ملاك: (صونات على خديجة باش يمشيو للصالون لقاتها سافرت مع يوسف وولادها وغيثة، جلست حتى كتسمع تقرقيب خرجت كانت أمينة لابسة حوايجها)
فين غادية اخالتي؟
أمينة: بغاني عمك الحاج ابنتي
ملاك: ياكما تبغي نمشي معاك؟
أمينة: معندك مديري تم ابنتي غير خليك مرتاحة انا نشوف مع مراد يديني
ملاك: (فبالها هي صاافي مافيها خروج!!!)
معليش نمشي معاكم ومنها ندوزو نتعشاو فشي بلاصة تبدلي شوية الجو
أمينة: معندك مديري تم سيري لشي صالون انا نوريك فلم كاين! وهانتي مع راجلك انا غنبات مع عمك الحاج هاد الليلة
ملاك: كاين شي صالون هنا قريب؟؟
أمينة: كاين فيه حمام وفيه كولشي (ملاك عجبها الحال تسالمت مع أمينة ومشات كتجمع حوايجها صيفطات ميساج لاورطيغا هزت فلوس وخرجت فين نعتت ليها حماتها حتى صونا عليه مراد لي قالتهالو قبل صيفطاتو لوكال فين كاينة كانت قريبة لفين ساكنين دخلت وختارت لpack شنو باغية لاسيغ والحمام وتقاد شعرها وظفارها..)
أمينة: (علمها راه العملية غيديرها الغد ليه من بعد مدارو ليه شي تحاليل مراد شد لمو بيت باش تبقى معاه عرفو العملية ماشي صعيبة ونسبة نجاحها كبييييير)
غير سير نتا اولدي بحرا تلحق ملاك خرجها شوية
اورطيغا: انا مرة مرة نجي نطل عليك
أمينة: مراد اجي اولدي نهضر معاك.. (مشاو مبعدين وهي كتهضر بشوية) صافي جا الوقت باش تهضر مع مرتك فلي عندك
اورطيغا: خوي راسك نتي من داكشي انا عارف حسااابي
أمينة: وينوض صداع؟! راه منين تعرف مغيعجبهاش الحال
اورطيغا: علاش غينوض صداع!!! داكشي رزقي درتو قبل منعرفها!! مالي قاتلها بالجوع ولا معرييها لي طلباتو ولا مطلباتوش كتلقاه!!
أمينة: واخا هكاك اولدي من حقها تعرف دابا راها مرتك وغتشاركو الدم
اورطيغا: غنقولهالها بغيت غير نىيݣل شي حاجة
أمينة: عجل اولدي راها ماشي شي واحدة لي تزوجاتك على طمع هي باغاك وغتزيد تفرح معاك ومنها متبقاش من ديما هازة لي الهم شنو ديرو و
اورطيغا: عارف.. مهم نسااااي تبغي شي لعبة
أمينة: راني جبت حوايجي معايا
اورطيغا: ياله هو هدا بلاتي ونجي عندك انا نوصي شريف (خرج من تماك وعقلو فشنو قالت ليه مو عارف خاصو يقولها شنو كاين وعارف غينوض صداع ومعندوش هاد الساعة الخاطر باش يرغب ولا يكون شي صداع معاها!!! فضل يبقى ساكت حتى يحفظ املاكو لي فالحومة عاد يقولها ليها، رجع المحال كيتسناها تعيط عليه منين تسالي ويخرجو يمشيو لشي بلاصة تفوج شوية يتعشاو ويرجعو للدار!!!)
حمزة: (جالس فالقهوة حتى جا عندو رشيد جلس معاه بقاو غير ساكتين شحااال)
عمي رشيد راني بين نارين
رشيد: الله يسمعنا خبار الخير
حمزة: عندي جوج حوايج حاير بيناتهم!! غيثة البنت لي باغيها لزواج عندي مشااااااكل معاها بحالا مبقاتش بغاتني
رشيد: الا كنت قاد على دوك المشاكل توكل على الله مكنتش قاد بعد اللور
حمزة: المشكل عرفت بزاف دلحوايج ومنهم باين الولد
رشيد: شكون؟؟
حمزة: من العائلة وهي معارفاااش (تكره) كولشي مرون ومخربق الا تعرف شكون هو كولشي غيعاود يتخربق وهي غتزيد تمرض معرفت شنو ندير فهاد المعماعة
رشيد: زواج لي داخل عليه اولدي كولو مشاكل معندك مدير بيه
حمزة؛ بغيت لبنت
رشيد: حتى نتا فينما كانت شي روينة كتكون وسطها
حمزة: (زفر) بزااااااف
رشيد: والتانية
حمزة: الكلبة خربقاتني فراسي منقدرش على عمي توقع ليه شي حاجة ونكون أنا سباب فيها هو غير منين بانت وهو مريض وعارفو مكيرضاش
رشيد: قالتلك تسمح؟؟
حمزة: انا ماشي باغي نسمح عليها ولا على وجهها ولكن بقات كتهضر بينتلي شحال من حاجة عمي مسكين مقالي والو وعمرو جبد حس سماحة ولا التنازل ولكن خايف عليه بزااف
رشيد: ملاك مغتسمحش اولدي باش ديرها فراسك
حمزة: من حقها مدازش عليها قليل حتى انا مباغيش نسمح انا غير جا بين عيني عمي مسكين ميستاهلش تكون ديك الكلبة بنتو
رشيد: ويييه مسكين من ديما كان درويش وماشي غير جنب الحيط شي مرات لولاد كيكون لعنة
حمزة: تلفت وحرت اعمي معرفت شنو ندير لوكان غير داوها لحبس اخر فمدينة اخرى ومتحبسش هنا فصفرو مكرهتش نهز عمي نديه لعروبية نعطيه شي أرض تماك يجلس فيه ويعيش تماك حسن من هنا
رشيد: هو من ديما مكيبغيش يمشي لتماك اكترية الارض لي فيها القنب
حمزة: حتى من الجامع مبقاش كيمشي يصلي بالناس!! بففف الله يصاوبها من عندو وصافي!!! تحطين بين نارين
رشيد: (حتى هو حيرو معاه ولكن من الجهة الأخرى بنتو لي عاناااات معاهم ومعندها حتى شي ذنب فداكشي)
ملاك: (لبست تيشورت ديالو بلا سوتيان مع سترييغ ونعست على صدرو لعرياان كتلعب بصباعها فوق كرشو وهو متكي راسو مغمض عينيييه ويد فليهونش ديالها كيتلمس فيهم)
علاش متديرش مشروع ديالك امراد
اورطيغا: شنو بغيتي ندير مثلا؟؟
ملاك: هادشي لي كتعرف نيت ݣزار ولكن يكون داكشي ديالك نتا
اورطيغا: هادشي احبيىبة خاص فيه صبر و الفلوس المحال لي لتحت خدمت عليه حتى دار بلاصتو هنا ودرت سميتي عند لكليان ومن اللول كانت فيه معاونة حيت لحم تيجي من الݣرنة دالحاج حتى من شياااه ديالو هو لي واقف على العلف ديالهم داكشي باش لحم ديالو مطلوب وعارفين الناس الناس شنو تياكلو!! انا الا بغيت نبدا دابا من الزيرو تيخص بزاااااااااف وشوف تشوووف واش تصدق وحتى لعمر مبقيتش صغييير باش ياله نبدا
ملاك: واخ!! دير شي سناك
اورطيغا: (ظحك) سناك!!! انا ݣزار ومتنعرف ندير والو من غير ذبيحة ونبيع لحم
ملاك: ولكن ماشي ديالك نتا تستاهل تكون عندك شي حاجة ديالك
اورطيغا: ومثلا هاد سناك خاص يكون فشي بلاصة عليها العين وباش تشري دابا تماك خاصك ملااااااين
ملاك: تكري فاللول الا بغيت نبيعو طموبيلتي وتبيع ديالك وشري من عند الحاج المحال لي نتا فيه ومع هو كبير خليه مجزرة وفالليل زيد فيه شوااية
اورطيغا: (تبسم) ديك الطموبيل باغا تبيعيها وربي كبييير
ملاك: بغيتك نتا دير مستقبلك
اورطيغا: (نوضها كيشوف فيها) المستقبل ان شاء الله كااااين انا عندي بلانات دياولي (هي فهمت خطط) كوني هانية والا بغيتي تفكري فشي مشروع نديروه واخا ولكن باش تبقاي معمرة راسك بية ةبشنو ندير غير خويييه من اللول قلت ليك راه برزقي
ملاك: اممم (فهمت انه بنفسو مخاصش تعاود تجبد عليه موضوع تبيع طموبيلتها باش تعاونو)
اورطيغا: فبالك شي مشروع؟!
ملاك: بلا المجزرة!!
اورطيغا: شي حاجة ليك نتي
ملاك: بغيت ديرلي مشرووع؟!!!
اورطيغا: اه
ملاك: ونبيع طموبيلتي؟!!
اورطيغا: ههه نساي الطموبيل هاديك مع الوقت غنبدلها ليك بنات حسن فكري فشي حاجة ليك نتي
ملاك: ولكن انا عندي خدمتي راه غيرجعوني فيها
اورطيغا: على ميرجعوك والا عجبتك الخدمة فشي مشروع اش عندك مديري بشي صداع الراس شكون بحالك تكوني نتي هي الكل فالكل ميقولك حد علاش تعطلتي ولا علاش مدرتيش هادي ولا علاش مجيتيش اليوم تخدمي على شي حاجة ديالك
ملاك: اممم مكرهتش ندير تريتور ههه ولكن خاص زباااالة فلوس
اورطيغا: اممم ديريلي شنو تنبغي ويحلها مولانا
ملاك: (بدلع) وانا كنديييير
اورطيغا: لا مزال مكديري مزال فتيتووووة على شنو تنبغي
ملاك: ههه جرب (جرها كيبوس فيها ******….)
دازت أيام…. غيثة خرجت لبالكو كتشوف فلبحر كان باااارد الحال جبدت تيليفونها من جيب بينوارها وشعلاتو كما كانت مقررة قبل متنعس توحشااتو بزاااااف، كتبت نمرتو لي حفظاتها وبدا كيصوني دارتو فودنها
غيثة: احم… (تسنات حتى جاوب) ألو..
اورطيغا: غيثة!!
غيثة: مراد لباس عليك
اورطيغا: (كيهرب من حدا ملاك) الحمد لله ونتي!!!
غيثة: الحمد لله كدايرة ملاك وطاتي؟!
اورطيغا: الحمد لله.. (كيتسنى تقول شنو بغات)
غيثة: أنا فكرت وبغيت نرجع
اورطيغا: قلتيها ليوسف؟!
غيثة: يوسف تيشوفني مزال مريضة معرفتش علاش مبغاش يتقبلها منين لبارح قلتلو باغا نرجع مبغاشاما كنشوف راسي مزيان صافي بغيت نرجع
اورطيغا: (عاد فهم علاش عيطاتلو) اممم..
(ملاك جات حداه منين سمعاتو كيهضر واقفة دايرة يديها على جنابها) انا غنهضر معاه الا يوسف تعكس معاك غي حيت باغي مصلاحتك
غيثة: منين سمعني صافي بغيت حمزة قالي نتي مزال مبريتي هو مبغاهش يمكن
اورطيغا ؛ عادي حيت خايف عليك ماشي مبغاهش نتي لراسك خاصك تفكري مزيان
غيثة: عارفة ولكن صافي انا باغا نرجع هو يبقى مع خديجة وولادو وانا نرجع مع محمد لفاس
اورطيغا: صافي انا غنهضر معاه
غيثة: شكرا بزاف سلم على ملووووكة
اورطيغا: موبلغ (قطع وشاف فيها) ياله ياله تعطلنا
ملاك: باااااز
اورطيغا: ياله ابنتي تبقى علينا أمينة بنݣير ديالها عاود علاش تعطلنا (جرها كيقاد معاها فولارها وخرجو)
ملاك: تهضر ما خوها اشرف
اورطيغا: حتى انا بحال خوها اصاحبتي
ملاك: الا نتا ماشي خوها بففف غنتف ديلمها الا مبعدتش منك
اورطيغا: هانتي خسرتي
ملاك: وبلا متخليني نخسر معاك العزوة!!!!
اورطيغا: ههه شريمييييلة!!!
مشاو للرياض بطلب من مو لي استاعنت بملاك باش تزيد ترغبو يمشي يشوف الحاج تماك حيت منين خرج من لكلينك حبس شوفتو كيهضر معاه غير فالتيليفون فطريقهم صونا حمزة عليه باش يتلاقا بمراد دار معاه شي ساعة ويشوفو قطع وشاف فيها!!!
اورطيغا: لسقة عاد خوك لي كبر معاكم
ملاك: ههه بلوكيييه امراد وتهنى!!
اورطيغا: دابا انا وياك صحاب ياك!! (كتشوف فيه) عادي قوليلي واش كنتي مصاحبة معاه زعما غير ديك عقلية صغر وكدا!!!
ملاك: بفففف عاود!!!! هادشي طللعلي فراسي!!!
اورطيغا: وصااافي لي قلتيه دابا غنتيقو وشوفي مغنتقلق مغنتعصب كما قلت ليك داكشي دياله صغر
ملاك: (فنفسها والله منعتارف ليك حتى منكونش كنعرفك)
الصراحة!!!
اورطيغا: اه احبيبة ومتخافيش لي قلتيه غيتنسى هنا وعمرو يعاود يتجبد
ملاك: شفتي ونعرف نتصاحب مع ولاد الدرب كاملين (خنزر فيها) زعما مثلا!!! ومنهضرش مع حمزة عمرو عجبني ولا فكرت فيه بلعكس من ديما كنت كنقولو لا زين لا والو عمرني حتى فكرت فيها ولا تخايلتها (مخسرة ملامح وجهها) هكا صافي كبرنا بحال خوووت معرفتش كفاش نقولهالك كما نتا تربيت وكبرت مع بنات سعد بحال هكاك حتى حنا كبر معانا وبابا كان باغي الولد كان دايرو ولدو راه من نهار تزاد وهو عندنا فالدار، حمزة واحد الوقيتة هرب ليه كان كيتبعني يمكن واش ندم من زواجو وبنتلو انا ولا مفهمتش ولكن باش تصاحبنا لا!!!
واهم حاجة وللي منقدرش نديرها امراد نتا عارفني شحال كنبغي بابا ونخاف منو مجاتش ندير شي حاجة لي طيح بيه بحال هكا
اورطيغا: كان تيتبسل عليك؟
ملاك: لا لا عمرو فحياااتو قلل مني
اورطيغا: اممم صافي هنا سدينا هاد لباب
ملاك: حسن امراد والله هاد الموضوع عطيناه كتر من الحجم ديالو
اورطيغا: واخا هكاك لا سلام بيناتكم لا كلام
ملاك: صافي صم بكم
اورطيغا: (تبسم قارسها فحنكها)
ملاك: اوا ونتا امتى دير عقلك
اورطيغا: دايرو احبيبة غيثة مزال تنهضر معاها غير على ميفوت هادشي ديالها نتي عارفة شنو كاين اما من بعد سلام ومن بعيييد
ملاك: دابا نشوفو (وصلو لتماك حطو الطموبيل فلباركينغ وتمو كيتمشاو للرياض) متاكلي متشربي غير من يد أمينة الا عطات ليك شي حاجة
ملاك: ديما كتوصيني هكا واش وقعتلك شي حاجة
اورطيغا: من بعد ونقولك!! (وصلو لتماك مسلم على حد نيشان لبيت فين كاين الحاج تسنى يخرجو ولادو ودخل هو وملاك وأمينة مشات للكوزينة باش تشوف كاسكروط وتحطو بيدها كما وصاها ولدها حطوه وبقاو مجمعين)
اورطيغا: الحاج واحد الأمانة خاص نردها ليك (ملاك كدعي الله يعطيهالو الحاج ويقولو حلال عليك)
الحاج: ماشي وقتو اولدي
اورطيغا: حتى تصح ان شاء الله وانا معااك..
حمزة: (جالس فقهوة رجع عاود صونا عليها لقاه طاافي كان جاه ميساجات انه شعلت التيليفون ن غير على مكمل شغلو باش يهضر معاها لقاها طفااتو توحشها بزااف ومؤخرا رجع كيستحلم بيها وهنا عرف انه نيت باغيها ماشي شفقة باغي يبوسها باغي يدير معاها شحال من حاجة لي عمرهم هضرو فهاد الموضوع ولا لمح بيه معاها!!!
شاف اورطيغا داخل للقهوة هز يدو علاما شافو وحطها عارفو كااارهو لكلام لي قالت أميمة لي نصفو صحيح وندم علاش عاود ليها علاقتو بملاك كان طفووولي تفكيرو مبرهش ومرضاش لبنت لي كان كيبغيها تكون مع واحد اخر كان باغي غير يخوي قلبو على شي واحد واكبر غلط هو عاود لمرتو على حبيبتو لقديمة لي مقدرش ينساها وكان كيتسنى منها غير ترجع معاه تمنى من اعماقو ميتيقها حتى واحد حيت دابا باغي غير لهناااااا ويعيش طرونكييييل… جلس اورطيغا لي جبد ݣارو كيكمي)
اورطيغا: اش فيها ؟؟
حمزة: (مبغاش يسول على ملاك باش ميزيد يخلق الحساسية ويكهرب كولشي كتر من راه مكهرب دخل نيشان فالموضوع والا بغا يسول على ملاك يسول باها ولا ميسولش ݣاع)
عرفت باين محمد ولد غيثة مهم شك كبيييييير غيكون هو
اورطيغا: شكون؟!
حمزة: ولد سعد
اورطيغا: الا!!! الا متحمقنيييش!!! واش توفيق
حمزة: اه
اورطيغا : (كان ديجا عارفو مزعوط فغيثة ولكن قال داكشي ديال تبرهيش وصغر وهي شحال من مرة صداااتو ومبغاتوش) شكون قالهالك
حمزة: قالتها لي أميمة
اورطيغا: وباش عرفت هي؟!
حمزة: دراري لي كيعاونو داك الكلب كولهم عارفين باش ادم ميتفضحش شي مرات كان كيخليها لتوفيق هو يوصلها لدارهم ولا يجيبها عندو وكان..
اورطيغا: ولد ****
حمزة: يمكن داكشي لي خلاه يزيد يهرب
اورطيغا: (تشووكا) اوا!!!
حمزة: غنقولوها ليوسف وهو يعرف واش يقولها لختو ولا لا مهم انا منقدر نقولها والو
اورطيغا: هي بغات ترجع لفاس
حمزة: بالصح؟!! قالهالك يوسف!!
اورطيغا: لا هي (شاف فيه بحال معجبوش الحال) يوسف مخلاهاش ترجع وهي بغاتتي نهضر معاه
حمزة: (معجبوش الحال) امم مزيان
اورطيغا: مهم انا غنتأكد من باه واش عارف داكشي باش هربو ومنين يجي يوسف عاد يعرف حسن وانا لي نقولهالو دابا غير طمر وخليها هكاك
حمزة: حسن…
دازت الايام عادية الحاج بدا كبيرا وكيخرج شوية لعند صحابو فالزاوية ويرجع للرياض،
اورطيغا كمل شي كموند ديال شي ريسطو وصلت وقيتة دلغدا طلع للدار مسخسخ جيعان لقاها جالسة كتفرج وفيها الموت دالجوع سخفانة كتسناه
اورطيغا: كاين شي غدا؟!
ملاك: ياك موالف كتدموندي وتجيبو!!! متقوليش مجبت والو!!
اورطيغا: (كيحايد حوايجو) هلكاتني ماكلة ديال الزنقة احبيبة لوكان درتي غير شي حاجة شي طاجين دلحم ولا مرقة!!
ملاك: راه مكنعرفش نطيب
اورطيغا: حتى واحد متزاد معلم ازين تنحاولو مرة جوج عشرة مية حتى تنتعلمو ماشي نبقاو عايشين على ماكلة دالزنقة
ملاك: بففف معنديش مع تقشار البصلة وداكشي
اورطيغا: بداي غير بالساهل احبيبة راه بلا لح** تنبغي ندوق حتى من يديك شي ماكلة كما بغات تجي والديها
ملاك: شنو كتعايروي دابا!! راك من اللول عرفتني مكندخلش للكوزينة مكنعرفش منين نبدااا
اورطيغا: (زفر وتم نايض ماشي يتوضى)
اورطيغا: اوا دابا نبقاو بالجوع؟!
اورطيغا: لا غنخرجو نتقداو بجوج شنو ناقص وفالليل نطيب ليك شي حاجة
ملاك: اممم اه واخا
اورطيغا: وغدا الجمعه ان شاء الله نتي غطيبي لينا كسكسو
ملاك: كتفلى!!!
اورطيغا: لا!!! ڤري غطيبيه!!
ملاك: عاد دابا قلتلي نتعلم شوية بشوية من اللول باغي تبداهالي بكسكسو!!!!
اورطيغا: مشهييييه من يديك عندك 300 درهم الا طيبتيييه
ملاك: 1000
اورطيغا: 500
ملاك: 1000 ولا ممطيباش
اورطيغا: لا حول ولا قوه الا بالله العلي العظيم 1000 ولكن نلقاه ناااااضي
ملاك: (سكتت وكتفكر مها وخوتاتها موجودين واليوتيوب والا ݣاع مصدقتش تكمونديييه) مشات
اورطيغا: ههه ياله نوضي دابا ديرينا غير باش نقضيو!!
ملاك: نطيب ليك البيض؟!
اورطيغا: ݣزار باغاني نتغدا بالبيض!!! حتارمي معدتنا الله يخليك البنت انا غير صباح فاطر ب4 دلبيضات
ملاك: (وقفت خدات كتقنعو) ياله دابا ناكلو شي حاجة برا ولعشا نتا طيبو حيت بزاف باش نخرجو دابا نتقداو وعااااد نرجعووووووو وعاااااد ندخل الكوزييييييينة ونبدا خبط خبط وعلم الله واش تصدق ولا لا وغنتعطلو فبرا وامتى يطيب هاد لغداااااا وامتى نتا طيب داك لعشااااا ونتا صباح فايق بكري خاصك تنعس بكريييي!!!
وبلااااا هادشي كفاش ندورو نتقداو وحنا جيعانين وانا بعدا فاش كنجوع معدتي كتمرض وكنبقى غير نرض!!! بغيتني نمرض احبيبو؟؟!؟؟؟؟
اورطيغا: (مكمش عينو فيه)
تتغمقي علية بزاففف سيري وكان لبسي حوايجك نشوفو فين غتدينا ابنت رشيد ولكن من غدا غنبدا سيستيم جديد
مشاو تغداو كلا هو غير شوية طلعات ليه ماكلة الزنقة فراسو خلاها كل مرة تقولو ياكل وهو غير سااااكت باغي ياكل المرقة وطواجن ديال الدار ياكل كسكسو لحريرة مو كطيب ليه مرة مرة ولكن باغي ياكل ماكلة ملاك مرتو…
دازو تقداو شنو غيخصها فلغدا ولاحظت انه كيتقدا داكشي لي ياكلو فيه كتر من جوج دالناس!!
ملاك: ماشي بزاف!!! زعما هادشي ماشي ديال زوج دالناس
اورطيغا: غتجي الوالدة
ملاك: لا لا منطيبش اويلي بغيتني نتحشم قدااامها
اورطيغا: الف درهم!!!
