مشات لبنى بزربة ..مرتاحة شوية لي خوات المزيودة … وتيثريت كملات طريقها ومشات ديريكت لجناح الجدة شافتها كيف صبحات … ناعسة والكبص فرجليها وعنقها والخادمات كافطروها ومرات ولدها الصغيرة ” زوجة عم ليديا ” كالسة حداها …كتدير بلاصتها مع عكوزها باش شي لفعة وتعمرها على تيثريت وعلى لعيلات الاخرين وتلاقي السلوكا ….

كالعادة تيثريت ماسلماتش من الغضب ديال الجدة لي كاع اش دارت ليديا كايبردوه فتيثريت بحكم ماماها وهي لي ماعرفاتش ترربي … ماخلات باش عايراتها …وكتجري عليها بالغوااات ….. وتيثريت هبطات راسها مارضياش قدام مرات لوسها لي كاتشفا وتزييييد تشخد فالعوافي ….وكتمشي تهدن زعما فالجدة

– صافي صااافي اخاتشي … ماتعصبيش راسك راكي مريضة … خليهم لي فيهم كافيهم …. بناتها كلهم كاتعشاو بالعصا ويفطرو بيه ولوخرا قربات تتبعهم ….

تيثريت : ( بغضب ) سييلياااا ماااتحجبدنيييش

سيليا : انا كنقول غير الحق مالي كدبت !? وتلقاكي نتي لي كتحرشي فداك اللفعة دبنتك تقلل الترابي على خوها وجدودها … مال ولادنا كلهم كايبغيو جداتهم الا ديالك ????

تيثريت يلاه غاتجاوبها وهي تغوت الجدة

– خخرررجي عليا … شنو جايا تشفاااي !???? خرجي علياااا نعلة الله وعليييكم نت وبناااااتك

سيليا : يلاه راكي سمعيتيها .. برااا …. سيري عمري فداك اللفعة

تيثريت : اوا يلا سمتيك مراة ياسيليا سيري قولي ليها هاد الهضرة فوجها ولا هي حداها كتمتمي !???? مكاين اللفعة قدك بعدي ليا على بنتي وعطيها تيقار…بينها وبين جداها نتي علاش كدخلي !!!!!

سيليا : ( كتهضر وتعلي فيديها وتفقص فيها) غير هضري والله مااااندي عليك … ربي دااااايرها ليك وخارج فيك … الراجل مزوووج عليك بوحدة صغر من بناتك …. ورجليك مشااووو ليك بقيتي معوووقة فالحااااالة

تيثريت تربط لساانها بعد ماسمعات الهضرة لي خارجة بحال السم من فم سيليا…

خصوصا فاش بدات كتنعتها بالمعوووقة … الدموع نزلووو سخاااان من عينيها والجدة كتزيد تغووت … وحنات راسها وخرجات زايدة قهرة على قهرة ….غير خرجات من الجناح ..وهي تكب داك الدموووع دفعة وحدة كتبككي بقلب محرووووق …. ورفعات يديها لسما كتدعي يديير الله الفرج ويديها لعندو حسن ما تبقى معاهم كل وحدة منين كتجفف بيها ويعايروها باعاقتها وباخطاء مدايراهمش هي …وكتزيد تعصب فاش كتفكر بنتها لي دايرة ليها هاد الحالة ….. مسحات دموعها بيديها ..وكتقوي فراسها … حيت الضعييف مكيعيشش فهاد المستعمرة … خصها تبكي وتبرد قلبها وترجع للقووتها وصرامتها والا غايطلعو عليها كتر وكتر …

تهدناااات شووووية …. وهي تفكر ليديا وشنو قالت لبنى عليها… وقلبها كايتزير مااداش تححمل شي موصيبة اخرى منها …. وهي تجر الكرسي ديالها باتجاه حناح ليديا على الله تعرف شنو تحت راسها …… عيونها باقين باكينها وصوتها بحال الى فيها الزكام بسبب البكا والقهرة ….

غير دخلات لقاتها كالسة على سريرا … رجل على جججل وشادة فنجالها دالقهوة كتنغم ليه وباينة عليها الفرحة وماماها هي لي هازة الدقة … علات عينيها للباب لي تفتحات بلا اذن …. غير شافتها شكون …علات حاجبها باستغراب حيت قليييل فين كاتجي لعندها

ليديا : يما !???

شافت معاها تيثريت مططولة وباين فنظراتها الغضب .. وشدات لباب وجرات الكرسي تقدمات عندها كتشوف معاها وتشوف ففنجال القهوة لي بين يديها

تيثريت : القهوة عاوتاني !???? ياك ديما كانقوليك بعدي منها ….. علاااش كاتشربيها !

ليديا: ( علات عينيها فيها وجغمات من الكاس وهضرات بالطنز ديالها المعتاد ) حيت مايمكش ليا ناكلها ….. داكشي علاش كنشربها آ يما ينو ….

تيثريت: (محافظة على نفس الصرامة وهضرتها متنغنغة ) القهوة بزاف راها غاضرك

ليديا : هانتي مكتشربيش القهوة !! عاشية بيخير !??

تيثريت : ( بتنهيدة وكتشوف مباشرة عندها) مغاااديريش عقلك

ليديا : علاش ندير عقلي !!! باش تخرجوه ليا ???

تيثريت : نخرجوه ليك ??? ( انفجراات والصوت قرب يغلب عليه البكاء بقوة ما معمرة بالقهرة وخزة ابرة تقدر تفجرها ) راكي نتي لي غاتححمممقي البشاار ….. وانا …. ( كضرب فصدرها ) اناااا لي كناااكل بلاصتك الدددق ياااااا بنت ليهوووودي … اناااا لي كنسمع فالهضرة ونتي كالسة تنغمي ليا فكاسك دالقهوة كيف الاميييييرة

ليديا طولات فيها الشوقة كتميز … حسات بيها معمرة عليها … وحطات داك الفنجال وهضرات بهدوء …. عارفة الى شي حاجة تما مدام جات عندها تالجناح ومعمرة بحال هاكا …

ليديا : ميشميوغين !!!!! (مالكي)

تيثريت : ( علات راسها لفووق كتنننهد وتخرج النفس ثقييييلة من قلبها ورجعات شافت فيها ) عيييييت عييييت مانتحمل دنوووب نت كديريهم عيت … ديري عقلللك خلاااااص وخلني نعيش ليام لي بقاااو ليا هااااانية ( البكاء غلب عليييها والدموع انسكبو ) واش انا فالكوزينة نسمع الهضرة وفكوميدور يسمعووني الهضرة والمعاني ونطلع لفووق ونسمع تاني الهضرة … رااااني عيييييت اعباااااد الله عييييييت ….علااااش كاتزيديني علاش

ليديا غير سكتات وتيثريت ماقداتش تحبس راسها مزال ….وانفجرات كتكمل كلامها لي كولو عتاب وقهرة وهازة فقلبها مزيااااان من جيهتها ومن جيهة العيشة لي عايشاها والى بغينا نقولو ليديا جات فالطريق

تيثريت: داافعة جداك فدروو ج?? واش نتي باشاار ?????? راه انا لي كليت الدقة ماشي نتي ولا هي .. انا لي كتسمع المعيار .. ولادات وماعرفاتش ترررربي … انا لي ماكيخلي مايدوز على ودنيااا … اما تتي رااك شادة عليك بيييتك … نتي ديري الفعلة وانا ناكل عليها الدق …. ديري عقلك ابنتي ديريه راه قهرررتيني

ليديا: ( جمعات حواجبها عندها وخنزرااات وياول التخنزير يال ليديا لابقات حتى تعصبات ) نعام !!!!!! عاودي اش قلتي ?????? شكون هذااا لي قال هاد الهضرة ?????? ( رفعات النبرة دصوتها كتر ) شكون كايعااايرك بيا !!!!

تيثريت : كوووولشي .. بقا شي واحد مازال مامسحش فيا رجليييه !!!!! تامن سيليا هي لخخخرا ولات كتحل فمهااا وماخلات ماقالت ليا دابا عاد ….. ( كتبكي وتهضر ) ولدت وماعرفت نننربي …. ومعووووقة وراجلي مزوج عليا ….. كووولشي ولا يمسح فيا رجليه ( كضرب فرجليها وتقرص فيهم )ولكن هاااهوما .. هااااهوما لي داروهالياااا …. رزمووو فالكرسي وخلاوني ضضحكة لي يسوا ولي مايسواااش

شدات على راسها كتتبكي بالقهرة وصلات للعضم …. بحال الى لقات منفذ فيت تشكي وتوخوي قلبها العااامر … وليديا الاعصاب بداااو كااايترعدو فيها من داخل ….و بين عروووقها كايفور الدم … وكلام ماماها كايتعاود فودنيها … كتحس بروحها غادي تقبط

ليديا : ( بين سنانها ومزيرة على قبضة يدها ) سيييليااااا قالت ليك هادشي ??????

تيثريت علات راسها بززربة عاد حسات براسها شنو قالت ولمن كانت كتشكي !!!!!

تيثريت بقات غير كنشوف فوجه بنتها لي ملي كايولي بحال هاكدا ماكيبشرش بالخير …

تيثريت : ماقالت والو … صافي كملي فطورك … غانمشي نشوف مان(قاطعها صوت الفنجان تلتخ مع الحيط وتيثريت شهقات وشدات على فمها )

ليديا : (وقفات ساعرة والقهوة مرشوشة فالحيط ) دابا حتى هاديك تعلمااااات تهضر !??? هاا !!!! عايراتك ياك آيما … عايراتك !!! ( تحنات على ركابيها لعندها كتشوف فيها وعينيها شرارة لهيب ) ماتخبييش عليا …. قاتليك معاااقة !! عايراتك بهاد الكرررسي !??? هضررري آ يمااا خليني نوريها الككرسي شنوو تاايسوااا ونخليها تجرربوووو

تييثريت: آليديااا ينوو ….( شدات ليها على راسها ) واش حنا عاد هادي اول مرة غانسمعو الهضرة ?.. ماعارفاش كيفاش عايشين هنا ?… حنا راه تخلقنا باش نتمرمدو … با بزناز مدرمدني وباعني لبزناز يمرمدني .. ماشي شي حاجة جديدة عليا

زادت سعراتها بهاد الهضرة ووقفات كتغززل بالاعصاب وتمشي وتجي

ليديا : نتومااا لي كتمرمدو فرااسكم ….ها انا قدااامك (فتحات يديها كتوريها هيئتها ) با وجدودي بزانازا .. مرمدني شي حد ????? خليت شي حد يمرمدني ???? حيت انا عازااا رااسي ماشي بحاالكم مرخصيينوو …. نتوما لي كاتبغيو تمرميد وحانين راااسكم … نتي …. نتي مامات ليييديا .. وحانيا راسك !!! ….شكون تكون هادي لي فتحات عليك فمهاا تششبهك !!!! … علاش يبقاو يعمرووك وحتى تجي عندي انا عاد تخوي … علاش ماااتخوييش عليهم هوما ورشي المازووط وشعلي العااافية فهادشي كااااامل … لي يمرمدوك حرقيييييهم الله ينعل جد اصلللهم .. علاش عزيييز عليكم الذل علاااش !????? كووني قبييحة ..راه دنيا آيمااا قبيييحة كون حتى نتي قبيييييحة … ماتحنييييش … واش حن فيك شي حد نت !! كووني قبيييحة ولي يمرمدك حرقييييه .. مناش خااايفة !!!

تيثريت : ( غير شادة على راسها ) ندميتني تاجيت هضرت معاك … انا هضرت معاك نتي تديري عقلك وتخلينا من الصداع … لوخرين ماهضر معايا حد راني غير كنهضر وصاافي

ليديا : ( طولات فيها الشووفة …وهاد المرة بهدووووء كطلعها وتهبطها ) كنعييييف بنادم الضعيييف آيما … مرمدوك بالهضرة وجايا دافعي عليهم … هم !!!!

تيثريت : ( تنهدات ) خايفة عليك نتي ابنتي …. عليك نت

ليدا : ( غوتااات مزيررة على الحروووف بالاعصاب ) ومااااتخافييييشش علياااا … خااافي علييييييهم … بنتك قادة براااسهااا …كون كنتي بحالها مكانوش غايحلو عليك فمهم دابا وداك الشااااارف دراجلك مكانش حتى غايتزوج علييييك …يلاه حني ….حني الراس باااااش يطلعووو حنييييييه ( كتهبط ليها فراسها ) عنداك طلعي راسك وتفرضي وجودك عنداك غادي يقتلووك ….على اساس العيشة هنا راه حياااة!! ..

طلقات منها ومشات بعيد تاوقفات متكية على الحيط كتنهج … ورجعات كملات هضرتها بهدوء

ليديا: علاش كدلووو رااسكم علااااش …. هادي لي تقوليك معاااقة قطعي ليها رجليها …. لي تقووليك ماعرفتيش تربي…ربيييييها هي ….لي تقوليك تزوج عليك راجلك … نعسي ليها مع رااجلهااا هي…. ( علات يديها ) ياك مطااالعاش مطااالعاااااش!!!!!!!

تيثريت : ( خلعاتها ) صافي صااافي انا مالقلت والو .. بناقس كااااع .. صافي رجعي تفططري

ليديا ماقدارتش تهدا … بقات غير كتمشي وتجي وتزفر النفس بغضضب و ودنيها كايصفرو .. كتحس بحال شي بركان عندها لداخل فأي لحظة يقدر ينفجر … تيثريت ندمات كاع لي هضرات معاها …بقات غير كتشوف فيها فاللخر جرات الكرسي ديالها وخرجات .. وليديا متبعاها بالعين …

الذل لي دايرين لراسهم كايزيييد يعصبها …وكلسات على سريرها ..كتفرك فصبعانها تاولاو حوومر …. وسنانها مزيريين وعينيها ولاو بلون الدم…. كتشوف غير فمنحى واحد مغززفة… مابغاتش تسرط ليها ان مها كتمرمد هاكا من طرف وحدة لي هي عارفاها شحال رخيصة و منافقة وكتكرهها وشحااال وهي كتجمع ليها …

وليوما جمعات ليها الملف وطواااتو مزياااان … هزات بززربة كاس دالما شرباتو فدددقة تبرد النار لي شعلات فيها ….

وهي تسمع صوت مخنوووق ديال الرنة دتيليفون لي تحت الفراااش …. وجبداتو لقات امير …. خدات نفس عمييييق كتحاول تنظف صوتها من نبرة الغضب …يلاه فتحاتو وهي تسمع

امير: صاافي راه داك السيد شاف الكاميوات جايين .. قربو يدخلو عندكم وجدي راسك …. غايدخل وغايبقى يتسنا تما حدا داك الخصة حتى تعطيه الاشارة من السطح … وغايهررب راه مكايقد ليه حد فالسوگان دالموطور …

قطعات عليه تيليفون… وصبعها بقا تاااكي بجهد على البوطونة دقطع الاتصااال … قرربات تتقبها …. وعااضة على سنانها ومزييرة عليهم … مابغاتش تبرد فيها الفقصة …. نهار على نهار كتزيد تكره فهاد العائلة وفهاد المستعمرة وفهاد الذل …..

خبات التيليفون وناااضت بهدوووء بعد ماخرجات داك النفس الغاضبة كاملة لبرااا … لبسات عبايتها وبعثرات شااال كبييررر فوق شعرها لي كايبقى مطلوق تحتو … لبسات خف الاصبع فرجلها … ودخلات لدوش هزات واحد السطل .. وجابت شي حوايج ديالها فزكاتهم فالما وعصراتهم ودارتهم فاسطل … ثم خرجات من الجناح … الهدوووء فوجهها وفعينيها ولكن لداخل ديالها النار شااااعلة …. شيطانة خييييثة سااكنها متربصة فيها لداخل .. مكتححن فحتى شي واحد قدام مصحتها او شي حد آذاها … يلاه غادي تقصد جناح سيليا … وهي تشوفها خارجة من جناح الججدة …جاتها تالعند يديها …. سيليا شافتها جااية فاللكولوار … طلعاتها وهبطاتها وجات ماشية تاسمعات من موراها

ليديا : هييييييه ….

سيليا : ( ضارت عندها ) ليديا ??? تساااات ينوو ( كبيدة ) مينثازوووذ ( شنو بغيتي )

ليديا : ( مدات لها السطل وكتشوف لعينيها مباشرة) نشري ليا معاك هاد الحوايج فسطح بغيتهم ينشفو دغيا.. ماقاداش نطلع

سيليا : ( كتشوف فالسطل وتشوف فيها وتغدد على هاد الاهانات لي كادير ليهم ومكتحتارمهمش ومايقدوش تا يهضرو معاها ) الدار فيها ستة وستن خدامة …. بنتليك غير انا

ليديا : ( بححدة كتشوف منتصف جبهتها حتى كتوترها ) مكانتيقش فالخدامات يقيسو ليا حواجي … بغيت يدين نقييين .. ومانلقاش ما نقااا من يديييك

سيليا : ( بلا خاطرها ) مممم واخا ….

هزات عليها داك السطل ومشااات كتنكر وتلعن فالداخل ديالها … وليديا متبعة لييهاا العين تاطلعات فدروج لسطح … مع هي طلعات مع صوت الكاميوات داخلييين والهاراج لتحت … وليديا ترسمات على وجهها ضضحكة شيطااااانيية وعينين قااااااسييين .. مافيهمش غرام دالرررحمة .. نفضات يديها .. وتمشات بشوووية حتى وصلات قدام المكتب ديال اوشن … حلات لبااب لا دقة لا اذن ودخلات عليهم .. كانو مجتمعييين كولهم والفلوس مشتتة على البيرو .. غير شافوها دخلات بلا اذن …. صعرروو و وقفو كامليييين كيف شي دياااب شافو خرووف …. و اوشن زمجر

اوشن : ددددقي الباااااااااب

ليديا ماكترثاتش كااع لغضبهم … وبدات كتشوف فالفلوس لي مششتة على المكتب …. وبدات كدوز يدها على داك الفلوس وتضضحك كتجنن فيهم

ليديا : اووووه يا جدي ينووو …. كاييينيين شي ناس فقراااء بزااااف … لدرجة عندهم غيير الفلوووس مسااااكن !!!!

ححقد فيها عينييييه وهي كتشوف وتضضحك بششر … اما منيير كيتسنى غير الاشارة ينوووض يعصيييها .. واوشن جاوبها بغضب كبييير

اوشن : دددقي البااااااااب الله ييينعل جدك الككككلب

ليديا : ( علات يديها قدامو ) لااا … جدي سيمتو اوووشن .. مانسمحش ليك تقول عليييه كلب … جدي كامل رديتيه ككلب !!!!!! ( استهزئات ونفضات الغبار على كتفو ) جججدي راااااجل ..و والد غير الرجاااال ( ضارت غير براسها عند عمها ” زوج سيليا ” ) لدررجة واحد ولدو مخلي مرررتووو تجيب علينا البرااااني حتى لقاع المستعمرة وطلعات لسطااااح باش تباااادل معاه النظرااااات .. ( كتزيد تطحن فيهم تجبد فالهضرة وتشفا ) الى كان كبت الله يعفووو ….ويلا كاان عمي لي مممقصررر الله يشااااافي …لعشوووب مجوووودين ( ضارت عند جدها ) كتزوج لولادك ربعة ديال الدوائر … وهوما عندهم غير بركاااار واااحد !!! اوا هاااا نتيييييجة اجدي ينوووو….

قااالتها وهي كتتتضحك وتلووووي لساانها وسسط فمها وتززند فالعوااافي…… شيطاااااانة طبق الاصل

العم لي كان الكلام مقصود ليه … جمع تخنزيرتو كايشوف فيهم ويرجع يشوف فيها …وهي كتضحك بشيطانية …. وناض عندها بزززربة جيييفهاااا

العم: واش عاارفة اش كتتخرررجي على فففممك ????

بدات كتنتر من يدو حتى طلقها كتنهج, خنق فيها النفس .. شافت فيه بتخنزير ومشات لسرجم دوزات ريدو …. وهي تشوف داك الولد حدا الخصة … بالموطور ديالو وداير الكاصك وكايشوف للفوق …

ليديا : اجي تشوف بعينيك … حمد الله خرجت قبيلة لبالكون وشفتهم … خصك تشششكرني حاضيا ليك شرفك

جا داك العم يزرربة وكلهم طلو من السررجم .. العم ولا بحال شي ذييب جااااعررر وخرج كايجيري ومنير غوت من الشرجم على الحرااااس يطلقو الرصاص .. هذاك سمع الغوووتة ديمارا الموطور ديالو ودارليهم كان هنا …. هو هارب والقرطاااس تاابعو وكولشيي كايجري .. ولكن حتى هو صدق مسخوووط فسوقان دالمطووور …. نقز فوق الحيط القصيرر وهههرب وهوما تابعييينو … ولوخرين كولشي خرج من المكتب … شي هبط لتحت …وشي تبع العم لي طالع لسطح عند سيليا … وليديا عينيها على السمارت فون لي مليوح فالخصة وكتتضضحك .. بعد مانجزات مهمتها الابليسية خرجات بشوية عليها كتمخخترر لجناحهاا …

العم طلع لسطح ولقا فعلا سيليا كتطل من سطح حيت سمعات الهاراج هو يشددها من ششعرهااا وكيلتخ بيها الحييوووط والغوات ديالها كايتسمع فالمستعمرة كاملة وتاحد مايقدر يفك … كيرد الاعتبار لرجولتوو لي هانتها ليه .. وكيزدحها مع الحيوط ودم كيسيييل حتى طلع اوووشن لي كيشوف مع الحراس لي فوووق الحييوط كايتفرجو … وشدو من يدو دورو لعندو … ودوا بصوتو الثقييل

اوشن : مااااشي هنا … هبط لتحت ودفنها لابغيتي … ماشي ولدي انا لي يتفرجو فيه ….

زدحها الارض وجرها من شعرها ومهبطها مكركبها فدروج … والحراس شافو اوشن خنزر فيهم هوما يهبطو راسهم ….

اما ليديا معلقة فحبالها كيف شي عنكبوت على عادتها وكتسمع فالغواااات والنجدة .. ومتلذذة بهاد الاصوااات كتحس انها شفات غلييييلها …. غير بالمهل وبلا متووسخ يديها …

بحركة قمة فالمرونة تقلبات على الحبال وجا راسها لتحت ورجليها مربوطين لفوق

ليديا : درس صغير باش تعلمي تعايري ليا يما …. هههههه الخيااانة صعيييبة امرات عمي … دابا خاصك تعاقبي بالضوبل .. اولا حيت حليتي فمك على يما .. ثانيا حيت خنتي ليا عمي …. بردي هادي بعدا وعاد شرحي لينا شكون هو الولد مول المطور ههههه

رحعات شدات فالحبال وتعلات كتلعععب فرحااانة كتسنى دنيا تخوا تهبط تجيب السمارت فون ….

قاطعها صوت الدقة فالباب …. كانت معلمتها … نزلات ومشات كلسات حداها خدات الدروس ديالها … غير المعلمة خرجات ..و ليديا خرجات كتجرري للبالكون بانت ليها الحركة سكتااات والكواما خرجو .. وحتى صداع عمها ومراتو سكتو …. لبسات حوايجها وهبطات لجردة .. دايرة راسها غير كتسارا وكلسات على حافة الخصة بلا مايرد ليها حد البال هزاتو بين يديها وطلعات كتججري لبيتها بالفرحة ..

كيف ش طفلة صغيييرررة لقات حلوة … طعات فوق سريرها وربعات … وبدات كتفتح فالكارطونة … كانت كبيييييرة ودايرة بسكوتش …. بدات كتفتح داك السكوتش بسنانها… حتى تحلات الكارطونة …. لقات فيها لداخل باكيات ديال الشكلاط … وواحد البواطة صغيرة حمرة .. ووردة حمرا .. عاد بواط ديال تيليفون سامسونغ كلاكسي … ماكترثاتش لداكشي كتر ماعينيها غير على البواط ديال التيليفون … فتحاتو وهي تلقاااه قدامها كااايلمع بشاشتو السوداء .. كتحس براسها محتاجة تغووووت بججهد بالفرررررحة … مامتيقاش راسها الى شداتو بين يديها …. كلها ولات كترعد وتنقز … وهزاتو كااتبوس فييه ودوز عليه بيديها … وها حاجة اخرى تضافت فقائمة كنوز ليديا … بعد مكان غير جسدها والمرآة ….تنضاف حتى السمارت فون

بقات كتشوف فيه وضورو فيديها وتقيس فشاشة ماعرفاتش كيف دير تشعلو .. وهي تقلب فالبواط لقات شارجور والسماعات ….و دفتر التعليمات …..هزات الدفتر كتقرا وتفهم عاد بانتليها البطونة لي تشعل منها .. تكتات عليا مزيااان حتى شعل .. غير شافت الضو شعل والضحة شقاااات شفايفها … كتحس بواحد الفرحة يمكن اول مرة تحس بيها … خصوصا ان ليديا من النوع لي كيبغي يكتشف اي حاجة جديدة عليه …تشعل كامل وبدا كايعطيها تدخل الكود… مافهمات والو وهي تفكر أمييير …

ليديا : ( تنهدات وحطات تيليون ) ففففف كنضن باقا متاجاك شي شوية ….

