ملاك: (من بعد الماتش للي دارو تقسحت شوية ولكن ماشي بزاف استحملت داك الالم وعاااشت معاه شافتو وسمعاتو هاد المرة وهو فالقمة ديالو لي وصلت ليها هي جوج مرات معاه عجبها الحال بزاف!! عجبها محسو براسهم حتى نعسو بجوج فوسط لما لي عاونها بزاف باش متفرعش…
فيقها غير منين بغات تقلب وزلقت بعدت شوية عليه ضارت شافت فيه نااااااعس وحل ذراعو تبسمت وهي كتشوف فيه كتبغيه بزاااف وزادت تأكدت منين شافت راسها كتبغيه حتى فالممارسة وهادي أهم نقطة لي كتنجح زواجهم وعيشتهم مع بعضياتهم!!!
ناضت من تماك عريااانة مزال كتحس بالعضو ديالو منين دخلو فيها هزت لاتروس ديالها دوشت وغسلت شعرها ضارت لقاتو كيشوف فيها بعينيه النايمين عاد دارت يد على صدرها ويد على 🍓)
فقت!!!!
اورطيغا: (عينيه حووومر مشابعش نعاس ومسخسخ رجع عليه لعيااا)
علاش نضتي!!
ملاك: كنت غنموت تماك ههه زلقت
اورطيغا: اجي
ملاك: هه (هزت الفوطة مضرقة راسها مدوراها عليها متبسمة كتشوفو ميت بنعاس ومزال باغيها اذا عاجبااااه كما كان كيعبر ليها قبيلة وهوما فوسط **** بكلاموو الخاسر)
اورطيغا: واااااااا مليكة اجي
ملاك: ههه سير تزمر!!!
(خرجت هو ناض دوش بلبرودوي ديالها وخرج لقاها كتنشف شعرها شافتو تلاح على النموسية)
فين غنخرجو؟!!!
اورطيغا: شي مساج الله يحفظك
ملاك: ومنخرجوش؟؟!! (شافتو نعس على كرشو حطت السيشوار ومشات طلعت فوق ظهرو كتماصي ظهرو وكتفو وهو مرخي)
واش مغنخرجوش؟!
اورطيغا: غنعس ساعة ونخرجو
ملاك: اممم
اورطيغا: حيدي حوايجك وماصيلي ونتي عريانة
ملاك: ههه (حطت راسها على ظهرو وباستو فكتفو عايشة واحد الحالة ديال السعادة والحب خطييييرة كتمنى من أعمااااق قلبها متقلبش هاد الفرحة وتجي شي حاجة عاود تنكد عليها!!! محست حتى جرها قالبها تحتو وهي كظحك مكملينها ب****…)
ادم: (عيط على واحد من دراري خداه لصفرو حيت هو مكيصوݣش نعت ليه فين وخداه الحومة فين ساكن حمزة، هو كان جالس اللور كيشوف غير من السرجم بقا شحااال عاد باش بان ليه شعل تيليفونو كيتأكد من التصويرة وفيه ممتيقش شنو قالت غيثة على علاقتهم ولكن تيقها وبحال والو يكون هو اب داك الولد ولكن لهاد الدرجة غفلاتو!!!!!)
حمزة: (كان جالس مع دراري الحومة مجمع باغي يرجع يخلق اجواء يرجع يوالف هاد القنت حيت واحد الراس كيقولو يمشي غير لفاس لي رجع كيجلس فيها كتر من دارهم!!! صيفط ميساج لغيثة)
**غيثة باغي نهضر معاك!!**
غيثة: (جاوباتو)
**مابغاش نهضر دابا، خليها من بعد**
حمزة: (بقا كيقرا الميساج شحااااال ويعاودو فكر وفكر بغا يخليها على خاطرها ومنها نيت هو يعاود يفكر غيثة زوينة نقية بنت الناس درويشة ولكن عندها مشاكل وخاصو يتأكد انه قاد يعيش فوسط دوك المشااكل!!! صونا عليه يوسف ومشا مبعد كيهضر)
ادم: (معندو ميدير ليه دابا وحتى دراري مبغاوش يدخلو معاه فهادشي وهو مقادر يدير والو بلا بيهم صافي مشا من تماك بقاتلو أيام قليلة ويمشي فحالو من هنا متسرطاتلوش انه خسر كما قالت غيثة كولهم عايشين حياتهم الا هو لي مخبع وعاد الإعاقة لي دارت ليه غيثة!! غيدير اخر مخطط ليه وغيمشي يقلب على علاج ومن غير شهادة أميمة معندهم عليه حتى دليل!!! حيت مخلا من موراها حتى حاجة بصممتو هي التالية مكايناش وحتى الولد ديال غيثة ماشي ديالو)
~~~~~~~~~~~
يوسف: (عاودلو فالتيليفون شنو قالت غيثة لادم) دابا هاحنا حطيناه فالصورة
حمزة: يعني هاد ليام نتسناوه يغلط وبحال والو يرجع يحوم علية
يوسف: نتمناو
حمزة: مهم نتا بعدا غيثة تحت عينيك ومراد مع مرتو مبعدين
يوسف: غيثة غنصيفطوها ترتاح شوية عند خالتي
حمزة: لي فبرا؟!!!
يوسف: اه اسبانيا
حمزة: (بقا ساكت شحااال هي كانت رافضة الفكرة!! علاش دابا بغات واش كتبعد عليه؟!!!!! وعاد مقالت والو ليه!!!!!! غوووبش)
مرديتوش علية؟!
(سكت حس براسو متناقض باغيها وباغي يفكر تخربق فراسو!!! وحس انها كتبعد عليه)
يوسف: خلي حتى ترجع غيثة من اسبانيا
حمزة: غتمشي بوحدها
يوسف: لا حتى الوالدة والواليد غيمشيو
حمزة: بغيت نجي عندكم للدار نهضر معاها…. واخا؟!
يوسف: (سكت شوية) واخا… مرحبا
ملاك: (فيقها من نعاس) اممم
اورطيغا: (زول عليها لفراش وبانت بقعة ديال الدم فشورطها) اهيااااا واش جاتك؟!!!!
ملاك: (قفزت من هاد الكلمة لي كتخلع كل بنت كطل على شورطها وهي ترد لغطا عليها كتشوف فيه)
اورطيغا: واش هي؟!
ملاك: (حشمت) يمكن
اورطيغا: كفاش يمكن واش هي ولا تبوشيتي فشي قنت
ملاك: (تفكرت قبيلة تقسحت ولكن هي مكتحس حتى بشي ألم تماك كاينة شي حاجة طفيييفة ولكن ماشي لهاد الدرجة وهي متأكدة غير ليغيݣل!!!)
اورطيغا: هضري املاك واش هي ولا تمشي لشي صبيطار!!!
ملاك: لا غير هي (وقفت كتشوف واش خرجت ليها فلفراش ملقات والو، شافت فيه) خاصني اولويز مجبتوش معايا
اورطيغا: انا لبس نمشي نجيبو ليك تبغي شي حاجة اخرى!!
ملاك: (حركت راسها بلا مشات لباليزة هزت حوايج باش تبدل ودخلت للدوش مقلقة ضاعلها شهر العسل وهي لي عاد ذاقتو وعجبها دوشت تحايد الجنابة صبنت داك الشورط مزياان لبست حوايجها وهي كتشوف فالجاكوزي وتغبن مشات لبالكو نشراتو دخلت للشومبر سادة البالكو، معرفتش كفاش ردة الفعل ديالو غتكون ولكن خايفاه يتقلق كما تقلقت غير هو هي تقلق ماشي مشكل وهو خاصو يتقلق حيت مغيوليوش يديرو شي حاجة ومخاصوش يتقلق باش هي متقلقش!! واخا ماشي بيدها ولكن حبا فيها يقدر يتقلق شوية.. تخربقت وافكارها غير متناقضين!!! دازت شي نص ساعة تم جاي جايبلها جوج باكيات اولويز)
اورطيغا: هادشي صدق فيه أنواع؟!
ملاك: (تبسمت شداتو من عندو ودخلت للدوش دارتو وخرجت لقاتو باغي يدخل يدوش)
اورطيغا: قادة تخرجي تعشاي؟!!
ملاك: اه
اورطيغا: ندوش نصلي ونخرجو!! (شافها غير ساكتى) مالكي صاااقلة؟!
ملاك: والو!!
اورطيغا: واش فيك شي حريق ولا شي لعبة؟!
ملاك: (حركت راسها بلا دخل للدوش ومشات جلست يعني شهر العسل ضاااع وعاد مغتكونش حاملة!! فكرت فهضرة مفتاحة انها كبرت فالعمر ودغيا نفضت أفكارها حيت غير كتخربق!! مشات لبست حوايجها دلخروج تسناتو خرج صلا صلاتو لبس حوايجو وهي كتشوف فيه)
اورطيغا: (جلس كيلبس سبرديلتو) يااااا مالكي؟!
ملاك: والو غير محسابليش غتجيني اليوم وصافي!!
اورطيغا: موقع واالو ياك نتي مفيكش الحريق؟! (حركت راسها بلا) هدا هو المهم شحال تتبقى فيك
ملاك: 5 ايام 6 ايام بحال هاكا
اورطيغا: صافي نقضيو الغراض بفمك وبز*** (خرجت عينها) ههه نوضي نخرجو نضربو دوييرة بالطموبيل مزال شتا تطيح وغدا ان شاء الله نمشيو لاوريكا !!
خرجو ضارو فالمدينة عاجباها مراكش فالليل ورجعو لوطيل تعشاو وطلعو دارو فلم كيتفرجو ويجمعو حتى نعسو…
~~~~~~~~~~~~
اصبحنا واصبح الملك لله..
أمينة: (مصدووومة من الخبر وصلها عمر لكلينيك كتبكي)
مكنتش معاه عرفتو كان عيان وسمحت فيه
عمر: متبكيش اخالتي وتفايلي بالخير ان شاء الله مايكون وقع ليه والو
وفاء: مغيكون وقعلو والو اطاتي غير صبري راه خاصك تكوني قوية (هوما وتخلعو حيت وصلها خبر انه كيحتاضر)
أمينة: (كتبكي وتخبط ففخاضها حتى وصلوها كانو سبقوها ولادو والعائلة دخلت تماك كتسول وهوما كيبكيو)
اويلي ماات؟!!!!
سعد: (كيشوف باشمئزاز فيها خرج من تماك كيهضر فالتيليفون مع الݣزارة)
حميد هانتا واقف عليهم كمل غير داكشي لي كاين هاد صباح وصيفط السلعة لكل محال من غير محال لي فالسعادة هداك غيتسد هاد ليام..
لا مغنجيش لا انا لا دراري!!
(رجع لداخل وهو يصوني ولدو توفيق عليه خرج برا عاود)
شنو علاش مصوني؟!!..
شكون قالها ليك؟!…
اه جدك مريض بزاااف….
حمااار تتفايل عليه بالموت؟!!!!
بلاتي ونهضر معاك ومتبقاش تصوني حتى نقولها ليك!!!!
راه الا رجعت هنا مصييرك الحبس والا نجيتي منو مغيزݣلكش ولد الݣرسيفية وتاليتها غيشدك يوسف وخوتو!!!
عمر: (كان حداه شوية هو سمع ولد الݣرسيفية عرفو كيهضر على مراد وشكون المقصودة مهم هو لي غيعرف غيوصل لمراد هادشي بالحرف!!)
أمينة: (كتبكي كفاش الحاج قلبو ضعيييف بزاف كان عيان ولكن داك لعيا العادي ديالو شنو وقع دابا؟؟! كولشي كيهضر على موتو حتى واحد ممتفائل)
مفتاحة: تبارك الله هاد العروسة لي جبتي دخلت بخيرها علينا
أمينة: (دموع فعينيها) بعدي مني امفتاحة هاد الساعة !!!
مفتاحة: وا نتوما لي بعدو منا الحاج لي كان جامعنا ها هو تيودع اختي بعدو منا خرجتوا عليه نتي وولدك ياك الالة ماشي ولدو ودار فيه وفيك غير خير ردوه حتى نتوما وبعدوه هاد الساعة خلي ولادو وعائلتو يشبعوو منو شوية
وفاء: طاتي ياله نمشيو
أمينة: (مشوووكية)
سعد: (رجع لداخل سامع كلام مفتاحة) منبغيش نشوف ولدك تيدور بداك المحال وديك الدار ديال السعادة ماشي مشكل تجمعك نتي وياه
(مفخباروش الدار لي شرا مراد حدا مو)
أمينة: (كانت عارفة هاد نهار غيجي ولكن الحاج مزال حي واش لهاد الدرجة فقدو الأمل)
انا غنبقى حدا راجلي
سعد: خلينا كلاص معاك وخرجي بكرامتك حسن!!!
وفاء: (منين شافت القضية حامضة جرات أمينة لي العائلة تماك كولهم بفم واحد باغيينها تمشي وكيغوتو عليها تخرج محست حتى بقات كتبكي كان موقف خاااااايب)
طاتي صافي ياله نمشيو
أمينة: بغاو ولا كرهو انا مزال مرت الحاج ومااااا حد الحاج مزال كطلع الروح وتهبط فيه غنبقى حداه
شفيق: (بأمر) ياله لباب
وفاء: حتارم راسك ابنادم وعرف كفاش تهضر مع لالاك
شفيق: (باستفزاز) نتي وياها تحركو من هنا
أمينة: (كتبكي مقهووورة على الحاج وعلى هاد الموقف) اشمن عيب درت فييييكم باش راكم ديرولي هاااك!!!!
وفاء: صافي ياله نمشيو اطاااتي
(جاو السيكيريتي باش يسكتوهم حيت المرضى تشكاو من صداااعهم، بقات كتجر أمينة حتى خرجت من تماك)
حنا نشوفو مع شي فرملية هي تعطينا الخبار
أمينة: منݣدش ابنتي نمشي ونخليه!!!
وفاء: طاتي بلا متبقاي هنا نتي الا صبرني انا ولا عمر ولا مراد الا جا عاود شي كلب كيطرد فينا مغنصبرووووش
أمينة: (بقات غير مصدومة ميمكنش تمشي راه راجلها هداك وعاد خيرو عمرها تنساااه تفكرت سعد منين قالهاا ولدها خاصو يخوي المحال هنا مشكل ااااخر وكبييير جا عندهم عمر وهي عقلها طاااير حتى مشاو كيهضرو مع فرملية لي خداو نمرتها باش يصونيو عليها يعرفو احوالو مع تدويرة منهم وصيفطلها عمر روشارج داوها للدار وهو يصوني اورطيغا عليها عرفت الخبار وصلاتو حتى وميوصلوهالوش هوما الخدامة غيقولوهاليه)
اولدي!!
اورطيغا: (ملاك كتمنظر فداك الما والخضورية والاجواء لي كانو تماك… كانو فأوريكا.. مبعد عليها)
شنو واقع الحاج ؟؟
أمينة: (كتبكي) معرف اولدي مكنتش معاه و مولاش شي واحد عطا راس الخيط لي فهمت كيݣولو قلبو عيا
اورطيغا: الخدام قالي الحاج تيموت!!
أمينة: (بقهرة) الله يطول فعمرو هادوك ولادو لي راهم يفايلو عليه
اورطيغا: فينك نتي؟!
أمينة: راجعة للدار
اورطيغا: سبݣو عليك؟!!!!
أمينة: مجرا علية حد انا لي عييت بغيت نرجع للدار
اورطيغا: حتى منكونش تنعرفك!!؟ نتي تخلي الحاج وتمشي ؟! هضري واش جراو عليك؟!!
أمينة: امجرااااا عليا حد ها عمر ولد خالتك معايا سير اولدي الله يرضي عليك تسارا نتا ومرتك (قطع عليها)
ياااا ربي يااااا ربي الا مداااوي الحال يا ربي شافيه وعاااافيه
وفاء عمر: أمييييين…
أمينة: عمر اولدي الا جا ولد خالتك بقا معاه حيت غيدير شراع يدو وهوما بزاف وهو غير بوووحدو
عمر: متخافيش
أمينة: (بتنهيدة) تخاااف اولدي انا لي عارفاه وعارفة شنو يدير الا عرف شي واحد قلل مني
عمر: علاش قلل منك شي حد؟!
أمينة: لا غير حساب ليه وصافي….
اورطيغا: (رجع جلس فالداخل غياكل جناابو هي بقات كتشوف شي ݣروب خالقينها نشاااط والدقة المراكشية جبدت تليفونها تصور وهي غير كيشوووف)
ملاك: هاد زمر رجع مضبب فالتصوار ديالو (دارت بناقص من التصوير)
اورطيغا : رجعو ونبدلو ليك
ملاك: معليش.. اصلا مكنتصوش بزاف…. تعطلو فلغدا
اورطيغا: شوية ويجيو
ملاك: الدنيا غزااالة هنا نعاودو رجعو غدا ان شاء الله ؟!
اورطيغا: ان شاء الله
ملاك: (كتجبد منو الهضرة حيت بانلها دغيا تقلب المزاج ديالو) شنو بغاك هداك لي عيط عليك؟
اورطيغا: شي حاجة فالخدمة
ملاك: (شافتو معصب قالت تخليه على خاطرو حتى يبرد على خاطرو هكا قالها كيبغي باش ميخلطهاش مع الموضوع ويصدقو مخاصمين.. تحط الطاجين وشلايظ فريت أتاي بقات كتاكل وهو والو)
مراد متاكلش!!
اورطيغا: هانتي كولي انا جاي (قبل متهضر ناض خاصو يكمي ضرووري صونا على شريف فلواتس كان طافي صونا على يوسف كان فالخدمة)
…صافي الله يحفظك شوفلي شنو كاين ورد علية…
..انا تنتسناك ايوسف راه واقلة مشات لتماك وحركو عليها…
..واش انا متنعرفهمش!!! نتا غير تأكدلي…
..صافي واخ…
(قطع صونا على سعد مجاوبوش)
ولد **** انا نوريييك!!
(رجع عند ملاك كانت كتاكل جلس حداها وهي تحبس باغا توكلو وحرك راسو بلا)
ملاك: واش متاكلش؟!
اورطيغا: غرجعو املاك لفاس!!!
ملاك: (بصدمة حطت لفريتة لي كانت هازة) علاش؟!
اورطيغا: (عاودلها شنو واقع) منقدرش نخلي الوالدة بوحدها
ملاك: (مقدرت تقول والو بقا فيها الحال وكواتها فقلبها حركت راسها باه)
اورطيغا: نقاد الامور ونعاودو رجعو هنا
ملاك: (مكتهضرش حتى الماكلة مقدرتش تكمل والبكية غير حشمت انا تبكي على زهرها!!! ناضو من تماك هو جمع داكشي لي بقا اومبورطي تمو ماشيين فسكاااات دازو من حدا شي وليدات فطريق لمراكش عطاهم داكشي دلماكلة رجعو لوطيل هو مشا لريسبشن وهي طلعت لشومبر جمعت حوايجها مفقوووسة مفقوسة جمعت ليه حوايجو حتى هو وبقات كدور تقلب واش نسات شي حاجة مسخاتش بالشومبر ياله جاو مكملتش حتى يوماين فيها و ها هوما راجعين واخا جاتها ليغيݣل ولكن مزال متسارات موالو.. دخلت للدوش تفكرت غير لبارح كانت طايرة بالفرحة وكانت مزال بغات ترجع الجاكوزي ترولاكسا فيه طلع عندها عاود قلب من موراها وتمو هابطين مكيهضروش مع بعضياتهم هو معصب وهي مفقوسة طلعو الطموبيل زادت تغبنت فالداخل ديالها مشرات حتى شي سوڤونير من مراكش!! شدو طريق شاف فيها شد يدها وشافت فيه)
اورطيغا: حبيبة عارف كنتي باغية تساراي وكنت واعدتك نمشيو لبزاف لبلايص غير زيدي صبري معايا راه منقدرش نبقا هنا وانا عقلي كولو مع الوالدة وعارف دوك الكلاب غيكونو حݣرو عليها..
ملاك: لا بلعكس خاص نمشيو حداااها
اورطيغا: من خاطرك ؟
ملاك: كما هي مك راه حتى انا عزيزة علية
اورطيغا: (باس يدها اه بقات فيها السفرية ولكن أمينة عندها عزيزة بزاف وحست بيه غيتفرݣع باغي غير امتى يوصل عند مو..)
سعد: (عرفو من طبيب حالة الحاج حرجة شوية هوما كيديرو خدمتهم والباقي على الله المشكل كان فالجهاز التنفسي ديالو ماشي القلب كما اعتاقدو صيفط العائلة للدار وبقا هو حيت تسالات موعد الزيارة صونا شريف عليه كان وصل لكازا ومن تماك غيجيو نيشان، عيط على شفيق دار داكشي لي وصاه عليه سد المحال ديال اورطيغا وطرد الدري لي معاه)
صافي مزيان دوزلي الساروت ياك بدلت الفرخة؟؟؟
شفيق: اه، ومن هنا نقولهالك المحال غيبقى لية
سعد: لا ليك لا لية المحال غيشدو شريف
شفيق: وعلاش شريف؟!