ملاك: راه ماشي قضية الفلوس (بقا كيظحك)
زمرا عليك انا الفلوس عندي ماشي مهميييين
(درعها بيدو وهو مزال كيظحك عوجت فمها اللهم تسكت حيت لفلوس لي مخليينها تغامر بكرامتها وطيب يا تصدق يا تبقى متورخة عليها!! تقدا الخضرة ولي خاص هي غير كتشوف داز لمحال ديالو خدا لحم وطلع للدار حط تقدية وهي بقات فالطموبيل كتهضر مع مريم باش غدا تقولها كفاش طيب طعام، نزل عندها مشاو يضربو دوييرة خدات شي حاجة من المول كانت ناقصاها شربو قهييوة ورجعو دخلو للكوزينة كيوجدو لعشا فجو الظحك وكيوريها كفاش كيطيب وكيعلمها…
هو بقا كيطيب ستيك لحم مع لابيري دبطاطا والباربا لي كيصرعهم،
وهي بغات تحدااااݣ شافها هزت لحم لي طلعو من عندو غسلاتو مزياااان وهو غير متبعها حتى شافها جبدت الحامض كتعصرو)
اورطيغا: شنو بغيتي ديري؟!
ملاك: نغسل لحم ونملحو (دارتو فبانيو ودارت الحامض عليه)
اورطيغا: (تبسم) دجاج لي تيدار ليه هكاك
ملاك: ياك انا لي غنطيب اوا دخل سوق راسك
اورطيغا: هه واخ
ملاك: (مرضاتش جمعت داك لحم فطاسة كبيرة وغطاتو حطاتو فالثلاجة مشات للبيت لجلاس شعلت شميعات وطلقت موسيقى وجلست كتقلب فتيليفونها بقات يوماين خاصها تجيها ليغيݣل كانت كتمنى متجيهاش هاد شهر فكل صلاتها كدعي الله تكون حاملة حط لبلا ديالو وديالها بقات كتاكل وتبنن)
واعر واعر بقا ديما طيبو لينا
اورطيغا: بصحتوو
ملاك: شووو طيب نتا داك طعام غدا ونعطيك انا ديك الف درهم (هز حاجبو) غير كنظحك معاك اصاحبي
اورطيغا: عيطو على حساب لونكيط حمزة ممشاش وقلتلو حتى نتي مغتجيش غير هو يقدر يتنازل ليها
ملاك: وايلي!!!
اورطيغا: من واحد الجهة عمو كاين فالنص مهم داكشي لي عاودلي مفشكل انا براسي بقيت غير كنشووف
ملاك: اه كنعقل عليه باها ومها وخوتها الله يعمر ليهم الدار تقول ديك الكارثة ماشي بنتهم
اورطيغا: تقدري نتي تسمحي؟!!
ااا
ملاك: أنااااااا!!!! موستحيييييل انا نهار قالي داك البوليسي غدير معاك الشونطااج قلتلو نتحبسو بجوج ومنسمحش ليها!!!!
غيثة: (جا اشرف خوها هو لي غيردها لفاس حيت يوسف مزال جالس تماك هو وخديجة وولادهم
راجعة لفاس وفرحانة مشتاقة وكانت بنفسية جديدة اكترية منين ولدها رجع فااايق وخرجو ليه سنينات لتحت ونسها بزاااف ورجعت مكتفرقش عليه..
وصلو للڤيلا ولي زاد فرحها كيطيرو على ولدها كل واحد باغي يشدو ويلعب معاه طلعت لبيتها مخلياه مع الغالية لي رجع هو عينيها شعلت تيليفونها وقلبها كيضرب وصلو ميساجات ديال بواط فوكال ديالو تسنات مدة مصوناش، عاد صونات هي)
الوووو..
حمزة: عاد تفكرتيني
غيثة: (تبسمت) لباس عليك ؟!
حمزة: الحمد لله ونتي؟؟ رجعتي؟!!
غيثة: عاد دابا شوية دخلنا
حمزة: بغيت نشوووفك
غيثة: خلي لغدا
حمزة: لا باغي نشووفك اليوم انا لعشية غنجي لفاس حدها ساعة نشوفك فيها ونرجعك لداركم
غيثة: اممم انا نرد عليك
حمزة: غيثة!!! غنجي بلاتي الا مخرجتيش نتي!!! بغيت نشوفك… توحشتك وتوحشت محمد باغي نشووفكم
غيثة: (بقات ساااكتة)
حمزة: صافي نجي؟!
غيثة: وااخ..
~~~~~~~~~~~~
ملاك: علاش كاين فرق بين سميدة وطعام؟؟
مريم: اه وريني نشووف شنو عندك (وراتها) ديري قياس معلقة ديال زيت الرومية عاد ديري لما (خلات شغلها كاااامل وبقات معاها درجة بدرجة حتى من بنتها عطاتها لعݣوزتها دخلت لبيت باش تعلمها دقة دقة)
…مزياااان خلي طعام ينشف من لما حكي البصلة فالحكاكة لغليضة
ملاك: ضروري البصلة!!!
مريم: ههه ضروري غير صبري (حكاتها وهي تنݣر وسادة عينيها) عصريها من لما ديالها مزيااااان عاد ديريها تقلا فالزيت هي ولحم وحكي شوية ديال الݣرعة الحمرا شوييية وجوج مطيشات وزيديهم وخليهم يتقلاو (كدير شنو قالت ليها)
عاد زيدي الحمص الفازݣ ديري العطرية لي قلت ليك قبيلة
(حتى من العطرية حتى كتوريها لقياس عاد كدير)
زيدي دابا لما سخون
ملاك: (بقات كتقشر الخضرة) اممم هادشي ريحتو زوينة
مريم: كملي راكي ماشية مزيان (بقات كتعاونها وعاطياها الخااااااااطر)
اورطيغا: (دخل للدار وهي تقطع على مريم دغيا مبغاش يعرف راه كيعاونها شي حد، لقاها كتفور طعام، ضار على الكوزينة كيشوف ويشمشم) من الريحة كاين المعنى
ملاك: ههه غير وجد ديك 1500 درهم
اورطيغا: كنا ف1000
ملاك: 2000؟!!!
اورطيغا: هههه 1000 ومعاها شي **** بالليل!!
ملاك: 1200 اخر ثمن
اورطيغا: هه مقيوم علية هاد كسكسو غالي ابنت رشيد
(دوز لابيل وهو يصدمها معامن هاضر)
سي رشيد مرحبا بيك عندها اليوم بنتك مطيبة لية كسكسو..
ههه ااجي وجيب معاك مها..
نتقاسمو صبر هههه
ههه مرحباااا
ملاك: بزااف عليكم باين غيجي زوين
اورطيغا: شو لي لقيتيه من العائلة جيبو معاك ههه…
ملاك: أمراااااد!!!!
اورطيغا: (قطع مع باها) مديريناااااش تفاية
ملاك: نديرلك ايخااان ايحراران كتعرفو؟!!!
اورطيغا: (اوا ليها شنايفها حتى بغات تهز المغرف ضربو) المرة جاية نفورك مع السميد
ملاك: سير سير
اورطيغا: متنسايش سمن ازين
ملاك: مكاينش
اورطيغا: (حل بلاكار وجبد ليها قلة صغيرة) متكتريش منها
ملاك: بفففف (جرها بايسها من شنافتها) مراااااد
اورطيغا: انا نكمل شي حاجة وندوز نجيب الوالدة
دخل لبيتهم وهي كتسناه غير يمشي باش تكمل مع مريم
ملاك: جيب لبن معاك
اورطيغا: نجيبو لبن بعدا الا ملقينا مناكلو ندوزوه مع الخبز
(بقات كتطردو وضربو فظهرو بشوية حتى خرج كيظحك عيط على مو باش تجي حتى هي تغدا معاهم غير سمعت ملاك لي مطيبة بقات كظحك وعاد جاية مها وباها)
ملاك: (رجعت صونات على مريم وكملت معاها حتى بقا ليها غير تسقيه ممتيقاش انه طيبات كسكسو وبكمية كبيرة كما قالت مريم حست براسها تسخسخت ودارت مجهود كبييير بقات دابا كتجمع ديك روينة اكترية منين عرفت باها غيجي جبدت الحلوى والفاكية دارتهم فطباسل وعمرت أتاي ومشات كتبخر الدار بسرغينة بدلت حوايجها كاملين دايرة شوية دلميكاب حتى سمعاتو دخل وكيرحب خرجت كتشوفهم)
درتوها بالصح!!!
زهرة: ههه هادي هي مرحبا بيكم (دخلو تحت ترحيباتو وحتى أمينة كان جابها حتى هي حطت ليهم أتاي الحلوى والفاكية)
الاااالي على بنتي كبرت ورجعت تعمر براد اتاي وترحب بالناس
اورطيغا: لا لا بزاف هادشي املاك
زهرة: الله يعز الحكام ابنتي
ملاك: انا مكيحكم فية حد انا جيني بالخاطر نطيب ليك حولي
رشيد: ههه (مشات ملاك تسقي مخلات حتى وحدة تعاونها حاولت تستف الخضرة وتقاد داكشي كملت صوراتو وهي معجبة براسها)
مراااااد
(جا عندها وهو من الدخلة فالكوزينة كيشكر فيها وفالمنظر)
سعداااتك بية
اورطيغا: الله يجعل مذاقو بحال ****
ملاك: (ضرباتو بسربيتة لصدرو) بابا هنا واش مكتحشمش!!! (مشات سابقاه حطت المعالق عاد لحق عليها جايب الݣصعة حطت كيسان لبن وزلافة دلبلول وبقات كتشوف فيهم باش يشكيوها)
اوا هضرو!!!
(بقاو كيظحكو كولها فين كيشكرها مراد بقا كياكل ويتبنن وهي عاجبها الحال)
جا كيحمق ياكووو!!! ناري كيسطي!! معمر شي وحدة طيبات بحال هاكا
زهرة: ههه زوين الله يعطيك الصحة
رشيد: كنتي شامتاني فهاد شهييوة (هي كتكركر فرحانة كيزيدو يشكروها وأصلا كان جا كسكسو زوين مطيب على حقو وطريقو)
ملاك: خاصك تزيدني فصدااق
اورطيغا: (سرط ديك اللقمة) هاد كسكسو باش طيبو عطيته.. (دارت يدها على فمو باش يسكت)
صافي نسكت!! سمحلي انسيبي لمدام قالتلي نسكت هي نسكت
أمينة: ههه بعد لبنت اداك الجحموم (كملو ماكلتهم وناضت ملاك كتجمع الطبلة وكتمنى شي وحدة فيهم تقولها انا نجمع عليك الكوزينة ساعة والو جلسو كيجمعو بقات كتغسل لماعن وتنݣر مكملت حتى سخفت لوكان ماشي باها وكان دخلت لبيتها تجبد عليها بنعسة وزادت تكرهت منين عرفت غيمشيو للرياض يشوفو الحاج!! يعني مغتنعشش هاد لعشية!!!!)
غيثة: (لبست لبيسة كلاص حجابية ولبست لولدها دارتو فبوسيت وخرجت من بعد مرغبت مها مشات مسافة حتى شافت طموبيلتو غير شافها خرج من الطموبيل وهي فنفسها كتسائل واش كتعاود نفس الغلط وكتخرج مسلتة ولكن هدا حمزة ميمكنش يآذيييها!!!
حتى يدها ممداتهاش ليه غير سلام من بعيد هزت ولدها هو جمع لبوسيت لي رجعت ماكسي كوزي حطو اللور وركباتو تماك وطلعت جلست القدام وهو ركب غير كيشوووف فيها موحشها وداك العطر ديالها لي توحشو.. كان متعمد يعطيها المساحة لي بغات مبغاتش سلام بلوجه متقبلها مهم تعاود تيق فيه)
حمزة منتعطلوش
حمزة: عاد تلاقينا اغيثة
غيثة: حيت قلت لماما مغنبعدش ودابا رجعو حاضيين معايا ومبغيتش نعاود نكذب عليهم
حمزة: بغيتي نقولهم غنتلقاوو دابا؟!!
غيثة: لا لا بلاش
حمزة: واش عائلتك مبقاوش باغييني؟!
غيثة: لا لا.. مكيناش ݣاع هاد الهضرة بلعكس تيقولو عليك غير الخير غير بغيتهم هوما يعاود يتيقو فية ويتهناو شوية من جيهتي ماما غير سمعتني غنخرج بقات خايفة
حمزة: مناش
غيثة: من هداك الكلب
حمزة: اممم ونتي؟! مزال باغياني؟!
غيثة: (سكتت من اللول دخلت فواحد العلاقة فشكل هو كيعاود ليها ويخوي قلبو وحتى هي لقات ونيس واحد واقف معاها كيسمع ليها عمرهم هضرو فهادشي من غير مشاكلهم)
حمزة: (حتى بغا يشدها وهو يجمع يديه) غيثة!! هاد المدة لي غبرتي علية توحشتك فيها بزااف
غيثة: كنت بغيتك تجلس مع راسك وتفكر مزياان
حمزة: انا مقتانع بيك نتي لي واش فكرتي مزيان انا من اللول مطلبت لا وقت لا والو نتي لي كنتي باغاه
غيثة: (تنهدت) فين غنمشيو؟؟
حمزة: خاطفك (غوبشت) غير ظاحك معاك غير قلت نجلسو فقهوة بعيدة على داركم (حركت راسها باه) متيقاش فية
غيثة: حشومة عليك تقول هكا انا غير تالفة شوية
حمزة: ( حيد لاسنتير وضار شاف فيها) واخا تشوفي فية (شافت فيه) عمرني نآذيك ولا نفكر ندير شي حاجة نتي مباغاهاش نعطيك الوقت لي تبغي من اللول مفكرتش نظحك عليك ونزيييد!!! انا بالصح باغيك وباغيك تكوني ديالي ومرتي وولدك يكون ولدي نتي غير تيقي فية اغيثة
غيثة: كولي مشاكل
حمزة: حتى انا عندي حقي وحتى انا مهرس مات ولدي حيت مسوقتش لمو وكنت بايت مع الق*** (اول مرة تسمع هادشي) خليت برهوشة تحكم فية وبسبابها الواليد مشا راه حتى انا درت بزاف دالحوايج ودارو بية وجوج دالناس ماتو بسبابي وأهم ناس والوالدة ترمات وبقات وحدانية بسبابي
غيثة: متلومش راسك
حمزة: داكشي باش كنقولك تقبلي راسك وتعايشي مع الوضع راه كولشي غارق ولي معندوش بزاف عندو شوية داكشي باش كنبغيو نكونو مع شي واحد يفهمنا يحس بينا يحن فينا ونبغيييوه….
غيثة: (مشاو للقهوة بقات كتعاود ليه فين مشاو وحتى هو شنو دوز هاد المرة كان جريئ معاها فكلامو وكفاش كيشكر زينها ومرة مرة كيشوف فطايتها ومكانش انزعاج من طرفها من شحااااال هادي محست بالأنوثة ديالها لعب مع محمد حتى فاش فاق هي قدات ليه ليبرون وهو شادة مجلسو على رجلو وعاطيه كيرضع صونات عليها مها وهو ينوض موصلهم باش ميتجبدش ليها صدااع حتى وصلهم حدا لباب جبد من الكوفر كادو وعطاه ليها تبسمت ودخلت هي وولدها وهو شد طريق لصفرو..)
~~~~~~~~~~~
رجعو من الرياض رادين معاهم أمينة أما مها وباها رجعو فحالهم لصفرو… قررو ميديروش لعشا حيت واكلين بزاف دازو لباتيسري خداو شي حاجة مالحة وحلوة خداو دانونات.. وصلو للدار وهو مشا لليدو عند دراري أمينة دارت الشعبي وناضت كتشطح هكا باش كتبدل الجو مرة مرة معروف عليها غير كتزير فخاطرها كتقلبها شطيح.. ملاك بقات غير كظحك حتى ناضت بلا عݣز مشات لبست كسيوة كتجيها لاسقة ديال شطيح كانت شراتها من ازرو ودارت الموزون ديالها طلقت شعرها عكرت ومشات محمسة عند أمينة بقات حتى هي كتركز معاها حتى تحل لباب دخل كيدور فعينيه كيسمع صوت الموسيقى مجهد.. سد باب الدار وحل باب لبيت كيشوووف
اورطيغا: ياكما غلطت فالدار
أمينة: ههه
اورطيغا: الشيخة!!!! (ملاك كتلعب بحواجبها حشمانة واقفة من شطيح حرك راسو بلا حولة يد لباب خلاهم كيركزو ومشا لبيتو بدل حوايجو حط الفلوس لي جاب وشي وراق فلكوفر فور ومشا توضى وصلا دخل الكوزينة قاد بلاطو فيه داكشي لي شراو حط ديسير دانونات والفاكية ومشا دايو للبيت حل لباب عليهم ودخل داكشي حطو فوق الطبلة جلسو كياكلو ويظحكو، ناض دار الشعبي دالشلحة)
ياله عاودي اللقطة
ملاك: ههه عييت (حشمت قدام أمينة دير داك شطيح)
أمينة: نوضي نوضي والله يا بنتي الله حتى فوجتي علية هاد نهار
اورطيغا: شنو هاد فوجتي علية راه مزوجها تفوج علية انا ماشي عليك نتي
أمينة: بحال بحال انا مك يا الجحموم
اورطيغا: لا هنا منعقلش عليك امينا
ملاك: ههه (فرحانة ناضت هي وأمينة لي كتحاول دير بحالها حيت ملاك كانت كتعرف حركااااات كتعرف تلوز وتمييل وهادشي كانو كيتعلموه فدار باهم مع خوتاتها وبنات عمها جلست أمينة كتنهج عيااات هزت كتاكل حتى كتشوف فولدها, مغتخطاش عليها ديك الشوفة ديال واحد ملهووف منشويييي حاضي شطيح مرتو وعينيه طيحو الباااش ناضت)
أمينة: نمشي نعس انا
اورطيغا: (صدرها) صافي سيري ترتاحي الوالدة
أمينة: (فنفسها قالت ولد لحرام مع خرجت سمعت الساروت دلبيت ضار مجهدين الموسيقى تبسمت ودخلت لبيت فيها نعاااس)
اورطيغا: (حمقاتو بداك شطيح) الشييخة من أين لك هدا؟!!!!!
ملاك: (كتزيد تحمس باش تركز كتر ناض كيلوح عليها فلوس وكيخشي يدو فثدرها باش يدير تماك لفلوس وهي كظحك)
هادو فلوس طعام ولا بغرامة دشطيح
اورطيغا: (كايحني يبوسها وكتهرب) اجي!!!
ملاك: (كتزيد تلوز حتى شدها بالجهد مقربها ليه ومتهنى حتى *****……..)
غيثة: (دخلت لبيتها فرحانة يعني هادشي كاااامل لي دازت منو و لاقية راجل عارف عليها الشادة والفادة وماضي مقزز ومزال باغيها واعاااد هي لي قالبة عليه!!!
حلت الساشي جبدت نونوس باين لولدها وعاد جبدت الكادو ديالها كانت باغفان وشكلاك كتعرف هاد الباغفان المورفوني sexy lady تبسمت هدا ميساج انه بغا يدخل معاها فالتفاصيل الحميمية رشت منها كانت زوييينة وكلات شكلاطة وهي كتفكر فيه معرفت واش تعطيه الأوكي باش يجي للدار ولا مزال!!! حمزة باغي مرا ديال الدار لي تقابلو وهي كانت بنت لفشوش وهو باغي وحدة تطيب ليه وتنتابه ليه وهي مولفة كولشي كيجيها واجد وعمرها دخلت غسلت حتى كاس!!!
عاد باش تكون مسؤولة على عائلة حيت غتسكن حتى مع مو خاصها تفكر مزيااان واخا بغاتو الا خاص تفكر بعقلها كتر من قلبها لي طيحها غير فالمشاكل!!!)
~~~~~~~~~~~
ملاك: (لي بداوه فالسيجور مشاو كملوه فبيتهم ومنين كتكون مو كيحاول ميقسحهاش باش متغوتش… كملو الماتش ديالهم خلاها متكية ومشا كيجمع البيت لي رونووووه ويحل باب البالكون والسرجم حيت فيه ريحة ل***
قاد كولشي جمع الطبلة وداه للكوزينة كيحاول ميقرقبش على مو لقا ملاك دخلت للدوش عجبو الحال فهادشي لي داز وشطيح ملاك للي صوطاااه من اول مرة شافها مكانش باين عليها كتعرف فهادشي وحتى فنعاسهم كتعجبو حيت دغيا كتجاوب معاه واخا متعرفش كدييير مجهوودها تعرف وتطبق وتراااضيه
جات لاوية البينوار كتقفقف بالبرد شعل الشوفاج وهو مشا يدوش دغيا لبست ولوات عليه فولار حياتي دخلت للنموسية باش تزيد تسخن، جا للبيت اول مرة يلقاها عاكفة ديك الشدة)
اورطيغا: دابا جات معاك مليييكة
ملاك: زمر!!!
اورطيغا: يرحم باك نشفي شعرك بالسيشوار ومتنعسيش بديك العكفة
ملاك: (معجبهاش الحال يريكلامي ناضت نشفت شعرها دهناتو وجمعاتو سفنجة ورجعت لبلاصتها منفخة)
اورطيغا: ملوكة انا تيعجبني نشوفك هكا بشعرك
ملاك: وراه لبرد
اورطيغا: هانتي نشفتيه دغيا شنو فيها ديريلي خاطري منعاودش لقاك بديك الفولار
ملاك: (عوجت فمها) اممم
اورطيغا: (عنقها وجبدو عليها بنعسة الغد ليه كان خاصو يفيق بكري حيت غيرجع للݣرنة واخا مخداش ذبيحة السيمانة كاملة حيت حتى لوخرين بغاو ياخدو حقهم جاتو يوماين فالسيمانة رضى بيها حيت كان مصدر دالفلوس ويبقالو نص عشية فالمحال
دازت أيام…. أمينة والحاج كيجمعو الوراق باش غيمشيو يديرو العمرة حيت قرب رمضان… ملاك مرة مرة رجعت كدخل الكوزينة تقاد شي حاجة خفيفة باش كل مرة تعلم حاجة عاد دوز لاكلة اخرى…)
يوسف: (من بعد مجلسو 20 يوم فالشمال تموو راجعين هو وخديجة ووليداتهم لي بدلو الجو وحس بخديجة بدات كترجع لنشاااطها كما كانت وحتى العلاقة الحميمية رجعت بيناتهم من بعد انقطاع لأشهر!!
مع وصل دار مع دراري يتلقاو شريف تعطل واورطيغا كان باغي نيت يبقاو بوحدهم حتى يقرر يوسف هاد الخبر يتعلن ولا لا…
كانت صونات عليه خديجة كتسولو شنو بغا لعشا)
للي درتي احبيبة…
اممم صافي مزيان الا بغيتي نجيب شي حاجة علميني..