جبدات نووكيا وبدات كتصل بيه …جاوبها فالبلاصة مخلوع

امير : لببنى .. لبنى خفت نعيط ليييك …. الحمد الله لي سمعت صوتك … عيط ليا الولد دابا قاليا عاقو بيكم … هو هرب ونت !?? ياكما عاقو بيك

ليديا تفكرات بقات كترمش مددة فالاخر طلقات البكككية كتتغبن

ليديا : هئ … هئ كووون شتي شنووو دراليي جدي وخويااا ھئ هئ … قتلووووني بالعصاااا … شفتي شحال كنغااامررر على قبلك باش نشوفك … هئ هئ

*ليبيا/ قصر العجمي

فغرفة #العلم_الجاهل ..

على السجادة المعهودة .. گالسة الست ماما مربعة رجليها قدام الطاولة الارضية .. لابسة نظارات ومهبطاهم حتى لحرف النيف … جامعة منتصف جبهتها ومركزة بتأني على الخريطة لي قدامها … والجهاز لي متصل بالمنظار الفلكي … وحداها ايضا عيسى بنفس الجلسة .. ماشي تقليد انما طباع فيهم … مركز معاها حتى هو واخا مكيفهم والو فهادشي ولكن كايتيق فيها … فين ماشافت كايشوف وغير تهز عينيها كايهزهم …

قدامهم السماء واضحة فالجهاز … كل المدرات والنجوم كيبانو بشكل واااضح …والابراج بشكل اوضح …

مبعثرين قدامها بعض الكتب الخاصة بعلم التنجيم …

اما المساحة الكبيرة من الطاولة واخداها خريطة النجمية …. كل التركيز على برج السرطان لي تكهنو انه ديالو …

الست ماما كتقرا فالخريطة وترجع تشوف فالجهاز …

عيسى : اسمه … اريد اسمه يا الست ماما ….

الست ماما : ( علات يديها مخسرة ملامحها لي قاطعها ) شششش دعني اركز … هذا علم التنجيم وليس المخابرات الدولية كي اخبرك باسمه … دعني اركز

عيسى اكتفى بالصمت والانتظار اما التوتر دار فيه مابغا

الست ماما : مممم .. وحيد … يبدو لي وحيدا .. محاطا فقط بقليل من الاقارب …. لايمكنني التركيز فالملامح .. شيء ما غير واضح … برجه يشبه الضمير المستتر …

عيسى : ( علا حجبانو باستغراب ) ضمير مستتر !? دققي جيدا … نحن بحاجة الى ملامحه او اسمه او حياته او مكانه … شيء ما يساعدنا في العثور عليه

الست ماما : يظهر لي السواد فقط … لديه علاقة وطيدة بالاقمار والفلك …بل هو صديق للمجرات هنا ( علات راسها بسرعة ) يا خوفي من ان يكون منجما !!!!! لهذا لم يأتي الى السيرك ??? او ستكون خطوط نجومه حذرته من الخطر ?????

عسى : ( حك على ذقنه بارتباك ) لا لاا .. لا يمكن …

الست ماما :ومذا لو !!!

عيسى : ( شاف للفوق بعدم مبلاه مصطنع ) ومذا لو !!! نحن لا يهمنا .. اذ كان منجما انت كاااهنة …. وسنرى من ينتصر علمه … ومن يظفر

الست ماما : ( تنهدات وهي كتشوف فيه ورجعات شافت للخريطة ) ارى هنا الكثير من الاعداء … الخطر محاطا به من كل الجوانب وليس نحن فقط يا عيسى …

عيسى: !!! هل سيكون مبحوث من طرف قبائل اخرى وكاهنين آخرين ???? هه!! طبيعي فهو زوهري …

الست ماما : ممكن … مبحوث من طرف الشرطة ايضا ….

عيسى : مذا !!!! … ( رجع كايتفكرو) ممممم حقا أمواله و شكله مريب !!! يحرك الشكوك ….

الست ماما : ( مركزة فالخريطة) يتبخر كالبخار بين الثنايا …. صعب الامساك يا عيسى … الكل يبحث عنه لاكنه يمر بين الجميع بسلام… يمكن ان يصافح عدوه ..والعدو لا يعرف انه هو على من يبحث … غريب أطوار .. يحب العزلة …عبقري….عقله ليس طبيعي … في داخله حطام قديم جدا … ولا يزال حيا في دماغه … اما قلبه فهو فارغ تماما …. مسكنه في مكان عالي .. اظن انه برج ما …. لايحب الضجيج …. لا يحب ان يحدق به احدا …يكره ان تقترب منه … نقطة ضعفه هي ان يحدق به احد كثيرا .. يترك دائما بينك وبينه مساافة …. عصبي ومرواغ … صعب المراص كثيرا … لا يقتنع بسهولة … لا يحب بسهولة …لكنه يكره بسهولة .. حقود جدا … لا ينسى اي شيء ….(رجعات شافت فيه عاد قالت هاد الجملة) ويوم حظه …هو يوم السبت !!!!!!!

عيسى : ( شاف فيها مدة وتغلغلات هاد الجملة فلدال ديالو …عاد كمل بعصبية ونفاذ صبر ) لااا اهتم بكل هذا …ليكن حظه السبت ..سأجعله يوم ششؤووم له .. لا تخبريني بهذا يكفني هذا الكم من القلق الذي اعانيه الان لا احتاج قلقا آخر ….. ابحثي في اسمه … اسمه او مسكنه … اين يمكننا العثور عليه…واتركي الباقي لمن يرغبون في صداقته ….ما شأني انا وشأن طباعه!!!!! اريد موووقعه وليس ما يحب او ما يكره

الست ماما : ( حسات راسها عصباتو ورجعات كتكمل) اسمه مجهووول .. يظهر لي هنا حرفا باللاتينية .. ربما حرف الايكس ….

عيسى : ( رمش وسرط ريقو ولعثم ) إ .. إكس!!!

است ماما : اجل … يظهر لي هنا ايضا الحدود الاسرائيلية في الخط الشمالي من برجه ..هنااا(كتوريه) ….. وهنا نجد(قاطعها)

عيسى : شششششش شش .. ا أعدي ماقلته!!!!

الست ماما : ( طلعات فيه عينيها باستغراب ) مذا اصابك!!!! تذكرت شيئا !!

عيسى ووقف كيشوف فمنحى مامحددش … كايمشي ويجي ويحك فلحيتو ويفكر بصوت مرتفع

عيسى : ا إيكس .. مجهول … الحدود الاسرائيلية ….(تقلب شاف فيها) هناك شخص يشتري شاحنات الشيرة من شمال افريقيا …و التسليم يكون عبر الحدود الاسرائيلة … مبحوث من طرف الكثير … ( كتوضح ليه شوية بشوية والابتسامة كتوسع على فمو وهو كايلاقي فالروابط ) ومن طرف الششرطة اييضاا …..( شد على راسو ) لا اصصدق … آهو نفسه المستر ايكس!!!!! تاجر المخدرات المجهوول على الديب ويب ??????

*مستعمرة اوشن

ليديا كالسة على أريكتها رجل على رجل وكتضور تييفون فيديها ضاااحكة وكتفكر اش طرا ملي تغبنات على امير ….

امير: فففففف سمحييليااا…. واش ضربوك بزاف ??

ليديا : هئ هئ كون تشوف كيف دارو ليا …

امير : عاقو بتيليفون !!!!!

ليديا: ياااك يااااك دابا نتا كايهمك غير تيليفون … ماهاماكش انا لي كنت غانمووووت

امير : لا لا والله ماهاكاك بالعكس …. بالي كولو معاااك

ليديا: ممممم … حمد الله ماعاقوش بتيليفون … ولكن انا مكايهمنيش صااافي مااابقيتش باغاااه

كتهضر وتلويه فيديها وتضحك

امير : وعلااش ??? غامرنا على قبلو وعلى قبل باش نشوفك وتشوفيني …. وفاللخر لا !!! هيزيتيه بعداا

ليديا : واش كضحك عليا … انا راني فبيتي كانبرد عضامي هئ هئ غانتفكر شي تيليفووون

امير : ياريت كون جات فيا ولا فيييك

ليديا : هااااا!!!! بعيييييد لبااااااس علييييك … انا نهز عليك الدددقة ( كاتهضر وتلوي فخصلاتها وتضحك عليه )

امير : غاااانحماق باش نشووووفك

ليديا : مممم … صافي واخا انا غانهبط نجيبو وااخا مقاداش نوقف غير على قبل مااااتحمااقش لياااا .. صافي غي نشعلو غايتشعل مافيه تاشي رقم سري !!!!!

امير : نو .. مي كاين الكود ديال النمرة …ربعة دالاصفار وصافي .. غاتلقاي صوورتي فشاااشة باش تعرفني .. ومنبعد تدخلي لگالوغي وتلقاي فيديو تما غايوضح ليك كولشي … كيفاش تدخلي للواتساب وكيفاش تستقبلي ابيل ولا تسيفطيها …الخصوصية البلوكاج كولشي .. كذلك فايسبوك والتطبيقات لوخرين …( ليديا : بالحس كتهضر:سرسب سرررسب ) وحتى الى لقيتي شي حاجة اخرى مافهمتيهاش ومامشروحاش تما ..دخلي غير لواحد التطبيق سميتو كوكل كروم ولا يوتيب وكتبي السؤال لي بغيتي وغايوضحوه ليك ….

ليديا : ( حالة معاه عينيها كتحفظ حتى سالا وهي تقول ) مكااايهمنيييش هادشي كامل المهم هو كيفاااش نشووووفك … اما انا مكيهمني لا تيليفون ولا شي حاجة اخرى أميييييري

امير : هااااح عل هاد اميييري ونبيع عليها ترريكيتي … بززززربة دغيا باغي نشوفك

ليديا : هي لولا ….فففف ااااااي رججججلي …اوووووف

قطعات عليه تيليفون ..ولاحتو كضحك وهزات السمارت دخلات ربعة دالاصفار وهو يتحل .. بغاات طيييرر بالفرررحة …. تاشوية كمشات ملامحها وهي كتشوف الصورة لي فشاشة … شاب عشريني وزعر ووكالس وهاز كيتاغ …مسرار مابييهش واخد حقوو من الزين ولكن ماشي نوع لي كتبغي هي او بالاحرى مكايتوفرش على معاايير الجماال لي دايرها فعقلها ….وهي تميييق !!!

ليديا : ( بملامح عايبة) عععععع دابا نت هو هذا !!!! من كامل قواك العقلية انا نكوون معاك نتا … ههههه اوا حلم حلم وتسنا تشوفني ..راه لي تسنى مايجووووع

دخلات لفيديو يلاه بدات كتفرج فيه وهي تسمع دقة فالباب وخباتو دغيا تحت الفراش ولاحت داكشي لاخور فالارض من جيهة الخرى ضرباتو برجليها دخل تحت السرير … وهي تدخل لبنى طلات غير من لباب

لبنى : وتشما ينو … محتاجة شي حاجة

ليديا: ( محافظة على نفس ابتسامتها العريييضة لي ماباينة واش غضب ولا استهزاء) لا

لبنى : ( هبطات راسها ورجعات طلعاتو ) ااااه حقااا …ماشفتيييش شنو وقع قبييييلة …. راه(قاطعاتها)

ليديا : (بنفس الجلسة والابتسامة) سيليا طلعات مكتسواش …. شي حاجة اخرى !!!!!

لبنى : هاا !!! ل لاا لااا …

يلاه غاتخرج وهي تعيط ليها

ليديا : اجي عندي لهنا …. قربي

دخلات عندها لبنى وهي خطوة خوف خطوة جرأة تاوصلات لعندها …. ولقاتها مدات ليها تيليفون

ليديا : شديييه … سلات مهمتو عندي …. وهاد المرة ترجع تصوني عليك داك نمرة قطعي عليها ….( حقدات عينيها) نسيق خبااارك جاوبتييه …نحرررررك ابنتي ….

لبنى : ( حطات يديها على قلبها ووحدة على راسها ) ايااااربي ينووو

ليديا : ( مداتو ليها ) ششدي وغبري عليا سيفتك ….

شداتو عليها وخرجات كتجري باركا غير الفرحة لي رجع ليها للمرة الثااانية … وليديا ضحكات وهي متبعاها تامشات … وجبدات تيليفون عين فيه وعين فالباب …. دخلات كملات الڤيديو لي كان كولو شرح على الواتساب … فهمات دااااكشي مزيان واخا الفيديو كانت فيه شي ساعة ونص … واول درس نفداتو …هو دخلات لرقم ديالو لي كان مسجل … وبلووكاتو فالواتس …. وهاد بلوك لي طلعات ليه…هو بمثابة اكبر قاااالب وشمتة لأمير ….لي ماخلا علامن ضحك…حتى جات الريفية حفيذة اوشن وخلاتو عجينة فيديها بحلاوة اللسان والصوت العذب ….بلوكاتو وفتحات الشاشة كتشوف فصوتو وتضحك وتدوز لسانها على شفايفها بشيطانية

ليديا : ههههه اش نديرليك يا أميييري …. كاين شي حد بعقلو كايشري الحوت فالما ههه …. انا ماااضلمتكش ….انا غير عطيتك درس وجبدت ليك ودنيك.. باش ماشي لي قاليك زوج كليمات حلوين تيق فيه !!! ….وفراغك العاطفي عمرو بالماكلة …ماتعمروش بالناااس ( غمزاااات لصوورة غمزة مطوووولة كتقنها خطييييرة مع ضحكتها المستتفزززة)

ثم بدات كتمر الايام لي كانت روتينية على الجميع… باستثناء ليديا …. وعلاش لا ! وهي نصف احلامها تحققات !!! والعالم الخارجي كله ولا بين يديها …. وبسباب يتحقق هاد الحلم …هي زطمات على بزاااف دناس ..اولهم امير ..العاشق لي علماتو درس كبيييييررر وحس براسو اكبر غبي وعمرو دابا لا تاق فشي وحدة …لبنى …ثم سيليا …. بزاف ديال الضحايا على قبل توصل لمبتتغاها …. لي ميمكنش تحن فشي واحد الى كانت فيه المصلحة … تزطم عليه وتزيد … مبدأها فالحياة هو انا ثم انا ثم انا ثم انا ثم انت …… نصف الحلم تحقق ! فظرف 20 يوم .. قدرات تتعلم لجميع التطبيقات لا بل اكثر من هذا ….قدرات تتشهر فيه بحساب تحت اسم ” ياجِّيسْ ناريف ” او بنت الريف …. كولشي ولات كتعرف ليه … وجميع التطبيقات دخلات ليها ولي ماعرفاتوش كادير بوصاية امير وتسول كووكل … حتى من قرايتها بدات كتهملها …. رياضتها وحتى هوسها بمرآتها … ولات مقابلاه غير هو كيف الصباح كيف الليل … والوحيد لي عارف بالامر هي لبنى …حيت هي لي كتجيب ليه التعبئة … ومامنحقهاش حتى تسول منين جابتو ولا كيفاش !!! فقط كتشوف وتعجب …وتقول مايقد عليها غير لي خلقها !!! …. ليديا هملات المراية وولات مقابلة السمارت فون ..حسات ان وقتها عمر ومابقاش خاوي بحال اللول كانت كتعمرو بالشوفة فملامحها وانتظارها لمعالم جسدها تكبر وتوضح !! …ولا عندها باش تشغل وقتها ..دارت اصدقاااء كتااار …ولكن مكتعطيهمش كاع راس خيطها ….والاغلبية كتقول ليهم عايشة فاسبانيا … في انتظار تلقى الفارس لي راسماه فعقلها …. ولي 20 يووم وهي كتشوف فالوجوه …وحتى وجه مكيشبه ليه … الفارس ديالها راسمة ليه ملامح خاااصة …يوسفي الجمال … معايير خيالية ….جمال الجن … ولي شافتو مكيعمرش ليها عينيها بقوة مامأثرة بالملامح لي راسمهم فعقلها …. وكتحلم به كل ليلة ….

ولات كتشوف الموضى … العارضات … المكياج … كتفرج فأي حااجة .. والبنت لي شافتها كتبدا تعيب فيها ….وتخيل راسها لو تكون بلاصتها …وزيد تلعن فهاد الحيوط لي مخبينها ومامخلينهاش تعيش الحياة لي كتشوف فهاد السمارت فون ….ولي كتظن انها هي لي كتستحقها ماشي هوما ….

تشبتها تخرج من هاد المستعمرة كان كبير ….وزاد كبر دابا لي تعرفات على العالم الخارجي وشافت الناس كيفاش عايشة وشافت شحال كانت غشيمة ….عاد فهمات علاش قاطعين عليهم التيليفونات والقنوات …هي قول الحياة برا زوينة كاع قد هاكا !!!!! ..

صبح هوسها هو تخرج …. هي عارفة انه صعيب فالمغرب … لانها فين مامشات هنا غادي يلقاوها .. خاصها شي هروب لي يكون مباشرة لخارج لبلاد ….ومؤخرا ولات تبحث بزااف فالهجرة السرية وماجاورها ….

بسبب اتقانها للغات وبسبب ذكائها وعقلها الخفيف …قدرات دغياا تعلم لكولشي فمدة قصييرة ودير بلاصتها بين الجميع بشخصيتها الغريبة وتعاليقها المثرين للجدل ….

وها ليديا أخيرا …العالم الخارجي لي كاع بنات المستعمرة فكل الاجيال ماقدوش يشوفوه ..هي جا عندها كااامل حتى لجناها فوق بساط ريح اسمه #سمارت_فون

بعد عشرين يوم :

فمكتب اوشن….

اوشن كالس جلسة الملوك المعتادة على العرش ديالو ….عرش الفسااااد وعرش الاستغلال …. شحال من روح تقلات على ود يجلس هاد الجسة على هاد الكرسي !!!! على ود هاد الجلسة .. ضحا بعائلة ونسب على قدو …

حفيدو قدامو ماشي جاي …لابس آخر مكاين فالماركات …من الحذاء حتى لرشة العطر … تسريحة مرتبة واللحية لا تقل ترتيب … كيمشي ويجي وداير يدو فجيبو ويد كيحك بيها على لحيتو ….

اوشن : كلس امنير وفهمني ….انا راك دوختني ماتزيدش تكمل عليا حتى بسير وأجي…

منير تقلب عندو شااف فييه مطوول ..ورجع جر الكرسي وكلس مقابل معاه

منير : هادشي مابقاش مسلك آجددي …..

اوشن : شنو لي مابقاش مسلكك !!

منير: الفلوس لي داخلة قليلة …. واش عارف اجدي البزنازا لكبار ديال كولومبيا كيفاش عايشين ولا ماعارفش ( كايهضر بطموح كبير وحماس وكيشرح بيديه ويضرب فالمكتب مع كل توضيح) واااا لفلوس عندهم كاع مكاايحسبوها كاع الى حنا باقي كنحسبووها …

اوشن :نتوما ولاد هاد الجيل مامقنعكم والو …. ياك اولدي طموبيل لي حطيتي عليها يديك ديالك …. عندك گاراج غير بوحدك … الدولة لي حطتي عليها صبعك كتصبح فيها … شنو مزال خصك

منير : نتا باااقي مافتحتي عينيك على دنيا نيشان …تجينا غير شي ازمة ومانخدموش شي صيف …واجي تشوف واش مغايتقاضاوش لينا الفلوس … سمعني اجدي وتيييق فياااا ..انا راني ولد هاد الجيييل سمع ليا اشكانقوليك

اوشن : ( ربع يدو ) هانا اولدي …هانااا ….هضر وانا نسمع …انا الخلافة عطيتها ليك شحال هادي …هادشي دمرت عليه صغري كامل وفنيت عليه شبابي …ودابا جيلكم هذا ….اميينو”وليدي” وريني ..هانا علمني

منير :سمع اجدي… عندي ليك واحد البلان وااااعر …غايخلينا نوليلو نربحو الضوبل فكاميو واحد !! لاكنتي كتصور 2 دملاير دالربح …غاتولي تصور 4 !!! اش باليك !!!!

اوشن : اهاه !!… وكيفاش

منير: هانتا تبع معايا …. هاد مستر ايكس لي سيفطنا ليه الكاميو ….وخلصنا وعجباتك الخدمة معاه وقلبتي على اسرائيل…. مادرتيش معاهم بهاد التصرف العداوة !!!

اوشن: ياك اولدي !!!! ياك الرِّي ديالك و وليت نتلام انا عليه !!!!!

منير: وااجدي وااسمع ليا … حنا العداوة مع اسرائيل معندها باش تفيدنا …. حيت داك الراجل راه بحال الى كنتعاملو مع الهوا وصافي !!!! ( كاينفض يدو ) راه فاي لحظة يولي باااااح …ونكونو حنا خسرناها مع اسرائيل لمن غانسيفطو السلعة داك ساع !!!! ….. اسبانيا والنيجير بوحدهم مكافيناش …. ماخصناش نخسرو اسرائيل اجدي

اوشن : هذا رّيك من اللول وقلتها ليك …قلتيلي اجدي كنتحمل مسؤوليتي ( قرب للبيرو )قلتيها ولا لا

منير: وحتى دابا كنتحمل مسؤووليتي …داكشي علاش حل معايا ودنيك ….

اوشن : راه خصنا نختارو واحد فيهم .. يا ايما هاد الراجل ديال داك العجب فالانتارنيت ” الانترنيت” يا ايما اسرائيل …. اما بجوج راه ماعندناش السلعة الكافية …. وباليا خلينا مع داك الراجل حسن خلاصو مضوبل على اسرائيل واخا غانديرو معاها العداوة … نخافو غير يطلع بحال الهوا كيف قلتي وغانعلقك يامينو يا منير فالنخلة لتحت

امير : والى قتليك كاين واحد الحل غانديروه لي يخلينا نسيفطو كاميو واحد … ليهم بجوج !!!والفلوس دخلنا من عندهم بزوج …..والمعرفة رابحينها معاهن بجوج ….اش تقول !!!!

اوشن : يهديك الله آمنير ينو …. منين غانجيبو جوج كاميوات دقة ! كنقوليك السلعة مكافياش … راه مخدامينش غير معاهم …

منير : واغير سمعني وعطيني ودنيك … حنا غانديرو مع اسرائيل بلي غايوصلها الكاميو … ونديرو مع مستر اكس حتى هو …. ولكن واحد فيهم خصو ياكل الدق والشمتة !!! … اسرائيل مانقدروش نغامرو حيتاش كنعرفوهم والكاميوات عندهم محسوبين وواقفين على شغلهم بيديهم …..اما هو غير الهواااا !! كايدخلوه الكاميوات بحال الشتا …. وديالنا راه عندو هو كيف شي حلوة د زوج دريال اجدي … تلقاه مفايقش حتى لينا وماعافش حتى واش كنتعاملو معاه… وهو كايمشي لحدود كايلقى تما سطاسيون ديال الكاميوات كايتسناه…راه العالم كولو كاسيفط ليه شحال قدو يعررف …. مغايعيقش بينا

اوشن : الدخول والخروج فالهضرة عارفهم ماعزازينش عليا … فهمني اش باغي دير والخطر بعد منو …

منير: مكاين بو خطر اجدي غير تيق فيا عمرني نخيبك ….. هانتا …. ( هز سليتو وورقة ويدا كايشرح ليه ) غانعمرو زوج كاميوات ..الكاميو اللول غايتعمر بالحشيش الاصلي وغايتسيفط في امان الله لاسرائيل …. اما الثاني غانعمروه بالخش ديال الحشيش لي مصالح لوالو وغير كنلوحوه …. وهو لي غانسيفطوه لمستر اكس …

اوشن : اهاه وهادا رديتيه بالگرون بزناز ومغايفرقش بين الحشيش والخش ديال النفيض دالحشيش !?