سعد: ياك هوما خوت هو والشمكار ارا نشوفو الأخوة لي بيناتهم كدايرة منين توصل للمحال
شفيق: ولكن شحال وانا باغيه وحتى ولدي من ديما تنواعدو هو لي غيشدو
سعد: وحتى ولدي باغيه وفضلت خونا عليه
شفيق: هاد الساعة اللهم فشريف حتى نشوفو القسمة من بعد هادشي الا مكانتش كاتبو للݣرسيفية وولدها
سعد: كاين الطعن راني سولت متخافش
شفيق: هي مقاد كولشي
سعد: مغنخليش رزق با داااايع للمنوالا عاشو معانا وبخيرنا كلاو وشربو ولبسو بزاف، من مور الحاج هاد الصداقة غتسالا وكولها يشد طريقو ياك هو روييييجل والنفخة يمشي يقلب على طرف الخبز فقنت اخر
شفيق: والدار لي فالسعادة
سعد: (زفر) هاديك مكتوبة ليها من اللول بيع وشرا من شحال هادي، انا لي تنفكر فيه هو الطموبيل لي عندو كفاش نحايدوها ليه
شفيق: الله يسمح للحاج وصافي داكشي زايد اولا فولادنا وفينا وهو كيعطي البراني
سعد: مهم هو ماشي بعيد غيجي غدا
شفيق: علمت البوليس؟!
سعد: حتى يدير علاش ولكن قلتها لواحد صاحبي قالي خاصو حتى يتعدى باش يتشد متلبس باش نصيفطو فين يتعاودولو ترابي
شفيق: الا كانت شي حاجة علمني
سعد: صافي..
شفيق: متأكد مغيكونش كاتب ليه هاد المحال
سعد: لا مكاتبوش ليه وعاد شي يامات قالهالي كولشي مزال فسميت الواليد من غير ديور دياولنا…
اورطيغا: (وقفو فساحة الاستراحة مشات لطواليط كان فيها شوية دالحريق وخاصها تبدل بقا كيتسناها برا كيكمي رجع صونا على مو لي كتعرف اخبار الحاج من الفرملية لي واخا غتخرج غتعطيها نمرة لصاحبتها لي غتشد عليها لݣارد)
أنا جاي
أمينة: أحاااااي على جاي
اورطيغا: وشنو نخليك بين دوك لكلاب؟!!!
أمينة: نعل الشيطان اولدي وخليك نتا ومرتك انا راه معايا ولد خالتك ومرتو
اورطيغا: بقاتلي شي 150 كلم ونكونو تماك
أمينة: ها علاش مبغيتهاش توصلك!!!!
اورطيغا: اوا ختاصريها علية وقولي واش جراو عليك ولا لا؟؟؟
أمينة: لا
اورطيغا: امينة!!!
أمينة: شوف اولدي السخط السخط السخط الا مشيت عندهم منين توصل رجليك نيشان عندي للدار
اورطيغا: (يعني اه جراو عليها)
أمينة: راك تسمعني ولا لا؟!!!!
اورطيغا: حتى الدري لي فالمحال عيطلي، جراو عليه
أمينة: وغدا غتحل المحال ديالك الحاج داير ليك كونطرا دلكرا مننحق حد يجري عليك كولشي عندنا بالقانون
اورطيغا: (خرجت ملاك) الله يهنيك (قطع عليها وشاف فملاك شادة فكرشها كان فيها شوية دالحريق، بدل نبرة صوتو)
مالكي؟!
ملاك: غير شوية دالحريق يمكن من البرد وصافي
اورطيغا: تاخدي شي حاجة سخونة تشربيها؟؟!
ملاك: اه (دخلو لكافي لي تماك خدا ليها لويزة وهو بغا قهوة كحلة ومخلاتوش حيت اصلا مواكل والو بقات عليه حتى خدا أتاي وحلوى مغربية بقا كياكل كيعاود ليها على المحال شنو وقع ليه)
حبيبة انا قلت ليك نبيع طموبيلتي ودير شي حاجة كري شي محال وجيب شي حوالة نتا تعرف فداكشي
اورطيغا: خوي راسك انا عندي رزقي أملاك مواقفش على داك المحال
ملاك: اوا صافي خليه ليهم زبلهم معندنا منديرو بشي صداع عندنا مستقبلنا نفكرو فيه وداكشي غيبقى يجبد لينا غير المشاكل وكل مرة يبقاو يهدو عليك
اورطيغا: لا !!! حسكا داك المحال مغنخويهش دابا انا لي كبرت داكشي ودرت كلياني باش نجي نعطيهم ليه هكاك
ملاك: غيربحوك بالقانون امراد
اورطيغا: نهار يموت الحاج الله يطول فعمرو ديك الساعة هضرة اخرى اما دابا لا…
ملاك: وشنو ناوي دير
اورطيغا: خوي راسك من هادشي متخافيش طريق لي بغاو يجروني ليها باش نطيح ليهم مغنديرهاش
ملاك: بالصح خايفة عليك
اورطيغا: متخافيش احبيبي عاااارف شغالي وعارفهم علاش مطويين وعارف كفاش غنصدم البشري
ملاك: الله يصاوب وصافي
اورطيغا: (مفقوس شرب من أتاي) انا يكون عندي داك الأب!!! نبقى نصلي عليه كل صباح صلاة الشكر!!!! (زفر فكرة الحاج يموت كتمرضو كملت هي ديك لويزة مشات للمحال خدات قوة سقااطة وهي مستغربة من الأثمنة لي مضووبلة على الثمن العادي خلصت من كارت ݣيشي ديالها قبل ميجي حيت كان كيهضر فالتيليفون مشات الطموبيل ولحق عليها شادين طريق لفاس مهتم بيها واش فيها لحريق وشادين طريق بالهضرة كفاش بدا المحال وكبرو ودار كليان ديالو…)
أمينة: (عمر مخلاش العائلة يجيو بحجة أمينة مكيناش فدارها باش تبقى براحتها، الحالة لي كانت فيها خايبة غير مهمومة مرة تبكي مرة تسهى من مور اتصال ولدها ناضت للكوزينة كدير لعشا بقات كتعاونها وفاء)
بنتي من غدا بغيتك توقفي على راس ملاك تخليها تاكل داك تمر لي ݣاديت ليها بحب رشاد
وفاء: داكشي لي كنتي صايبتي لخديجة؟!
أمينة: واه… (سكتت شحال وشافت فيها) ياكما حتى نتي بغيتي باش تحملي؟! راني ݣاديت بزاف حتى نتي هزي حقك وبداية تاكلي
وفاء: ههه غضوري عندي عاود انا؟!!!
أمينة: أنوووضي تولدي يا الهبيلة لوراق يخرجو يخرجو جيبي شي وليد ولا بنيييية يعمرو عليك وقتك هنا!! انا نعاونك فيها ونيت متبقايش بوحدك منين كيمشي ولد ختي
وفاء: خفت من المسؤولية اطاتي
أمينة: ياك هازا راسك من شحال هادي وعندك دبلوم وعمر مهلي فيك اش مزال خااااصك الا على توعويع انا نهزك حتى يجي ولد ختي يديك
وفاء: خاصني هو يكون
أمينة: بنتي سمعي مني لوراق تعكسو وراك سمعتيه مزال خاص الوقت، العمر كيجري محد عندك العقل والخاطر ديري ونييس متبقايش وحدك
وفاء: (بتنهيدة شحاال وهي باغا ولكن كتفكر بعقلها بزااف)
يكون خير
أمينة: الخير راه فالبيت وقرب يمشي عمري ديك الكرش ولي تقالت عليك خفافت علية
وفاء: هه (عنقتها) حتى ونتي مفقوسة غزززيييييولة
أمينة: الله يكمل عليك بالخير احبيبتي صوني على ملوكة شوفيهم فين وصلو
(دارت لحم مبخر بالخضرة صوطي وقدات زعلوك واخا معندها خاطر ولكن راهم مزال عرسااان براكة غير جاو على قبلها وهوما عرسااان ويتبع مدوزين نهار ونص فشهر العسل!!)
وفاء: (مشات لبيت اورطيغا بدلات الكوڤر وطلقت معطر الجو شافت حوايج ملاك مزال فالباليزا حلاتها كان اورطيغا مخلي ليها جيهتها ستفت ليها لحوايج كولشي قداتو فبلاصتو حتى من دوبياس طواتهم جا عندها عمر ودخل لبيت)
غتمشي؟!
عمر: نتي غتباتي هنا؟!
وفاء: عزت علية نخليها بوحدها
عمر: وفاء انا توحشتك (فهماتو وتبسمت) نتعشاو ونمشيو لشي اوطيل
وفاء: صافي واخ!!! على متجي ملاك ومراد نتعشاو معاهم ونمشيو
عمر: الا صونات عليك الوالدة متجاوبيهاش
وفاء: واش حنا تنسرقو؟!!
عمر: مكنسرقوش غير مبغيتش تبقى تقوي الهضرة قدام بنادم
وفاء: واخا عمر
عمر: بعد غدا منين وصلهم لݣرسيف نرجع ونمشيو لشي بلاصة
وفاء: ان شاء الله…
اورطيغا: (وصلو لفاس كيبان ليه غير يمشي نيشان عند ولاد الحاج يفرݣعها معاهم يا قاتل يا مقتووول شاف فملاك نااااعسة مشا نيشان عند مو لي محتاجااااه هاد الساعة وعلى قبلها يسمح فكوووولشي، وصلو الحومة قرس حنك ملاك بشوية)
تبارك الله على جدة لي مونساني فطريق
ملاك: (كتوݣض) وصلنا؟! نعست غير شوية
اورطيغا: عولت عليك بكري
ملاك: ههه محسيتش براسي والله (كتجبد هبطت هو خرج باليزتها اما هو عندو صاك ظهر طلعو للدار وحتى هو باين عياان مرتاحش ݣاع وكاين مسااااافة بين فاس ومراكش حلت ليهم أمينة مستقبلاهم غير شافت ولدها تعانقو وهي كتبكي دخلها اورطيغا وهو كيواسيها عمر جر الباليزة سلمت ملاك على وفاء وتبعوهم عاد أمينة ضارت كتعنق ملاك وجلسو)
اورطيغا: واخا عاوديلي من اللول غير شنو وقع؟؟
أمينة: الولاد دارو باهم مات ودفنووه ايييييييه على الحاج ولد ربى وكبر وعطاهم خيرو وفالتالي ها باش جزاوه!! زهر لي عندو هو راه مغيب مسيكبن ومشافش هادشي لي دارو هاد لكلاب
اورطيغا: اممم، والحاج كيف بقا دابا؟
أمينة: حالتو هي حالتو اولدي المشكل عندو فالتنفس هادشي لي فهمت من عند لفرملية ويقدر يدير شي عملية مفهمتش واش ريتو منفوخة ولا عندو لما
اورطيغا: شفتيه؟
امينة: مكيخليو حد يشوفو ناعس فديك لبلاصة لي كنت ناعسة فيها انا فاش درت لكسيدة
اورطيغا: اممم (مسح على وجهو كيحك لحية ذقنو)
غدا نمشيو نشوفوه
أمينة: لا اولدي
اورطيغا: الوالدة حنا ماشي فغاابة غنمشيو نشوفوه وان شاء الله يولي بيخير كوني هانية مكاينش لي يهضر معاك نص كلمة
عمر: انا كنت برا معرفتش راه دارو معاها شي حاجة
أمينة: مدلرو والو انا غير معجبنيش الحال كيف ردو باهم ميت وهو حي ها وفا كانت معايا
وفاء: لا طاتي هوما ماشي غير داروه ميت فرقو الورث وظاروك برانية قولي الحقيقة باش مراد يفهم ماشي يتعامل معاهم مزيان وهوما كينافقوه
ملاك: علاش كتخبعي عليهم
اورطيغا: انا عارف مغيزݣلوكش ونتي بوحدك
أمينة: (كتخنزر فوفاء) نوضي شوفي واش طاب داك لعشا منين كتشعلي لعوافي كتشعليهم شوفي مع داك لحم يطيب دغيا
عمر: ههه
أمينة: (شافت فولدها لي سهى عارفة فكتفها راجل ولكن خايفة عليه بقات غير ساكتة ناضت ملاك لبيتها بدلت وجات لابسة بيجامتها مع بينوار طويل )
اجي ابنتي حدايا
(جلست حداها بقاو كيهضرو وفاء فالكوزينة كتوجد شرمولة الخضرة باش تصوطيها ناضت أمينة كتعاون وملاك جالسة كتهضر مع مها فالتيليفون اما عمر ومراد طلعو لسطح باش يكمي تحط لعشا تجمعو عليه كياكلو واورطيغا كيوكل مو بالسيف كملو جمعو الطبلة وفاء جمعت الكوزينة مزيان غسل لماعن مسحت وستفتهم وجففتها أمينة دخلت لبيتها تابعها ولدها كيهدي فيها وفاء وعمر مشاو يباتو فشي اوطيل ياخدو راحتهم…
اما ملاك دخلت للبيت ديالها شعلت التلفزة حست بالبرد شعلت الشوفاج نقست الحوايج بقات بكولون وديباردور بلا سوتيان جمعت شعرها سفنجة رشت من بارفانها داىت ݣلوص ديالها واخا فيها الا بغات تبقى بأناقتها حداه! بقات كتسناااه تعطل بزااف بقا فيها الحال اه هوما دابا فحالة خاصة ولكن راه مزال عرسان جداااد!!! غمضت عينها حتى سمعت لباب تحل شافت كان هو)
اورطيغا: حبيبى مزال فايقة؟!!!
ملاك: مزال
اورطيغا: (هز حوايجو شاف حوايجها مستفين مطويين ومقادين هز فوطة)
انا ندوش ونرجع حدا الوالدة مجاهاش نعاس، حبيبة الا جاك نعاس رتاحي انا مزال مقصر مع الوالدة شوية…
ملاك: (تسناتو بزاف مجاش عينيها كيغمضو بنعاس بقات فيها أمينة اه!! ولكن ضرها خاطرها علاش مجاش عندها حتى هي راه كان فيها الحريق واخا غير شوية ولكن كان اهتمام كبييير منو فهاد اليوماين ودابا مخليها بوحدها ومزال عرسان واش زعما غي حيت فيها ليغيݣل معندو ميدير بيها ولا شنو؟!! هزت تليفونها كان مشا الحال بغات تعيط على مريم ختها غتكون ناعسة غمضت عينها حتى مشات فنعسة ولكن منزاااااعجة!!!)
~~~~~~~~~~~
أصبحنا وأصبح الملك لله..
اورطيغا: (فاق مخربق لدابا مشابعش نعاس شاف فملاك نااااعسة معنقة وسادة صغيرة وهادشدي قاعدة عرفها فيها كتنعس معنقة لوسايد!! ناض خرج بلا حس من حداها، كانت مو فالكوزينة كسمعها كتقرقب لماعن، دخل لطواليط قضى روتينو توضا وخرج عندها كانت كتوجد الفطور وباين الهم مسيطر عليها باس راسها)
الزين هانتي مبكرة؟!
أمينة: علاه انا نعست ولا شفتو؟!
اورطيغا: وزعما هضرنا لبارح
أمينة: شفتي لوكان نصيب نجيبو هنا نݣابلو حتى يموت ولا نموت ومنخليهش ليهم
اورطيغا: حتى دابا غتمشي وغتشوفيه وغتجلسي حتى تعياي غير يتݣعد ويبرا سيرو ديرو شي عمرة
أمينة: مبغيت صداع وراني هضرت معاك البارح اولدي نعرفك درت شي حاجة نهز شراوطي ونمشي نتيه
اورطيغا: الله يهديك الوالدة صافي هضرنا
أمينة: واخ، اوا دابا منين جبت البنت من مراكش ناوي تخليها غير فالدار؟! راه مزال عروسة
اورطيغا: لا غنخرجها
أمينة: اوا
اورطيغا: صافي انا وياها مفاهمين غير شي يامات نمشيو لشي بلاصة انا دابا معندي فين تتحرك
أمينة: هاد الليلة بعدا سيرو تعشاو فشي بلاصة
اورطيغا: غنمشيو نتعشاو مجموعين
أمينة: لا سيرو غير بجوج
اورطيغا: وصافي أمينة غنمشيو مجموعين هي مجموعين (خرج من الكوزينة مشا للصالون صلا صلاتو رجع عندها باش يشوف شنو ناقص رجع لبيتو لبس كيطمة ديالو وهو كيشوف فيها مغيبة دق على باب ماريوه والو مكتحركش!! هز فلوس مشا لباتيسري شرا أنواع الحلوى لي يقدرو يعجبوها وحتى كرواصة انواع كل نوع باش عامر ورجع للدار عاون مو يحط لفطور ومشا عندها للبيت كانت كتفيق)
ملاك: (كتفوه) شحال الساعة؟!
اورطيغا: 8 ونص ازين
ملاك: (مخسرة كمارتها) ومالكم؟!!!
اورطيغا: ههه شنو نعسو حتى 12
ملاك: لا ولكن!!
اورطيغا: حتى واحد مقالك نوضي ودابا الأميرة ديالنا فطور موجود وفوق الطبلة تقدري تنوضي
ملاك: كطنز علية؟
اورطيغا: هه (نوضها وجرها معنقها وحنا باسها) نفطرو نمشيو نشوفو الحاج ورجعو للدار ترتاحي باش فالليل على منكمل الخدمة عارض على حبيبة ديالي لبلاصة زوينة
ملاك: (فرنست) بالصح!!
اورطيغا: وغتكون معانا الوالدة
ملاك: معنديش مشكل بلعكس غتفوج مسكينة شوية…
كملو الفطور ملاك جمعت معاهم لماعن اورطيغا هو لي غسل لماعن مخلاهاش تقيسهم هي مشات كتجمع البيت لي ديجا مجموع من غير بلاصة فاش كانو جالسين ودخلت للبيت لبست حوايجها دخلت عندها أمينة
أمينة: (منين شافت اولويز عرفتها جاتها) واش جاتك؟؟؟؟ ياك؟!
ملاك: (تحرجت) اه
أمينة: (كانت كتمناها تحمل) معليش!!! راني حطيت ليك تمر بداي كتاكليه حتى نديرلك لحمام تعرݣي عليه!!
ملاك: اه شفتو
أمينة: ياكما فيك الحريق؟!
ملاك: لا لا مزيان
أمينة: انا وصيت على شي حمامات غتجيبهملي واحد السيدة بلاتي ونطيبهم ليك لغدا (دخل اورطيغا سكتو كملت ملاك كتلبس معاحبهاش الحال اه حتى هي باغا تحمل ولكن الاصرار ديال أمينة جاها فشكل راه ياله 3 أيام باش معرسة! والطريقة فاش شافت باكية اولويز وتخلعت جاتها ناااقصة!!!
خرجو متوجهين نيشان للمصحة وهي اللور كتسمع الحديث ديالهم وساااكتى)
اورطيغا: نتي شنو بغيتي تبقاي ولا ترجعي للدار الا مجبتكش انا ملاك تبقى معاك تجيبك فتاكسي
ملاك: (فنفسها ياك قالها ترجع للدار باش ترتاح!!)
أمينة: (حركت راسها باه وصلو خايفة من شي صداع وخايفة بزاف على ولدها لي حتى هو عافية، دخلو كانو العائلة تماك بحال لبارح كولشي كيشوف فيهم بلا متحس رجعت حدا ولدها لي هاز راسو دافع صدرو وملامح وجهو باااردين وكما كان متوقع وقفهم سعد)
سعد: الحاج مزال فالعناية
اورطيغا: وايلي مزال مفرحووك وقالو ليك راه مات
سعد: (تبسم باستهزاء) مزال
اورطيغا: (لعب بلسانو فوسط فمو) الوالدة غتبقى هنا يهضر معاها شي ق*** فيكم نقلبوها مها هاد لكلينيك شي يبقى فيه شي لقبر شي لحبس
سعد: تبقى شكون منعها
اورطيغا: متنتسناش الموافقة ديالك اسي تنقووولك شنو غيوقع
سعد: حنا مبغيناهاش لبارح تعيا على والو
أميمة: الله يمسخك ماشي طردتني لبارح
اورطيغا: (مقرب وجهو ليه ملاك شدت فالكابيتشو ديالو) الوقت لي ضيعو فالمعاطية مع العيالات سير قلب على محامي لولدك!! غنخلي الوالدة هنا وانا غنمشي للمحال ديالي ونعيط على حميد لي فالفيرمة دݣيݣو يصيفط الغنم الفيرمة لي مزال مكتوبة بسميتي
سعد: (هنا وساعو عينيه حيت هو هاديك الفيرمة لي حاط العين عليها وحسابلو رجعها للحاج)
أمينة: (مخنزرة فيه وجهو تبدل منين سمع حس الفيرمة)
ملاك: (تبسمت سامعة على هاد الفيرمة كبيرة وتشرات بزبالة فلوس هنا فهمت منين كان كيقولها عندي رزقي ومبغتهاش تبيع الطموبيل تخيل بدل ليها الطموبيل وشرات شي وحدة أخرى، غير حشمت اما تزغرت بالفرحة)
اورطيغا: خليك مشيشة باش منمشيش نبيع مها ونخليك تتركل
سعد: معندكش الحق تبيعها
اورطيغا: ممكتوباليش احمييدة من اللول مشرية بسميتي وجري طواالك ديك الساع
ملاك: هه
اورطيغا: (جر مو مخلياه غير كيصوط وملاك بقات كتقلي السم لسعد بحواجبها وتبسم بسخرية عليه)
ملاك!!