هه صافي واخ.. (قطع)
احسن حاجة تمشي تلقى وليداتك والدار نقية واحسن ماكلة تتسناك
اورطيغا: (حرك راسو بأه حيت هادشي غير كيسمع عليه)
شنو موجدة ليك
يوسف: بسطيلة دجاج نقولها دير بحسابكم نتا وملوكة
اورطيغا: سميتها ختي ملاك ابنادم
يوسف: ههه وراه بحال ختي صغيرة
اورطيغا: يوسف خلينا انا وياك مزيانين حتى منكونش عارف من ديبار النية كيف كانت ديالك
يوسف: ههه خوي راسك اصاحبي (تفكر كلامها هي واختها وملاك عتارفت انها كانت باغية يوسف غير هي مقالتش وهو قلب حيت حسابلو مكانتش باغاه تخيل لوكان تزوج ملاك!! دغيا خوا راسو من هاد الافكار حيت خديجة كانت لي مكتابة وملاك مكانتش غتكون احسن اختيار)
اورطيغا: (بقاو ساكتين وهو يوصلو ميساج كتقولو ملاك يجيب معاه شي عشا من برا مجاوبش صونات دارو صيلونص)
يوسف خاص تعرف شي حاجة مقنطاني خاص نقولها
يوسف: ياك لباس
اورطيغا: كاين شك كبير شكون هو بات محمد ولد ختك
يوسف: شكون؟!
اورطيغا: توفيق ولد سعد
يوسف: (بانزعاج) ألا!!!
اورطيغا: (زفر) هادشي لي ضاااير الق**** دمرت حمزة قالتها فلونكيط
يوسف: توفيق!!!
اورطيغا: (عاودلو على حمزة وشنو قان داك نهار وشنو الحوار لي دار مع طليقتو) هو مبغاش يقول لختك شي حاجة حتى تعطيه الضو يقول ولا تقول نتا مهم خلالك الكورة بين رجليك تقولها ولا تسكت
يوسف: (بقا غير مخرج عينيه حيت هادي شمتة من نوع اااااخر وشمتة كبيييييرة)
اورطيغا: كان ساااهل نبقاو ضاربين الطم وهااا هي دازت عواشر ولكن منين تعرفت خاص ضروري تعرف ونتا شوف واش مسلكة ختك تعرف دابا ولا لا شاور طبيبة لي متبعة معاها وهي تقولك شنو دير
يوسف: (زفر ماسح على وجهو خاطرو تزعزع) هاد الساعة انا لي خاصني طبيب
اورطيغا: (قلب تيليفونو لقا ميساج من عند ملاك)
“متعطلش راه فية الموووت دالجوع!!”
اورطيغا: (هز من المحال ديالو نص كيلود الكفتة ومشا لشواية لي فالشاريع شواها دارها فأليمينيوم شرا الخبز وتم ماشي للدار كيفكر واش غيبقى ياكل غير من الزنقة كيعيى يشجعها ويرغبها تطيب كما بغا يجي مهم طيب شرا ليها تقدية كولشي غير باش يجي يلقى غير لعشا!!!
كان معول هاد الليلة يفريها معاها لعشا كيكون مرة مرة من الزنقة ماشي ديال الدار لي يكون مرة فالسيمانة!!! دخل كان الضو طافي…. كان معصب)
ملاك!!
(شعل ضو لبيت ديالهم مكيناش بقا كيدور عينيه ميمكنش تخرج بلا متقولهالو مشا لبيت لجلاس فين مسدود لباب حلو شعل الضو وهو يلقاها واقفة موجدة طبيلة فيها طوطة صغيرة وفجناب كاين ماكرون شكلاط حنات وشعلت شميعات صغاار وأوراق الورد مشتت فوق الطبلة وعاد طقم طباسل فورشيط موس كولشي مقداه ومشكية على طبييييلة مع ريحة الورد فالبيت)
اورطيغا: (هي كانت لابسة كسيوة بلبيض طويلة غير صميطات وطالقة شعرها دايرة مكياج زوين ومركزة عكر حمر.. تبسم)
هاي هاي اش هاد سرووورات
ملاك: (مفرنسة) اجي… صورني بعدا
اورطيغا: (جبد تيليفونو صورها)
علاش تتقولي ممقاداش لعشا!!!
ملاك: غير الحلوى لي كمونديتها
اورطيغا: اممم.. (حط الميكة فوق الطبلة) ناكلو الكفتة بعدا قبل متجمد
ملاك: (تسناتو يفرح كما هي فرحانة) بحالا معجبكش هادشي!!
اورطيغا: لا… زوين
ملاك: عارفة مكتاكلش الحلوى بزاف ولكن غضيعلي المفاجئة لي درت ليك
اورطيغا: ملاك حبيبة درتي مفاجئة عجبني الحال ولكن على الاقل ديري غير مقارونية غير الروووز شي حاجة الله يجعل ديري غير محمصة بالحليب
ملاك: (تغبنت وهي كتشوف فيه مشا عندها جلس وجلسها)
ضيعتيلي كولشي
اورطيغا: فهميني احبيبة راه معدتي طابت بماكلة الزنقة انا باغي ناكل طياب مرتي حبيبتي تنحس بمعدتي ناافرة ماكلة الزنقة ياك كولشي عندك!! علاش مطيبيش؟! كولشي عندك فاليوتوب داك نهار منين درتي عقلك فكسكسو صرعتيييه بحال عشرين عام ونتي تطيبيه!!! علاش مديريش شي حاجة!!!
ملاك: واخا نقطعو لاطارط بعدا (هزت تيليفونها دارت الكاميرا ڤيديو) واخا نتا ضيعتلي هادشي
اورطيغا: (كيصبر راسو ميتعصبش، يزيد يدير ليها الخاطر واخا هو فين كيهضر وهي فين كتهضر شي مرات كتجيه بحال هي عندها 16 عام ماشي فثلاتينات!!!! شافها قطعت لاطارت وعطاتو)
مبغيتش املاك (مكره) من بعد وناكلها
ملاك: وااا غير هز شوية غير عض من هنا شووووووووية (شافتو معصب وهي تبسمت خنزر فيها باستو فحنكو) ياله ياله غير شوية (كتحس بيه غيجلخلها وجهها بداك المورسو) ههه
اورطيغا: ياااااا ربي شوية دصبر
ملاك: هههه (شافتو مع هز بالفرشيطة تبعاتو وريقة هزها كانت مكتوبة وهي كتفرنس كمش عينو فيها فهم كاتبة ليه شي حاجة شد الورقة وعطاتو كلنكس كيمسحها هنا فهم علاش كانت مصرة ياكل بقات كتسناه وباينة من عينيها كتسنى ردة الفعل ديالو مسح الورقة لي مكتوب فيها)
I’m pregnant
اورطيغا: اممم (شحااااال شاف فالورقة ورجع شاف فيها مافهم والو شنو مكتوب تماك) شنو مكتوب هنا
ملاك: ههه اممم ( شدت الورقة من يدو وجلست فوق رجليه مدورة يديها على عنقو وقربت شنايفها لودنو كتهمس)
كاتبة من هنا 9 شهوور غتكون أحسن بابا فهاد العالم!!!
خديجة: (صونات على غيثة باش تجي تاخد سليمان اما البنت مزال كترضع فالليل كانت موجدة ليلة رومانسية لبست بيجامة حرير وقدات مكياج زوين موجدة غوب دونوي من غير لعشا موجدة سناك زوين بلاطو مشكل بين لفروي والفرماج والمملحات وعاد شمع لحمر بريحة لفخومبواز.
دوشت ورضعت بنتها مزيااان وحولت نموسيتها لبيت فين كينعس سليمان دايرة الكاميرا مع الصوت وحاطة الطابليت فوق الكوافوز كتشوفها وتسمعها باش الا فاقت يمشيو عندها… كان داير معاها يجي مع 8 وصلت وكان فالموعد ديالو جاي طايرة ليه بالخبر لي سمعو ومقالو لشريف والو حتى يعرف شنو يدير لقا خديجة معرضة ليه ابتسامتها كان جايب معاه ورد وشكلاط حيت عارف غتكون موجدة ليه شي ليلة منين شافها شرات شمع احمر.. عجبها الحال بزاف قرر غيبقى حتى هو يدير هاد الحركات لي كيفرحوها باش تعطي بزااااف.. ريم على وجهو ابتسامة يسايرها عجبو الحال شنو دارت ولكن داكشي للي عرف خربقو بزاااف.. لاحظت انزعاجو)
حبيبي ماالك
يوسف: (كانو كيتعشاو واخا معندو منين يدوز ليه كان كياكل، عيا صاابر ولكن معاها كيرتاح بزاف وكتعاونو فشنو يدير!! عاود ليها باختصار)
مرضني هادشي
خديجة: صراحة هادشي بزاف مبغاش يسالي
يوسف: ولكن الفكرة لي عطاني مراد عجباتني نشاور طبيبة وهي غتعرف واش تقال لغيثة دابا ولا مزال
خديجة: بالصح اوا وباه شنو غدير معاه
يوسف: خاص نمشي المحامية باش نديرو طلب الأبوة وحتى تخرج المحكمة عاد باش ندفعو نعرفو
خديجة: ياك ولدو هرب
يوسف: غتكون غير مشطة ديالو ولا شي حاجة
خديجة: والا مكان والو
يوسف: الا رجع غيتشد الا مرجعش غيبقى هادشي مضموس حيت مزال شتكين ماشي مأكدين
خديجة: بففف حريرة نصيحتي اللهم سكت متقول والو لغيثة حيت مزال شاكين ماشي عاود تقول صافي عرفت باه وفالتالي يكون ماشي هو هكاك عمرها تهز راسها مسكينة خليها بعدا متقبلة الامر هكا
يوسف: لا اله الا الله الله يدير تاويل الخير…
خديجة: اميييين (ناضت كتماصي ليه كتافو) حتى نتا مدير والو حتى تأكد وكما قال مراد غتجبدو لسان سعد تعرفو واش غبر ولدو على هادشي واش اصلا عارف شي حاجة وتماك غتبان شحال من حاجة
يوسف: (مغمض عينيه مرخييي) اه
خديجة: اجي نماصي ليك ظهرك باش ترتاح…
اورطيغا: (شدها من كتفها مبعدها مطرطق عينيه) ألااا!!!
ملاك: ههه اييييه!!!
اورطيغا: (بتشكيك) لا!!!!
ملاك: والله
اورطيغا: واش حاملة؟!
ملاك: (فرنست بدلع) اه
اورطيغا: (بقا غير كيشوف فيها ومزال ممتيقش يمكن مصدووم وهي غير كظحك على ردة الفعل ديالو)
هادشي مافيهش الظحك املاك!!!
ملاك: (هزت بواطة حلتها وجبدت منها التست لي دارتو صباح بكري)
هانتا وغدا ان شاء الله نمشيو عند طبيبة ونزيدو نتأكدو
اورطيغا: حلفي!!! (جرت يدو وحطتها فوق كرشها وباستو فحنكو ورجعت شافت فيه)
ملاك: غتكون أحسن أب فهاد الدنيا الفرحة حيت غتكون نتا بابات ولادي كتر من الفرحة ديال لحمااالة
اورطيغا: (تكات على صدرو معنقها وعينيه تضببو لحمو بوووورش عليه هاد لبنت بدلاتو كااااااامل كان كاره زواج وشي حاجة سميتها لولاد ودابا هادشي لي عايشو معاها لا علاقة ومتناقض بداكشي لي كان كيفكر فيه ومآمن بيه سنييييييين باسها فعنقها بعدت وجهها ورجع جارها مشلقمها هاكا هو كيعبر حتى بعدت دايرة يدها على شنافتها)
قسحتك!!!
ملاك: اه ههه
اورطيغا: وااااخ (مزال مصدوووم) انا نجيبلك تعشاي بعدا!!! ياكما مشهية شي حاجة اخرى بلا الكفتة؟؟؟
ملاك: هههه لحمل ياله بادي مزال نتشهى عليك اولد مييينااا
اورطيغا: ههه خودي الرا من الرا
ملاك: هه كفاش هاد الرا من الرا
اورطيغا: هي خودي راحتك فمرة انا ديالك ولي طلبتيها تجي حتى لبين يديك ابنت رشيييد
ملاك: (تبسمت هو ناض كيزرب حط الكفتة محدها سخونة حط الخبز وتم دايو لعندها وهي كتاكل من لاطارط)
عرفتي وااعرة لاطارط ضروووري خاصك تذووق منها
اورطيغا: نتي لي فسيييسرة
ملاك: ههه عجبك الحال! فرحتي؟!
اورطيغا: (جلس حداها كيوكلها) نقولها للوالدة
ملاك: حتى رجعو غدا من عند طبيب ونقولوهالهم حسن
اورطيغا: غتفرح مسكينة بزاااف
ملاك: اممممم خاصكم تهلاو فية بزاااااااف
اورطيغا: اااحح باينة غطلقي علينا فشووشك مزيااااان لالة زينة وزادها نور الحمام
ملاك: ههه كتشوووف فيها بعينييييك!!!! منقوووولكش شنو غندير فيكم بغيتو لولاد غنتاااااقم من مك ودوك التخالط ومنك نتا وداك تشقليب لي كنت كدير فية!!!
اورطيغا: (مدار معاها والو فديك الليلة غير معنقها ومرة مرة كيطل عليها فكرة أنه غيكون أب جاتو فشكل غمض عينيه كيخمم كفاش غيكون وكفاش غيعتاني بواحد ويكون مسؤول عليه والا كانت بنت كفاش يعاملها ويحميها من لي بحالو فاش كان مراااهق!!
افكار بزااااف فراسو متضااربة كفاش يخلي ولدو راااجل وكفاش يخلي بنتو محترمة!!
حمد الله على العقل لي كان عندو فاش فكر يدير رزقو وفلوسو ميخسرهمش فتخربيق بعدا مغيخليش ولادو محنسرين وغيدير ليهم مستقبلهم تخيل ردة فعل مو تبسم من ديما كانت باغا حفيييد عارفها غطيييير بالفرحة!!
غوووبش منين تفكر باه لي نكرو وهو مزال فكرش مو ومعقلش عليه ولا فكر شي نهار يقلب عليه!! كان غيسامحو لوكان قلب عليه مرة وحدة فحيااااتو.. زفر حتى ديرونجا ملاك فنعاس حيت كانت كيصوط بالجهد منين كيتقلق!!!
تقلبت عاطياه بظهر رجع معنقها وهو كيتخيل واش تكون بنت ولا ولد هو معندوش مشكلة لي كان ومن ناحية باغي يكون عندو ولد باش هو يكون سند لمو الا هو ودع!!! بقا شحااال باش قدر ينعس…)
~~~~~~~~
فاق صباح بكري صلا الفجر ومشا خرج لباتيسري جاب شنو كتبغي ملاك قاد قهيوة ليه وهي قاد ليها أتاي لي كتبغيه حتى حط كولشي فالطبلة عاد مشا كيفيقها ويدلعها ناضت فطرت حاسة بيه فرحاااان وفنفس الوقت مضهشر وشووووووية متاايقش جاتو ردة فعل ديالو عادية!! لبسو حوايجهم وكل واحد داير يدو على قلبو متمنيين الخبر يكون صحييح!!
نعتات ليه فين
اورطيغا: تتعرفيها
ملاك: اه هي عندمن ولدت خديجة ختي وحتى انا مشيت ليها منين درت الشهادة… زويييينة وكتعطي الخاطر
اورطيغا: شي بوݣوصة؟!!!
ملاك: ويلي ويلي منقووووولكش طوووب بحال تقول شي روسية مرسوومة
اورطيغا: (تبسم وهي تجيه ضربة لصدرو حتى بقا كيكح وصلو لفين كاينة العيادة طلعو عندها وتسناو نوبتهم حتى وصلت من بعد ساعة!! دخلو لعندها وهي تجي امرأة فالخمسينات بوشوشة محجبة جلست فالبيرو ديالها شاف فملاك لي هزت حاجبها فيه تبسم محرك راسو بلا حولة
قالتلها تمشي معاها جا ينوض مخلاتوش ملاك حيت عارفة غدير ليها السونار من لتحت واخا هكاك مشا مسمعش ليها مشا معاهم شاف فيها كتعاونها المساعدة حيدت حوايجها من لتحت كولهم هو حسابلو غدير ليها داكشي فكرشها تكات ملاك كيشوف طبيبة شدت داك السونار دارت فيه شي مزلق وهو متبع شنو كيوقع شاف ملاك لي كديرلو إشارة يمشي هو عاد ربع يديه دارت المساعدة ايزار عليها ساتراها وهي فرقت رجليها وطبيبة لي مكونسونطرية معاها دخلت داك السونار وملاك انزاااعجت بقاو كيشوفو فالتلفازة مقشبل حتى حاجة حتى سمعها من فمها)
طبيبة: مبرووووك عليكم…
اورطيغا: (تبسم وهو متبع مع طبيبة مفاهم والو ولكن متيق راه هي طبيبة كتوريهم كيس الحمل وملاك متبعة حتى هي حيدت السونار منها وناضت ملاك، طبيبة واورطيغا خرجو المكتب على متلبس ملاك وتلحق عليهم.. كتبت ليها دير شي تحاليل عطاتها تشري شي فيتامينات تبدا بيهم على متجيب ليها التحاليل جات ملاك جلست حتى هي كتسمع لطبيبة)
ملاك: (كانت بغات تهضر معاها ولكن حتى تكون بوحدها!!!! وداك المقزدر لي معاها مكيعطيهاش الوقت تهضر بوحدها خرجو من تماك فالمصعد جرها معنقها باس راسها بلا ميهضر خرجو لبرا ركبو فالطموبيل)
فية الجوع
اورطيغا: شنو حبت لالة ملاك
ملاك: اممم شي حاجة فيها الشكلاط
اورطيغا: نديك للدار وأنا نمشي نجيبلك لي بغيتي
ملاك: ووو منقولوهاش لطاتي وماما؟!
اورطيغا: ضروووري…. نجيبو بعدا هاد دوايات وشنو خاصك ونهضرو معاهم (كانت فيه فرحة كبييييرة وخوف اكبر انه ميكونش قد المسؤولية واخا هو يموووت معاهم!!
خدا شنو بغات وصلو للدار طلع قاد ليها عصير وحط ليها شنو بغات صونات أبيل فيديو على مها وزادت حتى مو جاوبو حتى هزت الصورة لي عطاتهم طبيبة واخا مباين فيها والو ولكن عرفوها ديال لحمل أمينة بقات غير كتزغرت بالفرحة وتبكي حتى بعد اورطيغا من حداها خارج من لبيت وزهرة مواااالفة بحمل بناتها بقات كتبارك ليهم وفرحانة ويسكتو أمينة)
أمينة: انا درك نجي درك نخرج نشد تاكسي نجي
ملاك: خالتي أمينة قالك مراد متقوليها حتى لواحد تماك زعما من غير الحاج
أمينة: كونو هانييين اما دابا نجي ونتي ازهرة ؟!!
زهرة: غير يدخل رشيد نجيو..
ملاك: (قطعت معاهم كتقلب عليه منين بدات مو تبكي هرب) مرااااااد!!!
اورطيغا: (كان كيصلي فالصالون قلبت عليه لقاتو جلست فوق السداري كتسناه حتى كمل وجلس)
انا نمشي نجيب الوالدة
ملاك: مراااد بغيت نمشيو كاملين للدار فصفرو اويلي من نهار خرجت منها عروسة ودابا غنمشيلها وانا حاملة ههه
اورطيغا: (تبسم مد يدو عندها شدتها وجرها مجلسها حداه)
ماكلة الزنقة مغتبقاش!!
ملاك: وانا حاملة!!!!
اورطيغا: ملووكة دابا انا وياك مبقيناش عزارا وديال ريوسنا غنوليو أباء وغنكونو مسؤولين طياب غنعاونك فيك غتعلمك الوالدة وماشي ديما غطيبي الا بغيتي ݣاع دخلي لشي كوان تعلمي طياب
ملاك: بغيتي تكرفس علية وصافي
اورطيغا: هه خااايف عليك وعلى لي فكرشك من دابا غنوليو ناكلو من هاد ليديداات
ملاك: (عوجت فمها) هادي هي نفششك!!!
اورطيغا: ملاااااك نساي ماكلة دالزنقة ماشي ديما مرة مرة ناكلو فشي بلاصة ولكن مرة فشحال ماشي ديما
ملاك: مرة فسيمانة هادشي الا مجانيش الوحم على طياب
اورطيغا: غير مديريهش فراسك فكري فولدنا ولا بنتنا وخافي عليهم من ماكلة ديال برا ماشي حسن توكليهم ماكلة من يديك
ملاك: باغي تغمق عليك
اورطيغا: لا لا لغمييييق تخصص ديالك انا غير تنبين ليك…
أمينة: (مكرهتش تقولها لكولشي لبست دغيا حتى الحاج أصر باش يمشي حتى هو وجدات ليه يحتاج حيت غيباتو تماك هزت دواه وتمو ماشيين مفتاحة كانت لتحت غير شافتهم خارجين بجوج جات عندهم)
مفتاحة: ياك لباس أخاي فاين ماشي؟!
أمينة: هاد نهار بغا يمشي يبدل الجو شوية
مفتاحة: غيجيو عندنا الناس بلاتي يشوفوك جات حشومة ميلقاوكش فالدار
الحاج: من بعد
أمينة: اويلي امفتاحة السيد بغا يرتاح شوية ونتي كتݣولو الناس ما الناس
مفتاحة: فين دايا الراجل ياكما بغيتيه يكتب ليك شي حاجة نتا وداك الولد
أمينة: هااااه أنا مݣلت والو الحاج هوما لي من نهار طحتي وهوما نفس الموال حتى ولدي طججوه من هنا جالسين عليه خرج من المحال ردنا الفيرمة لدرجة داك نهار خرجوه من محالو وبدلو الفرخة
مفتاحة: (تصدمت فأمينة حيت ممواالفاش كتشكم بيهم)
الحاج: كفاش!!!
أمينة: كما سمعت انا باقيا معاك هنا غير على ودك الحاج ونهار كنت فصبيطار بوحدي طردوووني ݣالولي ساعتك وخدمتك سالات
مفتاحة: ماشي عيب عليك تعمري الحاج على ولادو وختو
أمينة: الا كذبت فشي حاجة بغيت ربي يدير فية العجب
الحاج: (بقا غير كيخنزر) بغيتو تورتوني فالحياة
أمينة: أنا وولدي لا حنا بغينااالك غير الخير وطول العمر وحتى ولدك شريف تݣول ماشي خووهم مفتاحة نعلي الشيطان شوية راك دافعة تسبيق لعزرين ديري اخرتك موووت واش هكا تبغي تلݣاااي مع لي خلقك!!!
الحاج: (مشا من حداهم بجوج هو كيدير ماشي كيتغاوت)
مفتاحة: عجبك الحال دابا
أمينة: من دابا الفوق مبقى يهمني حد خوك لي جامعني معاكم نهار يخطى وجهي متشوفوهش
مفتاحة: وباش تعيشي الا مصدقناش عليكم
أمينة: برزق ولدي.. الولد امفتاحة الولد راه أحسن رزق وعاد ربي الا عطاااه من الذرية فين باقا غتباني نتي ودراااهمك
يوسف: (مشا لمحال سعد تسنى توصل نوبتو قبل ميرحب بيه)
عندي جوج حوايج باغي نعرفهم
سعد: الله يسمعنا خبار الخير جلس بعدا.. نبيييييييل جيب براد أتاي
يوسف: (دار بيدو حركة سطوپ) مبغيتيش
سعد: ماشي من عوايدك اسي يوسف
يوسف: علاش هرَّبت ولدك؟!
