..طاح عليك الضيم كلمة الله يرضي عليك كاافية وموفية تفرحك وتريح خاطرك…ماشي عيب تبغيهم يكونو حداك ماشي عيب تحتاجيهم فوقت الفرح والقرح…وماشي عيب تا يشيب راسك تقول با ومي محتاجك…محتاجينهم ولو يدي مول الامانة امانتو …شعري شاب ودزت على مية راس وراس عاشرت ناس الخايب والمزيان طحت ووقفت ومزاال محتاج ليهم …خلاو ليا الي يتم مايتحرگ ومايجيش قدام حضورهم…نهار يخطاونا ضربنا الخلا …
فرح”دازو دموعها كيجريو تاني” : وخا يكونو خايبين ؟!
زين الدين : واخا يكون كفس كثر وجدر…ماشي حنا الي كنختارو الواليدين رب العباد الي كيرزق ما يشاء…كاين فرق بين واليدين عايشين وخايبين وبين واليدين ميتين لولين مهما جرا وطرا راهم فالحياة عندك الامكانية تقولي با ومي والثانيين ماعليك غير تدعي ليهم بالرحمة …ونتي على حسب..ربي رزقك واليدين ناقصين عطاك خوت رجال نقصات ليك حاجة وتزادتك حاجة…ربي مكيدي حاجة حتى يعوضها بما حسن…ديما شوفي جيهة المزيانة وبعدي من الخايبة مغاتنفعك ولا عطيتيها بالك وخاطرك تاذيك وضرك …
فرح”عوجات فمها بحزن”
زين الدين : ماعندي علم بواليديك واش من حال بيهم “حط ايدو على صدرو” ثيقي بيا ابنت الناس الي واقع ليك مكتاب وفيه حكمة ليك من عند الله…ماعمرنا اختارينا ولا عندنا اختيارات نتحكمو فيهم… مكاين الي يرحمك راكي فدنيا فيها راسي يا راسي “سرح ايديه فجردة وناس غاديا وجايا” شوفي صحتك نهار تخونك ..كاين ما حسن نهار كنطيحو كنمشيو ليه حسن مني ومنك ومن واليديك…”هزات فيه عينيها بتساؤل واستغراب..غمض عينيه بشوييي وحلهم كيعطيها نوع من الاطمئنان” كتاب الله نهار ديق بيك فتحيه وتخشعي فيه خلي كلام الله بلسم ليك ودوا لجرحك وخلي الدعاء وصبر مفتاح الفرج ليك…نهار طيحي وماتلقاي لمن تشكي انا هنا حسبيني كيما بغيتي ونساي الي فات…ماعندك بيا غراض شكي لله حسن مني ومنك …
فرح”بقات كتسمع ليه فحال الى تخدرات من هضرتو نسات شكون هو وشنو دار ليها واش طرا بيناتهم للحضة خرجات من الواقع وسدات عليها هي وياه فديك القوقعة..تا سالا وحركات راسها وهي توقف” : شكرا..”شافت فساعتها” شكرا بزااف بغيت نمشي…
زين الدين”مابغاش يقجر عليها ويقوليها بقاي وعارفها مكسورة الخاطر غمض عينيه بااطمئنان ليها زعما سيري رتاحي مع راسك وخوي بالك من السلبية” : في امان الله…
مشات امام عينيه بقا متبعها تا دخلات عاد تنفس وجبد باكية الكارو من جيبو الي كان باغي يكميه نيت فالجردة وقال تيطل عليها عاد ينزل غير تحت تما كاين تيراس حداه فين كيخرج ملي بانت ليه نزل عندها…كما ليه مع راسو تا تكالما وناض وقف ودخل لمصعد حتى صونا تيليفونو جبدو من جيبو لقاه علي …
زين الدين. : عاش من شاف وجهك الكريم…(كيطنز حيث مسافر باقي مشافوش)
علي : ااااسكت واحد الرحلة يا سلام…
زين الدين : اللهم بارك…
علي : اااربي اولدي شوف شنو واقع اتاصلات بيا حنان ضربتها شي وحدة من البيرسونيل جو بونص…
زين الدين”كمش حجبانو” : شنو واقع ؟!
علي : غير حنان يمكن وقع ليها شي مشكيل مع شي انفيغمييغ هنا”يحساب ليه مع فرملية” معرفتش كتبكي وحالتها يلاه غاشوف…رسلات ليا صورة وجهها فمها منفوخ وحمر وحالتها”
زين الدين”عقد حجبانو..تحل سانسور وخرج” : شنو فينما وقع شي مشكيل تهضر معاك ؟! الحاج !!!
علي : شوف مع البشير يفك المشكيل… ..
زين الدين”ضار غادي لجناح ديالو ونطق” : شنو فايدة ressources humaines الي حطينا تم ؟ نبداو ندخلو فخدمة عباد الله الحاج ؟! هادشي ما ديالك…
علي : عااارف غا دوز ليا هادي الله يرضي عليك…
زين الدين”عض شنايفو بغضب حاول يكاملي راسو باش ميقولش شي حاجة تقلقو منو…سد عينيه بنفاذ صبر ورجع نطق” : ماعليش ماعليش …واخا ما عندي علم بالي طاري راني عارف الضالم شكون…
جالس فالمحل ديالو وراسو كل ما كيمر الوقت كل مكيزيد عليه الصداع تا مابقاش قد حس بصدرو عامر وعينيه كيضروه وسقيقة بغات تشق ليه راسو والعيا كيسيطر عليه…ما شعرش حتى حط راسو فوق البوطاجي مربع ايديه وحاط راسو عليهم العيا تمكن منو …شاف راسو بصح مابقاش قد وخا يكون جبل ميهزو ريح الصحة فاش كتخون مكايبقى لا جبل لا ريح….ركب فموطورو وكسيرا نيشان لدار…اول ما دخل كانت دنيا صاااقلة المعلمية سالاو يومين هادي قبل الخطبة فضا معاهم …اول بيت قدامو دخل ليه وتلاح فوق السداري…
#الكلينيك…
جالس فالكرسي حاط رجل فوق فخدو مفرقهم وصبع ايدو متكي عليه لحيتو كيسمع ل علاء الي طلع عندو فور ما عرف بالي زين الدين بغا استفسار الي وقع محاملش يهضر ولا يدخل غير مبغاش يخسر لخاطر لعلي وصافي…
علاء”حك راسو وهو كيهضر” : هذا الي وقع سي البغدادي…
زين الدين”حك شنايفو بسنانو” : شفتو الكاميرات ؟!
علاء : وي نعماس ضروري باش منزيدو نضلمو حد وبالفعل الي قالت هاديك ودكتور بنسودة هو الي وقع بصح ..
زين الدين : شكون الي ضالم فيهم ؟!
علاء : باش نكون معاك صريح الي ضالم لا البنت لا دكتور بن سودة على ما سمعنا فتسجيل الكاميرا كو انه تعدات عليها بالسب والشتم الشي الي خلا الطرف لاخور نعماس اي البنت تدفعها تا طاحت يمكن الطريقة باش عايرتها صعيبة شوي الي لاحضت انفعال البنت لاخرى…
زين الدين”حك لحيتو” : شنو بان ليك فهادشي ؟!”هز صبعو” هضر معايا بحساب القانون وخدمتك عيطت ليك لهنا باش تعطيني تفسير لشنو جرا
علاء : لا حاشا نعماس …على اي انا عطيتهم من هنا ل ربعة العشية نعطيوهم قرار المجلس تاذيبي كنضن غانعطيهم انذار لا غير او توقيف لمدة اسبوع والبنت لاخرى تنقص ليها من خلصتها حيث دكتور بن سودة مزال فمرحلة سطاج..
زين الدين”حرك راسو” : وعليه …يمكن ليك تيسر…
علاء”ابتاسم ليه وناض مستاذن منو وقبل ميخرج وقفو زين الدين بصوته “
زين الدين”دارت ليه طن فراسو ربط احداث باحداث رجعات بيه ذاكرة لهضرتها فاش قالت ليه الضلم خايب بزااف والحكرة خايبة وتاحد مكيحس بيك..كمش حجبانو” : فيك ميرسل ليا ديك البارتي من l’enregistrement
علاء : دابا تكون عندك…
زين الدين : يعمر دارك…
خرج علاء من المكتب ورجع زين الدين حل الماك كيخددم شي شوية قبل ميخرج فحالو بدل اللبسة ورجع لبس لباسو ديال قبيلة…انغامس فخدمتو كيرسل فايمايلات ويشوف ايمايلات بعض البروفيسورات وشي خدمة ديال المحلات ديالو حتى تسمع صوت الميساج من تيليفونو حل وداز نيشان لواتساب ديال الخدمة لقا الفيديو الي طلب من علاء دخل مباشرة حتى شاف الحادثة قدامو غييييييييير بانت ليه فرح خرج عينيه على جهدهم سمع كلشي من الالف الى الياء والي زاد حطمو هو منضر فرح حدرات راسها من بعد وكيفاش لاخرى مزال مكملة فمعيورها…يمكن عارف طبع حنان وعارفها منفخة فاش كتعصب مكتبقاش تعقل على شي حد وفمها سليط فهاد اللحضات ولكن الي ضرو هو منضر فرح وهو عارف انها مفتاقدة لواليديها بجهد واخا عايشين عارف حجم المعاناة والي كمل ليه فاش هضر معاها يعني فديك اللحضة انها تجي تعاود ليك ونتا واحد من الي كسرو قلبها عرف انه وصلات لحدها وتضرات بزاااف تا مالقات من غيرو تعاود ليه وتنسا الي بيناتهم وتفتح ليه قلبها يعني خذاتو ملجأ ليها فين تخبا وفين تحتمي من الاذى ديال الدياب البشرية الي مكترحم ماتحن فالواحد يعني هنا كتقوليه زين الدين خليني تحت جناحك فغياب خوتي راني غير ولية وعبد ضعيف…هادشي كامل خلا الغضب يبدا يطلع والعينين يتعماو والنواضر يتورمو حتى عض فسنانو بجههد تا بدا الفك ديالو كيتحرك ويبان من بعيد…هز ايدو تا هزها وخبطها بجهد تا تهزو ديكورات الي فوق المكتب ويتزلعو والضربة تسمع لعند القاعة الي حداه تا ضارو يشوفو اش كاين …ناض على وقفتو هاز تيليفونو وخرج عينيه حمرييييييين وتقول واش سمع لشي حد فهاد اللحضة دخل نيشان لسانسور وركب رقم الطابق ديال لتحت خرج وداز الجهة لاخرى دخل لجناح الثاني وطلع لطابق تخصص امراض وجراحة العيون …
زين الدين”لبنت الي فلاكوي” : بن سودة ؟!!
هي : وي موسيو عاد خرجات يمكن فلاكاف”مزال مكملاتش لقاتو طاار لسانسور وهبط لاكاف خرج كيقلب عليها وعينيه خارجين تا بانت ليه غاديا لطوموبيلتها “
حنان”شادة فمها وتغمض فعينيها من الالم” : اييي تفووو يعطيها الهرس فايديها تفو ڤولگيغ…يخ”سمعات صوت الخطوات هزات عينيها وهو يبان ليها” زييييين الديييييين اهى شوووف اش دارت ليا واحد الحمااا”شهقات فاللحضة الي حط عليها ايدو فدراعها وزييييير عليه تا حساتو بغا يتقطع دفعها بجهد تا تزدحت مع طوموبيلتها وغوتت” ااايييي اهى مالك اش درت …
زين الدين”كيهضر وسنانو لاصقين” : عمرررر فمك مايتربى “قرب ليها” ضرباتك لفمك ياك ؟!
حنان”حركات راسها كتبكي” : اهى اهى…اييي ضريتيني حرام عليك علاش جيتي ليا انا سير ليها هي الي تعدات عليا وتضلمت بغيتي حتى نتا ضلمني ..اهى اهى ..شوف كي ضربتني وعلى حالة…
زين الدين”هز ايدو وحتاها عليها بقجة تا شوي يتگرض ليها عنقها فايدو عينيها خرجو كيهضر ونفسو كتخرج طااااايبة” : على جااااااااالهاااا (على قبلها) نكون ضالم وماتقاس ليا شعرة منها…
بزز باش قدر يتحكم فراسو من الغدايد وجنون الي ركبوه فهاد اللحضة…ماحملش وماقدرش ابدا يتحمل يشوف منضر فرح وهي كتعرض لاهانة بهذاك الشكل والاحتقار من طرف حنان الي عارف اسلوبها كيفاش داير كتشوف ناس ديما تحت منها واخا شفنا طبعها واحترامها لكبار لكن داكشي مكيجيش قدام النفخة الي فيها وفمها الي كان سباب بلاها…بقات كتجبد فايديها حيث صافي الاكسجين بدا يقل عندها وعنقها كتحس بيه بغا يتقسم اول مرة يحط ايدو عليها ماكفاتهاش غير صدمة حتى فاش دافع وطريقة باش دافع على فرح كملات عليها وعرفات ان فرح شخص مهم بزااااف لدرجة بغا يقتل الحب الاول ديالو على ودها ولدرجة يكون ضالم وماتقاسش شعرة منها على قولتو…فاي مرحلة وصل هاد الشعور ناحية فرح ؟….
حنان : ققغغغغغ…
زين الدين”زاد ورك وقرب عينيه جاحدين الي اول مرة تشوفهم بهاديك طريقة” : تحررررركييييي لفين كاينة ديك البنت وطلبيييي سماحة ولا بالرب الجليل والي شانوو عظيم العتبة ميعتبوها رجليك هنا”دفعها بجهد تا طاحت” ياالاااااااااااه…
حنان”كتمد فايديها كتقلب على الهواء باش تتفس لان النفس تقريبا شبه تقطعات عينيها خارجين وهي كتشهق وتعاود تا دازو دموعها وقلبها حسات بيه تهرس مية شقفة وشقفة..صعييييب على بحالها عشق زين الدين وفلحضة يوقع الفراق بين ليلة وضحاها حتى يولي شخص حاطك سطل بلا تقرقيب وصعييب فلحضة ودقيقة بسبابك يتقلب كلشي للاسوء وتعيشي عذاب الحب مع صراع الندم “
زين الدين : تحركي عليا من هنا لفوق عند RH …”وجهو مابقاش كيتفسر كانو واقفين شي بنات حدا المصعد الي جنب المصعد الخاص بالاطباء سمعو الغوات وبقاو كيطلو تا وقف حداهم وجهو عرقااان ومنضرو كيخلع بواحد الشكل بقاو غير كيشوفو..ورك وتحل المصعد فالبلاصة دخل وتسد اما حنان بقات مرمية كتقلب عالنفس شحاال عاد رجعات ليها كتشهق تشهق تشهق تا ولاو شهقات مع بكاء غزيييييير حطات ايدها على وجهها وعضات دراعها باش تكتم البكية واحد الاحساس فشكل وصعيب انك تسمع من حب حياتك كيقول ويدافع على بنت غيرك لا ومن فوق كان غايحد من حياتك فشردها…كانت واحد الماجورة خارجة من دوامها وهبطات لاكاف الباركينغ باش تركب سيارتها الي كانت جنب سيارة حنان باش تمشي فحالها حتى بانت ليها فلارض كتبكي …
هي : بنتي كاين شي مشكيل !!؟
حنان : اهى اهى…
هي”قربات ليها وتحنات بغات تشوف مالها” : واش لباس ابنتي ؟ ياكما وقعات ليك شي حاجة ولا كتضرك شي حاجة ؟ نعيط ليزيرجونص هنا ؟!!”غير قاستها وهي تدفعها حنان بايدها”
حنان : وااااا بعدي منييييييييي اهى ماخاصني والو ما بيا والو عطيني بتيساع …
هي”عوجات فمها وناضت مخلياها مشات لطوموبيلتها ركبات فيها وزادت” : الله يعفو والله يتسر…
اما هو غير دخل لمصعد اول رقم ركب هو رقم طابق l’administration ديال المصحة جناح على قدو خاص غير بالادارة..مشا نيشان لبيرو البشير لقاه عاد سالا مع لجنة الاوديت دق الباب تا شاف فيه ووقف شير ليه باش يدخل عاد حل الباب ودخل…
البشير : سي البغدادي مرحبا مرحبا تفضل اولدي…
زين الدين”جلس فوق الفوطوي الي مقابل مع المكتب فرق رجليه وحط مرافق ايديه فوق ركابيه وشابك ايديه وعينيه كيشوفو فنقطة بعييييدة ماهضر ماتكلم بقا صدرو كيطلع وينزل وباين عليه الغضب من بعيد وهادشي لاحضو البشير شافو بالي ماهواش ومقدرش يهضر معاه خلاه على خاطرو ..جهد عشرة دقايق وهو ساكت ولا كلمة حتى غمض عينيه شحاال وساط النفس ..هز عينيه فالبشير” : بن سودة سطاجيير الي هنا ..فرح الخيالي بيولوجيست قسم لابوراطوار “شير بصبعو ناحية لارض” يكونو هنا دابا..
البشير : واخا”هز الفيكس ودوز ليهم الخط كل وحدة عيط ليها وقطع”
زين الدين : RH علاء علمو يكون هنا بلا منكثر الهضرة هو يعلمك بشنو كاين …
بالفعل ماكثرش معاه الهضرة عيط لعلاء الي جا فالحين حيث غير تما حتى شوية تمات جايا شادة فعنقها كتحك فيه وعينيها منفوخين بالبكا دقات الباب ودخلات من وراها بجوج دقايق تا دقات الي عليها ناض الصداع بان ليها زين الدين من زاج جالس وجامع ايديه تحت ذقنو حجبانو معقودين وكيخمم عينيه فلارض لهيه ماهواش هنا تا حلت الباب وغير شم ريحتها وهو يهز راسو ودار جيهتها كيقلب فيها بعينيه واش مزال مقلقة ولا عادية واش باقي ماثر عليها كلام حنان…
البشير : رتاحو…
زين الدين : علااء..