ملاك: (تبعاتو ومشاو كيطلو على الحاج ممنوع لي يدخل عندو بقات أمينة تماك وملاك جلست حداها اما اورطيغا مشا المحال ديالو كيعيط على الدري يرجع يخدم معاه…)
أمينة: (كتشوف فيهم من نهار حطت رجليها عندهم حتى واحد مبغاها حتى واحد محملها وهي كانت كتعاني معاهم فغياب الحاج ومكانش عندها حل، حيت الحاج كان منقذ ليها هي وولدها لي عاش معاها عام فالرياض وهرب ليها كان كيجيبو غير الليل حتى شدو الحاج بالسيف عليه مدخلو لعالم لݣزارة خير الحاج عمرو يتنسى زائد فاش تزوجاتو كانت مزال صغيرة وكانت كتبغييييه وباقي كتبغيه ومسخااتش بيه تغرغرو عينيها بدموع مخايفاش يموت وتموت بالجوع راه عندها ولدها يهزها فوق راسو خايفة ترجع بوحدها وكتشوف ملاك هي المنقذة ديالها داكشي باش بغاتها تحمل اليوم قبل غدا)
بنتي شربتي ديك لحريرة؟!
ملاك: (معجبهاش الحال عاود موضوع لحمالة منين جات لبارح فوقما شافتها كتسولها غير واش كلات واش شربت داكشي باش تحمل) اه
أمينة: قربت تمشي منك؟!
ملاك: باقي
أمينة: شحال كتجيك من نهار
ملاك: (فنفسها اللهم طولك يا روح هاد الموضوع مكانتش كتناقشو حتى مع مها) كتجيني 3 أيام ويوماين غير وسخ
أمينة: صافي حتى لغدا ونديرلك واحد التخليطة جلسي عليها تسخن ليك الوالدة وتنقيها
ملاك: علاش؟
أمينة: باش تحملي دغيا ان شاء الله
ملاك: (كانت غدور فيها ونعلت الشيطان) الا كتاب
أمينة: راه ختك خديجة هكا بقيت عليها حتى حملت
ملاك؛ داكشي بيد الله اخالتي أمينة
أمينة: (سكتت حيت شافتها تعصبت وبقات كتنهد وهي تقلب تفكيرها كولو فالحاج وكدعي يقومو على خير)
ملاك: (تعصبت بزااف كتهضر معاها بحال الا هي عاݣرة ولا كبييييرة فالعمر راه ياله تزوجت!!!! متوقعتش منها هادشي راه حتى هي بغات تحمل..)
صافي نمشيو؟!
أمينة: غير سيري ابنتي انا مزال شوية
ملاك: (وقفت) انا نمشي لشي غراض منين تبغي تمشي عيطيلي نجي عندك
أمينة: واخا ابنتي الله يرضي عليك.. (مشات ملاك خرجت من تماك شدت تاكسي مشات لطبيبة لي دوزت عندها خديجة…)
اورطيغا: (مشا المحال لي بدلو ليه الساقطة جاب معلم حيد ديك الساقطة ودار وحدة أخرى دخل لتماك مكانو هزو والو من الوراق والفلوس ولكن مخلاوش لحم صونا عليهم باش يجيبولو لحم وبقا تماك كيخمم ويفكر هاد نهار كان عارفو غيجي ويديرو هادشي، دازت مدة صونا على مو عرف ان ملاك مشات رجع صونا عليها)
فين البنت جيتي للدار ولا شنو؟!
ملاك: (راجعة من عند طبيبة) لا عاد جاية للدار
اورطيغا: وفين كنتي بالسلامة
ملاك: غير مشيت دݣيت إبرة على لحريق
اورطيغا: بلا متعلمي؟!
ملاك: غير تعصبت!!! مك بقات علية على لحمل بحال..
اورطيغا: اه اه كفاش هاد بقات علية مك؟؟! هكا تهضري على أمينة؟!!!
ملاك: وراه..
اورطيغا: متهضريش هكا عليها!! (بقات ساكتة) فينك نتي؟!
ملاك: انا جاية (قطعت بقا فيها الحال مخلاهاش حتى تهضر ولا تكمل جملتها، رجع صونا مجاوبتش شدت تاكسي ورجعت الدار)
زهرة: (كيتغداو فجو عادي، جمعو الدنيا وشدت راجلها قبل ميرجع للقهوة) خاص نمشيو لفاس نطلو على الراجل
رشيد: واقلة نشوفو شي سكنة ففاس حسن
زهرة: مكرهتش
رشيد: بزاف كل نهار كنمشيو لفاس من نهار تزوجت خديجة وحنا ماشين جايين ماشين جايين بزاااف!!!!
زهرة: اوا طلب السلامة كل مرة شنو واقع ودابا الراجل طايح منطلوش عليه؟!!!! راه محسوب شيييخ بنتك
رشيد: نكمل الخدمة ونمشيو هانتي شفتي خويا دخل ينعس نخلي القهوة بوحدها باش نبقى ندير فصوابات ازهرة!!!!
زهرة: دير معاه مور العصر يشد عليك، وحنا نمشيو ومنها نشوفو ملاك راه رجعت من مراكش
رشيد: يكون خير… (مشا للقهوة حتى جا عندو السرباي علمو شي واحد كيسول عليه مشا كان شاب) مرحبا ولدي اش حب الخاطر
…: (وقف سلم عليه باليد معرف براسو) ادم شاربيل (رشيد جمع الابتسامة عرفو من عائلة زهرة حيت هكا كانت كنيتها) جلس اسي رشيد نهضرو
رشيد: (جلس باغي نيت يعرف اش بغاو مزال!!) هضر
….: (بدارجة مطلوقة حيت عايش فالمغرب) حنا مكنا باغيين من عند مليكة والو من غير تعرف على عائلتها
رشيد: يجيو عندي قبل
…: حنا عارفين مغتبغيش
رشيد: منين عارفين علاش مشيتو عندها وهي بوحدها كل مرة مصيفطين ليها واحد !!!
….: حيت كولشي فاش جاو بغينا نعرفوها عادي مكانت حتى شي نية اخرى لدرجة منين عرفنا عندها مشكل فالخدمة جدي داڤيد عاونها ماديا
رشيد: (بصدمة) كفاش عاونها؟! عطاها فلوس؟!
…: اه بيدي انا عطيتها فلوس حيت عرفها مغتشدهمش من يدو نيشان
رشيد: (خرج عينو بنتو وعارفها غتشدهم وهنا طلعت معاه فاش كملت فلوس الدار) شحاال!!
….: ماشي هادشي لي تيهم نتا بغيتي تعرف وانا جيت تنعلمك بغينا نتعرفو على بنات خالتي وحتى هي نتعرفو عليها مفنيتنا والو وحتى الا مبغيتوش جدي يكون ماشي مشكل البلاصة والوقت لي تبغيو نتوما حنا عرفنا القصة وحتى واحد متيلومها بغينا غير نتعارفو لا غير
رشيد: شحال عطاها؟!
…: سي رشيد فهمنا بعدا (حط كارت ڤيزيت ديالو فوق الطبلة كاحزها حداه) نتسناو اتصاالكم وتنعاود نقولهالك حنا مفنيتنا وااالو من غير نتعرفو عليكم وصافي حيت فأخر الأمر تنبقاو عائلة وتيشركنا الدم واخا ميشركناش الدين….
رشيد: (لاخر مشا وهو بقا غير كيفكر فهاد بنتو لي شدت الفلوس من عندهم خلاه عقلو خااارج!!!)
ملاك: (حطتها التاكسي كان اورطيغا واقف حدا كاميو دلحم لي كيجيبو ليه شافها تبعها عيط ومدارتش عندو حتى وصل ليها)
شنو!!
اورطيغا: مال مك على هادشي؟!
ملاك: (كتشوف فيه معصبة) شنو بغيت (جرها مشاو للمصعد طالعين للدار)
اورطيغا: فين كنتي؟!!
ملاك: راه قلت ليك درت شوكة دالحريق ومعلمتكش حيت عارفاك ممساليش
اورطيغا: وكفاش هاد مك ما مك ؟!!!
ملاك: انا مقصدت والو (وقف المصعد وتمت خارجة تابعها حل باب الدار وبقاو تماك كيهضرو) هي عصباتني بقات علية الحمل ما الحمل
اورطيغا: عادي قولها اه وسدي من دابا رجعنا املاك مك ومنعرف شنو من نهار اللول قلت ليك متجيش عندي شي نهار تقوليلي هادشي عمرك عمرك شي نهار تعاودي تهضري عليها هكاك ولا تحاولي تعمريني عليها!!!
ملاك: (بقات كتشوف فيه بقا فيها الحال هي مدارت والو وجا من جيهتها)
اورطيغا: دخلي تنعسي من بعد ونهضرو
ملاك: (جاتها البكية) معندي فين نهضر ومبقا منقول ياك مباغيش تسمع والو ومسمعتي اصلا مني والو غير باغي تغوت وصافي
اورطيغا: (معصب) من شحال هادي قلت ليك متجيش عندي شي نهار تقوليلي مك ما مك داكشي العيالات بيناتكم وحتى الا هضرت على لحمل غير بالفرحة وصافي… شوووو بلا ماندخلو فشي حوايج بعاد، دخلي تنعسي حسن
ملاك: (دخلت لبيتها زدحت لباب وهو جن جنونو تزدح لباب عليييه بقا مكالمي سد باب الدار بشوية وطرقو بالساروت وهبط اما هي جاتها لبكية بقات كتبكي حيت مدارت والو وكولشي تجمع عليها كلام أمينة على لحمل لغيݣل لي جاتها وحتى شهر العسل لي مكملاتوش فمراكش حتى واحد مفهمها كانت عارفة فرحتها مغتكملش اصلا عمر شي فرحة مكملات ليها لا فخطوبة لا نهار العقد وها حتى شهر العسل داز فيه نهار ومشا ودابا دابزو!!!!)
اورطيغا: (هي جات غير طريق دمو كان كيغلي شنو وقع لمو وفنفس الوقت مبغاش تكون شي حازازات بين مرتو ومو حيت اخر حاجة يبغي هو يكون حكم بيناتهم بغاهم ديما يكونو عسل وسمن بيناتهم.. مشا شاف داك لحم لي صيفطولو حيت من اللول مكيتيقش فيهم وزاد دابا كتر، كمل خدمتو مع الكليان ديالو وكيحاول جهدو كااامل يخليه متوازن بيناتهم بجوج وعاد مشاكيلو…)
ملاك: (خرجت من لبيت جايها جووع مشات للكوزينة)
كيتحماو فية وانا مدايرة والو والله منحمل ليهم ياله!!
(هزت حلوى لي بقات من الفطور كبت عصير مخلية العصير برا فوق البوطاجي هو وطاسة لي فيها الحلوى ورجعت لبيتها شعلت التلفازة كتحس بالقهرة صونات عليها أمينة مجاوبتهاش صونات مها حتى هي مجاوبتهاش وعاد باها)
متافقين علية هادو ولا شنو؟!!
(هي كتسنى غير لابيل ديالو باش يعتاذر، كملت الماكلة ورجعت تكات بقا فيها الحال بزااف من راجلها لي مكملتش حتى سيمانة وها هوما دابزو وتغاوتو….)
أمينة: (مدايرة فراسها والو مشات كتسول على راجلها والحالة الصحية ديالو طبيب بقى كيعطيها أمل وهي متفائلة وتايقة فحكمة مولاها، خلاها دخل عندو واخا ولادو بغاو يعتارضوو دخلت لابسة اللبسة دالبلوك بكات هضرت معاه واخا الأجهزة ضايرين بيه كتسمع غير صوتهم كان ناااعس مغمض عويناتو ضرها خاطرها على حالتو وبقى فيها كتر انه خلاتو عيان غير شوية حتى دابا كتشوفو مغيب!! خرجت لقات شريف لي كيبكي على حالة باه وصل وجاي هو وعائلة مرتو كان غيحماق حيت خوتو قالولو باه كيحتاضر شاف أمينة مشا عنقها وحتى هي)
متخافش اولدي باك مزال يحل عينيه ويرجع كيف كان
سعد: شريف!
شريف: (كيشهق بحال شي ولد صغير) قالولي تقدر تشوفو ولا تلقاه تحت تراب
أمينة: يعطيييهم مندبة متديش على خوتك راه واخا قااريين مفاهمين والو
دخل عند طبيب غيشرح ليك مزيان اولدي باك ايييه عيان مريض ولكن ماشي كيموت الاعمار راه بيد الله ماشي بيد خوتك
مفتاحة: اجمعي راسك اديك لكرسيفية
أمينة: نتي بعدا غتسكتي ولا نصيفطك صݣيطة دخلي تجبدي ليك شوية
شفيق: هادي غاتبقى هنا؟!
أمينة: وشنو غطردوني بحال البارح (شافت فسعد) عاااودلهم باش شادكم سييدكم والا زدتو طغيتو انا لي غنوݣف لولدي ميردهالكمش وديك الفيرمة والله متفرحو بيها شي نهار
شفيق: هااااا لي قلنا من اللول داخلين طمع
أمينة: وماشي غير الفيييرمة لي بسميتو الخبار فراااسك
(خلاتهم كيتنترو وخرجت هي غير بغات تمرضهم وصافي عصبوها السيد مزال الروح كطلع وتهبط فيه وهوما داروه ميت حتى من طبيب متفائل ماشي حتى قالهم ديوه لدارو هو كيأكد انه غيتجاوز هاد المرحلة وهوما قطعو ليااااس)
عائلة دلخ**
(صونات على ولدها باش يجي عندها خرج عندها شريف هو لي بغا يوصلها عيا معاها حتى بغات ومشات ركبت معاه فطموبيلتو وعلم اورطيغا باش ميجيش)
شريف: متديهاش فيهم اخالتي أمينة راه شي مرات متيعرفوش حتى شنو تيقولو
أمينة: انا وولدي مطامعين فوالو نتا عارف لوكان جات علية لوكان شحال هادي خليت ولدي يمشي من هنا ويتهنى منهم
شريف: (حرك راسو باه) وخا هكاك اخالتي متعاوديش انا منين عرفت نتي لي من مور داكشي تصدمت وعاد حتى يوسف جاراه معاك!!
أمينة: ههه باش الا تشدينا واحد يلسقها فلاخر
شريف: ههه
أمينة: (زفرت متنهدة) مبغيتش ولدي يمشي من هنا يتغرب فبلادات الناس بغيتو يبقى حدايا حتى يدفني
شريف: (تبسم) وبانلك غير تغرقيه فالمحاكم وتوسخيلو الضوسي
أمينة: هكا باش عمر باباه يحلم يمشي لبرا حيت الا مشا عمرو يعاود يرجع راك شفتيه دينا يهددني غنمشي غنمشي وكل مرة موجدلي كونطرات هكاك لقيتها باش ميهربش علية
شريف: (عرف انها هي لي كتصيفط الناس باش يشكيو بولدها عارفاه ديما غيخرج براءة ولكن هكاك كتخليه يتشغل ويبقى حداها وكان معاها فهادشي حتى يوسف لي كيخلي داكشي قانوني وفنفس الوقت اورطيغا ميتضرش.. وصلها لسعادة خرج عندهم تسالمو هو وشريف)
فين ملاك نبارك ليها
اورطيغا: حسبها وصلات
شريف: راها مرت خويا يعني بحال ختي!! وبغيت نعطيها الكادو ديالها
اورطيغا: جيب مرتك لريسطو **** وجيب كادوك معاك دابا شريييه
أمينة: اوييييل الشيطان حشوما اولدي راه خوك
اورطيغا: ياله ياله زلݣ ونتي طلعي للدار نسابي شوية يكونو هنا
أمينة: هههه غير هبيل ومسخر فيييك الله (سلمت على شريف لي مشا كيظحك بعدا فاجات عليه شوية وهكا كانت من نهار جات عندهم للرياض من ديما كانت حنينة عليه.. اورطيغا تبع مو)
ملاك راه ناعسة متفيقيهاش حتى نجي انا..
أمينة: ياكما عيانة
اورطيغا: شوية.. انا نكمل شي حاجة ونجي…
أمينة: (دخلت للدار ورجع معاها وجعها وألمها شوفة الحاج فداك المنظر مرضها فراسها وفصحتها وزعزع قلبها ماشي اول مرة يوقع ليه هكاك ولكن بقا فيها ومتفائلة بزاااف انه غيفيق ويبرا غير تفكيرها خلاتو عيان شوية ولكن ماشي لدرجة مقدرش يتنفس وعاد عمرو تشكر من الخنقة ولا مقدرش يتنفس!!!!
دارت شنو قال ليها ولدها صونات على السيدة لي قالتلها طيب ليها دوك لحمامات بلمساخن على حساب لغدا حيت فالليل غيتعشاو على برا، مشات للكوزينة تجبد داكشي من لفريݣو لي تحتاج فلݣوتي وبقات كتقاد بغرير مشات لبيتها عاد بدلت حوايجها لبست بيجامتها مشات لبيت لݣلاس قادات وسايدو مزيان عاودت شطباتو كتحاول مديرش الحس على حساب ملاك حتى تحل لباب كان اورطيغا جايب معاه شي ميكة)
ولدي تغديت بعدا؟!!
اورطيغا: مساليتش ونتي؟!
أمينة: منين يدووز؟! مرتك لي بقات بالجوع مسيكينة
اورطيغا: اممم انا نشوفها واش تبغي شي حاجة نجيبهالها
أمينة: سير اولدي راه مزال عرووسة ومعاشتش حتى يامها مݣادة
اورطيغا: (حط الميكة فالكوزينة مشا عندها لبيت كانت فايقة كتفرج حسابلو ناعسة منين مخرجتش حدا مو!! مشافتش فيه حط جاكيط ديالو كيشوف فيها)
تبغي نجيبلك شي حاجة تاكلها؟!!
ملاك: لا
اورطيغا: واليديك جايين (شافت فيه) شنو؟!! (قلبت وجهها كتفرج جا حداها طفا التلفازة وجلس قريب ليها شد يدها) من نهار اللول قلت ليك معنديش ومغتكونش قضية مك ما مك شي حاجة دالعيالات خاطيني داكشي ديالكم فكوه بيناتكم
ملاك: اصلا مكان والو انا غير بغيت نقولك قولها ترخف علية منين جيت لبارح وهي كتهضرلي غير على لحمل وخاصني دغيا نحمل
اورطيغا: وشنو فيها الا صبرتي لهضرتها نتي عارفة الوالدة تتبغيك وباغا تشوف ولادنا
ملاك: مقلتش العكس
اورطيغا: وشنو قلتي؟!!! غير هضرت معاك مرة ولا جوج عياااتك؟؟ شنو غنقولو على العشرة لي غطول؟!!
(هنا حسسها هي لي خايبة)
خاصك تعرفي الوالدة من نهار عقلت على راسي وهي حامقة تشوف ولادي كتشوف فيهم هو الونيس ديالها
ملاك: والا مكنتش كنولد؟! مثلا عندي مشكل ولا يكون عندك نتا شي مشكل؟!
اورطيغا: (خسر كمارتو) اش وصلنا لهاد الهضرة
ملاك: حسيت براسي تضغطت حتى انا!!!!
اورطيغا: (وقف حل ماريوووه) هادي ماشي هضرة ابنت الناس حنا داكشي ديال ربي متندخلوش فيه
ملاك: انا غير قلت مثلا!!!
اورطيغا: (عصباتو) متقوليش!!! شووو سدي هاد الهضرة الخاوية ونوضي بدلي ساعة بأخرى واخر مرة نسمع تتقولي هكا
ملاك: (معجبهاش الحال كفاش وصل نقاشهم هي معرفتش تعبر تقول شنو ضارها وفنفس الوقت دار ليها تأنيب الضمير أمينة عمرها شافت منها شي حاجة خايبة بلعكس من ديما كانت زوينة وضريفة معاها ودابا ها هو غلبها ناضت هز هو شي فلوس وسد باب لماريو وهي لبست بينوارها)
مكاينش ولد خالتك؟!
اورطيغا: واخا هكاك يقدر يجي، لوي شالك عليك ولا خليه قريب ليك
ملاك: (خرج من لبيت قدات وجهها شوية هزت اولويز ومشات للحمام بدلت ورجعت لبيتها حتى سمعاتو كيقول لمو يعاونها وهي تخرج بالزربة عندهم سادة باب بيتها مشات للكوزينة)
خالتي نعاونك فشي حاجة؟!
اورطيغا: سيري نتي لبيت راك داݣة الشوكة ماشي يجي باك وتبقاي تشكاي لو علينا
ملاك: (تقرست واخا هو غير ظحك)
أمينة: سيري ابنتي طلقيلي غير لبخوور راه فبلاكار صبابك ..
ملاك: (مشات شعلات المبخرة ديال الضو ودارت فيها سرغيتة مسقية بالعود حتى سمعت الدقان)
شكون؟!
(سمعت شي واحد عيط باسم مراد حتى شافتو خرج من الكوزينة زااارب)
شي حد كيسول عليك
اورطيغا: عنداااك تحل لباب (مشات منفخة من حداه هو دخل الحمام غسل يديه وخرج حل كان من دراري لي فالمحال جرو نزل عندهم منبه عليه ميبقاش يطلع لعندو لتماك غير الا هو سخرو وقالو طلع) بغيتني اجمي فشي لعبة صوني علية !!!
أمينة: ملاااااك ملاااك (مشات حداها) بلاتي قبل متنعسي غنديرلك خزامة غتجلسي عليها فسطل غتحايد ليك لبرد
ملاك: (غدير ليها خاطرها واخا هادشي مكيعجبهاش) واخا
أمينة: (سمعو مراد حل لباب كيرحب عرفتهم جاو خرجو سلمو عليهم وملاك معنقة زهرة مكرهتش تشكي ليها شنو ضارها من أمينة ومراد لي حتى متفهمهااش ولكن بلاش ماشي من عوايدها شكا ولبكا وعاد هوما عشرانات وصحابات!!