سعد: ولدي مهربش ولدي مشا يكمل قرايتو
يوسف: فين
سعد: علاش تتسول
يوسف: حيت ادم قال تيقلب عليه وبغاه حيت عرف كان تيلعب فظهرو
سعد: فاش لعب؟؟؟
يوسف: (مرضاش يقول ختي) نتا عارف وانا عارف!!! وادم هبييل!! عندو حياتو بحال لخسارة بحال ربح هو خرج على ختي اه ولكن يغدرو واحد فيها غيقتلو اللهم رد ولدك حداك باش ميصبفطوهش ليك فالصندوق
سعد: (كيبغي يبين الهدوء ولكن ) شنو قالولك على ولدي غير كذبو متبقاش تيق لي سمعتيه
يوسف: حسابو تقيييييل يعيى يهرب غيحصل يحصل!!! الا ماشي مع ادم معايا انا
سعد: متعصبش اسي يوسف عارف عندكم مشاكل..
يوسف: عندنا مشاكل وتنعرفو نحلوها وراضيين بلي قسم الله العيب الكلاب لي ضايرين بينا ودرناهم منا
سعد: بالصح خاصك ترد بالك !!
يوسف: (هز تيليفونو وجاوب)
وي…
اه وصلت لتركيا!!!
صافي قضي الغراض!!
سعد: (تعصب) ولدي توقعلو شي حاجة!!!
يوسف: تكالما ناقص واحد ناقص مشكلة (تم ماشي بحالو هو غير جرب قضية تركيا حيت غير وصلاتو تنقنيقة ودابا سعد أكدها ليه…)
~~~~~~~~~~~
رشيد: (حتى هو فرح دارو باش يمشيو عندها بالليل حيت أمينة أكدت عليهم يجيو يتعشاو خديجة حتى هي غتمشي لتماك… من ديما فاش كتحمل وحدة من بناتو كيمشي يتقدا ليهم ݣاع داكشي لي كيبغيييوهم وعاد ملاك)
الا كتبغي شي حاجة طيبيها ليها
زهرة: داكشي لي نايضة ندير…
~~~~~~~~~~~~~
اورطيغا: (تقدا شنو غطيب مو رجع لقاها متكية الدار كانت مجموعة وباينة لمرا لي كتصيفط مو لي جمعت الدار ونقاتها) غتجي دابا الوالدة والحاج غيباتو هنا حنا غنمشيو لدارنا
ملاك: البرد تماك
اورطيغا: كاين شوفاج أجمتي!!!
ملاك: علاش نمشيو لتماك ياك كاين بيتنا هنا
اورطيغا: بغيت نبقى معاك الراس فالراس وناخدو راحتنا
ملاك: بااااز قولي شتك مجبتيش كادو
اورطيغا: ديالاش؟!
ملاك: ديال لحمل!!! حنا عندنا فعادتنا (معندهمش) فاش كتحمل المرا الراجل كيجيب ليها كادو
اورطيغا: والراجل مسكين؟
ملاك: اوا انا لي غنحمل بيه فكرشي 9 شهور
اورطيغا: وحتى انا كنت هازو فقل*** كتر من 30 عام ومتشكيتش
ملاك: ههه الكاااادو ولا نكدها عليك هاد لعشية!!!
حمزة: (واخييييرا جاوباتو) لييلاا صافا!
ليلا: شنو باغي احمزة؟!
حمزة: بغيت نهضر معاك نعرف كيف دايرة من نهار صبيطار معاودت لا شفتك لا عرفت احوالك
ليلا: مبقى ميتعرف احمزة صافي انا بغيت نسا المغرب ونسا كولشي لي دوزت تماك
حمزة: تشدت أميمة
ليلا؛ متيهمنيش
حمزة: عندي ليك خبر ممكن تنتاقمي بيه من خوك
ليلا: مبغيت والو احمزة
حمزة: لي عذر خوك مع غيثة وظحك عليه هو توفيق
ليلا: علاش تتقولي هادشي
حمزة: خوك دمرنا كاملين هو رجع لتماك عايش حياتو
ليلا: (كتشوفو مرة مرة ولكن واحد مكيهضر مع لاخر وحيت عندهم اصدقاء مشتركين كتعرف اخبارو)
حمزة: ليلا!!!
ليلا: حمزة انا بغيت نبعد منو ياله بقيت تنبرا
حمزة: (مبغاش يزيد يظغط عليها) مكيستاهلش تكون عندو اخت فحااالك
ليلا: واش بالصح نتا مع غيثة ؟
حمزة: اه
ليلا: (حركت راسها باه) نتمنى ليكم السعادة
حمزة: السعادة ديالها وديالي وديال أي واحد ناااقصة
ليلا: ادم واخا يعرف بتوفيق مغيرجعش المغرب
حمزة: توفيق هرب من المغرب وهو لي عارف كفاش يجبدو عندو الا بغا
ليلا: وباش غيعاونك هادشي
حمزة: حيت ادم مغيكونش ضارب حساب ان توفيق هو من مور داكشي وغيغلط يغلط ومنها يمشيو جوج فخيييط ونتي ترجعي كرامتك
ليلا: والا سولني شكون قالها
حمزة: الحقيقة غتقولو انا!! انا عرفتها من طليقتي لي هي عرفات من دراري كاااااملين لي كانو معاه وداكشي باش حتى انا تفارقت مع غيثة لي غتزوج بتوفيق
ليلا: ونتا بالصح تتبغي غيثة
حمزة: نتي عارفة غيثة كانت أكتر وحدة تظلمت فهادشي كامل
ليلا: اه نتا تتبغيها؟
حمزة: اه
ليلا: (سكتت شحال) انا غندير هادشي على حساب غيثة حتى هي تستاهل… ولكن متنواعدكش حيت مزال منقدرش نتواجه معاه
سعد: (عيط على ولدو عاودلو على يوسف لي عرف ولا كان غير شك مهم قربو لولدو)
معندك دابا فين ترجع هنا
توفيق: انا لقيت كونترا لاسبانيا
سعد: بقا فتركيا حتى نعرف شنو ندير ولكن غير متبقاش غير دااايع نشوفو شكون بيع بيك الكلب
توفيق: واااخ.. صيفطلي فلوس
سعد: عاد صيفطت ليك!!!؟!!!
توفيق: تركيا غاليا بزاف وبحرا تنضيپاني راسي
سعد: وإسبانيا رخيسة الكلب لي باغي تمشي ليها!!!
توفيق: اوا صافي خليني نرجع ونتزوج غيثة ونربي ولدي
سعد: واش الحمار مربيتي حتى راسك عاد تربي داك ولد لحراااام الا رجعت هنا حسابلك غيعنقووك ويجيو يخطبوك ويرغبوك تزوج الشايطة د بنتهم الا شافوك غيقتلووك عصا وميرحموووكش الا تأكدو وعرفوك نتا باه عرف غيقلبو عليك فينما كنت صبر نعرف فإييينا جايحة نصيفطك ليها
توفيق: جوج طرشات نصبر ليهم…
سعد: (عصبو وهو يقطع) الكلب ماشي راجل تقول ماشي ولد ݣزااار حفيد ݣزار!!!! قالك جوج طرشات الراجل لي يقبل على راسو الكرش غير يقلبها مرا حسن ليه!!!!
~~~~~~~~~~~
غيثة: (كيهضرو فالتيليفون كان هو فتاونات) حمزة متتفكرش تستاقر ففاس
حمزة: (تبسم) علاش؟!
غيثة: معرفت قلت فاس فيها كولشي قريب واغلبية فصفرو تيجيو هنا على حساب الاطباء لقرايا اي حاجة كاينة هنا
حمزة: كاينة الطموبيل
غيثة: المشروع لي بغيت تديرو تماك ديرو هنا فاس فيها الرواج اكتر
حمزة؛ (تبسم) مبغيتيش تعيشي فصفرو؟!
غيثة: معرفت ديك الفكرة تتخلعني انا ولفت هنا بزاااف نتا باغي تعيش تماك البلاصة فين مات ولدك وباباك الله يرحمهم وانا مبغيتش نعيش فديك الدار حيت كنت مزوج فيها بديك الكارثة
حمزة: امم فين باغا توصلي اغيثة
غيثة: لحل يرضينا بزوووج علاش منسكنوش هنا اكيد تكون معنا ماماك ونعيشو بربعة بينا
حمزة: اممم والدار لي فصفرو؟؟
غيثة: تبقى!! نعيشو بيناتهم بجووج مرة هنا مرة لهيييه
حمزة: (ماشي معاها فالخط) والوالدة؟! كفاش مثلا نقنعوها؟! انا ونقولو نخلي الحومة لي كبرت فيها وتربيت فيها نخلي الناس والعائلة وهي كفاش تقنع!!!!
غيثة: (سكتت) مبغيتش نكون أنانية احمزة ولكن فكرة نسكن تماك تتخلعني!!!
حمزة: نكمل شي خدمة ونجيو نتلقاو ونهضرو مزياااااان…
غيثة: (قطعت وشافت فمها) متنظنش يقتانع حتى فاش كنت تنقولو هادشي حسيت بيه غير … غير متبع هضرتي فين توصل وصافي
الغالية: خليه يقتانع اش عندك مديري فصفرو الناس كيترقاو ونتي باغا تسكتي فعروبية
غيثة: صفرو عروبية؟!!!! لواه اماما زدتي فيه
الغالية: انا بعدا من هنا نقولهالك محمد مغيتبعكش تماك بغيتي نتينا تمشي سير ولدي أنا نربيه ونتهلا فيه ماشي غنخليه يمشي لتماك
غيثة: صفرو مخيباش لديك الدرجة
الغالية: صفرو غديري فيها مشروعك لي باغيا؟!!!!! صفرو فيها المدارس لي كاينين فاس باش يقرا ولدك؟! فنظرك غيبغي يجيبلك خدامة تماك وعاد فنظرك غتاخدي راحتك كما واخداها هنا هاديك فاللول والتالي غتبقى دار مو هي مولاتها ونتي غتمشي على نظامها هي
غيثة: مو تتبان ظريفة ودرويشة
الغالية: نقولو درويشة غتجي نتي غتولي هي الراس ديالها!!! الواحد منين يكون درويش متيعنيش غيتساهل فكولشي
غيثة: (زفرت) اوا؟!!!
الغالية: الا كان باغيك نييييت غيبغي يسكنك هنا ففاس وينبغي راحتك كما منين شافك وهو يقولها
غيثة: عاد قلتي الواحد يكون درويش وداكشي
الغالية: انا هضرت على مو ولكن الراجل خاصو يدير لمرتو شنو باغية هااااا خاك عزل علينا واخا كان تيقول يسكن معانا ومشا سكنها وداير ليها بحال لما لقليل
غيثة: نسكن بوحدي ماشي هي نخليه يخوي مدينتو
الغالية: وعلاش نتي تخوي مدينتك وهو لا ياك عاد باغي يبدا مشروع يبداه هنا نيت ونتي ديري مشروووعك وتعاونوا بجوج
غيثة: معرفتش
الغالية: خليني انا نهض..
غيثة: لا لا لااااا… الا كانت شي حاجة يهضر معاه بابا ولا يوسف هو معندوش مع هضرة نساااا
الغالية: يشويني فيك لا نتي لا هو خلاااااص علية!!!
غيثة: ماماااااا عنداك تمشي تهضري معاه حمزة عزييييييز علية بزاف مابغاش نخسرو
الغالية: سيري سيري قالك عزيييز!!!
غيثة: مهم انا غنخرج نتلقاه وغندي معايا محمد فلعشية ونشوف فين غنخرجو
الغالية: (مهيرة كمارتها) سير تعلملك شوية من مرت خوووك هي لي تتعرف ليهم اما نتي ابنتي غير ضعاااانة هاااا وجهي الا مجيتيش فالليل وقلتلي صافي غنسكن معاه فصفرو
غيثة: (بقات غير كتشوف هي بالصح مابغاش تسكن فصفرو واكترية فدار مو فين كان مزوج بمرتو اللولة!!!!)
اورطيغا: (كان فالݣرنة كمل ذبيحة لي توحشها بزاااف هاد نهار استمتع وهو كيذبح ويسلخ عمر الكاميو ديالو بالسلعة حتى جا سعد قالو يتجمع هو ودراري تبعو لبيرو فين كيكون الحاج لقا شريف وخوهم لاخر تماك سعد سد لباب)
اش تما!!!
شريف: (لوا شنايفو بمنعرف)
سعد: (جلس فكرسي الحاج) حبيا بغيناك تخوي محال السعادة وخود شي محال اخر ويبقى التعامل هو هو لحم يجيك كما موالف وبلاصتك فالݣرنة ميحايدهالكش طبيب وفلوس لكرا لي تتعطي الحاج انا نعطيهم ليك باش تكري فمحال اخر
اورطيغا: (ببرود) علاش؟؟
شريف: فخبار الحاج هاد الكلام اخويا؟!!؟؟
سعد: المحال اولى بيه حنا وولادنا لي من لحم ودم الحاج
اورطيغا: (مبقاش كيسوق لهضرتهم) كما قال خوكم الحاج نهار يقولي خوي غنخوي وفلوس لكرا لي تخلص علية خلصهم على ولدك لي مصيفطو يقرا!! بعدا علاش تيقرا كفاش يقتل الواحد ويهرب!!
شفيق: شنو تتخربق
اورطيغا: عاودلها لك** نتا بعدا
سعد: سمعني الحاج صحتو على قدو ومبقاش مسوق لهادشي باغي يتلهى غير فصحتو هاد الساعة..
دير راسك بلاصتنا يجي واحد يخطف رزقك شنو غدير انا من هنا نسنيلك قلب غير على شي محال وسلعتك وكولشي غيبقى هو هو حنا بغينا غير داك المحال يبقى لواحد من ولادنا
اورطيغا: مقلت عيب غير ردولي فلوسي لي خسرت على داك المحال
سعد: شحال؟!
اورطيغا: 50 مليون
شفيق: شحااال؟!!!
اورطيغا: (هدا بالظبط مكيحملوش) 100
شريف: (تبسم)
سعد: تطنز علينا؟؟!
اورطيغا: (زفر) 50 مليون كاش ورقة متكية على ختها نحط ليكم سوارت فوق الطابلة من غير هادشي معندي منقول
(حل لباب)
فكر فيها مزيان داك المحال راه تيدخل ذهب هههه باااز شووو نتا قدك قد البغل ومبغيتش دير عقلك داك المحال مديالي مديااالك ديال باك ولكن دابا درتهالي فالراس
سعد؛ شنو عندك مدير؟!
شفيق: قلتهالكم نهار اللول!!!!
اورطيغا: والو (خرج من تماك صيفط الكاميو المحال وهو رجع للدار زرباااان كانت مو والحاج مزال تماك اما ملاك كانت مشات للحمام.. جلس فالبيت قبل ميدوش ولا يبدل حوايجو)
الحاج باغي نشري المحال لي لتحت
أمينة: (من نهار عرفت عندو الفلوس وهي كتزن عليه يقولها الحاج ولكن هنا كان سبقو الحاج منين أمينة عاودت ليه كولشي) ولدي الحاج كيجمع الوراق باش يدير ليك المحال هبة
اورطيغا : انا مباغيش هبة باغيه بيع وشرا
الحاج: رجعو تكلمو معاك
اورطيغا: الحاج فكر فيها من هنا لغدا باغي نشري من عندك المحال بيع وشرا تاخد فلوسك وتعطيني المحال مباغيش لا هبة لا واالو!!!
ملاك: (شدت تاكسي للدار واخا كانت قريبة الا تسخسخت مع حلت لباب كتسمع مراد كيهضر على البيع وشرا بصاكها دخلت حداهم)
سلام عليكم
اورطيغا: (شاف فيها كانت بجلابتها والشال وحنيكاتها مزنݣين) بصحتو
ملاك: رجعت بكري؟؟
أمينة: بنتي بدلي عليك انا نحط لغدا
ملاك: (تبسمت معاهم ومشات لبيتها لبست بيجامتها جمعت شعرها سفنجة كانت دايرة بروشينغ ولوات شال مرخوف عليها قدت مكياج خفيييييف مع بغات تخرج حل مراد لباب وعطات منو ريحة ذبيحة ولحم والدم والدوارة فلبلاصة قلبت ليها معدتها دايرة يدها على نيفها وفمها دغيا وبعدت)
اورطيغا: ندوش و.. (مشات كتجري لطواليط تسمعت صوت الردة بقا غير واقف قرب لباب الحمام مبغاش يدخل عندها حتى خرجت شادة صبوونة كتشمها)
يا ودي ياودي على مرت الݣزار
ملاك: (تبسمت ملسقة الصابونة فنيفها وهي واقفة بعيد عليه… دخل لبيت هز لحوايج وهي مشات للكوزينة كتقولها أمينة شنو كان بغا اورطيغا)
ومنين غيجيوه الفلوس؟
امينة؛ راه عندو
ملاك: بالصح؟! واش زعما كانو عندو ولا تسلف!؟
أمينة: لا ݣال دياولو علاه معارفاش راه عندو فلوس
ملاك: اممم.. قالي عندي رزقي
أمينة: اوا راه عندو
ملاك: اممم وشحال بغا الحاج يبيعلو ؟!
أمينة: هو بغا يكتبو ليه هبة ومراد ݣالو لا غدا ولا بعدو ولادك يطعنو اوا تفاهمو الحاج قالو نحايد فلوس صليح وغيزيد غير شي حاجة منها ابنتي يتهنى ماشي كل مرة واحد جاي عندو تݣول كيسعى فيهم
ملاك: أحسن حاجة والله
أمينة: بنتي العمرة مبقا ليها والو هضرت مع مراد نجلس بحرا نݣابلك مبغاش وحلف علية نمشي
ملاك: وراه عندو الصح انا ياله بادية الحمل بلعكس من شحال ونتي باغا تمشي ومنها دعي معايا تماك وتجيبيلي شي عباية ناااضية وشي مخور منمر
أمينة: نجيبلك ابنتي غير جاتني قاااسحة نمشي ونخليك
ملاك: كوني هانية والله، كاين مراد كاينة خديجة حتى ماما غتبقى تجي عندي مرة مرة ونتي غتجلسي غير شهر وشي حاجة ماشي بزاف غتمشي وترجعي وكرشي غتكون هي هي
أمينة: وشكون يوحمك؟!
ملاك: لي حملني ههه
أمينة: ههه الله يفكك على خير ابنتي ويعطيك وݣفة سااااهلة
ملاك: (بفرحة) أمييييييييييين
حطو لغدا بقات كتاكل وكتبنن هي اصلا كيعجبها طياب أمينة اكترية لحم بالبرقوق كتقنو كتر من مها وكانت نيت جيعاااانة وكولشي كيحط قدامها لحم وهي كتاااكل
الحاج: (رجعو كيهضرو فالخدمة حتى نطق) المحال نكتبو ليك بيع وشرا حتى تجمع وعطيني
ملاك: (كتقول فنفسها ولد لحرام بغا يشد من عندو الفلوس وهو عارفو معندوش!!!)
اورطيغا: لا قولي شحال!!! نعطيك فلوسك قبل متمشي للعمرة
الحاج: واش حنا بيناتنا الحساب اولدي
اورطيغا: الحاج البيع وشرا تيخلي العشرة طول شحااال نعطيك نتا شد رزقك وانا نشد محالي
الحاج: خلص العمرة ديالي وديال أمينة
اورطيغا: هاديك نخلصها عليكم بلاش قولي شحال (ملاك كتنغزو من تحت الطابلة وعارفها علاش كتنغزو)
أمينة: اوا كما دار معاك وحلة ݣالك خلص خلص العمرة صافي خلصها وارا واحد جوج باش نتقدا ولا 3
الحاج: وبلا منطولو فهاد الهضرة هاد المحال نهار اللول نتا جيت وقلتلي الحاج كاين محال فالسعادة انا شريتو فداك العهد مغاليش حيت كان مزال متبنى خديتو هو وهاد البرطمة لمك نتا فينيتو وقاديتيه بثلاجات دياولو وانا مخسرتش فيه شي حاااجة
اورطيغا: واخا هكاك دابا راه ساوي
ملاك: (عصبها) كح كح
اورطيغا: حلال ابنتي حلاااال (عطاها لما تشرب) تنبغي كولشي يكون حلال علية
ملاك: (عوجت فمها كتسبو فنفسها “منين كنت كدخل لق**** مكنتش كتفكر فالحلال!!!” )
الحاج: هاد السيمانة لي بقات لينا نتكاتبو ان شاء الله
اورطيغا: صافي ونتكاتبو حتى على ديك الفيرمة
الحاج: صافي!! (ملاك حبست من الماكلة مرضها ونيت شبعت وناضت من حداهم كتجمع الطابلة سمعت أمينة والحاج خرجو غسلت دوك لميعنات ومشات عند اورطيغا للبيت كان فالبالكو كيكمي ياله غتبدا تهضر وتنݣر عليه)
اورطيغا: (جات تهضر) زين لبسي باش نهبطو لصفرو
ملاك: دابا؟!
اورطيغا: هاد لعشية عندي فيها الخدمة قليلة ماشى شي حاجة حتى رجعو ودغيا نزرب عليها
ملاك: وصبر نقولها لماما بعدا
اورطيغا: سيري
ملاك: وووو مالك قبيلة الحاج كيقولك صافي ونتا كتقولو نزيد
اورطيغا: معجبكش الحال يكون المحال لتحت ديالي؟!
ملاك: عجبني غير..
اورطيغا: صافي هادشي لي خاصو يعجبك ويهمك شي لاخر خليه علية
ملاك: غير..
اورطيغا: ملاااااك طلقي اللعب اصاحبتي خاص عاد نتقداو ونهبطو!!!! ومن هنا نقولهالك نوصلو الحومة نزل راسك مكاين لا ولد الجيران لا ولد تربا معانا
ملاك: (تبسمت) بااااز!!!!
مشات لدارهم فرحو بيها وبحملها جدها وعمها عاطياهم كلمتر ديال التيساع حدها سلمت وهربت دوزت عشية زوينة معاهم بقاو حتى تعشااو وتمو راجعين بكري داز خدا ليها شي سقاااطة وديسير ورجعو للدار هو هبط المحال دغيا زرب على كموند صغير تسنى مولاه حتى جا خداه عاد نقا الدنيا حيت صيفط الولد دوز جفاف خفيف كيخلي الدنيا نقية وهو مستمتع اخييييييرا هاد المحال غيرجع ديالو كان حلم من أحلامو ميبقى حد لا يمن عليه ولا يبرزطو نهار غيتكاتب غيجمع 12 شاااهد باش حتى الا الحاج كتاب ومات مكاين لي يطعن فداك العقد لي غيدير !!
طلع عندها كانت مقادة بلاطو دالخشب فيه ديسير شكلاط مملحات موجدة فيلم ومعطرة لبيت دوش من ريحة لحم لي كتعيفها ودخلو لفراش كينقبو ويتفرجو ماااشيين مع احداث الفلم حتى بدا كي*****…..