منير : على هو غاوصلوه الكاميو بعدا باش يعرف … اييه لبزناااز بووحدو لي يقدر يفرق بين الحشيش الاصلي وبين النفيض ديالو وتاحد آخور مايقدر ….. الكاميو غايخرج على المغرب .. الباراجات ديالنا مشرين … غايدخل لجزائر كذلك البراجات مشريين .. غايدوز تاني على تووونس حتى تما البارجات ديالنا … غير دوز لينا الفلوووس للحساب .. والكاميو يدخل ل ليببا ….غانبلغو عليه البوووليس … ونقولو ليهم را واحد الكاميو دالحشيش داخل … داك الكاميو اش غيدرو ليه ? غايشدوه غير غايشمو الريحة دالحشيش ويطلقو الكلاب ….غيقولو هذا الحشيش وغايشعلو فيه العافية اولا !!!!! وها الكاميو تحرق ….وحفيذك منير غايرد عليه ويقوليه ماعندنا مانديرو ليك….الكاميو تشد … وطبعا الفلوس مايمكتش ترجع حيت ماشي لخاطرنا حتى حنا ضعنا فرزقنا ولا لا اجدي !!!!!! وهاكا لفلوس دخلات …مستر اكس تشد ليه لكاميو ماعندنا مانديرو ليه هادشي الى فااااق لينا اصلا ولا حس بينا …. اما هو ماعرفناش تاواش كاينين نكونو كنبانو ليه كيف النمل …. واسرائيل تاهي غاتوصلها السلعة ….وهاحنا بييخيييير

اوشن: ( طوول فيه الشوفة ورجع لور فالكرسي ديالو ) ماكدبوش لي قالو … الجد ديب وحفادو قالوليه نعلموك تعوي !!!! (صوت الذئب)…..

منير من بعد المزحة ديال جدو طلق الضحكة بجهد …وبادلو المزاح

منير : اشنو اجدي … حطيتي سلاح ولا!!! هههه

اوشن : تسلاو ليا معاكم …مابقا ليا لا جهد لا فهامة … وحدة مكركبة رالاها فدروج باش ماتزوج … واحد كيطير كتر من البرق … اش بقا لجدكم مايقدم ولا مايوخر …. ( قرب للمكتب ودوا بجدية ) منيير ينو … السوارت عطيتهم ليك شحااال هادي .. منهار گلستك على الكرسي ديالي … صوگ نتا بينا هاد المرة … فيا مانعطي السوارت لباك ولا لواحد من عمامك … ولكن اولدي الجيل راه جيلك نتا .. فين كان يعرف باك ولا عماماك هاد البزناز هذا لي طلعتيه من داك المشقوف !! …. انا تايق فيك … ومعتمد عليك ….وعارفك غاتحمر ليا وجهي …ماجيتش انا آمنير وحطيت ليك السلاح فيديك نهار كانت عندك باقي تسع سنييين اولا !!!

منير سهااا بتفكيرو لداك النهاار …شرد بزااااف ملي تفكر شحاااال من حاجة طرات فداك نهار … ورجع دغيا نفض راسو قبل ماتصور الصورة ديال داكشي قدام عينو مرة اخرى وتمرضو …. ورجع شاف عند جدو

منير : كون هااني وخليك تايق فيا … حنا غانجربو وغاتشوف قدام عينيك الربح كيداير … راه هاكا المساخط كولشي ولا كيخدم … كيعمرو الكاميو بالخش ويطلقوه …فاش يدوز الباراجات المشريين كايبلغو بيه … لي باع راه الفلوس دخلات ولي شرا ضاااع … وهذا لي كنقوليك انا … راهم شي حاجة كبييييرة اجدي ماشي غير بزناز … كنقوليك كايشري من العااالم الكاميوات دالحشيش بثمن مرتفع … فالحدود كتلقا صف تما دالكواما كتر من 60 كاميو فالسيمانة غير فالحدود داسرائيل … شي من المغرب شي من دول لخرا … بلااا الحدود الكلومبية بلا شنو كاين فاسيا وفامريكا … فين غايبان ليه كاع المغرب .. وهاهو كاع عاق بينا … داك الكاميو لي كتسيفط ليه … كينقي بيه غير سنانو ….

اوشن : ( كايشوف معاه مصدوم من هادشي ) واافلووووس مجهدة هادي ! وشنو كايدير بهاد الحشيش كامل

منير : وشكون عرف .. زايدون مكيهمناش … ( بضحكة ) ياك المهم الفلوس دخلات .. وهو يمشي يعمر بيه حتى اتاي حنا مالنا

اوشن : مممم ..( رجع تنحنح وتقاد …. و بدل وضع الكلسة اشارة على انو غايقلب الموضوع ) شنو درتي فداكشي دختك ! تقضا الغراض

منير : لا لا حسبو تقضا .. السيد غير شاف تصويرتها بغا يتسطا … ( بمزاح ) وااعندك المليييح اسي اوشن هههههه

اون : خلينا من الضحك … الارض عندهم مزيانة .. خصني الصيف جاي نخدم فيها ….. لبقها ليه دغيا وسرحو طريق لارضهم فالشاون … الكليان كتار والارض قليلة ..

منير : وااالا كون هاني … درت معاه غير تبرا جدة يجيو يخطبو ..بين مايكونو هوما سالاو شغالهم

اوشن : خصنا غير دير عقلها ديك الكاااارثة .. الطيران ديالها معاجبنيش … عندك تهينها ….راها شيطااان

منير : هاديك خليها عليا .. دابا يتقاضاو ليها كيف لي سبقوها .. عياو يطيرو وجاو فالطاااس ..

اوشن : اوا يكون خير …

ناض من بلاصتو وهز عكازو … ومنير تاهو وقف وخلاه هو يدوز الاول كيف جرات العادة .. عاد تبعو … ماشين فالكلوار طوييييل … وزوجة بااه القاااصر جايا فطريق ” العروس القاصر ” حانية راسها ومخشية فعبايتها لي وااسعة عليها .. ولات ضعييييييفة والاثر دالكدمات فوجهها لي واضح كيتعدا عليها بزاف …. زغيبات كووووحل هابطين على عينيها من تحت الفولار …عيوناتها كبااارررر ومشفريييين وكلها براااءة وجمااال.. ولكن كتبان كيف شي مصباح مطفي … كولشي مطفي فيها .. لا ضحكة لا سعاادة ….

دايزة حانية راسها احتراما ليهم … ومنير متبع ليها العيييين .. واخا فاتتهم …بقا متبعها براااسو ضاير موراه تاكان غايدل فالسارية .. كيتمشى وكيضور متبعهااا وكتشكل ضحكة ماكرة على فمو .. وكيحك على لحيتو وسبابتو “اصبع ” مزينة بواحد الخاتم منقر .. وعينيه ششعلووو على البنت .. مرااات باااه …..

اما ليديا كيف عادتها مربعة على سريرها وعاطياها لضحك وطلوع والهبوط فوسائل التواصل… وتعيب فالفنانات هي كولشي كيجيها خايب ومايوصلوش جمالها… رغم ان كاين ماحسن منها بالف درجة … ولكن ماشي ليديا لي تعترف ….. هي الاجمل .. هي الاحسن … هي الاروع ..

سمعاتهم دقو فالباب وهي طفيه بزربة وخباتو…. تادخلو ليها الغدا … خداتو وناضت لمرايتها كتقاد فشعرها وتمشط فيه … عندها طويييييل ومهلية فيه … كل مرة تحسبو شحال وصل فالطول مفتخرة بسالفها … لي كايوصل حتى لارداف ديالها …. لواتو لفوق … وناضت لبسات عبياتها ووقفات قدام المراية كتقاد فيها على كتافها وتضحك

ليديا : يلاه آليديا نديو شوية ديال الاجر … زيارة المريض راها صدقة ( كتضحك باستهتار ) ههههه … ( كاتشوف مع راسها فالمرايا وقربات باست فراسا) كنحمااااااق انا عليا …. الله يخليني ليااااا ههههه حبيييبة نفسي ..

ضحكات مع راسها راشقة لييييها … علاش لا … وهي نصف حلمها تحقق ! خرجات من الجناح ..متجهة لواحد الغرفة …. فتحاتها بلا متسوق للاذن … وشكووون يكون هدا لي يمنعها دير شي حاجة بغاتها !! …. دخلات وهي كتشوفها على الكرسي المتحرك …وجهها كاع كدمات واخا دازت ايااااام وبداو كايبراو ولكن باقي كيبانو … عندها كسور فرجليها بجوج … ويديها … وحتى عنقها … نجات من داك القتلة بأعجوبة …غير شافت لييديا وهي تكحل بالعما …. ولات كلها مححقدة .. وكتطحن فسنانها لداخل … ماعندها جهد ليها …وبصيغة اخرى …شافت راسها مغاتقدش ليها … وليديا داخلة وراسمة ملامح الشفقة على وجهها وكاتدور عليها ….

ليديا: اووووه ققلبي ( شدات عليه بيديها ) ضررررني .. اووووه تساا ينووو … شكوووون دار فيك هاد الحااااالة …. ( شدات على عينيها ) ياااااربي مانبكيييش ياااربي …. اووووف غاينزلو دموعي ونخاف يتنفخو ليا عيني ويقباح وجهي …. اووووه على منظر !!!!! ( جات قدامها ) كككتقطططي فالقلب …

سيليا كتحاول تهضر ولكن مقاداش بسبب الاعصاب لي شخداتهم فيها … غير كتشوف بعينيها وتلعن

ليديا : لا لا لا بلا ماتهضري بلا مننعدبك كتر … جيت غير نشوووفك ( علات صبعها لفوق ) فسبيييييل الله …. قطعتي ليا فقلبي …..

سيليا : ( بزز باش نطقات ) ليديا خرججي عليااا …

ليديا : هاااء ( حلات فمها مصطنعة الصدمة ) كتججريي عليا وانا جيت غير نطل عليك ونشوفك واش محتاجة شي حاجة نوجدها لييك !!!!

سيليا : ( تحت سنانها وكتهضر بزز ) نتي لي درتي ليا ديكشي … نتتتتي … كدددبتي علياااا

ليديا : ( أشارت بصبعها على صدرها ) انااااا !???? ( حلات فمها وحطات عليه يديها كتفقص فيها ) يااااااربي …. كضضلميني والضلم خاااايب … ( تحنات عليها شادة على ركابيها ) ياااك امرات عمو ???? الضلم خاااااايب

سيليا : علاش درتي ليااا داكشي

ليديا طلقات واحد الضضحكة تاولات ماليا المكان وبدات كتمشي وتجي وتشوف لظفارها

ليديا : اش نديير ليك لاكنتي مكلخة ودرتي موعد مع عشيقك فسطح !!!! … كنتي تعلمني ونرتب ليكم شي غونديفو عندي فبيتي …. ولكن نتوما عزيز عليكم الفضيحة !!! …..

سيليا : ( بالغوات ) مكنعرفووووووش ….طلعت غير ننشر ليييك…. كددبتي عليا

ليديا : ( ضارت عنها ) ومنين جا … ياكما انا لي كنعرفووو !? ههههههه ( بدات كتضحك عليها وقربات عندها ) سيري قوليلهم ليديا لي جابتو … وشوفي شكون يتيقك هههه

سيليا : مغانقول لحد غير خرجي عليا

ليديا : لا غييررر هضضري …..( كتضحك)

رجعات وقفات كتشوف فيها وتطلع وتهبط

ليديا : قولي ليا … كيف جاتك دابا الكلسة على الكرسي !!!!! ( قربات عندها راسها ولحناااتها ) آلمعاااااااقة

سيليا : ( كتطحن بالاعصاب ) خرررجي عليااا

ليديا : ( حقدات عنيها فيها) باش مرة اخرى .. تعلمي تفتحي فمك على يما ….وتقولي عليها معاقة …هانا عوقت مك حتى نت … دابا متعادلين ماضحكي عليها ماتضحك عليك …. زوين تكون الحياة عادلة يااااك امرات عمو !!!!

بدات كتضضح وسيليا غير كتشوف معاها ورجعات بعدات وربعات يديها كاتشوف فيها

ليديا : جرأة كبيرة عندك …. عشيق فالسر كاع !!! باليا عمي مابقاش مقنعك …. الماريخوانا لي كايضرب ماگرات فوالو !?

سيليا : علاااش جيتي عععندي !!!!! جيتي تشفااااي

ليديا : لا حاشا امرات عمو .. ( قربات عندها ) جيت غير نسولك على الحوايج لي عطيتك تنشري ليا فين هوما !!!!

سيليا : ( بحقد ) علاش درتي فيا هادشي ….. قتلييييني …. قتليني الى مكتحمليش لهاد درجة ….علاش تحكمي عليا بهاد الكرسي …. قتليييييني

ليديا : ( طلقات قهقهة بججججهد ورجعات شافت فيها وقوصات حجبانها ولمعات عينيها برااااااءءة كتتسيييف دغياا وحطات يديها على قلبها ) حيييييت ماانقدرش .. عندي قلب هشييييييش بزاف …. مانقدش نقتل … مانقدش نشوف الدم …. انا قلبي حنييييييين ….. مانقدرش نقتل تانملة ….وباغني نقتلك …لاااا روح عزييييزة عند الله ….

سيليا غير كتشوف فهاد الوجوووه لي عند ليديا وكل مرة كتطلع بواااحد … ندمات على نهار لي جبدات فيه شرها ودوات مع مها …وليديا غير كتضضضحك بششرررر وطلعاتها وهبطاتها مزيااااان وخرجات كضضضحك فالكلوااار … وطلات على الشباك كاتشوف لدار لتحت لقات اوشن واقف مع باها ومنير وهي تهضر من الفوق تاطلعو راسهم كاملين …..

ليديا : آشنووو اسي اووووشن .. شنو درتي ليا فالعريييس

الاب : ( بكررره ) ليييديااااا

ليديا : مالك ابابا !!!!! زواج عيب …ولا حلال عليك وحرام عليا !! نتا تختار الزييين والصغر وبنتك تلبقو ليها شي شويريف !!! راه مايعجبنيش غانضربكم بيه …..

اوشن : ( تحت سنانو ) غيييبي وجهك

ليديا : واقلب قلب ليا دغيا …. مايمكنش انا نبقى فالخطر وخويا عزري فالدار … كل مرة داخل مهججم عليا … كون عطيت ليه الضو الخضر كون راكم كتوجدو فالسبوووووع دابا …..ولكن لاااا بنتكم بنت الاصل ….وبنت الشرف …كووولشي الا نطيح وجه با وجدي ….

منيير حل عييينووو فييهاا وزير على القبضة دياالو والاب غير كيدوز يدو على راسو شيبااااتهم اما اوشن مكايبغيش يدي عليهااا

ليديا : قووليا اسي حفيظ ( الاب) ..شنو كنتي غاتعيط ليه دابا … ولد ولدي ..ولا ولد بنتي ههههههه خسااااارة ولدنا كان غايكون عندو غير جد واحد …( كتزيد تستفز فيهم ) آه نسيت …ونتا اخويا يعيط ليك بابا ولا خالي !!!!!!!

غير بانليها منير غايطلع عندها وهي تضحك ومشاااات .. ومنير شدو جدو وقاليه ماتديش عليها عارفين هدفها غير تعصبهم … وهي مشات لبيتها كتضحك نااااااشششطة … وترمات على سريرها شدات تيليفونها ….

اووشن دار اجتماع لولادو كاملن فالمكتب باش يناقشو الفكرة ديال منير … كلشي وافق عليها ….وجاتهم فكرة ذككية غاتزيد بيهم للقدام ..يوليو ييبيعو الحشيش والباقايا ديالو بجوح بنفس الثمن ….

بداو كايوجدو الكواما ودارو اول تجججرية … جا الاحد وخرجو الكواما يطبقو الخطة .. بعد 5 ايام فاش دخل لكاميو ل ليبيا بلغو عليه … وكيف العادة مكافين المخدرات جاو طلقو العافية فالكاميو ومنير بغا يرد بالايميل على مستر اكس يعتدر على الكاميو لي تشد …. لقاه طير الحساب ماعندو فين يهضر معاه … الى بغاه هو ..هو لي غايهضر معاه …. داك الاسبوع دوزوه على اعصااااابببهم خيفانين ولكن ماوقع والو … عرفوه ماحس بحتى شي حاجة وكملو على خدمتهم … حتى فاتت خمسة دالاسابيع … وخمسة دالكاميوات لي تبلغ عليهم ….

اما عيسى سافر للصين …. وخلا سلييم فالسيرك كل ليلة حاضي ليه القرباان واش غايجي … والست ماما مارقباه فالابراج كل مرة شنو كتعرف عليه …..واخاا ضعااافت بزاااف ولات بحال شي هيكل عضمي بسبب التعديب لي كايديرو لييها العالم السفلي …. ودابا كلسات فكرسى متحرك كااااع ….ولات كتبان كيف شي شييطااان ماااارد بقوة الشرر لي رجع عليها …

دازت 6 اسابيع … وليديا تبدلات حياتها …كل نهار كتكتشف حاجة جديدة ….دابا كتعلم للمكياج وكتسيفط لبنى تشريه ليها وتطبقو قدام المرايا ديما مزوقة راسها … لي شافتها كتسيفط لبنى تشريها … انفتحات على العالم ولات كتسمع للموسيقى العصرية … كانت شيطانة ودابا مع الانترنيت زادت كملاااات ….

ليوم صبحات معاها المعلمة ديالها …غير سالات الدرس دخلات خدات دوش وخرجات كدندن وتمشط فشعرها الطويييل قدام المرايا …. من آخر مرة استفزات فيها مرات عمها ماخرجاتش من بيتها ..وليوم بغات تخرج تشوف شوية اش كاين وترجع لحبالها تاني …

حس العريس ماجبدوهش ليها ولكن لبنى كل مرة كتجيب ليها خبار جديد … قالت ليها انها سمعاتهم كايتسناوه غير يسالي لموسم دالخدمة المزيرة فالفلاحة وبغاو يديرو كولشي فنهار …. هي كاع ماامكترثة لهادشي كاع مامهرس ليها الراس ….حيت عارفة راسها شنو كتسوى … الى قالت لااا هي لااا ….ولو تعرف تحرق الستعمرة بلي فيها ….الى ماعجبهاش راه مغاتديهش ….والى تبزز عليها تقتلو ….

ظفرات شعرها الطويييل وطلقاتو لجنبها … لبسات عبايتها ودارت شال مبعثر فوق راسها والظفيرة خارجة ….. وخرجات متجهة لجناح ماماها تشوف آخر احوالها … كتلقى الراحة نهار الخميس تخرج فالدار وتسارا … لان ارجال كولشي كايكونو فالشاون ….يلاه دايزة من حدا الغرفة فين كاينة زوجة الاب القاصرة …. وهي تسمع الانيييين جاي من البيت لدااخل ..وصوووت مخنوووق كايستنجد بصعوووبة … كمشات ملامحها وحطات ودنيها على لباب … كايتوضح ليها الصوت شوية بشوووية …كتسائل ياك باباها مكاينش !! اذن مال هاد البنت .. آخر خبر سمعاتو من عند لبنى انها حامل .. تكون كتجهض !!!!! الفضول بدا كايحرق فيها … وبدات كتفتح الباب غير بشوووووية وتطل براسها كيف شي فارة ….. وهي تووووسع عينيها بصصصدمة من داكشي لي شاااافت !!!!!!!

بعد مرور ثلاثة أيام ….

فمكتب اوشن /اجتماع

كالس اوشن فرأس الطاولة كيف العادة … وولادو ضايرين بيه وحفادو الصغار تاهوما لور غير كايتسنطو “الذكور ” … والوراق كاملين ديال تخطيطاتهم وبلانات لاراضي دالزراعة … وكل مكتعلق باسرار مستعمرتهم وخريطة الطريق وارقام الباراجات المشرين وليجونداغم لي موسخين معاهم يديهم …

سعيد : ( الابن ) لا لا تبارك الله عليه ( كيرتب على كتف منير ) عندو الراس عامر تباركالله عليه …. شكون طيح عليه بحااال هاد الفكرة …. جهنامية ( كيشوف مع البقية ) يااااك !!!!

حفيظ: ( الاب والابن ) ولدي انا تبارك الله راجل وكايعرف اش كااايدير …. هو لي غايزيد بينا لللقدام …( التفت لعند اوشن ) وسميتك الحاج لاتبعتي منير غاتولي معروفة فاميريكا و آسيا ماشي غي فاروبا وهنا

الثناء والتنويهات دايرة بمنير لي كالس بفخر كايسمع فعبارات المدح ويزييد ينفخ فريشو ويحس برااسو انه داير انجاز ….

حفيظ : هذا راه البكري ديالي هادا ( البكر )… من صغرو وانا كنشوف فيه الخليفة ديالي …دماااغ … منهار شد السلاح فيديه وعرف ينيييش …. مابقيتش كنخاف من الموت حيت مخلي من مورايا احسن الخلف للمستعمرة ….

سليم : ( الابن 3 ) فلول كنت متخوف من الفكرة … واحد فداك الغموض ديال هاد مستر x ومايحسش بينا !!!! … ولكن منير عندو الحق فييين غانبانو ليه ههههههه …

احفيظ : اه باش مانسا …راسي سيفطت تيثريت تعلم ليديا بلي غداا كاينة الخطبة الرسمية ….راهم غايوجدوها وكولشي غايدوز في امان الله ……

باقين كايهضرو ويضحكو …. حتى سمعو دقات متتالية فالباب كأن اليد لي كتدق مرتجفة …

اوشن : ( بصوت مرتفع ) دخول ….

تحلات لباب بشوووية … بحال الى خااايفة … ودخلات سيدة الخدم … حانية راسها …كطلع فيهم شوووية عينيها وترجع تهبطهم

اوشن : مايندين !!!! ( شنو كاين )

– ااه .. س سيدي …. ر راه … م .. مرات سي حفيييظ .. اا يي .. ( كتلعثم )

حفيظ : تيثرييت !!!!

– ( طلعات فيه شوية عينيها ورجعات هبطاتهم ) ل لا … ا الصغييرة آسيدي

منير دغيا قلب الراااس عندها بخووف وسرط ريييقو وكولشي كيشوف

اوشن : ( بغضب ) طلقييينا دغيا شنوووو كاين !!!

– د دد خلنا .. دخلنا هاد الصباح باش ندخلو ليها الفطور … و … ل لقيناها…(هبطات راسها وتعدبات باش تخرجها ) ميتة …

حفيظ : ( ووقف بهلع حتى طاح موراه الكرسي ) شنووووو !?????

اوشن بقا غير كايشوف … وحدو تنهد هادشي ماشي جديد عليه نفس الاسطورة كتعاود كل عام … اما منيير فمو مااابغاش يتجمع كيشوف بصصصصدمة فداك السيدة وكايحس بقلبو تقطع من داااااخل بواحد الشعور اقبح منو مكاين … مخلط مع الكره والصدمة والندم والحسرة ….. والاعمام غير كايشوفو ….. صدمة بنسبة للجميع !! ….

خرح حفيظ كااايجري بلا عقل وتبعوه كلهم ومنير بقا غير كيشوووف والصدمة خلاتو ينسى يرمش عينيه حتى نشفو … سرط ريقو وناض تاااالف تابعهم …. اما الدراري الصغار تما بقاو غير كايشوفو … حتى للحظة !!! غوووتووو بججهد كاميين بالخلعة وتكمشو فالركنة مخبعين فبعضايتهم … كان واحد الشيء صغييرررر بزااااف بحجم حبة اجاص ….جهاز لاسيلكي طائر … هرس الزاج ودخل للمكتب وبقا كاييطييررر فوق المكتب كيف شي طائر ولكن هو جهاااز باسلاك وعدسات … وبقا كيحوم من فوووق الطاولة لي فوقها الوراق وكايطلق اضواء من للعدسة بحال الفلاشاااات فاللون الازرق على دوك الاوراق وسكانيرا كولشي ورجع خرج من الثقب لي هرسو فالزاج بسباب الليزر لي فيه .. والولاد خرجوو كااايغوووتووو عند مواتهم ويشكيو ويحاولو يفسرو .. وشكون يتنسط ليهم ولا يعطيهم وقت وميت كاين فالدار!!!!! … الزاج بقات فيه الشقة دالكسرة كتبان …. اما داك الشيء طاااار للمجهووول ….

الله اكبر ….لا الاه الا الله … ان الله وان اليه راجعون … دا مول الامانة امانتو … مسكيييينة !!!! هادو هوما العبارات لي بقاو كايتسمعو فارجاء المستعمرة …. الخبر شاع بين الجميع … حتى وصل لجناح ليديا … لي كالسة بهدووووء على اريكتها … بحال الى ماشي انتحار هذا لي كاين فالدار !!! شادة كاسها ” شاي بالاعشاب ” كترتشف فيه ببرررودة …. وسهاااات……..

قبل يوم ….

گالسة ليديا على واحد الكرسي صغير كايكون تابع للكوافوز …. والمرحومة الصغيرة على سريرها كاتبكي وكاتشهق …كلها ححمرة وفيديها علبة ديال سم الفيران …. وكتشكي بببراءة على ليديا لي تعرفات عليها للتو انها بنت حفيظ

– ( كتشهق ) ماااخليتووش فلووول … هو هو لي زيرني … انا تاحاااجة من هادشي …( كايقاطعها الشهيق ) لي كايطرا ليا … تاحجا ما باختياري .. زوجوني بزز … ودابا طلق ولدو يتكرفص عليا … علاش كييطرا فيا انا هادشي علاااااااش …

ليديا : ( ببرووود مكيحركها والو ..او يمكن بعبارة اخرى القلب مات ليها شحال هادي ) نتي لي قبلتي … نتي لي خضعتي …. البكا دابا ماعندو باش ينفعك ..