علاء : بون ملي علمكم سي البشير تجيو مكاين لاش نرسليكم الاعلان باغ ايمايل دونك القرار هو انذار ليكم بزوج اي مشكيل وقع معاكم وخا يكون بسيط بالتالي غادي توقفو اسبوع بما انك بيرسونيل هنا دومزيل فرح غايتنقص ليك من صالير ديالك طبعا باش ناكد هادشي فحالة عاودتي خرقتي قانون المصحة…بالنسبة ليك دكتور بن سودة بما انك سطاجيير غايكون توقيف فقط وهادشي اكيد الى خرقتي القانون للمرة ثلنية اي بعد الانذار الي تعطاكم..ونتمنى هادشي ميتعاودش حنا فمشفى اقل حاجة ممكن نقدموها لمرضى هي راحة ثم الراحة والاهتمام وهذا را ضمن الشروط الي هنا…مفهوم…
فرح”حركات راسها” : وي موسيو …و جو سوي ديزولي بزاااف اول مرة غادي نطيح فهاد المشكيل مغاديش يتكرر ان شاء الله”حدرات راسها وهادشي تحت عينين زين الدين “
حنان”فهاد اللحضة قلبها كينزف بجهد باقي ممثيقاش الي دار زين الدين على قبل هاد البنت الي قدامها والي ناض معاها المشكيل ماحملتهاش وهاهي بسبابها كانت غاتموت بين ايديه …باقي عقلها ممستوعبش زين الدين الي كان باغيها وكانو كيقولو “حنان الزين” تبخرات فحال الى مكانتش الي عاشتو مع زين الدين ميجيش الربع الي شافتو دار على هاد البنت الماتلة امامها ..كسرة قلبها فهاد اللحضة بدا كيتولد ليها احاسيس جديدة وتفكير جديد ويعلم الله شنو نتج على هادشي والاكيد المؤكد غايكون الكره والحقد الطرف الاساسي…سمعات تحنحين البشير وهي تهز راسها شوي وعينيها فلارض” : د داكوغ موسيو البشير…
علاء : بون يمكن ليكم تمشي…”يلاه غاينوضو تا سمعو تحنحينتو ضارو كيشوفو فيه”
زين الدين”هز صباعو طرطقهم ناحية حنان وشير ليها بايدو باش تهضر شنو وصاها وديك الغوباشة الي عاقد تخلع” : طلقي راسك …
فرح”لمحات ايدها الي حاطاها على عنقها وعينيها الباكيين وشوفات زين الدين فاش طرطق ليها صباعو وديك طلقي راسك عرفات بالي تفاهم معاها خصوصا قالها ليها بطريقة تهديد”
حنان”غمضات عينيها مارضاااااتش حسات بقلبها كيضرب والتبوريشة شدتها من صبعها صغير فهاد اللحضة يلاه بغات تهصر تا نطقات فرح”
فرح : موسيو علاء وخا نهضر ؟!
علاء : تفضلي ..
فرح”شافت ف حنان” : ماعرفتش شنو وقع ليا يمكن كنت مقلقة ولا ماهياش ولكن فاش عايرتيني بتربيتي وواليديا ماتحكمتش فراسي ..بصح غلطت فاش دفعتك ومكانش عليا نتصرف هاكاك ولكن شي مرات الانسان مكيقدرش يتحكم فراسو الى تقاس بشي نقطة كضرو… احم..مهم بغيت نعتاذر منك على تصرف الي درت يمكن همجي ولكن ماشعرتش سمحي ليا…”هزات عينيها فيها بصدمة اما زين الدين تفكات ليه الغوباشة ورجعات بشاشة تكا عالفوطي مراقبها ومراقب البنت الي ملكاتو بدون ميحس..مابقاش تسوق لحنان حتى سمع صوتها”
حنان : احم..م ماشي مشكيل..”بغات تنوض تا سمعاتو حنحن تاني يعني لا مهرب” تانا س سس سمحي ليا “صرطات ريقها وناضت مخلياهم وخرجت اما فرح تبسمات ليهم وحدرات راسها وخرجات”
تصرف فرح زاد كبرها اكثر ماهي كبيرة فعينين زين الدين. وماحدو كيتعرف عليها وهو كينغامس فالاعجاب الي فااات مراحله بدرجااات لكن باش نعرفو تباد الاحاسيس وباش نفسرو هاد المرحلة لازم من الطرف ثاني يعطي انطلاقة او يفصح على مشاعر ديالو سواء ايجابية او سلبية…
البشير”من بعد ما شرح ليه علاء” : منضنش تعطيهم انذار !!
زين الدين”هز حاجبو” : وشنو ؟!
البشير : كنضن دموزيل فرح معارفك …
زين الدين : بن سودة اوسي معارف الحاج زياني..”تگعد وقف داير ايديه فجيابو” سوا معارفي ولا تكون بنتي ولا مي القانون قانون …داخل العمل القانون مطبق على كلشي…وحق التصرف بالقوانين مكلفين بيه نتوما شي حاجة فوق صلاحيات ديك ساعة جيو عندي ولا الحاج…الله يرضي عليك بغينا تكافؤ الفرص منضلمو حد ما يضلمنا حد والى على فرح هاديك انا مكفي وموفي انا گاد بيها …ماشي هنا ،،هنا تاهي ملزومة بالقوانين فحالها فحال كلشي..”هز صبعو بتاكيد” مفاهمين ؟!
علاء : داكوغ دكتور بغدادي…
البشير : وعليه اسي البغدادي…
زين الدين : تبارك الله عليكم في امان الله…”خرج من عندهم عالاقل مطمئن على فرح وحاس بالفخر من جيهتها و بانه طاح فالاختيار صائب وكل مرة كيزيد يتاكد ويفرح اضافة الى انه الادارة الي اختارو باش تكون فالمصحة كان اختيارات صائبة ماشي غير جاو ووضفوهم حتى عرفو اش وضفو اضافة للخبرة والقراية كانو رؤساء كفؤ ويتعول عليهم فنجاح تسيير المصحة وموضفيها…تنهد بارتياح وهو طالع لجناح ديالو دخل نيشان لبيرو…شاف ساعتو هادي هي وقيتة فاش تمشي فرح يلاه بغا يمشي باش يشوفها ويسول عليها وفيها حتى سمع دقان الباب حنحن سامح بالدخول تا دخلات هي نييييت كطل بنص راسها ..
زين الدين”هز حاجبو” : فرح !!
فرح”طلات عليه” : نقدر ندخل ؟!
زين الدين : الله اودي …
فرح”تبسمات شوي ودخلت خاشية ايديها فجيابها كتمشي شوي بشوي تا وقفات فالنص وهو حاضيها بكل تفاصيلها ” : احم..بغيت نقوليك شكرا ..
زين الدين : علاش ؟
فرح”حكات جبهتها” : ح حيث وقفتي بنفسك فالمشكيل الي وقع…وحيث سمعتي ليا قبيلة…
زين الدين”جلس فوق المكتب وربع ايديه” : هذا واجب عليا..
فرح”هزات فيه عينيها ورجعات شتتات نضر” : ياك !!
زين الدين”تنهد قبل مينطق” : فرح بلا الي وقع عاارفك گادة براسك وحقك تشديه بايديك…شي مرات ناس الي فايتينك بشلاا وشوية سابقينك فالحرفة وسابقينك فالدنيا وعقابها وديابها…هادي انا حاضر غذا ولا بعدو نكون غايب ريحيني وردي بالك افرح وحضري عقلك الله يرضي عليك..
فرح : ماعرفتش شنو طرا ليا ولكن الهضرة الي قالت لكن لقاتني ماشي فخاطري”هزات فيه عينيها مغرغرين ورجعات حدرتهم”ماعرفتش…
زين الدين”ماكرهش يعنقها وتبكي عليه ولكن جهد مكاينش” : الساعة الله تا واحد مالقاها كيف بغاها…”وقف ومشا مقرب ليها حط ايديه على كتافها طبطب عليهم بشوي وكحز ” الله يفرج الخاطر…نهار تحتاجيني وقت الي بغيتي علميني الوقت نكون غايب عارف ماشي من حقي …ردي البال راسك وتهلاي ليا فراسك…
فرح”حركات راسها” : شكرا بزاااف ..
زين الدين : واااجب عليا يالالة…”مد ايدو لذقنها هز ليها راسها” شوية دابا ؟
فرح : الحمد لله”تبسمات بخجل” انا مشيت هادي وقت فين نخرج…
زين الدين : في امان الله…
ضارت وخرجات من الباب غير سداتو عض شنايفو ودوز على وجهو بتعب…اااه من طولها طريق وحالف بحلووووف مايفرط فهاد طريق ويوقف ولو على حساب موتو هو شي حاجة فوق الوصف الي وصل ليها وهو ماحاسش شي حاجة فايتة الخيال كطرا معاه غير كتبان ليه كيحس براحة دنيا ودين غير كيشوفها قلبو كيضرب بجهد…اش غايقول واش غايفسر وهو حلف بحلوفو تا يكون ضالم ومايقيسوش ليه شعرة منها فاش كنوصلو لهاد المواصل فهذا كيعني انه ممكن يدير اي حاجة فشردها…
خرجات من عندو ونزلات لتحت كملات شنو بقا ليها وهزات صاكها نزلات هي وايمان لاكاف فين كيتسناو الميني بيس…جلسو شوي وجا ركبو وزادو…فهاد الاثناء نزلات حنان كتمسح فدموعها وتعاود تا صونا ليها تيليفونها وهي تجاوب..
حنان : الو “كتنخصص”
علي : امضرا بنتي شنو وقع ؟!
حنان”جاتها البكية” : و والو اهى اهى تحگرت بزاااف اعمي تحگرت بزاااف اهى..
علي : اش واقع ؟؛ راني مكاينش خليت غير زين الدين يتصرف…
حنان : وعرفتي اش دار اهى اهى”عاودات ليه كلشي” شفتي الحگرة ياااك ؟!
علي : لا حول ولا قوة الا بالله ..حنان بنتي باش منكذبش عليك ؟ نتي الي جبتيها لراسك…شنو وصيتك وعاودت ! بغيتي تسطاجي عندنا خارج خدمتك ف مستشفى دولة خصصنا ليك وقيت على حساب بروغرامك وهادشي هو مهضرش معايا ماقرب احتارم قراراتي ولكن باش تجبدي صداع ابنتي را منضمنوش ليك…
حنان : .نسولك شكون هاديك ؟ غا قوليا قووول واش هي الي كان خاطب ؟!
علي : نصيحتي ليك فوتيه عليك الله يرضي عليك راكي عارفاه وماتقجريش عليه فداكشي ماحدك كتقجري وهو كيطج ..زين الدين الي كتعرفي وكنعرفو مابقااش ديال راسو..
كانت الساعة الثالثة ونصف بعد الضهر…غسلات الماعن ديال الغذا..جمعات الكوزينة ودوزات على الدار بتجفيفة خفيفة بسانيكروا باش تحيد ريحة الحوت الي دارو لغذا…خرجات لقات مها كتاكل فشي ليمونات نقاتهم جلسات حداها كتاكل وتفرج وتك نيكطا مع فرح …
صفاء : هادي معرفت مالها غطسات من قبيلة ممولفة كاع ليها…
فاطنة : شكون ؟
صفاء : فريحة لحيمة فدجين…
فاطنة”شقت” : هيييي ويلي ويلي نسييييييت يعطيني نو..
صفاء : اناري اش كاين فيقتي ليا راكد..
فاطنة : تي نوضي نسيييت وصاتني على حوايج نشرتهم فالسطح البارح فالليل ويلييي غذايدي نوضي درك تصب شتا ويفزگو…
صفاء : ومالك قولي حيديهم وصافي كون كنت حاملة كون طاح نصو وبقا ليا نصو فكرشي…عطيني ساروت !!
فاطنة : را فوق الفران…”ناضت صفاء من حداها مشات تا غسلات ايديها من ليمون وهزات ساروت دار من فوق الفران..حلات باب الدار ضنا منها ان مكاين تاحد وفرح باقي ماتجي…دخلات كدندن بصوتها الرنان الي عند بالها را يفوق صوت دنيا باطما وهي كون سمعات ليه فتسجيل كون هربت ما بقات تلفتت…طلعات لسطح هزات شبكة وجمعات الحوايج الي منشورين كاملين وهبطات نيشان لبيت فرح حطات شبكة وتمات خارجة حتى بان ليها رجلين عند العتبة مسرحين…خرجات عينيها وهي تقرب تقرب تقرب تا طلات بان ليها مجبد ايد طايحة ليه فلارض …
صفاء”قلبها ضرب فاش شافتو ماضناتش غايكون شي حد فالدار” : اويلي هذا اش جابو فهاد الوقت…تت.”ضارت بغات تمشي تا سمعات صوت الانين واحد صوت كيدير مع تشحريجة كتسمع من صدرو فحال الزواية والانين ديالو مع صوته حرش كيتسمع نيت…” هذا ياكما مريض “هزات عينيها فساعة بان ليها اصلا الوقت ماشي وقتو فاش كيجي” هذا ماشي وقتو…
مشات لعندو شوي بشوي وخايفة مترددة تفيقو ولكن داك الصوت مسكين الي كيدير مخلاهاش خاطرها تخليه…وقفات حداه وحطات ايدها على كتفو كتحرك فيه بشوي
صفاء : خويا عصام !! عصام ؟!
عصام”عينيه مغمضين ووجهو كيبان مزنگ” : مممم..
صفاء : عصام واش لباس ؟ ياكما عيان ؟!
عصام : ممم..
صفاء : باش كتحس..
عصام”بصوت عيااان بزز باش كينطق” : رااسييييي بغا يتفرع عليا…
صفاء : نعطيك شي فنيد تشربو ؟!
عصام”الصمت”
صفاء”بتردد ماقدراتش تقيسو خافتو يفيق ولا شي حاجة..فالاخير تشجعت وحطات ايدها على راسو لقاتو طاااااايب تا بعدات ايديها وحطتها على فمها بحزن على حالتو الي وصل ليها بسباب لمياء واخا معرفوش شنو طرا بيناتهم لكن بما ان عصام واحد شخص مغايبغيش يضلم بنت الناس غير هكاك فالي وصلو لهاديك الحالة تا بين ليلة وضحاها فسخ الخطبة نهار الخطبة فهذا كيعني انه تقصح من جيهتها وضراتو وهاهو كيصرف ديك الفقصة الي كتم فقلبو وماقال لحد شنو جرا وعلاش وفضل يحتافض بالسبب لراسو…عز عليها فهاد اللحضة بزااف وضرها فخاطرها يمكن مانساتوش ولكن حاولات تعايش مع الوضع واصبح شيء عادي تشوفو مع وحدة اخرى حاولات تعفط على قلبها وتنساه…ولكن واش هادشي غايحيي المشاعر من جديد ؟ مكاين حتى شي مبرر او سبب الي يخليها تحيي قلبها ليه..تنهدات من جديد وناضت بزربة مشات لبلاكار ديال دوش بان ليها دوليبران وواحد ساشيات ديال سخانة هزات ساشيات ومشات لكوزينة هي لولة حلات ثلاجة جبدات شي لعيبات خفاف باش ياكلهم ..جبدات ثلاثة البيضات قلاتهم فزيت وزيتون وفرماج وخبز… عمرات براد صغييير ديالو نيت ديال اتاي بالخف حطات كلشي فصينية كبيرة حطاتهم فطابلة فالبيت وحطات قرعة الما وكاس…مشات لعندو” عصااام عصااام كتسمعني !؟
عصام : ممممم..
صفاء : حاول تنوض كول شي حاجة باش تشرب دوا ..
عصام : مافياش مافياش…
صفاء : وغير نوض باش يحبس عليك صداع راس ؟!
عصام : بفففف.. صفاء هنيني يرحم باك فهاد النهار…
صفاء : وغير نوض ونهنيك ..
عصام : الماااااااارض برب لا فرعتو ليا الحبس ديال راسي…”ناض مخنزر مرييييض مطحطح بزز باش قدر ينوض تا تقاد فالجلسة رافع حاجبو لسما شاف جيهة طابلة وعينيه منفوخين كيدلك فراسو” فين الدوا ؟؟؟
صفاء”شدتها القفقافة خايفاه يصمك حبها تا دور كتسنى فتصرفيقة على احر من الجمر ههه” : كك كول شوي من بيض واتاي وهاهو اكلاف…
عصام”شاف الماكلة ” : فففف…مصييييبة كحلة هادي..
صفاء : اغا صبر معانا ابا عيصوم واجرك على الله…ريح مع راسك وتكوانا ليا وشرب هاد دوا ورتاح…
عصام”هز فيها عينيه مغوبش” : عشيرك انا واقف مع مك فراس درب ؟!
صفاء : لا والله ما عشيري خو صاحبتي …”شافتو كيشوف فيها وهي تفرنس” تهههه تا مالك صلي عالنبي اتنضحك هه…
عصام : تت..”ضار جيهة الصينية كبات ليه اتاي كلا جوج ندغات بزز دارت ليه دوا تا شربو ورجع بغا يتكا وهو يدور عندها” اش جابك هنا ؟!
صفاء : هبطت الحوايج من السطح ديتهم لبيت فرح وانا نشوفك تا سمعتك كتنين ملي قلبتك لقيتك سخووون بزاااف..