~~~~~~~~~~~
دااازت سيمانة….
اليوم كانت عندها كونتروول من بعد مدارت التحاليل وتعطلت سيمانة باش تعاود دير السونار كما قالت ليها طبيبة مشات غير هي وأمينة حيت هو كان مشغووول وعاد غيمشي هو والحاج يتكاتبو عاود قلبتها وهنا كانت كملت 8 السيمانات وبان التوأم لي عندها وكانت طبيبة شااكة أمينة بقات غير كتبكي وهوما كيسكتوها فرحت كتر من ملاك لي كانت متبعة تريتمو مع طبيبة وريجيم على حساب تحمل بالتوأم مكانتش مضمونة هي غير تبعت البروتوكول لي عطاتها طبيبة يا تصدق يا لا حيت ربي لي كيعطي…
هي فقط دارت السبب وجاب ربي التيسير!!
أمينة: (عنقت ملاك فرحااانة شكرو طبيبة خرجت أمينة دورت مع دوك جوج مساعدات شدت يد ملاك.. خرجو شدو تاكسي)
كيف ندير دابا نمشي ونخليك !!
ملاك: سمعتي طبيبة قالت كولشي عندي مزيان معندي لا حساسية لا واالو قادرة نصوم حتى رمضان كولو
أمينة: لا قالت الا حسيني براسك غتسخفي فطري
ملاك: شوفي كوني هانية وراه حتى خديجة وماما قراب ووفاء حتى هي غدوز نص رمضان فݣرسيف والنص هنا..
(وصلو للدار كان اورطيغا مزال مرجع بغات تقولهالو بطريقتها الخاصة ووصات أمينة متهضرش… قدات أمينة لغدا وملاك واقفة حداها كتسجل فعقلها زعما كتعلم طياب،
ضار الساروت كان جا بوحدو دخل عندهم للكوزينة ملاك ياله جات تهضر)
أمينة: امبااااارك ومسعووود اولدي
اورطيغا: (باستغراب) ملاك حاملة عاود!!!
ملاك: هادي هي سكتي!!!
أمينة: عندكم تواااام
ملاك: (خسرت كمارتها فأمينة) باااز!!! بااااز الالة باااز!!!!
أمينة: (جبدت الصورة من صدرها وملاك خرجت عينها حيت كانت مخلياها فلبيت باش توجد شي مفاجئة ليه)
ملاك: عقلي عليها مزيااااان!!!
اورطيغا: بحال بحال
ملاك: (بعت يدها مخنزرة) لا
أمينة: بحال بحال لمك
اورطيغا : هه (زاد فرح كتر جرها مدرع ملاك بيدو وحتى هي تخشات فيها جر أمينة معنقهم بجوج)
معرفتيش واش ولاد ولا بنات
ملاك: ههه مزال ميبان ويقدر يكونو بنت ولد
اورطيغا: الا!!!
ملاك: أيييه ههه
اورطيغا: (عجبو الحال جامي تخيلها ولا فكر فيها ولا حتى تمناها!!!! حمد الله فسرو وشكرو على هاد النعم لي عطاه الله.. حتى نطقت)
ملاك: كتبلي المحال
أمينة: ههههه
اورطيغا: كولشي ديالك حنا مشاركين الدم فاش جات الحيوط
ملاك: (فرنست اصلا غير كظحك وجيب يا فم وقوول بقات كتحط مع أمينة لغدا جلس وجلست على متجيب الخبز لي بقا دار يدو على كرشها)
هنا كاين جوج وليداتك
اورطيغا: سبحان الله!!! (حايد يدو منين جات مو جلسو كيتغداو كيختارو سميات)
أمينة: كان يݣون من شحال هادي الا كانت عندي بنية نسميها غيثة (اورطيغا خرج عينو فمو لي كتسول شنو!! ضارت عندو ملاك بالزربة)
اورطيغا: على حساب ديك الأغنية ديال (كيغنيها) قولو لالة غيثة مولاتي كانت تتعجبني نغنيها وصافي!!! هادشي فصغر
ملاك: غنسنيوها ريم والا بغيت تغني عليها قول “قولو لالة ريما مولاتي” حتى هي جاية مع اللحن
اورطيغا: ههه واشتي الوالدة باغا تشريهانا مع مليكة
أمينة: متݣولهاش مليكة عيط ليها بسميتها (تشاوفو ملاك ومراد يعني مو معارفاش اسمها الحقيقي!!! وأمينة عاد فهمت ملاك غايرة من غيثة واخا لي عارفة ولدها عمرو بغا غيثة ولا تقبلها ݣاع)
اورطيغا: لالة ملاك لالة لبنات (بقا شاد فيها حتى فرنست كملو غداهم هو رجع المحال لتحت وهي وأمينة خرجو يكملو شريان حوايج دالعمرة حيت مبقا والو ويمشيو، عيطلها باها لي جاب ليها طموبيلتها وهو ركب مع عمها لي جا من موراه باش يجيبو السلعة قالتلو على خبر التوأم حتى هو فرح بزاااف عطاها 200 درهم باش تشري شنو بغا ومشا وهي ركبت فطموبيلتها لي توحشتها وكملو السخرة وصلت أمينة للرياض وشدتها تبقى معاها حتى يلحق مراد لي علماتو يجي بتاكسي حيت جاب ليها باها طموبيلتها لحق ورفض يتعشاااو تماك لدرجة قالها يوكلها برا ومتاكلش تماك خرجو راجعين وهي ملحة عليه تعرف سبب نفور ديالو من ماكلة الرياض حتى قالها سباب..)
ملاك: (تصدمت) وعلاش مقلتلي والو؟! السم؟!؟ ولاد لحراااام!!
اورطيغا: داكشي داز!!
ملاك: (بقات غير ساهية) شنو درنا ليهم باش كيديرو هادشي
اورطيغا: نساااي احبيبي داكشي داز
ملاك: الله يسترنا وصافي!!!
حمزة: (بلا ميعلمها هضر مع يوسف لي كان فدارو وحددو وقيتة يتلقاو فدار العائلة.. وجد راسو هو وعمو لي بقا كيستاشرو بزاف وكانت هادي فكرة رشيد باش يعوضو مشكلة بنتو ويخرجو من داك الجو والمرض فاش كان عايش شدو طريق لفاس قالو باغي يخطب وحدة مطلقة بولد مبغاش شي واحد يعرف ديطاي ديال مرتو المستقبلية)
يوسف: (خدا خديجة لي كانت طيبت لملاك بسطيلة ومشات عندها لدارها وهو خدا سليمان معاه ومشا لدار مو عاد علمهم راه جاي حمزة غيثة بقات غير كتشوف حيت كانو دايرين يتلقاو ويهضرو مشات للكوزينة كتشوفهم كيوجدو لݣوتي وهي قالت ليهم يحطو داكشي زوييين طلعت لبيتها لبست لبيسة حجابية عاد شراتها قدات ميكاب خفيف اما محمد كتهلى فيه الغالية هي لي كتلبسو وتوكلو صونات عليه مجاوبش ورجع جاها ميساج)
“حبيبة جاي انا وعمي باش نتفاهمو مجموعين”
غيثة: (زادت توترت يعني داكشي لي بغاتو غيتناقش فيه مع الكل ميمكنش غيلبي ليها داكشي لي بغات حيت عارفة راسها داكشي لي طلباتو أناني منها ولكن قالت فاش مرتاحة وفكرت بعقلها ليها ولولدها…
نزلت لتحت تشاوفو هي ومها هاد المرة تبعتها فريها وهي باغية، باها دخل باستلو يدو درعها بيدو حيت يوسف علمو راه جايين رجال باش يتفاهمو)
بابا تفاهم معاه ولكن عفاك متقسحش معاه فالهضرة
أب يوسف: (تبسم) شنو بغيتي فالشروط ديالك
غيثة: شرط واحد نسكن ففاس
أب يوسف: (حرك راسو بأه هي خرجت الجردة صونات على مراد مجاوبش صونات على ملاك حايرة بزاااف عاودت ليها شنو كاين حيت خديجة قالتلها ديري لي يريحك نتي)
ملاك: اختي شنو نقوولك غنقولك لي كولشي متافق عليه ديري لي يريحك نتي
غيثة: مابغاش نسكن فديك الدار لي عاش فيها مع طليقتو
ملاك: نتي واش بيك ديك الدار ولا صفرو؟!
غيثة: بجوج
ملاك: صافي قولي شنو باغا نيشان باش من اللول تكونو مرتاحين غتقوليلو الدار ما الدار غيقولك نسكتو ولا نكريو بعاد
غيثة: داكشي مناش خااايفة
ملاك: (هي عارفة حمزة شحال مرتابط بصفرو وكيبغي الحومة ودارهم) يقدر يقتانع
غيثة: ويقدر لا!!!
ملاك: نتي تفائلي خير وديما ديري فبالك لي فيه الخير هو لي غيكون ليك…
ليلا: (خارجة من الصالون مقادة كوب ݣاغصوز على ميكبر ليها شعر ومقادة ستيل جديد جايها زوين شافت خوها جاي من الجهة المعاكسة تشاوفو بيناتهم هي وقفت كإشارة انها باغا تهضر جا عندها متنكرش شحال كرهاااتو)
صافي استقريتي هنا؟!
ادم: قلت
ليلا: وغيثة صافي سمحتي فيها؟!
ادم: كانت غير قنطرة
ليلا: فاش اذيتك انا؟!
ادم: درتي يدك مع هداك الشمكار وحتى دابا مدرت ليك واالو
ليلا: انا غير شكيت فية ودرتلي هاكا ولي حمل غيثة خليتيه معاك
ادم: كفاش؟!
ليلا: توفيق
ادم: كفاش توفيق؟! مفهمتش!!
ليلا: علاش معارفش توفيق هو بابات ولد غيثة؟؟ كولشي عرف وبالتحاليل وبحال والو تسمعهم تزوجو
ادم: (بقا غير كيشوف)
ليلا: مغيعيشوش فالمغرب
ادم: شكون قالك هادشي؟!
ليلا: (حمزة حفضها) قالها لي حمزة لي كان خاطبها منين بان الاب صافي كولها شد طريقو
ادم: بغاو يطيحوني
ليلا: مشكلتك تيحساب ليك الدنيا دايرة عليك انا شفتهم كولهم عايشين السعادة مرتاحين نتا بوووحدك لي عايش هاد العذاب (نزلت بعينها لرجلو) بوحدك لي عايش معاق
ادم: (هو مزال كيدورها غير فودنو كفاش توفيق.. ممتيقش يكون هو)
ليلا: اه ونهار عطيتني لصحابك يضربوني سمعتهم تيقولوها يعني كولشي فخبارو من غيرك نتا لي كنتي المكلخ فوسطهم (خلاتو واقف دارت يدها فجيابها ومشات عارفاه مغيبقاش ساااكت اكترية عارفاه مكيحملش لي يحشيها ليه وعاد فشي بنت كيبغيها!!)
اورطيغا: (كيقرا عقد البيع لي دار مع الحاج بتمعن واخييييرا هاد المحال رجع ديالو كان حلم كبيييييير من أحلامو!!! معرف واش يقولها لشريف ولا يضرب الطم حتى لمن بعد وكولشي يبان ولا يخليها للحاج هو يقولها ليهم!! وقف حمزة عليه فالمحال طلبو باش يمشي معاه لدار غيثة مع عمو مفهمش وهو مالو علاش يمشي معاه ماشي حتى صاحبو!!! حسن يرفض هاد الطلب سد المحال ومشا معاه دخلو الفيلا فين كانو كيتسناوهم ولدابا مفهمش علاش دايو معاه تسالمو معاهم)
يوسف: بالصحة المحال العزوة (غمزو)
اورطيغا: (شاف فيه مصدوم!! شكون غيكون قالها ليه واش ملاك ولا مو!!!!! ولا كولشي عرف!!)
شكون هدا لي دارلي واااازّع
يوسف: تتخبي علية!!!
اورطيغا: ومالك صاحبتي باش نعاود ليك
يوسف: ههه دخل وكااان مزال غتخلص الحق
اورطيغا: هانا تنخلصو علاش جيت هنا معرفتش!!!
يوسف: ههه (من بعد مستقبلووهم رجال جلسو بوحدهم واخا الغالية بغات تبقى الا مخلاوهاش، وبقا عمو كيهضر بحال كيخطب فغيثة ويشكر فولد خوه)
حمزة: انا بغيت ندير خطوبة رسمية ولكن قبل نعرف شروووط العروسة
يوسف: (مفخباروش قضية الشروط) اهااه نعيطو ليها
أب يوسف: انا عارف اولدي شروط بنتي!! غيثة بغات تبقى ففاس (شاف فحمزة) هي وحشمانة طلب منك هادشي ولكن هنا فين لقات راحتها بغات تبدا حياة جديدة بعيد على كولشي هي موافقة ومأمناك على راسها وولدها طلبها الوحيد منك هو تستاقرو ففاس
حمزة: (كانت قالت ليه مبغيتش نسكن فدار كنت مزوج فيها) والوالدة ديالي؟! وانا ففاس معندي والو
أب يوسف: انا عندي واحد الاقتراح ربما يعجبك ربما لا!!! نتا باغي دير مشروع وأنا باغي لي يدخل معايا شريك فالبزار ديالي الا بغيتي وحتى تفكر مزياااان وعاد رد علية ومنها يكون عندك الوقت باش تفرغ حتى للأراضي ديالك
يوسف: (كان باغي يدخل معاه ومبغاش باه ولكن مبقاش فيه الحال حيت بحالو بحال غيثة وحتى حمزة كيبان فيه ولد الناس وأكيد مغيدخلش ب50٪ ومنها ختهم تبقى حداهم وفين بغات هي!! ولكن واش حمزة غيقبل!!!!)
حمزة: (شاف فعمو) صافي ان شاء الله حتى نردو عليكم (وقف وملامح وجهو مكيتفسروش)
أب يوسف: جلس اولدي عرفنا شروط بنتي شنو شروط ديالك نتا
حمزة: (حرك راسو بلا) معندي حتى شرط انا باغي غير المعقول…
غيثة: كانت كتصنت عليهم حست بالبكية من ديك الوقفة للي دار حمزة بان جواابو.. طلعت الفوق بالزربة وفعلا مجلسش بزاف كان مشا هو وعمو خرجو برا وهي كتشوف من سرجم بيتها مرجعش ضار من موراه كما موالف..
اورطيغا: (واقف هو مع حمزة، وعمو كيهضر مع أب غيثة ويوسف)
بحالا ممممااااا مقنعاتكش هضرتهم
حمزة: (زفر) نتا تحط بلاصتي شنو دير؟!
اورطيغا: بيناتنا الا نتا سمحتى فديك الخدمة وداك الدار خانقااك كما تتقول بدل العتبة!!! انا غير قلت بحال والو رزقك هنا ونتا تعرف شنو دير وحتى الا جيت نتا هنا طلق عليهم شروووطك وعيش كما باغي نتا
حمزة: (حرك راسو بأه ولكن ملامح وجهو مكانوش كما موالفينو متبسم)
ياله هو هدا وشكرا
اورطيغا: هانية وفكر مزيان!!! (حمزة ركب وركب عمو من بعد مودعوووهم وكسيرا مع طريق…. حك ذقنو) ولد ***** وشكون يردني انا دابا؟!!
يوسف: (جا حداه) فيين
اورطيغا: نمووووت ونعرف لاش جابني انا معاه
يوسف: هههه دخل دخل
اورطيغا: نمشي راني طرقت المحال ومزال شي كليان غيجي ياخد سلعتو
يوسف: اوا فوقاش الزردة
اورطيغا: حتى لسبوووع واجي ضرب لحم حتى يخرج ليك من ******
يوسف: غدا نديرو شي خريييجة وعلى حساابك!! شنو نوصلك؟؟
اورطيغا: زيييد (ركب معاه ومشاو للمحال صونات عليه ملاك يطلع يدير الݣوتي علمها يوسف كاين وطلعو بجوج كلاو من داكشي لي جابت خديجة ومشات هي وراجلها)
زين شنو غطيبي لينا هاد نهار؟!
ملاك: لعشا
اورطيغا : مكاينش اختيارات؟؟؟؟؟
ملاك: عندك الحق تختار بين جوج نطيب لعشا فالدار ولا تجيبو واجد من برا !!!!
اورطيغا: ههه لا صافي لي درتيه
ملاك: اممم انا مدير شي ݣراتان
اورطيغا: واااايلي!!! صافي مزيااان!!!
ملاك: (تبسمت حيت اصلا خلات خديجة طيبهتا ليها وخبعاتها)
مراااد كاين واحد ليكول هنا ديال الطبخ شي 2 سوايع فنهار وكيقراو غير يوماين فالسيمانة قلت ندخل نتسجل تماك ومنها نتعلم ونعمر وقتي على ميعيطولي فالخدمة
اورطيغا: صافي غدا نمشيو لتماك نقيدك
ملاك: هه تقيدني!! واااقولي المشروع لي كنت باغي ديرلي
اورطيغا: دابا المحال عندنا؟! كما قلتي صباح ها لحم تيتباع فالليل هبطي ݣردي البصلة وديري سندويتشات بالكفتة
ملاك: ها ها ها مبغيتش مشروع كتبلي المحال غير بسميتي
اورطيغا: غير!!! الا بغيتي مليكة نكتبو من غدا
ملاك: متعصبتيش راني حاملة!!!
اورطيغا: هه وميمكنش احبيبة مجزرة ونكتب فيها ملاك والله مكاين ما احسن من لحووم مليييكة (جات نايضة وشدها كيظحك معاها حتى عيطلو الكليان ونزل عندو وهي ناضت رشت فرماج على وجه لكراتان وحطاتو فالفران على ميجي…)
وصلو لمطار فاس…. أمينة مسخاتش تمشي واخا شحال كانت باغيا تمشي للعمرة فعقلها حاطة إمكانية رجوعها 50 50 حيت مظامناش عمرها ومظامناش شنو يوقع ليها تماك توادعت معاهم ووصات كل واحد يتهلى فالتاني حتى هوما ممشاو حتى قلعت طيارتهم كيشوفو فسما
كانت عائلة ملاك وعائلة الحاج خرجو برا باش كل واحد يرجع فحاالو
ملاك: (كما وصاتها أمينة دارت راسها كتهضر فالتيليفون ودازت من حدا مفتاحة متقصدة)
اه… لا انا غيحطني فالدار وهو غيرجع للمحال ديالو!!
اه صافي رجع ديالو بالقانون وكولشي..
هههه اه..
الله يبارك فيك ازين…
واخا مووووبلغ…
هداك المشروع مزال مغيدير ليه افتتاح.. حتى ترجع ان شاء الله طاتي أمينة من العمرة عاد يدير ليه افتتاح…
واخ.. باااي
(شافت فمفتاحة لي مخرجة عينها)
هااااي!!!
(زادت ماشية تابعة خديجة لي جات حتى هي ودعت أمينة)
اورطيغا: (كان كيهضر مع سمسار لي شاف ليه شركة بغات تكري من عندو الݣراجات بتلاتة وطبقة كاملة فالعمارة فين كاينة دار ملاك باش يحطو السلعة عجبو الحال بزاف حيت فيها ملاااين كل شهر وهاد الكرية غتحل ليه مشاكل وحيت خاصو فلوس باش يحل مشكل الضريبة ويحفظ شي ديور باش كولشي يكون قانوني)
صافي قطع أنا غدا ان شاء الله نكون عندك
ملاك: (تبسمت معاه حيت شافت خاطرو تزعزع قبيلة ومو كتودعهم وتبكي)
كبيييدة
اورطيغا: دخلتك زييييينة علية ابنت رشيد
رشيد: (جاو حتى هوما يسلمو عليهم باش يهبطو لصفرو سمعهم وشاف فيه)
ملاك: حشومة بابا سمعك
اورطيغا: سي رشيد دخلتكم كاملة زينة علية هه مزيان دابا!!
ملاك: ههه مصرفق!!!
رشيد: ههه الله يسمعنا خبار الخير
اورطيغا: واحد البريكول شحااال وانا تابعو وجاب الله التيسير
رشيد: (هضر وقصد باش بنتو تعرف) المحالات تكراو للبنكة
اورطيغا: (كان نيت باغي يقولها) لا لبيم كما قلت نبعدو على الريبة اللهم شركة بحال هكا ولا نبقى هاز ذبيلة للبنوك
ملاك: اشمن محال؟! واش المجزرة؟!
اورطيغا: لا الݣراجات لي فالليدو
ملاك: (باستغراب) اشمن ݣراجات؟!!
اورطيغا: ديال العمارة فين كاينة دارك
ملاك: علاش شريتهم!!!!!! واش للحاج؟
اورطيغا: لا دياولي!!!
ملاك: هم!!!
رشيد: مبروك عليك اولدي الا حتاجيت شي حاجة هانا هنا
اورطيغا: دارو معايا غدا نمشيو نديرو الإجراءات باش يدخلو على الݣراجات يصلحوهم
ملاك: مفهمتش!!!!
مفتاحة: (حست بالدوخة من هاد الخبر لي نزل عليها بحال الصااااعقة مشات زاااربة باش طلع فطموبيلة ديال شريف لي جابها وبحرا كتقدر تنفس)
سربي اولد خويا رجعني للدار نشرب دوا ديالي
شريف: ياك لباس اعمتي
مفتاحة: (راسها يديها كولشي كتحس بيه تقااال عليها) رجعني رجعني!!!!!
شريف: واش الطونسيو عاود؟!!! (مجاوبتش طلعت جلست مغمضة عينها وكتحرك راسها مشا عيط على مرتو لي طلعت من بعد مودعت خديجة لي رجعو تصاحبو وزادو مكسيرييين يديوها لشي مصحة…)
عمتي!!!
مفتاحة: مشا رزق خويا!!! ضااااع رزقكم اولد خويا!!!!! ضعتو وضعنا كاملين!!!!
شريف: اشمن رزق!!! قولي بعدا باش تتحسي!!!
مفتاحة: (كتبكي) بالمووووووت
شريف: (تشاوفو هو ومرتو مفهمو والو عاد كانت صحة سلام بقاو ساكتين حتى يديوها لطبيب خافو تموت ليهم تماك حيت كانت كتݣمݣم بهضرة ممفهوماش..)
~~~~~~~~~~~~~~
ادم: (هضر مع واحد من دراري لقاه فاسبانيا)
طلع عندي لفرنسا
….: اه مرحبا
ادم: قولي توفيق كاين حتى هو معاك؟!
….: لا جيت غير انا والمدام
ادم: متأكد حيت جاتني خبار توفيق خرج برا المغرب
….: شنو باغي ادم؟!
ادم: قولي الصراحة توفيق كان مصاحب مع غيثة؟!
…: اممم شوف انا معايا المدام مغيصلاحش نتلقاو باش منجبدش صداع ونتا عارف مواضيعنا نتلقاك الا كنت غتبقى طرونكيل ومتجبدش داكشي ديالنا!!!