– انا لي قبلت ????? ( كتضرب فراسهاا ) على انا شاااورني شي حد … جاو بزززربة ولاحوني فدوش طلقو عليا الما وطلسو الحنة لراس وعطروني …. سولت اش كاين قالو ليا غدا عرررسك …. ماجيت فين نستوعبها تالقيت راسي فهاد البيت بين يديييييه …. عفتوو عفتتووووو بلا قيااااااس ….

ليديا : داك ساعة … هاد السم لي سرقيتيه من بيت الخزين … كنتي تسرقيه حتى فداركم وعشيهم بيهم وتهناي منهم جملة !!! …. شعور زوين ونتي كتشوفي لي باغين يقتلوك … ميتيين منشورين قدامك !!!!

– وااش كضحكي عليا ( كتسمح دموعها ببراءة ) مانقدرررش

ليديا : مكايناش كلمة مانقدرش فالقاموس .. اش كنتي خاسرة لو خويتي السم فماكلتهم ! كاينة كلمة الجرررأة … وكااااينة كلمة الضغف .. هاد مانقدرش غير حذفيها …. وانا بنادم الضعيف والله ويبكي حدايا الدم … مايبقاش فيا ….. ( شافتها غير ساااكتة وكملات هضرتها ) كون مادخلتش دابا …..كنتي غاتكوني قلتلي راسك !!!! شنو كنتي غاتستاافدي …?????

– ( طلعات راسها لفووووق ) غاانرتااااااح

ليدياا : مممممم…

ناضت بعد مدة ووقفات عليها …. لاول مرة كتهضر بهدوء مع شي حد وتعطيه وقت بحال هاكدا …. ولاول مرة كاتحرك فيها الشفقة تجاه شي حد لي قلاتها تحس انه باااقي عنها قلب بشري!!… ولكن عينيها كيبانو بااارديييين بحال الى مامسوقاش وقاااااسحة فهضرتها

ليديا : الى مغاتقدريش تحاربي قدرك وتبدليه …. غير موتي …

– اش غانقدر انا !! يلاه فتحت عيني ويلاه عرفت الدنيا… كانلقى راسي مزوجة بشيبااااني …راني باقا صغيررة اختي

ليديا : ( بضحكة خارجة على الموضوع ) حليتي عينيك على الدنيا هههههه هادشي لي عايشين فيه حنا بنات البزنازا كاتسميه نتي دنيا ههههههه سمحيلي ولكن ضحكتني

– ( هبطات راسها موافقة مع كلام ليديا ) اش غانديرو … هاكا فرضو علينا العادات والتقاليد

ليديا : ( باستحقار ) العادات والتقاليد !! هه!!! … هاد جوج هوما اكككبررر ولاد الزنا عرفاتهم البشرية …. ( كتمشي وتهضر ) كنحسهم بزووج ( كتشرح بصبعانها ) كيضاجو بعضياتهم كل ليلة .. باش يولدو لينا حنا كل عااام واحد الكائن كايسميوه هوما الغووول … كاتعرفيه ياك !! …. كل عام غووول جديد يخلعونا بيه …. عام يقولو ليك باقا صغيييرة على تخرجي وبرا كاين الغووول … وعام يقولوليك بديتي كتكبري ويبانو معالمك والى خرجتي غاتحركي شهوة الغووول !! … وعام يقولوليك دابا نتي قد زواج …. وكاتزوجي بداك الغول شخصيا …لي طول حياتك هوما كايخلعوك به ! باش يعطيوه ليك فاللخر … بحالا كايوقولو ليك هاد العادات والتقاليد ..خلي حتى توجدي مزيااااان وطيبي على خاطرك عاد نعطيوك ليه … ( رجعات كتضحك ) عادات وتقاليد قاليك … ناس الشرررف!!!! ففففف

– ( مهبطة راسها وكتشوف الحياة قدامها بحال غمامة كحلة ) هادشي لي كاين … مابقتيش قادرة انا نصبر مزيال … وهادشي لي فكرشي الى كانت بنت ومصيرها بحالي وبحال بنات البزناازا … اللهم نمشي انا وياها لشي بلاصة بعييييييدة على ها للعادات ولتقاليد وعلى هاد الغول .. وعلى كولشي ( شدات داك لقرعة ) وهادي هي الحاجة الوحيدة لي تقد تخرجني لداك البلاصة بلا مايحبسوني الحراس فالباب .. لا وكتر !! غاتخليهم هوووما يخرجوني وفوووق كتافهم مزال .. وغانمشي نرتااااااح … ( شدات على كرشها ) انا وولدي ولا بنتي … بعدا غانكون حققت شي حاجة لكبريائي ونخليهم يهزوني فوق كتافهم ويخرجووني لبرا ……( رجعات شافت فليديا ) لي دار ليا خوك البارح عمممرني مااااانساااااه … عمممرني …..وعمري مانسمح ليييييه

– ( تنهدات ) استسلمتي !!!

– وهانا قاااومت كاع !!! حتى لاين ???? راني حاااملة اختي .. ومغتصبة … واصلا انا من اللول مغتصبة فهاد الزواج … منقدرش نكمل حتى نهار فهاد العيشة ( بحرقة ) الموت ارحم ليااااا من انني نشوف وجه الشارف مرة اخر ويقيس فيا … ارحم من اني نتلاقا نع خوك مزال وتجي عينيه فعينيا … ارحم من كاع هادش ….الموت ارحم من هااد الحياة اختي

ليديا : ممممم ….( حركات ليها راسها بالايجاب وتمشات بخطى بطيئة حتى للباب وحلات عاد ضارت عندها ) الضعيف مكايعيش فالغابة … الغزالة الى ماقدراتش تصبر على حريق الافتراس … كتقتل راسها باش ماتحضرش على نيابهم كاينهشو فلحمها وكتفضل الموت على تشهد داك المنظر … اما الثعلبة !!! كتخليهم حتى بضنو انهم شدوها …. وكايلقاو راسهم هوما لي مشدوين عندها …. الى كنتي غزااالة ومكنتيش ثعلبة فالغابة …. ( قالتها وبكل ثقة ) الموت ارحم لييييك …..( ابتسمااات واحد الابتسامة قلييييييل فين كتخرجها ) نتلاقاو فشي حياة اخرى …

داك البنت وسط الدموع والحححسرة ابتسمات ليهم عينيها عااااامرين دموع وقالت ليها

– ختي … انا تهزمت …. اما نتي لا … غاتحرري … حيت كنشوف فعينيك الحرية …. كنشوف فعينيك … تووووناروز “الامل” …..

ليديا رجعات بذاكرتها … وارتشفات آخر جغمة بقات فالكاس وحطاتو … وقالت بهمس وهي كتشزف فعينيها لي كيبانو فالمرايا

ليديا : الموت ارحم من الحياة بلا توناروز “الامل”…. الله يرحمك فداك الحياة …اما فهادي حتى حد مارحمك آ غزالة الغابة ……

ناضت من بلاصتها بعد ماسمعات الضجيج لتحت … تمشات بشووية حتى للشرفة … وطلات للتحت … كتشوف غير الرجال … وهي مخرجينها فالمحمل على الاكتاف والتكبيرات كتردد تابعاها … ودعوات الرحمة كتوصل حتى لمسامع ليديا لفوق لي ضحكات باستهزااااء

ليديا : الله يرحمكم نتوما … اما هي ارتاحت …

تنهدات وهي كتحس بالراحة فهاد الكنازة …. مزيااان لي ماتت … ومزيان لي ماتزادش داكشي لي فكرشها فهاد المستعمرة … للحظة فاش شافتها فوق الكتاف تفكرات هضرتها …

{{لا وكتر !! غانخليهم هوووما يخرجوني وفوووق كتافهم مزال .. وغانمشي نرتااااااح … ( شدات على كرشها ) انا وولدي ولا بنتي … بعدا غانكون حققت شي حاجة لكبريائي ونخليهم يهزوني فوق كتافهم ويخرجووني لبرا ……}}

خرجات اخر تنهيدة على روحها … ودخلات لبيتها … تسرحات على سريرها كاتشوف فالمرآة شاااردة فتفاصيلها …

الجنازة كملت الثلاث ايام ديالها … كلها دكر وقرآن وعبارات التعزية …. كيف العادة ليديا ماخرجاتش من جناحها … ولتحت غير سالات صدقة ديال 3 ايام .. تنسات من الدار الى كانت فيه شي عروس مغتصبة !!! او شي كنة انتحرات … بيتها شمشو ليه فراشو ورجع تشد حتى تجي ليه شي تعيسة حظ اخرى …وكولشي رجع لشغالو …

منير منهار موتها مكايشوفش النعاس .. قلبو كايتقطع عليها …. بقات فيه بلا قياس وندم اشد الندم على داك الحادث لي طرا بينو وبينها وكان تحت تأثير المخدرات … باقي فبيتو كيفكر .. وجدو مزال فالتحريات على داك الثقب دالزاج منين جا … اما دراري صغار ماتيقيهم حد…. وهدا ثاني اكبر خطأ كيتعاود على مر الازمان.. وهو تكديب طفل صغير !!!! ….

اتجه اوشن لبيت منير … و أمرو يدخل يعلم ليديا توجد راسها لخطوبتها لي غاتكون بعد ايام قليلة …. اكيد أمر اوشن ماعليه غير يتنفد فالحال ..لبس عليه واتجه لجناح ختو … فتح عليها الباب داخل عاقد غوباشتو ….وهو يرجع بخخططوة لوور مصدوووووم من شنووو كايشوووف !!!!!!

كانت ليديا على سريرها متكية وشادة السمارت فون ودايرة السماعات فودنها … وكتضضحك بجججهد مع تيليفون ….. وهي تعلي عينيها بعد ماحسات شي حد معاها فالجناح …. باقا محافظة على نفس ضحتكها فوجه منير المصدووووم ….. نترات واحد الخيط ديال السماعات من وذنها وهي ضاااحكة وعلات تيليفون كاتوريه ليه كتر

ليديا : اوووماينوو( خويا) ملييييح شا نيغ !!!!! ( لاباس عليك )

بهدوووء كتهضر مامكترثاش للصدمة دخوها لي كايشوف فيديها سمارت فون …ولا للحجم الكارثة !!!!! ولا لعينيه لي ولاو شرااارة غضب …ضرب يدو بجهد مع الحيييط وجاي لعندها وهي توقف على السرير وعلات يديها لفوووق مشغلة لفيديو ديال لحظة اغتصاب منير للعروس … مخدمة الفيديو بيد معلياه للفوق … ويد كتحبسو بيها مايقربش عندها …. وهو زادت الصددمة توووسعاااات والعروق بانو فجبهتو زووورق وهو كايشوف لداك الڨيديو وكيسمع للصوت لي كايصدرو

ليديا: اييييييه … وقف تمااا …. وقف ولا فضيحتك غايتسابقو عليها الصحاافة ليوووم … والعنوان المخير غايكون فيه منيييرر حفيذ اوشن المدلل … يغتضب فزوجة والده القاااااااصر ثم انتحرت !!!!!!! …. شاااهد قبل الحدث

قالتها وطلقات ضحكة شريييييرة …..اما منير كايحس بالارض كاتضور بيه ….كأنه كابوس كايعيشو … كأنه حلم مرررعب كايراودو ….كأنها حفرة من الجحيم وقع فيها …. على يد من !!! على يد نجلة ابليس

لقد ضاقت حيلتي … لا انا بقوة الصبر ولا انا بضعف الاستسلام .. احارب كأنني غريقا يستنجد باقي الغارقين …. كانني عصفورا التصق رجله بحافة البراكين … لم اعد أطيق هذه الجنة بعد … لانني شيطان فارحمني يا رب بالجحيم … جنة هاؤلاء الملائكة لم ترق لي .. انا شيطان .. انا الشخص الملام في كل شيء … انا الشخص الخاطئ .. فجازيني يا رب بالجحيم .. لم أعد اطيق جنتهم ….. هم ملائكة وأجنحتهم تحجب عني النور يا الله تحجب عني الحياة تحجب عني الطموح تحجب عني كل شيء …. اخبرهم ان يبعدو أجنحتهم ويدعوا الشيطان يرى النور !!!!!!!

كاميليا جود

🔖الموسم الأول: الاستحواذ

🔖الباب الاول : ألغام الغدر

بداية الزمن الألفيني / مستعمرة أوشن

أوشن .. أو ميمون السراج , سنة 2000 كانت هي أوج عطاائه و جبروته وقساوته .. هي بداية ثرائه ..و بداية تألقه …و أوج حكاامو و قسوتو …

بالقامة القصيرة ديالو .. نازل فدروج بخطوات ثقيلة لي متناسقة مع طقطقات العكاز , لي الدور ديالو ماشي هو المساعدة على المشي انما الهبة و الكاريزما …

صدى خطواتو وطقطقات العكاز ” طق طق طق” كايتسمع فالارجاء … وكايعلم الجميع انه جاي …..

نازل درجة بدرجة …ونظراتو كلها قوة و صراامة بحال الثعلب تماما … رأس أصلع كون ما اللباس العصري والسلهام التقليدي كان غايتشبه بقطاع الطرق … بسباب الرأس الاقرع والعيون الخادعة ….ولكن لباسو الفخم مغطي عليه التهمة …. كيف ولا وحنا فزمان المظاهر …كاع لي لابس ربطة عنق مرتبة كنقولو عليه رجل مهم !!!!!

هز صبعو صغير لي مزين بخاتم كبير و مسح على السنة المنقرة لي ففمو … وهبط بيديه كيرتب سلهامو لي لابسو فوق بذلة عصرية ، شخص مهيب كايعطيك احساس بالهيبة و الخوف ، نظراتو إجباريا تتجبرك تنزل راسك و تتعثلم فكلامك …

فآخر درجة لي بقات ليه ….وقف على طاولة أكل كبيرة … محاطة بأولادو الذكور لي كايتسناو جلوس الكبير …باش يشرعو فالغداء

أولادو الرجال الستة گلسو بعد ما گلس هو ، وكل واحد من ولادو واقفة عليه مراتو مثل الخادمة للتقديم الطعام وتغرف ليه فالطبق ديالو … وحتى ياكلو الرجال ويمشيو .. عاد النساء عنهم الحق انهم ياكلو البقايا ديالو ….وهادي هي حياة الكنات او العروسات د اوشن … حياة الذل وانعدام المساواة … وهادشي عكس بناتو وحفيذاتو … كايعيشو كيف الاميرات وعندهم اجنحة خاصة والماكلة الزوينة ديالهم …لانهم بحال شي قطيع ديال الاكباش …. كايوجدوهم ويتهلاو فيهمم باش يجيبو ليهم الثمن فالسوق !!!!! وغير يتزوجو …الزوج عندو الحق يجوعهم كيف بغا !!!

الكناات واقفات بعباياتهم و الحجاب على ريوسهم لي منخفضة احتراما لمن لا يستحقون الاحترام …. كل واحد فدوك الابناء الست واقفة عليه مراة صغيييرة فالسن وكاين فيهم لي يلاه حاملة ..الا الابن الاكبر ديال اوشن لي هو حفيظ لي ما واقفة عليه حتى شي مرأة لانه أرمل وعاد كايرتبو لزواجو …

اوشن عطا اشارة باليد لي فيها الخاتم للزوجتو لي بدورها واقفة عند راسو تقدم الاكل و بكل طاعة استاجبات واشارت للكنات يقدمو الطعام … ووسط الطاولة الخاصة بالكبار كنلقاو كرسي عليه طفل صغير بجانب اوشن … ألا وهو الحفيذ المدلل .. منير ابن حفيظ … 8 سنوات .. كالس وغير كايشوف بعينيه ويحاول يقلد الجد ديالو فالگلسة وفطريقة كيفاش نشر المنديل على ركبتو … حتى هو كيشوف فيه ويدير بحالو ….ومأثر بجدو لاقصى درجة ….. كان هو الحفيذ الاول الذكر فالمستعمرة … ومعاه 3 حفيذات بنات … راهم منفيات فاجنحتهم ماعنهمش الحق يشاركو فطاولة الطعام وباقين صغار مقابلين غير الدراسة اصغرهن فعمرها 7 سنوات

الكنات قدمو الطعام ورجعو لور بضع خطوات الى حتاجو شي حاجة …. ماعندهمش الحق فمشاركة الاكل فوق الطاولة او اعطاء رأيهم او الشكوى …هما مصنوعين فقط للنكاح و لاستجابة الاوامر بالطااعة …

اوشن: ( كلا واحد اللقمة لي لقمها بيديه كيف جميع المغاربة … بعد مامضغها مزياااان شاف فولادو بنظراتو القوية الجبارة وسرط اللقمة باش يقدر يتكلم) وصل الكاميو ??? علمكم شي حد ??

حفيظ : ( مسح على فمو وجاوب ونبرة الغضب فكلامو ) رجعو آ بابا ( مع ترقيق الباء)

اوشن : ( خنزرر بنظرات كايخلعو وضرب فالطاولة حتى تهزو جميع الاطباق وتهزو معاهم القلوب بالخلعة ) كيييفااااش رجعوووو واش هادو باغين يحمقووووني … الكاميو الخااامس هذا لي كنوجدو ليييهم وكايرجعووووه اشنوووو بااااغييين هاااادو

حفيظ : ( ممهبط عينو متقي شر غضب اوشن ولعثم ) ر .. راك .. راك عارف ابابا …ل … لمامون ر راه

اوشن : ( وقف وشد بيديه على الطاولة وقاطعو بصخب ) الماااامون الماااامووون الماااامون … واش هاد المامون مغاديش يبعد مني !!!!! واش التجار لي نتعامل معاهم يجي يزااااحمني فيهم ( كيغوت وحبيبات البزاق كترش من فمو بالغضب ) ياك كانعطيوه نفس السلعة .. علاش كايشريو غير على المامون ويخلييييو دياااالنا !!!!! حتى كانوجدو الكاميو ويمشيو ياخدو عليه ويخلييييونا ?????? سلعتنا حنا ضييييع !!!!!

حفيظ : هانتا كاتشوف … ماعرفنا كيف نديرو معاهم والعداوة مغاتنفعناش فالسوق …. انا مافهمتش !! ياك عندنا نفس الاراضي ونفس الخدددمة ….. علاش التجار كايفضلو سلعتو على ديالنا !!!!!

اوشن : (رجع كلس فالكرسي ديالو شاد على راسو لي ولا سخون بالفقصة دالمنافس ديالو وولادو حبسو الماكلة وهضر بهدوء مهدود) انا بغييت غير نعرف شنو عند هاد المااامون ماعنديش انا …. ( شاف فولادو ) شنووووو عندوووو ????????

مستعمرة المامون / آيت قمرة إقليم الحسيمة

على طاولة مستديرة خشبية مزخرفة .. فصالون تقليدي أصيل … مجموعة العائلة على الغداء … الصالون كيبان فيه النوور كثيير رغم انه فيه غير سرجم واحد !!!! …. وماشي غير الصالون انما المستعمرة بأكملها منورة ومبهجة … فيها ريحة الحياااة ..ريحة الهناء والسعادة …. كلها تقليدية اصيلة بسواري من الجبص التقليدي المغربي …

قهقهات سعيدة كتسمع من الصالون … اصوات رجالية ونسائية و حديث بالريفية الحسيمية .. كل الكلام غالبة عليه كلمة تسا ينو ….

جالس الجد البشوش ذو الوقار و الحكمة … صاحب الضحكة اينما وجد ….كيضحك مع الصغير والكبير … صديق الاطفال والحيونات ….لدرجة هو كالس يتغدا والقطيطة ديالو تحت من طاولة تاهي … الجد الحنون على الجميع … صاحب الحكايات والحجايات لي نعسو عليها ولادو و أحفاذو … وركابيه ملجئ لكل رأس متعب .. كايتحط عليه وبيديه الحنونين كيمشط على خصلات الشعر حتى كيحس المتعب بالراحة … ركيزة العائلة و صاحب الدعابة …. فينما مشا كاينشر السعادة والضحك .. تجاوز الستينات ومزال عندو واحد الشباب رهييييب فالقلب … وواحد الرومانسية خيااالية كايصدم بيها جميع ولادو فاش ييبن على مهاراتو فيها قدام زوجتو راضية .. لي مكتقلش عليه حنان .. واصلا مكاينش لي يعاشر المامون ومايكونش حنين ومرتاح …. زوجتو لي كايسميها كنزو … لانها ولدات ليه ولاد كايفتاخر بيهم … ماعطاهش الله بنات .. عطاه الله 4 اولاد ذكور .. البكر ” أحمد ” ثم ” حسن ” ثم “علي” والصغير ” رياض ” كلهم مزوجين ماعدى رياض لي كايوجدو لزواجو حاليا وقريب جدا …..

اصلوهم العريقة من كتامة .. ولكن ملي تزوج المامون براضية قرر يبني حياتو بعيدا على كتامة لي عندو فيها ذكريات قباح مع الاخ ديالو … وهاجر للحسيمة لي شيد فيها مستعمرتو وولد فيها ولادو وحفاذو… كانت الفرحة عاااارمة ملي تزاد عندو اول حفيذ من الابن البكر لي تعطل انجابو سنوات بالعلاج والاعشاب .. ونهار حملات الزوجة ديالو حملها كلو داز اهتمام ودلع وفرحة…. اما فالولادة الجد مكرهش ينزل النجوم هدية ليها وولدو على هاد الحفيذ لي جا بعد طوووول انتظار …. بعدما هزو الجد بين يديه وشاف عينيه الخضرين …. لي كايوحيو بالامل … وان الحياة كلها أمل مدام بعد كل هاد العقم تزاد … وتما سماه جدو ” تونّار ” اسم امازيغي مشتق من كلمة توناروز … لي كاتعني الامل …. وحاليا فعمرو 10 سنوات …والام ديالو “سلطانة ” مايمكنش ليها الانجاب مزال …. لانها تعطلات باش ولداتو وبعد مدار عماين دخلات لسن اليأس والجد والزوج حاولو يواسيوها انها ولدات ليهم الحفيذ المهم بنسة للعائلة هو الخليفة ….ومكيهمش شي انجاب آخر فقط تونار فيه الكفاية … اما الكنات ديالو الاخرين وحدة ولدات مع حسن زوج بنيتات توأم وطفل باقي فيديها كتهزو عندو غير اشهر قليلة …ولوخرا ولدات مع علي بنيتة عندها عام …وكلهم الاولاد والاحفاذ متّسمين بالحروف الزعرة … كلهم ورثو عليه الملامح الشقراء .. بييضين وحرفوهم زعرين مغلوقين ماايلين للبني

وكلهم مجموعين على طاولة الاكل وشادين المعالق فيديهم وكايضحكو على دعابات المامون لي مكتقضاش ….. كان رجل ابيض الشعر واللحية … لباسو تقليدي ودائما كايلبس قميص وربطة عنق تحت من الجلباب التقليدي …شاد المعلقة وكايضرب بيها فالطاولة خالق الضجيج كايتسنى كسكسو يتحط

المامون: اوا دغيا … سلطاااااانة آيجي ينو ” آبنتي) واش هاد سيسو” الكسكس” غايجي على رجليه ….دغيا آيجّي

راضية: (حيدات ليه المعلقة من يدو ) سكت صدعتييينا …هايا جايا مالها تموت … نتا ماعارفش سيسو شحال خصو باش يتقاد فالقصرية ويتصاوب

لمامون : ( شاف عندها ) واعطووووني نجرب ونصاوب ليكم حتى انا ( شاف عند ولادو ) ياك آثاوا ينو ( ولادي ) ها احمد وانا وعلي وحسن … ووليدي رياض ندخلو نصاوبوه وتشوف الى ماكليتو عليه صبااااع يديييكم

سلطانة : هااانا هااانااااا اعمي جايا هانا

جايا كتزرب وهازة القصرية فيديها مسگمة كسكسو بسبع خضاري كايشهي من المنظر لمامون ريوگو سالو كيما الاخرين لي فطاولة لي كل واحد مكلس حداه مرتو وولادو …. و راضية مكلسة على رجليها بنت علي ….وحطاتو وكلسات مبتسمة هزات واحد البنيتة على مرات حسن حيت عندها تويميات ….وكلساتها عنها توكلها هي

المامون : ( كايشم الريحة ) مممممم الله يعطييييك الصحة … قصرررية واشمن قصرية

يلاه غايقول بسم الله ضور عينو على طبلة جاه شي حد ناقص …. مايمكنش ياكل بلا بيه … مستحيييييييل

المامون : آفين آسُوكااار ينووو !!!! ” ذكر الحجل “( نادى بصوت مرتفع ) توونااار … توووناااار مايثجيييد (فييينك )

فبلاصة مايجاوب تونار على نداء جدو .. جاوبات سلطانة لي كتوكل فالبنيتة لي عندها

سلطانة : غير خليه آعمي عيت معاه مابغا يسمع ليا … كنبقى نهضر معاه وهو ميك عليا حتى كايعصبني …حرام واش كايسمع داك الولد

المامون : ( حط المعلقة ولحححنها ) هاااااا الخبار الجديييييد .. آمال اسُوكّار ينو شكون قلقو ( شاف عند احمد )ياكما زعفتي عليه

احمد : اياااااو انا مشفتوش نهار كامل

سلطانة: لا لا اعمي مازعف عليه حد … راك عارفو كيف داير … انا مابقيتش عارفة كيندير ليه كاع … هضر ولا گلس مكيديهاش فيا كاع .. حتى كنبقى نقول ياكما الولد مكيسمعش والله .. وادابا عيت فيه يهبط يتغدا راه ماكلا من لفطور … كايقوليا غير لا اماما لا اماما .. راه هو والخيوط ديالو قالك هو بقا يصايب شي عجب بواحد البولة ماعرفتو شنو كايصنع .. نخاف غير يتخلخل ليا الولد ولا يكون مقيوس الله يستر ( ضربات فالطبلة )

راضية : ديمااا كانقوليك يلاه نمشيو نزورو الولد مكتسمعيش … يا العين الله يستر .. يا مقيوووس … داك الغوات والهضرة لي مكيهضرش مسرحة خالعاني … واش الولد عندو 10 سنين وباقي مكيقادش الهضرة !!!!!