عصام”هز حاجبو” : قلبتيني ؟؟؟؟
صفاء”قفزها ” : سيحت الوعد…الا شكون قالها ليك ؟
ماعرفت باش تبلات جاب ليها الله را قاليها اغتاص..بتيني ههه…يلاه بغا يهضر حتى صونا تيليفونو ضار كيقلب عليه وايديه مرخييين وثقييييل فكلشي سخانة لاعبة عليه بجهد حتى بدا يكحب وديك الكحبة كتسمع مجهدة كضر فالخاطر…بقا يقلب والو مالقاهش .ورجع تكا ماقدرش مزال يقلب ولا ليه الخاطر ليه…
صفاء : خاصك سيرو لكحبة الي فيك…
عصام”حرك راسو”
صفاء : عندنا فالدار واحد يلاه خذاه با يومين هادي ديال كاليبتوس انا نمشي نجيبو ليك…
عصام : بلاش بلاش عطيها يومين ديالها وتمشي..
صفاء”بحزن” : ولكن غاتسخسك خاصها دوا باش تبرا “بحنان”
عصام”شاف فيها ورجع غمض عينيه” : الي يريحك طلقيني بغيت نعس راسي كيتبخ…
صفاء : خاص الي يبقا معاك ..بلاتي…”ناضت من حداه هز عينيه منفوخين بانت ليه مشات دخلات لدوش جابت ميزان الحرارة وعطاتو ليه” هذا ديرو تحت لسانك بزربة نمشي لدار نجيب سيرو ونحيدو نشوف شحال فيك ديال سخانة ..غير شد وصبر معانا …
عصام”زفر بنفاذ صبر..شدو من عندها” : هاني “دارو تحت لسانو وطارت من حداه خرجات بزربة لدارهم كي دخلت لقات فاطنة واقفة كتسنا فيها”
فاطنة : تي مشيتي تخملي ليهم ولا مالك..
صفاء”عاودات ليها” : بغيت نجيب غير سيرو ديال بابا نعطيه منو ياك ولا شوية بابا ميحتاجوش ؟
فاطنة”حطات ايدها على صدرها” : الله ياربي على وليدي كمدها فگليبو الله…ديه ديه را ولا عليه مزيان لا خاصو شري ليه واحد جديد ولا شتي انا نمشي معاك نشوفو…
صفاء : تي غا ريحي انا نمشي راسي…
فاطنة”دارت شالها على راسها” : زيدي تحركي نمشيو عندو نشوفو نيت…”هزات صفاء سيرو وخرجات مشات هي وياها لدار دخلو لقاوه مغمض عينيه نعس وميزان في فمو…وقفات حداه غا حيداتو ليه وحل عينيه بانت ليه تا فاطنة عند راسو…يمكن راسو ضارو يمكن فاش كنكونو مراض كنبغيو راحة ميبرزطنا حد لكن هو فهاد اللحضة شاف الاهتمام منهم شاف اهتمام فاطنة الي عرفها غير عرفاتو مريض جات الاهتمام الي مالقاهش فواليديه عوضو ليه الله فهاد السيدة ونجية واكثر اهتمام لمسو هو الي فصفاء..كيفاش كانت كتشوف فيه وخا خافت منو لا يصعر حيث فيه ديك نوضة الى تبرزط وكان مريض بقات مصرة انه ياكل ويشرب دوا وهادشي مالقاهش فواليديه فقط ففرح وفوزي وهو من نوع مكمرضش بزاف الى مرض كيمشي بسخانتو عادي تتحشم سخانة راسها وتمشي…لكن هاد المرة كانت مرضة نيت وطيحة ديال قلب مكسووور …
صفاء”شافت الميزان” : 39,5 بففف طالعة …
فاطنة : اش يدير”شافت فيه” باش كتحس اكبيدتي ؟!
عصام: بغيت غا نعس اميمتي…”حك كتافو” شي مانطة ولا جوج عافاك…
فاطنة : جري بنتي جيبي ليه موينطات (تصغير مانطات هه) جاتو تبوريشة وليدي مسيكين…”جرات جابت ليه مانطات وغطاتو تا بدا يكحب ويعاود وديك الكحبة كضر فالخاطر…بقا شحال وهو كيقفقف بالبرد ويحك تا بدات فاطنة تحك ليه فكتافو وتعاود باش تحيد منو تبوريشة …ضارت عند صفاء” بقاي معاه هاني ندخل كوزينة ندير ليه شوية لمخينزة لا عقلي ينفعني را خبيتها لفرح فالفريگو لا باقيا فين هي الي تليق ليه…”مشات فاطنة دير شنو قالت بقات هي حداه كتشوف فيه كيحك فكتافو من تحت المانطة شعرو تخربق وطاح على عينيه ووجهو ولا حمررر بالسخانة والكحبة الكحبة مابغاتش تحبس ليه….بقا حتى تهدن جات فاطنة مصايبة ليه مخينزة فشوية الما سخون وحطاتها حداه تاتبرد…دارت ايدها قلبات راسو وحناكو لقاتو عرقاااان وهو بالخنقة لاح المانطة…وهي ترجعها عليه صفاء…
فاطنة : لا حول ولا قوة الا بالله…
صفاء”نطقات بصوت منخفض” : هلكاتو بزاف امي…
فاطنة : يا دلي را تهلك الي ميهلك لا خانتك صحتك مابقا ليك كلام…الله يجيب شيفا وكان…هادي رجل فراح ؟!
صفاء”شافت ساعة” : وااه هادي رجلها…
فاطنة : ايوى شتي اش ديري بقاي هنا جمعي هادشي ولا عاودي شي براد جديد وحطيهم تا وكان تجي تبقا معاه ورجعي…
صفاء : صافي امي واخا…”مشات فاطنة وبقات هي تم هزات دوك الماعن وخوات البراد غسلاتو وخلاتو تاتقرب فرح وتدير واحد جديد…رجعات لبيت بعيدة عليه شادة تيليفون كتكونيكطا حتى سمعات صوتو كيهترف ويهضر غا وحدو يمكن كيحلم ولا كيهصر معاها ماعرفاتش وقفات ومشات لعندو قربات ليه” عصام بغيتي شي حاجة ؟!
عصام : مممم مم ميي
صفاء : مي مشات واش بغيتي شي حاجة ؟!
عصام : ميمتي..
صفاء : مافهمتش ؟ باقي فيك البرد نزيدك شي مانجة اخرى ؟!
عصام”كيتمتم والو واش فهمات سنو قال لكن هو كيتمتم بناء على الحلم الي كيحلم الي ناتج على شي حاجة قصحاتو ضراتو سخانة صداع راس كحبة الم الخاطر مكمل عليه داكشي الي مخبي فخاطرو كامل كيترجم وداكشي الي هاز فقلبو كيخرج ليه على شكل هذيان…”
صفاء”شافتو مسكين محن وعمرها ماشافت عصام مريض فحياتها فييييين وفين داكشي غير خفيف لا غير وهو من نوع صبار فمرضو…اول مرة تشوفو طريح الفراش مكسور الخاطر ويمكن حتى القلب مادام فسخ مع لمياء الي ضنات انه بسبابها لكن هو كمل عليه حاجة غيييير…” : عصام “بصوت حنييين” قوليا مالك شنو ضارك ؟!
عصام : ميمتي”على مو” …
صفاء : مالها ؟!
عصام”كمش حجبانو ..داير ايدو تحت راسو متكي عليها..نطق بصوت عياااان وهااااز حمل كبيييييير..” : ميمتي محنااااااااااتني”طولها بصوت مذبذب يقطع فالقلب… دارت صفاء ايدها على فمها تا غرغرو عينيها كانت هادي اول مرة يقول عصام شي حاجة على مو من نهار عقلات…”
#تحمل_ياقلبي..
قد ماكان الانسان صبار غايجي واحد النهار الي غايبان الضعف ديالو فلحضة..قد مكان هاز حمل كبييييير على ضهرو وساكت او كاتم عليه غايجي واحد النهار ويبغي يخرج شنو فقلبو ولو غير بكلمة بسيطة فلحضة ضعف وانهيار الانسان مكيبقاش يصبر ويهز فوق طاقتو مهما كان قوي وصنديد مهما بلغت قوة التحمل عندو…ممكن يترجم هادشي كامل عن طريق المرض وضعف الصحة الي كتخون القوي والضعيف…
مالقات صفاء مادير فهاد الحالة فاش كتشوف شخص الي عاهداتو ديما قوي مكيشكي من والو وديما كيبان شديد الصلابة لا فهضرتو لا فمرضو ،،و هاهو قدامها كيخرج كلمة كانت كتحمل معنى كبيييير العنوان الرئيسي والاساسي لهمو…
بقا هكاك كينين وهي جالسة حداه حتى سكت وتهدن…ناضت طلات عليه بان ليها العرق نازل من وجهو ونواضرو …بقات حداه شافتو مسخسخ بسخانة مابان ليها غير حل هو تجيب زيف وبانيو فيه الما بااارد…غطسات زيف فالما تا برد مزييااان وحطاتو ليه على جبهتو تا قفز…
عصام”مغمض عينيه ومكمش حجبانو ” : تت شهادشي ؟!
صفاء : غير زيف بارد باش تنقص ليك سخانة…
عصام”رجع سكت اصلا ماشي فهاد العالم كيحس بالي ضاير بيه لكن باش يتوگض الوعي عندو طايح..بقات كتكمد ليه حتى سمعات الدقان وهي تنوض حلات الباب عند بالها فرح …
سيمو : اوه اوه اوووه …اش كديري هنا !!
صفاء : مي وصلاتها ليكم !!؟
سيمو ؛ غا سمعت صفاء مع عصام وانا نقوليهم حبسووو الشفاااء باذن الله”كيهضر وشاد قرجوطتو الي باقي فيها فاصمة”
صفاء”ربعات ايديها وشافت جيهة عنقو” : ومفوري يا صحبي من القرجوطة والي فيك ممهنيك…
سيمو : ناعس ولا فايق !!”دخلو وهما كيهضرو طل عليه” اوو ناااعس …
صفاء : نقص من صوتك بحرا سكت ..
سيمو : مالو ؟!
صفاء”مبغاتش تقوليه را هضر على مو” : غا تهتهيت سخانة …دابا مشكيل بغيت نعبر ليه سخانة ماقدرتش نفيقو ؟
سيمو : ولاش تفيقيه خشي ليه ميزان نيشان وهو ناعس..
صفاء”خرجات عينيها” : فين نخشيه اعدو الله …
سيمو : في فمو اويلي”كمش عينيه” تي فين غطستي !!
صفاء”عوجات فمها” : سير قيسو شوف واش كتحس بيه بارد ولا سخون ؟!
سيمو : لا با عصام متخافيش عليه يدوز ليك عشرة فنهار بلا ميعيا بلا منتيستيه..
صفاء”طرشات حناكها” : اويلي حاي دابا شكون غطس فينا ؟!
سيمو : تي اش تتقصدي دروك ؟
صفاء : وااالخلا وجلا واسير قيس ليه حنكو ولا جبهتو ولا راسو شوفو واش سخون او لا اويلي على المسرول…
سيمو : سيري قيسيه نتي …
صفاء : مال لكلبة مك غا تضربتي وتزادو فيك نغزات !! شتك وليتي حاس براسك غا تصاحبتي ليا مع طبيب تجميل ولاو مصاصطك معازاهم لارض !! ماشي لكلينيك قد الخلا ورعاية ملكية فسبيطار المخزن و”سيمو غا سمعها بدات تهضر على زين الدين وهو ينقز واقف كيدور هنا وهنا بغا يشد ليها فمها حلفات لا بغات تسكت كتبعد ليه ايديه وتخرج فعينيها” حاااااايد اولد لحرام المسرول البوال حاااايد قاليك بغا يبدا يشنت عليا بالكحل زرگ الكمارة…
سيمو : وااااعوعوعو وااا بنت لحرااام هنينا يغرق لبوك الشقف..
صفاء : نعل جدر والديك..تحرك قلب الراجل ..
سيمو : تفوووو يعطي ليدنمك الحبس…”ساس ايديه ومشا جيهة عصام طل عليه لقاه مغوبش ناعس” اناري هذا كي ندير نقلبو وهو عاقد ليا ربعمية فستة ؟
صفاء : حط ايديك على راسو طلقني الى كان سخون نعطيوه شي حاجة تنزل ليه سخانة..
سيمو : بوسيه ..
صفاء”غمضت عينيها وتبسمت بلا متشعر” : اخحح الا اداك الوااااالد لااااا نعل شيطااان ..وييييلي نعل اصل امك هههه”حلات عينيها لقات سيمو كيطل عليه مخليها بلاكة” حب مك كلب ..
سيمو”عرا عليه المانطا شوي قاسو فجبهتو وراسو يلاه غايهضر حل عصام عينيه تا قفز سيمو” : اااا سي خويا با عصام ؟!
عصام”بصوت باح” : شنو كاين ؟!
سيمو : ااا م داك..
صفاء : غير قلب ليك راسك واش باقي سخانة…
عصام”تنهد وحك عينيه..قاس جبهتو لقا فيها زيف حيدو ناشف وحطو عند راسو” : فففف..مازال ماجاتش فرح ؟!
صفاء”كتشوف فساعة فتيليفون يلاه بغات تقوليه مزال تا تسمع صوت سوارت فالباب كيتحل” : هاهي واقيلة جات..
حتى دخلات عند الباب دايرة بلاكار صبابط حطات سبرديلتها وتقاشر ودخلات كطل حتى بانو ليها واقفين كتقلب بعينيها تا بان ليها عصام مغطي فمانطة …
فرح. : عصام!!!”مشات كتزرب لعندو” مالك ؟
عصام : ماماليش عيان شوي ماشي شي حاجة…
فرح”الي كتعرف ليه مشات نيشان لحناكو قاستهم كتقلب فيهم هنا وهنا وتحط ايدها على جبهتو حطات شفايفها على جبهتو باستو ومنها تقيس درجة الحرارة باش تعرف مزيان شي بلايص هي الي قدرات تقيسهم وعندها الحق لانها ختو وبنتو وعارفة فاش كيمرض..” : كانت فيك سخانة ؟
صفاء : قبيييلة را دارت ليه مي دوا وعطيتو اكلاف الي عندكم وها سيرو شوي ويشربو لكحبة الي فيه..
عصام ؛ مكاين لاش مابيا والو غا عيا وصافي ..
فرح”عاودات قلباتو فراسو ودارت كفوف ايديه على حناكو” : واخا هكاك باقي شوي سخون…
سيمو”نغز صفاء بمرفقو كيهضرو بالحس” : شششششووووفي تقلاب كيداير…
صفاء : تشوف عينك عووووود اولد لحراام ….
الاعتناء او الاهتمام فالمرض الي كيجينا سواء من قريب او بعيد كيساهم فنسبة كبييييرة من الشفاء لان اغلب الامراض هذا اذا ماقلناش كلها هي بنسبة مهم كتجي من النفسية الى كانت مدمرة او جا المرض ومقدرناش نتحملوه اذا لقينا بما يسمى بالطبطبة او الرعاية وخا غير يطل عليك الواحد او كلمة الله يشافيك كتحس براسك عندك مكانة ولو بسيطة فكيف اذا كان الاهتمام بدرجة كبيييرة ان شخص يبقى جنبك والي مكنتيش كتضن انه يكون فجنبك نهار مرضك ديال بصح!! هادشي الي وقع مع صفاء وهادشي الي حس بيه عصام غير كيحل عينيه كيلقاها حدا راسو وخا مكانتش كتشوفو هو كان كيحل عينيه.وخا ماحاسش بالي ضاير بيه مع الحمى كانت ماثرة عليه…بقات معاه هي وسيمو الى جانب فرح الي بدلات حوايجها وجات جلسات حداه هي وياهم وجدو الكوتي عاوتاني حتى قرب العشا ياذن وجا فوزي لقاهم حداه كان ناعس لقا راحتو من بعد ما عطاتو فرح دوا تاني وصفاء السيرو…
فوزي : اناري مالو ؟
فرح”ضارت شافت فعصام الي كان مغطي كلو بالمانطة حطات ايدها عليه” : مريض سخانة والكحبة…يمكن ضربو البرد ..
فوزي”جلس حداهم حاط مرافقو فوق ركابيه ..كيشوف فيه عرفو وحس بيه بالي مرضو ماشي البرد وانما مرض النفسية الخاطر الي مرض وتهرس” : اودييييي الله يشافي وكان…
فرح : كيفاش !!
فوزي : والو الله يشافيه عطيتيه شي حاجة بعدا ياك..
فرح : وعارفني نخليه..قبل كانت معاه صفاء وحتى سيمو…
فوزي”ضار شاف ف صفاء وسيمو الي غبر عليهم خبطو فوق فخادو تا قفز” : اتا غابر شتك هاد اليومين ياكما رجعتي لشراب الكلب ؟!
سيمو : لااا اعوذ بالله هو صراحة توحشت جغيماتي وليني راني محاول ..
فرح : تا الكارو تاهو ضرب عليه..
سيمو : منصيبش والو …
صفاء : هذاك يعطيك كلوتو ميتفرق على الجوانات…
فوزي : مايجيش ويقطعو فساعتو خاصو شيو بشوي بغيتو تقتلوه…
صفاء : كاع ما سولتيه كي بقات جرحة”عوجات فمها وشافت فسيمو بنص عين..”