ادم: نتا قولي غير الحقيقة وغنخليك بعيد على هادشي
….: سولها هي نيت واش كانت مصاحبة معاه راه بحال والو كانت جامعاكم بجووج
ادم: نتا لي كنت قريب ليه
….: منقدرش نفعك فهادشي كما نتا صاحبي حتى هو صاحبي يمكن ديك الق**** كانت تتلعب عليكم بجوج
ادم: (بقا كيدور عينيه هو فديك الوقت كان عارف عليها كولشي هي كانت كتبغي اورطيغا عمرها جبدت حس ولا سميتة ديال توفيق حتى فاش كانت مغيبة هو كان عارف بيناتهم شي قرابة ومنين كتخرج معاه وهي صاحية مكتقولوش حتى السلام!!!!)
فين هو؟!
….: كل واحد فين تزلع كما موالفين تنديرو
ادم: هو معاك؟؟
…: لا
ادم: فالمغرب ؟!
….: لا
ادم: قولي فين
….: معارفش فين زاد بات ما صبح حتى عرفناه خوا المغرب ومبقاش هضر معانا يمكن خاف من لوخرا تهضر وتقول بجوج دارو السم
ادم: صافي انا غنعرف متقول حتى لشي واحد انا تنقلب عليه!!!
ملاك: (مفاهمة والو وكفاش اصلا باها عارف شي حاجة على راجلها هي معارفاهاش) بلاتي بلاتي اشمن ݣراجات واش نتا شريتهم كما انا شريت الدار فداك العمارة؟!
اورطيغا: لا ديالي.. مهم حتى للدار ونهضرو فهادشي
ملاك: (مغوبشة مفاهمة والو) لا هنا!!!
رشيد: ملاك!! حتى للدار وهضرو
اورطيغا: ركبي راه تحرك البرد ونتي ملابساش مزيان
ملاك: (بعصبية) لا قولي بعدا نفهم!! حتى بابا عارف وانا معارفة والو؟! شنو تما شنو مخبع؟؟!!
اورطيغا: (شاف فرشيد، جات حتى مها منين شافتها معصبة وكتهضر بعصبية كانت ودعت خديجة للي مشاو) سي رشيد (من ديك السي باين راه قو** معاها وعرفو بداها باش هو يقول شنو كاين) ياله معانا
زهرة: (جات عند ملاك) مالكي؟!
ملاك: (بعصبية كيكملو عليها منين حتى واحد ماهضر) معرفتش حتى انا باغا نفهم !!!
رشيد: بلا زيادة فالهضرة سبقونا لداركم حنا من موراكم
اورطيغا: (حل لزهرة تركب معاهم ركبت وملاك ركبت حداها من اااللور حاسة باحساس خااايب واكترية منين نفا شراااا وكيأكد انه دياولو يعني دار ديالها ديالو!!!!! حست بالاعصاب طالعين مع صباع رجليها!! ركب وهو كيوجد الهضرة زاد مع طريق وتبعو رشيد بطموبيلتو شاف فيها من لمرايا لقاها مخنزرة فيه كتشوف فيه بطريقة جابتو الظحك)
ملاك: (بانفعال) علاش كظحك؟!!!؟
اورطيغا: (مجاوبهاش بقا متبسم و كمل الصوݣان المطار مكانش بعيد بزاف على فين ساكنين، مسافة وصلو)
طلعو للدار على منجي
ملاك: (جرت مها وطلعو) حاسة بالغدر اماما
زهرة: هههه الغدر ݣاع
ملاك: (عاودت ليها) الا صدقت بالصح غن…
زهرة: اش غن؟! هادشي راه خاصو يفرحك
ملاك: (بعصبية ضارت عندها) واش حتى نتي عارفة شي حاجة؟؟
زهرة: هه لا
ملاك: ماما!!!
زهرة: يجي راجلك وسمعي ولكن كوني مرزنة ولالة مولاتي متبانيش مبرهشة عطيه ودنك وخلينا من هاد العصبية الزااايدة ومتحݣريهش راه مو مكيناش معاه ههه
ملاك: سعداااااتك اختي كظحكي؟! عقلتي انا نهار زدت معاك فاش بابا غدرك ونتي دابا كظنزي علية؟؟
زهرة: واش جابني انا لمك ليك؟!! انا باك دخل علية بتربية نتي اش دار ليك هاد الراجل مسكين من نهار حطك فراسو وهو مكبر بيك ودايرلك من الدنيا عشرة!!! شوفي لمك والله وديري شي حاجة مهياااش!!!
ملاك: ماشي شغلك داكشي بيني وبين راجلي
زهرة: غا جيتيني حااااملة اما نوض نجلس على مك نعصرك
ملاك: (كانت على اعصابها حتى طلع هو وباها كيهضرو عادي بحال مواقع والو وقفت فلباب كتسمعهم كيهضرو على هاد المشروع) كفاش هاد بيم عاود؟؟!
اورطيغا: (جلسو فالصالة تبعتهم) اجي بعدا جلسي (جلست حدا باها مقابلة معاه) العمارة لي بعت ليك الدار فيها
ملاك: (مخسرة وجهها) بعتلي؟!!!!
زهرة: انا نقاد براد أتاي (هربت الكوزينة)
ملاك: كفاش هاد بعتلي امراد؟! انا اشتريت وتبايعت مع واحد اخر!!!
اورطيغا: (طاحت عليه هستيرية ديال الظحك فنفسو هادي خاصها صندوق بيرا و10 جوانات ماشي براد أتاي)
الݣاراجات لي لتحت دياولي انا كريتهم هوما والطبقة اللولة لبيم
ملاك: (بلعت ريقها) العمارة ديالك؟!!
اورطيغا: ديالنا انا ويااك
رشيد: تبارك الله تبارك الله
ملاك: (وقفت) اشمن تبارك الله!! ظحكت علية ديتلي رزقي!! (هنا كولشي تفرشخ بالظحك حتى من مها للي فتلكوزينة) نصبت علية امراد!!!!!!
اورطيغا: (كيشوفها شااااعلة بالصح وعينيها خارجين ماشي كظحك ولا دايزة دغيا)
ملووووكة جلسي وغنفهمك مزيان حتى واحد مخدا ليك رزقك ولا نصب عليك
ملاك: (كتحس بغضب كبييييير) دابا قولي بالصح شنو كاين؟!! جبد الوراق باش نعرف راه ديالك!!!!
رشيد: ملااااك!!!
ملاك: هو يقولي شنو كاين!!!
اورطيغا: مكاين والو
ملاك: العمارة ديالك؟! ديالك نتا؟!
اورطيغا: (كيبغي يحلل غضبها مناش بالظبط واش حيت باع ليها واش حيت خبع عليها) اه
ملاك: نصبتي علية امراد؟!!!
اورطيغا: فاش؟!! فاش نصبت عليك؟
ملاك: الدار لي بعتلي!!! (متصرطتش ليها) نتا مولاها؟! ميمكنش؟! علاش مقلت والو؟
اورطيغا: علاش ميمكنش
ملاك: (بقات مخرجة عينها كتفكر منين كانت كارية مع وفاء وكانت كطل عليه من البالكو كيعاون البنايا منين كانت العمارة غير بلان عاد فهمت هو كان غير واقف على رزقو ولكن كفاش هو مݣرد وعندو بلان فيه 200 متر باش جاب فلوس لبني منين جاب فلوس لبلان!!!!! وكفاش باع ليها وهو كان كيقولها غير وسييييط)
رشيد: نعلي الشيطان هادشي خاصو يفرحك راجلك الحمد لله عندو رزقو
ملاك: (بعصبية) هو ممزياااانش غدااار!! علاش غنفرح؟؟؟ بواحد كذاااب!!! (شافت فيه) بحالا مكنعرفكش!!!!
اورطيغا: (غير كيشوووف فيها) !!
رشيد: ملاااااك!!!
ملاك: (جاتها لبكية شافت فيه وصوتها كيترعد بلبكية) وانا لي بغيت نبيع طموبيلتي ونعاونك!!!!
اورطيغا: معمري قلت ليك بيعي على حسابي شي حاجة عمرني طمعت فيك تعطيني شي درهم ومعقلتش على راسي خليتك تحطي يدك فجيبك املاك بلعكس انا مواعدك نشري ليك ما احسن
ملاك: واخا هكاك علاش تكذب علية علاش خبعت علية !!
اورطيغا: حتى الوالدة مكانش فخبارها واليديك ياله عرفو!!
ملاك: (مع سالو دموعها هربت خرجت من لبيت حتى سمعو باب لبيت تزدح)
رشيد: اممم مع الحمل الواحد كيتخرق
اورطيغا: مكانت فنيتي حتى حاجة خايبة
رشيد: (زفر بقات فيه بنتو حيت منين كتبكي كتكون مقسحة) واخا هكاك اولدي نهار تزوجتو كان خاص تقولها كولشي هي من اللول تزوجاتك بقناعتها واخا تكون زيرو درهم كانت غتزوجك!!!
اورطيغا: انا مبغيت نقولها حتى لواحد حيت علية العين ولاد الحاج خاصهم غير منين يدوزولي بحال والو يقولو سرقت بااهم وانا عمرني مديت يدي لدرهم من فلوس باهم
(رشيد كيتصنت ليه اما زهرة مشات كدق على بنتها تهدنها)
رشيد: بالصح الا مجاتش عيب.. كفاش حتى درتيلها؟؟؟
اورطيغا: انا والوالدة كنا شاريين براكة فالليدو قبل متزوج الحاج نهار تزوجت ومشات عندو انا بقيت فديك البراكة وفنفس الوقت خدمت مع الحاج سمعت تنقنيقة غنستافدو
ويعطيونا بقع كنت جامع شي حاجة شريت نوامر تسلفت من بزاف دالناس وكل نمرة شريتها مفرقة وعلى سميات صحاابي حتى وحدة مشريتها على سميتي من غير البقعة لي بقات على سمية الوالدة (جات زهرة حداهم باغية تسمع القصة ملاك مبغاتش تحل ليها لباب)
…صافي بقيت بين لݣزارة ذبيحة وتنعاون فالتريااب ديال الكاريانات نبيع لحديد القزدير نسمسر فالطموبيلات اي حاجة كانت تدخلي الفلوس كنت تنديرها خاشي راسي فكوولشي درهم مكنتش تنخسرها بقيت تنجمع فالفلوس حتى عطاونا الترخيص شقيت على راسي مزيااااااااان تعرفت على ناس لي تبادلا معاهم ولي وقفو معايا باش نجمع 3 نوامر فبقعة وحدة حيت القانون يعطيو كل 3 نوامر يتجمعو فبقعة وحدة ديال 200 متر خديت جوج بقع دياولي كاملين وشي لاخر كان مفرق اللولة عطيت الطاشرون يبنيلي ومنين كتعطي الطاشرون يبنيلك كياخد نص ݣراج ودار يعني تبقالك شقة ب100 متر ونص ݣراج بقيت تنفكر مزيان وانا نبيعهم بجوج جاتني واحد البراكة دالفلوس شريتها كولها سلعة والدولة تتعاون على كل نمرة ب3 دالمليون حتى هي زدتها سلعة ومن تماك بديت تنبني راسي تنتعلم من الطاشرونات ونحشي راسي معاهم صحى يعني مجيتش ودرت هادشي راه بقيت شحااااال باش كملو وبديت تنكري وتنرد للناس لي سلفوني وعاد بديت تنجمع باش نرد كولشي بسميتي
زهرة: (كان عاجبها من قبل ودابا زادت حتارماتو كتر وهي فصفو من اللول سوا خبع ولا صرح بممتلكاتو الطريقة باش كبر راسو زويييينة)
رشيد: نعطيك سلام على هادشي
اورطيغا: (تبسم) الله يحفظك!! هادشي خبعتو حتى على الوالدة ديالي حيت مكانتش غتخبع وكما قلت ليك حتى واحد متيق هادشي كان من عرق كتافي
رشيد: حتى السترة زييينة
اورطيغا: نهار بعت لملاك الدار بعتها ليها وانا خاسر عليها كتر حيت كانت عندها فكرة زوينة تدير دارها بلا ريبة وانا عاونتها وحتى الفينيسيون درتها ليها كانلين هي بحال خلصت لحيوط والله اعمي الا بعتها قل من النص!!
زهرة: متديش عليها اولدي غير مع الوحم
اورطيغا: حتى دابا راه كولشي ديالها
رشيد: (قنعو) من حقك اولدي تبيع ليها هداك رزقك درتو قبل متزوجها وحتى الدار بعتها بثمن بخس
اورطيغا: انا كانت نيتي غير نعاونها فداكشي لي بغات!! مكنتش ضامن 💯 غتكون مرتي الدنيا وزمان هدا وخا هكاك بعت ليها ديك الدار ومكنتش باغي نبيع شي وحدة من ديك العمارة ولا من ديور لي بقاو
رشيد: ولدي حتى واحد مغيلوومك (سمعوها حلت لباب جارة باليزة، ناض باها وتبعوه لقاوها حلت بلاكار صبابط كتلبس صباطها)
فين ماشية؟!
ملاك: (معصبة) لداري!!! لي شريتها برزقي!!!!
اورطيغا: نعلي الشيطان البنت ودخلي لبيتك
ملاك: (بعصبية) نتا متهضرش معايا!!
زهرة: ملاك!!!
رشيد: والله يا مك وتخرجي من هنا حتى نعلقك من رجليييك (خنزرت فيه) ياله دخلي
اورطيغا: (بهدوء تم ماشي عندها قبل ميوصل ضربت فلباليزة بركلة بحال شي مجنونة ودخلت لبيتها وماقدرتش تزدح لباب على وجههم.. حك قرفادتو متبسم)
اه اه هاد البنت عندكم مجنوووونة!!!
ملاك: (صاااعرة) طلقنيييييييي!!!!!
اورطيغا: وهبييلة!!
شريف: (دݣو ليها شي إبرة وبقات فلباياص كترد النفس)
عمتي!!
مفتاحة: (بحرا كتهضر) عيط على خوتك!!
شريف: شنو واقع؟!
مفتاحة: عيط على خوتك وتفهم
شريف: واخ انا نعيط ليهم قولي غير شنو وقع ليك واش على حساب الواليد؟!!
مفتاحة: (مقدرتش تهضر حتى هو بقا ساكت خرج يخليها ترتاح وقف مع مرتو)
شريف: مفهمتش كانت صحة سلام
أسماء: واش كانت ديجا مريضة
شريف: الطونسيو والسكر
اسماء: يقدر مسخاتش بالحاج
شريف: ماشي أول مرة يمشي ومموالفالهتش صراحة وعاد تتقول جمع خوتك مفهمتش
اسماء: وشنو غدير
شريف: غنصوني عليهم يجيو (دازت من حداه فرملية) ختي شوفي عمتي مزال عيانة بزاف (دخلت وهو دوز نمرة سعد يهضر معاه مجاوبوش صونا على شفيق جاوبو قالو شنو كاين وقطع كيشوف طبيب دخل كيزرب مفهمو والو!!)
~~~~~~~~~~
زهرة: (شربو كاس أتاي جمعت الدنيا ومشات كدق على بنتها كان اورطيغا ورشيد خرجو)
نعلي الشيطان وحلي عليا هاد لباب راني غير بوحدي
ملاك: (حلت الباب وعينيها منفوخين بلبكى) ياك جيتو معاه!!! اش بغيتي بية انا دابا!!!
زهرة: كنعرفك مطورة ابنتي
ملاك: هاد الساعة أنا مخورة (دخلت لبيتها وتبعتها مها جلست فوق الناموسية) حسابلو غنطمعلو فزمرو؟؟! ياك تزوجتو وانا عارفاه مݣرد معندو والو علاش مقالي والو!! علاش خبع علية!!! ولكن انا لي كلبة تقت فية!!!
زهرة: راه حتى مو مكانت عارفة والو!!
ملاك: كدووووب كولكم كنت عارفين
زهرة: يهديك الله ابنتي سمعي من عندو بعدا وكيف وصل فهادشي!! وهادشي راه خاصو يفرحك ماشي تشدي عليك الباب وتبقاي تبكي وتغضبي راه بعدا الحمد لله كاين مستقبل ولادكم
ملاك: نتي محاساش بية!!!
زهرة: ابنتي انا فاهماك ولكن سمعي بعدا منو وحاولي على راسك دابا راك حاملة وحاملة بتوام وفشهوورك اللولة خلي هادشي يتبث وهادو ماشي مشاكل لي تبقاي تخممي فيهم وتقهري راسك عليهم
ملاك: راه الثقة هي كولشي هو ظحك علية وكلاني فرزقي
زهرة: هه الله يهديك ابنتي نهار باعلك الدار مكنتيش خطيبتو ولا مرتو هادشي ديريه فراسك ودابا توݣضي معايا وخليني نمشي وانا مرتاحة!!!
ملاك: مغتفهميش
زهرة: فاااهمااك وعارفاك لالة ومولاااتي مقلقة وغضبانة ايييه ولكن باش طولي فهادشي لا.. بغيتي تخرجيها منو عرفي كفاش
ملاك: انا مباغيا والو من عندو اماما راه الثقة لي كنت دايراها فيه هرسها
زهرة: ذهب كيجمع ديك الثقة…
غيثة: (دازت أيام من نهار جاب عمو وشرطو عليه داك الشرط مرجعش عضر معاها كل دقيقة كتزيد تأزم ولكن مكتبينش لي ضايرين بيها كتصرف عادي كانت كتلبس لمحمد ودخلت مها عندها)
الغالية: امدرا حتى هاد نهار والو؟!
غيثة: (بحرقة) لا
الغالية: يشويني فييييه يمشي واحد ويجيو عشرة ابنتي
غيثة: بنيتك أماما؟!!!! غيجي زبل!
الغالية: وشنو نتي راك لالة غيثة الزين والجمال الأصل والمفصل أي واحد يتمناك
غيثة: (طلعت ليها هاد الهضرة فراسها) ماماااااا عفاااك
الغالية: انا عطيني ولدي نزل نفطرو الا جا على حسابك نتي يبقى بالجوع
غيثة: هاكي انا بغيت نخرج نمشي عند مرت شريف الا رجعت
الغالية: اممم سييير بدل الجو نيت وعنداك تصوني علليه خليه هو لي شاريك
غيثة: (مجاوبتهاش لبست حوايجها وعينيها على تيليفونها مقدرتش تصوني حيت حشمت من طلبها لي غيكون جاه قاسح وكبير!! قدات فولارها وهي كتشوف فلمرايا الظحكة مقداش تطلعها مدارت والو فوجهها خرجت من بيتها نزلت باست ولدها ودعت مها وخرجت من لفيلا كتمشى مبغاتش تشد تاكسي من غير خديجة مبقاوش عندها صحابات هزت تيليفونها صونات على أسماء قالت ليها كاينة فصبيطار مع عمة شريف.. صونات على خديجة لقاتها فالدار شدت تاكسي ومشات عندها تخوي قلبها عليها…)
~~~~~~~~~~~~
رشيد: (كان قتارح عليه يدي ملاك معاه ومبغاش بحكم هو قادر يحل داكشي بيناتهم وصااه على بنتو ومشا هو وزهرة لصفرو وهو طلع عندها للدار)
اورطيغا: (دق عليها محلاتش جاب سوارت الضوووبل لبيت حل لباب طل كانت ناعسة معرف واش ناعسة بالصح ولا غير كتمثل!! خلاها على خاطرها مشا للكوزينة قاد ليها الماكلة لي كتعجبها وتسنى تفيق عاد يكمل اخر اللمسات على لپلا… صونات عليه مو كانت وصلت لمصر وعاد يكملو للسعودية سولت على ملاك قالها ناعسة قطعت ومشا البالكو كما ݣارو كان عارف هاد نهار غيجي ولكن فشلاتو بالظحك منين قالت نصبتي علية!! وفنفس الوقت حس بيها تقلقت بزااااف منو
عفط على الݣارو ومشا للدوش غسل فمو ودخل عندها للبيت لقاها كتهضر مع مها غير شافتو عطات بظهر قطعت وهو تكا وعنقها من اللور ساكتين بجوج حتى بعدت منو خلاها على خاطرها وهي توقف هو جلس وكيشوف فيها مربعة يدها ومدورة وجهها)
ملاك: بغيت نمشي لداري
اورطيغا: حتى هادي دارك احبيبي
ملاك: لا داري!!! داري لي شريت بفلوسي ومتصدقها علية حتى واحد!!!
اورطيغا: اممم.. (تبسم ووقف بغا يقيسها وبعد) ملاك!!
ملاك: بغيت نبقى بوحدي!!!
اورطيغا: منقدرش نبعد عليك اشنيييييولة ديالي
ملاك: تقدر نتا كذاب منافق ونصاااااب (كيشد الظحكة بالسيف وهي كتزيد تعصب) انا بغيت نطلق!!! (كيعصبها حيت مواخدش تقليقتها بجدية)
اورطيغا: (جمع الظحكة) هانتي الليلة باتي بوحدك هنا فالبيت (وقف حداها) انا نبقى غير هنا حداك فكري مزيان!!!
وهاد الكلمة ازويييينة (لمس على حنكها مبعدة وجهها) تعاودي تنطقيها مرة اخرى غنتسيف عليك!!!
خديجة: (شداتها تبات هاد الليلة واخا مكاينش ولدها وحيت الغالية مهلية فيه بزاف قالت تبدل الجو وكانت محتاجة تبقى بوحدها) حسن متصونيش نتي، خليه هو يقول شنو عندو وشنو قرر
غيثة: (مغبنة) توحشتو!!!
خديجة: هه صبري نتي قلتي شروطك وهضرتي هو لي خاص دابا يجاوب واش يقبل ولا لا
غيثة: اممم.. نتي تتعرفيه مزيان فنظرك يبغي؟! يبغي يخلي كولشي ويجي يسكن هنا؟؟؟
خديجة: واااا هواا الا بغا عرفي نيت راه باغييييييك حمزة ومو متعلقين بديك الدار وبديك الحومة بزااااف وهو راه كبر تماك صحابو كولهم ضايرين بيه هادشي لي كنت كنعرف عليه من شحال هادي
غيثة: (زادت كملت عليها) يعني منين مهضرش هاد ليام راه بان جواابو
خديجة: الغايب حجتو معاه.. وحطي داك التيليفون واجي عاونيني فلعشا الا حمزة جا على قبلك لفاس غتنساي شي حاجة سميتها الفشوش وتعلمي على قبلو بزاف دلحوايج!!!
غيثة: طياب زعما؟!
خديجة: ماشي طياب خاصك تكوني مرا ديال بالصح غير بصراحة جاوبيني هاد السكنة ففاس فكرة ديالك نتي ولا ديال الغالية
غيثة: انا فكرت فيها بوحدي وهي زادت شجعتني ولكن زعما ماشي حيت هي بغات!! لا انا بغيت منسكنش تماك معنديش مشكل نمشيو بجوج لشي مدينة أخرى بحال افران ازرو مكناس مهم غير تماك لا…
خديجة: اممم وزعما غيسكن معاكم؟! هكا بغيتو ؟؟؟
غيثة: ألاااااا الا جا لفاس فينما بغانا نسكنو غنسكنو معنديش مشكل غير تكون الدار كبيرة شوية حيت حتى مو غتسكن معانا
خديجة: اوا يدير الله خير…
~~~~~~~~~~
ملاك: (كتعاود كل ذكرياتها معاه منين كان كيقول:
“انا برزقي”
“نهار كانت كتبنى ديك البقعة وهو كان حاضر فيها وكان كيقول كيعاون دراري”
“منين قالتلو واش كتعرف مولاها قال ديالو وهي قلبتها ظحك”
…وبزاف ديال الذكريات دازو بين عينيها معجبهاش الحال يخبع عليها!!! هي مصاااارن كرشها كان عارف شنو كيدوور فيهم وهي بان أنها مكتعرف عليه والو السيد صاحب أملاك وهو داير فيها مݣرد!! علاش خبع عليها خافها طمع فيه!! ياك بينات ليه انها كتبغيه هو علاش خبع ملفات حتى مبرر ليه!!!