رياض : ( القاري فيهم والواعي ) اعطيو تيقار للولد .. هداك عقليتو بوووووحدها هاداك مايتفاهمش معاكم … واش عارفين شنو هي يقوليك الاستاذ ديالو هاد الولد خصو شي حاجة فوق 20 على 20 … الولد نابغة وعندو عالمو الخاص … مافييييه وااالو … راه كايين اطفال بحالو … غير نتوما خصكم تعقدو كووولشي …

المامون : وغير طبعو هاكاك اسلطانة ماتخافيش … الولد ذكي تباركالله راك كتسمعي شنو كايقولو عليه فالمدرسة

احمد : انا لي كنتعجب هو الى عطيتيه 1 زائد 1 مايعرفش يحلها ويبقى يشوف فيك …. ويلا عطتيه شي حاجة كبيرة يحلها ليك مبااااشرة .. انا كايخلعني بعد المرات … ( شاف عند المامون ) عرفتي داك الورقة آبابا دالضريبة لي عطتيني … حطيتها لهيه وقتلو جيبها لي … غير فداك الوقت لي هازها جابها ليا حفظ كاع شنو فيها !!! عندو شي داكا ديال الجنووون

سلطانة : راه داكشي باش خالعني حتى انا ….كنخاف ولدي يخلخلوه ليا الوراق والحسابات .. الولاد يباتو ناعسين هو يبات فالسرجم كيعرض ويحسب فالنجوم … البارح كانقولو اجي تنعس هو قالك حاضي القمر واش كاتحرك ….. والبارح خملت ليه غير البيت جمعتو من الوراق بغا ياكلني وبقا كايتركل ويغوت قاليك علاش نقيس ليه حوايجو …كايكبر وكايصعاااب … نشوفو ليه شي فقي كيف قالتي لالة راضية حسن

رياض : ( بغضب )وها التخخخخلف لي مكايعجبنيش واش راحنا عاد عايشين فثمانينات !! وراه الالفين هادي ….راه كاين شي حاجة سميتها طبييب …. هزو الولد لطبيب ديال دراري صغار هو يفهمو …. كنقوليكم الولد عندكم نااااابغة … عقلو ماشي بحااالكم … مغايتسطنش هو لتدقديق ديال المعااالق …هداك لاعندك شي كتااااب شي مووضووع شي جوورنال هاهو معاك …

المامون: ( خلاهم تاسالاو هضرتهم )واااااش غاتبعدو ليا من ولدي ولا لا !!!! … تاواحد فيكم مكيفهم آسُوكّار ينو انا لي كنفهمو بعدو ليا من ولدي وماتعصبوووووهش …. ( ناض وقف وكيعمر الماكلة فواحد طبسيل )

احمد : ( كايشوف معاه ) آميندگذ ابابا !!! ” شنو كدير آبا”

المامون:مانتغداش بلا تونار ينو …. مابغاش يهبط … نطلع عندو ناكل معاااه… بصصصحتكم

هز طبسيل وداز من حدا بنت ولدو باااسها وطلع وهوما كملو غداهم …. طلع فدروج حتى توجه للبيت ديال تونارر ….دقها وحلها عليه بشوووووية كايطل عليه …. كان كالس مربع فالارض شعرو الزعيعر القوي مسبسب على عينيه …. ضوء السمش داخل من السرجم وضااارب فالبيوضية ديال البشرة ديالو خلاتو يبان كيف شي بقعة من النور ! … شنيفاتو صغااار مجموعين حمرين وعويناتو خوووضر بلون حبات العنب الطازج…. يديه الصغارر شادين وحد اللقاط وكايقطع فشي سلوكة منشورين حداه …. وشي خشبات وبولة صغيرة … وكالس منهمك كايحاول يصايب ڤايوز من الصنع ديالو …. اما بيتو كولو اشياء يدوية الصنع …. وكنشوفو اعادة التدوير بزاااف عندو كاياخد اشياء عادية وكيعاودها ويردها حاجة اخرى …. مكتب عليه الكتب ديالو وعلى الكرسي المحفظة ديالو .. البيت ديالو فووضووووي بلا قياااس …كيحس بالراااحة فداك الفوضى العااارمة لي ضااايرة بيه …. منهمك فدوك الاسلاك وشعرو هابط عليه مغطي ليه النصف فوجو ….

الجد ضحك ببشااشة من منظر حفيدو …. وحط الطبق وقرب لعندو كلس على سريرو …. تونار غير شاف رجلين جدو طلّع راسو وضحك ليه …. ضحكتو كيف شمس الصباح ملي كتشرق … قمة فالبرااااااءة والوساااااامة الأخااادة و جدابية الملامح الزعرة … ابتسم ليه ورجع هبط راسو كايكمل ومحافظ على الابتسامة

المامون : شنو كادير اآيا سوكار ينو !! كتصايب شي حاجة

تونار : ( طلع راسو لي كيهزو بزاف وبدا كايضحك كايعجبو فاش شي حد يتقرب من العالم ديالو … وجاوب وهو كايتقطع فالهضرة ) اا .. ك .كنصايب … ف فايوز … ك كايجيني .. الخوف بليل و والضو ( شاف للبولة للفوق) الى ب بقا مشعول ب بزاف خطر

المامون : الخوووف !!! اوا قولها ليا اولدي نشري ليك الفايوز واجد علاش غاتعدب راسك وتصايبو !!

تونار : ( كاينفي بيدو ووراسو ) لا لا لاااا اجدي … ن نصايبو انااا … و ونصايب بزااااااااف .. و ونبيعوهم ل لناس ل لي كايجيهم ا الخووف بليل… ح ح حيت ف فايوز لي كايتباع .. كايخدم بالكهرباء .. و پريز .. خخ خطر ب بليل …الكهرباء خ خطييرة … ا انا غ غانصايبو .. ب بالحجر (وراه ليه كانو الحجر ديال واحد الراديو ) ه هادو ا اجدي م مافيهمش ا الخطر ..

المامون : بولة بالحجر !! كيدايرة هادي اولدي !!!!

تونار : ا ااه اجدي …ن نساليها وتشووف

المامون : مممم واخا … ولاكن الى بغيتيني نشوف …. خصك تغدا معاياااا بعدا

تونار اكتفى انو يضور راسو بلااا نااافي الموضوع

المامون : ( قالب راسو داير فيها مقلق ) اوا صااافي خاااامااااص ( كلمة كتعني مخاصمين بلغة الاطفال)

تونار علا عينيه وضحك تا بانو سنيناتو لي كيف حبات اللؤلؤ

تونار : ههههه ر ر راني كبرت آجدي ….. و وليت كنعرف ….أ ان لي م مقلق كاع مكيقلب راسو …

الجد ضحك من كلامو ورجع ضار عندو

المامون : واشنو دابا ماتغداش مع جدك

تونار حط داكشي لي فيديه وناض عندو … والجد جاب الاكل وكلاو على المكتب ديالو …وتونار دائم الصمت وقليل الكلام .. فقط كايجاوب على قد السؤال … كيهضر بزاف فحالة ما الى شي حد بغاع يشرح ليه شي حاجة وحس انو خصو يشرح ليه مزيان ..مكايتفاك حتى كايفهم للواحد شنو بغا …

كايتسمع واحد النقيق جاي من واحد الركن فبيت تونار.. كان قفص فيه واحد الببغاء أو كيف كايسميه صديقو ” گريندو ” صديقو الوحييد ولي كايهضر معاه ويعاود ليه كولشي عكس الغرباء عليه مكيهضر مع تاحد … مكيعرفش يهضر مع ناس وملي كايلقى راسو كايتلعثم ..كاهبط راسو ويسكت كيحس بنوع من الاحراج ….اما مع گريندو كايهضر بإرياااحية …

كايخاف بزاااف من الغرباء وكايحس بلي الناس كاملة خطر عليه … شي لي خلاه كايرتاح غير لجدو بزاااف … لباقي كيهبط راسو ومكيردش عليهم كاع الكلام ….. وفاش كايتصعب كايبقى يغوت بزاف وكتجيه بحال دي كخيز ..حتى كايترسمو فعينيه الخضرين عروق رقاااق حمرييين … شي لي كايميز نظرات الغضب ديالو ..

كمل الغداء ديالو مع جدو … ورجع ينهمك فاختراعاتو وعالمو الخاااص … والجد خرج

هبط الجد لتحت لقاهم باقين كاياكلو ديسير وكلس وسطهم بعد مادارو ليه لبلاصة

راضية : امضرا كلا شوية

المامون لا لا تغدا تباركالله عليه … ( شاف عند كنتو الحامل ) كوولي ابنتي … ( شاف عند راضية ) جبتو ليها اللوز والكركاع !!! عطيوها تااااكل مزياااان … هادي راه فيها زوج رواح دابا ماشي بحالكم

الكنة : لا لا اعمي كناكل مزياااان ماتخافش …

المامون : ( شاف عند ولدو ) ديتيها لطبييب !? سيرو عند هاداك لي فامزورن مزيان … راه دابا زيان الحال والاطباء موجوووودين .. ماشي بحال شحال هادي

الكنة : مشيييت اعمي وقاليا كولشي مزياااان ..

المامون : اوا الحمد الله … اوا وجدو راسكم راه مابقا والو لعرس رياض …بداو توجدو مانديو معانا للتما … 3 شهور دغيا غادوز وها شهر ربعة دغيا غايدخل …

رياض : زدتي فيه الواليد والله .. علاش غانمشيو حتى لكتامة باش نديرو العرس … نديييرووه هنا …

المامون : سكككت نتا مكتعرف فوالو .. فيت تزوجو خوتك كاملين غاتزوج حتى نتا … جدورنا تما ودارنا الكبيرة تما … وخوتك كاملين درت ليهم العرس تما فالبلااد … حتى نتا سواك منهم …و العائلة ديالنا والبعيد والقريب كولو راه تما يحضر معانا .. نمشيو وسط حبابنا و جدورنا نديرو ليك العرس ونرجعو كيف درت مع خوتك كاملين او لا !!!

حسن : لا هذا هو الحق آلواليد … نيت تووحشنا البلاد

راضية : فاش يقرب شهر ربعة انا غانسيفط ليها شي ربعة دالعيلات يسيقوا ويوجدو البيوووت نمشيو لقاوها نقية مابقا لينا عضام لتمارة

الماموت : هذاك شغلكم … 7 ايام دالعرس دولدي آمازوز ينو ( اخر العنقود ) بغيتها دوز على حقها وطريقها وكولشي يهضر على عرسو … (وقف كينفض حوايجو ) يلاااه هو هذا غانوض نتكا شوية علما يودن العاصر ..

ناض الجد مشا لبيتو … والعيلات تعاونو على الطبلة جمعوها ..

3 اشهر دازت كيف الريح وجا نهار لي غايسافرو لكتامة … البلاد ديالهم وفين كاينة العائلة ديال المامون كاملة وفين مدفوين واليديه وجدودو … كتامة مسقط رأسو وفين كانين كاع اراضيه …..

وصلو السيارات مصافين …كلهم كانو عبارة على ميرسيديس موديل 1998 …كل طموبيل فيها واحد من ولادو … وتونار راكب مع جدو لي مكايفرقوش …

نزل من الطموبيل وفظهرو المحفظة ديالو وهاز القفص ديال گريندو فيديه .. ولابس طريبيش والكاشكول ديالو فعنقو من البرد … واخا الجو ربيعي الا ان كتامة معروفة ببرودة الجو كيبقى الجو بارد حتى فأبريل … كايشوف بعينيه مع الارجاء اول مرة غايجي لهنا … جا المرة لي قبل كا صغير بزاااف وماعقلش …كايتسرا بعينيه على الطبيعة وكوولشي خضر ومنور …. والكيف كيبان بعييد شووية الارض ديالو خضرااااا ….

كايضور بعينيه الخضرين لي كيبانو فالشمس خرااافيين ….

جراتو ماماه ودخلو لداخل وهو عينيه غير كيضورو وكيستكشف اي حااجة …

سلطانة : ( كتشوف مع الارجاء وحطات صاكها ) الله شحال توحشت هاد الدار وهاد الرييييحة لي فيها ….( كدوز يديها على الكراسا وتشوف فصباعها واش كاينة الغبرة ) الله يعطي الصحة لدوك العيلات نقاااااوها ردوها كتشعل …..( شافت عند ولدها ) تووونار عجباتك اليدي !???? ( تونار اكتفى أنو يحرك ليها راسو بالايجاب ) شكوون حسن هنا ولا فدارنا !?

ماجاوبهاش كاع وتطلق من يدييها …مشا كيقلب بعينيه ….ويكستشفها من كل الجوانب … دخلو الجميع كيشوفو مع أرجائها ويتفكرو بعض الذكريات معاها … خصوصا العروسات كانت اول دار غايدخلو عليها هي هادي كل ركن كايفكرهم بتفاصيل عرسهم …. واخا ساكنين فالحسيمة الزفاف ضروري كايكون هنا فبلاصة العائلة ….

تونار سمع النداء من ماماه ومشا عندها وهي داتو لواحد البيييت فيه غير واحد السداري وزربية صغيرة ومراية فالحيط ودخل توار كايشوف فيه

سلطانة : هانا آولدي …حيد الشكارة ديالك حطها هنا ماتبقاش غير تلوح دابا مارحناش فدارنا … وحط الطويّر ديالك فوق هاد الصوندري … انا غاندخل ليك حوايجك لوخرين … عارفاك عزيز عليك بيتك بووحدك … ما انا نعّس وليدي معايا

تونار : ( ضار عندها وكيحك فشعرو واضحين عليه الملامح العايبة ) م … ماعجبنيييش …. ب بغيت بيتي ..

سلاطمة : واا بيتك اولدي خليناه فالحسيمة … دابا غانگلسو هنا غير 15 يوم وغانمشيو فحالنا باش تبدا القراية راه العطلة دالربيع دغيا غاتسالا … هانتا غانفرش ليك ديك السداري بحال السرير ديالك .. وحوايجك غانطويهم ليك هنا صافي اولدي !?

تونار : ( شاف مع السرجم عاالي بزاف وهو كايعجبو يتفرج فالسما كل ليلة) غ .. عاااالي … ب بغيت نوصل نشوف ا الس … السماا

سلطانة : انا غادي ندير ليك كرسي … يلاه اولدي دخل غسل يديداتك انا نمشي ندخل الحوايج …

مشات سلطانة …وتونار بقا كايشوف مع البيت مااعجبوووش بتاتا … وگرن حجبانو بغضب ..

كلس على السداري مربع يدو خاسر ليه الخاطر .. حس ان هاد البيت مافيهش الخصووصية و الباب مكايتشدش مزيان … وهو مكيبغيش شي مكان مفتوح على الجميع وكولشي يشوفو اش كايدر …. كايبغي بووووحدو ويحس بالخصوصية

سلطانة بدات كدخل الحوايج من طموبيل وكولشي تششششغل كايييقاد حوايحو فبيتو … المامون وولادو خرجو لبرا يشوفو الفلاحة والخدامة …

سلطانة بعد مارتبات كاع حوايجها هي وراجلها.. دخلات لبيت تونار ترتب ليه حوايجو تاهو… لقاتو باقي فنفس وضعيتو ماتزحزحش … كالس على سداري مربع يديه ومقلق …. وطلعات حاجبها وتسائلات :

سلطانة : توونااار !????مشيوغين ( مالك )

تونار ماتململش من الگلسة ديالو بقا هاكاك وماردش عليها كاع .. حطات صاكو وقربات عندو

سلطانة : تووناااررر …

مجاوبهاش يلاه غاتعيط النداء الثالت وهو يغوووت بجججهد… ووقف ضرررب داك المرااية هرسسها وبقا كايغوووت وشاددد على ودنيييه وكايضور فبلااصصصتو وعينيه ولاو حووومرررو كاتولي فيهم واحد اللمعة خطرييييية بحال الشعا دالشمس…

جاو كولشي كيجريو يشوفو مالو ملي سمعو الغوات … وهو ماسكتش كاع … لانو ماحسش بالامان والخصوصية… تامن گريندو حبس الحركة كايشوف وكيصدر النقيق ديالو منخفض كأنو كيتسائل على حالو …

تادخل الجد كايجري وعنقو عندو ضمو بقوةن. .. اما سلطانة بكات كاع بالخلعة على ولدها لي مكاتفسرش حالتو ….ومكيشبهش كاع الوليدات … ضمو المامون عند صدرو وكلس على السداري كيهدن فيه شوية

بشوية حتى هدا… المامون بوحدو لي كيعرف ليه … ملي كيحضنو تونار كايحس بالاماااان وكيبدا يهدا شوية بشووووية … حيت بعد المرات كنكونو مامحتاجينش شي حاجة من غير نحسو بالامان والطمأنينة …. يلاه سكت شوية من الغوات وتهدن فحضن جدو … المامون طلع فيهم عينيه وقاليهم يخرجو كلهم من البيييت شافو فبعضياتهم وخرجو كيواسيو سلطااالنة لي غير كتبكي ….

و الملمون طلع راس تونار عندو لي باقي كيتنخصص .. كيكبكي بدون دموووع … فقط لغوات حتى كيتبحبح ليه الصوووت …

المامون : ششششش …. بشووية عليك اولدي … نحيبليك تشرب

تونار غير هبط راسو والمامون عرفو مابغاش

المامون : مالك اولدي شنو لي ماعاجبكش نبدلوه !? ها !??? واش خيفان من شي حاجة

تونار بعد من جدو ومشا حدا گريندو فالقفص وكيدوز يدو على السلوكة دالقفص بحالا كيهدن گريندو وكايقوليه مطاري والو .. ورجع ضار عند جو كيشوف غير لتحت

تونار : ب بغيت .. بغيت نمشي ل لبيتي

المامون : اااااه … ( رجع قرب عندو ) قوووليا بغيتي بييييتك …. ( تونار هبط راسو حتى كايطيحو شفارو الطواال والمامون قرب كلس حداه ) هانتا اولدي باش نفهمك ( تونار ملي كايوشف الهضرة جدية موجها ليه كيطلع عينيه ويركز ) عمك رياض غايتزوج … وهنا غانديرو ليه العرس .. خصنا نبقاو حتى هو يتزوج …. ونزيدك هاد البيت لي ماعاجبكش فيه واحد الحاجة كاع مكاينة فبيتك لاخور …. اش باليك نوريها ليك !!!!

تونار : ( علا معاه عينو وكيفرك بصبعانو ) هاا ????? ش ششنو فيه

المامون : السسحررر …

تونار : ( حل عينو ) هااا ????

المامون : السحر .. تبغي نووريك ??

تونار بقا غي كايشوف فجدو .. والمامون كايعرف مزياااان يهدنو …

المامون خشا يديه تحت الجلباب ديالو باش يوصل لجيب دالسروال وتونار متبعو بواحد الفضووول … وكيتسائل شنو طبيعة هاد السحرلي كاين فهاد البيت …. كيهضر مع دماغو خصو يعرف اي حاااجة …. متبع مع جدو كل حركة …. طلع المامون من جيبو واحد الحلوى …

لمامون : هاااااهي ( كيوريها ليه ) شنو هادي !???

تونار : ( باستغراب وجاوب ببساطة ) بون بون !!!

المامون : ها !??? موهيم مانعرف كيف كتسميها … هادي حلوى … الى قتليك غااااطييير .. وتختفي !!! تيقني!!!!!

تونار : ك كيفاش طير ( هزها من يدو كيقلبها وشاف عند جدو ) م م ماعندهاش الجناح !?

المامون بحناااان كايشوف فيه وتونار مركز معاه . وغير كيهضر بصوتو المتلعثم كايخرجو الحروف من فمو بحال شي بلسم …

المامون : واخا بانت ليك هاد الحلوى ماعندهاش جنحين … وماتقدر طير …. ولكن الى كان عندها الاصرار … والثقة …وأهم شيء يكون عندها توناروز ” الامل” راه تقدر طييير بلا جنحييين

تونار : ( شبه مصدوم مستغرب ) اء! م … مايمكنش اجدي … خ خصها جناح باش طير …. ا تونااروز !! ك كيفاش الأمل غايخليها تطير !!! واش توناروز كايدير الجنحين !?

المامون : مممم توناروز كيدير المعجزات ماشي غير الجناح …. توناروز بوحدو لي غايخلي هاد الحلوة طير … ويرجع تاني يررجعها …. شنو !??? نجربو !!!!!

تونار ظهرات على فمو ابتسامة شغوووفة متحمسة فضووولية … وحرك راسو بالايجاب مكرر الحررركة بزاف كايزيد يأكد

المامون هز ليه يدو الصغيرة وحط ليه حلوة وشدها ليه …. وتونار متبع معاه شاد على داك الحلوة مخبيها وسط القبضة بأصابعو تامبقاتش كتبان

المامون : هاد الحلوة …. شنو خاصها باش طير !!!!

تونار : ج جناح …

المامون : لا … خاصها تونااااروز … شيء لي خلاك نتا تزاد … هو ي غايخلي الحلوى طير … وغايخلي شحال من معجزة تطرا ….. يلاه قول معايا … { أيوز …أيووز …يسضويط تونااروز } ” ايوز ايوز الامل طيرها “

تونا: ا أيوز … أيوز ( شاف فجدو وكيكمل من موراه ) ي يسضويط توناروز

فتح يديه ومالقاش الحلوى !!! وبقا قلبو كيضرب وكيقلب فجنابو ويعاود يحل يديه ويقلب فيدين جدو ورجع شاف فيه بحزن

تونار : ف فييين الحلوى !!!!!

المامون : (بابتسامة ) يسضوييييط توناااروز ” طيرها الامل “

تونار بقا غير كايشوف ويرمش بعينيه والمامون أضاف

المامون : نرجعوها !!!!

تونار حرك ليه راسو بآه وهو قرب يتيق الخدعة

المامون : يلاه قووول التعويدة لي قلتيها فاش طارت … باش ترجع !!!! غير هاد المرة خاصك تطلب من توناروز يرجعها ليك ماشي يطيرها …

تونار: ( بعد تردد ببراءة و وإيمان طفولي ) ا … أيوز أيوز … ياااريث تووناروز ” ايوز ايوز ردها توناروز “

المامون ضحك من بعد التعويدة لي قال تونار وقرب خشا يدو فجيب الجاكيت ديال تونار وجبد الحلوى ووراهاليه وتونار حل عينو بعدم تصدييق !!