رشيد كان مظاحكش كما العادة تجاهل ملاك ماشي سلم عليها شي سلااااااااااام وملقاش كفاش ينفارد بيها يوبخها مزيان اخر حاجة ضنها فيها هو تشد من عندهم الفلوس!!!! شرب كاس أتاي وخرج مشا يتقدا للقهوة مراد معندو ميدير حدا لعيالات وهوما بقاو مجمعين معيطين على خديجة وغيثة يجيو.. هبط للمحال لتحت حتى من عمر مكاينش مشا يوصل العائلة لكرسيف)
أمينة: لكلاب دغيا دفنوه فالحياة ومع الدقة اللولة بغاو مراد يخرج من المحال
زهرة: انا ومنو والله منخرج
ملاك: وقضية ديك الفيرمة!!! يخرج منهاد المحال لي نايض عليه صداع ويشد الفيرمة وديك الساع يقلبو منين يجيبو الغنم
زهرة: اشمن فيرمة؟!
أمينة: هاديك كان مراد مشا فبلاصة الحاج وقفلو عليها حيت كان عندو شي شغل هنا وأصلا ولدي لي كيشدلو بحال هاد لخدامي كيعطيه الفلوس شراها ومن بعد كيردها باسم الحاج اوا من داك الوقت يمكن من عرس خديجة بقاو اليوم غدا اليوم غدا يتكتابو يردها باسميتو ومكتابش
ملاك: رزق جابولو الله
أمينة: معندنا منديرو بيها ابنتي يردلهم زبلهم ميبقاش تقليد على عنق ولدي حيت من اللول كانت أمانة
ملاك: وحتى مراد (خنزرت فيها مها وهي تسكت)
زهرة: عندكم الحق الأمانة كتبقى أمانة
(ملاك شقلبت عينها حيت عجباتها تكون عندو فيرمة)
ولكن قبل ميردهالهم حتى يندمهم على داكشي لي دارو ليك لبارح
ملاك: (بقات غير كتصنت ليهم وتاكل كان فيها الجوع حتى لغدا متغداتوش ناضت من حداهم كتفكر فالتحاليل لي عطاتها طبيبة ديرهم شنو غتقول ليهم باش تسلت!!! الحل لي بقالها هو تخرج مع أمينة لكلينيك وديرهم هادي بالظبط مبغات حد يعرف بيه.. لباب تدق كان يوسف وخديجة وغيثة وبزهم دخلو بقاو مجمعين والدار عمرت بالحس ملاك بدلت الجو وحتى أمينة منساتش راجلها ولكن هي شخصيتها مرحة اجتماعية دغيا كتندااامج والا كانت حزينة كتخليها فقلبها مكتبغيش تمرض الناس لي دايرين بيها..
جا رشيد عياو معاه يجلسو يتعشاو مبغاش ملاك لاحظات فيه انه غير كيخنزر فيها ولكن مدققاتش قالت غيكون ديجا معصب من شي واحد ولا شي حاجة مشاو ولوخرين وجدو راسهم حيت غيمشيو كولهم يتعشاو على برا…)
ملاك: (لبست حوايجها اونصومبل زوين دارت مونطو من الفوق قدات وجهها شوية وهي كتفكر فكلام مراد انها مصبرتش لمو دغيا قلبها عليها وهاد المرة بحال كان عندو الحق!! خرجت لقات أمينة جالسة بوحدها سااااهية فين داك الظحك ديالها والنشاط لي كان فيها قببلة؟؟)
رجووووع الله
أمينة: (بتنهيدة) بنتي!!! كيف بقيتي بعدا؟!
ملاك: الحمد لله ونتي؟!
أمينة: الحمد لله.. منين نرجعو بالليل ديري داكشي لي ݣلت ليك وديري خرقة فيها واحد العشووب نعسي بيهم وتصبحي كزيااان
ملاك: (حاولات متاخدهاش بحساسية هاد النرة) الا درتها وولدك لقاها فية؟!
أمينة: ياك مزالة فيك
ملاك: اوا شنو ندير معاه هو كيخمل
أمينة: هههه ظحكتيني الله يعطيك الخير هكاك باش تجيبونا شي وليد ولا بنية
ملاك: غير منين يجي نتي لي غتوحلي فيه
أمينة: ياااااا بنتي غيرولدوووه نجيبو ليك غير منين يبغي يرضع نهنيك من كولشي ديالو غير يجي
ملاك: ان شاء الله يكون فسر
أمينة: ان شاء الله ابنتي.. (ناضت لبست جلابتها دارت كاپ من الفوق) لوكان غير خليتوني ولا دوزتوني لكلينيك على مترجعو
ملاك: لا غتبقاي معانا ولهيه كاين داك لحمار كيبات تماك غيصدق غير نايض صداع وصافي..
أمينة: الله يعطيه مندبة يتلهى انا مباغيا والو منهم بغيت نبقى غير حدا باهم
ملاك: بحال هنا بحال تما الخبار على راس كل ساعة كتعرفيها عليه…
(علم اورطيغا مو باش يهبطو عرفت واخد منها موقف منين مصوناش عليها هي، نزلو لتحت عندو ملاك شادة فذراع أمينة كيتعاودو قصدت يشوفهم فهاد المنظر باش ميفهمش انه مبقاتش حاملة مو!! ركبت هي اللور منخلاه باش يفهم انها حتى هي خدات موقف حيت مفهمهاش ومسمعش حتى ليها، ومو ركبت حداه كما موالفين)
اورطيغا: (صونا على شريف ويوسف لقاهم سابقينوو هو لي بقا معطل حيت دابا مغيبقاش يتيق يخلي الوراق والمسائل الشخصية فالمحال كيكمل الخدمة كيطلعهم للدار عاد كينزل يسيق المحال وينقيييه ويسدو، وصلو لريسطو كان غير تماك فالسعادة، نزلو ودخلوو كان مطعم ايطالي من اختيار يوسف لقاوهم تماك جلسو معاهم وكاين حتى مغني ايطالي كيغني)
فاش قصرت معاك الجرة أجمِّي
يوسف: ههه نبدلو شوية (شريف عطاهم الكادويات لي جاب هو ومرتو شكروووه)
اورطيغا: (بقا مجمع حتى هو باغي ينسى شنو داز، شاف فملاك لي جالسة حداه وشافت فيه غمزها كيدور راسو) مك يا مك!!!
ملاك: (خرجت عينها فيه وشافت فامينة لقاتها ملهية مع غيثة كتهضر معاها مسمعاتوش رجعت شافت فيه كيشوف فيها حركت راسها بشنو قرب وقربت ودنيها لعندو)
اورطيغا: تكالميتي شوية (جبد كرسيها من لتحت حداها وحط يدو فوق فخضها)
ملاك: (جاوباتو بنفس الطريقة فودنو حيت الموسيقى ونيت متسمعهمش مو) نتا مكتفهمنيش!!
اورطيغا: صدقت انا لي خايب
ملاك: اه نتا قبيح انا هضرت فجهة ونتا حسبتيها فجهة اخرى مفهمتينيش ومسمعتينيش
اورطيغا: اممم والجهة ديالك مزال مبوشية باش نفهمك ونسمعك
ملاك: هه مزال
اورطيغا: ضبري راسك انا الليلة باغي…
دوزو عشا زوين ومفوج خرجو باش كولها يمشي لدارو من غير شريف لي هاد الليلة هو لي غيبقى مع الحاج فلاكلنيك
اورطيغا: (دازت من حداه عيط ليها هاز ولدها كيلعب معاه) شنو درتي؟!
غيثة: تنتسنى الڤيزا باش نمشي انا ومحمد
اورطيغا: ياك دغيا تتخرج ليكم نتوما ماشي أول مرة تمشيو
غيثة: تعطلو هاد المرة غير على حساب محمد وصافي حيت ياله قادينا ليه وريقاتو ودخلناه فالحالة المدنية
اورطيغا: امم (شاف فيه كان زوين باسو فجبهتو) تهلاي فهاد الكتكوت
غيثة: هضر معايا داك الكلب (عاودتلو شنو قالها وانه ففرنسا..)
ملاك: (كتهضر مع خديجة وعينيها على مراد وغيثة لي منساجمين كيهضرو وشاد ولدها)
خديجة: واااااا لبنت
ملاك: وا غير هضرة ازمر مال يوسف!!!…
اورطيغا: شوفي باش تعيشي مرتاحة هاد الوقت لي داز ديريه حلمة خايبة ونضتي منها ربي منين غيبغيك تعرفي شكون باه غيبان، دابا هاد الوقت غتحاولي تفتحي صفحة جديدة وعطي الوقت لراسك ولمحمد باش ترجعي ونتي مرتاحة وخليك فهاد الشخصية
غيثة: الهضرة ساااهلة امراد
اورطيغا: كولشي ساهل غير حنا تنبغيو نصعبوها على راسنا وصافي
غيثة: تفارقت مع حمزة
اورطيغا: واااا هو فااصراحة ماشي وقتو زواج دابا حتى تعرفي نتي شنو باغيا حتى تصفاي فدماغك مزيااان وتفكري عاد ديك الساعة شوفي زواج راه ابسط جيست بيناتكم غيزيد يأزمك من الاحسن حتى تبراي من كولشي وميبقى فيك حتى جرح عاد بدايه صفحة جديدة
غيثة: (حركت راسها باه كولشي كيقولها هادشي واخا هي من لداخل مقتانعة بيه..)
اورطيغا: (عيطاتلو مو عطاها ولدها توادعو ملاك كانت طلعات الطموبيل ركب ومشاو للمصحة دازو يشوفو الحاج هبطو بغا يشدها وهي تهرب)
مال مك!!
(مشات زاربة شدت فذراع مو هو مفهم والو باينة مقلقة!! طلو على الحاج عاد لحق شريف لي وصل مرتو لدار عاد باش لحق يبات معاه)
شريف: شوووف على خبث دراري باغييني نشد المحال ديالك باش ينوضوها بيناتنا
اورطيغا: نهار تبغيه اجمّي انا نخويه ليك فالتالي تيبقى ديالكم ورزقكم
شريف: انا داك المحال مثلا نعرفو يجيني فحقي نعطيه ليك!! والله منحط رجلي فيه من اللول ديالك ونتا لي كبرتو ودرتلو كليان
اورطيغا: (بوجه بارد زعما ممسوقش ولكن لداخل عاجبو الحال كوميم كاين لي كيفكر فيه)
خوي راسك.. مهم انا غنمشي بحرا يرتاحو شوية
(عيط عليهم مشاو فسكااات كولها وفاش كيفكر…)
ملاك: (دارت شنو قالت ليها أمينة بقات جالسة على سطل عريانة من لتحت عامر بالما سخون فيه الخزامة وكيطلع معاها داك لبخاار منزل ليها الوسخ وكتفكر فغيثة هي متأكدة انه كيعتابرها ختو ولكن المشكل هو عرفت انها تفارقت مع حمزة مبغاتهاش تعاود تفكر فمراد اكترية منين دابا كيعاملها مزيان وكيحن فيها خافت انها تفهم هادشي غلاط وكولشي يتعاود من اللول غيثة دابا اي واحد كيحن فيها كتمييييل ليه مبغاتش تكون عدوتها من بعد مولاو صحابات!!
مبغاتش الغالية عاود تفتح الموضوع مع مراد!!!
معجبهاش الحال يرجع يعاود يهضر معاها ويعمق معاها فداكشي الشخصي ديالها!! بغات شي حاجة عندها خوها تشكيلو وتبكيلو عندها مها عندها خديجة!!
ناضت من على داك سطل خواتو بخزامتو جففت الحمام لبست بيجامتها دايرة ديك الخرقة دالعشوب عاد اولويز وخرجت كان فلبيت مجبد ماكس على ذراعو ويد شاد تيليفونو كيلعب كاندي كراش)
اورطيغا: شنو كنتي تديري هادشي كامل فطواليط؟!
ملاك: ماشي شغلك
اورطيغا: (حط التيليفون كيشوف فيها) اجي هنا
ملاك: فية نعاس واصلا مزال فية!!
اورطيغا: اجي نهضرو املاك (كتحماق على هاد الجملة “اجي نهضرو” ولا “اجي نتناقشو ونحلو الأمور”
مشات هزت من لاتروس بارفانها دارت منو حطت بينوارها وطلعت لبلاصتها عطاتو بظهر هو زاد حداها معنقها خاشيها فيه)
مالكي؟!
ملاك: منين رجعنا من مراااكش مبقيت كتسوقلي
اورطيغا: حبيبة راك شفتي شنو كاين ماشي متنسوقش غير هادشي تيعصبني
ملاك: وانا فيني من هادشي كامل؟!
اورطيغا: (باسها فعنقها) نتي هي كولشي احبيبي، اليوم معجبكش لعشا؟
ملاك: عجبني!! لي معجبنيش هو داك جموع مع غيثة كتهضر بزاف معاها فالتيليفون ومنين كتلقاو والمشكل نتا لي من نهار اللول قلت هادشي ممنوع علينا بجوج ودابا كنشوفك واخد راحتك بحال انا مكيناش
اورطيغا: هي حسباني خوها وراك شفتي فاش تتعيش دابا
ملاك: لوكان انا لي كنت بلاصتك كفاش كنتي نتا غتحس!!! (مجاوبش) اوا أنا هكاك كنحس.. وعاد منين جينا من مراكش مبقيت لا كتجمع ولا تهضر معايا وعاد كتغوت علية مكتسمعنيش وهادشي لي كيخلينا ندابزو
اورطيغا: (زير عليها وعنقها) لوكان تعرفي شحال تنبغيك متقوليش هادشي!! من هادشي كامل لي عايشينو نتي الوحيدة لي مخلياني متنديرش شحال من حاجة خايبة نتي هي نفيطة دالعسل فوسط هاد القطران كااامل
(بقات كتصنت)
غيثة مكنتش باغي نعاود نرجع نهضر معاها ولكن منين بقات تتشكيلي تنحس براسي انا سبابها فهادشي كامل لي تدوز منو تنشوف داك وليد تنمرض ف*** حيت غيكبر غيحس بواحد الاحساس مق*** هو لي حسيت بيه شحال من مرة
ملاك: (ضارت عندو ناعسة على ذراعو ومعنقها حطت يدها على وجهو بحنية كتشوف فعينيه) لا ماشي نتا سبابها
اورطيغا: حطي راسك بلاصتي باش يوصلك واحد غيضيع أمة شحال من واحد قريب لية كلا الدق!! ومنهم نتي نيييت
ملاك: متلومش راسك على شي حاجة بحال هاكا غيثة حتى هي كانت عندها يد باش وقع ليها هكاك ماشي كنقول هي خايبة ولا تستاهل ولكن كان ممكن توقفو من شحال هادي اما لي وقع معايا أنا ولا مع غيري مكتااااب داك الكلب هو سباب فيه
اورطيغا: وخدمتك لي ضعتي فيها؟!
ملاك: مضعتش!! مزال غيبان حقي أنا متفائلة حيت مدرتش شي حاجة خايبة انا تظلمت واحسن حاجة امراد نعيش مظلومة ولا نعيش ظالمة
اورطيغا: (قدام هضرتها شي مرات كيحس راسو بحال شي بيبي محتاج يسمع كلماتها باش يطمئن ويرتاح)
ملاك: عمرك تبقى تفكر انه نتا سباب شي واحد
اورطيغا: وخا هكاك مزال تنقول لوكان مجبتش الق*** دختو هنا مكناش غنوصلو لهادشي كامل
ملاك: (قوست عينها فيه) علاش كنت كتجيبهم هنا؟!! فهاد لبيت؟!!!
اورطيغا: لا.. (عارف عنادها وغضبتها حارة بحال والو تحرق هاد النموسية لي دازت عليها شحال من وحدة) زعما نجيبهها للدار واخا هي لي كانت طالبة عليها
ملاك: (مكتبغيش تهضر فهاد الموضوع، حنات راسها هي لي عارفاه كان كيديهم لدار لي كاري فالليدو) باقي كاري فالليدو
اورطيغا: مكاريش
ملاك: حسن (زادت دخلت فيه عماها نعاس) هادشي لي تديرلي خالتي أمينة كيدوخني بنعاس (زاد عنقها بقا حال عينيه كيفكر وهي جبدت عليها بنعسة.. طل عليها نااااعسة باس جبينها وبقا حاط شنايفو على جبهتها شحااال حتى نعس وهو مكمشها فصدروو…)
حمزة: (وصل لباب الڤيلا صونا على يوسف باش يدخل خرج عندو مرحب بيه، دخل كانو دايرين بحسابو شاف محمد فالرولاكس ديالو هزو كانت حتى خديجة واولادها سلم عليهم كان باه والغالية خوه مرتو، يعني العائلة مجموعة جلس جات غيثة لابسة فولارها مع لبييسة زوينة طويلة وواسعة حطو الضيافة هو كيشوف فغيثة لي تعاملات عادي ممبيناش مقلقة كما بينات ليه اخر مرة وفنفس الوقت مبينة انه واحد ضيف وصافي حتى قال يوسف)
يوسف: خويا حمزة حنا شفنا منك غير الخير ومغلقاوش حسن منك لغيثة ولكن هاد الوقت محتاجة تزيد تبرا شوية
غيثة: (احسن حاجة فعائلتها ولي عطاتها أنل فهاد الحياة والمستقبل كيعاملو مشاعرها لي مهرسة انها مريضة ومحتااجة وقت عاطيين الخاطر المشاعر ديالها تبرا وتعاود تنوض من جديد)
أب غيثة: حنا تعطلنا عليك اولدي حيت خاص بنتي تبرا مزيان داكشي لي داز عليها مساهلش عليها
حمزة: (يعني غيرفضوه) بالصح
يوسف: بغيناها تعرف راسها واش مستاعدة تزوج ودخل لمسؤولية ديال زواج
حمزة: (يعني الهضرة مغيناقشهاش معاها الراس فالراس كولشي غيتقال قدامهم)
معنديش مشكل نتسناها حتى تقول انا بغيت نتزوج
غيثة: (مكتهضرش مغتعاودش نفس الغلط وتبقى تنفارد مع لي باغي يخطبها الا كاين المعقول كولشي يتقال فالوسط)
يوسف: هي دابا غتمشي عند خالتي فاسبانيا غتمشي الوالدة والواليد معاها يجلسو شي يامات ويرجعو
حمزة: الله يجييبهم على خير
غيثة: (مصبرتش) نتا مزال باغي تزوج؟!!!
حمزة: اه!! علاش زعما غنبدل رأيي؟!!!
غيثة: شوف نتا!!
حمزة: نهار تشدت طليقتي انا لي وقفت معاها ماشي حبا فيها ولكن كان عمي تماك وداكشي كامل لي دارتو حيا من جديد بحال الواليد ياله مات داك نهار
يوسف: بالصح تتكون قاسحة
أب يوسف: الله يصبركم اولدي حتى نتا ماشي ساهل داكشي دزت منو!!
الغالية: غترجع الخدمة ديالك؟!! البوليس!!
كولشي شاف فيها السيد فين كان كيهضر وهي فين كتهضر ولكن جاتو على الݣانة حيت مبغاش يدخل فشي حاجة والاحاسيس ويبقا فيهم خليهم مركزين مع غيثة حسن باش ميبانش عنيبة ويبقى فعينيها داك الراجل لي مكيتأثرش
حمزة: عندنا شي اراضي فتاونات وكاين هري فصفرو ان شاء الله قلت نزيد نكبرو اما البوليس لا
الغالية: (كتشوف واش يقنعها من الناحية المادية اما النفسية على لي عاودو مغيعذبش بنتها اكترية منين صدق كيبغي محمد ولدها وباغيها وخا هي غارقة مشاكل واي واحد فبلااصتو ميقبلش بيها)
غيثة: (منين بين انه مزال باغيها مكرهتش يهضرو بجوج حيت قنعها ولكن بغات ترزن الا هو بغا يهضرو بجوج غيدير المستحيل ماشي هي لي تقلب على حل ونسبيا عجبها الحال منين عرفت انها مزال مرغوب فيها)
حمزة: (تشجع واخا حشم من باها) انا باقي باغي بنتكم على سنة الله ورسوله وحتى حاجة متبدلت نهار تقبلو علية
(غيثة هنا حست بقيمتها عندو)
عيطولي نجي انا والوالدة عندكم ونديرو صوااب
يوسف: ماقلتي عييب مرحبا بيك عندنا
الغالية: وبنتي فين تسكن!؟!
حمزة: فين كنسكن انا صفرو عندنا الدار كبيرة بغات تعاود تأثثها مع الوالدة مرحبا كيبقى شغلهم هداك غتكون دارها حتى هي ودير فيها لي بغات محمد غيكون عندو بيتو
الغالية: علاش متجيش تسكن ففاس؟
يوسف: الوالدة هو خدمتو ومحالو تماك علاش غيجي لفاس من غير الا هو بغا وصلاح ليه
الغالية: انا بنتي مساخياش بيها وكنربي معاها الولد
حمزة: عندي الوالدة غتكون معاها وغديرها بنتها نتوما مزال تعرفو عليها امرأة طيبة بزاف دريويشة مافيهاش تخراااج العينين
(يوسف وغيثة جاهم بحال كيحشي فمهم الهضرة لي منين جلس وهي مخسرة ملامح وجها وكتعبر فيها بعينيها بحال شي واحد مقزز جالس حداها)
واخا نهضر مع غيثة غير هنا حداكم
يوسف: اه.. غيثة نوضي للصالة (سبقت غيثة هو هز محمد وتبعها مقابلين معاهم شوية كيبانو ليهم جلست وهو جلس مقابل معاها)
حمزة: (كيشوف فيها دايرة شوية دالمكياج) صاڤا!!