سيمو”صرط ريقو شاف فعصام نيشان كيحساب ليه فاق وكيسمع ليهم وعرف را مشا عند زين الدين ههه” : لباس الحمد لله يسول فيك الخير ورباح…
فوزي : هههه اييييه فكرتيني رجعتي درتي الكونطرول…
فرح”طلعت معاها تزنيگة غير بمجرد ما سمعات كي بقات جرحة وهي تلاقات بيه عند زين الدين وهنا الامر انه زين الدين فالقضية ولا قلبها كيزدح..ولات تصرط فريقها كثر من سيمو”
سيمو”حرك راسو باه”
صفاء”خبطاتو لكتفو” : ويلي مالك تزيزنتي هههه قوليه كيداز كونطرول هههه ماشي تلاقا هو وفرح ليوم فالكلينيك فين خدااامة”سيمو وفرح شافو فبعضياتهم وعينيهم خرجو سلمو على بعضياتهم”
فرح : اناااا ؛!!”ضارت عند عصام وضارت عند فوزي”. اههههههه اييييه جا فين خدامة تما فين كاين طبيب الي دار ليه كونطرول غير سلمت عليه ومشيت ماعرفتش باقي مزال اش دار..اههه صفاء اجي معايا لكوزينة عاونيني بغيت ندير شعرية بمطيشة عزيزة على عصام يتعشا بيها وينعس..
صفاء : بلاتي يسول فوزي سيمو ويقولينا اش دار ويلي”ضارت عند سيمو كتقلي ليه سم”
سيمو : نوض افرح نعاونك انا ؟
صفاء : اش غادير ليها مثلا !!
سيمو : نحك وجهك فالحكاكة اههه تانا نحك ليها مطيشة فالحكاكة”كيحك فلحيتو بواحد طريقة فهماتها صفاء بالي لا بقات فمك نبقى بلا صحة”
فوزي : دابا واش مزيان !؟
سيمو : لا مزيان الطبيب الي رسلني عندو قاليا بالي الي خيط ليك فلول خياطة مزيانة ميحتاجش لتجميل غير نبقى نسواني من بعد نعريها وغاتبرا عادي…
فوزي : ايوى مزيان…
ناضت فرح لكوزينة كتطرش فحناكها وتعض فشنايفها كتسنى فيها غير تدخل تا دخل سيمو تبعها…
فرح : فين الخانزة ؟!
سيمو : هاديك عندها حساب معايا بلاتي على ديلمها بلااااتي…
فرح : سير عيط ليها…
خرج سيمو لبيت كيطل عليها من بعيد حداه فرح كيشيرو ليها باش تجي وهي حلفات لا ضارت جيهتهم عرفات اش كيتسناها ..
فرح : فوزي كلم ليا صفاء تجي عندي..
فوزي : صفاء تكلمي لفرح…
صفاء”هازا تيليكوموند كتقلب فالافلام والمسلسلات دارت براسها مسمعاتوش”
فوزي : واااا صاااافااااو..
صفاء : امممممم
فوزي : تكلمي لفرح…
صفاء”الصمت”
فرح”دخلات لعندها ونغزتها” : نوووضي بغيتك…
صفاء : سيري فحالك بغيت نتفرج…
فرح : ههههه نوضي حكي ليا مطيشة..
صفاء : طحنيها فمكينة ولا عطي لمسلوت لمصاصط يحكها ليك…
فرح : سيمو مشا لدارهم شوي ويجي ..
صفاء”هزات راسها كتقلب عليه” : حلفي…
فرح ؛ وايلي ..
حسات بيها صادقة وهي تنوض معاها غير دخلات لكوزينة بغات تشرح ليها بالي بغاتها فسيمو حيث ماداهاش معاه تدفع سيفي فاش بغا يمشي داكشي باش دارت هكاك حتى كتلقاه واقف جات بغات دور تهرب لقات فرح عند الباب ساداه…اش غااااديييير اش ماغاديييير !! انا لله اودا حماد مشا ليها سيمو غادي وهي راجعة وهو غادي تا تزدحت مع الحايط ضار سيمو عند فرح وهي تم جاياها عرفتها غاتمعسها مع الحايط…
صفاء”قبل متوصلها حلات فمها وخرجات لسانها” : وااااااااا فوزيييييي قتلتني قتلتناااااااااي ….
بقاو هاديك الليلة مجموعين تا جات فاطنة ونجية وبات صفاء اطمانو على عصام تعشاو مجموعين وخا مكانش فيه مياكل بزز باش كلا ليه شوي شرب دوا وهاديك نعستو بقاات كل مرة طل عليه وفوزي كذلك تا حسو بيه مزيان عاد رتاحو…فاقو فالصباح عادي كانه ماكانش مريض وجد الفطور وكيف العادة فطرو بقا عصام الي هز سوارتو وخرج الموطور عند الباب كانت التاسعة صباحا…حتى بانت ليه خارجة لابسة اونسومبل قميجة بيضة وسروال كحل خاشية فيه قميجة وفيست ديالها كحلة فيها حزام دونتيل فالابيض ساداه على شكل بابيون ومونطو فايدها لا يتحرك البرد..وصاك صغير مع كلاسور فيه وراقها مقادة حالتها كتبان غزالة ميكاب خفييييف بزاااف غير لضرورة دارتو شعرها مصاوب ومطلوق كتبان زوينة …
عصام : لالة صفاء صباح الخير …
صفاء”تبسمات ليه عادي جداا” : صباح الخيير كيفصبحتي شوية ؟!
عصام”حرك راسو” : ولله الحمد..لهلا يخطيك بعدا درتي معانا الواجب…وكرفصناك..
صفاء”ضحكات بثقالة” : ههه لا لا عادي تانتا خيرك سابق ..الله اودي دنيا هانية…احم..
عصام : اناقة كثيرة هادي هي شي خديمة لا سهل الله…
صفاء : الى بغا الله فواحد لاكلينيك هنا فجديدة ديال اكديطال عندي مقابلة على ود سطاج الى كتب الله…
عصام : ركبي نوصلك…
صفاء : الا مكاين لاش نعذبك مزال مريض الله يحفضك..
عصام : ركبي نوصلك من الهضرة الخاوية لقيتيني مكالمي وراشقة ليا راكي عارفاني ..
صفاء”بقاات شحال كتشوف تا خرجات مها عند الباب سمعاتو فاش قاليها ركبي”
فاطنة : عصام وليدي كي صبحتي ؟!
عصام”مشا ليها باس راسها” : اللهم لك الحمد ميمتي “باس ايدها” الي عندو ميمتو وجيران فحالكم يمرض !؛؟
فاطنة : ههه الله اوليدي راك ولدنا تربيتنا ههه ايوى لباس دوزتيها منا خلعة وشلا تهيتير هيترتي فاش كنتي مريض..
عصام”عقد حجبانو” : ياك ماقلت شي عجب !!
فاطنة : وشلا ما برگمتي سول صفية الي كانت عند راسك .
عصام”ضار عندها” : قلت شي حاجة ماهياش ؟!
صفاء”صرطات ريقها” : اا ؟ لا لا مقلتي والو غير هضرة ممفهوماش..”شافت فساعتها” خاصني نمشي تعطلت…
عصام : يلاه ركبي..
فاطنة : ركبي معاه هو يوصلك حسن تبقاي تسناي في داكسي”طاكسي”
حرك الموجور تا ديماراه وطلع البيكي ضار شاف فيها وهي تركب وراه تا تقادت شد من عندها الكلاسور حطو فالسلة الي فالموطور قدامو دارت صاكها فجنب وهي تمد ايديها بغات دورهم عليه حشمت وهي تشد فيه من جناب مكمشة بروس صباعها تا تحرك كانت شوي طيح غوتت بشوي …
عصام”وقف شد ليها ايديها ودورهم على كرشو وتبتهم” : هاكا حسن. وشدي فراسك لا طحتي نخلي مك ونزيد..
صفاء : واااخا واخا…
كسيرا بالموطور غاديا مكمشة فيه كيف قاد ليها ايديها كيف خلاتهم متحركاتش غاديا ومدورة وجهها لهيه مابغاتش تشوف ليه فضهرو مابغاتش تستسلم لدوك الاحاسيس الي كانو مابغاتهم يحياو من جديد الاحاسيس الي دفنتهم شحاال هادي وتعودات على الوضع مابغاتهمش يخرجو لعلن وتستلم تاني وتعاود تهرس ويتكسر خاطرها وقليها من جديد…حلفات بحلوفها تا تعيش لراسها وتخلي الولف والايام الي تعالج وهاهو بدون قصد منو كيخليها تبكش على مشاعرها وترجعهم…هزات راسها لسما وطلقات انفاس ساخنة كتحاول تلاهي راسها …حتى سمعاتو كيهضر وهو سايق…
عصام”مجهد صوته على قبل باس تسمع حيث سايق” : الماستر شنو درتي فيه ؟!
صفاء : ااا ؟ ااه ماستر..مزال ماكاينش امتحان تال شهر ستة …
عصام : علاش مدفعتيش هنا ! لاش طالعة تال رباط ؟
صفاء : دافعة تا هنا والي خرج ليا فيه خير…
عصام : والى خرج ليك ديال رباط وهنا كنتي خدامة ؟!
صفاء : نخلي خدمتي ونمشي لرباط..فرصة مغاديش تعوض ليا والى خرج دياال هنا فيه خير تاهو..مهم منبقاش بلاش وندير شي حاجة الي تنفعني حسن مانبقا مقابلة الخوا الخاوي والاحلام الي متنفعني بوالو غير المرض فالخاطر…
عصام : مممم ماعليكش الالة…”بقا غادي مسافة حتى وصل لحي المطار فين متواجدة المصحة الخاصة الدولية اكديطال الي غاتدوز فيها المقابلة على حسب السطاج..وقفو عند الباب الكبير حدا واحد الجريدة نزلات كتقاد فلبستها وشعرها الي تخربق فاش كانت راكبة …
صفاء : الله يحفضك…”حرك ليعا راسو وتما غاديا عند بالها مشا هزات ريحة من صاكها رشاتها تحت وذنيها هنا وهنا دروات وجهها يمين شمال باش تقاد شعرها بزربة ..خشات ريحة فصاك كتبان بابهى حلة ماشي صفاء الي كتكون فدار هادي صفاء الانثى الناضجة الي كانت طفلة بين ايديه هي وفرح…دغيا دازو سنين وهاهي صبحات فتاة شابة كتقلب على مستقبلها بقرايتها وشهادتها وبدراعها فينما كان سطاج دارتو هي وفرح حاولو يكونو راسهم فمجال الخبرة بدراعهم …تما غاديا تا سمعات اسمها وهي دور بان ليها كيشير باش تجي عندو” هذا اش بغاني ياربي..”قربات لعندو” هاني…
عصام”هز لكلاسور من شبكة ومدو ليها ” : فين مدرمة مالك موصلك شفار ؟!”رفع حاجبو معصب”
صفاء : الاا والله ما هكاك غير تعطلت على المقابلة داكشي باش …
عصام : مقابلة وريحة لاش ؟!
صفاء”لولبات عينيها بعدم فهم ” : كيديروها عادي…
عصام”كيحرك فراسو بديك الحركة ديال احياني عليك” : سيري سيري اللهم يسر..”ضارت نيشان ماعاودتهاش معاه تا بانت ليه دخلت وحرك الموطور ومشا”….
.دازو الايام الاخيرة عادية لا فخدمة فرح ولا عصام ولا فوزي…فالكلينيك مكانش زين الدين هادوك الايام كاملة طول ديك المدة ديال سيمانة مكانش وماتلاقاتش بيه كاع وماقدراتش تسول او دير فبالها تسول…هاد الاسبوع عندها الخدمة ديال الليل من بعد ما وجدات العشا قبل لخوتها ووجدات ليها هي لانش بوكس ديالها كفتة وزوج بيضات مصلوقين و صلاد روز ومييس او الذرة وخس وبصلة شرائح صغاار وكاشير لانشون وطون وخيزو محكوك. وخيار مشلض..دارت فزلافة دانون مسوس ومايونيز وعصير نص حامضة مع معيلقة زيت زيتون ونص ضرص ثوم محكوك ترباتهم مزياان وخواتهم على صلاد خلطتهم مزيان سدات على لانش ديالها وحطات فرشيط ومعيلقة فصويك صغير ديال لانش حطاتو ومشات لماريو دايرة صبعها في فمها كتقلب شنو تلبس فالاخير وقع الاختيار على فحال ديال صفاء بالضبط غير هو فالازرق ملكي حزامو ماشي دونتيل انما ساتان فالديكرادي ديال ازرق وقميجة بيضة شراوهم بزوج كانو عرض فواحد البوتيك وخذاوهم. وطاي فرح طبعا كبيرة وسوال عريض من تحت لبسات معاه موكاسان هزات مونطو على حسب البرد فالليل مشطات شعرها ودارت ضفيرة حيث عندها خدمة بالليل كثيرة مافيهاش ميبقا مضاربة مع شعرها …ذهنات وجهها بكريم مرطب وفوق منو فوندوتان خفيف ماسكارا ومرطب شفاه كيخلي الفم حميمر مكتراتش منو باش متعيقش ويعايرها عصام رشات ريحتها وهزات شغلها الي تحتاج …كانت تمنية …طفات على العشا وغطات الخبز…وقبل ماتخرج دخل عصام…
عصام : خارجة ؟!
فرح : واه را العشا موجود كلشي كاين .
عصام : تسناي نمشي معاك تالشارع متمشيش وحدك…
فرح : واخا”تسناتو تا حط داكشي الي كان هاز وخرجو بزوج تابطات دراعو غاديين وكيهضرو”
عصام : ديتي معاك ماكلتك ولا تشري من تم ؟!
فرح : لا عندي غاناخذ غير عصير ولا مونادا ندوز بيها…
عصام : مونادا بلاش ترجع ضرك تاني فكرشك ؟! خودي عصير ولا حليب ولا غير ما حسن ليك…عندك فلوس !
فرح : عنديييي و شهر جاي غايدوز ليا صالير اسيدي ههه
عصام : ياك هي ناوية دوري معانا..
فرح : هههه ضروري هادي فيها نقاش ههه
عصام”باس راسها” : نتي غا شدي فخدمتك وكوني راسك مابغيت والو وخا تشدي صاليرك لا احتاجيتيني راني كيما انا…ياك بعدا مرتاحة فخدمتك ؟!
فرح”حركات راسها…تفكيرها انها تبقى فالخدمة كان ناتج عن اهم سبب هو فديك اللحضة كان عصام غايتزوج يعني غايشوف حياتو ومراتو وفالمستقبل ولادو فكرات انه تنقص عليه العبئ وتخفف عليه المصاريف مكانوش ناويين انه غايتفارق مع لمياء ويرجعوو لنقطة فين كانو وكيف كانو عايشيين…بقات كتفكر حتى بان ليها الميني بيس وقع سلمات عليه طلعات ومشا بيهم مسافة الطريق حتى كانو فالكلينيك طلعو لخداميهم كيف دخلت حطات صاكها حيدات الفيست فوقانية بقات غير بقميجة وسروال لبسات بلوزتها وجمعات الحوايج حطاتهم فواحد الكوان كيحطو فيه اغراضهم ومشات لعند الطبيبة ..
نورة : فرح بنتي طلعي لي ضوصيي الي هضرنا عليهم البارح عاد ساليناهم … لعند موسيو علاء RH…قبل ميخرج..قوليه يدير منهم كوبيي ورجعيهم معاك.ضرووووري ياخذهم سي نو مالقيتيهش ديري ليهم كوبيي حطيهم ليه تما عند لاكوي ديالهم…وجيبي ليا معاك طونير لهاد ماشين را تقادا اما نديرهم انا راسي وهبطي ليه كوبي نيشان…
فرح”شدات من عندها الملفات” : داكوغ..”خرجات من تما ونزلات لتحت عند الادارة مشات لعند علاء لقات البيرو ديالو مسدود ضارت هنا وهنا اغلب البيرويات مسدودين..يلاه بغات تمشي تسول حتى بان ليها مراد جاي تاهو..”
مراد : انسة فرح عاش من شافك ..
فرح”تبسمات ليه بزربة وجمعت ضحكة” : الله يكبر بيك..
مراد : خاصاك شي حاجة ؟!
فرح”حكات ورا شعرها” : مم فصراحة بغيت ندير فوطوكوبي مكايناش هنا !؟
مراد”ضار هنا وهنا وشاف قدامو فطوالة الاخر ديالها كانت الل ديال طباعة…” : اجي معايا…”سبقها تبعاتو تاليها شعلها” بغيتي بالالوان ؟
فرح : غير عادي
مراد”خدمها وتسناها تا تقادت يلاه غايشد من عندها الوراق وهي تطفا عاود خدمها وتاني نفس القضية تالتة خدمها وجرب فورقة وهي تخرج ليهم ورقة بااااهتة” : واقيلة طونير مقادي وهي كلها منعرف مالها…مشكيل فضو ياودي يا تريسيان ياودي”هو عينو غا ف وليد اما را تا علاقة بضو والماشين الي خسرات ههههه” مكاين لا عادي لا الوان…
فرح : اش غاندير..ضروري نخلي ليه كوبي حيث صباح خاصو يرسل هادشي لمحاسب على حساب ليفاكتيغ…فين ممكن ناخذ طونير اصلا بغاتو دكتور نورة …
مراد : كاين فديبو لتحت ديال الادارة ؟ جا غير برا حدا فين كاين العساس دارو تما دايرين ديبو فين كاين المستلزمات ديال لادمنيستخاسيون(ادارة)..غاتلقاي واحد ماشين تما خدامين بيها “شافها كترمش” هههه معرفتيش ؟ اجي معايا…”نزل هو وياها فلاسانسور تالتحت خرجو على برا فالساحة شاد من عندها الملفات باش متعذبش توصيات زين الدين ههه سلم على العساس براسو لقاه غادي خارج بغا يدخل بلاصتو واحد…دخلو لديبو كان كبييير فيه كل ميحتاجو فالادارة تا من ستيلو بيك فيه بالباكيات…مشا نيشان جيهة مستلزمات لماشين ..بان ليه باكيات وراق وكراطن ديال سكانير ..مشات عينو نيشان لطونير جبدو وعطاه ليها..شاف فماشين طباعة خدامة ومحطوطة تم” ها ماشين خدمي بيها وطلعي لوراق نيشان حطيهم وسيري لخدمتك بلا متبرزطي اش بان ليك”صونا تيليفونو كان فايدو شاف سمية وغوبش وقطع شاف فيها” مزيان ؟!