المامون : الحلوى تاقت فالامل وقدرات طير بلا جنحين وقدرات تحرر من القبضة لي كانت مشدودة بإحكام …. وتونار ملي تاق فالامل رجعها تالبين يديه بعد مكانت فالمجهول !!! ….. شفتي اش كايقدر يدير الامل !!!! توناروز اولدي مااااهر فاللعب بالاقداار ……

تونار : ( بشغف ) علممني

گريندو : ( ردد موراه ) علمني علمني علمني

تونار شد على ودنيه من ضجيج گريندو لي كيردد كلمة ” علمني ” بصخب ودار عندو مخنزر فيه يسسسكت

تونار : شششش گرااااند .. شش ( سكت الببغاء وطيح راسو معتذر ورجع تونر شاف عند جدو ) ك .. كيفاش درتي ليها آ .. ج جدي

المامون ضحك وقاد الگلسة ديالو مزيان وجاوب وهو كيلعب بصبعانو فالهواء بحذاقة

المامون : السححر

تونار : ( بعدم الإيمان و بتلعثم ديالو المعتاد ) م م مايمكنش … ا اي حاجة كاتطرا .. ا إلا و منطقية … ( كايشوف فالحلوى فيديه ويدورها بين صباعو ويفحصها ) م ماعندهاش جنحين … و الامل م مجرد إيمان .. و احساس … و التعويذة حتى هي غير تمويه .. ا أكيد كايينة شي حاجة منطقية م مور هاد الخدعة آجدي ..( كيحك فشعرو ويسرط فريقو ويفحص فداك الحلوة )

المامون : هههههه ( عنقو عندو ) تبارك الله على ولدي ذكي … ولكن سمع ليا نقوليك واحد الكلام ماعمرك تنساه آياسكوور ينو … ماشي كولشي لي كايطرا فحياتنا منطقي … كاينين شي حوايج كايطراو بلا مكانلقاو ليهم حتى تفسير … ماتكونش منطقي بزاف اولدي باش ماينعدموش فيك الاحساسيس ويموتو المشاعر فاش تكبر وتعيش كيف شي آلة كتقلب غير على المنطق !!! خصك تعرف بلي فالداخل ديالك هنا ( حط يدو على قلبو ) كاينة شي حاجة سميتها القلب … وهو الوحيد لي غايأكد ليك كلامي …وهو الوحيد لي غايخليك تصرف بلا ماتفكر فالمنطق … ( تونار غير كايشوف معاه ويسجل فكلامو فداكرتو الصغيرة المكتضة بالمعلومات) خصك تكون كتآمن حتى بقدرة الأمل … بقدرة الخالق عز وجل … وتآمن حتى بقدرة السحر … حيت هو كاين وموجود ….. ومذكور فالقرآن الكريم …. وكاينين مواليه لي كايعرفو ليه …. ولكن جدك غير راجل بسيط مكايعرف لا لسحر لا والو … هادي غير خدعة كتحتاج ليد تكون خفيفة .. ولكن واخا هاكاك اولدي عمرك تستهن بالسحر… وعمرك تستهن بالحوايج لي ماشي منطقين ….

تونار مدة ساكت كايشوف ويحاول يفهم كلامو والمغزى مزيااان الجد مدة ملي سالا كلامو وتونار باااقي على نفس التركيز … عاد تكلم بفضول

تونار : علمني ….

گريندو : ععلل(ماجا فين يكملها تاكان تونار ضار عندو مخنزر فيه يسكت وهو يحني راسو ونقنق بخفت ) قققغغغغغغ ….

الجد ضضحك وهزو حطو على واحد الصوندري قدامو

المامون : نعلم ولدي علاش لا … فاللحظة لي انا حطيت ليك الحلوة فيديك آتونار ينو بحال هاكا ( كايعود يمثل حداه وحطاهالو فيديه ) نتا شديتي يديك…. وعند بالك الحلوة فيديك لداخل … ولكن لااااا ….. حيت انا راه رجعتها معايا بحال هاكاا وغير وهمتك بلي حطيتها ….. خاصك غير تكون يدك خفيفة باش ديرها بلا ماتحصل …واهم شيء تصرررف عادي وبثقااااالة قدام هداك لي غادير ليه الخدعة … فنفس الوقت ززرررب غير بينك وبين راسك بلا مايحس بيك راك كتصرف بسرعة …يعني هضر بثقااالة ومرتاح …ويديك لي خدمهم بززربة … ووهمو بلي راك حطيتيها وراه شادها فيديه ولكن هي راها فيديك …. وهنا خاصك تزيد تخليه يتيق … وقول ليه لتعويذة لي غايقول موراك باش تصدق الخدعة زعما …. وبينما هو مركز كايحفظ فيها … نتا خاول تقرب ودير الحلوى فشي جيب ديالو بحاااال هاكا…( خشاها فجيبو ) فهمممتي !!!!!!!

تونار بقا غير كايشووف …. عاد ترسمات على فمو ابتسامة ملي فهم الخدعة … ابتسامة ديال الشمتة … وبدا كايعاودها حدا جدو كتر من عشر مرات باش يتعلم ليها ويخدع جدو …

ببينما هو منهمك مع جدو ..سلطانة داخلة خارجة كترتب ليه حوايجوو وكتشوف كيفاش دغيا ولدها تهدن وضحك ومابقاوش كايغوت فداك الحالة الهيستيرية … فعلا المامون هو الوحيد لي كايعرف ليه مزيااان وكايعرف كيفاش معاه ….

يلاه غاتخرج من البيت بانليها لوسها رياض تاهو متكي على الكادر ديال الباب كايتفرج فيهم ….

سلطانة : ( ضارت شافت فييهم ورجعات شافت فيه ) كايعرف لييه

رياض : ( تنهد وشاف لعندها ) موهيم كنت جاي نهضر معاك … هضرت مع واحد صاحبي طبيب قبيلة فاش كان كايغوت … ملي حكيت ليه كاع الاعراض وكيفاش كايتعامل معانا وهاد الحركات … والكلام لي مزال ماتسرحش ليه واخا عندو 10 سنين … قاليا بلي غايكون فيه واحد المرض سميتو التوحد

سلطانة : ( ضربات لصدرها ) اياااااااووو ابابا ينووو … اشمن مررض

رياض : شششش مااتخلعيش ماشي شي حاااجة غير مرض نفسي … وقالي الى تعالج وهو صغير ان شاء الله غايبرا … بعدااا يولي اجتماعي شوية ويتصحح ليه النطق ويبني شخصية ….

سلطانة : ( شدات على راسها ) الله ياربي ينو … لا لا مغايكون فولدي والو غير باقي صغيييررر … راه غاتجيب ليه لالة راضية الراقي يقرا عليه ولدي فيه غالعين

رياض : ودابا غير سمعي ليا وديري ليا الخاطر اخالتي سلطانة … هاحنا غانرجعو لحسيمة ونديوه عند داك طبيب ونشوفو ولا بصح ولا لا .. راه ماشي شي مرض خطيير عااادي وليدات فالعالم مراضين بالتوحد …

سلطانة : يااااربي العليم ومنين كايسلاط علينا هادشي …. يكون خير اولدي يكون خير …. زيد زيد يلاه نمشيو لايسمعنا خالي المامون ويتخلع …

*مستعمرة اوشن

بجبرتو وجلستو الملكية متربع على الكرسي ديالو فالمكتب وكيدقدق بأصابعو على الحرف ديال طاولة المكتب بحال حركات البيانو … وعقلو شاااااارد كايفكر بعد ماوصلو خبار زواج ابن المامون … او ابن العدو ديالو … ولي غايكون فكتامة … افكار كاتديه وافكار كاتجيبو … والشيطان متربص فدماغو كايفتي عليه …. حتى قاطع شرودو دقة فالباب …بعدها دخل البكر ديالو حفيظ (اب منير) وبقا واقف فالباب

حفيظ : عيطتي عليا !!!

اوشن: دخل دخل …. ( قاد گلسو وبدل داك وضعية الشرود وتنحنح وهو كايشير بيدو للكرسي لي قدامو ) كلس

حفيظ : ياك مكاين باس !?

اوشن : المامون

حفيظ : ( مسح على جبينو بملل ) فففف هاد المامون مغانتهاونوش من قصتو ….

اوشن : راه فكتامة ….هو و طاسيلتو كاملة

حفيظ : ( علا حاجبو ) وعلاش !?

اوشن : غايدير العرس لولدو ..

حفيظ : وحنا اش دخلنا ? ياكما نمشيو نباركو ليهم

اوشن : هه !

ضحك ضحكة خفيفة شوية بشوية ولات متعااالية وصداها ملا المكان …شيء لي خلا ميمون غير كايشوف …. وناض كيمشي ويجي ورجع ضار عندو

اوشن : اشنو بانليك نتا ???

حفيظ : واقلة كاضحك معايا !?

اوشن : شنو فيها لامشينا باركنا ليه !????? حنا ناس دالصواب اولدي ( كيكمل كلامو راجع للكرسي ديالو يگلس ) خصنا نديرو معاه الصواب … ونديو بووجه الجوووورة لي دايرينها معاه ..وبوجه حتى العداااوة لي بيناتنا ولا لا !!! …. ( كلس وتقاد مزيان وشاف فيه بجدية وميمون ماعارفو واش كايهضر بصح ولا كايتفلى ) علم كلشي …. غدا غانصبحو فكتامة

حفيظ : ياكما ماشربتيش دواك اليوم ابابا ( مع ترقيق الباء ) … واش عارف راسك اش كاتقول

اوشن : ( بغضب وصرامة ) راه واقلة انا لي والدك ماشي نتا !..وواقلة انا لي سابقك للحرفة ماشي نتا …. وانا لي سابقك للعداوة مع المامون ماشي نتا ….(رجع لور بكرسي وكيكمل بحدة ) كلامي مفهموووم !! انا عااارف راسي اش كاندير ..وعارف المخروج ديالي فين كاين … قصة المامون خصها تسالي …والنقطة خصها تكتب فتالي ديال السطر ليوم قبل غدا ….(بأمر) علم خوتك غدا غانصبحو فكتامة ….

حفيظ بقا غير كايشوف ماقدر ينطق بحتى كلمة من بعد النبرة الاخيرة لي هضر بيها اوشن ولي كاتبين وتوضح ان شي حاجة فراسو لا محالة …. ورجع ناض منفد الأمر لي تعطا ليه بالطاااعة …. واشن رجع للشرود ديالو ولحك الذقن و للتخطيط …..

اما مستعمرة المامون لي كلها انتقلات لكتامة …. كتعج بالتحضيرات وباستقبال الضيوف .. البعيد قبل من القريب …تونار معمر وقتو بالخدعة لي علم ليه جدو ..وبالحديث مع گريندو … ومرة مرة كايخرج لبرا يتسرا فالربيع …

تلاتة ايام داازت على المجيئ دالمامون لكتامة …. التحضيرات غير مزادت قوات .. الحلوى و الفراش والزينة …. وكل صباح الشطيح والرديح والزغاريد والدار فرحانة بزواج المازوز ” الابن الاصغر ” ديال نسل المامون ….وكيف جرات العادة زواج المازوز كايكون فيه سيمانة ديال الاحتفال …. والتحضيرات … والنهار السابع كايكو فيه ” تعلاق العلام ” لي هي عادة كايحرصو عليها الريف … كيطلع العريس لسطح ديال الدار او اي مرتفع … ويعلي العلام الابيض فوق الدار لي كايعني ” السلم والسلام ” ولي كايعني عليكم الامان … يعني جميع الحضور مرحب بيهم سواء احباب ولا اعداء وممنوع الضرب او الجرح الان علم السلم معلي فوق الدار … ومكاين عداوة مع تاحد … وطبعا بقات العادة متوارثة عبر الاجبال الى يومنا هذا … وكايعليو معاه العلام الامازيغي ايضا …اما فالليل كاتكون الحناااء … او كيف كايسميوها الرااازيق … لي كايدار للعريس … وعاد اليوم الثاااامن هو لي كتجي فيه العروسة للدار .. وهكادا كتسالا مراسيم الزفاف الريفي …

اما دابا عاد اليوم الثالث العيلات فوسط الدااارر كالسين على فراش حاادر ووسطهم طوابل كبار ارضيين عليهم العجيين ديال الحلوى … وفالارض الصفيحات ديال الفرن … ومعاهم الجيران والاقارب … وكلهم دايرين يدييهم كايصايبو الحلوى … اما العيلات الكباااار لي اولهم راضية مرات المامون شادين أجّون ” البندير ” وكايشطحو بيه ويغنييييو قصائدهم لي كتسمى ” إيزران ” ….

تونار غير شاد على وذنيه فبيتو …. وكايمشي ويجي مامستحملش هاد الصداااع كاااامل وفيه رغبة لداخل يغووووت بججججهد من حر هاد الضجيج وهو كابتها بزز…

وزاد كمل عليه گريندو لي مابغاش يسكت من النقيق والثرثرة ديالو … فالخر خرج من بيتو بعصبية بعد ما ردخ الباب وخرج لبرا كاع… لبس سبردينتو … وخرج كايحاول ماا أمكن يبعد على الصداع و الضجيج والصخب … كايعجبو الهدوووووء والسكاااات .. مكيستحملش الصداع … كانت الساعة تقريبا العشرة ديال صباح … الجو مشمش ربيعي …. والفراشات كايتراقصو مع هبوب النسيم … وكولشي كايبان خضر وجميع انواع الورود متفتحة … وهو رجليه غادية بيه فواحد طرييق طويييلة بين الحقووول … مارتاح حتى مابقااش كايتسمع ليه الصداع ديال البنادر عاد رد النفس ديالو واسترخى … وعلا عينو كايشوف مع الارجاء ومع روعة الجووو .. وهاد اللوحات الطبيعية لي بدع الخااالق فرسمها … مرة كيشوف للورد وكايتحنا عندها يتمعن فشكلها وكيفاش دايرة … ويشم ريحتها ويمشييكمل طريقو …كايتفدا انو يقطفها ولا يعفط عليها باش مانهيش ليها حياتها وينهي ليها جامالها وتذبل …. الذكاء ديالو موزع على اي حاجة وكيعرف كوولشي ودماغو كبير بزاااف على السن ديالو …

ساقوه رجلييه حتى لقا راسو بعدد بزاااف على الدار … وجبينو بدا كيتعرق من الشمش لي ضاااربة … حتى بانت ليه واحد الشجرة ومشا تحت الضل ديالها وكلس كيشوف ويتمعن فالطبيعة قدامو .. وغمض عينيه مدددة حس ان هنا كاين نوع من الخصووووصيية … وهو الراحة ديالو هي شي بلاصة بعيييييدة على الناس ومايشوفو تاحد شنو كايدير وتاحد مايشوف شنو عندو ولا شنو كايصنع … تمنى لو يقد يهز بيتووو لهنا ويكلس فيه … ولكن مايمكنش !! گرن حجبانو بغضب حيت فكرة يجيب بييتو لهنا مستحيلة ….

لاكن دغيا ترسمات لى فمو ضحكة زوينة ملي تحسس شنو موراه …. كاينة شجرة !!

ضار موراه كايشوف فيها وعلا عينو مع جدوعها لفووووق كاايشوف فيها وضضحك بففررررحة … وعلاش لي ماتكونش بيييييتو !!!!! بعد وهو كاضور بييها وبانت ليه شجرة اخرى حداها قرييبة ليها يعني كان جوج شجرات … شاف فيهم بفرحة وبدا كايضور بيهم وكايميز بعينيه القياسات مايحتاج لا يقيد فورقة لا والو .. عينيه كاااافية تشوف الحاجة مرة وحدة كتسجل فدماغو بدقة …. ومشا تايججري لدااار ..

بدا كيقلب فأي حاجة يقدر يحتاجها لي مالقاهاش كايطلبها وتاهوما مكيرفضوش ليه حتى طلب عارفينو عزيز عليه يصنع ويخترع ….

جمع الثووواب ووالميكات الكباااار و الحبااال ومقابط دالنشير وأي حاجة تطيح فالبال وكل مرة يمشيي يدي حاجة يحطها تما ويرجع … والكل مشغول بالتحضيات مكيردوش البال كاع لشنو كايدير …. يلاه المامون لي رد ليه الباب انو مكاينش فبيييتو … يلاه غايعيط عليه فين كاين …حتى كان ولدو أحمد واقف عليه

احمد : الواليد…. اجي نهضرو شوية ضروري

المامون : ياك لاباس اولدي اش كاين !

احمد : لا والو لا …. غير اجي

جروه ومشاو لواحد الصالة وكلسو كايهضرو كانو تما الخوت كاملين

المامون : آهيا ?? خلعتوني اش كاين

احمد : ماشفتيش شكون جا هاد اليوماين لهنا

المامون : شكوووون ?

رياض : اوووشن ابابا

المامون : ( تأفف باطمئنان ) خلعتوني يحسابتني غير شنو كاين …. وهاهو كاع جا !? نحيدو ليه حنا دارو ورزقو ولا شنو ???????

علي : ياك كان ملي كايجي هنا ويلقانا كاينين… هو كايكحل بالعمى وكايخوي لبلاد كاااع …. وملي كانجيو حنا ولقاوه هنا حنا لي كانخليوه ونمشيو …. علاش دابا يوماين هادي ملي جا وشاف طموبيلاتنا قدام الباب علاش مارجعش فحالو !!!!! و ولادو كاملين هنايا تاهوما !!!! شي حاجة ماشي هي هاديك آبابا

المامون : اولاادي الله يهديكم … راه دارو هاديك واش انحيدوها ليه ? .. بغا يمشي يمشي بغا يكلس يكلس … حنا مالنا ? جايين نديرو العرس ديالنا لولدنا ونمشيو فحالنا ..كلا وأرضييه وكلا و دارو وبيناتنا الحدود …. وزايدون بقات غاربعيام ونعليو لعلام فوق دار ….ماخصنا خصااااام وضحك الناس …

احمد : ابابا سمع ليا الله يهديك …هداك خينا مافيه ثقة حنا مابغيناش تانهار العرس ويدير لينا شي مشكل خلينا نرجعو لحسيمة ونكملو عرسنا ….

رياض : احمد عندو الحق ..كون كتسمع خلينا نبعدو من المشاكيل هداك خصو غير منين يدوز لينا لا هو لا ولادو .. يلاه نخويو ليهم حنا كاع ونمشيو فحالنا ماخصنا صداااااع

المامون : ( بغضب ) وهااااا ثمازييغت ” الهضرة ” لي مانبغيييش نسمعها …واش حنا نخافو منو !? شكون يكوون هداك كاااع لي يمنعني مانفرحش بولدي فأرضي وارض جدودي …واش حنا نخافو منو ولا شنو

علي : واش دابا حنا بنا ليك خيفاين .? عارفنا الى عولنا عليه نشتتوه …. ولكن حنا رااه هربانين من الصداع … حييت عندنا العرس ومابغينا شوهة مع الناس وراحنا وسط البلااد كولشي خاصو غير يدي مايعاود علينا

المامون : ياك هو أرضو فالشمال وحنا فليمن … وبيناتنا الغاااابة فين غايوصلنا وفين غانوصلوه ?.. و حنا اصلا الى مافتحناش ليه البيبان وعلمنا الرجال والله لادخل …. بلعوووو عليا ها الموضوع ورجعو كملو شغالكوم وماتردو البال لحد … دابا يمشيي فحااالو … حسبوه ماكاينش

حسن : حنا غير هضرنا معاك ونتا تعرف …. مغانخسروش ليك الخااااطر ….

المامون :وهاكاك الله يرضي عليكم … يلاه نوضو كملو شغالكم تابعنا شلااا مايدار ….

ناض المامون خرج وتبعوه ولادو وهوما مامرتاحينش ابدا للمجيء ديال اوشن وولادو ….

اما تونار نهار كامل وهو تحت داك جوح شجرات كايحاول يصاوب خيمة تحتهم ونجح اكييد …. صاوب ملاذ آمن ليه وعالم خاص بيه تما … حيت فكتامة مالقاش الخصوصية بحال لي فبيتو فالحسيمة ….. داكشي علاش قرر يديرها بيديه بعييييد على الناس فهاد البلاصة … وجاب ليها كاع حوايو لي كايحتاج والكتب ديالو وحتى القفص د گريندو … ودار تما فراش علاش يكلس وواحد الصوندي صغييرة … وداك الفايوز لي صااايب كايخدم بالحجر … عجبااااتو بزااااف الخيمة ديالو لي من صنع يديه وارتاح فيها … سمع آذان المغرب ورجع كايجري لدار باش مايحسوش بغيابو ويخاصمو عليه….. خدا العشاء ديالو ودخل لبيتو طلع فوق الكرسي وبقا كايتفرج من السرجم فالنجوم لي فالسما …. و فين مايشوف شي نججم مضوي بزاااف كايبقى مستغررب فييه … عندو بزااااف دالاسئلة كاضور ليه فالدماغ مالاقييييش ليها جواب رغم انو كايقرا بعض الكتب ….الا ان شي حوايج كايحتاج انو يفسرها هو بملاحظاتو واكتشفاتو ملي ماكلقاششي تفسير يقنعو …. وفاش كايشوف شي حاجة غريبة فالسما وفالكون لي مكيلقاش ليها تفسير كايحس بلي مزال ملاحظها تواحد من العلماء باش يفسرها ….. وكاينوض يجيب مذكرة ديالو وقلم .. ويقيد ملاحاظاتو وتوقعاتو فداك الظاهرة ….

الجد شاف الى باقي الضو مشعول فبيتو … ومشا باتجاهو … فتح عليه لباب لقاه فوق الكرسي كيشوف من السرجم والمذكرة ديالو فيديو هي والستيلو لي شادو بين سنانو ومتأمل فالسماء الليلية … حتا قفزو !

الجد : توونااار !!!

تونار تخطططف ملي سمع الصوت دجدو على غفلة

تاكان غايطيح وشدو الجد كايسمي الله ….

المامون : باسم الله عليك آتونار ينو باسم الله … مزال مانعستي

تونار بعد ماتهدن كلس على السداري وحط المذكرة ديالو

تونار : م م مزال اجدي. …

المامون : ( شاف لسرجم ورجع شاف فيه ) شنو كنتي كاتشوف

تونار : ف فالسما… آ ج جدي.. د دابا … دابا حنا عندنا غير ثمانية دكواكب فالمجموعة .. ا اش اشمسية اجدي !!

المامون : م مانعرف اولدي ههه عاد كنسمعها من عندك

توتار : ا آه كاين ( كايحسب بصبعانو ) عطارد ,الزهرة , الارض , المريخ , المشتري , زحل ,اورانوس , و … و ونبتوون ….. و ولكن اجدي … زعما يكون شي حد اخور باااقي ماعرفينوش ! ووكيفاش اجدي الحياة كاينة غير فكوكب الارض !? كلاش للكواكب الاخرى لا ???? و وشنو القاسم ا ل لمشترك ب بين هاد الكواكب كاملة !!!!! و وعلاش تقسمات ? ت تكون كانت غ غير كوكب واحد ???

المامون : ( ضحك ورجع كلس ) دابا جدك اولدي ضربو حمار ليل يوض يشرب كاس دالما …. تلاقاه نتاا بهاد السؤالات .. جدك اولدي كايعرف غا السما والارض وللشمش والگمرة …. ياك عندك الكتوبا .. قرااا اوولدي وشوف اش كاين… و ورييني معاك حتى انا نعرف

تونار : مم مكانلقاش فيهم ( كايفرك يديه ) د داكشي لي كانبغي انا ن نعرفو … مكايفهمونيش كولشي ومكايشبعوونيش .. ومكايجاوبوش على كاع الاسئلة لي ف فدماغي … ا انا باغي نعرف .. سس س السما شحال فيها من نجمة .. و والارض شحال فيها من ش شجرة … و البحر ش شحال فيه من حوتة … و ج جسمنا شحال ف فيه من شعرة … و قلبنا ش شحال فيه من د دقة ….. انا باغي نعرف كووووولشيي اجدي كوولشي … ععلاش لي مانعرفش اناا علاش ( كايهضر بزربة ويتووتر حتى كايولي حممررر )

المامون : شششش تهدن .. تهدن اولدي .. راه ميمكنش تعرف كولشي حنا عقلنا غير صغير ومحدود يلاه نعقلو فين حطينا حوايجنا وشنو كلينا البارح … ماتبقاش تبزز على عقلك يهز كتر من طاقتو باش ماتوقعش ليك شي حاجة الله يستر اولدي …. و و الكتوبا إلى مالقيتيش فيهم لي تبغي بقا ترجع للقراآن ….قراه وشرحو راه حتى هو غايجاوبك على بزاااااف د الحوايج اولدي …

تونار : ( هبط راسو ) و و اخا اجدي…

الماموون : ( وقف كايتفوه ) يلااه تصبح على خير آياسكور ينو …. وباركا عليك ودوز تنعس …. ( شاف مع البيت ) فين الببغاء ديالك

تونار : ( بضحكة مرحة علا يدو بجوج ) ايوووز ايووووز .. يسضويييث توووونارووووز

المامون : هههههه ياك آلعرفييييت ماباغيش تقول ليا شنو كنتي كادير قبييلة …. وفين دييتي گرينو

تونار : ( بمرح وفاش كيضحك عينيه بوحدوهم كيحكيو قصة على الجمال) ههههه السحرررر اااجدي هههه

ضضحك المامون وخرج من عندو ضاحك وتونار خطف شوفة اخيرة فالسما ورجع تخشا فبلاصتو مغمض عينيه يرتاح شوية من قوة الاسئلة لي كاتنهال على دماغو الصغيييرر …. ولي بسبابها عندو تلعثم فالكلام وكترة الححرركة وعدم التركيز والتشتت فبعض الاحيان ونسيان الاشياء البسيطة مثلا الى حط شي حاجة فشي بلاصة مكايعقلش عليها فين حطها .. والفوضى ديما تابعاه فوضوي بلا قياس .. هادشي كلو السبب ديالو هو انو كايرغم على دماغو الصغير يهززز شي حوايج كتر من الطاااقة الاستعابية ديالو …. وهدا ما يسمى بمتلازمة العباقرة ….