ضرها الجوع ناضت للكوزينة كانت كتسمع صوت التلفازة داير شي ماتش دالكورة قلبت فلفريكو تجبد شي حاجة تسخنها ملاوي ولا خبيزات معمرين حيت خلاتهم ليها أمينة واجدين نص طيبة… وهو يوقف من موراها مشات للثلاجة حلتها سمعاتو شعل البوطة كيسخن شي حاجة)
اورطيغا: (بهدوء) ملاك نحطو نتعشاو؟!!
ملاك: (خلاتو ومشات لبيتها عارفة غيتبعها لعشا حتى لعندها.. بقات واقفة حتى شافتو دخل هاز طبسيل وكاس عصير حطهم فوق كوافوز وخرج سدت لباب وهزت كتاكل باش تشرب دوا ديالها راسها ضرها وسؤال كيتعاود علاش مقالش ليها الحقيقة!!!
كملت هزت دوك الماعن فاش كلات حطاتهم فوق البوطاجي مشات للدوش غسلت فمها ورجعت لبيتها متكية… جا دخل للبيت مد ليها التيليفون هضرت مع أمينة عادي ممبينة والو قطعت وعطاتو التيليفون)
اورطيغا: (بعياء) نهضرو دابا؟!
ملاك: (كتفرج فالتلفازة) لا
اورطيغا: سمعي بعدا!!
ملاك: لا مبغيتش… هاد الساعة باغا نعس!!!
مخلاتوش ينعس معاها فنفس البيت برك على راسو و مشا نعس فبيت مو مخليها هاد الليلة ترتاح مبغاش يعصبها كتر صباح فاق بكري دخل لبيت بشوية هز حوايجو صلا الفجر ومشا للݣرنة وصلت 10 دصباح كان مكمل شغلو حيت مبقاش شاد ذبيحة كاااملة وعاد عرف مفتاحة مريضة كاينة فصبيطار مسوقش حيت حاسب انه معندوش علاقة بيهم من غير الحاج وشريف…
صونا عليها مجاوبتش قال غتكون ناعسة عمر الكاميو ومشا للمحال ديالو دخل السلعة جا الدري لي كيخدم عندو شد المحال وعطاه الكموند لي يخدم اليوم طلع للدار كان صقيييير كما خلا الدار منين مشا نيشان دخل للدوش دوش بالخف حايد ريحة العرق والدم وخرج بفوطة للبيت كانت فايقة كتشرب حليب ودايرة فرماج فباݣيط وكتاكل فوق فراشها اكتر حاجة كيكرهها هو الماكلة فوق فراش نعاااس وعاد تفرتيت!!!!..
اورطيغا: الزين صبااااح النور (بغا يبوسها وبعدت وجهها ) ݣاع!!!
ملاك: واش كتبوهل؟
اورطيغا: تنتبوهل ݣاع!!! (حيد الفوطة وبقا عريان كولو مدورة وجهها) علاش احبيبة؟؟؟
ملاك: (وقف فيها الماكلة وبقات ساكتة شحااال حتى زعزعها فكتفها) انا غير خبعت شي حاجة ديال ماما مشغلكش فيها اصلا!!! ونوضتي علية فضييييحة وقطعتي الهضرة شحال حتى فرحة العقيد هرستيها فية!!!!
ودابا جاي كتعامل عااااادي بحال مدرتي والو!!! هاد التصرف بحد ذااااتو مستفز
اورطيغا؛ مال التصرف ازين؟؟؟؟
ملاك: (تجننت) كديرها بلعاني؟!
اورطيغا: انا قلت زعما غتفرحي؟!
ملاك: علاش غنفرح؟؟!!! حسابلك انا وحدة ماتيرياليست غير نعرف عندك ديوور غنقول واااااااو هدا هو الرجل علاش كنت كنقلب!! نتا راك مريييض فراسك ومكتعرف علية والو منين قلت هكا!!!!
اورطيغا: (كيلبس حوايجو) لا حاااشاا
ملاك: (كيزيد يعصبها بهاد البرود) بااااز الا كدير هكا باش تعصبني راك ربحت ولكن هادشي مغيجيش فية غير أنا حتى فهادشي لي فكرشي وديك الساع قوول يا ريتني ممعصبتهاش هكا!!!
(شاف فيها)
ولكن باين معندك سوق فيهم من دابا!!!
اورطيغا: نعلي الشيطان املاك
ملاك: (حطت ديك الماكلة لي كانت كتاكل فوق الكوافوز ومسحت فمها بكلنكس)
غنشوف مع المحامي باش نرجعني لخدمتي ميمكنش نبقى بلاش الحمد لله بعدا شريت دااري ومغنتحااااز لحتى واحد ويكون عندي باش نصرف عليهم!!!
اورطيغا: آش وصلنا لهاد الهضووور ابنت رشيد!!!
ملاك: بالعربية وتاعرااابت مبقيتش كنتيق فيك والمشكل لكبييير حاسب بحال ما وقع والو ونتا غاالط وغالط فية ومسهلني بزاااف
اورطيغا: شنو لي معجبكش حيت بعت ليك الدار
ملاك: اه وحتى..
اورطيغا: ابنت الناس بعت ليك الدار بنص الثمن باش تقامت علية
ملاك: متغشنيييش قولي من اللول هي ديااالك ماشي وسيييط فيها
اورطيغا: علاش فاش كيهم تعرفي ديالي ولا ديال واحد اخر
ملاك: واش بنيتك؟؟؟؟؟ علاش اصلا تخبع
اورطيغا: اه بنيتي نهار بعتها ليك كنتي صاحبتي ماشي مرتي باش تحاسبيني (زاد كمل عليها)
ملاك: كتعايرني حيت تصاحبت معاك؟!!!؟!
اورطيغا: لا حول ولا قوه الا بالله العلي العظيم الله يهديك البنت!!! انا مقلتش هادشي
ملاك: (جاتها لبكية بقات كتشوف اونفاص ليها جا وقف قبالتها) غير تخرج نتا ولا غنخرج أنا!!!! وفينما بغات توصل توصل!!!
اورطيغا: ياله لبسي حوايجك نخرجو
ملاك: لا
اورطيغا: (جلس كيشوف فيها حتى نزلت دمعتها وهي معافرة مغوبشة ومسحتها دغيا)
حتى واحد مكان عارف شي لعبة املاك!!!
ملاك: خرج!! (ضرتها بزاااف ديك كلمة كنتي غير صاحبتي جاها بحال معيااار واخا عمرها دارت معاه شي حاجة خااايبة فديك الفترة الا حست بيه نقص منها وقهرها)
اورطيغا: (حس براسو غيتعصب عليها هو باغي يرجع معاها كيف كانو.. ناض رش من بارفان ديالو وهو كيشوفها من لمرايا وجهها غير كيزيد يحمااااار ومكنززة على راسها)
غنمشي نتلاقا بالناس لي غنكري ليهم الݣراجات وغنتفاهم معاهم….
ملاك: (شمت ديك الباغفان بحال اول مرة كتشمها!!!)
اورطيغا: باك غيجي عندي حتى هو.. ( لا رد! زفر!) حتى لامتى غتبقاي هكا!!
ملاك: حتى نشوف حل!!! معنديش مع الكذوب والنفاق نهار كنا فالدار لي كاريين فالحومة سولتك وانا عاقلة مزياااان قلتلك واش عندك دار قلتلي لا ونتا كاري تماك وحاضي رزقك وانا بحال الحمقة متيقاك
اورطيغا: مكنتش كاري!!! (كتشوف فيه) حتى هاداك الموبل ديالي!!
ملاك: (بصدمة) نتا كنت كاريلي!!!! بيت!؟؟!
اورطيغا: انا كنت كاري لوفاء مكنتش عارفك املاك ونهار كراتلك داك البيت عاد بديت تنتعرف عليك مزيان
ملاك: (ممتيقاش) كتكذب!!
اورطيغا: وعندي شي ديور لداخل فالحومة صافي
ملاك: صافي!!
اورطيغا: ملاك خليني نقولك شنو عندي باش تفهمي كولشي
ملاك: الطموبيل ديالي نتا لي بعتيهالي؟؟؟ حتى الطموبيل كانت ديالك؟؟؟
اورطيغا: لا
ملاك: (ظحكت بفقسة) فشنو اخر كاذب علية؟!
اورطيغا: مكذبتش انا كنت مخبع حتى نقاد أموري عاد نقولها لكولشي وهنا شحال من مرة كنت تنقولك عندي رزقي متهزيليش الهم
ملاك: (سالو دموعها) فرق بين كاذب ومخبع نتا عندك رزقك وكتقولي ولد باب الله!!! عادي تقولي شنو عندك نيشان ولا خفتي نطمع فيك ولا نحسدك ولا شنو قالك راااسك حسابلك دابا غتبان عندي كبييير بلعكس كتزيد تقزم راسك ونشوفك صغيييير بعدا قبل كنت محتارماااك اما دابا طحت من عيني
اورطيغا: متزيدش تقولي شي حاجة لي كتزيد تصعر!!!! أنا خارج ونتي دوريها فراسك هاد الهضرة فهمنا مقلقة ولكن باش تبقاي جيب يا فم وقول مغنبغيش ومبغيتش نخسر معاك
ملاك: لي فجهدك ديرو
اورطيغا: (دار كاسكيط ديالو) شربي دواك باش ترخفي شوية دوك الاعصاب وهادشي لي عندي راه دياولي انا وياك وولادنا هادشي خاصو يفرحك ماشي ديريلي جنازة هنا!!!
ملاك: (مع خرج من لبيت بكات حتى تفشات صونات على مريم ختها وعاودت ليها كولشي فشات قلبها مزيااااان)
…انا لي بقا فيا حسبني طمااااعة خبع عليا وانا هازة ليه الهم لدرجة لوكان قالي بيعي طموبيلتك ودارك وعطيني الفلوس كنت نديرها وانا مغمضة عيني
مريم: هو غلط حيت خبع عليك
ملاك: (كتبكي) اااه…. ماما وبابا زادو معاه بحال هو مغلطش فية صغروووني قداامو
مريم: شوفي خليهم بعاد على هادشي.. راه الا زادو معاك ضدو يقدر عاد يخلقو بيناتكم مشاكل وحساساااات معندك مديري بيهم… هو شنو قالك؟؟؟
ملاك: مبغيت نسمع منوو والو…. صافي كرهتو
مريم: اممم.. من جهة غتقلقي ومن جهة اخرى غت…
ملاك: مريم بلا متقوليلي غتفرحي ولا تزمري حيت أنا هو لي كان كيهمني ماشي الفلوس انا بغيتو هو كشخص كتعامل كراااااجل
مريم: واخ… دابا شنو لي معجبكش بالظبط املاك حيت صدق مرفح ولا حيت باعلك الدار ؟؟؟
ملاك: بجوج
مريم: البيع معندك علاش تقلقي فيه
ملاك: علاش؟!
مريم: رزقو هداك وهو حر فيه واخا يكون راجلك فداك الوقت وبغا يبيعلك هو حر ومن جهة أخرى كولشي كيقولك باعلك بثمن رخييس
ملاك: رخيس ولا غالي هداك رزقي عطيتولو
مريم: وحتى هو الدار رزقو بلعكس هو انسان عملي الحب والعلاقات فجهة والخدمة فجهة
ملاك: وانا هادشي لي بقا فية حيت أنا معتابراه هو كولشي
مريم: (تبسمت) انا غنجي معاك فقضية ميخبعش عليك مخاصوش يخبع واكترية فاش تزوجتو اما من قبل لا باش نكونو منطقيين الا جا اي وحدة تصاحب معاها يعطيها دار راه شي مداارو اصاحبتي مزال كنقولهالك من حقو يبيعلك وممنحقوش يخبع عليك
ملاك: أنا ماشي أي وحدة
مريم: وحيت نتي ماشي أي وحدة باعلك الدار بثمن ماشي ديالها يعني عاونك وعاد هو لي فيناها ليك كاملة نتي درتي سرااجم وحيووط صافي، وشنو بغيتي كتر كبر بيك فالخطبة والعرس ولي حليتي فمك عليها كتجيك متكونيش ناكرة كولشي اصاحبتي غضبي وقيسي
ملاك: غي حيت دار هادشي من حقو يخبع علية؟!
مريم: لاااااا مزال انا معاك فهادي ماشي من حقو ولكن جلسي سمعي ليه وفهميه ومن بعد نصبي عليه حتى نتي بغيتني نسامحك راجلي العزيز دير شي حاجة علاش!!!
ملاك: اه.. (كتمسح دموعها) وعاد زيدك هادي منين كنت كتقرا دوك الايام فلفاك هو لي صدق كرالي فاش كنت مع وفاء حتى داك الموبل صدق ديالو وكان مفهمني حتى هو كاري تماك
مريم: ههه نفهمك ولا قالها ليك بلسانو
ملاك: انا حسابلي كاري حتى هو مجاتش نسولو حيت وفاء قالتلي حتى هو كاري
وفاء: ملاك هادشي خاصو يفرحك زعما!! شكون قال واحد لي كانو كيقولو غيييير ݣزااار صدق صاااحب أملااااك…
ملاك: غندمو!!
مريم؛ بقا فية ههه
ملاك: مبقيتش فيك انا لي كنت فدار غفلون
مريم: انا معاك غير عرفتي شنو كتقولي ومتخرجيش على السياق نتي مقلقة حيت خبع ماشي حيت باعلك
ملاك: مقلقة حيت باعلي ومقاليش هو مولاها
مريم: لوكان عرفتي مولاها ديك الساعة
ملاك: مكنتش غنشري منو حيت صافي هو عندو بزااف كنت غندير بيهم شي حاجة اخرى!!!
مريم: ممكن يقنعني حيت خبع عليك
ملاك: مريم!!!
مريم: ههه صافي اصاحبتي براكة من لبكى والاعصاب غتجيبيها فراسك وفلي فكرشك…
زهرة: (جالسة فدار نجية مجمعة معاها وحاطة أمير كيلعب حداها وهوما كيشربو اتاي)
اوا وهو؟!
نجية: من داك نهار معاود جبد حس جواج ولا حس لبنت
زهرة: اممم اوا وشنو ديرو؟!
نجية: والله معرفت واحد الراس كنقول نمشي عند ختي نجلس واحد شوي واحد الراس كيقول واش نخليه وحدو باين كاويها فقلبو وساااكت
زهرة: من نهار مات المرحوم ونتي كتجي لهنا غير يامات وتخوي
نجية: علاه انا ساهلة علية نرجع لدداك جمووع مع دوك المنافقات عييت نقولهم وحدة بوحدة “الله يهديكم العيالات ولدي ماشي هو لي قتل باه بالفقسة” وهوما لي فراسهم فراسهم يخليوني نزيد ويبداو فالنميمة فولدي
زهرة: ومنين كتخوي هنا علاش كتقولي للولد منقدرش نخوي داري
نجية: خفتو يبيعها انا راه فينما ندووور مكلقى راحتي غير هنا.. ايه المرحوم الله يرحمو فهاد نهار كان قاطع علية عائلتي وصلة الرحم معاهم ودابا كنمشي عندهم ولكن بحال داري مكيناش عارفة عندي دار ندور ندور ونرجع ليها
زهرة: إيييييوا الا بغا يكري تخليه؟! زعما يكري غير هنا فصفرو
نجية: يكري
زهرة: ونتي تمشي معاه
نجية: ااودي مخصنيييش راك شفتي الكلبة اللولة شنو دوزت علية اللهم التيقااار
زهرة: هادي يمكن ماااشي بحالها كولشي كيعاود عليها غير الخير وبنت دريويييشة راها لوست بنتي وشحال من مرة شفتها بعيني
نجية: حتى حمزة كيقول عليها غير الخير هو طلعلو الدم منين قالولو فاس ويسكن فيها يمكن باغيين ݣاع يسكنوه معاهم فالدار ديالهم اوا هو مكيرضاااش راكي عارفة حمزة راك ربيتيه معايا يد بيد
زهرة: انا لي قالتلي خديجة البنت لي بغات تسكن ففاس ودارهم واقفين معاها ماشي هوما لي شرطو اما قضية سكن معاهم موووحال
نجية: اختي انا منعاودش ندخل حدو سولني واش نمشيو لفاس قلتلوو منمشيش معاوددش جبد معايا شي هضرة اخرى يمكن دار بناقص
زهرة: عاودي هضري معاه وعرفي شنو باغي راه هو عندو غير نتي ونتي عندك غير هو!! واسيه وعرفي شنو تحت راسو متخليهش بوحدو!!!
نجية: والله معرفت اختي مسيكين حتى زواج مصدقلو شي مرات كنقول لوكان تزوج ملاك كون راه عايش مرتاح وبيخير ومنوصلوش لهاد لمواصل
زهرة: كولها ومكتابو أنجية..
ملاك: (صونا عليها باها مجاوبتش عارفاه شنو غيقول.. ناضت للكوزينة حطت كاس فاش كانت كتشرب.. سمعت تيليفونها كيصوني رجعت كانت أمينة دايرة أبيل فيديو جاوبتها كتشوفها كانت فلوطيل من بعد سلام ولباس)
خالتي أمينة نسولك ومتكذبيش علية!!!
أمينة: بلاتي نعاود ليك مفتاحة راها فصبيطار
ملاك: علاش؟!
أمينة جاتها كريز مسكينة حتى وجهها عواج دابا مكتهضر موالو غير مدوزين ليها السيروم فصبيطار
ملاك: اويييييلي!!! ياكما حيت قلتلها داكشي لي قلت لي نقول
أمينة: اشمن هضرة
ملاك: ياكما حتى نتي غضمسيني!!!
أمينة: هداك راه مكتاب الله
ملاك: انا مبغيت حد نهز ذنوبو على رقبتي
أمينة: مغتهزي والو انا ندعيييلك من هنا
ملاك: (واخا ما فيها مظحك ظحكتها) قوليلي ومتكذبيش راكي فأحسن بلاصة فالعالم ومتقربة من لي خلقك
أمينة: خبار الخير!!!
ملاك: عارفة ولدك عندو العمارات وديور؟!! عارفاه هو لي باعلي الدار؟!
أمينة: ألوووو…
ملاك: راه كنسمعك
أمينة: ألوووو.. ملاك!! مسمعتكش!!!
ملاك: (كتشوووف فيها راه كتبقى مو هو ماشي مها هي هي تجي منو ولكن غير هاد ردو الفعل باش متقلقش منها كاافية ميمكنش هي تلومها ولا تحرجها راه راجلها لي خبع عليها!!! قطعت وبقات جالسة كتشوف واش تبع كلام مريم ولا شنو دير هي راه حست بيه غدرها علاش يكذب علاش يخبع نفتارضو من قبل اه ولكن من نهار تخطبو مكانش خاصو يخبع هو كيعرف عليها كووووووولشي وهي حست براسها مكتعرف عليه واالو!!! كان عاجبها الحال يكون مستواه كما عرفت نهار اللول كان عاجبها يتقاتل ويتحارب فالدنيا باش يوفر ليها درهم دلحلال كان هاكا عاجبها!!!!! وفنفس الوقت كفاش يبيع ليها الدار!!!
تفكرت منين كان كيقولها نهضر مع مول الدار باش يسمح ليك متخلصيش طريطة وكان هو نيت مول الدار لي كان كيشد كل شهر من عندها وهي مطرودة من خدمتها!!!! لوكان غير صارحها راه حتى منين شدت الفلوس من عند اليهود عطاتهوملو باش تكمل فلوسها محملااااتوش يخبع عليها حست بالثقة لي كانت دايرة فيه تهزت واكترية منين كولشي عارف الا هي بوحدها لي معارفاش!!!)
اورطيغا: (وراهم الݣرجات لي خلاهم غير مسيمين حيت كان باغي يدير شي مشروع فيهم شافو داكشي و المهندس معاهم وكان مدة عقد الكراء 5 سنين كانو غيكريو الطبقة اللولة ولكن بغاو يكريو لكاڤ فين غيديرو السلعة.. خرجو من تماك ودارو معاه نهار الاثنين باش يكملو الإجراءات وحتى المبلغ لي عطاوه مرضي ليه حيت مكانش شي مشروع غيدخل ليه هاد المبلغ شهريا وعاد مبلغ من العام لعام… نص عقلو مع ملاك لي متقبلتش هادشي)
رشيد: كيف بقات ملاك؟؟؟
اورطيغا: مزيان…
رشيد: غير بلهدا اولدي وسايس معاها هي معجبهاش الحال تخبع عليها وصافي
اورطيغا : خوي باالك غير مع الوقت غت..
رشيد: (حرك راسو بأه مشاو تقهواو صونا على بنتو مجاوبتش كان بغا يقولها يجيو يتغداو مرضاش قدام راجلها يقول مجاوباتوش حتى هو حيت حتى مراد صونا ومجاوباتوش.. رجع التيليفون فجيبو كملو الهضرة معاه.. ناض باش يرجع لصفرو واخا عيا فيه اورطيغا يمشي يتغدا حتى صونات عليه جاوبها قالها كاين مع راجلها اورطيغا دار يدو فجيبو كيتصنت)
رشيد: ياله وجدي شي غدا حنا غنجيو..
واخا ابنتي..
(قبل ميمشيو للدار مشاو لأتقداو شرا السلعة ديال القهوة ومشا معاه اورطيغا خدا ليها شي حاجة باها ميدخلش عندها يدو خاوية اورطيغا شرا الخبز وشي ديسير وطلعو للدار دخلو خرجت ملاك من الكوزينة مشات باست يد باها منخلة اورطيغا)
ملاك: (مقلقة حتى من باها) زيد ابابا دخل
اورطيغا: (دخل للكوزينة كيشوفها مقلوبة ولكن بعدا دايرة مجهود كانت كتقلي الفريت والكوكوت كدور باينة دايرة مرقة وكانت مقشرة لخيار ومطيشة ستف الديسير فبلاصتو والخبز دارو فبلاصتو لاوي عليه منديل دخلت كتكمل تقطاع مطيشة)
زين!!
ملاك: بغيت نمشي لداري رتاح فيها شوية (مبغاتش تمشي غير كتهددو باش يرغبها ويتصالح معاها)
اورطيغا: وهادي ماشي دارك؟!
ملاك: لا هادي دار مك!! الا مكانتش دارك نتا منعرف كل مرة باش غتخرج لي!!!
اورطيغا: نعلي الشيطان اصاحبتي
ملاك: لا!! (كتهضر بشوية) عقلت نتا فاش لقيتني مخبية عليك أصل ماما نوضتي علية القيامة وكان ماشي شغلك اصلا فيها ودابا نتا هانية تخبع!!!! وعاد خاصني نتقبلها بحال موااقع والو علاش شكون نتا بالسلامة لي متحاسبش أسِّي!!!