غيثة: الحمد لله ونت
حمزة: دغيا قررتي تمشي بلا حتى متهضري معايا
غيثة: نتا لي مبغيتش تسمع شي حاجة مني وانا سهلتها عليك
حمزة: شنو سهلتي دغيا جاتك سااااهلة تمشي وتعطيني بظهر
غيثة: محتاجة نفكر احمزة داكشي لي تندوز منو صعيب علية بزاف
حمزة: عارف وحتى انا حسي بية
غيثة: (سكتت شوية) حتى نتا فكر مزيان احمزة زواج هدا يعني العشرة من حقك تاخد وقتك وتفكر واش قادر تعيش مع وحدة عندها ماضي مشبك زائد ولد
حمزة: ولدك من نهار هزيتو حسيت بيه ولدي
غيثة: ولو عاود فكر
حمزة: بحال مبقيتيش مقتانعة؟
غيثة: (بقات كتشوف فيه هادشي لي بغات توصل ليه يعرف انها ماشي مليوحة عليه تخليه هو يحاول يقنعها بيه) غنعلمك بنهار لي غنمشي فيه
حمزة: وامتى غترجعي؟!
غيثة: منين نحس براسي باغا نرجع…
ملاك: (من بعد مكلات لحمام لي خلاتها تاكل 3 دلحمامات عامرين بلمساخن لبستها أمينة قوة لحوايج وجوج فولارات وغطاتها بجوج كواش)
خالتي راه الصهد بزااف وهاد الريحة راه خنقاتني
أمينة: صبري اصاحبتي
ملاك: وااااا عراقيت بزاااف والله يجي مراد يلقاني فهاد الحالة!! غير ديك المرات تشكى من ريحة الخزامة
أمينة: الا سميت مو راجل يهضر نتي غير خليني مني ليه
ملاك: كتحݣري علينا بجوج؟!!!
أمينة: ههه (عطاتها كاس دلما دافي تشرب وبقات جالسة حداها كتشوف فحيوط لبيت) نهار شرالي عمك الحاج هاد الدار شحال فرحت بيها ݣلت مع راسي غنجوج ولدي ونسكنو هنا حسابلي عمرو يجمع الدرهم
ملاك: مسكين كان حاس ولادو كلاب داكشي باش شرالك الدار صراحة جيست زوين الراجل يعطي لمراتو دار عارف الدنيا كدور
أمينة: حتى ولدي عط..
ملاك: شنو؟!
أمينة: زعما ضبر راسهم خافو على رزق باهم شغلهم هداك ولكن باش يمنعوني عليه نشوفو لا هادي لي متقبلتهاش
ملاك: خاص منخليوش مراد يرجع ديك الفيرمة
أمينة: معندنا منديرو بيها ابنتي
ملاك: عندنا!!! راه رزق هداك جابو الله انا الا حملت وولدت ماشي خاصنا نأمنو لهاد الولد ولاولبنو مستقبلهم هداك رزق جابو لنا الله فيرمة مكتابة لمراد علاش نردوها؟!
أمينة: رزق جابو الله لوكان الحاج قالو خودها هي ديالك ماشي أمنو عليها وقالو غترجعها !!! معندنا منديرو ابنتي بهادشي لي يبقى على رقبتنا حتى نلقاو مولانا، ورزق موجود نتي غير كوني هانية
ملاك: (عوجت فمها) حتى هو راه كيظل يخدم ويتعذب من حقو
أمينة: رزق على الله ابنتي ومزال ربي غيرزقنا من عندو
(مفهمتش علاش لدابا مزال مقال ليها والو حتى كتبغي تقولها وكتراجع حيت هو لي باغي يقولهالها وبطريقتو)
ملاك: بابات مراد كيفاش كان؟!
أمينة: كان كيف الكلب الجحموم الله يسمح لبّا لي جوجني بيه نهار اللول مكنت لا نحملو لا نقبلو
ملاك: هه وعلاش تزوجتي بيه؟
أمينة: حيت باه ولد عم با اوا تافقو بيناتهم فواحد السوق جا عندي ݣالهالي ݣلتلو لا مزوينش ايييييييوا لعصى لي كليت يا بنتي داك نهار ݣالي يا الموسخة وليتي تخيري بين رجال شهر الجاي يعقد عليك هو بلعاني خلاني شهر على منبرا من داك العصى
ملاك: باك مدار فيها ميصلح
أمينة: الله يسمحلو ويسمحيلي من جبيدو ..اوا مشيت عندو عروسة لي بداه بّا كملو داك الجحموم حيت مخليتوش يدخل علية بقيت هكاك مكنعطيهش وجه حتى صبح واحد نهار كيبرح انه سترني ولݣاني مرا وداك لحمل علم الله منين جبتو مرضاش حيت ݣلتلو طلݣني (بتنهيدة) ديك الساع متااقني حد الكار اللول ركبت فيه وجيت لفاس خدمت ميناج خدمت فمعمل الخياطة وسكنت فلكاريان تعذبت وتمحنت انا وولدي حتى سهل علينا الله…
اورطيغا: (دخل للدار عيااان شاف باب بيت لجلاس مسدود عرفهم تماك جالسين.. دخل لبيتو باش يبدل دغيا حيت ريحتو غير لحم ميبغيهاش تعيفو بهاد الريحة ݣزار اه ولكن ميكونش معفوون!!!! ومشا نيشان يدوش)
ملاك: مراد تعذب بزاف وحتى نتي
أمينة: انا وسلاك ولكن هو مسيكين تمحن وضربو زمان مزيااااان
ملاك: وعلاش مقبلش بالحاج؟ كيبان راجل مزيان ومعقول!!
أمينة: الغييييرة!! واخا كان صغير كان حااااار بستة وستين كشييفة باش قبل بيه وبغاه يكون راجلي وعاد الفقية ديال باه لي مقبلش بيه خلاه يكره رجال وزواج كتر مكنتش انا كارهااه
ملاك: اممم عادي اي واحد يغير على مو اكترية منين كتكونو حاطين الراس على الراس!!!
أمينة: لا لا ابنتي هو كان مصعوووور يا لطيف يا لطييييف مشييييينو عمرني نسا نهار شقف الحاج فراسو حيت شافو سلم علية بالوجه كنا مزال فلكاريان اييييييه وكفاش ݣلب علينا ديك الحومة كولشي عرفني كنهضر مع الحاج شوهني شوهني حتى لي مكانش عااارف عرف داك نهار
ملاك: هههه قبيح
أمينة: اوا صافي دغيا تزوجنا مشينا من تماك وهو بقا مرة مرة كيمشي لبراكتنا مسخاش بديك الحومة حتى ريبوها، ونتي فين تلاݣيتيه ؟!
ملاك: (تبسمت) من نهار تلاقينا وحنا بحال المش والفار واحد مكان كيحمل لاخر جابتها الوقت حتى سكنت مع وفاء وهو كان كاري لتحت
أمينة: فين كاري؟!
ملاك: (تفكرت مبغاهاش تعرف) واش مزال مندوش راه قلباتني ريحة الحلبة فدارنا وعمرني كليتها
أمينة: بقاي بيها حتى لغدا
ملاك: (قفزت) ألاا!!!
أمينة: غيضربك البرد يا الهبيلة دوزي تجلسي!!!! (زادت كتغطيها) خاصك تعرݣي مزيااااااان (تحل لباب كان مراد ملاك شافت ردة فعل ديالو بحال شم شي ريحة خايبة)
سد سد لباب غيضربها البرد
اورطيغا: مالك اودي لباس؟!! واش مشرملاها بالعشووب
ملاك: (معجبهاش الحال وهي لي ديما كتنتابه يشم منها غير ريحة زوينة)
أمينة: راني كنعرݣها
اورطيغا: (تسيف عليها) نعطيك ساااااعة ترديهالي كتشعل وريحتها بحال نهار اللول
أمينة: سير تمشي
اورطيغا: واااااا بربي ومنرجع لقاها وردة حتى نديرلك الشوهة أأمينة!! قالك تعرݣ انا لي غنعرݣ عليييك، (شاف فملاك لي حنات عينها) جاي باغي نزهااا مع مرتي نشم ريحة فنيفي على داك لحم ودمايات ونرجع لقاكي حالة فيها معشااابة!! ساااعة لقاها وردة!!!! (خرج زادح لباب)
أمينة: الجحموووم لاخر (شافت فملاك) نوضي ابنتي دوشي
ملاك: عجبك الحال دابا يبقى يشم فية ريحة الحلبة ياك قلت ليك مناكلهاش!!! وعاد معرفت دوك لعشووب!!
أمينة: متديش عليه هداك راه غير هبيل سيري ابنتي دوشي الريحة ݣاع مكتبقى!!
ملاك: وااااه بيعيني عاااود العجل!! (ناضت عرقااانة لاوية عليها كاشة مشات للدوش نيشان عاد لاحتها حدا لباب اما أمينة بالزربة ناضت تطرف وتقاد لبيت تريحو من ديك الريحة…)
اورطيغا: (دخل للدار كانت مو كتفرج وملاك باينة مزال فالدوش سد لباب كانت معطرة لبيت ماشي بحال الريحة لي كانت قبيلة!! قرر باش يهضر بشوية معاها)
شنو داكشي كنتي تتجربي فيها؟!!!
أمينة: (واقف قدام التلفازة مضيع عليها اللقطة) حاااايد
اورطيغا: (ضار شاف فالتلفازة ورجع شاف فيها) تنهضر معاك اصاحبتي شنو داك الشرمولة درتي للمدام
أمينة: كنت كنعرݣها
اورطيغا: علاش؟!!
أمينة: باش تحمل!!
اورطيغا: علاش؟!
أمينة: كفاش علاه؟!!! كاين شي حد كيكره البز؟؟
اورطيغا: الوالدة خلي داكشي حتى يجي بوحدو ربي لي مكتب كولشي هو لي كيعطيه البنت مزال عرووسة مزال فيها لعيا دالعرس علاش نزربو عليها بالحمل وتخاالط والهضرة راه هادشي تيبن ليها بحالااا هي شي وحدة متتولدش ولا شارفة ولا معرفت !!
أمينة: لااااا
اورطيغا: كفاش لا واش انا ولا نتي داخلين فيها وعارفينها باش تتحس وكفاش تتفكر صافي من اليوم متعاوديش ديري ليها شي تخليطة حتى تجي هي طلبها منك ومتكونش فيها هاد روااايح ماشي حاط دم جوفي باش تشريلي روايح ونتمتع بيهم نجي لقا معشاابة!!!
أمينة: (بقات غير ساكتة) ولكن انا غير بغيت..
اورطيغا: (كيهضر بشوية جلس حداها باس يدها) الوالدة حتى انا باغي يكونو عندي لولاد ولكن ماشي بهاد الزربة حنا مزال مكملنا حتى شهر وتنهضرو على الحمل انا تنبقى نهضر ونسول ونتي ومها وكولشي
(باش ميحسسهاش انها كتحاسب)
…بزاف كولنا عليها هي مزال عاد قالت باسم الله فزواج من اللول نكرهوها فيه وتبقى تخمم وتفكر تتسمى حݣرة هادي
أمينة: نتا اولدي راك عارف نيتي
اورطيغا: كولشي عارف نيتك زوينة وحتى هي متشكات مقالت والو ولكن باش نكون عيان ونجي لقاها بهاد روااايح وفديك الحالة لا!! هي براسها راه معندهاش مع هاد الهيت راه غير دايرة ليك الخاطر حيت تتبغيك بحال مها!!!
أمينة: (فهمت قصدو)
اورطيغا: الوليدات نهار يكتاب ليهم راه مكاينش لي يحايدهم لينا ومنين نتعطلو خلطي وعطينا بزووج ݣاع
أمينة: ههه
اورطيغا: ودابا كاين شي عشا
أمينة: خليها تخرج من الدوش راني دايرة رفيسة
اورطيغا: (شاف فيها ديك الشوفة ديال بنيتك)
أمينة: ههه لا راني دايرة دجاجة معمرة
اورطيغا: (حرك راسو بأه مشا كيتسلت كيدق على ملاك بشوية فالدوش حتى دازت مو داخلة لبيتها وهي توقف كتشوف فيه)
نشوف الا بغاات نحك ليها ظهرها
أمينة: انا نحكو ليها
اورطيغا: وبقاي حاضيااني!!! (مشا لبيتو يتسنى لعشا وملاك كظحك عليه..)
ادم: (بقالو حل واحد يعطي الباسبور لواحد صاحبو كيشبه ليه يبين انه مشا لفرنسا وهو يبقى حتى يمشي حااارݣ هضر مع صاحبو)
حرت!!!
….: وعلاش كتلوح راسك هاكا العافية نتا ممخلي من موراك حتى دليل وحتى وتهضر ديك الموسخة كيبقى غير كلام وصافي هي لابساها التهمة
ادم: كولهم رجعو عايشين حياتهم
….: سير رجع لفرنسا عيش حياااتك حتى نتا وقلب باش دير العملية
ادم: وهوم؟!
….: خليها دوووز مدة ورجع ليهم اما دابا كولشي حاضي معاك اصاحبي
ادم: (غير سااااكت حرك راسو بأه وحتى لاخر معطلوش بلا حوايج بلا والو داه المطار قطع ليه لبييي كيتسناو الطيارة)
بغيتك تعرفلي شكون كان كينعس مع غيثة
….: (عارف توفيق) حتى واحد
ادم: لوقت لي حملت فيه كنت انا لي تنخرجها وتنبقاو كاملين
….: لا لا الا كانت شي حاجة غتكون برا لݣرووب ديالنا.. (بقاو مجمعين حتى جا وقت الطيارة واخا قطع غالي الا بغاه يمشي حيت كيشوفو هو لي خاااسر وكيزيد يجرهم معاه، حيت الا شدوه البوليس غيبخثو على معامن وشكون لي كان معاه وغيمشيو واحد بواحد.. بقا تماك حاضيه حتى ركب تسنى ساعة ونص حتى تأكد انه مشا عاد رجع فحالو مهني من مسمار ادم…)
ادم: (فالطيارة كيفكر فغيثة بزاااف مينكرش انه ندم منين دارها وسيييلة لوكان ختارها هي كانت غتكون كتبغيه ولكن انتقامو كان أقوى من الحب ودابا خسرها وعاد داك الولد كما هو متأكد انه ماشي ولدو هي متأكدة انه ماشي ولد اورطيغا شكو بزاااف فشي واحد من دراري ولكن معارفش شكون أغلبيتهم كانو ضدو فموضوع غيثة حيت مستافدوش منها حتى واحد مشافو بغاها من غيرو كان كلشي غير شاااافق عليها وصل تماك كمل الإجراءات وبقا فالمطار جالس كيفكر وكيهضر مع راسو)
هاد المرة جيت قانونيا وبالوراق الا رجعت المغرب وهضرت أمينة غتعكسلي هاد المشية وتقدر منعاودش نحط رجلي ففرنسا!!!
واش داك الشمكار يستاهل مني نضحي بفرنسا ونبقى فالمغرب مع انه معاجبنيش المغرب!!!!!!
واش نرجع لغيثة لي من ساااااابع المستحيلات تبغي حتى تشوف فية ومبقالي حتى حاجة باش نهددها بيه!!!
(بقا غير كيفكر بلا ميحاول يتعصب حاول يخدم غير عقلو حتى جمع الوقفة خرج من المطار شاد تاكسي نيشان الشقة ديالو….)
ملاك: (دارت ݣاع الݣوماجات ديالها للي عندها وحاطاهم تماك حتى رجع لحمها حمر غسلت مزيان غسلت فمها شي 3 دلمرات مكرهتش تاكل سينيال! خرجت لابسة بينوار ودايرة الفوطة على شعرها دخلت لبيتها لقاتو تماك متكي فوق نموسيتو)
نتا هنا؟!!
اورطيغا: (بقا كيشوف فيها طلعها وهبطها) مزالة فيك؟!
ملاك: اه
اورطيغا: علاش شحال تتبقى؟
ملاك: (متبسمة) خرج امراد خليني نبدل حوايجي
اورطيغا: شنو باقي مشفتش مثلا؟!
ملاك: خرج خليني نلبس حوايجي
اورطيغا: (هز حواجبو بجووج وهي دايرة يديها على خصرها وقف ماشي جيهتها وروايح عاطية منها وحتى هو طااالق نييفو جرها كيشم راسها)
دابا مزيان!!!
ملاك: هه مك ااا زعما خالتي أمينة كانت دايرة لية التعذيب الله يسمح لها مني
اورطيغا: انا هضرت معاها
ملاك: الاّاااا !!!! راه غتقول انا لي قلتلك تقولهالها!!!!
اورطيغا: حايدي البينوار
ملاك: هه لااااا ياله سير
اورطيغا: مديرينا واالو زعما!!
ملاك: علاش شي يدير وشي يشووف
اورطيغا: هه قنعتيني!!
(خرج من لبيت يخليها تاخد راحتها اما هي عجبها الحال كيعجبها منين كيشكرها ويتغزل فيها وتعرف انها مرغووووووب فيها من طرفو!!! لبست حوايجها وبدات كتنشف شعرها اما هو كيعاون مو فلعشا وهاضرين على الحاج حيت كان عندو مبغاهاش تمشي حيت كاين لوخرين وحتى هي كتفادا تمشي وهوما تماك باش ولدها ميتحاكش معاهم بداو كيحطو عاد خرجت ملاك لابسة بيجامة مقزبة شوية ماشي بحال بيجاماتها فاش كيكون الزايد معاهم طالقة شعرها ودايرة بوندو مع شوية دلميكاب وباغفان شاف فالسروال الترمة مزيرة ومطراسية عاد لاحد ليهونش، واخا بلحوايج كتيرو بزاااااف مهضرش بقا غير كيشوف وحاضي الطرف!! جلست كياكلو ويهضرو على الحاج لي هو رجع موضووعهم تافقت معاه موو فصباح غير تفطر تمشي تجلس معاه حتى لعشية كملو وبقات ملاك كتعاون وبلعاني كتكوز ودايرة راسها مقتصداااش مخلياه غير حاضيها كتهز لماااعن حنات كتجمع الطبلة محست غير جمع ترمتها بيدو حتى تسمعت الضربة مو كانت داخلة للبيت غير شافتهم وهي تقلب الدورة)
ملاااك: اااح
اورطيغا: (بشوية كيهضر) كملي دغيا واجي ديريلي مساج
ملاك: راه قلت لييك مزال!!!
اورطيغا: (ناض واقف) متعطلييش (خورها قفزت)
ملاك: يااااء!!!
اورطيغا: (خرج شاف فمو سدت بيتها يعني غتنعس رجع عندها لبيت سدو بالساروت لي معلق فيه)
ملاك: هه واش حمق صافي غير سير لبيت انا جاية
اورطيغا: هنا ودااابا!!!
أمينة: (مشات تعمر قرعة دلما ديالها سمعت ملاك كتكح بحال تتقيا دارت يدها على حنكها زاربة)
الجحموووم لاخر!!!!
اورطيغا: (كيظحك عليها لي ردت كولشي دخل المسائل فسروالو) معليش دابا تولفي مع الوقت
ملاك: (وجهها رجع حمر ومزال واحلة ليها فحلقها محست حتى قلزت ليه بغا يشدها كيظحك وهي تحل لباب خارجة تجمع حتى تعرض لها فالكولوار زعما هو يكمل مخلاتوش مشات مراضياش جمعت الدنيا تماك بجوج حمدو الله على الزربية لي متقاستش انا فالليل تخليهم يصبنوها هو مشا للكوزينة جمعها لاحق عليها لبيت كيطيب خاطرها ويشد فيها بالظحك!!)
دازت يوماين لا جديد ملاك وهي خارجة مع أمينة قالت ليها غتمشي تشري شي حاجة خاصاها ضروري، وخدات التحاليل لي كانت دارت وهي خارجة معاها لبارح وداتهم عند طبيبة لي طمناتها انها بيخير وماشي عاااقر وعطاتها دير ريجيم وتشرب شي دوا وڤيتامينات ماشي فعالين 💯 ولكن تجرب حظها من داكشي لي ناوية..
خرجت مو عندها شرات دوا ورجعت دغيا عند أمينة حيت مراد بقا كيصوني مرة من مور مرة ممجاوبهاش وصلت لاكلينيك كيبان ليها طموبيلتو فلبارك بقات كتويل هي عارفاه مكيلحقش بيهم فهاد الوقت!!! وهي تجاوبو
ملاك: وي!!!
اورطيغا: علاش متتجاوبيش فينك؟؟!
ملاك: انا مع مك!
اورطيغا: دقيقة تباني عندي ولا غنفݣس مك فينما كنتي!!
ملاك: راه كنت لتحت كنشر (قطع، تخلعت عرفاتو تعصب مشات دغيا كتزرب كتوجد الحجة جبدت ساشي من صاكها ودازت لاماشين ديال القهوة خدات كابوتشينو وحبيب بلويزة وطلعت كانت روينة لي فهمت الحاج فاق بلعت ريقها وهي كتشوفو واقف مع مو مدرعها بيد خرجت عينها بالخوف كتحاول تبان طبيعية ماشي خايفة ومشات اتجااههم هو غير كيخنزر)
أمينة: ها هي ونتا منوض فضيحة على والو هبطت لتحت تجيبنا شنو نشربو
ملاك: اه (مدت ليها كاسها)
اورطيغا: (رجع حافضها من تصرفاتها وتخراج العينين كيعرفها كتكذب حيت منين مكتكون دايرة والو كتكون وحدة اخرى)
حتى للدار!! باش كنفرجوش ابنادم غسيلنا!!!