شاف ففرح …..
مراد : صافي مزيان نعاونك ؟!
فرح : لا شكرا انا غانبقى حتى نطبعهم ونمشي شكرا بزااااف ..
مراد : متاكدة ؟ غير خليني نبقى معاك هنا كبيير احتمال يجي العساس يسد عليك وميردش البال…
فرح : لا لا ماشي مشكيل انا دغيا بزربة ندير كوبي ونمشي اصلا خاصنا شحال من حاجة ناخذها من هنا ونطلع…والى خرجتي زصي العساس ميسدش عليا من برا تانخرج..
مراد”بتردد حاس بشي حاجة غاتوقع مابغاش يخليها بزز باش قدر يمشي..” : وخا ودغيا عافاك وردي البال لراسك..تت غير خليني نبقى معاك ..
فرح : ياودي غير سير ماتخافش الى ضار فيك دكتور البغدادي غادي نشرح ليه..
مراد”جاتو ضحكة” : تهههههههه ياك بعدا هههه وخا هكاك را منصيبش نخليك اختي والله…
فرح : ههه ماشي مشكيل عارفة الي كاين غير تيسر لخدمتك…
بزز باش قدر يخرج ويخليها تا بانت ليه مشات كطبع وتاكد من كلشي عاد خرج وكيف خرج لقا العساس برا وصاه عليها لا يسد الباب واكد عليه عاد رتاح ومشا فطريقو ..يلاه غايدخل لاسونسور بان ليه زين الدين جاي لابس كحل فكحل قميجة كحلة وسروال كحل وشعرو مرجعو لور مفيكشي بجيل وصباعو بزوج على الهاتف فوذنيه كيهضر بالانجليزية غالبا المكالمة من دبي…غير شاف فيه وشير ليه بايدو حرك ليه زين راسو ..ضار جيهة المصعد الخاص طلع فيه …
مراد”جاوب” : نعاام اعمي …
الغالي : علاش كتقطع عليا ؟! ياك لباس بغيتي تبدا ضصر هنا ولا شنو ؟!
مراد : ممساليش عندي ميدار عندي اجتماعات كتيرة راني خدام وكنمشي نرتاح وصباح كنمشي نقرا لومبلوا عندي عااامر مكاينش كيفاش نتشاوفو …بغيتي شي حاجة هاني كنسمعك…
الغالي : لا والله الى تقادو الكتاف بحال الى كتنفخ عليا ؟!
مراد : شنو محتاج اعمي قول كنسمعك…
الغالي : لاكان غير بنفاخة تبع ليا البراني وصرب على القريب ليك غير بناقص…
مراد : شكون البراني وشكون القريب ؟! اه البراني كتقصد نتا ياك والقريب زين الدين…
الغالي : ياك اولد خويا..
مراد : عام اش كنت ولد خوك ؟! من امتا ؟ عمري ماعقلت عليك مديتي ليا ايدك فصغري عمرك شفتي فيا تا شوفة شكون شاف فيا ؟ مرتك الي حليت عيني لقيتها وشكون وقفني على رجلي وكبرني ؟! داك الي كتقول عليه البراني…هذاك هو الي لقيت فيه الخير عليك نتا نهار طحتي عاد بنت ليك ؟! ..شنو خاصك من لاخر راني داخل لاجتماع…
الغالي : عطيتييييني وكفيتي ووفيتي..”قطع عليه”
مراد”جا يخشي تيليفون فجييو هز راسو لقا زين الدين عند وجهو” : زين الدين !!
زين الدين “خشا ايديه فجيابو” مسالي ؟!
مراد : مسااالي”مابقا اجتماع فحضور زين ههه” اش خاصك ؟!
زين الدين”حك لحيتو” : عندي مشكيل فسيستيم باش خدام فالبيرو …
مراد : ايه نفكوه دابا…”شير ليه سبقو غير فاتو ضرب ليه على كتفو وضهرو بشكر…اما عند فرح بقات كتصايب فدوك الفوطوكوبي تا كملتهم وحطتهم فوق واحد طابلة تما ستفاتهم ورتبات كلشي قلبات على بلايص شوميز(ملفات ورقية) جبدات ما يكفي منهم حطت الاوراق فكل واحد فيهم وقادتهم …تسمعات طرررا ساك طررراق هزات راسها كطل ناحية الممر مشات نيشان بان ليها الباب كيتسد مشات كتزرب وتجري كتغوت”
فرح : لااااا ماتسدش ماااتسدش…”يلاه غادور تا تطفاو ضواو ديال الديبو وبقاو غير الاضواء الخافتة” اويلي سدو عليا “جاتها البكية والحنقة..خشات ايديها فجيابها نسات تيليفون..مشات لباب كتخبط وتضرب” واحلللل الباااااااااااااااااب اهى اهى وااعععععع حل البااااااب…مراااااااد…
فهاد اللحضة زين الدين كان جالس وحداه مراد كيقاد ليه فسيستيم…
زين الدين”كيبقشش فتيليفون حس براسو توحش يشوفها ليه ايام مشافهاش مكانش فالمصحة كاع مابنش ليه الاثر..
فيييييين هي فرح الي غاطلع روحها بغات تخرج وهي كضرب فالباب بحر جهدها جاتها الخنقة بجهد ودموعها نازلين ..ضارت كتقلب منين تخرج مشات لكاع الشراجم كلهم عالييين بزااف حيث ديبو كبير…كاع البيبان مسدودين وكاين الي سادينو الكراطن ديال ليماشين جداد…
فرح : اهى اهى ناري لا لااا كيغاندير ياربي اهى…”.شوي بدات كتشم فريحة دخان وهي دور كتقلب والدخان غادي وكيتجاهد فجأة تسمع صوت لهييييييب ديال النار بدات كتشد شيئا فشيئا فدوك الوراق الي تما الباكيات والبلانشات ديال العود على شكل ماريو فين حاطين الكوليات واللولزم بالكراطن…كان واحد الجيهة فيها الخناشي كبار ديال القطن غا وصلتهم العافية وهي تنشر بواااحد سرعة تا ضرب لهيب بجهد وصل ليها لعند وجهها فلحضة شوي كايتشوط…
فرح”قلبها بدا يضرب بجهد وعينيها خرجو كتشوف قدامها العافية غاديا وكتجاهد… كيفاش وقع تا تسد عليها الباب وشعلات العافية وصوت صافرات الانشار بدا يضرب فالانحاء فاش وصلات العافية لسقف..حياتها فلحضة دازت قدامها مشات كتجري لواحد القنت وجلسات فيه مكالية بواحد الحديدات مالقات مادير ودموعها دايزين سوى انها تنطق الشهادة وتدعي رب العالمين لان النهاية ديال حياتها بين عينيها ” : ياااااربي كون معايا اهى”كتشهق وديك شهقة كون يسمعها شي حد طيح عليه ضيم لايام” يااااربي اهى اشهد ان لا اله الا الله واشهد ان محمد رسول الله”تكات راسها على الحايط وشافت فالسقف ونطقات باسمو لاول مرة كتسنتجد بيه وشكون من غيرو الي مقدم ليها الحماية فهاد المكان فاش مكيكونش عصام او فوزي…” زين الدييييييييييين اهى…
من اسوء اللحظات فحياتنا هذا اذا ما قلناش اكثرها…هو فاش كنشوفو شريط حياتنا كيدوز قدام عينينا هي فاش كنشوفو راسنا على مشارف النهاية ولا يفصلنا على موت محتم او شبه…فهاديك اللحضة مكيبقا قدامنا سوى الدعاء بالنجاة او نطق الضهادة…خصوصا فاش كنشوفو راسنا على مشارف حريق والي كيتعتابر الالم ديالو اسوء الم …فهاد اللحضة الي واقع لفرح وهو كتشوف راسها مكاينش مخرج وكطلب من الله المجزة او يدير ليها سبيل عالاقل فين تحاول تنقد راسها…مابانت ليها غير ديك القنيتة جات من ورا الباليطات فين مستفين السلعة كانت بلاصة خاوية فواحد القنتة مسكينة فديك اللحضة بانت ليها غير هي …كتهز فعينيها بخوف وتقلب هنا وهنا العافية مزال موصلاتش لديبو بالكامل لكن المشكيل الكبير هو كان محطوط خناشي ديال القطن تما في غير محلهم والمعروف ان القطن فاش كتشد فيه العافية صعيب تطفا…
فرح”كدور فعينيها وقلبها بغا يسكت” : اهى اهى واااااااا عتقوووووونيييييييييييييي اهى…
~~عن أبي اليسر رضي الله عنه قال : كان رسول الله صلى الله عليه وسلم يقول : ( الَّلهُمَّ إِنِّي أَعُوذُ بِكَ مِنَ التَّرَدِّي وَالهَدمِ وَالغَرَقِ وَالحَرِيقِ ، وَأَعُوذُ بِكَ أَن يَتَخَبَّطَنِي الشَّيطَانُ عِندَ المَوتِ ، وَأَعُوذُ بِكَ أَن أَمُوتَ فِي سَبِيلِكَ مُدبِرًا ، وَأَعُوذُ بِكَ أَن أَمُوتَ لَدِيغًا ~~~
بقات كتشد العافية فكل حاجة بحاجة وصوت صفارات الانذار تطلق…ناضو السيكيريتي الي تما كاملين كيتجاراو ويتغاوتو تابعين مصدر صفارات الانذار جاب الله ديبو بعيد شوي على الكلينيك لداخل كيمشيو ليه من ممر فلاكاف…باش كيحرجو على برا…
فرح”كتبكيييييي وتطلب ربي النجاة تفكرات كاااع خوتها وحالتها وواليديها بزوج واخا ماشافت منهم تا خير تاهما تفكرتهم وزين الدين الي يمكن ولف انه كان معاها فالاونة الاخيرة جا فبالها تا نطقات باسمو..تفكرات الادعية الي حافضة كلهم قالتهم ” : الله اكبر الله اكبر اهى اهى الله اكبرررر….يااااااربي كون معايا يااااربي ياااربي “مزال كتدعي طاحت واحد الخشبة بجهد شدت فيها العافية تا غوتت” واااااااااااااااا اهى ياااااربي ياااربي”هزات عينيها لفوق بان ليها شرجم لهييييه لكن مسدود وبعيييد …” ممممممممم اهى…”بغات تمشي تشوف فين تهرب ولا تطلع والو مالقاتش…بقاات تقلب على مهرب مكاينش من غير انها تضرب ديك طويويلة الي تم باش تمشي الباب لعلى وعسى يحلو عليها لكن صفارات الانذار قامت بالواجب”
فرح : وااااااااااعتقوووووونيييييييييي اهى…واعععععععععععععع”عقلها بغا يخرج حيث كتشوف العافية قدامها غاديا وكتجاهد وتشد فكلشي لان الوراق تما كلشي اي حاجة قابلة للاشتعال ..”
في هاد اللحضة مراد سالا تقريبا مع زين الدين طفا البيسي ديال البيرو وعاود شعلو تاكد من ان سيستيم مابقاش مبلوكي
مراد : صافي دابا ناضي من داكشي…
زين الدين : les dossiers الي فيه ديجا ؟!
مراد : هاهما حولتهم ليك ل D دونك فاش تبغي ترجعهم فين كانو هزهم من هنا…سي نو مكنتش انا غير عيط ليا غادي نرسل ليك واحد الكود دخلو وانفوا يدخل انا غانتكلف ليك بالبيسي راسي اديسطونس…
زين الدين. : وعليه…”ربت ليه على كتفو”
مراد”حك لحيتو وتبسم” : مهم غير باش تكون فبالك عاد شوي كنت مع فرح لتحت تلاقيت بيها ف الادارة…
زين الدين : شنو المشكيل !!”يحساب ليه وقع ليها شي مشكيل ثاني “
مراد : نن والو غير كانت جايبة شي ضوصيي لقات علاء مكاينش والفوطوكوبيوز كان خاصها طونير وبغات هي طونير من فوق مشيت معاها تال ديبو وريتها شنو يخصها تم وجيت..
زين الدين”هز فيه حاجبو” : وحدها تما ؟!؟؟
مراد : مابغاتش نبقى معاها وصيت عليها”مزال كيهضر تا وقف زين الدين”
زين الدين”رفع حجبانو” : بقااات فديبو وحدهاااا ؟؟؟
مراد : والله خاطري مبغا يخليها مابغاتش نبقى ولكن وصيت عليها العساس غير تقدي غراضها وطلع ماعندك مناش تخاف راها فالحماية…
زين الدين”بخوف” : الديپو مراااااااد ؟؟؟…
مراد : وااارا ديبو فيه ضواو فيه كلشي معندك مناش تهز الهم ولا تخاف وهي ميتخافش عليها…
زين الدين”بقا كيشوف فيه متردد شي حاجة فيه ممهنياه عليها…واحد الاحساس جاه فشكل انه ماخاصهاش تبقى فداك الديبو واخا مافيه والو الي يخلع وفيه ضو وفيه طوابل فين كيجلسو الي بغا يقضي منو شي حاجة ولا يحط شنو خاصو تا يتقدا منو بهاد المعنى كاع اللوازم الي تخصهم لانه جامع كلشي كاع الي يخص الاوراق ولوازم الادارة فيه…” : مراد !!!
مراد : عرفتي اشنو انا غانزل لعندها نشوفها واش سالات ولا مزال ونطلعها بايدي مزيان…
زين الدين : هي دابا…
مراد : واخا”ضار غادي بغا يخرج حتى سمع سميتو ضار عندو بان ليه ضار من المكتب وتم جاي معاه”ياودي..
زين الدين”دفعو بشوي قدامو” : تحرك معايا دابا…”مالقا مراد مايدير فهاد اللحضة سوى يمشي معاه حيث عرفو غايمشي يمشي واخا يطمنو…خرجو من المكتب والجناح كانت دنيا صقيييييل تاحاجة مكتبين انه واقع شي مشكيل..حيث عندهم تعليمات لا وقعات شي كارثة تفك بالحس باش ميقلقوش راحة المرضى او يبرزطو شي طبيب جراح ممكن يكون مقبل على عملية او داخل العملية…هذاكشي علاش دايرين صافرات الانذار والتدخل السريع …لكن هاد التدخل واش غاينقذ فرح من وسط لهيب العافية ويقدرو يسيطرو عليها !!؟…
غير اذنات العشا من بعدها بشي ربع ساعة دخل فوزي بالموطور حطو فبلاصتو حدا موطور عصام ودخل شم ريحة العشا كيطيب وريحة القلي…حط السوارت فوق الحويط تما وسبريديلتو وتقاشرو گفض سروالو مستعد باش يدخل لدوش يغسلهم تا خرج عصام لايح على كتفو سربيتة وفرشيط فايدو…
عصام : عالسلامة…ماحدك مازال واقف تحرك جيب واحد هواي اناناس…
فوزي : ايه نجيبها…”ضرب دورة لبس كلاكيط وخرج”
دخل عصام لكوزينة هز تيليفونو من شارج تما دوز ليها الخط كيصوني يصوني يصوني والو بدون مجيب …عند بالو خدامة مابقاش صونا ومشا لواتساب رسل ليها ميساج” : فرح تعشاي عنداك تنساي ديك الماكلة وتبقاي بجوع راني كنعرفك كتنساي راسك فخدمتك”رسلو ورجعو يتشارجا ورجع يكمل بطاطا فالقلي”
في حين فرح بين يدي الرحمن وهل من مجيب لانقاذها بعد طلب الاغاثة من العباد ولكن كيبقى طلب العون والنجدة والنجاة من رب العباد افضل واقوى…مكاينش ماحسن من انك تستنجد بالله سبحانه وتعالى ليسخر لك جنود الارض للعون…
تصاعدت النار لتصل الى اماكن جديدة ماحدها كتشد فالوراق الي فداك الصف وهي كتلهب الي حداها وكتقرب…لحد الساعة صافرات خدامة والما الي كيترش اوطوماتيكمون ماقداش فيها حيث فاش كيطلع دخان كيوصل لصافرة كتعطي انذار وكتطلق الما كيترش.لكن باش يساهم فالعافية تطفا كان مستوى الناس اقوى عليه …
هبط مراد وزين الدين بالمصعد ودخلو لاكاف ومشاو لممر الي كيخرج نيشان على برا…تا بانو ليهم السيكيريتي كيتغاوتو جارين الانابيب ديال الما لتدخل سريع لاخماد الحريق…وقنينات اطفاء الحريق …
زين الدين”خرج عينيه كيشوف فيهم كيتجاراو جيهة الديبو ” : شنو شنوووو كااااين ؟؟؟؟
مراد”قلبو نزل لكرشو بالخلعة فاش شاف الدنيا مقلوبة وعباد الله كتغاوت الي تم واحد الحالة لقاوها قدامهم” : اش واقع ؟!!!
محمد” الشاف ديال سيكيريتي بان ليه زين الدين ومراد”: ماعرفناش اش وقع تا غوتات لالارم لقينا دخان خارج من شراجم ديبو والعافية تشعلات فيه ..
مراد : كيفاش شعلات ؟! وحلو الباب !؟؟
محمد”يلاه بغا يقوليه را كيحلو فيه حيث الساقطة حامية بالعافية بقاو مضاربين معاها لان الباب كبيييير والقفل ديالو كبير لقاوه مطرق كلو من فوق تال تحت…حتى غوت السيكيريتي الي تم” : حلوه …
مراد : شكون الي فيه ؟؟!