اورطيغا: واخ.. نجلسو ونهضرو ياك تتقولي خاص الهضرة وداكشي خلينا نجلسو ونهضرو.. والخروج من هاد الدار مكاينش
ملاك: شكون نتا لي غتمعني؟
اورطيغا: حتى واحد!! غير نشوفك خارجة غنݣزر مك، وقدام باك نعلقك ونفصلك!!! فدارك ريبي لحيوط الا بغيتي!! ولكن تڤنڤني قدام لباب نݣردك!!!! (بابتسامة عريضة) واخا اشحيييمة!!!!
ملاك: (كتشوف فيه وااخا غااالط مزال كيهدد فيها.. خنزرت فيه قرسها من حنكها مبعدة منو وخرج من الكوزينة تجننت كتر كملت لغدا كتنعل الشيطان ميمكنش تنوضها قدام باها انا تهز ديك الكوكوت تعطيهالو الراس!!! طفات على الكوكوت حطت المرقة دارت الفريت على لحم وحطت شلاظة فطباسيل وبقات كتحط باها واورطيغا تشاوفو بيناتهم على لمااا وزغاارت لي حطت ليهم غير لحم والعطرية لا بصلة لا ربيع)
اورطيغا: زين ممضسراش عليك البصلة!!!!
رشيد: (تبسم وقطع شدݣ دالخبز) يا بسم الله …
ملاك: (مجاوبتش حيت كاين باها هوما كلاو وهي معجبهاش داكشي نقبت غير من لفريت ولحم لي طيبت بكثرة حطت الديسير كتاكل و كتصنت ليهم على داكشي لي وقع صباح دايرة راسها ممسوقاش ولكن ودنيها خدامين ناض اورطيغا جمع الطبلة وباينة كيغسل لماعن)
رشيد: ملاك كنتي خديتي شي فلوس من عند دوك ليهود؟!!!
ملاك: (بحال ضربها بطرشة كملت كتاكل بالزربة البنان) امم.. لا
رشيد: متأكدة؟؟!!! انا سولتك نتي حيت كنتيق فبنتي ماشي فيهم هوما
ملاك: (خايفة من باها ولكن خايفة من راجلها كتر وحاضية لباب واش غيسمعهم!!)
بابا ماشي وقت هاد الهضرة انا دابا مريضة بالاعصاب وطبيبة قالتلي مخاصنيش نتعصب حيت فية فقر الدم
رشيد: (مقوس عينو فيها عارف كذوبها) فقر الدم؟!
ملاك: اه وحتى الاعصاب (دارت يدها على راسها) وشقيقة…
ودعت باها لي وصاها متزيدش هاد الخصام مع راجلها وفنفس الوقت حذرها من غضبو الا بالصح صدقت خدات فلوس من دوك الناس…
مشات لبيتها خااايفة كفاش عرف واش هوما لي قالوها ياكما بغاو فلوسهم وبغاو الضوووبل!!!
وباها مسكين حط فيها فلوس بزاف عطاها فلوس الدار ودار ليها الليلة!!! ياكما غيرد ليهم وعارفاه هاد الايام مزير ولكن بنفسو يتزير وميبقاش فيه كريدي!!!!
جاها تأنيب الضمير كان خاصها ترد ليهم فلوسهم منين عرفت انهم هوما لي عطاوها ماشي الخدمة!!! واخا كانت ديك الساع خلصت بيهم الدار تفكرت الدار لي اصلا ديال مراد يعني هو لي زيرها هي بغات تخلص باش تهنى ومتحطش مراد فموقف خايب حيت كانت حبست مكتخلصش طريطة زادت تجننت سمعت باب الدار تسد خرج بلا حتى ميعلمها مشات للكوزينة تقاد شي حاجة تاكلها حيت لغدا مكانش زوييين لقاتو جمع ليها الكوزينة ردها كتشعل..
تشهات تاكل سوندويتش بغات تخرج ولكن حلوفو قبيلة!! وعاد هو مكيتناقش يعني الا لقاها خارجة مغيعقلش عليها!!!
قلبت فتيليفونها على شي سناك قريب وكيدير التوصيل ودموندات سندويتش كلمار تسنات شي نص ساعة عيطو ليها نزلت لتحت حاضية مع مراد خدات خلصت وطلعت زاااربة كتاكل فطريق حيت جاعت وكانت تشهاتو وصلت للدار مسالياااه بقات غير الكانيط فيدها شربتها دقة وحدة ودخلت لبيتها شعلت التلفازة وتكااات..
~~~~~~~~~~~~
حمزة: (جالس مع المحامي على للي فهمو المحاكمة ديال أميمة قربت، صاحبتها حنان عتارفت على ادم ولكن مكاين حتى دليل عليه حيت كان عاطيها تيليفون باش كان كيتواصل معاها فيه نهار كملت المهمة خداه ليها وبقات غير هي وحنان لي فالواجهة.. وعاد حنان شافتو مرة وحدة ومعاقلاش عليه مزيان من غير سمية وأميمة خافت تشهد عليه بقات غير ساكتة ومزال كتحاول دير راسها حماااقت..
مشا المحامي. هو بقا جالس حتى عيط على عمو وتجمعو فالدار)
عمي شنو بانلك فهضرتي لي قلت ليك داك نهار !؟؟
العم: مسخيتش بداري اولدي
حمزة: غتبقى تجيلها فالوقت لي تبغي ولكن دابا سير لتماك واعيش فيها نتا ومرت عمي ولبنات
العم: ونتا؟!
حمزة: معرفتش انا مغنفرطش فالوالدة بغات نبقاو هنا غنبقاو دوك الناس قبلو مرحبا مبغاوش مكتابش
العم: وباها غيبغي الشركة معاك ونتا ممزوجش ببنتو
حمزة: هنا نعرف واش كان بغا يشريني بداك المشرووع ولا بغا شريك؟؟
العم: وراه باينة اولدي دار هكاك باش تزوج بنتو
حمزة: هاحنا نشوفو الا مبغاش غنديرو هري كما تافقنا وتشدو نتا (كان مكره بزاااااف من نهار تأكد الشرط وهو كااااعي واخا كيصطانع الهدوء والبروووود غيثة مرجعش هضر معاها حيت معندو ميقول هو لي عليه مشا يخطب ودار خطوة دابا الكرة عندها هي قبلت بيه وتعيش معاه فين كاينة مو مرحبا مقبلتش ميمكنش يسمح فمو باش يرضيها هي وعائلتها!!)
ملاك: (ناضت على حريق مع جلست طلعت ليها الردة مشات كتجري لطواليط كتحس بمصارنها كيتقطعو لدرجة منين كتبغي ترد وتقيا حلقها كيبغي يخرج قلبها بغا يسكت معدتها كتحس بيها كضرب بالضو مع كتبغي تنوض رجليها مكيساعفوهاش معرفتش مناش هادشي!! عاد تفكرت راسها حاملة حطت يدها على كرشها خااايفة ناضت دغيا حطت سراوليها وشافت فسليب خايفة تلقى شي دم تماك!!!
ملقات والو خرجت من طواليط كتسند بيدها على الحيط دخلت كتقلب على تيليفونها لقاتو صونات على اورطيغا جاوبها)
مراد كرشي كضرني بزااف…
معرفتش..
اجي عندي….
(قطعت وجلست شادة على كرشها والمشكل كرشها كتزيد ضرها،
دغيا طلع عندها لقاها جالسة معذبة حنا عندها حاط يدو كتفها)
اورطيغا: ملاك مالكي؟!
ملاك: معرفتش فية حريق خاايب
اورطيغا: فين عندك ؟؟!
ملاك: كرشي بحال المعدة ولا لمصارن معرفتش (هزت راسها وتفاجئ من وجهها) مالك؟!
اورطيغا: والو لبسي شي حاجة نمشيو صبيطار
ملاك: كلينيك!!!
(حرك راسو بأه بحرا كتوقف عاونها تلبس دارت شالها وهو كينزلو على جبهتها وقفها حدا لباب هز وجهها وهي كتألم)
شنو؟
اورطيغا: (ضورها لمرايا وهي تشوف بقع حمرا فوجهها) ياله دغيا باينة كليتي شي حاجة ماشي هي هاديك.. شنو كليتي؟؟
ملاك: (سكتت هي حاليا مخايفاش على وجهها خايفة غير على لي فكرشها هبطت وهي كتألم ركبت وهو كل مرة كيسولها شنو ملأت وهي غير كتوجع.. وصلو لمستعجلات اقرب كلينيك حداهم دخلت تسنات طبيب دخلو عندها فرمليات عبرواها الطونسيو وسخانة وبقاو كيسولوها حتى رجعت كترد فالارض خلاوها على خاطرها حتى ردت كولشي ودخل عندها مراد مخلوع عليها ومن صوت الردة ديالها. كملت وهو كيمسح على وجهها دخلت فام دميناج)
اورطيغا: (ريحة الحوت عاطية بقا كيمسح على وجهها حتى جا طبيب فحصها وجات طبيبة نساء حتى هي قلبتها كانت الامور مزيان وطبيب حذرها من ماكلة ديال الزنقة واخا هيا نكرت انها كلات شي حاجة من برا حذرها حيت مرة أخرى ممزيانش ليها تسمم حيت كيآذيها هي ولي فكرشها ودابا غير تعتقت دغيا حيت ردت بزاااف وعطاها شي دوا موافق للحمل ودار ليها شي سيروم.. خرجو وهو مشا يخلص ورجع عندها جايب ورقة ديال طبيب تسناو حتى كمل السيروم وخرجها ساكتين حتى وصلو للطموبيل)
واش خرجتي كليتي برا!!!!
ملاك: لا… دمونديت
اورطيغا: ألف مرة املاك تنقولك بعدي من ماكلة الوسخ بعدي من ماكلة الزنقة شنو لي متتفهميش فهضرتي؟!!!
ملاك: تشهيت الكلمار وكان فية الجوع
اورطيغا: عيطيلي ابنادم انا نجيبو ليك من بلاصتو ونقي.. شكون قالك هداك كلمار ولا بوطا ولا شي وييييل كحل!!!!
ملاك: كتغوت علية!!!
اورطيغا: اه!!! اااخر مرة نعرفك كليتي شي **** من مور ظهري (زاد مكسيري هو من خوفو عليها وعلى لي فكرشها تعصب بغا يشد فيدها حيت غوت عليها وهربتها مربعااهم سكت داز للفرماسيان جاب ليها دوا وخداها للدار دخلت للبيت سخفااانة مشا قاد ليها شوية ديال الديسير ودخل عندها حنا على ركبتو زول ليها لبوط وهي مرخية حايد ليها الشال والمونطو كانت مغمضة عينها تكااها فوق الوسادة وحط الطبسيل حداها)
كولي شوية باش تشريي دوا.. انا نزل نكمل شي خدمة ونرجع عندك..
ملاك: (مشات طواليط تأكدت للمرة 20 واش مكاينش شي نزيف واخا طبيبة أكدت عليها وسمعاتها نبض وليداتها رجعت بدلت حوايجها كاملين حيت عرقت بزااااف جمعت شوية البيت كان مرون وحلات السرجم يتهوا واخا كان البرد ولكن ديك ريحة الحوت لسقت تماك وعاد طلقت المعطر مشات للكوزينة قلبت على شكلاط بغات غير تحايد ديك المرورية لي عندها ففمها عاد رجعت سدت السرجم طلقت الشوفاج ودخلت بلاصتها تكااات كلات شوية من الديسير لي حط ليها شربت دوا وبقات مكالمية مع شوووووووية دلحريق لي بقالها فمصيرناتها…
بقات كتفكر فيه وفالجرح لي دارلها فقلبها حتى واحد مفهم داك الوجع لي خلا فيها حيت كولشي كيقولها خاصها تفرح نساو هي راه بغاتو هو لذااااتو ماشي بغاتو لفلوسو متقدرش تفارق معاه ولكن خاص تاخد موقف راه أهان حتى كرامتها مبغاش يهضر ويصرح بمملكاتو اذا خافها طمع فيه وهادشي كيزيد يجننها)
العزي لااااخر!!!!
(صونات على وفاء كيهضرو بغات تسولها واش حتى هي كانت عارفة ان مراد هو لي كان كاري ليهم ديك البرطمة وهاديك كانت دارو والعامارة كاملة ديالو وفنفس الوقت مبغاتش تهضر الا كان هو هادشي باغيه يبقى مستووور)
اجي نقوولك تفكرت شي حاجة…الدار لي كنا كاريين شكون كان مولاها؟؟؟
وفاء: معرفتش انا حدي كنت كنتعامل مع السمسار علاش؟!
ملاك: غير سولت شي طلبة بنات من صفرو سولوني وبغيت نعت ليهم فين يمشيو زعما ينقص ليهم شوية
وفاء: على لي كان السمسار مفهمني مولاها كاين على برا ومكيتفاهمش فالثمن
ملاك: اممم..
وفاء: هضري نيت مع راجلك راه هو لي ورهالي نهار اللول
ملاك: علاش نتي عرفتيه قبل متكري؟!!!!
وفاء: هم.. لا فاش بغيت نكري انا وصاحبتي كنا تماك بقينا كنقلبو وهو كان مع السمسار تماك فين عرفتو..
ملاك: اممم.. مهم نتي امتى تجي؟؟ (مقالتش ليها على لحمل)
وفاء: قررنا نمشيو سيمانة تركيا منين نرجعو غنبقاو شوية فݣرسيف هو يرجع وانا نرجع لداري ومنها نجي نونسك على مترجع طاتي أمينة
ملاك: صافي.. انا غنخلي ليك ميساج ولكن مبغيتك تقوليها حتى لواحد
وفاء: ياك لباس؟؟؟
ملاك: هانتي قراي
(كتبت ليها وبقات وفاء فرحت بزاف وبقات كتبارك فرحانة ليها كملت لابيل منين سمعت لباب تحل حطت التيليفون تكات راسها على المخدة مغمضة عينيها دخل عندها حط يدو على جبهتها مكانتش فيها سخانة وجلس ملمس على يدها حتى حلت عينيها شافت فيه كانت غضبااانة منو بزااااف)
اورطيغا: شوية؟!
ملاك: امم
اورطيغا: قبيلة الا غوت عليك غوت على مصلاحتك انا خايف عليك املاك نتي اللولة!! تشهيتي كلمار قولي هالي انا نجيبلك لي طري ومزيان ولا نقادو ليك انا!!
(كتشوف فيه)
ربي حفظ هاد المرة، ديري عقلك الله يرضي عليك
ملاك: (حركت راسها باه) شكرا
اورطيغا: (كيشوف فعينيها وهي كتهرب وجهها) فيك الجوع؟!
ملاك: لا بغيت غير نعس غير سير نتا ترتاح
اورطيغا: متولفيهاش ازين انا غنعس هنا نمشي نديپاني راسي ناكل شي لعبة ونجي..
ادم: (واحد من دراري قالو توفيق كاين فتركيا حط التيليفون وبقا كيشووووووف… هز تيليفون اخر صونا على نمرتها بزااف باش عاد جاوبت لا سلام لا والو)
باه هو توفيق؟!
غيثة: (عرفاتو وكانت معصبة بزاااف من غياب حمزة) واش متتعياش؟؟؟!! انا وعييت فبلاصتك
ادم: جاوبيني كنتي مصاحبة حتى مع توفيق!؟؟؟؟
غيثة:: شكون هاد توفيق عاود؟!!!
ادم: ولد سعد
غيثة: (تأفأفت ولكن مقطعتش عليه!!) ياك نتا هربت شنو باغي مزال من عندي واش مكفاكش هادشي كامل لي درت
ادم: جاوبي اغيثة
غيثة: والا مجاوبتش شنو غدير؟!
ادم: الا لعب من مور ظهري واستاااغلك غنقتلو
غيثة: وعلاش متقتلش راسك نتا نيت حيت درتي هادشي كامل لية
ادم: (من هضرتها باينة مكانتش عندها علاقة بتوفيق)
تتمشي لدارهم؟!!
غيثة: (كانت باغا تقطع ولكن بغات تعرف شنو غيقول..) لا متنمشيش قولي الا عارف شي حاجة واش حتى هو كان..
ادم: داكشي لي بغيت نعرف!!
غيثة: (بلعت ريقها وبخوف وغضب كبير) زعما يكون هو؟!؟ وكفاش عرفتي ياك هو كان الكلب ديالك!!!
ادم: كولشي لي تماك متأكدين توفيق هو بابات ولدك خوك داك حمزة لي كان خاطبك كووولشي.. وكفاش زعما كنتي مخطوبة لداك الكلب؟!!
غيثة: كفاش!!
ادم: الا كنتي متأكدة من توفيق غير قوليلي انا همي نعرف واش ستاغلك ولا مشيتي معاه بخاطرك
غيثة: (قطعت ويديها كيرجفو وبقات مخرجة عينها كتفكر كفاش توفيق؟!! وكفاش كولشي عارف!!!!
شنو عارفين؟؟
وكفاش حمزة ويوسف عارفين ومقالو ليها والو حتى التلميح مكاينش؟؟
غمضت عينها كتحاول تفكر واش شي نهار وقعت بينها وبين هاد توفيق شي حاجة ولكن مكتفكر والو هي علاقتها الحميمية ولا بالأحرى داك الاغتصاب مع ادم ومكتفكراتوش حيت كانت كتكون مرفوووعة..
معرفت واش تصوني على حمزة ولا خوها هي مبقالهاش الوجه كل مرة مقلبين ليها على شكون لي حملها!!
بقات غير كتبكي حتى دخلت مها عندها عاودت ليها شنو قالها ادم بالحرف وبقات كتواسيها وتعنقها)
دابا هادشي كامل وحمزة مزال باغيني!!!
الغالية: متفكريش هكا ابنتي ومتقوليش بسباب شي حاجة نتي مدايراهاش مغيقبل بيك حتى واحد
غيثة: انا باغا حمزة، انا بغيتو هو، منقدرش نأمن على راسي وعلى حتى ولدي مع شي حد اخر من غيرو هو بغاني بالصح ومشافش ݣاع هاد لفضايح لي درت وداروووولي، راه كنت تندروݣا وانا باغيا اماما راه درت حتى انا حوايج خايبين
الغالية: خلاص علية من هاد الهضرة اغيثة نسااااي داكشي لي داز
غيثة: (بتنهيدة كتمسح عينها) بغيت نعس اماما
الغالية: واخا نعسي ابمتي شوية ومن بعد نخرجو كاملين نتعشاو برا…
دازت يوماين مكتهضرش معاه كتجاوبو بالݣرااام وحتى هو مكيعمرش الدار بزااف من الݣرنة للمحال وكيجمع الوراق باش يكري المحالات ويمشي لليدو رجع مع وقت لغدا مكانتش فالدار صونا عليها مجاوبتش بقا غير كيصوووط عمرها خرجت بلا شوارب ولا بوحدها من نهار تزوجو… صونا على خديجة مكانتش عندها فالدار سولات مها واش هبطت لصفرو حيت خرج قلب على طموبيلتها ملقاهاش حتى شافها كتسطاسيوني وقفت حدا المحال خرج عندها باغي يعربط عليها كانت كتهضر فتيليفونها
اورطيغا: فين كنتي اشريفة؟!!
ملاك: صافي واخا ياله بسلامة…
ههه نتسناكم (قطعت وشافت فيه دافعة الصنطيحة واخا عارفة راسها قفراتها) نعام!!!!
اورطيغا: دخلي المحال لداخل
ملاك: (سدت باب طموبيلتها) عيانة بغيت نطلع نتكى
اورطيغا: (حاني وكيهضر كاز على سنانو) دخلي لداخل..
(سبقها وهي تبعو باين معصب عوجت فمها صونات عليها أمينة ابيل فيديو دخلت للمحال كتبان ليها بنت زويييينة فوورمة طويلة وطاي بوووومبة لابسة كولشي مزير وشعوور رواايح)
دخلي على منكمل!!
ملاك: نبقى غير هنا.. (جلست فكرسي وشافت فامينة) كملي فين وصلتي؟!!!
(ممسوقاش لأمينة لي كتوريها شي حاجة وكتشوف بنص عين فيه لي كيشرح لكليانة كل بواطة شنو فيها باينة مفصل ليها شي حولي.. ولي زاد مرضها)
اورطيغا: صافي غير سيري للطموبيل انا نخرج ليك هادشي
…: ميغسي مراااد من ديما عندك داكشي على حقو وطريقو
ملاك: (ميقت فيها وشافت فيه مخنزرة) اجي هضر مع مك راه كتسول فيك!!
اورطيغا: انا جاي.. قولها متقطعش
ملاك: اوا سربي راه مزرووبة!!!
(لكليانة معبرتهاش ومضارتش حتى شافت فيها هي تايقة فراسها ولكن حست بتنووغيش يعني هادشي جاري بيه العمل وكيعرف بزاف كليانات نسااا تعاملو ماشي غير مع رجال)
مراد انا نطلع لدار حتى تحلق بية
اورطيغا: (مأكد عليها) خليك هنا!!!
(خرج مع الكليانة لي كتعوج فالمشية)
ملاك: على خر**
اورطيغا : (مشا كيوصل داكشي تبعاتهم كطل غير من الزاج كان ستف داكشي ورجع زاارب وهي رجعت للكرسي)
دخلي
(من عصبيتو تبعاتو شد تيليفون كانت مو ياله جات تهضر قطع على مو!! سد لباب وضار عندها)
فين كنتي؟!
ملاك: فديك مدرسة الطبخ داك نهار قلت ليك نهار الاثنين غنتسجل
اورطيغا: معامن تشاورتي؟؟
ملاك: (ببرود) حتى واحد نضت صباح مشيت تقيدت وبديت الحصة اللولة (بلعت ريقها مكترمشش)
اورطيغا: (كيشوف فيها) اخر مرة تعاود!!!! الخروج ودخووول بشواري!!
ملاك: غتعاود امراد !!
اورطيغا: (هز حاجبو) ياااك!!!!
ملاك: اه باش مرة اخرى متصغرنييش (جات ماشية ووقف فطريقها) راه قلتلك بغيت نتكى !!
اورطيغا: متخلينيش نتسيف عليك راه اسهل حاجة هي نبدا فالتجباااد معاك وبربي حتى الزنقة نحرمك منها!!
(هزت كتفها بمعنى شغلك هداك خلاتو كيزيد يتعصب)
شنو باغا من التالي؟
ملاك: نتا هرستي فية شحال من حاجة وكتعامل بحال موقع والو إعتدااااار هو اللخر مخرجتيهش من فمك!!
شنو كتسنى مني نقولك اسيدي مولاي ولي درتو جا معاك حيت نتا راااااجل وانا غيييير مسكينة مرا!!!!!
أفيييق امراد نتا عارفني مزياااااان نسمح فكولشي الا كرامتي وعاد تزيد تطيح مني خفتني نطمع فيك هدا هو ظنك فية!!!! (ولاو دغيا عينيها كيعمرو بدموع سكتت باش متضعفش وتبكي..)
انا ماشي طماااعة منين تزوجت بيك عرفتك معندك واالو وكنت باغاك حتى وكون مكانتش عندك ديك الدار ونتا عارف مزيان باش فالتالي تحسبني طماااعة مغنقبلهاش!!!!
يتبع
التعليقات 0