ملاك: (سكتت كتزيد تأكدلو هضرتو انها كاذبة ) شنو واقع؟!
اورطيغا: (خلاهم ومشا كيتسنى نوبتو باش يشوفو الحاج حيت لي فهمو من ولادو غيدير شي عملية على الرية ديالو)
أمينة: فين كنتي؟!
ملاك: خرجت شريت شي حاجة امتى هو رجع
أمينة: من ݣبيلة مخلانيش حتى نصوني عليك شنو شريتي
ملاك: غير.. (وراتها كان غوب دونوي كانت موجدة حيت كدير احتياطها، أمينة حركت راسها باه، رجع عندهم باش مو دخل عند الحاج لي طلبها بفمو دخلت عندو وبقاو على برا جا عندو سعد وهي تقرب حداه ملاك خايفاه يدابز)
سعد: ها الواليد فاق مناويش ترد للناس رزقهم
اورطيغا: (كيتحلف وهو مخيييضر) والله يا مكم حتى نطوفكم على ديك الفيرمة وتقولو ان الله حق
ملاك: (كتجرو يبعدو وداكشي لي دار) متديهاش فيهم
اورطيغا: فين كنتي نتي بعدا؟! (وراتو الساشي شنو فيها وبقا كيشوف فيها من وسط الساشي ودغيا جمعها) تبقاي تعلمي!!
ملاك: (كتحلون) وانا بغيت نوجد لحبيبي مفاجئة كفاش غنعلمك!!
اورطيغا: (حرك راسو باه كيشوووف فيهم وهي كتحس بالفخر عاجبها راسها لقات باش تبقى تسكتو حتى هز ديك الساشية وهز كيشوف بلا ميجبدو من الغلاف)
عند مك الطولة ديال هادشي
ملاك: (معصبها) ياك فالتالي كتبقى تقبة تقبة
اورطيغا: هههه (شافها تعصبت) اليوم نفرع مك ونوريك الخروج بلا شوار كداير!!!!
أمينة: (خرجت من عندو وطبيب كيهضر معاها جا عندها اورطيغا وملاك)
ايه ايه فهمت يعني غير يدير العملية يتݣعظ نشاعالله!!
طبيب: ان شاء الله امدام، خليت ليكم الراحة
اورطيغا: شنو قالك الحاج؟
أمينة: مسيكين مهضرش بزاف ولكن الحمد لله بعدا دااازها وسول عليكم بجوج قلتلهم حتى هوما جاو من سفر باش يكونو معاك
اورطيغا: (حرك راسو باه) الحمد لله بعدا منين فاق
ملاك: وشنو قالك طبيب اخالتي؟!
أمينة: مفهمتش مزيان ابنتي ݣال لحجاب ديال ريتو معرفت مالها ومشالو التنفس داكشي باش غيديرو العملية ولكن ماشي صعيبة بزاف
ملاك: الحمد لله بعدا
أمينة: سيري ابنتي نتي ترتاحي، ولدي دي مرتك تغدا دابا معندها مدير هنا
ملاك: ونتي تبقاي بوحدك؟!!!
اورطيغا: حتى نتي الوالدة ياله ترتاحي انا نكمل فلعشية بكري ونرجعك هنا
أمينة: لا لا اولدي منين فاق ݣاع منخليه هانتا شفتي بينهم كولهم كيعيطلي نشوفو مرة مرة منخليهش وحدو غير سيرو راه شريف كاين هنا وحتى لعشية واجيو
اورطيغا: ياله بعدا غير تغداي
أمينة: انا نصيفط على شي حاجة مع شريف غير سيرو اوليداتي..
(اورطيغا بعدا كيتيق فشريف جر ملاك وتمو خارجين برا)
ملاك: (فرنست) فين غنتغداو؟!
اورطيغا: حبيبة خاص نرجع للخدمة ديباني بشي حاجة فالد… (مشات منفخة مخلياه كيهضر بوحدو قبل ميكمل الجملة، مسات لجهة الطموبيل تابعها حلت لباب طلعت غضبانة عارف مبقاش كيعطيها وقت زدحت باب الطموبيل مهضرش)
ملووووكة غير صبري معايا
ملاك: ديني عند ختي خديجة
اورطيغا: علاش متمشيش للدار صاوبيلنا شي لعبة ناكلوها بجوج!!!
ملاك: مكنعرفش نطيب
اورطيغا : انا قابل على ايتها لعبة درتينا وانا باغي ناكل من هاد ليدييدااااات (عوجت فمها وحركت راسها باه وتفكيرها انه قبل منين كانو مصاحبين كان كيلقى الوقت يتغداو يتعشاو ودابا مبقاش!!! وعاد قال لمو ياله نديك تغداي وهي قالها مشغول!! وصلو للدار دخل جاب ليها الكفتة من المحال)
شنو تبغي؟!!
اورطيغا: (جرها للمصعد مع تسد بدا كيشلقمها قاطع فيها التنفس حتى وصلو وتحل وهو يبعد وجهو عليها) غير صبري احبيبي الجمعة ختاري أي بلاصة نديك ليها
ملاك: (حركت راسها باه) شنو تبغي نطيب ليك!!!!
اورطيغا: لي قدرتي عليه ديريها بمطيشة!! هادي اسهل حاجة
ملاك: واخ (وصلها للدار باسها فجبهتها هي دخلت وهو رجع المحال حطت دوا فقجر الكوافوز ديالها لي شرات وبدلت حوايجها لبست بيجامة خفيفة صابرة البرد مهم تبان زوينة، ومشات الكوزينة باقة عاقلة منين طيبتها فرمضان قدات لاصوص كورت الكفتة ودارتها طيب مع لاصوص قشرت بطاطا وقلاتها ومشات صونات عليه باش يطلع يتغدا…)
اورطيغا: (كان كيفصل حولي قرأ ميساجها حسابلو غتعطل وقف الماكينة ما فيه لي يسمع شي نݣير منها وتغضب وعاد يمكن اول مرة تطيب مجاتش يݣردعها..
حط الطابلية غسل يديه حتى الكوع لبس جاكيط ديالو والخاتم، علم الدري لي معاه طلع زاارب باش دغيا يرجع يكمل الكموند، وصل للدار لقاها كتحط فالطبلة لابسة بيجامة كولون بتريكو طالقة شعرها ودايرة مكياج خفييف)
ملاك: نسيت مقلتش ليك تجيب مونادا
اورطيغا: نزل نجيبلك شي كانيط؟!
ملاك: لا لا معليش باقي عصير دلبارح (حطت داكشي جا هو حل الطاجين كان لفريت وحطت الزيتون)
كيف جاك
اورطيغا: الله يخلف عليك ازين (جلس قطع الخبز ليه وليها وغمس كياكل وهي كتشوف فيه كتسنى ردة فعل ديالو لاصوص كانت زوينة ولكن الكفتة باسلة مافيهاش العطرية فمرة وحتى الملح، شاف فيها كتسناه يهضر)
وهانتي تتعرفي طيبي
ملاك: (تبسمت) وااا غير مكنبغيش نبين حداݣتي
اورطيغا: ههه حسن
ملاك: ياك جا زوييين غير من الريحة طالعة واااعرة
اورطيغا : وااااااااو طيابك قتلااااا
ملاك: (بقا كياكل كيظحك وحتى هي كلات واخا جاتها شي حاجة ما شي هي هاديك) الكفتة مسوسة؟!!
اورطيغا : (شافت فيه بحال كتلومو هو) مرة جاية نجيبلك كفتة حسن!!
ملاك: الطناز لاخر!! حسابلي كتبعوها فيها العطرية
اورطيغا : معليكش ازين كولشي منك بنين.. ( طاح فيه عمى حيت فيه الجوع، كلا وناض غسل يديه وفمو جمع معاها الطبلة وكيشوف فديك الكوزينة مقلوبة خرج)
حبيبة انا غنزل نسالي ونجي عندك
ملاك: (كتحلون) بالصح!! اممم غنبقى بوحدي فالدار لي شحال ونتا باغي طلعني ليها!!!
اورطيغا: (مقرب متكي على باب بيتهم كيشوف فيها متبسم وهي جالسة فوق النموسية دايرة رجل على رجل)
ملاك: (بدلع كتلعب بشعرها) اوووكي صافي سير للخدمة!! (نعست على كرشها شادة التيليكموند شعلت التلفازة)
انا نبقى هنا حتى تسالي وتجيب خالتي معاك
اورطيغا: (كمش عينيه فيها وحايد جاكيطتو)
ينعل شي خدمة وما يجي منها ابنت رشيد..
(سد باب لبيت ودخل عندها وهي كظحك ************)
اورطيغا: (ناعس على ظهرها عريانين بجوج وهي بحرا كتنفس باس ظهرها وناض من عليها ضارب الخمسة على تر*** لي شبعها تصرفيييق غطاها كانت النموسية مقلووووبة والوسايظ مليوحين، لبس شورطو عاد ظارت عندو مشعككة لكحل سايح ليها متبسم حيت هاد المرة دار شنو بغا واخا تقسحت غوتت موقفش)
حبيبة غندوش ونزل تبغي شي حاجة!!!
ملاك: (غير كتشوف مخنزرة كان داكشي بين زوين وقااسح مرة يشدلها الخاطر مرة لا حتى التالي معقلش عليها واخا كانت كتقولو يحبس!!)
متعاودش تنتفني
اورطيغا: ههه على حساب!! (خرج مشا يدوش رجع لقاها مزال هي هي حنا لعندها كيرد شعرها اللور ويلمس فحنكها)
مال حبيبي؟!
ملاك: تقسحت
اورطيغا: قلت ليك كوزي مزيان باش المرة جاية متقسحيش
ملاك: زمر!!
اورطيغا: (جرها بايسها بالجهد حتى رجعت راسها اللور)
ملاك: مراااااااااد
اورطيغا: رية مراد!!! (وقت) انا نزل تبغي شي حاجة صوني علية نجيبهالك!!!
ملاك: ندوش ونتكى
اورطيغا: بصحتووو!!! (لبس دغيا حيت صدعوه فالتيليفون وهبط للمحال يمكمل كموند مهم اما هي ناضت فارقة رجليها كتعاود تخيل اخر بوووز منين خلاها تكوز وهو يشدها شدة لعمى فالظلمة!! واخا كتبغي تهرب حكمها وكفاش كان تيضرب تر*** بيديه كتحرك راسها بلا مكتبغيش تفكر راسها وهي مكوزة!! حتى كيكملو عاد كتبقى تفكر هادشي وكيجيها محرج!! لوات فوطة عليها وماشية وهي فارقة رجليها مفهمتش ياك صافي مخاصهاش تبقى تقسح واش حيت حبست منين كانت جاتها ولا مزال الجرح جديد!! دخلت دوشت وخرجت لبيت لبست حوايجها صلات العصر هزت كتاكل شي سقاطة جمعت لوسايد بلاصتهم وقدات لبيت وبقات متكية تفكرت دوا لي عطاتها طبيبة ناضت شربات وكدعي فخاطرها تصدق ليها هادشي لي ناوية عليه…)
~~~~~~~~~~~~
اورطيغا: (كان فالمحال حتى شاف حمزة دخل دارلو إشارة يجلس فالكرسي على ميكمل.. بقى كيتسناه مدة ومشا عندو)
فين
حمزة: (وقف) نمشيو لشي قهييوة
اورطيغا: وقتي مدبوووز دابا غيجي واحد خونا عندو ريسطو غيدي شي كموند ديالو وهو تيبقى يقلب داكشي عاد تيديه.. اسماعيل سير جيب لينا شي حاجة من المحلية
حمزة: صافي انا نمشي نجيب
اورطيغا: بحال بحال (مغيطلعوش للدار، دخلو لداخل فين كان طبلة وجوج كراسا جلسو جابلهم الدري الرايب والحرشة وحتى ليه وبقاو كيهضرو)
حمزة: ادم رجع لفرنسا
اورطيغا: وايلي!! غيكون تيكذب!!
حمزة: لا هاد المرة ڤري!! أكد علية السيد هنا وسول حتى فالمطار تماك
اورطيغا: اوا؟!
حمزة: معرفتش جاتني شمتة يهرب بحال مداير والو!! اااااو من مور هادشي يمشي هكاك
اورطيغا: ومرتك؟
حمزة: مزال مدارو معاها والو والمشكل لبنت لي كانت معاها مشايفاش ادم مزيان مكتعرفوش فالوجه!! (مكره) ومكاين حتى دليل عليه!!! صعيييب صعيب يتشد وهو ممخلي من موراها حتى حاجة جامعاه مع هادشي كامل!!!!
اورطيغا: كاينة غيثة!!! غيثة تشهد ضدو
حمزة: باش!!!!! الولد صدق ماشي ولدو ممشدودش فالكاميرات حتى فاش كان كيتكرفس عليها مكانتش كدير شهادة طبية حتى من هضرتهم واتصالاتهم ماشي من تيليفونها… (زفر معصب بزااف) حتى حاجة مضددو من غير أقوال وصافي والوالدة ديالك مشافتوش حتى من التاكسي مافيهاش بصمات اخرين من غير بصمات مول التاكسي!!!! نهار الخطوبة ديالكم أميمة نقولو شهدت عليه فداكشي ديالي انا وملاك ودخلاتو!!! حتى حاجة مجامعاهم حتى ميساج مكاينش!!!! ونتا متأكد مغتيشدووش على حساب السم وأميمة مغتقول والو وتميح سما بليݣة حيتهي عارفة غترجع فتهمة ديال محاولة القتل عمدا وهي مغتزيدهاش على راسها !! ختو لي كنا معولين عليها خوات المغرب وقالتلي عمرها تعاود ترجع ليه!!!
اورطيغا: (حبساتلو الماكلة) يعني حشاه فينا حتى المعدة وسلت
حمزة: قول
اورطيغا: اوا؟!
حمزة: اوا حمد لله الوالدة ديالك معاك انا لي دفنت با ومسكين معرفنيش حتى كنت غيير مظلوم انا لي خرجت ممن خدمة تقاتلت عليها باش ندير بلاصتي وهو مشا معزز راجع لحياتو
اورطيغا: شنو زعما صافي!!
حمزة: الا مبانش شي دليل ومبانش هو نيت علاش غيتشد؟!
اورطيغا: (بقا سكاااااات) وخدمة ملاك؟
حمزة: غترجع ليها غير أميمة تهضر ويكملو الإجراءات غترجع ليها لي كنتمناه هو ميمرضوهاش تماك حيت الناس مكترحمش غيقولو شنو سباب باش وقفت هاشنو ها شنو واخا تخرج براءة كاين لي كيفكر ب*** ماشي بعقلو
اورطيغا: (فهم قصدو والمشكل حتى هو فكر فيها)
يعني فالخدمة مزال موقفا!! وداك التعويض؟! كان جاتها شي حاجة فالتعويض!!!
حمزة: معرفتش يمكن فالسيستيم ديالهم هكاك
اورطيغا: اممم.. (كولها فين سهى حيت كولشي باغي ادم يتشد ميمكنش من مور هادشي كامل لي دار ميتعاقبش) وحتى توفيق هرب
حمزة: (مأزم) ضاربين دوك ***** حسااابهم مزياااان
اورطيغا: من اللول حنا لي زݣلناه ݣاع تخلص 4 دالكلوشارا يݣرضو مو ويلوحوه فشي خلا
حمزة: ماشي حل
اورطيغا: والحل هو يهرب دابا شنو غنديرو
حمزة: (سكت حيت الا عندهم شي زهر هو يعاود يرجع…)
أمينة: (داخلة هي وولدها كيظحكو واخيرا رجعت فيها النفس منين الحاج فاق، وولادو معرفو واش يحزنو ولا يفرحو!!! كان صقيييير فالدار) فين ملاك؟!
اورطيغا: (حل باب لبيت شافها نااااعسة والتلفازة مطلوقة)
ناعسة…
أمينة: تكون قنطت مسيكينة
اورطيغا: (سد داك لباب حيت كانت ناعسة طالقة الشوفاج وكانت ملابساش مزيان، شك وسبق مو للكوزينة وهي دخلت لبيتها تبدل حوايجها لقا البوطاجي مقلوب كما خلاه قبيلة يعني حتى الماعن مغسلاتهمش مشا كيجمع دغيا داكشي والماعن حطهم فوسط لابابو الوسخ ديال مطيشة وبطاطا وربيع دارهم فپوبيل ساااخط حيت مكنوش شي ماعن بزااااف لدرجة الزيت فاش قلات لفريت مخلياه معري ونقاطي دالزيت فالبوطة شد ديك الزيت لاحها مسح البوطة دخلت مو وهو يحبس مشا كيكب يشرب لما)
بلا مديري شي عشا راني داير الطنجية
أمينة: نݣاد ليها شي شلاظة ؟!
اورطيغا: بلاش عليك انا نجيبها سيري نتي غير رتاحي راك ظالة واقفة معاه انا نوجد ليك شي كاس أتاي
أمينة: لا لا انا نوجدو (شدت فظهرها) والله اولدي حتى تقسم ظهري!! جيبنا شوي دالفاكية معاك
اورطيغا: واخ.. (بغا يخرج وشافها مشات تغسل لماعن ملقى ميقول حيت مغتخليهش هو يغسلهم، مشا لبيت مع سد لباب فاقت وكان سدو بالجهد)
النعاسة!!!!
ملاك: (شادة راسها) بففف، محسيييييتش براسي
اورطيغا: نوضي باش تنعسي فالليل
ملاك: جات خالتي؟!
اورطيغا: اممم تتغسل ماعن لغدا لي بقاو منا!!
ملاك: احم، (تحرجت ناضت من بلاصتها كتجمع النموسية لي كولشي مخربق فيها حتى لوسايد جبدتهم)
علاش عليها انا نمشي نقادهم..
( مجاوبهاش، شافتو هز فلوس)
داير فلوس ديالك تماك؟!
اورطيغا: اه، خاصك شي حاجة؟!
ملاك: لا!!! علاش مكديرهمش فلبنك ؟!
اورطيغا: حاط شي حاجة فداك صندوق التوفير تنجمعهم تماك باش الا كنت فشي مدينة وتحنسرت نجبدهم واغلبية الفلوس هنا تنحطهم
ملاك: كوفر فور؟!
اورطيغا: اه
اممم مزيان (جمعت البيت، كان كيلبس حوايجو) غتخرج؟!
اورطيغا: اه غنمشي عند دراري لاكلينيك
ملاك: ومنخرجوش؟!
اورطيغا: حتى لغدا ونخرجك دابا الوالدة جات عيانة هانتي جالسة حداها والعشا غنجيبو معايا
ملاك: منين كنا ممزوجينش كنا كنخرجو ديما ودابا فاش تزوجنا مكنخرحو لا ناكلو لا نتسرااو بحال مزوجين قرن وزماارة
اورطيغا: غدا نخرج حبيبتي فين تبغي
ملاك: غير كتقول!!
اورطيغا: تنهضر معاك!! (حركت راسها باه دازت من حداه ضاربها لتر*** ظحكت وخرجت مشات عند أمينة جالسين كيتعاودو وهو خرج…)
يوسف: (جالسين فقهوة حدا لكلينيك) تيبانلي يجلسو هاد المدة هنا الهضرة توصل توصل وداك الهبيل الواحد ميتييقش فيه
شريف: دار فينا الرعب هاد الكلب
اورطيغا: (غير ساكت وكيكمي مقادرش يعتارف انه ادم داير ليهم الرعب كولها وعلامن خاايف.. مرضااش برهوش ملعبهم كما بغا)
يوسف: هو عينو فختي باغي يمرضها وصافي
اورطيغا: حسن متسافرش لبرا بعدا هنا تحت عينينا كاملين اما تماك واخا القانون ولكن هداك مريض عندو حياتو بحال ربح بحال لخسارة تنوي فيه اي لعبة
يوسف: هادشي فاش تنفكر المشكل هي بغات تخوي من هنا ومتحمسة باغا غير امتى تمشي
اورطيغا: عطا الله أجمي فين تمشي
شريف: ياك قلت تيكونو عندكم خدامي بزاف برا فاس سير معاها نتا
اورطيغا: (غمزو) وضرب جوج فخيط
يوسف: (كيفكر فيها كان واعد خديجة يمشيو غير بجوج يقنعها بغيثة لي اصلا عزيزة عليها وكظنش انها ترفض!!!)
اورطيغا: مزال خوتك تابخين ليك *** على الفيرمة
شريف: بزاااااااف!!!
اورطيغا: انا حتى يصح الحاج عاد غنردها ليه وهو حر يعطيها لمن بغا مهم الأمانة ترجع لصاحبها منين يكون بصحيحتو!! مات مشفتوني مشفتكم
يوسف: نيشان حلال عليك ههه
شريف: من عندي الله يربحك بيها
اورطيغا: مهم هو هدا انا غنمشي (كيحك فصدرو) تعطلت!!
يوسف: (تغامزو عليه) ركبتي لقرووون
اورطيغا: اخويا المدام حاكماااااني دارت معايا 9 هي 9
شريف: هه سييير راك مزال عريس جديد..
اورطيغا: (مشا من حداهم كيشوف مفتاحة جاية عندو)
السلامة يا ربي
(جات تهضر معاه وباين علاش حل باب طموبيلتو زارب)
الله يسهل الله يسهل!!!