محمد : مافيه حد حيث مسدود…
زين الدين”غوت تا قفزو بزوج” : شكوووووووووووووون الي فيييييييييييييييييه”وجهو ولا بيض بالخلعة” شكوون شكووون”طار على محمد شنق عليه وعينيه فالتين ” مافيه حد ياك ؟؟ مافيه حد…
محمد”حط يدو على ايدين زين الدين” : لا لا شكوون غايكون اولدي تهدن…
زين الدين”ضار عند مراد” : فرح مراااد فرح !!!
مراد : ما ما ماعر”تلفات بيه الدنيا مابقا عرف مايقول” انا انا غانسول عليها ونتاكد ياك …
زين الدين”ضار هنا وهنا تلف تا جبد من جيبو تيليفون وداز باش يركب رقمها تلف عليه ولا كيورك على رقم يخرج ليه فرقم” : المرض المااااااااااااااارض …فرح فرح فرح”دوز رقمها وحط ايدو على راسو وعينيه مكيرمشوش بالخوف صونا تيليفونها وعاود وعاود والو واش جاوبوه…تا غوت بحر جهدو” وااااااااااااااا فيييييين هي فييييييييييييييييين”هرب ليه صوت فواحد اللحضة اما مراد حالتو حالة داير ايديه على راسو وكيدور هنا وهنا …جابو ليه ارقام الطوابق او الاجنحة مشا نيشان لرقم قسم المختبر صونا ليهم”
مراد : فرح الخيالي كاينة ياك ؟!
البنت : نو موسيو باقي ماجاتش”باقي ماجاتش باقي ماجاتش غا قالتها ليه وهو يغمض عينيه وحلهم ممثيقش اش كيسمع ولات كتسمع ليه فحال شي كلمة اخرى وخا تعارفهم كان بسيط لكن فديك اللحضة مابغاش يخليها وحدها شعور الندم بدا كيتسلل ليه …ماقدرش هاد اللحضة يشوف فزين الدين ويقوليه الامانة ديالك فرطت فيها وخا معندوش مسكين حتى ذنب فهادشي…حس بايد زين الدين على دراعو هز فيه عينيه لقا نضرات زين الدين فشكل عمرهم مشافهم فيه نضرات ديال ترجي وخوف”
زين الدين : كاينة ياك ؟؟!
مراد”حرك ليه راسو ب لا باسف “
زين الدين : كيفاش !!! ااا ؟؟ شنو مفهمتش كاينة لفوق ياك ؟!
مراد : ل “صرط ريقو” ل لا مكايناش…
زين الدين”تكونو ليه قطرات العرق فجبهتو وعينيه ولاو حمرين تا بان لون البؤبؤ الاخضر فيهم مشعشع..ماحسش براسو تا شنق عليه” : علاااااااااااااش علاش خليتيها وحدها علااااااش”بغا يهضر مراد وهو يدفعو بحر جهدو تا جابو فلارض…مشا كيجري لعندهم عينيه خارجين وصل عن باب الديبو كتبان ليه العافية لهييييه شاعلة طفاو الي عند الباب لكن الي لداخل بلانشات العود شادة فيهم والوراق “
السيكيريتي : شي شادة فيه وشي مزال “يلاه بغاو يدخلو باش يكملو تا تسمع صوت انفجار شي حاجة من داخل “
زين الدين”غوت بحر جهدو” : فراااااااااااااااااااح”تم غادي بغا يدخل بلا عقل تا شدوه معاهم مراد” طلاااااااااااااااق…
سيكيريتي : كاين شي حد لداخل ؟!
زين الدين” كينقز بغا يدخل قتلوه بالفقصة كيسولو فبعضياتهم قدامو هما عاد جاتهم يسولو شكون لداخل” : طلاااااااااااق القلاوي “هز رجليه بزوج وضرب بيهم الي كان قدامو واقف باش ميدخلش جابو مكرفط فلارض مزوي من كرشو …بغا يهضر معاه مراد ضار ليه نطحو براسو لحنكو تا بان ليه الضو..هز صبعو مشير ليه ” اماااانتي وامانة خوتها وخا ضوصيا كحل عندهم فرطتي فيها..”هز عينيه فيهم مخنزر لواحد درجة كتخلع ” شي قواد فيكم يشدني ندفن مو هنا…
انه يضحي براسو وبحياتو وهادشي مافكرش فيه ولا ثانية وبدون تردد بغا يدخل باش يشوفها وينقدها وكلو امل انها تكون متقاستش او ماقداش عليها الدخان وتخنقت مابغاش يدير فبالو را ممكن تكون ماتت…
فرح : كحكح كحكح امممم اه. اهى …”سمعات صوت الهضرة على برا كيهضرو والغوات وهي تنوض من بعد ماكانت مكمشة فبلاصتها ” عتقوووونييييييييي اهى شي حد يعتااااااقنييييييي…..واااااااااااااااااااعتقوووونيييييييييييي وااعععععععع كحكح كحكح “كيدعقها دخان..كتشوف فجناب لهيه شاعلة العافية حتى واحد اللحضة تسمعات صوت انفجار متتالي طرااااخ طراااخ طرااخ واحد تابع لاخور تا ضرب لهيب بجهد ورجع …طارت ونزلت وهي تغوت…ماعرفاتش شنو تفرگع فديك اللحضة كانت واحد القنينات ديال شي مواد قابلة للاشتعال تطرطقو وحدة ورا لاخرى…” ااااااااااااااااااااااا اهى اهى…زين الدييييييييييييييييين…
زين الدين”يلاه بغا يدخل سمع صوت اسمو من بعييييييد عرفها هي هنا عطاتو الامل تا غوت باسمها ” : فرااااااااااااااح…فراااااااح…
فرح”قربات وذنيها سمعات صوت اسمها” : اناااااااا هنااااااا اهى اهى…عافاك عتقنييييي …
محمد : يا ولدي را مكاينش كيفاش دير شادة العافية هنا ولهيه تا لا بغيتي دخل كاين بلانشات العود…
زين الدين”ماسمعوش كاع اش قال كيدور هنا وهنا..تالف تالف لواحد درجة وفعقلو غير هي …مشاا تا دخل وهي طيح واحد البلانشة وشعلت العافية دار ايديه على وجهو حاجب عليه تا دخل وبانت ليه دنيا شاااعلة فين بغا يدخل والدخان كيخنق دار ايدو جامع فمو ومنخرو وليد لاخرى هازها على وجهو مخبي تا بغا يدخل لداخل طاحت بلانشة اخرى وهو يرجع خرج عندهم كان مراد شاد الدقة مسكين الي عطاه..ضار هنا وهنا وشاف فواحد سيكيريتي ” : تحرك جيب ليا ناپ هنا تكون عندي”خنزر فيه بجهد ..لاخور طار فالبلاصة مشا غير تما كاين ديبو قريب لديبو وديبو فين مشا فين لفراشات ديال لي شومبر وما جاورهما بزربة جاب ليه ناب كبييير مدو ليه شدو من عندو بجهد وتلاقا لدوك الي خدامين كيطفيو فالعافية بالما زيد لاناب تا عمروه ليه بالما مزيااان وتم غادي بغا يدخل بانو ليه سيكيريتي واقفين بغاو زعما يحبسووه”
زين الدين”خرج فيهم عينيه بتخنزيرة” : شي قواد يحبسني بالرب المعبود نقسم عدو ربكم هنا”غوت بجهد تا قفزو كحازو” وتحركو من خليقة ميييي…
“يلاه بغا يدخل جاتو فحال دوخة غمض عينيه وحلهم بجهد مشا لما غسل وجهو وشد تيو من عند هادوك خوا عليه الما من راسو تال تحت مزيااان تا هبط ليه شعرو على عينيه …دنيا تما تجوقات لكن العساسة تدخلو ودخلو ناس من تم وحاصرو المنطقة باش ميبانش را واقعة شي حاجة طمنوهم بالي غير حريق بسيط باش دنيا ماتخربقش…
مراد”شاد حنكو الي نطحو فيه ..وضار عندهم” : تحركو عيطو لاسعافات هنا يكونو…
محمد : اش غانديرو معاه دابا ؟!!
وليد”تم جاي كيجري لعندهم” : اش واقع ؟!
مراد”عاود ليه” : هانتا تشوف دابا..
وليد : حيث البغال تا حد مادخل يشوف اش كاين ولا يدخل شي حد فيهم يشوفها ؟!
مراد : باش غايعرفو را كاينة تم وزايدون معامن بغيتي تهضر وهو دخل فينا كلنا وكان شوي يسلخ كلشي…ياربي غا تخرج ومابقيت بغيت والو ..”ضرب ايدو فالحايط” انااا الي كلب مكلبن خليتها انااااا تفوووو…
وليد : مكتاااااب امراد مكتااااب..دابا طلب السلامة ما تفرگع شي حاجة كبيرة تما…
الطريقة الي دار زين الدين فزگ ليزار وخوا عليه الما هي طريقة كتحمي من ان العافية تشد ليه فحوايجك عالاقل بنسبة كبيرة حتى تقدر تنقد شي حد لاكان قريب ومزال متمكناتش منو الناس…دفعهم وزاد دخل ممسوقش وهما وراه كيخويو فالما وتابعينو وهو غير زصل جيهة العافية الكبيرة وهو يلوي على ايدو داك ليزار كيحامي على العافية واخا غير شوي ماحدو كيقرب وهو كيكحب تا عيط باسمها”
زين الدين : فرح فراااااااااح…
فرح : زين الدين هاني
زين الدين”كيسمع صوتها ويدور مصدر الصوت والعافية كضرب فجناب والي تحرقات كطيح حداه كانت على شوي طيح واحد بلانشة عليه تا كحز ..ضار هنا وهنا بانت ليه فواحد القنت مكمشة تقطع فالقلب وتحز فالخاطر …مشا ليها كيجري حتى طاحت بلانشة شاعلة فيها العافية قدامو”
فرح”غوتات” : عندااااااك …
زين الدين : ماعليش ماعليش..”كيشوف هنا وهنا بغا ينقز بانت ليه بلانشة اخرى جايا بغات طيح كحاز عليها تا طاحت لكن فاش طاحت نيشان تجهدات العافية. وطرطرقات واحد القنينة اخرى ضرب لهيب من جديد على شوي يضرب ليه فوجهو تا بعد راسو فاش غوتت فرح” …
فرح : رد البال هاد الحديدات حامييين…
زين الدين”ماجاوبش بغا منين ينقز ليها شاف لهيه مكاينش ولهيه وهي بعيدة شوي بيناتهم مسافة واخا كيشوفها …بقا كيفكر شحاااال ويكحب خنقاتو ريحة دخان…شد داك ليزار اللي سارد بالما مزيان كلو كيقطر حلو ولاحو عليه وهو ينقز هنا وهنا حط رجليه على بلانشة شاعلة فيها العافية كاع متسوق وعفط شي وراق كيتحرقو لكن الما الي كيقطر من ناپ نقص منهم العافية تا وصل لعندها …لوا ليزار على ايدو وحيد بيه دوك الحديدات الي طابو مزيااان …لاخرين دخلو من وراه كيطفيو يلاه كيبغيو يكملو كتطرطق شي لعبة هادشي علاش خلاهم كيتعطلو…
زين الدين”حيد ليزار على راسو وشاف فيها عينيه فعينيها الباكيين” : مع نحيد هادي اجي عندي…
مابقاش عاقل اش كيدير من غير انه خاص يدخل لعندها باي شكل من الاشكال….لكن ربي عطاه العقل فلحضة باش فزك راسو بالما وفزك ناپ باش متشدش فيه العافية او تعطلو…
فرح”حركات ليه راسها” : واخا “كتمسح فدموعها وكتسنا فيه يحيد الحديدة وهي كتشوف فيه كيفاش خاطر بحياته باش يدخل لعندها قليييييل فين يدير عليك شي حد شي حاجة فحال هادي الا اذا كان كيشوفك نتي هي عينيه ممكن يديرها عصام فهاد اللحظة…لكن باش توصل بزين الدين انه يديرها حتى هو !! فهنا تاكدت اكثر انه بالفعل باغيها من كل قلبه وانه مابغيش تاذى ولو بنبشة صغيرة وخا جات الاذية منو فلول لكن لكل حادث حديث وكان عندو مبرر وخا الموضوع صعييب الا انه فهاد اللحضة قضى على الي فات وبين حاجات اهم. واكد حاجات اكثر…شافتو دفع الحديدة وكيف دفعها مشات كتجري تا خرجات من بيناتهم ووقفات حداه..بسرعة لوا عليها داك ليزار فازك ماكاينش وقت باش يسولها واش قاستك شي حاجة وهما الوقت عندهم ثمين فهاد اللحضة خاصهم يستغلوه قبل متهجم العافية على كلشي.او تقدر تفرگع شي حاجة كبيرة…”
فرح”مغوبيها بليزار الفازك” : مكنشوف والو..
زين الدين : ماعليش انا معاك…
فرح”باقي فيها تنخصيصة البكا كتهضر وتهرب ليها الهضرة”: رد بالك عافاك على را …ر…راااسك …
زين الدين : تهناااي عليا فرح …”كيدور هنا وهنا وماشي معاها بشوي كيشوف شي بلانشة كيقوليها نقزي …يلاه بغات تنقز طرطرقات واحد القنينة اخرى وضرب لهيب تال عندهم جرها بجهد لعندو محاوطها بايديه ماعرفتش اش وقع حدها سمعت الانفجار حيث مغوبية بلايزار الفازگ…
فرح : لا لا عافاك تغطا حتى نتا عافاك اهى اهى
زين الدين : ماوقع باس..تحركي من هنا خلاص عليا فرح..”ياربيييي وهو مسكين مقاتل غير مع ديك الدوخة الي شداتو تاني باغي غير يوصل…”
فرح : لا لا عافاك تانتا تغطى”طاحت بلانشة وهي تغوت ولصقت فيه” تغطاااااا تغطى تغطى …
زين الدين”غوت” : فرااااااح تحركي من هناااا…”مسد عينيه باش تنقص ديك الدوخة مابقا فيه ميتجاحد معاها …غير وصلو لطوالة الباب وهما يطيحو بلانشات وحدة تابعة لاخرى ومفرقين…ماشافتش هي هادشي وهو مكاينش كيفاش يدير…حيد عليها داك ليزار على غفلة تا تخلعت وهو يجرها ناحيتو..” دوري عندي..
فرح”ضارت عندو” : ه هاني…
زين الدين”قبط ليها ايديها وحطهم على جنابو باش تشد فيه ورما عليهم ليزار” : تحركي معايا فخط واحد…
~~ليس من المهم أن تخبر من تحب أنك تضحي من أجله إنما المهم هو شعورك بأنه يستحق التضحية~~
بقات شادة فيه بايديها مكمشة وصوت العافية كيتسمع ودخان كيقتل كتكحب بجهد اما هو شاد فكتافها وغادي محاول ميتنفسش باش ميدخلش ليه الدخان بزاف حيث هو معري وجهو…باش يشوف قدامو تا قربو لجيهة الباب وهو يطيح واحد مولاي كركور ديال الوراق شاعلة فيه العافية تا ساطت ليه على ايدو …غير سمعاتو قفزات وهي تقرب ليه بالخلعة جرها ودفعها على صدرو…
فرح. : اشنو اشنو ؟!!
زين الدين”كيحل عينيه ويسدهم باغي امتا يوصل يخرجها قضا عليه دخان والدوخة وواحد الحالة صابر ليها بجهد…مالقا كيفاش يدير باش يسرعو شد ايديها وقربهم تا تزدحات مع صدرو ودورهم عليه تا حاوطوه من ضهرو وحط ايدو على ضهرها مطلعها تال راسها تكاه جا عند صدرو نيشان” : ششش موقع والو. تهدني الله يرضي عليك…”طبطب ليها على راسها وهز ليزار قادو عليها مزياان وباس فوق راسها كيطبطب باش تهدن وماتخافش…بقاو غادين معنقها وماحاوطها بايديه لاصقة عليه ولاو كيبانو شخص واحد غادي…وصلو فين داخلين الدراري كيرشو فالما لقا جوج داخلين لعندهم غا شافوه وهما يجيو يجريو باش يشدوهم وخرجها بزربة تا وصلو الباب وخرجو كيكحبو بزوج حيد عليها ليزار ولاحو باش تنفس…مشاو المسعفين كيجريو لعندها جايبين الاكسجين والنقالة…
زين الدين”غوت عليهم بجهد” l’urgence …Dépêchez-vous”كحز لهيه يتنفس من الخنقة والكحبة الدوخة مشا لما كيغسل وجهو وراسو وحل صديقات القميجة مبعد من الدخان الي خارج مشا لهيه عليهم…
مراد”كان كيمشي ويجي ووليد كذلك تا جا سيكيريتي كيقوليهم را خرجو …مشا كيجري لبانت ليه فوق البياص” : فرح لباس عليك ياك ؟
فرح”دارو ليها الاكسجين على منخرها وفمها..حركات ليه راسها ب اه”
مراد”هز عينيه كيقلب” : فين هو زين الدين!!”دورات فرح راسها تشوفو كتقلب عليه بعينيها حتى لمحاتوو محنى على ركابيه كيتنفس بجهد جابو ليه الاكسجين دارو وهو واقف…شاف مراد فين كتشوف ومشا لعندو هو ووليد مخلينها كتشوف فيه وعينيها مفيكسيين عليه كتفحصو بان ليها ماشي تالهيه…
مراد : زين الدين صافا ؟!!