فاليوم الرابع فاق تونار بكري قبل من كولشي … ووقصد خيمة الشجرة ديالو …. لي كايلقى فيها رااااحتو … صباح كامل هو تما بين خيوطو و أسلاكو …. بعد ماشاف عند جدو واحد الهاتف إريكسون كحل وعندو واحد ريزو طويييل …وشاف كيفاش كايوصل الهضرة ..و عقلو كايقوليه علاش حتى نتا ماتجربش شي حاجة بحال هاكا !!!! دماغو كولو وتركيزو كامل على يصنع شي حاجة توصل الهضرة … وجاب دوك الحكاك ديال مركز الطماطم … وبدا كايصاوب بيهم شي حاجة توصل الهضرة … ( الهاتف لي كلنا صااااايبناه فصغرنا ديال حكاك ماطيشة واليوغورت ) …..

گريندو : قغغغغغغ ت تونار تونار تونااار

تونار : شششش گراند خليني ن . ن نركز .. ك كنصاوب ب بورطابل ب بحال د دجدي

گريندو : پووطابل پووطاااابل

تونر : ششششششش ( ضربو بواحد الحك للقفص تاقلبو ) ماااانسمعش صوووتك

گريندو : ( مقلوب بيه القفص كايشوف كولشي مقلوب ) قغغغغغغ

ملي بدات شمس كتشرق مزياااان والحرركة ضاااارت عرف غايكونو فاقو فالدار … ورجع باش ياخد الفطور ومايحسوش بغيابو ويخرجو يقلبو عليه ويتفضح مكانو السري او ملاذو الآمن …. خدا الفطور ديالو بززززربة وا معاه حتا الماكلة لگريندو …. ورجع مااشي للخيمة …. كايتنمنضر فالربيييع والفرشات لي ضايرين بيه ….حتى كايبان ليه شي واحد كايضيور ليه بالخمية … گرن حجبانو ومشا كايجري لتما …. وهداك الولد شافو وبعد على الخيمة كايضحك…. كان حتى هو غير وليد صغير وكيبان صغر منو شوووية … سميييمر وحوايجو مبعثرين وحالتهم حالة بالتراب .. عكس تونار لي محافظ على نظافة دحوايجو وترتيبهم … تونارر عقد غووباشتو كايهضر غير بعينيه مع الغرباء بمعنى ماتقربش حدا خيمتي وداك الولد غير كايضضضحك بشقاوة وخاطبو بريفية

– سلااام … واش ديالك هادشي

تونار قلب راسو ماجاوبوش كاع ومشا دفعو بكتافو حتى كان غايطيحو ودخل للخيمة ديالو … وداك الولد بقا غيير كايشوف جاه مغرور .. ورجع طلع كتافو بلا مبالاة ومشا كاااينقز ويثرثر كايكمل على اللعب ديالو … كاضور بين سنابل الززرع .. باش كايجمع واحد الحاجة كاتكون مع الزرع فاش كانفخو فيها كادير واح الصوت بحال الزماااارة … ” راكم غاتعرفوهاا يا ملعبنا بيها فصغرنا ” كايجمعهم ويدا يززمر فييهم ويضحك ….

وتونار مراقبو من واحد الشششقة فالخيمة ديالو .. ماحتسش بالراحة لان شي حد قريب ليه و تععصب … وكايصغر عينو فداكشي ل كايدر ديك الوليد وشنو داكشي لي عندو !! … وخرج شوووية من الخيمة ديالو يزييد يكتشف شتو تما وفضولو كايتحرك تاني .. و هداك الولد دااار وهو يشوفوو موراه … وبدا كايلوح ليه بيديه يمشي عندو … اما تونر ماداهاااش فيه ومعلي راسو لفوق بغرووور … داك الولد جمع بزااف ومشا عندو

– اجي تلععععب معااياا … شوووف شنو عندي

تونار غير سااااكت وكايشوف لدييه شنو عندو ورجع قلب راااسو كيمثل عدم الاهتمام ..

– ماااالك ???? مابغيتيش تلعب معايا …. ( رجع عاود نفس الحركة بكتافو ) ضبررر رااااسك ….

كاينلي غايجي يقوليا المجموعة الشمسية فيها 9 دالكواكب ماشب تمنية ….

غير بغيتكم تعرفو انو انا كنهضر على حقبة الالفين 2000

يعني كان باقي متكتشف كوكب بلوتو لي هو تاسع كوكب .. ماتكتشف حتى ل 2006

دونك فحقبة تونار باقين غير 8 دالكواكب ….

كلس غير تما حداه وبدا كايزمر بيهم وتونار كايقلب راسو لعندو شوووية بشوية وكايشوووف فيه … الفضول كاياكل فيه …كيفاش ربيع كاصدر صوت بحال هذاك !??? وهو طيح فبالو فكرة !!! الهاتف ديالو كملو بالصنع … بقا خاصو غير شي حاجة بحال الررررنة لي تبين ان الهاتف كايصووني كيف شاف عند جدو … وبقا كييرمش ساااهي فداك الصوت لي كايصد داك الوليد من داك الربيعة فاش كاينفخ فيها …. وتونار خلاه ومشا تاهو للحقل ديال الززرع كايقلب عليها بحالو ويجرب ولكن ماكايعررفش حتا تعصصب ولا غير كايقطع فداكشي ويلوح …. وداك الوليد تبعووو …. مشاااااغب وباين فيه مكايتفاكش …. ماشي عندو كايضحك عليه

– وماااااشي هاكااااك آلححمق … اجي نويك اجي …

تونار نتر من يدو معععبس مامعاهاش التعامل هاداك كاااع ….

– ومااالك اجي غير نوريك مالي غاناكلك … اجي نقلبو عليهم ونوريك كيف دير … اجججي امالك

تونار بقا واقف شحال عااد تبعو وبدا كايوريه ويقطف ليه داك الربيعة ويعطييه يجرب

– شووف !! نفخ فيييها بحال هاكاك … ( تونار بدا كايجرب بدون جدوى ) وااااالااااا ماشي تما … هاانتا هنا .. دير النفس بحال هاكا ( كايوريه كيفااش ينفخ )

تونار تبع معاه مزيان وركز … ورجع جرب هي تززمر !!!

بلفرررحة بداا كاايضحك لانو داارهاا …. وبدا يجرب جوج مرات تلاتة وررربعة .. بغا يطيير بالفرحة وداك االولد تاهو كااايضحك ..

– ششفتي هاااانتا تعلمتي ..شفتي شحال زويينة

تونار : ( اخييرااا هضر الان بالفرحة مشعرش ) وااااااو ….

– نمشيو نقلبو عليهم ونجمعو بزاااااف !!!!!

تونار شاف فيه وضضضحك ليه وتبعو كايجريو وسط الزززرع وكايجمعو فيهم …

تونار شوية بشوية كايرتاح ليه ….حيت خاصو غير يشعر بلامان تجاه داك الششخص وغايرتاح ليه ويهضر معاه …. هو ماشي مغرور .. هو غير طططفل متوحد كايخاف من الناااس وما كايرتاح حتى يشعر بالامان وبلي داك الطرف مغايآديهش وغايفهمو …. مليكايلقى بحال هاد الشخص كايبقى هضر ويضضضحك ويقوليه كوولشي ويضحي على قبلو بكولشي ..وفحياتو كاملة لقا غير جدو لي فيه هاد المواصفات و گريندو ….ولكن الاول مرة فتاريخ حياتو كايرتاح لشخص آخر … وهو هاد الولد الغريب لي بان من العدم …

جمعو داكشي ومشاو راجعين للخيمة كل واحد هاز الربيع ديالو فيدو وداك الوليد شاف معاه ..كايتأمل فعينيه لي ضاربة فيهم الشمس

– عينيك شحااال خضرييييييين واااااو بحال داك الربيع لي فيديك

تونار : ( رمش ) ب بصاح

– والله اجي تشوووف

جرو لواحد الواد وبدا كايوريه …..والما كايترقرق بأشعة الشمس و وجه تونار معكووووس فيه … كايبانو عنيه خضرييين وزادتهم زرقة ديال المياه جمااالية .. عنين صاااافييييين …خرااافين !!

تونار علا راسو بضضضحكة معجبة بعينيه الزوينن وشاف فداك الولد

تونار : و وعلاش نتا عينيك ماشي بحالي !!!!

– مممممم ( كايرمش بعينيه ) م مانعرف …. هااااا قوليا شنووو سميييتك !!!

– تونار : ت تن …. توناااار

– توناار ??? عمرررني سمعت هاد السمية …. انا سميتي منيييررر

تونار : منيرررر ? …

منير : ااه منير .. ( شد الربيع بيد وحدة و مد ليه يدو الاخرى بعد مامسحها فحوايجو من تراب ) توولي صااااحبي !???

تونار بقا كايشوف مع يدو …خلاها ليه مطلوقة …. وزاد للخيمة بمعنى تبعني …. منير باس يدو لي خلاها مطلوقة … وتبعو لداك الخيمة … تونار حط داك الربيع وكلس حدا قفص گريندو ومنير كايشوف بعينيه تاسمعو كايهضر وشاف عندو :

تونار : ( كايجبد داك الهاتف البديل لي صاوب وكايهضر ) ا.. ا الصحبة … مماشي غ غير … م مصافحة باليدين … ولا نسلم عليك و ونقوليك صاحبي … ا الصحبة ك كاتكون ب بالافعال … ا انا .. ا انا ماقلتش ليك نتا صاحبي … و ولكن خ خليتك تتدخل ل لبلاصتي السرية لي م مكيعرفها تاحد … ا انا عبرت ليك على الصحبة ديالي ب بالافعال … ( شاف عندو ومنير غير كايرمش مافاهموش كاع اش كايقول ) ا الى ب بغيتي تكون صاااحبي … بين ليا .. م ماشي غير تقولها بفمك

منير : (ببلاهة ) هااا !!

تونار : ( عيب فيه ملامحو كيكره الشخص الثقيل فالفهم ) گلس.. گلس

منير حط داك الربيع وكلس حداه شاااف گريندو وهو يحححل فمووو

منير : ياااااااااه باباغيووووون

تونار : (خدام بيديه فداك الخيوط وكايشوف عندو غير من لتحت ) سسميتو گراند

منير : اااه و كااايهههضررر ???

تونار : همممم … و وانا دابا ماباغييهش يهضر .. والى ه هضر وصدعني غاتخرجو … غ غاتخرجو نتا و ياه

منير: ( كايبوس فاليد ديالو بالرغيب ) غير نسمعو عفاااااك حموااالديك غير نسمعو …عفااااك

تونار علا فيه عينو ورجع هبطهم بدون جواب خدام كايصايب فواحد السلك ويلسقو فدوك الحكاك

منير : ( كيهضر مع گريندو ) قوول شي حااجة .. وااااهضر …. انا منيرر ..قول منييير

گريندو : مونير مونير مونير مونير قغغغغ مونير

منير : (غايطير بالفرحة ) واااااااا قال سيميييي ولله تاقال سميييتي

تونار : شششششش

منير تقطع فيه الحس … عاد رد ليه لبال شنو كايدير

منير : كتصاوب لحريرة ? ( شاف لحكاك دماطيشة )

تونار دار فيه واحد النظرة دمنيتك

منير : ااحم شنو كاتصاوب !?

تونار : پورطابل

منير : هااء !??? بمااطيييشة !!!

تونار : راه نتا لي عندك … م ماطيشة ف فعقلك… ع عطيني د داكشي لي جبنا … عطيني وحدة

ناض جابليه وحدة من الربيع لي جابو … وربع حداه كايشوفو اش كايدر … تونار لسق واحد الربيعة مع التااالي ديال داك الخيط البلاستيكي .. وللسقو حتا فالجيهة الاخرى … وبدا كايجرررب كاينفخ فيه وكايتسمع داك الصووت فالحك الاخوررر من جيهة الاخرى

تونار : ( بضحكة ) مزياااان .. د دابا مزيان …. ( شاف عندو ) شووف منيير … شد هادي ( عطاه الطرف الاخر ) وغاتمشي بعيييييد راه الخيط طويييييل بزاااف غير سير

هزو منير وخرج كايتشمى تابعد على الخيييمة وهو شاد داك الطرف … حتى قفززو ملي سمع تزميرة فالحك وضلاتو … حيت الخيط لي مربوط فالحك خاوي من داخل بحال شي تيو كايوصل النفس حتى للزمارة باش كاتزمر.. والطرف الاخر كاينفخ فييييها من جيهة الاخرى …

غير سمع داك الصوت رجع كايجري لعندو كايجمع فداك الخيط معاه

منير : زمراااااات والله تااازمراات

تونار : بصااح !???? ص صافي خدامة … ص صاوبت بحاال پوورطابل دجدي ….

منير: وااااااو …. ن نبقااا ن نلعب بيه حتى انا !!!!

تونار: للي بغيتي …. هاهو هنا غا ..غايبقا

منير : شكككرا اصااااااحبي ( عنقو ورجع كمل هضرتو ) اجي ..علاش مكتهضرش مقاد ??? واش فيك الحلاقم

تونار : ( بقا كايشوف فيه وقلب الهضرة ) ا انا غ غانمشي .. بباش م مايتخلعوش ع عليا

منير : حتى اناا خصني نمشي باش مايخاصمش عليا جدي…. تالغدا ونتلاقاو ونلعبو البي .. كتعرف تلعب البي ?

تونار : ( ضور راسو بلا ) ش شنو هذا ?

منير : غدا غانجيبو ونعلمك … يلااااه بسلاااامة

خرج منير كايجري وتونار تاهو قصد دارهم …. دااز نهار زوين وهادئ …. تقريبا كلو غير تحضيرات واستقبالات وهدايا كايوصلو للعريس…

فاليوم الخامس تونار كيف العادة غير فاق خدا الفطور ديالو ومشا للخيمة السرية كيف كايسميها … كايدوز فيها نهارو كامل بدون ملل … كل شوية يطل واش جاي منير تعطل عليه…. خرج القفص ديال گريندو لبرا وكلس مسند على الششجرة وكايشوف فالسما وفالغيووووم ساااااهي حتى حس بشي ظل قدامو ..لقاه منيررر لي جااا

منير : سلاااااام ( گلس حداه ) اش كادير ( شاف بحالو لسما ) شنو كاتشوف

تونار : ( كايشير بيدو للفوق ) شووووف لهيييييه

منير : (متبع معاه ) شنووو????

تونار : غيوووووم

منير: هاااء !!! وكاااانعرفهم …ديما كايكونو فاسما

تونار : ( شاف فيه ) على اساس غايكونو … ف ف البحر !?

منير : آلا ولكن.. عادي غير الغيوم !!! علاش غاننشوفو فيهم ???

تونار : ( رجع تقابل معاه كايشوف فيه ) م م ماكرهتش … ماكرهتش ن نلقا فيهم د ..دار ليا … بغيت نسكن فيهم …بعييييد ع على الناس كااملين … و قريب لسما … ب بغيت ن نسكن ف فشي بلاصة بعيييييييييدة … ف فالغييوم

منير : تسكن فالغيوم ? علاش معندكش دارركم !?

تونار : ( تنهد ) و واش مكتفهمش !? ق تليك ..ب بغيت بلاصة ب بعيييييدة

منير : (طانز) اوا قول لگريندو يعطيك جناح وسير لسما وسكن فالغيوم بحال الجنون …

تونار: كتعرف عباس من فرناس ?

منير : اااه راجل عمممتي ( تونار ضرب ليه واحد تخنزيرة ) وافين غانعرف انا هاد عباس !? اااه صافي صافي سماحلي … احم يلاه قوليا شكون هاد عباس بنوكرداس

تونار : ابن فرناااس … اشمن ك كرداس .. سسميتو هي ابو القاسم عباس ابن فرناس ابن ا ابن ورداس التاكرني

منير : (حال فمو ) اواااااه هادي ك كاملة سمية

تونار : اااه .. و هو ا ا ول واحد ج جرب يطير … ك كان كايشوف ط طيور .. و وكايبغي شي حاجة طويييييييلة ي يركب ف فوقها توصلو ل لغيوم ي يقيسهم ب بيديه

منير : كون ركب غا فوق سميييتو

تونار: ( بغضب ) منيييييير …

منير : صافي صافي ….. ( شد على فمو )

تونار : ( خنزر فيه ورجع كمل كلامو ) هو اول واحد جرب يطير ….

منير: وطاااار !????

تونار : اكيد … وخا استهزأو ليه بالفكرة ….كيف ما استهزأتي ن نتا … ح حيت ا البشر ز زوج انواع .. ن نوع لول كايكون ع عندو ح حلم و وطموح .. و ونوع تاني كا كايبغي غ غير يحطم ….

منير : وكااااين النوع لي مافاهم وااالو بحالي ( وقف كينفض حوايجو ) نتا حمق وباغي تحمقني نوض نلعبو نووض اشمن غيوم ليغاتطلع ليهم طارزان نتا

ناض معاه تونار تاهو كاينفض فحوايجووو ومشا تابعو ومنير رسم واحد الخط بالتراااب وشكّل شي حفرات وكلس للارض …وتونار شاف تما التراب بزاف مبغاش يكلس

تونار : م مغانگلسش …تما الوسخ

منير : ( شاف لسما ورجع شاف فيه ) ياكما نفرش ليك الغيوم !??? وااااگلس لعبو … نتا الارض وماقديتيش تكلس عليها غاتكلس على الغيووووم …..

تونار : ( غووبش ) نننننننن وووسخ

منير : ( ناض كايتأفف ) ووااااشحال فيك د الشيييكي ( حيد تريكو ديالو وبقا غير بسوفيطة وفرشو ليه ) يلاه كلس دابا

تونار تتتبسم وكلس فوق داك التريكو … وبدا كايوريه كيفاش يلعبووو وگريدو قالب حداهم الدنياااا بتنقنيق

گريندو : للبي .. لبي .. بي بببي ..قغغغغ بيبي بببي بي

منير : ششششش .. بي بي بيبي ??? الفروووج لا ! سسسكتنا خلينا نلعبو

تونار : شششش گراند …

گراند غير زعف عليه تونار سكت ومنير بقا يرمش

منير : علاش ملي قتليه انا يسكت ماسكتش وغير قلتيها نتا سكت …. شششش ديالك ماشي بحال شششش ديالي ولا كيفاش

تونار : و واش….. واش هاكا صافي !???

منير : ااه يلاه ضضرررب ولا غانربحك

انهمكوا كايلعبوا والشمس متمركزة فوق راسهم … ومنير كايعلمو كيفاش ييلعععب ….ما طلق منو تااعلمو مزياان … نهار كامل كايلعبو بجوج نساو الماكلة ونساو كووولشي …. تاسمع توناار التعياط ديال ماماه عليه من بعيييد وناض بزززربة

تونار : ي يما .. يما كاتعيط عليا … ت تعطلنا غانمشي

منير : ونرجعو نتلاقاااو !????

تونار : و واخا …

مشا كايجري وتا منير رجع فحالو …

تونار لقاهم كايقلبو عليه باش يتغدا … خدا ماكلتو وبقا كايقلب على جدو يعاود ليه على صاحبو لي لقا جديد …. قاتليه ماماه را فبيتو و مشا عندو مباشرة فتح لباب لقاه كالس على واحد الكرسي قدام واحد الطاولة بحال المكتب … مهبط النضاضر على عينيه وكايشوف فشي وراق قدامو وكايحسب شي فلوس

تونار : جججدي

المامون سمع صوت حفيذو وابتسم كايجي كايزرع فيه الحياة … ودار عندو بعد ماحيد نضاضرو وبقاو غير معلقين فعنقو بالسلسة ديالهم

المامون : توناار ينوووو .. دخل آ ياسوكّار أجي

دخل عندو تونار وا كلس على رجليه كيف مولف …

المامون : فين كنتي نهار كامل شحال قلبات عليك ماماك

تونار : ( بابتسامة كايهضر ويشرح بيديه بحماس ) ع ع عندي ص صاحبي … ل لفيت صاااحبي

المامون : اوووه !!! هنا ???

تونار : ا ااه … ك كايلعب معايا

المامون : مزياااان واهاكا نبغيك ديرر الصحاب وبقا تلعب معاهم وماتبقاش بوحدك … وخرج تسارااا وضور كيف عجبك راك فأرض جدووودك مكاين لي يقييسك … جدودك ضارين بيك … شي تحت الارض وشي فوق الارض …( كيمشط ليه خصلاتو شعرو الذهبي يبعدهم على عينيه )

تونار كيضحك وقلب راسو لطبلة هو يبان ليه سلاح كحل محطوط ومدد يدو يهزو وهو يحيدو ليه

مامون : لا لااااا طلق من هادشي ماتقربش ليه لاااا ( خباه فواحد المجر ) عمرك تقررب لهادشي اووولدي

توتار : ( بخوف ) ها ? .. مااااايمي ?? ( علاااش )

المامون : حيت هدا حاجة خاااايبة اولدي … ماخسكش تقيس فيه ( شد ليه يديه وباسهم ) انا بغيت يديدات آسكُّور ينو يشدو غير الستييييلو …. مايقربوووووش لهادشي القبيح

تونار : ق قبييح !??? و و نتا ع علاش عندك حاجة قبييحة !??

المامون : ( تنهد ) حيت بعد المرات اولدي كانلقاو راسنا غارقين فحوايج قباااح بلا مانشعرو ولا نحسو … كانكونو درنا دنب وبقينا كانطولو فيه حتى غرقنا ومابقاش عندنا كيفاش نديرو نطلعو منو وغرقنا معانا ناس اخرين بلا مانشعرو … وكنستلسلمو ليه …. ولكن مانبغيوش لي عزيز علينا نشوفوه تاهو غايدير بحالنا !!! نبغيو نشوفوه حسن منا … يا اتونار ينو ديما كانقوليك بغيت نشوفك حسن مني … مابغيتش نشوفك بحالي …. داكشي لي كاندير انا مانبغيكش دييرو …

تونار : وو وشنو كادير

المامون : ملي تكبر غادي تفهم …

تونار : ( بغوووبااااشة وغضضب كايكره لي يقوليه هاد الكلمة دباقي صغير ) اناااا كبييييررر

المامون : ع عارف عارف اولدي راك كبرتي و لكن ماشي قدي ? نهار تولي قدي غاتفهم …. بغيت نشوفك شاد غير حوياج زوينيييين … ستيلو و تلاوة ديالك …. عمرك تقرب لهادشي صافي اولدي !??? نتا غاتخرج حسن من جدك و من باباك ومن عمامك … نتا غاتخرج حسن منا كاملين ونتا لي غادخل الضو للظلام ديالنا آياسكُّور ينوو

تونار تبع مع جدو كلمة كلمة والقلق بدا كايحفر فيه

تونار : ب بغيت نعرف هاد الحوايج ا آ جدي

المامون : راه قتليك تكبر وتفهمني

خنزر و نزل من عند جدو بغغضب وعصبية والجد كايخاف فاش كايشوفو هاكا حيت عصبيتو قبيييحة كايبقا غير يييغوت ويهرس حتى كايدخل فاحد الكخيز هيسترية كايجيب فيها يوماين مريض

تونار : ( بالغوات وكلام متلعثم وبزززربة وعنيه كاوليو فيهم عرووق حوووومر ) ا انا كبييررر وكاااننننفهم …ب باغي نعررررررف … ع ع لاش علاش ..علاااش كاديير حوايج خ خايبيييين اجججدي علاااااااش !!!!!!

خرج كايجري غضبان …اما المامون رجع كلس على الكرسي كااايتنهد ….عارف انه بدا كايكبر شوية بشوية ومغايتقبلش المهنة ديالو …. وهو ديما فيعنيه داك القدوة الحسنة وكايبغيه يشوف عليه غير الحوايج الزوينين ….. باش يكبر ويلقاهم كايتاجروا فالحشيش اكيد مغايتقبلهاش خصوصا طفل ذكي بحالو وعندو غير النور فعقلو ….

* مستعمرة اوشن … ” مكتب اوشن “

گالس اوشن فالكرسي الهزاااز مقابل مع السرجم كاشوف الغروب والسيگار فيديه كانفخ الدخاان وحداه قهوة كحلة …. منين جا لكتامة وهو غير سااااهي وكيواااطي الضررربة ديالو ويبلاني ليها مزيااان … تاسمع الحلة ديال لباب وضار براسو بانليه منير لي داخل كايتعلا مع الپواني ديال لباااب باش يشدو وشاف فيه

منير : جدي … ر راه .. راه كنت غير كااانلعب

اوشن : ممم … اجججي قرب لعندي….