(خلاها مطرطقة عينها كسيرا وزاد داز الفران خدا الطنجية عاد داز خدا شلاضة والخبز مونادا وطلع للدار لقاهم حاطين براد أتاي حط داكشي فطباسل وحطو ليهم فوق الطبلة كلاو فجو المعاودة ناضت ملاك كتجمع مخلي مو حداه كيهضر معاها ملاك غسلت دوك الماعن براكة غير قبيلة مو لي غسلت روينتها كتحاول تنقي الكوزينة باش تعجبهم ويشوفو الانجاز شنو دارت!! ولكن حتى واحد مهضر معاها كملت ومشات لقاتو وقف من بلاصتو مد يدو شدت فيديه)
ياله
ملاك: فين
اورطيغا: (همس ليها) ن****
ملاك: (طرطقت عينها ومشات لبيت تابعها) فين غنمشيو مك مزال فايقة!!!
اورطيغا: هداكشي باش غنمشيو لدارنا نقضيو الغراض ونرجعو
ملاك: ياك قبيلة درنا
اورطيغا: طبيب كاتبلي مرة فنهار ازين؟! (بقات كظحك) ياله ابنتي تغلفي مزيان راه تابعنا خدمة
ملاك: ههه جات حشووومة اويييييلي معيقة ݣاع!!!
اورطيغا: معليييييكش ديري فيها مضهصصة حتى نتي
ملاك: ههه كترد الصرف!!
اورطيغا: ياله.. (قال لمو خارجين يضربو دوييرة ومشاو لدارهم لي فنفس المجمع..)
دازت الايام الحاج دار عملية وبقات صحتو كتحسن نهار على نهار بقات عملية اخرى بسيطة ماشي بحال اللولة، جات لملاك استدعاء باش تمشي البوليس تقدم الإفادة ديالها هي وحمزة ويطابقو كلامهم مع أميمة..
ملاك: (كترجف) نااااري مبقيتش حاملة نرجع هنا!!!
اورطيغا: ومال مك تترعدي!!! خرجي عينك وقولي شنو كااااين
ملاك: محاملاش نشوف كمارو ديك الق*** (ضربها ففمها حتى تقسحت) مراااااااااد!!!!
اورطيغا: واش بنت لمك زوبيدة حداك!!!
ملاك: معصبة حتى نتا تفهمني!!!
اورطيغا: اااجمعي راسك ابنادم قبل منجمع مك بشي نص!! قالك تفهمني!!
ملاك: (عوجت فمها بقاو حدا لباب والكوميسيريا حتى لحق حمزة وباها سلمو عليهم) واش ضروري نتواجهو؟!!!
اورطيغا: (شاف فحمزة) شنو غيديرو دابا؟!
حمزة: ملاك غتقول شنو وقع داك نهار وهي غتقول شنو دارت وصافي ماشي شي حاجة حاولي غير متخليهاش تستفزك
ملاك: تقااالها تفووو
رشيد: سمعتي شنو قال
ملاك: اه!! (شافت فباها لي كيهضر معاها مخنزر مفهمتش واش فيها نيت ولا حتى هو معصب بحالها!!!! حمزة دخل لداخل وهي بقات على برا حتى يعيطو ليها)
لوكان جات المحامية حسن
رشيد: (تجاهلها) الارض لي كنت سولت عليها راه طيح ليك فيها داك السيد
ملاك: اشمن أرض؟!!
اورطيغا: (حك فذقنو) شحال من زيتونة
ملاك: اشمن أرض؟؟
رشيد: فيها 25 و5 لوز دار صغييييرة وبير مشروك
ملاك: واش بغيت تشري جنان؟!!
اورطيغا: اممم، وشنو بانلك نتا!! فيها شي ربح؟!
رشيد: الارض زيييينة وحتى الثمن لي دار معاك مزياان الا فلوسك واجدين غير زعم
اورطيغا: ان شاء الله
ملاك: مقلتلي والو!!!
رشيد: واش مكتشوفيش انا والسيد كنهضرو ونتي غير هضر هضر هضر!! مئات مرة كنقولك منين رجال يهضرو مدخليش رااسك
ملاك: (غوبشت من تدخل باها مرضااش قدام مراد سكتت مراد غمزها باش متقلقش!! خرج عندهم حمزة باش دخل دخلت معاه وخلاتهم كيكملو الهضرة…)
ملاك: (هي جلسوها. كتشوف فأميمة لي واقفة نيفها مهرس وجهها منفوخ وزرق ودايرة شال مخربق ضعيييفة مع حوايج باليين شافت فحمزة لي مربع يديه مكيشوفش فيها والكوميسير كيهضر مع الكاتب باش يسجلو أقوالهم حتى وجه ليها السؤال تعاود شنو وقع داك نهار)
(متأثرة بزاف زائد مشاعر الغضب والشمتة) انا كنت راجعة للدار حتى شفتها جاية عندي كتبكي وكتقولي نعتق عمها الله يرحمو مخلاتنيش نعيط لشي واحد يعاون حتى دخلت عندهم للدار هزيت تيليفوني بغيت نصوني على بابا حيت هو صاحب المرحوم حتى شفتها دفعاتني لبيت وسدت لباب كان مظلم حتى كنشوف حمزة بحال عاد نايض من نعاس عريان بقينا كنهضرو معاها تحل لباب نرغبوها والو ملقيناش كفاش نخرجو شوية تحل لباب وكانو البوليس
حمزة: (كيشوف فملاك كفاش كتعاود باين عليها مأثرة وعاد صوتها لي كيرجف بلبكى بحرا كتبلع ريقها باش تكمل)
ملاك: …. جينا هنا بقينا ديك الليلة حتى خرجتونا الغد ليه (شافت فأميمة بكره)
علاش هادشي كامل؟!!! فين عمرني آذيبيتك ولا وصلتك؟!!
حمزة: متهضريش معاها املاك
أميمة: على هادشي!!! هو لدابا مزال كيبغيك!!! شنو فيك نتي باش مبغانيش أنا؟! شنو زايد فيك نتي وناقص فية انا؟! شنو لي خلاه ناسي مرتو وولدو لي مات بسبابكم!!!
ملاك: الشرف!!! هو لي عندي انا ومعندكش نتي!! ومتبقايش دخلي ولدك فهادشي نواكلاش شوفي شي سبة اخرى
أميمة: (باستهزاء) لا باينة عندك الشرف!! حمزة عاودلي كولشي فاش كنتي كدخلي عندو لبيتو وتسلتي من باباك وتمشيو تلاقااو (ملاك شافت فحمزة) وفين خليتي الشرف ديالك فاش كان باقي مزوج بية ونتي كتلقاااايه وتهضري معاه!!!
ملاك: واش مكتشوفيش فين نتي وفين انا؟؟! واش مزال عندك الوجه باش تخرجي عينيك راك كنتي سباب باش مات عمك مكتحشميش!!!
أميمة: وحشمتي نتي منين سرقتيلي راجلي ؟؟! حشمتي منين مات ولدي وبسبابك؟!!
ملاك: ههه هادي حمقة نيييشان باش تنتاقمي نني حطيتي يدك فيدك واحد مريض وهانتي نتي لي ضعتي!! حنا كاملين عايشين حياتنا الا نتي لي كيتسناك الحبس
أميمة: مووهيم الناس عارفين انا درت هاكا حيت خفت على راجلي من بنت اليهودية ماشي انا لي تشوهت ديك الشوهة!!! نخرج من الحبس براسي مرفوع اما نتي عمرك تهزي راسك فحومتنا!!!
ملاك: (ديك الخرجة داك نهار عمرها تنساها!!!
زادت تعصبت كتر وكتر حتى بغات تشفق على حالتها زادت ستفزتها كتر وكتر محست غير هزت ديكور دالحجر فوق البيرو وشيرت بيها عليها جاتها فالنيف بقات أميمة كتغوت ربي للي خلقها حاجة يدها على نيفها ناض حمزة صادماه ملاك شبكات تماك البوليس شدو ملاك دايرين ليها المينوط كيشوفو دوك دمايات!! وحمزة كيهضر باش يطلقوها ميمينكوهاش ممسوقش لأميمة للي كتركل شادة نيفها لي طوش بالدم وتبكي خرجو أميمة والباب تحل كان اورطيغا وباها لي تماك مفاهمين والو منين سمعو الغوات)
أميمة: (تابعها حمزة لبرا) عمرني نسمحلك احمزة نتا لي وصلتني لهاكا نتا وصاحبتك!!
(شافت فرشيد)
بنتك سباب هاد الفتنة كااااملة الله ياخد فيها الحق وهي مخلات مدارت مع حمزة حتى فنعاسو معايا كان كيعيطلي غير بسمية ملاك
اورطيغا: سيري الله ينعل ط***** مك يا ***** (صعر ومفاهم والو وشكون ضرب هادي!!! وشنو كتقول عادي!! حمزة تشوف مع اورطيغا لي صعر حتى هو ورجع دخل وتسد لباب!!!!)
أمينة: ماشي مبغيتش نرجع للرياض غير کلت تماك نݣابلك حسن حيت كولشي كيسول عليك وغتكون الدنيا عامرة ونتا خاصك الراحة
الحاج: نتي عارفااني كنرتاح فالرياض بغيت نكون بين عائلتي وولادي وتكوني نتي ومراد ومرتو
أمينة: نتا تعرف ولكن مراد غيبقى فالدار
الحاج: واش قالولك شي حاجة؟! ولادي وختي!!!
أمينة: لا غير ݣلت على صحتك وصافي! اما فينما كنت نتا أنا معاك.. (صونات على ولدها مجاوبش)
يمكن مزال فصفرو
الحاج: بغيت نشوفو
أمينة: دابا يجي هو ومرتو كان ضروري يهبطو يقضيييو شي غراض عندهم تماك ويجيو…
~~~~~~~~~~~
ملاك: (كتبكي)
هي سباب هي بقات كتستافزني وتقول شي حاجة مكينااش راجلي برا غيكون سمع هاد تخربيق مكفاهاش خلجتلي على خدمتي!!
(بقات كترجف وفيدها المينوط)
حمزة: (كيرغب باش ميهبطوهاش لتحت) راه هي مرييضة بالاعصاب من مور شنو دارت ليها داكشي باش متحكمتش فراسها, راه اصلا كاين ورقة كتبين ملاك فيها الاعصاب بسباب ديك البرهوشة
ملاك: (غير كتبكي كتحرك يدها والمبنوط كيزيد يتزير عليها)
اورطيغا: (كلام اميمة عصبو بزااف رشيد بقا غير واقف مفاهمين والو ومتيقش كلام اميمة حيت عارف بنتو مستحيل تهضر مع حمزة ولا تصاحب معاه عكس اورطيغا بي كان شاك!!! حلو لباب بوليسي مخلاهش يدخل دغيا شد لباب)
شنو واقع مرتي لداخل مفهمنا والو انا وباها!!!
….: منين غيكملو لونكيط غتخرج عندكم
اورطيغا: وكفاش تضربت هاديك؟!
…….: (مجاوبوش بقا واقف حدا لباب اورطيغا رجع حدا رشيد مفاهمين والو)
….: واش ابنتي حنا فغااابة باش ديري هكا كنتي مظلومة رجعتي ظالمة هي غتقدم شكاية عليك وبحال والو ديرلك الشونطااج
ملاك: هي لي عصبتني
….: وغير عصباتك ديري هكا لوكان جبتيها فراسها ولا العين ولا ضربتي شي ضربة خايبة تصدقي قاتلة!!!
ملاك: (بقات كتبكي وكتشوف فلمينووط محدها كتحرك يدها وهو كيزيد يضياااق ويضرها كتر وكتر)
عفاك حايديلي المينوط انا ماشي ديال هادشي لتاني مرة كنديرهم بسبابها عفاك حايدلي هادشي!!!!!
اورطيغا: (حس بالاعصاب لعبو عليه شاف فباها حتى هو مغوووبش مفهمو والو وعاد أميمة لي خرجت كتبلبل كولها دمايات)
رشيد: لا حول ولا قوه الا بالله العلي العظيم
اورطيغا: شي لعبة لداااخل!!! (جبد تيليفونو صونا على حمزة قطع عليه) ولد ال****
(مبقاش داير حساب رشيد، بقا واقف ماشي جاي وافكار مرونة عندو فالراس)
رشيد: (حاس بكلام أميمة لعب فراس اورطيغا حيت منين هضرت وهو منيرڤي كتر منين كانو قبل وعاد مسألة عارفين مراد كيغير من حمزة على ود ملاك) اجي نخرجو برا غيكملو ويعيطو لينا
اورطيغا: وملاك!!!
رشيد: غيكملو ويعيطو لينا
اورطيغا: (خرج برا جبد ݣارو موالف مكيكميش قدامو ولكن دابا غيتفرݣع وخاصو يكلامي راسو الشوفة لي شاف فيه حمزة منين مرتو كانت كتهضر جاتو فشكل!! كلامها كيتعاود منين قالت فاش حمزة كينعس معاها كيعيط ليها باسم ملاك وهو عارف مزيااااااان منين كيكونو فالطوب ديال النشوة كتبان ليهم غير لمرا لي كيبغيو)
سمعت حمزة كان خاطب بنتك ملاك؟!
رشيد: (حرك راسو بلا) كلام لعيالات عمرني بغيت!! من اللول ربيتهم خوت وحتى هي مكانتش باغية
اورطيغا: (بتشكيك) اممم هي مبغاتش ولكن هو كان حاط العين عليها!!!
رشيد: مديش على ا كلام ديك اللفعة لي فرقت الاب على ولدو شنو تسنى منها راه طيحت باطل عليهم قد السخط داك نهار!!! ساهل باش تقول اي حاجة باش متخرجش بوحدها لي خاسرة فهاد المجمع كاااامل
اورطيغا: انا تنتيق فبنتك بوحدها
رشيد: (حرك راسو بأه حتى صونا عليهم حمزة دخلو بالزربة كان غير هو )
فينها ملاك؟!
حمزة: مزال لداخل (تحل لباب خرج الكاتب وتسد دغيا)
اورطيغا: واش انا تخايلت ولا!!! واش ملاك دايرة لمينوط؟
رشيد: المينوط!!!
حمزة: ضربت ديك الكلبة وداوها لطبيب
رشيد: ملاك لي ضربتها!؟!!!
اورطيغا: علاش شنو دارت ليها باش حتى ضربتها؟!!!!
حمزة: عصبتها وملاك محسات براسها حتى ضربتها انا عيطت على المحامي لي شاد لينا القضية ديالنا
رشيد: واش غتشد عاود؟؟!!
اورطيغا: (غير مخرج عينيه جات تعطي أقوالها صدقت هي لي مشدودة وتاني مرة كتمشي مظلومة جبد تيليفونو حتى هو صونا على يوسف يشوفلو شي محامي مغيتسناش حمزة لي يخرجها)
رشيد: ميخليونيش نشوفها؟!
حمزة: مغيوقع ليها والو حدها ݣاع تسني شي التزام الخايبة هي الا ساومتها أميمة تقولها باش نسمح ليك حتى نتي سمحي!!!
أميمة: (كانت كداوا فصبيطار ودارت فيها موتة حمار هوتة وجات لبين يدها باش مدخلش الحبس ولا دوز فيه داكشي قليل دارت راسها سخفت وطلعوها لشومبر من بعد متداوات وعارفة وجهها تشوه اكترية نيفها لي جات تهريسة تابعة تهريسة ولكن ضاربة الحساب تدير عملية تجميلية المهم متدوزش الحبس بزاف..)
~~~~~~~~~~~
ملاك: (بكات حتى تفشت وبقات غير صاقرة دخل عندها لي كيدير معاها تحقيق شافت فيه)
واش غاندخل الحبس؟!
….: نشوفو كفاش ترونجااو
ملاك: معليش انا مابغاش نترونجا الحبس ندوزوه بجوج مخالعنيييش
….: (بقا كيشوف فيها كتهضر بكل ثقة)
ملاك: بالصح كنهضر الا غتحسب راسها غتفلت بهادشي غير تنسى انا عندي الشاهد حمزة هي جبدتني وانا دافعت على راسي هي بغات تضرب وانا غير كاليت على وجهي ومعرفتش كفاش حتى ضربتها ولكن باش هاديك تخرج منها بحال مدارت والو لا
حمزة: (دق لباب ودخل قالو شنو قاالت ملاك متبسم من ثقتها)
اصلا انا لي ضربتها وملاك شاهدة
…: واش حنا تلعبو هنا؟!
ملاك: (شافت فحمزة) اه شاهدة بعدا الحبس كيجي مع رجال انا مرا مزوجة مخاصش نتحبس
حمزة: داكشي لي كاين
….: هههه اوا انا وحسبوني معاكم ولي كانو معانا حتى هوما شافو حمزة هو لي ضربها
ملاك: (فرحت ماشي أنانية منها ولكن مصلاحتها مخاصش دخل الحبس)
حمزة: هضرت معاهم وكولهم متافقين معايا، وحدة كانت مرتي وجبتها من عند واحد عادي تكون ردة الفعل ديالي هكاك وعاد سباب باش مات بّا غير الا مبغاوش يتيقوني!!!
ملاك: (عجبتها الفكرة وفرحت وماقدرتش نخبع ابتسامتها حمزة مافيها باش يضحي شوية راه بسبابهم هو وهي وقع ليها هادشي كااامل.. شافت فداك البوليس)
راجلي وبابا برا عفاك غير نهضر معاهم غيكونو تخلعو علية بزااف
…: (وقف وشاف فحمزة زعما هانا خارج ولاح ليه ساروت المينوط.. خرج ودخلو عندها كان حمزة كيفك ليها المينوط مقرب راسو من يدها)
اورطيغا: وااااا بنااادم !!
ملاك: غير كيحايدلي المينوط
حمزة: (حل المينوط محايدو من يدها وهي بقات كتماصي بلاصة فين كان مزير وكتشوف فيه)
رشيد: شنو هادشي عاود؟!!
ملاك: هي لي جبدتنتي والله! سولوووهم
اورطيغا: (ناضت مشات حداه بحال محمية فيه دار يدو على كتفها)
شنو وقع؟!
ملاك: بقات كتستافزني وتعاااير كتقولي خرجت عليك وعلى خدمتك وشوهتك مبغاتش تسكت ݣاع!!! سبت ماما وسبت خوتاتي بكلام قبيح (حمزة عارفها كذابة) مخلات مقالت وكتجبد باغا توصل ضربني محسيت غير بضربتها بداك الديكور لي حدايا
رشيد: ومتعرفيش تصبري ولا باغا تغرقي راسك
اورطيغا: انا هضرت مع واحد المحامي
ملاك: بلاش اصلا غنخرج معاكم، حمزة لي تسبات فيه ضربها
اورطيغا: (شاف فحمزة مكرهش يهز داك الديكور ويبدا عليه لداك الراس شاف فرشيد لي سكتو حمزة كيشرح ليهم، محملوش يكون هو البطل ولكن ميسخاش بيها دخل الحبس وعاد كلامهم مقنع وحتى هو مغيضررش حيت شاهدين معاه صحابو خرجو من تماك باش يكملو الإجراءات من تماك مهضرش حدو علم يوسف باش بلا ميجي لا هو ولا المحامي)
ملاك: (بقات غير ساكتة قبيلة على شوية كانت غتبقى فيها أميمة وشوف دابا فين وصلو شافت فحمزة لي كيدااافع عليها تبسمت معاه كتهضر بلا صوت)
شكرا
حمزة: (حرك راسو بصافي، عطاوها باش تخرج وهو غيبقى تماك على مترجع أميمة حتى يعيطو ليها وترجع باش تسني على الاقوال خرجت جا عندها باها واورطيغا)
رشيد: حمزة غيبقى هنا؟!
ملاك: اه مسكين (حمر الشوفة فيها مراد حتى تلفت.. خرجو على برا كانو ناويين يبقاو تماك فصفرو حتى مراد قال غيرجعو)
ياك قلت نبقاو هنا نتغداو ونرجعو!!
اورطيغا: عندي شي شغل
ملاك: صافي سير نتا وانا لحق بلاتي اصلا خاصني طموبيلتي ومنها نجي صايݣاها
اورطيغا: (مجاوبهاش) عمي رشيد حنا غاديين حتى نوليو نجيو من بعد!!!
(ملاك غير كتشوف مولاتش هضرت باش ميدابزوش قدام باها, ودعهم رشيد وهوما شدو طريق لفاس ساكتين حتى نطق)
شنو قالت ليك باش نضتي ضربتيها؟!
ملاك: كتجبد أصل ماما وتبدا تسبني بيه
اورطيغا: علاش نتي مرضك هاد الموضوع بحال هو جريمة زعما راك واعية وقارية ومن اللول هضرنا معاك متجاوبيهاش فين كنتي غتوصلي!!!!
ملاك: الطريقة باش كانت كتهضر عليها ماشي بحال كتهضر عادي هي لا كتخسر الهضرة لوكان كنت نتا فبلاصتي مكنتش غتصبر
(كتحك بلاصة المينوط لي كان تزير عليها ودار لاطراس فيها)
اورطيغا: عرفتي شنو قالت فاش خرجوها من عندكم
ملاك: (كانت سمعتها) مسمعتش
اورطيغا: قالت فاس كان تي*** فمرتو كان تيعيط ليها بسميتك نتي
ملاك: وأنا مالي؟؟!
اورطيغا: (شاف فيها ورجع شاف فطريق) بزاااف على واحد دايرك ختو وباغي يتلاح الحبس عليك!!!
ملاك: مفهمتش دابا لاش كدخل حاجة فحاجة بغيتني نمشي نبقى نضرب فبنادم ونقولو علاش كتقول هكا وخاصك تقول هكا وحمزة راه بحال خويا
اورطيغا: هو كان حاط العين عليك ماشي ديك الهضرة لي تتقولو انه خطبتكم كانت غير بين لعيالات هضرة ودايزة!! الا نتي دايراه بحال خوك هو لا مكانتش دايرك بحال ختو!!!