زين الدين”شاد الاكسجين بايدو وعينيه على فرح الي كتشوف فيه وكيشوف فيها حرك ليها راسو ونطق بدون صوت كتشوف غير فشفايفو كيتحركو” : شوية ؟؟
فرح”حركات ليه راسها وغمضات عينيها تا نزلو دميعات من جنب وحلتهم وهما يديوها كيجريو…اما هو بقا شحاال صابر كيتنفس من الاكسجين”
وليد”شاف ايدو محروقة منبلة وحمرة” : ايدك ازين الدين !!! زين الدين “هز راسو لسمااا ورجع تحنى على ركابيه … شوية حط ركابيه فلارض حاول يعافر يعافر لكن الخلعة والستريس لعبو لعبتهم مع السكري…جلس وحط ايديه فلارض كيتنفس بجهد كيسولو فيه مكيسمعهمش حط راسو على لارض حتى مابقاش كيسمع اش كيقولو غمض عينيه وغاب…”
كثرة الضغط الي تعرض ليه كان فوق طاقتو وطاقة الجميع صبر بزاااف وعض فالنفس باش قدر يخرجها ولو باقل الاضرار المهم تخرج ليه سالمة …
~~الجميع يعرفون التضحية لكن هناك من يضحي لك، وهناك من يضحي بك.~~
_كيف نغير قناعات إنسان ونعيد ترتيب أولوياته، كيف نفرض عليه الحب إن كان لا يراه يستحق التضحية. لا توجد حياة بدون حب، ولا يوجد حب بدون تضحية، ولا توجد تضحية بدون ألم….
هادشي الي واقع بين اكثر اثنين عايشين عذاب المشاعر واخا ممعتارفينش لبعضياتهم لكن الي كيوقع بيناتهم كافي وموفي باش يبين لينا يمكن الكلمات كتعبر لكن الافعال كتوصل وكتخليك تعيش وتحس بلا ماتسمع…كاتخليك تعيش وتخليك تاكد ان الاعتراف بالفعل اقوى بكثيييير من الاعتراف الشفوي…
مراد : زين الدين زين الدين لا …وليييد..
وليد”شافو غيب وضار جيهة المسعفين غوت عليهم” : تحركوووو دغيااااا…
وليد”هبط لعندو كيهضر معاه” : زين الدين كتسمعني !!زين الدين”والو مشاااا” واااااتحركووو الخرااا …
وليد : ديابيت ؟!
مراد : غالبا طاح…
جاو كيجرييييو جايبين البياص اما فرح كانو داوها بزربة…هبطو البياص تلارض تكاوه فيه بسرعة وهووب تهز بالاكسجين ديالو مشاو كيجريييو وموراهم مراد ووليد اما لاخرين بقاو مضاربين مع العافية محابسينش …دخلو فرح هي اللولة دارو ليها الفحوصات وتاكدو انها مشرباتش كمية الدخان الي تاثر عليها …
طبيبة : بقاي هنا واحد ساعة وتقدري تمشي…
فرح”حركات راسها وشدات بايدها الاكسجين وهي دور كتقلب عليه بعينيها عارفاه مغايخليهاش او متاكدة انه مغاديش يخليها على حسب معاشت معاه فهاد الاونة والشي الي وقع اليوم خلاها تاكد وعينيها يتحلو على بزاااف الاشياء…كتقول هاهو غايدخل لكن مادخل تاحد…بغات تسول شي حد مالقاتش وماقدرتش تسول…حتى بان ليها مراد من بعيد جاي كيزرب هو والي معاه كتقول فين شايفاه نسات بالي هو الي جا مع سيمو عند زين الدين…بقاات تشوف بعويناتها تا بانو ليها داخلين سابقين واحد شوي بانت ليها نقالة مهزوز فيها شي حد غير من الكسدة ديالو عرفاتو هو خرجات عينيها على جهدهم وحيدات الاكسجين بزربة..
فرح : زين الدييييين !!!”ات عندها الفرملية “
الفرملية”ردات ليها الاكسجين” : خليييه متحيديهش..
فرح : لا لا مابغيتش خليني نمشي عافاك”حيدات الاكسجين الي ردات ليها حطاتو وناضت كتكحب مشات كتزرب فين شافتهم دخلو بقات تابعة الممر حتى وصلات فين واقفين بان ليها وليد ومراد ” مرااد !!!
مراد”كان حادر راسو فلارض غا سمع سميتو هز عينيه بانت ليه واقفة كتنهج والخوف باين عليها” : فرح !! اش موقفك هنا رجعي راك شاربة دخان …
فرح : مالو ؟؟ “بخوف”
مراد : ممالوش تاهو عيا ودخلوه فحالك ضروري..
فرح : لا كان واقف صحة سلام اش وقع ليه امراد متكذبش عليا عافاك…
مراد : الله يخليك رجعي رتاحي دابا يفيق يلقاك هنا يتعصب علينا ثاني…
وليد”وقف مراد بايدو” : ماعليش خليها تعرف وخليها على خاطرها…
فرح : اش وقع ليه خليني انا بيخير غا قوليا…
وليد : تت واخا اجي ريحي هنا…”داها تا جلسات ” مشكيل ديابيت يمكن نزل ليه …
فرح”هبطات عينيها لمراد كتاكد” : بصح ؟ ياك معندو والو ماتقاس بالعافية ياك ؟”عينيها مجغمين بدموع وقلبها كيضرب بجهد بالخوف والخلعة وتوثر والصدمة وشلا متجمع عليها فهاد اللحضة…”
وليد : الي كان راه لداخل اختي ماتخافيش ورتاحي تانتي راك عيانة..
فرح”هزات فيه عينيها بحزن” : انا مزيانة مزيانة خاص غير هو يكون مزيان…
مراد”تنهد وحط راسو على الحايط” : اودي غير يولي لباس ..
وليد”رد ليه البال لضربة الي زراقت بين حنكو وناضرو” : ونتا اش واقع ليك لداك الحنك ؟!
مراد”حط ايدو على حنكو” : تبيست…
وليد”كمش عينيه وكيقرب ليه تا وقف كيطل على ضربة” : هادي نطحة ميحيدهاش طبيب!!! طبيييييييب طبييييييب !!! فعايل سي طبيب.هادو ؟..
مراد”ضار شاف ففرح الي هزات فيه عينيها تا هي مكمشاهم فيه وضار شاف فوليد الي تاهو مكمش فيه عينيه شافهم كيسوفو فيه بتدقيق ” : اش بغيتو ؟!
فرح : علاش ضربك ؟!
وليد : دار علاش دار علااااش…
فرح”بشك” : مراد !!!
مراد : فرح !!
وليد : فرح ومراد ؟!
مراد : اش بغيتو ؟
فرح”حطات ايدها على صدرها” : ياكما بسبابي ؟!
مراد : ولاش بسبابك اش تكوني فهاد البلاد…
وليد : كتعاير فيها ولا مراضيش ..
مراد : ماضربنيش غا جيت بغيت نجرو ودفعني فحالي فحال سيكيريتي را واحد تاهو زواه لكرشو شوي ميخرجو مصارنو بخراهم…
وليد”حرك ليه راسو بحركة احياااني ههه شاف واحد الفرملية عندها واحد مولاتي طرف مطرف بديك اللبسة الطبية بغا يعيط ليعا تشوف ليه ضربة تلفت ليه جرية ” : اجي اختي شوفي احح مالو!!”لقاهم كيحنززو فيه” شوفي مراد مالو مرااااااد…
وصلوه كان مراد ديك ساعة قبل ميدخلوه قاليهم بالي ديابيتيك وعليه تصرفو حيث طاقم الس كان فالمناوبة مكيعرفوهش شخصيا وخا خدامين عندو…
طبيب”شاف فالفرملية” : ديابيت type 2 …. تيست ديابيت تودوسويت…”هز عينيه ففرملي اخور” ليزاناليز !!!”حرك ليه راسو ومشا يجري باش يدير ليه تحاليل اللازمة على حسب الخزان…كيف دارت ليه تيست الفوري لقاوه طايح…
طبيب”قرب عند وذنين زين الدين” : دكتوغ كتسمعني !!
زين الدين “لا مجيب”
طبيب : Ampoule de glucagon”شوكة الجليكون كتضرب فورية لناس الي كيطيح ليهم سكر اذا مكانش تجاوب اما اذا كانو شبه فايقين فهاد الحالة غانتصرفو كيف سبق نعطيوهم شي حاجة حلوة فحال كوكا مخلجة بسكر او شكلاط او او مهم تكون حلاوة اصطناعية ماشي طبيعية”
جابت ليه الشوكة الي طلب ضربها بصباعة وهبط ضربها ليه فالحين قبل ميشوفو ليه الحرقة الي سبقو السكري قبل منها هو الاهم …
طبيب”شاف الحرقة وقلبها” : deuxième degré “الدرجة الثانية”تكلفي…
الفرملية”بسرعة جابت فاصمة وبدات تنضفها ليه هو الاول نضفات اي جلدة كانت ميتة حيدتها تا تاكدت انها تنضفت مزيان عاد جاب طبيب واحد سيروم فيزيولوجي غسل ليه الحرقة مزيااان…مدات ليه بيتادين خواه عليها من بعد ما تاكد انه مكاينش امتداد لاحمرار الحرقة عاد حط الفاصمة الفيزيولوجية كتكون خاصة..فوق الحرقة باش تحبس ليه سخانة ديال الجلد نتيجة الحروق …”
طبيب : سي ميو دابا…من بعد ديري ليه بوماد انفوا تحسي بيها la peau امتصات ديري ليه بونصمون تكون مرخوفة ..
فرملية”حركات راسها” : داكوغ دكتوغ…
خلاها واقفة عليه ولاخور خذا منو كمية من د.م اللازمة باش يديرو ليه تحاليل الخزان الي غاتطلع مباشرة عند الاختصاصي الي غايعلمو من بعد باش يطلع عندو…حيد البافيط وخرج لعندهم لقاهم جالسين تما غير شافتو فرح وهي تنغز مراد و قفات…
مراد : امضرا دكتور…
طبيب”حرك ليهم راسو” : مزيان مزيان ..سوانينا ليه الحرقة..
فرح”خرجات عينيها” : حرقة ؟!كيفاش !!
طبيب : وي..
مراد : بلاتي افرح”شاف فيه” دابا هو صافا ؟! يعني ماكاينش مشكيل بالنسبة لحرقة دير ليه انفيكسيون”التهاب” راك عارف هو ديابيتيك !!.
طبيب : نن تاكدنا من هادشي..
وليد : فاق ؟!
طبيب : مزال ..شي شوي ويفيق لكن بلا مدخلو عندو دابا حسن تال صباح يلاه يرتاح مزيان…على اي مابقاش بزاف ويصبح الحال خليوه مرتاح بالنسبة لحرقة الي فايدو من بعد هو عارف كيفاش يتكلف بيها “بابتسامة” لباس هو مختص عارف هاد المجال حسن مني دونك ماتهزوش الهم…اه بالنسبة لشي اناليز درناهم ليه فيما يخص الخزان غايطلعو نيشان عند سبيسياليست جو بونص عارفو بروفيسور نبيل هو غايتواصل معاه..
وليد : عندو اختصاصي متبع معاه ف دبي …
طبيب : مزيان هو غايعرف اش غايدير ويتواصلو ديك ساعة …الحمد لله على سلامتو…لا بغيتو شوفوه من بعيد سي نو صبرو تال صباح ودخلو عندو واحد شوي وغايطلعوه لشومبر…
مراد : الى بوسيبل طلعوه لشومبر ديالو فالجناح فين خدام…
طبيب : داكوغ…”حرك ليهم راسو وهما يمشيو مراد ووليد دخلو عند بالهم فرح دخلات وراهم لكن هي خذات اتجاه خاص وتبعات الطبيب تا عيطات ليه “
فرح”كتكحب” : كحكح عافاك نسولك !!
طبيب : وي تفضلي…
فرح : واش كاين شي خطر على حرقة الي فايدو ؟! حيث الي كنعرف معرضين للالتهاب على شخص العادي ..
طبيب : exactement مريض السكري بشكل عام سواء درجة لولة او ثانية الى مكانوش منضابطين فتريتمون ديالهم وكان اهمال من المريض اي بمعنى ماتبع دوا ولا رياضة ولا ريجيم فهو بالتالي معرض لمشاكيل اكثر خطورة من الالتهاب…بالنسبة ل مريض درجة لولة ساهل على مريض درجة ثانية لانه كيكون معاون بلانسولين كتخليه سطابل(مقاد) ماشي فحال حالة دكتور البغدادي type 2 مكيستابليش مزيان يعني مرة مقاد مرة طايح مرة طالع عليها الخلايا كيتاثرو ليه لازم نكون على بال فاي حاجة معاه …دونك خاصو كل خمسة سوايع يسواني الحرقة ويدير ليها بومادة الي عندو…هادشي مغاديش نخاف عليه هو عارف مزيان شنو خاص يدير من بعد …
فرح : كيفاش هو درجة ثانية واكثر خطورة من لول ؟!
طبيب : حيث كيف قلت ليه نوع 1 معاوناه لانسولين …اما ثاني وخا ماشي خطير لكن فهاد المسائل لازم يترد ليه البال…”هز صبعو كياكد” دكتور زين الدين من الناس الي متابعة تريتمون ديالهم مزيان لكن شي مرات الى وقع اهمال وتلغا كلشي عندو فغادي يتعرض لما هو اسوء وهادشي منبغيوش يوصل ليه …على كل انا جاوبتك بحسب الخبرة لكن الي يعطيك تدقيق اكثر هو الاختصاصي…وعلى اي هو دابا مزيان خاصو غير راحة…
زين الدين من الاشخاص الي عندهم سكري درجة ثانية ماشي خطير طالما متبع دواه والرياضة لكن خطير اذا تعرض لشي جرح او حرق فحال كيف دابا كيبقاو رادين معاه البال لان الخلايا ديال هاد المريض كتكون ناقصة فالاحساس عكس درجة 1 لانو مياقدرش يعيش بلا انسولين و مدام ديما يضرب انسولين اذن راه نسبيا ستابل…
فرح : شكرا بزااف دكتور”حرك ليها راسو ومشا حتى تمات جايا ايمان كتجري هازا تيليفونها فايدها غير شافتها وهي تشير ليها”
ايمان”كتلهت” : اووففف فرح “حطات ايدها على كتفها” لباس عليك ياك ؟ وصلاتنا الخبار بالي وقع حريق فديبو فين كنتي وجابوك هنا “كتفحصها” ياك موقع ليك والو ؟
فرح : مزيانة الحمد لله حفضني الله”كتهضر ودور جيهة فين دخل مراد ووليد”
ايمان : خوذي تيليفونك صونا قبيلة وملي رسلاتني دكتورة نورة نشوفك جبتو معايا…
شافت نمرة عصام مصونيا وراسل ليها ميساج فالواتساب مشات ديريكت قرات شنو كاتب ليها وجاوباتو فالحين لكن بدون ماتخلعو عليها حاليا هي فغنى على شي مشكيل يتخلق فهاد اللحظة وواحد لداخل مغامر بحياتو على قبلها وهو مريض…رسلات ليه فالبلاصة…
فرح : انا شوي وغانهبط نتعشا مجاوبتكش مكنتش مساليا عندي خدمة كثيرة وخليت تيليفون…”دغيا طلعو شراطي زرقين تا بان ليها كيكتب واحد شوي وهو يحبس وصونا ليها ” وي عصام…
عصام”شاف فساعة كانت جوج ديال ليل” : اشمن وقت لعشا هذا ؟!
فرح : عاد ساليت…كحكح”حطات ايدها على فمها”
عصام : ضربك البرد ؟!
فرح : لا كحكح غير شرگات ليا…انا غانهبط دابا نتعشا…
عصام : يلاه متعطليش شوفي كيفاش ديري وبقاي تعشاي بكري…
فرح : نحاول راك عارف ضومين ديالنا صعيب…تعشيتو نتوما ؟
عصام : سولي على صحور اما العشا كل تعشا وتلاح فحالو…
فرح ؛ هههه واخا يلاه انا مشيت”قطعات شافت فايمان” قولي لدكتور نورة انا شوي ونجي كحكح …
ايمان : كتباني ليا عيانة قالت ليك غير رتاحي تسالي وتجي تشوفك…
فرح : كحكح واخا كحكح…
ايمان : باش ماكان انا نصوني ليك نشوفك كي بقيتي “ربتات ليها على كتفها” الحمد لله على سلامتك احبيبة
مشات ايمان ورجعات فرح فين كانو قبل تمات غاديا باش تدخل حتى بان ليها مراد ووليد جايين زربات لعندهم…
فرح : شفتوه ؟!؛
وليد”جمع فمو بتبسيمة كيطنز” : شفناااه ياختي شفناااه ..
فرح : كيف بقى…
وليد : سولني عليك قلت ليه دخلات فغيبوبة…
فرح : اويلي علاش ؟ دابا يتخلع. ويتعصب تاني من نيتك ؟؟
مراد : عارفاه كيتخلع ويتعصب عليها”ضرب وليد لكتفو بخفة” ويلي طييييييني دل…
فرح”بقات كترمش فيهم”
وليد : اححح ومن يعطيني شي وحدة تخوي على راسها الما طايب فشردي”عض شنايفو بانت ليه ديك الفرملية دايزة” اححح..
فرح : كطنزو ياك “بحزن “
مراد : ههههه تي غا بغينا نبسطو معاك …لباس عليه باقي كيفيق ولكن ميقدرش يهضر خاصو يرتاح طلعوه دابا لشومبر ديالو….
وليد : خليناك ورانا فين غطستي…
فرح : والو غير سولت طبيب وجات واحد البنت خدامة معايا عطاتني تيليفون هصرت مع خويا سول فيا …
مراد : ياكما قلتي ليه اش وقع ؟!