قررب منير وكلس على الكرسي حداه

اوشن : ( تننحنح ورد سيكار لجنب لاخور ففمو عاض عليه وكايهضر ) شحال فعمرك دابا

منير : ت ت تسعووود

اوشن : مم تسع سنيين … هاد العمر سالا اللعب دابا ….مانسمعش منك راه كنت كانلعب …. حاجة الوحيدة لي نبغي نشوفك كاتلعب بيها هي الفلووووس …. خاااصك تكون راااااجل وتفرح جدك وتعلي ليه رااااسو بين العدياااان … راك نتا هو لي غاتوووورث كووولشي … فخبارك بلي هادشيي كامل دياااالك !? ونتا كااتلعب ليا برا ????? ( منير غير مطيح راسو واوشن حيد سيكار من فمو ) علي راااسك شوف فياااا

علا رااسو وبقا كايشوف فيييه ويرمش بعينيه

اوشن : نتاا هوو الخلييفة ديالي وحفيدي لي غايكمل على داكشي لي بنيتو انا فالجيل ديالو …

منير : و واخا اجدي .. ب بصح اانا مكنعرف لوالو !!!!!

اوشن : غااتعلم … شوية بشوية غاتعلم وغاتعرف كولشي …. البيع والشرا وتحرميات ديال السواق…. وعرفتي شنو خاص يكون عندك باش تكون بززناز كبيييررررر !?

منير : لا ماعرفتش ? … شنو !???

اوشن : القلب الميييييت …

منير غير كايضور عويناتو مافهمش بيت القصيد واوشن كاكمل كلامو بخبث كبير فعينيه ونبرة ثقيلة الخامات

اوشن : خاصك تكون قاسح القلب بحال الحجرة وماتحن فحتى واحد …التبزنيز امنير بحال الحححرب الى ماقتلتيش غايقتلووووك … والى ماسرقتيش !! غاايسرقوووك .. والا مانصبتيش غاينصبوووو عليك … خصك ديما تكون نتاا هو الثثثعلب … نتا هوو اووووشن

منير غير كايشوف معاه ومعجب بكلامو بزااف و بالقوة ديال جدووو وشخصيتو ….

اوشن : ماخصكش تحن فحتى واحد … تكون مصلحتك عااااد مصلحة الناس .. حيت هاكا بغات الووووقت .. نوووض اجي عندي

ناض منير وهزو گلسو على واحد الطبلة صغيرة قدامو فيها مجر صغير

اوشن :غانعطيك شي حاجة … وبغيتك تحاااافظ عليها … حيت حتى انا حاافظت عليها بزاف .. ونتا دابا راك كبييير …. الى ماتعلمتيهاش دابا وماولفتيهاش دابا ملي غاتكبر بزاف مغاتقدرش .. من دااابا خاصها تحط فيديك ( حل المجر الصغير وجبد منو مسدس رمادي باين عليه قديييم وحطو فيديه ومنير شادو بيديه الصغااار وعينيه لممعوو عجبووو بزاف ) شفتيه شحاااال زويييييين

منير : ز زوييييين ( بدا كايقلبو ) ك كاابوووس

اوشن : ولكن هذا مااشي بحال هادوك داللعاب لي عندك هذا راه حقيقي …

منير : ( طلع فيه رااسو بذهول ) واش بصااااااح .. ح حقييييقي ?? …. كاتكدب عليا آجدي ياك ?????

اوووشن تببسسسم بخبث تابدا كايضضحك بججهد وقرب حل الزاج ديال السرجم لي حداه ….كايباانو لتحت جوج ديال رجالو شادين العسة مااشيين جااايييين على كتافهم السلاح

اوشن : هانتا غاتشوف بعينيك واش حقيقي ….

دوور منير لزااااج وبدا كايقاد ليه السلاح فيدييه … كايعلمو كيفاش يشدو وكيفاش ينيّش … وصوبو معاه لراااس واحد من رجااالووو

اوشن : غمض هاد العييين .. وحححل غير وحدة حطها على الهدف … ( منير كايقلد اش كايقوليه وسلاح فيديه مزند و اووشن موراه شاد معاه ) غانحسب حد تلاتة وغاااتتتكي هنايا …

منير : و ولكن ا الى … الى ضربناه بصح ?????

اوشن : شششش وتبع معايا …. واحد …. زوووووج ثلااا

ماجا فين يكملها تاكان منير ضغط وبسباب الطلقة والاهتزاز القوي لاااحووو من يديه فور ماضغط وتطلقات رصااصة وهو جامد بالخلعة…..جات مباشرة فظهر داك الراجل …. وطاح فدماياتو مغدور … وكولشي لي تما طلعوا راسو كايشوفو شكون تيييرا ….. و اووشن كااايضضحك مفتاااااخر على عكس الطفل منيرر لي كااايترعد بالخخخخلعة حتى ولا لونو زززززرق

منير : ضضض ضرررربببتو .. غ غير غير قستو اججدي غير قسسسستوووو ( كايببكي ) و و الله ووالله مااااضربتوو والله

اوشن : شششش ( عنقو فحظنو كااايهدنو ) صاافي سسسسكت حنا ماعنددناش لي كايبكيييو سسسكت مالك مرااا … سسسككتنااا

بداا كايتنخخصص واوشن كايسكككت فيه وهو كايحلف ويعاود يبرر بلي غير قاسو

منير: حسابتني غ غير د اللعاب .. م مات مات اجدي

اوشن : ( جابو قدامو ) وهاهو مااات !???? مهم هو تعلمتي كيفاش ضرب بالسلاح … الموت ديالو فيها فائذة لييييك ….. ياااك عاد قلت ليك خاص يكون قلبك مييييت الى بغيتي تكون بزناااز !??? شتك بغيتي تولي بحال المرا و نتا ولدناك راااااجل

تنترر منو منيرر وبعدد كيبكي ويغووووت

منير : مااابغيييتش انا نكون بزناااااز ماابغيييييتش

بدا كايبكي وخرج كاايجي …. واوشن عععقد غوووبااااششتو …. وكلس كايكمل على سيكارو بعصبية

اليوم السادس ….

فاااق تونار وخرج من بيتو لطابلة الفطور بدون مااايشوف فحتى واحد غير مغوووبش … مكيهضر حتى مع جدو .. عرفو مقلق منو .. والى مشا تا غضب مكيرجعش دغيا للطريق ..العناد عندو فالدم … خدا فطورو ورجع لبس سبردينتو وخرج يمشي للخيمة ديالو فين كايرتاح … غير دخل لداخل لقا منير تما كالس كايلعب مع گريندو سبقووو …

ماهضر ماتكلم وكلس فالارض مغووبوش مرربع يديه ومنير كتتترر منو طايح عليهم الضيم بجوج بيهم … ومشا كلس حداه ممدة عاد نطق

منير : بغيت نمششي معاك… للغيووم … نسكنو تما

تونار : و واحد النهار غانمشي … ت تمااا … تما مكاينش حوايج قباح …..

منير: وااديني معاك !? نتا غاتمشي … و انا ! تخليني فالحوايج القباح !?????

تونار : ب بقا صاحبي ديما … و وغانديك ….

منير : اء نسيييييت

تونار : ( شاااف عندو ) شنو نسيتي

منير : ( قاد گلستو وضحك ) جبتيليك واحد الحاااااجة

تونار : شنووو هي ???

منير خشا يدو فجيبو وجبدها …شاد عليها فالكف ديالو موراهاش ليه

منير : كنت كنجمع البي ديالي وانا نلقاها … ك كتشبه لعييينيك بزاااااف

حل يديه وهي تباااان داك الكرة دالبينيغ خضرااااا زجاجية فعلا كتشبه بزاف لعينين تونار .. وتونار ترسمات على شفايفو ضضحكة زوييييينة

تونار : واااااو

منير : ( حطاهاليه فيديه ) خليها عندك ….

تونار : ( شدها بيديه عجباتوو ) ششكررررااااا ( قرب عنقووو عناااق طفووولي عفوي ) زوينة بزااااااف

منير : عندي بزاااااف انااا ….

تونار ضحك … شوية وهو يقلب ملامحو للحزن

تونار : ولكن انا م ماعندي مانعطيك ????

منير : هااااااء ?? مااااشي موشكيل اصااااحبي …

تونار : ( شوية جااتو فكرة وضحك بعفوية )) ااء وولكن …. غانعلمك و و وااحد الحاجة ززز ز زويييينة …. علمها ليا ج جددي

منير : شنو هي !????

تونار : ( بضحكة ) السسسحرررر

منير حل فيه عينو مفاهمش !! … وتونار حط ليه داك البي فيدو

تونار : والى قتليك ليك ه ه هاد البي غايططير

منير : مااايمكنش !!!

تونار : اوا ش شووف …. شد عليها يديك مزيان ( تونار خطف يدو ومنير زير عليها ) قووووول معايا …. أيووووز أيووووز .. يسظويت توناوووووز

منير : ايوووز ايوووز .. يسظويييت توناروززز

تونار : يلاه حل يديك دابا

منير حل يدو و مالقاهاش وبدا كايقلب مع جنابو وقال بذهووول

منير : وفيييييييين هي !?????

تونار : شفتتتي السحر ??? ههه …نر . نردوها !????

منير بقا غير حال فمو كايشوف فيه

تونار : يلاه قوووول معايا تاني … أيووز أيوووز … يااااريث تووناروز

منير عاود معاه نفس التعويدة وهو يجبدهاا ليه من جيبو

منيرر : اوااااااه … ن نتا خطااااارررر … وريني كييفااااش درتيي لييييهااا ??? واش نتا سحاااارررر

بدا كيضحك عليه حتى خرجها منو عاد قاليه سر الخدعة … حتى هو بدا كايتعلمها ويدير بحالووو .. كيفما علمو يلعب البي تونار علمو الخدعة …… شوية شوية كااتكبر بيناتهم صداااقة زويييينة بريييييئة عفووويية وصااادقة …

منير : غانمشي نععلمهااا لكوووولشي

تونار : هه لا .. لا ا الح آلحمق … م م ماخصش تعطس لسر د ديالها حتى و واحد … غ غير ل لي عزيز عليك …. أ أنا علمها ليا جدي المامون

منير : ااااه بصصح … ( شاف فيه ) جدك سميتو المامون !!! كيشبه لسمية دجدي

تونا : ششنو سمية جدك

منير : ميييمون

تونار : ا ااه بحال بحال

منير : موهيم ( وقف ) انا خصني نمشي دابا تعطلت غايخاصم عليا جدي عاوتاني … نتغداو ونجيو لهنا نلعبو صااافي ????

تونار : صااافي…انا ك كولشي م مشغوول …ك كايوجدو لع عرس عمي كاااااع م ماكيردو ليا البال.. و ولكن ن نمشي حتى انا ف فيا الجوع

منير : سعداتك مكايقلبوش علييييك …. يلله نوض

خرجو بجوج قصدو ديورهم .. تونار مشا لبيتو ومنير تاهو دخل لدار لقاها خاوية حيت مجاوش العيالات جاو غير عمامو وجدو وباه … بقا كايقلب عليهم تاسمع هضرتهم فواحد البيت وحلو غير بششششوية كايبان ليه اوووشن شاد فيدو واحد الرساااالة كايطويها وولادو كالسين كايشوفو فيه

سعيد : ( الابن ) شي واحد يفهمني راني مفااااهم والو

حفيظ : بحالنا بحالك …. شنو باغي دير الواليد فهمنا

اوشن : كيفاش اش باغي ندير !! ياك قريت عليكم زوج دالمرات شنو كتبت !!( بدا كايرجع يفتحها ) نعاود نقراااا !!!????

حفيظ : حننا ماشي مافهمناش شنو مكتوووب … حنا راه مافهمناش القصووود من هادشي !!!! علاش غانطلبو منو الصلح !?????? واش ولا كايخلعك لهاد الدررجة هاد المامون لي كاطلب منو تصالح معاه ولا شي حجة هادي باغي تمشي ليها وكاتصفي لخواطر !!!

اوشن : ( بخبث ) ومالو الصلح !??? صلح حاااجة مزياااااانة ( رجع گلس ) وكااايقوي العلاااقة وكايصفي النففوووووس وكااايدير الثقة … وكانوليلو حباب !! وعلى الحبااااب مكنسدووووش البيبان اولا !!! ومانديروش عليهم الحراسة ومكناخدوش عليهم الاحتياطات …. حيت هادوك حبب وتصالحنا مغايآديوناش !!!!! …..الى ولينا حباااب الماااامون غايسضفنا فدارو بلا ماااايهزو السلااااح !!!! غايتلاقاونا بالحليب والتمر اولدي ….شتي الصلح شحال زوين !!!!!! غادخل لدار المامون بلا ماتخاف يهزو عليك سلاح وتقدر دير مابغيتي !!!!!!!

حميد شاف مع خوتو مطووول كايهضرو غير بعينيهم متسائلين واش شي حد فيهم فهم المقصود.. ورجع شاف فاوشن

حميد : لا لا لا هادشي مكيدخلش لراس ….. وحنا شنو غانستافدو الى دخلنا لدااارو مثلا !!!!!

سعيد : قطع داكشي آلوايد ورجع لعقلك …

حفيظ : الولليد …. فلول قلتي ليا نجيو لكتامة جيينا ودرنا ليك الخاطر .. ودابا كتكتب فرسالة باغي الصلح مع المامون ….فهّمنا راحنا مافاهمين والو !!! حنا مابغيناااش الصلح معاهم وماعندنا ماااندييرو بييييييه … وااش حنا بااغين نتهناو منهم ولا نتصالحو معاهم????

اوشن : هااااباش انا مامعولش عليكم وكانربي فموونير ينو …. ( اشار بيدو بمعنى صفر ) نتوماااا زيييروو فهامة .. مكتفهمو والو كاع ومكاتخدموش عقلكم وكاتشوفو غير حداكم …. انا بنت ليكم معشوق فالمامون انا !!!! مكتشوفونيش كيف كنغلي عليه ??? تجارتي وااقفة بسبابو وكاميواتي كايرجعو ليا بالواحد !!!

سعيد : اوا دابا شنو ناوي عليه ? فهّمنا نمشيو معاك حتى حنا فالخط

اوشن : ( تحنحن ) واسمعوووو ليا مزياااااااان وحلو وذنيكم معايا …. هضرتي مغانعاودهااااش ….. ولي غانقولو ليكم دابا غاااتعقلو عليه بالحرف وتردو بالكم هادشي راه ماشي ساهل ( فقمة الجدية ديالو ) خاصكم تكونو رجال معايا وتحضرو عقلكم الى بغيتو نتهنااااو فخطرة وحدة من الماااامون وعمّر قصتو ماتجبد مزاااال……

الولاد بقاو واحد كايشوف فواحد كايتسناو اش غايقول باهم لي عمرهم ماشافوه كايتكلم بهاد الجدية كااااملة من قبل … فعينيه نظرات حمراااااء بحال الجمر الشاااعل … وكاينطق كل كلمة وهو مزير عليها وعلى القبضة يدو ….

اوشن : هاد الرسالة خصها توصل للمامون ليوووووم وداابااااا … ماعندناش الوقت عندنا غير يووماين … ليلة عندهم الطْلبة ( للمة د صدقة ) وهي الفرصة لي غانمشيييو فيها بعد ماتصفا الخواااطر ….. فاش غايقراا المامون بلي باغين منو الصلح غايفتح لينا بيبان دارو … وغانمشيو نباركو ليه عرس ولدو … البيبان غايتحلو والحراسة غاتحيد علينا …. فالغفلة رجالنا لي غااايدخلو … ( قرب كتر لعندهم وكايهضر مغزززززف وولادو مرركزين ) غايزرعو المين ” قنابل ” تحت الارض ديالو كاااااااملة … الاراضي والكوريااااات و حتى الدار …. كولش يتزرع فالغفلة بغيييت منطقتو تولي كاملة قنااابل … والتفجير غايكون نهار السابع دالعرس

حفيظ : غدا !!!!!!!!

اوشن : ااه غداااا … مع الفجررر … اما القنابل هاد لييلة بغيتهم يتتزرررعو ….بغيييت نهارهم السابع مايطلعش فيه ضوووو ولا راه نتووووما لي غاتسبقووهم

منير فالباب كايرمش بعويناتو وكايخدم داك شوية د الذكاء لي عندو ..ويتسائل واش هاد المامون هو نفسو الجد دتونار !!! ياك تونار لي قاليه عندنا العرس دعمي ! وهدا كايهضر على شي عرس …. اذن غايكون كايهضر على جد تونار …..مونير كايسمع وقلبو كايدق بسرعة

حفيظ : وكيفاش حنا غااندخلو ليوم الواليد واش عارف راسك اش كاتقول !!!!!!

اوشن : كولشي ضارب ليه حسابو نتا غي سمعني وكونو معايا رجال الى بغيييتو تهناو منو فخطرة …غانفجروهم غدا مع العلام لي غايكون كولشي ملهي معاااه … حيت فالعلام الطاسيله ( العائلة) كاملة غاتكون حاضرة … وانا بغيييت كوووووولشي ييموت …. كوولشي تّصفا ليه مابغيت تاواحد يبقى ححي …باش ماشي من هنا لغدا يجيني لي ينبش ليا فالماضي … العشبة السامة كنقلعوها من الجذر اولا ????? … القط ديالهم هو اللخر بغيتو يمووووت …صغيرهم وكبيرهم …( منير حالو فموووو ) مابغيييت حتى شي أثثثررررر يبقى منهم … بيهم بالكسيبة ديالهم بحشيشهم بأراضيهم كلشي بغيتو تشعل فيه العافية ويتفجججر … غاتقاس شوية من ارضنا ماشي مشششكل عماين وغاتصلح للزراعة … ونزيدو تأراضيه معانا فاش يفوتها الحححريق …

سعيد : ( سرط ريقو ) هادشي لي كاتقول الواليد راه خطططر وبزاااااف .. واش واعي براسك !?

اوشن : (بالغوات وضرب فالططططبلة ) مااااايزيييييد معايا تاشي واحد الهههضرة .. تااااااشي واحد ….. ( رجع تنفس ونقص من نبرة صوتو ) عاااام … عام ونا كنوجد لنّهار لي يرجع فيه لارضو ويكون كولشي حاااضر باش نضرب الضررربة دياالي …عاام وانا كنننخطط…. وكنتسنى فهاد العرس … ( بدا كيدوز يدو على جبهتو ) كنت خااايف …. كنت خايف يمشي يدير لعرس لولد فلحسيمة ….ولكن الامور مشات كيف بغيت …..جا لهنا برجليه لهلاكو …. ( غزز على سنانو وضرب بصبعو فطبلة ) كنننقسسسسم يمييينااااا تاااانحرق اخر عضم فيهم …. اصلهم كاااامل لي عايشين غايتمحى ليهم الاثر … الجثث لي غايتدفنو بيها هي اللخرا مغااتبقاش …. اسمهم غااايتمحى من التاريخ …غاتولي عائلة المامون غيرر كدوووووب !!!!! وحتى لي فالقبوووورا غايعااودو يتحرقووو ويتفجرو معاهم تحت الارض … ( بعينين بحال الناار كلها حقد ) كوووووولشي يتتمحا … بحالا عمرهم كانو على وجه هاد الاررررررض كووووووولشي

حفيظ : ( خلعو ولكن متحكم فراسو بزز مايزيدش يعصبو ) و واخا الوايد .. نزيدو نفكرو شوية هااادشي لي كاتقول فيه راه صعييييب … ولكن نتا شنو خلاك متأكد المامون غايبغيي يتصاالح معاك ويفتح ليك بيبانو !??? منبعد هاد سنين دالعداوة كاملة

اوشن طووول فيه الشوووفة وهو يطلق الضحكة بجاااااهد

اوشن : هههههههههه … ( رجع شاف فالعدم كيحك على الذقن ديالو ) انا لي عاااارررف المامون مززياااااان … هاداك المامون قلبو البيض هو لي غايخرج عليه ( شاف عند ولادو ) شششفتو علاش كانقوليكم ديما قلبكم خضو يكون كححححل ?????? هاهو قلبو بيض اش قضا بيه !? هههههه وااالوووو غير غايخرج عليه

سعيد : علاش كاتهضر بحالا كتعرفو من زمان !????? الواليد ! واش هادشيي كااااااامل غير حيت عدونا فالتجارة !????? ولا شي حاجة اخرى مور هاد العداوة لكبيرة لي ملي فتحنا عينينا وحنا معادين معاه ? ومكنعقلش حتى على امتى بدات العداوة ديالكم … كبيرنا حتى هو معارفش ( شاف عند حفيظ )

حفيظ : تانا بحالكم ملي فتحت عيني والواليد معادي مع المامون والحرب بيناتنا وديما واحد من الرجال مقتول … شي حاجة اخرى ماعرفينهاش آلواليد !????

اوشن سهاااا مدة مسااافر لخليج المااضي … متذكر نهار كان هو وخوه باقين صغار وحلو عينيهم على باااهم بزناز كايزرع الحشيش ويبيعو …. عااقل على خوه شحال كان عزيييز على باهم كتر منو … ديما الحاجة الزوين دالمامون .. اما ميمون كان هو غير الابن العاااااق وداك الباسل ولي مكايفكرش ومتهور … عكس المامون لي كان عندهم عزييز على صغير ولكبير وديما الفرزيات بيناتهم … والعداوة كتكبر كل مازادو فالعمر ….حتى لنهار لي كان باهم على فراش الموت … وجمعهم كتب الاراضي لكبييرررة ولي خصبة فالزراعة كلها للمامون لي قال عليه مول الععععقل والفطنة ولي كايعول عليه …وخلا لميمون غي نصيب صغيييررر حيت هو متهور خافو يضيع كولشي … رغم ان ميمون هو الكبير …. الحقد والغيرة زااادت كبرات بعد هاد القسمة دالورث لي مكانتش عاااادلة بتاتا فحححقو … مات باهم والمامون هز المشعل و شد الاراضيي كاملة والنصف الكبييررر ديال التجارة والتبزنيز …. اما ميمون مكايعرفو حتى حد كايبقى ديما غير خو المامون …. حتى نهار لي الكاس ديال اوشن فاااااض ومشا هز عليه السلاح وهو باقي فعمرو 22 عام والمامون فعمرو 20 عام …هز ليه سلاح فراسو باش يدير بيناتهم حل ….. المامون ملي شاف العداوة كبرات ووصلو لقتيلة ولجيل اخر من قابيل وهابيل … قرر يصلح الخطأ لي دار باهم قبل مايموت ويرجع يلم الشمل … وقرر يرجع يقسم الارااضي بالتساوي …. على شرط ترجع اخوتهم كيف كانت … واافق ميمون وعاودو القسسسة حتى ولاو كيف كيف … وقد ارض المامون , قد ارض ميمون فكتامة … الميمون غير شد وراق أرضو ضربها ليه بنكرة ونكر أخوتهم ومشا دار الحدود بين الارااضي ومنع عليه مايدخلش لارضووو … ثم شيّد مستعمرةخاااصة بيه وبدل حتى سميتو وسما راسو اوشن …ودار رجال ديالو وبغا ينافسو فالتجارة … المامون حس براسو تغدر حيت فالوقت لي هو كااايتعب باش يجمع الشمل ويرد خوه لعندو .. خوه كاان كافكر غير فالقسسسمة والانانية والغيرة باقية عامية ليه عينيه …. شاف تاهو بالمنظور ديال المنافسة وكبرات بيناتهم العداوة فالتجارة …ومابقاوش خوت ولاو غيرر منافسان …. المامون هرب من الصداع ومشا الحسيمة شيّد مستعمتو وتما تزوج .. وميمون مشا للناظور وتما تزوج تاهو وحتى واحد مكايقول هذا خويا ولا هداك خويا … وحتى من العائلة تبرات من ميمون بعد داكشي لي دار لخوه وكولشي جا مع المامون فصفو ونكرو ميمون … الريوس الكبار فالعائلة لي شاهدين على اخوتهم ونزاعهم مااااتوو .. اما هادو لي باقين فعائلة ديال المامون تاواحد ماعارف واش هادو خووووت …. كولشي عارفهم غير اعداء فالخدمة …. وهاكا تفرق الشمل ودم الاخوة رجع مااااء …..

اوشن فيقو النداء ديال ولادو عليه لي شافوه سهاا بززااااف … ملي استفاق تنهد وقرب بالكرسي

اوشن : ماتبقاوش تسوولوو بزاف …. كاين شي حوايج خير لينا مانعرفوهمش …. نتوما غير نفدو الى بغيتو تربحو …. وتبعو عقل اوشن ( ضرب بصعبو لدماغو ) حيت هاد العقل هو لي وصلكم لهادشي لي نتوما فيه ورد منكم لبزنازا لكبار دالمغرب … وهاد العقل هو لي قادر يزيدكم كتررر ويردكم البزنازا الكبار فافريقيا كااااملة .. تبعوووني وماتخافوش … المامون قصتو غاتسالي … طوالات بزاف تاحماضت وخصنا نحطو ليها النقطة …. ( حقد عينيه ) غدا … غدا كوووولشي غايشششهدو على ان عمّْر كانت هنا شي حاجة سميتها دار المامون ولا عائلة المامون … ( بحدة كتر ) .. كتااامة حاكمها اوووشن وغير اوووووشن لي غايبقى حاكمها ….. مفهوووووم !??????

يتبع