ملاك: وانا مالي؟!!! واش كتحاسبني دابا على شي حاجة انا اصلا مدايراهاش هو قال ولا دار وانا مالي!!!
اورطيغا: (كيشوفها كتهضر بكل ثقة) قالت كنتي مصاحبة معاه قبل زواج وحتى فاش كان مزوج
ملاك: ردني عفاك لدارنا!!!!
اورطيغا: راه تنهضر ابنادم ماشي تنحاسبك
ملاك: لا نتا كتحاسب!!! وغير كتخربق وكدخل الشكلي فالعكلي من اللول قبل حتى ميكون والو بيناتنا قلتلك مكانت حتى علاقة بيني وبينو ومزال كنقولها وغنبقى نقولها نتا بغيت تبقى تيق مبغيتش هكاك غتبقى مريض فراسك بيها ومرة أخرى شي حاجة لي فااتت متبقاش تجبدهالي باش حتى انا منجبدش شحااال من حاجة فاتت ديالك!!!
بقاو ساكتين حيت حددت ليه السرعة منين قالتلو نجبد ماضيك لي مزال كيحس بتأنيب الضمير من تصاحيبتو مع ليلا لي بسباب ديك العلاقة لي مكملتش ناضت هاد روينة كاملة!!! من ديما كيحس بيها كتزمتو بهضرتها المعقولة ولكن كلام أميمة سمماتو فصحتو ودماغو كأي رجل شرقي غيوووور ميرضاااش واكترية مرتو لي كانت فعلاقة مع هاد السيد لي بغا يكون صديقو!!!!
ملاك: (قالبة وجهها مغوبشة مربعة يدها وتفكيرها انه خاصو هنا يحبس التفكير فهادشي حيت داك الكلام غيبقى يدور فراسو وغيخلق ليهم مشاكل وهوما مناقصينش!!! وصلو للسعادة مع وقف بالطموبيل خرجت منها سادة لباب زادحاااه متعمدا مخلياه كيغلي حيت عارفة عدوه شي واحد يزدح عليه باب الطموبيل، طلعت للدار تبعها كانت سبقاتو طلعات فالمصعد بقا هو كيتسنى حتى نزل ليه رجع طلع فيه كينعل الشيطان ولحق بيها للدار مكانتش أمينة دخل كانت فلبيت لقاها جالسة فوق النموسية عارفاه غيلحق بيها…)
اورطيغا: شنو هادشي ديالك نتي!!
ملاك: (مكتشوفش فيه) بعدني امراد هاد الساعة
اورطيغا: واش نتي مريضة!!!
ملاك: (جات باغا تخرج وهو يشدها تنترت منو كتشوف فيه زااااعفة) مااااحد دوك الوساويس عندك فراسك عمرك تقدر تباصي علاقتي لقديمة من ديما كنقول حمزة مجمعتني بيه حتى حاجة خاصة كنت كنعاملو كما كيعاملوه خوتاتي هو كبر معانا كما غيثة كبرت معاكم!!! نتا مبغيتش تيق شنو بغيتني انا نديرلك!!!
الا نتا تيقت كلام ديك الخ*** د أميمة مغنجيش انا نمسحو ليك من راسك حيت نتا باغي تقنع راسك انه بالصح وباغي تيقو وتموت ونقولك اه انا وياه تصاحبنا!!!
واخا هادشي فالاصل مكيهمكش ومشغلكش فيه حيت داز وداك الوقت مكنتش اصلا كنعرفك فيه
اورطيغا: (غير مكمش عينو فيها وساكت)
ملاك: باش تجي تواسيني على شنو وقعلي هاد صباح جالس كدير معايا لونكيط حيت موسخة كلبة حلت فمها وبقات غير كتهضر!! منين نتا متاايقش فية علاش اصلا مزوجني؟!!!!
اورطيغا: مقلتش متايقش فيك
ملاك: خرج امراد بغيت نعس!!! انا بعدا ثقت فيك وعمرني قلت ندير معاك لونكيط ولا نكذبك ولا نحاااسبك على داكشي ديال لي داز حيت لي كيهمني دابا هو نتا ومستقبلنا ماشي داكشي لي دوزت!!
اورطيغا: (كتزرب عليه حتى ملقى ميقول) هضرتي بزاف لا!!!
ملاك: اه هضرت وواخا نبقى نهضر حتى لصباح الا نتا مبدلتيش راسك بيدك انا مغنبدل والو ومغنعاودش نهضر فهادشي! والا عاودت جبدت علية هاد تخربيق غنوضوها دبالصح!!!!
بففف…
سير نزل للمحال ديالك، دابا باغا غير نعس
اورطيغا: (حس براسو زيرها بزااف) صافي خوي راسك دابا
ملاك: انا خاوياااه نتا لي معمر راسك (خرجت من حداه باقي كلامو البارد كيستتفزها دخلت طواليط)
علاش مبغاش ينسى واخا هو دوز كتر مني تفووو على مرض!!! بنت ال**** لوكان نشدها دابا!!!
اورطيغا: (بقا غير كيشووف خرج من الدار بهدوووء حيت بكل بساطة كان الحق من جيهتها!! هبط المحال وكلامها كيتعاود فودنو هو براسو مفاهمش علاش كيبحث فماضي داز عليه شحااال هو باغي يقتانع انه ملاك مدوزت والو مع حمزة حيت راه رجعو صحاب نسبيا وميمكنش يكون مصاحب شي واحد وهو عارفو كان صاحب مرتو!!!!)
اورطيغا: (بقا فالمحال كان خاوي حيت وقت الغدا كيفكر فهاد الحريرة جات كاميو دلحم خرج باش يشوف ويدخل حقو حتى من الݣرنة تحرم منها كان كياخد منها فلوووووس ودابا كيتجنبهم ويبعد من صداع حتى يفيق الحاج مزيان ويرجع حيت وخا هكاك لكلاب دولادو الا مزال كيخافو من باهم!!! دخل داكشي فلفريݣو لداخل شاف فمو جات دخلت عندو كتسناه كمل ومشا عندها)
شكون جابك؟؟؟
أمينة: جيت فتاكسي؟! حسابلي غتجلسو تغداو فصفرو حتى ݣالتلي زهرة رجعتو وكانو دايرين بحسابكم
اورطيغا: كانت عندي كموند
أمينة: وخلي البنت تشوف مها اولدي من نهار تزوجت ممشات عندهم
اورطيغا: حتى نمشيو مجموعين بوحدها والله لا عتباتو تماك
أمينة: (حست بيه متغير) مالك؟!
اورطيغا: والو، طلعي ترتاحي ياك شوية غترجعي لتماك؟!
أمينة: واه باش غدا الا كتاب الحاج يدير ديك العملية
اورطيغا: ان شاء الله
أمينة: انا نطلع
اورطيغا: (طلعت مو جا الدري لي كيخدم معاه خلاه تماك ومشا لليدو لي شحااااال ممشا لتماك، نيشان عند السمسار جمع فلوس لكرا ديال ديور دخل لدارها عندو سوارت كان عطاها للمعلم صبغها وكمل ليها الزليج دابا كملت بكوولشي مزال مفخبارهاش راه كملت الاصلاح)
انا نشوف مع مولاتها الا بغات تكريها كريها ولكن كما العادة بلوريقات وغير للطلبة وحسن غير لبنات باش يخليوها نقية
…: واحد كان بغا يشري الدار لي فنفس الطبقة
اورطيغا: مباغيش نبيع أخاي دابا خليها غير لكرا وأكد على الكونترا ووجد لية الله يحفظك الوريقات باش صافي نريݣل دوك الوراق راه 8 سنين وهوما مطوفيني باش نحفظ هادشي
….: الوراق كاملين واجدين
اورطيغا: صباح نصبح عليك نمشيو نقضيو الغراض..
(مشا لدارو لي تماك كالعادة خاااوية حتى بيت نعاس لي كان تماك داه لدارو كيبان ليه يكريها هبط تحت باقي بين عينو المحال لي تحت هاد الموبل تشدو شي شركة بحال بيم ولا شي بنك كيكون فيها فلوس صحيحة كتر ميكريها لحوانت!!! ركب فطموبيلتو منين علماتو مو يرجع للدار يتغدا، حار كفاش يتصرف مع ملاك هي عندها الحق وحتى هو عندو الحق تعتارف انها كانت مع حمزة فعلاقة باش يحبس شوفتو ديك فكرة انها كانت بيناتهم شي حاجة وهو دايرو صاحبو مبغاهاش!!!!
دخل للدار كانت فالكوزينة مع مو حيت مكيناش فبيتها وكيسمعهم كيهضرو حط الفلوس فين موالف وخرج مشا لبيت شاعل التلفازة حتى جات حطت الخبز كيشوف فيه منفخة عليه)
ملاك!!
ملاك: (مجاوباتوش رجعت للكوزينة هزت طباسل ديال شلايض حطاتهم فبلاطو وداتو لبيت كتحطهم وهو كيعاون بيدو حتى شدها فيدها)
طلق امراد
اورطيغا: (شاف فالطبعة ديال المينوط مزال حتى بقات كتزراق شد يدها بشوية كيماصي بصبعو لكبير فدوك جريحات)
خوي راسك من داكشي ديال صباح
ملاك: حتى تعلم تيق فية!!
اورطيغا: (شاف فيها بحنية) خوي راسك التقة لي داير فيك نتي كتر من لي دايراها فراسي (بغات تجبد يدها) يهديك الله البنت راك نتي هي الطيحال ديالي!!
(جات أمينة جايبة طبسيل المرقة وهوما يسكتو بقاو كياكلو كما العادة موضوع الحاج هو لي كيتجبد)
غير يبرا يا ولدي نمشيو للعمرة
اورطيغا: راه يوسف تيعرف فهادشي نشوف لكم شي مشية لتماك ونشوفو حتى لنساابي (شاف فملاك وغمزها)
أمينة: احسن حاجة تمشي صحيبتي مونسااني
اورطيغا: حتى هدا بلان نمشيو اشحيييمة ديالي (مجاباتوش) كتنخلني هاد نص بلاصة
أمينة: ههه بعد بنتي الحجموم!! (ملاك ضاربة الطم ولكن عجبتها فكرة العمرة لواليديها واكترية مها منين دارت الصحية مع أمينة) حݣا غيثة مشات لبرا؟!
اورطيغا: لا أجلوها
ملاك: (بلا متحس) راك كتعرف اخبارهم!!!!
اورطيغا: من يوسف البنت!!! دارو بناقص
أمينة: ايييه، وداك الولد مسكين صافي تسجل عليهم
اورطيغا: سدي علينا هاد الموضوع الوالدة (سكتو شوية) الجمعة غنسافر انا وملاك هانية نخليك بوحدك؟!
ملاك: (سمعت سفر وهي تقلش ودنيها) تمشي معانا!!!
أمينة: لا والو يا بنتي غير سيرو بصحتكم الجمعة لي كيكون خاوي عندو سيرو فوجو شوية راه فرحة عرسكم وتهرست فيكم
ملاك: لا لا معليش غير ياله حتى نتي تبدلي الجو شوية وتلقاي الݣانة باش تقابلي الحاج
اورطيغا: (بغا يكونو بوحدهم) بالصح ياله معانا
أمينة: منݣدش اولدي هو غيكون خرج خاص نبقى حداه
ملاك: (شافت فمراد) بلاش منها هاد تسافيرة منخليوهاش بوحدها
أمينة: لا ولو والله ان تمشييييو واخا نعرف نشدلو الحانوت ونݣابلو يااانا
اورطيغا: ههه الحانوت ݣاع!!! خاسر عليه 20 مليون باش تسميه حانوت
ملاك: 20!!!!! 20 مليووون
اورطيغا: لا درهم
ملاك: واش بالصح 20 مليون!!! بزاااف اويلي واش حمق ؟!
اورطيغا: كانو ضروري من الاصلاح
ملاك: اوا وفالتالي غيجعو ليك دوك الفلوس!! كان خاصك تفكر ودير بيهم شي حاجة ديالك امراد ماشي تصلح بيهم محال ماشي ديالك 20 مليون كانت غدير ليك شحال من حاجة
اورطيغا: (شاف فمو لي كدير إشارة بعينيها زعما خاصك تهضر) هادشي راه داز عليه عواااام وحتى المحال انا رابح منو ومنين درت دوك الإصلاحات تنقصت لية فلكرا ومزال مكاريش بلغلا ورابح منو
ملاك: اممم واخا هكاك 20 مليووون!!! كانت غدير ليك محال ملك يكون ديالك شو غير انا الدار شريتها برخاااا وها هي غتبقى ديالي وممشيتش اخت الفلوس كما درت نتا
اورطيغا: (تبسم) غير حيت نتي معرفة تباعت ليك بداك الثمن باش تكوني عارفة
أمينة: علاه نتا كتعرف شكون مولاها لهاد الدرجة باش ينقص ليك؟؟!؟
اورطيغا: اه انا هو مولاها
ملاك: (تبسمت وقالت وجهها متنساش انه بسبابوو دارت دار الاحلام بثمن زوين وزيرو كريدي)
أمينة: (مفهمتش واش متااقتش ولا عارفة شنو عندو سكتت ولا شنو!!!)
غرجع مع الحاج للرياض
اورطيغا: (بعصبية) باااااز شووو هوما شنو دارو ليك ونتي باغا ترجعي لعندهم واش باغا تحمقيني!!!
أمينة: وشكون يݣابلو؟؟
اورطيغا: يجي هنا ونݣابلوه كاملين نتي غتمشي تماك غظلمي غير راسك الوالدة وانا والله لا بقيت صبرت لشي كلب
أمينة: منين كيكون هو تم مكيݣد حد يهضر معايا ولا يتنهنه
اورطيغا: شحال قدك؟!! متتشوفيش راسك واكلاها فدماغك وصحتك تماك علاش عليك ديك الحرب ونتا عايشة هنا فعزك
أمينة: خير الحاج عمرو يتنسى اوليدي وهو راجلي ووقف معايا بغاني وعمرو خسر لية خاطري ومغنخليهش بوحدو
اورطيغا: تخربيييق من ديما مقابلاه
ملاك: نتا تبغيني امراد نسمح فيك فاش تكون مريض
اورطيغا: علاش كاين لي غيصيفطني من غيرك
ملاك: موهيييم اللهم على يدي..
أمينة: بعد من البنت!!!
اورطيغا: مقلنا والو!!! (ناض من حداهم معندوش مع هاد الموضوع باغي مو تبقى هنا حداه براكة غير طردوها مشا يدوش)
رشيد: (حتى رجع للدار وبقا شحال عاد كتطلع معاه هضرة أميمة البنت باينة كتهضر وهي محروووووقة وماشي اول مرة تتاهم ملاك بعلاقتها مع حمزة ولكن ملاك كانت كل مكتشوف حمزة كانت كتغوت عليه وتطلييه الا غير هضر معاها كتدابز معاها!!!!
نعل الشيطان بنتو تزوجت وراها عند راجلها وهادشي مكيعني والو!!! وميمكنش ملاك وحمزة يخونو التقة لي كان داير فيهم)
زهرة عيطي لملاك
زهرة: علاش؟!
رشيد: قبيلة مشاو هي وراجلها مقلقين من بعضياتهم شوية
زهرة: بيناتهم مشاكلهم يحلوهم رأسهم من غير الا هوما بغاو يدخلونا فيها ديك الساع ندخلو
رشيد: جبديلها ودنيها متبقاش تعصب بزاف، قبيلة كانت غتطيح فالمشاكل
زهرة: دابا نهضر معاها!!
رشيد: وراجلها لدابا مزال مخبع عليها رزقو!!
زهرة: بيناتهم ارشيد
رشيد: واش كولشي بيناتهم؟؟!
زهرة: عقلتي نهار بغاو يتزوجو شنو قالونا!!! خليهم يضبرو رأسهم ويتعلمو يحلو مشاكلهم لراسهم راه ياله بدااااو
رشيد: اوا غير بغينا ليهم الخير…
~~~~~~~~~~~
أمينة: (دخلت تنعس شوية باش ترجع لعند الحاج وملاك كانت فلبيت كتبدل حوايجها حتى دخل دغيا لوات بينوار عليها)
اورطيغا: غنسالي بكري ونخرجو لشي قنت
ملاك: الا غير نبداو ندابزو بلاش
اورطيغا: غير نصوني عليك وجدي راسك
(خرج وسد لباب رجع حلو كانت مزال كما خلاها واقفة)
ملاك: شنو؟!!!
اورطيغا: (مشا الماريو باش غتصالح وتطلق معاه كاين حل واحد هو.. جبد فلوس حسبهم وعطاهم ليها)
الا خصاتك شي حاجة نخرجو نجيبوها
ملاك: (تبسمت) بلااااااش!!
اورطيغا: الا كنتي باغا تمشي لشي قنت بعيد علميني باش نخرجك
ملاك: (فرنست كتشوف غير بعينيها عرفتهم 1000 درهم) لهلا يخطيك علية اكبيدة غير هو بلييييز تبقى تيق فية وتييق شنو كنقولك راه من اللول دخلت بنيتي زوينة معاك ومكنت ناوية نكذب عليك حتى فحاجة
اورطيغا: اممم تتغمقي علية ابنت رشيد!!! (جات عندو تعلات باستو فحنكو وهو مكمش عينو فيها)
أنا نجي بكري!!!
ملاك: راه ماشي تصالحت معاك حيت عطيتني لفلوس راه غير مكنسخاش نبقاو مخاصمين على والو
اورطيغا: انا تيقت
ملاك: ههه باااز هاك ݣاع فلوووسك
اورطيغا: الا خاصك شي حاجة نعطيك
ملاك: ها هوما فلكوفر
اورطيغا: كولشي ديالك (باسها وخرج وهي شدت الفلوس كتشكطح خبعاتهم فبزطامها وحلت الدفة ديالو تشوف شحال عندو كان داكشي بالكود رجعت سدت حتى تعرف الكو.)
حمزة: (بقا فالكوميسارية حتى رجعت أميمة لي حتى هي دارت شهادة طبية وتصدمت انهم كولهم شاهدين ان حمزة لي ضربها ماشي ملاك!!! عيات تغوت تبكي ترغب)
مزال طااامعة ديري للسيدة شي حاجة؟؟؟
أميمة: (كتبكي وهي كتألم راسها نيفها عينيها كولشي كيضربها وعاد البرودة فين كتنعس) عفاك احمزة سمحولي بجوج بيكم غنغبر من حياتكم نمشي لشي بلاصة نعاود حياتي ونبعد منكم كاملين وحتى من داك لمريض لي باغي يقتلني
حمزة: (بقا كيشوف فيها حناات كتبوس ليه رجليه وهو كيبعد)
أميمة: دير غير بوجه بابا راه مبقالوش الوجه قدام الناس!! وعاد نزيد نتحبس هنا فصفرو!! فالحبس راه بحال كنسني على موتو كما كنت سباب فموت عمي
حمزة: (غير كيشوف)
أميمة: عفاك احمزة فكر ماشي على ودي انا الا سمحتيلي غير على وجه عمك لي كيبغيك ودايرك بحال ولدو انا حمارة مسخووووطة ولكن هو شنو ذنبو يكون عندو بنت بحالي نتا عارف بابا نفسو كيف دايرة مغيرضااااش ومعندوش فين يمشي العائلة مغتخليهش فالتيقاااار عفااااك احمزة مقادراش نهز تقلو حتى هو، براكة غير موت عمي لي ذبحني
حمزة: ذبحك؟!!!
أميمة: والله حتى قتلني ولكن منقدرش نهضر حيت عارفة غلطي (كتبكي بشهييييق) بكترة مبغييييتك الغيرة خرجت علية ودرت يدي مع داك الشيطان انا لي حمارة كلبة سمعتلو كان الكره عاميني وباغياها غير تخلص وتآذاااا
حمزة: عندك شي دليل هو لي صيفطك ديري السم لراجل ملاك؟!
أميمة: (حركت راسها بلا) داولي التيليفون كولشي عند داك توفيق لي براسو كان كيلعب عليه ووووو
حمزة: شنو؟! وشكون هادو لي معاه؟؟
أميمة: (كتمسح دموعها ومزال كتشهق) دراري لوخرين مكنتش كنشوفهم ولكن لي غرفت دابزو مع هاد توفيق باش يهرب حيت مبغاوش ادم يعرف راه داك توفيق كان كيلعب بشي صاحبتو
حمزة: (هنا بقا كيدور عينيه) غيثة ؟!
أميمة: معرفتش سميتها مكانوش كيسميييو
(مبغاتش تقول داك لي كانت مصاحبة معاه هو لي عاود ليها)
حمزة: هاد توفيق هو لي لعب بصاحبة ادم؟!
أميمة: اه ويمكن هو لي حملها ولكن هي حسابها ادم وادم معارفش توفيق هو لي كان كيلعب من مور ظهرو
حمزة: (زاد تسعق شاف فالشاف ديالو لي غير متبع هاد الفلم رجع شاف فيها) ونفتارضو درت بوجه عمي اوا وملاك؟!!!
أميمة: شوف معاها نتا عفاك والله عمرني نعاود نبان ليكم نسني على شنوما بغيتو غير مدخلونيش الحبس بغيت نمشي من المغرب ݣاع!!!!
حمزة: سمعتي هاد توفيق هو لي قال هادشي
أميمة: اه وتقاالت بزااف دلمرات ومن فمو حتى هو عفاك احمزة سمحولي الله يرحم عمي دير بحساب الدم والعائلة الله يرحم ولدنا الا مدير فية هاد الخير!!!!
يتبع
التعليقات 0