فرح : لا لا منقدرش غادي يجي تال هنا…
مراد. : حسن بلا متخلعيه عليك…احم..مهم سيري رتاحي دابا بلا متخدمي الله يستر عليك بلا ميفيق يسول عليك ويصدق معصب ثاني علاش مرتاحيتيش ديري ليه خاطرو غير هاد المرة انا مزاوگ…
فرح”تبسمات” : ههه الله اودي كون هاني …
وليد : سيري غسلي وجهك من لحموم بعدا ورتاحي فشي شومبر…
فرح”هزات فيه عينيها من بعد تردد كبييير كتفكر واش تقولها او لا واش تخطي هاد الخطوة لكن من بعد الي وقع والموت الي شافت بعينيها..نطقات بتاكيد” : مرااااد…
مراد : ااااااه”شاف فيها لقاها كتشوف فيه وترمش” ياااربي سلامة…
في هذه الاثناء وفي جهة اخرى الساعة الثانية ونصف بعد منتصف الليل وفي احدى الفيلات ب دار بوعزة مدينة الدار البيضاء…فالجردة مقابل للمسبح كانو.مجموعة من الشباب والشابات شي واقف وشي كيشطح مكانوش بزاف تقريبا عشرة اشخاص عاد هما بزوج …صوت موسيقى ماعاليش بزاف باش ميتسببوش بالازعاج لجيران الي تما…جالسين زوج بنات وولد فالفوطوي الي كيشوف فلابيسين الي الاضواء ديالو كانت سانية فيهم…
سامي : اميرة “كيدور هنا وهنا يقلب بعينيه ” فين مهدي ؟!
اميرة”شادة كاس كوكتيل ممزوج بالكحول فايدها كمات من سيجارتها وحطتها من بعد ما ساطت دخان” : ممساليش”غمزاتو”
سامي : اش كيدير ؟!
اسماء : كيهضر مع الحب اسيدي…
سامي”هز حاجبو” : مهدي والحب ؟؛
اميرة : ههههه ايوى مهدي طول مع هادي اسيدي اذن حب اش غايكون…
سامي : مهدي مهدي !! اووووپااااا …
اسماء”عوجات فمها” : برجولة قرطاسة البنت …
اميرة : ورا قرطاسة علاش طاح…”شربات من كاسها وناضت” انا جايا شكون بغا نزيدو ؟!
سامي : واحد ويسكي عافاك ..
اسماء.: اوسي وشوفي الى عندو شيشة صايبيها لينا…
اميرة”حركات راسها وضارت دخلات لدار مشات فاتجاه المطبخ يلاه بغات تدخل تا وقفت بزربة مصدومة من المنضر الي قدامها لقاتو هاز ضحى فوق لبوطاجي وتاهو كذلك وخدامين فالقبل بكل انواعها مدورة عليه رجليها …خارجين على الواقع الي ضاير بيهم….جابو ليها ضحك وهي دور بزربة ومشات فين كانت اما هما ماحسوش بيها واش جات..”
ضحى”كتحبس فيه وهو ماواعيش ” : مهديييييي عافاك ماشي هنا دابا يجي شي حد…مهديييييي “دفعاتو بجهد “
مهدي”نوضات فيه صعرة الي عمرها شافتها تا هز ايدو وجبدها معاها بصلية تا بان ليها ضو بين عينيها” : ق***** اش كاين “كينهج”…
شدات حنكها بالصدمة ماتوقعاتش انه يضربها ماحساتش براسها حتى دازو دموعها كيجريو وعينيها كيشوفو فيه بصدمة مرمشوش اما هو كان كينهج وصعرة ركباتوو فديك اللحضة تا مد ايدو عليها…
مهدي : مالنا اش كاين ؟!!
ضحى”باقا كتشوف فيه بصدمة”
مهدي : تحركي تقودي من قدامي بلا زمر عليا…
ضحى”دفعاتو بجهد وهي تهبط ” : اهى اهى…انا غانمشي فحالي …
مهدي : تحركي من هنا نجمعها مع زا*** بوك “ضارت كتشوف فيه” طلعي لفوق “قرب ناحيتها هاز صبعو بتهديد” نهار باقي دفعيني ولا ديري بحال هاد تصرف نقتل الكلبة مك هنا اقسم بالله العلي العظيم حتى نفضيها معاك…يحساب ليك غاتبقاي فيا ؟!!!
ضحى”غوتات ليه فوجهو” : وااا بعد مني ماتقيصنيش مضربنييييييش بعد بغيت نمشي فحالي حيد الحماااااااار “مشات كتزرب خرجات لجردة كتبكي تا بانت ليهم جايا كتزرب وووجهها مزنگ بالبكا…هزات صاكها وتمات غاديا وهو تابعها جاهل من كلمة حمار…
اسماء : اويلي ضحى مالك ؟!
اميرة”كتشوف فيهم وتضحك ” : هههههه.
مهدي”لحقها بزربة شدها من ايدنا ودورها لعندو صاعر لاخرين وقفو الموسيقى وبداو كيشوفو فيهم مشادين…” : عاودي شنو قلتي دابا ؟؟!!
ضحى”خرجات فيه عينيها وغوتات قدامهم” : ماكتسوااااااااش اهى حماااار اخر مرة تحط عليا ايدك حااايد”جات دفعو وهو يشدها من شعرها تا غوتات زصرفقها زوج مرات فحناكها تا غوتات اسماء واميرة ناضت وقفت شافت القضية ممسلكاش”
سامي”وقف وتم غادي لعندو” : ششش مهدي دي كالم مالكم ؟!
مهدي”شدها من فك ديالها زييير عليها بجهد تا غمضت عينيها اما واحد الحنك هكاك بقات طبعة تا تنفخت بلاصة صباع..نطق وسنانو مغززين وجهو حمرررر وراسو كيترعد عليها” : وباقي تعاودي هاد الكلمة على فمك اقسم لك بالله تا نقتلك بلاصتك وندفنك فبلاصة لا عرفو ليها طريق راني ولد القحبة…
ضحى : ممممممم
سامي”كيكالمي فيه” : مهديييي مهدييي ششش كالم طوا عفاك…
مهدي”ضار لعندو مخنززززررر” : تقودو عليا من هنا يلاه …
سامي : واخا غير طلقها ونمشيو…
مهدي”رجع ضار لعند ضحى باقي شادها بنفس شدة مزير عليها” : تقودي عليا من هنا تانتي”دفعها بجهد جا ضهرها على واحد الحجرة فحال كرسي تا كمشات عينيها بالم “
ضحى : ااااااااااايييي اهى اهى…
اميرة”خرجات عينيها وهي تمشي لعندها بغات تعاونها”
مهدي : تقاااااااودو علياااااااااا”غوت بحر جهدو تا كلشي تنشر بقات اسماء وسامي كيشوفو ف ضحى كتالم بضهرها”
سامي : خليني نعاونها تمشي فحالها اصحبي …
مهدي : تگلع راسها قود عليا القلاوي…
سامي”بقات فيه ولا مشا وكيدور يشوف فيها”
مهدي”قبسها برجلو” : تگلعي قودي يلاه…
ضحى : امممم “ناضت بزز نفس تقطعات ليها بضهرها بقات كتعافر تا ناضت هازا صاكها وغاديا كتخطوي شوي بشوي ..فهاد اللحضة هو فاق من الصعرة فحال شي واحد كان خارج على الواقع ومكيتحكمش فتصرفاتو…فحال شي واحد مريض فعقلو عندو انفصام فالشخصية…مشا كيجري لعندها “
مهدي : ضحى !! ضحى ياكما تقصحتي ؟!
ضحى”دفعاتو بشوي” ؛ بعد مني عافاك اهى اهى…
مهدي : عافاك غير قولي ليا واش تقصحتي ؟!
ضحى”الصمت…بعداتو بايديها وهو ماقدرش يقوليها لا عرف راسو اذاها بزاااف بتصرفاتو”
مهدي”بقا كيشوف فيها وهي غاديا كتكابر وتبكي..” : ضحى ..
ضحى”مجاوباتوش”
مهدي”مشا كيزرب تالعندها” : ضحى سمحي ليا عافاك…
مجاوباتوش بقات كتدفع فيه بايديها تا خرجات من الفيلا وهو بقا تابعها تال قدام الباب حاضيها بعينيه غاديا غاديا حتى ضارت وهو يدخل وفتخ الباب بجهد داير ايديه على راسو…اما هي بقاات غاديا غاديا محاساش بطريق وشكون غادي وشكون جاي فديك الوقت من الليل شادة ضهرها وكتبكي من الالم …حتى زقفات سيارة قدامها سوداء كلاكسونات عليها مجاوباتش ولا ضارت حتى خرج منها ومشا كيجري لعندها…
ريان”طل عليها” : ضحى !!!(ريان هو المحامي ديال زين الدين)
ضحى”هزات فيه عينيها وهي تخرجهم” : خويا ريان !!!
ريان : اش وصلك لهنا فهاد الوقت”شاف فساعتو” خارجة فهاد الليل وحدك هبلتي ولا مالك ؟
ضحى”بغات تهضر وهي تشد ضهرها” : مممم
ريان”كمش عينيه كيسوف فوحهها مورمة ليها بلاصة صفعة” : شكون ضربك ؟؟؟؟
ضحى”ولات كترعد” : تت تاحد تاحد غا طحت…
ريان : ضحى ؟! هذا ضرب ديال العن.ف تعدي ..”اكد عليها بعينيه” تعدا عليك شي حد ؟!
ضحى”كتنفي براسها بزربة ” : لا لا لا تاحد طحت طحت…
ريان”قرب لعندها مزيان” : زغب رااااسي طاح فضومين المحاماة طاحو على ايدي مية حالة من هادشي…مغاديش ضحك عليا بنت 20 عام…هضري وقولي اش كاين لكن قبل من هادشي غاتحركي قدامي لسبيطار نشوفو اش واقع ليك…
ضحى”شدات ليه فايدو بترجي” : عااااافاك ميعرفش زين الدين عاااافاك اهى اهى عااافاك …
ريان : محاولة اغت..صاب ؟! جيني من لاخر باش نعاونك..
ضحى : لا لا
ريان : ضربك شي حد ؟!
ضحى”الصمت”
ريان : وخا تحركي دخلي ونشوفو اش كاين بعدا تحركي الى على زين الدين وخا منقولش ليه يقلعك من وسط الف…
~~الحب سلطان ولذلك فهو فوق القانون~~
من بعد ما اصرو عليها ترتاح طلبات منهم طلب الي مقدروش انهم يرفضوه خصوصا عارفين انه غايعجب زين الدين وانه خاص كلاهما يرتاح من تعب الليلة الي كانت مشحونة عليهم وكانت حياة زين الدين وفرح على المحك…زين الدين الي قدر يوصل لاسمى درجات الحب نعم الحب من جيهة فرح يمكن منسميوهش حب يمكن نسميوه عشق اخر من نوع خاص ..خاص بيه هو الي قدر يغامر بحياته فشردها هي وبدون تردد منو انه ينقذها…
فرح”شافت ساعة فتيليفونها كانت ثلاثة ونص صباح..تابعة مراد ووليد فداك الجناح تا وقفو”
مراد : ختي امينة حلي لينا الباب..
امينة : داكوغ موسيو”مشات لبصمة ديال باب حلاتها بكف ايديها وتحل الباب دخلو بثلاثة…غاديا خاشية ايديها فجيابها وتوتر سيد الموقف قلبها كيضرب بجهد وكل مكيقربو كل مكتعلى دقات قلبها…حتى وصلو لشومبر ديالو وحل ليها الباب”
وليد : دخلي الالة …
فرح”تبسمات مزنگة” : لهلا يخطيكم عليا…
مراد : لاااااااااهودي الله اودي نتي غا ضحكي وانا ناكل عليك دق…
وليد. : هههههههههههههههههههههه…
فرح : ههههه اسمح ليا…
مراد : ابتي غا ردي ليه البال داكشي الي بغينا …
فرح : ياك بعدا يستاهل ..
وليد : وهانتي تشوفي اش وقع واش يبان ليك يستاهل ولا لا “غمزها”
فرح : شكراا بزااف”حركو ليها ريوسهم ومشاو وهي دخلات كطل بعينيها عليه كتشوف هنا وهنا تا وقفات للحظة كتشوف فيه متكي داير ايدو الي فيها الفاصمة فدراعو بين مرفقو وكف ايدو على عينيه…بقات شحاال واقفة كتشوف فيه ناااعس مجايب خبار …قلبها بدا يضرب وهي كتشوف فيه وكتفكر كيفاش داير عليها وفين وصل بيه الحال على قبلها شنو اكثر من هادشي الي دار !! عياات تخبي وتكذب احساسها وتفكيرها عياات تنفي وتقول لا ميمكنش لان الفكرة او الي وقت وشنو دار كان مغطي على كلشي الكره والشمتة الي شمتها كانت طاغية وعامية ليها عينيها بالاضاة الى خوتها وخوفها منهم !! طبعا خايفة وخا تبغي تستسلم غاتبقا خايفة لكن من بعد الي وقع الليلة تاكدات ان زين الدين مستعد يدير اي حاجة على قبلها ولو على حساب حياته واشنو كاين كثر من هادشي …
ضارت كتشوف بان ليها فوطوي كبير تما وهي تمشي جلسات فيه بقات كتشوف فيه وهو نااااعس مرتااااح عز عليها تفيقو او تهضر معاه حسات بالعيا الشديييييد وهي تحط راسها على جنب الفوطوي كتشوف فيه وعينيها كيتسدو ويتحلو تا مبقاتش حسات امتا نعسات….بقاات هكاك حتى داز الوقت واحد شوي تا بدات تحس بشي حاجة كتحرك ليها فوق راسها كمشات عينيها وشوي بشوي بدات كتحل فيهم وترجع تسد حتى حلتهم على جهدهم …
فرح: زين !!! …
زين الدين”متني على ركابيه قدامها كيدوز على شعرها وشحاال حمقاتو كلمة زين الي مكانش كيبغي الي يقوليه زين وحدها جاتو كي العسل من فمها…نطق بصوت منخفض بح ” : نعاااام…
فرح”بغات تنوض طلات لقات راسها مسرحة فوق الفوطوي ومغطية..تفكرت بالي صبح الحال وهي تشهق” : هيييييي ساعة شحاال ؟!
زين الدين : ششش رتاحي …مزال الحال تهناي منخليكش تعطلي على داركم…
فرح”رجعات راسها بارتياح..شوي وهي تهزو كتشوف فيه” : كي بقيتي شوية ؟!
زين الدين”تنهد وهو كيحرك راسو وكيشوف فيها بحب”
فرح : علاش رميتي راسك ازين الدين علاش شوف فين وصلتي ونتا عيان …
زين الدين : الله اودي افرح …تستاهلي ابنت الناس …
فرح”حدرات عينيها بخجل وفمها كيترعد بتوتر” : لهاد درجة…
زين الدين : شنو بان ليك…
فرح : بزاااف والله”حدرات عينيها ودازو دميعات على خدها” ماتوقعتش لهاد درجة ازين على شوي وتقتل راسك …
زين الدين”بصوت منخفض” : دابا بنت ليك ميت !! “هز عينيه لفوق كيسوط فالنفس ورجع تقابل معاها هز ليها وجهها من ذقنها” ماصعيباش عليا نعاودها من جديد…الحاجة الي تقيسك منبغيهاش ولو نكون انا…
فرح”شافت فايدو وهي تحط صباعها على الفاصمة” : كضرك ؟
زين الدين”حرك راسو بنفي”
فرح : كتحس براسك مزيان ؟!
زين الدين : لا كنتي مزيانة انا مزيان…
فرح”تبسمات ورحعات حدرت عينيها”
زين الدين : هزي عينيك وشوفي فيا…
فرح”شافت فيه”
زين الدين : غادي تحركي قدامي فطري معايا هنا شوي ويجيبو ليك حوايجك واجي نوصلك رتاحي فداركم شوي تفاهمنا ؟
فرح : غير خليني نتسنى الميني بيس…
زين الدين : لا بلاش”شافها متخوفة ومقدراتش تقوليه” فراااح مكاين مناش تخافي عارف اش كندير…شوية بشوية من بعد يتحل كلشي الي تجيب ليك صداع منبغيهاش تهناي ..مزيان ؟
فرح”حركات راسها وهي تحيد الغطا وناضت واحد اللحضة وقفات شحاال تا رفع حاجبو بغا يشوف مالها وهي دور لعندو…” : زين الدين”نفسها كيتصاعد”
زين الدين : هاني معااك مالك…
فرح”نطقات بترجي وخوف وكلشي مجموع وبقرار اكيد منها..الي يمشي برجليه الموت على قبلها قادر يدير اي حاجة الليل كلو وهي كتفكر قبل متجي لعندو انها تعطي فرصة او لا والى عطاتها تجرب وتعيش وخوتها مع الوقت يتقبلو او يقتانعو واكيد الي دار هادشي غايقدر يقنعهم.” : عافاك متعاودش تشمتني فيك…
زين الدين”قرب ليها اكثر وكل مكيقرب ريحتو كتدخل مع نيوفها وتخلي ضربات قلبها تعلى…مهيب قدام ناس ورجل قدامها بمعنى الكلمة حط ايديه على كتافها ،، قربها ليه اكثر حط شفايفو على جبهتها تا غمضات عينيها كتحس بالفراشات فكرشها كيطيرو…حيد شفايفو وشاف فيها ” مقامك عندي مايعلم بيه غير الله….وااعر عليا نسخا بيك ولا نفرط فيك..
يتبع
شاركنا رأيك في هذا الفصل 🌹